Приходской Часослов без священника

Чтец: Моли́твами святы́х оте́ц на́ших, Го́споди Иису́се Христе́, Бо́же наш, поми́луй нас. Ами́нь.

Сла́ва Тебе́, Бо́же наш, сла́ва Тебе́!

Царю́ Небе́сный, Уте́шителю, Ду́ше и́стины, И́же везде́ сый и вся исполня́яй, Сокро́вище благи́х и жи́зни Пода́телю, прииди́ и всели́ся в ны, и очи́сти ны от вся́кия скве́рны, и спаси́, Бла́же, ду́ши на́ша.

Святы́й Бо́же, Святы́й Кре́пкий, Святы́й Безсме́ртный, поми́луй нас. (3 раза)

Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

Пресвята́я Тро́ице, поми́луй нас; Го́споди, очи́сти грехи́ на́ша; Влады́ко, прости́ беззако́ния на́ша; Святы́й, посети́ и исцели́ не́мощи на́ша, и́мене Твоего́ ра́ди.

Го́споди, поми́луй. (3 раза) Сла́ва Отцу́, и Сы́ну, и Свято́му Ду́ху, и ны́не, и при́сно, и во ве́ки веко́в. Ами́нь.

О́тче наш, И́же еси́ на Небесе́х, да святи́тся и́мя Твое́, да прии́дет Ца́рствие Твое́, да бу́дет во́ля Твоя́, я́ко на Небеси́ и на земли́. Хлеб наш насу́щный да́ждь нам днесь; и оста́ви нам до́лги на́ша, я́коже и мы оставля́ем должнико́м на́шим; и не введи́ нас во искуше́ние, но изба́ви нас от лука́ваго. Я́ко Твое́ есть Ца́рство, и си́ла, и сла́ва, ны́не и при́сно, и во ве́ки веко́в. Ами́нь.

Го́споди, поми́луй. (12 раз)

Моли́тва ко Пресвято́й Тро́ице

От сна воста́в, благодарим Тя, Свята́я Тро́ице, яко, мно́гия ра́ди Твоея́ бла́гости и долготерпе́ния, не прогне́вался еси́ на нас, лени́вых и гре́шных, ниже́ погуби́л нас еси́ со беззако́ньми нашими, но человеколю́бствовал еси́ обы́чно и, в неча́янии лежа́щих, воздви́гл еси́, во е́же у́треневати и славосло́вити держа́ву Твою́. И ны́не просвети́ о́чи наша мы́сленныя, отве́рзи уста́ наша поуча́тися словесе́м Твои́м, и разуме́ти за́поведи Твоя́, и пе́ти Тя во испове́дании серде́чнем, и воспева́ти всесвято́е и́мя Твое́, Отца́, и Сы́на, и Свята́го Ду́ха, ны́не, и при́сно, и во ве́ки веко́в. Ами́нь.

Хор: Сла́ва в вы́шних Бо́гу, и на земли́ мир, в челове́цех благоволе́ние.

Го́споди, устне́ мои отве́рзеши, и уста́ моя́ возвестя́т хвалу́ Твою́.

Псало́м 3

Чтец: Го́споди, что ся умно́жиша стужа́ющии ми́? Мно́зи востаю́т на мя, мно́зи глаго́лют души́ мое́й: несть спасе́ния eму́ в Бо́зе eго́. Ты же, Го́споди, Засту́пник мой еси́, сла́ва моя́ и вознося́й главу́ мою́. Гла́сом мои́м ко Го́споду воззва́х, и услы́ша мя от горы́ святы́я Своея́. Аз усну́х, и спах, воста́х, я́ко Госпо́дь засту́пит мя. Не убою́ся от тем люде́й, о́крест напа́дающих на мя.

Хор: Аз усну́х, и спах, воста́х, / я́ко Госпо́дь засту́пит мя.

Чтец: Воскресни́, Го́споди, спаси́ мя, Бо́же мой.

Хор: Аз усну́х, и спах, воста́х, / я́ко Госпо́дь засту́пит мя.

Чтец: Госпо́дне есть спасе́ние, и на лю́дех Твои́х благослове́ние Твое́.

Хор: Аз усну́х, и спах, воста́х, / я́ко Госпо́дь засту́пит мя.

Псало́м 62

Чтец: Бо́же, Бо́же мой, к Тебе́ у́тренюю, Возжада́ Тебе́ душа́ моя́, коль мно́жицею Тебе́ плоть моя́, в земли́ пу́сте и непрохо́дне, и безво́дне. Та́ко во святе́м яви́хся Тебе́, ви́дети си́лу Твою́ и сла́ву Твою́. Я́ко лу́чши ми́лость Твоя́ па́че живо́т, устне́ мои́ похвали́те Тя. Та́ко благословлю́ Тя в животе́ мое́м, о и́мени Твое́м воздежу́ ру́це мои́. Я́ко от ту́ка и ма́сти да испо́лнится душа́ моя́, и устна́ма ра́дости восхва́лят Тя уста́ моя́. А́ще помина́х Тя на посте́ли мое́й,

Хор: На у́тренних поуча́хся в Тя.

Чтец: Я́ко был еси́ Помо́щник мой, и в кро́ве крилу́ Твое́ю возра́дуюся.

Хор: На у́тренних поуча́хся в Тя.

Чтец: Прильпе́ душа́ моя́ по Тебе́, мене́ же прия́т десни́ца Твоя́.

Хор: На у́тренних поуча́хся в Тя.

Псало́м 142

Чтец: Го́споди, услы́ши моли́тву мою́, внуши́ моле́ние мое́ во и́стине Твое́й, услы́ши мя в пра́вде Твое́й и не вни́ди в суд с рабо́м Твои́м, я́ко не оправди́тся пред Тобо́ю всяк живы́й. Я́ко погна́ враг ду́шу мою́, смири́л есть в зе́млю живо́т мой, посади́л мя есть в те́мных, я́ко ме́ртвыя ве́ка. И уны́ во мне дух мой, во мне смяте́ся се́рдце мое́. Помяну́х дни дре́вния, поучи́хся во всех де́лех Твои́х, в творе́ниих руку́ Твое́ю поуча́хся. Возде́х к Тебе́ ру́це мои́, душа́ моя́, я́ко земля́ безво́дная Тебе́. Ско́ро услы́ши мя, Го́споди, исчезе́ дух мой, не отврати́ лица́ Твоего́ от мене́, и уподо́блюся низходя́щым в ров. Слы́шану сотвори́ мне зау́тра ми́лость Твою́, я́ко на Тя упова́х. Скажи́ мне, Го́споди, путь во́ньже пойду́, я́ко к Тебе́ взях ду́шу мою́.

Хор: Слы́шану сотвори́ мне зау́тра ми́лость Твою́, я́ко на Тя упова́х.

Чтец: Изми́ мя от враг мои́х, Го́споди, к Тебе́ прибего́х.

Хор: Слы́шану сотвори́ мне зау́тра ми́лость Твою́, я́ко на Тя упова́х.

Чтец: Научи́ мя твори́ти во́лю Твою́, я́ко Ты еси́ Бог мой.

Хор: Дух Твой Благи́й наста́вит мя на зе́млю пра́ву.

Чтец: И́мене Твоего́ ра́ди, Го́споди, живи́ши мя, пра́вдою Твое́ю изведе́ши от печа́ли ду́шу мою́.

Хор: Дух Твой Благи́й наста́вит мя на зе́млю пра́ву.

Чтец: И ми́лостию Твое́ю потреби́ши враги́ моя́ и погуби́ши вся стужа́ющыя души́ мое́й, я́ко аз раб Твой есмь.

Хор: Аллилу́иа, аллилу́иа, аллилу́иа.

Чтец: От но́щи у́тренюет дух мой к Тебе́, Бо́же, зане́ свет повеле́ния Твоя́ на земли́.

Хор: Аллилу́иа, аллилу́иа, аллилу́иа.

Чтец: Пра́вде научи́теся живу́щии на земли́.

Хор: Аллилу́иа, аллилу́иа, аллилу́иа.

Чтец: За́висть прии́мет лю́ди ненака́занныя.

Хор: Аллилу́иа, аллилу́иа, аллилу́иа.

Чтец: Приложи́ им зла, Го́споди, приложи́ зла сла́вным земли́.

Пе́сни Тро́ичны, глас 8

На Не́бо сердца́ иму́ще, А́нгельский подражаи́м чин / и со стра́хом Судии́ припаде́м, побе́дную взыва́юще хвалу́: / Свят, Свят, Свят еси́, Бо́же наш,/предста́тельствы Безпло́тных Твои́х, поми́луй нас.

Слава Отцу́, и Сы́ну, и Свято́му Ду́ху.
Зре́ти Тебе́ не сме́юще Херуви́ми, летя́ще, / зову́т со восклица́нием Боже́ственную песнь трисвята́го гла́са, / с ни́миже и мы вопие́м Ти: / Свят, Свят, Свят еси́, Бо́же наш, / моли́твами всех святы́х Твои́х поми́луй нас.

И ны́не, и при́сно, и во ве́ки веко́в. Ами́нь.
Сляца́еми мно́жеством прегреше́ний на́ших / и не сме́юще воззре́ти на высоту́ Небе́сную, / ду́шу с те́лом прекло́ньше, / со А́нгелы песнь вопие́м Ти: / Свят, Свят, Свят еси́, Бо́же наш, / Богоро́дицею поми́луй нас.

Моли́тва св. Мака́рия Вели́кого

К Тебе́, Влады́ко Человеколю́бче, от сна воста́в, прибега́ем, и на дела́ Твоя́ подвиза́емся милосе́рдием Твои́м, и молимся Тебе: помози́ нам на вся́кое вре́мя, во вся́кой ве́щи, и изба́ви нас от вся́кия мирски́я злы́я ве́щи и диа́вольскаго поспеше́ния, и спаси́ нас, и введи́ в Ца́рство Твое́ Ве́чное. Ты бо еси́ наш Сотвори́тель и вся́кому бла́гу Промы́сленник и Пода́тель, о Тебе́ же все упова́ние наше, и Тебе́ сла́ву возсыла́ем, ны́не, и при́сно, и во ве́ки веко́в. Ами́нь.

Трипсалмие (одна «Слава» из кафизм по порядку).

Псалти́рь

Псалом 1
Псало́м Дави́ду.
1 Блаже́н му́ж, и́же не и́де на сове́т нечести́вых, и на пути́ гре́шных не ста́, и на седа́лищи губи́телей не се́де:
2 но в зако́не Госпо́дни во́ля его́, и в зако́не Его́ поучи́тся де́нь и но́щь.
3 И бу́дет я́ко дре́во насажде́ное при исхо́дищих во́д, е́же пло́д сво́й да́ст во вре́мя свое́, и ли́ст его́ не отпаде́т: и вся́, ели́ка а́ще твори́т, успе́ет.
4 Не та́ко нечести́вии, не та́ко: но я́ко пра́х, его́же возмета́ет ве́тр от лица́ земли́.
5 Сего́ ра́ди не воскре́снут нечести́вии на су́д, ниже́ гре́шницы в сове́т пра́ведных.
6 Я́ко ве́сть Госпо́дь пу́ть пра́ведных, и пу́ть нечести́вых поги́бнет.
Псалом 2
Псало́м Дави́ду.
1 Вску́ю шата́шася язы́цы, и лю́дие поучи́шася тще́тным?
2 Предста́ша ца́рие зе́мстии, и кня́зи собра́шася вку́пе на Го́спода и на Христа́ Его́.
3 Расто́ргнем у́зы и́х и отве́ржем от на́с и́го и́х.
4 Живы́й на небесе́х посмее́тся и́м, и Госпо́дь поруга́ется и́м.
5 Тогда́ возглаго́лет к ни́м гне́вом Свои́м и я́ростию Свое́ю смяте́т я́:
6 А́з же поста́влен е́смь Ца́рь от Него́ над Сио́ном, горо́ю свято́ю Его́,
7 возвеща́яй повеле́ние Госпо́дне. Госпо́дь рече́ ко Мне́: Сы́н Мо́й еси́ Ты́, А́з дне́сь роди́х Тя́:
8 проси́ от Мене́, и да́м ти́ язы́ки достоя́ние Твое́, и одержа́ние Твое́ концы́ земли́:
9 упасе́ши я́ жезло́м желе́зным, я́ко сосу́ды скуде́льничи сокруши́ши я́.
10 И ны́не, ца́рие, разуме́йте, накажи́теся вси́ судя́щии земли́.
11 Рабо́тайте Го́сподеви со стра́хом, и ра́дуйтеся Ему́ со тре́петом.
12 Приими́те наказа́ние, да не когда́ прогне́вается Госпо́дь, и поги́бнете от пути́ пра́веднаго, егда́ возгори́тся вско́ре я́рость Его́: блаже́ни вси́ наде́ющиися На́нь.
Псалом 3
1 Псало́м Дави́ду, внегда́ отбега́ше от лица́ Авессало́ма сы́на своего́.
2 Го́споди, что́ ся умно́жиша стужа́ющии ми́? Мно́зи востаю́т на мя́,
3 мно́зи глаго́лют души́ мое́й: не́сть спасе́ния ему́ в Бо́зе его́.
4 Ты́ же, Го́споди, засту́пник мо́й еси́, сла́ва моя́, и вознося́й главу́ мою́.
5 Гла́сом мои́м ко Го́споду воззва́х, и услы́ша мя́ от горы́ святы́я Своея́.
6 А́з усну́х, и спа́х, воста́х, я́ко Госпо́дь засту́пит мя́.
7 Не убою́ся от те́м люди́й, о́крест напа́дающих на мя́.
8 Воскре́сни́, Го́споди, спаси́ мя, Бо́же мо́й: я́ко Ты́ порази́л еси́ вся́ вражду́ющыя ми́ всу́е, зу́бы гре́шников сокруши́л еси́.
9 Госпо́дне е́сть спасе́ние, и на лю́дех Твои́х благослове́ние Твое́.

По окончании псалмопения: Аллилу́иа, аллилу́иа, аллилу́иа, сла́ва Тебе́, Бо́же. (3 раза)

Го́споди, поми́луй. (3 раза)

Сла́ва Отцу́, и Сы́ну, и Свято́му Ду́ху, и ны́не, и при́сно, и во ве́ки веко́в. Ами́нь.

Седа́лен дня

Глас 3: Красне́йшее вре́мя наста́, достохва́льный де́нь возсия́ воздержа́ния бра́тие, потщи́мся очи́ститися, я́ко да яви́мся чи́сти Сотво́ршему, и красоту́ Его́ получи́м, моли́твами Того́ роди́вшия, еди́ныя чи́стыя Богома́тере.
Слава и ныне:
Красоте́ де́вства Твоего́, и пресве́тлой чистоте́ Твое́й Гаврии́л удиви́вся, вопия́ше Ти́ Богоро́дице: ку́ю Ти́ похвалу́ принесу́ досто́йную? что́ же возъимену́ю Тя́? недоумева́ю, и ужаса́юся. Те́мже я́ко повеле́н бы́х, вопию́ Ти: ра́дуйся Благода́тная.

Проло́г

Молитва перед чтением: Моли́твами святы́х отец на́ших, Го́споди Иису́се Христе́, Бо́же на́ш, поми́луй нас.

• 10-й день. К прихожанам, живущим среди раскольников – Пролог в поучениях на каждый день года, прот. Виктор Гурьев

Моли́тва свято́го Васи́лия Вели́кого

Тя благослови́м, вы́шний Бо́же и Го́споди ми́лости, творя́щаго при́сно с на́ми вели́кая же и неизсле́дованная, сла́вная же и ужа́сная, и́хже несть числа́, пода́вшаго нам сон во упокое́ние не́мощи на́шея, и ослабле́ние трудо́в многотру́дныя пло́ти. Благодари́м Тя, якo не погуби́л еси́ нас со беззако́ньми на́шими, но человеколю́бствовал еси́ обы́чно, и в неча́янии лежа́щия ны воздви́гл еси́, во е́же славосло́вити держа́ву Твою́. Те́мже мо́лим безме́рную Твою́ бла́гость, просвети́ на́ша мы́сли, очеса́, и ум наш от тя́жкаго сна ле́ности возста́ви: отве́рзи на́ша уста́, и испо́лни я Твоего́ хвале́ния, я́ко да возмо́жем непоколе́блемо пе́ти же и испове́датися Тебе́, во всех, и от всех сла́вимому Бо́гу, Безнача́льному Отцу́, со Единоро́дным Твои́м Сы́ном, и Всесвяты́м и Благи́м и Животворя́щим Твои́м Ду́хом, ны́не и при́сно и во ве́ки веко́в. Ами́нь.

Библе́йские пе́сни

Песня 1

На 12: Пое́м Го́сподеви, славно бо просла́вися; коня́ и всадника вве́рже в мо́ре.
Припев: Го́сподеви пое́м, сла́вно бо просла́вися.
Помо́щник и Покрови́тель бысть мне во спасе́ние. Сей - мой Бог, и просла́влю Его, Бог отца́ моего́, и вознесу́ Его.
Припев: Го́сподеви пое́м, сла́вно бо просла́вися.
На 10: Госпо́дь сокруша́яй бра́ни, Госпо́дь - и́мя Ему. Колесни́цы фарао́новы и си́лу его вве́рже в мо́ре.
Припев: Го́сподеви пое́м, сла́вно бо просла́вися.
Пучи́ною покры́ их, погрязо́ша во глубине́, я́ко ка́мень.
Припев: Го́сподеви пое́м, сла́вно бо просла́вися.
На 8: Тогда́ потща́шася влады́ки Едо́мстии и князе́й Моави́тских, прия́т их тре́пет, раста́яша вси, живу́щии в Ханаа́не.
Припев: Го́сподеви пое́м, сла́вно бо просла́вися.
Нападе́т на них страх и тре́пет, вели́чием мы́шцы Твоея́ да ока́менятся.
Ирмос (глас 4): Триста́ты кре́пкия,/ Рожде́йся от Де́вы,/ безстра́стия во глубине́/ души́ трича́стное потопи́, молю́ся,/ да Тебе́, я́ко в тимпа́не,/ во умерщвле́нии телесе́/ побе́дное воспою́ пе́ние.
На 6: До́ндеже про́йдут лю́дие Твои́, Го́споди, до́ндеже про́йдут лю́дие Твои́ си́и, я́же стяжа́л еси́.
Му́чеников свяще́нных, свяще́нно страда́вших,/ свяще́нный и чу́дный наста́ пра́здник,/ светозаре́нием Ду́ха вся световодя́щи,/ соше́дшеся, празднолю́бцы, по до́лгу сих ублажи́м.
Соде́лал еси́, Го́споди, святы́ню, ю́же угото́васте ру́це Твои́.
Я́ко со́лнце све́тлое,/ доброде́телей светоно́сием возсия́л еси́ нам, Кодра́те страда́льче,/ светолу́чными твои́ми сия́нии тьму́ многобо́жия отгоня́, блаже́нне,/ и просвеща́я ве́рных составле́ния.
На 4: Госпо́дь ца́рствуяй ве́ки и на век, и еще́.
Ка́мень жи́зни Иису́са Спа́са возвеща́юще Бо́га, пострада́сте тве́рдо,/ и исто́чник свяще́ния, ка́мень, прие́мшии,/ крове́й тече́ния соде́ласте, му́ченицы сла́внии.
Егда́ вни́де конь фарао́нов с колесни́цами и вса́дники в мо́ре, сы́нове же Изра́илевы проидо́ша су́шею посреде́ мо́ря.
На́ша помышле́ния Боже́ственным ра́лом возде́лавше Боже́ственнаго поще́ния, доброде́телей кла́с плодопринесе́м, я́ко да не вза́лчем во ве́ки, наслажда́ющеся сла́достию неиждива́емою ра́дующеся.
Сла́ва Отцу,́ и Сы́ну, и Свято́му Ду́ху.
Многоле́тныя стра́сти вну́трь ношу́, омрача́ющыя окая́нную ду́шу мою́, к Твое́й безле́тне Сло́ве, безнача́льнаго Отца́ си́ле непобеди́мей, сокруше́нным се́рдцем припа́даю и молю́ся: уще́дри, и спаси́ мя.
И ны́не, и при́сно, и во ве́ки веко́в. Ами́нь.
До́брое поще́ние пита́ет сердца́, умаща́ющее помышле́ния богоуго́дная, и страсте́й бе́здну изсуша́ющее, ту́чами умиле́ния очища́ет, ве́рою хвалу́ принося́щих Вседержи́телю.

