Текст акафиста одобрен для употребления за богослужением и в домашней молитве на заседании Священного Синода 27 декабря 2024 года (журнал № 150).
Адаптированный перевод с чешского.
Конда́к 1
Избра́нная Бо́гом уго́днице Христо́ва, страстоте́рпице свята́я Людми́ло, восхваля́ем тя досто́йно, я́ко озари́ла еси́ святы́м креще́нием всю́ Боге́мию, и столп ве́ры страны́ Мора́вския яви́лася еси́, поне́сши све́т испове́дания Христо́ва во вся зе́мли славя́нстии, сме́ртию же обре́тши нетле́нную жизнь, с во́и А́нгельскими ны́не благодерзнове́нно сла́виши Го́спода Творца́, те́мже зове́м ти: ра́дуйся, свята́я княги́не Людми́ло, страстоте́рпице Христо́ва.
Избранная Богом угодница Христова, страстотерпица святая Людмила, восхваляем тебя достойно, ибо ты озарила святым крещением всю Чехию и стала столпом веры для Моравской земли, пронеся свет исповедания Христова по всем славянским землям. Смертью же обрела ты нетленную жизнь и ныне с ангельскими воинствами дерзновенно славишь Господа Творца. Потому взываем к тебе: радуйся, святая княгиня Людмила, страстотерпица Христова!
Икос 1
А́нгели приско́рбни бы́ша о нече́стии славя́н, погиба́ху бо в неве́рствии, Бог же и Творе́ц вся́ческих, хотя́й всем спасти́ся, призва́ тя от ю́ности, блаже́нная Людми́ло, зря́ благоро́дие души́ твоея́, ты же испо́лнила еси́ все смотре́ние Его́ и яви́лася еси́ испове́дница Христо́ва, сего́ ра́ди восхваля́ем тя:
Ангелы скорбели о нечестии славян, ибо гибли они в неверии. Бог же, Творец всего, желающий всем спастись, призвал тебя от юности, блаженная Людмила, видя благородство души твоей. Ты исполнила всё Его промысл и явилась исповедницей Христовой. Потому восхваляем тебя:
Ра́дуйся, Че́шския земли́ прозябе́ние;
ра́дуйся, Правосла́вия в славя́нских зе́млях нача́льнице;
Радуйся, Чешской земли прозябание;
радуйся, Православия в славянских землях начало;
Ра́дуйся, пе́рвым христиа́ном подо́бнице;
ра́дуйся, лю́дем после́дняго вре́мене пра́вило и о́браз.
Радуйся, первым христианам подобная;
радуйся, для людей последних времён правило и образ.
Ра́дуйся, ни́во плодови́тая, се́мя ве́ры Христо́вы возра́стившая;
ра́дуйся, жа́тво зре́лая, Христу́ угото́ванная.
Радуйся, нива плодоносная, семя веры Христовой возрастившая;
радуйся, жатва зрелая, Христу уготованная.
Ра́дуйся, славя́нскаго благоче́стия светоза́рный рассве́те;
ра́дуйся, язы́ческаго нече́стия че́шских племе́н ско́рый зака́те.
Радуйся, славянского благочестия светозарный рассвет;
радуйся, языческого нечестия чешских племён скорая закат.
Ра́дуйся, благове́стия посреде́ славя́н прама́ти;
ра́дуйся, со́нма славя́нских жен первому́ченице.
Радуйся, благовестия среди славян праматерь;
радуйся, сонма славянских жён первомученица.
Ра́дуйся, земли́ Че́шския забра́ло и утвержде́ние;
ра́дуйся, шле́ме и щи́те Правосла́вия.
Радуйся, земли Чешской ограда и утверждение;
радуйся, шлем и щит Православия.
Ра́дуйся, свята́я княги́не Людми́ло, страстоте́рпице Христо́ва.
Радуйся, святая княгиня Людмила, страстотерпица Христова!
Конда́к 2
Ви́дяй Христо́с Бог пути́ твоя́, блаже́нная Людми́ло, устро́и, я́ко поя́т тя Бориво́й князь, красе́н те́ла ю́ностию и души́ благоразу́мием. Сим сою́зом достосла́вным просвети́ Христо́с ве́рою че́шския племена́, и умно́жися род твой, Людми́ло, теле́сне и духо́вне, те́мже Бо́га сла́вим: Аллилу́иа.
Видящий Христос Бог пути твои, блаженная Людмила, устроил так, что взял тебя в жёны князь Боривой, прекрасный телом юностью и благоразумием души. Этим достославным союзом просветил Христос верою чешские племена, и умножился род твой, Людмила, телесно и духовно. Потому Бога славим: Аллилуйя!
И́кос 2
Ра́зум богопросвеще́нный дарова́ ти Бог, свята́я му́ченице Людми́ло, да оста́виши тьму идолопокло́нства. Во сла́внем Велегра́де кня́зь Святопо́лк посади́ тя и мужа́ твоего́ Бориво́я не с собо́ю, но со слуги́, за неве́рствие ва́ше, те́мже оскорбе́сте вы сердцы́ и уразуме́сте словеса́ благоглаго́ливаго Мефо́дия Мора́вскаго, я́ко него́же пога́ны бы́ти, но крести́тися во Христа́ подоба́ет и в Него́ облещи́ся. Тя, после́довавшую за супру́гом твои́м к жи́зни но́ве, сла́вим си́це:
Разум богопросвещённый даровал тебе Бог, святая мученица Людмила, чтобы ты оставила тьму идолопоклонства. В славном Велеграде князь Святополк посадил тебя и мужа твоего Боривоя не с собою, но со слугами за неверие ваше. Потому вы огорчились сердцем и уразумели слова благоглаголивого Мефодия Моравского, что не подобает быть погаными, но креститься во Христа и в Него облечься. Тебя, последовавшую за супругом твоим к новой жизни, славим так:
Ра́дуйся, богому́дрия таи́ннице;
ра́дуйся, злоче́стия губи́тельнице.
Радуйся, богомудрия таинница;
радуйся, злочестия истребительница.
Ра́дуйся, свет Христо́вы ве́ры избра́вшая;
ра́дуйся, тьму язы́ческаго нече́стия отгна́вшая.
Радуйся, свет Христовой веры избравшая;
радуйся, тьму языческого нечестия отогнавшая.
Ра́дуйся, со рабо́тники единонадеся́таго часа́ мзду прия́вшая;
ра́дуйся, тщету́ и тле́ние презре́вшая.
Радуйся, с работниками одиннадцатого часа мзду получившая;
радуйся, суету и тление презревшая.
