Восторгнутые класы в пищу души

Обою ради подобаете рабов Божиих блажити и удивлятися им, яко надежду спасения своего на святыя имеяху молитвы, и яко писанием сохраните песни и службы, яже Богови с радостию и страхом приношаху, и к нам преподаша свое их сокровище: да к ревности своей всех послежде бывших привлещи возмогут. Преходити бо приличествует нраву учителей на ученики, и учеником Пророков подражателем приличествует являтися правды онех, да всяко время с молитвами, и службою Божиею и поучением живем: сие животе, сие здравие и богатство, сие конец благ быти неищующе, еже молитися Богови с чистою и перастленною душею. Якоже бо телу свет есть солнце, тако души молитва. Аще убо слепцу тщета есть еже не зрети солнца, то колико паче тщета есть христианину еже не молитися часте, и молитвою свет Христов в душу не вводити? И кто бы не ужаснулся и не удивился о человеколюбии Божии, еже к нам показует, толику честь человеком даруя, яко и молитвы сподоби и беседы Своея? С Богом бо воистинну беседуем во время молитвы, еюже и со Ангелы совокупляемся, и общения еже к безсловесным являемся избегающе. Ангел бо дело есть молитва, превосходящи и онех достоинство, понеже лучше есть достоинства Ангел еже с Богом беседовати. А яко лучше есть, сами учат нас, со многим убо страхом молитвы приносяще, и подающе нам ведети и разумети, яко подобает к Богу приступающим с радостию и страхом сие творити. Со страхом убо, боящимся нам, да не молитвы недостойни явимся: радостию же исполненным бывающим, величия ради чести, яко толика и такова промысла мертвенный сподобися род, яко и Божественныя беседы наслаждатися часте, еюже и еже мертвении быти и привременни избегаем, естеством убо суще мертвении, беседою же яже ко Богу к безсмертну животу преходяще. Нужно бо есть беседующему с Богом, лучшу быти смерти и всякого истления. И я коже отнюд нужно есть солнечныя лучи наслаждающемуся избегати тмы: тако отнюд нужно есть наслаждающемуся Божественныя беседы, не ктому быти мертвенну. Самое бо то величие чести к безсмертию нас представляет. Аще бо беседующим с царем, и чести яже от него наслаждающимся, не возможно есть быти убогим; много паче не возможно есть Богови молящимся и беседующим, мертвенныя имети души. Смерть бо души есть нечестие и житие законопреступное: темже и живот души есть, служба Божия и житие подобающее сей. Житие же преподобно и службе Божией подобающе молитва собирает и сокровиществует чудне в душах наших. Или бо девства кто рачитель сый, или целомудрие еже во бране чтити потщавыйся, или побеждати гнев, и с кротостию жити, или зависти чисту быти, или ино что от приличествующих творити, молитве предводящей и предуглаждающей таковый путь жития, легко и удобно имети будет течение благочестия. Не возможно бо есть, не возможно есть просящим от Бога целомудрия, и правды и кротости, и благости, не получити молитвы. Глаголет бо: просите, и дастся вам: ищите, и обрящете: толцыте, и отверзется вам. Всяк бо просяй приемлет, и ищай обретает, и толкущему отверзается. И паки: кто есть, глаголет, от вас человек, егоже аще поспросит сын его хлеба, еда камень подаст ему? или аще рыбы просит, еда змию подаст ему? аще убо вы, лукави суще, умеете даяния блага даяти чадом вашим, кольми паче Отец ваш небесный даст Духа Святаго просящим у Него¹. Таковыми убо словесы и таковыми надеждами к молитве побуди нас Господь всяческих. Нам же подобает Богови повинующимся присно жити въ песнех и молитвах, тщательнее службы Божия держащимся, нежели души своея. Тако бо нам возможно было бы жити присно подобающею человеком жизнию. Иже бо не молится Богови, ниже Божественныя беседы наслаждатися желает часте, мертв есть и бездушен, и несть причастник еже разумети. Самое бо сие величайшее есть неразумия знамение, еже не ведати величия чести, ниже рачительствовати молитвы, ниже смерть вменяти души быти еже не поклонятися Богови. Якоже бо тело сие наше, души не присутствующей, мертво есть и злосмрадно: тако душа, не движущая себе на молитву, мертва есть и окаянна и злосмрадна. Но яко убо смерти всякия горчае непщевати подобает еже лишитися молитвы, учит добре нас Даниил великий Пророк, паче изволяя умрети, нежели три дни едины лишитися молитвы. (Не бо нечествовати ему повеле царь он Персидский, но три дни точию смотряше обрести). Без Божественныя бо помощи не бы что от благих в наша приити могло души. Божия же помощь соприкасается трудам вместе с нами, и тыл облегчает добре, аще увидит любящих молитву, и часте Богови молящихся, и вся отъонуду благая снити чающих. Егда убо вижду кого не любяща молитвы, ниже теплое и зельное к ней рачение имуща, уже явно ми есть, яко таковый ничтоже доблственно в душе своей стяжал есть. Егда же вижду кого божественныя службы несытно держащася, и еже не молитися часте между величайшими числяща тщетами, заключаю, таковаго всякия добродетели подвижника быти тверда, и Божий храм. Аще бо одеяние мужа, и стопа ноги, и смех зубов, возвещает яже о нем, по премудрому Соломону: много паче молитва и служба Божия знамение есть всякия правды, утварь некая сущи духовна и божественна, много благообразие и доброту сотворяющи в помышлениихъ наших, коегождо устрояющи житие, не попущающи ниединому же злу, и ничесому же безместну над мыслию власть имети, научающи же стыдетися Бога и чести яже от него, всяко лукаваго чарование отражати наказующи, студныя и безместныя отгоняющи помыслы, и в презрении сласти сотворяющи душу коегождо. Сие бо презорство едино подобает чествующим Христа, еже ничесомуже работати студну, но блюсти в свободе душу и в житии очищение. Яко убо отнюд не возможно есть без молитвы с добродетелию жити, и с сею ходити в житии сем, неищую ясно всем быти. Зане како возмогл бы кто в добродетели подвизатися, не приступая и не припадая часте к Подателю сея и Даятелю? Како же бы кто пожелал быти целомудр, и праведен, не беседуя сладце со истязающим сия же и многша сих от нас? Хощу же показати вкратце, яко аще и греховъ исполненных приимутъ нас молитвы, скоро очищают. И что бы больше могло быти молитвы или божественше, егда тая является быти врачба некая недугующим душами? Темже яве есть, яко первии Ниневитяне молитвою омыша многия ко Богу грехи. Егда бо прият их молитва, абие и праведных сотвори, и град навыкший с блудонеудержанием и лукавством и законопреступным житием жити, исправи вскоре, ветхаго обычая более возмогши, небесных законов исполнен сотворши град он, спривлекающи с собою и целомудрие, и человеколюбие, и кротость, и промышление о нищих. Не бо терпит без сих обитати в человецех: но в котором либо уме жити имать, исполнена быти творить всякия правды, обучающи к добродетели, и злобу изгоняющи. И воистинну тогда аще бы кто вшел во град они Ниневию, первее той известне ведевый, то не бы познал града онаго: тако внезапу от горша жития к благочестию прескочил есть. Яко же бо жену нищу, рубища носящу, по сих кто златыми одеждами украшенну увидев, не бы познал жену ону: тако ведевый и град он ниществовавш первее, и духовных пуст бывш сокровищ, не познал бы, кий есть град он, егоже толико возможе молитва преложивши и нравом и житием к добродетели возвести. Но и жена некая, в невоздержании и блуде все преживши время, егда припаде к ногама Христовыма, абие спасение получи. Прочее не точию очищает (молитва) грехи, но и беды отражает велики. Царь оный, вкупе же и Пророк, чудный Давид, от многих и тяжких браней молитвою избеже, сим точию оружием воинство ограж дая, и подал воином своим еже в безмолвии и безопасности получати победу. Темже овии убо царие, на искусство воевод и художество и на стрелцы и оружники и конники надежду спасения имеяху: великий же Давид молитвами святыми воинство остеняше, не взирая на бровь воевод и чиноначальников, и конниконачальников, ни пенязи собирая, ни оружия сотворяя, но божественное всеоружие с небесе низводя. Всеоружие бо воистинну небесно есть божественная молитва, и едина может хранити твердо предавших себе Богови. Зане крепость же убо и вежество оружников, и стрелец искусство, и предательство множицею изъявляют суетно быти и взоры врагов, и супостат благодушие, и ина многа к сим. Молитва же необоримое оружие, и безопасное стражбище, подобне убо воина единаго, подобне же и многи отражающи тмы. Понеже и Давид чудный голиафа онаго, яко беса некоего страшна находяща, не оружии, ни мечами, но молитвами низверже. Тако крепко убо царем в ратех оружие есть молитва, крепко же и нам на бесы. Тако и царь Езекия преодолевает бранию Персов, воинство убо не вооружив, молитвы же едины противопоставив множеству супостатов. Тако и смерти избеже с приличествовавшим благоговением к Богови припад, и молитва едина даде возъожити цареви. А яко и душу согрешившую молитва удобне очищает, учит нас мытарь, помолився Богови еже получити отпущение, и получив: учит же и прокаженный, иже припад к Богови, абие очистися. Аще ли же тело растленно Бог вскоре исцелил есть, то много паче душу вознедуговавшу исцелит человеколюбие. Елико бо честиша телесе есть душа, толико паче лепотно есть Богови о сей многше тщание показовати. И безчисленна бы кто могл глаголати и ветха и нова, аще бы всех счисляти хотел спасшихся молитвою. Негли же кто от унылших и нехотящих прилежне молитися и тщаливо, рекл бы, яко оны глаголы рече Бог: не всяк глаголяй ми: Господи, Господи, внидеть в царствие небесное: но творяй волю Отца моего, иже есть на небесех². Аз же аще бых едину (молитву) довлети ко спасению нашему непщевал, влепоту бы кто сия глаголал словеса. А понеже главизну быти благ молитву глаголю, и основание и корень полезнаго жития, никтоже извета ради уныния тыя да глаголет словеса. Ииже бо целомудрие едино может спасати без иных благ, ниже промышление о нищих, ниже благость, ниже ино что от тщимых, но подобает всем стещися в душы наша. Молитва же, аки корень и основание, подлагается. И якоже корабль и дом яже снизу крепки творят и содержат, тако житие наше молитвы содержат. Без молитвы же ничтоже бы в нас благо и спасительно могло быти. Сего ради Павел налегает часте на ны, повелевая и глаголя: в молитве терпите, бодрствующе в ней со благодарением³. И инде: непрестанно молитеся, глаголет, о всем благодарите: сия бо есть воля Божия о Христе Иисусе в вас⁴. И инде паки: молитеся на всяко время Духом, в сие истое бдяще во всяком терпении и молитве⁵. Тако многими и Божественными гласы к молитве нас призывает часте вождь Апостолов. Подобает убо от онаго наказуемым, с молитвою ходити все житие и сею часте мысль напаявати. Требуем бо вси человецы сея не мнее, нежели древеса вод. Ниже бо она могут износити плоды, не пиюща чрез корения: ниже мы многоценными плоды благочестия возможем исполнятися, не напаяеми молитвами. Темже подобает и от одра воставшим предваряти присно солнце службою Божиею, и трапезы касающимся, и спати имущим: паче же и на всяк час едину молитву Богови приносити, равно дню течение текущим: во время же зимы и нощи множайщую часть на молитвы иждивати, и колена преклоняющим со многим страхом молению внимати, блажащим себе службы ради Божия. Рцы ми, како узриши солнце, не поклонився Посылающему очесем твоим сладчайший свет? Како насладишися трапезы, не поклонився Дателю и Подателю толиких благ? С коею надеждою к нощному приидеши времени, с каковыми чаеши сонии беседовати, не остенив себе молитвами, но неохранен ко сну пришед? Удобопрезираем и удобоемлем лукавнейшими бесы будеши, иже обходят часте временнонаблюдающе нас, кого бы емше нага молитвы похитити вскоре. Аще убо прочее увидят нас огражденных молитвами, отскакуют абие, яко разбойницы и злодее, при главе воина мечь зряще висящь. Аще ли же убо случится кому нагу быти молитвы; сей исторжен от бесов ведом есть, во грехи реем, и беды, и злая. Сих подобает всех боящимся нам молитвами и песнми присно остеняти себе, да всех Бог помиловав, достойных соделает царствия небеснаго, Единородным Своим Сыном, Емуже слава и держава во веки веков, Аминь.

Яко убо всякаго блага главизна есть молитва и спасения и живота вечнаго виновна, не не весть от всех никтоже. Нужно же есть обаче яже по силе глаголати о вещи сей, да обыкших убо жити в молитвах, и службе Божией внимати прилежно, тщателнших слово сие соделает: унылее же пожившии, и молитвы пусту душу оставлшии, и тщету прешедшаго времене уразумеют, и не приложат еще лишати себе спасения во остающейся жития сего части. Абие убо оно величайшее о молитве рещи имамы, яко всяк моляйся с Богом беседует. Елико же есть, человеку сущу с Богом беседовати, не не весть убо никтоже: представити же словом честь ону не бы кто возмогл. Сия бо честь и Ангелов превосходит великолепие: еже добре они ведяще, вси видятся негде во пророцех со многим страхом песни и службы Владыце приносяще, покрывающе убо и лица и ноги от многа благоговения, летанием же, и тем еже не мощи пребывати в безмолвии, многий показующе страх: наказующе, непщую, и нас забывати человеческое естество во время молитвы, усердием же и страхом содержимым, ничтоже от настоящих зрети: но посреде Ангелов стояти непщевати, и туюжде со онеми службу совершати. Зане иная убо вся много разделена суть, яже онех, глаголю, и наша, и естество, и пребывание, и премудрость, и разум, и все еже рекл бы кто: молитва же обще есть дело Ангел вкупе и человек, и несть посреднее ничтоже и единого и другаго естества в разсуждении молитвы. Сия тя разделяет от безсловесных, сия тя совокупляет со Ангелы: негли же кто ко онех прейдет жительству, и житию, и пребыванию, и чести, и благородству, и премудрости, и разуму, все житие в молитвах и службе Божией тщася упражнятися. Зане, что бы преподобншее могло быти беседующих с Богом, что же праведнше? что же лепотнше? что же премудрше? Аще бо с премудрыми мужы беседующии, от частыя беседы в подобии мудрости онех сотворяются скоро: что подобает глаголати о беседующих с Богом, и молящихся? Еликия убо премудрости, еликия же добродетели и разума, и доброты, и благости, и целомудрия, и нравов кротости исполняет их молитва и моление! Темже не бы кто согрешил, всякия добродетели и правды вину быти молитву со изречением глаголя, и ничесомуже мощи от потребных ко благочестию внити в душу молитвы и моления пусту. Но якоже не остенен град удобно может покоритися супостатом, многия ради пустоты содержащего и: тако убо и душу, не остенену молитвами, удобне диавол под собою быти творит, и всякого греха удобне исполняет. Первее убо, егда видит душу ограждену молитвами, не смеет приступити близ, бояся крепости оныя и силы, юже молитвы подают, паче питающе душу, нежели телеса пища. Таже молящиися тщаливо, не терпят что пострадати молитвы недостойно, но срамляющеся Бога, с нимже беседоваша ныне, всяку отревают скоро лукавого кознь, помышляюще в себе, елико есть зло, ныне с Богом беседовавшему, и помолившемуся о целомудрии и преподобии, абие к диаволу прейти, и прияти в душу студныя сласти, и дати диаволу приход во ум, его же ныне Бог посети, и попустити бесовом входити в душы, в нихже благодать Духа много показа человеколюбие и промысл: и како, услыши. Недоуменно есть человеку мощи Божию стерпети беседу без действия Духа; но подобает сей присутствующей и сприкасающейся святым подвигом, тако внити и преклонити колена, и моление принести и помолитися. Понеже бо выше есть силы человеческия, возбеседовати с Богом, сего ради подобает благодати Духа вшедшей в ны укрепити, и дерзновение подати, и научити величию чести сея. Егда бо уразумееши, яко и с Богом беседуеши, и Духа Свята действо приял еси, беседовати имея: то ниедин даси диаволу приход в душу освященную от Духа. Якоже бо беседовавшии с царем, и словес кротких и чести насладившиися, не судят достойно быти приити в беседу нищенствующих и отверженных: тако беседовавый Богу и помоливыйся не бы удостоил, лукаваго и нечестиваго беседу прияти. Ибо воистинну, работаяй сластем, с бесы беседует, и неистовству онех поревнова: якоже и целомудрствуяй и правде прилежай, со Ангелы обитает, и великолепию онех ревнует. Мнится же ми кто рекий; яко жилы души суть молитвы, истину рещи. Якоже бо, непщую, тело жилами содержится, и течет и стоит, и живет, и утвержденно есть: аще ли же сия кто изсечет, то всяко составление разоряет телесное: тако и души святыми молитвами составляются и утверждаются, и течения благочестия текут удобне. Аще ли же молитвы лишиши себе, тожде сотвориши, якоже аще бы рыбу из воды изнесл еси на воздух: якоже бо оней живот есть вода, тако тебе молитва. Сею бо мощно есть, якоже водою, возлетети, и небеса превзыти, и Бога быти близ. Довольна убо суть прочее и реченная показати крепость святыя молитвы: негли же лучше есть, к божественным пришедшу писанием, от изречений Христовых уразумети богатство, еже молитвы сокровиществуют хотящих в них во все житие упражнятися. Глаголашс, рече, и притчу к ним како подобает всегда молитися и не стужати (си), глаголя: судия бе некий в некоем граде, Бога не бояся, и человек не срамляяся. Вдова же некая бе во граде том, и прихождаше к нему глаголющи: отмсти мене от соперника моего. И не хотяше на долзе времени: последи же рече в себе: аще и Бога не боюся, и человек не срамляюея: но зане творить ми труды вдовица сия, отмщу ея: да не до конца приходящи трудит мене. Рече же Господь: слышите, что судия неправды глаголет. Бог же не имат ли сотворити отмщение избранных Своих, вопиющих к Нему день и нощь, и долготерпя о них? глаголю вам, яко сотворить отмщение их вскоре⁶. Уразумеем, братие, сокровенную премудрость во словесех Духа, испытающе по силе нашей, не елика есть, но елико нам достигнути мощно. Творящии убо прочее в мори житие, в самую низпущшеся глубину, многоценное камение еже во глубине износят: мы же пучину Божественных писаний испытавше, в самую глубину премудрости Духа, елико мощно, потецем, да принесем вам сокровище благо, украшающее души лучше, нежели главы царей златослиянны венцы. Зане доброта убо онех с житием сим скончавается: венчаяй же душу словесы Духа и ныне со всяким утверждением проходит время сие, и по кончине жития сего дерзая приступает ко Престолу Христову, полн добродетели, и чист сый от всякия злобы. Кое убо вам сокровище от глубины писаний приносим не самыя глубины касающеся премудрости, но толико низпущающеся, елико мощно есть? К молитве наставляя человеки Христос, и пользу яже от нея представити хотя душам нашим, судию вводит некоего лукава и зла, всяк стыд от очию отвергша, и страх Божий от души изгнавша. Аще и довольно бе праведна и милостива предложити лице, и преиспытавшу правду онаго со человеколюбием Божиим, показати крепость моления. Аще бо человек благий и кроткий кротце приемлет приносящих мольбу, колми паче Бог, Его же величие человеколюбия не точию нашу превосходит мысль, но и самыя Ангелы. Довольно убо бе прочее, еже рех, праведна лице предложити судии: ныне же жестока и нечестива и человеконенавистна вводить судию, на иныя убо свирепа, на молящияся же блага и кротка: да уразумееши, яко всяко моление и естество лукаво к милосердию и милости привлекает удобне. Чесого убо ради сие сотворил есть Христос? да никтоже не весть от всех молитвы крепость. Сего ради горчайшему всех представив вдовицу, и показав его противу естеству человеколюбия, от лукавого на Отца Своего преложи слово сие, благаго, кроткаго, тихаго, человеколюбиваго, превосходящаго беззакония, прощающаго грехи многи, хулимаго на всяк день и сносящаго, терпящаго зрети честь к бесом, досаду на Себе, на Сына своего хулы, глаголема и неизреченна безчисленна люта. Таже хулим убо тако кротце терпит. Аще ли же увидит с приличествующим страхом припадающих нас, то не помилует ли скоро? Слышите, рече, что судия неправды глаголет: аще и Бога не боюся, и человек не срамляюся, но зане творит ми труды, отмщу ея. Что глаголеши? еже не возможе страх Божий, сие ли моление возможе? И егоже не коснеся срам человечь, ни прещение, ниже наказания чаяние приведе к правде, с мольбою ли явлшися вдовица свирепаго онаго укроти? Что убо разсуждати подобает о человеколюбивем Бозе? Аще жестокаго онаго тако кротка сотвори вдовица припадающи: то колику благость, колико человеколюбие на нас Бог покажет, Иже едино точию еже миловати хотя присно, мучити же никогдаже, Иже и муками многаго ради человеколюбия угрожаяй нам, и велики уготовавый чести, да и страх и чести надежда, ова убо воздвизает к добродетели, ов же возбранит от лукавствований? Не могу от судии неправды отступити мыслию, зря в кротости онаго, яже противу естества, неисповедимое Божие человеколюбие. Аще бо никогдаже ниедино благое показати восхотевый, внезапу преложився, молившуюся помилова: то колико нам с небесе попечение молитвы принести имут! Познати же возможет кто крепость и силу святых молитв, смотря и зря, еликих благ на всяк день и час наслаждаются всегда ко Богу припадающии. Кто бо не весть, яко и солнца свет, и звезд, и луны, и воздухов благорастворение, и пищи многоразличны, и богатство, и имение, и безчисленна блага всем челокеком подобне Бог дарует и праведным и нечестивым, многаго ради Своего человеколюбия, еже имать к нам? аще ли же не молящияся, ни просящыя тако милует на всяк день и упокоевает, то коликих влепоту благ насладятся в молитвах и молениих все житие упражнявшиися! Гряди же, и елицы от праведных молитвами спасоша и языки и грады и вселенную всю, рцем к вам. В памяти же молитвы, Павел первый достоин памяти, Павел не насыщаемый службы Божия, общий отец и прародитель рабов Христовых. Он убо хранитель вселенныя, молитвою и частым молением вся языки спасе, темже и пиша глаголет к нам: Сего ради преклоняю колена моя к Отцу Господа нашего Иисуса Христа, из Негоже всяко отечество на небесех и на земли именуется: да даст вам по богатству славы Своея силою утвердитися Духом Его во внутреннем человеце: вселитися Христу верою к сердца ваша⁷. Зриши ли, елико может молитва и моление? Храмы Христовы человеки делает: и якоже злато и камение многоценно и мармари творят храмы царей, тако молитва человеки творит храмы Христовы. Вселитися, глаголет, Христу в сердца ваша. Кая больша могла бы быти молитвы похвала, нежели яко храмы соделовает Божия? егоже не вмещают небеса, Сего в душу вселяет молитва! Небо престол Мой, глаголет, земля же подножие ног Моих. Кий дом созиждете Ми, или кое место покоища Моего? Но обаче дом Павел созидает святыми молитвами. Преклоняю, глаголет, колена моя ко Отцу Господа нашего Иисуса Христа, да вселится Христос верою в сердца ваша. Еще же и отонуду увидел бы кто силу святых молитв, яко Павел сквозе всю вселенную, яко крылат текий, и во узилищи обитая, и биения терня, и нося веригу, и живый в крови и бедах, и бесы изгоняя, и мертвыя воздвижа, и утоляя недуги, ни на едино от сих упова ко спасению человеков: но молитвами остенил есть душу⁸, и по знамениих и воскрешении мертвых, к молитвам течаше, яко-же некий подвижник к борбе от венца. Ибо и воскрешения мертвых и инех всех молитва есть податель. И влепоту: юже бо во древесех крепость имут воды, сию в житии святых молитвы. В нощи, сею напаяя душу Павел вся терпяше удобне лютая, подая плещи ранам, якоже столп. Тако в Македонии узилище потрясе: тако юзы расторже, якоже лев, молитвами: тако стража темничного от прелести исхитил есть: тако мучительство бесов разруши. Еще же и она вемы, яже пишет ко всем человеком: В молитве терпите, бодрствующе в ней со благодарением⁹, молящеся вкупе и о мне, да дастся ми слово во отверзение уст моих, с дерзновением сказати тайну благовествования¹⁰. Что глаголеши? толико ли нам дерзновение молитвы дают, яко и о Павле смети Бога молити? Кий воин смеетъ о велицем воеводе царя молити? Аще же и ниедин тако воевода цареви есть друг, якоже Павел Богови: но обаче в толику приводят нас молитвы честь, яко и о Павле смети Бога молити. Тако и Петр великий, светлший небесе, узилища избеже: паче убо своея ради добродетели, и общаго ради человеков спасения: потом же и молитва церкве затворенныя узилища двери скоро отверзе. Не бо всуе приписа Лука, яко молитва бе прилежна всея церкве о Петре: но да уразумеем мы, елику крепость на небесех молитвы имут, яко и Павла и Петра от бед избавляти, столпов Церкве, Верховныя Апостола, пресловущая на небеси, стену вселенныя, общее стражбище всея земли и моря. Рцы же ми, како Моисей Израиля во бранех спасе: не оружия ли убо и воинство ученикови предаде, сам же молитвы противопостави множеству супостатов, уча ны, яко и оружий, и коней, и пенязей, и воинств много большу силу имут молитвы праведных? Сего ради и все воинство и многи тмы на молитву Пророка онаго надежду спасения имеяху. Молящуся бо Моисеови, побеждаху Иудее: преставшу же от молитвы побеждахуся от супостатов. Тако прочее и мы, молящеся убо, удобне диавола победим: унывающе же, на себе подвизаем лукавого. Еще же и люди нечествовавшия молитвою единою спасе Моисей, и Божественная видения она, и¹¹ иная преславна сею получи единою. Сия бо ему и житие подобно сотвори живущим на небеси. Молитва огня силу угаси, и лвы укроти: ово убо на Данииле, ово же на триех соделавши отроцех, имиже, непщую, и явно сотвори всем, яко всех, еликих приимет бедствующих, удобне исхищает от належащих лютых. Молитва спасения вина, безсмертия виновна, церкве стена тверда, стражбище непоколебимо, страшно убо бесовом, спасительно же благочествующим нам. Сия Святаго Пророка Самуила породила есть: понеже бо естество сопротивляшеся матери к рождению, молитва явльшися скоро исправила есть умаление естества. Таков есть молитвы плод, такова насади молитва Пророка. Темже пресловущь на¹² небесех Самуил бысть, лучший, нежели по человеку, ревнитель Ангелом. Подобаше бо, непщую, такову явитися молитвы класу, побеждающу инех добротою и благостию и добродетелми нравов, и толико бывшия прежде себе побеждати снятыя, елико на нивах превосходят большии класы. С нею Давид толиких и таковых супостат отринул есть, ни оружия двизая, ни копие потрясая, ни мечь извлекая, но молитвами остеняяся. С нею Езекия множество Персов в бегство вскоре обрати. И тии убо хитрая орудия к граду привождаху: сей же молитвами стену остени, и разорися брань без оружий от молитвы, трубе не гласящей, воинству же безмолвствующу, оружием не движимым, земли не обагряющейся кровию, но молитве довлеющей к страху супостатов. Молитва и Ниневиты спасе, и носимый с небесе гнев отрази скоро, и житие растленно исправи вскоре. Толику бо крепость и силу имат, яко пожиша Ниневити все житие студне и лукаво, вшедши же во град молитва, скоро вся преложи; и целомудрие, и правду, и любовь, и единоумие, и о нищих промысл, и вся благая совведе с собою. Яко же бо некоей царице вшедшей во град, всему богатству споследовати нуждно есть, тако и молитве вшедшей в душу, всяка добродетель совходит. Еже бо есть в дому основание, сие в душе молитва. Темже подобает сию первую, яко основание и корень некий, в души водрузившим всем назидати со тщанием, и целомудрие, и кротость, и правду, и промысл о нищих, и вся законы Христовы, да по ним прочее поживше, получим яже на небесех благая, благодатию и человеколюбием Господа нашего Иисуса Христа, Имже и с Нимже, Отцу со Святым Духом слава и держава во веки веков, аминь.

Глаголет Божественный Апостол: непрестанно молитеся¹³, без гнева и размышления¹⁴. И добре рече Святый без размышления: всяко бо размышление, разлучающее ум от Бога, аще мнится и благо быти, по все диавол есть, да не реку диаволе есть. Весь бо подвиг диаволь сие есть, да отлучит и отженет ум от Бога, и в мирская привлечет попечения и сласти: и заповеди и благотворения отай глаголет внутрьуду в сердце, и ины некия благословны или паче безсловесны мысли, имже отнюд не подобает внимати. Весь бо подвиг души есть, еже не разлучати ума от Бога, ни сочетоватися и согласоватися с нечистыми помыслы, ниже внимати тем, яже образопишет в сердце всеподражательный и ветхий живописец диавол: овогда бо образы, овогда же виды и шары и лица по сих всех диавол изображает. И страстный человек, на едином месте стоя, непщует инде где быти прельщаяся, и мнится зрети некиих, и к лицам беседовати, и разпределяти вещи, яже прелести суть диавольския. Подобает убо утверждати и управляти ум и обуздовати его, и всяк помысл и всяко лукаваго действо мучити призыванием имене Господа нашего Иисуса Христа: и идеже тело стоит, тамо и ум да будет, да посреде Бога и сердца ничтоже ино обретается, яко средостение или ограда, пресеняюще сердце и разлучающе от Бога. Аще ли же когда и восхищается кто умом, то не подобает в помыслех коснети; да не сосложение помыслов в деяние ему вменится пред Господем в день суда, егда судити имат Бог тайная человеком. Упразднитеся убо выну, и пребудите при Господе нашем, дондeжe ущедрит нас: и ничесогоже иного взыщите, разве точию милости от Господа славы. Ищуще же милости, со смиренным и умиленным сердцем ищите, и вопите от утра до вечера, аще мощно есть, и всю нощь сие: Господи Иисусе Христе, Сыне Божий, помилуй нас. И понудите ум ваш в сие дело даже до смерти. Многа бо понуждения требует дело сие, зане узка суть врата, и тесный путь вводяй в живот, и нудящиися входят в он: нудящихся бо есть царствие небесное. Молю убо вас, не отлучайте сердец ваших от Бога, но приседите и храните я с памятию Господа нашего Иисуса Христа всегда, дондeжe всадится имя Господне внутрь в сердце: и ничтоже ино помышляйте, точию да возвеличится Христос в вас. Молю убо вас, правилу молитвы сея никогдаже престати сотворите, но аще ясте, аще пиете, аще путешествуете, аще ино что творите, непрестанно зовите: Господи Иисусе Христе, Сыне Божий, помилуй нас: да память сия имене Господа нашего Иисуса Христа раздражит на брань противу врагов. Вся бо памятию сею имат обрести нудящаяся душа, или блага, или лукава. Первее бо злая имать увидети внутрь в сердце, и тогда добрая. Память бо сия имать подвигнути змия, и память сия имать смирити его, память сия имать обличити живущий в нас грех, и память сия имать потребити его: память сия имать воздвигнути всю силу вражию в сердце, и память сия имать ю победити и искоренити по части. Сходящи бо часть имене Господа нашего Иисуса Христа во глубину сердца, змия убо держащаго пажити смиряет, душу же спасает и животворит. Непрестанно убо пребудите в сердце имя Господа Иисуса Христа зовуще, яко да поглотит сердце Господа, и Господь сердце, и будут два сия во едино. Дело же сие несть единаго дне или двою, но лета многа и времене, и подвига и труда потреба есть, дондeжe изгнан будеть враг, и вселится Христосе. Несть наша брань к крови и плоти, но к началом, и ко властем, и к миродержителем тьмы века сего, к духовом злобы поднебесным¹⁵, якоже глаголет Апостол. Тако подобает молящемуся молитися, яко всю свою собравшу и спростирающу мысль призывати Господа с болезнующею душею: и ниже долга простирающа словеса, ниже в долготу мольбу простирати, но малы и просты глаголати глаголы: не бо во множестве глаголов, но во трезвении мысли лежит еже услышану быти. И сие от тех, яже на матери Самуиловой Анне, мощно есть увидети. Подобает убо молящемуся не долга простирати словеса, а часте молитися. Молитвы Христос Павлом повеле, да бывают от малых разстояний. Аще бо в долготу простираеши слово, то вознерадиши множицею, и многу даси диаволу свободу приступити и заняти тя и мысль отвести от глаголемых. Аще ли же учащенны и часты твориши молитвы, то и время все частостию объемлеши, и возможеши молитвы со многим творите трезвением. Хощеши ли научитися бдению, молитве, и трезвению, и приседению: отъиди ко Анне, уразумей, что сотвори она. Восташа, глаголет, вси от трапезы: и абие она не ко сну уклоняшеся, ни к покою. Темже мнится ми, яко и на трапезе седящи, легка некая бысть, и не отягчавашеся брашны некими: не бо толики испущала бы слезы. И не понеже светел и велик испусти глас, за сие услышана бысть, но понеже зело внутрь в сердце вопияше, глас бо ея не слышашеся, глаголетъ, и услыша ю Бог¹⁶. Ниже бо тако гласа потребно есть, якоже мысли, ниже протяжения руку, якоже спротяженны души, ниже образа, якоже разума. Аще бо и вне церкви еси, зови и глаголи: Господи Иисусе Христе, помилуй мя, аще и не движа устне, но мыслию вопия: и молчащих бо слышит Бог. Не ищется место, но прав: аще бо и где либо еси, молися: храм еси, не ищи места. Море бе напреди, созади Египтяне, и посреде Моисей ничтоже глаголя: и глагола к нему Бог, что вопиеши ко Мне? И ты убо, егда искушение наляжет на тя, к Богу прибежи, Владыку Иисуса Христа призови. Еда бо человек есть, да отъидеши к месту; Бог присно близ есть. Еще тебе глаголющу, речет: се приидох. Не у совершиши молитву, и Той прошение даст. Аще бо мысль имаши чисту сущу от безместных страстей, то аще и на торжищи еси, аще и на пути, аще и на мори, аще и в гостиннице, аще и где либо еси, возможеши Бога призвав получити прошение. Множицею, глаголет, просих, и не приях. Воистинну, зане зле просил еси, или без веры, или с парением, или неполезных тебе: аще ли же и полезных множицею просил еси, но не потерпел еси. Писано бо есть: в терпении вашем стяжите душы ваша¹⁷: и, претерпевый до конца той спасен будет¹⁸. Аще бо не имаши просити с трудом и пожданием многим, не приемлеши. Подобает бо первее вожделети, вожделевшу же взыскати воистинну с верою и терпением полезная коемуждо, ни в чесом судиму от совести, яко (не) с нерадением или унынием прося: и тогда приемлеши, егда хощет Бог. Лучше бо тебе весть полезная тебе, и негли сего ради отлагает, еже к Себе приседение твое ухищряя, да познав, кий есть дар Божий, сохраниши данное со страхом. Всяко бо еже с трудом многим стяжавает кто, тщится сие сохранити, да не погубив е, погубит и многий свой труд, и благодать Господню отверг, недостоин будетъ вечнаго живота. Что бо спользова Соломона, скоро приемшаго премудрости благодать, и погубившаго ю? Убо не малодушествуй, аще не скоро приемлеши прошение твое: зане аще бы ведел благий Владыка, яко скоро приемля благодать, не погубиши ея, готов был бы и прежде прошения подати тебе. Ныне же пекийся о тебе, сие творит. Аще бо раб он, приемый талант, и цела его сохранив, занеже не придела, осужден бысть: много паче погубивый той осужден будет. Внимай себе, и отвсюду себе осматривай. Не усыпающе имей к хранению своему и око ума: посреде сетей преходиши: сокровенна тенета от врага отвсюду потчена суть. Вся убо осматривай, да спасешися, аки серца от тенет. Она бо не емлема есть тенетами, быстроты ради зрения: темже и тезоименна есть быстрозрению. Обаче оно ведати подобает, яко ниже иныя коея заповеди блюдение, ниже самую ко Богу любовь, ни яже к ближнему можем исправити, от инех ко иным мыслию скитающеся: но и обучение онаго по Евангелию Христову к Богу благоугождения во отшествии от попечений мира сего и всесовершеннем отчуждении неполезных молв исправляемо бывает. Тако и учеником Господь, по чистем и непарительнем расположения (душевнем) свидетельствоваше глаголя: вы несте от мира¹⁹ сего. И напротив познание Бога миру сему не возможно быти прияти, ниже Святаго вместити Духа засвидетельствова, глаголет бо: Отче праведный, и мир Тебе не позна:²⁰ и, Дух истины, егоже мир не может прияти²¹. Разрешитися убо подобает от уз пристрастия жития сего, имущему воистинну Богови последствовати. Сие же всесовершенным отшествием и забвением ветхих обычаев исправляемо бывает. Сие же сотворшим, всяцем хранением блюсти подобает сердце свое, никогдаже сущую о Бозе мысль изгнати, или память чудес Его мечтании суетными оскверняти: но всегдашнею и чистою памятию воображенну имети в душах наших, аки печать неизглаждаему, преподобную о Бозе мысль. Тако бо пребывает в нас любы яже к Богу, купно и воздвижущи к деланию заповедей Господних, и от них паки сия соблюдаема, к пребыванию и нераспадению. И сие показует Господь, оногда убо глаголя: Аще любите Мя, заповеди Моя соблюдите²²; оногда же: аще заповеди Моя соблюдете, пребудете в любви Моей. И еще увещательнее: якоже Аз заповеди Отца Моего соблюдох, и пребываю в Его любви²³. Аще же кто растлевает в делании точное блюдение заповеди, яве есть, яко о памяти Божией немоществует. Пользует же и непарительность души, и еже особлятися по обитанию. Еже бо смешенну имети жизнь, вредно есть. Темже да не ушима или очима раздражения приемлем, и да возможем пребывати в молитве, возъособимся прежде по обитанию. Тако бо и предваривший обычай преодолеем, в немже чуждо пожихом от заповедей Божиих, и еже: аще кто грядет ко Мне, да отвержется себе²⁴, когда бы едино от сих кто исполнити возмогл? Подобает бо нам отвергшимся себе, и вземшим крест свой, тако последовати Ему. Отвержение же себе есть всесовершенное прешедших забвение, и от волей своих отшествие. Аще ли же что оставим себе от памяти земное в существе некоем тленне; зде уму аки в некоем блате закрыту сущу, нуждно есть душе невидимей быти Богом, и к желанию небесных доброт и уготованных нам благ во обетованиих, невидимей. Отнюд же ниже о самех нуждных пещися попущено есть, сиречь, о пищи и одежди, яко да не будем содержими, аки тернием, лукавыми помышлении мира сего, вметаемаго семене от Возделателя душ наших плодоносию возбраняющими: Господу нашему Иисусу Христу рекшу: Сии же суть в тернии падшии, иже от попечений, и богатства, и сластей житейских подавляются, и не совершают плода. Ниже бо грехом время кое дамы, ни врагу место в сердцах наших оставим, частою памятию вселыника имуще Бога. Но и внимание мысли, и еже не парити навыкновение удобне бы правым наказанием в таковыя отроки приходило, аще бы от настоятелей часте истязаеми были, где имут мысль, и что обращают в помыслех. Простота бо возраста и нелестность, и ко лжи неготовность исповедует убо удобне тайная души: а за еже не быти часте уловляему в творении запрещенных, таковый бегает безместных мыслей, срама бояся иже от обличений ...

И рече Бог: сотворим человека по, образу нашему: внутренняго человека глаголя. Но речеши ты: не глаголет нам о помыслех: человека, рече, по образу Божию; помысл же, како есть человек? Слыши Апостола глаголюща: Аще и внешний наш человек тлеет, обаче внутренний обновляется по вся дни²⁵. Два прочее сказую быти человека, единаго видимаго, а другаго сокровеннаго в видимем. Внутрь убо имамы человека, и сугуби нецыи есмы человецы: и тогда истинно глаголем, яко человецы есмы, егда внутреннее тако нарицаем, внешнее же ни, совершенность в²⁶ словесстве души имуще. Темже тело убо, орудие есть души человека: человек же свойственне, еже по самей души. И еже: да обладают, убо ли рече: обладают телом, или словесством? в души ли обладательность, или во плоти? Но в чесом обладательность есть, аще не в превосхождении словесства? Елико бо оскудевает силою тела человек, толико превосходит устроением словесства. Не рече: сотворим по образу Нашему, и да ярятся. Не бо страсти по образу Божию прияшася, но словесство, страстей владыка. Дано ти есть обладати безсловесными, яко да и безсловесною страстию владееши. Аще убо зверьми обладаеши, то почто и внутренними звереми не обладаеши? Аще внешними обладаеши, то почто внутренняя не царствуема оставляеши? Князь прочее создан еси: не убо помыслы имей парящи, ни легок буди и непостоянен мыслию. Безместно бо есть, аще летающия убо вне низлагаеши, самаго же себе легце тако и нарительне превозносящая не низлагаеши. Да не убо воскичишися, превознесся паче еже еси, и более возмудрствуеши человеческаго естества: ниже похваляем надмишися, ни славы взыскуй, ни велие что себе быти да вознепщуеши: понеже будеши аки птица не утвержденна, зде и онде обносима. Обладай сущими в тебе помыслы, да будеши всех господин. Данное бо нам начальство над животными, управляти нас должно есть к тому, да самими собою обладаем. Якоже никаяже польза есть дому, ни граду, ни дверем, аще не будут стрегущии и ведящии, когда убо затворяти, когда же отверзати: тако ни монаху иных исправлений польза есть, аще не будет словесство вратарь советов его, емуже затворение и отверзение сердца со опасством и многим ведением уверено есть, ведущему, кая убо износити подобаеть, кая же вводити. И аще помысл некий понуждати будет, подавляти его внутрь подобает, и не оставляти в словеса произноситися, но изсушати сей корень, и тверду дверь имети, и опасну стражу, и лукавыя советы не оставляти раждатися и раждаемое удавляти. Темже и Бог, внутрь самыя лукавыя помыслы убивает, глаголя: Иже воззрит на жену, ко еже вожделети, и прочая. Зриши ли, како не оставляет я израсти, ни прияти начала, ниже похоть, ни гнев? Глаголет бо: Гневаяйся на брата своего, повинен будет геенне огненней. Да будут врата сия заключенна глаголет, и лукавии помыслы скоро убиени будут. От ярости бо и похоти, всяк грех бывает в души. Сего ради и Давид молится к Богу, глаголя: Не уклони сердце мое. Не яко Бог уклоняет е (да не будет!); но еже глаголет, таково есть: да не допустиши уклонитися или преложитися в лукавы мысли: отонуду бо источник есть злобы и лукавствия. Яко же бо оком обводимым часте, овогда убо обносимым к боковым, овогда же к горним и долним часте обращаемым, увидети ясне подлежащее невозможно есть, но подобает утверждатися умом к видимей вещи, аще хощеши истинно творити видение: тако и уму человечу от безчисленных попечений одержиму, невозможно есть ясне воззрети на истину, и готову быти прияти сердцем бывающая от Божественнаго учительства изображения, от лукава обычая предъудержавшим е учением. Инако бо написатися внутрь души Божественным невозможно есть, аще не изъимутся предприятия ея, яже от обычая. Ум бо не расточаем на внешняя, ниже от чувств на мир сей проливаем, возвращается убо к себе, собою же к мысли, яже о Бозе восходит: и оною добротою осияваем и просвещаем, и самаго сего естества забвение приемлет, ниже к попечению о пищи, ни к попечению о одеждах душею низвлекаяся: но упраздняяся от земных попечений, все тщание свое к стяжанию вечных благ прилагает: яже да будет нам получити о Христе Иисусе Господе нашем.

