Источник

Отдел приложений

I. Наказание в҃ (второе)1584

Сиа вмале к любви вашей потрудившеся сбрахом от божественных писании. Принесем же вмале нечто глагол и о пастырех почто пасомым съгрешающим, пастыри мучими бывают.1585 Понеже не засвидетельствоваша пасомым о согрешениях и не запретиша им. Пророку бо Иезекиилю яко от лица Господня въпиющу: сыне человечь, стража дах тя дому израилеву, и аще запретиши съгрешающему и не отвратится от пути своего злаго, он в не правде своей умрет, ты же душу свою избавиши; аще ли не запретиши, кровь его от рукы твоеа взыщу (Иез.33:7–8). Ты же паки любопришися глаголя: почто сиа на пастырех испытательная и немилостивнаа възлагаетъ? Явно сие есть яко пастырь поставляется иных неведениа и нечювствиа исправляти, и заступати, и стрещи, и бесовскыа рати грядущиа провозвещати; не возможет же приложити неведениа, или ино что лицемерно покрыватися, ниже пакы рещи: не разумех, ниже услышах трубы, ниже разумех, ни видех брани и козней лукаваго, ничтоже таково может рещи. Понеже на пастырскый путь1586 взыде, и на святительском престоле седе, да ни о чем же ином печется, точию еже научити люди богоразумению, и благочестию, незлобию, и нелихоиманию, и еже не насильствовати, и не грабити, и еже не лукавновати, и еже не клеветати, ни завидети, и к съгрешавшим кающимся простителну быти, не послушающим же съгрешающим запретити, и засвидетельствовати, якоже и Иезекииль глагола даже и инем трубить. Се бо есть истинных пастырей дело: да провезвещает хотящая быти лютая и преже смерти и яже по смерти, и смотрити колико погыбе словесных овець от псов, и свиней, и от ложных пророков, и ложных учителей. Мнози бо, рече, прелестници изыдоша в мир, и убо истинии пастырие душа своя положиша о овцах, не предающе их волком в разхыщение. Худии же и ленивии пастырие, увы мне якоже аз, себе упасоша, и разшириша чрева своя брашны и пианствы, заблуждьших не възведоша, погибших не взыскаша, прелщеных не обратиша, съкрушеных не врачеваша, недужных не исцелиша, строптивым не въспретиша, безчинных не възустиша, и ни мало попекошася исцелити овца, но себе упасоша, а овец не пасоша, и вся дела пастырьская презреша, но точию на славу и честь, и на упокоение еже ясти и пити сладостная, и драгая, и честнейшая, и на тщеславие, и презорство, и на въсприатие мзды уклонишася, душеполезнаго же учениа и врачеваниа не сътвориша овцам. Темже явно пророческыми усты над пастырьми являя гнев Господь: се Аз над пастырми, и взыщу овец моих от руки пастырей, не взыскаша бо пастырие овец моих, и пасоша себе, овец же моих не пасоша. (Иез.34:8); И Иеремием тако же глаголет: оле пастырие погубляющии и растачающии овца пажити Моеа, сего ради сиа отмщу на вас лукавых ради дел ваших (Иер.23:1–2). Мы же сиа ни въчтоже полагаем, но презираем и небрежем о пастве нашей, и колико погыбает душ человеческых от лености и небрежениа нашего. Сего ради мука не отречена будет, аще и един погыбнет, аще бо мечю грядущу не потрубить людем, ниже назнаменует, рече, смотряай стражь, и пришедше мечь погубит душу, из рукы стрегущаго изыщется кровь его, она же за безаконие свое погибнет. Аще бо и ныне в настоящем сем студ и срам велик ленящимся пастырем и не брегущим о пастве своей, и совестное мучение зело томительно, колми паче еже по смерти в великый день судный Спасов студ и срам и мучение вечно: отъидете бо, рече, от Мене прокляти в огнь вечный, уготованный диаволу и аггелом его (Mф.25:41), понеже бо вземше пастырство, и ни едино попечение сътвориша о овцах сего ради немилостивно мучими будут. Темже потщимся, яже приахом душа представити Богови, якоже рече священный Златоустъ…1587.

Разумей же ми прочее пастырскых многоразличных бед яко везде и повсюду беды и скорби от всех приемлют. Егда бо видит некыа человекы не подобнаа глаголющих, или творящих законопреступная, и аще сих накажет, и не послушным въспретит, многу ненависть въздвижет нань: надымаются, хапают, досажают, ложнаа шепераниа сшивают, клеветы, студ, укоризны, и аще бы им возможно и умертвити, тако бо сатана прелщает их лукавствы своими. Егда же пастырь пакы начнет их учити глаголя: о чада, сице и сице творите, якоже повелевают нам Христовы заповеди и прочая божественная писаниа, и они отвещеваютъ1588 глаголюще: преже себе научи, писано бо есть начать Иисусъ1589 творити же таже учити (Деян.1:1). Иногда же глаголют: до чего ти дучити насъ? А ты сам по писанию ли житие храниши, а он, а сей по писанию ли жительствуетъ? Точию на нас въоружился еси, а тех не видиши ли, а себе забыл ли еси? О отче, отче, како ти несть срама! Учитель же пакы от божественаго писаниа начнет учити. Они же возглаголют: О, учитель нашь, яко фарисей, тщеславится, видиши ли како мнится, видиши ли како презорствует, видиши ли како гордится! Сиа же, и сим подобнаа, и ина тмами ничтоже стыдящеся глаголют, тако бо обезсрамившу их сатане. Внегда же пастырь, время усмотрив, сверепо встретить на спасение некым и они възглаголють: сиа несть отеческаа и пастырьскаа, и учительскаа, но безчинных, и развращеных, и человеко ненавистных, и мучительскый обычай есть а не отеческый и учительскый. Аще ли же кто седяй на седалищи пастырстем, и учительстем и будет прост, тих, кроток, смирен, и рекут человеци глаголюще: сей человек прост есть келейный, а не властелскый, несть его дело учити, и наказовати, и възъущати, и запрещати. Аще же кто от любомудрых въсхощет исчислити и писанию предати пастырскаа страданиа, и молвы, и смущениа, лета да требует о сих любомудрствовати.

Почто бpaтие гордимся, и възносимся и сами ся прелщаем власти игуменьства, или епископьства ищуще, страстни суще и немощни на таковая величества въсходити? Что же ради сих о взыскуемъ? Ясти ли и пити многоразличнаа, и драгая и сладостнейшая? Или злата и сребра, и многа богатства, и имениа събирати? Или веселитися, и щапити, и пиры съставляти, и съзывати на обедъ1590 славных, и богатых, и истощити всуе церковныя доходы тунеядцем, яже церкви и церковным потребна бе и странным и нищимъ? Мы же сих презираем и церковныя доходы с славными, и с богатыми, и с тунеядци изъядаем гордостию и тщеславием, надымающеся, и к настоящим вседушно прилежаще, и мнимся пастыри и учители быти, и истинно слово Божие правити, и наставляти род человеческый к спасению. Несть ce, несть, братие, но паче требует се съкрушение сердечное, и нестяжание, и любовь, и смирение, и служение с страданием, не питание бо и пианство, и щапление, и прохлажение сиа власть, но паче вящший подвиг, и велиа теснота, и скорби, и попечение о всех, и терпение от всех с благодарением, и благаа мыслити о всехъ1591, но убо и сладку и веселу быти подобает, аще и не хотящу сердцу от сгнетаюших его печалей и скорбей. Такоже, егда время будет, и страшну и люту быти подобает не себе отмщаа, и славы и чести взыскуя, но на спасение и ползу всем устрояа. А иже не у пришедшему в сия добро убо и зело добро себе единому внимати и хранити себе от сетей вражиих.

Полюбомудрствуим же и другаа беседовати. Аще убо Бог избрав кого възнес посади на священнем престоле, да въспоминает се и апостола Павла глаголавша: внеже кто зван бысть от Бога, в том пребывает (Кор.7:20) и да не леностно, и не дреманно зрит смотрение Господне, яже плотию пострада человеческаго ради спасениа, и да непрестанно себе въспоминает святых апостол житиа, страданиа, скорби, беды, и о всем терпение, и благодарение, такоже и великых святителей житиа и преподобных отец, и сим ревновати, и съблюдати себе от ярости, и злопомнениа, и от гордости, и от многаядениа, и от многа питиа, и независтно подаати слово учениа всем, и никакоже ленитися о сих, аще и не зело внимают неции. И сиа убо глаголаше Иоанн Златоустый въздвижая и въставляя на блаженый сей подвигъ1592. Не презрим убо медоточных сих наказаний, но потщимся в смирении и простоте житие чисто показати, да възможем с дерзновением глаголати слово Божие, праведный бо, рече, дерзает яко лев, не от себе же потщаватися глаголати что, но от святых писаний, евангельскых заповедей, и апостольскых, и от священных правил вселенскых соборов, и поместных, и особь блаженых мужей, и от преданий и житиа, и обычая богоносных отец, да ничтоже странно и чюже да глаголем, но да любомудръствуем, и глаголем, и весь свой разум в сих полагаем, ихже приат от Бога, и от святых апостол, и от преподобных отец, святая соборная апостольская церковь, и прием нам предаде.

Почто упражняемся в суетных и мимотекущих прелестнаго сего житиа? Доколе неправды и лукавство? Почто снедаем друг друга? В кую ползу предал еси себе всего сатане, насилуяй и грабя брата своего? Не помышляеши ли яко без милости мучен будеши о семъ? Зде ли помышляеши житие имети себе вечно? Прельстился еси сиа помышляа, на время убо зде поставлен еси, торг бо есть житие сие, да всяк человек яко в гостех в мире сем пребывая, и преходя от места на место, тако и мы от здешних на будущая преселяемся, преселници бо есмы зде о пришелци глаголющу писанию, и аще зде который прикуп сътворим в купли нашей, сие и тамо обращем: явите бо, рече, дела и приимите мзду. Взыщем небесных, да и здешних благ насладимся и будущая получим благодатию и человеколюбием Господа нашего Иисyca Христа, с Ним же Отцу купно с Святым Духом слава и держава, честь и поклонение ныне и присно и в векы веком, аминь.

II. Первая часть третьяго слова1593

Многа и различна устроениа, чины же и уставы, правила и законы от божественных апостол приат святаа церкви, таже по апостолех богоноснии отци много предаша и навершиша святей и соборней апостолстей церкви, подобне чины и устроениа и весь устав христианскаго житиа: и на поставление патриархом, молитвы и уставы, и чины, и разчинениа, и пределы когождо их, и места, и седалища митрополитом, и архиепископом, епископом, и архимандритом, и игуменом, священником, и диаконом, и подиаконом, и четцем, и певцем, и свещеносцем, и молитвы на крещениа еже отрицатися сатаны и всех дел его, и на обручения же и на венчаниа, и на покааниа, и на причащениа Животворящаго Тела и Честныа Крове Господа нашего Иисуса Христа, отрицаниа же и обещаниа и молитвы на пострижениа иноческаго малаго и великаго яже глаголется второе крещение, и на погребение иноком и мирскым уставы, и тропари, и молитвы, и иже в литургиах дивно и освященно уставы счетаныа – перваа великаго Василиа, втораа – Златоустаго, третиа – Григориа папы римскаго, яже в великый пост поется, и молитвы на богоявление, и на сшествие Святаго Духа, и в начало индикта, еже есть новаго лета, и на освящениа церкви, и на освящениа святаго масла, и на освящениа святаго мира и на освящение вод, и на поставлениа православных царей, песни же и пениа1594 господскым праздником и прочим, другым же аллилуиа и посты, иныя же евангельскыа праздникы, иныя же и славословныя нарекоша и уставиша, чтениа же торжествена и обычна, и повести и словеса, и житиа святых в праздничныя дни и обычныа узаконоположиша и предаша святей церкви, посты же и молениа, и поклонениа животворящему кресту, и честным и святым иконам, начертаниа же письмены и иными вещми в святых церквах, и на священных съсудех, и ризах, и на стенах и на дъсках, и в домех, и на путех воображениа Господа нашего Иисуса Христа, и пречистыа Его Богоматери, и великаго пророка предтечя крестителя Господня Иоанна, и божественных апостол, и благоглаголивых пророк и всих святых, сих завещаша писати, и поклонятися им, и божественному евангелию и священным съсудом, и священным божественным храмом, за еже в рукотвореных нас ради пожити изволившаго и Того божественая словеса вещными написатися человеколюбне даровавша, почитати же и покланятися мощем святых истинных угодников Христовых, и яко по истине от Бога освятительну и целебнюю приемше благодать недугы отгоняти, и болезни исцеляти, въистину чюдо преславно яко кости нагы источают исцелениа, слава единому премудрому зиждителю Богу, якоже писано есть, и прочая законы и уставы яже святаа церкви приат, и приемши нам предаде непреложно съблюдати подобает. Сиа есть вера святых апостол, яже научени быша от Бога, по святых же апостолех богоноснии отци, якоже и предречеся, многа управлениа и законы предаша святей церкви вдохновением Святаго Духа, и убо святии апостоли о имени Иисус Христове, и веры яже вонь, и о законе благодати многы труды и болезни показаша, и кровию скончашася, и по них святии мученици, и богоноснии отци много потрудишася и вседушно сташа противу нечестивых царей и мучителей, благочестие соблюдоша, и венци победными от Христа увязошася, и убо своими о Христе болезньми и подвиги вселенную укрепиша, и бесы прогониша, и нечестивых посрамиша, презреша мир, и яже суть в мире, и всяку сладость, и славу, и честь, и высоту, и гордость, и болярства, и возвышеныя престолы, и благородие преизащное, и гордение всякое, и царства, и княжениа, и предстоящаа отрокы, и предрыщущаа слугы, и безчисленое богатство, грады же и села, кони же и златыя утвари, и сладость ястиа и питиа, и златопрядныя постели и прочее плотское услажение ни в чтоже вмениша, но все свое желание и мудрость и разум показаша о вере иже в Господа нашего Иисуса Христа, яже приаша от священных апостол, и богоносных отец. Ты же видя и слыша неподобная глаголющих и церковныа законы и уставы презирающих, не въспрещаеши, ни възущаеши, и скверныа их уста не загражаеши, и не точию не въспрещаеши им, но и услажаешися о сих, и инех на сие понужаеши. Егда бо слышиши прочитаемо божественое писание, или кого глаголющего от божественых писаний, затыкаеши яко аспид уши своа помрачен сый прелестию сатаны, и егда услышиши събирающихся в божественую церковь на молитвы и молениа, отбегаеши яко зверь и пронырствуеши яко змии, и лаеши на братию яко пес, и валяешися в нечистоте, яко свиниа в тимении, и блаженую советницу твою, глаголю же совесть, совещавающую, и глаголющую ти благая попрал еси и отринул, и испепелил: объядаешися и пиянствуеши яко скот, и злопамятствуеши на братию яко сатана. И егда срама ради внидеши в божественую церковь, и не веси почто пришел еси позевая, и протязаяся, и ногу на ногу поставляеши, и бедру въставляеши и потрясаеши, и кривляешися яко похабный. О уме же твоем что и глаголати! Ничто же бо обрести в тебе: ни памяти грехов, ни памяти смерти и еже по смерти, ни памяти страшнаго суда, ни памяти о нестерпимых безконечных муках, и еже о царствии небеснем, и о раю, не токмо желаеши, ни вспоминаеши, но и от глаголющих о сих отступаеши, и стоиши яко нечювствен, не слушаа ни чтущих ни поющих, считаеши лихвы, богатство, управляеши домы, глаголеши о жене, о детех, о рабех и превъзношаешися яко другый сатана, вся же человекы безумны и грешны глаголеши, и мнишися вечно жити в прелестнем сем веце, яко безсмертен, и зломыслиши, и ненавидиши, завидиши, и лукавнуеши на иже по образу Божию създаныа человекы, и осужаеши, и клевещеши, и иная многаа злаа съдеваеши, нарицаешися христианин, и аще в сих не исправишися, не вем како истинный христианин наречешися. А иже за веру яже во Христа, о законех же и уставех божественыа церкви, что о сих и глаголати: помрачен бо еси и прелщен от сатаны, и како възможеши добрым подвигом подвизатися и блаженаа течениа съвершити. Сиа же глаголю не осужаа, ни укоряа кого, но възставляю свою леность, и възущаа себе и другых к деланию заповедей Господних да добрым подвигом подвизавшеся, и блаженаа течениа скончавше получим купно вси благаа она, яже око не виде, и ухо не слыша, и на сердце не взыде (1Кор.2:9), яже уготова Бог любящим Его: Ему же слава в векы веком, аминь.

III. Наказание є҃ (пятое)1595

Сиа вся, яже до зде, събрах от божественых писаний любви вашей, о богомудрии. Тем же непрестанем наказующе себе и друг друга и особне, и в беседах якоже пророци проповедаша, и апостоли научиша, и богоноснии отци предаша о иже в плоти смотрениа Ис Христова да всяк отревающе и отсецающе от себе еретический недуг не вредно учение и предание съблюдем, да не убо нерадим таковаго делания в купли. Аще не возможем в сих наказати и мы, поелико возможно, словом утешим, и долу лежащая воздвигнути душа потщимся глаголюще истинная разумениа от божественых писаний. Сиа бо дела паче всех дел пастырю имети лепо есть, еже учити, и наказати, и советовати и обращати на благая, и запрещати, и възбраняти от злаго, и никакоже о сих ленитися, или стыдетися, но всяко о сем тщание и подвиг показати еже промышляти и пещися о всех. Пасомых же дело есть еже повиноватися в всем пастырю о Господе. Тыже пастыря презираеши, и ни въчтоже полагаеши. Не веси ли великиа власти пастырскыа, яже приаша от Владыкы Христа на земли и на небеси вязати и решати; рече бо Господь: аще кого свяжете на земли, будет, связан на небесех, и слушаяй вас Мене слушает, а отметаяйся вас, Мене отметается, и повинуйтеся, рече, пастырем вашим и покоряйтеся, ти бо бдят о душах ваших яко слово въздати хотяще, да с радостию се творят, а не въздыхающе, не полезно бо вам сие (Mф.26:19; Лк.10:16; Евр.13:17).

Сиа слышаще потщимся на благая, да не на осужение будут нам реченнаа. Почто не плачем яко много съгрешихомъ? Что яко не смыслении младенци утешаемся, и дрочимся и смеемся? Почто небрежем о целомудрии и чистоте и о прочем благоразумии детей наших, и рабов и рабынь, и ниже мало печемся и скорбимся о спасении братии нашея, и что сиа глаголю, ниже себе вемы что есмы, и како живот наш, но яко скот жируем от невниманиа нашего помрачившеся. И колико нас ждет страшно испытание! Аще бо в мимотекущем сем житии слово с ким имамы, о сем много печемся и готовимся к ответу, какоже безстрашни есмы о оном испытании? Почто утешаемся и дрочимся? Пооскорбимся самовольно в временнем сем житии, да вечно возрадуемся. Юн ли еси, паче прилежно внимай, да измлада научившися добродетельному житию, с дерзновением внидеши в радость Господа своего. Стар ли еси, – много паче внимай, яко отшествие твое близ, и без вести конець. Земледелатель ли еси, от сего паче внимай, яко земная смертна и тленна, будущая же безсмертна и безконечна. Вдовец ли еси, или паче вдовица, не люб утешатися и дрочитися, бежи от сих яко от змиа: ов убо облазивых жен, и девиць и другых доброзрачных лиць, оваже – мужей и красоты юношьства и прочих всех и иже своих с своими пребывании неполезных. Инок ли еси, внимай о нем же изшел еси да не погрешити, ища не тленных презирай тленнаа. Вси убо купно внимаем, и старии, и юнии, и раби, и свободнии, възрим на будущаа, приготовим путшественаа, а другаа напред послем, да тамо, пришед, готово обрящем. Смерть близь, а конец безвести. Ты же реченная басни мниши, ибо нечувствен еси, похабен еси. Не весили, еже слово се точию изглаголахом и уже колико претече живота нашего прелестнаго? Не веси ли вчера глаголавшаго с нами и днесь в гроб отнесена? Помысли колико при твоей памяти отъидоша на будущую жизнь, колико же до твоея памяти, и колико ли ныне скоро текут друг по друзе на вечное селение. Ты же безсмертен ли мнишися быти, ибо здешних ищеши паче будущих, не вем коего разума еси, тмы паче света желая? Възбуди око сердца твоего, и прозри на будущая, и к сим простирайся весь, и сих желай паче всих. И преже всех възлюбим Господа Бога нашего Иисуса Христа и Его ради творим вся, и не съдеваим братиам нашим зла, но помогаем им елико возможем, и възлюбим их яко себе, и не будем мудри о себе, но взыщем разума божественных писаний, и не преступаим законы, положеныя от Святаго Духа, и шествуим по стопам блаженных отец наших, храняще заповеди Христовы, даже купно вси получим вечных благ благодатию и чeлoвеколюбием Господа нашего Иисуса Христа, Ему же слава в векы веком, аминь.

IV. Наказание ꙁ҃ (седьмое)1596

Убоимся братие страшнаго дне онаго, егда приидет Господь судити на землю, и въздати комуждо по делом его: явите бо, рече, дела, и приимите въздаание кождо по делом вашим. Подвизаимся убо дóндеже время имамы на очищение грехов и на жизнь вечную, веруим смотрению Господня въчеловечениа, еже нашего ради спасениа сътвори, и въскресе из мертвых, и възнесеся на небо, и седе одесную Отца Бога, веруим второму Его пришествию егда имать приити с славою судити живым и мертвым. Веруим, яко преходно есть житие сие и скоропогибающе, писано бо есть: суета суета и всяческая суета всяк человек живый (Екл.1:2), аще убо и образом ходит человек, но обаче всуе метется, съкровиществует и не весть кому сбирает. Что убо всуе мятемся, в мирскых похотех преходяще и събирающе съкровища, ихже не вемы кому сбираемъ? Где убо съкровища наша изнуримъ? Где ли е съкрываемъ? Дадим убо сиа взаим Богу в руце-нищих, да тамо отшедше готово обрящем. Убоимся Бога, и что яже сътворим, Его ради сътворяим вся. Не мудръствуим о себе: горе бо, рече, мудрым о себе (Ис.5:21) не оклеветаим да не оклеветани будемъ1597, не възненавидим да не възненавидени будем, не похищаем да не таяжде постражем: вню же бо, рече, меру мерите възмерится вам (Mф.7:2), и аще праведник едва спасется, а нечестивый и грешный где явится (1Пет.4:18)? Не ревнуем неправедным, зане неправедници царствия Божиа не наследят, бежим лукавства зломудрых человек, о нихже глеть Иеремиа: мудри суть к еже сътворити зло, а еже благо творити не ведят (Иер.4:22). Възненавидим славу и богатство, непребывающаа по смерти. Не услажайся, ни ублажай спеющих славою и честию в настоящем житии. Възненавиди богатство аще ти не помогает убогым, възлюби богатство духовное, да избавит тя от всех бед. Не забывай яже по смерти житиа, да мудрость и разум и целомудрие вселится в тя богатно, бежи блуда и блудных вещей, бежи позорищь и играниа бесовскаго, не украшай лице свое на прелщение человеком, за них же Сын Божий и Бог волную безчестную страсть претерпе. Не забываем обещаниа, яже обещахомся на святем крещении, съхраним заповеди Господня, будем блази друг другу, даже купно вси получим вечных благ благодатию и человеколюбием Господа нашего Иисуса Христа, Емуже слава и держава, честь и поклонение ныне и присно и в векы веком аминь.

