Лексика и поэтика

Для понимания ряда богослужебных текстов недостаточно изучить морфологию и синтаксис церковнославянского языка. Значительные трудности заключаются в уяснении значений многих слов. Причём наиболее трудными оказываются те из них, которые похожи на слова современного русского языка, однако имеют иное значение. если при чтении текста мы встречаем такие слова, как ѻ҆на́гръ, скѵ́менъ или ле́нтїонъ, то мы осознаём необходимость обращение к словарю. Если же перед нами слова типа восхи́тити, гна́ти, ѕла́чный, то мы скорее будем пытаться понять их, опираясь на знание современного русского языка. Обращение к словарю покажется излишним. Между тем значения этих слов в русском и церковнославянском языке различны. Так, слово гна́ти означает не только «преследовать», «изгонять», но и «следовать», «поступать в соответствии с чем-либо». Не зная этих значений церковнославянского слова, можно решить, что в приведённом ниже примере апостол Павел призывает Тимофея преследовать правду, благочестие и любовь, а не следовать им: Гони́ же пра́вдꙋ, бл҃гоче́стїе, вѣ́рꙋ, любо́вь, терпѣ́нїе, кро́тость [1Тим.6:11]. Точно так же в русском языке слово злачный употребляется как часть словосочетания злачное место, то есть «место, где предаются кутежу и разврату». Если, опираясь на это значение, мы попытаемся понять прошение псалмопевца: На мѣ́стѣ ѕла́чнѣ, та́мѡ всели́ мѧ: на водѣ̀ поко́йнѣ воспита́ мѧ [Пс.22.2], то этот стих приобретёт прямо противоположный смысл. Дело в том, что церковнославянское мѣ́сто зла́чно означает «хорошее пастбище», «место, изобилующее травами».

Случаев, когда знание русского слова мешает пониманию церковнославянского текста, очень много. В упражнениях этого раздела будут рассмотрены некоторые из этих слов.

Другая трудность, возникающая при чтении церковнославянских текстов, состоит в том, что церковная книжность содержит отсылки к Библии, произведениям отцов Церкви, событиям церковной истории. Не распознав скрытой цитаты, не зная традиции толкования того или иного библейского сюжета, понять содержание текста невозможно.

Запомните значение следующих церковнославянских слов и переведите предложения.

ᲂу҆паса́ти, ᲂу҆пастѝ – пасти.

ᲂу҆твержде́нїе – 1) твердыня, опора; 2) сила, крепость.

ᲂу҆тро́ба – внутреннее, самое дорогое; внутренности. Отчасти соответствует современному русскому «сердце». Церковнославянское благоꙋтро́бїе означает милосердие.

вы́нꙋ – всегда. Церковнославянское наречие не имеет никакого отношения к русскому глаголу «вынимать».

1. И҆з̾ тебє́ бо и҆зы́детъ во́ждь, и҆́же ᲂу҆пасе́тъ лю́ди моѧ̑ [Мф.2:6].

2. И҆ ᲂу҆пасе́ть ѧ҆̀ жезло́мъ желѣ́знымъ [Откр.2:27].

3. Спⷭ҇сѝ лю́ди твоѧ̑, и҆ бл҃гословѝ достоѧ́нїе твоѐ, и ᲂу҆паси ѧ҆̀<...> до вѣ́ка [Пс.27:9].

4. И҆ и҆збра̀ дв҃да раба̀ своего̀, и҆ воспрїѧ́тъ є҆го̀ ѿ ста́дъ ѻ҆́вчихъ: <...> и ᲂу҆пасѐ ѧ҆̀ въ неѕло́бїи се́рдца своегѡ̀, и҆ въ ра́зꙋмѣхъ рꙋкꙋ̀ своє́ю наста́вилъ ѧ҆̀ є҆́сть [Пс.77:70, 72].

5. Возлюблю́ тѧ, гдⷭ҇и, крѣ́посте моѧ̀: гдⷭ҇ь ᲂу҆твержде́нїе моѐ, и҆ прибѣ́жище моѐ, и҆ и҆зба́витель мо́й [Пс.17:2–3].

6. Предвари́ша (встретили) мѧ̀ въ де́нь ѡ҆ѕлобле́нїѧ моегѡ̀: и҆ бы́сть гдⷭ҇ь ᲂу҆твержде́нїе моѐ [Пс.17:19].

7. И҆ призва̀ гла́дъ на зе́млю: всѧ́ко ᲂу҆твержде́нїе хлѣ́бное сотры̀ (сокрушил) [Пс.104:16].

8. Ꙗ҆́кѡ а҆́зъ на ра̑ны гото́въ, и҆ болѣ́знь моѧ̀ пре́до мно́ю є҆́сть вы́нꙋ [Пс.37:18].

9. И҆ бꙋ́дꙋтъ во бл҃говоле́нїе словеса̀ ᲂу҆стъ мои́хъ, и҆ поꙋче́нїе се́рдца моегѡ̀ пред̾ тобо́ю вы́нꙋ, гдⷭ҇и, помо́щниче мо́й и҆ избави́телю мо́й [Пс.18:15].

10. Ѻ҆́чи моѝ вы́нꙋ ко гдⷭ҇ꙋ, ꙗ҆́кѡ то́й и҆сто́ргнетъ ѿ сѣ́ти но́зѣ моѝ [Пс.24:15].

11. Благословлю̀ гдⷭ҇а на всѧ́кое вре́ма, вы́нꙋ хвала̀ є҆гѡ̀ во ᲂу҆стѣхъ мои́хъ [Пс.33:2].

12. Да возра́дꙋютсѧ и҆ возвеселѧ́тсѧ хотѧ́щїи пр́авды моеѧ̀: и҆ да рекꙋ́тъ вы́нꙋ, да возвели́читса гдⷭ҇ь, хотѧ́щїи ми́ра рабꙋ̀ є҆гѡ̀ [Пс.34:27].

13. Оу҆тро́ба же моѧ̀ гори́тъ, зрѧ́щи твоѐ распѧ́тїе.

14. Првⷣникъ ми́лꙋетъ дꙋ́шы скотѡ́въ свои́хъ: ᲂу҆трѡ́бы же нечести́выхъ неми́лѡстивны [Притч.12:10].

15. Подъ твоѐ бл҃гоꙋтро́бїе прибѣга́емъ, бцⷣе.

16. Ꙗ҆́кѡ смири́сѧ въ пе́рсть дꙋша̀ на́ша, прильпѐ землѝ ᲂу҆тро́ба на́ша [Пс.43:26].

17 Ѡ҆блецы́тесѧ ᲂу҆́бо ꙗ҆́коже и҆збра́ннїи бж҃їи, ст҃и и҆ возлю́бленни, во ᲂу҆трѡ́бы щедро́тъ [Кол.3:12].

18. Благословлю̀ гдⷭ҇а вразꙋми́вшаго мѧ̀: є҆ще́ же и҆ до но́щи наказа́ша мѧ̀ ᲂу҆трѡ́бы моѧ̑ [Пс.15:7].

19. Въ тебѣ̀ ᲂу҆тверди́хса ѿ ᲂу҆тробы, ѿ чре́ва ма́тере моеѧ̀ ты̀ є҆сѝ мо́й покрови́тель: ѡ҆ тебѣ̀ пѣ́нїе моѐ вы́нꙋ [Пс.70:6].

цѣлова́нїе – приветствие; цѣлова́ти – приветствовать.

ꙗ҆́зыкъ – народ, племя (мн. ч. – язычники, иноверцы).

ѧ҆зы́къ соответствует современному русскому слову «язык» и означает наречие, орган речи.

ми́ръ – покой, примирение, согласие.

мі́ръ – вселенная, космос; мир, населённый людьми

бесѣ́да – язык, речь, манера произнесения.

1. А҆рхистрати́гъ гаврїи́лъ принесѐ съ небесѐ цѣлова́нїе.

2. Ꙗ҆́кѡ бы́сть гла́съ цѣлова́нїѧ твоегѡ̀ во ᲂу҆шїю моє́ю, взыгра́сѧ младе́нецъ ра́дощами во чре́вѣ мое́мъ [Лк.1:44].

3. И҆ бы́сть ꙗ҆́кѡ ᲂу҆слыша є҆лїсаве́ть цѣлова́нїе мр҃їино, взыгра́сѧ младе́нецъ во чре́вѣ є҆ѧ̀ [Лк.1:41].

4. Цѣлова́нїе мое́ю рꙋко́ю па́ѵлею [1Кор.16:21].

5. Входѧ́ще же въ до́мъ цѣлꙋ́йте є҆го̀, глаго́люще: ми́ръ до́мꙋ семꙋ̀ [Мф.10:12].

6. И҆ вни́де въ до́мъ заха́рїинъ и҆ цѣлова̀ є҆лїсаве́ть [Лк.1:40].

7. (Влⷣка) прїе́млетъ послѣ́днѧго, ꙗ҆́коже и҆ пе́рваго<...> и҆ послѣ́днѧго ми́лꙋетъ, и҆ пе́рвомꙋ ᲂу҆гожда́етъ, и҆ ѻ҆́номꙋ дае́тъ, и҆ семꙋ̀ да́рствꙋетъ: и҆ дѣла̀ прїе́млетъ, и҆ намѣ́ренїе цѣлꙋ́етъ, и҆ дѣѧ́нїе почита́етъ, и҆ предложе́нїе хва́литъ.

8. Бж҃е, прїидо́ша ꙗ҆зы́цы въ достоѧ́нїе твоѐ [Пс.78:1].

9. Свѣ́тъ во ѿкрове́нїе ꙗ҆зы́кѡмъ... [Лк.2:32].

10. И҆ сотворю́ тѧ въ ꙗ҆зы́къ ве́лїй [Быт.12:2].

11. Прильпнѝ ѧ҆зы́къ мо́й горта́ни моемꙋ̀ [Пс.136:6].

12. Кі́йждо ѿ а҆по́столовъ всѣ́ми ѧ҆зы̑ки ꙗ҆зы́кѡвъ глаго́лаше.

13. Да возвратѧ́тсѧ грѣ̑шницы во а҆́дъ, всѝ ꙗ҆зы́цы забыва́ющїи бг҃а [Пс.9:18].

14. Ви́дѣти во бл҃гости и҆збра̑нныѧ твоѧ̑, возвесели́тиса въ весе́лїи ꙗ҆зы́ка твоегѡ҆, хвали́тисѧ съ достоѧ́ниемъ твои́мъ [Пс.105:5].

15. Оу҆ста̀ првⷣнагѡ поꙋча́тсѧ премⷣрости, и҆ ѧ҆зы́къ є҆гѡ̀ возглаго́летъ сꙋ́дъ [Пс.36:30].

16. Сла́ва въ вы́шнихъ бг҃ꙋ, и҆ на землѝ ми́ръ, во человѣ́цѣхъ бл҃говоле́нїе [Лк.2:14].

17. Въ ми́рѣ вкꙋ́пѣ ᲂу҆снꙋ̀ и҆ почі́ю [Пс.4:9].

18. Оу҆клони́сѧ ѿ ѕла̀ и҆ сотворѝ бла́го: взыщѝ ми́ра и҆ поженѝ и҆̀ [Пс.33:15].

19. Ꙗ҆́кѡ кнѧ́зь мі́ра сегѡ̀ ѡ҆сꙋжде́нъ бы́сть [Ин.16:11].

