Ж

Брат некий в обители смиренно живяше,

и без прекословия началных слушаше.

Тамо близ бяше блато, во нем же живяху

многи жабы и воплем своим досаждаху

Молящымся²¹³ иноком. Такожде²¹⁴ случися

жабам кричати, егда жертва приносися.

Началник, не претерпев, инока послаше,

да велит им молчати, ему завещаше.

Се же рече смеяся, а брат послушливый,

вправду посланна себе быти помысливый,

Иде к жабам и рече: Именем Христовым,

завещаю вам, жабы, не быти таковым.

Престаните отселе досадно кричати.

Оттоле гласа тамо жаб не бе слышати.

Ныне же человеци, во церкви стояще,

мол бы си при безкровной жертве приносяще,

Многим глаголанием досады творяют.

Речеши ли молчати, никако слушают.

Еще огорчившеся, хулят иерея,

обличения злобы не любят своея.

Наипаче²¹⁵ сокочут²¹⁶ язычныя бабы,

досаждающе паче, неже овы жабы.

Тщитеся убо, бабы, жабы подражати,

во время жертв духовных глас свой удержати.

На ниве мира сего демон – севбы жатель,

Бог же – токмо оставших класов собиратель.

Их же не може демон серпом си заяти,

Тыя Бог²¹⁷ благоволит в гумно Си²¹⁸ взимати.

Родителем древяный жезл буди на чада,

да не страждут железна от судии града.

Уне в дому древяным в детстве оны быти²¹⁹,

неже возратших²²⁰ градским железом казнити.

2

Моисий донеле же жезл в руце си держаше,

не что ино, точию жезл древяный бяше.

Егда же й поверже, в змия превратися,

даже и Моисий его зело устрашися.

Тако, аще на чада жезл в руках бывает

отчих, наказания жезл он пребывает,

Не могущ умертвите. Аще же пустится

из руку, тогда в змия люта претворится,

Абие бо ко грехом чада ся склоняют,

и теми уязвлени бывше, умирают.

3

Жезл Ааронов сухий цветы и плод даше,

егда разсуждение о священстве бяше.

Жезл, и от Иессея корене рожденный,

без искуса мужеска у плод отворенный,

Пренесе²²¹ нам плод Христа, чистая Мария,

ей же в чистоте мир весь не виде точныя.

4

Аще единою пес жезлом ударится,

уже на всяко время жезла он боится.

Адский пес жезлом крестным пораженный

единою о²²² Христа, но есть устрашенный

Излиха, тем же, аще где крест созерцает,

не терпя силы его, всескоро гонзает.

Многих сердц²²³ желания²²⁴ Бог не исполняет,

да, яже им спасенна, теми надаряет.

Зелену лву траву аще появиши,

алчбы во сирищи²²⁵ его не взбудиши,

Яко по естеству к траве не сложися,

но мяса зверь лютый ясти научися.

Противне, чрез мясо²²⁶, телцу предложенно,

алкание в чреве не будет рожденно,

Яко не обыче он мяса снедати,

но травою токмо чрево си питати.

Сице плотским людем глагол о небесных

несть в сладость, но слово сладко от²²⁷ телесных.

Духовну же мужу мерзка телесная,

желание родят, яже небесная.

Желанием край Бог есть. Он упокояет²²⁸

желателства сердц наших, Он вся удовляет,

А прежде, неже Его может кто стяжати,

и всем миром не мощно покоя прияти.

Ищет сердце желанми утехи конечны,

яже несть во всей твари, та бо²²⁹ Сам Бог вечны,

Ибо Того стяжавый не к тому желает

ино нечто, ибо вся²³⁰ в Бозе обретает.

2

Игла корабленная²³¹, магнитом тренная,

не будет в движении упокоенная,

Даже прямо северу обращенна будет,

тогда от трясения в покои пребудет.

Тако от желания мы не утолимся,

даже лицем Божиим в небе усладимся.

Карфагинский град древле врази обступиша

и чрез долгое время гражданы нудиша.

Силнии силный отпор²³³ врагом си²³⁴ творяху,

даже лучныя верви им оскудеваху.

Не имевшым же шелка тех на творение,

жены сотвориша глав своих стрижение.

Отдаша власы своя на потребы ратны,

и бе дар их гражданом преблагоприятны,

Ибо из тех вервицы к луком сотвориша,

от супостатов град свой²³⁵ добре защитиша.

2

Адам не змием ветхим прелщен бяше,

но от супруги, юже зле любяше,

Зане изволи Бога прогневити,

нежели Евву мало оскорбити²³⁶.

Многи и ныне²³⁷ мужи²³⁸ жены лщают,

ума и правды и неба лишают.

3

Нин царь Семирамиду толико любяше

подложницу, яко же сам оней служаше.

Та, видящи плененна царя себе быти,

рече к нему: О царю, хощу тя просити

О вещь едину, токмо не могу²³⁹ дерзати,

да бы отречением срама не прияти.

Царь рече: О царице любезная зело,

ничто ти отреку аз, извести ми смело.

Она лстивыя речи²⁴⁰ нача глаголати,

ласканием царское²⁴¹ сердце умягчати:

О, царю прелюбезный, аще мя любиши,

едино прошение да ми²⁴² исполниши.

Имам злата и сребра излише²⁴³ от Тебе,

и самаго ты еси мне поручил себе.

Едины токмо вещы²⁴⁴ лищенна тобою,

но, молю, ты мя тоя сподоби собою.

Желание ми в сердцы по вся дни стужает

и возвеселитися, право, мне не дает²⁴⁵.

Хотение мя томит, да мя ты почтиши,

и поне на един день царство да вручиши,

Да аз изиду²⁴⁶ яве, царски украшенна,

и от всех, яко же ты, да буду почтенна.

Веления моего вси да послушают,

слово абие делом вси да совершают.

Царь, слышав, разсмеяся и рече си слово:

О, любезная жено, сие ти готово,

И абие повеле миру возвестити,

яко царь хощет жену свою воцарити,

И назнаменова день, во нь же быти делу,

тако Семирамиду сотвори веселу.

Приближившуся тому дни, царь завещает,

да всяк Семирамиды гласа послушает,

И аще бы кто дерзнул непослушен быти,

того, яко же врага, смертию казнити.

Приде день нареченный, место сготовася,

безчисленно множество народа собрася.

Изводится царица, честно посадися,

в царская облеченна, народу явися.

Вси ей поклонение, аки царю, даша

и приветство²⁴⁷ пречестно оней глаголаша.

Она повеления²⁴⁸ различна творила,

яко власть имущая, винныя судила.

Что-либо велела есть, во всем послушаху

и слово ея делом абие творяху.

По многих велениих²⁴⁹, оле что дерзает!

