Молитвы о России


Молитва ко Господу о спасении России1

Господь Иисус Христос

Аудио:
01:45

Го́споди Иису́се Христе́, Бо́же на́ш, приими́ от на́с, недосто́йных рабо́в Твои́х, усе́рдное моле́ние сие́ и, прости́в на́м вся́ согреше́ния на́ша, помяни́ все́х враго́в на́ших, ненави́дящих и оби́дящих на́с, и не возда́ждь и́м по де́лом и́х, но, по вели́цей Твое́й ми́лости, обрати́ и́х: неве́рных ко правове́рию и благоче́стию, я́ко да ни еди́н от ни́х поги́бнет на́с ра́ди, недосто́йных; ве́рных же во е́же уклони́тся от зла́ и твори́ти благо́е.
На́с же все́х и Це́рковь Твою́ Святу́ю всеси́льною Твое́ю кре́постию от вся́каго зла́го обстоя́ния ми́лостивно изба́ви, и страну́ Росси́йскую от лю́тых враго́в и вла́сти и́х свободи́. Ве́рных рабо́в Твои́х в ско́рби и печа́ли де́нь и но́щь вопию́щих к Тебе́, многоболе́зненный во́пль услы́ши, многоми́лостиве Бо́же на́ш, и изведи́ из истле́ния живо́т и́х. Пода́ждь же ми́р и тишину́, любо́вь, и утвержде́ние, и ско́рое примире́ние лю́дем Твои́м, и́хже Честно́ю Твое́ю Кро́вию искупи́л еси́.
Но и отступившим от Тебе́, и Тебе́ не и́щущим явле́н бу́ди, вое́же ни еди́ному от ни́х поги́бнути, но все́м спасти́ся и в ра́зум и́стины приити́: да вси́ в согласнем единомы́слии и в непреста́нной любви́ просла́вят пречестно́е и́мя Твое́, терпеливоду́шне, незлобиве, Го́споди, во ве́ки веко́в. Ами́нь.

Господи Иисусе Христе, Боже наш, прими от нас, недостойных рабов Твоих, это усердное моление и, простив нам все согрешения наши, помяни всех врагов наших, ненавидящих и обижающих нас, и не воздай им по делам их, но по великой Твоей милости обрати их: неверных — к правой вере и благочестию, чтобы ни один из них не погиб из-за нас, недостойных; а верных — чтобы уклонились от зла и творили доброе.
Нас же всех и Церковь Твою Святую от всех злых бедствий всесильною Твоею крепостью милостиво избавь, и страну Российскую от лютых врагов и власти их освободи. Верных рабов Твоих, в скорби и печали день и ночь взывающих к Тебе, многоболезненный вопль услышь, многомилостивый Боже наш, и избавь жизнь их от тления. Подай же мир и тишину, любовь, и твердость, и скорое примирение людям Твоим, которых Почитаемой Твоею Кровью искупил.
Но и отступившим от Тебя, и Тебя не ищущим дай возможность познать Тебя, чтобы ни один из них не погиб, но чтобы все спаслись и пришли к познанию истины, дабы все в единодушном согласии и в непрестанной любви прославили почитаемое имя Твое, терпеливый и незлобивый, Господь, вовеки. Аминь.

* * *

Молитва ко Господу о России

Аудио:
02:10

На Отчи́зну на́шу, Росси́ю, изле́й благода́ть Твою́, Бо́же! Да соединя́тся все́ наро́ды, ее населяющие, в одну́ семью, Тебя́, Отца́ Небесного, единомы́сленно исповедающую, всю́ жи́знь свою́ единоду́шно по ве́ре устроя́ющую, да бу́дет еди́но ста́до и еди́ный Па́стырь, да бу́дет хле́б насу́щный и духо́вный для все́х без изъя́тия. Да бу́дет ми́р и любо́вь между́ все́ми и да бу́дут безси́льны ко́зни враго́в вну́тренних и вне́шних, злы́х се́ятелей пле́вел на ни́ве Твое́й, писа́нием, сло́вом или́ де́лом вносящих шаткость в умы́, го́речь в се́рдца, собла́зн, раздор и вся́кую скве́рну в жи́знь.
Пошли́, Го́споди, де́лателей до́брых на ру́сскую ни́ву Твою́, да огласят они́ ее глаголами пра́вды Твое́й, да просветя́т ее приме́ром жи́зни по ве́ре. Пошли́, Го́споди, наро́ду чуткость се́рдца, да разуме́ет о́н святы́е ре́чи избра́нников Твои́х, да разуме́ет о́н святу́ю во́лю Твою́ и неизме́нно и с ра́достию твори́т ее, да бу́дет Ру́сь вои́стину свя́та, да соедини́тся она́ единомы́сленно и единоду́шно в одно́ вели́кое Бра́тство Христо́во, мы́слию, сло́вом и де́лом ве́рное Бо́гу и Христу́ Его́. Да бу́дет Ру́сь на́ша по́длинно церко́вной державой, во все́х дела́х свои́х руководствующейся уче́нием правосла́вной Це́ркви.
Го́споди, Влады́ко ми́ра! Посети́ страну́ на́шу благода́тию Свое́ю, да облече́тся она́ свя́тостию, я́ко ри́зою, и да бу́дут сы́ны ее во смире́нии свое́м досто́йны оде́жды брачной, в не́йже вни́ти надлежи́т в черто́г Ца́рствия Твоего́. Ами́нь.

