Кондак 1
Избра́нней от всех родо́в Божией Матери и Цари́це, яви́вшейся иногда́ к челове́ку беззако́нну, во е́же отврати́ти его́ от пути́ нече́стия, благода́рственное пе́ние прино́сим Ти, Богороди́тельнице; Ты же, я́ко иму́щая милосе́рдие неизрече́нное, от вся́ких нас бед и грехо́в свободи́, да зове́м Ти:
Избранной из всех родов Божией Матери и Царице, явившейся некогда человеку беззаконному, чтобы отвратить его от пути нечестия, благодарственное пение приносим Тебе, Богородительница; Ты же, как имеющая милосердие неизреченное, от всяких нас бед и грехов освободи, да взываем Тебе:
Ра́дуйся, неча́янную ра́дость ве́рным да́рующая.
Радуйся, нечаянную радость верным дарующая.
Икос 1
А́нгели и пра́ведных ду́ши удиви́шася, егда́ предста́ла еси́ пред Сы́ном Твои́м и Бо́гом и мно́гим моле́нием хода́тайствовала еси́ о челове́це, при́сно во гресе́х пребыва́ющем; мы же, очи́ма ве́ры толи́кое Твое́ благоутро́бие зря́ще, со умиле́нием взыва́ем Ти си́це:
Ангелы и души праведных удивились, когда предстала Ты пред Сыном Твоим и Богом и многим молением ходатайствовала о человеке, всегда во грехах пребывающем; мы же, очами веры столь великое Твое благоутробие видя, с умилением взываем Тебе так:
Ра́дуйся, моли́твы всех христиа́н прие́млющая;
ра́дуйся, и са́мых отча́янных гре́шников моле́ния не отверга́ющая.
Радуйся, молитвы всех христиан приемлющая;
радуйся, и самых отчаявшихся грешников молений не отвергающая.
Ра́дуйся, к Сы́ну Твоему́ о них предста́тельствующая;
ра́дуйся, неча́янную ра́дость спасе́ния им подаю́щая.
Радуйся, к Сыну Твоему о них предстательствующая;
радуйся, нечаянную радость спасения им подающая.
Ра́дуйся, предста́тельством Твои́м весь мир спаса́ющая;
ра́дуйся, вся на́ша печа́ли утоля́ющая.
Радуйся, предстательством Твоим весь мир спасающая;
радуйся, все наши печали утоляющая.
Ра́дуйся, Ма́ти всех Бо́га, озло́бленных ду́ши утеша́ющая;
ра́дуйся, житие́ на́ше до́бре устроя́ющая.
Радуйся, Матерь всех Бога, озлобленные души утешающая;
радуйся, житие наше к доброму устраивающая.
Ра́дуйся, избавле́ние от грехо́в всем челове́ком прине́сшая;
ра́дуйся, Ра́дость всему́ ми́ру роди́вшая.
Радуйся, избавление от грехов всем людям принесшая;
радуйся, Радость всему миру родившая.
Ра́дуйся, неча́янную ра́дость ве́рным да́рующая.
Радуйся, нечаянную радость верным дарующая.
Кондак 2
Ви́дящи Пресвята́я челове́ка, а́ще и беззако́нна, но на всяк день с ве́рою и упова́нием пред честно́ю Ея́ ико́ною до́лу поверга́ющагося и Арха́нгельское приве́тствие Ей принося́щаго, внят и такова́го гре́шника славосло́вию, да вси, зря́ще Ея́ Ма́тернее милосе́рдие, на Небеси́ и на земли́ вопию́т Бо́гу: Аллилу́иа.
Видя Пресвятая человека, хотя и беззаконного, но каждый день с верою и упованием пред честною Ее иконою ниц повергающегося и Архангельское приветствие Ей приносящего, вняла и такого грешника славословию, да все, видя Ее Матернее милосердие, на небе и на земле взывают Богу: Аллилуиа.
Икос 2
Ра́зум челове́ческий вои́стину превосхо́дит любо́вь Твоя́ к ро́ду христиа́нскому, я́ко и тогда́ не преста́ла еси́ от хода́тайства Твоего́ о челове́це беззако́нном, егда́ Сын Твой показа́ Тебе́ я́звы гвозди́ныя, грехи́ челове́ческими Ему́ соде́янныя. Зря́ще Тя толи́ко неотсту́пную Предста́тельницу за нас, гре́шных, со слеза́ми вопие́м Ти:
Разум человеческий воистину превосходит любовь Твоя к роду христианскому, ибо и тогда не оставила Ты от ходатайства о человеке беззаконном, когда Сын Твой показал Тебе язвы от гвоздей, грехами человеческими Ему причиненные. Видя Тебя столь неотступной Предстательницей за нас, грешных, со слезами взываем Тебе:
Ра́дуйся, Засту́пнице усе́рдная ро́да христиа́нскаго, от Бо́га нам дарова́нная;
ра́дуйся, Путеводи́тельнице на́ша, к Небе́сному Оте́честву нас возводя́щая.
Радуйся, Заступница усердная рода христианского, от Бога нам дарованная;
радуйся, Путеводительница наша, к Небесному Отечеству нас возводящая.
Ра́дуйся, ве́рных огражде́ние и прибе́жище;
ра́дуйся, по́моще всех, призыва́ющих и́мя Твое́ свято́е.
Радуйся, верных ограждение и прибежище;
радуйся, помощь всех, призывающих имя Твое святое.
Ра́дуйся, все́ми презре́нных и отве́рженных от ро́ва поги́бели исхища́ющая;
ра́дуйся, тех на путь пра́вый обраща́ющая.
Радуйся, всеми презираемых и отверженных из рова погибели исторгающая;
радуйся, тех на путь правый обращающая.
Ра́дуйся, непреста́нное уны́ние и мрак душе́вный отгоня́ющая;
ра́дуйся, ижди́вшим от неду́га ум но́вый и лу́чший смысл подаю́щая.
Радуйся, непрестанное уныние и мрак душевный отгоняющая;
радуйся, утратившим от недуга ум новый и лучший смысл подающая.
Ра́дуйся, оста́вленных врача́ми на Своя́ всемо́щныя ру́це прие́млющая.
ра́дуйся, добре́йшее вра́чевство им явля́ющая.
Радуйся, оставленных врачами на Свои всесильные руки принимающая;
радуйся, совершенное врачевство им являющая.
Ра́дуйся, неча́янную ра́дость ве́рным да́рующая.
Радуйся, нечаянную радость верным дарующая.
Кондак 3
Си́ла благода́ти преизоби́ловала та́мо, иде́же умно́жися грех; да ра́дуются на Небеси́ вси А́нгели о еди́нем гре́шнице пока́явшемся, пою́ще пред Престо́лом Бо́жиим: Аллилу́иа.
