Великий канон Андрея Критского на церковнославянском языке

Свѧта́гѡ А҆ндре́ѧ Їерꙋсамли́млѧнина, А҆рхїепи́скопа Кри́тскаго, Вели́кїй Кано́нъ.

^ Во понеде́льник пе́рвой седми́цы

Пѣ́снь а҃. Гла́съ ѕ҃. І҆рмо́съ по два́жды.
Твори́м же на кі́йждо тропарь мета҆ніѧ г҃.
І̑рмо́съ: Помо́щник и покро́витель бы́сть мнѣ̀ во спасе́ні̇е, се́й мой бг҃ъ, и҆ прославлю е҆го: бг҃ъ ѻ҆ц҃а моегѡ̀, и҆ вознесꙋ̀ е҆го̀: сла́внѡ бо просла́висѧ.
Припѣ́въ: Поми́лꙋй мѧ̀, бж҃е, поми́лꙋй мѧ̀.
Помощник и Покровитель явился мне ко спасению, Он Бог мой, и прославлю Его, Бога отца моего, и восхвалю Его, ибо Он возвеличился во славе. – (Перевод Н.И. Кедрова)
Ѿкꙋ́дꙋ начнꙋ̀ пла́кати ꙍ҆каѧ́ннагѡ моегѡ̀ житі̇ѧ̀ дѣѧ́нїй; кое́ ли положꙋ нача́ло, хрⷭ҇те, ны́нѣшнемꙋ рыда́нїю; но ѧко бл҃гоꙋтро́бенъ, да́ждь мѝ прегрѣше́нїй ѡ҆ставле́ні̇е. С чего начну я оплакивать деяния злосчастной моей жизни? Какое начало положу, Христе, я нынешнему моему сетованию? Но Ты, как милосердный, даруй мне оставление прегрешений.
Грѧдѝ ѻ҆каѧ́ннаѧ дꙋше, съ пло́ті̇ю твое́ю, зижди́телю всѣ́хъ исповѣ́ждсѧ, и҆ ѡ҆ста́нисѧ про́чее пре́жднѧгѡ безслове́сі̇ѧ, и҆ принесѝ бг҃ꙋ въ покаѧ́нїи сле́зы. Прииди, несчастная душа, с плотию своею, исповедайся Создателю всего, воздержись, наконец, от прежнего безрассудства и с раскаянием принеси Богу слезы.
Первозда́ннаго а҆да́ма престꙋпле́нїю поревнова́въ, позна́хъ себѐ ѡ҆бнаже́на ѿ бг҃а, и҆ присносꙋ́щнагѡ црⷭ҇твїѧ и҆ сла́дости, грѣ̀хъ ра́ди мои́хъ. Подражая в преступлении первозданному Адаму, я сознаю себя лишенным Бога, вечного Царства и блаженства за мои грехи. (Быт.3:6-7)
Ѹ҆вы̀ мнѣ̀ ѻ҆каѧ́ннаѧ дꙋшѐ, что̀ ѹ҆подо́биласѧ е҆сѝ пе́рвѣе еѵѣ; ви́дѣла бо е҆сѝ ѕлѣ̀, и҆ ѹ҆ѧзви́ласѧ е҆сѝ го́рцѣ, и҆ коснꙋласѧ е҆сѝ дре́ва, и҆ вкꙋси́ла е҆сѝ де́рзостнѡ безслове́сныѧ снѣ́ди. Горе мне, моя несчастная душа, для чего ты уподобилась первосозданной Еве? Не с добром ты посмотрела и уязвилась жестоко, прикоснулась к дереву и дерзостно вкусила бессмысленного плода. (Быт.3:6)
Вмѣ́стѡ еѵы чꙋвственныѧ, мы́сленнаѧ мѝ бы́сть еѵа, во пло́ти страстны́й по́мыслъ, показꙋ́ѧй сла҆дкаѧ, и҆ вкꙋша́ѧй при́сно го́рькагѡ напое́нїѧ. Вместо чувственной Евы восстала во мне Ева мысленная – плотский страстный помысел, обольщающий приятным, но при вкушении всегда напояющий горечью.
Досто́йнѡ и҆з̾ єде́ма изгна́нъ бы́сть, ѧкѡ не сохрани́въ е҆ди́нꙋ твою̀, сп҃се, за́повѣдь ада́мъ: азъ же что̀ постраждꙋ̀, ѿмета́ѧ всегда̀ живо́тнаѧ твоѧ̀ словеса̀; Достойно был изгнан из Едема Адам, как не сохранивший одной Твоей заповеди, Спаситель. Что же должен претерпеть я, всегда отвергающий Твои животворные повеления? (Быт.3:23)
Сла́ва, трⷪ҇ченъ: Пресꙋ́щнаѧ трⷪ҇це, во е҆ди́ницѣ покланѧ́емаѧ, возмѝ бре́мѧ ѿ менѐ тѧ́жкое грѣхо́вное, и҆ ѧ́кѡ благоꙋтро́бна, да́ждь мѝ сле́зы ѹ҆миле́ні̇ѧ. Пресущественная Троица, Которой мы поклоняемся в одном Существе, сними с меня тяжкое бремя греховное и по Своему милосердию, даруй мне слезы умиления.
Бг҃оро́диченъ: Бцⷣе, наде́жде и҆ предста́тельство тебѐ пою́щихъ, возмѝ бре́мѧ ѿ мене тѧ́жкое грѣхо́вное, и҆ ꙗко влⷣчца чⷭ҇таѧ, ка́ющасѧ прі̇ими́ мѧ. Богородице, надежда и защита воспевающих Тебя, сними с меня тяжкое бремя греховное и, как Владычица Чистая, приими меня кающегося.
Пѣ́снь в҃. і̇рмо́съ:
Вонмѝ нб҃о, и҆ возглаго́лю, и҆ воспою̀ Хрⷭ҇та ѿ Дв҃ы плоті̇ю прише́дшаго.
Внемли, небо, я буду возвещать и воспевать Христа, пришедшего во плоти от Девы.
Вонмѝ нб҃о, и҆ возглаго́лю: землѐ внꙋша́й гла́съ, ка́ющі̇йсѧ къ Бг҃ꙋ и҆ воспевающі̇й е҆го̀. Внемли, небо, я буду возвещать: земля, услышь голос, кающийся Богу и прославляющий Его.
Вонми́ ми, Бж҃е, Сп҃се мо́й млⷭ҇тивнымъ твои́мъ ѻкомъ, и҆ прі̇имѝ моѐ те́плое и҆сповѣ́дані̇е. Воззри на меня Боже, Спаситель мой, милостивым Твоим оком и прими мою пламенную исповедь.
Согрѣши́хъ па́че всѣ́хъ человѣ́къ, еди́нъ согрѣши́хъ тебѣ̀: но ѹ҆ще́дри ꙗкѡ Бг҃ъ, Сп҃се, творе́ні̇е твоѐ. Согрешил я более всех людей, один я согрешил пред Тобою; но, как Бог, сжалься, Спаситель, над Твоим созданием. (1Тим.1:15)
Вообрази́въ мои́хъ страсте́й без̾ѻбра́зіе, любостра́стными стремле́нми погꙋби́хъ ѹ҆ма̀ красотꙋ̀. Отобразив в себе безобразие моих страстей, сластолюбивыми стремлениями исказил я красоту ума.
Бу́рѧ мѧ̀ ѕлы́хъ ѡ҆бдержи́тъ, бл҃гоутро́бне Гдⷭ҇и: но ꙗкѡ Петру̀, и҆ мнѣ̀ рꙋку прострѝ. Буря зла окружает меня, Милосердный Господи, но, как Петру, и мне Ты простри руку. (Мф.14:31)
Ѡ҆скверни́хъ пло́ти моеѧ̀ ри́зу и҆ о҆клаѧ́хъ еже по ѻбразу, Сп҃се, и҆ по подо́бі̇ю. Осквернил я одежду плоти моей и очернил в себе, Спаситель, то, что было создано по Твоему образу и подобию.
Ѡ҆мрачи́хъ душе́внꙋю красоту̀ стра́стей сластьмѝ, и҆ всѧ́чески ве́сь ѹмъ пе́рсть сотвори́хъ. Помрачил я красоту души страстными удовольствиями и весь ум совершенно превратил в прах.
Раздра́хъ ны́нѣ ѻ҆де́жду мою̀ пе́рвую, юже мѝ и҆зтка̀ Зижди́тель и҆з̾ нача́ла, и҆ ѿту́дꙋ лежу̀ на́гъ. Разодрал я первую одежду мою, которую вначале соткал мне Создатель, и оттого лежу обнаженным.
Ѡ҆блеко́хсѧ въ раздра́нную ри́зу, юже и҆зтка́ ми ѕмі̇й совѣ́томъ, и҆ стыжду́сѧ. Облекся я в разодранную одежду, которую соткал мне змий коварством, и стыжусь. (Быт.3:21)
Сле́зы блудни́цы, ще́дре, и҆ азъ предлага́ю: ѡ҆чи́ти мѧ̀, Сп҃се, бл҃гоутро́бі̇емъ твои́мъ. Как блудница, и я проливаю слезы, Милосердный; смилуйся надо мною, Спаситель, по благоснисхождению Твоему. (Лк.7:38)
Воззрѣ́хъ на садо́вную красоту̀ и҆ прельсти́хсѧ ѹмо́мъ, и҆ ѿту́дꙋ лежу̀ на́гъ, и҆ срамлѧ́юсѧ. Взглянул я на красоту дерева и прельстился в уме; оттого лежу обнаженным и стыжусь.
Дѣ́лаша на хребтѣ̀ мое́мъ всѝ нача́льницы страсте́й, продолжа́юще на мѧ̀ беззаконі̇е ихъ. На хребте моем пахали все вожди страстей, проводя вдоль по мне беззаконие свое. (Пс.138:3)
Сла́ва, трⷪ҇ченъ: Е҆ди́наго тѧ̀ въ трі̇е́хъ ли́цѣхъ, Бг҃а всѣ́хъ пою̀, Ѻц҃а̀ и҆ Сн҃а и҆ Дх҃а Ст҃а́го. Воспеваю Тебя, Единого в трех Лицах, Бога всех, Отца, Сына и Святого Духа.
Бг҃ородиченъ: Пречⷭ҇таѧ Бц҃е Дв҃о, е҆ди́на всепѣ́таѧ, молѝ прилѣ́жно во еже спасти́сѧ на́мъ. Пречистая Богородица Дева, Ты Одна, всеми воспеваемая, усердно моли о нашем спасении.
Пѣ́снь г҃. і҆рмо́съ:
На недви́жимомъ, Хрⷭ҇те, ка́мени за́повѣдей твои́хъ ѹ҆твердѝ моѐ помышле́ні̇е.
На неподвижном камне заповедей Твоих, Христе, утверди мое помышление.
Ѻгнь ѿ Гд҃а и҆ногда̀ Гдⷭ҇ь ѡ҆дожди́въ, зе́млю Содо́мскую пре́жде попалѝ. Пролив дождем огонь от Господа, Господь попалил некогда землю содомлян. (Быт.13:24)
На горѣ̀ спаса́йсѧ, душѐ, ꙗкоже Ло́тъ о́ный, и҆ въ Сиго́ръ ѹгонза́й. Спасайся на горе, душа, как праведный Лот и спеши укрыться в Сигор. (Быт.13:13-23)
Бѣ́гай запале́ні̇ѧ, ѽ душѐ, бѣ́гай Содо́мскагѡ горѣ́ні̇ѧ, бѣ́гай тлѣ́ні̇ѧ бж҃е́твеннагѡ пла́мени. Беги, душа, от пламени, беги от горящего Содома, беги от истребления Божественным огнем.
Согрѣши́хъ тебѣ́ еди́нъ азъ, согрѣши́хъ па́че всѣ́хъ, Хрⷭ҇те Сп҃се, да не пре́зриши менѐ. Согрешил я один пред Тобою, согрешил более всех, Христос Спаситель – не презирай меня.
Ты̀ есѝ па́стырь до́брый, взыщѝ менѐ агнца, и҆ заблу́ждшаго да не пре́зриши мене. Ты – Пастырь Добрый, отыщи меня – агнца, и не презирай меня, заблудившегося. (Ин.10:11-14)
Ты̀ есѝ сла́дкі̇й, І҆и҃се, ты̀ есѝ Созда́телю мо́й: въ тебѣ̀, Сп҃се, оправда́юсѧ. Ты – вожделенный Иисус; Ты – Создатель мой, Спаситель, Тобою я оправдаюсь.
И҆сповѣ́даюсѧ тебѣ̀, Сп҃се: согрѣши́хъ тѝ, но ѡ҆сла́би, оста́ви мѝ, ꙗкѡ бл҃гоутро́бенъ. Исповедуюсь Тебе, Спаситель; согрешил я, согрешил пред Тобою, но отпусти, прости меня, как Милосердный.
Сла́ва, трⷪ҇ченъ: Ѽ Трⷪ҇це є҆ди́нице Бж҃е, спасѝ на́съ ѿ пре́лести, и҆ и҆скуше́ні̇й, и҆ ѡ҆бстоѧ́ні̇й. О, Троица, Единица, Боже, спаси нас от обольщений, от искушений и опасностей.
Богоро́диченъ: Ра́дуйсѧ, бг҃опрі̇ѧ́тна́ ѹ҆тро́бо: ра́дуйсѧ прⷭ҇то́ле Гдⷭ҇нь: ра́дуйсѧ, мт҃и жи́зни на́шеѧ. Радуйся, чрево, вместившее Бога; радуйся, Престол Господень; радуйся, Матерь Жизни нашей.
Пѣ́снь д҃. і̇рмо́съ:
Ѹ҆слы́ша Прⷪ҇ро́къ прише́стві̇е твое́, Гдⷭ҇и, и҆ ѹ҆боѧ́сѧ, ꙗкѡ хо́щеши ѿ Дв҃ы роди́тисѧ и҆ чл҃кѡмъ ꙗ҆ви́тисѧ, и҆ гл҃аше: ѹ҆слы́шахъ слу́хъ тво́й и҆ ѹ҆боѧ́хсѧ, сла́ва си́лѣ твое́й Гдⷭ҇и.
Услышал пророк о пришествии Твоем, Господи, и устрашился, что Тебе угодно родиться от Девы и явиться людям, и сказал: услышал я весть о Тебе и устрашился; слава силе Твоей, Господи.
Дѣ́лъ твои́хъ да не пре́зриши, созда́ні̇ѧ твоего̀ да не оста́виши, Правосу́де: аще и҆ еди́нъ согрѣши́хъ ꙗкѡ чл҃вѣ́къ па́че всѧ́кагѡ человѣ́ка, человѣ́колю́бче, но имаши, ꙗкѡ Гдⷭ҇ь всѣ́хъ, вла́сть ѡ҆ставлѧ́ти грѣхѝ. Не презри творений Твоих, не оставь создания Твоего, Праведный Судия, ибо хотя я, как человек, один согрешил более всякого человека, но Ты, Человеколюбец, как Господь всего мира, имеешь власть отпускать грехи. (Мф.9:6; Мк.2:10)
Прибли́жаетсѧ, душѐ, коне́цъ, приближа́етсѧ и҆ неради́ши, не гото́вишисѧ, вре́мѧ сокраща́етсѧ, воста́ни, бли́зъ при две́рехъ Суді̇ѧ есть: ꙗкѡ со́ні̇е, ꙗкѡ цвѣ́тъ, вре́мѧ житїѧ̀ тече́тъ: что̀ всу́е мѧте́мсѧ; Конец приближается, душа, приближается, и ты не заботишься, не готовишься; время сокращается – восстань: Судия уже близко – при дверях; время жизни проходит, как сновиденье, как цвет. Для чего мы напрасно суетимся? (Мф.24:33; Мк.13:29; Лк.21:31)
Воспрѧ́нѝ, ѽ ду́шѐ моѧ̀, дѣ́ѧні̇ѧ твоѧ̀ ꙗже содѣ́лала е҆сѝ, помышлѧ́й, и҆ сі̇ѧ҆ предъ лицѐ твоѐ принесѝ, и҆ ка́пли и҆спꙋстѝ сле́зъ твои́хъ: рцы со дерзнове́ні̇емъ дѣѧ҆ні̇ѧ и҆ помышле́ні̇ѧ Хрⷭ҇ту̀, и҆ оправда́йсѧ. Пробудись, душа моя, размысли о делах своих, которые ты сделала, представь их пред своими очами, и пролей капли слез твоих, безбоязненно открой Христу дела и помышления твои и оправдайся.
Не бы́сть въ житі̇ѝ грѣха̀, ни дѣѧ́ні̇ѧ, ни зло́бы, е҆ѧ же азъ Сп҃се не согрѣши́хъ, ѹ҆мо́мъ и҆ сло́вомъ и҆ произволе́ні̇емъ, и҆ предложе́ні̇емъ и҆ мы́слїю и҆ дѣѧ́нїемъ согрѣши́въ, ꙗкѡ инъ никто́же когда̀. Нет в жизни ни греха, ни деяния, ни зла, в которых я не был бы виновен, Спаситель, умом, и словом, и произволением, согрешив и намерением, и мыслью, и делом так, как никто другой никогда.
Ѿсю́ду и҆ ѡ҆сужде́нъ бы́хъ, ѿсю́дꙋ и҆ препрѣ́нъ бы́хъ азъ ѻ҆каѧ́нный ѿ своеѧ̀ со́вѣсти, е҆ѧ́же ничто́же въ мі̇́рѣ нужнѣ́йше: Сꙋдїѐ изба́вителю мо́й, и҆ вѣ́дче, пощадѝ и҆ и҆зба́ви, и҆ спаси́ мѧ̀ раба̀ твоего̀. Потому и обвиняюсь, потому и осуждаюсь я, несчастный, своею совестью, строже которой нет ничего в мире; Судия, Искупитель мой и Испытатель, пощади, избавь и спаси меня, раба Твоего.
Лѣ́ствица, юже ви́дѣ дре́вле вели́кїй въ Патрїа́рсѣхъ, ѹ҆ка́занїе есть дꙋше моѧ̀, дѣ́ѧтельнагѡ восхожде́нїѧ, разꙋмнагѡ возше́ствїѧ: аще хо́щеши ѹ҆бѡ дѣѧ́нїемъ и҆ ра́зꙋмомъ, и҆ зрѣ́нїем̾ пожи́ти, обнови́сѧ. Лестница, которую в древности видел великий из патриархов, служит указанием, душа моя, на восхождение делами, на возвышение разумом; поэтому, если хочешь жить в деятельности и в разумении и созерцании, то обновляйся. (Быт.28:13)
Зно́й дневны́й претерпѣ́ лише́нїѧ ра́ди Патрїа́рхъ, и҆ мра́зъ нощны́й понесѐ, на всѧ́къ де́нь снабдѣ́нїѧ творѧ̀, пасы́й, тружда́ѧйсѧ, рабо́таѧй, да двѣ́ женѣ̀ сочета́етъ. Патриарх по нужде терпел дневной зной и переносил ночной холод, ежедневно сокращая время, пася стада, трудясь и служа, чтобы получить себе две жены. (Быт.31:7:40)
Жены́ ми двѣ̀ разꙋмѣ́й, дѣѧ́нїе же и҆ ра́зумъ въ зрѣ́ні̇и: Лі́ю ѹбѡ дѣѧ́нїе, ꙗкѡ многоча́днꙋю, Рахи́ль же ра́зꙋмъ, ꙗкѡ многотрꙋдную: ибо кромѣ̀ трꙋдѡ́въ ни дѣѧ́нїе ни зрѣ́нїе, дꙋшѐ, и҆спра́витсѧ. Под двумя женами понимай деятельность и разумение в созерцании: под Лиею, как многочадною, – деятельность, а под Рахилью, как полученной через многие труды, – разумение, ибо без трудов, душа, ни деятельность, ни созерцание не усовершенствуются.
Сла́ва, трⷪ҇ченъ: Нераздѣ́льное сꙋщество́мъ, несли́тное ли́цы бг҃осло́влю тѧ̀, трⷪ҇ческое е҆ди́но Бж҃ество̀, ꙗкѡ е҆диноцрⷭ҇твенное и҆ сопресто́льное: вопїю́ ти пѣ́снь вели́кꙋю, въ вы́шнихъ трегу́бо пѣ́сносло́вимꙋю. Нераздельным по существу, неслиянным по Лицам богословски исповедую Тебя, Троичное Единое Божество, Соцарственное и Сопрестольное; возглашаю Тебе великую песнь, в небесных обителях троекратно воспеваемую. (Ис.6:1-3)
Бг҃оро́диченъ: И҆ ражда́еши, и҆ дѣ́вствꙋеши, и҆ пребыва́еши ѻ҆бою́дꙋ естество́мъ Дв҃а: рожде́йсѧ обновлѧ́етъ зако́ны е҆стества̀, ѹ҆тро́ба же ражда́етъ неражда́ющаѧ: Бг҃ъ и҆дѣ́же хо́щетъ, побѣжда́етсѧ е҆стества̀ чи́нъ: твори́тъ бо е҆ли̑ка хо́щетъ. И рождаешь Ты, и остаешься Девою, в обоих случаях сохраняя по естеству девство. Рожденный Тобою обновляет закон природы, а девственное чрево рождает; когда пожелает Бог, то нарушается порядок природы, ибо Он творит, что хочет.
Пѣ́снь є҃. і҆рмо́съ:
Ѿ нощи ѹтренююща, чл҃колю́бче, просвѣтѝ молю́сѧ, и҆ наста́ви и҆ менѐ на повелѣ́нїѧ твоѧ̀, и҆ научѝ мѧ, Сп҃се, твори́ти во́лю твою̀.
От ночи бодрствующего, просвети меня, молю, Человеколюбец, путеводи меня в повелениях Твоих и научи меня, Спаситель, исполнять Твою волю. (Пс.62:2; 118:35)
Въ нощѝ житїѐ моѐ преидо́хъ при́сно, тма́ бо бы́сть и҆ глꙋбока̀ мнѣ̀ мгла̀ но́щь грѣха̀: но ꙗкѡ днѐ сы́на, Сп҃се покажи́ мѧ. Жизнь свою я постоянно проводил в ночи, ибо мраком и глубокою мглою была для меня ночь греха; но покажи меня сыном дня, Спаситель. (Еф.5:8)
Руві̇́ма подража́ѧ ѻ҆каѧ́нный азъ, содѣ́ѧхъ беззако́нный и҆ законопрестꙋ́пный совѣ́тъ на Бг҃а вы́шнѧго, ѡ҆скверни́въ ло́же моѐ, ꙗкѡ ѻч҃ее ѻнъ. Подобно Рувиму я, несчастный, совершил преступное и беззаконное дело пред Всевышним Богом, осквернив ложе мое, как тот – отчее. (Быт.35:13; 49:3-4)
И҆сповѣ́даюсѧ тебѣ̀ Хрⷭ҇тѐ Цр҃ю̀: согрѣши́хъ, согрѣши́хъ, ꙗкѡ пре́жде І҆ѡ́сифа бра́тїѧ прода́вшїи, чистоты̀ пло́дъ и҆ цѣломꙋ́дрїѧ. Исповедаюсь Тебе, Христос-Царь: согрешил я, согрешил, как некогда братья, продавшие Иосифа, – плод чистоты и целомудрия. (Быт.7:28)
Ѿ сро́дникѡвъ пра́веднаѧ дꙋша̀ свѧза́сѧ, прода́сѧ въ рабо́тꙋ сла́дкїй, во ѻбразъ Гдⷭ҇нь: ты́ же всѧ̀ дꙋшѐ, продала́сѧ е҆сѝ ѕлы́ми твои́ми. Сродниками предана была душа праведная; возлюбленный продан в рабство, прообразуя Господа; ты же, душа, сама всю продала себя своим порокам.
