Вечірня - Молимся по часам

прп. Никиты исп., епископа Халкидонскаго (IX)

Вторник, 10 июня 2025 г.

(28 мая ст.ст.)

Седмица 1-я по Пятидесятнице (Троицкая)

Глас 7, Поста нет

Попразднство Пятидесятницы. прп. Никиты исп., епископа Халкидонскаго (IX). свт. Игна́тия, епископа Ростовскаго (1288). прп. Елены Дивеевской (Мантуровой) (1832).

прав. Иоа́нна Русского, исп. (1730) (перенос с 27 мая ст.ст.). свт. Геро́нтия, митрополита Московского и всея Руси (1489). сщмч. Евти́хия, епископа Мелитинского (I). мц. Еликони́ды Солунской (Фессалоникийской) (244). свт. Ге́рмана, епископа Парижского (576). сщмч. Елла́дия, епископа Восточного (VI-VII).

прмчч. Макария (Моржова), иеромонаха, Диони́сия (Петушкова), схимонаха, сщмч. Николая Аристова, диакона, мчч. Игна́тия Маркова и Петра Юдина (1931). исп. Ира́клия (Мотяха), схимонаха (1936). прмц. Гермоге́ны (Кадомцевой), монахини (1942).

иконы Богородицы Никейская (Бысть Чрево Твое Святая Трапеза) (304). иконы Богородицы Галичская (Чухломская) (1350).

Литургия свт. Иоанна Златоуста.

рядовое: Лит.: Ап.- Рим.1:1-7,13-17 Ев.- Мф.4:25-5:13

прав.: Утр.: Лк.12:8-12 Лит.: Ап.- Еф.6:10-17 Ев.- Лк.12:8-12

Тропари, кондаки, молитвы и величания

Тропари и кондаки дня

Тропарь Крестителя и Предтечи Иоанна, глас 2

Память праведнаго с похвалами,/ тебе же довлеет свидетельство Господне, Предтече:/ показал бо ся еси воистину и пророков честнейший,/ яко и в струях крестити сподобился еси Проповеданнаго./ Темже за истину пострадав радуяся,/ благовестил еси и сущим во аде Бога, явльшагося плотию,/ вземлющаго грех мира// и подающаго нам велию милость.

Кондак Крестителю и Предтече Иоанну, глас 2

Про́роче Бо́жий и Предте́че благода́ти,/ главу́ твою́ я́ко ши́пок свяще́ннейший от земли́ обре́тше,/ исцеле́ния всегда́ прие́млем,// и́бо па́ки, я́коже пре́жде в ми́ре пропове́дуеши покая́ние.

преподобному Никите исповеднику, епископу Халкидонскому

Тропарь преподобному Никите исповеднику, епископу Халкидонскому, глас 4

Пра́вило ве́ры и о́браз кро́тости,/ воздержа́ния учи́теля/ яви́ тя ста́ду твоему́,/ Я́же веще́й и́стина./ Сего́ ра́ди стяжа́л еси́ смире́нием высо́кая,/ нището́ю бога́тая,/ о́тче Ники́то,/ моли́ Христа́ Бо́га// спасти́ся душа́м на́шим.

Кондак преподобному Никите исповеднику, епископу Халкидонскому, глас 8

Све́тлостию дел твои́х просия́л еси́, преподо́бне,/ апо́стольскаго престо́ла наследник был еси́, Ники́то,/ и, я́ко со́лнце, облиста́л еси́ твое́й па́стве, о́тче,/ вся Боже́ственных уче́ний испо́лнь./ Те́мже зове́м ти:// ра́дуйся, Халкидо́ну удобре́ние.

святителю Игнатию, епископу Ростовскому

Тропарь святителю Игнатию, епископу Ростовскому, глас 4

Благове́рия просве́щся уче́нии,/ святи́тельства прие́м па́ству/ и апо́столов насле́дник быв,/ тем прия́л еси́ от Бо́га дар чуде́с, святи́телю о́тче Игна́тие,/ моли́ Христа́ Бо́га,// да спасе́т ду́ши на́ша.

