В 9-й день

И́же во святы́х отца́ на́шего Кири́лла, архиепи́скопа Александри́йскаго

Святитель Кирилл, архиепископ Александрийский

Преподо́бнаго отца́ на́шего Кири́лла, игу́мена Белоезе́рскаго

Преподобный Кирилл, игумен Белоезерский

Преподо́бнаго Алекса́ндра, Ку́штскаго чудотво́рца

Преподобный Александр, игумен Куштский

Стихи́ры святи́теля, на 6, глас 4.

Подо́бен: Я́ко до́бля:

Сия́нии духо́вными/ просвети́в твой ум,/ светолу́чно со́лнце был еси́,/ я́коже лучи́, уче́ния/ во вся концы́ простира́я,/ и ве́рных озаря́я/ исполне́ние, преблаже́нне,/ и отгоня́я тьму, Богоно́се, ересе́й/ си́лою от Де́вы Возсия́вшаго.

Благосказа́нием слове́с твои́х,/ свяще́нне Кири́лле,/ Це́рковь вся украша́ется,/ и благоче́стно удобря́ется кра́сными добро́тами,/ и почита́ет свяще́нно/ твою́ святу́ю и благонаро́читую па́мять,/ правосла́вных похвало́,/ отце́в верхо́вниче, и́же на собо́ре Всесвяты́я побо́рниче.

О́гненными твои́ми уче́нии/ ересе́й вся́ка хвра́стная/ попаля́ется вещь, прему́дре,/ разу́мными глубина́ми/ погружа́ется во́инство/ неповину́ющихся злочести́вых,/ свяще́нне Кири́лле,/ уче́ньми украша́ется ве́рных всегда́ Це́рковь,/ велегла́сно чту́щи тя.

Сла́ва, глас 6:

Благи́й ра́бе ве́рный,/ де́лателю виногра́да Христо́ва,/ ты и тяготу́ дневну́ю поне́сл еси́,/ ты и да́нный тебе́ тала́нт возрасти́л еси́,/ и по тебе́ прише́дшим не зави́дел еси́./ Те́мже врата́ Небе́сная отверзо́шася тебе́,/ вни́ди в ра́дость Го́спода твоего́/ и моли́ о нас, Кири́лле, о́тче наш.

И ны́не, пра́здника или Богоро́дичен.

Крестобогоро́дичен.

Подо́бен: Всю отложи́вше:

А́гнца Своего́/ А́гница нескве́рная дре́вле/ и непоро́чная Влады́чица/ на дре́ве Кре́стнем я́ко узре́,/ ма́тереки восклица́ше/ и, дивя́щися, вопия́ше:/ Ча́до Сладча́йшее,/ что зре́ние сие́,/ но́вое и пресла́вное?/ Ка́ко сонм безблагода́тный суди́щу Пила́тову предаде́ Тя/ и осужда́ет на смерть/ Живота́ вся́ческих?/ Но воспева́ю Твое́ неизрече́нное,/ Сло́ве, снизхожде́ние.

На стихо́вне Окто́иха.

Сла́ва, глас 6:

Челове́че Бо́жий и ве́рный ра́бе,/ слуго́ Госпо́день, му́жу жела́ний,/ сосу́де избра́нный,/ сто́лпе и утвержде́ние Це́ркве,/ Ца́рствия насле́дниче,/ не премолчи́, вопия́ за ны ко Го́споду.

И ны́не, пра́здника или Богоро́дичен.

Крестобогоро́дичен.

Подо́бен: Тридне́вен:

Ви́дящи Тя распина́ема, Христе́,/ Тебе́ Ро́ждшая вопия́ше:/ что́ стра́нное, е́же ви́жу, та́инство, Сы́не Мой?/ Ка́ко на Дре́ве умира́еши, пло́тию пове́шен,/ жи́зни Пода́телю?

Тропа́рь, глас 8:

Правосла́вия наста́вниче,/ благоче́стия учи́телю и чистоты́,/ вселе́нныя свети́льниче,/ архиере́ов Богодухнове́нное удобре́ние,/ Кири́лле прему́дре,/ уче́ньми твои́ми вся просвети́л еси́,/ цевни́це духо́вная,/ моли́ Христа́ Бо́га спасти́ся душа́м на́шим.

НА У́ТРЕНИ

О́ба кано́на Окто́иха и свята́го на 6, его́же краегране́сие: Зре́ний Кири́лл Боже́ственных цевни́ца. Феофа́ново, глас 4.

Песнь 1

Ирмо́с: Мо́ря чермну́ю пучи́ну/ невла́жными стопа́ми/ дре́вний пешеше́ствовав Изра́иль,/ крестообра́зныма Моисе́овыма рука́ма/ Амали́кову си́лу в пусты́ни победи́л есть.

От Бо́га светода́тельну благода́ть, Кири́лле, прие́м и све́тел свети́льник я́влься,/ слове́сныя облиста́л еси́ нам лучи́ па́мятию твое́ю,/ я́ко да досто́йно тя воспо́ем.

Испо́лнился еси́ светоявле́ния, Кири́лле прему́дре, духо́внаго,/ я́ко за́поведей Христо́вых храни́тель, от страсте́й очище́н,/ Пребоже́ственныя был еси́ вои́стинну Тро́ицы жили́ще.

Я́ко ре́вности и дерзнове́ния испо́лнен, Кири́лле сла́вне,/ богобо́рная вся нело́жно языковре́дия изобличи́л еси́ злочести́вых ересе́й,/ по пра́вей ве́ре боря́ся.

Богоро́дичен: Исцели́ла еси́ сокруше́ние, Всенепоро́чная, челове́чества,/ Тво́рца ро́ждшая всех,/ возве́дшаго ны, низве́рженныя паде́нием пра́отчим, Богоневе́сто.

Песнь 3

Ирмо́с: Весели́тся о Тебе́ Це́рковь Твоя́, Христе́, зову́щи:/ Ты моя́ кре́пость, Го́споди,/ и прибе́жище, и утвержде́ние.

Укрепля́емь о Христе́,/ ко́зни лука́ваго зми́я тве́рдым умо́м, Кири́лле,/ я́коже тка́ние паучи́нное, расто́ргнул еси́.

Ти́ну страсте́й от души́ оттря́сл еси́, Кири́лле,/ низло́ж вся́каго по́мысла возноше́ние,/ на Христа́ превозноша́ющееся.

Я́ко благополу́чен страда́лец, о́тче,/ уклони́лся еси́ тве́рдо вся́каго плотска́го сладостра́стия,/ я́ко тще́тнаго и пакостнотво́рнаго.

Богоро́дичен: Еди́ну в жена́х Тя, Благослове́нную,/ я́ко Бо́жие селе́ние,/ вееблаголе́пно вси ра́достию просла́вим.

Седа́лен, глас 3.

Подо́бен: Красоте́ де́вства:

Столп и же́ртва Це́ркве Христо́вы, о́тче, быв,/ сию́ непоколеби́му от искуше́ний лука́ваго прему́дро соблю́л еси́:/ все бо Несто́риево злоде́йство разори́л еси́/ и Богома́терь Богоро́дицу пропове́дал еси́./ Те́мже тя, соше́дшеся, почита́ем, Кири́лле Богоблаже́нне.

Слава, и ны́не, пра́здника или́ Богоро́дичен:

Я́ко невозде́ланная, Де́во, лоза́, красне́йший Грозд прозябла́ еси́,/ источа́ющ нам вино́ спасе́ния, всех веселя́щее ду́ши же и телеса́./ Те́мже, я́ко вину́ Тя до́брых блажа́ще при́сно, со А́нгелом вопие́м Ти:/ ра́дуйся, Благода́тная.

Крестобогоро́дичен:

Неискусобра́чная Чи́стая и Ма́ти Твоя́, Христе́,/ ви́дящи Тя ме́ртва ви́сяща на Кресте́, ма́терски пла́чущи, глаго́лаше:/ что́ Тебе́ воздаде́ евре́йский беззако́нный собо́р и неблагода́рный,/ и́же мно́гих и вели́ких Твои́х, Сы́не Мой, даро́в наслади́выйся?/ Пою́ Твое́ Боже́ственное снизхожде́ние.

Песнь 4

Ирмо́с: Вознесе́на Тя ви́девши Це́рковь на Кресте́,/ Со́лнце Пра́ведное,/ ста в чи́не свое́м,/ досто́йно взыва́ющи:/ сла́ва си́ле Твое́й, Го́споди.

Победи́вша стра́сти душетле́нныя/ и помы́сл удержа́вша плотски́й, Богоно́се Кири́лле, ви́дев, Христо́с/ Боже́ственныя тя Це́ркве председа́теля, о́тче, поста́ви.

Насле́довав, я́ко сын возлю́блен, оте́ческую Ма́ркову доброде́тель,/ и престо́ла был еси́ прее́мник,/ Боже́ственнаго стопа́м евангели́ста после́дуя.

От Христа́ у́бо, я́ко овча́, упасе́н быв,/ я́коже па́стырь, упа́сл еси́ ста́до, о́тче, словесы́ душепита́тельными твои́ми,/ я́ко трава́ми и цветы́, бога́тно напита́я благода́ти.

Богоро́дичен: Воплоще́нно Безпло́тное пре́жде ро́ждши Сло́во Бо́жие,/ Всепе́тая Обра́дованная, мир обнови́ла еси́./ Те́мже Тя, Богоневе́сто, ве́рою правосла́вною пропове́дуем.

Песнь 5

Ирмо́с: Ты, Го́споди, мой Свет,/ в мир прише́л еси́,/ Свет Святы́й, обраща́яй из мра́чна неве́дения/ ве́рою воспева́ющия Тя.

Тече́нию вои́стинну зе́льному, наводня́ющему ре́ки,/ твое́, о Кири́лле, уподо́бися сло́во,/ злосла́вных отвраща́я ухищре́ние.

Ра́вне ме́рзкое А́риево разделе́ние, о Кири́лле,/ скве́рное же Саве́ллиево слия́ние/ из глубины́ изве́ргл еси́.

Словеса́ богатотво́рная, я́ко зла́то, оста́вил еси́, о Кири́лле,/ сокро́вища же, я́коже ка́мения честна́я, твоя́ Це́ркви Христо́ве.

Богоро́дичен: Да кропи́т Не́бо весе́лие и благода́ть на земли́:/ возда́ст бо ей ны́не весе́лие в высоту́, еди́ну Богома́терь.

Песнь 6

Ирмо́с: Пожру́ Ти со гла́сом хвале́ния. Го́споди,/ Це́рковь вопие́т Ти,/ от бесо́вския кро́ве очи́щшися/ ра́ди ми́лости от ребр Твои́х/ исте́кшею Кро́вию.

Клеща́ми Серафи́м проро́ку угль,/ Це́ркви же Христо́ве твои́ма рука́ма подае́ши, священнотаи́нниче,/ е́же от Боже́ственнаго огня́ у́глие очище́ния.

Единопреде́льныя, я́ко Сампсо́н, иноплеме́нники не потреби́л еси́,/ иноро́дныя же вся иносла́вных уче́ния низложи́л еси́/ и держа́ву правосла́вным дал еси́, Кири́лле.

Собо́ру Богоизбра́нному я́ве предводи́тельствовав,/ злоче́стие Несто́риево, христобо́рную де́рзость, о́тче, низложи́л еси́,/ ре́вностию дыха́я по и́стинней Богома́тери.

Богоро́дичен: Ра́зума нетле́ннаго Плод прозябла́ еси́, Богороди́тельнице, ми́ру присноживо́тный,/ Хода́тай нетле́ния явля́емь ве́рою и любо́вию пою́щих Тя.

Кондак, глас 6.

Подо́бен: Е́же о нас:

Бе́здну нам уче́ний богосло́вия источи́л еси́/ я́ве от исто́чник Спа́совых,/ е́реси погружа́ющую, блаже́нне Кири́лле,/ и ста́до невреди́мо от треволне́ний спаса́ющую,/ страна́м бо всем наста́вник, преподо́бне,/ я́ко Боже́ственная явля́я.

И́кос:

Красно́ при у́трени показу́ется вельми́ со́лнце, су́що светоно́сно,/ тьма отгоня́ется и луна́ охужда́ется, нощь бо не состои́тся;/ уясня́ет день, просвеща́ет возду́х, не́бо красно́ показу́ет нам,/ зе́млю удобря́я, цвето́м творя́ израще́ние,/ мо́ре же облиста́ет и вку́пе весь украша́ет мир,/ е́же во всем сего́ светле́йши Кири́лл,/ его́же му́драя уче́ния спаса́ют поднебе́сную./ Озаря́ет бо той ве́рных ду́ши и побежда́ет благоче́стно е́реси при́сно,/ страна́м бо той наста́вник, я́ко Боже́ственная явля́я.

Песнь 7

Ирмо́с: В пещи́ авраа́мстии о́троцы перси́дстей,/ любо́вию благоче́стия па́че,/ не́жели пла́менем, опаля́еми, взыва́ху:/ благослове́н еси́ в хра́ме сла́вы Твоея́, Го́споди.

В Сина́йстей горе́, во мрак дре́вле вшед,/ зако́н прия́т, блаже́нне Кири́лле, Моисе́й, убива́ющий пи́сменем,/ ты же разгну́л еси́ сокрове́нную добро́ту Ду́ха.

Законоположе́ния гада́ньми, я́коже младе́нцем, пе́рвее, о́тче, да́ннаго покрыва́лу покрове́ния,/ я́коже ши́пки, разуме́ния ты откры́л еси́,/ сказа́в о́бразы я́вственнейше.

В несли́тном соедине́нии Боже́ственном и несеко́мем я́ве, о́тче, разделе́нии/ три у́бо богосло́вствуяй Ипоста́си, рекл еси́, Кири́лле,/ непреме́нныя же в Существе́ еди́ном и Божестве́.

Богоро́дичен: Ви́деша А́нгели, Богома́ти, стра́нная рождество́м Твои́м:/ естество́ тле́нное ро́да земна́го/ к нетле́нному па́ки теку́ще житию́ и сла́ве Небе́сней.

Песнь 8

Ирмо́с: Ру́це распросте́р, Дании́л/ львов зия́ния в ро́ве затче́,/ о́гненную же си́лу угаси́ша,/ доброде́телию препоя́савшеся,/ благоче́стия рачи́тели, о́троцы, взыва́юще:/ благослови́те, вся дела́ Госпо́дня, Го́спода.

Я́ко волна́ морска́я вои́стинну, в тебе́ истече́ прему́дрости исто́чник,/ и́бо приснотеку́щия потеко́ша ре́ки от чре́ва твоего́, о́тче,/ уче́ний благочести́вых, я́коже прорече́ Христо́с/ Прехо́дят бо песка́ твоя́ словеса́ Богоизбра́нная.

Па́стырь и учи́тель мудр Це́ркве яви́лся еси́,/ о́ба, Кири́лле, я́ве разгну́л еси́, преподо́бне, заве́ты, я́ко бо анки́ру ²² ,/ и оте́ческая насле́дия, твоя́ иму́щи словеса́, вопие́т:/ благослови́те, вся дела́ Госпо́дня, Го́спода.

Сло́ва, вопло́щшагося нас ра́ди, Всехитреца́,/ ты неизрече́нному науча́еши соедине́нию, Кири́лле,/ неразде́льное, неслия́нное, по ко́ейждо во́ли ра́вне уклони́л еси́, вопия́:/ благослови́те, вся дела́ Госпо́дня, Го́спода.

Богоро́дичен: Естество́м непристу́пный всю́ду,/ Сын и Сло́во Бо́жие в Тя всели́ся, Чи́стая,/ и, обо́лкся, Пречи́стая, в на́ше существо́, я́ко Милосе́рд,/ яви́ся благопристу́пен пло́тию, и водвори́ся с на́ми, вопию́щими:/ благослови́те, вся дела́ Госпо́дня, Го́спода.

Песнь 9

Ирмо́с: Е́ва у́бо неду́гом преслуша́ния/ кля́тву всели́ла есть,/ Ты же, Де́во Богоро́дице,/ прозябе́нием чревоноше́ния ми́рови благослове́ние процвела́ еси́./ Тем Тя вси велича́ем.

Возноше́ние на Христо́в взе́млющееся ра́зум и Сего́ Богома́терь, Кири́лле,/ вся́ку держа́ву низложи́л еси́ Несто́рия безбо́жнаго,/ сыно́внюю дво́ицу, та́коже и слия́ние безгла́вных есте́ств.

Си́лою ра́зума и просвеще́нием благода́ти/ Тро́ицу Единосу́щную, Сы́на же воплоще́нна Бо́га богосло́вил еси́, блаже́нне,/ яви́в же ся Богоро́дицы побо́рник, в Вы́шних ны́не прославля́ешися.

Свы́ше ны, певцы́, приснопа́мятна, назира́еши, о́тче, ми́лостивно,/ побе́ды во́инству подая́ и возвыша́я моли́твами твои́ми рог правосла́вных,/ уясня́я же твою́ па́мять велича́ющия.

Богоро́дичен: Утесня́емь паде́нии мно́гими, Препе́тая, и лю́тостию бед,/ ны́не Тебе́ хвале́ний же́ртву приноша́ю и приле́жно взыва́ю Ти:/ Свята́я Богоро́дице, помози́ ми,/ Тя бо сла́вя, песнь скончава́ю.

Свети́лен.

Подо́бен: Ученико́м:

Чу́вство и ра́зум премину́вшаго и глубине́ Ду́ха нау́чшася,/ Боже́ственнаго тайнопи́сца Пребоже́ственныя Тро́ицы воспое́м,/ я́ко святи́теля Госпо́дня и побо́рника благоче́стия.

Слава, и ны́не, пра́здника или Богоро́дичен:

И́же Твоего́, Непоро́чная Богоро́дице, о́браза не целу́ет с любо́вию,/ во огнь вмета́ется гее́нский, я́коже безу́мный Несто́рий./ Мы же Тя, Пресвята́я, облобыза́ем любо́вию.

На стихо́вне Окто́иха.

