Материалы для истории раскола за первое время его существования. Том 7

В ряду раскольнических писателей первого времени по возникновении раскола не последнее место должен занять инок Аврамий. Своею известностию в истории раскольнической литературы он обязан собственно составленной им обширной Челобитной, которую подал царю Алексею Михайловичу; но, по нашему мнению, не меньшее право на такую известность дает ему один весьма замечательный сборник, составителем которого мы именно признаем Аврамия¹.

Сборник этот, принадлежавший Синодальной библиотеке (№ 641) и, как, можно полагать, собственноручно писанный составителем, имеет им же данное заглавие: «Христианоопасный щит веры против еретического ополчения». Он действительно весьма замечателен по своему содержанию и может быть назван первообразом раскольнических сборников, во множестве явившихся потом, особенно в XVIII веке, в ряду которых ему принадлежит первое место не только по времени составления, но и по достоинству. Составитель внес в него некоторые статьи и сочинения из печатных книг и из рукописей, в которых находил какое-нибудь подтверждение раскольнических мнений по тому или другому вопросу, и, что особенно важно, разные статьи современных ему раскольнических и других писателей, направленные против патриарха Никона, или составленные прямо в защиту и прославление раскола²: все это внесено в Сборник не случайно и не без цели; напротив, каждую почти статью собиратель сопровождает объяснениями («пристижения») – почему вносит ее в Сборник, и старается установить между ними связь, так что в совокупности они представляют действительно нечто целое, соединенное одною мыслию³. Сборнику он предпослал три предисловия, в которых (особенно в последнем) определяет его назначение и общее содержание. Предисловия эти, равно как и некоторые статьи, очевидно, принадлежат самому составителю Сборника⁴. В третьем предисловии (стр. 9) он говорит, что «книга» его «сочинися во 176 (166 ⅞) году». Это замечание относится собственно к первым 33 главам. В оглавлении, находящемся пред предисловиями, именно значатся только 33 главы: здесь, как видно, собиратель и хотел окончить свой Сборник, к которому сочинил предисловия, причем в одном из них и упомянул, что книга «сочинена в 176 г.» Между тем он получил несколько новых, интересных для него статей, которые также начал вносить в свой Сборник: эти новые статьи, или главы, в количестве тринадцати (глл. 34–46), не вошли уже в оглавление и в Сборник внесены несомненно позднее 1668 г., так как здесь напр. (в глл. 43–45) приводятся документы, сочиненные в Соловецком монастыре в 1668 г., которых составитель Сборника в Москве рано получить не мог, а последняя (46-я) глава повествует о событии, случившемся уже в Декабре 7177 (1668) года. Итак, нужно полагать, что Сборник окончен составлением не ранее 1669 года.

Составитель Сборника не называет себя по имени, но, следуя примеру некоторых древних русских писателей, замечает только: «недостойного небу и земли имя неполезно писати, точию многогрешный, окаянный и страстный» (стр. 8). Признавать же составителем Сборника именно Аврамия, автора известной Челобитной, имеется вполне твердое основание. Оно заключается именно в том, что эта Челобитная, несомненно принадлежащая Аврамию и поданная им не ранее 1670 г., т. е. вскоре по составлении Сборника, вся составлена на основании статей, внесенных в Сборник, представляет в бо́льшей половине своего содержания буквальные выписки из этих статей, так что Челобитная, можно сказать, есть воспроизведение существенного содержания Сборника, и составление Сборника служило как бы подготовлением, или собиранием материала для Челобитной⁵. Трудно допустить, чтобы так воспользоваться Сборником, и вскоре же после его составления, могло какое-либо другое лице, кроме самого составителя⁶. Притом же некоторые статьи, вошедшие в Сборник, Аврамий приводит в Челобитной, как лично ему принадлежащие⁷. Да и вообще, характер и способ изложения несомненно принадлежащих собирателю статей имеют совершенное сходство с характером Челобитной Аврамия и преобладающими в ней литературными приемами.

Итак, с полной основательностью можно признавать Аврамия составителем Сборника «Христианоопасный щит веры», и составление такого замечательного сборника, по нашему мнению, более нежели сочинение самой Челобитной, дает ему право на видное место в ряду раскольнических писателей первого времени.

Поэтому, предположив издать в настоящем томе «Материалов» письменные труды Аврамия, мы печатаем

1. Этот именно Сборник – Христианоопасный щит веры против еретического ополчения.

Сборник мы печатаем по подлинному списку Синодальной библиотеки (№ 641)⁸. И так как некоторые из помещенных в нем статей уже напечатаны⁹ в предыдущих томах «Материалов для истории раскола»¹⁰, некоторые же извлечены из общеизвестных старопечатных книг¹¹, или из рукописей, ныне уже изданных¹², то печатать вновь такие статьи мы не признали нужным¹³, а только сделали указания, где читатель может найти их, и напечатали одни «пристижения», или замечания к ним, сделанные Аврамием, если такие имеются в Сборнике.

Считаем неизлишним представить здесь перечень всех глав Сборника, с библиографическими и историческими замечаниями об некоторых и с указанием страниц каждой по нашему изданию и соответствующих им листов подлинника.

Гл. 1-я (стр. 11–17; в ркп. л. 6–9 об.) в оглавлении надписана: «О непорочной христианской вере»; в самом же Сборнике имеет другое, очень пространное заглавие (стр. 11). Это последнее можно считать новым общим заглавием для всего Сборника, и тем более, что сама первая глава имеет значение только вступления, или нового предисловия к Сборнику, что́ ясно выражает и сам Аврамий в заключительных словах ее: «предисловное сказание не обыче долгих извождений вмещати» и проч. Глава эта, как и предшествовавшие ей предисловия есть, очевидно, собственное сочинение Аврамия.

Гл. 2-я (стр. 17–23; в ркп. л. 9 об.–13), как видно из «пристижения», написана также самим составителем Сборника.

Гл. 3-я (стр. 23; в ркп. л. 13–18) и гл. 4-я (стр. 24; в ркп. л. 13–19) содержат буквальные выписки из Великого Катихизиса.

Гл. 5-я (стр. 24–33; в ркп. л. 19–24), почти целиком вошедшая в Челобитную, есть, очевидно, собственного же аврамиева сочинения.

Гл. 6-я (стр. 33; в ркп. л. 24 об.–27) и гл. 7-я (стр. 34; в ркп. л. 28–29 об.) содержат два слова Максима Грека, уже напечатанные в Казанском изд. его сочинений. То и другое Аврамий сопроводил «пристижениями».

Гл. 8-я (стр. 35–40; в ркп. л. 30–33) «Сказание отчасти чудес преподобного Игнатия Вологоцкого» – представляет документ интересный для первоначальной истории раскола. Список этого сказания значится и в числе бумаг, отобранных у игумена Феоктиста (Мат. т. I, стр. 329); по делу о чуде, описанном в сказании, был допрос Ивану Неронову, имевшему близкие отношения к Игнатиеву монастырю (См. там же стр. 204–205 и прим.). Близость Неронова к монастырю пр. Игнатия и то, что он был привлечен к делу о чуде, объясняют несколько и происхождение сказания, и его распространенность между первыми ревнителями раскола.

Гл. 9-я (стр. 40–44; в ркп. л. 33–35 об.). Слово Златоуста с «пристижением».

Гл. 10-я (стр. 44–53; в ркп. л. 35 об.–40). Здесь под заглавием: «Всенародное прошение к царю» приводится документ, по свиткам Синод. библ. известный под названием Челобитной Ивана Неронова, но представляющий в сравнении с этою последнею некоторые варианты. Челобитная Неронова уже напечатана в 1-м томе Материалов для истории раскола (№ XIV, стр. 167–179): там, под строкой, приводятся и варианты, представляемые «Всенародным прошением» (См. там же прим, на стр. 167). Но в виду важности документа мы признали нужным напечатать теперь весь текст «Всенародного прошения», уже не делая указаний на разночтения в сравнении с Челобитной Неронова.

Гл. 11-я (стр. 53–63; в ркп. л. 40 об.–46) «Соловецкого монастыря о старце Епифании, иже подал на собор написав книгу». Это есть весьма любопытная краткая автобиографическая записка известного инока Епифания, бывшего духовным отцом протопопа Аввакума и вместе с ним сосланного в Пустозерский острог. Известно, что Аввакум по его убеждению написал, находясь уже в Пустозерске, свою знаменитую «автобиографию», в заключении которой требовал и от Епифания, чтобы он также описал свою жизнь и бывшие с ним чудеса: «как Богородица беса в руках мяла и ему отдала» и проч. (См. Мат. т. V, стр. 112). Епифаний в своей «записке» рассказывает об этом самом и о других подобных чудесных событиях; но всего любопытнее здесь рассказ его о том, как он составил обличительную книгу на никониан и подал собору и царю. К записке Епифания Аврамий сделал в конце только одну заметку: «Сему старцу язык отрезали». Из этой заметки и из самого содержания «записки» видно, что она составлена Епифанием еще ранее ссылки и упомянутой казни, которой он подвергся в Москве: поэтому на нее нельзя смотреть как на исполнение Аввакумовой заповеди Епифанию – составить свое жизнеописание, – она составлена ранее Аввакумовой автобиографии.

Глл. 12-я (стр. 63–80; в ркп. л. 46–56), 13-я (стр. 80–81; по ркп. л. 56–57) и 14-я (стр. 82–84; по ркп. л. 57–58), имеющие взаимную связь и почти всем своим содержанием вошедшие в Челобитную, составляют по всей вероятности собственное сочинение Аврамия.

Гл. 15-я (стр. 84–85; в ркп. л. 58–60 об.) «Феоктистова прошения». Это прошение, или «молебное писание» Феоктиста напечатано по подлинному списку, найденному в свитках Синод. библ., в 1-м т. Материалов (№ XXX): текста прошения, приведенный в Сборнике Аврамия, вполне согласен с подлинным, – Аврамий исключил из него лишь одно место (См. т. 1-й, стр. 344, прим. 2 и стр. 349, прим. 2). Теперь мы печатаем только сделанное в Сборнике самим Аврамием примечание к Феоктистову прошению (О значении этого примечания см. т. 1, стр. 344, прим. 2).

Гл. 16-я (стр. 85; по ркп. л. 61–61 об.) «Аввакумово прошение». Это – челобитная Аввакума, уже напечатанная по подлинному списку Синод. библ. в V т. Материалов (стр. 119–132). В Сборнике Аврамия она имеет весьма значительные варианты против подлинного текста, которые все означены при издании этого последнего.

Гл. 17-я (стр. 85–95; в ркп. 64 об.–69 об.), озаглавленная: «На проклятый Никонов собор», есть, очевидно, собственное сочинение Аврамия: в нем он делает указания на некоторые дальнейшие главы Сборника.

Гл. 18-я (стр. 95; в ркп. л. 69 об.–80 об.) содержит известное сказание Симеона Суздальца о Флорентийском соборе, изданное А. Поповым в его «Обзоре древне-русских полемических сочинений против латинян», (стр. 344–359).

Гл. 19-я (стр. 86–100; в ркп. л. 80 об.– 87). Слово Максима Грека, напечатанное в Казанском издании (т. III. № XXIII), с обширным «пристижением», которое и печатается вполне.

Гл. 20-я (стр. 100–181; в ркп. л. 87–134) в оглавлении надписана: «О соборном деянии и о извержении Никонове», в Сборнике же имеет другое заглавие: «Во 175 (1667) году собор бысть ни Никона... и изложися сие соборное деяние». То и другое заглавие не верны: в 20-й гл. нет соборного деяния на п. Никона, изданного в 1667 г. Она состоит из трех отдельных статей. Первую (стр. 100–112) составляют неизвестно кому принадлежащие, в 22 пунктах изложенные, возражения против п. Никона по поводу произнесенной им клятвы на Семена Стрешнева. Вторая (стр. 112–150) есть изложенное в 30 пунктах послание к царю Алексею Михайловичу от лица, в тексте не названного по имени, содержащее резкие возражения против письма п. Никона к Паисию Лигариду, полученного этим последним вскоре по приезде в Москву. Г. Гиббенет в своем «Историческом исследовании дела п. Никона» (ч. 2, стр. 17–27) излагает содержание этого сочинения, называя его письмом Александра еп. Вятского к царю. Указание весьма интересное, и нельзя не пожалеть, что г. Гиббенет не объяснил, на каком основании делает его и где нашел это сочинение с именем Александра Вятского, равно как нельзя не пожалеть, что не напечатал его в приложениях к своей книге: текст письма интересно было бы сличить с текстом, приведенными в Сборнике Аврамия. Из Аврамиева Сборника эту статью напечатал г. Тихонравов в V т. «Летописей рус. литературы» (стр. 153–178), но не везде исправно: эти неисправности мы указываем под строкой¹⁴. Третья статья (стр. 150–181) содержит «Ответы» Паисия Лигарида по вопросами Стрешнева. При издании мы сличали эту статью с текстом «Ответов», напечатанным у г. Гиббенета в приложениях к его книге (ч. 2-я, стр. 518–550), и указали найденные варианты. Достойно примечания, что статьи такого рода списывались и распространялись у раскольников: список их значится и в числе бумаг отобранных у Феоктиста (см. Мат. т. 1, стр. 328).

Гл. 21-я (стр. 181–183; в ркп. л. 134–135) – небольшая статья дьякона Федора, не вошедшая в VI т. Материалов.

Гл. 22-я (стр. 184; в ркп. л. 135 об.–140 об.) – «о Удоне епископе Магдебургском». Статья, заимствованная из «Великого Зерцала»; как не имеющая действительного отношения к расколу, оставлена ненапечатанною.

Гл. 23-я (стр. 184; в ркп. л. 141–157). Поучение м. Фотия, имеющее сходство с напечатанными в 1 т. Дополн. к актам ист. (№ 181). Так как оно не имеет никакого отношения к расколу, то мы не признали нужными его печатать.

Гл. 24-я (стр. 185–209; в ркп. л. 157–171 об.) в оглавлении надписана: «Второе поученье Фотиево, на еретики обличительно, преложено на нынешних отступников». Это есть, действительно, переложение слова м. Фотия, наполненное резкими обличениями против православной церкви, весьма интересное для характеристики первых расколоучителей.

Гл. 25-я (стр. 209–217; в ркп. л. 171 об.–177) «Моление от лица озлобленных чад церкви к царю державному о умирении святыя церкви». Это «моление», по всей вероятности, сочиненное самим Аврамием и бо́льшею своею половиною вошедшее в его Челобитную, представляет по своему плану и содержанию как бы первоначальную попытку к составлению Челобитной.

Гл. 26-я (стр. 217; в ркп. л. 177–179) «О послании в заточение и о нестерпимом мучении дьякона Феодора за святую церковь и о еже како искусил властей прелестных». Под этим, не совсем точным заглавием помещено здесь сочинение дьякона Федора, в котором он объясняет, как и почему принес «повиновение» пред властями. Отсюда именно сочинение это было напечатано г. Тихонравовым в V т. «Летописей рус. литературы» (Отд. III, стр. 117–120), потом в 1 т. Материалов № L).

Гл. 27-я (стр. 217–220; в ркп. л. 179 об.–184) «О напаствовании и терпении новых страдальцев » и проч. Под этим заглавием помещена здесь одна записка прот. Аввакума: отсюда именно эта статья напечатана г. Тихонравовым в V т. «Летописей рус. литер.» (отд. III, стр. 113–117)¹⁵, а потом в V т. Материалов (стр. 114–118). В средину статьи Аврамий вставил свое «пристижение»: это «пристижение» мы теперь и печатаем, так как при издании статьи в V т. оно было исключено (см. стр. XXIV–XXV).

Гл. 28-л (стр. 220–230; в ркп. л. 184–190): сочинение какого-то белозерского инока, расположенная к расколу, видевшая в современных ему церковных обстоятельствах признаки времени антихриста.

Гл. 29-я (стр. 230; в ркп. л. 190–192 об.) и гл. 30 (стр. 230–231; в ркп. л. 193–194) – два слова Максима Грека; последнее с небольшим «пристижением», которое и печатается.

Гл. 31-я (стр. 231–232; в ркп. л. 194–195) «Слово» из пролога, изложенное применительно к раскольническим понятиям.

Гл. 32-я (стр. 233–234; в ркп. л. 195–196) «О неправде собора Российского». Под этим заглавием помещена небольшая статья об одной иконе, находившейся в Успенском соборе, на которую первые расколоучители (Федор и сам Аврамий в Челобитной) указывали в свидетельство древности чтения Символа веры с словом «истинного».

Гл. 33-я (стр. 234; в ркп. л. 196). Здесь приводятся из старопечатной Кормчей три правила свв. Апостол Петра и Павла, и доселе приводимый раскольниками, в доказательство, что им нельзя ходить в православные храмы.

Гл. 34-я (стр. 234–241; в ркп. л. 196–200 об.) «Вопрос некоего православного инока». Это есть собственно «ответ» на приведенный вначале «вопрос» о тысячелетнем связании сатаны и о значении апокалипсического числа 666. По некоторыми признакам можно предполагать, что вопрос предложен был самим «иноком» Аврамием, а ответ писан протопопом Аввакумом, которого вопроситель называет здесь «избранником Божиим». По образу мыслей и по приемам литературным «ответ», действительно, очень напоминает Аввакума; притом же автор говорит о себе: «крепко утеснен аз, ни книг святых имам у себе в заключении»; патриархов Паисия и Макария называет «зде пришедшими» и упоминает только о том, что они низложили п. Никона, о том же, что осудили раскол, не упоминает. Можно отсюда догадываться, что Аввакум писал «ответ» свой в 1667 г., находясь в заключении в Боровскоме Пафнутиеве монастыре, откуда потом и вызван был обратно в Москву уже на суд вселенских патриархов (см. Мат. т. V, стр. 72 и 77). «Ответ» весьма интересен даже в историческом отношении. – Настоящая глава Сборника и все, следующие за нею, в оглавлении не значатся; но в самом Сборнике, на полях, отмечены соответствующими цифрами.

Гл. 35-я (стр. 242–244; в ркп. л. 200 об.–201) «О летописном предтечи антихристове» – содержит несколько выписок из св. Писания, об антихристе с толкованиями.

Гл. 36-я (стр. 244–249; в ркп. л. 201 об. 204. 209–209 об.) – не имеет заглавия. По содержанию это резкая брань раскольника на собор 1667 г., законченная нелепой раскольнической сказкой о троеперстии. Эта и подобные главы Сборника очень важны для показания фанатизма и озлобления против церкви, какими были проникнуты первые расколоучители, а также для указания способов, какими они возбуждали и поддерживали такой же фанатизм в своих учениках. Бо́льшей своей половиной она вошла в Челобитную.

Гл. 37-я (стр. 249; в ркп. л. 209 об.–210), гл. 38-я (стр. 250; в ркп. л. 210), гл. 39-я (стр. 250–251; в ркп. л. 204–204 об.) – содержат краткие толкования на некоторые стихи Апокалипсиса (гл. 13, ст. 1, 3, 11, гл. 20, ст. 8). Глава 11-я Апокалипсиса была для первых расколоучителей (Аввакума, Федора, Аврамия и др.) любимым предметом толкований применительно к современным обстоятельствам.

Гл. 40-я (стр. 251–252; в ркп. л. 204 об.– 205) – выписки из ответов Афанасия князю Антиоху об антихристе.

Гл. 41-я (стр. 252–253; в ркп. л. 205 об.–206) – выписка из Синаксаря об антихристе. – Все эти главы об антихристе послужили основанием для заключительной части Челобитной Аврамия, где он применяет к п. Никону апокалипсические сказания об антихристе.

Гл. 42-я (стр. 254; в ркп. л. 206–208). – Соборное изложение п. Филарета о крещении белорусцев.

Гл. 43-я (стр. 254; в ркп. л. 210 об.–211 об.) надписана: С. С. С. (Свиток Соловецких Старцев?). Это есть одна из соловецких челобитных царю Алексею Михайловичу, по нашему счету четвертая: она уже напечатана по свитку Синод. Библиотеки в III т. Материалов (стр. 208–211)¹⁶.

Гл. 44-я (стр. 254; в ркп. л. 211–216 об.) надписана: С. М. Ч. Н. Н. (Соловецкого Монастыря Челобитная на Никониан? – Быть может, это общее заглавие и для следующей главы, никак уже не озаглавленной и содержащей именно Соловецкую челобитную). Здесь помещена сказка, написанная в Соловецком монастыре по приезде туда 23 Февраля 1668 г. стрелецкого сотника Чадуева. Сказка эта напечатана именно отсюда в III т. Материалов (стр. 297–309); но здесь конца сказки не достает (в III т. Мат. напечатан по списку Хлудовской библ.).

Гл. 45-я (стр. 255; по ркп. л. 217–230) без заглавия; содержит знаменитую (по нашему счету пятую) Соловецкую челобитную. При издании этой челобитной в III т. Мат. был принят нами за основный текст ее именно находящейся в Сборнике Аврамия, как представляющем наиболее древний из известных нам списков челобитной. По этому списку Аврамий делал и выписки из Соловецкой челобитной в свою собственную.

Гл. 46-я (стр. 255–258; в ркп. л. 230–232) «Повесть трепета и ужаса исполнена». Это есть нелепая сказка, подобная содержащейся в 36-й главе, сочиненная для возбуждения и поддержания в раскольниках отвращения к исправленным при п. Никоне обрядам.

II. Книга, глаголемая челобитная.

Давно известная по рукописям Челобитная инока Аврамия в 1877 г. издана г. Замысловским по одному из списков библиотеки гр. Уварова с указанием вариантов по восьми другим спискам, которыми пользовался издатель, и с объяснительными примечаниями (Летопись занятий Археогр. Комиссии Вып. шестой. Отд. II, стр. 1–129). После такого безукоризненного в ученом отношении издания Челобитной не представлялось надобности в новом издании этого памятника раскольнической письменности XVII века; но в одном замечательном раскольническом сборнике, который мы получили из Архангельска и передали в собственность Хлудовской библиотеки, принадлежащей Никольскому единоверческому монастырю, нашелся список Челобитной Аврамия, представляющий отличия от тех, которыми пользовался для своего издания г. Замысловский: здесь Челобитной дано особое заглавие и предпослано краткое предисловие; самая Челобитная разделена на статьи с особым заглавием для каждой, и в самом ее порядке и составе (в конце) есть отличия от прочих списков¹⁷. Приобретение этого, неизвестного доселе списка и особенно желание – дать читателям в 7-м томе Материалов по возможности полное собрание сочинений инока Аврамия и побудило нас сделать новое издание его Челобитной.

Итак Челобитная Аврамия издается по списку архангельского сборника, ныне принадлежащего Хлудонской библиотеке. Сравнивая текст этого списка с изданным в Летописи занятий Археогр. Комм. и приведенными здесь вариантами других списков, мы указывали (под строкой) только разночтения, не встречаемые ни в одном из этих последних. Для сравнения мы имели еще список Челобитной, принадлежащей ныне библиотеке Московской Духовной Академии, сюда же поступивши из библиотеки покойного К. И. Невоструева. Список этот, который мы называем Невоструевским, не полный; он представляет довольно любопытные разночтения, которые также приводятся под строкой¹⁸.

Время и место написания Челобитной Аврамия довольно ясно указываются в самом ее тексте. Аврамий говорит: «со 178 году Февраля с 13 числа, и до сего времени держим за крепким караулом, яко злодей» (стр. 260), и дальше не раз повторяет, что беседует с царем из темницы: «из темницы, яко из гроба, тебе глаголю... изволь, государь, послушать, из темницы, яко из гроба, тебе глаголю, сидя под крепким караулом» (стр. 265, 266). В другом месте 178 (16 ⁶⁹/₇₀) год он называет уже прошлым годом (стр. 268). Указанное здесь время заключения под караул, 13-е Февраля 178 (1670 г.), совпадаете и с указанным в «Ответе» Аврамия временем взятия и заключения его под стражу. В «Ответе» Аврамий говорит: «взяли меня в нынешнем во 178 г. на сырной неделе в нощи против сыропуста» (т. е. в субботу), и выше прямо указываете 6-е число Февраля. Ночь под сыропуста он провел с другими, тогда же взятыми раскольниками, на Мстиславском дворе; а потом, в самый сыропуст, на ночь его отвели к Троицким воротам. Отсюда «на первой неделе поста», может быть в самую «неделю» (что будет падать именно на 13–14 число), он взят был первый раз к допросу пред властями и после допроса отведен уже под настоящий караул опять на Мстиславский двор, где посажен был в чулан и десятнику с стрельцами велено непрестанно быть у него на карауле (стр. 386–387, 393). Принимая в соображение другие хронологические данные, находящиеся в этом сочинении, можно еще точнее определить время составления челобитной. После первого допроса Аврамий сидел в чулане «за крепким караулом недели з две» и взят был к новому допросу (стр. 394), после которого велено было отвести его обратно «в предиреченный чулан и держать по-прежнему накрепко». Потом «недель с десять минув или больши» перевели его в другую избу, «от начальников подале», где он «и с караульщиками попризнался» (стр. 412). Наконец «в пост пред Успеньевым днем, – за три дни до Успеньева дни» (значит 12 Августа) Аврамий последний раз вытребован был в Чудов монастырь для выслушания окончательного о нем приговора властей (стр. 414), и потом отведен в Стрелецкий Приказ, а оттуда «в старую (т. е. прежнюю) избу», где, прибавляет он, «и доныне пребываю», и откуда потом был отведен уже на казнь за подачу Челобитной. И так здесь, на (Мстиславском дворе, в прежней своей тюремной избе, где уже «и с караульщиками попризнался», Аврамий написал свое сочинение, известное под названием «Вопрос и ответ старца Аврамия¹⁹», и написал вскоре же по произнесении описанного в этом сочинении приговора властей, в том же Августе месяце: ибо 178 год в своем «Ответе» называет еще нынешним годом. Потом здесь же, на Мстиславском дворе, в прежней своей избе, хотя и под «крепким караулом», но уже «попризнавшись к караульщиками» и пользуясь их снисходительностью, Аврамий пишет и свою Челобитную царю Алексею Михайловичу, на основании своего Сборника, который, надобно полагать, при посредстве караульщиков был доставлен ему сюда его друзьями, – пишет несомненно после «Вопроса и ответа», так как в начале Челобитной упоминает уже и о своих прениях со властями на допросах (стр. 266–268) и о решении своей участи: «они власти остригли меня, и сняли клобук и камилавку и манию, и градскому суду предали» (стр. 260), – пишет следственно никак не ранее Сентября, с которого начинался новый 179 (16 ⁷⁰/₇₁) год, почему и называет в челобитной истекший 178 год прошлым годом. Итак, свою челобитную Аврамий написал сидя в заключении на Мстиславском дворе и не ранее Сентября 179 года, т. е., по нашему летосчислению, не ранее последней трети 1670 года²⁰.

III. Вопрос и ответ старца Аврамия.

Когда и где Аврамий написал это сочинение, мы уже сказали. Его целью было – сообщить своему обществу, среди которого занимал видное положение, – «отцам и братиям, купно и сестрам», – о своих подвигах, о том, как он якобы посрамил властей и как мучили его власти. «Вопрос и ответ» Аврамия – сочинение, не лишенное исторического значения: в нем хорошо отразились характер и образ мыслей первых расколоучителей, сотрудников и учеников Аввакума. Аврамий тщится выставить, и очень резко, жестокость духовных властей, судивших раскольников. Но если, выведенные из терпения дерзостью раскольников, они действительно доходили иногда до поступков, какой, по свидетельству Аврамия, дозволил себе Павел Крутицкий, то из собственного же рассказа его видно, с какою вообще терпеливостью и с каким вниманием власти выслушивали и опровергали возражения раскольников, и с другой стороны – до какой изумительной дерзости доходили раскольники в своих клеветах и хулениях на церковь даже при личных объяснениях с православными властями.

«Вопрос и ответ» Аврамия мы печатаем по списку очень старому и ветхому, как можно полагать, XVII века, находящемуся в раскольническом сборнике, который мы получили также из Архангельска и передали в собственность Хлудовской библиотеки²¹. Для сличения мы имели другой список, нового письма, в рукописи, принадлежавшей покойному митрополиту Макарию, по благосклонности которого и имели возможность сделать с него копию²²: разночтения этого другого списка мы приводим под строкой.

IV. Послание некоему боголюбцу.

Послание это, имеющее сходство с теми статьями Сборника «Христианоопасный щит» и с теми местами Челобитной, где говорится об антихристе, писано Аврамием, как видно из начальных слов, в том же «заключении» на Мстиславском дворе, где он писал Челобитную.

Мы печатаем «Послание» по списку упомянутой выше рукописи (№ 34) из библиотеки покойного митрополита Макария; для сличения пользовались списком Хлудовской библиотеки (№ 273), по которому издал «Послание» г. Замысловский (в седьмом выпуске Летописи занятий Археогр. Комм. Отд. II, стр. 11–19).

V. О антихристовой пестрообразной прелести.

Сочинение это, не представляющее, впрочем, особенной важности, как повторение сказанного и в «Щите», и в «Челобитной», мы нашли в том же архангельском сборнике, принадлежащем ныне Хлудовской библиотеке, из которого заимствовали «Вопрос и ответ» Аврамия. Тетрадь, на которой оно писано, не полная (л. 64–69) и самое сочинение поэтому прерывается на половине фразы.

Н. Субботин

Христианоопасный щит веры²³

Сказание известно главам, яже суть в книзе сей.

Глава 1. О непорочной христианской вере.

2. О честнем кресте Христове, о ношении его на персех своих, еже есть щит крепости от лица вражия.

3. О знамении его, како достоит знаменатися христианом.

4. Почему познавати еретики.

5. О православных церковных догматех свидетельства.

6. Максима Грека сказание о исповедании православныя веры.

7. Тогоже Максима на Исака жидовина.

8. Сказанье отчасти чудес преподобного Игнатия игумена вологоцкого чудотворца.

9. Слово Иоанна Златоустого о святых книгах.

10. Всенародное моление ко царю.

11. Соловецкого монастыря о старце Епифании, иже подал на собор книгу обличителну.

12. Слово ответное от лица православных на клятву еретическую.

13. О пестроте новых книг.

14. Ино сказание о сложении перстов.

15. Феоктистова вопрошения

16. Аввакумово прошение.

17. На проклятый Никонов собор.

18. О Флоренском проклятом соборе.

19. Максима Грека слово отвечателно о книжном исправлении, яко сквернятся церкви Божия от своеверных еретик паче иновервых язык.

20. О соборном деянии и о извержении Никонове.

21. О вопрошении священного диакона Феодора нечестивых властей.

22. О Удоне епископе Магдебурском повесть трепетная и умилительная.

23. Поучение Фотия митрополита Киевского и всея Русии царем и боляром и всякому христоименитому народу.

24. Второе поучение Фотиево на еретики обличительно, преложено на нынешних отступников.

25. Молениe от лица озлобленных чад церковных ко царю державному о умирении святыя церкви.

26. О послании в заточение и о нестерпимом мучении диакона Феодора за святую церковь и о еже како искусил властей прелестных.

27. О напаствовании и терпении новых страдалец священнопротопопа Аввакума, священнопротопола Никифора, священноиерея Лазаря и инока Епифания, и како Лазарю со Епифанием языки отрезаны и в заточение посланы.

28. Догмата церковная изрядная. Творение православного инока Кирилова монастыря, еже на Беле озере.

29. Максима Грека сказание, како знаменатися крестным знаменинем.

30. Тогож святаго Максима Грека от лица Пресвятыя Богородицы к лихоимцом и скверным и всякия злобы исполненным, а каноны всякими и различными песньми угожати чающим.

31. Слово о неправо крестящихся.

32. О неправде собора Росийскаго.

33. От правил святых Апостол Петра и Павла, о еже како недостоит молитися со отлученными.

Действом самого святых святейшего живота и помощью пресвятыя Матери Его о преподобных и богоносных отцех наших русских написал на пользу житию твоему, читателю православный!

Несть Бог мертвых, но Бог живых, писание глаголет. Егда убо отвсуду на земли ныне восстание браней наносит смерти, благоприятно ти наипаче жития имут быти. Жития же таковая, имже смерть не удолеет, ибо яже не земная суть, но небесная паче, яко глаголати о них преподобным отцем нашим со Апостолом: наше житие на небесех есть. Живот наш небесный сам Христос Бог. Просияша преподобные отцы наши житием своим небесным посреде всей вселенной, аки звезды непрелестныя. Но понеже суть нецыи от иноверных, еже хулением своим помрачити кусятся сия наша добродетельныя звезды, отъемлющеи ово святыню, овож православие: тем же на богопротивное прение их ответ наш православной воспомянути нам зде достоит. Первее убо настоят, яко нетление телес, лежащих во гробех, и чудотворный дар; второе хуление, помрачити кусящееся в преподобных отцех наших православия свет, наносят противный отсуду: тыи (рече), еже в России, неисправлены быша святыя книги²⁴. Еще же обретается между противными, иже утверждают о сем прение свое, глаголющи, яко грекове веру в Русии зде насадиша. На сиe отвещаем истинну быти²⁵. Но тыи грецы не быша в соединении с римским костелом: сии же нынешние грекове прелестницы, причастницы и сообщницы костелу римскому, и ересоначальник приемницы, проповедники и разширители антихристова царства. Пишетбося об их лукавстве в кормчиих книгах, о прелести и сребролюбном их нраве, яко благочестие потеряли свое и страны христианские, Болгары и Сербы, Влохи и Мутяне, и Арбонасы и Ивери и прочии от них падение от веры и заблужение пострадаша, и в конечное нечестие дойдоша необратно и на громаде злобы поставлени. Прочее кая часть верному з безверники, християнину со отлученными? Кое общение свету ко тьме, ни Христу с велиаром, ни православному з бусурманы? Отложи всяко мечтание неподобно и, утверди вся верою, вниди, молю, в придверие святыя книги сея усердно. И аще тверд еси, боле утвердишися о Христе, и на десно, ни на лево не совратишися, но царским прямым путем ходити будеши, имже ходиша вси святии отцы наставники наши и учители, сего и ты пути живота обрести потщися вечного. Аминь.

Помощию преблагого Бога сочинися книга cия в сия лютая времена, званием: Христианоопасный щит веры против еретического ополчения. Подвиже нас на се божественный Златоуст, глаголя: не во всем благоденствия и изобилия да взыщем, но или в благоденствии, или злоденствии есмы, единаче благодарим Богу, да узревше благодарение наше большее на нас излиет свое благоутробие²⁶. Яко убо по правде обличает кто царя, или болярина, несть достоин муки²⁷. Яко убо грех есть чарование, тако грех есть противление; яко грех идолопоклонение, тако грех есть преступати заповеди господня. Яко уничижил еси глаголы господня, и уничижит тя Господь не быти тебе царю во Израили²⁸. Сии глаголы Самуила пророка к Саулу царю.

Стихи, или вирши к читателю.

1. Аще кто от вас, возлюбленнии, учнет сию книгу с прилежанием прочитати,

Ревность же имея по Бозе имать разумевати,

Воистинну нетуне богодухновеннии отцы ваши потщахусь таковое писание на них злодеев изложити,

Расколы же их на церковь Божию и на самого Святаго Духа низложити.

Еже ныне узрите в настоящих сих глаголах, Содетель же наш и Творец повелел нам жити в божественных Его законах.

Юза воистину протяжена еретическое их учение,

Большую часть людей соотвела божественного закона на отвержение.

Нам же стояти бы крепце в православном нашем символе,

Яко вера наша от всех неверных вер на благочестии стоит, аки высоцем престоле.

Развратиша бо окаяннии у себе христианская наша законы.

И ни во что злодеи намениша божественные и святыя иконы.

Стоят бо окаяннии на Никонове учении, аки на твердем камени,

Того ради не имеют на себе божественного Христова знамени.

Какож их злодеев достоит нарещи в человецех?

Яко от злых сосудов злии сосуди учинишася в нынешних последних вецех.

Яко всякия расколы в православной вере учиниша,

Всуе вси самосмышлением от нашего христианского закона отступиша.

Радуется сатана з бесы о таковем их отступлении,

Рыдати ж и плакати с ним будет в вечном мучении.

Ей, прогневан еси, Владыко, нашим к тебе жестосердием,

Честного ради креста своего помилуй нас своим милосердием.

Непомяни наших безчисленых грехов по твоей милости.

Да не посрамлени будем от тех врагов наших буести.

И лютых сих врагов наших шатания разори,

От лестных же и прелестных их учений в правость претвори.

О еже бы им познати нашу христианскую веру,

Вси бо до конца уклонишася в свою прелестную меру.

А ты, Владыко Господи Иcyce Христе, всех царю, силен и крепок во всем,

Паче да не сопротивни тебе будем ни в чем.

И тебе славу и благодарение возслем со Отцем и со Святым Духом,

Да осияни будем благорастворенным воздухом.

Во веки веком аминь.

Возлюбленне, молю любовь твою, не укори моего окаянства, яко от усердия ко благочестию второе предисловие двоестрочное зде предложих по правоверии усердствующим. А о прощении согрешениих при конце книги сея имам молити господних истинных рабов. Недостойного небу и земли имя неполезно писати, точию многогрешный, окаянный и страстный.

Стихи, или вирши к читателю. Всякого чина православных к читателю.

Господу Богу благодарение воздай яко благодателю.

Яко сподоби нас в последок летом,

Познати волю его соблагим ответом.

В сие время лютое и плача достойное,

Ужасается сердце богобойное.

Яких много сопостатов и хищных волков,

Бесовских навождений, еретических полков.

Тем, аще хощеши правую веру познати,

Советую ти божественному писанию внимати.

В том бо положи Бог сокровища благая,

Открывает же ищущим стези своя правая –

Святыя восточныя церкве право в русском народе.

Ее же светлость сияет во многопрелестной незгоде.

Слово Божие ни в чесом же переменится,

Правоверие же между зловерием светится.

Восточныя церкве правда яко солнце сияет,

Благоустроенными действы блистает.

Западного костела яко тма нощи.

Разумети древо по его овощи.

Сего ради зде открыся истинная радость,

Всесветлых писаний неизглаголанная сладость.

Аще хощеши в правоверии Христу угодити,

Потщися без разленения сия проходити.

Вечный и всесильный Божия всякой благодати,

Благоволи нам недостойными сие даровати,

Да правоверие светло распространится на многая лета,

Да не оскудеет истина твоя до скончания света.

Аминь.

Настоящая новосочиненная книга дар убо есть всесвятаго и поклоняемаго Духа, от негоже подается обильно просящим у него с верою всяка благодать, премудрость и разум. Сочинижеся во 176-м году. Обдержитжеся в ней не един образ списания, но различная и многообразна сочинена и исполнена пользы духовныя немалы, и опасение от мерзости запустения прочитающим я со охотою духовною, и благоразумною мыслию отложившим всяк спор суетен, водружен в мыслех их от многолетного обычая и растленного жития и пребывания неправильного. Аще убо кто истинною рачитель есть благоугодного жительства и всякого неправдодельства (sic), малое сие трудолюбие взем на руку, разгнув, обрящет в нем неточию богомерзких ересех искорене развращаемых, евангельскую истину, предобре разсуждаему свидетельству святых, но еще зазорство всяческих злообычных нравов крепце изобличаемо и на лучшее прелагаемо, и наставление всякое, руководящее чтущаго на стезя преподобных добродетелей. Ащеж кто желает и освящению высочайшу от богословных учений, ниже сих непричастна его книжка ставит, но приобильне угостит его, в нихже доблественне подвизается о неблазненом христианском благочестии. И противу греко-римлян новоявленного безверия и бесовского учения домашних еретиков, воюющих церковь, також возвеселит его, в нихже крепце вооружается противу многоглавных никониянских ересей, многообразную прелесть, отлучающую от веры и надежи, яже в Бога, послушающих ю без ума и впадших в преисподнее дно лютых прегрешений и свое спасение отчаявших. Удобно зело и благокознено возводит их оттуду, и юже от безсоветия многого погубиша душевную доброту и здравие, паки отдает им. Избранными божими от избранных предложися и избрася праведне, по последованию евангельской истинны. И вкратце рещи: хранилище некое есть духовное, преполнено всякими благодатми и исцеленми духовными, не точию иноком, аще чим негде заблудили от совершенства иноческих обет, яже исправлению богатно предлагает, и поганожительствующих и безверством заблуждающихся суровейши обличает мучительство их, советует же и утвержает предобре яже к совершению и возрастанию увереных истинне, отступивших всякия слабости, нерадения ж и обычая непохвального. Аминь.

от божественного писания собрано вкратце, из книги Правыя веры, и большого Катихисиса, и Фотия митрополита, и от Максима Грека, на льстиво находящих на нас и борющихся с нами крестоборных и духоборных, лживых и неправославных патриархов греко-римлян, папежская мудрствующих, и на кривоприсяжное отступление православныя христианския и непорочныя во Христа Бога отцепреданныя веры древнего греческого закона, на лживых учителей, паче же на мучителей наших, волкопастырей Руского народа Московской державы.

Не хвалитеся и не глаголите высокая в гордыни, ни да изыдет велеречие изо уст ваших. От пророков бо Иерусалима изошло есть сквернение на всю землю. Сия рече Господь сил: не хощете послушати словес пророк, иже пророчествуют вам и прельщают вас²⁹. И паки: Аз, Господь, послах к вам заповедь сию быти завету к левитом, глаголет Господь Вседержитель. Завет мой бе с ним жизни и миру, и дах ему боязнью боятися мене, и от лица имени моего сумнетися ему. Закон истинный во устех его и неправда не обретеся во устнах его, в мир исправляя идет со мною и многи обратит от неправды. Яко устне иереов сохраняете (sic) разум и закона взыщут от уст его, яко ангел Господа Вседержителя есть. Вы же уклонившеся от пути и истлисте завет Левиин, глаголет Господь Вседержитель³⁰. И паки: не мудростию и силою, ни богатством хвалимся мертвым своим, но верою господнею, православно славно взывая Христу Богу и поя присно: на камени твоих заповедей утверди мя, Владыко! Господи, утверди нас во святых заповедех твоих стояти и от востока, тебе Христе, к западу не отступати.

Молитва.

Вседержителю всех, царю веком, безсмертне и непостижиме, безначалне всесилне, не приступне, небеси и земли, видимым же всем и невидимым творче и содетелю, присносушне, пресвятый Слове, прежде век рожденный, Иcyce Христе, Сыне, сущий со Отцем безначальным и божественным Духом, в Троице славимый, иже в последняя лета за милосердие неизреченное, смотрения ради, на земли во плоти явлейся и спасый от тли смертныя род человеческий! Молюся многогрешный и припадаю твоей благости, помози и благослови неизследованным милосердием твоим яже нужная и полезная к спасению и ко утвержению правоверия зде собрати, и не удалитися, ниже погрешити в заповедех твоих, да тобою укреплен о сем славу, честь, благодарение и поклонение в безконечныя веки сподоблюся возсылати. Аминь.

Господь наш Исус Христос, Спас и Бог, во святом Евангелии рекл: Аз семь свет миру, ходяй по мне не имать ходити во тме, но имети будет³¹ свет животный. Глаголы, яже аз глаголю, дух суть и живот суть. Слово, еже глаголах, то судит ему в последний день.

Святый Апостол Петр: Готови будите присно ко ответу всякому вопрошающему вы слово о вашем уповании с кротостью и страхом, совесть имуще благу.

Святый Апостол Павел: Един господь, едина вера, едино крещение, един Бог и Отец всех. Аще по Апостолу един Господь, едина вера, то иныя все не веры, но ереси и раздоры. Дух явственне глаголет, яко в последняя времена отступят нецыи от веры, внемлюще духовом лестьчем (sic) и учением. Молю подвизатися о преданней вере святым единою.

Благочестивому и в писаниих люботщательному о Господе радоватися, здравствовати и умудрятися. Бысть глад крепок на стране той. С божественным же пророком Иеремеем к плачу преклонився, сия словеса привожу: кто даст главе моей воду и очима моима источник слез, да плачу день и нощь побиенных дщерей людей божиих, сиречь душ крещенных, храмов христоносных низложениe и погубление, еже в здешней стране (по гласу Господню) всякий может видети. Послан глад на землю, ни глад хлеба, ни жажда воды, но глад неслышания слова Божия, иж издалечайше тяжчайший паче телесного, имже от истинного познания удаляемся, о немже Христос Господь рече: внидут волцы тяжцы в вас, нещадяще стада. И скончася един, воста другий. И вину полагая на святых угодников божиих и чудесы прославленных, якобы они не исправили закона и неправе веровали. Ей, праве и благочестиве! Свидетельствуют бо чудеса их.

Ревностию благочестия подвигся, разсмотрев, на дело спасеное паче силы моея дерзнух, воспомянув писанное; время всякой вещи, время терпения, время ответа. И святаго Иоанна Златаустого, глаголюща: проповеди ради благочестия точию да будет ти брань. И паки; вся твори кроме еже не повредитися благочестию. Святаго Иоанна описателя Лестницы, в слове к пастырю: веры безстрастныя и велений благочестивых прежде всех наследие сыновом оставляй, яко де путем православия приведеши их Господеви. Время последнее; антихристово царство распространяется и сам скоро явитца. И ныне уже, по святому Апостолу Иоанну, мнози антихристи суть. А иже, по святому Василию Великому, всяческих убо страстей злоба, ради еже о Бозе неведения, неискусен разум влагает, и, по Златоусту и по святому Никону, от еже неведети нам божественная писания впадаем в сети дияволи и погибели предани бываем, о нейже (не) уведети токмо подобает, но и соблюсти и сотворити слышанное. От праздного бо слышания никаяж польза: и еретицы бо и беси слышат, но развращенно. Мнозиж ныне, гордостию превознесшись, языком словенским гнушаются, в немже крестишася и сподобишася благодати Божия, иже широк есть и великославен, совокупителен и умилен, и совершен паче простого и лятцкого обретается, и имеет в себе велию похвалу, нетокмо от описаний богословских и песней церковных, з греческого им переведенных, но и от божественный литургии и иных таин, иж богоугодным тем языком в великой и малой России, в Сербех и Болгарех и по иным странам действуется. И мнози ныне свой хлеб и сокровища духовная, во чтении и поучении изобильных книг словенских, оставивше, за чужий, иже смертоносным ядом устроенный, хлеб хапаются, а запрещения седмаго собора не поминают, сице запрещающаго: аще епископ, или пресвитер, или диакон и всяк церковного чина обрящется чтый еретическия книги, иже супротивляются истинне, священницы да извергутся, мирстии же да отлучатся. Також от Патерика, или от Пролога всяк познати может, иже двоих ради слов еретических пречистая Богородица не вниде в храмину Киряка пресвитера, иже потом рече: не имех бо пользы никоея от них, токмо погибель приобретох. Темже, аще бы православнии сие поминали, не требовали бы от еретических книг. Лакомятбося на упестренную прелесть, чесого дела мнози и погибоша. И молю, да не укориши за сие. Мудрование бо плоти, по Апостолу, вражда на Бога. И святый Нил глаголет: Несть убо добро еже всем человеком хотети угодну быти. Писано бо есть: горе, егда добре рекут вам вси человецы. Пророцы бо о истине умираху, а ложныи пророцы, еже на слабость глаголаху человеком, любими бяху. Еже хощеши бо избери: или о истинне пещися и умрети ее ради, да жив будеши во веки, или яже суть на угождение человеком творити и любими быти или, Богу же ненавидимы быти. К сему же вкратце о пользе писания сего воспомяну. Всякому достоит ведати, колико о сем тщание показовати подобает, еже познати истинную православную веру, яже есть, по Златоусту, всех благих мати и всех добродетелей красота. Верою правою кто сияет, воистинну сей славен есть. И что коеждо кто на основании веры созидает, вечно от трудов своих утешатися будет³². Знати Бога есть веровати в Бога. А от веры сыном Божиим быв, наследником царства небесного быти. Несть бо мощно кроме правыя веры спастися. Но аще вера сия живою есть, а не мертвою, от дел и плодов познавается. Кая польза есть словом в Бога веровати, делы же отметати его, и Богу и миpy хотети угодити. И последует сему убо страшный оный ответ Божий: ни тепл, ни студен еси, изблевати тя имам от уст моих. Не привлачим на себе такового ответа, убежим его, паче всяко тщание с прилежными молитвами и усердием показовати подщимся. Но да не умножу в малоумии моем словес. Понеже предисловное сказание не обыче долгих извожений вмещати, сего ради вкратце с жалостию предложися, яко в настоящая сия времена последняя велик пламень злохитримых и многоглавных ересей разгореся. От сего мнози от правоверия в зловерие укланяются, видя смущение и толикою бурю облежащу на нас ругателей различных, многохулных супостатов. И сие им дерзновение от неприязни, от неискуства и неутвержения. Сих ради вин аз, мний, яже вомнех нужнейшая о вере православной, о церкви восточней и о изряднейших вещех правоверии нашего, к сим же и отступлении противных главизными вкратце изобразити. Не от своего умышления, но от божественных писаний сицева хранения описав, молю церковных сынов спасительного наказания сего не уничижити. А затем приступаю ко крестоносной беседе.

Святаго Иоанна Златоустого воспомянем³³: крест вселенную спасе и от заблужения обрати, в правду введе, землю небо сотвори, человеков ангелы содела, бесы прогна, не ктому страшны, но немощны, и смерть яко сон устрой.

Святый Иоанн Дамаскин в книзе 4 пишет: Похвала наша и главизна всех благих крест. Сие древо пречестнейшее, на немже сам Христос на жертву вознесеся, освящено прикосновением святыя плоти и крови. Тамо же: Всяко убо делание и чудотворение Христово велико и божественно и дивно; но всех есть честнейший ему крест. Ничим иным разрушена праотца нашего смерть, ад пленися, воскресение и сила нам даровася, рай и небо отверзеся, чада Божия быхом. Подобает покланятися знамению Христову. Идеже будет крест его, тамо и он есть.

Святый Ефрем: Назнаменуем на дверех, и на челех наших, и на устех, и на перьсех и на всех удесех животворящий крест; вооружаемся непобедимым сим христианским оружием.

Святый Кирил Иеросалимский пишет: Не стыдимся крестом Христовым, но во всех делех наших знаменаемся им, востающе и глаголюще, ходяще и седяще, и пиюще, и вкратце рещи во всяком деле. Час (?) вторый. Аще кто хощет по мне ити, да отвержется себе и возметь крест свой на кийждо день, и последует ми. И иже не носит креста своего и вослед мене грядет, не может мой быти ученик. От сих святаго Евангелия словес благоволения взях к познанию четырех подобий, о еже како носити крест Христов, иже велми потребны суть правоверующим и без них спастися не возможно. Первое о потребнейшем воспоможении, сиречь о еже на главу, или на чело положении креста на себе на всяко время, во всяких делех наших и на всяком месте, и о еже на себе носим егов, имже любовь наша к Спасу Христу является. А еже мнози от безумных, или горделивых гнушаются носити креста Господня, да разумеют вышереченная святаго Евангелия словеса, яко Спаситель Христос повеле носити его, и аще кто не носит его, несть его ученик. И аще речет кто, яко сия Христова словеса во ин образ положены суть; мы же, возревше писания святых и жития их, обретаем многих, иже крест Христов на себе носити похваляют, и сами носили и знаменалися им, и почитали его и поклонялися ему. И святая восточная церковь от дней Апостол прият и сыном своим истинным носити его и знаменатися им повелевает, по Апостолу: мне же да не будет хвалитися, токмо о кресте Господни. И пророком Исаием Господь Бог верным своим обетова: и приидут и узришь славу мою и оставлю на них знамение. Вси святии единомысленне о кресте сие разумеют и в сем знамении, глаголют святии, велия тайна святыя неразделимыя Троицы, Отца и Сына и Святаго Духа, прославляется. Святый Андрей во Апоколипсии от сих вышепомяненных благопотребных вин конечна крест Христов правоверным всегда носити на себе повелевает. Сим бо знаменем благочестивии от неверных разделяемся. Святый Великий Афонасий в толковании 50 псалма пишет: верным, рече, людем, иже нарицаются христиане, дано есть носити и имети крест Христов. Святый же Василий Великий пишет³⁴, яко венец царя нашего Христа крест на себе носим. Чесож ради святый Макарий в беседе 47 пишет: истинна древо креста (имже есть Христос), врагом есть смерть, а верным живот. Святый Ефрем, в слове о страшном суде, яко святый крест на себе носили глаголет: сего носяще иже миpa отрекшиися со многою радостию Богу угодиша. Тойже в слове о покаянии: сие оружие носи во дни и в нощи и на всяк час, и ничтоже без него не твори. Святая Макрина, сестра Великаго Василия, крест на себе носила. Святый Иоанн Дамаскин в книзе 4 пишет: идеже будет знамение его, сиречь крест, ту и он есть. И того ради пишет святый Кирилл в слове оглашения 4-м, яко противник наш диявол, видя крест Христов и знамение его, отбегает. И тем, яко щитом, вооружившеся крестом побеждаху диявола³⁵. Святый Иоанн Златоустый в 6 слове на июдеов пишет: аще убо знаменаеши лице свое, абиe отскочит лукавая сила; аще же не знаменаешися, от враг абиe оружие повергл еси, таже нага и невооружена тя поим, диявол тмами обложит лютыми. И инде, Колосаем³⁶: назнаменуяся рцы: сие токмо имам оружие, се целение, иного же не вем. От престойных вин (?) о ношении креста на себе аще и продолжися, но не без пользы духовныя время преходит. О еже знаменатися им поведати и кая тайна в том замыкается. Сице исповедает святая церковь: совокупление триех перстов правыя руки, сиречь великаго и малаго перста и третяго, что подле малаго, исповедается таинство божественных триех ипостасей, Отца и Сына и Святого Духа, единого Бога в триех лицех; протягнением же двоих перстов, вышняго и средняго, показуется тайна самого Господа нашего Исуса Христа, яко совершен Бог и совершен человек бысть нашего ради спасения. И тако сложивше персты, первое полагаем руку на главу, или на чело, исповедающе, яко едина истинная и вечная наша глава Христос есть, якоже Апостол глаголет: Господа нашего Бог Отец дал главу выше всех церкви, еже есть тело его. Потом же кладем руку на живот, исповедующе снитие его на землю и в пречистем чреве Богоматере безсеменное зачатие его: той бо пройде утробу ее, яко солнце сткло, не вредив ключа девы рожеством своим. Потом же кладем на правое плече, исповедующе, яко седит одесную Бога Отца, прочее ожидая, дóндеже положатся врази под нозе его. Потом же кладем на левое плече, образующе, яко приидет паки второе на суд и воздаст ошуюю сущим муку вечную и одесную сущим живот вечный. И тако прекрестивше лице свое знамением крестным, кланяемся Богу, яко да шуяго стояния избавит нас и благословение свое да подаст нам. Еще же и сие ведати нам потреба, яко да честно и благочинно креста знамение сокрушенным сердцем изобразуемо да бывает всегда, а безчестне и не по достоянию никоея помощи не приимем. При правом житии велия помощь от него, якоже пишет святый Иосиф исповедник архиепископ Селунский: аще восхощем крепка защитителя имети креста Господня, желание его и благодать всегда в сердцы обносим, и никогда же отпадаем; отгоняем же его от невнимания и нерадением, унынием и леностию, словесы непотребными и делы лукавыми, ихже ради враг на нас приим, сводит в пропасть погибели. Сего святаго прещения велми хранитися потреба. Третий образ о кресте, чрез особные стихи и песни о страсти Спаса нашего Иcyca Христа, учительми церковными написанными (sic) и на частейшее воспоминание в среды и пятки апостольскими и вселенских соборов канонами утвержеными и преданными. И неточию духовне, но и телесне потреба наследовати муки Христовы постом и воздержанием от сладких брашен, иже на время гортань услаждае(ю)т, потом же в смрад и горкость обращаются, в памяти обносяще желчь и оцет, ихже Христос на кресте нас ради вкуси, и сим можем вся сласти победити и безпрестани во уме имети себе страшныя муки, ихже Христос крестом нас ради подъят. 4 образ воображения еже распятия Христова на кресте всегда пред очима имуще, или на деисусе и на всех церковных сосудех, честнаго ради поминания благодати Христовы крестом дарование нам поставлены бывают. О том велми утешающеся правовернии, и достойное поклонение и целование Христову кресту подаем, егоже всяк на себе должен носити, яко да незабвено будет свобождение от работы дияволи крестом. И всегда тем да ограждаемся и защищаемся. Вся же сия в памяти своей соблюдающе, Христа Спаса нашего просити должни есмы, яко да память креста своего в сердца и мысли наша водрузив, любовь свою в нас распалит и возжет, яко да сподобимся и крест терпения от противящихся нам, и всякия печали, и смущения и немощи со благодарением носити и терпети, и прочее живота нашего время да сподобимся (во) святыни совершити, во он же день, егда явится честный крест, и за ним сам Господь наш Исус Христос судити живым и мертвым приидет, да поставит нас одесную себе, и благословенный глас, призывавший в царство небесное праведных, услышати да сподобит, емуже да будет от нас честь и слава и поклонение во веки, аминь.

Пристижение. Ведомо да будет ти, возлюбленне, яко не всуе главизну cию на противников о животворящем кресте Господни написах, но сих ради вин, да увеси, яко не от умышлений человеческих крест почитаем, но отвека изображен последи же кровию Христовою освящен, яко едина святая церковь истинно изображает крест Христов, и благочестно почитает, и покланяется, и хвалится и украшается им, яко о нем вси святии к Богу приведени быша и спасошася, яко велицей благодати сподобихомся крестом Господним, любовь свидетельствуем, яко мы при храме Воздвижения честного креста жительствуем.

(Засим, действительно, следуют выписанные из Великого Катихизиса, изданного при патриархе Филарете, вопросы и ответы, – именно все по порядку вопросы и ответы, составляющие вторую главу Катихизиса, за исключением последнего вопроса и ответа, и из третьей главы следующие вопросы и ответы, и в следующем порядке: 1, 2 (не вполне), 15, 16, 17, 27, 28.)

(И в этой главе продолжаются выписки из Большого Катихизиса, именно из третьей же главы вопросы и ответы 24, 25, 26. Последний ответ не доведен до конца, а кончен след. словами: «всяж сия не тако имеют, но инако, и нечестиво и неправо мудрствуют и вся творят cия к прелщению верных»).

о символе веры, и о святом аллилуии, и о сложении перстов в знамение (sic) христианском и о прочих церковных догматех, ихже ныне отступницы истребляют из церкви и свое еретическия влагают, и тем церковь Христову раздирают и чад ее оскорбляют зело, зело.

Вестно ти буди, всякий сыне церковный, о символе православныя веры, егоже разодрал Никон еретик, бывший патриярх московский. Первое приложил иже ко Исycy в символе, – где было: и во единаго Господа Иcyca Христа, а ныне везде пишет: Иисуса Христа, а не Иcyca. И нигде отнюдь, братие, во святых книгах древних не обретается еже бы Иисус Христос, но везде Исус Христос. Ей тако. А тою прибавошною литерою [и] отделяют человечество Сына Божия во ин состав от божества Бога Слова. В том же символе вынял аз, – где было: рождена, а не сотворена, и: его же царствию несть конца, а ныне глаголют: рождена несотворенна, и: его же царствию не будет конца. И того, возлюбленне, отнюдь нет ни в коих книгах, ни в киевских, ни в сербских, ни в острожских, ни в писмяных, ни в печатных, колко на свету есть книг на нашем словенском языце, но везде: рожденна а несотворенна, (и) егоже царствию несть конца. А отемлющий литеру аз из символа помогают Apию еретику (sic). А глаголющии, вместо несть, не будет конца, тии присвояются жидом, ждущим антихриста. Чтый да разумеет. И где было: и в Духа Святаго Господа истиннаго и животворящаго, а ныне отступницы истиннаго из символа извергоша, –глаголют: и в Духа Святаго Господа животворящаго, а истиннаго отмещутся, и в том составляют хулу на Святаго Духа Господа истиннаго, и непрощеным нечестием недугуют, якож первый еретик Македоний духоборец, а святых отец второго вселенского собора облыгают, будто они истиннаго в символе не положиша. И о том свидетельствует самое деяние второго собора в Кормчей книге, что святии истиннаго в символе положиша. И святый Фотий патриарх цареградский писал послание к болгарскому князю Михаилу о семи вселенских соборех, и символ весь писал, и в нем також: и в Духа Святаго Господа истиннаго. Прочитай, возлюбленне, в Киро(и)ловой книге о сем сам. И инде в ней много обрящеши тако же: и в Духа Святаго Господа истиннаго, и прочая. И в слове: Иоанна Дамаскина, что в Соборнике: московской печати, в 1 неделю в великий пост, писано на еретики, – и в нем такожде: и в Духа Святаго Господа истиннаго и животворящаго. И во всех книгах московских печатных, что при пяти патриарсех писаны. И не в однех наших, но и в сербских, и в острожских, и в болгарских, и в киевских и во иных многих: и в Духа Святаго Господа истиннаго и животворящаго. И в соборной церкви Успенской древнее письмо на иконе, весь символ написан також, в слово в слово. И в Прологу поучение святаго Варлама апреля в 11 день прочитай, как учил веровать Иоасафа царевича. И Златоустаго Иоанна в Маргарите поучение прочти, о оглашенных 1-е слово: во истиннаго же веровати учит христиан, а не без истиннаго, якоже нынешнии мучители и отступницы. А что без истиннаго символ писан в коих в несвидетелствованных книгах и в пометных писмяных, тут так, а инде инако. Инде в тех книгах (на которыя ныне ссылаются) писано: и в Духа Святаго и животворящаго, а в иной: и в Духа Святаго истиннаго и животворящаго, а Господа нет, а в иной: и в Духа Святаго Господа животворящаго, а истиннаго нет, а в иной: и в Духа Святаго животворящаго, а ни Господа ни истиннаго нет. И такового ради несогласия той символ оставлен за искажение. А что со святым Евангелием согласно, и то держимо есть. А что ныне греческия книги словут и к нам приходят печатныя, и зде с них преводят книги, и тем веровать отнюдь не подобает. Понеже печатают их еретики в трех градех в Рыме, в Париже и в Виницеи, греческим языком печатают, но не по древнему благочестию. А у греков печати своей нет, все у них книги покупают себе печатаныя; а писмяных древних велия скудость у них: о сем еще и Максим премудрый Грек сказа великому князю Василию. Прочитай в книге его о сем. И аз, убогий, вся книги вышереченныя сам о всем прочтох и видех своима все очима. Ей не лгу, возлюбленнии. Зело грешный скорбех, зря нынешныя расколы церковныя, и поисках о том немало в писаниих и зело искусных потом вопрошах, како бы не погрешить в вере.

