священномученик Киприан Карфагенский

КНИГА ВТОРАЯ

I. Христос перворожденный есть премудрость Божия, и Им все сотворено

В Притчах Соломоновых: «Господь созда мя начало путей своих, в дела своя; прежде век основа мя, в начале, прежде неже землю сотворити, и прежде неже бездны соделати, прежде неже произыти источником вод, прежде неже горам водрузитися, прежде же всех холмов раждает мя. Господь сотвори страны и ненаселенныя и концы населенныя поднебесныя. Егда готовяше небо, с ним бех; и егда отлучаше престол свой на ветрех, и егда крепки творяше вышния облаки, и егда тверды полагаше источники поднебесныя... и крепка творяше основания земли, бех при нем устрояющи. Аз бех, о ней же радовашеся, на всяк же день веселяхся пред лицем Его на всяко время, егда веселяшеся вселенную совершив» (Притч.8:22–31). Тоже в книге Премудрости Сираха2: «Аз из уст Вышняго изыдох и яко мгла покрых землю. Аз на высоких вселихся и престол мой в столпе облачне; круг небесный обыдох едина и во глубине бездны походих, волну морскую и всю землю и вся люди и язык стяжах... и укоренихся в людех прославленных... Приступите ко мне, желающии мене» (Сир.24:3–6, 13, 21). Также в псалме 88: «и аз первенца положу его, высока паче царей земных. В веке сохраню ему милость мою и завет мой верен ему; и положу в век века семя его... Аще оставят сынове его закон мой, и в судьбах моих не пойдут; аще оправдания моя осквернят и заповедей моих не сохранят: посещу жезлом беззакония их и ранами неправды их, милость же мою не разорю от них» (Пс.88:28–34). В Евангелии от Иоанна Господь говорит: «се, же есть живот вечный, да знают Тебе единаго истиннаго Бога, и Его же послал еси Иисус Христа. Аз прославих тя на земли, дело соверших, еже дал еси мне да сотворю; и ныне прослави мя ты, Отче, у тебе самаго славою, юже имех у тебе прежде мир не бысть» (Ин.17:3–5). Также Павел в Послании к Колоссянам: «иже есть образ Бога невидимаго, перворожден всея твари; ... перворожден из мертвых, яко да будет во всех той первенствуя» (Кол.1:15, 18). И в Апокалипсисе: «Аз есмь Альфа и Омега, начаток и конец; Аз жаждущему дам от источника воды животныя туне» (Откр.21:6). Что Он есть премудрость и сила Божия, об этом говорит Павел в Первом послании к Коринфянам: «понеже и Иудее знамения просят, и Еллини премудрости ищут; мы же проповедуем Христа распята, Иудеем убо соблазн, Еллином же безумие, самим же званным Иудеем же и Еллином Христа Божию силу и Божию премудрость» (1Кор.1:22–24).

II. Возвещено теми, кои были для сего посланы, что Христос есть премудрость Божия, – также о таинстве Его воплощения, страдания, чаши, алтаря и апостолов

В Притчах Соломоновых: «Премудрость созда себе дом и утверди столпов седмь, закла своя жертвенная и раствори в чаши своей вино и уготова свою трапезу. Посла своя рабы, созывающи с высоким проповеданием на чашу, глаголющи: иже есть безумен, до уклонится ко мне; и требующим ума рече: приидите, ядите мой хлеб и пийте вино, еже растворих вам; оставите безумие... и взыщите разума и исправите разум в ведении» (Притч.9:1–6).

III. Что тот же Христос есть Слово Божие

В псалме 44: «отрыгну сердце мое слово благо, глаголю аз дела моя цареви» (Пс.44:2). Также в псалме 32: «Словом Господним небеса утвердишася и Духом уст Его вся сила их» (Пс.32:6). У Исаии: «Слово бо совершая и сокращая правдою, яко слово сокращено сотворит Господь во всей вселенней» (Ис.10:23). И опять в псалме 106: «посла слово свое и исцели я» (Пс.106:20). Также в Евангелии от Иоанна: «в начале бе Слово, и Слово бе к Богу, и Бог бе Слово. Сей бе искони у Бога, вся тем быша и без Него ничтоже бысть, еже бысть. В том живот бе, и живот бе свет человеком, и свет во тме светится, и тма его не объят» (Ин.1:1–5). И в Апокалипсисе: «и видех небо отверсто и се, конь бел, и седяй на нем верен и истинен и правосудный и воинственный: и облечен в ризу червлену кровию. И нарицается имя его: Слово Божие» (Откр.19:11, 13).

IV. Что тот же Христос есть рука и мышца Божия

У Исаии: «еда не может рука Господня спасти? или отягчил есть слух свой еже не услышати? Но греси ваши разлучают между вами и между Богом, и грех ради ваших отврати лице свое от вас, еже не помиловати. Руце бо ваши осквернене кровию и персты ваши во гресех, устне же ваша возглаголаша беззаконие и язык ваш неправде поучается; никтоже глаголет правды, ниже есть суд истинен; уповают на суетная и глаголют тщетная, яко зачинают труд и раждают беззаконие» (Ис.59:1–4). У него же: «Господи, кто верова слуху нашему? и мышца Господня кому открыся?» (Ис.53:1) И еще у него же: «тако глаголет Господь: небо престол Мой, земля же подножие ногу Моею; кий дом созиждете Ми, и кое место покоища Моего? Вся бо сия сотвори рука Моя» (Ис.66:1–2). Тоже у Исаии: «Господи, высока Твоя мышца и не ведеша, разумевше же постыдятся» (Ис.26:11). «И открыет Господь мышцу Свою святую пред всеми языки и узрят вси концы земли спасение, еже от Бога нашего» (Ис.52:10). Опять у него же: «се, сотворих тя аки колеса колесничная новая стирающая аки пила, и сотреши горы и изтончиши холмы и аки прах положиши, и извеши, и ветр возмет я, и буря развеет я. Ты же возвеселишися во святых Исраилевых, и возрадуются убозии и неимущии. Поищут бо воды и не будет, язык их от жажды изсше. Аз Господь Бог, аз услышу их, Бог Исраилев, и не оставлю их; но отверзу на горах реки, и среди поля источники; сотворю пустыню в луги водныя, и жаждущую землю в водотечи; положу в безводную землю кедр и смерчие и мирсину и кипарис и тополю, да узрят и уразумеют и помыслят и увидят вкупе, яко рука Господня сотвори сия вся, и Святый Исраилев показа» (Ис.41:15–20).

