Глас 4
Минея, 15 Августа.
Песнь 1
Ирмос: Отве́рзу уста́ моя́,/ и напо́лнятся Ду́ха,/ и сло́во отры́гну Цари́це Ма́тери,/ и явлю́ся, све́тло торжеству́я,/ и воспою́, ра́дуяся, Тоя́ успе́ние.
Открою уста мои, и они исполнятся Духа, изреку слово Царице Матери, явлюсь светло торжествующим и радостно воспою Ее успение.
Сла́ва Отцу́ и Сы́ну и Свято́му Ду́ху.
Де́вы отрокови́цы, с Мариами́ею проро́чицею пе́снь исхо́дную ны́не воскли́кните:/ Де́ва бо и еди́на Богома́ти ко прия́тию Небе́сному преставля́ется.
Девы отроковицы, запойте ныне с пророчицей Мариамью песнь надгробную (Исх.15:20), ибо Дева и единая Богородица преставляется в (Свой) небесный удел.
И ны́не и при́сно и во ве́ки веко́в. Ами́нь.
Досто́йно, я́ко одушевле́нное Тя Не́бо, прия́ша Небе́сная, Пречи́стая, Боже́ственная селе́ния,/ и предста́, све́тло укра́шена, я́ко Неве́ста, Всенепоро́чная, Царю́ и Бо́гу.
Небесные божественные селения достойно приняли Тебя как одушевленное небо, и Ты, светло украшенная, как всенепорочная невеста, предстала Царю и Богу.
Песнь 3
Ирмос: Твоя́ песносло́вцы, Богоро́дице,/ Живы́й и Незави́стный Исто́чниче,/ лик себе́ совоку́пльшия, духо́вно утверди́,/ в Боже́ственней па́мяти Твое́й/ венце́в сла́вы сподо́би.
Твоих певцов, составивших хор, Богородица, живой и обильный Источник, духовно утверди, ради божественной памяти Твоей удостой венцов славы.
Сла́ва Отцу́ и Сы́ну и Свято́му Ду́ху.
От ме́ртвых чресл произве́дшися, естество́м подо́бна, Чи́стая, исхожде́ние разреши́,/ ро́ждши же су́щую Жи́знь,/ к Жи́зни преста́вися Боже́ственней и Ипоста́сней.
Произойдя из омертвевших чресл, Чистая, Ты получила кончину, сообразную природе; но, родивши действительную Жизнь, Ты преставилась к Жизни Божественной и Ипостасной.
И ны́не и при́сно и во ве́ки веко́в. Ами́нь.
Лик Богосло́вов от коне́ц, свы́ше же А́нгел мно́жества/ к Сио́ну идя́ху всеси́льным манове́нием,/ достодо́лжно, Влады́чице, Твоему́ погребе́нию служа́ще.
Лик богословов от пределов (земли) и множество ангелов свыше шли по всесильному мановению к Сиону, чтобы должно послужить, Владычица, при Твоем погребении.
Седален, глас 8
Блажи́м Тя, вси ро́ди, Богоро́дице Де́во,/ в Тя бо Невмести́мый Христо́с Бог наш вмести́тися благоволи́./ Блаже́ни есмы́ и мы, предста́тельство Тя иму́ще:/ день бо и но́щь мо́лишися о нас и ро́ди христиа́нстии Твои́ми моли́твами утвержда́ются./ Тем, воспева́юще, вопие́м Ти:/ ра́дуйся, Благода́тная, Госпо́дь с Тобо́ю.
Ублажаем Тебя все поколения, Богородица Дева, ибо в Тебе благоволил поместиться невместимый Христос Бог наш. Блаженны и мы, имея в Тебе защиту, ибо Ты день и ночь молишься о нас и скипетры царства укрепляются Твоими молитвами. Посему восклицаем Тебе: радуйся, Благодатная, Господь с Тобою.
Песнь 4
Ирмос: Неизсле́дный Бо́жий Сове́т,/ е́же от Де́вы воплоще́ния/ Тебе́, Вы́шняго,/ проро́к Авваку́м усмотря́я, зовя́ше:/ сла́ва си́ле Твое́й, Го́споди.
Созерцая неисследимый Божий совет о Твоем, Всевышний, воплощении от Девы, пророк Аввакум восклицал: слава силе Твоей, Господи.
Припев: Пресвята́я Богоро́дице, спаси́ на́с.