Щит приими, о человече, рекше святыя молитвы, и оградися ими. Востани от сна и извлецы твой мечь, си есть молитву, и стани крепце по силе твоей, и помолися от всея души желанием твоим, и Бог поможет ти скоро, и подаст ти крепость и силу, побеждати врага невидимаго на тя дерзающа. Не того бо ради есть, братие, нощь сотворена, да присно сним и праздни будем, но разделити ю подобает, ово убо на дело, ово же на покой. Смотрите, како убо востают в полунощи рукодельницы, ратаи же и купцы. Темже и вы вси востаните кийждо от нас в нощь, и первее всех дел молитву к Богу сотворите, да милость Свою подастъ вам. А егда ложишися спати, то не погреши ниединыя нощи, еже не кланятися, но, елико убо можеши, по силе поклонение сотвори: тем бо поклонением побеждает человек диаволю силу, и тем избывает грехов, иже согрешил того дне. Тогда бо нощию, и ум твой есть легче к Богу, и могут тя убо на покаяние обратити нощныя молитвы: паче твоих днсвных молеб нощныя послушает Бог. Аще же и из храма изникнеши, то слышиши изрядное молчание. Тогда же ти и душа чистейша есть, и ум твой легче на мольбы. Темже, возлюбленне, востани в нощь, и приклони колена, и припади к Богу моляся. И паче ти дневных молеб, приклонит ухо Свое Господь в нощныя мольбы. Воспомяни Давида Царя, како глаголаше: седмижды днем хвалих Тя, и паки: полунощи востах, поноведатися о судбах правды Твоея: и утрудихся воздыханием моим, измыю на всяку нощь ложе мое, слезами моими постелю мою омочу. Помыслите, братие, аще царь сый, толико имый печали, тако творяше по вся нощи: то мы како ответ дамы Богу, в лености пребывающе? Глаголю вам, братие и сестры, востанем нощию молитися Богу о гресех наших и исповедатися ему. Тогда бо в нощь ни тщая словеса мятут ум: како бо мутити омут всем спящим и не зрящу никомуже? ни зияет бо кто тогда, ни пакостит. Како же может быти такова мольба в день, уму ведящу мног мятеж, и помыслы имущу многи? Аще бо и вельми крепишися в день, но не можеши таких молитв принести Богу. И да будет, аки церковь, обнощь дом наш, мужы а женами составлен: рече бо Господь: идеже еста два или трие о имени Моем собрани, ту есмь посреде их. Добрее Богу един творяй волю Его, неже тма беззаконных. Аще у кого в вас дети суть, возбуди я в нощи помолитися Богу, и научи я, да тако всегда творят. Несть бо ничтоже такова храма добрее, идеже в нощь мольбы творимы суть. Слышите, что Пророк глаголет: Аще поминах Тя на постели моей, на утренних поучахся в Тя. Потщимся молитися братие по вся нощи, да разрешим узы греховныя. Гла голю убо вам, востанем нощию, аще не в полунощи, ноне к свету. Нощь бо на двое разлучена есть, телу убо на покой, а души на спасение. Востани убо в нощь, и молися Богу: припади воздыхая о грехах. Аще бо и милостыню творим, а сами ле нимся на молитву, то не можем спастися. Сего ради не ленимся молитися Зиждителю нашему, да спасет души наша, яко благ и человеколюбец. Емуже слава ныне и присно, и во векн веков. Аминь.

Подобает убо молящемуся, не долгия словеса простирати, но часте молитися. Малы убо и часты творити молитвы Христос и Павлу повеле, и от малых сложений. Аще бо на множество прострешися словес, то вмале обленився, велико место даси диаволу: приступит бо запяти тя, и от ума извести глаголемая. Аще ли и кратки твориши молитвы, на всякое время часто восприемля, можеши удобь целомудр быти, творити же молитвы, со многою бодростию. Да никтоже извета имест глаголя: несть удобно молитися кому житейскими пекущуся вещьми, а не близ обретающемуся дому молитвеннаго. Идеже бо аще еси, можеши поставити жертвенник: никакоже бранит место, ни возбраняет месту время. Аще ни колен поклониши, аще ни в перси толчеши, ни рук на небо воздежеши, но токмо ум покажеши тепл, то всю исполнил еси молитву. Леть есть, и на торг изшедшу, и особь шествующу, молитвы прилежно творити. Мощно есть и за куплями стоящу молитися прилежно, и кожи шиющу прострети душу ко Владыце, егда несть мощно в церковь внити, ни есть где творити прилежно молитвы. Ни бо постыдится местом Бог, но единаго ищет токмо ума тепла и души целомудренны. Что же глаголати молящемуся? – Якоже Хананея она глаголаше: Помилуй мя Господи, яко дщи моя зле бесится; тако и ты глаголи: Господи помилуй мя, яко душа моя зле бесится: велик бо есть бес грех.

Ибо Павел не в храме святем помолися, но затворен в темнице, и в кладе забиен, ни прямо стоя, ни колен приклоняя, не бо мощно с древом стояти, в немже нозе заключени: но понеже с верою моляшеся лежа в темнице, темницу потрясе, и узником вериги спадоша, и стража темничнаго ко крещению приведе. Езекия же не в церкви стоя, ни колен преклоняя, но взнак²⁷ лежа на одре болезни, призва душою умиленною, и ответ о смерти, реченный на него, отврати, первое здравие прият живота и приложение лет, и всему граду спасение от ратных. Разбойник же, на кресте распятый от малых словес царство небесное получи. Иеремия в яме тинне помолися, и Бог услыша его. Даниил, в ров ко львом ввержен, призва Бога, и спасеся. Иона во чреве китове Бога умоли. И инии мнози молитвою одержащая их злая разрушиша вся, и Божию помощь восприяша. Такожде и ныне мнози молитвою многих бед и злых свободишася Божию помощию. Темже и мы, братие, не ищем места молитвеннаго, ни извитием глаголати долгих словес, но якоже Хананея глаголаше: Помилуй мя, яко дщи моя зле беснуется. (Велик бо есть бес в нас грех: бесяйбося милуемъ есть, а согрешающаго вси ненавидят): тако и ты глаголи: Господи помилуй мя. Аще и мало сие слово, но пучина человеколюбия Божия: а идеже есть милость Божия, тамо все благо. Где-либо еси сице глаголи: Господи Иисусе Христе, Сыне Божий, помилуй мя грешнаго. Аще и не движеши усты, но умом в сердце сице воний, и молчащих бо слышит Бог. Сам бо ты церковь еси, да не ищеши места молитве. Многа писания глаголют о скорости молитвенней: Моисей убо бежаше из Египта пред Фараоном: море бяше спреди, Фараон же созади, среди же Моисей: велика теснота ему бе, не бе бо мощно молити ему Бога; и рече ему Бог: что вопиеши ко мне? Такожде и трие отроцы, уже вмещеми в пещь, молишася и молитва их угаси пламень, и узы их разреши, и живы я изведе и преславны показа. Такожде и Иов на гнопщи помолися, и Бога милостива сотвори. Аще убо на тя и напасть приидет, к Богу прибегни, и молися Ему, да избавит тя. Бог бо есть везде и близ тебе: еще бо ти не изглаголавшу, речет: Се Аз есмь, и не скончаеши молитвы, и Той исцеление ти подаст, аще ум твой очистиши от скверных страстей, и помыслов лукавых. Аминь.

Да не вознепщует кто, братия моя Христиане, яко освященнии и монаси точию должни суть молитися всегда и непрестанно, а не и мирстии. Ни, ни: вси обще христиане должны есмы всегда обретатися в молитве. Занеже Святейший Патриарх Константина града Филофей пишет в житии Святаго Григория Фессалонитскаго, яко Божественный Григорий имеяше единого друга возлюбленна именуема Иова, простейша человека и добродетельна зело, с нимже собеседуя единою Святый рече ему и о молитве, и яко коемуждо христианину просте подобает подвизатися на молитву и молитися непрестанно, якоже заповедует Апостол Павел обще всем христианом: непрестанно молитеся. И якоже глаголет и Пророк Давид, аще и царь бе, и имея вся попечения царства своего: предзрех Господа предо мною выну, сиречь, вижду умне молитвою предо мною Господа всегда. И Богослов Григорий учит вся христианы и глаголет к ним: яко многократнее подобает поминати молитвою имя Божие, нежели елижды дышем. И глаголя сия Святый ко другу своему Иову и ина многша, глаголаше ему еще, яко подобает и нам творити послушание к заповедем Святых, и не точию молитися нам всегда, но и учити прочиих всех обще и монахов и людян, и премудрых и невежд, и мужей и жен, и детей и побуждати их молитися непрестанно. Егда же слыша сия старец он Иов, возмнеся ему нова быти вещь, и начать любопретися, и глаголати ко Святому, яко еже молитися кому всегда есть точию постников и монахов, вне сущих от мира и от попечений, а не мирских, имущих толика попечения и служения. Святый же паки глаголаше к нему и ина свидетельства и указания непрекословна: но старец Иов не покаряшеся. Божественный же Григорий бегая многословия и любопрения, умолча, и иде кийждо в келлию свою. Послежде же, егда Иов моляшеся в келлии своей на едине, явися Ангелъ Господень пред ним, послан от Бога, хотящаго всем человеком спасения их. И по еже обличити его зело, почто любопреся со святым Григорием и сопротивляшеся вещем явным, имиже вина бывает спасении христианом, заповеда ему от страны святаго Бога, внимати добре во прочее, и сохранитися множае не беседовати, что противно подобному душеполезнейшему делу, зане, тако творя, сопротивляетя воли Божией, но ниже умом своим ктому да посмеет прияти сопротивен помысл, и мудрствовати инако от онаго, еже рече ему Божественный Григорий. Тогда простейший он старец Иов иде абие ко Святому, и припаде к ногама его, прося прощения о сопротивлении оном и любопрении, и явил есть ему, елика рече ему Ангел Господень. Видите, братия моя, яко должны суть вси обще христиане от мала до велика, молитися всегда умною молитвою, то есть: Господи Иисусе Христе, помилуй мя, и всегда да обыкнет глаголати сие ум их и сердце их. И рассудите, колико благоугождаем бывает Бог о сем, и колика польза происходит от сего, яко посла крайним своим человеколюбием и небесна Ангела, да открыет нам сие, яко да не ктому имамы кое сумнение о сем. Но что глаголют мирстии: мы есмы посреде толиких служб и попечений мира сего, и како возможно есть, да молимся непрестанно? И аз отвещаваю к ним: яко Бог не заповеда нам нечто невозможно, разве точию вся, яже можем творити, он нам заповеда: сего ради и сие возможно есть исправити коемуждо ищущему приболезненне спасения души своея. Занеже аще бы невозможно было, то было бы обще всем мирским невозможно, и не быша обрелися толицы и толицы посреде мира исправльшии сие: из нихже да будет во приуказ многим отец вышереченнаго святаго Григория, Константин он дивный: иже еще и бе в царскпх палатах, и именуем бе отец и учитель царя Андроника, и упраждняшеся на всяк день в царских службах, особне же имеяше и службы дому своего, зане бе зело богат и имеяше стяжания многа, и рабы и дети и жену, но со всеми сими толико бе неразделен от Бога, и толико бе вдался во умную и непрестанную молитву, яко многократне забываше она, яже беседоваше царь и князие палаты с ним за дела царска, и вопрошаше паки о техже делах единою и дважды: егоже ради множицею прочии князи, иже не ведяху вины, смущахуся и поношаху ему, яко тако скоро забывает, и вторыми вопросами своими стужает царю. Царь же, ведый вину, защищаше его, и глаголаше: Константин имат попечения своя блаженный, и она не оставляют его внимати словесем нашим, яже суть о делах привременных и суетных: ум же благоговейнаго сего пригвожден есть ко истинным и небесным, и сего ради забывает земная, понеже и все внимание его есть в молитве и в Бозе. Темже честен Константин сей (якоже поведает Святейший Патриарх Филофей) и достойнолюбим и от царя, и от всех вельмож царствия и князей: якоже бе возлюблен и от Бога, и сподобися приснопоминаемый сей творити и чудеса. Понеже единожды (глаголет Свягейший Филофей в житии Святаго Григория сына его) вшед во един кораблец со всем домом своим, да идет в гору от Галаты к единому отшельнику, иже безмолвствоваше тамо, молитвы ради и благословения на пути, имже пловяху, вопросил есть слуг своих, взята ли некое приснедие, да несут ко Авве оному еже угостити: иже реша ему, яко забыша от понуждения, и не взяша ничтоже. Поскорбе мало благоговейный, обаче отнюд ничтоже рече, точию пловя наперед кораблецем, и вложив руку свою в море, с молчаливою и умною молитвою моляше Бога, Владыку моря, да даст ему некий лов: послежде же помале часе, – о чудных дел, Христе Царю! имиже предивне прославляеши рабы твоя, – изводит руку свою от моря, держа единаго лавраки величайша, егоже поверг в кораблец пред слугами своими, рече: се Господь наш попечеся и о Авве рабе своем, и посла ему приснедие. Видите ли, братия моя, каковою славою прославляет Иисус Христос рабов своих, сущих с Ним всегда, и призывающих выну всесвятое имя Его?

Еще и праведный он Евдоким не бяше ли и той в Константинополи, и в царских палатах, и царских службах? не пребываше ли с Царем и князи палатными, с толикими попеченьми и молвями? Но обаче имеяше умную молитву всегда нераздельну от Него (якоже поведает в житии его Симеон Метафраст). Темже обретаяся и в мире, и в мирских треблаженный сей поживе воистинну житием неким Ангельским и премирным, и сподобися от мздовоздателя Бога прияти и конец блажен и божествен. И инии мнози и безчисленни, иже бяху в мире, и бяху всеотнюд вдавшеся во умную сию и спасительную молитву, якоже обретается во историях. Прочее, братия моя христиане, молю ны и аз с Божественным Златоустом, спасения ради души вашея, не вознерадите о таковом деле молитвы. Восподражайте тех, ихже рехом, и елико возможно есть, воспоследуйте тем. И аще мнится нам неудобна быти вещь сия в началех, то да будете известни и извещени, якоже от лица Вседержителя Бога, яко самое то имя Господа нашего Иисуса Христа, призываемо на всяк день непрестанно от нас, имат удобна сотворити нам вся неудобства она, и аще многовремением обыкнем в том, и усладимся в том, тогда познаем искусом, яко несть невозможно, ниже неудобно, но возможно есть и удобно. Сего ради и Божественный Павел, ведый лучше нас великую пользу, юже имать молитва, заповеда нам непрестанно молитися. И никогдаже бы советовал нам вещь неудобну и невозможну, зане не быхом возмогли творити ю, и последованне нуждно бы было, да явимся преслушницы и преступницы заповеди его, и сего ради да будем осуждени. Но разум он Апостола рекша: непрестанно молитеся, бе сей: да молимся умом нашим, еже возможно есть творити нам всегда. Занеже и егда творим рукоделие, и егда ходим, и егда седим, и егда ямы, и егда пием, всегда можем молитися умом нашим, и творити молитву умну, благоугодну Богови и истинну. Телом да работаем, а душею да молимся. Внешний человек да творит послужение телесно, а внутренний человек да будет присно весь освящен на службу Божию, и да никогдаже оскудеет от дела сего духовнаго умныя молитвы, яко же заповедует нам Богочеловек Иисус, во Евангелии глаголя: ты же егда молишися, внидн в клеть твою, и затворив двери твоя, помолися Отцу твоему, иже втайне. Клеть души есть тело, двери наша пять чувств. Душа входит в клеть свою, егда не ходить ум зде и онде в вещех мира сего, но обретается в сердце нашем, и чувства наша затворяются и пребывают затворенна, егда не оставляем их пригвождатися к чувственным и видимым вещем: сим образом пребывает ум наш свободен от всякаго пристрастия мирскаго, и тайною и умною молитвою соединяешися Богови Отцу твоему: и тогда Отец твой, видяй в тайне, воздаст тебе яве. Видит Сердцеведец Бог умную молитву твою, и воздаст ей явными и великими даровании. Понеже та есть истинная и совершенная молитва, и та исполняет душу Божественныя благодати и духовных дарований. Яко же бо миро, елико множае затворяеши в сосуде, толико множае облагоуховает сосуд: тако и молитва, елико множае затворяеши ю в сердце твоем, толико множае исполняет е Божественныя благодати. Блажени и благополучни суть, пообычавающияся в сем небесном деле; занеже сим побеждают всяко искушение лукавых бесов, якоже и Давид победил есть гордаго Голиафа; сим угашают безчинныя похоти плоти, яко же и трие отроцы угасиша пламень пещный; сим делом умныя молитвы укрощавают страсти, яко же и Даниил укротил есть свирепые львы; сим сводят росу Святаго Духа в сердце свое, якоже и Илия сведе дождь на Кармил. Сия умная молитва восходит даже до Престола Божия и хранима бывает во златых фиалах, да покаждаем тою бывает Господь: якоже глаголет Иоанн Богослов во Апокалипсисе: И двадесят и четыре старцы падоша пред Агнцем, имуще кийждо гусли и фиалы златы полны фимиама, иже суть молитвы святых²⁸. Сия умная молитва есть един свет, просвещаяй всегда душу человека и возжизаяй в сердце его пламень любве Божия. Сия есть верига некая держащая соединенна и совокупленна Бога с человеком. О благодать несравнима умныя молитвы! Сия творит человека, да собеседует всегда с Богом. О вещь воистинну дивна и изрядна, да будеши купно с человеке телесне, и да обретаешися купно с Богом умне. Ангели не имут гласа вещественна, но умом своим приносят Богу непрестанно славословие: сие есть дело их, на сие освящен есть весь их живот. И ты убо, брате, егда входиши в клеть твою и затворяеши дверь: сиречь, егда ум твой не расточается зде и онде, но входит внутрь в сердце твое, и чувства твоя суть затворена, и не суть пригвожденна к вещем мира сего, и тако молишися всегда умом твоим, тогда бываеши подобен святым Ангелом, и Отец твой, видяй таинственную молитву твою, юже приносиши ему в тайне сердца твоего, велика дарования духовна воздает тебе яве. Но что ино больше и многше хощеши паче сего, яко да обретаешися всегда купно с Богом, якоже рехом, умне, и да собеседуеши непрестанно с Ним, без негоже никогда же может человек некий быти блажен ни зде, ни во иной жизни? Прочее, брате, кий либо еси, егда возмеши в руце твои настоящую книгу, и чтя ю приимеши искус пользы в души твоей, молю тепле, воспомяни творити ноне едино моление к Богу, единем Гоподи помилуй, грешныя ради души потрудившагося о сей книзе, и иждевение подавшаго напечатати ю, иже требуют великия молитвы твоея, да обрящут милость Божественну в душах своих: купно же с ними и ты да стяжеши милость Божию твоей души, еже буди, буди!

Зареносное терпение, глаголет некто от святых, егда одушевленно молитвами и благодарении, тогда совершенне не падателено вовсех бывает. Но и всех вкупе добрых, от Бога данных, виновно сие, и источник, и среду, и конец обрящеши, и невещественных воинств дело и жительство. Прочее отвержи со тщанием попечения, и всякого попечения нынешних отвержися крепко. И красное, и вожделенное, и чудное, и божественное, и дивное, и прехвальное, и всем нужное, Ангельским воинствам и человеком земнородным, дело, глаголю, молитвы, растворено имей и совокуплено отвсюду и совилетено с Божественным и честным терпением, якоже рех. Образа же паче внемли различию, а не места, на гноищи убо Иона, Даниила в рве, в ките же Иону, и Павла связана, и разбойника на кресте разумевая спасаемых, и просте всех святых, якоже предварив прежде прочел еси, в весех, во градех, в домех, в вертепах, в горах, на улицах, на стезях, на стогнах. ихже всех подражая, где либо ни пребываеши, тесно, часто, выну ко Богу молися: близ бо Господь присно призывающим Его.

Молитва, вселюбезнейше, отнюд нест ино, точию упразднение повсемственно всякия мысли иныя. Любовь воистинну молитвы не может кто имети, точию аще всяку любовь ину отвергнет. Ниедино бо дело ино молитвы есть, точию мира отчуждение, и, да сице реку, двоих зрения прекращение, обращение же ума и мысли от земли к невещесгвенным и лучшим и Божественным. Кроме убо осязания и дыхания, вне прочих бывай во время молитвы, и молитву обрящеши. Молитва, молитвы ищущи, и вожделевающи, отнюд обрящет молитву: внемли убо, како слышиши: воследствует бо не ино, точию сия, на нюже и тщатися подобает. Аще богослов еси, то истинно молитися имаши: и аще истинно молитися имаши, то богослов еси. Устроение свое в молитве познаеши, ибо сия яко зерцало есть монахов. Всяку душу, Жениха раченьми уязвлену, молитва совокупляти во присно может Женихови. Сея доброте красней и красоте сладчайшей аще кто прикоснется, то бежит от человек, яко онагрь пустынный, удаляяся от всех, и уязвлением сея душу изменену нося. Никтоже бо сея супруг есть, точию всяк всех устранивыйся и пребываяй един со единою. Иже бо чистых молитв Богу не приносит, безполезны претерпевает труды: како бо умилостивит Бога без сих сый? Молитва убо в качестве, а не в количестве имат силу. Обаче количество скорейше и к качеству тя приводит. Пользу молитвы сея от силы яже на бесов уразумееши, и паче егда чисте сея прикоснешися, чадо. Елицы бо воистинну молитв употребляют злейших, от свирепых искушенией выну гоними бывают: обаче несть ино таково мучение лукавым бесовом, ни рана, ни искушение, якоже молитва искренняя. Якоже бо огнь железо, аще бы с ним совокупился, некасасмо, не осязно, неприкасаемо показует: тако и молитва земнородныя бесом неприступными совершает, сущи огнь Утешителя. Темже и противное явственно есть, и смотри, како слышиши, яко несть ино горшее, ниже тяжчайшее паче еже забывати Бога: памяти бо Его отсутствующей, вселяются в сердце душетлительныя страсти, и что либо люто есть, приносят бесове человеком. Едино всех сих намерение есть, еже от Бога нас отлучити. Молитва же, якоже свет, храмину осиявающь и всякопресмыкающося в нощи далече отгоняющь, дом души облиставающи, отгонит всяко злосмрадие. Аще молитвы вожделеваеши, ненавиждь ярость и гневопребытность. Злопомнящих бо молитвы – сеятва на камени. Желая помолитися, никого же опечаливай, никогда-же оскорбляй душу, ни приражайся к ближнему. Да будеть ти души твоея риза исткана пряжею, паче же залогом, якоже глаголет Великий, любве, веры, радости, злонепомнивых нравов, простоты, и надежды, и смиренномудрия. Аще не явится молитвам деяние согласующо, то молитва молящагося ничим возможет спользовати. Аще бо кто молится о убежании чесого либо, не ктому сие содеет. Зрит убо всех Бог; Бога же зрят никакоже в молитвах зрящии что от мира сего: сих убо услышавает и Бог, сих и молитвам внемлет. Молися убо кротце, не крадомо, немятежно: благочинно же и разумно пой, глаголет, и будеши яко птенец орлий на высоту вознесен. Бий церси всегда, и скорее умалиши нечувствие сердца и окаменение, обрящеши же злата мытарскаго руду, и обогатишися.

Молитва, вселюбезнейше, учителя не хощет, но тщания, но рачения и множайша усердия, и бывает учитель ея Бог во всех.

Всяк ищай выну, и толцая долготерпеливо, обретает отверзение достойне, и приемлет, и аще и не приемлет просимаго, то приемлет величайшее всех. И что бо ино лучше есть, паче неже к Богу прилеплятися? Хлеб прием несь множицею бежит... Капли убо росныя бразды упоявают землены, душу же воздыхания, со слезами смешена. Плаче воплствия, и рыдания, и биения, еже валятися смиренно пред Господем, теплоту духовную внутрь в сердце добрейше возжизают, радостотворяща е, и души утешение подают Божественное. Славен воистинну и честен есть молитвы сея труд: во Святых бо Святая всех привлекает. Сея убо держася, на стоянии едином стани, ногама непреходныма, и ум собери от дольних. Возведи зеницы чувственны и мысленны на высоту, и самаго себе и всяку вкупе тварь, остави низу. И избавления проси от страстей, и умерщвления от здешних, и царства небеснаго: прочая же вся отнюд, яко отец чадолюбив, яко-же рече, подаст. Молитва, вселюбезнейше, яко-же рече Великий, по качеству убо соузрение и сочетание человека с Богом и союз есть: по действу же, состояние всего мира, примирение земнородных к Богу и Зиждителю, слез мати воистинну, ихже дщи есть, рече, о гресех умилостивление, и от искушений избавление: мост к небеси, сокрушение лютых браней, скорбей отгнание, безплотных дело, наслаждение, пирование их и веселие, неизреченно воистинну веселие горним воинствам, и сим деяние непрестанно во вся веки: источник всех благих, виновна Божественных даров, и невидимо предуспеяние, наслаждение души во всех, и просвещение словесства, отсечение неверия, надежды Божественны указание, печали бессловесны престатие, безмолвников сокровище, монашествующих богатство, ярости и горести умаление, и зависти и злобы: зерцало всякого предуспеяния, явление мер, изъявление устроения, и возвещение будущих, суд и судище, и престол судища Владычень молящимся разумие и добре смотрящим. Да не речеши: не исправих, в молитвах упражняяся; зело бо велие нечто исправил еси, беседуя со Зиждителем. Аще же чесого и не достигл еси, аще что и прияти не возмогл еси, обаче приял еси, внегда не прияти, волю Господню: воля бо Божия еси есть отнюд, еже к Нему прилеплятися молитвами, и без попечения с ним пребывати умом, и сердцем трезвитися. Но аще и прошение ему принося не приемлеши, лучше есть еже не прияти, нежели еже прияти просимое, якоже в есть полезне устрояваяй вся. Сего же, еже прияти прошение, пят глаголют быти вины: еже просящему получения достойну быти, еже по законом взысковати, еже часто молитися, еже, ничтоже житейско потщаватися стяжавати, еже вся своя нескудне вносити. Обаче веждь, яко еже часте прошение творити, совершает вся и исполняет и к концу приводит. Еже бо поминати присно Господа и глаголати с ним, равны творит земнородныя Ангелом невещественным паче же домы Божия сотворяет их. Всяк пребываяй во мне, Христос глаголет, и Аз пребуду, и спребуду с ним, и ныне и тогда: невозможно бо без Мене отнюд возмощи соделати что от добрых и Богоугодных дел. Всяк не пребываяй во Мне, и отнюд не совокуплен, якоже розга с лозою, далече негде извержен будет во огнь горети.

Еже к Богу прошение и еже к Зиждителю воззретие, соединение есть и сорастворение и совокупление с Богом, виновно всех добрых, якоже выше речеся. Онихже просим Бога, в сих благополучии есмы. Аще не Господь, глаголет, созиждеть дом душевный, воистинну всуе зиждем. Ни текущаго бо, глаголет, ни трудящагося, но Бога хотящаго, и соблаговолящаго. Ты убо просиши хотимых и волимых прошений: Бог же сих исполняет праведне сбытия, хотяй всех всегда на вся управляти. Тщайся себе благоустроити подобающаго не отступает: не отступаяй же подобающаго никако же предан будет. Бог, изобильнейший ко благодеяниям, коегождо произволения множицею ждет. Подвигом произволения всеблагосовершеннейшаго, с помощию Божиею, всяко благо совершаемо бывает. Бегаяй же Божественны воли, ни камо не убежит, и приидет паки к Богу, всуе потрудився. Еже кто делает, и размышляет, и глаголет по намерению не Божеску, отнюд ничтоже приобретает. Проси воли Божией, и ищи, по слову Христову, и приимеши всяко прошение, в конец приходящо.

Коснение, о любезнейше, и еже не соисполнятися скоро прошению твоему, отнюд да не опечаляет тебе: но и паче тщися искренне от него просити, егда явишися не улучив тех, ихже просити предварил еси. Молится третицею и Христос тщаливо с подвигом, прося да совет Отеческий и воля совершается. И к своим учеником вещает: бдите и молитеся выну, паче же во искушениих. Проси убо, проси всегда крепко, долготерпеливо, ничимже разслабляяся в лютых, ниже коснением огорчался. Бог бо весть добре, и еже даст, и како, и колико даст ти, и всеми обладает, и вся зело удобна Управителю всех. От недоуменных скорейше бывает сему доумения. Вкупе всех невозможная всеудобне Того силою исполняются, паче же егда бы человек до конца отчаялся, егда бы изнемогла крепость человеческая: тогда бо скорее споборствует, оканчавая прошения. Не бо просящим просте дает Бог дары, но с прошением и нрава в добродетельных приносящим исправление и Божественно жительство. Творящим бо даст, а не слышащим, царствие Бог, от дел, а не от словес. Молитва, вселюбезнейше, якоже прежде речеся, со истинным вниманием неотторжно сплетшися, паче же спасительное Богочеловечнаго Слова призывание всевожделенное, всем рачительное, всех благих виновна есть: егда бо по частости в навыкновение окончится, творить стрегома быти человека от Бога по ощущению и уразумению, якоже блюдет кто во присно очию зеницы человека, и всяко люто земных всех, телесно и душевно, далече отгонит. Возлюби сие, возлюби, яко же любит любимо быти, зареносное, светозарное, сладостнейшее, красное, всем сладчайшее призывание, и якоже Божественну молнию обращай в сердце твоем, тайно гласы вопия тайных Ведцу: Сыне Божий, помози мне, Христе мой, сохрани мя. И сие глаголи всегда, и во уме твоем носи, и просветишися, и упремудришися, и приимеши Божественну благодать, и плотоносен Ангел скоро будеши.

Не ждет Господь словес от устен и воплей от уст, елико неизглаголанных от сердца воздыханий и воплей внутренних. Сей бо благогласен глас, и сладок, и даже до ушес Владыки скоро восходит, и к милосердию скоро привлекает Его. Иже с песнми мусикийскими, и с песнопением, с мятежем и воплем ясне изглашаемый, человеком убо слышим бывает: Богу же и Создателю, глас иже от совести и Божественны мысли благоприятен есть, оный же отреваем бывает. Но и едина стремления, и движения едина Бог весть и исполняет, предваряя прошения. Двизай убо, двизай всегда устне сердца, зови воплем немолчным, непрестанно глаголи: Сыне Божий, помози мне, Христе мой, сохрани мя. Сие творя выну, от приснопоучения удержиши во обычаи, от него же и в навыкновение достигнеши. И имети будеши яко естествен ну, нераздельну вещь, в естесство от навыкновения претворену. Оттоле же, вселюбезнейше, спя, усыпая, ядя, делая, кая либо хощеши дея, бодрость имаши внутреннюю и трезвишися сердцем, храм и престол Божий, и Ангелом равен, аще и плотоносец на земли ходиши, пребывая. Коль же благо и красно, и светозарно и Божественно, трезвение, от Тебе, Христе, добре благопоспешествуемо! Аще воистинну отврещи всяк срам хощеши, аще хитрости бесовския желаеши обличити, трезвение имей, любезнейше, и сия исправиши. Призывание спасительное присно с тобою да пребудет, дыхания твоего частее память онаго имей: яко да миром непрестанным, и помысла тишиною, обогатишися в души во малех днех. Отнюд бо никтоже ин благопостоянно умирит, точию Христос, ни ин утвердит сердце твое. Аще призывания Иисусова, истиннаго безмолвия подательна и хранительна, потщався не стяжеши, то всуе потрудился еси, никое же тебе приобретение будет. Мира бо подательно есть, превосходящаго ум. Сия яко оружие предложи на сопротивныя. Сим уязвляй, бий, закалай супостаты, и скорее сих извержеши от сердца твоего, вскоре опровержеши, скоро потребиши, и память их до конца погубиши. И сего ради глаголют всечестнии отцы: всяк благочестив память Иисуса должен есть носити, призывание сие во уме не отторжне имети, якоже тело от дыхания невозможно есть разлучити. Тако бо бывает душа храм освящен, молниеносен воистинну и огнесветоносен, и зареносия исполнен, и полн светозария.

Коль же свойственне, коль подобательне, коль зело приличне молитва сия и вниманием ума наименовася! Зане крайнее убо внимание от молитвы непрестан ны, сия же паки внимания помысла притребует. Еяже возрачительствовавше, воистинну от злодейцев, сквернавых, невеждных, согрешательных, неправедных, неразумных, – благоразумни, и чисти, и праведни, и Божественни, святи и блази можем быти, и таинственна, и чудна, и дивна взиратн, богословити светлейше, добрейше догматствовати, и приимати блещания Трисветлаго Существа. Лествицу Иаковлю трезвение образует, на ней же Бог утвердися и собор Ангелов восходит и нисходит Бога славословя. Помиваяй Иисуса, праведне не вводить во внутреннюю и мысленную келлию нечто от странных. Со мнозема быти лучше хощет, иже не весть стяжавати Иисуса: имущему же Иисуса от всех отходити подобает. Аще хощеши, яко безтелесен, еще нося плоть, жертву приносити Богу и служити с воинствы Ангелов, усокровиществуй Иисуса присноноучением. Не виднть света солнечна, иже слеп родися: ниже трезвения не исправляяй получит Божественную зарю. Сие глаголют родительницу быти невечерних светов, сие матерь быти глаголют Богосветных свещей, и просвещение к заповедем, и светильник к законам. Трезвение с молитвою, якоже око тело, тако душу наставляет на стези спасительны. Якоже огня не раждает снег, вода не источит пламени, и терние смоквами не украсится, и гроздием купина: тако не свободится сердце человеческо от нечпстых помысл, от страстей многоразличных, аще трезвением скверн не отмыеши, аще призывние Иисуса с молитвою не совокупиши. Сей есть воистинну монах, исправлей трезвение, во бранех необоримое и твердое основание. Сие источник есть просвещения, и дверь неизреченных. Сие бесов есть погибель, и помыслов мир, и сокровище веры, надежды безопасство, пристанище избавляющо человека от всякаго треволнения, заблуждающим наставник, помраченным свет, утверждение и стояние немощных, искушаемых покров, оружие души хранительно, изощренна стрела, ранящи безплотныя враждебники, и ударяющи, и уязвляющи. Цвет прозябший вместилище есть плодоносия: ума же блюдения и молитвы непрестанны – от многих снедей удаление, и разлучение от пития, смущения отложение и попечений многоразличных: зане же всенедоуменно есть от лева и от десна уму смотрети себе в сих обоих. Вседобротнейшее блюдение помыслов есть трезвение, возымевшо призывание Иисуса срастворено с ним светлое, зареносное, всех освещающее, еже благих многоразличных виновно бывает, и знамения предлагает, ими же, аще и внутрь утаевается, явственно бывает: еже ничесого желати низу движимых, паче же славы и чести, и молвы похваляющей, но и бегати сих от души необратно: и хранити разумения простоту, нрав смиренномудрый, кроткий, блажайший, и человеколюбие. И что мне подобает многословити? Да наикратчае убо реку: Иисуса возлюби от всея крепости, Сего твори прибеседование, Сего присно усмотревай, беседуй к Нему во уме, имей Сего размышление, Сего доброты вожделей, Сего красоту люби, Сего чувствами стяжи; зря, слыша, дыхая, седя, стоя, присно к Сему взирай, и получиши вся добрая, нынешняя и будущая, ниже бо будет от Тебе далече, яко да с трудом достигнеши. Да не утаится слуха твоего, что глаголют уста твоя. Еда бо далече есть от души твоея плоть, еда бо ум душевная не усмотревает и видит? Исполняет тварь Иисус, якоже и душа тело, и греет, и животворит, яко же и сия жилище свое.

Прочтеся книга Марка инока во осьми словесех, ихже первое убо, наднисание получи о законе духовне: и полезно есть постническое произволившим житие: якоже и последствующее, еже мнящыяся от дел оправдатися, в суетен испадати глоголет помысл: паче же и от зело погрешных сие быти показующо, в нихже и ини соткаваются совети, к духовному и сии сприличествующе житию и закону. И третье же, о покаянии всегда приличествующем ноправляющо разум, на тойжде пользы степень востекает. Ясна убо есть прочее, общевразумительности ради речений, и за еже главизненне произнестися, беседа сия, аще²⁹ и не ко Аттическому изопаствовашася вся языку: аще ли же где и неясность в ней зрится, то за еже деянием та обычай имети паче разумеватися, отступает от словесы сказания, а не за еже неудобне глаголема быти. Таковое же не в реченных точию изъявляется словесех, но и в прочиих, и не точию в единем сем мужи, но мало и не во всех, имже постническия законы и страсти и завещания, делы вмещающаяся, извещавати бысть тщание, образ таковыя неясности негде спроисходит: познание бо, еже от самех дел, не зело приемлет изъяснения яже чрез глаголы. Но тако убо о сем. Четвертое же слово во образ вопроса и ответа воображенно, являет, яко спасительное крещение свободу и очищение от грехов таинственне дарова нам, и благодать пресвятаго всели Духа, и такова ина. Пятое же воображает ума к души своей аки совет возвещающа, имже не инех виновных согрешений, но самех нас явственно глаголет. Но и шестое в беседу воображается, схоластика вводящо некоего к Марку самому беседующа, ихже главы суть: яко подобает обидимому не отмщевати, ниже осуждати обидящих, но своих грехов истязания непщевати яже от инех наносимая нам стужения: и яко люта вещь есть человекоугодие: и яко подобает паче всякаго телеснаго дела многою посредностию³⁰ молитву предучиняти, и что есть воля плоти. Седмое же (не во глаголы отвещавающыя воображаемо) о посте объемлет. Осьмое же к Николаю некоему иноку писано, киими усыпаема бывает паче ярость и гнев, или и совершение упраздняется, научает: и киими похоть плотская. Сия убо, аще и по большему и меньшему едина от друтих различествуют, обаче к деятельному руководят любомудрию осмь сия словеса. Девятое же на Мелхиседекиты подвизающося, ничимже мнее рождшаго е ереси повинна не мерншия обличает³¹. Обаче желающему отвсюду обретати пользу, не безполезно ему ниже от сего чтение оно будет. Чин же реченных словес не вси подлинники тойжде хранят, но ови убо предполагают, ини же подполагают, яко неким и последнее первым определяти место.

Господь наш Иисус Христос, Божия Сила и Божия Премудрость, Боголепно, якоже весть Сам, о всех промышляя спасении, различными велении³³ закон свободы положив, едино намерение, подобающее всем, определи, глаголя: Покайтеся (Мф.4:17). Темже от сего мощно есть нам познати, яко всяко разнообразие заповедей в едином скончавается покаяния пределе, якоже и Апостолом воглавизне³⁴ заповеда, рек: глаголите им, покайтеся, приближися бо царствие небесное. Отнюд не временное рек приближение царствия, яко абие належащее миру: не бо бы истина несоответственное что либо вещем определила: се бо, и иже тогда живяху, и иже по онех, успоша, не бывше причастницы всеобщаго скончания: но ведый слово Свое Господь, и царства и покаяния силу имущо, Покайтеся, глаголет: приближися бо царствие небесное (Мф.4:13). Аще бо не дастся³⁵ сие, како убо подобно есть царствие небесное квасу, его же приемши жена скры в сатех³⁶ триех муки, дондeжe вскисе все? Разве точию,³⁷яко слово Господне подъемшая мысль³⁸, скры в тричастней ипостаси, тела, глаголю, и духа, и души, по Апостолу, и всяку их яже в помыслех тонкость, аки муку, многочастие разлиянну,³⁹ в един веры квас⁴⁰ собра, уподобитися действующему слову повсему ожидая. Тако⁴¹ уподоби слово истины зерну горушичну, еже мало убо в сердце слышащих всеваемо, приличествующим же деланием возрастающо, якоже древо зело велико на высоце месте, тако в дом прибежища бывает приближающимся мыслем. Сие же воистинну тогда могло быти, егда чисты и Апостолы быти рече за слово (Ин.15:5), еже слышаша, совносимую со словом силу к деланию употребивша, и сего ради чисты бывша. Живо бо слово Божие и действенно есть (Евр.4:13). Темже и не употребившыя⁴² таковаго совношения, яко неверны, осуди, рек: аще не бых пришел и глаголал им, греха не быша имели: ныне же извинения не имут о гресе своем (Ин.15:22). Сие же рехом, не яко неверующе о будущем царствии, еже во своя и неопределенная непреступно приидет времена: но яко слово Господне туюжде царствия содержит силу, бывшо верным уповаемых извещение, обручение будущаго наследия, начаток вечных благ: неверным же и скверным нестерпимо⁴³ безбожия обличение. Тем-же глаголет: покайтеся, приближися бо царствие небесное.

Аще убо точию слышащих должники быти дела слово показует, совнося в сердце глаголемых силу: что постраждем⁴⁴ мы, не точию словес, но и многих, и великих, благодеяний совшедшия силы отвергшеся, и не точию един талант, но и пять, и два в земли скрывше телесне, благодеяния Господни злоупотребивше: имиже влепоту и безсловесная благодетельствуема, повинуются руководящему, цоколику имут естества силу, якоже и зверей свирепость прелагается по мере послушания благодетелю. Потолику мы, самовластием паче всех животных почтени сущии, зверей свирепши и безсловеснши явихомся. Она бо друг ко другу приближение сладце имут, темже и пасущася, кождо довлеется приключшимся, и независтно другому оставляет прилежащее⁴⁵: мы же безсловесными настоятельствовати и господствовати учиненнии, естеству злобу предпочтохом: яко и ниединой понудительной вине понуждающей нас, немилостиво и призавистно обретаемся к единоплеменным. Таковых, мню, змия порождения эхиднова Иоанн именова, бежати будущаго гнева, покаяние обретша, и достойны того сотворили плоды побуждая и от двою ризы подати неимущему, и о брашнех такожде творити заповедав. Аще же прежде веры подобающаго не разумевшыя змием за несострадательность⁴⁶ приуподоби: то не приуподобляемо бы⁴⁷ было зло, еже по вере и разуме и дарованиих, яже прияхом, без страха согрешати. Темже тайная убо оставлю, еже кождо помысленне во власти имат совершати: реку же паче о сих, яже противу друг другу печалующе⁴⁸ ухищряем, паче же противу мнящымся обидети ны, ниже с малыми, ниже с великими по Бозе собеседующе⁴⁹. Зане на безвестншыя убо или низшыя явстненне возносимся, якоже наемниками или рабами обладати хотяще: не к тому о Христе, но во плоти и богатстве защищающе благородство. И егда убо кого от кичителнших согрешающа увидим, обличити не смеем, глаголем же приключающымся, яко писано есть: прежде времене ничтоже судите, дондeжe приидет Господь. (1Кор.4:5). На смиреншыя же, малу некую вину обретше, абие налегаем, являтися хотяще и глаголюще, яко писано есть: согрешающаго пред всеми обличай (1Тим.5:20). И тако свое убо лицемерие, или злобу, свидетельствы Писания развращенне покрываем: онех же, яко по Бозе обличающе, обретаемся. Прочее сия убо о низших: равносильных же сущих, за малы некия вины, абие отвращаемся, всяку кознь умышляюще во отмщение: и не первее с ними приязнь стяжаваем, дондeжe в тех, еже по произволению нашему, будем. Извета же таковаго емшеся, яко о блазе радующеся, лукавство показуем. И по еже отмстити, и злобы исполнитися⁵⁰, тогда любовнее с ними беседуем: втораго любления предваршую злаго распрю⁵¹, оснонание предположше. Нуждно же есть отнюд, да дело подобно основанию припоследствует, и паки да ищет распри, иже хощег побеждати, яко никогдаже безратно любление пребудет у него: но присно припоследствует распри ненависть, якоже глаголет Божественное Писание: ненависть воздвизает распрю. (Притч.10:12). Недуг же таковый приключается в славе и именних первенство гонящим, якоже первому во острове (Деян.28:7) чревоболение⁵². Сей убо недуг и ныне блаженный Павел исцеляет, глаголя: Смиренномудрием друг друга честию больша себе творяще (Флп.2:3). Противу смиреншым⁵³ убо, таже и равночестным, тако расположени есмы. Лукавство же еже противу силншым, сокровенно суще и многообразно, ниже рещи, якоже есть, или уразумети удобно есть: не-бо, яко заповедь блюдуще, обретаемся с вышшими, но под онех убо притекаем, ихже обидети не можем: и оком убо завистным на благополучия их взираем горце, блаженство же жизни их ниже проповедуемо сладце слышим: и образы убо и словесы мирными ласкаем таковыя, сопротнвне же мысльми противу тем расположени есмы, якоже в нас исполнятися глаголемому: глаголющими мир с ближними своими, злая же в сердцах своих. (Пс.27:3). Сия же рехом о неволею обносимых⁵⁴: волею согрешающих, кромешних показати хотяще⁵⁵, и к покаянию неудобь преклоняющихся: како бо не волею, не хотящии творити Даниилово, и обрести оставление, глаголющаго⁵⁶: грехи твоя милостынями искупи, и неправды твоя щедротами (убогих Дан.4:24)?