І҆ѡ́сифа пра́веднаго и҆ цѣломꙋ́дреннаго ума̀ подража́й ѻ҆каѧ́ннаѧ, и҆ неискꙋснаѧ дꙋшѐ, и҆ не осквернѧ́йсѧ безслове́сными стремле́нми при́сно беззако́ннꙋющи. Подражай праведному Иосифу и уму его целомудренному, несчастная и невоздержанная душа, не оскверняйся и не беззаконствуй всегда безрассудными стремлениями.
А҆ще и҆ въ ро́вѣ поживѐ иногда̀ І҆ѡ́сифъ, Влкⷣо Гдⷭ҇и, но во образъ погребе́ніѧ и҆ воста́ніѧ твоегѡ̀: азъ же что̀ тебѣ̀ когда̀ сицево́е принесꙋ; Владыко Господи, Иосиф был некогда во рву, но в прообраз Твоего погребения и воскресения; принесу ли когда-либо что подобное Тебе я?
Сла́ва, трⷪ҇ченъ: Тѧ̀ Трⷪ҇це сла́вимъ, е҆ди́наго Бг҃а: ст҃ъ, ст҃ъ, ст҃ъ е҆сѝ Ѻч҃е, Сн҃е и҆ Дш҃е, просто́е сꙋщество̀, еди́нице при́сно покланѧ́емаѧ. Тебя, Пресвятая Троица, прославляем за Единого Бога: Свят, Свят, Свят Ты, Отец, Сын и Дух – простая Сущность, Единица вечно поклоняемая.
Бг҃оро́диченъ: И҆з̾ тебѐ облече́сѧ въ моѐ смѣше́нїе, нетлѣ́ннаѧ, безмꙋжнаѧ мт҃и дв҃о, Бг҃ъ созда́вый вѣ́ки, и҆ соединѝ себѣ̀ человѣ́ческое е҆стество̀. В Тебе, нетленная, не познавшая мужа Матерь-Дево, сотворивший мир Бог облекся в мой состав и соединил с Собою человеческую природу.
Пѣ́снь ѕ҃. і҆рмо́съ:
Возопи́хъ всѣ́мъ се́рдцемъ мои́мъ къ ще́дрому Бг҃ꙋ, и҆ ѹ҆слы́ша мѧ̀ ѿ ада преиспо́днѧго, и҆ возведѐ ѿ тлѝ живо́тъ мо́й.
От всего сердца моего я воззвал к милосердному Богу, и Он услышал меня из ада преисподнего и воззвал жизнь мою от погибели.
Сле́зы Сп҃се ѻчїю мое́ю, и҆ из̾ глꙋбины̀ воздыха́нїѧ чи́стѣ приношꙋ̀, вопїю́щу се́рдцу: Бж҃е, согрѣши́хъ тѝ ѡ҆чи́сти мѧ̀. Искренно приношу Тебе, Спаситель, слезы очей моих и воздыхания из глубины сердца, взывающего: Боже, согрешил я пред Тобою, умилосердись надо мною.
Ѹ҆клони́ласѧ е҆сѝ дꙋшѐ, ѿ Гдⷭ҇а твоего̀, ꙗкоже Даѳа́нъ и҆ А҆вїрѡ́нъ: но пощадѝ, воззовѝ и҆з̾ ада преиспо́днѧго, да не про́пасть земна́ѧ тебѐ покры́етъ. Уклонилась ты, душа, от Господа своего, как Дафан и Авирон, но воззови из ада преисподнего: пощади, чтобы пропасть земная не поглотила тебя. (Чис.16:32)
Ꙗкѡ юница дꙋшѐ разсвирѣ́пѣвшаѧ, ѹ҆подо́биласѧ е҆сѝ Е҆фре́мꙋ, ꙗкѡ се́рна ѿ тене́тъ сохранѝ житїѐ, впери́вши дѣѧ́нїемъ ѹмъ и҆ зрѣ́нїемъ. Рассвирепев, как телица, ты, душа, уподобилась Ефрему, но как серна спасай от тенет свою жизнь, окрылив ум деятельностью и созерцанием. (Иер.31:18. Ос.10:11)
Рука̀ на́съ Мои҆се́ова да ѹ҆вѣ́ритъ дꙋшѐ, ка́кѡ мо́жетъ Бг҃ъ прокаже́нное житїѐ ѹ҆бѣли́ти и҆ ѡ҆чи́стити: и҆ не ѿча́йсѧ сама̀ себѐ, аще и҆ прокаже́нна е҆сѝ. Моисеева рука да убедит нас, душа, как Бог может убелить и очистить прокаженную жизнь, и не отчаивайся сама за себя, хотя ты и поражена проказою. (Исх.4:6-7)
Сла́ва, трⷪ҇ченъ: Трцⷭ҇а есмь проста̀, нераздѣ́льна, раздѣ́льна ли́чнѣ, и҆ еди́ница есмь е҆стество́мъ соедине́на, ѻц҃ъ глаго́летъ, и҆ Сн҃ъ, и҆ бж҃е́ственный Дх҃ъ. Я – Троица несоставная, нераздельная, раздельная в лицах, и Единица, соединенная по существу; свидетельствует Отец, Сын и Божественный Дух.
Бг҃оро́диченъ: Ѹ҆тро́ба твоѧ̀ Бг҃а на́мъ родѝ, воображе́на по на́мъ: е҆го́же ꙗкѡ Созда́телѧ всѣ́хъ, молѝ, Бцⷣе, да моли́твами твои́ми ѡ҆правди́мсѧ. Чрево Твое родило нам Бога, принявшего наш образ; Его, как Создателя всего мира, моли, Богородица, чтобы по молитвам Твоим нам оправдаться.
Конда́къДушѐ моѧ̀, душѐ моѧ̀, воста́ни, что спи́ши; коне́цъ приближа́етсѧ, и҆ имаши смꙋти́тисѧ: воспрѧнѝ ѹбо, да пощади́тъ тѧ̀ Хрⷭ҇то́съ Бг҃ъ, вездѣ̀ сы́й, и҆ всѧ҆ и҆сполнѧ́ѧй. Душа моя, душа моя, восстань, что ты спишь? Конец приближается, и ты смутишься; пробудись же, чтобы пощадил тебя Христос Бог, Вездесущий и все наполняющий.
Пѣ́снь з҃. їрмо́съ:
Согрѣши́хомъ, беззако́нновахомъ, непра́вдовахом̾ предъ тобо́ю, нижѐ соблюдо́хомъ, нижѐ сотвори́хомъ, ꙗкоже заповѣ́далъ е҆сѝ на́мъ: но не преда́ждь на́съ до конца̀, ѻ҆ц҃е́въ Бж҃е.
Мы согрешили, жили беззаконно, неправо поступали пред Тобою, не сохранили, не исполнили, что Ты заповедал нам; но не оставь нас до конца, Боже отцов. (Дан.9:5-6)
Согрѣши́хъ, беззако́нновахъ, и҆ ѿверго́хъ за́повѣдь твою̀, ꙗкѡ во грѣсѣ́хъ произведо́хсѧ, и҆ приложи́хъ ꙗзвамъ стрꙋпы себѣ̀: но са́мъ мѧ̀ поми́лꙋй, ꙗкѡ благоꙋтро́бенъ, ѻ҆ц҃е́въ Бж҃е. Я согрешил, жил в беззакониях и нарушил заповедь Твою, ибо я рожден в грехах и к язвам своим приложил еще раны, но Сам Ты помилуй меня, как Милосердный Боже отцов.
Та҆йнаѧ се́рдца моего̀ и҆сповѣ́дахъ тебѣ̀, Судїѝ моемꙋ̀: ви́ждь моѐ смире́нїе, ви́ждь и҆ ско́рбь мою̀, и҆ вонмѝ сꙋду̀ моемꙋ̀ ны́нѣ, и҆ са́мъ мѧ̀ поми́луй, ꙗкѡ бл҃гоꙋтро́бенъ, ѻ҆ц҃е́въ Бж҃е. Тайны сердца моего я открыл пред Тобою, Судьей моим; воззри на смирение мое, воззри и на скорбь мою, обрати внимание на мое ныне осуждение и Сам помилуй меня, как Милосердный, Боже отцов. (Пс.37:13; 24:18; 34:23)
Сау́лъ и҆ногда̀ ꙗкѡ погꙋбѝ ѻ҆ц҃а̀ своегѡ̀, дꙋшѐ ѻ҆слѧ́та, внеза́пꙋ ца́рство ѡ҆брѣ́те къ прослꙋтїю: но блюдѝ, не забыва́й себѐ, ско́тскїѧ по́хоти твоѧ̀ произво́ливши па́че Ца́рства Хрⷭ҇о́ва. Саул, некогда потеряв ослиц своего отца, неожиданно с известием о них получил царство; душа, не забывайся, предпочитая свои скотские стремления Христову Царству. (1Цар.9:1-27; 10:1)
Дави́дъ и҆ногда̀ бг҃оꙍц҃ъ, аще и҆ согрѣшѝ сꙋгу́бо, дꙋшѐ моѧ̀, стрѣло́ю ѹ҆бѡ ѹ҆стрѣле́нъ бы́въ прелюбодѣ́йства, копїе́мъ же плѣне́нъ: бы́въ ѹ҆бjйства томле́нїемъ: но ты̀ сама̀ тѧжча́йшими дѣ́лы неду́гꙋеши, самохо́тными стремле́нми. Если богоотец Давид некогда и вдвойне согрешил, будучи уязвлен стрелою прелюбодеяния, сражен был копьем мщения за убийства; но ты, душа моя, сама страдаешь более тяжко, нежели этими делами, произвольными стремлениями. (2Цар.11:14-15)
Совокꙋпѝ ѹбѡ и҆ногда̀ Двд҃ъ беззако́нїю беззако́нїе: ѹбі́йствꙋ же любодѣ́йство раствори́въ, покаѧ́нїе сꙋгꙋбое показа̀ абїе: но: сама̀ ты лꙋка́внѣйшаѧ, дꙋшѐ содѣ́лала е҆сѝ, не пока́ѧвшисѧ Бг҃ꙋ. Давид некогда присовокупил беззаконие к беззаконию, ибо с убийством соединил прелюбодеяние, но скоро принес и усиленное покаяние, а ты, коварнейшая душа, совершив бо?льшие грехи, не раскаялась пред Богом.
Давд҃ъ и҆ногда̀ вообразѝ, списа́въ ꙗкѡ на і҆ко́нѣ пѣ́снь, еюже дѣѧ́нїе облича́етъ, еже содѣ́ѧ, зовы́й: поми́лꙋй мѧ̀. тебѣ̀ бо еди́номꙋ согрѣши́хъ всѣ́хъ Бг҃ꙋ, са́мъ ѡ҆чи́сти мѧ̀. Давид некогда, изображая как бы на картине, начертал песнь, которой обличает совершенный им проступок, взывая: помилуй мя, ибо согрешил я пред Тобою, Одним, Богом всех; Сам очисти меня. (Пс.50:3-6)
Сла́ва, трⷪ҇ченъ: Трⷪ҇це про́стаѧ, нераздѣ́льнаѧ, единосꙋщнаѧ, и҆ е҆стество̀ еди́но, свѣ́тове и҆ свѣ́т̾, и҆ ст҃а трѝ, и҆ еди́но ст҃о, пое́тсѧ Бг҃ъ Трⷪ҇ца: но воспо́й, просла́ви, живо́тъ и҆ животы̀, дꙋшѐ, всѣ́хъ Бг҃а. Троица простая, нераздельная, единосущная, и одно Божество, Светы и Свет, три Святы и одно лицо Свято, Бог-Троица, воспеваемая в песнопениях; воспой же и ты, душа, прославь Жизнь и Жизни – Бога всех.
Богоро́диченъ: Пое́мъ тѧ̀, блгⷭ҇ослови́мъ тѧ̀, покланѧ́емсѧ тѝ, Бг҃ороди́тельнице, ꙗкѡ неразлꙋчныѧ Трцⷪ҇ы породила̀ е҆сѝ еди́наго Хрⷭ҇та Бг҃а, и҆ сама̀ ѿве́рзла е҆сѝ на́мъ сꙋщымъ на землѝ нбⷭ҇наѧ. Воспеваем Тебя, благословляем Тебя, поклоняемся Тебе, Богородительница, ибо Ты родила Одного из Нераздельной Троицы, Христа Бога, и Сама открыла для нас, живущих на земле, небесные обители.
Пѣ́снь и҃. їрмо́съ:
Е҆го́же во́инства нбⷭ҇наѧ сла́вѧтъ, и҆ трепе́щꙋтъ Херуві́ми и҆ Серафі́ми, всѧ́ко дыха́нїе и҆ тва́рь, по́ите, бл҃гослови́те, и҆ превозноси́те во всѧ̀ вѣ́ки.
Кого прославляют воинства небесные и пред Кем трепещут Херувимы и Серафимы, Того, все существа и творения, воспевайте, благословляйте и превозносите во все века.
Согрѣши́вша Сп҃се поми́лꙋй, воздви́гни мо́й ѹмъ ко обраще́нїю, прїими́ мѧ̀ ка́ющагосѧ, ѹ҆ще́дри вопїю́ща: согрѣши́х̾ ти́, спасѝ, беззако́нновахъ, поми́лꙋй мѧ̀. Помилуй меня, грешника, Спаситель, пробуди мой ум к обращению, приими кающегося, умилосердись над взывающим: я согрешил пред Тобою, спаси; я жил в беззакониях, помилуй меня.
Колесни́чникъ И҆лїа̀, колесни́цею добродѣ́телей вше́дъ, ꙗкѡ на нб҃са̀, ноша́шесѧ превы́ше и҆ногда̀ ѿ земны́хъ: сего̀ ѹбо, дꙋшѐ моѧ̀, восхо́дъ помышлѧ́й. Везомый на колеснице Илия, взойдя на колесницу добродетелей, некогда вознесся как бы на небеса, превыше всего земного; помышляй, душа моя, об его восходе. (4Цар.2:11)
Елїссе́й и҆ногда̀ прїе́мъ ми́лоть И҆лїинꙋ̀, прїѧ́тъ сꙋгꙋбꙋю благода́ть ѿ Гдⷭ҇а: ты̀ же ѽ дꙋшѐ моѧ̀, сеѧ̀ не причасти́ласѧ е҆сѝ бл҃года́ти за невоздержа́нїе. Некогда Елисей, приняв милоть (плащ) Илии, получил сугубую благодать от Господа; но ты, душа моя, не получила этой благодати за невоздержание. (4Цар.2:9, 13-13)
І҆орда́нова стрꙋѧ̀ пе́рвѣе, ми́лотїю И҆лїино́ю, Елїссе́емъ ста̀ сю́дꙋ и҆ сю́дꙋ: ты̀ же, ѽ дꙋшѐ моѧ̀, сеѧ̀ не причасти́ласѧ е҆сѝ благода́ти за невоздержа́нїе. Елисей милотию Илии некогда разделил поток Иордана на ту и другую сторону; но ты, душа моя, не получила этой благодати за невоздержание. (4Цар.2:14)
Сомані́тїда и҆ногда̀ пра́веднаго ѹ҆чредѝ, ѽ дꙋшѐ, нра́вомъ бл҃ги́мъ: ты̀ же не ввела̀ е҆сѝ въ до́мъ ни стра́нна, ни пꙋ́тника: тѣ́мже черто́га и҆зри́нешисѧ во́нъ, рыда́ющи. Сонамитянка некогда угостила праведника с добрым усердием; а ты, душа, не приняла в свой дом ни странника, ни пришельца; за то будешь извержена вон из брачного чертога с рыданием. (4Цар.4:8)
Гїезі́евъ подража́ла е҆сѝ ѻ҆каѧ́ннаѧ ра́зꙋм̾ скве́рный всегда̀, дꙋшѐ: е҆го́же сребролю́бїе ѿложѝ понѐ на ста́рость. бѣ́гай гее́нскаго ѻ҆гнѧ̀, ѿстꙋпи́вши ѕлы́хъ твои́х̾. Ты, несчастная душа, непрестанно подражала нечистому нраву Гиезия; хотя в старости отвергни его сребролюбие и, оставив свои злодеяния, избегни огня геенского. (4Цар.5:20-27)
Сла́ва, трⷪ҇ченъ: Безнача́льне Ѻ҆́ч҃е, Сы́не собезнача́льне, ѹтѣ́шителю бл҃гі́й, Дꙋше пра́вый, Сло́ва Бж҃їѧ Роди́телю, Ѻ҆ц҃а безнача́льна Сло́ве, Дш҃е живы́й и҆ зи́ждай, Трⷪ҇це еди́нице поми́луй мѧ̀. Безначальный Отче, Собезначальный Сын, Утешитель Благий, Дух Правый, Родитель Слова Божия, Безначальное Слово Отца, Дух, Животворящий и Созидающий, Троица Единая, помилуй меня.
Бг҃оро́диченъ: Ꙗ҆́кѡ ѿ ѡ҆броще́нїѧ червлени́цы, пречи́стаѧ, ѹмнаѧ багрѧни́це Е҆мманꙋ́илева, внꙋ́трь во чре́вѣ твое́мъ пло́ть истка́сѧ: тѣ́мже Бцⷣꙋ вои́стиннꙋ тѧ̀ почита́емъ. Мысленная порфира – плоть Еммануила соткалась внутри Твоего чрева, Пречистая, как бы из вещества пурпурного; потому мы почитаем Тебя, Истинную Богородицу.
Пѣ́снь ѳ҃. і̇рмо́съ:
Безсѣ́меннаго зача́ті̇ѧ ржⷭ҇тво̀ несказа́нное, мт҃ре безмꙋ́жныѧ нетлѣ́ненъ пло́дъ: Бж҃їе бо рожде́нїе ѡ҆бновлѧ́етъ е҆стества̀: тѣ́мже тѧ̀ всѝ ро́ди, ꙗко бг҃оневѣ́стнꙋю Мт҃рь, правосла́вно велича́емъ.
Рождество от бессеменного зачатия неизъяснимо, безмужной Матери нетленен Плод, ибо рождение Бога обновляет природу. Поэтому Тебя, как Богоневесту-Матерь мы, все роды, православно величаем.
Оу҆́мъ ѡ҆стрꙋпи́сѧ, тѣ́ло ѡ҆болѣ́знисѧ, недꙋгꙋетъ дх҃ъ, сло́во и҆знемо́же, житїѐ умертви́сѧ, коне́цъ при две́рехъ: тѣ́мже моѧ̀ ѡ҆каѧ́ннаѧ дꙋшѐ, что сотвори́ши, е҆гда̀ прі̇и́детъ Сꙋдїѧ̀ испыта́ти твоѧ̀; Ум изранился, тело расслабилось, дух болезнует, слово потеряло силу, жизнь замерла, конец при дверях. Что же сделаешь ты, несчастная душа, когда придет Судия исследовать дела твои?
Моѵꙵсе́ово приведо́хъ тѝ, дꙋшѐ, мїробы́тїе и҆ ѿ того̀ всѐ завѣ́тное писа́нїе, повѣ́дающее тебѣ̀ пра́ведныѧ и҆ непра́ведныѧ: ѿ ни́хже вторы́ѧ, ѽ дꙋшѐ, подража́ла е҆сѝ, а не пе́рвыѧ, въ Бг҃а согрѣши́вши. Я воспроизвел пред тобою, душа, сказание Моисея о бытии мира и затем все Заветное Писание, повествующее о праведных и неправедных; из них ты, душа, подражала последним, а не первым, согрешая пред Богом.
Зако́нъ и҆знемо́же, пра́зднуетъ Е҆ѵⷢ҇лїе, писа́нїе же всѐ въ тебѣ̀ небреже́но бы́сть, проро́цы и҆знемого́ша и҆ всѐ пра́ведное сло́во: стрꙋ́пи твоѝ, ѽ душѐ, ѹмно́жишасѧ, не сꙋщꙋ врачꙋ исцѣ́лѧющемꙋ тѧ̀. Ослабел закон, не воздействует Евангелие, пренебрежено все Писание тобою, пророки и всякое слово праведника потеряли силу; язвы твои, душа, умножились, без Врача, исцеляющего тебя.
Но́ваго привождꙋ́ тѝ писа́нїѧ ѹказа́нїѧ, вводѧ́щаѧ тѧ̀ дꙋше ко ѹмиле́нїю: пра́веднымъ ѹбо поревну́й, грѣ́шныхъ же ѿвраща́йсѧ, и҆ уми́лостиви Хрⷭ҇та̀ моли́твами и҆ поще́нми, и҆ чтⷭ҇отою, и҆ говѣ́нїемъ. Из Новозаветного Писания привожу тебе примеры, душа, возбуждающие в тебе умиление; так подражай праведным и отвращайся примера грешных и умилостивляй Христа молитвою, постом, чистотою и непорочностью.
Хрⷭ҇то́съ вочеловѣ́чисѧ, призва́въ къ покаѧ́нїю разбо́йники и҆ блу́дни̑цы: дꙋшѐ пока́йсѧ, две́рь отве́рзесѧ црⷭ҇твїѧ у҆жѐ, и҆ предвосхища́ютъ ѐ фарїсе́е и҆ мытарѝ и҆ прелюбодѣ́и ка́ющїисѧ. Христос, сделавшись человеком, призвал к покаянию разбойников и блудниц; покайся, душа, дверь Царства уже открылась, и прежде тебя входят в нее кающиеся фарисеи, мытари и прелюбодеи. (Мф.11:13, 21:31. Лк.16:16)
Хрⷭ҇то́съ вочеловѣ́чисѧ пло́ти приѡбщи́всѧ мѝ, и҆ всѧ̑ е҆ли̑ка сꙋть е҆стества̀ хотѣ́нїемъ и҆спо́лни грѣха̀ кромѣ̀, подо́бїе тебѣ̀, ѽ дꙋшѐ, и҆ образъ предпоказу́ѧ своего̀ снизхо́жденїѧ. Христос сделался человеком, приобщившись ко мне плотию, и добровольно испытал все, что свойственно природе, за исключением греха, показывая тебе, душа, пример и образец Своего снисхождения.
