Молитва перед исповедью


Молитва прп. Симеона Нового Богослова*

Аудио:

 

Бо́же и Го́споди все́х, вся́каго дыха́ния и души́ имы́й вла́сть, еди́н исцели́ти мя́ моги́й! Услы́ши моле́ние мя́, окая́ннаго, и гнездя́щагося во мне́ зми́я наи́тием Всесвята́го и Животворя́щаго Ду́ха умертви́в потреби́. И мене́, ни́ща и на́га вся́кия доброде́тели су́ща, к нога́м свята́го моего́ отца́ (духо́внаго) со слеза́ми припа́сти сподо́би, и святу́ю его́ ду́шу к милосе́рдию, е́же ми́ловати мя́, привлецы́. И да́ждь, Го́споди, в се́рдце мое́м смире́ние и по́мыслы бла́ги, подоба́ющие гре́шнику, согласи́вшемуся Тебе́ ка́ятися; и да не в коне́ц оста́виши ду́шу еди́ну, сочета́вшуюся Тебе́ и испове́давшую Тя́, и вме́сто ми́ра избра́вшую и предпоче́тшую Тя́. Ве́си бо, Го́споди, я́ко хощу́ спасти́ся, а́ще и лука́вый мо́й обы́чай препя́тствием быва́ет: но возмо́жна Тебе́, Влады́ко, су́ть вся́, ели́ка невозмо́жно су́ть от челове́ка. Ами́нь.


* Преподобный Симеон Новый Богослов. Молитвы.

См. также: ТАИНСТВО ПОКАЯНИЯ