31-й де́нь

Святи́теля Инноке́нтия, апо́стола Сиби́ри и Аме́рики

Святитель Иннокентий (Вениаминов), митрополит Московский и Коломенский

Преподобнаго и чудотворца Ипатия, епископа Гангрскаго

И́на слу́жба священному́ченика Ипатия, епи́скопа Га́нгрскаго Творе́ние иеромона́ха Кариона Истомина

Священному́ченик Ипатий, епископ Гангрский

Святи́теля Ио́ны Митрополи́та, Моско́вскаго и всея́ Росси́и чудотво́рца

Святитель Иона Митрополит, Московский и всея России чудотворец

Преподо́бнаго Ипатия Целе́бника, в Да́льних пеще́рах почива́ющаго

Преподобный Ипатий Целебник

 

 

Святи́теля Инноке́нтия, апо́стола Сиби́ри и Аме́рики

НА ВЕЛИ́ЦЕЙ ВЕЧЕ́РНИ

На Го́споди, воззва́х: стихи́ры на 8, глас 1.

Подо́бен: О, ди́вное чу́до:

О, пресла́вное чу́до:/ новоявле́нный апо́стол Сиби́ри и Аме́рики явля́ется нам/ и моли́твенник те́плый к Бо́гу – Инноке́нтий пречу́дный нам быва́ет;/ весели́ся, оби́тель преподо́бнаго Се́ргия,/ иму́щи в себе́ мо́щи святи́теля,/ взыгра́йте, правосла́вных мно́жества,/ преди́внаго Инноке́нтия иму́ще в беда́х засту́пника и вопию́ще к нему́:/ ра́дуйся, свети́льниче Росси́йский земли́,/ Го́сподеви моли́ся/ дарова́ти душа́м на́шим мир и ве́лию ми́лость.

О, ди́вное чу́до:/ се бо вои́стинну в Росси́йстей стране́/ правосла́вия столп непоколеби́мый –/ равноапо́стольный Инноке́нтий явля́ется нам,/ те́мже, Богому́дрых собо́ри,/ на высоту́ ду́хом возноси́теся, святи́телю вопию́ще:/ ра́дуйся, апо́столе наш,/ Го́сподеви моли́ся/ дарова́ти душа́м на́шим мир и ве́лию ми́лость.

Ди́вны Твоя́ та́йны, Христе́ Бо́же,/ я́ко дарова́л еси́ нам но́ваго свети́льника ве́ры и благоче́стия,/ возсия́вшаго на небеси́ церко́внем/ в лице́ святы́х, Бо́гу угоди́вших,/ апо́стола Сиби́ри и Аме́рики,/ святи́теля Инноке́нтия, к нему́же возопии́м:/ свя́тче Бо́жий, Го́сподеви моли́ся/ дарова́ти душа́м на́шим мир и ве́лию ми́лость.

Дне́сь лику́ют собо́ри ве́рных/ в па́мять твою́, святи́телю Инноке́нтие,/ и велегла́сно вопию́т:/ ты, любве́ ра́ди Христо́вы страну́ свою́ оста́вив,/ всели́лся еси́ на морски́х о́стровех,/ да просвети́ши све́том Ева́нгелия неве́дущия Христа́,/ иде́же апо́стольски потруди́лся еси́,/ язы́ческая племена́ крести́в,/ доброде́ланию их научи́л,/ челове́ческия обы́чаи украси́л еси́, вопию́щих ти:/ ра́дуйся, просвети́телю наш,/ Го́сподеви моли́ся/ дарова́ти душа́м на́шим мир и ве́лию ми́лость.

Твое́ сла́вят успе́ние иера́рхов собери́,/ и́ноков ли́цы и вся язы́цы, тобо́ю просвеще́ннии,/ ра́дуются земноро́днии о твое́й сла́ве и воспева́ют:/ святи́телю Христо́в Инноке́нтие,/ Го́сподеви моли́ся/ дарова́ти душа́м на́шим мир и ве́лию ми́лость.

Глас 2: Ки́ими похва́льными венцы́/ венча́ем святи́теля,/ предстоя́щаго на Небеси́ Бо́гу,/ не оставля́ющаго же нас ду́хом,/ священнопропове́дника Богому́дра, нра́вов/ апо́стольских подража́теля,/ сей бо вои́стинну е́сть досто́ин безсме́ртныя сла́вы,/ его́же венча́ет на Небеси́ Христо́с Бог наш,/ име́яй ве́лию ми́лость.

Ки́ими пе́сненными добро́тами/ восхва́лим Инноке́нтия святи́теля,/ хвалу́ воспе́вшаго посреде́ ро́да неве́рных/ и Богопозна́нием мно́гия вразуми́вшаго,/ гре́шныя от заблужде́ний отврати́вшаго/ и А́нгелом мно́гу ра́дость сотво́ршаго,/ сей вои́стинну досто́ин е́сть уста́ Бо́жия нарещи́ся,/ прие́м вене́ц на Небеси́ от Христа́ Бо́га на́шего,/ иму́щаго ве́лию ми́лость.

Ки́ими пе́сньми духо́вными/ похва́лим святи́теля Инноке́нтия,/ гра́да Ирку́тска прозябе́ние,/ всея́ Сиби́ри удобре́ние,/ Аме́рики просвети́теля/ и всея́ Росси́и украше́ние,/ но́ваго чудотво́рца, безме́зднаго врача́,/ его́же прославля́ет Христо́с Бог наш,/ име́яй ве́лию ми́лость.

Сла́ва, глас 6:

Святи́теля вели́каго Инноке́нтия,/ во иера́рсех изря́днаго,/ в ликостоя́нии святы́х сла́внаго,/ в чудотво́рцех чу́днаго,/ архиере́я свята́го,/ соше́дшеся в па́мять его́, о празднолю́бцы,/ пе́сненными похвала́ми ублажи́м, глаго́люще:/ ра́дуйся, пра́ведне, его́же душа́ в руце́ Бо́жии,/ во све́те пренебе́снем;/ ра́дуйся, пропове́дниче, просвети́вый и научи́вый язы́ческая племена́;/ ра́дуйся, блаже́нне, чи́стый се́рдцем, я́сно ны́не Бо́га зряй;/ ра́дуйся, святы́й, всех святы́х Бо́гу Святе́йшему благоугоди́вый;/ ра́дуйся, до́брый ра́бе Госпо́день,/ вше́дый в ра́дость Го́спода своего́,/ Ему́же ны́не моли́ся/ о чту́щих всечестну́ю па́мять твою́.

И ны́не, Богоро́дичен, глас то́йже:

Кто Тебе́ не ублажи́т, Пресвята́я Де́во?/ кто ли не воспое́т Твоего́ Пречи́стаго Рождества́?/ Безле́тно бо от Отца́ возсия́вый Сын Единоро́дный,/ То́йже от Тебе́, Чи́стыя, про́йде,/ неизрече́нно вопло́щся:/ естество́м Бог Сый/ и естество́м быв Челове́к нас ра́ди;/ не во двою́ лицу́ разделя́емый,/ но во двою́ естеству́/ несли́тно познава́емый./ Того́ моли́, Чи́стая Всеблаже́нная,/ поми́ловатися душа́м на́шим.

Вход. Проки́мен дне. И чте́ния.

При́тчей чте́ние (главы́ 10, 3 и 8):

Па́мять пра́веднаго с похвала́ми,/ и благослове́ние Госпо́дне на главе́ его́./ Блаже́н челове́к, и́же обре́те прему́дрость,/ и сме́ртен, и́же уве́де ра́зум./ Лу́чше бо сию́ купова́ти,/ не́жели зла́та и сребра́ сокро́вища./ Честне́йшая же е́сть ка́мений многоце́нных,/ все же честно́е недосто́йно ея́ е́сть./ Долгота́ бо дней и ле́та живота́ в десни́це ея́,/ в шу́йце же ея́ бога́тство и сла́ва./ От уст ея́ исхо́дит пра́вда,/ зако́н же и ми́лость на язы́це но́сит./ Послу́шайте у́бо мене́, о ча́да,/ честна́я бо реку́,/ и блаже́н челове́к, и́же пути́ моя́ сохрани́т:/ исхо́ди бо мои́ – исхо́ди живота́,/ и уготовля́ется хоте́ние от Го́спода./ Сего́ ра́ди молю́ вас/ и предлага́ю мой глас сыново́м челове́ческим,/ я́ко аз, прему́дрость, устро́их сове́т/ и ра́зум, и смысл аз призва́х./ Мой сове́т и утвержде́ние,/ мой ра́зум, моя́ же кре́пость./ Аз мене́ лю́бящия люблю́,/ и́щущии же мене́ обря́щут благода́ть./ Разуме́йте у́бо, незло́бивии, кова́рство,/ ненака́заннии же, прилага́йте сердца́./ Послу́шайте мене́ и па́ки, честна́я бо реку́,/ и отве́рзу от усте́н пра́вая,/ я́ко и́стине поучи́тся горта́нь мой,/ ме́рзки же предо мно́ю устны́ лжи́выя./ С пра́вдою вси глаго́лы уст мои́х:/ ничто́же в них стро́потно, ниже́ развраще́нно./ Вся пра́ва су́ть разумева́ющим/ и про́ста обрета́ющим ра́зум./ Науча́ю бо вас и́стине,/ да бу́дет о Го́споде наде́жда ва́ша,/ и испо́лнитеся Ду́ха.

Прему́дрости Соломо́новы чте́ние (глава́ 10):

Уста́ пра́веднаго ка́плют прему́дрость,/ устне́ же муже́й му́дрых ве́дят благода́ть./ Уста́ му́дрых поуча́тся прему́дрости,/ пра́вда же избавля́ет от сме́рти./ Сконча́вшуся му́жу пра́ведну не поги́бнет наде́жда,/ сын бо пра́веден ражда́ется в живо́т/ и во благи́х свои́х плод пра́вды обы́мет./ Свет пра́ведным всегда́/ и от Го́спода обря́щут благода́ть и сла́ву./ Язы́к му́дрых до́брая све́сть,/ и в се́рдце их почи́ет му́дрость./ Лю́бит Госпо́дь преподо́бная сердца́,/ прия́тни же ему́ вси непоро́чнии в пути́./ Му́дрость Госпо́дня просвеща́ет лице́ разу́мнаго./ Постига́ет бо жела́ющия ю,/ пре́жде да́же, разуме́ти ю,/ и удо́бь у́зрится от лю́бящих ю./ У́треневавый к ней не утруди́тся,/ и бдяй ея́ ра́ди вско́ре без печа́ли бу́дет./ Я́ко досто́йных ея́ сама́ обхо́дит и́щущи,/ и во стезя́х ея́ явля́ется им благоприе́мне./ Му́дрости никогда́же одоле́ет зло́ба./ Сих ра́ди и рачи́тель бых добро́ты ея́/ и возлюби́х ю, и поиска́х от ю́ности моея́./ И взыска́х неве́сту привести́ себе́,/ я́ко всех Влады́ка возлюби́ ю./ Таи́бница бо е́сть Бо́жия хи́трости/ и обрета́тельница дел его́./ Труды́ ея́ су́ть доброде́тели,/ целому́дрию же и ра́зуму та учи́т, пра́вде и му́жеству,/ и́хже потре́бнее ничто́же е́сть в жити́и челове́ком./ А́ще же и мно́гаго иску́сства жела́ет кто,/ ве́сть дре́вняя и бы́ти хотя́щая разсмо́трит./ Све́сть изви́тия слове́с и разреше́ния гада́ний,/ зна́мения и чудеса́ проразуме́ет и сбытия́ време́н и лет,/ и всем сове́тник е́сть благ,/ я́ко безсме́ртие е́сть в ней и благосла́вие во обще́ние слове́с ея́./ Сего́ ра́ди бесе́довах ко Го́споду и помоли́хся Ему́,/ и рех от всего́ се́рдца моего́:/ Бо́же отце́в и Го́споди ми́лости,/ сотвори́вый вся сло́вом Твои́м/ и му́дрости, Твое́ю устро́ивый челове́ка,/ да владе́ет бы́вшими от Тебе́ тварми́,/ и да управля́ет мир в преподо́бии и пра́вде./ Да́ждь ми Твои́х престо́лов приседя́щую прему́дрость/ и не отлучи́ мене́ от о́трок Твои́х,/ я́ко аз раб Твой и сын Рабы́ни Твоея́./ Посли́ ю с Небе́с от свята́го жили́ща Твоего́/ и от Престо́ла сла́вы Твоея́,/ да су́щи со мно́ю научи́т мя,/ что благоуго́дно е́сть пред Тобо́ю./ И наста́вит мя в ра́зум и сохрани́т мя в сла́ве свое́й./ Помышле́ния бо сме́ртных вся боязли́ва/ и погреши́тельна умышле́ния их.

Прему́дрости Соломо́новы чте́ние (глава́ 4):

Похваля́ему пра́веднику возвеселя́тся лю́дие,/ безсме́ртие бо е́сть па́мять его́,/ я́ко от Го́спода познава́ется и от челове́к,/ и уго́дна Го́сподеви душа́ его́./ Возлюби́те у́бо, о му́жие, му́дрость и поживете́,/ восхощи́те ея́ и нака́зани бу́дете,/ нача́ло бо ея́ любы́ и соблюде́ние зако́на./ Почти́те прему́дрость, да во ве́ки ца́рствуете./ Возвещу́ вам и не скры́ю от вас та́ин Бо́жиих:/ я́ко Той му́дрости Наста́вник е́сть и му́дрых Испра́витель,/ и вся́кому смы́слу и де́лу Хитре́ц./ И всем смы́слом научи́т му́дрость,/ е́сть бо в ней дух разу́мен и свят и сия́ние све́та присносу́щнаго/ и о́браз бла́гости Бо́жия./ Та дру́ги Бо́жия и проро́ки устроя́ет,/ благоле́пнейши же е́сть со́лнца и па́че вся́каго сотворе́ния звезд,/ све́ту сосужда́ема, обрета́ется пе́рвейши./ Та угожда́ющих ей от боле́зней изба́ви и наста́ви на стези́ пра́выя,/ даде́ им ра́зум име́ти свят и сохрани́ я от ловя́щих и по́двиг кре́пок подаде́ им./ Да разуме́ют вси, я́ко си́льнейши всего́ е́сть благоче́стие/ и никогда́же премо́жет зло́ба му́дрости,/ ниже́ пре́йдет злы́я облича́ющи суд./ Реко́ша же в себе́, помы́сливше непра́ведно:/ наси́льствуем пра́ведному и не пощади́м преподо́бства его́,/ ни усрами́мся седи́н ста́рости многоле́тны./ Бу́дет бо нам кре́пость зако́н и улови́м пра́веднаго,/ я́ко неуго́ден нам е́сть и проти́вится де́лом на́шим/ и поно́сит нам отпаде́ние зако́на/ и облича́ет нам согреше́ния наказа́ния на́шего./ Возвеща́ет нам ра́зум име́ти Бо́жий/ и о́трока Госпо́дня себе́ имену́ет./ Бы́сть нам на обличе́ние помышле́нием на́шим,/ и тя́жек нам е́сть и ви́димь,/ я́ко неподо́бно ины́м житие́ его́ и измене́ны стези́ его́,/ в поруга́ние вмени́хомся ему́/ и удаля́ется от путе́й на́ших, я́ко от нечисто́т,/ и блажи́т после́дняя пра́ведных./ Уви́дим у́бо, а́ще словеса́ его́ и́стинна су́ть,/ иску́сим я́же сбыва́ются ему́./ Руга́нием и му́кою истя́жем его́,/ да разуме́ем кро́тость его́/ и иску́сим беззло́бство его́,/ сме́ртию безобра́зною осу́дим его́,/ бу́дет бо посеще́ние от слове́с его́./ Сия́ помы́слиша и прельсти́шася,/ ослепи́ бо я зло́ба их/ и не разуме́ша та́ин Бо́жиих,/ и не разсуди́ша, я́ко Ты еси́ Бог Еди́н,/ живота́ име́яй и сме́рти вла́сть,/ и спаса́яй во вре́мя ско́рби, и избавля́яй от вся́каго зла./ Щедр и Ми́лостив и дая́ преподо́бным Свои́м благода́ть,/ и Свое́ю мы́шцею го́рдым противля́яся.

На лити́и стихи́ра, глас 8:

Прииди́те, правосла́вных собо́ри,/ принеси́те ны́не пе́ние и моле́ние своему́ просвети́телю,/ той бо нача́ток бы́сть про́поведи Боже́ственныя,/ е́юже мно́гия приве́д ко Христу́,/ Ему́же, а́ще и на Небесе́х предстои́т,/ оба́че и земна́я посеща́ет/ и ны́не с на́ми спра́зднует и возвеселя́ет со́бранныя лю́ди своя́,/ зрит покланя́ющияся свято́му о́бразу его́/ и слы́шит моли́твы моля́щихся, вопию́щих к нему́:/ святи́телю о́тче Инноке́нтие,/ бу́ди с на́ми, и никто́же на ны.

Сла́ва, и ны́не, глас то́йже:

Твои́ раби́, Влады́чице,/ в Це́ркви Твое́й ве́рою предстоя́ще,/ Твоея́ ожида́ем ми́лости:/ посети́ на́ше смире́ние,/ святы́м Твои́м покро́вом защити́ нас от вся́каго зла,/ бу́ди с на́ми, и никто́же на ны.

На стихо́вне стихи́ры, глас 5.

Подо́бен: Ра́дуйся:

Ра́дуйся, иера́рше Христо́в,/ вели́кий уго́дниче Бо́жий,/ служи́телю, Боже́ственных та́ин досто́йный,/ чи́стый и честны́й сосу́де Свята́го Ду́ха,/ носи́вый Бо́га в се́рдце твое́м вы́ну,/ во усте́х же благода́ть излива́ющуюся име́вый,/ па́стырю до́брый,/ учи́телю прему́дрый,/ наста́вниче изря́дный,/ ко́рмчий корабля́ церко́внаго иску́сный,/ прави́телю чу́дный,/ путеводи́телю изве́стный,/ святи́телю о́тче Инноке́нтие,/ моли́ Христа́ Бо́га спасти́ся душа́м на́шим.