Хрⷭ҇то́съ волхвы̀ спасѐ, па́стыри созва̀, младе́нецъ мно́жества показа̀ мꙋченики, ста́рцы просла́ви, и҆ ста́рыѧ вдови́цы, и҆хже не поревнова́ла е҆сѝ дꙋшѐ, ни дѣѧ́нїемъ ни житїю̀: но го́ре тебѣ̀, внегда̀ бꙋ́деши сꙋди́тисѧ. Христос спас волхвов, призвал к Себе пастухов, множество младенцев сделал мучениками, прославил старца и престарелую вдовицу; их деяниям и жизни ты не подражала, душа, но горе тебе, когда будешь судима! (Мф.2:1-16. Лк.2:4-8 и след.; Лк.2:25-26 и след.; Лк.2:36-38)
Пости́всѧ Гдⷭ҇ь дні́й четы́редесѧть въ пꙋсты́ни, послѣдѝ взалка̀ показꙋѧ человѣ́ческое: дꙋшѐ, да не разлѣни́шисѧ, аще тебѣ̀ приложи́тсѧ вра́гъ, моли́твою же и҆ посто́мъ отъ но́гъ твои́хъ да отрази́тсѧ. Господь, постившись сорок дней в пустыне, наконец взалкал, обнаруживая в Себе человеческую природу. Не унывай, душа, если враг устремится на тебя, но да отразится он от ног твоих молитвами и постом. (Исх.34:28. Мф.4:2. Лк.4:2. Мк.1:13)
Сла́ва, трⷪ҇ченъ: Ѻ҆ц҃а̀ просла́вимъ, Сы́на превознесе́мъ, бж҃ественномꙋ Дх҃ꙋ вѣ́рно поклони́мсѧ, Трⷪ҇цѣ нераздѣ́льнѣй, е҆ди́ницѣ по сꙋществу̀, ꙗкѡ свѣ́тꙋ и҆ свѣ́томъ, и҆ животꙋ̀ и҆ живото́мъ, животворѧ́щемꙋ и҆ просвѣща́ющемꙋ концы̀. Прославим Отца, превознесем Сына, с верою поклонимся Божественному Духу, Нераздельной Троице, Единой по существу, как Свету и Светам, Жизни и Жизням, животворящему и просвещающему пределы вселенной.
Бг҃оро́диченъ: Гра́дъ тво́й сохранѧ́й, Бг҃ороди́тельнице пречⷭ҇таѧ: въ тебѣ̀ бо се́й вѣ́рно ца́рствꙋѧй, въ тебѣ̀ и҆ ѹ҆твержда́етсѧ, и҆ тобо́ю побѣжда́ѧй побѣжда́етъ всѧ́кое и҆скуше́нїе, и҆ плѣнѧ́етъ ра́тники, и҆ прохо́дитъ послꙋша́нїе. Сохраняй град Свой, Пречистая Богородительница. Под Твоею защитою он царствует с верою, и от Тебя получает крепость, и при Твоем содействии неотразимо побеждает всякое бедствие, берет в плен врагов и держит их в подчинении.
А̑ндрeю: А̑ндре́е чтⷭ҇ны́й и҆ ѻч҃е требл҃же́ннѣйшїй, па́стырю Кри́тскїй, не преста́й молѧ́сѧ ѡ҆ воспѣва́ющихъ тѧ̀: да и҆зба́вимсѧ всѝ гнѣ́ва и҆ ско́рби и҆ тлѣ́нїѧ и҆ прегрѣше́нїй безмѣ́рных̾, чтꙋщихъ твою̀ па́мѧть вѣ́рно. Андрей досточтимый, отец преблаженный, пастырь Критский, не переставай молиться за воспевающих тебя, чтобы избавиться от гнева, скорби, погибели и бесчисленных прегрешений нам всем, искренно почитающим память твою.
Та́же пое́мъ оба ли́ка їрмо́съ:
Безсѣ́меннаго зача́тїѧ:

^ Во вто́рник пе́рвой седми́цы

Пѣ́снь а҃. Гла́съ ѕ҃. І҆рмо́съ, по два́жды.
Помо́щникъ и҆ покрови́тель:
Помощник и Покровитель:
Ка́їново преше́дъ ѹ҆бі́йство, произволе́нїемъ бы́хъ ѹ҆бі́йца со́вѣсти дꙋше́внѣй, ѡ҆живи́въ пло́ть, и҆ воева́въ на ню̀ лꙋка́выми мои́ми дѣѧ́нми. Превзойдя Каиново убийство, сознательным произволением, через оживление греховной плоти, я сделался убийцею души, вооружившись против нее злыми моими делами. (Быт.4:3-8)
А̑велевѣ, І҆и҃се, не ѹподо́бихсѧ пра́вдѣ, да́ра тебѣ̀ прїѧ́тна не принесо́хъ когда̀, ни дѣѧ́нїѧ бж҃е́ственна, ни же́ртвы чи́стыѧ, ни житїѧ̀ непоро́чнаго. Авелевой праведности, Иисусе, я не подражал, никогда не приносил Тебе приятных даров, ни дел богоугодных, ни жертвы чистой, ни жизни непорочной. (Быт.4:4)
Ꙗ҆́кѡ Ка́їнъ и҆ мы̀, дꙋше ѡ҆каѧ́ннаѧ, всѣ́хъ Содѣ́телю дѣѧ́нїѧ скве́рнаѧ, и҆ же́ртву поро́чнꙋю, и҆ непотре́бное житїе́ принесо́хъ вку́пѣ: тѣ́мже и҆ ѡ҆сꙋди́хомсѧ. Как Каин, так и мы, несчастная душа, принесли Создателю всего жертву порочную – дела нечестивые и жизнь невоздержанную: поэтому мы и осуждены. (Быт.4:3-5)
Бре́нїе зда́тель живосозда́въ, вложи́лъ е҆сѝ мнѣ̀ пло́ть и҆ ко́сти, и҆ дыха́нїе и҆ жи́знь: но ѽ Тво́рче мо́й и҆ И҆зба́вителю мо́й и҆ Сꙋдїѐ, ка́ющасѧ прі̇ими́ мѧ. Оживотворивший земной прах, Скудельник (Гончар), Ты даровал мне плоть и кости, дыхание и жизнь; но, Творец мой, Искупитель мой и Судия, приими меня кающегося! (Быт.2:7)
И҆звѣща́ю тѝ, Спс҃е, грѣхѝ, ꙗже содѣ́ѧхъ, и҆ дꙋшѝ и҆ тѣ́ла моегѡ̀ ꙗ҆́звы, ꙗ҆̀же внꙋ́трь ᲂу҆бі́йственні̇и по́мыслы разбо́йнически на мѧ̀ возложи́ша. Пред Тобою, Спаситель, открываю грехи, сделанные мною, и раны души и тела моего, которые разбойнически нанесли мне внутренние убийственные помыслы. (Лк.10:30)
А҆́ще и҆ согрѣши́хъ, Спс҃е, но вѣ́мъ, ꙗ҆́кѡ чл҃вѣколю́бецъ е҆сѝ: наказу́еши млⷭ҇тивно, и҆ милосе́рдствуеши те́плѣ, слезѧ́ща зри́ши и҆ притека́еши ꙗ҆́кѡ ѻ҆ц҃ъ, призыва́ѧ блꙋ́днаго. Хотя я и согрешил, Спаситель, но знаю, что Ты человеколюбив; наказываешь с состраданием и милуешь с любовью, взираешь на плачущего и спешишь, как Отец, призвать блудного. (Лк.15:20)
Сла́ва, трⷪ҇ченъ: Пресꙋщественнаѧ Трⷪ҇це, во е҆ди́ницѣ покланѧ́емаѧ, возмѝ бре́мѧ ѿ менѐ тѧ́жкое грѣхо́вное, и҆ ꙗ҆́кѡ бл҃гоутро́бна, да́ждь мѝ сле́зы ᲂу҆миле́нїѧ. Пресущественная Троица, Которой мы поклоняемся как Единому существу, сними с меня тяжелое бремя греховное и, как Милосердная, даруй мне слезы умиления.
Богоро́диченъ: Бцⷣе наде́жде и҆ предста́тельство тебѐ пою́щихъ, возмѝ бре́мѧ ѿ менѐ тѧ́жкое грѣхо́вное, и҆ ꙗ҆́кѡ Влады́чица чи́стаѧ ка́ющасѧ прїими́ мѧ̀. Богородице, Надежда и Помощь всем воспевающих Тебя, сними с меня тяжелое бремя греховное и, как Владычица Непорочная, прими меня кающегося.
Пѣ́снь в҃. їрмо́съ:
Вонмѝ нб҃о, и҆ возглаго́лю, и҆ воспою̀ Хрⷭ҇та ѿ Дв҃ы пло́тїю прише́дшаго.
Внемли, небо, я буду возвещать и воспевать Христа, пришедшего во плоти от Девы.
Сшива́ше ко́жныѧ ри́зы грѣ́хъ мнѣ̀, ѡбнажи́вый мѧ̀ пе́рвыѧ бг҃отка́нныѧ оде́жды. «Кожаные ризы» сшил мне грех, сняв с меня прежнюю Богом сотканную одежду.
Ѡ҆бложе́нъ есмь одѣѧ́ні̇емъ стꙋда̀, ꙗ҆́коже ли́ствїемъ смоко́внымъ, во ѡ҆бличе́нїе мои́хъ самовла́стныхъ страсте́й. Облекся я одеянием стыда, как листьями смоковницы, во обличение самовольных страстей моих. (Быт.3:7)
Ѡ҆дѣ́ѧхсѧ въ сра́мнꙋю ри́зу, и҆ окрова́вленнꙋю стꙋ́дно, тече́нїемъ стра́стнаго и҆ любосла́стнаго живота̀. Оделся я в одежду, постыдно запятнанную и окровавленную нечистотой страстной и сластолюбивой жизни.
Впадо́хъ въ стра́стнꙋю па́гꙋбу и҆ въ веще́стнꙋю тлю̀, и҆ ѿто́лѣ до ны́нѣ вра́гъ мнѣ̀ досажда́етъ. Подвергся я мучению страстей и вещественному тлению, и оттого ныне враг угнетает меня.
Любове́щное и҆ любоимѣ́нное житїѐ, невоздержа́нїемъ, Спс҃е, предпоче́тъ ны́нѣ, тѧ́жкимъ бре́менемъ ѡ҆бложе́нъ есмь. Предпочтя нестяжательности жизнь, привязанную к земным вещам и любостяжательную, Спаситель, я теперь нахожусь под тяжким бременем.
Оу҆краси́хъ пло́тскїй образъ скве́рныхъ помышле́нїй разли́чнымъ обложе́нїемъ, и҆ ѡ҆сꙋжда́юсѧ. Украсил я кумир плоти разноцветным одеянием гнусных помыслов и подвергаюсь осуждению.
Внѣ́шнимъ прилѣ́жно бл҃гоꙋкрашенїемъ е҆ди́нѣмъ попеко́хсѧ, внꙋтреннюю презрѣ́въ богоѻбра́знꙋю ски́нїю. Усердно заботясь об одном внешнем благолепии, я пренебрег внутренней скинией, устроенной по образу Божию.
Погребо́хъ пе́рвагѡ ѻбраза добро́тꙋ, Сп҃се страстьмѝ, ю҆́же ꙗ҆́кѡ и҆ногда̀ дра́хмꙋ, взыска́въ ѡ҆брѧ́щи. Засыпал страстями красоту первобытного образа, Спаситель; ее, как некогда драхму, Ты взыщи и найди. (Лк.15:8)
Согрѣши́хъ, ꙗ҆́коже блꙋдни́ца вопїю́ ти, е҆ди́нъ согрѣши́хъ тебѣ̀, ꙗ҆́кѡ мѵ́ро прїимѝ Сп҃се и҆ моѧ̀ сле́зы. Согрешил, и, как блудница, взываю к Тебе: один я согрешил пред Тобою, приими, Спаситель, и от меня слезы вместо мира. (Лк.7:37-38)
Ѡ҆чи́сти, ꙗ҆́коже мыта́рь вопїю̀ тѝ, Сп҃се ѡ҆чи́сти мѧ̀: никто́же бо сꙋ́щихъ и҆зъ А҆да́ма, ꙗ҆́коже а҆́зъ согрѣши́хъ тебѣ̀. Умилостивись, как мытарь, взываю к Тебе, Спаситель, смилуйся надо мною: ибо как никто из потомков Адамовых я согрешил пред Тобою. (Лк.18:13)
Сла́ва, трⷪ҇ченъ: Е҆ди́нагѡ тѧ̀ въ трі̇е́хъ ли́цѣхъ, Бо́га всѣ́хъ пою̀, О̑ц҃а и҆ Сы́на, и҆ Ду́ха Свѧта́го. Воспеваю Тебя, Одного в трех Лицах Бога всех, Отца, Сына и Святого Духа.
Бг҃оро́диченъ: Пречⷭ҇таѧ Бцⷣе Дв҃о, еди́на всепѣ́таѧ, молѝ прилѣ́жно во еже спасти́сѧ на́мъ. Пречистая Богородице Дево, Ты Одна всеми воспеваемая, усердно моли о нашем спасении.
Пѣ́снь г҃. їрмо́съ:
Оу҆твердѝ, Гдⷭ҇и, на ка́мени за́повѣдей твои́хъ, подви́гшеесѧ се́рдце моѐ, ꙗ҆́кѡ е҆ди́нъ ст҃ъ е҆сѝ и҆ Гдⷭ҇ь.
Утверди, Господи, на камне Твоих заповедей поколебавшееся сердце мое, ибо Ты один свят и Господь.
И҆сто́чникъ живота̀ стѧжа́хъ тебѐ, сме́рти низложи́телѧ, и҆ вопїю́ ти ѿ се́рдца моего̀ пре́жде конца̀: согрѣши́хъ, ѡ҆чи́сти и҆ спасѝ мѧ. Источник жизни нашел я в Тебе, Разрушитель смерти, и прежде кончины взываю к Тебе от сердца моего: согрешил я, умилостивись, спаси меня.
Согрѣши́хъ, Гдⷭ҇и, согрѣши́хъ тебѣ̀, ѡ҆чи́сти мѧ̀: нѣ́сть бо, и҆́же кто̀ согрѣшѝ въ человѣ́цѣхъ, е҆го́же не превзыдо́хъ прегрѣше́нми. Согрешил я, Господи, согрешил пред Тобою, смилуйся надо мною, ибо нет грешника между людьми, которого я не превзошел бы прегрешениями.
При Но́и, Сп҃се, блꙋ́дствовавшыѧ подража́хъ, ѻнѣхъ наслѣ́довавъ осꙋжде́нїе, въ пото́пѣ погрꙋже́нїѧ. Я подражал, Спаситель, развращенным современникам Ноя и наследовал осуждение их на потопление в потопе. (Быт.6:1-17)
Ха́ма ѻнаго дꙋшѐ, о҆тцеꙋбі́йца подража́вши, сра́ма не покры́ла е҆сѝ и҆́скреннѧгѡ, вспѧ́ть зрѧ̀ возврати́вшисѧ. Подражая отцеубийце Хаму, ты, душа, не прикрыла срамоты ближнего с лицом, обращенным назад. (Быт.9:22-23)
Запале́нїѧ ꙗ҆́коже Ло́тъ, бѣ́гай дꙋше моѧ̀ грѣха̀, бѣ́гай Содо́мы и҆ Гомо́рры, бѣ́гай пла́мене всѧ́каго безслове́снаго жела́нїѧ. Беги, душа моя, от пламени греха; как Лот; беги от Содома и Гоморры; беги от огня всякого безрассудного пожелания. (Быт.19:15-17)
Поми́лꙋй Гдⷭ҇и, поми́лꙋй мѧ̀, вопїю̀ тѝ, е҆гда̀ прїи́деши со А҆́гг҃лы твои́ми, возда́ти всѣ́мъ по достоѧ́нїю дѣѧ́нїй. Помилуй, Господи, взываю к Тебе, помилуй меня, когда придешь с Ангелами Своими воздать всем по достоинству их дел.
Сла́ва, трⷪ҇ченъ: Трⷪ҇це про́стаѧ, несозда́ннаѧ, безнача́льное е҆стество̀, въ трⷪ҇цѣ пѣва́емаѧ ѵ҆поста́сей, спаси́ ны̀ вѣ́рою покланѧ́ющыѧсѧ держа́вѣ твое́й. Троица несоставная, несозданная, Существо Безначальная, в троичности лиц воспеваемая, спаси нас, с верою поклоняющихся силе Твоей.
Бг҃оро́диченъ: Ѿ Отца̀ безлѣ́тна Сн҃а въ лѣ́то Бг҃ороди́тельнице, неискꙋсомꙋ́жнѡ родила̀ е҆сѝ, стра́нное чꙋ́до, пребы́вши дв҃а доѧ́щи. Ты, Богородительница, не испытавши мужа, во времени родила Сына от Отца вне времени и – дивное чудо: питая молоком, пребыла Девою.
Пѣ́снь д҃. їрмо́съ: услы́ша прⷪ҇ро́къ: Услышал пророк:
Бдѝ ѽ дꙋшѐ моѧ̀, и҆зрѧ́дствꙋй ꙗ҆́коже дре́вле вели́кїй въ Патрїа́рсѣхъ, да стѧ́жеши дѣѧ́нїе съ ра́зꙋмомъ, да бꙋ́деши ᲂу҆́мъ зрѧ́й Бг҃а и҆ дости́гнеши незаходѧ́щі̇й мра́къ въ видѣ́нїи, и҆ бꙋ́деши вели́кїй купе́цъ. Бодрствуй, душа моя, будь мужественна, как великий из патриархов, чтобы приобрести себе дело по разуму, чтобы обогатиться умом, видящим Бога, и проникнуть в неприступный мрак в созерцании и получить великое сокровище. (Быт.32:28)
Двана́десѧте Патрїа́рхѡвъ, вели́кїй въ Патрїа́рсѣхъ дѣтотвори́въ, та́йно ᲂу҆твердѝ тебѣ̀ лѣ́ствицу дѣ́ѧтельнаго, дꙋшѐ моѧ̀ восхожде́нїѧ: дѣ́ти ѧкѡ основа́нїѧ, степе́ни ꙗ҆́кѡ восхожде́нїѧ, премꙋдреннѡ подложи́въ. Великий из патриархов, родив двенадцать патриархов, таинственно представил тебе, душа моя, лестницу деятельного восхождения, премудро расположив детей как ступени, а свои шаги, как восхождения вверх.
И҆са́ѵа возненави́дѣннаго подража́ла е҆сѝ, дꙋшѐ, отдала̀ е҆сѝ преле́стникꙋ твоемꙋ̀ пе́рвыѧ добро́ты пе́рвенство, и҆ ѻ҆те́ческїѧ моли́твы ѿпа́ла е҆сѝ, и҆ два́жды поползнꙋласѧ е҆сѝ, окаѧ́ннаѧ, дѣѧ́нїемъ и҆ ра́зумомъ: тѣ́мже ны́нѣ пока́йсѧ. Подражая ненавиденному Исаву, душа, ты отдала соблазнителю своему первенство первоначальной красоты и лишилась отеческого благословения и, несчастная, пала дважды, деятельностью и разумением, поэтому ныне покайся. (Быт.25:32; 27:37. Мал.1:2-3)
Е҆дѡ́мъ И҆са́ѵъ нарече́сѧ, кра́йнѧгѡ ра́ди женонеи́стовнаго смѣше́нїѧ: невоздержа́нїемъ бо при́снѡ разжига́емь, Е҆до́мъ и҆менова́сѧ, е҆же глаго́летсѧ разжже́ні̇е дꙋшѝ любогрѣхо́вныѧ. Исав был назван Едомом за крайнее пристрастие к женолюбию; он непрестанно разжигаясь невоздержанием и оскверняясь любострастием, назван Едомом, что значит – «распаление души грехолюбивой». (Быт.25:30)
І҆́ова на гно́ищи слы́шавши, ѽ дꙋшѐ моѧ̀, ѡ҆правда́вшагосѧ, того̀ мꙋ́жеству не поревнова́ла е҆сѝ, тве́рдагѡ не имѣ́ла е҆сѝ предложе́ні̇ѧ, во всѣ́хъ ꙗ҆́же вѣ́си, и҆ и҆́миже и҆скуси́ласѧ е҆сѝ, но ꙗ҆ви́ласѧ е҆сѝ нетерпѣли́ва. Слышав об Иове, сидевшем на гноище, ты, душа моя, не подражала ему в мужестве, не имела твердой воли во всем, что узнала, что видела, что испытала, но оказалась нетерпеливою. (Иов.1:1-22)
И҆́же пе́рвѣе на престо́лѣ, на́гъ ны́нѣ на гно́ищи гно́енъ, многі̇й въ ча́дѣхъ и҆ сла́вный, безча́денъ и҆ бездо́мокъ напра́снѡ: пала́ту ᲂу҆́бо гно́ище, и҆ би́сері̇е стру́пы вмѣнѧ́ше. Бывший прежде на престоле, теперь – на гноище, обнаженный и изъязвленный; имевший многих детей и знаменитый, внезапно стал бездетным и бездомным; гноище считал он своим чертогом и язвы – драгоценными камнями. (Иов.2:11-13)
Сла́ва, трⷪ҇ченъ: Нераздѣ́льное сꙋщество́мъ, несли́тное ли́цы бг҃осло́влю тѧ̀, трⷪ҇ческое е҆ди́но Бж҃ество̀, ꙗ҆́кѡ единоцрⷭ҇твенное и҆ сопрⷭ҇то́льное: вопїю́ ти пѣ́снь вели́кꙋю, въ вы́шнихъ трегу́бѡ пѣсносло́вимꙋю. Нераздельным по существу, неслиянным в Лицах богословски исповедую Тебя, Троичное Единое Божество, Соцарственное и Сопрестольное; возглашаю Тебе великую песнь, в небесных обителях троекратно воспеваемую. (Ис.6:1-3)
Бг҃оро́диченъ: И҆ ражда́еши, и҆ дѣ́вствуеши, и҆ пребыва́еши ѻбою́дꙋ е҆стество́мъ Дв҃а: рожде́йсѧ ѡ҆бновлѧ́етъ зако́ны е҆стества̀, ᲂу҆тро́ба же ражда́етъ неражда́ющаѧ: Бг҃ъ и҆дѣ́же хо́щетъ, побѣжда́етсѧ е҆стества̀ чи́нъ: твори́тъ бо, е҆ли̑ка хо́щетъ. И рождаешь Ты, и остаешься Девою, в обоих случаях сохраняя по естеству девство. Рожденный Тобою обновляет законы природы, а девственное чрево рождает; когда хочет Бог, то нарушается порядок природы, ибо Он творит, что хочет.