V. Наказание і҃ (десятое)1598

Сиа слышаще, братие, внимаем себе, и очищаем свою съвест, и испытаим сами себе на всяк час незабвенно кающеся о гресех своих не точию о делных и словесных съгрешениих, но и о помыслех, яже аще что и помыслихом лукавая. Покаемся, плачемся, рыдаем, дóндеже время имамы, научимся кротости и смирению, и проcтоте, будем, боголюбци, и человеколюбци, бегаим немилосердиа. Почто человеци суще на зверин нрав преложихомся? Все бо наше спасение в братии нашей обретаем, любити бо яко сами себе братию нашу наказуеми есмы, в сем бо весь нашь плод и приобретение, о сем нам паче всего подвизатися и все тщание, и весь разум о сем имети подобает. Сего бо ради вся быша: сего ради и Бог человека бысть, и вся нас ради действова, да нас съберет в едино, и сыноположение даде, и рай, и царство небесное обеща и яже око не виде, и ухо не слыша, и на сердце человеку не взыде, иже уготова Бог любящим (1Кор.2:9). И како кто Бога может любити не навидя брата своего, и якоже рече възлюбленый апостол Иван Богослов: аще кто речет, Бога люблю, брата же своего ненавидит, ложь есть, ибо ненавидяй брата своего, егоже виде, Бога егоже невиде, како может любити? Да сию заповедь имамы от Него, любяй Бога, любит и брата своего. Бога никтоже никогдаже виде и аще любим друг друга, Бог в нас пребывает и любы его съвершена есть в нас, ненавидяй же брата своего человекоубийца есть, и весте яко всяк человекоубийца не имать живота вечнаго в себе пребывающа (1Ин.3:15; 1Ин.4:19–21). Имеим любовь делом паче и истинною, а не словесы точию, ревнуим сей добродетели еже есть любовь, якоже рече апостол Павел: ревнуйте дарованием болшим, и еще по преумножению путь вам показую (1Кор.12:31), аще языки человечески и ангельски глаголю, любве же не имам, бых яко медь звенящи, или яко кимвал въсклицая; и аще имам пророчество, и свем тайны вся, и весь разум, и аще имам всю веру яко горы преставляти, любве же не имам, ничтоже есмь; и аще предам вся имениа моа, и аще предам тело да съжгут мя, любве же не имамъ; ни кая полза ми есть. Любы долготерпит, благость показует, любы не завидит, любы не лукавствует, не гордится, не злообразуется, не ищет своих си, не раздражается, не вменяет злое, не радуется о неправде, радуется же о истине, вся любит, вся верует, все уповает, все терпит, любы николиже отпадает. Аще пророчествиа изпразнятся, аще языки престанут, аще разум изпразнится, отчасти же разумеваем, и отчасти пророчествуемъ; егдаже приидет съвершеное, тогда еже отчасти упразнится, егда бех младенець яко младенець глаголах, яко младенець мудръствовах, яко младенець смышлях, егдаже бых мужь отвергох младенческаа; видим убо ныне яко в зерцале гаданий, тогда же лицем к лицу, нын разумею отчасти, тогда же разумею, якоже и познан бых. Ныне же пребывает вера, упование, любовь троа сиа, болша же сих любы гоните любовь ревнуйте духовным (1Кор.13:1–13; 1Кор.14:1). Мнози убо любят друг друга, но ови внешнаа премудрости ищуще, ови же ради имений, ови же славы ради, ови же ради пищи и пианства, ови же блуда ради любят друг друга, ови же в татбах и в разбоех съглашаются и любят друг друга. Ты же имей духовную любовь, понеже Христос нас ради душу свою положи и мы должни есмы братий ради наших душа своа полагати. Бог бо любы есть и пребываай в любви в Бозе пребывает, и Бог в нем (1Ин.4:16). Възлюбим якоже сами възлюбени быхом Господем нашим Иисусом Христом, помилуем якоже помиловани быхом, долготерпим братиам нашим, якоже и нам Господь нашь Иисус Христос долготерпе о прегрешениахъ1599 наших. Любяй брата своего ничтоже вредно нань помышляет, ничтоже нань лукавствует, ничтоже нань сшивает козней льстивого. О сем, рече Господь, познают вас вси яко мои ученици есте, аще любовь имате между собою, и си заповедаю вам да любите друг друга, имеяй заповеди Моя и съблюдаяй их, той есть любяй Мя (Ин.15:17, Ин.14:21). Яко всех добрых дел болши есть любовь и основание и верх всем добродетелем, понеже Бог любовь есть, Ему же слава и держава, честь и покланяние, ныне и присно и в веки веком, аминь.

VI. Первая часть двънадцатаго слова1600

Время есть въспрянути нам от пианства, забвениа или помрачениа, или наче рещи безумиа нашего. О братие, утрезвимся и въспомянем обещание наше, яже обещахомся в святем крещении, отрицающеся сатаны и всех дел его, и всея службы его, и всех аггел его и всего студа его. И сице съвлекохомся всего ветхаго человека, и облекохомся в новаго Адама, сиречь в Христа, обновляемаго и возводящаго нас в отечество наше, сиречь в рай и в царство небесное. И сице всех зол отрекохомся в обещании божественнаго крещениа, и сице обещание наше, яже обещахомся в святем крещении цела и здрава съблюдати приахом. Заповеда бо Господь своим учеником рече: шедше научите вся языки крестяще их во имя Отца и Сына и Святаго Духа, учаще и блюсти вся елико заповедах вам (Mф.28:19); и инде рече: а яже вам глаголю, всем глаголю (Мк.13:37). И се якоже святое крещение таи коже евангельскиа заповеди купно вси всею силою съблюдати приахом, ибо делаяй заповеди Христовы и съблюдаяй чисто божественное крещение сын Божий бывает, даде бо им, рече, власть чадом Божиим быти верующим во имя Его (Ин.1:12); апостолу же взывающу: вера без дел мертва есть, такоже и дела без веры (Иак.2:26); Господь же рече: и о всяком словеси праздне человеци воздадят слово в день судный (Mф.12:36); и инде писано есть: страшно есть впасти в руце Бога жива (Евр.10:31). Той бо есть судиа помыслом, и испытатель мыслем сердечным, и яко страшен суд твой Господи ангелом предстоящим и человеком вводимым, книгам разгыбаемым, делом испытаемым, помыслом истязаемым. Видиши ли, яко не токмо о делех, но и о словесех, и о помышлениих страшно истязание ожидает нас: не приемляй бо словес моих, рече Господь, имат судящаго ему, слово, еже глаголах, то судить ему в последний день (Ин.12:43), приидет бо Господь, рече апостол Павел, иже и просветит тайнаа тмы, и открыет съветы сердечныа, и в день вонже судит Господь тайным человеческим по благовествованию моему (1Кор.4:5); темже, рече, отверзаем дела темная и облецемся в оружие света, яко в дне благообразно ходим не козлогласовании и пианстве, не любодеании, и студодеании, но1601 рвением и завистию, но облецетеся Господом нашим Иисус Христом, и плоти угода не творите в похоти (Рим.13:12–14); да оправдание закона исъполнится в нас не по плоти ходящих но по духу, сущии бо по плоти плотьская мудръствуют, а иже по духу, духовнаа, мудрость бо плотская смерть, а мудрость духовнаа живот и мир, зане мудрость плотьскаа вражда на Бога, закону бо Божию не повинуется, ни может бо, а сущии в плоти, Богу угодити не могут, вы же несте в плоти, но в дусе, понеже дух Божий живет в вас (Рим.8:4–9); темже прославите Бога в телесех ваших и в дусех ваших (1Кор.6:20); и не бывайте сообщники неверным, кое бо причастие правде к беззаконию, кое же, общение свету ко тме, коеже согласие Христови к Велиару, или кая часть верну неверным, или кое сложение церкви Божии к идолы? вы бо есте церковь Бога жива, якоже рече Господь Бог: яко вселюся в них и похожду, и буду им Бог и тии будут мне людие; темже изыдете от среды и отлучитеся, глаголет Господь, и нечистоте не прикасайтесь, и Аз прииму вы, и буду вам в Отець, и вы будете Мне в сыны и дщери, глаголет Господь Вседержитель (2Кор.6:14–18). Сиа убо имуще обетованиа, возлюблении, оцыстим себе от всякиа скверны плоти и духа, творяще святыню в страсе Божии (2Кор.7:1). Сицева убо Павлова учениа, паче же Христова, безпрестани наставляют нас на благаа. Мы же христиане суще, порождьшеся божественным крещением, поганых язык обычаем прилежим друг друга кусающе, друг друга пожирающе якоже рыбы, друг друга укоряюще, поношающе. Господь убо заповеда рек: блажени есте егда поносят вам (Mф.5:11); ты же, христианин сый, сопротивнаа твориши: и аще тя кто ударит вланиту, обрати ему и другую (Mф.5:39), ты же не точию не обращаеши другую, но и единой не терпиши, также и главу хощеши отрезати. Сиа ли словеса обещаниа твоего в святем крещении? Сиа ли есть заповеди святаго евангелиа, яже приал еси творити и хранити? Сиа ли тебе рече Владыка Христос возлюбити Господа Бога твоего всем сердцем твоим, и всею душею твоею, и всею крепостию твоею, искренняго своего яко сам себе (Лк.10:27)? Се ли есть закон и устав Христианомъ? Помяни велика апостола Павла, како тебе рекл есть о законе Христове: друг другу, рече, тяготы носите, и тако исполните закопн Христов (Гал.6:2). Сам Владыка Христос ублажает тя поношениа терпяща, ты же таково блаженство ни во чтоже полагаеши, и такову благодать презираеши, и мало нечто укорившаго тя, или досадившаго, в великую напасть хощеши воврещи или и смерти предати. Бог же не отмщати себе христианом наказуеть, ускыми же враты и тесным путем шествовати повелевает, вся же находящая доблествене терпети заповедает, понеже и Сам оклеветаем не восклеветаше, и укоряем не укоряше, и стражда не прещаше, и бием противу не биаше, но и одежи отьятие молъча терпяша, такоже и всем христианом заповеда не противитися злу, но в терпении рече, вашем стяжите душа ваша (Лк.21:19); и апостол: не себе отмщающе возлюблении (Рим.12:19). Ты же не точию сим неповинуешися, но ни слышати сих не хощеши, но себе отмщаа сваришися, поля сътворяеши, убиваеши, и како христианин нарицаешися супротивнаа творя обещанию твоему еже в святем крещении, и евангельским заповедемъ? Веси ли что отрицание твое во святем крещении, кого отрекся еси, и кому обещался еси? Что зубы скрежещеши и сверепишися на мя яко убити мя хотя? Рци кого отречеся, и кому обещася? Отрекохся, рече, сатаны и всих дел его, и обещахся Христу Богу, и сице верую во единаго Бога Отца Вседержителя Творца небу и земли, и прочаа якоже писано есть, и заповеди же и преданиа и учениа, яже святаа церкви приат от Бога, и святых его апостол, и преподобных и богоносных Отец, сиа вся приемлю и облобызаю, и верую, яко се истинно есть, и живота будущаго ходатайственно, и тако верую, и исповедую, и тако мудрствую, и се мудрость моя есть, якоже истинии православнии христиане мудрствуют. И аще убо так отвещеваеши, и тако веруеши и исповедуеши, яко христианин еси, Христу обещался, и во Христа облечеся, и небесных ищеши, и почтоже Христа оставив к сатане течеши, сиречь заповеди Божия презрев, на бесовскаа учениа и деаниа течеши, празнословиши и глумы твориши? Господь заповеда рек: всяк слово праздно, иже аще возлаголють человеци, воздатять о нем слово в день судный (Мф.12:36); и апостол: всяк слово гнило из уст ваших да не исходить. (Еф.4:29). Ты же всегда беспрестани гнусная сьтворяеши диавольскаа учениа. Господь рече: блажени плачущеи, и горе смеющимся ныне, яко възрыдаете, и всплачете (Мф5:4). Ты же сопротивнаа Богу твориши, а христианин сый, пляшеши, скачеши, блуднаа словеса глаголеши, и инаа глумлениа и сквернословиа многаа съдеваеши и в гусли, и в смыки, в сопели, в свирели вспеваеши, многаа cлyжениа сатане приносиши. Господь заповеда рече, бдитe и молитеся яко не весте дне, ни часа, вонже Сын Человеческий приидет (Mф.25:13), и паки рече: бдите и молитеся, да не внидете в напасть (Mф.25:41), и апостол якоже вопиа рече: непрестанно молитеся (1Сол.5:17). Ты же непрестанно вся человеки съблажняеши, якоже самый той сатана, баснословиши, притчи смехотворны приводиши, грохощеши, смеешися, всякую кознь, всякаа ухитрениа твориши смехотворнаа да человеком, иже в святем крещении отрекшимся сатаны и обещавшимся Христу Богу, бесовскаа учениа приносиши. Рци убо, которыа законы христианскиа твориши и храниши, а не паче ли диаволскиа? Господь заповеда рек, блюдите да не отягчають сердца ваша обиадением и пианством (Лк.21:34). Ты же обиадаешися яко скот, и пианствуеши день и нощь, многажды и до блевания, якоже и главою болети. и умом пленитися. Несть сие христианскаго закона, несть сие ищущих царства небеснаго. Господь заповеда рек: научитеся от Мене яко кроток есмь и смирен сердцем, и обрящете покой душам вашим (Mф.11:29). Ты же нимало сей заповеди хощеши научитися, но и не внимаеши и паче множае гордишися, и превозношаешися, рыкаеши аки лев, и лукавьствуеши яко бес, и на диаволскаа позорища течеши яко свинопас. Жены красны блудница, или ино лице женовидно красноюнеющеса видев, и светло и мягко тело обьюхав, и притек, объем, целуеши, мыззжеши и рукама осязаеши, и толико безстуден и безумен быв бесовьскою любовию восхотився к ней, аки бы ея внутрь себе вместити, сице помрачен сый якоже от бессловесных бываа аки жребець некий слатнояростивый, рзая, и сластию распалаася, аки огнем горя, яко вепрь к свинии своей похотствуа, и употевая, и пены испущаа, сице и ты, безсловесным позавидев, словестное естество в безсловестное поработив, о человеце, сице услажаешися сластми, и от разгорениа тела сластей мокроты испущаа не престаеши, и неточию не пресаеши, и исцелитися не требуеши, но огнь ко огню прилагаа, нестыдишися. Велий подвиг твориши угожая блудницам: ризы изменяеши, хожение уставляеши, сапогы велми червлены и малы зело якоже и ногам твоим велику нужу терпети от тесноты съгнетениа их, сице блистаеши, сице скачеши, сице рыгаеши и рзаеши уподобляяся жребцу, благому же обычаю, простоте и кротости и смирению, якоже боголюбцем обычай есть, целомудренно и смиренно житие ни мало хощеши навыкнути, но яко блудницам обычай есть, сицев нрав твой уставляеши. Власы же твоа не точию бритвою и с плотию отъемлеши, но и щипцем искорене исторзати и и щипати не стыдишеся, женам позавидев, мужеское свое лице на женское претворяши. Или весь хощеши жена быти? О помрачениа сластей плотскихъ! О безумиа конечнаго! Свободное оставивь, к работному течеть: не хощу, рече, жена быти, но мужь, яков же и есть. Да аще еси мужь и не хощеши жена быти, почто брады твоея, или ланит твоих власы щиплеши и не корене исторзати не срамляешися? Лице же твое много умываеши, и натрываеши, ланиты червлены, красны, светлы твориши, якоже некая брашна дивно сътворено на снедь готовишися. Устне же светлы, чисты и червлены зело дивно уставив, якоже неким женам обычай есть козню некоею ухитряти себе красоту, сице же подобно им ты украсив, натер, умызгав, благоуханием помазав, мягцы зело уставляеши, якоже сими возмощи многих прельстити. Тело же свое не точию обиадении и пианствы, но и безчисленными намовении, и натрывании и сице блистатися и светлитися устроаеши якоже велми дивен некий камень лучи светлый испущаа. Якоже бе прельщение рыбам удица, сице же и твоя плоть прельщение и съблазн иже по образу Божию созданным человеком, за них же Сын Божий и Бог волею своею страдание поносное потерпе даже до смерти, ихже ты погубляеши, соблазняя, прелщаа осквернаа, помощь даа сатане на погубление человеческаго рода. Рци ми, кий ответ имаши пострадати о сихъ? Бедно убо имаши приати страдание о сих, всю свою крепость издав в сласти плотьскиа, и о сих радуяся и веселяся забыв писаное радоватися о Господе Бозе, и паче будущих благых желаа блудных сластей насыщатися, и о сих весь свой ум непрестанно имея. Слугам же на блуднаа сиа бесовскаа деаниа много сребра и злата истощеваеши, и что много исщитати, всякая мечтаниа и прелесть века сего, и всех учений бесовскых велие съкровище бываеши, к плотским и мимотекущым весь преклонился, и присно к блудницам зряй, и сам себе многим блудницу сътвори. И еще всего окаяннее, яко ни мала рыдаеши и плачеши, но яко чувъственъ1602 пребываа, аки ничтоже зла сътворив, ничтоже съгрешив, аки свиниа в кале увалявся жируеши. Ум же имущии и о воззрении не подобном, не мало плачуще рыдають, и слезы изливають, ибо Господь на сиа не мало осужение положи, всяк бо, рече, иже воззрит на жену, к еже вжелети ея, уже любодействова с нею в сердци своем (Mф.5:28). Ты же сиа не во что полагаеши. И апостол Павел. имеа в себе Христа заповедуя, рече, вся в слову Божию творите (1Кор. 10:31). Ты же вся в бесовскую славу твориши позорище, играниа, плясаниа събираеши, и к сим паче течеши неже к божественным церквам, и не точию се, но и в дом свой, к жене, и к детем приводиши скомрахи, плясцы, сквернословци, погубляа себе, и дети и жену, и вся сущая в дому паче потопа онаго; он бо потоп тело умертви, души же отреза нечестиа, сей же всезлый и окаянный потоп сугубо действуеть, душу купно с телом погубляет. Всему же злу ты бываеши ходатай. Ей, не аз, рече, но они плясци, и глумотворци. Како глаголеши оны, все твое есть, аще бы ты не хотел, ни они бы глумотворили и плясали. Но нын убо возвратися от таковаго нечестиа, покайся, исповеждься дóндеже время имаши, и съблюдай христианскиа законы да сын вышняго наречешися, да живота вечнаго наследник будеши, теци невозивратно ни забвено христианскаго закона путем, христианский бо живот наш скончати у Господа просим, шествуй благим путем по стопам святых отец, соблюдаа божественныа заповеди Христовы, и святых его апостол предание, и преподобных и богоносных отец учение даже и в сем веце радости великиа исполнишися, в будущем же живот вечный, и рай и царство небесное получиши от Христа Бога.

Болши же всех в заповедех любовь, яже есть основание и верх всем добродетелем, и сиа зело твердо повелевает соблюдати Владыко Христос всем православным христианом, пренебрещиже повеле земныя печали житейскиа и заповеда искати преже царства небеснаго, и сиа вся, рече, приложатся вам (Mф.6:33). Подобне же и апостол Павел предаде глаголя: вышних ищите, идеже есть Христос одесную Бога седя, вышняа мудрствуйте, а не земная (Кол.3:1). Сице же преподобнии и богоноснии отци наши наказуют. Василие убо будущих искати учить, Григорие же Богослов презирати земная искати же тамошний покой наказуеть, Златоуст же ищи небесных, рече, даже и земная приложатътися, сице же и вси святии о раи, и о царствии небеснем желание имети наказують, и весь разум и подвиг о том показати заповедають. Ты же глаголеши дом имею, и жену, и дети, и рабы, и многы печали житейскиа, како могу сиа хранити, человек мирянин сый, – сиа бо иноких есть, иже вся земная приобидевших, себе же и Богу единому вникающих. Ты же и нам повелеваеши в лесы, и в пустыни отходити и иноком быти? 3ело желаю спастися всем человеком и в разум истинный приити, но хотящим и желающим мирскии мятеж и молвы оставити и безмолвно иноческим житием в тишине жити и плакатися о своих согрешениих, сим съвет даю токмо аще хотят истинно, аще ли же не произволяют да пребывают дом имеа, и жену и дети, якоже и прежнии благочестивии мужие, иже в мире с женами и детьми живущеи и Богу угодившеи, и да часто прочитают словеса обещаниа своего яже на святем крещении и самыа евангельскыа заповеди Господня. Ибо вси человецы истязани будем о съхранении обещаниа нашего, яже в святем крещении и о евангельских заповедех Христовых, божественныя бо заповеди евангельскиа всем предложени быша иноком же и мирским, якоже рече великий Василие. Темже о сохранениих сих вси человеци малии и велиции да подвизаються, да совершенный христианства разум истинне и праве мудрствовати возмогут, якоже истинным христианом жити достояше в любви, в простоте, в кротости, в смирении, и в прочитании божественных писаний, и в беседе духовней с богобоязливыми мужми, имети же в уме радостнаа и плачевнаа преже смерти, и по смерти, и память съгрешений своих, ихже съгреши от чрева матере своея и до нынешняго часа, великиа же, и мнящаася малы, и ничтоже суща, сетовати, и плакати о них, и настоящаа яко несущаа помышляти, но все суетство и мимо-текуща есть, и имети чисту свою съвесть к Богу же и к искренним, и в сих законных, преданиих, и сице со диаволом день и нощь боротися, и в всех премененым быти и житейскых запинающих к совершению закона христианскаго, но во всем соверьшати волю Божию, и желати будущих благ, и устрашати неразумное и небоязненное сердце страхом геенскаго огня, яко да геенны огня убоявшеся, и царства небеснаго красотою и радостию усладившеся, незабвенно и неленостно подвизаемься шествующе законными стезями по стопам святых отець, христианства разум цель соблюдающа и прилежно ищуще отечества нашего, и царства небеснаго, егоже буди всем нам получити благодатию и человеколюбием Господа нашего Ииcyca Христа, Ему же слава ныне, и присно, и в векы веком, аминь.

VII. Наказание в҃і1603

Сиа събравше от божественных писаний, предложихом любви вашей, братие, да внимаем кождо нас себе, якоже рече премудрый Соломон: внимай себе да избавшися яко серна от тенета, и яко птица от пругла (Притч.6:5). Без вниманиа бо вся стропотна и развращенна бывают. Аще бо кто не внимает себе, сей невесть ни себе, ни иных, внимай же себе, сей весть себе, и свою меру познавает же и свою немощь, и где уклоняется и привязается ум его, и что любит, зрит же и других, и полезнаа от них приемлет, на пути же грешных не станеть, и на седалищи губитель не сядеть (Пс.1:1), но от всех душа вредящих отвращается, Себо есть свойствено христианом. Како бо кто христианин нарицатися можеть, не съблюдаа заповедей Христовыхъ? Которое есть именование христианьское не ходящих в законе Господни? Како кто христианин есть, иже желает слышати и глаголати и творити душа вредящаа? Господь убо Бог заповеда заповеди его съхранити зело. Ты же сам преступаа, и иных на сиа понужаеши, да тобою и инеми имя Божие хулится, несть сие христианско, но диаволско, и его служителей. Христианин бо есть имеяй ум в небесных, христианин есть достойнаа небеснаго званиа мудрьствуай, христианин, есть вся заповеди новаго Христова закона непреступно съблюдаа, ветхаа бо мимоидоша (2Кор.5:17) и вся быша нова, прейде бо рече стень законнаа благодати пришедши, благодать же зде разумей евангельское житие. Егда бо по закону еврейскому не благоволи Господь Бог всесъжжениа и жертвы о гресех, тогда прииде въплотився Сын Божий и Бог от Пречистыа и Приснодевы Богородица Mapиa, понеже бо Моисеом данный закон и исраильтяном в всех стень имяше, не имяше бо по истинне усыновлениа дати евреом, но яко в образе и сени будущих. Благодать же и истинна плотскаго Христова пришествиа усыновление даде верующим и крестившимся вонь: даде бо им, рече, власть чадом Божиим быти верующим во имя Его (Ин.1:12). Многа же трезвениа и подвига требе, иже в крещении дар сыновства непорочен съблюсти, мнози бо приаша крещением дар сыновъсства, малии же съблюдоша, но обленившеся не бывають сынове Божии, мнози же слезами и злострадании обновляють, святое крещение, и яже второе крещение глаголеться. Темже христианин во истину есть неприступно съблюдаа святое крещение и евангельскиа заповеди Господня. Христианин есть, имеай истину и правду в всем. Христианин есть имеай смирение, и кротость, и простоту в разуме. Христианин есть имеай любовь не лицемерную к всем. Христинин есть имеай волю Божию во всем, и аще ясть, и пиеть, или ино что творит, все в славу Божию творит. Xpистианин есть всегда трезвяся и бодръствуа паче всего о спасении душа своеа. Христианин есть имеай себе пригвождена всегда страхом Господним, зане страхом Господним уклоняется всяк от зла. Христианин есть имеай память всегда еже по смерти житиа. Христианин есть любяй Христа Бога паче отца своего, и матере, и жены, и детей. Христианин есть любяй Христа Бога паче душа своеа, и искренняго своего яко сам себе. Христианин есть всегда радуася о Господи и Бозе, и ничтоже имеа настоящаа и мимотекущаа, но вся яко дым, и прах, и пепел. Христианин есть всегда благодаря Христа Бога, не токмо в благоденствии, но в напасътных нахождениих, в скорбех многообразных1604, якоже рече апостол Павел, вси иже хотящеи жити благочестно о Христе Иисусе, изгнани будут. (2Тим.3:12), аще бо кого и человеци не гонят, но диавол ратует непрестанно. И длъжни есмы всегда имети много любомудриа, и трезвитися и бодрьствовати, терпети же и благодарити, бдети и молитеся, и яко да чюжих невъсхищаем, ниже желаем восхищати, но и своя требующим раздаваем, и да отвращаемся сластей и красоты маловременныа, и да бежим от обиадениа и пианства, и возненавидим лукавство и зависть, и злопомнениа, и да любим друг друга якоже и Христос возлюби нас. Много убо в мире сем вниманиа и тpeзвениа имети нам подобает, много бо воюють нас, многообразныя скорби, и напасти, и страсти. Иисус Христос рече учеником своим: в мире скорбь имате, но дръзайте Аз победих мир (Ин.16:33). Сиа рече Господь всем заповедаа дерзати и благодушествовати в скорбех, и мы убо аще презрим мирскаа вещи, в мнозе радости и покои будем, и светли и честни и любезни всем. Помянем первых веровавших Господеви и крестившихся, иже все попечение имуще о будущих, и в сих себе възложивших Богови, и на всяку мощь и день слова учению приседяще. Ты же ленишися приходити в божественую церковь, и презираеши божественаа словеса прочитаема, отвращаешися бесед духовных, и течеши на игрища и позорища бесовскаа, и смотриши блудниць, и слушаеши сквернаа словеса глаголющих; та же от тех пропастей отшед, на инаа стремлениа приходиши: пианствуеши, обиадаешися, въсхищаеши насилствуа: злато, сребро, ризы, домы, нивы, рабы, копи и другыа скоты, и прочаа вещи; таже клевещеши, осуждаеши, облыгаеши, насмехаешися, укоряеши, досажаеши, и ового юрода глаголеши, у другаго же жену сицеву и сицеву нарицаеши, иного же инако некако напеваеши. Престанем убо, молюся от пагубных сих всех и душетленных действ, научимся добро творити, и не точию не крадем, ниже обидим, но и обидящим възбраним, аще мощно есть, и не попустим сему лукавьству быти, да не тую же казнь исходатайствуим себе молчаще, якоже и обидящеи вечно мучими будут. Не будем подкрадени или любовию сих, или слугованием, или дароприношением, или честию. Будем любомудрени възбраняюще себе и иных неподобных дел, и не точию не восхищаем чюжих, но и от своих трудов и потов алчющих накормим, и жажущих напоим, и странных не презрим, и нагих оденем, болных и в темницах сущих посетим. Не токмо же телесне съвершаем сиа, но паче же и душевне поучением и наказанием насыщающе и напаающе сиречь направляюще на истинный путь.

