Ваш город - Сиэтл?

Для получения календаря в соответствии с Вашей временной зоной - пожалуйста, укажите город.

Не найден город с таким названием. Пожалуйста, укажите другой (например, ближайший региональный центр).

Празднование:

История

Про­слав­ле­ние ико­ны Бо­жи­ей Ма­те­ри Оди­гит­рии Выд­ро­пус­ской со­вер­ши­лось в XV ве­ке. Эта ико­на на­хо­ди­лась то­гда в се­ле Выд­ро­пус­ске Нов­го­род­ской гу­бер­нии, в мест­ном хра­ме во имя св. ве­ли­ко­му­че­ни­ка Ге­ор­гия. Сре­ди мест­ных жи­те­лей су­ще­ство­ва­ло бла­го­че­сти­вое пре­да­ние, что эта ико­на уже яви­ла од­на­жды чу­дес­ное зна­ме­ние: ко­гда преж­ний храм, то­же во имя ве­ли­ко­му­че­ни­ка Ге­ор­гия, сго­рел до ос­но­ва­ния и ста­ли рас­чи­щать по­сле по­жа­ра это ме­сто, то на­шли ико­ну Бо­го­ма­те­ри, ле­жа­щую в пеп­ле под об­лом­ка­ми ли­ком к зем­ле, це­лой и по­чти непо­вре­жден­ной от ог­ня; толь­ко зад­няя сто­ро­на дос­ки немно­го по­чер­не­ла. По­сле по­ко­ре­ния Нов­го­ро­да Иоан­ном III, ко­гда вой­ска его воз­вра­ща­лись об­рат­но, один из во­и­нов, бо­яр­ский сын ро­дом из г. Му­ро­ма, про­хо­дя со сво­им от­ря­дом ми­мо се­ла Выд­ро­пус­ка, за­шел меж­ду про­чим в цер­ковь св. Ге­ор­гия и на пра­вах по­бе­ди­те­ля взял от­сю­да сто­яв­шую у цар­ских врат ико­ну Бо­го­ма­те­ри. Он при­нес ее в свою му­ром­скую вот­чи­ну и по­ста­вил в хра­ме св. Ни­ко­лая Чу­до­твор­ца, где она и оста­ва­лась неко­то­рое вре­мя. В суб­бо­ту неде­ли свв. жен-ми­ро­но­сиц, по­сле утре­ни, бо­яр­ский сын по­про­сил свя­щен­ни­ка от­слу­жить мо­ле­бен пе­ред при­не­сен­ной им сю­да Выд­ро­пус­ской ико­ной Бо­го­ма­те­ри. «От­пой мо­ле­бен по­ло­нян­ке», — ска­зал он гру­бо, об­ра­ща­ясь к свя­щен­ни­ку. Свя­щен­ник ис­пол­нил прось­бу. Во вре­мя мо­леб­на, ко­гда он про­чел сло­ва Еван­ге­лия: «Пре­бысть же Ма­ри­ам с Нею яко три ме­ся­цы и воз­вра­ти­ся в дом Свой» и ко­гда пев­цы ста­ли петь «Сла­ва Те­бе, Гос­по­ди, сла­ва Те­бе», вдруг на­ле­тел вихрь, по­слы­шал­ся силь­ный гром и весь храм по­тряс­ся; по­кров церк­ви раз­верз­ся, и ико­на Бо­го­ма­те­ри неви­ди­мой си­лой под­ня­лась с сво­е­го ме­ста и ис­чез­ла из церк­ви. По­ра­жен­ные ужа­сом бо­ярин, свя­щен­ник и все при­сут­ство­вав­шие там лю­ди упа­ли на зем­лю и дол­го ле­жа­ли без чувств.

Меж­ду тем в этот же са­мый день и час бла­го­че­сти­вый кре­стья­нин се­ла Выд­ро­пус­ска, по име­ни Флор, вы­шел в по­ле на свою ни­ву се­ять лен. По­го­да сто­я­ла яс­ная и ти­хая. Вдруг эта ти­ши­на бы­ла на­ру­ше­на вне­зап­но на­ле­тев­шим необык­но­вен­но силь­ным вих­рем, ко­то­рый про­мчал­ся пе­ред изум­лен­ным Фло­ром по на­прав­ле­нию к церк­ви св. ве­ли­ко­му­че­ни­ка Ге­ор­гия в Выд­ро­пус­ске. Вихрь был на­столь­ко си­лен, что Флор не мог ни­че­го рас­смот­реть. Ко­гда он по окон­ча­нии сво­ей ра­бо­ты воз­вра­тил­ся до­мой, то от сво­их од­но­сель­чан услы­хал о необык­но­вен­ном чу­де.

