Полный домашний Часослов

Просну́вшись и встав от одра́, начина́й свое́ моле́ние так:

Моли́твами святы́х оте́ц на́ших, Го́споди Иису́се Христе́, Бо́же наш, поми́луй нас. Ами́нь.

Сла́ва Тебе́, Бо́же наш, сла́ва Тебе́!

Царю́ Небе́сный, Уте́шителю, Ду́ше и́стины, И́же везде́ сый и вся исполня́яй, Сокро́вище благи́х и жи́зни Пода́телю, прииди́, и всели́ся в ны, и очи́сти ны от вся́кия скве́рны, и спаси́, Бла́же, ду́ши на́ша.

Святы́й Бо́же, Святы́й Кре́пкий, Святы́й Безсме́ртный, поми́луй нас. (3 раза)

Сла́ва Отцу́, и Сы́ну, и Свято́му Ду́ху, и ны́не, и при́сно, и во ве́ки веко́в. Ами́нь.

Пресвята́я Тро́ице, поми́луй нас; Го́споди, очи́сти грехи́ на́ша; Влады́ко, прости́ беззако́ния на́ша; Святы́й, посети́ и исцели́ не́мощи на́ша, и́мене Твоего́ ра́ди.

Го́споди, поми́луй. (3 раза)

Сла́ва Отцу́, и Сы́ну, и Свято́му Ду́ху, и ны́не, и при́сно, и во ве́ки веко́в. Ами́нь.

О́тче наш, И́же еси́ на небесе́х! Да святи́тся и́мя Твое́, да прии́дет Ца́рствие Твое́; да бу́дет во́ля Твоя́, я́ко на небеси́, и на земли́. Хлеб наш насу́щный да́ждь нам днесь; и оста́ви нам до́лги на́ша, я́коже и мы оставля́ем должнико́м на́шим; и не введи́ нас во искуше́ние, но изба́ви нас от лука́ваго. Яко Твое́ есть ца́рство, и си́ла, и сла́ва, Отца́, и Сы́на, и Свята́го Ду́ха, ны́не, и при́сно, и во ве́ки веко́в. Ами́нь.

Го́споди, поми́луй. (12 раз)

Молитва св. Макария Великого

От сна воста́в, у́треннюю песнь приношу́ Ти, Спа́се, и, припа́дая, вопию́ Ти: не даждь ми усну́ти во грехо́вней сме́рти, но уще́дри мя, распны́йся во́лею и лежа́щаго мя в ле́ности, ускори́в, возста́ви, и спаси́ мя в предстоя́нии и моли́тве, и по сне нощне́м возсия́й ми день безгре́шен, Христе́ Бо́же, и спаси́ мя.

Кто совершает утреню самостоятельно (вне храма), то здесь сразу читает «Сла́ва в вы́шних Бо́гу» и далее по чину (см. Утреня).

Если нет времени на совершение утрени, то вместо неё совершается 1-ый час, начиная сразу с «Приидите, поклонимся...» (см. Час первый).

Кто собирается на утреню в храм, читает эту молитву:

Молитва на выход в храм

Сла́ва Тебе́, Царю́, Бо́же Вседержи́телю, И́же Боже́ственным Твои́м и Человеколю́бным Про́мыслом сподо́бил мя еси́, гре́шнаго и недосто́йнаго, от сна воста́ти и получи́ти вход свята́го до́му Твоего́. Приими́, Го́споди, и глас моле́ния моего́, я́коже святы́х и у́мных Твои́х сил, и благоволи́ се́рдцем чи́стым и ду́хом смире́нным приноси́тися Тебе́ хвале́ от скве́рных усте́н мои́х, я́ко да и аз о́бщник бу́ду му́дрым де́вам, со све́тлою свеще́ю души́ моея́, и сла́влю Тя, во Отце́ и Ду́се сла́вимаго Бо́га Сло́ва, ами́нь.

Сла́ва в вы́шних Бо́гу, и на земли́ мир, в челове́цех благоволе́ние.

Го́споди, устне́ мои отве́рзеши, и уста́ моя́ возвестя́т хвалу́ Твою́.

Псало́м 62

Бо́же, Бо́же мой! К Тебе́ у́тренюю; возжада́ Тебе́ душа́ моя́, коль мно́жицею Тебе́ плоть моя́ в земли́ пу́сте, и непрохо́дне, и безво́дне! Та́ко во святе́м яви́хся Тебе́, ви́дети си́лу Твою́ и сла́ву Твою́: я́ко лу́чше ми́лость Твоя́ па́че живо́т. Устне́ мои́ похвали́те Тя; та́ко благословлю́ Тя в животе́ мое́м, о и́мени Твое́м воздежу́ ру́це мои́. Я́ко от ту́ка и ма́сти, да испо́лнится душа́ моя́, и устна́ма ра́дости восхва́лят Тя уста́ моя́. А́ще помина́х Тя на посте́ли мое́й, на у́тренних поуча́хся в Тя: я́ко был еси́ Помо́щник мой, и в кро́ве крилу́ Твое́ю возра́дуюся. Прильпе́ душа́ моя́ по Тебе́, мене́ же прия́т десни́ца Твоя́.

Сла́ва Отцу́, и Сы́ну, и Свято́му Ду́ху, и ны́не, и при́сно, и во ве́ки веко́в. Ами́нь.

Аллилу́иа, аллилу́иа, аллилу́иа, сла́ва Тебе́, Бо́же. (3 раза)

Пе́сни Тро́ичны, глас 8

На Не́бо сердца́ иму́ще, А́нгельский подражаи́м чин / и со стра́хом Судии́ припаде́м, побе́дную взыва́юще хвалу́: / Свят, Свят, Свят еси́, Бо́же наш, си́лою Креста́ Твоего́ сохрани́ нас, Го́споди.

Слава Отцу́, и Сы́ну, и Свято́му Ду́ху.
Зре́ти Тебе́ не сме́юще Херуви́ми, летя́ще, / зову́т со восклица́нием Боже́ственную песнь трисвята́го гла́са, / с ни́миже и мы вопие́м Ти: / Свят, Свят, Свят еси́, Бо́же наш, моли́твами всех святы́х Твои́х поми́луй нас.

И ны́не, и при́сно, и во ве́ки веко́в. Ами́нь.
Сляца́еми мно́жеством прегреше́ний на́ших / и не сме́юще воззре́ти на высоту́ Небе́сную, / ду́шу с те́лом прекло́ньше, / со А́нгелы песнь вопие́м Ти: / Свят, Свят, Свят еси́, Бо́же наш, Богоро́дицею поми́луй нас.

Моли́тва ко Пресвято́й Тро́ице

От сна воста́в, благодарю́ Тя, Свята́я Тро́ице, яко, мно́гия ра́ди Твоея́ бла́гости и долготерпе́ния, не прогне́вался еси́ на мя, лени́ваго и гре́шнаго, ниже́ погуби́л мя еси́ со беззако́ньми мои́ми, но человеколю́бствовал еси́ обы́чно и, в неча́янии лежа́щаго, воздви́гл мя еси́, во е́же у́треневати и славосло́вити держа́ву Твою́. И ны́не просвети́ мои́ о́чи мы́сленныя, отве́рзи моя́ уста́ поуча́тися словесе́м Твои́м, и разуме́ти за́поведи Твоя́, и твори́ти во́лю Твою́, и пе́ти Тя во испове́дании серде́чнем, и воспева́ти всесвято́е и́мя Твое́, Отца́, и Сы́на, и Свята́го Ду́ха, ны́не, и при́сно, и во ве́ки веко́в. Ами́нь.

Псалмы́ из Псалти́ри

(по одной Славе в день - совершается сидя) Пс.91-93 Если нет времени или возможности, то этот отдел псалмопения пропускается.

Стихословия перед чтением Псалтири:

Го́споди, поми́луй. (3 раза)

Сла́ва Отцу́, и Сы́ну, и Свято́му Ду́ху, и ны́не, и при́сно, и во ве́ки веко́в. Ами́нь.

Псалти́рь

Псалом 91
1 Псало́м пе́сни, в де́нь суббо́тный.
2 Благо е́сть испове́датися Го́сподеви и пе́ти и́мени Твоему́, Вы́шний:
3 возвеща́ти зау́тра ми́лость Твою́ и и́стину Твою́ на вся́ку но́щь,
4 в десятостру́ннем псалти́ри с пе́снию в гу́слех.
5 Я́ко возвесели́л мя́ еси́, Го́споди, в творе́нии Твое́м, и в де́лех руку́ Твое́ю возра́дуюся.
6 Я́ко возвели́чишася дела́ Твоя́, Го́споди: зело́ углуби́шася помышле́ния Твоя́.
7 Му́ж безу́мен не позна́ет, и неразуми́в не разуме́ет си́х.
8 Внегда́ прозябо́ша гре́шницы я́ко трава́, и пронико́ша вси́ де́лающии беззако́ние, я́ко да потребя́тся в ве́к ве́ка:
9 Ты́ же вы́шний во ве́к, Го́споди.
10 Я́ко се́, врази́ Твои́, Го́споди, я́ко се́, врази́ Твои́ поги́бнут, и разы́дутся вси́ де́лающии беззако́ние.
11 И вознесе́тся я́ко единоро́га ро́г мо́й, и ста́рость моя́ в еле́и масти́те:
12 и воззре́ о́ко мое́ на враги́ моя́, и востаю́щыя на мя́ лука́внующыя услы́шит у́хо мое́.
13 Пра́ведник я́ко фи́никс процвете́т: я́ко ке́др, и́же в Лива́не, умно́жится.
14 Насажде́ни в дому́ Госпо́дни во дво́рех Бо́га на́шего процвету́т:
15 еще́ умно́жатся в ста́рости масти́те, и благоприе́млюще бу́дут.
16 Да возвестя́т, я́ко пра́в Госпо́дь Бо́г на́ш, и не́сть непра́вды в Не́м.
Псалом 92
В де́нь предсуббо́тный, внегда́ насели́ся земля́, хвала́ пе́сни Дави́ду.
1 Госпо́дь воцари́ся, в ле́поту облече́ся: облече́ся Госпо́дь в си́лу и препоя́сася: и́бо утверди́ вселе́нную, я́же не подви́жится.
2 Гото́в престо́л Тво́й отто́ле: от ве́ка Ты́ еси́.
3 Воздвиго́ша ре́ки, Го́споди, воздвиго́ша ре́ки гла́сы своя́:
4 во́змут ре́ки сотре́ния своя́, от гласо́в во́д мно́гих. Ди́вны высоты́ морски́я: ди́вен в высо́ких Госпо́дь.
5 Свиде́ния твоя́ уве́ришася зело́. До́му твоему́ подоба́ет святы́ня, Го́споди, в долготу́ дни́й.
Псалом 93
Псало́м Дави́ду, в четве́ртый суббо́ты.
1 Бо́г отмще́ний Госпо́дь, Бо́г отмще́ний не обину́лся е́сть.
2 Вознеси́ся, Судя́й земли́, возда́ждь воздая́ние го́рдым.
3 Доко́ле гре́шницы, Го́споди, доко́ле гре́шницы восхва́лятся?
4 Провеща́ют и возглаго́лют непра́вду, возглаго́лют вси́ де́лающии беззако́ние?
5 Лю́ди Твоя́, Го́споди, смири́ша, и достоя́ние Твое́ озло́биша:
6 вдови́цу и си́ра умори́ша, и прише́лца уби́ша,
7 и ре́ша: не у́зрит Госпо́дь, ниже́ уразуме́ет Бо́г Иа́ковль.
8 Разуме́йте же, безу́мнии в лю́дех, и бу́ии не́когда, умудри́теся:
9 насажде́й у́хо, не слы́шит ли? Или́ созда́вый о́ко, не сматря́ет ли?
10 Наказу́яй язы́ки, не обличи́т ли, уча́й челове́ка ра́зуму?
11 Госпо́дь ве́сть помышле́ния челове́ческая, я́ко су́ть су́етна.
12 Блаже́н челове́к, его́же а́ще нака́жеши, Го́споди, и от зако́на Твоего́ научи́ши его́:
13 укроти́ти его́ от дни́й лю́тых, до́ндеже изры́ется гре́шному я́ма.
14 Я́ко не отри́нет Госпо́дь люди́й Свои́х, и достоя́ния Своего́ не оста́вит:
15 до́ндеже пра́вда обрати́тся на су́д, и держа́щиися ея́ вси́ пра́вии се́рдцем.
16 Кто́ воста́нет ми́ на лука́внующыя? Или́ кто́ спредста́нет ми́ на де́лающыя беззако́ние?
17 А́ще не Госпо́дь помо́гл бы ми́, вма́ле всели́лася бы во а́д душа́ моя́.
18 А́ще глаго́лах: подви́жеся нога́ моя́, ми́лость Твоя́, Го́споди, помога́ше ми́:
19 по мно́жеству боле́зней мои́х в се́рдцы мое́м, утеше́ния Твоя́ возвесели́ша ду́шу мою́.
20 Да не пребу́дет Тебе́ престо́л беззако́ния, созида́яй тру́д на повеле́ние.
21 Уловя́т на ду́шу пра́ведничу, и кро́вь непови́нную осу́дят.
22 И бы́сть мне́ Госпо́дь в прибе́жище, и Бо́г мо́й в по́мощь упова́ния моего́:
23 и возда́ст и́м Госпо́дь беззако́ние и́х, и по лука́вствию и́х погуби́т я́ Госпо́дь Бо́г.

По окончании стихословия псалмов:

Сла́ва Отцу́, и Сы́ну, и Свято́му Ду́ху, и ны́не, и при́сно, и во ве́ки веко́в. Ами́нь.

Аллилу́иа, аллилу́иа, аллилу́иа, сла́ва Тебе́, Бо́же. (3 раза)

Моли́тва св. Мака́рия Вели́кого

К Тебе́, Влады́ко Человеколю́бче, от сна воста́в, прибега́ю, и на дела́ Твоя́ подвиза́юся милосе́рдием Твои́м, и молю́ся Тебе: помози́ ми на вся́кое вре́мя, во вся́кой ве́щи, и изба́ви мя от вся́кия мирски́я злы́я ве́щи и диа́вольскаго поспеше́ния, и спаси́ мя, и введи́ в Ца́рство Твое́ Ве́чное. Ты бо еси́ мой Сотвори́тель и вся́кому бла́гу Промы́сленник и Пода́тель, о Тебе́ же все упова́ние мое́, и Тебе́ сла́ву возсыла́ю, ны́не, и при́сно, и во ве́ки веко́в. Ами́нь.