Сла́ва, глас 6:

Насле́дниче Бо́жий,/ соприча́стниче Христо́в,/ служи́телю Госпо́день,/ Кири́лле, о́тче наш,/ по и́мени твоему́ тако и житие́ твое́:/ спросия́ бо седи́не ра́зум,/ свиде́тельствоваше све́тлость лица́ твоего́ душе́вное незло́бие,/ изве́ствоваше кро́тость сло́во молчали́вое./ Жизнь твоя́ сла́вна и успе́ние со святы́ми,/ моли́ о душа́х на́ших.

И ны́не, Богоро́дичен или́ Крестобогоро́дичен.

Подо́бен: Тридне́вен:

Предстоя́щи у Дре́ва иногда́ во вре́мя распя́тия Де́ва/ с де́вственным ученико́м/ и пла́чущи, вопия́ше:/ увы́ Мне, ка́ко стра́ждеши,/ всех, Христе́, Сый безстра́стие?

НА ЛИТУРГИ́И

Блаже́нны пра́здника или́ Окто́иха и свята́го, песнь 3-я. Проки́мен, глас 1: Уста́ моя́ возглаго́лют прему́дрость: Стих: Услы́шите сия́, вси язы́цы: Апо́стол ко Евре́ем, зача́ло 334. Аллилу́ия, глас 2: Уста́ пра́веднаго поуча́тся прему́дрости: Стих: Зако́н Бо́га его́ в се́рдце его́. Ева́нгелие от Матфе́я, зача́ло 11. Прича́стен: В па́мять ве́чную бу́дет пра́ведник:

Святитель Кирилл, архиепископ Александрийский, происходил из знатной и благочестивой христианской семьи и приходился по матери племянником известному Феофилу, архиепископу Александрийскому (385–412). Он получил хорошее светское образование, глубоко изучил Священное Писание и приобрел опыт подвижника, прожив 6 лет в скиту святого Макария в Нитрийских горах. Архиепископ Феофил рукоположил его в сан архидиакона и поручил ему произносить проповеди. По смерти архиепископа Феофила святой Кирилл был единогласно избран на патриарший престол Александрийской Церкви. За годы первосвятительства ему пришлось вести постоянную борьбу с нестроениями в церковной жизни. Сразу же по вступлении на кафедру святитель Кирилл был вынужден бороться с расколом новациан, которые фактически отвергали таинство покаяния, считая, что человека, впавшего после крещения в тяжкий грех, не следует принимать в церковное общение, и только вторичное крещение будто бы может смыть такой грех. Раскол новациан возник в Риме в середине III века, и ко времени правления святого Кирилла они имели в Александрии многочисленных приверженцев во главе с епископом Феопемптом. Святитель Кирилл, убедившись в бесполезности увещания новадиан, содействовал их изгнанию из Александрии.

В борьбе с остатками язычества святитель Кирилл распорядился перенести мощи святых мучеников Кира и Иоанна († 311) в село Мануфин, вблизи Александрии, на место, где прежде было языческое капище. Здесь был воздвигнут христианский храм и засвидетельствованы впоследствии многочисленные чудесные исцеления, совершавшиеся у мощей святых мучеников.

Упорную и долгую борьбу пришлось выдержать святителю Кириллу с непримиримыми противниками христианства из иудеев, которые имели многочисленные поселения в Александрии и ее окрестностях еще со времен Александра Македонского (IV в. до Р. X.). Александрийские иудеи проявляли большую активность в борьбе с христианством, производили смуты и волнения. Во время одного из таких волнений была замучена знаменитая Ипатия, известная своей образованностью и любовью к наукам. Иудеи восстановили против святителя Кирилла правителя Александрии епарха Ореста, который предавал мучениям и даже смерти многих его приверженцев. Неоднократно святитель Кирилл обращался с жалобами на несправедливость к императору Феодосию Младшему (408–450). С большим трудом, спустя долгое время ему удалось достигнуть смещения епарха и изгнания иудеев из города.

Но более всего святитель Кирилл приобрел известность как защитник Православия в борьбе с возникшей в те годы ересью Нестория.

Несторий, пресвитер Антиохийской Церкви, в 428 году был избран на патриарший престол Константинополя. Он пользовался репутацией аскета и вообще человека добродетельного и твердого в Православии. Однако, став патриархом, Несторий начал проповедовать лжеучение о том, что во Христе Божество и человечество соединены не ипостасно, следовательно, Дева Мария родила лишь человека Иисуса, в котором Божество обитало как в храме. Поэтому Несторий особенно сильно восставал против наименования Пресвятой Девы Богородицей, утверждая, что ее следует называть Христородицей.

Святитель Кирилл весьма энергично выступил в защиту Православного вероучения против ереси. Сначала он написал самому Несторию послание в доброжелательном тоне, побуждая отказаться от еретического заблуждения. Потом были написаны послания Константинопольскому клиру, императору Феодосию и его семье, Папе Римскому Целестину и другим Патриархам, а также послания в некоторые монастыри.

Между тем Несторий стал подвергать открытому гонению православных, а один из его сторонников, епископ Дорофей с церковного амвона предал анафеме тех, кто называл Деву Марию Богородицей.

Из-за широкого распространения ереси Нестория император Феодосии был вынужден созвать в 431 году в Ефесе Третий Вселенский Собор. На Собор прибыло около 200 епископов, в том числе и святитель Кирилл с 50 епископами Египта. Несторий не соглашался на открытие Собора, ожидая епископа Иоанна Антиохийского и других 16 епископов Сирии. Однако Собор все же стал проводить свои заседания; председательствовал на нем святитель Кирилл. Лжеучение Нестория было рассмотрено и осуждено. Однако Несторий не подчинился, он созвал свой лжесобор вместе с сирийскими епископами и на нем провозгласил святителя Кирилла «еретиком». Смута усиливалась. По доносу сторонников Нестория император заключил в тюрьму святителя Кирилла и епископа Мемнона Эфесского, равно как и Нестория. Но вскоре справедливость восторжествовала: святитель Кирилл был освобожден, а Нестория лишили сана и сослали в Ливийскую пустыню, где он через некоторое время скончался.

Перед смертью его язык, хуливший Матерь Божию, покрылся язвами и был изъеден червями.

Противоборствуя еретикам и открытым врагам Церкви, святитель Кирилл умел мудро и осторожно исправлять неправильные мнения тех, кто уклонялся от истины не по злому умыслу, а по своей простоте и недопониманию. Так, один старец в Нижнем Египте, подвижник высокой жизни, считал, что Мелхиседек, ветхозаветный праведник, был Сын Божий.

Святитель Кирилл пригласил его к себе и, зная, что старец творит чудеса и Бог исполняет всякую просьбу его, попросил его разрешить будто бы возникшее недоумение и помолиться Богу, чтобы Господь открыл ему, кто же Мелхиседек – Сын Божий или простой человек. Старец помолился и через три дня Господь открыл ему истину.

Однако и сам святитель Кирилл не избежал неправых мнений и погрешностей. Так, под влиянием своего дяди, архиепископа Феофила, противника святителя Иоанна Златоуста, святитель Кирилл был долгое время предубежден против великого проповедника. Многие выдающиеся деятели Церкви того времени убеждали святителя Кирилла изменить свое неправое мнение. Преподобный Исидор Пелусиот († ок. 436–440; память 4 февраля), в частности, писал: «Пристрастие недальновидно, а ненависть вовсе ничего не видит. Посему, если желательно тебе быть чистым от того и другого недостатка, не произноси необдуманных приговоров, но подвергай деяния справедливому суду, потому что и Бог, Который знает все прежде, нежели придет исполнение, человеколюбиво благоволил снизойти с небес и видеть вопль содомский (Быт. 18, 20), научая нас делать все по точном исследовании». Святитель Кирилл был вразумлен свыше чудесным образом: во сне он увидел Божию Матерь, окруженную сонмом ангелов и святых, среди которых был и святитель Иоанн Златоуст. Когда святитель Кирилл захотел поклониться Богородице, святитель Иоанн Златоуст воспрепятствовал ему. Тогда Сама Царица Небесная стала ходатайствовать перед святым Златоустом, чтобы он простил святителя Кирилла, согрешившего по неведению. Святитель Иоанн во сне простил святителя Кирилла, который после сна раскаялся в недружелюбных чувствах к такому угоднику Божию.

Тридцать два года пробыл святитель Кирилл на Александрийской кафедре; за это время им было написано много произведении догматического характера. Таковы 5 книг против Нестория, «Сокровище», написанное против ереси ариан и евномиан, 2 произведения о Святой Троице, о воплощении, против антропоморфитов. Из толкований на Священное Писание наиболее известны толкование на Евангелие от Луки, на книги пророка Исайи и Песнь Песней. Из нравоучительных творений святителя Кирилла широкое распространение получило «Слово об исходе души», помещенное в славянской «Следованной Псалтири».

На русском языке издано:

1. Творения. Части 1–15. М. – Сергиев Посад, 1880–1912. (Творения святых отцев в рус. пер., издаваемые при МДА, тт. 47, 51, 53, 54, 55, 56, 59, 62, 63, 64, 66, 68, 69, 70).

2. Слова и поучения. – В кн.: Сборник, или избранные слова о чести святых икон и о поклонении им. Пер. с греч. М., 1647. Почаев, 1787. Супрасль, 1791, Львов, 1793. Изд. 4-е, испр. М., 1850.

3. Толкование на Евангелие от Иоанна. Пер. и примеч. проф. М. Д. Муретова. – «Богословский вестник», 1902, №№ 1,5, 7–8, 9, 11, 12; 1903, №№ 1, 3, 5, 7–8, 9, 11; 1904, №№ 1, 3, 5, 6, 7–8, 11, 12; 1905, №№ 1, 2, 7–8, 9, 10; 1906, №№ 2, 3, 4, 7–8, 9; 1907, №№ 1–12; 1908, №№ 1–12; 1909, №№ 1–12; 1911, №№ 1–12.

4. Толкования: на пророка Осию. Пер. А. А. Жданова и П. И. Казанского под ред. М. Д. Муретова. – «Богословский вестник», 1892, №№ 2, 4, 5, 7, 8 (В прил.).

5. – На пророка Иоиля. Пер. А. А. Жданова и П. И. Казанского под ред. М. Д. Муретова. – Там же, 1892, №№ 8, 9, 10 (В прил.).

6. – На пророка Амоса. Пер. П. И, Казанского и А. А. Жданова под ред. М. Д. Муретова. – Там же, 1892, №№ 10, 11, 12; 1893, №№ 2, 3, 4, 5, 7.

7. – На пророка Авдия. Пер. П. И. Казанского под ред. М. Д. Муретова. – Там же, 1893, № 9.

8. – На пророка Михея. Пер. П. И. Казанского под ред. М. Д. Муретова. – Там же. 1893, №№ 11, 12; 1894, №№ 2, 3, 4, 6.

9. – На пророка Наума. Пер. П. й. Казанского. – Там же, 1894, №№ 6, 7, 8, 9.

10. – На пророка Аввакума. Пер. П. И. Казанского. – Там же, 1894, №№ 9, 11, 12; 1895, №№ 1, 3.

11. – На пророка Софонию. Пер. П. И. Казанского. – Там же, 1895, №№ 3, 6; 1896, №№ 3, 8.

12. – На пророка Захарию. Пер. П. И. Казанского. – Там же, 1897, №№ 1, 2, 3, 4, 5, 8; 1898, №№ 1–8.

13. – На пророка Аггея. Пер. и примеч. проф. М. Д. Муретова. Сергиев Посад, 1897 (Отд. оттиск из ж. «Богословский вестник», 1896, №№ 9, 11, 12).

14. – На пророка Малахию. Пер. и примеч. проф. М. Д. Муретова. Сергиев Посад. 1898. (Отд. оттиск из ж. «Богословский вестник», 1898, №№ 8–12). То же. – «Христианское чтение», 1842, III, с. 3 слл., 206 слл., IV, с. 3 слл.

15. О пользе чтения Священного Писания. – В кн.: «Выписки из писаний святых церковноучителей и других писателей о необходимости и пользе Священного Писания. Изд. Л. фон Эссом. Пер. с нем. СПб., 1817.

16. Беседа на святой праздник Ваий. Слово на исход души и о втором пришествии. – В кн.: Поторжинский М. А. Святоотеческая хрестоматия. Киев. 1877, гл. XVII. То же. – «Христианское чтение», 1842, II, с. 3 слл.

17. Слово о исходе души и Страшном суде. Изд. 2-е Русского Пантелеимонова м-ря на Афоне. СПб., 1868. То же: «Христианское чтение», 1841, с. 200 слл.

18. О Святой и Животворящей Троице. – «Христианское чтение », 1847, III, с. 3 слл.

19. О вочеловечении Господа. – Там же, 1847, III, с. 165 слл.

20. Беседа при вступлении во святую Четыредесятницу. – Там же, 1842, I, с. 326 слл.

21. Изъяснение Символа веры, составленного отцами Никейского Собора. – Там же, 1841, I, с. 166 слл.

22. Двенадцать глав. – Там же, 1841, I, с. 57 слл.

23. Полемические трактаты. – В кн.: «Деяния Вселенских Соборов», тт. 1, 2. Казань, 1855–1857.

НА МА́ЛОЙ ВЕЧЕ́РНИ

На Го́споди, воззва́х: стихи́ры, глас 1.

Подо́бен: Всехва́льнии му́ченицы:

О́тче блаже́нне Кири́лле,/ в моли́твах, и бде́ниих, и в воздержа́нии приле́жном/ те́ло с душе́ю Го́сподеви чи́сто предста́вил еси́/ и отту́ду жили́ще и дом Ду́ха Пресвята́го был еси́./ Те́мже, я́ко преподо́бным сожи́тель и пра́ведным,/ вене́ц от руки́ Госпо́дни досто́йно прия́л еси́./ Его́же моли́, Богому́дре,/ дарова́ти душа́м на́шим/ мир и ве́лию ми́лость.

И́же непра́ведно и разбо́йнически по́сланный/ тебе́ оскорби́ти, преподо́бне,/ ви́де Боже́ственную си́лу,/ того́ напра́сное суровство́ возбраня́ющу,/ отону́дуже позна́ свое́ безчелове́чное согреше́ние/ и к тебе́ притече́ покаян́ием,/ ты же ми́лостивно его наказа́л еси́./ Богоблаже́нне, о нас моли́,/ дарова́ти душа́м на́шим/ мир и ве́лию ми́лость.

О́тче Кири́лле,/ и́же иногда́ челове́ка, вра́жия сове́та послу́шавша/ и огне́м па́кость хотя́ща тебе́ сотвори́ти,/ но по́мощь Бо́жию, с тобо́ю быва́ющую, позна́вша/ и к тебе́ прибе́гша покая́нием,/ любо́вию прия́л еси́ и, ми́лостивно наказа́в,/ твоему́ ста́ду о́наго сочта́л еси́./ Те́мже моли́ дарова́ти душа́м на́шим/ мир и ве́лию ми́лость.

Сла́ва, глас 6:

Преподо́бне о́тче,/ явле́нием Бо́жия Ма́тере наставля́емь/ и Тоя́ сия́ньми озаря́емь,/ пусты́ню, явле́нную тебе́ от Тоя́, дости́гл еси́/ и, в ней трудолю́бне подвиза́вся,/ вшел еси́ в незаходи́мый свет ра́зума,/ иде́же мно́ги ревни́тели житию́ твоему́ сотвори́л еси́./ Того́ ра́ди и по сме́рти дарова́ния прия́т бе́сы прогоня́ти,/ и исцеле́ния разли́чных неду́гов челове́ком да́руеши,/ ве́рою от души́ притека́ющим к хра́му твоему́ всечестно́му,/ и мо́лишися спасти́ почита́ющих любо́вию па́мять твою́.

И ны́не, Богоро́дичен, а́ще Пятдеся́тница, и ны́не, пра́здника.

На стихо́вне стихи́ры, глас 2.

Подо́бен: До́ме Евфра́фов:

Я́ко преходя́щую жизнь,/ я́же на земли́, преоби́дел еси́, блаже́нне,/ и та́мо Боже́ственныя улучи́ти сподо́бився,/ тоя́ сия́ние/ прия́л еси́, Богоно́сне.

Стих: Честна́ пред Го́сподем/ смерть преподо́бных Его́.

Христо́вы ра́ди любве́,/ преподо́бне Кири́лле,/ пло́ти рачи́тельное умертви́л еси́ мудрова́ние/ и ду́шу, свобо́дну от страсте́й,/ Бо́гу предста́вил еси́.

Стих: Блаже́н муж, боя́йся Го́спода,/ в за́поведех Его́ восхо́щет зело́.

Бо́дренными моли́твами/ и сле́зными исто́чники/ Це́ркви ве́рных/ обогати́л еси́,/ Богоблаже́нне.

Сла́ва, и ны́не, Богоро́дичен:

Вы́шнии Тя ли́цы,/ Богоро́дице Де́во,/ пою́т с ни́жними,/ сла́вяще непреста́нно/ Рождество́ Твое́ Пречи́стое.

Тропа́рь пи́сан на вели́цей вече́рни.

НА ВЕЛИ́ЦЕЙ ВЕЧЕ́РНИ

Пое́м Блаже́н муж: Стихи́ры на 8. Глас 4.

Подо́бен: Зва́нный свы́ше:

Егда́ Пречи́стыя гла́сом/ по́зван быв Богома́тере,/ тогда́ вся су́щая, я́ко не су́щая, преоби́дел еси́/ и в пусты́ню да́льнюю всели́лся еси́, преподо́бне,/ иде́же и теле́сная мудрова́ния/ по́стническими труды́ духу повину́л еси́/ и, стада́ учени́к твои́х в той умно́жив,/ Христу́ приве́л еси́./ Того́ моли́, блаже́нне Кири́лле,/ спасти́ и просвети́ти ду́ши на́ша.

Егда́ Пречи́стыя глас/ услы́шал еси́, пребога́те,/ тогда́ стремле́ние плотско́е/ обузда́л еси́, преподо́бне о́тче,/ и, я́ко Илия́ дре́вле, ум очи́щ,/ в пусты́ню всели́лся еси́,/ и та́мо непреста́нными моли́твами/ к Бо́гу прибли́жился еси́,/ стопа́м вели́каго Анто́ния после́дуя./ Тем и по сме́рти чудесы́ сия́я,/ Христу́ моли́ся/ спасти́ и просвети́ти ду́ши на́ша.