При церк­ви св. ве­ли­ко­му­че­ни­ка Ге­ор­гия, ко­то­рая по­сле вра­же­ско­го ра­зо­ре­ния при­шла в за­пу­сте­ние, жил толь­ко один бла­го­че­сти­вый по­но­марь. Он имел обык­но­ве­ние каж­дое утро вхо­дить в за­пу­стев­ший храм и ка­дить св. ико­ны. Так и в это утро он во­шел в храм и на­чал ка­дить, как вдруг, к сво­е­му удив­ле­нию, за­ме­тил по­хи­щен­ную ко­гда-то ико­ну Оди­гит­рия; она ле­жа­ла в ал­та­ре на пре­сто­ле, ли­ком вниз, а ря­дом с ней — дру­гой об­раз Бо­го­ма­те­ри «Уми­ле­ние». По­но­марь тот­час же по­спе­шил рас­ска­зать всем о чу­дес­ном воз­вра­ще­нии в храм по­хи­щен­ной ико­ны. «Пой­дем­те со мною, — го­во­рил он од­но­сель­ча­нам, — и по­смот­ри­те на пре­слав­ное чу­до Бо­го­ма­те­ри от ико­ны Ее, ко­то­рая бы­ла преж­де у нас, как всем это ве­до­мо. Во вре­мя вой­ны она бы­ла по­хи­ще­на; ныне я по обы­чаю во­шел в храм по­ка­дить ико­ны и на­шел на пре­сто­ле чу­до­твор­ный сей об­раз: неви­ди­мо при­шел он в на­шу цер­ковь».

Со­брав­шись в храм, все жи­те­ли се­ле­ния с ра­до­стью узре­ли св. ико­ну и бла­го­го­вей­но па­ли пе­ред нею ниц, мо­лясь Вла­ды­чи­це Небес­ной. Флор, се­яв­ший лен, рас­ска­зал о силь­ном вих­ре в по­ле, и все про­сла­ви­ли Бо­го­ма­терь.

Ико­на Бо­жи­ей Ма­те­ри «Уми­ле­ние», явив­ша­я­ся вме­сте с ико­ной Выд­ро­пус­ской, ско­ро ис­чез­ла от­сю­да и вновь яви­лась уже в вот­чине му­ром­ско­го бо­яри­на, в хра­ме свя­ти­те­ля Ни­ко­лая Чу­до­твор­ца. По­сле чу­дес­но­го ис­чез­но­ве­ния из это­го хра­ма Выд­ро­пус­ской ико­ны бо­яри­на ста­ло му­чить рас­ка­я­ние. Он тяж­ко скор­бел, не на­хо­дя ни­где ис­чез­нув­шей ико­ны, пла­кал горь­ки­ми сле­за­ми и взы­вал: «Увы, мне! Я тяж­ко со­гре­шил, на­звав плен­ни­цей Сво­бод­ную, Ту, Ко­то­рая рож­де­ством Сы­на Сво­е­го осво­бо­ди­ла весь мир от тяж­ких уз раб­ства гре­ху». В это вре­мя он услы­шал от цер­ков­но­го ста­ро­сты, что ико­на «Уми­ле­ние» сно­ва яви­лась в хра­ме свя­ти­те­ля Ни­ко­лая. Он то­гда по­спеш­но при­шел в цер­ковь, пал пе­ред св. ико­ной на ко­ле­ни и со сле­за­ми вос­кли­цал: «Как яв­люсь я пред ли­цом Тво­им, Бо­го­ма­терь?! Увы мне, ока­ян­но­му! За­ступ­ни­цу ми­ра я на­звал плен­ни­цею»! Во вре­мя усерд­ной мо­лит­вы у него мельк­ну­ла мысль, что ис­чез­нув­шая ико­на, мо­жет быть, воз­вра­ти­лась в свой Выд­ро­пус­ский храм. То­гда он ре­шил­ся, сло­жив с се­бя во­ин­ский чин, сми­рен­но ид­ти в Выд­ро­пусск, чтобы там все­на­род­но по­ка­ять­ся в сво­ем гре­хе. По­лу­чив бла­го­сло­ве­ние от свя­щен­ни­ка и одев­шись в убо­гие одеж­ды, он от­пра­вил­ся в путь пеш­ком, в со­про­вож­де­нии од­но­го толь­ко вер­но­го слу­ги. На­прас­но же­на и де­ти умо­ля­ли его от­ме­нить свой обет: бо­ярин остал­ся непре­кло­нен. В по­сте, мо­лит­ве и сле­зах со­вер­шал он свой путь в ру­би­ще убо­го­го стран­ни­ка. До­стиг­нув, на­ко­нец, Выд­ро­пус­ска, он пря­мо во­шел в храм св. Ге­ор­гия и уви­дел здесь чу­до­твор­ный об­раз Бо­го­ма­те­ри, ко­то­рый он оскор­бил рань­ше пле­не­ни­ем и сло­ва­ми. Пав на по­мост цер­ков­ный, он со сле­за­ми взы­вал: «Все­ми­ло­сти­вая Вла­ды­чи­це Бо­го­ро­ди­це, креп­кая По­мощ­ни­це, Сте­на, При­бе­жи­ще и За­ступ­ле­ние все­го ро­да хри­сти­ан­ско­го! Уто­ли пра­вед­ный гнев Свой и не от­вра­ти ли­ца Тво­е­го от ме­ня, неклю­чи­мо­го и негод­но­го ра­ба Тво­е­го. Я недо­сто­ин не толь­ко про­сить ми­ло­сти Тво­ей или воз­зреть на об­раз Твой, но и вой­ти в храм сей. Но, упо­вая на ми­лость бла­го­у­тро­бия Тво­е­го, мо­лю — по­ми­луй ме­ня! Как не по­па­лил ме­ня огонь, как не по­жра­ла ме­ня зем­ля, как не оле­де­нел язык, ко­гда я на­звал Те­бя плен­ни­цею?! Как не ис­сох­ли ру­ки мои, ко­гда я дерз­нул по­хи­тить от­сю­да об­раз Твой»?! Три дня и три но­чи не вы­хо­дил он из хра­ма, ни­че­го не ел и про­дол­жал горь­ко пла­кать. Стро­гий пост и ду­шев­ная скорбь так обес­си­ли­ли его, что он стал, на­ко­нец, па­дать без чувств. То­гда быв­шие здесь, ви­дя, что он со­всем обес­си­лел, при­зва­ли свя­щен­ни­ка и по­про­си­ли его от­слу­жить ли­тур­гию. Уми­ло­сти­ви­тель­ная жерт­ва об­лег­чи­ла скорбь бо­яри­на: по­сле ли­тур­гии он вку­сил просфо­ры, а за­тем при­нял немно­го пи­щи; к нему вер­ну­лись си­лы. Его спро­си­ли, кто он, от­ку­да при­шел сю­да и по­че­му так силь­но скор­бит. Бо­ярин рас­ска­зал о чу­дес­ном зна­ме­нии от ико­ны Бо­го­ма­те­ри, и весь на­род, уми­лив­шись, воз­дал хва­лу Пре­чи­стой Бо­го­ро­ди­це, про­сла­вив­шей столь див­но Свой чу­до­твор­ный об­раз.