Чтение Евангелия (совершается сидя): (Мк.12:28-37).

Моли́тва перед чте́нием Ева́нгелия

Бо́же мой, просвети́ мя све́том богоразу́мия Твоего́ и отве́рзи мы́сленныя о́чи се́рдца моего́, во ева́нгельских Твои́х пропове́даний разуме́ние.

От Ма́рка

Глава 12
28 И присту́пль еди́н от кни́жник, слы́шав и́х стяза́ющихся и ви́дев, я́ко до́бре отвеща́ и́м, вопроси́ Его́: ка́я е́сть пе́рвая все́х за́поведий?
29 Иису́с же отвеща́ ему́: я́ко пе́рвейши все́х за́поведий: слы́ши, Изра́илю, Госпо́дь Бо́г ва́ш Госпо́дь еди́н е́сть:
30 и возлю́биши Го́спода Бо́га твоего́ все́м се́рдцем твои́м, и все́ю душе́ю твое́ю, и все́м умо́м твои́м, и все́ю кре́постию твое́ю: сия́ е́сть пе́рвая за́поведь.
31 И втора́я подо́бна е́й: возлю́биши бли́жняго своего́ я́ко са́м себе́. Бо́лшая сею́ и́на за́поведь не́сть.
32 И рече́ Ему́ кни́жник: до́бре, Учи́телю, вои́стинну ре́кл еси́, я́ко еди́н е́сть Бо́г, и не́сть и́н ра́зве его́:
33 и е́же люби́ти Его́ все́м се́рдцем, и все́м ра́зумом, и все́ю душе́ю, и все́ю кре́постию: и е́же люби́ти бли́жняго я́ко себе́, бо́ле е́сть все́х всесожже́ний и же́ртв.
34 Иису́с же ви́дев, я́ко смы́сленно отвеща́, рече́ ему́: не дале́че еси́ от Ца́рствия Бо́жия. И никто́же сме́яше ктому́ Его́ вопроси́ти.
35 И отвеща́в Иису́с глаго́лаше, учя́ в це́ркви: ка́ко глаго́лют кни́жницы, я́ко Христо́с Сы́н е́сть Дави́дов?
36 То́й бо Дави́д рече́ Ду́хом Святы́м: глаго́ла Госпо́дь Го́сподеви моему́: седи́ одесну́ю Мене́, до́ндеже положу́ враги́ Твоя́ подно́жие нога́ма Твои́ма.
37 Са́м у́бо Дави́д глаго́лет Его́ Го́спода: и отку́ду Сы́н ему́ е́сть? И мно́г наро́д послу́шаше Его́ в сла́дость.

По окончании Чтения:

Псало́м 50

Поми́луй мя, Бо́же, по вели́цей ми́лости Твое́й, и, по мно́жеству щедро́т Твои́х, очи́сти беззако́ние мое́. Наипа́че омы́й мя от беззако́ния моего́ и от греха́ моего́ очи́сти мя; я́ко беззако́ние мое́ аз зна́ю и грех мой предо мно́ю есть вы́ну. Тебе́, Еди́ному, согреши́х и лука́вое пред Тобо́ю сотвори́х; я́ко да оправди́шися во словесе́х Твои́х и победи́ши, внегда́ суди́ти Ти. Се бо, в беззако́ниих зача́т есмь, и во гресе́х роди́ мя ма́ти моя́. Се бо, и́стину возлюби́л еси́, безве́стная и та́йная прему́дрости Твоея́ яви́л ми еси́. Окропи́ши мя иссо́пом - и очи́щуся; омы́еши мя - и па́че сне́га убелю́ся. Слу́ху моему́ да́си ра́дость и весе́лие: возра́дуются ко́сти смире́нныя. Отврати́ лице́ Твое́ от грех мои́х и вся беззако́ния моя́ очи́сти. Се́рдце чи́сто сози́жди во мне, Бо́же, и дух прав обнови́ во утро́бе мое́й. Не отве́ржи мене́ от лица́ Твоего́ и Ду́ха Твоего́ Свята́го не отыми́ от мене́. Возда́ждь ми ра́дость спасе́ния Твоего́ и Ду́хом Влады́чним утверди́ мя. Научу́ беззако́нныя путе́м Твои́м, и нечести́вии к Тебе́ обратя́тся. Изба́ви мя от крове́й, Бо́же, Бо́же спасе́ния моего́; возра́дуется язы́к мой пра́вде Твое́й. Го́споди, устне́ мои́ отве́рзеши, и уста́ моя́ возвестя́т хвалу́ Твою́. Я́ко а́ще бы восхоте́л еси́ же́ртвы, дал бых у́бо: всесожже́ния не благоволи́ши. Же́ртва Бо́гу - дух сокруше́н; се́рдце сокруше́нно и смире́нно Бог не уничижи́т. Ублажи́, Го́споди, благоволе́нием Твои́м Сио́на, и да сози́ждутся сте́ны Иерусали́мския. Тогда́ благоволи́ши же́ртву пра́вды, возноше́ние и всесожега́емая; тогда́ возложа́т на oлта́рь Твой тельцы́.

Библе́йские пе́сни

Песня 3

На 12: Утверди́ся се́рдце мое́ во Го́споде, вознесе́ся рог мой о Бо́зе мое́м, разшири́шася уста́ моя́ на враги́ моя́, возвесели́хся о спасе́нии Твое́м.
Припев: Свят еси́, Го́споди, и Тя пое́т дух мой.
Я́ко не́сть свят, я́ко Госпо́дь, и несть пра́веден, я́ко Бог наш, и несть свят, па́че Тебе́.
Припев: Свят еси́, Го́споди, и Тя пое́т дух мой.
На 10: Не хвали́теся и не глаго́лите высо́кая в горды́ни, ниже́ да изы́дет велере́чие из уст ва́ших.
Припев: Свят еси́, Го́споди, и Тя пое́т дух мой.
Я́ко Бог ра́зумов – Госпо́дь, и Бог, уготовля́яй начина́ния Своя́.
Припев: Свят еси́, Го́споди, и Тя пое́т дух мой.
На 8: Дая́й моли́тву моля́щемуся и благослови́ ле́та пра́веднаго.
Припев: Свят еси́, Го́споди, и Тя пое́т дух мой.
Госпо́дь не́мощна сотвори́ супоста́та Его́, Госпо́дь - Свят.
Припев: Свят еси́, Го́споди, и Тя пое́т дух мой.
На 6: Да не хва́лится прему́дрый прему́дростию свое́ю, и да не хва́лится си́льный си́лою свое́ю, и да не хва́лится бога́тый бога́тством свои́м.
Припев: Свят еси́, Го́споди, и Тя пое́т дух мой.
Но о сем да хва́лится хваля́йся, е́же разуме́ти и зна́ти Го́спода и твори́ти суд и пра́вду посреде́ земли́.
Припев: Свят еси́, Го́споди, и Тя пое́т дух мой.
На 4: Госпо́дь взы́де на небеса́ и возгреме́. Той су́дит конце́м земли́, Пра́веден сый.
Припев: Свят еси́, Го́споди, и Тя пое́т дух мой.
И даст кре́пость царю́ на́шему, и вознесе́т рог христа́ Своего́.
Сла́ва Отцу́, и Сы́ну, и Свято́му Ду́ху.
И ны́не, и при́сно, и во ве́ки веко́в. Ами́нь.

Песня 8

На 12: Благослови́те, вся дела́ Госпо́дня, Го́спода.
Припев: Го́спода по́йте, дела, и превозноси́те Его́ во ве́ки.
Благослови́те, а́нгели Госпо́дни, небеса́ Госпо́дня, Го́спода.
Припев: Го́спода по́йте, дела, и превозноси́те Его́ во ве́ки.
На 10: Благослови́те, во́ды вся, я́же превыше небе́с, вся си́лы Госпо́дни, Го́спода.
Припев: Го́спода по́йте, дела, и превозноси́те Его́ во ве́ки.
Благослови́те, со́лнце и ме́сяц, зве́зды небе́сныя, Го́спода.
Припев: Го́спода по́йте, дела, и превозноси́те Его́ во ве́ки.
На 8: Благослови́те, вся пти́цы небе́сныя, зве́рие и вси ско́ти, Го́спода.
Припев: Го́спода по́йте, дела, и превозноси́те Его́ во ве́ки.
Благослови́те, сы́нове челове́честии, да благослови́т Израиль Го́спода.
Припев: Го́спода по́йте, дела, и превозноси́те Его́ во ве́ки.
На 6: Благослови́те, свяще́нницы Госпо́дни, раби́ Госпо́дни, Го́спода.
Припев: Го́спода по́йте, дела, и превозноси́те Его́ во ве́ки.
Благослови́те, ду́си и ду́ши пра́ведных, преподо́бнии и смире́ннии се́рдцем, Го́спода.
Припев: Го́спода по́йте, дела, и превозноси́те Его́ во ве́ки.
На 4: Благослови́те, Ана́ния, Аза́рия, Мисаи́л, Го́спода.
Припев: Го́спода по́йте, дела, и превозноси́те Его́ во ве́ки.
Благослови́те, апо́столи, проро́цы и му́ченицы Госпо́дни, Го́спода.
Благослови́м Отца́, и Сы́на, и Свята́го Ду́ха, Го́спода.
И ны́не, и при́сно, и во ве́ки веко́в. Ами́нь.

Песня 9

Пресвято́й Богоро́дицы

Вели́чит душа́ Моя Го́спода, и возра́довася дух Мой о Бо́зе Спа́се Мое́м.
Припев: Богоро́дицу и Ма́терь Све́та в пе́снех велича́ем.
Я́ко призре́ на смире́ние Ра́бы Своея́, се бо, от ны́не ублажа́т Мя вси ро́ди.
Припев: Богоро́дицу и Ма́терь Све́та в пе́снех велича́ем.
Я́ко сотвори́ Мне вели́чие Си́льный, и свя́то и́мя Его́, и ми́лость Его́ в ро́ды родо́в боя́щимся Его́.
Припев: Богоро́дицу и Ма́терь Све́та в пе́снех велича́ем.
Сотвори́ держа́ву мы́шцею Свое́ю, расточи́ го́рдыя мы́слию се́рдца их.
Припев: Богоро́дицу и Ма́терь Све́та в пе́снех велича́ем.
Низложи́ си́льныя со престо́л и вознесе́ смире́нныя, а́лчущия испо́лни благ и богатя́щияся отпусти́ тщи.
Припев: Богоро́дицу и Ма́терь Све́та в пе́снех велича́ем.
Восприя́т Изра́иля, о́трока Своего́, помяну́ти милости, я́коже глаго́ла ко отце́м на́шим, Авраа́му и се́мени его, да́же до ве́ка.
Припев: Богоро́дицу и Ма́терь Све́та в пе́снех велича́ем.

Св. Заха́рии

На 12: Благослове́н Госпо́дь Бог Изра́илев, я́ко посети́ и сотвори́ избавле́ние лю́дем Свои́м.
Припев: Хва́лим, благослови́м, покланя́емся Го́сподеви, пою́ще и превознося́ще во вся ве́ки.
И воздви́же рог спасе́ния нам в дому́ Дави́дове, о́трока Своего́.
Припев: Хва́лим, благослови́м, покланя́емся Го́сподеви, пою́ще и превознося́ще во вся ве́ки.
На 10: Я́коже глаго́ла усты́ святы́х, су́щих от ве́ка проро́к Его́: спа́сение от враг на́ших и из руки́ всех, ненави́дящих нас.
Припев: Хва́лим, благослови́м, покланя́емся Го́сподеви, пою́ще и превознося́ще во вся ве́ки.
Сотвори́ти ми́лость со отцы́ на́шими и помяну́ти заве́т святы́й Свой.
Припев: Хва́лим, благослови́м, покланя́емся Го́сподеви, пою́ще и превознося́ще во вся ве́ки.
На 8: Кля́тву, е́юже кля́тся ко Авраа́му, отцу́ на́шему, да́ти нам без стра́ха, из руки́ враг на́ших изба́вльшимся.
Припев: Хва́лим, благослови́м, покланя́емся Го́сподеви, пою́ще и превознося́ще во вся ве́ки.
Служи́ти Ему́ преподо́бием и пра́вдою пред Ним вся дни живота́ на́шего.
Припев: Хва́лим, благослови́м, покланя́емся Го́сподеви, пою́ще и превознося́ще во вся ве́ки.
На 6: И ты, отроча́, проро́к Вы́шняго нарече́шися, преды́деши бо пред лице́м Госпо́дним, угото́вати пути́ Его́.
Припев: Хва́лим, благослови́м, покланя́емся Го́сподеви, пою́ще и превознося́ще во вся ве́ки.
Да́ти ра́зум спасе́ния лю́дем Его́ во оставле́ние грех их, милосе́рдия ра́ди ми́лости Бо́га на́шего.
Припев: Хва́лим, благослови́м, покланя́емся Го́сподеви, пою́ще и превознося́ще во вся ве́ки.
На 4: В ни́хже посети́ нас Восто́к с высоты́, яви́тися во тьме и се́ни сме́ртней седя́щим.
Припев: Хва́лим, благослови́м, покланя́емся Го́сподеви, пою́ще и превознося́ще во вся ве́ки.
Напра́вити но́ги на́ша на путь ми́рен.
Сла́ва Отцу́, и Сы́ну, и Свято́му Ду́ху.
И ны́не, и при́сно, и во ве́ки веко́в. Ами́нь.

Моли́тва по оконча́нии Библе́йских пе́сней

Бо́же, Бо́же наш, у́мныя и слове́сныя соста́вивый си́лы Твое́ю во́лею! Молю́ Тя: приими́ мое́, по си́ле, славосло́вие, со все́ми созда́нии Твои́ми, и бога́тыми Твоея́ бла́гости возда́ждь дарова́ньми. Я́ко Тебе́ преклоня́ется вся́кое коле́но небе́сных, и земны́х, и преиспо́дних, и вся́кое дыха́ние и созда́ние пое́т непостижи́мую Твою́ сла́ву: Еди́н бо еси́ Бог, И́стинный и Многоми́лостивый.