Пѣ́снь є҃. і̇рмо́съ:
Ѿ нощѝ ᲂу҆́тренююща:
От ночи бодрствующего:
Мѡѷсе́овъ слы́шала е҆сѝ ковче́жецъ, дꙋше, вода́ми, волна́ми носи́мъ рѣчны́ми ꙗ҆́кѡ въ черто́зѣ дре́вле бѣ́гающі̇й дѣ́ла го́рькагѡ совѣ́та Фараони́тска. Ты слышала, душа, о корзинке с Моисеем, в древности носимом водами в волнах реки, как в чертоге, избегшем горестного последствия замысла фараонова. (Исх.2:3)
А҆́ще ба́бы слы́шала е҆сѝ, ᲂу҆бива́ющыѧ и҆ногда̀ безвозра́стное мꙋжеское, душѐ ѻкаѧ́ннаѧ, цѣлому́дрі̇ѧ дѣѧ́ні̇е: ны́нѣ ꙗ҆́кѡ вели́кі̇й Мѡѷсе́й, ссѝ премꙋдрость. Если ты слышала, несчастная душа, о повивальных бабках, некогда умерщвлявших новорожденных младенцев мужского пола, то теперь, подобно Моисею, млекопитайся мудростью. (Исх.1:8-22)
Ꙗ҆́кѡ Мѡѷсе́й вели́кїй Егѵ́птѧнина ᲂу҆ма̀ ᲂу҆ѧзви́вши ѻ҆каѧ́ннаѧ, не ᲂу҆би́ла е҆сѝ дꙋшѐ, и҆ ка́кѡ всели́шисѧ, глаго́ли, въ пусты́ню страсте́й покаѧ́ні̇емъ; Подобно великому Моисею, поразившему египтянина, ты, не умертвила, несчастная душа, гордого ума; как же, скажи, вселишься ты в пустыню от страстей через покаяние? (Исх.2:11-12)
Въ пусты́ню всели́сѧ вели́кі̇й Моѷсе́й: грѧдѝ ᲂу҆́бо, подража́й тогѡ̀ житі̇ѐ, да и҆ въ купинѣ̀ богоѧвле́ні̇ѧ, душѐ, въ видѣ́ні̇и бу́деши. Великий Моисей поселился в пустыне; иди и ты, душа, подражай его жизни, чтобы и тебе увидеть в терновом кусте явление Бога. (Исх.3:2-3)
Моѷсе́овъ же́злъ воѡбража́й, душѐ, ᲂу҆дарѧ́ющі̇й мо́ре и҆ ѡ҆гꙋстѣва́ющі̇й глубину̀, во ѻбразъ крⷭ҇та̀ боже́ственнагѡ, и҆́мже мо́жеши и҆ ты̀ вели̑каѧ соверши́ти. Изобрази, душа, Моисеев жезл, поражающий море и огустевающий глубину, в знамение Божественного Креста, которым и ты можешь совершить великое. (Исх.14:21-22)
А҆арѡ́нъ приноша́ше ѻ҆́гнь Бг҃у непоро́чный, неле́стный: но Ѻ҆фнѝ и҆ Фїнее́съ, ꙗ҆́кѡ ты̀ душѐ, приноша́ху чу́жде́е Бг҃у ѡ҆скверне́нное житі̇ѐ. Аарон приносил Богу огонь чистый, беспримесный, но Офни и Финеес принесли, как ты, душа, отчужденную от Бога нечистую жизнь. (1Цар.2:12-13)
Сла́ва, трⷪ҇ченъ: Тѧ̀ Трⷪ҇це сла́вимъ, е҆ди́наго Бг҃а: ст҃ъ, ст҃ъ, ст҃ъ е҆сѝ Ѻ҆ч҃е, Сн҃е и҆ Дш҃е, про́стое существо̀, е҆ди́нице при́снѡ покланѧ́емаѧ. Тебя, Пресвятая Троица, прославляем за Единого Бога: Свят, Свят, Свят Отец, Сын и Дух, Простое Существо, Единица вечно поклоняемая.
Бг҃оро́диченъ: И҆з̾ тебѐ ѡ҆блече́сѧ въ моѐ смѣше́нїе, нетлѣ́ннаѧ, безмꙋжнаѧ мт҃и дв҃о, Бг҃ъ созда́вый вѣ́ки, и҆ соединѝ себѣ̀ человѣ́ческое е҆стество̀. В Тебе, Нетленная, не познавшая мужа Матерь-Дево, облекся в мой состав сотворивший мир Бог и соединил с Собою человеческую природу.
Пѣ́снь ѕ҃. і̑рмо́съ:
Возопи́хъ всѣ́мъ серⷣцемъ:
От всего сердца моего я воззвал:
Во́лны Сп҃се прегрѣше́нїй мои́хъ, ꙗ҆́кѡ въ мо́ри Чермнѣ́мъ возвраща́ющесѧ, покры́ша мѧ̀ внеза́пу, ꙗ҆́кѡ Е҆гѵ́птѧны и҆ногда̀, и҆ трїста́ты. Волны грехов моих, Спаситель, обратившись, как в Чермном море, внезапно покрыли меня, как некогда египтян и их всадников. (Исх.14:26-28, 15:4-5)
Неразꙋ́мное дꙋшѐ произволе́нїе и҆мѣ́ла е҆сѝ, ꙗ҆́кѡ пре́жде І̑и҃ль: бжⷭ҇твенныѧ бо ма́нны предсꙋди́ла е҆сѝ безслове́снѡ любосла́стное страсте́й ѡ҆б̾ѧде́нїе. Нерассудителен твой выбор, душа, как у древнего Израиля, ибо ты безрассудно предпочла Божественной манне сластолюбивое пресыщение страстями. (Чис.21:5)
Кладенцы̀ дꙋшѐ предпочла̀ е҆сѝ Ханане́йскихъ мы́слей па́че жи́лы ка́мене, и҆з̾ негѡ́же премꙋ́дрости ꙗ҆́кѡ ча́ша пролива́етъ то́ки бг҃осло́вїѧ. Колодцы хананейских помыслов ты, душа, предпочла камню с источником, из которого река премудрости, как чаша, изливает струи богословия. (Быт.21:25. Исх.17:6)
Свина́ѧ мѧса̀ и҆ котлы̀ и҆ Е҆гѵ́петскую пи́щꙋ па́че небе́сныѧ предсꙋди́ла е҆сѝ, дꙋшѐ моѧ̀, ꙗ҆́коже дре́вле неразꙋ́мнїи лю́дїе въ пꙋсты́ни. Свиное мясо, котлы и египетскую пищу ты предпочла пище небесной, душа моя, как древний безрассудный народ в пустыне. (Исх.16:3)
Ꙗ҆́кѡ ᲂу҆да́ри Моѷсе́й ра́бъ тво́й жезло́мъ ка́мень, ѻ҆бра́зно животвори̑ваѧ ре́бра твоѧ̀ прообразова́ше, и҆з̾ ни́хже всѝ питїѐ жи́зни, Сп҃се, почерпа́емъ. Как Моисей, раб Твой, ударив жезлом о камень, таинственно предызобразил животворное ребро Твое, Спаситель, из которого все мы почерпаем питие жизни.
И҆спыта́й дꙋшѐ и҆ смотрѧ́й, ꙗ҆́коже І̑исꙋ́съ Наѵи́нъ, ѡ҆бѣтова́нїѧ зе́млю, какова̀ есть, и҆ всели́сѧ въ ню̀ бл҃гозако́нїемъ. Исследуй, душа, подобно Иисусу Навину, и обозри обещанную землю, какова она, и поселись в ней путем исполнения закона.
Сла́ва, трⷪ҇ченъ: Трⷪ҇ца есмь проста̀, нераздѣ́льна, раздѣ́льна ли́чнѣ, и҆ е҆ди́ница есмь е҆стество́мъ соедине́на, ѻ҆ц҃ъ глаго́летъ, и҆ Сн҃ъ, и҆ бж҃е́ственный Дх҃ъ. Я – Троица Простая, Нераздельная, раздельная в Лицах и Единица, соединенная по существу; свидетельствует Отец, Сын и Божественный Дух.
Бг҃оро́диченъ: Оу҆тро́ба твоѧ̀ Бг҃а на́мъ родѝ, воображе́нна по на́мъ: е҆го́же ꙗ҆́кѡ Созда́телѧ всѣ́хъ молѝ, Бцⷣе, да молитвами твои́ми ѡправди́мсѧ. Чрево Твое родило нам Бога, принявшего наш образ; Его, как Создателя всего мира, моли, Богородица, чтобы по молитвам Твоим нам оправдаться.
Конда́къ: Душѐ моѧ̀, дꙋшѐ моѧ̀, воста́ни, что̀ спи́ши; коне́цъ приближа́етсѧ, и҆ и҆́маши смути́тисѧ: воспрѧнѝ ᲂу҆́бо, да пощади́тъ тѧ̀ Хрⷭ҇то́съ Бг҃ъ, вездѣ̀ сы́й и҆ всѧ̑ и҆сполнѧ́ѧй. Душа моя, душа моя, восстань, что ты спишь? Конец приближается, и ты смутишься; пробудись же, чтобы пощадил тебя Христос Бог, Вездесущий и все наполняющий.
Пѣ́снь з҃. і̇рмо́съ:
Согрѣши́хомъ:
Мы согрешили:
Кївѡ́тъ ꙗ҆́кѡ ноша́шесѧ на колесни́цѣ, За́нъ ѻ҆́ный, е҆гда̀ превра́щшусѧ тельцꙋ̀ то́чїю косну́сѧ, Бж҃їимъ и҆скꙋси́сѧ гнѣ́вомъ: но тогѡ̀ дерзнове́нїѧ ᲂу҆бѣжа́вши дꙋшѐ, почита́й бж҃е́ственнаѧ че́стнѣ. Когда ковчег везли на колеснице, то Оза, когда вол свернул в сторону, лишь только прикоснулся, испытал на себе гнев Божий, но, душа, избегая его дерзости, благоговейно почитай Божественное. (2Цар.6:6-7)
Слы́шала е҆сѝ А҆вессалѡ́ма, ка́кѡ на е҆стество̀ воста̀: позна́ла е҆сѝ тогѡ̀ скве́рнаѧ дѣѧ́нїѧ, и҆́миже ѡ҆сквернѝ ло́же Двд҃а ѻ҆ц҃а̀: но ты̀ подража́ла е҆сѝ тогѡ̀ стра́стнаѧ и҆ любосла́стнаѧ стремле́нїѧ. Ты слышала об Авессаломе, как он восстал на самую природу, знаешь гнусные его деяния, которыми он обесчестил ложе отца – Давида; но ты сама подражала его страстным и сластолюбивым порывам. (2Цар.15:1-37; 16:21)
Покори́ла е҆сѝ нерабо́тное твоѐ досто́инство тѣ́лꙋ твоему̀: и҆но́го бо А҆хїтофе́ла обрѣ́тши врага̀, душѐ, снизшла̀ е҆сѝ сегѡ̀ совѣ́тѡмъ: но сїѧ̑ разсы́па са́мъ Хрⷭ҇то́съ, да ты̀ всѧ́кѡ спасе́шисѧ. Свободное свое достоинство ты, душа, подчинила своему телу, ибо, нашедши другого Ахитофела-врага, ты склонилась на его советы, но их рассеял Сам Христос, чтобы ты спасена была. (2Цар.16:20-21)
Соломо́нъ чу́дный, и҆ бл҃года́ти премꙋдрости и҆спо́лненный, се́й лука́вое и҆ногда̀ предъ Бг҃омъ сотвори́въ, ѿстꙋпѝ ѿ негѡ̀: е҆мꙋже ты̀ проклѧ́тымъ твои́мъ житїе́мъ, дꙋшѐ уподо́биласѧ е҆сѝ. Чудный Соломон, будучи преисполнен дара премудрости, некогда, сотворив злое пред Богом, отступил от Него; ему ты уподобилась, душа, своей жизнью, достойной проклятия. (3Цар.3:12; 11:4-6)
Сластьмѝ влеко́мь страсте́й свои́хъ осквернѧ́шесѧ, ᲂу҆вы̀ мнѣ̀, рачи́тель премꙋ́дрости, рачи́тель блу́дныхъ же́нъ, и҆ стра́ненъ ѿ Бг҃а: е҆го́же ты̀ подража́ла е҆сѝ ᲂу҆мо́мъ, ѻ дꙋшѐ, сладостра́стьми скве́рными. Увлекшись сластолюбивыми страстями, осквернился, увы, ревнитель премудрости, возлюбив нечестивых женщин и отчуждившись от Бога; ему, душа, ты сама подражала в уме постыдным сладострастием. (3Цар.11:6-8)
Ровоа́му поревнова́ла е҆сѝ не послу́шавшему совѣ́та ѻ҆́ч҃а, ку́пно же и҆ ѕлѣ́йшему рабу̀ І̑еровоа́му, пре́жнему ѿсту́пнику, душѐ: но бѣ̀гай подража́нїѧ и҆ зовѝ Бг҃ꙋ: согрѣши́хъ, ᲂу҆ще́дри мѧ̀. Ты поревновала, душа, Ровоаму, не послушавшему совета отеческого, и вместе злейшему рабу Иеровоаму, древнему мятежнику; избегай подражание им и взывай к Богу: согрешила я, умилосердись надо мною. (3Цар.12:13-14, 20)
Сла́ва, трⷪ҇ченъ: Трⷪ҇це про́стаѧ, нераздѣ́льнаѧ, е҆диносу́щнаѧ, и҆ е҆стество̀ е҆ди́но, свѣ́тове и҆ свѣ́тъ, и҆ ст҃а трѝ, и҆ е҆ди́но ст҃о пое́тсѧ Бг҃ъ Трⷪ҇ца: но воспо́й, просла́ви живо́тъ и҆ животы̀, душѐ всѣ́хъ Бг҃а. Троица Простая, Нераздельная, Единосущная, Единая Естеством, Светы и Свет и Три Святы и Едино (Лицо) Свято, Бог-Троица, воспеваемая в песнопениях; воспой же и ты, душа, прославь Жизнь и Жизни – Бога всех.
Бг҃оро́диченъ: Пое́мъ тѧ̀, блⷭ҇гви́мъ тѧ̀, покланѧ́емсѧ тѝ, Бг҃ороди́тельнице, ꙗ҆́кѡ неразлу́чныѧ Трⷪ҇цы породила̀ е҆сѝ е҆ди́наго Хрⷭ҇та̀ Бг҃а, и҆ сама̀ ѿве́рзла е҆сѝ на́мъ сꙋ́щымъ на землѝ нбⷭ҇наѧ. Воспеваем Тебя, благословляем Тебя, поклоняемся Тебе, Богородительница, ибо Ты родила Единого из Нераздельной Троицы Христа Бога и Сама открыла для нас, живущих на земле, небесные обители.
Пѣ́снь и҃. і̇рмо́съ:
Е҆го́же во́инства:
Кого прославляют воинства:
Ты̀ Ѻ҆зі́и дꙋшѐ поревнова́вши, сегѡ̀ прокаже́нїе въ себѣ̀ стѧжа́ла е҆сѝ сꙋгу́бѡ: безмѣ̀стнаѧ бо мы́слиши, беззакѡ́ннаѧ же дѣ́еши: ѡ҆ста́ви ꙗ҆́же и҆́маши, и҆ притецы̀ къ покаѧ́ні̇ю. Соревновав Озии, душа, ты получила себе вдвойне его проказу, ибо помышляешь недолжное и делаешь беззаконное; оставь, что у тебя есть и приступи к покаянию. (4Цар.15:5; 2Пар.26:19)
Нїнеѵі́тѧны, дꙋшѐ, слы́шала е҆сѝ ка́ющыѧсѧ Бг҃ꙋ вре́тищемъ и҆ пе́пеломъ: си́хъ не подража́ла е҆сѝ, но ѧви́ласѧ е҆сѝ злѣ́йшаѧ всѣ́хъ пре́жде зако́на и҆ по зако́нѣ прегрѣши́вшихъ. Ты слышала, душа, о ниневитянах, в рубище и пепле каявшихся Богу; им ты не подражала, но оказалась упорнейшею всех, согрешивших до закона и после закона. (Ион.3:5)
Въ ро́вѣ бла́та слы́шала е҆сѝ І̑еремі́ю, дꙋшѐ, гра́да Сі̇ѡ́нѧ рыда́нми вопі̇ю́ща и҆ сле́зъ и҆́щꙋща: подража́й сегѡ̀ плаче́вное житі̇ѐ, и҆ спасе́шисѧ. Ты слышала, душа, как Иеремия, в нечистом рве с рыданиями взывал к городу Сиону и искал слез; подражай плачевной его жизни и спасешься. (Иер.38:6)
І҆ѡ́на въ Ѳарсі́съ побѣжѐ, проразумѣ́въ ѡ҆браще́ні̇е Ні̇неѵі́тѧнѡвъ: разумѣ́ бо ꙗ҆́кѡ Проро́къ Бж҃їе благоꙋтробі̇е: тѣ́мже ревнова́ше проро́честву не солга́тисѧ. Иона побежал в Фарсис, предвидя обращение ниневитян, ибо он, как пророк, знал милосердие Божие и вместе ревновал, чтобы пророчество не оказалось ложным. (Ион.1:3)
Данїи́ла въ ро́вѣ слы́шала е҆сѝ, ка́кѡ заградѝ ᲂу҆ста̀, ѽ душѐ ѕвѣре́й: ᲂу҆вѣ́дѣла е҆сѝ, ка́кѡ ѻ҆́троцы и҆̀же ѡ҆ А҆за́рїи погаси́ша вѣ́рою пе́щи пла́мень горѧ́щі̇й. Ты слышала, душа, как Даниил во рве заградил уста зверей; ты узнала, как юноши, бывшие с Азариею, верою угасили разожженный пламень печи. (Дан.14:31; 3:24)
Ве́тхаго завѣ́та всѧ̀ приведо́хъ, тѝ душѐ, къ подо́бі̇ю, подража́й пра́ведныхъ бг҃олюби́ваѧ дѣѧ́ні̇ѧ, избѣ́гни же па́ки лꙋка́выхъ грѣхо́въ. Из Ветхого Завета всех я привел тебе в пример, душа; подражай богоугодным деяниям праведных, и избегай грехов людей порочных.
Сла́ва, трⷪ҇ченъ: Безнача́льне Ѻ҆́ч҃е, Сн҃е собезнача́льне, Оу҆тѣ́шителю бл҃гі́й, Дш҃е пра́вый, Сло́ва Бж҃їѧ Роди́телю, Ѻ҆ц҃а̀ безнача́льна Сло́ве, Дш҃е живы́й и҆ зи́ждѧй, Трⷪ҇це е҆ди́нице, поми́лꙋй мѧ̀. Безначальный Отче, Собезначальный Сын, Утешитель благий, Дух правды, Родитель Бога Слова, Слово Безначальное Отца, Дух Животворящий и Созидающий, Троица Единая, помилуй меня.
Бг҃оро́диченъ: Ꙗ҆́кѡ ѿ ѡ҆броще́ні̇ѧ червлени́цы, пречи́стаѧ, ᲂу҆́мнаѧ багрѧни́ца Емману́илева, внꙋтрь во чре́вѣ твое́мъ пло́ть и҆стка́сѧ: тѣ́мже Бцⷣꙋ вои́стиннꙋ тѧ̀ почита́емъ. Мысленная порфира – плоть Еммануила соткалась внутри Твоего чрева, Пречистая, как бы из вещества пурпурного; потому мы почитаем Тебя, Истинную Богородицу.
Пѣ́снь ѳ҃. і̇рмо́съ: Безсѣ́меннагѡ зача́ті̇ѧ: Рождество от бессеменного зачатия:
Хрⷭ҇то́съ и҆скꙋша́шесѧ, ді̇а́волъ и҆скꙋша́ше, показу́ѧ ка́мені̇е, да хлѣ́би бꙋдутъ, на го́ру возведѐ ви́дѣти всѧ̑ ца́рствїѧ мі́ра во мгнове́ні̇и: ᲂу҆бо́йсѧ ѽ дꙋшѐ, ловле́ні̇ѧ, трезви́сѧ, моли́сѧ на всѧ́кі̇й ча́съ Бг҃ꙋ. Христос был искушаем; диавол искушал, показывая камни, чтобы они обратились в хлебы; возвел Его на гору, чтобы видеть все царства мира в одно мгновение; бойся, душа, этого обольщения, бодрствуй и ежечасно молись Богу. (Мф.4:1-9. Мк.1:12-13. Лк.4:1-12)
Го́рлица пꙋстынолю́бнаѧ, гла́съ вопїю́щагѡ возгласѝ, Хрⷭ҇то́въ свѣти́льник̾, проповѣ́дуѧй покаѧ́нїе: И҆́рѡдъ беззако́ннова со И҆рѡді̇а́дою: зрѝ дꙋшѐ моѧ̀, да не ᲂу҆вѧ́знеши въ беззакѡ́нныѧ сѣ̑ти, но ѡ҆блобыза́й покаѧ́ні̇е. Пустыннолюбивая горлица, голос вопиющего, Христов светильник взывал, проповедуя покаяние, а Ирод беззаконствовал с Иродиадою; смотри, душа моя, чтобы не впасть тебе в сети беззаконных, но возлюби покаяние. (Песн.2:12. Ис.40:3. Мф.3:8, 14:3. Мк.6:17. Лк.3:19-20)
Въ пꙋсты́ню всели́сѧ бл҃года́ти Предте́ча, и҆ І̑ꙋде́а всѧ̀ и҆ Самарі́а слы́шавше теча́ху и҆ и҆сповѣ́даху грѣхѝ своѧ̀, креща́ющесѧ ᲂу҆се́рднѡ, и҆́хже ты̀ не подража́ла е҆сѝ, дꙋшѐ. Предтеча благодати обитал в пустыне и все иудеи и самаряне стекались слушать его и исповедовали грехи свои, с усердием принимая крещение. Но ты, душа, не подражала им. (Мф.3:1-6. Мк.1:3-6)
Бра́къ ᲂу҆́бѡ честны́й и҆ ло́же нескве́рно: ѻ҆боѧ́ бо Хрⷭ҇то́съ пре́жде благословѝ, пло́ті̇ю ꙗ҆ды́й, и҆ въ Ка́нѣ же на бра́цѣ во́дꙋ въ вїно̀ соверша́ѧ, и҆ показꙋ́ѧ пе́рвое чꙋ́до, да ты̀ и҆змени́шисѧ, ѽ дꙋшѐ. Брак честен и ложе непорочно, ибо Христос благословил их некогда, в Кане на браке вкушая пищу плотию и претворяя воду в вино, совершая первое чудо, чтобы ты, душа, изменилась. (Евр.13:4. Ин.2:1-11)
Разсла́бленнаго стѧгну̀ Хрⷭ҇то́съ, ѻ҆́дръ взе́мша, и҆ ю́ношꙋ ᲂу҆ме́рша воздви́же, вдови́че рожде́ні̇е, и҆ со́тника ѻ҆́трока, и҆ Самарѧны́нѣ ꙗ҆ви́сѧ, въ дс҃ѣ слу́жбꙋ тебѣ̀, дꙋшѐ, предживописа̀. Христос укрепил расслабленного, взявшего постель свою; воскресил умершего юного сына вдовы, исцелил слугу сотника и, открыв Себя самарянке, предначертал тебе, душа, служение Богу духом. (Мф.9:6; 8:13. Лк.7:14. Ин.4:7-24)
Кровоточи́вꙋю и҆сцѣлѝ прикоснове́ні̇емъ кра́ѧ ри́зна Гд҃ь, прокаже́нныѧ ѡ҆чи́сти, слѣпы́ѧ и҆ хромы́ѧ просвѣти́въ испра́ви, глꙋхі̑ѧ же и҆ нѣмы̑ѧ и҆ нича́щыѧ ни́зу и҆сцѣлѝ сло́вомъ, да ты̀ сп҃се́шисѧ, ѻ҆каѧ́ннаѧ дꙋшѐ. Господь исцелил кровоточивую через прикосновение к одежде Его, очистил прокаженных, дал прозрение слепым, исправил хромых, глухих, немых и уврачевал словом скорченную, чтобы ты спаслась, несчастная душа. (Мф.9:20; 11:5. Лк.13:11-13)
Сла́ва, трⷪ҇ченъ: Ѻ҆ц҃а̀ просла́вимъ, Сн҃а превознесе́м̾, бж҃е́ственномꙋ Дх҃ꙋ вѣ́рнѡ поклони́мсѧ, Трⷪ҇цѣ нераздѣ́льнѣй, е҆ди́ницѣ по сꙋществу̀, ꙗ҆́кѡ свѣ́тꙋ и҆ свѣ́том̾, и҆ животꙋ̀ и҆ животѡ́мъ, животворѧ́щему и҆ просвѣща́ющему концы̀. Прославим Отца, превознесем Сына, с верою поклонимся Божественному Духу, Нераздельной Троице, Единой по существу, как Свету и Светам, Жизни и Жизням, животворящему и просвещающему пределы вселенной.
