Епитафион

Зри, како благородный в землю обращенный

Георгий Пласковицкий, в пути убиенный,

Зде плоть лежит⁶¹, а душа к небеси желает,

рцы вечна ему память, тебе упрашает.

Грядый, помоли о мне милостива Бога,

да ми беззакония оставит премнога.

Георгий Пласковицкий зде опочиваю,

ты чай гроба, аз уже востания чаю.

Зде⁶² Пласковицкий Георгий ждет неба,

твоея молбы душы его треба.

Убит разбоем, тебе увещает:

Живи опасно, татски смерть хищает.

Георгий Пласковицкий зде опочивает,

от разбойник убиен, от Тебе желает

Молитвы, читателю, Кирие елейсон

рцы, а веждь, яко и тя смертный не минет сон.

Проказа есть ересь, тою поврежденный

воистинну душею есть муж прокаженный.

Таковаго блюстися верным подобает,

общество бо с сицевым смертно повреждает.

2

Авва Агафон зело смирен бяше,

грешнейша себе от всех нарицаше.

Егда кто ему задаяше злобы,

не воспалися гневом си утробы.

Но елма некто его клеветаше

еретичеством, тогда не молчаше,

Не исповеда⁶³ греха в себе того,

яко излише Богови мерзскаго⁶⁴.

Не буди тако, глагола, в словеси

вашем⁶⁵, да аз есмь виновен ереси.

Лютшее то зло от многих злоб иных,

за немощь от нас преступно творимых.

Оны⁶⁶ бо яко за немощь творятся,

удобь⁶⁷ от Бога щедраго простятся⁶⁸.

Еще, верою Бога съединенна

душы оставят не все отрешенна.

Ересь же, яко от злобы бывает

и от упора, веcма отрешает

От душы Бога, без Него же быти,

яко без душы⁶⁹ телу, несть леть жити⁷⁰.

3⁷¹

Иоанн Богословец в баню пришел бяше,

в ней же еретик Херынт⁷² себе обмываше⁷³.

Того узрев, апостол скоро воспятися⁷⁴,

никако внити в баню ону увестися.

Вопрошающым вины⁷⁵ не ину даяше,

точию яко в бани враг Божий седяше,

С ним же и мало время бояшеся быти⁷⁶,

да бы ся верху бани на ня не свалити.

Отсюду подобает нам ся научати,

еже со⁷⁷ еретики⁷⁸ общества не знати.

Иже ереси в Церкви начинают,

местию Бога люте исчезают,

Да видит⁷⁹ народ мерзки Богу быти,

иже неправо дерзают учити.

Симон волхв егда чрез воздух летал есть

демоним деиством, и люди⁸⁰ прелщал есть,

Паде на землю, ноги сокрушил есть,

о то бо святый Петр Бога молил есть.

И тако, иже лестно вокрилися,

праве дне ногу своею лишися,

Терпя же болезнь лютую, скончася,

душа мерзкая от демона взяся.

Манес проклятый, Манихей ся звавый,

аки из облак манну изсыпавый,

От царя Перска страшне искожися⁸¹,

яко врачь сыну его сотворися,

Обещаяся недуг исцелити⁸²,

но лстец возможе живота лишити.

Монтан нечистый силом удавися

с пророкинями, с ними же прелстися⁸³.

Донатистове, иже ся ругаху

Евхаристии и псом ю метаху,

Сами от тех псов люте растерзани⁸⁴,

достойней казни от Бога предани.

Арий блядивый, во нь же день хотяше

храм Божий взяти, и к нему идяше

Торжищем гордо, восхоте отьити

в тайная места чрево изпразднити.

Амо же отшед, с гноем излиял есть

чрево, и душу демоном отдал есть.

Иулиан враг, отступивый Бога

и злая верным сотворивый многа,

Егда на Персы силно ратоваше,

христианом же смертию прещаше,

От невидима воина убися,

свыше копие в перси водрузися.

Несторий хулник от Бога казненны,

червием язык ему расточенны⁸⁵.

Валент, Ария зла поборник бывый,

Христа Господа тварь быти учивый,

Воюя Готты, побежден бежаше,

скрився в хизине, огнем конец взяше.