Сила благодати преизобиловала там, где умножился грех; да радуются на небе все Ангелы об одном грешнике покаявшемся, поющие пред Престолом Божиим: Аллилуиа.
Икос 3
Иму́щи к ро́ду христиа́нскому Ма́тернее милосе́рдие, всем с ве́рою и упова́нием прибега́ющим к Тебе́ подае́ши ру́ку по́мощи, Влады́чице, да вси еди́нем се́рдцем и един́ыми усты́ славосло́вие прино́сят Ти сицево́е:
Имея к роду христианскому Матернее милосердие, всем с верою и упованием прибегающим к Тебе подаешь руку помощи, Владычица, да все единым сердцем и едиными устами славословие приносят Тебе такое:
Ра́дуйся, я́ко Тобо́ю к нам нисхо́дит Бо́жие благоволе́ние;
ра́дуйся, я́ко Тобо́ю и мы и́мамы вя́щшее к Бо́гу дерзнове́ние.
Радуйся, ибо Тобою к нам нисходит Божие благоволение;
радуйся, ибо Тобою и мы имеем большее дерзновение к Богу.
Ра́дуйся, я́ко во всех беда́х и обстоя́ниих на́ших прино́сиши Сы́ну Твоему́ усе́рдныя о нас моли́твы;
ра́дуйся, я́ко и на́ша моли́твы прия́тными Бо́гу соде́лываеши.
Радуйся, ибо во всех бедах и обстояниях наших приносишь Сыну Твоему усердные о нас молитвы;
радуйся, ибо и наши молитвы делаешь угодными Богу.
Ра́дуйся, я́ко неви́димых враго́в от нас отгоня́еши;
ра́дуйся, я́ко от ви́димых враго́в нас избавля́еши.
Радуйся, ибо невидимых врагов от нас отгоняешь;
радуйся, ибо от видимых врагов нас избавляешь.
Ра́дуйся, я́ко сердца́ злых челове́к умягча́еши;
ра́дуйся, я́ко от клеветы́, досажде́ния и укоре́ния нас изыма́еши.
Радуйся, ибо сердца злых людей умягчаешь;
радуйся, ибо от клеветы, досады и поношения нас избавляешь.
Ра́дуйся, я́ко Тобо́ю вся блага́я жела́ния на́ша исполня́ются;
ра́дуйся, я́ко мно́го мо́жет моли́тва Твоя́ пред Сы́ном Твои́м и Бо́гом.
Радуйся, ибо через Тебя все благие желания наши исполняются;
радуйся, ибо много может молитва Твоя пред Сыном Твоим и Богом.
Ра́дуйся, неча́янную ра́дость ве́рным да́рующая.
Радуйся, нечаянную радость верным дарующая.
Кондак 4
Бу́рю внутрь име́я грехо́вных помышле́ний, челове́к беззако́нен моля́шеся пред честно́ю ико́ною Твое́ю и, ви́дев Кровь от язв Предве́чнаго Сы́на Твоего́ пото́ками, я́коже на Кресте́, теку́щую, паде́ от стра́ха и с рыда́нием та́ко вопия́ше Ти: «Поми́луй мя, о, Ма́ти милосе́рдия, да не преодоле́ет зло́ба моя́ неизре́ченныя бла́гости и милосе́рдия Твоего́, Ты бо еси́ всем гре́шником еди́на наде́жда и прибе́жище; преклони́ся у́бо на ми́лость, Блага́я Ма́ти, и умоли́ о мне Сы́на Твоего́ и Творца́ моего́, да непреста́нно зову́ Ему́: Аллилу́иа».
Бурю внутри имея греховных помышлений, человек беззаконный молился пред честною иконою Твоею и, увидев Кровь от язв Предвечного Сына Твоего потоками, как на Кресте, текущую, пал от страха и с рыданием так взывал Тебе: «Помилуй меня, о Матерь милосердия, да не одолеет злоба моя неизреченную благость и милосердие Твое, ибо Ты — всем грешникам единая надежда и прибежище; преклонись же на милость, Благая Матерь, и умоли обо мне Сына Твоего и Творца моего, да непрестанно взываю Ему: Аллилуиа».
Икос 4
Слы́шавше небожи́тели о чуде́снем моли́твами Твои́ми спасе́нии их земна́го ги́бнущаго бра́та, просла́виша Тя, благосе́рдую Цари́цу Небесе́ и земли́; и мы, гре́шнии, све́давше таково́е подо́бнаго нам гре́шника заступле́ние, а́ще и недоумева́ет язы́к наш восхвали́ти Тя по достоя́нию, от глубины́ умиле́ннаго сердца́ на́шего воспева́ем Ти си́це:
Услышав небожители о чудесном молитвами Твоими спасении их земного гибнущего брата, прославили Тебя, милосердная Царица Неба и земли; и мы, грешные, узнав о таком заступлении подобного нам грешника, хотя и не может язык наш восхвалить Тебя по достоинству, из глубины умиленного сердца нашего воспеваем Тебе так:
Ра́дуйся, Спору́чнице спасе́ния гре́шных;
ра́дуйся, Взыска́ние поги́бших.
Радуйся, Поручительница спасения грешных;
радуйся, Взыскание погибших.
Ра́дуйся, Неча́янная гре́шных Ра́досте;
ра́дуйся, па́дших возста́ние.
Радуйся, Нечаянная грешных Радость;
радуйся, падших восставление.
Ра́дуйся, Предста́тельнице к Бо́гу, мир от бед спаса́ющая;
ра́дуйся, я́ко гла́са моли́тв Твои́х бе́си трепе́щут.
Радуйся, Предстательница к Богу, мир от бед спасающая;
радуйся, ибо от голоса молитв Твоих бесы трепещут.
Ра́дуйся, я́ко А́нгели сему́ ра́дуются;
ра́дуйся, я́ко и нас, земноро́дных, си́ла моли́тв Твои́х весе́лия исполня́ет.
Радуйся, ибо Ангелы этому радуются;
радуйся, ибо и нас, земнородных, сила молитв Твоих радостью наполняет.
Ра́дуйся, я́ко те́ми от ти́ны грехо́в нас изыма́еши;
ра́дуйся, я́ко пла́мень страсте́й на́ших угаша́еши.
Радуйся, ибо этим из тины грехов нас извлекаешь;
радуйся, ибо пламень страстей наших угашаешь.
Ра́дуйся, неча́янную ра́дость ве́рным да́рующая.
Радуйся, нечаянную радость верным дарующая.
Кондак 5
Боготе́чную звезду́, чудотво́рную ико́ну Ма́тере Твоея́ показа́л еси́ нам, Го́споди, и́бо, взира́юще на о́браз Ея́ теле́сныма очи́ма, умо́м и се́рдцем к Первообра́зней возвыша́емся и Е́ю к Тебе́ востека́ем, пою́ще: Аллилу́иа.