20. Взе́млѧй грѣ́хъ мі́ра, поми́лꙋй на́съ.

21. Хрⷭ҇тѐ, свѣ́те и҆́стинный, просвѣща́ѧй и҆ ѡ҆свѧща́ѧй всѧ́каго человѣ́ка, градꙋ́щаго въ мі́ръ.

22. Ѡ҆ ми́рѣ всегѡ̀ мі́ра, благостоѧ́нїи ст҃ыхъ бж҃їйхъ церкве́й и҆ соедине́нїи всѣ́хъ, гдⷭ҇ꙋ помо́лимсѧ.

23. Па́ки и҆ па́ки ми́ромъ гдⷭ҇ꙋ помо́лимсѧ.

24. Пома́лѣ же пристꙋпи́вше стоѧ́щїи, рѣ́ша петро́ви: вои́стиннꙋ и҆ ты̀ ѿ ни́хъ є҆сѝ, и҆́бо бесѣ́да твоѧ̀ ꙗ҆вѣ тѧ̀ тбори́тъ [Мф.26:73].

25. Женѣ́ же глаго́лахꙋ, ꙗ҆́кѡ не ктомꙋ̀ за твою̀ бесѣ́дꙋ вѣ́рꙋемъ: са́ми бо слы́шахомъ и҆ вѣ́мы, ꙗ҆́кѡ се́й є҆́сть вои́стиннꙋ сп҃съ мі́рꙋ, хрⷭ҇тосъ [Ин.4:42].

26. Во ст҃ꙋ́ю и҆ вели́кꙋю недѣ́лю па́схи, са́мое живоно́сное воскресе́нїе пра́зднꙋемъ гдⷭ҇а бг҃а и҆ сп҃сѧ нашегѡ і҆и҃сѧ хрⷭ҇та, є҆́же ᲂу҆́бѡ и҆ па́схꙋ именꙋ́емъ: ꙗ҆́же є҆вре́йскою бесѣ́дою преведе́нїе толкꙋ́етсѧ.

би́серъ – жемчуг, драгоценный камень.

брани́ти – мешать, препятствовать (ср. русское возбранять).

ве́тхїй – старый, древний, прежде бывший, Ве́тхїй не имеет негативного оттенка, который свойственен русскому слову «ветхий». Ве́тхїй завѣ́тъ – Книги Священного Писания, не включающие Новый Завет, ве́тхїй а҆да́мъ – человек после грехопадения.

дрѧ́хлый – печальный, смущённый, угрюмый.

дрѧ́хлость – уныние, угрюмость.

завѣ́тъ – договор, завещание.

завѣща́ти – требовать, увещевать.

1. Па́ки подо́бно є҆́сть црⷭ҇твїе нбⷭ҇ное человѣ́кꙋ кꙋпцꙋ̀, и҆́щꙋщꙋ до́брыхъ би́серей, и҆́же ѡ҆брѣ́тъ є҆ди́нъ многоцѣ́ненъ би́серъ, ше́дъ продадѐ всѧ̑, є҆ли̑ка и҆мѧ́ше, и҆ кꙋпѝ є҆го̀ [Мф.13:45–46].

2. Не дади́те ст҃а̑ѧ псѡ́мъ, ни помета́йте би́сєръ ва́шихъ пред̾ свинїѧ́ми [Мф.7:6].

3. І҆и҃съ же призва́въ и҆̀хъ, гл҃го́ла: ѡ҆ста́вите дѣте́й приходи́ти ко мнѣ̀ и не брани́те и҆̀мъ: таковы́хъ бо є҆́сть црⷭ҇твїе бж҃їе [Лк.18:16].

4. І҆и҃съ же речѐ: не брани́те є҆мꙋ̀: никто́же бо є҆́сть, и҆́же сотвори́тъ си́лꙋ ѡ҆ и҆́мени мое́мъ, и҆ возмо́жетъ вско́рѣ ѕлосло́вити мѧ̀ [Мк.9:39].

5. И҆ никто́же приложе́нїѧ пла́та небѣ́лена пришива́етъ къ ри́зѣ ве́тсѣ: а҆́ще ли же нѝ, во́зметъ коне́цъ є҆гѡ̀ но́вое ѿ ве́тхагѡ, и҆ го́рша дира̀ бꙋ́детъ. И҆ никто́же влива́етъ вїна̀ но́ва въ мѣ́хи вє́тхи: а҆́ще ли же нѝ, просади́тъ вїно̀ но́вое мѣ́хи, и҆ вїно̀ пролїе́тсѧ, и҆ мѣ́си поги́бнꙋтъ: но вїно̀ но́вое въ мѣ́хи нѡ́вы влїѧ́ти [Мк.2:21–22].

6. Ѻ҆́нъ же речѐ и҆̀мъ: сегѡ̀ ра́ди всѧ́къ кни́жникъ, наꙋчи́всѧ црⷭ҇твїю нбⷭ҇номꙋ, подо́бенъ є҆́сть человѣ́кꙋ домови́тꙋ, и҆́же и҆зно́ситъ ѿ сокро́вища своегѡ̀ нѡ́ваѧ и҆ вє́тхаѧ [Мф.13:52].

7. Возлю́бленнїи, не за́повѣдь но́вꙋ пишꙋ̀ ва́мъ, но за́повѣдь ве́тхꙋ, ю҆́же имѣ́сте и҆спе́рва. За́повѣдь ве́тха є҆́сть сло́во, є҆́же слы́шасте и҆спе́рва [1Ин.2:7].

8. Разрꙋши́сѧ тьма̀ дрѧ́хлаѧ, ѿ а҆́да бо возсїѧ̀ со́лнце пра́вды хрⷭ҇тосъ...

9. Житїю̀ и҆ пло́ти мое́й свѣ́тъ возсїѧ̀ и҆ дрѧ́хлость грѣхо́въ разрꙋшѝ.

10. Что̀ сꙋ́ть словеса̀ сїѧ, ѡ҆ ни́хже стѧза́етасѧ къ себѣ̀ и҆дꙋ̑ща, и҆ є҆ста̀ дрѧ̑хла; [Лк.24:17].

11. Ѻ҆́нъ же дрѧ́хлъ бы́въ ѡ҆ словесѝ, ѿи́де скорбѧ̀: бѣ́ бо и҆мѣ́ѧ стѧжа̑нїѧ мнѡ́га [Мк.10:22].

12. Ꙗ҆́коже ᲂу҆моли́хъ тѧ̀ пребыти во є҆фе́сѣ, и҆ды́й въ македо́нїю, да завѣща́еши нѣ̑кимъ не и҆́накѡ ᲂу҆чи́ти [1Тим.1:3].

13. И҆ речѐ гдⷭ҇ь къ мѡѷсе́ю: сѐ а҆́зъ полагаю тебѣ̀ завѣ́тъ пред̾ всѣ́ми людьмѝ твои́ми [Исх.34:10].

14. Сїѧ́ бо є҆́сть кро́вь моѧ̀, но́ваго завѣ́та [Мф.26:28].

15. Не сохрани́ша завѣ́та бж҃їѧ, и҆ въ зако́нѣ є҆гѡ̀ не восхотѣ́ша ходи́ти [Пс.77:10].

16. Сїѧ҆ всѧ̑ прїидо́ша на ны, и҆ не забы́хомъ тебє̀, и҆ не непра́вдовахомъ въ завѣ́тѣ твое́мъ [Пс.43:18].

17. Собери́те є҆мꙋ̀ прпⷣбныѧ є҆гѡ̀, завѣща́ющыѧ завѣ́тъ є҆гѡ̀ ѡ҆ же́ртвахъ [Пс.49:5].

возмꙋти́тисѧ – прийти в волнение; возмꙋти́ти, возмꙋща́ти – смущать, приводить в волнение; возмꙋще́нїе – волнение (воды).

живо́тъ означает жизнь, а не часть человеческого тела. Соответственно животный означает принадлежащий к жизни, животное – всякое живое существо.

вонѧ̀ – запах, душистый дым, благовоние; благовонное масло. В отличие от соответствующего русского слова, вонѧ̀ не означает неприятного запаха (ср. благовоние).

во́зрастъ – рост (высота); возраст, совершеннолетие.

восхи́тити – похитить; вознести, поднять на высоту.

восхище́нїе – кража, грабёж, хищение.

1. Ѿвѣща̀ є҆мꙋ̀ недꙋ́жный: є҆́й, гдⷭ҇и, человѣ́ка не и҆́мамъ, да, є҆гда̀ возмꙋти́тсѧ вода̀, вве́ржетъ мѧ̀ въ кꙋпѣ́ль: є҆гда́ же прихождꙋ̀ а҆́зъ, и҆́нъ пре́жде менє̀ сла́зитъ [Ин.5:7].

2. Сїѧ̑ ре́къ і҆и҃съ возмꙋти́сѧ дх҃омъ, и свидѣ́тельствова, и речѐ: а҆ми́нь, а҆ми́нь гл҃го́лю ва́мъ, ꙗ҆́кѡ є҆ди́нъ ѿ ва́съ преда́стъ мѧ̀ [Ин.13:21].

3. И҆ бꙋ́дꙋтъ зна́менїѧ въ со́лнцѣ и лꙋнѣ̀ и҆ ѕвѣзда́хъ: и҆ на землѝ тꙋга̀ ꙗ҆зы́кѡмъ ѿ неча́ѧнїѧ шꙋ́мѧ морска́гѡ и҆ возмꙋще́нїѧ [Лк.21:25].

4. Поне́же слы́шахомъ, ꙗ҆́кѡ нѣ́цыи ѿ на́съ и҆зше́дше возмꙋти́ша ва́съ словесы̀, развраща́юще дꙋ́шы ва́ша, глаго́люще ѡ҆брѣ́затиса и҆ блюстѝ зако́нъ, и҆̀мже мы̀ не завѣща́хомъ [Деян.15:24].

5. Оу҆мерщвле́нїи воста́хомъ и҆ живота̀ сподо́бихомсѧ.

6. И҆спра́ви живо́тъ на́шъ къ за́поведємъ твои̑мъ.

7. Восхвалю̀ гдⷭ҇а въ животѣ̀ мое́мъ, пою̀ бг҃ꙋ моемꙋ̀, до́ндеже є҆́смь [Пс.145:2].

8. Рече́ же и҆̀мъ і҆и҃съ: а҆́зъ є҆́смь хлѣ́бъ живо́тный [Ин.6:35].

9. И҆ посредѣ̀ прⷭ҇то́ла и҆ ѡ҆́крестъ прⷭ҇то́ла четы́ри живѡ́тна и҆спо́лнєна ѻ҆че́съ спредѝ и҆ созадѝ [Откр.4:6].

10. Да пожене́тъ ᲂу҆́бѡ вра́гъ дꙋ́шꙋ мою̀, и҆ да пости́гнетъ, и҆ попере́ть въ зе́млю живо́тъ мо́й, и҆ сла́вꙋ мою̀ въ пе́рсть всели́тъ [Пс.7:6].

11. Сказа́лъ мѝ є҆сѝ пꙋти̑ живота̀: и҆спо́лниши мѧ̀ весе́лїѧ съ лице́мъ твои́мъ [Пс.15:11].

12. И҆ прїимѝ ю҆̀ въ воню̀ благоꙋха́нїѧ.

13. Плащани́цею чи́стою ѡ҆бви́въ и҆ вонѧ́ми во гро́бѣ но́вѣ покры́въ положѝ.