И аще хощеши прохладитися, изыди на преддверие храмены твоея, и виждь небо, солнце, луну, звезды, облака ови высоци, ови же нижайше, и в сих прохлажайся, смотряа их доброту, и прослави тех творца Христа Бога. Себо есть истинное любомудрие. И аще хощеши и еще прохладися: изыди на двор твой, и обойди кругом храмины твоеа, сице же и другую и прочаа, такоже и двор твой, и аще что рассыпася, или пастися хощет съзидай, ветхаа поновляй, неутверженаа укрепи, прах и гной згребай вместо да ти к плодоносию вещь угодна будеть. И аще хощеши вящще прохладитися, изыди во оград твой, и разсмотри сюду и сюду, яже к плодоносию, и яже к утвержению сътвори. Или аще не достало ти есть, изыди на поле сел твоих, и вижь нивы твоя, умножающа плоды ово пшеницею, ово ячьмень и прочаа, и траву зеленеющуся, и цветы красныа, горы же, и холми, и удолиа, и езера, и источники, и рекы, и сими прохлажайся, и прославляй Бога, иже тебе ради вся сиа сътворшаго. Но доселе же стани, но взыди умом и въспять пути твоего, сиречь от чрева матере своея, разсмотри лета, и месяци, и дни, и часы и часци, и яже в сих что благо сътворил еси, утверди смирением кротостию, да не разсыплеть враг добродетели твоя, и обьнажит тя царьскаго чертога. Аще же злаа и душепагубнаа сътворил еси, покайся, исповежьдься, плачися, рыдай: в он убо день блудом сърешил еси, в другий же злопомнением, во инже пианством и обиядением, та же по сем намизанием ока, и по сем оклеветанием, и осужением, и оболганием, и роптанием, и укорением, и колика аще дни изживеши, прилагаеши к ветхым грехом новыа грехи. О сем паче попецися еже не съгрешати, и положи начало: восприими себе перва день един еже ничтоже съгрешити в нем, та же сей претерпев и друий приложи к нему, таже третий, и по малу по малу во обычай приходиши, еже не съгрешити, и толика бегаа бежиши от греха яко кто бежит от змиа, и тако прохлажаа прохладишися, и радости многиа исполнишися и в настоящих, в будущем же вечных благ получиши, яже око не виде и ухо не слыша и на сердце не взыде яже уготова любящим Его (1Кор.2:9), ихже буди всем нам получити благодатию и человеколюбием Господа нашего Иисуса Христа, Ему же с Отцем и с Святым Духом слава и держава в веки веком, аминь.

VIII. Наказание г҃і1605

Сиа събравше предложихом любви вашей, да увемы что есть мир, и яже в мире, да не восхищаемся не подобным желанием, и да презираем настоящаа, и да не всю работу нашу чреву дадим, и да не все мудрование наше в плотских сластех имем, но в всем меру уставим: в пищи и в питии, и в ризах, и в сапозех, и в беседах, и в прочих вещах, в пищи – яже к животу точию довлеетися, сице же и в питии – в скорбех, и в болезнех и от трудов покой и меpy, и в старости полезно есть, точию не пианством, но в мале прохлажении же и к животней силе естество окрепити, и в ризах съгревателнаа и устужаемаа, и яже во светлых днех, и в приключаемых потребах, точию в славу Божию и Того Рождьшиа, а не тщеславием служениа приносити сатане в светлых ризах, и в сапозех же неупестренаа и ухитренаа швениа премудростию шелком и бисером, но точию нужную потребу имети, якоже подобает, и в подобное время подобнаа в имя Господне честь и славу, а не блудницам на почесть, и тех приателю демону. Сице же и в беседах ко угожению Божию беседованиа имея силу с художеством духовным и в вопросех, и во ответех во всем полезнаа несомнехотворениа и кощуны, якоже поганым, да несквернословием оскверниши сердце, и уста и язык, да не како свое дръзновение погубиши к Господу Богу и молитвах и в молениах, но очищай и украшай сердце памятию Господа Иисуса и памятию грехов твоих и памятию смерти и еже по смерти и страшнаго суда Христова, сердце бо, рече, скрушено и смиренно Бог не уничижит (Пс.50:19.). И сице в тихом, и кротком, и смиреннем житии Христу Богу угоден будеши, себеже и иным благопотребен, в подаании же нищим и убогим с благословением тихо, и кротко, и веселым сердцем, и в сладости словес: есть бо, гласы милостыню творити лучши бо, рече, слово сладко неже даание. Отвещай нищему и убогому и съкрушенному в болезнех тихо, кротко, смиренно слово сладко, и сие принес подарок ему паче злата; не отрицаем же милостыню творити златом, и сребром, и одеанием, и обувением, ибо и чашу студены воды приемлет Господь во имя Его подающимъ; а еже злато и сребро подаати и прочаа, и зело добрейши есть. Подаждь убо злато, и сребро, и медницу и инаа, елика возможно ти есть, точию тихостию и в веселии сердца, а не сверепством, и кричанием съставляй позорище на нищаго, но милость сътворим по возможному, хвалиться бо, рече, милость на суде, и суд без милости не сътворшему милости (Иак.2:13) и даай нищему в заим даеть Богу. Даждь уломок хлеба, даждь слово благо, даждь умиление сердца твоего, возри нань сладко умиленыма очима, по скорби о нем в уме своем, милостыня бо всех добродетелей болши и вышши есть.

Сице же ревность и ярость имети о Господи, а не себе на отмщение, невнеже съмысла яростию испадати, и ревностию, аки похабну, кричяти, но любомудрьствовати свободно над страстьми, и судити же не мздою и посулоимством, но праведно и благоугодне, милость бо, рече Давид, и суд вьспою тебе Господи (Пс.100:1), Господь же рече: не судите на лица, но праведный суд судите, и паки: имже судом судите судят вам, и внюже меру мериться (Ин.7:24, Mф.7:2). Подобает бо судиям праведным быти, и исполненым всегда страха Божия, и премудрости, но и простоту же, и кротость и смирение и благоприступное всем показати, и не любити мзды, праведную же ярость на обидящаа имети, себе же не отмщати, и своеа славы и чести не искати, но о всем славу и честь Христу Богу въсылати. Всяже в настоящем житии сем прелестнем благоразсудне, и благопотребне по воли божественей устроати подобает, понеже Божиа суть вся, да не убо что изгубил на своя страсти кроме точию нужных потреб яже к животу, но и сиа в славу Божию, яко же рече апостол: аще ясте, аще пиете, все в славу Божию творите (1Кор.10:31).

Будем убо любомудрьствени и в всех житейских века сего. Кака убо сия, еже не безсловесне убыточнаа и проторнаа творити? Коа убо есть нужа многое, и сладостное, и раздизающаа ястие и питиe имети выше меры? Не протори ли сиа и убытки многым приносить? Каа же нужа есть вещи многы куповати, и сим или изгнивати, или от огня погибати, или от татей вьсхыщатися? Каа же тебе нужа есть по вся дни светлыми ризами украшатися, инеем же и в господскиа дни ниже обычных имущим довлетися? Который же тебе прибыток есть празну всегда быти? Или каа теб похвала будеть, яко же прелагаю, преходити от места на место? Како же не приемеши смех и срамоту от всех, иже умом и сердцем, и всякими вещми угожаа блудницамъ? Каа же тебе нужа есть выше меры умыватися и натрыватися? И почто неточию власи твоа, но и плоть свою с власы твоими остригаеши от брады и ланит твоих, многажды и главу твою, и повешаеши под брадою пугвици сиающиа красны зело, а красишися тако, якоже и женам не лепо есть? Каа же тебе нужа есть сапоги шолком шитыа носити, или каа ти нужа есть неточию выше меры умывати руце, но и перстни златыа и сребреныа на персты твоя налагати? Каа же ли прибыток ти есть над птицами дни изнуряти? Каа же ти нужа есть псов множество имети? Каа же тебе похвала будет на позорища ходити? Кое же ти любомудрие есть всуе претитися? Которое же твое будеть мужество и разум, еже низачто же сваришися? Како же, врагы твоя возлюбиши, а ты и любящих тебе не любиши? Како же целомудр будеши, а ты весь к женам уклонился еси? Како же чистоту съхраниши, а ты красносиающиа лица обзираеши? Како же умиление сердечьное приимеши, а ты с отроки доброзрачными въдворяешися, и беседуеши, и светлость лица их любиши смотрити? Како насытишися духовныя пищи в прочитании божественных словес, а ты празнословиши, и кощунствуеши? Идеже бо есть сквернословие и кощуны, ту есть бесом събрание, и идеже есть играниа, тамо есть диавол, а идеже есть плясание, тамо есть сатана, идеже есть многоядение и пианство тамо есть свинское житие, идеже есть непоминание будущих тамо есть преступление заповедей Божиих. Искати бо заповеда Господь царствиа небеснаго, и апостол Павел рече: вышних ищете, идеже есть Христос одесную Бога седя (1Кол.3:1), вышняа мудрьствуйте, а не земнаа. Ты же не точию не ищеши небесных, но и на небо не взираеши, ни во что же непщуа красоту небесную, сущаа на небесех любомудръствовати повеленн сый, яко свиниа пребываа долу ничиши, о красоте сапожней весь ум свой имеа, и о прочих ризах, яко жених, или яко невеста к жениху грядый. Сице есть излишнее украшение мужей в женский изводить образ и умягчатися и дрочитися творить на прельщение себе и другим. Божественый убо апостол иже нам не повеле выше меры украшатися, тако бо рече и жены в украшении целомудрене с говением и целомудриемь украшати себе (1Тим.2:9), не плетением, ни златом ни сребром, ни бисером, ни ризами многоценными, но яже подобает женам, общевающимся благочестию делы благыми. И Господь убо учеником ни худейших сапогов имети повеле, ниже двою ризу, мы же неточию простых и сапогов чрез потребьство имеем, но и с сребром, и с златом, бисером и инаа прочаа одеаниа многоценна имем, и сапогов красных шолком премудростне шитых, и не точию же сиа, но и под срачицею, иже никому не зрящу, неции подвизаються пропоасание имети драго, сребром и златом утваренна. И ради сих всех многых доходов взыскуем, и аще ти не достанет что, яко же обыкл еси от безумиа твоего многа разхода имети, крадеши, насилуеши, грабиши, ябедничествуеши, заимаваеши, и не имеа чем отдати, бегаеши, запираешися, клятву преступаеши, и инаа безчисленаа злаа съдеваеши. Сице есть чрезпотребьственаа вещь. И не точию же сиа, но и тщеславиа, и блуда, и гордости, и еже всегда щапити мысль и ум предваряеть, от обычаа силу прием.

Темже бодрьствуемь, трезвимся, внимаем с опасением яже научаеть нас священное евангелие, и святии апостоли, и преподобнии отци, не все о тленных и мимогрядущих любомудрствовати1606, духовных держатися паче, и не внимати не праве ходящим, мнози бо ходять рече апостол Павел, имже многащи глаголах вам, ныне же и плача глаголю врагы креста Христова, имже кончина погибель имже Бог чрево, и слава в студ им, иже земная мудрьствующе (Фил.3:19). Наше же житие на небесех есть, отнюду же и Спасителя ждем Господа Иисуса Христа. Темже не все подвизание наше о временных имеем, но о будущих, подвизаемся паче, ничто же бо успеем красящеся, пачо же и осужени будем, Многа убо подобает нам показати любомудриа, много приседаниа в прочитании божественных словес, много съвета духовнаго, и бесед душеполезных со богобоязнивыми мужи. О мужие, наказуйте жен ваших боятися Бога, и жити в законе Господни и нищим подаати. О господиа, милуйте рабов своих, и имейте их яко приснаа своа чада, понеже вси есмы създани рукою Божиею, и вси плоть едина, и вси во едином дому, еже под небесем, на вселеннеи в маловременнем сем житии вселени есмы от Господа Бога, и вси единем божественным крещением крестихомся, и вси равно кровию Христовою искуплени быхом, и вси равно божественным причащением причащаемся, и вси плачемся к Нему кождо нас о гресех своих, и вси милости от Него просим и в сии век и в будущий. Ибо вси есмы в руце Господни: его же хощеть обнищает, его же хощеть богатить. Аще и зде на мало время попустил есть овому Господствовати, овому же работати, но в будущем несть раба, ни свободна, кождо бо нас на страшнем суде Христове, по своим делом прииметь или раб, или свободь, или князь, или царь. Темже вси купно имеим смирение и милость ко всем, без сих бо несть како спастися. Разумевай фарисеа и пять дев юродивых, и любомудрствуй всегда благая. О отци, имейте попечение о чадех ваших, въспитывайте их в наказании и учении Господни всегда на блага дела спасителнаа: Бога боятися и в законе Его поучатися день и нощь, и не любити праздности, и кощун, сквернословиа, и блуда не творити, и не красти, и не лгати, и всих дел злых бегати. О юнии, к вам ми слово, възлюбите Христа да живот вечный наследуете, возлюбите чистоту, и не уподобляйтеся блудным юношам, иже всегда велемудрстуют о красоте телесней, всегда украшаються вящше жен умывании различными, и натирании хитрыми, и ум их всегда плавает о ризах, о ожерелиях, о пугвицах, о иже под срачицею препоасании, о сапозех, о острижении главы, о повешении космъ1607, о намизании ока, и о кивании главе, о уставлении перст, о выставлении ног, и ина многа понуждаються творити неполезнаа, не малу пагубу душевную себе и иным ходатайствують. Юннии бо съблазнителнее жен человеком бывают, и аще вино и жены отлучают и доброразумных от Бога, кольми паче юноша злоделателные. Что бо не прелестно от них, цветут лица их, и сиають аки луча испущающе, уста же, и глас, и усклаблениа и прелестнее, лепотнее женъ; инаа же съкратим о сих глаголати. Молю убо вас благосмышлении отроци, не ревнуйте лукавым блудним юношам, и не съводворяйтеся с ними, но бегайте събраниа их и отлучайтеся, тлят бо обычаа благы беседы злы, и невозлюбите украшатися и дрочитися выше меры, но просто по обычаю нещапливыми ризами и сапогми, и прочими вещми удовлитеся, даже и себе полезное съблюдете, и отцем великих проторов и убытков не сътворите. Возлюбите целомудрие и чистоту, идеже бо есть чистота, тамо есть Христос, идеже вселение имут чистотъствующеи на небесех, идеже есть Христосъ1608, идеже духовнии чертози, идеже светлии свещи, идеже радость непрестающиа. Велико бо возраст юностный утвердити в чистоте, велико огнь юностный угасити. Не мал подвиг в волнах тишины наслажатися, горее бо видимыя копейныя рати, сиа внутрьняа рать, видимая бо копейная рать временна и годы имать на схожениа. овогда убо котораются, овогда же тишины наслаждаются; сиа же внутрьняа рать всегда воюеть без милости, по вся часы въспаляет огнь, возжигаеть пещь сластную внутрь человека. Вельми дивно есть еже в огненей пещи несъгорати, и во юности не студодействовати, иже бо во старости целомудруя кто не толико многу мзду имать, а иже во юности в чистоте пребываа, велиа и неизреченнаа имать дарованиа. Темже, о отроци, и девици, възлюбите тихое и смиренное житие в целомудрии и чистоте, даже и в сем веце велия радости насладитеся, в будущемже живот вечный наследите. Не возлюбите, о юннии, празности, юность бо вь пищи и вь празности не малу беду и себе и иным исходатайствуеть, празность бо всему злу начало есть. Любомудрествуйте, юннии, в хитростех трудящеся елико по силе: или в писателнем художьствии, или в учении книжнем, или в коем рукоделии аще есть, или ино кое художество о Господи. Точию не будете праздни, точию не будите преходнищи суетруднии, да не злу обычаю навыкнете, и не отлучайтеся бесед духовных, мужий боящихся Бога, наказаниа спасительнаа, и повести, и притчя услышите. Много бо пользують беседы духовныя, и очищають тело, и просвещають душу. Точию подщитеся и слышати и творити душеполезная, мало глаголюще, вящьше же разумевающе, даже и юностный огнь угасите, и многиа тишины насладитеся, и здравиа чистаго душевнаго и телеснаго и царствия небеснаго получите, егоже буди всемь нам получити благодатию и человеколюбием Господа нашего Иисуса Христа, с Нимже Отцу слава с Святым Духом, нын и присно и вь векы веком. аминь.

IX. Наказание д҃і1609

Възлюблении будемь тиси, кротци, смиреномудри, и не пытаим, ни ищем, на мудръствуим, яже нам не подобает, яко аще кыя вещи на время и время бывають Владыкою Христом, аще и съпротивны нам неразумеющим видятся, но не судим, ни ропщем, любимици, но покаряемся и последуим Божиим судьбам. Овогда убо немощнии възмогають, силнии же побежени бывают, и безъроднии велию честь и славу приемлют, и от нищих на престолех славных посажаються, и овии от престолов неволею сводими, и благороднии безчестие приемлют, овоже безаконнии праведным насилують, и лукавии и законопреступнии множество рабов, и служащих, и предстоящих, и велие имение и богатьство имеють, и овии в плен ведомы, и овии же в изгнание осужаеми, друзии неплодни, и овии в младенстве умирають, овии же мало поживше, праведни и добродетелни смерть приемлють, друзии же лукави и безаконни многолетны пребывають, и сиа убо вся Божии судбы суть:и ового смиряет и спасаеть, ового же наказуеть и обращает, и овому съкращаеть урок живота да не на зло обратится, овому же продолжает да обратився спасется, овому же смерть страшна, овому же тихо разлучение души от тела, и пръчаа многа такова и сих неможеть человекь ведети, но Богу Единому, ведящому вся: и смиреное и гордостное, и крепкое и немощное, и сверепое, и немилосердное, и обидящее, и обращение, и покаяние, и нехотящаа в сие приити, сиа вся Един Бог Божественным Своим Промыслом якоже сам ыесть, и яко же хощет, творить.

Ты же держи свой чин, пребывай в заповедех Господних, и апостольских, и отеческых преданиих и учениах, и святую и божественую церковь и настоятели ея честно имей, божественаа бо, рече, чтите, и паки: Бога бойтеся и царя чтите (1Пет.2:17) и правду и смирение к нему имейте. И вельможи, и воеводы, и прочии воини никого же обидите, своими доходы и оброкы довлитеся, жены своя любите, и нежелай чюжия, и не глаголи, яко оного сице жена добролепна, и ового премудра, художьствена, чада уплодоносила добролепна, благопокорна, художествена, любомудрена, моя же не сицева, но безумна и ненавистна ми есть. Небуди тако ты к ней клеветник тяжек, не повелевает бо тебе сиа апостол Павел, ибо жене, рече, муж длъжную любовь да въздает (1Кор.7:3). Ты же грызеши ея непрестанно, якоже и ума изступити ей от твоего сверепства; престани тако творя, о человче! Аще бо и страх подобает наложити на нея но мерно, якоже подобает, законно к целомудрию, к благопокорению. Не люби выше меры краситися жене твоей, ибо и сия не повелевает Павел, но обычно яко якоже подобает к благоугожению Божию. От вышемернаго бо украшениа многых стяжавает дивитися красоте еа, и тако сим прелщающимся въстает похотение блуда, и сих ради зависть, ревность, вражды, убийства. Крашения бо ради мало-помалу в слабость приходят жены, и убытки и проторы съдевают мужем, и любят ласкардьствовати, объядатися, и упиватися, и скверная мыслити и глаголати, и отсюду безчисленых рачителей привлачает, и исторы, и изнурения всякого ветра зелнейше относить.

Темже всем подобает отступати от безмерия, и в пищи, и в питии, и в происхожении, и в сапозех и вризах, и в умовении, и в прохлажении, в всем мера изящьствуеть. Да кротость и тихость, и смирение, и любовь стяжавше, возможете и настоящее житие с опасением жити, и желание и разум о небесных имети, и о любомудрии и целомудрии слышати словес и радости духа и веселия насладитися, и обещанных благых получити, ихже буди всем нам получити благодатию и человеколюбием Господа нашего Иисуса Христа, Емуже с Отцем и с Святым Духом, слава, и держава, ввекы веком, аминь.

X. Наказание є҃і1610

Еже съпротивно божественым писанием учити и наказывати вредно и страшно есть; по разуму божественых писаний уча и наказуя, аще неким и жестоко и противно быти мнится, но не подобает сих ради оставляти любомудрия спасительнаго, слово бо рече крестное погибающим юродство есть (1Кор.1:17), сиречь неразумвающим богоспасительныя его силы юродство, съблазн, безумие июдеом же и еллином, и всем неверующим в Господа Иисуса Христа. Есть же неции мнящеися и верни суще имущим веру и дела благочестиа поношают, укоряют ов убо о Христе безмлъвие, и удаление от человек, плотскаа мудрствующих, ов же тихость, кротость, смирение, простоту в разуме, ово же другаа о Христе, не разумевающим же силы спасениа ничтоже мнится. Друзии же, недугом зависти одержими, многих напастем и бедам предают, паче же себе погубляют, якоже Каин, якоже Исав, якоже Лавановы дети, якоже Иосифовы братиа, и якоже о Кореи и Дафане и Авироне, якоже Мариам, якоже Саул на Давида, якоже архиереи и фарисеи на Христа, что реша сътворим яко человек сей многа знамениа творит (Ин.11:47), якоже ложнии апостоли на Христовы апостоли, якоже ложнии пророци на истинныя пророци, якоже ложнии учители на учители и пастыри Христовы. Сиа зависть высоту престолов желает, всех славу на себе влечет, всех честнейша любит быти, лукавьства стяжавает, правды отвращается, ближняго злым радуется и веселится якоже о напастех и бедах ближняго. Егда же убо видит кого, добре богатство имуща, завидит, трясется, враждуеть, укоряет, внимающих себе и млъчащих о Господи юродов нарицает, глаголющих же о Господи и учащих закону благодати миролюбьных и тщеславных глаголет. И что убо есть зависти лютейши и губителнейши? Сие вселенную безчисленых наполни злых. Сиа от человеков смирение и любовь изгна, сиа род наш растерзав, в ненависть и в убийство преврати, сиа на божественыя церкви възста, сиа ярость и гнев от Бога, наводит, сиа и преже смерти мучить, и томит, и по смерти вечному огню предает. Сиа страсть паче всех страстей губителнейши: ибо незавидимаго обидим, но себе безчисленым напастем и бедам предаем. Аще бо Господь Бог веселящихся на врагы не оставляет без мучениа npeити, не радуйся бо, рече, о падении врагов твоих, да некогда увидит Бог и не угодно ему будеть, много паче заводящих ничтоже обидевшим.