И о святом аллилуии. То есть истинная и трисвятая: аллилуия, аллилуия, докса си Феос, сиречь: слава тебе Боже. Тако в греческих, и древних и ныне, и в киевских також книгах, и в сербских: аллилуия, аллилуия, слава тебе Боже. Ей, ей, – свидетель сему святый Ефросин, и преподобный Максим Грек сам, и книга святая Стоглав, – писана священным собором при царе Иоанне. А что трижды глаголати аллилуия, а четвертое: слава тебе Боже, то проклятое римского костела мудрование и псковского еретика Иева роспопы троеженца: той враг тогда со святым Ефросином велику брань творяше о аллилуии, и Господь Бог не закосне ему церковному (?) отмщеное (sic) сотворити, два лета червми ядом и тако зде скончася. А что нынешнии отступницы никонияны ссылаются на одну книгу писмяную, называют ея бутто киприяновская митрополита, – а Киприян святый был сербянин, а в сербских печатных книгах аз сам видех аллилуия дважды, третие: слава тебе Боже. А та книга, что называют Киприяна митрополита благословением писану, и то видится подмет тогоже Иева гнилаго столпа: тогда он окаянный много писал книг и грамот о аллилуии, и разсылал (sic) по монастырям и по соборным церквам, прелшаючи чад церковных, и святых многих оболгал и греков тогда охулях со учеником своим роздияконом Филиппом: оне-де едины глаголют дважды аллилуия, а третие: слава тебе Боже, а то везде-де трижды глаголют, в четвертый: слава тебе Боже. О сем писма их врагов обличают их, иже доднесь неистреблены обретаются во многих местех. И у греков тогда ушто (sic) еще все православно было, и по их, врагов, свидетелству и аллилуия четвороличныя у них не было. И лутше, братие, старым греком верить, а не нынешним плутом, которыя меняют веру и продают на золотыя и сребряныя денги и на соболи сибирския. В том им судия праведный Христос Бог.

А что крестное знамение православное в сложении перстов изменил еретик и новый отступник Никон, и глупых епископов прельстил и самого самодержца, а святых оболгал лестно – Мелетия и Феодорита и премудрого Максима Грека, и о сем, возлюбленнии, истинное свидетельство вам предложу и еретическую прелесть обличу многими святыми свидетели. Верен святый свидетель Мелетий патриарх антиохийский, иже был на втором соборе. А нынешной – Макарей, что был (на) никонове безбожном сонмище, и ныне еще призваша их отступницы потакати. Тако той святый Мелетий прежде три персты показал вкупе, палец со двема последними, исповеда в них Святую Троицу прежде всех век, и потом два совокупил, указательный с великосредним, исповеда в них два естества во Христе и две воли. И тако благословил верных, а еретиков посрамил, – а не трема персты благословил и знаменался, якоже ныне врази лгут на него. Хотехом мы и сим единым Мелетием правы и виноваты быть. Но праведного суда не даша нам с еретиком Никоном, понеже вси и сами такови ж. О семь дозде. И також святый Феодорит, учитель церковный, написал, – на третьем соборе был. Тако святый Петр написал. Тако и Максим премудрый. Вси святии, греки все были, и давно уже. Тако святый Петр митрополит московский написал своею рукою на святей иконе. Тако Христос благословляет и на чудотворных иконах Пресвятыя Богородицы Тихвинской, и Казанской и иных многих: невозможно в кратком сем писании описати подробну. И на градских вратех на Коломне устроен Пречистыя Богородицы образ: Христос тако благословляет. Старец грек, имя его подписано по-гречески, трудился повелением царя Ивана Васильевича, ту ему живущу. Також и в Катихизисах большом и малом, и в Стоглаве, что писан на соборе при царе Иване же Васильевиче, – и в нем сице: иже аще кто не знаменается двема персты и не благословляет, якоже Христос, да будет проклят. Книгу видех писану по харатии при великом князе Данииле и при Фотии митрополите киевском и всея Русии, в лето 6932-е, проклинает в ней и латынския ереси многия, тут же и сию: иже не знаменуется двема персты, якоже и Христос, да будет проклят. И во иных многих писмяных також. И в Потребниках святейшего патриарха Филарета: иже не знаменается двема персты, якоже и Христос, да будет проклят. И в Книге о правой вере, о крестном знамении, глава 9-я, тако же. И аще вси приводити свидетельства, то паче песка умножатся. А что ныне принуждают креститися тремя персты, Троицею без воплощения Христова, и то мудрование их хульно есть и нечестиво: тако тремя персты армены еретики крестятся, прилагаючи страсть ко святой Троице. Един Сын Божий Исус Христос пострада на кресте плотию, а не вся Троица: божественное бо естество безстрастно пребысть. А что ссылаются ныне на некоторого иподьякона и Студита Дамаскина, а прямова и имени ему нет, и тот их Дамаскин недавно еще был, – всего восемьдесят лет, – и неведомо кто он. И то его мудрование святым отцем и богословцем против(н)о зело, и со святым пасанием церковным несогласно отнюдь. Знать тот иподьякон еретик был арменския веры, или единоволников, или Диоскоровы со Евтихием: з сими еретики того Дамаскина Студита мудрование согласует, а не с церковными учители, и с римским папою Фармосом еретиком: он тако тремя персты благословлял и крестился, мню. Тако же свидетельствует о нем в Книге о вере, во главе 27-й, лист 249, како ему те три перста (отсек?) папа же Стефан 7-й. Да и греки окроме того вышереченнаго Дамаскина на святых иных не ссылаются [как мы ныне], – от его же книги и греки соблазнишася: понеже иных святых писм не обретают у себя за скудость книжную. И Никона прельстил окаянной Арсеней чернец грек, и всю Рускую землю возмутили превращением святых книг, а в новых многия богомерския хулы и ереси насеяша. В новой Триоди постной написали: Троица нераздельная составом; в той же книге Богородицу нарекли детородителницею и детотворителницею, – в каноне великом в четверток 5-я недели поста; и полуношницы во великий пост петь указа нет, и на утрени дву псалмов: Услышит тя Господь, петь не указано; и ина многая со святым уставом несогласия и в Цветной Tpиоди; а в Потребнике новом: молимся тебе дух лукавый, и по ногам миром мазати, и причастия боле нет, и исповедь краткая, – глупым попом разсудить нельзя, а таких ныне все ставят. И в Служебниках зело много развращения: на спросвирах не Христов крест, не (но)образ креста, и 5-ть просвир, а не 7-мь, – и то порок. И что приложен прилог: есть поклонятися Отцу и Сыну и Святому Духу, – и то порочно-ж, и тут не подобно, и отнюдь ни в коих святых Служебниках нет того прилога, ни во Алексеевском, святаго чюдотворца, ни в Сергиевском, ни в Кипреяновском, но только: достойно и праведно. И тот стих: благословен грядый во имя Господне, Бог Господь и явися нам во всех старых Служебниках; а в новых первого выхода тот стих вынят, а в иных опять положен со оговором. И иная многая развращения во всех новых книгах, ихже всех не возможно есть описати, – аще хощет, сам да прочтает и внимает. И в Шестодневах новых написали, яко Христос воскресе никто же да не верует: стихира Евангельская 8-я. А инде в Скрыжали же книге, в вопросех и ответех Афонасьивых вкинуто: умно услышим и не прельщаемся, сугубо быти Христа. И сия ересь единоволников. Мы православные веруем, яко сугуб есть Христос, совершен Бог и совершен человек. И всякому буди ведомо, яко несть нынешних книг разум исправления, но от веры отступление и ко антихристу присвоение. Прочитай часто в Книзе о вере 35 главу, да познавши прежняя тамо отступления, и нынешняя потому числу уразумевши. И внемли, возлюбленне, чтению и учению, да сам спасешися и послушающии тебе. Бодрствуй, вразумляйся и укрепляйся о Христе Иcyce Господе нашем, емуже слава ныне и в безконечныя веки. Аминь.

Пристижение. Не непотребно же судихом зде вчинити слово из книги преподобного Максима Грека святогорца на шумящее вещание собора никониянского на святую церковь, паче же на святый символ, якоже тогда бысть от некоторых суесловец, не по преданию глаголющих из Марии Девы, а не от Марии, и чаем, а не чаю, и жизнь будущая во веки, а не будущаго века. И тогда бысть блужение от некоторых отчасти, ныне же не толико что преложити, но и уложити, и приложити смеюще, дерзают непреподобно, и с места на место другая в других поставляюще: вместо аза –и: рождена и несотворена; нас ради человеков, – се прилог; распятого же за ны, – и се прилог, вторый; и страдавша, – третье приложение, воскресшего в третей день по писаниям, – се м взял с предния речи: судити живым и мертвым – се м. И се есть прилог, или пренесение. А вместо живым поставил живых, задную напред перенесли, еже есть х, – и се преложение; и мертвых, – се пременение, – вместо м – х. И во единую святую соборную и апостольскую церковь, – се ю прибавил. И от сего, богословцы реша, велика ересь возрастает в церкви, якоже Максим в 13-м слове пишет. Також и в книге Большего Катихизиса, в главе на листу, – яко единим азбучным словцом ересь вносится, нежели многими не в чин поставляемыми, и под анафему подлагает таковая творящих. Чтож Максим?

(Следует, действительно, приведенное вполне слово Максима Грека, напечатанное в III т. казанского издания под № VIII, стр. 54–60).

Пристижение. Се Максим благоразумный и во истинну премудрый учитель церковный, православен, и поборник непобедимый и доблий хранитель закона и веры Христовы тако утверждает, и поучает, и укрепляет, паче же молит. Но что ныне безумнии? Не иоту или черту, писмя и речение измениша, но все по малоумней своей дерзости из корене истребиша и до конца разрушиша, и всеконечней пагубе себе предаша, а от святых отец в соборныя клятвы впадоша за нечестие свое во веки.

(Следует опять вполне приведенное слово Максима Грека: по казанскому изд. Т. I, сл. III, стр. 51–55. Затем без всякого заглавия следует

Восприяша бо некогда ревность Божию ревнители закона на некоторого пса, великоросияне, московстии народи; той же ядовитый пес тогда утекл. Глаголю же Никона еретика, и волхва, и чародея и прелестника, и иконоборца, паче же богоборца, Богу тако попустившу того. Начать бо поругатися и сокрушати, и из церкви изметати и отдирати, и расколовати и топтати ногами, всескверный, святыя божественныя иконы, иже чести всякия достойныя, а свою неподобную и проклятую учинил в лице в церкви и со избранными святыми московскими святительми и чудотворцы беззаконно и неправильно³⁷. Також и благословляти люди учил обема рукама чрез святыя и божественныя правила³⁸, и махати аки бесноватый пес лапами, иже и уподоблен ему от своих ему. И господом себе, сатано, нарек, и в Дусе Святе себе исповеда, дух лстечь, и победитель мирa, миродержателем лукавым уловленный³⁹.

Многая преизящная преминув святаго чудеса, сотворенная от древних времен, якоже свидетельствуют иже тамо жители тоя страны, пачеж книга жития его, хощу же поведати напоследок содеявшаяся над некоторою женою, Иустиною именем, преславная знамения, паче же рещи страшная, чудотворцем Игнатием, о немже нам ныне слово предлежит, и Стефаном первомучеником и архидиаконом. Начнем же убо з Богом простыми и краткими словесы.

Волости убо зовомыя Янгосарския, деревни ж Василева, та прежде помянутая жена Иустина, пришед в пустыню ту, идеже гроб преподобного Игнатия, поведа на соборе при игумене Иосифе и казначее старце Германе, и при всей братии, сице глаголющи. Во 168-м году, изволением убо Божиим, грех же ради моих, руки у меня рудою отекли, и я грешная, облегчения ради, пустила из них руду, не стерпев болезни, апреля в 18 день, в великий пост, на страстной неделе, в среду спасенныя страсти Господа нашего Иcyсa Христа. Сице же ми сотворши, в ту нощь во сне явимися некто муж святолепен, велик возрастом, оболчен иноческою и святительскою одеждею⁴⁰, власи главнии белы, брада кругла, густа, сединами украшена. И глаголет ми такую речь со гневом: жено, почто ты, преобидев страх Божий, от врачев шептунов здравия и исцеления ищеши, руду испуская, Богу досаждавши? И ныне постиже на тя гнев Божий. И сжав персты рук своих, показа ми, глаголя, пригнув и ко плечем своим: тако будут руце твои скорчены, да накажешися. От страха же того возбнув, обретох руце мои прикорчены ко плечем и персты ко дланем, ктомуж и все тело и глава моя ни двигнутися могущи. Возстонавши убо, аз испустила глас. Сердоболи же, услышав, приидоша до мене, глаголющи ко мне: что ти бысть, что ти содееся? Видевше ж руце мои скорчене, не возмогоша ни поне древо, отводя от плеч, вложити, ни двигнути что мало. И тако 4 дни и 4 нощи ни пила, ни ела, аки древо бездушно ниотнюд двигнутися могущи. разслабився всем телом своим, и уже близ смерти. Призвану же бывшу священнику, и исповедався согрешений своих, и сподоблена бых святых и животворящих таин тела и крови Христовы смертного ради часа. И по причастии вложимися во ум ити в пустыню помолитися, аще будет ми легчае; и обещахся, аще буду здрава. И в светлый великий день праздника пасхи, егда весь мир радуется о Христе воскресшем из мертвых, Бозе нашем, после утреняго пения пред обеднею, руце мои от плеч отпущени быша, и персты от дланей, и все тело помалу мало. И двигнувся, востала со одра своего, милостию Божиею, здрава, и служаше домови своему. И помышляя о преподобнем, наведшем мне скорбь ту, а имяни своего не явил мне, и како бы ми ити в пустыню: слух бо исхождаше о преподобнем, яко велик есть чудотворец, а разстояние четыредесять поприщ. Между же сим прииде от церкви после литургии муж мой, имя ему Исакий, и дивляшеся, со ужасом зря мя здраву сущу, начат вопрошати вины. Уведев же, яко от обещания бысть ми здравие еже ити в пустыню помолитися, с радостно глаголаше ми: лепо есть исполнити нам обещания и молитвы своя без всякого коснения Господеви Богу нашему. Нужды ж ради домовного строения, детей кормления и скотобрежения, непраздньства ж поделия и страды зелныя боярския, вкупе же и нерадения, положих страх Божий в забвение. Егда же прииде годишное время и день той же: паки по-прежнему, имже образом, скорчена и разслаблена бых, такожде и паки обещахся и исцелех, и паки в забвение положих. И год до года четыре лета препроводих, стражда тако, обещевахся и лгах. И во 172-м году, апреля в 10 день, в неделю святыя пасхи, после литургии, внезапу абиe аки песку мне горячева в очи кинуло, здравей бывшей всем телом. И я руками захватилася, ктомуж, платом обвязавшися, нача вопити горько и тосковати, и с места на место нужно пометати себе: щепота бо зелная во очех моих, и яко мнети ми их изскочивших на длани мои, и ослепление бысть ми, и света не видех. Много же тосковавши, мужу била челом, чтобы он, врача привед, отъял щепот от очей моих, падши к ногам его: от щепоты бо тоя и власы со главы моея снидоша. Он же ми рече: сия болезнь преслушания ради послана от Бога, от врачев не может ся уврачевати, но обещайся убо которому на имя святому молитися и покайся пред Богом. И я до Вознесениева (дня) все 6 недель со слезами молилася, и после Вознесениева дни Господня, в нощи, пооблегчилася болезнь, и я мало прилегла починути. И слышу глас, глаголющий ко мне: пойди ты, жено, к Щетинскому⁴¹, к церкви Живоначальныя Троицы и архидиакону Стефану помолитися, погляди же и в окно на свет, аще уже видиши. И аз, востав и окно ощутив, и отворила: бе бо утро и солнце восхождаше. И зрю некоего грядуща во диаконстей одежди, на левом плече уларь, возрастом высок, млад, лицем светел, мимо окно проходя улицею, даже до края житниц. Свет бысть во очах моих⁴² и болезнь не обреташеся, сердце же мое возрадовася о сем, и падох со слезами на землю пред образом Спасовым и пречистой Богородице благодарствовах. Явижеся и став предо мною, по предъявленному во сне образу, преподобный святитель, иже гневом своим нанесе ми болезнь, разслабление тела и скорчение рукам, и глаголаше ми: пойди, рече, уже ты, жено, в пустыню на Сару и помолися Спасову храму и чудотворцову гробу, и оттуду пойди ко храму архидиакона Стефана и помолися с верою. Сия изрек, невидим бысть. Аз же поят с собою двоих отрочат, и приидох в пустыню, во 172-м году, мая в 21 день. Молебствовав, и гроб преподобного Игнатия целовав и прощение испросив, поведала на соборе вся поряду. Они же слышавше и писанию предаша. И оттоле, востав, поидох к церкви Стефана архидиакона, и там помолихся и к дому⁴³ возвратихся. И во 173-м году, сентября в 15 день, паки присети мя третицею, темже прежеявленным образом, преподобный, в руце своей держа свиток. И я, потщався, хотела прияти от него. И не даде ми, глаголющи: недостойна ты ныне сего прияти, пойди и вели образ мой написати, преподобного Игнатия, и архидиакона Стефана, спиши же поряду вся моя явления к тебе и проповедывай всюду чудеса со иконою по градом, по селам, по волостям, и по деревням, по ближним и дальним, славным и неславным, всякому месту и странам без всякого сумнения, и хвалу воздавай Богу. Сия изрек, невидим бысть. И того ж 173-го году прибрела я Устина помолитися московским чудотворцем и, якоже повелел мне невозбранно и всюду прославляти своя явления и чудеса преподобный чудотворец. И время прейде немало, и против Феодорова дни Стратилата, и нощи перед всеношным, паки явимися во сне тойже преподобный и глаголет ми такую речь: что без пути зде ходишь и у Игнатия чудотворца милости не просишь! A мне в то время поизнемоглося. И паки глаголет мне⁴⁴: пойди ты к государю царю, написав моя к тебе явления, знамения и чудеса, чтобы он царь пение и службу церковную немятежну учинил Алексием митрополитом, московским чудотворцем, и книги две, старой Служебник да новой, положил к нему чудотворцу в раку; а уже бо люд мрет без причастия, как есть скот гинет; а не убойся-де ты ни отнюд ничево. И я ему поклонилася, да в той час и пробудилася, и без болезни и здрава обретохся. У подлинново ж списка руки духовных отцев ея на склейках приложены: К сему неложному чудеси и писанию покровской поп Павел по умолению и молитве дочери своея духовныя Иустины руку приложил. К сему неложному чудеси и писанию никольской поп Иван по умолению и молитве дочери своея духовныя Иустины руку приложил. К сему чудеси и писанию рожественской поп Иван по исповеди дочери своея духовныя Иустины руку приложил.

Правдивый же и нелукавый ученик Божий Павел со дерзновением вопиет, рекий: иже в вас благовестит чрез се, еже приясте, да будет проклят. И Давид изрече: Господи, ненавидящая тебе возвенавидех совершенным ненавидением, возненавидех их, да ужаснитеся и вострепещите любящиися с ними, исправитеся, да не погибнете с нечестием их. Мнози бо грубии не утвержени быша, но развращающе святыя книги. Но ты блюдися, да не прельстишися, ни совратишися ни на десно ни на лево, но царским путем ходи: имаши бо многи верники, любимиче, аще не на земли, то на небеси, с нимиже присно быти присно подщися, ихже имена суть в книгах животных. Да ты подражай тех жития и не отлучайся тех, на сердцы си держи день и нощь присно святыя книги, и в своею руку держи, и жития их добрая почитай, да обрящеши многу пользу. Буди же притяжатель праведного словеси, да навыкнеши и противляющаяся обличати и преступающая наказати и обращати, и сам не падешися, но во святых книгах укрепишися. Но блюдися, да не ослабееши сам. Егда бо видиши несмысленныя многи, то не чюдися тому: чреда бо есть быти тем. И где узриши многи лживыя пророки, помяни владыку своего, глаголавшего, яко востати имут лживии христи и мнози лживии пророцы. Егдали видиши прелщающаяся словесы, помяни Исаию пророка, глаголюща: о люте пишущим лукавство. Егда ли видиши правдивыя укоряеми, а нечестивыя и презоривыя и любодея избираеми и любими, помяни Апостола, глаголавшего, яко лукавии человецы и волсви приити имут на горшее, прельщающе и прельщаеми. Егда ли видиши книги отмещемы мнимыми христианы, помяни Господа, глаголавшего: аще мир вас ненавидит, ведите, яко мене прежде вас возненавиде. Егда ли видиши многи собирающаяся к кощуном и к чародеицем, и учением сатанином и нечистых духовом, но ни ужаснися ни падинися (sic) отчаяй, но и прослезися и помяни Апостола, глаголавшего, яко в последняя лета отступити имут нецыи от веры, будет бо время, егда здравого учения не имут прияти, но по своим похотем изберут учители, и от истинны отвратят слух и на кощюны приступят. Егда ли видиши обеды многи и вечери, и прелести в них и питие много без чина, помяни Господа, глаголюща: люте, люте вам насыщении, смеющеися, яко вы алкатися имате, яко плакатися имут горько. Егда ли видиши ликующа человеки, и песни сатаниными нарицемы, помяни Давида, глаголюща, яко не уведяша ни уразумеша, во тме ходят. И паки Исаия рече: люте востающим заутра и многое питие гонящим, и чающим вечера, з гусльми и песньми и с трубами вино пьют и з свирельми, а дел Господень не ведят и дел руку своею не разумеша. И владыка глаголет: люте тому, имже соблазни приходят. Но что рекут жестосердии и лукавии? Кую пакость творят гусли и глуми, и инии сосуди гласнии? О последняго смысла! О лукавого умышленния! Род любодей, сие ли Господеви отдаете? Но Господь пресвятый никомуж не велит ся глумити христианину; а ты глаголеши: кая пакость есть от глума! О, люте глаголющим сладкому горько, полагающим тьму свет. Поведите ны, неподобнии, от каких книг указати можете, яко лепо есть христианину творити cия образы? Цареве, велицыи, богатии и убозии, старии и юнии, кто может от вас указати о сих, яко повелеся христианину глумитися и плясати? Не суть бози христианска, но поганска. Повеждь ны, Господи, знамение твоего пришествия, и мы да научим вся языки преславного твоего пришествия. Господь же рече к ним: блюдитеся, да не прельститеся, мнози бо приидут во имя мое, глаголюще, яко аз есмь Христос; но блюдитеся, да никтоже вас не прельстит, яко время близ есть того, якож мы ныне видим очима, якож и глагола. Но видиши ли, колико ти подвижение владыки о лживых пророцех и о лживых учителех и о еретицех, обнажи и показа сокровенное в них лукавство. Темже и в первем вопросе ученик знамение им показа: волк стадо антихристовы предтечи. И уже сташа реченная рати, безчиния, язык на язык, царство на царство, и князи на точных себе: тогда бо, рече, соблазнятся многи и сами ся передадят. Уже бо вси предатели быша и ненавидяще себе, епископ на епископа, поп на попа, диакон на диакона, диак на диака, на ся сами, и чернец на чернца. За умножение дела беззаконнаго, изсякнет⁴⁵ любы многих. Темже и прорече владыка, глаголя: проповедатися имать Евангелие всему миpy в послушание всем странам, и ту будет конец. И сами бо видим яко несть места под небесем, идеже не проповедася. Се бо, рече, прорекох вам, да аще кого прельстят от вас, то без милости есть. Темже многажды вы воспоминах о безбожных еретицех, и ныне молю не совокуплятися вам с ними ни в ядении, ни в питии, ни в дружбе, ни в какой же вещи: прельщаемый бо сими чюж ся творит святыя церкви и веры святыя. Аминь.

Пристижение. Никтоже может, прикасаяся ко змие, цел и не уяден быти: тако к еретиком, бесовским слугам, не может без злыя муки быти и снити во тму кромешную и в скрежет зубный. Еретиком убо ити впреди во дно адово, а прельщеным от них во след их ити. Еретицы убо суть и волхвы сынове неприязнении и наследницы вечной муце. От нечестивых бо и смущенных служителей не подобает причаститися святым тайнам, не но закону и преданию святых отец ведущихся, якоже премудр некто рече: бойся того, аще кто что содевает противу закону, понеже нечестие велика злоба и Богу досада. Аще законы царския хранити подобает, колми паче Божии, якоже пророк рече: закон твой свет стезям моим и светильник ногама моима; и: мир мног любящим закон твой.

Равноапостольному благочестивому государю, царю и великому князю Алексею Михайловичу, всея Великия и Малыя и Белыя Росии самодержцу, богомольцы твои государевы, и холопи, и сироты и всяких чинов люди, припадая, моля, челом бием. Благоутробный и милостивый государь! послушай мольбы своих государевых богомольцов, и холопей и сирот, о немже тя, государя, молим, прося мира церкви и церковным чадом покоя, и яко да разрешатся церковныя вещи разсуждением искусных отец, не словом украшенных, но благими делы, паче же и соблазну престати имать, и прекословие да раззорится, в неисцелении же души христианския да не погибают, несогласия ради церкви. Брань бо сия лютейшая и паче настоящия брани. Есть ли бы сия церковная брань примирение имела и сыны церковныя от соблазны свободилибыся: и настоящая убо брань благопоспешна бы была, и твоя, державнаго государя царя, высокая десница везде врагом страшна бы была и препоны бы ни мало. Известно же тебе, великому государю, яко идеже Бог помощник, кто противу стати может: уповающии бо на Господа не постыдятся. Ныне, царю, и просто ко благородию твоему пририща, молимтися, просим, ущедри святую соборную и апостольскую церковь, и чада ея помилуй и верныя люди. Уже бо многая лета преидоша – вдовствует, не имущи жениха, отнележе отречеся с клятвою тоя непреподобный архиерей, Богу тако изволившу и лучшая о нас предзревшу. Правила же святых отец не попущают вдовствовати больши трех месяц, во вселенском соборе, в 25 правиле. В реченное же время нерадящих архиерея поставить запрещают. Отшедшего же убо и кроме епископии вящши шести месяц пребывша перво-второго собора правило 16 чужа сана и чести сотворити повелевают; отрекшегося имени епископского, или причетнического правило 62 и от сана отврещи повелевает, ащели же и покаявшася яко простолюдина приемлет; дерзнувшего и божественней службе прикоснутися святых Апостол правило 28 от церкви, яко гнил уд, отсещи повелевает. Сих ради, равноапостольне, и ныне молим тебе, великого государя, да не привлечеши на все государство твое праведного от Бога гнева: смущение бо велие, государь, в Великой Росии о церковных вещех, якоже и сам веси. Во вся убо лета, отнелиже начася церковный раздор, тысящи тысящ душ христианских, сомнения ради церковных вещей, и чужи обшения пречистых таин, и учения несть, паче же и несогласия ради церковных учителей. Помилуй отчаяния близь сущих, а спастися желающих: твое бо, помазаниче, и твоея благочестивыя души дело ущедрити сих; наше же тебе, великому государю, воспомянути о сих. Убо и сама соборная и апостольская церковь молится: взыщи мир, сыну церковный, и пожени его, яко да во благих поживет душа и царство твое мира и всякия благодати исполнено будет. Идеже бо хранение церковных заповедей, паче же Божиих, и правильное житие: тамо изобилство благих и мир соводворяется. Престанем же стужати тебе, великому государю, о нужных много глаголя. О настоящих же паки умиленно молим тя: даждь нам учителя и пастыря, могущаго управити благочестие; даждь нам учителя кроткаго и смиреннаго сердцем; даждь нам учителя, подражавшего своего владыку, Господа нашего Иcyca Христа, и могущего пострадати немощем нашим; даждь нам учителя, егоже волит Бог, верна и непостыдна, могущего наказать духом кротости; даждь нам учителя права разсуждением, гнев Божий утолити могущаго; даждь нам учителя мир от Бога вводяща, а лесть потребляюща; даждь нам учителя примирити к Богу могущаго; даждь нам учителя – стену церковным чадом и крепка молитвеника за тя к Богу; даждь нам учителя не новоначальна, но победителя страстем; даждь нам учителя собою хотяща показати образ благочестия и делом руководствовати нас к Богу, да же и царствие твое мирно будет и врагом страшен имаши быти. Сего просим, благочестивый царю, о немже Христос рече: иже сотворит и научит, сей велий наречется во царствии небеснем; о сем молим, иже житие имать высоко, смирену же мудрость; о сем молим, да без порока сохранить святую соборную и апостольскую церковь, и ведением божественнаго писания и учением просветити имать любящих Бога; о сем просим, иже могий богоподражательно взыскати и спасти погибшая. Речеши ли, о равноапостольна, кто убо сей? Не закоснев отвещаем ли, христолюбивому: о немже да просиши у Бога и егоже жребием апостольски показали хощет. Точию молим, избрати убо благоволи, паче же и поискати мужей любящих Бога. И паки молим не дерзостне: и егоже любиши сам. Божие се великое дело и самого Святаго и животворящаго Духа действо, от нихже еси первый сам, и общаго совета и со всеми Христолюбцы единомудренаго; не славных и честь века сего любящих благоволи, государь, избрати, но смиренных и кротких и путь спасения гонящих, века же сего честь яко ничтоже имущих, суд и правду любящих, пачеже и без порока сущих, и не телесною добротою цветущих, но добродетельным (житием?) украшенных, и благ плод смирения и добрых нравов показующих, еще же и наказанных божественнаго писания, якоже и правило 2-е 7-го вселенского собора повествует: хотяй, рече, быти епископ, да умеет Псалтырь и да разумеет все, еже чтет, не просто, но со испытанием, священная правила, и святое Евангелие, и апостольския книги и все божественное писание; ащели ни, да не поставится. Толкование же сего правила яснее сказати имать; но скращения ради преминем ти, речем же, что и третие правило того же святаго вселенского собора сказует: всяко, рече, избрание и поставление, бывающее от мирских властей, нетвердо да есть. И апостольское правило 35-е мирских князь помощию приимшаго церковь изврещи повелевает. Сице 13, иже в Лаодикии, собора повествует. Толкование же сих и сугубо разсужает. Сих ради, благочестивый царю, молебно прострохом глас ко благородию твоему, и яко годе владыце нашему Иcycy Христу и святей соборной и апостольстей церкви, советом устроивши духовным, пачеже по правилом святых Апостол и святых отец, правило святых апостол 58, листа 15, учителя нелицемерна и праве исправляюща слово твоея истинны введеши во святую соборную и апостольскую церковь. Такова, благочестивый царь, поискати благоволи, яко да вместо венца царствие твоему сияти будет, просвещаем благодатию и всяку добродетель проходящь, о немже и Христос рече: тако да просветится свет ваш пред человеки, яко да видят ваша добрая дела и прославят отца вашего, иже есть на небесех. Правый бо наш учитель Христос прежде повелевает творити, потом же учити: учительства убо сан, срастворен благими делы, воистинну убо свет миpy и соль земли. Сладость убо учителя является, егда словеса согласна житию имать, о немже и Павел, к Евреем пиша, глаголет: таков нам подобаше архиерей: преподобен, безсквернен, незлобив и выше небес быв, иже неимать нужду. Дивимся, благочестивый царю, откуда в нас, смиренных сущих, высокая и прегордая, иже друг друга поревающе высотою чинов, непомня владычних пречистых глагол, совокупити ны хотящих во едино. Киих убо? Сицевых: хотяй, рече, в нас быти велик да будет всем раб и всем слуга; и: неприидох, да ми послужат, но послужити и дати душу свою избавление за многих. И мати Зеведеовых детей, егда моляше владыку, да оба сына ее сядета в славе его, един одесную, а другий ошуюю, отвеща им Христос и рече: не веста чесо просите. В толковании же, разсуждая, глаголет: паче ума бо есть, еже просите, и ангельския чины превосходяще; вы убо на славу устремляетеся, аз же на смерть вас призываю. И 39 правило еже в Карфагене глаголет: первый епископ, рекше митрополит, или патриарх, не начальный святителем ни крайний святитель, но епископ перваго седалища наречется. Толкование же сего правила повествует: святительский чин един есть и тойже на всех, и не наречется сей бо совершен святитель, или епископ, и иже не совершен, но вси равни святители и епископи, якоже и благодать Святаго Духа равно приемше; а иже в митрополии епископ первое седалище имея, того ради с приложением глаголется: епископ митропольский, рекше: митрополит; митрополия же мати градовом сказуется, митрополит же, или патриарх епископ матере градовом, рекше старейшего града в той области. И во многих убо правилех велицыи святители и церковнии учители, паче же и наместницы царствующих градов Росии, римский, глаголю, папа епископ зовется, такоже и александрийский, и цареградский, и антиохийский и ерусалимский епископи наричются, а не глава другим епископом, но брат старейший, кождо в своей их области, всех же едино мудрование, и едино действо и едина честь. Архиерей убо наместник верховных 12-те Апостол, иepea же и диякони наместницы седмидесяте Апостол; вси же между собою братия, единого владыки раби, пославшего их в весь мир проповедати слово истины, и никто же их ни боле, ни мнее, якоже великое светило и вселенней проповедник, Златословесный Иоанн, зачало девятьдесять пятое Благовестника Луки толкует, глаголя слово благодатно: тpиe сии образи в церкви очищены и совершены и просвещены, три сия действа наследуема чинов: диакони очищают оглашением, учением, пресвитери просвещающе крещением, apxиepee же священныя чины поставляюще совершают, еже есть рукоположение. Видиши ли, чины к действами, ни вящше, ни мнее предстоящих. Почто и в нас, благочестивый царю, распря и несогласие? Яве, яко не печемся, на неже призвани есмы, и не мним, яко дати слово праведному судии в день праведнаго суда его о врученных комуждо нам: в забвение бо нас приведе безстрашие, пачеже покой, и честь и слава скоротлимаго века сего, на здание его каменнаго строения ум прострохом и о сих паче человеческих душ упразднихомся, в ничтоже положихом словесныя паствы о душах попечение, и скорбь Христовых раб и смущение тех радость нам бывает, и сия радость приводит нам гнев от Бога и без конца мучение. Не рещи имамы в день судный: се аз и полаты моя каменныя, и храмы пресветлыя и домы превеликия, и в них строй века сего дивнаго; но имамы рещи: се аз и дети моя, ихже ми еси дал. Мерзко убо есть и ненавистно Богу, еже человекоугодия ради преступать законы Божия. Егда убо святыя Божия церкви без пакости и немятежно в мире бывают, тогда нам вся благая строения бывают от Бога подаема: мир, и умножение плодов, и врагов одоление. Зри, благочестивый царю, яко небрежения ради церковных вещей и преслушания ради божественнаго писания вся злая приходят на ны. Ваше убо есть, благочестивый царю, еже воздание градов, и полат и пресветлых домов промышляти; наше же, смиренных, день и нощь о спасении душ человеческих пещися и нещадити своя душа ради пасомых, но и смерть презирати за спасение душ. Не образ нам Феофил патриарх александрейский, иже все церковное имение на здание каменнаго строения истощи, последи же блаженнаго Исидора, вдовича ради имения, еже Исидор нищим вручи, паче же тех ради Богу, вмале смерти не преда, но, сохраншу Богу блаженнаго Исидора, своими ему рабы до десяти тысящь пустынников погуби. Зри, благочестивый царю, колика пагуба в Велицей Росии твоим государевым богомольцам и нам, холопям твоим и сиротам, от смыслящих таковая. Поострив убо тебе архиерей непреподобный чрез волю Божию ко брани, гнев от Бога привлече на всю Росию, забыв пророка вопиющa, пачеже и моляща Бога на таковыя: разруши, рече, языки, хотящая бранем. Недовле же ему се. И глаголющая ему вправду умучи, и священническаго чина и холопей твоих нас, и сирот. И клеветав тебе на когождо, заточением и великими ругательствы облагаше, и насиловаше властно твоею государевою. В тоже время и толикая здания каменнаго строения вновь обители начат строити, древняя же пустынная места раззорив, в потребу на славу Христову созданныя. Сими убо, о колико оскорби люди Божии и святым местом пакость немалу сотвори. Образ убо нам Христос сам: первее пострада по нас; такожде и самовидцы и слуги Словесе Божия и святыя его ученицы и Апостоли, и святии отцы вселенстии учителие, не о здании каменнаго строения упражняющеся, но о спасении душ день и нощь пекущеся. Сих ради молим тя: благочестивый государь, царь и великий князь Алексей Михайлович, всея Великия и Малыя и Белыя Росии самодержец! благоразсуди о церкви и людях Божиих и своих, от сомнения свободи, даруя нам отца, а святей церкви непрелестна жениха, и царствию твоему крепка столпа. Царь государь, смилуйся.

В 153-м году прииде ми грешному помысл, яко время жити ми житием чистым и богоугодным, от некоего искуса попущеннаго на мя от Бога, и не осквернити ми души и тела, и вина не пити и никаково пияново пития. И тако обещахся Христу, из мира изыдох, и приидох в Соловецкой монастырь, и пребых бельцем 7 лет, и приях святый иноческий образ на ся от архимандрита Илии. И паки пребых в послушании 5 лет, и всех же 12, незазорно и неукорно от человек, чистою совестию. Пред Богом и человеки похвалитися не пользует ми. И во 162-м году, или: третием, егда грех ради наших воздвижеся гонение на православную христианскую веру по всей Русской земли, и в то время в Соловецком монастыре благоговейнии христолюбивии мужие начаша тужити и горько плакати, глаголюще: горе нам, братие, яко в лета наши волк лют облечеся во одежу овчую, да украдет и погубит души християнския! И аз, многогрешный чернец Епифанец, слышах та словеса и видех христолюбцов тех преподобных отцев плачющихся, и аз с ними плакахся. Благословением же и советом их изыдох в пустыню дальнюю и приидох яко 4 ста поприщ на Онего езеро, на Суну реку, на Виданской остров. Живяше же ту некий брат старец немалое время един, и прият мя. Бес же лют в келии его живяше, и многи пакости ему творяше всякими образы: давляше и мучаше его, овогда же устрашаше. И некогда старцу отшедшу, обнощеваша ту в келии его два некая белца и успоста. Бес же единого взем, емуже имя Иван, извесши в сенцы, зле умучи, еле жива поверг. Человек же той рукою год не владел. И другого бив удавил, роспух же человек той и кожа треснула на нем. Старец же той имяше другую келию и живяше. Аз же, по благословению старчю, внидох с образом Пречистыя Богородицы, имже мя благословил келейной брат в Соловецком монастыре, егда в пустыню поидох, в ту старую келию, идеже нечистый дух живяше. И кадило взем покадити: прият же меня трепет и ужас неисповедим, и едва в себе приидох и помолихся. И тако благодатно Христовою девятомесячное время безпакостно препроводих. Восхотежемися изыти во иное место и жити в безмолвии: бе бо ко брату тому приход мирским людем и молва немала. Испросих от него благословение и местечко под келейцу вдалее яко полпоприща, и сотворих келейцу малу, и внесох с потщанием тойже пречистый образ и помолихся, рекущи: О, свете истинный, Христе Боже, и пречистая Богородица, упование и надежда моя! сохрани и соблюди и спаси мя сим честным и святым своим образом грешнаго раба своего, и келейцу твою и мою, аз бо иду паки к брату. Се же рек, и изыдох, и пребых у старца два дни, некоторого ради труда братня. Огнь же прииде от пустыни до келейцы моей, мне не ведущу, и попали всю, и верх по потолок, и приготовленой лес на сенечки пожже. Возвратихжеся в третий день, и не дошедши, зрю келейцу опалену, без верха стоящу, и ужасохся, стах на едином месте и проплаках, сице глаголющи: не добра ли тя стража избрах, да почто не сохранила еси, о Пресвятая, своим честным и святым образом келейцы моей! се мне ныне грешному камо ся дети, где прибегнути и молчанию научитися? – по преподобному Ефрему, безмолвию бо мати пустыня, и рыбам живот вода, мнихом же безмолвие: где же и от человек уединитися и зрети ко Единому, по святых отец речению? И идох в печали ко огорелой келейце и дивихся, како не вся згорела: сухое бо летнее время. Внутрь же ее все цело, и святый Богоматере образ стояще. Соградив же сенечки, сеча лес, и седох в молчании, еже душа моя вожделе, един уединен, ко единому Богу мысленно зря, и поучаяся во псалмех и молитвах по силе моей, тако ж и ручное дело, да пищу себе приобрящу. И по малех днех, внощи, в келейцу мою начаша приходити беси, и ужасати мя и устрашати. Аз же прилежнее молихся, а они лютее притужаху ми, нападающе давляху⁴⁶. И некогда утрудился, возлег, и скоро в келейце вocиa свет и дверцы отворишася, 2 беса внидоша и посмотриша, и вспять возвратишася, и двери затворишася. Помышляющю же ми, на одре моем седя, что ради скоро беси возвратишася. Сердце же мое не оскорбися, но яко мастию помазано. И тако зрю чюдо преславно: на мышце моей десней утвержашеся святый Богоматере образ, от меди сотворенный, воляшной(?), с превечным Исусом Христом младенцем, с нимже приидох в пустыню. Аз же востах с подшанием на нозе, надеяхся восприити хотех; обретежеся попрежнему на своем месте. Зело же во удивлении быв, помолився в ту нощь, и оттоле не видех бесов. И егда исполняшеся годишное время, как тут седох, паки приидоша два беса в нощи, и не мучат мя, но потрясают одр мой, не дающи ми покоя. И един обнажи себе, приступи близ ко мне. Вскочив же аз, и емь его рукама моима по средине его. Бес же нагий в руках моих согнувся вдвое, и бысть яко мясище некое. Биях же его о лавочку, вопия: Господи, помоги ми, Господи, помоги ми! Пресвятая Богородице, помоги ми! А другий бес отдалече стояше и бежати хотяше, но не можаше. Утрудихжеся тако бия беса, и яко от сна возбнув, отдышахся, и руце мои бе мокры от мясища бесовского, а беси изчезоша. Паки некогда в нощи возговориша громко под оконцом моим: приезд бо бысть бесом на дво их конех и на двоих санех. Прискочив же един сурово, и ять мя за горло крепко; аз же едва возопих: Богородице, помилуй мя! Он же исчезе.

Велик бо мя студ и срам содержит написати, но обаче напишу безверство мое ко святому Филиппу митрополиту. Имех у себе два канунца: един чудотворцем соловецким, а другий Филиппу, и по вся дни прочитах в келейном правиле, но един с маловериим, еже есть Филиппов, отнелиже и в пустыни седох. Еще же помышлях отлучити Филиппов канон и не пети его. И тако пребых, боряся с помыслом, содержим маловерием ко святому. И некогда в нощи явимися святый Филипп, гневаяйся на мя. И аз на землю падох, поклонихся ему. Он же пребывая гневаяся. И зрю с ним чудотворцев соловецких Зосиму и Саватия, и иных многих, молящихся о мне, да простит мя, глаголюще: прости, отче, его, и исправится он. Святый же и прости мя, рек: Бог простит тя!

Паки иногда помышлях аз, многогрешный чернец Епифанец, помногу, како бы ми избыти вечныя муки, а получити бы царство небесное, и о сем печаловахся и скорбех много. И некогда в нощи зрю друга своего любимаго и брата, паче же отца, преподобного Ефросина⁴⁷ пустыннолюбнаго, Андомския пустыни жителя, от мертвых воставша. Аз же объем его рукама моима с великою радостию, и начах вопрошати о вечных муках и о царствии небеснем: повеждь ми, глаголя, господине отче, Господа ради, како тамо на оном свете царство небесное, како муки вечныя! Он же ми рече: друже и брате Епифане! молися прилежно пречистой Богородице, и избудеши от всех злых и приимеши благая от руки Господни. И возбнув, обретох сердце мое обрадованно.

Во 173-м году, до Покрова за две недели, возлегшу ми почити, и не сведохся в сон. Скоро отверзошася дверцы и бес вскочив лют, и ят и согнув мя вдвое, и немилостивно мучаше и давляше мя. Аз же мнех, яко кончина есть то мне: не даде бо окаянный ни гласа испустити, ни Божию помощь призвати на долзе времени, ни пречистой Богородицы. И едва изрекох: Святый Николае избави мя! И тогда, оставль, исчезе от мене. Аз же еле жив обретохся на одре моем, ни двигнутися могий, едва отдышахся (простите ми), начен глаголати от невежьства моего, паче же от болезни, ко пресвятой Богородицы, зря ко образу ея: О, пресвятая Богородице, владычице моя! почто презрела еси и не брежеши мя раба твоего! виждь, пречистая Богородице, свет моя, яко вмале окаянный диавол, лютый разбойник, не погубил мене, а ты о мне не радиши! Аз многогрешный раб твой Христа ради изыдох из мира, и оставих вся красная и сладкая, братию и други, и изволих паки тесный, узкий и прискорбный путь, и возложих упование мое все на Христа Бога моего и на тебе, света, и внидох в пустыну cию работати, да обрящу покой и милость получю, зде пребывая, и благовременную помощь, и по смерти во оном веце вечную жизнь; ты же мене, о Владычице, оставила еси и нерадиши о мне! Ей, госпоже, не даждь погубити мя лютому велиару, нечистому беcy и немилостивому разбойнику! Се бо впадох в руце его и лежу ранами уязвен, ни воздвигнути главы моея могу. И иная сим подобная изрекосте устне мои, и глаголаша уста моя в болезни моей⁴⁸, и в сон тонок сведохся. И зрю пречистую Богородицу в ризе темнобагряной, яко девицу святолепну и благообразну, и емь рукама своима нечистого беса и начат мучити мучащаго мя. Мне же прямо зрящу, дадемися от нее нечистый мертвый бес в руце мои. Аз же мало помучив, вергох его за окно на северную страну. Он же абиe оживе и пойде от келии прочь, зрящу ми нань, рече ми: уже аз к тебе не буду паки, но иду на Вытергу⁴⁹. Аз же рех бесу: не ходи, но иди тамо, идеже людей несть и человецы не водворяются. Ов же идяше на южную страну. И абиe от сна возбнув, и здрав обретохся и сердце мое яко мастию помазано. И от того времени приложимися желание к желанию, еже жити ми единому в пустыни, а иногда прихождаше ми такова радость о Христе, яко мнети ми не в келии, но на небеси пребывати, понеже в забытие ми прихождаше вся земная века сего. И молящумися о благосостоянии церквей, о царе и о всем мире, прихождаше же ми помысл молитися пречистой Богородице о умной молитве Иcycове⁵⁰, да дасть ми от нея, еже Апостол Павел твердит: хощу, рече, пять словес умом моим глаголати, да и ины пользую, нежели тмы словес языком.

Толкование Иоанна Златоустаго о умной молитве Исусове. Первое слово Господи, второе Иcyce, третие Христе, четвертое Сыне, пятое Божий: сие от святых Апостол; а еже помилуй нас святыми отцы положено. Аще кто cию молитву Исусову, требуя ея, глаголет яко из ноздрей дыхание, по первом лет вселится в него Христос Сын Божий, по втором лете внидет в него Дух Святый, по третием лете приидет к нему Отец, и вшедше в него, и обитель в нем сотворит Святая Троица, и пожрет молитва сердце, и сердце пожрет молитву, и начнет клицати молитву Исусову, сиречь вопити непрестанно сию молитву во дни и в нощи. И будет тот человек свободь всех сетей вражиих.

Аз грешный, якоже прежде рех, молихся, да пожрет сердце мое молитву сию: от многих бо времен желание имех. И не даст ми ся, и не получил, понеже недоумеваюся како сему быти. Во уме же имех Христова словеса, еже рече: просите и дастся вам, просяй бо приемлет. Ем веру сим Господним словесем, прилежнее молихся по псалмех и пениих духовных на всяко время, совершая свое правило, елико могий вместити. Пребывающу же ми тако, изнемогаше убо уд языка моего и не могох наполнити правила моего умереннаго. И о сем многогрешному печаль немала бысть, понеже не хощетмися от обычного своего правила убавити. И время прейде не мало, и в нощех со слезами молихся, да прииму умную молитву. И во едину от нощей уснух сном тонким, и aбиe слышу: ум мой молитву Исусову творит светло, и красно, и чудно, яко николиже тако бысть, отнелиже и родихся. Аз же возбнух и прохватихся (sic), а ум мой, яко лебедь доброгласный, вопиет ко Господу сице: Господи Иcyce Христе Сыне Божий помилуй мя грешнаго! Аз же о сем многогрешный возрадовахся, яко получил прошение мое. И пребываше во уме моем умная молитва.

Еда же, грех ради наших, попустил Бог сатане посадити сосуда своего на престол патриршества, врага и раскольника, предтечу антихристова, окаяннаго Никона, он же вскоре посадил на печатной двор ко книжной справе друга своего, врага, жидовина Арсения, недостойнаго нарековения чернеческого, отрекшегося Христа трикраты, якоже сам окаянный исповеда в монастыре Соловецком. И стакався с ним вкупе, приискал себе подручников таковых же врагов, яковы и сами. И начата в книги печатныя плевелы сеяти еретическия, проклятыя. И те их уложенныя книги еретическия, по действу сатанину, разсеяша по всей Русской земле по церквам Божиим на потребление веры христианския и на погубление христианскаго роду. И мнози тогда прихождаху в себе и моляху Бога, чтоб избыти от нападения вражия и не поклонитибыся прелести, и не впасти в мерзость запустения, по истинному словеси, уклоняющеся мятежа и раздора церковного, боящеся антихристова пришествия, прибегающе ко святым книгам и прочитавше божественная писания. Прочитах убо и аз евангельская, и Апостол и иныя святыя книги о истинном законе християнстем, ктомуж и жития святых, и страстотерпческая борения и подвиги о благочестии. И помолихся Богу, да подаст ми помощь, ежебы написати нужнейшая словеса о вере на пользу прочитающим и послушающим, мне же на спасение, еще же на еретическая неправославная учения на прелесть и на раздоры церковныя, на богоборную сонмицу, на нечестивыя соборы никониянския, и яко на цене продал Никон веру христианскую, рук ради по сту рублев коемуждо епископу дарствовал за молчание, кроме Павла епископа, иже от него и убиен бысть, и о безверцех грекоримлянех, несвященных патриарсех, о ихже исправлениях вси ведят, яко не пастыри, а наемницы, паче же волцы. Також ми помышляющу и молящуся, явимися во сне преже почивший преблаженный архимандрит Соловецкаго монастыря Илия, иже мя иногда и постриже. Аз же взем, показуя ему ведерцы рукоделия своего; он же их повелевая изнести вон, глаголя, указуя перстом на киноварницу: се есть, рече, твое дело. Востах убо, помолихся и начах писати от божественных словес евангельских, апостольских, по чину поставляя и во уряд полагая, и из иных книг присоединяя благопотребнейшая о настоящих преже реченных глаголех. И елика дадемися помощь от Бога, и с трудом многим и зелным, вчерне первие написуя, и исправя, и набело преписав, устроих книжицу на подкрепление себе же и ближнему, сиречь правоверному, еретиком же и прелестником чревобожным, пианым мудрецем, слепым пастырем на обличение. Умыслив же и царю иную, с тое списав, подати. Аще вразумится, то благо; аще ли же ни, то аз без вины о сем.

Сему же старцу язык отрезали.

и на истребление церковных догмат и на отвержение старых непорочных книг, которые печатаны при прежних благочестивых царех и при нынешнем царе Алексее Михайловиче, и при святейших пяти патриарсех, до Никона еретика и новаго отступника, возмутившего святую церковь, и ныне, во 174 году, неприемлющих развращенных новых книг с лукавыми догматы многих овец, овех расточиша по странам, овех по темницам заключиша, овех же юзами железными обложиша, овех же, – о, внуши небо и земле! – священнаго сана лишиша и суемудренному проклятию предаша, сами суще отвсуду прокляты и связаны святыми отцы⁵¹, и глаголют, оправдуя себе, сице, яко аще и мы кого не благословляем и отлучаем, и проклинаем непокаряющихся нашему собору и уложению, и Божий суд нашему суду последует.

Зде же имамы свидетельства от божественных писаний, яко аще и святитель будет еретик, или отступник не благословит кого, или прокленет от православных, но не последует еретическому суду Божий суд. Глаголет святый⁵² Деонисий Ареопагит, яко аще паче воли Божией отлучит святитель, не последует ему божественный суд⁵³. Великаго Василия: аще творит кто без благоcлoвeния быти кого безвременно, сам будет без благословенья. Толкование: Епископ, или презвитер кроме правилныя вины отлучая кого от опщения, сам без причащения да будет, в елико же время, святитель разсмотрит, под ним же есть. И по которому правилу нас осудисте, о прельщеннии вы епископы, скажите? Святый Анастасий горы Синайския глаголет: всяк убо всуе кого не благословляет и проклинает, себе не благословляет и проклинает. Карфагенского собора правило 134: Аще который епископ причетника своего не обличена бывша о гресе, но токмо от своея совести, осудит его – отлучен будет и сам от инех епископ, иже к нему опщения лишатся, яко да сохранится, еже вскоре кого не оглаголавати, егоже обличити не может. И святаго Григория епископа Акраганскаго правило всем епископом и попом: отрицаем, яко не отлучати кого от святаго опщения прежде даже явится вина, ея же ради церковная правила повелевают быти отлучена. Аще кто чрез сих от святаго опщения отлучит, он убо отлучен бысть. И прочая чти правила того; зде вкратц пишем. Сему же согласует седмаго вселенскаго собора правило 4-е: повелевает не запрещати неподобно. Иже и нынешнии епископи, надеющеся на власть свою, запрещают нам не отступающим от благочестия. Иустинияна царя новых заповедей глава 9-я: Яко епископ, или презвитер без правды аще отлучит кого от опщения, сам без опщения да будет. Се же паки глаголю от святых писаний, яко не последует ему Божий суд, ни патриаршескому, ни епископскому не токмо отлучению, но ниже проклятие, аще не по Божией воли прокленут кого. Диоскор убо еретик патриарх Царя-града со Евтихием собраша собор со единомудренными себе епископы, и прокляша блаженнаго Флавиана патpиapxa Антиохии града: и не последова им божественный суд, но сами прокляти быша от Бога и от человек, понеже не по воли Божией прокляша, и проклятии от них со святыми причтени быша. Потом же Копроним⁵⁴ с патриархом своим и со единомудренными ему епископы проклята великаго Германа патриарха и всех покланяющихся святым иконам: и сами прокляти быша, а блаженный Герман и прочие с ним со святыми исповедники причтени быша. И святаго Семиона столпника презвитер некий проклял, завистию побежден быв: и пришедше беси, самому попу тому руки назад завязаша, яко немощи ему и святаго Евангелия прочитати. Зри и виждь, яко аще кто недостойне прокленет, или свяжет. Якож вси сии нынешнии владыки прокляша с нами и святыя отца, предавши нам православныя догматы исперва: символ святыя веры и истинное знамение християнское в сложении перстов, по святому Мелетию, и Феодриту, и Петру Дамаскину, и Максиму Греку и Петру митрополиту Московскому, и Стоглаву книге и прочих святых книг, и трисвятую аллилуию, еже есть сице: аллилуия, аллилуия, докса си Феос, а по- русски: аллилуия, аллилуия, слава тебе Боже. Сие есть трисвятая. Аще извергоша нас и проклята суемудреннии пастырие и помрачении тмою прелести, то бо не нас преже им проклинать и извергать, но святыя отцы сия, сами научившиеся от преже их бывших святых отец и нас научившие тако веровати. И аще они от вас извержени и прокляти, то и мы от вас прокляты, и благочестивии цаpиe наши и великие князи прокляти, и святейшия пять патриархов прокляти от вас, не по вашему веровавшия. Оле, прелшении вы сами пастырие наветом сатаниным, доколе тяжкосердии есте, доколе любите суетная и ищете ложная? Пророческое глаголю слово: уведите, яко удиви Господь преподобныя своя. Яко оный змий, егоже виде Иоанн Богослов, отторже хоботом своим звезды небесные: так и вас сатана отторже хоботом Никоном от тверди церковныя на земное мудрование, и еже от истины слух отврящати и к басням уклонятися, – басни суть вся ложная еретическая составления и мудрования, противящаяся Евангельскому и апостольскому и святых отец преданию и учению. И довольна сия мню на извещение вышереченнаго свидетельства от святых писаний, яко не последует Божий суд ни патриаршескому, ни епископскому, не токмо неблагословению и отлучению, но ниже проклятию. Аще и неповинне проклинают, но клятва их на них возвратится. И вси еретицы, проклинающе христиан, себе проклинают. Аще проклинали Авраама проклят, по божественному гласу, кольми паче еретик и отметник Христов, проклиная християнина, сам проклят. И мнози еретицы прокляша христиан, и не последова им Божий суд, но сами прокляти быша. Всяк, кто крестяйся тремя персты, по Никоновому треклятому мудрованию, таковый отметник есть Христов, не исповедаяй Христа воплотившегося нас ради, совершенна Бога и совершенна человека, в сложении своем, по церковному преданию, и есть таковый богопротивник еретик, Троицу ко кресту пригвождаяй, арменин, и Формоса папы еретика ученик, и со Евтихием и Диоскором, отметающими вочеловечение Сына Божия, единомудрен, и едину волю во Хрисе Бозе нашем блядословящим Сергию и Пиру и Павлу еретикома единоверен, и от всех святых отец проклят: иже не знаменается двема персты, якоже и Христос, реша святии отцы, да будет проклят. Слышите сия вси аспиды глухия, тремя персты повелевающии креститися, а святых отлагающе истинное знамение, ересьми облагающе. А еже приводят себе на помощь, что писано к Кириловой книге прение Понагиотово со азимитом, и тут обломилися: и там бо воистинну по нас, а не по них. Слыши, – внятно глагола Панагиот азимиту: почто, еретиче, не згибаеши трех перстов, сиречь пальца со двема последними, и не крестишися, но двема, да внешною страною, и изображение креста твоего зрит вон и не одеваешися, рек, силою крестною, но совлачишися ея. Ей тако. Аще бы еретики православно знаменалися Христовым крестом, то бы не смел сатана к ним приступити; а то развращенно мудрствуют и махаются по лицу своему, яко и той азимит, трех перстов во едино не згибая, якоже выше рехом, но теми же двема, да внешнею страною, ногтями, к челу притыча, а палец проч торчит. И то есть по панагиотову и обличение: изображение азимитово зрит вон и не облачается силою крестною, но совлачится. Сие есть тому правое разсуждение. Таков есть еретический нрав: всегда где видят кое писание и слово прикровенно написано и темно, то они к своей лести приимают; а кое слово о том же деле ясно и открыто написано, от того они отскачют, яко на солнце слепии не могут зрети, но темными своими умышлении, яко облаки, хотят светлейшую солнца истину заслонити; но истина паче сияет и тму лжи объявляет. Мы в сложении перстов во знамении крестном христианская мудрствуем, а не несториаская, якоже облыгуете церковь, и аполинарианская, якоже облыгуете церковь, – далече да будет от нас таковыя хулы еретическия. Мы, двема персты знаменующеся, не внешнею страною, но внутреннею, сиречь мякишем к челу, персты⁵⁵, и не два сына мудрствуем, но единаго Сына Божия, того же и человеческого, и единаго на кресте страдавша плотским своим естеством, а божественное его естество безстрастно пребысть: не Троица бо на кресте распиналася, якоже они своим сложением мудрствуют, но един от Троицы Христос Бог наш, иже не оставль недр отческих, сошед на землю нашего ради спасения. А еже ссылаются на Грек о сложении трех перст, – и тамо сия у них недавно вселилася прелесть, всего осмьдесят лет. А преже того отнюд не было сия и никоторой богословец и учитель церковный не написал нигде, ни предал тремя персты креститися, понеже хульно есть и нечестиво, арменское то, а не христианское. И греки много уже блудят в вере⁵⁶. Какая то правда: во Афонской горе греки сожгли своих святейших четырех патриархов многосложной свиток, книгу, что писали к Феофилу царю еретику⁵⁷ и руки к нему приложиша, 1465, собравшеся вси церковницы тогда? Те же греки и нашу русскую Псалтырь со следованием сожгли, и книгу Кирила Иepyсалимского сожгли, и иных не мало. И какое их ныне православие? Какия ереси нашли во святых тех книгах? А наши владыки ныне у них переимают новыя чины и уставы на соблазн всему христианству. Научат их греки и курят ести⁵⁸ и табаку пити⁵⁹ по еретически. А прочее чего ожидать добра, но токмо погибели. Вся таковая чуже есть церкве Христовы, но отступник и еретик таковая. Зде прочее умолчу и слезами затру начинания, еже пременяти церковныя уставы и предания. Како убо москвитяне и прочии вси великоросияне, седмое столет к концу прииде по приятии правыя веры сионския, а ныне мы новей сей вере учимся⁶⁰. Темже яве есть разумети, яко нынешнее се веры предание не Христа истиннаго Бога нашего, но ложнаго антихриста, хотящаго соединение и мир церковный разорити и мятежа и безчиния исполнити всех. Сих же всех зде начальник и раскольник и льстец Никон, иже, по Божию попущению, грех ради наших, московский епископ поставлен бысть на пагубу своей души и прочим на соблазну, иже святыя отцы наша оболгал и проклял, предавшая нам апостольскую веру, уставленую святыми отцы на первом и втором и прочих седми соборех, на нихже было, якоже свидетельствует преподобный Иосиф Волоцкий во своей книге Просветитель, в 7 главе, 2000 святых отец свидетельствуют исповедание православныя веры, еже есть: и в Духа Святаго истиннаго и животворящаго, иже от Отца исходящаго; такоже и поместнии собори и сам святый Иосиф глаголал и веровал: и в Духа Святаго истиннаго и животворящаго. В том же слове и на концы прирек: иже сим веруяй истинен израильтянин есть, в немже лети несть. И хотяй уведети воистинну, каков был той святый муж в богословии и в разуме божественнаго писания, да прочтет ту его святую книгу, да познает, яко не бысть в Руси ин таков учитель, и жидом еретиком велик обличитель, и отступником правыя веры зелен укоритель. Да и в Книге о вере правой, во главе 4-й, пишет про тех же святых отец седми соборов и девяти поместных, яко вси свидетельствуют: и в Духа Святаго Господа истиннаго и животворящаго⁶¹. Како глаголют отметающии истиннаго и святых облыгающии, яко истиннаго святии в символ не прияша? Колко еретиков было и после второго вселенского собора, а ни един не смел рещи хулы на святых, яко слово Христово преступиша, истиннаго в символ не положиша. Мир, рече Христос, Духа истиннаго не может прияти, а не святии. Но един, един враг Христов Никон со Арсением еретиком сказали, что святии истиннаго не прияша. Аз грешный видех и в харатейных многих: и в Духа Святаго истиннаго и животворящаго. Во обители преподобного отца Сергия книгу видех харатейную вчетверть, писано в ней о седми вселенских соборех: и на втором [рече] соборе; было святых отец 150 на Македония духоборца, и Святаго Духа исповедаша истиннаго и животворящаго. Тако в ней. Иную книгу видех харатейную же, писано в ней на латин о символе; сице: символу веры от Евангельских речей сложену сущу и яве глаголющу: и в Духа Святаго истиннаго и животворящаго. Там же видех книгу Кормчую на великой бумаге, на двое лист писан, и символ весь писан в толковой литургии⁶²: и в Духа Святаго истиннаго и животворящаго. Там же в книгохранителнице Псалтырь с воследованием, драгое писмо, юже дал вкладу преподобный архимандрит Дионисий, в ней же и устав, и в символе: и в Духа Святаго истиннаго и животворящаго и прочая. И ины многи Псалтыри видех с воследованием при великих князех писаны: и в Духа Святаго истинного и животворящаго. Так, по нынешних хулницех мудрованию, святии отцы Господа не положили. Но не буди то от нас; аще не исповемы Господа Святаго Духа, то нестьмы раби его. Хвалите, рече, имя Господне, хвалите раби Господа. А аще глаголем Господа, а отмещем истиннаго и истинную честь Духа Святаго, то несмы ученицы Христовы и святому его Евангелию супротивницы: иже, рече Христос, несть со мною, на мя, иже не собирает со мною, расточает. А еже ныне глаголют отступницы и пишут, разсылая, – едину сказуют речь быти Господа (и) истиннаго на греческом языке, и сие лжуще глаголют⁶³, – не едино есть: понашему Господа, а по-гречески Кирион, понашему истиннаго, а по-гречески алифинон. И се есть велико различие между теми имены. Многажды и едина речь на двое делится, или ипсилон и псилос, гол и высок, грек единою силою, аще с слова на слово предвинет, яко мука́ и му́ка, лука́ и лу́ка: лука́ есть у седла, Лука есть и Евангелист, имя человеческое; и лук есть, имже стреляют, и лук, егож ядим, и ина таковая. И о сих дозде. Символ же есть весь писал святейший Фотий патриарх цареградский, что к болгарскому князю Михаилу, егоже сам и крестил, и вся болгарская земля от того времени благочестие пpияла, а Царя-града царь тому князю и восприемник был от святыя купели, – и к нему в послании пишет: и в Духа святаго Господа истиннаго и животворящаго⁶⁴. И (в) сербских книгах, и в острожских и в иных многих и кроме московских: и в Духа Святаго Господа истиннаго и прочее. А что иных богомерзких ересей и хульных слов насеено в новых развращенных книгах⁶⁵, тово изчести невозможно. Инде Троица нераздельная составом, – внимай о сем; а ищи: умно услышим и не прельщаемся сугубо быти Христа; а инде Богородица детородительница и детотворительница, – Несториевы хулы⁶⁶; на ино(м) месте: Сила святый Боже, – прилог и к трисвятому, и: благословим Отца Сына, поем Отца Сына и Святаго Духа, – и тако сливают лица Святыя Троицы по Савелию⁶⁷. И октая во весь святый пост не поют с минеею, и дву псалмов: Услышит тя Господь, на утрени говорить не указано и полуношницы; и поклоны испражняют и всякую лепоту церковную врази выметают из церкви, и вся противна творят уставом и преданиям святых и богоносных отец. Болши всего проклятое крещение римское еретическое приемлют⁶⁸. И нас супротивляющихся им отступником проклинают безумно. Но та их хула и клятва на их главу обратится. Господь наш Исус Христос ко священным своим учеником рече: приимите Дух Святый, имже отпустите грехи, отпустится им, и им же держите, держится. И паки рече: егоже аще свяжете на земли, будет связан и на небеси, а егоже аще разрешите на земли, будет разрешен на небеси. Зриши, яко Святым Духом и вязати и разрешати и оставляти грехи; кроме же Святаго Духа немошно никому ничтож сотворити от священных⁶⁹. Еретицы ж в себе нечистый дух имут сатанин: како могут вязати и решати на небеси и на земли? Великий Иоанн Богослов глаголет: аще кто не исповедует Иcyca Христа в плоть пришедша сей есть льстец и антихрист. Богослов антихриста нарек еретика: то како имать последовати божественный суд антихристову суду? И прочая тамо. Прочитай Иоанна Златоустого: аще повеление развращено имать святитель, аще и ангел будет, не покаряйся ему. Той же святый глаголет в беседе: аще что и малое подвигнут, анафема да будут. От священных правил: иже в небрежении полагающих священная божественная правила святых отец наших да будут прокляти. Виждь, яко еретицы хуляще суть святых отец предания, и тии прокляти суть: и како имать Бог послушати еретиков? Явственно бо есть, яко егда нас проклинают еретицы, тогда есмы от Бога благословени, якоже рече своим учеником и апостолом: всяк убиваяй вы мнится службу приносите Богу. Якоже бо тогда иудеи и еллини, убивающе святых апостолов, мняху службу приносити Богу и сея ради службы осуждени быша со дияволом во огнь вечный, святии же апостоли сподобишася небесному царствию со Христом Богом: такожде еретицы, проклинающии христиан, осуждени будут со дияволом во огнь вечный, и христиане же их ради клятвы сподобятся небесному царствию от Христа Бога. А о отступницех сказует святое писание в кние Просветителе святаго Иосифа Волоцкаго, в главе 15: яко отступницы злейши суть не токмо еретиков, но и еллин и жидов. Помысли о латинех и о униатах, как отступиша от благочестия, колики беды и муки налагающе на непокаряющихся их нечестию. Сеже суть отступницы, иже во православной вере родишася и возрастоша, и прельстишася или неведения ради, или нужды ради, a инии самоволне отступиша правыя веры. Таковии, аще и обратятся при смерти, сподобляются святых тайн по правилом святых отец. Еретицы и отступницы того не спрашивают: кого от православных прельстят, или мучением к своей прелести обратят, такова скоро и причастья сподобляют без епетимии⁷⁰ и прощают без покаяния, а не хотящих ся им покорити, поносят и злословят и кленут. И Господь наш Исус Христос ублажает таковых, глаголя: блажени есте егда поносят вам и рекут всяк зол глагол на вас лжуще, мене ради. И паки рече: не приидох вложити мир, но рать и нож; приидох бо разлучити человека на отца своего и дшерь на матерь свою, и врази человеку домашнии его. Се суть рать и нож, егда отец, или мать, или сын и дщи совратится от правыя веры, подобает ненавидите их и отвращатися и бегати их, яко да не с ними погибнем. Сего ради и мы от своих слепых пастырей отлучаемся, яко от отступников, и бегаем, яко от волков, и ненавидим и отвращаемся, яко оставльши правый путь блудят, и последуем первым своим пастырем и нелестным учителем, иже со Христом души своя положиша о овцах и за церковь Христову сами страдаша, а никого не мучиша. И таковым нам, возлюбленнии, подобает последовати, иже подвигом добрым на земли подвизатися, и течение скончаша, и веру соблюдоша и венца от руки Господня прияша; удаляемжеся от врагов креста Христова, имже бог чрево, иже земная мудрствуют и благими словесы и благословением прельщают сердца простых, по Апостолу ж. Бога же молити о них не престанем, да поне даст им Бог возникнути от диявольския сети, иже живы уловлени от него в свою ему волю. Слышим ныне и благодарим Господа о сем, яко от единыя прелести Никоновы, паче же рещи римския, свободилися: на Богоявление Господа нашего Иcyca Христа в день ходили на воду по старому церковному преданию, а не по римскому еретическому замышлению. Тии бо отступницы начаша ходити нощию на воду, сея ради вины лестно умыслиша себе: была у них девка папою, и у тоя девство испрокудилося блудом, и зачат во чреве; и егда поидоша в день праздника на воду по обычаю, и тогда, хотя Господь всенародно обличити их проклятое блужение и прелесть, идучи на пути папа родил дитя; и тогда всему царству срам бысть, и оттоле умыслиша нощию ходити на водосвящение, боящеся такова ж искушения, и покрываючи свой срам, ко Христу приложили свою лесть, глаголюще, врази Христови: и Христос нощию крестился! Аще по сему им творити, то тридесяте лет подобает им креститися, яко и Христос 30 лет крестился. Ох, увы, прелести еретическия! Да наши беднии епископи и к сему руки своя приложиша Никонову мудрованию, мню, яко не хотяще лишитися чести маловременныя и за церковь Христову пострадати любоплотски, или яко пси немии не могуще лаяти на еретика: аможе он, яко слепых, водяше, туды в путь и идяху, и ни в чем не супротивляхуся, яко скоти безсловеснии; нехотящихжеся с ними отторгнутися от догмат православия, таковых на муки различныя предающе и вместо учительства мучительства сан на себе восприимше. И воистинну збыстся писание, яко пастырю века сего волцы быша. И кто вам руку помощи подаст, кто ны утешит и кто ны заградит уста, облагающая церковь Христову, якобы та поблудила в церковных догматах, а Христу глаголющу: церкви моей врата адова не одолеют во веки. Поистинне зде нам восплакати достойно, яко отлетеша от нас щурове добропеснивии и яко славии громогласнии, яко ластовицы сладкоглаголивии, божественнии святителие и велицы чудотворцы Петр и Алексий, Иона и Филипп и инии православнии святителие и нечестия прогонителие латинскаго Герма(ге)н и Филарет святейшия патриарси и новии исповедницы, иже посреди сада церковного оглашающи уши слышащих православия учении, отлетеша яко орли крилатии, иже ногты своими истерзающи очеса не зрящих право Христово смотрение, отлетеша ко Христу, иже крилы своими покрывающе верных множество, и оставиша нас сиры. И кто паки по сих сладкое нам утешение, и надежда и прибежище? Токмо глаголавый своими пречистыми усты, Христос истинный Бог наш: не бойся малое мое стадо, не бойтеся убивающих тело, а души коснутися не могущих, – не бойтеся, не оставлю вас сиры, не бойтеся, – се аз с вами есмь во вся дни до скончания века, аминь. И аще кто слово мое соблюдет, смерти не имать видети во веки, и аще в словеси моем пребудете, воистинну ученицы мои будете, и разумеете истинну, и истиннаго (sic) свободит вы, яко тому слава истинному Сыну Божию со истинным его Отцем и со Святым истинным Духом, ныне и присно и вовеки веком, аминь.