V. Что Христос есть тот же Ангел и Бог

В книге Бытия говорится Аврааму: «и воззва и Ангел Господен с небесе и рече: Аврааме, Аврааме; он же рече: се, аз. И рече: да не возложиши руки твоея на отрочища, ниже да сотвориши ему что; ныне бо познах, яко боишися ты Бога и не пощадел еси сына твоего возлюбленнаго Мене ради» (Быт.22:11–12). В той же книге говорится Иакову: «и рече ми Ангел Божий во сне... Аз есмь Бог, явивыйся тебе на месте Божии, идеже помазал ми еси тамо столп и обетовал ми еси тамо обет» (Быт.31:11, 13). Также в книге Исхода: «Бог же вождаше их, в день убо столпом облачным, показати им путь, нощию же столпом огненным» (Исх.13:21). И ниже: «взятся же Ангел Божий ходяй пред полком сынов Исраилевых» (Исх.14:19). И опять в той же книге Исхода: «се, Аз послю Ангела Моего пред лицем твоим, да сохранит тя на пути, яко да введет тя в землю, юже уготовах тебе. Вонми себе и послушай Его и не ослушайся Его, не обинется бо тебе; имя бо Мое есть на Нем» (Исх.23:20–21). Потому Господь говорит в Евангелии: «Аз приидох во имя Отца Моего, и не приемлете Мене; аще ин приидет во имя свое, того приемлете» (Ин.5:43). Также в псалме 117: «благословен грядый во имя Господне» (Пс.117:26). И у Малахии: «завет мой бе с ним жизни и мира, и дах ему боязнию боятися мене и от лица имене моего устрашатися ему; закон истины бе во устех его и неправда не обретеся во устнах его; в мир исправляяй иде со мною и многи обрати от неправды. Понеже устне иереовы сохранят разум и закона взыщут от уст его; яко Ангел Господа Вседержителя есть» (Мал.2:5–7).

VI. Что Христос есть Бог

В книге Бытия: «рече же Бог ко Иакову: востав взыди на место Вефиль и живи тамо, и сотвори тамо жертвенник Богу явившемуся тебе, егда бежал еси от лица Исава брата твоего» (Быт.35:1). У Исаии: «тако глаголет Господь Саваоф: утрудися Египет и купли Ефиопския, и Саваимстии мужие высоцыи к тебе прейдут и тебе будут раби, и в след тебе пойдут связани узами ручными... и поклонятся тебе и в тебе помолятся, яко в тебе Бог есть – несть Бога разве тебе; Ты бо еси Бог и не ведехом, Бог Исраилев Спас. Постыдятся и посрамятся вси противящиися ему и пойдут в студе» (Ис.45:14–16). У него же: «глас вопиющаго в пустыни: уготовайте путь Господень, правы сотвористе стези Бога нашего. Всяка дебрь наполнится, и всяка гора и холм смирится и будут вся стропотная в право и острая в пути гладки. И явится слава Господня и узрит всяка плоть спасение Божие, яко Господь глагола» (Ис.40:3–5). Также у Варуха: «Сей Бог наш, не вменится ин к нему; изобрете всяк путь хитрости и даде ю Иакову отроку своему и Исраилю возлюбленному от него, посем на земли явися и с человеки поживе» (Вар.3:36–38). У Захарии Бог говорит: «и пройдут морем узким и поразят в мори волны, и изсякнут вся глубины речныя, и отъимется всяко досаждение Ассирийско и скиптр Египетск отъимется; и укреплю я о Господе Бозе их и о имени Его восхвалятся, глаголет Господь» (Зах.10:11–12). И у Осии Господь говорит: «не сотворю по гневу ярости Моея, не оставлю еже потребитися Ефремови; зане Бог Аз есмь, а не человек; в тебе свят, и не вниду во град» (Ос.11:9). Также в псалме 44: «престол, Твой, Боже, в век века; жезл правости жезл царствия Твоего; возлюбил еси правду и возненавидел еси беззаконие, сего ради помаза Тя, Боже, Бог Твой елеем радости паче причастник Твоих» (Пс.44:7–8). В псалме 45: «упразднитеся и разумейте, яко Аз есмь Бог; вознесуся во языцех, вознесуся на земли» (Пс.45:11). А в псалме 81: «не познаша, ниже уразумеша, во тме ходят» (Пс.81:5). В псалме 67: «воспойте Богу, пойте имени Его; путесотворите возшедшему на запады, Господь имя Ему» (Пс.67:5). И в Евангелии от Иоанна: «в начале бе Слово и Слово бе к Богу, и Бог бе Слово» (Ин.1:1). В том же Евангелии Господь говорит Фоме: «принеси перст твой семо и виждь руце Мои: ...и не буди неверен, но верен. И отвеща Фома и рече Ему: Господь мой и Бог мой. Глагола ему Иисус: яко видев Мя веровал еси; блажени не видевшии и веровавше» (Ин.20:27–29). Также Павел в Послании к Римлянам: «молил бых ся сам аз отлучен быти от Христа по братии моей, сродницех моих по плоти, иже суть Исраилите, ихже всыновление и слава, и завети и законоположение, и служение и обетования, ихже отцы и от нихже Христос по плоти, сый над всеми Бог благословен во веки» (Рим.9:3–5). Тоже в Апокалипсисе: «Аз есмь Алфа и Омега, начаток и конец; Аз жаждущему дам от источника воды животныя туне. Побеждаяй наследит вся, и буду ему Бог, и той будет мне в сына» (Откр.21:6–7). Еще в псалме 81: «Бог ста в сонме богов, посреде же боги разсудит» (Пс.81:1). И ниже: «Аз рех бози есте и сынове Вышняго вси; вы же яко человецы умираете» (Пс.81:6–7). Если же праведные и повинующиеся повелениям Божиим могут называться богами; то не тем ли более Христос, Сын Божий, есть Бог? Так и сам Он говорит в Евангелии от Иоанна: «несть ли писано в законе вашем: аз рех, бози есте? Аще оных рече богов, к нимже слово Божие бысть, и не может ризоритися писание; его же Отец святи и посла в мир, вы глаголете, яко хулу глаголеши, зане рех, Сын Божий есмь. Аще не творю дела Отца моего, не имите ми веры; аще ли творю, аще и Мне не веруете, делом Моим веруйте, да разумеете и веруете, яко во Мне Отец и Аз в Нем» (Ин.10:34–38). Тоже и в Евангелии от Матфея: «и нарекут имя Ему Еммануил, еже есть сказаемо: с нами Бог» (Мф.1:23).

VII. Что имевший приити Христос Бог есть Просветитель и Спаситель рода человеческого

У Исаии: «укрепитеся, руце ослабленыя и колена разслабленая, утешитеся малодушнии умом, укрепитеся, не бойтеся; се, Бог наш суд воздает и воздаст, той приидет и спасет нас. Тогда отверзутся очи слепых, и уши глухих услышат. Тогда скочит хромый, яко елень, и ясен будет язык гугнивых, яко проторжеся вода в пустыни и дебрь в земли жаждущей» (Ис.35:3–6). «Не ходатай, ниже Ангел, но Сам Господь спасе их, зане любит их, и щадит их, Сам избави их» (Ис.63:9). У него же: «Аз Господь Бог призвах тя в правде, и удержу за руку твою и укреплю тя, и дах тя в завет рода Исраилева, во свет языков, отверсти очи слепых, извести от уз связанныя и из дому темницы и седящыя во тме. Аз Господь Бог, сие Мое есть имя; славы Моея иному не дам, ниже добродетелей Моих истуканным» (Ис.42:6–8). Также в псалме 24: «пути Твоя, Господи, скажи ми и стезям Твоим научи мя; настави мя на истину Твою и научи мя, яко Ты еси Бог и Спас мой» (Пс.24:4–5). Почему и в Евангелии от Иоанна Господь говорит: «Аз есмь свет миру; ходяй по Мне не имать ходити во тме, но имать свет животный» (Ин.8:12). Также в Евангелии от Матфея Ангел Гавриил говорит Иосифу: «Иосифе, сыне Давидов, не убойся прияти Мариам жены твоея, рождшеебося в ней от Духа есть Свята; родит же сына и наречеши имя ему Иисус, Той бо спасет люди своя от грех их» (Мф.1:20–21). И в Евангелии от Луки: «Захариа... исполнися Духа Свята и пророчествова, глаголя: благословен Господь Бог Исраилев, яко посети и сотвори избавление людем Своим, и воздвиже рог спасения нам, в дому Давида отрока Своего» (Лк.1:67–69). В том же Евангелии Ангел говорит к пастырям: «се, благовествую вам... яко родися вам днесь Спас, иже есть Христос Господь, во граде Давидове» (Лк.2:10–11).