Стих: Уста́ моя́ возглаго́лют прему́дрость/ и поуче́ние се́рдца моего́ ра́зум.

Ра́дуйся, свяще́нная главо́,/ добро́то престо́ла архиере́йска,/ иера́рхов похвало́, весе́лие люде́й ве́рных,/ ра́дование печа́льных,/ целе́бниче больны́х,/ помо́щниче безпомо́щным,/ исто́чниче неоску́дный к тебе́ прибега́ющим,/ и́мже почерпа́ем от Христа́ Бо́га ве́лию ми́лость.

Стих: Свяще́нницы Твои́ облеку́тся в пра́вду,/ и преподо́бнии Твои́ возра́дуются.

Ра́дуйтеся, правосла́вных собо́ри,/ прославля́юще па́мять святи́теля Инноке́нтия,/ апо́стольски в Сиби́ри и Аме́рике потруди́вшагося,/ тьму́ нече́стия отгна́вшаго,/ свет же ве́ры в ро́дех возсия́вшаго,/ защи́тника и засту́пника,/ стено́ю моли́тв свои́х кре́пце ве́рных огражда́ющаго,/ Бо́гу о нас предста́тельствующаго и моля́щагося,/ да прие́млем ве́лию ми́лость.

Сла́ва, глас 2:

Святи́телю Богому́дре Инноке́нтие!/ Ты раб благи́й и ве́рный у Го́спода был еси́,/ не сокры́в в земле́ да́нный тебе́ от Него́ тала́нт,/ но, уча́ и творя́, умно́жил еси́ его́,/ те́мже, вма́ле ве́рен быв,/ над мно́гим поста́влен еси́ от Небе́снаго Домовлады́ки,/ Его́же моли́ о чту́щих с ве́рою па́мять твою́.

И ны́не, Богоро́дичен, глас то́йже:

Все упова́ние мое́ на Тя возлага́ю,/ Ма́ти Бо́жия,/ сохрани́ мя под кро́вом Твои́м.

Тропа́рь, глас 1:

Во вся страны́ полу́нощныя изы́де веща́ние твое́,/ я́ко прие́мшия сло́во твое́,/ и́хже боголе́пно научи́л еси́,/ неве́дущия Христа́ све́том Ева́нгелия просвети́л еси́,/ челове́ческия обы́чаи украси́л еси́,/ Росси́йская похвало́, святи́телю о́тче наш Инноке́нтие,/ моли́ Христа́ Бо́га/ спасти́ся душа́м на́шим.

Ин тропа́рь, глас 3:

Пе́рвый учи́тель пре́жде те́мным язы́ческим племена́м,/ пе́рвый возвести́тель им пути́ спаси́тельнаго,/ апо́стольски потруди́выйся в просвеще́нии Сиби́ри и Аме́рики,/ святи́телю о́тче наш Инноке́нтие,/ Влады́ку всех моли́/ мир вселе́нней дарова́ти/ и душа́м на́шим ве́лию ми́лость.

И ны́не, Богоро́дичен.

НА У́ТРЕНИ

По 1-м стихосло́вии, седа́лен, глас 3:

Но́вый свети́льник Це́ркви Христо́вой яви́лся еси́, святи́телю Инноке́нтие,/ и моли́твенник те́плый,/ я́ко и по сме́рти неотсту́пно Ду́хом нас посеща́еши./ Те́мже и припа́даем к тебе́, святы́й апо́столе наш,/ моли́ о нас, любо́вию па́мять твою́ почита́ющих,/ да изба́вимся от всех зол моли́твами твои́ми.

Сла́ва, и ны́не, Богоро́дичен:

Богора́дованная Влады́чице,/ святи́телем удобре́ние, пра́ведным утвержде́ние и преподо́бным всем похвало́,/ спаси́ ны от бед, и скорбе́й, и лю́тых прегреше́ний/ предста́тельством и моли́твами Твои́ми.

По 2-м стихосло́вии, седа́лен, глас 8:

Прему́дрости сокро́вище быв, святи́телю Инноке́нтие,/ сердца́ неве́рных люде́й уче́нием твои́м просвети́л еси́,/ благоче́стия се́мена насади́в,/ те́мже Тя вси, я́ко учи́теля прему́дра, ублажа́ем и мо́лим:/ моли́ся Христу́, Ему́же от ю́ности порабо́тал еси́,/ изба́вити нас от наве́т вра́жиих и спасти́ся душа́м на́шим.

Сла́ва, и ны́не, Богоро́дичен:

Моли́тву приими́ от нас, в кров Твой, Пречи́стая Де́во, прибега́ющих,/ не преста́й моля́щи Человеколю́бца спасти́ся рабо́м Твои́м.

По полиеле́и седа́лен, глас 4:

От ю́ности доброде́тели прилежа́в,/ сосу́д Ду́ха Свята́го, святи́телю Инноке́нтие, был еси́,/ от Него́же и прему́дрости навы́к,/ научи́л еси́ челове́ки Христу́ ве́ровати./ Его́же моли́ спасти́ всех, любо́вию тя почита́ющих.

Сла́ва, и ны́не, Богоро́дичен:

Моли́твами, Спа́се, Пречи́стыя Твоея́ Ма́тере и свята́го равноапо́стольнаго Инноке́нтия/ ми́лости Твоя́ нам низпосли́ бога́тно/ и мир Твой пода́ждь лю́дем Твои́м.

Та́же степе́нна, 1-й антифо́н 4-го гла́са. Проки́мен, глас 4: Уста́ моя́ возглаго́лют прему́дрость/ и поуче́ние се́рдца моего́ ра́зум. Стих: Услы́шите сия́, вси язы́цы, внуши́те, вси, живу́щии по вселе́нней. Ева́нгелие от Иоа́нна, зача́ло 35, от полу́.

По 50-м псалме́ стихи́ра, глас 6:

Ты еси́ па́стырь до́брый,/ взыска́вый заблу́ждшия/ и поги́бшия души́ обрати́вый,/ ко́злища во о́вцы претвори́вый/ и во Христо́ву приведы́й я огра́ду,/ те́мже дне́сь, лю́дие твои́, в па́мять твою́ соше́дшеся,/ единогла́сно восхваля́ем тя, глаго́люще:/ ра́дуйся, святи́телю Бо́жий Инноке́нтие,/ пе́рвый Камча́тский, Кури́льский и Алеу́тский архиере́ю;/ ра́дуйся, пропове́дниче ве́ры и о́бразе до́брых дел;/ ра́дуйся, стране́ на́шей утвержде́ние;/ ра́дуйся, учи́телю, научи́вый язы́ческая племена́ покланя́тися в Тро́ице Еди́ному Бо́гу –/ Отцу́, и Сы́ну, и Свято́му Ду́ху,/ Ему́же ны́не предстоя́ со святи́тели и апо́столы,/ моли́ся о спасе́нии пра́зднующих святу́ю и всечестну́ю па́мять твою́.

Кано́н святи́телю, его́же краегране́сие: От Го́спода стопы́ челове́ку исправля́ются. Глас 8.

Пе́снь 1

Ирмо́с: Ди́вному Бо́гу вели́чия принесе́м,/ и великоле́пно с на́ми/ да воспое́т земля́ и не́бо/ я́сно сла́ву Его́.

Отве́рзем уста́ похва́льная,/ уясни́м язы́к в па́мяти, вси ве́рнии, но́ваго Росси́йскаго свети́льника,/ апо́стола Сиби́ри и Аме́рики, святи́теля Инноке́нтия,/ и с ним ди́вному Бо́гу вели́чия принесе́м, и воспое́м сла́ву Его́.

Госпо́дню гла́су, призва́вшему просвети́ти лю́ди, во тьме́ седя́щия, послушли́в был еси́,/ страну́ свою́ оста́вив, да́льнему и тру́дному пути́ вда́лся еси́/ и, дости́г к Алеу́тским острово́м,/ там о апо́стольски потруди́лся еси́,/ вели́чия ди́вному Бо́гу принося́ и воспева́я сла́ву Его́.

Оте́ц и учи́тель был еси́ алеу́том, све́том Ева́нгелия тех просвети́в,/ научи́л еси́ их плинфоде́ланию 50, каменозда́тельству и ины́м худо́жеством/ и с по́мощию их храм в че́сть Вознесе́ния Госпо́дня воздви́гл еси́,/ освяти́л еси́ его́,/ да вси прино́сят в нем вели́чия Бо́гу, ди́вному во святы́х, и пою́т сла́ву Его́.

Богоро́дичен: Спаси́тельное еси́ приста́нище и покро́в призыва́ющих Тя, Богороди́тельнице Пречи́стая,/ те́мже от души́ призыва́ем Тя те́пле:/ Влады́чице, спаси́ ны/ и научи́ нас ди́вному Бо́гу вели́чия приноси́ти и воспева́ти сла́ву Его́.

Пе́снь 3

Ирмо́с: Уподо́би мя, Христе́, у́мно горе́ Сио́нстей,/ возвы́сивый и утверди́вый в наде́жди о Тебе́/ и иска́павый ро́су благода́ти,/ Человеколю́бче.

Подража́тель любве́ Отца́ Небе́снаго,/ я́ко сын любве́, в любви́ пребыва́яй,/ любо́вию Христо́вою возлюби́л еси́ ча́да твоя́, святи́телю Инноке́нтие,/ просвеще́ния их ра́ди в ма́лем кораблеце́,/ волна́ми морски́ми обурева́емь, преплыва́л еси́ от о́строва на о́стров, пропове́дуя Христа́:/ мно́гия жи́тели прибре́жия Бе́рингова мо́ря крести́л еси́ и моли́лся еси́ о них,/ я́ко да иска́пает на них ро́су благода́ти Своея́ Человеколю́бец.

О́стров Ситх апо́стольскими твои́ми труды́, святи́телю Инноке́нтие, хва́лится,/ та́мо бо пле́мя колоше́й просвети́л еси́/ и храм во и́мя Арха́нгела Михаи́ла воздви́гл еси́,/ в не́мже и до ны́не возно́сится моле́ние Го́споду Бо́гу,/ источи́вшему на них ро́су благода́ти Своея́.

Доброде́тельми, я́ко луча́ми со́лнечными, просвети́л еси́ неве́рных в да́льних страна́х,/ пятьна́десять бо лет апо́стольски труди́лся еси́ на Алеу́тских острове́х,/ иде́же не то́чию па́стырь и учи́тель,/ но и строи́тель, и врач, и всем вся в ну́ждах был еси́,/ да вся приобря́щеши и приведе́ши Христу́. Те́мже от святи́теля Филаре́та Моско́вскаго проро́чески,/ я́ко равноапо́стол, пре́жде твоего́ прославле́ния на земли́, почте́н был еси́/ и от Бо́га венча́н сла́вою на Небеси́,/ Его́же моли́, да низпо́слет и нам ро́су благода́ти Своея́ Человеколю́бец.

Богоро́дичен: Арха́нгельскую пе́снь, е́же ра́дуйся, Тебе́ зове́м, Богоневе́сто, Госпо́дь с Тобо́ю,/ ра́дуйся, Ра́досте А́нгелов и всех челове́ков, сла́вящих Тя, весе́лие,/ спаси́ ду́ши пою́щих Тя, Богоро́дице Чи́стая.

Седа́лен, глас 2:

Орга́не доброгла́сный,/ возгреме́вый Христо́во Ева́нгелие лю́дем Сиби́ри и Аме́рики/ и тем возвести́вый сло́ва Бо́жия смотре́ние,/ ум Го́рний,/ до́ле жи́тельствуяй и в Небесе́х Богомы́слием пребыва́яй,/ ты, управля́я твою́ па́ству, умно́жил еси́ церко́вная ча́да/ усынови́в я Небе́сному Отцу́,/ и ны́не, святи́телю Инноке́нтие, моли́ся о нас,/ всеблаже́нную па́мять твою́ ра́достно пра́зднующих.

Сла́ва, и ны́не, Богоро́дичен:

С ве́рою и любо́вию притека́ющих к Тебе́/ и со стра́хом пою́щих Тя/ моли́твенный глас услы́ши, Влады́чице.

Пе́снь 4

Ирмо́с: Всел еси́ на ко́ни, апо́столы Твоя́, Го́споди,/ и прия́л еси́ рука́ма Твои́ма узды́ их,/ и спасе́ние бы́сть ежде́ние Твое́/ ве́рно пою́щим;/ сла́ва си́ле Твое́й, Го́споди.

Смотре́нием Бо́жиим Це́рковь Ру́сская в земли́ Америка́нстей ка́федру святи́тельскую учрежда́ет/ и тя во епи́скопа Камча́тскаго, Кури́льскаго и Алеу́тскаго поставля́ет./ Ты же, святи́телю Инноке́нтие, во́ли Госпо́дней повину́яся, корми́ло правле́ния прие́млеши,/ ди́вному Па́влу, апо́столу язы́ков, подража́я, земли́ обши́рныя обтека́еши,/ просвеще́нную твою́ па́ству науча́я пе́ти:/ сла́ва си́ле Твое́й, Го́споди.

Труды́ твои́ми апо́стольскими просвети́л е́сть Госпо́дь лю́ди, во тьме́ и се́ни сме́ртней седя́щия,/ те́мже, я́ко до́брый па́стырь, святи́телю Инноке́нтие,/ указа́л еси́ им пу́ть в Ца́рство Небе́сное, всех науча́я пе́ти:/ сла́ва си́ле Твое́й, Го́споди.

О тебе́, просвети́теле свое́м, алеу́ты и колоши́ возра́довашася/ и, до дне́сь внима́я уче́нию твоему́, прино́сят в же́ртву Бо́гу труды́ рук свои́х,/ благода́рно любо́вию почита́я тя,/ научи́вшаго их воспева́ти еди́ными усты́:/ сла́ва си́ле Твое́й, Го́споди.

Богоро́дичен: Пыла́ющий страсте́й пла́мень в нас угаси́,/ исто́чник слез да́руй, Влады́чице,/ я́ко да и́ми оты́мем скве́рну смире́нных душ на́ших и обря́щем ми́лость, во е́же пе́ти:/ сла́ва си́ле Твое́й, Го́споди.

Пе́снь 5

Ирмо́с: Повеле́ния Твоя́ просвеще́нием, Христе́ Бо́же,/ я́ко Благ, показа́л еси́,/ зане́, Светода́вче,/ от но́щи у́тренююще, сла́ву возсыла́ем.

Чистото́ю жития́ твоего́ и неуста́нными труды́ твои́ми/ в нощи́ неве́дения седя́щия язы́ки Камча́тския – коря́ки, чу́кчи и тунгу́сы ко све́ту Христо́ву обрати́л еси́, святи́телю Инноке́нтие,/ и научи́л еси́ их у́треневати и сла́ву Бо́гу возсыла́ти.

Еле́ем любве́ твоея пома́зал еси́ лю́ди, на морски́х острове́х су́щия,/ апо́стольски утвержда́я Це́рковь Христо́ву, в ве́ре покланя́тися Триеди́ному Бо́гу./ Сего́ ра́ди со апо́столы ра́дуешися,/ прие́мля по́честь благове́стника Христо́ва.

Ле́ности и вся́каго мирска́го пристра́стия в жи́зни сей уклони́лся еси́,/ пло́ть свою́ труда́ми и по́двигами истни́л 51 еси́,/ посеща́я па́ству свою́ в Яку́тске и Приаму́рстей стране́,/ иде́же хра́мы Бо́жия созда́в,/ град Благове́щенск святи́тельскою ка́федрою украси́л еси́/ и, но́выя о́вцы ста́да Христо́ва поуча́я,/ сло́во Бо́жие на их язы́ки преве́л еси́:/ да всяк язы́к, от но́щи у́тренюя, сла́ву возсыла́ет Бо́гу.

Богоро́дичен: О Богороди́тельнице, ра́дости Пода́тельнице,/ ве́рою сла́вящия Тя и от души́ пою́щия Тя/ ра́дости неизрече́нныя испо́лни и Све́та невече́рняго сподо́би,/ Де́во Богоблагода́тная, Влады́чице.

Пе́снь 6

Ирмо́с: Отве́ргл мя еси́/ во глубины́ се́рдца морска́го,/ и ви́дех чудеса́ Твоя́, Го́споди.

В корабли́ с тобо́ю плову́щии, в пучи́не бу́рею потопля́еми,/ мо́ре, повину́вшееся тебе́, ви́деша и у́жасом одержи́ми бы́ша,/ те́мже, от безду́шнаго научи́вшеся, свя́тости твое́й поклони́шася, святи́телю Инноке́нтие,/ прославля́юще чудеса́ Госпо́дня.

Егда́ во́лею Бо́жиею к бе́регу Япо́нии приста́л еси́, святи́телю Инноке́нтие,/ та́мо сподви́жнику твоему́, равноапо́стольному Никола́ю, благослове́ние на труды́ апо́стольския препода́л еси́,/ утверди́в в нем ре́вность Бо́жию просвеща́ти лю́ди япо́нския,/ сего́ ра́ди и просла́влена еста́, я́ко благове́стника Христо́ва.

Ко́рмчий иску́сный корабля́ церко́внаго,/ чу́дно по вода́м морски́м преплы́л еси́/ и в земле́ непло́дней ра́лом слове́с твои́х олядене́вшая люде́й се́рдца возде́лал еси́,/ Боже́ственное се́мя в них все́яв,/ плод кра́сный Христу́, святи́телю Инноке́нтие, возрасти́л еси́, взыва́я ко Го́споду:/ на о́стровех морски́х ви́дех чудеса́ Твоя́, Го́споди.

Богоро́дичен: Упова́ние и наде́жда на́ша Ты еси́, Пресвята́я Богоро́дице,/ спаси́ страну́ на́шу правосла́вную и лю́ди Твоя́,/ моля́щияся и и́мя Твое́ призыва́ющия.

Конда́к, глас 4:

И́стинный и нело́жный учи́тель был еси́:/ запове́данная бо Го́сподем сам сотвори́в,/ и́мже учи́л еси́ и наказа́л еси́ ко благоче́стию приходя́щая ча́да,/ неве́рныя вразумля́л еси́ позна́ти ве́ру и́стинную,/ просвеща́я их святы́м Креще́нием./ Сего́ ра́ди со апо́столы ра́дуешися,/ прие́мля по́честь благове́стника Христо́ва.