Боготечную звезду, чудотворную икону Матери Твоей показал Ты нам, Господи, ибо, взирая на образ Ее телесными очами, умом и сердцем к Первообразной возвышаемся и Ею к Тебе восходим, воспевая: Аллилуиа.
Икос 5
Ви́девше А́нгели Храни́тели христиа́н, я́ко Бо́жия Ма́терь споспешеству́ет им в наставле́нии тех, заступле́нии и спасе́нии, потща́шася си́це возопи́ти Честне́йшей Херуви́м и Сла́внейшей без сравне́ния Серафи́м:
Увидевшие Ангелы-Хранители христиан, что Божия Матерь помогает им в наставлении, заступлении и спасении их, поспешили так воззвать к Достойной бльшей чести, чем херувимы, и несравненно более Славной, чем серафимы:
Ра́дуйся, с Сы́ном Твои́м и Бо́гом вечно ца́рствующая;
ра́дуйся, Ему́ всегда́ о ро́де христиа́нстем моле́ния принося́щая.
Радуйся, с Сыном Твоим и Богом вечно царствующая;
радуйся, Ему всегда о роде христианском моления приносящая.
Ра́дуйся, в христиа́нстей ве́ре и благоче́стии Наста́внице;
ра́дуйся, ересе́й и тлетво́рных раско́лов Искорени́тельнице.
Радуйся, в христианской вере и благочестии Наставница;
радуйся, ересей и тлетворных расколов Искоренительница.
Ра́дуйся, от растлева́ющих ду́шу и те́ло собла́знов сохраня́ющая;
ра́дуйся, от опа́сных обстоя́ний и внеза́пныя сме́рти без покая́ния и Свята́го Причаще́ния избавля́ющая.
Радуйся, от растлевающих душу и тело соблазнов сохраняющая;
радуйся, от опасных обстоятельств и внезапной смерти без покаяния и Святого Причащения избавляющая.
Ра́дуйся, упова́ющим на Тя живота́ непосты́дный коне́ц да́рующая;
ра́дуйся, и по сме́рти за отше́дшую на суд Госпо́день ду́шу пред Сы́ном Твои́м неотсту́пно хода́тайствующая.
Радуйся, уповающим на Тебя жизни непостыдный конец дарующая;
радуйся, и по смерти за отошедшую на суд Господень душу пред Сыном Твоим неотступно ходатайствующая.
Ра́дуйся, Твои́м Ма́терним предста́тельством от ве́чнаго муче́ния сию́ избавля́ющая;
ра́дуйся, в селе́ниих пра́ведных ю водворя́ющая.
Радуйся, Твоим Матерним предстательством от вечного мучения ее избавляющая;
радуйся, в селениях праведных ее водворяющая.
Ра́дуйся, неча́янную ра́дость ве́рным да́рующая.
Радуйся, нечаянную радость верным дарующая.
Кондак 6
Пропове́дник чу́днаго Твоего́ милосе́рдия, дарова́ннаго не́коему челове́ку беззако́нну, яви́ся святы́й Дими́трий Росто́вский, и́же, спису́я вели́кая и сла́вная, и изря́дная де́ла Бо́жия, в Тебе́ явле́нная, предаде́ пи́сьмени и сие́ де́ло ми́лости Твоея́ в науче́ние и утеше́ние всем ве́рным, да и ти́и, во гресе́х, беда́х, ско́рбех и озлобле́ниих су́ще, мно́гажды на всяк день с ве́рою в моли́тве пред о́бразом Твои́м коле́на преклоня́ют и, тех избы́вше, вопию́т Бо́гу: Аллилу́иа.
Проповедником чудного Твоего милосердия, дарованного некоему человеку беззаконному, явился святой Димитрий Ростовский, который, описывая великие и славные и превосходные дела Божии, в Тебе явленные, записал и это дело милости Твоей в назидание и утешение всем верным, чтобы те, находясь во грехах, бедах, скорбях и озлоблениях, многократно каждый день с верою в молитве пред образом Твоим колена преклоняли и, от них избавившись, взывали Богу: Аллилуиа.
Икос 6
Возсия́ нам, я́ко пресве́тлая заря́, чудотво́рная ико́на Твоя́, Богома́ти, прогоня́я тьму бед и скорбе́й от всех, с любо́вию вопию́щих Ти си́це:
Воссияла нам, как пресветлая заря, чудотворная икона Твоя, Богоматерь, прогоняя тьму бед и скорбей от всех, с любовью взывающих Тебе так:
Ра́дуйся, Цели́тельнице на́ша в боле́знех теле́сных;
ра́дуйся, Блага́я Уте́шительнице в печа́лех на́ших душе́вных.
Радуйся, Целительница наша в болезнях телесных;
радуйся, Благая Утешительница в печалях наших душевных.
Ра́дуйся, скорбь на́шу в ра́дость претворя́ющая;
ра́дуйся, ненаде́ющихся несумне́нною наде́ждою возвеселя́ющая.
Радуйся, скорбь нашу в радость превращающая;
радуйся, ненадеющихся несомненною надеждой радующая.
Ра́дуйся, а́лчущих Пита́тельнице;
ра́дуйся, наги́х одея́ние.
Радуйся, алчущих Питательница;
радуйся, нагих одеяние.
Ра́дуйся, вдов Уте́шительнице;
ра́дуйся, безма́терних сиро́т незри́мая Воспита́тельнице.
Радуйся, вдов Утешительница;
радуйся, безматерних сирот незримая Воспитательница.
Ра́дуйся, непра́ведно гони́мых и оби́димых Засту́пнице;
ра́дуйся, гоня́щих и оби́дящих правосу́дная отмсти́тельнице.
Радуйся, неправедно гонимых и обижаемых Заступница;
радуйся, гонящих и обижающих праведная отмстительница.
Ра́дуйся, неча́янную ра́дость ве́рным да́рующая.
Радуйся, нечаянную радость верным дарующая.
Кондак 7
Хотя́ Законода́вец Правосу́дный Госпо́дь Сам бы́ти зако́на Исполни́тель и яви́ти милосе́рдия Своего́ бе́здну, преклони́ся на усе́рдное моле́ние Твое́, Преблагослове́нная Ма́ти Де́во, о челове́це беззако́нне, глаго́ля: «Зако́н повелева́ет, да сын чтит ма́терь. Аз Сын Твой, Ты же Ма́ти Моя́: Аз Тя до́лжен чти́ти, послу́шая Твоего́ моле́ния; бу́ди у́бо, я́коже хо́щеши: ны́не проща́ются ему́ греси́ Тебе́ ра́ди». Мы же, ви́дяще такову́ю си́лу моли́твы Хода́таицы на́шей о проще́нии согреше́ний на́ших, просла́вим милосе́рдие и неизрече́нное благоутро́бие Ея́, зову́ще: Аллилу́иа.