Чу́до бя́ше зре́ти Не́бо всех Царя́ одушевле́нное,/ испражне́ния преходя́щее земна́я, я́ко чу́дна дела́ Твоя́!/ Сла́ва си́ле Твое́й, Го́споди.
Удивительно было видеть одушевленное небо Всецаря проходящим пустоты земли. Как удивительны дела Твои! Слава силе Твоей, Господи!
Сла́ва Отцу́ и Сы́ну и Свято́му Ду́ху.
А́ще и непости́жный Сея́ Плод, И́мже небеса́ бы́ша,/ погребе́ние прия́т во́лею, я́ко мертв;/ ка́ко погребе́ния отве́ржется неискусобра́чно Ро́ждшая?
Если и непостижимый Плод Ее, чрез Которого произошло небо, добровольно принял погребение, как мертвый, то как избегла бы погребения безбрачно Родившая?
И ны́не и при́сно и во ве́ки веко́в. Ами́нь.
В преставле́нии Твое́м, Ма́ти Бо́жия, простра́ннейшее те́ло Твое́ и богоприя́тное/ а́нгельская во́инства свяще́нными кри́лы тре́петом и ра́достию покрыва́ху.
При преставлении Твоем, Матерь Божия, ангельские воинства с трепетом и радостью покрывали священными крыльями пространнейшее, вместившее Бога, тело Твое.
Песнь 5
Ирмос: Ужасо́шася вся́ческая/ о честне́м успе́нии Твое́м:/ Ты бо, Неискусобра́чная Де́во,/ от земли́ преста́вилася еси́ к ве́чным оби́телем/ и к безконе́чней жи́зни,/ всем, воспева́ющим Тя,/ спасе́ние подава́ющая.
Изумилось все при священном успении Твоем; ибо Ты, не испытавшая брака Дева, преставилась от земли к вечным обителям и к бесконечной жизни, подавая спасение всем воспевающим Тебя.
Сла́ва Отцу́ и Сы́ну и Свято́му Ду́ху.
Да возглася́т трубы́ богосло́вов дне́сь,/ язы́к же многовеща́нный челове́ческий ны́не да восхва́лит,/ да огласи́т же возду́х, безме́рным сия́я све́том,/ А́нгели да пою́т Пречи́стыя Де́вы успе́ние.
Да гремят сегодня трубы богословов и многоречивый язык людей ныне да вещает хвалы; да звучит воздух, сияя безмерным светом, и ангелы да поют успение Пречистой Девы.
И ны́не и при́сно и во ве́ки веко́в. Ами́нь.
Сосу́д подоба́ше избра́нный, пе́нием Ти весь удивля́емь, Деви́це, исхо́ден,/ весь освяще́н Бо́гови, всем богоприя́тен,/ и сей и́стинно явля́емый, Богоро́дице Всепе́тая.
Тебе, Дева, сосуду избранному, при исходе в (посвященных) Тебе песнях, подобало всей внушать изумление, всей быть освященной для Бога, богообъятой для всех, (такой) быть в действительности и являться, Богородица превоспеваемая.
Песнь 6
Ирмос: Боже́ственное сие́ и всечестно́е/ соверша́юще пра́зднество,/ Богому́дрии, Богома́тере,/ прииди́те, рука́ми воспле́щим,/ от Нея́ ро́ждшагося Бо́га сла́вим.
Совершая этот божественный и всепочитаемый праздник Богоматери, придите, богомудрые, зарукоплещем, прославим родившегося от Нее Бога.
Сла́ва Отцу́ и Сы́ну и Свято́му Ду́ху.
Из Тебе́ Жи́знь возсия́, ключи́ де́вства не руши́вши;/ ка́ко у́бо пречи́стое и живонача́льное Твое́ те́ло/ искуше́ния сме́рти бы́сть прича́стно?
Из Тебя воссияла Жизнь, не тронувши ключей девства. Как же пречистое и начальножизненное тело Твое оказалось способным испытать смерть?
И ны́не и при́сно и во ве́ки веко́в. Ами́нь.
Жи́зни бы́вши храм, жи́знь присносу́щную улучи́ла еси́:/ сме́ртию бо к животу́ премину́ла еси́,/ Я́же Жи́знь ро́ждши воипоста́сную.
Ставши храмом Жизни, Ты достигла вечной жизни, ибо чрез смерть Ты перешла к жизни, родивши Жизнь Ипостасную.