И́кос:

Пе́рвый се́ятель был еси́ духо́вных доброде́телей,/ архиере́й и учи́тель тобо́ю просвеще́нным в стра́нах Сиби́ри и Аме́рики./ Мно́гия язы́ки от неве́рия в ве́ру Христо́ву приве́л еси́,/ чи́стым житие́м Бо́гу угожда́ти тех наставля́я./ Сего́ ра́ди прославля́ем тя, святи́телю Инноке́нтие,/ я́ко благове́стника Христо́ва.

Пе́снь 7

Ирмо́с: В нача́ле зе́млю основа́вый/ и Небеса́ сло́вом утверди́вый,/ благослове́н еси́ во ве́ки, Го́споди, Бо́же оте́ц на́ших.

И́го Христо́во на ра́мо взем, после́довал еси́ стопа́м Его́,/ апо́стольски в да́льней стране́ потруди́лся еси́,/ тобо́ю просвеще́нным ча́дом сло́во Бо́жие на яку́тском язы́ке возвести́л еси́,/ да прославля́ют они́ Основа́вшаго зе́млю на вода́х, поя́ Го́сподеви:/ благослове́н еси́ во ве́ки, Бо́же оте́ц на́ших.

Слове́сную па́ству Христо́ву благово́нным зла́ком богоуго́дно воспита́вый/ и на пра́вый христоподража́тельнаго жития́ пу́ть боголе́пно наста́вивый,/ вручи́л еси́ прее́мником твои́м/ и, Го́споду изво́лившу, стопы́ твоя́ в первопресто́льный град Москву́ напра́вил еси́, поя́ Го́сподеви:/ благослове́н еси́ во ве́ки, Бо́же оте́ц на́ших.

Па́стырски жезл прие́м, святи́телю Инноке́нтиев Про́мыслом Бо́жиим води́м был еси́,/ на престо́л моско́вский прише́д,/ пра́здник святи́телей Петра́, Алекси́я, Ио́ны и Фили́ппа учреди́л еси́,/ и, по апо́столу, всем вся быв,/ да всех ко Христу́ приведе́ши и ку́пно с ни́ми вопие́ши:/ благослове́н еси́ во ве́ки, Го́споди, Бо́же оте́ц на́ших.

Богоро́дичен: Ра́дуйся, престо́ле Госпо́день огнезра́чный;/ ра́дуйся, заре́ невеще́ственнаго блиста́ния;/ ра́дуйся, о́блаче возсия́вшаго Со́лнца Пра́веднаго – Христа́, Спа́са на́шего, Ему́же пое́м:/ благослове́н еси́, Го́споди, Бо́же оте́ц на́ших.

Пе́снь 8

Ирмо́с: Покрыва́яй вода́ми превы́спренняя Своя́,/ полага́яй мо́рю преде́л песо́к/ и содержа́й вся,/ Тя пое́т со́лнце, Тя хва́лит луна́,/ Тебе́ прино́сит пе́снь вся тва́рь,/ я́ко Соде́телю всех во ве́ки.

Архиере́й сый, святи́телю Инноке́нтие,/ архипа́стырем на́шим в моли́твах спосо́бствуй,/ да пра́во пра́вят сло́во и́стины,/ Це́рковь Правосла́вную огради́, страну́ на́шу сохрани́,/ су́етными и стра́стными помышле́нии мяту́щийся ум наш исцели́,/ разсла́бленная сердца́ на́ша укрепи́, ве́ру в нас умно́жи,/ да сла́вим Соде́теля всех во ве́ки.

Все́льшаяся в тя благода́ть Свята́го Ду́ха святи́теля тя изря́дна нам показа́,/ светоно́сными равноапо́стольных исправле́ний заря́ми/ Це́рковь Росси́йскую све́тло озари́, священнонача́льниче Инноке́нтие,/ те́мже де́ло Бо́жие на земли́ соверши́в, предугото́вав же себе́ Го́сподеви,/ по прия́тии Святы́х Та́ин Христо́вых о Бо́зе почи́л еси́,/ да со святы́ми пое́ши на Небеси́:/ благослове́н еси́, Го́споди, Бо́же оте́ц на́ших, во ве́ки.

Любы́ николи́же отпа́дает, глаго́лет Боже́ственный Дух уста́ми первоверхо́внаго апо́стола Па́вла,/ в чудесе́х же любве́ твоея́ и́стина сия́ извести́ся, святи́телю Инноке́нтие,/ я́ко и по сме́рти ча́дом твои́м явля́ешися/ и пе́ти Го́сподеви поуча́еши во вся ве́ки.

Богоро́дичен: Я́же по благода́ти дарова́нная от Бо́га Помо́щнице нам всем, христиа́ном,/ Того́ моли́, Всеблага́я и Непоро́чная,/ я́ко да пре́зрит на́ша безчи́сленная согреше́ния/ и изба́вит пла́меннаго томле́ния, и тьмы́ кроме́шныя, и му́ки вся́кия.

Пе́снь 9

Ирмо́с: Благослове́н Госпо́дь, Бог Изра́илев,/ воздви́гнувый рог спасе́ния нам/ в до́му Дави́дове, о́трока Своего́,/ в них же посети́ нас Восто́к с высоты́/ и напра́вил ны е́сть на пу́ть ми́ра.

Ю́же стяжа́л еси́ честно́ю Твое́ю Кро́вию,/ Це́ркве Твоея, Христе́, ча́да утверди́ и напра́ви на пу́ть ми́ра,/ та́ко воздыха́л еси́ к Сы́ну Бо́жию, святи́телю о́тче наш Инноке́нтие,/ Ца́рствия Небе́снаго еще́ на земли́ сын быв.

Тече́ние восприя́т и пу́ть соверши́,/ зе́млю непло́дну моли́твами твои́ми добропло́дну показа́,/ о принося́щих тебе́ пе́ние сие́, святи́телю Инноке́нтие, Христа́ Бо́га на́шего моли́,/ да принесе́м покая́ния плоды́,/ я́ко да посети́т и нас Восто́к с высоты́/ и напра́вит стопы́ на́ша на пу́ть ми́ра.

Смотре́нием Бо́жиим и святи́тельским благослове́нием/ руко́ю мое́ю приноси́мое твои́м трудо́м похвале́ние, святи́телю Инноке́нтие, не отри́ни,/ но приими́ и моли́ Христа́ Бо́га,/ да изба́вит мя шу́ияго стоя́ния и напра́вит мя на пу́ть ми́ра.

Богоро́дичен: Я́ко похвалу́ А́нгелов и челове́ков/ восхваля́ем Тя вси, Де́во Мари́е, и ве́рно мо́лимся, Всепе́тая:/ моле́ние на́ше приими́ и проше́ния испо́лни.

Свети́лен.

Подо́бен: Пло́тию усну́в:

Пло́тию, а́ще и почи́л еси́, святи́телю Инноке́нтие,/ но ду́хом жив сый,/ в Ца́рствии невече́рнем со Христо́м ца́рствуеши/ и мо́лишися Ему́ о призыва́ющих тя ве́рою и любо́вию.

Сла́ва, и ны́не, Богоро́дичен:

Влады́чице, Де́во Чи́стая, изба́ви нас лю́тых всех,/ умоля́ющи на Кресте́ Пригвозди́вшаго грехи́ на́ша,/ и сподо́би нас одесну́ю Его́ ста́ти, егда́ прии́дет во сла́ве Свое́й.

На хвали́тех стихи́ры на 4, глас 8.

Подо́бен: О, пресла́внаго чудесе́:

Благода́ть духо́вная в тя всели́ся от ю́ности,/ и научи́ тя правове́рным смы́слом сия́ти,/ и блиста́ти доброде́телей светлостьми́,/ и озаря́ти ве́рных исполне́ние,/ де́монскую же тьму́ отгоня́ти,/ те́мже я́ко прича́стника тя невече́рнему Све́ту/ ублажа́ем благоче́стно вси,/ досточу́дне о́тче наш, святи́телю Инноке́нтие.

Благода́тию духо́вною име́я ду́шу обогаще́нну,/ стяжа́л еси́ чист по́мысл и се́рдце бо́дро,/ ве́ру небла́зненну и любо́вь вои́стинну нелицеме́рну,/ от земли́ же преста́вился еси́ к Небе́сным,/ иде́же с ли́ки пра́ведных водворя́ешися,/ те́мже и чтим тя свяще́нными пе́сньми/ и благоче́стно вси сла́вим успе́ние твое́,/ святи́телю Инноке́нтие.

Благода́тию духо́вною алеу́тская ча́да просвети́в,/ стра́сти и́дольския от душ их отгна́л еси́/ и, Святе́й Тро́ице поклоня́тся научи́в,/ селе́ние Той преочи́щенно соде́лался еси́,/ по сих же, в страну́ свою́ возврати́выйся,/ в первопресто́льнем гра́де до́бре святи́тельствовал еси́,/ ко Го́споду же отше́д,/ во оби́тели Святы́я Тро́ицы с преподо́бным Се́ргием,/ в хра́ме Ду́ха Свята́го ку́пно с наста́вником твои́м/ богому́дрым архипа́стырем Филаре́том почива́еши,/ святи́телю Инноке́нтие, о́тче наш.

Ни сла́вы, ниже́ бога́тства возжеле́в,/ духо́вное худо́жество взыска́л еси́, святи́телю,/ жела́нием е́же мно́гих просвети́ти/ и ко Христу́ привести́,/ е́же и получи́л еси́./ Те́мже моли́ся ко Го́споду спасти́ вся,/ честну́ю па́мять твою́ почита́ющия.

Сла́ва, глас то́йже:

Прииди́те, ве́рнии,/ просла́вим новоявле́ннаго святи́теля Инноке́нтия,/ я́ко, на Небеси́ водворя́яся,/ с ли́ки А́нгельскими, со святи́тели и апо́столы ликовству́ет,/ к нему́же возопии́м:/ при́сный наш засту́пниче,/ те́плый о нас к Бо́гу моли́твенниче,/ сохрани́ оте́чество на́ше от враг ви́димых и неви́димых,/ умири́ мир ве́сь от мяте́жа страсте́й челове́ческих,/ отыми́ от нас вся́кую зло́бу, вражду́ и злосло́вие,/ вкорени́ в сердца́х на́ших мир, любо́вь и единоду́шие,/ во е́же благоугоди́ти нам Го́споду и Влады́це живота́ на́шего,/ да спасе́т ду́ши на́ша.

И ны́не, Богоро́дичен, глас то́йже:

Влады́чице, приими́ моли́твы раб Твои́х/ и изба́ви нас/ от вся́кия ну́жды и печа́ли.

Славосло́вие вели́кое и отпу́ст.

НА ЛИТУРГИ́И

Блаже́нны от кано́на, пе́сни 3-я и 6-я. Проки́мен, глас 1: Уста́ моя́ возглаго́лют прему́дрость/ и поуче́ние се́рдца моего́ ра́зум. Стих: Услы́шите сия́, вси язы́цы,/ внуши́те, вси, живу́щии по вселе́нней. Апо́стол ко Евре́ем, зача́ло 318. Ева́нгелие от Матфе́я, зача́ло 11. Прича́стен: В па́мять ве́чную бу́дет пра́ведник, от слу́ха зла не убои́тся.

Моли́тва

О па́стырю до́брый и учи́телю прему́дрый, о́бразе благонра́вия всем, благоче́стно жи́ти хотя́щим, святи́телю о́тче наш Инноке́нтие! К тебе́, я́ко ча́да ко отцу́, прибега́ем и мо́лимся, помина́я твою́ любо́вь к лю́дем: бу́ди щит несокруши́м Святе́й Це́ркви Правосла́вной и оте́честву на́шему, архиере́и благоле́пием святи́тельства и прему́дростию украси́, па́стырем в служе́нии ре́вность да́руй, мона́шествующия к по́двигом до́браго тече́ния в послуша́нии утверди́, правосла́вным христиа́ном ве́ру святу́ю непоро́чну соблюсти́ умоли́, мир ве́сь предста́тельством твои́м умири́. Те́плый наш моли́твенниче, всеросси́йский свети́льниче, просвети́телю Сиби́ри и Аме́рики, осени́ Го́рним благослове́нием нас, в ско́рбех су́щих, и пода́ждь утеше́ние и избавле́ние от боле́зней душе́вных и теле́сных; испроси́ нам свы́ше дух кро́тости, целому́дрия, смиренному́дрия, терпе́ния и любве́, да про́чее вре́мя жития́ на́шего в ве́ре и покая́нии поживе́м и в жи́зни ве́чней благода́рне восхва́лим просла́вльшаго тя Го́спода – Отца́, и Сы́на, и Свята́го Ду́ха, Тро́ицу Единосу́щную и Неразде́льную, ны́не, и при́сно, и во ве́ки веко́в. Ами́нь.

Святитель Иннокентий (Вениаминов), митрополит Московский и Коломенский

Святитель Иннокентий (Вениаминов), митрополит Московский и Коломенский родился 26 августа 1797 года в селе Ангинском Иркутской епархии в семье бедного причетника. Во святом Крещении он был назван Иоанном. По окончании Иркутской Духовной Семинарии в 1817 году юноша получил посвящение в сан диакона, а в 1821 году – во священника. Три года он проходил священнослужение в Благовещенском храме в Иркутске, проявив себя ревностным и усердным пастырем. В 1824 году будущий святитель, вместе с другими священнослужителями Иркутской епархии, получил от епархиального начальства письменное приглашение на миссионерское служение на Алеутские острова. Вначале он отказался, но затем, вняв призыву Божию потрудиться на ниве духовного просвещения, дал свое согласие. Вместе с женой, тещей и детьми священник Иоанн Вениаминов отправился в семимесячное, весьма опасное путешествие из Иркутска на северо-восток. Шестнадцать лет провел священник Иоанн Вениаминов на Алеутских островах и на острове Ситхе. Он сумел овладеть алеутским языком и различными наречиями местных племен. Переплывая с острова на остров, часто подвергаясь смертельной опасности, претерпевая всякую нужду и лишения, неутомимый миссионер продолжал благовествовать веру Христову. Он крестил тысячи людей, перевел на алеутский язык Евангелие, катехизис и некоторые богослужебные книги. В редкие часы отдыха будущий святитель занимался метеорологическими наблюдениями, вел этнографические записи, описывал быт и нравы местных жителей. Эти труды были изданы в 1840 году в трех томах и назывались «Записки об островах Уналашкинского отдела». В 1833 году святитель Иннокентий написал на алеутском языке одно из лучших творений православного миссионерства – «Указание пути в Царствие Небесное» (см.: Журнал Московской Патриархии, 1975, №3, с. 66–79; №4, с. 69–78; Настольная книга для священнослужителя. Т. 2. М., 1978, с. 679–690).

В 1840 году священник Иоанн Вениаминов прибыл в Петербург, чтобы напечатать осуществленные им научные труды и переводы Священных Книг на алеутский язык. К этому времени он овдовел. По решению Святейшего Синода он был пострижен в монашество и принял рукоположение во епископа Камчатского и Алеутского. Еще 28 лет святитель Иннокентий трудился на огромных просторах Камчатки и Восточной Сибири, Амурского и Уссурийского краев, просвещая светом веры Христовой коряков и чукчей, тунгусов и якутов, ламут и юкагир, а также другие народности, не приобщенные к христианской культуре и цивилизации. Под непосредственным руководством и при ближайшем участии святителя Иннокентия были осуществлены переводы Евангелия и некоторых других Священных книг на якутский и тунгусский языки, составлены соответствующие словари и грамматика. В 1852 году Якутская область была отчислена к Камчатской епархии и г. Якутск стал резиденцией святителя Иннокентия. Учитывая кочевой образ жизни якутов, он благословил устраивать в населенных пунктах небольшие часовни, а приходских священников снабдил переносными антиминсами, чтобы они могли почаще посещать эти часовни, а в случае необходимости совершать богослужения под открытым небом.

В 1854 году во время нападения англичан (в связи с Крымской войной) на наши дальневосточные владения, святитель Иннокентий отправился на Амур через Аян, захваченный англичанами, и вел с ними переговоры.

Известный русский писатель И. А. Гончаров, по завершении кругосветного путешествия на фрегате «Паллада», в сентябре – ноябре 1854 года находился в Якутске, где лично познакомился со святителем Иннокентием и был свидетелем его неустанных переводческих и архипастырских трудов. Он писал о святителе Иннокентии как о приветливом, общительном человеке, отличавшемся высоким трудолюбием, знавшем свой край, заботившемся о просвещении его жителей. И. А. Гончаров назвал святителя Иннокентия «величайшим патриотом». В 1857 году переводческий комитет, трудившийся под руководством святителя Иннокентия в Якутске, закончил свою деятельность. Под его редакцией вышли переводы на якутский язык всех книг Нового Завета (кроме Апокалипсиса); из Ветхого Завета были переведены книги Бытия и Псалтирь; из богослужебных книг – Служебник, Требник, Каноник, Часослов. К лету 1859 года в московской Синодальной типографии были изданы все эти переводы. 19 июля 1859 года святитель Иннокентий совершил первое богослужение на якутском языке.

Миссионерские заботы архиепископа Иннокентия простирались и на более отдаленные народы, жившие по Амуру и даже за границей Китая, где оказывались люди, слышавшие христианскую проповедь и выражавшие желание креститься. Как человек, преданный своей Родине и близко принимавший к сердцу ее интересы и величие, архиепископ Иннокентий проявил большую заботу о благоприятном для России разрешении Амурского вопроса. Для этого он сам совершил путешествие по Амуру и составил подробную записку «Нечто об Амуре», в которой, на основании личных наблюдений и опросов, решает вопрос о необходимости Амура для России и о возможности как навигации по Амуру, так и заселения его берегов. В качестве миссионера архиепископ Иннокентий назначил в эти места своего сына, священника Гавриила Вениаминова.