Псало́м 148

Хвали́те Го́спода с небе́с, хвали́те Его́ в вы́шних. Хвали́те Его́, вси ангели Его́, хвали́те Его́, вся си́лы Его́. Хвали́те Его́, со́лнце и луна́, хвали́те Его́, вся зве́зды и свет. Хвали́те Его́, Небеса́ небе́с и вода́, я́же превы́ше небе́с. Да восхва́лят и́мя Госпо́дне: я́ко Той рече́ - и бы́ша, Той повеле́ - и созда́шася. Поста́ви я в век и в век ве́ка, повеле́ние положи́ - и не ми́мо и́дет. Хвали́те Го́спода от земли́: ца́рие зе́мстии и вси лю́дие, кня́зи и вси судии́ зе́мстии, ю́ноши и де́вы, ста́рцы с ю́нотами да восхва́лят и́мя Госпо́дне, я́ко вознесе́ся и́мя Того́ Еди́наго, испове́дание Его́ на земли́ и на небеси́.

Псало́м 149

Воспо́йте Го́сподеви песнь но́ву: хвале́ние Его в це́ркви преподо́бных. Восхва́лятся преподо́бнии во сла́ве и возра́дуются на ло́жах свои́х. Возноше́ния Бо́жия в горта́ни их, и мечи́ обою́ду остры́ в рука́х их, сотвори́ти отмще́ние во язы́цех, обличе́ния в лю́дех, связа́ти цари́ их пу́ты и сла́вныя их ручны́ми око́вы желе́зными, сотвори́ти в них суд напи́сан. Сла́ва сия́ бу́дет всем преподо́бным Его́.

Псало́м 150

Хвали́те Бо́га во святы́х Его́, хвали́те Его́ во утверже́нии си́лы Его́. Хвали́те Его́ на си́лах Его́, хвали́те Его́ по мно́жеству вели́чествия Его́. Хвали́те Его́ во гла́се тру́бнем, хвали́те Его́ во псалти́ри и гу́слех. Хвали́те Его́ в тимпа́не и ли́це, хвали́те Его́ во стру́нах и орга́не. Хвали́те Его́ в кимва́лех доброгла́сных, хвали́те Его́ в кимва́лех восклица́ния. Вся́кое дыха́ние да хва́лит Го́спода.

Славосло́вие у́треннее

Сла́ва в вы́шних Бо́гу, и на земли́ мир, в челове́цех благоволе́ние. Хвалю́ Тя, благословлю́ Тя, кла́няюся Тебе, славосло́влю Тя, благодарю́ Тя, вели́кия ра́ди сла́вы Твоея́. Го́споди Царю́ Небе́сный, Боже О́тче Вседержи́телю, Го́споди Сы́не Единоро́дный, Иису́се Христе́, и Святы́й Ду́ше! Го́споди Бо́же, А́гнче Бо́жий, Сы́не Оте́чь, взе́мляй грех ми́ра, поми́луй мя. Взе́мляй грехи́ ми́ра, приими́ моли́тву мою́; Седя́й одесну́ю Отца́, поми́луй мя. Я́ко Ты еси́ Еди́н Свят, Ты еси́ Еди́н Госпо́дь, Иису́с Христо́с, во сла́ву Бо́га Отца́, ами́нь.

На всяк день благословлю́ Тя, и восхвалю́ и́мя Твое́ во ве́ки и в век ве́ка.

Го́споди, прибе́жище был еси́ нам в род и род. Аз рех: Го́споди, поми́луй мя, исцели́ ду́шу мою́, я́ко согреши́х Тебе́. Го́споди, к Тебе́ прибего́х, научи́ мя твори́ти во́лю Твою́, я́ко Ты еси́ Бог мой. Я́ко у Тебе́ исто́чник живота́, во све́те Твое́м у́зрим свет. Проба́ви ми́лость Твою́ ве́дущим Тя.

Сподо́би, Го́споди, в день сей без греха́ сохрани́тися мне. Благослове́н еси́, Го́споди Бо́же оте́ц на́ших, и хва́льно, и просла́влено и́мя Твое́ во ве́ки, ами́нь.

Бу́ди, Го́споди, ми́лость Твоя́ на мя, я́коже упова́ю на Тя. Благослове́н еси́, Го́споди, научи́ мя оправда́нием Твои́м. Благослове́н еси́, Влады́ко, вразуми́ мя оправда́нием Твои́м. Благослове́н еси́, Святы́й, просвети́ мя оправда́нии Твои́ми.

Го́споди, ми́лость Твоя́ во век, дел руку́ Твое́ю не пре́зри: Тебе́ подоба́ет хвала́, Тебе́ подоба́ет пе́ние, Тебе́ сла́ва подоба́ет, Отцу́, и Сы́ну, и Свято́му Ду́ху, ны́не, и при́сно, и во ве́ки веко́в, ами́нь.

Молитва преподобному Иоанну Кущнику

О, свяще́нная главо́, преподо́бне о́тче, преблаже́нне а́вво Иоа́нне! Не забу́ди убо́гих твои́х до конца́, но помина́й нас всегда́ во святы́х и благоприя́тных моли́твах к Бо́гу: помяни́ ста́до твое́, е́же сам упа́сл еси́, и не забу́ди посеща́ти чад твои́х. Моли́ за ны, о́тче свяще́нный, за де́ти твоя́ духо́вныя, я́ко име́яй дерзнове́ние к Небе́сному Царю́: не премолчи́ за ны ко Го́споду, и не пре́зри нас, ве́рою и любо́вию чту́щих тя: помина́й нас недосто́йных у Престо́ла Вседержи́телева, и не преста́й моля́ся о нас ко Христу́ Бо́гу, и́бо дана́ тебе́ бысть благода́ть за ны моли́тися. Не мним бо тя су́ща ме́ртва: а́ще бо те́лом и преста́вился еси́ от нас, но и по сме́рти жив сый пребыва́еши, не отступа́й от нас ду́хом, сохраня́я нас от стрел вра́жиих и вся́кия пре́лести бесо́вския и ко́зней диа́вольских, па́стырю наш до́брый. А́ще бо и моще́й твои́х ра́ка пред очи́ма на́шима ви́дима есть всегда́, но свята́я твоя́ душа́ со а́нгельскими во́инствы, со безпло́тными ли́ки, с Небе́сными си́лами, у Престо́ла Вседержи́телева предстоя́щи, досто́йно весели́тся, ве́дуще у́бо тя вои́стину и по сме́рти жи́ва су́ща, тебе́ припа́даем и тебе́ мо́лимся: моли́ся о нас Всеси́льному Бо́гу, о по́льзе душ на́ших, и испроси́ нам вре́мя на покая́ние, да невозбра́нно пре́йдем от земли́ на Не́бо, от мыта́рств же го́рьких, бесо́в, возду́шных князе́й и от ве́чныя му́ки да изба́вимся, и Небе́снаго Ца́рствия насле́дницы да бу́дем со все́ми пра́ведными, от ве́ка угоди́вшими Го́споду на́шему Иису́су Христу́: Ему́ же подоба́ет вся́кая сла́ва, честь и поклоне́ние, со Безнача́льным Его́ Отце́м, и с Пресвяты́м и Благи́м и Животворя́щим Его́ Ду́хом, ны́не и при́сно, и во ве́ки веко́в. Ами́нь.

Моли́тва к А́нгелу Храни́телю

Святы́й А́нгеле, предстоя́й окая́нной мое́й души́ и стра́стной мое́й жи́зни! Не оста́ви мене́, гре́шнаго, ниже́ отступи́ от мене́ за невоздержа́ние мое́. Не даждь ме́ста лука́вому де́мону облада́ти мно́ю, наси́льством сме́ртнаго сего́ телесе́. Укрепи́ бе́дствующую и худу́ю мою́ ру́ку и на́стави мя на путь спасе́ния. Ей, святы́й А́нгеле Бо́жий, храни́телю и покрови́телю окая́нныя моея́ души́ и те́ла! Вся мне прости́, ели́кими тя оскорби́х во вся дни живота́ моего́, и а́ще что согреши́х в преше́дшую нощь сию́. Покры́й мя в настоя́щий день и сохрани́ мя от вся́каго искуше́ния проти́внаго, да ни в ко́ем гресе́ прогне́ваю Бо́га, и моли́ся за мя ко Го́споду: да утверди́т мя в стра́се Свое́м и досто́йна пока́жет мя раба́ Своея́ бла́гости. Ами́нь.

Моли́тва к свято́му, имя кото́рого но́сишь

Моли́ Бо́га о мне́, святы́й уго́дниче Бо́жий (имярек), я́ко аз усе́рдно к тебе́ прибега́ю, ско́рому помо́щнику и моли́твеннику о душе́ мое́й.

Помя́нник

Помяни́, Го́споди Иисусе Христе́, Бо́же на́ш, ми́лости и щедро́ты Твоя́, от ве́ка сущия, и́хже ра́ди и вочелове́чился еси́, и распя́тие, и сме́рть, спасе́ния ра́ди пра́во в Тя́ ве́рующих, претерпе́ти изво́лил еси́; и воскре́с из ме́ртвых, возне́слся еси́ на небеса́ и седи́ши одесную Бо́га Отца́, и призира́еши на смире́нныя мольбы́ все́м се́рдцем призыва́ющих Тя́. Приклони́ ухо Твое́ и услы́ши смире́нное моле́ние мене́, непотре́бнаго раба́ Твоего́, в воню́ благоуха́ния духо́внаго, Тебе́ за вся́ лю́ди Твоя́ принося́щаго.

И, в пе́рвых, помяни́ Це́рковь Твою́ Святую Собо́рную и Апо́стольскую, ю́же снабде́л еси́ Честно́ю Твое́ю Кро́вию, и утверди́, и укрепи́, и разшири́, умно́жи, умири́ и непреобори́му а́довыми враты́ во ве́ки сохрани́; раздира́ния Церкве́й утиши́, шата́ния язы́ческая угаси́, и ересе́й воста́ния ско́ро разори́ и искорени́, и в ничто́же си́лою Свята́го Твоего́ Духа обрати́. (Поклон)

Спаси́, Го́споди, и поми́луй богохрани́мую страну на́шу, вла́сти и во́инство ея́, да ти́хое и безмо́лвное житие́ поживе́м, во вся́ком благоче́стии и чистоте́. (Поклон)

Спаси́, Го́споди, и поми́луй Святе́йшаго Патриа́рха Кирилла, преосвяще́нныя митрополи́ты, архиепи́скопы и епи́скопы правосла́вныя, иере́и же и диа́коны, и ве́сь при́чет церко́вный, я́же поста́вил еси́ па́сти слове́сное Твое́ ста́до, и моли́твами и́х поми́луй и спаси́ мя́, гре́шнаго. (Поклон)

Спаси́, Го́споди, и поми́луй отца́ моего́ духо́внаго (имярек), и святы́ми его́ моли́твами прости́ моя́ согреше́ния. (Поклон)

Спаси́, Го́споди, и поми́луй роди́телей мои́х (имярек), бра́тию и сестры́, и сро́дники моя́ по пло́ти, и вся́ бли́жняя ро́да моего́, и дру́ги (имярек), и да́руй и́м ми́рная Твоя́ и преми́рная блага́я. (Поклон)

Спаси́, Го́споди, и поми́луй ста́рцы и ю́ныя, ни́щия и сироты́, и вдови́цы, и сущия в боле́зни и в печа́лех, беда́х же и ско́рбех, обстоя́ниих и плене́ниих, темни́цах же и заточе́ниих, изря́днее же - в гоне́ниих, Тебе́ ра́ди и ве́ры правосла́вныя, от язы́к безбо́жных, от отступник и от еретико́в сущия рабы́ Твоя́, и помяни́ их, посети́, укрепи́, уте́ши и вско́ре, си́лою Твое́ю, осла́бу, свобо́ду и изба́ву и́м пода́ждь. (Поклон)

Спаси́, Го́споди, и поми́луй по́сланныя в службу, путеше́ствующия и вся́ правосла́вныя христиа́ны. (Поклон)

Спаси́, Го́споди, и поми́луй, и́хже а́з безумием мои́м соблазни́х и от пути́ спаси́тельнаго отврати́х, к де́лом злы́м и неподо́бным приведо́х; Боже́ственным Твои́м Про́мыслом к пути́ спасе́ния па́ки возврати́. (Поклон)

Отступи́вшия от правосла́вныя ве́ры и поги́бельными ересьми́ ослепле́нныя, све́том Твоего́ позна́ния просвети́ и Святе́й Твое́й Апо́стольстей Собо́рней Це́ркви причти́. (Поклон)

Здесь вы можете добавить сугубые молитвы на потребу своей души

Досто́йно есть я́ко вои́стину блажи́ти Тя, Богоро́дицу, Присноблаже́нную и Пренепоро́чную, и Ма́терь Бо́га на́шего. Честне́йшую херуви́м и сла́внейшую без сравне́ния серафи́м, без истле́ния Бо́га Сло́ва ро́ждшую, су́щую Богоро́дицу, Тя велича́ем.

Сла́ва Отцу́, и Сы́ну, и Свято́му Ду́ху, и ны́не, и при́сно, и во ве́ки веко́в. Ами́нь.

Го́споди, поми́луй. (3 раза)

Го́споди Иису́се Христе́, Сы́не Бо́жий, моли́твами Пречи́стыя Твоея́ Ма́тере, преподо́бных и богоно́сных оте́ц на́ших и всех святы́х, поми́луй и спаси́ мя, я́ко Благ и Человеколю́бец. Ами́нь.

Прииди́те, поклони́мся Царе́ви на́шему, Бо́гу.

Прииди́те, поклони́мся и припаде́м Христу́, Царе́ви на́шему, Бо́гу.

Прииди́те, поклони́мся и припаде́м Самому́ Христу́, Царе́ви и Бо́гу на́шему.

Псало́м 89

Го́споди, прибе́жище был еси́ нам в род и род. Пре́жде да́же гора́м не бы́ти и созда́тися земли́ и вселе́нней, и от ве́ка и до ве́ка Ты еси́. Не отврати́ челове́ка во смире́ние, и рекл еси́: обрати́теся, сы́нове челове́честии. Я́ко ты́сяща лет пред очи́ма Твои́ма, Го́споди, я́ко день вчера́шний, и́же мимои́де, и стра́жа нощна́я. Уничиже́ния их ле́та бу́дут. Утро я́ко трава́ мимои́дет, у́тро процвете́т и пре́йдет: на ве́чер отпаде́т ожесте́ет и и́зсхнет. Я́ко исче́зохом гне́вом Твои́м, и я́ростию Твое́ю смути́хомся. Положи́л еси́ беззако́ния на́ша пред Тобо́ю: век наш в просвеще́ние лица́ Твоего́. Я́ко вси дни́е на́ши оскуде́ша, и гне́вом Твои́м исчезо́хом, ле́та на́ша я́ко паучи́на поуча́хуся. Дни́е лет на́ших, в ни́хже се́дмьдесят лет, а́ще же в си́лах, о́смьдесят лет, и мно́жае их труд и боле́знь: я́ко прии́де кро́тость на ны, и нака́жемся. Кто весть держа́ву гне́ва Твоего́, и от стра́ха Твоего́, я́рость Твою́ исчести́? Десни́цу Твою́ та́ко скажи́ ми, и окова́нныя се́рдцем в му́дрости. Обрати́ся, Го́споди, доко́ле? И умоле́н бу́ди на рабы́ Твоя́. Испо́лнихомся зау́тра ми́лости Твоея́, Го́споди, и возра́довахомся, и возвесели́хомся, во вся дни на́ша возвесели́хомся, за дни в ня́же смири́л ны еси́, ле́та в ня́же ви́дехом зла́я. И при́зри на рабы́ Твоя́, и на дела́ Твоя́, и наста́ви сы́ны их. И бу́ди све́тлость Го́спода Бо́га на́шего на нас, и дела́ рук на́ших испра́ви на нас, и де́ло рук на́ших испра́ви.