царя Нина связати воем завещает.

Сотвориша²⁵⁰ то скоро²⁵¹, потом²⁵² представити

себе повелела есть, и обезглавите.

Послушливии раби слово сотвориша,

царя своего царства и жизни лишиша.

Тако зла подложница любовь возмездила,

воцаривша ю царя смертию казнила

И сама на престоле царстем утвердися.

Коварству злыя жены, читаяй, дивися

И веждь, яко несть злоба под²⁵³ солнцем лютшая,

по сведетелству мудрых²⁵⁴, яко жена злая.

4

Адама прелсти жена, и силна Сампсона,

кротка царя Давида, мудра Соломона.

Кто убо днесь от жены без бедства пребудет?

Всякому мужу жена в прелесть есть и будет.

5

Соломон, Давид, Сампсон и Адам женами

прелщени²⁵⁵, блюдитеся и вы от них сами.

6

Три жена стрелы из себе пущает,

ими же мужа силна побеждает:

Зрение и глас и осязание,

сими бывает смерти предание.

Яко василиск оком умерщвляет,

яко же сирин гласом сон впущает

Смертный, аще²⁵⁶ прикоснется телу,

яко от огня не леть быти целу.

От сея кож до троицы стрел блюдися,

к животворящей Троице обратися,

Яже мертвыя²⁵⁷ силна есть живити

и всяку язву смертную целити.

Змий ядовитый тело усекает,

а жена злая душу убивает.

Тем некто рече, муж добре учены,

яко несть злоба, яко злоба жены.

Ин же: Уне есть со лвом обитати,

неже с женою злою пребывати.

Та бо²⁵⁸ мужеви зело²⁵⁹ досаждает²⁶⁰,

а лев за пищу покорен бывает.

Питай злу жену снедми всесладкими,

она ти воздаст кознми всегоркими.

За мед яд она уготует тебе,

никогда жене злой верити требе.

Тоя злы нравы демон добре знает,

тем ю на прелесть он употребляет.

Где изнеможет сам демон прелстити,

тамо женищу злу тщится пустити.

Евва и не зла во Едеме бяше,

а что чрез ону демон содеяше?

Коль паче много зла чрез злыя деет,

мой известити язык не умеет.

Иову, егда чада враг побил есть,

недобру жену на зло оставил есть,

Да может того²⁶¹ прелстити женою,

ему же не бе доволен собою,

Да непозыбна всякими тщетами

лестными жены позыблет словами.

Но иже²⁶² Богом крепким утвердися,

и тоя²⁶³ словом недвижим явися.

О злая буря на Иова бяше,

егда й жена на злая прелщаше!

Токмо укрепи й десница Бога,

яко творяше дела блага многа.

Точне Иосиф во зле бедстве бяше,

елма госпожа онаго прелщаше,

Да соизволит скверно с нею быти,

похоти ея²⁶⁴ блудом угодити,

И аще²⁶⁵ Господь его не²⁶⁶ хранил бы²⁶⁷,

всячески красный юноша блудил бы.

И ини²⁶⁸ мнози от жен погибоша,

или блудиша, или в гроб падоша.

Сампсон женою пресилный прелстися,

связан и врагом дан, обезочися.

И Соломона жены злы прелстиша,

от Бога жива к идолом свратиша.

Иоанн святый живота лишенный,

Ирод осуди, женою прелщенный.

И елма Христос спасение наше

чрез страсти Своя и смерть содеваше,

Чрез Пилатову тщася демон жену

действию тому быти оставленну²⁶⁹.

Во сне ей страхи и беды творил есть,

да бы таинство препяти, мыслил есть,

Еже бы Христу за ны²⁷⁰ страдати,

а спасения нам бы не прияти²⁷¹.

Всячески убо злы жени²⁷² хранися,

яко ко огню, к ней не приближися,

Ибо конечно имать опалити,

аще близ ея хощеши пожити.

Змий изъдалеча никого язвляет,

разве аще ся телу прикасает,

А злая жена, далече седящи,

может убити, токмо оком зрящи.

Глас ея – стрела, ядом напоенна,

ею же душа бывает мерщвленна.

Тем хотяй смерти от нея не знати

да опасется жен злобных и знати²⁷³.

Аще хощеши жену в супружницу взяти,

вящшыя тебе родом блюдися пояти,

Вящшая бо восхощет тобою владети,

равная тя за главу потщится имети.

Фенелла царица, Кемефова жена²⁷⁵,

Скотийскаго царя, лести исполненна,

Потщася яблоку сотворенну быти

из чистаго злата, и внутрно таити

Стрелы смертоносны, да кто прикоснется,

абие стрелами теми убиется,

Изпадающыми из того яблока

до коснувшагося человека бока.

Имеющи же гнев на царя Кемефа,

искаше угодна ко²⁷⁶ смерти извета.

Усмотревши же час, царя си моляше

внити в храм, в нем же то яблоко держаше

Истукан стоящий. Царь, не зная кова,

послушал есть жены прелестныя слова.

Вниде в ту храмину и, егда увиде

красно то яблоко, скоро к нему приде²⁷⁷

И, неопасен быв, коснулся рукою,

но абие извнутрь²⁷⁸ пронзеся стрелою.

Оле жены лстивы! О яблока лестна,

в нем же в виде злата смерть бе неизвестна!

Тому леть яблоку жену подобити,

хотящу с юношы любодейно²⁷⁹ жити,

Ибо злато светло²⁸⁰ она ся являет,

красотою юных к себе прилуждает,

Иже безопасно²⁸¹ егда ся касают

скверней плоти ея, тогда излетают

Таимыя стрелы и в сердца язвляют,

и тако смерть душам верных²⁸² содевают.

Много же обыче и смерть плотска быти,

лют бо муж от жены приседит убити.

Тем же красну жену блудну²⁸³ да презриши,

перстом не коснися, ни оком да зриши,

Ибо и в то стрелы оныя летают,

яко окном, оком сердце уязвляют.

Имей же ты²⁸⁴ очи²⁸⁵ выну²⁸⁶ обращении

ко Богу и руце к Нему ж воздвигненны.

Он²⁸⁷ оком Своим свыше призрит к тебе

и десницею Си водворит²⁸⁸ тя в небе.

Из лиха дерзновен есть тщяйся тамо ити,

иде же виде шедших выя си ломити;

И зело немощен есть, иже не боится

тамо ити, иде же всяк ходяй валится.

Зло есть упование в бедство ся вревати,

и в известну погибель живот свой даяти;

И ползска²⁹¹ есть надежда, егда уповает

тамо кто спастися, где кождо погибает.

Несть подобно спастися огнем окруженну,

во пламенех седети, не²⁹² быти паленну.