* * *

Молитва ко Господу об Отечестве исп. Николая (Могилевского), митрополита Алма-Атинского2

Господь Иисус Христос

Аудио:
02:03

Го́споди Бо́же, Спаси́телю на́ш! К Тебе́ припа́даем с сокруше́нным се́рдцем и испове́дуем грехи́ и беззако́ния на́ша, и́ми же раздражи́хом Твое́ благоутро́бие и затвори́хом щедро́ты Твоя́. Сего́ ра́ди пра́ведный су́д Тво́й пости́же на́с, Го́споди: раздо́ры и нестрое́ния объя́ша на́с, уби́йства и кровопроли́тия, вражда́ и зло́ба умно́жишася до зела́.
Но, Премилосе́рдый Го́споди, при́зри с высоты́ Святы́я Твоея́ на сле́зныя мольбы́ ни́щих ско́рбных люде́й Твои́х, преложи́ гне́в Тво́й на милосе́рдие и да́ждь на́м по́мощь от ско́рби. Ве́мы, я́ко от ле́т дре́вних в годи́ны искуше́ний страна́ на́ша то́кмо ве́рою Христо́вою от ги́бели спаса́шеся, то́кмо моли́твою и слеза́ми покая́ния от ко́зней и сете́й вра́жиих избавля́шеся.
Сего́ ра́ди во умиле́нии се́рдца вопие́м Тебе́: охрани́ и ны́не Оте́чество на́ше от враго́в, губя́щих е́, воспламени́ в сердца́х на́ших любо́вь к Це́ркви Твое́й Свято́й и научи́ на́с кре́пко, да́же до сме́рти стоя́ти за ве́ру святу́ю Твою́ и за сла́ву И́мени Твоего́ Свята́го, и та́ко утверди́ и воспросла́ви Це́рковь Твою́ всеси́льною кре́постию Твое́ю и от вся́каго зла́го обстоя́ния изба́ви ю́.
О распе́нших Тя́ моли́вый, Го́споди, и рабо́м Твои́м о вразе́х моли́тися повеле́вый, ненави́дящих и оби́дящих на́с прости́, не возда́ждь и́м, Го́споди, по дело́м и́х и по лука́вству начина́ния и́х, не ве́дят бо, что́ творя́т, но к братолюбному и доброде́тельному наста́ви жи́тельству, да обратя́тся к Тебе́, своему́ Влады́це, и ку́пно с сына́ми Це́ркви Твоея́, просла́вят Тебе́ Еди́наго в Тро́ице сла́вимаго Бо́га во ве́ки веко́в. Ами́нь.

Господи Боже, Спаситель наш! К Тебе припадаем с сокрушенным сердцем и исповедуем грехи и беззакония наши, которыми мы оскорбили Твое милосердие и закрыли Твои щедроты. Потому праведный суд Твой постиг нас, Господи: раздоры и беспорядки охватили нас, убийства и кровопролития, вражда и злоба умножились чрезвычайно.
Но, Премилосердый Господи, взгляни с высоты Святыни Твоей на слезные мольбы бедных и скорбных людей Твоих, преврати гнев Твой в милость и дай нам помощь от скорби. Мы знаем, что от лет древних в годины испытаний страна наша только верою Христовою от гибели спасалась, только молитвою и слезами покаяния от козней и сетей вражеских избавлялась.
Поэтому в умилении сердца взываем к Тебе: охрани и ныне Отечество наше от врагов, губящих его, воспламени в сердцах наших любовь к Церкви Твоей Святой и научи нас твердо, даже до смерти стоять за веру святую Твою и за славу Имени Твоего Святого, и так утверди и прославь Церковь Твою всесильной крепостью Твоею и от всякого злого обстояния избавь ее.
Ты, Господи, молившийся за распинавших Тебя и повелевший рабам Твоим молиться за врагов, — прости ненавидящих и обижающих нас, не воздай им, Господи, по делам их и по лукавству замыслов их, ибо они не ведают, что творят, но к братолюбивой и добродетельной жизни их направь, чтобы обратились они к Тебе, своему Владыке, и вместе с сынами Церкви Твоей прославили Тебя, Единого в Троице славимого Бога, во веки веков. Аминь.