Сла́ва Отцу́, и Сы́ну, и Свято́му Ду́ху, и ны́не, и при́сно, и во ве́ки веко́в. Ами́нь.

Аллилу́иа, аллилу́иа, аллилу́иа, сла́ва Тебе́, Бо́же. (3 раза)

Зау́тра услы́ши глас мой, Царю́ мой и Бо́же мой. (Поклон)

Стих 1: Глаго́лы моя́ внуши́, Го́споди, разуме́й зва́ние мое́.

Припев: Зау́тра услы́ши глас мой, Царю́ мой и Бо́же мой. (Поклон)

Стих 2: Я́ко к Тебе́ помолю́ся, Го́споди.

Припев: Зау́тра услы́ши глас мой, Царю́ мой и Бо́же мой. (Поклон)

Сла́ва Отцу́, и Сы́ну, и Свято́му Ду́ху.

Тропа́рь

И ны́не, и при́сно, и во ве́ки веко́в. Ами́нь.

Богородичен:

Что Тя нарече́м, о Благода́тная? Не́бо? - я́ко возсия́ла еси́ Со́лнце пра́вды; Рай? - я́ко прозябла́ еси́ Цвет нетле́ния; Де́ву? - я́ко пребыла́ еси́ нетле́нна; Чи́стую Ма́терь? - я́ко име́ла еси́ на святы́х Твои́х объя́тиях Сы́на, всех Бо́га. Того́ моли́ спасти́ся душа́м на́шим.

Чтение Евангелия (совершается сидя): (Мк.12:28-37).

Молитва перед чтением Писания

Откры́й о́чи мои́, и уразуме́ю чудеса́ от зако́на Твоего́. Пришле́ц аз есмь на земли́, не скрый от мене́ за́поведи Твоя́. Возлюби́ душа́ моя́ возжела́ти судьбы́ Твоя́ на вся́кое вре́мя.

Стопы́ моя́ напра́ви по словеси́ Твоему́, и да не облада́ет мно́ю вся́кое беззако́ние. Изба́ви мя от клеветы́ челове́ческия, и сохраню́ за́поведи Твоя́. Лице́ Твое́ просвети́ на раба́ Твоего́ и нау́чи мя оправда́нием Твои́м.

Да испо́лнятся уста́ моя́ хвале́ния Твоего́, Го́споди, я́ко да воспою́ сла́ву Твою́, весь день - великоле́пие Твое́.

Го́споди, поми́луй. (3 раза)

Сла́ва Отцу́, и Сы́ну, и Свято́му Ду́ху, и ны́не, и при́сно, и во ве́ки веко́в. Ами́нь.

Честне́йшую херуви́м и сла́внейшую без сравне́ния серафи́м, без истле́ния Бо́га Сло́ва ро́ждшую, су́щую Богоро́дицу, Тя велича́ем.

Бо́же, уще́дри ны и благослови́ ны, просвети́ лице́ Твое́ на ны и поми́луй ны. Ами́нь.

Молитва

Христе́, Све́те И́стинный, просвеща́яй и освяща́яй вся́каго челове́ка, гряду́щаго в мир, да зна́менается на нас свет лица́ Твоего́, да в нем у́зрим Свет Непристу́пный; и испра́ви стопы́ на́ша к де́ланию за́поведей Твои́х, моли́твами Пречи́стыя Твоея́ Ма́тере и всех Твои́х святы́х. Ами́нь.

Моли́твами святы́х оте́ц на́ших, Го́споди Иису́се Христе́, Бо́же наш, поми́луй нас. Ами́нь.

Сла́ва Тебе́, Бо́же наш, сла́ва Тебе́!

Царю́ Небе́сный, Уте́шителю, Ду́ше и́стины, И́же везде́ сый и вся исполня́яй, Сокро́вище благи́х и жи́зни Пода́телю, прииди́, и всели́ся в ны, и очи́сти ны от вся́кия скве́рны, и спаси́, Бла́же, ду́ши на́ша.

Святы́й Бо́же, Святы́й Кре́пкий, Святы́й Безсме́ртный, поми́луй нас. (3 раза)

Сла́ва Отцу́, и Сы́ну, и Свято́му Ду́ху, и ны́не, и при́сно, и во ве́ки веко́в. Ами́нь.

Пресвята́я Тро́ице, поми́луй нас; Го́споди, очи́сти грехи́ на́ша; Влады́ко, прости́ беззако́ния на́ша; Святы́й, посети́ и исцели́ не́мощи на́ша, и́мене Твоего́ ра́ди.

Го́споди, поми́луй. (3 раза)

Сла́ва Отцу́, и Сы́ну, и Свято́му Ду́ху, и ны́не, и при́сно, и во ве́ки веко́в. Ами́нь.

О́тче наш, И́же еси́ на небесе́х! Да святи́тся и́мя Твое́, да прии́дет Ца́рствие Твое́; да бу́дет во́ля Твоя́, я́ко на небеси́, и на земли́. Хлеб наш насу́щный да́ждь нам днесь; и оста́ви нам до́лги на́ша, я́коже и мы оставля́ем должнико́м на́шим; и не введи́ нас во искуше́ние, но изба́ви нас от лука́ваго. Яко Твое́ есть ца́рство, и си́ла, и сла́ва, Отца́, и Сы́на, и Свята́го Ду́ха, ны́не, и при́сно, и во ве́ки веко́в. Ами́нь.

Го́споди, поми́луй. (12 раз)

Сла́ва Отцу́, и Сы́ну, и Свято́му Ду́ху, и ны́не, и при́сно, и во ве́ки веко́в. Ами́нь.

Прииди́те, поклони́мся Царе́ви на́шему, Бо́гу.

Прииди́те, поклони́мся и припаде́м Христу́, Царе́ви на́шему, Бо́гу.

Прииди́те, поклони́мся и припаде́м Самому́ Христу́, Царе́ви и Бо́гу на́шему.

Псало́м 24

К Тебе́, Го́споди, воздвиго́х ду́шу мою́, Бо́же мой, на Тя упова́х, да не постыжу́ся во век, ниже́ да посмею́т ми ся врази́ мои́, и́бо вси терпя́щии Тя не постыдя́тся. Да постыдя́тся беззако́ннующии вотще́. Пути́ Твоя́, Го́споди, скажи́ ми, и стезя́м Твои́м научи́ мя. Наста́ви мя на и́стину Твою́, и научи́ мя, я́ко Ты еси́ Бог Спас мой, и Тебе́ терпе́х весь день. Помяни́ щедро́ты Твоя́, Го́споди, и ми́лости Твоя́, я́ко от ве́ка суть. Грех ю́ности моея́, и неве́дения моего́ не помяни́, по ми́лости Твое́й помяни́ мя Ты, ра́ди бла́гости Твоея́, Го́споди. Благ и прав Госпо́дь, сего́ ра́ди законоположи́т согреша́ющым на пути́. Наста́вит кро́ткия на суд, научи́т кро́ткия путе́м Свои́м. Вси путие́ Госпо́дни ми́лость и и́стина, взыска́ющым заве́та Его́, и свиде́ния Его́. Ра́ди и́мене Твоего́, Го́споди, и очи́сти грех мой, мног бо есть. Кто есть челове́к боя́йся Го́спода? Законоположи́т eму́ на пути́, eго́же изво́ли. Душа́ eго́ во благи́х водвори́тся, и се́мя eго́ насле́дит зе́млю. Держа́ва Госпо́дь боя́щихся Его́, и заве́т Его́ яви́т им. О́чи мои́ вы́ну ко Го́споду, я́ко Той исто́ргнет от се́ти но́зе мои́. При́зри на мя и поми́луй мя, я́ко единоро́д и нищ есмь аз. Ско́рби се́рдца моего́ умно́жишася, от нужд мои́х изведи́ мя. Виждь смире́ние мое́, и труд мой, и оста́ви вся грехи́ моя́. Виждь враги́ моя́, я́ко умно́жишася, и ненавиде́нием непра́ведным возненави́деша мя. Сохрани́ ду́шу мою́, и изба́ви мя, да не постыжу́ся, я́ко упова́х на Тя. Незло́бивии и пра́вии прилепля́хуся мне, я́ко потерпе́х Тя, Го́споди. Изба́ви, Бо́же, Изра́иля от всех скорбе́й eго́.

Сла́ва Отцу́, и Сы́ну, и Свято́му Ду́ху, и ны́не, и при́сно, и во ве́ки веко́в. Ами́нь.

Аллилу́иа, аллилу́иа, аллилу́иа, сла́ва Тебе́, Бо́же. (3 раза)

Го́споди, И́же Пресвята́го Твоего́ Ду́ха в тре́тий час апо́столом Твои́м низпосла́вый, Того́, Благи́й, не отыми́ от нас, но обнови́ нас, моля́щих Ти ся. (Поклон)

Стих 1: Се́рдце чи́сто сози́жди во мне, Бо́же, и дух прав обнови́ во утро́бе мое́й.

Припев: Го́споди, И́же Пресвята́го Твоего́ Ду́ха в тре́тий час апо́столом Твои́м низпосла́вый, Того́, Благи́й, не отыми́ от нас, но обнови́ нас, моля́щих Ти ся. (Поклон)

Стих 2: Не отве́ржи мене́ от лица́ Твоего́ и Ду́ха Твоего́ Свята́го не отыми́ от Мене́.

Припев: Го́споди, И́же Пресвята́го Твоего́ Ду́ха в тре́тий час апо́столом Твои́м низпосла́вый, Того́, Благи́й, не отыми́ от нас, но обнови́ нас, моля́щих Ти ся. (Поклон)

Сла́ва Отцу́, и Сы́ну, и Свято́му Ду́ху.

Тропа́рь

И ны́не, и при́сно, и во ве́ки веко́в. Ами́нь.

Богородичен:

Богоро́дице, Ты еси́ Лоза́ и́стинная, возрасти́вшая нам Плод живота́. Тебе́ мо́лимся: моли́ся, Влады́чице, со святы́ми апо́столы, поми́ловати ду́ши на́ша.

Чтение дня (совершается сидя).

Молитва перед чтением Писания

Откры́й о́чи мои́, и уразуме́ю чудеса́ от зако́на Твоего́. Пришле́ц аз есмь на земли́, не скрый от мене́ за́поведи Твоя́. Возлюби́ душа́ моя́ возжела́ти судьбы́ Твоя́ на вся́кое вре́мя.

Госпо́дь Бог благослове́н, благослове́н Госпо́дь день дне, поспеши́т нам Бог спасе́ний на́ших, Бог наш, Бог спаса́ти.

Го́споди, поми́луй. (3 раза)

Сла́ва Отцу́, и Сы́ну, и Свято́му Ду́ху, и ны́не, и при́сно, и во ве́ки веко́в. Ами́нь.

Честне́йшую херуви́м и сла́внейшую без сравне́ния серафи́м, без истле́ния Бо́га Сло́ва ро́ждшую, су́щую Богоро́дицу, Тя велича́ем.

Бо́же, уще́дри ны и благослови́ ны, просвети́ лице́ Твое́ на ны и поми́луй ны. Ами́нь.

Моли́тва св. Марда́рия

Влады́ко Бо́же О́тче Вседержи́телю, Го́споди Сы́не Единоро́дный, Иису́се Христе́, и Святы́й Ду́ше, Еди́но Божество́, Еди́на Си́ла, поми́луй мя, гре́шнаго, и, и́миже ве́си судьба́ми, спаси́ мя, недосто́йнаго раба́ Твоего́, я́ко благослове́н еси́ во ве́ки веко́в. Ами́нь.

Моли́твами святы́х оте́ц на́ших, Го́споди Иису́се Христе́, Бо́же наш, поми́луй нас. Ами́нь.

Сла́ва Тебе́, Бо́же наш, сла́ва Тебе́!

Царю́ Небе́сный, Уте́шителю, Ду́ше и́стины, И́же везде́ сый и вся исполня́яй, Сокро́вище благи́х и жи́зни Пода́телю, прииди́, и всели́ся в ны, и очи́сти ны от вся́кия скве́рны, и спаси́, Бла́же, ду́ши на́ша.

Святы́й Бо́же, Святы́й Кре́пкий, Святы́й Безсме́ртный, поми́луй нас. (3 раза)

Сла́ва Отцу́, и Сы́ну, и Свято́му Ду́ху, и ны́не, и при́сно, и во ве́ки веко́в. Ами́нь.

Пресвята́я Тро́ице, поми́луй нас; Го́споди, очи́сти грехи́ на́ша; Влады́ко, прости́ беззако́ния на́ша; Святы́й, посети́ и исцели́ не́мощи на́ша, и́мене Твоего́ ра́ди.

Го́споди, поми́луй. (3 раза)

Сла́ва Отцу́, и Сы́ну, и Свято́му Ду́ху, и ны́не, и при́сно, и во ве́ки веко́в. Ами́нь.

О́тче наш, И́же еси́ на небесе́х! Да святи́тся и́мя Твое́, да прии́дет Ца́рствие Твое́; да бу́дет во́ля Твоя́, я́ко на небеси́, и на земли́. Хлеб наш насу́щный да́ждь нам днесь; и оста́ви нам до́лги на́ша, я́коже и мы оставля́ем должнико́м на́шим; и не введи́ нас во искуше́ние, но изба́ви нас от лука́ваго. Яко Твое́ есть ца́рство, и си́ла, и сла́ва, Отца́, и Сы́на, и Свята́го Ду́ха, ны́не, и при́сно, и во ве́ки веко́в. Ами́нь.