VIII. Что Сын Божий, хотя и был изначала, однако имел еще родиться по плоти

В псалме 2: Господь рече ко Мне: «Сын Мой еси Ты, Аз днесь родих Тя. Проси от Мене и дам Ти языки достояние Твое и одержание Твое концы земли» (Пс.2:7–8). Также в Евангелии от Луки: «и бысть яко услыша Елисавет целование Мариино, взыграся младенец во чреве ея; и исполнися Духа Свята Елисавет, и возопи гласом велиим и рече: благословена Ты в женах и благословен плод чрева твоего. И откуду мне сие, да приидет Мати Господа моего ко мне?» (Лк.1:41–43). Тоже в Послании Павла к Галатам: «егда же, прииде кончина лета, посла Бог Сына Своего, раждаемаго от жены» (Гал.4:4). И в Первом послании Иоанновом: «всяк дух, иже исповедует Иисуса Христа во плоти пришедша, от Бога есть; и всяк дух, иже не исповедует Иисуса Христа во плоти пришедша, от Бога несть; и сей есть антихристов» (1Иоан.4:2–3).

IX. Что признаком Его рождения будет то, что от Девы родится человек и Бог, человеческий и Божий сын

У Исаии: «и приложи Господь глаголати ко Ахазу, рекий: проси себе знамения от Господа Бога твоего во глубину или в высоту. И рече Ахаз: не имать просити, ниже искушу Господа. И рече: слышите убо, доме Давидов: еда мало вам есть труд даяти человеком и како даете Господеви труд?3 Сего ради даст Господь Сам вам знамение: се, Дева во чреве зачнет и родит Сына и наречеши имя ему Еммануил: масло и мед снесте, прежде неже разумети ему изволити злая или избирати благое» (Ис.7:10–15). Бог предсказал, что от жены произойдет семя, которое сотрет главу змия, – в книге Бытия: «и рече Господь Бог змию: яко сотворил еси сие, проклят ты от всех скотов и от всех зверей земных; на персех твоих и чреве ходити будеши, и землю снеси вся дни живота твоего. И вражду положу между тобою и между женою, и между семенем твоим и между семенем тоя; той твою блюсти будет главу, и ты блюсти будеши его пяту» (Быт.3:14–15).

X. Что Христос будет человеком и Богом для того, чтобы Ему быть посредником между нами и Отцом

У Иеремии: «человек есть, и кто познает Его?» (Иер.17:9). Также в книге Чисел: «возсияет звезда от Иакова и возстанет человек от Исраиля» (Чис.24:17). А несколько выше: «изыдет человек от семене его, и обладает языки многими, и возвысится паче Гога царство его, и возрастет царство его. Бог изведе его из Египта, якоже слава единорога ему; пояст языки враг своих и тельцы их измождит и стрелами своими устрелит врага. Возлег почи яко лев и яко скимен; кто возбудит Его? Благословящии тя благословени, и проклинающии тя прокляти» (Чис.24:7–9). Тоже у Исаии: «Дух Господень на мне, его же ради помаза мя, благовестити нищым посла мя, исцелити сокрушенныя сердцем, проповедати пленником отпущение и слепым прозрение, нарещи лето Господне приятно и день воздаяния» (Ис.61:1–2). И потому в Евангелии от Луки Ангел Гавриил говорит к Марии: «и отвещав Ангел рече Ей: Дух святый найдет на Тя и сила Вышняго осенит Тя; темже и раждаемое свято, наречется Сын Божий» (Лк.1:35). Также в Первом послании Павла к Коринфянам: «первый человек от земли перстен, вторый человек Господь с небесе. Яков перстный, такови и перстнии; и яков небесный, тацы же и небеснии; и якоже облекохомся во образ перстнаго, да облечемся во образ небеснаго» (1Кор.15:47–49).

XI. Что Он имел родиться по плоти от семени Давидова

Во Второй книге Царств: «и бысть слово Господне к Нафану глаголя: иди и рцы рабу Моему Давиду. Сия глаголет Господь: не ты созиждеши Мне дом, еже обитати Мне... И будет, егда исполнятся дние твои и уснеши со отцы твоими, и возставлю семя твое по тебе, иже будет от чрева твоего, и уготовлю царство его; той созиждет дом имени Моему и управлю престол его до века. Аз буду ему во Отца, и той будет Ми в сына; ... и верен будет дом его и царство его до века предо Мною» (2Цар.7:4–5, 7:12–14, 16). Также у Исаии: «и изыдет жезл из корене Иессеова и цвет от корене его взыдет; и почиет на Нем Дух Божий, Дух премудрости и разума, Дух совета и крепости, Дух ведения и благочестия, исполнит Его Дух страха Божия» (Ис.11:1–3). И в псалме 131: «клятся Господь Давиду истиною, и не отвержется ея: от плода чрева твоего посажду на престоле твоем» (Пс.131:11). То же в Евангелии от Луки: «и рече Ангел Ей: не бойся Мариам, обрела бо еси благодать у Бога. И се, зачнеши во чреве и родиши сына и наречеши имя Ему Иисус. Сей будет велий и Сын Вышняго наречется, и даст Ему Господь Бог престол Давида отца Его, и воцарится в дому Иаковли во веки, и Царствию Его не будет конца» (Лк.1:30–33). В Апокалипсисе: «и видех в деснице седящаго на престоле книгу написану внутрьуду и внеуду, запечатану седмию печатию. И видех Ангела крепка проповедающа гласом великим: кто есть достоин разгнути книгу и разрешити печати ея? И никтоже можаше ни на небеси, ни на земли, ниже под землею, разгнути книгу, ниже зрети ю. И аз плакахся много, яко ни един обретеся достоин разгнути и прочести книгу, ниже зрети ю. И един от старец глагола ми: не плачися; се, победил есть лев, иже сый от колена Иудова, корень Давидов, разгнути книгу и разрешити седмь печатей ея» (Откр.5:1–5).

XII. Что Он родится в Вифлееме

У Михея: «и ты Вифлееме, доме Ефрафов, еда мал еси еже быти в тысящах Иудиных? из тебе бо мне изыдет Старейшина, еже быти в князя во Исраили, исходи же его из начала от дней века» (Мих.5:2). Также в Евангелии от Матфея: «Иисусу же рождшуся в Вифлееме Иудейстем, во дни Ирода царя, се, волсви от восток приидоша во Иерусалим, глаголюще: где есть рождейся Царь Иудейский? видехом бо звезду Его на востоце и приидохом поклонитися Ему» (Мф.2:1–2).