Песня 8

На 12: Благослови́те, вся дела́ Госпо́дня, Го́спода.
Припев: Го́спода по́йте, дела, и превозноси́те Его́ во ве́ки.
Благослови́те, а́нгели Госпо́дни, небеса́ Госпо́дня, Го́спода.
Припев: Го́спода по́йте, дела, и превозноси́те Его́ во ве́ки.
На 10: Благослови́те, во́ды вся, я́же превыше небе́с, вся си́лы Госпо́дни, Го́спода.
Припев: Го́спода по́йте, дела, и превозноси́те Его́ во ве́ки.
Благослови́те, со́лнце и ме́сяц, зве́зды небе́сныя, Го́спода.
Припев: Го́спода по́йте, дела, и превозноси́те Его́ во ве́ки.
На 8: Благослови́те, вся пти́цы небе́сныя, зве́рие и вси ско́ти, Го́спода.
Припев: Го́спода по́йте, дела, и превозноси́те Его́ во ве́ки.
Благослови́те, сы́нове челове́честии, да благослови́т Израиль Го́спода.
Ирмос (глас 4): Изба́вителю всех, Всеси́льне,/ посреде́ пла́мене благоче́ствовавшия,/ низше́д, ороси́л еси́/ и научи́л еси́ пе́ти:/ вся дела́, благослови́те, по́йте Го́спода.
На 6: Благослови́те, свяще́нницы Госпо́дни, раби́ Госпо́дни, Го́спода.
Просве́щся страда́ний све́тлостию,/ венцено́сец Го́споду предстои́ши со страда́вшими с тобо́ю, сла́вне, воспева́я, Кодра́те:/ вся дела́, благослови́те, по́йте Го́спода.
Благослови́те, ду́си и ду́ши пра́ведных, преподо́бнии и смире́ннии се́рдцем, Го́спода.
Доброде́телей све́том удобря́емь,/ при кончи́не му́ченическую све́тлость насле́довал еси́, всему́дре, воспева́я, Кодра́те:/ вся дела́, благослови́те, по́йте Го́спода.
На 4: Благослови́те, Ана́ния, Аза́рия, Мисаи́л, Го́спода.
Предогражде́ния Кори́нф стяжа́, святы́х честны́я мо́щи,/ и врачева́ние безме́здно храм,/ иде́же ве́рою всяк притека́яй боле́зней и страсте́й изменя́ется.
Благослови́те, апо́столи, проро́цы и му́ченицы Госпо́дни, Го́спода.
Вре́дными зми́я пре́лестьми извлачи́мь, и прельща́емь умо́м по вся́ дни́, я́зве мое́й прилага́я я́зву, Спа́се зову́ Ти: Врачу́ боля́щих, обрати́ и спаси́ мя.
Благослови́м Отца́, и Сы́на, и Свята́го Ду́ха, Го́спода.
Пости́вся воскреси́ отроча́ Сомани́тиды дре́вле, укрепля́емь Елиссе́й я́ве ду́хом: мы́ же умертви́вшеся сладостра́стием, живоно́сным посто́м ве́рнии оживи́мся.
И ны́не, и при́сно, и во ве́ки веко́в. Ами́нь.
Ниневи́тяны спа́сл еси́ Го́споди Человеколю́бче, дре́вле пока́явшыяся, в пла́чи и посте́, я́ко благоутро́бен: на́с же ми́лостию Твое́ю уще́дри, недоуме́ющих де́лы испове́датися Тебе́.

Песня 9

Пресвято́й Богоро́дицы

Вели́чит душа́ Моя Го́спода, и возра́довася дух Мой о Бо́зе Спа́се Мое́м.
Припев: Честне́йшую Херуви́м / и сла́внейшую без сравне́ния Серафи́м, / без истле́ния Бо́га Сло́ва ро́ждшую, / су́щую Богоро́дицу, Тя велича́ем.
Я́ко призре́ на смире́ние Ра́бы Своея́, се бо, от ны́не ублажа́т Мя вси ро́ди.
Припев: Честне́йшую Херуви́м / и сла́внейшую без сравне́ния Серафи́м, / без истле́ния Бо́га Сло́ва ро́ждшую, / су́щую Богоро́дицу, Тя велича́ем.
Я́ко сотвори́ Мне вели́чие Си́льный, и свя́то и́мя Его́, и ми́лость Его́ в ро́ды родо́в боя́щимся Его́.
Припев: Честне́йшую Херуви́м / и сла́внейшую без сравне́ния Серафи́м, / без истле́ния Бо́га Сло́ва ро́ждшую, / су́щую Богоро́дицу, Тя велича́ем.
Сотвори́ держа́ву мы́шцею Свое́ю, расточи́ го́рдыя мы́слию се́рдца их.
Припев: Честне́йшую Херуви́м / и сла́внейшую без сравне́ния Серафи́м, / без истле́ния Бо́га Сло́ва ро́ждшую, / су́щую Богоро́дицу, Тя велича́ем.
Низложи́ си́льныя со престо́л и вознесе́ смире́нныя, а́лчущия испо́лни благ и богатя́щияся отпусти́ тщи.
Припев: Честне́йшую Херуви́м / и сла́внейшую без сравне́ния Серафи́м, / без истле́ния Бо́га Сло́ва ро́ждшую, / су́щую Богоро́дицу, Тя велича́ем.
Восприя́т Изра́иля, о́трока Своего́, помяну́ти милости, я́коже глаго́ла ко отце́м на́шим, Авраа́му и се́мени его, да́же до ве́ка.
Припев: Честне́йшую Херуви́м / и сла́внейшую без сравне́ния Серафи́м, / без истле́ния Бо́га Сло́ва ро́ждшую, / су́щую Богоро́дицу, Тя велича́ем.

Св. Заха́рии

На 12: Благослове́н Госпо́дь Бог Изра́илев, я́ко посети́ и сотвори́ избавле́ние лю́дем Свои́м.
Припев: Хва́лим, благослови́м, покланя́емся Го́сподеви, пою́ще и превознося́ще во вся ве́ки.
И воздви́же рог спасе́ния нам в дому́ Дави́дове, о́трока Своего́.
Припев: Хва́лим, благослови́м, покланя́емся Го́сподеви, пою́ще и превознося́ще во вся ве́ки.
На 10: Я́коже глаго́ла усты́ святы́х, су́щих от ве́ка проро́к Его́: спа́сение от враг на́ших и из руки́ всех, ненави́дящих нас.
Припев: Хва́лим, благослови́м, покланя́емся Го́сподеви, пою́ще и превознося́ще во вся ве́ки.
Сотвори́ти ми́лость со отцы́ на́шими и помяну́ти заве́т святы́й Свой.
Припев: Хва́лим, благослови́м, покланя́емся Го́сподеви, пою́ще и превознося́ще во вся ве́ки.
На 8: Кля́тву, е́юже кля́тся ко Авраа́му, отцу́ на́шему, да́ти нам без стра́ха, из руки́ враг на́ших изба́вльшимся.
Припев: Хва́лим, благослови́м, покланя́емся Го́сподеви, пою́ще и превознося́ще во вся ве́ки.
Служи́ти Ему́ преподо́бием и пра́вдою пред Ним вся дни живота́ на́шего.
Ирмос (глас 4): Е́ва у́бо неду́гом преслуша́ния/ кля́тву всели́ла е́сть;/ Ты же, Де́во Богоро́дице,/ прозябе́нием чревоноше́ния у ми́рови благослове́ние процвела́ еси́./ Тем Тя вси велича́ем.
На 6: И ты, отроча́, проро́к Вы́шняго нарече́шися, преды́деши бо пред лице́м Госпо́дним, угото́вати пути́ Его́.
Гное́ния ва́ша му́ченическая испуща́ют благово́ние, по́лно благода́ти,/ кро́ви сих целе́б излива́ют то́ки Боже́ственным Ду́хом/ и стра́сти душетле́нныя исцеля́ют,/ я́же досто́йно ублажи́м.
Да́ти ра́зум спасе́ния лю́дем Его́ во оставле́ние грех их, милосе́рдия ра́ди ми́лости Бо́га на́шего.
Красе́н язв добро́тами быв, А́нгелом уподо́бился еси́,/ кро́вию же излия́нною, Кодра́те, всед, я́ко на колесни́цу,/ возлете́л еси́ к Вы́шним Ца́рством, по́чести боле́зней прие́мля.
На 4: В ни́хже посети́ нас Восто́к с высоты́, яви́тися во тьме и се́ни сме́ртней седя́щим.
Источа́я Боже́ственную сла́дость из уст,/ страда́льческий собо́р увеща́л еси́, му́чениче Кодра́те, страда́ти с тобо́ю,/ Ане́кта, и Па́вла, и Криске́нта, Киприа́на же и Боже́ственнаго Дионисия,/ с ни́миже лику́еши, досточу́дне.
Напра́вити но́ги на́ша на путь ми́рен.
Ча́шу Боже́ственную испо́лнивши ны́не умиле́ния, по́стная благода́ть я́ве, созыва́ет вся́ ве́рныя, вопию́щи с весе́лием: прииди́те, наслади́теся, пия́нство страсте́й отложи́вше, да бу́дущаго сподо́битеся утеше́ния.
Сла́ва Отцу́, и Сы́ну, и Свято́му Ду́ху.
Бли́з Су́д, внемли́ душе́, со́вестию попецы́ся, и де́лай до́бре, тебе́ неосужде́ну при́сно соблюда́ющая: а́ще бо себе́ зде́ разсужда́ем, ника́коже та́мо осу́димся без свиде́телей, иде́же пови́ннии осужда́ются.
И ны́не, и при́сно, и во ве́ки веко́в. Ами́нь.
Нача́ла, Си́лы, Престо́ли, Серафи́ми, Госпо́дьства, и Вла́сти, и Херуви́ми, А́нгели, Арха́нгели, Бо́га моли́те, поще́ния вре́мя прейти́ на́м, сему́ уго́дная творя́щым, да я́ко раби́ благоугоди́вшии сла́ву получи́м.

Моли́тва по оконча́нии кано́на

Бо́же, Бо́же наш, у́мныя и слове́сныя соста́вивый си́лы Твое́ю во́лею! Молю́ Тя: приими́ мое́, по си́ле, славосло́вие, со все́ми созда́нии Твои́ми, и бога́тыми Твоея́ бла́гости возда́ждь дарова́ньми. Я́ко Тебе́ преклоня́ется вся́кое коле́но небе́сных, и земны́х, и преиспо́дних, и вся́кое дыха́ние и созда́ние пое́т непостижи́мую Твою́ сла́ву: Еди́н бо еси́ Бог, И́стинный и Многоми́лостивый.

Свети́льны дневны́е

Свет сый, Христе, просвети мя Тобою, предстательствы Безплотных Твоих, и спаси мя.
Сла́ва Отцу́, и Сы́ну, и Свято́му Ду́ху.
Свет сый, Христе, просвети мя Тобою, молитвами, Господи, святых Твоих, и спаси мя.
И ны́не, и при́сно, и во ве́ки веко́в. Ами́нь.
Свет сый, Христе, просвети мя Тобою, молитвами, Господи, Богородицы, и спаси мя.

Канонарх: Хвали́те Го́спода с небе́с.

Припев: Тебе́ подоба́ет песнь, Бо́же.

Припев припевается после каждого стиха (и смысловой фразы) или звучит фоном во время чтения их чтецом, до момента смены припева на следующий.

Псало́м 148

Лик первый: Хвали́те Го́спода с небе́с, хвали́те Его́ в вы́шних. Тебе́ подоба́ет песнь, Бо́же.

Лик второй: Хвали́те Его́, вси А́нгели Его́, хвали́те Его́, вся си́лы Его́. Тебе́ подоба́ет песнь, Бо́же.

Чтец: Хвали́те Его́, со́лнце и луна́, / хвали́те Его́, вся зве́зды и свет. / Хвали́те Его́ Небеса́ небе́с и вода́, я́же превы́ше небе́с. / Да восхва́лят и́мя Госпо́дне: я́ко Той рече́, и бы́ша, Той повеле́, и созда́шася. / Поста́ви я́ в век и в век ве́ка, повеле́ние положи́, и не ми́мо и́дет. / Хвали́те Го́спода от земли́, зми́еве и вся бе́здны: /

Хор: Дади́те сла́ву Бо́гу.

Чтец: огнь, град, снег, го́лоть, дух бу́рен, творя́щая сло́во Его́, / го́ры и вси хо́лми, древа́ плодоно́сна и вси ке́дри, / зве́рие и вси ско́ти, га́ди и пти́цы перна́ты. / Ца́рие зе́мстии и вси лю́дие, кня́зи и вси судии́ зе́мстии, ю́ноши и де́вы, ста́рцы с ю́нотами да восхва́лят и́мя Госпо́дне. /

Хор: Тому́ подоба́ет песнь.

Чтец: Я́ко вознесе́ся и́мя Того́ Еди́наго, / испове́дание Его́ на земли́ и на небеси́. / И вознесе́т рог люде́й Свои́х, песнь всем преподо́бным Его́, сыново́м Изра́илевым, лю́дем, приближа́ющымся Ему́. /

Псало́м 149

Воспо́йте Го́сподеви песнь но́ву, хвале́ние Его́ в це́ркви преподо́бных. / Восхва́лятся преподо́бнии во сла́ве и возра́дуются на ло́жах свои́х. / Возноше́ния Бо́жия в горта́ни их, и мечи́ обою́ду остры́ в рука́х их. / Сотвори́ти отмще́ние во язы́цех, обличе́ния в лю́дех, /

Хор: Пощади́ ны, Го́споди.

Чтец: связа́ти цари́ их пу́ты, и сла́вныя их ручны́ми око́вы желе́зными. / Сотвори́ти в них суд напи́сан; сла́ва сия бу́дет всем преподо́бным Его́. /

Хор: Сы́не Бо́жий, поми́луй нас.

Псало́м 150

Чтец: Хвалит́е Бо́га во святы́х Его́, хвали́те Его́ во утверже́нии си́лы Его́.

Хор: Тебе́ сла́ва подоба́ет, Го́споди.

Чтец: Хвали́те Его на си́лах Его́, хвали́те Его по мно́жеству вели́чествия Его́. /

Хор: Тебе́ сла́ва подоба́ет, Го́споди.

Чтец: Хвали́те Его́ во гла́се тру́бнем, хвали́те Его́ во псалти́ри и гу́слех. /

Хор: Тебе́ сла́ва подоба́ет, Го́споди..

Чтец: Хвали́те Его́ в тимпа́не и ли́це, хвали́те Его́ во стру́нах и орга́не. /

Хор: Тебе́ сла́ва подоба́ет, Го́споди.

Чтец: Хвали́те Его́ в кимва́лех доброгла́сных, хвали́те Его́ в кимва́лех восклица́ния. / Вся́кое дыха́ние да хва́лит Го́спода.

Хор: Тебе́ сла́ва подоба́ет, Го́споди.

Чтец: Тебе́ сла́ва подоба́ет, Го́споди Бо́же наш, и Тебе́ сла́ву возсыла́ем, Отцу́, и Сы́ну, и Свято́му Духу́, ны́не и при́сно, и во ве́ки веко́в, ами́нь.

Сла́ва Тебе́, показа́вшему нам свет.

Сла́ва в вы́шних Бо́гу, и на земли́ мир, в челове́цех благоволе́ние. Хва́лим Тя, благослови́м Тя, кла́няем Ти ся, славосло́вим Тя, благодари́м Тя вели́кия ра́ди сла́вы Твоея́. Го́споди, Царю́ Небе́сный, Боже, О́тче Вседержи́телю, Го́споди Сы́не Единоро́дный, Иису́се Христе́, и Святы́й Ду́ше. Го́споди Бо́же, А́гнче Бо́жий, Сы́не Оте́чь, взе́мляй грех ми́ра, поми́луй нас. Взе́мляй грехи́ ми́ра, приими́ моли́тву на́шу. Седя́й одесну́ю Отца́, поми́луй нас. Я́ко Ты еси́ Еди́н Свят; Ты еси́ Еди́н Госпо́дь, Иису́с Христо́с, во сла́ву Бо́га Отца́, ами́нь.

На всяк день благословлю́ Тя и восхвалю́ и́мя Твое́ во ве́ки, и в век ве́ка.

Го́споди, прибе́жище был еси́ нам в род и род. Аз рех: Го́споди, поми́луй мя, исцели́ ду́шу мою́, я́ко согреши́х Тебе́. Го́споди, к Тебе́ прибего́х, научи́ мя твори́ти во́лю Твою́, я́ко Ты еси́ Бог мой, я́ко у Тебе́ исто́чник живота́, во све́те Твое́м у́зрим свет. Проба́ви ми́лость Твою́ ве́дущим Тя.

Сподо́би Го́споди, в день сей без греха́ сохрани́тися нам. Благослове́н еси́, Го́споди, Бо́же оте́ц на́ших, и хва́льно и просла́влено и́мя Твое́ во ве́ки, ами́нь.

Бу́ди, Го́споди, ми́лость Твоя́ на нас, я́коже упова́хом на Тя. Благослове́н еси́, Го́споди, научи́ мя оправда́нием Твои́м. Благослове́н еси́, Влады́ко, вразуми́ мя оправда́нием Твои́м. Благослове́н еси́, Святы́й, просвети́ мя оправда́нии Твои́ми.

Го́споди, ми́лость Твоя́ во век, дел руку́ Твое́ю не пре́зри: Тебе́ подоба́ет хвала́, Тебе́ подоба́ет пе́ние, Тебе́ сла́ва подоба́ет, Отцу́, и Сы́ну, и Свято́му Ду́ху, ны́не и при́сно, и во ве́ки веко́в, ами́нь.

Моли́тва св. Васи́лия Вели́кого

Го́споди Вседержи́телю, Бо́же сил и вся́кия пло́ти, в вы́шних живы́й и на смире́нныя призира́яй, сердца́ же и утро́бы испыту́яй и сокрове́нная челове́ков я́ве предве́дый, Безнача́льный и Присносу́щный Све́те, у Него́ же несть премене́ние, или́ преложе́ния осене́ние; Сам, Безсме́ртный Царю́, приими́ моле́ния на́ша, я́же в настоя́щее вре́мя, на мно́жество Твои́х щедро́т дерза́юще, от скве́рных к Тебе́ усте́н твори́м, и оста́ви нам прегреше́ния на́ша, я́же де́лом, и сло́вом, и мы́слию, ве́дением, или́ неве́дением согреше́нная на́ми; и очи́сти ны от вся́кия скве́рны пло́ти и ду́ха. И да́руй нам бо́дренным се́рдцем и тре́звенною мы́слию всю настоя́щаго жития́ нощь прейти́, ожида́ющим прише́ствия све́тлаго и явле́ннаго дне Единоро́днаго Твоего́ Сы́на, Го́спода и Бо́га и Спа́са на́шего Иису́са Христа́, во́ньже со сла́вою Судия́ всех прии́дет, кому́ждо отда́ти по де́лом его́; да не па́дше и облени́вшеся, но бо́дрствующе и воздви́жени в де́лание обря́щемся гото́ви, в ра́дость и Боже́ственный черто́г сла́вы Его́ совни́дем, иде́же пра́зднующих глас непреста́нный, и неизрече́нная сла́дость зря́щих Твоего́ лица́ добро́ту неизрече́нную. Ты бо еси́ и́стинный Свет, просвеща́яй и освяща́яй вся́ческая, и Тя пое́т вся тварь во ве́ки веко́в. Ами́нь.

Чтец: Бла́го есть испове́датися Го́сподеви, и пе́ти И́мени Твоему́, Вы́шний: возвеща́ти зау́тра ми́лость Твою́, и и́стину Твою́ на вся́ку нощь.

Святы́й Бо́же, Святы́й Кре́пкий, Святы́й Безсме́ртный, поми́луй нас. (3 раза)

Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

Пресвята́я Тро́ице, поми́луй нас; Го́споди, очи́сти грехи́ на́ша; Влады́ко, прости́ беззако́ния на́ша; Святы́й, посети́ и исцели́ не́мощи на́ша, и́мене Твоего́ ра́ди.