Го́споди, поми́луй. (12 раз)

Сла́ва Отцу́, и Сы́ну, и Свято́му Ду́ху, и ны́не, и при́сно, и во ве́ки веко́в. Ами́нь.

Прииди́те, поклони́мся Царе́ви на́шему, Бо́гу.

Прииди́те, поклони́мся и припаде́м Христу́, Царе́ви на́шему, Бо́гу.

Прииди́те, поклони́мся и припаде́м Самому́ Христу́, Царе́ви и Бо́гу на́шему.

Псало́м 54

Внуши́, Бо́же, моли́тву мою́ и не пре́зри моле́ния моего́. Вонми́ ми и услы́ши мя: возскорбе́х печа́лию мое́ю и смято́хся. От гла́са вра́жия и от стуже́ния гре́шнича, я́ко уклони́ша на мя беззако́ние и во гне́ве враждова́ху ми. Се́рдце мое́ смяте́ся во мне и боя́знь сме́рти нападе́ на мя. Страх и тре́пет прии́де на мя и покры́ мя тьма. И рех: кто даст ми криле́, я́ко голуби́не, и полещу́, и почи́ю? Се удали́хся бе́гая и водвори́хся в пусты́ни. Ча́ях Бо́га, спаса́ющаго мя от малоду́шия и от бу́ри. Потопи́, Го́споди, и раздели́ язы́ки их: я́ко ви́дех беззако́ние и пререка́ние во гра́де. Днем и но́щию обы́дет и́ по стена́м eго́. Беззако́ние и труд посреде́ eго́ и непра́вда. И не оскуде́ от стогн eго́ ли́хва и лесть. Я́ко а́ще бы враг поноси́л ми, претерпе́л бых у́бо, и а́ще бы ненави́дяй мя на мя велере́чевал, укры́л бых ся от него́. Ты же, челове́че равноду́шне, влады́ко мой и зна́емый мой, и́же ку́пно наслажда́лся еси́ со мно́ю бра́шен, в дому́ Бо́жии ходи́хом единомышле́нием. Да прии́дет же смерть на ня, и да сни́дут во ад жи́ви, я́ко лука́вство в жили́щах их, посреде́ их. Аз к Бо́гу воззва́х, и Госпо́дь услы́ша мя. Ве́чер и зау́тра, и полу́дне пове́м, и возвещу́, и услы́шит глас мой. Изба́вит ми́ром ду́шу мою́ от приближа́ющихся мне, я́ко во мно́зе бя́ху со мно́ю. Услы́шит Бог и смири́т я́, Сый пре́жде век. Несть бо им измене́ния, я́ко не убоя́шася Бо́га. Простре́ ру́ку свою́ на воздая́ние, оскверни́ша заве́т Его́. Раздели́шася от гне́ва лица́ Его́, и прибли́жишася сердца́ их, умя́кнуша словеса́ их па́че еле́а, и та суть стре́лы. Возве́рзи на Го́спода печа́ль твою́, и Той тя препита́ет, не даст в век молвы́ пра́веднику. Ты же, Бо́же, низведе́ши я́ во студене́ц истле́ния, му́жие крове́й и льсти не преполовя́т дней свои́х. Аз же, Го́споди, упова́ю на Тя.

Сла́ва Отцу́, и Сы́ну, и Свято́му Ду́ху, и ны́не, и при́сно, и во ве́ки веко́в. Ами́нь.

Аллилу́иа, аллилу́иа, аллилу́иа, сла́ва Тебе́, Бо́же. (3 раза)

И́же в шесты́й день же и час на Кресте́ Пригвожде́й в раи́ дерзнове́нный Ада́мов грех, и согреше́ний на́ших рукописа́ние раздери́, Христе́ Бо́же, и спаси́ нас. (Поклон)

Стих 1: Внуши́, Бо́же, моли́тву мою́ и не пре́зри моле́ния моего́.

Припев: И́же в шесты́й день же и час на Кресте́ Пригвожде́й в раи́ дерзнове́нный Ада́мов грех, и согреше́ний на́ших рукописа́ние раздери́, Христе́ Бо́же, и спаси́ нас. (Поклон)

Стих 2: Аз к Бо́гу воззва́х, и Госпо́дь услы́ша мя.

Припев: И́же в шесты́й день же и час на Кресте́ Пригвожде́й в раи́ дерзнове́нный Ада́мов грех, и согреше́ний на́ших рукописа́ние раздери́, Христе́ Бо́же, и спаси́ нас. (Поклон)

Сла́ва Отцу́, и Сы́ну, и Свято́му Ду́ху.

Тропа́рь

И ны́не, и при́сно, и во ве́ки веко́в. Ами́нь.

Богородичен:

Я́ко не и́мамы дерзнове́ния за премно́гия грехи́ на́ша, Ты И́же от Тебе́ Ро́ждшагося моли́, Богоро́дице Де́во! Мно́го бо мо́жет моле́ние Ма́тернее ко благосе́рдию Влады́ки. Не пре́зри гре́шных мольбы́, Всечи́стая, я́ко ми́лостив есть и спасти́ моги́й, И́же и страда́ти о нас изво́ливый.

Чтение дня

• День за днем. Дневник православного священника на 28 января.

Ско́ро да предваря́т ны щедро́ты Твоя́, Го́споди, я́ко обнища́хом зело́. Помози́ нам, Бо́же Спа́се наш: сла́вы ра́ди и́мене Твоего́, Го́споди, изба́ви нас и очи́сти грехи́ на́ша, и́мене ра́ди Твоего́.

Го́споди, поми́луй. (3 раза)

Сла́ва Отцу́, и Сы́ну, и Свято́му Ду́ху, и ны́не, и при́сно, и во ве́ки веко́в. Ами́нь.

Честне́йшую херуви́м и сла́внейшую без сравне́ния серафи́м, без истле́ния Бо́га Сло́ва ро́ждшую, су́щую Богоро́дицу, Тя велича́ем.

Бо́же, уще́дри ны и благослови́ ны, просвети́ лице́ Твое́ на ны и поми́луй ны. Ами́нь.

Моли́тва св. Васи́лия Вели́кого

Бо́же и Го́споди сил и всея́ тва́ри Соде́телю, И́же за милосе́рдие безприкла́дныя ми́лости Твоея́, Единоро́днаго Сы́на Твоего́, Го́спода на́шего Иису́са Христа́, низпосла́вый на спасе́ние ро́да на́шего, и Честны́м Его́ Кресто́м рукописа́ние грех на́ших растерза́вый, и победи́вый тем нача́ла и вла́сти тьмы. Сам, Влады́ко Человеколю́бче, приими́ и нас, гре́шных, благода́рственныя сия́ и моле́бныя моли́твы и изба́ви нас от вся́каго всегуби́тельнаго и мра́чнаго прегреше́ния и всех, озло́бити нас и́щущих, ви́димых и неви́димых враг. Пригвозди́ стра́ху Твоему́ пло́ти на́ша и не уклони́ серде́ц на́ших в словеса́ или́ помышле́ния лука́вствия, но любо́вию Твое́ю уязви́ ду́ши на́ша; да, к Тебе́ всегда́ взира́юще и е́же от Тебе́ све́том наставля́еми, Тебе́, Непристу́пнаго и Присносу́щнаго зря́ще Све́та, непреста́нное Тебе́ испове́дание и благодаре́ние возсыла́ем, Безнача́льному Отцу́ со Единоро́дным Твои́м Сы́ном и Всесвяты́м, и Благи́м, и Животворя́щим Твои́м Ду́хом, ны́не, и при́сно, и во ве́ки веко́в, ами́нь.

Моли́твами святы́х оте́ц на́ших, Го́споди Иису́се Христе́, Бо́же наш, поми́луй нас. Ами́нь.

Сла́ва Тебе́, Бо́же наш, сла́ва Тебе́!

Царю́ Небе́сный, Уте́шителю, Ду́ше и́стины, И́же везде́ сый и вся исполня́яй, Сокро́вище благи́х и жи́зни Пода́телю, прииди́, и всели́ся в ны, и очи́сти ны от вся́кия скве́рны, и спаси́, Бла́же, ду́ши на́ша.

Святы́й Бо́же, Святы́й Кре́пкий, Святы́й Безсме́ртный, поми́луй нас. (3 раза)

Сла́ва Отцу́, и Сы́ну, и Свято́му Ду́ху, и ны́не, и при́сно, и во ве́ки веко́в. Ами́нь.

Пресвята́я Тро́ице, поми́луй нас; Го́споди, очи́сти грехи́ на́ша; Влады́ко, прости́ беззако́ния на́ша; Святы́й, посети́ и исцели́ не́мощи на́ша, и́мене Твоего́ ра́ди.

Го́споди, поми́луй. (3 раза)

Сла́ва Отцу́, и Сы́ну, и Свято́му Ду́ху, и ны́не, и при́сно, и во ве́ки веко́в. Ами́нь.

О́тче наш, И́же еси́ на небесе́х! Да святи́тся и́мя Твое́, да прии́дет Ца́рствие Твое́; да бу́дет во́ля Твоя́, я́ко на небеси́, и на земли́. Хлеб наш насу́щный да́ждь нам днесь; и оста́ви нам до́лги на́ша, я́коже и мы оставля́ем должнико́м на́шим; и не введи́ нас во искуше́ние, но изба́ви нас от лука́ваго. Яко Твое́ есть ца́рство, и си́ла, и сла́ва, Отца́, и Сы́на, и Свята́го Ду́ха, ны́не, и при́сно, и во ве́ки веко́в. Ами́нь.

Го́споди, поми́луй. (12 раз)

Сла́ва Отцу́, и Сы́ну, и Свято́му Ду́ху, и ны́не, и при́сно, и во ве́ки веко́в. Ами́нь.

Прииди́те, поклони́мся Царе́ви на́шему, Бо́гу.

Прииди́те, поклони́мся и припаде́м Христу́, Царе́ви на́шему, Бо́гу.

Прииди́те, поклони́мся и припаде́м Самому́ Христу́, Царе́ви и Бо́гу на́шему.

Псало́м 84

Благоволи́л еси́, Го́споди, зе́млю Твою́, возврати́л еси́ плен Иа́ковль: оста́вил еси́ беззако́ния люде́й Твои́х, покры́л еси́ вся грехи́ их. Укроти́л еси́ весь гнев Твой, возврати́лся еси́ от гне́ва я́рости Твоея́. Возврати́ нас, Бо́же спасе́ний на́ших, и отврати́ я́рость Твою́ от нас. Еда́ во ве́ки прогне́ваешися на ны? Или́ простре́ши гнев Твой от ро́да в род? Бо́же, Ты обра́щься оживи́ши ны, и лю́дие Твои́ возвеселя́тся о Тебе́. Яви́ нам, Го́споди, ми́лость Твою́, и спасе́ние Твое́ даждь нам. Услы́шу, что рече́т о мне Госпо́дь Бог: я́ко рече́т мир на лю́ди Своя́, и на преподо́бныя Своя́, и на обраща́ющыя сердца́ к Нему́. Оба́че близ боя́щихся Его́ спасе́ние Его́, всели́ти сла́ву в зе́млю на́шу. Ми́лость и и́стина срето́стеся, пра́вда и мир облобыза́стася. И́стина от земли́ возсия́, и пра́вда с Небесе́ прини́че, и́бо Госпо́дь даст бла́гость, и земля́ на́ша даст плод свой. Пра́вда пред Ним предъи́дет, и положи́т в путь стопы́ своя́.

Сла́ва Отцу́, и Сы́ну, и Свято́му Ду́ху, и ны́не, и при́сно, и во ве́ки веко́в. Ами́нь.

Аллилу́иа, аллилу́иа, аллилу́иа, сла́ва Тебе́, Бо́же. (3 раза)

И́же в девя́тый час нас ра́ди пло́тию смерть вкуси́вый, умертви́ пло́ти на́шея мудрова́ние, Христе́ Бо́же, и спаси́ нас. (Поклон)

Стих 1: Да прибли́жится моле́ние мое́ пред Тя, Го́споди, по словеси́ Твоему́ вразуми́ мя.

Припев: И́же в девя́тый час нас ра́ди пло́тию смерть вкуси́вый, умертви́ пло́ти на́шея мудрова́ние, Христе́ Бо́же, и спаси́ нас. (Поклон)

Стих 2: Да вни́дет проше́ние мое́ пред Тя, Го́споди, по словеси́ Твоему́ изба́ви мя.

Припев: И́же в девя́тый час нас ра́ди пло́тию смерть вкуси́вый, умертви́ пло́ти на́шея мудрова́ние, Христе́ Бо́же, и спаси́ нас. (Поклон)

Сла́ва Отцу́, и Сы́ну, и Свято́му Ду́ху.

Тропа́рь

И ны́не, и при́сно, и во ве́ки веко́в. Ами́нь.

Богородичен:

И́же нас ра́ди рожде́йся от Де́вы и распя́тие претерпе́в, Благи́й, испрове́ргий сме́ртию смерть и Воскресе́ние явле́й, я́ко Бог, не пре́зри, я́же созда́л еси́ руко́ю Твое́ю; яви́ человеколю́бие Твое́, Ми́лостиве, приими́ ро́ждшую Тя Богоро́дицу, моля́щуюся за ны, и спаси́, Спа́се наш, лю́ди отча́янныя.

Чтение (на выбор) жития святого (совершается сидя):

Молитва перед чтением: Моли́твами святаго (имяре́к), Го́споди Иису́се Христе́, Бо́же наш, поми́луй мя.

Чтение. Краткие жития святых.

Житие преподобного Павла Фивейского, отшельника

Преподобный Павел Фивейский родился в Египте, в городе Фиваиде. Оставшись сиротой, он много претерпел от своего корыстолюбивого родственника из-за родительского наследства. Во время гонений Декия (249–251) на христиан святой Павел, узнав о коварном замысле предать его в руки гонителей, покинул город и удалился в пустыню.