Пристижение. Смотри, возлюбленне, и новое освящениe церкви велми изблужено: где в старых указано на престольной цке миром кресты творити, а в новых мылом. И какое освящение от мыла? Мыло только руку очищает, а не освящает ничтоже. И тово в новых нет, что указано трижды обходити церковь, крестом ограждати, и кадити, и святою водою кропити, и в церкви певцы оставляти на отвещание, егда речет святитель: возмите врата князи ваши, и яко и во освящении церкви Печерския бысть тогда⁷¹, обшедше трижды богособраннии святителие, и по смотрению Божию забыша певцов в церкви оставити отвещати: кто есть сей царь славы, тогда святии ангели вместо их отвещаху, по церковному преданию, якож и в наших старых Потребниках непорочно стоит; а в новых развращенных ничево тово нет, выкрадено. И проче внимай –

Еже о исповедании православныя веры зде напишем мало. Иже во царех перваго христианина бывша, святаго и равноапостолом великаго царя Константина повеление его царское, содеено и дано святей соборной и апостольстей церкви, напечатано в Корчмей книге после 641 листа, а в иных книгах того и не положено, емуже начало сице: Во имя святыя и неразделимыя Троицы, Отца, являю, и Сына и Святаго Духа, царь кесарь Флавий Констянтин, и прочее титлы, святейшему папе Селивестру и всем архиереом православным пишет, благодарствуя Бога, изведшего его из тмы во свет истинный. Ниже. Якоже нас той самый и высокотворный и крайний отец и учитель наш научи, Селивестр, в Бога Отца вседетеля и вседержителя, творца небу и земли, видимым же всем и невидимым, и во Иcyca Христа, Сына его единороднаго, Господа нашего, имже вся содетельствовашася, и в Духа Святаго истиннаго и животворящаго всей твари повеле веровати. Мы отца и Сына и Святаго Духа тако исповедуем, иже в совершенней Святей Троице. [Ниже] Паки о Христове воскресении и вознесении: и паки приити Ему со славою судити живым и мертвым, Его же царствию несть конца. Сия есть наша православная вера блаженнейшем отцем нашим Селивестром нам предана, и прочая. Чти сам тамо. И о сих дозде⁷².

И о сем ти вестно буди, яко в малой Росии истиннаго из символа выложил унияцкой епископ отступник Мелетий именем, Смотрицкой прозвищем, в отступлении и изчезе от жития зле, якож исповедаша нам о нем знающии его малороссийстии православнии старцы старии.

А о преложении псалмов инде воспомянем, аще Бог подаст время. Еже глаголют ныне: Господи, прибежище был еси нам, яко у тебе очищение есть, яко у Господа милость, – и иная таковая⁷³. И той мудрости уже 4 ста лет како у жидов собор бысть о антихристе, и тогда они тако псалмы преложили глаголати и книгу написали с собору своего тулмат по их языку.

Аше что и не поряду написах, возлюбленнии, не зазрите ми: во утеснении бо есмь, потому и кратко о всем писах.

Должно есть всякому христианину ведати и ведавши держати истинное, блюстижеся от прелестнаго и нецерковнаго, во трех перстах сокровеннаго еретическаго мудрования. А истинное знаме Христово в сложении перстов то есть, еже святым Мелетием Христос Бог чюдодействова и еретики посрами и обличи, а верныя благослови и возвесели. Тоже и святый Феодорит написа и истолкова истинно, в трех перстах едино существо нераздельно Святыя Троицы проповеда, во дву же перстах – два естества во Христа и две воли и два рожества и два действа. Тако и святый Петр Дамаскин написа и протолкова. Тако и святый Петр митрополит Московский написал на икон Богородичне. Тако и Максим Грек написа и истолкова. Тако и в Стоглав написано. И в Катихизисах Большом и Малом и в Книге о вере. И аще кто не исповедует во Христе дву естеств двема персты, таковый от всея вселенныя святых отец да есть проклят. А кто тремя персты крестится щепотью, таковый богострастник есть и чюж веры во Христа Иcyca и враг креста Христова и отметатель вопрощения Христова. То мудрование в трех перстах сокровенное арменское есть и единоволническое, и Фармоса папы еретика. Книга о вере лист 239. Аллилуия четвероличная римское же мудрование и псковскаго еретика Иова распопы столпа философа. Тако святии свидетельствуют, преподобный Евфросин и Максим Грек и Макарий митрополит со всеосвященным собором в Стоглаве: аллилуия, аллилуия, слава тебе Боже. Сие есть церковное предание святое. И в сербских книгах также. Всяк верный тако держи вся сия без сомнения, а новизны всякия зело блюдися. К Василию Острожскому князю благочестивому присылаху вселенские патриархи и афонския горы скитницы, похваляюще его и утверждаючи в вере, что никто тогда крепко постоял о благочестии, якож той благоверный князь во время утятского отступления, како епископи их отступиша православныя веры по числу зверя 600 (Апокал. 3). В техже острожских книгах: и в Духа Святаго Господа истиннаго и животворящаго; теми же словами печатаны, что и Библии острожския. И в послании Фотия вселенскаго патриарха к болгарскому князю Михаилу, весь символ писан, также о Святом Дусе: и в Духа Святаго Господа истиннаго и животворящаго. И сие послание Фотиево велел часто чести Максим Грек царю Ивану Васильевичу. И в слове Иоанна Дамаскина о поклонении икон, в Соборнике: и в Духа пресвятаго Господа истиннаго и животворящаго. И Иоанна Златоустого в 1-м слове, оглашении, – учит вере приходящих ко крещению: и в Дух Святый истинный, по Евангелию приложил, рек: сим поучайтеся душею и языком всегда. Григория Богослова в слове на 50-цу: Дух Святый Господь есть истинный, и прочее пространнее там. И в сербских во всех книгах в символе: и в Духа Святаго Господа истиннаго и животворящаго. И в Корчмей книге печатной, лист 33-й, в грамоте Иеремея патриарха Цареградского, что поставляти на Москве патриархов, написано о Дусе Святем сице: действо Святаго Духа истиннаго и животворящаго. В той же книге в предисловии о седми вселенских соборех, лист 3-й: Бога истинна и Господа животворящаго пресвятаго Духа. Аще и при Никоне напечатана книга сия, но не попустил ему Бог сего истребити.

(Это «прошение» Феоктиста уже напечатано, по подлиннику, хранящемуся в Синод. библ., в 1 т. Мат. для ист. раск. под № XXX. Здесь, в сборнике Аврамия, оно приводится вполе согласно с подлинником; исключено только одно место, где Феоктист говорит, что приемлет и лобызает книги нового тиснения, исправленные по древним харатейным; см. Мат. для ист. раск. т. 1, стр. 349 и прим. 2, также стр. 344, прим. 2. К прошению Феоктиста составитель сборника присоединил от себя след. примечание

Сие же писанейце с молением писал некто старец Феоктист имянем, бывый прежде игуменом в Златоустове монастыре, к неистовому собору, лжеучителем, никониянская мудрствующим, писал же, сходя безчеловечному их суровству, да поне малу утеху приимет от злострадания. Обаче не прият, но и скончася в мучении. Горек им был обличитель: восписуя бо божественных писаний свидетельства многа и обличая их кривоприсяжное отступление и тщетное поучение, никонианския богохульныя ереси, и о нарушении православныя христианския непорочныя во Христа Бога отцепреданныя веры, на лживое учительство и прельщение. Скончажеся и погребен во убогих дому Покровском монастыре, во 174-м году⁷⁴.

(Это есть аввакумова челобитная царю Алексею Михайловичу, которую мы напечатали по подлинному списку в V т. Мат. для ист. раскола, стр. 119–132. Текст этой челобитной, приведенный здесь, в сборнике Аврамия, значительно разнится от подлинного: все варианты его указаны в подстрочных примечаниях к напечатанному в V т. подлинному тексту).

Слово и на низложителей и разорителей церковных, на убийцов и губителей християнского рода и на разрушителей православныя веры, на властей темных последняго лютаго времени сего. Яко горек и беден живот ныне правоверным и гонение велие воздвижеся, и яко церковь от нашествия неверных язык тако не осквернятся, якоже от своеверных еретиков осквернена бывает, по святому Максиму Греку.

Рабу Господню не подобает сваритися, но тиху и незлобиву быти, с кротостию наказующе противныя⁷⁵, а еже еретика человека по первом и втором наказании нетокмо отвращатися, но и ненавидети, и замыслов его, повелевает, по пророческому словеси: возненавидех, рече, церкви лукавнующих и во врази быша ми. И апостол: блюстися достоит от творящих распри и раздоры⁷⁶. Еже в нынешния смущенная времена бысть гонение велие на церковь российскую, якоже и при апостолех на иерусалимскую. А яко тамо являет: возложи Ирод царь руце озлобити некия от церкви, уби же Иакова брата Иоаннова мечем. Зде же Павел епископ⁷⁷ со многими правоверными убиен от еретиков. И аще жидове самого Христа Господа славы распяша, что же апостолов и учеников Его и всех верных не имут ли гонити тако и за благочестие на муки и различныя смерти предавати?

О церкви. Наша убо святая вселенская апостольская церковь небесоподобная, вместо римской и константинопольской, богоспасаемого царствующаго града московской державы, всесветлой России, иже по всей вселенней, паче солнца светится и благочестивою верою сияет. Яко вся христанская царства преидоша в конец и снидошася во едино царство нашего государя: по пророческим бо книгам то есть ромейское царство; два убо Рима падоша, а третий стоит, а четвертому не быть.

О костянтинопольской церкви, о греках. А яко убо от костянтинопольской церкви святыня отъята бысть еще пред взятием Царяграда от турок за нечестие греков, о сем пишет во истории о белом клобуце, егоже ныне грецы покушаются помрачити и отняти у нас. Пишет же и святый Филофей, Елизарьева монастыря, яко греческое царство разорися, и не созиждется. Сия вся случишася грех ради наших, понеже они предаша греческую веру в латинство, и отпадения гордостию буйства своего, еретическим учением последовавше, веру святую низложиша⁷⁸. Еще же и в Кормчей книге об них лестьцех пишет, глава 8-я, правило 110: Ибо царствию греческому на многия части разделящуся и коемуждо патриарху свою область управляющу, от Констянтина же града по многим местам первостоятелем поставляемом, Трапезону же и Селуну, Болгаром и Сербом, Влохом, Арбонасом. Болгары же не под областию бяху царствию греческому и убо требоваху оттуду митрополиту поставлятися, яко первое благочестия приемником, a сии же и исперва не ведяше благочестия, бяху на многа времена тако бывающе. И убо яко грецы, лукави суще, истинно корчемствующе, и яко же бо рещи благочестие продающе, митрополиты от Констянтина-града к болгаром посылающе и неапостольски, снабдяще, но имение собирающе, и по мале в Констянтинеград сами отхождаху. Видев же царь болгарский себе неправдуема от них, и абиe изволися ему, яко царю сущу, и своими епископы патриарха во граде Тернаве поставити, не благочестия отступивше, но тех высокаго обычая и сребролюбна нрава бегающе. Серби такоже митрополиты от Константина ж града. И по своему их обычаю лукавому имения собирающе и паки в Констянтин град отхождаху, и сим обычаем бяху даже и до краля Стефана. И о сих убо краль Стефан стужив си, паче же услышав, како в земли болгарстей патриарх поставлен бысть, и абиe повелевает собору быти, и епископом собравшимся и тако поставляется патриарх земли Сербстей. И выверех такоже пострадаша от лукавства их и тем же образом такоже поставление творилося. А что о нынешних Греках, или патриарсех пишет Арсений Суханов в двоих своих похожениях во Греки, первое во 158 году, второе....⁷⁹ иже книг их вывез немало неправых на обличение их, якоже и сам видех, рече, книгу Грамматику печатную, а в ней написано по римской проклятой ереси, от Отца и Сына исходити Святому Духу, иная же и во ум прияти страшно, еже сам виде и слыша, яко нетокмо святительства в них не обрящеши, не судя глаголю, но ниже христианства, в несвященных бо церквах обедни служат. Прочитай похожения Арсениева на патриархов двор в казенном приказе; а мы самовидцы сему быхом. Нарушаетжеся от Греков и наша православная вера, хощет бо змий вселукавый потопити всю вселенную водою неверия, исходящею из уст его, по великому Иоанну Богослову. Терпит же и приемлет гонение наша российская, от Сиона исшедшая церковь не от агарянских внучат, ни от поганых турок, ни от иных поганых язык, но от всепагубнаго сына геенны, Никона-еретика злейшего и лютейша паче всех древних еретиков: они бо аще и зли суть, но на благочестие не возмогоша, но сами спяти быша и падоша; сей же, положивый всю вселенную пусту и гради огнем неверия зажже, паче же богоборство воздвиже и гонeниe велие, а благочестию окончание сотвори и антихристово темное, о люте! царство возстави и Христово стадо распуди. Той бо лютый блудный змий, двоевидный и многовидный враг, положи уста своя на небо; ангелом изгнанный, паки еще брови своя возводит на апостольское здание и пишет неутверженым душам, скрыв у них лестию скипетр небеснаго царя, непобедимую победу в сложении перстов, и в того место утвержает знамение зверино⁸⁰, печать антихристову, себеже, овчеобразный волк, нарицая сиянием сличным, понеже в нем темномудрый дух действует, а я же глаголет: не чужая бо восприях, но Богом порученное. Кий бо Бог поручи ему? Еда вси Апостоли? Еда Святый Дух ознаменова явственно? Но пришествие его по действу сатанину. Сей же всем святым враг⁸¹, помрачитель вселенныя, адов пес, не по божественным правилом, без знамения Святаго Духа, пастырский жезл прият, точию возлюблен утвердившим имя свое на земных, якоже зле возведеный великим князем Георгием Маркий⁸² безумный, или яко Митяй возлюблен великим князем Димитрием Ивановичем Донским; но обаче оный Макарий безумный и Митяй, рекомый Михаил, архимандрит Спаса Нового монастыря, препрости бяху, точию леобоначалия недугом одержими; а сей же не тако, но явный враг, беззаконник и прелюбодей, хишник, якоже пишут об нем во извержение его свои ему ученицы в соборном своем молении ко царю, якоже напреди во иной главизне явлено будет, и яко Голиаф своим ему мечем убиен бысть⁸³, и невозста ин никто таков законопреступник. Сей бо злохитреный антихристов предтеча, емуже клятвы уста его полна суть и горести и льсти под языком его, и на любящих Бога ненависть имея, на негоже положено неисцельное проклятие от иже до третияго небесе восхищеннаго избраннаго сосуда Апостола Павла и от святых отец вселенских седьми соборов. А яже возлюбивый его не позна и не уразуме в своей души прелести его, яко омрачи его мысленнаго лва лжения. Егда же постави его вместо Христа и икону его звериную написану восприят, тогда на обличение знамение и гнев Божий совниде в державу его, многоболезненным жезлом смиряя пагубу. Беззаконный бо той еретическия Гришкины книги восприят, сокровенныя под казенною благовещенскою палатою, и егда собрася его всебеззаконный собор, паче же июдейская сонмица, по всему подобный флоренскому треклятому съезду, о немже напреди во иной главизне слово явити имать, тогда все неплодство благих, и высокая цена на все обилие, и скудость плодов земных на всероссийское государство прииде, кровопролития и пагубы земля исполнися; егда беззаконный той поострил самодержавнаго изыти на брань чрез волю Божию, казнь на вся страны от Бога привлече, забыв пророка вопиюща, паче же и моляща Бога на таковыя: разруши, рече, языки хотящая бранем. Но оттоле и доныне грех ради наших церковь Божия гонение терпит, бед и напастей, и раздоров, и несогласия, и мятежа исполнена, и в конец от еретик осквернена и раззоряется; аще и стены ея созидаются и украшаются, но благочестие ис корени исторгается, по святому Максиму Греку⁸⁴: напреди явити имать во иной главе. Чада же несмущенной и непорочной церкви от отступников веры приемлют мучения, заточения, раззорения, святительскаго сана и священническаго совлачение, такожде и иноческаго одеяния, раны биения, жжения, удавления, обрезания, – о неистовства! – ругательно власов и брады⁸⁵, заточения, узы, темницы, томления, различныя смерти и спроста всех злых виновная⁸⁶. Кто бо исчести возможет доблести борения онех страдалец и ревность по непорочней православной вере противу того множественнаго ополчения еретическаго? Един по единому противу боряся, и побеждаху богоборное их шатание, собравшееся на Господа нашего Иcyca Христа, и вочеловечение Его льстивно скрывающе, и крест святый Его ратующе⁸⁷, и Духа Святаго хуляще, и спроста вся церковныя святыя догматы от среды низлагающе. Сии, проклятый Макарий⁸⁸ и Никон, предтечи антихристовы, Господа нашего и Бога именем прозывахуся, дерзнуша тако писати: от пресвятейшаго и блаженнейшаго патриарха великаго Божия града Антиохии и всего востока господа Макария ко пресвященнейшему архиепископу Московскому господу Никону, всея великия и малыя и белыя России патриарху⁸⁹. Сей преокаянный исполни мздою десницы их, весь свой проклятый собор, подписания ради рук. И тако десница их исполнися мзды, и вещь законопреступну сотвориша⁹⁰. И от сего⁹¹, якоже выше рехом, богоспасаемыя державныя грады пресветлыя России раззоряются, и страны христианския опустевают, матерем безчадство, детем сиротство, сиротам и вдовицам плач и рыдание и вопль мног, и преселение из града во град. Паче же бедным иноком от властей нестерпимое и безчеловечное мучительство. Сему же содеявшуся, вся наша низпадаху. Восташа бо, по божественному Апостолу⁹², человецы самолюбцы, сребролюбцы, величави, горди, сластолюбцы паче, нежели боголюбцы, имуще образ благочестия, силы же его отвергшеся, и в ереси уклонишася. О люте, погибе вера, погибоша исправляющии праве божественная писания, погибоша поучавшийся в православных догматех, погибе, по пророку, крепкий и судия и пророки, погибе смотреливый, и старец, и пятьдесятник, и дивный советник, и премудр художники, и разумный послушник, и поставиша себе юноши за князи и ругатели, да обладают всеми. Нетуне убо мы приидохом на сии словеса: самовидцы есмы сих нечестивых и богоотступных человек, иже возсташа на церковные уставы и взаконение. Воззри, христолюбче, убо аще неленостен еси, обрящеши ли где праве напечатанную без всякого порока в церквах святых какую ни есть книгу от Никонова бешенова начальства лет 15 и больши? Непорочныя же старыя книги обезчествованы. К сему же обрящеши ли чин и воследование по указанному святых и богоносных отец взаконению? обрящеши ли суд и отмщение в вещех церковных, или строителя, или начальника праве исправляюща слово истины, и по чину вся бывающая в церкви? Но вем, яко неудобе обрести возможеши, не точию в соборных градских церквах, но ниже во епископиях, паче же ни в монастырех. Виждь убо, аще не плача достойна сия окаянная времена наша, в няже, увы, достигохом? Апостольстии бо древлепреемницы, богоноснии отцы, законы и предания благочестивая и уставы церкве божественныя, помняще вселенней учителя, повелевающа: вся благообразно и по чину да бывают, богомудренно соборне составиша, да же не влающеся во всяком ветре учения не изобретаем себе самомнение, един по единому в коемждо приходе, или граде, или селе, или обители, в собраниих различных уставоповелений и преданий, сошедшеся в различных временех, единомудренно избравше запечатлеша. Мы ж, руссове, почивше на их отеческих преданиях неблазненно, отнележе и крещение прияхом, и мнози святии прославлени от Бога и чудотворения дар прияша, ихже имена в книгах животных. Видев же злоначальный человеча рода враг, диавол душегубец, иже сотвори отпадение старому и новому Риму, сиречь Царь-граду и всей Палестине, и малой России и прочим странам христианским, яко рог его духовным мечем зжат есть: возста на наше русское благочестивое царство, еже есть Рим третий, иною на православных кознию, под образом учительства философства и благочестия, и на православную Христову веру наведе неверие пастырьми и учительми, и людем разврат и церквам раздор и несогласие и прелесть. О, не блудите пастырие, и убойтеся судии праведного Бога: той бо судия судит вселенной в правду и воздаст месть врагом. Воспоминайте Удона епископа, яко на сем свете грозный суд и смерть вечную прият прежде всенароднаго суда, о немже впред идый слово во иной главизне явити имать. О сем препокоивше слово, мала некая изречем к пастырем, понеже ни сана бо стыдится Бог, ни лука сильных обинуется, и взыщется кровь праведных, не праведно проливаемая от рода сего, по божественному гласу. И о неправедно царствующих и неблагочестивно держащих закон Божий и веру Христову прочитай в книзе Максима Грека притчу о жене благородной и о преходнице.

(Здесь помещено вполне и без всякого «пристижения» сочинение Симеона суздальца о Флорентийском соборе, известное по рукописям (см. Обзор рус. дух. лит. ч. I, стр. 133). Сочинение Симеона, в той самой редакции, в какой здесь приводится (только с некоторыми вариантами), напечатано А. Н. Поповым в его «Историко-критическом обзоре древнерусских полемических сочинений против латинян», стр. 344–359).

(Под этим неверным заглавием приводится здесь известное «Сказание» Максима Грека «о том, яко не оскверняются святая николиже, аще и многа лета обладаемы суть от поганых»: см. по Казанскому язданию т. III, № ХХIII, стр. 156–164. Затем следует пристяжение).

Пристижение. Се тыж, возлюбленне, разумей глаголемая вся сия внятно и мыслено, яже убо глаголют святии Божии, и яже глаголют, не о себе, но от Духа Свята просвещени, и хотящая быти предъизвествуют: не вы бо, рече, будете глаголющеи, но Дух Отца вашего. Святый бо сей глаголет: виждь, рече, яко не осквернятся гради благоверных и содержимая в них святая ни от срацын, ни от турок, ни от жидов, ни от татар, ни от немец, ни от иных убо коих язык, якоже от своеверных сквернятся святыя Божия церкви тогда, егда живущии вернии, отступивше яже во Христа Бога благочестивыя и непорочныя веры и честнаго жительства, и восприимут богомерзкия и скверныя обычая и бесовская учения во всякой вещи, противныя божественному писанию и обычаю. И паки: дóндеже, рече, в них, сиречь во градех, святых церквах Божиих, православне поется Отец и Сын и Святый Дух, святая и поклоняемая и вседержительная Троица, единый Бог. Сопротивне же егда неправославна и злочестиве все бывает, служба и действо и жительство, на гнев Бога подвизаемое и на ярость Господа вседержителя. Егда в Греции благочестивая вера сияше, тогда и огнь от Бога на живоприемный гроб низпосылашеся, и свидетели тому не един Максим Грек премудрый и преподобный, но и росийстии послове, посылаемы от самодержавных великих князей и царей, прежде бывших, и знаменитии людие, и Трифон Коробейников, и Федор; а оттоле и доныне таковая благодать от греков отъята бысть за нечестие их⁹³, якоже от константинопольской церкви: не сходит бо божественный огнь грех ради наших, вси се ведят, и не действуется у них по апостольскому и святых отец преданию. То уж какая во греченях правда, от иссяклой веры римския книги и учения держащих, без антимисов в несвященных церквах литургисающих? И наболший их цареградский патриарх от папы римскаго проклятаго, – уже зде в Росии многим про то достаточно ведомо, – сакраменты принимает и общник и единомудрен еретик, попратель и разоритель священных правил. И правоверным людем християном православным не подобает с ними общение никакое имети, ни в ядении, ни в питии, ни во иной вещи любо, но святых отец преданию. Поне они аще и мнятся держати святую веру православную, но воистину прельщают и омывают: обливают бо ся в крещении, и не по святых отец житие их, и крестов на себе не носят, и ни следа христианского несть в них во всех, чернцех и белцех, и горше суть татаровей. Понеже оставльше путь правыя веры, вдаша себе в еретичество⁹⁴. Помыслите и воззрите, возлюбленнии, – 15 лет не у исполнится, отнели же в светлой Росии гибель сия бысть от еретик: кто убо возможет исповедати, или преписати безчисленныя беды и напасти, туги и печали, слезы и рыдания, скорби же и болезни, сиротства и нужных лишение, и глади, и труси, вдовства и безчадства, кровопролития и потопления? кий язык изречет? Без рати пленени есмы, и без воды потоплени. И в какове есмы успеянии зрим себе и ощущаем в настоящая сия лютая времена и бед исполненная? Тии единии, прельстившиися, мню, и прельщающии, не окаявают время сие, веселят бо ся окаяннии о падении своем, мнози неведением и не смотрением дел Божиих, с трубами бо и органы и гусльми избранно вино, романею и ренское, пиюще, играюще и глаголюще: обретохом веру, еяже отцы наши не изобретоша! И радуются припевающе, ихже не поет церковь святая, одеющеся в брачна цветная одеяния, яко женихи, рясами разнополыми, рукавы широкими, рогатыми клобуки себе и отласными украшающе, скипетры в руках позлащены имуще, воцаритися над людми хотяще, параманды також златом вышивающе. Се есть монах! се есть учитель! се есть премудр! се есть наша вера! Таковии суть ныне законоучители, – блазнители и прелестницы! В книзе в Зерцале мирозрителном, в первой части, во главе 16: Никто же да вводит новых изобретений во одеяниих, но да убоится страшнаго суда Божия. Глаголет Софония пророк:⁹⁵ посещу на вся князя и на вся сыны израилевы и на вся одеявшаяся ризою странною, зане в таковых бывает худость и тщеславие. И Сирах глаголет: одеяние плоти и смех зубов. И паки: не одейся ризами, яже превосходят сан твой, но честными и от всякия суеты удаленными. Аще князем, мирским людем, сии суть тако: то коль инокам, миpa отрекшимся, гнусно есть странская одеяния, и попом церковными, нежели епископом. В Кормчей книге: Всяк причетник ни в дому своем ни на пути в неподобныя ризы да не облачится⁹⁶. Кто бо не весть нужди, яже бывают на пути? но и ту не прощено суть. И много о сем писана суть в правилех святых отец. Какая нужда нынешним прелщеным епископом в рукавицах во олтарь ходити и обедни служити, рукавы, понемецки глаголемыя манки, сверх церковныя одежды надевающе? Пригоже в них, в коретах в гости ездя, дороги указывать, а не церковь и людей Божиих соблазняти. От римлян приняли греки рясы и рогатыя клобуки, в лето 6946 году, на осмом проклятом Флоренском соборе, от римского папы Евгения; а изначала не бысть тако. Тогда же и аллилуию учали возчетверяти. Преже того Евфросин был в Царе-граде и аллилуию дважды глаголали, в третие: слава тебе Боже.

Статия 1. Не буди ми мудрствовати, ниже по страсти или гневу глаголати что, но истинно да последную и дверми Спаса моего Христа гряду, по неложному его пречистому гласу: не входяй дверми во двор овчий, но прелазяй инуде, то тот есть и разбойник, а входяй дверми пастырь есть овцам: сему дверник отверзает и овцы глас его слышат⁹⁷. И паки: аз есмь (дверь), рече Христос, мною аще кто внидет, спасется. Возмите ярем мой на себе и научитися от мене, яко кроток есмь и смирен сердцем⁹⁸. Которыми убо дверми грядеши, о Никоне, не последуя Спасу Христу, пострадавшему по нас, нам оставившему образ, яко да последует святым его стопам? Устыдися, [о человече] и познай свое естество. Владыко о нас пострада, иже греха не сотвори, ни обретеся лесть во устех его, но укоряем противу не укоряше, стражда не прещаше. Не веси ли, яко не суща (у) свету вся мрачна, и не суща (у) смирению вся наша суетна? игра ли ти мнится клятва? рцы ми. Кто от святых тою поигра? Месть бо сия на противящихся и непокоряющихся истина. Государев же царев болярин Семион Лукьянович аще и собаку научил, якоже рекл еси, обема ногама благословити, и ащебы правда, возвестити подобало о сих Христолюбивому государю царю и болярину запретити, да не играет в неиграемых, в правду сих ради и отлучити того подобает; но не проклята. Не тебе же, Никоне, ныне отрекшемуся патриаршеского престола с клятвою, но истинному apxиepeю, власть архиерейскую имущему; тебе же, о Никоне, аще бы и сице быша, молити того и благим советом ползовати, и есть ли бы не исправился от сих, государю царю на него известит и священному собору. Но лжа глаголемая тобою на болярина вина, якож слышу от достоверных: не исправити бо оного тшишися, якоже мню, но по страсти и гневом твориши си, вины ради сицевы.

Статия 2. Имать бо болярин такова пса, иже седши и предними лапами машет, прося ести; болярин же назва того пса Никоном и, мню, яко малу любовь к тебе имый, аще и сих ради, яко отрекшутися святительскаго престола с клятвою и чюжу бывшу благодати священства, или о сих облазнившуся, буесть твою зря и крайнее немилосердие, еже показал еси на блаженнем епископе Павле Коломенском и Коширском, и на других архиереох и на священноиноцех и на священницех, а пса оного махаше глумяся рек: Никон благословляет⁹⁹. И се, мнитмися, яко к тебе, сей грех, ко отрекшемуся благодати священства и чюжа бывшу святительския власти и чести, по 16 правилу второперваго собора в церкви святых Апостол. Но аще и архиерейскую власть имел еси и патриаршеския чести не отречеся, не подобаше ти сицевы ради вины и гневатися, а не точию проклинати, – много паче радоватися, поминаючи пресвятый Спасов глагол: блажени есть егда поносят вам¹⁰⁰.

Статия 3. Не хощеши ли, о Никоне, послушати Спаса Христа, рекшего: не противитися злу, ниже зла за зло воздавайте¹⁰¹? Но и ударившему в ланиту другую обратити повеле¹⁰². И слышашеся от неких: беса имать и о веельзеуле князе бесовстем изгонит бесы, и не гневашеся, но кроткий он глас испусти: аз беса не имам, но чту отца моего¹⁰³. Но и сия не возмогоша ли тя уцеломудрити? Владыко убо и Бог всяческих и творец всемогий почто хулим не гневашеся? всяко да нас научит. Некогда же верховным учеником рекшим: хощеши ли, речема, да огнь снидет с небесе и потребит вся; к ним же отвеща Спас: не веста коего духа еста вы: Сын бо человеческий не преиде душ человеческих погубити, но спасти¹⁰⁴.

Статия 4. Веси убо, о Никоне, яко лихоимцы и хишницы псы наричет писание, и безструднейшая несытства ради имения сице псы наричет, и жидов и всех еретик, и блюстися от сих велит, от злых делателей. Человек бо наричет писание праведных, истинных, благочестивых, отгребающихся от всякия злыя вещи. Великий бо, рече, человек и честен муж милостив. А иже не сицевых, аще и ума причащающихся и в премудрости высоких, не весть писание глаголати человеки, но псы и кони, и ехидны и змия, и лисы и волки, по коегождо их нраву. И питаяй бо ся пространно несть человек.

Статия 5. Но и учители церковныя доблественныя псы наричет писание. Вселенной бо учитель и покаянию наставник Златоустый Иоанн Азария архиерея, Иозии царю запретивша, доблественна пса нарече. Сице и великаго вселенскаго благовестника божественнаго Апостола Павла похваляя в толковании своем, рече, на стих двадесят пятой: егда прииде в Тарс Варнава взыскати Павла, и обрет его, приведе во Антиохию. Златоуст же, дивяся, рече: прииде по воеводу, по самоборда, по лва; и не вем коим именем нарекл бых оного: елико бо аще и наименую, меншая. Да и достоинства Павлова реку: прииде по пса ловнаго, лвы убивающаго, по юнца крепкаго, по лампаду светлую, по уста довлеющия вселенной. И зри, о Никоне, како вселенней учители псы наричет писание, и не во укоризну тем, но и в похвалу. Аще бо и благоверный царь Феодосий Великий Амфилохия епископа Иконийскаго¹⁰⁵, сыновня ради безчестия прогневався, пса нарече, но любезно прият Духа Святаго исполненый, и сладце пес зватися прият, на разбойники лая, и смирением пользова святую церковь и душу цареву, а еретики посрами.

Статия 6. Кто еси, о человече, смирения отбегая? Не в лице бо тя болярин пса нарече, но малодушствуя, паче же играя твоим именем пса нарече, облазнився в нечесом о тебе. И аще бы смирение любил еси и не содержим был рвением и гневом, пса именование не оскорбило бы тя, но паче и обвеселило, аще бы сице рекл еси: «Добре учители церковнии пси именуеми суть, и ты слышася пес, о Никоне, храни дом Господа своего и виноград владыки своего, отгоняя враги и волки от стада Христова! И паки пса оного несмышленаго лапами махание, аще мое благословение речено бысть, сице разсудившим о смирении моем, яко не действенно уже и силы неимущее: благодать во устну их! Не хотящим бо несть благословение». И аще бы сице помыслил еси, ни мало бы повредило тебе пса именование, много бы паче и пользовало и дивно тя устроило, вместо еже ти вредитися, победил бы еси, а не победился; ныне же дерзостныя ради твоея и несоборныя клятвы сам в сеть впаде и в ров, егоже сам себе ископа.

Статия 7. Забывшу ли ти, о Никоне, или во презрение впадшу, святии убо отцы 318 святаго вселенскаго перваго собора¹⁰⁶ Apия еретика, глаголюща тварь Сына Божия и не единосущна Отцу, и в сицевых необратно пребывающа, покаятижеся не хотяща, такова врага не скоро святии извергоша, но соборней клятве предаша и сице рекоша: яже в Никеи веpa твердо да держится и пребывает, реченная же и писанная на ню от еретик и еретики да будут прокляты. Зри: таковых прокляти подобает, и не (от) единого тебе суд подъемших, но соборне судимых. Епископ бо глаголяй, яко един свесть грех, неверен есть: не обличеннаго бо о гресе общения лишив, епископ лишен и сам такожде общения ко другим. Но сия вся ты презрев и безсоветием себе связав, безчестии не терпя и гневом томим, противно церкви твориши и люди Божия неопасно смущаеши, попустившу ти Богу.

Статия 8. Но и паки реку ти, о Никоне, прииди в самого себе и познай, яже твориши. Македонию бо, хулившу Святый Дух, тварь, а не Бога того нарицающа, – но и сего блядословца, пачеж врага церкви, святии отцы 150¹⁰⁷ осудиша и не обратившася соборне клятве предаша.

Статия 9. И Нестория еретика, глаголюща проста человека Господа нашего Иcyca Христа и по любви Сыну Божию соединившуся, и Богородицу христородицу нарицающа, но и сего врага двести святии отцы¹⁰⁸ осудиша, и не обратно в сих пребывающа, соборне клятве предаша.

Статия 10. Диоскора же и сущих с ним еретик, о вочеловечении Сына Божия хуливших в двема естествома, божеству же и человечеству, но совокуплению убо смеситися и воедино сотворитися естество нечестиво проповедаста, но и сих врагов святии отцы 630¹⁰⁹ осудиша и в чювство приити нехотящих соборне клятве предаша.

Статия 11. Оригена же и Дидима и Евагрия еретик, глаголавших, яко Сын Божий Бога Отца видети не может, ни Отец Сына, ни ангели Святаго Духа, ни человецы ангелов, и не от существа отча Сын, но тварь, и по благодати Сын нарицашеся, Дидим же и Евагрий глаголаху царству Божию скончатися и чювственному раю не быти, но мысленный, и телесем нашим не воскреснути рекоша и бесом паки в свой чин приити, и конец муке быти, а (не) вечной, сице блядущих святии отцы 165¹¹⁰ осудиша и не покаявшихся соборне клятве предаша.

Статия 12. Сергия же и Пира, Павла и Петра еретик, патриархов Константина града, и сущих с ними, хулящих на святую соборную и апостольскую церковь и едину волю в Господе нашем Иcyce Христе, такожде и едино действо зловерно блядословящих, и сих святии отцы 170¹¹¹ осудиша, и злых зле нечествующих и не покаявшихся соборне клятве предаша.

Статия 13. Льва же Исаврянина и Анастасия патриарха и других патриарх Константина града, и сущих с ними еретик христианохульников и иконоборцов святии отцы 367 осудиша еретическое мудрование тех, правильне изобличиша и соборне клятве предаша. И зри, о Никоне, каковых ради вин святии отцы проклинаху, но и сих не обращающихся и церкви соединитися нехотящих: откуду убо ты приял в греховных малых винах, своея ради злобы и досады, не терпя несоборне проклинати?

Статия 14. Государев убо болярин Семион Лукиянович, аще и малодушствуя бяше, но православен и христолюбив, и никтоже от верных еретика оного свесть, ниже клятвы достойна; и аще бы нечто и обрел еси в нем блазнено, собору подобаше ти изъявити, самому же в молчании быти и отец разсуждению последовати, а не самого себе мстити.

Статия 15. Кому Спаситель наш Христос рече: аще отпущаете человеком согрешения их, отпустить и вам Отец ваш небесный? И паки: любите враги ваша, добро творите ненавидящим вам, благословите кленущия вы и молитеся за творящих вам обиду? Рцы ми, о Никоне, есть ли ти часть в Христовых сих словесех? И по что преобидиши та? Или, в правду реку, ни от кого бо приобижен, но сам всех попреобидел еси. Известно сказати имать святая твоя совесть, яко cия воистинну сице.

Статия 16. Дверь убо воистинну Христос; но не хощеши теми внити в живот. Аз есмь, рече, путь и истинна и живот. И без мене, рече, не можете творити ничтоже; и: грядый бо по мне не имать ходити во тме. И что сотворим последовати ему, ведети подобает. Аще спасти прииде человека и безчисленная благая тому даровати, еще же и примирити нас к Богу Отцу, обаче бесноватым звашеся и тмами хульная глаголаху нань, и камением метаху; при волном же страдании его на каиафине дворе изочтеши ли колико ран претерпе за cпаceниe наше? но и от раба архиереова по ланите ударен бысть, и от воин поругаем и по ланитома бием, заплеваша же и пречистое его лице, и ко кресту пригвоздиша, и в ребра копием прободен моляшеся ко Отцу глаголя: остави им грех сей, не ведят бо что творят. И зри, о Никоне, какова досада их к Тому! Обаче не проклинаше, но и молящеся о них. Подражая бо того присный его ученик, исполненый Духа Святаго первомученик и архидиакон Стефан, камением побиваем, молящеся глагола: Господи, не постави им греха сего. Ты же кто еси, пса себе слышав, проклинаеши, и без совета отец, истинных архиереов?

Статия 17. Аще бо Христу последовати не хощеши, о Никоне, ученика же его блаженнаго Апостола Петра учаща послушавши ли, повелевающа всем единомудренным быти, милостивым, братолюбцем, благоутробным, милосердым, мудролюбцем, смиренномудрым, не воздающим зла за зло, или досаждение за досаждение, благословити же и злословящих нас, а не проклинати? На се бо, рече, и звани быхом, да благословение наследим; и молящеся глагола: старцы, яже в вас, молю, яко и аз старец сый и свидетель Христовым страстем, иже и хотящей славе явитися общник, – пасите еже в вас стадо Божье, посещающе не нужею, но волею, и по Бозе, ниже неправедными прибытки, но усердно, ни яко силою обладающе ряду, но образи бывающе стаду. Которой образ показал еси, о Никоне, ввереному ти стаду, и како пользовашеся от Тебе и каковы плоды милости показал еси? Се ли милости плоды, яко грады и насады и обозы строя, многих плакати сотворил еси? Сице и мнимый твой Иерусалим со другими двема обителми строя, епископию и множество пустынных мест разорил еси, чрез правила святых Апостол и святых отец; и в толику буесть пришед, яко твой насад прежде всех выходил, а минути хотящии якори оставляли в воде за лютость посланных от Тебе, паче же сице и тебе хотящу. Се ли милости плоды и в сих ли хвалитися должен еси?

Статия 18. Вселенней же проповедник, божественный же Апостол Павел, вопия глагола: укоряемы благословляем, гонимы терпим, хулимы утешаемся¹¹². И не бывайте, рече, мудри о себе, высокая мудрствующе, но смиренными ведущеся, и ни единому ж зла за зло воздающе, промышляюще добрая пред всеми человеки. Добро ли клятва, паче же верным, и ни к Богу, ни к нам мало согрешившим? Петр Апостол вопия глаголет: аще и укоряемы есмы о имени Христове, блажени есмы, и яко дух славы Божия на нас почиет¹¹³. Или ти не требе, о Никоне, от Бога блаженство? и Духа Святаго благодать почивающу на тебе прияти не хощеши? Слово бо безчестна в пользу твою не приемлеши: когда делом скорбная подъяти будеши? И блюди: Бог гордым противится, смиренным же дает благодать.

Статия 19. Государева убо болярина в вере противна како обрете, о Никоне, и со многими (ли) епископы и святыми отцы того осудили еси? и в котором граде, и каким свидетельством, и по которым правилом, и с которыми вселенскими патриархи и митрополиты, и архиепископы и епископы, и колько числом единомудрствующих с тобою, и кто суть имяны? О тебе бо паче блазнятся мнози и смущаются, зане apxиepeю ти бывшу, а милости плодов неимущу. А сей государев болярин мирской человек, мягкая носяй, миpa и яже в мире не отрекийся, и Христово стадо – верныя люди духовне не вверени ему быша, и: се аз и дети, ихже ми даде, к судии не отвещает, но о спасении души своея и милости плодов истязан имать быти.

Статия 20. Почто пренебреже свою совесть, о Никоне, и о спасении Христова стада поболения не имаши, но, своя страсти мстя, яко некую игру клятву вменил еси и верных уязвити тшишися, мало нечто к тебе согрешивших, забывшу ти, яко мирови умре и мира отвергийся и яже в мире, паче же и к Богу отвещати имаши: се аз и дети ихже ми даде? – како пренебреже стадо и тщия ради славы погубити всех тшишися?

Статия 21. Аще бо и по твоему мнению, о Никоне, тыя, ихже без ума прокля, прокляты быша, всяко диадиму носяй тоя не убеже и вси сообщающиися им клятвы не отвергоша; но по божественному писанию и по правилом святых Апостол и святых отец неправде судил еси, и единого тебе суд церкви не приемлет, но се истинно весть, яко, по отречении патриаршеского престола с клятвою, власти, еже вязати и решити, уже не имаши, а еже святительская действовати и рукополагати никако. Отрекшему бо ся святительства своею волею, обличенну бывшу от своея совести, не подобает глаголали: благословен Бог наш, и: Боже ущедри ны, и: Христос истинный Бог наш, ниже кадити кадилницею, но на месте от простых людей поставлен будет. Сих ради проклятии от Тебе преблагословении, а благословении тобою, рекше рукою полагаеми, не благословени. Свое бо тебе глаголати не твоя сущему (сущая) без ума, и не свойственно ти есть обилствовати вне ума. Суд бо без милости не сотворшим милости. Хула бо твоя воистинну на твою главу в правду да обратится. Суд Божий чрез волю Божию запретившему да не последует.

Статия 22. Но се веждь, о Никоне, яко по отречении престола с клятвою ты святитель нарещися не можешь, сице клятва и благословение твое действенно быть не может; всяк бо верный, ум имеяй, и благословения твоего бежит, ниже клятвы: клятва бо твоя верных яко огнь злато чистит, благословение же твое яко ржа железо губит. Молю: сам в себе прииди и себе самого познай, кто еси и откуду и что дело твое. Смирився, спасешися о Христе Иcyce Господе нашем, Емуже слава со Отцем и со Святым Духом ныне и присно и вовеки веком, аминь.

* * *

1. Христолюбивый государь царь ивеликий князь Алексей Михаилович, всеа великия и малыя и белыя Росии самодержец, милостивно послушай и своего государева богомольца, не свою честь гоняща, но о святей соборной и апостольской церкви боляща, ко утвержению царствия твоего: в великий бо страх приведены. Преосвященный Паисия, митрополит Газский, сице глаголет, яко вельми согрешают архиереи, что не извещают тебе великому государю о вдовстве матери твоея, святыя соборныя и апостольския церкви, чрез правила святых Апостол и святых отец¹¹⁴, боле бо трех месяц вдовствовати правила не повелевают, нерадящих же о красоте ея запрещают и отлучают, отрекшегося убо архиерейскаго престола с клятвою правдоглаголивый архиерей Паисия жива погребенна нарицает, нас же архиереов в правдо порицает сице глаголя: пастыри, для какой притчи небрежете престола патриаршескаго, которая есть общая паства? Оберегайтеся, чтобы та ваша неприлежность Бога не возбудила до отмщения и ярости. Серп бо вижу, рече Захария, летающь двадесять локоть длиною, а шириною десять¹¹⁵.

Статия 2. Аще бо, рече, бы (вы) архиереи о обирании и поставлении патриаршеском, кто же иной порадеет чинити, что можете чинити? ваше то дело и ваше радение. Для чего вы друг другу тягости не носите по апостолу¹¹⁶, ни обша воспомагаете себе, презревше заповедь Божию: возлюбиши ближняго своего яко самого себе, еже есть всех християн? И дивяся преосвященный Паисия рече: како единоя есте веры не милуете свой народ и сродники своя? и есть ли бы (вы) сами о своем добре и о своей чести нерадеете, кто иной странной будет радеть? Сего ради и мы молим тебе, Христолюбивого государя царя, да по заповеди благочестивого Иустинияна царя¹¹⁷ избрание сотвориши в трех лицех, блюдый себе, да не нечто праведно постраждеши, по 38 главе того же благочестивого Иустинияна царя. Вправду убо, благочестивый царю, преосвященнаго Паисия митрополита праведное запрещение, да не нечто от Бога постраждем, нерадяще о сих.

Статия 3. Сего ради священный он муж и тебе, великому государю, не стыдяся праведно рек, яко аще ты, великий государь, матерь твою святую соборную и апостольскую церковь, для достойныя притчи и обычаем строителским и для причин, которыя нам неведомы, о пастве царствующаго града не промышляет(ш), великим грехом, рече, не согрешает(ш), от меншего же греха неси свободен, потому-что многия соблазняются и почитают то дело в леность, что ты, великий, государь, нерадеешь и прилежности о том не имеешь, и моля тебе, великого государя, твое, благочестивый царю, прилежное попечение о церкви, потому, яко не укрепляются дела царския, донележе не укрепятся дела матере твоея, святыя соборныя и апостольския церкви: мати бо твоя, рече, благочестивый царю, церкви Божия, и якоже должен еси почитати матерь свою, которая тебя родила, много паче должен еси любити и почитати духовную твою матерь, святую соборную и апостольскую церковь, которая тебя породила во святей купели святаго крещения и которая тебя помазала на царство маслом и хризмою радости.

Статия 4. Но, о благочестивый царю, священнаго онаго мужа неухищренная беседа, наче же молба, и мы, твои государевы богомолцы, молим, да действенна будет. Воистинну убо никоторое твое царское дело крепости имети не будет, донележе мати твоя, святая соборная и апостольская церковь, от смущения не свободится¹¹⁸ и благ пастырь той даруется, могий праве промышляти о красоте ее и благ мир той даровати. Отнележе бо он, Никон, начат вводити смущения догматы, не имамы чисты молитвы к Богу. Но по известном его отвержении и воистинну странном и нелепотном патриаршеского престола с клятвою, преосвященному Паисию митрополиту Газскому дерзостно пишет сице: Никон Божиею милостию патриарх, в Духе Святем преосвященному митрополиту Паисию милости благословения. Облак свидетелей имать он, Никон, отрицанию своему, о благочестивый царю. Почто озирается вспять? Али не ползова его Христос, рекий: никтоже возлож руку свою на рало и зря вспять, управлен есть во царствие Божие?

Статия 5. Жена убо Лотова, обратившися вспять, бысть столп слан. И не дивно: не сохранши бо заповедь, пострада в правду. Несущее бо Никон глаголет, патриарха себе нарицая, и прост чернец сущему apxиepeю благословения дая. Не совершив бо службы из церкви изшел есть, и без лепоты престол оставль гневом и яростию, презрев Божий страх. Прощения бо, пад, должен есть просити таковаго дерзновения и ругательства и многих соблазн. И где бо обрести имать в писании таков образ оставления престола? Дерзость бо онаго и безсоветия обычай правилно сугубо страдати его устроит. Иоанн бо мних и молчалник и сущия с ним черноризцы Святыя Горы яве показати имут, сице рекуща¹¹⁹: своею волею оставльшу кому святительство, аще подобает глаголати: Благословен Бог наш, и: Боже ущедри ны и благослови ны, и: Христос истинный Бог наш, или кадити кадилницею, несущу иному презвитеру, или входити, или причащатися внутрь святаго олтаря? И блаженный патриарх Николае со всеми святаго собора отцы сице рекоша: никако не достоит; на местех бо от простых людей поставлен будет.

Статия 6. Да аще Благословен Бог наш, и: Боже ущедри ны и благослви ны, и: Христос истинный Бог наш – глаголати не подобает оставльшему волею святительство, и кадити кадилницею, не сущу иному презвитеру: како убо он, Никон, паки архиерейская действует и рукополагает, противяся правилу 28 святых Апостол? Изверженому по праведней вине о согрешении явленна, и паки дерзнувшу прикоснутися преже врученныя ему службы, яко гниль уд от церкви отсещи повелевают¹²⁰. Не явленно ли согрешение имать Никон, не совершив божественныя службы, безвинно из церкви изшед и безчестно святительский сан с себе сверже пред многими свидетели? И не клевещущии нань быша, но сам, свою совесть познав, с клятвою престола отвержеся, недостойна себе судив святительския власти и чести. Ныне дерзая пишет, аки и не осудим и ни правил святых Апостол и святых отец на себя имея, будто для непрямыя ярости царевы престол оставил, послушав евангельскаго гласа: егда гонят вы из града, бегайте.

Статия 7. Но и гонитель слышишися, о Христолюбивый царю, от буяго сего. Никто весть, яко тобою, великим государем, изгнан Никон; и откуду явленно имать быти гонение твое государево к Никону? Пишет бо, яко святительский суд ты, великий государь, у него похитил, и судят священной чин мирския твои государевы царевы люди, а тот де суд приняла святая мати церковь, владении де о суде церковнем против предания святых Апостол и святых отец седми вселенских соборов, и иных милостивнейших царей; и то де владение приняло твое царское величество, ево самово судишь и преосвященныя митрополиты, и архиепископы и епископы, архимандриты и игумены, и монастыри, освященныя старцы, и весь церковный чин. Но о сих, Христолюбивый царю, от него, Никона, при отречении престола с клятвою во церкви несть глаголано. Или откуду явленно, яко того ради он, Никон, оставил престол? И ныне дерзая пишет к странному apxиepeю, гонителя и хишника тя нарицая, презрев апостолькое правило 84, сице глаголющее: аще кто досадит царю или князю без правды, аще епископ или причетник, извержется. Царя бо верховный Апостол Петр чтити повелевает; сице рече: князю людей своих да не речеши зла¹²¹. И молитися повелевает за царя и за вся сущая в величестве; досаждати убо царю или князю всем возбранено есть.

Статия 8. И паки Никон пишет, яко ты, великий государь, учинил пир болшой для некотораго царя Грузинскаго, на котораго пришествия к твоему царскому величеству един некто из велможных, твой государев, ударил ево патриаршева стряпчева, а как де сказался патриаршим стряпчим и что де бить ево не годитца, и тот де твой государев человек болшой и болши придал ударов, и слова де безчестныя говорил: чего велми почитаешь патриарха? Не велика досада, благочестивый царю, и немного безчестных слов болезненно Никону, и нищу сущу и ни благорородием от детства цветущу, но и зело от худейщих быв, обаче власть и честь приим от Тебе, великаго государя, и в самовластии быв, не терпит и от болярина к стряпчему своему безчестия и сего, что болярин рек стряпчему ево: для чего вельми почитаешь? И сих ради он, Никон, к твоему царскому величеству своею рукою писал, чтоб суд и управу об том деле ты, великий государь, учинил, и ты де, великий государь рек ся с ним повидать, и того не сделал, и болшим гневом разсердився, июля в 8 день Богородице Казанской и праздновать не пришел, також и в 10 день на праздник ризы Господни обычно приити не изволил, и в келью де прислал из своих князя одного со многими непрямыми словесы, и он де ту похвалу и слышав, здумал место дать гневу.

Статия 9. Многим мнится, благочестивый царю, яко сего ради кручинен был Никон, что на пир не зван. Не сего ли ради и дерзостно послал стряпчево своево безобразно в твою царскую полату чрез волю твою государеву, где ему и быть не годится? Вправду твоим государевым болярином отослал (н) со гневом не имый одеяния брачна и прекословив много. А что волю твою государеву болярин твой государев совершил, неимущаго одежды брачны из полаты твоея государевы выслал, аще и соскорбно, бояся от Тебе, великого государя, гневу: не в лепоту тут суд. Аще к смирению приводя его, Никона, на оба торжества ты, великий государь, празновать не пришел: в лепоту сих ради смиритися Никону, и болярину мир и благословение подати, а не престол оставити с клятвою, еще же и безлепотно. А что он пишет о князе, которой прислан от тебя, великаго государя, к нему в келью, будто со многими непрямыми словесы и безчестием: и в сих совесть его весть, аще не лжа. Во многих бо бывый неверен, в малых кто веру имет ему? Яве бо показа свою лжю, паче же хулу, рек при отвержении бо престола с клятвою, будто ты, великий государь, в соборную церковь к нему, Никону, прислал некотораго велможнаго с теми же позорными словесы, как и прежде.