Неудобно отраву пиющему жити,

на стремине у сну вшу не сваленну быти.

Уне есть в сих случаех добре ся бояти,

нежели продерзиво худе уповати.

И полезнее²⁹³ себе немощна познати,

воеже бы послежде²⁹⁴ крепку пребывати,

Нежели крепка тогда себе проявити,

послежде же²⁹⁵ немощна вконец²⁹⁶ сотворити.

Мней от страсти лакомства досады бывает,

егда злата и сребра кто не соглядает.

Зело же оно видяй страстию томится,

всячески стяжати е и со грехом тщится.

Тако искушения страждет превелика,

иже ся сообщает красным женска лика,

В них же ничто ино есть, токмо еже губит

того, иже надолзе с ними быти²⁹⁷ любит.

Жало бо греха бысть нам женская красота,

сеть душепленящая – лица их доброта.

Речеши: Неискусим²⁹⁸ пребываю тою.

Воистинну сам лстиши, друже, душу твою.

О коль мнози мужие, сущие священни,

столпи суще²⁹⁹ мненнии, тою уловлении!

О мирских же суетно есть и глаголати,

тех бо и величайшых та сеть весть пленяти.

Мнози от овех дивна чюдеса твориша,

послежде³⁰⁰ жен обществом тех лишени быша.

От сих же мнози враги своя победиша,

потом сами женами побеждени быша.

Превыше волн житейских бывше вознесении,

в слабых плоти кораблех³⁰¹ вконец погружении³⁰².

Лви мнимии в крепости, от немощи³⁰³ страсти

укротишася, женстей³⁰⁴ приложшеся сласти.

О коль безчинна близость, яже со женами,

ибо язвит во сердце³⁰⁵ злы любве стрелами!

Яко же из углия искры испадают,

яко смертоносный яд аспиди пущают,

Еще, яко из ризы моль вредный ся родит³⁰⁶,

тако общество женско смертный грех изводит.

Паче, само зрение на лица жен красных

изводственно от очес их есть стрел напрасных,

Егда бо зряй на красну от нея воззрится,

из лука очес стрелми страсти у язвится.

Лучше же василиска свищуща слышати,

неже глас поющыя³⁰⁷ в уши жены взяти.

Всяко неприличное общество с женами

множества грехов клей есть смертных между нами,

Паче, лип смертоносный, им же уловляет

враг, яко птицу, кто ся женам сообщает.

Везде убо общества их нужда гознати³⁰⁸

хотящым погибели люты не страдати.

Аще же нужда кому беседу имети,

да есть мимоходная, несть требе седети.

Седение бо, яко огнь, я распаляет³⁰⁹,

аще и со благим то умыслом бывает.

Но увы буйства сердец, вси то³¹⁰ бедство знаем,

обаче женска пола нескоро гонзаем.

Паче прилежно ищем с онеми седети,

аще бы пришло от них сердцу исгорети³¹¹.

Видим инех погибель, а ту презираем,

сами³¹² в ту ж де волею впадати дерзаем.

Опасни быти чюждым злым мы не учимся,

собою гибель знати пребезумно тщимся.

Не дивлюся днесь, яко Адам сведен бяше

от Еввы во грех, егда³¹³ с оною³¹⁴ живяше,

Зане умерших прежде и падших не зрел есть,

образом³¹⁵ погибели нимало имел есть.

Едино веление онаго вязаше,

еже ему от Бога положено бяше.

Мы же, тысящи³¹⁶ многи³¹⁷ прикладов имуще,

не гонзаем общества, опасени суще.

О аще бы Адаму смерти созерцати

и беды, яже мы днесь нудимся страдати,

Негли бы не прелщен был, к Богу бы вратился,

за что бы в благодати Богом утвердился.

Адам извинение³¹⁸ в гресе может дати,

нас ни едино слово может извиняти.

Убо паче достоит извет ся хранити,

иже могут нам во³¹⁹ грех смертный вина быти,

Неже в защищение греха вин искати,

то бо тщету Божия деет благодати,

Без нея же нежива душа пребывает,

яко тело без души³²⁰ мертвенно бывает.

Соль из воды родится, а егда сближится

к воде, абие в воду сама растопится.

Тако муж, сый от жены, к жене приближенный,

зело скоро бывает ею растопленный³²²

От крепости во мягкость, мужества забудет,

яко едина от жен, во слабости будет.

2

Железо каменеви егда приразится,

огнь с того, а не вода действия родится.

Тако, аще муж жене будет приближенны,

не вода слез, похоти огнь будет рожденны.

3

Честный муж честней да ся не сближает

жене, тако бо честность исчезает,

ибо лен с огнем не может терпети,

нужда сгорети.

Друг другу лен есть, огнь взаим бывает,

демон углие плоти разжизает,

да пожар душам обою сотворит,

грехом уморит.

4

Хотяй чистоту свою сохранити

должен есть с полом противным не жити,

сожитие бо похоть возбуждает,

девства лишает.

Фороней царь великий егда умираше,

брату си³²³ Леонтию сице глаголаше³²⁴:

Совершенно прежил бых дни моя блаженны,

аще бых в супружество не приимал жены.

Брат вопроси: Что тако? Царь же отвещает:

Кож до жену имеяй вину того знает³²⁵.

2

Человек, иже мудрость от Бога прияше,

о ней же³²⁶ во юности труды полагаше,

Аще восхощет жену в супружество взяти,

нужду имать мудрости тщету восприяти,

Ибо не будет мощно с книгами седети³²⁷,

удалит от них жена, удалят и дети.

Епикур аще лютый сластолюбец бяше,

обаче женитися мудрым возбраняше.

И Феофраст в книзе си того возбраняет,

препятие мудрости женитву вещает.

Ей неудобно книги доволно читати

и хотение жены в доме исполняти,

А коль многи потребы жена вымышляет,

кождо оженивыйся совершенно знает.

Ризы³²⁸ драгоценныя, бисери³²⁹ и злато

промышляй, супружниче, да имать богато.

Одеяния нова часто вымышляет,

на своя угодия весь дом истощает.

Рабынь хощет имети много украшенных,

в колесницах яздити драго позлащенных.

Раби да последуют, вси да почитают,

камо ли³³⁰ двигается, да ю провождают.

А утружденну мужу не даст обнощь³³¹ спати,

в ложи обыче ему о нуждах стужати.

Ту жалостне глаголет, мужа укоряет,

аки о ней недобре³³² в нуждах промышляет.

Инех мужей во образ супруги приводит:

Се она красней мене одеянна ходит.

Ову же вси людие зело почитают,

а мене за тобою сущыя не знают.

К сим ревнивая жена обыче стужати:

Что ты на ону³³³ жену любиши смотряти?