Поселившись в пещере у подножия горы, преподобный Павел, никому не ведомый, прожил в ней 91 год, неустанно молясь Богу днем и ночью. Питался он финиками и хлебом, который приносил ему ворон, одеждой из пальмовых листьев укрывался от холода и зноя. По смотрению Божию, уже незадолго до кончины преподобного Павла, Бог открыл о нем преподобному Антонию Великому (память 17 января), который также подвизался в Фиваидской пустыне. Однажды святому Антонию пришла мысль, что едва ли есть другой такой пустынник, как он, и тогда он услышал глас: "Антоний, есть раб Божий, который совершеннее тебя и прежде тебя поселился здесь в пустыне. Иди в глубину ее и найдешь его". Антоний пошел и нашел пещеру святого Павла. Преподав Антонию урок смирения, преподобный Павел вышел ему навстречу. Старцы назвали друг друга по имени, обнялись и долго беседовали. Во время беседы прилетел ворон и принес им обоим хлеб. Преподобный Павел открыл преподобному Антонию приближение своей кончины и завещал похоронить его. Преставился святой Павел во время молитвы, стоя на коленях. Преподобный Антоний видел, как его святая душа в окружении Ангелов, пророков и апостолов восходила к Богу. Два льва прибежали из пустыни и когтями вырыли могилу. Преподобный Антоний похоронил святого старца и, взяв его одежду из пальмовых листьев, удалился в свою обитель. Одежду эту преподобный Антоний хранил как величайшую святыню и надевал только два раза в год – на Пасху и Пятидесятницу. Скончался преподобный Павел Фивейский в 341 году, когда ему было 113 лет. Он не основал ни одной обители, но вскоре после его кончины явилось много подражателей его жизни и покрыли пустыню обителями. Преподобный Павел считается отцом православного монашества.

В XII веке тело святого Павла по воле императора Мануила (1143–1180) было перенесено в Царьград и положено в Перивлептской обители Пресвятой Богородицы. Впоследствии оно было перенесено в Венецию и, наконец, в Венгрию в Офеи; часть главы его находится в Риме.

 Ещё жития 

Житие преподобного Иоанна Кущника

Преподобный Иоанн Кущник (Каливит) был сыном богатых и знатных родителей, живших в Константинополе в V веке. С юности возлюбив Христа больше всего земного, упросил родителей подарить ему Евангелие, чтобы, читая, делом исполнять написанное. Встретив инока из обители «Неусыпающих» и желая жития иноческого, тайно ушел из дома, взяв с собой Евангелие, подарок родителей. Приняв постриг, преподобный Иоанн прожил в обители шесть лет и превзошел многих иноческими подвигами.

Желая увидеть родителей, под видом нищего вернулся в Константинополь и поселился у ворот родительского дома в куще (то есть в палатке, откуда и наименование святого – Кущник), не открывая себя. Родители посылали ему пищу со своего стола как милостыню Христа ради. Три года, притесняемый и оскорбляемый, прожил он в этой куще, терпя голод, холод и зной, непрестанно беседуя с Господом и святыми Ангелами. Всегда с ним было Евангелие, подаренное родителями, откуда черпал он глаголы вечной жизни. Перед кончиной преподобному в видении явился Господь, открыв ему, что приходит конец его скорбям и через три дня он будет взят в Царство Небесное. Преподобный Иоанн открылся родителям и мирно почил в возрасте не более 25 лет.

На месте его кончины родители святого воздвигли храм и приют для нищих и бездомных. Мощи святого Иоанна Кущника находились в Риме.

---

Мученик Пансофий был сыном правителя Александрии. После смерти отца он роздал нищим все отцовское имущество и удалился в пустыню. Здесь он подвизался около 30 лет. Когда же царь Декий воздвиг гонение на христиан, то его представили к префекту и засекли прутьями до смерти. Это было в III в.

---

Преподобный Прохор Пшинский (Пчиньский) подвизался в пустыне Вранской на реке Пшине и основал там обитель. Известен как один из самых строгих подвижников иноческого жития и представитель сербского исихазма. Преставился в конце Х / XI века.

По Сербской летописи, благочестивый король Стефан Милютин (1276–1320) построил храм во имя преподобного Прохора.

От мощей преподобного Прохора, находящихся в стене этого храма, совершались и совершаются чудеса. В правом верхнем углу его гробницы есть небольшое отверстие, откуда уже около 1000 лет изливается миро, почему он получил название Мироточивый.

---

Преподобный Гавриил, основатель Лесновского монастыря близ города Кратова, получив после смерти родителей большое наследство, отказался от супружества, ушел на Лесновскую гору и стал монахом. Там он построил храм во имя Архистратига Михаила, собрал много иноков, поставил игумена, сам же, оставив обители всё свое имущество, скрылся в горной пещере, где подвизался на протяжении тридцати лет, побеждая бесовские наваждения постом и молитвой. Затем вернулся в Лесновскую обитель и там мирно почил (XI). Через тридцать лет были обретены его мощи, при которых совершались исцеления. Спустя долгое время они были перенесены в Тернов (Тырнов) Болгарский.

---

Святитель Герасим родился в Хандаке на острове Крит. Первым учителем будущего патриарха был его отец – протопресвитер Феодор. После домашнего воспитания и обучения родители отправили его в Венецию для получения высшего образования в венецианской Флангиановой коллегии. Там он в течение немногих лет приобрёл основательные познания и изучил языки: греческий, латинский и еврейский.

Во время пребывания его в Европе турки овладели Хандаком после долговременной осады. Узнав о судьбе своей родины и о смерти отца своего, Герасим ушёл в Пелопоннес, где встретился с многими соотечественниками своими, избежавшими рабства и бесчестия, и оттуда переселился в Касторию.

В здешней митрополии, которая тогда зависела от Охридского архиепископства, определили его учителем и проповедником. Благочестие и дар проповедника расположили к нему местных христиан, и он посвящён был на осиротевшую кафедру Касторийскую и стал их архипастырем, но ненадолго. Некоторое время управлял Адрианопольской кафедрой.

После смерти патриарха Александрийского Парфения (он же Прохор), погибшего в Смирнском храме от землетрясения в 1688 году, Герасим был избран новым патриархом. Патриарх отличался ревностной и святой жизнью, отмеченной чертами юродства Христа ради.

Был обвинён в нововведениях в чин Божественной литургии в момент преложения Святых Даров. Дело дошло до Вселенского патриарха, и патриарх Герасим был оправдан.

Управлял Православною Церковью в Египте в течение 22 лет. Разные притеснения от турок и непослушание самих христиан побудили его отказаться от патриаршества, и он, избрав преемником себе Ливийского митрополита Самуила, родом хиосца, оставил свою кафедру 20 января 1710 года и удалился на Афон, где вскоре скончался.

Святитель Герасим был прославлен Александрийской Православной Церковью, после чего решением Священного Синода от 7 мая 2003 года его память была внесена в диптих святых Русской Православной Церкви.

---

Краткое житие священномученика Михаила Самсонова

Согласно документам, в церкви села Раскильдино Шемуршинского района Чувашии во время размаха репрессий священником служил Самсонов Михаил Самсонович. В декабре 1937 года его арестовали и осудили на 10 лет тюремного заключения. 28 января 1942 года, не перенеся бесчеловечных условий содержания в заключении, отец Михаил Самсонов скончался.

Раскильдинской церкви священника больше не дали, и она стояла на замке. 8 августа 1941 года было вынесено официальное решение о закрытии церкви, во время войны она была превращена в государственное зернохранилище. Только в апреле 1945 года церковь была снова открыта и действует по настоящее время. Определением Священного Синода от 27 декабря 2007 года протоиерей Михаил Самсонов был причислен к лику святых новомучеников.

Источник: pstgu.ru

Полное житие священномученика Михаила Самсонова

Священномученик Михаил родился 15 сентября 1867 года в деревне Шор-Касы Атаевской волости Курмышского уезда Симбирской губернии (ныне Шумерлинского района Чувашии) в семье крестьянина.

В 1880 году Михаил окончил Ходаровское инородческое начальное народное училище. Окончил Симбирскую Духовную семинарию в 1892 году, в этом же году был рукоположен в сан диакона к селу Туваны, в 1894 году — в сан священника к селу Раскильдино Курмышского уезда. В 1900 году был перемещен в село Красные Четаи, а в 1905 году вновь в село Раскильдино. Отец Михаил активно участвует в жизни Церкви. В 1905–1908 годах состоял депутатом от духовенства на окружных и епархиальных съездах, с 1906 года назначен помощником благочинного, с 1910 года назначен заведующим второклассной учительской школой в селе Красные Четаи, в должности которого состоял до 1918 года. С 1914 года определением Епархиального начальства назначен постоянным следователем от духовного ведомства по Курмышскому уезду.

Священноначалие отмечало труды отца Михаила наградами. В 1900 году он был награжден набедренником, в 1904 году — скуфьей. В этом же году священнику было преподано епископом Симбирским и Сызранским Никандром «Благословение Божие за заведывание Больше Токташевской и Туры Выльской церковно-приходскими школами и вообще за пастырскую деятельность». В 1912 отец Михаил был награжден камилавкой, в 1915 году — серебряной медалью в память царствования императора Александра III, темно-бронзовой медалью за первую всеобщую перепись 1897 года, серебряной медалью в память 25-летия церковно-приходских школ, светло-бронзовой медалью и серебряным нагрудным крестом в память 300-летия Дома Романовых, в 1919 году — золотым наперсным крестом, в 1923 году — саном протоиерея новопоставленным епископом Чувашской области Тимофеем (Заковым), в 1925 году — палицей. В 1924-29 годах протоиерей Михаил состоял благочинным округа.

В 1925 году обновленцы на некоторое время захватывали храм в селе Раскильдино, где служил отец Михаил. В 1929 году, служа в селе Красные Четаи, священник по прошению был уволен за штат, а в 1930 году епископ Алатырский Митрофан (Гринев) благословил «возвратиться на свой приход в с. Красный Четай и не оставлять верующих без Богослужения в великие дни». В 1931 году он был награжден наперсным крестом с украшениями. В 1936 году — назначен благочинным приходов Аликовского района ЧАССР.

Продолжая пастырское служение в селе Раскильдино, отец Михаил был арестован 10 декабря 1937 года. 12 декабря на допросе следователь спрашивал, проводил ли обвиняемый контрреволюционную агитацию в деревне в виде распространения провокационных слухов о гибели соввласти и колхозов. Отец Михаил обвинения отверг. На допросе, состоявшемся 19 декабря, следователь спрашивал: «Какую установку вы дали председателю церковного совета Федорову Ефиму по разложению колхозов и против выборов в Верховный Совет? По вашей инициативе церковный совет написал заявление о разрешении церковного звона в день выборов в Верховный Совет, чтоб отвлечь избирателей от участия в выборах». Отец Михаил ответил, что виновным себя в предъявленных обвинениях не признает.

На повторном допросе в этот же день следователь спрашивал:

— Вам предъявляется обвинение по статьям 58-10 и 58-11 УК РСФСР, выразившееся в том, что Вы совместно с председателем церковного совета Федоровым Ефимом проводили антисоветскую деятельность, направленную по разложению колхозов и против выборов в Верховный Совет. Отдельных активистов села Вы вовлекли через опаивание водкой. Кроме того вели антисоветскую агитацию против государственных платежей. Признаете ли себя виновным в предъявленном обвинении?

— Виновным себя не признаю, а объясняю следующее: я Федорову Ефиму и другим членам церковного совета никакое заявление не сочинял, правда, Федоров Ефим по этому вопросу был у меня, но я отказался. Кто им сочинил заявление указать не могу. Когда служащий и налоговый инспектор приезжали в Раскильдинский сельсовет собирать налоги, то и меня вызвали и говорили, что ваш доход достигает до 5 тысяч рублей и из этого расчета уплатите налог. После этого я им говорил, что Вы налоги берете с потолка, у меня столько дохода нет, как вы думаете. После таких разговоров я налог уплатил и ушел.

14 марта 1938 года в городе Шумерля состоялось закрытое заседание спецколлегии Верховного Суда Чувашской АССР на котором рассматривалось дело по обвинению священника церкви села Раскильдино Аликовского района Михаила Самсонова, старосты этой же церкви Ефима Федорова и еще двоих крестьян этого села. Им было предъявлено обвинение по статье 58 пункта 10 части 1 и пункта 11 той же статьи. Вот выписка из обвинительного приговора:

«Подсудимые Самсонов, Федоров Е., Федоров А. и Львов, находясь в тесной связи на почве выполнения религиозных обрядов в 1937 году организовались в контрреволюционную группу во главе подсудимых Самсонова и Федорова Ефима, систематически проводили противоколхозную, противоналоговую и пораженческую контрреволюционную агитацию через проводимые ими общие собрания единоличников и в частных разговорах среди населения. Кроме того, по показаниям свидетелей Краснова и других, благодаря активной религиозной деятельности подсудимого Самсонова, усилился приток верующих из прилегающих Ядринского, Красночетайского, Траковского и Аликовского районов, вследствие чего имели место срывы в производственных работах в колхозах».

В конце приговора приписка: «С осужденных в пользу десяти человек свидетелей взыскать проездных по 40 рублей».

Все четверо были признаны виновными в предъявленных обвинениях и приговорены к 10 годам заключения в исправительно-трудовом лагере. Священник Михаил Самсонов и староста Федоров Ефим были этапированы в Алатырскую исправительно-трудовую колонию. В то время там томились многие священнослужители, такие как преподобномученик Игнатий (Лебедев) — настоятель Московского Высоко-Петровского монастыря, священномученики Димитрий Воскресенский и Николай Троицкий. Староста Федоров Ефим скончался 25 сентября 1938 года по записи врача от порока сердца и энтероколита. Отец Михаил, несмотря на преклонный возраст, ему шел 74 год, пережил многих во Христе братьев и продержался в условиях трудовой колонии почти 4 года. Не выдержав суровой зимы и постоянного недоедания, протоиерей Михаил скончался 28 января 1942 года и был погребен на кладбище колонии в безвестной могиле.

Источник: сайт Чувашкой митрополии

---

Не преда́ждь нас до конца́, и́мене Твоего́ ра́ди, и не разори́ заве́та Твоего́, и не отста́ви ми́лости Твоея́ от нас, Авраа́ма ра́ди, возлю́бленнаго от Тебе́, и за Исаа́ка, раба́ Твоего́, и Изра́иля свята́го Твоего́.

Го́споди, поми́луй. (3 раза)

Сла́ва Отцу́, и Сы́ну, и Свято́му Ду́ху, и ны́не, и при́сно, и во ве́ки веко́в. Ами́нь.

Честне́йшую херуви́м и сла́внейшую без сравне́ния серафи́м, без истле́ния Бо́га Сло́ва ро́ждшую, су́щую Богоро́дицу, Тя велича́ем.

Бо́же, уще́дри ны и благослови́ ны, просвети́ лице́ Твое́ на ны и поми́луй ны. Ами́нь.