9 мая 1858 года святитель Иннокентий вместе с Н. Н. Муравьевым прибыл в Усть-Зейскую станицу, заложил там храм в честь Благовещения Пресвятой Богородицы. Святитель Иннокентий на этом месте основал г. Благовещенск. Он вдохновил Н. Н. Муравьева-Амурского на великие труды по укреплению и преобразованию дальневосточного края. По обоюдному согласию святителя Иннокентия и Н. Н. Муравьева Благовещенск должен был стать главным городом всего Приамурья. В Благовещенск была перенесена кафедра святителя Иннокентия, и оттуда он решил начать проповедь Евангелия китайцам. Между тем Н. Н. Муравьев отправился в пограничный китайский город Айгун, где в ходе дипломатических переговоров был заключен исторический Айгунский договор, подтверждавший права русских на все течение Амура и Уссурийский край. Айгунский договор создал благоприятные условия для дальнейшего просвещения Приамурья. При посредстве Н. Н. Муравьева и русского комиссара в Китае вице-адмирала графа Е. В. Путятина с Китаем было заключено соглашение, по которому всем христианским миссионерам предоставлялась там полная свобода Евангельской проповеди. Тогда же в Камчатской епархии были открыты два викариатства – в Новоархангельске и Якутске.

Благодаря неослабным усилиям святителя Иннокентия в 1870 году была учреждена самостоятельная Якутская епархия. В это время святитель Иннокентий был уже митрополитом Московским и Коломенским (с 5 января 1868 года), непосредственным преемником митрополита Филарета (Дроздова; † 19 ноября 1867). Находясь на кафедре Московских святителей, он учредил Православное Миссионерское Общество, которое в течение девяти лет под его председательством достигло замечательных успехов. Много трудов положил святитель Иннокентий и на благоустройство вверенной ему Московской епархии, улучшение преподавания в духовно-учебных заведениях, облегчение нужд духовенства, благотворительность. «Он привлек к себе любовь не только духовенства, но и паствы своей добротой, доступностью, простотой обращения. Он явил в себе образ любвеобильного отцапастыря и своим примером разрушил искусственные преграды, установившиеся между епископами и паствой... Он являлся наружно тем, чем был внутренне: прямым, честным, искренним, любвеобильным и благожелательным пастырем. По нравственному характеру он был человек дела и труда, на подвиг, на лишения и на терпение всегда готовый, к себе неумолимо строгий, неустанно деятельный» (Архиепископ Харьковский Амвросий. Слово при погребении Высокопреосвященного Иннокентия, митрополита Московского и Коломенского).

Дважды (в 1860 и 1861 гг.) святитель Иннокентий встречался с Апостолом Японии – святителем Николаем (Касаткиным; † 3 февраля 1912), которому передал свой духовный опыт.

Замечательный проповедник, святитель Иннокентий говорил: «Только тот, кто избыточествует верою и любовью, может иметь уста и премудрость, ей же не возмогут противиться сердца слушающих».

6 октября (23 сентября ст. ст.) 1977 года определением Священного Синода Русской Православной Церкви (в ответ на просьбу Священного Синода Православной Церкви в Америке от 8 мая 1974 года) митрополит Иннокентий, святитель Московский и апостол Америки и Сибири, был причислен к лику святых. Празднование его памяти установлено дважды в год: 31 марта – в день блаженной кончины († 1879) и 23 сентября – в день его прославления.

Источники и литература:

Творения Иннокентия, митрополита Московского. Собраны И. Барсуковым. Кн. 1–3. М., 1886–1888; Письма Иннокентия, митрополита Московского и Коломенского, Кн. 1–3. СПб., 1897. Барсуков И. Иннокентий, митрополит Московский и Коломенский, по его сочинениям, письмам и рассказам современников. М., 1883.

В. Алексеев. Высокопреосвященный Иннокентий, митрополит Московский. – Журнал Московской Патриархии (дале – ЖМП), 1949, №7, с. 36–44, Архимандрит Евлогий (Смирнов). Жизнь и апостольские труды митрополита Иннокентия (Вениаминова) (1797–1879). – ЖМП, 1975, №3, с. 58–65. Причисление к лику святых апостола Северной Америки и Сибири митрополита Московского и Коломенского Иннокентия (Вениаминова). – ЖМП, 1977, №12, с. 3. Фиалкин В. Святитель Иннокентий, митрополит Московский, и его миссионерская деятельность. – ЖМП, 1979, №3, с 70–71; №4, с. 73–77; №5, с. 73–77; №6, с. 68–77; [Скурат К. Е.], Святитель Иннокентий, митрополит Московский, в последние годы своей жизни. – ЖМП, 1981, №9, с. 68–70; Окладников А. П., академик. От Анги до Уналашки: удивительная судьба Ивана Попова. – Вопросы истории, 1976, №6; Его же. Иннокентий Вениаминов. – В кн.: Первопроходцы, М., 1983, с. 130–161; Демин Л. Семья первопроходцев. – Голос Родины, 1983, №33 (2385).

Преподобнаго и чудотворца Ипатия, епископа Гангрскаго

Стихи́ры, глас 8.

Подо́бен: О, пресла́внаго чудесе́:

О́тче Богому́дре Ипа́тие,/ воздержа́нием до́бре воспита́вся,/ в пресла́вную доброде́телей вшел еси́ высоту́,/ простира́яся к виде́нию та́йнейшему я́ве,/ Христо́ву добро́ту созерца́я./ Его́же сия́ньми/ ум же и мы́сль озари́в,/ всем облиста́л еси́ чуде́с зари́.

О́тче отце́в Ипа́тие,/ правосла́вия све́том облиста́в,/ озари́л еси́ мы́сли, преподо́бне,/ ве́рно притека́ющих к тебе́,/ и А́рия зе́ницы омрачи́в,/ отри́нул еси́ от Це́ркве Христо́вы./ Те́мже, свети́льника тя стяжа́вше в си́,/ свяще́нную па́мять твою́/ почита́ем и ублажа́ем.

О́тче свяще́нне Ипа́тие,/ Царя́ Христа́, Его́же я́сно пропове́дал еси́,/ Отцу́ Единосу́щна,/ име́я в се́рдцы твое́м,/ чуде́сными заря́ми просия́л еси́,/ световодя́ всю подсо́лнечную./ Зми́я уби́л еси́/ и те́плых истече́ние твои́ми моли́твами вод источи́л еси́/ на исцеле́ние страсте́й.

Сла́ва, и ны́не, Богоро́дичен:

Де́вства сосу́д/ и чи́стое Бо́жие и кра́сное жили́ще,/ молю́ Тя, Всечестна́я:/ ду́шу мою́ уте́ши,/ озло́бленную я́дом змии́ным/ и умерщвле́нную преступле́ньми,/ я́ко да сла́влю Тя,/ ве́рныя вся возвели́чившую,/ Богора́дованная.

Крестобогоро́дичен:

Что зри́мое виде́ние,/ е́же Мои́ма очи́ма ви́дится?/ О Влады́ко,/ содержа́й всю тва́рь,/ на Дре́во воздви́жен быв,/ и умира́еши, всем дая́й жи́знь, –/ Богоро́дица, пла́чущися, глаго́лаше,/ егда́ узре́ на Кресте́ возноси́ма,/ и́же из Нея́ неизрече́нно возсия́вшаго/ Бо́га и Челове́ка.

Тропа́рь, глас 4:

Изволе́нием Боже́ственнаго ра́зума/ впери́в ум свой в Небе́сныя оби́тели/ и ра́вно А́нгелом житие́ пожи́в на земли́,/ сего́ ра́ди муче́ния красоты́ вене́ц на свое́м версе́ утверди́в,/ священному́чениче Ипа́тие,/ моли́ Христа́ Бо́га/ спасти́ся душа́м на́шим.

Кано́н, его́же краегране́сие: Сла́внаго Ипа́тия пе́сньми венча́ю. Творе́ние кир Ио́сифа. Глас 4.

Пе́снь 1

Ирмо́с: Триста́ты кре́пкия,/ Рожде́йся от Де́вы,/ безстра́стия во глубине́/ души́ трича́стное потопи́, молю́ся,/ да Тебе́, я́ко в тимпа́не,/ во умерщвле́нии телесе́/ побе́дное воспою́ пе́ние.

Боже́ственнаго страда́льца, му́драго святи́теля,/ чуде́с исто́чника, па́стыря до́браго, Це́ркве утвержде́ние/ пе́сньми велегла́сно я́ко свети́льника всеми́рнаго/ вси восхва́лим, ра́дующеся.

Боже́ственная река́, наводни́вшая, преблаже́нне, чи́стую твою́ ду́шу,/ источи́ нам пречи́сты во́ды, всему́дре, мно́гих чуде́с,/ то́ки изсуша́ющия му́тных страсте́й, Ипа́тие.

Умертви́в плотски́я сла́сти воздержа́нием,/ жи́знь и́стинную – Христа́, нас ра́ди уме́рша, Ипа́тие,/ име́л еси́, вну́трь в души́ твое́й живу́ща/ и вся твоя́ к Нему́ ше́ствия направля́юща.

Се́рдце и ду́шу Тро́ицы соде́лал еси́ нескве́рнен храм,/ хра́мы же свяще́нныя Го́споду в хвалу́, преподо́бне священному́чениче, созда́л еси́,/ спаси́телен быв прави́тель ста́ду твоему́.

Богоро́дичен: Спа́са и Бо́га от чи́стых Твои́х крове́й воплоти́ла еси́, Чи́стая,/ показа́вшаго нам му́драго святи́теля Своего́, Пречи́стая,/ спаси́тельна и те́пла засту́пника, чу́днаго вои́стинну Ипатия.

Пе́снь 3

Ирмо́с: Не му́дростию, и си́лою, и бога́тством хва́лимся,/ но Тобо́ю, О́тчею Ипоста́сною Му́дростию, Христе́,/ не́сть бо свят, па́че Тебе́, Человеколю́бче.

Всем се́рдцем ко исто́чнику до́брых отлучи́лся еси́/ и отту́ду све́тло богате́йшими сия́я, о́тче свяще́нне,/ Боже́ственными светлостьми́.

Зако́ны Боже́ственными огражде́н,/ беззако́нных собо́рище си́лою, о́тче, Боже́ственною истреби́л еси́ ересе́й,/ спаса́я ста́до твое́, о́тче Ипа́тие.

От вы́шния пресве́тлыя свещи́ Ду́ха просвеща́емь, му́дре,/ но́щию преходя́щим свещи́ тя яви́ша, от во́ды озаря́юще.

Отце́в Боже́ственных лик соисполня́я блаже́нный,/ его́же собра́ Христо́с, Собо́ра Пе́рваго, блаже́нне,/ яви́лся еси́, сдавля́я пребезу́мнаго А́рия.

Богоро́дичен: Изба́ви мя вся́каго прило́га сопроти́внаго змии́на, Ма́ти Де́во Чи́стая,/ и се́рдце мое́ просвети́,/ ве́рою Тя сла́вящаго, Всенепоро́чную.

Седа́лен, глас 1.

Подо́бен: Ка́мени запеча́тану:

Возсия́л еси́ в ми́ре, святи́телю Ипа́тие,/ чудесы́ просвеща́я ве́рно приходя́щия к тебе́;/ пострада́в же кро́вию, му́дре,/ мно́жае присво́ился еси́ Христу́/ и лику́еши со А́нгелы на Небесе́х, о нас моля́ся./ Сла́ва укре́пльшему тя Бо́гу,/ сла́ва Венча́вшему тя,/ сла́ва Де́ющему тобо́ю всем исцеле́ния.

Сла́ва, и ны́не, Богоро́дичен:

Ру́це Твои́ Боже́ственныя,/ и́миже Созда́теля понесла́ еси́, Де́во Пресвята́я,/ вопло́щшагося благосты́нею, просте́рши,/ умоли́ Его́ изба́вите ны от искуше́ний, и страсте́й, и бед,/ хва́лящия Тя любо́вию и вопию́щия:/ сла́ва Все́льшемуся в Тя,/ сла́ва Проше́дшему из Тебе́,/ сла́ва Изба́вльшему нас рождество́м Твои́м.

Крестобогоро́дичен:

На Кресте́ Тебе́ распе́ншуся от беззако́нных/ и от во́ин, Спа́се, копие́м ре́бром Твои́м прободе́нным,/ Пречи́стая рыда́ше го́рько/ и, мно́гому Твоему́ и стра́шному терпе́нию ужаса́ющися, вопия́ше:/ сла́ва к челове́ком Твое́й любви́,/ сла́ва Твое́й бла́гости,/ сла́ва сме́ртию Твое́ю челове́ки обезсме́ртившему.

Пе́снь 4

Ирмо́с: Седя́й в сла́ве на Престо́ле Божества́/ во о́блаце ле́гце,/ прии́де Иису́с Пребоже́ственный/ Нетле́нною Дла́нию и спа́се зову́щия:/ сла́ва, Христе́, си́ле Твое́й.

Неле́стно сло́во и уче́ние и́скренно соблюда́я,/ пропове́дал еси́ Сло́во, Отцу́ Соприсносу́щно,/ Ариому́дренную пре́лесть победи́в, священному́чениче, чудотво́рче досточу́дне.

Горча́йшия от гор теку́щия во́ды/ зна́мением то́кмо цельбоно́сны показа́л еси́,/ во́ду жи́ву стяжа́в в се́рдцы твое́м,/ в ве́чную, о́тче, жи́знь теку́щую.

Свяще́нствовав преподо́бно и зако́нне пострада́в,/ свяще́нство показа́л еси́ све́тльшее кровьми́,/ излия́нными за любо́вь истощи́вшаго Кро́вь честну́ю за челове́ческое избавле́ние.

Не укосне́вши благода́ть на тебе́, чудеса́ содева́ющи,/ де́моном го́рьким предаде́ го́рько и безбо́жно умертви́вшия тя,/ всеблаже́нне му́чениче Христо́в свяще́ннейший.

Богоро́дичен: Дарова́ний Твои́х струи́, и исто́чницы исцеле́ний,/ и Боже́ственнаго бога́тства раздая́ния подава́ются от живонача́льныя дла́ни, Богоневе́сто,/ ро́ждшагося от Твоея́ утро́бы Вседержи́теля.

Пе́снь 5

Ирмо́с: Ужасо́шася вся́ческая/ о Боже́ственней сла́ве Твое́й,/ Ты бо, Неискусобра́чная Де́во,/ име́ла еси́ во утро́бе над все́ми Бо́га/ и родила́ еси́ Безле́тнаго Сы́на,/ всем воспева́ющим Тя/ мир подава́ющая.

Ума́ превосхо́дит твоея́ благода́ти постиже́ние,/ язы́к изрещи́ не мо́жет твои́х чуде́с безме́рныя пучи́ны,/ му́чениче, святи́телю и па́стырю, га́нгряном удобре́ние и свети́льниче всея́ тва́ри.

Уби́л еси́ зми́я, огню́ препосла́в,/ показа́л еси́ в тебе́ Боже́ственную благода́ть, богате́йше все́льшуюся/ и тя пред царе́м и все́ми просла́вльшую людьми́, свяще́ннейше.

Печа́ть и храни́теля сокро́вищу вообрази́, о́тче, ца́рь твою́ ико́ну,/ се́ю почита́я тя и я́ве провозвеща́я,/ я́ко приноси́мая че́сть на первообра́зное прехо́дит, Ипа́тие.

Вельми́ подвиза́ся, вельми́ и просла́вися,/ чудеса́ соверша́я священнообра́зно,/ неду́ги отгоня́, прогоня́я де́моны, упражня́я сих наве́ты,/ побежда́я ересе́й губи́тельное зломы́слие.

Богоро́дичен: Му́дрость родила́ еси́ Бо́жию Ипоста́сную, Пречи́стая Де́во Богоро́дице,/ святы́я всему́дры показа́вшую,/ те́мже зло́бы мудреца́ паде́ шата́ние и лю́тая злоухищре́ния.

Пе́снь 6

Ирмо́с: Пожру́ Ти со гла́сом хвале́ния, Го́споди,/ Це́рковь вопие́т Ти,/ от бесо́вския кро́ве очи́щшися/ ра́ди ми́лости от ребр Твои́х/ исте́кшею Кро́вию.

Возше́л еси́ на высоту́ доброде́телей, Ипа́тие,/ и прибли́жился еси́, блаже́нне, к чисте́йшему исто́чнику Боже́ственных дарова́ний,/ и чуде́с пучи́ну источи́л еси́.

Вене́ц тебе́ ка́меней мета́ния бы́ша/ и к Небе́сней высоте́ и степе́ни, о́тче, и ле́ствица,/ е́юже возше́д, и Бо́гу присво́ился еси́ ясне́йше.

Исцеле́ния твоя́ ра́ка источа́ет при́сно,/ благослове́ние же, о́тче, честны́я твоея́ пе́рсти прие́млемо,/ изве́стно, я́ко прах, истлева́ет зло́бу.

Зако́нне пострада́в и я́ко му́ченик почествова́лся еси́,/ во глубоча́йшей же ста́рости к твои́м преше́л еси́, ра́дуяся, отце́м/ и вене́ц твои́х трудо́в прия́л еси́ от Христа́ досто́йно.

Богоро́дичен: О, чудесе́, всех чуде́с нове́йшаго!/ Я́ко Де́ва во утро́бе вся́ческая Содержа́щаго,/ неискусому́жно заче́нши, не те́сно вмести́.

Конда́к, глас 2:

Ри́мскому оте́честву свети́льник,/ Богоза́рными луча́ми концы́ светя́,/ ны́не просвети́ твое́ пра́зднество пою́щия, Ипа́тие,/ прося́ свы́ше ми́ра и грехо́в оставле́ния,/ моли́твами защити́ ны, Ипа́тие многострада́льне.

Пе́снь 7

Ирмо́с: Спасы́й во огни́ авраа́мския Твоя́ о́троки/ и халде́и уби́в,/ я́же пра́вда пра́ведно уловля́ше,/ препе́тый Го́споди,/ Бо́же оте́ц на́ших, благослове́н еси́.

Уста́ ника́коже на тя отве́рзе по́лзаяй змий,/ раболе́пно же на о́гнь идя́ше,/ повину́яся, приснопа́мятне, стра́шному повеле́нию твоему́,/ оте́ц на́ших, – вопию́щу, – Бо́же, благослове́н еси́.