Но негли речеши: не имам пенязей, како ущедрю убогаго? Не имаши пенязей; но имаши хотения: отрецыся тех, и теми делай благое. Не можеши благосотворити рукою телесною; благосотвори десным произволением: егда согрешить к тебе брат твои, остави ему (Лк.17:3), по словеси Господню, и будетъ ти милостыня велика. Аще ищем оставления грехов от Бога, сие творити должни есмы о всяком погрешеши к комуждо: яко да сбудется, еже, отпущайте и отпустится вам (Лк.6:57). Велие убо есть еже имущему пенязи преподавати убогим: миловати же ближния о согрешениих толико больше есть ко отпущению, елико душа честнша тела по естеству есть. Елицы же просивше отпущения, от Бога прияхом множицею, яко сего ради ничтоже нам зде зло терпети, а ближния тогожде причастны быти не приемлем: подобни есмы рабу оному лукавому, иже тмы талант отпущение прием от владыки, клеврету, стом пенязь должну бывшу, не прости: с нимже и законне Господь стязаяся, рече: рабе лукавым, весь долг он отпустих тебе, понеже умолил мя еси: не подобаше ли и тебе помиловати клеврета твоего, и отпустити ему долг, якоже и аз тя помиловах? И прогневався, глаголет, предаде его мучителем, дондeжe воздаст весь долг. И наводит глаголя: тако сотворит вам и Отец мой иже на небесех, аще не отпустите кийждо брату своему прегрешения от сердец ваших (Мф.18:32–35). Темже и инде различными благодеянии от него обогатившыяся, немилостив же и несострадателен прав имущыя, окаявает глаголя: горе вам богатым: яко восприемлете утешение ваше (Лк.6:24). Воистинну бо богатство в нас есть изобилие различных нам дарований: горе же нам, яко умоливше, и множицею помиловани бывше, сами молими, никого же помиловахом, но восприемлем утешение наше. Рек же о богатых, не всех обвиняет богатящихся: суть бо в них, и воистинну богатство управляти ведущии, по воли давшаго Бога, и сторицею, якоже писано есть, во веце сем приемлющии: якоже блаженный Авраам, и праведный Иов, милостиви бывше, множае обогатеша, и зде, и в будущем веце: но, якоже предрекохом, лихоимствен нрав имущыя, или во имениих, или в различных щедротах присовояющыя себе дарования Божия, и ближняго не хотящыя маловато порицает. Не бо данное от Господа стяжание, имущаго обидит⁵⁷: но от неправды прибывающее лихоимство, и мати сего немилосердие: ихже отнюд бежаще известновернии⁵⁸, внезапу⁵⁹ настоящих отрекошася: не творение Божие неразсудно возненавидевше: но веровавше Христу, сие творити тем заповедавшему, от Него дневное самодовольство приемлюще. Может убо кто и без нмении богатети, содержа в лишшеимстве или слово, или разум⁶⁰, или какое-либо милосердие, обще всем дарованная: приемлет бо, да преподает неимущему. Аще же немилостивно к ближнему расположен есть, горе приемлет: яко восприемлет угешение свое. Подобне же сим и святый Иаков Апостол тако богатящимся глаголет: приидите ныне богатии, и плачитеся рыдающе о лютых скорбех ваших, грядущих на вы. (Иак.5:1–2). Плакатися же и рыдати увещавая, к покаянию ны подвизает. Сведый же, яко страсть сия⁶¹ и прилежнейшим старанием не удобоодолима есть, глаголет: богатство ваше изгни, аки бы рещи: непотребно есть, аще и другим преподано не будет: а богатство оное мнозии и без имений имамы, во умных клетех лихоимство, аки злато, погребше. О чем и Пророк изъявительнейше глаголет: возсмердеша и согниша раны моя (Пс.37:6), неблаголюбивый и лишшеиметельный⁶² нрав раны глаголя: а еже, возсмердеша и согниша, еже до исхода нерадение, возсмердение и согнитие быти вменив⁶³: ибо нецыи изволяем паче под землею покрыти имение, нежели преподати неимущему. Тогда же, исходу постигшу, возсмердевает в души таковая язва, яко гнилости и безумия вина: и вечна рана⁶⁴ тей прибывающи не оставляет⁶⁵ внити в небесное царство первородных, якоже закон о имущих порок завещавает. Негли же время бы было и тягчайшыя раны обнажити, и врачеви душ показати: святому бо Павлу рекшу, ваше избыточествие (да будет) во онех лишение (2Кор. 8:14), мы противное творим: лишение убогих похищающе и прилагающе к нашему избытку. Сие же и без имении соделоваем: внегда прегрешим ко брату в некоей вещи, и не точию неисцельна оставляем, но и ответствие⁶⁶, имже мы должни бехом, сие от онаго мучительски приемлем: ничтоже ино творяще, точию якоже предречеся, онех лишение прилагающе к нашему избытку: писанию, якоже рещи, противящеся.

Но сего ради не подобает нам отчаяватися: да не будете! Не бо за множество зол осуждаемся, по за еже не хотети покаятися и познати чудеса Христова, якоже свидетельствует сама Истина: мните ли бо, глаголет, яко Галилеане сии, ихже кровь смеси Пилат с жертвами их, грешнейши бяху паче всех человек, иже на земли? Ни, глаголю вам: но аще не покаетеся, такожде погибнете. И они осмьнадесяте, на нихже паде столп Силоамский, и поби их, мните ли, яко грешнейши бяху паче всех человек, живущих во Иерусалиме? Ни, глаголю вам: но аще не покаетеся, такожде погибнете (Лк.15:2–5). Зриши ли, яко, за еже не имети покаяния, осуждаемся? Покаяние же, якоже мню, ниже времевы, ниже делы киими определено есть: но заповедми Христовыми, соразмрне онем, соделовается. Заповеди же некия обдержителнши⁶⁷ суть, многи от единичных в себе обдержаще, и многи части злобы⁶⁸ единою отсецающе: якоже писано есть: „всякому просящему у тебе дай: и от взимающаго твоя не истязуй“ (Лк.6:30); и, „хотящаго заяти от Тебе, не отврати“ (Мф.5:42): сия убо единична суть. Обдержительно же над сими, еже, „продаждь имение твое, и даждь ннщим“ (Мф.10:21): и, „взем крест твой, гряди в след мене“ (Мк.10:21), Крест глаголя терпение находящих скорбей. Вся убо раздавый нищим, и вземый крест свой, вся заповеди предреченныя единою сотвори. И паки: „хощу, глаголет, да молитвы творят мужие на всяком месте, воздеюще преподобный руки,“ (1Тим. 2:8); и над сими: „вниди в клеть твою, и помолися Отцу твоему иже в тайне“ (Мф.6:6); и паки: „непрестанно молитеся (Сол.5:17): вшедый же в клеть свою, и непрестанно моляйся, юже на всяком месте молитву отвсюду заключи⁶⁹. И паки глаголет: „не соблуди, не прелюбы сотвори, не убий“ и елика такова; и над сими: „помышления низлагающе, и всяко возношение взимающееся на разум Божий“ (2Кор.10:5). Очищаяй же⁷⁰ помышления, вся предреченныя злобы прегради. Сего ради Боголюбивии и извествовернии, на обдержительныя заповеди нудятся, и частныя же, по случаю сретающыя, не препущают. Темже непщую, покаяния делу треми сими добродетельми⁷¹ соделоватися: сим, еже помыслы очищати⁷², и непрестанно молитися, и находящыя скорби терпети: яже неточию явное, но и умное делание имети должна суть, яко укосневшыя безстрастны сотворити⁷³.

Понеже убо без, предреченных триех добродетелей не может⁷⁴ совершено быти дело покаяния, якоже слово указа: всемъ всегда приличествовати мню покаяние, грешником же и праведником, хотящым снасение получити: занеже ниедин есть предел совершенства, не требуяй делания предреченных добродетелей: ибо начинающим убо, благочестия ввождение: средним же предспеяние: совершенным же, утверждение теми прибывает, занеже тыя ни времены, ни⁷⁵ оправдании не пресецаются. Разве точию зловерием еже от неразумия⁷⁶, егда кто, сим удобь на сласти преклоняется, и изветом⁷⁷ отчаяемя сластолюбствует, и Наватианов мудрование приемлет, и покаяние отмещет, аще и утверждается на Апостоле, иже беседуя ко Евреем, волею согрешающым и на всяк день крещающымся глаголет: „не паки основание покаяния полагающе от мертвых дел, и веры в, Бога, крещений учения“ (Евр.6:1). Сие же рече, не покаяние отмеща, якоже тии глаголют: да не будет: но во всяком делании покаяния едино основание быти крещение во Христа уча, во еже не на всяк день креститися веровавшым от обрезашя, и наводит: „невозможно бо просвещенных единою, и вкусивших дара небеснаго, и причастников бывших Духа Святаго, и добраго вкусивших Божия глагола, и силы грядущаго века, и отпадших паки обновляти в покаяние“ (Евр.6:4–6): едино ведый⁷⁸ обновление и основание, во всяком покаянии предлежащее, – святое крещение. И помалех наводит: „волею бо согрешающым нам по приятии разума истины, ктому не обретается жертва о гресех“ (Евр.10:26). Понеже убо, идеже суть дела сия, тамо приличествуют свойственне глаголемая; яве есть, яко не точию Иудеем глаголет, но и всем волею согрешающым: от нихже первии суть, иже глаголют, по крещении не быти покаянию, и сего ради прочее, самопроизвольне отводими, беззаконие делают. Глаголы же сия Святый Павел послежде первая рече, и сие смотрителне творя, якоже мню: яко да благоговейншым убо испытанием писаний, ясен будет разум⁷⁹: нерадивейшим же и презрителем, неудообретен: да не изветом будущаго покаяния без страха согрешают.

Понеже убо ови изветом покаяния по предложению⁸⁰ лежат во злых; ови же, за еже не веровати быти покаянию, отчаявшеся предаша себе диаволу; обоим же страсть сия лукава есть и неудобоисцелна: сего ради Истина всем прилично приносит помоществование, глаголющи: „покайтеся, приближися бо царствие небесное,“ яко да ниже духовнии и в предспеянии сущии возверадят о повелении сем, на самых тех якоже рещи тонких и малых утверждающеся⁸¹; глаголет бо: „уничижаяй малая по мале упадет“ (Сир.19:1).

И да не речеши: како может духовный пасти? – Таков убо пребывая, не низпадает: егда же мало что от сопротивных приимет, и в том пребудет непокаянен, оно малое укосневшо и возрастшо, не ктому терпит сиротственне с ним быти; но влечет того к своему сродству, аки ужем, долгим люблением нуждне привлекаема. И аще убо молитвою ратовався отсечет, то пребудет⁸² во своих мерах: обаче престав от приличествующаго ему безстрастия толико, отсече и прилучшагося зла пристрастие. Аще же в конец сведен будет натязанием⁸³ владеющаго, рати и молитвы труд востягая⁸⁴: нуждно будет прелщаватися и от иных страстей; и тако от преемства коеюждо помалу обычне отводим, по мере отведения лишается Божественныя Божия помощи, и отводим бывает прочее и в болша зла, негли и не хотя, от понуждения предпообладавших. Всяко же речеши ми: не можаше ли в начале зла сый, умолити Бога не впасти в последнее? И аз ти глаголю, яко можаше: но охудив⁸⁵ малое, и волею то прием яко ничтоже, не ктому молится о том, не ведый, яко малое оно бывает введение и вина большаго: тако и о блазе, тако и о зле. Егда же возвеличится страсть и пàжить удержит волею; прочее и противу воли насильно нань возносится. Тогда разумев, молит Бога, брань творя со врагом, егоже не ведый защищаше прежде, ратуяся зань с человеки. Негли же и услышан быв от Господа, помощи не прият⁸⁶: зане не прииде⁸⁷, яко же вознепщевал есть человек, но якоже у строил есть Господь на пользу. Ведый бо удобопреклонность нашу и презрителность, многа помоществования скорбми подает человеком: да не безскорбно избавлшеся, паки таяжде со тщашем делаем согрешения. Темже нуждно быти глаголем, терпети находящая, и зело⁸⁸ приличне есть быти в покаянии.

Но речеши ми всяко: иже воистинну благоугодившии Богу, и в совершенство достигшии, коего еще требуют покаяния? – Яко убо быша такови человецы и суть, соисповедую: но слыши разумно, и уразумееши, яко и таковии требуют того. Лжу от диавола быти рече Бог (Ин.8:44.); и еже воззрети на жену, ко еже вожделети, любодейство вмени; и иже на ближняго гнев, убийству приуподоби: и о ираздне глаголе слово воздати яви (Мф.5:28, 23:36): кто убо лжи неискусен, и всякаго по зрению вожделения невежда, и никогда же прогневався на ближняго всуе⁸⁹, ниже ираздну глаголу новинен обрется, яко не требовати покаяния? Аще бо ныне и несть таков, некогда же бысть: сего ради покаянием должен есть до смерти. Но положим, яко и кроме сих нецыи глаголются быти, и от рождения всякия злобы чужди: еже невозможно есть, Святому Павлу глаголющу: „вси согрешиша, и лишены суть славы Божия, оправдаеми туне благодарю Его“ (Рим.5:23–24). Обаче, аще бы и были такови, но от Адама суть, и под грехом преступления вси родишася, и сего ради на смерть чрез изречение осудишася, спастися без Христа немогуще. Раснепшуся же Христу и Своею кровию всех искупившу, тогда и тии избавляются. Таже и сам Избавитель всем полагает предел един, обдержителен для многих дел, и глаголет ко Апостолом: глаголите тем, покайтеся, приближися бо царствие небесное: положив купно заповеди, заповедающыя⁹⁰ покаяние, и исполнение их до смерти определи, рек: «иже погубить душу свою мене ради и евангелиа, в живот вечный сохранит ю» (Мк.8:35 Ин.12:25); и паки, отврещися всех повелевая, прилагает: «еще и своея души“ и запечатлевает глаголя: „иже аще разорит едину заповедей сих малых, мний наречется в царствии небеснем» (Мф.5:19). Аще убо до смерти определил есть покаяние, якоже указася: иже прежде смерти глаголяй тому совершитися, разоряете заповедь, отъемля смерть, и преступник есть заповедей Христовых. Темже малым же и великим до смерти некончаемо есть покаяние. Аще бо деянием до онде достигнути и не возможем, намерением же обучатися должни есмы: да не по предложению⁹¹ разоряюще заповедь, подвержени будем осуждению, менши нарекшеся в царствии небеснем... Взыщи от века житие сие прешедшыя, и обрящеши покаянием таинство благочестия во благоугодивших совершившееся. Никтоже осужден бысть, аще о сем не презре и никтоже оправдан бысть, аще о сем не прилежа. Сампсон, и Саул и Илий с сынома своима уже частныя⁹² святыни причастницы бывше, прежде убо сию погубиша, о покаянии вознерадевше: таже, определению⁹³ прешедшу, напоследок лютою⁹⁴ смертию надоша.... Аще диавол не престает ратуяся с нами, ниже покаяние праздно быти должно есть когда... Святии и о ближних приносити то нудятся, без действенныя любве совершени быти не могуще.... Разумей, како естество учит ны до смерти каятися⁹⁵. Ум словесен празден быти не может: но аще бы и совершен был, егда здрав есть, в десных делает: аще же, изветом⁹⁶ совершенства, престанет от делания благих, всяко на шуее преклоняется; удалився же напротив от шуияго, паки на десное естественне привлекается. Десных же делание, и начинающым, и средним, и совершенным есть: молитва, и помыслов очищение,⁹⁷ и находящих терпение; без нихже невозможно есть исправити прочия добродетели, имиже бывает благоприятно покаяние.... Аще прошение милости есть покаяние⁹⁸, прилежати потребно есть имущему, да не услышит: „се сыти есте“ (1Кор.4:8); просити же, яко потреба есть паче не имущему: «всяк бо просяй приемлет» (Мф.7:8). Аще убо милуяй помилован будет: покаянием, якоже мню, весь мир стоит, егда един от другого строителне помоществуем бывает. Тем Бог Ниневитян, спасе: нерадившыя же о нем Содомляны попали.... Аще же даже и до смерти кающеся подвизатися будем, ни тако подобающее исполним: ничтоже бо равнодостойно царствия небеснаго сотворихом. Якоже бо ямы и пием, и глаголем, и слышим, тако и каятися естественне должни есмы. Единою достойный смерти по закону умерщвляем бывает: а еже живет, верою живет покаяния ради, аще и не за свой⁹⁹, но за преступленич грех, крестившеся, очистихомся: очищшеся, заповеди прияхом: не творяй же второе, первое оскверни, „забвение прием очищения древних своих грехов“ (2Пет.1:9), ихже никтоже скуден на всяк день обретается, никогдаже что от новеленных оставль. Сего ради всем убо есть нуждно покаяние: то бо некогда вольная, ныне же невольная показует, за еже возненавидети страсти, и удалятися от них¹⁰⁰. Определяли¹⁰¹ то, обращается на задняя, и обновляет ветхая прегрешения. Имеяй разум истины, весть, яко требует и покаяния: коеждо бо от них во друг друзе исправляется. Христос за ны о покаянии испоручился есть: оставляяй то, отметает Испоручившагося.... Без покаяния, по деянию, ничтоже достойно сотворити можем: милуеми же есмы зело предложения¹⁰² ради. Нудяйся и держай то до исхода, аще в некиих и прегрешит, за понуждение спасется: сие бо Господь во евангелиих обеща. Глаголяй не требовати¹⁰³ покаяния, праведна себе судит быти, и порождение зло от писания именуется: мнением бо правды, яко совершив то, обретаяйся, яко же не весть, вместо распятия¹⁰⁴ сочетовается со сластми, понеже само мнение и кичение сласти суть. Имеяй самомнение не может спастися, писано бо есть: «презорливый же и обидливый¹⁰⁵ муж и величавый ничесоже скончает» (Авв.2:5). ... Аще ничтоже вредит совершеннаго смиренномудрие, ниже той да оставляет вину сего покаяние. Верный Авраам и праведный Иов смиренномудрствующе, землю и пепел себе нарекоста: сии же глаголи, смиренномудрия знамение: насыщенный же покаяния, смиренномудрствовати не может. Трие отроцы, поистине великодушнии и велицыи мученицы, посреде горяща пламене исповедовахуся: и еже согрешити и беззаконновати глаголюще, о некогдашних злых каяхуся, прочее совершени суще: и вся почти песнь их покаяния содержит силу. Аще убо и зело благоугодившии и совершени делы обретшиися сего до смерти употребиша помоществования; кто есть прочее изветом правды надеяйся на себе, и покаяние презираяй? Аз убо мню, яко аще бы кто, якоже Павел или Петр, свят был, то ни сей произволит вину смиренномудрия покаяние оставити когда. Сего ради Петр Корнилию себе уподоби: сокрыв убо Божие в части сей, свое же явив, рече: востани: и аз сам человек есмь, и яко ниединаго скверна или нечиста глаголати (Деян.10:26–28) от Бога научился есть, исповеда. Павел же, данныя ему от Христа благодати праздна быти себе николиже до смерти вменив,¹⁰⁶ тако рече: «гоню аще и постигну, о немже и постижен бых от Христа Иисуса» (Флп.3:12): постижение, еже даже до исхода терпение рек: якоже и верному Тимофею писаше в послании, явственно тому приближение исхода показуя и глаголя: «подвигом добрым подвизахся, течение скончах, веру соблюдох» (2Тим.4:7): не остановление и предел временен намерив себе, яко престав от течения за совершенство, и пе ктому требуя подвигов, никогдаже на земли престающих, «за тело Христово, еже есть церковь» (Кол.1:24); но исход свой конец течения и подвигов рече, глаголет бо: «уже жрен бываю и время моего отшествия наста» (2Тим.4:7). Зриши ли, яко не рече: почиваю, но: уже жрен бываю; таковыми глаголы же и делы, показуя всем, яко предел покаяния до разрешения и смерти долженствуем есть от нас небесному Царю Христу: с Нимже Отцу, купно со святым Духом, слава, честь и поклонение, ныне и присно и во веки веков, Аминь.

Слыши¹⁰⁷, душе словесна общнице моих советований: хощу ти тайную и общую вещь исповести, юже, не очищен быв от страстей, не ведех, но благодатию Божиею мало почив, постигох¹⁰⁸. Познах яве, о душе, яко аз же и ты, противу естества действуеми, от неведения прелщаемся, и сего ради о своих гресех инех обвиняем, внеуду нас быти злобу глаголюще: и овогда убо Адама, овогда же сатану, овогда же человеки обвиняем; и сим мнящеся инех ратовати, себе ратуем: и непщующе друг друга защищати, аз же и ты, друг на друга воюем: и себе благодетелствовати мнящеся, подобне неистовящемуся, себе досаждаем: труды и поношения несмыслена¹⁰⁹ праведне страждем: заповеди убо мнением¹¹⁰ любяще, вины же их за прелесть¹¹¹ нашу возненавидевше. Темже ныне познах известно, яко ни во злое, ни во благое от некия власти неправедне влекоми есмы: но от времене крещения, в началех вещей, ему же аще по воли поработаем, или Богу, или диаволу, той нас праведне прочее во свою поощряет часть. Прологи же¹¹² вещей неразмысленни суть два: похвала человеческа, и отрада¹¹³ тела: яже, невольне прилогствующе¹¹⁴ прежде воли нашея, ниже злобы суть ниже добродетели; но обличения нашего преклонения, где¹¹⁵ клонимся. Господу бо хотящу нам терпети поношения и злострадание, диаволу же сопротивная хотящу, мы егда убо радуемся о прилозех онех, явно есть, яко преклонение дахом сластолюбивому духу, преслушавше Господа: егда же о предреченных прилозех скорбим, явно есть, яко преклонение дахом Богови, тесный возлюбивше путь. Сего ради убо два сия прилога человеком неразсмотренне¹¹⁶ прилогствовати попущена быста, яко да заповедь любящии и услаждающиися о ней, дадят Христови преклонение воли, и Той вход обрет, наставит ум на истину. Тако же ми и сопротивное разумей: елицы бо, противне сему, любят человеческую славу и отраду тела, подают вход диаволу, иже и сам обрет свой вход, своя прочее подлагает злая, и поколику сладце та помышляем, прибавления творити не престает: дондeжe предреченная два прилога от сердца возненавидим. Мы же тако та любим, яко не точию добродетель за тыя предаем, но и сама та един на другом во время¹¹⁷ изменяем: овогда убо озлобляем тело, тщеславия ради; овогда же терпим безчестие ради сластолюбия. Егда же с нима и безнечалне сложимся; прочее растящих я веществ ищем. Вещество же тщеславия и телесныя сласти есть сребролюбие, «корень всем злым,» (1Тим.6:10), по Божественному Писанию. Всяко же речеши ми, о другине душе, яко ниже злато сокровиществуем, ниже стяжания имамы. И аз ти глаголю, яко ниже злато, ниже стяжания сама о себе вред имут¹¹⁸, но, якоже предрекохом, пристрастное тех злоупотребление. Се бо нецыи, безстрастне богати бывше, благоугодиша Богови, якоже Святый Авраам, и праведный Иов и Давид. Нецыи же и без богатства страсть любоимения в худейших веществах воспитахом: темже многастяжавших есмы окаяннейши; занеже оставлше соборное¹¹⁹ злострадание, с коварством сладостраствуем, аки Бога утаитися хотяще: сребролюбия бо убегающе, сластолюбья не бежим; злата не сокровиществуем, а мала вещества собираем: начальств и владычеств не приемлем, славы же их и похвалы всяцем образом ловим; стяжания оставихом, а наслаждений их не оставляем; егда же и оставляти возмнимся, не яко лихоимства бежаще, но яко созданий Божиих гнушающеся: «не коснися, ниже вкуси, ниже осяжи» (Кол.2:21), помышляюще.

Егда же услышиши, о другине душе, преступление Адама и Евы: в начале убо собственне на онех бывшее веруй; ныне же мысленне на мне и тебе бывающо обрящеши. «Сия бо образне прилучахуся онем: писана же быша в научение наше, в иихже концы век достигоша» (1Кор.10:11). Се бо крещением возрождшеся, и в раи Церкве положени бывше, заповедь возрождшаго ны преступихом: зане, Господу всех единоверных любити, и от всех грядущий плод терпением ясти повелевшу, по реченному: «от всякаго древа, еже в раи, снедию снеси» (Быт.2:16), мы помыслов змея употребивше, овех убо, яко добрых, возлюбихом; овех же, яко лукавых, возненавидехом: еже есть древо еже ведети добро и лукаво, егоже вкусивше, мыслию умерщвляемся: не Богу смерть сотворшу, но человеку, иже ближняго возненавиде: «Бог бо смерти не сотвори, ни веселится о погибели живых» (Прем.1:13); ни подвижется страстию гнева, ни умышляет вещь ко отмщению, ни изменяется по коегождо достоинству: но «вся премудростию сотворил» есть (Пс.105:24.), по закону духовному судитися предопределив. Сего ради не глаголет Адаму: вон же аще день снесте, Аз умерщвлю вы: но утверждая тех, предел правды предглаголет¹²⁰ и глаголет: «вон же аще день снесте, смертию умрете» (Быт.2:16.). И отнюдь¹²¹ коейждо вещи, доброй же и злой, естественне припоследствовати подобающее отделил есть, а не умыслителне, якоже нецыи неищуют, духовнаго не ведящии закона: мы же частне сего ведящии, знати должни есмы, яко, аще кого от единоверных, яко зла, возненавидим, и мы, яко зли суще, от Бога возненавидени будем; и аще кого, яко грешника, от покаяния отметаем, и мы, яко грешницы суще, отвержени будем; и аще не отпущаем ближнему согрешений, ниже нам отпустится подобне. Сей закон объявляя, законоположник Христос глаголаше: «не судите, и не судят вам: не осуждайте, и не осуждени будете: отпущайте, и отпустится вам» (Лк.6:37). Сей закон ведый Святый Павел, явно глаголаше: «судий иного, себе осуждаеши» (Рим.2:1). И Пророк же, не неведый сего, вопияше к Богу, глаголя: «яко ты воздаси комуждо по делом его» (Пс.61:13); и другий Пророк, яко от лица Божия, глаголет: «Мне отмщение, Аз воздам, глаголет Господь» (Второз. 32:35). И что глаголю но единому, идеже Божественное писание, ветхое же и новое, паче же великий Псалмопевец, яснее нам показует сей закон, яко да духовна того обретше, и таинственне предопределенна, о всяком нашем преложении убоявшеся, не точию явственне, но и тайне любити братию потщимся? Не бо есть сей Моисейский закон видимая судяй, но духовен и тайная обличаяй: и онаго убо тойжде Бог законоположи, во свое время подобающа: сей же онаго исполнил есть, благодатию Господа нашего Иисуса Христа рекшаго: «не приидох разорити закон, но исполнити» (Мф.5:17). Сего ради потреба есть о всякой вещи единою возглаголати, и прочее прощати мнящемуся,¹²² яко обидел есть, аще бы и благословно было, аще и бсзсловесно¹²³ обидение оно: всякия добродетели ведяще болшу быти мзду¹²⁴ прощения. А понеже не можем сие творити за предудержавший грех: то должни есмы со бдением и всяким злостраданием Бога молити, дондeжe обрящем умилостивление, и приимем такову силу. К сим, о другине душе, едино намерение имети должни есмы во всяком времени и месте и вещи, еже от человек различне обидими радоватися, а не скорбети: радоватися же не просте, ниже неразсмотренне: но яко обретохом вину, отпущати согрешившему, и прияти отпущение наших грехов. Сие бо есть истинное богоразумие¹²⁵, всякаго разума обдержителнейше, имже можем умоляти Бога, и у слышани быти; сие есть веры¹²⁶ плодоносие; сим, яже во Христа вера указуется; сим крест взяти и последовати Христу можем; сие первых и великих заповедей мати есть: сим бо любити Бога от всего сердца, и ближняго яко самого себе, можем: сего ради поститися и бдети и злострадати должни есмы, яко да сердце и утробы отверзены бывше, внутрь приимут то, и не отвертут. Тогда бо и тайне данную нам святым крещением благодать, не ктому безвестне, но во всяком извествовании и уразумении¹²⁷ действующу обрящем, за еже отпущати ближнему согрешения.

Сей же добродетели возбранителны суть две злобы, тщеславие и сласть: ихже подобает первее во уме отрещися, и тако добродетель сию удержати. Сего ради, о душе, предавши себе двоим сим злобам волею, никого же обвиняй: ни Адама, ни сатану, ни человеки: но брань сотвори с волею твоею, и да не презриши: междоусобна¹²⁸ бо есть брань; несть от внеуду, да с сущею с нами братиею брань сотворим: внутрьуду есть, и никтоже от человек споборствовати имат с нами. Единаго имамы споборника таинственне в нас крещением сокровеннаго Христа, непобедимаго и неутаеннаго¹²⁹, крепит же нас, аще заповеди его по силе творим. Ратующая же нас, якоже предрекохом, суть сласть, смешенна телеси, и тщеславие, еже и мене и тебе предсодержат. Сия два, Еву прелстиша, и Адама обольстиша: сласть убо показа древо, яко «добро в снедь, и красно есть еже разумети;» тщеславие же, еже, «будете яко бози, ведяще доброе и лукавое» (Быт. 3:5–6). Якоже убо первозданный Адам и Ева стыдястася друг друга, тако и мы, незлобие от мысленных очес отвергше, и себе наги зряще, друг друга в совести стыдимся; и се листвие смоковное себе сшиваем: внешними глаголы и образы и словооправдании облекающеся. Господь же творит нам от кож одежду, и глаголет: «в терпении вашем стяжите душы ваша» (Лк.21:19); и согласная советует, глаголя: обретый душу свою, то есть в злопомнении, или в некоем гресе, погубит ю: а в сем погубивый ю, в живот вечный сохранит ю, о Христе Иисусе Господе нашем, Емуже подобает всякая слава, честь и поклонение, со безначальным Его Отцем, и животворящим Духом, во веки, Аминь.

Вопрос. Понеже ови убо совершенно глаголют быти святое крещение, утверждающеся на Писании глаголющем: «востав крестися, и омый грехи твоя» (Деян.22:16); и еже, „измыйтеся, и чисти будите“ (Ис.1:16); и паки, «но омыстеся, но освятистеся, но оправдистеся» (1Кор.6:11), и многа такова во свидетелство приводяще: друзии же от подвиг глаголют убиватися ветхому греху, приводяще и тии свидетелство Писания глаголющаго: «очистим себе от всякия скверны плоти и духа» (2Кор.7:1), купно же и само то действие греха по крещении в себе обретающе: на сия мы что речем, или кому веру имем?

Ответ. Подобаше убо нам Апостольской проповеди веровати, и пребывати в техжде исповеданиих: а не искушати силу Божию человеческими мнении, ниже волею паки под игом работы держатися; но держати свободу деланием заповедей, имиже соразмерне всяка истина обретается, и ведети ясне, яко за сих оскудение по соразмерности от греха действуеми есмы. А понеже суетну вменисте проповедь, любопытству паче, нежели слову Божию, покаряющеся: сего ради суетна есть и вера ваша, и еще есте во гресех ваших.

Вопрос. Мы не глаголем суетну быти проповедь: но ищем научитися истине.

Ответ. Аще убо проповедь истинну имамы¹³⁰, совершим вся заповеди: и тогда увидим, аще от греха действуеми есмы. Святое бо Крещение совершенно убо есть и подателно совершенства: не творит же совершена не творящаго заповедей. Да не убо человеческим мнением, по Божественному писанию паче веру имем, глаголющему: «яко Христос умре грех наших ради, по писанием» (1Кор.15:3), и яко «спогребохомся Ему крещением:» и «умерый свободися от греха,» и яко «грех нами ктому да не обладает» (Рим.6:4, 7:14), аще заповеди Его творим: аще же не творим, неверни есмы, и праведне от греха держими есмы. Вера бо есть, не точию еже креститися во Христа, но и еже творити заповеди Его: зане, яко убо таинственне «спогребохомся Ему крещением» (Кол.2:12), и «с Ним воскреси нас¹³¹, и спосади на небесных» (Еф.2:6), по Писанию, явно есть: обаче даде и заповеди, да сия сотворше, обрящем данную нам благодать совершенства: аще же не сотворим, волею явимся действуеми от греха. Аще же глаголем, от дел убиватися греху, «убо Христос туне умре» (Гал.2:21), и реченная вся ложна суть, и несть совершенно святое крещение: но от подвиг глаголют имети совершенство. Суетен убо у онех есть закон свободы, и всяко новаго завета законоположение отъемлется: неправедна же и Христа вводят, крестившимся дела свободы повелевшаго, еще вне произволения порабощенным греху, якоже глаголют; и благодать Божия несть благодать, но наших подвиг воздаяние. Аще бо от дел, то не благодатию: аще же благодатию, то дело несть дело, но заповедь Свобождшаго и дело свободы и веры. Такова и к Галатом святый Павел смотрителне преднаписа, наказуя¹³² и тех, подобным образом не веровавших. Мы же не тако отметаем¹³³ благодать Божию; да не будет; ниже веры, яже во проповеди, отрицаемся: но аще и по крещении от греха держими есмы, не яко крещению несовершену сущу, но яко нам о заповеди нерадящим и лежащим во сластех произволением. Темже и обличает ны Божественное писание глаголюще: «якоже пес возвращся на свою блевотину: тако человек возвращаяся на свой грех» (Притч.26:11) самовластною волею: волю бо и по крещении ниже Бог, ниже сатана понуждает. Убо ли не слышал еси, яко заповеди Христовы, по крещении даемыя, закон свободы суть? якоже глаголет Писание: „тако глаголите, и тако творите, яко законом свободным имущии суд прияти“ (Иак.2:12). И паки блаженный¹³⁴ Петр: «подадите в вере вашей добродетель и прочая рек, наводит глаголя: «ему же бо несть сих, слеп есть, мжай, забвение прием очищения древних своих согрешений» (2Пет.1:5:9) Разумел ли еси от реченных, крещением очищение, таинственне убо бывающо, действенне же заповедми обретаемо? Аще же крестившеся не свободихомся отеческаго греха, явно есть, яко ниже дела свободы творити можем. Аще же можем творити я, явно есть, яко таинственне от работы греховныя свободихомся, по писанному: яко «закон духа жизни свободил мя есть от закона греховнаго и смерти» (Рим.8:2): нерадения же ради о делании заповедей Очищшаго вы, от греха действуеми есмы. Или убо да покажут, крещенным не мощи заповеди свободы делати, и сего ради не быти совершенну святому крещению: или нам показующим, яко прияша тии таковую силу, да исповедят, яко свободишася убо благодатию Христовою, но сами себе предаша работе злых, за еже не совершаху всех заповедей, и сего ради паки подручни соделахуся. Да приимут же и от собственных свидетельств обличение: „очистим бо, глаголет, себе от веякия скверны плоти и духа“ (2Кор.7:1). Раб убо сый греха, како может себе очистити от всякия скверны, не имея таковыя свободы и силы, но от греха держим? Аще ли же имаши державу на страсти, то разумей, яко не содержать властию, но виною воли. Елика убо нам Божественное писание о очищении беседует, яко свободным советует, еже не пребывати в таковых помыслах, но любити свободу: власть имущим преклонятися на неже бы ни хотели, или на благое, или на сопротивное¹³⁵.

Вопрос. Аще свободихомся святым крещением, почто не у видехом воздуха свободы, якоже видят подвизающиися?

Ответ. Помрачают ны яже по хотению сласти и нерадение о заповедех, яже они исправиша. Предрекохом бо, яко свобождается убо человек даром Христовым: по своей же воли, идеже любит, тамо и пребывает, аще и крестися, занеже не понуждено есть самовластие. Егда убо глаголет, яко нуждницы восхищают царствие небесное (Мф.11:12), сие о своей воли глаголет, да понудится кийждо от нас по крещении, не прелагатися на злое, но пребывати во благом. Аще бо насилие страдали быхом от духов лукавствия, всяко можаше свободивый нас Бог, и непреложны нуждею сотворити: ныне же не тако: но Той убо крещением от яже по насилию работы изведе, испразднив грех крестом, и заповеди свободы положи: пребывати же, или не пребывати в заповедех, попусти самовластной нашей воли. Темже заповеди поколику совершаются, потому и свободу и к Свобождшему любовь знаменуют: а поколику небрегомы суть, или оскудевают, потому и еже к сластем пристрастие показуют. Ови же своими словесы¹³⁶ претыкаются, и глаголют: «хощем сотворити заповеди, и не можем, от греха властию держими: темже подобает прежде подвизатися и изгладити грех, да возможем совершити заповеди свободы:» – не разумеюще ни яже глаголют, ни о нихже утверждают. Аще бо отнюдь не имаши свободы, и не можеши совершити заповедей: то киими делы и подвиги прочее глаголеши изгладити грех? Подвози верных, заповеди суть. -Ты убо глаголеши, яко не могу сотворити заповедей, аще не первее чрез подвиги очищуся. Покажи ми кроме заповедей яже глаголеши подвиги, и покорюся твоему мудрованию. Аще бо и молитву речеши, заповедь есть: аще и помысл низложение, заповедь есть: аще и пост и бдение, заповедь есть: аще и подаяние, аще и души своея отвержение, заповедь есть: аще и смерть, аще и крест, аще и коелибо дело добродетели речеши, вся заповеди суть. Темже приявшым силу заповедей, яко верным, заповедует, еже подвизатися теми¹³⁷, не обратитися вспять: не яко сими изгладити грех, но яко не ктому нань возвратитися. И сия убо заповеди не грех изсецают: сие бо единем Крестом бысть: но пределы данныя нам свободы хранят. Зане рцы ми ты, аще делы грех Адамль изсецаеши, како Христос умре грех наших ради, по писанием? Но к сим убо противоглаголати не могут: без последования же точию вопрошают, по своим мнением все смотряюще, истине же Писания не повинующеся. Ибо глаголют: «Крещением убивается грех; почто убо паки действует в сердце?» Мы же множицею рекохом вину, яко не оставлен быв внутрь, паки действует по крещении, но от нас любим оскудением заповедей. Зане святое убо крещение дает совершенное решение: связати же паки себе пристрастием, или разрешену пребыти деланием заповедей, самовластнаго есть произволения. Помысл бо в некоей сласти или ярости укосневаяй, не сего, яко грех внутрь оставлен бысть, но самовластна пристрастия есть знамение. Занеже имамы власть «помышления низлагати, и всяко возношение взимающееся на разум Божий,» по Писанию (2Кор.10:5). Помысл убо лукав низлагающим его в себе, боголюбия, а не греха есть знамение: не бо прилог помысла есть грех, но ума к нему любовная беседа. Аще же не любим его, чесого ради с ним укосневаем? Невозможно бо есть, да что либо, от сердца ненавидимо, сердцу протязателне¹³⁸ прибеседует кроме нашего злоделаеия. Аще убо и ненавидим помысл державствует и обладает умом (случается бо то, и не противоглаголю): обаче сие несть останок внутрь, греха Адамова, но преступления, еже по крещении: егда бо по святем крещении могуще творити вся заповеди, не творим я: тогда и не хотяще от греха держими есмы, дондeжe покаянием Бога умолим, ко всем заповедем Его направляющеся, и изгладит от нас грех самовластия. Две убо вине действия зла: и сия две от нас суть: едина убо действующи по мере оскудения заповедей, друга же, неизбежно держащи злоделания ради еже по крещении, еже Бог един убивает, милостынею и молитвою, и находящих тераением умоляем. Яже и та подает нам отай крещением дарованная нам совершенная Благодать.

Вопрос. Павел убо по крещении не согреши ли, зане неволие действуем бяше? глаголет бо, яко вижду ин закон, противу воюющ закону ума моего (Рим.7:23).

Ответ. Тако и прочая Писания зле разумевающии развращают, и прелщаются. Восприими бо свыше главу сию, и обрящеши, яко снятый Павел не глаголет о себе по крещении: но неверных и некрещенных Иудей лице приемлет, увещавая тех, яко без благодати Христовы, крещением даемыя, невозможно есть одолети грех. Рек бо: яко «окаянен аз человек: кто мя избавит от тела смерти сея?» наводит глаголя: «Благодарю Бога Иисус Христом Господем нашим.“ Сего ради глаголет: „закон духовен есть: аз же плотян есмь, продан под грех» (Рим.7:24, 25:14). Темже и вся, яже закона, духовне сказует, не хотя тех быти под законом, но под благодатью, еже есть духовен закон, в вас написан. Аще убо разумеваем глаголы святаго Павла, духовными духовная¹³⁹ сразсуждати (1Кор.2:13) могуще: то убо сими можем уразумети истину, како яже храма и закона и жертв в нас сбываются, благодать святаго Духа святым крещением таинственне приемших. Храм бо Духа нас рече быти, и возносити жертвы духовны (1Пет.2:5) побуждает; Иудеа глаголя в тайне, а не яве, и обрезание сердца духом, а не писменем (Рим.2:29), и сам же той закон духовен небесный Законоположник Христос Духом в верных написа, не на скрижалех каменных, но на скрижалех сердца плотяных (2Кор.5:3). Якоже убо сия в тайне рече быти, тако ми разумей и каяждо от образне реченных, сиреч бывших. А понеже не у утвержденне веровахом Христови, ниже всех заповедей Его должники себе быти вменихом, ниже отвергохомся себе по словеси Его: сего ради предреченныя тайны, от крещения приемше, не вемы. Егда же о маловерии сем себе зазрим, и чисте Ему по всем заповедем веровати будем: тогда предреченных вещей искус приемше в себе, исповемы воистинну, совершенно быти святое крещение, и благодать Христову изобилно излиянну,¹⁴⁰ ожидающу же прочее нашего послушания и делания заповедей, ихже силу тою предприяхом. Сего ради елицы не у заповеди соделахом свободы, не у свободнаго Иерусалима достигохом: вышний бо Иерусалим свободь ест, иже есть мати всем нам (Гал. 4:26), возраждающи нас банею паки бытия и обновления Духа святаго (Тит. 3:5). Но еще на пути есмы, или негли¹⁴¹ и заблуждаем, по безпутиям шествующе: еще бо любопретися и противоглаголати истине, невежствующему пути суть применения, а не правохождения. Сего ради и к совершенному пути¹⁴² зря ны коснящя блаженный Павел, глаголет: тако тецыте, да постигнете (1Кор. 9:26). Аще же града не у достигохом, когда храм увидим, и вшедше внутреннее, получим жертвенника¹⁴³ приведение? И что глаголю о граде и храме и жертвиннице, идеже ниже звери тростныя преидохом, имже запретити (Пс.67:31), Бога молит Пророк, да не зверояты будут первородныя ума жертвы, яже иже в тайне Иудей возносити повелен бысть? Или по тебе Иудей убо есть в тайне, по словеси Павла: храм же от сына Давидова не у создася, и очистилище от него не у сооружися, но от Тебе имат ныне сооружатися? Сие бо ясне вопиеши глаголяй, от подвиг убиваему быти греху Адамлю, а не благодарю Христовою, яже в нас убо таине есть крещением, тогда же увидится, егда путь заповедей добре совершивше, помыслы естества нашего Архиерееви Христу, яко жертвы принесем здравыя, а не звероятыя: зверояти бо воистинну бывают множайшии помыслами, елицы уклоняются от праваго пути,¹⁴⁴ глаголюже, от терпения скорбных, и отскачуще от праваго, побезпутиям ходят, инех паче, нежели себе, о безчестиих¹⁴⁵ сих порицающе. Едва же мали нецыи от них правым путем ходят, и сие молитвою храними:¹⁴⁶ и тако и града и храма достизают, и на жертву возносятся. Град же есть светлое и законное во Христе разсуждение, еже егда убо благочестиво управляет дела, мир имат и исправляет; егда же погрешает, врагом предается в разорение свое¹⁴⁷. Храм же Богозданное есть души и тела святилище: жертвенник же во храме сем есть надежды водружение, к немже всякаго примерения¹⁴⁸ первороден помысл, яко первородно животно, от ума возносим жрется во очищение возносящаго, аще точию непорочна того вознесет. Имат же храм сей и внутреннейшее завесы, идеже предтеча о нас вниде Иисус, (Евр.6:19), и живет в нас, по Апостолу глаголющему: или не знаете, яко Христос Иисус живет в вас, разве точию чим неискусни есте (2Кор.13:5)? Еже есть внутреннейшее и тайное и чистое сердца вместилище, еже аще не соборною¹⁴⁹ и словесною и умною надеждою и верою правою и несомненною отверзется, не возможно есть утвержденно познати в нас живущаго, или уведети, прияты ли быша наша словесныя жертвы, или ни. Якоже бо во первых при Исраили огнь потребляше останки, тако и зде случается: отверзшуся бо верному сердцу предреченною надеждою, небесный Архиерей приемлет первородныя ума помыслы, и иждивает Божественным огнем, онемже рече: огня приидох воврещи в мир, и хотел бых, аще уже возгорелся бы (Лук.12:49) Первородны же помыслы рекохом, не бывшыя во второмыслии сердца, но от первого прилога и прозябения¹⁵⁰ абие Христу приносимыя: от многомыслия бо Ему приносимыя, хрома и слепа и щудна¹⁵¹ именова Божественное Писание, и сего ради не быти приятна Владыце и небесному Царю и Богу¹⁵². Прочее яко убо по крещении всякия лукавыя мысли мы есмы виновни, уже свидетельствы Писания показася. Аще подобает и естественным последованием сие явно сотворити, паки речется, о человече глаголяй, кроме твоея вины действуем быти от Адамля греха ио крещении, и твоими подвиги сего изсецати исповедаяй, разумей известно, яко противишися и претыкаешися глаголы твоими. Аще бо глаголеши, лукавыя помыслы быти трех Адамов, научися от святаго Павла, яко крещением во Христа облекся (Гал. 3:27), имаши силу и оружия, еще низлагати я: оружия бо, глаголет, воинства нашего не плотская, но силна Богом, на разорение твердем, помышления низлагающе, и всяко возношение взимающееся на разум Божий (2Кор.10:4). Аще же, имея на ня силу, не низлагаеши а от перваго прилога: яве есть яко сластолюбствуеши от неверия, и сочетаваешися с ними, и сослагаешися: и повинен еси ты таковаго действа, а не Адам.