Моли́тва св. Васи́лия Вели́кого

Влады́ко Го́споди Иису́се Христе́, Бо́же наш, долготерпе́вый о на́ших согреше́ниих и да́же до ны́нешняго часа́ приведы́й нас, во́ньже, на Животворя́щем Дре́ве ви́ся, благоразу́мному разбо́йнику и́же в рай путесотвори́л еси́ вход и сме́ртию смерть разруши́л еси́. Очи́сти нас, гре́шных и недосто́йных раб Твои́х. Согреши́хом бо и беззако́нновахом, и не́смы досто́йни возвести́ очеса́ на́ша и воззре́ти на высоту́ небе́сную, зане́ оста́вихом путь пра́вды Твоея́ и ходи́хом в во́лях серде́ц на́ших. Но мо́лим Твою́ безме́рную бла́гость: пощади́ нас, Го́споди, по мно́жеству ми́лости Твоея́, и спаси́ нас и́мене Твоего́ ра́ди свята́го, я́ко исчезо́ша в суете́ дни́е на́ши. Изми́ нас из руки́ сопроти́внаго, и оста́ви нам грехи́ на́ша, и умертви́ плотско́е на́ше мудрова́ние; да, ве́тхаго отложи́вше челове́ка, в но́ваго облеце́мся и Тебе́ поживе́м, на́шему Влады́це и Благоде́телю. И та́ко, Твои́м после́дующе повеле́нием, в ве́чный поко́й дости́гнем, иде́же есть всех веселя́щихся жили́ще. Ты бо еси́ вои́стинну и́стинное весе́лие и ра́дость лю́бящих Тя, Христе́ Бо́же наш, и Тебе́ сла́ву возсыла́ем, со Безнача́льным Твои́м Отце́м, и Пресвяты́м, и Благи́м, и Животворя́щим Твои́м Ду́хом, ны́не, и при́сно, и во ве́ки веко́в, ами́нь.

Моли́твами святы́х оте́ц на́ших, Го́споди Иису́се Христе́, Бо́же наш, поми́луй нас. Ами́нь.

Сла́ва Тебе́, Бо́же наш, сла́ва Тебе́!

Царю́ Небе́сный, Уте́шителю, Ду́ше и́стины, И́же везде́ сый и вся исполня́яй, Сокро́вище благи́х и жи́зни Пода́телю, прииди́, и всели́ся в ны, и очи́сти ны от вся́кия скве́рны, и спаси́, Бла́же, ду́ши на́ша.

Святы́й Бо́же, Святы́й Кре́пкий, Святы́й Безсме́ртный, поми́луй нас. (3 раза)

Сла́ва Отцу́, и Сы́ну, и Свято́му Ду́ху, и ны́не, и при́сно, и во ве́ки веко́в. Ами́нь.

Пресвята́я Тро́ице, поми́луй нас; Го́споди, очи́сти грехи́ на́ша; Влады́ко, прости́ беззако́ния на́ша; Святы́й, посети́ и исцели́ не́мощи на́ша, и́мене Твоего́ ра́ди.

Го́споди, поми́луй. (3 раза)

Сла́ва Отцу́, и Сы́ну, и Свято́му Ду́ху, и ны́не, и при́сно, и во ве́ки веко́в. Ами́нь.

О́тче наш, И́же еси́ на небесе́х! Да святи́тся и́мя Твое́, да прии́дет Ца́рствие Твое́; да бу́дет во́ля Твоя́, я́ко на небеси́, и на земли́. Хлеб наш насу́щный да́ждь нам днесь; и оста́ви нам до́лги на́ша, я́коже и мы оставля́ем должнико́м на́шим; и не введи́ нас во искуше́ние, но изба́ви нас от лука́ваго. Яко Твое́ есть ца́рство, и си́ла, и сла́ва, Отца́, и Сы́на, и Свята́го Ду́ха, ны́не, и при́сно, и во ве́ки веко́в. Ами́нь.

Го́споди, поми́луй. (12 раз)

Сла́ва Отцу́, и Сы́ну, и Свято́му Ду́ху, и ны́не, и при́сно, и во ве́ки веко́в. Ами́нь.

Прииди́те, поклони́мся Царе́ви на́шему, Бо́гу.

Прииди́те, поклони́мся и припаде́м Христу́, Царе́ви на́шему, Бо́гу.

Прииди́те, поклони́мся и припаде́м Самому́ Христу́, Царе́ви и Бо́гу на́шему.

Псало́м 103

Благослови́, душе́ моя́, Го́спода. Го́споди Бо́же мой, возвели́чился еси́ зело́, во испове́дание и в велеле́поту обле́клся еси́. Одея́йся све́том, я́ко ри́зою, простира́яй не́бо, я́ко ко́жу. Покрыва́яй вода́ми превы́спренняя Своя́, полага́яй о́блаки на восхожде́ние Свое́, ходя́й на крилу́ ве́треню. Творя́й а́нгелы Своя́ ду́хи и слуги́ Своя́ пла́мень о́гненный. Основа́яй зе́млю на тве́рди ея́, не преклони́тся в век ве́ка. Бе́здна, я́ко ри́за, одея́ние ея́, на высо́тах ста́нут во́ды, от запреще́ния Твоего́ побе́гнут, от гла́са гро́ма Твоего́ убоя́тся. Восхо́дят во́ды горе́ и нисхо́дят поля́ми в ме́сто, е́же основа́л еси́ им. Преде́л положи́л еси́, eго́же не пре́йдут, ниже́ обратя́тся покры́ти зе́млю. Посыла́яй исто́чники в де́брех, посреде́ гор про́йдут во́ды. Напая́ют вся зве́ри се́льныя, утоля́т она́гри жа́жду свою́. На ты́х пти́цы небе́сныя привита́ют, от среды́ ка́мения дадя́т глас. Напая́яй го́ры от превы́спренних Свои́х, от плода́ дел Твои́х насы́тится земля́. Прозяба́яй траву́ ското́м и злак на слу́жбу челове́ком, извести́ хлеб от земли́. И вино́ весели́т се́рдце челове́ка, ума́стити лице́ еле́ем, и хлеб се́рдце челове́ка укрепи́т. Напита́ются древа́ польска́я, ке́дри Лива́нстии, и́хже еси́ насади́л. Та́мо пти́цы вогнездя́тся, а́истово жили́ще предводи́тельствует и́ми. Го́ры высо́кия - еле́нем, ка́мень - прибе́жище за́яцем. Сотвори́л есть луну́ во времена́, со́лнце позна́ за́пад свой. Положи́л еси́ тьму - и бысть нощь, в не́йже про́йдут вси зве́рие дубра́внии, львы́ рыка́ющии, восхи́тити и взыска́ти от Бо́га пи́щу себе́. Возсия́ со́лнце - и собра́шася, и в ло́жах свои́х ля́гут; изы́дет челове́к на де́ло свое́ и на де́лание свое́ до ве́чера. Я́ко возвели́чишася дела́ Твоя́, Го́споди, вся прему́дростию сотвори́л еси́; испо́лнися земля́ тва́ри Твоея́. Сие́ мо́ре вели́кое и простра́нное, та́мо га́ди, и́мже несть числа́, живо́тная ма́лая с вели́кими; та́мо корабли́ препла́вают, змий сей, eго́же созда́л еси игра́тися eму́. Вся к Тебе́ ча́ют, да́ти пи́щу им во бла́го вре́мя. Да́вшу Тебе́ им - соберу́т, отве́рзшу Тебе́ ру́ку - вся́ческая испо́лнятся бла́гости; отвра́щшу же Тебе́ лице́ - возмяту́тся, отъи́меши дух их - и исче́знут, и в персть свою́ возвратя́тся. По́слеши Ду́ха Твоего́ - и сози́ждутся, и обнови́ши лице́ земли́. Бу́ди сла́ва Госпо́дня во ве́ки, возвесели́тся Госпо́дь о де́лех Свои́х. Призира́яй на зе́млю и творя́й ю́ трясти́ся, прикаса́яйся гора́м - и дымя́тся. Воспою́ Го́сподеви в животе́ мое́м, пою́ Бо́гу моему́, до́ндеже есмь. Да услади́тся Ему́ бесе́да моя́, аз же возвеселю́ся о Го́споде. Да исче́знут гре́шницы от земли́ и беззако́нницы, я́коже не бы́ти им. Благослови́, душе́ моя́, Го́спода.

Сла́ва Отцу́, и Сы́ну, и Свято́му Ду́ху, и ны́не, и при́сно, и во ве́ки веко́в. Ами́нь.

Аллилу́иа, аллилу́иа, аллилу́иа, сла́ва Тебе́, Бо́же. (3 раза)

Моли́тва св. Мака́рия Вели́кого

Бо́же Ве́чный и Царю́ вся́каго созда́ния, сподо́бивый мя да́же в час сей доспе́ти, прости́ ми грехи́, я́же сотвори́х в сей день, де́лом, сло́вом и помышле́нием, и очи́сти, Го́споди, смире́нную мою́ ду́шу от вся́кия скве́рны пло́ти и ду́ха. И даждь ми, Гóсподи, в нощи́ сей сон прейти́ в ми́ре, да, востáв от смирéннаго ми лóжа, благоугожду́ пресвятóму и́мени Твоéму во вся дни животá моегó и поперу́ борю́щия мя враги́, плотски́я и безпло́тныя. И изба́ви мя, Го́споди, от помышле́ний су́етных, оскверня́ющих мя, и по́хотей лука́вых. Я́ко подоба́ет Тебе́ вся́кая сла́ва, честь и поклоне́ние, Отцу́, и Сы́ну, и Свято́му Ду́ху, ны́не, и при́сно, и во ве́ки веко́в. Аминь.

Вече́рний антифо́н

Го́споди, воззва́х к Тебе́, услы́ши мя. Услы́ши мя, Го́споди.

Го́споди, воззва́х к Тебе́, услы́ши мя: вонми́ гла́су моле́ния моего́, внегда́ воззва́ти ми к Тебе́. Услы́ши мя, Го́споди.

Да испра́вится моли́тва моя́, я́ко кади́ло, пред Тобо́ю, воздея́ние руку́ мое́ю – же́ртва вече́рняя. Услы́ши мя, Го́споди.

Положи́, Го́споди, хране́ние усто́м мои́м и дверь огражде́ния о устна́х мои́х. Не уклони́ се́рдце мое́ в словеса́ лука́вствия, непщева́ти вины́ о гресе́х с челове́ки, де́лающими беззако́ние, и не сочту́ся со избра́нными их. Нака́жет мя пра́ведник ми́лостию - и обличи́т мя, еле́й же гре́шнаго да не нама́стит главы́ моея́, я́ко еще́ и моли́тва моя́ во благоволе́ниих их. Поже́рты бы́ша при ка́мени судии́ их: услы́шатся глаго́ли мои́, я́ко возмого́ша. Я́ко то́лща земли́ просе́деся на земли́, расточи́шася ко́сти их при а́де. Я́ко к Тебе́, Го́споди, Го́споди, о́чи мои́: на Тя упова́х, не отыми́ ду́шу мою́. Сохрани́ мя от се́ти, ю́же соста́виша ми, и от собла́зн де́лающих беззако́ние. Паду́т во мре́жу свою́ гре́шницы, еди́н есмь аз, до́ндеже прейду́.

Гла́сом мои́м ко Го́споду воззва́х, гла́сом мои́м ко Го́споду помоли́хся. Пролию́ пред Ним моле́ние мое́, печа́ль мою́ пред Ним возвещу́. Внегда́ исчеза́ти от мене́ ду́ху моему́, и Ты позна́л еси́ стези́ моя́: на пути́ сем, по нему́же хожда́х, скры́ша сеть мне. Смотря́х одесну́ю и возгля́дах: и не бе зна́яй мене́, поги́бе бе́гство от мене́, и несть взыска́яй ду́шу мою́. Воззва́х к Тебе́, Го́споди, рех: Ты еси́ упова́ние мое́, часть моя́ еси́ на земли́ живы́х. Вонми́ моле́нию моему́, я́ко смири́хся зело́; изба́ви мя от гоня́щих мя, я́ко укрепи́шася па́че мене́.

Изведи́ из темни́цы ду́шу мою́, испове́датися и́мени Твоему́.

Мене́ ждут пра́ведницы, до́ндеже возда́си мне.

Из глубины́ воззва́х к Тебе́, Го́споди, Го́споди, услы́ши глас мой!

Да бу́дут у́ши Твои́ вне́млюще гла́су моле́ния моего́.

А́ще беззако́ния на́зриши, Го́споди, Го́споди, кто постои́т? Я́ко у Тебе́ очище́ние есть.

И́мене ра́ди Твоего́ потерпе́х Тя, Го́споди, потерпе́ душа́ моя́ в сло́во Твое́, упова́ душа́ моя́ на Го́спода.

От стра́жи у́тренния до но́щи, от стра́жи у́тренния да упова́ет Изра́иль на Го́спода.

Я́ко у Го́спода - ми́лость, и мно́гое у Него́ избавле́ние, и Той изба́вит Изра́иля от всех беззако́ний eго́.

Хвали́те Го́спода, вси язы́цы, похвали́те Его́, вси лю́дие.

Я́ко утверди́ся ми́лость Его́ на нас, и и́стина Госпо́дня пребыва́ет во век.

Сла́ва Отцу́, и Сы́ну, и Свято́му Ду́ху, и ны́не, и при́сно, и во ве́ки веко́в. Ами́нь.

Моли́тва св. Васи́лия Вели́кого

Благослове́н еси́, Влады́ко Вседержи́телю, просвети́вый день све́том со́лнечным и нощь уясни́вый заря́ми о́гненными, е́же долготу́ дне прейти́ нам сподо́бил еси́ и прибли́житися нача́лом но́щи. Услы́ши моле́ние мое и всех люде́й Твои́х и всех нас прости́ во́льная и нево́льная согреше́ния. Приими́ вече́рняя моя моле́ния и низпосли́ мно́жество ми́лости Твоея́ и щедро́т Твои́х на достоя́ние Твое́. Остени́ нас святы́ми Твои́ми а́нгелы, вооружи́ нас ору́жием пра́вды, огради́ нас и́стиною Твое́ю, соблюди́ нас си́лою Твое́ю, изба́ви нас от вся́каго обстоя́ния, вся́каго наве́та сопроти́внаго. Пода́ждь же мне и настоя́щий ве́чер с приходя́щею но́щию соверше́н, свят, ми́рен, безгре́шен, безбла́знен, безмечта́нен и вся дни жизни на́шея, моли́твами Cвяты́я Богоро́дицы и всех святы́х, от ве́ка благоугоди́вших, ами́нь.

После молитвы перед иконой Спасителя возжигается светильник со словами: Свет Христо́в просвеща́ет всех!