Крове́й проли́тием, е́же от слез совоку́пль,/ еди́но от обою́ пи́во, му́дре, соверши́л еси́,/ тебе́ помина́ему пи́щному, досточу́дне, пото́ку во ве́ки, му́чеником похвало́.

Во цветни́к честны́х боле́зней твои́х входя́ще, блаже́нне,/ благоуха́ем ду́шу, благово́ние тя Христо́во ве́дуще, и вопие́м, Ипа́тие:/ препе́тый Го́споди, Бо́же оте́ц на́ших, благослове́н еси́.

Богоро́дичен: Неискусобра́чная Чи́стая, без се́мене заче́ншая Отцу́ Единосу́щнаго/ и ро́ждшая плотию, Богоневе́сто, от святы́х крове́й Твои́х,/ моля́щи ны́не не преста́й спасти́ вся.

Пе́снь 8

Ирмо́с: О́троки благочести́выя в пещи́/ Рождество́ Богоро́дичо спасло́ е́сть,/ тогда́ у́бо образу́емое,/ ны́не же де́йствуемое,/ вселе́нную всю воздвиза́ет пе́ти Тебе́:/ Го́спода по́йте, дела́,/ и превозноси́те Его́ во вся ве́ки.

Глас твой, све́ту сраствори́вся и Боже́ственными осия́н светлостьми́,/ тьму́ ересе́й, всему́дре, разори́ и ко дню напра́ви правосла́вия лю́ди, вопию́щия:/ Го́спода по́йте, дела́, и превозноси́те Его́ во вся ве́ки.

Красне́йший, я́ко тро́сть, я́влься, язы́к твой, всему́дре,/ написа́ зако́н благода́тию,/ вся на дсках ве́тхия погла́ждши о́бразы, Ипа́тие,/ те́мже тя я́ко му́дра кни́жника песносло́вим во вся ве́ки.

Столп о́гнен Боже́ственный и к высоте́ Небе́сней взе́млемь,/ забра́ло непрекло́нное, стена́ неразори́ма,/ Це́ркве утвержде́ние, святи́телей степе́нь,/ му́чеников кра́сная ле́пота,/ чудоно́сный Ипа́тий да почте́н бу́дет.

Ви́дети сподо́бился еси́, Его́же жела́л еси́,/ разре́шшимся и́стины въявле́нием и умышле́нием:/ еще́ бо дыха́ющи и те́плей кро́ви ка́плющи,/ к жела́нию после́днему, му́чениче, восте́кл еси́,/ с му́ченическими и преподо́бных ли́ки Боже́ственными лику́я во вся ве́ки.

Богоро́дичен: Мно́гими содержи́маго беда́ми и молво́ю греха́ бе́дствуемаго,/ к безво́лненному стремле́нию тишины́ мя Ду́ха,/ Богороди́тельнице Чи́стая, Влады́чице, ны́не наста́ви,/ приста́нище бо еси́ христиа́н,/ те́мже Тя пое́м во вся ве́ки.

Пе́снь 9

Ирмо́с: Е́ва у́бо неду́гом преслуша́ния/ кля́тву всели́ла е́сть,/ Ты же, Де́во Богоро́дице,/ нрозябе́нием чревоноше́ния ми́рови благослове́ние процвела́ еси́,/ тем Тя вси велича́ем.

Я́ко ши́пок, я́ко крин свяще́нный сладково́нен, святи́телю,/ я́ко кипари́с, я́ко ми́ро Боже́ственно и благово́ние,/ ра́ка твоя́ благово́нствует чудесы́,/ злосмра́дныя неду́ги отгоня́щи, священному́чениче всече́стне.

Собесе́дник яви́лся еси́ проро́ков,/ му́чеников же свяще́нных, кро́вию уже́ до́бре сконча́вшихся,/ святы́х и преподо́бных равностоя́телен/ и всех пра́ведных соприча́стник, су́щих от ве́ка, досточу́дне.

Па́мять твоя́ дне́сь нам возсия́ светле́йши со́лнца,/ све́том невеще́ственным се́рдца на́ша просвеща́ющая,/ ве́рою тя в ней блажа́щих, Ипа́тие,/ и моле́бно восхваля́ющих тя.

Све́том твои́м озари́ на́ша, Ипа́тие, помышле́ния,/ соверша́ющих твою́ па́мять Боже́ственную и светоно́сную,/ и изба́ви огня́, и му́ки, и вся́каго искуше́ния мольба́ми твои́ми/ благоче́стно тя блажа́щия.

Богоро́дичен: Возвы́си благода́ть Твою́, Чи́стая,/ возвели́чи мольбу́ и приведи́ чи́ны А́нгельския Влады́це,/ апо́стол же и проро́к ли́ки и вся пра́ведники с му́ченики,/ я́ко да спасе́мся, чту́щии Тя.

И́на слу́жба священному́ченика Ипатия, епи́скопа Га́нгрскаго Творе́ние иеромона́ха Кариона Истомина

НА МА́ЛОЙ ВЕЧЕ́РНИ

На Го́споди, воззва́х: стихи́ры, глас 1.

Подо́бен: Небе́сных чино́в:

Боготво́рною твое́ю душе́ю/ ума́ све́тлостию вразуми́вся, преблаже́нне Ипа́тие,/ в тебе́ само́м, творе́нии, Бо́га Всетворца́ позна́в,/ всеусе́рдно Ему́ соедини́лся еси́ доброде́тельми,/ и ны́не с Го́рними чи́ны в Небесе́х ликовству́я,/ моли́ Христа́ Человеколю́бца спасти́ ду́ши на́ша.

Пребы́в на земли́ в по́двизе,/ кре́пко на вся враги́ Бо́жия и церко́вныя,/ ви́димыя и неви́димыя, вооружи́вся,/ и си́лою Всезри́теля Бо́га уничто́жил еси́ ты́я,/ Ипа́тие преподо́бне,/ наро́ды же вразуми́л еси́ благозна́ти и служи́ти Триипоста́сному Бо́гу любо́вию,/ к Нему́ же приведи́ и нас, в любле́ние Его́.

Вы́спрь о́ко се́рдца твоего́ име́я,/ ко Всебоже́ственней Тро́ической Вине́/ в стропотнопу́тии стези́ доброхо́дны обре́л еси́, Ипа́тие чудотво́рче,/ Боже́ственная бо благода́ть, такова́ уго́дника своего́/ на вся́ком жи́зни сея́ пути́ храня́щи,/ приведе́ тя ко Христу́ Бо́гу,/ Его́же моли́, благода́тию Его́ спасти́ся нам.

Сла́ва, глас 5:

Блаже́нне о́тче Ипа́тие,/ во всей твое́й жи́зни/ вельми́ потща́лся еси́ благоугожда́ти Бо́гу,/ И́же Сый всю тва́рь в Себе́ содержи́т/ и народоде́тельствует премно́го Свое́ю бла́гостию/ вся́кое су́щих естество́,/ и тя устро́и архиере́я преизя́щна лю́дем Свои́м./ Ты у́бо, о́тче, е́же живя́й в телеси́,/ мно́го по́льзы соде́лав,/ сотвори́л еси́ пресла́вная чудеса́/ и непло́дства супру́гов чадороди́ти/ в произвожде́нии ро́да челове́ча и в насле́дство их/ мольба́ми твои́ми по́дал еси́./ Тем и по сме́рти от свята́го телесе́ твоего́/ о́ная всегда́ содева́ются/ ве́рою чту́щим тя,/ и ны́не, в Небе́сных черто́зех прии́м насле́дство,/ испроси́ у Христа́ Го́спода/ та́яжде дарова́ния и врачева́ния нам получи́ти.

И ны́не, Богоро́дичен:

Обра́дованная, хода́тайствуй Твои́ми моли́твами/ и испроси́ душа́м на́шим мно́жество щедро́т/ и очище́ние мно́гих прегреше́ний, мо́лимся.

На стихо́вне стихи́ры, глас 2.

Подо́бен: До́ме Евфра́фов:

Благослове́н еси́, Бо́же,/ в па́мяти Твоего́ иера́рха,/ блаже́ннаго Ипа́тия,/ его́же моли́твами/ спаса́й от нужд честву́ющих Его́.

Стих: Свяще́нницы Твои́ облеку́тся в пра́вду,/ и преподо́бнии Твои́ возра́дуются.

Богоно́се святи́телю,/ Тро́ицы Боже́ственныя был еси́ оби́тель,/ Ю́же пропове́дав,/ благода́тнаго Тоя́ на нас призре́ния/ сподо́би, Ипа́тие, хода́тайством твои́м.

Стих: Блаже́н муж, боя́йся Го́спода,/ в за́поведех Его́ восхо́щет зело́.

Со́лнца тверде́льнаго светле́е/ твоя́ уче́ния,/ освяти́вшая концы́ ми́ра,/ о́тче Ипа́тие,/ в Богоугожде́нии просвети́ ны.

Сла́ва, глас 8:

Прииди́те, благослове́ннии христиа́не,/ все благочести́вое сосло́вие,/ восхва́лим Богоно́снаго отца́ Ипа́тия чудотво́рца,/ архиере́я пресла́внаго,/ Богоуго́дных доброде́телей о́браз духотво́рный,/ па́стыря Богому́драго,/ Це́ркве Бо́жия благоукраси́теля,/ больны́х и ско́рбных врача́ безме́зднаго,/ гре́шных в покая́ние спасе́ния наста́вника благоприя́тнаго/ и ко Христу́ Го́споду в ра́дость ве́чную/ таковы́х вселюбе́знаго представи́теля,/ и́же о всем ми́ре Вседержи́теля Бо́га мо́лит/ спасти́ вся благочести́выя/ во всера́достное Небе́сное блаже́нство.

И ны́не, Богоро́дичен:

Небе́сная пою́т Тя, Обра́дованная Ма́ти Безневе́стная,/ и мы славосло́вим неизсле́дованное Твое́ рождество́, Богоро́дице,/ моли́ спасти́ся душа́м на́шим.

Тропа́рь пи́сан на вели́цей вече́рни.

НА ВЕЛИ́ЦЕЙ ВЕЧЕ́РНИ

На Го́споди, воззва́х: стихи́ры, глас 8:

Пре́жде век Сый, Бо́же,/ ве́ки сотвори́вый/ и вся в му́дрости Твое́й устро́ивый,/ многоразли́чною Твое́ю благода́тию/ возблагоде́тельствовал еси́ Твоя́ лю́ди,/ дарова́в свети́льника ми́ру,/ иера́рха Ипа́тия чудотвори́теля,/ в его́же дне́сь па́мяти/ всесвято́е И́мя Твое́ сла́вим.

От ве́ка и до ве́ка/ Ты еси́, Царю́ Го́споди,/ Пресу́щественное Существо́,/ вожделева́ти тя при́сно по́дал еси́/ Богому́дрому Твоему́ священнонача́льнику Ипа́тию,/ и́же в су́щих Су́щаго/ челове́ки зна́ти научи́л е́сть,/ его́же моли́твами/ виде́ния Твоего́ сподо́би ны, Человеколю́бче.

Триипоста́сный Влады́ко,/ О́тче, Сы́не и Душе́ Святы́й,/ Еди́но Пребоже́ственное Божество́,/ девятогу́бною иера́рхиею/ преми́рных а́нгельских чино́в воспева́емый,/ приими́ и от нас, бре́нных, тебе́ воспева́ние/ и мольба́ми уго́дника Твоего́,/ Богоно́снаго отца́ Ипа́тия/ пода́ждь нам пе́ти Тя во ве́ки.

Сла́ва, глас 5:

Пренача́льнаго Нача́ла в Тро́ице Бо́га на́шего/ неизрече́нная бла́гость излия́ся:/ от небы́тности бо Им в бы́тность созда́ся/ умнослове́сный ве́сь челове́ческий род./ Ему́же, Всетворцу́ на́шему,/ вси благове́рнии лю́дие, хвалу́ возопии́м: аллилу́ия –/ и че́сть воздади́м всеблаже́нному чудотво́рцу Ипа́тию,/ его́же Госпо́дь дарова́нии чуде́сными просла́ви,/ я́ко в свое́й он жи́зни/ о́браз душе́внаго благоро́дия своего́ соблюде́ невреди́мо/ и подо́бие в ми́лости,/ во вся ми́ра концы́ дела́ показа́в,/ страда́в бо за ве́ру Бо́жию кре́пце,/ злочести́вых царе́й и мучи́телей посрами́/ и в ве́ру Иису́с Христо́ву мно́гия наро́ды обрати́./ В Собо́ре Пе́рвом святы́х оте́ц столп Правосла́вия бы́сть и́стинен,/ ерети́чествующих злове́рия мглу разгна́,/ во вся́ких ско́рбех и боле́знех/ ве́рным лю́дем помо́щник и врач чудесото́чный яви́лся,/ прося́щих его́ ве́рно вся́кая проше́ния исполня́ет./ К нему́же возопии́м:/ ра́дуйся, о́тче Ипа́тие,/ чудотво́рче, па́стырю и сострада́телю наш,/ и моли́ о нас Человеколю́бца Бо́га/ насле́дити всем Небе́сных красо́т ве́чное блаже́нство.

И ны́не, Богоро́дичен: В Чермне́м мо́ри:

Вход, проки́мен дне и чте́ния святи́тельская (зри выше).

На лити́и стихи́ры, глас 5:

Прииди́те, благослове́ннии христиа́не,/ восхва́лим пе́сненно блаже́ннаго во святы́х Ипа́тия чудотво́рца,/ иера́рха Га́нгрскаго,/ му́жа духо́внаго,/ не по пло́ти, но по ду́ху вре́мя жи́зни проше́дшаго/ и Небе́сное доброде́телей бога́тство стяжа́вшаго,/ не временноувя́дным, но вечнонеувя́дным душе́вныя чистоты́ цве́том/ чистолюби́ву свою́ ду́шу удобри́вшаго,/ не до́льняго, но Го́рняго оте́чества,/ Ца́рства Небе́снаго, взыска́вшего,/ его́же во Христе́ Иису́се получи́,/ иде́же мо́лит Всесвяту́ю Тро́ицу Боже́ственную/ о ве́рою соверша́ющих па́мять его́.

Глас 3: Пропове́дниче всечестне́йший и́стиннаго на́шего благоче́стия,/ Ипа́тие прему́дре,/ во пло́ти бо Христа́ Иису́са Бо́га,/ прише́дша гре́шныя лю́ди спасти́,/ во ве́сь мир благовести́л еси́/ и, чудесы́ пресла́вными в си́ле, Богодарова́нней тебе́,/ мно́гия удиви́в,/ в ско́рбех, печа́лех, благода́тно исцели́л еси́,/ те́мже мо́лим тя, святи́телю:/ моли́ Христа́ Го́спода/ от вся́ких зде злоключе́ний сохраня́ти ны/ и Небе́снаго блаже́нства сподо́бити.

Глас 2: Боже́ственней любви́ всем се́рдцем и душе́ю соедини́лся еси́,/ иера́рше Ипа́тие,/ вре́менная бо вся презре́в,/ злоче́стие же и́дольское и ерети́ческое суетносло́вие искоренева́я,/ утвержда́л еси́ наро́ды/ во и́стинном пребыва́ти благоче́стии,/ да в зде́шнем житии́ ева́нгельскою пра́вдою поживе́м/ и оте́чество Го́рнее насле́дствуим,/ сего́ ра́ди, я́ко Богоуго́дник чудесото́чный/ и и́стиннаго Сло́ва Бо́жия Богопропове́дник,/ моли́ся за ны,/ да в человеколю́бии Христа́ Го́спода/ и в предста́тельстве Присноде́вы Богоро́дицы Мари́и/ даст нам в ско́рбех утеше́ние, и исправле́ние жи́зни,/ и всера́достнаго ве́ка насле́дие.

Сла́ва, глас 6:

Я́ко на небе́сней тве́рди/ свети́ло вели́кое сия́ет,/ та́ко в тве́рди Церко́вней непреста́нно све́тится/ мы́сленное со́лнце – свяще́нный оте́ц наш Ипа́тий,/ иера́рх пресла́вный и Богоуго́дный/ па́стырь Христо́вы Це́ркве,/ Богому́дрыми бо уче́ньми свои́ми/ мно́гия лю́ди просвети́в в ра́зум и́стинный,/ в благове́рие к Бо́гу жи́ву и и́стинну ты́я приведе́,/ воплоти́вшагося Сы́на Бо́жия,/ Единосу́щна Бо́гу Отцу́/ ив Трие́х Ипоста́сех Бо́га Еди́на,/ Творца́ и Прави́теля всея́ тва́ри,/ громогла́сно испове́да пред цари́ и кня́зи идолочти́выми,/ Богопропове́дник и́стинен бы́сть,/ де́монския полки́ от челове́к прогна́,/ сконча́ жи́знь от злоде́йственных уби́йц,/ пострада́в за Христа́,/ прише́л е́сть в ве́чныя оби́тели./ В его́же све́тлей па́мяти дне́сь, ве́рнии,/ сла́вим Всетворца́ на́шего Бо́га,/ да предста́тельством его́ спасе́т души́ на́ша.

И ны́не, Богоро́дичен: Творе́ц и Изба́витель:

На стихо́вне стихи́ры, глас 4.

Подо́бен: Дал еси́ зна́мение:

В по́двизе мно́зе быв,/ преподо́бне о́тче Ипа́тие,/ егда́ мучи́тели злобо́жники на тя вооружи́шася/ и преда́ша тя го́рьким му́кам,/ ты же, разже́гся любо́вию Христо́вою,/ терпели́вно вра́жия ко́зни победи́л еси́/ и венце́м страда́ния увяза́лся еси́,/ ве́чно со Христо́м ца́рствуеши.

Стих: Свяще́нницы Твои́ облеку́тся в пра́вду,/ и преподо́бнии Твои́ возра́дуются.