Боже́ственный глас/ егда́ услы́шал еси́, блаже́нне Кири́лле,/ тогда́, крест твой взем,/ после́довал еси́ Христу́/ и, любо́вию к Нему́ распала́емь,/ кро́ток и смире́н се́рдцем был еси́./ Те́мже и кро́тких селе́ния насле́довал еси́/ и отту́ду источа́еши/ исто́чник исцеле́ний чту́щим тя./ Христу́, Ему́же рабо́тал еси́,/ Тому́ моли́ся/ спасти́ и просвети́ти ду́ши на́ша.

Ины стихи́ры, глас 8.

Подо́бен: Что вы нарече́м:

Что тя нарече́м, Кири́лле?/ Реку́, духо́вных вод наполня́ему/ и напоя́ющу жа́ждущих непло́дствующая сердца́;/ исто́чника, источа́юща всегда́ исцеле́ния ве́рным;/ ча́шу, Боже́ственное вино́ иму́щу;/ свети́льника, оте́чество твое́ просвеща́юща./ Мно́га ти имена́/ и бо́льша дарова́ния,/ моли́ спасти́ся душа́м на́шим.

Что тя нареку́, Кири́лле пречу́дне?/ Ученика́, я́ко Госпо́день учени́к был еси́;/ учи́теля, я́ко мно́гих учени́к ко Христу́ приве́л еси́;/ пусты́ни жи́теля, я́ко ту град сотвори́л еси́;/ граждани́на, и́бо в Небе́сный град всели́лся еси́;/ кро́ткаго, я́ко Христа́, кро́ткаго Пастыренача́льника,/ кро́ткое овча́ был еси́./ Его́же моли́/ спасти́ся душа́м на́шим.

Что тя, чу́дне Кири́лле, имену́ем?/ Прему́драго, Христа́ бо ра́ди юро́дство творя́ был еси́;/ беззло́бива, я́ко незло́бив ко озло́бившим тебе́ был еси́;/ стра́нных прии́мника, я́ко Авраа́мле страннолю́бив стяжа́л еси́;/ Исаа́ка, я́ко сам себе́ же́ртву прине́сл еси́;/ чудоде́йственника, я́ко чуде́с дарова́ния от Бо́га прия́л еси́./ Мно́га именова́ния твоя́,/ бо́льша же даро́в прия́тия,/ моли́ спасти́ся душа́м на́шим.

Сла́ва, глас 6:

Е́же по о́бразу соблю́д невреди́мо,/ ум влады́ку на стра́сти па́губныя по́стнически поста́вив,/ во еже по подо́бию, я́ко мо́щно, возше́л еси́,/ му́жески бо естество́ пону́див,/ потща́лся еси́ ху́ждшее покори́ти лу́чшему/ и плоть порабо́тити ду́ху./ Те́мже мона́шествующих яви́лся еси́ верх,/ жи́тель пусты́нный, благотеку́щих обучи́тель,/ пра́вило доброде́тели изве́стнейшее./ И ны́не на Небесе́х зерца́лом разре́шшимся,/ о́тче наш Кири́лле,/ чи́сте зри́ши Святу́ю Тро́ицу,/ моля́ся несре́дственне о и́же ве́рою и любо́вию чту́щих тя.

И ны́не, Богоро́дичен, а́ще Пятдесятница, и ны́не, пра́здника. Вход. Проки́мен дне. Чте́ния 3 (зри 1 июня)

На лити́и стихи́ры, глас 2:

В ти́хое и небу́рное приста́нище безмо́лвия/ вшел еси́, преподо́бне,/ и та́мо Влады́чицу Богоро́дицу сподо́бился еси́ ви́дети,/ и сла́дкий глас, я́ко Авраа́м, у слы́шав,/ изы́ти отту́ду глаго́лющ/ и ити́ та́мо, иде́же ме́сто ти угото́вах,/ и па́ки послу́шав,/ Боже́ственных дарова́ний та́мо сподо́бился еси́/ бе́сы прогоня́ти и боля́щия исцеля́ти./ Те́мже мо́лимся и нас душе́вных страсте́й изба́вити,/ соверша́ющих любо́вию честно́е твое́ успе́ние.

Я́ко пресве́тлым венце́м пресла́вно/ от вседержи́тельныя десни́цы Вы́шняго венча́вся,/ Тому́, блаже́нне Кири́лле преподо́бне,/ со дерзнове́нием мно́гим предстоя́,/ приле́жно моли́ся о почита́ющих жизнь твою́/ и пречестно́е твое́ успе́ние ве́рно сла́вящих,/ вся́каго вре́да лука́ваго изба́витися/ свяще́нному ста́ду твоему́/ и душа́м на́шим низпосла́ти мир и ве́лию ми́лость.

Сла́ва, глас 8:

Исцеле́ния оби́льно честны́я мо́щи твоя́/ всегда́ источа́ют ве́рою приходя́щим,/ Богоно́се Кири́лле,/ благоуха́ния всех исполня́юще/ и тьму бесо́вскую дале́че отгоня́юще,/ све́том благоче́стия просвеща́юще ве́рных./ Те́мже мо́лим тя, раби́ твои́,/ вся́каго наве́та вра́жия нас изба́вите,/ я́ко да твой пресве́тлый пра́здник благоче́стно воспева́ем псало́мски/ и, сла́вное успе́ние днесь пе́сньми торжеству́юще,/ прославля́ем тебе́ та́ко просла́вльшаго,/ еди́наго во святы́х Бо́га на́шего.

И ны́не, Богоро́дичен, а́ще Пятдеся́тница, и ны́не, пра́здника.

На стихо́вне стихи́ры, глас 1.

Подо́бен: Небе́сных чино́в:

Блиста́нием Боже́ственнаго све́та,/ преподо́бне о́тче, при́сно озаря́емь,/ весь светови́ден был еси́./ Мно́гими укра́шен от Бо́га дарова́ньми,/ во оби́тели дости́гл еси́ Небе́сныя,/ в ни́хже мо́лишася о и́же ве́рою пою́щих тя.

Стих: Честна́ пред Го́сподем/ смерть преподо́бных Его́.

Водвори́лся еси́ в пусты́ню безмо́лвия, блаже́нне,/ и та́мо Небе́сное бога́тство стяжа́л еси́, преподо́бне Кири́лле,/ препроводи́в бо твое́ житие́ во умиле́нии и слеза́х./ Те́мже ра́дости и све́та сын был еси́,/ со А́нгелы всегда́ веселя́ся,/ моли́ о чту́щих тя.

Стих: Блаже́н муж, боя́йся Го́спода,/ в за́поведех Его́ восхо́щет зело́.

Ста́до, еже стяжа́л еси́ труды́ твои́ми, о́тче,/ не оста́ви, но посеща́й, преподо́бне,/ и, я́ко жив, с на́ми водворя́яся,/ та́ко и ны́не с преподо́бными Влады́це предстоя́,/ моли́ изба́витися всем вся́каго гне́ва и преще́ния/ и бу́дущаго гре́шным томле́ния.

Слава, глас 6:

Тезоимени́тое зва́ние Пречи́стыя я́ко услы́шав,/ по́стническими труды́ себе́ обложи́л еси́,/ ми́ру и страсте́м себе́ умертви́в,/ со Христо́м изво́лил еси́ жи́ти./ Тем и по сме́рти исцеле́ния источа́ет гроб твой,/ преподо́бне Кири́лле,/ ве́рою притека́ющим./ Но, я́ко име́я дерзнове́ние ко прославля́емому во святы́х Христу́,/ моли́ся о и́же ве́рою соверша́ющих па́мять твою́ честну́ю/ и чту́щих труды́ твоя́,/ я́же за Христа́ претерпе́л еси́,/ и нам улучи́ти дерзнове́ние в День Суда́, мо́лимся.

И ны́не, Богоро́дичен, а́ще Пятдеся́тница, и ны́не, пра́здника.

Тропа́рь, глас 1:

Я́ко крин, в пусты́ни дави́дски процве́л еси́, о́тче Кири́лле,/ злостра́стия те́рние искореня́я,/ и собра́л еси́ в ней учени́к мно́жество,/ стра́хом Бо́жиим и уче́нием твои́м наставля́емых,/ и́хже и до конца́, я́ко чадолюби́вый оте́ц,/ не оста́вил еси́, посеща́я, да вси вопие́м:/ сла́ва Да́вшему ти кре́пость,/ сла́ва Венча́вшему тя,/ сла́ва Де́йствующему тобо́ю всем исцеле́ния.

Сла́ва, и ны́не, пра́здника или́ Богоро́дичен.

НА У́ТРЕНИ

На Бог Госпо́дь: тропа́рь, два́жды, и Богоро́дичен.

По 1-й стихоло́гии седа́лен, глас 3.

Подо́бен: Красоте́ де́вства:

Я́ко безпло́тен, о́тче, пожи́л еси́ на земли́/ и превознося́щагося врага́ смири́л еси́./ Те́мже, ны́не с Невеще́ственными ли́ки, блаже́нне, водворяя́ся,/ та́мо блаже́нства наслажда́ешися,/ помина́й па́мять твою́ днесь пра́зднующих,/ да вси ра́достными гла́сы воспева́ем Христа́ Бо́га на́шего,/ да́вшаго тебе́ благода́ть исцеле́ний.

Сла́ва, и ны́не, Богоро́дичен:

Боже́ственная ски́ния была́ еси́ Сло́ва,/ еди́на Пречистая Ма́ти Де́во, чистото́ю А́нгелы превозше́дшая,/ па́че всех мене́, пе́рсть бы́вша, оскверне́на плотски́ми прегреше́ньми,/ очи́сти моли́тв Твои́х Боже́ственными вода́ми,/ подаю́щи, Чи́стая, ве́лию ми́лость.

По 2-й стихоло́гии седа́лен, глас 8.

Подо́бен: Повеле́нное:

Страсте́й тьму моли́твами твои́ми, о́тче, отгна́л еси́/ и се́рдце твое́ с чу́вствы чи́сто Бо́гу предста́вил еси́./ Сего́ ра́ди в тя всели́ся благода́ть Ду́ха Пресвята́го,/ е́же прови́дети бу́дущая и, я́ко близ су́щая, та проявля́ти,/ и проси́вшим у тебе́ с ве́рою непло́дствия соу́з разреши́л еси́./ Те́мже и нам, мо́лимся, проси́ от Христа́ ве́лию ми́лость.

Сла́ва, и ны́не, Богоро́дичен:

Я́же непреме́ннаго Бо́га поро́ждшая,/ пременя́емое при́сно се́рдце мое́ грехо́м и ле́ностию, прило́гми льсти́ваго/ утверди́, Блага́я, моли́твами ма́терними Твои́ми,/ я́ко да и аз благода́рно сла́влю Тя, Богороди́тельнице Мари́е,/ поми́луй ста́до Твое́, е́же стяжа́ла еси́, Всенепоро́чная.

По полиеле́и седа́лен, глас 8.

Подо́бен: Прему́дрости:

В пусты́ню, преблаже́нне, всели́лся еси́,/ и в ней прече́стен храм Бо́жия Ма́тере воздви́гл еси́,/ и мно́жество мона́шествующих та́мо собра́л еси́,/ Го́сподеви с тобо́ю рабо́тающих,/ и́хже сохраня́й от вся́каго прило́га лука́ваго, да вси благода́рственно вопие́м ти:/ преблаже́нне Кири́лле, моли́ Христа́ Бо́га грехо́в оставле́ние дарова́ти/ чту́щим любо́вию святу́ю па́мять твою́.

Сла́ва, и ны́не, Богоро́дичен:

Я́ко Де́ву и еди́ну в жена́х,/ Тя, без се́мене ро́ждшую Бо́га пло́тию,/ вси ублажа́ем, ро́ди челове́честии:/ Огнь бо всели́ся в Тя Божества́/ и я́ко Младе́нца млеко́м пита́еши Зижди́теля и Го́спода./ Тем, А́нгельский и челове́ческий род, досто́йно сла́вим пресвято́е рождество́ Твое́/ и согла́сно вопие́м Ти:/ моли́ Христа́ Бо́га согреше́ний оставле́ние дарова́ти/ покланя́ющимся ве́рою пресвято́му рождеству́ Твоему́.

Степе́нна, 1-й антифо́н 4-го гла́са. Проки́мен: Честна́ пред Го́сподем/ смерть преподо́бных Его́. Стих: Что возда́м Го́сподеви о всех, я́же воздаде́ ми? Вся́кое дыха́ние: Ева́нгелие от Матфе́я, зача́ло 43. По 50-м псалме́ стихи́ра, глас 6: Тезоимени́тое зва́ние: пи́сана на стихо́вне.

Кано́н Богоро́дицы со ирмосо́м на 6. И свята́го два кано́на на 8. Кано́н свята́го Кири́лла. Творе́ние Пахо́мия, иеромона́ха Святы́я Горы́, его́же краегране́сие: Похвалу́ пою́ Кири́ллу, но́вому чудотво́рцу. Глас 6.

Песнь 1

Ирмо́с: Я́ко по су́ху, пешеше́ствовав Изра́иль/ по бе́здне стопа́ми,/ гони́теля фарао́на/ ви́дя потопля́ема,/ Бо́гу побе́дную песнь/ пои́м, вопия́ше.

Прекра́сная лоза́ виногра́да Христо́ва был еси́, прему́дре Кири́лле,/ и грозд пресла́дкий яви́лся еси́,/ Боже́ственную сла́дость ве́рным источа́еши, блаже́нне,/ ку́пно же и ра́дование пою́щим тя.

О́тче Кири́лле, не терпя́, враг в нача́ле твоего́ жития́ бу́рю воздви́же,/ дре́вом напра́сно хотя́ умертви́ти тебе́,/ а́ще не бы Боже́ственный глас возгласи́л тя, Богому́дре.

Христа́, нас ра́ди смири́вшагося, подража́в/ и крест твой взем, преподо́бне, Того́ стопа́м после́довал еси́,/ вся́ко мирско́е пристра́стие от Тебе́ оттря́сл еси́, пребога́те.

Богоро́дичен: Во двою́ естеству́ Еди́н от Святы́я Тро́ицы,/ от чи́стых крове́й Твои́х воплоти́вся, боголе́пно про́йде,/ и́же от Ада́ма спаса́я, Пречи́стая, бла́гостию.

Други́й кано́н, глас 8.

Песнь 1

Ирмо́с: Во́ду проше́д, я́ко су́шу,/ и еги́петскаго зла избежа́в,/ изра́ильтянин вопия́ше:/ Изба́вителю и Бо́гу на́шему пои́м.

Я́ко вели́ко вои́стинну дерзнове́ние стяжа́в, преподо́бне, к Бо́гу,/ сбыти́ю зри́тель сподо́бился еси́ бы́ти/ и непло́дная ложесна́ многопло́дна моли́твами твои́ми показа́л еси́.

На воде́ поко́я и на зла́це воздержа́ния, о́тче,/ учени́к твои́х стада́ му́дре упа́сл еси́/ и, ны́не с на́ми неви́димо водворя́яся, моли́ о чту́щих па́мять твою́.

Ум твой к Бо́гу любо́вию впери́в,/ тле́нными нетле́нная искупи́л еси́./ Те́мже вся́ка душа́, спаса́ема тобо́ю, тя прославля́ет.

Богоро́дичен: Ма́нием вся Содержа́й/ из Тебе́ па́че сло́ва ражда́ется, Ма́ти Чи́стая,/ преподо́бныя венча́вый, ве́рно Тебе́ сла́вящия, Ма́терь Бо́жию.

Песнь 3

Ирмо́с: Несть свят,/ я́коже Ты, Го́споди Бо́же мой,/ вознесы́й рог ве́рных Твои́х, Бла́же,/ и утверди́вый нас на ка́мени/ испове́дания Твоего́.

А́ще и в ми́ре су́щая, о́тче, преоби́дел еси́,/ но та́мо преми́рная и нетле́нная стяжа́л еси́,/ иде́же глас пра́зднующих и ра́йское наслажде́ние.

Льсти́вый враг хотя́ тебе́ па́кость сотвори́ти, преподо́бне,/ лука́выя челове́ки на тя вооружа́ет,/ тебе́ же прирази́вся, постыде́ся, Христу́ бо тя соблюда́ющу.

Уже́ пресла́вное твое́ житие́ всю́ду, преподо́бне, прославля́ется,/ и чудеса́ твоя́ в конце́х пропове́даются,/ те́мже, в па́мять твою́ соше́дшеся, почита́ем тя.

Богоро́дичен: Пло́ти бре́нней соедини́вся, И́же от Отца́ единоро́дный, в ложесна́х Твои́х,/ еди́н от двою́ про́йде без истле́ния/ и соблюде́ невреди́мо де́вство Твое́, Всепе́тая.

Ин

Ирмо́с: Ты еси́ утвержде́ние/ притека́ющих к Тебе́, Го́споди,/ Ты еси́ Свет омраче́нных,/ и пое́т Тя дух мой.

Волна́м, преподо́бне, и́менем Госпо́дним запрети́в и е́зеро укроти́в,/ лю́ди от потопле́ния спасл еси́ моли́твами твои́ми, Кири́лле блаже́нне.

Жела́нием, е́же к Бо́гу, и Того́ любо́вию па́че огня́ распала́емь, о́тче,/ целому́дренно в преподо́бии и пра́вде пожи́л еси́, преподо́бне Кири́лле.

Те́ло твое́ посто́м и моли́твами, о́тче, удручи́л еси́/ и сего́ ра́ди наслажда́ешися ве́чнаго блаже́нства,/ иде́же святы́х собо́ри и преподо́бных ли́цы веселя́тся.

Богоро́дичен: Боговиде́нием просвеща́емь,/ проро́к явле́нно зрит го́ру Бо́жию благослове́нную,/ земны́х украше́ние, еди́ну Всепе́тую.

Седален, глас 4.

Подо́бен: Вознесы́йся:

Приспе́ пра́здник честна́го твоего́ успе́ния, блаже́нне Кири́лле,/ просвеща́я всех пра́зднующих па́мять твою́ све́тло/ и Христа́ непреста́нно пе́сньми всегда́ сла́вящих.