Отсецем убо, о возлюблении, многоглавнаго зверя всепагубную зависть, покажем житие изящно, житие глаголю на жестоту и поты чрезмерныя, ниже низу легание, и посты, и жажды, но не завиди, не лукавьствуй, не оклеветай, не лжи, не лихоимьствуй, не сквернослови, не обиди не восхищай чюжих, но буди прост, тих, кроток, смирен, любовен, милостив, алчющему свой хлеб даждь, ярость удержи, сверепство отрини, тщеславие отжени. Не рече бо Господь поститеся, якоже аз постихся, аще и имяще рещи четыредесяте дней, но не глаголеть сие, но яко кроток есмь и смирен сердцем (Mф.11:29) и инде: болши всих любовь (Mф.22:38) яже всех благых корень, и посылаа не рече поститеся, но проповедуйте глаголюще, яко приближися царствие небесное, (Mф.10:7) и вся представляемаа вам ядите, о имениах же воспрети, не стяжите, рече, злата и сребра и меди при поясех ваших. (Mф.10:9). Добро убо пост, но не сущим иным добродетелем не возмогает: насыщеным же горе, рече, и блюдитеся да не отятчают сердца ваша объядением и пианством (Лк.21:34) и апостолу глаголющу: добро благодатию извещевати сердца а не брашны, и брашно нас не представит пред Богом (Евр.13:9; 1Кор.8:8), и не упивайтеся вином, в немже есть блуд (Еф.5:18), и инде рече: в трудех в постех, и паки в бдении, во алчьбе, в жажди (2Кор.11:27; 2Кор.6:5; 1Кор.7:5) в посте и паки всяк подвизаяйся от всего воздержится (1Кор.9:25), и питаяйся жива умреть (1Тим.5:6) и притча о богатем питаниа, и Соломону рекшу не полезно безумному пища (Притч.19:10). Не разсудне же подобает устрояти себе в скудости пищи и питиа, и разслаблятися, и нечювьствовати, и к подвигам не возмогати, но противу силе телесней умерити въздержание не от пищи бо, но от обиадения, и не от вина, но это пианства.

А еже щапити и дрочитися, и туне и всуе дни своя иждива ти и зело губително есть. Откуду бо многогубителныя разходы и долги, не от гордости ли, и безумных проторов, и на жену и на дети кабалы, и поруки, и сиротство, и рыдание, мигание, и слезы. Всегда наслажениа, и упитениа, всегда пиры и позорища, всегда бани и лежание1611 всегда мысли и помыслы нечистыя, всегда празность и безумиаа тосканиа, яхоже неких мошенников и оманников демонскым научением. Всяк ленится учитися художеству, вси бегают рукоделиа, вси щапят торговании, вси поношают земледелателем, вси от душеполезных притчей и повестей уклоняются, вси от духовных бесед бегают, вси плотская любят, всем греховнаа и безаконнаа радостна, вси на земли хотят жити, вси по смерти житиа не памятьствуют, вси красятся и упестреваются, и поступающе хупавятся, и в сих весь ум свой изнуриша и уже на небо, невем, како взирают, вси кощунници, вси смехотворци, вси злоглагольници, клеветници. Сиа же не иных осужая, и поношая глаголю, но себе укоряай осужаа, и свою леность въздвизаа, и вам молюся, вы бо моя радость, вы моя сладость, вы моя слава, вы моя честь, вы мое богатьство.

Обуздаим, любимцы, язык, удержим несмысленая вещаниа, бежим тучных трапез и пианства, бежим блудниць и сиателных лиц и светлости тела. Чистотою, и кротостию, и смирением, и любовию поживем, милостынею просветим себе и других, да и настоящего житиа сподобимся в славу Божию, и будущих получим благых, ихже буди всем нам получити благодатию и человеколюбием Господа нашего Иисуса Христа, с Нимже Отцу, с Святым Духом слава и дръжава, честь и поклонение ныне и присно, и ввеки веком, аминь.

XI. Наказание ѕ҃і слова1612

«Приидите, о возлюблении, беседуем беседы душеполезныя, и повести, и притчи спасительныя! Что есть течение мира сего, или есть сладось его? Что ли есть величество и слава его мимотекущая? Вся басни, вся паутина, вся дым, и трава, и цвет травный, и сене и сон. Что убо радуемся пищами, и пиянства и позорищи? Радоватися убо о Господе повелено нам есть, а не отолстоте пищей и пиянства, и о щаплениих, и о позорищах. Хощеши ли славен быти и честенъ? Хощеши ли богатства много имети о радоватися, и веселитися и наслаждатися? – Преобидим земная, презри мимотекущая. Невесили яко1613 погубляем себе щапящеся и дрочащеся. Возлюби страдание и труд, и смирение, и любовь и милость о Господе, леность бо многих погуби, тунеядением же1614 и дрочения и щапления вся изнури. Кая убо Божественая писания пищу и пиянство похваляетъ? Которыя Христовы евангельския заповеди и Апостольское предание толстыя и тучныя трапезы предаша? – Доколе питание, доколе играние и щапление, доколе дрочение и тунеядение, и от сего заимование, и поруки, и кабалы, и жене и детем мигание и слезы, и самому изчезновение и ума изступление! Что убо предпосылаеши на небеса? Гордыни ли величество? Объядение ли и пиянство?

Внимаем беседе сей духовней, о любезнии, будем делатели заповедем Евангельским, и в нем же (в рукописи – внеже, но, кажется, удобнее прочитать – в нем же т. е. звании) кто зван бысть, в том да пребывает: властель ли еси, судия ли еси, воин ли еси, послушник ли еси, купец ли еси, рукодельник ли еси, земледелатель ли еси, ловец ли еси, бортник ли еси; каменосечец ли еси, кузнец ли еси, швец ли еси, древодель ли еси, писец ли еси, зотчий ли еси, философ ли еси, и прочии вси, приемши от Господа художество тружайтеся, делайте не яко рукоделию и мамоне, но яко Богу работающе и внимающе, и еще от труда своего по силе Божественей церкви; и нищим, и странным, и на вся потребы и проторы издающе. Такоже (в рукописи – какоже, нужно думать, что это ошибка писца) сия властель по Бозе вся да творит, милость и правда всегда с ним да пребывает. Судии не на лица зряще, но праведный суд да судят, узаконенными им доходы и оброки да довлеются. Воини никогоже да обидят, и никогоже оклеветают, и довольни да будут оброки, указанныя им Послушник – в послушании своем иже о Господе, и прочии вси: подвизающиися Господа ради, трезвитеся, подвизайтеся, да вящую мзду приимете, ни чтоже по пристрастию и лихоимству, и лукаво, и беззаконно содевающе, но с тихостию и кротостию, и смирением и милостию, и человеколюбием о Господе.

Никтоже буди тунеядец, никтоже буди празден, праздность всем злым ходатайяствена есть. Сего ради преже в раи повеле Бог Адаму делати и рай хранити, по изгнании же оттуда в труде и поте лица хлеб ясти повеле ему Господь, а яже ко Адаму реченная, ко всем речена быша. И сынове того и внуци, иже добре разумевающии о Господе, никогдаже праздни бываху от трудов и потов. И Господь убо в плотстем смотрении, якоже рече Великий Василий, по первому возрасту родителем повинуяся, и всяк труд телесен кротко, и смиренно, и благопокорно с ними ношаше, и егда прииде время и ученики прием – не гордостно, и щапливо и бездельно: рече бо Аз есть посреде вас яко служай (Лк.22:27) и – не прииде да послужат Ему, но да послужит (Мк.10:45); и овогда умывая нозе учеником, без лености место от места пеш преходя, тружаяся нашего ради спасения, образ дая нам. И Пречистая Богородица никогдаже бездельна и праздна бываше, но в посте, и во бдении и рукоделии. Сице же и Апостоли, делающе, рече, своима рукама (1Кор.4:12) и паки рече: в трудех, во бдениих, в постех (2Кор.6:5), пост бо, и целомудрие и рукоделие на многия козни диавольския победа есть. Да сице пребывающе в трудех и постех о Господе, и в тихости, и в кротости, и в смирении и в любви, небесных получим благих благодатию и человеколюбием Господа нашего Иисуса Христа, с Ним же Отцу со Святым Духом слава и держава во веки веком. Аминь.

XII. Первое послание м. Даниила

Послание1615 грешнаго и худаго инока Данила, милосию Божиею митрополита всея Pyссии, в Володимерь, во обитель святаго чудотворца Николы на Волосове, во общий монастырь митрополии всей Руси, игумену Пафностию и з братею о благочинении1616 и, крепости монастырскаго устава. Слово а҃.

Благословение грешнаго и худаго инока Даниила милостию Божиею митрополита всеа Русии, в Володимерь во общий нашь монастырь на Волосово, великаго чудотворца Николы, игумену Пафнотью з братею.

Восприях любовное ваше писание, и благоразумие1617 и веры исполненое, ищуще от Мене недостойнаго и окаяннаго инока Данила пользующая к спасению душам, и аз, аще не достоин есмь, но елико по силе моей сказати божественная пасания противу коего ждо потребы должен сый, и1618 яко и служение мое се есть обдержно ко всем, кольми паче к вам множаеми подобает, понеже и приснии1619 мои есте возлюбленнии духовнии подвижницы. Глагол же писания вашего сицевой есть, что деи у вас не по обычаю общаго монастыря презвитиры и диаконы емлют по рукам милостыню лихоимству радующееся1620, а монастырскый устав разоряюще, и вы бы им тое воли не давали1621, а собирали бы есте что ни есть приносимое от христолюбцев в монастырскую казну без лукавства; а покоили бы есте всех безхитростно по писанному: возлюбиши искренняго своего яко сам себе (Mф.19:19)1622, да и приказывали бы есте1623 старцем добрым духовным доходов монастырских беречи и у налоя стояти или старцу Васьану Внукову, да казначею Веньямину, да старцу Денисю Долгожданову, и аще кто иный к тому благостроин, точию не луквной без всякия хитрости, да бы кто не погибл ни в сии век ни в будущий1624, а за монастырь бы встречати и провожати приходящих без игуменскаго благословениа не исходил ни кто же, такоже и милостыню от приходящих христолюбцев сребра, и злата, и одежи и обуща не просил бы ни кто же1625 развее милостыни, а кого лихоимствующаго уличат, или от презвитеров или от простых иноков ино того игумену прьвее казати на дине1626 духовне, потом аще не исправитца, ино пред двема или треми послухи. И аще еще непослушное и не исправленое имать, ино запрещением и отлучением исправляти, многажды же и сухоядением, рекше хлебом и водою, во исправление приводити. И аще еще неисцельное имать, от обители отогнати таковаго, понеже писано есть: егда от единаго многим вред будет, тогда не подобает долготрьпети, занеже лучшии есть многих уцеломудрение единаго врежение.

Сего ради подобает пастырю быти праведну да возможет врачевати здравем учением и лукавнующих обличати и уклонятися от всякаго неправедного гнева, такоже и от суда неправеднаго, якоже и от змиа и скорпеа бегати. Добродетель же игумену есть смирение и нестяжание1627 такоже и прозвитером и диаконом. Игумен же да полагает образ всем собою по писанному: начат Иисус творити таже и учити (Деян.1:1). Сего ради игумен сам с священники и старцы да входит в трапезу ясти по отпущении божественныя службы, на трапезе же не беседовати ни смеятися1628, а преже обеда не ясти1629 и на чюжем месте не садитися, а за последнюю трапезу не ходите никому кроме служебных, и после трапезы не оставлятися никому в трапезе1630, а по монастырю безвременно не ходити, а за монастырь никакоже никому не воити без благословения игуменскаго, разве же ризы своя измыти или воды почрети1631, а по павечерницы не глаголати, но отходити во свою келью комуждо с молчаниемъ1632. Кроме же сего, аще кого узрите или уведаете от кельи в келью ходяща1633 или на монастырь стояща, или за монастырь идуща, и ты, игумен и старцы возбраняйте безчинствующих, и не попущайте сему быти. Егда же в церковь сходите1634 на пение, и вы бы поспевали к началу всякаго пения, а стояли бы в церкви кождо на своем месте благообразне, съединяя свои нозе, и очи смежая, и мысль свою отвращая от суетных прелестнаго сего житиа, но весь ум свой полагая в глаголемых, и пъваемых, и прочитаемых божественных словес, а по церкви бы есте не шаталися, ни с места на место не преходили, ни смеялися, ни глаголали, ни шептали, но точию игумену и служебником слова два или три за великую нужу проглаголати и сие тихо и кротко с великим вниманием, такоже и просвиры и кутию канун вкушати благочинне. А в церкви бы не оставлялся никто разве пономаря, а дела бы есте делали всякие с игуменом вкупе за едино, а игумен бы с вами всякие монастырские дела делал вкупе за едино. А все бы у вас в монастыре было брежно и благочинно, а бесчинствующим бы есте не попущали, но обличали бы есте их пред всеми не простоже, но с яростию даже и прочии страх имуть1635, понеже ненавидимо есть на мнозе, еже по Бозе, своея воля отсечение множайшим от человек, но свое кождо оправдание лихоимствует и сего ради погибает в нас дельная добродетель, понеже заблужаем от праваго пути, тем же убо мы боящеся прещения и страшнаго суда и за еже ради по Бозе ревности и любве закон Божиих и Божественных писаниих глаголющихъ1636. Вы же возлюбленнии овех убо милуйте разсужающе, овех страхом спасайте. Тем же убо аще милостию в исправление приходят, златворащеи, вельми добро есть; аще ли же ни, тогда страхом проводити подобает во исправление закон Божиих или ужасными, страшными глаголы Божественных писаний, или некоими повестьми и притчами устрашати, или инако некако возустити и устрашити злодействующаго или сухоядением, рекше хлебом и водою, или отлучением святаго причащения, или от обители отгнати.

Подобает бо пастырю милостиву и страшну быти, смирену же и высоку. Аще бы вси блази были милости единыя потреба была бы аще ли же строптиви и грехолюбезни, тогда страх потреба достоит быти, яко да милость утверждает благыя, страх же возражает злыя. И во святей лествице речено есть: ни безумне смирятися, ниже безсловесно возвышатися пастырю лепо есть. Добраго же и истиннаго пастыря дело есть, еже милосердовати об овцах, и промышляти, и пещися ими, и соболезновати недужному овчати, якоже благыи отцы1637 к детем присносущим да промышляет, и посещаеть когождо, и подобное врачевание и промышление противу сил преносит или телесно, или душевно любовию или отеческым благоразумием всех милуя, всех взыскуя, о всех промышляя, терпя всех, приемля всех, утешая всех, не завистно подая разум учения всем, недугующих укрепляя, малодушьствующих утешая, скорбящих подобным врачеванием обвеселяя, согрешающих обращая, седмьдесять седьмерицею прощая по заповеди Господни, прощение бо грехом нашим в прощении братий наших обретаем, якоже писано есть.

Сего ради преже иных добродетелей стяжем и смирение. Аще кто в вас паче прочих больши есть да велемудрствуеть1638 и да непревозносится на меньшее и худейшее, извет предлагая многолетнаго иночества, своего, или дела художственая или слова1639 сладкоглаголанная, или благородия изящная, или сан величества, или приношения богатству1640 и стяжания многа, но той паче да почитаем бывает в вас, егоже сам игумен и первейшая братия изберутъ1641, такоже и1642 всяких делех игумен з брать1643 советуя и благочинне и благостройне управляя монастырская вещи1644 лобовию и смирением, смирение бо дверь царствия небеснаго есть, его же буди всем нам получити молитвами Преславныя Богородицы и всех святых Аминь.

XIII. Второе послание м. Даниила1645

Тогоже послание к некоему епископу понеже нешли1646 человеци принесоша ему речи на епископа, яко небрежно и лихоимственно житие имать, и сего ради, в кратьце изложив посылает. Слово в҃.

Понеже убо, възлюбленный1647 мой брате епископе, многая различная словеса приидоша ко мне, недостойному иноку Даниилу, еже о тебе, и сего ради, посланейце написав, послах к тебе. Аще бо и сам окаянен есмь, но тобе и всем глаголати и писати полезная должен есмь, даже и сам, понемала от леностя и уныниа воспрянув, потщуся благая творити.

И что убо злых злее есть? Всяка убо неправда, и похищение, и лихоимение злое и паче всех злых злейшее ненависти достойно, о боголюбец, сребролюбие; многим бо и великим злым ходатай бывает сребролюбец. Темже, о любимиче, утрезвимся дóндеже время имам. Тръг бо есть житие сие маловременное и не внимающих прельщает и погубляет, и многих прельстив погубило и смерти предаде. Писано бо есть яко две еста смерти человеку; первая смерть, иже тело умрет, а вторая – иже ити в муку. Соблюдаем себе опасно, о любимиче, дабы непрельстило нас житие сие суетное, и прелестное, и скоропогибающее красотою, славою, богатьством, и пищею и пиянствомъ; идеже бо есть пища и пианство, тамо свинское житие, рече Златоуст. Наказуим сами себе доброму обычаю, и блаженному учению, помыслим осебе во что есмя поставлени, и которые дела делати, не на сие ли – еже Божественым заповедем учити и наказывати, и заблудшее обращати, и печальное утешити, и сокрушеное обрадовати, и недужное врачевати, и аще имамы потребная, нищим и убогим подаяти, и ко всем человеком милостивное, и кроткое и непамятозлобное. Рече бо великий апостол. Павел: аще раздам все имение мое, и аще предам и тело мое да съжегут мя, любьве же не имам, ни каяже ми польза есть. (1Кор.12:3). Ипаки писано есть: суд без милости не сотворшему милости. (Иак.2:13).

Тем же учай да учит с любовию и независно, не точию любящая1648, рече бо Господь: аще любите любящая вас кую мзду имате не языци ли1649 такожде творятъ; вы же любите враги ваша, добротворите ненавидящим вамъ1650, и молитеся за творящая вам напасть, изгоняющая вы, да будете сынове отца вашего, иже есть на небесех (Mф.5:44–46). Сия нам безпрестани смышляти и разумевати подобает и еже како прилежати лепо есть о порученем нам стаде, яко на страшнем и ужаснем, и нелицемернем суде Христове слово воздати хотяще о душах человеческих. Сего ради непрестаим учаще и наказующе порученныя нам люди. Аще и ненавидят и озлобят нас, но мы не престанем творити Божественнаго сего дела, непогребаим талантъ1651 в пищих, ни скрываим бисера Господня во пианстве, да не како, совратившеся от праваго пути, впадем в лютую пропасть, и велик соблазн будет миру, и горе себе наследуем.

Соблюдаим себе от любьви прелестнаго сего жития, якоже рече апостол Петр: трезвитися, бодрствуйте, съпостат ваш диавол яко лев рыкая, искый кого поглотити (1Пет.5:8). 3ело бо спешит всегда, иже дает, аще бы ему мощно все человечество в геенну вложити, дабы ни един от руку его избежал. Велика убо есть погибель души, не хранящей заповедей Господних. Темже целомудръствуим и трезвимся, и возлюбим друг друга, зане любовь покрывает множество грехов. Бежим немилосердаго нрава, отметнем от себе нечеловеколюбие, и лихоимение, и возлюбим человекы, а не сребро и злато, даже имети возможем участие во царствии Божии молитвами Преславныя Богородица и всех святых. Аминь.

XIV. Четвертое послание м. Даниила

Послание1652 наказателно и душеполезно и яко житие сие прелестное, яко сон мимо грядет. Слово д҃-е.

Понеже пучина аз окаянный есмь безмерных прегрешений и многобезумен и непотребен ни на что же, темже трепещу, и ужасаюся и зело боюся да не по малу небрежению сему поугем предходящоу в безмерное смущение и соблазн всем человекам приидут церковныя вещи: горе бо тому человеку, рече Господь, имже съблазн приходит (Mф.18:17). Сего ради моему окаянству много трезвение достоит имети, многы советникы благы ищущия живота вечнаго, многы другы верны не любящиа мира и яже суть в мире. Но и аще аз непотребен и окаянен есмь, тебе же, возлюбленное и духовное мое чадо, глаголах и паки глаголю: любите Господа Иисуса Христа всею душею твоею, и всем сердцем твоим и искренняго своего, яко сам себе, и се тебе от Мене грешнаго и худаго инока Даниила велий дар, и да имаши всегда в сердцы своем сию память, такоже непрестанно имети в себе страх Божий и поучатися в заповедех Господних день и нощь и вся убо елика аще обрящет рука твоя сотворити. Якоже рече премудрый Соломон: елика ти сила творити, твори, яко несть сотворениа ни помысла, ни разума, ни мудрости во аде, амо же ты идеши (Еккл.9:10); яждь, о возлюбленне, мед, да наслаждается гортань твоя (Прит.24:13), и от юности своея избери наказание, и до седины обрящещи мудрость, якоже рече Сирах (VI, 18), и внимай себе да избавишися яко серна от сети, и яко птица от пругла (Прит.6:5). Да будет же ти опасное внимание о всем в маловременнем сем мире тленных и мимо текущих презирая, и ни во что же полагая, к тамошнему же вечному животу все свое желание простирай, и в сицевом възрасте да плодоносна ти будет душа, и да будеши кроток и смирен и разумен. Велика бо сия добродетель и Господ убо не от иного кого веляше научитися сей добродетели, но от самого себе, рече бо: научитеся от Мене, яко кроток есмь и смирен сердцем и обрящете покой душам вашим (Мф.11:29); и на кого, рече, призрю, но на кроткаго и молчаливаго и трепещущаго моих словес. Всегда поучай себе к благоугожению Божию, и огражайся законы Святаго Духа и предании св. отец, целомудрие же и чистота да вселяется в тя богатно, еже есь добродбтелем сокровище, обретыи же сиа, обрете радость о Святом Дусе, обретыи же радость о Бозе не токмо на страсти не зрит, но ниже на свой животь обратится когда. Любовь бо Божия сладчайшие живота, и иже по Бозе разум сладчайши меда и сота, и да имать ум твой незабвенну память о царствии небеснем, и о раи, и о геоне огненей, и о червии не усыпающем и от сего чистота душа и телесе да съводворитися, и вся земнаа в уметы и пепел да вменяет ти ся, и да уклоняешися от любящих суетная и мудръствующих плотскаа, и не тщися скороглаголив быти в беседах, и не восхощи прияти обычных другов беседы, иже душе вредящаа глаголющих, и суетная мудръствующих и упражняющихся в бесловеснаа попечениа, сохраняй же себе всяческим от таковых дерзновениа, и да беседуеши с теми, с ними же ти есть душеполезное, и о них же известуешися, яко к созиданию и исправлению душам творят беседование имуще силу с художеством слышати и рещи полезная. Аще ли же не трезвишися, но слагаешися о мнозе не полезным, и плотская любящим и суетная мудръствующим и в бесловеснаа упражняющимся попечениа, по мале же и сам в губителех душа увязнеши, снизходя в плотскаа желающих и веждь, о любезне, яко злая и лютая пострадати имаши и преже смерти и воскресения и страшнаго суда. Темже незабвена подобает имети память вниманиа, и трезвениа и на всяк час посещати свое сердце и испытовати свою съвесть, да не како украдаеми от съвести и обрящемся в шуих, и въстязовати опасно своя чувьства и изследовати опасно своя помыслы, где уклоняется душа, и где парит ум, и в коих вязит и кое любит, и кое общение състоится ему, егда не в духовных, но егда в земных века сего прелестнаго вещех съдержится, и съсвязустся от тмы страстей и злобы лукавых бесов, якоже рече великий Maкapиe: да егда обрящется человек в сицевых да возопиет к Господу Богу рыданием, и плачем, и помыслы в Христове мире храними. И егда тщету приимем в духовных, о сем паче подобает нам скорбети, неже о земных и суетных века сего. Мы же от безумиа нашего о тленных и суетных паче вечных прилежим, и егда в мале нечто в земных и тленных и мимотекущих вещех отщетимся суетнаго житиа нашего и о сих паче зельне рыдаем и плачь и слезы от безумиа нашего неполезно точаще, а о духовном житии нимало не пекущеся, и егда в духовных отщетимся и сие ни во что же полагаем, не поминающе реченнаго святыми отцы: аще кто сребро или злато в веце сем погубит, может вместо того обрети ино, а время сие погубивый другое вместо того не обрящет, понеже писанию глаголющу яко пришелцы есмы зде и преселницы, тамо же вечная жизнь и не проходит мое житие, еже по смерти или в покои или в муце, еже комуждо воздаст Бог по делом его. Того ради и подобает нам попещись о оном, еже по смерти житии, тем же всяк подвиг и всяко тщание да покажеши о делании заповедей Господних, и да глаголеши, и твориши угодная Госповеди, имея силу с художеством духовным и в вопросех и в ответех во всем полезнаа. Что же убо есть житие наше, о любезне? Не яколи же сонное видение, не яко ли цвет травный и пара вмале въсходящи и исчезающи, или речнаа быстрина мимотекущия, или яко роса утреняа въистину? Приидем убо, о любимиче, и видим во гробех ясно: где оного и оного многое имение и безчисленное богатство, где крепость телесная их, где храбрость мужества их, где убо есть доброта телесная, где есть юность, где суть очи, где язык многоглаголивый и ухищренныя речи, где лепота плоти и где красота юности, где баня и прочее угодие плоти, где одры слоновыя и златопрядныя постели, где кони среброуздныя, где оружия златоблещанныя, где высокиа престолы, где царие и князи и их възвышенная слава, где болярство и честь, где красота и слава суетнаго сего житиа? Вся исхоша, яко трава, вся рассыпашеся, вся погибоша. Где убо тогда мирское пристрастие, где маловременных мечтание, где злато и сребро, где раб множество и отроки предтекущиа, где многоразличныя трапезы и сладкия снеди и хитрость поваров, где красота ризнаа, где златыя и сребряныа сосуды, где сладкиа вина нерастворенныя и прочее питие благовонное, где ристание конское и утешение суетное, где радость прелестнаго сего века, где веселие маловременное суетнаго сего жития? Все пепел, вся прьсть, вся прах, вся сень. Что убо всуе мятемся человецы гнои суще, престь и прах, плоть и кровь, трава и цвет травный, сень и дым, и суета в истинну суета всяческая, воистину всуе всяк человек и всуе мятется съкровищует и не весть кому събирает, якоже есть писано: суета, суета и всяческая суета (Еккл.1:2). И вся убо видимая мира cero красна суть и славна, но вскоре минует и исчезают яко дым, якоже и предьречеся, яко сон или яко цвет увядает, вечная же и невидимая в веки пребывает.