Ра́дуйся, сла́достный мед благода́ти Христо́вы вкуси́вшая;
ра́дуйся, го́речь испове́дания му́жественне поне́сшая.
Радуйся, сладостный мёд благодати Христовой вкусившая;
радуйся, горечь исповедания мужественно понесшая.
Ра́дуйся, я́ко до́льняя отри́нула еси́;
ра́дуйся, я́ко го́рняя взыска́ла еси́.
Радуйся, что земное отринула;
радуйся, что горнее (небесное) взыскала.
Ра́дуйся, го́рлицею к Небеси́ возлете́вшая;
ра́дуйся, зми́я вселука́ваго благоче́стием низложи́вшая.
Радуйся, горлицей к Небесам возлетевшая;
радуйся, змия вселукавого благочестием низложившая.
Ра́дуйся, свята́я княги́не Людми́ло, страстоте́рпице Христо́ва.
Радуйся, святая княгиня Людмила, страстотерпица Христова!
Конда́к 3
Си́лою Христо́ва уче́ния де́йствуяй, архиепи́скоп Мефо́дий Мора́вский, ве́лий учи́тель славя́н, сре́те тя, Людми́ло достосла́вная, и мно́го бесе́довав с тобо́ю, све́том позна́ния Христо́ва просвети́ тя и ча́сти спаса́емых причте́ тя. Ты же, дар сей возгрева́я доброде́тельми свои́ми, восхожда́ше в Небе́сное Ца́рствие, иде́же свя́тии со А́нгелы пою́т Пресвяте́й Тро́ице песнь: Аллилу́иа.
Силою Христова учения действуя, архиепископ Мефодий Моравский, великий учитель славян, встретил тебя, Людмила достославная, и, много беседовав с тобой, светом познания Христова просветил тебя и причислил к спасаемым. Ты же, дар этот возращая добродетелями своими, восходила в Небесное Царство, где святые с Ангелами поют Пресвятой Троице песнь: Аллилуйя!
И́кос 3
Иму́ще би́сер до́брый, благода́ть ве́ры Христо́вой, возврати́шася свята́я Людми́ло с Бориво́ем в зе́мли Че́шския и основа́ша та́мо кре́пость Гра́дишин на бре́зе реки́ Влта́вы, я́же ны́не Пра́жский град, и воздвиго́ша це́рковь и призва́ша пресви́теры ве́рныя. Мы же, почита́юще моли́твы твоя́, свята́я Людми́ло, и труды́ утвержде́ния ве́ры Правосла́вныя, велича́ем тя:
Имея драгоценный бисер — благодать веры Христовой, возвратилась святая Людмила с Боривоем в земли Чешские и основали там крепость Градишин на берегу реки Влтавы (ныне Прага), и воздвигли церковь, и призвали верных священников. Мы же, почитая молитвы твои, святая Людмила, и труды утверждения Православной веры, величаем тебя:
Ра́дуйся, та́инством Креще́ния обновле́нная;
ра́дуйся, святы́м Миропома́занием освяще́нная.
Радуйся, таинством Крещения обновлённая;
радуйся, святым Миропомазанием освящённая.
Ра́дуйся, равноапо́стольнаго Мефо́дия после́довательнице;
ра́дуйся, Правосла́вия побо́рнице.
Радуйся, равноапостольного Мефодия последовательница;
радуйся, Православия поборница.
Ра́дуйся, свет Христо́вы ве́ры прия́вшая;
ра́дуйся, тьму язы́чества презре́вшая.
Радуйся, свет Христовой веры принявшая;
радуйся, тьму язычества презревшая.
Ра́дуйся, цветоуха́нный вертогра́де доброде́телей;
ра́дуйся, истребле́ние те́рния страсте́й.
Радуйся, благоуханный сад добродетелей;
радуйся, истребление терния страстей.
Ра́дуйся, пресви́теров благочести́вых прия́телище;
ра́дуйся, богослуже́ния на славя́нстем язы́це утвержде́ние.
Радуйся, благочестивых священников пристанище;
радуйся, богослужения на славянском языке утверждение.
Ра́дуйся, церкве́й Бо́жиих ре́вностная строи́тельнице;
ра́дуйся, ве́ры правосла́вныя неусы́пная пропове́днице.
Радуйся, церквей Божиих ревностная строительница;
радуйся, веры православной неустанная проповедница.
Ра́дуйся, свята́я княги́не Людми́ло, страстоте́рпице Христо́ва.
Радуйся, святая княгиня Людмила, страстотерпица Христова!
Конда́к 4
Бу́рю ско́рби в се́рдцы свое́м име́ла еси́, свята́я Людми́ло добронра́вная, егда́ сконча́ся Бориво́й. Оста́вшуся ти вдови́цею, все житие́ твое́ Пресвяте́й Тро́ице посвяти́ла еси́: сле́зныя моли́твы за лю́ди твоя́ возноша́ше, ни́щим же име́ние раздая́ше, си́рым и вдови́цам помога́ше, и та́ко служи́ла еси́ Еди́ному сла́вимому Бо́гу, Ему́же пое́м: Аллилу́иа.
Бурю скорби в сердце своём имела ты, святая Людмила добронравная, когда скончался Боривой. Оставшись вдовою, всё житие своё Пресвятой Троице посвятила ты: слёзные молитвы за людей своих возносила, нищим имение раздавала, сиротам и вдовам помогала. И так служила ты Единому славимому Богу, Которому поём: Аллилуйя!
И́кос 4
Слы́ша и ви́де Драгоми́ра, неве́стка твоя́, о Людми́ло благонра́вная, я́ко Бо́гом ты почтена́ и челове́ки люби́ма, те́мже, за́вистию одержи́ма, по де́йству диа́волю вражду́ к тебе́ возыме́. Сия окая́нная хотя́ше ве́ру Христо́ву низложи́ти и владе́ти страно́ю еди́на. Ты же, страстоте́рпице Христо́ва, па́че утверди́лася еси́ во благоче́стии, сего́ ра́ди хва́лим тя:
Слышала и видела Драгомира, невестка твоя, о Людмила благонравная, что ты Богом почтена и людьми любима. Потому, одержимая завистью, по действию диавольскому вражду к тебе возымела. Эта окаянная хотела веру Христову ниспровергнуть и владеть страною одна. Ты же, страстотерпица Христова, тем более утвердилась в благочестии. Потому хвалим тебя:
Ра́дуйся, благо́е и́го Христо́во взе́мшая;
ра́дуйся, ле́гкое бре́мя Его́ поне́сшая.