Желая Законодатель Праведный Господь Сам быть исполнителем закона и явить бездну милосердия Своего, преклонился на усердное моление Твое, Преблагословенная Матерь Дева, о человеке беззаконном, говоря: «Закон повелевает, чтобы сын чтил матерь. Я Сын Твой, Ты же Матерь Моя: Я должен чтить Тебя, услыша моления Твое, сделаю, как желаешь: ныне прощаются ему грехи ради Тебя». Мы же, видя такую силу молитвы Ходатаицы нашей о прощении согрешений наших, прославим милосердие и неизреченное благоутробие Ее, взывая: Аллилуиа.
Икос 7
Но́вое ди́вное и сла́вное зна́мение всем ве́рным яви́ся, я́ко не то́кмо Матери Твое́й, но и пречи́стому Ея́ ли́ку, на дске изображе́нному, си́лу чудотворе́ния дарова́л еси́, Го́споди; сему́ та́инству дивя́щеся, во умиле́нии сердца́ вопие́м к Ней такова́я:
Новое дивное и славное знамение всем верным явилось, ибо не только Матери Твоей, но и пречистому Ее лику, на доске изображенному, силу чудотворения даровал Ты, Господи; сему таинству дивясь, в умилении сердца взываем к Ней так:
Ра́дуйся, прему́дрости и бла́гости Бо́жия открове́ние;
ра́дуйся, ве́ры утвержде́ние.
Радуйся, премудрости и благости Божией откровение;
радуйся, веры утверждение.
Ра́дуйся, благода́ти явле́ние;
ра́дуйся, душеполе́зных зна́ний дарова́ние.
Радуйся, благодати явление;
радуйся, душеполезных знаний дарование.
Ра́дуйся, душевре́дных уче́ний низложе́ние;
ра́дуйся, беззако́нных на́выков нетру́дное преодоле́ние.
Радуйся, душевредных учений низложение;
радуйся, беззаконных навыков легкое преодоление.
Ра́дуйся, сло́во прему́дрости прося́щим да́рующая;
ра́дуйся, несмы́сленныя разу́мныя соде́ловающая.
Радуйся, слово премудрости просящим дарующая;
радуйся, несмысленных разумными соделывающая.
Ра́дуйся, де́тем, неудо́бь уча́щимся, ра́зум подаю́щая;
ра́дуйся, ю́ности блага́я Охрани́тельнице и Наста́внице.
Радуйся, детям, с трудом учащимся, разум подающая;
радуйся, юности благая Хранительница и Наставница.
Ра́дуйся, неча́янную ра́дость ве́рным да́рующая.
Радуйся, нечаянную радость верным дарующая.
Кондак 8
Стра́нное и ужа́сное виде́ние бысть не́коему челове́ку беззако́нну, показу́я ему́ бла́гость Госпо́дню, предста́тельством Богома́тере грехи́ его́ проща́ющую; сего́ ра́ди отто́ле, испра́вль свое́ житие́, поживе́ богоуго́дне. Си́це и мы, сла́вная дела́ и многоразли́чную прему́дрость Бо́жию в ми́ре и жи́зни на́шей ви́дяще, устрани́мся земны́я суеты́ и изли́шних жите́йских попече́ний и ум и се́рдце на́ше на Небеса́ возведе́м, пою́ще Бо́гу: Аллилу́иа.
Странное и ужасное видение было некоему человеку беззаконному, показывающее ему благость Господню, по предстательству Богоматери грехи его прощающую; поэтому с того времени, исправив свою жизнь, жил он богоугодно. Так и мы, славные дела и многоразличную премудрость Божию в мире и жизни нашей видя, устранимся от земной суеты и излишних житейских попечений и ум и сердце наше к Небесам возведем, воспевая Богу: Аллилуиа.
Икос 8
Вся в вы́шних пребыва́ющи, и ни́жних ника́коже отступи́ла еси́, Премилосе́рдая Цари́це Небесе́ и земли́; а́ще бо по Успе́нии Твое́м и взошла́ еси́ на Небеса́ с Пречи́стою Твое́ю пло́тию, оба́че и гре́шныя земли́ не оста́вила еси́, явля́ющися Прича́стница Промышле́ния Сы́на Твоего́ о ро́де христиа́нстем. Сего́ ра́ди Тя по до́лгу ублажа́ем:
Вся в вышних пребывая, и нижних никак не оставила Ты, Премилосердая Царица Неба и земли; ибо хотя по Успении Твоем и взошла Ты на Небеса с Пречистою Твоею плотию, однако и грешной земли не оставила, являясь Причастницей Промышления Сына Твоего о роде христианском. Потому Тебя заслуженно ублажаем:
Ра́дуйся, сия́нием пречи́стыя души́ Твоея́ всю зе́млю просвети́вшая;
ра́дуйся, чистото́ю телесе́ Твоего́ вся Небеса́ возвесели́вшая.
Радуйся, сиянием пречистой души Твоей всю землю просветившая;
радуйся, чистотою тела Твоего все Небеса возвеселившая.
Ра́дуйся, Промышле́ния Сы́на Твоего́ о ро́де христиа́нстем Свята́я Служи́тельнице;
ра́дуйся, о всем ми́ре усе́рдная Предста́тельнице.
Радуйся, Промышления Сына Твоего о роде христианском Святая Служительница;
радуйся, о всем мире усердная Предстательница.
Ра́дуйся, всех нас при Кресте́ Сы́на Твоего́ усынови́вшая;
ра́дуйся, всегда́ Ма́тернюю любо́вь к нам явля́ющая.
Радуйся, всех нас при Кресте Сына Твоего усыновившая;
радуйся, всегда Матернюю любовь к нам являющая.
Ра́дуйся, всех даро́в, духо́вных и теле́сных, незави́стная Пода́тельнице;
ра́дуйся, благ вре́менных Хода́таице.
Радуйся, всех даров, духовных и телесных, независтная Подательница;
радуйся, благ временных Ходатаица.
Ра́дуйся, две́ри Ца́рствия Христо́ва ве́рным отверза́ющая;
ра́дуйся, и на земли́ чи́стаго весе́лия сердца́ их исполня́ющая.
Радуйся, двери Царства Христова верным отверзающая;
радуйся, и на земле чистого веселия сердца их исполняющая.
Ра́дуйся, неча́янную ра́дость ве́рным да́рующая.
Радуйся, нечаянную радость верным дарующая.
Кондак 9
Вся́кое естество́ а́нгельское удиви́ся де́лу Твоего́ милосе́рдия, Го́споди, я́ко дарова́л еси́ толи́ко твердую и те́плую Засту́пницу и Помо́щницу ро́ду христиа́нскому, нам неви́димо спребыва́ющу, слы́шащу же Тебе́ пою́щих: Аллилу́иа.