Темже о вечнем житии всяческии почтение покажем, и глаголем о сем, и беседы и речи составим о сих, и где обрящем свидетельство в божественных писаниях, тако и глаголем: иже каков си есть богонасаженный рай, и каковы си суть обители потрудившимся Бога ради, якоже рече сам Господь: обители многи суть в дому Отца Моего (Ин.14:2) и пакы глаголет писание: многия обители у тебе, Спасе, суть по чину всем разделены, по мере добродетелей, и какова си будет радость праведным, и каково наслажение и кто сие может разумети или кыи ум домыслитися, еже приимут от Бога потрудившиеся Его ради, якоже пишет апостол Павел: око не виде и ухо не слыша и на сердце человеку не взыде, яже уготова Бог лобящим Его (1Кор.2:9). Да глаголеши и о муках, и от шедших отсюду душах и где суть праведных, где ли суть грешных, пишет бо: праведных душа в руце Божии и не прикоснется их мука; о грешных же: да возвратятся грешницы в ад, и о воскресении и о страшном суде, и память же смертная да незабвенна ти выну буди. Сия убо вся имущих ум зело ползуют, твори, о возлюбленне, яже угодна суть Богу да наследиши живот вечный. Как убо есть полза еже снедати себе печальми суетными и скоропогибающими? Кое ти есть приобретение, еже благородие свое истощити в плотскых желаниихъ? Которых лет чаешь? Коего времени ожидаешь? Почто день от дни отлагаешь о своем исправлении? Человек еси, смерти чая и воскресения, и суда, и воздаяния или в покои или в муку. Отложи житейскаго обычая непользующая тя, приимися за благое житие; пишеть бо: слава и честь и мир всякому творящему благое (Рим.2:10). Аще ли же ныне унываеши, и не тщишися исправити себе, и зарок от зарока даеши, и день от дни обещаваеши и сице провожаеши лета своя не спеха имея, но паче украдаем от противнаго, дóндеже и кончина приспеет, понеже без вести конец. Подвигнися добрым подвигом, да приимеши праведный венец от Господа Бога в живот вечный. Ни о чем же бо тако радоватися Богу, рече Григорие Богослов, елико о исправлении человеку и спасении, ты же прием сиа умножен плод покажи и паче всех елико можеши в смиренномудрии пребуди да гоньзнеши диавольских сетей, якоже великий Антоние видел есть, там от страстей очищься богатотворным смирением познаеши истину разумениа божественных писаний. И сподобит тя Господь Бог яже в душевную ползу поспевающаа, глаголемаа делна быти, и благородие твое сохранит и царствию небесному сподобит. Помоли же ся и о моем недостоинстве, яко да помилован буду молитвами Богородица и всех святых, аминь.

XV. Двенадцатое послание м. Даниила1653

Послание о целомудреннем и благоговейнем житии. Слово в҃і-е.

Подобает ведети, о боголюбче и человеколюбче, яко по внешнему словеси и закону прочее и духовному научитися закону длъжно есть, и еже о благочестии показати поты, и труды, и чисто и целомудрено пожити житие, якоже и повелел ми еси о сем писати ми тебе. Темже, аще хощеши духовный закон благочестно о Христе восприяти, възлюби и храни во всем животе твоем благоговение, и въздержание и пощение: блюдите бо, рече Господь, да не отягчают сердца ваша объядением и пианьством (Лк.21:34), и апостолу взывающу: не упивайтеся вином, в нем же есть блуд (Еф.5:18). Достоит же тщеславием и печалми житейскими не окраденем сущем быти иже целомудрено и чисто хотящим о Христе жити: любити же и лица бледность, и сухоту телесе, и в болезнех не изнемогати, и в немощех не оскорблятися, но вся благодаря Христа Бога терпети с тихостию, и кротостию и с смирением, и долу имети очи, и преклонену выю, и взор тих, и ступание кротко, и беседа душеполезна, и молитва беспрестанна, и прочитание не леностно божественных писаний, и рукоделие, и бдение мерно, и безпостелие, юнну сущу и здраву телеси, имети же и память смертнаа и худость ризнаа естественаго ради и удобнаго поползениа целомудрствующему, рекоша отцы, и отсецати же елика сила начаткы скверных и лукавых помысл. Понеже убо Христос Бог нашь во евангелии своем начаткы съгрешением отсецати повеле, не бо прелюбодеяние точию тем мучится, но и пошествие помыслу ко прелюбодеаниа начинанию осужаеться глаголющему: възревы же на жену с похотью, уже прелюбы сътвори с нею в сердцы своем (Мф.5:28). Отсюду убо научившеся дължни есмы помышлениа очищати, аще бо начаткы сия отсечем и того самаго видениа лиць женскых и отрочят юнных, и нелепаго и началозлобнаго смешениа с ними, и суетных душевредных бесед и празности ума и телесе, и бывающаго от сих поползениа взъбраним, будет нам множайшее облегчение от ратей, и удобнейше лучшаго житиа устроение. Здравьствуй о Христе, возлюбленный и духовный мой брате, Господь с тобою съхраняа и спасая тя молитвами Преславныя Богородица и всех святых, аминь.

XVI. Четырнадцатое послание м. Даниила1654

Того же послание о духовном внимании, и трезвении и брежении. Слово четвертое надесять.

Много нам подобает имети духовнаго внимания, и трезвения и брежения о спасении нашем, якоже писано есть: внимай себе, да избавишися яко серна от тенета, и яко птица от пругла (Прит.6:5). Никтоже бо спасеся кроме внимания, и трезвения и брежения, яко мятеж и молва помрачает ум, презорство же и гордость до конца погубляет. Много бо поврежает мирская слава от духовного жития, обаче аще и слава богоданна будет кому, рече Лествичник, добро ея щитом, смирения отвращатися. Понеже бо в нарочитых, и в преславящих и велие имя имущих местех потреба внимания, и трезвения и брежения и смирения многа имети, много бо от начала мира от невнимания и небрежения пакость привниде духовному житию и отсюду в различныя ереси и в раздоры, и сонмищи, и прелести и в страсти распростреся лютый сей недуг.

Сего ради многажды глаголах ти и съветовах съблюдати себе от всякаго небрежения, и невнимания и злаго жития, и иже зле и плотская смышляющих, и глаголющих и творящих человек. И се ныне паки окаянное наше забвение, и леность и злое наше невнимание, и небрежение в различныя страсти нас поползатися сътворило есть. И се скорбиши, и сетуеши, и плачеши, и слезы проливаеши, и се яко от ума изьступив, и яко пленен, и изъумлен и неистов пребываеши. И се паки небрежение, и паки леность! Доколе расслабленое житие? Доколе бедное пребывание? Доводе рискание страстное, и шествование прелестное лукаваго века, низъводящее во адъ?

Внял ли еси, о возлюбленный духовный мой брате, якоже и преже рекох и писах ти, еже долу имети очи, и отлучатися от бесед женскых, и не взирати на жены, и на девици и на доброзрачных женовидных юнош лиц, и съводворения с ними и бесед их. Аще ли от бесовскых сих сетей не потщишися хранити, познавый, яко зело пострадати имаши скверная падения. Мы же сия предвозвестихом множицею, да не извет или жалость на мою худость возложиши, от любви бо, сиречь духовныя, к тебе сиа глаголах и писах. Да избавит нас Господь Бог от сетей вражиих и жизни вечней сподобит молитвами Преславныя Богородица и всех святых, аминь.

XVII. Послание Даниила игумена1655

Государю князю Юрию Ивановичу Пречистыя обители Иосифова монастыря грешный чернец, игумен Данило, нищий твой, челом биет. Что еси Государь приказал ко мне к нищему с нашим старцем с Саввою с келларем о посте, в онже день ныне прилучися праздник Пречистые Богородици честнаго и славнаго ея Успения, ино, Государь, писано о посте понедельника в правилех святаго Иоанна Постника, такоже и во уставе Иерусалимстем писано есть. Но о приемших запрещение лежит иже от отец духовных ко…1656 о случающихся от которых делех, но во иных днех, а не в праздники Христова, или Пречистые Богородици Успения. Ныне же прилучивыйся сей великий праздник Пречистыя Богородицы честнаго и славнаго ея Успения, в день понедельника да разрешается на все не токмо не в запрещениях но и иже и в запрещениях сущим, яко быти невозбраняемом, якоже не имуще запрещениа, сиречь на масло, и вино, и на сыры и яйца и на вся подобне ради Пречистыя Богородици, еже се да бывает в славу Божию и Того рожшиа, якоже писано есть. А я тебе, Государю, нищий твой челом бию.

XVIII. Послание митрополита Даниила1657

Писал его ко мне как моей голове быти яко зело объят есмь от блудных помыслов и о сем не тебе единому точию тщание и подвиг, но всем подвизающимся Бога ради. Понеже велия борба, глаголють святии отци, и сугубу рать имея в души и теле и не имать нужнейши сего естества: всегда пещь паляет раждизания страстей, и яко море волнуется и въсходят великия волны хотяще потопити в душетлнных страстех. Того ради крепце тщатися подобает и трезвено же и бодрено съблюдати свое сердце от сих помыслов, и, страх Божий имея пред очима, поминати обещание наше, еже во святей крещения купели, еже отрицаюся сатаны и всех дел его, и всея службы его, и всего студа его. И сего ради триех сих речей непщуемых малых всего ветхаго и тлеющаго человека отрицается и обещаевается новаго и обновляемаго в живот вечный. Точию мира и иже миру подобающих и възводящих к благоугожению Божию не обещевается отрещися, яко немощно есть мирянину человеку и в житейских живущу отрещися сих, но точию заповеди Христовы истязуются съхранити и яже обещася на крещении, ибо делаяй заповеди Христовы в она възводим бывает. Сего ради заповеди Христовы истязуется съхранити. Рече Господь: слышасте яко речено бысть: непрелюбы сътвориши, Аз же глаголю вам, яко всяк иже взрит на жену к еже въжделети ей уже любодействова с нею в сердци своем и прочая. (Мф.5:28). Глаголеть Великий Василие в постных его словесех: яко точию с своею женою яве яко от Бога повелены детотворения ради прощения дается мирянину обладати паче инока, заповеди же Христовы равны истезуется сохранити. Хотяй же в целомудрии и чистоте пребывати да хранит себе от всех сътониньских дел, и дерзновения страстей. Целомудрие же и чистота, не внешнее точию житие, но сокровенный сердца человек, егда чистотствует от скверных помысл. Темже всяческы подобает тщателно отпецати сия помыслы, сиюже велию победу на них поставляти, еже молитися Богу прилежно, якоже предаша святии отци различными образы единем же разумом, овым убо, рече, от Давида прием: изгонящеи мя ныне обыдоша мя (Пс.16:11) радости моя избави мя от обышедших мя; инъже о тех же глаголет сице: Боже, в помощь мою вонми, и сим подобная (Пс.69:1), инъже пакы от тех: суди, Господи,обидящая мя възбрани борющая мя и прочая псалма (Пс.34:1). Призывай же на помощь и яже слышиши в писаниих подвизавшихся о целомудрии и чистоте. Егда же зелене належит ти брань, тогда абие вскоре вестав и на небо очи и руце простер, молися сице: Ты силен еси, Господи, и твой есть подвиг, ты ратуй и победи в том, Господи, о нас и възопийже к всесильному в помощех смиренными вещанми глаголя: помилуй мя, Господи яко немощен есмь, и исцели мя, Господи, яко смутишася кости моя и душа моя смутися зело и ты, Господи, доколе обрати, Господи, изми душу мою, спаси мя ради милости Твоея, яко несть в смерти поминаяй Тебе, во аде же кто исповестьтися. Сие бо предание святых есть и аще в сих борениих проходя будеши, познаеши искусом, яко благодатию Божиею сия сим зельно побежаются, всегда же Исусова имена оружием рани ратники крепчайши бо сея победы нест. Съхраняти же заповеданное Христом, якоже рече: аще око твое десное съблажняет тя, изми е, и верзи от себе, уне бо ти есть да погыбнет един уд твоих, а не все тело твое ввержено будет в геону огненную, и аще десная твоя рука соблазняет тя, усеци ю, и верзи от себе, уне бо ти есть да погыбнет един уд твоих, а не все тело твое идет в геонну. (Mф.5:29–30). Аще убо кто от другов наших съблазняет нас, таковаго от себе отверзем. И аще от служащих нам душею вредимся, сицеваго от себе отсецем. И съхранятижеся подобает от видения младых и гладкых лиц и слышание бесед таковых, иже въставляют страсти, ни осезовати же ниже осязоватися, ни осужати же кого оскорбляема от плотскых похотей, ни празднословити же, ниже смехотворных словес вещати, иже вьдвижуть страсти и въставляють нечистыя помыслы, любити беседу духовную, иже о Христе житие добродетельно имущих и красящих сединами в старости мастите. И Бог собдюдеть тя.

XIX. Послание Волоколамских иноков1658

Господине Государь старец Иона. Пожалуй, Господине, смилуйся Бога ради и Пречистыя ради Богородици и преподобного отца нашего ради игумена Иосифа не изневолите, господине, нас выше нашея худости. Помяни, Господине старец Иона, отца своего и нашего преподобного игумена Иосифа как всех нас покоил, и немощи наша носил, а книги и святыя иконы велел и благословил нас держати, и мы, господине старец Иона, книги держали за монастырские, а ты, господине Иона, старец нам во Осифово место, мы, господине, тебе держим вместо отца своего Иосифа, и ты, государь старец Иона, покажи на нас отеческую любовь: сам жалуй, и игумену Даниилу и братии печалуйся чтобы, господине, на нас выше нашея немощи тягость не накладывали, и слез наших не презрили. Мы, господине старец Иона, ходим во всяких службах черных, и на крылосех стоим. Помяни, господине государь старец Иона, какова беда приходит человеком, не имущим Божественнаго писания. Рече великий Златоуст: велико зло, еже неведети писания, и якоже скот безсловесен обносится, ибо от сего бесчисленная злая ражаются человеком от неведения Божественных писаний, от сего лютый еретический возрастает недуг, и ереси умножашася, и от сего небрегомая исправленая и растленное житие, без прибытка труды, помрачение души, диаволя прелесть, еретиком дерзновение, яко же убо их света сего лишении неправо ходят и потыкаются...1659 сих не взирающих много потыкаются и понужаются часто согрешати, яко во тме люте ходяще. И паки рече: не убо нерадим о стяжании книг, яко да не смертную приимем язву. Ниже злато собираем, но книги притяжаваем себе духовныя. Злато убо егда будет множае тогда наипаче наветует стежавшим то, книги же стежаем, много подавают имущим их пользу, и святый Петр Дамаскин рече: нестяжателю не имети книги вельми зло есть. И множество, господине безчислено святых и богоносных великих отец нестяжанием конечным пожиша, а книги и святыя иконы имели. Великий Иларион иногда в общем житии живяше, иногда в пустыни пребываше, а божественное евангелие и прочие книги с собою ношаше. И великий Епифаний Кипрский иногда в общем житии, иногда же в пустыни пребываше, и священныя книги, у себя имеяй, с собою ношаше, иже и последи бысть епископ. И святый Афонасие Афонский овогда в общем житии живяше, и овогда же в пустыни, в божественое евангелие, и апостол и прочая книгы с собою ношаше. И Иван Кущник, иже от родителей своих стяже божественое евангелие сребром, и златом и бисером усажено, и егда пострижеся в общем житии, у себя имеяше. И великий Василий, еже и третий надесят апостол, церковное богатство много имеяше, от земных же и тленных вещей ничтоже у себя содержа, разве точию божественыя книги, якоже к епарху рече: разграбления не боюсь, ничтоже бо имею разве точию... мало книг. Глаголют же и о святем Кириле Белозерском, егда на Симонове живяше, и святыя иконы и книги у себя имеяше, и егда изыде из Симонова, а святыя иконы и книги с собою ношаше. Также глаголют и о блаженем Пафнотии, иже на Боровьсце. А преподобнаго отца нашего государя игумена Иосифа сам, господине Иона, помнишь сколько книг с собою принесе и святых икон: четыре евангелия тетры, апостол тетр (?), две псалтири с всем, Лестивца, Ефрем, Дорофей и вкупе же Петр Дамаскин, Василий Великий, и патерик азбучной, два ермолоа, четыре иконы, три Рублева письма Андреева. А мы, господине, вам бьем челом и держим как отец наш государь преподобный игумен Иосиф благословил нас, и велел держати иконы и книги, и мы сих держим за монастырские, а молим Господа Бога и великих чудотворцов за огосударя великаго князя Василия Ивановича всея Руси, и за его благоверную и христолюбивую великую княгину, и за его христолюбивое воинство и за все православное хрестиянство.

XX. Послание Новгородскаго архиепископа Макария митрополиту Даниилу1660

Божию великому архиерею, и апостольскому сопрестольнику, и вселенскому учителю, блаженному и преблаженному, пресвятейшему Господину и Государю, отцу моему, имярк, митрополиту всея Русии, смиренейший сын твой, имрк, архиепископ Богом сласаемых градов Новгорода и Пскова, челом бью. Святое твое, Государь, послание з богодухновенным поучением до нас дошло. Мыже- смирении со всяцем благодарением приахом, и со многим страхом и вниманием прочтохом, и велию пользу прияхом, и силе словес удивихомся по данному ти таланту от святаго и животворящаго Духа, и о том велие благодарение твоему святительству воздахом, что еси, Государь, пожаловал нашего моления не презрел, и о своем здравии и спасении писанием известил. И сладко нам явися изячное твое богодухновенное писание в начале сота сладости умедвено Омировым именем, Афинейском мудрованием украшено, в немже изящество языка твоего ушасы своими дебелыми очутих, и со псалмопевцом пророком глаголю: коль сладка гортани моему словеса твоя паче меда устом моим, в немже весть токмо о божественых и духовных вещех украшати глаголы. Писание бо епистолии твоей за высоту существа и остроты соли премудростныя ученнейше четца, разсуднейши созирателя, разумнейши отвещателя, сию воистинну сердца твоего камору божественыя любве теплотою полну быти показует, любы бо роженныя и Духа святаго сила невидимая сердца твоего честнейшаго изящныя устне невидимаго подвижет. О святителю Христовъ! кая в тебе сокрывается священнотаинства! Пишеш бо по любомудреца обычею, везде своя смиренная предлагаеши, поистинне страшна и велика суть нашему смирению тако нарицатися, несть бо, несть бо достоин брат, ни сын именоватися, но раб исповедаюся святительствовати. Ты бо еси, Государь, свет учителем, и язык Божий, и глас небесный, и книжник живота, иже о мне смирением таковая помыслив благовествуеши, ей же чти несмь не сто ин, но и везде, Государь, о мне благая проповедуеши и писанми твоими угоднеишими везде меня чествуя посещаеши, и о том тебе, пресвятейшему Государю отцу своему, имрк. митрополиту всея Русии, много челом бью, что меня, сына своего, безмерно жалуеши не токмо духовне, но и телесне.

Но и осем, Государь, нашему смирению в своем послании возвестил еси, что тебе, Государю, отцу нашему, ныне случися в великих попечениих пребывати о царском здравии, и о церковных вещех, и о всенародном благопребывании и о избавлении языческаго нашествия к сим же отовсюду утесняем еси стерпемыми болезньми. Мы же смирении таковая слышав о твоих, Государь, святительских великих сворбех и о нестерпимых твоих частых в телеси болезней не малы оскорбихомся, но и зело много, но токмо о сем бдогодарим всесильнаго Бога, избравшаго тя, своего угодника, в таковый сан святительства великаго архиерейства, и вручившему ти святыя Божия церкви и паству Христовых словесных овец. Ты же, Государь, по евангельскому словеси поистинне пастырь добрый не токмо душу свою полагаеш за святыя церкви и царя, но и за вся словесныя овца Христова стада православных христьян о избавлении языческаго нашествиа. Не токмо слышим, Государь, про тобя безпрестанно всесильнаго Бога молишь и пресвятую Богородицу, и великих чудотворцов, но и пост со слезами милостыняю разстворяешь, а о своих, Государь, нестерпимых болезней, сказывают, ни мало попечение имеешь, но сия вся на Бога возлагаеши и Пречистую Богородицу и на молитву великих чудотворцов и всех святых, и соединение во всяком деле и слове по евангельскому реченному словеси ото всех требуеши, и апостольское слово часто воспоминаеши, егда изнемогаешь тогда сильнее пребываеши. О премудрый в человецех и чудный во святителех и учениче Христовъ! Поистинне добр путь обрел еси вся сия на всесильнаго Бога возложил еси, от негоже сугубу и мзду прититщишися. Мыже твои смиренная чада со всеми вашими богомольцы и со всеми соборы, по твоему Государеву писанию, зде ныне безпрестанно всесильнаго Бога молим и Пречистую Богородицу и великих чудотворцов о благостоянии святых Божиих церквей, и о многолетном здравии и спасении твоего святительства, и сына твоего святейшего царя и Государя нашего великаго князя Ивана Васильевича и о его брате благоверном князе Георгие1661 и о христолюбивом воинстве и о всем православном христьянстве, и о устроении земском и о тишине, и чтобы Господь Бог избавил ото врагов от бесерменства и от латынства, и помощь бы и крепость свою Господь Бог послал сыну твоему, Государю нашему великому князю Ивану Васильевичу всея Руссии самодержцу, и всему его христолюбивому воинству на наши враги на бесерменство.

И ты бы, Государь, Бога ради и впредь меня сына своего жаловал в святителеских своих молитвах помянул, и о своем здравии и спасении честнейшими своими писанми посещал с своими богодухновенными поучениями. Тыбо еси Государь, божественному писанию и человеческому толковник еси острейши, ты законы человеческия и божественныя веси откровеннейши, ничто есть ниже обрестися может в писании еже уму твоему ученному сокровенно, ничто на небеси, ниже на земли еже премудраго твоего разума убежит по данному ти от Бога таланту, но точию, глаголю, магнита камени подрожал еси естество неизреченною некоею нужею железо привлек еси изваяти им благочестия образы, еже твоей святой души таковое лепо есть, понеже еси православныя Христовы церкви учитель и свет света солнца яснее, мой темный ум всегда мраком неведения омрачен ко осиянию вечнаго света благодатию призываеши. И по сих смиренный устом моим молчание налагаю, и прощения прошу от твоего великаго святительства, и много челом битью, и велие благодарение воздаю ти за вся твоя благая. Здрав буди, Государь, и спасен архиерею святый чрез многие лета, моля Бога за святейшаго царя, сына своего Государя нашего великаго князя Ивана Васильевича всея Руси самодержца, и за всех нас детей своих православных хрестьян во веки, аминь.

XXI. Слово к верным, иже христианя словом нарицаются, Богови же супротивящеся коварствы, и в сем на ся греха не возлагают. Благослови отче1662

Святаго Духа силою счиненая словеса, написанная от древних святых, богоносных отец, во всех святых книгах глаголют яко перваго человека Адама созда Господь по своему образу и по подобию, и жену ему сотвори якоже достоит быти ей. Како же сотворение Божие мы сами превращаем сим прение вдающе Богу. Бог бо есть всякому творению хитрец, премудростию бо вся небесныя безсмертныя силы, и небо, и землю, и вся стихиа сотвори, яко бо зря на небеси солнце, и луну, и звезды токмо дивитися. Какоже человека не добре ли сотвори, да сами зраки своя мним добрейши и Божия творения утворяти? Бог бо всякому человеку предел положи летом совершение возрасту и разуму: егда убо человеку не совершенному меры возраста и разума, тогда Бог учреди и лицу его быти нагу. Егда же сподобятся лет совершеннаго возраста, положи убо в ту годину одетися устам его и лицу его власы, показуя его инем человеком яко да видят и свершена, и не ктому уже яко юношу младаго разума вменяют и, но в меру исполнена саном возраста. Неции же от нас, груб смысл имуще, и Божия премудрости исполнение мняще яко тленну вещь преобидети, режут и терзают потребляюще власы одеяния личнаго, иже суть на устех и на браде, мняще младостию краситися некоего ради сквернаваго дела. Не младость бо есть красота, но се красота, ею же Бог человека украсил есть, в ня же лета достоит ему тако быти. Какоже смеем сие изрезати, еже не от наших рук сотворено есть? Аще же рчеши нелепо есть се и непремудрено, приими же ты младенца пятилетна и сотвори ему таковый сан. Аще же сего не можеши, какоже смееши во уреченная ти лета Богом исполньшееся преобидети и сим противитися Богу? Аще бы кто и от другов твоих насади виноград и нань взирая веселяся, ты же изтерзаеши и, он же и паки хотя зрети нань, и ничтоже ту обретая, какоже ти мстити имат о своем сотворении, кольми паче Бога? Что бо веде безумне, како дерзаеши, сего бо не веси ли, яко ни злато, ни сребро, ни многоценное камение, ни бисер потреби, но богоданную красоту честнейши злата и сребра, и камения драгаго и бисера, понеже бо Бога сотвори всего честнейши на земли человеческу плоть, созда бо ея своима рукама, злато же и сребро и камение многоценное повеле земли и воде ражати. Какоже сия власы не честнейши ли сего всего суть, яко ражаются от богосозданныя человеческия плоти и во время повеленное Богомъ?