XIII. Что в первое Свое пришествие Он явится уничиженным

У Исаии: «Господи, кто верова слуху нашему? и мышца Господня кому открыся? Возвестихом яко отроча пред ним, яко корень в земли жаждущей; несть вида Ему, ниже славы, и видехом Его и не имяше вида, ни доброты, но вид Его безчестен, умален паче всех сынов человеческих, человек в язве сый и ведый терпети болезнь, яко отвратися лице Его, безчестно бысть и не вменися. Сей грехи нашя носит и о нас болезнует, и мы вменихом Его быти в труде и в язве (от Бога) и во озлоблении. Той же язвен бысть за грехи нашя и мучен бысть за беззакония наша; наказание мира нашего на Нем, язвою Его мы исцелехом. Вси яко овцы заблудихом; человек от пути своего заблуди, и Господь предаде Его грех ради наших. И той, зане озлоблен бысть, не отверзает уст Своих» (Ис.53:1–7). У того же пророка: «Аз же не противлюся, ни противоглаголю; плещи Мои вдах на раны и ланите Мои на заушения, лица же Моего не отвратих от студа заплеваний, и Господь Господь помощник Ми бысть» (Ис.50:5–7). У него же: «не возопиет... ниже услышится вне глас Его. Трости сокрушены не сотрет и льна курящася не угасит, но во истину изнесет суд. Возсияет и не потухнет дóндеже положит на земли суд и на имя Его язы́цы уповати будут» (Ис.42:2–4). Также в псалме 21: «Аз же есмь червь, а не человек, поношение человеков и уничижение людий. Вси видящии Мя поругашамися, глаголаша устнами, покиваша главою. Упова на Господа, да избавит Его, да спасет Его, яко хощет Его» (Пс.21:7–9); «изсше яко скудель крепость Моя и язык Мой прильпе гортани Моему» (Пс.21:16). И у Захарии: «и показа ми Господь Иисуса, иереа великаго, стояща пред лицем Ангела Господня, и диавол стояше одесную его, еже противитися ему... Иисус же бе оболчен в ризы гнусны и стояше пред лицем Ангела. И отвеща и рече к стоящим пред лицем его глаголя: отъимите ризы гнусныя от него. И рече к нему: се, отъях от Тебе беззакония твоя... и облецыте его в подир и возложите кидар чист на главу его» (Зах.3:1, 3–5). То же говорит и Павел в Послании к Филипписеям: «Иже во образе Божии сый, не восхищением непщева быти равен Богу; но себе умалил, зрак раба приим, в подобии человечестем быв и образом обретеся, якоже человек; смирил себе, послушлив быв даже до смерти, смерти же крестныя. Тем же и Бог Его превознесе и дарова Ему имя, еже паче всякаго имене, да о имени Иисусове всяко колено поклонится небесных и земных и преисподних, и всяк язык исповесть, яко Господь Иисус Христос в славу Бога Отца» (Фил.2:6–11).

XIV. Что Тот, Которого Иудеи имели умертвить, есть праведник

В книге Премудрости Соломона: «уловим же (лестию) праведнаго, яко непотребен нам есть и противится делом нашим и поносит нам грехи закона... Возвещает нам разум имети Божий и отрока Господня себе именует. Бысть нам на обличение помышлений наших, тяжек есть нам и к видению, яко не подобно (есть) иным житие его и отменны (суть) стези его. В поругание вменихомся ему и удаляется от путей наших, яко от нечистот; блажит последняя праведных и славится Отца имети себе Бога. Увидим, аще словеса его истинна, и искусим яже сбудутся ему... Досаждением и мукою истяжим его, да увемы кротость его и искусим беззлобство его. Смертию поносною осудим его... Сия помыслиша и прельстишася, ослепи бо их злоба их, и не уведеша таин Божиих» (Прем.2:12–17, 19–22). Также у Исаии: «видите, како праведный погибе и никтоже не приемлет сердцем, и мужие праведнии вземлются и никтоже разумеет; от лица бо неправды взяся праведный. Будет с миром погребение его» (Ис.57:1–2): Потому-то в книге Исхода прежде заповедано: «неповинна и праведна да не убиеши» (Исх.23:7). И в Евангелии читаем, что Иуда, раскаявшись, сказал священникам и старейшинам: «согреших предав кровь неповинную» (Мф.27:4).

XV. Что Он наименован овцею и агнцем, уготованным на заклание; также – о таинстве страдания

У Исаии: «яко овча на заколение ведеся и яко Агнец пред стригущим его безгласен, тако не отверзает уст своих. Во смирении Его суд Его взятся; род же Его кто исповесть? Яко вземлется от земли живот Его, ради беззаконий людий моих ведеся на смерть. И дам лукавыя вместо погребения Его и богатыя вместо смерти Его; яко беззакония не сотвори, ниже обретеся лесть во устех Его... Сего ради Той наследит многих, и крепких разделит корысти; зане предана бысть на смерть душа Его и со беззаконными вменися, и Той грехи многих вознесе и за беззакония их предан бысть» (Ис.53:7–9, 12). Также у Иеремии: «Господи, скажи ми, и уразумею, тогда видех начинания их. Аз же, яко агня незлобивое ведомое на заколение, не разумех, яко на мя помыслиша помысл лукавый, глаголюще: приидите и вложим древо в хлеб его и истребим его от земли живущих, и имя его да не помянется ктому» (Иер.11:18–19). И в книге Исхода Бог говорит к Моисею: «да возмет кийждо овча по домам отечеств... овча совершенно, мужеск пол, непорочно и единолетно будет вам, от агнец и от козлищ приимите... и заколют то все множество собора сынов Исраилевых к вечеру. И приимут от крове и помажут на обою подвою и на прагах в домех, в нихже снедят тое. И снедят мяса в нощи той печена огнем, и опресноки с горьким зелием снедят. Не снесте от них сурово, ниже варено в воде, но печеное огнем, главу с ногами и со утробою; не оставите от него до утрия и кости не сокрушите от него, останки же от него до утра огнем сожжете. Сице же снесте е: чресла ваша препоясана, и сапози ваша на ногах ваших, и жезлы ваши в руках ваших, и снесте е со тщанием. – Пасха есть Господня» (Исх.12:3–11). И еще в Апокалипсисе: «и видех и се, посреде престола и четырех животных и посреде старец агнец стоящь яко заколен, имущ рогов седмь и очес седмь, еже есть седмь духов Божиих, посланных во всю землю. И прииде и прият книгу от десницы седящаго на престоле. И егда прият книгу, четыре животна и двадесять и четыре старцы падоша пред агнцем имуще кийждо гусли и фиалы златы полны фимиама, иже суть молитвы святых. И поют песнь нову глаголюще: достоин еси прияти книгу и отверзти печати ея, яко заклался и искупил еси Богови нас Кровию Своею от всякаго колена и языка и людей и племен, и сотворил еси нас Богови, нашему цари и иереи, и воцаримся на земли» (Откр.5:6–10). То же в Евангелии от Иоанна: «во утрий же виде Иоанн Иисуса грядуща к себе и глагола: се, агнец Божий вземляй грехи мира» (Ин.1:29).