Вопрос. Како может от неверия сластолюбствовати и сочетоватися с помыслы, себе затворивый в келлии, и на всяк день постяйся и воздерживаяйся, и ниществуяй, и странствуяй¹⁵³, и бдяй, и долулегаяй, и моляйся, и многи таковы скорби терпяй?

Ответ. Добре рекл еси яко многи скорби творяй сия терпит. Аще бо безскорбно и с радостию и трудолюбием предреченныя явныя добродетели совершали быхом, не быхом были во уме сластолюбцы. Невозможно бо есть о телесных трудех болезнующему, по мере сего не беседовати с прилоги, и не утешати еже при трудех безсластие: аще бо сего не бы хотел токовый, то инже о тех скорбел бы: сие же страждем, понеже не ради желания будущих благ злостраждем: но ради страха точию на ны ныне находящих искушений: темже злое убо деяние свой грех быти мним: помысл же, иже прежде сего, чуждо глаголем действо. Невозможно же есть действия сего отвратитися, не свое то, но чуждо быти вменяющим. Овогда же и без сочетания помысл некий гнусен и ненавидим, яко разбойник, не предзримо напад, нуждею содержит ум у себе. Обаче разумей известно, яко и сей от нас имат вины: или бо по крещении некоему лукавому помыслу до деяния себе предахом, и сего ради и вне разсмотрения¹⁵⁴ виновни быхом: или некая семена злобы в себе вольне держим, и сего ради утверждается лукавый: и сей убо, лукавыми семены удержав нас, не отходит, дондeжe сия отвержем: гнусный же помысл злым деянием пребывая, тогда изгонится, егда труды достойны покаяния Богови принесем. Темже ниже сие аз глаголю быти Адамов грех, но паче грех содеявшаго злое, и держащаго семена. Аще же ми глаголеши, яко и два сия помысл предвари, и ищеши, кто есть сих виновный, аз ти возглаголю: яко ты, имеяй власть очистити его в начале перваго прилога, и не очистивый, но до деяния собеседовавый с ним: аще же отнюдь прежде деяния не могл еси того низложити за немощь ума, како по деянии исповедаеши изсецати его, уже и делы утверждаема и праведне тя содержаща? Аще же исповедаеши помощию Божиею изсецати его: разумей, яко и прежде деяния, аще бы хотел еси, Бог помогл бы ти. И егда увидиши в сердце твоем бывающу ти помощь, разумей известно, яко не отвнеуду преходителне прииде благодать она: но данная ти крещением тайно ныне дьйствова толико, елико и ты, возненавидев помысл, отвратился еси. Сего ради, избавив ны всякаго насилия Христос, прилог помыслов не возбрани от сердца: да ови убо ненавидими от сердца, абие потребляются, ови же елико любими суть, толико и пребывают: яко да покажется и благодать Христова, и воля человеча, что любит: труды ли благодати ради, или помыслы сласти ради. И да не дивимся, яко не точию от любимых, но и от ненавидимых насилно действуеми есмы: зане, якоже лукаво некое сродство¹⁵⁵, тако похоти наши и прилози вкупе действуют друг со другом: и кийждо¹⁵⁶ по своем делатели укоснев, прочее ближнему¹⁵⁷ предает: яко от втораго¹⁵⁸ и вне произволения негли отводитися, обычаем к первому насилно влекому¹⁵⁹. Кто бо тщеславия исполнен быв, гордости избегнути возможет? Или кто сна насытився и наслаждения насладився, помыслом блуда не удержан будет? Или кто, лихоимству себе предав, от немилосердия не стягается? Како же сих всех насыщающиися¹⁶⁰, от ярости и гнева томими не будут? Темже подобаетъ разумети, яко нашея ради вины, от греха действуеми есмы: работы бо¹⁶¹ яже по насилию свободихомся. Закон бо Духа жизни, глаголет, свободил мя ест от закона греха и смерти (Рим.8:2), и в нашем уже произволении есть, услышавши заповедания Духа, и научившися им, или по плоти ходити, или по Духу. Невозможно же есть по Духу ходити, похвалу человек и отраду тела возлюбившым: и невозможно по плоти жити, будущая паче настоящих внутренне предизбирающим. Темже подобает много заблуждшым нам, отныне возненавидети похвалу человек и отраду тела, имиже лукавии помыслы и не хотящими нам прозябают, и от расположения душевнаго рещи ко Господу глагол пророческий: Не ненавидящыя ли Тя Господи возненавидех, и о вразех Твоих истаях? Совершенною ненавистию возненавидех я: во враги быша ми (Псал.138:21–22). Ибо воистинну врази Божии суть лукавии помысли, воли Его быти возбраняющии: зане Той убо хощет всем человеком спастися, и в разум истины приити (1Тим.2:4): они же возбраняют¹⁶². О нихже и Господь рече, яко не от Адама, но от сердца исходят, и сего ради сквернят человека (Мф.15:19): яве яко не от верна сердца, но от тщеславна: како бо можете, глаголет, веровати, славу от человек приемлюще, и славы, яже от единаго Бога, не ищуще (Ин.5:44)? Егда убо тщеславие возненавидим, и о всех Ему¹⁶³ уверуем, всяк помысл сердечною и единопомысленною надеждою о Него разбивающе: тогда, якоже в начале веры, яже крещением, бысть тело Христово брашно верным, тако во умней надежде и отвержении помыслов, бывает известноверный и чистым ум брашно Иисуса рекшаго: Мое брашно есть, да сотворю волю Отца Моего (Ин.4:34), иже хощет всем человеком спастися, и в разум истины приити (1Тим.2:4), по словеси Павлову: истину же глаголет, в надежде умней обретаемую¹⁶⁴, якоже предрекохом: яже не к тому от слуха является, но от действа.¹⁶⁵ Духа веруется быти: яже есть уповаемых извещение (Евр.11:1), по Писанию¹⁶⁶. Некрещен же или тщеславен в разум сея истины приити не может. Первее бо крестившымся в соборней Церкви, крещением дается¹⁶⁷ таинственне, и живет в них сокровенне: таже, по мере делания заповедей и умныя надежды, открывается тако верующым Господу рекшу: веруяй в мя, якоже рече Писание, реки от чрева его истекут воды живы. Сие же, рече о Дусе, егоже хотяху приимати верующии в Его (Ин.7:38–39). Темже мы веруем яко крещением свободу и очищение таинственне прияхом, по Апостолу глаголющему: Ныне же омыетеся, ныне же очиститеся, ныне же оаравдистеся, ныне же освятистеся (1Кор.6:11): и таковая пишет к Коринояном, не у по надежде умней отвержением помыслов очищенным, и сердечным Духа действом освященным, но еще злым сущим и обидящым и лишающым, да еще братию (1Кор.6:8): да покажет, яко крестившйся, по силе¹⁶⁸ убо Христовой, очищение и освящение таинственне прияша: по своему же маловерию, кийждо действуем есть, от своей похоти влеком и прелщаем, якоже писано есть: таже похоть заченши раждает грех: грех же содеян раждает смерть (Иак.1:14–15). Темже от своея похоти словесный¹⁶⁹ есть наш грех: от сего же, совершение сообразнаго тому деяния, еже Писание именова смерть. А яко от крещения в нас есть благодать Духа, учащая нас всякой истине (Ион.16:13), по словеси Господню, разумей паки от Божественнаго Писания и от дел. Первее сматряй в деяниих Аностольскпх, что глаголет ко множеству блаженный Петр; покайтеся, глаголет, и да крестится кийждо вас во имя Господа нашего Иисуса Христа, во оставление грехов, и приимете дар святаго Духа (Деян.2:38). Убо ноне ныце разумел ли еси, како крещением оставление грехов и дар святаго Духа дается по мере веры? По елику же аще кто отступит,¹⁷⁰ абие от греха держим есть, се и иже во Ефесе дванадесять мужей не верно крестившихся како обличает святый Павел, и глаголет: аще убо Дух свят пртяли есте веровавше? Они же к нему реша, но ниже аще Дух святый есть, слышахом. Рече же к ним, во что убо крестистеся? Они же рекоша: во Иоанново крещение. Рече же Павел: Иоанн убо крести крещением покаяния, людем глаголя, да во грядущаго по нем веруют, сиречь во Христа Иисуса. Слышавше же крестишася во имя Господа Иисуса. И возложшу Павлу на ня руце, прииде Дух святый на ня (Деян.19:2–6). Уверился ли еси убо поне ныне, яко абие от крещеная дается Дух святый известноверным, неверным же и зловерным и крещшымся¹⁷¹ не дается? А яко мы есмы оскорбляющии Его, и в себе угашающии, научися от тогожде Апостола глаголюща: Духа не угашайте (1Сол. 5:19): и паки: не оскорбляйте Духа святаго, имже знаменастеся в день избавления (Ефс.4:30). Сия же свидетельства приведохом, не яко всякаго человека крещенна и приемша благодать прочее непреложна быти глаголющс, и ктому не требующа покаяния; но яко от крещения, по дару убо Христову, совершенна нам благодать Божия даровася ко исполнению всех заповедей, кийждо же прочее, ту прием таинственне, и не совершеннодействуя заповедей, по мере оскудения: действуем есть от греха, иже несть Адамль: но согрешившаго:¹⁷² яко прием действия силу, дела не совершает. Оскудение же, от неверия есть: неверие же, несть чужд грех, но самаго того неверовавшаго, еже прочее, всякаго греха мати и введение бывает. Или убо скоро совершении быти хощем или косно, должницы есмы совершенне Христу веровати, и вся Его заповеди соделати, приемше таковаго делания от Него силу; и сие же не яко по единой заповеди должни есмы, и единочастне куюждо делати; но обдержителными сообъемше единичныя, тако вся совершеносоделати вкратце¹⁷³: суть бо заповеди главнейшие, в себе многое множество прочиих обдержаще. Сим точию подвигом должни есмы мы неверие свое побеждати, и не вознерадети о обдержителных заповедех, имиже данная нам благодать действенне¹⁷⁴ открывается, еже и святый Павел, да бывает в нас, молится, глаголя: сего ради преклоняю колена моя ко Отцу Господа нашего Иисуса Христа, да даст вам Господь силу утвердитися Духом Его во внутреннем человеце, вселитися Христу во всяком извествовании и разуме¹⁷⁵ в сердца ваша верою. (Еф.3:14–17). – Время же убо есть прочее, якоже предрекохом, и делами свидетелство сие утвердити. Се бо, елико верующе заповеди Божия делаем, толико и своя плоды в нас действует Дух святый. Плоды же Духа, по святому Павлу, суть: любы, радость, мир долготерпение, благость, милосердие, вера, кротость, воздержание (Гал.5:22). Кто убо отнюдь сих действ непричастен по крещениии есть, да отвержется глаголя,¹⁷⁶ благодать Духа не прияти от крещения? Кто же паки на всяк день непрестанно от плодов сих действуем есть, не у соделав заповедей, да речет: совершен есмь и непреложен? Темже яве, яко совершенна убо в нас благодать есть, мы же несовершении оскудения ради помыслов¹⁷⁷. Тако же и святое крещение, совершенно убо есть в нас: мы же несовершени в нем есмы. Ты убо, о человече, во Христа крещенный, точию даждь делание, егоже силу приял еси, и себе к явлению живущаго в тебе уготови: и тако тебе явит Себе, по обетованию Своему, Господь духовне, якоже весть Сам. Господь же Дух есть: а идеже Дух Господень, ту свобода (2Кор.3:17): и тогда уразумееши реченное, яко царствие небесное внутрь вас есть (Лк.17:21). И сиеже нуждне ведети подобает, яко и частне заповеди соделавшии, соразмерно тому в царство входят: хотящии же в совершенство достигнути, должни суть обдержителне вся соделати: обдержително же¹⁷⁸ всех заповедей есть, отречение души, еже есть смерть. И якоже живый во плоти скуден есть совершеннодейстия сего, тако до исхода неприятен быти прилога¹⁷⁹ не может, за предреченное оскудение. Аще убо кто от верных добре заповедми жителствовав некое духовно соразмерное тому обрете действо, да верует, яко уже прият сего силу: зане прият крещением благодать Духа, всех благих вину: глаголю же, не точию тайных и духовных, но и явных добродетелей виновну. И никтоже от добродетелных да непщует, единою своею силою сотворити что благо: благий бо человек не от себе, глаголет Слово, но от благаго сокровища сердца приносит благое (Мф.12:35), сокровище глаголя, Духа святаго в сердцах верных сокровенна. Подобно бо есть царствие небесное сокровишу сокровенну на селе, еже обрет человек скры: и шед продаде вся, и купи село оно (Мф.15:44). Сие же зело реченным прилично есть: разумевый бо известно, яко Христа от крещения в себе сокровена имат, по Апостолу, вся поверг мира сего вещи, пребывает во своем сердце, всяцем хранением блюдя е (Притч.4:23), и ища исхода живота (Притч.8:35), по притчи. Сего ради не подобает мнети, яко подвигами изсецается Адамов грех, но ниже своя по крещении бывающыя, точию Иисус Христом: Той бо есть дейстяуяй в вас, и еже хотети, и еже деяти о благоволении (Флп.2:13). Приложив же еже, о благоволении, показует, яко еже убо благоволити о добродетелех, в нашем самовластии есть: а еже сотворити я, или изсещи грехи, кроме Бога невозможно есть, но и реченное: яко без Мене не можете творити ничесоже (Ин.15:5): и еже, не вы Мене избрасте, но Аз избрах вас (Ин.15:16), к томужде взирает разуму. Негли же тако разумети подобает и еже, вся Тем быша, и без Него ничтоже бысть, еже бысть (Ин.1:3): понеже во всех суть и наша¹⁸⁰. Сего ради и Пророк не рече: от Иерусалима во храм Твой принесут Тебе царие дары, еже в лепоту и бываше: но напротив: от храма Твоего во Иерусалим Тебе принесут царие дары (Пс.67:30): занеже коегождо царственнейший ум от тайнаго сердечнаго храма первее приемлет добрыя и благия советы от внутр живущаго Христа, и приводит я в добродетелное житие, еже Иерусалим именова: и паки тыя самому приносит прежде даровавшему благою мыслию Христу. Сия же рехом, не затворяюще будущая, но исповедающе, яко силу заповедей прияхом, и от уз смерти разрешихомся должницы же есмы делания прочее, и аще не соделаем заповедей Божиих, данная нам благодать, не открывается: како бо умершии во гресе доброе от себе творити возможем, аще не бы Сам Господь нас банею пакибытия оживотворил, и благодат Духа нам даровал? Темже разумеим, яко совершенна нам благодать даровася Духа во иснолнение всех заповедей, прилога от вас не приемлющи, но нам прилог еже во Христе ращения подающи, и укрепляющи до смерти делатели своя: дондeжe достигнем вси в соединение веры и познания Сына Божия, в мужа совершенна, в меру возраста исполнения Христова, (Еф.4:13), по духовному последованию, еже предрекохом.

Вопрос. Крестивыйся убо кого приемлет таинственне, Христа ли, ила Святаго Духа? зане овогда убо рекл еси Христу внутрь жити, овогда же Святому Духу.

Ответ. Святаго Духа приемлем крещешем: а понеже и Дух Божий глаголется, и Дух Христов: сего ради крещением и Отца и Сына приемлем, по рекшему: аз и Отец приидем, и обитель у него сотворим¹⁸¹.

Вопрос. Темже Дух Троица ли есть?

Ответ. Того единоличне не глоголем быти Троицу, но понеже не разделися от Отца и Сына, сего ради в Нем Троицу исповедуем по Божеству Его и силе. Якоже бо во Отце есть Сын и Дух, и паки в Сыне Отец и Дух: тако и в Духе и Отец и Сын есть: не слиянием триех ипостасей единаго Божества, но соединением тогожде единого совета и Божества и существа. Темже и мы аще убо Отца единочастне именуем, аще же Сына, или Святаго Духа: то во едином имени Троицу именуем, по образу, его же предрекохом.

Вопрос. Како Писание глаголет, небесному быти Иерусалиму (Евр.12:22), ты же рекл еси, в сердце тому быти?

Ответ. Не точию Иерусалим, но и прочая благая, елика имут в воскресении приимати праведнии, вемы, яко горе суть: сих же обручения и на чатки в сердцах известноверных отныне духовне действуют: яко да извествовани бывше о будущих, настоящая вся презрим, и до смерти Бога возлюбим. Сего ради не рече: приступити имате: но приступисте к Сионстей горе, и ко граду Бога живаго, Иерусалиму небесному (Евр.12:22): приятелни¹⁸² бо сих от крещения вси быхом: получити же тех едини сподобляются известновернии, иже любве ради Христовы на всяк день умирающии: то есть всяку мысль здешния жизни превосходящии, и ничтоже ино помышляющии, разве точию когда достигнут в совершенну любовь Христову, яже есть внутреннейшее отверзение сердца, идеже предтеча о нас вниде Иисус (Евр.6:20). Сие ища в началех снятый Павел, глаголаше: гоню же аще и постигну, о немже и постижен бых, то есть, да возлюблю, в немже и возлюблен бых, от Христа (Флп.3:12): и по еже постигнути сию любовь, ктому ино ничтоже помышляти прият, ни скорбная тела, ни дивная твари, но всю яве остави, и глаголет:¹⁸³ кто ны разлучит от любве Христовы? скорбь ли, или теснота, или гонение, или глад, или нагота, или беда, или мечь? и паки: известихся, глаголет, яко ни смерть, ни живот, ни Ангели, ни начала, ни власти, ниже силы, ни настоящая, ни грядущая, ни высота, ни глубина, ни ина тварь кая возможет нас разлучити от любве Божия, яже о Христе Иисусе Господе нашем (Рим.8:35:38–39): зане ничтоже от сих помышляти терпяще, разве точию тамо пребывати.

Вопрос. Како прежде мала рекл еси, яко со вершенне внутрь живет в нас Дух, и прилога от нас не приемлет: Апостол же противное глаголет, яко начаток Духа имамы, а не совершенна Духа?

Ответ. Начаток рече, не часть некую всего, ниже яко сечение некое Духа вводя: ниже бо сечется, ниже изменяется: но наше вмещателное являя, не могущее вместити всякое действие Духа, точию совершенною заповедию, то есть смертию: зане и яже о истине¹⁸⁴ смерть заповедь Божия есть. Якоже убо солнце, суще совершенно, совершенну и просту и равну всем от себе благодать прилагает; прочее же кийждо, поелику убо имат око очищенно, но тому и солнечный приемлет светъ: тако и Дух Святый всех убо действий и даров, верующыя Ему, приятелны от крещения сотвори: прочее не всем¹⁸⁵ единочестне дары действуют, но комуждо по мере делания заповедей, елико возсвидетелствует благими делами, и яве сотворит меру веры яже во Христа. Темже, глаголет, посла Бог Духа Сына Своего в сердца ваша, вопиюща, Авва Отче (Гал.4:6) и, самый Дух спослушествует духови нашему, яко есмы чада Божии (Рим.8:16). А яко никтоже сам собою изсецает Адамов грех, но Христос точию по мере веры в Него, слыша Апостола глаголюща: яко Христос умре грех наших ради но писанием (1Кор.15:3): и паки: составляет же свою любовь к нам Бог, яко грешником нам сущим, Христос за ны умре (Рим.5:8): и паки: спогребохомся Ему крещением в смерть: да якоже воста Христос от мертвых, тако и мы во обновлении жизни ходити начнем, и проч. и, яко умерый свободися от греха (Рим.6:4:7): и, яко благодатию есте спасени чрез веру, а не от дел, да не кто похвалится (Еф.2:8): и паки: бесте бо иногда тма, ныне же свет о Господе: якоже чада света ходите (Еф.5:8): и паки: мы же несмы рабыни чада, но свободныя. Свободою убо, еюже Христос нас свободи, стойте (Гал.4:31, 5:1): и паки: яко свободни, а не яко прикровение имуще злобы свободу (1Пет.2:16). Видиши ли, како имиже ты глаголеши подвиги изсецати грех, сия быти дела обновления и свободы и света глаголет Писание? Являет же и самовластия прелоги¹⁸⁶, яже ты глаголеши быти: грех Адамов еже бо, яко прикровение имети сердца, паче же злобы, свободу, и оскорбляти Духа Святаго, и творити волю плоти и помышлений (Еф.2:5), и еже: наченше духом, ныне плотию скончаваете (Гал.3:3), и, яко должни есмы не плоти, еже по плоти жити (Рим.8:12): сия и таковая ведущо божественное писание, яко творити та нам, или не творити в нашем самовластии есть, сего ради не сатану, ниже Адамов грех, но нас порицает. Аще ли же хощеши разумне услышати, реку ти всех главнейшее. Ты воображения помыслов¹⁸⁷ глаголеши быти грех Адамов: и се блаженный Павел явне и явственне о злоумии сем нас, яко виновных, обличает, глаголя: Не сообразуйтеся неку сему, но преобразуйтеся обновлением ума вашего (Рим.12:2). Аще же сия не суть от нашея воли, но от сатанина мучителства, и останок Адамля греха: то почто мы о гресе¹⁸⁸ обличаеми есмы, неволею от греха действуеми, и от сатаны мучителствуемии? Убо ли и неповинне имамы мучитися? Или по тебе негли и неправеден есть Бог, яже паче естества повелевый, и ищай от нас яже паче силы? Но несть сие, да не будетъ! Зане аз тя вопрошу, и даждь ми ответ. Елику имат естество наше благочестия силу, сию на всяк день приносити Богу должни ли есмы, или ни? Всяко речеши ми, яко ей, понеже сие Бог естеству дарова, и по силе заповеди положи. Темже аще днесь Ему приносимое благо днешний долг есть: покажи ми прочее древняго греха воздаяние¹⁸⁹, или твоея, или Адамля. Аз же ти глаголю, яко не точию сие не имаши показати но ни еже на всяк день¹⁹⁰ без оскудения воздати. И откуду явно есть сие? от еже не всегда в техжде добродетелех обретатися: елико бо аще днесь приложиши к добродетели, толико облачился еси должник быти прешедшия, яве сотворив естества силу: показася бо днешним приложением, яко не естества, но воли вчерашнее есть оскудние: и сего ради от греха действуеми есмы¹⁹¹.

Вопрос. Да попустится сия тако быти: обаче едино вем: аще не бы Адам преступил, аз искуса¹⁹² злобы не бых приимал.

Ответ. Ниже сие право рекл еси: еже бо прилога злобы неискусну быти, непреложна естества есть, а не человеческаго: аще бо мы и Адам единаго естества есмы, подобаше и оному по нам¹⁹³ быти, и нам по оному. Темже да уверит тя сам он первый человек, яко ниже непреложен бе, ниже единочастне злонравен¹⁹⁴, но вольнопреложен, и не нуждею естества преступи заповедь, но благоволением воли. Прочее, якоже он приятелен убо бе сатанина прилога, послушати же, или не послушати, имеяше власть: тако и мы.

Диканик¹⁹⁵. Негли¹⁹⁶ ныне терплю тебе, зане прилога сатанина не отъемлеши.

Постник¹⁹⁷. Аз убо ниже в предреченных отъях когда: вем бо и Иова искушена бывша от диавола, и Писание глаголющо: яко несть наша брань противу крови и плоти, но к началом и ко властем, и к миродержителем тмы века сего, к духовом злобы (Еф.6:12): и паки: противитися диаволу, и бежит от вас (Иак.4:7): и паки: супостат ваш диавол, яко лев рыкая, ходит, иский кого поглотити (1Пет.5:8). Но понеже вы лукавыя помыслы, не ваша, но инех некиих быти непщуете, овогда убо глаголюще я быти Адамов грех, овогда же самаго того сатану, овогда же, прилог сатанин: сего ради мы глаголем, яко ино что есть грех Адамов, и ино сатана, и ино прилог сатанин, и ино лукавии наши помысли, аще и от прилога вины¹⁹⁸ имут. Зане сатана убо есть само то диаволе лице, еже и Господа искушати покусившееся: грех же Адамов есть заповеди преступление перваго человека: прилог же сатанин есть, единопомысленно¹⁹⁹ явление вещи лукавы, еже и самим тем²⁰⁰ еже приближитися к уму нашему, по маловерию (нашему), обретает (удобство). Заповедь бо нам приемшым ни о чесом же пещися, но всяцем хранением блюсти свое сердце (Притч.4:23), и искати внутрь нас сущаго царствия небеснаго, егда отступит ум от сердца и от предреченнаго взыскания, абие дает место диаволю прилогу, и приятелен бывает лукаваго совета. Но ниже тогда диавол двизати наша помыслы во власти имать: зане не бы нас пощадел, всяку злу мысль понудителне наводя, и ничтоже благо помышляти попущая: власть же точию имать единопомысленне в первомыслии показовати лукавыя вещи²⁰¹, еже искушати наше внутреннее расположение, камо клонится: к совету ли онаго, или к заповеди Господней: понеже сия друг другу противятся. Темже мы, в тех убо, яже любим, абе ко указанию оному воздвигаем помыслы, и встраственн беседуем в мысли с показавшеюся вещию: а в тех, яже ненавидим коснети не можем, но и самый той ненавидим прилог. Аще же и ненавидим быв, пребывает (случается бо и сие), обаче не от нова расположения нашего, но от древня приятия укрепляется: темже и непредшествен²⁰² стоит на месте, и единопомыслен, от сердечнаго негодования во многомыслие и страсть предъити возбраняем: не бо имат естество единоличное явление, ненавидимо от внимающаго себе, нуждею низвлекати ум в страсть многомыслия, точию сладострастием сердечным единем. Темже аще мы от сладострастия отнюдь отступим, то ниже единопомысленное предприятий²⁰³ явление повредити нас ктому может, или и совесть о утверждении будущих²⁰⁴ осуждати. Познавшу бо уму праздное предприятия противление²⁰⁵, и исповедующу Богови древнюю вину, абие и само то отъемлется искушение: и паки ум власть имат внимати сердцу, и всяцем хранением молитвою блюсти то, во внутреннейшия и нестужаемыя клети сердца внити покушаяся, идеже не суть лукавых помысл ветри, бурно реющии и душу и тело во стремнины сладострастия, и в кладяз смолы низмещущии, инже широк и пространен путь, глаголами же и образами мирския премудрости постлан, и прелщающь в след ея идущыя, аще и зело мудри суть: чистыя бо внутреннейшия клети души и дом Христов наг ум внутрь приемлют, ничтоже приносящь от века сего, ни благословно, ни безсловесно²⁰⁶, разве точию три сия, яже рече Апостол: веру, надежду, любовь. Может бо кто истиннолюбив сый и сердцем трудитеся хотяй, ниже от предприятий изреватися, но последованию²⁰⁷, еже предрекохом: но внимати сердцу и предуспевати во внутреннейшее, и приближатися к Богу: точно о трудех молитвы и пребывания да не негодует: не может бо сердцем не трудитися, иже внимателне от помысленных парений и плотских сластей²⁰⁸ себе востязаяй, в нихже множицею и мыслию и деянием обращашеся. Темже единопомысленный убо прилог понудителен вемы быти, понеже и ненавидим быв, еще пребываете: но беседу с приходящими помыслами быти произволителну. Показаша же сие и не согрешившии по подобию преступления Адамова, прилог убо возбранити не возмогше, беседу же с ним и пристрастие по всему отвергше.

Вопрос. Темже преступление Адамле по нужде прияхом, еже есть помысленный²⁰⁹ наш грех?

Ответ. Несть сие Адамле преступление, но обличение сладострастия коегождо. Но ниже преступление преемствовахом: зане понужде, яже от преемства, подобаше²¹⁰ всем нам преступником быти, и не обвинятися от Бога, по нужде естественней и преемству²¹¹ преступающым. Ныне же не тако: ниже бо вси преступаем заповедь, ниже вси храним: темже яве, яко не нужды есть, но сладострастия сие преступление.

Вопрос. Понеже, якоже глаголеши, сего ради (преступления) приде Господь, то почто не потребил есть то во крещении, но еще и ныне власть имат кийждо преступити, или не преступити?

Ответ. Преступление произволително суще, якоже указася, никтоже нуждне иреемствова: но юже от сего смерть, понудителну сущу, преемствовахом, еже есть от Бога отчуждение: умершу бо первому человеку, то есть отчуждившуся от Бога, ниже мы жити в Бозе можахом. Сего ради прииде Господь, да нас банею пакибытия оживотворит и примирит со Богом, еже и сотвори. Темже не преступление преемствовахом, понеже и сам той Адам не нуждею имеяше то, но волею: смерть же нуждне преемствовахом, понеже и онаго нуждне удержа: яже царствоваше и над не согрешившими по подобию преступления Адамова (Рим.3:14).

Вопрос. Уступим, яко преступление волею име Адам, и сего ради, единоественни суще, и мы волею отпадаем: еда ли и прилога не име нуждне?

Ответ. Поистине, прилог нуждне име: но прилог ниже грех есть, ниже правда: но обличение самовластныя нашея воли. Темже и прилогствовати²¹² нам попущен бысть: да к заповеди убо преклоняющыяся, венечники покажет, яко верныя: к сласти же,²¹³ осужденны, яко неверныя. И сие же ведети нам подобает, яко не о коемждо прелозе нашем абие искусни, или отвержени судими есмы:²¹⁴ но егда во весь наш во плоти живот прилоги испытани будем, побеждающе и побеждаемы, падающе и востающе, блуждающе и на благий путь наставляеми тогда убо в день исхода по сочтении всего соразмерно сему судими есмы, или похваляеми. Ниже убо прилог есть грех; да не будет! Аще бо и по нужде единопомысленне показует вещи, но мы от Господа прияхом власть ду ховнаго делания, и в нашем самовластии есть от первыя мысли искушати и вредное и полезное, и или отметати или приимати помыслы, не нуждне, но от расположенья душевнаго множащыяся. Но положим по тебе, яко и сии нуждне и по преемствованию возникают: почто же нас Божественное писание осуждает о лукавых помыслех? Или како можем возбранити, нуждне и по преемствованию нам стужающыя? Аще ли же ми глаголеши, яко можем благодатию Христовою, юже прияхом от крещения, востягати я, по Писанием: то разумей, яко и тако мы есмы виновни, власть имущии и силу от Бога, возбраняти я от перваго прилога, и не возбраняющии. Аще же кто иного кого виновна поставляет своих зол, то не токмо без страха согрешает, но и хулит на Бога, аки виновны²¹⁵ человеки ратуемы быти попустившаго.

Вопрос. Почто убо аз крещен сый, и Бога молю, и благодать Его призываю, и всею волею хощу избавитися и свободитися от лукавых помысл, и не могу? Или не явно есть, яко преступление Адамле, сие нам неизбежное наследие остави?

Ответ. Подобаше убо нам, словесным²¹⁶ сущым, ведети, еже слышим: а понеже от сластолюбия и тщеславия помрачившися душа во глубину невежества низпаде, то, ни заповеди Писания слышит, ни естественного последования, ни искусных²¹⁷ разсмотрения: разве точию своим умышлением поеледует. Кто бо веруя Божественному Писанию, и творя заповеди Господни, по мере того не обретает разсмотрения²¹⁸ помыслов, и не извещавается яко не по власти держат, но по маловерию нашему и оскудению²¹⁹ заповедей? Темже, ниже вси устроением равни есмы, ниже темижде мыслми стужаеми есмы: понеже произволителны суть вины помыслов? Аще бо были быша понудителны от Адама, вси быхом подабне от греха стужаеми и неизбежно держими были: и ниже писателна разсмотрения,²²⁰ ниже Апостольского совета требовали быхом: естеству держащу по преемствованию и²²¹ сластолюбивой воли. Ныне же не тако есть, да не будет: се бо видим, яко не вси подобне от помыслов стужаеми есмы, ниже в техжде временех, ниже о техжде вещех: но кийждо, якоже верова Господеви о будущих благих, человеческую славу и сладострастие презрев, толико и помыслы возбрани, и от сладостраствующаго безмолвнший²²² есть: сего ради и един от другаго и мыслию и житием разнетвуем. Понеже убо мнозии и в сем обольщаем²²³ истину, и ищем не от веры Иисусовы, сиречь не деланием заповедей Его, ниже худостию²²⁴ и смиренномудрием, сердцем боляще, угасити помыслы; но с тайным сладострастием, тщеславием глаголю и человекоугодием, мнением же и являтелством, распрею, любопрением и возношением, и инеми таковыми; от нихже получения убо похотетелныя, а от не успеха яростныя множатся помыслы: сего ради не можем, вины²²⁵ держаще, отвергти свойственная им действа. Аще же ложно есть слово сие, и без нашея вины от помыслов стужаеми есмы: то разсмотрим внимательно, яко Богу исповедающеся. Кто бо не весть, яко и делом и словом и мыслию предреченныя страсти приемлем на всяк день; и содействующих убо, яко благодетелей любим, возбранящих же яко врагов, отвращаемся и ненавидим? Аще ли же тако предреченныя страсти любим, яко явственне та и защищаем, како единопомысленный прилог их возненавидим? Первомыслию же прияту бывшу, како на сем зависящии помысли припоследствовати не имут?

Вопрос. Аще сия и положим тако быти, обаче во Евангелиих Господь обещася сотворити отмщение вопиющих к Нему нощь и день (Лк.18:7)?

Ответ. Господь не к лежащым во сладострастиях волею своею притчу сию глаголет, но к ратуемым от единех предприятий²²⁶, сосложения²²⁷ же не творящим: темже за сих убо, яко от враг обидимых, отмстити обещася; онех же, яко помогающую заповедь отринувших, обличает, глаголя: что мя зовете, Господи, Господи, и не творите, яже глаголю (Лк.6:46)? ихже и приуподобляет мужу уродиву, на несце волей своих, а не на камени заповеданий Господних, зиждущему храмину свою (Мф.7:26). Сего ради не опирайся неутвержденным умом и не разумным намерением на всех мнениях своих, яко на истинных, овогда убо глаголя, яко ази крестихся, и Бога молю, и благодать Его привлекаю всею волею, хотя избавитися от лукавых помысл, и не могу²²⁸, овогда же паки отмщения ожидая Господня, еже сотворити во Евангелиих обещася, и везде себе неповинна возставляя, еже великия есть хулы виновно. Обаче вопрошу тя и азо мале мнения разум²²⁹, и даждь ми ответ: вем же, яко от истины утесняем, или болша возношения глаголы речеши, или вину свою исповеси: почто Господь, рек: вскоре сотворит отмщение, не творит вскоре, но коснит, и оставляет тя в лукавых помыслех, аще и всесердечне и без сочетания²³⁰ молящася, якоже рекл еси?

Он же рече: аз мню, ничесого же ради иного коснит Господь, точию моего ради терпения: елико бо кто потерпит ратуем, толико и прославится.

Православный же Старец рече: аз убо мнех, единому обдержащу тя возношению произнести ответ, ты же и хулу приложил еси. Зане, да себе лжеименное терпение припишеши, уставил еси Господа во Своем словеси солгавша: и лукавыя помыслы, не ктому, по Божественному писанию, лукавства и сладострастия и всякаго греха быти подателны, от сердца исходящыя, по словеси Господню, и сквернящыя человека глаголеши, но терпения и яже от Бога славы нам виновны. Аз же никогдаже лукавыми помыслы содержимыя от Божественнаго писания похваляемы быти обретох, ниже в ветсем, ниже в новем завете: но паче, яко самовиновны, окаяваемы и осуждаемы. Бог бо якоже лукавыя помыслы ненавидит, тако и раждающее их сердце. Темже, имуще я, плакати должни есмы, яко грехолюбиви, а не напыщатися, яко с чуждыми брань творяще злыми. Разумей убо известно, о человече, яко Господь назирает сердца всех человеков: и ненавидящих убо лукавых помышлений первомыслие, абие заступает, якоже обещася, и не оставляет множество многомыслия воставшо оскверняти их и ум и совесть: а не низвергающих первая прозябения помыслов верою и надеждою на Бога, но аки бы для научения и испытания присладостраствующих, оставляет, яко неверных и безпомощных²³¹, окрест биенных быти от последующих помысл, ихже сего ради не отъемлет, яко видит первый их прилог от нас любим, а не от перваго явления ненавидим. Аще же кто, по толице явнословии, не верует реченным: то, делом обучився, да уразумеет истину. Аще же ни Писанию верует, ни делом хощет извествован быти таковый, яве есть, яко любит сласть возношения: что бо паче сего²³² сладострастнейше, чужд помысленный грех быти советующаго, и кичитися и воздыматися, яко неповинным, паче неже исповедатися и плакатися о лукавых советованиих, сотворяющаго?

Вопрос. Ты предрекл еси, яко преступление убо Адамле не преемствовахом, но смерть яже от сего: темже смерти державствующей, державствуют и лукавии помысли.

Ответ. О зловерия!²³³Почто убо прииде Господь во плоти? Не всяко ли, да един за всех умрет по Писанием, и упразднит имущаго державу смерти, сиречь диавола (Евр.2:14)? Аще же еще смерти яже от Адама державствовати кроме нашего зловерия непщуеши, яве, яко и пришествие Господне отмещеши, и крещение несовершенно имаши: еще крещенным без своея их вины от отеческаго²³⁴ закона, паче же смерти державствуемым. Сего ради, о человече, слыши, како благодатию Христовою нов Адам был еси, и ничтоже от ветхаго нуждне в себе носиши, разве бы нечто от твоего зловерия и сластолюбия²³⁵. Прииде нас ради Господь, умре за ны, избавил есть нас от отеческия смерти, очищает ны и обновляет крещением, полагает ны в раи Церкве; от всякаго древа еже в раи ясти попущает: сиречь всякаго крещенна в церкви любити, и терпети во умалениих, а не о пременах когождо осуждати и во мнящихся убо добрых любити, во мнящихся же злых ненавидети, еже есть древо еже ведети доброе и лукавое, от него же вкусив ум, абие падает в таяжде умаления, и обретает свое обнажение лукавым изобретением²³⁶ на ближняго, еже прежде не ведяще, состраданием прикровенно. Сего ради в раи Церкве положенным, заповедает Господь глаголя: не судите, и не судят вам: и не осуждайте, да не осуждена будете: отпущайте и отпустится вам (Лк.6:37): мало же выше сих глаголет: елика аще хощете да творят вам человецы, и вы творите им такожде: се бо есть закон и Пророцы (Лк.6:31, Мф.7:12), закон убо глаголя: возлюбиши ближняго своего, яко сам себе (Лев.19:18): Пророцы же: имже образом сотворил еси ближнему твоему, буди тебе. Коликожды убо заповеди сия осквернихом! коликожды ближняго осудихом без сострадания! Коликожды возненавидехом, или и ничимже обидяща обидехом! Аще же сия тако суть, то почто еще Адама обвиняем о наших злых? Аще бо и надохом во свою его смерть, но подобне преступихом и заповедь волею, якоже и он. Три убо случишася Адаму вещи, а не едина, якоже ты непщуеши, яже суть: прилог по смотрению, преступление по своему его неверию, смерть по праведному суду Божию, припоследовавши не смотрителному прилогу, но еже от неверия преступлению. Мы убо не преступление, но смерть преемствовахом: за еже не мощи нам от мертвых живым быти, дондeжe прииде Господь, и вся верующыя оживотвори. Первомыслие же по смотрению имамы, якоже и он: но и еже преслушати, или не преслушати, в воли нашей имамы, якоже и он: и уверяют ны, яко произволително, а не понудително имамы еже чрез помыслы преступление, не согрешившии по подобию преступления Адамля, якоже рече Апостол (Рим.5:14): аще бо от Адама суще они возмогоша не согрешити по подобию преступления Адамова, яве, яко и мы, аще хощем, можем. Почто убо предлагаем извинения о гресех, и глаголем на Бога не правду, яко чуждими злыми ратуемым быти нам попустивши неправедно? Должни убо есмы известно ведети, яко всякой Адамлей вине убиеной бывшей от Господа, кийждо нас аще что либо страждет зло, по своей вине страждет, отверг своим неверием, сиречь сластолюбием, еже приятъ таинственне во крещении совершенство. Аще бо человек и не у позна еже прият, несовершен сын верою, и скуден деланием: но Бог совершенное тому дарова, глаголет бо: всяк дар совершен, свыше есть, сходяй от Отца светов (Иак.1:17). И самое же сие совершенное не просте, ниже якоже бы приключилося, обретает кто, аще и всяку человеческу премудрость, аще и всяк мирский разум приведет, но точию деланием заповедей Христовых, и сие в соразмерности: по различию бо делания, различне, и дар он нам открывается. Никтоже убо себе да хвалит словесы и образы, онаго не имея хваления, еже рече Апостол: глаголет бо: не хваляй себе сей искусен, но его же Господь восхваляет (2Кор. 10:12): но и той иже и от Господа хваления приемлет должен есть право мудрование употребити, и ведети известно, яко елико бы кто ни подвизался противу своему неверию, и предуспел верою, и приял кое благо, не по разуму²³⁷ точию нагу, но и по действу; то ничтоже множае обрете, или обрести может, точию еже предприят таинственне крещением, еже есть Христос: елицы бо, глаголет, во Христа крестистеся, во Христа облекостеся (Гал.5:27): Христос же, совершен Бог сын, совершенну крестившымся благодать Святаго Духа дарова, приложения убо от нас не приемлющую: но открывающуюся нам и являющуюся по мере делания заповедей, и прилог нам веры подающую, дондeжe достигнем вси в соединение веры, в мужа совершенна, в меру возраста исполнения Христова (Еф.4:13). Аще убо что приносим Ему возрождени бывше, сие уже от Того и Тем бе в нас сокровенно, по писанному: кто разуме ум Господень? Или кто советник Ему бысть? Или кто прежде даде Ему, и воздастся ему? Яко из Того, и Тем, и в Нем всяческая: Тому слава во веки веков. Аминь.

Вопроси некто от словесник диканик²³⁸ старца постника, глаголя: молю уверите мя уразумети хотяща, что мудрствующе иноцы глаголете, яко подобает обидящих не судити? или что действующе, от чувственных вещей и дел удаляетеся? О нихже зело порицаю вы, яко безсудие убо противу законов, праздность же противу естеству ухищряющих; аще же любомудрия ради сие творящих уразумею, то нуждне и сам от таковаго порицания отступив, поревную добродетели вашей.

Постник же, прежде во уме помолився, тако рече: подобаше убо прочее, о словеснейше, о сих то уверитися хотяшу, от добре ведущих научитися, мы бо еще от учимых есмы. А понеже, якоже рекл еси, к невеждам сам о себе пришел еси, яко имый уверитися, о нихже глаголеши, слыши: Иноцы странно Церкве не избраша мудрование: но Христово содержати тщатся, по Апостолу глаголющему: сие да мудрствуется в вас, еже и во Христе Иисусе, иже во образе Божии сый, не восхищением непщева быти равен Богу, но себе истощил, зрак раба приим (Флп.2:6:7). Разумей убо, яко Богодарованно есть, и великия добродетели, глаголю же, смиренномудрия виновно²³⁹: делати же сие дело заповеда Господь в церкви, рек: делайте не брашно гиблющее, но пребывающее в живот вечный. (Ин.6:27).

Диканик глагола: Да уразумеем и мы, молю, кое есть дело сие?

Постник рече: Еже молитвою искати царствия Божия и правды Его, еже и внутрь нас (Лк.17:21) рече быти, и ищущым его телесная вся приложити обеща (Мф.6:33). Сия убо услышавших от Господа, и веровавших, и по силе делающих, како вне естества нас деяти глаголеши? Аще же видится ти противу естеству: то разумей, кого порицаеши: Бог бо есть заповедавый. Подобне же, и еже не обиждати²⁴⁰ (в) обидящыя, Божия заповедь есть. Како убо законопреступают творящии ту рекшу Богу Пророком: мне отмщение, аз воздам, глаголет Господь (Втор.52:53.): и Христос во Евангелиих: не судите, и нс судят вам: и не осуждайте, да не осуждени будете: отпущайте, и отпустится вам (Лк.6:57.): и Апостол: прежде времене ничтоже судите (1Кор.12:49): и паки: не себе отмщающе: и инде: ты что судиши чуждему рабу (Рим.12:19, 14:4.)? Кто же есть прочее паче сих праведнейши законы уставивый, и прежде времене судити восхотяй обидящыя, яко безгрешен, и закон Божий хранити покушающыя законопреступлением обвиняяй, и незлобие именуяй быти злобою?

Вопрос. Сия слышав схоластик, рече: Князие убо согрешают ли, обидящым отмщающе, а обидимым праведное сохраняюще?