Сла́ва, и ны́не, пра́здника или́ Богоро́дичен:

И́же на престо́ле Херуви́мстем седя́й и в не́дрех О́тчих водворя́яся/ я́ко на престо́ле святе́м седи́т Свое́м, Влады́чице, в не́дрех Твои́х;/ вопло́щся бо Бог вои́стинну, воцари́ся над все́ми язы́ки,/ и разу́мно ны́не пои́м Ему́,/ Его́же умоли́ спасти́ся рабо́м Твои́м.

Песнь 4

Ирмо́с: Христо́с моя́ си́ла,/ Бог и Госпо́дь,/ Честна́я Це́рковь/ боголе́пно пое́т, взыва́ющи,/ от смы́сла чи́ста о Го́споде пра́зднующи.

О́тче преподо́бне, сна твои́ма очи́ма не дал еси́, ни ве́ждома дрема́ния,/ до́ндеже сподо́бился еси́ ви́дети пра́ведных селе́ния,/ я́же угото́ва Бог лю́бящим Его́.

Уже́ не ктому́ врази́, ниже́ челове́цы лука́вии,/ мо́гут к тебе́ прибли́житися, Кири́лле преподо́бне:/ ви́деша бо благода́ть Бо́жию, тебе́ всегда́ соблюда́ющую.

Богоро́дичен: На Тя упова́ние мое́ возложи́х, Ма́ти Присноде́во, спасе́ния моего́/ и Тя Предста́тельницу име́ю живота́ моего́,/ тве́рду же и непоколеби́му.

Ин

Ирмо́с: Услы́шах, Го́споди,/ смотре́ния Твоего́ та́инство,/ разуме́х дела́ Твоя́/ и просла́вих Твое́ Божество́.

Бо́дренными моли́твами, о́тче, и сле́зными пото́ки/ Це́рковь ве́рных напои́л еси́,/ блаже́нне Кири́лле.

Еже на земли́ вре́менное житие́ твое́/ в безмо́лвии мно́зе пожи́л еси́, Христу́ поя́:/ сла́ва си́ле Твое́й, Го́споди.

От млада́го во́зраста в воздержа́нии, о́тче, пре́был еси́,/ плод мног доброде́тели Бо́гу, преподо́бне, прине́сл еси́/ и сего́ ра́ди от Не́го просла́вился еси́.

Богоро́дичен: Всели́вся в Тя Невмести́мый/ и, вмести́вся, показа́ Тя небе́с ши́ршу, Де́во,/ те́мже Тя ублажа́ем.

Песнь 5

Ирмо́с: Бо́жиим све́том Твои́м, Бла́же,/ у́тренюющих Ти ду́ши любо́вию озари́, молю́ся,/ Тя ве́дети, Сло́ве Бо́жий,/ и́стиннаго Бо́га,/ от мра́ка грехо́внаго взыва́юща.

Изря́дно твое́ житие́ в после́дния ро́ды и пресла́вно яви́ся,/ чудеса́ же твоя́ всю́ду ве́рным излия́шася./ Те́мже тя вси, о́тче, ублажа́ем.

Ра́йския добро́ты жела́я, преподо́бне Кири́лле,/ и тоя́ ра́ди в слеза́х и воздыха́ниих, бде́ниих же и моли́твах твою́ жизнь препроводи́л еси́/ и отту́ду насле́дил еси́ жела́емое тебе́ блаже́нство.

Пресве́тлый твой пра́здник, о́тче, благоче́стно пра́зднующим/ подава́й свы́ше спасе́ние и избавле́ние,/ да тя вси, блаже́нне Кири́лле, непреста́нно воспева́ем.

Богоро́дичен: Лю́дем я́ко вои́стинну ти́хое приста́нище Христо́с Тебе́ яви́,/ ве́рою и любо́вию Тя, и́стинную Влады́чицу, Всенепоро́чная,/ от со́вести чи́сты Богоро́дицу испове́дающим.

Ин

Ирмо́с: Вску́ю мя отрину́л еси́/ от лица́ Твоего́, Све́те незаходи́мый,/ и покры́ла мя есть чужда́я тьма, окая́ннаго?/ Но обрати́ мя и к све́ту за́поведей Твои́х/ пу́ти моя́ напра́ви, молю́ся.

Пото́ки сле́зными, о́тче, страсте́й пучи́ну изсуши́л еси́,/ и в зе́млю обетова́ния преше́л еси́,/ и та́мо ра́йское житие́ прия́л еси́, е́же угото́ва Бог лю́бящим Его́.

Христа́, тобо́ю слепы́м да́рующая здра́вие, о́тче, моли́,/ и мне о́чи душе́вныя просвети́ти,/ до́ндеже не обря́щет мя негото́ва нощь глубо́кая/ и тьма отча́яния, молю́ся.

Богоро́дичен: Украси́лася еси́ де́вства пречи́стыми добро́тами/ и пе́рвый Е́вы покры́ла еси́ студ злообра́зный, Христа́ ро́ждши,/ одея́ние безсме́ртия да́рующего Тебе́ чту́щим.

Песнь 6

Ирмо́с: Ят бысть,/ но не удержа́н в пе́рсех ки́товых Ио́на:/ Твой бо о́браз нося́,/ страда́вшаго и погребе́нию да́вшагося,/ я́ко от черто́га, от зве́ря изы́де./ Приглаша́ше же кустоди́и:/ храня́щии су́етная и ло́жная,/ ми́лость сию́ оста́вили есте́.

Влады́ку ум поста́вил еси́ над страстьми́ теле́сными, блаже́нне,/ те́мже и Пресвята́го Ду́ха селе́ние, Богоно́се, был еси́./ Его́же моли́ и нас свободи́ти от страсте́й, да тя почита́ем.

Я́ко победи́в ве́ка сего́ кня́зя тьмы, возше́л еси́ к Небе́сным,/ побе́ды вене́ц нося́ от вседержи́тельныя руки́ Бо́га на́шего,/ моли́ от бед спасти́ся тебе́ почита́ющим.

Плотско́е мудрова́ние, е́же на земли́, о́тче, умертви́л еси́/ и на Небесе́х житие́ стяжа́л еси́,/ иде́же святы́х ду́си ра́дуются, пою́ще с тобо́ю Влады́ку твоего́.

Богоро́дичен: Пречи́стая Влады́чице, ро́ждшая челове́ком ко́рмчию и Го́спода,/ страсте́й мои́х непостоя́нное и лю́тое отжени́ смуще́ние/ и тишину́ пода́ждь се́рдцу моему́.

Ин

Ирмо́с: Очи́сти мя, Спа́се/ мно́га бо беззако́ния моя́,/ и из глубины́ зол возведи́, молю́ся,/ к Тебе́ бо возопи́х, и услы́ши мя,/ Бо́же спасе́ния моего́.

В пусты́ни безмо́лвия водвори́лся еси́, преподо́бне,/ и отту́ду к Небе́сному гра́ду преше́л еси́, иде́же Бо́гу угоди́вших жили́ща,/ с ни́миже о нас, блаже́нне, моли́ся.

Чи́сто житие́ твое́ от ю́ности име́л еси́, блаже́нне,/ и того́ ра́ди Пречи́стыя Бо́жия Ма́тере изря́дный служи́тель был еси́,/ и прече́стен храм Той воздви́гл еси́, в не́мже Госпо́дь сла́вится.

От страсте́й тиме́ния чи́ста тя обре́т, всели́ся в тя Дух Пресвяты́й,/ тем и чуде́с дарова́ния тебе́ да́рует/ еди́н во святы́х прославля́емый Бог наш.

Богоро́дичен: Зачала́ еси́ вои́стинну Боже́ственное Сло́во во утро́бе Твое́й/ и Сие́ па́че естества́, Всенепоро́чная, родила́ еси́,/ Его́же моли́ от бед всем изба́витися, рабо́м Твои́м.

Конда́к, глас 8.

Подо́бен: Взбра́нной:

Яко преоби́дев тле́нная и до́лу влеку́щая мудрова́ния, о́тче,/ к Вы́шнему тече́нию ра́достно устреми́лся еси́,/ и та́мо со святы́ми Пресвяте́й Тро́ице предстоя́,/ моли́ от враг сохрани́тися ста́ду твоему́,/ я́ко да, свято́е твое́ успе́ние пра́зднующе, вопие́м:/ ра́дуйся, преблаже́нне Кири́лле, о́тче наш.

И́кос:

А́ще и челове́к, о́тче, был еси́ по естеству́,/ но па́че челове́ка житие́ соверши́л еси́:/ вся бо, я́же в ми́ре сла́дкая и кра́сная, преоби́дев, после́довал еси́ Христу́./ Те́мже и от всех слы́шиши:/ ра́дуйся, я́ко, Пречи́стою наставля́емь, пусты́ню дости́гл еси́./ Ра́дуйся, я́ко в той прече́стен храм Бо́жии Ма́тери воздви́гнувый;/ ра́дуйся, я́ко в нем Бог прославля́ется./ Ра́дуйся, собра́вый та́мо учени́к мно́жество;/ ра́дуйся, я́ко с те́ми приле́жно Го́сподеви рабо́тал еси́./ Ра́дуйся, удиви́вый А́нгелы житие́м твои́м;/ ра́дуйся, я́ко тобо́ю челове́цы по́льзовашася./ Ра́дуйся, и́же чудесы́ всех удиви́вый;/ ра́дуйся, преше́дый от земны́х на Небе́сная./ Ра́дуйся, я́ко, Тро́ице предстоя́, о нас мо́лишися;/ ра́дуйся, исто́чниче чуде́с неисчерпа́емый./ Ра́дуйся, ве́рных пле́нник изба́вителю;/ ра́дуйся, преблаже́нне Кири́лле, о́тче наш.

Песнь 7

Ирмо́с: Росода́тельну у́бо пещь/ соде́ла А́нгел/ преподо́бным отроко́м,/ халде́и же опаля́ющее/ веле́ние Бо́жие мучи́теля увеща́ вопи́ти/ благослове́н еси́, Бо́же оте́ц на́ших.

Очи́стив от страсте́й, преподо́бне о́тче, ум твой/ и Вседержи́телю с преподо́бных ли́ки и пра́ведных предстоя́, всегда́ вопие́ши:/ благослове́н Бог оте́ц на́ших.

Врач преизря́дный ми́ру яви́лся еси́, блаже́нне,/ исцеля́я всех, ве́рою притека́ющих ко хра́му твоему́ свято́му/ и Христу́ от души́ вопию́щих непреста́нно:/ благослове́н Бог отец на́ших.

Посто́м и воздержа́нием лице́ твое́ украси́л еси́, преподо́бне,/ светле́йши наипа́че яви́лся еси́ многоразли́чными бра́шны пита́ющихся./ Те́мже и Христу́ вопие́ши:/ благослове́н Бог оте́ц на́ших.

Богоро́дичен: Тя, Пресвята́я Ма́ти Присноде́во, позна́хом, земни́и, спасе́ние,/ и́бо в не́дрех Отца́ неразлу́чно живы́й из Тебе́ воплоща́ется./ Те́мже благослове́на еси́ в род и род.

Ин

Ирмо́с: От Иуде́и доше́дше, о́троцы/ в Вавило́не иногда́/ ве́рою Тро́йческою пла́мень пе́щный попра́ша, пою́ще:/ отце́в Бо́же, благослове́н еси́.

От мирска́го треволне́ния избе́г, преподо́бне,/ в ти́хое приста́нище дости́гл еси́ Небе́снаго пребыва́ния, вопия́:/ оте́ц на́ших Бо́же, благослове́н еси́.

В пусты́ню, я́коже дре́вний Анто́ний, всели́лся еси́/ и в ней вели́каго Ефре́ма слеза́ми и посто́м подража́л еси́, Христу́ поя́:/ благослове́н еси́, Го́споди Бо́же оте́ц на́ших.

Вся́кими, о́тче, о́бразы и́же с тобо́ю ученики́ направля́л еси́/ по стезя́м пра́вым путе́й твои́х ходи́ти и с тобо́ю Христу́ пе́ти:/ оте́ц на́ших Бо́же, благослове́н еси́.

Богоро́дичен: Го́ру Тя проро́к Дании́л Боже́ственным Ду́хом прорече́, Де́во,/ из нея́же ка́мень – Христо́с без руки́ отсече́ся/ и сокруше́ние соде́ла истука́нней пре́лести.

Песнь 8

Ирмо́с: Из пла́мене преподо́бным ро́су источи́л еси́/ и пра́веднаго же́ртву водо́ю попали́л еси́:/ вся бо твори́ши, Христе́, то́кмо е́же хоте́ти,/ Тя превозно́сим во вся ве́ки.

Гроб, иде́же положено́ бысть честно́е те́ло твое́, преподо́бне,/ освяти́ всех, к нему́ притека́ющих,/ исто́чник исцеле́ния источа́я от души́ Христу́ вопию́щим/ и превознося́щим Его́ во ве́ки.

Во вре́мя гла́да, раздробля́я, преподо́бне, ни́щим хлеб твой,/ тех а́лчбу уста́вил еси́,/ и мене́, та́ющего гла́дом, Боже́ственных дея́ний напита́й:/ да возмогу́ и аз со все́ми пе́ти Го́спода во вся ве́ки.

И́же с тобо́ю ученицы́ твои́, уче́нию твоему́ повину́ющеся, преподо́бне,/ земна́я оста́вльше, во след тебе́ к Небе́сным преидо́ша,/ и с тобо́ю пою́т Христу́, и превозно́сят Его́ во ве́ки.

Богоро́дичен: В рождестве́ боле́зни избежа́ла еси́, Пречи́стая,/ и, ро́ждши, па́ки Де́вою пребыла́ еси́:/ вся бо твори́т Иису́с, Бог и Челове́к,/ Его́же превозно́сим во ве́ки.

Ин

Ирмо́с: Царя́ Небе́снаго,/ Его́же пою́т во́и А́нгельстии,/ хвали́те и превозноси́те во вся ве́ки.

Бу́дущаго ра́ди жития́ на Небесе́х на земли́ ми́ру умертви́лся еси́, о́тче./ Сего́ ра́ди жив Бо́гу предстоя́, вопие́ши:/ Тя превозно́сим, Го́спода, во ве́ки.

Све́том Тройческим, о́тче, просвеща́емь,/ твою́ жизнь благоче́стно сконча́л еси́/ и по́стных собо́ры приве́л еси́ Христу́ вопи́ти:/ Тя превозно́сим, Го́спода, во ве́ки.

С Небе́сными во́инствы всегда́, преподо́бне, Тро́ицу несозда́нную,/ неразде́льное Божество́ славосло́виши, блаже́нне, и превозно́сиши во ве́ки.

Богоро́дичен: Во утро́бе Твое́й пе́рвейша Тебе́ заче́нши, Богома́ти, Чи́стая Де́во,/ родила́ еси́ несказа́нно Бо́га и Царя́,/ Его́же превозно́сим во ве́ки.

Песнь 9

Ирмо́с: Бо́га/ челове́ком невозмо́жно ви́дети,/ на Него́же не сме́ют чи́ни А́нгельстии взира́ти,/ Тобо́ю же, Всечи́стая, яви́ся челове́ком/ Сло́во воплоще́нно,/ Его́же велича́юще,/ с Небе́сными во́и Тя ублажа́ем.

Жития́ сего́ непостоя́нную пучи́ну немяте́жно преше́л еси́, преподо́бне,/ ко́рмчию Ма́терь Бо́жию име́я, на сие́ наставля́ющую тя./ Те́мже и ко приста́нищем приста́л еси́ А́нгельскаго пребыва́ния.

Я́ко зре́лая и чисте́йшая пшени́ца, кроме́ всех зло́бных пле́вел,/ в Небе́сных жи́тницах соблю́лся еси́, преподо́бне,/ хлеб сла́дкий жела́я принести́ся Небе́сному Царю́,/ Его́же ра́ди вся в ми́ре преоби́дел еси́.

Вели́ким отце́м, дре́вле в посте́х и по́двизех просия́вшим, подо́бяся, о́тче,/ вся дни жи́зни твоея́ во слеза́х и труде́х препроводи́л еси́,/ до́ндеже дости́гл еси́ блаже́нную кончи́ну, ю́же и они́ насле́доваша.

Богоро́дичен: Сы́на Безле́тна, от Отца́ возсия́вша,/ Ты, во утро́бе несказа́нно заче́нши, родила́ еси́, Богома́ти Чи́стая Де́во,/ моли́ непреста́нно о рабе́х Твои́х Того, я́ко Человеколю́бца Бо́га,/ спасти́ род наш.

Ин

Ирмо́с: Чи́стую сла́вно почти́м,/ лю́дие, Богоро́дицу,/ Огнь Божества́ прии́мщую во чре́ве неопа́льно,/ пе́сньми велича́ем.

Потреби́ страстна́я двиза́ния ума́ моего́, Христе́, и ле́ность уны́ния отжени́,/ в пра́вый путь Твой ходи́ти наста́ви моли́твами уго́дника Твоего́ Кири́лла,/ да я́ко Благоде́теля велича́ю Тя.

Певце́м, тебе́ пою́щим, о́тче, и во хвале́нии сла́вящим,/ пода́ждь свы́ше спасе́ние и избавле́ние,/ да ктому́ тебе́ мно́жае в пе́снех велича́ют.

Руко́ю моею недосто́йною приноси́мое тебе́ с трудо́м от усе́рдия хвале́ние/ приими́, Богоблаже́нне Кири́лле, и хода́тай к Бо́гу бу́ди ми, молю́ся,/ изба́вити мя та́мошняго муче́ния,/ да непреста́нно в пе́снех велича́ю тя.

Богоро́дичен: В Тя всели́вся, Пренепоро́чная,/ пе́рвее родонача́льным злообра́зно запе́ншаго человекоуби́йцу низложи́, роди́вся,/ и всех нас спасе́.

Свети́лен.

Подо́бен: Посети́л ны:

Пречестну́ю и свяще́нную па́мять твою́ соверша́ющих, преподо́бне Кири́лле,/ и мно́гая труды́ твоя́ пою́щих,/ не преста́й, моля́ Изба́вителя от напа́стей избавля́ти нас/ и селе́нию святы́х сподо́бити.