В 1565 го­ду Выд­ро­пус­ская ико­на Бо­го­ма­те­ри бы­ла по­нов­ле­на, об­ло­же­на се­реб­ром и бо­га­то укра­ше­на. Впо­след­ствии, по прось­бе жи­те­лей го­ро­да Торж­ка Твер­ской губ., сю­да из Выд­ро­пус­ска еже­год­но ста­ли со­вер­шать крест­ный ход с чу­до­твор­ным об­ра­зом Бо­го­ма­те­ри. Ико­ну ста­ви­ли в со­бор­ной церк­ви Пре­об­ра­же­ния и от­сю­да но­си­ли по до­мам жи­те­лей. Через неко­то­рое вре­мя об­раз воз­вра­щал­ся об­рат­но в Выд­ро­пусск. В 1630 го­ду, как по­вест­ву­ет пре­да­ние, меж­ду жи­те­ля­ми Торж­ка и Выд­ро­пус­ска вы­шло несо­гал­сие и спор из-за этой ико­ны. По­это­му она бы­ла взя­та в Моск­ву. Там с нее сде­ла­ли спи­сок, ко­то­рый и от­пра­ви­ли в Выд­ро­пусск, а чу­до­твор­ный об­раз Бо­го­ма­те­ри был по­став­лен в го­ро­де Торж­ке, в со­бор­ном хра­ме Пре­об­ра­же­ния, где он пре­бы­ва­ет и по­ныне. С это­го вре­ме­ни от­ме­ни­ли крест­ный ход из Выд­ро­пус­ска в Тор­жок. Вме­сто него уста­нов­ле­но бы­ло еже­год­но, 18 июля, в день при­не­се­ния ико­ны из Моск­вы, с кре­ста­ми и ико­на­ми всех при­ход­ских церк­вей Торж­ка со­би­рать­ся в Бо­ри­со­глеб­ский мо­на­стырь и от­сю­да с крест­ным хо­дом ид­ти в со­бор­ную цер­ковь, где по­сле ли­тур­гии слу­жат мо­ле­бен пе­ред чу­до­твор­ным об­ра­зом Бо­го­ма­те­ри.

Молитвы

 
 
 
 

Молитва Пресвятой Богородице пред иконой «Выдропусская – Одигитрия»

О Царице Небесе и земли, Владычице всемилостивая, Одигитрие всечестная, Предстательнице наша усердная, при Кресте Сына Твоего и Бога всыновившая весь падший род человеческий и по успении Своем не оставившая нас сирых и безнадежных! Молим Тя, Всенепорочная, благодать Твою не отыми от кающихся рабов Твоих и управи вся, яко Мати Преблагая: защити отечество наше, веру православную сохрани, власти умудри, иереи укрепи, верным людем Твоим помощь неоскудную даруй, юныя вразуми, старость утеши, болящия исцели, отчаянныя восстави, заблуждшия обрати и всем целомудрие и крепость исходатайствуй – Ты бо еси благая Путеводительница и милосердная Заступница, к Тебе припадаем и молим Тя: не отвержи нас, но испроси нам добраго ответа на Страшнем Судилищи, да не осудимся по грехом и беззаконием нашим, но милость улучим по безмерному человеколюбию Господа и Спасителя нашего Иисуса Христа, Емуже славу и поклонение возсылаем, со Безначальным Его Отцем, и Пресвятым и Благим и Животворящим Его Духом, ныне и присно и во веки веков. Аминь.