Ответ. Отвеща старец: Судии не согрешают, но предающии, а не Богови оставляющии: первее убо, зане все нашедшее на ня, за своя их зла наведение есть, к покаянию их влекущо, а не ко отмщению: второе же, яко, аще и неправедне пострадаша приключщееся злостуадание, подобаше отпустити обидевшему, слышавше Господа рекшаго: отпущайте, и отпустится вам, а не человеческим воздаянием непрощенна творити своя си злая. Князи бо, по Апостолу, не суть боязнь добрым делом, но злым (Рим.13:3). Не бо верныя и благоговейныя нудят обвиняти обидящих ниже укоряют непамятозлобивых, почто не употребляют судилищ обидими; но хотящым подают отмщение: Бога же ради долготерпящыя, яко иаче благо мудрствующыя, и почитают и похваляют. Якоже убо не хотящих приходити не иривлекают, тако обвиняющих отмщающе, не согрешают. Темжо подобает, премудрейше, по внешних законех же и словесех, прочее и духовному научитися закону, и яже о благочестии воснрияти труды, и яко своя терпети находящая скорбна; без нихже не может кто воистинну быти премудр.

Схоластику же ищущу уразумети, кий суть иже о благочестии труды, рече старец: заповеди Христовы быти, ихже первая и величайшая есть любы, яко не мыслит зла, но вся любит, всему веру емлет, вся уповает, вся терпит (1Кор.15:5:7) по Писанию. Сия же творящи, не может судити мнящихся ту обидети. Сею един убо от другаго разнствуем: вси же от достоинства тоя остаемся, ожидающе благодатию Христовою лишений исполнения, аще о делании еже по силе не вознерадим: Бог бо весть, колико немощетвующе не можем творити, и колико нерадяще не делаем дела любве. А ионежо не от производителных трудов точию, но и от случателных скорбей²⁴¹ укрепляется: сего ради многаго нам потреба от Бога терпения и кротости. Темже убо глаголет Божественный Апостол: хотяй быти мудр в веце сем; буй да бывает, яко да премудр будет (1Кор.5:18). Таковый убо вышших себе о оскудевиих²⁴² совершенныя любве, не осуждает: себе же паче ко онех превосхождению, простирает: и егда тех постигнет, паки инех ищет болших себе, и обрет ретится²⁴³ и тем: и никогдаже престает от течения, дондeжe обрящет неких того любовию предваряющих. Аще же кто себе с вышшими не уподобляет, онех²⁴⁴ же, яко несовершенных, осуждает, себе самого осуждает, яко не весть себе: глаголет бо²⁴⁵: не осуждайте, да не осуждени будете (Лк.6:56). Отнюдуже иже в словесех премудри, единех обидящих согрешати непщуют: а иже в Дусе, и обидими суще себе порицают, егда не с радостию самопроизволне обиды терпят: не точию же за сие, но яко и от древния их вины скорби израстают, аще и согрешение²⁴⁶ согрешения легше есть. Отмщаваяй убо себе, о безеудии Богу мнится зазирати: терпяй же, яко свою, нашедшую нань скорбь, предприятие свое исповедует, егоже ради и терпит, стражда лютая.

Вопрос. Вознегодовав же схоластик²⁴⁷ о обличениих, рече: аще сия духовный ваш закон повелевает, Богу уставившу, якоже рекл еси, почто падают нецыи от инок, сей держаще закон?

Ответ. Старец же рече: держащии его не падают, но оставлшии, и о изрядных его вознерадевшии: о молитве, глаголю, и смиренномудрии, от тщеславия и попечения житейского окрадени бывше. Темже и диавол вся житейская помышляти нам и творити не возбраняет, точию да от молитвы и смиренномудрия скитатися сотворит: весть бо, яко без двою сею бывающая, яко аще и добра суть, позде некогда он отъимет. Молитву же глаголем, не точию плотно совершаемую, но и мыслию неразвлеченною Богу приносимую. Аще бо едино от нею безвременно отторгается, то ниже другое наедине предстоит Богови, но своей воли.

Вопроси схоластик. И имать ли волю плоть вне мысли?

Ответ постника. Имать, якоже глаголет Апостол: яко бехом бо иногда и мы непокориви (Тит. 3:3), творяще волю плоти (Еф.2:3): и паки: плоть похотствует на духа, и дух иа плоть (Гал. 5:17). Се убо имат и похоть, и волю, еже мнозии не ведят, невнимания ради о помыслех и сосложения. Темже не точию нерадящии о молитве, но и не внимающии о уме стужаеми суть. Сия же рехом, не яко инех осуждающе, но лишения своя исповедающе: зане оно убо гордости, сие же смиренномудрия есть знамение: и, гордым убо Господь противится, смиренным же дает благодать (1Петр.5:5), еюже не точно в разум, но и во имство²⁴⁸ нас ведет священныя добродетели, сиречь неразвлекаемыя молитвы, о нейже никакоже нерадети нас хотя блаженный Павел, глаголет: непрестанно молитеся (1Сол.8:17): купно же и непарителность²⁴⁹ ума являя, рече: не сообразуйтеся веку сему, но преобразуйтеся обновлением ума вашего, во еже искушати вам; что есть воля Божия благая и угодная и совершенная (Рим.12:2). Понеже бо, по маловерию нашему и немощи, различны заповеди положил есть Бог, яко да по своему тщанию кийждо избежит муки, и получит спасение: сего ради Апостол наставляет ны на совершенную Божию волю, никакоже нас судимы быти хотя: ведый же, ко исправлению всех заповедей содействующу молитву, не престает многочастне и многообразне о сей заповедуя, и глаголя: молящеся на всяко время духом, и в сие истое бдяще во всяком терпении и молитве (Еф.6:18). Отонудуже знаем яко молитва от молитвы разнствеяша есть: ино бо есть непарителною мыслию²⁵⁰ молитися Богови: а ино еже предстояти убо телом, мыслию же парити: и паки, ино есть время смотрети, и по мирских беседах и неупразднениях упразднившуся помолитися: а ино, елико мощно, предпочитати и предвосхищати молитву паче мирских попечений, по томужде Апостолу, глаголющему: Господь близ; ни о чемже пецытеся, но во всем молитвою и молением прошения ваша да сказуются к Богу (Флп.4:3:6). Якоже и блаженный Петр глаголет: уцеломудритеся и трезвитеся в молитвах, все попечение ваше возвергше нань, яко той печется о вас (1Пет.4:7, 3:7). Первее же и сам Господь, ведый, яко вся молитвою утверждаются, глаголет: не пецытеся, что ясте, или что пиете, или чим одеждитеся: но паче ищите царствия Божия и правды Его, и сия вся приложатся вам (Мф.6:31:33). Негли же и в болшу веру сими нас призывает Господь: кто бо, о привременных нопечение отверг, и не скуден быв, не иметь веры Тому прочее и о вечных благих? И самое же сие явнотворя, Господь глаголаше: верный в мале и во мнозе верен есть (Лк.16:10). Обаче и в сем о нас человеколюбствова: ведый бо неизбежно суще дневное о плоти прилежание , не отсече повседневное попечение: но попустив нам днешний, о утренем повелевает не пещися, зело приличне и боголепне, и человеколюбне: ибо несть мощно плоть носящым и человеком сущым, о тех, яже суть телесныя жизни, отнюдь непещисл: зане спрятатися²⁵¹ убо многим в мале молитвою и воздержанием возможно есть; всеконечне же презреным быти, невозможно. Темже хотяй в мужа совешенна, в меру возраста исполнения Христова досгигнути (Еф,4:13), по Писанию, не должен есть предпочитати паче молитвы всякая служения, или без нужды привлекати, якоже бы приключилося, ниже приключающаяся по нужде некоей и смотрению Божию, изветом молитвы отревати и отметати, но и различие познавати, и смотрению Божию работати без испытания. Не тако бо мудрствуяй, ниже, по Писанию, заповедь заповеди вышшу и обдержителну²⁵² быти верует, ниже, по Пророку, ко всем заповедем направлятися (Пс.118:128), смотрителне сретающым его, хощет. Неизбежным убо сущым нуждным и смотрителне сретающым, отметати подобает безвременная неупразднения, продиочитая молитву: паче же²⁵³ во мнгоиждивение и лихоимство имений нас низвлекущая. Елико бо аще кто о Господе востягнет сия, и излишняя их вещества отсечет, толико и мысль от парений востягает: и елико аще востягнет мысль, толико и чистей молитве дает место, и веру яже во Христа²⁵⁴ показует. Аще же кто, маловерия ради, или иныя ради некия немощи, сего творити не может, то ноне истнну да познавает, и по силе да простирается, младенчество свое обвиняя. Лучше бо есть о оскудении дати слово, а не о прелести и возношении: о немже да уверит тя притча Господня, единаго фарисеа, а другаго мытаря приводящи. Темже и мы да покушаемся всякое мирское попечение надеждою и молитвою отражати: не могуще же сие совершенне исправити; Богови да приносим о оскудениях псповедание, от тщания же еже о ней да не отступаем: лучше бо есть порещися²⁵⁵ о оскудении частнем, а не о всеконечнем оставлении²⁵⁶. О всех же, о молитве и неизбьжном служении реченных, многа нам от Бога разсуждения требе есть: еже познати, когда и кое неупразднение предиочитати паче молитвы должни есмы: понеже кийждо в любимой ему потребе упражняяся, должное служение совершати мнит, не ведый, яко ко благоугождению Божию паче нежели своему, вещи истязовати должен есть. Еще же и паче сего неудоборазсудно, яко и сия нуждныя и неизбежныя заповеди, не всегда , ниже тыяжде: но едина паче другия во свое время предпочитатися должна есть. Понеже не всякое убо служение всегда, но во свое время совершается; молитвы же непрестанна нам служба узаконоположися: сего ради паче бывающих без нужды²⁵⁷ неупразднений предпочитати ту должни есмы. О сем различии вси Апостоли учаще народ, привлещи тех в служение хотяще, глаголаху: не угодно есть, оставлшым нам слово Божие, служити трапезам. Усмотрите убо от вас самех мужы свидетелствованы седмь, ихже поставим над службою сею: мы же в молитве и служении слова пребудем. И угодно быть слово сие пред всем народом (Деян.6:2–5). Чесому же сими научаемся? – Яко не у могущым терпети в молнтве, добро есть быти во служении, да не от обою отпадут: могущым же, лучше есть еже не нерадето о лучшем.

Вопрос. Диконик же слышав сия, тако рече: како убо сущии в мире премудри, о молитве нерадяще, не падают, но любомудрием себе хранят?

Ответ. Старец же, возстенав, рече: добре рекл еси, яко не падают: падше бо единою ужасным и сугубым падением, онем возношения и нерадения, глаголю, ниже востати могут без молитвы, ниже имут, отъоыудуже падут. Кое бо есть еще попечение диаволу, боротися со присно долу лежащими и никогда же востающими? Едини убо суть, овогда убо побеждающии, овогда же побеждаемии: падающии, востающии: оскорбляющии, оскорбляемии: ратующии, ратуемии: а друзии в первом падении многаго ради невежества пребывшии, и ниже ведущии яко надоша, к нимже с жалостию Пророк беседует; еда падаяй не востает, или отвращаися не обратится (Иер.8:4)? И паки: востани спяй, и воскресни от мертвых, и осветит тя Христос (Еф.5:14): к не хотящым же востания труд восприяти, и в молитве пребывати, и о благочестии утесненым быти будущаго ради царствия, глаголет: в погибели твоей, Израилю, кто поможет тебе (Ос.13:9)? Несть струп, ни язва, ни рана палящаяся (Ис.1:6), ниже что от случающихся без воли зол: вольна бо есть сия рана сия есть иже ко смерти грех, ниже иных молитвами исцеляемый. Врачевахом бо, глаголет, Вавилона, и не исцели (Иер.51:9): занеже самопроизволен есть сей недуг, и несть пластыря приложити, ниже елея, ниже обязании (Ис.1:6), сиреч помоществований от инех. Сия и таковая провещевает Божественное Писание ко уничижающым молитву, и, без нужды и немощи, часа и временами сию определяющым: Господу убо , всегда нощь и день; Апостолу же, непрестанно сию приносити всесилному Богу законоположившу. Се и ветхий завет како возбраняет уповающаго на себе и о премудрости своей вознозящагося, глаголя: Буди уповая на Господа всем сердцем твоим: о твоей же премудрости не возносися (Притч.3:5). Сия же не суть едины точию глаголи, якоже неким возмиеся, и сего ради книги стяжаша, и уразумевше написанных силу, и ничтоже оть сих соделавше, пренапыщаваются о нагих разумениих; и словесы и взыскании себе хваляще, велие у неискусных любомудрия носят имя, трудолюбия же не коснувшеся, ниже делу тайнонаучившеся, много от Бога и трудолюбивых и благочестивых мужей приемлют поречение: занеже вводителнаго разума²⁵⁸ Писаний не на дело, но на показание злоупотребивше, сущия по действу благодати Духа святаго лишишася. Сии суть хвалящиися в лице, а не в сердцы (2Кор.5:12). Темже неискуснии дела должни суть того коснутися: реченная бо в Писании, не да уразумеем точию, но яко да та и сотворим, рекошася. Да начнем же убо дело: тако бо последованне предспеюще, обрящем, яко не точию на Бога надежда, но и известна²⁵⁹ нера, и нелицемерна любы, и незлопомнение, и братолюбие, и воздержание, и терпение, и разум внутренний, и искушений избавление, в даров дарование, и исповедание сердечно, и слезы прилежны, молитвою верным прибывают: не точию же сия, но и находящих скорбных терпение, и чиста ближняго любы, и закона духовна познание, и правды Божия обретение, и Духа свята наитие, и сокронищ духовных даяние: и вся елики обетова Бог подаяти верным человеком, и зде и в будущем веце. И отнюдь по образу Божию явитеся души не возлможно, точию благодатию Божиею, и верою человека, с многим смиренномудрием и не парителною диолнтвою во уме²⁶⁰ пребывающаго. Како убо таковых и толиких благих за неведение и о молитве нерадение лишившиися, глаголют: не падохом, и премудрость себе приписуют, ниже свое повержение ведущии, окаянни опадении, окаянши о неискусстве? Сие точию приобретающе, яко нас устрояют множае веровати Писанию глаголющему, премудрость мира сего буйство бытв у Бога (1Кор.3:19): сходящая же от Бога, свыше есть от Отца светов, сяже знамение есть смиренномудрие. Хотящии убо человеком угождати, вместо Божественныя человеческую прияша; и тою напыщаваеми в внутрь хвалящеся, многи от простших прелстиша; увещавше, не в трудех благочестия и молитвы; но в препретелных человеческия премудрости словесех любомудрствовати: юже и Апостол часто порицает, и испразднение креста именует: глалолет бо в послании еже к Коринояном: не посла мене Христос крестити, но благовестити; не в премудрости слова, да не спраздится крест Христов: и паки: Буяя мира избра Бог, да премудрыя посрамит: и худородная мира и уничиженная избра Бог, и не сущая, да сущая упразднит: яко да не похвалится всяка плоть пред Богом (1Кор.1:17. 27–29). Аще убо Бог не во глаголех еллинския премудрости, но во трудех молитвы и смиренномудрия благоволит, якоже указася то точно суемудрствуют, и первый образ благочестия, яко неудобоисправляем, оставлше, ниже вторым или ноне третиим спастися хотят, но вне свящснных оград водворяются²⁶¹?

Схоластику же хотяшу уразумети , кии суть сии благочестия образы, постник отвеща: Три образа суть благочестия: Первый есть, еже не согрешати: вторый, еще согрешившу терпети находящая скорбна: Третий же образ, еже не терпящему плакати о оскудениих терпения: яко зде не исправлшимся нам приличными примирениями²⁶², нуждне, прочее тамошний на ны суд наводят: разве бы точию плачущася ны и смирившася видев Бог, якоже весть, всесилною своею благодатию не изгладил ли бы грехи наша. Аще же о нерадении предреченных плачь и смирение оставлше, еще себе словесы мирския премудрости защищаем, яко да сими и на благоговейншыя возносимся; како помиловани будем прочее, противная милости творяще? О како увещателна есть страсть человекоугодия и неудобообретна, яко и над мудрыми обладает! Зане прочиих убо страстей делания, причастником их удобоявна суть; темже и плакати и смиренномудрствовати удержанныя ими согворят: человекоугодие же глаголы же и образы благочестия прикрывастся, яко ниже прелоги²⁶³ его познати удобно есть оболщаемым.

Схоластик рече: и кии суть тии человекоугодия прелози? Паче же прежде сих хощу уразумети, что есть чсловекоугодие? вижду бо тя не естества последованием ответы умышляюща: но неучения виною вещи разсмотревающа²⁶⁴, и несогласными свидетелствы порицающа полезная; темже сего ми наименования первее рцы свойственность, и тако веру имети будем тебе, яко и родниейший²⁶⁵ того вред постигл еси.

Постник же рече: Человекоугодие есть, якоже мню, еже человеком угождати: сию вем наименования сего свойственность.

Диканик же, яко о велице нечесом удивлся, о глаголе сем, рече: зело приличне рекл еси. Почто убо, благоговейнейше, порицаеши неправедне праведное? Или не мнится ли ти праведно быти, еже коемуждо своих дел испытание не себе отдавати, но испытание и суд благаго инем попущати паче, нежели самем себе? Аз же глаголю, никакоже добродетели составлятися или именоватися вещи не угодной²⁶⁶ человеком, ниже от ближняго имущей²⁶⁷ похвалу, еже и Божественное Писание слышах глаголюще: Да похвалит тя искренний, а не твоя уста: чуждии, а не твои устне (Притч.27:2): и паки: кийждо вас ближнему да угождает во благое к созиданию (Рим.15:2); и паки: безпреткновени бывайте Иудеем и Еллином, и церкви Божией (1Кор.10:32). Кто же может, не угождая человеком, безпреткновен быти? Почто убо толико углубил еси человекоугодие порицая? Аще же подобает, во тебе, не угождающыя челоиеком паче, неже угождающыя, похваляти: то время ти есть и разбоиники, убийцы, и хищники, и наветники, и ирелюбодеи похваляти, понеже ниединому от человик угождают. Аще же о реченных тобою мы даже до ныне умолчахом, да не удивишися: не бо яко не ведяще Писаний, ниже яко не разумеюще праведишее, но хотяще прежде услышати ваша словеса. Вемы же и прощение подаятп в слове ногрепшющем, егда не волею, но ненаказания виною сие творят, и благим наречениям злобу нриписуют, еже и ты кроме произволения пострадал еси, благоговейнейше: хотя бо, якоже мню, явно сотворити самоугодие и сего злая, наименовал еси то человекоугодием. Понеже убо тебе не прилежанием²⁶⁸ но неучением прииде: праведно бы было, нанменованию явлшуся²⁶⁹, и винам, яко ложным, приумолчаным быти: яже толико злы и неудобообретны показал²⁷⁰ еси быти, яко и над мудрыми владети.

Постник же, познав, яко яве о облвчениих негодует, и имущая рещися отмещет, безгласен бысть мало, якоже назнаменати асем слышащым, яко о умышлениих удивлся, составления²⁷¹ остави. Отверз же уста своя , рече: понеже не победити, по сползоватися хотяще, на сия приидохом словеса: ты же даже доныне умолчал еси, не яко не ведый праведншее, якоже рекл еси, но первее от нас услышати повесть²⁷² хотя: сего ради молим честность твою, конец дати обещанию, и научити нас, яко не самоличне, но иноименне порицает человекоугодие Божественное Писание, еже все добре ведый, не добре даже до ныне умолчал еси: тако убо яже от Писания тебе глаголющу, не точию о предреченных повинемся²⁷³, но и по многих инех поведаниих послушаем тя праведнша глаголюща: аще и от пристоты, якоже рекл еси, имена возпременивше, добродетель вместо страсти обвинихом.

Схоластик же, сия слышав, отвеща: не рех, все писание вем, но от части. Ты убо мя во еже глаголати не призывай: но начен, аще убо скуден еси составлении²⁷⁴, молчи, и от нас прощение имети будеши: аще же мощно ти есть показати порицаемо по имени человекоугодие, то глаголи, и мы нуждне, аще и не хощем, истину псповемы.

Постник же рече: да будут сия тако: неправедная же яже от Тебе поречения на ны, где положим ?

Диканик глагола: в долготерпения законе, о немже уже нам прежде воспомянул еси.

Старец же к нему: похвалю твою премудрость, да не глаголю коварство, яко о невежестве милосердие приввел еси, обещанием подати²⁷⁵, еже прияти предусмотрев: обаче сия оставлше, на предлежащее да приидем.

Слыши убо Писание, глаголющее поречения на человекоугодие. Первее Пророка Давида глаголюща, яко Бог разсыпа кости человекоугодников: постыдешася, яко Бог уничижи их, (Пс.52:6). И Апостол глаголет: не пред очима точию работающе, яко человекоугодницы (Еф.6:6): и паки: или ищу человеком угождати? Аще бых еще человеком угождал, Христов раб не бых убо был (Гал.1:10). И многа ина такова в Божественнем Писании прочет обрящеши.

Вапрос. Диканик же рече: что убо, яко и яже Рех аз, писана суть? Убо ли Писание несогласно есть себе?

Ответ. Постник рече: Писание несть себе; несогласно, но мы тупо зрим, ко усмотрению²⁷⁶ истины. Понеже бо не вси нечестиви сухь человецы, ниже вси благочестиво есмы: сего ради не всем угождати должни есмы, но точию благим: подобне же не всем не угождати, но точию лукавым. Темже и Госсодь, сие явнотворя во Евангелиих, глаголет: Горе, егда добре рекут вам вси человецы (Лк.6:26). He точию же в сих, но и в самых мнящихся добрых, человекоугождати нас возбраняет: егда не обличения ради и подражания, но похвалы ради и некоего ради воздаяния показуем добрая человеком. И в лепоту: аще бо воздаяния ради телесна угождати кто человеком хощет, ниедино от Бога дарование духовно приемлет, ниже получает тамошняя воздаяния, восприемля мзду свою: якоже и Господь во Евангелиих яви не единою, но многократне егда и о молитве, и о посте, и о милостыни заповедая: крыти та от человек повеле (Мф.6:2, 5:16).

Схоластик же, еще глаголемым словесем сим, рече велиим гласом: довольно есть, извествован есмь: остает же тебе, не в гаданиих, ни в подобии, но яве рещи, кии суть человекоугодия прелози²⁷⁷: да разумеем известно, суть ли, якоже рекл еси, темнши и неудобообретни, яко мощи тем отай и над мудрыми владети.

Постнпк глагола: слыши разумно, и возвещу ти по имеии: ты же вонми, не обрящеши ли тыя вовсех страстию усвояемы. Первая и мати прелогов сих есть неверие: тому же прочее , яко чада припоследствуют: зависть, ненависть, лесть, рвение, распря, лицемерие, лицеприятие, пред очима работание, оглаголание, лжеговения образ, а не истины, и елики таковы неудобоявны и темны страсти: горшее же всех, яко суть нецыи, иже премудростию словес хвалят сия, яко добра, и вред иже в иих прикрывают. Аще же хощеши, и коварство их отчасти явесотворю: коварный человекоугодник иному советуя, другому наветует: иного похваляя, другаго порицает: уча ближняго, себе хвалит: на суде соглаголник бывает, не да праведное судит, но да врагу отмщает: с ласканием обличает, дондeжe поношая врага своего, прият будет: безименно оболгавает, да оглаголание свое прикрыет: заклинает нестяжатели, да исповедят оскудевающая, яко подаяти хотя: и егда рекут, яко просящих разглашает; пред неискуснымо хвалится, a пред искусными смиреннословит, от обоих похвалу ловя; похваляемым добродетелным негодует, и приверг ину повесть, отъемлет похвалу: князей отсутствующих охуждает, а присутствующих в лице славит: смиренномудрым ругается, и учителей подглядает, воеже укорити; простоту поношает, да яко премудра себе покажет: всех добродетели пренебрегает²⁷⁸, злооы же в памяти носит: и отнюдь²⁷⁹ времена ловит, и лицам работает: яко да известну сотворит многообразную человекоугодия страсть: скрывати покушается своя злая, чуждых вопрошением. Истиннии же иноцы не тако, но сопротивне: иных милосердие презирают²⁸⁰ злая, своя же Богу яветворят: темже от человек неведящих намерения сего, и охуждаеми суть: не бо толико человеком, елико Богу угождати тщатся: ово убо благоугождающе, ово же и себе умаляюще: о обоих ожидающе от Господа воздаяния, рекшаго: возношаяй себе, смирится: смиряяйже себе, вознесется (Лк.18:14).

Схоластик же, поболев о обличениих, рече: аз и разумением твоим, о постниче, и коварству удивихся: еже инем поемля²⁸¹, сам осененне содержиши: лишаяся бо окружнаго наказания, еже по Бозе буйство приял еси, глаголя то премудрость быти величайшу и Богу благоугодну, с нимже и молитну, и яже о благочестии труды нам предложил еси: яко да явственное ненаказание неявным благоговением прикрыеши. Аще ли же отнюдь делатель еси твоих поведаний, то утре паки противоположше (словеса) познаем. И сия рек, востав отъиде.

Старец же, проводив его и возвратився, со слезами моляшеся. Братия же моляху его стенания вину рещи; он же рече: вижду некия от вас смущенны, и знамение приях, яко не на пользу, но на вред приясте диканиково слово: и не спользованы, но досаждены быти себе вменисте о реченных. Сия же вина есть моего уныния, яко духовный закон инем глаголем, сами же не блюдем; аще не последовах, якоже подобаше, хотению дряхлых лицем, но тии держат закон Божий, и вся скорбная не неправедно на ня находити вероваша, по Писанию; то, яко старцу, мне прощение малоумия подайте: точию да веруем, яко случающихся нам печалных есмы повинни, аще и не ново, аще и не темижде вещми, но от ветха долга²⁸².

Тогда некто от братий, уповая на воздержание, и сего ради не ведый истины, и вся убо скорбная терпети покушаяся, обаче неправедно, яко мученик, страдати мняся, с дерзостию отвеща, глаголя: где Писание, по вине коегождо и по праведну суду Божию находити на человеки бедам рече?

Старец же, о нихже той рече, зело возрадовався лицем, глагола: во многих главах сие взыскав обрящеши, возлюбленне, и в ветсем и в новем завете. Аще ли же хощеши, в мы тебе мала явим: ты же уразумев, отвержи высокомудрие, паче же зломудрие, и стяжи смирение Бога глаголющаго: возмите иго Мое на себе, и научитеся от Мене, яко кроток есмь и смирен седцем: и обрящете покой душам вашым (Мф.11:29).

Послушник же, натек на слово то, рече: аще кийждо от нас в сем подражает смирение Христово, во еже свой долг вменяти паходящая, якожс рекл еси, яве, яко и Христос пострадав, Свой долг соверши: темже аз хулника вменяю быти сия глаголющаго.

Слышав же сия Игумен, глагола: аз убо покушахся, предварший²⁸³ твой вопрос первее разрешити: а понеже и сей другий привергл еси, яко от слияния вопросов прикрыти решения; мы во Господе и о сем известно сотворим, приличная сопротив вопросивше. Рцы бо ми, возлюбленне, заемлющии долг свой, тии ли едини должницы суть, или и исиоручающиися о тех?

Пуслушник же отвеща, глаголя: яве яко и испоручающиися о тех.

Старецже к нему: разумей убо известно, яко и Христос нас восприем, должника себе сотвори, по Божественным писанием: агнец Божий, вземляй грех мира: быв по нас клятва (Ин.1:29; Гал.3:13): за всех восприемый смерть, и за вся ны умерый: по тебе ли точию не восприят, сие исповеждь ясне, и мы побеждени есмы.

Брат же припад рече: аще и яно младенец погреших по неведению, но избавителя верных и Восприемника не отрицаюся: вем бо, яко несть иныя надежды спасения человеком, Апостолу глаголющу: яко вси согрешиша, и лишени суть славы Божия, оправдаеми туне благодатию Его (Рим.3:23). Сползовавшымся же всем о познании и покаянии брата, старец рече: остает прочее нам показати от Писания, яко ничтоже от случающихся печалных на коегождо неправедно находит, но вся по праведну суду Божию: овем убо, о своих си злых, овем же, о ближняго страждущым, в недро входят вся неправедным: от Господа же вся праведная (Притч.16:33). Сего ради глаголет: несть зло во граде, еже Господь не сотвори (Ам.3:6): и паки: вся дела Господня с правдою: (Прит.16:9): и, ежс сеет кождо, сие о пожнет (Гал.6:7): и, аще неправда наша Божию правду составляет, что речем? Еда ли неправеден Бог наносяй гнев? да не будет (Рим.3:3). Се и трие отроцы, в пещ вовержени бывше, учат ны сему мудрованию: по своей вине (Дан.3:28:31), и по Божию повелению глаголюще ввержени быти, аще и инех восприяша лице. И снятый Давид, от Семеа оскорбляем, повелением Божиим и своея ради вины исповедает оскорбляем быти (2Цар.16:11): и Исаиа же, и Иеремиа, и Иезекиль же, и Даниил, и прочии Пророцы людем и языком будущая скорбна по коегождо греху находити наня пророчествоваху: купно и вины и наведения предявивше глаголют бо: сих ради, понеже глаголаху сия, и творяху сия и сия, паидоша на ня сия и сия. И во псалме блаженный Давид, сие явнотворя, глаголаше: Разумех Господи, яко правда судбы Твоя, и воистинну смирил мя еси (Пс.118:75): и паки: Поношение безумному дал мя еси. Онемех и не отверзох уст моих, яко Ты сотворил еси (Пс.38:9–10). Темже и мы о тех, яже слышахом от Диканика, яже святаг0 Давида глаголати ко Богу должны есмы, еже: онемех и не отверзох уст моих, яко Ты сотворил еси: и благодарити, яко прикровенных в нас лукавых мыслей обличителя того посла Богь:да мыслп наша известно разсмотривше, себе исправим, и не сомнимся, аще множайшее злобы своея не вемы: совершена бо мужа есть, незабывателну быти о своих умалениих. Аще бо явственная умаления неудоборазумеваема суть, то много паче помышления: мы же, множайшее злобы своея не ведяще, смущаемся о наведениих. Уразумеим убо, яко словесни, яко на пользу нашу наводит Господь наведевия, и многа добра теми в нас делает: первее, обретение тайне содержащих ны злых мыслей: по обретении же сих, и смирениомудрие прилагает истинное и непритворное: таже суетнаго возношения избавление, и отнюдь всякия злобы внутрь таяищияся откровение по писанному: Проникоша вси делающии беззаконие, яко да потребятся в век века (Пс.91:8). Сие убо известно ведите, братие, знающе, яко аще наведения с верою и благодарением не терпим, то внутрь сокровенную злобу обрести не можем: сей же не обретшейся, ниже настоящыя злыя помыслы отврещи можем, ниже прежде бывших зол очищения взыскати, ниже о будущих утверждение прияти.

Вопрос. Аще глаголи схоластика обличение суть дел наших, то почто реченным повинны себе не обретаем?

Ответ. Наведения и обличения, яве не уподобляются винам: по духовному же, всю хранят правду. Сие же и от святаго Писания уразумети можем: еда бо под столпом Силоамским умершии на инех столп потрясоша? И отведеннии на покаяние в Вавилон пленницы седмьдесять лет, иныя некия пленники взяша ли на покаяние? Не тако суть наказателнии случаи: но якоже воини, егда яти будут согрешивше, биеми суть убо, но не таяже страждут, якова зла сотвориша: тако и вси наказуеми есмы находящими благовременне убо и приличне, и к покаянию: но не подобообразне, ниже в тожде время, ниже темижде вещми: и сие есть еже приводит многих в неверие правды Божия, (сиречь) вина²⁸⁴ времени, и неподобие наводимых.

Bonpoc. Темже, понеже многи находят на ны скорбны вещи, оно убо от человек завидящих, оглаголующих, клевещущих, ласкающих, заблуждати творящих, прелщающих , подкопывающих, крадущих, лишающих, соблазняющих, враждующих, презврающих, ненавидящих, ратующих, биющих, гонящих, и елика человеком от человек находят: или от тела своего безчинствующа, ратующа, покоя хотяща, в различны недуги и язвы падающа, многообразне немоществующа: или вне сих случающаяся: угрызения псов, ядометных или плотоядных зверей: к сим, губителства, глади, труси, потопи, случаи, мрази, знои, старость, убожество, уединение²⁸⁵, и елика такова: оно же от духов лукавствия, к нимже брань нашу быти Апостол яви, словеса наша и деяния наблюдающих, чрез няже последованне подобны в помыслы наша быти усмотревают, и влепоту: аще бо самовластный наш ум со искусителными прилоги по причине неверия беседовати не будет, и оставль соборную²⁸⁶ надежду, помыслы не подвигнет: то ниже словеса произносятся, ниже деяния совершаются: ты же рекл еси, яко всякия беды по вине соразмерне на коегождо находят, в познание правды Божия нас влекуще: яви убо нам вины, да тако веру имем, яко повинни наводимым есмы, и должни есмы претерпевати находящая скорбна: да не на суде, не точию яко грешницы, но яко в исцеления не приемше, тяжшу имети будем муку.

Отет. Всякаго случая вина суть помыслы коегождо: иногл же бых рещи, яко и словеса в деяния: а понеже сия прежде мысли не происходят, сего ради все помыслом приписал бых. Помыслу убо предидущу, прочее словеса и деяния подают нам друг ко другу приобщение. Два же суть образа приобщения: един от злобы, а другий от любве. Приобщением же, якоже не вемы, друг друга восприемлем: а восприятием паведения нуждне припоследствуют, якоже глаголет Божественное Писание: поручаяйся за своего друга, врагу предает скою руку (Притч.6:1), Тако кийждо не точию о себе находящая терпит, но и о ближнем, в нихже того восприят.

Вопрос. Молим уразумети един образ восприятия, глаголем же бывающий от злобы.

Ответ. Восприятие еже от злобы не вольно есть; но тако случастся: восприемлет искушения якоже не хощет: лишаяй, лишаемаго: клевещай, клевещемаго: лихоимствуяй, лихопмствуемаго: утомляяй, утомляемаго: оглаголуяй, оглаголуемаго²⁸⁷: оболгаваяй, оболгаваемаго: и да не по единому глаголю: всяк обидяй, обидимаго по соразмерности восприемлет искушения. О сем же и Божествсииное Посание свидетелствует, глаголющо: Праведный от лова убегнет: в негоже место предается нечестивый (Притч.11:8): и паки: изрываяй яму искреннему своему, впадется в ню: и валяяй камень, на себе валит (Притч.26:27): и паки: в недро входят вся ненраведным: от Господа же вся праведная (Притч.16:33). Аще убо неправда наша Божию правду составляет во друг друзе, по Апостолу, что речем? Еда ли неправеден Бог паносяй гнев на наказуемыя наведениями, но и противу сим без разсмотрения свирипеющыя ?

Вопрос. Сия тако быти веруем чрез последование, услышавше: прочее рцы нам и восприятие еже от любве.

Ответ. Восприятие еже от любве есть, еже Господь Иисус нам предаде: первее, исцелив не мощи наша душевныя, таже целя всяк недуг, и всяку болезнь; вземля грех мира: естество чистое паки устрояя верующым Ему известно; смерти избавление: благочестие предав, благочестию уча: любве ради злострадати до смерти, показуя: к сим же терпение причастием Духа даровав нам, и будущая благая, ихжс око не виде, и ухо не слыша, и на сердцс человеку не взыдоша (1Кор.2:9). Темже и искушения за ны восприемлет: поношаем, поругаем, вяжем, предаем, по ланитома бием, оцтом и желчию напояем, гвоздми пригвождаем, распинаем, копием прободаем. Тако нам плотию в духом приобщився, и яже за ны страсти восприем, паки святым Апостолом и учиником предаде закон сей, Пророком, Отцем, Патриархом, онех убо прежде научив Святым Духом, овем же показав пречистым телом Своим. Сие убо восприятие являя, глаголаше: не бойтеся, Аз победих мир (Ин.16:33): и паки: аз за них свящу себе, да и тии будут священи во истинну (Ин.17:19): и паки: болши сея любве никтоже имать, да кто душу свою положит за други своя (Ин.15:13). Темже и святый Павел, подражая Господа, глаголаше: Ныне радуюся во страданиих моих о вас, яко исполняю лишение скорбей Христовых во плоти моей за тело Его, еже есть церковь (Кол.1:24): и той еже от любве восориятие гадателствуя. Хощеши же Ли яснее познати, како нам вси Апостоли мыслию и словом и деянием приобщишася, и прйобщением за ны восприяша искушения? Мыслию убо: писания нам предлагающе, пророчества отверзающе, Христу веровати, яко Избавителю, увевщавающе служити Ему, яко по естеству Сыну Божию, извествующе, за ны молящеся, слезяще, умирающе и елика верныя суть мысли²⁸⁸ Словесы же: моляще, запрещающе, учаще, обличающе, маловерию нашему поношающе, невежество наше порицающе, Писания сказующе, время явнотворяще, Христа исповедающе в Того за ны распята бывша проповедающе, Слово вочеловечшееся единаго, а не два глаголюще быти, аще и из двою²⁸⁹ быти разумевается, соединенных неразделно и неслиянно, во всяком времени и месте и вещи зловерие возбраняюще, лже не согласующе, с хвалящимся по плоти не собеседующе, со тщеславным не пребывающе, кичителя не боящесял, лукавнующа уничижающе, смиренныя приемлюще, благоговейныя усвояюще, и нас таяжде творити научивше. Деянми же: гоними, поругаеми, лишаеми, оскорбляеми, озлобляеми, в темницу всаждаеми, убиваеми, и елика такова за ны пострадаша. Тако убо приобщением восприяша и искушения наша: аще бо, глаголют, скорбим, о вашем соасении: аще ли утешаемся, о вашем утешении: закон от Господа приемше глаголющаго: болши сея любве никтоже имат, да кто душу свою положит за други своя (Ин.15:13). И тии нам предаша, глаголюще: аще убо Господь душу Свою по нас положи: и мы должни есмы души наша по братии полагати (1Ин.3:16): и паки: друг друга тяготы носите, и тако исполните закон Христов (Гал.6:2). Аще убо познахом два образа друг ко другу приобщения, (сиречь) еже от нужды, и еже от любве последствующее восприятие: то и сообразне с теми случающаяся искушения не любопытствуим, еже како, или когда, или чрез кого ноходят приличность бо коегождо: и не отложное их тщание²⁹⁰, и всея твари о сем содействие, единаго Бога есть ведети. Мы же должни есмы точию веровати правде Божией, и ведети, яко все нашедшее на ны неволею, или любве ради, или за злобу нам прииде: и сего ради терпети подобает и не отревати то, да не приложим грех на грехи наша. Прежде всех молю вы, братие, опасне внимати реченным: да не и мы безполезне за словеса искушения терпим, и вы за уныние реченная забвению предадите: забвение бо уныния есть дщи: обоя же неверия исчадия суть.

На сия отвещаша братия: усерднейше буди о поведании сем, о Отче! Мы бо вемы, яже слышахом, извествуеми от Писания, сия глаголющаго, яко без правды Божия ничтоже от невольных человеком случается, аще и таинственное случаев стечение, и приличное тщание²⁹¹, человецм суще, не росттзаем, якоже и сам ррежде рекл еси. Темже о реченных без попечения быв, рцы нам прочее, что есть воля плоти, и како от ума бысть²⁹²? Схоластик бо вопрост точию, есть ли, а еже како, или что есть, не вопроси.

На сия рече постник: воля плоти есть естественное телесе движение, с последующим без помысла раждежением: яже сном и удес отрадою крепость приемлют, о нихже и блаженный Петр глаголет: не дивитеся еже в вас раждежению, ко искушению вам бываему, яко чужду вам случающуся (1Пет.4:12). И блаженный Павел о сих рече: плоть похотствует на духа, и дух на плоть: темже и заповедает глаголя: духом ходите, и похоти плотския не совершайте (Гал.5:17:16). Сия же реша, не сочетанных нас с таковыми движении быти хотяще, о Христе Иисусе Господе нашем: с нимже Отцу слава со святым Духом, во веки веков. Аминь.

(А в рукописи 6-е потому что пятым названо там послание к Николаю иноку, которое напечатано в Добротолюбии.)

Благодарение Богови, благодарение. Благодарение, превосходящему и неисповедимому Его дару, яко человеколюбствова о души во страстех лютых содержимей, и всея крепости отчужденней, и посетил есть милосердным и всецело на Бога возложенным произволением, глаголю же, добродетелною и Богу прилепленною преподобною твоею душею: еюже послася ми искра блистающа, исполнь света Божественна, и удица имуща льщение²⁹³ духовно: и светилником глаголов труда и любве, от согласнаго²⁹⁴ Богу помысла рожденных, исторже окаянную мою душу от мрачнейшия тмы и бури, и возникнути сотвори мысли моей изрядне Владыка от возвещенных ми триех исполин. Воистинну бо исполини суть велицы и свирени, никогдаже престающе ратовати человеческий род. Кого же тако свирепо и люте содержат на земли, якоже мене зле и своею волею от них еще господствуема? Но иже никогдаже веселяйся о погибели живых, помилова и показа долготерпение Свое и милосердие человеколюбия, и подвиже оный благочестивый помысл, и возбуди сном глубочайшим низлежащее произволение, и показа и яви мне предреченныя исполины: глаголю же , первее, забвение изгнавшее Адама из рая, аще бо не бы забыл заповедь Владыки, не бы отпал от таковыя славы: и уныние, имже уныв послуша супруги: и неведение, имже не уведе, что бе и что бысть. Сия три духи явлены ми сотвори Господь Иисус Святым Духом, живущим в тебе. Посла бо воистинну меч обоюду остр, еже есть глагол Божий, и разсече полма ум со многою тишиною. Не точию же до сего ста, но и сладость некую духовну воистинну твоих глагол вложи в произволение мое. Коликими убо усты и коликими языки возмогу достойне возблагодарити истинному Владыце Богу о воспомяненных ми тобою благодеяниих, или паки о послании благохудожных и благоутробных глагол и возбуждателных души ко взысканию истины и блюдению заповедей Божиих, и о многой пользе ходити хотящаго путем Господним, отводящим в жизнь вечную? Не точию же мне таковая польза словесы сими бысть, но и елицы та слышаша, велми просветися их мысль, и многу пользу прияша от явственне глаголанных глагол. Сего ради глаголи сии, яко вещи, извествовани²⁹⁵ быша: и словеса сия не слышашася яко словеса, но яко дело явно, предлежащее пред очима нашима: абие бо вложи слово сие трезвение много в произволения. И понеже действуя бе слово сие, то не пребысть праздно: но абие класы израсти, и плод зрел показа: и не точию до сего ста, но и ненасытен бысть²⁹⁶, якоже бо весть Бог: елижды бо аще прочту, сытости не приемлет окаянная моя душа. Молитвою убо твоея святости, будет дар сей, еже пребыти во мне небесней искре, и погубити всесовершенно предреченныя исполины до конца: да не когда забудуся, и от самовластнаго произволения предстелством вложу себе в предреченная злая, и буду снедь врагом. Но верую Господеви Иисусу Христу, живущему в тебе, яко твоим преподобием, и подобне тебе подвизающихся, не презрит, ниже предаст мя устом предреченных исполин: но всегда преподобными рабы своими воспоминая²⁹⁷, пусть Свой скажет ми окаянному, молитвами твоими святыми. Молюся убо и мился дею благоутробней и преподобней твоей души, да не зазриши ме о сем, яко уповав, дерзнух возначертати писмена святости твоей: но понеже видех отверсты утробы отеческия, аще и худыми писмены, молюся и мился дею, еже поминати мя на всяк час: зане присно Господь посещает приседетеля и непрестаннаго служителя, глаголю же, достойне очищенный ум благословенныя твоея души: яко да святынею твоею и аз от зол моих избавлен быв, обращу исход благ, благодатию человеколюбиваго Христа Бога: с Нимже Отцу честь и держава, со Святым Духом, во веки, Аминь.

(А в рукописи седмое.)