14. Бг҃ꙋ же бл҃годаре́нїе, всегда̀ побѣди́тєли на́съ творѧ́щемꙋ ѡ҆ хрⷭ҇тѣ̀ і҆и҃сѣ, и воню̀ ра́зꙋма є҆гѡ̀ ꙗ҆влѧ́ющꙋ на́ми во всѧ́цѣмъ мѣ́стѣ. <...> Ѡ҆́вѣмъ ᲂу҆бѡ вонѧ̀ сме́ртнаѧ въ сме́рть: ѡ҆́вѣмъ же вонѧ̀ живо́тнаѧ въ живо́тъ [2Кор.2:14, 16].

15. Марі́а же прїе́мши лі́трꙋ мѵ́ра <...> пома́за но́зѣ і҆и҃сѡвѣ <...> храми́на же и҆спо́лнисѧ ѿ вонѝ ма́сти благово́нныѧ [Ин.12:3].

16. И҆ ѡ҆бонѧ̀ гдⷭ҇ь воню̀ бла́гоꙋха́нїѧ, и речѐ гдⷭ҇ь бг҃ъ, размы́сливъ: не приложꙋ̀ ктомꙋ̀ проклѧ́ти зе́млю за дѣла̀ человѣ́чєскаѧ [Быт.8:21].

17. И҆ и҆ска́ше ви́дѣти і҆и҃са, кто̀ є҆́сть: и҆ не можа́ше ѿ наро́да, ꙗ҆́кѡ во́зрастомъ ма́лъ бѣ̀ [Лк.19:3].

18. Ка́кѡ же ны́нѣ ви́дитъ, не вѣ́мы, и҆лѝ кто̀ ѿве́рзе є҆мꙋ̀ ѻ҆́чи, мы̀ не вѣ́мы: са́мъ во́зрасть и҆́мать, самого̀ вопроси́те, са́мъ ѡ҆ себѣ̀ да глаго́летъ [Ин.9:21].

19. Не ᲂу҆пова́йте на непра́вдꙋ, и҆ на восхищ́енїе не жела́йте: бога́тство а҆́ще тече́тъ, не прилага́йте се́рдца [Пс.61:11].

20. Положи́лъ є҆сѝ тьмꙋ̀, и҆ бы́сть но́щь, въ не́йже про́йдꙋтъ всѝ ѕвѣ́рїе дꙋбра́внїи, скѵ́мни рыка́ющїи восхи́тити и҆ взыска́ти ѿ бг҃а пи́щꙋ себѣ̀ [Пс.103:20–21].

21. Ѻ҆ц҃ъ мо́й, и҆́же дадѐ мнѣ̀, бо́лїй всѣ́хъ є҆́сть, и҆ никто́же мо́жетъ восхи́тити и҆̀хъ ѿ рꙋкѝ ѻ҆ц҃а̀ моегѡ̀ [Ин.10:29].

22. І҆и҃съ ᲂу҆̀бо разꙋмѣ́въ, ꙗ҆́кѡ хотѧ́тъ прїитѝ, да восхи́тѧтъ є҆го̀ и҆ сотворѧ́тъ єго̀ цр҃ѧ̀, ѿи́де па́ки въ го́рꙋ є҆ди́нъ [Ин.6:15].

Прочитайте, переведите. Отсылки к каким библейским событиям содержатся в этих текстах?

В богослужебных текстах кающийся грешник может сравнивать себя с покаявшимися грешниками: пришедшей к Христу со слезами раскаяния блудницей, мытарем, благоразумным разбойником [Лк.23:39–43] и т. д., а также с непокаявшимися грешниками: Авессаломом, Авироном, Ахавом, Гиезием и т. д.

1. Сле́зы блꙋдни́цы, ще́дре, и҆ а҆́зъ предлага́ю: ѡ҆чⷭ҇ти мѧ̀, сп҃се, бл҃гоꙋтробїемъ твои́мъ.

2. Блꙋдни́цѣ, ѽ ѡ҆каѧ́ннаѧ дꙋшѐ моѧ̀, не поревнова́ла є҆сѝ, ꙗ҆́же прїи́мши мѵ́ра а҆лава́стръ, со слеза́ми ма́заше но́зѣ сп҃сѡвѣ...

3. Согрѣши́хъ, ꙗ҆́коже блꙋдни́ца вопїю́ ти: є҆ди́нъ согрѣши́хъ тебѣ̀, ꙗ҆́кѡ мѵ́ро прїимѝ, сп҃се, и҆ моѧ̑ сле́зы.

4. Положи́лъ є҆сѝ покаѧ́нїе согрѣша́ющымъ, хрⷭ҇те, а҆ не пра́веднымъ: ѻ҆́бразъ и҆́мамъ разбо́йника же и҆ блꙋ́днагѡ, манассі́и и блꙋдни́цы, гони́телѧ, мытарѧ̀, и ѿме́тника, неꙋдо́бь ѿчаѧва́юсѧ.

5. Закхе́й мыта́рь бѣ̀, но ѻ҆ба́че сп҃са́шесѧ, и фарїсе́й сі́мѡнъ соблажнѧ́шесѧ, и҆ блꙋдни́ца прїима́ше ѡ҆ста́витєльнаѧ разрѣшє́нїѧ ѿ и҆мꙋ́щагѡ крѣ́пость ѡ҆ставлѧ́ти грѣхѝ: ю҆́же, дꙋшѐ, потщи́сѧ подража́ти.

6. ...да не съ фарїсе́емъ ѡ҆сꙋ́диши мѧ̀: па́че же мытаре́во смире́нїе пода́ждь мѝ, є҆ди́не ще́дре, правосꙋ́де, и҆ семꙋ̀ мѧ̀ сочислѝ.

7. Ꙗ҆́кѡ разбо́йникъ вопїю́ ти, помѧни́ мѧ: ꙗ҆́кѡ пе́тръ пла́чꙋ го́рцѣ, ѡ҆сла́би мѝ, сп҃се: зовꙋ̀ ꙗ҆́кѡ мыта́рь, слезю̀ ꙗ҆́кѡ блꙋдни́ца: прїимѝ моѐ рыда́нїе, ꙗ҆́коже и҆ногда̀ ханане́ино.

8. Манассі́ю, і҆и҃се, и҆ разбо́йника преидо́хъ въ дѣ́лѣхъ стꙋ́дныхъ и҆ безмѣ́стныхъ, но ты, і҆и҃се мо́й, предвари́въ, мѧ̀ спасѝ...

Избавление от греха гимнографы часто описывают как удаление из мест, подчинённых греху. Порабощение человека грехом сравнивают с Вавилонским пленением [4Цар.24:11–16; 25:1–30]; избавление человека от служения злу и греху сравнивают с исходом иудеев из Египта; удаление от греха – с бегством Лота из Содома и Гоморры [Быт.18:16–33, 19:14–29].

Противостояние античной культуры и христианства в первые века нашей эры привело к тому, что авторы церковных песнопений называют весь языческий мир эллинским.

1. Лю́ди хрⷭ҇товы ᲂу҆па́сше, прпⷣбнїи, є҆гѵ́петскїѧ ле́сти ѿбѣ́гше, вавѷлѡ́на страстна́гѡ и҆збѣ́гли є҆стѐ, сїѡ́на вы́шнѧгѡ ѡ҆брѣ́тше жили́ще во всѧ̑ вѣ́ки.

2. Порази́вый є҆гѵ́пта, и҆ фараѡ́на мꙋчи́тела погрꙋзи́вый въ мо́ри, ¹⁾лю́ди спа́слъ є҆сѝ и҆з̾ рабо́ты, мѡѷсе́йски пою́щыѧ пѣ́снь побѣ́днꙋю¹⁾: ꙗ҆́кѡ просла́висѧ.

3. Во́дꙋ проше́дше ꙗ҆́кѡ сꙋ́шꙋ, и҆ є҆гѵ́петскїѧ ле́сти ѿбѣ́гше, вавѷлѡ́на страстна́гѡ и҆збѣ́гли є҆стѐ, сїѡ́на вы́шнѧгѡ ѡ҆брѣ́тше жили́ще во всѧ̑ вѣ́ки.

4. Запале́нїѧ, ꙗ҆́кѡже лѡ́тъ, бѣ́гай, дꙋшѐ моѧ̀, грѣха̀: бѣ́гай содо́ма и гомо́рры: бѣ́гай пла́мене всѧ́кагѡ безслове́снагѡ жела́нїѧ.

5. Разори́лъ є҆сѝ бж҃їею бл҃года́тїю є҆́ллинскаѧ приношє́нїѧ... мꙋче́нїемъ сконча́лса є҆сѝ за хрⷭ҇та̀, зако́нно пострада́въ.

6. Е҆́ллинскаѧ жє́ртвища и҆ бѣсѡ́вскаѧ ѡ҆полчє́нїѧ ѻ҆рꙋ́жїемъ страда́нїѧ низверго́сте, и҆ принесо́стесѧ въ цр҃ковь небе́снꙋю, всесожжє́нїѧ ѡ҆дꙋшевлє́наѧ, мч҃ницы пречⷭ҇тны̑ѧ...

Примечание: 1) Ты спас из рабства людей, поющих, подобно Моисею, песнь победную.

Для обозначения сил зла авторы богослужебных песнопений используют ряд восходящих к Библии метафор. Змей¹⁹ – символ злобы [Мф.23:33; Пс.57:5], коварства [Быт.49:17], одно из наименований дьявола [Откр.12:9], поэтому победу над искушением и дьяволом называют победой над змеем. Побеждённые Богом силы зла авторы песнопений сравнивают с фараоном, войско которого при исходе Евреев из Египта было потоплено в море [Исх.5–14]. В аналогичных ситуациях могут упоминаться Авессалом, Авирон, Ахав и т. д.

1. Побѣди́въ многоѻбра́знаго ѕмі́ѧ, и҆ сегѡ̀ нога́ми твои́ми сокруши́лъ є҆сѝ ꙗ҆́кѡ вои́стиннꙋ главꙋ̀: побѣдоно́сенъ на ве́рхъ тво́й вѣне́цъ прїѧ́лъ є҆сѝ.

2. ...Ты̀ ѕлонача́льнаго ѕмі́ѧ, ѻ҆рꙋ́жїемъ крⷭ҇тѧ̀ твоегѡ̀ низложи́въ, твои́мъ воста́нїемъ, сокруши́лъ є҆сѝ жа́ло сме́рти, і҆и҃се.

3. На и҆сто́чникъ прише́лъ є҆сѝ, и҆сто́чникъ чꙋде́съ, въ шесты́й ча́съ є҆́ѵинъ ᲂу҆лови́ти пло́дъ: є҆́ѵа бо въ то́й и҆зы́де и҆з̾ раѧ̀, пре́лестїю ѕмі́евою.

4. Ле́стїю дре́вле благожре́бїа пра́ѻтцы и҆згна̀ ѕмі́й.

5. Ѡ҆блеко́хса въ раздра́ннꙋю ри́зꙋ, ю҆́же и҆зтка́ ми ѕмі́й совѣ́томъ, и҆ стыждꙋ́сѧ.

6. Лꙋка́вый ᲂу҆мертви́сѧ ѕмі́й сщ҃е́нными твои́ми мл҃твами, бг҃обл҃же́нне, и҆ ѿ тогѡ̀ разрѣша́ютсѧ ѕлѡ́бы...