* * *

Молитва по соглашению о спасении России

Аудио:
01:05

Го́споди Бо́же наш, Иису́се Хри́сте, Пречи́стыми Твои́ми уста́ми Ты сказа́л нам: «Е́сли дво́е из вас соглася́тся на земле́ проси́ть о вся́ком де́ле, то чего́ бы ни попроси́ли, бу́дет им от Отца́ Моего́ Небе́сного».
С глубо́кой ве́рой в непрело́жность слов Твои́х и безме́рное милосе́рдие Твое́ про́сим Тебя́ услы́шать всех моля́щихся рабо́в Твои́х, согласи́вшихся смире́нно проси́ть Тебя́ об умноже́нии любви́ и искорене́нии вся́кого зла и не́нависти в Росси́и, о спасе́нии и благополу́чии страны́ на́шей, о ве́ре и му́дрости ру́сских прави́телей и любви́ их к своему́ наро́ду.
Одна́ко не как мы хоти́м, а как Ты, Го́споди; да бу́дет на все во́ля Твоя́ свята́я. Ами́нь.

* * *

Покаянная молитва ко Господу во дни смуты

Аудио:
01:32

Го́споди, Бо́же Вседержи́телю, при́зри на на́с, гре́шных и недосто́йных ча́д Твои́х, согреши́вших пред Тобо́ю, прогне́вавших бла́гость Твою́, навлекших гне́в Тво́й пра́ведный на ны́, па́дших во глубину́ грехо́вную.
Ты́ зри́ши, Го́споди, не́мощь и ско́рбь душе́вную, ве́си растле́ние умо́в и серде́ц на́ших, оскуде́ние ве́ры, отступле́ние от за́поведей Твои́х, умноже́ние нестрое́ний семе́йных, разъединения и раздо́ры церко́вныя, Ты́ зри́ши печа́ли и ско́рби на́ша, от боле́зней, гла́дов и междоусо́бныя бра́ни происходящия.
Но, Премилосе́рдый и Человеколюби́вый Го́споди, вразуми́, наста́ви и поми́луй на́с, недосто́йных. Испра́ви жи́знь на́шу грехо́вную, утоли́ раздо́ры и нестрое́ния, собери́ расточе́нныя, соедини́ разсе́янныя, пода́ждь ми́р стране́ на́шей и изба́ви ю́ от тя́жких бе́д и несча́стий.
Всесвяты́й Влады́ко, просвети́ ра́зум на́ш све́том уче́ния Ева́нгельскаго, возгре́й сердца́ на́ша теплото́ю благода́ти Твоея́ и напра́ви я́ к де́ланию за́поведей Твои́х, да просла́вится в на́с всесвято́е и пресла́вное и́мя Твое́, Отца́ и Сы́на и Свята́го Ду́ха, ны́не и во ве́ки веко́в. Ами́нь.

Господи, Боже Вседержитель, взгляни на нас, грешных и недостойных чад Твоих, согрешивших пред Тобою, прогневавших благость Твою, навлекших гнев Твой праведный на нас, падших во глубину греховную.
Ты видишь, Господи, немощь и скорбь душевную, знаешь растление умов и сердец наших, оскудение веры, отступление от заповедей Твоих, умножение нестроений семейных, разъединения и раздоры церковные. Ты видишь печали и скорби наши, от болезней, голода и междоусобной брани происходящие.
Но, Премилосердый и Человеколюбивый Господи, вразуми, направь и помилуй нас, недостойных. Исправь жизнь нашу греховную, утиши раздоры и смуты, собери рассеянных, соедини разрозненных, подай мир стране нашей и избавь ее от тяжких бед и несчастий.
Всесвятой Владыка, просвети разум наш светом учения евангельского, согрей сердца наши пылом благодати Твоей и направь их к исполнению заповедей Твоих, да прославится в нас всесвятое и преславное имя Твое, Отца и Сына и Святого Духа, ныне и вовеки. Аминь.