Радуйся, благое иго Христово взявшая;
радуйся, лёгкое бремя Его понесшая.
Ра́дуйся, я́ко и́стинною кро́тостию ми́лость Бо́жию прия́ла еси́;
ра́дуйся, я́ко прему́дростию и терпе́нием скорбе́й возвели́чилася еси́.
Радуйся, что истинною кротостью милость Божию получила;
радуйся, что мудростью и терпением скорбей возвеличилась.
Ра́дуйся, благоча́дие присносла́вное;
ра́дуйся, ве́рносте Христо́вым за́поведем.
Радуйся, благодетие приснославное;
радуйся, верность заповедям Христовым.
Ра́дуйся, я́ко потща́нием убо́гих день озаря́вшая;
ра́дуйся, я́ко сле́зными моли́твами нощь ороша́вшая.
Радуйся, что старанием о бедных день озаряла;
радуйся, что слезными молитвами ночь орошала.
Ра́дуйся, благосе́рдие к ни́щим иму́щая;
ра́дуйся, си́рых и вдови́ц пита́тельнице.
Радуйся, милосердие к нищим имеющая;
радуйся, сирых и вдов питательница.
Ра́дуйся, я́ко смире́нием зло́бу вра́га низложила еси́;
ра́дуйся, я́ко любо́вию за́висть гони́телей победи́ла еси́.
Радуйся, что смирением злобу врага низложила;
радуйся, что любовью зависть гонителей победила.
Ра́дуйся, свята́я княги́не Людми́ло, страстоте́рпице Христо́ва.
Радуйся, святая княгиня Людмила, страстотерпица Христова!
Конда́к 5
Боготе́чная звезда́ яви́лася еси́, свята́я му́ченице Людми́ло, вну́ку твоему́ Вячесла́ву, я́ко научи́ его́ и́стинней Христо́вой ве́ре и благоче́стию. Злонра́вная же Драгоми́ра помышля́ше в се́рдце свое́м: бысть сын мой не я́ко князь, но я́ко мних. И та́ко ожесте́ се́рдце ея́, и овладе́ша бе́си душе́ю ея́. Бог же увенча́ главу́ твою́, Людми́ло, му́жеством, долготерпе́нием и кро́тостию, мы же с тобо́ю Бо́гови вопие́м: Аллилу́иа.
Боготечная звезда явилась ты, святая мученица Людмила, внуку твоему Вячеславу, ибо научила его истинной Христовой вере и благочестию. Злонравная же Драгомира помышляла в сердце своём: «Сын мой стал не как князь, но как инок». И так ожесточилось сердце её, и овладели бесы душою её. Бог же увенчал главу твою, Людмила, мужеством, долготерпением и кротостью. Мы же с тобою Богу взываем: Аллилуйя!
И́кос 5
Ви́дящи зло́бу окая́нныя Драгоми́ры, ты, свята́я му́ченице Людми́ло, ве́лие смире́ние иму́щи, удали́лася еси́ в кре́пость Течи́н и бя́ше та́мо моля́ся, Христа́ же тща́щися взыска́ти вседу́шно, те́мже взыва́ем ти:
Видя злобу окаянной Драгомиры, ты, святая мученица Людмила, имея великое смирение, удалилась в крепость Течин и была там, молясь и всем сердцем стремясь взыскать Христа. Потому взываем к тебе:
Ра́дуйся, проще́нием гони́телей ду́шу на высоту́ ве́ры возне́сшая;
ра́дуйся, кро́тостию лю́ди ве́рныя к себе́ привле́кшая.
Радуйся, прощением гонителей душу на высоту веры вознесшая;
радуйся, кротостью верных людей к себе привлекшая.
Ра́дуйся, воспита́ния пра́вило благочести́вое;
ра́дуйся, просвеще́ния о́бразе досто́йный.
Радуйся, воспитания правило благочестивое;
радуйся, просвещения образ достойный.
Ра́дуйся, златослове́сное уче́ние источа́ющая;
ра́дуйся, к Боже́ственным за́поведем приводя́щая.
Радуйся, златословесное учение источающая;
радуйся, к Божественным заповедям приводящая.
Ра́дуйся, моли́твы и бде́ния усе́рдная учи́тельнице;
ра́дуйся, в доброде́телех изря́дная наста́внице.
Радуйся, молитвы и бдения усердная учительница;
радуйся, в добродетелях искусная наставница.
Ра́дуйся, криле́ и защи́то всех оби́димых;
ра́дуйся, се́не и покро́ве всем притека́ющим к тебе́.
Радуйся, крыло и защита всех обидимых;
радуйся, сень и покров всем прибегающим к тебе.
Ра́дуйся, я́ко благодея́нии свои́ми Пресвяту́ю Тро́ицу просла́вила еси́;
ра́дуйся, я́ко ве́лиими щедро́тами диа́вола посрами́ла еси́.
Радуйся, что благодеяниями своими Пресвятую Троицу прославила;
радуйся, что великими щедротами диавола посрамила.
Ра́дуйся, свята́я княги́не Людми́ло, страстоте́рпице Христо́ва.
Радуйся, святая княгиня Людмила, страстотерпица Христова!
Конда́к 6
Пропове́дница Христо́ва яви́лася еси́, свята́я страстоте́рпице Людми́ло, егда́ Драгоми́ра окая́нная посла́ слуги́ своя́ погуби́ти тя, ре́кши им: напа́дше на ню но́щию, погуби́те ю́. И испо́лниша повеле́ние ея́. Ты же, я́ко а́гница неви́нная, с кро́тостию ожида́ла еси́ часа́ своего́, Бо́гови вопия́: Аллилу́иа.
Проповедница Христова явилась ты, святая страстотерпица Людмила, когда Драгомира окаянная послала слуг своих погубить тебя, сказав им: «Напав на неё ночью, погубите её». И исполнили повеление её. Ты же, как агница невинная, с кротостью ожидала часа своего, Богу взывая: Аллилуйя!