И после этого поется: Све́те Ти́хий святы́я Сла́вы Безсме́ртнаго Отца́ Небе́снаго, Свята́го, Блаже́ннаго, Иису́се Христе́. Прише́дше на за́пад со́лнца, ви́девше свет вече́рний, пое́м Отца́, Сы́на и Свята́го Ду́ха, Бо́га. Досто́ин еси́ во вся времена́ пе́т бы́ти гла́сы преподо́бными, Сы́не Бо́жий, живот дая́й - те́мже мир Тя сла́вит.

Вечерний прокимен в сре́ду ве́чера, пс. 53

Бо́же, во и́мя Твое́ спаси́ мя и в си́ле Твое́й суди́ ми. Бо́же, услы́ши моли́тву мою́, внуши́ глаго́лы уст мои́х. Я́ко чу́ждии воста́ша на мя, и кре́пцыи взыска́ша ду́шу мою́, и не предложи́ша Бо́га пред собо́ю. Се бо, Бог помога́ет ми, и Госпо́дь - Засту́пник души́ мое́й. Отврати́т зла́я враго́м мои́м, и́стиною Твое́ю потреби́ их. Во́лею пожру́ Тебе́, испове́мся и́мени Твоему́, Го́споди, я́ко бла́го; я́ко от вся́кия печа́ли изба́вил мя еси́, и на враги́ моя́ воззре́ о́ко мое́.

Пареми́и (вечернее чтение Ветхого Завета по собственному выбору)

Молитва перед их чтением:

Откры́й о́чи мои́, и уразуме́ю чудеса́ от зако́на Твоего́. Пришле́ц аз есмь на земли́, не скрый от мене́ за́поведи Твоя́. Возлюби́ душа́ моя́ возжела́ти судьбы́ Твоя́ на вся́кое вре́мя.

Чтение Ветхого Завета

По окончании Чтения или при его отсутствии совершается вечернее славословие:

Сподо́би, Го́споди, в ве́чер сей без греха́ сохрани́тися мне. Благослове́н еси́, Го́споди Бо́же оте́ц на́ших, и хва́льно, и просла́влено и́мя Твое́ во ве́ки, ами́нь.

Бу́ди, Го́споди, ми́лость Твоя́ на мя, я́коже упова́ю на Тя. Благослове́н еси́, Го́споди, научи́ мя оправда́нием Твои́м. Благослове́н еси́, Влады́ко, вразуми́ мя оправда́нием Твои́м. Благослове́н еси́, Святы́й, просвети́ мя оправда́нии Твои́ми.

Го́споди, ми́лость Твоя́ во век, дел руку́ Твое́ю не пре́зри. Тебе́ подоба́ет хвала́, Тебе́ подоба́ет пе́ние, Тебе́ сла́ва подоба́ет, Отцу́, и Сы́ну, и Свято́му Ду́ху, ны́не, и при́сно, и во ве́ки веко́в. Ами́нь.

Моли́тва св. Симео́на Богоприи́мца

Ны́не отпуща́еши раба́ Твоего́, Влады́ко, по глаго́лу Твоему́, с ми́ром: я́ко ви́деста о́чи мои́ спасе́ние Твое́, е́же еси́ угото́вал пред лице́м всех люде́й, свет во открове́ние язы́ков и сла́ву люде́й Твои́х Изра́иля.

Святы́й Бо́же, Святы́й Кре́пкий, Святы́й Безсме́ртный, поми́луй нас. (3 раза)

Сла́ва Отцу́, и Сы́ну, и Свято́му Ду́ху, и ны́не, и при́сно, и во ве́ки веко́в. Ами́нь.

Пресвята́я Тро́ице, поми́луй нас; Го́споди, очи́сти грехи́ на́ша; Влады́ко, прости́ беззако́ния на́ша; Святы́й, посети́ и исцели́ не́мощи на́ша, и́мене Твоего́ ра́ди.

Го́споди, поми́луй. (3 раза)

Сла́ва Отцу́, и Сы́ну, и Свято́му Ду́ху, и ны́не, и при́сно, и во ве́ки веко́в. Ами́нь.

О́тче наш, И́же еси́ на небесе́х! Да святи́тся и́мя Твое́, да прии́дет Ца́рствие Твое́; да бу́дет во́ля Твоя́, я́ко на небеси́, и на земли́. Хлеб наш насу́щный да́ждь нам днесь; и оста́ви нам до́лги на́ша, я́коже и мы оставля́ем должнико́м на́шим; и не введи́ нас во искуше́ние, но изба́ви нас от лука́ваго. Яко Твое́ есть ца́рство, и си́ла, и сла́ва, Отца́, и Сы́на, и Свята́го Ду́ха, ны́не, и при́сно, и во ве́ки веко́в. Ами́нь.

Го́споди, поми́луй. (3 раза)

Сла́ва Отцу́, и Сы́ну, и Свято́му Ду́ху, и ны́не, и при́сно, и во ве́ки веко́в. Ами́нь.

Честне́йшую херуви́м и сла́внейшую без сравне́ния серафи́м, без истле́ния Бо́га Сло́ва ро́ждшую, су́щую Богоро́дицу, Тя велича́ем.

Моли́твами святы́х оте́ц на́ших, Го́споди Иису́се Христе́, Бо́же наш, поми́луй нас. Ами́нь.

Моли́твами святы́х оте́ц на́ших, Го́споди Иису́се Христе́, Бо́же наш, поми́луй нас. Ами́нь.

Сла́ва Тебе́, Бо́же наш, сла́ва Тебе́!

Царю́ Небе́сный, Уте́шителю, Ду́ше и́стины, И́же везде́ сый и вся исполня́яй, Сокро́вище благи́х и жи́зни Пода́телю, прииди́, и всели́ся в ны, и очи́сти ны от вся́кия скве́рны, и спаси́, Бла́же, ду́ши на́ша.

Святы́й Бо́же, Святы́й Кре́пкий, Святы́й Безсме́ртный, поми́луй нас. (3 раза)

Сла́ва Отцу́, и Сы́ну, и Свято́му Ду́ху, и ны́не, и при́сно, и во ве́ки веко́в. Ами́нь.

Пресвята́я Тро́ице, поми́луй нас; Го́споди, очи́сти грехи́ на́ша; Влады́ко, прости́ беззако́ния на́ша; Святы́й, посети́ и исцели́ не́мощи на́ша, и́мене Твоего́ ра́ди.

Го́споди, поми́луй. (3 раза)

Сла́ва Отцу́, и Сы́ну, и Свято́му Ду́ху, и ны́не, и при́сно, и во ве́ки веко́в. Ами́нь.

О́тче наш, И́же еси́ на небесе́х! Да святи́тся и́мя Твое́, да прии́дет Ца́рствие Твое́; да бу́дет во́ля Твоя́, я́ко на небеси́, и на земли́. Хлеб наш насу́щный да́ждь нам днесь; и оста́ви нам до́лги на́ша, я́коже и мы оставля́ем должнико́м на́шим; и не введи́ нас во искуше́ние, но изба́ви нас от лука́ваго. Яко Твое́ есть ца́рство, и си́ла, и сла́ва, Отца́, и Сы́на, и Свята́го Ду́ха, ны́не, и при́сно, и во ве́ки веко́в. Ами́нь.

Го́споди, поми́луй. (12 раз)

Молитва

Го́споди Бо́же наш, в Него́же ве́ровахом и Его́же и́мя па́че вся́каго и́мене призыва́ем! Даждь нам, ко сну отходя́щим, осла́бу души́ и те́лу, и соблюди́ нас от вся́каго мечта́ния и те́мныя сла́сти кроме́; уста́ви стремле́ние страсте́й, угаси́ разжже́ние восста́ния теле́снаго; даждь нам целому́дренне пожи́ти де́лы и словесы́: да, добродете́льное жи́тельство восприе́млюще, обетова́нных не отпаде́м благи́х Твои́х, я́ко благослове́н еси́ во ве́ки. Ами́нь.

Молитва ина́я, св. Иоа́нна Дамаскина́

Влады́ко Человеколю́бче, неуже́ли мне одр мой гроб бу́дет? Или́ еще́ окая́нную мою́ ду́шу просвети́ши днем? Се ми гроб предлежи́т, се ми смерть предстои́т. Суда́ Твоего́, Го́споди, бою́ся и му́ки безконе́чныя, зло́е же творя́ не престаю́: Тебе́, Го́спода Бо́га моего́, всегда́ прогневля́ю, и Пречи́стую Твою́ М́атерь, и вся небе́сныя си́лы, и свята́го А́нгела Храни́теля моего́. Вем у́бо, Го́споди, я́ко недосто́ин есмь человеколю́бия Твоего́, но досто́ин есмь вся́каго осужде́ния и му́ки. Но, Го́споди, или́ хощу́, или́ не хощу́ - спаси́ мя. А́ще бо пра́ведника спаса́еши - ничто́же ве́лие, и а́ще чи́стаго поми́луеши - ничто́же ди́вно: досто́йни бо суть ми́лости Твоея́. Но на мне, гре́шнем, удиви́ ми́лость Твою́: о сем яви́ человеколю́бие Твое́; да не одоле́ет моя́ зло́ба Твое́й неизглаго́ланней бла́гости и милосе́рдию, и, я́коже хо́щеши, устро́й о мне вещь.

Тропари

Просвети́ о́чи мои́, Христе́ Бо́же, да не когда́ усну в смерть, да не когда́ рече́т враг мой: укрепи́хся на него́.

Сла́ва Отцу́, и Сы́ну, и Свято́му Ду́ху. Засту́пник души́ моея́ бу́ди, Бо́же, я́ко посреде́ хожду́ сете́й мно́гих; изба́ви мя от них и спаси́ мя, Бла́же, я́ко Человеколю́бец.

И ны́не, и при́сно, и во ве́ки веко́в. Ами́нь. Пресла́вную Бо́жию Ма́терь и святы́х а́нгел святе́йшую немо́лчно воспои́м се́рдцем и усты́, Богоро́дицу сию́ испове́дающе, я́ко вои́стинну ро́ждшую нам Бо́га воплоще́нна и моля́щуюся непреста́нно о душа́х на́ших.

Вместо этих тропарей можно употреблять тропари малого повечерия в соответствии с днями седмицы (см. Канонник)

Здесь совершается акафист или канон (без ирмосов) в соответствии с днём седмицы.

• Акафист святителю Николаю, архиепископу Мир Ликийских, чудотворцу
• Акафист святым Первоверховным апостолам Петру и Павлу
• Канон святителю Николаю, архиепископу Мир Ликийских, Чудотворцу
• Канон святым апостолам

По окончании чтения канона:

Да воскре́снет Бог, и расточа́тся врази́ Его́, и да бежа́т от лица́ Его́ ненави́дящии Его́. Я́ко исчеза́ет дым - да исче́знут; я́ко та́ет воск от лица́ огня́ - та́ко да поги́бнут бе́си от лица́ лю́бящих Бо́га, и зна́менующихся кре́стным зна́мением, и в весе́лии глаго́лющих: ра́дуйся, Пречестны́й и Животворя́щий Кре́сте Госпо́день, прогоня́яй бе́сы си́лою на тебе́ пропя́таго Го́спода на́шего, Иису́са Христа́, во ад сше́дшаго и попра́вшаго си́лу диа́волю, и дарова́вшаго нам тебе́, Крест Свой Честны́й, на прогна́ние вся́каго супоста́та. О, Пречестны́й и Животворя́щий Кре́сте Госпо́день! Помога́й ми со Свято́ю Госпоже́ю Де́вою Богоро́дицею и со все́ми святы́ми во ве́ки. Ами́нь.

Пресла́вная Присноде́во, Ма́ти Христа́ Бо́га, принеси́ на́шу моли́тву Сы́ну Твоему́ и Бо́гу на́шему, да спасе́т Тобо́ю ду́ши на́ша.

Упова́ние мое́ - Оте́ц, прибе́жище мое́ - Сын, покро́в мой - Дух Святы́й; Тро́ице Свята́я, сла́ва Тебе́! Аминь.

Повседневное исповедание грехов

Испове́даю Тебе́, Го́споду Бо́гу моему́ и Творцу́, во Святе́й Тро́ице Еди́ному, сла́вимому и поклоня́емому, Отцу́, и Сы́ну, и Свято́му Ду́ху, вся моя́ грехи́, я́же соде́ях во вся дни живота́ моего, и на вся́кий час, и в настоя́щее вре́мя, и в преше́дшия дни и но́щи, де́лом, сло́вом, помышле́нием (и здесь совершается перечисление грехов, совершенных днем) и все́ми мои́ми чу́вствы: зре́нием, слу́хом, обоня́нием, вку́сом, осяза́нием и про́чими мои́ми грехи́, душе́вными вку́пе и теле́сными, и́миже Тебе́, Бо́га моего́ и Творца́, прогне́вах и бли́жняго моего́ онепра́вдовах. О сих жале́я, ви́нна себе́ Тебе́, Бо́гу моему́, представля́ю и име́ю во́лю ка́ятися. То́чию, Го́споди Бо́же мой, помози́ ми, со слеза́ми смире́нно молю́ Тя: преше́дшая же согреше́ния моя́ милосе́рдием Твои́м прост́и ми и разреши́ от всех сих, я́же изглаго́лах пред Тобо́ю, я́ко Благ и Человеколю́бец.

Молитва св. Антиоха

И даждь мне, Влады́ко, на сон гряду́щему, поко́й те́ла и души́; и сохрани́ мя от мра́чнаго сна грехо́внаго и от вся́каго те́мнаго и нощна́го сладостра́стия; укроти́ стремле́ния страсте́й, угаси́ разжже́нныя стре́лы лука́ваго, я́же на мя льсти́вно дви́жимыя; пло́ти моея́ восста́ния утоли́ и вся́кое земно́е и веще́ственное мое́ мудрова́ние успи́. И да́руй мне, Бо́же, бодр ум, целому́др по́мысл, се́рдце трезвя́щееся, сон лего́к и вся́каго сатанина́ мечта́ния измене́н. Возста́ви же мя во вре́мя моли́твы утвержде́на в за́поведех Твои́х и па́мять суде́б Твои́х в себе́ тве́рду иму́ща. Полуно́щное славосло́вие мне да́руй, во е́же пе́ти, и благослови́ти, и сла́вити пречестно́е и великоле́пое и́мя Твое́, Отца́, и Сы́на, и Свята́го Ду́ха, ны́не, и при́сно, и во ве́ки веко́в, ами́нь.