Якоже от явных дел возможно есть уразумети сокровенныя советы, тако от дел души возможно есть уразумети поведания Писания. Сие же не вси, но елицы злостраданием отчасти безстрастие стяжаша. Якоже бо будущая Писание поведает, тако и дела души: будущая бо вся в ней духовне сокровенна суть: и ихже кто причастник есть отсюду, сих и тамо причастник есть. Егда убо услышиши Писание, поведающее райская, и Адамля, и змиева, внимай безстрастно сердцу твоему: и обрящеши, рай убо, слово Божие: а еже в нем наслаждение, причастие Святаго Духа: змия же, убивающа преслушанием, присвивающееся сладострастие, чрез дружество приползающее и прелщающее нас вкусити от древа, то есть, от попечения житейскаго: не пецытеся убо о утрии. (Мф.6:34). Обоя бо вкупе тойже Бог рече, реченное; в оньже аще день снесте от древа, смертию умрете (Быт.2:17) и: внемлите, да не отягчают сердца ваша обяденим (Лк.21:34): умерщвляет бо душу от попечения и объядения прибывающая тма, изгоняя ту от духовнаго слова, и лишая ту Божественнаго действа, От сего убо древа возбраняет нас Господь, глаголя: Ни о чемже пецытеся, разве о царствии. Елицы бо внидоша в рай Божий, и сохраниша заповедь сию, не изгнани быша: но елицы земнаго возбранени быша, духовнаго сторицею насладишася, действенне и подобообразне Благодати утешающей. Помолимся убо и мы сохрянити ю, да пребывше во словеси Господни, насладимся наслаждения Духа и зде, и в будушем. Якоже бо изгонится Адам, вкусив от древа разумения, тако не может пребывати во словеси Христове мудрствуяй земная, по писанному: яко любы мира сего, вражда на Бога есть (Иак.4:4). Темже Писание глаголет: всяцем хранением блюсти свое сердце (Прит.4:23): да кто, яко рай, храня еже в нем слово, насладится Благодати, не слушая внутрь свивающагося змия, советующаго яже к сласти, из неяже раждается ярость братоубийственная, и умирает душа раждающая. Но слыша Господа глаголюща: прилежите о вере и надежде, от нихже раждается Боголюбивая и человеколюбивая любы, вечный живот подающая. В сей рай вниде Ное, заповедь храня и делая, и любовию избавися от гнева. Сего храня Авраам, глас Божий услыша. Сего храня Моисей, славу на лице прият. Подобне Давид сего храня делаше, темже над враги господствова. Но и Саул, донележе храняше сердце, поспешен бываше: егда же наконец преступи, в конец оставлен бысть. Мерою бо и сообразне действует Слово Божие в коемждо. Елико бо одержит кто, толико одержим есть: и елико хранит, толико храним бывает. Сего ради весь лик Святых, Пророк, Апостол, Мученик, слово в сердцах своих храняху, ни о чемже ином пекущеся, но земное презреша, и пребыша в заповеди Святаго Духа, боголюбивое и благое предпочетше, не словом единым и разумением нагим, но словом и делом, самеми теми вещми: вместо богатства избирающе нищету, вместо славы безчестие, вместо наслаждения злострадание: темже и вместо ярости любовь: ненавидяще бо сладостная жития сего, отъемлющих та паче любяху, яко содействующих им к намерению: удаляющеся еже ведети доброе и лукавое: ниже бо благих человек отрицахуся, ниже злых обвиняху, вся посланники Владычняго смотрения вменяюще: ко всем убо имеяху благочинно любление. Егда бо слышаху Господа глаголюща: отпущайте, и отоустится вам (Лк.6:37): тогда обидящыя благодетели вменяху, во отпущение имуще яже от них вины: егда же паки слышаху глаголюща: якоже хощете, да творят вам человецы, и вы творите им такожде (Лк.6:31): тогда и благих по совести любяху. Оставлше бо правду свою, и правды Божия взыскавше, обретоша последованно и любовь, в ней по естеству внутрь сокровенну.

И Господь бо о любви многа заповедав, правды повеле Божия искати: ведяше бо сию матерь любве сущу. Невозможно бо инако спастися, точию чрез ближняго, якоже Господь заповеда, рек: Отпущайте, и отпустится вам (Лк.6:37). Сей есть духовный закон в сердцах верных написуемый, исполнение перваго закона: не приидох бо, глаголет, разорити закон, но исполнити (Мф.5:17). Како же исполняетея, разумей: первый закон благословною виною²⁹⁸ согрешившаго, осуждаше обиденнаго: в немже бо судит кто иного, себе осуждает: а в немже отпущает, отпустится ему; тако бо закон глаголет: посреде суда суд, и посреде отпущения отпущеиие. Исполнение убо закона, отпущение есть. – Первый же закон рехом, не яко Бог два закона предаде человеком, но един: духовный убо закон по естеству, по отмщению же, праведно наводящ изречение: отоущающему отпущение, и приистязующему приистязание, глаголет бо: со избранным избран будеши, и со строптивым развратишися (Пс.17:27). Сего ради духовне его совершающии, и по мере того благодати причастницы сущии, не точию благодетелствующих, но и поношающих и гонящих любяху, духовную любовь воздаяние чающе²⁹⁹ благих: благих же глаголю, не яко обиды простиша, но яко и душам обидящих благодеяша: тако бо тех вменяху пред Богом, яко теми блаженство получающе, якоже глаголет, блажени есте, егда ижденут вас, и поносят, и прочая (Мф.5:11).

От духовнаго же закона тако мудрствовати научахуся: терпящим бо им, и умную кротость блюдущим, Господь видя терпение сердца ратуема, и любве не отступающа, расторже средостение ограды, и совершенне вражду отверже: и не ктому с нуждею, но с помощию имеяху любовь: Господь бо прочее возбраняше обращаемое оружие, воздвигающее помыслы: и вхождаху во внутреннейшее завесы, идеже предтеча о нас вниде Господь (Евр.6:20): и наслаждахуся во плодех Духа, и будущая со извествованием сердца увидевше, по Апостолу, яко в зерцале и в гадании, глаголаху: ихже око не виде, и ухо не слыша, и на сердце человеку не взыдоша, яже уготова Бог любящим Его (1Кор.13:12, 2:9). Но аз о сем чуднем вопрошу: Аще на сердце человеку не взыдоша, вы сия како весте? паче же в Деяниях исповедавше, яко подобострастни нам есте человецы. (Деян.14:15)? – Но слыши, что отвещает на сия блаженный Павел: Нам же, глаголет, открыл есть Богь Духом Своим: Дух бо вся испытует, в глубины Божия (1Кор.2:10). Но, да никто же речет, яко тем дадеся Святый Дух, яко Апостолом, нам же по естеству невместим есть Сей: сего рада глаголет, моляся: Да даст вам Бог силу утвердитися во внутреннем человеце, вселитися Христу в сердца ваша. (Еф.3:16). Господь же Дух есть: а идеже Дух Господен, ту свобода (2Кор.3:17): и паки глаголет: Аще кто Духа Христова не имать, сей несть Егов (Рим.8:9).

Помолимся убо в мы, во всяцем извествовании и ощущении прияти благодать Святаго Духа, и внити отонудуже изгнани быхом, и прочее отвратитеся душеубийственному змию и тщеславному советнику, духу попечения³⁰⁰ и обядения: яко да утвержденно веровавше, заповеди Господем сохраним, и да возрастем в Нем в мужа совершенна, в меру возраста (Еф.4:13), еже не пообладаным быти от любве века сего: но быти во извествовании духа, и не неверовати, яко и о грешвицах кающихся благодать Божия благоволит: Благодатию бо даруемое не ктому с приуподоблением предваршия немощи мерится: зане Благодать не ктому была бы благодать: но всесилному Богу веровавше, простым и нелюбопытным сердцем приступим к Дарующему верою приобщение Духа, а не преуподоблением дел естества: глаголет бо: Не от дел закона Духа приясте, но от слуха веры. (Гал.3:2).

Вопрос. Рекл еси, яко вся в души духовне сокровена суть: что убо есть, хощу пять словес в церкви умом моим глаголати (1Kop.14:19)?

Ответ. Церковь во двою лицу разумеется, в собрании верных, и в соединении³⁰¹ души. Егда убо духовне о человеце приемлется, то церковь есть все его соединение: пять же словес суть обдержителныя³⁰² добродетели, всего человека созидающия, многообразне разделяемы. Якоже бо глаголяй о Господе, чрез пять словес всю премудрость обят: тако и последуяй Гоподеви пятьми добродетелми, много созидает благочестие. Пят бо суще, вся обдержат: Первая – МОЛИТВА, таже ВОЗДЕРЖАНИЕ, МИЛОСТЫНЯ, НИЩЕТА, ДОЛГОТЕРПЕНИЕ. Сия желанием и произволением совершаема, словеса суть души, от Господа глаголема, и от сердца слышима: Господь бе действует, и Дух тогда умне глаголет, и сердце, елико желает, толико и яве совершает Добродетели же, якоже суть обдержителны всех, тако и едины других родителны: первой бо оскудевающей, потребляются вся; подобне второю³⁰³ последующия, такожде и прочия. Како бо кто помолится, не от Духа действован быв? и свидетелствует ми Писание глаголющее: Никтоже может рещи Господа Иисуса, точию Духом Святым (1Кор.12:3). Како же претерпит без молитвы, воздержаваяйся безпомощно? И иже во всем не воздержавайся, како помилует убогаго, или обидящаго³⁰⁴? И иже не милуяй, не ниществует волею. Паки же желанию имений ярость есть своспитанница, аще имать имения, аще и не имать. Добродетелная же душа тако присозидается с сущими в Церкви, не яко сотвори, но яко вожделе: не бо собственное дело спасает человека, но Даровавый силу. Аще убо не претерпит кто язвы³⁰⁵, да не имать разуметися в чесом, яко поне что либо сотворил есть, или поне обучается к действием. Да не убо возмниши когда добродетелию предварити Господа, по глаголющему: яко той есть (действуяй) в вас, и еже хотети, и еже деяти о благоволении. (Флп.2:13).

Вопрос. Почто убо Писание человеку заповедает сие творити?

Ответ. Предрекохом, яко обучение человек имать по естеству, и сего Бог взыскует. Заповедает убо, да первее уразумеет, и разумев возлюбит, и волею обучится: а еже действену быти уму, и понести труд, и совершити дело, благодать Господня подаде восхотевшему и веровавшему. Воля убо человеча аки стремление естествено есть: не присутствующей же воли, ниже Той что творит аще и могий, яко Бог, но самовластия ради. Совершенодействие убо есть Божие: воля же человеча. Обаче аще всю волю дамы Ему, то все дело нам написует³⁰⁶. Чуден есть Богь во всех, и умом непостижим отнюд: человецы же часть некую чудес Его глаголати покушаемся, на Писании утверждающеся, паче же от него уразумляеми. Кто бо, глаголет? разуме ум Господень, или кто советник Ему бысть (Рим.11:34)? Сам же глаголет: коль краты восхотех собрати чада твоя, и не восхотесте. (Мф.23:37). Прочее от сего веровати должни есмы, яко Той ны собирает, нашея же токмо приищет воли: кое же есть явление воли, аще не труд волен? Якоже бо железо распиляющо, посекающо, земледелствующо, насаждающо, то убо нагнетаемо повинуется, обаче ин есть движай и отводяй, и, внегда сотрено будет, разжигаяй и обновляяй: тако и человек, аще и утесняется и трудится, делая благое, обаче Господь отай в нем делает, и, внегда утрудитися тому и сокрушитися сердцем, утешает и обновляет его: якоже и Пророк глаголет: еда прославится секира без секущаго? или вознесется пила без влекущаго (Ис.10:15)? Тако же есть и о злобе: егда человек послушен бывает и готов, тогда сатана женет и поощряет того, якоже разбойник меч. Железу же приуподобихом сердце за нечувствие вещей и многу жестокость: не подобаше же нам, яко нечувственну железу, не ведети державствующаго (понежс скоро от возделателя Слова в лукаваго помысл препадаем): но пачс, якоже вол и осел, ведети гонящаго и наставляющаго в разуме: глаголет бо: позна вол стяжавшаго и, и осел ясли господина своего: Израиль же Мене не позна (Ис.1:3) Помолимся убо прияти познание Бога, и духовным наказатися законом в послужение заповедей Его, Аминь.

Подобает постничествующым, начинающым и совершати: юным же и старцем, здраво имущым тело, ни труда ни озлобления боящымся, всяцем усердием полезншее и утвержденнейшее непрестанно любити пощение: мерою хлеб ясти, такожде и воду пити, от времене до времене: толико же, елико алчущым и жаждущым отходити от вечери, и нуждней ко Богу службе невозбраняемой быти от сласти. Аще бо восхощем ядуще насытитися; то скоро унывше, на иное преложимся желание, и аще тем приемше насытимся, и сие яко первое отвергше, на ино преложимся желание отраднейшее: и аще то приемше насытимся, и сие, яко прочая, отвергше, оставим: и не возможно есть нам, аще умыслим себе желание, паче неже пощение, ко утешению, пребыти самым насыщаемем. Что манны во брашнех многоценше? и яко сея ядый насытися Израиль, егда не имеяше лучшаго пожелати, меншаго пожела, чеснока и червленаго лука. Темже всаждено есть насыщению желание иного. Аще убо, насыщаяся хлеба, желаем иных; то и сего ядуще да не насытимся, да сего алчуще всегда, желаем насытитися, яко да и вреда иже от желания убежим, и правду яже от сердца приобрящем. Но негли речет кто от тех, иже к пощению ленивее расположени суть: еда убо грех есть, человеку причаститися пищи? Но ниже мы, яко, греху сущу, сето советуем хранитися, во яко от сего греху припоследствующему: ибо (Израиль не) согреши, зане пожела, но зане желанием на Бога клеветав, нечествова: рече бо: не везможет Бог уготовати трапезу в пустыни. И по еже уготовати им, тогда гнев Божий возгореся в них, и запят силным их (Пс.77, 19, 21, 22:31), да не живе суще, паки иныя пожелают пищи, и словеса на Вышняго возглаголют, и потребятся остатнии их. Неудобно есть безстудным чревом пообладати: бог бо есть побеждаемых тем, и невозможно есть неповинну быти – послушающему его. И не токмо насыщения обретаю беду, но и неядения: внегда бо пребывати нам дни многши ничесого прачащающымся, уныние, вмещение приемшо, востанет, и ратовати будет нас: и бдение убо наше нощное прелагает в сон: молитву же дневную, во плотския помыслы, якоже нам от сна ничтоже спользоватися, и от плотских помысл повредитися величайше: начинаем бо, яко паче инех постничествующе, велемудрствовати, иименших убо уничвжати: еже есть всякаго прегрешения лютейше. Якоже бо земледелец неразумен, аще ниву свою многими иждивевии возделав, ненасеянну оставить, во тщету трудился есть: тако и мы, аще плоть свою многим вниманием порабощше, семя молитвы не пометаем, паче сами противу себе потщахомся. Но негли речет кто: аще в молитве есть правда, то кая есть потреба пощения? Многа всяцем образом: якоже бо кто от убогих земледелец, аще на лядине³⁰⁷: сеет, не обновив земли, то вместо пшеницы, терние пожнет тако и мы, аще плоть свою постом не удручивше, семя молитвы пометаем, то вместо правды, грехь плодопринесем: плоть босия, от земли оныя есть³⁰⁸: и аще толикаго прилежания не получит, еликаго она, то плода правды никогдаже израстит. Сия же глаголем, не яко хотящыя от пощения сползоватися отсецающе, но повредитися не хотящыя побуждающе: имже бо образом пользует с разумом к нему приходящих, тако вредит неразумно к нему приступающих Пекущиися убо о пользе его, должни суть хранитися вреда его, сиречь тщеславия: и хлеб, егоже ямы во исполнении³⁰⁹ пощения, еже определяем себе, разделяти на дни неядения: да части малыя на всяк день причащающеся, обратим плоти своея мудрование, и сердце имамы утвержденно в полезнейшей молитве: яко да силою Божиею от возношения сохранени бывше, во смиренномудрии пребывати вся дни живота нашсго нопечемся, без негоже никтоже благоугодит когда Богови. Аще быхом о смиренномудрии прилежали, то не быхом требовали наказания: вся бо злая и лютая, случающаяся нам, за возношение наше случаются. Аще бо Апостолу, да не прсвознесется, аггел сатанин попущен бысть, да ему пакости деет; колми паче нам превознесшимся сам сатана попущень будет попирати ны, дондeжe смиримся. Праотцы напи домы обладаху, и богатство держаху, и жены имеяху, и о чадех промышляху, и с Богом беседоваху, ненасыщеннаго ради своего смиренномудрия: мы же от мира отшелствовахом, и богатство презрехом, и домы оставихом, и мнимся Богу приседети, и от бьсов ругаеми есмы, за возношение наше. Превозносяйся, не весть себс: аще бо видел бы безумие свое и немощь, не бы превознеслся: не ведый же себе, како может Бога уведети? Аще бо безумие свое, с нимже пребывает, не возможе уразумети; како прсмудрость Божию, сяже далече есть и странен, разумети возможет? Знаяй бо Бога, созерцает величествие Его, и укоряет себе, якоже блаженный Иов, и глаголет: Даже до слуха слышах Тя первее, ныне же око мое видя Тя. Темже укорих себе сам, и истаях: и мню себе землю и пепел. (Иов.42:5–6), Подражающии убо Иова, сии знают его. Аще убо и мы восхощем видети Бога, укорим себе и возсмиренномудрствуем: да не точию Его прямо нас видим, но в нас живуща и почивающа имуще, наслаждаемея Его: тако бо безумие наше премудростию Его упремудрится, и немощь наша силою Его укрепится о Господе нашем Иисусе Христе, сподоблшем нас дара сего изобинее, ежи прославитися нами, и врага нашего сатану соперника нашего превосходителне посрамити нами. Яко Тому подобает слава в поклонение со Отцем и Пресвятьм Духом, во веки веков. Ачннь

1. Иже точию верен есть по Евангелию, гору злонравия своего верою прелагает (Мф.21:21), нестоятельным³¹¹ низвращением отревая от себе прежде бывшую в чувстве склонность, во еже быти ей под чувством. Могий же быти ученик, от Слова приемля рукама укрухи хлебов ведения, препитоваем тысящи (Мф.14:19), деянием показуя множащуюся Слова силу. А возмогий быти Апостол, целит всяк недуг, и всяку болезнь, изгоняяй бесы (Мф.10:1), сиесть действо страстей бежати творя, недугующия исцеляяй, сиесть к навыкновению благочестия лишенных того приводя надеждею, и разболевшихся леностию востягивая словом веры: ему же бо повелеся наступати на главу³¹² змиев и скориев (Лк.10:19), сей истребляет и конец греха.

2. Суббота субботх (Лев.16:31) есть душевный покой души словесныя³¹³, и ум даже от всех божественнейших словес, яже в сущих³¹⁴, стягнувшия³¹⁵, и любительным изступлением в единаго Бога всецело облекшия, и таинственным Богословием всесовершенне той³¹⁶ недвижим от Бога сотворшия.

3. Жатва жатвы (Лев.23:10) есть всякос пепроходное³¹⁷, и по тайном зрении мысленных вешей во уме недоведомо составляющееся Бога созерцание, еже подобающим образом приносит той, иже от видимых и невидимых созданий достойне чтит Создавшаго.

4. Иже шестый день евангельски проводяй, избив прежде первая греха движения, добродетельми достигает в состояние безстрастия, пусто сущо от всякого злонравия, субботствуя (Исx.16:29–30) умом и от самаго тонкаго страстей мечтания³¹⁸. Прешедый же Иордан (Быт.32:10, 22:30), прелагается в страну ведения, в нейже ум, таинственне зиждемый миром, бывает в дусе Божие жилище.

5. Иже шестый день (Числ.29:29) божественне исполнивый себе с приношениями дел и мыслей, и сам с Богом добре совершивый дела своя, прейде созерцанием всякое существо, естеству и времени подчиненное, и в тайное зрение веков и вечных преведеся, недоведомо во уме субботствуя и празднуя всецелое сущих оставление и превыше оных восшествие. Аще же и осмаго (Числ.29:35; Лев.23:36) сподобився, воскресе из мертвых (от всех, глаголю, яже по Бозе, чувственных и мысленных, и словес и помышлений): Божиею начать жити блаженною жизнию (закона, иже поистинне и свойственне глаголется и есть жизнь), якоже и сам по обожению бысть бог (Ин.10:34).

6. Вся япляемая³¹⁹ имут потребу креста, сиесть навыкновения, воснящающаго действие на нас явлений, при сем совершающихся в чувстве: вся же мыслимая потребу имут потребения, сиесть всецелыя недкижимости действий, при сем совершающихся во уме. Егда бо, купно с действием тех на нас, отъемлется и всякое естественное действо и движение; тогда разум, сый точию в себе, и аки бы из мертвых васкрешенный, возсиявает превыше всех, яже от него имут очертание, и ничтоже, по естественному отношению, свойства с ним отнюдь не имать. Зане по благодати, а не поестеству бывает спасение спасаемых.

7. Дондeжe из обычнаго прилепления к существу нас самих и всех яже суть после Бога, не изыдем чисте умом, не у прияхом в добродетели непревратность. Егда же сие достоинство любовию исправится в нас, тогда познаем Божия обетования силу; подобает бо достойным веровати, яко ту есть непреложное водружение³²⁰, идеже первее ум любовию укорени свою силу. He исшед бо из себе и изо всех, елика помыслити возможно есть, и не поставив себе в молчание, еже превыше есть мышления, не может ум от превратности всяческих быти свободен.

8. Всякое мышление всяко включает в себе множество, или поне двойство. Зане мышление есть среднее между некиими крайними членами отношение, обоим соприкасающееся: мыслящему же и мыслимому. Но ниедино от них не сохраняет по всему простоты. Мыслящее бо есть нечто подлежащее, еже всяко имать сопримышляемую³²¹ с ним силу мыслимым быти³²², или подлежащее той силе существо (οὐσία) мыслящаго. Ничтоже бо от сущих есть всецело, само по себе, простое некое существо или мышление, единица нераздельная. Бог же, аще наречем Его существом, не имать естественне сопримышляемыя с Ним силы мыслимым быти, да не будет сложен; аще же наречем Того мышлением, не имать естественне подлежащаго Ему существа ( οὐσίαν δεκτικὴν) удобоприятельнаго для мышления. Но Бог Сам по существу есть мышление, и весь мышление и един, и превыше существа весь, и превыше мышления весь: темже и единица нераздельная, частей не имущая и простая. – Сего ради иже некиим образом имать мышление, сей не у изыде из двойства: а иже по всему оное остави, сей бысть некиим образом во единице, по превосхождению отложив мышления силу.

9. Во многих убо инаковость и несходство и разнствие: обрестися же вне сих в Бозе, истинно едином и единственном, есть возвергнути себе превыше многих³²³ к созерцаниям яже о Бозе. И сие являет Моисей, иже вне полка потче скинию (Исх.33:7, 11–23) уча, и посем беседоваше с Богош. He безбедно бо есть, словом произносимым покушатися изрещи Неизреченнаго, понежс произносимое слово есть двойство и более. А еже без гласа единою душею зрети сущее, крепчае есть, понеже (тогда) стоит она в нераздельней единице, а не во многих. Архиерей бо, емуже едва повелено бе единою в лето входити во Святая святых (Евр.9:7) внутрь завесы, научает, яко единому точию прошедшему двор в Святое, и внутрь Святая святых бывшему, сиссть все естество чувственных и мысленных минувшему, и от всякаго свойства, временному бытию сообразнаго, чисту бывшему, подобает непокровенным и нагим умом приступати к видениям яже о Бозе.

10. Великии Моисей, вне полка поставивый свою скинию, сиесть мысль и ум водрузивый вне видимых, покланятися Богу (Исх.34:8) начинает, и вшед во мрак (Исх.20:21), – в невидимое и невещественное ведения место, – ту пребывает посвящаем в священнейшия тайны.

11. Иже во внешней жизни и поведении исполняяй закон, от единых точию последствий злонравия празден есть, закалая в жертву Богу неразумное страстей деиство, и сим образом таковый довольствуется для спасения, ради своего духовнаго младенчества.

12. Иже евангельскую жизнь истинне целуяй³²⁴, и начало и конец своего злонравия изсече, и всякую добродетель делом и словом проходит, принося жертву хваления и исповедания, всякаго действеннаго страстей стужения отчужден, и от борения с оным во уме свободен сый, и точию в надежде будущих благ имеяй питающую душу, ненасытную сладость.

13. Страх геенны, поощряет вводимых³²⁵ убегати злонравия; желание же воздаяния благ, дарует преуспевающим усердие к содеянию благих: а таинство любве, воземлет ум превыше всех сотворенных, соделовая его слепым ко всяческим, яже после Бога суть. Единех бо соделавшихся слепцами ко всяческим, яже после Бога суть, Господь умудряет (Псал.145:8), показуя им божественнейшая.

14. Возжелевый ведения, неподвижне стояла³²⁶ (Исх.26:19) души утверди пред Господем, якоже глаголет Бог Моисею: ты же зде стани со Мною (Втор.5:31). Подобает же ведети, яко и в самех стоящих пред, Господем есть разнствие, аще точию не небрежне любящии учитися прочтут сие: суть нецыи оть зде стоящих, иже не имут вкусити смерти, дондeжe видят царствие Божие пришедшее в силе (Мк.9:1). He всем бо всегда со славою является Господь, стоящим пред Ним: но ко вводимым убо, приходит в рабии зраце (Флп.2:7): могущим же последовати Ему восходящу на высокую Его преображения гору (Мф.17), является во образе Божии (Флп.2:6) в немже бе прежде даже мир не бысть (Ин.17:5). Может убо тойжде Господь, по тому же образу, являтися я всем при Нем сущим, но овым убо сице, овым же инако открывая различная созерцания, по мере сущия в коемждо веры.

15. Восходит солнце, и заходит солнце (Еккл.1:5), глаголет Писание: темже и Слово, оногда убо мнится быти горе, оногда же долу, по достоинству, сиречь, и соразмерности и сообразности проходящих добродетель и окрест божественнаго ведения движущихся. Но блажен, иже, по Иисусу Навину (Нав.10:12–13), удержавает в себе незаходимое солнце правды, всею мерою злопопечительнаго дне (Мф.6:34) настоящия жизни и вечера неведения неопределимое, да возможет законне прогнати возставших нань лукавых бесов.

16. Иже по благочестию проходяй любомудрие, и на невидидмыя ополчаяйся силы, должен есть молитися, да и естественное разсуждение, свет соразмерный имущее, и просветительная Духа благодать пребудут в нем: оное бо деянием, аки детоводитель, руководит плоть к добродетели; сия же световодствует ум, во еже предсудити паче всего сожитие премудрости (Премудр. Сол.7:8, 8:9), еюже и злонравия твердыни, и всяко возношение, взимающееся на разум Божий³²⁷, разоряет (2Кор.10:45). Сие показует молитвою своею Иисус Навин, прося, да станех солнце прямо Гаваону, сиесть, да сохранится оный незаходимый свет Боговеденя над горою умнаго зрения; и луна прямо дебри (Нав.10:12), сиесть, естественное разсуждение, над плотскою немощию лежащее, да пребудет неизменно добродетели.

17. Иже, страха ради Иудейска, седящии в Галилеи в горнице, дверем затворенным (Ин.20:19), сиесть, иже страха ради от духов злобы, безопасне живущии во стране откровений, на высоте божественных созерцаний, затворивше, якоже двери, чувства, приемлют приходящее недоведомо Божие Слово, без чувственнаго действа являющееся им, и вглаголанием мира (ст. 19, 21.) безстрастие, вдохновением же (ст. 22.) разделения Духа Святаго дарующее, и на духи лукавыя власть подающее (Мк.16:17), и показующее таин своих знамения (Ин.20:20).

18. Земля Халдейская (Деян.7:4) есть житие во страстех, в немже идолы грехов зиждутся и покланяеми бывают. Месопотамиа³²⁸ же (ст. 2.) есть житие, обоим противным нравом приобщающееся. А земля обетования (Евр.11:9) есть состояние исполненное всякаго блага. Всяк убо, иже по подобию ветхаго Израиля, к ветхому своему навыкновению обращается, низвлекается паки к рабству страстей, лишаяйся данныя свободы.

19. Назнаменовати³²⁹ достоить, яко никтоже от святых является сшедшим в землю Вавилонскую: нонеже не леть есть, ниже приличествует разумному смышлению, любящим Бога избирати вместо благих худшая. Аще же нецыи от них нуждею купно с народом ту отведени быша, под сими убо разумеем онех, иже не по избранию предпочтительнейшаго, но по нужде спасения (ближних), – ради руководствования имущих потребу, оставиша высшее ведения слово, и проходят учение о страстех. Сего бо ради и великий Апостол, еже во плоти пребывание (Флп.1:24), полезнейше быти суди, сиесть, ради нравственнаго научения, ради учеников, все желание имый разрешитися (ст. 23.) от нравственнаго научения других, и со Христом быти в премирном и простом зрении умнем.

20. Отходит от плоти (2Kop.5:8), иже к ведетельному (γρωςικὴν ἔξιν) навыкновению прейде от деятельнаго, восхищаем, яко облацы, высшими разуменми, в пресветлый³³⁰ тайнаго зрения воздух, да с Господем возможем быти. Отходит же всяко от Господа (ст. 6), не могий без чувственных действий чистым умом созерцати по мере сил (высшая) разумения, и простое слово о Господе не вмещаяй без гаданий³³¹.

21. Како во святом Писании, под различными гаданми, видим убо отелесенное³³² Слово Божие и Бога, но безтелеснаго, и простаго, единаго же и единственнаго Отца, якоже в безтелеснем, единем и единственнем Сыне, не у зрим умне, по реченному: видевый Мене виде Отца: и, Аз во Отце , и Отец во мне (Ин.14:9–10)? Темже многаго разума потреба, да прешедше первее сквозе покровы речений о Слове, возможем тако узрети Его чистым умом обнаженна стояща и показующа Себе человеком. Сего ради благочестиво взыскующему Бога, нуждно есть не быти связану ничимже реченным, да не вместо Бога, яже о Бозе приимет в неведении, сиесть, вместо Слова да не возлюбит точию реченная³³³ в Писании, на преткновение себе, самому Слову удалившуся от ума, иже, держася одежд, мнится держати самое безтелесное Слово, по подобию оныя Египтяныци, яже не Иосифа, но ризы его восхити (Быт.39:12), и оных древних людей, иже единым видимым благолепием пленени, в неведении послужиша твари паче Творца (Рим.1:25).

22. Егда ум отринет лежащая на нем многая о словесех истины мнения, тогда явится ему яспое Слово истины, дающее ему истиннаго ведения залоги, и прежде приятая им мнения, аки чешую (Деян.9:18), от зрительных сил отметающее, якоже бысть с великим и божественным Апостолом Павлом. Зане мнения, к единым точию речениям Писания прилепленная, и пристрастная видимых вещей созерцания в чувстве, воистинну чешуя суть, лежащая на прозрительней силе души, и прехождение к чистому Слову истины воспяшающая.

23. Иже доблетненне поборовый страсти телесныя, и противу нечистых духов довольне ратовавый, и тех умышления из страны души своея изгнавый, должен есть молитися, да сердце чисто подастся ему, и дух прав да обновится во утробе его (Пс.50:12), сиесть, да будет совершенне тощь от злых помысл, и да исполнится божественных мыслей по дару благодати, и тако да соделается мысленным миром Божиим, светлым и великим, из нравственных, и естественных, и Богословских зрелищ состоящим.

24. Сердце чисто (Пс.50:12) есть представлшее Богу совершенне безвидную и образов не имущую память, и готовое едиными назнаменоватися Божиими папечатленми, от нихже тое явленно³³⁴ соделоватися обыче.

25. Испытуют нецыи от любящих учение, коим будет образом разнствие вечных обителей и обетований? Еда по существенности³³⁵ местней, или посущественности мисленней и духовней, яже коейждо обители усвояет особное качество и количество? – И оным убо мнится первое, оным же второе. Но ведый, что есть реченное: царствие Божие внутрь вас есть (Лк.17:21), и, обители многи у Отца (Ин.14:2), приимет второе.

26. Иже божественным желанием победивый душевное к телу расположение, неограничен (ὰρερίγφαπος) бысть, ащс и в теле есть. Привлекаяй бо желающаго вожделение Бог, без сравнения превыше есть всяческих, и не попущает желающему пригвоздоти вожделение свое к чесому либо от сущих после Бога. Возжелаим убо Бога всею крепостию вожделния нашего, и сотворим наше свободное избрание неодержимо ничимже телесным, поставим себе в расположении душевнем превыше всех воистинну чувстненных и мысленных вещей, и никуюже отнюдь волею приимем тщету от естественныя жизни, ко еже быти нам с Богом неописанным по естеству.

Вопрос. Еда во всякое время входит человек во оное состояние?

Ответ. Благодать убо непрестанно есть с человеком, и от юнаго возраста укоренися и, аки закваска, внедрися в нем, и аки что естественное и срасленное³³⁶ бысть соприсуща ему, яко едина сущи благодать: но многообразне, якоже хощеть, на пользу человеку домостроительствует. Овогда более возжизается и разгарается огнь; овогда же кротчае и мягчае. Самый свет по временам более возгарается и сияет; овогда же удаляется, и бывает примрак. И светильник всегда горит и светит; егда же очищен бывает, более издает света, сиесть, более явлен бывает по причастии лгобве Божия; овогда же и соприсущий свет притупляется. Еще же некиим во свете явися знамение креста, и водрузися во внутреннея человеце. Иногда же паки, в молитве, яко во изступлении бысть человек, и обретеся стоя во олтари в церкви, и принесени быша ему три хлеба, аки бы па елеи вскисшия; н елико ядяше тыя, толико более умножахуся и величайши творяхуся. И паки иногда явися ака одеяние некое светло; яковоже не обретается на земли в веце сем, ниже руками человеческими уготовано быти может. Имже оброзом Господь, со Иоанном и Петром восшед на гopy, преоброзися, и ризы Его быша блещащася (Мк.9:3): сице бе одеяние то; и ужасеся человек облеченный во оно. Во ино паки время, непрестанно виден бысть в сердце, иже отверзе внутреннейший свет, глубочайший и сокровенный; виден бысть новый, светлый мир, вкупе с Господем, хваляй и славословяй: темже убо человек той, весь поглощен быв во оной сладости и созерцании, не ктому имеяше себе, но бяше аки буй и иноязычник миру сему, за превосходящую любовь и сладость, и за сокровенныя тайны; и во оно время быв освобожден скоро достиже до совершенных мех, и бе чист от греха. Но по сих сокрыся благодать, и прииде покрывало противныя силы. Являются же сия некако отчасти, аки бы стал человек на един степень нижайше меры соверешенства: сиесть, подобаше ему, да тако речсм, прейти некия дванадесять степеней, и тако достигнути в совершенство; и в некое убо время доспе и достиже во ону меру, и вниде в совершенство: но потом паки умаляется благодать, и той сниде на един степень, и ста на единонадесяти. Аще же кто богат благодатию, той выну, нощию и днем, в совершенных стоит мерах, свободен сый и чист, купно же и пленен³³⁷ присно и горе носимь. И ныне, аще бы тая дивная дарования, яже явишася человеку, и ихже искус прият, быша пребыли с ним выну, не могл бы той слова строитсльство³³⁸ или тяжесть прияти, ни понесл бы еже слышати что, или пещися о чесом, аще бы и от тех было, яже о нем, ниже о утрии, разве точию лежал бы во едином угле, горе носим и упоен. Темже совершенная мера не дадеся ему да возможет в попечении о братии, или в служении слова упражнятися. Обаче средостение ограды разорися (Еф.2:14) точию сицево есть состояние его, аки бы мрачная некая сила належала над ним: яко же бо воздух легкий и тонкий покрывает лампаду, аще и вынута горит и светит, тако и в нем лежит над светом оным покрывало. Темже исповедую, яко таковый несть совершен, ниже свободен всецело от греха; но да тако реку, и свободен, и не свободен; и средостение убо ограды разорися и раскопася, и паки, в некоей части, не разорися всецело; ниже выну равна бе молитва. Есть время, егда та более возжигается, и утешает, и упокоевает; и есть время, егда сокрывается и под мраком бывает, якоже сама благодать устрояеть на пользу человеку. Обаче в меру совершенную входив, овогда же и онаго века вкусив и искус имый, ниединаго аще ведех христианина совершенна или свободна. Но и упокояется убо кто либо во благодати, и входит в тайны и откровения и во многую сладость благодати; обаче и грех внутрь с ним есть. Сии убо за превосходящую благодать и свет иже в них, непщуют себе быти свободных и савершенных, зане имут действо благодати; обаче неискусства³³⁹ ради погрешают. Аз же ниединаго еще видех свободна, аще и сам в некая времена от части вхождах во ону меру, и могу усмотрити, кое имать устроение совершенный.

27. Абие по зниамении креста, благодать сице действует: умиротворяется вся уды, и душа, многия ради радости, является, аки детище незлобиво и просто, и не ктому уже осуждает человек Еллина, или Иудеа, или грешника, но внутренний человек на всех зрит, аки на единаго чистым оком, и такожде³⁴⁰ радуется о всем мире, и хощет да вси, Еллини же и Иудее, покланяются Сыну Божию, якоже Отцу. И отверзаются ему двери, и входит внутрь во многи обители; и елико входит, толико паки более отверзаются ему по соразмерности, и вступает от ста обителей во иныя сто обителей, и богатеет; и паки, ину бывшу ему, иная новая и дивная показуются, и, яко сыну и наследнику, вверяются ему вещи, яже естеством человеческим или сими усты и языком изречены быти не могут. Во иный час прочее, яко посольствуяй пред Богом, от многия к Нему любве, начинает молитися о мире, да спасется мир весь, яко всецелый Адам; распаляяйся же любовию и хотяй всем спастися, поучает³⁴¹ слову жизни и царствия посольствуя о Христе³⁴² (Еф.6:20) и поведая, елико мощно слышати, небесныя и божественаыя тайны безконечнаго в непостижимаго века. Во иный же час вооружается весь человек, оболкся во вся оружия Божия (Еф.6:11), и приемлет воинство небесное, и начинает посецати полки вражия, и творити ту заколения многа трупов многих. В ин паки час действует Господь в душе, и веселятся взаимно душа и Господь, и бывает человек во многом свете и радости³⁴³ о Господе и братиях. Лампада убо и свет горит нощию и днем: целое же, по Божию смотрению, не изменяется, и весь человек есть чист, и мало нечто не даетает ему, да будет, якоже подобает; обаче и средостение расторжеся, и смерть победися. Овогда лампада более разгарается в просиявает, яко не мощи человеку сносити онаго сияния и блистания, но быти аки разрешену. Овогда же горящий еще свет, аки бы меркнет, и ложится на нем, аки на коже, некий тонкий и мрачный воздух противныя силы. Сего ради и глаголет таковый человек, яко несть всецело свободен. – Во веки слава Господу! Аминь.

28. Добро есть пост, бдение странничество³⁴⁴; обаче сия суть точию труды наружнаго благаго жития. Но чин христиан внутреннейш есть, неже сия, и не должен есть кто в сих надеяние имети. Прилучается бо некиим, яко и благодати причастни бывают, и зло, еще сущее внутр их; строит ковы, уступает им волею³⁴⁵ и не действует, но творит человека непщевати, яко очистися ум его: и вносит прочее человека в мнение³⁴⁶, яко он есть христианин совершенный; и по сих, егда вознепщует человек, яко свободен есть, и безпечен сотворится, тогда злоба находит нань разбойническим образом, втайне засаду творя, и искушает его, и низводит его в преисподняя земли. Аще бо разбойницы, или воини, человецы суще двадесяти лет, умеют противу сопостат строити ковы, и творят подсаду и тайныя стражбы, и приемлют хребты³⁴⁷ враг, и окружают их отвсюду, и избивают: колми паче злоба, толико тысящ лет живущи, и сие имущи дело, како бы погубляти души? Весть она тайную засаду творити в сердце, и в некия времена не действовати, да внесет душу во мнение³⁴⁸ совершенства. Основание христианства сие есть, да человек, елики ни творит правды, не почиет на них, и не имать себе аки нечто велико, но да будет нищь духом; и аще сотворится причастник благодати, да не вознепщует себе аки постигша что, и да не возмнит быти кто, и да не начнет учити; и проводя доброе житие, много постяся, устрагняяся, моляся, причастник быв благодати, да не имать душу свою честну. Но воистинну тогда наипаче и бысть начало благодати сего ради, да имать труд, алчбу и жажду, да не будет насыщен, да не имать себе праведна, или богата во благодати: но да будет плача и слезя, якоже плачет матерь, яже имеяше сына единороднаго, и научи его, и егда той бысть муж, случися ему умрети... (Прочия главизны не обретаются).

Глаголаше Авва Амнон³⁴⁹: четыре вещи суть, яже возбраняют иноку спастися: и аще едину от них удерживает в себе кто либо от человек, то с таковою ни чисто покаятися, ни приятную Богу молитву приносити не может.

Первое есть гордыня, егда помышляет человек, яко добре живет, и яко житие его угодно есть Богу и человеком, и яко созидаются мнози от бесед его, и яко пременися от многих грехов, отшед в пустыню. И аще сия тако помышляет человек, не живет в нем благодать Божия: но паче подобает коемуждо от нас не яко добра и разумна себе имети инока, но смиряти себе и осуждати, и горша безсловесных себе имети, и мнети, яко не угодно есть дело наше Богу. Помышляти же всегда в себе и реченное Пророком: яко вся правда человеча, яко рубище (Ис.64:6) некое скверное поверженное есть пред Богом. Аще убо тако не смирит себе душа, и не держит всегда в себе, яко воистинну нечиста есть, в безсловесных скотов и псов горша, не приемлет Бог молитвы ея: понеже безсловеснии скоти не согрешают пред Богом, ниже и суд приимут; но, якоже сотворил их Бог, тако и пребывают; безсловесни бо суть, ни клевещут, ии гордятся, но еще и любят питающыя их. Откуду же ведомо есть, яко человек грешнейший и окаяннейший скотов? – Отсюду: яко человек не любит создавшаго и Бога, якоже должно ему есть любити, шитающаго его обилно, и дающаго ему вся на пользу.

Второе есть сие: Аще имать злопомнение на коего либо человека; аще бо сей и самое око избоде ему, да аще злапомнение имети будет нань, молитва его не восходит ко Богу. Да не прелщает убо себе таковый: аще бы и мертваго воздвиг, не имать милости или прощения от Бога, аще истиннаго покаяния не сотворит.

Третие, еже осуждати брата своего согрешающаго: таковый бо и сам осужден будет, аще и чудеса и знамения сотворит. Понеже рече Господь: не осуждайте, да не осуждени будете. Имже бо судом судите, судится вам: и в нюже меру мерите, возмерится вам (Лк.6:37; Мф.7:2). Подобает убо всякому христианину не осуждати никогоже: ниже бо Отец небесный судит кому, но суд весь дал есть Сынови (Ин.5:22). Убо судяй прежде Христа, сопротивник есть Христу, Сыну Божию. Многи убо видехом днесь разбойники и блудники, заутра же быша преподобни и праведни: и грехи их убо мы видехом, покаяния же и сокровенныя их добродетели не у видехом.

Четвертое есть се: Аще кто не имать любве, без неяже человек не может спастися, якоже глаголаше Апостол: Аще языки человеческими глаголню и Ангельскими, аще и всю веру имам, яко и горы преставляти: любве же не имам, ничтоже есмь. Аще раздам вся имения моя нищым, и аще предам тело мое на муки, во еже сжещи е, любве же не юмам, накая польза ми есть (1Кор.13:1–3). Но аще речет кто: и како мощно есть вся сущая нищым дати, и любве не имети? И на се глаголю вам: яко любовь милостыни есть дело: милостыня же несть совершенна любовь, но часть некая любве. Мнози бо суть, иже инем дают, а других обидят и обдирают, и единех странноприемлют, других же злопомнят и озлобляют: единех покрывают, а других укоряют: странныя милуют, а своих ненавидят. Аще ли и ты тако твориши? Несть сие дело любве Божия и ближняго, но тщеславия в лицемерия. Любовь бо совершенная в истинная сия есть: яко никогоже укоряет, ниже кого осуждает, ни опечаляет, ниединаго же гнушается, ни верна ни неверна, ни раба ни свободна, ни мала ни велика, ни славна ни безчестна, ни странна ни пришельца, ни грешника, ни блуднаго и нечистаго: но всех равно и любит и милует, паче же грешныя и немощныя и нерадивыя, о нихже паче болезнует и сетует и плачет, и более иных сострадает: подражая Господа Иисуса Христа, иже грешники призва, ядый и пия с ними (Мф.9:13; Мк.2:16). Сего ради и показуя нам, кая есть истинная любовь, научает глаголя: Бывайте блази, милосерди и щедри, якоже и Отец ваш небесный милосерд есть. Якоже Он солнце свое сияет на злыя и благия, и дождит на праведныя и на неправедныя. (Лк.6:35; Мф.5:45): сице иже и любовь имеяй истинную, всех любит, всех милует и о всех молится. Суть убо нецыи, иже милостыню творят, а многих ненавидят, и тело свое оскверняют: таковии себе прелщают, на милостыню уповающе, юже творят, а злая дела творити не престающе. Но аще хощете спастися, престаните от зла, и стяжите истинную и совершенную любовь, юже сподоби нас получити, Христе Боже наш, ныне и присно и во веки веков. Аминь.

Брат некий вопроси старца, глаголя: коего ради греха неприятна бывает молитва человеческая? И отвеща старец: помнения ради зла, якоже рече Господь: Аще рече, принесеши дар твой ко алтарю, и ту помянеши, яко брат твой имат нечто на тя, остави ту дар твой нред олтарем, и шед прежде смирися с братом твоом, и тогда пришед привеси дар твои (Мф.5:23–24) Богови. Аще ли злопомнение имаши на кого, тогда разумей, яко молитва твоя неприятна есть пред Богом, но паче прогневляет Его.

Вопросиша иногда старца, который грех есть тяжчайший всех грехов? И отвеща: Якоже глагола святый Апостол Павел: яко более всех добродетелей любовь. (1Кор.13:13). Сице рязумей, яко и более есть всех зол ненависть ко брату и немилосердие.