И́кос 6
Возсия́ла еси́ све́том долготерпе́ния, свята́я Людми́ло, моля́щися и проща́ющи, егда́ злочести́вии уби́йцы наидо́ша на кре́пость. Ты же хотя́ вразуми́ти их, поча́ла еси́ укоря́ти я, реку́щи: Ку́ю оби́ду сотвори́х ва́м? Ко́е зло ва́м соде́ях? Та́ко ли почто́сте благодея́ния и ми́лости моя́? Но не вня́ша словесе́м твои́м злоде́и и придави́ша тя, страстоте́рпице, ве́рвию. И та́ко сконча́лася еси́ и восприя́ла еси́ неувяда́емый вене́ц от Христа́ Бо́га на́шего, те́мже пое́м ти си́це:
Возсияла ты светом долготерпения, святая Людмила, молясь и прощая, когда злочестивые убийцы нашли на крепость. Ты же, желая вразумить их, начала укорять их, говоря: «Какую обиду я вам причинила? Какое зло я вам сделала? Так ли вы почтили мои благодеяния и милости?» Но не вняли словам твоим злодеи и удавили тебя, страстотерпица, вервием. И так скончалась ты и получила неувядаемый венец от Христа Бога нашего. Потому поём тебе так:
Ра́дуйся, пре́жде безсме́ртия сме́ртию за Христа́ украси́вшаяся;
ра́дуйся, страда́нием Христу́ уневе́стившаяся.
Радуйся, прежде бессмертия смертью за Христа украсившаяся;
радуйся, страданием Христу обручившаяся.
Ра́дуйся, цве́те благоуха́нный Христо́ва испове́дания;
ра́дуйся, кла́се спе́лый, небе́сное жи́то умно́живый.
Радуйся, цвет благоуханный Христова исповедания;
радуйся, колос спелый, небесную пшеницу умноживший.
Ра́дуйся, ве́лие бога́тство скорбьми́ приобре́тшая;
ра́дуйся, сме́ртию увенча́нная.
Радуйся, великое богатство скорбями приобретшая;
радуйся, смертью увенчанная.
Ра́дуйся, по́прище му́ченичества избра́вшая;
ра́дуйся, стезе́ю испове́дания в Небе́сная селе́ния все́льшаяся.
Радуйся, поприще мученичества избравшая;
радуйся, стезёю исповедания в небесные селения вселившаяся.
Ра́дуйся, я́ко неприча́стна тле́нию яви́лася еси́;
ра́дуйся, я́ко сонасле́дница му́чеников бы́ти удосто́илася еси́.
Радуйся, что нетленной явилась;
радуйся, что наследницей мучеников быть удостоилась.
Ра́дуйся, я́ко со А́нгелы ны́не пое́ши Трисвяту́ю песнь;
ра́дуйся, я́ко в Небе́сных черто́зех покланя́ешися Седя́щему на Престо́ле.
Радуйся, что с Ангелами ныне поёшь Трисвятую песнь;
радуйся, что в Небесных чертогах поклоняешься Сидящему на Престоле.
Ра́дуйся, свята́я княгине Людми́ло, страстоте́рпице Христо́ва.
Радуйся, святая княгиня Людмила, страстотерпица Христова!
Конда́к 7
Хотя́ще скры́ти бога́тство нескрыва́емое, мучи́тели скры́ша те́ло твое́ под стено́ю кре́пости, свята́я Людми́ло, оба́че свет твоего́ страда́ния возсия́ светлосия́нно но́вым благоле́пием, и та́ко посра́млени бы́ша врази́ твои́, ты же от Бо́га честь и сла́ву прия́ла еси́, Ему́же с тобо́ю пое́м: Аллилу́иа.
Желая скрыть не скрываемое богатство, мучители скрыли тело твоё под стеною крепости, святая Людмила. Однако свет твоего страдания воссиял светозарно новым благолепием, и так посрамлены были враги твои. Ты же от Бога честь и славу получила, Которому с тобою поём: Аллилуйя!
И́кос 7
Но́вую тя показа́ Бог звезду́, просвети́вшую лю́ди славя́нския, блаже́нная му́ченице Людми́ло, ты же стра́сти претерпе́вши, ублажа́ешися во ве́ки, и лику́еши с со́нмы му́ченик. Ты у́бо небе́сная го́рлица яви́лася еси́, столп и утвержде́ние земли́ Боге́мския. Сего́ ра́ди благоде́рзостно хва́лим тя:
Новою тебя показал Бог звездою, просветившею людей славянских, блаженная мученица Людмила. Ты же, страдания претерпев, ублажаешься во веки и ликуешь с сонмами мучеников. Ты небесная горлица явилась, столп и утверждение земли Чешской. Потому дерзновенно хвалим тебя:
Ра́дуйся, све́тлая звездо́, зау́тро восходя́щая;
ра́дуйся, ди́вное свети́ло, ве́рою Христо́вою наро́д свой просвети́вшее.
Радуйся, светлая звезда, заутра восходящая;
радуйся, дивное светило, верою Христовою народ свой просветившее.
Ра́дуйся, ка́меню драги́й, иску́сно обточе́нный и сия́ющий нетле́нием;
ра́дуйся, ба́рмо, же́мчугом кро́тости украше́нная и зе́мли славя́нския окаймля́ющая.
Радуйся, камень драгоценный, искусно обточенный и сияющий нетлением;
радуйся, барма (оплечье), жемчугом кротости украшенная и земли славянские окаймляющая.
Ра́дуйся, самоцве́те многоце́нный, лик му́чеников украша́яй;
ра́дуйся, исто́чниче ще́дрый, пото́ки моли́тв за лю́ди своя́ излива́яй.
Радуйся, самоцвет многоценный, лик мучеников украшающий;
радуйся, щедрый источник, потоки молитв за людей своих изливающий.
Ра́дуйся, ве́нче златоза́рный, и́мже хва́лится вся славя́нская земля́;
ра́дуйся, свети́льниче сребропозлаще́нный, и́мже лю́дие че́шстии и́стиною просвети́шася.
Радуйся, венец златозарный, которым хвалится вся славянская земля;
радуйся, светильник сребропозлащённый, которым чешские люди истиною просветились.
Ра́дуйся, сме́ртию от нечести́вых честь и сла́ву стяжа́вшая;
ра́дуйся, жи́знию пра́ведною в рай вше́дшая.
Радуйся, смертью от нечестивых честь и славу стяжавшая;
радуйся, жизнью праведной в рай вошедшая.
Ра́дуйся, адама́нте испове́дания и сто́лпе Правосла́вия;
ра́дуйся, голуби́це миросве́тлая и упова́ние ве́рных.
Радуйся, адамант (алмаз) исповедания и столп Православия;
радуйся, голубица миросветлая и упование верных.
Ра́дуйся, свята́я княги́не Людми́ло, страстоте́рпице Христо́ва.
Радуйся, святая княгиня Людмила, страстотерпица Христова!