И мнози⁸⁶ ини⁸⁷ Богом истреблении

от мира сего, и неба лишении⁸⁸

За своя хулы. Ты, брате, блюдися

ересей всяких, Церкви же держися.

2⁸⁹

Ересеначалников нужда есть гонзати,

да бы казни от Бога с ними не страдати.

Иоанн божественный в баню пришел бяше,

в ней же⁹⁰ Херинт проклятый тело обмываше⁹¹.

Но егда злаго узре, не хоте ту⁹² внити,

еже бы прибиенну с ним кровом не быти.

Ересеначалници⁹³ люди погубляют,

и⁹⁴ сами во погибель вечную впадают

За ереси хулныя. Бог я осуждает

и во плотстей их смерти казнь люту являет.

Симон волхв во начале злый еретик⁹⁵ бяше,

чаровне по воздусе⁹⁶ демоны леташе⁹⁷,

Но молитвами Петра святаго низпал есть,

нозе сокруш, помале душу врагу дал есть.

Манес или Манихей люте удрученны,

от царя Персидскаго кожи извлечении,

Яко сына обеща его исцелити,

паче же у би его, не мог устрабити.

Монтан с пророкинями, с ними же мир лщаше,

удавлению себе скаредному вдаше.

Донатистове Тайны Христовы метаху

и псом во снедение оны отдаяху,

Но пси вращшеся на ня, самы растерзаша,

тако мзду по делом си достойную взяша. Арий, грядый во церковь, хотя ю отьяти

внезаапу восхоте чрево испражняти⁹⁸,

И шед во⁹⁹ тайно место, афедроном злое¹⁰⁰

со скверною душею изли чрево свое.

Иулиан отступник с Персы воеваше,

христианы мучити, возвращся¹⁰¹, хотяше,

Но Господь невидимым¹⁰² воином казнил есть,

иже его, копием пронзнув, умертвил есть.

Прискилиан еретик на смерть осудися

от Максима тиранна, и скоро казнися.

Лев Армении¹⁰³ иконы честныя боряше,

но убиен во церкви, кончину си взяше¹⁰⁴.

Феодорик краль Гофский ересь арианску

защищаше, но люте¹⁰⁵ смерть страда тиранску.

Валент арианствова, бысть же побеждены

от Готфов¹⁰⁶, во хлевину¹⁰⁷ вбег, огнем сожженны¹⁰⁸.

Нестория блядива язык расточиша¹⁰⁹

черви, иже из него жива ся родиша.

Гунерик арианин верныя гоняше,

но такожде от червий живо¹¹⁰ снеден бяше.

Евтихий бл я дословный от Бога казнися,

ибо молнием свыше мстителным убися.

Лютер еретик¹¹¹ лютый по мнозей вечери

напрасно умер, сниде во адския двери.

Калвин лютший от Лютра во ересех бяше,

но лютшу и кончину живота си взяше,

Ибо, снеден от червий, хулы глаголал есть,

вечным червием во снедь злу душу отдал есть.

Тако зле еретици злии погибоша

и во ад на вечную муку отъидоша,

Их же вы блюдитеся злаго учения,

да не впадете с ними в люта мучения¹¹².

2

Поликарп, Иоаннов ученик блаженный,

от сретша еретика¹¹³ бяше вопрошенный,

От Мартиона студна: Еда его знаше?

Первенца тя демоня знаю, отвещаше.

Слепаго и глухаго Христос исцеляше,

и евреиски Еффафа к нему глаголаше,

Еже есть Разверзися. И нам подобает,

да, еже затворенно в нас, ся разверзает.

Во-первых же, умови то деяти требе,

да, Бога познав мыслми¹¹⁵, пребывает в небе.

Земная вся да презрит, в сердцы¹¹⁶ же имеет,

яко паче всех¹¹⁷ сущых¹¹⁸ един Бог довлеет.

Второе, волю требе нашу разверзати,

да в сердце страх Господень может ся вселяти

И любовь совершенна к Его благостыни,

яко ко источнику всякия святыни.

Третие¹¹⁹, нам достоит устне отверзати,

еже благодарствие Богу возсылати

О всех благих, от Него нам происходящих¹²⁰,

душевных же и плотских, живот наш держящих¹²¹,

И еже грехи на ся нам исповедати,

ближния учити и здрав совет даяти.