7. Крове́й твои́хъ стрꙋѧ́ми мы́сленнаго фараѡ́на ᲂу҆дави́въ съ вѡ́и є҆гѡ̀, сла́вне, къ землѝ преше́лъ є҆сѝ, и҆дѣ́же кро́тцыи живꙋ́тъ, и҆ мꙋ́ченицы всѝ, нетлѣ́нїѧ вѣне́цъ прїе́мъ, досточꙋ́дне.

8. Ра́дꙋйсѧ, мо́ре, потопи́вшее фараѡ́на мы́сленнаго.

В текстах, посвящённых праведникам, используются специальные метафоры. Приводим некоторые из них. Подвижник может сравниваться с воином. Это сравнение восходит ко Второму посланию к Тимофею [2Тим.2:3–4]. Чудотворцев, приносящих исцеление, часто называют врачами. Предохраняющая продукты от порчи соль является символом нравственной силы и крепости [Мф.5:13]. С голубицей, птицей, приносимой В жертву [Лев.1:14, 5:7, 12:6 и т. д.], сравниваются святые подвижницы, принёсшие себя в жертву Господу. Прославляемые святые, хранившие в своём сердце заповеди Божии, могут сравниваться со скрижалями²⁰, – каменными досками, на которых были написаны заповеди Закона [Исх.32:15–16]. В песнопениях часто говорится, что праведник преумножил данный ему талант²¹ (в соответствии с [Мф.25:14–30]).

1. Вѣ́рою бо ꙗ҆́кѡ бронѧ́ми ѡ҆бложе́нъ, и҆ ꙗ҆́кѡ копїе́мъ воздержа́нїемъ, нїки́то бг҃омꙋ́дре, всѧ́кꙋю хꙋ́льнꙋю є҆́ресь, ѡ҆бличи́лъ є҆сѝ.

2. ...Воспое́мъ, вѣ́рнїи, бжⷭ҇твеннаго и҆ пречестна́го хрⷭ҇то́ва во́ина, преподо́бнаго є҆ѵѳѵ́мїа: на стра̑сти бо ве́льми подвиза́сѧ въ жи́зни вре́меннѣй, въ пѣ́нїихъ и҆ поще́нїихъ ѻ҆́бразъ бы́въ свои̑мъ ᲂу҆ч҃никѡ́мъ.

3. ...^@1)@Царе́й и҆ мꙋчи́телей стра́хъ ѿри́нꙋша хрⷭ҇то́вы во́ини, и҆ бл҃годерзнове́ннѡ и҆ мꙋ́жески того̀ и҆сповѣ́даша всѣ́хъ гдⷭ҇а бг҃а¹⁾, и҆ цр҃ѧ̀ на́шего: и҆ мо́лѧтсѧ непреста́ннѡ ѡ҆ дꙋша́хъ на́шихъ.

4. Ра́зꙋмомъ хрⷭ҇то́вымъ во́ини ᲂу҆кра́шени, нечести́ваго врага̀ потопи́сте стрꙋѧ́ми крове́й ва́шихъ.

5. Бл҃года́ть прїи́мше и҆сцѣле́нїй, простира́ете здра́вїе сꙋ́шымъ въ нꙋ́ждахъ, вра́чеве, чꙋдотво́рцы преславнїи.

6. Мі́ръ пое́тъ ва̑ша, ст҃і́и, всегда̀ мнѡ́гаѧ бл҃годѣѧ̑нїѧ, и чꙋде́съ мно́жество, чꙋдотво́рцы вра́чеве, а҆́гг҃лъ всѣ́хъ равностоѧ́телє.

7. Молє́нїѧ, безсре́бреницы вра́чеве, б҃гꙋ принеси́те, ꙗ҆кѡ да и҆зба́витъ ны̀ и҆скꙋше́нїй и҆ скорбе́й мно́гихъ и҆ тре́петнегѡ и҆ стра́шнагѡ тогда̀ мꙋче́нїѧ.

8. ^@2)@Со́ль бжⷭ҇твенна, вве́рглса є҆сѝ, бл҃же́нне, въ мі́ръ, матѳі́е а҆пⷭ҇ле, гно́й пре́лести ѡ҆чища́ѧ сла́дкими ᲂу҆че́нїи, ѿгонѧ́ѧ болѣ̑зни, и҆ ѿ̾е́млѧ ꙗ҆́звы дꙋ́шъ и҆ тѣле́съ, прехва́льне²⁾.

9. Ве́сь сокро́више сы́й дарова́нїй є҆ѵⷢ҇льскихъ, бл҃года́ти и҆спо́лненъ свѣ́тъ мі́ра, и҆ со́ль вселе́нныѧ, и҆́мⷬ҇къ, всеблаже́нне, бы́лъ є҆сѝ.

10. Ꙗ҆́кѡ а҆́гницы, и҆ ꙗ҆́кѡ несквє́рныѧ ю҆́ницы, ꙗ҆́кѡ бж҃їѧ голуби̑цы... принесо́стесѧ, мч҃ницы, зижди́телю, ꙗ҆́кѡ же́ртва непоро́чнаѧ...

11. Позлаще́ннѣ крилѣ̀ добродѣ́тели стѧжа́вши, на высотꙋ̀ небе́снꙋю возлетѣ́ла є҆сѝ, бл҃же́ннаѧ, и҆́мⷬ҇къ, ꙗ҆́кѡ голꙋби́ца нетлѣ́ннаѧ.

12. До́брїи рабѝ, бл҃зі́и и҆ вѣ́рнїи, до́брїи дѣ́лателїе віногра́да хрⷭ҇то́ва, и҆́же и҆ тѧготꙋ̀ дневнꙋ́ю поне́сшїи, и҆ да́нный ва́мъ тала́нтъ возрасти́вшїи... тѣ́мже и҆ врата̀ ва́мъ небє́снаѧ ѿверзо́шасѧ.

13. Премꙋ́дрости тала́нтъ ᲂу҆мно́живъ, пребога́те, ра́дости сподо́билса є҆сѝ гдⷭ҇а твоегѡ̀...

Примечания:

1) Воины Христовы отринули царей и мучителей устрашения и богодерзновенно и мужественно исповедовали Того, кто Господь Бог всех;

2) Блаженный, прехвальный апостол Матфий, ты, как соль божественная, ввергся в мир, гной обмана вычищая сладким учением, отгоняя болезни и исцеляя (отнимая) язвы душ и телес.

Запомните значение следующих церковнославянских слов и переведите предложения.

Принадлежность к нематериальной сфере:

невеще́ственный – относящийся к нематериальному миру.

мы́сленный, ᲂу҆́мный – духовный, относящийся к духовному миру, понимаемый в образном смысле. Мы́сленныѧ (ᲂу҆мныѧ) о҆́чи – духовное зрение. Отсюда в русский язык вошли словосочетания умная молитва, умное делание.

Принадлежность к материальной сфере:

веще́ственный – материальный, видимый.

чꙋ́вственный – разумный, осмысленный, вещественный, материальный, плотский. В отличие от современного русского «чувственный» не содержит негативного оттенка.

1. Прїими и҆́хъ мольбы̀ въ пренебе́сный и҆ мы́сленный тво́й же́ртвенникъ...

2. Веще́ственна ѻ҆́гнѧ̀ пла́мень невеще́ственнымъ ᲂу҆гаси́ша...

3. Житїѐ очи́щено, жи́знь же невеще́ственнꙋ, показа́лъ є҆сѝ, прⷣтече, въ веще́ственнѣмъ тѣлесѝ.

4. Прїѧ́тъ въ веще́ствѣннѣ дв҃а невеще́ственнаго, въ прича́стїи вещества̀.

5. Не бо̀ ꙗ҆́кѡ презира́ѧй прихождꙋ̀ къ тебѣ̀, хрⷭ҇тѐ бж҃е, но ꙗ҆́кѡ дерза́ѧ на неизрече́ннꙋю твою̀ бл҃гость: и҆ да не на мно́зѣ ᲂу҆далѧ́ѧйсѧ ѻ҆бщенїѧ твоегѡ̀, ѿ мы́сленнагѡ во́лка ѕвѣроꙋловле́нъ бꙋ́дꙋ.

6. Оу҆́мныхъ стека́етсѧ во́инствъ мно́жество со і҆ѡ́сифомъ и҆ нїкоди́момъ.

7. Мно́жество ᲂу҆мныхъ сꙋще́ствъ непреста́нно пою́тъ тѧ̀, недомы́слимаго бг҃а.

8. Сп҃сѝ, сп҃си́телю тва́ри, чꙋ́вственныѧ же и҆ ᲂу҆мныѧ, рабы̑ твоѧ̑.

9. Ѻ҆троча̀ бл҃гословѝ, <...> ꙗ҆́кѡ ты̀ приве́лъ є҆сѝ є҆̀, и҆ показалъ є҆сѝ є҆мꙋ̀ свѣ́тъ чꙋ́вственный, да и҆ ᲂу҆́мнагѡ сподо́битсѧ свѣ́та, во вре́мѧ, є҆́же ѡ҆предѣли́лъ є҆сѝ...

и҆ногда̀ (и҆́ногда) – некогда, в иное, прежнее время.

и҆́скреннїй – ближний.

тро́сть – 1) тростник, солома; соломинка, тростинка для письма; 2) палка.

трꙋ́съ – тряска, землетрясение, шторм.

1. Ꙗ҆́коже бо и҆ вы̀ и҆ногда̀ проти́вистесѧ бг҃ови [Рим.11:30].

2. Та́кѡ бо и҆ногда̀ и҆ ст҃ы̑ѧ жєны̀, ᲂу҆повающыѧ на бг҃а, ᲂу҆краша́хꙋ себѐ, повинꙋ́ющѧсѧ свои̑мъ мꙋжє́мъ [1Пет.3:5].

3. Ведо́ша же є҆го̀ къ фарїсе́ѡмъ, и҆́же бѣ̀ и҆ногда̀ слѣ́пъ [Ин.9:13].

4. Не сотворѝ и҆́скреннемꙋ своемꙋ̀ ѕла̀, и҆ поноше́нїѧ не прїѧ́тъ на бли̑жнїѧ своѧ̑ [Пс.14:3].

5. Дрꙋ́зи моѝ и҆ и҆́скреннїи мои ¹⁾прѧ́мѡ мнѣ̀ прибли́жишасѧ и҆ ста́ша¹⁾ [Пс.37:12].

6. Оу҆да́лилъ є҆сѝ ѿ менє̀ дрꙋ́га и҆ и҆́скреннѧго, и҆ зна́емыхъ мои́хъ ѿ страсте́й [Пс.87:19].

7. Чтѝ ѻ҆тца̀ и҆ ма́терь: и҆: возлю́биши ѝ҆скреннѧго твоего̀ ꙗ҆́кѡ са́мъ себѐ [Мф.19:19].

8. Любы̀ и҆скреннемꙋ ѕла̀ не твори́тъ: и҆сполненїе ᲂу҆̀бо зако́на любы̀ є҆́сть [Рим.13:10].

9. Ꙗ҆азы́къ мо́й тро́сть кни́жника скоропи́сца [Пс.44:2].

10. Бж̀е мо́й, положѝ ѧ҆̀... ꙗ҆́кѡ тро́сть пред̾ лице́мъ вѣ́тра [Пс.82:14].