XVI. Что Он же наименован и камнем

У Исаии так говорит Господь: «се, Аз полагаю во основание Сиону камень многоценен, избран, краеуголен, честен, во основание ему, и веруяй в онь не постыдится» (Ис.28:16). В псалме 117: «камень, егоже небрегоша зиждущии, сей бысть во главу угла; от Господа бысть Сей и есть дивен во очесех наших. Сей день, егоже сотвори Господь; возрадуемся и возвеселимся в онь. О Господи, спаси же; о Господи; поспеши же. Благословен грядый во имя Господне» (Пс.117:22–26). У Захарии: «се, Аз ввожду раба Моего Востока; заме камень, егоже дах пред лицем Иисусовым, на камени едином седмь очес суть» (Зах.3:8–9). Также во Второзаконии: «и напишеши на камениих сих весь закон сей яве зело» (Втор.27:8). И в книге Иисуса Навина: «и взя камень велий, и постави его под теревинфом, иже есть пред Господем. И рече Иисус к людем: се, камень сей будет вам в свидение; яко сей слыша вся глаголанная от Господа, елика глагола к вам днесь, и сей будет вам в свидение в последния дни, егда солжете Господеви Богу вашему» (Нав.24:26–27). Тоже в книге Деяний Апостольских Петр говорит: «князи людстии и старцы Исраилевы, аще мы днесь истязуемы есмы о благодеянии человека немощна, о чесом сей спасеся, – разумно буди всем вам и всем людем Исраилевым, яко во имя Иисуса Христа Назореа, егоже вы распясте, егоже Бог воскреси от мертвых, о сем сей стоит пред вами здрав. Сей есть камень укоренный от вас зиждущих, бывый во главу угла и несть ни о единем же инем спасения; несть бо иного имене под небесем даннаго в человецех, о немже подобает спастися нам» (Деян.4:8–12). Он есть камень, послуживший Иакову возглавием (ибо глава мужа – Христос) в то время, когда тот спал и видел во сне лестницу, касающуюся неба, на которой утверждался Господь и по которой восходили и нисходили Ангелы (Быт.28и след.): Иаков освятил этот камень и возлил на него елей, таинством помазания знаменуя Христа. Он есть тот камень, на котором восседал Моисей, взошедши на верх холма, когда Иисус Навин сражался против Амалика (Исх.17и след.): таинством камня и твердостию сидения на нем Амалик побежден от Иисуса, то есть диавол побежден Христом. Он есть тот великий камень, на котором поставлен был кивот завета, отпущенный и возвращенный иноплеменниками и привезенный на колеснице волами (1Цар.16и след.): Он есть тот камень, которым Давид поразил чело Голиафа и убил его (1Цар.17:49), показывая, что диавол и слуги его низлагаются после поражения части головы, не имеющей на себе того знамения, которым мы пребываем всегда безопасны и живем. Он есть тот камень, который поставил Самуил, после победы Израиля над иноплеменниками, и назвал Авеннезер, то есть «камень помощи» (1Цар.7:12).

XVII. Что этот камень обратится наконец в гору и наполнит всю землю

У Даниила: «и се, тело едино, велие тело оно и обличие его высоко, стоящее пред лицем твоим, и образ его страшен. Тело, его же глава от злата чиста, руце и перси и мышцы его сребряны, чрево и стегна медяны, голени железны, нозе, часть убо некая железна и часть некая скудельна... дóндеже отторжеся камень от горы без рук и удари тело в нозе железны и скудельны и истни их до конца; тогда сотрошася вкупе скудель, железо, медь, сребро и злато, и бысть яко прах от гумна летня, и взят я премногий ветр, и место не обретеся им; камень же поразивый тело бысть гора велика и наполни всю землю» (Дан.2:31–35).

XVIII. Что эта гора явится в последние времена и на нее пойдут народы, но взойдут только праведные

У Исаии: «будет в последние дни явлена гора Господня, и дом Божий на версе гор, и возвысится превыше холмов; и приидут к ней вси язы́цы. И пойдут язы́цы мнози и рекут: приидите и взыдем на гору Господню и в дом Бога Иаковля, и возвестит нам путь Свой, и пойдем по нему. От Сиона бо изыдет закон, и слово Господне из Иерусалима; и судити будет посреде язык и изобличит люди многи; и раскуют мечы своя на орала и копия своя на серпы... и не навыкнут ктому ратоватися» (Ис.2:2–4). Также в псалме 23: «кто взыдет на гору Господню? или кто станет на месте святем Его? Неповинен рукама и чист сердцем, иже не прият всуе душу свою и не клятся лестию искреннему своему. Сей приимет благословение от Господа и милостыню от Бога Спаса своего. Сей род ищущих Господа, ищущих лице Бога Иаковля» (Пс.23:3–6).

ХIХ. Что Христос есть жених, а невеста у Него Церковь, от которой имеют рождаться духовные чада

У Иоиля: «вострубите трубою в Сионе, освятите пост, проповедите цельбу, соберите люди, освятите церковь, изберите старейшины, совокупите младенцы ссущыя сосцы; да изыдет жених от ложа своего и невеста от чертога своего» (Иоил.2:15–16). Также у Иеремии: «И упраздню от градов Иудиных и от путей Иерусалимлих глас радующихся и глас веселящихся, глас жениха и глас невесты» (Иер.7:34). И в псалме 18: «И той яко жених исходяй от чертога своего, возрадуется яко исполин тещи путь. От края небесе исход его и сретение его до края небесе, и несть иже укрыется теплоты его» (Пс.18:6–7). То же в Апокалипсисе: «гряди, покажу ти невесту агнчу жену. И веде мя духом на гору велику и высоку и показа ми град... святый Иерусалим нисходящ с небесе от Бога, имущ славу Божию» (Откр.21:9–11). И в Евангелии от Иоанна: «вы сами мне свидетельствуете, яко рех (посланным ко мне из Иерусалима): несмь аз Христос, но яко послан есмь пред ним. Имеяй невесту жених есть; а друг женихов, стоя и послушая его, радостию радуется за глас женихов» (Ин.3:28–29). Эта тайна указана и при том случае, когда Иисусу Навину повелено было разуться, в ознаменование, что не он жених; ибо, по закону, отказывавшийся от брака снимал обувь, а будущий жених обувался (см. Руф.4:7). Вот слова из книги Иисуса Навина: «И бысть егда бяше Иисус у Иерихона, и воззрев очима своима, виде человека стояща пред ним, и мечь его обнажен в руце его. И приступив Иисус рече ему: наш ли еси или от сопостат наших? Он же рече ему: аз архистратиг силы Господни, ныне приидох. И Иисус паде лицем своим на землю и поклонися ему, и рече: Господи, что повелеваеши рабу Твоему? И рече архистратиг Господень ко Иисусу: иззуй сапог с ногу твоею, место бо, на немже ты стоиши, свято есть» (Нав.5:13–15). Равно и Моисею, так как и тот не был жених, повелевается снять обувь, по сказанию книги Исхода: «явися же ему Ангел Господень в пламене огненне из купины; и видит, яко купина горит огнем, купина же не сгараше. Рече же Моисей: мимошед увижду видение великое сие, яко не сгорает купина. Егда же виде Господь, яко приступает видети, воззва его Господь из купины, глаголя: Моисее! Моисее! он же рече: что есть, Господи? Он же рече: не приближайся семо; иззуй сапоги от ног твоих, место бо, на немже ты стоиши, земля свята есть. И рече ему: Аз есмь Бог отца твоего, Бог Авраамов и Бог Исааков и Бог Иаковль» (Исх.3:2–6). То же самое объясняется в Евангелии от Иоанна: «отвеща им Иоанн глаголя: аз крещаю водою, посреде же вас стоит, егоже вы не весте; Той есть грядый по мне, иже предо мною бысть, Ему же несмь аз достоин, да отрешу ремень сапогу Его» (Ин.1:26–27). В Евангелии от Луки говорится: «да будут чресла ваша препоясана и светильницы горящии. И вы подобни человеком чающим Господа своего, когда возвратится от брака, да пришедшу и толкнувшу абие отверзут ему. Блажени раби тии, ихже пришед Господь обрящет бдящих» (Лк.12:35–37). И еще в Апокалипсисе: «воцарися Господь Бог Вседержитель: радуимся и веселимся и дадим славу Ему; яко прииде брак агнчий и жена Его уготовила есть себе» (Откр.19:6–7).