Все ангельское естество удивилось делу Твоего милосердия, Господи, ибо даровал Ты столь твердую и теплую Заступницу и Помощницу роду христианскому, с нами невидимо пребывающую, слышащую Тебе поющих: Аллилуиа.
Икос 9
Вити́и многовеща́ннии, но не богопросве́щеннии, суесло́вят, я́ко поклоне́ние свято́му о́бразу а́ки бы поклонение и́долу есть; не разуме́ют бо, я́ко честь, свято́му о́бразу воздава́емая, на Первообра́зная восхо́дит. Мы же не то́кмо сия́ до́бре ве́дуще, но и от ве́рных челове́к о мно́гих чудотворе́ниих от ли́ка Богома́тере слы́шаще, и са́ми поклоне́нием ему́ потре́бная ко вре́менней и ве́чней жи́зни прие́млюще, с весе́лием Богоро́дице взыва́ем:
Ораторы многословные, но не богопросвещенные, пустословят, будто поклонение святому образу — это идолопоклонство; не понимая, что честь, святому образу воздаваемая, восходит к Первообразному. Мы же не только это хорошо знаем, но и от верных людей о многих чудотворениях от лика Богоматери слыша, и сами поклонением ему получая необходимое для временной и вечной жизни, с радостью к Богородице взываем:
Ра́дуйся, я́ко от свяще́ннаго ли́ка Твоего́ чудеса́ де́ются;
ра́дуйся, я́ко утаи́ся прему́дрость и благода́ть сия́ от му́дрых и разу́мных ве́ка сего́.
Радуйся, ибо от священного лика Твоего чудеса совершаются;
радуйся, ибо утаилась премудрость и благодать эта от мудрых и разумных века сего.
Ра́дуйся, я́ко откры́ся та младе́нцем в ве́ре;
ра́дуйся, я́ко прославля́ющих Тя прославля́еши.
Радуйся, ибо открылась она младенцам в вере;
радуйся, ибо прославляющих Тебя прославляешь.
Ра́дуйся, я́ко отверга́ющих Тя пред все́ми посрамля́еши;
ра́дуйся, я́ко от потопле́ния, огня́ и меча́, от смертоно́сныя я́звы и от вся́каго зла прибега́ющих к Тебе́ избавля́еши.
Радуйся, ибо отвергающих Тебя пред всеми посрамляешь;
радуйся, ибо от потопления, огня и меча, от смертоносной язвы и всякого зла прибегающих к Тебе избавляешь.
Ра́дуйся, я́ко вся боле́зни челове́честии, душе́вныя и теле́сныя, ми́лостивно врачу́еши;
ра́дуйся, я́ко пра́ведный гнев Бо́жий на нас Твои́м моле́нием ско́ро утоля́еши.
Радуйся, ибо все болезни человеческие, душевные и телесные, милостиво врачуешь;
радуйся, ибо праведный гнев Божий на нас Твоим молением скоро утоляешь.
Ра́дуйся, я́ко Ты еси́ ти́хое приста́нище от бурь пла́вающим по мо́рю жите́йскому;
ра́дуйся, я́ко и по конце́ жите́йскаго пла́вания на́шего наде́жно приво́диши нас в необурева́емую страну́ Ца́рствия Христо́ва.
Радуйся, ибо Ты — тихое пристанище от бурь для плавающих по морю житейскому;
радуйся, ибо и по окончании житейского плавания нашего надежно приводишь нас в безмятежную страну Царствия Христова.
Ра́дуйся, неча́янную ра́дость ве́рным да́рующая.
Радуйся, нечаянную радость верным дарующая.
Кондак 10
Спасти́ хотя́ челове́ка не́коего беззако́нна от заблужде́ния жи́зненнаго пути́ его́, ди́вное виде́ние от пречестны́я ико́ны Твоея́ показа́ла еси́ ему́, Преблагослове́нная, да, чу́до ви́дя, пока́ется и, из глубины́ грехо́вныя милосе́рдым промышле́нием Твои́м воздви́гнутый, вопие́т Бо́гу: Аллилу́иа.
Спасти желая некоего человека беззаконного от заблуждения жизненного пути его, дивное видение от пречестныя иконы Твоей показала Ты ему, Преблагословенная, дабы, чудо увидев, покаялся и, из глубины греховной милосердным промышлением Твоим восстав, взывал Богу: Аллилуиа.
Икос 10
Стена́ еси́ де́вам, Богоро́дице Де́во, и всем к Тебе́ притека́ющим, и́бо Небесе́ и земли́ Творе́ц, всели́выйся во утро́бу Твою́ и от Тебе́ роди́выйся, яви́ Тя, Присноде́ву, стра́жа де́вства, чистоты́ и целому́дрия и сосу́д вся́кия доброде́тели и всех возглаша́ти Тебе́ научи́:
Стена девам, Богородице Дево, и всем к Тебе притекающим, ибо Творец Неба и земли, вселившийся во утробу Твою и от Тебя родившийся, явил Тебя, Приснодеву, стражем девства, чистоты и целомудрия и сосудом всякой добродетели, и всех научил взывать к Тебе:
Ра́дуйся, сто́лпе и огражде́ние де́вства;
ра́дуйся, чистоты́ и целому́дрия незри́мая Охрани́тельнице.
Радуйся, столп и ограждение девства;
радуйся, чистоты и целомудрия незримая Хранительница.
Ра́дуйся, до́брая де́вам Наста́внице;
ра́дуйся, неве́ст блага́я Украси́тельнице и Спору́чнице.
Радуйся, благая девам Наставница;
радуйся, невест благая Украсительница и Поручительница.
Ра́дуйся, всежела́нное соверше́ние благи́х супру́жеств;
ра́дуйся, матере́й детородя́щих ско́рое разреше́ние.
Радуйся, всежеланное совершение благих супружеств;
радуйся, матерям, рождающим детей, скорая помощь.
Ра́дуйся, младе́нцев воспита́ние и благода́тное охране́ние;
ра́дуйся, безча́дных роди́телей плода́ми ве́ры и Ду́ха веселя́щая.
Радуйся, младенцев воспитание и благодатное охранение;
радуйся, безчадных родителей плодами веры и Духа веселящая.
Ра́дуйся, матере́й скорбя́щих утеше́ние;
ра́дуйся, та́йное весе́лие чи́стых дев и вдови́ц.
Радуйся, матерей скорбящих утешение;
радуйся, тайное веселие чистых дев и вдовиц.
Ра́дуйся, неча́янную ра́дость ве́рным да́рующая.
Радуйся, нечаянную радость верным дарующая.