Кондак святителю Игнатию, епископу Ростовскому

Яви́ся днесь пресве́тлая па́мять твоя́,/ святи́телю преблаже́нне Игна́тие,// в ми́ре све́тло сия́ющи и явля́ющи всем Боже́ственное сия́ние.

преподобной Елене Дивеевской

Тропарь преподобной Елене Дивеевской, глас 5

Ди́вно бы́сть ко Го́споду призва́ние твое́, сла́вно бы́сть и равноа́нгельное житие́, кро́тко бы́сть твое́ крестоноше́ние, чу́дно бы́сть смиренному́дрие твое́. Послу́шлива была́ еси́ да́же до ча́ши сме́ртныя и из Диве́евской оби́тели в Небе́сную взошла́ еси́. Ра́дуйся, Еле́но преподо́бная, и не оста́ви ны предста́тельством твои́м.

Кондак преподобной Елене Дивеевской, глас 4

Ми́ра суету́ оста́вивши, блаже́нная Еле́но, в Диве́евскую оби́тель всели́лася еси́, и от избра́нника Влады́чицы Пречи́стыя услы́шала еси́: вску́ю сме́рти убоя́лася еси́? По́двигом до́брым подвиза́лася еси́, тече́ние сконча́ла, ве́ру соблюла́ еси́. Про́чее у́бо соблюда́ется вене́ц пра́вды ти, его́же возда́ст ти Госпо́дь в день он, я́ко всем возлюби́вшим явле́ние Его́. Потщи́ся же ско́ро приити́ к Пра́ведному Судии́.

Величание преподобным Александре, Марфе и Елене Дивеевским

Ублажа́ем ва́с, преподо́бныя ма́тери на́ша Алекса́ндро, Ма́рфо и Еле́но, и чти́м святу́ю па́мять ва́шу, вы́ бо моли́те о на́с Христа́ Бо́га на́шего.

Молитва преподобной Елене Дивеевской

О, преподо́бная и богоно́сная ма́ти Еле́но, Диве́евская сла́во и похвало́, от огнеды́шащего зми́я, тя поглоти́ти тща́вшагося, моли́твами ко Го́споду и де́вственнаго жития́ обетова́нием чуде́сно изба́вленная, святы́м преподо́бным Серафи́мом ко и́ночеству предугото́ванная и Самому́ Го́споду уневе́щенная, нача́льницею общи́ны деви́ческия избра́нная, оба́че слуго́ю всем смиренному́дренно я́вльшаяся, послу́шлива да́же до сме́рти ста́рцу твоему́ бы́вшая, по словеси́ его́ за бра́та твоего́ многострада́льнаго младо́ю уме́ршая, еще́ на земли́ Цари́цу Небе́сную и Христа́ Го́спода ви́девшая и во оби́тели Небе́сныя восхище́нная, моли́ся за ны, малоду́шныя и непослу́шливыя, да и мы сподо́бимся благода́тнаго вразумле́ния, скоре́йшаго исправле́ния и ве́чнаго спасе́ния. Ами́нь.

праведному Иоанну Русскому

Тропарь праведному Иоанну Русскому, глас 4

От земли́ плене́ния твоего́/ воззва́вый тя к Небе́сным селе́нием,/ Госпо́дь соблюда́ет невреди́мо и цельбоно́сно те́ло твое́,/ пра́ведне Иоа́нне,/ ты бо, в Росси́и я́тый и во Аси́ю прода́нный,/ посреде́, ага́рянскаго злоче́стия благоче́стно пожи́л еси́ во мно́зе терпе́нии/ и, се́яв зде слеза́ми,/ жне́ши та́мо неизглаго́ланною ра́достию.// Те́мже моли́ Христа́ Бо́га спасти́ся душа́м на́шим.

Ин тропарь праведному Иоанну Русскому, глас 4

От земли́ Призва́вший тя в Небе́сныя оби́тели/ сохраня́ет и по сме́рти нетле́нное те́ло твое́, свя́те,/ ты бо я́ко пле́нник приведе́н бысть в А́зию,/ иде́же и уподо́бися Христу́.// Сего́ ра́ди моли́ Его́ спасти́ся душа́м на́шим.