И что со рабынею ты глаголал еси?

Где был еси в гостине³³⁴? То ми да повеси.

Из торжища грядуща гневно вопрошает:

Что принесл еси? Аще ни, то люте³³⁵ лает.

В гости аще пустиши, то обыкнет пити,

аще же не пустиши, не хощет и жити.

Увы ми, возопиет, коль есмь неблаженна

за злым мужем, от добрых другинь отлученна!

Сия и подобная досадно страдати,

а злыя изменити несть леть, и продати.

Аще поймется нища, в питании скудность;

аще богата, нравы претерпети трудность.

Хощет бо, да на ону выну светло зриши,

красоту лица ея и нравы хвалиши.

Аще на ину когда возрети случится,

то аки презренная велми оскорбится.

Честным именем выну³³⁶ хощет звана быти

и праздник именинный на всяк год храните,

Да о здравии ея весело пиеши

и наследницу богатств ону содееши,

Да желаеши оней по тебе остати

все имение твое во область прията.

Хощет, да отца ея и рабыню чтиши,

а кормилице ея и дары носиши.

Кого-либо возлюбит, и ты да любиши,

по хотению ея присно да ходиши.

Аще дом ей вручиши, за нос возмет тебе,

аще же не вручиши, мнит презрену³³⁷ себе.

И тако к ненависти тебе обратится,

весь твой дом³³⁸ возмутите свары устремится³³⁹.

Аще не потщишися скоро примирите,

дерзнет о смерти твоей³⁴⁰ промысл сотворити.

Аще ризами³⁴¹ ону светло украсиши,

многих очи на ея лице³⁴² обратиши

И она разгордеет, ту бедство творится,

чистота ея в скверну да не претворится.

Аще же красны ризы³⁴³ жене отречеши,

ропот, свар и котору ея понесеши.

Негли же потщишися ону соблюдати,

не устрежеши, аще хощет ины знати.

Неверный чистоты стражь свое на ню око

впустит и чрез забрало, хотя есть высоко.

Не соблюдеши, аще сама не блюдется;

ей же леть, но не³⁴⁴ хощет, чиста та³⁴⁵ зовется.

Красна ли? То многими любима бывает.

Нелепа ли? То сама лепых лиц желает.

Любиму же от многих трудно сохраните,

а никому годныя неудобь любите.

Обаче скорбь меншая – нелепу имети,

неже лепыя нравы срамныя терпети.

Велие бедство тамо, где мнози желают

и различными кознми жену оболщают.

Не леть есть во целости той стене³⁴⁶ стояти,

на ню же тщатся от всех стран наветовати.

Суть и ина многая в супружестве злая,

яже ты, человече мудрый, добре зная,

На покойное место ко книгам склонися,

кроме бед супружества век твой жити тщися.

Царь некий пребогатый дщерь красну имяше,

юже от всего сердца своего любяше,

И во знамя любве си царство оней дал есть,

еже во власти Своей присно содержал есть.

То услышав, мучитель некий издалече³⁴⁷

к царствующей девице некосно притече

И нача ю словесы лестно увещати,

да бы хотела ему соизвол свой дати.

Обеща ей богатства, честь и многу славу,

и ят веру девица словеси лукаву.

Даде соизвол ему. но зело прелстися.

и чести, и царствия³⁴⁸ своего лишися.

Изгна ю той мучитель, она же ридаше

и, при пути седящи, милости прошаше.

Во едино же время ей плакавшей зело,

яждяше воин некий светло и весело,

Иже, видев ю красну, велми умилися

и вопроси, како ей нищета случися?

Она рече: Дщи аз есмь, от царя рожденна,

но мучителем лютым всех благих лишенна.

Славу девства, богатства³⁴⁹ враг лютый отьял есть,

из³⁵⁰ царствия³⁵¹ отчинна бедну мя изгнал есть.

Сия услышав, воин нача глаголати:

аще ми восхощеши слово право дати,

Яко мя приимеши во жениха себе³⁵²,

аз имам возискати царство твое тебе.

Подвигну брань на него, имам воевати,

да бы ему месть за тя достойну воздати.

Аще же на той брани буду умерщвленны,

требую, да от Тебе не буду забвенны.

Оружия с кровию изволь моя взята,

в знамя любве моея присно соблюдати,

Да елижды на онех кровь мою узриши,

обещанную любовь ко мне обновиши.

Девица с радостию все то обещаше,

ему ся во невесту любезно вдаяше.

Воин абие иде и брань сотворил есть,

самаго мучителя живота лишил есть.

Взискав царство невесты, ей паки отдал есть,

но сам на брани язву смертную приял есть,

От нея же и умре. Невеста ридаше

и по обещанию оружия взяше,

В крови очервленная, яже сохранила

во тайнейшей камаре, и к ним приходила

Множицею на всяк день, слезы же лияше,

любовь, проявленную себе, поминаше.

Елма же к царствующей мнози прихождаху

и в супружество себе оную прошаху,

Вшедши в камару ону, оружия зряше

и во слезах глаголы сицевы вещаше:

О, Господи любезный, ты мя отмстил еси,

не имам тя забыти по данну словеси.

Тобою от нищеты аз есмь свобожденна

и во царствии моем паки утверженна.

Не забуду любве ти, ни хощу избрати

въместо тебе супруга, инаго познати.

По сицевых глаголех к гостем исхождаше

и в супружество ити оным отрицаше.

О преблагодарная любве явленныя!

Да множатся невесты ныне сицевыя.

Но духовным разумом что та знаменает

притча³⁵³? Тое³⁵⁴ любовь ваша да внушает.

Царь той есть Царь небесный, всяческих Создатель,

един горе и низу сущих Обладатель.

Сей имать дщерь прекрасну, зело возлюбленну³⁵⁵,

душу всяку верную, в образ Свой творенну,

Украшенну³⁵⁶ дарами зело богатыми,

паче бисерей честных пре драгоценными.

Той даде Царь небесный царство Си святое,

да имать рай³⁵⁷ превыспрний во жилище свое.

О том слышав мучитель, князь тмы мира сего,

потщася шествовати ко дщере сей Его,

Еще в прародителех³⁵⁸, елма в рай бяху

и всею вселенною сами обладаху.

Нача превеликия отбеты³⁵⁹ творити,

обещая: Имате, яко бози, быти.

И нашым много выну душам обещает,

честь, славу и богатство³⁶⁰ уму предлагает,

Здравие и век долгий, и ина приводит,

но всеми враг лукавый бедну душу сводит,

Да ему согласует. Елма же прелстится

и его вселукавым³⁶¹ советом сложится,

Тогда ю оскверняет, обнаженну творит

и далече от царства небеснаго гонит,

Яко образ во Евве с Адамом явися,

ибо в них душа рая и неба лишися.