Кондак, глас 2
В моли́твах Неусыпа́ющую Богоро́дицу/ и в предста́тельствах непрело́жное упова́ние/ гроб и умерщвле́ние не удержа́ста:/ я́коже бо Живота́ Ма́терь/ к животу́ преста́ви/ во утро́бу Всели́выйся присноде́вственную.
Богородицу, неусыпную в молитвах и необманчивую надежду в защите, не удержали гроб и смертность; ибо Ее как Мать Жизни преставил к жизни Поселившийся в (Ее) всегда девственной утробе.
Икос
Огради́ моя́ помышле́ния, Христе́ мой,/ и́бо Сте́ну ми́ра воспе́ти дерза́ю, Чи́стую Ма́терь Твою́,/ на столпе́ глаго́л укрепи́ мя и в тя́жких мы́слех заступи́ мя,/ Ты бо взыва́ющим и прося́щим ве́рою моле́ния исполня́еши./ Ты мне у́бо да́руй язы́к прино́сен и по́мысл непосты́ден:/ вся́кое бо дая́ние сия́ния от Тебе́ низпосыла́ется, Светопода́телю,/ во утро́бу всели́выйся присноде́вственную.
Огради мои мысли, Христе мой, ибо я дерзаю воспеть стену мира – Пречистую Твою Мать; на башне слов укрепи меня, дай мне мощную речь, чтобы она покоряла других, и в полновесных мыслях помоги мне, внуши мне основательные (солидные) мысли, ибо Ты взывающим (к Тебе) и просящим с верою исполняешь прошения; подай же мне язык богатый и мысль безупречную; ибо всякий дар просвещения посылается от Тебя, Светоподатель, поселившийся во всегда девственной утробе.
Песнь 7
Ирмос: Не послужи́ша тва́ри Богому́дрии,/ па́че Созда́вшаго,/ но, о́гненное преще́ние му́жески попра́вше,/ ра́довахуся, пою́ще:/ препе́тый отце́в Госпо́дь и Бог, благослове́н еси́.
Богомудрые не послужили творению более Творца, но, мужественно поправ угрожающий огонь, радовались воспевая: превоспеваемый Господь и Бог отцов, Ты благословен.
Припев: Пресвята́я Богоро́дице, спаси́ на́с.
Ю́ноши и де́вы, Де́выя же и Богома́тере па́мять чту́ще,/ ста́рцы, и мона́си, ца́рие и судии́, по́йте:/ оте́ц на́ших Го́споди и Бо́же, благослове́н еси́.
Юноши и девы, старцы и князья, цари и судьи, чтя память Девы, как и Богоматери, пойте: Господь и Бог отцов наших, Ты благословен.
Сла́ва Отцу́ и Сы́ну и Свято́му Ду́ху.
Да востру́бят трубо́ю духо́вною го́ры Небе́сныя,/ да ра́дуются хо́лми, и да игра́ют Боже́ственнии апо́столи:/ Цари́ца к Сы́ну преставля́ется, с Ним ца́рствующи.
Да вострубят трубою Духа небесные горы, да радуются холмы, да торжествуют божественные апостолы: Царица преставляется к Сыну, царствуя с Ним.
И ны́не и при́сно и во ве́ки веко́в. Ами́нь.
Всесвяще́нное преставле́ние Боже́ственныя Твоея́ и Нетле́нныя Ма́тере/ преми́рныя Вы́шних сил совокупи́ чи́ны,/ весели́тися с су́щими на земли́, Тебе́ пою́щими:/ Бо́же, благослове́н еси́.
Всесвященное преставление божественной Твоей и нетленной Матери соединило премирные чины вышних сил в радости с поющими Тебе на земле: Боже, Ты благословен.
Песнь 8
Ирмос: О́троки благочести́выя в пещи́/ Рождество́ Богоро́дичо спасло́ есть,/ тогда́ у́бо образу́емое,/ ны́не же де́йствуемое,/ вселе́нную всю воздвиза́ет пе́ти Тебе́:/ Го́спода по́йте, дела́,/ и превозноси́те Его́ во вся ве́ки.
Отроков благочестивых в печи сохранило рождество Богородицы, тогда изображаемое, а ныне находящееся в действии; оно вселенную всю побуждает петь Тебе: пойте Господа, творения, и превозносите во все века.
Припев: Пресвята́я Богоро́дице, спаси́ на́с.
Па́мять Твою́, Чи́стая Де́во,/ Нача́ла же, и Вла́сти, и Си́лы, А́нгели, Арха́нгели,/ Престо́ли, Госпо́дьства, Херуви́ми сла́вят и стра́шнии Серафи́ми;/ челове́ческий же род – пое́м и превозно́сим во вся ве́ки.