И паки вопрошен бысть: кая заповедь прощает человека от всех грехов ? И отвеща: Господь глагола: не осуждайте, да не осуждени будете: И, отпущайте, и отпустится вам (Лк.6:37). Разумей се: еже не оклеветати брата своего, ниже осуждати, прощает всякий грех. Отпустите, рече Господь, и отпущу вам: и в нюже меру мерите, возмерится вам.

Вопросиша егоже: Аще кто сотворит грехи великия, и умилився начнет каятися, и тако в третий день умрет, како о нем разумети? И отвеща: Аще истинно возжелает и начнет каятися, и обратит душу свою от злыя мысли, и положит к Богу завет свой, яко к тому не согрешати, и не творити первыя грехи своя, яже содея: то аще и наутрие умрет приемлет Богь его покаяние, якоже и разбойника прият. Еже убо начати каятися, в воли человечестей есть: а еже жити или умрети, в воли Божией есть. Мнози убо начаша каятися, и восхити я Бог, устрояяй о них лучшее: зане аще многа лета пожили бы, паки во грехи впали бы и погибли.

Вопрошен убо бысть и еще тойже великий старец. Аще кто во гресех состареется, и не может поститися и бдети, ни труды творити или жестоко житие проходити, ни имения имать, еже бы за грехи раздати, ни жития мира сего может отрещися: како убо может таковый спастися ? И отвеща: Имже образом спасеся мытарь; якоже и Пророк глагола: смирихся, и спасе мя Господь (Пс.114:5). Якоже убо безкровная жертва и милостыня в прощение грехов приносится Богу, тако и смирение сердечное: жертва, рече Пророк, Богу, дух сокрушен, и сердце сокрушенно и смяренно Бог не уничижит (Пс.50:19). И паки: близь Господь сокрушенных сердцем, и смиренныя духом спасет (Пс.33:19). И якоже ублажаются милостивии и чистии сердцем, такожде ублажаются и смиреннии духом: яко тех есть царствие небесное. (Мф.5:3, 7:8). Сим путем может спастися убогий, и больныи, и престарелыи, грубый, и невежда.

Поведа нам ученик отца Зосомы глаголя: некогда, рече, седящу ми со отцем моим Зосимою, и душеполезная словеса глаголющим нам, вопросих его о сем: како подобает нам отгнати от себе ярость! Отверз старец уста своя, начат глаголати сице: начало убо, еже удержати ярость, се есть, еже не глаголати всяко, егда кто оскорбит тя, или укорит. О сем бо вопрошен бысть отец Моисей, аще смутися, егда укориша его глаголюще, почто мурин сеи входит посреде нас? И отвеща: аще и смутихся, но не глаголах. Егда же паки укориша его второе: не точию не смутися, но и сам себе укори, глаголя: черноплотне! добре сотвориша: не сый человек, что ходиши посреде челокек? Мы же даже достарости неможем новоначальных дел научитися и творити, за многое небрежение наше; и помышляем, яко неудобно нам есть сотворити заповеданная нам от Бога. Еже бо смутившися не глаголати новоначальных есть, a не cовершенных: великих же есть, еже нимало смущатися, но рекшему Пророку Давиду: уготовихся и не смутихся (Пс.118:60). Но мы о сем не хощем положити начало, не ищем, ни показуем произволение наше, яко да привлечем благодать Божию на помощь нам, но аще и мнимся показовати Богови произволение, гнило некаково и ничтоже суще, и недостойно прияти что от Бога. Вся бо наша, якоже в сеятву, тако и в жатву суть: колико приносит кто произволение толико и приемлет благодати. Якоже бо оратай сеет убо мало семен, аще же Бог благоволит в труды его, собирает множество: сице аще благоволит Бог в пpoизволение наше, можем по времени безстрастне и безтрудне и с покоем все творити, и от всех прибытки себе имети. Еже бо с нуждею молитися и терпети, раждает часто с покоем молитися: и еже с нуждею молитися, от произволения есть; а еже с покоем, се от благодати есть: сице же и во всех художествах видети есть. Приидет бо кто художеству научитися, и искривляет дело, множицею же и пометает е: но обаче не оставляет дела онаго, но паки начинает; и аще множицею искривит, не престает делая, но показует наставнику своему произволение свое: аще ли же стужит си и отбегнет, не может навыкнути дела; искривляя же многажды и не отбегая, но пребывая трудяся и делая, прочее действом Божиим бывает во обычаи, и вся без труда и с покоем творит. Сице и в духовных: аще кто хощет исправити добродетель, не должен есть имети во уме своем, яко абие исиравит сию. Аще и есть немощен, обаче да начнет; и аще в начале искривляет, да не обленився оставит, за не тако не может исправити ничтоже: но паки да начинает, якоже и хитрости научитися хотяй. И егда тщится терпети множицею и не унывати: тогда и Бог призирает в труд произволения его, и подает ему, якоже рехом, без нужды вся творити. И егда падает, да не малодушествует, но паки да начинает. Тако бо рече отец Моисей: дело, хотящим стяжати добродетель, труда требует и времене многа: еже бо хотети и любити труды, наше есть произволение; но к сему потреба и Божия помощи. Аще бо не содействует Бог произволению нашему, всуе трудимся. Якоже и земледелателю делающему ниву свою и сеющу, аще не одождит Бог на сеяние его, всуе будет труд его; тако и молитва и трудь требует действа Божия: тою бо привлачим помощь Божию на заступление наше. Аще же обленившеся в молитве, или стуживше, скоро отбегнем; то како призрит Бог на делание наше? Понеже ничтоже добльственне приносим; сего ради и ничтоже сподабляемся прияти: зане Бог на произволение наше взирает, и противу произволению и дарование подает. Еда бо отец Моисей не бе прежде разбойником начальник? Еда не сотвори многа зла, якоже и отгнану быти ему от господина своего, злонравия ради его? Но понеже добльственне приступи к Богу, с теплым произволением, и се видехом вси, в какову меру достиже, яко в причестися ему с великими в равноангельными отцы. Мы же аще и мнимся имети теплоту во отвержении нашем от мира, но лености ради нашея погубляем ю, пристрастие имуще к некиим земным вещем, ничтоже сущим и ниединому слову достойным, и презираем любовь Божию и ближняго, присвояюще себе вещи некия, яко от себе имуще сия, а не от Бога приемлюще. Что бо имаши, рече, его же неси приял? Аще же и приял еси, что хвалишися, яко не прием (1Кор.4:7)? И глаголаше: еда убо Христос, сый Бог, не имать, откуду дати нам благая дарования? Аще бы всяко видел нас пользующихся от имений, мог бы нас обогатити, якоже и отцы наша: но понеже видит нас не пользующихся в малых и непотребных, сего ради и не вверяет вам многая, милуя нас, да не конечне погибнем. Ибо аще бы видел нас пользующихся в малых, могл бы подати нам и великая, якоже рехом: аще бо кто ин, кроме Его, сотвори господий селом, или домовом, пометати имения своя пред ногами святых Апостол (Деян.4:35)? Но, якоже присно глаголю, Бог, благ сый, дает и нам от всего пользоватися; мы же, от пристрастия, и от еже зле приимати дарованная от Бога, погубляем, и пакость приемлем от дарованных нам от Heго, нашего ради злаго произволения.

Рече паки: никтоже может озлобити душу добродетельну; но вся, яже страждет, прибыток себе сия вменяет быти. Якоже бо верный утешается от веры своея: сице мучится неверный от неверия своего. Верный бо, аще и много терпит за дела благая, яже творит, но яко верен сый, надеется прияти послушания ради мзду, и имать много утешения. Неверный же, аще и мало постраждет что, смущается, томя себя помышлении своими, и глаголет в себе: сице он рече ми, аз же хощу рещи ему множае тех, яже рече ми, злопомнением тая, и помышляя вещи, ихже не может сотворити. Ни бо, яже помышляют человецы, могут и сотворити сия: зане не попущается им то от Бога, имиже весть судьбами Един. Множицею предприемлют озлобити кого; но, не попущающу Богу, точию всуе трудятся, тогда бо точию искушаются произволения человеческая; и колицы убо начинаху еже озлобити святыя отцы, но, понеже не попусти им Бог, никто же от них возможе озлобити рабов Божиих но и обличи о них цари: не прикасайтеся, рече, помазанным Моим, в во пророцех Моих нелукавнуйте (Пс.104:14–15). Егда же хощет Бог явити кому премногую благость Свою, и та самая сердца немилостивых преклоняет на милосердие, яко же пишется о Данииле Пророце: даде бо Господь Даниилу благодать и милость пред Навуходоносором царем. И блаженна душа, воистинну уготовившая себе к приятию посылаемых ей от Бога, яко ни в едином же оставляет сию, но во всех защищает ю, в нихже и невесть что просити от Него. И добре речено есть: муж мудр от Бога заступаем есть, и сего ради блажен есть. Рцы же ми, колико гоняще Саул Давида царя, еже умертвити его? Но понеже защищаем бе от Бога, ничтоже возможе сотворити ему; и неточию се, но и множицею предаем бываше от Бога в руце Давиду; он же щадяше его: понеже отнюдь святый не имяше злобы раздражающия.

Некогда вопросих старца, како должен есть кто уничтожаем или злословим от некиих негневатися? И глагола ми: аще кто имать себе уничиженна, не смущается. Якоже рече авва Пимен: аще себе смириши, на всяком месте обрящеши покой. И глаголаше, яко два брата некая смущение имеяху между собою, якоже прилучается во общем житии в братиях. Слышав се аз шед глаголах единому от них брату яже ко смирению: темже убо и смиристася на время, и сотвориста друг другу метание, и паки к первой любви возвратистася. По сих же не вем что тем бысть, яко обратишася на мя и глаголаста ми: вскую мниши ты, калугере, яко смирил еси нас? Мы бо сами хотехом примиритися; и восташа на мя глаголюще: мы исперва имехом тя не яко человека, но яко Ангела Божия; ныне же соблазнил еси нас, уничижая нас. Рех же к ним: аз убо, братие, первее приемлю уничижение сие, имже уничижих вас: и да дарует ми Господь даже до конца имети е с собою, яко да о всяком смущении еже на мя, аз первее сотворю брату моему поклонение, и испрошу прощение, и сподоблюся сохранити заповедь Господа моего, глаголюща: аще принесеши дар твой к олтарю, и ту помянеши яко брат твой имать нечто на тя, остави ту дар твой пред олтарем, и шед прежде смирися с братом твоим, и тогда пришед принеси дар твой, (Мф.5:23–24). Вы убо имеете мя, якоже глаголете, яко Ангела Божия: аз же имею себе грешнейша паче всех человек, якоже и есмь. Нынеже благодарю Бога моего яко и аз о себе тожде мню, еже и вы. Слышавше сие, оба брата умилишася, и начаша молитися и глаголати: прости нас Господа ради, авво, яко согрешихом к тебе. Сице кто предварит, и имать себе уничиженна и меньши, не смущается, аще и укорен будет от некиих. И аще прилучится ми сицево о некоем услышати, яко злословит мя; скорблю убо пагубы ради его, яко брат ми есть, и прельщается от общаго врага: себе же прибыток и пользу сие вменяю быти, и присно глаголю: блажащии мя от любве окрадаеми глаголют, яже хотят, суетно мнение имуще, и не могут пользовати мя: а егда вижду кого уничижающа мя и досаждающа³⁵¹, помышляю, яко Бог Господь сия посла для пользы моея, хотя искусити мя: и имею уничижающа мя, яко благодетеля, яко его ради отвергну малу тяжесть тщеславия, юже имут ко мне человецы.

Поведаша ми вещь сицеву: яко поносить мя некто от братий, пребывающих со мною, иже и образ иноческий от Мене прият, и о немже много аз потрудихся, ибо бе от благородных. Той единою глаголаше ми: отче мой много люблю тя; Рех же ему аз: еще не обретох, чадо, любящаго мя, якоже аз люблю его. И се ныне глаголеши, яко любиши мя: и верую. Аще ли прилучится нечто неугодао тебе, не пребудеши тожде: аз же елика ни постражду от Тебе, ни что же ми ниможет отлучити от любве твоея. Малу же времени прошедшу, не вем, что ему бысть, и начать глаголати на ми много некая, даже и до скверных неких вещей. Аз же, вся слышав, глаголах в себе: се причинство Иисусово ест, и послася исцелити тщеславную мою душу; от сицевых бо человек может зело пользоватися, аще трезвится, якоже и от блажащих его отщетеватися; сицевии воистину благодетели суть. Темже и вменях его, яко врача и благодетеля, и глаголах поведающим ми, яже глаголаше на мя: яко внешняя моя точию виде, и та не вся, но точию часть некую: сокровенная же моя безчисленна суть. По некоем же времени по прилучаю срете мя в Кесарии, и по обычаю объем облобыза мя, и аз того, яко ничтоже слышав: ибо, егда клеветаше на мя, елико сретах его, творях себе, яко ничтоже ведуща, аще и вся ведех, яже глаголаше на мя. Единою же припад и держа нозе мои, глаголаше: прости мя отче, Господа ради, яко много и люта глаголах на тя. Аз же, облобызав его, Рех ему радуяся: помниши ли, чадо, егда рекл ми еси, яко много люблю тя, и Рех ти: еще не обретох любяща мя никогоже, якоже аз люблю его; аще же прилучится нечто неугодно тебе, не пребудеши тожде: аз же, елика ни настражду от Тебе, ни что же может мя разлучити от твоея любве? Да известится сердце твое, чадо, яко не утаися ничтоже от Мене, от ихже глаголал еси на мя, но вся слышах, и где, и пред ким, в никогдаже рех, несть тако, ниже преможе мя кто, еже рещи на мя зло. Но и глаголах: яко яже глаголет, истинну глаголет, и не преставал поминая тебе в молитвах моих: и, да покажу ти знамение любве истинныя яже к тебе, некогда болех зело очима, и помянув тя, сотворих знамение честнаго креста в рех: Госводи Иисусе Христе, молитвами брата исцели мя; и абие исцелех. Сия слышав брат, от того часа любяше мя любовию безмерною. Сия же до зде яже о брате.

Глоголаше же авва: егда мало кто понесет брата своего, аще той разьярится, или скорбит, таже помале приходит в себе, и видит, како понесе его; тогда и самую душу свою готов есть положити за него, и радуется радостию неизглаголанною. К сему же и поведаше яко егда пребывах со отцем Захариею, той бе помалу гневаяся и скорбя на мя, аз же точию взирах нань и ничтоже вещах; и повнегда, гневавшуся ему много и преставшу, хотех показати ему, яко ничтоже вниде в сердце мое, от ихже глагола, и никую же скорбь имам о сих; той удивися и глагола ко мне: прости мя, радосте моя и свете мой; кто может носити мене, якоже ты носиши?

Поминаше же некоего инока, поведавша ему, яко имеяше старца кротчайша егоже, добродетели ради его великия и знамении, яже творяше, имеяше вся страна она, яко Ангела Божия. Некогда же некто, подвизаем от врага, пришед укори его последними досадами пред народом: слыша сия, старец стояше и зряше во уста его и глаголаше: Благодать Божил во устех ткоих, брате мой. Оному же неистовящуся и глаголющу: ей блядиве и тунеядче, сия глаголеши, да явишися кроток быти, отвеща старец: воистинну, брате, яже глаголеши, истинна суть. Потом же вопроси его брать некий, глаголя: убо не смутился ли еси, авво? и рече: ни; но сице ощущах душу мою, яко от Христа покрываему. И глаголаше блаженный³⁵²: убо воистинну должен есть кто благодарити таковыя, и имети их, аще страстен есть, яко врачи, исцеляющи душевныя его язвы: аще ли безстрастен есть, яко благодетели, ходатайствующи ему царство небесное. И поминаше отца Макарил, глаголя: что не сотвориша ему, егда оболгаху его за отроковицу ону, заченшую во утробе? егда в чрепины и корчажна ушеса обесиша на выю его, и досаждаху ему, водяще его по всей веси и биюще, яко ему еле живу остатися от ран: той же невещаше ничесоже, но, якоже мню, непрестанно моляшеся о них. И верую, яко аще и некое мало согрешение имеяше Святый, но ряди того уничижения очистися. И тако имеяше Преподобный тех, яко благодетелей, и безчестие добльственне терпяше, яко истинный раб Христов и присный делатель заповедей Его. Егда же восхоте Бог прославити раба, и прояви дело: тогда Святый отай бежа, вменяя славу человеческую скорбь быти, рече бо: яко да не оскорбят мя человецы, востав приидох зде, и се есть вина моего пришествия в скит.

Глаголаше паки, яко сущу ми еще в монастыри в Тире, прииде к нам некий старец добродетельный, мы же прочитовахом в отечнице словеса отеческая, любяше бо блаженный всегда проходити сия, темже и наполнися оть сих всякия добродетели. Таже чтуще приидохом до старца онаго, к немуже приидоша разбойницы, и реша ему, яко вся, яже в келлии твоей, взяти приидохом, и тому рекшу: вся, елака хощете, возмите, они, вземше вся и отшедше , забыша едяну ризу висящу тамо: старец же сию взем, погна в след их, вопия и глаголя к ним: чада, возмите, яже забысте в келлии вашей: они же, почудившеся незлобию старца, возвратиша вся паки в келлию его, и покаявшеся реша друг ко другу: воистинну сей человек Божий есть. Якоже убо прочтохом главизну сию, глагола ми старец: веси ли, отче, яко главизна сия много ми пользова? И аз рек к нему: како, отче? И глагола ми: некогда живущу ми во странах Иорданских, прочтох главизну сию, в чудвхся старцу, и глаголах: Господи сподоби мя по стопам старца сего ходити, якоже сподобил мя еси и образ сей прияти. И якоже имех желание сие, по двою дню се и разбойницы приидоша, и яко толкнуша во дверь, разумех, яко разбойницы суть, и Рех в себе: благодарение Богови! Се прииде время показати плод желания моего. Отверз же приях их с тихостию: возжег же светильник, начах показовати, яже имех в келлии моей, глаголя им: не смущайтеся, чада моя: верую Богови, яко не скрыю от вас ничесоже. Реша же ми: имаши ли злато? И глаголах им: ей, имам три златника; и отверзох влагалище мое пред ними: они же вземше отидоша с миром. Аз же (рече блаженный Зосима) склабяся Рех к нему: не возвратиша ли и тебе якоже и старцу оному? И глагола ми: ни! да не сотворит сего Господь! Ибо не хотех, да возвратят. И глаголаше авва; се зри желание старца и приуготовление, что ему исходатаи, яко не точию не оскорбися, но и возрадовася, яко таковаго дарования блага сподобися?

Некогда аз имех любовь с диаконом неким Лавры Святаго Герасима, и не вем откуду прият на мя мнение о вещи приносящей ему скорбь: и начат от Мене устранятися. Видев же его аз устраняющася, вопросих уведети вину; в рече ми: яко сию вещь сотворил еси. Аз же, неповинна себе ведый о вещи, начах извещавати ему, яко не вем себе ничтоже таково сотворша. И глагола ми, прости мя, яко не извещаваюся³⁵³. Отшед же аз во свою келлию, начах испытовати себе, аще что таково сотворих, и не обретох. И яко видех его в церкви держаща святую чашу, и подающа братии Божественных Таив причащения, кляхся ему сими, яко не вем себе сотворша вещь, юже глаголеши: и не верова. Аз же паки приидох в себе, и воспомянув словеса святых отец, и веровав им, обратих мало помысл мой, и Рех в себя: диакон искренно любит мя, и от любве подвизаем исповеда, яже име в сердцы своем, яко да трезвлюся, и ктому прочее да не сотворю сицеву вещь. Обаче, душе окаянная, аще и глаголеши, яко не сотворила еси вещь сицеву, обаче ина безчисленна зла сотворила, и забыла сия. Где суть, яже сотворила еси вчера иив другий день, или прежде десяти дней: помниши ли сия вся: такожде и сия сотворила еси, якоже и она, и забыла, якоже и прежняя. И тако положих в сердцы сноем, яко поистинне сотворих сие, но, якоже забыл первая, тако и сие. И начах благодарити Бога и диакона, яко тем сподобил мя Господь разумети согрешения моя, и покаятися о сем. Востав убо в сицевых помыслех, идох покаятися диакону и благодарити его, яко тем познах согрешение мое. И яко толкнух в дверь его, отверз сотвори ми метание прежде он, и глагола: прости мя, яко от бесов поруган, помыслих о тебе вещь ону. Воистинну убо извести ми Бог, яко неповинен бех о вещи ничесоже. И глаголаше блаженный: се есть истинное смирение, еже тако устрои сердце любящаго е, яко не точию не соблазнися на диакона и не оскорбися нань, но и ктому согрешение себь вмени; и не точию се, но и благодари его. И глаголаше: видиши ли, что творит добродетель, и колики степени подаеть любящим ю? Аще бо хотел бы, безчисленны вины приял бы на диакона: первое убо, яко ложно нань помысли потом же, яко тем извещен быв, не прият извещения. Но понеже устремися на добродетель, не точию не оскорбися нань, но и благодари его, добродетели предварившей сердце его. Тако и мы, аще быхом предваряли и полагали в сердце наше семена кротости и смирения, не бы убо имел диавол сеяти в нн злая своя семена. Но понеже обретает нас пусты всякаго блага помысла, или еще и раздражаем себе на злобу и злопомнение, сего ради и диавол, приемля от нас вины, своя исполняет.

Якоже сопротивне³⁵⁴ и при добродетели прилучается: егда бо видит Господь душу жаждущую спастися и делающую семена благая, видя благое ея произволение, Своими дарованьми исполняет ю.

Поведаху о старцы оном, вже некогда иде на торг купити себе ризу, в купи: взем же ю и полож, седе верху ея; дав же един златник, хотя наддати цаты: и яко начат чести³⁵⁵ цаты, се некий прииде созади и влечаше ризу, хотя украсти. Благоутробен же старец сый, ощутив сие, начат подвизатися помалу, яко простираяся к разстоянию цатам, дондeжe тать взя, в отъиде: и не обличи его старец. И глаголаше блаженный: не вемы, колико бяше риза достоина, или сосуди, ихже погуби, но обаче произволение велико показа: и имеяй сия, сице бе, якоже бы и не имел ничтоже; и егда погуби сия, такожде пребысть без смущения: ибо, якоже присно глаголю, не еже имети вредно есть, но еже по пристрастию имети. Таковый же, аще и всего мира сокровища имет, сице пребывает, яко ничтоже имый.

Глаголаше паки: яко может произволение теплое во едином часе принести Богови добродетель, елико не может в пятидесяти летех принести произволение леностное. И, аще видят бесове, яко уничижен есть кто, в досаждение прият от кого, или отщетися, или всяко пострада что, и скорбит, не яко пострада зле, или укорен бысть, но яко прекослови и не претерпе добльственне; сицева произволения боятся бесове: ведят бо, яко начат шествовати путем истинным, и хощет тещи путем Божественным, и последовати преподобным отцем нашим. Паки глаголаше: яко аще кто внушит глагол оскорбившаго, и плетет тьмы помышлений нань, той наветует свою душу, яко бесове. He достанет бо ему времене помышляющу таковая, аще не воспомянет врача своего Иисуса: зело убо себе таковый вредит. Что бо глаголеши и помышления плетеши нань, и не помышляеши его, яко врача, исцеляющаго тя, и показующаго твоя язвы? Должен бо еси благодарита его и имети яко врача, посланна от Христа. Аще ли не премениши злобу, но сице пребывая, будеши помышления плетый нань: неповинен тебе Господь Бог; оно же страдание бывающее болезнь и тягота души бывает: аще бо не бы болезнь, не бы страдал. И пидобает ти благодарити брату, зане его ради познал еси недуг твой, и приимати от него оскорбления, яко былия целебна, посланная тебе от Иисуса. Аще ли же не точию не благодариши его, но и помышления плетеши нань; сице глаголеши Иисусу: не хощу прияти былия Твоя, не хощу исцелитися от Тебе, согнити хощу в язвах моих; послушлив быти хощу бесом. И что уже сотворит Господь? благ бо сый Господь наш, противу злобам нашим даде нам святыя заповеди, воеже таковыми лечбами горкими очищати болезни душ наших. Иже убо хощет и любит цел быти, и пременитеся от недуга, терпит прилежно наносамая ему от врача: сам бо недугуяй никакоже может резати плоть свою, или целити себе; но с прилежанием повинуется врачу, зане кроме того невозножно пременитися недугу. Темже вдает себе врачеви, ведый, яко малым терпением многовременныя болезни асцелитися могут. Аще ли же не терпиши таковая, сам себе наветуеши. Кто исходатайствова святым мучеником венцы оны? He обидящии ли их? Кто дарова святому Стефану толику славу? He убивавшии ли его камением? И принесе авва притчу Евагриеву: яко аз, рече, укоряющим мене никакоже укорях: но паче, яко благодетелей тех вменях, и бояхся, да не како и о моей души речет: целихом Вавилона, и не исцеле (Иер.51:9). Якоже стяжавый милосердие щедрот, и любовь и благость, первее себе веселит и пользует, таже и ближняго: тако и сопротивное, злобу имеяй в себе, истончевает себе, и томление непрестанное себе соделовает.

И глаголаше паки: яко вопроси мя некто, глаголя ми: отче, многа суть вчинена учения, и изнемогает ум мой в них: молю тя убо, кая сохранити ми, кая ли не сохранити, да скажеши ми. И рек ему, да не удивляет тебе сие: но сие помышляй, яко аще не прилежиши к вещем, удобне имаши цсправити добродетель; и аще сопротивишися им, не имаши памятозлобник быти. Кий трудь есть молитися за враги? копати ли есть землю, или орати, или ходити путем? Но точию находящая ти претерпевай со благодарением, и будеши ученик святых Апостол, иже хождаху радующеся, яко сподобишася имене ради Христова обезчестими быти. Они убо, чисти суще в святи, за Имя Хрвстово безчестия, и гонения, и раны , и мучения прияша; мы же должны есмы безчестими быти грех ради наших: и безчестни есмы, аще и никтоже обезчестит нас, пачеже и проклятии: прокляти бо, рече, уклоняющииея от заповедей Твоих (Пс.118:21). Еда бо всех есть обезчещеным быти Имене ради Христова? не всех, во святых и чистых точию, якоже рех. А еже в нас безчестие помышляти благоразумне подобает: яко поправде, обезчестими есмы грех ради наших и злых дел. Но страстна сущи душа, мнит, яко по неправде страждет. Седит помышляющи, и плетущи помышления, и глаголющи: яко он – сице рече ми, и обезчести мя, и досади ми; и тако смышляет всегда, и исполняет волю бесовскую. И аще видят бесове душу послушающу их, и удобь приемлющу лукавыя помыслы; предают ю прочее сатанину художеству, и не требуют приседети ей, ведяще, яко сие довольно есть ей на погибель: точию назирают ю издалеча, еда како укоснела есть. Что честнее и что благо, токмо еже всех любити, и любимым быти всеми? Кий покой не имут заповеди Христовы? Но никакоже на благое устремляется помысл наш, но на вся сопротивная; аще же ко благим устремился бы, благодатию Христовою вся ему удобна быша были. Кое убо упокоение не имать кроткий и смиренный? Поистенне кротцыи наследят землю (Пс.36:11).

Иногда же бывшу ми во святем граде, прииде некто от Христолюбивых, и рече ми: за еже некую прю малу имехом между собою аз же и брат мой: то уже и беседовати ко мне нехощет: темже молю тя, яко да шедшу ти беседуеши ему яже ко смирению. Аз же с радостию прием слово, идох ко брату его в призвах его, и глаголах ему еже ко смирению: и много прекословимшумися с ним, и рече ми: не могу беседовати ему; понеже закляхся в честный Крест. Аз осклабився Рех к нему: дивство! Толику ли силу имать клятва твоя, еже: тако ми честнаго Твоего Креста, Христе, яко не имам сохранити заповеди Твоя, но волю вражию исполнити хощу? He должни убо есмы оставляти злое, бываемое от нас точию, но паче каятися и скорбети о злых, ихже наносим на ся, якоже рече богоносный Василий: Ирод аще покаялся бы, не бы совершил клятву свою, не бы соделал великий он грех, усекнув Христова Предтечу. И потом принесох ему притчу Святаго Евангелия: яко егда восхоте Господь умыти нозе Петру, како отвеща? И глаголах: аще кто поживет лета Мафусалова и не пройдет таковаго праваго пути, его же проидоша вси святии, рекше: еже обезчещему быти, и досаждаему, и обидиму, и терпети доблественне, во еже достигнути в меру святых и богоносных отец; таковый точию лета провождает и ничтоже успеет.

1. Тогда вменяй истинну имети добродетель, егда вся, яже на земли, совершенно презриши, готово имея сердце чистою совестию всегда, еже отъити ко Господу. Аще же ведом хощеши быти от Бога, неведом буди от человек, елико еже по силе.

2. Зри излишняя телесе утешения, и опрятан буди от них, да не како уймут³⁵⁷ нечто от трудов твоих: поелику³⁵⁸ сиречь к трудом, иже предваряху прежде безстрастия, здешняя от сих привходит отрада³⁵⁹. Тщету убо вменяй, не лишение сладких, но еже сих наслаждением лучших отпасти.

3. Веждь мравия самаго себе имея и червя во всяком чувстве³⁶⁰, яко да будеши богоздан человек. Аще бо не оно первее, ни убо сие привоспоследствует. И елико аще снидеши, толико взыдеши. Егда же и себе самаго, яко ничто же (Пс.38:6), пред Господем именяеши, по Псалмопевцу; тогда будеши велик от мала отай. И внегда мнишися имети и ведети ничто же, тогда богатееши и деянием и разумом³⁶¹ о Господе похвальным.

4. Сокруши мышцу грешному а лукавому (Пс.9:36): сласти глаголю н лукавству, от нихже всяка раждаетсл злоба³⁶². Сокруши же воздержанием и еже от смирения незлобием: да аще и взыщется весь твой грех крепким словом, во время испытания содеянных не обрящется что. Изглаждаются согрешенная, внегда вины сих, имиже совершенно действовашася, возненавидевше, мы на ня воевати имамы, первое побеждение последнейшею победою воззывающе³⁶³.

5. Ничто же есть лучше частыя молитвы, от нея же, яко оть источника, истекают добродетели: разум³⁶⁴ и кротость, любы и воздержание, и еже от слез внутрь бывающее от Бога заступление, вкупе же и утешение. Доброта же сея³⁶⁵ в единех глагалемых и разумеваемых есть мыслию, и несытно выну божественныя беседы желание, внеида своего владыку видением сущих изследуя ум, и ища горящим желанием жаждательне обрести и увидети Невидимаго, таже зря тму закров Его (Пс.17:12), возвращастся паки в себе всеблагоговейно спрятуяся: доволен сый убо мыне полезне открывающимся видением, и сим утешяем, благонадежен же сый, отнюдь тогда постигнути желаемое, егда, явлением разрешившимся, и еже в сенех мечтанию, яко в зерцале же и гаданиих, преставшу, пред лицем чисто зрение будст выну.

6. Спрятан буди от высочайших видений, аще не у на крайнейше безстрастие возшел еси: и не тецы непостижне³⁶⁶, яже паче тебе желая. Аще бо хощеши, рече, Богослов быти вкупе и зрителен: жительством взыди, и очищением стяжи чистое. А понеже Богословие воспомянухом, зри не на высоту сего, в безмерие простираяся³⁶⁷: и смотряй, яко несть праведно нам, млеком еще напаяемым добродетелей, к сему покушатися возлетати: да не како перие отвержем, яко птенцы несовершеннии³⁶⁸, аще и мед разума³⁶⁹ ясти желание понуждает. Внегда же целомудрием и слезами очищаеми, от земли, яко Илия, взимаемся, или Аввакум, еже на облацех (1Фес.4:17) отныне тогда³⁷⁰ начинающе восхищение, т чтстою молитвою зрительною же и непарительною вне чувств обретающеся, ищем Бога: тогда негли и Богословия отчасти прикоснемся.

7. Вожделел ли еси Божественна сподобитися видения и явления во уме? Мирно убо и безмолвно первее возлюби житие (1Тим.2:2), и упразднився познай и самаго себе и Бога. Аще бо сие будет, ничто же возбранит ти, яко в дыхания тонце (3Цар.19:12), в чистем устроении и не мятежнем³⁷¹ всякою страстию, всеми Невидимаго узрети во уме, спасение тебе своим изобразительнейшим разумом³⁷² благовествующаго.

8. Якоже молнии предтекущей, абие ожидаем есть и гром: тако идеже Божественно умилостивление возсия, тамо и страстей буря утишается. A идеже сие сприседит стяжавшему, тамо и обручеиие³⁷³ тамошняго блаженства. Несть же божественныя милости или безстрастия надежды в души любящей мир паче Создавшаго, и пристрастне обретающейся к видимым, и присно держащейся плотских сластей же и наслаждений.

9. Божество что есть и где, не ищи умом: пресущественно бо есть, и местом неудоржимо, яко паче всего. На единаго же описанного Бога Слова (человечеством), яко в зерцале, взирай, елико возможно достигнути, лучи света испущающа Божественным естеством, и в месте разумеваема, сущаго везде за неописанное Божества. Обаче елико аще очищаешися, толико и просвещения сподобишися.

10. Истинна разума рачительствуя, и извествования³⁷⁴ спасения несумненна, первее возлюбомудрствуй разторгнути страстныя души к телу узы: и наг быв пристрастия вещественных, сниди в бездну смирения, в обрящеши многоценный бисер спасения твоего, яко во чрепине³⁷⁵, в божественнем разуме³⁷⁶ сокровен, и светлость тебе царствия Божия предобручающь.

11. Мысленное исправлшему повиновение, и покорившему плоть духови, несть потребы человеческаго повиновения: повинуется бо сей слову Божию и закону, яко благоразумен послушник³⁷⁷. А в нихже рать и брань есть тела противу души, нуждно есть повинутися, и стяжати воеводу в кормчия, кормилодержаща художно, и изрядно³⁷⁸ вооружающа: да не како от мысленных супостат потребимся, и от страстей за неискусство³⁷⁹ потонем.

12. Егда от некия страсти не стужаем еси, и божественное желание растет внутрь в сердце твоем; и внегда, яко сон вменяя смерть, не боишися тоя, но и паче желаеши разрешения: тогда в обручение стяжал еси спасения, яко же подобает, в царствие небесное обносиши внутрьуду, неизглаголанною радостию радуяся.

13. Священства сподоблся Божественнаго и говийнаго³⁸⁰, самаго себе первее должен еси имети пожренна³⁸¹ умертвием страстей и сластей: и тако смети прикасатися животней³⁸² и страшней жертве: аще не хощеши, яко вещество удобосгараемо, божественым сожжен быти огнем. Аще бо Серафим без клещей не сме божественному прикоснутися углю; како ты коснешися без безстрастия, имже и язык имети будеши оскящен, и устне очищенне, и душу чисту с телом , и саме те руце, всякаю злата светлше, яко служительне³⁸³ пресущественнаго огня и жертвы.

14. Разумей крипце глаголемых силу, яко на оно на всяк день взираеша спасение, еже единою видев Симеон старец, ужасеся, и о отпущении моляшеся (Лк.2:30). И аще весть не приял еси от Святаго Духа приятен быти ходатай³⁸⁴ Богу и человеком, яко равноангелен: да не смееши³⁸⁵ дерзостне на страшное и пречистое божественных священносовершение, его же и Ангели ужасаются, и мнози от Святых, яко от нетленна, всеблагоговейно опряташася³⁸⁶, да не како, яко Оза он, мнением благаго потребишися.

15. Внемли себе, по рекшему (1Тим.4:10). Аще что тебе прежде, или ныне, внутрь бывает негли сквернавое от немощи, божественным да изнуряется огнем, о своих первее гресех выну приносящу³⁸⁷. Тако бо, яко избран и благопотребен сосуд и чист, и таковмя Жертвы достоин, возмогл бы еси во сребра естество, или и злата (1Kop.3:12) преложитися, аще нецыи и скудельни и древяни были быша³⁸⁸, аще точию имети будеши Божество прикланяемое³⁸⁹. Иде же бо Бог в послушание³⁹⁰ готов, ниедино преиятие от сего в сие преложению.

16. Зри же, еликия сподобился еси равноангельныя чести, и тщися пребывати неповинен³⁹¹ во стеиени, в оньже позван быль еси, добродетелью всякою и чистотою. Падшаго бо денницу веси, от какова яков бысть за возношение. Еже да неоостраждеши и ты , великими о себе самом мечтаяся: но имей себе землю, и пепел (Быт.18:27), и помои³⁹², и пca некоег0, и плачи выну, яко всяко сподобляешися в приобщение Божественно и сродство³⁹³ празываем быти прикосновением святых Таин страшнаго священносовершения, человеколюбием Божиим неизреченным и неизглаголанною благостию.

17. Священничествующему в всех убо подобает быти чисту страстей: изряднее же блуда и злопомнеиия, ниже тонко имети мечтание³⁹⁴, аще не хощеть якоже поврежден, или сажею помазан на очию, тела касаяся царска, ненавистен быти и мерзок.

18. Струями слез первее паче снега убелен (Пс.50:9), такоже и с совестию убеленною чистотою, прикоснися Святым, яко свят, внешним Ангелообразным белоодеянием внутреннюю являя души красоту. Зри же, не извествоватися о божественных таинствоначалии³⁹⁵ сущими у чсловек точию предании, но да будет ти благодать, тайно купно и таинственно, вышшим вразумляющи.

19. Нетления рачительствуя и безсмертия, честно и благоговейно верою приступи к животворящим и нетленным³⁹⁶: желая и еже отсюду отшествия, яко совершен быв верою. Аще же боишися смерти, не у сорастворилев еси любовию со Христом: его же сподобился еси своеручне жрети³⁹⁷, и его же насыщаешися плотей. Аще бо бы растворился еси, потщался бы еси пойти, идеже Любимый: о жизни же и плоти ниедино прочее творя³⁹⁸.

20. Плоти Божия и жрец быв и приобщник причащением, снасажден быти и подобию смерти Его (Рим.6:5) должен еси: не ктому живый себе, по Апостолу, но за тя распеншемуся и умершему (2Kop.5:15). Аще же плоти и миру живеши страстно, готовися смертию к мучению безсмертну, аща не станеши³⁹⁹ волею прежде кончины от безкровныя жертвы. Обаче коль мнози и зде от недостойне священнодеиствующух, внезапною восхищени бывше смертию, в тамошняя послани быша мучилища.

21. Священник бо некий, в томжде времени купно и инок, благоговения славу имея, и многими внешним появлением⁴⁰⁰ честен вменяем, внутрьуду же тайно блудствуя и оскверняяся, Божественную и священную совершая службу, к херуиимскому приближися песнопению, таже выю поклонив, якоже обычно, пред святою трапезою, и еже: «никтоже достоин», прочитая, внезапу обретеся мертв. В таковом образе остави его душа!

* * *

22. Слова права и разума⁴⁰¹ ничтоже есть предпочтеннейше; отсюду бо прибывает иже ко Богу страх и любы: он убо очищая благоговением и спрятанием; она же совершеннотворя просветительным имством⁴⁰² же и разсуждением, и ум высокошествен соделовая высоким видением и восхождением. He возможно же без страха к божественному рачению приити, и тем полетети ко уповаемым и почити в ннх.

25. Прииди же мне покаряяся, иже спасения разжженне и непогрешительне желаяй. Дондeжe постигнеши, тецы: ища с болезнию, прося непрестанно, и толча терпеливно, дондeжe получиша, основание⁴⁰³ водрузив веру тверду и смирение. Тогда же постигл еси желаемое, не егда оставление грехов точию получиши, но егда не ктому страшишися, ниже боишися страсти некия возстания, без страха и со дерзновением плоти разлучаяся.

24. Ищи извествование⁴⁰⁴ прияти со многими слезами, обаче не прежде кончины, аще смиренномудр еси, да не како во прочее⁴⁰⁵, яко без попечения быв, презриши; но тогда обрести, близ исхода: обаче не ногрешительне, да не уповав имети, поругаем от возношения, погрешиши⁴⁰⁶ желаемаго, уповаемому тогда постигшу времени. И где пойдеши, окаянне, без обручения⁴⁰⁷ и спасающаго не сомненнаго извествования, даемаго Духом.

25. Безстрастия рачительствуя боготворнаго, послушанием первее в смирением обрящеши желаемое: да не инем путем шествовав, трудов себе виновен будеши. Безстрастие же стяжал есть, не иже овогда убо от страстей стужаемый, овогда же безмолвствуяй и почиваяй, но иже всегда наслаждаяйся в безстрастии, и, винам присутствующим страстей, пребываяй неподвижим: изряднее же в иже не страждай в сих помышлением.

26. Текущих желание не низвлечет тя на землю, небесными мечтающася⁴⁰⁸. Аще же некое тя пристрастие земных к себе привязует, подобен еси орлу, держиму в сети за ноготь, и возбраняему высокопарения. Имей убо вся и вменяй уметы, упованием воздаяний. Но и саму ту плоть, времени зовущу, огтряс, последуй исторгающу тя Ангелу Божию.

27. Якоже не возможно златнице, не имущей начертания царска, в сокровища царска со обычными учиненней быти: тако не возможно, без рязума⁴⁰⁹ нрава и безстрастия, прияти обручение тамошняго блаженства, и со дерзновением и извествованием изыти от здешних ко уповаемым, и соченену быти со избранными. Разум же глаголю, не⁴¹⁰ премудрость, но незаблудное Бога и божественных ведение, имже боголюбивый возносится, не низвлекаем от страстей, ко обожению благодатию Духа.

28. Аще и всю деятельную⁴¹¹ пройдеши, ни тако уповати да имаши на себе, яко достигл еси в безстрастие, ниже без попечения да пребываеши в мире: да не како образы страстей отсюду вообразив, неудобство обрящеши отходя: но присно страхом пествуем, о преложнем прилежи⁴¹² и изменяемем твоем естестве. Удалися премудростию вин страстей: в конец бо неизменное безстрастие, в достигших есть совершенныя любве, и видением всегдашним превземшихся чувственных⁴¹³, и тело превозшедших смирения⁴¹⁴, ихже не касастся пламень страстей ктому, пресечен быв (Пс.28:7) гласом Господним, за еже преобразитися сим уже в нетление⁴¹⁵.

29. Безстрастия желай, не прежде времене, да нe постраждеши еже пострада первозданный, безвременно причастився древа разума⁴¹⁶. Но, делая с терпением, обдержительным⁴¹⁷ воздержанием, и прилежным молением, и храня самоукорением и смиренномудрием крайним соделанная, ожидай по сих благодати безстрастия, – по многой бури и смущении пристанища покоя. Не бо неправеден есть Бог, еже бы затворити право ходящим безстрастия дверь, внегда подобает.

30. Иди ко мне, ко мравию худостию и ничтожеством, о лениве (Притч.6:6), ксему же и невскушенне: и научишися от Мене, яко благих наших нетребует (Пс.15:2) Бог нескудный и преисполненный, но богатодарне благодетельствует и спасает благодатию произволательных благоразумных, еще же и еже посиле делание человеколюбне приемлет. Аще убо, яко должник прежде бывших от Него благ, твориши: благо твориши, и близ есть Божественная милость. Аще же должника благих, яже мнишися делати, непщуеши имети Бога: от праваго заблудил еси. Како бо должник есть благодетель? Обаче и тако тецы, яко наемник: и помалу предспея, постигнеши, милостию Божиею, ищемое.

31. Хощеши ли тебе и ин спасения, пачеже безстрастия, покажу путь? Понуди Создателя моленми, елика сила. He погрешиши предлежащаго⁴¹⁸, ходатаев к Нему выну предлагая небесныя вся Силы, и вся вкупе Святыя, с пречистою Богоматерию. И безстрастия убо не ищи, яко не достоин сего дара. Проси же спасения болезненно, и приимеши с сим и безстрастие. Оно бо убо сребру, сие же злату подобно есть чисту. Имей же и тайное , елико возможно есть, делание Божию служительницу, и некиих сокровенных у Него таин словеса, Боготворяща тя, имиже веселится Бог вкупе и прикланяется.

32. Подвигнися обручения⁴¹⁹ спасения прияти тайно внутрь в сердце твоем, извествованием несомненным, да не ужас обрящеши и страхование нечаянно во время исхода. Тогда же приял еси, аще не ктому имаши сердце зазирающе о оскудениих, и совесть биющу о прогневаниих; аще зверских страстей свирепство укротися в тебе божественною благодатию; аще и слеза утешения истекает, и ум чисте и невысимо⁴²⁰ молится, и внегда сладце во уготовании сердца ожидает бегательныя многим вкупе и страшныя смерти⁴²¹.