Бг҃оро́диченъ: Гра́дъ тво́й сохранѧ́й, Бг҃ороди́тельнице пречⷭ҇таѧ: въ тебѣ́ бо се́й вѣ́рнѡ ца́рствуѧй, въ тебѣ̀ и҆ ᲂу҆твержда́етсѧ, и҆ тобо́ю побѣжда́ѧй побѣжда́етъ всѧ́кое и҆скꙋше́ні̇е, и҆ плѣнѧ́етъ ра́тники, и҆ прохо́дитъ послꙋша́нїе. Сохраняй град Свой, Пречистая Богородительница. Под Твоею защитою он царствует с верою, и от Тебя получает крепость, и при Твоем содействии неотразимо побеждает всякое бедствие, берет в плен врагов и держит их в подчинении.
А҆ндре́ю.
А҆ндре́е чⷭ҇тны́й и҆ ѻ҆́ч҃е требл҃же́ннѣйші̇й, па́стырю Кри́тскїй, не преста́й молѧ́сѧ ѡ҆ воспѣва́ющих̾ тѧ̀: да и҆зба́вимсѧ всѝ гнѣ́ва и҆ ско́рби и҆ тлѣ́ні̇ѧ и҆ прегрѣше́ні̇й безмѣ́рных̾, чтꙋщих̾ твою̀ па́мѧть вѣ́рнѡ.
Андрей досточтимый, отец преблаженный, пастырь Критский, не переставай молиться за воспевающих тебя, чтобы избавиться от гнева, скорби, погибели и бесчисленных прегрешений нам всем, искренно почитающим память твою.

^ Въ сре́ду пе́рвой седми́цы

Пѣ́снь а҃. гла́съ ѕ҃. і̇рмосы̀ два́жды.
Помо́щникъ и҆ покрови́тель:
Помощник и Покровитель:
Ѿ ю́ности, Хрⷭ҇тѐ, за́повѣди твоѧ̀ преступи́хъ, всестра́стно небрегі́й, ᲂу҆ны́ні̇емъ преидо́хъ житїѐ: тѣ́мже зову́ ти, Сп҃се: понѐ на коне́цъ спаси́ мѧ. С юности, Христе, я пренебрегал Твоими заповедями, всю жизнь провел в страстях, беспечности и нерадении. Поэтому и взываю к Тебе, Спаситель: хотя при кончине спаси меня.
Пове́ржена мѧ̀, Сп҃се, предъ враты̀ твои́ми, понѐ на ста́рость не ѿри́ни менѐ во а҆́дъ тща̀: но пре́жде конца̀, ꙗ҆́кѡ человѣ́колю́бецъ, да́ждь мѝ прегрѣше́ні̇й ѡ҆ставле́ні̇е. Поверженного пред вратами Твоими, Спаситель, хотя в старости, не низринь меня в ад, как невоздержанного, но прежде кончины, как Человеколюбец, даруй мне оставление прегрешений.
Бога́тство моѐ Сп҃се, и҆знури́въ въ блудѣ̀, пу́стъ есмь плодо́въ бл҃гочести́вых̾, а҆́лченъ же зову̀: Ѻ҆ч҃е щедро́тъ, предвари́въ ты̀ мѧ̀ ᲂу҆ще́дри. Расточив богатство мое в распутстве, Спаситель, я чужд плодов благочестия, но, чувствуя голод, взываю: Отец Милосердный, поспеши и умилосердись надо мною. (Лк.15:11-32)
Въ разбо́йники впады́й а҆́зъ есмь помышле́нми мои́ми, ве́сь ѿ ни́хъ ᲂу҆ѧзви́хсѧ ны́нѣ, и҆спо́лнихсѧ ра́нъ: но са́мъ мѝ предста́въ, Хрⷭ҇тѐ Сп҃се, и҆сцѣлѝ. По помыслам моим я человек, попавшийся разбойникам; теперь я весь изранен ими, покрыт язвами, но Ты Сам, Христос Спаситель, приди и исцели меня. (Лк.10:30)
Сщ҃е́нникъ мѧ̀ предви́дѣв̾ ми́мои́де, и҆ Леѵі́тъ ви́дѧ въ лю́тыхъ на́га презрѣ̀: но и҆з̾ Мр҃і́и возсі̇ѧ́вый І̑и҃се, ты̀ предста́въ ᲂу҆ще́дри мѧ̀. Священник, заметив меня, прошел мимо, и левит, видя меня в беде обнаженного, презрел; но Ты, воссиявший от Марии Иисусе, прииди и умилосердись надо мною. (Лк.10:31-32)
Марі́и: Ты́ ми да́ждь свѣтоза́рную бл҃года́ть ѿ бж҃е́ственнагѡ свы́ше промышле́ні̇ѧ, и҆збѣжа́ти страсте́й ѡ҆мраче́ні̇ѧ, и҆ пѣ́ти ᲂу҆се́рднѡ твоегѡ̀, Марі́е, житїѧ̀ кра҆снаѧ и҆справле́ні̇ѧ. Даруй мне, Мария, ниспосланную тебе свыше Божественным Промыслом светозарную благодать – избежать мрака страстей и усердно воспеть прекрасные подвиги твоей жизни.
Трⷪ҇ченъ: Пресу́щественнаѧ Трⷪ҇це, во е҆ди́ницѣ покланѧ́емаѧ, возмѝ бре́мѧ ѿ менѐ грѣхо́вное, и҆ ꙗ҆́кѡ бл҃гоутро́бна, да́ждь мѝ сле́зы ᲂу҆миле́нїѧ. Пресущественная Троица, Которой мы поклоняемся как Единому Существу, сними с меня тяжелое бремя греховное и, как Милосердная, даруй мне слезы умиления.
Бг҃оро́диченъ: Бцⷣе, наде́жде и҆ предста́тельство тебѐ пою́щихъ, возмѝ бре́мѧ ѿ менѐ тѧ́жкое грѣхо́вное, и҆ ꙗ҆́кѡ Влчⷣца чи́стаѧ ка́ющасѧ прі̇ими́ мѧ. Богородице, Надежда и Помощь всем воспевающих Тебя, сними с меня тяжелое бремя греховное и, как Владычица Непорочная, прими меня кающегося.
Пѣ́снь в҃. І҆рмо́съ:
Вонмѝ нб҃о, и҆ возглаго́лю, и҆ воспою̀ Хрⷭ҇та̀ ѿ Дв҃ы пло́ті̇ю прише́дшаго.
Внемли, небо, я буду возвещать и воспевать Христа, пришедшего во плоти от Девы.
Поползо́хсѧ ꙗ҆́кѡ Дв҃дъ блу́днѡ, и҆ ѡ҆скверни́хсѧ: но ѡ҆мы́й ѹ҆бѡ и҆ менѐ, Сп҃се, слеза́ми. От невоздержания, как Давид, я пал и осквернился, но омой и меня, Спаситель, слезами. (2Цар.11:4)
Ни сле́зъ, нижѐ покаѧ́ні̇ѧ и҆́мамъ, нижѐ ᲂу҆миле́ні̇ѧ: са́мъ мѝ сі̇ѧ̑, Сп҃се, ꙗ҆́кѡ Бг҃ъ да́руй. Ни слез, ни покаяния, ни умиления нет у меня; Сам Ты, Спаситель, как Бог, даруй мне это.
Погуби́хъ первозда́нную добро́ту и҆ бл҃голѣ́пі̇е моѐ, и҆ ны́нѣ лежу̀ на́гъ и҆ стыжду́сѧ. Погубил я первозданную красоту и благообразие мое и теперь лежу обнаженным и стыжусь.
Две́рь твою̀ не затворѝ мнѣ̀ тогда̀, Гдⷭ҇и, Гдⷭ҇и: но ѿве́рзи мѝ сі̇ю̀ ка́ющемусѧ тебѣ̀. Не затвори предо мною теперь дверь Твою, Господи, Господи, но отвори ее для меня, кающегося Тебе. (Мф.7:21-23; 25:11)
Внушѝ воздыха́ні̇ѧ душѝ моеѧ̀, и҆ очі̇ю мое́ю прі̇имѝ ка̑пли, Сп҃се, и҆ спаси́ мѧ. Внемли, Спаситель, стенаниям души моей, прими слезы очей моих и спаси меня.
Чл҃вѣколю́бче, хотѧ́й всѣ̑м̾ спасти́сѧ, ты̀ воззови́ мѧ̀ и҆ прі̇имѝ, ꙗ҆́кѡ бл҃гъ ка́ющагосѧ. Человеколюбец, желающий всем спасения, Ты призови меня и прими, как Благий, кающегося. (1Тим.2:4)
Пречⷭ҇таѧ Бцⷣе Дв҃о, е҆ди́на всепѣ́таѧ, молѝ прилѣ́жнѡ во еже спасти́сѧ на́мъ. Пречистая Богородице Дева, Ты Одна, всеми воспеваемая, усердно моли о нашем спасении.
І҆рмо́съ:
Ви́дите ви́дите, ꙗ҆́кѡ а҆́зъ есмь Бг҃ъ, ма́нну одожди́вый, и҆ во́ду и҆з̾ ка́мене и҆сточи́вый дре́вле въ пусты́ни лю́демъ мои́мъ, десни́цею е҆ди́ною и҆ крѣ́пості̇ю мое́ю.
Видите, видите, что Я – Бог, в древности ниспославший манну и источивший воду из камня народу Моему в пустыне – одним Своим всемогуществом. (Исх.16:14; 17:6)
Ви́дите ви́дите, ꙗ҆́кѡ а҆́зъ есмь Бг҃ъ: внуша́й душѐ моѧ̀ Гдⷭ҇а вопі̇ю́ща, и҆ у҆дали́сѧ пре́жнѧго грѣха̀, и҆ бо́йсѧ ѧ́кѡ неумы́тнаго и҆ ꙗ҆́кѡ суді̇ѝ и҆ Бг҃а. Видите, видите, что Я – Бог. Внимай, душа моя, взывающему Господу, оставь прежний грех и убойся как праведного Судию и Бога.
Кому̀ уподо́биласѧ е҆сѝ, многогрѣ́шнаѧ душѐ, то́кмо пе́рвому Ка́і̇ну и҆ Ламе́ху оному, каменова́вшаѧ тѣ́ло ѕлодѣ́йствы и҆ у҆би́вшаѧ ᲂу҆́мъ безслове́сными стремле́нми. Кому уподобилась ты, многогрешная душа, как не первому Каину и тому Ламеху, жестоко окаменив тело злодеяниями и убив ум безрассудными стремлениями. (Быт.4:1-26)
Всѧ̑ пре́жде зако́на прете́кши, ѽ душѐ, Си́ѳу не ᲂу҆подо́биласѧ е҆сѝ, ни Е̑нѡ́са подража́ла е҆сѝ, ни Ено́ха преложе́ні̇емъ, ни Нѡ́ѧ: но ꙗ҆ви́ласѧ е҆сѝ ᲂу҆бо́га пра́ведныхъ жи́зни. Имея в виду всех, живших до закона, о душа, не уподобилась ты Сифу, не подражала ни Еносу, ни Еноху через преселение духовное, ни Ною, но оказалась чуждой жизни праведников. (Быт.5:1-32)
Е҆ди́на ѿве́рзла е҆сѝ хлѧ̑би гнѣ́ва Бг҃а твоегѡ̀, душѐ моѧ̀, и҆ потопи́ла е҆сѝ всю̀ ꙗ҆́коже зе́млю пло́ть, и҆ дѣѧ̑ні̇ѧ и҆ житі̇ѐ, и҆ пребыла̀ е҆сѝ внѣ̀ спаси́тельнагѡ ковче́га. Ты одна, душа моя, открыла бездны гнева Бога своего и потопила, как землю, всю плоть, и дела, и жизнь, и осталась вне спасительного ковчега. (Быт.7:1-24)
Преподо́бныѧ: Всѣ́мъ ᲂу҆се́рді̇емъ и҆ любо́ві̇ю притекла̀ е҆сѝ Хрⷭ҇ту̀, пе́рвый грѣха̀ пу́ть ѿвра́щши, и҆ въ пусты́нѧхъ непроходи́мых̾ пита́ющисѧ, и҆ тогѡ̀ чи́стѣ соверша́ющи бж҃е́ственныѧ за́повѣди. Оставив прежний путь греха, ты с всем усердием и любовью прибегла ко Христу, живя в непроходимых пустынях и в чистоте исполняя Божественные Его заповеди.
Трⷪ҇ченъ: Безнача́льнаѧ несозда́ннаѧ Трⷪ҇це, нераздѣ́льнаѧ е҆ди́нице, ка́ющасѧ мѧ̀ прі̇имѝ, согрѣши́вша спасѝ, твоѐ есмь созда́ні̇е, не пре́зри, но пощадѝ, и҆ и҆зба́ви мѧ̀ ѻ҆́гненнагѡ ѡ҆сужде́ні̇ѧ. Безначальная Несозданная Троица, Нераздельная Единица, прими меня кающегося, спаси согрешившего, я – Твое создание, не презри, но пощади и избавь меня от осуждения в огонь.
Бг҃оро́диченъ: Пречи́стаѧ Влⷣчце, Бг҃ороди́тельнице, наде́ждо къ тебѣ̀ притека́ющихъ, и҆ приста́нище су́щихъ въ бу́ри, ми́лостиваго и҆ Созда́телѧ и҆ Сн҃а твоего̀ ᲂу҆ми́лостиви и҆ мнѣ̀ моли́твами твои́ми. Пречистая Владычица, Богородительница, Надежда прибегающих к Тебе и пристанище для застигнутых бурей, Твоими молитвами приклони на милость и ко мне Милостивого Творца и Сына Твоего.
Пѣ́снь г҃. І҆рмо́съ:
Утвердѝ, Гдⷭ҇и на ка́мени:
Утверди, Господи, на камне:
Бл҃гослове́ні̇ѧ Си́мова не наслѣ́довала е҆сѝ, душѐ окаѧ́ннаѧ, ни простра́нное ѡ҆держа́ні̇е, ꙗ҆́коже І̑а́феѳ̾ и҆мѣ́ла е҆сѝ на землѝ ѡ҆ставле́ні̇ѧ. Симова благословения не наследовала ты, несчастная душа, и не получила, подобно Иафету, обширного владения на земле – отпущения грехов.
Ѿ землѝ Харра́нъ, и҆зы́ди ѿ грѣха̀, душѐ моѧ̀; грѧдѝ въ зе́млю точа́щую присноживо́тное нетлѣ́ні̇е, еже А̑враа́мъ наслѣ́дствова. Удались, душа моя, от земли Харран – от греха; иди в землю, источающую вечно живое нетление, которую наследовал Авраам. (Быт.12:1-7)
А҆враа́ма слы́шала е҆сѝ, душѐ моѧ̀, дре́вле ѡ҆ста́вльша зе́млю оте́чества, и҆ бы́вша прише́льца: сегѡ̀ произволе́ні̇ю подража́й. Ты слышала, душа моя, как в древности Авраам оставил землю отеческую и сделался странником; подражай его решимости. (Быт.12:1-7)
Оу҆ ду́ба Мамврі́йскагѡ ᲂу҆чреди́въ Патрі̇а́рхъ А̑гг҃лы, наслѣ́дствова по ста́рости ѡ҆бѣтова́ні̇ѧ лови́тву. Угостив Ангелов под дубом Маврийским, патриарх на старости получил, как добычу, обещанное. (Быт.18:1)
І҆саа́ка, ѻ҆каѧ́ннаѧ душѐ моѧ̀, разумѣ́вши но́вую же́ртву, та́йнѡ всесожже́нную Гдⷭ҇ви, подража́й е҆гѡ̀ произволе́ні̇ю. Зная, бедная душа моя, как Исаак принесен таинственно в новую жертву всесожжения Господу, подражай его решимости. (Быт.22:2)
І҆сма́ила слы́шала е҆сѝ, трезви́сѧ душѐ моѧ̀, и҆згна́на ꙗ҆́кѡ рабы́нино ѿрожде́ні̇е: ви́ждь, да не ка́кѡ подо́бно что постра́ждеши ласкосе́рдствующи. Ты слышала, душа моя, что Измаил был изгнан, как рожденный рабыней, бодрствуй, смотри, чтобы и тебе не потерпеть бы чего-либо подобного за сладострастие. (Быт.21:10-11)
Марі́и: Содержи́мь есмь бу́рею, и҆ треволне́ні̇емъ согрѣше́ні̇й: но сама̀ мѧ мт҃и ны́нѣ спасѝ, и҆ къ приста́нищу бж҃е́ственнагѡ покаѧ́ні̇ѧ возведѝ. Окружен я, матерь, бурей и сильным волнением согрешений, но ты сама ныне спаси меня и приведи к пристанищу Божественного покаяния.
Марі́и: Ра́бское моле́ні̇е и҆ ны́нѣ преподо́бнаѧ, прине́сши ко бл҃гоутро́бнѣй моли́твами твои́ми Бцⷣѣ, отве́рзи мѝ боже́ственныѧ вхо́ды. Усердное моление и ныне, преподобная, принеся к умилостивленной твоими молитвами Богородице, открой и для меня Божественные входы.
Трⷪ҇ченъ: Трⷪ҇це про́стаѧ, несозда́ннаѧ, безнача́льное е҆стество̀, в̾ трⷪ҇цѣ пѣва́емаѧ ѵ҆поста́сей, спаси́ ны вѣ́рою покланѧ́ющыѧсѧ держа́вѣ твое́й. Троица Несоставная, Несозданная, Существо Безначальная, в троичности Лиц воспеваемая, спаси нас, с верою поклоняющихся силе Твоей.
Бг҃оро́диченъ: Ѿ Ѻ҆ц҃а̀ безлѣ́тна Сн҃а въ лѣ́то, Бг҃ороди́тельнице, неискусому́жнѡ родила́ е҆сѝ, стра́нное чу́до, пребы́вши дв҃а доѧ́щи. Ты, Богородительница, не испытавши мужа, во времени родила Сына от Отца вне времени и – дивное чудо: питая молоком, пребыла Девою.
Пѣ́снь д҃. і̇рмо́съ: Услы́ша прⷪ҇ро́къ: Услышал пророк:
Тѣ́ло ѡ҆скверни́сѧ, ду́хъ ѡ҆калѧ́сѧ, ве́сь ѡ҆струпи́хсѧ: но ꙗ҆́кѡ вра́чь, Хрⷭ҇тѐ, о̑боѧ̀ покаѧ́ні̇емъ мои́мъ ᲂу҆врачу́й, ѡ҆мы́й, ѡ҆чи́сти, покажѝ Сп҃се мо́й па́че снѣ́га чистѣ́йша. Тело мое осквернено, дух грязен, весь я покрыт струпами, но Ты, Христе, как врач, уврачуй и то и другое моим покаянием, омой, очисти, яви меня чище снега, Спаситель мой.
Тѣ́ло твоѐ и҆ кро́вь распина́емый ѡ҆ всѣ́хъ положи́лъ е҆сѝ, Сло́ве: тѣ́ло ᲂу҆́бѡ, да мѧ̀ ѡ҆бнови́ши, кро́вь, да ѡ҆мы́еши мѧ̀, ду́хъ же пре́далъ е҆сѝ, да мѧ̀ приведе́ши, Хрⷭ҇тѐ, твоему̀ Роди́телю. Твое тело и Кровь, Слово, Ты принес в жертву за всех при распятии; Тело – чтобы воссоздать меня, Кровь – чтобы омыть меня, и Дух Ты, Христе, предал, чтобы привести меня к Твоему Отцу.
Содѣ́лалъ е҆сѝ спасе́ні̇е посредѣ̀ землѝ, Ще́дре, да спасе́мсѧ, во́лею на дре́вѣ распѧ́лсѧ е҆сѝ, Е̑де́мъ затворе́нный ѿве́рзесѧ, го́рнѧѧ и҆ до́льнѧѧ тва́рь, ꙗ҆зы́цы всѝ спасе́ни покланѧ́ютсѧ тебѣ̀. Посреди земли Ты устроил спасение, Милосердный, чтобы мы спаслись; Ты добровольно распялся на древе; Едем затворенный открылся; Тебе поклоняются небесные и земные и все спасенные Тобою народы. (Пс.73:12)
Да бу́детъ мѝ купѣ́ль, кро́вь и҆з̾ ре́бръ твои́хъ, вку́пѣ и҆ питїѐ, и҆сточи́вшее во́ду ѡ҆ставле́нїѧ: да ѻ҆бою́ду ѡ҆чища́юсѧ, помазу́ѧсѧ и҆ пїѧ̀, ꙗ҆́кѡ пома́зані̇е и҆ питїѐ, Сло́ве, животѡ́чнаѧ твоѧ словеса̀. Да будет мне омовением Кровь из ребр Твоих и вместе питием, источившая оставление грехов, чтобы мне и тем и другим очищаться, Слове, помазуясь и напояясь животворными Твоими словами, как мазью и питием. (Ин.19:34)
Ча́шу Цр҃ковь стѧжа̀ ре́бра твоѧ̀ живонѡ́снаѧ, и҆зъ ни́хже сугу́быѧ на́мъ и҆сточѝ то́ки, ѡ҆ставле́ні̇ѧ и҆ ра́зꙋма, во ѻбразъ дре́внѧгѡ и҆ но́вагѡ двои́хъ вку́пѣ завѣ́товъ, Сп҃се на́шъ. Церковь приобрела себе Чашу в живоносном ребре Твоем, из которого проистек нам двойной поток оставления грехов и разумения, Спаситель наш, в образ обоих Заветов, Ветхого и Нового.