11. И҆ дана̀ мѝ бы́сть тро́сть подо́бна жезлꙋ̀, гл҃го́ла: воста́ни и҆ и҆змѣ́ри цр҃ковь бж҃їю [Откр.11:1].

12. И҆ <...> прїѧ́ша тро́сть и҆ бїѧ́хꙋ по главѣ̀ є҆гѡ̀ [Мф.27:30].

13. Прїе҆мь гꙋ́бꙋ, и҆спо́лнивъ же ѻ҆́цта, и҆ вонзѐ на тро́сть, напаѧ́ше є҆го̀ [Мф.27:48].

14. Чесѡ̀ и҆зыдо́сте въ пꙋсты́ню ви́дѣти; тро́сть ли вѣ́тромъ коле́блемꙋ; [Мф.11:7].

15. И҆ сѐ, трꙋ́съ бы́сть ве́лїй: а҆́гг҃лъ бо гдⷭ҇ень сше́дъ съ нб҃сѐ, пристꙋ́пль ѿвали ка́мень ѿ две́рїй гро́ба [Мф.28:2].

16. Со́тникъ же и҆ и҆̀же съ ни́мъ стрегꙋ́щїи і҆и҃са, ви́дѣвше трꙋ́съ и҆ бы̑вшаа, ᲂу҆боѧ́шасѧ ѕѣлѡ̀ [Мф.27:54].

17. Воста́нетъ бо ꙗ҆зы́къ на ꙗ҆зы́къ, и҆ ца́рство на ца́рство: и҆ вꙋ́дꙋтъ гла̑ди и҆ па̑гꙋбы и҆ трꙋ́си по мѣ́стѡмъ [Мф.24:7].

Примечание:

1) приблизились и встали напротив меня.

ᲂу҆ѧзви́ти (ꙗ҆зви́ти) – ранить, поразить; ужалить (о змее).

неча́ѧнїе – отчаяние, неизвестность, беспомощность.

ѻ҆́бласть – 1) власть, владение, управление; 2) область.

нꙋ́жда – насилие, принуждение; скорбь, печаль.

1. Любо́вїю твое́ю ᲂу҆ѧзвѝ дꙋ́шы на́шѧ.

2. Оу҆ѧ́звенъ бы́хъ ꙗ҆́кѡ трава̀, и҆ и҆́зсше¹⁾ се́рдце моѐ, ꙗ҆́кѡ забы́хъ снѣ́сти хлѣ́бъ мо́й [Пс.101:5].

3. И҆ бы́хъ ꙗ҆́звенъ ве́сь де́нь [Пс.72:14].

4. Ты̀ смири́лъ є҆сѝ, ꙗ҆́кѡ ꙗ҆́звена, го́рдаго: мы́шцею си́лы твоеѧ̀ расточи́лъ є҆сѝ врагѝ твоѧ̑ [Пс.88:11].

5. И҆ четве́ртый а҆́гг҃лъ вострꙋбѝ, и҆ ᲂу҆ѧ́звена бы́сть тре́тїѧ ча́сть со́лнца [Откр.8:12].

6. И҆ въ неча́ѧнїи лежа́ща воздви́глъ мѧ̀ є҆сѝ во є҆́же ᲂу҆́треневати...

7. И҆ ѿ а҆́да возведи́ мѧ неча́ѧнїа.

8. И҆̀же въ неча́ѧнїе вло́жшеса, преда́ша себѐ стꙋдодѣѧ́нїю, въ дѣ́ланїе всѧ́кїѧ нечистоты̀ въ лихоима́нїи [Еф.4:19].

9. И҆ бꙋ́дꙋтъ зна́менїѧ въ со́лнцѣ и҆ лꙋнѣ̀ и҆ ѕвѣзда́хъ: и҆ на землѝ тꙋга̀ ꙗ҆зыкѡмъ ѿ неча́ѧнїѧ [Лк.21:25].

10. Са́мъ грѧде́тъ во сла́вѣ со ѻ҆́бластїю.

11. Дадѐ и҆̀мъ ѻ҆́бласть ча́дѡмъ бж҃їимъ бы́ти [Ин.1:12].

12. И҆ глаго́лаша є҆мꙋ̀: ко́ею ѻ҆́бластїю сїѧ̑ твори́ши; [Мк.11:28].

13. Преда́ти є҆го̀ нача́льствꙋ и҆ ѻ҆́бласти и҆гемѡ́новѣ [Лк.20:20].

14. И҆ дана бѣ̀ ѻ҆́бласть и҆̀мъ вреди́ти человѣ́ки пѧ́ть мцⷭ҇ъ [Откр.9:10].

15. И҆ вопро́шь, ѿ ко́еѧ ѻ҆́бласти є҆́сть [Деян.23:34].

16. Да ѡ҆братѧ́тсѧ ѿ тьмы̀ въ свѣ́тъ, и҆ ѿ ѻ҆́бласти сатанины̀ къ бг҃ꙋ [Деян.26:18].

17. Ѡ҆ и҆зба́витиса²⁾ на́мъ ѿ всѧ́кїѧ ско́рби, гнѣ́ва и҆ нꙋ́жды.

18. Влⷣцѣ хрⷭ҇тꙋ̀ лю́бо є҆́сть, да бы́хомъ є҆го̀ и҆зволе́нїемъ люби́ли и҆ во́лю є҆гѡ̀ твори́ли, и҆ не нꙋ́ждею.

19. И҆ наси́лїе творѧ́хꙋ є҆гѵ́птѧне сынѡ́мъ і҆и҃левымъ нꙋ́ждею [Исх.1:13].

20. И҆ воззва́ша ко гдⷭ҇ꙋ, внегда̀ скорбѣ́ти и҆̀мъ, и҆ ѿ нꙋ́ждъ и҆́хъ и҆зба́ви ѧ҆̀ [Пс.106:6].

21. Скѡ́рби и҆ нꙋ̑жды ѡ҆брѣто́ша мѧ̀: за́пѡвѣди твоѧ̑ поꙋче́нїе моѐ [Пс.118:143].

22. Возра́дꙋюсѧ и҆ возвеселю́сѧ ѡ҆ млⷭ҇ти твое́й, ꙗ҆́кѡ призрѣ́лъ є҆сѝ на смире́нїе моѐ, сп҃слъ є҆сѝ ѿ нꙋ́ждъ дꙋ́шꙋ мою̀ [Пс.30:8].

23. Приведѐ и҆̀хъ не съ нꙋ́ждею, боѧ́хꙋсѧ бо люді́й [Деян.5:26].

Примечания:

1) иссохло;

2) чтобы избавиться.

и҆зѡщрѧ́ти – заострять, точить.

второ́е – вновь, повторно, во второй раз.

вина̀ – 1) причина, повод; 2) обвинение, обличение; 3) вина, состав преступления; 4) извинение, оправдание; 5) обязанность.

вари́ти, варѧ́ти – 1) предваритъ, обогнать; 2) встретить.

ба́нѧ – купальня; ба́нѧ пакибытїѧ̀, ба́нѧ дꙋхо́внаѧ, ба́нѧ бытїѧ̀, ба́нѧ пакирожде́нїѧ, ба́нѧ безсме́ртїѧ – устойчивые сочетания, означающие крещение, новое рождение.

1. Стрѣ́лы твоѧ̑ и҆зѡщрє́ны, си́льне [Пс.44:6].

2. Непра́вдꙋ ᲂу҆мы́сли ѧ҆зы́къ тво́й: ꙗ҆́кѡ бри́твꙋ и҆з̾ѡщре́нꙋ сотвори́лъ є҆сѝ ле́сть [Пс.51:4].

3. Стрѣ́лы си́льнаго и҆зѡщрє́ны, со ᲂу҆́гльми пꙋсты́нными [Пс.119:4].

4. Е҆да̀ мо́жетъ второ́е вни́ти во ᲂу҆тро́бꙋ ма́тере своеѧ̀... [Ин.3:4].

5. Гл҃го́ла є҆мꙋ̀ па́ки второ́е: сі́мѡне і҆ѡ́нинъ, лю́биши ли мѧ̀; [Ин.21:16].

6. И҆ второ́е а҆ле́ктѡръ возгласѝ. И҆ помѧнꙋ̀ пе́тръ гл҃го́лъ, є҆го́же речѐ є҆мꙋ̀ і҆и҃съ [Мк.14:72].

7. То̀ пра́зднꙋютъ и҆ лю́дїе твоѝ, вины̀ прегрѣше́нїй и҆зба́вльшесѧ.

8. Вины̀ бо въ тебѣ не ѡ҆брѣ́тше, пови́ннаго вара́вву свободи́ша.

9. Грѣ́хъ бо винꙋ̀ прїе́мь за́повѣдїю, прельсти́ мѧ и҆ то́ю ᲂу҆мертви́ мѧ [Рим.7:11].

10. А҆́ще не бы́хъ прише́лъ и҆ гл҃го́лалъ и҆̀мъ, грѣха̀ не бы́ша и҆мѣ́ли: ны́нѣ же вины̀ не и҆́мꙋтъ ѡ҆ грѣсѣ̀ свое́мъ [Ин.15:22].

11. И҆ возложи́ша верхꙋ̀ главы̀ є҆гѡ̀ винꙋ̀ є҆гѡ̀ напи́санꙋ: се́й є҆́сть і҆и҃съ, цр҃ь і҆ꙋде́йскїй [Мф.27:37].

12. Глаго́лаша є҆мꙋ̀ ᲂу҆ч҃ницы̀ є҆гѡ̀: а҆́ще та́кѡ є҆́сть вина̀ человѣ́кꙋ съ жено́ю, лꙋ́чше є҆́сть не жени́тисѧ [Мф.19:10].

13. Но и҆ди́те, рцы́те ᲂу҆ч҃никѡ́мъ є҆гѡ̀ и҆ петро́ви, ꙗ҆́кѡ варѧ́етъ вы̀ въ галїле́и: та́мѡ є҆го̀ ви́дите, ꙗ҆́коже речѐ ва́мъ [Мк.16:7].

14. Бѧ́хꙋ же на пꙋтѝ, восходѧ́ще во і҆ерⷭ҇лимъ: и҆ бѣ̀ варѧ́ѧ и҆̀хъ і҆и҃съ, и҆ ᲂу҆жаса́хꙋсѧ [Мк.10:32].

15. И҆ а҆́бїе понꙋ́ди і҆и҃съ ᲂу҆чникѝ своѧ́ влѣ́зти въ кора́бль и҆ вари́ти є҆го̀ на ѻ҆́номъ полꙋ̀, до́ндеже ѿпꙋ́ститъ наро́ды [Мф.14:22].

16. Мꙋ́жїе, люби́те своѧ̑ жєны̀, ꙗ҆́коже и҆ хрⷭ҇то́съ возлюбѝ цр҃ковь и҆ себѐ предадѐ за ню̀, да ѡ҆ст҃и́тъ ю҆̀, ѡ҆чи́стивъ ба́нею водно́ю въ гл҃го́лѣ: да предста́витъ ю҆̀ себѣ̀ сла́внꙋ цр҃ковь, не и҆мꙋ́щꙋ скве́рны, и҆лѝ поро́ка [Еф.5:25–27].