Го́споди, поми́луй. (3 раза) Сла́ва Отцу́, и Сы́ну, и Свято́му Ду́ху, и ны́не, и при́сно, и во ве́ки веко́в. Ами́нь.

О́тче наш, И́же еси́ на Небесе́х, да святи́тся и́мя Твое́, да прии́дет Ца́рствие Твое́, да бу́дет во́ля Твоя́, я́ко на Небеси́ и на земли́. Хлеб наш насу́щный да́ждь нам днесь; и оста́ви нам до́лги на́ша, я́коже и мы оставля́ем должнико́м на́шим; и не введи́ нас во искуше́ние, но изба́ви нас от лука́ваго. Я́ко Твое́ есть Ца́рство, и си́ла, и сла́ва, ны́не и при́сно, и во ве́ки веко́в. Аминь.

Досто́йно есть я́ко вои́стину блажи́ти Тя, Богоро́дицу, Присноблаже́нную и Пренепоро́чную, и Ма́терь Бо́га на́шего. Честне́йшую херуви́м и сла́внейшую без сравне́ния серафи́м, без истле́ния Бо́га Сло́ва ро́ждшую, су́щую Богоро́дицу, Тя велича́ем.

Сла́ва Отцу́, и Сы́ну, и Свято́му Ду́ху, и ны́не, и при́сно, и во ве́ки веко́в. Ами́нь.

Го́споди, поми́луй. (3 раза)

И творим три великих поклона с моли́твою св. Ефре́ма:

Го́споди и Влады́ко живота́ моего́, дух пра́здности, уны́ния, любонача́лия, и праздносло́вия не даждь ми. (Поклон)

Дух же целому́дрия, смиренному́дрия, терпе́ния, и любве́, да́руй ми рабу́ Твоему́. (Поклон)

Ей, Го́споди Царю́, да́руй ми зре́ти моя́ прегреше́ния, и не осужда́ти бра́та моего́, я́ко благослове́н еси́ во ве́ки веко́в, ами́нь. (Поклон)

Чтец: Небе́сный Царю́, ве́ру утверди́, язы́ки укроти́, мир умири́, святы́й храм сей до́бре сохрани́: пре́жде отше́дшыя отцы́, бра́тию и сестры на́ша в селе́ниих пра́ведных учини́, и нас в покая́нии и испове́дании приими́, я́ко Благи́й и Человеколю́бец.

Чтец: Моли́твами святы́х оте́ц на́ших, Го́споди Иису́се Христе́, Бо́же наш, поми́луй нас. Ами́нь.

Сла́ва Тебе́, Бо́же наш, сла́ва Тебе́!

Царю́ Небе́сный, Уте́шителю, Ду́ше и́стины, И́же везде́ сый и вся исполня́яй, Сокро́вище благи́х и жи́зни Пода́телю, прииди́ и всели́ся в ны, и очи́сти ны от вся́кия скве́рны, и спаси́, Бла́же, ду́ши на́ша.

Святы́й Бо́же, Святы́й Кре́пкий, Святы́й Безсме́ртный, поми́луй нас. (3 раза)

Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

Пресвята́я Тро́ице, поми́луй нас; Го́споди, очи́сти грехи́ на́ша; Влады́ко, прости́ беззако́ния на́ша; Святы́й, посети́ и исцели́ не́мощи на́ша, и́мене Твоего́ ра́ди.

Го́споди, поми́луй. (3 раза) Сла́ва Отцу́, и Сы́ну, и Свято́му Ду́ху, и ны́не, и при́сно, и во ве́ки веко́в. Ами́нь.

О́тче наш, И́же еси́ на Небесе́х, да святи́тся и́мя Твое́, да прии́дет Ца́рствие Твое́, да бу́дет во́ля Твоя́, я́ко на Небеси́ и на земли́. Хлеб наш насу́щный да́ждь нам днесь; и оста́ви нам до́лги на́ша, я́коже и мы оставля́ем должнико́м на́шим; и не введи́ нас во искуше́ние, но изба́ви нас от лука́ваго. Я́ко Твое́ есть Ца́рство, и си́ла, и сла́ва, ны́не и при́сно, и во ве́ки веко́в. Аминь.

Го́споди, поми́луй. (12 раз)

Сла́ва Отцу́, и Сы́ну, и Свято́му Ду́ху, и ны́не, и при́сно, и во ве́ки веко́в. Ами́нь.

Прииди́те, поклони́мся Царе́ви на́шему, Бо́гу.

Прииди́те, поклони́мся и припаде́м Христу́, Царе́ви на́шему, Бо́гу.

Прииди́те, поклони́мся и припаде́м Самому́ Христу́, Царе́ви и Бо́гу на́шему.

Псало́м 24

К Тебе́, Го́споди, воздвиго́х ду́шу мою́, Бо́же мой, на Тя упова́х, да не постыжу́ся во век, ниже́ да посмею́т ми ся врази́ мои́, и́бо вси терпя́щии Тя не постыдя́тся. Да постыдя́тся беззако́ннующии вотще́. Пути́ Твоя́, Го́споди, скажи́ ми, и стезя́м Твои́м научи́ мя. Наста́ви мя на и́стину Твою́, и научи́ мя, я́ко Ты еси́ Бог Спас мой, и Тебе́ терпе́х весь день. Помяни́ щедро́ты Твоя́, Го́споди, и ми́лости Твоя́, я́ко от ве́ка суть. Грех ю́ности моея́, и неве́дения моего́ не помяни́, по ми́лости Твое́й помяни́ мя Ты, ра́ди бла́гости Твоея́, Го́споди. Благ и прав Госпо́дь, сего́ ра́ди законоположи́т согреша́ющым на пути́. Наста́вит кро́ткия на суд, научи́т кро́ткия путе́м Свои́м. Вси путие́ Госпо́дни ми́лость и и́стина, взыска́ющым заве́та Его́, и свиде́ния Его́. Ра́ди и́мене Твоего́, Го́споди, и очи́сти грех мой, мног бо есть. Кто есть челове́к боя́йся Го́спода? Законоположи́т eму́ на пути́, eго́же изво́ли. Душа́ eго́ во благи́х водвори́тся, и се́мя eго́ насле́дит зе́млю. Держа́ва Госпо́дь боя́щихся Его́, и заве́т Его́ яви́т им. О́чи мои́ вы́ну ко Го́споду, я́ко Той исто́ргнет от се́ти но́зе мои́. При́зри на мя и поми́луй мя, я́ко единоро́д и нищ есмь аз. Ско́рби се́рдца моего́ умно́жишася, от нужд мои́х изведи́ мя. Виждь смире́ние мое́, и труд мой, и оста́ви вся грехи́ моя́. Виждь враги́ моя́, я́ко умно́жишася, и ненавиде́нием непра́ведным возненави́деша мя. Сохрани́ ду́шу мою́, и изба́ви мя, да не постыжу́ся, я́ко упова́х на Тя. Незло́бивии и пра́вии прилепля́хуся мне, я́ко потерпе́х Тя, Го́споди. Изба́ви, Бо́же, Изра́иля от всех скорбе́й eго́.

Сла́ва Отцу́, и Сы́ну, и Свято́му Ду́ху, и ны́не, и при́сно, и во ве́ки веко́в. Ами́нь. Аллилу́иа, аллилу́иа, аллилу́иа, сла́ва Тебе́ Бо́же. (3 раза)

Го́споди, и́же Пресвята́го Твоего́ Ду́ха / в тре́тий час Апо́столом Твои́м низпосла́вый: / Того́, Благи́й, не отыми́ от нас, / но обнови́ нас, моля́щих Ти ся. И делаем земной поклон.

Стих 1: Се́рдце чи́сто сози́жди во мне, Бо́же, и дух прав обнови́ во утро́бе мое́й.

Припев: Го́споди, и́же Пресвята́го Твоего́ Ду́ха / в тре́тий час Апо́столом Твои́м низпосла́вый: / Того́, Благи́й, не отыми́ от нас, / но обнови́ нас, моля́щих Ти ся. И делаем земной поклон.

Стих 2: Не отве́ржи мене́ от лица́ Твоего́, и Ду́ха Твоего́ Свята́го не отыми́ от Мене́.

Припев: Го́споди, и́же Пресвята́го Твоего́ Ду́ха / в тре́тий час Апо́столом Твои́м низпосла́вый: / Того́, Благи́й, не отыми́ от нас, / но обнови́ нас, моля́щих Ти ся. И делаем земной поклон.

Сла́ва Отцу́, и Сы́ну, и Свято́му Ду́ху.

И ны́не, и при́сно, и во ве́ки веко́в. Ами́нь. Богоро́дице, Ты еси́ лоза́ и́стинная, / возрасти́вшая нам Плод живота́, / Тебе́ мо́лимся: / моли́ся, Влады́чице, со святы́ми апо́столы / поми́ловати ду́ши на́ша.

При́тчей чте́ние.

 

Госпо́дь Бог благослове́н, благослове́н Госпо́дь день дне, поспеши́т нам Бог спасе́ний на́ших, Бог наш, Бог спаса́ти.

Святы́й Бо́же, Святы́й Кре́пкий, Святы́й Безсме́ртный, поми́луй нас. (3 раза)

Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

Пресвята́я Тро́ице, поми́луй нас; Го́споди, очи́сти грехи́ на́ша; Влады́ко, прости́ беззако́ния на́ша; Святы́й, посети́ и исцели́ не́мощи на́ша, и́мене Твоего́ ра́ди.

Го́споди, поми́луй. (3 раза) Сла́ва Отцу́, и Сы́ну, и Свято́му Ду́ху, и ны́не, и при́сно, и во ве́ки веко́в. Ами́нь.

О́тче наш, И́же еси́ на Небесе́х, да святи́тся и́мя Твое́, да прии́дет Ца́рствие Твое́, да бу́дет во́ля Твоя́, я́ко на Небеси́ и на земли́. Хлеб наш насу́щный да́ждь нам днесь; и оста́ви нам до́лги на́ша, я́коже и мы оставля́ем должнико́м на́шим; и не введи́ нас во искуше́ние, но изба́ви нас от лука́ваго. Я́ко Твое́ есть Ца́рство, и си́ла, и сла́ва, ны́не и при́сно, и во ве́ки веко́в. Аминь.

Тропари́, глас 8

Благослове́н еси́ Христе́ Бо́же наш, / И́же прему́дры ловцы́ явле́й, / низпосла́в им Ду́ха Свята́го, / и те́ми уловле́й вселе́нную, / Человеколю́бче, сла́ва Тебе́.

Сла́ва Отцу́, и Сы́ну, и Свято́му Ду́ху. Ско́рое и изве́стное даждь утеше́ние рабо́м Твои́м, Иису́се, / внегда́ уныва́ти духо́м на́шим, / не разлуча́йся от душ на́ших в ско́рбех, / не удаля́йся от мы́слей на́ших во обстоя́ниих, но при́сно нас предвари́. / Прибли́жися нам, прибли́жися везде́ Сый, / я́коже со Апо́столы Твои́ми всегда́ еси́, / си́це и Тебе́ жела́ющым соедини́ Себе́, Ще́дре, да совоку́плени Тебе́ пое́м / и славосло́вим Всесвята́го Ду́ха Твоего́.

И ны́не, и при́сно, и во ве́ки веко́в. Ами́нь. Наде́жда, и предста́тельство, и прибе́жище христиа́н, необори́мая стена́, / изнемога́ющим приста́нище небу́рное, Ты еси́ Богоро́дице Пречи́стая, / но я́ко мир Спаса́ющая непреста́нною Твое́ю моли́твою, / помяни́ и нас, Де́во Всепе́тая.

Го́споди, поми́луй. (40 раз)

И́же на вся́кое вре́мя и на вся́кий час, на Небеси́ и на земли́, покланя́емый и сла́вимый, Христе́ Бо́же, Долготерпели́ве, Многоми́лостиве, Многоблагоутро́бне, И́же пра́ведныя любя́й и гре́шныя ми́луяй, И́же вся зовы́й ко спасе́нию обеща́ния ра́ди бу́дущих благ. Сам, Го́споди, приими́ и на́ша в час сей моли́твы и испра́ви живо́т наш к за́поведем Твои́м, ду́ши на́ша освяти́, телеса́ очи́сти, помышле́ния испра́ви, мы́сли очи́сти и изба́ви нас от вся́кия ско́рби, зол и боле́зней, огради́ нас святы́ми Твои́ми А́нгелы, да ополче́нием их соблюда́еми и наставля́еми, дости́гнем в соедине́ние ве́ры и в ра́зум непристу́пныя Твоея́ сла́вы, я́ко благослове́н еси́ во ве́ки веко́в, ами́нь.

Го́споди, поми́луй. (3 раза) Сла́ва Отцу́, и Сы́ну, и Свято́му Ду́ху, и ны́не, и при́сно, и во ве́ки веко́в. Ами́нь.

Честне́йшую Херуви́м / и сла́внейшую без сравне́ния Серафи́м, / без истле́ния Бо́га Сло́ва ро́ждшую, / су́щую Богоро́дицу, Тя велича́ем.

Бо́же, уще́дри ны и благослови́ ны, просвети́ лице́ Твое́ на ны и поми́луй ны. Ами́нь.

Моли́тва св. Ефре́ма Си́рина

Го́споди и Влады́ко живота́ моего́! Дух пра́здности, уны́ния, любонача́лия и праздносло́вия не даждь ми. (Поклон)

Дух же целому́дрия, смиренному́дрия, терпе́ния и любве́ да́руй ми, рабу́ Твоему́. (Поклон)

Ей, Го́споди Царю́, да́руй ми зре́ти моя́ прегреше́ния и не осужда́ти ближнего моего́, я́ко благослове́н еси́ во ве́ки веко́в. Ами́нь. (Поклон)

Влады́ко Бо́же О́тче Вседержи́телю, Го́споди Сы́не Единоро́дный Иису́се Христе́, и Святы́й Ду́ше, Еди́но Божество́, Еди́на Си́ла, поми́луй мя, гре́шнаго, и и́миже ве́си судьба́ми, спаси́ мя, недосто́йнаго раба́ Твоего́, я́ко благослове́н еси́ во ве́ки веко́в. Ами́нь.

Чтец: Моли́твами святы́х оте́ц на́ших, Го́споди Иису́се Христе́, Бо́же наш, поми́луй нас. Ами́нь.

Сла́ва Тебе́, Бо́же наш, сла́ва Тебе́!

Царю́ Небе́сный, Уте́шителю, Ду́ше и́стины, И́же везде́ сый и вся исполня́яй, Сокро́вище благи́х и жи́зни Пода́телю, прииди́ и всели́ся в ны, и очи́сти ны от вся́кия скве́рны, и спаси́, Бла́же, ду́ши на́ша.

Святы́й Бо́же, Святы́й Кре́пкий, Святы́й Безсме́ртный, поми́луй нас. (3 раза)

Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

Пресвята́я Тро́ице, поми́луй нас; Го́споди, очи́сти грехи́ на́ша; Влады́ко, прости́ беззако́ния на́ша; Святы́й, посети́ и исцели́ не́мощи на́ша, и́мене Твоего́ ра́ди.

Го́споди, поми́луй. (3 раза) Сла́ва Отцу́, и Сы́ну, и Свято́му Ду́ху, и ны́не, и при́сно, и во ве́ки веко́в. Ами́нь.

О́тче наш, И́же еси́ на Небесе́х, да святи́тся и́мя Твое́, да прии́дет Ца́рствие Твое́, да бу́дет во́ля Твоя́, я́ко на Небеси́ и на земли́. Хлеб наш насу́щный да́ждь нам днесь; и оста́ви нам до́лги на́ша, я́коже и мы оставля́ем должнико́м на́шим; и не введи́ нас во искуше́ние, но изба́ви нас от лука́ваго. Я́ко Твое́ есть Ца́рство, и си́ла, и сла́ва, ны́не и при́сно, и во ве́ки веко́в. Аминь.

Го́споди, поми́луй. (12 раз)

Сла́ва Отцу́, и Сы́ну, и Свято́му Ду́ху, и ны́не, и при́сно, и во ве́ки веко́в. Ами́нь.

Прииди́те, поклони́мся Царе́ви на́шему, Бо́гу.

Прииди́те, поклони́мся и припаде́м Христу́, Царе́ви на́шему, Бо́гу.

Прииди́те, поклони́мся и припаде́м Самому́ Христу́, Царе́ви и Бо́гу на́шему.

Псало́м 54

Внуши́, Бо́же, моли́тву мою́ и не пре́зри моле́ния моего́. Вонми́ ми и услы́ши мя: возскорбе́х печа́лию мое́ю и смято́хся. От гла́са вра́жия и от стуже́ния гре́шнича, я́ко уклони́ша на мя беззако́ние и во гне́ве враждова́ху ми. Се́рдце мое́ смяте́ся во мне и боя́знь сме́рти нападе́ на мя. Страх и тре́пет прии́де на мя и покры́ мя тьма. И рех: кто даст ми криле́, я́ко голуби́не, и полещу́, и почи́ю? Се удали́хся бе́гая и водвори́хся в пусты́ни. Ча́ях Бо́га, спаса́ющаго мя от малоду́шия и от бу́ри. Потопи́, Го́споди, и раздели́ язы́ки их: я́ко ви́дех беззако́ние и пререка́ние во гра́де. Днем и но́щию обы́дет и́ по стена́м eго́. Беззако́ние и труд посреде́ eго́ и непра́вда. И не оскуде́ от стогн eго́ ли́хва и лесть. Я́ко а́ще бы враг поноси́л ми, претерпе́л бых у́бо, и а́ще бы ненави́дяй мя на мя велере́чевал, укры́л бых ся от него́. Ты же, челове́че равноду́шне, влады́ко мой и зна́емый мой, и́же ку́пно наслажда́лся еси́ со мно́ю бра́шен, в дому́ Бо́жии ходи́хом единомышле́нием. Да прии́дет же смерть на ня, и да сни́дут во ад жи́ви, я́ко лука́вство в жили́щах их, посреде́ их. Аз к Бо́гу воззва́х, и Госпо́дь услы́ша мя. Ве́чер и зау́тра, и полу́дне пове́м, и возвещу́, и услы́шит глас мой. Изба́вит ми́ром ду́шу мою́ от приближа́ющихся мне, я́ко во мно́зе бя́ху со мно́ю. Услы́шит Бог и смири́т я́, Сый пре́жде век. Несть бо им измене́ния, я́ко не убоя́шася Бо́га. Простре́ ру́ку свою́ на воздая́ние, оскверни́ша заве́т Его́. Раздели́шася от гне́ва лица́ Его́, и прибли́жишася сердца́ их, умя́кнуша словеса́ их па́че еле́а, и та суть стре́лы. Возве́рзи на Го́спода печа́ль твою́, и Той тя препита́ет, не даст в век молвы́ пра́веднику. Ты же, Бо́же, низведе́ши я́ во студене́ц истле́ния, му́жие крове́й и льсти не преполовя́т дней свои́х. Аз же, Го́споди, упова́ю на Тя.

Сла́ва Отцу́, и Сы́ну, и Свято́му Ду́ху, и ны́не, и при́сно, и во ве́ки веко́в. Ами́нь. Аллилу́иа, аллилу́иа, аллилу́иа, сла́ва Тебе́ Бо́же. (3 раза)

И́же в шесты́й день же и час, / на кресте́ Пригвожде́й / в раи́ дерзнове́нный Ада́мов грех, / и согреше́ний на́ших рукописа́ние раздери́, / Христе́ Бо́же, и спаси́ нас. И делаем земной поклон.

Стих 1: Внуши́, Бо́же, моли́тву мою́, и не пре́зри моле́ния моего́.

Припев: И́же в шесты́й день же и час, / на кресте́ Пригвожде́й / в раи́ дерзнове́нный Ада́мов грех, / и согреше́ний на́ших рукописа́ние раздери́, / Христе́ Бо́же, и спаси́ нас. И делаем земной поклон.

Стих 2: Аз к Бо́гу воззва́х, и Госпо́дь услы́ша мя.