* * *

Молитвы ко Пресвятой Богородице о России

Богородица

Аудио:
00:16

Засту́пнице земли́ Росси́йстей и непреста́нная за нас моли́твеннице, мир наро́ду у Го́спода испроси́, да святи́тся в нас и́мя Бо́жие во ве́ки. Ами́нь.

Пред иконой Божией Матери «Державная»

Молитва 1-я

Держа́вная Влады́чице Пресвята́я Богоро́дице, на объя́тиих Свои́х держа́щая содержа́щаго всю вселе́нную Царя́ Небе́снаго! Благодари́м Тя за неизрече́нное милосе́рдие Твое́, я́ко благоволи́ла еси́ яви́ти нам гре́шным и недосто́йным сию́ святу́ю и чудотво́рную ико́ну Твою́ во дни сии́ лука́выя и лю́тыя, я́ко вихрь, я́ко бу́ря ве́тренняя наше́дшая на страну́ на́шу, во дни уничиже́ния на́шего и укоре́ния, во дни разоре́ния и поруга́ния святы́нь на́ших от люде́й безу́мных, и́же не то́чию в се́рдце, но и уста́ми де́рзостно глаго́лют: несть Бог; и в де́лех сие́ безбо́жие показу́ют.

Благодари́м Тя́, Засту́пнице, я́ко призре́ла еси́ с высоты́ святы́я Своея́ на ско́рби на́ша и го́ре чад правосла́вных, и я́ко со́лнце све́тлое, увеселя́еши изнемо́гшия от печа́ли очеса́ на́ша пресла́достным зре́нием Держа́внаго о́браза Твоего́.

О, преблагослове́нная Ма́ти Бо́жия, Держа́вная Помо́щнице, кре́пкая Засту́пнице! Благодаря́ще Тя со стра́хом и тре́петом, я́ко раби́ непотре́бнии, припа́даем Ти со умиле́нием, с сокруше́нием серде́чным и со слеза́ми, и мо́лим Тя, и стеня́ще вопие́м Ти: спаси́ нас, спаси́! Помози́ нам, помози́! Потщи́ся: погиба́ем! Се живо́т наш а́ду прибли́жися; се обыше́дше обыдо́ша нас греси́ мно́зи, бе́ды мно́зи, врази́ мно́зи.

О Небе́сная Цари́це! Скипе́тром вла́сти Твоея́ Боже́ственныя разсе́й, я́ко прах, я́ко дым, нечести́выя ко́зни враго́в на́ших ви́димых и неви́димых, сокруши́ велеречи́выя помышле́ния их и запрети́ им, и я́ко Ма́ти всех, на путь пра́вый и богоуго́дный наста́ви их.

Вкорени́ в сердца́ всех нас пра́вду, мир и ра́дость о Ду́се Свя́те; водвори́ в стране́ на́шей тишину́, благоде́нствие, безмяте́жие, любо́вь друг к дру́гу нелицеме́рную.

Держа́вою Твое́ю всеси́льною удержи́, Пречи́стая, пото́ки беззако́ния, хотя́щие потопи́ти зе́млю Ру́сскую в стра́шней пучи́не свое́й. Поддержи́ нас сла́бых, малоду́шных, не́мощных и уны́лых, укрепи́, возста́ви и спаси́: я́ко под держа́вою Твое́ю всегда́ храни́ми, пое́м и велича́ем Пречестно́е и Великоле́пое и́мя Твое́, ны́не и при́сно и во ве́ки веко́в. Ами́нь.

Молитва 2-я

О, ми́ра Засту́пнице, Ма́ти Всепе́тая! Со стра́хом, ве́рою и любо́вию припа́дающе пред честно́ю ико́ною Твое́ю «Держа́вною», усе́рдно мо́лим Тя: не отврати́ лица́ Твоего́ от прибега́ющих к Тебе́.

Умоли́, милосе́рдная Ма́ти све́та, Сы́на Твоего́ и Бо́га на́шего, Сладча́йшаго Го́спода Иису́са Христа́, да сохрани́т в ми́ре страну́ на́шу, да утверди́т держа́ву на́шу в благоде́нствии и изба́вит нас от междоусо́бныя бра́ни; да укрепи́т Святу́ю Це́рковь на́шу Правосла́вную, и непозы́блему соблюде́т ю от неве́рия, раско́ла и е́ресей.