Статия 10. Оле дерзости, благочестивый царю, на твое царское величество Никона! И лжа сия известнейша всему священному собору и всему причту и множеству сущим в церкви народи (а), яко в соборную и апостольскую церковь прислан от тебя, великаго государя, твой государев болярин князь Алексей Никитич Трубецкой, а не без имени некто, и не с позорными словами, но с молением от тебя, великаго государя, и с любочестными словами, якоже лепо есть священническому чину. И аще сих ради Никон, поючи святаго Давида песнь: отдален и учинен есть бегая, розжился в пустынях, ожидаючи Бога Спасителя? Оле буесть! Нареченный от него Новый Иерусалим воистинну реку Никаполим, рекше смятение градовом. Ныне и сам пишет, что бегая розжился в пустынях. Пустыня ли? И вправду: яко пуст от благих, исполненый злоб. Вправду рек Никон, что отдален нелепотнаго ради отхождения святительскаго престола с клятвою, и правильне учинен чуждь святительския власти и чести, и бегая от благих нравов; но не в пустынях розжился вещми века сего, властне взят патриаршескаго дому казну и других епископий, и всего царствующаго града Москвы и других градов выморных домов животы; едва и твоей государев цареве казне не коснулся ли. И в сих тому трудившуся, мзду трудов своих восприял есть, и недиво рек, яко розжился в пустынях: великим бо обозом от царствующаго града изыде в свой Новой Иерусалим и урядством дивным, и ни неволею гоним, разоряя бо и грабя пустынныя места, казну тех к себе присовокупил. И в правду рек, яко розжился в пустынях.

Статия 11. О сих воистинну дивимся, благочестивый царю, яко будучи он, Никон, во своем Иерусалиме год и два месяца, недостаток харчев терпел, и от скудости в другий свой монастырь и в третий отшед, которой на море. Но и в скудости до трех сот подвод запасы имел, и есть ли бы свидетелствовать истинными свидетелствы путь оного, имже идяше, подобно рещи, яко огнь хождение того, убогих домы пожигая граблением. И егда тому жившу в пристанищи год, пишет, что ты, великий государь, в то время собрал разныя власти, зде живущия, и ничего свыше написанных от его отходов им не сказал, но то учинил, чтобы лживыя свидетелства написаны были на него, Никона, от некоторых людей, в твоих царских полатах живущих; а иных де ты, великий государь, мучителствы стражаючи, приказал говорить, что он, Никон, доброволно оставил престол; архиереом и прочим властем будто ты, великий государь, дары дал, что руки свои подписали, чтобы впредь ему патриархом не быть, и будто мы, твои государевы богомолцы, даров ради учинилися тебе, великому государю, послушны: не изыскав противной притчи и не роспрося ответу, для чего он отъехал, суд чинили не прямой, по твоему государеву указу, и все руки свои против ево подписали, не по преданию святых Апостол и святых отец, приводя правило одно 16 второперваго собора.

Статия 12. Да аще, благочестивый царю, от Тебе (о тебе) равноапостолном помазаннике Божии и о всем освященном соборе таковыя хулы дерзает Никон произносити, явно имы(й) отречение престола с клятвою и безлепотно, не суд убо чинити благоволившу ти, великому государю, о нем и ни вин искати, чтобы ему патриархом не быть, но без зависти и рвения и кроме тщетныя лсти распрашивали властей, которыя прилучилися с ним, Никоном, в службе в то время, и свидетельствовали о нем Никоне праведно, бояся праведнаго Божия суда, и ни по страсти и гневу, ни даров ради: святители убо известили по архиерейству, сице и архимандриты и игумены, протопопы и попы и диаконы сказали по священству, и весь причет по Христове Евангелской непорочной заповеди сказали, что он, Никон, самоволно отречеся престола и власти с клятвою, и не пастырь, но пасомая овца звашеся, и не совершив божественныя службы безчинно из церкви изыде. Свидетелствует бо о сих писмо их за руками, и всего священнаго собора соборное деяние за архиерейскими руками и еромонашескими, в немже не одно 16 правило второперваго собора, и 9 правило третияго вселенскаго собора, 18 правило сардикийскаго собора, и святых (?) правило 62, облак же свидетельств и правил преподобнаго Никона, инока Черныя горы, ис правил Матфеевых, из других божественных писаний их. Како лжущи пишет Никон, яко суд о нем чинили не прямой по одному правилу второперваго собора, и даров ради от Тебе, великаго государя, учинились послушны и руки свои подписали?

Статия 13. Но и 16 правило второперваго собора нерадившего епископа о своем стаде, ни болезни ради, ни царевым повелением, ни патриарховым одержима, вяшще 6 месяц от своея церкви отшедша, епископскаго сана и чести чюждь праведно сотворити повелевает. И зри зде правилнаго суда: неотрекшегося своея паствы сице осуди, но нерадившаго о своем стаде. Никон же отрекся с клятвою, и безчинно пишет, что его отъезд не таков видится ему быти по евангельским писмам, так как и сам Христос от ярости Иродовы и жидовския многажды охраняючися отходил. Но и подражатель Христов наречеся суесловесный сей! И кого убо Ирода нарек, или жидов буявый! И от того (от кого) с Москвы побежал, подражая Христа? Како не заградятся она хулная уста и не вместная глаголющая! Не великим бо обозом Спаситель наш владыка Христос бегал от Ирода во Египет, да не убиен будет; но смотрения таинство совершая, пречистою Девою носим, единому бывшу хранителю Иосифу обручнику, и тому нищу. И нашего ради спасения нищ на земли был, не имея где главы подклонити, и ни о собрании богатства пеклся, ни многими вещми, но и уча ученики своя, глаголя: блажени нищии духом, яко тех есть царство небесное¹²². И свидетельствуя о себе, рече: лисы язвины имут и птицы небесныя гнезда, Сын же человеческий не имать где главы подклонити.

Статия 14. Но и от зависти жидовския Христос в пустыню отходил един со ученики своими, немного с собою запасов имел, пять бо точию хлебов и две рыбы но и сия народом предложити повеле: и ядоша вси и насытишася, и взяша избытки укрух 12 коша исполнь; ядущих же бе мужей яко пять тысящ, разве жен и детей¹²³. И паки седмию хлебы и малыми рыбицами четыре тысящи насыти и избытки укрух седмь кош взяша. Но глаголяй, яко подражая Христа, со многим богатством из царствующаго града изыде. Апостол же Павел от иудей, убити его ходящих, нощию в кошнице свешен по стене, немного с собою взят запасов и вещей¹²⁴. Сице и Петр ангелом изведен из темницы, а не ушел, и уже железныя на руку имый¹²⁵. Архиереи же и сущая с ними ересь саддукейская исполнишася зависти и возложиша руки своя на Апостолы, и послаша их в соблюдение общее, рекше в темницу; но ангел Господень нощию отверзе двери темницы и изведе их. И зри, како Апостоли из темницы изводими бяху от святых ангел, а не уходили. Но и в сих солгал Никон: да ни в темнице не сидел и оков железных на руку и на ногах не имел, и в кошнице по стене не свешен, но ум погубя оставил престол и никим гоним, гордости ради и гнева, остави власть, многа богатства взем, отъиде, всуе воистинну рек: подобяся Апостолом.

Статия 15. Но и Григорий Богослов самоволно оставль престол смирения ради, а никим гоним; в негоже место Нектарий скоро поставлен бысть. Афанасий же Великий от ариан 6 лет по Божию извещению у девицы крыяшеся еретик ради; но не отвержеся престола с клятвою, остави точию престол, повинуся воли Божии, и скрыся, да не буести ради еретик убиен будет. Власти ж собранныя от Тебе, великаго государя, свидетелствующия ево Никоново отвержение патриаршескаго престола с клятвою, аще и болши 6 месяц прожили на Москве, не суть достойны правилного осуждения¹²⁶: зане рождьшиися во благочестии и в вере воспитани бывше цари руку помощи даяти церквам должни суть, благочестивых бо царей пособия и помощи церкви всегда требует. Благочестивии же цари должни суть таковая подавати им, яко вере суще поборницы, да не от еретик или от безчинных человек преобидимы бывают: все бо седин вселенстии собори благочестивыми цари собрани быша, святии же и богоноснии отцы Христолюбивым царем благопослушны быша, и волю тех Божию волю непщеваша. Всуе бо рек Никон, что не надобно было слушать архиереом тебе, великаго государя царя, и не приходити без его повеления.

Статия 16. Но все рек Никон, возвысився паче меры. В поставлении бо святителства во святой соборной и апостольской церкви якова исповедь чтена пред тобою, великим государем, и пред всем освященным собором и пред всем миром от него, Никона, самого, сицева и от нас архиереов в поставлении святительства. И аще бы ты, великий государь, противно что церкви сотворил: влепоту бы не слушати и тебе, великого государя царя, аще бы и смертию претил. На (но) твое, великаго Христолюбиваго государя царя, о святой соборной и апостольской церкви, матери твоей, праведно и правилно попечение: сего ради и всем нам нужно, да не вдовствует мати наша святая церкви; боле бо триех месяцех вдовствовати той правила не повелевают. И како убо преслушны явимся, о благочестивый царю, о нихже и молитися должни есмы, зане в зазоре есмы правилно от странных apxиeреов. Не мы бо воистинну от него отступихом, но он нас оставил, и молим со слезами безвинно отвержеся престола и власти с клятвою. Всуе бо поминает правило второперваго собора 13, 14, 15: праведно бо того же святаго собора 19 правило епископскаго сана и чести чюжа его устраяет.

Статия 17. Явлена бо вина Никонова всем, безчинное его отвержение его престола с клятвою, и всему росийскому государству, паче же и самой той соборной и апостольской церкви крайне безчестие, яко и не совершив божественныя службы, не проводив обычно ризы Господни, безчинно из церкви изшед. Где бо в писании таково ругателство от православных архиереов обрести возможно? В правду своя ему сеть, в нейже и увязе, и ров, егоже сам себе ископа. И туне молвил он, Никон, яко без его воли мы архиереи тебя, великаго государя, слушая, в царствующий град собралися. Не послушанию(е) точию мы, твои государевы богомолцы, тебе, великому государю, должны творити; но и молим тя, равноапостольнаго государя, и со слезами просим, да упразднится буесть таковая и безчинна детель; томимый гневом туне, исполненный воистинну неправды и лсти, да предан будет под крепкия началы в пречестную которую любо лавру; трем же монастырем строитель отнюдь да не будет на пагубу самому тому и другим многим, но в молчании по своему обещанию да спасет свою душу, в твоей же, великаго государя, державе пакости да не деет и обид многим да не творит: меч бо обоюду остр своя ему воля. Аще обрящем блогодать пред тобою, великим государем, не презри молбы твоих государевых богомолцов, да возмется нечестивый сей от среды нашея, да Божий праведный гнев не постигнет нас и вправду постраждем, не пекущеся о благих. Благопослушливу же ти бывшу, государю, и делом сотворшу, о нихже тя молим, державу царствия твоего исполниши благих, и Бога милостива ко всм нам сотвориши, и самого себе радостна узриши.

Статия 18. Слезно, Христолюбивый царю, изгнан насильством и чрез ум пишется Никон и будто для исповедания соборной церкви и для самой его неправды, неправду поносити понужден, делатель воистинну неправды и преисполнен всякия лжи и лсти. Приводил правило 19 сардийскаго собору, будто для обид в московских своих паствах живет; и паки пишет, яко ныне в великое говение слышав от Тебе, великаго государя, жестокую грозу чрез околничего твоего государева Иродиона Матвеевича Стрешнева, что ты, великий государь, буести его не хощешь болши терпети. Праведно воистинну то твое государево слово, и матери твоей, святой соборной и апостольской церкви, зело благопотребно и ко утвержению царствия твоего, аще делом показати имаши. Но зри, Христолюбивый государю, ругателство оного: пишет, будто слово твое государево показалося ему великая гроза; обаче убо яве говорит, что пред тобою, великим государем, никакой вины не знает, опроче того, что пишет и говорит постерегаючи неправды твоея, и что де ты, великий государь, святыя Божия монастыри до болшего убожества привел и церкви Божия силною своею рукою разорил, разсердився на него, и без его благословения от святых церквей и монастырей животы святыя отнимаешь, и без суда и повеления архиерейскаго под власть свою понуждаешь. Правда ли в сих, Христолюбивый царю, глаголемая тем? Аще ли ни, воистинну ругателство.

Статия 19. И паки пишет Никон, что епископы и архимандриты и игумены, без архиерейскаго обрания, по твоему государеву повелению и по расмотрению поставляются и посылаются, и ево-де самого и весь пресвященный собор некия люди судят, а называется-де тот суд монастырской приказ и которых-де он, Никон, вяжет, ты, великий государь, тех увольняешь и ни во что связку и проклятие его почитаешь и сам с ними соединен на молитву приходишь, будто преступаючи апостольскую 10 и 11 заповедь. Десятое же правило святых Апостол молящагося со отлученными от истинных архиереов вправду отлучает; но он, отвергийся и безчинно престола с клятвою, несть apxиepей. Сице и 11-е правило святых Апостол молящагося со изверженными по правилом соборне, а не страсти ради и гнева, сего от церкви и от сану извергает. Но зри,¹²⁷ Христолюбивый царю, правилного суда: епископьска (епископа) убо всея области собором по нужде 12 епископы судити повелевает, презвитера ж шестма епископы да судят, и седмый свой да разсмотряют о нем; диакона же три епископы, четвертый свой. Но и тако по правилом судимым извергати от сана, или прокляти всея области собором подобает. Свидетелствует бо о сих вся седмь вселенстии собори и девять поместных, по различным временам собравшимся еретик ради.

Статия 20. На первом бо вселенском соборе; 318 богоносных отец, Apиa ради попа собравшися, известнаго ради врага Божия и еретика, хуливша того на сына Божия, тварь глаголюща, а не Бога, и необратно того блядуща соборне клятве, того предаша¹²⁸; единомудрствующа же со Арием нечестиваго Македония, патpиapxa Царяграда, хуливша Снятый Дух, тварь, а не Бога того нарицающа, 150 святии богоноснии отцы втораго вселенскаго соборне прокляша. Нестория аще злочестиваго патриарха Царяграда и сущих с ним еретик, о вочеловечении Сына Божия блядущих, два бо сына глаголюща: единаго Бога от Отца рождена, иного от Марии Девы и по любви соединившихся (шася) Богу Слову, сего ради и Богородицу Христородицу нарицающе, но сих врагов третияго вселенскаго собора¹²⁹ двесте святии богоноснии отцы соборне клятве предаша необращающихся от злобы. Но и 4-го вселенскаго собора 630 святии богоноснии отцы вепря дивияго, Диоскора патриарха александрийскаго, и архимарита Евтиха и прочих с ними соборне прокляша, блядущих сице, яко по привидению плоть прия Господь наш Исус Христос. Пятого же вселенскаго собора¹³⁰ святии богоноснии отцы 165 Оригена безбожнаго, Дидима и Еваргия, прия(трия) зле хулящих, соборне клятве предаша. 6-го же вселенскаго собора¹³¹ святии богоноснии отцы 170, на единоволников собравшеся, Сергия, и Пира, и Павла, и Петра патриархов Константина града и Кирила патриарха Александрийскаго, и сущих с ними еретик и иконоборцев соборне прокляша, Господа же нашего Иcyca Христа во едином составе исповедаше, во двою же естеству, божества ж и человечества. Седмаго же вселенскаго собора¹³² святии богоноснии отцы 367 иконоборцев и християнохульников Льва Исаврянина, и единомысленников его Анастасия и Копронима, и по них бывших патриархов Констянтинаграда и сущих с ними еретик соборне клятве предаша.

Статия 21. Он убо, Никон, безвинно отвергийся престола с клятвою, откуду имать власть связати или решити? Не имый же власти вязати или решити, како имать несудимых правилне и необличенных собором проклинати? Кого бо от архиерей и святых отец единомудрствующих с собою не(?) имея Никон? Ей никого; но злобы ради самого себе убив, а ихже прокля без ума, сих вправду венча и от Бога благодати сподоби. Оружие бо извлече Никон, по пророку¹³³, состреляти убогих от злобы и нищих от всякия неправды, заклати хотя правыя сердцем; но орудие его внидет в сердце и лук его в правду сокрушися. Хулная же вещая на тебе, великаго государя, неопасива уста имея и ясно показуя и всем свою злобу разорителя святых Божиих монастырей и церквей, и тебе, великаго государя, нарицая светло, являя кротость и беззлобие твое государево. Вправду он, Никон, святыя Божия монастыри до болшего убожества привел, строя свой Новый Иерусалим и другие два монастыря, многим скорбь и безчисленную пакость содея; нареченный же его Новый Иерусалим противен древнему, о немже древле пророки проповедаша, и Сын Слово Божие, пресвятыма своима ногама ходя, освяти и безчисленными знамении и чюдесы оного прослави, и в нем волею благоволи о нашем спасении пострадати и пречистую свою кровь излити, перваго же епископа Иякова брата Господня во Иерусалиме своима рукама освяти, и по воскресении своем божественным своим учеником и Апостолом от Иерусалима отлучатися не повеле, дóндеже облекутся силою свыше, и по вознесении своем на небеса к Богу и Отцу в день пятьдесятный низпослав Святаго¹³⁴ Духа во огненных языцех во Иерусалиме же, и на вселенную проповедь от святых Апостол от Иepyсалима изыде: свидетелствует бо ясно пророк Исаия: яко от Сиона, рече, изыде закон и слово Господне от Иерусалима.

Статия 22. Аще бо во Иерусалиме возрастет от Духа Святаго вера и тамо первое распространяя, везде в правоверных возрасте, а не приде; от Иерусалима изшедше учаху языки, но и паки возвращахуся от востоку и до полудне и от запада во Иерусалим Апостоли, и тамо прибежище им бе; во Иерусалиме бо и гроб Господень и Пречистыя Богородицы Девы Марии, житие и успение и гроб ее чудотворный на месте, нарицаемем Гепсинании, пребывает; но и в день воскресенья на всяко лето преславно огнь с небеси сходя, на гроб Господни во Иерусалиме свещи вжигая православному патриарху с причтом поющим: Воскресение твое, Христе Спасе, ангели поют на небесех. Воистинну благословен Господь от Сиона живый во Иерусалиме¹³⁵. И святый убо Захарий рече: обращуся и вселюся посреди Иерусалима. На Сион сниде Иоанн Дамаскин воспеть: радуйся Сионе святый, мати церквам, Божие жилище. В том бо Господь Бог тайну вечерю Апостолом подаде, разумей же церковь, и нарече ю в жилище себе до века. Аще бо и чрез триста лет истинныя церкви во Иеруеалиме не бе, одержания ради мучителей царей, до великаго царя Константина; но сих ради святыя места не погибоша. Пуста бо бысть церкви Иерусалимская за неистовство жидов; но благодати Божия нелишишася: от всея бо земли и моря преходят вси и благословение кипящее от Иepycaлима взимают, о немже пишет Феодорит на псалом 101: трилюбезен бо есть нам Сион, аще и зело пуст бысть, любима же и камения разореная и персть раскопанная ратными: память бо сих любезна есть нас ради содеянных в нем великих таин и благодатей. Но скращу за умножение свидетельств: в Книге бо о вере, в первом слове, асне (ясне) узрит кто.

Статия 23. Откуду убо, благочестивый царю, таково дерзновение Никону, яко свое жилище новый Иерусалим нарече? Всяко бо возненавиде и не верова в Сионе бывшим тайнам постыдятся от Господа и яко трава от огня будет изсохши, по пророку: бо Аммос претит сице: люте хулящих(м) Сиона, и Давид утвержает: да постыдятся и возвратятся во ад вси ненавидящии Сиона. Смеху же достойно, паче же и плачю: и Истру реку зваше Иордан. И сих ради нехотящих знати: Иepyeaлим, Иордан, многим скорбь сотвори; строящии же его обитель несказании беды подъяша от приставник его. И вправду священный Паисия митрополит Газской его Никонов новый Иерусалим Никаполим нарече, сирчь: градовом смятение, убо погречески ианикитас никос толкуется смятение, для ради греха и смуты, которая прилучилась в первом основании его. Никто же от отец ни от благочестивых царей смея которое жилище или град Иерусалим нарещи, точно окаянный Мамант еретик, иже и параклита себе именова и две жене, с нимаже блуд творяще с нимаже, Прискиллу и Максимиллу, пророчицы именоваше, градец же некий во Афригийстей области, емуже имя Пепузан, Иерусалимом нарицаше. Сему подобно сотвори Никон, о нем же свидетельствует той же священный Паисия, глаголя сице: О, недостоинство! О, неизвыченная новость! Новый Иерусалимник, любитель новых речей муж! Не было пророчества о твоем непрямом Иepyсалиме, о Никоне, ново писмо нарицаешь, з жиды единомудрствуя: жидове бо жалают и дожидаются тебе, что изыдет воплотитися и родитися новый Месия в новом Иepyсалиме. На удачю, не в твоем ли, о Никоне, антихристова будет родителница? Покинь, человече; не шути святыми делы, не играй речми богоданными: един есть Иерусалим на земли, в немже и судити будет Христос вселенной вправду и воздаст комуждо по делом его, о немже Песнопевец вопия глаголет: в дому Давыдове страх велик, ту бо престолом поставленым судятся всяка племена земная и язы́цы. А вторый Иерусалим на небеси. Никто не вздумал, токмо Мантан и Никон; но не по достоинству. Блаженный Максим Грек глаголет в книзе своей: ни который град, рече, называй Иерусалимом, аще и всею вселенною обладает; един есть Иерусалим на земли и едина земля июдейская в нейже родися Христос, и во Иордани крестися, и на горе Фаворстей преобразился, и на Голгофе распят бысть и погребеся негде близ, и по воскресении со ученики своими 40 дней поживе и от горы Елеонския на небеса вознесеся.

Статия 24. Никон же пишет, что Крутицкого митрополита проклял для того, что он митрополита в неделю цветоносия, по обычаю в великой Росии, всел на жребя пред всем миром, и бедно себе вменив, рек: Крутицкой митрополит что Евза проклята, отческое ложе осквернил и отеческой престол опозорил, безо всякого сомневания всел на отеческом престоле со обижением отчим. А во святом Евангелии пишет, что один Христос сидел и того Апостолом деяти никогдаже не приказал. Но всуе рек суемудренный; забы пресвятый Спасов глагол: веруяй в мя, дела, яже аз творю, и той сотворит и болша сих сотворит. Да аще в преестественных божественным своим учеником и Апостолом власть даде, еже бо болящая исцеляти, прокаженныя очищати, мертвыя воскрешати, бесы изгоняти, смиренное вхождение во Иерусалим на жребяти осли Господа нашего Иcyca Христа кто возбрани от святых Апостол и святых отец, да не обновится таинство сие на славу пресвятому имени Его? Но аще Христос един на жребяти седел и того Апостолом делать никогдаже не приказал: нелепо бяше, но его мудрованию, и ему самому действовати вайя, еще и не отрекшемуся безчинно архиерейскаго престола с клятвою, зане апостольский и он был наместник, аще и первый бысть епископ всего государства росийскаго: первый бо епископ не начальник епископом ни крайний святитель, но епископ перваго седалища наречется, рекшего (рекше) царствующаго многонароднаго града; святительский бо сан един есть и тажде (тойжде) на всех¹³⁶. Не наречется сей убо совершен, ин же не совершен святитель, но вси равни святители и вси епископи, якоже и благодать Святаго Духа равно приемше¹³⁷. В правду своя ему хула на свою ему главу да обратится. И второе сам себя прокля, отрицаяся престола, и действа¹³⁸ ради вайя гневом томим. Не имый власти ничтоже, ради известнаго отречения прост чернец, хапает яко зверь вне ума быв. Еще бо¹³⁹ истиннаго архиерея, власть apxиерейскую имущаго и священства благодать, проклинает, играя, досадити хотя. Но несть се игра по мнению суединомудренаго (суемудреннаго). Воистинну свой ему меч его самого, гневом напыщенное, сердце пройдет. И не туне вправду проклят первее самем собою, отрицаяся престола, не хотя пастырь быти, но окрастованную овцу себе нарицаше; второе своим ему судом, имже без вины тщих осудил: зане и сам был митрополит в Нове-граде, вайя действовал. Аще бо, по того мудрованию, ихже той (прокля), прокляти быша: и в других градех действующая вайя ирхиереи клятвы не отбегоша, и вси сообщающиися им.

Статия 25. Но несть тако, благочестивый царю, якоже он, Никон суемудреный, смысли, учим воистинну древним человекоубийцею дияволом и с ним советуя всегда реях (?), ко отчаянию привести тщася и всех погубити хотя. Забы пресвятый Спасов глагол: мир мой оставляю вам и мир мой даю вам. Но несть сей сын мира, но древняго злодея сын, ищущаго всех поглотити; гнилая воистинну глава, но не церковнаго телесе, своим ему последующа, мудрованию его, прокаженны вся имея уды и чюж быв благодати священства, нелепотнаго ради отвержения престола с клятвою. Вне бо ума быв, сущей главе церковнаго телесе досаждает, истинныя архиереи сыны себе нарицает, недостоин воистинну и прага церковнаго, зане чрез правила святых Апостол и святых отец еще в мирских священство прият, не к церкве бо и престолу поставлен, но на дворянской двор в крестовыя попы, оболгав архиерея, мира же отвергийся не любве ради Христовы, ниже смирения ради, но внешнюю честь и славу гоня, некоему рекшу к нему, яко велик имать быть, аще пострижется, не с волею же подружии своея, но и кленущии его, оставляю (оставль ю)¹⁴⁰ любоначалия ради, и отлучися от нее чрез правило святых Апостол и святых отец. В правиле; пишет сице¹⁴¹: аще кто девствует или воздержится, мерзок творя брак и яко гнусно отшед, а не доброты ради и святаго девственнаго пребывания, да будет проклят¹⁴². Да аще убо проклинает благоверия ради отшедших, еже есть и почествовати (иночествовати), то колми паче богатства ради и чести. И святых Апостол правило 15-е сице глаголет: аще презвитер или диакон помощницу свою изженет, да отлучится; аще же не введет ю паки, да извержется. Богатства же ради и чести болшия жены своя пущающа не точию отъяти сан божественное писание велит от них, но и отнюд прокляти и от святаго общения отлучити. Но веждь, Христолюбивый царю, яко Никон не в сих точию увязе, но и сугубо обруга себе сам. Еще бо (бе) в царствующем граде; Москве белцем, а в священноиноческую благословенную грамоту взял, оболгав преосвященнаго митрополита Антония (Авфония) Новгородскаго, и Никона себе нарек преже пострижения своею волею; и едучи во Анзерскую пустыню, на Вологде в паперте церковной Илинским игуменом Павлом пострижен, а не в церкви, приедучи в пустыню, абиe священноиноческая действовал и под началом не бывал. Аще всю жизнь ево кто известно ведал и преже прия чести и власти, вправду бы рек, яко на праг церковный несть достоин взыти.

Статия 26. Преосвященный же Питирим митрополит Сарский и Подонский, аще и тремя епископиями владеет, но не похити других престолы: свое ему звание Крутиций митрополит, а не других епископий. По отречении бо его, Никоновы (е), престола с клятвою и по презрении молбы тебе, Христолюбиваго государя царя, и триех apxиepeев и всего освященнаго собору и всего причта, последующу тому своей ему воли и юзою анафема(ы) себе связавшу, яко ни мыслити ему патриарху быти, и сице рекшу: да не уподоблюся псу, возвратившуся на своя блевотины, и сице тому обругавшу царствующаго града престол и святителскую власть, яко ни божественный службы совершив безчинно из церкви изшед, а никим гоним, обаче ты, Христолюбивый государь царь, и в другий день паки молити того послал болярина своего государева, князя Алексея Микитича Трубецкова, якоже и в соборную церковь, к нему на подворье, сице и третицею того же болярина в Воскресенский монастырь посылал, но ярости и гнева исполненный трижды от Тебе, Христолюбиваго государя царя, молбы не прием и третицею отвержения (жеся) ни мыслити хотя прияти престол: тогда, Христолюбивый царю, волею твоего государевою и советом архиерей царствующаго града, святыя соборныя и апостольския церкви правление вверено бысть преосвященному Питириму митрополиту. Не властна же взят и Суздальския архиепископии правление, но твоею же волею государевою, оклеветану бо сущу архиепископу и не приемлему грацкими жители. Не против же правилом содея. Во Антиохии Сирстей правило 18-е аще и чести епископския не отъемлет от таковых и служити не запрещает, но ожидати велит всея области епископ, да соборне управят о нем; стужающаго же другим епископиям, таковаго отлучити повелевает, хотя же, да причтен будет (к) презвитеры, равну честь прияти ему велит; аще же и противу ту сущим епископом молбу творити начнет, и от презвитерския чести да изринется и от церкви отлучен. Сих ради нужно, благочестивый царю, другаго арxиeпископа, или, донеже о нем собором управится, епископии той не без правления быти.

Статия 27. Всуе молвит Никон, что преосвященный Питирим митрополит Сарский и Подонский отеческое ложе осквернил и отеческий престол опозорил, без всякого сомневания всел на отеческом престоле пред всем миром со обижением отчаемо (отчим?) И преосвященный Питирим митрополит не опозорил патриаршескаго престола, но он, Никон, патриаршеский престол обругая безлепотным отречением и к блевотине песье того приложи: да не возвращуся, рече, яко пес на своя блевотины. Обаче без всякого сомневания паки алчет, престола и при(е)обидев правила святых Апостол и святых отец, архиерейская властне действует, отчаявся. Преосвященный же Питирим митрополит не безлепотно что содея и ни своею волею честь прием, ниже чрез правила святых Апостол и святых отец¹⁴³: вси бо епископи суще по образу Господа нашего Иcyca Христа, глава(ы) церковнаго телеси, градстии бо епископи по образу суще 12 Апостол вси, на нихже дуну Господь: приимите, рече, Дух Святый, и на нихже низпослав Пресвятый и Животворящий Дух во огненых языцех и глаголаше странными языки, ниже и благодать Святаго Духа даяти вверено бысть, сельстии же бо епископи по образу суще седмидесяти Апостол, имже есть дарованно благодати Духа Святаго раздаяниe. Зри же, Христолюбивый царю, и равенства градских епископ: по образу бо суще двоюнадесяте Апостол вси. Зри же и любомудрия Апостол: яко егда Филипп, иже от седмидесяти диакон сый, шед в Самарию крести многи, и слышавше Апостоли во Иерусалиме, послаша верховнейшаго Петра и Иоанна, и ти безпрекословно послушавше, вседше, полагаху руце на крестившихся, и приимаху Дух Святый. По которому образу Никон, будучи на престоле, поработил свою братию архиереов, обругавше патpиapшеский престол, и сыны себе нарицает и обычно архиерейская действующих проклинает, отъемля царствующаго града красоту и честь? И паки молвит, яко преосвященный Питирим митрополит Костянтинопольскаго патриарха паствы, рекше Киевская(ия). Изволившу ти государю и советом всех архиереов всеа Великия Росии Мефодия во Мстиславль и Оршу постави во епископы, не един же, но со другима трема архиереома; и во время поставления на первом месте седел по чину, сущим с ним архиереом степенми нижайшим: и се не чрез правила святых Апостол и святых отец. По правилом бо два, или три епископы поставляют епископа; и инде же пишет, яко епископ от всех епископ сущих во область (и) поставляется, аще ли ни, обаче от триех поставляется, прочим же писанием сложившимся, власть же митрополит. Аще бо и 6-е правило четвертаго вселенскаго собора коемуждо патриарху своими пределы обладати и никомуже их иныя области не возхищати, не бывшия прежде под рукою их изначала, се бо есть гордость мирския власти, и кроме бо воли старейшего сущаго в митрополии епископа, рекше патриарха или митрополита, избрании 15 поставление не бывает, не епископ бо, аще и поставлен будет вправду¹⁴⁴; но мняйся старейшина быти с клятвою безчинно отвержеся престола, и на место от простых человек сам себе сведе, и без ответа должен есть и своих грех плакати¹⁴⁵. Аще бо по сим правилом и не убе(го)хом вины, но должни есмы прощения просити у Констянтинопольскаго патриарха, зане области его прежде сего та страна была; ныне же волею Божиею под рукою тебе, Христолюбиваго государя нашего царя, и не чрез бо волю твою государеву от нас содеянно что: с тобою, великим государем, к Констянтинопольскому патриарху и прощенья просити должни есмы.

Статия 28. Во время бо великаго князя Василия Васильевича всеа Русии, по Фотии митрополите в царствующем граде Москве истиннаго пастыря не бысть 18 лет. В та бо времена прииде Исидор митрополит к Москве, родом латынин, иже поставлен во Цареграде от патриарха Иосифа при царе Иване Калуяне. И быв Исидор на Москве четыре месяцы, и пойде на Флоренский собор и прелстившеся с патриархом Иосифом и со другими епископы златом, с нимиж и Царь Иван Калуян сложися, точно блаженный Марко митрополит Ефесский и Григорий митрополит Иверский, Исакий митрополит Нитрийский, Софроний митрополит Гаский и сущия с ними, иже латинское злочестие обличаху и собор той проклятым называху, блаженный же Марко и чюдеса показа. Цареградский же патриарх Иосиф на том проклятом соборе; умре, и погребен бысть в латинском костеле. Царь же Иван Калуян, идый от богомерзкаго собора, абиe умре, егоже и земля трижды погребена изверже, и тело его от пес снедено бысть. Суемудреный же Исидор прииде к Москве, и начат поминати впервых папино имя. Великий же князь Василий Васильевич, аще тогда и млад сый, но старых премудрых бяше разумен, Исидора в прелести суща, обличи его безумие и от митрополии изверже, посла в Чюдов монастырь; он же нощию избеже бездверием и со ученики своими, со Григорием и Афанасием. Евгений же папа постави в Царьград на патpиapшество от латын именем Григория, пострижену браду и ус имуща. Сего ради великий князь Василей Василиевич, советовав со архиереи всеа Великия Росии, в митрополиты резанскаго епископа Иону чудотворца своими русскими архиепископы и епископы и всем священным собором в лето 6956-м году. В то убо время исидоров ученик поставлен митрополитом в Киев от латынника, от Цареградскаго Патриарха Григория, пострижену браду и ус имуща, отступника православныя веры. И егда прииде в Киев Григорий митрополит, раздиратель церковный, исидоров ученик, нарицая себе митрополитом Киевским и всеа Русии: блаженный же Иона митрополит Московский и всеа Русии писание ко кралю не приимати Григория, раздирателя церковнаго, и не послушав бысть в лета 6961 г. И оттоле раздрася Киевская митрополия с Московскою всеа Русии, еретик ради; а до того времени одна паства была. По Ионе же митрополите поставлен бысть в царствующем граде Москве в митрополиты Феодосий архиепископ Ростовский рукоположением своих русских архиепископов и епископов. По лете же едином Феодосий митрополит Московский всея Русии постави на Москве в митрополиты Иосифа в Кеcapию Филиппову, в Иерусалим оттуду пришедша. И посему не нов обычай каковы любо ради вины поставляти епископы и в другия паствы.

Статия 29. А еже пишет Никон, что преосвященный Питирим митрополит Сарский и Подонский во своей области как и поставлен не бывал; но преосвященный Питирим митрополит во своей области живет, как и прочия митрополиты, преже его бывшия. В лепоту Никон сказал: проходил ли он своея паствы грады, быв в митрополитах в Нове-граде, тако же и в патриархах своея области градов, уча ко благочестию? всяко не приходил, точно благочестивыя священноархимандриты и игумены, и протопопы и попы гонил, а последующих воли его, миpa сего мудрование имущих, любил, но и те(м) пакости многи творил. Прежде его бывшия патриархи в царствующем граде Москва и преосвященные митрополиты, архиепископы и епископы всея великия Росии, аще и градов своея паствы по правилом не проходили, далняго ради разстояния или тягости ради людей, но учители церковныя благочестивыя, архимандриты и игумены, и протопопы и попы, во грады поставили, могущия ползовати верныя люди, от нихже мнози обретшеся от неве глас и страдалцы, по писанному: хотящии благочестно жити о Христе Исусе гоними будут¹⁴⁶. Сих ради, благочестивый царю, и ныне тебе молим и припадая на колени милости просим – даждь мир матери твоей, святой соборней и апостольстей церкви. Мир же устроити никако имаши, аще истинных архиереов искати не будеши, проходящих добродетель и в чернечестве свидетелствованных: егоже бо избрати волиши во apxиереи, чтобы отнюдь не менши 15 лет в чернечестве был и в послушании у старца искусна быв и в чернечестве в добром свидетелствован. Царствующаго же града перваго седалища епископа, рекше патриарха, избрати благоволи священное писание протолковати могуща, и разумеюща все божественное писание со испытанием, и священная правила святых Апостол и святых отец известно ведуща, в летех же совершенна суща и добродетелми и крайним смиренномудрием цветуща, своея же воли исправити догматы неимуща, но советом, а не дерзостно исправляюща, ревнителя же о благочестии и не стыдящеся лиц, многодетна в чернечестве суща и в послушании, во еже обрезати своя ему воля крепко обучиша вся (обучившася). Красота бо старец со смиреномудрием высокое житие и не своя воля. Apxиepeю бо советливу быти подобает и ничтож дерзостно творити, да не многим соблазн и претыкание будет: во мнозе бо совете cпаceниe бывает, яко же Богоотец и пророк царь Давыд вопия глаголет: в советех правых и сонме велия дела Господня, изыскана во всех волях его. И инде пишет: Коли велик еси, толико смиряй себе. И сицев христолюбец не менши 60 лет да будет, яко присно смерть пред очима имети будет, едино мудрствуя, да благолепие церкви сохранит, и не бы зданий каменных, ни о строении градов и сел, но о спасении душ человеческих промышляет. Но и о сих, Христолюбивый царю, без гнева послушати благоволи: в мор постригши(х)ся и под началом небывших, ни своея воли до конца отринувших, но епископы поставити блюди себе. И их бо ради не мала беда бывает в церкви, еще и мудрствующих и свое хотение творящих. Но и о сих, Христолюбивый царю, да (не) сумнишися, яко скудость архиерей имаши в державе царствия твоего. Всеа бо области собором без сомнения судится епископ, но не отвергийся престола с клятвою, якоже и Никон, власть архиерейскую имущаго обличена бывша о гресех или в ереси суща, се же без ответа сама о себе (самого себе) связав, безсоветием держим, и дерзостныя ради и не соборны клятвы и действа сам себе убив. Како о том собор? Великий князь Василий Васильевич митрополита Исидора от митрополии властне изверже и в Чюдов монастырь посла. Но и Зосима митрополита, новгороцкия ереси суща, 6 архиереов руских со архимандриты и игумены от сана извергоша и в него место поставиша Симона, игумена Троицкого монастыря, в митрополиты. Сие же сотворше, не правилом противящеся, но да не вдовствует святая соборная и апостольская церковь. Аще бо и пространно царство благочестивыя державы, но не во мнозех градех епископи. Аще бы воля твоя, мошно бы быти, яко же и в прочих паствах, епископом. При благочестивых греческих царех точно уравнение было в церквах и в вотчинах: 300 церквей, 500 крестьян: без нужи епископия; а где малыя сборы от церквей, мошно дать и 400 церквей епископу. И по сей (?) в Ростовской и в Резанской¹⁴⁷ епископиях мошно быти от них многим епископиям, такожде и в других паствах, где 1000 церквей и крестьян.

Статия 30. Пишет Никон, о благочестивый царю, что оных трех иноков проклял, будто они наругаются исповедания православныя веры, присланного ему от святейшего Паисия Цареградскаго патриарха, и во святей де литургии в божественных таинствах недоверуют, и недружбы чинят против того, что он исправил думою и благословением святейших вселенских патриарх, а во благости де¹⁴⁸ своей никогда же хотел ни прибавить, ни убавить от церкве, опроче правил святых Апостол и святых отец, еже есть Кормчую книгу в тиснены печатном перебил и со старыми писмяными книгами отнюдь несходны устроил. Един выход был, а самый несогласный; и с которыя будто и печатаны, и с тою несходны. Такоже и прочия книги, при патриаршестве его тиснением печатным изданныя, мятежа и смущения исполнены, и 6 бо выходов Служебников мудрования его сами в себе согласия не имут. Но и Скрижаль духовная сама в себе несогласна: существа перебиты, а толкованием с нашими древними печатными Служебниками во многих несходно. Да аще он Никон от Цареградцкаго патриарха Паисея вере научился и исправити потщася: царствующаго града Москвы благочестивии и христолюбивии цари и великия князи, и князи и боляря, и преже его бывши 5 патриархов, и преосвященныя митрополиты и архиепископы и епископы, священноархимандриты и игумены, протопопы, иереи и диаконы, и святых великих обителей и прочих монастырей мнихи, паче же и старцы и Христолюбивый православный росийский народ ушто до него, Никона, не право веровали и безкровную жертву Господеви всегда приносили туне? Оле дерзости и безстудия! Не насытився, убивая верных душа, глаголет, яко исправляя, и нехотящих последовати прелестному его мудрованию проклинает. Не ново убо начинающе святии они старцы, но древнее святых отец предание утвержающе, верных души от смущения свободити тшащеся. Глаголяй же, яко не хотел прибавить ни убавить, опроче правил святых Апостол и святых вселенских соборов, приказывал: как ни есть, только не по старому! О книгах убо, благочестивый царю, что извещал преосвященный Паисия тебе, благочестивый царю, которыя от многих стран собраны заперты лежат безпожиточно, пишет Никон, что в его дальния монастыри отвезены и не в царствующем граде Москве. Почто, Христолюбивый царю, попусти сице, не реку, человеку, но зверю, и нимало добра смыслившу святей церкви и державе царствия твоего? Сих ради молим тя, Христолюбивый царю, даждь пастыря церкви и благочестивую державу царствия твоего от крайняго безчестия свободи и верныя люди от смущения избави, даждь мир церкви, да не предварит нас от Бога праведный гнев, но да и чисту молитву возславше Вседержителю Богу, предварим лице его исповеданием и получим милость, славяще святую Троицу, Отца и Сына и Святаго Духа, ныне и присно и во веки веком, аминь.

Светлейшему меж боляр и добродетействующему и пречестнейшему господину Семену Лукьяновичу Стрешневу многолетное здоровье приветствует.

Потом¹⁴⁹ потрудяся, посылаю ответ¹⁵⁰ до пречестнейшей твоей светлости. Свидетеля всему и зрителя имею¹⁵¹ истиннаго Бога, что я не хотел для осуждения завидных людей того дела починать, ведати¹⁵², что явную недружбу и неприятство имети буду с патриархом; но понеже выучен от иерусалимскаго началноучителя¹⁵³ Христа моего проповедать истинну, так на настречах¹⁵⁴, так и в церковных местах, на амбонах, поставил¹⁵⁵ есмь дать сей мой ответ короткой потому, как¹⁵⁶ были короткия распросныя статьи. Мне вельми жаль того, что вашего языка не знаю, чтоб переводить тех всех pечей сам¹⁵⁷ желаю, понеже переводчики в болшой части того, чего не разумеют, отпускают, или толкуют против любви и воли своей, покрываючи прямую свою грубость¹⁵⁸. Бью челом тогда, чтобы твоя милость учинил радение прилежно, чтобы перевесть на русский язык, или на латынский, чтоб я увидял сам ваших переводчиков толкование, как ее совершают. Понеже непобедимое и великое ваше царство требует таких мужей переводчиков, которыя бы и иных языков разумы и мысли истинно¹⁵⁹ и прямо и не пременно толковали совет (но), и чтоб разсуждение чинили о тех делах, которыя пишутся, верою и правдою. И то пускай будет, полно ныне¹⁶⁰. А Господь Бог дал бы вашей честности многолетное здоровье и благоденствие и получил бы святительское и благое прощение¹⁶¹. Здравствуй из пречестнейших¹⁶² мужей высокороженный господине. Писал на Москве 15 числа Августа месяца лета от рожества¹⁶³ Христова 1662 г. Вашей преславной честности о всем богомолец ваш Ликаридиус.

Статьи роспросныя, которыя даны суть, чтоб ответ Газский митрополит дал совершенный¹⁶⁴.

Предисловие. Рече Господь наш Исус Христос: аз семь путь и живот и истинна. Христа убо последующа, отвеща (отвещай?) нам¹⁶⁵, яко проповедник истинный, на некоторыя наши статьи и вопросы, которыя обращают очи смыслов¹⁶⁶ наших, и будеши имати¹⁶⁷ мзду от мздовоздателя Бога в похвалу¹⁶⁸ от христолюбивых людей: понеже возвращая душу от прелести спаситель именуется.

Ответ. Аще истинна речется: прение, но и паче¹⁶⁹ кто утвержает истину, наживет на себя многи враги, яко Предтеча Иоанн, еже обличил пребеззаконнаго Ирода, для того что он держал жену брата своего, еще суща живущаго, яко некия глаголют, еще и чад имел от Иродиады, отроковицу, и до конца погубил живот свой, тако главу отсек. И наипаче¹⁷⁰ аще бы архиерей есть должен бывает и тягость¹⁷¹ в душу свою, аще не будет являти истинну, и проповедать и глаголать пред царем не стыдяся. Свидетелствует сам пророк и царь он, что пел иногда: избави мя от клеветы человеческия и сохраню заповеди твоя. Воистинну ненависть родится от правды, зависть и убийство; но ради истинны и умер бы, то¹⁷² христианское дело есть и просто (пресвято). Имеем перводиакона Стефана, еже что рек¹⁷³: упрямыя и неуклонныя и горделивыя сердцем и уши всегда¹⁷⁴ сопротив Святаго Духа сопротивно говорите вы и отцы ваши, тот час укаменован есть. Потому что немногия хотят слушать правды. Пилат когда услышал Христа глаголющаго, который есть истинная правда: ради того и я пришел на весь¹⁷⁵ свет, чтобы свидетельствовал о правде всяк, который есть правды, слушает слуг моих, строил (спросил): что есть правда? И от того¹⁷⁶ вышел вон и не дожидался ответу, что¹⁷⁷ есть правда. Неинако, как¹⁷⁸ Самаряныня, которая как услышала от Христа¹⁷⁹: пять мужей ты еси имела и ныне, котораго имеешь, не есть твой муж, то¹⁸⁰ истинную правду сказал, и тот час переменила слова свои, и ответу не научила (не учинила), но (на) помянутые слова, только здумала, где бы поклонение чинить, Всяк лице свое отвращает, как ему правду говорят; а как им льстишь, всяк любит. Я хощу правду говорить и умру для правды Божии.

Вопрос. Глава 1. Есть ли безгрешно изнова преосвящается един архиерей, когда переменяется от единыя епархии на другую? Понеже патриарх Никон, егда на патриаршество поставили его¹⁸¹, преосвятился опять, сиречь хиротонисался явно пред всеми.

Ответ. Тайны есть, которыя дают знамение, что николи не решится, ни сносится¹⁸²: крещение и миропомазание и Священство. Ради того¹⁸³ поется, что знамение не изыдет из человека таково, что когда в священстве умер, а после бы воскросе, опять не освящалбыся пошел¹⁸⁴, потому что имеет знамение печатано на душе своей, но всегда тот¹⁸⁵, который не впрямь освящен, или непрямь окрещен, того паки освящают и крещают¹⁸⁶, потому что как тот не принял священства, так и тот крещения. Чтый правила святых Апостол, где сыщешь, яко аще епископ и священник тогда б крестил второе¹⁸⁷ извержется, потому что падет в ересь новокрещенцов и преступает святое исповедание веры, в котором глаголем: исповедуем¹⁸⁸ едино крещение во оставление грехов, – едино, а не двоя крещения исповедуем и свидетельствуем¹⁸⁹. Убо и архиерей, который освящается дважды, свержает¹⁹⁰, понеж едино есть архиерейское священие и един Пресвятый Дух, который помазал внутренюю, якож и Апостолов в день пянтикостия хиротонисал и посвятил пастыри и учители. Убо едино от двоих: аще ли архиерейство не имел прежде патриаршества, а будет ли имел священство архиерейское, а принимал опять, есть тым сам извержен для того, что дважды принимал священство архиерейское против заповеди церковной и отеческаго предания и извычая всей вселенной¹⁹¹ соборной церкви.

Вопрос. Глава 2. Никон не позволил, чтобы исповедались и причащались, которые люди были винны¹⁹² и указано их казнить по градским законом и судом: добро ли чинил Никон, или худо? – скажи ми¹⁹³ без лицемерия.

Ответ. Божественное писание повелевает не казнить дважды за одну вину, и для того не повелевает¹⁹⁴ 25 правило святых Апостол, чтоб один священник или диакон, украдет что, или блудит, не извержется вкупе и отлучается, для того чтоб не двоими казньми был казнен, чтоб была тягость болшая. Убо¹⁹⁵ и один разбойник или тать казнит ево душевно и телесно, чтоб мучен был здесь времянем и тамо вечно. И кто возбраняет тем исповедатися и причаститися, осуждение имеет от Бога, понеже возбраняет душеполезное покаяние на последний час животу его, на который¹⁹⁶ стоит вечная мука и блаженное блаженство. Глаголет бо святое писание: в чем обращу тя, в том и сужду¹⁹⁷. Худо убо учинил¹⁹⁸ Никон патриарх, что не велел виноватых исповедать и причащать, чтоб они исправились, кидаючи их на конечное отчаяние. Где и Христос разбойника покаявшегося на кресте, крестил его животочною кровию и водою из ребра, как научает Иоанн Златоустый, и принял его покаяние. Убо тот разбойник был явной, и Христос не отвергся от его покаяния и на отчаяние его не допустил, но токмо наследника с собою небесному царствию учинил.

Вопрос. Глава 3. Подобает ли, егда облачается архиерей или иерей во святой церкви и во олтари чешется и в зеркало смотрится, в церкви суще, во святом облачении? Понеже и Никон то извычаен был чинить преже литургии, как облачится во святыя ризы.

Ответ. Не подобает; женское убо то есть, и нелепо мирским мужем, а наипаче священником, которые имеют тогда молитись, а не в зеркало глядетися, и украшают¹⁹⁹ душа своя, а не лица, и пети з Давыдом Господеви²⁰⁰: возлюбих благолепие дому твоего и место селения славы, твоея. Святый олтарь сего ради глаголется олтарь, понеже есть Божий престол и судилище. И аще в мирское судилище кто внидет, со страхом и трепетом многим внидет: како священник имеет смотритися в зеркало в тайном и страшном олтаpе судии безпосулнаго, который есть зритель сердец и душ человеческих. Не подобает убо в зеркало смотритися не токмо в церкви, но ни в келии слуге Божию, но да уготовит себя со страхом²⁰¹ и да имать совесть чисту, яко нескверному зеркалу Божию. И патриарх(ха) в том не похваляем, и не подобает никому ревновати таковаго дела хотети; и аще чесался²⁰² и в зеркало смотрился, лутче бо было, чтоб во своей келии смотрился²⁰³.

Вопрос. Глава 4. Никон посвящает священники и диаконы: добро ли чинит и есть ли хиротонисание его благоприятно? ей, или ни?

Ответ. Добро несть добро, аще не добре²⁰⁴ бывает. Против Богослова Григория: который²⁰⁵ посвящает и котораго посвящают здадутся быть (достойны) осуждения, понеже покладаются оба на великом опасении и в великом сомневании; аще есть ли дана им святых таин власть и действо, чтобы то действо святых таин было чинно, особь в сумневании положено²⁰⁶, и есть ли есть ли грех службы и таинства служить со ответом²⁰⁷ и ревностию человеческою глаголет право в речах непостоянных безопаснейшая сторона иметь быть обрана: потому что безопасна ныне кто таков муж мудр, который бы подался во спасение²⁰⁸: достойно ли или нет освящен, принимаючи священие от архиерея, в сомневании будущаго²⁰⁹? понеже несть таинство святое, которыи бывает дважды и трижды, но которыи одиножды дано бывают. Есть ли дано истинно, добро дано есть; а естли и не дано, всегда живет не освящен. Уже была благочествованна от архангела Гавриила Пресвятая Дева Мария, однако же пошла ко святой Елисавети, чтоб уподлиннова²¹⁰ была лутче в благовещении архангелском. Глаголет Феофилакт: понеже бы(ла) мудрая, опасалася²¹¹, чтоб не была прелестна и чтоб не яко неверна, но хотя знати прилежне²¹² вещи, яко премудрейшая. Такоже мудрый человек всегда ищет безопаснейшая, и в речах постоянных укрепляется к лутчему пути. Естли сия наука разширится иметь²¹³, или как есть чистейшая²¹⁴ душа, нежели тело, надобно и вещей их зрети²¹⁵ с болшим разсужением и радением ради спасения своего, чтобы вечно не погибла.

Вопрос. Глава 5. Никон не учинил отречения своим²¹⁶ писмом за рукою, только изо уст рек, что не хочет впредь быти патриархом: полно ли на том, или надобно, чтобы на писме дано было отрекание, чтоб было совершенно на писме дано отречение?

Ответ. Понеже уста священническая лгать не знают, против пророчества Малахия пророка, должен оставитися при своем словеси, коли хочет, чтобы почтен был за правдиваго, а не за лживаго. Двоякая бывают отрекания, писменно и не писменно; но и паче отрекания²¹⁷, которое возглашается в церкви Божией, почитается быти в болшом постоянии и крепости, ради того та, которая писана, мочно ей быть и неволной²¹⁸ и обманчивой; а сея, которая не писана, никакой не принимает²¹⁹ на себя обманы, и для ради того паче иных принимается во всех судах, как в духовных, так и мирских, когда чрез свидетели достойной веры свидетелствуется. Сделал патриарх, чего иной никто не сделал: после литургии святой совершения, преосвященныя ризы патриаршеского чина свержа²²⁰ с себе, говорил тыя слова: недостоин, недостоин я быти, и впредь²²¹ не патриарх. Дело такое, которое не бывает николи тогда, когда и священства отвергается священник²²², и то дело редко коли прилучится. Сверх того, где говорится дело, не надобно писмо, что есть не мое, а глас человеческий глас Божий. Вси свидетелствуют, что учинил отрекание Никон и чрез (то) явно есть, что учинил такое отрекание, потому что²²³ то надобно собором разсудить, и есть ли собор приимет его покаяние, тогда будет добро, а естли не приимет, отречения отстанется отречением. И для того ныне, понеже есть дело неосужденное, не имеет владения творити се, что принадлежит к патриаршескому чину, ради того, что он сам безчинствовал тем, се есть образцом, сам²²⁴ кто возмет оружие и сам себя убивает, сам нарицается себе убийца.

Вопрос. Глава 6. Естли архиереи, которые обретаются в послушании патриаршеском, имеют грех, что не возбранили ему, Никону, злаго совету, или кончее²²⁵ и совершенной суд обвиненый, что не возбранили в том учиненом деле, не грешныя?

Ответ. Здесь надобно разсуждение. И хотя были спрошаны в любви братской и невозбранили погружения престолу и церкви наследующаго, имеют тягость и великою епитемиею за грех удоволства²²⁶; а есть ли не были спрошаны, толко Никон сделал своею волею, не имеет греха, ради того что человек без совету такия и иныя зла терпит ради своего безумия²²⁷. Потому что болшия многи удивят²²⁸, нежели один: для того что один жаден против присловия и беда одному самому, потому что как упадет, некому²²⁹ воставить. Мудрено делали атгены, что вдва²³⁰ ходили вдруг безотступно, чтобы вспомогал друг другу и радел, против времяни случая. Иоанн Богослов ради того, что пребывал вместе с Богородицею, достоин учинен, чтобы писал то, чего ни глаз не видел, ни ухо человеческое не слышало. Пишет Амбросий святый: и Бог хощет, чтоб его имели обща за общаго добродетеля по совету, и солнце правды нарицается для того, что всех освещает²³¹, и никто не обретается здесь без света, итоги вери (?)²³², пишет Клементий²³³, но всякия принимают от его светлость и всяк богатеет его милостию.

Вопрос. Глава 7. Добро ли бы было, чтобы собор был в том деле патриаршеском, чтоб не прилучилось какова соблажнения, или смуты²³⁴ в царстве?

Ответ. 37-е правило²³⁵ чтоб дважды в год собор был, а на нем бы было прежде обыск о существе веры, а после обыных церковных речах был распрос; и не одиножды бы то надобно собрать собор, но и многажды, для того то, что учинилось не менши дела²³⁶ есть, и чрез такия годы²³⁷ овдовенство духовное то разлучения²³⁸, которое²³⁹ весь свет во удивление приводит.

Вопрос. Глава 8. Можеши (может) ли благовернейший государь царь наш Алексей Михайлович собрать тот собор, или надобно, чтоб по повелению патриаршескому?

Ответ. Подлинно может, ради того, что он тоже не есть последнейший в чести у Господа Бога, наш государь как и иныя прежния наяснейшия цесари и цари. И подлинно чли мы, о великом цесаре Константине святых отец в Никеи собранных от всея вселенныя, явными возилы своими собрал в Никею, где и сам особою своею был. Но и великий он Феодосий собрал отцы на собор, в Царе-граде учиненный; и на третием соборе Ефесском, собраном от младаго Феодосия; и в Халкидонстем соборе то же учинено, от Маркияна²⁴⁰ цесаря что собрал (собран)²⁴¹. Тоже слово в слово и иныя новоримския цесари, которых скипетры перенесло Божие всемогутство в царствующую сию и Богом хранимую Москву со всеми правами и урядами.

Вопрос. Глава 9. Никон собором (собор он), что повелел Богом венчанному (ый) нашему (наш) государю (рь) царю (рь), чтобы²⁴² был здесь на Москве, то он в ни во что почол и назвал собор тот сонмищем жидовским.

Ответ. В Матвее святом Евангелии²⁴³ животодавец Христос глаголет: где два, или три соберутся во имя мое, тамо и аз посреде их. И опосле во Евангелии святаго Луки: а Я посреде вас, как служащий, темже образцом, как сидел меж учители, служащая (слушая) и спрашивая. Убо естли меж двемя или тремя обретается Спаситель Христос седящий, такоже (како же) на одном соборе собранным²⁴⁴ не седит Спаситель Христос невидимо, как помогаючи и освящающи²⁴⁵ их, когда²⁴⁶ сам обещался, глаголя: се аз с вами есмь во вся дни до скончания века? 3 жестости тогда человеческия, что́ ни есть говорил Никон, выговорил, и слово с яростию сказал. Не надобно их с плохостию распрошать. А кто ни есть соборныя святыя собрания называет сонмищем жидовским, надобно как еретика проклинать, для того что диялок²⁴⁷ Григорий прежния 4 вселенския соборы (почитал) что 4 крепости святых Евангелист.

Вопрос. Глава 10. Можно ли составом главу судить и своего началника?

Ответ. Таково судили патриарх²⁴⁸, которыя впадали во блуды. Едина глава Христос есть, который нарицается и златая глава, архиерии только суть глаза и уста, а мирския люди составы церковнаго тела. Все властию суть 12 Апостол внаследители истинныя²⁴⁹, каково и всякия священники суть²⁵⁰ наследники 72 учеников. И помянутым святым Апостолом глаголал по воскресении от мертвых Христос, всем Апостолом: приимита Святаго Духа вязати и решити. Для чего и самого того присловна²⁵¹ по началу вcе имеют сею же совершенную власть. Для чего против Евсевия на первом соборе (Антиохийском), на котором изложен от того собраннаго собора еретик патриарх Павел Антиохийский, Аврилиян кесарь, хотя неверной и идолопоклонник был, похотел того, чтоб указ соборной был воздержан, и для того с престола антиохийскаго был свержен.

Вопрос. Глава 11. Никон никогда не изволил называть архиереов братиею своею, но почитал их велми нижайших для того, что от него были освященныя.

Ответ. А Исус, Бог и человек, по воскресении рек святым женам: не бойтеся, идите и рцыте братии моей. А есть ли споль (?) священник его²⁵² братия его не суть, что же ли они суть? Сыны ль? Нет, для того что мирския люди суть сыны, и он есть отец всех мирских людей, а иныя архиереи тоже их отцы. А как многая²⁵³ зла притчею есть много разумения и гордости. Пишет отец наш Дорофей, что был некоторый старец, который перво сказал, что²⁵⁴ он был что авва Зосим и Maкapий, только²⁵⁵ был менший Василия Великого и Григория Богослова; а Дорофей разсмеяся²⁵⁶, глаголя ему: по немногих днях и их²⁵⁷ лутче будет²⁵⁸. Итак учинилось; для того что по немногих временех похвалился²⁵⁹, что паче их во святых стану, толко не достало ему, что он не превышил Апостолов Петра и Павла. И еще²⁶⁰ глаголал, что и тех превышил, и после к такой смелости пришел, что приподобился к Пресвятой Троице, и наследуя Люцыпера возгласил: кто таков что я? И зопхнен тот час во ад тот святокрадца. Подлинно гордость не имеет крепко стоящи ноги, но всегда ищет пременнаго поступления; однакож²⁶¹ назад ползет, что рак. И дивно мне на некоторых людей, которая похваляются: тот и тот есть от меня освящен, я того учинил епископом, того митрополитом! Я (А) ты еси кто²⁶², которой столп (столко) похваляешися? Христос крещает, как первоначальный, а священник, как знат от него власть имеющи²⁶³. Христос помазует, Христос освящает²⁶⁴, но посредителством священника и архиерея. Не помните ли, чтобы ево освятил сосуд избранный Апостола Павла святаго уста, милости убо оберегайтеся сами и все чары свои, в чом вас²⁶⁵ Дух Святый поставил в епископы паствить церковь Божию, которую снабдил кровию своею. Слушайте вы, слушайте: Дух Святый и божественна благодать избирает и освящает епископы, и митрополиты, и всякия архиереи. Иди ныне и глаголи, что я освящал того и того. Аще и Павел глаголет, что всякое освящениe есть Святаго Духа, а не человеческое, не так²⁶⁶ преже говорили: я аполонов (аполлосов), а я Цефы²⁶⁷.

Вопрос. Глава 13.²⁶⁸ Никон строит ныне по се время один монастырь и назвал его новым Иepyсалимом: доведетлися, чтоб так святаго града имя (было) перенесено, и иному дано, и старое опозорено?