Конда́к 8
Стра́нное виде́ние ви́деша на ме́сте погребе́ния моще́й твои́х: се бо но́щию кре́пость озаря́шеся свеща́ми и воня́ми благоуха́ния наполня́шеся, мно́зии же прише́дшии поклони́тися страда́нию твоему́ исцеля́хуся. Сего́ ра́ди ве́лиим у́жасом ужасо́шася вси, и ди́вным чудесе́м чуди́шася, и, ви́дяще сие́, уразуме́ша, я́ко земля́ благослови́ся твои́м страда́нием, и реко́ша Бо́гови: Аллилу́иа.
Странное видение видели на месте погребения мощей твоих: ибо ночью крепость озарялась свечами и благоуханием наполнялась. Многие же, пришедшие поклониться страданию твоему, исцелялись. Потому великим ужасом ужаснулись все и дивному чуду удивлялись. И, видя это, уразумели, что земля благословилась твоим страданием, и сказали Богу: Аллилуйя!
И́кос 8
Вся претерпе́ла еси́, и чрез страда́ние твое́ воспари́ла еси́ я́ко голуби́ца к вы́шним оби́телем, гроб же прия́т те́ло твое́ честно́е я́ко сокро́вище многоце́нное. Взяв же его́, святы́й Вячесла́в, внук твой, принесе́ в це́рковь свята́го Гео́ргия и поста́ви, и отве́рзе ра́ку, и испо́лнися це́рковь благоуха́ния, и вси, ви́дяще честны́я и многоцеле́бныя мо́щи твоя́, просла́виша Бо́га и реко́ша тебе́ та́ко:
Всё претерпела ты, и через страдание своё воспарила, как голубица, к вышним обителям. Гроб же принял тело твоё честное как сокровище многоценное. Взяв же его, святой Вячеслав, внук твой, принёс в церковь святого Георгия и поставил. И открылась рака, и наполнилась церковь благоуханием. И все, видя честные и многоцелебные мощи твои, прославили Бога и сказали тебе так:
Ра́дуйся, свеще́, све́том испове́дания возсия́вшая;
ра́дуйся, сия́ние лучеза́рное, любо́вь излуча́ющее.
Радуйся, свеча, светом исповедания воссиявшая;
радуйся, сияние лучезарное, любовь излучающее.
Ра́дуйся, ковче́же нетле́ния, и́мже лю́дие че́шстии просвети́шася;
ра́дуйся, вмести́лище чудесе́м, и́миже род славя́нский удиви́ся.
Радуйся, ковчег нетления, которым люди чешские просветились;
радуйся, вместилище чудес, которыми род славянский удивился.
Ра́дуйся, ла́рче златоза́рный, испо́лненный Боже́ственных та́ин;
ра́дуйся, сосу́де избра́нный, и́мже благода́ть излива́ется.
Радуйся, ларец златозарный, исполненный Божественных тайн;
радуйся, сосуд избранный, которым благодать изливается.
Ра́дуйся, до́ме преукраше́нный, в не́мже Прему́дрость Бо́жия всели́ся;
ра́дуйся, киво́те драгоце́нный, его́же Пресвята́я Тро́ица осени́.
Радуйся, дом украшенный, в котором Премудрость Божия вселилась;
радуйся, ковчег драгоценный, который Пресвятая Троица осенила.
Ра́дуйся, зла́тнице безце́нная, благотворя́щая лю́дем свои́м;
ра́дуйся, арома́тнице благово́нная, утиша́ющая ско́рби на́ша.
Радуйся, сокровищница бесценная, благотворящая людям своим;
радуйся, ароматница благовонная, утишающая скорби наши.
Ра́дуйся, коллу́рие многоцеле́бный (Откр.3:18), врачу́ющий ны;
ра́дуйся, амвроси́е сла́достная, пита́ющая ны.
Радуйся, коллурий (глазная мазь) многоцелебный, врачующий нас;
радуйся, амвросия сладостная, питающая нас.
Ра́дуйся, свята́я княги́не Людми́ло, страстоте́рпице Христо́ва.
Радуйся, святая княгиня Людмила, страстотерпица Христова!
Конда́к 9
Вси христолюби́вии лю́дие удиви́шася, ка́ко ле́по яви́ Бог нам святи́и мо́щи твоя́, Людми́ло присносла́вная, и что рече́м и возглаго́лем ти, страстоте́рпице? Свя́та це́рковь, иде́же лежи́т бога́тство некра́домо, из него́же истека́ют неоскуде́юще исто́чницы цельбоно́снии, и чудесы́ содева́ются от святы́х моще́й твои́х, я́ко мо́лишися за ны Го́споду всех, Ему́же пое́м: Аллилу́иа.
Все христолюбивые люди удивились, как прекрасно явил Бог нам святые мощи твои, Людмила приснославная. И что скажем и возгласим тебе, страстотерпица? Свята церковь, где лежит богатство некрадомое, из которого истекают неоскудевающие источники целебные и совершаются чудеса от святых мощей твоих, ибо молишься за нас Господу всех. Ему поём: Аллилуйя!
И́кос 9
Вети́и многовеща́ннии ка́ко восхва́лят тя, свята́я страстоте́рпице Людми́ло? Я́ко не даде́ Бог поги́бнути язы́ком Свои́м в пре́лести и́дольстей и изведе́ тобо́ю от тьмы на свет, да благословя́т Отца́ Небе́снаго, и заблу́ждшия о́вцы славя́нстии со́брани бы́ша во еди́но свято́е ста́до, е́же хва́лит тя:
Витии многословные как восхвалят тебя, святая страстотерпица Людмила? Ибо не дал Бог погибнуть народам Своим в прелести идольской и вывел тобою от тьмы к свету, чтобы благословили Отца Небесного. И заблудшие овцы славянские собраны в единое святое стадо, которое хвалит тебя:
Ра́дуйся, анки́ро, е́юже обрето́хом ве́чное Приста́нище;
ра́дуйся, удобовхо́дная две́ре Правосла́вия.
Радуйся, якорь, которым обрели мы вечное Пристанище;
радуйся, удобная дверь Православия.
Ра́дуйся, О́льзе равноапо́стольней предте́кшая;
ра́дуйся, врата́ богому́дрия отве́рзшая, и́миже ве́ра Христо́ва в Мора́вию вни́де.
Радуйся, равноапостольной Ольге предшествовавшая;
радуйся, врата богомудрия отверзшая, которыми вера Христова в Моравию вошла.
Ра́дуйся, я́ко благослове́нна еси́ в славя́нских кня́гинех;
ра́дуйся, И́стину позна́вшая и ны просвети́вшая.
Радуйся, что благословенна ты среди славянских княгинь;
радуйся, Истину познавшая и нас просветившая.
Ра́дуйся, смиренному́дрия преиспо́лненная;
ра́дуйся, благосе́рдию ны науча́ющая.