Не и́мамы бо ины́я по́мощи, ра́зве Тебе́, Пречи́стая Де́во: Ты еси́ всеси́льная христиа́н Засту́пница пред Бо́гом, пра́ведный гнев Его́ умягча́ющая. Изба́ви всех, с ве́рою Тебе́ моля́щихся, от паде́ний грехо́вных, от наве́та злых челове́к, от гла́да, ско́рбей и боле́зней.

Да́руй нам дух сокруше́ния, смире́ние се́рдца, чистоту́ помышле́ний, исправле́ние грехо́вныя жи́зни и оставле́ние согреше́ний на́ших; да вси, благода́рне воспева́юще вели́чия Твоя́, сподо́бимся Небе́снаго Ца́рствия, и та́мо со все́ми святы́ми просла́вим Пречестно́е и Великоле́пое и́мя в Тро́ице сла́вимаго Бо́га: Отца́, Сы́на и Свята́го Ду́ха. Ами́нь.

* * *

Святителю Тихону, патриарху Московскому3

Святитель Тихон (Белавин) Московский

Аудио:
02:46

О, па́стыре наш до́брый, святы́й вели́кий Патриа́рше Ти́хоне, я́ко град го́рний ты яви́лся еси́ — до́брая дела́ твоя́ и доны́не све́тятся пред челове́ки. Ве́мы, я́ко ты, предстоя́ престо́лу Пресвяты́я Тро́ицы, ве́лие и́маши дерзнове́ние в моли́твах пред Го́сподем.
Воззри́ и ны́не на нас, гре́шных и недосто́йных чад твои́х, к тебе́ бо, я́ко иму́щему ве́лие дерзнове́ние пред Творце́м вся́ческих, ны́не припа́даем и усе́рдно мо́лимся: умоли́ Го́спода, да пода́ст нам реши́мость стяжа́ть благоче́стие отце́в на́ших, его́же ты стяжа́л еси́ от ю́ности твоея́.
Ты в житии́ свое́м ре́вностный защи́титель и храни́тель и́стинныя ве́ры был еси́, помози́ и нам незы́блемо соблюсти́ ве́ру Правосла́вную. Ти́хая душа́ твоя́ зело́ преуспе́ла в боже́ственном смиренному́дрии, научи́ и нас ра́зум наш пита́ти не многомяте́жной му́дростию челове́ческой, но смире́нным позна́нием во́ли Бо́жией. Ты пред лице́м лю́тых враго́в Христо́вых И́стиннаго Бо́га дерзнове́нно испове́дал еси́, моли́твою свое́ю укрепи́ нас, малоду́шных, да и мы всегда́ и всю́ду противоста́нем ду́ху безбо́жия и льсти.
Ей, уго́дниче Бо́жий, не пре́зри нас, моля́щихся тебе́ (имена), и́бо не то́кмо от бед и скорбе́й избавле́ния про́сим, но си́лы и тве́рдости, великоду́шия и любви́ про́сим, да́бы переноси́ть о́ныя напа́сти, востаю́щия на ны. Испроси́ нам неосла́бное терпе́ние да́же до конца́ жития́ на́шего, мир с Го́сподом и грехо́в отпуще́ние.
О́тче святы́й! Укроти́ в стране́ на́шей ве́тры неве́рия и сму́ты, да водвори́т Госпо́дь на земле́ Росси́йстей тишину́ и благоче́стие и любо́вь нелицеме́рную. Моли́твами твои́ми да сохрани́т ю от междоусо́бныя бра́ни, да укрепи́т Святу́ю Це́рковь на́шу Правосла́вную, да не оскуде́ет она́ и́стинными па́стырями, до́брыми де́лателями, пра́во пра́вящими сло́во Ева́нгельской и́стины. Упаси́ и заблу́ждшия о́вцы ста́да Христо́ва.
Наипа́че же моли́ Го́спода сил, да возроди́тся Ру́сская земля́ святы́м покая́нием, и еди́ным се́рдцем и еди́ными усты́ просла́вит Ди́внаго во святы́х Свои́х Бо́га в Тро́ице сла́вимаго, Отца́ и Сы́на и Свята́го Ду́ха во ве́ки веко́в. Ами́нь.