Каноны и Акафисты

Акафист Пресвятой Богородице пред иконой «Выдропусская Одигитрия»

глас 8

Текст утвержден Священным Синодом
Русской Православной Церкви
25 декабря 2013 года
(журнал № 149)

Конда́к 1

Подо́бен: Взбра́нной Воево́де:

Избра́нная от родо́в дре́вних Пресвята́я Богоро́дице Одиги́трие,

Засту́пнице всех к Тебе́ притека́ющих,

ско́рая Услы́шательнице и ми́лостивая Предста́тельнице,

со умиле́нием припа́даем ко Твоему́ Пречи́стому о́бразу и глаго́лем:

отве́рзи о́чи серде́ц на́ших, грехми́ омраче́нныя,

во е́же позна́ти нам путь покая́ния.

Те́мже благода́рственне вопие́м Ти:

Ра́дуйся, Богоро́дице Одиги́трие,

на спасе́ния стези́ нас наставля́ющая.

И́кос 1

А́нгели и Арха́нгели воспева́ют Тя вы́ну: ра́дуйся, Цари́це Небесе́ и земли́, Ты бо честне́йши всех безпло́тных сил яви́лася еси́, я́ко из Тебе́ воплоти́ся Госпо́дь наш, до́лу снизше́дый спасе́ния на́шего ра́ди. Ны́не же, я́ко усе́рдная Моли́твенница о ро́де христиа́нстем, путеводи́ши всех чту́щих Тя в селе́ния го́рняя, да взыва́ем Ти си́це:

Ра́дуйся, Путеводи́тельнице блага́я;

ра́дуйся, ка́ющихся Предста́тельнице.

Ра́дуйся, Свет спасе́ния ми́ру яви́вшая;

ра́дуйся, из мра́ка неве́рия изводя́щая.

Ра́дуйся, две́ри покая́ния нам отверза́ющая;

ра́дуйся, Богове́дению нас науча́ющая.

Ра́дуйся, в скорбе́х ми́лостивая Уте́шительнице;

ра́дуйся, в час су́дный всемо́щная Хода́таице.

Ра́дуйся, Богоро́дице Одиги́трие, на спасе́ния стези́ нас наставля́ющая.

Конда́к 2

Ви́дяще на ме́сте пусты́нном, иде́же бе храм во и́мя великому́ченика Бо́жия Гео́ргия, ди́вную ико́ну Твою́ Одиги́трию, в пла́мени стра́шном невреди́мо пребы́вшую, и обре́тше ту с ве́лиею ра́достию, жи́телие ве́си Выдропу́сския возопи́ша Бо́гу: Аллилу́ия.

И́кос 2

Разуме́в сын боя́рский и во́ин вели́каго кня́зя моско́вскаго Иоа́нна ико́ну Твою́, я́ко сокро́вище драго́е, де́рзостно похи́ти ю́ и пренесе́ во о́тчину свою́, град Му́ром, и та́мо поста́ви ве́лию святы́ню сию́ во хра́ме святи́теля Никола́я, да и му́ромстии лю́дие воспою́т Тя, глаго́люще сицева́я:

Ра́дуйся, ико́ну Твою́ из огня́ невреди́мо изве́дшая;

ра́дуйся, пла́мень душетле́нных страсте́й в нас угаша́ющая.

Ра́дуйся, ско́рая Помо́щнице Тя призыва́ющих;

ра́дуйся, Заступле́ние Тя почита́ющих.

Ра́дуйся, междоусо́бныя бра́ни ско́ро утиша́ющая;

ра́дуйся, братолю́бие и мир водворя́ющая.

Ра́дуйся, земли́ Ру́сския ди́вное сокро́вище;

ра́дуйся, я́ко по всей вселе́нней сла́вится и́мя Твое́.

Ра́дуйся, Богоро́дице Одиги́трие, на спасе́ния стези́ нас наставля́ющая.

Конда́к 3

Си́ла Вы́шняго возбуди́ ветр вели́к и стра́шен зело́, трус кре́пок и гром си́лен, егда́ сын боя́рский Тя, Цари́це Небе́сная, Пле́нницею наименова́в, повеле́ моле́ние соверши́ти пред ико́ною Твое́ю Одиги́триею. И а́бие разверзо́шася кро́вы церко́вныя, и падо́ша на лице́ свое́ свяще́нник и вси лю́дие, узре́вше ико́ну сию́ на возду́се уноси́му дале́че. Мы же, ве́лию чу́ду сему́ ужаса́ющеся, вопие́м: Аллилу́ия.

И́кос 3

Возыме́в сокруше́ние серде́чное о неразу́мии свое́м, сын боя́рский возопи́: Увы́ мне, безу́мному! Ка́ко дерзну́х аз, гре́шный, плени́ти Ту, Е́юже весь мир свободи́ся от греха́ и рабо́ты вра́жия! Ны́не посра́мленный де́рзостию свое́ю, ка́юся и молю́ Тя, Пречи́стая, даждь ми неосужде́нно воспева́ти Тя си́це:

Ра́дуйся, мир Рождество́м Твои́м свободи́вшая;

ра́дуйся, чу́до всем на покая́ние сугу́бое откры́вшая.