Радуйся, смиренномудрия исполненная;
радуйся, милосердию нас научающая.
Ра́дуйся, стра́ждущим лю́дем госпоже́ и корми́лице;
ра́дуйся, стра́нных и убо́гих ще́драя уте́шительнице.
Радуйся, страждущим людям госпожа и кормилица;
радуйся, странных и убогих щедрая утешительница.
Ра́дуйся, зарю́ просвеще́ния нам яви́вшая;
ра́дуйся, страда́нием свои́м пра́вило благоче́стия указа́вшая.
Радуйся, зарю просвещения нам явившая;
радуйся, страданием своим правило благочестия указавшая.
Ра́дуйся, свята́я княги́не Людми́ло, страстоте́рпице Христо́ва.
Радуйся, святая княгиня Людмила, страстотерпица Христова!
Конда́к 10
Спасе́ния хотя́й всему́ ро́ду челове́чу, избра́ тя Бог и положи́ тя ко́рень благоче́стия, ве́рнии же, тобо́ю благовозра́стшии и прозя́бшии ли́ствия мно́зи до́брых дел, и цве́ти благода́ти прекра́снии испусти́вшии, плоды́ спасе́ния Бо́гу принося́ще, пою́т Ему́: Аллилу́иа.
Спасения желая всему роду человеческому, избрал тебя Бог и положил тебя корнем благочестия. Верные же, тобою благовозрастившие и прозябшие листья многих добрых дел, и цветы благодати прекрасные испустившие, плоды спасения Богу приносят, поют Ему: Аллилуйя!
И́кос 10
Стена́ яви́лася еси́ но́вым лю́дем христиа́нским, свята́я Людми́ло, я́ко украси́ тя Влады́ка Христо́с венцы́ побе́дными и десни́цею Свое́ю венча́, те́мже и мо́щи твоя́ во гра́де Пра́жстем а́ки во святе́й сокро́вищнице храни́мии и са́мый град благода́тию огражда́ющии, собира́ют мно́жество христиа́н, пою́щих ти сицева́я:
Стена явилась ты новым людям христианским, святая Людмила, ибо украсил тебя Владыка Христос венцами победными и десницею Своею увенчал. Потому и мощи твои в городе Праге как в святой сокровищнице хранимые и самый град благодатью ограждающие, собирают множество христиан, поющих тебе так:
Ра́дуйся, гра́да Пра́жскаго честь и похвало́;
ра́дуйся, Мора́вских земе́ль печа́льнице.
Радуйся, града Пражского честь и похвала;
радуйся, Моравских земель попечительница.
Ра́дуйся, лю́дем че́шским уте́шительнице;
ра́дуйся, за род славя́нский моли́твеннице.
Радуйся, людям чешским утешительница;
радуйся, за род славянский молитвенница.
Ра́дуйся, розго́ плодови́тая, исходя́щая от Лозы́ и́стинныя;
ра́дуйся, ве́тве благозра́чная, испуща́ющая ростки́ многоцвету́щии.
Радуйся, лоза плодоносная, исходящая от Истинной Лозы;
радуйся, ветвь благообразная, испускающая ростки многоцветущие.
Ра́дуйся, ладие́ ле́гкая, е́юже лю́дие че́шстии притеко́ша ко спасе́нию;
ра́дуйся, корми́ло тве́рдое, управля́ющее ны к Бо́жией При́стани.
Радуйся, ладья лёгкая, которой чешские люди притекли ко спасению;
радуйся, кормило твёрдое, управляющее нас к Божией Пристани.
Ра́дуйся, виногра́де зре́лый, избра́нный для до́браго вина́;
ра́дуйся, зерно́ спе́лое, угото́ванное для Небе́сныя жи́тницы.
Радуйся, виноград зрелый, избранный для доброго вина;
радуйся, зерно спелое, уготованное для Небесной житницы.
Ра́дуйся, злата́рнице вероуче́ния Христо́ва;
ра́дуйся, основа́ние тве́рдое, на не́мже Це́рковь Че́шская утвержда́ется.
Радуйся, сокровищница вероучения Христова;
радуйся, основание твёрдое, на котором Церковь Чешская утверждается.
Ра́дуйся, свята́я княги́не Людми́ло, страстоте́рпице Христо́ва.
Радуйся, святая княгиня Людмила, страстотерпица Христова!
Конда́к 11
Пе́ние похва́льное воспое́м ти, свята́я му́ченице Людми́ло, я́ко вступи́ в ополче́ние и во́инство му́ченик, и по сме́рти тле́ние и смерть побежда́еши, исцеля́еши бо слепи́и, боля́щим цельбы́ подае́ши, окова́нным разреше́ние, хромы́м хожде́ние, печа́льным уте́ху, напа́стным избавле́ние, я́ко засту́пница и покро́в всему́ ро́ду славя́нскому, те́мже тобо́ю Бо́га хва́лим: Аллилу́иа.
Пение хвалебное воспоём тебе, святая мученица Людмила, ибо ты вступила в ополчение и воинство мучеников. И после смерти тление и смерть побеждаешь, ибо исцеляешь слепых, больным исцеления подаёшь, узникам разрешение, хромым хождение, печальным утеху, бедствующим избавление. Ибо ты заступница и покров всему роду славянскому. Потому тобою Бога хвалим: Аллилуйя!
И́кос 11
Светоприе́мную свещу́ обре́тше тя, блаже́нная Людми́ло, зрим и ны́не, я́ко возжиза́еши огнь Христо́вы ве́ры, согрева́яй сердца́ лю́бящих тя и попаля́яй нече́стие злочести́вых, приводя́й же к ве́ре но́выя лю́ди. Мы же, благоподража́я тве́рдости ду́ха твоего́, христолюби́вая подви́жнице, та́коже хотя́ще тещи́ путе́м испове́дания Христо́ва, сла́вим тя:
Светоприемную свечу обретя тебя, блаженная Людмила, видим и ныне, что возжигаешь ты огонь Христовой веры, согревающий сердца любящих тебя и попаляющий нечестие злочестивых, приводящий же к вере новых людей. Мы же, подражая твёрдости духа твоего, христолюбивая подвижница, также желая течь путём исповедания Христова, славим тебя:
Ра́дуйся, свеще́ ве́ры неугаси́мая;
ра́дуйся, еле́е милосе́рдия неисчерпа́емый.
Радуйся, свеча веры неугасимая;
радуйся, елей милосердия неисчерпаемый.
Ра́дуйся, огнь, попаля́яй злоче́стие;
ра́дуйся, исто́чниче ми́лости к моля́щимся тебе́.