33. Глаголы живота вечнаго, яже имети Бог Слово от верховнаго Апостолов свидетельствовася (Ин.6:68), словеса суть бывших⁴²² Тем (Ин.1:3): и тайноводствуемый к Нему, в тайны тех, яко нескверен, быв посвящен, уже отсюду⁴²³ стяжа и живот вечный, и обручение⁴²⁴ Духа, и непостыдное упование спасения. Не сподобляется же сих, предпочитаяй паче души плоть, и пристрастие имеяй к земным, и теми держимый.

34. Словесев, не иже произносно имый слово, есть; сие бо имать всяк человек; но иже словесною⁴²⁵ частию души иский же и изследуяй обрести Бога. Обаче в той никакоже когда обрящет, что убо есть существом Пресущественный: всякому бо естеству сие невозможно: но⁴²⁶ содетельyою сущих премудростию, и промыслом, и управлением: содержанием же купно и окормлением и соблюдением, имиже обретается и аки зрим есть Изряднохудожник, еликим образом и домоздатель делом своею руку.

35. Нестяжания, якоже подобает, без безстрастия не исправиши, ни безстрастия без любве; ни сея без страха и чистыя молитвы; ни сих без веры и без безпопечения, имиже воскриляем ум, долеретное повергает мудрование, летит же на высокая и превыспренняя, своего Владыки изыскуя.

36. Возлюби чистоту, яко зеницу ока, да будеши Храм Божий и дом вожделенен: не возможно бо без целомудрия присвоитися⁴²⁷ со Богом. Раждает же добродетсль сию желание божественно, и безпристрастие и бегство мира; соблюдает же смиренномудрие вкупе и воздержание, молитва всегдашняя, и видение духовно, и с безгневием прилежна слеза. Доброты же разсуждения без безстрастия неполучиши.

37. Никто же тя да прелстит, брате, яко без святыни, по Апостолу, зрим есть Бог (Евр.12:14). He бо приемлет⁴²⁸ Господь пречистый, и всякия чистоты паче сый, нечисту явитися. Яко же бо не достоин Его есть, иже отца или матерь паче Его любяй: или паки дщерь и сына: тако и иже нечто когда от привременных и вещественных⁴²⁹; и много множае, иже мерзостный и злосмрадный предпочитаяй грех паче любве Господни. Отмещет бо не отвращающася скверны Бог: зане ниже тление нетления наследствует (1Кор.15:50).

38. Божественныя любве без разума⁴³⁰ не сподобишися, ниже сего без веры. Веруже глаголю не нагую просте: но от деяния прибывающую добродетелей. Истинное же умиление тогда получшпи, егда воздержанием и бдением, молитвою же и смирением всажденную плоти увядив сласть, сраспнешися со Иисусом: не ктому живый страстно, но Богови Духом, и живый в ходя упованием вышняго наследия.

39. В сем познах, яко восхотел мя еси, вопиет ко Богу, яко не возрадуется враг мой о мне (Пс.40:12) даже до конца мучительствуя страстьми, и удручая мя. Но да прежде кончины от руки его исхитиши мя, и жити духовне в Тебе благоугодне сподобив, чрез благий конец спасенна Твоему представиши судищу, зде обручение спасения, Твоею милостию, и несомненное извествование приемлюща, яко да не смущен во время исхода и неготов обретуся, и да не испытаю нестерпиму скорбь и паче смерти и муки горчайшу и тягчайшу.

40. Несть просте худа вещь и приключшаяся⁴³¹ вера и надежда: но вера убо крепкия души требует; надежда же разсмотрения и сердца права. Како бо кто веровати имать невидимым удобь без благодати? Како же надеятися имать кто о будущих безвестных, аще не удержит от правоты дарований Господних, ими же и о онех приимет извествование, яко о настоящих? Темже во обоих и добродетелии потреба, и Божия приклонения же и помощи, имже не присутствующим нам, всуе труждаемся

41. Плод истинныя добродетели есть, или разум⁴³², или безстрастие: или и оба сия. Аще ли же ни, то суетна бысть нам мнящаяся добродетель, и несть непритворна: аще бо бы была, окосмотевала бы⁴³³ и плодами, а не листвием точию. Ныне же, или угодием человек, или самоугодием, или инем чим от неугодных сущих Богу, таймичищь⁴³⁴, а не боголюбив есть. Но мы, вину исправльше, получим на пользу несумненно, приносящую, внегда подобает и елико подобает, разум⁴³⁵ же и безстрастие, благаго Бога нашего благодать.

42. Разумевай умышления вражия, просвещением благодати, и повергая себе пред Богом с плачем, извещевай немощь свою, ничтоже имея себе, аще и мнетися кого быти⁴³⁶ увещавает лстец. Ниже убо молися о любодарствии⁴³⁷ даронаний, аще не бы были тыя спасения виновны, и смиренномудрия хранительны. Ищи же разума⁴³⁸ не кичащагося (1Кор.8:1), яко боговидения виновна, и еже не насилуему быти, яко мучительми, страстми: но отпущену быти⁴³⁹ в безстрастии, или в милосердии⁴⁴⁰ о согрешениих, еже есть смиреннейше.

43. Якоже не возможно есть возлетети на высокая и выспренняя без крилу, тако ниже получити уповаемая, без сущаго отсюду несомненнаго извествования. Извествование же бывает от смиренномудрия крайняго, или от благодати Святаго Духа, в совершенне примеряемых со Богом: в нихже и безстрастие есть воистинну, или отчасти, или совершеннее, по⁴⁴¹ примирению и очищению. Инако же тела разлучающиися, яко в зиме (Мф.24:20) страстей еще, или в субботе (праздни, яве яко, добродетелей), под судом суть и истязанием, яко повивни во время воздаяния.

44. Спасаемь туне, благодари Спасителеви Богу. Аще же хощеши и дары принести, приноси от вдовствующия души твоея две лепте благоразумно: смирение, глаголю, и любовь: и приимет сия, добре вем, паче множества добродетелей, ввергаемых от многих во спасения сокровищное хранилище. Аще же и, яко Лазарь, требуеши оживления, умер от страстей: саме те, яко сестре родне (Ин.11:3), предлагай Ходатаице к Нему, и получиши воистинну ищемое.

45. Деятельную⁴⁴² исправляя, не возможеши тою единою приближитися к безстрастию, якоже чисте, купно и непарительне⁴⁴³, молитися, аще не и духовна ум преемствуют видения, просветительнаго же разума⁴⁴⁴, и сущих разумения: имиже воскряляемь и просвещаемь, возносится отнюдь⁴⁴⁵ истинныя молитвы рачением, выспрь простираяся к сродным светам горних невещественных Чинов, и от онуду, елико достигнути мощно, к великому восхищается свету в трисолнечному Богоначальныя Троицы.

46. He имамы мучитився в будущем, яко согрешихом, ниже осуждени будем сего ради, преложно и пременно получивше естество: но яко согрешивше не покаяхомся, ниже обратихомся от лукаваго пути ко Господу, власть приемше и время покаяния: да и паче, благо быти Божество (еже и есть), покажем, и не совротивное, яко страстно есть, аки мстящее в гневающееся: разве точию на злобу, а не на ны. Бог бо всякия страсти в всякия мести вне есть: аще и глаголется сообразоватися делом и расположением нашим, яко зерцало, комуждо по достоинству содеянных воздаяние подая.

47. Колеблемь от лучшаго стояния, не ужасайся, но исправляйся, скорее паки теча в прежнее устроение, печалию и дряхлостию⁴⁴⁶ в самоукорением зельным; но убо и слез довольным излиянием в сокрушении духа, имиже изшед от приключившагося падения, во удоль приидеши спасптельнаго радования; во прочее утверждаяся, елика сила: да не паки Судию прогневав, требуеши слез и скорби ко умилостивлению. Аще же не зде сие будет, то всяко в муце в будущем.

48. Паки о говейнем⁴⁴⁷ священстве нам слово: яко Ангельска требует чина и очищения, и многшаго по сих утверждения⁴⁴⁸ и целомудрия, паче неже прежде. Темже подобает убо в пред сим скверному неколико чисту быти: чистое же како убо осквернится? Разве точию аще бы хотели, свету тму примешающе, и миру злосмрадие, горе наследствовати и погибель, яко священно-татие воистинну, якоже Ананиа в Сапфира.

49. От сосуда погибша, вкупе и не потребна (аще негли и мнишися достоине взыти на священство равноангельное в небесное), малым очищением, сосуд избран и Господеви благопотребен (2Тим.2:21), по Павлу, быв, блюди честь нескверну, еяже сподобился еси. Храни божественный дар, яко зеницу ока, да не осквернився невнимательно, отвержен будеши с высоты воистинну в пропасть, не удобь обретая возвращение.

50. Разумевай, яко мудроимец⁴⁴⁹, яко Богу оправдающу, осуждаяй никтоже (Рим.8:34): и аще звав быв, вшел еси в премирную Божественнаго Священства благодать, никоеже ти радение о предваршем житии, аще негде чим негли и осквернися, Богом же паки и твоим очистилося есть исправлением. Но да будет ти тщание и трезвение, по сих не осквернити благодать: да аще кто весмысленно о твоем н расуждает священносовершении за предваршая⁴⁵⁰, внушит⁴⁵¹ божественну учащу гласу: яже Бог очистил есть, ты не скверни (Деян.10:15).

51. Легок есть священства сан и иго благо (Мф.11:30) но донележе аще избирается, кунно же в исиравляется, якоже есть закон, и аще не купежа есть⁴⁵² благодать Божественнаго Духа. Внегда же тщанием человеческим и даром тленным куплетвовалося бы непродажное, и звание не свыше: тяжко убо есть бремя зело, яко носимое вне достоинства в паче силы, и жестоко зело иго стирающе и выю и крепость влекущаго, аще не оставится, дондeжe сего изнурит и потребит совершенне.

52. Пришед под иго Священства дерзостне, исправляй пути твоя, и право прани слово истины (2Тим.2:16), со страхом в трепетом тою твое соделовая спасение (Флп.2:12): зане Бог наш огнь есть потребляяй (Евр.12:29). И аще убо касаешися Сего, яко злато или сребро, не бойся запаления: яко ни иже в Вавилоне отроцы огня. Аще же сеноват еси и тростист, удобозяпалимейшаго вещества⁴⁵³, яко земленомудр; трепещи, да не созжен будеши Божественным огнем, аще не убежиши, яко Лот, гнева удалением от ужаснейших. He вем, разве точию аще бы некая была от немощи малейшая умаления⁴⁵⁴, Божественным сим огнем потребляема во святейшей жертве, и отсюду пребываеши сам неопалим во огни и невредим, яко немощный он купины сад⁴⁵⁵.

53. Страдательнаго имства⁴⁵⁶, яко семеноточиваго, немогущь отторгнутися за многовременный обычай, како дерзаеши на неприкосновенная и Ангелом, окаянне? Убо или ужаснися и удаляйся прочее Божественнаго священносовершения, и тако умилостивится Бог; или ожидай, яко нечувствен купно и не исправлен, в руце Бога жива со гневом впасти (Евр.10:31), не щадяща человеволюбно, но немилосердно тя мучаща, за еже дерзати безстудно на царский брак оскверненною и душею и одеянием, яко недостойна и самаго входа, колми же паче возлежания.

54. Вем аз от священничествующих некоего, иже на Божественная дерзаше недостойне, понеже в страсть блуда впаде. Уязвляемь бывает убо первее недугом неисцельным и лютым, и уже к смерти приближашеся. И понеже, всяко творя о избавлении злаго, совершаше множае ничтоже⁴⁵⁷, паче же тому и злое простирашеся: в сочувство негли пришед, и познав, яко умерщвляем есть сим, еже вне достоинства священнодействовати, отрицается убо абие с клятвою сващенныя Литургии⁴⁵⁸. При ногу же абие и исцеление припоследствова, яко неже следу в сем остатися недуга.

55. Светло священства достоинство же и одеяние, но, донеле же имать спросиявающу внутрь и душу чистотою. Внегда же опорочится от невнимания, и совесть, свидетельствующи о студе, презирается, свет бывает тма, и вечныя тмы и огня виновна, аще не како убо оставлше сей путь, яко обоюду стремнем, на ин уклонимся добродетелию и смирением, безбедно в царство Божие ведущий.

56. Спасения получение худостию⁴⁵⁹ и добродетелию приходит, а не славным Священством и равноангельна истязующим жительства. Убо или буди, якоже Ангели безстрастен, яко вне мира и плоти сый мудрованием, и тако на небесную сию иди лествицу: или познатель своея немощи быв, бойся высоты велика падения не мужедоблствующим⁴⁶⁰, и многими любимо приими житие, не мнее онаго Богу усвояющо; в немже аще и случвттися пасти, удобно паки востание раскаянием бывает, милостию Божиею, купно и благодатию.

57. Плоть и кровь царствия Божия не наследствуют (1Кор.15:50). И како ты, плоти Божия причащаяся и крове, не бываеши стелесев (Еф.3:6) и не растворяешися с Сего кровию, уже внутрь имея царствие небесное; но от страстей обседаем еси плоти и крове? Боюся, да не како не пребудет в тебе Дух Божий яко в плотском (Быт.6:3), и полма пресечен (Мф.24:51) будеши тогда во время суда, вземлющуся от Тебе говейному⁴⁶¹ священству, яко от недостойна таковыя Благодати⁴⁶².

58. Пред очима твоима страху не сущу Божию, мниши худу⁴⁶³ некую вещь быти, еже недостойне священнодействовати, от самолюбия прельщаем, и блага отсюду Бога непщуя. Сие и Даоан древле пострада и Авирон, дондeжe сих земля пожре. Чесого ты бояся, и устрашаяся идеже воистинну есть страх, разумевай величие вещи, и или достойно и чисто, да не реку: равноангелен, действуй Божественнаго священства вещь, или удержися от страшныя Жертвы, яко разумен: да не како, в сем презирающу тебе, и свою прелщающу совесть обличающую, речеши, тогда осуждаем, с болезнию, егда вся судятся и истязуются: страх, егоже ужасахся, прииде мне, и егоже бояхся, срете мя (Иов.3:25).

59. Трезвенне и болезненне о себе первее принеси, с сокрушением и слезами, мироспасительную и священную жертву во умилостивление. Кого бо имети будеши боляща о тебе, такожде и приносяща⁴⁶⁴ по смерти? Темже. яко быстроумен⁴⁶⁵, предварив, сам себе погреби уже и прежде помяни в ходатайство спасения, сама та Сватая на святей трапезе предложив Богови, и вольное зде и человеколюбное воспоминая Того заколение.

* * *

60. Неизреченна и несказанна сладость есть со извествованием разлучающияся души от тела, и совлекающияся сего, яко ризы. Получением бо уже уповаемых, отлагает сие безпечально, идущи с миром к свыше пришедшему светлому же и тихому Ангелу, и невозбранно преходящи с ним воздух, отнюд не повреждаема от духов лукавствия, но восходящи в радости, с дерзостию и гласы благодарственными, дондeжe к поклонению достигнет Творца, и отъонуду приимет изречение, с подобными учинитися и равномерными добродетелию, даже до общаго воскресения.

61. Странно слово глаголю, и неудивляйся: аще и не получиши безстрастия, за мучительствующия негли предприятия⁴⁶⁶; но, обретаяся во время исхода в бездне смирения, ничимже мнее безстрастнаго, паче облак вознесешися. Аще бо безстрастных сокровище и от всякия добродетели собрася, но драгоценный камень смирения паче всех есть достоин, не умилостивления точию стяжавшему его виновен у Бога, но и совшествия со избранными в невестиик царствия его.

62. Очищение приемля от Бога согрешений, слави Незлопамятнаго купно и Незлобиваго, утверждаяся над вольными согрешении всею силою: аще бо и о тех есть умилостивление даже до исхода по вседневне, но мнишися⁴⁶⁷ неразумен быти, ежа в разуме⁴⁶⁸ удобь согрешати. Обаче, отгоняющу тебе благонадежия каменем пса отчаяния, и безстудно всегда и пребывательно просящу, отпустятся мнозм грехи: да одолженно⁴⁶⁹ и сам возлюбиши Многолилосерднаго и Преблагаго в будущем веце.

63. Егда от Божественныя действуем будеши благодати, пред Богом со слезами в молитве валяйся, крестообразно простерт на зелли, и бия главою, и ищи еже отсюду⁴⁷⁰ отпущения, яко свободы от тления, и искушений отчуждения: обаче ве по угодному тебе, но, якоже Богу изволяется, и внегда, и идеже: желая убо уже отшествия, и любя сие, аще бы соотшел еси со слезами ко Господу во глубине смирения, да станеши без попечения быв от пламене желания и моления ; терпя же обаче отлагание ныне в настоящем, яко лучшее что предзрящу Богу. Непогрешительное же, понудительне и неослабне ищи, – чтб убо не творя, что же не глаголя, что же не смотряя и содевая, яко да не отпадеши от Бога.

64. Плотоносец сый, не покушаися мысленная, якоже суть, испытовати, аще и умное души ведет к сим чистотою. Аще бо безтелесное, дыханием и кровию удержанное, не разрешится дебелства, и с мысленными не будет, не возможет сия, яко же подобает, разсмотрети и постигнути. Предуготовляяся убо изыти от вещества, яко от некиих иных вторых матерних ложесн и темных, ко онем невещественным же и светлым, благодушествуй, славя Благодетеля преводящаго ны смертию ко уповаемым нами, и трезвися выну, ради окрест ходящих нечестивых бесов, и нашему присно благоискусству⁴⁷¹ наветующих, и пяту нашу лстивне блюдущих, сиречь жития окончание: трепеща даже до исхода, за безвестное будущаго: яко преложен создан быв в удобь пременяем за самовластное.

65. Тогда свирепыми нас и страшными предусретает враг искушенми, егда ощутит душу великих добродетели мер явльшуюся: назнаменует же сие⁴⁷² и от глагол молитвы, и от вышеестественнаго над оною двоицею, плотию же и чувственными, восхождения. И толико завистно человеконенавистный искушает, яко отчаятися нам и жизни. He весть же, якоже мнится, елико виновен нам бывает благ, искусны⁴⁷³ делая ны отсюду терпением, и светлейши венцы исплетая нам.

66. Несть ин болий подвиг паче целомудрия и девства. И от самых бо тех Ангелов удивляем есть безбрачие почитаяй, и страдальцев не мнее увенчавается: плотию бо связанному кому и кровию, тщатися присно чистотою подражати невещественность безплотных, коликих есть трудов и потов! И колико воистинну велие и высоко исправление⁴⁷⁴, яко безмала и не возможну быти мнетися, яко паче естества! Разве негли точию Бог свыше поможет, немощное естества укрепляя, и гнилое подкрепляя, и образом некиим от земли вознося рачением Божественным, и упованием отложенных почестей.

67. Омокротенаема плоть многопитием и многоспанием, велие есть к целомудрию препятие. Целомудрие же истинно и в мечтаниих, яже во сне, пребывает недвижно: еже бо притекати в сия уму, знамение есть, яко обносит еще недуг страсти глубоце. Аще же благодатию сподобится и без тела, во сне, беседовати с Богом; то пребывает сей чист⁴⁷⁵, и души и тела хранитель бодр, безмолвствующема тема, якоже некий нес, наветных ради волков бдяй и неокрадаем.

68. Преславно⁴⁷⁶ тебе слово глаголю, и не удивляйся. Есть некое таинство, тайне между Богом·и душею совершаемо. Высочаиших же есть сие мер, и совершеннаго очищения, и любве, и веры: егда человек, в конец примирився, соединится со Богом усвоением, молитвою и видением непрестанным. Сим (таинством) Илиа убо затворяет небо бездождием, небесным попаляет огнем жертву; Моисей же сечет море, и руку простертием побеждает Амалика, и Иона от Кита и глубины спасается. Нуждно водит Бога человеколюбнейшаго, идеже бы хотел. Сподобивыйся сего, аще и во плоти живет, но пеевзыде меру тления и мертвости, яко обща сна, смерти ожидая, сладце препосылающия ко уповаемым.

69. Стыдяся Владычних страстей, и еже за ны Бога Слова истощания, но убо и растворения с нами животворящаго и Божественнаго Тела же и крове, ихже не причащения токмо, но и священнодевствия сподобихомся, смиряй себе, яко и овча заколения; преимущих тебе всех воистину вменяя⁴⁷⁷: и тщася ничию не уязвляти совесть, наипаче же безсловесно⁴⁷⁸ Без освящения же не дерзай на святых прикосновение, да не яко сено попален быв Божественным огнем, и яко воск истаяв, возъубием⁴⁷⁹ будеши.

70. Воистину аще, якоже подобает, действуеши Божественнаго и говейнаго⁴⁸⁰ Священнодейства страшное таинствоначалие, и не касаеттися⁴⁸¹ совесть; ни от чесогоже толику, яко оть сего, надежду имети будеши спасения: паче бо всякаго делания и видения отсюду пребудет ти польза. Аще же не тако, сам узриши, т лучше отнюдь отступити, познанием своея немощи, от высоты священства, нежели, беззаконно и не чисто сего держащуся, и многим мнящуся быти высоку, в падении плача достойном лежати от недостонвства.

71. Толико превышше лежит говейнаго⁴⁸² Священства служба, и к Богу умилостивление и моление, паче всякаго пения⁴⁸³ и молитвы, елико паче звезд солнце. Самаго бо Того Единороднаго закалаем и предлагаем, и приносим в моление⁴⁸⁴ о грешницех, туве закланнаго за человеколюбие, не о грехов отпущении точию, но и о нихже аще молимся на пользу воистинну, и о наследии царства небеснаго, аще не оскверневна есть совесть. И тело убо, соединенно Божеству, яко же некий угль горящ, попаляет всяко вещество беззаконий, и сердца просвещает с верою приступающих: такожде же и Божественная кровь и честная отирает и очищает, паче всякаго иссопа, скверну всяку и окаляния, елика сила, чисте, а не нечисте на святая дерзающих. О дабы кто поят был⁴⁸⁵ в таком случаи.

72. He тело посприятое⁴⁸⁶ Бога Слова, якоже некто рече от Святых с небесе сходящо жрется; но самый той хлеб и вино прелагается в Тело и Кровь Христову, верою, и страхом, и любовию, и благоговением от сподоблшихся Божественнаго Священства священнотаинствуем, и от сего в сие пременение приемля, действом и наитием Пресвятаго Духа, не бывая ино тело паче онаго Владычняго, во в сие прелагаяся, обезтленяяся нетлеемо. Коликия убо требует чистоты и святыни Священник, Божественнаго касаяся тела! И какова дерзновения ходатай⁴⁸⁷ Богу и человеком бывая, и смолитвенники объемля, с Пречистою и Богоматерию, вся небесныя Ангелов Силы и иже от века Снятыя. Мне мнится Ангельскаго, или Архангельскаго требовати тому⁴⁸⁸ яко же убо достоинства тако и усвоения⁴⁸⁹.

73. Назнаменовати тебе подобает, о верный⁴⁹⁰, яко сего ради откровенна предлежат Святая, по символе веры, на святей трапезе, имущая освящатися, акибы требовали образом некиим от приносящих⁴⁹¹, и звали неглагольными гласы к Живущему на небесех. Зря бо Той не презирает, и видя не мимо ходит, видением воспоминая еже о грешницех вольное истощание, и неизреченно снизхождение, и человеколюбнозаколение. He бо оправданным сущим нам избавление цену дарова страстию и спасение, благий же и незлобивый, но приразившихся⁴⁹² помилова в воззва.

* * *

74. Аще, о чистый прилежа молитве, соединяющей Богу невещественно невещественный ум, и достигл еси, яко в зерцале, увидети имущее преемствовати⁴⁹³ тя достояние по конце здешния жизни, яко обручение Духа прием, и царствия небесное внутрь стяжав во всяком чувствии (Флп.1:9) в извествовании: да не претерпиши разрешитися от плоти без проведения смерти; но и молися прилежно о сем, в буди благонадежен сие получити близ исхода, аще есть полезно: к немуже готовися всегда, боязнь всяку отмеща, яко да воздух прешед, и духов лукавствия взбег, дерзновенно и безбоязненно внутрь будеши небесных кругов, чином ангельским сочиняем, и прилог⁴⁹⁴ иже от века избранным и праведником быв, и Бога зря, елико достигнути мощно; аще ли же ни, то яже у Него благая, и Слово Божие смотряя, лучесветоозаряющее небесная, служимо единем поклонением с Пречистою плотию Его, купно с Отцем, и Духом, от всего небеснаго воинства и всех Святых. Аминь.

Сие же приличествует и всякому иноку, сидящему наедине в безмолвии.

Приях твое, отче духовный, Боголюбивое сие писание, и похвалих еже по Богу смирение твое, яко от Мене, ничтоже благо имущаго, слово пользы услышати удостоил еси. Аз же, аще не бых боялся прещения преслушания, негли и преслушал бых тебе: ведый, яко не сотворивый в учай, яко лицемер, мний наречется от подвизающихся получити царетвие небесное. А понеже послушание не безмездно и вера твоя многа, на сию уповая и на твою молитву, наставлен буду от них, и пишу, якоже повелел еси.

Три части глаголют отцы имети словесней⁴⁹⁶ нашей души: ум, еже в слевесное⁴⁹⁷ глаголют, яростное⁴⁹⁸ и желательное⁴⁹⁹. В сих триех добродетели убо естественне внутрь суть, злобы⁵⁰⁰ же лишением добродетелей привходят.

Добродетели же словесныя⁵⁰¹ части суть: вера права, ведение, мудрость, смирение и еже к Богу присно двизатися и носитися мысльми добрыми и помыслы чистыми, и Боголепными видении. Злобы⁵⁰² же ея суть: Неверие, невежество, безумие забвение, тщеславие, гордость, скитание⁵⁰³ помысл, и сим подобная.

Желательныя⁵⁰⁴ же добродетели убо суть: целомудрие, отвращение от всех тленных, сиречь: ястий и питий, имений, прибытков, славы преходящия, и еже к Богу приснонаправляти всяку любовь, и все горе простирати желание к Нему. Злобы⁵⁰⁵ же ея суть: Неудержание⁵⁰⁶; еже любити мир и яже в нем; еже в сих оскверняти любочестие души; еже предпочитати преходящая⁵⁰⁷.

Яростныи⁵⁰⁸ же части злобы суть: ярость, гнев⁵⁰⁹, памятозлобие, зависть, оглаголание, и сим подобная.

Добродетели же ея: кротость, мужество, долготерпение, незлобие, милость, любы, благость⁵¹⁰.

Сего ради и⁵¹¹ отцы наши в пустынях и в горах⁵¹², и в пропастех земных, и в лаврах, и в монастырех, и в келлиах, и в затворех, и на столпех пожиша: да от всех инех упразднившееся, или совершенным терпением и повиновением⁵¹³ и отсечением воли⁵¹⁴ злобу отмыют, и добродетель приобрящут, или уединением, и отнюдным⁵¹⁵ от здешних упразднением, нравы же в чувства накажут, в уме и помысл некрадомы и невысимы⁵¹⁶ соблюдут от ничтоже сущих мыслей, и Бога обрящут, его же ради вся творят и тщатся: и сия убо тако.

А нонеже суть телесная убо делания: пост, бдения, долелегания, служение, рукоделие: повиновение, послушание; душевная же: любы, долготерпение, кротость, воздержание, молитва в сим подобная: падобает, отче духовне, злобы убо отсецати умерщвлением всего мира, воздержанием соборным⁵¹⁷, терпением благодарным, смирением истинным, злостраданием, молитвою непрестанною, и любовию духовною. Сими бо душевными в телесными подвизательствы злобы убо погибают, добродетели же возрастают. Злостраданием убо, вся телесныя страсти увядати творим смырением же и любовию, такожде и душевныя; воздержанием же и терпением⁵¹⁸, и неволне находящая доблетвенне носим, н в волных наших терпим тщательствех. Невольна же суть находящая на ны печальная: вольна же, елика мы от себе ухищряем⁵¹⁹, сиречь: пощения, бдения и сим подобная. Молитвою же, от Божественныя помоществуеми есмы благодати: ничтоже⁵²⁰ бо без вышния помощи, но ниже без нашего произволения⁵²¹ , сползоватися можем.

Познавый убо Божию к нам любовь, в яже обетова нам благая, и повседневная Его благодеяния и заступления поминаяй, и како избавляет ны от бед и искушений человеческих, и от бесовскаго навета, сей неведения и забвения кроме есть⁵²². Убо якоже земная любящии, вся тех ради творят и страждут, да сих не отпадут: тако и небесных благ желающии все, аще кое есть, добро содевают, и все находящее⁵²³ терпят, да желаемаго не погрешат⁵²⁴.

И ты же, отче духовный, понеже благодатию яже свыше укреплен быв, весь мир, юн сый, презрел еси, веровав глаголющему Христу: иже не отречется всего своего нмения, не может быти Мой ученик (Лук.14:33); и иже любит отца или матерь паче Мене, несть Мене достоин (Мф.10:37); и иже оставит дом, или села, или винограды, и чада, и жену, сторицею приимет, в живот вечный наследит (Мф.19:29); и, приидите ко Мне вси труждающиися и абремененнии и аз упокою вы (Мф.11:28); нонеже сия слышал еси, и веровал, и сотворил еси, и изряднейшее житие постничества⁵²⁵ проити восхотел еси; подобаше убо твердо положити основание, и во обучилище первее послушания приити, и терпением, и нестяжанием, и совершенным воли отсечением, страстей убо свободитися, к смирению же возвестися, и частншими добродетелми, к вышшему взыти сих, сиречь к помыслов хранению. А понеже сие не бысть, но на столпе твой душевный дом⁵²⁶ наздал еси, веру, и надежду, и любовь⁵²⁷, аки некая крепкая основания, водрузив: аще убо имаши от разумных наставляюща⁵²⁸ кого, повинуйся словесем его: и ничтоже твори без заповеди его и совета: да не от самочиния и самоугодия, или иного некоего обстояния поколебавшеся, таковая твоя утверждения сокрушат здание. Аще же не имаши человека, имей истиннаго учителя и наставника⁵²⁹ Христа, иже вразумит и укрепит тя во всех добрых. Разумей убо вопервых намерение, егоже ради исшел еси. Исшел же еси всяко, воеже возненавидети убо совершенне грех; отсещи, же страсти творящия грех. Греси убо суть, чревонеистовство, блуд и такокая; страсти же: ярость, вожделение, печаль и сласть. Исшел еси не токмо сия возненавидети, но и противу страстным подвизатися помыслом, да не сосложением⁵³⁰ ум оскверняют; да стяжеши сердце чисто, к немже правый обновляем дух (Пс.50:12) молитвою чистою царствия небеснаго⁵³¹ нам ниновен будет. Приглаголи убо всегда себе по оному святому (Арсению): чесо ради исшел еси? И аще убо стужают, бесове вредныя⁵³² похоти, постом бдением, и злостраданием, и смирением, и молитвою прилежною вооружися на них. Аще же гнева, и печали, и злопомнеиия: кротостию, и долготерпением, и милостынею, и милосердием, и состраданием, и презрением всякаго вещества и славы житейския, имиже яростное души возмущается. Аще же тщеславия и мнения нападут помыслы, смирением и молитвою всегдашнею, и еже к Богу рачением, и памятию смерти⁵³³ сопротивися к ним: ведый, яко аще не Господь созиждет дом, всуе трудишася зиждущии (Пс.126:1). Воистинну бо, отче духовне и добрая, яже содеваем, аще добре разсмотрим та, совершенне суть зла, и порочна⁵³⁴, и оскудна⁵³⁵. Кто бо может целомудр быти, яко Иосиф? Кто возлюбит Бога, яко Авраам? Кто постится, яко Моисей, и Илия, и Даниил? Кто есть умирая на всяк день, яко Апостолы и Мученицы? Кто злострадати яко святии отцы наши Антоний⁵³⁶, Симеон, Алипий и Даниил столпницы, и прочии отцы; и яже в пустыни жены, да не глаголю мужей? И нынешнии ревнующе тем, аще и не якоже они, но убо по силе своей тщатся: слышу бо многи быти и ныне в пустынях, и горах, и в монастырех подвижники: вижду же множайших паче заповеди и паче меры⁵³⁷ в добродетелех подвизающихся. Но да сих, яко еще подвизающихся, оставим; конец бо безвестен: обаче онех иже прежде сих тако и паче подвизашася, и преставишася добре, укоряющих себе всех обрящем. И он убо землю в пепел (Быт.18:27) себе глаголаше, он же недостойны страсти⁵³⁸ нынешняго времене к хотящей славе явитися в нас (Рим.8:18), Видяще бо многую Божию к нам благость, и яко нас ради человек быти и умрети удостоил есть, вся теми содеваемая, яко рубище кровоточивыя⁵³⁹, вменяху, и яко уметы (Флп.3:8), сень, и яко ничтоже, (Пс.108:23–38:6). Сия и нам помышляющим, кичение подобает востягати душевное и мнение, и аще что творим, сие яко умоления, и прилог грехов, и долга нашего вменяти, и яко должни есмы яко раби всяку заповедь исполняти, данную нам от Владыки, и тогда глаголати: неключими раби есмы (Лк.17:10) Всяко постничество⁵⁴⁰, еже аще твориши, тайно сие делай, и Бога ради сие твори, и яко ничтоже творя, и яко не по слову⁵⁴¹ сие делая, и волею твоею ходя, укоряй себе всегда, и глаголи помыслу: само сие первое осуждение мне есть, яко волю мою исполняю⁵⁴²; и человеческая⁵⁴³ похвала, и яже от них благославия, укрепляют мя к таковому постничеству⁵⁴⁴. Сущии в повиновении вся убо творят, яже негли и не хотят, и всяк труд, егоже хощет предстоятель, терпят, уничижаеми, оскорбляеми, озлобляеми, безчествуеми: аз же, яко самолюбец⁵⁴⁵, и малодушен, повиновения убо убежах: сежу же зде, блажим от повинующихся, за видимое и мнимое постничество⁵⁴⁶.

Аще тако твориши и тако помышляеши, и паче всякаго человека себе страстяша вменяеши и грешнейша, и окаеваеши себе, яко праздноживуща, и не якоже мирскии воини, злостраждуща и подвизающася⁵⁴⁷, и во всяком делании твоем смирение и любовь приемлеши: по Богу есть дело твое, и якоже подобает, седиши и келлии твоей. Аще ли же ни, смотряй, отче духовне, да не труждаешися вотще. Превосхождений⁵⁴⁸ и оскудений добродетелей бегай выну: среду же сих со трудом ищи, во время и вь меру творя. Превосхождения же убо суть: протяжен пост и бдение⁵⁴⁹, и нагота, и железоношение, и прочая⁵⁵⁰. Среда же, еже на всяк день причащатися пищи и не насыщатися, умеренный сон и труд, и еже яся творити по известному⁵⁵¹ преданию святых отец, сиречь церкве и иноческаго устава. Рече бо некто от святых отец, ако краи⁵⁵² бесовстии суть. Аще же и нецыи от подвижников, надеждою к Богу и любовию укрепившеся, крайне пожительствоваша, но редце бысть сие: а не по заповеди, и правилу⁵⁵³, несть приято Отцами, яко погрешно и кроме советно, и вреда⁵⁵⁴ множицею виновно бывшо подражати хотевшим. Истинный же по превосхождению⁵⁵⁵ путь, добродетели верхоградие, и к Богу уподобление сей есть. Аще враги любиши, аще ненавидящия любителствуеши, аще злотворящим благодетельствуеши (Мф.5:14), аще носиши⁵⁵⁶ тяготы (Гал.6:2), аще укоряемь и злословимь благословляеши (1Кор.4:12), аще же вся человеки, яко сам себе, паче же, паче самаго любиши, якоже и Христос возлюбил есть нас (Еф.3:2); аще радуешися с радующимися, и плачеши с плачущими (Рим.12:15), аще во всех всегда благодариши (Еф.5:20), аще непрестанно молишися (1Фес.5:17); аще Бога оть всея души и от всего сердца любиши (Мф.22:37) и Тому работаеши. Сия суть пачеестественная исправления; сии суть плоды Духа, имиже подобни Богу бываем. Прочая же вся, елика воздержанием и злостраданием ухищряем⁵⁵⁷ пути суть, и корения, и орудия, и деяния, к сим ведуще и нанравляюще. Что бо пользует земледельца сеятва, и о земли и виногради; u древесех прилежание, аще не пшеницу, и грозд, и вино плодопринесет? Что же секира здателя, и рыбарей весла и ладия и тростие, аще не свое коемуждо приобретении тем даст⁵⁵⁸? И аще сия сей имут образ, и на конец, сиречь на приобретение и на пользу, взирающе, делаем; ниже иноком отнюдь польза кая от труда ирвбывает, аще не к самому тому доброму и не за то текут⁵⁵⁹.

Сего ради, отче, подабает вся творити Бога ради и не за нечто преходящее, или человеческо: таковии⁵⁶⁰ бо восприемлют мзду свою, якоже сам Господь рече (Мф.6:2, 5:16). Подабает убо телесными добродетелми созидати душевныя. Соблазняющимся же о тебе, аще и иноцы суть, аще ни, всячески служи⁵⁶¹, и укоряй и осуждаи самаго себе, яко согрешающа, и молися о них, елика ти есть сила. Зрите бо, глаголет Господь, да не соблазните единаго от малых сих (Лк.17:2); и Отцы глаголют; от ближняго есть живот и смерть: и, никогдаже положих⁵⁶² волю мою пред братом моим. Пользы ради приходящих к тебе с разсуждением окормляй⁵⁶³, да и тех назидаеши, и себе самаго не разоряеши. Безмолвствующим бо прилично есть всеконечное о внешних безпопечение и неприлежание: приходящим⁵⁶⁴ же беседа и ответ⁵⁶⁵, А понеже убо в самаго себе не повреждати, и братию ползовати хощеши; вообрази дни от седмицы три на безмолвие, а чстыре на беседу.

И безмолвствуя убо, нмей делание в келлии твоей: чтение, молитву, и псалмопение, негли и рукоделие. Даждь поучение во ум: память смерти, память прежних грехов, новседневных согрешений, нерадения и преступления в молитве и псалмопениих и во прочих добродетелех, поминай языка твоего поползновения, ярости и похоти безсловесная движения, скитания мысли, привредныя⁵⁶⁶ помыслы, крадения человекоугодия, хрепетания⁵⁶⁷ тщеславия. Сия все осязуй, и обрятая твори исправление, и искореняя отвергай от мысли далече, да не како аки плевелы подавят пшеницу добродетели, и безплодни будем. Даждь паки делание⁵⁶⁸: память смерти, будущаго суда, вечныя муки, мучеников храбрости; постников мужедоблества, всех Святых исправления. Даждь сам себе поучение в ращение любве Божия: снисхождение помышляти Христово, страсти, крест, смерть; елика сотвори нас ради, елика и якова обетова; и яко Он убо сия, мы же ниедину завоведь Его ниже сотворихом, ниже творим, и обаче, по Своему человеколюбию, отбезчисленных нужд и скорбей, и от навета бесовскаго и прелести, и от стужения человек избавил есть множицею и на всяк день избавляет ны: мы же на всяк час и делы и словесы и помышлении лукавыми преогорчеваем благость Его; врага же нашего диавола⁵⁶⁹ любим и привлекаем к себе. Сия помышляема в кое нас не ввергнут смирение, и сокрушение, и умиление, и слезы; к сим помышляй добродетели Богоносных отец, и елико сих отстоим: сиречь совершенное смирение, послушание, безстрастие, чистоту, преимущий всяк уме (Флп.4:8) мир⁵⁷⁰, премудрость, молитвою с Богом соединение, во всех добродетелех правду и умерение, сими бо всяко смирение прибудет ти, и смиренномудрием вселится Бог в тя, и ходити имать в тебе по Своему обещанию. Глаголи же страстным помыслом, отступите от Мене вси делающии беззаконие (Пс.6:9), и не творите дом Божий дом купли (Ин.2:16). Постави наставника тебе словесстно⁵⁷¹, – словесству же учителя Христа; очищся бо от страстей ум учения от иного⁵⁷² не требует. И глаголи души твоей и телу на всяк день, како прешел еси день, како нощь? И о тех убо, яже исправил еси, глаголи со смиренномудрием благодаря: He аз, но благодать Божия, яже со мною; о техже напротив, яже, яко человек, согрешил еси, истязуй сам себе обвинений духовных якоже судии сущих в мире телесне биющии.

Аще множицею стужит ти помысл недобр; от человека, к немуже дерзаеши и веру имаши сползоватися, да не скрыеши сего, но открый внутрь таящася и объяви, да не како тя уязвит делом и умертвит. Горе, глаголет, единому, яко аще падет, несть воздвижай его (Еккл.4:10): и имже несть окормления, падают яко листвие, спасение же есть во мнозе совете (Притч.11:14). Сия убо во триех днех безмолвия сам в себе прилежно испытуй и обращай и размышляй, яко да не непотребна и неполезна помышления привверг сопротивныи, помрачит иже в тебе свет, и яко во мраце состреляет (Пс.10:2) правоту твою душевную. Во прочия же четыре дни седмицы, приходящим к тебе и хотящим открывати помыслы своя, глаголи яже ко спасению, да по бегстве от злобы паки не впадут в тыяжде согрешения. Аще же случится паки тем, аки человеком, согрешити, учи притекати им скоро ко исповеди и покаянию. И сие же заповедай, да даемыя от Тебе хранят заповеди, да собраний и обычных пений не остаются, аще и внутрь стоят церкве, аще и вне, да и милостыни ко убогим, и друг ко другу любве не забывают, да прощают друг другу бывающия посреде преогорчения. Сей бо есть путь к прощению грехов со удобством: в нюже бо меру мерите, возмерится вам (Мф.7:2); и остави нам долги наша, яко и мы оставляем должником нашим (Мф.6:12). Ничтоже бо паче сего пути ко отпущению согрешении легче: несть потребы поста, ни труда коего: ноостави точию, и оставится, глаголет. Прилежати же сим советуй и о воздержании еже по спле, и о естественных, и о вне вшедших тела движениих.

Аще пецыи у инех инок повинушася и исповедашася, сих во твое повиновение не приемли, отче, за соблазны и зависти: учи же паче повиноватися отцам своим, и тех учении ходити. Аще же некий имут вопрос недоумеем онеми, и просветит тя Христос: преподаждь тем изобильно решение вопроса.

Жены же приимати и с сими беседовати исповедающимися, или учимыми, отнюдь не прилично и не согласно; и наипаче юным иноком: ниже бо безстрастно словеса женская услышат, ниже гласа их слух, ниже лица зрение без вреда прейдут. Лепо убо есть отнюд уклонятися от сих, и ко инокиням добродетельным, аще суть ту, сих отсылати, и чрез оныя слышати та, яже оны уврачевати не возмогут. Аще же когда нужда понуждает некая еже увидети жены; не часте сия, но чрез многи дни приемли, не лице их зря, ниже убо от них зрим: и мала к ним рек, и менша от них слышав, отсылай сих вскоре от келлии твоея, да и не сущим с тобою вреда виновны бывают. Аще же некий вред мал или в тебе, или в сущих с тобою, раждатися уразумееши от таковых лиц, отнюд тех удали от ведущаго к тебе пути.

Стужаемых же от бесов, или воистинну, или по притворению, присно уклоняйся и отгоняй, не попущая тех приближатися к келлии твоей. Мнози бо, ихже и мы вемы, теми низвержени быша и погибоша.

Соний, и мечтаний, и пророчеств, и прорицаний, и сим подобных отнюдь отрицайся. Многия бо сия и прелести и зазора виновна быша повинующимся тем иноком, и от сих прорицаний безчисленна смущения и нестроения, и многи брани и заколения произыдоша. Хранися убо от таковых Господа ради, елика сила, и седи в келлии твоей, якоже речеся, в тайне и на едине, аки в пчелнице добродетели, Христов соделовал мед⁵⁷³.

Даемая от некиих христолюбцев, аще убо не имаши пищи и одеяния, по Апостолу (1Тим.6:8), приими не множае нуждныя потребы твоея и сущих с тобою. Аще же имаши, да не ириемлеши, аще мощно, но буди добродетели делатель безмезден: аще же приемлеши⁵⁷⁴, да не в зданий удобрения, ни в стяжания земна, или иных некиих тленных сия суетно иждиваеши: ни на други и сродники, ниже на трапезы долги и многоиждивны, да не соблазн будеши виновен и оболгания неразсудно вещи судящим: аки созидая паки, яже разорил еси. Но подобающее и самодоволное точию от них приемли, избыточествующее же все вдовицам давай, и сиротам, и нищим. Молися о мире всего мира, о спасении христиан⁵⁷⁵, и о всех человецех. Молися⁵⁷⁶ и о Моем недостоинстве: яко ниедино сотворив когда благо, ниже имея кий либо добродетели останок, но истская ранами и страстми, пишу, благодатию Божиею всякия добродетели и разума исполненным и учу. Прости же ми, Господа ради, и о сем, о нихже множицею от безумия и неведения глаголах, и неподобательне написах. Тебе же Господь Бог покроет от всякаго видима и невидима озлобления и укрепит в святую волю Свою. Тому слава во веки. Аминь.