На́гъ есмь черто́га, на́гъ есмь и҆ бра́ка, ку́пно и҆ ве́чери, свѣти́льникъ ᲂугасѐ, ꙗ҆́кѡ без̾еле́йный, черто́гъ заключи́сѧ мнѣ̀ спѧ́щу, ве́черѧ снѣде́сѧ, а҆́зъ же по ру́ку и҆ но́гу свѧ́занъ во́нъ низве́рженъ есмь. Я лишен брачного чертога, лишен и брака, и вечери; светильник, как без елея, погас; чертог закрылся во время моего сна, вечеря окончена, а я, связанный по рукам и ногам, извержен вон. (Мф.25:1-13. Лк.12:35-37; 13:24-27; 14:7-24)
Трⷪ҇ченъ: Нераздѣ́льное существо́м̾, несли́тное ли́цы, бг҃осло́влю тѧ̀, трⷪ҇ческое е҆ди́но Бж҃ество̀, ꙗ҆́кѡ е҆диноцрⷭ҇твенное и҆ сопрⷭ҇то́льное: вопі̇ю́ ти пѣ́снь вели́кую, въ вы́шнихъ трегу́бѡ пѣсносло́вимую. Нераздельным по существу, неслиянным в Лицах богословски исповедую Тебя, Троичное Единое Божество, Соцарственное и Сопрестольное; возглашаю Тебе великую песнь, в небесных обителях троекратно воспеваемую. (Ис.6:1-3)
Бг҃оро́диченъ: И҆ ражда́еши, и҆ дѣ́вствуеши, и҆ пребыва́еши ѻ҆бою́ду е҆стество́мъ Дв҃а: рожде́йсѧ ѡ҆бновлѧ́етъ зако́ны е҆стества̀, ᲂу҆тро́ба же ражда́етъ неражда́ющаѧ: Бг҃ъ и҆дѣ́же хо́щетъ, побѣжда́етсѧ е҆стества̀ чи́нъ: твори́тъ бо е҆ли̑ка хо́щетъ. И рождаешь Ты, и остаешься Девою, в обоих случаях сохраняя по естеству девство. Рожденный Тобою обновляет законы природы, а девственное чрево рождает; когда хочет Бог, то нарушается порядок природы, ибо Он творит, что хочет.
Пѣ́снь є҃. і̑рмо́съ: Ѿ нощѝ ᲂу҆́тренююща: От ночи бодрствующего:
Ꙗ҆́кѡ тѧ́жкі̇й нра́вомъ, Фараѡ́ну го́рькому бы́хъ, Влⷣко, І̑аннѝ и҆ І̑амврѝ, душе́ю и҆ тѣ́ломъ, и҆ погруже́нъ ᲂу҆мо́мъ: но помози́ ми. По упорству я стал как жестокий нравом фараон, Владыко, по душе и телу я – Ианний и Иамврий, и по уму погрязший, но помоги мне. (Исх.7:11. 2Тим.3:8)
Ка́ломъ смѣси́хсѧ ѻ҆каѧ́нный ᲂу҆мо́мъ, ѡ҆мы́й мѧ̀, Влⷣко, ба́нею мои́хъ сле́зъ, молю́ тѧ, пло́ти моеѧ̀ ꙍ҆де́жду у҆бѣли́въ ꙗ҆́кѡ снѣ́гъ. Загрязнил я, несчастный, свой ум, но омой меня, Владыко, в купели слез моих молю Тебя, и убели, как снег, одежду плоти моей.
А҆́ще и҆спыта́ю моѧ̀ дѣла̀, Сп҃се, всѧ́каго человѣ́ка превозше́дша грѣха́ми себѐ зрю̀, ꙗ҆́кѡ ра́зумомъ му́дрствуѧй согрѣши́хъ, не невѣ́дѣні̇емъ. Когда исследую свои дела, Спаситель, то вижу, что превзошел я грехами всех людей, ибо я грешил с разумным сознанием, а не по неведению.
Пощадѝ, пощадѝ, Гдⷭ҇и, созда́ні̇е твоѐ: согрѣши́хъ, ѡ҆сла́би мѝ, ꙗ҆́кѡ е҆стество́мъ чи́стый са́мъ сы́й еди́нъ, и҆ и҆́нъ ра́звѣ тебѐ никто́же есть кромѣ̀ скве́рны. Пощади, Господи, пощади, создание Твое: я согрешил, прости мне, ибо только Ты один чист по природе, и никто, кроме Тебя, не чужд нечистоты.
Менѐ ра́ди Бг҃ъ сы́й воѡбрази́лсѧ е҆сѝ въ мѧ̀, показа́лъ е҆сѝ чудеса̀, и҆сцѣливъ прокаже́нныѧ и҆ разсла́бленнаго стѧгну́въ, кровоточи́выѧ то́къ ᲂу҆ста́вилъ е҆сѝ, Сп҃се, прикоснове́нїемъ ри́зъ. Ради меня, будучи Богом, Ты принял мой образ, Спаситель, и, совершая чудеса, исцелял прокаженных, укреплял расслабленных, остановил кровотечение у кровоточивой прикосновением одежды. (Мф.9:20. Мк.5:25-27. Лк.8:43-44)
Преподо́бныѧ: Струи̑ І̑oрда́нскі̇ѧ преше́дши, ѡ҆брѣла̀ е҆сѝ поко́й безболѣ́зненный, пло́ти сла́сти и҆збѣжа́вши, е҆ѧ́же и҆ на́съ и҆змѝ твои́ми молитвами преподо́бнаѧ. Ты перешла поток Иорданский и приобрела покой безболезненный, оставив плотское удовольствие, от которого избавь и нас твоими молитвами, преподобная.
Тро́иченъ: Тѧ̀ Трⷪ҇це сла́вим̾, е҆ди́наго Бг҃а, ст҃ъ, ст҃ъ, ст҃ъ е҆сѝ Ѻ҆́ч҃е, Сн҃е и҆ Дш҃е, про́стое существо̀, е҆ди́нице при́снѡ покланѧ́емаѧ. Тебя, Пресвятая Троица, прославляем за Единого Бога: Свят, Свят, Свят Отец, Сын и Дух, Простое Существо, Единица вечно поклоняемая.
Бг҃оро́диченъ: И҆з̾ тебѐ ѡ҆блече́сѧ въ моѐ смѣше́ні̇е, нетлѣ́ннаѧ, безму́жнаѧ мт҃и дв҃о, Бг҃ъ созда́вый вѣ́ки, и҆ соединѝ себѣ̀ человѣ́ческое е҆стество̀. В Тебе, Нетленная, не познавшая мужа Матерь-Дево, облекся в мой состав сотворивший мир Бог и соединил с Собою человеческую природу.
Пѣ́снь ѕ҃. і̑рмо́съ: Возопи́хъ всѣ́мъ се́рдцем̾: От всего сердца моего я воззвал:
Воста́ни и҆ поборѝ, ꙗ҆́кѡ І̑ису́съ А̑мали́ка, плотскі́ѧ стра̑сти, и҆ Гаваѡні́ты ле́стныѧ по́мыслы при́снѡ побѣжда́ющи. Восстань и побеждай плотские страсти, как Иисус Амалика, всегда побеждая и гаваонитян – обольстительные помыслы. (Исх.17:8. Нав.8:21)
Преидѝ вре́мене теку́щее е҆стество̀, ꙗ҆́кѡ пре́жде ковче́гъ, и҆ землѝ ѻ҆́ныѧ бу́ди во ѡ҆держа́ні̇и ѻ҆бѣтова́ні̇ѧ, душѐ, Бг҃ъ повелѣва́етъ. Душа, Бог повелевает: перейди, как некогда ковчег Иордан, текущее по своему существу время и сделайся обладательницею обещанной земли. (Нав.3:14-17)
Ꙗ҆́кѡ спа́слъ е҆сѝ Петра̀ возопи́вша, спасѝ предвари́въ мѧ̀, Сп҃се, ѿ ѕвѣ́рѧ и҆зба́ви, просте́ръ ру́ку твою̀, и҆ возведѝ и҆зъ глубины грѣхо́вныѧ. Подобно тому как Ты спас Петра, воззвавшего, поспеши, Спаситель, спасти и меня, избавь меня от чудовища, простерши Свою руку, и выведи из глубины греха. (Мф.14:31)
Приста́нище тѧ̀ вѣ́мъ ᲂу҆ти́шное, Влⷣко, Влⷣко Хрⷭ҇тѐ: но ѿ незаходи́мыхъ глуби́нъ грѣха̀ и҆ ѿча́ѧні̇ѧ мѧ̀ предвари́въ и҆зба́ви. Тихое пристанище вижу в Тебе, Владыка, Владыка Христе, поспеши же избавить меня от непроходимых глубин греха и отчаяния.
Тро́иченъ: Трⷪ҇це есмь проста̀, нераздѣ́льна, раздѣ́льна ли́чнѣ, и҆ е҆ди́ница есмь е҆стество́мъ соедине́на, ѻ҆ц҃ъ глаго́летъ, и҆ Сн҃ъ, и҆ бж҃е́ственный Дх҃ъ. Я – Троица Несоставная, Нераздельная, раздельная в лицах, и Единица, соединенная по существу; свидетельствует Отец, Сын и Божественный Дух.
Бг҃оро́диченъ: Утро́ба твоѧ̀ Бг҃а на́мъ родѝ, воображе́нна по на́мъ: е҆го́же, ꙗ҆́кѡ Созда́телѧ всѣ́хъ молѝ, Бцⷣе, да моли́твами твои́ми оправди́мсѧ. Чрево Твое родило нам Бога, принявшего наш образ; Его, как Создателя всего мира, моли, Богородица, чтобы по молитвам Твоим нам оправдаться.
Конда́къ: Душѐ моѧ̀, душѐ моѧ̀, воста́ни, что̀ спи́ши; коне́цъ приближа́етсѧ, и҆ и҆́маши смути́тисѧ: воспрѧнѝ ᲂу҆́бо, да пощади́тъ тѧ̀ Хрⷭ҇то́съ Бг҃ъ, вездѣ̀ сы́й и҆ всѧ̑ и҆сполнѧ́ѧй. Душа моя, душа моя, восстань, что ты спишь? Конец приближается, и ты смутишься; пробудись же, чтобы пощадил тебя Христос Бог, Вездесущий и все наполняющий.
Пѣ́снь з҃. і̇рмо́съ: Согрѣши́хом̾, беззако́н: Мы согрешили, жили беззаконно:
Манассі́ева собрала е҆сѝ согрѣше́ні̇ѧ и҆зволе́ні̇емъ, поста́вльши ꙗ҆́кѡ ме́рзости стра́сти, и҆ ᲂу҆мно́живши душѐ негодова́ні̇е: но тогѡ̀ покаѧ́ні̇ю ревну́ющи те́плѣ, стѧжѝ ᲂу҆миле́ні̇е. Ты, душа, добровольно вместила преступления Манассии, поставив вместо идолов страсти и умножив мерзости; но усердно подражай и его покаянию с чувством умиления. (4Цар.21:1-2)
А҆хаа́вѡвымъ поревнова́ла е҆сѝ скве́рнамъ, душѐ моѧ̀, ᲂу҆вы̀ мнѣ̀, была̀ е҆сѝ плотски́хъ скве́рнъ пребыва́лище, и҆ сосу́дъ сра́мленъ страсте́й: но и҆з̾ глубины̀ твоеѧ̀ воздохнѝ, и҆ глаго́ли Бг҃у грѣхѝ твоѧ̀. Ты подражала Ахаву в мерзостях, душа моя; увы, ты сделалась жилищем плотских нечистот и постыдным сосудом страстей; но воздохни из глубины своей и поведай Богу грехи свои. (3Цар.16:30)
Заключи́сѧ тебѣ̀ нб҃о душѐ, и҆ гла́дъ Бж҃і̇й пости́же тѧ̀, е҆гда̀ И̑лїѝ Ѳесві́тѧнина ꙗ҆́коже А̑хаа́въ не покори́сѧ словесе́мъ и҆ногда̀: но Сара́фѳі̇и ᲂу҆подо́бивсѧ, напита́й проро́чу ду́шу. Заключилось небо для тебя, душа, и голод от Бога послан на тебя, как некогда на Ахава за то, что он не послушал слов Илии Фесфитянина; но ты подражай вдове Сарептской, напитай душу пророка. (3Цар.17:8-9)
Попалѝ И̑лі̇а̀ и҆ногда̀ два́щи пѧтьдесѧ́тъ І̑езаве́линыхъ, е҆гда̀ сту́дныѧ Проро́ки погубѝ, во ѡ҆бличе́ні̇е А̑хаа́вово: но бѣ́гай подража́ні̇ѧ двою̀, душѐ, и҆ ᲂу҆крѣплѧ́йсѧ. Илия попалил некогда дважды по пятьдесят служителей Иезавели, когда истреблял гнусных пророков ее в обличение Ахава; но ты, душа, избегай подражания обоим им и крепись в воздержании. (4Цар.1:10-15)
Троиченъ: Трⷪ҇це про́стаѧ, нераздѣ́льнаѧ, е҆диносу́щнаѧ, и҆ е҆стество̀ е҆ди́но, свѣ́тове и҆ свѣ́тъ, и҆ ст҃а трѝ и҆ е҆ди́но ст҃о, пое́тсѧ Бг҃ъ Трⷪ҇ца: но воспо́й, просла́ви живо́тъ и҆ животы̀, душѐ всѣ́хъ Бг҃а. Троица Простая, Нераздельная, Единосущная, и одно Божество, Светы и Свет, Три Святы и Одно Лицо Свято, Бог-Троица, воспеваемая в песнопениях; воспой же и ты, душа, прославь Жизнь и Жизни – Бога всех.
Бг҃оро́диченъ: Пое́мъ тѧ̀, блгⷭ҇ви́мъ тѧ̀, покланѧ́емсѧ тѝ, Бг҃ороди́тельнице, ꙗ҆́кѡ неразлу́чныѧ Трⷪ҇цы породила̀ е҆сѝ е҆ди́наго Хрⷭ҇та̀ Бг҃а, и҆ сама̀ ѿве́рзла е҆сѝ на́мъ су́щымъ на землѝ нбⷭ҇наѧ. Воспеваем Тебя, благословляем Тебя, поклоняемся Тебе, Богородительница, ибо Ты родила Одного из Нераздельной Троицы, Христа Бога, и Сама открыла для нас, живущих на земле, небесные обители.
Пѣ́снь и҃. І҆рмо́съ: Е҆го́же вѡ́инства: Кого прославляют воинства:
Правосу́де Сп҃се поми́луй и҆ и҆зба́ви мѧ̀ ѻ҆гнѧ̀ и҆ преще́ні̇ѧ, еже и҆́мамъ на судѣ̀ пра́веднѡ претерпѣ́ти: осла́би мѝ пре́жде конца добродѣ́телі̇ю и҆ покаѧ́ні̇емъ. Правосудный Спаситель, помилуй и избавь меня от огня и наказания, которому я должен справедливо подвергнуться на суде; прости меня прежде кончины, дав мне добродетель и покаяние.
Ꙗ҆́кѡ разбо́йникъ вопі̇ю́ ти, помѧни́ мѧ: ꙗ҆́кѡ Пе́тръ пла́чу го́рцѣ: ѡ҆сла́би мѝ Сп҃се, зову̀ ꙗ҆́кѡ мыта́рь: слезю̀ ꙗ҆́кѡ блудни́ца: прі̇имѝ моѐ рыда́ні̇е, ꙗ҆́коже и҆ногда̀ Ханане́ино. Как разбойник взываю к Тебе: вспомни меня; как Петр, горько плачу, Спаситель; как мытарь, издаю вопль: будь милостив ко мне; проливаю слезы, как блудница; прими мое рыдание, как некогда от жены Хананейской. (Лк.7:37-38; 18:13; 23:42; 22:62. Мф.15:22)
Гное́ні̇е, Сп҃се, и҆сцѣлѝ смире́нныѧ моеѧ̀ душѝ, е҆ди́не врачу̀: пла́стырь мнѣ̀ наложѝ и҆ е҆ле́й и҆ ві̇но̀, дѣла̀ покаѧ́ні̇ѧ, ᲂу҆миле́ні̇е со слеза́ми. Один Врач – Спаситель, исцели гниение моей смиренной души; приложи мне пластырь, елей и вино – дела покаяния, умиление со слезами.
Ханане́ю и҆ а҆́зъ подража́ѧ, поми́луй мѧ̀, вопі̇ю̀, сн҃е Давд҃овъ: каса́юсѧ кра́ѧ ри́зы, ꙗ҆́кѡ кровоточи́ваѧ: пла́чу, ꙗ҆́кѡ Ма́рѳа и҆ Марі́а над̾ Ла́заремъ. Подражая жене Хананейской, и я взываю к Сыну Давидову: помилуй меня; касаюсь одежды Его, как кровоточивая, плачу, как Марфа и Мария над Лазарем. (Мф.9:20; Мф.15:22. Ин.11:33)
Тро́иченъ: Безнача́льне Ѻч҃е, Сн҃е собезнача́льне, ᲂУ̑тѣ́шителю бл҃гі́й, Дш҃е пра́вый, Сло́ва Бж҃їѧ Роди́телю, Ѻ҆ц҃а̀ безнача́льна Сло́ве, Дш҃е живы́й и҆ зи́ждѧй, Трⷪ҇це е҆ди́нице поми́лꙋй мѧ̀. Безначальный Отче, Собезначальный Сын, Утешитель Благий, Дух Правый, Родитель Слова Божия, Безначальное Слово Отца, Дух, Животворящий и Созидающий, Троица Единая, помилуй меня.
И̑ ны́нѣ: Ꙗ҆́кѡ ѿ ѡ҆броще́ні̇ѧ червлени́цы, пречи́стаѧ, ᲂу҆́мнаѧ багрѧни́це Е̑мману́илева, вну́трь во чре́вѣ твое́мъ пло́ть и҆стка́сѧ: тѣ́мже Бцⷣꙋ вои́стинну тѧ̀ почита́емъ. Мысленная порфира – плоть Еммануила соткалась внутри Твоего чрева, Пречистая, как бы из вещества пурпурного; потому мы почитаем Тебя, Истинную Богородицу.
Пѣ́снь ѳ҃. І҆рмо́съ: Безсѣ́меннаго зача́ті̇ѧ: Рождество от бессеменного зачатия:
Неду́ги и҆сцѣлѧ́ѧ, ни́щымъ бл҃говѣствова́ше Хрⷭ҇то́съ сло́во, вре́дныѧ ᲂу҆врачева̀, съ мытарѝ ꙗ҆дѧ́ше, со грѣ́шники бесѣ́доваше, І̑аі́ровы дще́ре ду́шу пред̾ꙋме́ршую возвратѝ ѡ҆сѧза́ні̇емъ рукѝ. Врачуя болезни, Христос-Слово, благовествовал нищим, исцелял увечных, вкушал с мытарями, беседовал с грешниками и прикосновением руки возвратил вышедшую из тела душу Иаировой дочери. (Мф.4:23; 9:10-11. Мк.5:41-42)
Мыта́рь спаса́шесѧ, и҆ блудни́ца цѣлому́дрствоваше, и҆ Фарі̇се́й хвалѧ́сѧ ѡ҆сужда́шесѧ: ѻ҆́въ ᲂу҆́бѡ, ѡ҆чи́сти мѧ̀: ѻ҆́ва же, поми́лꙋй мѧ̀: се́й же велича́шесѧ вопїѧ̀: Бж҃е, бл҃годарю́ тѧ, и҆ про́чыѧ безу́мныѧ глаго́лы. Мытарь спасся и блудница сделалась целомудренною, а гордый фарисей подвергся осуждению, ибо первый взывал: «Будь милостив ко мне»; другая: «Помилуй меня»; а последний тщеславно возглашал: «Боже, благодарю Тебя…» и прочие безумные речи. (Лк.7:46-47; 18:14)
Закхе́й мыта́рь бѣ̀, но ѻ҆ба́че сп҃са́шесѧ, и҆ Фарисе́й Сі́монъ соблажнѧ́шесѧ, и҆ блудни́ца прі̇има́ше ѡ҆ста́вительнаѧ разрѣше́ні̇ѧ ѿ и҆му́щаго крѣ́пость ѡ҆ставлѧ́ти грѣхѝ: ю҆́же душѐ потщи́сѧ подража́ти. Закхей был мытарь, однако спасся; Симон фарисей соблазнялся, а блудница получила решительное прощение от Имеющего власть отпускать грехи; спеши, душа, и ты подражать ей. (Лк.7:39; 19:9. Ин.8:3-11)
Блꙋдни́цѣ, ѽ ѻ҆каѧ́ннаѧ душѐ моѧ̀, не поревнова́ла е҆сѝ, ꙗ҆́же прі̇и́мши мѵ́ра а҆лава́стръ, со слеза́ми ма́заше но́зѣ Спа́совѣ, ѡ҆тре́ же власы̀, дре́внихъ согрѣше́ні̇й рукописа́ні̇е раздира́ющагѡ е҆ѧ̀. Бедная душа моя, ты не подражала блуднице, которая, взяв сосуд с миром, мазала со слезами и отирала волосами ноги Спасителя, разорвавшего запись прежних ее прегрешений. (Лк.7:37-38)
Гра́ды, и҆̀мже дадѐ Хрⷭ҇то́съ бл҃говѣ́сті̇е, душѐ моѧ̀, у҆вѣ́дала е҆сѝ, ка́кѡ про́клѧти бы́ша: ᲂу҆бо́йсѧ ᲂу҆каза́ні̇ѧ, да не бу́деши ꙗ҆́коже ѻ҆́ны, и҆́хже Содо́млѧнѡмъ Влⷣка ᲂу҆подо́бивъ, да́же до а҆́да ѡ҆судѝ. Ты знаешь, душа моя, как прокляты города, которым Христос благовестил Евангелие; страшись этого примера, чтобы и тебе не быть, как они, ибо Владыка, уподобив их содомлянам, присудил их к аду. (Лк.10:12-15)
Да не го́ршаѧ ѽ душѐ моѧ̀, ꙗ҆ви́шисѧ ѿча́ѧні̇емъ, Ханане́и вѣ́ру слы́шавшаѧ, еѧ́же дщѝ сло́вомъ Бж҃і̇имъ и҆сцѣли́сѧ: сн҃е Дв҃довъ, спасѝ и҆ менѐ, воззовѝ и҆з̾ глꙋбины̀ се́рдца, ꙗ҆́коже ѻ҆на̀ Хрⷭ҇ту̀. Не окажись, душа моя, по отчаянию хуже хананеянки, слышавшей о вере, по которой Божиим словом исцелена дочь ее; взывай, как она, Христу из глубины сердца: «Сын Давидов, спаси и меня». (Мф.15:22)
Тро́иченъ: Ѻ҆ц҃а̀ просла́вимъ, Сн҃а превознесе́мъ, бж҃е́ственному Дх҃у вѣ́рнѡ поклони́мсѧ, Трⷪ҇цѣ нераздѣ́льнѣй, е҆ди́ницѣ по существу̀, ꙗ҆́кѡ свѣ́ту и҆ свѣ́тѡмъ, и҆ животу̀ и҆ животѡ́мъ, животворѧ́щему и҆ просвѣща́ющему концы̀. Прославим Отца, превознесем Сына, с верою поклонимся Божественному Духу, Нераздельной Троице, Единой по существу, как Свету и Светам, Жизни и Жизням, Животворящему и Просвещающему пределы вселенной.
Бг҃оро́диченъ: Гра́дъ тво́й сохранѧ́й, Бг҃ороди́тельнице пречⷭ҇таѧ: въ тебѣ́ бо се́й вѣ́рнѡ царствуѧй, въ тебѣ̀ и҆ ᲂу҆твержда́етсѧ, и҆ тобо́ю побѣжда́ѧй побѣжда́етъ всѧ́кое и҆скуше́ні̇е, и҆ плѣнѧ́етъ ра́тники, и҆ прохо́дитъ послуша́ні̇е. Сохраняй град Свой, Пречистая Богородительница. Под Твоею защитою он царствует с верою, и от Тебя получает крепость, и при Твоем содействии неотразимо побеждает всякое бедствие, берет в плен врагов и держит их в подчинении.