Радуйся, огонь, попаляющий злочестие;
радуйся, источник милости к молящимся тебе.
Ра́дуйся, ка́меню ве́ры, нас укрепля́яй;
ра́дуйся, до́жде умиле́ния, пла́мя страсте́й на́ших угаша́яй.
Радуйся, камень веры, нас укрепляющий;
радуйся, дождь умиления, пламя страстей наших угашающий.
Ра́дуйся, кла́дезю чи́стый, и́мже жа́жду на́шу утоля́еши;
ра́дуйся, струе́ сладкогла́сная, ра́достию наде́жды ны ободря́ющая.
Радуйся, кладезь чистый, которым жажду нашу утоляешь;
радуйся, струя сладкогласная, радостью надежды нас ободряющая.
Ра́дуйся, е́зеро глубоково́дное, испо́лненное чудесы́;
ра́дуйся, реко́ быстротеку́щая, зе́мли на́ша уче́нием Христо́вым омыва́ющая.
Радуйся, озеро глубоководное, исполненное чудесами;
радуйся, река быстротекущая, земли наши учением Христовым омывающая.
Ра́дуйся, мре́же златотка́нная, в ню́же лю́дие славя́нстии улови́шася;
ра́дуйся, у́дице благоду́шная, со дна страсте́й ны изыма́ющая.
Радуйся, сеть златотканная, в которую люди славянские уловились;
радуйся, удица благодушная, со дна страстей нас извлекающая.
Ра́дуйся, свята́я княги́не Людми́ло, страстоте́рпице Христо́ва.
Радуйся, святая княгиня Людмила, страстотерпица Христова!
Конда́к 12
Благода́ть снизшла́ есть на многострада́льную главу́ твою́, свята́я му́ченице Людми́ло, и ка́ко тя нарече́м: А́нгела ли? с ни́миже пребыва́еши, а́ще и пло́тски на земли́ пожила́ еси́. Челове́ка ли? оба́че ты не я́ко пе́рстнии источа́еши чудесы́. Княги́ню ли возгласи́м тя? оба́че смире́нием ума́лилася еси́. И та́ко рече́м ти: о небе́сный челове́че и земны́й А́нгеле, смире́нием во Ца́рствие прия́тая Христо́м Царем, Ему́же вси пою́т: Аллилу́иа.
Благодать сошла на многострадальную главу твою, святая мученица Людмила. И как тебя назовём: Ангела ли? — с ними пребываешь, хотя и телесно на земле жила. Человека ли? — однако ты источаешь чудеса не как простые смертные. Княгинею ли назовём тебя? — однако смирением умалилась ты. И потому скажем тебе: о небесный человек и земной Ангел, смирением в Царство принятая Христом Царём, Которому все поют: Аллилуйя!
И́кос 12
Пою́ще твое́ стра́дание, хва́лим долготерпе́ние твое́, сла́вными бо твои́ми чудесы́ напо́лнися вся вселе́нная, свя́тая страстоте́рпице Людми́ло, сме́ртию бо прия́т нетле́ние ле́по и прече́стно те́ло твое́, ди́вны и пречу́дны чудеса́ твоя́, све́тлы и красны́ мо́щи твоя́, испо́лнь благово́ния. О свята́я Людми́ло присносла́вная, не забу́ди Отече́ствия твоего́ и вси славя́нския зе́мли, иде́же вы́ну благодаря́ще пою́т ти:
Воспевая твоё страдание, хвалим долготерпение твоё, ибо славными чудесами твоими наполнилась вся вселенная, святая страстотерпица Людмила. Смертью ты обрела нетление — прекрасное и честное тело твоё. Дивны и пречудны чудеса твои, светлы и красны мощи твои, исполнены благовония. О святая Людмила приснославная, не забудь Отечества твоего и все славянские земли, где всегда, благодаря, поют тебе:
Ра́дуйся, я́ко А́нгели почуди́шася чудесе́м твои́м;
ра́дуйся, я́ко челове́цы просла́виша страда́ния твоя́.
Радуйся, что Ангелы подивились чудесам твоим;
радуйся, что люди прославили страдания твои.
Ра́дуйся, диади́мо златокова́ная, избра́нныя своя́ богому́дрием венча́ющая;
ра́дуйся, ко́шнице, доброде́тельми преиспо́лненная, ще́дро ны благода́тию пита́ющая.
Радуйся, диадима (венец) златокованная, избранных своих богомудрием венчающая;
радуйся, корзина, добродетелями исполненная, щедро нас благодатью питающая.
Ра́дуйся, же́зле незы́блемый, и́мже ве́ра Христо́ва утверди́ся;
ра́дуйся, кре́посте непристу́пная, в не́йже ве́ра правосла́вная сохрани́ся.
Радуйся, жезл незыблемый, которым вера Христова утвердилась;
радуйся, крепость неприступная, в которой вера православная сохранилась.
Ра́дуйся, свире́ле духо́вная, богодухнове́нным звуча́нием ны услажда́ющая;
ра́дуйся, цевни́це благозву́чная, хвалу́ Бо́гу по всей вселе́нней воспева́ющая.
Радуйся, свирель духовная, богодухновенным звучанием нас услаждающая;
радуйся, цевница (свирель) благозвучная, хвалу Богу по всей вселенной воспевающая.
Ра́дуйся, неуста́нная за ны моли́твеннице;
ра́дуйся, те́плая к Бо́гу за всех упова́ющих на тя хода́таице.
Радуйся, неустанная за нас молитвенница;
радуйся, тёплая к Богу за всех уповающих на тебя ходатаица.
Ра́дуйся, я́ко доброде́тели твоя́ сия́ют па́че звезд небе́сных;
ра́дуйся, я́ко плоды́ твоего́ богому́дрия не иссяка́ют сла́достию духо́вною.
Радуйся, что добродетели твои сияют ярче звёзд небесных;
радуйся, что плоды твоего богомудрия не иссякают сладостью духовной.
Ра́дуйся, свята́я княги́не Людми́ло, страстоте́рпице Христо́ва.
Радуйся, святая княгиня Людмила, страстотерпица Христова!
Конда́к 13
О свята́я му́ченице и уго́днице Христо́ва Людми́ло! Сие́ ма́лое песносло́вие от нас прие́млющи, моли́ ми́лостиваго Го́спода Бо́га на́шего, да вложи́т в нас жа́жду Ца́рствия Небе́снаго. Бу́ди хода́таица пред Бо́гом о всех к тебе́ припа́дающих, су́етство жития́ оста́вити жела́ющих, с тобо́ю в рай вни́ти взыску́ющих и Триеди́ному Бо́гу воспева́ти дерза́ющих: Аллилу́иа.