Богому́дрым смы́слом/ ева́нгельскаго пропове́дания се́яв словеса́,/ Ипа́тие блаже́нне,/ возрасти́л еси́ плоды́, ве́рныя христиа́ны,/ пребыва́ти в доброплодоноше́нии доброде́телей/ и содержа́ти кре́пко/ оте́ческую Богопре́данную ве́ру,/ ю́же собо́рне утверди́шася,/ возрасти́ и в нас плоды́ в любо́вь Бо́жию.

Стих: Блаже́н муж, боя́йся Го́спода,/ в за́поведех Его́ восхо́щет зело́.

Неизрече́нное Бо́жие смотре́ние/ бы́сть в тебе́, иера́рше всечестны́й,/ я́ко бо сосу́д всезлаты́й,/ Ду́хом Бо́жиим испо́лнен,/ нося́й благово́ние всем челове́ком,/ милосе́рдствовал еси́ мно́гия,/ разли́чными прия́тствы целе́б ре́ки источи́в,/ и ны́не, зря Всемогу́щаго Бо́га,/ моли́ о всех, па́мять твою́ соверша́ющих.

Сла́ва, глас 2:

Возсия́ дне́сь па́мять/ страда́льца и чудотво́рца, Боже́ственнаго Ипа́тия,/ просвеща́ющая и вразумля́ющая благочести́вых собра́ние,/ и́же во всем житии́ бы́сть непоколе́бленный столп благоче́стия,/ Богозда́нный ве́ры степе́нь,/ преосвяще́нная глава́, благокрасо́тство Церко́вное,/ неисчерпа́емая Боже́ственных чуде́с пучи́на,/ корми́тель ни́щих,/ сиро́т и вдови́ц благоро́дный призира́тель,/ непло́дным супру́гом деторо́дие мольба́ми испроша́я у Бо́га/ в размноже́ние славосло́вия Всетворя́щия Вины́,/ Пренача́льныя, Святы́я, Боже́ственныя Тро́ицы,/ Е́юже живодви́жимся и есмы́ зде состоя́нием./ Те́мже в моле́бней отца́ свята́го па́мяти/ Богонача́льному Существу́ благопоко́рственно возопии́м:/ Бо́же наш Триипоста́сный,/ спаси́ души́ на́ша благоволе́нием Твои́м,/ я́ко хо́щеши и и́миже ве́си 52 судьба́ми во ве́ки.

И ны́не, Богоро́дичен: О, чудесе́ но́ваго:

На благослове́нии хле́бов тропа́рь свята́го, два́жды, и Богоро́дице Де́во: еди́ножды.

Тропа́рь свята́го, глас 3:

В прекра́сном Це́ркве апо́стольский вертогра́де/ из ю́на во́зраста всеси́льною десни́цею Бо́жиею насади́лся еси́,/ Богоблаже́нне о́тче Ипа́тие,/ и в ней, я́ко ве́рен первосвяще́нник,/ ве́рно Богонача́льное и Всетворя́щее Тро́ическое Еди́нство/ пропове́дал еси́ во Вселе́нском Собра́нии,/ Ду́ха же Свята́го в доброде́телех испо́лнен быв,/ ве́лия чудеса́ сотвори́в,/ муче́нием за ве́ру Христо́ву сконча́вся,/ прише́л еси́ в Небе́сный град,/ иде́же Триипоста́снаго Бо́га зря,/ моли́ о честву́ющих тя,/ да в Го́рнем Иерусали́ме со святы́ми жи́ти сподо́бимся.

Ин тропа́рь, глас 4:

Богови́дное досточу́дных доброде́телей зерца́ло,/ Богоправи́мое Правосла́вныя ве́ры пра́вило/ и утвержде́ние Це́ркве Христо́вы,/ за ню́же и страда́л еси́, всечу́дне о́тче Ипа́тие,/ чудесы́, Богодарова́нными тебе́, ве́сь мир удиви́в,/ душеспаси́тельныя по́льзы сотвори́л еси́,/ и ны́не ве́рно призыва́ющим тя во вся́ких беда́х и напа́стех/ испроси́ нам у Го́спода Бо́га/ по́мощь и спасе́ние ве́чное душа́м.

НА У́ТРЕНИ

На Бог Госпо́дь: тропа́рь свята́го, два́жды. Сла́ва, и ны́не, Богоро́дичен.

По 1-м стихосло́вии седа́лен, глас 1.

Подо́бен: Гроб Твой, Спа́се:

Адама́нтный терпе́ния сто́лпе незы́блемый, досточу́дне Ипа́тие,/ не боя́лся у́бо ко́зней вра́жиих,/ му́жески става́я пред мучи́тели злочести́выми,/ ве́ровати в Бо́га Жи́ва и И́стинна учи́л еси́, Богому́дренне, вся наро́ды./ Те́мже сподо́бився Небе́снаго утеше́ния/ и та́мо моли́ о нас Христа́ Го́спода, спасти́ души́ на́ша.

Сла́ва, и ны́не, Богоро́дичен:

Богоневе́сто Де́во, Богоро́дице Мари́е,/ превозше́дшая Го́рния а́нгельския чи́ны,/ Тебе́, Цари́це Небе́сней и Предста́тельнице на́шей, сицева́я прино́сим:/ ра́дуйся, престо́ле огнезра́чный Бо́жий,/ седа́лище Богоца́рское, о́дре, преиспещре́нно устла́нный,/ златопорфи́рный черто́же, хлами́до 53 червленосве́тлая,/ моли́ Сы́на Твоего́ изба́вити ны от вра́жиих наве́тов.

По 2-м стихосло́вии седа́лен, глас 3.

Подо́бен: Красоте́ де́вства:

Христо́вы любве́ и всего́ зако́на блюсти́тель и учи́тель пра́вый быв,/ всеблаже́нне Ипа́тие, о́тче наш,/ на земли́ живя́й, небозри́тельная твоя́ очеса́/ воздвиза́л еси́ к живу́щему в Небесе́х Неботворцу́ Бо́гу./ Ему́же ны́не в Небесе́х предстоя́,/ испроси́ всем мир и ми́лость.

Сла́ва, и ны́не, Богоро́дичен:

Златоте́чная Бо́жия реко́,/ Небе́сными наводне́нная даро́в Ду́ха Всесвята́го вода́ми,/ Пречи́стая Богома́ти Влады́чице,/ неботе́чную ра́дости Небе́сныя струю́ источа́й на скорбя́щия на́ша души́,/ враги́ же пятоугрыза́тельныя вся́кими прило́ги отжени́ от нас/ и спасе́ние Твое́ нам да́руй.

По полиеле́и седа́лен, глас 8.

Подо́бен: Прему́дрости:

Богосозда́нна себе́ разуме́в,/ богови́дно душе́ю твое́ю ко Бо́гу Творцу́ устреми́лся еси́,/ не приложь се́рдца твоего́ к веще́м су́етным,/ Боже́ственная дарова́ния сподо́бился еси́ прия́ти,/ вся́кия неду́ги и боле́зни врачевству́я в лю́дех,/ первобы́тным ты са́ном, Ипа́тие чудотво́рче, не то́кмо де́монов от челове́к,/ но и престра́шных змие́в изгна́л еси́,/ за напа́стующия тебе́ и бию́щия ти лю́ди моли́лся еси́ Го́споду,/ о избавле́нии от грехо́в их,/ Его́же и ны́не о нас моли́,/ оставле́ние грехо́в на́ших дарова́ти честву́ющим всесвяту́ю па́мять твою́.

Сла́ва, и ны́не, Богоро́дичен:

Ку́ю Тебе́, Влады́чице, принесе́м пе́снь?/ Ко́е хвале́ние?/ О Тебе́ бо ра́дуется вся́кая тва́рь,/ а́нгельская вся чинонача́лия и челове́ческа ро́да все благове́рное состоя́ние,/ оба́че при́зри и услы́ши ны, Госпоже́:/ ра́дуйся, Мари́е Богома́ти,/ дванадесятосте́нный гра́де, златокова́нная две́рь,/ Богоукраше́нная ски́ние, светлопозлаще́нная трапе́зо,/ благоуха́нное кади́ло, неусыпогоря́щая лампа́до,/ Богоде́ланная кни́го, воста́ние па́дших,/ безме́здное врачевство́, ско́рое предста́тельство,/ лю́бящих чистоту́ некра́домое храни́лище,/ ра́дуйся, всех христиа́нских душ спасе́ние.

Степе́нна, 1-й антифо́н 4-го гла́са. Проки́мен, глас 4: Свяще́нницы Твои́ облеку́тся в пра́вду,/ и преподо́бнии Твои́ возра́дуются. Стих: Что возда́м Го́сподеви о всех, я́же воздаде́ ми? Вся́кое дыха́ние: Ева́нгелие от Иоа́нна, зача́ло 51.

По 50-м псалме́ стихи́ра, глас 6:

Боже́ственный священнонача́льниче Ипа́тие о́тче,/ благови́дною архиере́йских исправле́ний красото́ю/ Богопоста́вленный престо́л твой боголе́пно укра́сивый,/ ве́сь мир Го́рний и до́льний/ превосхо́дными твои́ми добротворе́ньми чудесодарова́нными/ сла́дце удиви́л еси́./ Безпло́тнии бо Небе́снии чи́ни,/ на Богоуго́дника тя зря́ще, веселя́тся,/ благове́рнии же лю́дие вси,/ не то́кмо прие́мшии врачевство́ в не́мощех свои́х,/ но и ны́не во вся́ких проше́ниих исполне́ния тре́бующии,/ ве́лие воздаю́т благодаре́ние Бо́гу/ и тебе́, святи́теля, мо́лят спасти́ вся христиа́ны,/ во всера́дование со святы́ми жития́ несконча́емаго.

Кано́н, глас 3, в не́мже нача́льная письмена́ в стиха́х, кроме́ ирмосо́в, с нача́ла до 9-я пе́сни сице́ глася́т: Бо́га Царя́ пе́ти, Чудопода́теля, несе́ Карио́н.

Пе́снь 1

Ирмо́с: Ди́вно, сла́вно творя́й чудеса́/ Ты еси́, Бо́же,/ бе́здну оземлени́вый, и колесни́цы потопи́вый,/ и лю́ди спасы́й, пою́щия Тебе́,/ я́ко Царю́ на́шему и Бо́гу.

Бо́га Тя Всетворца́ разуме́в вседу́шно, возлюби́л е́сть измла́да,/ доброде́тельми обогати́ся всеблаже́нный Ипа́тий, иера́рх чудоде́льный, Твое́ю благода́тию,/ его́же мольба́ми спаси́ пою́щия Тебе́.

О́гнь любве́ Бо́жия в чистолю́бном се́рдце твое́м объя́в,/ де́монскаго злостра́стия пагубоно́сное те́рние попали́л еси́, блаже́нне о́тче./ Те́мже вся благочести́выя научи́л еси́ пе́ти Царя́ Небе́снаго, Бо́га.

Глаго́лом Ева́нгельским научи́вся,/ после́довал еси́ Боговоплоти́вшемуся Сы́ну Бо́жию Иису́су,/ кре́пко бо от злочести́вых за Него́ пострада́в, иера́рше Ипа́тие,/ ны́не в Небесе́х Его́ зря,/ моли́ изба́вити ны от бед, пою́щия Ему́.

Богоро́дичен: А́нгельское все чинонача́лие удиви́ся,/ зря в Тебе́, Пречи́стая, Бо́га Сло́ва все́льшася,/ Его́же, Преблагослове́нная Де́во Мари́е, преесте́ственно родила́ еси́./ В Небе́снем блаже́нстве су́щи,/ предста́тельствуй о нас, пою́щих Тя.

Пе́снь 3

Ирмо́с: Непло́дная душе́ и безча́дная,/ стяжи́ плод благосла́вный,/ веселя́щися, возопи́й:/ утверди́хся Тобо́ю, Бо́же,/ не́сть свят, не́сть пра́веден,/ па́че Тебе́, Го́споди.

Ца́рствующаго все́ми Го́спода, Единосу́щна Отцу́,/ пропове́дал еси́ Сы́на Предве́чнаго, в собо́рном ли́ке святы́х оте́ц/ богому́дренно, о́тче, утвержде́ние сотво́рь, пое́ши:/ не́сть свят, па́че Бо́га Триипоста́сна.

А́нгела преудо́бренна в церко́вней иера́рхии тя, досточу́дне Ипа́тие, иму́ще, мо́лим:/ в плодоноше́ние утверди́ души́ на́ша,/ духоро́дне пе́ти в Тро́ице Всесвята́го и Пра́веднаго Го́спода.

Росо́ю Боже́ственнаго Ду́ха преизоби́льно напои́вся,/ разли́чна чудотворе́ния во сла́ву Пра́веднаго Бо́га/ в по́мощь ве́рным лю́дем показа́л еси́, блаже́нне,/ и́миже стяжа́ти да́руй и нам плод Его́ хвале́ния.

Богоро́дичен: Язы́к всяк не возмо́жет по достоя́нию хвали́ти Тя, Богома́ти Мари́е,/ Тро́ичная бо Ипоста́сь – Бог Сло́во –/ всели́ся в чре́во Твое́, пожи́в с челове́ки Тобо́ю,/ в Богоразу́мие наста́вль, пе́ти Человеколю́бца Го́спода.

Седа́лен, глас 8.

Подо́бен: Прему́дрости:

Богоукрепле́нный столп Правосла́вия,/ ерети́чествующих со́нмищ ариа́нскаго неду́га 54 и Нова́та 55 злоде́йства искорени́тель,/ Богоблаже́нне о́тче Ипа́тие,/ во утвержде́ние Христо́вы Це́ркве яви́лся еси́./ За ню же от враго́в, церквоненави́стных новатиа́н,/ в проездоте́сном пути́ неча́янно бие́ние, ра́ны и сме́рть прие́мь,/ возше́л еси́ душе́ю ко Христу́ Бо́гу в Небе́сную оби́тель./ Но и уби́йцам твои́м, му́чимым де́монами, проще́ние дарова́/ и мно́гая от неду́г свободи́л еси́./ Те́мже Христу́ Бо́гу моли́ся о воспева́ющих па́мять твою́,/ дарова́ти всем ве́лию ми́лость.

Сла́ва, и ны́не, Богоро́дичен:

Все А́нгельское Го́рнее священнонача́лие превозшла́ еси́, Богоневе́сто Де́во Мари́е,/ Бог у́бо Сый престо́л Себе́ Тя соде́ла,/ во пречи́стом чре́ве Твое́м заи́мствова от крове́й Твои́х пло́ть,/ в не́йже се́де одесну́ю Бо́га Отца́, я́ко Единосу́щный,/ па́дшее на́ше челове́ческое естество́ возста́ви/ и соедини́ Себе́ ве́рующия в Него́ и велича́ющия Тя./ Те́мже блажа́т Тя, Госпоже́, вси ро́ди:/ на Небесе́х – вся Небе́сныя си́лы,/ на земли́ – правове́рующия лю́ди./ Пода́ждь всем нам безконе́чное ра́дование.

Пе́снь 4

Ирмо́с: Приосене́нную го́ру Авваку́м прозря́ше,/ пречи́стую Твою́ утро́бу, Чи́стая./ Тем взыва́ше:/ от ю́га прии́дет Бог/ и Святы́й от го́ры приосене́нныя ча́щи.

Призре́ Госпо́дь свы́ше на твое́ Боголюби́вое се́рдце/ и осени́ тя, избра́ннаго Своего́ иера́рха,/ благода́тию Свое́ю в прославле́ние И́мене Своего́ свята́го,/ Его́же возгласи́л еси́:/ прии́де Бог спасти́ челове́ка.

Е́здяй на у́мных и безпло́тных колесни́цах А́нгельских сил/ и всели́выйся носи́тися в утро́бу Пречи́стыя Де́вы,/ из Нея́же воплоти́ся Бог Сый,/ пропове́дан быв тобо́ю, о́тче, во спасе́ние.

Твое́, блаже́нне о́тче Ипа́тие, рачи́тельство/ ко Всетворцу́ Бо́гу неусы́пное бы́сть,/ вся бо сладостра́стия ми́ра вмени́в уме́ты/ и на верх горы́ доброде́тели возше́д,/ присеня́й 56 нас, моля́щих тя, благода́тне.

Богоро́дичен: Изоби́льно благода́ть Свою́ Присносу́щный Бог/ излия́ на Тя, Богома́ти Пречи́стая,/ очи́стив бо Ду́хом, селе́ние Невмести́мый Себе́ во Твое́й утро́бе сотвори́,/ Его́же моли́ спасти́ ны.

Пе́снь 5

Ирмо́с: Све́том Твои́м Невече́рним, Христе́,/ озари́, Бо́же, смире́нную мою́ ду́шу/ и наста́ви на страх Твой,/ зане́ свет повеле́ния Твоя́.

Че́стно ше́ствие честно́му тебе́ иера́рху бы́сть от Го́спода,/ и́бо в труднохожде́нии нощи́ свет Боже́ственный от во́ды, я́ко свещу́, возжже́,/ безбе́ден пу́ть восприя́л еси́./ Те́мже и нам озари́тися моли́.

Удиви́шася наро́ди живу́щей в тебе́, о́тче, благода́ти Бо́жией,/ я́ко го́рькия и непи́тныя во́ды в сла́дость претвори́л еси́,/ и, на́ша у́бо горькоро́дныя страсти́ истреби́в,/ благода́тными напо́й вода́ми.

Ду́ха Свята́го си́лою/ богоде́йственно в цельбу́ ве́рным христолю́бцам исто́чник те́плых вод изве́д,/ изведи́ ны от грехо́вныя тьмы́/ ко врачу́ющему вся Исто́чнику – Христу́.

Богоро́дичен: О́блак дожделию́щий премно́гих дарова́ний/ во утоле́ние жа́жды от зно́я стра́стного порабоще́нным яви́лася еси́, Пречи́стая Де́во,/ моли́ Сы́на Твоего́,/ да вспоко́ит 57 ны в воде́ милосе́рдия Его́, чту́щия Тя.

Пе́снь 6

Ирмо́с: Возведи́ от тли мя, Го́споди Бо́же мой,/ Ио́на вопия́ше;/ и аз вопию́ Ти:/ из глубины́ изба́ви мя, Спа́се, мно́гих мои́х зол/ и к све́ту Твоему́, молю́ся, наста́ви.