Богоро́дичен:

Почита́ют Рождество́ Твое́ Безпло́тных чи́ни,/ ра́дости бо земны́я Ты еди́на испо́лнила еси́./ Те́мже Тя, Всенепоро́чная, ве́рнии, сла́вим, пе́сньми славосло́вяще:/ Свет бо су́щим во тьме возсия́ла еси́ и Со́лнце незаходя́щее.

На хвали́тех стихи́ры, на 4, глас 8.

Подо́бен: О, пресла́внаго чудесе́:

Свы́ше дарова́ния чуде́с/ от Бо́га сподо́бился еси́,/ блаже́нне Кири́лле:/ бе́сы от челове́к, ве́рою приходя́щих, прогони́ти/ и разли́чными неду́ги одержи́мыя/ исцеля́ти моли́твами твои́ми./ Те́мже вси, в па́мять твою́ соше́дшеся,/ любо́вию тебе́ почита́ем.

Свяще́нными твои́ми, о́тче, моли́твами/ хле́бы во вре́мя гла́да умно́жил еси́/ и а́лчущих мно́гих препита́л еси́./ Те́мже тя мо́лим, преподо́бне Кири́лле:/ и нас душе́внаго гла́да премени́/ и Боже́ственными бра́шны/ напита́й, мо́лимся,/ я́ко да любо́вию тя почита́ем.

Вина́ недоста́тки Бо́жией це́ркви,/ моли́твами твои́ми, о́тче,/ сосу́д испо́лнил еси́/ и на мно́га времена́/ довле́ти той дарова́л еси́./ Те́мже и нас, почита́ющих па́мять твою́,/ вино́м Бо́жия любве́ напо́и всех,/ да прославля́ем пречестно́е успе́ние твое́.

Сла́ва, глас 2:

Пусты́ня, я́же иногда́ бесо́м жили́ща иму́щи,/ ны́не же учени́к твои́х, Кири́лле,/ мно́жеством наполня́ема, украша́ется,/ храм в себе́ прече́стен Ма́тере Бо́жия иму́щи,/ разли́чными добро́тами удобре́н./ Те́мже, в нем днесь соше́дшеся,/ и честны́й гроб твой обстоя́ще,/ и любе́зно покланя́ющеся, мо́лимся:/ Це́рквам единомы́слие дарова́ти моли́ся,/ и оте́честву на́шему на враги́ посо́бствуй моли́твами твои́ми,/ и душа́м на́шим испроси́ мир и ве́лию ми́лость.

И ны́не, Богоро́дичен.

Славосло́вие вели́кое. И отпу́ст.

НА ЛИТУРГИ́И

Блаже́нны 1-го кано́на, песнь 3-я на 4, и 2-го кано́на, песнь 6-я на 4. Проки́мен: Честна́ пред Го́сподем: Стих: Что возда́м Го́сподеви: Апо́стол к Гала́том, зача́ло 213. Аллилуи́я, глас 6: Блаже́н муж, боя́йся Го́спода: Ева́нгелие от Луки́, зача́ло 24. Прича́стен: В па́мять ве́чную бу́дет пра́ведник:

Преподобный Кирилл, игумен Белоезерский (в миру Косма), родился в Москве у благочестивых родителей. В юные годы он остался сиротой и жил у своего родственника, боярина Тимофея Васильевича Вельяминова, окольничего при дворе великого князя Димитрия Донского (1363–1389). Светская жизнь теготила юношу. По просьбе преподобного Стефана Махрищского († 1406; память 14 июля) боярин отпустил Косму в Симонов монастырь, где он и принял постриг от святого Феодора († 1394; память 28 ноября) с именем Кирилл. Иноческие послушания преподобный Кирилл исполнял под руководством святого старца Михаила, впоследствии епископа Смоленского (память в неделю пред 28 августа – Собор Смоленских святых). Ночью старец читал Псалтирь, а преподобный Кирилл совершал поклоны, но по первому удару колокола шел к утрени. Он просил у старца дозволения вкушать пищу через 2–3 дня, но опытный наставник не разрешил этого, а благословил есть каждый день с братией, только не до сытости. Послушание преподобный Кирилл нес в хлебопекарне: он носил воду, колол дрова, раздавал хлеб. Когда Преподобный Сергий Радонежский приходил в Симоновскую обитель, то прежде прочих посещал и с любовью беседовал с преподобным Кириллом. Из хлебопекарни преподобного Кирилла перевели в поварню, и святой говорил себе, смотря на пылающий огонь: «Смотри, Кирилл, не попасть бы тебе в вечный огонь». Девять лет трудился в поварне преподобный Кирилл и стяжал такое умиление, что не мог без слез вкушать хлеб, благодаря Господа. Избегая славы человеческой, преподобный временами стал юродствовать. В наказание за нарушение благочиния настоятель назначил ему в пищу на 40 дней хлеб и воду; преподобный Кирилл с радостью понес это наказание. Но как ни таил святой свою духовность, опытные старцы понимали его и против воли заставили принять сан иеромонаха. В свободное от служения время преподобный Кирилл ставил себя на чреду послушника и занимался тяжелыми работами. Когда святой Феодор был посвящен в архиепископа Ростовского, братия в 1390 году избрала преподобного Кирилла игуменом обители.

Богатые и знатные люди стали посещать преподобного, чтобы слушать его наставления. Это смущало смиренный дух святого, и он, как ни упрашивала братия, не остался настоятелем, а затворился в своей прежней келлии. Но и здесь частые посетители беспокоили преподобного, и он перешел на старое Симоново. Душа преподобного Кирилла стремилась к безмолвию, и он молил Матерь Божию указать ему место, полезное для спасения. Однажды ночью, читая, как всегда, акафист перед иконой Божией Матери Одигитрии, он услышал голос: «Иди на Белоозеро, там тебе место».

В Белоезерской стороне, тогда глухой и малолюдной, он долго ходил в поисках места, которое в видении было предназначено для его пребывания. В окрестностях горы Мяуры у Сиверского озера он, вместе со своим спутником преподобным Ферапонтом († 1426; память 27 мая), поставил крест и выкопал землянку.

Преподобный Ферапонт вскоре удалился в другое место, и преподобный Кирилл несколько лет в одиночестве подвизался в подземной келлии. Однажды святой Кирилл, томимый странным сном, лег уснуть под сосной, но едва он закрыл глаза, как услышал голос: «Беги, Кирилл!» Только успел преподобный Кирилл отскочить, как сосна рухнула. Из этой сосны подвижник сделал крест. В другой раз преподобный Кирилл чуть не погиб от пламени и дыма, когда расчищал лес, но Бог хранил Своего угодника. Один крестьянин пытался поджечь келлию преподобного, но, сколько ни пытался, это ему не удавалось. Тогда со слезами раскаяния он исповедал свой грех преподобному Кириллу, который постриг его в монашество.

Из Симоновой обители к преподобному пришли любимые им иноки Зеведей и Дионисий, а затем – Нафанаил, впоследствии келарь обители. Многие стали приходить к преподобному и просить удостоить их иночества. Святой старец понял, что время его безмолвия кончилось. В 1397 году он построил храм в честь Успения Пресвятой Богородицы.

Когда число братии умножилось, преподобный дал для обители устав общежития, который освящал примером своей жизни. В церкви никто не смел беседовать, никто не должен был выходить из нее прежде окончания службы; к святому Евангелию подходили по старшинству. За трапезу садились каждый на своем месте, и в трапезной была тишина. Из трапезной каждый молча шел в свою келлию. Никто не мог получать ни писем, ни подарков, не показав их преподобному Кириллу; без его благословения писем не писали. Деньги хранились в монастырской казне, ни у кого не было никакой собственности. Даже пить воду ходили в трапезную. Келлии не запирались, и в них, кроме икон и книг, ничего не держали. В последние годы жизни преподобного Кирилла боярин Роман решил подарить обители село и прислал дарственную грамоту. Преподобный Кирилл рассудил, что если обитель станет иметь села, то для братии начнутся заботы о земле, появятся поселенцы, иноческое безмолвие нарушится, и отказался от дара.

Господь наградил Своего угодника даром прозорливости и исцелений. Некто Феодор, поступив в обитель из любви к преподобному, потом так возненавидел его, что не мог смотреть на святого и порывался уйти из обители. Он пришел в келлию преподобного Кирилла и, взглянув на его седины, не мог от стыда выговорить ни слова. Преподобный сказал ему: «Не скорби, брат мой, все ошибаются во мне, ты один знаешь правду и все мое недостоинство; я действительно непотребный грешник». Затем преподобный Кирилл благословил Феодора и прибавил, что он более не будет смущаться помыслом; с тех пор Феодор спокойно жил в обители.

Однажды недостало вина для Божественной литургии, и пономарь сказал об этом святому. Преподобный Кирилл велел принести к нему пустой сосуд, который оказался полным вина. Во время голода преподобный Кирилл раздавал хлеб всем нуждавшимся, и он не кончался, несмотря на то, что обычно запасов едва хватало для братии.

Преподобный укротил бурю на озере, которая угрожала рыбакам, предсказал, что никто из братии не умрет до его кончины, несмотря на то, что свирепствовал мор, а после многие пойдут вслед за ним.

Свое последнее богослужение преподобный совершил в день Святой Троицы. Завещав братии хранить любовь между собой, преподобный Кирилл блаженно почил на 90-м году своей жизни – 9 июня 1427 года, в день памяти святителя Кирилла, архиепископа Александрийского. В первый же год по смерти преподобного из 53 человек братии скончались 30. Оставшимся преподобный часто являлся во сне, поддерживая их словом и наставлением.

Преподобный Кирилл любил духовное просвещение и привил эту любовь своим ученикам. По описи 1635 года в монастыре числилось более 2 тысяч книг, среди них 16 «чудотворца Кирилла». Замечательными образцами духовного наставничества и руководства, любви, миролюбия и утешения являются три его послания русским князьям.

Общерусское почитание преподобного началось не позднее 1447–1448 годов. Житие святого Кирилла было написано по поручению митрополита Феодосия и великого князя Василия Васильевича Темного иеромонахом Пахомием Логофетом, который прибыл в Кириллов монастырь в 1462 году и застал многих очевидцев и учеников преподобного Кирилла, в том числе и преподобного Мартиниана († 1483; память 12 января), управлявшего тогда Ферапонтовым монастырем.

Похвальное слово преподобному Кириллу Белоезерскому опубликовано в «Журнале Московской Патриархии», 1977, №12.

НА МА́ЛОЙ ВЕЧЕ́РНИ

На Го́споди, воззва́х: стихи́ры, глас 5.

Преподо́бне о́тче Алекса́ндре Богому́дре,/ те́плый предста́телю,/ доброде́тели сокро́вище, равностоя́телю святы́х А́нгел,/ и зерца́ло нескве́рное Бо́жие Боже́ственное показа́лся еси́/ и А́нгелы удиви́л еси́,/ бе́сы посрами́л еси́ доброде́тельми твои́ми,/ си́лою Боже́ственнаго Ду́ха,/ своему́ Влады́це подо́бяся:/ Он возше́л есть на Крест,/ рукописа́ние всех растерза́,/ ты же, взем на ра́мо крест свой,/ в пусты́ню всели́вся, стра́сти умертви́л еси́/ и, ду́шу очи́стив, на высоту́ взы́де доброде́телей,/ единокро́вниче преподо́бных, во Све́те невече́рнем живы́й,/ Его́же луча́ми Боже́ственными просвеща́емь,/ и, сия́я чудесы́, бысть свети́льник вселе́нней,/ Того́ моли́, преподо́бне,/ дарова́ти Це́рквам единомы́слие,/ мир и ве́лию ми́лость.

Преподо́бне о́тче Алекса́ндре Богому́дре,/ дом Пресвята́го Ду́ха соде́яся,/ свяще́н сосу́д от ма́терних пеле́н показа́ся, о́тче наш,/ нося́ на ра́му свое́ю крест Госпо́день,/ в пусты́нях и гора́х живя́ше/ любве́ ра́ди Христо́вы,/ Ему́же и порабо́тал, Его́же и жела́ше,/ а́бие же и узре́л еси́./ Те́мже неувяда́емым венце́м увязе́ся,/ весе́лие, и ра́дость, и сла́ву ве́чную восприя́т,/ и украси́ тя Небе́сными дара́ми Христо́с,/ в чудесе́х сла́вна тя показа́ Росси́йским страна́м,/ о́тче Алекса́ндре,/ цели́ти неду́ги и ду́хи прогоня́ти,/ источа́я неду́жным исцеле́ний струи́,/ те́мже мо́лим тя: моли́ся Христо́ви,/ помина́й ста́до, е́же собра́л еси́, му́дре,/ и не забу́ди, я́коже обеща́лся еси́,/ посеща́ти чад свои́х./ Мы бо, ча́да твоя́, тя на по́мощь призыва́ем,/ грехо́в проще́ние тобо́ю прия́ти и оставле́ние,/ Того́ моли́, преподо́бне,/ дарова́ти мир ми́рови/ и душа́м на́шим ве́лию ми́лость.

Преподо́бне о́тче Алекса́ндре Богому́дре,/ кто испове́сть труды́ твоя́ и боле́зни,/ или́ кий язы́к изрече́т жесто́кое твое́ житие́,/ бде́ние же и сухояде́ние,/ и е́же на земли́ лега́ние,/ и моли́твы непрестаю́щия,/ простоту́ душе́вную и теле́сную?/ Устна́ма и умо́м соверше́нное безмо́лвие стяжа́л еси́,/ ху́дость ри́зную и па́мять сме́ртную име́л еси́,/ того́ ра́ди па́мять твоя́ во ве́ки пребыва́ет,/ преподо́бне Алекса́ндре, уго́дниче Христо́в;/ а́ще бо и преста́вился еси́ от нас, блаже́нне,/ па́стырю до́брый,/ но не отступа́еши ду́хом,/ всех нас помина́й,/ соверша́ющих па́мять твою́ свяще́нную;/ приле́жно, пою́ще, мо́лим тя:/ моли́ся, преподо́бне,/ побе́ды дарова́ти на враги́ правосла́вным христиа́ном,/ и це́рквам благоле́пие, и ми́ру смире́ние,/ и душа́м на́шим мир и ве́лию ми́лость.

Сла́ва, глас 8:

Преподо́бне и Богоблаже́нне о́тче Алекса́ндре,/ вои́стинну сподо́бися Боже́ственныя жи́зни,/ посто́м бо и бде́нием изнуря́я свое́ те́ло,/ о́браз был еси́ и́ноком,/ а́ще бо теле́сный язы́к умолче́,/ но чудеса́ свиде́тельствуют,/ пусты́ня, пропове́дающи, хва́лится,/ име́ющи в себе́ неотъе́млемо сокро́вище,/ лю́дие бо, зря́ще честну́ю ра́ку моще́й твои́х/ и чудеса́ быва́емая,/ просла́вляют просла́вльшаго тя Го́спода./ Ему́же моли́ся, преподо́бне, непреста́нно,/ дарова́ти правосла́вным христиа́ном побе́ды на враги́/ и вселе́нней мир и ве́лию ми́лость.

И ны́не, Богоро́дичен: Влады́чице, приими́ моли́твы раб Твои́х:

На стихо́вне стихи́ры, глас 2.

Подо́бен: До́ме Евфра́фов:

Яви́лся еси́/ от ма́терних пеле́н,/ Богоно́сне преподо́бне Алекса́ндре,/ сосу́д избра́нный/ и дом Пресвята́го Ду́ха.

Стих: Честна́ пред Го́сподем/ смерть преподо́бных Его́.

Нося́ на ра́му свое́ю/ крест Госпо́день,/ Алекса́ндре о́тче преподо́бне,/ бесо́вския мечта́ния до конца́ потреби́л еси́,/ и ве́рным исцеле́ние дарова́л еси́.

Стих: Блаже́н муж, боя́йся Го́спода,/ в за́поведех Его́ восхо́щет зело́.

Пре́лести лука́вых бесо́в/ обличи́л еси́ кре́стною си́лою,/ бо́дренными моли́твами и сле́зными исто́чники/ це́ркви ве́рных обогати́л еси́,/ Богоблаже́нне Алекса́ндре преподо́бне.

Сла́ва, глас 1:

Погре́бл еси́ страсте́й все возста́ние/ умерщвле́нием пло́ти, свяще́нный о́тче,/ жизнь безконе́чную по сме́рти прия́л еси́,/ те́мже днесь Христо́ва Це́рковь пра́зднует/ твою́ доеточу́дную па́мять, преподо́бных украше́ние.

И ны́не, глас 6: Богоро́дице, Ты еси́ лоза́ и́стинная:

Тропа́рь зри на вели́цей вече́рни

НА ВЕЛИ́ЦЕЙ ВЕЧЕ́РНИ

На Го́споди, воззва́х: стихи́ры, глас 1:

Небе́сных красо́т жела́я,/ к Бо́гу ум впери́л еси́,/ к Небеси́ ле́ствицы степе́ни тве́рды труды́ твои́ми огради́л еси́,/ по нейже взы́де да́же до са́мых Вы́шних Бо́жиих/ и неизрече́нных Трисо́лнечных красо́т,/ зря Боже́ственныя и неизрече́нныя сла́вы Бо́га,/ Царя́ своего́ – Христа́,/ престо́лу Безпло́тных и всех святы́х с ли́ки предстоя́,/ преподо́бне Алекса́ндре, моли́ о нас,/ я́ко тобо́ю упова́ние к Бо́гу возложи́хом.

Небе́сным нра́вом вы́ну день и нощь поуча́яся,/ вся земна́я красоты́ преходя́щия нивочтоже вмени́в,/ уподо́бися до́брому купцу́,/ прода́в вся земна́я и купи́в Небе́сный би́сер,/ и́мже просве́щся, освяща́еши ве́рных пресла́вными твои́ми чудесы́,/ уго́дниче Бо́жий и чудотво́рче Алекса́ндре, моли́ о нас,/ я́ко на тя упова́ние по Бо́зе возложи́хом.