Напоследок, го детву ет разверзати руки

в подаяние нищым, тем гонзнути муки.

Ехидна елма ся самцу свокупляет,

главу его, в уста вземши, огризает¹²².

Но¹²³ чада смерть отца матери отмщают,

ибо, в чреве суще, оно пригризают¹²⁴.

Тако в¹²⁵ зачатии¹²⁶ чад отец мертвится,

в рождении тех же зла мати губится¹²⁷.

Род Христов по плоти Матфеем писася,

яко от Ессея в чине не прервася.

Имать же юношу, себе прилученна,

сия есть честь, слава мужа божественна.

2

Марко благовестник глас нам провещает,

иже путь Господень строити вещает,

Глас вопиющаго во пустыни мира,

тем же при ногу си имеет лва зверя¹²⁹.

3

Лука божественный имать тучна телца,

яко начат книгу от законна жреца,

Иже в жертву Богу принесе кадила,

егда во храме многа сияша кандила.

4

Орел выше всех птиц под небом летает,

тако Иоанн всех сверстник превыжшает,

Ибо извести нам Слово Божественно,

яко благоволи быти воплощенно.

Древо жизни во рай Господь насадил есть,

в не же силу неправы живота вложил¹³⁰ есть,

Да егда теплотою влага коренная

притребится, то плодом¹³¹ будет целенная.

Тако въкушая плод той, могл бы долго жити

человек в его силе, и без смерти быти.

О коль благ плод той бяше! Трудна¹³² оценити,

ныне всемирным златом немощно купити.

Дал бы кож до вся своя за плод силный тако,

но обрести во мире возможно никако.

Не ищите, братие, таковаго плода,

токмо бо райска име онаго порода.

Обаче не плачите, лучший нам дадеся,

иже аггелом с неба на землю снесеся

И всем верным без цены во Церкви дается,

кто токмо о гресех си истинно кается.

Той есть Евхаристиа пребожественная,

тело Христово и кровь¹³³ душеспасенная.

Сия ядый и пияй душу исправляет,

еже жити безсмертно, ону¹³⁴ утвержает.

Елма¹³⁵ бо¹³⁶ душа нечто в себе ослабится¹³⁷,

вкусивши¹³⁸ сего плода, паки устрабится.

Блажени¹³⁹ убо есмы, сидев плод имуще,

им же оживляемся, достойне ядуще.

Велика милость убо¹⁴⁰ Бога превелика,

яко сидев дар да де ради человека,

За нь же благодарствие мы должни творити,

на всяко время и час Господа славити.

2

Егда глад человеку телесный стужает,

той трапеза пищная скоро утоляет.

На стужание паки душегубных страстей

да де нам Бог трапезу¹⁴¹ божественных сластей,

Тело и кровь Христову, та бо укрощают

стужатели лютыя и уму смиряют.

3

В Евхаристии чюдеса премнога

содеваются в силе¹⁴² Христа Бога.

В¹⁴³ черте времене чрез едино слово

хлеб вращается во тело Христово

И вино во¹⁴⁴ кровь Его божественну,

общающимся душевно спасенну.

Случаи¹⁴⁵ хлеба и вина остают,

кроме подлога дивне пребывают.

С¹⁴⁶ количеством Си Христос пребывает¹⁴⁷

в агнце священном, ум се превыжшает.

Еще¹⁴⁸ же, аще агнец¹⁴⁹ раздробится

на части, Христос в части не делится,

Но весь в коейждо цело¹⁵⁰ пребывает¹⁵¹,

и всего Христа причастник снедает.

Яко же цело¹⁵² мнози слышат слово,

тако все тело вси ядят Христово,

А не по частем, всего бо дал Себе

кому ж до от нас в сем священном хлебе.

Егда¹⁵³ же агнца жрец дробит, снедает,

Христос без страсти телом пребывает.

Оле чюдодейств! Кто может сказати?

Но сице веру требе есть держати.

4

Тело Христово и кровь пресвятая

творит изводства зело различная¹⁵⁴.

Злым в суд есть и в смерть, благим в спасение,

един хлеб двое деет строение,

Живит и мертвит. Ты же не чюдися,

но в естественных точным присмотрися.