Инии же от неразумных человек гордостию возносящеся дабы мнелся от человек велик возрастом, и подкладает на плеща своя утинки от древ, не благодаря о сем яко повеле ему Бог быти мала возраста и Божию сотворению противяся, сам хотя предати си возраст, и сотворяется тако, якоже негоден есть Богу. Аще бо бы Бог восхотел кого велика и широка сотворити, сотворил бы якоже и сказати невозможно, но его же Бог не сотвори, егда Адама созда и Еву сотвори, се творят. Такоже и жены, Божию творению противящеся, и в гордости не ведяти себе како о себе мнять, творящеся яко Бог их не добре сотвори, но сами паче добрейшии Божия творения творят ся, и лица своя красят и белят вапы, и брови выспрь возводяще, и терзающе, и мастию клепяще, сиречь клеем, и главныя власы улишающе, а не тако правяще якоже вселенныя учитель Павел рече: еже жена власы имети на главе должна есть ангел ради, растение бо власов вместо одеяния дается ей (1Кор.11:15). Сии же своя власы отмещут, и вчинения неудо на толстины на главы своя под убрусы налагающе, еже глаголюще главу ровняти. Аще ли же кия без черности зрак имущи, сии черностию зраки подчрежающе, себе есть все Богу супротивление, еже со Богу о них кроме хотения бысть таци сами претворитися хотяще, Божия же творения отмещущеся, сами образу своему творцы творящеся, премудряюще Содетеля творение. Иже бо сотвори небо и землю, и вся иже в них, мог бы и женскую красоту, аще Ему годе, сотворити прекрасну. Аще бы восхотел их белости, мог бы сотворите белее снега, и аще бы требе возведении тонци брови, или главу округлу, мог бы сотвороти выспрь чела брови окружени и тонци яко очертании, и главу преокруглу, и аще бы восхотел всем сотворити черни очи, се бы могл прехитростне сотворити, но якоже кто ему годе, тако сего и сотвори. Сего ради Божия творения никому же самому удобно есть претворяти, и пред Богом в ненависти быти. Мнози бо жены и к церкви приходят претворяюще си зраки чрез Божия творения. Како бо Бога ей о древних гресех умолити, еже и о сем прогнева, яко претворися от создания Божия своима рукама, и не яко сама прииде, но яко ина, и еще тако дерзают к пречистому комканию Христова тела и крове? Аще же бы сие разсудити не достоит сих ни в церковь приимати, нежели сим даяти пресвятое причастие яко противником Богу. Знаменай убо яко аще кто от вельмож слузе своему даст ризу свою, он же шед изменив на чужду и приидет, тогда прогневается господин его, яко изменил есть ризу дарования его. Се же есть не риза, но образ Божия создания, паче же по Божию образу и подобию, таковое бо хуля на Божий образ хулу приносить и прехитряет Божие действо, антихрист есть. Когда бо кто виде яко да супротив глаголет создание создавшему, аще и не по его образу сотворено, почто мя тако сотвори, аз претворюся само, несть бо сего, ни удобно есть сему быти. Неции от злонравных жен глаголют: яко любве ради мужня се творят. Худ есть сей извет и полн вины, ибо Божия ли заповедь честнейши есть, или лица ея вапы? Жена бо мужеви дана бысть по заповедем Божиим имети, и аще кто не сытый блудник не восхощет жены своея любити Божия ради заповеди, сему вап ради жены своея любити неудобь. Аще бо восхощет жены своея вапы любити паче Божия заповеди, сий чуж есть христианства и буди проклят. Бог сотворил ны есть на coxpaнние своих заповедей, а не диаволя ради угодия, еже самого Бога противитися сотворению.

Мы же паче дьяволя угодия творим и не токмо же мирстии, но и мниси. Кийждо бо инок, егда образ приемлет, глаголет отрицаюся мира и яже суть в мире. Сии ли бо суть отреклися яже суть в мире, иже держащи в монастырех множество мирских слуг, цветоносных и младых юнош, и множество великих конь, и вся притяжания, яже богатым довлеет, и различная яди, и яздяху, якоже мирстии вельможи, гордящеся со множеством слуг. Се ли убо есть образ первоначальных пустынножитель святаго архиepeя и царя Мелхиседека, иже росу лизаше, и в наготе от мразу и от зною сотворися хребет его яко желвина кожа, или огненоснаго пророка Илии, иже имяше едину овчину, и вдовицею и враном кормим бе а бегаше трапезы Езавелины, или от Христа свидетельствованнаго болшаго в рожденных женами Иоанна Предтечи Христова и Крестителя, денницу солнечную, иже живяше под каменем, и ядый прутие былия мелагра и мед дивий, и чаша его пригорща бе, и одеяние его ото влас велбуж, и ничтоже от мира требоваше токмо душа человечески приводити к Богу? Помянем же и Антония Великаго, и Пафомия и инех святых, что убо богатетство имеяста, и како яздяста ли в гордости? Мы же сего ли ради рекохом отречение мирских, яко да солгавше се, паки множество богатстства стяжем, и различныя яди, ркуще убо носим безплотных образ, изъядаем же многия плоти, и яждение творяще на многоценных конех со множеством цветоносных слуг. О сем бо есть о всем возжеление и похотение от миродержателя дьявола, иже на цвет звездный прелстися, и помысли гордость, и отпаде истины, о нем же рече Господь: грядет мира сего князь (Ин.14:30) и во мне не имать ничтоже. Елици иже мниси, обещавшеся Богови во ангельский образ, вдающе же над собою область дьяволу, гордости величания ради древняго дьяволя художества? Мних бо есть истинный, еже носяй смирения образ, аще же ищет высоты да весть, яко се есть корень всего зла, в нем гордость дьяволя и недостоит ему нарещися мнихом, понеже мнишество есть ангельский образ, Аще ли же высочайших мест и почести земныя ищем, сего ли ради ангели наречемся, или Христови раби наречемся, не любяще в след его ходити? Аще бы сам Христос мест на земли искал, не бы возлежал в яслех скотиях. Егда же своя божестиеная много показа чудеса, и разуме яко хотят народи приити да восхитят его, и сотворят его царя отоиде в гору един, славы бо земныя не требоваше и нам дая образ смирения. Мы же, ищуще земные славы, како Христови раби наречемся и послушатели повелению Его, яко бо Бог сам смирения низщету, и всяко уничиженин волею поноси? Мы же се отмещущеи гордости ищем. Сего ли ради лжеприимство сотворихом ангельскому образу? Цыя ангели множество богатетства земнаго имут, и слугь и коня стяжут, и мест высоких ищутъ? Но несть сего, иже бо обещавый же Богови и правду свершит по своему обету, еже мирская отринувше, сей лехко взлетит ко ангельскому житию. Аще же обещание погрешит сей будет ложь, яко дьявол, о нем же сам Господь рече, яко ложь есть (Ин.8:44). Имый бо попечение о прибыткех мирских, сей Божию молитву забыл есть, яко же рече Господь: не можете Богу работати и мамоне (Лк.16:13), и апостол глаголеть: любы плотская вражда на Бога, закону бо Божию не повинуется (Иак.4:4). Се же ли есть мнишество, еже богатетства и величества высоты земнаго места искати? Се ли есть ученик Христовъ? Христова бо ученицы не яздяху на многоценных конех со многими слугами, но едини и пеши яко крилати всю землю обтекоста. Сам бо Христос, егда смирению учаше я, приим отроча, постави посреди их, рече: иже бо ся смирить, яко отроча се, той есть болей во царствии небеснем (Лк.28:4). Не сему бо Христос смирению уча еже ныне глаголют: аз смирен, но не сяди выше мене, аз смирен, но нигде же предворяй мене, аз смирен, но по мне глаголи, аз смирен, но требую многая. Христос же смирение ко отрочати приложи, отроча бо не мыслит ни пред ким величатися, ни богатети, но всякаго менши мнится, и от всякого боится, и повинуется всем, того ради болий есть во царствии небеснем. Ибо избранный бо Павел к Филиписем пиша глаголет: ничтоже по рвению, или по тщеславию, но смиренномудрием друг друга честию больша себе творяще (II, 3). Какоже мних, ища места мирския гордости, и глаголется Христов рабъ? Мнози же иноци и мирстии, покаявшеся о всех согрешениих к духовному отцу, и той же час к святому комканию спешат инех напред, имущы в сердцы сатанину гордость. Гордости бо места токмо помысли сатана и бысть свершен с небес в бездну и вместо архангела дьявол наречен. Ныне же видим мнозех мних, не токмо помыслом, но и делом гордящеся и ищуще величества и блядословяще, аще бо аз изгублю величество места, наведу си клятву. Сим бо лжа помогают себе, а не воспоминая сего, еже Христос сам смирися до рабия образа, смиряющихся возвеличит во царствии небеснем. Сам бо Господь рече: еже есть в человецех высоко, мерзко есть пред Богом (Лк.16:15). Сего ради святии прославишася, яко нищету смирения стяжаша. Се бо есть заповеди Божия о любви, яко всякого почитати паче себе, аще же последи неразумием льстящеся мирскою лестию, и о сем в кленут, но и праведника на зло молящася Господь Бог не послушает; аще же в своем кто смирении и наведет на ся клятву, ничтоже есть не прикоснет бо ся ему, понеже сим противу миродержителя враждует по Господня смирения образу. Аще бо кто на бесовская замышления ополчается, сей по истинне носит ангельский образ. Аще ли же телеснаго покоя и высоких мест на земли ищуще, какоже сии во ангельское достояние причтени будут, понеже дела творяще дьяволя гордостная, к сему же и собрание богатеству. Аще бы убо Христос добро нарекл богатество, и егда сам бе на земли, и веде вся места земная яко Бог, повелел убо бы негде, аще бы восхотел, гору злата себе утворити, но не сотвори сего, но и о богатем рече: неудобь внит ти во царство небесное (Mф.19:23). Слыши же что о мнишестем притяжании мятежнем глаголет святый великий отец Висарион, иже птиче житие живый, иже многих чудес от Бога сподобивыйся, иже и воду морскую ослади, иже прейде реку Хрусуру, сиречь Нил, пешь по быстринам, иже солнце от печения устави дóндеже дойдет до инаго старца, иже не токмо словом жестока беса изгна, но посадиша беснаго на месте его. Он же рече бесному: встав иди вон, и изыде бес от человека. И се той святой чудодейственник, слышав яко некто по смерти своей дав село женскому монастырю, святый же начат плакати и рыдати и бити лице свое глаголя: горе мне грешному, понеже сотворил есть радость бесу, погубив мзду свою и повреди не мало и постницы оны. Инем же о сем негодовавшим и супротив глаголющим той же святой поведа глаголя: еже самому ему се бысть. Яко егда восхоте отврещися мира дав село в женский монастырь, сущий при Александреи, и изыде в скит в бысть мних, и зря в видении нощию, яко сущу ему в Вифлиеме на молитве, и зря всю церковь исполнену света и мужа святолепны поюща, и жену некую багры ризы носящу, ей же красоту немощно исповедати, ему же страхом обдержиму и хоте оттуду отойти, и изыде святолепен муж и страшно возрев нань и жестоцем гласом рече ему: рци ми, како хощеши слово воздати о монастыри женстем, яко отнели дал си им село оно, прогневал еси Господа Бога, и ныне умрети ти, аще не исправиши, яже еси согрешил, Святый же Висарион отвеща: Господи, аз дах село оно с рабы и с супруги волов, еже упокоити их, а не за еже прогневати Бога. Отверзе же уста своя багроносная жена она рече ему: прияхом ти, чадо, доброе произволение, но обрете от сего вину дьявол, враг и наветник, душам их, и уязви з душею и телеса их, аще бо бы полезно мнихом, имение, можаше Бог послати им злато и сребро яко силен дождь и повинути им грады на службу, но не полезно есть, ибо отрекийся мира царствия ради небеснаго, в посте, и в труде, и во мнозе смиренномудрии и не мятежно приближитися к Богу не в чрево объядении и тщеславии богатества, и простерши руку свою показа ему оного, иже с ним первее беседова глаголя: се есть Иоан, учитель и наставник мнихом, и хотяще с ним быти должни суть того житию и добродетелем последовати. И глагола Креститель: Госпоже Мати Господня, кую потребу имамы в монастыри оном, отнели дав сей село оно, несть бо ту страха Божия, ни трезвения, ни разсужения, ни умиления, ни труда, нн стыдения, ни поста, ни бдения, ни сокрушения сердцу, ни стязания помыслом, ни чистоты, ни безгневия. Тогда глагола ему Святая Богородица: иди чадо, исправи монастырь он, имаши и Мене помощницу на cе. И глагола Крестителю: Иоане, знаменай сердце его яко да умныма очима узрит, и да не мнит мечтание быти видение се, и простре десницу свою, и знамена сердце его образом креста честнаго. Святый же Висарион возбнув и шед отъяти от монастыря постниц село, и продав его за ѯ҃ литр злата и положи злато в церкви постниц онех. Се убо сей святый сия глаголы поведа, яже слыша от самех уст Пречистыя Божия Матере и святаго Иоана Крестителя Господня, яко неудобь стяжати мирская отрекшимся мира, противно бо есть Богу и святым Его. Такоже бо обретохом и во святаго Иоана Златоустаго писании глаголющее: яко некто святый отец слыша некоего христолюбца умерша, и словутное свое село давша монастыреви святаго Иоана, и святый о сем опечалися и воздохнув и рече: увы мне, яко погуби таковый душу свою. И глаголаша ему братия: что, отче, скорбиши о нем помиловану ему быти. Святый же отец рече к ним: о таковом дару глаголю вам, чада, аще кто даст убогим и худым братиям, то во спасение души есть. Се бо видех в минувшую ту нощь о брате том умершем, о нем же вы глаголете, яко стояше душа его пред Богом на суде, и осужена есть душа его мучитися села того ради, и молящеся святой Богородицы и святому Иоану Предтечи о души той, и слышах глас глаголющ: кто даст село да отпустят село то от монастыря, и тогда отпущена будет душа та от муки. Сие бо не сего ради реченно есть, еже бы никтоже иноком и инокиням милостыню сотворял, добро есть даяти сим милостыню и полезно, но кая безмятежная милостыня. Села же даяй монастыреви мужескому и женскому, сей разстризает сих, мних или инокинь, еже паки обращает их во многоплетенныя сети мирския, в мятеж, и уныние и леность, даже и до блуда еже есть ров погибельный. Внегда бо иноци или инокиня исходит на села многажды впадают во вся сия сети дьяволя и во иныя, от них же избави ны Христос Бог наш моленми Пречистыя Его Матери, и святаго Иоана Предтечи и Крестителя, и святаго Мелхиседека архиерея и царя, и святаго огненоснаго пророка Илии и всех святых преподобных постническое житие подражавших и всех святых в безконечныя веки веком, аминь.

XXII. Слово к благохотящим царем, правительницам и землемериемъ1663

Премудрость Соломона глаголет: слышите убо царие и разумейте, и навыкните судия концем земли, внушите держащии множества, и гордящеся о народех язычестих, яко дася от Господа держава вам и сила от Вышняго. (Премудр. Солом. VI, 1–3). Аще же убо верных царь, в нынешнее время испытоваем, во всех языцех кроме русийскаго языка не вемы правоверствующа царя. Аще же убо верою прав есть, достоит ему не леностно снискати разсматряя яже ко благополучению всем сущим под ним, не единеми вельможами еже о управлении пещися, но и до последних, вельможа бо суть потребии, но ни от коих же своих трудов довольствующеся. В начале же всего потребни суть ратаеве. От их бо трудов есть хлеб, от сего же всех благих главизна: Богови в службу безкровная жертва хлеб приносится и в тело Христово претворяется, потом же и вся земля от царя и до простых людей тех труды питаема. Сии же всегда в волнениих скорбных пребывающа, еже не единаго ярма тяготу всегда носяще. Подобно бы убо в лете един тяжательный ярем носити сим, яко бо всяка тварь птицы, и зверие, и скоти единою летом изнемагают линством, ратаеве же безпрестани различныя работныя ига подъемлют: овогда бо оброки дающе сребром, овогдаже ямская собрания, овогдаже ина. Елицы иже от даропитательных сих ради царских собраний к ним собрания бывают, и сии убо подле царскаго уставления и себе с них многа збирают. Еще же сих ради посланий яждения ради конем в ямская расточения многа сребра разходящеся. Многаже и ина ратаем обида от сего, еже царския землемерительнии писарие яздяху с южем делом мерным отделяюще царевом воином землю, и меру земли вразнь всяку четверть полагающе, и сим много медлящии изъядаху многа брашна у ратаев. И многа убо царства прочтохом, и сего обычая невидехом. Видехомь же се. Егда бе Иосиф в Египте строяше все Фараона царя бытие, и во время гладу предержа неизглаголанное множество пшеници, от его же руку египтяня вси взимающе пшеница, сокровища вся своя издаяху ему, и уже никому же не имеющу что дати, Иосиф даяше им пшеницу и таку дань возложи на них, яко егда приидет жатва да приимет кождо жить сих четыре части, пятая же часть жить их да будет царю Фараону. И емляше у жнущих жита пятую часть, кроме же сего ничего же не имаше. И после же сего во всех языцех кийждо человек своему цареви или властелем воздаеть урок от приплод своея земля, идеже бо ражается злато и сребро, ту и воздают злато и сребро, а идеже плодятся множество великих скот, ту и воздают скоти, а идеже плодятся зверие, ту и воздают звеpиe. Зде же в рустей земли ни злато ни сребро не ражается, ни велиции скоти, но благоволением Божиим всего дражайши ражаются жита на прекормление человеком. Достоит убо и дань у ратаев царем и вельможам всем имати от жит притяжания их пятую часть, якоже Иосиф в Египте учреди. Иосие бо пишется продан бысть в Египет на тридесят сребряник во образ Господень. Какоже правоверным царем и вельможам их недостоит сему ревновати еже в своих селех и весех имати от притяжания жить у ратаев житом пятую часть, кроме же сего ничесоже? Злата же и сребра ратаеве недоумеюще откуду притяжати. Аще же гладни лета тогда убо мнози мучимы суть, их же и видехом. Како бо осем мучению достойни яко лето мала притяжания сподобльше, ратаеве же мучима сребра ради, еже в царску взимается власть и дается в раздаяние вельможам и воином на богатство а не нужда ради. Нужда бо ради кийждо от вельмож своя ратая имут, и сими довольни будут, пятую часть у коегождо ратая приемлюще и цареви от сего служаще, их же ратаем ничто же иного кому никому же недостоит подаяти ни ямскаго собрания своих ради вельмож или воинов. Ямская же правления вся подробну достоит устраяти от града по расписанию и до другаго града. Сим елицы и во градех купующеи, продающеи, и прикупы богатеюще достоит сим сий ярем межу всех градов носити, понеже суть стяжатели многа прибытка. Кроме же сего ничесоже никиих улишений да не сподобятся, но во вся грады безо всяких воздаяний сиречь пошлин купующе и продающе и сего ради нарицаемая ямская правления от града до града по написянию исправляти сим достоит. Се убо всякаго мятежа в земных умалится, писарем умаление, зборы престанут, мзды неправедныя отлучатся.

А еже землемерительнии писарие четвертию меряще, и ратаем многу скорбь от объядания приносяще, осем убо тако достоит разумети скорости ради мерныя и вражды и тяжбе межных. Мерити достоит и отделяти поприщьми. Вемы бо искус меры счетования к сеянию подробну…

(Далее я опускаю подробное и длинное изчисление правил древнего землемерного искусства в виду его однообразия и крайней запутанности).

Недостоит бо никому же боярам, и воеводам, и воином своя ратая имуще, со инех же сребро имати. Аще бо кто предо инеми воины в велик есть, то по достоянию его больши есть земли вдано ему и тако ратаев своих предо инеми воины больши стяжет овою вдвое а иного втрое, инех же в седмеро и во осьмеро. Сей тако велик есть аще и воеводствовати или болярствовати удобен, но неудобь же есть ему предо инеми воины яко господем быти. Се есть излишнее и богатство и гордость, еже у своих ратаев удобная довольствия взимая к сему же и с чужих сребро, взимаяти. Аще же убо комуждо на потребу удобь будет сребро имать кийждо излишняя жита своя и се безпошлинно продая гралским жителем и елицы и хлеб купуют и сим на потребу свою сребро притяжет. Како убо у ратаев сребро хотети и того ради их, яко видим, муками томити, сии бо сребра неззидают но хлеб назидают, сего ради у них хлеб достоит приимати по Иосифа прекраснаго уставу пятую часть. Тако же и сена и дров пятую часть достоит приимати.

Противу же ратным изходити достоит тако иже имать царскаго даяния во одержании земли в долготу и впреки четверогранно поприще сему подобает быти самому и с ним слузе во бронях, а прочим потому же счетованию на толицей бо мере земли к҃ ратаевых полных жребий и по в҃і четвертей с осминою во всяком поле кроме сена и лесу, сего ради десять единонадесятаго к воинству сподобят. Аще лиже царь восхощет дабы воинство его противу ратных воедин день собиралось, подобно есть ему всем воином повелети не жити в селех и в весех, но жити во градех, яко да уставленное свое повелят привозити к себе ратаем и npиeмлют хлеб и сено и дрова у ратаев своих, сами же жительствуют во градех. Сего ради яко едина царева грамота о воинстве приидет к ним, и единаго часа вси слышав, усрамятся друг друга отлучитися, но единомышленно и в един день вси грядут на порученную им службу.

Аще ли же сам царь восхощет дабы ему за всю землю не отвещати, якоже коемуждо человеку за свой дом, рече бо Господь ему же дано боле и взыщется боле от него, и ему же дано множайши множайши и просят от него. (Mф.25:21; Mф.25:29), глаголет же и апостол к, Галатом: яко блудницы, и прелюбодейцы и пияницы царствия Божия не наследят. Зде же видим яко во граде нарицаемом Пскове и во всех русийских градех корчемницы и блудницы. В корчемницах пьяницы без блудниц накакоже бывают. Аще же небудут изведени корчемницы се есть сведомо еже есть, и блуд хластым и прелюбодейство женатым, ответ же будет о сем иже сим богатеющим. Но Господи умилосердися, и даждь цареви нашему вразумение, еже сия извести, и не едино же се, но и всяко пьянственное питие. Аще убо в земли нашей не будет пьянство, не будет и мужатицам блуда, не будет и душегубства, кроме разбоя, разбой бо аще и умыслит кто злодей и овогда получить, овогда же презорства ради не получит сия же напасть не мысля погубляет и презорства не помнит. Аще бо в земных обычаех снидутся ко пьянственному питию мужи и жены, приидут же ту неции кощунницы имуще гусли, и скрыпели, и сопели, и бубны и ина бесовския игры и пред мужатицами сия играюще бесяся и скача и скверныя песни припевая. Сиа же зря жена и уже сидяще от пьянства яко обуморена, крепость бо трезвеная изсяче, и бысть ей желение сатанинскому игранию, мужево же ея такоже ослабевшу и на иныя жены умом разслабевшу и бывше семо и овамо очима соглядание и помизание и кийждо мужь чужей жене питие даяше с лобзанием, и ту будущей рукам приятие, и речем злотайным сплетение, и связь дьяволь. Преже бо убо единаго искуса жена срам имат, егда же быв во искусе, ктому уже сраму не имат, обыкшей вь том блудницею бываеть. Первое бо всякой блуднице навет дьяволь бывает в беседах пьянственных. Душегубство такоже во пьянстве. Преже бо пришедши в пиршество восхощет всяк сидети в высочайшем месте, и егда неполучит и трезв молчит, но возненавидит брата своего в честне месте пред собою седяща и преже положит нань в сердци си гнев, и яко от пьянства уже изступлен ума бывает, учнет мыслити срамотити, а и мещет нань злыя речи, и аще сей претерпит, он же паки с досажением, и той убо тако же от пьянства неумолчит, и бывает брань и потом един единого ножем закалаетъ? Где бо есть слышано инако ножеваго убийства якоже в пьянственых беседах и играх паче же о праздницех елицы пьянством празднуютъ? Сия бо две радости бесовския мужатицам и вдовам начинание блуда и душегубство от пьянствинных бесед. Аще же кто, любяй пьянство, и сия блядословит: аще не будет хмелю, то опресноци служити, таковый себе помогает абы всегда ему кваситися хмелем. Тесту же есть квас не от хмелю, но от дрождий всяцех, а ции и безхмельни суть, яко бо о служебнем хлебе писание сего не глаголет еже бы преквасено, но дабы квасено, еже бо от квасу яко воскресло. Посему бо тако треба быти яко во Христово Тело претворяется, Христово же Тело божеством воскресшее не достоит опреснок нарещи, понеже мертвен имать образ, квасом же яко оживет и прирастет. Святым бо верховным апостолом Петром Марко евангелист поставлен бысть во Александреи епископом и от Марка к поднесь Александрейстии патриарсии паствою не беша опустели николиже, но друг по друзе приемлюще служаху квасеным хлебом от виноградных дрождий. Тамо бо несть хмелю, но может тесто квасится и безхмельными дрождиями. Аще же Бог благоволит благочестивому цареви достоит по всем градом русийским к правителем наказати абы строения хмелеваго заповедовали строити. Сим бо душегубству и блуду и пьянству упражнение. Еще же душегубства ради заповедовати во всех странах ковачем, абы ножеве ковали притупо без концев, и от сего бо душегубству упражнение, царева же за се отдание согрешением и воздаяние будущих некончаемых благ от Господа Бога и Спаса нашего Иисуса Христа, в веки веком, аминь.