Призыва́емь о́тче Ипа́тие, ве́рующими Христу́ Бо́гу,/ скороше́ствовав во вся́ких ско́рбех и напа́стех,/ тем безме́здно врачевство́ дарова́л еси́./ Те́мже от смертоно́сныя тли нас изба́ви.

О́браз Бо́жий, вои́стинну в человекотво́рстве Небеснора́йский, блаже́нне, показа́лся еси́:/ сла́вим бо благотворе́ньми Бо́га,/ от тли ерети́ческих злочти́лищ к све́ту благоче́стия мно́гия лю́ди наста́вил еси́.

Доброде́тельное Богоподо́бие стяжа́в,/ изря́ден па́стырь Га́нгрския Це́ркве был еси́, всече́стне./ Таковы́я подо́бство и свобо́дство от мно́гих на́ших зол пода́ждь нам, мо́лимся.

Богоро́дичен: Ааро́нов жезл процве́тший/ богозна́менно Тя прообрази́ Браконеиску́сную Де́ву:/ Цве́та бо, Све́та всего́ ми́ра, Богочелове́ка Христа́ израсти́вши,/ всем спасе́ние подае́ши ми́лостивно.

Конда́к, глас 2.

Подо́бен: В моли́твах Неусыпа́ющую:

Оби́тель Триипоста́снаго Божества́,/ достоблаже́нне о́тче Ипа́тие, быв,/ во вселе́нную Всетворца́ Бо́га воскли́кнул еси́./ Благода́рственне же чудоде́йствуя,/ вшел еси́ в Небе́сныя оби́тели,/ та́мо моли́ Всесвяту́ю Тро́ицу, мо́лим тя,/ исцели́ти телеса́ и души́ на́ша/ в Богосозда́нную на́шу красоту́.

Ин конда́к, глас 4:

О всеблаже́нный чудотво́рче Ипа́тие,/ предстоя́й в Небесе́х Всетворя́щей Боже́ственней Тро́ице,/ с ли́ки Го́рними богоприя́тне и всера́достне возно́сиши хвалы́./ Приими́ от нас сие́ тебе́ хвалорадостносло́вие./ И моли́ Го́спода изба́вити ны от вся́ких грехо́в, напа́стей же и боле́зней/ и дарова́ти Ца́рствие Небе́сное всю́ду пою́щим:/ аллилу́ия.

Пе́снь 7

Ирмо́с: Трие́ о́троцы в пещи́, Тро́ицу прообрази́вше,/ преще́ние о́гненное попра́ша/ и, пою́ще, вопия́ху:/ благослове́н еси́, Бо́же оте́ц на́ших.

Те́плаго моли́твенника и Богому́драго тя архиере́я самоде́ржец слы́шав,/ на отгна́ние стра́шнаго зми́я призва́ из па́ствы твоея́,/ прише́дша же, ра́достне чествова́,/ благословя́ Бо́га оте́ц на́ших.

Естествови́дный вели́кий змий, ца́рская сокро́вища обдержа́вший,/ не сме́яше на тя зи́нути 58, о́тче,/ я́ко и де́моны го́нятся 59 тобо́ю,/ первоада́мовым бо Богода́нным де́йством в поко́рстве тебе́ сожже́ся той.

Лю́дие новори́мстии и сам ца́рь,/ ви́дяще, о всеблаже́нне, такова́го стра́шна шестодесятоло́котнаго зми́я,/ от Тебе́ пресла́вно исчезнове́нна,/ тя же в благода́ти Бо́жией неврежде́нна,/ сла́дце вопия́ху:/ отце́в Бо́же, благослове́н еси́.

Богоро́дичен: Языкосло́вие провозгласи́ ца́рствующий проро́к,/ Дще́рь Царе́ву Тя, Боговлады́чице, бы́ти./ Мы же, ви́девше Тя и Ма́терь Царя́ Небе́снаго, всеусе́рдно вопие́м:/ я́ко Всемо́щная, сохрани́ нас от зми́я а́дскаго,/ Чи́стая Благослове́нная.

Пе́снь 8

Ирмо́с: А́нгелами немо́лчно в Вы́шних сла́вимаго Бо́га,/ Небеса́ небе́с, земля́, и го́ры, и хо́лми, и глубина́,/ и ве́сь род челове́ческий,/ пе́сньми Того́, я́ко Созда́теля и Изба́вителя, благослови́те/ и превозноси́те во вся ве́ки.

Наде́жду крепча́йшую во Всеще́дром Творце́ на́шем Бо́зе положи́в,/ на ерети́ческая собо́рища всеусе́рдно стал еси́, Богому́дре Ипа́тие,/ посрами́в же ариа́нское вредосла́вие,/ Христа́ возсла́вил еси́.

Единоро́днаго Сы́на Бо́жия, Еди́ну Тро́ичну Ипоста́сь,/ пло́ть и ду́шу у́мную всечелове́чество прии́мшаго,/ я́сно во ве́сь мир возгласи́л еси́, чудотво́рче,/ вся ве́рныя научи́в благослови́ти Его́ во ве́ки.

Се́мя сло́ва Ева́нгельскаго/ непреста́нно в се́рдце христиа́н правосла́вных се́ял еси́, блаже́нне,/ не то́кмо бо правове́рныя угобзи́в на ни́ве благоче́стия,/ но и от ерети́ческих со́нмищ многопло́дство сотвори́л еси́/ хвали́ти Бога́тых во ве́ки.

Богоро́дичен: Еди́ну во всем творе́нии Свое́м/ Бог Сло́во избра́ Тя, Богоневе́сто, селе́ние Себе́,/ из Тебе́ роди́ся пло́тию преесте́ственне, я́ко ве́сть Сам,/ Его́же, Преблагослове́нная, моли́ па́дшия ны возроди́ти благода́тию,/ пе́ти Его́ и Тя во ве́ки.

Пе́снь 9

Ирмо́с: Купино́ю и огне́м пропи́санную в Сина́и/ законополо́жнику Моисе́ю/ и Бо́жий во чре́ве неопа́льно заче́ншую О́гнь,/ Всесве́тлую и Негаси́мую Свещу́,/ су́щую Богоро́дицу пе́сньми чту́ще, велича́ем.

А́нгел земны́й и челове́к Небе́сный вои́стинну был еси́, уго́дниче Христо́в, Ипа́тие,/ твои́ми бо труды́ и Богому́дрыми зри́тельствы Це́рковь благоукраси́ся/ и люде́м душеспаси́тельныя по́льзы мно́ги сотвори́шася.

Ра́зумом соверше́нным и Богоподо́бными де́лы/ в чудотворе́ниих всему́ ми́ру возсия́л еси́,/ я́ко со́лнце, о́тче досточу́дне,/ исцеле́ния разли́чна пода́в и де́моны от стра́ждущих челове́к отгоня́я,/ к Со́лнцу Пра́вды возше́л еси́,/ отню́дуже ны призира́й.

Ерети́чествующия вражде́бники подви́же на тя, Богоно́се, дре́вний змий диа́вол,/ и́же в путеше́ствии твое́м, ра́ди Правосла́вия твоего́, окая́нный умертви́ша,/ но бо́лее тя и по сме́рти Госпо́дь Бог просла́ви,/ Его́же моли́ от враго́в изба́витися нам.

Объя́т вели́кий страх и де́монское муче́ние уби́йцы твоя́, свя́те,/ Бо́жиим бо гне́вом вси возбесне́ша 60./ Ты же, милосе́рдствуя, о́ныя исцели́в, проще́ние дарова́л еси́,/ и мно́гия у гро́ба твоего́ цельбы́ да́ждь нам ми́лостивно.

Богоро́дичен: Назира́й свы́ше христиа́нское сосло́вие, Богороди́тельнице Де́во Чи́стая,/ и в достоя́ние ве́чнаго блаже́нства упра́ви и от скорбе́й и бед,/ мы́сленных страсте́й избавля́ющи ны,/ да, пе́сньми чту́ще, Тя велича́ем.

Свети́лен.

Подо́бен: Жены́, услы́шите:

Небе́сною Богоприя́тныя моли́твы цельбо́ю/ теле́сныя челове́ков не́мощи преесте́ственно исцели́вый/ и пресла́вная чудеса́ Богодарова́нною си́лою сотвори́вый,/ досточу́дный Ипа́тие, моли́ о нас Христа́ Бо́га,/ да в век всера́достный цельбу́ нам да́рует.

Сла́ва, и ны́не, Богоро́дичен:

Богоблаже́нная Цари́це, Пречи́стая Ма́рие Деви́це,/ Предста́тельнице Боголюбе́зна к Боже́ственней Тро́ице,/ о ве́рно Тя взыва́ющих и благоче́стно сла́вящих,/ моли́ся вы́ну спасти́ ду́ши на́ша.

Стихи́ры на хвали́тех, глас 2:

Ки́ими похвала́ми/ в доброде́телех воспое́м иера́рха тя сла́вна/ и чудоде́льнаго врача́, Ипа́тия всеблаже́ннаго?/ Небе́сною бо благоприя́тныя моли́твы цельбо́ю/ мно́жество боле́знующих преесте́ственно исцели́л еси́,/ Богодарова́нным у́бо ты человеколю́бием/ гото́вый всем призыва́ющим тя в по́мощь,/ те́мже моли́ Человеколю́бца Бо́га/ дарова́ти нам ве́лию ми́лость.

Ки́ими добропе́сненными ле́потами/ восхва́лим благови́дную архиере́йских исправле́ний красоту́,/ столпа́ Це́ркве неподви́жима,/ досточу́днаго Ипа́тия, Га́нгрскаго первоседа́теля,/ свети́ло, вселе́нную просвеща́ющее?/ Богоподража́тельным бо свои́м житие́м/ всего́ ми́ра удиви́в концы́./ Его́же просла́ви всю́ду Христо́с Бог наш,/ да́руяй нам ве́лию ми́лость.

Ки́ими благоглаго́ливыми слове́с устна́ми/ восприве́тствуем святи́теля, Богоно́снаго отца́ Ипа́тия?/ За Христа́ кре́пкаго страда́льца,/ Богопропове́дника благочести́выя ве́ры,/ ересе́й мглы разгоня́ющего,/ чудеса́ пресла́вно сотвори́вшаго,/ коне́чное насле́дие в Небесе́х восприя́вшаго,/ и отту́ду прося́щим его́/ в по́льзу исполня́ет проше́ния от Христа́ Бо́га,/ иму́щаго ве́лию ми́лость.

Сла́ва, глас 5:

Прииди́те, вси лю́дие,/ ве́сь круг земны́й населя́ющий,/ Богому́дренным смы́слом к Бо́гу Творцу́ вознеси́теся/ и всеусе́рдно Его́ просла́вите,/ я́ко дарова́л в мир безме́зднаго врача́/ во исцеле́ние ве́рных,/ в тве́рдость, предста́тельство от враго́в злосла́вных,/ всепреподо́бнаго отца́ Ипа́тия,/ архипа́стыря всему́драго,/ Ду́ха Бо́жия трубу́ всезлату́ю,/ воструби́вшаго и́стинное благоче́стие,/ основа́тися Трисо́лнечным Божество́м,/ е́же сла́вити О́но/ и пе́рваго достоя́ния в Небе́сном Ца́рстве всем сподо́битися./ К такову́ всече́стну архиере́ю возопии́м:/ Богозда́нный Правосла́вия щи́те,/ правосла́вных от вся́ких бед защити́,/ на вся враги́ побе́ды да́руй,/ архиере́ем блаже́нным в благоле́пное це́рквей Бо́жиих благострое́ние/ да́ждь свы́ше Небе́сную по́мощь/ и всем лю́дем ве́чное спасе́ние испроси́/ у Жизнопода́теля Христа́ Го́спода,/ спаса́ющего род челове́ческий.

И ны́не, Богоро́дичен, глас то́йже:

Блажи́м Тя, Богоро́дице Де́во,/ и сла́вим Тя, ве́рнии, по до́лгу,/ град непоколеби́мый, сте́ну необори́мую,/ тве́рдую Предста́тельницу/ и Прибе́жище душ на́ших.

Славосло́вие вели́кое и отпу́ст.

НА ЛИТУРГИ́ И

Блаже́нны от кано́на свята́го пе́сни 3-я и 6-я. Проки́мен, глас 1: Уста́ моя́ возглаго́лют прему́дрость/ и поуче́ние се́рдца моего́ ра́зум. Стих: Услы́шите сия́, вси язы́цы, внуши́те, вси, живу́щий по вселе́нней. Апо́стол ко Евре́ем, зача́ло 311. Аллилу́ия, глас 2: Уста́ пра́веднаго поуча́тся прему́дрости, и язы́к его́ возглаго́лет суд. Стих: Зако́н Бо́га его́ в се́рдце его́, и не за́пнутся стопы́ его́. Ева́нгелие от Луки́, зача́ло 67. Прича́стен: В па́мять ве́чную:

Моли́тва благода́рственная свято́му равноапо́стольному священному́ченику Ипа́ тию

Трисо́лнечнаго Све́та светоза́рная звездо́, вводя́щая в мир Трисо́лнечный Свет апо́стольскими твои́ми, Богоева́нгельскаго пропове́дания священноуче́нии, священному́чениче, иера́рше Христо́в, Богоблаже́нне Ипа́тие. Ты прия́л еси́ от Святы́я Тро́ицы равноапо́стольную благода́ть, серафи́мскую в горе́честии 61 к Бо́гу любо́вь, я́коже верхо́внейший апо́столов Петр, и херуви́мскую многоочи́тую во уче́нии прему́дрость, я́коже вторы́й Па́вел. Просвети́вый прему́дрым твои́м благоче́стия уче́нием тьмочи́сленныя наро́ды, присноусе́рдно подража́я всеме́рнаго Учи́теля, Го́спода Бо́га и Спа́са на́шего Иису́са Христа́. Его́же ра́ди всесмире́нно молю́ богоподража́тельное оте́ческое твое́ благоутро́бие: при́зри ми́лостивно богосве́тлыма твои́ма на су́щее недосто́инство мое́, я́ко всечадолюби́вый по Бо́зе оте́ц, и присноусе́рдный на́шего спасе́ния наста́вник, и всех в Го́рних правонеизме́нный строи́тель, адама́нтная Правосла́вию стена́ и пресве́тлый столп, вводя́щий второно́ваго Изра́иля во всепресветле́йший Го́рний Сио́н. Потщи́ся вско́ре помоществова́ти на бра́нех во́инству на́шему. Проси́ же при́сно у Святы́я Тро́ицы всем правосла́вным христиа́ном ми́ра и тишины́, душе́внаго спасе́ния и многоле́тняго в телеси́ здра́вия, возду́ха благорастворе́ния, земли́ благопло́дие, непло́дствующим благоча́дие, и в зако́не Госпо́днем воспита́ния, и всех благи́х умноже́ния. А по́сле жития́ коему́ждо жи́зни сея́ сподо́би святы́ми твои́ми моли́твами улучи́ти христиа́нскую кончи́ну бла́гу, непосты́дну и ми́рну, со всепредобре́йшим испове́данием и со прича́стием Святы́х Безсме́ртных Небе́сных и Животворя́щих Христо́вых Та́ин, и с молитвома́слием 62 безпрепя́тное возду́шных мыта́рств преше́ствие, насле́дие со святы́ми всера́достныя присносу́щныя жи́зни, в не́йже ку́пно со А́нгельскими чи́нми непреста́нныя хвалы́ вознесе́м Безнача́льному Отцу́ со Единоро́дным Его́ Сыно́м и с Пресвяты́м, Благи́м и Животворя́щим Его́ Ду́хом, и тебе́, вели́кое твое́ оте́ческое ми́лостивое заступле́ние, ны́не, и при́сно, и во ве́ки веко́в. Ами́нь.

Извеще́ние о сочине́ нии слу́жбы сия́

Благоволе́нием Всетворя́щия Вины́, Бо́га Отца́ и Сы́на и Свята́го Ду́ха, во сла́ву Его́ Боже́ственную, в че́сть же Преблагослове́нныя Пречи́стыя Де́вы Богоро́дицы Мари́и и в похвалу́ свята́го отца́ на́шего Ипа́тия чудотво́рца, епи́скопа Га́нгрскаго, слу́жба сия́ вся, какова́ зде обрета́ется: стихи́ры и кано́н, кондаки́ и и́косы, счини́ся и написа́ся но́во, всем Боголюби́вым душа́м в по́льзу, и́же хотя́т твори́ти плод доброде́телей и ражда́ти дух спасе́ния своего́, спе́ющий в жи́знь ве́чнаго и всера́достнаго блаже́нства, и́бо честву́ющий сего́ отца́ Ипа́тия ве́рою в проше́ниях свои́х не погреша́т наде́жды своя́. В ца́рствующем гра́де Москве́, во пречестне́й и вели́кой оби́тели Арха́нгела Михаи́ла и во святы́х отца́ на́шего Алекси́я, Всеросси́йскаго митрополи́та и чудотво́рца, в монастыре́ Чу́дове. Мирозда́ния 7215 ле́то, Рождества́ же во пло́ти Го́спода Иису́са Христа́ 1707, в ме́сяце ма́рте, трудоде́йствова в сей святе́й оби́тели, обита́лся ху́ждший иеромона́х Карио́н Исто́мин, смотри́тель бы́вший ца́рственныя типогра́фии.

Священному́ченик Ипатий, епископ Гангрский

Священномученик Ипатий, епископ Гангрский был епископом города Гангры в Пафлагонии (область в Малой Азии). Принимал участие в I Вселенском Соборе, собранном в 325 году в городе Никее для обличения арианской ереси. Вместе с другими поборниками Православия святой Ипатий исповедал на Соборе Единосущие Сына Божия Богу Отцу, подписал принятые Собором семь членов Символа веры в той форме, которая сохраняется и доныне. Святой Ипатий получил от Господа великий дар чудотворения: он изгонял бесов и исцелял различные недуги, так, например, «жены кровоточивый и безчадныя не мало чадородны показа, и оны суха сосцы имущия, и безкормны, млеко точити сотвори». В одном селении он претворил источник горькой воды в пригодный для питья. По преданию, нашедшему отражение в церковной иконографии, он вывел страшного змея из сокровищницы императора Констанция (337–361), сына Константина Великого, употребив силу святительского жезла. В благодарность за это император приказал сделать на доске изображение лица священномученика Ипатия и поставил это изображение в своей сокровищнице на прогнание бесов.