Ответ. Никак недостойно, потому что пишет святый Кирилл во своих поучениях, яко старый Иерусалим был пророкоубийца и христоубийца, а новый Иерусалим²⁶⁹ есть Христу²⁷⁰ честь воздающе и ученица²⁷¹ его: от Сиона²⁷² закон и слово Господне от Иерусалима. Егда поем на святую Пасху: светися, светися новый Иерусалим, ныне есть ли²⁷³ новый Иерусалим никонов? Убо паки новый Иерусалим учинился ветх и пришел к старому и прежнему своему постановлению, и по наследованию доведется, чтоб мы от прежняго и сущаго Иерусалима отстали, а к сему новому никонову²⁷⁴ пристали. О недостоинство! О неизвычайна новость! не называй и тот монастырь новую обитель новый Иерусалимник, любитель²⁷⁵ новых речей муж. Не был²⁷⁶ пророчество о твоем непрямом Иерусалиме, о Никоне? Ново писмо начинаеш, котораго желают и дожидаются себе жидове, что изыдет воплотитися и родитися новый Месия в новом Иерусалиме, наудачю, не в твоем ли антихристова родителница будет? Покинь, человече, не шути, не шути святыми делы, не играй вещми, от Бога данными. Един есть Иерусалим на земли, а вторый на небеси, который никогда нерушимый²⁷⁷; третий Иepyсалим никто не здумал, токмо Никон, и то не по достоинству. И будет вопрос: кто истинный (патриарх) иерусалимский?

Вопрос. Глава 14. Не говорит ли святый Герман патриарх Цареградский, яко просфиромисание образует Вифлиом и святый престол образует богоприемный гроб Господень?

Ответ. Тако есть; но ино есть и нарицается образец²⁷⁸, ино есть что нарицается первый образец и самая сущая истинная речь. Образец имеет начало от истинныя речи. Ныне Иерусалим никонов нестли²⁷⁹ образец последующий истинному образу, но самый первый началный новый Иepycaлим. И так преставают всякия церковныя уставы, для того что истинный Иерусалим престал²⁸⁰, и не есть новый Иерусалим и ни мати церквам Божиим, жития Божия и селения, как поет, восхваляя его, любителный Иоанн Дамаскин. И паки, не престал престол Иякову брату Господню по плоти и первый apxиepeй Иерусалимский²⁸¹. И не правду ли сказал Христос, когда рек: и врата адова не одолеют ей? А то ныне одолели! А то²⁸² спорчаныя места святыя, спасителными ногами топтаныя! Новым Римом наречен²⁸³ есть Царь-град, по последованию ветхаго Рима; и ни болше старый Рим не назывался²⁸⁴ новым, ни новый назывался старым. Пускай²⁸⁵ разсудит и указ соборной о том учинит, что святой новой Иepyсалим не называется впред Новой Иерусалим, но²⁸⁶ старинной, чтоб утвердился его новой Иepyсалим никонов, который бы достойно назвать²⁸⁷ Никополим, сиречь градовом смятения: погречески убо никос толкуется смятение, для ради греха и смуты, которая прилучилася в первом основании его.

Вопрос. Глава 15. Никон разорил епископию Коломенскую для своего хотения и корысти²⁸⁸, выговаривая себе, что было ближнее епископство от Москвы и что не пригоже быть близко патриаршеского боку епископия.

Ответ. Сиречь хощет сказать, что прежния патриархи, прежде его бывшия²⁸⁹, глупы и слепы, что оставляли такую ближную епископию боку патриаршескому; толко он, что орел, имеючи очи многозрителныя, увидел такую недостойность и заборонил. Не тако есть; но полюбил еси угодия епископския и вотчины, и завладел еси ими, (не)пшеваяся²⁹⁰ вины о гресех. И беднаго епископа напрасно изобидил, емлючи его харч, как разоритель. Не подобает²⁹¹ тебе имети вотчин и имения епископскаго, отдай престол истинному apxиepeю, не обижай его напрасно²⁹². Не любить Иерусалим чюжих животов, толко²⁹³ своих хочет и желает; неправедное не благословится, всегда вопиет в небеса; толко отдай его венчанное, отдай питоманно²⁹⁴ к его архиерейству принадлежащее, естльли хощеш быть оправдан в твоих правдах ты, по которых²⁹⁵ славишся быть справедливый судия.

Вопрос. Глава 16. Доведетлися архиереом строить обозы и грады? Понеже Никон полюбил жить на местах пустых и безжителных, и чтоб наполнил то место иноземцы и болярскими поддаными.

Ответ. Мелхиседек, который един был царь председатель²⁹⁶ властвующий, что был не токмо Салиму царь и создатель, так пишет Иосф, что Салим есть сущий Иерусалим, который ради святилища Соломонова после назывался Иерусалим. Лутче убо пишут иныя, что Салим он есть, который именовался Скифополь град близ Иордана, во eпаpxии Енонска²⁹⁷: убо не видится нигде, чтобы архиерей создал град и обоз, токмо монастыри, церкви, книгохранителницы, школы и училища, дела и радение церковное; грады же и обозы царем и велможам дано²⁹⁸ созидати и строити на имя свое. Однакоже в житии²⁹⁹ безжителного места прилучилось Никону, что прилучилось ворону. Хотели птицы меж собою царя поставити, пришли³⁰⁰ к судье, который бы постановил, что которая птица будет (краснейшая), тоя б обдержала то место. И тако все птицы пошли к воде, чтоб обмытися³⁰¹, и всякая отвержала³⁰² от себя одно перо, которое виделось ей худо быти и не чисто. Пошла и ворона тож к воде³⁰³ купатися, и увидя разных птиц перья и подбирала³⁰⁴ все перья к себе и прилепила³⁰⁵, и побегла к судье так украшена. И как увидел ее судья, тот час хотел ей честь воздати паче иных. Но иныя птицы, всякая увидя и узнав свое перо³⁰⁶, прибегли³⁰⁷ и отняли. И тако учинили по старому вороною. И стала как и преже была. Такоже терпит, кто чужим владеет.

Вопрос. Глава 17. Никон говорит, что не обретается вне от своего престолу и епархии, только съехал для некоторой притчи достойной³⁰⁸, которыя он будет явно говорить, егда будет призван от истиннаго судии и праведнаго.

Ответ. Быть везде и на всяком месте дано токмо Богу, что³⁰⁹ ни в котором месте не ограждается и не описуется, и на всяком месте владычества его жителствует³¹⁰. Но человеку дано есть на котором³¹¹ месте быть огражденному и описанному, и на таком имянном месте, а не на ином месте. Престол цареградский описуется толко в одном Царе-граде, а не инде где; тако же и иерусалимской в самом Иерусалиме. Толко естьли бы прилучилось чрез войны и разорения³¹², или иныя притчи, тогда мочно на иное место пренесть, как учинилось во Антиохии и во Александрии, которыя оба престолы перенесены суть на иныя лутчия и безопасныя места. Ныне милостию Божиею и благодатию³¹³ живет и царствует Москва: чего ради ты от нее отъимаешь престол и преносишь в монастырь свой? То без ведома царскаго³¹⁴ величества и без совета всех архиереов и всего освященнаго чина не подобает ся чинить, для того что (ты) не сам един глава и самовластен³¹⁵. Глаголет бо 84-е правило святых Апостол, что епископи без своих первоначалных и глав их не чинит ничто. Однакож и ни первой их без совету всех ничего не чинил³¹⁶. Чесо ради не поведал тайных притчи своего отъезду, но без совету и докладу толко о себе отстал и пошел, и опять после отъезду чего ради не извстил чрез писание, но оставил речи на долгое время, на 4 годы и болши, чтобы дело в молчании было? Чево ради сам не изыскивал собору, чтоб очистился и оправдал самого себя, выговаривая свое уничижение³¹⁷? Однако же страшно есть страсть самолюбства и проклята гордость та притчею, и родит такия дела, имиже убо он, Никон, чего сам изыскивал, и терпети не хотя³¹⁸.

Вопрос. Глава 18. Един пастырь, или боярин, который убегает, чтоб уберечь живота своего, потому чтоб инако учинил, был бы в опасении: уподобает ли³¹⁹ и его погрузить, или нет?

Ответ. Надобно, чтоб ушел. Так и Христос уходил ради мучителства, безвинных отроков убиения, и сохранился во Египет³²⁰. Однако же как опасение минет, надобно³²¹ возвратитися ради оскорбления душевнаго, понеже от него сколко душ похитил³²²; и надобно, чтобы ими владел и паствил, для того, что он будет страшно³²³ счет живущему Богу за их. Пастырь есть, который имеет дело оберегателства³²⁴, оберегатель есть истинное и сущее дело добрым предстателем. Орехов был жезл Моисеов, а миньдалной Ааронов. Пишут физики, что коли постелешь листы мигдалныя или ореховыя, имеют силу чинить человеку, который на них ляжет, немного спит. Иимон³²⁵ седиш ли Никон спиш ли? сей сон³²⁶ смертоносной. Недостойно человеку долго спати, которой имеет советы на главе своей. Не подобает, нет не подобает, негодно. Вся ми надобно, а не вся ми годна, вопиет Апостол. Егда слышали³²⁷ Апостоли: идем во Июдею паки, отвещали ему: учителю, ныне искали тебя Июдее³²⁸ каменем убити, и паки³²⁹ грядеши тамо. Ей, чтобы ничего смерти достойного не делали мы, но все добродетели, все добро делали³³⁰. Кто чинит добрые дела, не боится никогда, без страха великаго, чтоб боятися³³¹; но кто злое дело делает, трепещет и страшится велми оправдания праведнаго.

Вопрос. Глава 19. Никон никого не оставил на своем месте, ктоб на ево место³³² чинствовал: каким же обычаем митрополит Крутицкой чинствует безопасно на месте патриаршеском?

Ответ. Который ни есть истинный и прямый apxиepeй, когда хочет идти на которое место³³³ для какого случая нужнаго, оставляет на своем месте наместника своего. Так чтем в книгах Моисеовых. Когда Моисей хотел идти для принятия закона, оставил Аарона и Ора, чтоб судил³³⁴ люди, покамест он з горы снидет³³⁵. Для того, что началной человек имеет должество, чтобы всегда был особою своею где его подданный, который ему послушный, да молятся и иныя об нем, да поют же все молебства церковныя. А се и аз сам не стану молитися и своего правила не буду правити, не будет удоволно³³⁶, что я совершил свое правило и моление. Аз подобает да пощуся, когда хощу, чтобы мое моление и должность удтволствована была. Яко печати³³⁷ Господа Иcyca Христа на себе ношу, говорил святый Павел Апостол, трижды благословен. Достойно бы, когда патриарх, естли бы имел на уме своем не(на) болшее время от престолу своего итти, постановил бы на своем месте, который б чинствовал по его повелению доброю волею, кому б он то вручил. Но понеж избег и онаго пения, поспеши, мало забыл, и воспомянути не хотел³³⁸, но бояся оных наказов. Проклят, кто таинство Божие оправляет не охотно. Для того, когда Никон не оставил на своем месте наместника своего, надобно бы было, чтоб был наместник, который бы чинствовал на его месте, и всякия правила церковныя творил, чтобы церковь Божия пуста и без пения не была, и в тихости бы не были службы Божии. Приказано Крутицкому от благочестиваго государя нашего, что он по сей день чинствует церковное правило добро. Как остался Аарон и Ор, наместники Моисеовы, покаместа не возвратился з горы³³⁹ Синайская скрижали завета, чтобы не был люд израилтеский без главы пуст³⁴⁰. Велико нечто было воистину, что не оставили на немноги дни Моисей люд израилтеский³⁴¹ без началника и сберегателя. А Никон, который отступился, чрез толико месяцей и лет не радел написать³⁴² к благочестивому царю, чтобы побереги его престол. Однакож сделал как странный и чюжий епископ безо всякия прилежности³⁴³. А добро ведаем, что добрый пастырь душу свою положит за овцы своя. Ближен был Моисей к смерти, призвал³⁴⁴ Исуса Наввина и рек пред всем Израилем: мужествуй, укрепися, ты бо внидеш пред людми израилевыми в землю, еюже клятся Бог отцем нашим дати ее им. И Господь пойдет с тобою и не оставит тебе, ни опустит, не бойся и не страшися. Такоже когда ближен был к смерти Аарон, указал Бог, чтобы приоблекся сын его Елиазар всем архиерейским облачением отца своего, и совершает. В книгах Числа: и умре Аарон на верху горы и низшед Моисей и Елиазар з горы и видеша вся сонмища: се Бог³⁴⁵ не повелевает, чтобы люд был без пастыря. Такоже и Христос по вознесении своем оставил Апостолов святых, которыя бы владели церковию Божиею, чтобы не нарицалася овдовела без apxиepeя и пастыря.

Вопрос, глава 20. Имеет ли государь наш грех, что оставил овдовелу³⁴⁶ церковь Божию?

Ответ. Есть ли то делает для достойных притчи и обычаем и строителским³⁴⁷ для причин, которые нам недоведомы, не согрешает и не имеет греха, однакож не есть свободен от малаго³⁴⁸ греха, для того, что многия соблажняются и почитают то дело в лености³⁴⁹, что не радеет и прилежности в том не имеет. А радение болшое царское есть радение церковное, потому что никогда не укрепляются дела царская, покамест не укрепятся дела матери его церкви Божией. Мати бо твоя есть, наяснейший царю, церковь Божия. И како должен ты еси почитати матерь свою, которая тебе родила: тако должен еси много возлюбити и почитати духовную свою матерь, которая тебе родила³⁵⁰ во святой купели святаго крещения и которая тебе помазала на царство маслом и хризмою радости.

Вопрос. Глава 21. И естли архиереи и бояря, которые не бьют челом и не приводят к тому царя, чтобы учинил в том деле совершенной указ и исправление, имеют грех, потому что не дают совету, чтобы было лутче?

Ответ. Велми согрешают и зело, потому что не разсуждают добраго обшего дела, толко оставляют церковь в смирении, когда мошно бы им отверсти такой позор, и так не показуют ревность и любовь к такому великому патриаршескому чину, и в том показуются не похвалны. Для того, кто возможет добро творити, а не творит, тот не похваляется ради нерадения и лености. Все мы на страшной³⁵¹ недели, ради спасенныя страсти избавителю нашему, все есмы кручинны и слезны, показываючи явным лицем внутреную печаль; супротивно во святое воскресение во свтлыя ризы облачимся и веселимся. И кто бы на тот день не возвеселился с церковию Божиею, того сущим христианином не почитаем, для того что не радуется с невестою Христовою, которая изнову увидала возлюбленнаго мужа своего Христа. Для того вся наша кручина есть, для вдовства и разлучения церкви Божией; радость бы наша была вся, есть ли бы взложила³⁵² платье печали церковь Божия, мати наша и облеклася в светлое и белое платье. Овдовел есть престол патриаршеской, потому что един как отрекание учинит³⁵³, почитается за мертваго человека: убо желает имети мужа своего. Что потом и докуль будет жить в печали, и докуль в том платье слезном будет безуспешно? Муж, которой оставляет жену свою чрез четыре лета и никакого радения об ней не имеет и харчем ей не промышляет, произволяет³⁵⁴ право, чтобы иного мужа была жена. И како же не может взять иного мужа церковь Божия, когда Никон, что живо³⁵⁵ погребен, никакого радения об ней не имеет, ни ее почитает? А вы, архиереи, когда не имеете радения о обирании патриаршеском и поставлении, кто же иной порадеет? Чините, что не имеете³⁵⁶ чинить; ваше то дело и ваше радение то, пастыри. Для какой притчи небрежете престола патриаршескаго, который есть обша паства? Оберегайтеся, чтобы та ваша неприлежность Бога не возбудила до отмщения и ярости. Глаголет Захария: а то вижу серп летающ, длиною двадесяти локтей, шириною десяти локтей³⁵⁷. Се что добро, или что красно, но еже жити братии вкупе. И ничто нет инаго³⁵⁸ чисто лутчего, как совета и совокупление любви братской. Для чего вы друг другу тягости не возносите³⁵⁹, ни обше воспомогаете себе? Заповедь имеем: Бога возлюби и ближняго своего яко самого себе. Заповедь имеем от Бога: возлюби ближняго своего, яко самого себе: всех християн, как одной веры, имеете возлюбити³⁶⁰, а наипаче свой народ и сродники имеете возлюбить. И естьли вы сами о своем добре и чести не радеете, кто иной странной³⁶¹ будет радеть?

Вопрос. Глава 22. Никон проклинает и выклинает ныне: возможно ли³⁶² его проклинание и достойно ли нам боятися клятвы его, или нет, как он нас проклинает?

Ответ. Проклинание есть суще яко молния. Клятва есть как меч³⁶³ на обе страны остр, для того есть болшая стрела молнийня. И естли по достоинству бывает, сожжет виннаго; и естли не по достоинству, падет на того, который клятву чинит³⁶⁴.

* * *

Ведомо вам буди, братие, и о сем, –вопрашивах аз нынешних властей темных века сего писанием руки своея: Скажите мне, честнии отцы, и научите в правду: когда вы глаголете исправляти веру и догматы церковныя правы нашли, а старыя, якобы непотребны церкви, вон изнесли и смело глаголете, яко церковь Христова поблудила в церковных догматех, а Христос глаголет: церкви моея врата адова не одолеют во веки, – и се явно стала ваша ложь на церковь Христову. Да по словеси вашему буди так. То перво.

Скажите же, аще вы мнитеся мудрее быти паче отец святых своих, что они уставиша, а вы все превращаете, а называете исправлением свое отступление. И о сем научите мя воистинну и в правду. Разсудите, что Дух Святый глаголет во откровении Богословле, глава 20: прииде ангел с небесе, имеяй ключ бездны, и ят змея, змию древнюю, иже есть сатана и диявол, и связа его на 1000 лет и в бездну вверже, дóндеже скончается 1000 лет; и по сем паки подобает ему развязану быти на мало время, да лстит народы на 4 углех земли. Скажите мне: для чего связан был сатана на 1000 лет? и что Христос в то время в церкви сотворил, покамест враг церкви лежал связан в бездне? и для чего развязан на мало время да льстит народы? и что виде Богослов, змий отторгша хоботом своим третию часть звезд небесных и вергша на землю? Скажите, что змий и хобот его, и что звезды его? Там же написано³⁶⁵: имеяй ум да почтем число зверя, число бо человеческое есть, число его 666. Скажите, что зверь и что число его? И власти противу сих моих вопросов ни единаго слова но отвещали и по се время, заградишася хулная уста их, глаголющая неправду на церковь Христову. Или ложна и та тайны Духа Святаго мнят быти? А мы хотели им помраченным то утаенное от них писание открыти, благодатию Божиею данною своим его рабом. И егда, по отнятии священнаго сана, послаша нас заточити в темницы, тогда и дом мой отняша и запечаташа, и взяша в дому в то время много святых писм, собраных от святых книг на отступников. Тут же были слова богомудраго старца Спиридония, на нихже противников церковных писаны небесною философиею, зело полезны церкви. Первое слово о святолепном изображении крестном святаго Мелетия патриарха Антиохийскаго, емуже начало: Арианом тогда хулящим. Второе слово на изметающих из символа истиннаго меч духовный, емуже начало: О христолюбцы, взыщите истинны Бога ради истиннаго. Третие слово вопросителное друг к другу о избрании святых и на прелагающих церковныя догматы, емуже начало: Суть ли между теми, иже видят. Четвертое страшно-удивителная догмата всему исполнению церковному о связании сатаны и разрешении. Пятое слово ответное от лица протопопа Аввакума на послание Андрея Плещева, емуже начало: Правду рекл еси, яко любовь иже по Христе. И противу всех сих словес богомудрых не отвещаша ни единаго слова к нам, взявши их с себе: жестоко бо им противу рожну прати. Аминь.

(Приводится вполне повесть об Удоне из древлеписьменного сборника разных апокрифических сказаний, имеющего заглавие: Зерцало великое).

поучение к священническому чину и ко властем и владаемым, мужескому полу и женскому, малым же и великим, и яко елико отстоит небо от земли, толико отстоит ныне Христово священнодействуемое таинство от жидовския древния жертвы, еже и самем тем ангелом желаемо есть видети е, еже священник рукама священносовершает. Тако же елико отстоит небо от земли, толико отстоит священнический сан паче всякаго сана мирскаго. И яко сего ради недостоит всякому мирскому человеку осуждати никакова священническаго сана. И еже не прибегати мирским людем к волхвом и чародеем.

(Приводится вполне, без всяких пристижений, поучение м. Фотия, по началу: Понеже блаженнии пророцы очи наш быша... согласное с напечатанным в 1 т. Дополн. к акт. ист. № 181, но представляющее особую редакцию).

Слово выбрано от поучения Фотия митрополита киевскаго и всея Pycии ко священническому чину и мирским, священнопротопопом и иepeoм благовейным, и диаконом, и ко властем и владаемым, мужескому полу и женскому, малым же и великим, и всем христоименитым, в православной вере непоколебимо пребывающим и благочестивно живущим. И яко отстоит небо от земли, толико отстоит православная вера от несвященных епископ вавилонских, волков аравийских и все(х) поборников их, от несмысленных и суетословных попов, паче же рещи скомрахов, и всех несвященных игуменов и всякаго чина еретическаго, иже святая правила поправших. Вси бо уклонишася вкупе от исполнения церковнаго и в ереси впадоша, от никонова ересоначалства, мнози отступницы явишася. Сия же пишу, возлюбленнии, приводя словеса сего великаго пастыря, треблаженнаго отца, выше реченнаго Фотия митрополита, положшего душу свою о овцах, а не от своего грубаго ума. На свою бо аз хвалу и гордыню анафему полагаю. От сих причин, якоже выше рех, от словес фотиевых Божию помощию на краткая словеса, хранения ради верных, сия предложишася.

Прочее же услышим наказание Фотиево.

Молю вас, возлюбленнии, яко да уставит кийждо ум свой к глаголемым. Начнуже откуду? Или от глаголющаго: аз есмь начало и конец? Иоан же, благовествуя владычнее слово, глаголя: рече Господь: не входя дверми во двор овчий, но прелазя инуде, тать есть и разбойник (Зри коварства мучителева: он бо, рече, не входит дверми), рекше божественными правилы. Ниже бо могут привести свидетельства божественнаго писания, ниже пророки. Поистине бо двери суть писания. Теми вводимся к Богу, тыя бо не дадят волком входити к нам, возбраняют пагубником прелстити нас. Тать убо есть иже не входяй божественными и священными правилы во двор, но прелазя инуде, рекше, инем путем и необычным, по своему желанию. Слышу Надава и Авиюду, яко странным огнем покадивше токмо, странным и потребившеся, мучими бывше, за еже нечествоваше. И той обретше пагубе суще и нечестно время и места. И ниже Аарон отец доволен бысть ко спасению их, иже от Бога по Моисеи вторый. Якоже Февда и Июда, иже прежде Христа прелщающе народы растлиша, растлишасяся же и сами. По правде бо прелазя инуде тать есть: тот бо чрез стену прескачет, и топчет, и пагубная деет.

Мне же слезити приходит, егда помяну пагубы онех окаянных, еже мнящеся быти пастыря и престолы держаще святых Апостол и пророк, но делми и правы не апостольскими, к нимже благовременно есть ректи: горе вам, вожди слепии, неучени суще и не утвержени, иже оставльше слово Божие и переделы святых Апостол, славе и чреву прилепистеся, имже Бог чрево и главе стыдение их. Занеже млеко овец и волну и мяса поядше, ниедино попечение сотвористе о них, но и себе погубисте. Темже убо и кая суть яже о сих? Не мое есть, еже сказати, понеже хотят ся вмале от иных явити пред всеми вами. Аще мы умолчим, камение возопиют. Иже на святая правила разъярився, паче же на святых отцев, предавших нам сия. И некоторые слабоумныя прелшают лукавством своим, возмогше люте, Христову паству погубиша. А понеже еже о них всем явлена суть, елика смущения сотвориша на святую церковь, хощу бо о сем явити и известити вашей любви о истощанию и мятежу и рати в церкви Божией от неподобных онех мужей. (Яко вси глаголемы епископи не епископи суть). Словом убо мнози епископи, нравом же мали; образом ученицы Христови, нравом же предатели; словом благочестивеи, делом же нечестиви; словами пророцы, нравом же лукави; именованием святители, делы же язычницы. И якоже рече праведный Давыд, яко смесишася во языцех и навыкоша дела их, и поистине на них окаянных исполнися пророчество его. Сему же последуя и Апостол глаголя: се убо глаголю и свидетельствую пред Богом, не ходити вам ктому якоже и прочии язы́цы ходят, в суете смышления их, помрачени умом. Вы же не тако. Познасте Христа и не смешайтеся иже таковая деющим. Мнози бо суть пагубе учителие, и еще множатся. Блюдитеся убо, возлюбленнии, яко дние лукави суть и время своих слуг поставляет. И не чудитеся, возлюбленнии о Господе, аще пастырие образом суще, паче же волцы быша. К епископом бо и священником беседуя, Павел Апостол глаголаше, яко от самех вас востанут мужие, глаголюще развращенная. Да не убо кто вас прелщает, братие, аще отвне уду кто имея образа ангелскаго, внутрь же диявольскаго. Сего ради и Господь глаголаше: никтоже вас да не прелшает. Аз же вам, братие, предсвидетелствую: блюдите, да никтоже вас прелстит ниже от внешних, ниже от внутренних, ниже епископ, ниже священник, или диякон, или инок, или князь, или болярин, или богат, или убог, или кто ни есть глаголяй развращенная, котории приходят к вам во одеждах овчих, и внутрь же суть волцы хишницы, котории имеют образование благочестия, силу же свою лицемерием покрыту. Вы же, возлюбленнии, не прелшайтеся от злодейства их и лукавства, но якоже прияли есте святое крещение, сохраните е, и якоже приясте исповедание православныя веры, во Отца и Сына и Святаго Духа, Господа истиннаго и животворящаго, такожде и аллилуию по святых отец преданию, паче же от святых ангел, еже есть: аллилуия, аллилуия, слава тебе Боже, и о сложении перстов, и прочее догматы церковныя по древнему благочестию, сохраните благочестие до конца века. Но близ вас конец веком достиже, якоже глаголет Апостол, и возсташа лютая времена и беззаконие исполнися, и любовь многих увянула, и прелщающии мнози и прелщаемии множайшии. Возвратимжеся на предлежащее и услышим святаго Фотия.

Принеси, разгнем священныя книги, в нихже обрящем путь истинный, пойдем востицающе на святыя горы, пророки глаголю и Апостолы, яко да не прелстимся и не преносимы будем всякими ветры учения в лукаводействе лукавых человек и в коварстве прелести их не пребудем, совзыдем же паче учеником на блаженную гору, услышим нашего пастыря, глаголюща: блюдите, да никтоже вас прелстит. Иоан такожде глаголет: блюдите, да не себе погубите. И великий Апостол Павел глаголет: блюдитеся псов, и: блюдите, како ходите. А еже глаголет: блюдите, ничтоже ино есть, но токмо к вашему утвержению речено бысть. Иже людей прелшающе и волки суще и покрывающих себе кожею, и прелшающе слабыя. Всяко же потребне глаголется повсюду в божественных писаниях, еже блюдитеся, и зрите, и смотрите, и бодрствуйте, нетокмо себе, но и всю кождо паству. И ничтоже умолча еже нашей ползе божественное писание.

Аз же, возлюбленнии, в среду предложу множайшая свидетелства, являюща от божественных писаний, от Евангелия, и пророк, и Апостол, и от святых правил, Христу подающу ми, яко да заградятся всяко уста, глаголющая на святых правил неправедная.

А иже покаряющиися святому писанию и правилом, просветятся сердца их. Прииди убо Павле, сосуде избранный, и рцы нам о настоящем времени, яви затаенныя волки, обличи, объяви тати и разбойники святыя паствы Божия. Павел рече: блюдитеся, еда кто вы есть крадовая хитростию и тшетною лестию. И инде паки: ученми различными и странными не обдержитеся. И паки: лукавии человецы волховнии преспеют на горшая, прелшающе и прелшаеми. И инде паки глаголет: оскверненным и нечистым ничтоже чисто. Услышите вси, любви с ними творящии, како убежати вам от гнева, грядущаго на них, и с ними соводворяющиися и сооскверняющиися в пищи, или в питии, или в любовней дружбе. Како смеете приступити божественными и странными Тайнами Христовыми? Умолим ли убо вас, или вотше труждаемся, или к воздуху словеса сея глаголем? Обаче ради хотящих и спешащих слышати слово и благое творити не престану глагол сих вещати. Услышите блаженнаго Павла глаголюща: не можете чашу Господню пити и бесовскую. Изыдите от среды их и нечистоте не прикасайтеся. Что ж приобщение свету ко тме? Где суть ныне иже свирепая уста имущи и суетословцы, не знающии божественная писания, имже бог чрево и слава, иже земная мудрствующии? Тако Павел поучает, и утешает, и наказует, Павел сосуд избранный, предел церковный, мног страдалец и доблествен, боговещаемая цевница, Христов проповедник и списатель велением, труба слову и вещатель благочестию, и языком ловец. Рцы блаженный Петре, егоже ублажи блаженный Бог и Господь наши Исус Христос, о прелшающих и хотящих прелстити Христово стадо, егоже ти предал есть и ввери ти началник пастырем и посетитель нашим душам. Рцы елико ти Дух Святый подал есть, и утверди свое стадо, покажи и открой всем православным потаенныя полки, якоже и наставник твой Христос Господь. Петр рече: се прежде разумейте, яко приидут на последния дни поругателе, по своим их желаниям ходяще. И паки глаголет: к вам будут лживи учители, иже превратять худоумныя в ереси погибелныя и искупившаго их владыки отрекутся, и мнози приидут вслед их, имже кончина по делом их, и погибель их не дремлет. Клятве чада, оставльше правый путь. Cия Петр вещает, Петр блаженный поистине, Петр камень вере, на немже основа Христос церковь свою, Петр, иже и ключа небесныя держа, Петр, иже по волнам морским пеш ходивый, теплый рачитель Христов, иже Симона волхва в Риме низверже, яко верховник и предстатель – перваго разбойника и татя и ученика дияволя в ересех. Подобен сему и ин разбойник, Максим некто: иже в Констянтинеграде правило втораго собора, глава 4, о Максиме Кинице, еже нань безчиниe в Констянтинеграде бывшее, яко ни Максиму епископу быти, или нарицатися, ни священником от него всем ни в коем же степени причета, ни еже о нем и отверженом бывшим.

Толкование. Сей Максим Киник, киник же сказается безстудный, иже Божию церковь раздра и много мятежа и молвы сию исполни, волк в пастыря место явлься. И вся грехи того согрешающих, единаго ради чествовати в повелениих, рекше преступати заповеди, якоже глаголет великий богословец Григорий: чуждь убо и сей Максим от епископ да будет и вси, иже от него поставлении, попи и диякони и прочии причетницы чюжи священия.

Не мните (ли) же, возлюбленнии, хуждьши быти сих и сего разбойника и татя и ученика дияволя в ересех и в волхвованиих и в злохитром лщении, глаголюже Никона еретика, недостойна похитившаго престол патриаршества всесветлой Росии, грех ради наших. Увы, начинают замышления не разсуждением правилным, но паче мучителски, самозаконно поставление его содеявше, яко в сенном привидении играюще проявленне сии, спешаще гнуснии, и мерзскаго онаго поставляют, и священною одеждою непотребнаго несвященне одевают, еже: достоин! возгласивше ему, иже многаго студа и лукавства достойнаго; одевают волка овчею кожею, иже и воззрением своим многим ужаснутися сотвори. Таже начинает убо поядая, нападает на церковь Божию, спеша разрушити и смутити, воюет убо ея, низлагает, развращает. О, безмерной дерзости! О, мерзкаго начинания! Еже не во еллинских священниках не совершашеся, таковое смеявше, яко ни священному зде были писанию! И тако убо стекшемуся скверному собору писания всегнуснейшая совершают, и умышляют, и тщетныя и лживыя послуси и свидетели поставляют, и руками своими нечестие свое укрепляют. Внимай. Присмотри(м)жеся, возлюбленнии, о вышереченнем Максиме Кинице Константинополском, яко святых отец правило 2-го собора возбранило ни самому нарицатися епископом, ниже от него поставленым. Так и замышления его несвященная вся отвержена быша. Ей так, по истинному словеси, яко древо убо добро и плод его добр, или будет зло, то и плод его зол и горек. Зде же о Никоне не тако, но вопреки Христовым словесем. Древо убо злое низложивше, плод же его в воню благоухания имеют, от терния бо тешут смоквы и от купины обнимают гроздия, сиречь неправославная умышления его содержат, и укрепляют, и утвержают, обретошабося воистину безполезнаго труда подвижницы и доблественнии суесловцы, до основания низлагающе церковь Божию, нечестие и беззаконие открывающе и яд свой смертоносной изливающе. О, кто убо достойно восплачет бывшую и настоящую ныне беду! Который бо язык изречет содеянная ныне, который слух кротко приимет сию повесть? Благовремено есть и пригодно пророческое слово рещи ныне, яко погибе благоговеин от земли, и исправляющаго в человецех несть: сечивом бо и оскордом двери Христовей церкви разсекоша. Како не удивлюся неизреченному ти долготерпению? Како несказанныя ти благости изреку глубину? Кто возопиет: пощади, Господи, люди своя и не даждь достояние свое в поношение, еже обладати его языком? Кто помолится о нас, яко да престанет иже на Христову церковь возстаемая брань, яко да друг друга некогда познаем, и да будем едина часть? Но продолжиша беззакония своя, и делают на раменех наших грешницы, и быхом позорище ново не аггелом и ни человеком, якоже доблественнейший во страдалцех Павел, и началом подвизая, но всем по времени лукавым, и на всяко время и место, в торжищих, в местех, в веселии и в плачех. И ничтоже тако красно слышание, яко благовернии уничижаемы и ругаеми. Ищет убо Иеремия главе воду и очима источник слезам, яко да оплачет к достоянию Израиля. И паки: О, пастырие, погубившии расточившии овцы паствы моея! Се Аз, глаголет Господь, отмщение сотворю на вы. Влепоту же и сицевым пророчески речено бысть: изыде беззаконие от священник вавилонских, и пастырие мнози растлиша виноград мой, посмрадиша жребий мой. Сии убо между святаго и сквернаго не разсудивше, а понеже губителным возсташа собором, все людство вслед себе прелстиша. Мняще бо лютии свинство свое, и гордии нечестием не быти велико зло, еже творят. О лживому преумножению! Некрепко начало и основание, не крепко и строение положисте. Kако да вменится взаконеный собор, иже предел святых отец не сохранивши, но неправеден предел положивше? О, безместию погибели вашея! Рцыте ми, откуду избрание се преяли есте вы творити? Ниже бо от святых Апостол правило предано бысть вам, ниже от изначалнаго обычая, кроме изсяклой веры греко-римлян. Вскую любите суетная и ищете лжи. Сего ради помраченники убо назвати ми вас, а не просветителе, ниже посетителе, ниже епископе, паче же чреву рабы: понеже чреву вся таковая творящии и глаголющи, и просте всех их тако безумие творящихся, яко Орива и Зива, и Зевея и Салмана, и якоже сонмище авироново, и изриновены и богоненавистны вас вменяем. И како смеявше вы сего глаголати, и писати и превращати? Еже бо святая соборная и апостольская церковь прият, по иже от свыше давшейся той Христовою благодатию непобедимой крепости же и силе, неполезно всегда строящи, и во всех убо всюду обретающихся святейших церквах исполнеными святыми божественными книгами по древнему благочестию хранилища их исполнены, яко да тыя добре и по Господню закону правятся и изводятся. Якоже источник водный един той текуще, и разливается по многих странах, и напаявает и прохлаждает словесных и несловесных, и вся прозябения земная влагою растит и плодит: сице же и соборная и апостольская несмущенная церковь, Божие жилище дано от источника, паче же духовнаго и безсмертнаго; повсюду текущий напаяет и веселит чада своя, по царствующему пророку: и потоком пищи Твоея напоиши их, яко от Тебе есть источник живота, во свете твоем узрим свет, и прочее. И тако должно сущим всем епископом, и князем, и велможам, и священником, и иноком и всему христоименитому исполнению святых отец седми собором преданию покорятися, и повиноватися, и послушати истинных пастырей и не лживых учителей, иже души своя за паству Христову полагают, а не поядают, якоже рече и сам Христос: слушая вас, мене слушает, и отметаяся вас, мене отметается и пославшего мя. Вы же се смеявше сотворити, и отметавшеся, и сбысться се слово владычнее на вас нечувственных. Рцыте мне, окаяннии, аще представити можете, достоит ли епископом таковая творити замышления, кроме святых правил, и христианския законы разоряти и превращати? Которыя книги, которое Евангелие, который Апостол вас научи таковое ничестие творити? Вем, яко от отверженных внешних филосовских книг научистеся, тояже мудрости ищете от Евангелия Кириллова Тронфилионова, егоже церковь святая не прият, святии же отцы на огни сожизаху, прочих же в кратком семи писании нелеть есть ныне рещи, ихже приясте и держите и научаетеся и иных учите. О, нечестия вашего! Жезлом своим звериным уловлять хощете, паче же мучити. О, кто виде или кто слыша, Жезл книга, противящаяся святому Евангелию, апостольской проповеди и святых отец преданию! Паче же воистину рещи не жезл, но секира, или нож, пресецающь законы христианские, жезл дияволский, поражающь люди Божия, якоже пишет во Отечнице: рече некий старец, яко диавол убо есть жезл, яково семя, таков и овощ; и ин рече, яко диавол есть бич. Се звание, сим ли спасется, о пастырие? Се убо соборная и апостольская церковь, от восток солнца даже до запад, от конец до конец вселенныя, учит божественными и священными правилми, каковое должни суть имети хранение от еретических книг и латинских наук, и всяк обретаяйся чтый еретическия книги и веруяй в них несть христианин, орфеовы требы и таинства, егоже мудрости почудишася еллини³⁶⁶.

Толкование. Орфей мудрец древний еллинский, велик и преславен, уставы уставил еллином, службы идолския таинственны, по нихже еллини служаху и угождаху бесом.

Тако и вы удивистеся никоновой мудрости, таинства и службы подобны еллином приясте и во след нечистот их идете, и никакоже негдеже обретеся кто таковое творити беззаконие, якоже вы сотвористе, церковь разрушисте, сами же вси неуклонно падосте. Кто от вас, окаяннии, всяко возможет явити или представити? Сия чужда суть соборныя церкви, и никтоже да не прелшает вас, едины в прегрешении сем ведетеся, но исправите себе, понеже испали есте от благодати. Христос вас не ползует, аще не возвратитеся на первое свое и доброе исповедание, на неже и звани бысте и исповедаете пред жертвенником на поставлении своем, и пред многими свидетели аггел и человек, и пред Зиждителем всех: сам бо и рукописание ваше исповедателное держит на небеси, егоже и нося приидет воздати комуждо, якоже содея и сохрани исповедание свое. Сия же вся лукавая содеявше, и не доволно бысть вашей пагубе таковое зло и к молчанию; но и еще, не стыдящеся позорствовати окаянство свое, да и еще посылаете по всей руской земли лукавая своя рукописанная и печатная сложения, да и еще лжу и клевету возлагаете на соборную церковь Христову, и на святых и на блаженных царей, еще же и на самодержавных прежде почивших великих князей и пяти патриархов, и митрополитов, и чудотворцев, яко они не истинную веру и всесовершену содержали и исправлену или нерадением, или недоумением, или в лихолетие закон нарушился; еще же блядете: поблудиша отцы наши в церковных догматех! Аще угодно есть вас послушати паче Бога, судите. Бог рече: церковь мою врата адова не одолеют вовеки; то како церковь Божия от знаменоносных мужей толико лет в блужении и неисправлена пребысть? Далече от нас буди таковая хула на закон Господень. Закон бо Господень непорочен, свидетелство Господне и святых Его верно, умудряя и младенцы. К вам же псаломски влепоту речется: спаси мя, Господи, яко оскуде преподобный, яко умалишася истины от сынов человеческих, суетная бо глагола кождо ко искреннему своему, устны льстивыя в сердцы, и в сердцы глаголаша злая. Но потребит Господь вся устны лстивыя, язык велеречив. К гонимой же от вас правоверной церкви благовременно пророчески речется: услышит тя Господь в день печали, защитить тя имя Бога Ияковля, послет ти помощь от святаго и от Cиoнa заступить тя, и исполнит Господь вся прошения и подаст ти безсмертие и вечных благ восприятие, славу и велелепие возложит на тя, славою и честию венчает тя. Вы же мните Святому Духу действовати вами, глаголете бо: таковую же власть прияхом, яко и святии; всяк дар совершен свыше сходяй от Отца светов. И оклеветуете истину, понеже не сущу в вас дару совершену Святаго Духа, но паче вашея прелести помрачение, и развращение, и расколение, еже не токмо себе погубите, но и христоименитое людство ведете в пагубу душевную. Преставшу же источнику от течения, скудость бывает всем сущим на земли, словесным же и несловесным, и всякому прозяблению и плоду. Також и вам, не сущи благодати Святаго Духа в вас от источника духовнаго, оскудение бысть вашим душам и погубление. Рцы ми ты паче, прелшенный не епископе, ни патриарше московский, Никоне: не ты ли, погибелниче, возшед на патриархию, безместно дерзнул еси написать икону свою подобозрачнаго зверя, зверя исходящаго из бездны, тело злобы, тело мертваго пса, оболчено святительскою одеждою и поставлено на месте святе? О, дерзости! о, презорства! о, паденния! Обличает бо тя, плотнаго диявола седмоглавнаго, во Откровении Иоанн Богослов. Или ты еси грядый возмутити всю вселенную, или по тебе чаем прихода его, или ты еси предходяй и предуготовляяй? Не ты ли еси, сатано небесоподобныя церкви, сверженный и ангелом изгнанный? Почто еще возвращен крал еси жезл патриаршеский, егоже сам с клятвою отрекся еси? О, клятвопреступнице! Не довлели ти и твоей погибели души христианския, ихже омрачил еси, или ихже кровми растворил еси созиданием несвященных церквей, паче же рещи кумирниц. О Иерусалиме же твоем да препрится неосвященный твой собор, ко царю моления творя (почто не истреблена зверина икона) и недостойна тя показуя входа церковнаго. И ты сам, окаянне, веси, колика еси зла сотворил живущим во светлой Росии.

Вы же, священнейшая паства Христова, блюдитеся от всякия вещи во тме преходящия и от сети неприязненныя. Сего ради и молю вашу любовь, паче же советницы мне бывайте, и болезнующую мою душу подкрепите. Есмь бо и сам, яко же видите, утружден, во унынии глубоце и печали потружден, исчезосте ми очи, рещи по божественному писанию, о сокрушении и о разделении дщери Cиoнове: зрю бо горце и люте пленену нескверную Христову невесту от всегубителного и люборатнаго беса, иже толикия наведе ей брани. Яко же бо первозданнаго лестию некоторою уготови пастися, токоже и ныне на церковь Божию возже тою же лестию и запалением. Но и явственне вместися, таковое помрачениe уготовляет. И ныне якоже в нощном брании лукавством собирают июды вкупе, и на междоусобную брань строит нам, и стреляемся, увы, междособно и внеявленне уязвляемся. Он же велми насмевается нашим бедам. Позор латынам, и июдеом, и литве, и татаром. И творят на нас понос, поношение и поругание сущим окрест нас. Ибо помрачи Господь, по божественному пророку рещи, во гневе дщерь Сионову, удалися бо от мене утешения имене. И сего ради возопию к единому поразившему ю и паки исцелевающему, воззову к единому человеколюбцу и возвышу глас: Помилуй нас, Господи, помилуй нас, яко помногу исполнихомся уничижения, низведи поношение от нас и даждь уничижение гордым, иже на твою церковь и на твоя повеленья шатающаяся! Се бо стенанье сердец наших исполнишася, и очи наши исчезоша, яко низложил еси ограду достояния твое(го) и оббирают его инем путем вси мимоходящии. Обрати, Господи, и посети виноград сей, и соверши его, иже насади десница твоя. Но убо на слезы и на рыдания впадшися пастырей ради и паствы ради беззакония и мглы, иже объят их, забвен бых и себе имере (?) и рыдания продолжих. Тем бо, возлюбленнии мои, яко не презрит Господь свою церковь уничижену, но воздаст воздаяние гордым, церковь же свою одеянием веселия одеет. А еже они непотребнии сотвориша, темже рече Владыка наш Христос: отметаяйся мене и не приемля глаголы моя, Аз не сужду ему: слово, еже глаголах ему, то судит ему в последний день. О сем Иоан глаголет сице: не всякому духу веруйте, но испытайте духи, аще от Бога суть; и паки: аще кто приходит к вам и сего учения не приносит с собою, не принимайте в дом и радуйся ему не глаголите; иже аще кто глаголет ему радуйся, приобщается делом его неплодным и лукавым; и паки: всяк иже преступая и не пребывая в наказании Господни, Бога не имать. Сия же Иоан учит, Иоан сын громовый, иже паче всех святых возлюбленный Христов. И Иаков же рече: иже аще мнится друг ему быти, враг Божий есть. Услышите вси православнии, иже сие священными деятелю того ответа, яко Божии врази есть, ниже бо иже со врагом царевым дружася, может друг царев быти, ниже животу сподобится, но со враги погибает и лютейшая постраждет. И Июда Ияковль рече: Реша бо нецыи человецы, иже древлепрописаннии в сей грех нечестия, Бога нашего благодать прелагающе в скверну, и единаго Бога Господа нашего Иcyca Христа отрицающеся; и паки рече: на последняя времена будут поругатели по своим желанием ходяще нечестия: сии суть в любвах ваших, сквернами гостящеся, без боязни себе пасуще, облацы безводнии, всякими ветры преносимы, древеса ясенная безплодная, звезды прелестны, имже мрак тьмы вовеки блюдется. Таковая и множайшая сих поучает нас Июда добрый. Сам же Господь рече: блюдетеся, да никтоже вас прелстит, яко время близ есть. Ныне наста, и вси зрим слуги дияволския. Но врази бо и наветницы церкви Христове, рекше разсекателе и мятежетворцы во всяком роде пагубе предани бывают, по Господнему слову, еже рече: яко всяк сад, егоже не насади Отец мой небесный, искоренится, и отвержен будет, и изгна из церкви мятежетворники. Сам бо первое се сотвори и указа; а еже на небеса по вознесении его, блаженнии Апостоли составиша на них; по сих же божественная их учения, и церковнии учителие, и еже по времени бываемии святии вселенстии собори искорениша и пагубе предаша, по писанному: яко погубиша вся глаголющая лжю. Темже убо вси исчезоша и погибоша ради беззакония своего. Где бо суть, иже некогда церковь Божию гонящии цаpиe, силницы, мудрецы и мятежетворцы? Не расточишалися, и разрушишася и погибоша, и ни во что же быша, о нихже вопиет церковь Божия, яко обыдоша мя пси мнози? Не вси ли погибоша? Расточившебося ради хуления своего, и изгнани быша, яко волки, и исчезоша. Обретошабося подвижницы и доблественнии поборницы и воистинну пастырие, иже тогда предстоящии церквам Божиим, блаженнии онии и святии мужие. Но много разньствие тогдашних пастырей паче нынешних. Они бо беша воини непобедимии, поборницы о божественных и священных правилех и о овцах Христовых. Сии же чревоугодницы, бегуны и наемницы, паче же рещи и сквернители и ласкатели, от лица силных обинующеся, и неправде и лже послуси, о нихже сам Бог глаголет усты пророка Иеремия³⁶⁷: не послах пророки, а они течаху, не глаголах к ним, и тии пророчествоваху, рече Господь. И паки: слышах, иже рекоша пророцы пророчествующе во имя Мое лжу (что Павел) ко пшенице, и претил еси словеса Господа Бога живаго, Господа сил Бога нашего. Горе пастырем, иже расточают и растерзают стада паствы моея, рече Господь. Вы расточили есте стадо мое, и повергосте е. Се аз посещу на вас, лукавство мышлений ваших, того ради путь их будет яко ползок во тмах, поткнутбося и разрушатся в нем. Во пророцех Самаpии видех буйство, и во пророцех Иерусалима видех подобие блудящих и путь лжив. Доколе то есть в сердцы пророков, прорицающих лжу и пророчествующих лщением сердца своего? Сего ради се аз к пророкам, рече Господь, иже крадут словеса Моя един кождо от искренняго своего, иже просвещаша та и прелстиша люди моя во лжу свою.

Тии бо истиннии пастырие душа своя положиша за овцы, подражающе пастырю доброму Господу нашему Иcycy Христу. О божественных онех и святых мужей, ихже имена в книзе животней, от нихже ужасошася бесовы и вострепеташа преступницы, реку же убо аз подобная Давыду, иже рыдая глаголаше: где суть милости твоя древняя, Господи! Реку же и аз со слезами: где есть блаженный он лик святых епископ и учитель, иже за божественная и священная правила святых Апостол себе тмочисленне на смерть предаша? Чтоже возбраняет, аще в среду сих приведу от многих малыя, убо еже и помянути их освящение есть души. Где Висилий Великий и вмале Апостолом равностоятель? Где Aфoнасие, святое Божие жилище, и лихоимец добродетелем? Где Григорие, вторый богослов, сладчейший и благоразумнейший, непобедимый Христов воин на нечестивыя, и сему съединоименитый? Где Иоанн, иже языком злат сый, наказоведец унывающим, утешение скорбящим, руководец кающимся, иже на хулники орудие сый обоюдуострое, приятелище добродетелем, Святаго Духа обитель? Видите ли, чада моя, колика разность блаженных и святых мужь, и онех паче окаянных, иже ныне сущих? Вем и иных богоносных учитель, но и довлеет к нынешнему. Обаче они душу о овцах, якоже предречеся, положиша; сии же, оставльше свое спасение, паству Христову предаша волком, не ведуще, яко аще овца едина погибнет, бывши зверохищна от нашего небрежения, кровь ее от рук наших взыщет судия. Сии же, оставльше животная словеса, и закон изменяют, и проклятым своим сложением люди благословляют, о нихже пророком Малахием глаголет Господь Вседержитель: и прокляну благословение ваше и оклену е, и разорю благословение ваше и не будет в вас; и паки: Аз Господь послах к вам заповедь сию, быти завету к Левитом, глаголет Господь Вседержитель: завет мой бе с ним жизни и миру, и дах ему боязнию боятися Мене и от лица имени моего сумнетися ему; закон истины во устех его, и неправда не обретеся во устнах его; в мир исправляя идет со мною и многи отвратит от неправды, яко устне иереове сохраняет разум, и закона взыщут от уст его, яко аггел Господа Вседержителя есть. Вы же уклонистеся от пути и изнеможствисте мнози от закона, истаисте завет левиин, глаголет Господь Вседержитель. И Аз дах вы во уничижение во вся языки, зане вы не сохраняете путий моих, но от лица обинуетеся в законе. И Апостолу глаголющу: яко в последняя времена от веры отступят нецыи, внимающе духовом прелести, и учением бесовским человеком; и паки глаголет: будет время, егда здравствующего учения не приимут, но по своему желанию сами себе изберут учители, иже лукавыми духми поставляемии и от них содеваемии, предтечи антихристу будут, супротивному ученицы, и своими нечестивыми веленми и прелстят и погубят, и безчествуют людство богатое благости ко угождению сына погибели. Сего ради множицею воспомянувшу ми вам о безбожных и несвященных, ныне молю вашу любовь, еже не сходитися вам с ними ни в котором действе, ниже в пищи, ниже в питии, или в дружбе, или во обеты, или в мире, или в любви. Понеже который сходяйся с ними чужда себе творит церкви Божия. Истинный же ученик Божий со дерзновением зовет: аще кто вам благовестит паче, еже есте прияли, проклят да будет. И Давыдская пети, глаголя: Господи, ненавидящая тя возненавидех и о вразех твоих истаях, совершенною ненавистию возненавидех. Ужаснитеся и вострепещите, которые с несвященными деете, любви творящеи с ними, и исправите себе, яко да не погибнете беззаконием их. Услышите сия вси язы́цы, внушите вси живущии по вселенней; услышите священницы Господни, услышите благочестивии князи, и вси людие, и боляре, и вси судии земстии, иноцы и инокини, юноши и девы, и старцы с юнотами, малии и велицыи, или мужеский пол и женск, вкупе богатии и убозии, вси внимайте глаголемыя, молю вас. Мне же убо собравшу от божественнаго писания Ветхаго и Новаго Завета, и явленно вашей любви сотворих. Но и еще слышите, что глаголет правило, еже завещаша святии Апостоли и святии отцы на соборех, имуще сице:

Правило святых Апостол, глава 10. Аще кто с неприобщающимися или в дому молитися, рекше со отлученными от церкви, и той отлучится. Правило 11: Иже со извержеными причетник сый, яко с причетником помолится, да и сам извержен будет. Тол. Аще кто помолится, рекше пресвитер служить в церкви с пресвитером, егоже епископ изверже из сана, да извержен и сам будет. Колми от всех седми вселенских и девяти поместных соборов святых отец извержению и проклятию подлежат раздиратели и мятежницы церковнии. Томужь подобно и 13 правило: Аще отлученный служит, да продолжится ему отлучения, и болшее да будет ему отлучение, яко солга, и соблазни, и прелсти церковь Божию. Того же 28 правило: Иже епископ, или поп, или диякон извержен праведне о согрешении явленне, и дерзнет прикоснутися древле обрученныя ему службы, сий отнюдь отсечен будет от церкви, яко гнил уд. О, вы есте прелшеннии не apxиepee, и не священницы, отлученнии и окаяннии, изыдите вон из святилища Божия! Доколе буйствуете и неправду мудрствуете, доколе прелщаете народы и снедаете? Влепоту нарещи вы волки, а не волове: истиннии бо пастырие епископи кротцы и попове волове нарицаются, якоже пишется: дебрь ахарская в покой волом. Тол. Дебрь есть вышняго Иерусалима пажити, а волове есть кротцы епископи и попове, иже ходят по церковному учению и иных учат тако творити. А еже оскудеют овцы от пищи и не будет волов при яслех, о вас пророку Давыду вопиющу напоследок хотящая быти, якоже и сбысться днесь воочию нашею: несть бо волов при яслех, сиречь истинных иереов при церквах Божиих, и оскудеша овцы от пищи, от истиннаго причастия святых Таин.

Мне же не волею написавшу сия вся, но ради разньствия сего и мятежа, бывшего от несмысленных онех мужей, а еже писах, не от себе, но от божественных правил нудим есмь, ово убо на утвержение христоименитым господним людем, овоже на соединение Божия церкви и на обращение заблуждших. Конец Фотиеву. А яко к церквам Божиим собиратися невозможно благочестивым с нечестивыми, и ниже молитися с ними вкупе, ниже пения их развращеннаго или учения слушати, о сем многая божественная свидетелства в святых божественных правилех, и явлена суть на многих местех. Хотящим же избыти от прелести правоверным христианом правила повелевают в домех молитися, иже от многих малая и на среду принесем на ином месте.

Равноапостольному царю госуцарю и великому князю, Алексею Михаиловичу, всеа Великия и Малыя и Белыя Росии самодержцу, бьют челом святыя соборныя апостольския восточныя церкви Христовы распужение(ное) малое стадо от волков. Молим тя, самодержавне, приклони милостивно ухо твое ко изгнанным правды ради и неимущим уже где главы подклонити: время ти есть воспрянути от помраченныя прелести зловерных. Кто возвони во уши твои и яко крив лук разврати сердце твое? Вемы, яко Никон, враг креста Христова, разверзый хулная своя уста на церковь Христову и истребивый из нее православныя догматы, преж знамение християнское лестне охуливый, потом и символ православныя веры раздравый, трисвятую аллилуию изгнавый, еже есть сице: аллилуия, аллилуия, докса си Феос, – сия есть трисвятая песнь, аллилуия, – и святыя старые Служебники и прочия книги церковныя охуливый, и вместо тех всех свое развращенныя внес, и тем всех своим злоковарным советом церковь Христову раздра, и доднесь непрестанно волнуема есть от многих противных ветров и биема. Той враг, новый отступник, начало положил раззоряти церковь и озлобляти; а нынешнии буии пастырие и слепии вожи и докончаша. Той волк мясо поел и кожи одирал Христовых овец; а нынешнии единомудрствующии с ним и кости оглодаша, сиречь православных догмат держащихся еже прокляша, и по различным местом заточиша, ихже кривосудию и греху и ты, государь, повинен не не будеши, понеже не восхотел ты сам праведне разсудити всех обще, но лестным словам слепых пастырей поняв веры, и не покоршихся окаянной прелести осудити праведных потакнул еси. И сего ради и ты слово воздаси о сем на страшном суде Христове, понеже праведный суд уклонил еси, забыв писание: честь царева суд любит. А нынешнии пастыри лстят тебе, государю, и блажат тя, грех ти содевают в ползы место. Воспряни, Господа ради, царь государь! Настави паки стопы своя на отеческое первое и правое благочестие, и с того да не уклонишися ни на десно ни на шуее, и чад своих благородных в том да научиши. Не погуби души своея во веки пречистыя ради Троицы. Видим бо тя зело прелшена от враг, яко и печать антихристову приемша, сиречь запрение (?) Христа в сложении персти по нынешнему проклятому мудрованию. Воистинну засвидетельствуем тебе, государю, вси Христови раби небом и землею и всею тварию Божиею, яко несть нынешних книг разум исправления, но от веры отступление, по числу зверя 666. Собери, Господа ради, от темниц Христовых раб и свободи, и распуженных всех соедини, и дай праведный суд обще всем с еретиком Никоном и оболгателем святых; вонми, государь, безумию нынешних пастырей и загради их клятвенная уста, что проклинают без ума православных христиан (сами прокляти суще) за старой символ, и за истинное сложение перст, и за аллилyию, и за непорочныя Служебники и за прочие вси церковныя догматы святых отец. Аще тех прокляша, истинне исповедников, то и святых прокляша ж уже, которые те святыя догматы и книги церкви предаша и сами о том души своя полагаша, яко: за Духа Святаго Господа истиннаго еретика Македония прокляша, и на отметающих вочеловечение Сына Божия Господа нашего Иcyca Христа четвертый собор собраша и таковых еретиков такоже вечней клятве предаша. И зде в Руси святии отцы, при прадеде твоем, государеве, на соборе Иова окаяннаго философа роспопу о аллилуии четвероличной, мудровании римскаго костела, неправедно быти тому судиша, такоже и о крестном едином знамении подтвердиша. И вси купно святии отцы, во вселенских соборах бывшии и поместных, смеющих нечто церковное преложити инако, или отъяти и мало что, или приложити, таковых всех при себе врагов и быти хотящих, и церковь Христову поколебати начинающих, аще царей, аще святителей, аще простых, всех таковых еретиков вечному проклятию предаша от рода в род, и антихристовой части приложиша. Ты же, о царю самодержавне, вонми о всех бывших и ныне настоящих, и внимай, государь, себе, да спасешися и прочих спасеши: аще восхощеши, и мощно ти есть. Многажды били челом тебе, великому государю, во многа времена мнози отцы и братия наша, чада церковная, имущии велику ревность по благочестии, и челобитныя тебе, государю, подавали, и в них засвидетелствовали от божественных писаний, что раскола ради церковнаго велик гнев Божий бывает, и всем христианом православным душевная пагуба от настоящаго ныне злочестия и от насилия отступническаго. И того ради молиша тя столпи православия, дабы ты умирил матерь нашу миром Христовым святую церковь, а не мечем, ни узами, ни темницами, ни гладом, ни жаждею, ни изгнанием, ни разлучением друг от друга, жен от мужей, а мужей от жен своих. И ты, царю, о всех вышереченных неумолим пребыл еси и до днесь пребываеши, и упрямства ради своего и непослушания огнь вечный на главу свою собираеши, а прелести в себе не ощущаешь. Како тя прелстил лукавый враг и лстец Никон, мучитель, а не учитель твой? Яко змия Евву прелсти лукавством своим и из рая изгна, тако и он тя прелсти и от лика благочестивых царей отлучи, и яко хобот сатанин отторже тя, пресветлую звезду, от тверди церковныя и поверже тя на земное мудрование. О, горе и увы, увы! Утреную звезду тма покры! О, царю, како тя не прелстил змий плотный Никон? Воистинну прелстил тя, и всем благочестивым царем, родителем твоим, и великим князем, прародителем твоим, насмеялся, будто они, православнии цари и князи прежде бывшии, правыя веры не знали, и в церковных догматех истины не разумели, и в том неправоверии и померли. И како, царю благочестивый, они в церкви доднесь поминашася и поминаются? Воистинну и достойни поминатися отныне и до века! А аще ты ныне, царю, мнишися правую веру обрести паче отец своих: то уже отцы твои, благовернии цари и князи, злочестиви быша и православныя веры отступиша; аще ли они, государи наши, православнии быша и правую веру держаша, и в том благочестии и души своя в руце Христу Богу предаша: то ты ныне, царю, нечестивый еретик и новый отступник православныя веры и восточныя соборныя церкви, и новый же в Руси царь, мучитель и гонитель святых прозовешися. И воистинну есть и будет так: понеже лести веру ят паче истинны Христовы и лже с правдою не восхотел еси разсудити праведне, но насилием своим и властию вся твориши мучителски, и помогаеши отступником, а не православным, иже, возбесившеся, яко пси лают на церковь Христову и отец святых облыгают, якобы они в вере поблудиша, и свои ныне уста клятвы исполняют, и горести и лсти по пророку, и твою царскую душу возмущают напрасно и во тму ведут слепии вожди. Вонми, Господа ради, царь государь, о нынешних законопреступных клятве и мучении. Аще прокляша священнова страдалца, и от Богa помазаннаго и многия лета за церковь Христову страждущаго, протопопа Аввакума, и Лазаря священника, обличителя Никона еретика, емуже и язык до вилок отрезали, Христовою же благодатию паки ясно говорит и еретиков обличает, також и Епифанию иноку страдалцу язык отрезаша же, но пресвятая Богородица дарствовала своему рабу язык доброглаголив, якоже и Лазарю, явлением божественнаго пророка Илии; Стефан же некто, по прозвищу черной, бывый дияком в Нижнем Нове-граде, емуже два краты язык урезан за церковь Христову, церковь же его исцелила и светлоглаголива устроила; и священнаго диякона Феодора, велику ревность по благочестии имущаго, и тебе, государю, зело добра хотящаго, и паче иных во божественном писания потрудившася, и много полезнаго церкви ведуща. И аще тех извергоша и прокляша православнаго ради исповедания веры, и за присвятую аллилуию церковную, и за истинное знамение в сложении перстов, и за иные вся уставы и предания церковная, что до развращенных новых книг никонианских: то и святаго Мелетея, патриарха Антиахийского, прокляша с ними и извергоша, той бо святый, ей-ей, царю, тако мудрствовал, как в наших старых книгах написано, егоже Никон враг оболгал. Такоже и святаго Феодорита оболгаше(а) лестне и прокляша же; и святаго Петра Дамаскина, и премудраго Максима Грека с ними прокляша же, тако веровавших и писавших о том; и святаго Петра митрополита чудотворца прокляша же и извергоша: того руки письмо есть сложение перст на святей иконе; и святаго Ефросина прокляша же; и православных архиерей, собиравшихся при прадеде твоем о подтвержении церковнем догмат, и тех с ними прокляша же; и деда твоего и отца, благочестивых царей, тако веровавших и крестящихся, прокляша же, потому и при них бывших пастырей, святейших пяти патриарх и прочих епископов, прокляша же. И что прочее речем ти, о царю прелшенный? И самого Творца нашего и Господа Иcyca Христа прокляша, иже, рече, не знаменается кто двема персты, якоже, рече, и Христос, да будет проклят, якоже святии отцы рекоша. А символ со истинным святый Фотий патриарх, и Иоан Дамаскин и самого втораго собора святии отцы тако предаша, и в сербских и острожских такоже; еще обретаются и во иных многих святых книгах, ихже краткости ради зде оставляем: прочти, царю государь, сам тот свиток, кой написавши подал нынешним apxиepeoм диякон Феодор, колики тмы свидетельства приведе о истинном святом Дусе. Да и те речи неизменны еще во всех книгах, что есть на свету, еже есть: рождена, а несотворена, и: во единаго Господа Иcyca Христа, а не Иисуса, и: егоже царствию несть конца; а не будет, сего отнюдь ни в коих земель книгах. А несть конца, и не будет конца, ей, царю, не един в том разум, но велие разсечение: не будет глаголющии конца велик приступ жидом, ждущим антихриста, дают. И вышереченных, царю, святых святителей и преподобных отец прокляша же и низвергоша по успении их за непременный символ. И о всех сих, царю государь, вонми себе, и от глубокого сна прелести востани, и за единой аз, что ныне истребили из символа, быти всем вам во аде со Арием еретиком: на того бо той положен, яко меч остр, и та едина литера страшная хулнику Сына Божия чрево разтерза, и проседеся на землю. А и нынешним толстобрюхом не пройдет даром. Не дверию оне вошли во Христово стадо, но дирою влезли чрез ограду святых правил. В мире бывшу священником и постригшуся отнюд не повелеша святии отцы и священствовати, нетокмо архиереом быти. И вся та ныне презрена суть. Бог им воздаст по делом их! Мудри мнящеся быти, воистинну обюродеша. Несть ныне время переправливати веру; но время то есть, еже ждати Сына Божия с небес скоро, хотящаго судити вселенней в правду; не коснит бо Христос, якоже нынешнии мудрецы коснение мнят, но грядет скоро, по Апостолу. А сам сладкий нам свет Исус глаголет: егда снидет судити, не обрящет веры своея на земли. Вонми себе, Бога ради, о сем, дай праведный суд зде нам со отступники, от Никона мудрость приемшими, да будущаго суда тамо убежиши. Вся тягота церковная ныне на твоей выи висит; а на властей ни на которых ныне нечево смотрить, – времяни служат, а напред не озираются беднии пастуси. А ты, государь, аще на суде Христове хощеши стати прав, дай нам зде суд прям; а то не христианское дело, что мучити и озлобляти: гонимый христианин Христа в себе носит, а гонящии сатане работают. Воспомяни, государь, последняя дни, и вонми Христовым словесем, како кончатися век сей будет, каковы прелести антихристовы настанут. Ей, государь, малии, малии познают; а живущии на земли все тому поклонятся. И ты, государь, благоразсуди себе о всем, всех собрав вкупе, а не за очно суди, и всякаго слова сам услыши, да и сам от Христа услышан будеши и царствие его наследиши во веки века, аминь.