И сущи в изгнании, при пути седяше,

милостини просящи, тщеты же ридаше.

Путь той сей мир есть, в нем же все естество наше

изгнания нищету лютую страдаше,

И в нем пребывающе³⁶², о рай ридало,

благодати от Бога слезно ожидало³⁶³,

Дон де же силный Воин о нем³⁶⁴ у ми лися

в той день, егда кончина веков приближися,

Иже есть Христос Господь, и совет содея

с девою³⁶⁵, еже царство³⁶⁶ возвратити ея

И злато мучителя въконец поразити,

отмщение обиды над ним сотворити,

Точию да невеста Ему сотворится,

чрез любовь духовную³⁶⁷ сердцем свокупится.

И медления кроме в броня облечеся,

на брань противу князю тмы мира вдадеся.

Яко непобедимый, того поразил есть,

невесте царство ея в державу вратил есть.

Сия сотвори Христос, егда пострадаше,

ибо тогда демона пресилно попраше.

Обаче на той брани тако уязвися,

даже, мертв³⁶⁸ быв³⁶⁹ плотию, в гробе положися.

Его же ран и смерти душа да ридает,

и оружия Его честно да лобзает.

Крест честный, окропленный кровию святою,

да прятает в камару сердечную свою.

Гвоздие, трость, копие, бичы и иная

орудия да хранит во сердци³⁷⁰ святая.

Множицею на всяк день на та да смотряет,

благодарство Жениху слезно да воздает.

Елма же некто иный³⁷¹ начнет искушати,

еже бы в супружество оному ся дати,

Да смотрит³⁷² во камаре³⁷³ оружия тая,

любве ради оныя суща кровавая.

Зрящи³⁷⁴ же³⁷⁵, да ридает и да умилится,

благодарная любве быти да явится.

Искусителем мира ответ да воздает,

яко ина жениха ни же помышляет

До кончины живота приимати себе,

яко имать Жениха Христа Бога в небе.

Аще сице невеста Жениху своему

благодарна явится, честна будет Ему,

Во вечныя радости будет воведенна³⁷⁶,

во чертозе небесном светло украшенна

Славою и честию, что да бы прияти,

да будут благодарны душы благодати

Христовы, юже тогда Он нам сотворил есть,

егда душу Си за ны грешны³⁷⁷ положил есть.

В законе ветсе многи жертвы бяху,

но, благодати пришедшей, престаху,

Яко же звезды³⁷⁸ сияти престают,

егда встекшее³⁷⁹ солнце соглядают.

Еще³⁸⁰, яко свет всех звезд превосходит

солнце, его же л учесы в них родит.

И жертва наша древния превзиде,

тем вся престаша, внегда она вниде.

2

Златоустый учитель жертвы собирает,

и десять видов онех³⁸¹ мудро сочитает.

Первая³⁸² Сам Христос Бог жертва Отцу бяше,

егда на жертвеннице креста пострадаше.

Вторая³⁸³ мученици святии бывают

жертва, егда за Бога тело на смерть дают.

Третяя³⁸⁴ есть молитва жертва живу Богу

со воздеянием рук честна попремногу.

Четвертая³⁸⁵ есть жертва хвалы, ту свершает,

кто безпрестанно Богу хвалу возсылает.

Пятая³⁸⁶ жертва – правды, юже поминает,

кто псалом пят десятый частократ читает.

Шестая³⁸⁷ – в скорбех сущы люди посещати

и нескверна от мира себе соблюдати³⁸⁸.

Седмая³⁸⁹ жертва – Богу воскликновение,

еже от любве Ему есть во хваление.

Осмая³⁹⁰ жертва Ему есть дух сокрушенный,

яко же извещает Давид божественный.

Девятая³⁹¹ есть сердце на всяк час смиренно,

сего не презирает око божественно.

Десятая³⁹² Господу жертва приносится,

повнегда³⁹³ слово Его ким благовестится.

Всяк зде жертву обрящет, юже приносити

возможет Господеви, тою Его чтити.

К сим да приложу и аз, жертва есть святая

тайна Евхаристии пребожественная

И даяние³⁹⁴ всяко, еже на нищыя,

тако ж приношение во храмы Божия

Жертва Богу угодна воправду зовется,

и что-либо Господа ради подается³⁹⁵.

3

В Завете Ветхом агнца цела избираху

и Господеви в жертву того приношаху.

Иже паки на члене своем врежден бяше,

того закон во³⁹⁶ жертву нести возбраняше.

Целый агнец человек той быти вменится,

иже юн и здрав телом к Богу обратится

Покаянием святым. Той – приятна жертва

всемогущему Богу, жива бо, не мертва.

Иже³⁹⁷ убо к старости своей отлагают

покаяние чисто, зри, что содевают:

Не цела хотят агнца в жертву Богу дати,

ибо³⁹⁸ тогда в немощех нужда пребывати.

Слух бо оскудевает, очеса мрачатся³⁹⁹

и вси⁴⁰⁰ члени⁴⁰¹ силы си за старость лишатся.

Како убо приятна жертва могут быти?

Изволь кождо разумом здравым разсудити.

Не человек в то время грехи оставляет,

паче грех человека стараго лишает.

Не грешит бо. яко у⁴⁰² не может грешити,

а аще бы еще могл⁴⁰³, рад бы в злобе жити.

Ту кая есть заслуга пред Богом, хотящим⁴⁰⁴

воли, а не на дело внешнее смотрящым?

Праведно убо верным во юности время

каянием греховно отвергати бремя,

Егда здравствуют уды и чювствами всеми,

ибо⁴⁰⁵ целии⁴⁰⁶ агнцы⁴⁰⁷ воменятся⁴⁰⁸ с теми.

С теми аще ся Богу принесут во жертву,

яко целу приимет и живу, не мертву.

Обаче и старии, иже не успеете

Богови принести ся, не отметни есте.

Не по вам убо, токмо по щедротам Бога,

и вас Он до небесна ждет выну чертога.

Не злато Он точию древле приимаше,

егда сень Исраилю создати хотяше,

Но и козию шерсть Он от многих приял есть,

что може принести кто, в дело все взимал⁴⁰⁹ есть.

Вы, яко шерсть козию⁴¹⁰, старость приносите,

а прощения грехов умилно просите.

Не отринет и шерсти, слезми омовенны,

в здание Церкве Его будете въмещенни.

Вы же, юнии, в силе добре цветущии,

будите, яко злато. Богу несущий

Лучший век ваш во службу, а возмете за то

любве Бога и жизни небесныя злато.

Покаяния⁴¹¹ в старий век не отлагайте,

но днесь, время имуще, истинно ся кайте,

Несть бо известно, аще достигнем старости,

не прекратит ли Господь века во юности.