Ин тропарь праведному Иоанну Русскому, глас 4

На Небеси́ предстоя́ Святе́й Тро́ице,/ пра́ведне блаже́нне Иоа́нне,/ земны́й а́нгеле, Бо́жий челове́че,/ с Безпло́тными ли́ки славосло́виши любо́вь неизрече́нную,/ в Це́ркви перворо́дных со святы́ми водворя́яся,/ о нас, су́щих на земли́, возно́сиши моли́твы/ к Соде́телю всех и Спа́су,/ да пода́ст мир все́му ми́ру,/ Це́рквам на земли́ благостоя́ние и соедине́ние всех,/ чту́щих Сы́на Бо́жия во пло́ти прише́дша,/ во святе́м Те́ле Христа́ Иису́са,/ е́же есть Це́рковь Бо́га Жива́го,// во спасе́ние ро́да челове́ческаго.

Кондак праведному Иоанну Русскому, глас 8

В честне́й па́мяти твое́й, свя́те,/ весели́тся о тебе́ Росси́я,/ во благоче́стии тя воспита́вшая,/ и целе́бным моще́м твои́м ра́дуется Аси́я,/ иде́же у́зкий путь проше́д страда́льческаго пле́на и по́стнических подвиго́в,/ сосу́д че́стен яви́лся еси́ Бо́жия благода́ти,/ ея́же проси́ и нам, чти́телем твои́м, да зове́м ти:// ра́дуйся, Иоа́нне, благода́ти тезоимени́те.

Ин кондак праведному Иоанну Русскому, глас 4

Ны́не приспе́ па́мять сла́вных, свя́те о́тче, дел твои́х,/ веселя́ще благочести́выя ду́ши,// ве́рно чту́щия тя, Иоа́нне.

Ин кондак праведному Иоанну Русскому, глас 4

Ева́нгельския любве́ служи́теля,/ пра́вды Бо́жия ревни́теля,/ чистоты́ душе́вныя и теле́сныя храни́теля,/ ве́ру Христо́ву испове́давша в страда́ниих,/ пра́веднаго Иоа́нна ублажа́ем и почита́ем днесь,/ и житие́м его́ назида́ющеся, пое́м:// ра́дуйся, моли́твенниче наш, от Бо́га просла́вленный.

Молитва 2-я праведному Иоанну Русскому

О, святы́й новоявле́нный уго́дниче Бо́жий Иоа́нне Ру́сский! По́двигом до́брым подвиза́яся на земли́, восприя́л еси́ на Небесе́х вене́ц пра́вды, е́же угото́вал есть Госпо́дь всем лю́бящим Его́. Те́мже взира́юще на святы́й твой о́браз, ра́дуемся о пресла́внем сконча́нии жи́тельства твоего́ и чтим святу́ю па́мять твою́. Ты же, предстоя́й Престо́лу Бо́жию, приими́ моле́ния на́ша, раб Бо́жиих (имена), и ко Всеми́лостивому Бо́гу принеси́, о е́же прости́ти нам вся́кое прегреше́ние и по́мощи нам ста́ти проти́ву ко́зней диа́вольских, да изба́вльшеся от скорбе́й, боле́зней, бед и напа́стей и вся́каго зла, благоче́стно и пра́ведно поживе́м в ны́нешнем ве́це и сподо́бимся предста́тельством твои́м, а́ще и недосто́йни есмы́, ви́дети блага́я на земли́ живы́х, сла́вяще Еди́наго во святы́х Свои́х сла́вимаго Бо́га, Отца́ и Сы́на и Свята́го Ду́ха, ны́не и во ве́ки веко́в. Ами́нь.