XX. Что Иудеи пригвоздят Его ко кресту

У Исаии: «прострох руце мои весь день к людем не покаряющимся и противу глаголющим, иже не ходиша путем истинным, но вслед грехов своих» (Ис.65:2). И у Иеремии: «приидите и вложим древо в хлеб его и истребим его от земли живущих» (Иер.11:19). Также во Второзаконии: «и будет живот твой висящ пред очима твоима и убоишися во дни и в нощи и не будеши веры яти житию твоему» (Втор.28:66). И в псалме 21: «ископаша руце мои и нозе мои, изчетоша вся кости моя; тии же смотриша и презреша мя; разделиша ризы моя себе и о одежди моей меташа жребий. Ты же, Господи, не удали помощь Твою от Мене, на заступление мое вонми; избави от оружия душу мою и из руки песии единородную мою; спаси мя от уст львовых и от рог единорожь смирение мое. Повем имя твое братии моей, посреде церкви воспою Тя» (Пс.21:17–23). И в псалме 118: «пригвозди страху Твоему плоти моя» (Пс.118:120). И еще в псалме 140: «воздеяние руку моею, жертва вечерняя» (Пс.140:2). Об этой жертве Софония сказал: «убойтеся от лица Господа Бога, зане близ день Господень; яко уготова Господь жертву свою и освяти званныя своя» (Соф.1:7). У Захарии: «и воззрят нань, Его же прободоша» (Зах.12:10). И в псалме 87: «воззвах к Тебе, Господи, весь день, воздех к Тебе руце мои» (Пс.87:10). Потому также в Евангелии от Иоанна Господь говорит: «якоже Моисей вознесе змию в пустыни, тако подобает вознестися Сыну человеческому, да всяк веруяй в онь... имать живот вечный» (Ин.3:14–15).

XXI. Что в страдании и знамении крестном вся сила и могущество

У Аввакума: «покры небеса добродетель (сила) Его и хваления Его исполнь земля, и сияние Его яко свет будет; рози в руках Его и положи любовь державну крепости своея; пред лицем Его предыдет слово и изыдет на поле при ногу Его» (Авв.3:3–5). Также у Исаии: «Отроча родися нам, Сын, и дадеся нам, егоже начальство бысть на раме Его; и нарицается имя Его велика совета Ангел» (Ис.9:6). Знамением креста Иисус Навин победил Амалика чрез Моисея. В книге Исхода Моисей так сказал Иисусу: «избери себе мужи силны, и изшед ополчися на Амалика заутра; и се, аз стану на верху горы, и жезл Божий в руце моей... И бысть егда воздвизаше Моисей руце, одолеваше Исраиль; егда же опускаше руце, одолеваше Амалик. Руце же Моисеовы тяжки беша; и вземше камень, подложиша ему, и седяше на нем, Аарон же и Ор поддержаста руце ему, един отсюду, а другий оттуду; и быша Моисеовы руце укреплены до захождения солнца. И преодоле Иисус Амалика и вся люди его убийством меча. Рече же Господь к Моисею: впиши сие на память в книги и вдай во уши Иисусу, яко пагубою погублю память Амаликову от поднебесныя» (Исх.17:9, 11–14).

XXII. Что в этом знамении крестном заключается спасение для всех, кои будут назнаменованы им на челах своих

Господь так говорит у Иезекииля: «пройди среде града Иерусалима и даждь знамения на лица мужей стенящих и болезнующих о всех беззакониих бывающих среде их» (Иез.9:4). А далее: «изсецыте и не пощадите очима вашима и не помилуйте; старца и юношу и деву, и младенцы и жены избийте в потребление; а ко всем, на нихже есть знамение, не прикасайтеся; от освященных Моих начните» (Иез.9:5–6). Также в книге Исхода Бог говорит к Моисею: «и будет кровь вам в знамение на домех, в нихже вы будете тамо; и узрю кровь и покрыю вы и не будет в вас язвы, еже погибнути, егда поражу землю египетскую» (Исх.12:13). Тоже в Апокалипсисе: «и видех, и се, Агнец стояше на горе Сионстей и с ним сто и четыредесять и четыре тысящи, имуще имя Отца Его написано на челех своих» (Откр.14:1). И в другом месте Апокалипсиса: «Аз есмь Алфа и Омега, первый и последний, начаток и конец. Блажени творящии заповеди Его, да будет область им на древо животное» (Откр.22:13–14).

XXIII. Что, при страдании Его, среди дня будет тьма

У Амоса: «и будет в той день, глаголет Господь Бог, зайдет солнце в полудне и померкнет на земли в день свет; и превращу праздники ваша в жалость и вся песни ваша в плачь» (Ам.8:9–10). Также у Иеремии: «праздна бысть родившая седмь, оскуде душа ея, зайде ей солнце еще среде полудне, постыждена бысть и укорена; прочия их в мечь дам пред враги их» (Иер.15:9). И в Евангелии: «от шестаго же часа тма бысть по всей земли до часа девятаго» (Мф.27:45).

XXIV. Что Он не будет побежден смертию и не останется в преисподних

В псалме 29: «Господи, возвел еси от ада душу мою» (Пс.29:4). Также в псалме 15: «не оставиши душу мою во аде, ниже даси преподобному Твоему видети истления» (Пс.15:10). И еще в псалме 3: «аз уснух и спах, востах, яко Господь заступит мя» (Пс.3:6). И в Евангелии от Иоанна: «никтоже возмет ю (душу мою) от Мене, но Аз полагаю ю о Себе; область имам положити ю и область имам паки прияти ю: сию заповедь приях от Отца Моего» (Ин.10:18).

XXV. Что Он в третий день воскреснет от гроба

У Осии: «исцелит ны по двою дню, в день третий воскреснем» (Ос.6:3). Также в книге Исхода: «рече же Господь к Моисею: сошед засвидетельствуй людем и очисти я днесь и утре, и да исперут ризы; и да будут готовы в день третий; в третий бо день снидет Господь на гору Синайскую» (Исх.19:10–11). И в Евангелии: «род лукав и прелюбодей знамения ищет, и знамение не дастся ему, токмо знамение Ионы пророка; якоже бо бе Иона во чреве китове три дни и три нощы, тако будет и Сын человеческий в сердцы земли три дни и три нощы» (Мф.12:39–40).