17. При́зри на рабы̑ твоѧ̑ ѡ҆глашє́нныѧ, подкло́ньшыѧ тебѣ̀ своѧ̑ вы̑ѧ, и҆ сподо́би ѧ҆̀ во вре́мѧ благополꙋ́чное ба́ни пакибытїѧ̀, ѡ҆ставле́нїѧ грѣхо́въ и҆ ѡ҆де́жди нетлѣ́нїѧ.

Переведите предложения. Обратите внимание на метафорические выражения.

В качестве метафоры благодати употребляются слова миро и огонь²². Упоминание изливаемого на святого мира свидетельствует об его избранничестве. Миром как источником благодати могут называться Христос, Богородица, святые.

1. ^@1)@Мѵ́ро и҆злїѧ́нное на тебѣ̀ бл҃года́ти пома́за тѧ̀ сщ҃еннодѣ́йствовати є҆ѵⷢ҇лїе црⷭ҇твїѧ нбⷭ҇нагѡ, васі́лїе бг҃оѧвле́нне, хрⷭ҇то́во бл҃гоꙋханїе бы́въ, воне́ю зна́нїѧ є҆гѡ̀ вселе́ннꙋю и҆спо́лнилъ є҆сѝ¹⁾.

2. Па́стырски пома́завшесѧ бл҃гоче́стїѧ мѵ́ромъ, бг҃омꙋ́дрїи, тѣ́мъ ꙗ҆́кѡ ст҃и́телей всѝ почти́мъ ва́съ, бг҃оно́сцы.

3. Ꙗ҆́кѡ мѵ́ромъ пома́завшеса бжⷭ҇їи ст҃и́телїе, є҆́же въ сло́вѣ и҆ дѣ́лѣ бл҃гоче́стїѧ, сщ҃еннодѣ́йствꙋете бж҃е́ствєннаѧ, свѧще́ннїи: тѣ́мже трⷪ҇цꙋ во є҆ди́номъ сꙋществѣ̀ пое́те во всѧ̑ вѣ́ки.

4. Воздержа́нїѧ росо́ю погаси́ла є҆сѝ пла́мень страсте́й<...>, ѻ҆гне́мъ же крове́й твои́хъ всю̀ пре́лесть попали́ла є҆сѝ и женихꙋ̀ сло́вꙋ ꙗ҆́кѡ да́ръ принесла̀ є҆сѝ честно́е дѣ́вство и҆ до́блественное страда́нїе...

5. Неизнꙋре́нна ѻ҆гне́мъ веще́ственнымъ ꙗ҆ви́ласѧ є҆сѝ, мꙋ́ченице, и҆́мⷬ҇къ, ѻ҆́гнь бо тѧ̀ серде́чный бж҃ественныѧ любвѐ ѡ҆роша́ше.

Примечание:

1) Излитое на тебя миро благодати помазало тебя, чтобы ты служил и благовествовал Царствие Небесное, явленный Богом Василий; Христовым благоуханием став, наполнил вселенную благовонием знания о Боге.

В богослужебных песнопениях для именования Богородицы используется значительное количество слов. Здесь рассмотрены лишь некоторые из них.

Богоматерь может именоваться Горой на основании двух фрагментов Библии. В Книге пророка Аввакума [Авв.3:3] говорится, что Бог придёт с юга из горы приосененныя чащи. Этот фрагмент даёт возможность авторам богослужебных песнопений называть Богородицу Горою приосененныя чащи, так как через Неё в мир явился Бог. Этот фрагмент положен в основу 4-й песни канона ²³. Богородица также может называться Горой согласно Книге пророка Даниила [Дан.2:31–34]. Царь Навуходоносор видел во сне гору, от которой без помощи рук отделился камень и сокрушил идола. Это виде́ние христианская традиция понимает как прообраз Рождества Христова: Камень (Христос), отделившийся от Горы (Богородицы), сокрушил языческий мир. Этот сюжет даёт возможность авторам богослужебных песнопений называть Богородицу Горой или Горой несекомой.

Богородица соединила Небо и землю, Бога и Человека, поэтому авторы богослужебных песнопений, опираясь на виде́ние Иакова²⁴ [Быт.28:10–13], называют её Лествицей. На том же основании Богоматерь называют Мостом и Дверью, ведущими в Царство Небесное.

1. Прїѡсѣне́ннꙋю го́рꙋ, а҆ввакꙋ́мъ прозрѧ́ше пречⷭ҇тꙋю твою̀ ᲂу҆тро́бꙋ, чⷭ҇таѧ, тѣ́мъ взыва́ше: ѿ ю҆́га прїи́детъ бг҃ъ, и ст҃ы́й ѿ горы̀ прїѡѣне́нныѧ ча́щи.

2. Е҆́же ѿ дв҃ы твоѐ ржⷭ҇тво̀ проро́къ предзрѧ̀, возпроповѣ́даше вопїѧ̀: слꙋ́хъ тво́й ᲂу҆слы́шахъ, и҆ ᲂу҆боѧ́хсѧ, ꙗ҆́кѡ ѿ ю҆́га и҆ и҆з̾ горы̀ ст҃ы́ѧ прїѡсѣне́нныѧ прише́лъ є҆сѝ, хрⷭ҇те.

3. ^@1)@И҆зъ горы̀ прїѡсѣне́нныѧ, сло́ве, прⷪ҇ро́къ, є҆ди́ныѧ бцⷣы, хотѧ́ща воплоти́тиса бг҃ови́днѡ ᲂу҆смотрѝ¹⁾, и҆ со стра́хомъ славосло́вѧше си́лꙋ твою̀.

4. Присѣне́ннꙋ прозрѧ́ше тѧ̀ го́рꙋ прⷪ҇ро́къ а҆ввакꙋ́мъ, бцⷣе, и҆з̾ неѧ́же бг҃ъ па́че сло́ва про́йде воплоща́емь, и҆ мі́ръ спасѐ, бꙋ́рею лю́тагѡ грѣ́ха̀ тѧ́жкѡ ѡ҆держи́мый.

5. Прⷪ҇рокъ а҆ввакꙋ́мъ, ᲂу҆́мныма ѻ҆чи́ма прови́дѣ, гдⷭ҇и, прише́ствїе твоѐ, тѣ́мъ и҆ вопїѧ́ше: ѿ ю҆́га прїи́детъ бг҃ъ, сла́ва си́лѣ твое́й, сла́ва снизхожде́нїю твоемꙋ̀.

6. Ве́лїа та́йна твоегѡ̀, хрⷭ҇те, смотрѣ́нїѧ: сїю̀ бо свы́ше прови́дѧ, бг҃озри́тельнѡ а҆ввакꙋ́мъ, и҆зше́лъ є҆сѝ, вопїѧ́ше тебѣ̀, во спасе́нїе люде́й твои́хъ, чл҃вѣколю́бче.

7. Тѧ̀ велича́емъ, бцⷣе, вопїю́ще: ты є҆сѝ гора̀, ѿ неѧ́же неизглаго́ланнѡ ѿсѣче́са ка́мень, и҆ врата̀ а҆́дѡва сокрꙋшѝ.

8. Ка́мень нерꙋкосѣ́чный ѿ несѣко́мыѧ горы̀ тебє̀, дв҃о, краеꙋго́льный ѿсѣче́сѧ хрⷭ҇то́съ, совокꙋпи́вый разстоѧ́щаѧсѧ є҆стества̀.

9. Ра́дуйсѧ, две́ре є҆ди́на, є҆́юже сло́во про́йде є҆ди́но, верєѝ и҆ врата̀ а҆́дѡва, влⷣчце, ржⷭ҇тво́мъ твои́мъ сокрꙋши́вшаѧ.

10. Хра́мъ и две́рь є҆сѝ, пала́та и҆ престо́лъ цр҃е́въ, дв҃о всечестна́ѧ: є҆юже и҆збави́тель мо́й, хрⷭ҇то́съ гдⷭ҇ь, во тмѣ̀ спѧ́щымъ ꙗ҆ви́сѧ...

11. Тѧ̀ две́рь непроходи́мꙋю, и҆ село̀ невоздѣ́ланное, и ковче́гъ ма́ннꙋ носѧ́щий, и҆ рꙋ́чкꙋ, и свѣ́щникъ, и҆ кади́льницꙋ невеще́ственнагѡ ᲂу҆́глѧ, и҆менꙋ́емъ, чи́стаѧ.

12. Наꙋче́нъ бы́въ дх҃омъ прⷪ҇ро́къ, две́рь тѧ̀ прови́дѣ, є҆́юже бг҃ъ про́йде воплоща́емь, ѡ҆ста́вль па́ки запеча́танꙋ, пренепоро́чнаѧ.

13. Про́йде сквозѣ̀ две́рь непрохо́днꙋю, заключе́нныѧ ᲂу҆тро́бы твоеѧ̀, пра́вды сл҃нце, чⷭ҇таѧ...

14. Лѣ́ствица ꙗ҆ви́ласѧ є҆сѝ ѻ҆́бразнѡ і҆а́кѡвꙋ ѿ землѝ къ высотѣ̀ ᲂу҆твержде́ннаѧ, є҆́юже сни́де влⷣка нб҃а и҆ землѝ, да то́ю пꙋ́ть пра́вый покаѧ́нїѧ пока́жетъ на́мъ, и къ черто́гѡмъ нб҃є́снымъ возведе́тъ лю́ди согрѣши́вшыѧ.

15. Ра́дуйсѧ, мо́сте, вои́стиннꙋ преводѧ́й всѣ́хъ ѿ сме́рти къ животꙋ̀ пою́щихъ тѧ̀.

16. Ра́дꙋйсѧ, мо́сте, преводѧ́й сꙋ́щихъ ѿ землѝ на нб҃о.

17. Ѻ҆рꙋ́жїе и҆ приста́нище тве́рдое, и҆ стѣ́нꙋ и҆ крѣ́пость, <...> твоѐ, бг҃оневѣ́сто, и҆мꙋ́ще предста́тельство, ѿ бѣ́дъ и҆збавлѧ́емсѧ всѣ́хъ.

Примечание:

1) Прямой порядок слов: Прⷪ҇рокъ бг҃ови́днѡ ᲂу҆смотрѝ и҆зъ горы̀ прїѡсѣне́нныѧ, є҆ди́ныѧ бцⷣы, сло́ве, хотѧ́ща воплоти́тисѧ.

В богослужебных текстах паства может называться стадом, словесными овцами (священник – пастырем, т. е. пастухом); параллель между пастухом и проповедником проводится в евангелии неоднократно [см. Ин.10:1–16]). Опираясь на слова Спасителя, сказанные апостолам: «Идите за Мною, и Я сделаю вас ловцами человеков» [Мф.4:19], христиане могут называться рыбами или рыбами словесными. При этом часто говорится, что души пасомых улавливаются мрежей²⁵.

1. ^@1)@Мѵ́ромъ пома́занїѧ ѡ҆ст҃и́вшесѧ, па́стырїе ꙗ҆ви́стесѧ лю́демъ бг҃омꙋ̑дрымъ, и҆ ꙗ҆́кѡ а҆́гнцы чи́сти поже́ршесѧ, принесо́стесѧ сло́вꙋ началопа́стырю поже́ршемꙋсѧ ꙗ҆́кѡ ѻ҆вча́ти, мч҃ницы всехва́льнїи¹⁾.

2. Ѻ҆вча̀ є҆́смь слове́снагѡ твоегѡ̀ ста́да, и къ тебѣ̀ прибѣга́ю па́стырю до́бромꙋ, взыщѝ менѐ заблꙋ́ждшаго, бж҃е, и҆ поми́лꙋй мѧ̀.