А҆ндре́е чⷭ҇тны́й, и҆ ѻ҆́тче требл҃же́ннѣйші̇й, па́стырю Кри́тскі̇й не преста́й молѧ́сѧ ѡ҆ воспѣва́ющихъ тѧ̀: да и҆зба́вимсѧ всѝ гнѣ́ва и҆ ско́рби и҆ тлѣ́ні̇ѧ и҆ прегрѣше́ні̇й безмѣ́рныхъ, чту́щі̇и твою̀ па́мѧть вѣ́рнѡ. Андрей досточтимый, отец преблаженный, пастырь Критский, не переставай молиться за воспевающих тебя, чтобы избавиться от гнева, скорби, погибели и бесчисленных прегрешений нам всем, искренно почитающим память твою.
Та́же пое́мъ ѻ҆́ба ли̑ка: Безсѣ́меннагѡ зача́ті̇ѧ:

^ Въ четверто́къ первой седми́цы

Пѣ́снь а҃. гла́съ ѕ҃. і̇рмосы̀ два́жды.
Помо́щникъ и҆ покрови́тель:
Помощник и Покровитель:
А̑гнче Бж҃і̇й, взе́млѧй грѣхѝ всѣ́хъ, возмѝ бре́мѧ ѿ менѐ тѧ́жкое грѣхо́вное, и҆ ꙗ҆́кѡ бл҃гоꙋтро́бенъ, да́ждь мѝ сле́зы ᲂу҆миле́ні̇ѧ. Агнец Божий, взявший грехи всех, сними с меня тяжкое бремя греховное и, как Милосердный, даруй мне слезы умиления. (Ин.1:29)
Тебѣ̀ припа́даю І̑и҃се, согрѣши́хъ тѝ, ѡ҆чи́сти мѧ̀, возмѝ бре́мѧ ѿ менѐ тѧ́жкое грѣхо́вное, и҆ ꙗ҆́кѡ бл҃гоꙋтро́бенъ, да́ждь мѝ сле́зы ᲂу҆миле́ні̇ѧ. К Тебе припадаю, Иисусе, согрешил я пред Тобою, умилосердись надо мною, сними с меня тяжкое бремя греховное и, как Милосердный, даруй мне слезы умиления.
Не вни́ди со мно́ю въ су́дъ, носѧ̀ моѧ̀ дѣѧ̑ні̇ѧ, словеса̀ и҆зыску́ѧ, и҆ и҆справлѧ́ѧ стремле́ні̇ѧ: но въ щедро́тахъ твои́хъ, презира́ѧ моѧ̀ лю́таѧ, спаси́ мѧ Всеси́льне. Не входи со мною в суд, взвешивая мои дела, исследуя слова и обличая стремления, но по Твоим щедротам презирая мои злодеяния, спаси меня, Всесильный.
Покаѧ́ні̇ѧ вре́мѧ, прихожду̀ тѝ Созда́телю моему̀, возмѝ бре́мѧ ѿ менѐ тѧ́жкое грѣхо́вное, и҆ ꙗ҆́кѡ бл҃гоꙋтро́бенъ, да́ждь мѝ сле́зы ᲂу҆миле́ні̇ѧ. Время покаяния: к Тебе прихожу, моему Создателю, сними с меня тяжкое бремя греховное и, как Милосердный, даруй мне слезы умиления.
Бога́тство душе́вное и҆жди́въ грѣхо́мъ, пу́стъ есмь добродѣ́телей благочести́выхъ, гла́дствуѧ же зову̀: ми́лости пода́телю Гдⷭ҇и, спаси́ мѧ. Расточив в грехе духовное богатство, я чужд святых добродетелей, но, испытывая голод, взываю: Источник милости, Господи, спаси меня.
Марі́и: Прикло́ншисѧ Хрⷭ҇то́вымъ бж҃е́ственнымъ закѡ́номъ, къ сему̀ приступи́ла е҆сѝ, сла́достей неудержи́маѧ стремле́ні̇ѧ ѡ҆ста́вивши, и҆ всѧ́кую добродѣ́тель всебл҃гоговѣ́йно ꙗ҆́кѡ е҆ди́ну и҆спра́вила е҆сѝ. Покорившись перед Божественными заповедями Христа, ты предалась Ему, оставив необузданные стремления к удовольствиям, и все добродетели, как одну, исполнила со всем благоговением.
Сла́ва: Пресу́щественнаѧ Трⷪ҇це, во е҆ди́ницѣ покланѧ́емаѧ, возмѝ бре́мѧ ѿ менѐ тѧ́жкое грѣхо́вное, и҆ ꙗ҆́кѡ бл҃гоꙋтро́бна, да́ждь мѝ сле́зы ᲂу҆миле́ні̇ѧ. Пресущественная Троица, Которой мы поклоняемся как Единому Существу, сними с меня тяжелое бремя греховное и, как Милосердная, даруй мне слезы умиления.
Бг҃оро́диченъ: Бцⷣе наде́жде и҆ предста́тельство тебѐ пою́щихъ, возмѝ бре́мѧ ѿ менѐ тѧ́жкое грѣхо́вное, и҆ ꙗ҆́кѡ Влⷣчца чⷭ҇таѧ ка́ющасѧ прі̇ими́ мѧ. Богородице, Надежда и Помощь всем воспевающих Тебя, сними с меня тяжелое бремя греховное и, как Владычица Непорочная, прими меня кающегося.
Пѣ́снь в҃. і̑рмо́съ:
Ви́дите ви́дите, ꙗ҆́кѡ а҆́зъ есмь Бг҃ъ, ма́нну ѡ҆дожди́вый и҆ во́ду и҆з̾ ка́мене и҆сточи́вый дре́вле въ пусты́ни лю́демъ мои́мъ, десни́цею е҆ди́ною и҆ крѣ́пості̇ю мое́ю.
Видите, видите, что Я – Бог, в древности ниспославший манну и источивший воду из камня народу Моему в пустыне – одним Своим всемогуществом. (Исх.16:14; 17:6)
Му́жа ᲂу҆би́хъ, глаго́летъ, въ ꙗ҆́зву мнѣ̀ и҆ ю҆́ношу въ стру́пъ, Ламе́х̾ рыда́ѧ вопі̇ѧ́ше: ты́ же не трепе́щеши, ѽ душѐ моѧ̀, ѡ҆калѧ́вши пло́ть и҆ ᲂу҆́мъ ѡ҆скверни́вши. Мужа убил я, сказал Ламех, в язву себе, и юношу – в рану себе, взывал он, рыдая; ты же, душа моя, не трепещешь, осквернив тело и помрачив ум. (Быт.4:23)
Сто́лпъ ᲂу҆мудри́ла е҆сѝ созда́ти, ѽ душѐ, и҆ ᲂу҆твержде́ні̇е водрузи́ти твои́ми похотмѝ, а҆́ще не бы̀ Зижди́тель ᲂу҆держа́лъ совѣ́ты твоѧ̀, и҆ низве́рглъ на зе́млю ᲂу҆хищре́ні̇ѧ твоѧ̀. Ты умудрилась, душа, устроить столп и воздвигнуть твердыню своими вожделениями, но Творец обуздал замыслы твои и поверг на землю твои построения. (Быт.11:3-4)
Ѽ ка́кѡ поревнова́хъ Ламе́ху пе́рвому ᲂу҆бі́йцѣ, ду́шу ꙗ҆́кѡ му́жа, ᲂу҆́мъ ꙗ҆́кѡ ю҆́ношу, ꙗ҆́кѡ бра́та же моего̀ тѣ́ло ᲂу҆би́въ, ꙗ҆́кѡ Ка́і̇нъ ᲂу҆бі́йца, любостра́стными стремле́нми. О, как уподобился я древнему убийце Ламеху, убив душу, как мужа, ум – как юношу, и подобно убийце Каину – тело мое, как брата, сластолюбивыми стремлениями.
Ѡ̑дождѝ Гдⷭ҇ь ѿ Гдⷭ҇а ѻ҆́гнь и҆ногда̀ на беззако́ні̇е гнѣ́вающее, соже́гъ Содо́млѧны: ты́ же ѻ҆́гнь вжегла̀ е҆сѝ гее́нскі̇й въ не́мже и҆́маши сожещи́сѧ. Господь некогда пролил дождем огонь от Господа, попалив неистовое беззаконие содомлян; ты же, душа, разожгла огонь геенский, в котором должна будешь гореть. (Быт.19:24)
Оу҆ѧзви́хсѧ, ᲂу҆ра́нихсѧ, сѐ стрѣ́лы вра́жі̇ѧ, ᲂу҆ѧзви́вшыѧ мою̀ ду́шу и҆ тѣ́ло: сѐ стру́пи, гное́ні̇ѧ и҆ ѡ҆мраче́ні̇ѧ, вопі̇ю́тъ ра́ны самово́льныхъ, ѽ душѐ, мои́хъ страсте́й. Изранен я, изъявлен; вот стрелы врага, пронзившие душу мою и тело; вот раны, язвы и струпы вопиют об ударах самопроизвольных моих страстей.
Просте́рла е҆сѝ ру́цѣ твоѝ къ ще́дромꙋ Бг҃у, Марі́е, въ бе́зднѣ ѕѡ́лъ погружа́емаѧ: и҆ ꙗ҆́коже Петру̀ чл҃вѣколю́бнѡ ру́ку боже́ственную прострѐ, твоѐ ѡ҆браще́ні̇е всѧ́чески и҆ща́й. Утопая в бездне зла, ты простерла, Мария, руки свои к Милосердному Богу, и Он, всячески ища твоего обращения, человеколюбиво подал тебе, как Петру, Божественную руку. (Мф.14:31)
Сла́ва: Безнача́льнаѧ, несозда́ннаѧ Трⷪ҇це, нераздѣ́льнаѧ е҆ди́нице, ка́ющасѧ мѧ̀ прі̇имѝ, согрѣши́вша спасѝ, твоѐ есмь созда́ні̇е, не пре́зри, но пощадѝ, и҆ и҆зба́ви мѧ̀ ѻ҆́гненнагѡ ѡ҆сꙋжде́нїѧ. Безначальная Несозданная Троица, Нераздельная Единица, прими меня кающегося, спаси согрешившего, я – Твое создание, не презри, но пощади и избавь меня от осуждения в огонь.
Бг҃оро́диченъ: Пречи́стаѧ Влⷣчце, Бг҃ороди́тельнице, наде́ждо къ тебѣ̀ притека́ющихъ, и҆ приста́нище су́щихъ въ бу́ри, ми́лостиваго и҆ Созда́телѧ и҆ Сн҃а твоего̀ ᲂу҆ми́лостиви и҆ мнѣ̀ моли́твами твои́ми. Пречистая Владычица, Богородительница, Надежда прибегающих к Тебе и пристанище для застигнутых бурей, Твоими молитвами приклони на милость и ко мне Милостивого Творца и Сына Твоего.
Пѣ́снь г҃. і̇рмо́съ:
Оу҆твердѝ, Гдⷭ҇и, на ка́мени за́повѣдей твои́хъ подви́гшеесѧ се́рдце моѐ, ꙗ҆́кѡ е҆ди́нъ ст҃ъ е҆сѝ и҆ Гдⷭ҇ь.
Утверди, Господи, на камне Твоих заповедей поколебавшееся сердце мое, ибо Ты Один Свят и Господь.
А҆га́рѣ дре́влѣ, душѐ, Е̑гѵ́птѧнынѣ ᲂу҆подо́биласѧ е҆сѝ, порабо́тившисѧ произволе́ні̇емъ, и҆ ро́ждши но́ваго І҆сма́ила, презо́рство. Древней Агари египтянке уподобилась ты, душа, порабощенная своим произволом и родив нового Измаила – дерзость. (Быт.16:16)
І҆а́кѡвлю лѣ́ствицу разумѣ́ла е҆сѝ, дꙋшѐ моѧ̀, ꙗ҆влѧ́емую ѿ землѝ къ небесе́мъ: почто̀ не и҆мѣ́ла е҆сѝ восхо́да тве́рда, благоче́сті̇ѧ; Ты знаешь, душа моя, о лестнице с земли до небес, показанной Иакову; почему же ты не избрала безопасного восхода – благочестия? (Быт.28:12)
Свѧще́нника Бж҃і̇ѧ и҆ Цр҃ѧ̀ ᲂу҆едине́на, Хрⷭ҇то́во подо́бі̇е, въ ми́рѣ житі̇ѧ̀ въ человѣ́цѣхъ подража́й. Подражай священнику Божию и царю одинокому Мелхиседеку, образу жизни Христа среди людей в мире. (Быт.14:18. Евр.7:1-3)
Ѡ̑брати́сѧ, постенѝ душѐ ѻ҆каѧ́ннаѧ, пре́жде да́же не прі̇и́метъ коне́цъ житі̇ѧ̀ торжество̀, пре́жде да́же две́рь не заключи́тъ черто́га Гдⷭ҇ь. Обратись и воздыхай, несчастная душа, прежде нежели кончится торжество жизни, прежде чем Господь затворит дверь брачного чертога.
Не бу́ди сто́лпъ сла́ный, душѐ, возврати́вшисѧ вспѧ́ть, ѻбразъ да ᲂу҆страши́тъ тѧ̀ Содо́мскі̇й, горѣ̀ въ Сигѡ́ръ спаса́йсѧ. Не сделайся соляным столпом, душа, обратившись назад, да устрашит тебя пример содомлян; спасайся на гору в Сигор. (Быт.19:19-23; 19:26)
Моле́ні̇ѧ, Влⷣко, тебѐ пою́щих̾ не ѿве́ржи, но ᲂу҆ще́дри чл҃вѣколю́бче, и҆ пода́ждь вѣ́рою просѧ́щымъ ѡ҆ставле́ні̇е. Не отвергни, Владыко, моления воспевающих Тебя, но умилосердись Человеколюбец, и просящим с верою даруй прощение.
Сла́ва: Трⷪ҇це про́стаѧ, несозда́ннаѧ, безнача́льное е҆стество̀, въ трⷪ҇цѣ пѣва́емаѧ ѵ҆поста́сей, спасѝ ны̀ вѣ́рою покланѧ́ющыѧсѧ держа́вѣ твое́й. Троица Несоставная, Несозданная, Существо Безначальная, в троичности Лиц воспеваемая, спаси нас, с верою поклоняющихся силе Твоей.
Бг҃оро́диченъ: Ѿ Ѻ҆ц҃а̀ безлѣ́тна Сн҃а въ лѣ́то, Бг҃ороди́тельнице, неискусому́жнѡ родила̀ е҆сѝ, стра́нное чу́до, пребы́вши дв҃а доѧ́щи. Ты, Богородителъница, не испытавши мужа, во времени родила Сына от Отца вне времени и – дивное чудо: питая молоком, пребыла Девою.
Пѣ́снь д҃. і̇рмо́съ: Оу҆слы́ша прⷪ҇ро́къ: Услышал пророк:
Вре́мѧ живота̀ моегѡ̀ ма́ло и҆ и҆спо́лнено болѣ́зней и҆ лꙋка́вства: но въ покаѧ́ні̇и мѧ̀ прі̇имѝ, и҆ въ ра́зумъ призовѝ, да не бу́ду стѧжа́ні̇е ни бра́шно чужде́му: Сп҃се, са́мъ мѧ̀ ᲂу҆ще́дри. Время жизни моей кратко и исполнено огорчений и пороков, но прими меня в покаянии и призови к познанию истины, чтобы не сделаться мне добычею и пищею врага, Спаситель, умилосердись надо мною. (Быт.47:9)
Ца́ркⷭ҇имъ досто́инствомъ, вѣнце́мъ и҆ багрѧни́цею ѡ҆дѣ́ѧнъ, многоимѣ́нный чл҃къ и҆ првⷣный, бога́тствомъ кипѧ̀ и҆ ста́ды, внеза́пу бога́тства и҆ сла́вы црⷭ҇тва ѡ҆бнища́въ лиши́сѧ. Человек, облеченный царским достоинством, венцом и багряницею, много имевший и праведный, изобиловавший богатством и стадами, внезапно обнищав, лишился богатства, славы и царства. (Иов.1:1-22)
А̑ще пра́веденъ бѧ́ше ѻ҆́нъ и҆ непоро́ченъ па́че всѣ́хъ, и҆ не ᲂу҆бѣжѐ ловле́ні̇ѧ льсти́вагѡ и҆ сѣ́ти: ты́ же грѣхолюби́ва су́щи, ѻ҆каѧ́ннаѧ дꙋшѐ, что̀ сотвори́ши, а҆́ще чесо́мꙋ ѿ недовѣ́домыхъ случи́тсѧ наитѝ тебѣ; Если он, будучи праведным и безукоризненным более всех, не избежал козней и сетей обольстителя диавола, то что сделаешь, ты, грехолюбивая несчастная душа, если что-нибудь неожиданное постигнет тебя?
Высокоглаго́ливъ ны́нѣ есмь, жесто́къ же и҆ срⷣцемъ, вотщѐ и҆ всꙋе: да не съ Фарі̇се́емъ ѡ҆су́диши мѧ̀, па́че же мытаре́во смире́ні̇е пода́ждь мѝ, е҆ди́не ще́дре, правосу́де, и҆ сему́ мѧ сочислѝ. Высокомерен я ныне на словах, дерзок и в сердце, напрасно и тщетно; не осуди меня с фарисеем, но даруй мне смирение мытаря и к нему причисли, Один Милосердный и Правосудный.
Согрѣши́хъ досади́въ сосу́ду пло́ти моеѧ̀, вѣ́мъ, Ще́дре: но въ покаѧ́ні̇и мѧ̀ прі̇имѝ, и҆ въ ра́зумъ призовѝ, да не бу́ду стѧжа́ні̇е ни бра́шно чужде́му: Сп҃се, са́мъ мѧ̀ ᲂу҆ще́дри. Знаю, Милосердный, согрешил я, осквернив сосуд моей плоти, но прими меня в покаянии и призови к познанию истины, чтобы не сделаться мне добычею и пищею врага; Сам, Ты, Спаситель, умилосердись надо мною.
Самоистука́нъ бы́хъ страстьмѝ, ду́шу мою̀ вредѧ̀, Ще́дре: но въ покаѧ́ні̇и мѧ̀ прі̇имѝ, и҆ въ ра́зумъ призовѝ, да не бу́ду стѧжа́ні̇е ни бра́шно чужде́му: Сп҃се, са́мъ мѧ̀ ᲂу҆ще́дри. Истуканом я сделал сам себя, исказив душу свою страстями, Милосердный; но прими меня в покаянии и призови к познанию истины, чтобы не сделаться мне добычею и пищею врага; Сам, Ты, Спаситель, умилосердись надо мною.
Не послу́шахъ гла́са твоего̀, преслу́шахъ писа́ні̇е твоѐ, законополо́жника: но въ покаѧ́ні̇и мѧ̀ прі̇имѝ, и҆ въ ра́зум̾ призовѝ, да не бꙋду стѧжа́ні̇е ни бра́шно чужде́му: Сп҃се, са́мъ мѧ̀ ᲂу҆ще́дри. Не послушал я голоса Твоего, нарушил Писание Твое, Законодатель; но прими меня в покаянии и призови к познанию истины, чтобы не сделаться мне добычею и пищею врага; Сам, Ты, Спаситель, умилосердись надо мною.
Вели́кихъ безмѣ́сті̇й во глубинꙋ низве́дшисѧ, неѡдержи́ма была̀ е҆сѝ, но востекла̀ е҆сѝ по́мысломъ лу́чшимъ къ кра́йнѣй дѣѧ́нми ꙗ҆́вѣ добродѣ́тели, пресла́внѡ а҆́гг҃льское е҆стество̀ Марі́е ᲂу҆диви́вши. Увлекшись в глубину великих пороков, ты, Мария, не погрязла в ней, но высшим помыслом через деятельность явно поднялась до совершенной добродетели, дивно изумив ангельскую природу.
Тро́иченъ: Нераздѣ́льное сꙋщество́мъ, несли́тное ли́цы, бг҃осло́влю тѧ̀; трⷪ҇ческое е҆ди́но Бж҃ество̀, ꙗ҆́кѡ е҆диноцрⷭ҇твенное и҆ сопрⷭ҇то́льное вопі̇ю́ ти пѣ́снь вели́кую, въ вы́шнихъ трегꙋбѡ пѣсносло́вимую. Нераздельным по существу, неслиянным в Лицах богословски исповедую Тебя, Троичное Единое Божество, Соцарственное и Сопрестольное; возглашаю Тебе великую песнь, в небесных обителях троекратно воспеваемую. (Ис.6:1-3)
Богоро́диченъ: И҆ ражда́еши, и҆ дѣ́вствуеши, и҆ пребыва́еши ѻ҆бою́ду е҆стество́мъ Дв҃а: рожде́йсѧ ѡ҆бновлѧ́етъ зако́ны е҆стества̀, ᲂу҆тро́ба же ражда́етъ неражда́ющаѧ: Бг҃ъ и҆дѣ́же хо́щетъ, побѣжда́етсѧ е҆стества̀ чи́нъ: твори́тъ бо е҆ли̑ка хо́щетъ. И рождаешь Ты, и остаешься Девою, в обоих случаях сохраняя по естеству девство. Рожденный Тобою обновляет законы природы, а девственное чрево рождает; когда хочет Бог, то нарушается порядок природы, ибо Он творит, что хочет.
Пѣ́снь є҃. і̇рмо́съ:
Ѿ нощѝ ᲂу҆́тренююща:
От ночи бодрствующего:
Ни́зу снича́щую подража́й, ѽ дꙋшѐ: прі̇идѝ, припадѝ къ нога́ма І̑и҃совыма, да тѧ̀ и҆спра́витъ, и҆ да хо́диши пра́вѡ стезѝ Гдⷭ҇ни. Подражай, душа, скорченной жене, приди, припади к ногам Иисуса, чтобы Он исправил тебя и ты могла ходить прямо по стезям Господним. (Лк.13:11-13)
А҆́ще и҆ кла́дѧзь е҆сѝ глубо́кі̇й, Влⷣко, и҆сточи́ ми во́ду и҆з̾ пречⷭ҇тыхъ твои́хъ жи́лъ, да ꙗ҆́кѡ Самарѧны́нѧ не ктомꙋ пі̇ѧ́й жа́жду: жи́зни бо струи̑ и҆сточа́еши. Если Ты – и глубокий колодец, Владыко, то источи мне струи из пречистых ребр Своих, чтобы я, как самарянка, испив, уже не жаждал, ибо Ты источаешь потоки жизни. (Ин.4:11-15)
Сі̇лѡа́мъ да бу́дутъ мѝ сле́зы моѧ̀, Влⷣко Гдⷭ҇и, да ᲂу҆мы́ю и҆ а҆́зъ зѣ́ницы срцⷣа, и҆ ви́жду тѧ̀ ᲂу҆́мнѡ свѣ́та превѣ́чна. Силоамом да будут мне слезы мои, Владыко Господи, чтобы и мне омыть очи сердца и умственно созерцать Тебя, Предвечный Свет. (Ин.9:7)
Марі́и: Несравне́ннымъ жела́ні̇ем̾, всебога́таѧ, дре́ву возжелѣ́вши поклони́тисѧ живо́тному, сподо́биласѧ е҆сѝ жела́ні̇ѧ, сподо́би ᲂу҆́бо и҆ менѐ ᲂу҆лучи́ти вы́шні̇ѧ сла́вы. С чистой любовию возжелав поклониться Древу Жизни, всеблаженная, ты удостоилась желаемого; удостой же и меня достигнуть высшей славы.
