Паремии на водоосвящении праздника Святого Богоявления

Паремии на водоосвящении праздника Святого Богоявления

(17 голосов4.9 из 5)

Паремии на водоосвящении праздника Святого Богоявления. Читает протоиерей Леонид Полетаев, клирик храма иконы Божией Матери «Всех скорбящих Радость» на Шпалерной улице Санкт-Петербурга.

После вечерни и Литургии в храмах — в притворе (а иногда и вне храма: на реках, источниках) — совершается первое “Великое освящение воды”. В Типиконе оно именуется “Последование великаго освящения святых Богоявлений”.

Последование содержит три паремии (фрагмента Библии), которые представляют собой отрывки из книги пророка Исаии: Ис.35; Ис.55; Ис.12:3-6, где говорится о подаваемой Богом — через водную стихию — Его благодати, утоляющей людскую духовную жажду “Богопричастности”. Вода, освящаемая в праздник Богоявления, — уже не символ, а проводник божественной благодати.

1. Пророчества Исаина чтение (Ис.35).
Тако глаголет Господь: да возвеселится пустыня жаждущая, да возрадуется пустыня и процветет, яко крин, и да прозябнет, и вся возвеселятся. И возрадуются пустынная Иорданова, и слава Ливанова дана бысть ей и честь Кармилова, и людие Мои узрят славу Господню и высоту Божию. Укрепитеся, руки ослабленныя, и, колена разслабленная, утешитеся, и рцыте малодушным мыслию: укрепитеся и не бойтеся, се Бог наш суд воздает, Той приидет и спасет нас. Тогда отверзутся очеса слепых, и ушеса глухих услышат, тогда скочит хромый, яко елень, и ясен будет язык гугнивых, яко проразися в пустыни вода и дебрь в земли жаждущей. И будет безводная в блата, и в жаждущей земли источник воды будет. Тамо будет веселие птиц, водворение сиринов, и тростий, и блата. Тамо будет путь чист, и путь свят наречется. И не мимоидет тамо нечист, ниже будет тамо путь нечистый, разсеяннии же пойдут по нему и не заблудят. И не будет тамо льва, ниже от зверей лютых взыдет нань, ниже обрящется тамо, но пойдут по нему избавленнии и собраннии от Господа, и обратятся, и приидут в Сион с веселием и радостию, и веселие вечное над главою их. Хвала, и радование, и веселие постигнет их, отбеже болезнь, печаль и воздыхание.

2. Пророчества Исаина чтение (Ис.55).
Тако глаголет Господь: жаждущии, на воду идите, и, елицы не имате сребра, шедше, купите, и ядите и пийте без сребра и цены вино и тук. Вскую цените сребро не в хлебы и труд ваш не в сытость? Послушайте Мене и снесте благая, и насладится во благих душа ваша. Внимайте ушима вашима и последуйте путем Моим, услышите Мене, и жива будет во благих душа ваша. И завещаю вам завет вечен, преподобная Давидова верная. Се свидетельство во языцех, дах Его Князя и Повелителя во языцех. Се языцы, иже не ведяху Тя, призовут Тя, и людие, иже не познаша Тя, к Тебе прибегнут, ради Господа Твоего и Святаго Израилева, яко прославих Тя. Взыщите Бога, и внегда вам обрести Его, призовите. Егда же аще приближится вам, да оставит нечестивый пути своя и муж беззаконный советы своя. И обратитеся ко Господу Богу вашему и помиловани будете, яко помногу оставит грехи ваша. Не суть бо совети Мои, якоже совети ваши, ниже якоже путие ваши, путие Мои, – глаголет Господь. Но якоже отстоит Небо от земли, тако отстоит путь Мой от путей ваших, и размышления ваша от мысли Моея. Якоже бо аще снидет дождь или снег с Небесе и не возвратится оттуду, дондеже упоит землю, и родит, и прозябнет, и даст семя сеющему и хлеб в снедь, тако будет глагол Мой, иже аще изыдет из уст Моих и не обратится ко Мне тощь, дондеже аще скончает вся, елика восхотех, и поспешу пути Моя и повеления Моя. Веселием бо изыдете и радостию научитеся, горы бо и холми скочат, ждуще вас в радости, и вся древеса сельная восплещут ветвьми. И вместо драчия взыдет кипарис, вместо же кропивы взыдет мирсина. И будет Господь во имя и в знамение вечное и не оскудеет.
Толкова́ние этой пареми́и еп. Виссариона Нечаева

3. Пророчества Исаина чтение (Ис.12:3-6).
Тако глаголет Господь: почерпите воду с веселием от источников спасения. И речеши в день он: исповедайтеся Господеви и призовите Имя Его. Вознесите во языцех славу Его, помяните, яко вознесеся Имя Его. Пойте Имя Господне, яко высокая сотвори. Возвестите сия по всей земли, радуйтеся и веселитеся, живущии в Сионе, яко вознесеся Святый Израилев посреде его.