Память Твою, Чистая Дева, славят начала, как и власти, силы, ангелы, архангелы, престолы, господства, херувимы и страшные серафимы, и мы, род человеческий, поем и превозносим во все века.
Сла́ва Отцу́ и Сы́ну и Свято́му Ду́ху.
И́же стра́нно всели́выйся, Богоро́дице, в чи́стое чре́во Твое́, воплоща́емь,/ Сей, всесвяще́нный дух Твой прие́м,/ у Себе́ упоко́и, я́ко должни́к Сын./ Те́мже Тя пое́м, Де́во, и превозно́сим во вся ве́ки.
Это необычайно Вселившийся, Богородица, в чистое чрево Твое при воплощении, Он, приняв всесвященный дух Твой, упокоил у Себя, как должник Сын; посему поем Тебя, Деву, и превозносим во все века.
И ны́не и при́сно и во ве́ки веко́в. Ами́нь.
О, вы́ше ума́ чуде́с Присноде́вы же и Богома́тере!/ Во гроб бо все́льшися, показа́ рай./ Ему́же предстоя́ще дне́сь, ра́дующеся, пое́м:/ Го́спода по́йте, дела́, и превозноси́те Его́ во вся ве́ки.
О, превосходящие понимание чудеса Приснодевы и вместе Богоматери! Ибо вселившись во гроб, Она явила его раем, стоя перед которым сегодня мы радостно поем: пойте Господа, творения и превозносите Его во все века.
Песнь 9
Ирмос: Всяк земноро́дный/ да взыгра́ется, Ду́хом просвеща́емь,/ да торжеству́ет же Безпло́тных умо́в естество́,/ почита́ющее свяще́нное преставле́ние Богома́тере,/ и да вопие́т:/ ра́дуйся, Всеблаже́нная Богоро́дице,/ Чи́стая Присноде́во.
Всякий земнородный да ликовствует, просвещаясь Духом, да торжествует и природа бесплотных умов (Ангелов), почитая священное преставление Богоматери, и да восклицает: радуйся, всеблаженная Богородица, чистая Приснодева.
Припев: Пресвята́я Богоро́дице, спаси́ на́с.
Прииди́те в Сио́н, на Боже́ственную и ту́чную Го́ру жива́го Бо́га,/ возра́дуемся, Богоро́дицу зря́ще:/ к зело́ бо лу́чшей и Боже́ственней се́ни,/ я́ко Ма́терь, Сию́ во Свята́я святы́х Христо́с преста́ви.
Придите на Сион, (эту) божественную и тучную гору Живого Бога (ср. Пс.67:16), возрадуемся, взирая на Богородицу; ибо Христос преставил Ее, как Матерь, в скинию гораздо лучшую и божественнейшую, во святое святых.
Сла́ва Отцу́ и Сы́ну и Свято́му Ду́ху.
Прииди́те, ве́рнии, ко гро́бу присту́пим Бо́жия Ма́тере/ и обы́мем, сердцы́ и устна́ми, очесы́ и лице́м чи́сто прикаса́ющеся/ и почерпа́юще исцеле́ний незави́стныя да́ры от исто́чника приснотеку́щаго.
Придите, верные, приступим ко гробу Божией Матери и обнимем (его), чисто прикасаясь сердцами, устами, очами, лицом и почерпая обильные дары исцелений из Источника всегда текущего.
И ны́не и при́сно и во ве́ки веко́в. Ами́нь.
Приими́ от нас пе́снь исхо́дную, Ма́ти жива́го Бо́га,/ и светоно́сною Твое́ю и Боже́ственною осени́ благода́тию,/ во́инству – победи́тельная, христолю́бным лю́дем – мир,/ оставле́ние – пою́щим и душа́м спасе́ние подаю́щи.
Прими от нас надгробную песнь, Матерь Живого Бога, и осени светоносною и божественною Твоею благодатию, подавая императору победы, христолюбивому народу мир, поющим оставление (грехов) и душевное спасение.
Светилен
Апо́столи, от коне́ц совоку́пльшеся зде,/ в Гефсимани́йстей ве́си погреби́те те́ло Мое́,/ и Ты, Сы́не и Бо́же Мой, приими́ дух Мой.
Апостолы! Собравшись с концов (земли) здесь, в Гефсиманском селении, погребите тело Мое, и Ты, Сын и Бог Мой, прими дух Мой.
Комментировать