3. ^@2)@Твои́хъ сле́зъ и҆стѡ́чники безстра́стїѧ воздѣ́лалъ є҆сѝ, преподо́бне, ра́й непоро́чнѡ²⁾, и҆ многоѻби́ленъ пло́дъ и҆зноси́ши, пита́ѧ добродѣ́тельми бжⷭ҇твенное ста́до.

4. Дне́сь и҆граетъ и҆ ликꙋ́етъ вѣ́рныхъ мно́жество, мона́хѡвъ ста́до, сщ҃енникѡвъ собо́ри...

5. Ста́до хрⷭ҇то́во, прпⷣбне, наставлѧ́ѧ къ свѣ́тꙋ бг҃оразꙋ́мїѧ, безбо́жїѧ тьмꙋ̀ ѿгна́лъ є҆сѝ.

6. Пра́вило вѣ́ры, и҆ ѻ҆́бразъ кро́тости, воздержа́нїѧ ᲂу҆чи́телѧ ꙗ҆вѝ тѧ̀ ста́дꙋ твоемꙋ̀ ꙗ҆́же веще́й и҆́стина...

7. Мре́жею слове́съ бж҃е́ственныхъ ры̑бы ᲂу҆лови́вше словє́сныѧ, сїѧ̑ принеслѝ є҆стѐ нача́токъ³⁾ бг҃ꙋ на́шемꙋ.

8. ^@4)@Бг҃осодѣ́ѧнною смиреномꙋ́драгѡ и҆справле́нїѧ мре́жею⁴⁾ неисче́тное ры́бъ слове́сныхъ мно́жество бг҃оспѣ́шнѡ ᲂу҆ловле́й, бг҃омꙋ́дрый ло́вче, досточꙋ́дный а҆леѯі́е, бг҃окова́нною предста́тельства твоегѡ̀ ᲂу҆́дицею и҆звлецы́ ны и҆́зъ глꙋбо́кїѧ ѕѡ́лъ мно́гихъ пꙋчи́ны.

Примечания:

1) Мученики всехвальные, вы, освятившись миропомазанием, сделались пастырями для богомудрых людей и, подобно принесённым в жертву чистым агнцам, принесли себя Слову (Христу), Родоначальнику пастырей, Который Сам Себя принес в жертву, как овцу.

2) Источниками твоих бесстрастных слёз, ты, преподобный, непорочно (т. е. без изъяна, совершенно) возделывал рай (т. е. духовный сад).

3) Согласно Ветхому Завету, первые плоды, первые результаты труда приносились в дар Богу [ср. Исх.23:19; Лев.23:10, 17; Числ.15:20–21; Втор.26:1–11].

4) Сотворённой Богом сетью смиренномудрого подвига.

В основе 7-й и 8-й песен канона ²⁶ лежит молитва еврейских отроков в печи огненной [Дан.3:26–45] (этот фрагмент включён в Хрестоматию, ²⁷ Христианская традиция рассматривает это место Книги пророка Даниила как прообраз Богоматери, чьё девство не было нарушено огнём Божества.

1. Вавѷло́нскаѧ пе́шь ѻ҆́троки не ѡ҆палѝ, ниже бжⷭ҇тва ѻ҆́гнь дв҃ꙋ растлѝ.

2. Чꙋ́да преесте́ственнагѡ росод́ательная и҆зѡбразѝ пе́щь ѻ҆́бразъ: ¹⁾не бо̀ ꙗ҆̀же прїѧ́тъ пали́тъ ю҆̀ныѧ, ꙗ҆́кѡ нижѐ ѻ҆́гнь бж҃ества дв҃ы, въ ню́же вни́де ᲂу҆тро́бꙋ^@1)@. тѣ́мъ воспѣва́юще воспое́мъ: да бл҃гослови́тъ тва́рь всѧ̀ гдⷭ҇а, и҆ превозно́ситъ во всѧ̑ вѣ́ки.

3. То́ки твои́хъ сле́зъ, ѻ҆́тче, ᲂу҆гаси́ша ѻ҆́гненное пале́нїе плотски́хъ сласте́й, и бы́ша исцѣле́нїй роса̀ вѣ́рнѡ зовꙋ́щымъ всегда̀ хрⷭ҇тꙋ̀ бл҃гослове́нъ є҆сѝ, бж҃е ѻ҆тє́цъ на́шихъ.

4. Ѻ҆́троки бл҃гочести̑выѧ въ пещѝ ржⷭ҇тво̀ бг҃оро́дичо сп҃сло̀ є҆́сть: тогда̀ ᲂу҆бѡ ѡ҆бразꙋ́емое, ны́нѣ же дѣ́йствꙋемое.

5. ^@2)@Оу҆тро́бꙋ неѡпа́льнꙋ ѡ҆бразꙋ́ютъ ѻ҆трокови́цы, и҆̀же въ ве́тсѣмъ ѡ҆палѧ́емїи ю҆́нѡши, преесте́ственнѡ ражда́ющꙋю, запечатлѣ́ннꙋ^@2)@.

6. Ꙗ҆́коже дре́вле бл҃гочести̑выѧ три ѻ҆́троки ѡ҆росилъ є҆сѝ въ пла́мени халде́йстѣмъ, свѣ́тлымъ бжⷭ҇тва ѻ҆гне́мъ и҆ на́съ ѡ҆зарѝ, бл҃гослове́нъ є҆сѝ, взыва́ющыѧ, бж҃е ѻ҆тє́цъ на́шихъ.

Примечания:

1) Ибо не опалил (огонь) отроков, которых принял, так и огонь Божества не опалил Девы, в Чью утробу он вошёл.

2) Неопальную утробу Отроковицы, Которая, родив сверхъестественным образом, осталась непорочна, прообразовали юноши, которые в древности были опаляемы огнём.

Запомните значение следующих церковнославянских слов и переведите предложения.

и҆скꙋси́ти – испытать, познать, делать пробу.

глꙋми́тисѧ – 1) часто и много думать, размышлять; 2) насмехаться.

и҆спра́витисѧ – устроиться, утвердиться; направиться.

кади́ло – 1) воскурение ладана, благовоние; 2) каждение.

ли́къ – хор, хоровое пение, собрание.

1. И҆скꙋси́лъ є҆сѝ се́рдце моѐ, посѣти́лъ є҆сѝ но́щию: искꙋси́лъ мѧ̀ є҆сѝ, и҆ не ѡ҆брѣ́тесѧ во мнѣ̀ непра́вда [Пс.16:3].

2. Не ѡ҆жесточи́те серде́цъ ва́шихъ, ꙗ҆́кѡ въ прогнѣ́ванїи, по днѝ и҆скꙋше́нїѧ въ пꙋсты́ни: во́ньже и҆скꙋси́ша мѧ̀ ѻ҆тцы̀ ва́ши, и҆скꙋси́ша мѧ̀, и҆ ви́дѣша дѣла̀ моѧ̑ [Пс.94:8–9].

3. Гдⷭ҇и, искꙋси́лъ мѧ̀ є҆сѝ, и позна́лъ мѧ̀ є҆сѝ [Пс.138:1].

4. И҆скꙋси́ мѧ, бж҃е, и ᲂу҆вѣ́ждь се́рдце моѐ: истѧжи́ (испытай) мѧ и҆ разꙋмѣ́й стєзѝ моѧ̑: и ви́ждь, а҆́ще пꙋ́ть беззако́нїѧ во мнѣ̀, и҆ наста́ви мѧ̀ на пꙋ́ть вѣ́ченъ [Пс.138:23–24].

5. И҆ воздвиго́хъ рꙋ́цѣ моѝ къ за́повѣдемъ твои̑мъ, ꙗ҆̀же возлюби́хъ, и глꙋмлѧ́хса во ѡ҆правда́нїихъ твои́хъ [Пс.118:48].

6. Повѣ́даша мнѣ̀ законопрестꙋ̑пницы глꙋмле́нїѧ, но не ꙗ҆́кѡ зако́нъ тво́й, гдⷭ҇и [Пс.118:85].

7. Пꙋ́ть ѡ҆правда́нїй твои́хъ вразꙋми́ ми, и҆ поглꙋмлю́сѧ въ чꙋдесѣ́хъ твои́хъ [Пс.118:27].

8. Ѡ҆ мнѣ̀ глꙋмлѧ́хꙋсѧ сѣдѧ́щїи во вратѣ́хъ, и҆ ѡ҆ мнѣ̀ поѧ́хꙋ пїю́щїи вїно̀ [Пс.68:13].

9. Помѧнꙋ́хъ бг҃а и҆ возвесели́хса, поглꙋмлѧ́хса, и҆ малодꙋ́шствоваше дꙋ́хъ мо́й [Пс.76:4].

10. Помѧнꙋ́хь дѣла̀ гдⷭ҇нѧ: ꙗ҆́кѡ помѧнꙋ̀ ѿ нача́ла чꙋдеса̀ твоѧ̑, и҆ поꙋчꙋ́сѧ во всѣ́хъ дѣ́лѣхъ твои́хъ, и҆ въ начина́нїихъ твои́хъ поглꙋмлю́сѧ [Пс.76:12–13].

11. Ті́и спѧ́ти (повергнуты) бы́ша и҆ падо́ша: мы же воста́хомъ и҆ и҆спра́вихомсѧ [Пс.19:9].

12. Да и҆спра́витсѧ моли́тва моѧ̀ ꙗ҆́кѡ кади́ло пред̾ тобо́ю, воздѣѧ́нїе рꙋкꙋ̀ моє́ю, же́ртва вече́рнѧѧ [Пс.140:2].

13. Всесожжє́нїѧ тꙋ̑чна вознесꙋ̀ тебѣ̀ съ кади́ломъ, и҆ ѻ҆вны̀, вознесꙋ̀ тебѣ̀ волы̀ съ козлы̑ [Пс.65:15].

14. Хвали́те бг҃а во ст҃ыхъ є҆гѡ̀, <...> хвали́те є҆го̀ въ тѷмпа́нѣ и҆ ли́цѣ, хвали́те є҆го̀ во стрꙋ́нахъ и҆ ѻ҆рга́нѣ... [Пс.150:1, 4].

держа́ва – 1) сила, могущество, поддержка; 2) власть, господство;

держа́вный – могущественный, мощный.

гна́ти – 1) следовать, идти следом; 2) догонять, гнать, преследовать; 3) стараться, соблюдать.

коры́сть – польза, выгода, добыча.

дово́льный – 1) способный, годный; 2) многочисленный, достаточный.

1. Е҆ди́нъ и҆мѣ́ѧй безсме́ртїе и҆ во свѣ́тѣ живы́й непристꙋ́пнѣмъ, є҆го́же никто́же ви́дѣлъ є҆́сть ѿ человѣ̑къ, нижѐ ви́дѣти мо́жетъ: є҆мꙋ́же чтⷭ҇ь и҆ держа́ва вѣ́чнаѧ [1Тим.6:16].

2. И҆ сїѧ́нїе є҆гѡ̀ ꙗ҆́кѡ свѣ́тъ бꙋ́детъ: ро́зи въ рꙋка́хъ є҆гѡ̀, и҆ положѝ любо́вь держа́внꙋ крѣ́пости своеѧ̀ [Авв.3:4].