О святая мученица и угодница Христова Людмила! Прими это малое песнопение от нас и моли милостивого Господа Бога нашего, чтобы вложил Он в нас жажду Царства Небесного. Будь ходатаицей пред Богом о всех, к тебе припадающих, желающих оставить суету жития и с тобою войти в рай, и дерзающих воспевать Триединому Богу: Аллилуйя!
[Се́й конда́к глаго́лется три́жды.][Далее повторяем 1‑е икос и кондак:]
Икос 1
А́нгели приско́рбни бы́ша о нече́стии славя́н, погиба́ху бо в неве́рствии, Бог же и Творе́ц вся́ческих, хотя́й всем спасти́ся, призва́ тя от ю́ности, блаже́нная Людми́ло, зря́ благоро́дие души́ твоея́, ты же испо́лнила еси́ все смотре́ние Его́ и яви́лася еси́ испове́дница Христо́ва, сего́ ра́ди восхваля́ем тя:
Ангелы скорбели о нечестии славян, ибо гибли они в неверии. Бог же, Творец всего, желающий всем спастись, призвал тебя от юности, блаженная Людмила, видя благородство души твоей. Ты исполнила всё Его промысл и явилась исповедницей Христовой. Потому восхваляем тебя:
Ра́дуйся, Че́шския земли́ прозябе́ние;
ра́дуйся, Правосла́вия в славя́нских зе́млях нача́льнице;
Радуйся, Чешской земли прозябание;
радуйся, Православия в славянских землях начало;
Ра́дуйся, пе́рвым христиа́ном подо́бнице;
ра́дуйся, лю́дем после́дняго вре́мене пра́вило и о́браз.
Радуйся, первым христианам подобная;
радуйся, для людей последних времён правило и образ.
Ра́дуйся, ни́во плодови́тая, се́мя ве́ры Христо́вы возра́стившая;
ра́дуйся, жа́тво зре́лая, Христу́ угото́ванная.
Радуйся, нива плодоносная, семя веры Христовой возрастившая;
радуйся, жатва зрелая, Христу уготованная.
Ра́дуйся, славя́нскаго благоче́стия светоза́рный рассве́те;
ра́дуйся, язы́ческаго нече́стия че́шских племе́н ско́рый зака́те.
Радуйся, славянского благочестия светозарный рассвет;
радуйся, языческого нечестия чешских племён скорая закат.
Ра́дуйся, благове́стия посреде́ славя́н прама́ти;
ра́дуйся, со́нма славя́нских жен первому́ченице.
Радуйся, благовестия среди славян праматерь;
радуйся, сонма славянских жён первомученица.
Ра́дуйся, земли́ Че́шския забра́ло и утвержде́ние;
ра́дуйся, шле́ме и щи́те Правосла́вия.
Радуйся, земли Чешской ограда и утверждение;
радуйся, шлем и щит Православия.
Ра́дуйся, свята́я княги́не Людми́ло, страстоте́рпице Христо́ва.
Радуйся, святая княгиня Людмила, страстотерпица Христова!
Конда́к 1
Избра́нная Бо́гом уго́днице Христо́ва, страстоте́рпице свята́я Людми́ло, восхваля́ем тя досто́йно, я́ко озари́ла еси́ святы́м креще́нием всю́ Боге́мию, и столп ве́ры страны́ Мора́вския яви́лася еси́, поне́сши све́т испове́дания Христо́ва во вся зе́мли славя́нстии, сме́ртию же обре́тши нетле́нную жизнь, с во́и А́нгельскими ны́не благодерзнове́нно сла́виши Го́спода Творца́, те́мже зове́м ти: ра́дуйся, свята́я княги́не Людми́ло, страстоте́рпице Христо́ва.
Избранная Богом угодница Христова, страстотерпица святая Людмила, восхваляем тебя достойно, ибо ты озарила святым крещением всю Чехию и стала столпом веры для Моравской земли, пронеся свет исповедания Христова по всем славянским землям. Смертью же обрела ты нетленную жизнь и ныне с ангельскими воинствами дерзновенно славишь Господа Творца. Потому взываем к тебе: радуйся, святая княгиня Людмила, страстотерпица Христова!
Моли́тва
О свята́я Людми́ло, ве́рою тве́рдою, наде́ждою глубо́кою, любо́вию всепокрыва́ющею, ми́рным и кро́тким нра́вом твои́м ты в житии́ свое́м Бо́гу прилепи́лася еси, с Ни́мже и по сме́рти пребыва́еши, те́мже и о нас хода́тайствуеши, лю́ди своя́ заступа́еши, ве́рныя возвеселя́еши. Ты я́ко блага́я ма́ти вся ны любо́вию свое́ю обыми́, ни́щия и ско́рбныя при́зри, ве́ре христиа́нстей научи́! Тебе́ мо́лимся и па́мять твою́ све́тло почита́ем, о свята́я Людми́ло! Проли́й от моще́й твои́х в души́ на́ша ми́ро духо́вное, и́мже ты преиспо́лнена еси. Возжзи́ в сердца́х на́ших зарю́ дне Боже́ственнаго, да возсия́ет на нас свет Со́лнца Пра́вды, и да ходя́ще непреткнове́нно стезя́ми ве́рными чрез все житие́ на́ше, дости́гнем Ца́рствия Небе́снаго, иде́же просла́вим Спаси́теля на́шего Го́спода Иису́са Христа́ со Безнача́льным Его́ Отце́м и с Пресвяты́м Ду́хом Уте́шителем во ве́ки веко́в. Ами́нь.
О святая Людмила! Верою твёрдою, надеждою глубокою, любовью всепокрывающею, мирным и кротким нравом своим ты в жизни своей к Богу прилепилась, с Ним и по смерти пребываешь. Потому и о нас ходатайствуешь, людей своих заступаешь, верных возвеселяешь. Ты, как благая мать, всех нас любовью своею обними, нищих и скорбных призри, вере христианской научи! Тебе молимся и память твою светло почитаем, о святая Людмила! Пролей от мощей твоих в души наши миро духовное, которым ты исполнена. Возжги в сердцах наших зарю дня Божественного, чтобы воссиял на нас свет Солнца Правды, и чтобы, проходя неуклонно стезями верными через всю жизнь нашу, достигли мы Царства Небесного, где прославим Спасителя нашего Господа Иисуса Христа с Безначальным Его Отцом и с Пресвятым Духом Утешителем во веки веков. Аминь.
Комментировать