Сла́ва: Тѧ̀ Трⷪ҇це сла́вимъ, е҆ди́наго Бг҃а: ст҃ъ, ст҃ъ, ст҃ъ е҆сѝ Ѻ҆́ч҃е, Сн҃е и҆ Дш҃е, про́стое существо̀, е҆ди́нице при́снѡ покланѧ́емаѧ. Тебя, Пресвятая Троица, прославляем за Единого Бога: Свят, Свят, Свят Отец, Сын и Дух, Простое Существо, Единица вечно поклоняемая.
Бг҃оро́диченъ: И҆з̾ тебѐ ѡ҆блече́сѧ въ моѐ смѣше́ні̇е, нетлѣ́ннаѧ, безму́жнаѧ мт҃и дв҃о, Бг҃ъ созда́вый вѣ́ки, и҆ соединѝ себѣ̀ человѣ́ческое е҆стество̀. В Тебе, Нетленная, не познавшая мужа Матерь-Дево, облекся в мой состав сотворивший мир Бог и соединил с Собою человеческую природу.
Пѣ́снь ѕ҃. і̇рмо́съ:
Возопи́хъ всѣ́м̾ се́рдцем̾:
От всего сердца моего я воззвал:
А̑зъ есмь, Сп҃се, ю҆́же погуби́лъ е҆сѝ дре́вле црⷭ҇кую дра́хму: но вже́гъ свѣти́льникъ Предте́чу твоего̀, Сло́ве, взыщѝ и҆ ѡ҆брѧ́щи тво́й ѻбразъ. Я – та драхма с царским изображением, которая с древности потеряна у Тебя, Спаситель, но, засветив светильник – Предтечу Своего, Слове, поищи и найди Свой образ.
Воста́ни и҆ поборѝ, ꙗ҆́кѡ І̑исꙋсъ А̑мали́ка, плотскі́ѧ стра̑сти, и҆ Гаваѡні́ты ле́стныѧ по́мыслы прⷭ҇нѡ побѣжда́ющи. Восстань и низложи плотские страсти, как Иисус Амалика, всегда побеждая и гаваонитян – обольстительные помыслы. (Исх.17:8. Нав.8:21)
Марі́и: Да страсте́й пла́мень ᲂу҆гаси́ши, сле́зъ ка̑пли и҆сточи́ла е҆сѝ при́снѡ, Марі́е, душе́ю распалѧ́ема, и҆́хже бл҃года́ть пода́ждь и҆ мнѣ̀ твоему̀ рабу̀. Чтобы угасить пламень страстей, ты, Мария, пылая душой, непрестанно проливала потоки слез, преизобилие которых даруй и мне, рабу твоему.
Марі́и: Безстра́сті̇е нбⷭ҇ное стѧжа́ла е҆сѝ кра́йнимъ на землѝ житі̇е́мъ, мт҃и: тѣ́мже тебѐ пою́щымъ ѿ страсте́й и҆зба́витисѧ мл҃твами твои́ми, моли́сѧ. Возвышеннейшим образом жизни на земле, ты, матерь, приобрела небесное бесстрастие; поэтому ходатайствуй, чтобы воспевающие тебя избавились от страстей по твоим молитвам.
Тро́иченъ: Трⷪ҇ца есмь проста̀, нераздѣ́льна, раздѣ́льна ли́чнѣ, и҆ е҆ди́ница есмь е҆стество́мъ соедине́на, ѻ҆ц҃ъ глаго́лет̾, и҆ Сн҃ъ, и҆ бж҃е́ственный Дх҃ъ. Я – Троица Несоставная, Нераздельная, раздельная в Лицах, и Единица, соединенная по существу; свидетельствует Отец, Сын и Божественный Дух.
Бг҃оро́диченъ: Оу҆тро́ба твоѧ̀ Бг҃а на́мъ родѝ, воображе́нна по на́мъ: е҆го́же, ꙗ҆́кѡ Созда́телѧ всѣ́хъ молѝ Бцⷣе, да моли́твами твои́ми ѡ҆правди́мсѧ. Чрево Твое родило нам Бога, принявшего наш образ; Его, как Создателя всего мира, моли, Богородица, чтобы по молитвам Твоим нам оправдаться.
Конда́къ гла́съ ѕ҃. Душѐ моѧ̀, душѐ моѧ̀, воста́ни, что̀ спи́ши; коне́цъ приближа́етсѧ, и҆ и́маши смути́тисѧ: воспрѧнѝ ᲂу҆́бо, да пощади́тъ тѧ̀ Хрⷭ҇то́съ Бг҃ъ, вездѣ̀ сы́й и҆ всѧ̑ и҆сполнѧ́ѧй. Душа моя, душа моя, восстань, что ты спишь? Конец приближается, и ты смутишься; пробудись же, чтобы пощадил тебя Христос Бог, Вездесущий и все наполняющий.
Пѣ́снь з҃. і̇рмо́съ:
Согрѣши́хомъ:
Мы согрешили:
И҆счезо́ша дні́и моѝ, ꙗ҆́кѡ со́ні̇е востаю́щагѡ: тѣ́мже ꙗ҆́кѡ Е̑зекі́а слезю̀ на ло́жи мое́мъ, приложи́тисѧ мнѣ̀ лѣ́тѡмъ живота̀: но кі́й И҆са́і̇а предста́нетъ тебѣ̀, душѐ, а҆́ще не всѣ́хъ Бг҃ъ; Дни мои прошли как сновидение пробуждающегося; поэтому, подобно Езекии, я плачу на ложе моем, чтобы продлились годы жизни моей; но какой Исаия посетит тебя, душа, если не Бог всех? (4Цар.20:3. Ис.38:2-6)
Припа́даю тѝ и҆ приношу̀ тебѣ̀, ꙗ҆́коже сле́зы, гл҃ы моѧ̀: согрѣши́хъ, ꙗ҆́кѡ не согрѣшѝ блудни́ца, и҆ беззако́нновахъ, ꙗ҆́кѡ и҆́ный никто́же на землѝ: но ᲂу҆ще́дри Влⷣко творе́ні̇е твоѐ, и҆ воззови́ мѧ. Припадаю к Тебе и приношу Тебе со слезами слова мои: согрешил я, как не согрешила блудница, и жил в беззакониях, как никто другой на земле; но умилосердись, Владыка, над созданием Своим и восстанови меня.
Погребо́хъ ѻбразъ тво́й и҆ растли́хъ за́повѣдь твою̀, всѧ̀ помрачи́сѧ добро́та, и҆ страстьмѝ ᲂу҆гаси́сѧ, Сп҃се, свѣща̀: но ᲂу҆ще́дривъ возда́ждь мѝ, ꙗ҆́коже пое́тъ Дв҃дъ, ра́довані̇е. Затмил я образ Твой и нарушил заповедь Твою; вся красота помрачилась во мне, и светильник погас от страстей; но умилосердись, Спаситель, и возврати мне, как поет Давид, веселие. (Пс.50:14)
Ѡ̑брати́сѧ, пока́йсѧ, ѿкры́й сокрове́ннаѧ, глаго́ли Бг҃у всѧ̑ вѣ́дущему: ты̀ вѣ́си моѧ̀ та́йнаѧ, еди́не Сп҃се: но са́мъ мѧ̀ поми́луй, ꙗ҆́коже пое́тъ Дв҃дъ по ми́лости твое́й. Обратись, покайся, открой сокровенное, скажи Богу Всеведущему: Спаситель, Ты Один знаешь мои тайны, но Сам помилуй меня, как поет Давид, по Твоей милости. (Пс.50:3)
Марі́и: Возопи́вши къ пречⷭ҇тѣй Бг҃ома́тери, пе́рвѣе ѿри́нула е҆сѝ неи́стовство страсте́й, ну́ждно стужа́ющихъ, и҆ посрами́ла е҆сѝ врага̀ запе́ншаго: но да́ждь ны́нѣ по́мощь ѿ ско́рби и҆ мнѣ̀ рабу̀ твоему̀. Воззвавши к Пречистой Богоматери, ты обуздала неистовство страстей, прежде жестоко свирепствовавших, и посрамила врага-обольстителя; даруй же ныне помощь в скорби и мне, рабу твоему. (Пс.59:13)
Марі́и: Е҆го́же возлюби́ла е҆сѝ, е҆го́же возжелѣ́ла е҆сѝ, е҆гѡ́же ра́ди пло́ть и҆знури́ла е҆сѝ, препобо́бнаѧ, молѝ ны́нѣ Хрⷭ҇та̀ ѡ҆ рабѣ́хъ, ꙗ҆́кѡ да ми́лостивъ бы́въ всѣ́мъ на́мъ, ми́рное состоѧ́ні̇е да́руетъ почита́ющымъ е҆го̀. Кого ты возлюбила, Кого избрала, для Кого изнуряла плоть, Преподобная, моли ныне Христа о рабах твоих, чтобы Он по Своей милости ко всем даровал мирное состояние почитающим Его.
Тро́иченъ: Трⷪ҇це про́стаѧ, нераздѣ́льнаѧ, е҆диносꙋщнаѧ, и҆ е҆стество̀ е҆ди́но, свѣ́тове и҆ свѣ́тъ, и҆ ст҃а трѝ и҆ е҆ди́но ст҃о, пое́тсѧ Бг҃ъ Трⷪ҇ца: но воспо́й, просла́ви, живо́тъ и҆ животы̀, душѐ, всѣ́хъ бг҃а. Троица Простая, Нераздельная, Единосущная, и Одно Божество, Светы и Свет, Три Святы и Одно Лицо Свято, Бог-Троица, воспеваемая в песнопениях; воспой же и ты, душа, прославь Жизнь и Жизни – Бога всех.
Бг҃оро́диченъ: Пое́мъ тѧ̀, блгⷭ҇ви́мъ тѧ̀, покланѧ́емсѧ тѝ, Бг҃ороди́тельнице, ꙗ҆́кѡ неразлу́чныѧ Трцⷪ҇ы породи́ла е҆сѝ е҆ди́наго Хрⷭ҇та̀ Бг҃а, и҆ сама̀ ѿве́рзла е҆сѝ на́мъ сꙋщымъ на землѝ небе́снаѧ. Воспеваем Тебя, благословляем Тебя, поклоняемся Тебе, Богородительница, ибо Ты родила Одного из Нераздельной Троицы, Христа Бога, и Сама открыла для нас, живущих на земле, небесные обители.
Пѣ́снь и҃. і̇рмо́съ:
Е҆го́же во́инства:
Кого прославляют воинства:
Сле́зную, Сп҃се стклѧ́ницу ꙗ҆́кѡ мѵ́ро и҆стощава́ѧ на главу̀, зову́ ти, ꙗ҆́коже блудни́ца, млⷭ҇ти и҆́щꙋщаѧ: мольбꙋ приношу̀ и҆ оставле́ні̇е прі̇ѧ́ти. Изливая сосуд слез, как миро на голову, Спаситель, взываю к Тебе, как ищущая милости блудница, приношу моление и прошу о получении мне прощения. (Мф.26:6-7. Мк.14:3. Лк.7:37-38)
А̑ще и҆ никто́же ꙗ҆́коже а҆́зъ согрѣшѝ тебѣ̀, но ѻ҆ба́че прі̇имѝ и҆ менѐ, бл҃гоꙋтро́бне Сп҃се, стра́хомъ ка́ющасѧ и҆ любо́ві̇ю зову́ща: согрѣши́хъ тебѣ̀ е҆ди́ному, поми́луй мѧ̀ млⷭ҇тиве. Хотя никто не согрешил пред Тобою, как я, но, Милосердный Спаситель, приими меня, кающегося со страхом и с любовию взывающего: я согрешил пред Тобою Одним, помилуй меня, Милосердный!
Пощадѝ Сп҃се твоѐ созда́ні̇е, и҆ взыщѝ ꙗ҆́кѡ па́стырь поги́бшее, предварѝ заблу́ждшаго, восхитѝ ѿ во́лка, сотвори́ мѧ о҆вча̀ на па́ствѣ твои́хъ о҆ве́цъ. Пощади, Спаситель, создание Свое и, как Пастырь, отыщи потерянного, возврати заблудшего, отними у волка и сделай меня агнцем на пастбище Твоих овец. (Пс.118:176)
Е҆гда̀ суді̇ѐ сѧ́деши ꙗ҆́кѡ бл҃гоутро́бенъ, и҆ пока́жеши стра́шную сла́ву твою̀, Сп҃се: ѽ каковы́й стра́хъ тогда̀, пе́щи горѧ́щей, всѣ́мъ боѧ́щымсѧ нестерпи́магѡ суди́ща твоегѡ̀! Когда Ты, Милосердный, воссядешь, как Судия и откроешь грозное величие Свое, Спаситель, о, какой ужас тогда: печь будет гореть, и все трепетать пред неумолимым судом Твоим. (Мф.25:31, 41, 46)
Марі́и: Свѣ́та незаходи́магѡ мт҃и тѧ̀ просвѣти́вши, ѿ ѡ҆мраче́ні̇ѧ страсте́й разрѣшѝ: тѣ́мже вше́дши въ дх҃о́вную благода́ть, просвѣтѝ, Марі́е, тѧ̀ вѣ́рнѡ восхвалѧ́ющыѧ. Матерь незаходимаго Света – Христа, просветив тебя, освободила от мрака страстей; поэтому, приняв благодать Духа, просвети, Мария, искренно прославляющих тебя.
Марі́и: Чу́до но́во ви́дѣвъ ᲂу҆жаса́шесѧ бж҃е́ственный въ тебѣ̀ вои́стинну, мт҃и, Зѡсі́ма: а҆́ггл҃а бо зрѧ́ше во пло́ти, и҆ ᲂу҆́жасомъ ве́сь и҆сполнѧ́шесѧ, Хрⷭ҇та̀ поѧ̀ во вѣ́ки. Увидев в тебе, матерь, поистине новое чудо, святой Зосима удивился, ибо он увидел Ангела во плоти, и весь преисполнился изумлением, воспевая Христа вовеки.
Сла́ва: Безнача́льне Ѻ҆́ч҃е, Сн҃е собезнача́льне, Ѹ҆тѣ́шителю бл҃гі́й, Дш҃е пра́вый, Сло́ва Бж҃і̇ѧ Роди́телю, Ѻ҆ц҃а̀ безнача́льна Сло́ве, Дш҃е живы́й и҆ зи́ждѧй, Трⷪ҇це е҆ди́нице, поми́луй мѧ. Безначальный Отче, Собезначальный Сын, Утешитель Благий, Дух Правый, Родитель Слова Божия, Безначальное Слово Отца, Дух, Животворящий и Созидающий, Троица Единая, помилуй меня.
Бг҃оро́диченъ: Ꙗ҆́кѡ ѿ ѡ҆броще́ні̇ѧ червлени́цы пречи́стаѧ, ᲂу҆́мнаѧ багрѧни́ца Емману́илева, вну́трь во чре́вѣ твое́мъ пло́ть и҆стка́сѧ: тѣ́мже Бцⷣу вои́стинну тѧ̀ почита́емъ. Мысленная порфира – плоть Еммануила соткалась внутри Твоего чрева. Пречистая, как бы из вещества пурпурного; потому мы почитаем Тебя, Истинную Богородицу.
Пѣ́снь ѳ҃. і̇рмо́съ:
Безсѣ́меннаго зача́т:
Рождество от бессеменного зачатия:
Оу҆милосе́рдисѧ, спаси́ мѧ, сн҃е Дв҃довъ поми́луй, бѣсну́ющыѧсѧ сло́вомъ и҆сцѣли́вый, гла́съ же бл҃гоꙋтро́бный ꙗ҆́кѡ разбо́йнику мнѣ̀ рцы̀: а҆ми́нь глаго́лю тебѣ̀, со мно́ю бу́деши въ раѝ, е҆гда̀ прі̇иду̀ во сла́вѣ мое́й. Умилосердись, спаси и помилуй меня, Сын Давидов, словом исцелявший беснующихся, и скажи, как разбойнику, милостивые слова: истинно говорю тебе, со Мною будешь в раю, когда приду Я в славе Моей. (Лк.23:43)
Разбо́йникъ ѡ҆глаго́ловаше тѧ̀, разбо́йникъ бг҃осло́вѧше тѧ̀, ѻ҆́ба бо на крⷭ҇тѣ сви́сѧста: но ѽ бл҃гоꙋтро́бне, ꙗ҆́кѡ вѣ́рному разбо́йнику твоему̀, позна́вшему тѧ̀ Бг҃а, и҆ мнѣ̀ ѿве́рзи две́рь сла́внагѡ ца́рстві̇ѧ твоегѡ̀. Разбойник поносил Тебя, разбойник же и Богом исповедал Тебя, вися оба на кресте; но, Милосердный, как уверовавшему разбойнику, познавшему в Тебе Бога, открой и мне, дверь славного Твоего Царства.
Тва́рь содрога́шесѧ, распина́ема тѧ̀ ви́дѧщи, го́ры и҆ ка́мені̇ѧ стра́хомъ распада́хусѧ, и҆ землѧ̀ сотрѧса́шесѧ, и҆ а҆́дъ ѡ҆бнажа́шесѧ, и҆ соѡмрача́шесѧ свѣ́тъ во днѝ, зрѧ̀ тебѐ, пригвожде́на ко крⷭ҇тꙋ. Тварь содрогалась, видя Тебя распинаемым, горы и камни от ужаса распадались и колебалась земля, преисподняя пустела, и свет среди дня помрачался, взирая на Тебя, Иисус, плотию ко кресту пригвожденного. (Мф.27:51-52. Мк.15:38. Лк.23:45)
Досто́йныхъ покаѧ́ні̇ѧ плодѡ́въ не и҆стѧжѝ ѿ менѐ, и҆́бо крѣ́пость моѧ̀ во мнѣ̀ ѡ҆скꙋдѣ̀: се́рдце мнѣ̀ да́руй при́снѡ сокруше́нное, нищету же дх҃о́вную, да сі̇ѧ̑ тебѣ̀ принесу̀, ꙗ҆́кѡ прі̇ѧ́тную же́ртву, е҆ди́не Сп҃се. Достойных плодов покаяния не требуй от меня, Единый Спаситель, ибо сила моя истощилась во мне; даруй мне всегда сокрушенное сердце и духовную нищету, чтобы я принес их Тебе, как благоприятную жертву.
Суді̇ѐ мо́й и҆ вѣ́дче мо́й, хотѧ́й па́ки прі̇итѝ со А҆́ггл҃ы, суди́ти мі́ру всему̀, ми́лостивнымъ твои́мъ ѻ҆́комъ тогда̀ ви́дѣвъ мѧ̀, пощадѝ и҆ ᲂу҆ще́дри мѧ̀, І̑и҃се, па́че всѧ́кагѡ е҆стества̀ человѣ́ча согрѣши́вша. Судия мой, знающий меня, когда опять придешь Ты с Ангелами, чтобы судить весь мир, тогда, обратив на меня милостивый взор, пощади, Иисусе, и помилуй меня, согрешившего более всего человеческого рода.
Марі́и: Оу҆диви́ла е҆сѝ всѣ́хъ стра́нным̾ житі̇е́мъ твои́мъ, а҆́гглѡвъ чи́ны, и҆ человѣ́кѡвъ собо́ры, невеще́ственнѡ пожи́вши и҆ е҆стество̀ преше́дши: и҆́мже ꙗ҆́кѡ невеще́ственныма нога́ма вше́дши Марі́е, І̑орда́нъ прешла̀ е҆сѝ. Ты удивила необычайною своею жизнью всех, как чины ангельские, так и человеческие сонмы, духовно пожив и превзошедши природу; поэтому, Мария, ты, как бесплотная, шествуя стопами, перешла Иордан.
Марі́и: Оу҆ми́лостиви Созда́телѧ ѡ҆ хва́лѧщихъ тѧ̀, преподо́бнаѧ мт҃и, и҆зба́витисѧ ѡ҆ѕлобле́ні̇й и҆ скорбе́й, ѻ҆́крестъ напа́дающихъ: да и҆зба́вившесѧ ѿ напа́стей, возвели́чимъ непреста́ннѡ просла́вльшаго тѧ̀ Гдⷭ҇а. Склони Творца на милость к восхваляющим тебя, преподобная матерь, чтобы нам избавиться от огорчений и скорбей, отовсюду нападающих на нас, чтобы, избавившись от искушений, мы непрестанно величали прославившего тебя Господа.
А҆ндре́ю: А҆ндре́е чтⷭ҇ны́й и҆ ѻ҆́ч҃е треблаже́ннѣйші̇й, па́стырю Кри́тскі̇й, не преста́й молѧ́сѧ ѡ҆ воспѣва́ющих̾ тѧ̀: да и҆зба́вимсѧ всѝ гнѣ́ва и҆ ско́рби и҆ тлѣ́ні̇ѧ и҆ прегрѣше́ні̇й безмѣ́рныхъ, чту́щі̇и твою̀ па́мѧть вѣ́рнѡ. Андрей досточтимый, отец преблаженный, пастырь Критский, не переставай молиться за воспевающих тебя, чтобы избавиться от гнева, скорби, погибели и бесчисленных прегрешений нам всем, искренно почитающим память твою.
Тро́иченъ: Ѻ҆ц҃а̀ просла́вимъ, Сн҃а превознесе́мъ, бж҃е́ственному Дх҃у вѣ́рнѡ поклони́мсѧ, Трⷪ҇цѣ нераздѣ́льнѣй, е҆ди́ницѣ по существу̀, ꙗ҆́кѡ свѣ́ту и҆ свѣ́тѡмъ, и҆ животу̀ и҆ животѡ́мъ, животворѧ́щему и҆ просвѣща́ющему концы̀. Прославим Отца, превознесем Сына, с верою поклонимся Божественному Духу, Нераздельной Троице, Единой по существу, как Свету и Светам, Жизни и Жизням, животворящему и просвещающему пределы вселенной.
Бг҃оро́диченъ: Гра́дъ тво́й сохранѧ́й, Бг҃ороди́тельнице пречⷭ҇таѧ: въ тебѣ̀ бо се́й вѣ́рнѡ ца́рствуѧй, въ тебѣ̀ и҆ ᲂу҆твержда́етсѧ, и҆ тобо́ю побѣжда́ѧй побѣжда́етъ всѧ́кое и҆скуше́ні̇е и҆ плѣнѧ́етъ ра́тники, и҆ прохо́дитъ послуша́ні̇е. Сохраняй град Свой, Пречистая Богородительница. Под Твоею защитою он царствует с верою, и от Тебя получает крепость, и при Твоем содействии неотразимо побеждает всякое бедствие, берет в плен врагов и держит их в подчинении.
Та́же пое́мъ ѻ҆́ба ли́ка: Безсѣ́меннагѡ зача́ті̇ѧ:

Комментировать

*

2 комментария

«Азбука молитвы»
в Telegram.
t.me/azprayer
Размер шрифта: A- 15 A+
Тёмная тема:
Цвета
Цвет фона:
Цвет текста:
Цвет ссылок:
Цвет акцентов
Цвет полей
Фон подложек
Заголовки:
Текст:
Выравнивание:
Боковая панель:
Сбросить настройки