О добрый наш пастырь, святой великий патриарх Тихон! Ты явился как город на вершине горы – добрые дела твои и поныне светятся перед людьми. Мы знаем, что ты, предстоя Престолу Пресвятой Троицы, имеешь великое дерзновение в молитвах перед Господом.
Взгляни и ныне на нас, грешных и недостойных чад твоих, ибо к тебе как имеющему великое дерзновение перед Творцом всего ныне припадаем и усердно молимся: умоли Господа, да подаст нам решимость обретать благочестие отцов наших, которое ты стяжал с юности твоей.
Ты в жизни своей ревностный защитник и хранитель истинной веры был, помоги и нам непоколебимо сохранить веру православную. Ибо кроткая душа твоя весьма преуспела в Божественном смиренномудрии: научи и нас разум наш питать не мятежной мудростью человеческой, но смиренным познанием воли Божией. Ты перед лицом лютых врагов Христовых истинного Бога дерзновенно исповедал, молитвою своею укрепи нас, малодушных, чтобы и мы всегда и всюду противостояли духу безбожия и обмана.
О угодник Божий, не пренебреги нами, молящимися тебе (имена), ибо не только от бед и скорбей избавления просим, но силы и твердости, великодушия и любви просим, чтобы переносить напасти, восстающие на нас. Испроси нам неослабевающее терпение даже до конца жизни нашей, мир с Господом и прощение грехов.
Отец святой! Усмири в стране нашей ветры неверия и смуты, да водворит Господь на земле Российской тишину и благочестие и любовь нелицемерную. Молитвами твоими да сохранит Он ее от междоусобной войны, да укрепит святую Церковь нашу Православную, да не оскудеет она истинными пастырями, добрыми деятелями, правильно толкующими слово евангельской истины; верни на путь истинный и заблудших овец стада Христова.
Особенно же моли Господа сил, да возродится Русская земля святым покаянием и единым сердцем и едиными устами прославит дивного во святых Своих Бога, в Троице славимого Отца, и Сына, и Святого Духа, вовеки. Аминь.

* * *

Святым новомученикам и исповедникам Российским

Собор новомучеников и исповедников Церкви Русской

Аудио:
02:12

Святи́и новому́ченицы и испове́дницы Це́ркве Росси́йския, услы́шите усе́рдную мольбу́ на́шу! Ве́мы, я́ко не́ции от вас, еще́ о́троцы су́ще, послу́шающе о дре́влих страстоте́рпцех, в се́рдце свое́м помы́слиша, коли́ко прелюбе́зно и доброхва́льно есть таковы́м подража́ти, и́хже ни му́ки, ни смерть не разлучи́ша от любве́ Бо́жия.
Бла́го же вам, я́ко после́довали есте́ ве́ре и терпе́нию тех, о ни́хже слы́шасте и и́хже возлюби́сте. А поне́же на вся́кое вре́мя возмо́жно е́сть наити́ на ны́ испыта́нием неча́янным, испроси́те от Го́спода нам му́жества дар, иже толи́ко благопотре́бен есть в житии́ челове́честем.
Вся концы́ оте́чества на́шего страда́ньми свои́ми освяти́вшии, я́ко о́бщии за вся́ ны моли́твенницы, умоли́те Бо́га, изба́вити лю́ди Своя́ от и́га, ужа́снейшаго па́че вся́каго ино́го. Да упраздня́тся раско́лы в Це́ркви на́шей, да бу́дут вси́ еди́но и да изведе́т Госпо́дь на жа́тву де́латели Своя́, си́есть да не оскудева́ет Це́рковь па́стырьми до́брыми, и́же и́мут просвеща́ти све́том и́стинныя ве́ры сто́ль вели́кое мно́жество люде́й, ве́ре ненауче́нных или от ве́ры отврати́вшихся.
Недосто́йни есмы́ ми́лости Бо́жия, оба́че страда́ний ра́ди ва́ших Христо́с Бог наш да уще́дрит и поми́лует всех нас, в по́мощь вас призыва́ющих. Мы же Ему́, Спаси́телю на́шему со Отце́м и со Святы́м Ду́хом, сокруше́ние о гресе́х и благодаре́ние за вся́ всегда́ да прино́сим, сла́вяще Его́ во ве́ки веко́в. Ами́нь.

Молитва преподобному Иоанну Кущнику

К преподобному Иоанну Кущнику обращаются с молитвами те, кто живет вдали от родины и тоскует по ней.