Мед ясти вредно сущим¹⁵⁵ холериком,

той же есть в ползу сущим¹⁵⁶ флегматыком;

И столп Евреи древле просвещаше,

Египтяны же мрачны содеваше;

И во Египте, где воду черпаху

жиди, тамо кровь Египтяне взяху;

И где мед пчела сладкий собирает,

тамо яд смертный паук обретает;

И вода здравым есть в прохлаждение,

огнем жегомым та ж¹⁵⁷ в запаление.

Тако та Тайна пребожественная

злым смертоносна, благим спасенная.

5

Евхаристия¹⁵⁸ есть жертва словесна,

содержит в себе Владыку небесна,

Христа Господа¹⁵⁹, под видома¹⁶⁰ суща,

в небе¹⁶¹ со Отцем и Духом живуща.

Тайна си дивна, ибо дивна¹⁶² многа

в ней положенна от дивнаго Бога.

Первое чюдо в себе заключает,

яко весь Христос в ней ся обретает.

Толик¹⁶³ плотию, колик есть на небе,

под виды токмо, не в вине и хлебе.

Второе чюдо, яко в ней остают

случай¹⁶⁴ вещей, подлога не знают,

Что по естеству не обыче быти,

Бог токмо силен сие сотворити.

Третее, яко хлеб, вино во цело¹⁶⁵

прелагается Христа кровь и¹⁶⁶ тело.

Четвертое есть, яко не множится

тело Христово, аще посвятится

И много агнцев, ибо в мнозех тое

едино равно тело пресвятое,

Еже во агнце едином бывает,

и количеством ничто прибывает.

Пятое¹⁶⁷ чюдо, яко тожде тело

на мнозех местех пребывает цело

В едино время, где-либо святится

Евхаристия, то жь тело творится.

Тожде и в небе в славе пребывает,

и зде от верных ядомо бывает.

Шестое чюдо, яко не делится

тело Христово, егда раздробится

Агнец на части, но во всяцей цел есть

Христос Бог, колик в десных¹⁶⁸ Отца сел есть.

Седмое, яко, повнегда держится

агнец рукама, ту Христос не зрится,

Но токмо види вина же и глеба¹⁶⁹,

тако во ползу нашу есть потреба,

Ибо кто могл бы зря живаго ясти

Христа, ту суща, ли делити в части?

Всемудрый убо мудро устроил есть,

под виды тело¹⁷⁰ ясти уставил есть.

Осмое, яко, егда исчезает

образ тех видов, и тело престает

Ту пребывати Христа Божественна.

О коль та дивно тайна устроенна!

Девято чюдо¹⁷¹ – с видами остает,

яже существу сила подобает.

Несть¹⁷² хлеб в сей тайне, обаче питает,

не есть и вино, а упоявает¹⁷³.

Вся сия паче естества бывают,

феологове о сем поучают.

Юже вы тайну зряще, почитайте,

очесы ума Христа в ней смотряйте,

И яко Богу честь, хвалу несите,

нуждных над еж дно от Него просите.

Зде невидимо Он с нами витает,

вся тайны¹⁷⁴ наша светло проницает.

[154ѵ] Всечестно убо да тщимся стояти,

внегда ся тайнам страшным совершати.

Со страхом паки¹⁷⁵ оны¹⁷⁶ да вкушаем,

аще жизнь вечну имети желаем.

6

Благочестно иерей некий пребываніе,

но о¹⁷⁷ Евхаристии сумнителен бяше,

Не мог совершенныя тому веры яти,

еже Самому Христу в оной пребывати.

Тем же к Богородице молитвы творил есть,

да известит истинну, прилежно¹⁷⁸ просил есть.

В едино убо время, оному служившу

литургию святую и дары святившу,

По тех освящении¹⁷⁹ агнец утаися,

невидим от очию его сотворися.

Иерей, удивився, преужасен бяше,

что творити достоит, недоумеваше.

И се внезапу Дева Мария явленна,

держащи Младенца си в руках Божественна,

И глаголющи ему: Сей Бог есть Младенец,

Бога Отца превечный, в часех мой первенец.

Сего родих нетленно и сосцы доила,

волею плоть Приемша честно пеленила.

Сей есть, Иже во тайнах невидим бывает,

er да ся литургия вами совершает.