Припев: И́же в шесты́й день же и час, / на кресте́ Пригвожде́й / в раи́ дерзнове́нный Ада́мов грех, / и согреше́ний на́ших рукописа́ние раздери́, / Христе́ Бо́же, и спаси́ нас. И делаем земной поклон.

Сла́ва Отцу́, и Сы́ну, и Свято́му Ду́ху.

И ны́не, и при́сно, и во ве́ки веко́в. Ами́нь. Я́ко не и́мамы дерзнове́ния за премно́гия грехи́ на́ша, / Ты и́же от Тебе́ Ро́ждшагося моли́, Богоро́дице Де́во, / мно́го бо мо́жет моле́ние Ма́тернее ко благосе́рдию Влады́ки. / Не пре́зри гре́шных мольбы́, Всечи́стая, / я́ко ми́лостив есть и спасти́ моги́й, / И́же и страда́ти о нас изво́ливый.

Чтец: Прему́дрость. Проро́чества Иса́иина чте́ние.

Ско́ро да предваря́т ны щедро́ты Твоя́, Го́споди, / я́ко обнища́хом зело́; / помози́ нам, Бо́же, Спа́се наш, / сла́вы ра́ди И́мене Твоего́, Го́споди, изба́ви нас / и очи́сти грехи́ на́ша, И́мене ра́ди Твоего́.

Святы́й Бо́же, Святы́й Кре́пкий, Святы́й Безсме́ртный, поми́луй нас. (3 раза)

Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

Пресвята́я Тро́ице, поми́луй нас; Го́споди, очи́сти грехи́ на́ша; Влады́ко, прости́ беззако́ния на́ша; Святы́й, посети́ и исцели́ не́мощи на́ша, и́мене Твоего́ ра́ди.

Го́споди, поми́луй. (3 раза) Сла́ва Отцу́, и Сы́ну, и Свято́му Ду́ху, и ны́не, и при́сно, и во ве́ки веко́в. Ами́нь.

О́тче наш, И́же еси́ на Небесе́х, да святи́тся и́мя Твое́, да прии́дет Ца́рствие Твое́, да бу́дет во́ля Твоя́, я́ко на Небеси́ и на земли́. Хлеб наш насу́щный да́ждь нам днесь; и оста́ви нам до́лги на́ша, я́коже и мы оставля́ем должнико́м на́шим; и не введи́ нас во искуше́ние, но изба́ви нас от лука́ваго. Я́ко Твое́ есть Ца́рство, и си́ла, и сла́ва, ны́не и при́сно, и во ве́ки веко́в. Аминь.

Тропари́, глас 2

Спасе́ние соде́лал еси́ посреде́ земли́, Христе́ Бо́же, / на Кресте́ пречи́стеи ру́це Твои́ просте́рл еси́, / собира́я вся язы́ки, зову́щия: / Го́споди, сла́ва Тебе́.

Сла́ва Отцу́, и Сы́ну, и Свято́му Ду́ху. Пречи́стому о́бразу Твоему́ покланя́емся Благи́й, / прося́ще проще́ния прегреше́ний на́ших, Христе́ Бо́же, / во́лею бо благоволи́л еси́ пло́тию взы́ти на Крест, / да изба́виши, я́же созда́л еси, от рабо́ты вра́жия. / Тем благода́рственно вопие́м Ти: / ра́дости испо́лнил еси́ вся, Спа́се наш, / прише́дый спасти́ мир.

И ны́не, и при́сно, и во ве́ки веко́в. Ами́нь. Милосе́рдия су́щи исто́чник, / ми́лости сподо́би нас, Богоро́дице, / при́зри на лю́ди согреши́вшия, / яви́ я́ко при́сно си́лу Твою: / на Тя бо упова́юще, ра́дуйся вопие́м Ти, / я́коже иногда́ Гаврии́л безпло́тных архистрати́г.

Го́споди, поми́луй. (40 раз)

И́же на вся́кое вре́мя и на вся́кий час, на Небеси́ и на земли́, покланя́емый и сла́вимый, Христе́ Бо́же, Долготерпели́ве, Многоми́лостиве, Многоблагоутро́бне, И́же пра́ведныя любя́й и гре́шныя ми́луяй, И́же вся зовы́й ко спасе́нию обеща́ния ра́ди бу́дущих благ. Сам, Го́споди, приими́ и на́ша в час сей моли́твы и испра́ви живо́т наш к за́поведем Твои́м, ду́ши на́ша освяти́, телеса́ очи́сти, помышле́ния испра́ви, мы́сли очи́сти и изба́ви нас от вся́кия ско́рби, зол и боле́зней, огради́ нас святы́ми Твои́ми А́нгелы, да ополче́нием их соблюда́еми и наставля́еми, дости́гнем в соедине́ние ве́ры и в ра́зум непристу́пныя Твоея́ сла́вы, я́ко благослове́н еси́ во ве́ки веко́в, ами́нь.

Го́споди поми́луй. (3 раза) Сла́ва Отцу́, и Сы́ну, и Свято́му Ду́ху, и ны́не, и при́сно, и во ве́ки веко́в. Ами́нь.

Честне́йшую Херуви́м / и сла́внейшую без сравне́ния Серафи́м, / без истле́ния Бо́га Сло́ва ро́ждшую, / су́щую Богоро́дицу, Тя велича́ем.

Бо́же, уще́дри ны и благослови́ ны, просвети́ лице́ Твое́ на ны и поми́луй ны. Ами́нь.

Моли́тва св. Ефре́ма Си́рина

Го́споди и Влады́ко живота́ моего́! Дух пра́здности, уны́ния, любонача́лия и праздносло́вия не даждь ми. (Поклон)

Дух же целому́дрия, смиренному́дрия, терпе́ния и любве́ да́руй ми, рабу́ Твоему́. (Поклон)

Ей, Го́споди Царю́, да́руй ми зре́ти моя́ прегреше́ния и не осужда́ти ближнего моего́, я́ко благослове́н еси́ во ве́ки веко́в. Ами́нь. (Поклон)

Моли́тва св. Вели́каго Васи́лия

Бо́же и Го́споди сил и всея́ тва́ри Соде́телю, И́же за милосе́рдие безприкла́дныя ми́лости Твоея́ Единоро́днаго Сы́на Твоего́, Го́спода на́шего Иису́са Христа́, низпосла́вый на спасе́ние ро́да на́шего, и честны́м Его́ Кресто́м рукописа́ние грех на́ших растерза́вый, и победи́вый тем нача́ла и вла́сти тьмы. Сам, Влады́ко Человеколю́бче, приими́ и нас, гре́шных, благода́рственныя сия́ и моле́бныя моли́твы и изба́ви нас от вся́каго всегуби́тельнаго и мра́чнаго прегреше́ния и всех озло́бити нас и́щущих ви́димых и неви́димых враг. Пригвозди́ стра́ху Твоему́ пло́ти на́ша и не уклони́ серде́ц на́ших в словеса́ или́ помышле́ния лука́вствия, но любо́вию Твое́ю уязви́ ду́ши на́ша, да, к Тебе́ всегда́ взира́юще и е́же от Тебе́ све́том наставля́еми, Тебе́, непристу́пнаго и присносу́щнаго зря́ще Све́та, непреста́нное Тебе́ испове́дание и благодаре́ние возсыла́ем, Безнача́льному Отцу́ со Единоро́дным Твои́м Сы́ном и Всесвяты́м, и Благи́м, и Животворя́щим Твои́м Ду́хом ны́не, и при́сно, и во ве́ки веко́в, ами́нь.

Чтец: Моли́твами святы́х оте́ц на́ших, Го́споди Иису́се Христе́, Бо́же наш, поми́луй нас. Ами́нь.

Сла́ва Тебе́, Бо́же наш, сла́ва Тебе́!

Царю́ Небе́сный, Уте́шителю, Ду́ше и́стины, И́же везде́ сый и вся исполня́яй, Сокро́вище благи́х и жи́зни Пода́телю, прииди́ и всели́ся в ны, и очи́сти ны от вся́кия скве́рны, и спаси́, Бла́же, ду́ши на́ша.

Святы́й Бо́же, Святы́й Кре́пкий, Святы́й Безсме́ртный, поми́луй нас. (3 раза)

Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

Пресвята́я Тро́ице, поми́луй нас; Го́споди, очи́сти грехи́ на́ша; Влады́ко, прости́ беззако́ния на́ша; Святы́й, посети́ и исцели́ не́мощи на́ша, и́мене Твоего́ ра́ди.

Го́споди, поми́луй. (3 раза) Сла́ва Отцу́, и Сы́ну, и Свято́му Ду́ху, и ны́не, и при́сно, и во ве́ки веко́в. Ами́нь.

О́тче наш, И́же еси́ на Небесе́х, да святи́тся и́мя Твое́, да прии́дет Ца́рствие Твое́, да бу́дет во́ля Твоя́, я́ко на Небеси́ и на земли́. Хлеб наш насу́щный да́ждь нам днесь; и оста́ви нам до́лги на́ша, я́коже и мы оставля́ем должнико́м на́шим; и не введи́ нас во искуше́ние, но изба́ви нас от лука́ваго. Я́ко Твое́ есть Ца́рство, и си́ла, и сла́ва, ны́не и при́сно, и во ве́ки веко́в. Аминь.

Го́споди, поми́луй. (12 раз)

Сла́ва Отцу́, и Сы́ну, и Свято́му Ду́ху, и ны́не, и при́сно, и во ве́ки веко́в. Ами́нь.

Прииди́те, поклони́мся Царе́ви на́шему, Бо́гу.

Прииди́те, поклони́мся и припаде́м Христу́, Царе́ви на́шему, Бо́гу.

Прииди́те, поклони́мся и припаде́м Самому́ Христу́, Царе́ви и Бо́гу на́шему.

Псало́м 84

Благоволи́л еси́, Го́споди, зе́млю Твою́, возврати́л еси́ плен Иа́ковль: оста́вил еси́ беззако́ния люде́й Твои́х, покры́л еси́ вся грехи́ их. Укроти́л еси́ весь гнев Твой, возврати́лся еси́ от гне́ва я́рости Твоея́. Возврати́ нас, Бо́же спасе́ний на́ших, и отврати́ я́рость Твою́ от нас. Еда́ во ве́ки прогне́ваешися на ны? Или́ простре́ши гнев Твой от ро́да в род? Бо́же, Ты обра́щься оживи́ши ны, и лю́дие Твои́ возвеселя́тся о Тебе́. Яви́ нам, Го́споди, ми́лость Твою́, и спасе́ние Твое́ даждь нам. Услы́шу, что рече́т о мне Госпо́дь Бог: я́ко рече́т мир на лю́ди Своя́, и на преподо́бныя Своя́, и на обраща́ющыя сердца́ к Нему́. Оба́че близ боя́щихся Его́ спасе́ние Его́, всели́ти сла́ву в зе́млю на́шу. Ми́лость и и́стина срето́стеся, пра́вда и мир облобыза́стася. И́стина от земли́ возсия́, и пра́вда с Небесе́ прини́че, и́бо Госпо́дь даст бла́гость, и земля́ на́ша даст плод свой. Пра́вда пред Ним предъи́дет, и положи́т в путь стопы́ своя́.

Сла́ва Отцу́, и Сы́ну, и Свято́му Ду́ху, и ны́не, и при́сно, и во ве́ки веко́в. Ами́нь. Аллилу́иа, аллилу́иа, аллилу́иа, сла́ва Тебе́ Бо́же. (3 раза)

И́же в девя́тый час / нас ра́ди пло́тию смерть вкуси́вый, / умертви́ пло́ти на́шея мудрова́ние, / Христе́ Бо́же, и спаси́ нас. И делаем земной поклон.

Стих 1: Да прибли́жится моле́ние мое́ пред Тя, Го́споди, по словеси́ Твоему́ вразуми́ мя.

И́же в девя́тый час / нас ра́ди пло́тию смерть вкуси́вый, / умертви́ пло́ти на́шея мудрова́ние, / Христе́ Бо́же, и спаси́ нас. И делаем земной поклон.

Стих 2: Да вни́дет проше́ние мое́ пред Тя, Го́споди, по словеси́ Твоему́ изба́ви мя.

И́же в девя́тый час / нас ра́ди пло́тию смерть вкуси́вый, / умертви́ пло́ти на́шея мудрова́ние, / Христе́ Бо́же, и спаси́ нас. И делаем земной поклон.

Сла́ва Отцу́, и Сы́ну, и Свято́му Ду́ху.

И ны́не, и при́сно, и во ве́ки веко́в. Ами́нь. И́же нас ра́ди рожде́йся от Де́вы / и распя́тие претерпе́в, Благи́й, / испрове́ргий сме́ртию смерть и воскресе́ние явле́й я́ко Бог, / не пре́зри, я́же созда́л еси́ руко́ю Твое́ю. / Яви́ человеколю́бие Твое́, Ми́лостиве. / Приими́ ро́ждшую Тя Богоро́дицу, моля́щуюся за ны. / И спаси́, Спа́се наш, лю́ди отча́янныя.

Моли́тва перед чте́нием

Моли́твами свята́го имяре́к, Го́споди Иису́се Христе́, Бо́же на́ш, поми́луй мя.

Жития мучеников Кодрата и иже с ним: Киприана, Дионисия, Анекта, Павла, Крискента, Дионисия, Викторина, Виктора, Никифора, Клавдия, Диодора, Серафиона (Серапиона), Папия, Леонида, мучениц Хариессы, Нунехии, Василиссы, Ники, Гали, Галины, Феодоры и иных

Во время гонения на христиан (в III веке) одна благочестивая женщина, по имени Руфина, бежала из Коринфа в горы, спасаясь от преследований. Там она родила сына Кодрата и вскоре после родов скончалась. Промыслом Божиим младенец остался жить и был вскормлен чудесным образом: на него опускалось облако, питавшее его сладкой росой. Детство и юношеские годы святого Кодрата прошли в пустыне. Будучи уже взрослым, он однажды повстречал христиан, которые просветили его светом истинной веры. Кодрат выучился грамоте, а позже изучил врачебное искусство и достиг в нем больших успехов. Но более всего Кодрат любил пустынное безмолвие и большую часть времени проводил в горах, предаваясь молитве и богомыслию. Прошло много лет. В пустыню к святому часто приходили его друзья и последователи, чтобы послушать его наставления. Среди них были Киприан, Дионисий, Анект, Павел, Крискент и многие другие.

По приказу гонителя христиан нечестивого Декия (249–251) в Коринф прибыл военачальник Иасон. Святой Кодрат был схвачен вместе со своими друзьями и брошен в темницу. На допросах Иасон чаще всего обращался к Кодрату как старшему по возрасту. Святой мужественно защищал свою веру во Христа Спасителя. Тогда его стали истязать. Святой Кодрат, несмотря на нечеловеческие страдания, находил в себе силы поддерживать других, убеждая их не страшиться и твердо стоять за веру. Не добившись ни от кого отречения, Иасон приказал бросить мучеников на растерзание зверям. Звери же не тронули их. Святых привязали за ноги к колесницам и волочили по городу, многие из толпы бросали в них камни. Наконец мучеников присудили к усечению мечом. На месте казни святые попросили себе немного времени для молитвы, а потом один за другим стали подходить к палачу, склоняя голову перед занесенным мечом.

Остальные ученики святого Кодрата также пострадали за Христа: Дионисий (другой) был заколот ножом; Викторин, Виктор и Никифор были заживо раздроблены в огромной каменной ступе; Клавдию отрубили руки и ноги; Диодор сам бросился в приготовленный для него костер; Серафион был обезглавлен; Папия и Леонида утопили в море. Подражая мужчинам, на муки за Христа добровольно пошли и многие святые жены.

 Ещё жития 

Праведный Павел Таганрогский родился 8 ноября 1792 года в семье дворянина Черниговской губернии Кролевецкого уезда Павла Стожкова. При крещении назван в честь св. Павла Исповедника. Родители хотели обеспечить своему сыну образование и хорошее общественное положение, юноша же стремился ко спасению и богоугодной жизни в молитве и странничестве по святым местам. В 25 лет, следуя словам Господа: "...вся, елика имаши, продаждь и раздай нищим: и имети имаши сокровище на Небеси" (Лк.18:22), блаженный Павел раздал доставшуюся ему часть имения, отпустил на волю крестьян и, взяв благословение отца, отправился в заветное странствование по святым обителям, дабы под их кровом найти упокоение своей душе.

Около десяти лет продлилась его странническая жизнь, а затем он поселился в приморском городе Таганроге, где, забыв свое дворянское происхождение, говорил на простонародном малороссийском наречии, жил в землянке. Тяжелыми работами в порту и неустанной молитвой он очистил душу и тело от всего страстного и греховного, на нем явно почила благодать Божия, и он многим светил своей праведной жизнью, и невольно люди, под впечатлением его речей и дел, глубже вдумывались в смысл жизни и вспоминали о Небесном Отечестве. Они стали идти к нему за советами и утешением.

Придя в преклонные лета, он оставил тяжелые труды в порту и поселился в маленьком доме, молясь непрестанно Богу и служа людям. Каждый день с первым ударом церковного колокола он отправлялся в собор, молился за Литургией, поправлял лампады, для чего носил с собою маленькую скамеечку, а на плечах белое полотенце, которым вытирал святые иконы. Из храма блаженный Павел, по обыкновению, шел по базару. Увешанный двумя белыми холщовыми сумками, с палкой в руках, он обходил всех торгующих с обычными своими наставлениями и утешениями. Торговцы подавали ему милостыню, но от некоторых он не принимал никаких подаяний и даже отгонял таких от себя палкою. Ночи же, как и прежде, проводил в усердной, с коленопреклонением, молитве. Иисусова молитва никогда не сходила с его уст; учил он и всех приходящих к нему творить эту молитву и без нее никогда никого не впускал к себе в келью. Павел Павлович любил храмы и часто жертвовал на них иконы, лампады, свечи, елей и прочее. Он учил быть верными в малом, прививал любовь к святыне церковной и переносил это благоговейное отношение на предметы, освящающие жизнь человека в миру: просфоры, ладан, свечи.

Простой народ нашел в блаженном великого в добродетелях святого старца. Утвердившись в непорочной жизни, по закону Господню, блаженный Павел был как бы светильником на земле, сияющим добрыми делами. Он получил от Господа дар исцеления и прозорливости. И люди шли к нему со своими скорбями, бедами и вопросами. Многие приходили к блаженному и молили его дозволить остаться у него, дабы исполнились на них слова псалмопевца: «С преподобным преподобен будеши, и с мужем неповинным неповинен будеши: и со избранным избран будеши» (Пс.17:26-27). И некоторых он оставлял пожить у себя как бы на послушании.

Принеся в жертву Богу свои имения, блаженный Павел часто жертвовал ради Христа плодами дворянского воспитания и образованности, и под личиной напускной грубости искусно скрывал возвышенную и благородную свою душу. Случится прийти к блаженному Павлу какому-нибудь посетителю, имеющему нераскаянные грехи, — блаженный, не смущая пришедшего грубым откровением его тайн, притворно обрушивается на кого-нибудь из своих послушников: ругает, бранит, грозит палкой, при этом называя грехи посетителя, дабы подвигнуть того к покаянию. Послушник же кротко терпит и только повторяет: «Простите, батюшка, виноват».

Силою благодати Божией блаженный ясно видел и душу человека, и его будущее. Своему духовнику, иеромонаху Дамиану, он предсказал: «Ты будешь велыкый человек, такий, шо больший буть не може», - и пророческие слова эти действительно исполнились в жизни отца Дамиана: в 1897 году он поставлен был патриархом Святого Града Иерусалима.

Приближаясь к концу своей земной жизни, блаженный все более ослабевал телесными силами, но святая душа его по-прежнему пламенела любовью к Богу и ближним. Как и другим великим угодникам Божиим, Господь открыл ему день и час его кончины. Накануне он велел написать письмо своим близким с просьбой быть на его похоронах.

Скончался 10 марта 1879 года. Вечером он сделался крайне слаб и, приобщившись Святых Христовых Тайн от своего духовника отца Дамиана, предал свою праведную душу Богу. В момент кончины все предстоящие видели, что лицо угодника Божия просияло великой радостью, с благодатной головы его по всему телу до самых ног прошла как бы желтоватая тень, и после этого тело сделалось белое, подобно снегу. Все, видевшие это знамение благодати Божией над блаженным Павлом, умилились сердцем и прославили Бога за такую Его милость.