Когда в 326 году святой Ипатий возвращался из Константинополя в Гангры, на него напали недоброжелатели и враги, последователи раскольников Новата и Фелициссима. Сильно израненный мечами и кольями святой Ипатий молился за насильников: «Господи, не постави им греха сего». Он скончался от удара камнем по голове. Убийцы спрятали тело священномученика в пещере и поспешили уйти, но не смогли скрыться от Божьего наказания, и у них помутился разум. Женщина-арианка, нанесшая святому последний удар, непрестанно била себя в грудь тем самым камнем...

Между тем, некий крестьянин, хранивший в пещере солому, придя за ней, услышал в пещере голоса поющих ангелов и несказанно удивился. Обнаружив израненное тело убиенного святого, он побежал к своим односельчанам, а те рассказали об этом в городе. С великим плачем пришли жители города Гангры за останками святого отца и любимого пастыря своего и, взяв честное тело святого Ипатия, погребли его с великой честью. Когда тело святого было погребено, женщина, бившая себя камнем в грудь, исцелилась от беснования. Другие убийцы, принеся покаяние, также исцелились при гробе святого, который по незлобию своему и по смерти благодетельствовал своим врагам.

Священномученик Ипатий с древних пор особо чтится в Русской земле. В 1330 году в Костроме был воздвигнут Ипатьевский монастырь, на месте явления Божией Матери с Предвечным Младенцем Иисусом и предстоящими святыми – апостолом Филиппом и священномучеником Ипатием, епископом Гангрским. Древние списки Жития святого Ипатия были широко распространены на Руси, один из них вошел в состав Великих Четьих Миней Митрополита Всероссийского Макария (1542–1564). В этом Житии повествуется о явлении Христа Спасителя святому Ипатию накануне его мученической кончины.

Помимо службы святому, написанной в древности преподобным Иосифом Студитом, в России в XVII веке служилась особая полиелейная служба на вторую память святого, 16 ноября. На память преставления, 31 марта, иеромонах Карион Истомин в 1707 году составил новую бденную службу.

Чтимая частица с мощами святого Ипатия, епископа Гангрского, имеется в московском храме во имя святого Феодора Стратилата при Антиохийском подворье.

Святи́теля Ио́ны Митрополи́та, Моско́вскаго и всея́ Росси́и чудотво́рца

(Слу́жбу зри 15 ию́ня)

Тропа́рь, глас 3:

Яре́м Госпо́день измла́да восприи́м,/ и Того́ стопа́м невозвра́тным жела́нием после́довал еси́,/ и освяще́ннаго по́двига дости́гл,/ святи́тельства па́ству прии́м и чуде́с от Бо́га да́ры прия́т,/ с ве́рою приходя́щим к ра́це моще́й твои́х/ подае́ши разли́чным неду́гом исцеле́ние неоску́дно,/ о́тче наш Ио́но, святи́телю Христо́в,/ моли́ Христа́ Бо́га дарова́ти нам ве́лию ми́лость.

Ин тропа́рь, глас то́йже:

Боже́ственною благода́тию просвети́вся/ и по сме́рти показу́я све́тлость жития́ твоего́,/ источа́еши ми́рови благоуха́ния,/ притека́ющим к ра́це моще́й твои́х,/ и наро́ди Моско́встии наста́вил еси́ ко све́ту богоразу́мия,/ Ио́но, о́тче наш,/ моли́ Христа́ Бо́га/ дарова́ти нам ве́лию ми́лость.

Конда́к, глас 8:

Жела́нием духо́вным по́стническое житие́ соверши́в/ и святи́тельства па́ству прии́м,/ чистоты́ ра́ди теле́сныя и те́ло твое́ Влады́ка Христо́с соблюде́ нетле́нно/ и Петру́ чудотво́рцу насле́дника тя соде́ла,/ и того́ нра́ву после́довал еси́,/ и учи́теля тя Христо́с Своему́ ста́ду дарова́,/ иде́же лежа́т целе́бныя мо́щи твоя́,/ благоуха́ют, я́ко от кади́ла благово́нна,/ и подаю́т исцеле́ния немощны́м, ве́рою приходя́щим,/ святи́телю Ио́но, моли́ Христа́ Бо́га непреста́нно о всех нас.

Святитель Иона Митрополит, Московский и всея России чудотворец

Святитель Иона Митрополит, Московский и всея России чудотворец родился в селе Одноушове, находившемся в 9 верстах от города Солигалич на реке Костроме. Отцом его был местный вотчинник Феодор Одноуш. Двенадцати лет будущий святитель Иона постригся в одном из монастырей Галицкой области. Впоследствии он перешел в московский Симонов монастырь, основанный в 1370 году (при великом князе Димитрии Донском) учеником и племянником Преподобного Сергия Радонежского святым Феодором, по благословению святого митрополита Алексия. В этой обители подвизались тогда старцы: эконом Варфоломей, Иоанн Златый и Игнатий иконописец, люди благочестивой и строгой жизни, которые не боялись и другим сказать правду. Под их руководством воспитывался Иона и пребывал в непрерывных духовных трудах, посте, молитве и чтении Священного Писания. Ко времени пребывания его в Симоновом монастыре относится следующее пророчество о нем святителя Фотия, Митрополита Киевского и всея Руси. Однажды святитель Фотий, посетивший Симонов монастырь, отслужил молебен и преподал благословение архимандриту и братии, после чего пожелал благословить и тех братии, которые трудились на послушаниях. Он обнаружил молодого инока Иону спящим в монастырской пекарне, на лице его видны были изнурение и усталость, а правую руку держал он на главе «согбену, яко благословляше ею». Святитель не стал будить его и сказал окружающим: «Знайте, дети, сей инок будет великим святителем земли Русской, приведет многих неверных к Истинному Богу и поставлен будет пастырем и учителем царствующему граду Москве».

Прошло несколько лет. По Божию изволению и по избранию освященного Собора блаженный Иона был поставлен епископом Рязани и Мурома. Немало потрудился он, обращая к Истинному Богу племена мещеры, мордвы и муромы, проживавшие в пределах его весьма обширной епархии. Когда скончался святитель Фотий (†2 июля 1431), великий князь московский Василий Васильевич созвал архиепископов и епископов, и по согласию и желанию всех освященный Собор избрал на престол Российской Митрополии епископа Рязанского Иону. Но не скоро исполнилось решение быть Ионе Митрополитом по целому ряду препятствий. Его успел упредить епископ Смоленский Герасим. Уже в 1432 году он был поставлен в Константинополе митрополитом не только Литвы, но и всей Руси, согласно свидетельству некоторых памятников, однако жил недолго (был сожжен литовским князем 26 июля 1435 года). Тяжелое было тогда время для великого князя Московского и всей Русской Церкви. Звенигородский князь Юрий дважды изгонял племянника своего князя Василия из Москвы, пока, наконец, сам не сошел в могилу. Великому князю Василию пришлось продолжать борьбу с сыновьями его, особенно одним из них – Димитрием Шемякой. После смерти Герасима святитель Иона отправился для посвящения в Константинополь, но опять запоздал: тем временем Патриарх Иосиф посвятил на русскую Митрополию Исидора († 1462, в Риме), по всей видимости, грека или болгарина, впоследствии униата, который в 1438 году подписал решения Флорентийского собора и за это был низложен паствой с Московского престола.

В 1448 году Собор русских епископов на основании 1 Апостольского правила и 4 правила Никейского Собора, по примеру времен князей Киевских Ярослава и Изяслава, определил посвятить Иону в Митрополита всея Руси. 15 декабря на святителя Иону возложили митрополичий омофор и вручили ему посох святителя Московского Петра. Новопоставленный митрополит счел нужным объяснить законность своего поставления и составил соответствующие послания ко всем православным русским христианам, к киевскому князю Александру Владимировичу и ко «всему купно литовско-галицкому христолюбивому людству», убеждая содействовать воссоединению Русской Митрополии под властью одного Митрополита. Старания святителя Ионы увенчались успехом, хотя и не вполне; король польский и великий князь литовский Казимир (согласившийся на избрание Ионы еще в 1448 году) вручил ему в 1451 году «столец Киевский и всея Руси», сохранив независимой от него галицкую половину Киевской митрополии. Получив в 1451 году грамоту от короля, святитель Иона поставил наместником в Киеве старца Михаила, но и сам неоднократно посещал западную половину своей Митрополии.

После падения Константинополя (1453) колебания греков в сторону унии с Римом прекратились, так что святитель Иона вступил в дружественные сношения с Патриархом Константинопольским Геннадием Схоларием.

Святитель Иона был ревностным архипастырем, старавшимся всемерно насаждать в пастве своей глубокое и искреннее благочестие, искоренять пережитки язычества и дурные нравы.

К новгородцам, например, после того, как предложил наставление о пагубе вражды (убеждая их прекратить заведенные у них кулачные и палочные бои), святитель Иона писал: «Как сладко, дети мои, покаяние! Оно – корень жизни. Сладкий и незлобивый, благий и щедрый, человеколюбивый Бог и строитель спасения нашего веселится о слезах кающегося и радуется исповеди нашей».

В 1451 году к Москве подступил сын хана Седнахмета с ногайской ордой. Великий князь выехал из столицы собрать войско и вверил охранение ее святителю Ионе и боярам. Враг зажег предместья 2 июля. Жители были в страшном унынии. Чтобы ободрить их надеждой на помощь Божию, святитель с клиром, весь в облаках дыма, совершил крестный ход по стенам Кремля. Инок Чудова монастыря старец Антоний, любимый святителем Ионой за строгость благочестивой жизни, сказал, обращаясь к святителю Ионе: «Город и все православные христиане будут спасены по молитвам твоим», – и пал тотчас, пробитый татарской стрелой. Предсказание старца сбылось: непонятное смятение возникло в рядах татар, и они бежали в страхе и ужасе. Святитель Иона сам совершил погребение павшего инока. В тот же день, 2 июля, в праздник Положения ризы Пресвятой Богородицы, святитель Иона заложил у западных врат Успенского храма «палату каменну» с церковью в честь Положения Ризы Богоматери. Важным церковно-общественным делом святителя Ионы было торжественное причтение к лику святых Митрополита Московского Алексия, мощи которого были обретены нетленными при перестройке Чудова монастыря в 1431 году, в последний год правления митрополита Фотия. Епископу Пермскому Питириму, который до епископства был архимандритом чудовским, было поручено написать Житие святителя Алексия и Службу ему; после соборного одобрения последней установлена была память – 12 февраля, в день преставления, и 20 мая, в день обретения мощей святителя Алексия.

Жизнеописатель святителя Ионы указывает несколько случаев чудотворений, совершенных святителем Ионой еще при жизни.

Вот одно из них. Малолетняя дочь великого князя Василия, Анна, впоследствии супруга Рязанского князя Василия Ивановича, была при смерти принесена в келью святителя, и его молитвы возвратили ей жизнь и здоровье. Нашелся человек, который говорил, что девушка выздоровела сама собою. Святитель Иона, призвав его, сказал: «Страшна хула на Святого Духа, здоровье возвращено больной Господом по вере родителей». Тот же продолжал насмешки. «Да заградятся уста нечестивого», – сказал святитель. Человек тот онемел...

О своей близкой кончине святитель Иона извещен был свыше. Ночью сторож Успенского собора увидел освещение в храме и услышал голоса поющих. Обнаружив, что двери открыты, в страхе поспешил он к ключарю собора иерею Иакову. Иаков пошел к храму, но нашел его запертым, увидал горящие свечи и услышал голос: «Передай рабу Моему Митрополиту Ионе, что по молитве его откроется знамение на ноге его – болезнь; устроив должное о себе и пастве, переселится он в жизнь вечную». Смущенный иерей не смел явиться к святителю, но святитель сам призвал его и обличил за непослушание повелению небесному. Предвещение о кончине святителя вскоре исполнилось. Боль в ноге открылась, но святитель не переставал посещать храм, готовясь к кончине. Блаженная кончина его последовала 31 марта 1461 года, во вторник на Страстной неделе. Современник святителя свидетельствует о его кончине следующее: «Лицо его было не как у мертвеца, но как бы спал он; это от высокой жизни его, какую, как слышали мы, проводил он с юности по примеру святых отцов...»

Вскоре святые мощи святителя Ионы были прославлены чудесными знамениями милости Божией, главным образом исцелениями. Не прошло и года после его кончины, как друг святителя Ионы, соименный ему архиепископ Новгородский Иона поручил известному агиографу иеромонаху Пахомию Логофету (Сербу) написать канон почившему. В 1472 году мощи святителя Ионы были обретены нетленными и положены в Успенском соборе Кремля (память перенесения святых мощей – 27 мая), В 1547 году на Московском Соборе при митрополите Макарии было установлено повсеместное празднование памяти святителя Ионы в день преставления – 31 марта. Поскольку этот день приходится на период Великого поста, святителю Ионе впоследствии была установлена также память на 15 июня. В 1596 году Патриарх Иов установил празднование святителю Ионе также в Соборе Московских святителей – 5 октября.

Церковное предание свидетельствует, что во время Отечественной войны 1812 года страшное видение ужаснуло французов у гробницы святителя Ионы: чудотворец был обретен с поднятою, как бы грозящею рукой. Поэтому его серебряная рака и при ней подсвечник остались неприкосновенными.

Архиепископ Августин несколько дней спустя после удаления неприятеля вошел в Успенский собор с робостью, опасаясь взрыва. И первое, что открылось его взорам, была уцелевшая рака, с почивающим в ней святителем Ионой, посреди общего запустения. Около стен собора стояли горны для плавки металлов; вместо огромного серебряного паникадила спускались со свода огромные весы; ободранные иконы были разбросаны по полу... И посреди ужасов святотатства серебряная рака святителя Ионы и подсвечник остались невредимыми. «Да воскреснет Бог, и расточатся врази Его»,– воскликнул архиепископ Августин и со слезами припал к чудотворным мощам святителя Ионы. Это событие явилось знамением, что и по преставлении к Богу святитель Иона ограждает град Москву и всю страну от посягательства врагов.

Преподо́бнаго Ипатия Целе́бника, в Да́льних пеще́рах почива́ющаго

Тропа́рь, глас 1:

Безнача́льнаго о́наго и ти́хаго ме́ста,/ иде́же не́сть печа́ли, ни воздыха́ния,/ дости́гнути, преподо́бне, жела́я,/ не дал еси́ себе́ зде поко́я нима́ло,/ но при́сно де́нь и но́щь в де́лех вся́ких/ и жесто́ком жити́и трудолю́бно подвиза́яся, пребыва́еши,/ тем жела́емаго получи́л уже́, Ипа́тие,/ моли́ся о душа́х на́ших.

Конда́к, глас 3:

Труды́ ко трудо́м вы́ну ра́ди Го́спода прилага́я,/ никогда́же обре́лся еси́ пра́зден, Ипа́тие./ Те́мже и в ле́поту трудолюби́в нарече́ся,/ зва́ние прие́мь от дел.

Преподобный Ипатий Целебник

Преподобный Ипатий Целебник подвизался в Киево-Печерской Лавре в XIV веке. После нашествия полчищ хана Батыя в 1240 году «древний Киев исчез и на века, – по словам автора «Истории Государства Российского» Н. М. Карамзина, – ибо сия, некогда знаменитая столица, мать градов Российских, в четырнадцатом и пятнадцатом веке представляла еще развалины». Подверглась жестокому разрушению и святая Киево-Печерская обитель. Дикие орды завоевателей не пощадили ни каменных монастырских стен, ни церкви Пресвятой Богородицы Печерской, ни людей: кого убили, кого увели в плен, «весь монастырь со всеми украшениями и каменными стенами до основания искорениша и разметаша».

Но свет, по пророчеству святого Андрея Первозванного, воссиявший на Киевских горах, уже нельзя было погасить. По словам «Синопсиса» Иннокентия Гизеля: «Если от злочестивого Батыя и в конечное разорение святая обитель Печерская пришла, и небу подобная церковь Успения Пресвятой Богородицы чрез многие лета пребывала в запустении, но в некоем приделе, уцелевшем от поганых, Божественныя службы страха ради совершались втайне. Черноризцы же по лесам и вертепам скитались...

Преподобный Ипатий Целебник непрестанно весь день трудился в послушании монастырском, ему было поручено ухаживать за больными, а ночи он стоял на молитве, мало когда принимая сна. Вкушал он только хлеб и воду, и то в малом количестве. При усердном служении отцам в их болезнях, сподобился преподобный Ипатий благодатного дара исцелять болезни возложением рук на болящих. Страдавшие от разных недугов получали исцеление, прибегая к молитвенному заступничеству преподобного Ипатия. На нем исполнились слова преподобного Пимена Многоболезненного: «Равную награду будут иметь болящий и служащий тому». Нетленные мощи преподобного Ипатия, врача и целебника, почивают в Феодосиевых (Дальних) пещерах. Память его чтится также 28 августа (с Собором преподобных Киево-Печерских, почивающих в Дальних пещерах), и во 2-ю неделю Великого поста (с Собором всех преподобных Киево-Печерских).

* * *

50

плинфоде́ланию – изготовление кирпичей.

51

истни́л – изнурил.

52

ве́си – ведаешь, знаешь.

53

хлами́до – плащ, багряница.

54

ариа́нскаго неду́га – т.е. арианской ереси.

55

Нова́та – раскольник.

56

присеня́й – покрывай.

57

вспоко́ит – успокоит.

58

зи́нути – раскрыть пасть.

59

го́нятся – прогоняются.

60

возбесне́ша – прийти в бешенство, взбеситься.

61

в горе́честии – в почитании вышняго.

62

молитвома́слием – елеосвящением.


Источник: Минея - М. : Издательский Совет Русской Православной Церкви, 2002-. 12 том. / Минея март. - 2002. / Ч. 1. – 424; Ч. 2. - 400 с.

Комментарии для сайта Cackle