Ра́дуйся, я́ко ико́на Твоя́ а́нгелы бысть носи́ма;

ра́дуйся, я́ко святы́ня сия́ и челове́ки чти́ма.

Ра́дуйся, го́рдым вразумля́ющее противле́ние;

ра́дуйся, смире́нным благода́ти низпосла́ние.

Ра́дуйся, к созерца́нию сла́вы Бо́жия нас возвыша́ющая;

ра́дуйся, к покая́нию серде́чному нас обраща́ющая.

Ра́дуйся, Богоро́дице Одиги́трие, на спасе́ния стези́ нас наставля́ющая.

Конда́к 4

Бу́рею стра́нною восхище́на бысть чу́дная ико́на Одиги́трии и, а́ки на крилу́ ве́треню Небе́сными Си́лами носи́мая, по трие́х ме́сяцех из гра́да Му́рома в весь Выдропу́сскую, па́ки возврати́ся. Те́мже зря́ще святы́ню сию́, на возду́се носи́му, селя́нин Флор удиви́ся, понома́рь же Фео́дор, во олтари́ на святе́м престо́ле о́ную обре́т, созыва́ше вся лю́ди, благода́рне вопия́ Бо́гу: Аллилу́ия.

И́кос 4

Слы́ша о чуде́сном Твое́м отше́ствии, сын боя́рский, в покая́ние прише́д, и воста́в, и́де па́ки в весь Выдропу́сскую, посто́м в нище́тне о́бразе себе́ утружда́я испове́дати безу́мие свое́, и обре́те та́мо проще́ние, сле́зно взыва́я си́це:

Ра́дуйся, согреша́ющия ско́ро вразумля́ющая;

ра́дуйся, ка́ющияся от Себе́ не отрева́ющая.

Ра́дуйся, прелага́ющая сле́зы на весе́лие;

ра́дуйся, подаю́щая ве́лие ра́дование.

Ра́дуйся, наде́жная Засту́пнице на Тя упова́ющим;

ра́дуйся, ско́рая Помо́щнице к Тебе́ притека́ющим.

Ра́дуйся, я́ко от Тебе́ чудеса́ мно́гая исхо́дят;

ра́дуйся, я́ко о Тебе́ вся́кая тварь ра́дуется.

Ра́дуйся, Богоро́дице Одиги́трие, на спасе́ния стези́ нас наставля́ющая.

Конда́к 5

Боготе́чной звезде́ уподо́бися пречестна́я ико́на Твоя́, Одиги́трие, та бо приведе́ волхвы́ к верте́пу Бо́жию, пред Твои́м же святы́м о́бразом ве́рнии прекло́ньше коле́на, благогове́йно воспева́ют: упра́ви, милосе́рдная Ма́ти, путь жития́ на́шего ко Оте́честву Небе́сному, зане́же прише́льцы есмы́ в ми́ре сем, да взыва́ем Сы́ну Твоему́ и Бо́гу: Аллилу́ия.

И́кос 5

Ви́дяще ди́вную ико́ну твою́ Одиги́трию, земли́ Тверско́й дарова́нную, и благослове́ние Ма́тернее подаю́щую вся́кому путеше́ствовати хотя́щему, мо́лим Тя, да не то́кмо от зла́го обстоя́ния ны изба́виши и це́лы сохрани́ши, но и ду́ши на́ша ко благоугожде́нию Бо́жию напра́виши. Те́мже и мы, пречу́днаго покро́ва Твоего́ сподо́битися жела́юще, благода́рственно вопие́м Ти:

Ра́дуйся, притека́ющих к Тебе́ ти́хое приста́нище;

ра́дуйся, упова́ющим на Тя спаси́тельная кре́посте.

Ра́дуйся к го́рним селе́нием ум наш возводя́щая.

ра́дуйся, до́льния суеты́ отрева́ти нас подвиза́ющая.

Ра́дуйся, не́мощи и я́звы врачева́ние;

ра́дуйся, искуше́ния и недоуме́ния истребле́ние.

Ра́дуйся, пути́ пра́выя благословля́ющая;

ра́дуйся, еди́ному Го́споду служи́ти устремля́ющая.

Ра́дуйся, Богоро́дице Одиги́трие, на спасе́ния стези́ нас наставля́ющая.

Конда́к 6

Пропове́дница бысть ико́на Твоя́, Путеводи́тельнице, мно́жества ми́лостей Твои́х, я́же излия́ла еси́ притека́ющим к Тебе́: ско́рбнии бо прихожда́ху, моле́ние принося́ще милосе́рдию Твоему́; прие́млюще же ско́ро избавле́ние от многообра́зных не́мощей душе́вных, вку́пе и теле́сных, пове́даху всю́ду заступле́ние и чудеса́ Твоя́, со умиле́нием вопию́ще Бо́гу: Аллилу́ия.