Местное прославление святого совершилось в воскресенье 20 июня 1999 года в городе Таганроге. Более десяти тысяч верующих Ростовской области и юга России приехали поклониться блаженному Павлу в день его канонизации. Поочередно несомый всеми священниками Ростовской епархии, ковчег со святыми мощами был торжественно перенесён из Всехсвятской церкви на старом кладбище в Свято-Никольский храм г. Таганрога, где архиепископом Ростовским и Новочеркасским Пантелеимоном было зачитано архиерейское определение о канонизации святого блаженного Павла Таганрогского и совершена Божественная литургия, после которой множество верующих приложились к мощам святого. Прославление ознаменовалось многочисленными чудесами. Торжественное перенесение мощей было предсказано преподобным незадолго до отшествия ко Господу, когда старец напевал: «Понесли Павла на могилу, а с могилы - да в собор» (в те годы Свято-Никольский храм имел статус собора).

Определением Архиерейского Собора Русской Православной Церкви 2-3 февраля 2016 года имя праведного Павла Таганрогского было включено в месяцеслов Русской Православной Церкви для общецерковного почитания^[1]. 14 февраля того же года митрополит Ростовский Меркурий совершил чин великого освящения первого в России приходского храма во имя праведного Павла Таганрогского в посёлке Матвеевом Кургане^[2].

Примечания

^[1] Определение Освященного Архиерейского Собора Русской Православной Церкви об общецерковном прославлении ряда местночтимых святых, 3 февраля 2016.

^[2] "Глава Донской митрополии совершил чин Великого освящения первого в России храма в честь святого праведного Павла Таганрогского", официальный сайт Таганрогского благочиния, 15 февраля 2016.

---

Жития мучеников Кодрата Никомидийского, Саторина, Руфина и прочих

Святые мученики Кодрат Никомидийский, Саторин, Руфин и прочие пострадали во время гонения императора Декия (249–251) и его преемника Валериана (253–259).

Святой Кодрат происходил из знатной семьи. Обладая значительным богатством, святой не жалел средств на помощь братьям-христианам, томившимся в заключении за веру.

Когда в Никомидию прибыл посланник нечестивого Декия проконсул Перенний, то святой Кодрат добровольно предстал пред ним, чтобы своей самоотверженной решимостью укрепить мужество заключенных собратьев. Вначале Перенний старался отвратить Кодрата от Христа, обещая ему награды и почести. Затем, увидев тщетность своих попыток, он вверг святого в темницу и повелел положить его спиной на мелкие гвозди и придавить большим камнем.

Отправившись в Никею, проконсул приказал вести за собой всех заключенных христиан, в том числе и святого Кодрата. По прибытии в город святой Кодрат попросил, чтобы их отвели в языческий храм. Как только ему развязали руки и ноги, он устремился к идолам и стал опрокидывать и разбивать их. По приказу проконсула Кодрата предали истязаниям. Претерпевая страшные муки, святой пребывал тверд духом и своим подвигом укреплял других мучеников, которым жгли раны горящими свечами.

Во время страданий мучеников внезапно осенило светлое облако, а язычники оказались в совершенной тьме. В наступившем молчании было слышно тихое пение Ангелов, славящих Бога. Многие из присутствовавших тут же исповедали себя христианами. Перенний, приписав чудо действию волшебства, повелел отвести в темницу новых избранников Божиих.

Из Никеи мученики отправились вслед за проконсулом в Апамею, затем в Кесарию, Аполлонию и Геллеспонт, где их всячески мучили, добиваясь отречения.

Святого Кодрата завязали в мешок, наполненный ядовитыми гадами, и бросили на ночь в глубокий ров. На другое утро все в изумлении увидели, что мученик цел и невредим. Когда его стали беспощадно избивать, два благородных мужа, Саторин и Руфин, прониклись состраданием к мученику. Это было замечено, и Саторин и Руфин были обезглавлены.

Перенний подвергал мученика всё более жестоким и изощренным пыткам, но не мог сломить его дух. Святой терял силы и едва мог передвигаться. В последний раз проконсул предложил мученику отречься от Христа. Собравшись с силами, святой твердо ответил: "Я с младенчества признаю одного только Бога – Христа и другого не знаю". Проконсул велел разжечь костер, раскалить железную решетку и бросить на нее мученика. Осенив себя крестным знамением, святой Кодрат опустился на раскаленное ложе и, полежав на нем, словно на мягкой постели, невредимым вышел из пламени. В бессильной злобе проконсул велел обезглавить святого Кодрата.

---

Житие преподобной Анастасии Патрикии

Преподобная Анастасия жила в Константинополе и происходила из аристократической семьи. Благочестивая патрицианка была для многих образцом добродетели и пользовалась большим уважением императора Юстиниана (527–565). Рано овдовев, Анастасия решила уйти из мира и спасать свою душу вдали от столичной суеты. Она тайно покинула Константинополь и отправилась в Александрию. Недалеко от города она основала небольшой монастырь и целиком посвятила себя Богу.

Через несколько лет император Юстиниан овдовел и решил разыскать Анастасию, чтобы жениться на ней. Узнав об этом, блаженная Анастасия немедленно направилась в далекий скит к авве Даниилу (память 18 марта) за помощью. Чтобы спасти Анастасию, старец облек ее в мужскую монашескую одежду и назвал Анастасием-евнухом. Поселив ее в одной из самых отдаленных пещер, старец дал ей молитвенное правило и повелел никогда не выходить из пещеры и никого у себя не принимать. Только один инок знал это место: он имел послушание раз в неделю приносить к пещере небольшой хлеб и кувшин воды, оставляя их у входа. В таком строгом затворе преподобная Анастасия прожила двадцать восемь лет. Все считали, что в пещере подвизается евнух Анастасий.

Господь открыл блаженной день ее кончины. Узнав о близкой смерти, она написала об этом авве Даниилу несколько слов на черепке и положила его у входа в пещеру. Старец вскоре пришел и принес все необходимое для ее погребения. Он нашел святую подвижницу уже при смерти, исповедал и причастил Святых Таин. По просьбе аввы блаженная Анастасия благословила его и сопровождавшего его инока. Со словами: "Господи, в руки Твои предаю дух мой", – святая тихо скончалась († ок. 567–568).

Когда была готова могила, старец дал ученику свою рясу и велел одеть усопшего брата. Одевая рясу, инок понял, что перед ним женщина, однако не посмел ничего сказать. Когда же, похоронив преподобную, они возвращались в свою обитель, ученик спросил авву, знал ли он, что мнимый брат – женщина, и старец поведал молодому монаху историю святой Анастасии. Позднее рассказ старца был записан и получил широкую известность.

Мощи преподобной Анастасии в 1200 году были перенесены в Константинополь и положены недалеко от храма Святой Софии.

---

Священномученик Димитрий родился 26 октября 1880 года в селе Большие Сорочинцы Полтавской губернии в семье казака Константина Легейдо. Успешно занимаясь торговлей, Константин Легейдо приумножал земное имущество. Но Дмитрия не привлекала торговля, и он, как купец, ищущий драгоценной жемчужины, выбрал своим поприщем служение Богу. В 1904 году Дмитрий окончил Тифлисскую Духовную семинарию и был рукоположен во диакона ко храму в селе Нины Ставропольской губернии, а затем — во священника и служил в храме в станице Неберджаевской неподалеку от Крымска Кубанской области. В 1918 году Кубань стала ареной ожесточенных боев гражданской войны, развязанной большевиками против русского народа и народов России. В 1918 году, во время пребывания в станице Неберджаевской белых, был арестован и осужден на смерть один из красногвардейцев; когда его уже повели на площадь, чтобы казнить, отец Димитрий вступился за него и спас ему жизнь. При власти белых священник регулярно передавал продукты заключенным красногвардейцам.

В августе 1931 года отец Димитрий был назначен служить в Вознесенскую церковь в городе Геленджике Краснодарского края. Своей активной пастырской деятельностью и проповедями он вскоре привлек внимание ОГПУ, и о нем стали собираться соответствующие сведения. 21 апреля 1932 года священник был арестован по обвинению в антисоветской религиозной деятельности, которую он направлял против мероприятий советской власти. В мае 1932 года сотрудники ОГПУ допросили местных жителей, после чего были устроены очные ставки свидетелей со священником.

«Не было бы колхозов, не было бы тех мучений, какие есть; над народом издеваются, но скоро будет Суд, который потрясет мир... — заявил священник, как утверждал на очной ставке свидетель. — Служители Христа переносят большие мучения и издевательства, но скоро будет Суд, который будет судить мир...»^[1]

Выслушав его показания, отец Димитрий сказал: «Разговора в таком духе не было. О прославлении Христа разговора не отрицаю, но что не было бы колхозов, не было бы мучений, и что коммунисты посланы за грехи, я не говорил. Разговора о том, что служители Христа переносят большие мучения, не было, но не отрицаю, что мог быть разговор, что мы подвергаемся насмешкам»^[2].

После очных ставок следователь снова допросил священника, и отец Димитрий сказал: «Виновность свою в предъявленном мне обвинении я отрицаю, хотя и не отрицаю, что временами неудовольствия с моей стороны были. Большей частью эти неудовольствия сводились к материальным вопросам. Предъявленные мне свидетельские показания я частично признаю — в частности, разговор о прославлении Христа, о том, что чем больше грешат люди, тем строже будут наказываться. Но часть разговоров была неправильно понята. Преднамеренной антисоветской агитации против власти я не вел, и о том, что нужно выходить из колхозов, что коммунисты будут стоять перед Страшным Судом, я не говорил»^[3].

Областное начальство ОГПУ потребовало от местных сотрудников допросить еще ряд свидетелей, чтобы доказать наличие контрреволюционной организации. После допросов местные сотрудники ОГПУ написали: «Препровождая дополнительный следственный материал и справку по делу Легейдо, сообщаем, что выявить наличие антисоветской группировки путем допросов предлагаемых вами лиц не удалось.

Все допрошенные, по существу, являются дряхлыми стариками и старухами и ценных данных в процессе допроса не дали»^[4].

Одна из дополнительно допрошенных свидетельниц показала: «Были случаи, когда я делилась с ним своим горем, как например, у меня забрал фининспектор... буфет, стол, зеркало и другие домашние вещи... Отец Димитрий, утешая меня, сказал: “Не отчаивайтесь, молитесь и терпите, все это земное, нужно думать больше о загробной жизни”.

В то время, когда на праздниках я у него встречала прихожан, то обычно те пили чай, пели и вели разговоры... о внутренней жизни каждого»^[5].

28 ноября 1932 года Особое Совещание при Коллегии ОГПУ приговорило отца Димитрия к трем годам ссылки в Казахстан, и он был сослан в Чимкент, где ему пришлось работать инкассатором-счетоводом.

11 сентября 1937 года власти арестовали священника, и он был заключен в чимкентскую тюрьму. 14 сентября отец Димитрий был допрошен и на вопрос следователя, участвовал ли он в контрреволюционной деятельности и признает ли себя виновным, ответил, что в контрреволюционной деятельности не участвовал и виновным себя не признает.

19 ноября 1937 года тройка НКВД приговорила священника к десяти годам заключения в концлагерь, и 21 января 1938 года он прибыл с алма-атинским этапом в 10-е отделение Бамлага.

13 марта начальник 1-й колонны, к которой был приписан отец Димитрий, и помощники по труду и культурно-воспитательной работе составили на священника характеристику, в которой написали, что со дня своего прибытия в лагерь тот не выходил на работу, является злостным отказчиком и воспитанию не поддается.

15 марта был допрошен лжесвидетель, который также показал, что отец Димитрий был злостным отказчиком от работы и вел антисоветскую агитацию. Самого священника при этом ни разу не допросили. 31 марта 1938 года тройка НКВД приговорила отца Димитрия к расстрелу, но расстрелять его уже не могли — 23 марта 1938 года священник Димитрий Легейдо скончался и был погребен в безвестной могиле.

Игумен Дамаскин (Орловский)

«Жития новомучеников и исповедников Российских ХХ века. Март».
Тверь. 2006. С. 124-126

Примечания

^[1] УФСБ России по Краснодарскому краю. Д. П-23182, л. 8.

^[2] Там же. Л. 19 об.

^[3] Там же. Л. 30.

^[4] Там же. Л. 39.

^[5] Там же. Л. 42.

Источник: fond.ru

---

Не преда́ждь нас до конца́ И́мене Твоего́ ра́ди, / и не разори́ заве́та Твоего́, / и не отста́ви ми́лости Твоея́ от нас / Авраа́ма ра́ди, возлю́бленнаго от Тебе́, / и за Исаа́ка, раба́ Твоего́, / и Изра́иля, свята́го Твоего́.

Святы́й Бо́же, Святы́й Кре́пкий, Святы́й Безсме́ртный, поми́луй нас. (3 раза)

Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

Пресвята́я Тро́ице, поми́луй нас; Го́споди, очи́сти грехи́ на́ша; Влады́ко, прости́ беззако́ния на́ша; Святы́й, посети́ и исцели́ не́мощи на́ша, и́мене Твоего́ ра́ди.

Го́споди, поми́луй. (3 раза) Сла́ва Отцу́, и Сы́ну, и Свято́му Ду́ху, и ны́не, и при́сно, и во ве́ки веко́в. Ами́нь.

О́тче наш, И́же еси́ на Небесе́х, да святи́тся и́мя Твое́, да прии́дет Ца́рствие Твое́, да бу́дет во́ля Твоя́, я́ко на Небеси́ и на земли́. Хлеб наш насу́щный да́ждь нам днесь; и оста́ви нам до́лги на́ша, я́коже и мы оставля́ем должнико́м на́шим; и не введи́ нас во искуше́ние, но изба́ви нас от лука́ваго. Я́ко Твое́ есть Ца́рство, и си́ла, и сла́ва, ны́не и при́сно, и во ве́ки веко́в. Аминь.

Ви́дя разбо́йник / Нача́льника Жи́зни на Кресте́ ви́сяща, глаго́лаше: / а́ще не бы Бог был вопло́щся, И́же с на́ми распны́йся, / не бы со́лнце лучи́ своя́ потаи́ло, / ниже́ бы земля́ трепе́щущи трясла́ся. / Но вся терпя́й, помяни́ мя, Го́споди, во Ца́рствии Твое́м.

Сла́ва Отцу́, и Сы́ну, и Свято́му Ду́ху. Посреде́ двою́ разбо́йнику, / ме́рило пра́ведное обре́теся крест Твой: / о́вому у́бо низводи́му во ад тягото́ю хуле́ния, / друго́му же легча́щуся от прегреше́ний к позна́нию Богосло́вия. / Христе́ Бо́же, сла́ва Тебе́.

И ны́не, и при́сно, и во ве́ки веко́в. Ами́нь. А́гнца, и Па́стыря, и Спа́са мира, / на кресте́ зря́щи Ро́ждшая Тя, / глаго́лаше слезя́щи: / мир у́бо ра́дуется, прие́мля избавле́ние, / утро́ба же Моя́ гори́т, зря́щи Твое́ распя́тие, / е́же за всех терпи́ши, / Сы́не и Бо́же мой.

Го́споди, поми́луй (40 раз).

И́же на вся́кое вре́мя и на вся́кий час, на Небеси́ и на земли́, покланя́емый и сла́вимый, Христе́ Бо́же, Долготерпели́ве, Многоми́лостиве, Многоблагоутро́бне, И́же пра́ведныя любя́й и гре́шныя ми́луяй, И́же вся зовы́й ко спасе́нию обеща́ния ра́ди бу́дущих благ. Сам, Го́споди, приими́ и на́ша в час сей моли́твы и испра́ви живо́т наш к за́поведем Твои́м, ду́ши на́ша освяти́, телеса́ очи́сти, помышле́ния испра́ви, мы́сли очи́сти и изба́ви нас от вся́кия ско́рби, зол и боле́зней, огради́ нас святы́ми Твои́ми А́нгелы, да ополче́нием их соблюда́еми и наставля́еми, дости́гнем в соедине́ние ве́ры и в ра́зум непристу́пныя Твоея́ сла́вы, я́ко благослове́н еси́ во ве́ки веко́в, ами́нь.

Го́споди поми́луй. (3 раза) Сла́ва Отцу́, и Сы́ну, и Свято́му Ду́ху, и ны́не, и при́сно, и во ве́ки веко́в. Ами́нь.

Честне́йшую Херуви́м и сла́внейшую без сравне́ния Серафи́м, без истле́ния Бо́га Сло́ва ро́ждшую, / су́щую Богоро́дицу, Тя велича́ем.

Бо́же, уще́дри ны и благослови́ ны, просвети́ лице́ Твое́ на ны и поми́луй ны. Ами́нь.

Моли́тва св. Ефре́ма Си́рина

Го́споди и Влады́ко живота́ моего́! Дух пра́здности, уны́ния, любонача́лия и праздносло́вия не даждь ми. (Поклон)

Дух же целому́дрия, смиренному́дрия, терпе́ния и любве́ да́руй ми, рабу́ Твоему́. (Поклон)

Ей, Го́споди Царю́, да́руй ми зре́ти моя́ прегреше́ния и не осужда́ти ближнего моего́, я́ко благослове́н еси́ во ве́ки веко́в. Ами́нь. (Поклон)

Моли́тва св. Васи́лия Вели́каго

Влады́ко Го́споди, Иису́се Христе́, Бо́же наш, долготерпе́вый о на́ших согреше́ниих и да́же до ны́нешняго часа́ приведы́й нас, во́ньже, на Животворя́щем Дре́ве ви́ся, благоразу́мному разбо́йнику и́же в рай путесотвори́л еси́ вход и сме́ртию смерть разруши́л еси́: очи́сти нас, гре́шных и недосто́йных раб Твои́х, согреши́хом бо и беззако́нновахом и не́смы досто́йни возвести́ очеса́ на́ша и воззре́ти на высоту́ Небе́сную, зане́ оста́вихом путь пра́вды Твоея́ и ходи́хом в во́лях серде́ц на́ших. Но мо́лим Твою́ безме́рную бла́гость: пощади́ нас, Го́споди, по мно́жеству ми́лости Твоея́, и спаси́ нас И́мене Твоего́ ра́ди свята́го, я́ко исчезо́ша в суете́ дни́е на́ши, изми́ нас из руки́ сопроти́внаго, и оста́ви нам грехи́ на́ша, и умертви́ плотско́е на́ше мудрова́ние, да, ве́тхаго отложи́вше челове́ка, в но́ваго облеце́мся и Тебе́ поживе́м, на́шему Влады́це и Благоде́телю. И та́ко, Твои́м после́дующе повеле́нием, в ве́чный поко́й дости́гнем, иде́же есть всех веселя́щихся жили́ще. Ты бо еси́ вои́стинну и́стинное весе́лие и ра́дость лю́бящих Тя, Христе́ Бо́же наш, и Тебе́ сла́ву возсыла́ем со Безнача́льным Твои́м Отце́м, и Пресвяты́м, и Благи́м, и Животворя́щим Твои́м Ду́хом, ны́не, и при́сно, и во ве́ки веко́в, ами́нь.

Чтец: Моли́твами святы́х оте́ц на́ших, Го́споди Иису́се Христе́, Бо́же наш, поми́луй нас. Ами́нь.

Сла́ва Тебе́, Бо́же наш, сла́ва Тебе́!

Царю́ Небе́сный, Уте́шителю, Ду́ше и́стины, И́же везде́ сый и вся исполня́яй, Сокро́вище благи́х и жи́зни Пода́телю, прииди́ и всели́ся в ны, и очи́сти ны от вся́кия скве́рны, и спаси́, Бла́же, ду́ши на́ша.

Святы́й Бо́же, Святы́й Кре́пкий, Святы́й Безсме́ртный, поми́луй нас. (3 раза)

Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

Пресвята́я Тро́ице, поми́луй нас; Го́споди, очи́сти грехи́ на́ша; Влады́ко, прости́ беззако́ния на́ша; Святы́й, посети́ и исцели́ не́мощи на́ша, и́мене Твоего́ ра́ди.