И обычно со зрелых лет не достигают,

иже покаяние в старость отлагают.

Правым Судом Божиим та им казнь бывает,

да никто в гресех жити долго продерзает.

Аще же и век долгий кому попустится,

едва той со слезами к Богу обратится,

Ибо, приложившуся лукаву налогу,

обращение трудно ко благому Богу.

4

Жребят ослих в⁴¹² законе⁴¹³ Бог не приимаше,

но въместо онех овцы жрети завещаше.

Осел же есть несмыслен, ленив, непоятен,

того ради досадлив путным, неприятен.

Осляя же жребята сыны знаменают,

иже буи, лениви, несмыслни бывают.

Сицевых в чин священный несть лепо въводити,

ни людем бо, ни Богу годни могут быти.

Но оле⁴¹⁴ злонравия⁴¹⁵, противне ся деет,

иже глуп, ничесо же смыслит и умеет!

Того родителие в попы устрояют,

осла Богу во жертву тако⁴¹⁶ полагают.

А во священство нужда умных избирати,

да бы проказу грехов знали разсуждати,

И могли стадо пасти, данное от Бога,

паче всех чинов, ума зде есть требе многа,

Да не слепый вожд будет, да не губит стада,

но да вождествует е в злак небесна града.

Но вся противна, вижду, днесь в мире бывают,

ибо слепыя вожды овцам приставляют

Словесным, а зрящыя на службу мирови,

ему же за тленная в рабство вси готови.

Оле времен и нравов! Миру вся благая

воздают, а Господу – яже суть худая. Миру осла ленива вдати подобает,

Бог овцы полезныя⁴¹⁷ в жертву Си желает.

Хужшая⁴¹⁸ пожре Каин, за то бысть презренны

и с жертвами своими Богом отверженны.

Авель же избранная Богу даровал есть,

и Бог тая от него любезно приял есть.

Авеля⁴¹⁹ убо и нам нужда подражати,

лучшая чада в службу Господу даяти,

И будет жертва наша Оному приятна,

сотворит душам нашим Того благодатна,

Его же, вси людие, милости ищите,

лучшая всеблагому Богу приносите.

Иже чюждая⁴²⁰ в жертву Богу посвящает,

аки сына в очесех отчих закалает.

Сердце без благодати Божия жестеет,

яко блато без воды, густея, твердеет.

2

Наковално, млатами биемо, твердится,

злобно сердце ранами паче ожестится.

Образ есть в Фараоне, иже, быв казненны,

не умягчися, даже в понте погруженны

3

Терпение Божие, не крепкая сила

Фараоново сердце в злобе ожестила,

Ибо, яко легчае Бог его казнил есть,

он, не умягчаяся, сердце ожестил есть.

Аще же был бы тяжше от Бога казненны,

негли абие был бы сердцем⁴²² умягченны.

Чесо же ради Господь сие сотворил есть,

судбы Си праведныя от нас утаил есть?

Яве, яко достоин исчезнути бяше,

иже род Исраилский излиха томяше.

Бе живописец⁴²⁴ добре изученный

в Роде⁴²⁵, именем Протоген реченный.

Сей рябку тако живо написаше,

даже к ней живых множество леташе.

Инде змий тако живописан бяше,

яко же в птенцех пение держаше,

Иже Лепиду не даяху спати,

змий за то страхом не дал им пискати.

На Клавдиеве феатре прелщаху

род вранов окна, яже от вап бяху,

Непщующе бо праведная быти,

тщахуся⁴²⁶ теми на ветр излетети.

Апеллес коня тако написаше,

яко же⁴²⁷ кони живыя прелщаше,

Мняще бо того коня жива быти,

не престаяху рзание творити.

Им же некая лица ся писаху,

яже знамена и черты являху⁴²⁸

Живых, яко же бе возможно знати

физиогномом, что о них вещати.

Иов живот наш кораблю равняет,

иже во морских пучинах бегает

Излише скоро, а егда случится

стретити другий, то людем видится,

В корабли сущым, другий пребегати,

а свой на месте недвижно стояти,

Или мало что ветром гоним быти,

зело медленно к пристанищу плыти.

А в самом деле равно он другому

течет по водам ко брегу земному.

Тако живот наш видится стояти,

а инех⁴³⁰ скоро к гробу притекати.

Но лстимся сице⁴³¹, ибо в самом деле,

яко в корабли, течем в нашем теле

Подобне прочим⁴³² скорым течением.

равными ветры, точным стремлением.

Аще трудимся или почиваем,

выну ся к гробну брегу приближаем.

Убо достоит то нам выну знати,

добре ко гробу себе⁴³³ устрояти,

Да бы непраздным к оному приплыти,

но благих плодов исполненным⁴³⁴ быти,

О них бы вечно в небе пребывати,

душевна глада во век не страдати.

2

Живот человеческий сугуб ся считает:

временный сей и вечный, всяк верный то знает.

Сугубо и рождество того познаваем:

в мир сей и в век грядущий⁴³⁵, его же вси чаем.

Зде из чрева материя обще ся родити⁴³⁶,

онамо всем из гроба обще исходите,

Во нь же труп, яко семя, вложенный бывает,

да, яко клас, послежде в вечность ся раждает.

Из земленны матере всяк в мир сей родится⁴³⁷,

от земля⁴³⁸ и всяк мертвец Богом возродится.

Яве убо, яко вси земли есмы чада,

но создани в жителство небеснаго града,

Во нь же имамы Богом водворени быти,

аще тщимся⁴³⁹ небесно зде, не земно, жити,

К чесому нас апостол Павел увещает,

горняя мудрствовати егда завещает.

Тщимся⁴⁴⁰ убо, братие, божественно жити,

да бы в небо ко Богу в живот вечный внити.

3

Живот временный аще вечну уравниши,

смерть паче, неже живот быти и узриши,

Ибо повседневное телесе тление

что ино, токмо смерти есть продолжение?

4

Живот человеческий скоро претекает,

ибо, яко цвет селный, тако отцветает⁴⁴¹.

Здрав кто утро и весел, надеется жити

с Мафусайлом долго, силен, славен быти,

И се навечер коса⁴⁴² смерти посекает,

прекрасный цвет юности во тлю обращает.

Веселится кто ныне, славно торжествует,

а смерть невидимая косу на нь готует,

И се солнцу западшу, и он тожде деет,

падает в гроб, утро же смердит, ибо тлеет.

Оле непостоянства жития нашего!

Никто же есть известен бытия своего.

Несть блаженство под солнцем, то бо⁴⁴³ токмо в небе,

хотяй жити блаженно, то заслужи тебе.