Небе́сных дости́гл еси́, на земли́ живы́й,/ доброде́тельных твои́х ра́ди дел,/ любве́ и терпе́ния, трудо́в и поста́,/ во пло́ти бо быв, Безпло́тных нра́вом после́довал еси́,/ те́мже и на безпло́тныя враги́ си́лу я́ко о́гненну прия́л еси́,/ не мо́гут бо и по преставле́нии твое́м противодержа́тися/ с ве́рою припа́дающим к цельбоно́сному твоему́ гро́бу,/ те́мже и ны́не Христо́ви моли́ся,/ с Небе́сных круг на вся, почита́ющия тя, взира́я,/ я́ко на тя упова́ние возложи́хом.

Ины стихи́ры, глас 4.

Подо́бен: Дал еси́ зна́мение:

Пе́рвее пости́вся,/ пло́ти взыгра́ние воздержа́нием умертви́л еси́,/ второ́е побе́ду взял еси́ на враги́/ и низложи́л еси́ их кова́рства свои́ми по́двиги,/ Алекса́ндре Богоблаже́нне,/ те́мже тя венча́ сугу́быми венцы́/ Иису́с Человеколю́бец и Спас душ на́ших.

Струя́ми слез твои́х/ се́мя Боже́ственное напои́л еси́,/ я́ко земля́ благоплодови́та, Богодухнове́нне,/ стори́цею воздая́ плод преподо́бия,/ прозя́бл еси́ и́стину/ и в жи́тницы собра́л еси́ мы́сленныя си́лою духо́вною/ тебе́ Претво́ршаго премене́нием лу́чшим,/ Алекса́ндре преподо́бне.

Ве́рою и любо́вию, о празднолю́бцы, соше́дшеся днесь,/ псало́мски пе́сньми восхва́лим/ Небе́снаго челове́ка и земна́го А́нгела,/ к нему́же возопие́м:/ о всеблаже́нне преподо́бне,/ пусты́нный жи́телю, по́стником похвало́,/ о нас моли́ся ко Го́споду спасти́ся душа́м на́шим.

Сла́ва, глас 2:

Челове́ческим естество́м роди́вся,/ а́нгельскому житию́ поревнова́л еси́,/ в телеси́ бо быв, я́ко безпло́тен,/ на земли́ живы́й пло́тию,/ умо́м же всегда́ в Небе́сных,/ те́мже, и жела́нии не погреши́в свои́ми,/ от Бо́га в Небе́сных обогати́лся еси́,/ иде́же свято́е твое́ те́ло почива́ет,/ прикаса́ющиися с ве́рою прие́млют исцеле́ние;/ име́я у́бо дерзнове́ние ко Влады́це Христу́, святы́й о́тче,/ о всех нас помоли́ся,/ пра́зднующих ве́рою и любо́вию святу́ю па́мять твою́.

И ны́не, догма́тик: Пре́йде сень зако́нная:

Вход. Проки́мен дне. И чте́ния три преподо́бническая ( зри 1 июня )

На лити́и стихи́ры, глас 2:

Преподо́бне о́тче Алекса́ндре,/ и́ноков удобре́ние, прозябе́ние кра́сное пусты́ни,/ преподо́бным похвало́ и ве́рным утвержде́ние,/ и́же любо́вию творя́щих всечестну́ю па́мять твою́/ и моще́м твои́м приступа́ющих,/ изба́ви вся́каго обстоя́ния и о́гненнаго осужде́ния.

Тро́ицы храм сам себе́ соде́ла, о́тче Богоблаже́нне,/ в пусты́ни непроходи́мыя за́йде,/ я́ко Моисе́й, в Сина́йскую го́ру всели́вся,/ прии́м Боже́ственный зако́н;/ ты же и́ноков мно́жество вои́стинну науча́еши изря́дным пра́вилом,/ прикаса́ющимся к моще́м твои́м/ подае́ши всем исцеле́ние.

Име́я дерзнове́ние ко Христу́ Бо́гу,/ моли́ся о ста́де свое́м, преподо́бне о́тче,/ сохрани́ти от искуше́ний вра́жиих,/ и язы́ческих нахожде́ний, и огня́, и меча́,/ и от вся́каго прило́га и наве́та лука́ваго,/ тебе́ бо град и покро́в име́ем,/ на тя наде́жду, блаже́нне, стяжа́хом.

И́ны стихи́ры, глас 8.

Подо́бен: Что́ тя нарече́м:

Что́ тя ны́не нарече́м, свя́те Алекса́ндре?/ Реку́ разу́мнаго рая́, исходя́щу из Еде́ма,/ пото́ка от Бо́га раздава́емых даро́в,/ наводне́ние уче́ния, благода́ти ча́шу,/ прему́дрости ра́зум, моле́бника крепча́йша/ и учи́теля де́йственнаго,/ моли́ спасти́ся душа́м на́шим.

Что тя имену́ем, преподо́бне Александре?/ Де́лателя безсме́ртных садо́в,/ сади́теля разу́мнаго рая́ ве́рных,/ зако́нов благода́тных иску́снаго,/ повеле́ний духо́вных худо́жника,/ сказа́теля благостоя́нна и наказа́теля дово́льнейша,/ моли́ спасти́ся душа́м на́шим.

Что тя ны́не нареку́, чу́дне Алекса́ндре?/ Уста́ва поло́жника своему́ ста́ду сопряже́ну,/ целому́дрия пода́теля,/ сказа́теля и́ночествующим и де́вству наста́вника,/ пра́ведно обои́м ме́ряща,/ я́ко иску́сом проше́дша обою́ду,/ мно́гая твоя́ дея́ния и о Бо́зе ти поще́ния,/ моли́ спасти́ся душа́м на́шим.

Сла́ва, глас то́йже:

На Не́бо теку́щую возше́д колесни́цу доброде́телей,/ дости́гл еси́ кра́йнего жития́ воздержа́нием в пусты́ни,/ смотря́я Вы́шняго Иерусали́ма красо́ты,/ и, боле́зней по́двигом досто́йно по́чести восприи́м,/ с Небе́сными ра́дуешися чинонача́лии, преблаже́нне,/ ве́чных благ насле́дник яви́ся,/ и, Небе́снаго Ца́рствия жи́тель сый,/ помоли́ся, Богоно́сне Алекса́ндре, Спа́су всех,/ умири́ти мир и спасти́ ду́ши на́ша.

И ны́не, Богоро́дичен: Безневе́стная Де́во:

На стихо́вне стихи́ры, глас 3:

Ве́лию ве́ру к Бо́гу простре́, преподо́бне,/ и ве́лие терпе́ние стяжа́в,/ ве́лию ми́лость от Него́ получи́л еси́,/ не земны́м бо ви́димым бога́тством обогати́ тя,/ но таковы́м, его́же земно́е у́хо не слы́ша/ и на се́рдце не взы́де,/ е́же Бог угото́ва лю́бящим Его́,/ с ни́миже, у Бо́га веселя́ся,/ моли́ о душа́х на́ших.

Стих: Блаже́н муж, боя́йся Го́спода,/ в за́поведех Его́ восхо́щет зело́.

Ве́лия к Бо́гу труды́,/ боле́зни по́стническия в жи́зни свое́й соверши́л еси́,/ темже ны́не ве́лие дерзнове́чние к Бо́гу име́я,/ исцеля́еши боле́зни теле́сныя./ Те́мже мо́лим тя: потщи́ся, святы́й о́тче,/ и моли́ о душа́х на́ших.

Стих: Пра́вда Его́/ пребыва́ет в век ве́ка.

Ве́лия, Христе́ Бо́же, уго́дника Твоего́ си́ла,/ во гро́бе бо лежа́щее те́ло его́ бе́сы прогоня́ет,/ упраздни́в вра́жию власть ве́рою Тро́йческою,/ подви́глся еси́, о́тче преподо́бне,/ труды́ и воздержа́нием,/ мольба́ми и любо́вию по благоче́стию,/ и моли́ Го́спода всех сил о душа́х на́ших.

Сл́ва, глас 4:

От вся́ких бед душе́вных и теле́сных,/ преподо́бне о́тче Алекса́ндре,/ моли́твами твои́ми рабы́ твоя́ изба́ви,/ да тя во ве́ки ублажа́ем,/ я́ко хода́тая к Бо́гу и засту́пника/ от належа́щих на ны скорбе́й/ душе́вных вку́пе и теле́сных.

И ны́не, Богоро́дичен: При́зри на моле́ния:

Тропа́рь, глас 4:

Иже плотски́м дебе́льством Бо́гови рабо́тати изво́ли,/ в пусты́ню всели́вся,/ в не́йже мно́гими по́ты и труды́/ безтеле́снаго равноа́нгельнаго пребыва́ния возмо́же дости́гнути,/ та́же от Бо́га узре́н быв,/ сподо́бися вели́ких чуде́с в жи́зни и по преставле́нии,/ на нечи́стыя ду́хи си́лу восприи́м,/ изго́ниши от приходя́щих к тебе́ с ве́рою,/ те́мже, о́тче Алекса́ндре,/ за вся ны моли́,/ спасти́ся душа́м на́шим.

Ин тропа́рь, глас 8:

Во плоти́, я́ко А́нгел, на земли́ подвиза́ся,/ жела́нием духо́вным в пусты́ню всели́ся/ и, со зверьми́ живы́й, весь Христо́ви быв,/ Тому́ невозвра́тно ше́ствовал еси́, ведо́м к Небеси́,/ после́дуя Боже́ственным стезя́м, о́тче блаже́нне Алекса́ндре,/ я́ко чу́ден, чудеса́ источа́еши/ и отгоня́еши неду́ги к тебе́ приходя́щих с ве́рою,/ но я́ко имея дерзнове́ние ко Го́споду,/ помина́й нас, чту́щих честну́ю па́мять твою́.

Сла́ва, и ны́не, Богоро́дичен.

НА У́ТРЕНИ

На Бог Госпо́дь: тропа́рь преподо́бнаго, два́жды. Сла́ва, и ны́не, Богоро́дичен.

По 1-м стихосло́вии седа́лен, глас 2:

Путь жи́зненный обре́л еси́, преподо́бне,/ по нему́же до́йде Боже́ственнаго приста́нища,/ всели бо ся, блаже́нне, в пусты́ню,/ в не́йже, яко крин, процве́л еси́ труды́ твои́ми,/ и ны́не, я́ко благово́нное кади́ло,/ моле́нии твои́ми прино́сиши от Бо́га свы́ше дар чуде́с с весе́лием,/ сего́ ра́ди зове́м ти:/ ра́дуйся, обреты́й простра́нное селе́ние в пресве́тлем Христо́вем Ца́рствии.

Ин седа́лен, глас 3:

Подо́бен: Красоте́ де́вства:

Сою́зом любве́ привяза́лся еси́ Христо́ви,/ земна́я и мимотеку́щая возненави́дев, Богому́дре,/ пусты́нное озлобле́ние усе́рдно подъе́м,/ бесо́вская ополче́ния и их многоко́зненную си́лу посрами́л еси́,/ и Подвигополо́жник Христо́с дарова́нием чуде́с обогати́ тя,/ те́мже тя почита́ем, Алекса́ндре Богому́дре.

Сла́ва, и ны́не, Богоро́дичен:

От Бо́га Отца́ пре́жде век ро́ждшееея Сло́во/ прия́т в пречи́стое Твое́ чре́во, Богоро́дице Мари́е,/ Того́ я́ко Сы́на и Зижди́теля умоли́/ изба́вимся душе́вных бед рабо́м Твои́м.

По 2-м стихосло́вии седа́лен, глас 6:

В теле́сных чу́вствиих Безпло́тных святы́х име́я ра́зум,/ в не́мже, о́тче, наслади́вся воздержа́ния,/ бысть целому́дрия непоколеби́мый столп,/ в пусты́ни со зверьми́ чу́вственными живы́й, мы́сленныя зве́ри победи́ пло́тию,/ смире́н духо́вными де́йствии ви́дяшеся,/ преди́вен ра́тник на диа́вола показа́ся, до́блий во́ине Алекса́ндре, о́тче наш.

Ин седа́лен, глас 1.

Подо́бен: Лик А́нгельский:

Житие́ благоче́стно на земли́ стяжа́в,/ прия́телище чи́сто Ду́ху ты яви́ся,/ просвеща́я и́же с ве́рою к тебе́ приступа́ющия, блаже́нне,/ те́мже моли́ своего́ Влады́ку просвети́ти ду́ши на́ша,/ воспева́ющих тя, Алекса́ндре преподо́бне, о́тче наш.

Сла́ва, и ны́не, Богоро́дичен:

От ве́ка еди́на обре́тшися Благослове́нная,/ в де́встве прии́мши пречи́стое родоноше́ние,/ в рождестве́ же де́вство пречи́стое сохрани́в,/ и по рождестве́ во ве́ки пречи́сто де́вствующи,/ и Соде́теля Сы́на иму́щи, вся преиму́ща,/ я́ко су́щи Ма́ти всех Бо́га, спаси́ рабы́ Твоя́.

По полиеле́и седа́лен, глас 8.

Подо́бен: Прему́дрости:

Окормля́емь си́лою Вседе́тельною и ве́трилом кре́стным обложе́н,/ легко́ преплы́л еси́ жития́ мо́ре/ и Боже́ственным вои́стинну приста́нищем дости́гл еси́,/ доброде́телей ку́плю мно́гу стяжа́в,/ ю́же всех Влады́це прине́сл еси́,/ и́же, – благи́й ра́бе! – слы́шал еси́,/ неду́гующих исцели́л еси́, ско́рчащихся ру́це испра́вил еси́,/ слепы́я просвеща́я, немы́м повеле́ вопи́ти,/ Алекса́ндре преподо́бне о́тче, моли́ Христа́ Бо́га грехо́в оставле́ние дарова́ти/ чту́щим любо́вию святу́ю па́мять твою́.

Сла́ва, и ны́не, Богоро́дичен:

В напа́сти многоплете́нныя впад от враг ви́димых и неви́димых,/ бу́рею одержи́м безме́рных согреше́ний мои́х,/ я́ко к те́плому заступле́нию и покро́ву моему́, Чи́стая,/ к приста́нищу притека́ю Твоея́ бла́гости./ Те́мже, Пречи́стая, и́же из Тебе́ Воплоще́нному без се́мене моли́ся о всех рабе́х Твои́х,/ непреста́нно пою́щих Тя, Богоро́дице Пречи́стая,/ моля́щи Того́ приле́жно согреше́ниям оставле́ние дарова́ти/ ве́рою поклоня́ющихся рождеству́ Твоему́.

Степе́нна, 1-й антифо́н, 4-го гла́са. Проки́мен, глас 4: Честна́ пред Го́сподем/ смерть преподо́бных Его́. Стих: Что́ возда́м Го́сподеви о всех, я́же воздаде́ ми? Ева́нгелие от Матфе́я, зача́ло 43.

По 50-м псалме́ стихи́ра, глас 6:

Преподо́бне о́тче,/ отри́нув на земли́ вре́менная и мимотеку́щая бла́га,/ стяжа́л еси́ Небе́сная, нело́жная и ве́чная бла́га,/ в жи́зни сей живы́й ви́дим бя́ше, я́ко ничто́же имы́й,/ ны́не же яви́ся, я́ко от Бо́га невозбра́нно вся содержа́й,/ моли́твою твое́ю, я́ко о́гненным копие́м,/ от призыва́ющих тя бе́сы прогоня́еши,/ те́мже всяк правове́рный хвалу́ ти прино́сит,/ ра́достно творя́ святу́ю па́мять твою́,/ Богоуго́дниче Алекса́ндре, о́тче наш.

По 50-м псалме́ и́на стихи́ра, глас 2:

Ра́дуйся, преподо́бне о́тче наш Алекса́ндре всече́стне,/ и́же, зако́н Госпо́день до́бре извы́к и ве́ру соблю́д непобеди́му,/ хода́тай яви́ся о ста́де твое́м Христу́ Бо́гу,/ Того́ моли́ умири́ти мир и спасти́ ду́ши на́ша.

Кано́н преподо́бному Алекса́ндру, глас 1.

Песнь 1

Ирмо́с: Го́рькия рабо́ты изба́влься Изра́иль,/ непроходи́мое про́йде, я́ко су́шу,/ врага́ зря потопля́ема,/ песнь я́ко Благоде́телю пое́т Бо́гу,/ чудоде́ющему мы́шцею высо́кою,/ я́ко просла́вися.

Лю́тыя рабо́ты вра́жия от младе́нчества возненави́дев,/ устреми́лся еси́ всем жела́нием к Еди́ному Благоде́телю,/ преподо́бне прему́дре Алекса́ндре.

Лю́тыя вра́жия по́мыслы нивочтоже вмени́в,/ в богоуго́дие еди́ное ум свой отлучи́л еси́,/ в не́мже без враще́ния кре́пце пребы́л еси́, Богоуго́дне Алекса́ндре.

Лю́тых звере́й зия́ния кре́постию се́рдца не устраши́ся,/ сего́ ра́ди, Боже́ственною по́мощию вооруже́н,/ в пусты́ни тех, я́ко о́вцы, укроти́л еси́,/ му́же му́дре Алекса́ндре.

Богоро́дичен: Лю́тых мук изба́ви нас, Богоневе́сто,/ Твои́ми бо пречи́стыми моли́твами вся спаса́еши,/ я́ко Ма́ти Бо́жия су́щи.

Ин кано́н, глас 8.

Ирмо́с: Колесницегони́теля фарао́ня погрузи́/ чудотворя́й иногда́/ Моисе́йский жезл крестообра́зно порази́в/ и раздели́в мо́ре,/ Изра́иля же беглеца́, пешехо́дца спасе́,/ песнь Бо́гови воспева́юща.

Озаре́нием Свята́го Ду́ха озари́ нас, благоче́стно любо́вию пе́сньми восхваля́ющия тя,/ по́стником похвало́, и́нокующим сла́во, пусты́ни украси́теля/ и благоче́стия учи́теля похваля́ем тя, Алекса́ндре.

От ю́ности жела́ние к Бо́гу возложи́в,/ к Нему́, ра́дуяся, возше́л еси́, име́я к Нему́ все свое́ помышле́ние,/ взыгра́ние пло́ти и страсте́й нахожде́ние воздержа́нием умертви́л еси́, Алекса́ндре прехва́льне.