Го́споди, поми́луй. (3 раза) Сла́ва Отцу́, и Сы́ну, и Свято́му Ду́ху, и ны́не, и при́сно, и во ве́ки веко́в. Ами́нь.

О́тче наш, И́же еси́ на Небесе́х, да святи́тся и́мя Твое́, да прии́дет Ца́рствие Твое́, да бу́дет во́ля Твоя́, я́ко на Небеси́ и на земли́. Хлеб наш насу́щный да́ждь нам днесь; и оста́ви нам до́лги на́ша, я́коже и мы оставля́ем должнико́м на́шим; и не введи́ нас во искуше́ние, но изба́ви нас от лука́ваго. Я́ко Твое́ есть Ца́рство, и си́ла, и сла́ва, ны́не и при́сно, и во ве́ки веко́в. Аминь.

Го́споди, поми́луй. (12 раз)

Сла́ва Отцу́, и Сы́ну, и Свято́му Ду́ху, и ны́не, и при́сно, и во ве́ки веко́в. Ами́нь.

Прииди́те, поклони́мся Царе́ви на́шему, Бо́гу.

Прииди́те, поклони́мся и припаде́м Христу́, Царе́ви на́шему, Бо́гу.

Прииди́те, поклони́мся и припаде́м Самому́ Христу́, Царе́ви и Бо́гу на́шему.

Псало́м 103

Благослови́, душе́ моя́, Го́спода. Го́споди, Бо́же мой, возвели́чился еси́ зело́. Во испове́дание и в велеле́поту обле́клся еси́. Одея́йся све́том, я́ко ри́зою, простира́яй не́бо, я́ко ко́жу. Покрыва́яй вода́ми превы́спренняя Своя́, полага́яй о́блаки на восхожде́ние Свое́, ходя́й на крилу́ ве́треню. Творя́й А́нгелы Своя́ ду́хи и слуги́ Своя́ пла́мень о́гненный. Основа́яй зе́млю на тве́рди ея́, не преклони́тся в век ве́ка. Бе́здна, я́ко ри́за, одея́ние ея́, на высо́тах ста́нут во́ды, от запреще́ния Твоего́ побе́гнут, от гла́са гро́ма Твоего́ убоя́тся. Восхо́дят во́ды горе́ и нисхо́дят поля́ми в ме́сто, е́же основа́л еси́ им. Преде́л положи́л еси́, eго́же не пре́йдут, ниже́ обратя́тся покры́ти зе́млю. Посыла́яй исто́чники в де́брех, посреде́ гор про́йдут во́ды. Напая́ют вся зве́ри се́льныя, Утоля́т она́гри в жа́жду свою́. На ты́х пти́цы небе́сныя привита́ют, от среды́ ка́мения дадя́т глас. Напая́яй го́ры от превы́спренних Свои́х, от плода́ дел Твои́х насы́тится земля́. Прозяба́яй траву́ ското́м, и злак на слу́жбу челове́ком, извести́ хлеб от земли́. И вино́ весели́т се́рдце челове́ка, ума́стити лице́ еле́ем, и хлеб се́рдце челове́ка укрепи́т. Напита́ются древа́ польска́я, ке́дри Лива́нстии, и́хже еси́ насади́л. Та́мо пти́цы вогнездя́тся, а́истово жили́ще предводи́тельствует и́ми. Го́ры высо́кия еле́нем, ка́мень прибе́жище за́яцем. Сотвори́л есть луну́ во времена́, со́лнце позна́ за́пад свой. Положи́л еси́ тьму, и бысть нощь, в не́йже про́йдут вси зве́рие дубра́внии. Львы́ рыка́ющии восхи́тити и взыска́ти от Бо́га пи́щу себе́. Возсия́ со́лнце и собра́шася, и в ло́жах свои́х ля́гут. Изы́дет челове́к на де́ло свое́ и на де́лание свое́ до ве́чера. Я́ко возвели́чишася дела́ Твоя́, Го́споди, вся прему́дростию сотвори́л еси́, испо́лнися земля́ тва́ри Твоея́. Сие́ мо́ре вели́кое и простра́нное, та́мо га́ди, и́мже несть числа́, живо́тная ма́лая с вели́кими, та́мо корабли́ препла́вают, змий сей, eго́же созда́л еси игра́тися eму́. Вся к Тебе́ ча́ют, да́ти пи́щу им во бла́го вре́мя. Да́вшу Тебе́ им соберу́т, отве́рзшу Тебе́ ру́ку вся́ческая испо́лнятся бла́гости, отвра́щшу же Тебе́ лице́, возмяту́тся, отъи́меши дух их, и исче́знут, и в персть свою́ возвратя́тся. По́слеши Ду́ха Твоего́, и сози́ждутся, и обнови́ши лице́ земли́. Бу́ди сла́ва Госпо́дня во ве́ки, возвесели́тся Госпо́дь о де́лех Свои́х, призира́яй на зе́млю, и творя́й ю́ трясти́ся, прикаса́яйся гора́м, и дымя́тся. Воспою́ Го́сподеви в животе́ мое́м, пою́ Бо́гу моему́, до́ндеже есмь, да услади́тся Ему́ бесе́да моя́, аз же возвеселю́ся о Го́споде. Да исче́знут гре́шницы от земли́, и беззако́нницы, я́коже не бы́ти им. Благослови́, душе́ моя́, Го́спода.

Сла́ва Отцу́, и Сы́ну, и Свято́му Ду́ху, и ны́не, и при́сно, и во ве́ки веко́в. Ами́нь. Аллилу́иа, аллилу́иа, аллилу́иа, сла́ва Тебе́ Бо́же. (3 раза)

Моли́тва св. Мака́рия Вели́кого

Бо́же Ве́чный и Царю́ вся́каго созда́ния, сподо́бивый мя да́же в час сей доспе́ти, прости́ ми грехи́, я́же сотвори́х в сей день, де́лом, сло́вом и помышле́нием, и очи́сти, Го́споди, смире́нную мою́ ду́шу от вся́кия скве́рны пло́ти и ду́ха. И даждь ми, Гóсподи, в нощи́ сей сон прейти́ в ми́ре, да, востáв от смирéннаго ми лóжа, благоугожду́ пресвятóму и́мени Твоéму во вся дни животá моегó и поперу́ борю́щия мя враги́, плотски́я и безпло́тныя. И изба́ви мя, Го́споди, от помышле́ний су́етных, оскверня́ющих мя, и по́хотей лука́вых. Я́ко подоба́ет Тебе́ вся́кая сла́ва, честь и поклоне́ние, Отцу́, и Сы́ну, и Свято́му Ду́ху, ны́не, и при́сно, и во ве́ки веко́в. Аминь.

Вече́рний антифо́н

(одна слава из Псалтири по своему порядку)

Псалти́рь

Псалом 4
1 В коне́ц, в пе́снех, псало́м Дави́ду.
2 Внегда́ призва́ти ми́, услы́ша мя́ Бо́г пра́вды моея́: в ско́рби распространи́л мя́ еси́: уще́дри мя́ и услы́ши моли́тву мою́.
3 Сы́нове челове́честии, доко́ле тяжкосе́рдии? Вску́ю лю́бите суету́ и и́щете лжи́?
4 И уве́дите, я́ко удиви́ Госпо́дь преподо́бнаго Своего́. Госпо́дь услы́шит мя́, внегда́ воззва́ти ми́ к Нему́.
5 Гне́вайтеся, и не согреша́йте, я́же глаго́лете в сердца́х ва́ших, на ло́жах ва́ших умили́теся:
6 пожри́те же́ртву пра́вды и упова́йте на Го́спода.
7 Мно́зи глаго́лют: кто́ яви́т на́м блага́я? Зна́менася на на́с све́т лица́ Твоего́, Го́споди.
8 Да́л еси́ весе́лие в се́рдцы мое́м: от плода́ пшени́цы, вина́ и еле́а своего́ умно́жишася:
9 в ми́ре вку́пе усну́ и почи́ю, я́ко Ты́, Го́споди, еди́наго на упова́нии всели́л мя́ еси́.
Псалом 5
1 О насле́дствующем, псало́м Дави́ду.
2 Глаго́лы моя́ внуши́, Го́споди, разуме́й зва́ние мое́.
3 Вонми́ гла́су моле́ния моего́, Царю́ мо́й и Бо́же мо́й: я́ко к Тебе́ помолю́ся, Го́споди.
4 Зау́тра услы́ши гла́с мо́й: зау́тра предста́ну Ти́, и у́зриши мя́:
5 я́ко Бо́г не хотя́й беззако́ния Ты́ еси́: не присели́тся к Тебе́ лука́внуяй,
6 ниже́ пребу́дут беззако́нницы пред очи́ма Твои́ма: возненави́дел еси́ вся́ де́лающыя беззако́ние,
7 погуби́ши вся́ глаго́лющыя лжу́: му́жа крове́й и льсти́ва гнуша́ется Госпо́дь.
8 А́з же мно́жеством ми́лости Твоея́ вни́ду в до́м Тво́й, поклоню́ся ко хра́му свято́му Твоему́, в стра́се Твое́м.
9 Го́споди, наста́ви мя́ пра́вдою Твое́ю, вра́г мои́х ра́ди испра́ви пред Тобо́ю пу́ть мо́й.
10 Я́ко не́сть во усте́х и́х и́стины, се́рдце и́х су́етно, гро́б отве́рст горта́нь и́х, язы́ки свои́ми льща́ху.
11 Суди́ и́м, Бо́же, да отпаду́т от мы́слей свои́х: по мно́жеству нече́стия и́х изри́ни я́, я́ко преогорчи́ша Тя́, Го́споди.
12 И да возвеселя́тся вси́ упова́ющии на Тя́, во ве́к возра́дуются, и всели́шися в ни́х: и похва́лятся о Тебе́ лю́бящии и́мя Твое́.
13 Я́ко Ты́ благослови́ши пра́ведника, Го́споди, я́ко ору́жием благоволе́ния венча́л еси́ на́с.
Псалом 6
1 В коне́ц, в пе́снех о осме́м, псало́м Дави́ду.
2 Го́споди, да не я́ростию Твое́ю обличи́ши мене́, ниже́ гне́вом Твои́м нака́жеши мене́.
3 Поми́луй мя́, Го́споди, я́ко не́мощен е́смь: изцели́ мя, Го́споди, я́ко смято́шася ко́сти моя́,
4 и душа́ моя́ смяте́ся зело́: и Ты́, Го́споди, доко́ле?
5 Обрати́ся, Го́споди, изба́ви ду́шу мою́, спаси́ мя ра́ди ми́лости Твоея́:
6 я́ко не́сть в сме́рти помина́яй Тебе́, во а́де же кто́ испове́стся Тебе́?
7 Утруди́хся воздыха́нием мои́м, измы́ю на вся́ку но́щь ло́же мое́, слеза́ми мои́ми посте́лю мою́ омочу́.
8 Смяте́ся от я́рости о́ко мое́, обетша́х во все́х вразе́х мои́х.
9 Отступи́те от мене́, вси́ де́лающии беззако́ние, я́ко услы́ша Госпо́дь гла́с пла́ча моего́,
10 услы́ша Госпо́дь моле́ние мое́, Госпо́дь моли́тву мою́ прия́т.
11 Да постыдя́тся и смяту́тся вси́ врази́ мои́, да возвратя́тся и устыдя́тся зело́ вско́ре.

По окончании: Сла́ва Отцу́, и Сы́ну, и Свято́му Ду́ху, и ны́не, и при́сно, и во ве́ки веко́в. Ами́нь. Аллилу́иа, аллилу́иа, аллилу́иа, сла́ва Тебе́ Бо́же. (3 раза)

Моли́тва св. Васи́лия Вели́кого

Благослове́н еси́, Влады́ко Вседержи́телю, просвети́вый день све́том со́лнечным и нощь уясни́вый заря́ми о́гненными, е́же долготу́ дне прейти́ нам сподо́бил еси́ и прибли́житися нача́лом но́щи. Услы́ши моле́ние мое и всех люде́й Твои́х и всех нас прости́ во́льная и нево́льная согреше́ния. Приими́ вече́рняя моя моле́ния и низпосли́ мно́жество ми́лости Твоея́ и щедро́т Твои́х на достоя́ние Твое́. Остени́ нас святы́ми Твои́ми а́нгелы, вооружи́ нас ору́жием пра́вды, огради́ нас и́стиною Твое́ю, соблюди́ нас си́лою Твое́ю, изба́ви нас от вся́каго обстоя́ния, вся́каго наве́та сопроти́внаго. Пода́ждь же мне и настоя́щий ве́чер с приходя́щею но́щию соверше́н, свят, ми́рен, безгре́шен, безбла́знен, безмечта́нен и вся дни жизни на́шея, моли́твами Cвяты́я Богоро́дицы и всех святы́х, от ве́ка благоугоди́вших, ами́нь.

Го́споди, воззва́х

Псалмы́ 140, 141, 129, 116 поются на глас стихир

Хор: Го́споди, воззва́х к Тебе́, услы́ши мя. Услы́ши мя, Го́споди. Го́споди, воззва́х к Тебе́, услы́ши мя: / вонми́ гла́су моле́ния моего́, / внегда́ воззва́ти ми к Тебе́. / Услы́ши мя, Го́споди.

Да испра́вится моли́тва моя, / я́ко кади́ло пред Тобо́ю, / воздея́ние руку́ мое́ю / – же́ртва вече́рняя. / Услы́ши мя, Го́споди.

Чтец:

Положи́, Го́споди, хране́ние усто́м мои́м / и дверь огражде́ния о устна́х мои́х. / Не уклони́ се́рдце мое́ в словеса́ лука́вствия, / непщева́ти вины́ о гресе́х. / С челове́ки де́лающими беззаконие, / и не сочту́ся со избра́нными их. / Нака́жет мя пра́ведник ми́лостию и обличи́т мя; / еле́й же гре́шнаго да не нама́стит главы́ моея́. / Яко еще́ и моли́тва моя́ во благоволе́ниих их; / поже́рты бы́ша при ка́мени судии́ их. / Услы́шатся глаго́ли мои́, я́ко возмого́ша; / я́ко то́лща земли́ просе́деся на земли́, расточи́шася ко́сти их при а́де. / Яко к Тебе́, Го́споди, Го́споди, о́чи мои́, / на Тя упова́х, не отыми́ ду́шу мою́. / Сохрани́ мя от се́ти, ю́же соста́виша ми, / и от собла́зн де́лающих беззако́ние. / Паду́т во мре́жу свою́ гре́шницы; / еди́н есмь аз, до́ндеже прейду́.

Гла́сом мои́м ко Го́споду воззва́х, / гла́сом мои́м ко Го́споду помоли́хся. / Пролию́ пред Ним моле́ние мое́, / печа́ль мою́ пред Ним возвещу́. / Внегда́ исчеза́ти от мене́ ду́ху моему́, / и Ты позна́л еси́ стези́ моя́. / На пути́ сем, по нему́же хожда́х, / скры́ша сеть мне. / Смотря́х одесну́ю и возгля́дах, / и не бе зна́яй мене́. / Поги́бе бе́гство от мене́, / и несть взыска́яй ду́шу мою́. / Воззва́х к Тебе́, Го́споди, рех: / Ты еси́ упова́ние мое, часть моя́ еси́ на земли́ живы́х. / Вонми́ моле́нию моему́, / я́ко смири́хся зело́. / Изба́ви мя от гоня́щих мя, / я́ко укрепи́шася па́че мене́. Изведи́ из темни́цы ду́шу мою́, / испове́датися и́мени Твоему́. Мене́ ждут пра́ведницы, / до́ндеже возда́си мне. Из глубины́ воззва́х к Тебе́, Го́споди, / Го́споди, услы́ши глас мой. Да бу́дут у́ши Твои́ / вне́млюще гла́су моле́ния моего́.

Чтец: А́ще беззако́ния на́зриши, Го́споди, Го́споди, кто́ постои́т? Я́ко у тебе́ очище́ние е́сть.
Глас 3: Да́вый на́м поще́ния вре́мя / обрати́тися и живы́м бы́ти, и ника́коже поги́бнути, / Сло́ве Бо́жий, / сподо́би все́х благоугоди́ти Тебе́ до́бре, / и те́плым умиле́нием послужи́ти Тебе́ Христе́, / я́коже блудни́ца о́ная целому́дренная и честна́я, / иногда́ ми́ром и излия́ньми те́плых сле́з, // прегреше́ний прии́мши оставле́ние.
Чтец: Имене́ ра́ди Твоего́ потерпе́х Тя́ Го́споди, потерпе́ душа́ моя́ в сло́во Твое́, упова́ душа́ моя́ на Го́спода.
Глас 3: Я́коже слепы́й от се́рдца зову́ Ти: / Сы́не Бо́жий, просвети́ мои́ о́чи серде́чныя. / Я́коже ве́рная ханане́а вопию́ Ти: / поми́луй мя́ Ще́дре, / и́бо ду́шу бесну́ющуюся и́мам в сласте́х: / ю́же премени́в от тьмы́ страсте́й, / про́чее жи́ти чи́сте сотвори́, // да сла́влю Твою́ мно́гую благосты́ню.
Чтец: От стра́жи у́тренния до но́щи, от стра́жи у́тренния, да упова́ет Изра́иль на Го́спода.
Глас 8: Богосве́тлая благода́ть воздержа́ния, / возсия́вши на́м дне́сь со́лнца светле́е, / ду́шы на́шя просвеща́ет, / я́коже о́блаки стра́сти грехо́вныя отгоня́ющи. / Сего́ ра́ди вси́ притеце́м, благоду́шно сию́ лобыза́юще: / ра́дующеся соверша́ем боже́ственное по́прище того́, / его́же в весе́лиих учрежда́ющеся возопии́м Христу́: // освяти́ бла́же, сие́ соверша́ющыя ве́рно.
Чтец: Я́ко у Го́спода ми́лость, и мно́гое у Него́ избавле́ние: и То́й изба́вит Изра́иля от все́х беззако́ний его́.
Глас 8: От ю́ности му́дрости прилежа́в,/ святи́телю Евфи́мие,/ и Боже́ственное Писа́ние я́ко извы́к, преподо́бне,/ отложи́л еси́ вся, я́же ю́ности веду́щая сла́сти,/ Христо́в яре́м носи́ти изво́лил еси́,/ отону́дуже показа́лся еси́ сосу́д избра́н./ И сего́ ра́ди суд Бо́жий/ тя святи́теля лю́дем Свои́м поставля́ет,/ в правосла́вии наставля́юща ста́до твое́, преосвяще́нне.
Чтец: Хвали́те Го́спода вси́ язы́цы, похвали́те его́ вси́ лю́дие.
Глас 8: Прему́дрости и ра́зума/ я́ко испо́лнен быв, Богоблаже́нне,/ христоимени́тым лю́дем/ изря́дный па́стырь был еси́,/ тех на па́жити благоче́стия наставля́я,/ непокаряющияся же прему́дре исправля́я./ Те́мже ны́не ча́да твоя́, святи́телю Евфи́мие,/ па́мять твою́ пра́зднующе,/ воспева́ем Христа́ Бо́га на́шего,/ тебе́ просла́вльшаго.
Чтец: Я́ко утверди́ся ми́лость Его́ на на́с, и и́стина Госпо́дня пребыва́ет во ве́к.
Глас 8: Благоче́стно житие́ на земли́,/ я́ко А́нгел, пожи́в, святи́телю,/ Це́рковь Боже́ственную украси́л еси́/ твои́ми честны́ми уче́нии,/ лю́ди, тебе́ Бо́гом вруче́нный,/ му́дре наставлявши к Того́ разуме́нию./ Те́мже и Христо́с тебе́ не то́кмо в животе́,/ но и по преставле́нии прославля́ет/ и даро́в чуде́с сподобля́ет,/ еди́н Человеколю́бец.
Слава и ныне:
Глас 8: Ра́дуйся, вселе́нныя похвало́; / ра́дуйся, хра́ме Госпо́день; / ра́дуйся, горо́ приосене́нная; / ра́дуйся, всех прибе́жище; / ра́дуйся, све́щниче златы́й; / ра́дуйся, Сла́во правосла́вных честна́я; / ра́дуйся, Мари́е, Ма́ти Христа́ Бо́га; / ра́дуйся, раю́; ра́дуйся, Боже́ственная трапе́зо; / ра́дуйся, се́не; ра́дуйся, ру́чко всезлата́я; / ра́дуйся, всех упова́ние.