И́кос 6

Возсия́ в ве́си Выдропу́сской благода́ть от ико́ны Твоея́, Влады́чице: среди́нное бо ме́сто яви́ся весь сия́ ца́рствующей Москве́ и Петро́ву гра́ду, освяща́я и благословля́я зе́млю на́шу Ру́сскую, мо́лиши бо неусы́пно Сы́на Своего́ Преве́чнаго Бо́га о дарова́нии стране́ на́шей ми́ра и благоде́нствия, избавле́ния от междоусо́бныя бра́ни и вся́кия ско́рби и печа́ли. Те́мже славосло́вим Тя си́це:

Ра́дуйся, честны́м Твои́м омофо́ром держа́ву на́шу покрыва́ющая;

ра́дуйся, Русь Святу́ю Свои́м уде́лом имену́ющая.

Ра́дуйся, от лет дре́вних во бране́х со иноплеме́нники помога́ющая;

ра́дуйся, призыва́ющим и́мя Твое́ побе́ды умножа́ющая.

Ра́дуйся, прави́тели и вла́сти умудря́ющая;

ра́дуйся, судьбы́ Оте́чествия ко бла́гу устроя́ющая.

Ра́дуйся, по́моще на́ша и утвержде́ние;

ра́дуйся, упова́ние на́ше и вразумле́ние.

Ра́дуйся, Богоро́дице Одиги́трие, на спасе́ния стези́ нас наставля́ющая.

Конда́к 7

Хотя́ Госпо́дь яви́ти человеколю́бие Свое́ не то́кмо ве́си Выдропу́сской, но и всей правосла́вней Ру́сской земли́, устро́и пренесе́ние ико́ны сея́ по градо́м и ве́сем, во оби́тели и́ночествующих и до́мы богобоя́зненных христиа́н. Те́мже, я́ко Саму́ Цари́цу Небе́сную сию́ ико́ну чту́ще, восхваля́ем с любо́вию твори́мая от нея́ чудеса́, пою́ще Бо́гу: Аллилу́ия.

И́кос 7

Но́вый исто́чник ми́лостей яви́ся ико́на Твоя́ Одиги́трия, стра́ждущим бо осла́бы посыла́ются, немощству́ющим здра́вие, пле́нником свобожде́ние, заблу́ждшим обраще́ние, коему́ждо позна́ние вели́чия Твоего́ да́руется, зане́ моли́тва, я́же к Тебе́, Пречи́стая, возноси́мая, непрело́жно услы́шана быва́ет. Те́мже и заступле́ние Твое́ многоси́льное обрета́ем и благодаря́ще воспева́ем Ти си́це:

Ра́дуйся, на́ше всемо́щное заступле́ние;

ра́дуйся, от вся́кия напа́сти огражде́ние.

Ра́дуйся, си́рых и убо́гих прия́телище;

ра́дуйся, дев и вдови́ц честны́х прибе́жище.

Ра́дуйся, супру́гом целому́дрие и единомы́слие подава́ющая;

ра́дуйся, ча́да во благоче́стии и послуша́нии жи́ти наставля́ющая.

Ра́дуйся, проше́ния благогове́йных моли́твенников исполня́ющая;

ра́дуйся, лю́тыя беды́ от нас отгоня́ющая.

Ра́дуйся, Богоро́дице Одиги́трие, на спасе́ния стези́ нас наставля́ющая.

Конда́к 8

Стра́нствие земно́е соверша́ющих, огради́ нас Твои́м заступле́нием, Пречи́стая Де́во, изведи́ из глубины́ грехо́в и бу́ри отча́яния, мо́ря жите́йскаго пучи́ну помози́ невла́жными проити́ стопа́ми, мы́сленнаго фарао́на потопля́ющи, да спаса́еми Тобо́ю дерзнове́нно возопие́м Бо́гу: Аллилу́ия.

И́кос 8

Вся в вы́шних пребыва́ющи, и нас земноро́дных не оста́вила еси́, Влады́чице: коего́ждо бо воздыха́ния серде́чная слы́шиши и призира́еши на проше́ния ве́рно взыва́ющих к Тебе́: ни́вы се́льныя благословля́еши и бразды́ жи́тныя освяща́еши, во е́же бы́ти до́брым плодо́м от земли́ на́шея, исполня́ющи моле́ния люде́й Твои́х о хле́бе насу́щном, вопию́щих Ти си́це:

Ра́дуйся, благорастворе́ние возду́хов низпосыла́ющая;

ра́дуйся, во гла́де су́щих нас не оставля́ющая;

Ра́дуйся, усе́рдных де́лателей моле́ния приима́ющая;

ра́дуйся, на небе́сныя сокро́вищницы упова́ти тех подвиза́ющая.

Ра́дуйся, незри́мое ве́ры се́мен прозябе́ние;

ра́дуйся, зе́рен благоче́стия изря́дное насажде́ние.

Ра́дуйся, плод стори́чный приноси́ти нас сподобля́ющая;

ра́дуйся, пи́щею небе́сною нас пита́ющая.

Ра́дуйся, Богоро́дице Одиги́трие, на спасе́ния стези́ нас наставля́ющая.