Попра́в зми́я и того́ се́ти легко́ преше́л еси́,/ кры́лы благоче́стно впери́вся, живо́т бо, ра́дуяся, обре́л еси́ от са́да кре́стнаго,/ блаже́нне Алекса́ндре преподо́бне.

Богоро́дичен: Уста́ви помышле́ние и смуще́ние се́рдца моего́,/ Пречи́стая Де́во Ма́ти Бо́жия,/ к Сы́ну направля́ющи движе́ния.

Песнь 3

Ирмо́с: Ка́мень, его́же небрего́ша зи́ждущии,/ сей бысть во главу́ у́гла:/ Той есть Ка́мень,/ на не́мже утверди́ Це́рковь Христо́с,/ ю́же от язы́к искупи́.

Ка́мень – Христо́с – утверди́ се́рдце твое́ ко стра́ху Своему́,/ те́мже до́блестию жития́ твоего́/ получи́л еси́ от Него́ несконча́емое блаже́нство.

Ка́мень ве́ры яви́ся, о́тче,/ и, ви́дев тя, вся́ческая Све́дый/ сподобля́ет чуде́сных даро́в, я́коже Сам рече́:/ прославля́ющия Мя просла́влю.

Ка́менну плоть свою́ показа́л еси́, о́тче,/ о не́йже неради́в был еси́,/ но я́ко в чужде́м соста́ве нося́ ду́шу, во́лею я́звы терпя́,/ мня́ше ма́лы труды́ своя́, страда́ние, бде́ние же и моли́твы,/ сего́ ра́ди ра́дуешися во святы́х поко́их.

Богоро́дичен: Ка́мень Боже́ственный де́вства,/ ка́менно се́рдце мое́ в нераде́нии мя иму́ща/ умягчи́ ма́нием Твои́м Боже́ственным, Богоро́дице,/ еди́на бо еси́ по́мощию Твое́ю Боже́ственною вся мра́чная просвеща́еши.

Ин

Ирмо́с: Ты еси́ утвержде́ние/ притека́ющих к Тебе́, Го́споди,/ Ты еси́ Свет омраче́нных,/ и пое́т Тя дух мой.

Во све́те невеще́ственне,/ от печа́лей веще́ственных востече́ к Небе́сным и невеще́ственным чино́м, преподо́бне,/ моли́твами твои́ми нас просвети́.

Воздержа́ния сла́дость иска́пав, отри́нув го́ресть страсте́й,/ те́мже па́че ме́да и со́та наслади́л еси́, о́тче, чу́вствия на́ша.

Возше́д на высоту́ доброде́телей, до́лу влеку́щая мудрова́ния оплева́л еси́ сла́сти,/ сла́дость показа́ся спасе́ния, о́тче преподо́бне,/ ста́ду твоему́ проси́ грехо́в оставле́ние.

Богоро́дичен: Прему́дрость и Сло́во О́тчее несказа́нно родила́ еси́,/ души́ моея́ лю́тую я́зву и серде́чную боле́знь утоли́, Пречи́стая.

Ин конда́к, глас 6:

Пусты́нный жи́телю,/ опусте́вшая ны от благотво́рных помышле́ний вра́жиими прило́гми,/ презе́льным твои́м к Бо́гу моле́нием сердца́ на́ша очи́сти,/ я́ко да благода́рственно вопие́м ти:/ ра́дуйся, я́ко земны́м пустынножи́тельствием, Алекса́ндре,/ доше́д Небе́снаго Ца́рствия.

Ин и́кос:

Храм Бо́гу я́ко вои́стинну себе́ соде́лав, о́тче,/ и Вы́шняго Иерусали́ма яви́ся граждани́н,/ Боже́ственными доброде́тельми твои́ми Безпло́тных че́сти сподо́бился,/ те́мже и чудеса́ твоя́, похвале́нию досто́йна, удивля́ют нас и науча́ют тебе́ зва́ти такова́я:/ ра́дуйся, благочести́ваго отца́ о́трасль;/ ра́дуйся, ма́тере благогове́йны ветвь./ Ра́дуйся, целому́дрия сто́лпе, и́мже бесо́вская шата́ния искорени́шася;/ ра́дуйся, свети́льниче многосве́тлый./ Ра́дуйся, яко увяди́л еси́ плотска́я мудрова́ния;/ ра́дуйся, пусты́ни до́брое прозябе́ние./ Ра́дуйся, пра́ведным Боже́ственное наслажде́ние;/ ра́дуйся, я́ко презре́л еси́ теку́щих и тле́нных./ Ра́дуйся, я́ко на Небеси́ со А́нгелы живе́ши;/ ра́дуйся, я́ко и́нокующим исправле́ния пра́вило./ Ра́дуйся, исто́чниче чудесе́м богото́чный;/ ра́дуйся, честны́й сосу́де./ Ра́дуйся, наста́вниче на́шего спасе́ния./ Ра́дуйся, Алекса́ндре преподо́бне, пусты́нный жи́телю.

Седа́лен, глас 8:

Столп целому́дрия высо́к яви́ся, Алекса́ндре,/ в Небе́сная главо́ю честны́х твои́х уставле́ний досяза́ше,/ и вну́тренними твои́ми твердостьми́ бе́сы устраша́еши,/ вне́шними красо́тами наде́ющихся на тя удивля́еши,/ моли́твы принося́ Христу́ Бо́гу.

Ин седа́лен, глас 8:

Красоты́ мирски́я от млады́х ногте́й, преподо́бне, возненави́дев,/ еди́наго Христа́ от се́рдца возлюби́л еси́/ и, Тому́ все́ю душе́ю прилепи́вся,/ я́ко безпло́тен, на земли́ поживе́ с пло́тию,/ сла́ву же и бога́тство мимотеку́щее нивочтоже вмени́в,/ Небе́сное бога́тство восприя́л еси́ и сла́ву ве́чную./ Те́мже ублажа́ем свято́е твое́ успе́ние/ и, в нем торжеству́юще, вопие́м ти:/ Богоблаже́нне о́тче наш Алекса́ндре,/ моли́ Христа́ Бо́га согреше́нием оставле́ние дарова́ти/ чту́щим любо́вию святу́ю па́мять твою́.

Сла́ва, и ны́не, Богоро́дичен:

Я́ко Всенепоро́чная Неве́ста Творца́,/ я́ко Неискусому́жная Ма́ти Изба́вителя,/ прия́телище я́ко су́ща Уте́шителя, Всепе́тая,/ беззако́нию мя су́ща скве́рно жили́ще и де́монов игра́лище в ра́зуме бы́вша,/ потщи́ся от сих злоде́йствия мя изба́вити,/ све́тло жили́ще доброде́тельми соде́лавши,/ Светода́тельная, Нетле́нная, разжени́ о́блак страсте́й/ и Вы́шняго прича́стия сподо́би и Све́та Невече́рняго моли́твами Твои́ми.

Песнь 4

Ирмо́с: Ду́хом прови́дя, проро́че Авваку́ме, Словесе́ воплоще́ние,/ пропове́дал еси́, вопия́:/ внегда́ прибли́житися ле́том – позна́ешися,/ внегда́ приити́ вре́мени – пока́жешися./ Сла́ва си́ле Твое́й, Го́споди.

Ду́ху Пресвято́му дом показа́лся еси́, преподо́бне,/ сохраня́я вся Его́ повеле́ния,/ во всех исправле́ниих твои́х, досточу́дне Алекса́ндре, воспева́я Христа́ Бо́га.

Ду́хом Святы́м дви́жим, изше́л еси́, му́дре, ме́ста близ жили́ща взыска́ти,/ от Него́же наставля́емь, обре́те со земны́м, нижа́йшим поко́ищем вы́шнее, Небе́сное Ца́рство,/ воспева́я Христа́ Бо́га.

Духо́вная и Боже́ственная му́дрствуя,/ ду́хи лука́выя под но́зе твои́ покори́л еси́,/ зако́ну Бо́жию уго́дник яви́ся,/ я́ко и ме́сто освяти́ся, иде́же лежи́т честно́е твое́ те́ло/ и всем ве́рным исцеле́ния источа́ет.

Богоро́дичен: Ду́хи лука́выми прельща́ема мя, Чи́стая, соблюди́,/ отгоня́я скве́рныя их нало́ги, ²³ / запрети́ окая́нныя стези́ их, Цари́це и Влады́чице всего́ ми́ра,/ свободи́ мя, Госпоже́, от рабо́ты их и греха́.

Ин

Ирмо́с: Ты моя́ кре́пость, Го́споди,/ Ты моя́ и си́ла,/ Ты мой Бог, Ты мое́ ра́дование,/ не оста́вль не́дра О́тча/ и на́шу нищету посетив./ Тем с пророком Аввакумом зову Ти:/ силе Твое́й сла́ва, Человеколю́бче.

Душе́вное очища́я чу́вство и расширя́я Боже́ственными виде́нии,/ Боже́ственных дарова́ний сподо́бился еси́, блаже́нне,/ и к моще́м твои́м прикаса́ющимся, Алекса́ндре преподо́бне,/ подае́ши ско́рое исцеле́ние.

Зако́ну Бо́жию повину́яся, преподо́бне,/ к смотре́нию Безпло́тных и мы́сленных свое́ худо́жество упра́вил еси́,/ преходя́ вы́ну от сла́вы в сла́ву, от си́лы, о́тче, в си́лу.

Богоуго́дно пожи́в, пусты́ню, я́ко град, сотвори́л еси́, Богоподо́бне,/ и душеполе́зный исто́чник исцеле́ний пролива́еши/ ве́рою притека́ющим к моще́м твои́м.

Богоро́дичен: Новора́сленный безсме́ртия рай и красе́н вои́стинну показа́ся,/ дре́во жи́зни в Тебе́ насажде́ся, Бо́га во чре́ве нося́щи, и ражда́еши,/ е́же всем иска́пая спасе́ния наде́жду,/ ве́рно, Богоро́дице, испове́дующим Тя.

Песнь 5

Ирмо́с: Све́тлый нам возсия́й Свет Присносу́щный,/ у́тренюющим о судьба́х за́поведей Твои́х,/ Влады́ко Человеколю́бче, Христе́, Бо́же наш.

К све́тлому и невеще́ственному потща́вся поко́ю,/ све́тлостию Боже́ственною на земли́ просвети́ся,/ ди́вен, прему́дре, показа́лся еси́,/ просвеща́я с ве́рою к тебе́ приходя́щих.

Све́тлых ра́ди по́двиг твои́х све́тлость в души́ стяжа́вшему,/ прииди́те, ве́рнии, принесе́м хвалу́ победи́телю вражде́бных полко́в,/ Алекса́ндру, на́шему предста́телю и от напа́стей вра́жиих изба́вителю.

Светоно́сный душе́ю,/ от Бо́га прие́мый светоно́сную си́лу цели́ти неду́ги и отгоня́ти бе́сы,/ и све́тлый яви́ся безме́здный врач душа́м и телесе́м/ ве́рою притека́ющих к тебе́.

Богоро́дичен: Све́та Преми́рнаго Ма́ти,/ просвети́ ду́ши на́ша моли́твами Твои́ми,/ еди́на к Бо́гу па́че всех дерзнове́ние иму́щи,/ те́мже ма́терним дерзнове́нием Твои́м я́ко Сы́на Твоего́, объе́мши, умоли́.

Ин

Ирмо́с: Вску́ю мя отри́нул еси́/ от лица́ Твоего́, Све́те Незаходи́мый,/ и покры́ла мя есть чужда́я тьма, окая́ннаго,/ но обрати́ мя и к све́ту за́поведей Твои́х/ пути́ моя напра́ви, молю́ся.

Угаси́в пла́мень страсте́й росо́ю по́двиг твои́х, о́тче блаже́нне Алекса́ндре,/ бога́тно вжегл еси́ огне́м любве́, ве́ры и воздержа́ния/ свети́льник просвеще́ния и безстра́стия/ и сын дне яви́лся еси́.

Ве́ры грозд Боже́ственным де́ланием, о́тче, воспита́л еси́,/ и, в точи́лех поста́вив, возгнете́ боле́зньми поще́ния,/ и ча́шу напо́лнил еси́ духо́вную воздержа́ния,/ весели́ши сердца́ ста́ду твоему́.

До́блественне претерпе́в бие́ние неви́димых враг,/ показа́лся еси́ столп непоколеби́м,/ утвержда́я ста́до твое́, я́ко па́лицею Боже́ственною, словесы́ свои́ми медото́чными,/ блаже́нне Алекса́ндре преподо́бне.

Богоро́дичен: Еди́на ро́ждши Де́ва, еди́на муженеиску́сная яви́ся, Всенепоро́чная,/ во утро́бе прие́мши Сло́во О́тчее Безнача́льное,/ Того́ мле́ком пита́ла еси́, Деви́це,/ чу́до стра́шно: де́вствуеши и зако́ны обновля́еши естества́.

Песнь 6

Ирмо́с: Отве́ргл мя еси́ во глубины́ се́рдца морска́го,/ и спасл еси́ мя, Спа́се, от рабо́ты сме́ртныя,/ и разреши́л еси́ узы беззако́ний мои́х.

Отве́рже мятежи́ мирски́я и, вда́вся еди́ному Влады́це,/ Его́же крест на ра́мо взем, распе́нся ми́рови,/ страстьми́ по́стническими посрами́л еси́ велиа́ра/ и спа́слся еси́ у Христа́ в Ца́рствии Небе́снем.

Отве́ргл еси́ душему́дренно главы́ своея́ власы́,/ отве́ргл еси́ и плотска́я взыгра́ния,/ отве́ргл еси́ и мы́сленный томле́ния, наноси́мая от бесо́в,/ и, укрепи́вся на ня, бысть во́ин Небе́снаго Царя́ и Бо́га.

Отве́ргшихся целому́дрия и привлече́нных к многоцеле́бному твоему́ гро́бу,/ от бесо́вских уз и чу́вственных разреша́еши/ си́лою Боже́ственнаго дарова́ния.

Богоро́дичен: Отве́рзи, Богоро́дице, Небе́снаго Ца́рствия две́ри/ ве́рою испове́дающим Тя,/ еди́ну от ве́ка избра́нную Пречи́стую всех Бо́га Ма́терь.

Ин

Ирмо́с: Очи́сти мя, Спа́се,/ мно́га бо беззако́ния моя́,/ низ глубины́ зол возведи́, молю́ся,/ к Тебе́ бо возопи́х, и услы́ши мя,/ Бо́же спасе́ния моего́.

Исцеле́ний ре́ки источа́еши,/ стра́сти земноро́дных боже́ственно очища́еши,/ те́мже, ра́дующеся, ве́рою восхваля́ем твоя́ по́двиги, чу́дне.

От всех Соде́теля десни́цею венча́лся еси́, преподо́бне Алекса́ндре,/ Небе́сный граждани́не, А́нгелов равностоя́телю.

Нетле́ннаго и Боже́ственнаго пребыва́ния и непости́жных наслажда́яся ны́не благи́х,/ А́нгелов собесе́дниче, Алекса́ндре Богому́дре,/ восхваля́ющих тя спаса́й.

Богоро́дичен: Бо́га ро́ждши, вся́кия тва́ри, Влады́чице,/ я́ко вои́стинну еди́на, Богоро́дице,/ превы́шши всех яви́лася еси́.

Конда́к, глас 8:

Иже земна́я оста́вль,/ в пусты́ню всели́вся,/ Христо́вым стопа́м после́довал еси́, те́пле,/ и Того́, сла́вне, на ра́му свое́ю честны́й крест взем,/ умертви́л еси́ пло́ти взыгра́ния/ труды́ по́стническими и жела́нием духо́вным, всеблаже́нне,/ те́мже зове́м ти:/ ра́дуйся, Алекса́ндре, пусты́нный жи́телю.

И́кос:

Учи́телю кро́тости и смире́ния, предстоя́телю Престо́ла Христо́ва,/ при́зри на моля́щих ти ся от свяще́нных высо́т,/ услы́ши хва́лящих тя,/ а́ще и недоуме́ем, но по ми́лости твое́й вонми́, возлю́бленне,/ я́ко ма́терь де́тская немова́ния ²⁴ , прии́м с ве́рою моля́щих тя:/ приими́ моле́ния на́ша, честны́й наш учи́телю;/ приими́, освяще́нный па́стырю, прибе́жище на́ше и утвержде́ние;/ приими́, те́плый к Бо́гу моли́твенниче и нело́жный о нас хода́таю,/ да благода́рственно вопие́м:/ ра́дуйся, Алекса́ндре, пусты́нный жи́телю.

Песнь 7

Ирмо́с: Су́щим в пещи́ отроко́м Твои́м, Спа́се,/ не прикосну́ся, ниже́ стужи́ огнь./ Тогда́ трие́, я́ко еди́неми усты́, по́яху/ и благословля́ху, глаго́люще;/ благослове́н Бог оте́ц на́ших.

И́же к Бо́гу положив по́мысл неизме́нный/ и быв нело́жный жела́тель безсме́ртнаго Живота́,/ пре́был еси́ в наде́жди Бо́жий,/ благословля́я и сла́вя Христа́:/ отце́в Бог, благослове́н еси́.

И́же в пусты́ни вся стра́сти теле́сныя умерщвля́я,/ и от враг озлобле́ния прие́мля,/ и искуше́ния вся терпя́, наде́жды ра́ди Боже́ственных и безконе́чных благ,/ во пло́ти, я́ко безпло́тен, яви́лся еси́, на свою́ плоть ра́тованием,/ и, Бо́гом спаса́емь, без ско́рби пре́был еси́.

И́же от Бо́га по́мощь на бори́тельная враги́ прие́мый,/ пода́ждь нам по́мощь, я́ко да в благоугожде́нии свя́тости твое́я яви́мся,/ и моли́твами твои́ми получи́м от Бо́га ми́лость.

Богоро́дичен: Я́же еди́на, Бо́га пло́тию ро́ждшая,/ к Сы́ну Твоему́ моли́твами оживи́ мя, уме́ршаго грехми́,/ Пречи́стая Ма́ти Де́во.