После Богородична перед иконой Спасителя возжигается светильник со словами: Свет Христо́в просвеща́ет всех!

И поется: Све́те Ти́хий святы́я Сла́вы Безсме́ртнаго Отца́ Небе́снаго, Свята́го, Блаже́ннаго, Иису́се Христе́. Прише́дше на за́пад со́лнца, ви́девше свет вече́рний, пое́м Отца́, Сы́на и Свята́го Ду́ха, Бо́га. Досто́ин еси́ во вся времена́ пе́т бы́ти гла́сы преподо́бными, Сы́не Бо́жий, живот дая́й - те́мже мир Тя сла́вит.

В понеде́льник ве́чера пс. 6, глас 6

Канонарх: Го́споди, да не я́ростию Твое́ю обличи́ши мене́, ниже́ гне́вом Твои́м нака́жеши мене́.

Хор: Аллилу́иа. (3 раза)

Стих: Поми́луй мя, Го́споди, я́ко не́мощен есмь, исцели́ мя, Го́споди, я́ко смято́шася ко́сти моя́.

Хор: Аллилу́иа. (3 раза)

Стих: Утруди́хся воздыха́нием мои́м, измы́ю на вся́ку нощь ло́же мое́, слеза́ми мои́ми посте́лю мою́ омочу́.

Хор: Аллилу́иа. (3 раза)

Стих: Отступи́те от мене́, вси де́лающии беззако́ние, я́ко услы́ша Госпо́дь глас пла́ча моего́: услы́ша Госпо́дь моле́ние мое́.

Хор: Аллилу́иа. (3 раза)

Стих: Да постыдя́тся и смяту́тся вси врази́ мои́, да возвратя́тся и устыдя́тся зело́ вско́ре.

Хор: Аллилу́иа. (3 раза)

Чтец: Прему́дрость. Бытия́ чте́ние.

Вече́рнее славосло́вие

Сподо́би, Го́споди, в ве́чер сей без греха́ сохрани́тися нам. Благослове́н еси́, Го́споди Бо́же оте́ц на́ших, и хва́льно и просла́влено и́мя Твое́ во ве́ки, ами́нь.

Бу́ди, Го́споди, ми́лость Твоя́ на нас, я́коже упова́хом на Тя. Благослове́н еси́, Го́споди, научи́ мя оправда́нием Твои́м. Благослове́н еси́, Влады́ко, вразуми́ мя оправда́нием Твои́м. Благослове́н еси́, Святы́й, просвети́ мя оправда́нии Твои́ми.

Го́споди, ми́лость Твоя́ во век, дел руку́ Твое́ю не пре́зри. Тебе́ подоба́ет хвала́. Тебе́ подоба́ет пе́ние, Тебе́ сла́ва подоба́ет, Отцу́ и Сы́ну и Свято́му Ду́ху, ны́не и при́сно и во ве́ки веко́в. Ами́нь.

Стихи́ры на стихо́вне

Глас 7: Я́коже впады́й в разбо́йники и уя́звен, / та́ко и а́з впадо́х от мои́х грехо́в, и уя́звена е́сть душа́ моя́: / к кому́ прибе́гну исцели́тися? / то́кмо к Тебе́ ду́ш же и теле́с врачу́: // изле́й на мя́ Бо́же вели́кую Твою́ ми́лость.
Стих: К Тебе́ возведо́х о́чи мои́ Живу́щему на Небеси́. Се я́ко о́чи ра́б в руку́ госпо́дий свои́х, я́ко о́чи рабы́ни в руку́ госпожи́ своея́: та́ко о́чи на́ши ко Го́споду Бо́гу на́шему,/ до́ндеже уще́дрит ны.
Глас 4: Прегреши́вше от преступле́ния пе́рваго, / от ра́йския сла́дости и наслажде́ния веде́ни бы́хом в безче́стнейшую жи́знь: / доброде́телей бо подоба́ющаго и хва́льнаго жития́ совле́кшеся прегреше́ньми, / я́ко в разбо́йники впадо́хом: / и́сполу же ме́ртвы есмы́, / прегреши́вше от спаси́тельных уче́ний Твои́х, / но мо́лим Тя́ от Мари́и яви́вшагося, / и безстра́стно страсте́м прибли́жившагося Влады́ку: / обяжи́ на́шя я́же от греха́ прибы́вшыя стру́пы, / и безме́рное Твое́ милосе́рдие излива́й на ны́, / Твое́ исцели́тельное попече́ние, // я́ко Человеколю́бец.
Стих: Поми́луй нас, Го́споди, поми́луй нас, я́ко по мно́гу испо́лнихомся уничиже́ния: наипа́че напо́лнися душа́ на́ша поноше́ния гобзу́ющих:/ и уничиже́ния го́рдых.
Глас 4: Святы́х му́ченик прие́мый терпе́ние, / и от на́с приими́ пе́ние Человеколю́бче, // да́руя на́м те́х моли́твами ве́лию ми́лость.
Слава и ныне:
Глас 4: От все́х бе́д рабы́ Твоя́ сохраня́й, / благослове́нная Богоро́дице: // да Тя́ сла́вим наде́жду ду́ш на́ших.

Моли́тва св. Симео́на Богоприи́мца

Ны́не отпуща́еши раба́ Твоего́, Влады́ко, по глаго́лу Твоему́, с ми́ром: я́ко ви́деста о́чи мои́ спасе́ние Твое́, е́же еси́ угото́вал пред лице́м всех люде́й, свет во открове́ние язы́ков и сла́ву люде́й Твои́х Изра́иля.

Святы́й Бо́же, Святы́й Кре́пкий, Святы́й Безсме́ртный, поми́луй нас. (3 раза)

Сла́ва Отцу́, и Сы́ну, и Свято́му Ду́ху, и ны́не, и при́сно, и во ве́ки веко́в. Ами́нь.

Пресвята́я Тро́ице, поми́луй нас; Го́споди, очи́сти грехи́ на́ша; Влады́ко, прости́ беззако́ния на́ша; Святы́й, посети́ и исцели́ не́мощи на́ша, и́мене Твоего́ ра́ди.

Го́споди, поми́луй. (3 раза)

Сла́ва Отцу́, и Сы́ну, и Свято́му Ду́ху, и ны́не, и при́сно, и во ве́ки веко́в. Ами́нь.

О́тче наш, И́же еси́ на небесе́х! Да святи́тся и́мя Твое́, да прии́дет Ца́рствие Твое́; да бу́дет во́ля Твоя́, я́ко на небеси́, и на земли́. Хлеб наш насу́щный да́ждь нам днесь; и оста́ви нам до́лги на́ша, я́коже и мы оставля́ем должнико́м на́шим; и не введи́ нас во искуше́ние, но изба́ви нас от лука́ваго. Яко Твое́ есть ца́рство, и си́ла, и сла́ва, Отца́, и Сы́на, и Свята́го Ду́ха, ны́не, и при́сно, и во ве́ки веко́в. Ами́нь.

Хор: Богоро́дице Де́во, ра́дуйся, / Благода́тная Мари́е, Госпо́дь с Тобо́ю: / Благослове́на Ты в жена́х, и Благослове́н Плод чре́ва Твоего́, / я́ко Спа́са родила́ еси́ душ на́ших. (Поклон)

Сла́ва: Крести́телю Христо́в, всех нас помяни́, / да изба́вимся от беззако́ний на́ших: / тебе бо даде́ся благода́ть моли́тися за ны. (Поклон)

И ны́не: Моли́те за ны святи́и Апо́столи, святи́и вси, / да изба́вимся от бед и скорбе́й: / вас бо те́плыя предста́тели ко Спа́су стяжа́хом. (Поклон)

Под Твое́ благоутро́бие прибега́ем, Богоро́дице, / моле́ния на́ша не пре́зри во обстоя́нии, / но от бед изба́ви ны, Еди́на Чи́стая, Еди́на Благослове́нная. (Без поклона)

Го́споди, поми́луй. (3 раза)

Сла́ва Отцу́, и Сы́ну, и Свято́му Ду́ху, и ны́не, и при́сно, и во ве́ки веко́в. Ами́нь.

Честне́йшую херуви́м и сла́внейшую без сравне́ния серафи́м, без истле́ния Бо́га Сло́ва ро́ждшую, су́щую Богоро́дицу, Тя велича́ем.

Моли́тва св. Ефре́ма Си́рина

Го́споди и Влады́ко живота́ моего́! Дух пра́здности, уны́ния, любонача́лия и праздносло́вия не даждь ми. (Поклон)

Дух же целому́дрия, смиренному́дрия, терпе́ния и любве́ да́руй ми, рабу́ Твоему́. (Поклон)

Ей, Го́споди Царю́, да́руй ми зре́ти моя́ прегреше́ния и не осужда́ти ближнего моего́, я́ко благослове́н еси́ во ве́ки веко́в. Ами́нь. (Поклон)

Чтец: Небе́сный Царю́, ве́ру утверди́, язы́ки укроти́, мир умири́, святы́й храм сей до́бре сохрани́: пре́жде отше́дшыя отцы́, бра́тию и сестры на́ша в селе́ниих пра́ведных учини́, и нас в покая́нии и испове́дании приими́, я́ко Благи́й и Человеколю́бец.

Чтец: Моли́твами святы́х оте́ц на́ших, Го́споди Иису́се Христе́, Бо́же наш, поми́луй нас. Ами́нь.

Сла́ва Тебе́, Бо́же наш, сла́ва Тебе́!

Царю́ Небе́сный, Уте́шителю, Ду́ше и́стины, И́же везде́ сый и вся исполня́яй, Сокро́вище благи́х и жи́зни Пода́телю, прииди́ и всели́ся в ны, и очи́сти ны от вся́кия скве́рны, и спаси́, Бла́же, ду́ши на́ша.

Святы́й Бо́же, Святы́й Кре́пкий, Святы́й Безсме́ртный, поми́луй нас. (3 раза)

Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

Пресвята́я Тро́ице, поми́луй нас; Го́споди, очи́сти грехи́ на́ша; Влады́ко, прости́ беззако́ния на́ша; Святы́й, посети́ и исцели́ не́мощи на́ша, и́мене Твоего́ ра́ди.

Го́споди, поми́луй. (3 раза) Сла́ва Отцу́, и Сы́ну, и Свято́му Ду́ху, и ны́не, и при́сно, и во ве́ки веко́в. Ами́нь.

О́тче наш, И́же еси́ на Небесе́х, да святи́тся и́мя Твое́, да прии́дет Ца́рствие Твое́, да бу́дет во́ля Твоя́, я́ко на Небеси́ и на земли́. Хлеб наш насу́щный да́ждь нам днесь; и оста́ви нам до́лги на́ша, я́коже и мы оставля́ем должнико́м на́шим; и не введи́ нас во искуше́ние, но изба́ви нас от лука́ваго. Я́ко Твое́ есть Ца́рство, и си́ла, и сла́ва, ны́не и при́сно, и во ве́ки веко́в. Аминь.

Го́споди, поми́луй. (12 раз)

Сла́ва Отцу́, и Сы́ну, и Свято́му Ду́ху, и ны́не, и при́сно, и во ве́ки веко́в. Ами́нь.

Прииди́те, поклони́мся Царе́ви на́шему, Бо́гу.

Прииди́те, поклони́мся и припаде́м Христу́, Царе́ви на́шему, Бо́гу.

Прииди́те, поклони́мся и припаде́м Самому́ Христу́, Царе́ви и Бо́гу на́шему.

Псалом 69

Бо́же, в по́мощь мою́ вонми́, Го́споди, помощи́ ми потщи́ся. Да постыдя́тся и посра́мятся и́щущии ду́шу мою́, да возвратя́тся вспять и постыдя́тся хотя́щии ми зла́я. Да возвратя́тся а́бие стыдя́щеся глаго́лющии ми: бла́гоже, бла́гоже. Да возра́дуются и возвеселя́тся о Тебе́ вси и́щущии Тебе́, Бо́же, и да глаго́лют вы́ну, да возвели́чится Госпо́дь, лю́бящии спасе́ние Твое́: аз же нищ есмь и убо́г, Бо́же, помози́ ми: Помо́щник мой и Изба́витель мой еси́ Ты, Го́споди, не закосни́.

Славословие вседневное

Сла́ва в вы́шних Бо́гу, и на земли́ мир, в челове́цех благоволе́ние. Хва́лим Тя, благослови́м Тя, кла́няем Ти ся, славосло́вим Тя, благодари́м Тя, вели́кия ра́ди сла́вы Твоея́. Го́споди, Царю́ Небе́сный, Боже, О́тче Вседержи́телю, Го́споди Сы́не Единоро́дный, Иису́се Христе́, и Святы́й Ду́ше. Го́споди Бо́же, А́гнче Бо́жий, Сы́не Оте́чь, взе́мляй грех ми́ра, поми́луй нас. Взе́мляй грехи́ ми́ра, приими́ моли́тву на́шу. Седя́й одесну́ю Отца́, поми́луй нас. Я́ко Ты еси́ Еди́н Свят; Ты еси́ Еди́н Госпо́дь, Иису́с Христо́с, в сла́ву Бо́га Отца́, ами́нь.

На вся́ку нощь благословлю́ Тя и восхвалю́ и́мя Твое́ во ве́ки, и в век ве́ка.

Го́споди, прибе́жище был еси́ нам в род и род. Аз рех: Го́споди, поми́луй мя, исцели́ ду́шу мою́, я́ко согреши́х Тебе́. Го́споди, к Тебе́ прибего́х, научи́ мя твори́ти во́лю Твою́, я́ко Ты еси́ Бог мой, я́ко у Тебе́ исто́чник живота́, во све́те Твое́м у́зрим свет. Проба́ви ми́лость Твою́ ве́дущим Тя.

Сподо́би Го́споди, в нощь сию́ без греха́ сохрани́тися нам. Благослове́н еси́ Го́споди Бо́же оте́ц на́ших, и хва́льно и просла́влено и́мя Твое́ во ве́ки, ами́нь.

Бу́ди, Го́споди, ми́лость Твоя́ на нас, я́коже упова́хом на Тя. Благослове́н еси́, Го́споди, научи́ мя оправда́нием Твои́м. Благослове́н еси́, Влады́ко, вразуми́ мя оправда́нием Твои́м. Благослове́н еси́, Святы́й, просвети́ мя оправда́нии Твои́ми. Го́споди, ми́лость Твоя́ во век, дел руку́ Твое́ю не пре́зри: Тебе́ подоба́ет хвала́, Тебе́ подоба́ет пе́ние, Тебе́ сла́ва подоба́ет, Отцу́, и Сы́ну, и Свято́му Ду́ху, ны́не и при́сно, и во ве́ки веко́в, ами́нь.

Великий Канон

Песнь 1

Ирмос (глас 6): Помо́щник и покрови́тель / бысть мне во спасе́ние, / Сей мой Бог и просла́влю Его́, / Бог отца́ моего́ и вознесу́ Его́, / сла́вно бо просла́вися.

Припев: Поми́луй мя, Бо́же, поми́луй мя.

Отку́ду начну́ пла́кати / окая́ннаго моего́ жития́ дея́ний? / Ко́е ли положу́ нача́ло, Христе́, ны́нешнему рыда́нию? / Но я́ко благоутро́бен, / даждь ми прегреше́ний оставле́ние.

Гряди́ окая́нная душе́, с пло́тию твое́ю, / Зижди́телю всех испове́ждься, / и оста́нися про́чее пре́ждняго безслове́сия, / и принеси́ Бо́гу в покая́нии сле́зы.

Первозда́ннаго Ада́ма преступле́нию поревнова́в, / позна́х себе́ обнаже́на от Бо́га / и присносу́щнаго Ца́рствия и сла́дости, / грех ра́ди мои́х.

Увы мне окая́нная душе́, / что уподо́билася еси́ пе́рвей Е́ве? / Ви́дела бо еси́ зле, и уязви́лася еси́ го́рце, / и косну́лася еси́ дре́ва и вкуси́ла еси́ де́рзостно / безслове́сныя сне́ди.

Вме́сто Е́вы чу́вственныя / мы́сленная ми бысть Е́ва, / во пло́ти стра́стный по́мысл, / показу́яй сла́дкая / и вкуша́яй при́сно / го́рькаго напое́ния.

Досто́йно из Еде́ма изгна́н бысть, / я́ко не сохрани́в еди́ну Твою́, Спа́се, за́поведь Ада́м: / аз же что постражду́, / отмета́я всегда́ живо́тная Твоя́ словеса́?

Сла́ва, Тро́ичен: Пресу́щная Тро́ице, во Еди́нице покланя́емая, / возми́ бре́мя от мене́ тя́жкое грехо́вное, / и я́ко благоутро́бна, / даждь ми сле́зы умиле́ния.

И ны́не, Богоро́дичен: Богоро́дице, наде́жде и предста́тельство Тебе́ пою́щих, / возми́ бре́мя от мене́ тя́жкое грехо́вное, / и я́ко Влады́чица Чи́стая, / ка́ющася приими́ мя.

Песнь 2

Ирмос: Вонми́, не́бо, и возглаго́лю, / и воспою́ Христа́, / от Де́вы пло́тию прише́дшаго.

Вонми́ не́бо, и возглаго́лю, / земле́, внуша́й глас, / ка́ющийся к Бо́гу и воспева́ющий Его́.

Вонми́ ми, Бо́же, Спа́се мой, / ми́лостивным Твои́м о́ком, / и приими́ мое́ те́плое испове́дание.

Согреши́х па́че всех челове́к, / еди́н согреши́х Тебе́, / но уще́дри я́ко Бог, Спа́се, / творе́ние Твое́.

Вообрази́в мои́х страсте́й безобра́зие, / любосла́стными стремле́ньми / погуби́х ума́ красоту́.

Бу́ря мя злых обдержи́т, / благоутро́бне Го́споди, / но я́ко Петру́, / и мне ру́ку простри́.

Оскверни́х пло́ти моея́ ри́зу / и окаля́х / е́же по о́бразу, Спа́се, / и по подо́бию.

Омрачи́х душе́вную красоту́ / страсте́й сластьми́, / и вся́чески весь ум / персть сотвори́х.

Раздра́х ны́не оде́жду мою́ пе́рвую, / ю́же ми изтка́ Зижди́тель из нача́ла, / и отту́ду лежу́ наг.

Облеко́хся в раздра́нную ри́зу, / ю́же изтка́ ми змий сове́том, / и стыжду́ся.

Сле́зы блудни́цы, Ще́дре, / и аз предлага́ю, / очи́сти мя, Спа́се, / благоутро́бием Твои́м.

Воззре́х на садо́вную красоту́ / и прельсти́хся умо́м, / и отту́ду лежу́ наг, и срамля́юся.

Де́лаша на хребте́ мое́м / вси нача́льницы страсте́й, / продолжа́юще на мя / беззако́ние их.

Сла́ва, Тро́ичен: Еди́наго Тя в трие́х Ли́цех, / Бо́га всех пою́, / Отца́ и Сы́на и Ду́ха Свята́го.

И ны́не, Богоро́дичен: Пречи́стая Богоро́дице Де́во, / еди́на Всепе́тая, / моли́ приле́жно во е́же спасти́ся нам.

Песнь 3

Ирмос: На недви́жимом, Христе́, ка́мени за́поведий Твои́х, / утверди́ мое́ помышле́ние.

Огнь от Го́спода иногда́ / Госпо́дь одожди́в, / зе́млю Содо́мскую / пре́жде попали́.

На горе́ спаса́йся, душе́, / я́коже Лот о́ный, / и в Сиго́р угонза́й.

Бе́гай запале́ния, о душе́, / бе́гай Содо́мскаго горе́ния, / бе́гай тле́ния Боже́ственнаго пла́мене.

Согреши́х Тебе́ еди́н аз, / согреши́х па́че всех, Христе́ Спа́се, / да не пре́зриши мене́.

Ты еси́ Па́стырь до́брый, / взыщи́ мене́ а́гнца, / и заблу́ждшаго да не пре́зриши мене́.

Ты еси́ сла́дкий, Иису́се, / Ты еси́ Созда́телю мой, / в Тебе́, Спа́се, оправда́юся.