Сей, Иже, служащю ти, днесь пресуществися,

под видом хлеба, вина в Тайнах устройся.

Сего¹⁸⁰ имаши снести¹⁸¹, Сей – священна жертва,

Бог же и человек есть, ни да мниши мертва,

Елма в части делится, Он бо не делится,

но точию вид зримый рукама дробится.

Он же цел в агнце целом, цели¹⁸² в частех его;

прими, о иерею, Господа твоего¹⁸³.

Сия рекши, на дискос Младенца слагаше,

иерей же вид хлеба паки созерцаше,

На дискосе лежащий, и возрадовася,

яко таинство ему известно сказася,

Еже Христа живаго в видех пребывати,

я дома¹⁸⁴ и пиема ничто же страдати.

И тако наученный, не к тому держаше

сумнения¹⁸⁵, что Христос под видома бяше,

Но, веруя всетвердо, благодарил Бога,

и Деве хваления возсылаше многа

О наставлении том, еже сотворила,

елма ся со превечным Младенцем явила.

То слышаще, братие, тайны почитайте,

благо достойную¹⁸⁶ честь оным сотворяйте.

Дивна¹⁸⁸ трапеза в Церкви устройся,

в Евхаристии¹⁸⁹ Бог нам предложися,

Да, ту ядуще, и мы обожимся,

главе Христови уды свокупимся,

Да Его Духом¹⁹⁰ будем ожив лени,

иже змиевым ядом умерщвлени.

Яко бо глава духи посылает

в тела вся уды и ты оживляет,

Тако от Христа¹⁹¹, главы Церкве, тело

Духом живится и есть здраво, цело.

Яко и ветви корене влагою

имут красоту и всю силу свою.

Блажен муж убо¹⁹², с Христом¹⁹³ обитаяй,

яко главе си всю жизнь подчиняяй.

Евхаристию ядый есть блаженны,

яко бывает тою оживленны

На души своей, Сам бо глаголаше,

Иже плоть Свою нам во пищу дате:

Ядый Мою плоть жив будет во веки.

Тако Христос Бог живет с человеки.

От сея пищи кто чисто вкушает,

благодать многу свыше¹⁹⁴ получает,

От вин вседневных удобь свободится,

от смертоносных грешений хранится.

Хлеб зде по виду, но несущественне,

тело Христово зде есть божественне.

Ино видится, ино же есть требе

верити, ибо Христос в¹⁹⁵ зримом¹⁹⁶ хлебе.

Разве духовно хлеб сей¹⁹⁷ наречеши,

ли ради вида тако назовеши¹⁹⁸.

По существу же не знай в виде хлеба,

Бог пресуществил, Обладатель неба.

Се тело Мое, Христос Господь рече,

ты Его слову вери¹⁹⁹, человече.

Подобне, елма вина вид узриши

в Евхаристии, не вино да мниши,

Но кровь Христову, за ны излиянну,

за спасение всего мира данну.

Зрение того не может познати,

что Бог изволи зде у готова

Вся твоя чювства на Христова слова,

еже верити, да будут готова.

Се есть²⁰⁰ кровь Моя, Христос Господь рече,

ты Его слову вери²⁰¹, человече.

Не оку веруй, но Создавшу оно.

и наследиши Авраамле лоно.

Зрение может временем грешити,

а Бог словом Си не может нас лстити.

2²⁰²

Хлеб²⁰³ таинственный душу насыщает,

немощь отгонит, силу умножает.

Вино духовно²⁰⁴ веселие родит,

ум на небеса светла²⁰⁵ возводит.

Хлеб зримый несть хлеб, и вино – не вино,

но много лучше воистинну ино,

Тело бо и кровь воплощенна Бога,

има²⁰⁶ же полза душам зело многа.

Ядый то тело имать живот вечный

и ясти имать обед безконечный

В небесном дому, токмо есть потреба

в совести блазей вкушати от хлеба.

Вино же сие душу²⁰⁷ упояет

не во страсть греха, но ту угашает.

Сим веселие души²⁰⁸ раж дается,

а похоть плоти кротка творится²⁰⁹.

Токмо достойне требе приимати,

не в злобе сущым, но во благодати.

Тем кождо тщится²¹⁰ сих причастник быти,

хотяй зде²¹¹ с Богом и на небе жити.