Тамо жизнь безсконечна⁴⁴⁴ и вечно блаженна,

тамо здравие присно, радость божественна.

Тамо мир есть без бедства, безбедство мирное

и вечность блаженная, блаженство вечное.

Любы совершенная тамо обитает,

совершенство любимо вечно пребывает.

Тамо страху несть место и печаль не будет,

ликование, радость во веки пребудет.

Нощи тамо не знают, день выну сияет,

а никому никогда варом досаждает.

Вси же единодушно в Бозе пребывают,

Его зрением умы своя услаждают.

Тамо здравие вечно, болезнь ни едина⁴⁴⁵,

океан веселия, радости пучина.

Тамо правда царствует, никто же прелщает

и сам ни от кого же прелщаем бывает.

Оттуду блаженнии никогда гонятся,

окаяннии тамо никогда впустятся.

Тамо ум без поблуды имать вечно быти,

память паки ничто же возможет забыти.

Воля ввеки Богу будет подчиненна,

любы непритворная, сладость неизменна.

Чювства без вреждения имут пребывати,

никто печално имать тамо воздыхати,

Ибо отвеюду радость всего человека

изъвне и внутрь обидет⁴⁴⁶ без кончины века.

Живот тамо без смерти, без горести – сладость,

о Бозе, в Бозе, с Богом вечно будет радость.

О всеблаженная жизнь живущих на небе!

Кто тамо вечновати не желает себе?

Желайте, любимицы⁴⁴⁷, вседушно желайте,

на всяко время и час в небо воздыхайте,

А зде тако живите, да бы угодити

делы Богу, и за ня восприятым быти

Во страну вечны жизни, ибо не вхождает⁴⁴⁸

тамо, кто жизнь во злобах свою провождает.

Благодатию убо Господь ны спасает,

но и добрых⁴⁴⁹ деяний от нас Он желает,

Да содействуем Его святей благодати,

тако удостоимся жизнь вечну прията,

Ея же аз всем верным усердно желаю,

и сам ко Богу щедру о том воздыхаю,

Да, простив моя грехи по Своей милости,

общника мя сотворит вечныя радости.

Яже полза в сад дробных рыб⁴⁵⁰ щуку впущати,

та – между⁴⁵¹ христианы жида водворяти.

Щука малыя рыбы⁴⁵² несытно глощает⁴⁵³,

жид люди убогия лихвами снедает.

2

Яко Авеля Каин брата си любляше,

тако жидовин любит христианство наше.

3

Что в недра своя есть змия влагати,

то в граде верных есть жида держати.

Змий жалом тело смертно усекает,

жид хулы словом душу прободает.

Бог есть жизнь наша, убо в Бозе жити

комуждо требе, да бы живу быти.

2

Яко без света – тма, тако без Бога –

смерть, в ней же мука вовеки премнога.

3⁴⁵⁵

Коль сладко человеком, еже в мире жити,

и коликую цену жизни возложити?

Аз не имам искуства, космицы⁴⁵⁶ то знают,

иже временну вечной жизни прелагают,

Зде хотяще весело и богато жити,

а о вечной⁴⁵⁷ не мыслят, аки бы не быти,

О ней же в Писаниих то нам извещенно,

яко тамо житие всячески блаженно

В сладости и радости⁴⁵⁸, к тому безконечно⁴⁵⁹,

измена бо не будет тех в небеси вечно.

И⁴⁶⁰ зде житие наше чему подобится?

Имеяй ума очы⁴⁶¹ право присмотрится.

Не блистание отвне нужда созерцати,

но от основания полезно⁴⁶² есть знати.

Тако бо совершенней⁴⁶³ вещь ся познавает,

егда тоя природа сужденна бывает.

Что же житие наше? Оле окаянно,

суетно, худо, кратко и непостоянно!

Едина есть времене черта невелика,

а беды окаянства во оней колика,

Язык человеческий может ли гадати,

недоумеваюся аз грешник сказати.

Есть оно, яко роса, утро низпадшая⁴⁶⁴,

а, солнцу возсиявшу, скоро обсохшая⁴⁶⁵.

Есть подобная⁴⁶⁶ дыму, горе возшедшему,

от веяния ветров въмале изчезшему.

Есть мрачней сени точно, яже изчезает,

егда солнце лучеса своя проявляет.

Подобно есть и цвету, лепокрасну сушу,

но зело сокращенно бытие имущу.

Есть оно, яко капля, в прах многий впадшая,

но следа бытия си премало явлшая.

Есть говору подобно на воде надменну,

но в мгновении⁴⁶⁷ ока ветром расторгненну⁴⁶⁸;

Или, яко же река скоро мимо ходит,

тако во море смерти жизнь наша отходит;

Или, яко посланник въмале пребегает,

тако житие наше въскоре претекает.

Мощно и кораблеви пловущу равнити,

весть бо море житейско вократце преплыти.

Яко же птица скоро⁴⁶⁹ воздух прелетает,

тако наш ко пределу живот прибегает.

Ни скорее ко целю остра стрела летит,

неже⁴⁷⁰ человеческий живот к смерти бежит;

И не толико быстро бури ветра⁴⁷¹ веют,

елико человеци ко тли гробней спеют.

Не тако на свой запад солнце светло тщится,

яко человек грешный ко гробу ближится⁴⁷².

Слаба – сеть паучины, а слабша есть тоя,

о человече грешный, краткая жизнь твоя.

Что убо ту⁴⁷³ воправду возможеши звати?

Суетие суетий лепо⁴⁷⁴ имя⁴⁷⁵ дати⁴⁷⁶.

Паче, егда ничто же имя возложиши,

тогда ся ко истине⁴⁷⁷ право приближиши.

Что убо, человече, жизнь твоя⁴⁷⁸, толико

кратку и⁴⁷⁹ худу сущу, ты мниши велико?

Презри жизнь временную, во вечную тщится⁴⁸⁰,

горняя да любиши, земными не лстися⁴⁸¹.

Сугуба смерть есть душы⁴⁸² человека:

смерть греха во днех⁴⁸³ настояща века,

Смерть же геенны во веце грядущем,

лютыя казни грешником несущем.

Подобне живот сугуб ся считает:

зде – благодати, та бо оживляет,

Онамо – славы, яже будет в небе.

Чтый, тщися жити, аз желаю тебе.

Время жизни комуждо Господь уставляет,

его же предел никто живый изменяет.

В Его руце ключь жизни и смерти держится,

Онем пробавляется время и кратится.

Продолжает же то Бог за молитвы⁴⁸⁴ слезны⁴⁸⁵,

яко⁴⁸⁶ Езекии, лежавшу в болезни;

Или ради славы Си, яко сотворил есть,

егда мертвыя Христос Господь воскресил есть;

Или инех⁴⁸⁷ вин ради, яже Сам Он знает,

и по них⁴⁸⁸ милость людем Свою изъявляет⁴⁸⁹.