Испове́даюся Тебе́, Спа́се: / согреши́х, согреши́х Ти, / но осла́би, оста́ви ми, / я́ко благоутро́бен.

Сла́ва, Тро́ичен: О Тро́ице Еди́нице Бо́же! / Спаси́ нас от пре́лести, / и искуше́ний, и обстоя́ний.

И ны́не, Богоро́дичен: Ра́дуйся, Богоприя́тная утро́бо, / ра́дуйся, престо́ле Госпо́день, / ра́дуйся, Ма́ти Жи́зни на́шея.

Песнь 4

Ирмос: Услы́ша проро́к / прише́ствие Твое́, Го́споди, и убоя́ся, / я́ко хо́щеши от Де́вы роди́тися / и челове́ком яви́тися, и глаго́лаше: / услы́шах слух Твой и убоя́хся, / сла́ва си́ле Твое́й, Го́споди.

Дел Твои́х да не пре́зриши, / созда́ния Твоего́ да не оста́виши, Правосу́де, / а́ще и еди́н согреши́х, я́ко человек, / па́че вся́каго челове́ка, Человеколю́бче, / но и́маши, я́ко Госпо́дь всех, / власть оставля́ти грехи́.

Приближа́ется, душе́, коне́ц, приближа́ется, / и неради́ши, ни гото́вишися, / вре́мя сокраща́ется, воста́ни, близ при две́рех Судия́ есть, / я́ко со́ние, я́ко цвет, вре́мя жития́ тече́т, / что всу́е мяте́мся?

Воспряни́, о душе́ моя́, / дея́ния твоя́, я́же соде́лала еси́, помышля́й, / и сия́ пред лице́ твое́ принеси́, / и ка́пли испусти́ слез твои́х: / рцы со дерзнове́нием дея́ния и помышле́ния Христу́, / и оправда́йся.

Не бысть в житии́ греха́, ни дея́ния, ни зло́бы, / ея́же аз, Спа́се, не согреши́х / умо́м и сло́вом, и произволе́нием / и предложе́нием, и мы́слию, и дея́нием согреши́в, / я́ко ин никто́же когда́.

Отсю́ду и осужде́н бых, / отсю́ду препре́н бых аз окая́нный от своея́ со́вести, / ея́же ничто́же в ми́ре нужне́йше. / Судие́, Изба́вителю мой, и ве́дче, / пощади́ и изба́ви, и спаси́ мя, раба́ Твоего́.

Ле́ствица, ю́же ви́де дре́вле / вели́кий в патриа́рсех, / указа́ние есть, душе́ моя́, / де́ятельнаго восхожде́ния, разу́мнаго возше́ствия, / а́ще хо́щеши у́бо, дея́нием, и ра́зумом, / и зре́нием пожи́ти, обнови́ся.

Зной дневны́й претерпе́ / лише́ния ра́ди патриа́рх, / и мраз нощны́й понесе́, / на всяк день снабде́ния творя́, / пасы́й, тружда́яйся, рабо́таяй, / да две жене́ сочета́ет.

Жены́ ми две разуме́й, / дея́ние же и ра́зум в зре́нии, / Ли́ю у́бо дея́ние, я́ко многоча́дную, / Рахи́ль же ра́зум, я́ко многотру́дную, / и́бо кроме́ трудо́в, ни дея́ние, ни зре́ние душе́, испра́вится.

Сла́ва, Тро́ичен: Неразде́льное Существо́м, / несли́тное Ли́цы / богосло́влю Тя, Тро́ическое Еди́но Божество́, / я́ко единоца́рственное и сопресто́льное, / вопию́ Ти песнь вели́кую, / в вы́шних трегу́бо песносло́вимую.

И ны́не, Богоро́дичен: И ражда́еши и де́вствуеши, / и пребыва́еши обою́ду естество́м Де́ва: / Рожде́йся обновля́ет зако́ны естества́, / утро́ба же ражда́ет, не ражда́ющая. / Бог иде́же хо́щет, побежда́ется естества́ чин, / твори́т бо ели́ка хо́щет.

Песнь 5

Ирмос: От нощи́ у́тренююща, / Человеколю́бче, просвети́, молю́ся, / и наста́ви и мене́ на повеле́ния Твоя́, / и научи́ мя, Спа́се, / твори́ти во́лю Твою́.

В нощи́ житие́ мое́ преидо́х при́сно, / тьма бо бысть и глубока́ мне мгла, нощь греха́, / но я́ко дне сы́на, Спа́се, покажи́ мя.

Руви́ма подража́я окая́нный аз, / соде́ях беззако́нный и законопресту́пный сове́т на Бо́га Вы́шняго, / оскверни́в ло́же мое́, я́ко о́тчее он.

Испове́даюся Тебе́, Христе́ Царю́, / согреши́х, согреши́х, / я́ко пре́жде Ио́сифа бра́тия прода́вшии, / чистоты́ плод и целому́дрия.

От сро́дников пра́ведная душа́ связа́ся, / прода́ся в рабо́ту сла́дкий, / во о́браз Госпо́день: / ты же вся, душе́, продала́ся еси́ / злы́ми твои́ми.

Ио́сифа пра́веднаго и целому́дреннаго ума́ / подража́й окая́нная, и неиску́сная душе́, / и не оскверня́йся безслове́сными стремле́ньми / при́сно беззако́ннующи.

А́ще и в ро́ве поживе́ иногда́ Ио́сиф, / Влады́ко Го́споди, / но во о́браз погребе́ния и воста́ния Твоего́. / Аз же что Тебе́ когда́ сицево́е принесу́?

Сла́ва, Тро́ичен: Тя, Тро́ице, сла́вим, Еди́наго Бо́га: / Свят, Свят, Свят еси́ О́тче, Сы́не и Ду́ше, / про́стое Существо́, / Еди́нице при́сно покланя́емая.

И ны́не, Богоро́дичен: Из Тебе́ облече́ся в мое́ смеше́ние, / нетле́нная, безму́жная Ма́ти Де́во, / Бог созда́вый ве́ки, / и соедини́ Себе́ челове́ческое естество́.

Песнь 6

Ирмос: Возопи́х всем се́рдцем мои́м / к ще́дрому Бо́гу, / и услы́ша мя от а́да преиспо́дняго, / и возведе́ от тли живо́т мой.

Сле́зы, Спа́се, о́чию мое́ю, / и из глубины́ воздыха́ния / чи́сте приношу́, вопию́щу се́рдцу: / Бо́же, согреши́х Ти / очи́сти мя.

Уклони́лася еси́, душе́, от Го́спода твоего́, / я́коже Дафа́н и Авиро́н, / но пощади́, воззови́ из а́да преиспо́дняго, / да не про́пасть земна́я тебе́ покры́ет.

Я́ко ю́ница, душе́, разсвире́певшая, / уподо́билася еси́ Ефре́му, / я́ко се́рна от тене́т сохрани́ житие́, / впери́вши дея́нием ум, и зре́нием.

Рука́ нас Моисе́ова да уве́рит, душе́, / ка́ко мо́жет Бог прокаже́нное житие́ / убели́ти, и очи́стити, / и не отча́йся сама́ себе́, / а́ще и прокаже́нна еси́.

Сла́ва, Тро́ичен: Тро́ица есмь про́ста, неразде́льна, / разде́льна Ли́чне, / и Еди́ница есмь Естество́м соедине́на, / Оте́ц глаго́лет, и Сын, и Боже́ственный Дух.

И ны́не, Богоро́дичен: Утро́ба Твоя́ Бо́га нам роди́, / воображе́нна по нам, / Его́же, я́ко Созда́теля всех, моли́, Богоро́дице, / да моли́твами Твои́ми оправди́мся.

Песнь 7

Ирмос: Согреши́хом, беззако́нновахом, / непра́вдовахом пред Тобо́ю, / ниже́ соблюдо́хом, ниже́ сотвори́хом, / я́коже запове́дал еси́ нам; / но не преда́ждь нас до конца́, / отце́в Бо́же.

Согреши́х, беззако́нновах, / и отверго́х за́поведь Твою́, / я́ко во гресе́х произведо́хся / и приложи́х я́звам стру́пы себе́, / но Сам мя поми́луй, / я́ко Благоутро́бен, отце́в Бо́же.

Та́йная се́рдца моего́ / испове́дах Тебе́, Судии́ моему́, / виждь мое́ смире́ние, / виждь и скорбь мою́, / и вонми́ суду́ моему́ ны́не, / и Сам мя поми́луй, я́ко Благоутро́бен, / отце́в Бо́же.

Сау́л иногда́ я́ко погуби́ отца́ своего́, душе́, осля́та, / внеза́пу ца́рство обре́те к прослу́тию, / но блюди́, не забыва́й себе́, / ско́тския по́хоти твоя́ / произво́ливши па́че Ца́рства Христо́ва.

Дави́д иногда́ Богооте́ц, / а́ще и согреши́ сугу́бо, душе́ моя́, / стрело́ю у́бо устреле́н быв прелюбоде́йства, / копие́м же плене́н быв уби́йства томле́нием, / но ты сама́ тяжча́йшими де́лы неду́гуеши, / самохо́тными стремле́ньми.

Совокупи́ у́бо Дави́д иногда́ беззако́нию беззако́ние: / уби́йству же любоде́йство раствори́в, / покая́ние сугу́бое показа́ а́бие, / но сама́ ты, лука́внейшая душе́, соде́лала еси́, / не пока́явшися Бо́гу.

Дави́д иногда́ вообрази́, / списа́в я́ко на ико́не песнь, / е́юже дея́ние облича́ет, е́же соде́я, зовы́й: / поми́луй мя. Тебе́ бо Еди́ному согреши́х всех Бо́гу, / Сам очи́сти мя.

Сла́ва, Тро́ичен: Тро́ице про́стая, неразде́льная, / единосу́щная, и Естество́ еди́но, / Све́тове, и Свет, и Свята три, и еди́но Свя́то / пое́тся Бог Тро́ица, / но воспо́й, просла́ви, Живо́т и Животы́, душе́, / всех Бо́га.

И ны́не, Богоро́дичен: Пое́м Тя, благослови́м Тя, / покланя́емся Ти, Богороди́тельнице, / я́ко неразде́льныя Тро́ицы породи́ла еси́ еди́наго Христа́ Бо́га / и Сама́ отве́рзла еси́ нам, / су́щим на земли́, небе́сная.

Песнь 8

Ирмос: Его́же во́инства Небе́сная сла́вят, / и трепе́щут Херуви́ми и Серафи́ми, / вся́ко дыха́ние и тварь, / по́йте, благослови́те / и превозноси́те во вся ве́ки.

Согреши́вша, Спа́се, поми́луй, / воздви́гни мой ум ко обраще́нию, / приими́ мя, ка́ющагося, уще́дри вопию́ща: / согреши́х Ти, спаси́, / беззако́нновах, поми́луй мя.

Колесни́чник Илия́, / колесни́цею доброде́телей вшед, / я́ко на небеса́, ноша́шеся / превы́ше иногда́ от земны́х, / сего́ у́бо душе́ моя́, восхо́д помышля́й.

Елиссе́й иногда́ прие́м ми́лоть Илиину́, / прия́т сугу́бую благода́ть от Бо́га; / ты же, о душе́ моя́, сея́ не причасти́лася еси́ благода́ти / за невоздержа́ние.

Иорда́нова струя́ пе́рвее, ми́лотию Илиино́ю / Елиссе́ем, ста сю́ду и сю́ду; / ты же, о душе́ моя́, сея́ не причасти́лася еси́ благода́ти / за невоздержа́ние.

Сомани́тида иногда́ / пра́веднаго учреди́, о душе́, нра́вом благи́м; / ты же не ввела́ еси́ в дом, / ни стра́нна, ни пу́тника. / Те́мже черто́га изри́нешися вон, рыда́ющи.

Гиези́ев подража́ла еси́ окая́нная / ра́зум скве́рный всегда́, душе́, / его́же сребролю́бие отложи́ поне́ на ста́рость; / бе́гай гее́нскаго огня́, / отступи́вши злых твои́х.

Сла́ва, Тро́ичен: Безнача́льне О́тче, Сы́не собезнача́льне, / Уте́шителю Благи́й, Ду́ше Пра́вый, / Сло́ва Бо́жия Роди́телю, / Отца́ безнача́льна Сло́ве, / Ду́ше живы́й и зи́ждай, / Тро́ице Еди́нице, поми́луй мя.

И ны́не, Богоро́дичен: Я́ко от оброще́ния червлени́цы, Пречи́стая, / у́мная багряни́ца Емману́илева, / внутрь во чре́ве Твое́м плоть истка́ся; / те́мже Богоро́дицу вои́стинну Тя почита́ем.

Песнь 9

Ирмос: Безсе́меннаго зача́тия Рождество́ несказа́нное, / Ма́тере безму́жныя нетле́нен Плод, / Бо́жие бо рожде́ние обновля́ет естества́. / Те́мже Тя вси ро́ди, / я́ко Богоневе́стную Ма́терь, / правосла́вно велича́ем.

Ум острупи́ся, те́ло оболе́знися, / неду́гует дух, сло́во изнемо́же, / житие́ умертви́ся, коне́ц при две́рех. / Те́мже, моя́ окая́нная душе́, что сотвори́ши, / егда́ прии́дет Судия́ испыта́ти твоя́?

Моисе́ово приведо́х ти, душе́, миробы́тие, / и от того́ все заве́тное писа́ние, / пове́дающее тебе́ пра́ведныя и непра́ведныя: / от ни́хже вторы́я, о душе́, подража́ла еси́, а не пе́рвыя, / в Бо́га согреши́вши.

Зако́н изнемо́же, пра́зднует Ева́нгелие, / писа́ние же все в тебе́ небреже́но бысть, / проро́цы изнемого́ша, и все пра́ведное сло́во, / стру́пи твои́, о душе́, умно́жишася, / не су́щу врачу́ исцеля́ющему тя.

Но́ваго привожду́ ти писа́ния указа́ния, / вводя́щая тя, душе́, ко умиле́нию; / пра́ведным у́бо поревну́й, гре́шных же отвраща́йся, / и уми́лостиви Христа́ моли́твами же и поще́ньми, / и чистото́ю, и гове́нием.

Христо́с вочелове́чися, / призва́в к покая́нию разбо́йники, и блудни́цы, / душе́, пока́йся, дверь отве́рзеся Ца́рствия уже́, / и предвосхища́ют е́ фарисе́е и мытари́ / и прелюбоде́и ка́ющиися.

Христо́с вочелове́чися, / пло́ти приобщи́вся ми, / и вся, ели́ка суть естества́ хоте́нием / испо́лни греха́ кроме́, / подо́бие тебе́, о душе́, / и о́браз предпоказу́я Своего́ снизхожде́ния.

Христо́с волхвы́ спасе́, / па́стыри созва́, / младе́нец мно́жества показа́ му́ченики, / ста́рцы просла́ви, и ста́рыя вдови́цы, / и́хже не поревнова́ла еси́, душе́, ни дея́нием, ни житию́, / но го́ре тебе́, внегда́ бу́деши суди́тися.

Пости́вся Госпо́дь дний четы́редесять в пусты́ни, / последи́ взалка́, показу́я челове́ческое; / душе́, да не разлени́шися, а́ще тебе́ приложи́тся враг, / моли́твою же и посто́м от ног твои́х да отрази́тся.

Сла́ва, Тро́ичен: Отца́ просла́вим, Сы́на превознесе́м, / Боже́ственному Ду́ху ве́рно поклони́мся, / Тро́ице неразде́льней, Еди́нице по Существу́, / я́ко Све́ту и Све́том, и Животу́ и Живото́м, / животворя́щему и просвеща́ющему концы́.

И ны́не, Богоро́дичен: Град Твой сохраня́й, / Богороди́тельнице Пречи́стая, / в Тебе́ бо сей ве́рно ца́рствуяй, / в Тебе́ и утвержда́ется, / и Тобо́ю побежда́яй, / побежда́ет вся́кое искуше́ние, / и пленя́ет ра́тники, / и прохо́дит послуша́ние.

По окончании канона глаголем: Досто́йно есть я́ко вои́стинну блажи́ти Тя, Богоро́дицу, / Присноблаже́нную и Пренепоро́чную и Ма́терь Бо́га на́шего. / Честне́йшую Херуви́м и сла́внейшую без сравне́ния Серафи́м, / без истле́ния Бо́га Сло́ва ро́ждшую, су́щую Богоро́дицу Тя велича́ем.

Святы́й Бо́же, Святы́й Кре́пкий, Святы́й Безсме́ртный, поми́луй нас. (3 раза)

Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

Пресвята́я Тро́ице, поми́луй нас; Го́споди, очи́сти грехи́ на́ша; Влады́ко, прости́ беззако́ния на́ша; Святы́й, посети́ и исцели́ не́мощи на́ша, и́мене Твоего́ ра́ди.

Го́споди, поми́луй. (3 раза) Сла́ва Отцу́, и Сы́ну, и Свято́му Ду́ху, и ны́не, и при́сно, и во ве́ки веко́в. Ами́нь.

О́тче наш, И́же еси́ на Небесе́х, да святи́тся и́мя Твое́, да прии́дет Ца́рствие Твое́, да бу́дет во́ля Твоя́, я́ко на Небеси́ и на земли́. Хлеб наш насу́щный да́ждь нам днесь; и оста́ви нам до́лги на́ша, я́коже и мы оставля́ем должнико́м на́шим; и не введи́ нас во искуше́ние, но изба́ви нас от лука́ваго. Я́ко Твое́ есть Ца́рство, и си́ла, и сла́ва, ны́не и при́сно, и во ве́ки веко́в. Аминь.

В понедельник вечера, глас 2:

Па́мять пра́веднаго с похвала́ми, / тебе́ же довле́ет свиде́тельство Госпо́дне, Предте́че: / показа́л бо ся еси́ вои́стинну и проро́ков честне́йший, / я́ко и в струя́х крести́ти сподо́бился еси́ Пропове́даннаго. / Те́мже за и́стину пострада́в, ра́дуяся, / благовести́л еси́ и су́щим во а́де Бо́га, я́вльшагося пло́тию, / взе́млющаго грех ми́ра / и подаю́щаго нам ве́лию ми́лость.

Го́споди, поми́луй. (40 раз)

И́же на вся́кое вре́мя и на вся́кий час, на Небеси́ и на земли́, покланя́емый и сла́вимый, Христе́ Бо́же, Долготерпели́ве, Многоми́лостиве, Многоблагоутро́бне, И́же пра́ведныя любя́й и гре́шныя ми́луяй, И́же вся зовы́й ко спасе́нию обеща́ния ра́ди бу́дущих благ. Сам, Го́споди, приими́ и на́ша в час сей моли́твы и испра́ви живо́т наш к за́поведем Твои́м, ду́ши на́ша освяти́, телеса́ очи́сти, помышле́ния испра́ви, мы́сли очи́сти и изба́ви нас от вся́кия ско́рби, зол и боле́зней, огради́ нас святы́ми Твои́ми А́нгелы, да ополче́нием их соблюда́еми и наставля́еми, дости́гнем в соедине́ние ве́ры и в ра́зум непристу́пныя Твоея́ сла́вы, я́ко благослове́н еси́ во ве́ки веко́в, ами́нь.

Го́споди поми́луй. (3 раза) Сла́ва Отцу́, и Сы́ну, и Свято́му Ду́ху, и ны́не, и при́сно, и во ве́ки веко́в. Ами́нь.

Честне́йшую Херуви́м / и сла́внейшую без сравне́ния Серафи́м, / без истле́ния Бо́га Сло́ва ро́ждшую, / су́щую Богоро́дицу, Тя велича́ем.

Сла́ва Отцу́, и Сы́ну, и Свято́му Ду́ху, и ны́не, и при́сно, и во ве́ки веко́в. Ами́нь.

Го́споди, поми́луй. (3 раза)

Го́споди Иису́се Христе́, Сы́не Бо́жий, моли́твами Пречи́стыя Твоея́ Ма́тере, преподо́бных и богоно́сных оте́ц на́ших и всех святы́х, поми́луй и спаси́ мя, я́ко Благ и Человеколю́бец. Ами́нь.