(Напечатано отсюда в 1 т. Мат. для ист. раск. № L, стр. 420–426).

(Это есть сочинение Аввакума, напечатаное отсюда именно, в ряду прочих его сочинений, в V т. Мат. для ист. раскола, стр. 114–118. Составитель сборника только вставил в средину аввакумова сочинения следующее свое Пристижение (см. т. V, стр. XXIV–XXV.):

Дозде Аввакум. Пристижение. Вы же, христолюбцы, судите: пропали сии страдалцы суда праведнаго о церковных догматех, чтоб всем собрано(ы)м быти расточенным, со всех стран, и судитися с еретиком Никоном, или свитки написав, или книгу старую и новую положив к которому чудотворцу в раку, пост людем заповедав, молити Бога, да явит знамение и помилует люди и раздор утолит. Но любители новых сего не восхотеша сотворити: ослепи бо их злоба их. Или огнем искусити писание коихждо. Но ни сего помыслиша отнюдь суединомудрении (суемудреннии?) apxиepee, боящеся своей их плотской мудрости нетвердой, пачеж рещи бесовской: но ругахуся окаяннии, глаголюще: что род сей знамения просит? аще дастся ему знамение в последних летех сих? Се Христос дал есть знамение рабы своими, верным на подвержение, неверным же вам на обличение: не мало знамение до плоти языком вырезано(ы)м светло глаголати! Но еще и чудне творит Бог знамения, обличая вашу злобу и жестосердие: человеку бо некоему, от Никоновой ереси заченшейся, дважды отрезан язык за церковь Христову, и доднесь светло глаголет, обличая вы, яко предтеча Иоан Ирода, Имя же человеку тому Иван, по прозвищу Черной: а седел дьяком в Нижнем. Жене же некоторой, Иустине именем, чудотворец Игнатий Вологоцкой разслабленной и слепой исцеление тела и свет очию даровал, и заповедал вам лукавое свое начинание еретическое оставити, яко непотребно и недостойно, – повеле новой да старой Служебники положить в раку Алексею митрополиту: уж-де люд без причастия, как есть скот, гинет. Се же являючися ей засвидетелствоваше³⁶⁸. И государь благочестивой уж тому другое лето как вам отдал на собор ее челобитную; и до сего времени ни отказу, ни приказу. Христову же рабу, саму третью, за приставом морите голодною смертию и мразом. О, лицемерства вашего! Ох, увы, мучителству вашему! Который град или страну не зацеписте, или которую пустыню не исполнисте крови, или село, или погост? Горы бо и дубравы, дебри и холми плача исполняете, убивающе чада светообразная церковная. Благовременно убо псаломски рещи воистинну о сицевых: положиша трупия раб твоих брашно птицам небесным, плоти преподобных твоих зверем земным, и пролияша кровь их, яко воду, окрест вселенныя, и не бе погребаяй; и быхом поношение соседом нашим зело и страх знаемым. И яко по двух и третий уже Рим падает началными: ополчиша бо ся на истинну, уготоваша стрелы в туле³⁶⁹, состреляти убога и нища, заклати правыя сердцем. Сынове Ефремли наляцающе и спеюще луки, не сохраниша завета Божия, и в законе его не изволиша ходити, и забыша благодеянии его и чудес его, ихже яви им пред отцы их³⁷⁰, яже сотвори чудеса в земли гречестей же и русьстей, неисповедима же и неизследована, и напита их от тука пшенична, и вина и елея: и яде, и уты, утолсте и разшире, и остави Бога отец своих, и не верова и не упова на спасение его, и не вероваша чудесем его, и изчезоша в суете дние их, и лета их со тшанием, в пиянстве и в козногласии неподобном и непреподобном, мусикийском и арганском согласии, от Бога удаленном и от святых возненавиденном. Возлюбиша бо Бога усты своими и языком своим солгаша ему, сердце их не бе право с ним, ни уверишася в завете его, и отвратишася и отвергошася, превратишася в лук развращен. Сего ради удержа их гордыни до конца; одеяшася неправдою и нечестием своим; изыдет яко из тука неправда их; преидоша в любовь сердца, помыслиша и глаголаша в лукавстве неправду; в высоту глаголаша, положиша на небеси уста своя и язык их прейде по земли. Вскую шаташася язы́цы и людиe поучишася тщетным, предсташа царие земстии и князи собрашася вкупе. О приезде страдалцов паки к Москве. И июля в 5 день...³⁷¹

Православным и смиренномудрым, вам же о Христе избранным прежде век по предуведению вечнаго Бога, сыном церкве восточныя и всем согласующимся языку словенскому и соединяющимся тояжде церкве православию, всяческаго чина христоименитым людем, братии возлюбленной, не точию еже по плоти, но и по духу святыни, – всем повсюду мира, здравия и спасения, иже вашея ради любве не хощу, да не разумеете. Помянух бо глаголы Господа Бога и Спаса нашего Исуса Христа, яже рече: ищите прежде царства Божия и правды его, и сия вся приложатся вам³⁷². О, отбегайте от лица севера, глаголет Господь; зане от четырех ветр небесных соберу вы в Cион; возвращайтеся живущии во дщери вавилонстей. Аще бы стали во свете моем и возвестили словеса моя людем моим, и отвратил бых убо я от пути их злаго и от помышлений их строптивых³⁷³, Темже о сем всегда Бога благодаряще памя(ть) творите. Искони бе Дух Божий ношашеся верху воды³⁷⁴. Посем на Синаи горе на скрыжалех от твердаго камени перст Божий, иже есть Дух Святый, закон изобрази. Таже во пророцех глаголаше и действоваше. Последи же на Сион, яже во Иерусалиме граде, той же Дух Святый сниде, яко дыханию бурну носиму, и не на водах, якоже прежде, ношашеся, но на версех, сиречь на главах всех Апостол седе, и не на камени, якоже иногда, но в сердцах плотяных написуя и в мыслех дая законы. Исперва убо Бог Отец познавашеся и славяшеся. Посем Бог Слово, Исус Христос, Сын Божий, единосущный Отцу, явися плотно на земли, и уверися в мире, и смотрения тайну совершив, и спасение роду человеческому соделав, вознесеся на небеса и седе одесную Бога Отца. Последи же третее лице в Божестве, Дух пресвятый, во Иерусалиме на Апостолы сниде, иже от единаго Отца исходит, со Отцем же и Сыном споклоняем есть и славим. Сей Дух Святый Господь и Бог есть, и учитель бе Апостолом, и ныне есть в церкви Христовой. Сей из Ерусалима на всю вселенную испусти учение истины, еже от князя пророков Иcaием проречеся, глаголющим сице: от Сиона изыде закон, и слово Господне из Ерусалима, яве от небесного Cиoнa, пачеже и земнаго, изыде, в немже по нас Спас страдати, умрети и воскреснути изволи. Сего ради и сам Спас рече: и проповедатися во имя его покаянию и отпущению грехов во всех языцех, наченше от Иерусалима³⁷⁵. И понеже закон благодати и слово Евангелия Исус Христова на всей вселенней проповедася Апостолми, по исповедании символу соборнаго, на всяк день церковию вещаемаго, яве, яко во Иерусалиме, а не инде церковь Господа и Спаса нашего Иcyca Христа. Церковь, глаголю, едина святая, кафолическая и апостолская Духом Святым начата и Апостолы основана бысть, церковь Христова, сиречь людие правоверныи и православныи. Да не лает от угла неистовство еретическое: по всей бо вселенней церковь излияся, все народи имут церковь. Никтоже нас да прелщает: сия есть истинная, сия есть кафолическая, яже начатся от Иерусалима, доиде до нас; и тамо есть и зде; возрасте, не прейде. Оное же не свидетельствует-ли о семь, яко во Иерусалим от востока, полудня и от запада обращахуся Апостолы и тамо прибежище имяху. Сеже книги Деяний апостолских изъявляют, в главах 15, 18, 21, и послания: Римлянам 15; 1Кор.16; 2Кор.10, гл. 1. Во град крепок невозможно внити, разве враты, и во двор овчий недостоит входити, токмо дверми. Тако и всяк хотяй внити во град Царя великаго и во двор овец Пастыря небеснаго, божественнаго писания, подобает входити искусно, со тщанием, вземше ключ совести с верою, да явится гражданин небесный и овца, знающа глас пастыря своего. Инакож входящих, веждь, како именует писание. Видех бо церковь Христову, честною Его кровию искупленную от клятвы законныя, отвсюду враги противящимися попираему: темже поминах словеса пророческая, яже некогда и Господь наш Исус Христос рече: жалость дому твоего снесть мя³⁷⁶. Кто бо есть от благоверных и благоразумных, егоже не подвиже жалость, зряще ветхость церкве Христовы, на падение клонящуся? Или кто не смирится и не смутится, видя виноград, Богом васажденный, егоже объимают мимоходящии путем разорения ради оплотов его, и поядает и инок дивий, и вепрь от луга озоба его, и никтоже может стати противу ярости его, скудости ради духовныя броня, еже есть слово Божие? Или кто не умилит сердца своего и не плачется, зряще разорение церкве Христовы и испровержену хвалу его, и яко волцы тяжцы нещадно расхищают и распужают овчее стадо Христово? Различныя бо супостаты и многообразныя лукавства обстоят ны. Содетель закону и всяческих Творец Христос, едино сый со Отцем и Святым Духом, седяй одесную престола величествия на высоких, иже есть образ Бога невидимаго, перворожден всея твари, яко о нем создана быша всяческая, яже на небеси и яже на земли, видимая и невидимая, аще престоли, аще господствия, аще начала, аще власти, всяческая тем и о нем создашася³⁷⁷. Иже греха не сотвори, ни обретеся лесть во устех Его³⁷⁸; о немже имамы избавление кровию Его и оставление грехом³⁷⁹. Сего честная и пречестная уста рекоша: испытайте писания, яко вы мните в них имети живот вечный, и та суть свидетельствующа о мне. И паки: могий вместити да вместит. И еще: не всяк глаголяй ми: Господи, Господи, внидет в царство небесное, но творяй волю Отца моего, иже есть на небесех. Сии три кормилца корабля Христова, о, благочестивии! потреба в мысленных руках опасно и крепко содержати и невещественными зеницами не помизая назирати, аще хощем избавитися треволнения противных ветров еретическаго ухищрения, самомнителныя прелести антихристова действа, нерадения же и небрежения со унынием, свободитися самоволнаго недуга и достигнути в пристанище горняго Иерусалима, молящеся прилежно морем и ветры обладающему. Аминь.

Апостол верховный, воспоминая веру и спасение, рече: о сем скипетродержавный пророк, Духа Святаго исполни, глагола: вразуми мя и испытаю закон твой и сохраню и всем сердцем моим³⁸⁰. Знаменай сия словеса со вниманием и искусно разумей, и отверзи умныя зеницы сердца твоего и остави тщеславие и самомнителное мудрование, земно, душевно и бесовско, не свыше сходящее³⁸¹, но горняя мудрствующее разумей словесем Господним, яко не просто читати повелевает, но испытати и сохраняти, могущая вместити вмещати, невместимая же церкви с верою предлагати. Она же не обыче заблуждати. Читание писменное умерщвляет, испытание же духовное оживляет³⁸². Инако же мудрствующе, прелстишася мнози и на пути погибели сташа. Молю, да никтоже от чтущих и слышащих ожестит. Не ко всем бо речеся, но токмо к ненаказанным и неутверженным, приникшим закону Господню утро, в вечер же учителми зватися изволяющим. Искусных же и богоразумных (в) писаниях и в добродетелех прилежно молю, да и аз недостойный наказан от них и исправлен буду: якоже бо здравии не требуют врача, тако и искуснии сицеваго возвещения. Но понеже не вси искусни, ниже вси читают со испытанием и ввиманием, от нихже и заблудиша мнози. Аще убо неверующим повелел Христос испытати, обличая их безумие и слепоту, яко без разсуждения духовнаго читают, телесне мнят в писаниях живот вечный имети, неразумием же писаний живота отметаются. Глаголет бо: и та суть свидетельствующая о мне³⁸³, сиречь о животе вечнем. И инде рече: Аз есмь путь, и истинна, и живот³⁸⁴; и: веруяй в мя имать живот вечный. Аще же они в ветсем, сеннем писании, неразумием помрачени суще, мнящеся живот имети, не ведят живота вечнаго, облечаеми и укоряеми от живота являются: кому уподобятся сии, иже в новей, паче солнца сияющей, благодати тщеславием и самомнением, ослепше, Христа, единосущна и сопрестолна Отцу же и Святому Духу, прежде всех век сущаго, прелщенных ухищрением под леты токмо и тварию злохулно со Арием исповедати дерзают на соблазн неутверженных, на свою же погибель. О немже убо угль горящь во уста приемый пророк³⁸⁵, духом провидев, ясно предвозвести, глаголя: яко отроча родися нам, Сын, и дастся нам, емуже власть бысть на раме его, и миру его несть предела, и нарицается имя его велика совета Аггел, Чуден, Советник, Бог крепок, Владыко, Князь смирения, Отец будущаго века. Емуже с верою царие дары принесоша, яко страшному и отемлющему духи князем и страшному паче царей земных³⁸⁶. О немже и восхищенный пречудно до третияго небесе³⁸⁷, достоверен свидетель и божественных таин сказатель великий, сей, уверяя и утвержая церковь Господню, к Тимофею пишет: воистинну, велия есть блaгoчecтия тайна: Бог явися во плоти, оправдася в Дусе, показася аггелом, проповедан бысть во языцех, веровася в мире, вознесеся во славе³⁸⁸. Един же от обою надесяте, глаголемый Близнец, по смотрению Божию, не обретеся со ученики, егда видеша Господа. По осмих же днех паки явися Исус Христос, хотя и его уверити, паче же нас, и рече: мир вам. Потом глагола Фоме: принеси перст твой семо и виждь руце мои, и принеси руку твою и вложи в ребра моя, и не буди неверен, но верен. Он же, осязав, и рече: Господь мой и Бог мой³⁸⁹. Господь мой – человеческое естество показует, а еже Бог мой – божественное существо являет. Единаго же того Господа и Бога исповедует Фома: Господа бо видением, Бога же смышлением и осязанием с верою, псаломски глаголя: Бога взысках рукама моима и не прелщен бых³⁹⁰. По что не отвеща ему Христос, по суединомудренных злоумию: что мя глаголеши Бога? Никто же Бог, токмо един, иже на небесех. Но и се от него прием, яко единосущен Отцу. И рече: яко видев мя, верова: блаженни не видевшии, и веровавше³⁹¹. Якоже ты верова и исповеда, о православный, не свыше прицепленная отрасль, не испытуй писания, но яко удицу прелести восхитив, предлагает ти слово Христово, иже вопросившу юноши отвеща: что Мя глаголеши блага? никто же благ, токмо един Бог³⁹². И сим словесем и инеми сему подобными повреждает умы неутвержденных, хотя уловити во свою козноплетеную пленицу. О, безумия! о, помрачения! о, пиянства неистрезвленнаго! Не токмо не разсуждая словес Господних, но и несогласно сего творят. Тамо Бога себе исповедующа Христос приемлет, здеже отрицает благость: инако бо Христос отвещеваше верующим – по вере, инакоже неверующим – по неведению. Сей убо, яко человека проста мня, глаголет: учитель благий; Христос же, ведый, сердце его, яко создавши е, неведением и сребролюбием помраченно, обличая, глаголет: никто же благ, токмо един Бог. Фому же, яко Апостола благоразумна, Бога исповедующа, приемлет, ведый, яко от всея души и помышления, с верою несуменною се творит. Сего не хотяще разумети, о самомнивии и превозносящеися на разум Божий, яко земных ум небесныя тайны не свесть, ни тварь творча разумети: преходит бо ума человеча от Девы раждаяся Господь, якоже сам рече: никтоже весть, кто есть Сын, токмо Отец и емуже аще хощет Сын открыти. Сего ради, православнии, яко в настоящее се время последнее, по грехом нерадения и ненаказания нашего, разгореся велик пламень злохитрых и многоглавных ересей, по мале по временех наступающих злохулно на предания церковная, от единоя на едину, даже и до самыя главы церкве приидоша, вся древняя обновляющей началных своих ересей. Таже и во единстве светозарно по вселенней славимаго тресоставнаго Божества коснутися дерзнуша. Но яко сено огню постоит и яко нога камень преткновения вредит, тако и тии сего гонзнути могут: исчезнут бо и погибнут по образцу началник своих. Обаче прежде нам подобает явитися искусными в вере и добродетелех по преданию церковному. На нас бо сбысться, ныне в нерадении сущих, апостольское слово, иже глагола: подобает и ересом в вас быти, да искусни явятся. Понеже врачем достоит с прилежанием прилагати пластырь тамо, идеже телесная язва; воином же воздвизати орудие и ополчатися крепко тамо, идеже есть сопостатная брань; строителем же корабленым искусство хитрости своея показовати во время зимы и бурнаго противления: тако и нам достоит, вся чувствия наша очистивше и оболкшеся во вся оружия Божия, зрети, и обращати тамо, откуду диявол рыкая, яко лев, приходит, иский церковь Божию растерзати; нужно, сиречь потребно, ополчатися и бранити мужественно, повинующеся под крепкую руку Божию, и ничтоже нас вредити может. Многи бо суть бесовскии козни и прелестнича соблазны, умягчают бо словеса своя паче елея, и та суть стрелы³⁹³. Поминай слово Христово: могий вместити, да вместит. Не едино бо дарование Духа Святаго всем дается, но по мере. Елма зане от Духа Божия начахом, о том же Дусе Святом кончаем слово, яко никтоже может рещи Господа Исyca, точию Духом Святым. Темже яже от Духа Святаго да глаголем, тем и живем и да ходим. Яко же бо телу нашему душа, сице и души нашей душа Дух Святый: тем бо питаема, не яже плоти, но яже духа мудрствовати должна есть. Аминь, аминь.

(Приводится вполне известное, приписываемое Максиму Греку, слово о крестном знамении).

(Приводится вполне известное под этим самым заглавием сочинение Максима: по Казанскому изд. т. 2, № XV, стр. 241–245. К нему, после слов: Дозде Максим святый, прибавлено следующее пристижение

Речетжеся и к нынешним суесловцем и неполезнаго труда изобретником сицевая же, котоpии страшнии догматы церковныя превращают в честь приснопеваемыя Богоматере, еже есть: и славнейшую воистину серафим, и госпожею нарицати не хотяще, и хулами злочестивно, яко пси, лающе на иже высшую суть Херувим и всея твари честнейшую. Но лица их в срам да обратятся.

Василий Великий глаголет: креститися подобает яко же прияхом, а веровати, яко крестихомся. Но сия украде в церкви сатана помраченною прелестию, истребляя из символа истиннаго, да не крестятся люди во истиннаго. Крещеный бо в безистиннаго не может веровати во истиннаго, по сей богословии святаго Великаго Василия, яко рече: креститися подобает, яко прияхом, а веровати, яко крестихомся.

Гонимый християнин Христа в себе носит, а гонящий сатане работает. Гонение бо знамение христианства есть. А отрада раждает отступление. Елика пакость телу сотворяет, толику благодать душе устрояет.

Безчестие люби, аки чашу пелыню приими. Аще и скорбно ти есть, но на прогнание грховнаго вреда. Грех бо сладостно входит, горестно же исходит. Но горе нам, яко в последняя времена оскудеют овцы от пищи и не будет волов при яслех. Будет бо что поп, то винопийца, что чернец, то вор, а трезвение и целомудрие далече отгнано будет. И тогда рекут нечестивии подвижником: покайтеся и приобщитеся с нами; аще ли же не восхощете, то прогоним вас далече с Вавилона, а потом и огнем испытани будете, аще не повинитеся, или инако убиют вас за ваше упрямство. И того ради оскудеют причастницы от святаго причастия, яко не будет волов при яслех, сиречь попов непорочных при церквах. А потом антихрист, по действу сатанину, во всех рукотворенных храмех, яко обладати ему ими, яко Богу, и обрет книги развращенный и рече: аз есмь Христос. А потом гонящии благочестивых любители века сего рекут повсюду друг другу, глаголюще: приидите вси живущии на земли, поклонимся сему новому богу и владыце нашему, зане вся любит новая и действует вся новая, да и нас той обновит во свою славу, яко да вси живущии на земли согласно возопием, глаголя: ныне, нам бысть мир и утвержение по вселенной, а прекословцы вси прогнаны и разлучены суть, и не смеют возрети на нас; а нам день мой – век мой, да ямы, пием, утре бо умрем. О, люта кончина живущим на земли и небо враждующим! Есть же ходити по земли, а верою жити на небеси; а не ино, еже сердце к земным пригвождати: то безсловесных есть. Благодать истиннаго Бога со всеми любящими истинну. Аминь.

В соборной Успенской церкви, вшед западными дверми, на первом столпе полуденныя страны отисперва был поставлен пресвятый образ пречудный, древнее писмо: Верую во единаго Бога, написан в лицах, якоже Апокалипсис. И речи все сполна подписаны: и в Духа Святаго Господа истиннаго и животворящаго, и все до конца по древнему благочестию, тако же и руки благословящия двема персты, по Мелетиеву и Феодоритову писанию, и Максима Грека и прочих. И на ту древнюю икону указал диякон Феодор Благовещенской властем нечестивым: что-де нас мучите жестоко за веру, а у вас-де и в соборе стоит икона – древнее писмо, символ весь сполна по древнему благочестию: и в Духа Св. Господа истиннаго. И то слышав нечестивый Павел митрополит и Рязанской Иларион архиепископ, запершися и людей выслав вон, досматривали тое иконы. И во 175 году в июле месяце вынесли тое икону, сняв с того места, и в тое место поставили Успение Богородицы, новописанную, поля у ней серебряныя гладки. К томуж и всякие церковные старые догматы истребляют, и крест святый по своему злоумию на римской крыж пременяют, хотя утвердити свою прелесть, всякими образы утвержающе в проклятых книгах своих, в Жезле и Скрыжали, и в дьяконниках и в служебниках, и на просвирах утвержают той римской крыж, образ креста, а не самый честный и животворящий крест, и, яко жидове, сень гонят, а не истинну.

Правило 9. Аще несть мошно собиратися в церковь неверных ради еретик, в дому собиратися на пение. Да не внидет благочестивый в церковь нечестивых, не место бо освящает человека, а человек место.

Правило 10. Аще ли нечестивии содержат место, да бегаеши от него, понеже осквернена бысть от них. Якоже преподобнии святители освящают, тако нечестивии оскверняют.

Правило (11). Аще же ни в дому, купно ни в церкви собиратися мошно, кождо себе да поет и себе да почитает и да молится, или да купно два, или тpиe. Рече бо Господь: идеже два или трие собрани о имени моем, ту семь посреди их.

Повеждь ми, избранниче Божий, что Дух Святый глаголет во откровении Богословле, глава 20: прииде ангел с небесе, имеяй ключь бездны и ят змия, змию древнюю, иже есть сатана и диявол, и связа его на 1000 лет, и в бездну вверже, дóндеже скончается 1000 лет, и посем паки подобает ему развязану быти на мало время, да лстит народы на 4-х углех земли. Скажи мне, для чего связан был сатана на 1000 лет и что Христос в то время в церкви сотворил, покамест враг церкви лежал в бездне, и для чего развязан на мало время да лстит народы, и что виде Богослов змия отторгша хоботом своим третию часть звезд небесных и вергша на землю; извести ми писанейцем независтно, егоже ради на муки дерзнеши и его же получити желаеши, истиннаго Христа Бога Спасителя нашего. И паки там написано: имеяй ум да почтет зверя, число бо человеческое есть, число его 666. Что зверь и что число его?

О, честный отче, мужу желаний духовных! Толь еси великий словом и делом, малоумнаго мя человека и не мала грешника о таких тайнах сокровенных Святаго Духа вопрошаеши. Глубок, отче, вопрос твой; моего же разума противу того велика мелина. Вам дано есть разумети тайны царствия, нам же в притчах. И таковых ти достоит вопрошати о том, кавовому и открыти то, преже нападшему на перси своего Учителя Христа, и оттуду почерпшего неизреченныя тайны, заточену ему бывшу в Патме острове и уединену, и тамо Святым Духом озарену свыше. И како аз могу, отче, небесная тому откровения своим умом, по земли еще плежущем, разумети таковыя сокровенныя тайны, положенныя в церкви на прочитание верными, иже недреманно имут умное око, да сохранятся от всепагубнаго пришествия антихристова, и его пестрообразныя прелести. К тому же еще крепко утеснен аз, ни книг святых имам у себе в заключении, наг от всяческих благ. И хотел бы мало тебе отвещати, попросив благодати от истиннаго Параклита; но ум мой присно во всяческих смущениих пребывает, и нимало на высоту небесную возлетает, но долу понича, зря множество своих зол. И уповаю на ваши отеческия молитвы, дерзну мал ответ вопрошению твоему сотворити, елико навыкох от Священных писаний, богомудрым мужем откровенных, да не со скрывшими талант своего господина прииму суд. Ангелу Божиему, емуже поручены суть ключи бездны от своего Творца, да свяжет сатану, а связа на 1000 лет, да не лстит ктому народы. Егда бо не связан был сатана до пришествия Христова, тогда всю вселенную привели во идолопоклонение, и самый язык избранный, еврейский, и пусту землю благочестия сотворил. Христос же Сын Божий упразднил его прелесть пришествием своим на землю первым. И по связании сатанином тогда, и по Христове вознесении на небеса, явишася святии мученицы, по Христе крови своя проливающии яко воды, и тою землю всю очистиша от идолобесия, и мир просветиша благочестием учения апостольскаго. А потом устрои Христос седмь вселенския соборы, на тех бо возвеличил кровь мучеников своих, и теми святыми вселенскими соборы наполнил Христос церковь свою святую догматы, с небеси в ню спущая. А все то строя Христос донележе враги церкви Христовы связан лежаше в бездне ту 1000 лет. И в ту бо тысящу лет непрестая ратоваше благочестие. Но не толико и еще и не сам собою, но духи своими лукавыми, посылая тех во свои сосуды, коих обретая себе, нечестивыя священники и епископы, митрополиты и патриархи, и папы и цари, и в них сея скверное семя свое, злыя и разныя ереси, хулы глаголя на Христа и на пречистую Матерь Его, и на единосущнаго Сыну Божию Духа Святаго хуля, и иконное поклонение отметая, дабы отнюд не славилося спасеное воплощение Христово. Но на всех на тех еретиков грянуша седмь громов гласы своими, и седмию светилники обличиша потаенныя волки, и в седм труб на тех вострубиша, и душегубное тех учение потребиша, и самех вечному огню предаша. И сию тысящу лет нарече писание первым воскресением. Блажен бо, рече, и свят, иже имать часть в первом воскресении на тех бо смерть вторая области не имать. Аще кто и ныне тоя держится преданныя веры, имать часть в том первом воскресении с теми святыми, седмь крат собравшимися на вселенских соборех. И егда совершися тайна Божия, повеле Господь вострубити седмому Ангелу, и со Ангелом воструби вся вселенная: проклят приложивый и проклят отъемляй от преданыя нам святыя веры. И по скончании 1000 лет развязан бысть сатана от темницы своея на мало время, да паки лстит народы. А мало время определяет ему писание быти, посем что близко суд Христов, и осуждену ему быти в век века. А ныне ему врагу попустил Господь лстити народ, грех ради наших, на всех четырех углех вселенныя: понеже зело зело умножися нечестие во всем мире. И егда, вскочив из бездны, отторже хоботом своим третию часть звезд небесных, и поверже их на землю. Змия разумети есть сатану, а хобота его папу римскаго, а звезды народы верных, небо твердь церковная: ибо тогда сатана хвостом своим, папою еретиком, отторг третию часть вселенныя, римское царство со всею западною страною, от правыя веры христианския, и поверже их на землю, сиречь на земное мудрование, под ноги их себе сатана покорил и по них ходит, и волю свою в них творит, что хощет. Уже всякой отступник и еретики духовныя мудрости в себе не имать, юродство бо ему, сиречь глупость, мнится. Но все плотская мудрствует, славно жити, и высоко глаголати. И посем что есть: имеяй ум да почтет число зверя, число бо человеческое есть, число его 666? Ох, ох, увы, отче, сего времяни исполнения! На нашу бо землю прииде сие зло. Егда исполнися 600 лет после римскаго падения, тогда Малыя России народи отступиша к римскому костелу от восточныя церкви Христовы. Егда же после того исполнилося 60 лет, тогдаж в великой России у нас велие смятение учинися також и отступление совершися: ибо вся непорочныя святыя книги из церкви опровергоша, и правыя догматы отринуша и святых отец, предавших я, оболгаша, новыя же книги, исполненныя многих ересей, в церкве внесоша, и лукавыя догматы, проклятое римское крещение и сложение трех перст (ибо не крестят Рим ныне) Фармосово и Арменское мудрование, и четвороличную аллилуию, римскаго костела мудрость, приемше, и вся сия оправдаша, и символ правый измениша, и нас, неотступльших от благочестия с ними, прокляша отступники. И по шти летех по шестидесятих, мню: совершенное антихристово мучение настало уже: понеже в коем благочестии стоял сам царь, и вси архиереи чему училися, и учили коей вере, и в ней воспитани быша сами и отцы отец их, за ту веру ныне кленут непокоряющихся их прелести, и царскому другому суду отдают, и кровь христианскую вкупе проливают; и от кого было свет видети, и те ныне тмою сребролюбия омрачившеся, греческия, реку, власти тут же благочестие повредити попустиша, сами преже еще повредишася; ибо прежде в их землю вошли развращенными книги еретическия, и их смутили тем, – крещают, слышим, обливая, и диоскорову ересь со Евтихием и единоволников держат, в трех перстах скрывая, и лгут на Апостолов, будто от них так научени, а писания о том не покажут, и бородобритную ересь царя Константина Кавалина и папы Петра гугниваго держат, в церковь так ходят. A патриархи греческия в том не запрещают. А православныя архиереи за все то отлучали от церкви таковых, и проклинали противящихся церковному преданию; а ныне во всем благочестии нарушено бысть, и освященных Апостол и богоносных отец правила нынешния власти, яко волцы твердую ограду, прескачут и дирою влазят во Христово стадо, а не дверию входят, – бывши попы в мире и постригшися, паки священствуют и архиерействуют. А отнюдь то святыми правилы отречено. А иныя сребром священство купят, паче же во Греции ныне, слышим, и патриархи тако творят, и друг по другом подкупаются. Егда Арсеней Суханов был в Цареграде, тогда четырех живых патриархов застал, а все цареградския. Оле, прелести сатанины! Когда бысть такая мерзость в церкви? Таковых ли нам ныне слушати, и нечестие такое переимати! И нынешния патриархи, зде пришедшии, Паисий и Макарий со престолов своих там они были скинуты, а в их место иныя, глаголют, поставлены. Сам их отступник Никон обличил посреди всего собора и при царе самом. А преже сего и сам на них ссылался, как церковь раздирал и лукавыя догматы вводил. Как золотыя им давал и соболи, тогда потакали по нем, что ни творил зло. Егда ж Никону времени не стало, тогда и извержению предаша его, за ту вину только судивше недостойна быти, что клятвою престол оставил, а потом паки вся архиерейская действовал, и в попы и во дияконы ставил; а которых он Никон ставил по отречении своем, тех ныне всех служить благословили. Какая то правда? – суди. Ставивый их извержен, а поставлени от него благословени! Лесть есть сие дело и человекоугодие; на лица зряще судят законопреступника законопреступнии. По истине рещи, пастырю века сего волцы быша, и священнии лесть возлюбиша. А что, отче, и Ипполит святый пишет в слове своем о антихристе. В та, рече, времена будет злый вождь, агнец неправедный, титин (и то все ныне же сбывается, титин), тоже что 666, два тверда по триста – 600, наш – пятдесят, два иже по осми – 16. Вся сбышася божественная писания, и отступления и чему по отступлении быть, то грядет. И Христова Апостола Павла глагол исполнится: преже, рече, быти подобает отступлению, потом антихрист приидет³⁹⁴. Виждь, отче, как предтечи его путь ему уготовляют богомерзкими догматы нововводными и православных христиан изгоняют, чтобы им не мешали. Той же Апостол глаголет: егда бо рекут мир и утвержение, тогда абие внезапу нападет на них всегубителство³⁹⁵. Зри же ныне, како, истребивше истину Христову из церкви, и глаголют: ныне нам мир, и утвержение и соединение, яко прекословцев изгнахом и прокляхом, а веру добре исправихом. И таковыми пагубными словесы лстя себе, глаголют окаяннии. Все писание глаголет, что в последнее время везде отступят от веры, а не исправят веру. И сам Господь глаголет: егда приидет, рече, Сын человеческий обрящет ли веру свою на земли³⁹⁶. Вонмем Христову словеси. И о всем, отче, вышереченном чти Книгу о вере, главу 30. А кому паче нас открыет, о том написати. Мир ему буди, и нас о Христе вразумит. Аминь.

Глаголет Даниил пророк: всю волю Божию и святых его восхощет превратити, и всех верных превзыдет, и на Бога и на царя возгордится, и своих умышлений повелено заповесть творити. Богослов: Аще кто имать разум, да почтет число зверино, число бо есть число человеческо, есть 666. Священномученик Ипполит глаголет, яко в числе сем многа имена обретаются: злый вождь будет, агнец, жертва неправедный, древлезавистник велми потрясет. И паки: не тако, якож прежнии мучители мучаху, глаголющи: отрецыся Христа и поклонися идолу сему и сему. В то же время не тако глаголет отступник: отрецыся печати Творца, еже есть истинное крестное знамение, и святыя прежния службы и святаго крещения. Богослов: и даст им знамение на руку десную и на чело. Кое знамение есть? Три персты, число летом и число человеческо, и число зверино³⁹⁷. Глаголет святый Ипполит: или на челе скверный образ. Ефрем святый глаголет: мерзкий образ. И паки глаголет святый той же Ефрем: зри ков и злобу зверину, от чрева бо начинает окаянный, да кто оскудеет, брашна лишен, понудится печать его прияти, и дает им свою печать за крест Спасителев, да же таковый человек ктому не может истинное знамение на лицы своем положити, но пленен им, таковаго привиденми лукаваго, и связана рука его будет. Не велит бо окаянный знаменатися именем Сына Божия велеким и славным, еже есть два перста, якоже и Христос. И паки Ефрем святый глаголет: якоже свешник света носит свещу, тако человек имя сына Божия на челе; лукавый бо возненавидит сие. А который человек знаменается знамением Христа Спасителя нашего, таковаго человека не отступит Господь, но просветит сердце его и к себе присвоит. Темь убо егда учнет лстивый распространяти печать свою, подобает всякому верному неослабно подвизатися до смерти. Сего ради Богослов глаголеть: который человек приметь начертание зверево на чело, или на руку десную, таковаго не написано имя имать быти в книге агньца, заколенного в смерть от сложения мира, и мучен имать быти таковый пред агньцем и пред ангелы святыми огнем и жупелом, и дым восходит мучения их во веки веком. Зде терпение христианское и вера святых, иже соблюдают заповеди Божия и вера Исусова. И паки глаголет: и видех море сткляно, смешено со огнем или кровию си. Являет чистое с нечистым, с правоверием раздоры, и люди оны видех, не приемшия начертания зверева на челах и на руках своих, гусли поющих, песнь раба Божия. Апокалипси толковой Данила пророка о антихристе: От востока антихрист приидет, яко лжи при его имать прелшати, глаголет в тайных. Яко Илия пророк рече о антихристе, како хощет тогда явитися: глава его пламы огнены, око ему десное смешено с кровно, а шуее весело; имать две зеницы, веце же его беле, уста ж его исподняя велика, десная ж ему бедра велика и нозе ему плюсне, плоски, сокрушены, иже есть болшия ноги его. Но подобно бо есть беседовати блуднику с целомудрым; конец же со студом бывает.

церковной проповедницы, сиони твердии столпи, небоковании мечи на отступников и предотечей антихристовых! Ведомо ли вам о семь, яко собирашася ныне арxиepee и книжницы, 175 году, во Апреле и в Мае, на Господа истиннаго и на Христа его, вкупе рустии власти со греческими, и еже оболгати апостольское проповедание и богоносных отец предаше церкви Христове, православнаго символа и трисвятыя аллилуи, еже есть: аллилуия, аллилуия, докса си феос, русски: слава тебе Боже, и на отметание истиннаго христианскаго знамения крестьнаго в сложении перстов, и молитвы Исусовы и прочих церковных догмат на отвержение, своея прелести на утвержениe клятвенное. Котории православнии христиане не четверят аллилуия и не приюмлют знамений двух антихристовых, на челе лукаваго от них благословения персть, на правой же руце в сложении трех перстов, отвержение Христа Бога и всего спасения его смотрения, и кто не приемлет новоразвращенаго символа, и кто Иcyca Христа Сына Божия в молитве призывает, якоже научиша нас святии церковнии учители, Златауст Апреля в 8 день и Лествичник Иоан в книге своей, лист 155, и Евангелие воскресное, неделя 17, и прочии богословцы, и кто новых богомерских книг со многими ересми скрытыми не приемлет: на таковых они, предатели веры, безбожную свою и пребеззаконную клятву положили, сами июды нас со июдою и распеншими Христа нашего жиды, с еретики счинили, грубяки и невежды окаяннии. И собор, иже был при благоверном царе Иоанне и Макарии митрополите, той они уничижили, срама ради своего, что писано там они от святых отец 4-го и 6-го вселенских соборов, и от них прокляты: иже, рече, не благословляет и не знаменается двема персты, якоже и Христос, да будет проклят, яко-же святии отцы рекоша. А они ту страшную клятву смеют разрешати и ни во что полагают. А святых Мелетия, и Феодорита и Максима облыгают лукаво, якоже и сатана лстивый. Мню аз, что хощут окаяннии християно-укорители и иконоворную ересь возставити. Якоже и те еретицы и християно-оболгатели называли тогда покланяющихся святым иконам идолопоклонниками, а святыя иконы жгли и кололи, и стоящих за них мучили: а ныне сего ради, что на многих древних святых иконах чудотворных у благословяющия руки Христовы и святых его писано сложение перст православно, которое оне ныне, блядуще, epeсию называют, якоже возшепта им сатана во уши их, и такия уже есть глупыя еретики, что таковых икон не кадят, и не целуют любезно, глаголют: ересь-де написана, два сына. По вашему, враги божии, и три тут будут. Но не буди от нас такова хула. Пощади Господи! Мы не два сына, но единого Сына Божия, того ж и человеческа проповедуем во двух естествех и волях. Сын, рече, Божий сын девичь бывает; и совершенна Бога и совершенна человека исповедуем Христа Бога нашего, якоже церковь поет. Не оставль недр отчих, Сын Божий сошел на землю и плоть прият человеческу: и того ради сугуб естеством, а не составом, славится в церкви своей. Такоже в сложении перстов зело добре и благословне то проповедуем. А они, врази креста Христова, во своем сложении трех перст едино существо и едину волю во Христа мудрствуют быти, якоже Диоскор и Евтихий еретицы со единомысленными своими, и единоволники: Сергий, и Павел, и Пир патриархи цареградцкия, и Кир, Александр, и Макарий Антиохийский, и Анорий папа, вси еретицы, и нынешнии подобни вси тем же. А что Троицею крест на себе знаменуют, и тем своим мудрованием к трисвятей Троице страсть прилагают, якоже Севир еретик, и армени ту держат ересь. Не Троица на кресте страдала, но един от Троицы Сын Божий Исус Христос, плотию своею, а не божеством, а божество его безстрасно пребысть. Тако мы мудрствуем со всеми святыми, а не с ними еретики проклятыми. А Паисей и Макарий патриарси гречестии ныне тут же отступником потакнули во всем, и святых Апостол и богоносных отец оболгали, будто их Апостоли научили богохулным мудрованием, тремя персты крестити лице, и четверити аллилуию, а ни на единаго Апостола и богоноснаго отца в лице не указывают, да обман их скоро не познан будет. Знать что по сребру и злату и по соболям судят, по времени смотря, и в том их Бог судит. Аще бы святый Мелетий, патриарх Антиохийский по их (как его ныне облыгают) три перста совокупих и благословил люди, то бы и нынешняя патриархи и вси власти тремя персты людей благословляли, как Фармос папа римской еретик благословлял люди. Но на благословение они инако все пять перст слагают, и знать посему они, Паисей и Макарей, не одное веры со святыми Мелетием, також и Феодоритом, и той бо учил единым знамением Христовым креститися и благословляти, а не двема. Тем же и Петр Дамаскин последуя и Максим написаша в своих книгах, а не ин кто вместо их. Тем же святым последоваша и рустии вси, и собор, что был при царе Иване Васильевиче и Макарии митрополите, и в Стоглаве книге написаша о кресте, и о аллилуия и о прочих догматех. А нынешних блядущих в вере властей нелзя было им тогда спрашиватся их, – еще они тогда не родилися; как было с ними соглашатся? Преж их у нас в руском государстве были святейшия вселенския патриарси: Иоаким Антиохийский в лето 7005-е, Иеремий Цареградский был при благочестивом царе Феодоре, Феофан Иерусалимский были при благоверном царе Михаиле, а веры православной у нас в церковных догматех не хулили, но во всем хвалили и благодарили Бога, яко едино уже царство на земли благочестием сияет, яко солнце, а то вси зловерием падоша.

И нам, отцы и братия, зело блюстися подобает нынешних злых пастырей, иже глаголют хулу на Бога и на святых его, яко зло есть тремя персты крестити лице христианину. Поведал мне иерей Христов некто именем Иаков. Бысть у них в Нижнем граде некто вдовин сын Иван, измлада остр разумом, и от некоего врага Божия крылосского дьячка прелшен и научен бысть чародейству. И мати его скоро познавши, отдала в монастырь благоискусным старцем обратити его от прелести. И за молитв тех отец обратился той отрок, и принес покаяние теплое ко Христу Богу, и каяся сказывал, что носил крест Христов под пятою и образ Христов в портах меж ног. Да хотя де и в церковь с вами ходили будто молитися, а мы де все ругалися, стоя в церкви; а крестилися де мы выворотным крестом, что бы беси де от нас прочь не отбегали, а по вашему де нам не мошно креститися, отрекшимся Христа. И отцы его спросили: скажи де нам, Иван, что выворотной крест? И он, сложа три перста руки своея, и показал им: то де у нас выворотной крест, и беси де того не боятся. А было сие дело до мору лет за двадцать. И внимайте себе, братие, яко иже которые ныне крестятся, слагаючи три персты по новому злочестивому учению, такови Христа воплощагося Бога нашего отметаются, по вышереченному, и учение то бесовское есть, учение проклятое. Нынешних властей сатана прелстил, так повелевает креститися людем, и себе готовит их сатана на поклонение и приимание антихриста, пагубнаго сына, от егоже прелести и пагубы пощади, Господи Иcyce Христе Сыне Божий и помилуй нас. Аминь.

И море есть многомолвенное житие неправедных в мире сем; зверь же есть антихрист; рози же со главами и венцы единение являет, еже имать ко дияволу антихрист. Дати имать сатана силу свою антихристу лживыми привидении и чудесы на погубление неутверженных. Сущее. И едину от глав его, яко заколену в смерть; и язва смерть его исцеле. Толк. Главу же, яко заколену являет или некоего от князь умерщвлена быти глаголет и приведением Некоим лстивым воскресима, яко же Симон Волхв от Апостола Петра обличаема (обличаем?), ли римское царство разделение, по некоему образу заколение, терпяше. Едино начальство же исцелено быти мнимое по образу Августа кесаря. И чудися вся земля, еже во антихриста являемое в прелести пренесение имети будет чрез онаго змия поклоняем будет, ослепленнным мысленныма очима явится.

Другаго зверя сего ови убо антихриста глаголют. Инииж возмнеся, яко сатана есть и яко два его рога антихриста и лжепророка гадателствуета; гладка ж, за сокровенный волк в кожи овчей убийственное являющи и покрывающе за образ благоверныя веры, в начатце его. Сему же, речено, яко власть дана бысть знамение да творит пред антихристом, предуготовати путь погибелный. Язвы же Зверевы исцеление глаголет быти, мнящеся разделеннаго царства на мало время соединение, или маловременное чрез антихриста паки исправление. Яко от таковых людей привидением приемлюще во образ крестителя Иоанна.

Гог и Магог, яко имены сими являет гордый собор и победу их. И изшедше же, рече, из своих мест дияволом движимый, демоны водимый, распространшеся по всей земли, стан святых обыдут, сиречь церкви, яже есть утвержена на четырех углех вселенныя, хотяще ю разрушити. К сему же и новый Ерусалим возлюбленный град взяти и поработати хотящии, из негоже божественный закон чрез Апостолы во всю вселенную протече, идеже глаголют, яко антихрист в храме Божии сядет, или в жидовстей древле убо разрушенней, или во истовой, в Божесвенней, в соборней церкви, на ся божию честь привлача, показал себе, яко Бога, но не задолго до Христова славнаго пришествия. Из Ефрема. О змий безстудный и лукавый, хотяй возмутити всю поднебесную и вложити страх и пренемогание и лютоневерование в сердца человеком! Зане умножися нечестие в мире, везде и повсюду злая содевают, понеже сами тако восхотеша человецы Бога отступити, а неприязни прияти. Велик подвиг во времена о́на будет на всех человецех, паче же на верных. Время бо приближися, и на самой громаде злобы сея стоим вси, отнюдь веры не имем. Неизбытен подвиг при дверех настоит, хотя украсти и погубити Божие стадо и истиннаго пастыря. Аще кто имеет просвещенны очи сердца своего, то разумно им будет се; аще кто живет по стихиям мира сего, то неразумно им будет ее.

Вопрос. О антихриста познании и кончине, глава 101. Кое знамение должен есть человек держати, да не прелстится и неприимет антихриста, мняще, яко Христос есть? Ответ. Иже Господь наш преда, рекий, яко молния исходит от востока и является до запад, тако будет и второе пришествие Сына Божия, отнюду же познаваем, яко всех Христа(ос) приходяй напрасно во всем мире во един час явится, а не во стране некоей, или во едином граде; обретаяся. Аще ли таковый во стране, без сомнения антихрист есть. Во пришествие бо Христово во все человечество вкупе обретается, и посреде их Христос виден есть всеми. Вопрос 107. Истинно же ли есть, яко от Египта приидет антихрист и знамение некое имать на руце единой и на едином оце? Сия вся старческия басни суть: антихрист убо ничто же таково имети имать; не от Египта же приидет, но от Галилея, отнюду же Христос изыде, якоже рече писание: скимен лвов Дан, скочит от Васана, еже есть Скифополь. Вопрос 103. Глаголют нецыи, яко не может антихрист от мертвых человека воскресити, иная же вся прочая сотворит знамения? Ответ. Еже реша Апостоли о антихристе, яко во всех знамениих и силах прелестных видением; яве, яко и мертвеца покажет востающа, не истинною, но привидением.

Глаголетжеся, яко по седми тысящах лет приход Господень будет. Преди его пришествии приидет сопротивник Христу и родится, якоже глаголет божественный Ипполит римский, из жены скверны девицы от еврей суща, от племени Данова, иже бяше отрок Иякову, и походит негли еже по Христе, и проходя житие, и чудеса сотворит, елика убо и Христос содея, и мертвеца воскресит, обаче по привидению вся содеет, и рождение и плоть и прочее вся, якоже глаголет Апостол тогда, глаголя, открыется сын пагубы, во всякой силе и знамениих и чудесе лжа. Обаче не сам диявол в плоть претворится, якоже из Дамаска глаголет, но человек из блуда родився. И все сатанино действо подымет, и напрасно востанет, и угодит людем, негли и божественная писания пройдет, и посту навыкнет, и понудится от человек, и царь проповестся, и возлюбит множае еврейский род, и во Иерусалиме устанится, и церковь воздвигнет. Преди же 7 лет, якоже глаголет Данил, пpиидет Енох и Илия, проповедающа людем не приимати сего. Сей же их и мучит, таже и главы отсечет. Благочествовати же изволшеи далече их отбегнут, ихже в горах обрет, с бесы искусит. Умалятжеся 7 лет онех ради избранных. И глад будет велик, вещем всем превращающимся, яко потребитися вмале убо всем. По сих же напрасно, яко молния, с небес Господне пришествие будет.

(Приводится известное соборное изложение патриарха Филарета о крещении белоруссцев).

Царю государю и великому князю Алексею Михаиловичу...

(Здесь помещена челобитная (четвертая) соловецких старцев царю Алексею Михаиловичу: по этому самому списку напечатана в III т. Мат. для ист. раскола под № XLIII, стр. 208–211).

76-го, Февраля 23 день, по указу великаго государя царя и великаго князя Алексея Михайловича...

(Это есть сказка, написанная в Соловецком монастыре по приезде туда сотника Чадаева: напечатана по этому самому списку в III т. Мат. для ист. раскола, под № LII, стр. 297–300).

(Приводится знаменитая (пятая) соловецкая челобитная: по этому самому списку она напечатана в III т. Мат. для ист. раскола под № XLV, стр. 213–262).

Лета 7177 году, Декабря в 26 день, бысть под Нижним Новым градом, есть село имянуемое Бор, за рекою за Волгою за три поприща от града того, в том же селе стоит церковь великаго Святителя Христова Николы Чудотворца, в том же храме служаше поп именем Никита, понуждаше християн тремя персты креститися, а причетником в церкве повелеваше аллилуия четверити, и сам во всяких словесех прещаше и в речах превращаше, и господство у Владычицы отъимаше, и ко Исусову имени страшныя литеры прилагаше, а инде литеры унимаше, и зело бысть смятение в церкви той от того скаредословия его. Людие много пряхуся с ним о сем и немогоша его от таковаго суесловия уклонити; он же людем многия страшилища прорековая, а на конце сам люте пострадал, еже людем предлагаше. И сбыстся пророческое слово, еже в нем: ров изры и ископа, и впадеся в яму, юже содела, обратися болезнь его на главу ему. Тому же попу по неколицех временех случися ему в недуг зол впасти, и в то время явися в видении в нощи паствы его некоему человеку. А той человек млатобиец есть, имянем Кузма: сей с ним пряшеся без престани о Божием словеси. А видение его се: Легох на одре моем нощию спать, и внезапу явися во храмине попа того. Он же лежаше на одре своем болен, а среди храмины eго стояше муж белообразен. Аз же стал позади мужа белообразнаго, ажно внидоша во храмину туж 4 мужи крылаты и сини, и яша попа того за власы главы его и другими рукама за руки его, и ины за ногу и ины за другую ногу, и начаша его бити и мучити; он же поп нача вопити, и кричати и молитися им: увы мне, о господие, не мучите мене, увы мне! о, братие, свободите мене! увы мне! о друзи мои, пустите мене, да ся покаю! о горе мне! не убейте мене! о, люте мне, и несть милующаго, ни послушающа! Аз же оскорбихся о мучении его, и рекох к мучащим: почто сего мучите напрасно? Тии же не отвещаша ми ничтоже. Аз же приступих к мужу белообразному и рекох ему: господине отче, повеждь ми, что сия за люди, иже зле мучат сего. Он же рече ми: си суть синцы, иже зле мучат сего. Аз оскорбихся зело о нем, и рече ему: доколе сего будет мучити им нещадно? но и за что его сице выше глав своих подымают и о землю биют его зле? Он же рече ми: не дей сего от мучения, сей бо сам себе уготова в животе своем; зле мучат его за прибавочныя его слова, и за новую службу, и за крестное знамение и за четверосугубую аллилуию; и яже в животе семь, а онамо яже Бог весть. Аз же паки зело оскорбихся о семь, и начах плакатися. Муж же рече ми: не плачи, иди во внутренную храмину, и обрящеши образ Спаса Вседержителя, на престоле седяща, и Богоматерь его, и Иоанна Предтечу предстояща ему, и помолися тамо. Аз же текох во храмину, и обретох образ той и начах молитися о нем, и понуждах домашних его чад молитися о нем. И бысть долг час. И возбнув от сна и ужасохся видению: что се будет? И текох в ту нощь в десятый час к попу тому, и внидох в дом его, и людие мнози предстояху ему; он же болен вельми и зле кричаше, очи ему выспрь зряху, а руце его держаще и молящеся: государи братие, помилуйте мя, дайте душю на покаяние! И вжимаяся в постелю свою плечьма своима. Мы же никакоже видехом, еже он кому моляшеся. Аз же видение к слышанию приложих, и ужасохся. И бысть се ему мучение шесть дней, иного же ни с кем ничего не глагола, токмо моляшеся, не вем кому, еже помиловатися от мучения того. Аз же поидох в весь, имянуемое Кантору, в 6 день по видении том, ради углия на кование рукоделия своего, и легох на одре спати у некоего человека. И внезапу предста ми той же белообразный муж и рече ми: Козмо, иди к безпастырю своему и волку, отныне бо днесь смертию умре вечною. Аз же воспрянув от сна своего, и не видех никого же предо мною. И бысть во ужасе всю ту нощь, и едва зари дождахся, и текох в дом свой. Домашнии мои поведаша мне, яко отец наш и пастырь умре. Аз же идох в дом его, и тело его скутарь обвивает: и видех тело его не якоже прочии мертвецы, но яко онии синцы, иже его бияху, а кости его и вси составы яко чрепие в меху хрустяху, и вси предстоящии дивляхуся и чуждахуся сему. И аз же видех и ужасохся, и прославих Создателя Бога, еже яви ми последнему си праху, и се все предложил аз видение к видению и чудо к чуду. И мы слышавше от него Козмы, и написахом на уверение християном, и никто же сие во лжю вменит, еже он поп и с нами о выше пряшеся, и предаем сие боящимся имени Исус Христова, Сына Божия, и трепещущим крестнаго знамения. И аще такоже и мы будем мудрствовати, не закоснит нам Господь Бог воздати еже и сему, и прежде его бывших таковая мудрствующих, и полагаем пред сердцы верующим в Духа Святаго Господа истиннаго и животворящаго, емуже слава ныне и присно и во веки веком. Аминь.

Снискание и труды и от божественных писаний свидетельства. Новаго исповедника и страдальца Христова инока Авраамия. Иже в сей челобитной объяви и описа подробно кияждо богомерския ереси никониянския, что обретошася в новоизданных книгах. Яже хотяй спастися ведати сия должен. Понеже бес правыя веры невозможно есть угодити Богу.

И первие пишет о символе веры, яко составлен бысть первым и вторым вселенскими соборы святых отец, третиим же и прочими четырьмя вселенскими соборы утвержен и запечатлен, а на дерзающих приложити что к символу или отъяти, на таковых врагов Божиих страшную анафему положили. Таже пишет о крестном знамении, како предано прежними святыми отцы слагати персты десныя своея руки и знаменатися, и о противном сложении. И како подобает глаголати божественная аллилуия, и о прочих православных церковных догматех.

В лета от Адама 7178-го, а от воплощения Божия Слова 1678-го.

Царю государю и великому князю Алексею Михайловичу, всеа Великия и Малыя и Белыя Русии самодержцу, бьет челом богомолец твой, грешной чернец Аврамей, на властей великого московского государьства твоего. Оне власти остригли меня, богомольца твоего, и сняли клобук, и камилавку, и мантию, и градскому суду предали. И со 178 году, Февраля с 13-го числа, и до сего времени держим за крепким караулом, яко злодей. А вины никакия пред ними властеми не обретаю; толко мало изрек им правду о догматех церковных, яко зело много блужения³⁹⁹ в книгах их правления объявилося, оне же власти⁴⁰⁰ сего ради на худость мою прогневалися.

И молю, грешник, изволь, государь, милостиво послушать своего богомольца и не яростию обличи, ни гневом накажи грешника, хотящаго тебе, государю, мало изрещи о утвержении царствия твоего и о умирении святыя, соборныя и апостольския восточныя церкви, породившия тя во святей купели святым крещением, о нейже многажды молили и били челом тебе, великому госуцарю⁴⁰¹, во многа времена мнози отцы и братия наша, чада церковная, имущи велику ревность во благочестии, и челобитныя тебе, государю, подали, и в них засвидетельствовали от божественных писаний, яко⁴⁰² раскола ради церковнаго велик гнев Божий бывает и всем православным християном душевная пагуба от настоящаго ныне злочестия и от насилия отступническаго. И того ради молиша тя страдалцы и юзники о Христе, столпи православия: священный страдалец и от Бога помазанный протопоп Аввакум и Лазарь священник, обличитель Никона еретика, емуже язык до вилок отрезали, Христовою же благодатию паки ясно говорит и еретиков обличает; и паки ему же язык отреза та и руку десную отсекли, дабы на еретиков не писал обличителных словес. Тако же и Епифанио иноку⁴⁰³, язык отрезаста же за слово Божие и за свидетельство Исус Христово и руку десную отсекли; но пресвятая Богородица дарствовала своему рабу язык доброглаголив, якоже и Лазарю, явлением божественнаго пророка Илии. Тако же и священному диякону Феодору, велику ревность имущему во благочестии, и тебе государю зело добра хотящаго, и паче иных в божественном писании потрудившася и много полезнаго церкви ведуща, емуже за догматы церковныя язык двократы отрезаша и персты у десныя руки отсекли. Стефану же, по прозвищу Черному, иже некогда бывый дьяк в Нижном Новеграде, емуже двократы язык урезан за церковь Христову, церковь же его исцелила и светлоглаголива устроила. И прочии с ними, страждующии о Христе, возвещали тебе, великому государю, дабы ты умирил матерь нашу миром Христовым, святую церковь, а не мечем, ни узами, ни темницами, ни гладом, ни жаждею, ни изгнанием, ни разлучением друг от друга, мужей от жен своих. И ты, царю, о всех вышереченных неумолим пребыл еси; а они тебе, государю, во всех молебных писаниях возвещали, яко быти великому гневу Божию в державе царствия твоего, преступления ради отческаго предания церковных догмат⁴⁰⁴. И ты, государь, пекущихся зело о святой восточной церкви, и о спасении твоей царевы души, и о утвержении царьствия твоего, страдалцов моления во всем презрел и благаго их совета удалился, и послушал совета злоласковцев мира сего и отступников православныя веры, гонителей христианских, нынешних властей, учеников Никоновых, о нихже вселенский учитель святый Иоанн Златоустый в беседах разсуждает на послание Павла Апостола, яко, по отречении своем, приуготовит иных, да делают лютая.

И воистинну, государь, ныне оне, власти, паче того богоотстуннаго Никона, правоверных христиан люто озлобляют, а православную веру до конца истребляют, или рещи, яко и всю искоренили. И таковым злым своим советом и правлением лукавым и тебя, государя, на гнев привели, еже оскорбляти страдальцов, языки резати, дабы не глаголали о истине, и руце отсекати, дабы не писали на прелесть их обличителных словес от божественных писаний; а иных⁴⁰⁵ многих и в струбах сожигали, от нихже тебе, государю, о едином воспомяну, о блаженном Исаии. Дивен сей муж был в добродетелех и житие действенное проходил, и премудрости и разума исполнен и благодать Божия бе на нем, и кровь свою пролиял Христа ради, и душю свою положил за слово Божие и за свидетельство Исус Христово. О таковых же рече Господь во Евангелии: всяк убиваяй вас мнится службу приносити Богу. Иных же иными муками мучат, изгнанием и заточением, и всех страшат, дабы их христиане боялися и от правыя веры отступали к их прелести.