3. Держа́ва гдⷭ҇ь боѧ́щихсѧ є҆гѡ̀, и҆ завѣ́ть є҆гѡ̀ ꙗ҆витъ и҆̀мъ [Пс.24:14].

4. Ди́венъ бг҃ъ во ст҃ы́хъ свои́хъ: бг҃ъ і҆и҃левъ, то́й да́стъ си́лꙋ и҆ держа́вꙋ лю́демъ свои̑мъ [Пс.67:36].

5. Держа́вꙋ мою̀ къ тебѣ̀ сохраню̀: ꙗ҆́кѡ ты̀, бж҃е, застꙋ́пникъ мо́й є҆сѝ [Пс.58:10].

6. Воздаю́щїи мѝ ѕла̑ѧ воз̾ блага̑ѧ ѡ҆болга́хꙋ мѧ̀, занѐ гонѧ́хъ благосты́ню [Пс.37:21].

7. Ты́ же, ѽ человѣ́че бж҃їй, си́хъ бѣ́гай: гони́ же пра́вдꙋ, бл҃гочⷭ҇тїе, вѣ́рꙋ, любо́вь, терпѣ́нїе, кро́тость [1Тим.6:11].

8. Падо́хъ же на зе́млю и҆ слы́шахъ гла́съ гл҃ющъ мѝ: са́ѵле, са́ѵле, что́ мѧ го́ниши; А҆́зъ же ѿвѣща́хъ: кто̀ є҆сѝ, гдⷭ҇и; Рече же ко мнѣ̀: а҆́зъ є҆́смь і҆и҃съ назѡре́й, є҆го́же ты̀ го́ниши [Деян.22:7–8].

9. Возра́дꙋюсѧ а҆́зъ ѡ҆ словесѣ́хъ твои́хъ, ꙗ҆́ко ѡ҆брѣта́ѧй коры́сть мно́гꙋ [Пс.118:162].

10. Е҆гда́ же крѣ́плѣй є҆гѡ̀ наше́дъ побѣди́тъ є҆го̀, всѐ ѻ҆рꙋ́жїе є҆гѡ̀ во́зметъ, на не́же ᲂу҆пова́ше, и҆ коры́сть є҆гѡ̀ раздае́тъ [Лк.11:22].

11. По се́мъ воста̀ і҆ꙋ́да галїле́анинъ во дни̑ написа́нїѧ и҆ ѿвлечѐ лю́ди довѡ́льны в̾слѣ́дъ себє̀ [Деян.5:37].

12. Возше́дъ же и҆ прело́мль хлѣ́бъ и҆ вкꙋ́шь, дово́льнѡ же бесѣ́довавъ да́же до зарѝ, и҆ та́кѡ и҆зы́де [Деян.20:11].

13. Сїѧ̑ преда́ждь вѣ̑рнымъ человѣ́кѡмъ, и҆̀же дово́льни бꙋ́дꙋтъ и҆ и҆ны́хъ наꙋчи́ти [2Тим.2:2].

ѕе́лїе – растение, зелень.

ѕла́чный – изобилующий травами, имеющий хорошие пастбища; мѣ́сто ѕла́чно означает хорошее пастбище, место, изобилующее травами, и не имеет отношения к русскому словосочетанию «злачное место».

и҆сповѣ́данїе (и҆сповѣ́дати) – 1) прославление; 2) открытое признание.

1. Ꙗ҆́кѡ трава̀ ско́рѡ и҆́зсшꙋтъ (высохнут), и҆ ꙗ҆́кѡ ѕе́лїе ѕла́ка ско́рѡ ѿпадꙋ́тъ [Пс.36:2].

2. (Зе́рно горꙋ́шично) є҆гда̀ всѣ́ѧно бꙋ́детъ, возраста́етъ, и҆ быва́етъ бо́лѣе всѣ́хъ ѕе́лїй [Мк.4:32].

3. Ѻ҆́въ бо вѣ́рꙋетъ ꙗ҆́сти всѧ̑, а҆ и҆знемога́ѧй ѕє́лїѧ (да) ꙗ҆́стъ [Рим.14:2].

4. Гдⷭ҇ь пасе́тъ мѧ̀, и҆ ничто́же мѧ̀ лиши́тъ. На мѣ́стѣ ѕла́чнѣ, та́мѡ всели́ мѧ: на водѣ̀ поко́йнѣ воспита́ мѧ [Пс.22:1–2].

5. Сїѧ̑ поманꙋ́хъ, и҆ и҆злїѧ́хъ на мѧ̀ дꙋ́шꙋ мою̀: ꙗ҆́кѡ пройдꙋ̀ въ мѣ́сто селе́нїѧ ди́вна, да́же до до́мꙋ бж҃їѧ, во гла́сѣ ра́дованїа и҆ и҆сповѣданїѧ, шꙋ́ма пра́зднꙋющагѡ [Пс.41:5].

6. Прїиди́те, возра́дꙋемсѧ гдⷭ҇еви, воскли́кнемъ бг҃ꙋ сп҃си́телю на́шемꙋ: предвари́мъ лицѐ є҆гѡ̀ во и҆сповѣ́данїи, и҆ во ѱалмѣ́хъ воскли́кнемъ є҆мꙋ̀ [Пс.94:1–2].

7. Ꙗ҆́кѡ всѝ бо́зи ꙗ҆зы̑къ бѣ́сове: гдⷭ҇ь же небеса̀ сотворѝ. И҆сповѣ́данїе и҆ красота̀ пред̾ нимъ, ст҃ы́нѧ и҆ великолѣ́пїе во ст҃и́лѣ є҆гѡ̀ [Пс.95:5–6].

8. По́йте гдⷭ҇еви, прпⷣбнїи є҆гѡ̀, и҆ и҆сповѣ́дайте па́мѧть ст҃ы́ни є҆гѡ̀ [Пс.29:5].

9. Беззако́нїе моѐ позна́хъ и҆ грѣха̀ моегѡ̀ не покры́хъ, рѣ́хъ: и҆сповѣ́мъ на мѧ̀ беззако́нїе моѐ гдⷭ҇еви: и҆ ты̀ ѡ҆ста́вилъ є҆сѝ нече́стїе се́рдца моегѡ̀ [Пс.31:5].

10. Вѣ́рꙋю, гдⷭ҇и, и҆ и҆сповѣ́дꙋю, ꙗ҆́кѡ ты̀ є҆сѝ вои́стиннꙋ хрⷭ҇тосъ, сн҃ъ бг҃а жива́гѡ, прише́дый въ мі́ръ грѣ̑шныѧ спастѝ, ѿ ни́хже пе́рвый є҆́смь а҆́зъ.

11. Исповѣ́данїе вѣ́ры.

12. И́ пѣ́ти тѧ̀ во и҆сповѣ́данїи серде́чнѣмъ.

хꙋдо́жникъ – умелец, мастер.

хра́мъ – 1) дом; 2) храм, церковь.

гро́бъ – погребальная пещера.

воскре́снꙋти – 1) вставать, подниматься; 2) явиться в силе; 3) посетить, предстать.

1. И҆зваѧ́нїе и҆ слїѧ́нїе (т. е. каменный и литой идол), ме́рзость гдⷭ҇еви, дѣ́ло рꙋ́къ хꙋдо́жника [Втор.27:15].

2. Е҆мꙋ́же (гра́дꙋ) хꙋдо́жникъ и҆ содѣ́тель бг҃ъ [Евр.11:10].

3. Въ рꙋкꙋ́ бо є҆гѡ̀ и҆ мы̀ и҆ словеса̀ на̑ша, и҆ всѧ́кїй ра́зꙋмъ и҆ дѣ́лъ хꙋдо́жество [Прем.7:16].

4. Хвали́те и҆́мѧ гдⷭ҇не, хвали́те, рабѝ, гдⷭ҇а, стоѧ́щїи во хра́мѣ гдⷭ҇ни, во дво́рахъ до́мꙋ бг҃а на́шегѡ [Пс.134:1–2].

5. Ѿ хра́ма твоегѡ̀ во і҆ерⷭ҇ли́мъ тебѣ̀ принесꙋ́тъ ца́рїе да́ры [Пс.67:30].

6. И҆лѝ не вѣ́сте, ꙗ҆́кѡ тѣлеса̀ ва̑ша хра́мъ живꙋ́щагѡ въ ва́съ ст҃а́гѡ дх҃а сꙋ́ть... [1Кор.6:19].

7. Срѣ́те є҆го̀ мꙋ́жъ нѣ́кїй ѿ гра́да, и҆́же и҆мѧ́ше бѣ́сы ѿ лѣ́тъ мно́гихъ, и҆ въ ри́зꙋ не ѡ҆блача́шесѧ, и҆ во хра́мѣ не живѧ́ше, но во гробѣ́хъ [Лк.8:27].

8. А҆́ще бы вѣ́далъ до́мꙋ влады́ка, въ кꙋ́ю стра́жꙋ та́ть прїи́детъ, бдѣ́лъ ᲂу҆́бѡ бы и҆ не бы̀ да́лъ подкопа́ти хра́ма своегѡ̀ [Мф.24:43].

9. Ꙗ҆́кѡ нѣ́сть во ᲂу҆стѣ́хъ и҆́хъ и҆́стины, се́рдце и҆́хъ сꙋ́етно, гро́бъ ѿве́рстъ горта́нь и҆́хъ, ѧ҆зы̑ки свои́ми льща́хꙋ [Пс.5:10].

10. И҆ гро́би и҆́хъ жили̑ща и҆́хъ во вѣ́къ, селє́нїѧ и҆́хъ въ ро́дъ и҆ ро́дъ, нареко́ша и҆мена̀ своѧ̑ на землѧ́хъ [Пс.48:12].

11. Воскре́съ і҆и҃съ ѿ гро́ба, ꙗ҆́коже проречѐ.

12. Ты́ же, гдⷭ҇и, во вѣ́къ пребыва́еши, и҆ па́мѧть твоѧ̀ въ ро́дъ и҆ ро́дъ. Ты воскр҃съ ᲂу҆ще́дриши сїѡ́на: ꙗ҆́кѡ вре́мѧ ᲂу҆ще́дрити є҆го̀, ꙗ҆́кѡ прїи́де вре́мѧ [Пс.101:13–14].

13. Сегѡ̀ ра́ди не воскре́снꙋтъ нечести́вїи на сꙋ́дъ: нижѐ грѣ̑шницы въ совѣ́тъ првⷣныхъ [Пс.1:5].

14. Воскрⷭ҇нѝ, гдⷭ҇и, гнѣ́вомъ твои́мъ, вознеси́сѧ въ конца́хъ вра̑гъ твои́хъ, и҆ воста́ни, гдⷭ҇и бж҃е мо́й, повелѣ́нїемъ, и҆́мже заповѣ́далъ є҆сѝ [Пс.7:7].

15. Стра́сти ра́ди ни́щихъ и҆ воздыха́нїѧ ᲂу҆бо́гихъ ны́нѣ воскрⷭ҇нꙋ̀, гл҃етъ гдⷭ҇ь: положꙋ́сѧ во спⷭ҇нїе, не ѡ҆биню́сѧ (буду действовать смело) ѡ҆ не́мъ [Пс.11:6].

16. да воскрⷭ҇нетъ бг҃ъ, и҆ расточа́тсл вразѝ є҆гѡ̀, и҆ да бѣжа́ть ѿ лица̀ є҆гѡ̀ ненави́дѧщїи є҆го̀ [Пс.67:2].