XXIII. Выписки из слова о разсужении любви, и правде, и о побеждении вражде и лже1664

Глаголют в мире яко се есть любовь еже, сотворив пир, созвати от своих приятель, и соседы, и елицы и ким нрава ради угодная творяху, и тем друзи быша. Но не есть се любовь. Егда бо кто творит пир на честныя мужа, сий срама ради множество многоценных брашен учрежает. Многоценная же брашна множества всякому человеку от своего труда невозможно стяжати, но убо таковая составляются от властельскаго и насильственнаго притяжания, яко убо вельможи ничтоже имеюще от своего труда, но изьядающе и одеяния носяще людская труды. Что бо есть за любы, еже на сильну трапезу збирая, мнозех оскорбляти недостатотствующих, немнозех же от честных мира сего от таковых же елици тако же недостатотствующих оскорбляют сих многоразличными брашны питати многоценными и питии и за сей нрав еже оному насиловати и оскорбляти невозбраняют, и сами таже творят. И сии убо пиры творяще веселятся, а от них же се собраша, сии плачут, недостатствующа же кого призывают на се, яко да и паче истощится к сим же много принося. Несть бо се любовь, но многим оскорбление. Аще бо кто таким насильственным трапезам причащается, сии убо единомышленник обретается творящим и.

Аще кто совершает любы, сии в чужем прибытка не желает ни в чем же, неразбивает, не крадет, не бьет, не насильствует, не резоимствует, не мзаимствует великаго мшелоимства и лихоимства, не временствует, не гордится, не тщеславится, не завидит, не блудит, не сводит, не лжет, не клевещет, не осужает, не подсмехает, не бранится, не ротится, не гневается, матерски не лает, скверны не глаголет, не шутит, в церкви не глаголет, к волхвом и чародеем не ходит любве ради Господня, не объядается, и не опивается поста ради, не много глаголет пустошных глагол ради, не мого спит молитв ради и богатетство много не сбирает.

Се уже разсторже любовь, аще в суде мзду взял еси, се убо разсторже любовь, яко от чюжаго притяжания богатееши, человеку же скорбь сотворил еси, аще и оправил еси по правде, но Бог правду даром сотвори, ты же продав ея, светило же правде Христос. Аще ли же купець еси и малом что искупив, временем же на сем много чрез естество взимаеши, и се убо разторже любовь… Аще сребро твое даси в лихву, и се убо разторже любовь, яко бо всякое животное Божиим повелением растет, садовное же по Божию повелению от солнечнаго огревания растет, твоему же сребру не положи Бог растения, ты же противишися Богу, яко не расленному повелеваеши расти… Или аще у кого на блуд жену увеща, се убо разторже любовь, яко с женою разлучи, аще ли же кому блудное насилие сотвори, или лестными коварствы на блуд кого увеща, се убо како любве не расторже...?

Аще начнеши имети пост, утончают ти вся мысли, нетокмо бо человеком любовь покажеши, но и скотом, и зверем и птицам, и рыбам, всякому живот имущу любовь твоя явится, и сия бо вся Богом сотворенна животна, из них же кровь изливается, в посте же и сие твоея ради снеди да не умертвится, и кровь не излиется...

Аще начнеши имети творити милостыню и даяти от своего труда, то не многаго ради даяния честна есть пред Богом милостыни, но еже подати не скорбя собою и не глаголя, яко мне не останет, но от всего сердца елико имея сие подати...

XXIV. Лета 7060 (1552 г.) Апрель1665

По цареву великого князя слову Иоанна Васильевича всея Русии дана выпись Ондрею Берсеневу, да хозяину Тюпину о том, что не велено священническому и иноческому чину по священным правилом и по соборному уложению в корчмы входити, ни в пиянство упиватися, ни празнословити, ни лаяти, и им того беречи накрепко по всей Москве. И которые священники и диаконы и иноки, забыв страх Божий и презрев священная правила, и царскую заповедь, и соборное уложение, учнут по корчмам ходити, и учнут в пианство упиватися, и по двором и по улицам скитатися пияни, или учнут сквернословити, или матерны лаяти кому на соблазн мирским человеком, или пияни учнут битися, и дратися, и им таковых безчинников попов и диаконов, и чернцов имати да и заповедь на них царскую имати по земскому обычаю, яко же и с простых людей безчинников и бражников заповедь емлют, да отсылают тех чернцов в монастырь к архимандритом и игуменом, и они их смиряют по манастырскому чину, а попов и диаконов отсылают к поповским старостам и они о тех безчинникех святителем возвещают, и святители их исправляют по священным правилом. А на котором чернце невозможно заповеди доправити, ино взяти заповедь на том кто его напоит, а чернца отослати в монастырь, и они его смиряют по монастырскому обычаю.

Да по цареву же великаго князя слову Ондрею да хозяину велети по торгом кликати, чтобы православныи христиане от мала и до велика именем Божиим во лжу не клялися, и на криве креста не целовали, и иными неподобными клятвами не клялися, и матерны бы не лаялися, и отцем и матерью скверными речьми друг друга не упрекалися, и всякими бы неподобными речьми скверными друг друга не укоряли, и бород бы не брили и не обсекали, и усов бы непостригали, и к волхвом бы и к чародеем, и к звездочетцом волхвовати не ходили, и у польбы чародеи небыли. А которые безчинники, забыв страх Божий и царскую заповедь, учнут именем Божиим во лжу клятися, или на крив крест целовати, или отцем или матерью укорятитя, и скверными речьми лаяти или учнут бороды брити и обсекати или ус подстригати, и к чародеем и к волхвом и к звездочетцем ходити волхвовати, и к полям чародеи приводити, и в том на них доведут и обличени будут достоверными свидетели, и тем быти от царя, великаго князя, в великой опале по градским законом, а от святителей имже быти в духовном запрещении по священным правилом.

XXV. Выписки из статьи «правило с Богом починаем св. апостол и святых отец седьми собор о епископех, и о ереох, и о мнихох, и о людех мирских заповеди всякия»1666

I. Женам повелеваем исповедатися в прусте церковнем, и отверзты имети двери внешняя соблазни ради. Заповедаем же и совершенным мнихом и девьствующим яко не приимати жены на исповеди к себе, точию иже есть доспел в старость целомудрену и благочинну, се да наречется к таковым, да не помышлением соблажняется, ибо диавол со женами творит брань мнихом. Егда же хощет который любо исповедь женску, прежде да утвердит себе молитвами и моленми и поя и сия псалмы: помилуй мя Боже, и Воскликнете Господеви вся земля. И посем да приимет исповедь которыя любо жены. А ерей аще и старость целомудрену доспел есть и в разум истинный духовный, и аще и еще жену свою имать, и может, се хощет, приимати неких исповеданием к себе... Юннии же иереи еще сущии отнюд да не смеют прияти ни едину душу ко исповеданию, понеже слепец слепца водяй оба в ров впадетася.

II. Подобает испытовати и мужа и жены и мнихи и мнишица и иного каков любо будет, увесть ли число с колицеми образы соблюдил еси. Аще ли от множества не весть, ни по не число, сей есть блудник.

III. Суть убо неции в христианех, иже еретическая дела творяще, и егда будет по захожении солнца не дают ничто же от дому своего ни огнь ни сосуд неких, или требование некое, внимают же и гласом куречьим и лисицем, и сряща глаголюще овы злы и овыже добры и зрению солнца, и луне и звездам, и звания скотом.

IV. Иже аще кто брака гнушается, и женящихся, или жену спящую с мужем ея, или спящаго со женою мужа и таковых гнушается кто, и глаголет яко не достойни суть таковии царства Христова, анафема глаголющих таковая.

V. Аще жена от своего мужа убегает, ненавидящи мужескаго совокупления, но хотящи ходити тако, анафема.

VI. Жена аще не покаряется мужу и в воли его не пребывает, якоже апостол глаголет: мужу глава есть Христос, а жене глава есть муж ея (1Кор.11:3), да еще не послушает се таковая, анафема.

VII. Аще кто родит чада и не хранит, ни питает их, якоже должен есть, но хощет оставити их юны и отъити да пострижется, анафема того и иже аще пострижет его.

VIII. Всякому родителю подобает сына своего женити егда скончается возрасту є҃і лет а дочери в҃і лет, себо есть закон истинный. Аще же небрежением родитель прейдут лета взаконенная сыну и дщери, и случится единому соблудити от них, то сей грех на родителех есть. Аще ли же дщи не и еще сущи леты в҃і, или сын не и еще сущи леты є҃і аще соблудит един от них, то грех той есть на творящаго и гнев от Господа имать.

IX. Аще кто оставит своего родителя стара и немощна суща, а не почитает, ни хранит его, но отъидет пострищися без повеления своего родителя, той анафема и пострилая и.

X. Аще жена воздержатися хощет от своего мужа на ложи, или муж воздержатися от своея жены, то подобает им совещатися и составити совет о сем да не един от них воздержатися хощет, а другий невозможет или не хощет, и начнет блудити со инеми ходящи, и есть грех болий на обоих сих. Лепо же есть всякому христианину, жене же и мужу, в дому два одра имети ложема своима и нарозно легати в неделю, и на святыя праздники Господския и в великия седьмерицы.

XI. А еже о женах более есть паче искати сих пытанием (на исповеди), нежели мужа; доспевает бо ся в велика беззакония еже деяти чаровы, и волхвования и душегубства... тем же вопрошати их много паче достоит.

XXVI. Выписки из статьи «заповеди святых отец от правил вкратце противу согрешением всем православным христианом»1667

I. Аще жена родивши умирати начнет того дни или утре, то омывше ю изнести во ин храм, и дати причастие да не тако умрет, да егда оздравеет да потрудится к Богу постом за то по силе говети.

II. Аще кто поимет жену без венчания. и аще дети будут и да внидут в церковь на венчание и привить дети к ним, тако венчати в дати им заповедь. А кто не венчается от таковых нельзя взяти приноса, ни в церковь пущати... да нудите их дабы ся венчали.

III. Аще кто пустит жену, или жена мужа, таковых со иными не венчайте.

IV. Аще кто поимет д҃-ю, или є҃-ю жену с такими ни ясти, ни пити, таковый поган есть.

V. Аще иконы в клети и крест честный мужу с женою достоит быти, не во грех бо своя жена, а холостым с чужею небыти.

VI. А инии холостии яве наложницы держат и дети имут, а инии тайно блудят с рабами своими.

VII. Аще кто ся распущает, а инде поимает с теми ни пити, ни ясти, ни дару от них неприимати.

VIII. Аще кто запоит друга нужею, постятся оба семь дней. Аще зануженый изблюет опитемии м҃ дней.

IX. Аще кто возмет мзду хотя за кого поститися и молитися, толиво же и за собя молитися, а еже взял раздати убогим.

X. Аще кто на восток или на запад мочится поста восемь дней, а поклонов по тридцати на день.

XI. В кощунах хвативши мужа за лоно, или жену поста три недели, а поклонов по ста на день; разсмеявшийся до слез, или мигнувши с похотию поста две недели.

XII. Аще рукою тыкнувше вь лоно жене, или ногою, или сквозе платно блуд сотворивши, или пияной, или сонной, поста три недели, а поклонов по ста.

XIII. Позревше на чужей срам тай, или в бани, поста день до вечера, а поклонов по тридцати на день.

XXVII. Послание Максима Грека к Иоанну Васильевичу о брадобритии1668

Максима инока, святогорца, послание к сямодержавному царю Ивану Васильевичу о еже не брати брады. Списано из книги Сергиева монастыря.

Благоверному царю и самодержцу всея Русии, государю и великому князю Ивану Васильевичу ниско много челом. Ни едино дело премудрости Божия суетно, есть, рекл есть некий от древних богомудрых муж, и богодухновенный царь и пророк Давид дивуяся преухищренным, украшением содельства Вышняго вопиет глаголя: коль возвеличишася дела Твоя, Господи, вся премудростию сотворил еси. Многим убо сущим совершающим тело наше удовом нашим. Овы убо сих на нужнейшу потребу нашу умышлены премудрым Содетелем: якоже ноги убо ко еже движатися нам, идеже аще треба будетъ; руце же во еже делати потребная, очи же, – коеже глядати и раззнати сретающая и случающаяся нам, каковаже и елика суть; нос и ноздри к рассуждению различным воням и в дышению и издышению животнаго воздуха; овы же во украшение и благолепие точию лицом нашим но и к немалой потребе умышлена быша премудрейшим Содетелем, якоже брови убо, да яко ко еже от них благолепию, да и подлежащая им очи невредных соблюдают от натекающих сланых потовъ; ресницы же наихудше создание, да те же очи соблюдают нестужаемыми от всякаго тончайшаго праха и пуха, яковаже многа воздухом обносима в глазех лежут. Ус же и брада предобрейше умышлена быша премудрейшим хитрецем Богом, не точию к раззнанию женскаго пола и мужескаго, но еще и честновидному благолепию лиц наших. Кто здрав умом сый и Богу во всем тщася благоугодити возненавидит тогда и бритвою изгладити видения своего дарованное ему лице сицево от Содетеля честнообразное украшение и наипаче слыша Владыки крепце Маисеом повелевающего людем израилевым: не отсецете брады ваша, еже есть не брейте (Лев.19:27), ниже сотворите сисон на главах ваших якоже язы́цы; аще же прокляти уклоняющиися от заповедей Божиих, якоже слышим во священном песнопении, под той же клятве подлежат и истребляющии бритвою брады своя, противящая без ума заповеди Божии.

Но что к сим противящиися глаголют непокоривии и презоривии латына? Но ветхаго Рима святитель соборным правилом своим отлучает, глаголют, от сообщения верных не бреющих брады. И аще сице есть, якоже сказуют, той убо папа и его собор повинии суть евангельскому ответу, глаголющему яве: яже аще разорит едину от сих меньших заповедей и научит тако человеки, наименьший наречется во царство небесное (Мф.5:19), еже есть во страшном всемирном втором пришествии неумытнаго Судии осужден будет, аки противився евангельстей заповеди. Яко древнее и богоугодное предание есть еже брады не брити яве есть и от иных писанных показаний, и наипаче о них же писано есть во втором царствии (глава X), и содеяся при самом царе Давиде. Царь Давид послал честных мужей ко Аинону, царю Аманитскому, сыну Наасову, утешити его скорбяща о умертвии отца его. Их же пришедших обезчестил Анон, брады их отсек, и одежды их долги отрезав до бедр, послушав своих боляр, глаголавших к нему яко с лестию послал их Давид, и не по любви и не по дружбе, ведати какая крепость града и людей есть. Слышав же Давид дерзнутую на посланники своя досаду и безчестие велел им в селех их жити, дóндеже паки брады их отрастут, скверну возмнев прибыти себе сице согледует им сице безобразившимся, толь мерзко мнящеся древним праведным, еже брити брады своя Божию заповедь соблюдающих глаголющую не отсецете брады ваша. Вопрошаемамы же латына, чего ради бреются, глаголют, яко тщеславие суетно притворят, еже браду пущати. И аще есть от тщеславия согрешения избывающе, сего ради бреют брады своя, множае паче подобаше им отрезати детородныя уды, педагогон, эфедрон1669 скопски, аки разжизающих их ко студным блужением и богомерзким похотем, очи же извертети, руку же и ногу отсекати, евангельски рещи, аки сим нудимым ко всяческим лукавым деянием и похотем. Но не уды телес наших отсещи нам Спас велит, но лукавыя похоти душ наших, сими удесы действуемых. Сице подобаше бегати и согрешения тщеславнаго смиренномудренными подвиги противящимся ему, а не бороду брити, изменение сущи честнолепнаго образа. Ельма есть видети без бород тщеславием побеждаемых лют овых убо о благородии родителей, иных же о изобилии многообразнаго разума и премудрости, самого же пресловущаго папу их о одежди огнеобразней различне преукрашаемей златом и сребром и о митрии шапке высоце и тремя венцы, и многоценными каменми осияваем о невоздержно хвалящася. Где у него смиренное мудрование верховнаго, иже необычное человекопоклонение Корнилиево не прият, но воздвиже его рек: востани ибо и сам человек есмь (Деян.10:26) Чуднейши же папа, о бъещая в Рим, аще не поклоним будет от сретающих его, ничтоже радит ему биемых бываемых их от паличников своих, или в ланиту приступающих к нему властем и князем и вельможам, но овым убо колено, овым же ногу на целование даити, кое крайнее кичение и высокоумия и гордости не превозходит и наипаче слыша Владыку Христа Симона убо укоряюща, не давша Ему лобзание любовное знамение, а блудницу похваляюще, ноги Его пречистыя облобызающу. Суетен убо воистинну и безумен извет латынский, показаша бо ся и без бород невоздержно тщеславящеся явственне убо обличаеми бывают яко гнушающеся сице честное украшение, дарованное от Создателя, бреют есть. И яко не точию словесному естеству человеков, но и еще и безсловесному даровася сицев благолепный образ. Услышим внятно. Некоего слышал, есмь поведавша мне, а самовидец не бывал, яко играюще неции отсекоша браду некоего козла доброродна бо зело, и той не стерпев досады сицевы, самого себе убил до смерти, бия без милости главу свою к земли. Уразумеем коль честно и любезно есть бородное украшение и безсловесному животну. Аз же словесен сый гнушахуся ея: оле студа и безумия моего! Но и сие убо сицево. Услышим же и ино дивно. Воевода некий славен грек, именем Мина, ездя еже с ним воинством по брегом, Ниловым, явишася ему посреде Нила два животна человекообразна, по ряду стояща прекрасна взором, их же едино предоброю брадою преукрасися, муж сый был, а другое женскою добротою преукрашено зело, их же доброт удивляяся на долго Мина заклял их Содетелем их не погрузитися в воде, дóндеже все воинство узрит их. Да разумеем убо мы не смысленнии коль неизчестна есть благодать, яже о нас Содетеля нашего, яко не точию заповедию своею, но и показанием бесловесных животных наказует нас честнолепно жительствовати благочестивым сущим, а не якоже языки неверныя, и да ся исправим послушающе глаголющаго Тайноглагольника: аще духом живем, духом да ходим, еже есть христианолепными обычаи и предании да украшаем житие наше, о Христе Иисусе Господе нашем, Тому слава во вся веки, аминь.

XXVIII. Поучение митрополита Макария против разговаривающийх в церкви

Макария митрополита всея Руси1670.

Аще кто с земным царем беседует, то со страхом и трепетом предстоит, и всем сердцем и умом внемлет от царя глаголемая, и не смеет зрети семо и овамо. Аще ли оставя царя, учнет клевретом своим беседовати, каково негодование, но и от лица царева изгнан будет таковый. Коль же паче всем православным во святых церквах на божественном и на всяком пении, паче же на литоргиях святых, предстояти ничтоже земнаго помышляюще, якоже писание глаголет: всяк правоверный со вниманием сердечным и со страхом Божиим моляйся, таковый с Богом беседует. Аще ли то во святых церквах, оставя молитву, учнет з други своими о тленных и мимотекущих беседовати, то от Бога како услышан будет таковый? Возможно ли человеку зрети единым оком на небо, а другим на землю? Аще раби пред господином два или три или мнози разные вопросы творят вдруг, како может господин их послушати, аще не по единому их ответ сотворитъ? То такоже во святых церквах и в домех всем православным христианом единеми усты и единем сердцем Бога славити во услышание и в разум себе, уши бы слышали и сердце разумело. От разумнаго бо и благочиннаго пения приходит всякому человеку умиление в душу и страх Божий в сердце, и умилное покаяние и слезы, и всем умом к Богу вопиюще, и слыша Господь общая и согласная вкупе моления дарует благодать и милость рабом своим. И того ради подобает пети и чести и во святых церквах со страхом и с трепетом предстояти не токмо священным, но и всем православным христианом.

XXIX. Поучение о глаголющих и смеющихся в церкви1671

О великое Божие милосердие, како не снидет огнь с небеси и не пожрет вся глаголющая в церкви! Братие не бойтеся смерти, боитеся греха. Смерть страшит, а грех во веки мучит. Внимайте убо себе, братие, преже во всем страх, и попецемся душами своими, како бы нам угодити Вышнему царю Христу Богу нашему. Господь бо нас зовет в царство небесное, а мы совращаемся с пути праваго и идем во дно ада. Братие, добро есть ко святей Божии церкви приходити и молитися Господу и Пречистой Богоматери христианской Заступницы, и великому пророку Иоанну Предтечи, и небесным силам, и апостолом, и пророком, и мучеником и всем святым о своем согрешении, слушати святыя пения и почитания божественных книг со благоговением, и со страхом Божиим, и со умилением душевным имети в сердци своем страх и трепет. Церковь бо нарицается земное небо, мы же неистовии приходим аки на торжище и на позорище с гордостию и величанием, и покланяемся образу Владыки Господа нашего Иисуса Христа покровенными главами, а инии подпирающеся жезлы, а инии приходят разволочася риз безобразно. Можем ли тако разволочася и покровенною главою и земному царю пришед поклонитися? И мы земнаго царя боимся, а Бога не боимся, кто сотвори небо, и землю, и вся яже на ней. Апостол пишет: Бога бойтеся, а царя чтите, слуга бо есть Божий (1Пет.2:17). И аще бы тако боялися Небеснаго Царя, и заповеди Его хранили, якоже земнаго, то вси бы человецы святи были. Велика беда и тяжек грех бывает в церкви – плищ, смех, говор безделен. Еще же и о сем речем, и инии человецы не крестят лиц своих, входят в церковь, а инии не право крестятся, махают руками и невесть что, и тому их невежествию беси радуются. Подобает нам братие к церкви приходити якоже Петр, Иоаннъ…1672 ко гробу Господню, а креститися так: преже положити руку на чело главы своея, та же на перси, по сем на правое рамо, такоже и на левое, то есть истинное крестное знамение не может к тому человеку прикоснутися ни диавол, ни зол человек.

Горе вам пастыри, ослабляют и не учат детей духовных. Рече бо пророк: яко млеко и мясо овец Моих поядосте, и неупасосте их, и заблужшия не взыскаете, и сокрушенныя не изцелисте. Не слышате ли гласа ко Иезекиилю глаголюща: сыне человеч, стража дах тя дому израилеву, слыши бо от Мене слово и запретиши имъ; праведный да не отпадет от правды своея, грешный да обратится от беззакония своего, животом жив будет, и душу от смерти избавит. Аще ли же не послушают тебе, сами бо во гресе да умрут, аще ли же не запретиши им, кровь их от руку твоею взыщу (Иезекииль, XXXIV, 1–4; ХXIII, 7–9). Слышасте пастырие страшный ответ гласу рекшаго яко за едину душу человечу страшное томление будет вам в день великаго суда Божия. Вас же что нареку не пастыря, ниже наимника, но губителя своим душам и человеческим. Наимник бо видит волка грядуща, оставляет овцы и бегает, сей же себе пасетъ; вы же никим же гоними побегосте и не убежасте не овца едины, но и церковь Божию оставиша ратуему и обидиму.

Горе же и людем, иже не послушают отец своих духовных. Господь дает им власть над человеки духовне вязати и решити, апостол (нужно читать – Господь) рече: аще свяжете на земли, связана будет на небесех, аще разрешите на земли, будет разрешена на небесех (Мф.16:19). Помянем братие смертный час како быти согнитию телеси и разрушение костем, якоже нази родихомся, нази отъидем, токмо возьмем едину срачицу и саван. Слава и богатство вся минетца.

Братие приходите ко церкви, кайтеся грехов своих, храняще чистоту, творяще милостыню и любовь ко всем не лицемерну. Уже страшный суд спеет, престоли готовятся, судия праведный грядет судити живым и мертвым и воздати комуждо по делом его. Тогда праведницы просветятся аки свет, а грешницы помрачатся аки тма, и отсылаеми будут грешницы в различныя вечныя муки, а праведницы во царство небесное и безконечное в веки веком. Аминь.