Кондак 11
Пе́ние всеумиле́нное принося́ще Ти, недосто́йнии, про́сим Тебе́, Де́во Богоро́дице: не пре́зри гла́са рабо́в Твои́х, к Тебе́ бо в напа́стех и ско́рбех прибега́ем и пред Тобо́ю в беда́х на́ших сле́зы пролива́ем, пою́ще: Аллилу́иа.
Пение всеумиленное принося Тебе, недостойные, просим Тебя, Дево Богородице: не презри гласа рабов Твоих, ибо к Тебе в напастях и скорбях прибегаем и пред Тобою в бедах наших слезы проливаем, воспевая: Аллилуиа.
Икос 11
Светопода́тельную свещу́, су́щим во тьме греха́ и юдо́ли пла́ча яви́вшуюся, зрим Святу́ю Де́ву; духо́вный бо огнь моли́тв Свои́х, наставле́ния и утеше́ния возжига́ющи, приво́дит к Све́ту Невече́рнему всех, воззва́нии почита́ющих Ю си́ми:
Светоподательную свечу, для сущих во тьме греха и юдоли плача явившуюся, видим Святую Деву; ибо духовный огнь молитв Своих, наставления и утешения возжигая, приводит к Свету Невечернему всех, взывающих и почитающих Ее так:
Ра́дуйся, Луче́ от Со́лнца Пра́вды, Христа́ Бо́га на́шего;
ра́дуйся, нечи́стую со́весть просвеща́ющая.
Радуйся, Луч от Солнца Правды, Христа Бога нашего;
радуйся, нечистую совесть просвещающая.
Ра́дуйся, та́йная и неудо́бь предви́денная вся до́бре ве́дущая и и́мже подоба́ет сказу́ющая;
ра́дуйся, лжи́вых прови́дцев и су́етная гада́ния посрамля́ющая.
Радуйся, тайное и неудобь прозираемое все хорошо знающая и кому следует открывающая;
радуйся, лживых провидцев и суетные гадания посрамляющая.
Ра́дуйся, в час недоуме́ний мысль бла́гу на се́рдце полага́ющая;
ра́дуйся, в посте́, моли́тве и богомы́слии пребыва́ющим при́сно спребыва́ющая.
Радуйся, в час недоумений мысль благую на сердце полагающая;
радуйся, в посте, молитве и богомыслии пребывающим всегда сопребывающая.
Ра́дуйся, ве́рных па́стырей Це́ркве ободря́ющая и вразумляющая;
ра́дуйся, богобоя́зненных и́ноков и и́нокинь при́сное утеше́ние.
Радуйся, верных пастырей Церкви ободряющая и вразумляющая;
радуйся, богобоязненных иноков и инокинь постоянное утешение.
Ра́дуйся, ка́ющихся пред Бо́гом гре́шников непосты́дная Засту́пнице;
ра́дуйся, всех христиа́н те́плая Хода́таице.
Радуйся, кающихся пред Богом грешников непостыдная Заступница;
радуйся, всех христиан горячая Ходатаица.
Ра́дуйся, неча́янную ра́дость ве́рным да́рующая.
Радуйся, нечаянную радость верным дарующая.
Кондак 12
Благода́ть Боже́ственную испроси́ нам у Сы́на Твоего́ и Бо́га, простри́ нам ру́ку по́мощи, отжени́ от нас вся́каго врага́ и супоста́та, умири́ на́шу жизнь, да не поги́бнем лю́те, без покая́ния, но приими́ нас в ве́чныя кро́вы, Богороди́тельнице, да ра́дующеся пое́м Бо́гу, Тобо́ю нас спаса́ющему: Аллилу́иа.
Благодать Божественную испроси нам у Сына Твоего и Бога, простри нам руку помощи, отгони от нас всякого врага и супостата, умири нашу жизнь, чтобы мы не погибли люто, без покаяния, но приими нас в вечные кровы, Богородительнице, да радуюясь поем Богу, Тобою нас спасающему: Аллилуиа.
Икос 12
Пою́ще неизрече́нное Ма́тернее Твое́ милосе́рдие к челове́ку беззако́нну, восхваля́ем Тя вси, я́ко тве́рдую Предста́тельницу за нас, гре́шных, и поклоня́емся Тебе́, о нас моля́щейся; ве́руем бо и упова́ем, я́ко испро́сиши у Сы́на Твоего́ и Бо́га блага́я вре́менная и ве́чная всем, с любо́вию вопию́щим Ти си́це:
Воспевая неизреченное Матернее Твое милосердие к человеку беззаконному, восхваляем Тебя все, как твердую Предстательницу за нас, грешных, и поклоняемся Тебе, о нас молящейся; ибо веруем и надеемся, что испросишь у Сына Твоего и Бога блага временные и вечные всем, с любовью взывающим Тебе так:
Ра́дуйся, всех наве́тов и искуше́ний, от ми́ра, пло́ти и диа́вола находя́щих, попра́ние;
ра́дуйся, неча́емое примире́ние ожесточе́нно вражду́ющих.
Радуйся, всех наветов и искушений, от мира, плоти и диавола находящих, попрание;
радуйся, нечаемое примирение ожесточенно враждующих.
Ра́дуйся, недове́домое исправле́ние нераска́янных гре́шников;
ра́дуйся, изнемога́ющих от уны́ния и печа́ли ско́рая Уте́шительнице.
Радуйся, неведомое исправление нераскаянных грешников;
радуйся, изнемогающих от уныния и печали скорая Утешительница.
Ра́дуйся, благода́тию смире́ния и терпе́ния нас снабдева́ющая;
ра́дуйся, клятвопреступле́ний и непра́ведных стяжа́ний всенаро́дное обличе́ние.
Радуйся, благодатью смирения и терпения нас наполняющая;
радуйся, клятвопреступлений и неправедных стяжаний всенародное обличение.
Ра́дуйся, от дома́шния бра́ни и вражды́ единокро́вныя ми́ром и любо́вию огражда́ющая;
ра́дуйся, от па́губных начина́ний и несмы́сленных пожела́ний нас незри́мо отвраща́ющая.
Радуйся, от домашней распри и вражды единокровных миром и любовью ограждающая;
радуйся, от пагубных начинаний и бессмысленных пожеланий нас незримо отвращающая.
Ра́дуйся, во благи́х наме́рениих на́ших при́сная Споспе́шнице;
ра́дуйся, в час кончи́ны всем нам Помо́щнице.
Радуйся, в благих намерениях наших всегдашняя Помощница;
радуйся, в час кончины всем нам Помощница.
Ра́дуйся, неча́янную ра́дость ве́рным да́рующая.
Радуйся, нечаянную радость верным дарующая.
Кондак 13
О, Всепе́тая Ма́ти, Невмести́маго Бо́га во чре́ве вмести́вшая и Ра́дость всему́ ми́ру роди́вшая! Ны́нешнее приими́ пе́ние, вся на́ша печа́ли на ра́дость преложи́ и от вся́кия изба́ви напа́сти всех и бу́дущия изми́ му́ки, о Тебе́ вопию́щих: Аллилу́иа.