Сокращает жизнь паки, да кто не прелстится,

и злобою в разуме си да не растлится;

Или казнь дея грехов, яко ся вещает,

мужь крове и лети дней си не преполовляет;

Или зде очищая от вины порока,

яко онаго мужа свята и пророка,

Иже паче завета Божия вкусил есть

пищу, со лжепророком, иже и⁴⁹⁰ прелстил есть.

За то преслужание,⁴⁹¹ елма ся вращаше,

от лва смерти предан быв, на пути лежаше.

Житие Христа Бога все правило бяше,

еже на благи нравы люди наставляше.

Вся суетия мира Он в ничто вменил⁴⁹² есть,

что в ползу спасения, то токмо творил есть.

Еже миру противно, то Онем любися,

и⁴⁹³ что Богу угодно, в образ нам творися.

Мира сонм всесуетный богатства желаше,

Христос Господь нищету любезно избраше.

Ов начало держати излиха хотел есть,

Христос Господь царь быти конечно⁴⁹⁴ презрел есть.

Мир чада во блаженство себе почиташе,

Христос чадородия ни же помышляше.

Досад и скорбей мира питомец гонзает,

а Христос на вся скорби Сам Себе предает.

Обид ни же мало мир страдати желаше,

Христос же премногия обиды терпяше,

Кая бо болши⁴⁹⁵ может обида ся⁴⁹⁶ звати,

яко до крестны смерти муки пострадати?

Болезни плоти миру досадны суть зело,

а Христово биенно все святое тело.

Страшно⁴⁹⁷ бе и ужасно⁴⁹⁸ миру на крест зрети,

а Христос Господь на нем изволи умрети.

Вся, их же мир рачитель⁴⁹⁹, Христос обхудил есть,

онем же гонимая⁵⁰⁰ велми возхвалил есть,

Яко во зле лежащий⁵⁰¹ правых благ не знает,

но горестная⁵⁰² сладка быти возвещает,

И противне, худая мнит преблага быти,

и та весть неискусным да ищут блажити.

Вы же, православнии, Христу слухи дайте,

лестных мира советов всескоро гонзайте.

Лучше мало со Христом на земли терпети,

потом вечный в небеси с Ним покой имети,

Нежели с миром ныне во утехах жити,

по смерти в огни вечном⁵⁰³ во век веков быти.

Житие человека беднаго кто знает?

Ни единей от вещей твердых уравняет,

Но скоропреходящим то уподобляют,

их же⁵⁰⁵ во любомудрих почтени бывают.

И⁵⁰⁶ в⁵⁰⁷ Писании Святом тожде обретаю,

Иоакова⁵⁰⁸ святаго слово поминаю,

Иже между многими⁵⁰⁹ подобии дал есть

житию имя пары, нимало солгал есть,

Ибо, яко же пара въсходит⁵¹⁰ теплотою,

тако жизнь наша – тою, обое – малою.

Паки, яко же пара в аер ся вращает,

тако житие наше скоро исчезает.

Третее⁵¹¹, пара тонка и едва видится,

тако жизнь наша кратка и в немнозе⁵¹² зрится.

Еще, пару ветр малый скоро развевает,

тако жизнь нашу мала беда истребляет.

Пятое, пара мрачна во облак густеет,

тако в мраце невеждства вся жизнь наша тлеет.

Шестое, мятеж в паре премногий бывает,

жизнь наша безмятежно стояти не знает.

По сих, пара обыче в воду ся вращати,

а жизнь наша во слезы весть ся изменяти.

Наконец, яко пара к земли ся вращает,

подобне тело наше в ту ся обращает.

Оле непостоянства! Оле изменности!

Скоро в тлю превратятся и бедныя кости.

Житие временное недолго пребудет,

а вечное каково кому, Бог весть, будет.

Ты, Боже⁵¹³, настави ны тако в мире жити,

еже бы вечность в небе светлом наследите⁵¹⁴.

На место Иудино два мужа избраху:

Иуста⁵¹⁵ и⁵¹⁶ Матфия, оба честей бяху.

Иуста толк – праведник, Матфий же дар Бога

знаменает, и не бысть о онех пря многа,

Духом бо правимии, жребия метаху,

яко, кто есть достойней, знати не можаху.

И па де на Матфия жребий сотворенный,

тем он во апостолство, не Иуст, причтенный

Во знамение, яко не, иже прав мнится,

но кого Бог дарует, той престолом чтится.

2

Жребием дело некое свершати

днесь возбраняет Церковь, наша мати,

Еже Евреом не возбранно бяше,

их синагога в нраве то держаше.

О⁵¹⁷ двою козлу жребие метаху,

ову пущенну, ова закалаху.

Жребием⁵¹⁸ землю повеле делити

Моисий Евреем, внегда в ону внити.

Жребием⁵¹⁹ татбы сын Наввин искаше,

юже сын Зарин Ахар содеяше.

Сыном⁵²⁰ Иуды земля разделися,

яко же кому жребий прилучися.

Иосифовым⁵²¹ сыном землю дати,

иде же паде жребий, ту прияти.

Манасиево⁵²² то колено взяше

земли, что жребий падением даше.

Седми⁵²³ коленом Исраилска рода

жребием в область дадеся порода.

Леввиный⁵²⁴ чадом жребие метаху,

тем во державу грады восприяху⁵²⁵.

При⁵²⁶ Самуиле⁵²⁷ жребие метаху,

егда на царство Савла избираху.

Иоанафан⁵²⁸ яко преступил есть

заповедь отчю, жребий изъявил есть.

Егда⁵²⁹ Леввитом службы разделяху,

яже во Церкви, жребие метаху.

Певцы⁵³⁰ такожде жребием строени,⁵³¹

точне⁵³² вратари⁵³³ в службу поставлени.

Жребии⁵³⁴ священным в древней Церкви бяше,

когда служити кому подобаше.

Во⁵³⁵ апостолство Матфий божественный

въместо⁵³⁶ Иуды жребием⁵³⁷ възведенный⁵³⁸.

Но сие дело различии различне

непщуют быти, не людско владычне.

Неции лучю свыше божественну

непщуют светлу быти низпущенну.

Ини голуба разумеют быти,

его же свыше Бог хоте пустити.

Еще инии тако непщеваху,

яко то дари пророчества бяху,

Или премудрость свыше низпосланна,

в знамя Божия избрания данна.

Но что-либо бе от сих положенных

во избрании знамен божественных,

Обаче и людск жребий тогда бяше,

лик святых древний обычай держаше.

Днесь в таких делех лучше избирати,

честь церковную достойным даяти.