Молитва праведному Иоанну Русскому

О, вели́кий уго́дниче Бо́жий, святы́й пра́ведный Иоа́нне Русский, просия́вый в земли́ Асси́и равноа́нгельным житие́м твои́м, ре́вностию о Го́споде и по́двигами во испове́дании ве́ры Христо́вы, гра́да Неопрокопио́на и всея́ земли́ Элла́ды пресве́тлое украше́ние, богохрани́мей стране́ на́шей, лю́дем ея́ и во все́м ми́ре живу́щим правосла́вным христиа́ном по́моще и кре́пкое заступле́ние! Благодари́м Го́спода, ди́внаго во святы́х Свои́х, в ве́ре и́стинней непоколеби́мо тя́ утверди́вшаго, в стоя́нии за испове́дание ея́ укрепи́вшаго и до́брое сконча́ние по́двига многотру́днаго дарова́вшаго, последи́ же мно́гая и вели́кая чудеса́ на́м яви́вшаго чрез многоцеле́бную ра́ку моще́й твои́х. Ны́не, предстоя́ Небе́сному Царю́, испроси́ у Него́ изба́вити вся́ гра́ды и ве́си страны́ на́шея и земли́ Элла́ды от гла́да, тру́са, мра́за, огня́, смертоно́сных боле́зней, от наше́ствий иноплеме́нных и междоусо́бных бра́ней. Помози́ все́м путеше́ствующим, боля́щим, в заточе́нии су́щим, в ско́рбех и гоне́ниих за святу́ю ве́ру Правосла́вную терпя́щим. Соедини́ все́х правосла́вных люде́й любо́вию ко Христу́ Бо́гу на́шему и Це́ркви Его́ Святе́й, да́руй на́м ду́х любве́ и ми́ра к бра́тскому едине́нию все́х ве́рных. Умоли́ Го́спода, да пода́ст на́м ду́х покая́ния и сокруше́ния о гресе́х на́ших и всеси́льною Свое́ю благода́тию да помо́жет и укрепи́т в борьбе́ со страстьми́ и похотьми́, да да́рует на́м ду́х смире́ния и кро́тости, ду́х братолю́бия и незло́бия, ду́х ре́вности по Бо́зе и спасе́нии бли́жних. Помяни́ и на́с, гре́шных, моля́щихся тебе́: стра́ждущих и боля́щих исцели́, скорбя́щих уте́ши, бе́дствующим ско́рую по́мощь пода́й, все́м же чту́щим и лю́бящим тя́ испроси́ христиа́нскую кончи́ну живота́ безболе́зненну, непосты́дну, ми́рну и до́браго отве́та на Стра́шнем Суди́щи Христо́ве. Бу́ди на́м помо́щник и покрови́тель во спасе́ние, да твои́ми моли́твами сподо́бимся в ны́нешнем и бу́дущем ве́це прославля́ти в Тро́ице сла́вимаго Бо́га, Отца́ и Сы́на и Свята́го Ду́ха, ны́не и при́сно и во ве́ки веко́в. Ами́нь.

святителю Геронтию, митрополиту Московскому

Тропарь святителю Геронтию, митрополиту Московскому, глас 6

Днесь душа́ вся́ка весели́тся/ на па́мять успе́ния святи́теля Христо́ва Геро́нтия,/ прему́дрости ревни́теля/ и кро́тости учи́теля,/ смире́нию наказа́теля,/ уче́нием Боже́ственных слове́с ве́рныя наслади́вшаго./ Ру́сскаго митрополи́та похва́лим,/ святи́тельства па́ству прии́мшаго,/ украси́вшаго Це́рковь Христо́ву./ Тем и Христо́с ви́дя твое́ благопроизволе́ние,/ причте́ тя в лик пра́ведных,/ святи́телю Геро́нтие,/ моли́ Христа́ Бо́га и Пречи́стую Богоро́дицу// непреста́нно о всех нас.

Кондак святителю Геронтию, митрополиту Московскому, глас 2

Бо́жиим Ду́хом и́ночество вожделе́/ и восприя́ Ду́ха Свята́го благода́тию,/ и святи́тельства са́на сподо́бился еси́,/ содержа́ще престо́л Ру́сския Митропо́лии,/ и бысть па́стырь и учи́тель от ро́да ру́сскаго,/ пасы́й ста́до Христо́во слове́сных ове́ц,/ и обре́те благода́ть от Го́спода, Геро́нтие святи́телю,/ Ему́же всегда́ о нас непреста́нно моли́ся,// спасти́ся душа́м на́шим.

Богослужебные указания ► Типикон, 28 мая ► Октоих. Глас 7, Вт ► Цветная триодь. 8 седмица, Вт ► Минея, 28 мая ►