О Всепетая Матерь, Невместимого Бога во чреве вместившая и Радость всему миру родившая! Нынешнее прими пение, все наши печали в радость преложи и от всякой избави напасти всех и от будущих избавь мук, о Тебе взывающих: Аллилуиа.
[Се́й конда́к глаго́лется три́жды.][Далее повторяем 1‑е икос и кондак:]
Икос 1
А́нгели и пра́ведных ду́ши удиви́шася, егда́ предста́ла еси́ пред Сы́ном Твои́м и Бо́гом и мно́гим моле́нием хода́тайствовала еси́ о челове́це, при́сно во гресе́х пребыва́ющем; мы же, очи́ма ве́ры толи́кое Твое́ благоутро́бие зря́ще, со умиле́нием взыва́ем Ти си́це:
Ангелы и души праведных удивились, когда предстала Ты пред Сыном Твоим и Богом и многим молением ходатайствовала о человеке, всегда во грехах пребывающем; мы же, очами веры столь великое Твое благоутробие видя, с умилением взываем Тебе так:
Ра́дуйся, моли́твы всех христиа́н прие́млющая;
ра́дуйся, и са́мых отча́янных гре́шников моле́ния не отверга́ющая.
Радуйся, молитвы всех христиан приемлющая;
радуйся, и самых отчаявшихся грешников молений не отвергающая.
Ра́дуйся, к Сы́ну Твоему́ о них предста́тельствующая;
ра́дуйся, неча́янную ра́дость спасе́ния им подаю́щая.
Радуйся, к Сыну Твоему о них предстательствующая;
радуйся, нечаянную радость спасения им подающая.
Ра́дуйся, предста́тельством Твои́м весь мир спаса́ющая;
ра́дуйся, вся на́ша печа́ли утоля́ющая.
Радуйся, предстательством Твоим весь мир спасающая;
радуйся, все наши печали утоляющая.
Ра́дуйся, Ма́ти всех Бо́га, озло́бленных ду́ши утеша́ющая;
ра́дуйся, житие́ на́ше до́бре устроя́ющая.
Радуйся, Матерь всех Бога, озлобленные души утешающая;
радуйся, житие наше к доброму устраивающая.
Ра́дуйся, избавле́ние от грехо́в всем челове́ком прине́сшая;
ра́дуйся, Ра́дость всему́ ми́ру роди́вшая.
Радуйся, избавление от грехов всем людям принесшая;
радуйся, Радость всему миру родившая.
Ра́дуйся, неча́янную ра́дость ве́рным да́рующая.
Радуйся, нечаянную радость верным дарующая.
Кондак 1
Избра́нней от всех родо́в Божией Матери и Цари́це, яви́вшейся иногда́ к челове́ку беззако́нну, во е́же отврати́ти его́ от пути́ нече́стия, благода́рственное пе́ние прино́сим Ти, Богороди́тельнице; Ты же, я́ко иму́щая милосе́рдие неизрече́нное, от вся́ких нас бед и грехо́в свободи́, да зове́м Ти:
Избранной из всех родов Божией Матери и Царице, явившейся некогда человеку беззаконному, чтобы отвратить его от пути нечестия, благодарственное пение приносим Тебе, Богородительница; Ты же, как имеющая милосердие неизреченное, от всяких нас бед и грехов освободи, да взываем Тебе:
Ра́дуйся, неча́янную ра́дость ве́рным да́рующая.
Радуйся, нечаянную радость верным дарующая.
Моли́тва
О, Пресвята́я Де́во, Всеблага́го Сы́на Ма́ти Всебла́гая, гра́да Москвы́ Покрови́тельнице, всех су́щих во гресе́х, ско́рбех, беда́х и боле́знех Ве́рная Предста́тельнице и Засту́пнице! Приими́ моле́бное пе́ние сие́ от нас, недосто́йных раб Твои́х, Тебе́ возноси́мое, и я́коже дре́вле гре́шника, на всяк день мно́гажды пред честно́ю ико́ною Твое́ю моли́вшагося, не презре́ла еси́, но дарова́ла еси́ ему́ неча́янную ра́дость покая́ния и преклони́ла еси́ Сы́на Твоего́ мно́гим и усе́рдным к Нему́ хода́тайством ко проще́нию сего́ гре́шнаго и заблу́ждшагося, та́ко и ны́не не пре́зри моле́ния нас, недосто́йных рабо́в Твои́х, и умоли́ Сы́на Твоего́ и Бо́га на́шего, да и всем нам, с ве́рою и умиле́нием покланя́ющимся пред цельбоно́сным о́бразом Твои́м, да́рует неча́янную по коего́ждо потре́бе ра́дость: гре́шником, погря́зшим во глубине́ зол и страсте́й,— вседе́йственное вразумле́ние, покая́ние и спасе́ние; су́щим в ско́рбех и печа́лех — утеше́ние; обрета́ющимся в беда́х и озлобле́ниих — соверше́нное сих избы́тие; малоду́шным и ненаде́жным — наде́жду и терпе́ние; в ра́дости и изоби́лии живу́щим — непреста́нное Благоде́телю Бо́гу благодаре́ние; бе́дствующим — милосе́рдие; су́щим в боле́зни и долгонеду́жии и оста́вленным врача́ми — неча́емое исцеле́ние и укрепле́ние; ижди́вшим от неду́га ум — ума́ возвраще́ние и обновле́ние; отходя́щим в ве́чную и несконча́емую жизнь — па́мять сме́ртную, умиле́ние и сокруше́ние о гресе́х, дух бодр и твердую на милосе́рдие Судии́ наде́жду. О, Госпоже́ Пресвята́я! Умилосе́рдися ко всем, чту́щим всечестно́е и́мя Твое́, и всем яви́ всемо́щный покро́в Твой и заступле́ние; во благоче́стии, чистоте́ и честне́м жи́тельстве пребыва́ющия до после́дняго их сконча́ния во бла́гости соблюди́; злы́я бла́ги сотвори́; заблу́ждшия на путь пра́вый наста́ви; вся́кому де́лу благо́му и Сы́ну Твоему́ уго́дному споспешеству́й; вся́кое де́ло зло́е и богопроти́вное разруши́; в недоуме́нии и тру́дных и опа́сных обстоя́ниих обрета́ющимся незри́мую по́мощь и вразумле́ние с Небесе́ низпосли́; от искуше́ний, собла́знов и поги́бели спаси́; от всех злых челове́к и от враго́в ви́димых и неви́димых защити́ и сохрани́; пла́вающим спла́вай; путеше́ствующим спутеше́ствуй; су́щим в нужде́ и гла́де бу́ди Пита́тельница; неиму́щим кро́ва и приста́нища бу́ди покро́в и прибе́жище; наги́м пода́ждь одея́ние; оби́димым и непра́ведно гони́мым — заступле́ние; клевету́, поноше́ние и хуле́ние терпя́щия незри́мо оправда́й; клеветники́ и хули́тели пред все́ми обличи́; ожесточе́нно вражду́ющим неча́емое пода́ждь примире́ние, и всем нам друг ко дру́гу любо́вь, мир и благоче́стие и здра́вие с долгоде́нствием. Супру́жества в любви́ и единомы́слии