* * *

1584

Поучение издается по четырем рукописям: Импер. Пуб. библ. F. 1, № 522, Моск. Д. Акад. № 197, л. 53–64, биб. Хлудова № 87, л. 28–34 и Синод. биб. № (не разборчиво) л. 37–44. За основание взят сборника Моск. Дух. Академии № 197. При издании помещаемых здесь рукописных памятников сделаны следующие отступления от подлинника: титла и весьма немногими исключениями прочитаны и расставлены строчные знаки – точки, запятые и под.

1585

В рукописях Синодальной и биб. Хлудова читается вместо слов: пастыри мучимы бывают, пастыри учимы бывают.

1586

Во всех остальных рукописях: Син., Хлуд. и Импер. Пуб. биб. читается вместо путь степень.

1587

Здесь сравнительно с текстом сделан пропуск двух очень обширных свидетельств И. Златоустого и Василия Великого, помещенных в неудобопонятном переводе.

1588

В рукоп. Им. Пуб. биб. и Син. читается: отвещают.

1589

В рукописях это слово пишется всегда одинаково так: Iс҃, которое я прочитал Иисус.

1590

По рук. Импер. II. биб. читается: или веселитися, и прохлажати в вознеситися, и щапити, и пиры составляти и сзывати на обед… В Синод. Рукописи читается: или веселитися, и прохлажати и созывати на обед славных...

1591

В рукоп Импер. Пуб. биб. прибавлено: и молитися о всех.

1592

Здесь опять сделан пропуск обширного свидетельства из одного слова св. И. Златоуста, представлеанного в неудобопонятном переводе.

1593

Поучение издается по четырем рукописям: по рук. М. Д. A. № 197, л. 64–68, биб. Хлудова № 87, л. 34–36, Синод биб. № (не разборчиво) л. 45–47 и по рук. Имп.пуб. биб. № 522, л. 58–60. В основание издания положен список Моск. Дух. Академии.

1594

Во всех других рукописях прибавлено: песни же и пениа, и седальны, и тропари, и кондаки, и степенны, и всенощныя уставы и пения господскым праздником...

1595

Поучение издается по рукописи М. Д. Акад. № 197, л. 201–204.

1596

Поучение издается по четырем рукописям: Синодальный, Хлудова, Импер. Пуб. биб. и Моск. Дух. Академии. За основание взята рукопись Моск. Д. Ак. № 197, л. 237–238.

1597

Во всех других списках поучения прибавлено: не осужаем да не осужаеми будем.

1598

Поучение издается по рукописи Моск. Д. Ак. № 197, л. 349–352.

1599

На поле рукописи вместо этого слова написано: о законопреступлениах.

1600

Поучение издается по трем рукописям: Имп. пуб. биб. № 522, л. 402, Синод, библ. № (не разборчиво) л. 272–280, и Моск. Дух. Акад. № 197 л. 402–415. За основание издания взят список Моск. Дух. Академии.

1601

В рукоп. Синод. биб. № (не разборчиво) л. 273 читается № (не разборчиво): не.

1602

В рук. Син. биб. чит: но яко не чувствен пребывая; в рук. Имп. пуб. биб. чит: но яко и не чувствен пребывая.

1603

Поучение издается по рукописям: Моск. Дух. Акад. № 197, л. 431–440. Импер. Пуб. биб. № 522, л. 435–441, Син. биб. (не разборчиво) л. 293–297 и биб. Хлудова № 87, л. 214–216. За основание взят список Моск. Дух. Академии.

1604

В рукописях: Синод. № (не разборчиво) л. 295, Импер. Пуб. биб. № 522, л. 438 и Хлудова № 87, л. 215. Здесь прибавлено: и в расхищениях и в изгнаниях.

1605

Поучение издается по четырем рукописям: Импер. Пуб. биб. № 522. л. 456–466, биб. Хлудова № 87, л. 223–227, Синод. биб. № (не разборчиво) л. 306–312. В основание издания положен список Моск. Д. Акад. № 197, л. 454–463.

1606

В рукоп. Импер. Пуб. биб. № 522, л. 462 прибавлено: и чреву работати.

1607

В рукоп. Пуб. биб. № 522, л. 464 читается: космом.

1608

В рукописях Синодальной и Импер. Пуб. библиотеки прибавлено: идеже благая слава неизреченная она. Син. № (не разборчиво) л. 312. Рук. Пуб. биб. №522, л. 465.

1609

В основание издания поучения взят список Моск. дух. акад. № 197, л. 472–476, с которым вполне тождественны и списки находящиеся в рукописи Хлудова № 87 л. 231–232 и в рукоп. Импер. пуб. биб. № 522 л. 475–478.

1610

Поучение издается по четырем рукописям: Рукоп. импер. пуб. биб. № 522, л. 485–489; Рукоп. биб. Хлудова № 87 л. 235–236, рукоп. Син. биб. № (не разборчиво) л. 325–327. За онование взят сборник Москов. дух. академии № 197, л. 481–485.

1612

Настоящее поучение издается по трем спискам: по списку Москов. Син. бывшей патриарш. библиотеки № (не разборчиво) л. 332–334, по рукописи биб. купца Хлудова в Москве, № 87 л. 240–241 и по рукописи Графа Уварова № 730 л. 302–303. За основание взят список Синодальный.

1613

В списке Хлудова читается: невесили яко торг есть настоящая, невеси ли яко погубляем...

1614

В рукописях Уварова и Хлудова правильнее читается тунеядениеже.

1615

Настоящее послание издается по трем спискам: по рукописи Импер. Публ. библ., из древлехран. Погодина № 1149, и по двум рукописям Соф. библиотеки: №№ 1281 и 1446. В основание издания положен список, находящийся в Сильветровском сборнике Новгород. Соф. биб. № 1281.

1616

По рукописи Имп. Пуб. биб., из древле-хранилища Погодина, № 1149, л. 1 читается: благочинии.

1617

По рукоп. № 1159, л. 1, читается: благоразумиа.

1618

В рукоп. И. П. биб. № 1149, л. 1 об. и пропущено.

1619

В рук. № 1149 читается: искреннии.

1620

В рукоп. № 1149 читается: Глагол же сицев писания вашего, яко в обитель приношение от христолюбцев не по обычаю общаго монастыря презвитеры и диаконы емлюще себе монастырскую милостыню, лихоимству радующеся,...

1621

Слово «недавали» пропущено в сборн. Соф. биб. № 1456, слове находящемся между концом 1 стр. и началом 2-й.

1622

Рукоп. № 1149, л. 2 после слов яко сам себе прибавлено: и священником что идет то и их есть, в том их не обидите, обидяй бо священника Бога обидит, и безчинствуяй священнинока – Бога безчествует, и оклеветаяй настоящаго, рече великий Василие, оклеветает Бога и судит Бога, их же суд страшен есть; внимайте себе, и не досажайте и не лихоимствуйте и приказывайте старцем добрым.

1623

В рук. № 1149, сло: «да и приказывали бы есте» ненаходится.

1624

В рук. № 1149, л. 2 прибавлено: и яко подобает всею силою монастырь хранити, да не наполнится обычаев злых и лукавства, всех возбраняйте от лукавства, и пронырства, и лихоимства и за монастырь бы встречати…

1625

По № 1149, л. 2 об. вместо слов: не просил бы ни ктоже читается: да не просит кто.

1626

В рук. № 1149, л. 2 об. читается: наедине.

1627

По рук. № 1149, л. 3 вместо слова нестяжание читается: любовь равно ко всем.

1628

В № 1149, л. 3 об. вставлено: но с безмолвием внимати чтением божественных словес и на чюжем месте не садитися...

1629

В рук. № 1149 слов: а преже обеда неясти ненаходится.

1630

В № 1149, л. 3 об. прибавлено: кроме служебников.

1631

Слов: или воды почрети нет в № 1149, л. 4.

1632

В № 1149, л. 4 об. прибавлено: а от кельи в келью не приходяти разве иже к игумену духовных ради дел, или к духовным старцам душевныя ради пользы, и сие благочинно и с великим страхом и вниманием...

1633

В рукописи № 1149, л. 4 прибавлено после слова ходяща: «на празднословие, и кощуны и на смятение, а не на душевную пользу и спасение.

1634

В рукописи № 1149, л. 4 сходитеся.

1635

В рукописи № 1149, л. 5 эта тирада имеет следующую редакцию: а бесчинствующим не попущайте, но поучайте, и наказуйте, и милуйте их с тихостию, и кротостию и любовию, а не лютостию, ни свирепством и дващи и трищи и множицею с долготерпением и пожданием зло за зло не воздающе, но вся Господа Бога ради с долготерпением творяще и с милостию, аще и не послушное имеют и по многом наказании, и молении, милосердии и долготерпении в исправление не приходят, и соблазн и обычаи лукавы многим бывают, и благочиние монастырское в смущение, и в попрание, и в разорение творят, не попущайте им, но обличайте их предо всеми с Божиею любовию и милостию, да убоявшеся и устрашившеся уцеломудрятся и покаются, сего бо наипаче хощет Господь Бог от всех нас, да обратимся умилившееся, и покаемся. Аще ли еще в благочиние и в разум истинный не приходят, обличайте их предо всеми не просто же, но с праведною святою яростию, и божественою ревностию, а не бесовским лукавством, и враждою и себе отмщением, даже и протчии страх имут и уцеломудрятся и благочинствуют. Обратрившихжеся, и умилившихся и кающихся с радостию приимайте, и обратившихжеся взыскуйте, призывайте, врачуйте, утешайте, покойте, тако же и отбегающим мнихом от монастырятворити взыскуйте, возвращайте, врачуйтe, милуйте, утешайте, покойте, яко же Божественая правила повелевают и прочая Божественая писания и закон, но понеже ненавидимо...

1636

Во всех трех рукописах читается: глаголющим, и вернее читать: глаголющих.

1637

В рукописи № 1149, л. 7 читается: благоразсудный отец.

1638

В рук. № 1149, л. 7 читается: да сам о себе не велемудрствует.

1639

В рук. № 1149, читается: словеса и речи.

1640

В рук. Соф. биб. № 1456, читается: богатства.

1641

В рук. № 1149, л. 8 прибавлено: прочая вся в вас да бывает по до брому и блаженейшему разсужению, всему бо свет ест разсужение, ин бо вяще да почтен бывает, им же среднее, ин же мнее, вси же в смирении и любви духовней да пребывают о Господе.

1642

В рук. № 1149, прибавлено: во.

1643

В рук. Соф. биб. № 1456, з братею.

1644

В рук. № 1149, читается: монастырския дела и вещи.

1645

Послание издается по трем рукописям: р. Импер. Пуб. биб, изъдревле хр. Погодина № 1149 л. 8–11, и рук. Соф. библ. № 1456 и 1281. За основание взята последняя рукопись.

1646

В рук. № 1456 читается: нещи, а в рук. № 1149 читается: неции.

1647

В рук. № 1149 читается: возлюбленный, духовный мой брате.

1648

В рук. № 1456 л. 5 читается: не точию любящая, но и обидящая. В рук. № 1149 читается: неточию любящая, но и ненавидящая и обидящая.

1649

В рук. № 1149 л. 10 читается: «не язычници ли».

1650

В рук. № 1149 л. 10 читается: вас.

1651

В рук. № 1456. л. 5 читается: таланта в пищах.

1652

Послание издается по рукоп. Имп. Пуб. биб., из древнехран. Погодина, № 1149, л. 15–23.

1653

Послание издается по рукоп. Импер. Пуб. биб. из древлехран. Погодина, № 1149 л. 124–127.

1654

Послание издается по рукописи Император. Пуб. биб. из древнехранелища Погодина, № 1149 л. 214–217.

1655

Послание издается по единственному, известному доселе, списку. Рукоп. Импер. Публ. биб. Q. XVII, № 64, л. 282.

1656

Здесь в рукописи прожжено.

1657

Послание издается по единственному списку, сохранившемуся в сборнике Моск. Дух. Акад. XVI в. № (не разборчиво) л. 45–54.

1658

Издался по списку Москов. Син., бывшей Патриарш. библиотеки, pyкоп. XVII в. № 791, л. 64–67. Старая каталогизация.

1659

В рукописи выцвело.

1660

Послание издается по рукописпи Импер. Пуб. биб. XVI, в. Q, XVII, № (не разборчиво), из собран. Граф. Толстаго, отд. II, № 341 л. 116. Рукопись собрана, а отчасти и написана игуменом Волоколамского монастыря Евфимием Турковым.

Хотя в списке, с которого мною издается настоящее послание, нет указаний ни имени Новгородского архиепископа, ни имени московского митрополита, к которому оно было адресовано, но с большею вероятностию это послание следует приписать Макарию, которое он написал в бытность свою архиепископом в Новгороде, и следовательно адресовал его на имя митрополита Даниила. К такого рода предположению приводит самое содержание послания. Так, в послании неизвестный по имени митрополит представляется опекуном над в. князем Иваном Васильевичем (этому митрополиту «случися в великих попечениих пребывати о царском здравии, и о всенародном благо пребывании, и о избавлении языческаго нашествия»), каким действительно и состоял митрополит Даниил в отношении малолетнего Иоанна IV. В своем послании новгородский архиепископ много распространяется о болезни митрополита. Действительно в последние годы своего первосвятительства митрополит Даниил подвергался тяжелым болезненным припадкам, что известно между прочим из частного письма его к одному из своих почитателей (см. 113 страницу настоащего исследования). Послание новгородского архиепископа, упоминая о в. князе Иване Васильевиче, и о его младшем брате Георгие Ивановиче, умалчивал об имени правительницы Елены. Значит, если только признать справедливым делаемое мною предположение, послание написано было между 1538 (год смерти правительницы Елены) и 1539 (год удаления Даниила с митрополии) годами, и скорее всего в 1539 году. В послании новгородского архиепископа находится свидетельство о том, что митрополит, много заботясь о благе русского государства и благополучии в. князя, старается устроить в государстве «соединение во всяком деле и слове». В Январе 1539 года митрополит Даниил обращался к своей постве с окружным посланием о соединении о согласии и о любви. «Очень может быть, по поводу этого то самаго окружнаго послания и частнаго письма митрополита, присланнаго вместе с ним новгородскому архиепископу, последний и отвечал своим, издаваемым ныне посланием».

Священник П. Ф. Николаевский в своем и исследовании «Русская проповедь, в XV и XVI в. в». (журн. Мин. Нар. Просв. 1868 г. част. 137, 326, примеч. 1.) издаваемое мною ныне с именем Макария, как его автора, послание приписывает Феодосию архиепископу Новгородскому (1542–1551 г.), который представляется адресовавшим его к митрополиту Макарию. В исследовании о. Николаевского нет никаких соображений, на основании которых он это послание приписывает именно Феодосию. В том самом рукописном сборнике, с которого мною издается послание и который пользовался в свое время и о. Николаевский, находится много посланий архиепископа Феодосия и все они сопровождаются указанием имени их автора, а между тем как об имени автора настоящего послания в сборнике умолчано. Характер содержания издаваемого послания самым положительным образом отвергает сделанное о. Николаев ским предположение. Митрополиту Макарию никак нельзя приписывать того значения при дворе Иоанна IV, какое приписывается митрополиту в настоящем послании. Сначала митрополит Макарий был послушным орудием в руках Шуйских (Карамзин, VIII, 72), а потом когда Иоанн IV вступил в самостоятельное управление государством, м. Макария заслонил собою Сильвестр и Макарий вообще держался в свое продолжительное первосвятительство в стороне от государственных дел.

Архиепископ Новгородский Феодосий известен несколькими оставшимися после него посланиями, но они не похожи на издаваемое послание. Все послания архиепископа Феодосия, как справедливо замечает преосвященный Макарий, (История Руск. Церкви. т. VII, 481) в содержании своем представляют весьма мало учительного и литературного. Между тем издаваемое послание отличается витееватостию языка и вообще красноречием свойственным вкусам древнерусских книжников. Феодосий не только не отличался большими литературными талантами, но он, в случае необходимости, обращался к услугам чужой литературной собственности. Явилась Феодосию необходимость написать пастырское послание в Вотскую пятину, он воспользовался для этой цели грамотой своего предместника, архиепископа Макария, адресованной в туже пятину, и почти дословно повторил ее и в грамоте отправленной в Вотскую пятину от своего собственного имени (обе грамоты как Макария так и Феодосия находятся в Рукоп. Импер. Пуб. биб. Q. XVII, № 50 л. 299–316. срав. Дон. к Акт. Ист. I, № 43, 57–60 и № 28, 27–30). Подобным же образом поступил архиепископ Феодосий и с своею грамотою в Псков: он буквально воспользовался здесь грамотой игумена Памфила, адресованной им к псковским властям, и выписал ее в своей грамоте (сравн. послание Феодосия в рукоп Новгор. Соф. библ. № 1480 л. 104–107 и послание Памфила в Доп. к Акт. Ист. I, № 22, 18–19). В своем пастырском послании к духовенству г. Устюжны Железопольской архиепископ Феодосий почта буквально повторил известное поучение к попом митрополита Кирилла II (Срав. Посание Феодосия в Акт. Ист. 1, № 298 и поучение к попом в прибавлен. к творен. Св. отец, ч. I, 424–432). Точно также отнесся Феодосий и к издаваемому мною с именем Макария послания. Ему представилась необходимость написать благодарственное письмо одному из своих пасомых – высокопоставленому боярину и блеснуть в нем своим красноречием и любезностью. Феодосий воспользовался издаваемым посланием Макария и выписал из него одно очень обширное место отличающееся особенным красноречием. Но в общем нужно сказать, что заимствование сделано по местам не вполне удачно. В своем послании Феодосий, на основании сделанного заимствования, называет послание к нему своего же духовного сына богодухновенным. В устах архиепископа Макария в его обращении к митрополиту, лицу облеченному самым высоким священным саном в церкви, название его послания богодухновенным имело некоторый смысл, хотя и здесь уже было заметно преувеличение. Но название Феодосием, архиепископом, послания своего же духовного сына – мирянина посланием богодухновенным уже слишком ни с чем несообразно и может быть объяснено только рабским отношением Феодосия к первоисточнику своего послания. В послании Феодосия есть и другие несообразности, объясняющиеся из одного и того же обстоятельства и источника (послание Феодосия к боярину в Рукоп. Имп. Пуб. биб. Q. XVII, № 50. л. 129–131. Оно изд. в Древн. Росс. (не разборчиво). XIV, 240.) Таким образом по самому характеру своих литературных произведений, очень слабых, и почти всегда компилятивных, архиепископ Феодосий не может быть признан автором известного красноречивого послания новгородского архиепископа к митрополиту московскому.

1661

Георгий, второй сын в. к. Василия Иоанновича, родившийся 30 октября 1533 года. – П. С. Р. Л. т. VIII, 280.

1662

Слово издается по рукописи Новгород. Софийской биб., ныне библиотеки С-ПБ. Духовной Акад. № 1296, л. 195–204.

1663

Памятник издается по рукописи Новгород. Соф. биб. № 1296, л. 211–220.

Немногие мелкие отрывки из издаваемого памятника были напечатаны Забелиным по рукописному сборнику под названием Златоуст конца XVI или начала XVII в., находящемуся в Московской Оружейной Палате (Забелин. Опыты изучения русских древностей и истории, част. I, М. 1872, 185–188. Калачев, Архив историко-юридических сведений о России. 2 кн., полов. 2, отд. VI, 43–50). Только у Забелина эти отрывки взяты не из одного памятника, а они у него представляют из себя заимствования из разных источников. Так начальная часть издаваемого мною памятника у Забелина носит название «слова о правде». Название «слова» и внес в свое издание от Забелина; в рукописи Софийской библиотеки памятник не имеет пред собою никакого названия. Другая половина издаваемого памятника, по Забелину, представляет отрывок из слова о «кормчах и пиянстве».

1664

Слово находится в рукоп. Новгор. Соф. биб. № 1296, 176–195.

Слово о любви, выдержки из которого здесь приводятся, представляет из себя замечательный литературный памятник древнерусского проповедничества. Оно все посвящено учению о христианской любви, которая описывается здесь в своих высоких чертах, какие указаны для нее И. Христом и Апостолами, и которая кроме того рассматривается здесь, что важнее всего, в связи с явлениями нравственной жизни древнерусского общества, заключавшей в себе не мало черт, противных этой основной заповеди христианской морали.

1665

Памятник издаетса по рукописи Москов. Синод. бывшей Патриарш. биб. из отдела неописанных рукописей, № 927, л. 184–186. Рукопись собрана и написана современником стоглавого собора, иноком волоколамского монастыря, Вассианом бывшим архимандритом Возмицким. Настоящий памятник помимо своего исторического значения, как источника для характеристики нравственного состояния русского духовенства XVI века, имеет и ту важность, что служит новым доказательством подлинности определений Стоглавого собора, на которые его автор прямо и ссылается. На основании разных наказных списков, к разряду которых может быть до некоторой степени отнесен и издаваемый памятник, вопрос о подлинности определений Стоглавого собора разрешается в положительном смысле, к чему уже и пришли многие ученые историки. Илья Беляев. Наказные списки соборного уложения 1551 года. М. 1863 года. Макарий. История Русск. Церкви, том. VI. 220–227. А. Павлов. Еще наказный список по Стоглаву. Одесса. 1873 г., 1–4. Сравн. Прав. Соб. 1862 г., ч. III, Декабрь, Прав. Соб. 1863 г., ч. I, 87. 202. Наказная грамота м. Макария. Прав. Соб. 1863 ч. I, 317–421. Добротворский, статья: Каноническая книга стоглав или не каноническая.

1666

Изд. по рукописи Новг. Соф. биб. № 1466, л. 95–187.

1667

Издается по рукописи Соф. биб. № 1466, л. 191–221.

1668

Издается по Рукоп. Новгор. Соф. биб. XVII–XVIII в. № 1428, в лист л. 534–537, сравнено со всеми другими ниже указываемыми списками послания. Послание Максима Грека к Иоанну Васильевичу о брадобритии встречается в рукописях XVI (Рукоп. Кириллов. биб. № (не разборчиво) л. 22–27), XVII (Рук. Импер. Пуб. биб. XVII, F. № 38, л. 139–143) и XVIII веков (Рук. Импер. Пуб. биб, XVII, F. № 11, из собр. гр. Толст. отд. IV, № 39, л. 31–35). Оно встречается в полном списке сочинеий Максима Грека (Рук. Импер. Пуб. биб. I, F, № 425. л. 464–467). На авторитет послания Максима о брадобритии ссылается патриарх Адриан и даже большую часть его приводит у себя в поучении. (Рукоп. Соф. биб. № 1503, л. 252–253).

1669

В рукоп. Импер. Пуб. биб F. XVII, № 11, л. 31–35 слов педагогон, эфедрон не находится.

1670

Поучение издается по двум, совершенно тождественным между собою рукописным, спискам. Рукоп. Сборн. биб. Кириллобелозерск. монастыря № (не разборчиво) л. 80–83 и № (не разборчиво) л. 41–42.

1671

Поучение издается по рукописи Импер. Пуб. биб. О. XVII, № 10, л. 213, XVII века. Это поучение хотя и находится в рукописном списке XVII века, но по времени своего происхождения относится к XVI веку, и, по крайней мере по моему мнению, скорее всего к его половине. В поучении например поведение русских в церкви во время богослужения описывается в таких же чертах, в каких оно описывается и в стоглаве. В настоящем поучении говорится: «мы неистовиии приходим (в церковь) аки на торжище и на позорище с гордостию и величанием и покланяемся образу Владыки Господа нашего Исуса Христа покровенными главами, а инии подпирающеся жезлы, а инии приходят разволочася риз безобразно». В стоглаве касательно того же самого предмета читаем: «безстрашие вошло в люди, в церквах Божиих стоят без страха, и в тафьях, и в шапках, и с посохи якоже на торжещи или на позорищи... и говор и ропот, и всяко прекословие и беседы, и смрадные словеса». Стоглав, изд. Казанской Акад., 65. Что же касается слов находящихся в издаваемом поучении и относящихся к крестному знамению, то они почти буквально взяты из Стоглава. Стоглав, казан, изд. 132–133. 136. Обычай являтся в церковь с покрытою головою, в тафьях или в шапках никогда ни прежде ни после не был так распространен в России как в половине XVI века в царствование Иоанна Грозного. Против этого обычая писали: преп. Максим Грек (Сочин. част. II, 382–383), митрополит Макарий. Известно м. Макария правило о тафьях (Рукоп. Кириллов. биб. № (не разборчиво), л. 428 Стоглав, Казан. изд. 159), вошедшее и в Стоглав.

1672

Слово, пропущенное здесь, не прочитано в рукописи. Судя по смыслу это слово должно прочитать: текли.


Источник: Митрополит Даниил и его сочинения : Исслед. Василия Жмакина. - Москва : Имп. о-во истории и древностей рос. при Моск. ун-те, 1881. - 890 с.

Комментарии для сайта Cackle