И некогда ты, государь, послушал сосуда сатанина, богоотступнаго Никона, изыти на брань чрез волю Божию, казнь на вся страны привлече, забыв пророка, вопиюща, паче же и моляща Бога на таковыя: разрушит языки хотящая бранем. От того часа и доднесь⁴⁰⁶ всякое нестроение и междоусобная брань. И егда ты, государь, изволил послушать темных властей, учеников Никона еретика, и православных христиан со 178 году гонити и мучити неповинных без милости, и сего ради постиже гнев Божий державу царьствия твоего. И якоже страдалцы тебе, государю, прежде во своих писаниях известиша, тако и сотворил Господь. В прошлом 178 году, в лете, от празника Пасхи Христовы, было в твоем московском государьстве болши тридесяти⁴⁰⁷ пожаров, и воздуха нерастворение, и от великих зноев многая хлебная недорода; потом же ныне и все пагубныя беды в державе царствия твоего. Яко же писание глаголет, что Гог и Магог востающе друг на друга, и много кровопролития будет по всей земли, всем воем секущимся; или Скифстии язы́цы друг на друга возстающа, по свидетельству Иоанна Богослова; или яко же рече Господь во Евангелии: труси будут по местом, страхования же и знамения с небесе будут, вся же сия начало болезнем; или якоже рече ангел ко Ездре о знамениих последних: приидет, рече, время последнее, живущии⁴⁰⁸ на земли обременены будут даньми великими, и скрыется путь правды, и будет царство неплодно от веры, и труси будут по местом, и огнь безпрестани опустится, и в сладких водах сланы обрящутся, и тогда разум в хранилищи своем разлучится, изыщется от многих, и не обрящется, и неправда же и невоздержание умножится на земли. И паки ино писание глаголет: пред пришествием, рече, Христовым⁴⁰⁹ велее будет смятение в вере. И ничто же тако разгневает Бога, якоже раздор церковный, и ничто же тако раскол творит в церквах, якоже любоначалия во властех. И сего ради гнев Божий сниде в державу царьствия твоего, отец на сына, и сын на отца оружие воздвиг, такоже и брат на брата. И по многим градом и весем таковому гневу Божию случися быти, и от того междоусобия многия грады и веси разорилися.

Прости, государь, аз, грешник, в заточении⁴¹⁰ сидя, слышах о сем, и в болезни сердца возопих с пророком ко Господу: ох! ох!⁴¹¹ Господи Боже! милостив буди мне грешнику рабу своему⁴¹²; возми душу мою от мене, да не ктому слышу о людех твоих таковыя скорби и всего миpa смущение. И во истинну, государь, аще не умириш церкви, не будет мирно царьство твое, но начало мятежем, и к большей⁴¹³ погибели приходит: понеже, государь, твоим попущением еретики церковь Божию развратили зело и вся церковныя правыя догматы истребили без остатку, якоже и прежде писах ти о сем⁴¹⁴. Понеже, государь, велика прелесть в новых книгах объявилася и неисправление. А возбраняющаго несть, разве тебя, великаго государя, аще восхощеши и мощно ти есть. Не погуби души своея во веки, пречистыя ради Троицы. Видим бо тя зело утомлена и смущенна от еретика Никона и учеников его.

Послушай, самодержавне, побеседую с тобою, яко усты ко устом; ис темницы, яко из гроба, тебе глаголю о ныне наченшемся времени и о пестрообразной антихристовой прелести, по числу зверя 666. И о сем помолчю и слезами потру.

Послушай, Михайлович, о новых Служебниках, иже при Никоне богоотступнике и после его отречения и изникновения: по се время выходов до осми было, а все меж собою не согласны. А прежде напечатали Служебники зело стройны и исправны; а егда взял к себе из Соловецкаго монастыря ссылнаго чернеца Арсения, известнаго еретика, по свидетельству отца его духовнаго, яко трижды Христа отрекшася, учения ради философскаго, и посадил его на печатной двор Никон, сана изверженный, и, стакавшися с ним, напечатали Служебники таковым переводом, что и слухом не слыхано⁴¹⁵. А те похвалные свои Служебники похулил; и тем он сам собою лож показал. И сего ради преданию его нечего верить, ни учеников его нелзе слушать, понеже святых оболгали и законы их разрушил. И аще, государь, изволиш нам с ними, властьми, дать свой праведный суд: и мы за помощию Божиею будем тогда их от божественнаго писания обличать. Да и делы своими они, власти, себя явно показуют всем, яко не истиннаго учителя ученицы, но в прелести сопротивника пребывают, по числу, еже о нем, 666, якоже Апостол глаголет о сем: всякое древо от плода явлено бывает, тако и человек от дел своих познавается.

Изволь, государь, послушать; ис темницы, яко из гроба, тебе глаголю, седя за крепким караулом в духовном Содоме и Египте: приклони милостивно ухо свое ко изгнанным правды ради. Извещу тебе их студное и гнилое дело и чюже святыя, соборныя и апостольския, восточныя церкви. И егда сперва брали меня оне, власти, в рекомыя вселенския палаты, и много ласкали, чтоб приняли их новую Никонову веру; аз же Павлу митрополиту изрек: владыка⁴¹⁶ разсуди сам о себе: нас приводишь в новую веру, а сам еще не исправился по той своей вере. Пишет Василий Великий: креститися подобает, яко прияхом; а веровати, яко крестихомся. Да и много есть о сем в писаниих святых, яко не правое крещение, не вменяется в крещение⁴¹⁷ но паче во осквернение. И посему зле крестивыйся добре веровати не может. И вам подобает снова и креститися. И егда исправитеся сами совершенно по своей вере, тогда и прочиих учите, понеже учителю подобает учити и творити; вы же сего сами не творили, а иным повелеваете творити. И два крещения восприяли есте, а не так, якоже прочим повелеваете ныне креститися. Сего ради учение ваше неприятно ныне нам, но и зело блазнено⁴¹⁸. И Павел митрополит сего ради моего малаго речения, яко зверь разпыхался, и не усидел на месте своем, и пришед близ мене, взем мя левою своею рукою за бороду, правою же нача мя по ланитам бити, и збивши⁴¹⁹ с меня на пол клобук, и камилавку, и мантию, и простовласа водя мя за бороду по полате, говорил: я за крещение свое стану; крестился так, как мы ныне⁴²⁰ на соборе исправили крещение с Никоном. И вопрошая, говорил мне: скажи-де, что превращение⁴²¹ в старом и в новом крещении? Аз же, видех такова сурова и безчеловечна, премолчал. И любезно ми сие зело, яко сподоби мя Господь таковаго дара великаго: за имя свое пречистое биена быти по ланитам архиерейскима рукама.

А егда, государь, в то время власти брали меня в полаты⁴²²: и паче прежняго ласкали, чтоб к их прелести приступил. И много было того, и от многа⁴²³ мало возвещу тебе, государю. Егда начали мя власти о первом вопрошати, что превращение в старом и в новом крещении: и я им сказал о превращении, да и тебе, государю, ныне извещу⁴²⁴, яко зло суть крещение, умышленное Никоном богоотстунником, и первое превращение в нем.

В символе православныя веры к пресвятому имени Господа нашего Иcyca Христа, нареченному от Господа святым ангелом, приложил Никон⁴²⁶, сана изверженный, со Арсением еретиком, и напечатали сице: и во единаго Господа Иисуса Христа. И о сем, государь, их мудровании лукавом писано в предисловиях Апокалепсисов⁴²⁷ толковых Острожской печати, яко сия Керинфа еретика прелесть, и сей злочестивый Керинф тако мудрствовал, последуя Несторию проклятому. Той бо Несторий⁴²⁸ Господа нашего Иcyca Христа на два состава разделити не убоялся: иного Бога Слова, от Отца рожденнаго, быти глаголаше, иного же от Марии рожденна человека. Сего ради окаянный и пречистую Богородицу, святую Деву Маpию, неизреченно Слово Божие рождьшую, не нарицаше⁴²⁹ Богородицу, но Христородицу, улишая окаянный Сына Божия божества, тако и рождьшую Его Матерь – богородичнаго звания. Святии же отцы, много того наказавше, не возмогоша обратити; но, востав, отиде от них с шестию епископы единомышленными ему⁴³⁰. Святии же отцы собором, по святым правилом, того осудиша⁴³¹; Господа же нашего Иcyca Христа во едином составе, во двою же естеству, божества и человечества⁴³², проповедаша, и пречистую Его Богоматерь воистину истинную Богородицу проповедаша. Сему же подобно Несторию отступник Никон со ученики своими умысли, и сим начертанием, приложением литеры единоя⁴³³, весь символ православныя веры исказили, последуя окаянному сему Несторию еретику, приложили ко Исусову имени литеру иже. И сие их мудрование зело хулно и нечестиво. И сею прибавочною литерою ижем отделяют человечество Сына Божия во ин состав от божества везде в новых своих книгах. А прилагаючи иже ко Иcycy толкуют богохулно: i де образует⁴³⁴ божество во Христе, а иже де человечество. А слово, и еръ, и херъ⁴³⁵ и рцы, и твердо у них не ростолковано, что теми словами во Христе исповедуют пияныя философи окаянныя. И Наввина Иcyca, и Сирахова Иcyca, и Оседекова Иcyca равны Сыну Божию сотворили⁴³⁶ ныне, по своему их лукавому толкованию: понеже и тем Исусом, рабом и простым человеком сущим, по лишней же литере, еже есть иже, приложили. Так и те, по их мудрованию, богочеловецы стали прилагателнаго ради ижа. И что есть злее мудрости сея? И люто воистинну, государь, сие мудрование их и скрыто, коварно зело; толко от разсудителных не утаилося, но и зело ясно от божественных писаний обличилося. Еже рещи Иисус, то стало два состава и два сына, четыре лица в Троице, а не три; Троица бо имянуется трисоставная, три лица, три составы, а существо и царство и господьство едино⁴³⁷. Во Христе бо два естества исповедуются, и две воли, и два хотения, и два существа: единосущен Отцу по божеству и единосущен Матери по человечеству; состав же един⁴³⁸. И мы, правовернии, не во двою лицу разделяем, но во двою⁴³⁹ естеству несмесно познаваем. А что отступник Никон со Арсением еретиком напечатали и приложили литеру ко Исусову имени хулно, еже рещи Иисус, то стало два состава. И сие по граматическому разуму соуз; а по осмочасному Иоанна Ексарха слову, то различие именуется, и стало два имени, а не едино. Посему явная cия ересь проклятого Нестория, якоже выше сего рехом, иже два Сына⁴⁴⁰ исповедуют, разлучая Сына Божия от человечества. Пишет о семь и во Алфавите зело страшно, сице: по граматике анафема, егда убо есть прикладное имя обоих числ всякого рода, и тогда тоже, еже есть проклят и осужден и отлучен; и паки глаголется анафема, аки некое высочайшее проклятие или отлучение; паки анафема полагается за отлучение. И в первом послании Коринфом⁴⁴¹ глава 12: Златоуст святый различие волхву и пророку полагает, яко никтоже Духом Божиим глаголет анафема Исус, сиречь никто же Духом Божиим вдохновен глаголет самому Иcycy: ты еси анафема, сиречь разлучен от Бога, и Отца и Святаго Духа, или божество твое разлученно есть от человечества, или нечто ино ложно рещи. И паки той же Златоуст⁴⁴² в беседах разсуждает сие апостолское слово разумно зело и глаголет, яко аще видиши кого невещающа имени Исусова, или проклинающа его, разумей по сему, яко волхв. Ныне зело разумно верным⁴⁴³, яко Никон богоотступник прилагателною литерою разделяет⁴⁴⁴ человечество Сына Божия во ин состав, якоже выше рех, и сицевым мудрованием окаянный, якоже и Несторей проклятый, в тварь низводит Слово Божие, и волхв есть, якоже святый Златоуст глаголет, иже⁴⁴⁵ не вещает имени Исусова право, но еще и проклинает окаянный адов пес, по оному, вышереченному в беседах⁴⁴⁶ разсуждению. Такоже⁴⁴⁷ и другое: никтоже может рещи Господа Исуса, точию Духом Святым, и егда видиши некоего тако глаголюща, разумей, яко духовен есть.

Да еще, государь, в том же символе православныя веры литеру азъ выняли, помогаючи Apию еретику, и глаголют: рожденна, не сотворена. А подобает глаголати: рожденна, а не сотворенна. Они же согласишася со Арием; идеже бо речено бысть на посрамление Ариево: рожденна, а не сотворенна, тако (тамо) лукавии, Apия друга своего оправдати хотяще, многосилную литеру азъ отъемше, рожденна, не сотворенна с жидами глаголют, еже бо рещи⁴⁴⁸: не сотвори Бог сего, еже рождену быти Христу, в негоже христиане веруют. Ты же смотри, како едина литера по действу сатанину весь мир убивает. Безбожный бо Арий богохулныя глаголы на Сына Божия изрече, глаголя того быти рожденна и не сотворенна, а не единосущна Отцу. И того ради собра Дух Святый первый вселенский собор, яко да прокленше ересь его и самого непрощенной анафеме предавше, Сына же Божия проповедаша Господа нашего Иcyca Христа Бога истинна, от Бога истинна⁴⁴⁹, рожденна, а не сотворенна, и единосущна отцу; а не тако, яко Арий блядословит, или помраченная прелесть Никона отступника. Он бо, окаянный, со Арсением еретиком изблева, оправдаючи Apия еретика, тако предавша глаголати: рожденна, не сотворенна, и сим отъятием ископа ров прелести роду христианскому⁴⁵⁰ по действу лукаваго сатаны. Прочти, царь государь, сам тот свиток, иже⁴⁵¹ написавши подал нынешним архиереом священный страдалец Феодор диякон, колики тмы свидетельства приведе о символе веры и о истинном Дусе⁴⁵². И те речи во всех книгах еще неизменны, что ни есть на свету⁴⁵³, еже есть: рожденна, а не сотворенна; и: во единаго Господа нашего Иcyca Христа, а не Иисуса; и: егоже царствию несть конца.

А что отступник Никон напечатали со Арсением еретиком: не будет конца, и сего отнюдь нет ни в которых земель книгах не будет конца, но везде несть конца. А несть конца и не будет⁴⁵⁴ конца, ей царю, не един разум в том, но велие разсечение. Не будет глаголющии конца, велик приступ дают жидом, ждушим антихриста. И о всех сих, государь царь, вонми себе и от глубокаго сна прелести востани. И за единой азъ, что ныне истребили из символа, последующим вам быти всем во аде⁴⁵⁵ со Арием еретиком. На того бо той доложен, яко меч обоюду остр, и та едина литера⁴⁵⁶ хулнику Сына Божия чрево растерза и проседеся на землю. А нынешним темным властем века сего, Бог им воздаст по делом их. Мудри мнящеся быти, воистину обьюродеша.

Несть ныне время переправливати веру, но время есть, еже ждати Сына Божия с небес, скоро хотящаго судити вселенней в правду. Не коснит бо Господь, якоже нецыи коснение мнят, но грядет скоро, по Апостолу. А сам сладкий наш свет Исус глаголет: не обрящу, рече, веры⁴⁵⁷ своея на земли⁴⁵⁸, разве не во многих, крыющихся в пустынях и горах. Ей, ей будет тако, царю. Уста бо Господня глаголаша сия. Воньми себе, Михайлович, Бога ради, о сем, и внимай себе, да спасешися. Дай праведный суд зде нам со отступники, от Никона мудрость приемшми, да будущаго суда тамо избежиши. Вся бо тягота⁴⁵⁹ церковная ныне на твоей выи висит; а на властей ныне ни на которых нечево смотрить, времени служат, а напредь не озираются беднии пастуси. А ты, государь, аще на суде Христове хощеши стати прав, дай нам зде суд прям. А то не христианское дело, что мучити и озлобляти. Гонимый христианин Христа в себе носит, а гонящий сатане работает. Воспомяни, государь, последния дни и вонми Христовым словесем, како скончатися будет век сей, и каковы прелести антихристовы настанут. Ей, государь, малии познают, а живущии на земли все тому поклонятся.

И ты, государь, благоразсуди себе о сем; всех собрав вкупе, а не заочно суди; и всякаго слова сам услыши, да и сам от Христа услышан будеши и царство Его наследиши; и аще восхощеши, и мощно ти есть. Приклони ухо твое ко изгнанным правды ради. Что отступники символ православныя веры раздрали и святых отец предание попрали. Святии предали глаголати: Его же царствию несть конца; а глаголющии вместо несть конца – не будет конца⁴⁶⁰, тии присвояются жидом, ждущим антихриста; распятаго Господа нашего Иcyca Христа отвергошася. Послушай, государь, и внимай себе, что глаголет писание⁴⁶¹: воцарившуся Христу, глаголет церковь: Егоже царствию несть конца. А они, отступницы, ученицы Никоновы, начало царствия Христова отвращающеся, глаголют, яко-де прежде Рождества Христова глагола архангел: царствию Его не будет конца. То вправду глаголют; но сия глагола архангел прежде рождества Христова, Бога нашего, яко предгрядущему царствию Христову. Егда родится Христос и егда воцарится Христос, тогда царствию Его несть конца. Прежде бо рождества Христова несть мощно было рещи: царствию его несть конца; егда же царствует Христос и не преста царствовати, то несть конца⁴⁶². Кто во Христа верует, той весть, еже не блазнити кого и блазнится⁴⁶³ не подобает. Рече бо Господь во святом Евангелии: горе тому человеку, имже соблазн приходит, лучше бы ему не родитися. Ученицы же Никоновы⁴⁶⁴, символ православныя веры раздрали: вместо несть конца, положили не будет конца⁴⁶⁵. A кроме того отнюд ни в которых книгах не обретается; везде несть конца. А инде врази Божии напечатали во псалме: Господи прибежище был еси нам. А в старых печатех положено: Господи прибежище бысть нам⁴⁶⁶.

Вонми, государь сему писанию, и благоразсуди себе: с коею верою хощеши стати на страшном суде Христове пред тмы ангельскими и всею вселенною.

Еще побеседую с тобою, яко усты ко устом. Ис темницы, яко из гроба тебе глаголю, и внимай себе, да спасешися. Помилуй единородную душу свою, пресвятый ради Троицы, и вниди паки в первое свое благочестие, в немже ты порожден еси, и даждь суд праведный со отступником Никоном и ученики его.

И что оне в том же символе напечатали: и в Духа Святаго, Господа, животворящаго, а истиннаго отъято, и сим оне нарушением не токмо всею церковию восмутиша, но и всею тваpию, небом и землею, потрясоша, извержением истиннаго из символа. И о том свидетельствует сам владыка Христос в пресвятом своем Евангелии трижды. Первое: аще любите Мя, заповади Моя соблюдете, и Аз умолю Отца, и иного утешителя даст вам, да будет с вами во веки Дух истинный⁴⁶⁷. Второе: егда приидет утешитель, его же Аз послю вам от Отца, Дух истинный, иже от Отца исходит, той свидетельствуют о Мне⁴⁶⁸. Третие: много имам глаголати, но не можете носити ныне; егда же приидет Дух истинный, наставит вы на всяку истинну. И мне те свидетельства Христовы страшны, и преступник тем Христовым свидетельствам боюся быти; да и вас молю не преступать богословия Господа нашего Иcyca Христа, поминая прещение владычне: отметаяйся, рече, Мене и не приемляй глагол Моих, имать судящаго, слово, еже глаголах, то судит ему в последний день. И паки страшнейшее запрещение владычне поминаю, еже рече в пресвятом Евангелии ко прелагающым пределы вечныя и неповинующимся богословии Господа нашего Иcyca Христа; вы отца вашего диявола есте и похоти отца вашего хощете творити; он человекоубийца бе искони и во истинне не стоит, яко несть истинны в нем; егда глаголет лжю, от своих глаголет, яко ложь есть и отец лжи. Аз же зане истинну глаголю, не веруете Мне. И Богослов Иоанн в послании своем такоже запрети страшно: всяк, рече, преступая⁴⁶⁹ и не пребывая во учении Христове, Бога не имать. Тако же паки Христос рече: Мое учение несть Мое, но пославшаго Мя; и аще, рече, пребудете в словеси Моем, воистинну ученицы Мои будете. И разумеете истинну, и истинна свободит вы. Учитель же славяном, верховный Христов апостол, Андрей первозванный, просветивый Русскую землю святым крещением и в Патрех Ахайских, Христа ради, распят бысть, стремглав повешен, и, мучен, учаше предстоящих народов, верных сонм, глаголя тако: веруйте в Бога Отца истиннаго, веруйте в Сына Божия, Господа нашего Иcyca Христа, Бога истиннаго, веруйте в Духа Святаго, Господа истиннаго. Такожде и ученицы, Ахайских церквей пресвитеры и дияконы, пишут всем церквам по вселенней, иже суть на востоце, и на западе, и на юзе, и на свере: мир вам всем, иже веруют во единаго Бога, Троицу истинную, истиннаго Отца нерожденна, истиннаго Сына единороднаго, истиннаго Духа Святаго, от Отца исходящаго и на Сыне почивающаго; и приложиша: сию веру прияли есмы от святаго Апостола Христова Андрея. Такоже и Григорий Богослов пишет в слове на пятдесятницу и в слове на святое Богоявление⁴⁷⁰. Тако же пишет и Василий Великий в книзе своей, в слове о непорочной вере⁴⁷¹. Златоустый же Иоанн в слове о оглашении пишет сице: верую во Святый Дух истинный, иже от Отца исходящ, троичное исполнение, на того уповаю, на мое освящение. Сим поучайтеся душею и языком всегда. Сия душею и языком вопите всегда⁴⁷². Блаженный же Иоанн Дамаскин в слове в неделю православия пишет сице: вы же, о честнии послушателие Христовы, древним последуйте гласовом пророческим, и писанием апостольским, и отческим уставом, известно держитеся и твердо веруйте. Тем бо ваша душа сохраните, еже не отторгнутися его с человекоубийцем и льстивым врагом дияволом. И цело, и непорочно, и непоколеблемо сохраните себе, свиток имуще православный единосущныя и неразделимыя Троицы, той в руках ваших держаще и всем доказующе. Да яко усты и языком, такожде и умом той да прочитаем и веруем, еже есть: верую во единаго Бога, и прочая; и в Духа Святаго, Господа истиннаго и животворящаго, иже от Отца исходящаго, иже со Отцем и с Сыном спокланяема и зславима, имже вся освящаются⁴⁷³. Такоже и в Книге о вере пишет, и приводит тамо: всех седми вселенских соборов и девяти поместных, иже Богом собрании святии и богоноснии отцы, в нихже быша мнози знаменосцы и чюдотворцы, и свидетельствуют, что во исповедании православныя веры и в Духа Святаго Господа истиннаго и животворящаго глаголати подобает⁴⁷⁴. Тамо же пишет, яко сие истинное исповедание святии мученицы кровию своею запечатлеша. И те свидетельства приемлю и верую, якоже⁴⁷⁵ они свидетельствуют.

И како убо, государь, толик облак свидетельств презрети, а единому Никону отступнику со Арсением еретиком поверити⁴⁷⁶? Како убо ныне москвитяне и вси⁴⁷⁷ великоросияне, по приятии правыя веры Сионския седмое столет, и к концу прииде, а ныне они нас учат новой вере? И в коем благочестии родилися, и чему училися, и учили коей вере, и в ней воспитани быша сами, и отцы отец их, а ныне за ту веру⁴⁷⁸ кленут непокоряющихся их прелести и царскому другому суду отдают, и кровь християнскую вкупе проливают! Темже яве есть разумети, яко нынешныя сея веры предание не Христа истиннаго Бога нашего, но ложнаго антихриста, хотящаго соединение и мир церковный разорити, и мятежа и бесчиния исполнити всех. С ним же всех зде началник, и расколник, и льстец Никон, иже, по Божию попущению, грех ради наших, московский епископ поставлен бысть, на пагубу своея души и прочим на соблазн, иже святыя отцы наша оболгал и проклял, предавшия нам апостольскую веру, иже утвержденную⁴⁷⁹ святыми отцы на первом и втором, и прочих седми вселенских соборех, на нихже было святых отец, якоже свидетельствует преподобный Иосиф Волоцкий в своей книге Просветителе, в 7 слове, две тысящи святых отец свидетелствуют исповедание православныя веры, еже есть: и в Духа Святаго Господа истиннаго и животворящаго, иже от Отца исходящаго, Тако же и поместнии собори свидетельствуют. И сам святый Иосиф глаголал так и веровал: и в Духа Святаго Господа истиннаго и животворящаго. В том же слове и на концы прирек: иже сим веруяй истинен израилтянин есть, в немже льсти несть. И хотяй уведати воистинну, каков был той святый муж в богословии и в разуме божественнаго писания, да прочтет ту его святую книгу, и да познает, яко не бысть в Русии ин таков учитель, и жидом и еретиком велик обличитель, и отступникам правыя веры зелный укоритель⁴⁸⁰. И како глаголют отметающии истиннаго, и святых облыгают, яко-де истиннаго в символе не положиша⁴⁸¹? Колько еретиков было и после втораго вселенскаго собора, а ни един не смел рещи на святых хулы, якобы слово Христово преступиша, истиннаго в символе не положиша. Рече бо Христос, мир Духа⁴⁸² истиннаго не может прияти, а не святии. Но един враг, отступник Христов⁴⁸³ Никон со Арсением еретиком сказали, что святии истиннаго не прияша. Аз грешный видях и в харатейных книгах: и в Духа Святаго, Господа истиннаго и животворящаго. И во обители преподобнаго отца Сергия книгу видях харатейную, в четверть: писано в ней о седми вселенских соборех, и на втором, рече, соборе было святых отец 150 на Македония духоборца, и Святаго Духа исповедаша⁴⁸⁴ истиннаго и животворящаго⁴⁸⁵, пресвятаго Духа бытие, и единосущна Отцу и Сыну, и тоя же божественныя силы, якоже то самое изложение правыя веры того святаго собора имать в себе предание о Святем Дусе сице: и в Духа Святаго Господа истиннаго и животворящаго, иже от Отца исходящаго, иже со Отцем и с Сыном спокланяема и сславима, глаголавшего пророки; и во едину соборную и апостольскую церковь, и прочая. А кто смеет к тому приложити, или отъяти, на того они клятву положили. Разумети подобает неглаголющим во исповедании православныя веры Духа Святаго Господа истиннаго, яко с Македонием и с Римляны единомудрствуют, тварь глаголюще Духа Святаго. А егда унияты отступили от православныя веры по Христе по тысящи пятисот девять десять пятом лете, и тогда они истиннаго из символа выняли же. Епископ их униятской Метин Смотритской выложил, и той зле душу свою изверже. Многие мужи верны о сем свидетельствуют. И в послании Фотия⁴⁸⁶ святейшаго патриарха к болгарскому князю Михаилу, и такожде приводит всех седми вселенских соборов, и на седьмом соборе в символе веры так же написано: и в Духа Святаго, Господа истиннаго⁴⁸⁷. Прочти, государь, тот свиток, что подал Феодор диякон: тамо пространнее написано⁴⁸⁸. Да и во Псалтырях со воследованием, что писаны при великих князех, и в них такожде: и в Духа Святаго, Господа истиннаго и животворящаго. А по нынешних хулницах мудрование, яко святии-де отцы Господа истиннаго не положили⁴⁸⁹. Не буди то от нас. Аще не исповемы Господа истиннаго Святаго Духа, то несть мы раби его. Хвалите, рече, имя Господне, хвалите раби Господа. И аще глаголем Господа, а отмещем истиннаго, честь Духа Святаго, то несть мы ученицы Христовы, и святому его Евангелию сопротивницы: иже, рече Христос, несть со мною, на Мя есть; иже не собирает со Мною, расточает. А иже ныне глаголют отступницы и пишут, разсылая, едину сказуют речь быти Господа, а греческим-де языком истиннаго, и сие лжюще глаголют⁴⁹⁰ и грех на свою главу собирают. Не едино есть: понашему Господа, а погречески кирион, понашему истиннаго, а погречески алифинон. И сие есть велие различие между теми имать⁴⁹¹. Многажды и едина речь на двое делится, но не в сем⁴⁹² Символ же есть весь писал святейший Фотий, патриарх цареградский, к болгарскому князю Михаилу, егожо сам и крести, и вся Болгарская земля от того времени благочестие прияла; а Царяграда царь тому князю и восприемник был от святыя купели. И к нему в послании пишет: и в Духа Святаго, Господа истиннаго и животворящаго⁴⁹³. Да еще, государь, во Псалтирях следованных, в десть, в стихе: Царю небесный, совершенно Духа Святаго истинным не имянуют же и напечатали сице: Царю небесный, утешителю, Душе истины. Две буквы и тут наш да иже из истиннаго отъяли, и тем Духа Святаго учинили раболепна⁴⁹⁴, а не самый истинный Святый Дух именуют. И тем, государь, преступили богословие Господа нашего Иcyca Христа, иже рече в пресвятом своем Евангелии: послю вам от Отца Дух истинный. А отступницы напечатали Дух истины, и тем хулу навели на Святый Дух. И пишут глаголюще, не подобает нарицати Духа Святаго истинным⁴⁹⁵, но Дух истины. И по сему, государь, не сам собою будет истинен, но от истинны. На погибель себе тако мудрствуют, а на святых отец лгут, будто святии на втором вселенском соборе⁴⁹⁶ истиннаго в символе не положили де. А в деянии втораго собора писано во многих книгах рукописных и печатных: святии отцы Святаго Духа Бога истиннаго и животворящаго исповедаша. Содрогнитеся вси⁴⁹⁷ неглаголющии во исповедании православныя веры Духа Святаго Господа истиннаго. И отметаяйся глагол Спаса Христа, по Спасову пречистому слову: вы отца вашего диявола есте, он человекоубийца бе искони, и во истинне не стоит дух, но дух лукавый, и свойственно ему не истинный⁴⁹⁸ зане ложь есть и отец лжи. Не от сих ли началнешего глаголете во своей вере животворящаго? Престаните, молю вы, престаните от сицеваго неправославнаго мудрования и послушайте богословии Спаса Христа, и покоритеся священным словесем святых и богоносных отец: Дионисию Ареопагитскому, Василию Великому, Григорию Богослову, и Иоанну Златоусту, Aфaнaсию и Кириллу александрийским епископом, и Григорию, неокесарийскому архиепископу и чюдотворцу, и преподобному отцу Иоанну Дамаскину, и прочим святым всем, и седми собором вселенским.

Иже предаша нам во святей соборной и апостольстей церкви глаголати и исповедати: и в Духа Святаго, Господа истиннаго и животворящаго⁴⁹⁹. Сия вера Христова, сия вера апостольская, сия вера проповедана бысть от конец до конец земли по вселенней, сия вера писанием святых и богоносных отец и вселенских учителей утвержена, трудами исповедник и кровми мученик украшена, и на седми вселенских соборех запечатленна седмию златыми печатьми. И егда совершися тайна Божия, повеле Господь вострубити седмому ангелу, и со ангелом воструби вся вселенная: проклят приложивый, проклят отъемляй от преданныя нам святыя веры. И паки: аще кто в той седми вселенскими соборы утверженной правде пребудет, спасен будет; а кто отступит, или в чем порушит, погибнет во веки. И сего ради во исповедании православныя веры уже несть потребы претворяти, или отъяти, или пременити, понеже на всех еретиков грянуша седмь громов гласы своими, и седмию светилники обличиша потаенныя волки, и в седмь труб на тех вострубиша, и душегубное тех учение потребиша, и самех вечному огню предаша, глаголаша же и написаша сице: аще кто инако дерзнет что вново установляти и проповедати, а не тако, якоже святии апостоли предаша и святии отцы утвердиша, то уже к разрушению и разорению есть, а не начаток проповеди и вере, но и всей твари скончание приидет.

Засвидетельствуем тебе, государю, небом, и землею, и всею тварию; и аще не умириши церковь, царьство твое мирно не будет, но к большей погибели приходит. Понеже ничто же тако может потрясти землю, якоже непослушание словеси Божия, якоже приточник глаголет: не прелагай предел вечных, яже положиша отцы твои. И премудрый Соломон глаголет: законы бо отеческия преставляти, несть твердо. А кто подвизает нечто от догмата святых и богоносных отец, сие ктому не подобает звати смотрение, но преступление преданных догмат и на Бога нечестие. Святии бо отцы всею истинною свидетелствовавше не порушити отнюдь от иже во исповедании святыя православныя веры мало, или велико⁵⁰⁰, ни гласа, ни склада, тамо положеннаго, предвизати или пременяти; но цело подобает хранити то всею силою и вниманием, яко зеницу ока, да не под анафему толь многих и тако великих и богоносных отец себе положим. Понеже писано, рек: иже от здравыя веры аще и малейшее что преложит, всю повреждает. Тако же Исидор Пилусийский, сему последуя, глаголет: отмещущии или что приложити смеющии к богодухновеным словесем единым от двою недугуют: или не веруют Духом Святым реченному во святых писаниих⁵⁰¹ или суть не вернии, или себе непшуют мудрейших Святаго Духа; не то, ино иное, токмо беснуются⁵⁰². И толик убо облак о сем свидетелей имеюще святых и богоносных отец, иже на седми вселенских соборех седмь крат собравшихся⁵⁰³, истинную веру утвердивших и запечатлевших, никакоже преступати смеюще, якоже писано: не прелагай предел вечных, яже положиша отцы твои⁵⁰⁴. Аще бо⁵⁰⁵ велеумный Ориген, сын нарочита благочестива мужа Леонида, последовал бы богоносных отец учению, не бы в таковую гибелную ересь впал: иже бо прежде потоки источи учения, последи же, на свое велемудрие уповая, истинны погреши, яко хулныя и смертоносныя глаголы изрече на Христа Бога. Сего ради Божия помощи обнажен бысть, во дно адово низведеся. Тако и Арий⁵⁰⁶, и Мекедоний, и Несторий вепрь дивий, Диоскор и Евтихий, Сергий, Пир и Павел, Петр, Кирил Александрийский, Феодор⁵⁰⁷ и инии мнози еретицы, аще бы последовали богоносных отец учению, не бы в пагубныя ереси впали; но понеже, на свое мудрование уповающе и богоносных отец ученья не держащеся, темже в глубину пропасти низринушася и в конец погибоша. Такоже, государь, аще бы отступник Никон, и Арсений еретик, и нынешния власти последовали святых отец преданию: не разрушали бы законы запечатленныя и не прелагали бы предел вечных⁵⁰⁸. Апостол бо Павел таковых проклинает сице: аще мы, или ангел благовестит вамь паче, еже благовестихом, анафема да будет. Закон бо Господень непорочен, николиже поправления требует⁵⁰⁹, словеса бо Господня, рече, словеса чиста. Ничто же в них стропотно, ни развращенно. Вся права разумевающым и здрава обретающим разум. Подобает им, государь, самих себе исправити, еже по закону божественному свое житие устроити, а не закон божественный своими умыслами⁵¹⁰ развращати, иже возбесишася, яко псы лают на церковь Христову и отец святых облыгают, будто⁵¹¹ они в вере поблудиша, и свои ныне уста клятвы исполняют, и горести, и льсти, по пророку, и твою царьскую душу возмущают напрасно и во тму ведут слепии вожди.

Воньми Господа ради, царь государь, о нынешных законопреступных клятве и мучении. Нынешния власти прокляша с нами и святыя отцы, предавшия нам православныя догматы. И сперва символ веры, и истинное знамение христианское в сложении перстов, по святому Мелетию, и Феодориту, и Петру Дамаскину, и Максиму Греку, и Петру митрополиту московскому, и Стоглаву книге, и прочих святых книг, – и трисвятую аллилуйю, еже есть сице: аллилуия, аллилуия, докса си феос, а по русски: аллилуйя, аллилуйя, слава тебе Боже; сие есть трисвятая. Аще извергоша нас и прокляша суемудреннии пастырие и помрачении тмою прелести, то бы не нас прежде им проклинать и извергать, но святыя отца, сему⁵¹² сами научившияся от прежде их бывших святых отец и нас научившия тако веровати. И аще они от вас извержени и прокляты, то и мы от вас прокляты, и благочестивыя цари наши и великия князи прокляты, и святейшия пять патриархов прокляты от вас, не по вашему веровавшии. Оле, прельщении вы сами паcтырие наветом сатаны! Доколе тяжкосердии есте? Доколе любите ложная и ищете суетная?⁵¹³ Пророческое глаголю слово: увидите, яко удиви Господь преподобныя своя. Яко оный змий, егоже виде Иоанн Богослов отторгша⁵¹⁴ хоботом своим звезды небесныя, тако и вас сатана отторже хоботом, Никоном, от тверди церковныя на земное мудрование, и еже от истинны слух отвратят, и к басням уклонятся. Басни суть вся ложная еретическая составления и мудрования, противящаяся Евангельской проповеди и апостольскому⁵¹⁵ и святых отец преданию и учению. И дивно сия мню на извещение вышереченныя свидетельства от святых писаний. Яко не последует Божий суд ни патриаршескому, ни епископскому не токмо не благословению⁵¹⁶, но ниже проклятию; аще неповинне проклинают, то клятва их⁵¹⁷ на них возвратится. И вси еретицы, проклинающе християн, себе проклинают. Аще проклинаяй Аврамия⁵¹⁸, проклят по божественному гласу, кольми паче еретик и отметник Христов, проклинаяй христианина, себе проклят. Мнози еретицы прокляша христиан, но не последова им Божий суд, но сами прокляти быша. Всяк, кто крестяйся⁵¹⁹ по Никонову проклятому мудрованию, таковый отметник есть Христов, не исповедаяй Христа воплотившегося нас ради, совершенна Бога и совершенна человека, в сложении своем по церковному преданию; и есть таковый богострастник и еретик, Троицу ко кресту пригвождая, Арменин и Фармоса папы еретика ученик, и со Евтихием и Диоскором, отметающими вочеловечение Сына Божия, единомудрен, едину волю во Христе Бозе нашем блядословящим, и Сергию, и Пиру, и Павлу еретикома единоверен, и от всех святых отец проклят. Иже не знаменается двема персты, якоже и Христос, реша святии отцы, да будет проклят. Слышите сия вси, аспиды глухия, тремя персты повелевающии креститися, а святых отец облыгающе, истинное знамение ересми называюще. Да постыдятся убо вси нынешнии мудрецы, учащии знаменатися тремя персты христианом, Троицею крест начертающе на лицах своих без воплощения Христова. Таковое их мудрование хулно есть и нечестиво: не Троица бо на кресте пострада; но един от Троицы, Сын Божий, воплотися от пречистыя Девы и пострада плотию.

И того ради всяк христианин, егда творит крест на лицы своем, слагая десныя руки своея прежде три персты, палец да последних два, во образ святыя Троицы неразделимыя⁵²⁰, два же перста, указателный и великосредний, во образ дву естеств Христовых, неразделно и неслитно стекшихся во едином составе Бога Слова, якоже многая священная писания нам изъявляют о семь, яко Слово плоть бысть и вселися в ны, и прочая.

Слово нам зде предлежит о крестном знамении в сложении перстов, в нихже сокровены суть тайны православныя христианския веры. И то ныне истинное сложение християнских перстов новии учители погибели хулят, – новое предают, а от древле преданнаго святыми отцы отступают, и не токмо отступают, но и похуляют, и простейших сердца прельщают, и своей прелести последовати велят, и лжуще глаголют, яко сие есть старое, еже тремя персты креститися, а старое новыми называют⁵²¹, и аки пси на истинну лают, упившеся пиянством прелести и подобных себе пияных обманывают. И егда, государь, вопрошаеми от нас о своем их мудровании: кто вам предаде сие и кто вас научи сему, еже Троицею крест воображати? и ссылаются на неведомого человека, Дамаскина именем, иподьякона, студита, что он тако мудрствовал и написал. А тот их Дамаскин неведомо кто, и во святых не слышим его. Не подобает нам, о возлюблении, новоявленным сим философом последовати и их прелести, но божественным отцем должно есть повиноватися, и всякому христианину ведати, и ведавши держатися истинно⁵²², блюстижеся от прелестнаго, в трех перстах сосокровеннаго еретическаго мудрования. А истинное, государь, знамение Христово в сложении перстов иже святым Мелетием Христос Бог чюдодействовал⁵²³, и еретики посрами и обличи, а верныя благослови и возвесели. Так же и святый Феодорит написа и истолкова истинно, в трех перстах едино существо неразделно святыя Троица проповеда, во дву же перстах два естества Христовы⁵²⁴ и две воли, и два хотения, и два рожества, и два действа. Тако и святый Петр Дамаскин написа и истолкова. Тако и святый Петр, митрополит московский, написал на иконе Богородичне. Тако и Максим Грек написа и истолкова. Тако и в Стоглаве книге написано. Тако и в Катихизисах⁵²⁵, большом и в малом, и в Книге о вере. И аще кто не исповедует во Христе дву естеств двема персты, таковый, государь, от всея вселенныя святых отец да есть проклят. А кто тремя персты крестится, щепотью, по Никонову окаянному мудрованию, таковый богострастник есть и чюж веры во Христа Иcyca, и враг креста Христова, и отметатель воплощения Христова. А писание глаголет: аще кто не исповедует Иcyca Христа в плоть пришедша, антихрист есть⁵²⁶.

А то, государь, мудрование в трех перстах арменское⁵²⁷ и Фармоса папы еретика. Мы же в сложении перстов в знамении честнаго креста християнская мудрствуем⁵²⁸, а не несторианская, якоже облыгают⁵²⁹ церковь. Далече да будет от нас таковая хула еретическая. Мы двема персты знаменяемся⁵³⁰ и не два сына мудрствуем, а единого Сына Божия, тогоже и человеческаго, яко совершен Бог и совершен человек, и единаго на кресте страдавша плотским своим естеством, а божество его безстрастно пребысть. Не Троица бо на кресте распиналася, якоже они своим сложением мудрствуют, но един от Троицы Христос Бог наш, иже не оставль Недр отческих, сшед на землю, нашего ради спасенья. А сложение трех перстов, имже⁵³¹ ныне повеле креститися Никон отступник со Арсением еретиком, и нудят христиан крестити лице свое тремя персты: и то, государь, ересь проклятая Севирова и арменская, и Фармоса папы, еретика и отступника правых догмат, и Афеса папы же еретика, и нынешняго их новаго учителя вновопроповедуемаго от них Дамаскина иподьякона. Те мудрованием ко святей Троице страсть прилагают. И Диоскорова со Евтихием, яко воплощение Сына Божия отмещут, единоволников ересь тут скрыта: едину волю во Христе исповедуют крестящеся⁵³² тремя персты богохулно.

Зрите сами себе, в коликий ров прелести впадаете, аще и не хотящим вам, и кому ослеплшии последуете, и коего учителя ученицы. Не того ли звря уди, егоже виде Иоанн Богослов восходяща от бездны, и отторгша хоботом своим третию часть звезд небесных, и свергша на землю, тако, мню, яко и вас сатана сосудом своим Никоном отторже от тверди церковныя и поверже на земное мудрование? Зрите, чему согласует ваше мудрование. Да еще и инех к своей прелести и погибели призываете. И кому последуете, еже трема персты, якоже глаголете, Троицею крест на себе изображати, без воплощения Христова и страстей его, якоже многажды пряхом вам о сем? Не яве ли уже: Христа исповедуете будто ведати, делом же отмещетеся вочеловечившегося Бога Слова, по своему сему мудрованию, чревохотным мудрованием⁵³³. Оле дерзости! О, плотьскаго мудрования! Иже закону Господню не покоряется, не может бо уже, по Апостолу, и всяк дух, иже не исповедует Иcyca Христа в плоть пришедша, сей от Бога несть, но от антихриста, яко близ уже стоит. Сей отводит разумы человеческия от распятаго за ны Господа нашего Иcyca Христа, да поклонятся прелести вси живущии на земли, якоже рече о нем Иоанн Богослов: зде есть мудрость, иже имать ум, да почтет число его 666⁵³⁴. И о сем помолчю и слезами потру.

Престаните, молю вы, престаните от сицеваго неправославнаго начинания, иже повелевающии⁵³⁵ тремя персты знаменатися. То уже по вашему проклятому мудрованию, яко Христово Божество пострада, сиречь умре вкупе со святою Его плотию. Сего хуления что ино может быти горшее и богомерзшее? Аще бо божество единороднаго пострада, сиречь умре со святою плотию его, по Никонову проклятому мудрованию, то убо и вся святая Троица пострада, сиречь умре, понеже едино божество, едино естество, едино существо трием неразделимое. Явственно убо зде обличает отступника Никона и учеников его, хулящих⁵³⁶ самую святую Троицу, страдателну исповедующе, сиречь смерти подпадшу во время спасителныя страсти. Оле нечестия и сатанинскаго умышления и чревохотныя мудрости! О, новоявленныя философи! Где станет, иже по вас ваше баснословие во своем мудровании⁵³⁷ глаголя, яко и в трех перстах исповедуем воплощение Христово, егда крест на себе изобразим (тако бо слышим вас мудрствующих). И аще тако по вашему, то человечество естества Его сместно з божеством познаваете в сложении трех перстах своих. И аще убо смесишася в себе обоя естества, по вашему, то где божественный глас, глаголющий: осяжите мя и видите⁵³⁸, яко дух плоти и кости не имать, якоже мя видите имуща. Слышите от Никона мудрость приемшии, яко человек есть совершен истинною, а не привидением. Не мощно бо вам по своему хотению сего таинства толковати и истинну лжею покрывати: обличает бо вас свет божественнаго писания. Где бо таково неправедно речеся, или предадеся когда, еже тремя персты креститися? От Апостол ли? – Никакоже. Или которыми от святых отец? – Никогда же обрящете, кроме отступника папы Фармоса. Он бо тако мудрствовал⁵³⁹; и другий⁵⁴⁰ учитель Дамаскин иподьякон так же написа, о немже ниже́ слышахом когда преже сего, ни отцы наши возвестиша нам. И ни кий, государь⁵⁴¹, учитель новый (не согласует) со святыми и богоносными отцы, древле предавшими нам единою сие таинство; но со Армены единомудрствуют⁵⁴². Они бо, зловернии, тако тремя персты прекрестят⁵⁴³ лице свое без воплощения Христова. Зрите, чии есте ученицы и кому ослепшии последуете⁵⁴⁴, тако мудрствуя, еже тремя персты, слагающе, знаменаетеся и глаголете: во имя святыя Троицы крест Христов на себе изображаем. О, помраченнии тмою прелести! Словом тако глаголете, а делом своим слово ратуете, и, яко Голияф своим ему мечем убиен бысть, тако и вы от своего мудрования обличаетеся. Крест Христов глаголете на себе изображать а распятие на кресте в сложении перстов своих не исповедуете. Тако вас Никон прелстил и себе последовати сотворил, и яко хобот сатанин отторже третию часть звезд небесных и поверже их на земное мудрование. Три персты слагати, глаголете во образ святыя Троицы, кроме страстей Христовых: в трех бо перстах едино естество и действо, и едина воля во триех ипостасех. Тако бо веруете⁵⁴⁵ и исповедуетеся: во триех бо ипостасех божественных едино существо и действо, и едино хотение, и воля едина. Зрите безполезнаго труда подвижницы, како обличаетеся: словом Христа исповедуете ведети, а делы отмещетеся вочеловечения его. Во Христе бо два естества и действа исповедуются быти, и две воли, и два хотения, понеже совершен есть Бог и совершен человек, и сугуб естеством, а не составом: и воплощеннии⁵⁴⁶ бо два естества его непреложны и несмесны в нем познаваем. На чем, о прельщении, утвержаетеся⁵⁴⁷ и суетными своими помыслы носитеся, кроме апостольских и отческих преданий? От чрева своего, а не от божественнаго писания мудрствуете. Или сего ради дивныя тайны вочеловечения Христова не воображаете в перстах своих, мняще святой его плоти поглощенной быти и одоленней отнюдь от божества Бога Слова? И сице возникнет паки погруженная издавна Севирова и Евтихиева ересь. Но далече от нас буди таковая хула! Не одолена бо плоть⁵⁴⁸ от божества Бога Слова и в божество не преложися: непреложни бо и несмесни снидошася и соблюдошася два⁵⁴⁹ существа и естества в Богочеловеце Слове. И свидетельствуют сему⁵⁵⁰ весь собор богодухновенных богословец, и наипаче 3-го гласа священнопение в славу и хвалу Богоматери, еже есть: Како не дивимся богомужному твоему рожеству Пречистая, искушения бо мужеска не приемши, Всенепорочная, родила еси без отца Сына плотию, никакоже претерпевша изменения и смешения, или разделения, но во обоем существе свойство цело сохраньша⁵⁵¹.

Слышите, о прельщеннии от Никона отступника, и навыкните сему богословному таиньству. Отложите всяко прение суетно. Престаните, молю вы, престаните от сицеваго неправославнаго мудрования, навыкните и научитеся глаголати со блаженным Иоанном Дамаскиным и всеми православными учители, еже: родила еси без отца Сына плотию, иже прежде век от Отца рожденнаго без матере, якоже выше сего рехом.

Не подобает нам, о возлюбленнии, новоявленным сим⁵⁵² философом последовати и их прелести, но божественным святым отцем, и на их взирати жительство, и подражати вере их, иже они нам предаша исперва сие, како слагати персты десныя руки. Во многих святых книгах о сем обретается, ихже на среду зде предложим, не о себе мудрствующе, не буди сие, но сим святым отцем повинуемся. Святый Мелетий, патриарх антиохийский тако учит нас, в Прологе февраля во 12 день, Псалтирь, московская печать 150 году, книга Кирила иерусалимскаго, глава 14⁵⁵³, книга Кормчая, о латынских ересех, глава 37, ересь 16, писана сия книга при великом князе Василии, в лето 7027 году, таже книга Кормчая, глава 49: иже не знаменается двема персты, якоже и Христос, да будет проклят. Блаженный Феодорит во Псалтири московския печати поучает. Сей святый Феодорит⁵⁵⁴ был во время 3-го вселенскаго собора, иже и Псалтырь толковал, и ина священная его писания многа обретаются в церкви, и никоея ереси в писании его несть, и церковь святая того приемлет и никто его, кроме отступника Никона, прежде сего не похулил. Мнози святии, по нем бывшии, во своих писаниях на него ссылаются и во свидетельство приемлют. Книга о правой вере⁵⁵⁵, глава 9, тоже сложение утвержает. Книга святаго Петра Дамаскина⁵⁵⁶, а в ней пишет сице: яко два убо перста и едина рука являют Христа, во двою естеству и во едином составе познаваема. Книга святаго Максима Грека⁵⁵⁷, глава 40-я, тоже глаголет, иже был при великом князе Василии. И книга Стоглав, в лето 7050 году, при царе Иване Васильевиче, глава 81, сице глаголет: аще кто двема персты⁵⁵⁸ не благословляет, якоже и Христос, или не воображает⁵⁵⁹ крестного знамения, да будет проклят, святии отцы рекоша. А после сего собора и подтвержения о кресте был святый Филипп митрополит, и инии мнози в та времена зде в Русии⁵⁶⁰ просияша знаменьми и чюдесы. И пять патриархов такожде держаша: яко же благословляли, тем же сложением и себя знаменали, единым крестным знамением, а не двема, якоже ныне, но словеси пророческому: дал еси знамение боящимся Тебе, Господи. Слыши: знамение, – едино, а не два. И паки: да знаменается на нас свет лица Твоего Господи. И посем на предлежащее возвратимся⁵⁶¹. Иеремий патриарх был при царе Феодоре, в лето 7097 году, а о кресте не зазирал. При царе Михаиле был патриарх Феофан, в лета 7127-го году, о кресте такожде не зазирал. И сами они такоже употребляли⁵⁶². Еще же и Грамматика киевская, печатана в Вилне, в друкарне братской, в лето 7103-го году, такоже написано о кресте. Тако же и в Гронографе пишет⁵⁶³ и в Катихизисах большом и в малом. К сему же и образы древняго написания⁵⁶⁴ свидетельствуют, греческаго и рускаго писма, – и на тех иконах Спасова рука такоже согбена по преданию⁵⁶⁵. Святаго Петра митрополита московскаго икона пресвятыя Богородицы, его руки писма, а благословенная рука у превечного младенца такоже написана⁵⁶⁶. И что много, государь, исчитати? Паче песка умножатся. И при двою, или триех свидетелех станет всяк глагол; той же⁵⁶⁷ в мале неверен, и во мнозе неверен. И ко всем сим, государь, нынешнии мудрецы, Никоновы ученицы, яко аспиды глухии, затыкают уши свои, еже не слышати⁵⁶⁸ гласа обличающих, иже римское мудрование Фармоса⁵⁶⁹ папы проклятого. Он бо тако мудрствовал зле, тремя персты и людей благословляше. Свидетелствует о сем в Книзе о правой вере, глава 27, лист 239. Иже после того Фармоса был папа благочестивый Стефан седмый, и того Фармоса папежа выкопати повелел из гроба и облачивши, яко папежа, на столице посадити повелели, и поругание и насмевания творяше над ним, и потом разоблачити повелел, и три персты, имиже благословляше, отсещи повелел и тело его в Тиверь реку воврещи повелел⁵⁷⁰. И о сем пространнее писано в Баронии, в лето по Христе 897⁵⁷¹. Слыши, государь, яко и в Риме не бысть таковаго знамения прежде сего папежа еретика, отступника правых догмат. Такоже, государь, и зде, в Русийском царствии, не было такова мудрования прежде Никона отступника, еже тремя персты христианом знаменатися. В новых его книгах напечатано не против святых отец предания. И то, государь, троеперстное знамение напечатал он от Фармосовы ереси.

А еже, государь, Никоновы ученицы ссылаются они на греков о сложении трех перст: и тамо сия у них недавно вселилася прелесть, всего 80 лет. А прежде сего однюд не бывало того⁵⁷², и ни которой богословец и учитель церковный не написал ни где, ни предал тремя персты креститися: понеже хулно есть и нечестиво; арменское то, а не христианское.

А греки уже много⁵⁷³ бдудят в вере. Понеже убо некогда, стесняема от турского царя о вере, хотящи бо к своей их вере привести, греки же, нужду видевше, прибегоша к римскому папе Афесу, еретику сущу; папа же дав им три заповеди: первое в крещении обливатися, второе – тремя персты креститися, третие – крестов на себе не носити. Они же сицева приемше от папы, нужды ради от Турского царя.

Да и сие, государь, какая правда⁵⁷⁴: во Афонской горе греки сожгли своих святейших четырех патриархов многосложный свиток – книгу, что писан⁵⁷⁵ к Феофилу царю иконоборцу, и рук к нему приложено 1465, собравшися вси церковницы. Тогда теже греки и нашу рускую Псалтырь с воследованием сожгли, и книгу Кирила Иерусалимскаго сожгли и иных не мало. И какое их ныне православие? И какие ереси нашли во святых тех книгах? А наши владыки ныне у них переимают новыя чины и уставы на соблазн всему христианству. Научат их греки и в крещении обливатися поеретическому⁵⁷⁶. А прочее чево ожидать добра? Все новыя догматы, преданныя от Никона, чюжи есть церкве Христовы. Но отступник и еретик таковая начиная пременяти⁵⁷⁷, церковная уставы и предание святых отец превращать понеже писание возбраняет: не прелагай, рече, предел вечных⁵⁷⁸, яже положиша отцы твои. Пределы бо предвизати⁵⁷⁹ не безбедно есть. И како, яже Бог нам положил, и преложити дерзнем? Якоже святый Златоуст рече, толкуючи видение Исаии пророка: приемлю глаголемая, а не испытую молчанная; разумею откровенная, не истязую сокровенных. И паки прирек: сего ради сокровенна быша: постав злат есть писаний, чтение же основа злата, уток же моих помышлений неможение вем.

Святый же Келестин папа пишет о божественнем и священнем исповедании веры, еже и до ныне соблюдается в нас цело благодатию Христовою, и глаголет: кто убо когда осужден есть и проклятию достоин, точно той, иже отъемлет и прикладает что к вере, яже предана нам от святых отец, ниже приложити, ниже отъяти; великою бо мукою связуют прикладающаго и отъемлющаго исповеданию веры, еже состави первый и вторый собор, а третий утвердил: повеле сей святый собор⁵⁸⁰ иную вepy никомуже износити, или списовати, или составляти, или учити, или доказовати; а иже дерзнет кто таковыя творити, аще епископы или клирицы, да извержени будут от сана, а простии прокляти да будут. Теми же словесы четвертый и пятый⁵⁸¹, и шестый, и седмый соборове вопиют светлыми гласы, глаголюще: мы законы церковныя соблюдаем, мы пределы отеческия храним, мы прилагающих нечто или отъемлющих от церкви проклинаем; и аще кто все предание церковное, написанное, или не написанное, отметает, да будет анафема, со Июдою счиняем, занеже то же, что и он, тако и сии дерзнуша не тело господьское на смерть предати, но верных, иже суть уди тела того, отсекли и разлучили единых от других, и тако в вечную смерть послали, паче же сами себя. Коль известно святии краткими словесы сими ненавидиму и отбегаему показали ересь, яко со Июдою счиняти преступающих пределы вечныя, яже положиша святии отцы. А нынешнии, государь, учители, аспиды глухия, затыкают уши свои и не приемлют обличения. Ни днесь бо, ни вчера сия глаголана быша, но множае шести сот лет преидоша, отнелиже сия писания соделана суть, не во угле же, ниже в темне месте, но в старом Риме, и в самом царствующем граде, пред самодержцы, цари, и архиереи и учители. И вси святии отцы во вселенских соборех бывшии и поместных, и смеющих нечто к церкви приложити инако, или отъяти⁵⁸² – таковых всех при ceбе врагов, и быти хотящих, и церковь Христову поколебати начинающих, аще царие, аще святителие, аще простии⁵⁸³ – всех таковых еретиков вечному проклятию предаша от рода в род и антихристовой части приложиша.

Ты же, царю! – о самодержавне! воньми о всех бывших и ныне настоящих, и внимай себе, да спасешися. Воистинну засвидетельствуем тебе, государю, вси Христови раби небом, и землею, и всею тварио, яко несть нынешних книг разум исправления, но от веры отступление, по числу зверя 666. О, преизлишества беды великорусиянам, яко в настоящих сих временах, на конец последняго века, учитися хощем! О, горе и увы! яко вси уклонишася вкупе от Бога, Содетеля всяческим, и лестьцу веру яша, отступнику Никону, будто не пользова нас по се время⁵⁸⁴ Христос, ни апостольское учение. Апостольское слово возглаголю: Сего ради⁵⁸⁵ открывается гнев Божий с небесе на всяко нечестие и неправду человек, содержащих истинну в неправде, понеже разумеша Бога, и не яко Бога прославиша или благодариша, но осуетишася помышлении своими, и омрачися неразумное их сердце; мнящеся мудри быти, обюродеша; и измениша славу Божью в подобие образа тленнаго человека, сосуда сатанина, врага и отступника, и лестеца окаяннаго, Никона, иже, грех ради наших, московский епископ бысть на погибель своея души, а прочиим на соблазн.

Собери, Господа ради, царь государь, от темниц Христовых рабов и свободи, и распуженных всех соедини, и дай праведный суд общий⁵⁸⁶ всем с еретиком Никоном и оболгателем святых. Воньми, Господа ради, безумию нынешних пастырей и загради их клятвенная уста, что проклинают без ума православных христьян, сами прокляти быша, – за старой символ и за истинное сложение перстов, и за аллилуию, и за непорочныя Служебники, и за прочия вси церковныя догматы святых отец. Аще тех прокляша истинне исповедников, то и святых прокляша же уже истинных исповедников, которыя те святыя догматы и книги церкви предаша и сами о том души своя положиша, яко за Духа Святаго, Господа истиннаго, а еретика Македония прокляша, и на отметающих вочеловечение Господа нашего Исуса Христа четвертый собор собраша, и таковых еретиков такоже вечней клятве предаша. И зде, в Русии, святии отцы при прадеде твоем государеве на соборе Иева окаяннаго философа роспопу о аллилуии четвероличной, мудровании римскаго костела, неправедно быти тому судиша; тако же и о крестном знамении подтвердиша. А ныне, государь, крестное знамение, православное сложение перстов⁵⁸⁷ изменил еретик, новый отступник, Никон, и глупых епископов прелстил, а святых оболгал лестно: Мелетий, и Феодорита, и премудраго Максима Грека. И о семь, государь, истинное свидетельство предложу и еретическую богомерскую прелесть⁵⁸⁸ обличю многими святыми свидетели.

Верен святый Мелетий, патриарх антиохийский, иже был есть еще на втором вселенском, соборе⁵⁸⁹, а нынешной Макарий, что был на Никонове; безбожном сонмище, и ныне еще призваша их отступницы потакати.

Тако той святый Мелетий прежде три персты показал вкупе, палец со двема последними, исповедавших святую Троицу прежде всех век, и потом два совокупил, указательной с великосредним, исповеда в них два естества во Христе и две воли. И тако благословил верных, а еретиков посрамил; а не трема персты благословил и знаменался, якоже ныне враги лгут на него. Хотехом мы сим единым свидетельством⁵⁹⁰ правы и виноваты быть, но праваго суда не даша нам с еретиком Никоном, понеже вси и сами таковы же. О сем дозде.

Тако же и святый Феодорит, учитель церковный, написал, – на третием соборе был вселенском⁵⁹¹. Тако и преподобный Петр⁵⁹² написал; тако и святый Максим премудрый написал⁵⁹³ и вси святии. Греки были⁵⁹⁴, и давно уже. Тако и святый Петр, митрополит московский, написал своею рукою на святей иконе. Тако Христос благословляет и на чюдотворных иконах пресвятыя Богородицы Тихвинской и Казанской; а иных⁵⁹⁵ многих невозможно в кратком сем писании описати подробну. И на градских вратех на Коломне устроен образ пресвятыя Богородицы, – Христос тако благословляет. Старец грек, а имя его подписано погречески, трудился повелением царя Ивана Васильевича, тут ему живущу в то время⁵⁹⁶. Такоже и в Катихисисах, большом и в малом, и в книге Стоглаве⁵⁹⁷, что писан на соборе при царе Иване⁵⁹⁸ Васильевиче, и в нем написано сице⁵⁹⁹: иже аще кто не знаменается двема персты или не благословляет, якоже и Христос, да будет проклят. И книгу видях, государь, писану по хартии при великом князе Данииле и при Фотии, митрополите Киевском и всея Русии, в лето 6932-е, проклинает в ней латинския ереси многия, так же и сие написано⁶⁰⁰: иже не знаменается двема персты, якоже и Христос⁶⁰¹, да будет проклят. И во иных многих писмяных. Тако же, государь, и в Потребниках Филарета патриарха⁶⁰²: иже не знаменается двема персты, яко же и Христос, да будет проклят. И в Книге о правой вере, глава 9⁶⁰³. И аще вси приводити буду свидетельства, то паче песка умножатся.