сохрани́; супру́ги, во вражде́ и разделе́нии су́щия, умири́, соедини́ я друг ко дру́гу и положи́ им сою́з любве́ неразруши́мый; ма́терем, де́ти родя́щим, ско́рое пода́ждь разреше́ние; младе́нцы воспита́й; ю́ныя уцелому́дри, отве́рзи им ум к восприя́тию вся́каго поле́знаго уче́ния, стра́ху Бо́жию, воздержа́нию и трудолю́бию наста́ви; от дома́шния бра́ни и вражды́ единокро́вных ми́ром и любо́вию огради́. Безма́терних сиро́т бу́ди Ма́терь, от вся́каго поро́ка и скве́рны отврати́ я и всему́ благо́му и Богоуго́дному научи́, прельще́нныя же и во грех и нечистоту́ па́дшия, скве́рну греха́ отъя́вши, из бе́здны поги́бели изведи́. Вдов бу́ди Уте́шительница и Помо́щница, ста́рости бу́ди жезл, от внеза́пныя сме́рти без покая́ния всех нас изба́ви, и всем нам христиа́нскую кончи́ну живота́ на́шего, безболе́зненну, непосты́дну, ми́рну и до́брый отве́т на стра́шнем Суди́щи Христо́ве да́руй. Преста́вльшияся в ве́ре и покая́нии от жития́ сего́ со А́нгелы и все́ми святы́ми жи́ти сотвори́, сконча́вшимся внеза́пною сме́ртию ми́лостива быти Сы́на Твоего́ умоли́, и о всех усо́пших, и́же не и́мут сро́дников, о упокое́нии их Сы́на Твоего́ умоля́ющих, Сама́ бу́ди непреста́нная и те́плая Моли́твенница и Хода́таица, да вси на Небеси́ и на земли́ ве́дят Тя, я́ко тве́рдую и непосты́дную Предста́тельницу ро́да христиа́нскаго, и, ве́дуще, сла́вят Тя и Тобо́ю Сы́на Твоего́, со Безнача́льным Его́ Отце́м и Единосу́щным Его́ Ду́хом, ны́не и при́сно и во ве́ки веко́в. Ами́нь.
О Пресвятая Дево, Всеблагого Сына Матерь Всеблагая, града Москвы Покровительница, всем во грехах, скорбях, бедах и болезнях Верная Предстательница и Заступница! Приими молебное пение это от нас, недостойных рабов Твоих, Тебе возносимое, и как некогда грешника, каждый день многократно пред честною иконою Твоею молившегося, не презрела, но даровала ему нечаянную радость покаяния и преклонила Сына Твоего многим и усердным ходатайством к прощению этого грешного и заблудшего, так и ныне не презри моления нашего, недостойных рабов Твоих, и умоли Сына Твоего и Бога нашего, да и всем нам, с верою и умилением поклоняющимся пред цельбоносным образом Твоим, дарует нечаянную по потребности каждого радость: грешникам, погрязшим в глубине зол и страстей, — вседейственное вразумление, покаяние и спасение; пребывающим в скорбях и печали — утешение; находящимся в бедах и напастях — совершенное от них избавление; малодушным и безнадежным — надежду и терпение; в радости и изобилии живущим — непрестанное Благодетелю Богу благодарение; бедствующим — милосердие; находящимся в болезни и долгом недуге и оставленным врачами — нечаемое исцеление и укрепление; утратившим от недуга ум — возвращение ума и обновление; отходящим в вечную и бесконечную жизнь — память смертную, умиление и сокрушение о грехах, дух бодрый и твердую надежду на милосердие Судии.
О Госпоже Пресвятая! Умилосердись ко всем, чтущим всечестное имя Твое, и всем яви всемощный покров Твой и заступление; в благочестии, чистоте и правдном жительстве пребывающих до последнего их окончания в благости сохрани; злых добрыми соделай; заблудших на путь правый наставь; всякому делу благому и Сыну Твоему угодному содействуй; всякое дело злое и богопротивное разрушь; в недоумении и трудных и опасных обстоятельствах находящимся незримую помощь и вразумление с Небес ниспошли; от искушений, соблазнов и погибели спаси; от всех злых людей и от врагов видимых и невидимых защити и сохрани; плавающим соплавай; путешествующим сопутешествуй; нуждающимся и голодающим будь Питательница; не имеющим крова и пристанища будь покровом и прибежищем; нагим подай одеяние; обижаемым и неправедно гонимым — заступление; клевету, поношение и хулу терпящих незримо оправдай; клеветников и хулителей пред всеми обличи; ожесточенно враждующим нечаемое подай примирение, и всем нам друг ко другу любовь, мир и благочестие и здравие с долгоденствием.
Супружества в любви и единомыслии сохрани; супругов, во вражде и разделении находящихся, умири, соедини их друг с другом и положи им союз любви неразрушимый; матерям, рождающим детей, скорое подай разрешение; младенцев воспитай; юных уцеломудри, открой им ум к восприятию всякого полезного учения, ко страху Божию, воздержанию и трудолюбию наставь; от домашней распри и вражды единокровных миром и любовью огради.
Безматерним сиротам будь Матерью, от всякого порока и скверны отврати их и всему благому и Богоугодному наставь, прельщенных же и во грех и нечистоту падших, скверну греха отъяв, из бездны погибели изведи.
Вдов будь Утешительница и Помощница, старости будь жезл, от внезапной смерти без покаяния всех нас избави, и всем нам христианскую кончину жизни нашей, безболезненную, непостыдную, мирную и добрый ответ на Страшном Суде Христовом даруй.
Преставившихся в вере и покаянии от жития сего со Ангелами и всеми святыми всели, скончавшимся внезапной смертью милостивым быть Сына Твоего умоли, и о всех усопших, которые не имеют родственников, об упокоении их Сына Твоего умоляющих, Сама будь непрестанная и горячая Молитвенница и Ходатаица, да все на Небе и на земле знают Тебя как твердую и непостыдную Предстательницу рода христианского, и, зная, славят Тебя и Тобою Сына Твоего, с Безначальным Его Отцом и Единосущным Его Духом, ныне и всегда и во веки веков. Аминь.
Комментировать