Конда́к 9

Вся́кое естество́ безпло́тных воспева́ет немо́лчно вели́чия Твоя́, Де́во. А́нгели бо незри́мо поклоне́ние пред Твое́ю ико́ною творя́ще, фимиа́мом небе́сным пред не́ю кажде́ние соверша́ют. Мы же, земноро́днии, ка́ко досто́йно восхвали́ти Тя возмо́жем? И́бо вся́кое благодаре́ние не превозмога́ет мно́жества ми́лостей Твои́х. Те́мже и припа́дающе к Твоему́ свято́му о́бразу, иде́же Ты держи́ши на рука́х Свои́х Богомладе́нца Христа́, хвале́бную песнь воспои́м Зижди́телю всех: Аллилу́ия.

И́кос 9

Вети́и многовеща́ннии недоуме́ют, ка́ко возмо́жно изъясни́ти мно́жества чуде́с, от ико́ны Твоея́ излива́емая, ты бо пути́ заблу́ждших исправля́еши, малове́рныя вразумля́еши. Мы же, не дерза́юще испыта́ти вели́чия Твоя́, благогове́йно воспева́ем Ти си́це:

Ра́дуйся, и́стинныя ве́ры Наста́внице;

ра́дуйся, наде́жды несумне́нныя Пода́тельнице.

Ра́дуйся, любве́ нелицеме́рныя взыска́ние;

ра́дуйся, му́дрости небе́сныя стяжа́ние.

Ра́дуйся, оте́ческаго преда́ния Храни́тельнице;

ра́дуйся, ве́ры святы́х апо́стол Защи́тнице.

Ра́дуйся, е́реси тьмочи́сленныя разоря́ющая;

ра́дуйся, пра́вое богопочита́ние насажда́ющая.

Ра́дуйся, Богоро́дице Одиги́трие, на спасе́ния стези́ нас наставля́ющая.

Конда́к 10

Спасти́ хотя́ от поруга́ния ико́ну Твою́ Одиги́трию, благочести́вый селя́нин Стефа́н, ви́дя, я́ко безу́мнии отсту́пницы ве́ры оте́ческия восхоте́ша вве́ргнути во огнь святы́ню хра́ма Выдропу́сскаго, откупи́ ю́ у безбо́жных за еди́н дровяны́й воз, и благогове́йно внесе́ в дом свой, благодаря́ Бо́га: Аллилу́ия.

И́кос 10

Стена́ кре́пкая яви́ся стране́ на́шей ико́на Твоя́, Влады́чице, я́ко Ты никогда́же оставля́еши ми́лостивное Свое́ о наро́де христиа́нстем попече́ние, а́ще бо и разоре́ни и пору́гани хра́ми Бо́жии бы́ша, и нечести́вии лю́дие святы́ни поху́лиша и истреби́ша. Но поми́ловала еси́ ны и благослови́ла еси́ пребыва́ти ико́не Твое́й Одиги́трии в земли́ Тверско́й в дому́ благочести́ваго Стефа́на со Матро́ною и ча́дами их. Богомо́льцы же Твои́ та́йно прихожда́ху в дом сей, и припа́дающе к наде́жной пред Бо́гом Засту́пнице, сле́зно взыва́ху Ти си́це:

Ра́дуйся, во испове́дании Правосла́вия нас утвержда́ющая;

ра́дуйся, благодари́ти за ско́рби и тесноты́ вразумля́ющая.

Ра́дуйся, безу́мия богобо́рцев обличе́ние;

ра́дуйся, омраче́нных безбо́жием исцеле́ние.

Ра́дуйся, усе́рдных служи́телей Свои́х утеша́ющая;

ра́дуйся, о́ным оби́тели Небе́сныя уготовля́ющая.

Ра́дуйся, ми́лостиваго всепроще́ния исто́чниче;

ра́дуйся, ве́рным моли́твы за враги́ дарова́ние.

Ра́дуйся, Богоро́дице Одиги́трие, на спасе́ния стези́ нас наставля́ющая.

Конда́к 11

Пе́ние вознося́ доброгла́сное пред честно́ю ико́ною Твое́ю, усе́рдно про́сим Тя, Богома́ти, услы́ши моле́ния на́ша, к Тебе́ возноси́мая. Умоли́ Влады́ку Христа́ изба́вити оте́чество и наро́д наш от поги́бели и сохрани́ в нас ве́ру правосла́вную, да со умиле́нием благода́рственно еди́нем се́рдцем и еди́неми усты́ вознесе́м хвалу́ Бо́гу: Аллилу́ия.

И́кос 11

Светоприе́мной свещи́ уподо́бися ико́на Твоя́ Выдропу́сская, благода́тию от нея́ излия́нною ди́вно показу́ющи нам та́йны боже́ственныя и науча́ющи а́нгельскому житию́. Те́мже и во́ина Крони́да, и́же споспе́шествовал есть сопру́жником честны́м Стефа́ну и Матро́не сохрани́ти о́браз Твой святы́й, препроводи́ла еси́ во оби́тель Псково-Пече́рскую, и та́мо и́ноческий о́браз восприя́ти с и́менем Нафана́ил сподо́била еси́. Сей же моли́твы де́латель усе́рдный, му́дростию и му́жеством преукра́шенный, до после́дняго издыха́ния испове́даше Твое́ благо́е о нас попече́ние, вопия́ Ти похвалы́ сицевы́я:

Ра́дуйся, ева́нгельским путе́м ше́ствовати нас побужда́ющая;

ра́дуйся, во́лю Бо́жию взыска́ти и твори́ти повелева́ющая.