XXVI. Что по Воскресении Он приимет от Отца всю власть и власть Его будет вечна

У Даниила: «видех во сне нощию, и се, на облацех небесных яко Сын человечь идый бяше, и даже до Ветхаго денми дойде, и пред Него приведеся; и тому дадеся власть и честь и царство, и вси людие, племена и язы́цы тому поработают; власть Его власть вечная, яже не прейдет, и царство Его не разсыплется» (Дан.7:13–14). Также у Исаии: «ныне воскресну, глаголет Господь, ныне прославлюся, ныне вознесуся. Ныне узрите, ныне ощутите, тщетна будет крепость духа вашего: огнь вы пояст» (Ис.33:10–11). И в псалме 109: «рече Господь Господеви моему: седи одесную мене, дóндеже положу враги твоя подножие ног твоих. Жезл силы послет ти Господь от Сиона и господствуй посреде врагов Твоих» (Пс.109:1–2). То же в Апокалипсисе: «и обратихся видети глас, иже глаголаше со мною; и обратився видех седмь светильник златых, и посреде седми светильников подобна Сыну человечу, облечена в подир и препоясана при сосцу поясом златым; глава же Его и власи белы, аки ярина белая, якоже снег; и очи Его яко пламень огнен; и нозе Его подобни халколивану, якоже в пещи разжженне; и глас Его яко глас вод мног; и держа в руце своей десней седмь звезд, и из уст Его мечь обоюду остр изъострен исходяй, и лице Его якоже солнце сияет в силе своей. И егда видех Его, падох к ногам Его яко мертв; и положи десницу свою на мне, глаголя ми: не бойся; Аз есмь первый и последний, и живый; и бых мертв и се, жив есмь во веки веков, аминь; и имам ключи ада и смерти» (Откр.1:12–18). Также в Евангелии Господь по Воскресении Своем говорит ученикам: «дадеся Ми всяка власть на небеси и на земли; шедше убо научите вся языки, крестяще их во имя Отца и Сына и Святаго Духа, учаще их блюсти вся, елика заповедах вам» (Мф.28:18–20).

XXVII. Что к Богу Отцу не иначе можно прийти, как чрез Сына Его, Иисуса Христа

В Евангелии: «Аз есмь путь и истина и живот; никтоже приидет ко Отцу, токмо Мною» (Ин.14:6). В другом месте: «Аз есмь дверь; Мною аще кто внидет, спасется» (Ин.10:9). Тоже в Евангелии: «мнози пророцы и праведницы возделеша видети, яже видите, и не видеша; и слышати, яже слышите, и не слышаша» (Мф.13:17). И еще: «веруяй в Сына имать живот вечный; а иже не верует в Сына, не узрит живота, но гнев Божий пребывает на нем» (Ин.3:36). Также в Послании Павла к Ефесеем: «и пришед благовести мир вам дальним и ближним; зане Тем имамы приведение обои во едином Дусе ко Отцу» (Еф.2:17–18). И в Послании к Римлянам: «вси бо согрешиша и лишени суть славы Божия; оправдаеми туне благодатию Его, избавлением, еже о Христе Иисусе» (Рим.3:23–24). Тоже в Первом послании апостола Петра: «Христос единою о гресех наших пострада, праведник за неправедники, да приведет ны Богови» (1Пет.3:18). В том же послании: «на се бо и мертвым благовестися, да суд убо приимут» (1Пет.4:6). И в Первом послании Иоанна: «всяк отметаяйся Сына, ни Отца имать; а исповедаяй Сына и Отца имать» (1Иоан.2:23).

XXVIII. Что Он имеет приити как Судия

У Малахии: «се, день грядет горящ, яко пещь, и попалит я и будут вси иноплеменницы и вси творящии беззаконная, яко стеблие; и вожжет я день Господень грядый, глаголет Господь» (Мал.4:1). И в псалме 49: «Бог богов Господь глагола, и призва землю от восток солнца до запад. От Сиона благолепие красоты Его, Бог яве приидет, Бог наш, и не премолчит: огнь пред Ним возгорится и окрест Его буря зелна. Призовет небо свыше, и землю, разсудити люди своя. Соберите Ему преподобныя Его, завещающия завет Его о жертвах. И возвестят небеса правду Его, яко Бог Судия есть» (Пс.49:1–6). Также у Исаии: «Господь Бог сил изыдет и сокрушит рать, воздвигнет рвение и возопиет на враги своя со крепостию; молчах, еда и всегда умолчу?» (Ис.42:13–14). Опять в псалме 67: «да воскреснет Бог, и расточатся врази Его, и да бежат от лица Его ненавидящии Его. Яко исчезает дым, да исчезнут; яко тает воск от лица огня, тако да погибнут грешницы от лица Божия, а праведницы да возвеселятся, да возрадуются пред Богом, да насладятся в веселии. Воспойте Богу, пойте имени Его, путесотворите возшедшему на запады; Господь имя Ему, и радуйтеся пред Ним. Да смятутся от лица Его, отца сирых и судии вдовиц; Бог в месте святем своем. Бог вселяет единомысленныя в дом, изводя окованныя мужеством, такожде преогорчевающия живущия во гробех. Боже, внегда исходити Тебе пред людьми твоими, внегда мимоходити Тебе в пустыни» (Пс.67:2–8). И еще в псалме 81: «воскресни, Боже, суди земли; яко Ты наследиши во всех языцех» (Пс.81:8). Также в Евангелии от Марка: «что нам и Тебе, Иисусе Назарянине? пришел еси погубити нас» (Мк.1:24). И в Евангелии от Иоанна: «Отец бо не судит ни комуже, но суд весь даде Сынови, да вси чтут Сына, якоже чтут Отца, а иже не чтит Сына, не чтит Отца пославшаго Его» (Ин.5:22–23). И во Втором послании Павловом к Коринфянам: «всем бо явитися нам подобает пред судищем Христовым, да приимет кийждо, яже с телом содела, или блага, или зла» (2Кор.5:10).