О, свяще́нная главо́, преподо́бне о́тче, преблаже́нне а́вво Иоа́нне! Не забу́ди убо́гих твои́х до конца́, но помина́й нас всегда́ во святы́х и благоприя́тных моли́твах к Бо́гу: помяни́ ста́до твое́, е́же сам упа́сл еси́, и не забу́ди посеща́ти чад твои́х.

Моли́ за ны, о́тче свяще́нный, за де́ти твоя́ духо́вныя, я́ко име́яй дерзнове́ние к Небе́сному Царю́: не премолчи́ за ны ко Го́споду, и не пре́зри нас, ве́рою и любо́вию чту́щих тя: помина́й нас недосто́йных у Престо́ла Вседержи́телева, и не преста́й моля́ся о нас ко Христу́ Бо́гу, и́бо дана́ тебе́ бысть благода́ть за ны моли́тися.

Не мним бо тя су́ща ме́ртва: а́ще бо те́лом и преста́вился еси́ от нас, но и по сме́рти жив сый пребыва́еши, не отступа́й от нас ду́хом, сохраня́я нас от стрел вра́жиих и вся́кия пре́лести бесо́вския и ко́зней диа́вольских, па́стырю наш до́брый.

А́ще бо и моще́й твои́х ра́ка пред очи́ма на́шима ви́дима есть всегда́, но свята́я твоя́ душа́ со а́нгельскими во́инствы, со безпло́тными ли́ки, с Небе́сными си́лами, у Престо́ла Вседержи́телева предстоя́щи, досто́йно весели́тся, ве́дуще у́бо тя вои́стину и по сме́рти жи́ва су́ща, тебе́ припа́даем и тебе́ мо́лимся: моли́ся о нас Всеси́льному Бо́гу, о по́льзе душ на́ших, и испроси́ нам вре́мя на покая́ние, да невозбра́нно пре́йдем от земли́ на Не́бо, от мыта́рств же го́рьких, бесо́в возду́шных князе́й и от ве́чныя му́ки да изба́вимся, и Небе́снаго Ца́рствия насле́дницы да бу́дем со все́ми пра́ведными, от ве́ка угоди́вшими Го́споду на́шему Иису́су Христу́: Ему́ же подоба́ет вся́кая сла́ва, честь и поклоне́ние, со Безнача́льным Его́ Отце́м, и с Пресвяты́м и Благи́м и Животворя́щим Его́ Ду́хом, ны́не и при́сно, и во ве́ки веко́в. Ами́нь.

Молитва преподобному Савве, игумену Сторожевскому, Звенигородскому

Преподобный Савва Сторожевский – один из наиболее известных русских святых. Считается защитником Москвы и покровителем правителей.

О, пречестна́я и свяще́нная главо́! Небе́снаго Иерусали́ма граждани́не, Пресвяты́я Тро́ицы обита́лище, преподо́бне о́тче Са́вво! Ве́лие име́я дерзнове́ние ко Всеми́лостивому Влады́це, моли́ся о ста́де огра́ды твоея́ и о всех по ду́ху ча́дех твои́х. Не премолчи́ за ны ко Го́споду и не пре́зри ве́рою и любо́вию чту́щих тя.

Испроси́ предста́тельством твои́м у Царя́ ца́рствующих мир Це́ркви, под зна́мением креста́ вои́нствующей, архиере́ом святи́тельства благоле́пие, мона́шествующим до́брое в по́двизех тече́ние; святе́й оби́тели сей, гра́ду сему́ и всем гра́дом и стра́нам охране́ние; ми́ру безмяте́жие и мир, гла́да и па́губы избавле́ние; ста́рым и немощны́м утеше́ние и подкрепле́ние, ю́ным и младе́нцам благо́е в ве́ре возраста́ние, в Ева́нгельском уче́нии тве́рдое обуче́ние, и в чистоте́ и целому́дрии пребыва́ние; вдови́цам и сиро́там ми́лость и заступле́ние, плене́нным отра́ду и возвраще́ние, боля́щим исцеле́ние, малоду́шным успокое́ние, заблу́ждшим исправле́ние, согреша́ющим дух сокруше́ния, бе́дствующим благовре́менну по́мощь.

Не посрами́ нас, к тебе́ с ве́рою притека́ющих, споспе́шествуй, я́ко чадолюби́вый оте́ц ча́дам, и нам понести́ и́го Христо́во во благоду́шии и терпе́нии, и всех упра́ви в ми́ре и покая́нии сконча́ти живо́т свой непосты́дно и пресели́тися со упова́нием во оби́тели Небе́сныя. Иде́же ты, по труде́х и по́двизех, ны́не водворя́ешися со А́нгелы и Святы́ми, зря и прославля́я Бо́га, в Тро́ице сла́вимаго, Отца́, и Сы́на, и Свята́го Ду́ха. Ами́нь.