Ра́дуйся, и́ноческаго о́браза небе́сная Покрови́тельнице;

ра́дуйся, оби́телей земны́х, во о́браз оби́телей го́рних, до́брая Устрои́тельнице.

Ра́дуйся, непреста́нную моли́тву стяжева́ти назида́ющая;

ра́дуйся, ума́ и се́рдца чистоту́ созида́ющая.

Ра́дуйся, благогове́йно пред Бо́гом ходи́ти воскриля́ющая;

ра́дуйся, да́же до са́мыя сме́рти обе́ты мона́шеския храни́ти укрепля́ющая.

Ра́дуйся, Богоро́дице Одиги́трие, на спасе́ния стези́ нас наставля́ющая.

Конда́к 12

Благода́тию боже́ственною защити́ ны, Де́во Непоро́чная, от плене́ния врагу́ па́дшия во́ли на́шея и ко́зней диа́вольских, и я́ко младе́нцы а́лчущия, ни во что́же вменя́юще би́сер и зла́то, прини́чут ко млеку́ ма́терню, та́ко и ду́ши на́ша умудри́ иска́ти упокое́ния то́кмо во Еди́ном Го́споде на́шем, да позна́вше Его́ бла́гость, воспое́м: Аллилу́ия.

И́кос 12

Пою́ще заступле́ние Твое́, Пресвята́я Влады́чице, мо́лим Тя: бу́ди нам блага́я предста́тельница в о́ный день стра́шный, егда́ во сла́ве прии́дет Пра́ведный Судия́, Сын и Бог Твой, да не уподо́бимся смоко́внице безпло́дней, да не сопричте́мся лука́вому рабу́, но восприи́мем часть му́дрых дев, со свети́льники горя́щими, испо́лненными еле́я ми́лости и до́брых дел, велича́юще Тя та́ко:

Ра́дуйся, упова́ние на́ше в день су́дный;

ра́дуйся, умоле́ние за ны в час испыта́ния.

Ра́дуйся, огня́ неугаси́маго избавля́ющая;

ра́дуйся, во избра́нное ста́до Христо́во нас собира́ющая.

Ра́дуйся, ду́шу полага́ти за дру́ги призыва́ющая;

ра́дуйся, сердца́ на́ша ми́лующими бы́ти сотворя́ющая.

Ра́дуйся, Ты бо еси́ Хода́таица поми́лования гре́шником ка́ющимся;

ра́дуйся, Ты бо вво́диши ве́рныя в ра́дость Го́спода Твоего́.

Ра́дуйся, Богоро́дице Одиги́трие, на спасе́ния стези́ нас наставля́ющая.

Конда́к 13

О Предста́тельнице на́ша непосты́дная, Пресвята́я Богоро́дице Одиги́трие, приими́ на́ше возноси́мое к Тебе́ моле́ние, и от вся́каго зла сохрани́, к доброде́тели упра́ви, пути́ пра́вы сотвори́ и проще́ния грехо́в на́ших испроси́, да взира́юще на святу́ю Твою́ ико́ну, воззове́м к щедро́там Отца́ Небе́снаго: Аллилу́ия.

Сей конда́к глаго́лется три́жды.

И па́ки чте́тся 1-й и́кос и 1-й конда́к.

Моли́тва

О Цари́це Небесе́ и земли́, Влады́чице всеми́лостивая, Одиги́трие всечестна́я, Предста́тельнице на́ша усе́рдная, при Кресте́ Сы́на Твоего́ и Бо́га всынови́вшая весь па́дший род челове́ческий и по успе́нии Свое́м не оста́вившая нас си́рых и безнаде́жных! Мо́лим Тя, Всенепоро́чная, благода́ть Твою́ не отыми́ от ка́ющихся рабо́в Твои́х и упра́ви вся́, я́ко Ма́ти Преблага́я: защити́ оте́чество на́ше, ве́ру правосла́вную сохрани́, вла́сти умудри́, иере́и укрепи́, ве́рным лю́дем Твои́м по́мощь неоску́дную да́руй, ю́ныя вразуми́, ста́рость уте́ши, боля́щия исцели́, отча́янныя возста́ви, заблу́ждшия обрати́ и всем целому́дрие и кре́пость исхода́тайствуй – Ты бо еси́ блага́я Путеводи́тельница и милосе́рдная Засту́пница, к Тебе́ припа́даем и мо́лим Тя: не отве́ржи нас, но испроси́ нам до́браго отве́та на Стра́шнем Суди́лищи, да не осу́димся по грехо́м и беззако́нием на́шим, но ми́лость улучи́м по безме́рному человеколю́бию Го́спода и Спаси́теля на́шего Иису́са Христа́, Ему́же сла́ву и поклоне́ние возсыла́ем, со Безнача́льным Его́ Отце́м, и Пресвяты́м и Благи́м и Животворя́щим Его́ Ду́хом, ны́не и при́сно, и во ве́ки веко́в. Ами́нь.

Случайный тест

(4 голоса: 5 из 5)