XXIX. Что Он есть Царь, который будет царствовать во веки

У Захарии: «рцыте дщери Сионове4: се, Царь твой грядет тебе праведен и спасаяй, той кроток и вседе на подъяремника и жребца юна» (Зах.9:9). Также у Исаии: «кто возвестит вам место вечное? ходяй в правде... и руце отрясаяй от даров; отягчаваяй уши, да не услышит суда крове; смежаяй очи, да не узрит неправды. Сей вселится в высоце пещере камене крепкаго; хлеб ему дастся и вода его верна: Царя со славою узрите» (Ис.33:14–17). И у Малахии: «Царь велий Аз есмь, глаголет Господь Вседержитель, и имя Мое светло во языцех» (Мал.1:14). То же в псалме 2: «Аз поставлен есмь Царь от него над Сионом, горою святою Его, возвещаяй повеление Господне» (Пс.2:6–7). И в псалме 21: «помянутся и обратятся ко Господу вси концы земли, и поклонятся пред Ним вся отечествия язык; яко Господне есмь царство и Той обладает языки» (Пс.21:28–29). И в псалме 23: «возмите врата князи ваша, и возмитеся врата вечная, и внидет Царь славы. Кто есть сей Царь славы? Господь крепок и силен, Господь силен в брани. Возмите врата князи ваша, и возмитеся врата вечная, и внидет Царь славы. Кто есть сей Царь славы? Господь сил, Той есть Царь славы» (Пс.23:7–10). И опять в псалме 44: «отрыгну сердце мое слово благо, глаголю аз дела моя цареви; язык мой трость книжника скорописца. Красен добротою паче сынов человеческих, излияся благодать во устнах Твоих; сего ради благослови Тя Бог во век. Препояши мечь Твой по бедре Твоей, Сильне. Красотою Твоею и добротою Твоею и наляцы и успевай и царствуй, истины ради и кротости и правды» (Пс.44:2–5). В псалме 5: «Царю мой и Боже мой, яко к Тебе помолюся..., заутра услыши глас мой, заутра предстану Ти и узриши мя» (Пс.5:3–4). И в псалме 96: «Господь, воцарися, да радуется земля; да веселятся острови мнози» (Пс.96:1). И опять в псалме 44: «предста царица одесную тебе, в ризах позлащенных, одеяна преиспещрена. Слыши дщи, и виждь, и приклони ухо твое, и забуди люди твоя и дом отца твоего, и возжелает царь доброты твоея: зане Той есть Господь твой» (Пс.44:10–12). Еще в псалме 73: «Бог же, Царь наш, прежде века содела спасение посреде земли» (Пс.73:12). Также в Евангелии от Матфея: «Иисусу же рождшуся в Вифлееме Иудейстем во дни Ирода царя, се, волсви от восток приидоша во Иерусалим, глаголюще: где есть рождейся Царь Иудейский? видехом бо звезду Его на востоце и приидохом поклонитися Ему» (Мф.2:1–2). И в Евангелии от Иоанна Иисус сказал: «Царство Мое несть от мира сего; аще от мира сего было бы Царство Мое, слуги мои убо подвизалися быша, да не предан бых был Иудеом; ныне же Царство Мое несть отсюду. Рече же Ему Пилат: убо царь ли еси Ты? Отвеща Иисус: ты глаголеши, яко Царь есмь Аз; Аз на сие родихся и на сие приидох в мир, да свидетельствую истину; и всяк, иже есть от истины, послушает гласа Моего» (Ин.18:36–37).

XXX. Что Он и Судия и Царь

В псалме 71: «Боже, суд Твой цареви даждь и правду Твою сыну цареву, судити людем Твоим в правде» (Пс.71:1–2). Также в Апокалипсисе: «и видех небо отверсто, и се, конь бел, и седяй на нем верен и истинен, и правосудный и воинственный; очи же Ему еста, яко пламень огнен, и на главе Его венцы мнози; имый имя написано, еже никтоже весть, токмо Он сам; и облечен в ризу червлену кровию. И нарицается имя Его Слово Божие. И воинства небесная идяху вслед Его на конех белых, облечени в виссон бел и чист. И из уст Его изыде оружие (обоюду) остро, да тем избиет языки; и Той упасет я жезлом железным, и Той перет точило вина ярости и гнева Божия Вседержителева. И имать на ризе и на стегне Своем имя написано: Царь царем и Господь господем» (Откр.19:11–16). Тоже в Евангелии: «егда же приидет Сын человеческий во славе своей и вси святии Ангели с Ним; тогда сядет на престоле славы Своея, и соберутся пред Ним вси язы́цы и разлучит их друг от друга, якоже пастырь разлучает овцы от козлищ. И поставит овцы одесную себе, а козлища ошуюю. Тогда речет Царь сущим одесную Его: приидите, благословеннии Отца моего, наследуйте уготованное вам Царствие от сложения мира. Взалкахся бо, и дасте Ми ясти; возжадахся, и напоисте Мя; странен бых, и введосте Мене; наг, и одеясте Мя; болен, и посетисте Мене; в темнице бых, и приидосте ко Мне. Тогда отвещают Ему праведницы, глаголюще: Господи, когда Тя видехом алчуща, и напитахом? или жаждуща, и напоихом? Когда же Тя видехом странна, и введохом? или нага, и одеяхом? Когда же Тя видехом боляща, или в темнице, и приидохом к Тебе? И отвещав Царь речет им: аминь глаголю вам, понеже сотвористе единому сих братий Моих менших, Мне сотвористе. Тогда речет и сущим ошуюю Его: идите от Мене проклятии во огнь вечный, уготованный диаволу5 и аггелом его. Взалкахся бо, и не дасте Ми ясти; возжадахся, и не напоисте Мене; странен бых, и не введосте Мене; наг, и не одеясте Мене; болен и в темнице, и не посетисте Мене. Тогда отвещают Ему и тии, глаголюще: Господи, когда Тя видехом алчуща, или жаждуща, или странна, или нага, или больна, или в темнице, и не послужихом Тебе? Тогда отвещает им, глаголя: аминь глаголю вам, понеже не сотвористе единому сих менших, ни Мне сотвористе. И идут сии в муку вечную, праведницы же в живот вечный» (Мф.25:31–46).

* * *

2

У св. Киприана и в Вульгате этот отрывок из Премудрости Сираха читается так: «Я вышла из уст Всевышняго перворожденная прежде всякой твари. Я сделала на небе, чтобы восходил свет непрестанный и, как бы мглою, покрыла всю землю. Я обитала на высоте, и престол мой на столбе облачном. Я обошла круг небесный, проникла в глубины бездны, ходила по волнам морским, стала на всей земле; у всякаго народа, у всякаго языка имела первенство; сердца всех высоких и низких попрала своею силою. Во мне вся надежда жизни и силы. Приидите ко мне все, желающие меня».

3

Наш славянский текст: «еда... како даете Господеви труд?» соответствует греческому LXX: κυρίῳ παρεχετε ἀγῶα. Св. Киприан, также Ириней и Тертуллиан читали это место так: «не малая у вас борьба с людьми, потому что Бог представляет поприще» (κὺριοσ παρέχει αγῶα). Сн. 8 письмо св. Кипр.

4

Начало стиха взято из параллельного места Исаии (Ис.62:11). Ев. (Мф.21:5).

5

У св. Киприана: «который уготовал Отец Мой».


Вам может быть интересно:

1. Три книги свидетельств, против иудеев – КНИГА ТРЕТЬЯ священномученик Киприан Карфагенский

2. Три книги свидетельств, против иудеев – КНИГА ПЕРВАЯ священномученик Киприан Карфагенский

3. Книга о суете идолов священномученик Киприан Карфагенский

4. Книга к Деметриану священномученик Киприан Карфагенский

5. Из второго (пасхального) послания священномученик Дионисий Александрийский

6. К Филагрию о единосущии святитель Григорий Чудотворец, епископ Неокесарийский

7. Против епископа Германа священномученик Дионисий Александрийский

8. К Конону, епископу эрмопольской церкви священномученик Дионисий Александрийский

9. К Корнилию, епископу римскому священномученик Дионисий Александрийский

10. О сотворенном священномученик Мефодий Олимпийский, епископ Патарский

Комментарии для сайта Cackle