Молитва преподобному Ферапонту Белоезерскому, Можайскому

Преподобный Ферапонт Белоезерский – великий молитвенник за Русскую землю. Прославился подвигом деятельного служения ближним и духовного просвещения Отечества.

О, всечестны́й и преблаже́нный о́тче наш Ферапо́нте! Тебе́ даде́ся благода́ть моли́тися о нас, и ве́мы, я́ко, предстоя́ Престо́лу Го́спода, при́сно явля́еши любо́вь твою́ к нам непреста́нными о нас твои́ми хода́тайствы.

Но поне́же мы ежеча́сно умножа́юще грехи́ на́ша, кра́йняго твоего́ отвраще́ния досто́йни сотвори́хомся, сего́ ра́ди в покая́нии, со слеза́ми припа́дающе, мо́лим тя: не премени́ твое́й ми́лости к нам на гнев за нече́стия и скве́рны на́ша, яви́ у́бо нам ми́лость твою́ до конца́ и согреша́ющих нас очи́сти твои́ми моли́твами, возведи́ к покая́нию, укрепи́ на дела́ блага́я, сохрани́ в Правосла́вии и во вся́кой святы́ни.

Да́руй нам пребыва́ти в ми́ре, тишине́ и братолю́бии, испроси́ нам времена́ безмяте́жна и изоби́лие плодо́в земны́х, изба́ви от огня́, и от потопле́ния, и от лю́тых боле́зней, и от смертоно́сныя я́звы.

Посли́ тружда́ющимся благи́й успе́х, путеше́ствующим путь безпреткнове́нный, в мо́ри пла́вающим приста́нище ти́хое, плене́нным осла́бу и освобожде́ние, си́рым по́мощь и заступле́ние, во́инству на́шему ве́рность, му́жество и побе́ду и всем нам вся поле́зная ко вре́менней и ве́чней жи́зни.

Да любо́вию твое́ю огражде́ннии, благода́рственная всегда́ пое́м просла́вившему тя Го́споду Иису́су Христу́, Ему́же подоба́ет вся́кая сла́ва и честь со Безнача́льным Его́ Отце́м и с Пресвяты́м и Животворя́щим Его́ Ду́хом во ве́ки веко́в. Ами́нь.


Комментировать
Вы должны войти, чтобы оставить комментарий.

18 комментариев

  • Галина 16 апр.
    Есть благословение о семичасной молитве: в 6 часов, в 9 часов, в 12 часов, в 15 часов, в 18 часов, в 21 час и в 24 часа — семь раз в день. Раньше на Руси молились в эти часы о чем- то важном. Время местное. Получается, что здесь окончили молитву, а на другом конце ее подхватили и так молитва идет непрестанно.
  • Роман 09.03.22
    Добрый день православные, есть вопрос , в молитве пишется «ее» , а если слушать батюшка говорит «её» , почему не присутствует буква «ё».
    • Татьяна Роман 13.12.22
      Добрый вечер! Благодарю за такое великое дело -общую молитву. Спасибо организаторам сайта и всем добрым христианам, присоединившимся. А местоимение должно бы звучать и записываться по-церковно-славянски — Ея.
    • Редактор Роман 15.03.22
      Роман, здравствуйте! В церковнославянском языке нет буквы ё.
      • Ирина Редактор 07.08.25
        Добрый день! В таком случае правильно на церковнославянском нужно читать «ее»?
        • свящ. Антоний Лунин ☦ Ирина 07.08.25
          Местоимения «ее» (её) в церковнославянском языке нет.
          Есть местоимение «ея».
          А если написано «ее» — это значит либо русский, либо «полурусский», адаптированный.
          Читать следует либо по-русски, «её», либо переводить, «ея».
  • Участник 04.03.22
    Спаси Господи люди твоя. Зашла на этот сайт и легче на душе стало, сколько молитв о России. Давайте все вместе молится за Россию и весь православный мир. Да и за весь Христианский мир. Вместе мы сильнее. Спаси нас Господи.
  • Анна 04.09.20
    Подскажите, пожалуйста, нет ли опечатки в молитве к Прествятой Богородице — «Засту́пнице земли́ Росси́йстей» ?
  • Елена 05.08.20
    Присоединяюсь