Ин

Ирмо́с: От Иуде́и доше́дше, о́троцы/ в Вавило́не иногда́/ ве́рою Тро́йческою пла́мень пе́щный попра́ша, пою́ще:/ отце́в Бо́же, благослове́н еси́.

И́же к Бо́гу положи́в по́мысл непреста́нно моли́ти Его́, Алекса́ндре Богому́дре,/ о ста́де твое́м приле́жно моли́ся,/ тебе́ на моли́тву призыва́ющем, и плоды́ принося́щем, и любо́вию пою́щем:/ благослове́н Бог оте́ц на́ших.

Во зла́це Вы́шняго Ца́рствия ста́до твое́, о́тче, воспита́л еси́/ и жезло́м свои́х уче́ний упасе́, пою́щия:/ благослове́н Бог оте́ц на́ших.

Вре́менная отложи́в, ве́чными украси́лся еси́,/ со А́нгелы лику́еши, я́ко а́нгельское пожи́в житие́,/ с ни́ми же пое́ши:/ благослове́н Бог оте́ц на́ших.

Богоро́дичен: Избавля́емся вси от страсте́й, и бед, и обстоя́ний, Бо́же, и неду́г многообра́зных/ моли́твами Пречи́стыя Твоея́ Ма́тере и преподо́бнаго Алекса́ндра, пою́ще:/ благослове́н Бог оте́ц на́ших.

Песнь 8

Ирмо́с: Чу́да преесте́ственнаго/ показа́ о́браз огнеро́сная пещь дре́вле,/ огнь бо не опали́ ю́ныя де́ти,/ Христо́во явля́я безсе́менное от Де́вы Боже́ственное рождество́./ Тем, воспева́юще, воспои́м:/ да благослови́т тварь вся Го́спода/ и превозно́сит во вся ве́ки.

Чу́ден показа́в о́браз, преподо́бне о́тче, по́двиг доброде́телей твои́х,/ е́же к Бо́гу моле́ния со слеза́ми и воздыха́ниями,/ бде́ния же, и поще́ния, и трудо́в изволе́ния,/ рабо́ты же и вся́кия преоби́дения те́лу –/ вся бо, о́тче, вы́ше челове́ческаго терпе́ния во́лею претерпе́л еси́.

Чу́дна терпе́ния твоя́, чу́дна страда́ния,/ чу́дна во́льная твоя́ сокруше́ния пло́ти,/ те́мже и Христо́с ми́лостивно тя прия́т/ и ра́достна и поко́йна во Ца́рствии Свое́м устро́и;/ мо́лим тя, о́тче честны́й:/ о нас, рабе́х твои́х, помоли́ся.

Чуде́сный от Бо́га дар прия́л еси́, о́тче Алекса́ндре,/ цели́ти неду́ги и отгоня́ти бе́сы,/ те́мже и ду́ши на́ша, от бесо́вских нало́г стра́ждущия, исцели́/ е́же к Бо́гу, о́тче, бо́дренными твои́ми моли́твами.

Богоро́дичен: Чу́до еди́но в земны́х па́че всех преесте́ственных чуде́с показа́ся,/ пло́тию бо Отрокови́ца Преве́чному естеству́ Ма́терь бысть/ и Боже́ственным естество́м плоть Ея́ без истле́ния сохрани́ся,/ и, по рождестве́ де́вствующи, всем Небе́сным си́лам Госпожа́ и Цари́ца я́вльшися,/ моли́ Сы́на Твоего́ спасти́ ду́ши на́ша.

Ин

Ирмо́с: Царя́ Небе́снаго,/ Его́же пою́т во́и А́нгельстии,/ хвали́те и превозноси́те во вся ве́ки.

Столп тя одушевле́н я́ко вои́стинну/ и о́браз воздержа́ния, о́тче, стяжа́вши,/ вси твою́, Алекса́ндре, почита́ем па́мять.

Собо́р ра́дуется и́ноческий и лик преподо́бных,/ с ни́миже и пра́ведных вене́ц досто́йно прия́л еси́.

Укра́шен доброде́тельми,/ в поко́ищи неизре́ченныя сла́вы возле́гл еси́,/ песнь воспева́я Христу́ во ве́ки.

Богоро́дичен: Поглоще́нна боле́зньми и па́дшася, возста́ви мя, Богома́ти,/ я́ко да Тя сла́влю во ве́ки.

Песнь 9

Ирмо́с: Неизглаго́ланное Де́вы та́инство:/ Не́бо бо Сия́, и престо́л Херуви́мский/ и светоно́сный черто́г показа́ся/ Христа́ Бо́га Вседержи́теля./ Сию́ благоче́стно я́ко Богоро́дицу велича́ем.

Неизглагола́нно, отче, е́же к Бо́гу изволе́ние жития́ твоего́,/ преподо́бне о́тче Алекса́ндре,/ а́ще бо и тщи́мся воспева́ти тя,/ но превосше́ствия твоего́ ра́ди до́брых благодея́ний/ ни ма́ло стези́ каса́емся похвале́ния,/ но, о Богому́дре о́тче, сам на́ша неразу́мия испра́ви.

Неизглаго́ланным твои́м, о́тче, к Бо́гу моле́нием,/ исто́чники слез и понужде́нием те́ла/ утверди́лся еси́ в преди́вных доброде́телех;/ всех, я́же в ми́ре, удали́лся еси́, вся возненави́дев, и к Бо́гу прибли́жился еси́,/ Его́же моли́ о нас, чту́щих тя.

Неизглаго́ланная от Бо́га, преподо́бне, чудеса́ сотво́ршаго, ка́ко тя восхва́лим,/ иму́щаго и от саме́х похвале́ние А́нгел,/ но недоуме́нием ели́ко мо́жем хвали́ти тя, почита́ем же и велича́ем,/ я́ко да Христа́ ми́лостиваго умоли́ши о нас, чту́щих тя.

Богоро́дичен: Неизглаго́ланно заче́нши без се́мене/ и несказа́нно ро́ждши без истле́ния,/ и в рождестве́ и по рождестве́, я́коже и пре́жде рождества́, Де́ва пребыва́еши, Богоро́дице Мари́е:/ Бог бе рожде́йся и ро́ждшую Тя, я́ко Сам весть, сохрани́в,/ те́мже всяк язы́к челове́ческий, па́че же а́нгельский,/ не мо́жет по достоя́нию похвали́ти Рождества́ Твоего́ Боже́ственнаго, Богома́ти Всепе́тая.

Ин

Ирмо́с: Чи́стую сла́вно почти́м, лю́дие, Богоро́дицу,/ Огнь Божества́ прии́мшую во чре́ве неопа́льно,/ пе́сньми велича́ем.

В неду́ги па́дающим цели́тель от Бо́га показа́лся еси́, блаже́нне,/ и прогони́тель лука́вых духо́в, Богоно́се Алекса́ндре,/ тем тя вси велича́ем.

Я́ко ле́тно жили́ще, зе́млю оста́вил еси́, о́тче,/ все́лься в зе́млю кро́тких,/ с ни́миже и ра́дуешися, Боже́ственным наслажда́яся сия́нием.

Неукло́нен в ве́ре приме́р и о́браз воздержа́ния иму́ще по́двиги твоя́,/ вои́стинну пе́сньми тя велича́ем.

Богоро́дичен: В Тя всели́ся, Богоро́дице Всенепоро́чная, Бог непрело́жно,/ И́же человекоуби́йцу низложи́, из Тебе́ роди́вся,/ и всех нас спасл есть.

Свети́лен:

Па́стырю до́брый, посеща́й моля́щихся тебе́ ве́рою/ и спаса́й твое́ ста́до, иму́щее тя те́пла предста́теля,/ и к Бо́гу хода́тая, и ско́раго побо́рника на враги́ на́ша.

Слава:

Подо́бен: Жены́, услы́шите:

Пристра́стия мирска́го, я́ко от скве́рны, уклони́лся еси́,/ разу́мнаго Со́лнца светоза́рная луча́,/ возсия́ свети́льник многосве́тлый, пусты́нное воспита́ние и чистоты́ оби́телище,/ Христо́вы добро́ты я́сно взира́я,/ Его́же сия́нием ум свой озари́/ и сла́вою обогати́ся Небе́сною, Алекса́ндре сла́вне,/ мо́лим тя в ми́ре сохране́нным бы́ти па́мять твою́ почита́ющим.

И ны́не, Богоро́дичен:

Спаси́ нас, Благослове́нная Богоро́дице Де́во,/ да не поги́бнем от борю́щих нас неви́димых враг,/ к Тебе́ бо прибега́юще, невреди́мы пребыва́ем/ и, па́ки согреша́юще, и́мамы Тя тве́рду Моли́твенницу о душа́х на́ших.

На хвалитех стихи́ры, глас 4:

Хотя́, Богому́дре, слеза́ми очи́ститися,/ изше́л еси́ в ме́сто уедине́нно,/ в не́мже возмо́же смышле́ние свое́ де́лом испо́лнити,/ терпя́ше бо вся, приклю́чшаяся тебе́, благода́рственне,/ и ни о чем же оскорбля́шеся, я́ко непобеди́м,/ темже и по преставле́нии/ у Зижди́теля, ра́дуяся, живе́ши в Вы́шних све́тлостех/ и от многотру́днаго свята́го твоего́ те́ла исцеле́ние/ с ве́рою прикаса́ющимся бога́тно излива́еши.

К Бо́гу ве́рою, Богому́дре, прине́слся еси́,/ я́ко кади́ло благово́нно,/ и я́ко неле́стен дар,/ и я́ко чи́ста же́ртва,/ испуща́я духо́внаго твоего́ труда́ по́ты,/ я́ко ми́ра че́стна,/ те́мже и Христо́с Бог внят на же́ртву твою́:/ сего́ ра́ди име́я к Нему́ дерзнове́ние,/ моли́ о ве́рно почита́ющих тя.

Благоче́стие и ве́ра,/ кро́тость и целому́дрие,/ любо́вь соверше́нна и воздержа́ние –/ сия́ вся в жи́зни твое́й/ преумно́жися в тебе́, о́тче Алекса́ндре,/ ны́не, о́тче, ве́чную жизнь приобре́т/ и та́мо у́бо пребо́льшую благода́ть имы́й,/ предстоя́ Святе́й Тро́ице,/ не преста́й, благоутро́бне о́тче,/ прося́ у Ми́лостиваго Бо́га/ пода́ти оставле́ние грехо́в че́стно тя блажа́щим.

Сла́ва, глас 8:

Богому́дре Алекса́ндре,/ от млады́х ногте́й созва́н,/ прише́дый на Вы́шняго ве́черю,/ душе́вная одея́ния бра́чно нося́/ и без закосне́ния в Ца́рский черто́г вшед,/ Све́том немерца́ющим вы́ну освяща́ешися./ Сего́ ра́ди ра́дуйся,/ сия́ неизрече́нная и неизжива́ющая приобреты́й/ и утверди́выйся в них во ве́ки несконча́емый,/ и мы у́бо, убо́зи, призыва́ем тя ве́рою:/ да умоли́ши о спасе́нии душ на́ших.

И ны́не, Богоро́дичен:

Влады́чице, приими́ моли́твы раб Твои́х/ и изба́ви нас/ от вся́кия ну́жды и печа́ли.

НА ЛИТУРГИ́И

Блаже́нны от кано́нов свята́го, песнь 3-я на 4 и втора́го кано́на песнь 6-я на 4. Проки́мен, глас 7: Честна́ пред Го́сподем/ смерть преподо́бных Его́. Стих: Что возда́м Го́сподеви о всех, я́же воздаде́ ми? Апо́стол к Гала́том, зача́ло 213. Аллилу́ия, глас 6: Блаже́н муж, боя́йся Го́спода, в за́поведех Его́ восхо́щет зело. Стих: Си́льно на земли́ бу́дет се́мя его́. Ева́нгелие от Луки́, зача́ло 24. Прича́стен: В па́мять ве́чную бу́дет пра́ведник:

Преподобный Александр, игумен Куштский, родился 13 марта 1371 года в Вологде. Во Святом Крещении получил имя Алексий. В юношестве он навсегда оставил родной дом и, как странник, отправился в Спасо-Каменный монастырь – в то время прославленный духовный очаг на севере Руси. Смиренно просил он монахов проводить его к игумену Дионисию Святогорцу, известному своим благочестием и мудростью (грек по происхождению, он долгое время подвизался на Афоне).

В беседе с юношей, со слезами умолявшим настоятеля принять его в монастырь, Дионисий Святогорец не скрыл тех трудностей и искушений, которые предстоят иноку. Но юноша не отступил, и игумен принял его послушником.

Добровольно наложив на себя суровый пост и строгое молитвенное правило, Алексий с таким желанием выполнял все поручения, что вскоре заслужил любовь и глубокое уважение братии. Благочестивая жизнь молодого послушника побудила игумена Дионисия сократить время монастырского искуса, и уже через несколько месяцев после своего прихода Алексий был пострижен в монашество с именем Александр.

Не один год преподобный Александр провел в Спасо-Каменном монастыре, духовно укрепляясь под руководством опытного старца. Здесь же он принял священный сан. Любовь и почитание окружавших искренне теготили смиренную душу подвижника, и, как ни тяжело ему было расставаться с игуменом и собратиями, однажды, после вечернего правила, преподобный покинул монастырь.

Странствуя по окрестным лесам несколько дней, он остановился на безлюдном берегу реки Сянжемы, где надеялся оставаться в полном одиночестве. Но через некоторое время место его уединения было открыто. Жители близлежащих селений, изумленные подвижнической жизнью пустынника, стали приходить к нему, с благоговейным почтением относились они к его подвигу. Смущенный отшельник вынужден был оставить Сянжему и направиться к берегам Кубенского озера, надеясь там найти более безлюдное место. В устье реки Кушты (в 45 верстах от Вологды) он неожиданно обнаружил келлию преподобного Евфимия († ок. 1470; память 20 января), собрата и постриженика того же Спасо-Каменного монастыря.

Некоторое время подвижники провели в совместных молитвах и благочестивых беседах. От духовного взора преподобного Евфимия не укрылось, что его гостю пришлось по душе место на Куште, и когда преподобный Александр смиренно предложил обменяться келлиями, то он с радостью согласился, принимая это желание брата за указание Промысла Божия. После взаимных благословений пустынники расстались, и бывший Сянжемский, а теперь Куштекий подвижник продолжил свои подвиги в одиночестве.

Через некоторое время на Кушту прибыл монашествующий старец. Преподобный Александр предложил ему совместное пустынножительство. Когда же через пять лет к ним присоединился третий собрат, преподобный отправился в Ростов Великий за архипастырским благословением на строительство храма.

Архиепископ Ростовский Дионисий Святогорец, бывший игумен Спасо-Каменного монастыря, управлявший в последние годы своей жизни Ростовской епархией (1418–1425), благословил своего постриженика и снабдил его всем необходимым для богослужения.

Вернувшись, преподобный Александр сразу приступил к сооружению деревянного храма в честь Успения Пресвятой Богородицы, К тому времени относится его знакомство с владевшим этими землями князем Дмитрием Васильевичем Заозерским, благотворительность которого помогла скорому устроению иноческой обители. После кончины князя, павшего в сражении с татаромонголами в 1380 году, его супруга княгиня Мария, еще ранее передавшая в дар для нового храма иконы и напрестольное Евангелие, усилила свое попечение к монастырю. Глубоко почитая святого старца за его благочестивую жизнь и зная о его многочисленных хозяйственных заботах, она стремилась поддержать силы преподобного и присылала ему разнообразную пищу. Но и в игуменстве подвижник не изменял своим строгим правилам: пребывая в сугубом посте, он все раздавал больным и нищим. «Знаете ли, любимцы мои, – говорил он братии, – что подобает нам многими скорбями войти в Царство Небесное?»

Северные пределы Руси в те времена неоднократно подвергались опустошительным набегам ордынских отрядов. Однажды четверо из них достигли Куштского монастыря. Спокойно встретил их преподобный. Осененные крестом, они пали без чувств, и только, когда игумен молитвенно призвал Имя Святой Троицы, пришли в себя и в страхе бежали, потрясенные чудесной силой и милосердием старца.

Жизнеописатель преподобного рассказывает, что однажды был собран урожай пшеницы, посеянной трудами игумена и братии. Некий крестьянин, не видя никого вокруг, решил украсть мешок зерна. Но от алчности взял слишком много и потому никак не мог поднять свою ношу, Именно в этот момент и застал его преподобный Александр. «Напрасно ты, сын мой, поднимаешь не по силам», – только и сказал он. Эти кроткие слова вызвали искреннее раскаяние вора, и он пал со слезами к ногам старца. Преподобный после отеческого наставления отпустил его. Устыдившийся крестьянин легко поднял прежде неподъемную ношу и ушел, благодаря Бога.

Предчувствуя близость своей кончины, святой старец созвал братию и преподал им свое духовное завещание. Препоручив обитель заступничеству Господа Бога и Пречистой Его Матери, он заповедал построить храм во имя святителя Николая Чудотворца, что и было впоследствии исполнено братией вскоре после смерти игумена.

9 июня 1439 года в возрасте 68 лет преподобный Александр тихо преставился и был погребен в основанной им обители. Через год над его могилой выросло деревце рябины. Каждый праздник Успения Пресвятой Богородицы к монастырю стекалось множество богомольцев. Один мальчик, по имени Матфей, ради забавы отломал ветку от рябины и рука его тотчас распухла. Когда родители поняли причину его внезапной болезни, они немедленно привели мальчика к могиле преподобного, и по их молитве к святому ребенок тут же получил исцеление. С тех пор многие по вере получали облегчения от своих недугов, собирая целебные ягоды.

В древнем рукописном житии преподобного Александра содержится запись многочисленных чудес, совершившихся при его гробе. Особенно прославился святой Александр чудесной помощью больным, одержимым различными душевными болезнями.

 В построенном по завещанию игумена храме многие видели преподобного Александра вместе со святителем Николаем молящимися и кадящими храм. Служба святому составлена около 1575 года. В 1764 году монастырь был упразднен, и Никольский храм, где были погребены под спудом мощи преподобного Александра, превращен в приходской.