А что, государь, ныне принужают креститися тремя персты, Троицею, без воплощения Христова, и то, государь, мудрование их хулно и нечестиво. Тако тремя персты Армени еретики крестятся, прилагаючи страсть ко святей Троице. Един бо Сын Божий Исус Христос пострада плотию на кресте, а не вся Троица божественная: Бог естеством безстрастно пребысть. А что, государь, ссылаются ныне на некоего иподьякона и студита Дамаскина, – а прямово имени ему нет, – и тот их Дамаскин недавно еще был, всего лет с восмьдесят, – неведомо, кто он. И то его мудрование святым отцем и богословцем противно зело, и со святым писанием церковным несогласно отнюдь. Знать тот диякон еретик был арменския веры, или единоволников, или Диоскоровы со Евтихием: с сими еретиками того Дамаскина Студита мудрование согласует, и римским папою Фармосом согласует же, –он тако тремя персты благословлял, и крестился, мню, такоже, – а не с церковными учители. А и греки⁶⁰⁴, окроме того реченнаго⁶⁰⁵ Дамаскина, на святых иных не ссылаются, как мы ныне. И от того же Дамаскина книги⁶⁰⁶ и греки соблазнишася, понеже иных писм⁶⁰⁷ не обретают у себя (за) скудостию книжною. А Никона прельстил Арсеней чернец, грек же⁶⁰⁸, и всю русскую землю возмутили превращением святых книг. И в новых книгах многия⁶⁰⁹ богомерския хулы и ереси насеяша, ихже тебе, государю, на среду зде предложу, от божественных писаний о православных, церковных догматех: о символе веры, и о святой аллилуии, и о сложении перст во знамении християнском, якоже выше сего сказах ти⁶¹⁰, и о прочих церковных догматех, ихже ныне отступницы истребляют ис церкви и свои еретическия влагают, и тем церковь Христову раздирают, и чад ее оскорбляют зело. Паки реку⁶¹¹: известно ти, буди государь, о символе православныя веры, егоже раздрал Никон еретик и отступник правых догмат, иже по Божию попущению бывший патриарх московский. Первое приложил есть иже ко Иcyсу в символе, – где было: и во единого Господа Иcyca Христа, а ныне везде пишут: Иисуса Христа. А Иисуса нигде отнюдь, братие, во святых книгах древних не обретается, еже бо (бы) Иисус Христос, но везде Исус Христос – тако. А тою прибавочною литерою ижем отделяют человечество Сына Божия во ин состав от божества Бога Слова. В том же символе выняли азъ, и глаголют рожденна, несотворенна, и: егоже царствию не будет конца. И того, государь, отнюдь несть ни в которых книгах: ни в сербских, ни в острожских, ни в писмянных, ни в печатных, колко на свету ни есть ныне на нашем словенском языце, но везде: рожденна, а не сотворена, и: егоже царствию несть конца. Отметающии литеру азъ из символа помогают Apию еретику. А глаголющии вместо несть конца – не будет конца присвояются⁶¹² жидом, ждущим антихриста. Число его 666. Чтый, да разумет. А где было: и в Духа Святаго, Господа истиннаго и животворящаго, а отступницы ныне истиннаго из символа извергоша, глаголют: и в Духа Святаго Господа животворящаго, а истиннаго отмещуся, и в том составляют хулу на Святый Дух истинный, Господа истиннаго, и непрощеным нечестием недугуют, якоже первый еретик Македоний духоборец. А святых отец втораго вселенскаго собора облыгают, будто они святии в символе истиннаго не положиша. Святый Фотий⁶¹³, патриарх цареградский, писал послание к болгарскому князю Михаилу о седми вселенских соборех, и в нем⁶¹⁴ такоже: и в Духа Святаго Господа истиннаго, и прочая. И в слове святаго Иоанна Дамаскина, что в Соборнике московской печати, в первую неделю святаго поста, писал⁶¹⁵ на еретики, – и в нем такожде: и в Духа Святаго Господа истиннаго и животворящаго. И во всех книгах московских печатных, что́ при пяти патриарсех печатаны; и не в однех наших, но и в сербских, и в острожских, и в болгарских, и в киевских, и во иных многих: и в Духа Святаго Господа истиннаго. И в соборной церкви Успенской древнее писмо на иконе, весь символ написан, тако же слово в слово. И в Прологу поучение святаго Варлама пустынника, апреля в 11 день, прочти⁶¹⁶, государь, как учил веровати Иoacaфa царевича. И Златоуст Иоанн⁶¹⁷, в Маргарите поучение прочитай, о оглашении слово 1-е, – во истиннаго же веровати учил христиан, а не без истиннаго, якоже нынешнии мучители и отступницы, ученицы расколника Никона. Что он, государь, символ писал с коих несвидетельствованных книг и пометных⁶¹⁸ писменных, – тут так, написано, а инде инако. Инде⁶¹⁹ в тех книгах, на которыя ныне ссылаются, написано: и в Духа Святаго животворящаго; а в ыной: и в Духа Святаго истиннаго и животворящаго, а Господа нет; а в ыной: и в Духа Святаго Господа животворящаго, ино истиннаго нет⁶²⁰. И таковаго ради, государь, несогласия той символ оставлен за искажение. А кой со святым Евангелием согласен, той держим есть⁶²¹. А что, государь, ныне греческия книги словут и к нам приходять печатныя, и зде с них переводят книги, и тем веровати отнюдь не подобает: понеже печатают их еретики в трех градех, в Риме, Парисе и в Виницеи, – греческим языком печатают, но не по древнему благочестию. А у грек, государь, печати своей нет: все у них книги покупают печатные, а писмянных древних велия скудость у них. О семь еще и Максим премудрый сказал великому князю Василию. Прочитай, государь, в книге ево о сем. Аз грешный вся книги сам о в семь прочтох и видех своима очима все. Ей, государь, не лгу, ниже притворяяся тебе говорю. Аз грешный зело скорбех, зря нынешные расколы церковныя, и поисках о том не мало в писаниих, и зело искусных потом мужей вопрошах, како бы не погрешити в вере, и свидетельствую тебе государю. Прежде еже о исповедании⁶²² православныя веры еще зде напишем мало.

Их же во царех перваго христианина бывша, святаго и равна Апостолом, великого царя Константина, повеление его царьское содеянно и дано святой соборной и апостольстей церкви, напечатано в Кормчей книге, после 641 листа, а в ыных книгах того и не положено, емуже начало сице: Во имя святыя и неразделимыя Троицы, Отца являю, и Сына, и Святаго Духа, царь кесарь Флавий Констянтин, и прочие титлы, святейшему папе Селивестру и всем архиереом православным, пишет, благодарствуя Бога, изведшего его (из тмы) во свет истинный, и ниже прирек: якоже нас⁶²³ той самый векотворный и красный отец и учитель наш научи, Селивестр, в Бога Отца вседержителя, творца небу и земли, видимым же всем и невидимым, и во Иcyca Христа, сына единороднаго, Господа нашего, имже вся содетельствовашася, и в Духа Святаго, Господа истиннаго и животворящаго, всей твари повеле веровати; мы же Отца, и Сына, и Святаго Духа тако исповедуем, иже в совершенней святей Троице. Паки о воскресении Христове и о вознесении: и паки приити со славою судити живым и мертвым, егоже царствию несть конца. И паки прирек: сия есть наша православная вера, блаженнейшим отцем нашим Селивестром нам предана, и прочая. Чти, государь, сам тамо.

Да и о сем тебе, государю, известно буди⁶²⁴, яко в Малой Русии истиннаго из символа выложили унияцкой епископ отступник именем Метим, а по прозвищу Смотрицкой, и во отступлении исчез от жития зле⁶²⁵, якоже исповедаша нам о нем знаюшии его Малой Русии православнии старцы старии. Но (не) непотребно же, государь, судихом зде вчинити слово ис книги преподобнаго Максима Грека Святогорца на шумящее вещание богоотступнаго собора никониянскаго на святую церковь, паче же на святый символ, якоже тогда бысть от некоторых суесловец, не по преданию глаголющих: из Марии Девы, а не: от Марии; и: чаем, а не: чаю; и: жизнь будущая во веки, а не: будущаго века. И тогда, государь, бысть блужение от некоторых отчасти. Ныне же зде у нас отступник Никон со Арсением еретиком символ православныя веры раздрал, не точию что преложити, но и уложити смеюще дерзнуша непреподобно, и с места на место, иная в других поставляюще, – вместо аза иже: рожденна и несотворенна. Нас ради человеков – се прилог вторый; распятаго за ны и страдавша – и се приложение третие; воскресшаго в третий день по писанием, – и се взял с предния речи; судити живых и мертвых хъ, – и се есть прилог, или пренесение⁶²⁶. А вместо живым – поставили живых, заднюю напред пренесл, еже есть хъ, и се преложение; и мертвых – се пременение, вместо мъ – хъ; и во единую святую соборную и апостольскую церковь, се ю – прибавил. А от сего, богословцы реша, велика ересь возрастает в церкви, якоже Максим в 13 главе пишет. Тако и в книге Большаго Катихисиса пишет, яко единым⁶²⁷ азбучным словом ересь вносится, неже многим, не в чин поставляемым⁶²⁸, и под анафему полагает таковая творящих. И всякому православному христианину держати непоколебимо священный символ, еже есть исповедание православныя веры християнския, иже изложен бысть первым собором, 318-ю святых отец, в Никейском граде, при великом царе Константине, и держим истинною церковию и до днесь⁶²⁹. Вторый вселенский собор 150 святых отец, в Константине граде собравшихся на духоборца Македония, хулящаго на Святый Дух истинный и глаголюща создана быти, а не создателя, и приложили святии отцы богословие, еже о Святем Дусе, сице: и в Духа Святаго Господа истиннаго⁶³⁰. Третий же вселенский собор бысть святых отец, собравшихся во Ефесе на христоборца Нестория хулника: иного быти глаголаше быти Сына Божия и Слова⁶³¹, иного же родила Приснодевая Мария, егоже ради и не хотяща глаголати Богородицу – Приснодеву Марию, но Христородительницу, разделяя окаянный во двою лицу единаго Бога; и крепце заповедали страшными клятвами святый символ, изложенный прежними двоими соборы, дабы никтоже прочее дерзнул, по малоумней своей дерзности, ни приложити что к нему отнюдь, ни уложити из него ни едину черту, ни оту, ни пременити ни едино, речение, и рекоша тако⁶³²: аще кто после нас каково что приложит во святем символе⁶³³ православныя веры, да будет проклят и чюж благословения и собства християнскаго. Страшнаго суда заповедь и запрещение! О, бодрости и великаго соблюдения достойно всем нам имети⁶³⁴! Аще убо истинно желаем получити спасение и общение со изложившими святыми отцы священный символ православныя веры нашея, не глаголи убо, яко мала разнь есть дерзаемое ныне новое быти мудрование: страшнее бо заповедь святых отец⁶³⁵ равне подлагает анафеме прилагающаго, и отъемлющаго, аще и меньшая прелагают писмя⁶³⁶. Не добра убо ваша похвала, да негли дерзость⁶³⁷: под ту же бо анафему и вас подлагает, претворяющих богодухновенная словеса, и глаголющих: из Марии Девы, а не от Марии; и: чаем, а не чаю; и: жизнь будущая во веки, а не: будущаго века. Довольно вам ратная дела умети и строити, а яже Духа Святаго остависте (оставите) имже дано есть. Не можете Богу работати и мамоне, глаголет Божие слово. Колико бил челом святому пятому собору великий царь Иустиниян, да быша повелели ему приложити во святем символе едину малую пословицу сию, еже есть: присно, – да где глаголем: и Марии Приснодевы. Они же⁶³⁸ треблаженнии отцы, соблюдающе заповеди первых четырех соборов, не повелели ему приложити пословицу ту во святом символе, аще и ничто же вредит, паче же и пристает слава и похвала пресвятей Богородице; а во иных похвалах ее велели глаголати и писати. егоже ради и царь, не получив от собора прошения своего, и любовию, яже ко пресвятей Богородице, нудим, сложил сам стих сей: Единородный Сын Слово Божие, безсмертен сый, изволи спасения нашего ради воплотитися от святыя Богородицы и Приснодевы Марии, и прочая. А яко несть леть ни спасително приложити что́ ко святому символу, ни уложити из него, или пременити речение каково, слышите внятно, что глаголет Иоанн Златоустый: в вере аще что и мало подвигнет, анафема да будет. Подобне тем святым и аз грешник, богомолец ваш, молю Исусом Христом: престаните, молю вы, от таковаго новоявленнаго мудрования: брань бо и соблазн двизаете точию⁶³⁹, а не ползу. Се аз, послушая царя и пророка глаголющаго: и глаголах во свидетелcтво их пред цари, и не стыдяхся, сказах вам всю истинну апостольскую, отцы преданную. Аще убо послушаете краткое сие воспоминание мое и престанете прочее смущати люди Божия, то слава Богу, давшему мне грешному сицеву пользу и силу словесную. Аще ли не послушаете, блюдитеся глаголющаго Господа: горе тому человеку, имже соблазн приходит, и прочая. А ныне⁶⁴⁰, государь, безумнии ученицы окаяннаго Никона, врага креста Христова, имже кончина погибель, не оту или черту, писмя и речение ея измениша, но и все, по малоумней своей дерзости, искорениша и истребиша⁶⁴¹, и до конца разрушиша, и всеконечней пагубе себе предаша, а от святых отец соборныя клятвы подпадоша за нечестие свое во веки.

Вонми, государь, и о святой аллилуии. То есть истинная и трисвятая: аллилуия, аллилуия, докса си Феос, сиречь: слава тебе, Боже. Тако в греческих древних и в сербских, и киевских, такодже: аллилуия⁶⁴², аллилуия, слава Тебе Боже. Ей, ей, свидетель сему святым Ефросин, и преподобный Максим Грек сам, и книга святая Стоглав, писана священным собором при царе Иванне. А что, государь, трижды глаголати аллилуия, а вчетвертое слава тебе Боже, и то проклятое римскаго костела мудрование и псковского Иева роспопы. троеженца. Той враг тогда со святым Ефросином велику брань творяше о аллилуия, и Господь Бог не закосне ему, врагу церковному, отмщение сотворити: два лета червми ядом бысть, и тако зле скончася. А что, государь, ученицы Никоновы ссылаются на книгу писмяную, будто Киприяновская митрополита, – а Киприян святый был Сербянин; а в сербских печатных книгах аз сам видех аллилуия дважды, а в третие слава тебе Боже. А та книга, что называют Киприяна митрополита благословением писана, и то, государь, видится подметь того же Иева, гнилаго столпа. Тогда он, окаянный, много писал книг и грамот о аллилуйи, и разсылал по монастырем и по соборным церквам, прельщаючи чад церковных, и святых многих оболгал, и греков тогда охулил со учеником своим роздияконом Филипом: оне-де едины глаголют аллилуйя дважды, а в третие слава тебе Боже, а то-де везде глаголют трижды, а вчетвертые слава тебе Боже. О сем писма их врагов обличают, иже и доднесь обретаются не истреблены во многих местех. А у Греков тогда ушто еще справно было и, по их врагов свидетельству, аллилуйи четвероличныя у них не было. И лучше, государь, старым греком верить, а не нынешним плутом, турским святителем, которыя меняют веру и продают на золотыя и на сребро, и на соболи сибирския. И в том судия праведный⁶⁴³ Христос Бог. Воньми, государь, безумию нынешних властей и учеников проклятаго, тмами окаяннаго Никона, иже повелевают нам оне⁶⁴⁴ говорити аллилуйя трижды, а в четвертые: слава тебе Боже. И аз, богомолец твой, троити та божественная аллилуйя отнюдь не смею: боюся⁶⁴⁵ того же гнева Божия и Пречистыя Богородицы, иже бысть явное наказание за утроение божественныя аллилуйи на Иеве, роспопе псковском, троеженце, иже и мотылный столп наречеся. Егда он не послушал наказания преподобнаго отца Ефросина, псковскаго чюдотворца, еже двоити божественная аллилуйя, якоже предаде ему Иосиф, Царяграда вселенский патриарх. И того ради своего непослушания и суемудреннаго начинания он, Иев, восприал от Бога велие отмщение и иным впредь на уверение: прежде будущаго мучения поражен бысть богопопущенною лютою язвою и неизцельным недугом, кипел в червях, и в смраде неудобостерпимом два годы, и в той лютой язве и душу свою изверже. А иже троити божественная аллилуйя возбраняющаго преподобнаго отца Ефросина, псковскаго чюдотворца, за cие богоугодное мудрование Господь Бог прославил во святых.

А по преставлении его, явися святая Богородица пишущему житие преподобнаго отца Ефросина⁶⁴⁶, бывшу ему во изступлении, и рече Владычица: нужду ми творят християне неведением своим, трояще божественную тайну сию, еяже аз, Богородица, тебе повелеваю. Да глаголется дважды правоверными божественная аллилуия, понеже то есть тайна воскресения Христова, Сына и Бога. Первые дважды глаголется в прославлениe Отцу: аллилуия, аллилуия, слава тебе Боже. Сия тайна: воскресе в божестве и человечестве и слава ему, яко Отец вседержитель есть Бог, и неотступен божеством своим единочадаго Слова, Сына своего Христа. Идеже бо Отец, ту и Сын Слово неразлучен: в лоне бо ему есть. А идеже Сын, Слово Божие, ту и существо Святаго Духа. И паки второе глаголется дважды в славу единороднаго ради Слова Божия: аллилуия, аллилуия слава тебе боже. A сие есть: воскресе, воскресе Христос, Сын Божий, подобен Отцу, слава ему, яко неразлучен с ним божеством и человечеством, и воплощения ради Сына Божия наречется и человек, а воскресения его ради Бог совершен познавается и славится. Идеже бо Сын, ту и Отец есть, и с ним неразлучно уравнися и прославися и Пресвятый Дух. Третицею дважды глаголется: аллилуия, аллилуия, слава тебе Боже, в прославление Святому Духу, яко да равен Отцу и Сыну Пресвятый Дух Бог есть, и того непреложное вочеловечение, и в сыне Христос, едино бо чадо есть Слово, без истления Отцу. Тако бо глаголется: аллилуия, аллилуия, слава тебе Боже, сиречь: воскресе, воскресе, слава ему, яко неразлучно действо въсынения Святаго Духа. Христос воскрес, воскрес Бог и человек. И того ради равная слава Святому Духу, яко же слава Отцу и Сыну; и того делма и Святый Дух Бог совершен познавается, един в Троицы, неразлучным ему вочеловечением, и удвоением божественнаго ему аллилуия познавается и славится во двою естеству, Бог и человек. А идеже убо троится божественная аллилуия, ту есть прилагаемый чюждый бог, языческий, понеже мнози суть бози еллинстии. Но аще не сия тайна божественнаго аллилуия, яко не воскресе Христос по страдании своем, и не воскрес Бог, то пророцы ложно пророчествоваша и Святый Дух солга, и Бог не воплотися в мя, и Христос прост человек, и распят, и умре, и не воскресе, ни аз Богородице Дево, и Апостоли вотще трудишася, мученики и мученицы горкая и лютая пострадаша в безумии, дела и веpa христианская, света сияния, потемнено и мертва суть, и новая благодать, истиннаго закона, иже бысть неложно Исус Христом Богом, вседолжен есть, понеже Дух Пресвятый усты пророк глаголаше, яко пострадати Христу и воскреснути Святым Духом, молишася, глаголюще: воскресни Господи, да не крепится человек, воскресни Господи Боже мой, да вознесется рука Твоя; воскресни Боже суди земли; да воскреснет Бог и разыдутся врази Его. И сия вся совершишася и в конец прииде в среду божественнаго аллилуия двоити⁶⁴⁷; то есть искомое тайны явление. Воскресе Христос по страдании своем, воскресе, яко человек Христос, и тем прославися, и присно воцарися на небеси и на земли единосущное Троица, и тем пророцы не ложь быша, и Святый Дух не солга, действуяй устнами их, и Апостоли не вотще трудишася, мученики же и мученицы, соодолевше мучителем, яко законно страждуще, храборски и венчашася; и тем жидове отступники славы Божия нарицаются, и уста их⁶⁴⁸ мудрословием присно затыкаются. Еретицы бо, блядословяще на Христа и на мя, Богородицу Деву, на матерь его, глаголют нелепая, и тем оглашаются варвары, и тем мерзцы быша Богу, и латынское неверие; но аллилуия истинно есть тайны откровение. Воскрес Сын мой и Бог моею плотию, Бог и человек, и аз того ради хвалима присно и блажима есмь, яко ей святая Дево Богородица, и ревнивый раб Сына моего Исус Христа и мой⁶⁴⁹, матере его, Ефросин познавается. Его бо ради ходатайства открых сокровенная. А идеже троится, ту есть четвертое лице святыя Троица. И повеле православным христианом божественная аллилуия глаголати дважды, a втретие⁶⁵⁰: слава Тебе Боже, а троящими изрече прещение страшно.

К сему же, государь, и в книге, глаголемой Стоглаве, в царском и святительском соборном уложении написано: ибо то латынская ересь, еже троити аллилуйя. И пишет сице: яко соборная и апостольская церковь имея и предаде, еже дважды глаголати святая аллилуия, а не трегубити: понеже бо, рече, сия несть православных предания, но латынская ересь, не славят бо святую Троицу, но четверят, и Духа Святаго от Отца и от Сына исходяща глаголют, и тем раболепна Духа Святаго творят. И того ради не подобает святыя аллилуия трегубити, но дважды глаголати: аллилуия, аллилуия, а третие: слава тебе Боже. Понеже по еврейски аллилуия, а понашему, поруски: слава тебе Боже. Зде да умолкнет Никон еретик, и да молчит прелесть его, и заградятся⁶⁵¹ клятвенная его уста, не могуще зрети противо истинны. Тако же, государь, и блаженный Максим Грек в книге своей пишет, и нарицает Латынскою же epeсию. И сия убо дозде.

Молю тя, самодержавне, аз, грешный старец, приклони милостивно ухо свое⁶⁵² ко изгнанным правды ради и не имущим уже где главы подклонити, разсмотри, откуду таковая буря воста на церковь Христову и гонение велие воздвигнулося в настоящее сие время. Вемы, яко Никон, враг креста Христова, разверзый хулная своя уста на церковь Христову, и истребивый из нее правосдавныя догматы, преже знамение христианское лестне охуливый, потом и символ православныя веры раздравый и трисвятую аллилуию именивый⁶⁵³, и святыя старыя Служебники и прочия святыя книги церковныя охуливый, и вместо тех свои развращенныя внес, и тем всем своим злоковарным советом церковь Христову раздра. И до днесь непрестанно волнуема есть от многих противных ветров⁶⁵⁴. Враг, новый отступник, начало положил рязоряти церковь и озлобляти, а нынешнии буии пастыри и слепии Вожди и докончаша.

А кто тремя персты крестится, щепотью, таковый богострастник есть, и чюж веры во Христа Иcyca, и враг креста Христова, и отметатель воплощения Христова. То мудрование, в трех перстах сокровенное, арменское и Фармоса⁶⁵⁵ папы еретика, и прелукаваго Афеса, и злокозненнаго Никона, и прочих еретик. И якоже древле скрывся в змию, и Адама изгна из рая, тако и ныне в своя ему скрывся, в три простыя персты. Нам же, християном, познавшим своего Творца, Бога истиннаго и животворящаго, не буди того прияти льстиваго и прелукаваго⁶⁵⁶ беca, скрывшегося в три простыя персты. Аще ли кто сего приимет, вместо своего Господа, истиннаго его креста чая, и вознесет его на свою главу, яко Бога, и будет на нем печать зверина, число его 666.

А что, государь, аллилуия четвероличная римское же мудрование и псковскаго еретика Иева роспопы, столпа и философа, – тако святии свидетельствуют: преподобный Ефросин, и Максим Грек, и Макарий митрополит со всеосвященным собором в Стоглаве: аллилуия, аллилуия, слава тебе Боже. Сие есть церковное предание святое. И в сербских книгах также. И всяк верный тако держи вся сия без сомнения; а новизны всякия зело блюдися, паче же богоотступнаго Никона прелести и учеников его со всяким опасением хранитися подобает, поминая писание, яко и избрании боятися имут многокозненней прелести последней. Василию же⁶⁵⁷, Острожскому князю благочестивому, присылаху послание вселенския патриархи⁶⁵⁸ и Афонския горы скитницы, похваляюще его и утвержающе в вере, что никто тогда крепко постоял во благочестии, якоже той благоверный князь во время униятскаго отступления и како епископи их отступиша православныя веры, по числу зверя 600, еще бо тогда не исполнилося 666 лет. О, горе и увы сего писания, егда совершится! И о сем помолчю, и слезами потру. В тех же, государь, острожских книгах: и в Духа Святаго, Господа истиннаго и животворящаго, – теми же словами печатаны, что Библеи Острожския. И в послании Фотия вселенскаго патриарха к болгарскому князю Михаилу весь символ писал, так же и о Святом Дусе: и в Духа Святаго, Господа истиннаго и животворящаго. И сие послание Фотиево велел чести⁶⁵⁹ Максим Грек царю Иванну Васильевичю. И в слове Иоанна Дамаскина о поклонении святых икон⁶⁶⁰ в Соборнике: и в Духа Святаго, Господа истиннаго и животворящаго. Иоанн Златоустый⁶⁶¹ в первом слове о оглашении учит вере приходящих ко крещению: и в Дух святый истинный, по Евангелию, приложил рек: сим поучайтеся душею и языком всегда. И Григорий Богослов глаголет в слове⁶⁶² на 50-цу: Дух Святый Господь есть истинный, и прочая тамо пространнее⁶⁶³. И в сербских во всех книгах в символе: и в Духа Святаго, Господа истиннаго и животворящаго. И в Кормчей книге печатной, лист 33, в грамоте Иеремия, патриарха цареградскаго, что поставляти в Москве патриархов, написано о Святем Дусе сице: действом Святаго Духа истиннаго и животворящаго; в той же книге, в предисловии о седми вселенских соборех, лист 3: Бога истиннаго и Господа животворящаго пресвятаго Духа глаголет⁶⁶⁴. Аще, государь, и при Никоне еретике напечатана сия книга, но не попустил ему Бог сего истребити.

А о знамении крестном пишут святии: иже кто не крестится двема персты, якоже и Христос, да будет проклят. Что же зде знаменует еже: якоже и Христос? Яве, государь, якоже Христос во двою естеству, а во едином составе, якоже и два перста оны совокуплени воедино⁶⁶⁵, тако и Христос от дву естеств, от божества и человечества, едина ипостась.

Видиши ли, государь: аще кто не крестится двема персты тако, соборная и апостольская церковь проклинает таковых и вечней анафеме подлагает, зане явственных еретиков. И паки: аще кто не крестится двема персты, якоже и Христос, да будет проклят. Зри, государь, – двема персты онеми, иже образуют Христа Бога нашего во двою естеству познаваемаго, бывша от семене Авраамова по плоти, якоже и Бог обеща Аврааму с клятвою: о семени твоем, рече; благословятся вси язы́цы земстии, сиречь о Христе. Сим Христом, сиречь образом его, двема персты онеми благословити и себе знаменати, якоже и Петр Дамаскин глаголет: два убо перста едина рука являют Христа, во двою естеству и во едином составе познаваема. Книга Стоглав, глава 31: аще кто двема персты не благословляет, якоже и Христос, или не воображает на себе двема персты крестнаго знамения, да будет проклят, святии отцы рекоша. Не знаменанное бо овча по истинне истинным сим знамением всяко волчья есть корысть. Сего ради подобает нам о сем внимати опасно, первое о Троице, даже о дву естеству снития. Аще ли кто не тако имать воображати, той не исповедует неразделимыя Троица, ниже дву естеств во едином составе снития. Такожде и на челе главнем положение руки и свождение на перси. И аще кто сего не знаменает истово, той не исповедует Бога Слова воплощения. Такожде и аще кто на плече правое и левое, лености и небрежения ради, не доносит руки своея, той не исповедует судию быти живым и мертвым. И сего ради егда крестом осеняешися, прилагай внятно руку свою, чтобы на теле слышно было, а не на платье точию. И аще кто исполнен крест, по завещанию святых Апостол и святых отец, не вообразит на себе, тому маханию беси радуются, и всякою прелестию прельщают и смущают его. Поистинне, государь, нынешнии отступницы, ученицы окаяннаго Никона, новелевают нам отврещися печати Творца небу и земли, еже есть истиннаго крестнаго знамения, и святых прежних Служебников⁶⁶⁶, и святаго крещения, понеже без истиннаго крещают, не во истиннаго и веруют, но в ложнаго антихриста, о немже пишет Даниил пророк: всю волю Божию и святых его восхощет превратити, и всех первых превзыдет, и на Бога, и на царя возгордится, и своим умышлением⁶⁶⁷ заповесть держати; якоже глаголет Иоанн Богослов: и даст им знамение на руку десную и на чело. Кое сие знамение? Мню, яко три персты. Число летом 666. И даст им свою печать за крест Спасителев. Понеже, государь, таковый человек ктому не может истинное знамение на лицы своем положити, и не может разумети истинны, омрачает бо у таковаго дух противный ум и сердце его; не велит бо окаянный⁶⁶⁸ знаменатися именем Сына Божия, великим и славным, еже есть два перста, якоже и Христос. И паки святый Ефрем глаголет: якоже свещник света носит свещу, тако и человек имя Сына Божия на челе; лукавый же возненавидит сие. И который⁶⁶⁹ человек знаменается знамением Христа Спасителя нашего, таковаго человека не отступит Господь, но и просветит сердце его и к себе присвоит. Тем бо⁶⁷⁰, государь, егда учнет льстивый распространяти печать свою, подобает всякому верному неослабно подвизатися даже до смерти. Сего ради и Богослов глаголет: который человек приимет начертание зверево на челе или на руку десную, таковаго имя не написано имать быти в книзе животней агньца, закланнаго от сложения миpa, но мучен будет пред агньцем⁶⁷¹ и пред аггелы святыми огнем и жупелом, и дым мучения их восходит во веки веком⁶⁷². Зде есть терпение и вера святых, иже соблюдают заповеди Божии и вера Исусова очистит нас от всякаго греха. Той же Богослов глаголет: блажени мертвии, но умирающии о Господе отныне ей глаголет Дух, да почиют от трудов своих. Над сими бо области не имать вторая смерть, яже есть вечная мука. Толк. Не вся блажит мертвыя, но о Господе умершия и мертвость Исусову в теле обносящия: сим бо исхождение от телес воистинну от трудов есть упокоение⁶⁷³.

Да и о сем тебе, государю, ведомо буди, яко собирашася ныне архиереи и книжницы, 175 году, на Господа истиннаго и на Христа его, вкупе русстии власти со греческими, еже оболгати апостольское проповедание и богоносных отец предание церкви Христовы, православнаго символа, и трисвятыя аллилуии, еже есть: аллилуия, аллилуия, слава тебе Боже⁶⁷⁴, и на отметание истиннаго христианскаго знамения крестнаго в сложении перстов, и молитвы Исусовы, и прочих церковных догмат на разрушение⁶⁷⁵, а свою прелесть утвердили клятвами. И котории, государь, православнии християне не четверят аллилуии и не приемлют дву перстов антихристовых на челе, лукаваго от них благословения, на правой же руце в сложении трех перстов отвержения Христа Бога нашего и всего спасения, и кто не приемлет новаго развращеннаго⁶⁷⁶ символа, и кто Иcyca Христа Сына Божия в молитву призывает, якоже научиша нас святии церковнии учители: Златоуст, апреля во 18 день, и Лествичник Иоанн в книге своей, лист 155-й, и Евангелие воскресное, неделя 17, и прочии богословцы. И кто новых богомерских книг со многими ересми скрытыми не приемлет, на таковых, государь, они, предатели веры, безбожную свою и пребеззаконную клятву положили. И собор, иже был при благоверном царе Иванне и Макарии митрополите, и то⁶⁷⁷ они уничижили, срама ради своего, что писано там святых отец четвертаго и шестаго вселенских соборов, и от них прокляти: иже, рече, не благословляет и не знаменается двема персты, якоже и Христос, да будет проклят, святии отцы рекоша⁶⁷⁸. А они, государь, ту страшную клятву ни во что полагают и смеют разрешати, и святых отец Мелетия и Феодорита, и Петра⁶⁷⁹ и Максима облыгают лукавно. Яко же сатана льстивый возшепта во уши змиею Адаму, подобно тому и зде сосудом своим, окаянным Никоном, возшепта во уши их, яко знаменающиися двема персты два сына проповедуют. Далече, государь, буди от нас таковая хула! Пощади нас Господи! Мы не два сына, но единаго Сына Божия, тогоже и человека проповедуем, во дву естеству и волях: Сын, рече, Божий сын девичь бывает; совершена Бога и совершена человека исповедуем Христа Бога нашего, якоже церковь поет: не оставль недр отеческих, Сын Божий сшед на землю и плоть прият человеческу, и того ради сугуб естеством, а не составом, славится в церкви своей. Тако же и в сложении перстов зело добре и благославне то проповедуем. А они, врази креста Христова, во своем сложении, трех перстах⁶⁸⁰, едино существо и едину волю во Христе мудрствуют быти, якоже Диоскор и Евтихий еретицы со единомысленными своими, и единоволники Сергий, и Павел, и Пир, патриархи цареградския, и Кирилл Александрийский, и Макарий антиохийский, и Анорий папа и вси еретицы. И нынешнии еретицы подобни темже всем⁶⁸¹. А что Троицею крест на себе вооружают, и тем своим мудрованием к трисвятей Троице страсть прилагают, якоже Севир еретик; и Армени ту держат ересь. Не Троица бо на кресте страдала, но един от Троицы, Сын Божий⁶⁸², плотию своею, а не божеством; божество бо его бесстрастно пребысть. Тако мы, государь, мудрствуем со всеми святыми, а не с ними, еретиками проклятыми. А Паисей и Макарий патриарси гречестии ныне тут же отступником потакнули во всем, и святых апостол и святых отец⁶⁸³ оболгали, будто их апостоли научили богохулным мудрованием, тремя персты крестити лице свое и четверити аллилуия, а ни на единого апостола и богоноснаго отца в лице не указывают. Да обман их скоро познан будет. Знать што по сребру и злату, и по соболям судят, по времени, и в том им Бог судит⁶⁸⁴. Аще бы, государь, Мелетий, патриарх Антиохийский, по их, как его ныне облыгают, три персты совокупил и благословил люди, то бы и нынешнии патриарси и вси власти тремя персты людей благословляли, как и Фармос, папа Римский, еретик, благословлял люди; но ино благословение у них, – инако, пять перстов слагают. И знать⁶⁸⁵ по сему оне, Паисей и Макарей, не одное веры со святым Мелетием. Тако же и Феодорит⁶⁸⁶, той бо учит единым знамением Христовым креститися и благословляти, а не двема. Тако же и Петр Дамаскин повелевая, и Максим, иже написаша⁶⁸⁷ во своих книгах, а не ин кто в их место. Тем же святым последоваша и русстии святии вси, и собор, что был при царе Иванне Васильевиче и Макарии митрополите: в Стоглаве книге написаша о кресте, и о аллилуии, и о прочих церковных догматех⁶⁸⁸. А нынешних блядущих в вере властей нельзя было им тогда спрашиватся их, – еще они тогда не родилися: как было с ними соглашатися? Преже их у нас в русийском государстве были святейшия вселенския патриархи: Иоаким Антиохийский в лето 7005; Иеремия Цареградский был при благочестивом царе Феодоре; Феофан Иеросалимский был при царе⁶⁸⁹ Михаиле; a веры православныя у нас в церковных догматех не хулили, но и во всем хвалили, и благодарили Бога, яко-де⁶⁹⁰ едино царство на земли благочестием сияет, яко солнце, а то-де вси⁶⁹¹ зловерием падоша.

И нам, отцы и братие, зело блюстися подобает нынешних злых пастырей, иже глаголют хулу на Бога и на святых Его, яко зло есть тремя персты креститися по новому злочестивому учению. Таковии Христа воплотившегося Бога нашего отметаются по вышереченному, и учение то бесовское есть, учение проклятое. Нынешних властей сатана прельстил так повелевати креститися людем, и себе готовит их сатана на поклонение и приимание антихриста, пагубнаго сына, от егоже прелести пощади нас Господи, Иcyce Христе, Сыне Божий, и помилуй⁶⁹².

Да они же, государь, новыя веры учители, ученицы еретика Никона, в молитве Исусове Сына Божия именовати нам не велят, неведомо для чего. А сию, государь, молитву, юже всем православным християном предаша творити везде и на всяком месте, святии апостоли и богоноснии отцы, ныне слышу преобижену и похулену от врагов Сына Божия. В молитве егда кто воспомянет Сына Божия⁶⁹³, и то не смело, бояся мучения новых отступников и учеников окаяннаго Никона: тии бо окаяннии святую молитву Исусову ариянскою нарекли. Да заградятся зде (уста) клятвы и хулы исполнены. Послушай, государь, предложу тебе свидетельство от божественнаго писания о Сыне Божии. Вселенский учитель Иоанн Златоустый учит всякаго христианина на всяком месте творити молитву сию. В воскресном толковом Евангелии, в неделю 17, л. 289, Евангелие от Матфея: молю вас, братие, всех хотящих спастися, правило молитвы не презирати николиже, аще ясте, аще пиете, или стоите, или седите, или ино что творите, кождо вас да глаголет: Господи, Иcyce Христе, Сыне Божий, помилуй мя. И апостол глаголет: непрестанно молитеся, на всяко время⁶⁹⁴. И в беседах апостольских такоже пишет, л. 130. Паки той же Златоуст глаголет в слове своем сице: Господи, Иcyce Христе, Сыне Божий, помилуй мя грешнаго, скончевая: аминь, яко да шуяго стояния избавит нас и благословение свое подаст нам. Тако же и во многосложных посланиях Германа, натpиapxa Царяграда, и Григория Двоеслова, и в книге Симеона новаго Богослова, и в книге Григория Синаита, и в книге преподобнаго Никона, в правилах, глава 28, и в книге Филофея патриарха, и в книге Нила Сорскаго, и в житии Михаила Малеина, и в книге Кирилла Иеросалимскаго пишет и зело богословно полагает: егда, рече, лукавый помысл приходит, или приводит тя ко греху, прекрести лице свое и призови распеншегося на кресе, глаголя: Господи, Иcyce Христе, Сыне Божий, помилуй мя, и тако удалится от Тебе злый помысл. И в книге Иоанна Лествичника единоглагольную молитву Исусову рече, сиречь на единаго Господа нашего Исуса Христа взирая, и молитеся о спасении своем сице: Господи, Иcyce Христе, Сыне Божий, помилуй мя. И паки прирек: крепчайши бо⁶⁹⁵ сего орудия не обрящеши ни на небеси, ни на земли. Тако же, государь, пишет и в главах духовнаго закона против их нынешняго мудрования, написано сице: яко всуе, рече, мятутся любопрящеся не глаголати сице: Господи, Иcyce Христе, Сыне Божий, помилуй мя. И то, государь, божественное писание яве им возражает, и слышати нам сего их новаго учения не повелевает⁶⁹⁶. И в книге Иосифа Волоцкаго, в слове 7-м противу новых жидов, пишет, тако же учит верных молитву творити: Господи, Иcyce Христе, Сыне Божий, помилуй нас. И паки Евангелие от Иоанна: егда вопросил Господь⁶⁹⁷ ученик своих, сам вся ведый, како его называют человецы, они же сказаша: Иоанна Крестителя, инии же Илию, а иныя Иepeмию⁶⁹⁸. По сем самых вопросил ученик своих: вы же кого мя глаголете быти? Рече Петр: ты еси Христос, Сын Бога живаго. И Христос ублажи Петра, яко Сына его Божия проповеда. На том бо основании⁶⁹⁹ созда церковь свою Христос и се исповедание основание хощет быти верующим. Не имый же основания сего, еже есть Сына Божья в молитве не исповедает, аще и добродетели великия зиждет, всуе и разслабленно, понеже свидетельствует Владыка в пресвятом Евангелии: веруяй в мя не имать быти осужден, а не веруяй в мя уже осужден есть, яко не верова во имя Сына Божия единороднаго. Что же еще сын? Веруяй в Сына имать живот вечный: а иже не верует в Сына, не узрит живота, но гнев Божий пребывает на нем. И паки той же рече Христос⁷⁰⁰: не чтет Сына, не чтет и Отца, пославшего мя. И како⁷⁰¹ смеют ученицы окаяннаго Никона заповедывати Сына Божия в молитве не поминати? Иже не чтет, рече, Сына, не чтет и Отца, пославшаго его; а исповедавый Сына, сей и Отца имать. И сам Спас наш слепорожденнаго вопросил, иже брением отверзе очи ему. Егда жидове изгнаша его вон, обрете его Христос и рече ему: ты веруеши ли в Сына Божья? Он же рече: верую, Господи, и поклонися ему; верую в тя, Сына Божия, и прославляю тя; верую, Владыко, и проповедую тя Спаса миру Христа; верую, Владыко, твоему пришествию на землю. О, дерзый и лжи обличителю добрый⁷⁰², на лесть жидовскую вооружниче непобедимый, страстотерпче искусный, Сына Божия, поборниче, на земли проповедник бысть Сыну Божию, на небеси аггельскаго сподобитися венца! О, крепкий Христов воине, посрамителю жидом, неверующим в Сына Божия, проповедниче истинный, добрый преждеприемниче нову закону, первый поклонниче Христа Бога нашего! Слышите безумнии досадители Сыну Божию, како обличаетеся от божественнаго писания⁷⁰³. Мы же, христиане, веруем в Сына Божия, и сотворше молитву: Господи, Иcyce Христе, Сыне Божий, и яко всесилному Богу моление возносим: помилуй нас. И Марфа, егда прииде Христос воскресити брата ея Лазаря, ко Христу отвеща, уверяющися⁷⁰⁴ о воскресении: ей, Господи, аз веровах, яко ты еси Христос Сын Бога живаго, в мир грядый. И паки Иоанн Богослов и наперстник Христов возопи, яко лев, на жидов, неверующих в Сына Божия, и еретиков, отметающих воплощение его, сице глаголя в соборных посланиях: всяк, рече, отметаяйся Сына, ни Отца имать; а исповедуяй Сына, и Отца имать. И паки рече: аще кто исповесть, яко Исус есть Сын Божий, Бог в нем пребывает и той в Бозе. И сия есть победа, побеждьшая мир⁷⁰⁵. Токмо веруяй, яко Исус Христос Сын Божий. Не веруяй в Сына Божия живота не имать. Сия писах вам, да веруем в Сына Божия. Вемы же, яко Сын Божий прииде, дал есть нам свет и разум, да познаем Бога истиннаго, и да будем во истиннем Сыне его Иcyсе Христе. Сей есть истинный Бог и живот вечный.

Слышите, расколницы церковнии, ученицы окаяннаго Никона, яко Сын Божий и Бог истинный⁷⁰⁶. От символа веры мощно вам научитися и внимати, яко бо⁷⁰⁷ веруем и исповедуем единаго Господа Иcyca Христа, Сына Божия единороднаго, иже от Отца рожденнаго прежде всех век; и сей есть⁷⁰⁸ Сын Божий. И егда глаголем: света от света, Бога истинна от Бога истинна; и се есть и Бог, той же и Сын. И мы, государь, Сына Божия исповедуем Богу Отцу по существу быти⁷⁰⁹, а не по благодати, якоже блядословят о нас Никонияны, облыгающе глаголют по благодати Сына Божия нам славящим. Зрите же своего мудрования, яко богопротивно, егда не впадаете, аще и не хотящим вам, во еже оригенская мудрствовати: глаголаше бо безбожный Ориген, яко не от существа отча Сын, но тварь, и по благодати сын нарицашеся. Сице блядословяще Ориген⁷¹⁰. Престаните, молю вы, престаните хулити святых апостол и богоносных мужей, сложивших и написавших молитву сию, и Ариянами их называете⁷¹¹, ибо не их, но Святаго Духа хулите, усты святых глаголавшаго⁷¹². Тако сатана сердце их омрачил, яко аще кто помянет Сына Божия в молитве, то и слышати не хотят. Мы же, государь, прославляем Сына Божия в сердцах и во устех, и во всех делесех⁷¹³ наших, по Апостолу Павлу, глаголющему: аще что творите словом или делом, вся во имя Господа нашего, Иcyca Христа, благодаряще Бога и Отца о нем. Тем божественным именем имамы избавление прияти и вся враги⁷¹⁴ победити. И тако, государь, грешник аз, везде и на всяком месте, противяся новых учителей глупости, прославляю Сына Божия, глаголя молитву: Господи, Иcyce Христе, Сыне Божий, помилуй мя; скончавая: аминь, покланяюся Богу, яко да шуяго стояния избавит нас, и благословение свое подаст нам, и помощь, и силу, и крепость во искушении от антихристова и от сатанина первеньца. Понеже аще и Христа исповедуют, и веру свою похваляют, но вся лестно и льстиво⁷¹⁵ творят; аще церкви своя, и клирицы церковныя, и пения божественная почитают, и мнятся, еже тем же крещением крещатися, тако же и тайны божественныя, еже есть пречистое тело и честную кровь Христову имети: вся же сия не тако имеют, но инако, и нечестиво, и неправо мудрствуют, и сия вся творят ко прельщению верных. А истинныя догматы истребляют ис церкви и своя еретическая влагают, и тем церковь Христову раздирают, и чад ее оскорбляют, и всю Русскую землю возмутили превращением святых книг, а в новых многия хулы богомерския насеяша.

В Треоди, государь, постной напечатали: Троица неразделная составом. И в том, государь, смешены две ереси: Савелиева з жидовскою, – жидове мудрствуют един состав в Бозе сиречь единолично Божество, а Савелий еретик неразделную Троицу лицы, во едину ипостась сливая три ипостаси. В той же книге в каноне великом, в четверток 5-я недели поста, Богородицу нарекли детородителницею и детородицею⁷¹⁶. И полуношнищы во весь пост петь указу нет, и на утрени дву псалмов: услышит тя Господь, и: Господи силою твоею петь не указано. И ина многая со святым уставом несогласия⁷¹⁷.

В Треодях же и прочих новых книгах написано: благословим Отца Сына; а инде: поем Отца Сына. И то сливание Троицы хулное по Савелиеве ереси. А инде написано: умно услышим⁷¹⁸ и не прельщяемся сугуба быти Христа во двою естеству⁷¹⁹. И то единоволников ересь, в ней же Христос совершенно не царствует. А инде написано, яко Христос воскресе, никто же да не верует: и сие слово жидовское⁷²⁰.

А в Ермолое печатном приложили к трисвятей песни силу, не ведому какую: сила, святый Боже⁷²¹.

А что ныне в херувимской⁷²² песни поют, сирчь припевающе, и сие еретическая речь, мудрование⁷²³ римскаго костела. Тамо бо припевают ко органом; а мы трисвятую песнь животворящей Троице приносим своими усты со безплотными силами вкупе, а не припеваем ни к чему, тут органов нет. И на достойне, речь переменили: где было: и славнейшую во истинну серафим, а они напечатали: без сравнения серафим, и тем словом⁷²⁴ мерским Богородице хулу, а не хвалу приносят. Да они же новыя веры учители в Потребниках новых напечатали на освящение церкви и на крещении человеком речь мерзкую, вместо мира мило, на соблазн христианству и смущение. А в молитве на крещение напечатали: молимся тебе господи дух лукавый. И ноги миром в крещении повелели мазати, жидовской закон примесили чрез предание церковное. И многие словеса и чины во всех новых книгах преложены не против древних книг. А на освещении церквам и на крещении и на венчании ходят от восточныя страны около нашуию, против солнечного течения. И сие зело худо содевают, не против святых отец уставу. А новых, государь, Служебников шесть выходов было, а все меж собою несогласны: како с древними будут сходны? Все лжа лукаваго врага Никона и отступника со Арсением еретиком. И крыжа прежде сего на просфирах не было, сиречь образа крестнаго, но совершенный крест тричастный, на немже Христос Царь и Господь распятся. И седмь просфир во образ чюдеси Христова у нас в Русии церковь Христова держит. Егда Христос от седми хлебов насытил, четыре тысячи алчных. А второе чюдо Христово действуется у нас в церкви над пятью хлебы на всенощных бдениих, и молитва тому тут свидетельствует: Господи Иcyce Христе Боже наш, благословивый пять хлеб и пять тысящь насытивый. И зело много в Служебниках их развращения. Вместо седми просфир положили пять, а не седмь: и то порок же. Да и в харатейных Служебниках, на которые Никон ссылается, несть сего устава, – лестию он на них ссылается, – и в Сергиевском, и Никоновском, и Алексеевском митрополита чудотворца, и в Киприановском нет отнюдь. Пишет в Книге о правой вере, о единой главе. гл. 9: Сие и простейший познати может, яко во едином теле две главы не могут быти, и дивно бы то было. Обаче змию сие свойственно есть, а не телу церковному. Ныне же зело разумно верным яко две главы в церкви: на церковной главе крест истинный, а в церкви другая глава – крест сеновный, и почитают его паче истиннаго креста Христова трисоставнаго. А во славе божественней напечатали вместо: во веки веком – во веки веков. А в Кирилове книге написано ясно о сем: царство его во веки веком, сиречь безконечно, а ковом сказуется временно. Да они же Никоновы ученицы напечатали в Ермолае к трисвятому с прибавком, сице: сила, святый Боже, святый крепкий, святый безсмертный помилуй нас. И то, государь, приложили они отнюдь не делом же, на великий разврат соборней и апостольстей церкви и на погибель душам християнским, не противо грсческих и русских харатейных книг. Понеже, государь, и в греческих книгах то трисвятое с нашими русскими книгами ни в чем не разнится же, и написано по их греческому языку без прибавки сице: агиос о феос, агиос исхирос, агиос афанатос елей сонимас (sic); а нашим языком: святый Боже, святый крепкий, святый безсмертный, помилуй нас. А силы в том греческом трисвятом не написано. Затевают все собою, и указывают на греческия книги, ложно. И ины многи прилоги и развращения во всех новых книгах, ихже всех невозможно есть описати. Аще, государь, хощеши, сам прочитай и внимай себе⁷²⁵.

Да они же Никоновы ученицы истинный и животворящий крест Христов, от трех древ, от певга, и кедра, и кипариса сотвореный, отставили, и возненавиденна и непотребна сотворили, а возлюбили крыж латынский, и во всем почитают его паче истиннаго креста Христова, от трех древ сотвореннаго во образ троичнаго Божества. А святии пророцы⁷²⁷, о том тричастном кресте Христове за много лет пророчествовавше, яко от трех древ, а не от двою, сотворенну ему бысти глаголаша. Яко же велегласный пророк Исаия о нем, во главе 60-й, свидетельствует сице⁷²⁸: слава Ливанова к тебе приидет с певгом, и кедром, и кипарисом прославити имя святое мое, и прочая. Такоже и свитый Иоанн Дамаскин, о нем хваляся, вопиет: о треблаженное древо, на немже распятся Христос царь и Господь⁷²⁹. Предаша святии Апостоли и просфиры печатати им. Тако⁷³⁰ и до днесь святии отцы держаша и мученики проповедаша, и до днесь тако держимо и славимо есть. Той бо крест, наньже вшед Господь и такову славу свою показа, кипарисом и певгом и кедром, яко всему миpy явлено есть⁷³¹. В тех бо трех древесех, яко же прежнии учители свидетельствуют, сотворен бысть крест, нань же⁷³² вшед Господь прослави церковь. И во Охтае⁷³³ третьяго гласа, в среду и в пяток, в седалнах на утрени, пишет сице: на кипарисе, и певге, и кедре вознеслся еси Агньче Божий. Такоже и во многосложном своем послании Герман патриарх пишет сице: яко честный и животворящий крест от трех древ, кипариса, и певга, и кедра, в тридневную смерть Господа Иcyca соделан бысть. По сих же и преподобный Григорий Синаит в крестодневном каноне творения своего, во многих местех, воспоминает о истинном тричастном кресте, и пишет сице: кресте трисоставне и трисветне, кресте треблаженне, триобоюдный меч, древо трелюбезное и знамение непостижимыя Троицы, крест трисоставный, Троицы бо носит трисоставныя⁷³⁴ образ. Такоже, и прочии святии⁷³⁵ пишут и почитают той истинный и тричастный⁷³⁶ крест Христов, а не крыж двоечастный, о немже никтоже от святых воспомяну ни во едином слове, еже бы предпочтену быти ему паче истиннаго креста Господня. И прародители⁷³⁷ твои, государевы, благоверные цари и великие князи⁷³⁸, крыжем чести отнюдь не воздавали же, якоже во истории пишет, еже бысть от создания мира в лето 6981-е, егда прииде из Царяграда царевна София в царствующий град Москву к великому князю Иванну Васильевичу, а с нею шел⁷³⁹ из Риму от папы посол Антоний лягатос, и нес пред собою крыж. Великий же князь и преосвященный Филипп, митрополит московский и всея Русии, и весь освященный собор, и царьский сигклит, и вси московстии народи с тем крыжем ни близ царствующаго града Москвы приити не подпустили⁷⁴⁰. Сего ради, да не будет нами православными латынская вера почитаема, понеже писано есть, яко возлюбив и похвалив чюжую веру, той своей поругался есть. Такоже, государь, и вселенский учитель Иоанн Златоустый, в воскресном толковом Евангелии, в неделю 3-ю святаго поста, той латынский крыж за истинный крест Христов не почитает же, но образ и сень его быти нарицает. И аще, государь, все божественное писание свидетельствует, яко той крыж образ и сень, креста, а не самый истинный и животворящий крест Господень, то кая потреба нам ныне, оставя истинну, паки ту⁷⁴¹ законную сень гонити и латынская мудрствовати, еже крыж почитати, а истинный крест Христов презирати. И аще бы, по Апостолу, первый закон непорочен был, не бы второму искалося место. Такожо и премудрый Соломон глаголет⁷⁴²: благословится древо, им же бывает правда. Видите крестоборцы⁷⁴³, ученицы Никона отступника, яко Дух Святый разность в древе положи: ибо то древо, имже бывает правда, благословится, глаголет, яко во истинну на древе крестнем, распеншимся на нем, бысть нам правда, и того ради благословено бысть. Что же вы, противницы, и расколницы, и раздиратели церкви Божия, за едино полагаете древо сие, ветхое проображение, имже Моисей действовал? Или хощете мудрейши Бога быти? Скажите нам: на сем ли Христос распятся, и сие ли ветхое проображение имать явитися на облацех небесных пред вторым Господним пришествием на суд? Зрите убо врази честнаго креста, имже кончина погибель, яко не иное какое древо пророком Дух Святый⁷⁴⁴ называет благословенным, точию трисоставный крест, от трех древ сотворенный, от кипариса, и певга, и кедра, по пророчеству Исаину, яко же и вси наследницы⁷⁴⁵ апостольстии свидетельствуют знамение честнаго креста, иже явится на облацех небесных пред вторым пришествием на суд. И имате вы за то свое поругание плакати во веки без конца и утешающаго не будет вас⁷⁴⁶, якоже Матфей Евангелист свидетелствует: егда, рече, явится знамение сына человеческаго на небеси, тогда восплачются вся колена земная и узрят сына человеческаго, грядуща на облацех небесных. Что же и кое знамение явится, о прелщеннии от Никона волка? Аще хощете в соединении пребыти со святыми нашими учители, имате разумети и познаете, яко крест, на немже распятся Христос. Вси бо святии наследницы апостольстии явственно свидетельствуют, яко не иное которое знамение явится тогда, токмо крест Христов, на немже распятся⁷⁴⁷. Тако же и равноапостольному царю Константину той же животворящий крест на небеси показан бысть, трисоставен же, а не крыж. И тем подобием той трисоставный крест, от самого того благочестиваго царя Константина сотворенный, из святыя горы⁷⁴⁸ принесен бысть. И ныне он в твоем, государь, московском царствии⁷⁴⁹, в соборней и апостольстей церкви предлежит. И что, государь, нам достовернее сего небеснаго свидетельства? Аще бы той латынский крыж совершенно истинный крест Христов был, то бы и от Бога равноапостольному царю Константину на небеси крыж же показан был, а не трисоставный крест⁷⁵⁰. Да в тех же писаниих святых пишется: ибо знамение Христу⁷⁵¹ свое есть крест, на немже распятся. Таже паки⁷⁵²: святое крестное знамение предъидет пред царем, объявляет пришествие распятаго⁷⁵³.

Да⁷⁵⁴ он же, государь, Никон еретик напечатал в книге, глаголемой Скрыжали, л. 765, повелевает нам православным християном ходити потатарски без крестов, и пишет сице: кая польза, рече, или кая добродетель есть носити крест на раме своем? А Господь наш Исус Христос в пресвятом своем Евангелии рече: аще кто хощет по Мне ити, да отвержется себе и возмет крест свой и последует Ми; а иже не носит креста своего и вслед Мене грядет, не может быти Мой ученик. А иже мнози от безумных или горделивых гнушаются на себе носити креста Господня, да разумеют вышереченная словеса святаго Евангелия, яко Спаситель Христос повеле носити его. И аще кто не носит его, той несть Его ученик. И неточию крест Христов на себе носити, но и благое подобает творити по реченному: путь заповедей твоих текох, Господи. А святии апостоли и святии отцы крест носити на себе похваляют, и сами носили, и вам носити повелевают, якоже рече Апостол: мне же да не будет хвалитися, токмо о кресте Господни. И пророком Исаием Господь Бог верным своим обетова: и приидут и узрят славу Мою, и оставлю на них знамение. Тако же и Великий Афанасий в толковании 59 псалма пишет: верным, рече, людем, иже нарицаются християне, дано есть носити и имети крест Христов. И Василий Великий глаголет, яко венец царя нашего Христа крест на себе носим. И святый Ефрем в слове, еже о страшнем суде, пишет, яко святии крест на ceбе носили. И паки в слове о покаянии: сие орудие носим во дни и в нощи, и ничтоже без него не твори⁷⁵⁵. Святая же Макрина, сестра Василия Великаго, крест на себе носила, и свидетельствует житие ея. И святый великомученик Орест крест на себе носил же, и о сем свидетельствует житие его. Такоже и в житии Иоанна Милостиваго пишет: некто бяше мирянин Захария нищелюбивый, не имяше бо просящему у него на пути чесо дати, и снем с себя крест сребрян, даде нищему. И от сего, государь, явно, яко в прежняя лета в Греках не точию иноцы, но и мирстии крест на себе носили; а ныне у них не носят⁷⁵⁶ не точию мирстии, но и иноцы. Понеже убо, государь, быша стесняем и некогда⁷⁵⁷ от турскаго царя о вере, хотяше бо к своей их вере привести, греки же, нужду видевше, прибегоша к римскому папе Афесу, еретику сущу. Папа же, дав имь три заповеди: первое – в крещении обливатися; второе – трема персты креститися; третие крестов на себе не носити⁷⁵⁸. Они же, сицева от папы приимше, нужды ради Турскаго царя, да и нам ныне носити возбраняют и хотят нас таковая благодати Божия и непобедимаго на враги орудия лишенных сотворити. Аще ли, государь, мы сие оружие повержем от себе и ходити учнем без крестов, якоже и Греки ныне ходят, – сего не даждь нам Боже и помыслити: то явно, государь, предани будем дияволу, и конечную радость врагу сотворим, и дерзновение ему на себя подадим. Понеже и сами они, проклятии бесове, свидетельствоваху, якоже пишет во отеческих книгах и в кние Кормчей печатной помянуто: вопросившу⁷⁵⁹ их некоему святу мужу: которых, рече, вещей они боятся боле всех?⁷⁶⁰ Беси же реша ему: поистинне имате три вещи, велми противляющияся нам: едину от них на шее вашей обешаете, еже есть крест Христов, другую ясте, третию, еже мыетеся⁷⁶¹. И того ради вси святии единомысленно крест Христов правоверным всегда носили на себе повелевают, понеже сам Господь понесе его, когда на страсть волную идый, то и нам, веровавшим ему, завеща понести крест, яко же божественный Лука Евангелист, глаголет: емше Симона некоего Киринея, грядуща с села, возложиша нань крест носити по Исусе. Тогда и благоразумный разбойник вниде крестом в рай. И всяк православный христианин помни Богом реченное. Что носиши на теле своем, – не истинный ли крест Христов⁷⁶², на немже волею плотию нашего ради спасения пострада? То ти есть завет Божий, то ти есть знамение царя Христа, то ти есть хоругви небесных воинств, тем ты познан будеши, яко Христов еси. И аще вопросят нас Никона еретика ученицы, рцем им сице⁷⁶³, яко же есть писано: язвы Господа Иcyca на теле моем носящу ми. Егда же рекут: где и кто повеле? рцем ему: яко Господь понесе его, якоже выше рехом. Аще ли еще вопросит кто, отбегай от него, – виждь⁷⁶⁴, яко неверен есть. Понеже, государь, егда человек многа испытует и о божественных вещех имеет сердце высоко, и Бог тому возносится, он же во ад снисходит, понеже выше себе взыскует, а преданная ему не хранит. Святии отцы⁷⁶⁵ глаголют: велия тайна в сем знамении святыя неразделимыя Троица, Отца, и Сына, и Святаго Духа, прославляется; идеже бо крест Христов, ту и Он есть; и сим знамением благочестивии от неверных разделяются и врагом страшни бывают⁷⁶⁶. А он, Никон⁷⁶⁷, по дияволю научению, напечатал в своей книге Скрыжали и имевовал⁷⁶⁸ безгрешнаго Сына Божия, Господа нашего Иcyca Христа грешным, будто он, Спаситель наш, распялся за некое погрешение, а не за мирское спасение, и пишет сице: тако да имате пред собою смерть вашу, якоже и он, иже имать распинатися за некое погрешение, носит крест на раме своем и ходит, трепеща и ожидая смерти. Явныя бо от Никона жиды проявляются новыя, яко же оный богоотступной Сисой, поп новогородский⁷⁶⁹, что сослан бысть в Никонове разбойстве на Вологду, егда Петров посох украде, приехав нощию в Москву, из соборныя церкви Никон⁷⁷⁰, а той поп в шишах был у татя церковнаго; и тамо на Вологде⁷⁷¹ при множестве народа глаголя хулная глаголы на Христа истиннаго Бога нашего, ихже страшно и помыслити, не точию глаголати: по делом, рече, жиды Христа распинали за прегрешение его⁷⁷². Тако блядословяше скверный он поп, поборник Никонов, паче же самого сатаны сын. Ему же, псу бешеному, не стерпеша тут християне, хотяще его камением побити; он же, яко волк, убеже к епископу⁷⁷³ Симону на двор, к подобному себе врагу, и той укры его у себе в дому.

А инии врази Христовы, друзи же антихристовы, напечатали в книзе 4-й Иоанна Дамаскина, глаголемой Небеса, новаго выходу, Епифаниева переводу киевленина, во главе 27-й положено, егоже страшно и писанию предати, – проповедуют Сына Божия еще в плоть не пришедша, но впредь пришествовати его сказуют. И напечатали сице: всяк убо, не исповедуяй Сына Божия и Бога в плоть⁷⁷⁴ пришествовати антихрист есть; а не яко же Апостол Иоанн Богослов в послании своем, зачало 73, пишет, и во всех писменных книгах, Небесах, в плоть пришедша его глаголет, а не пришествовати. Сего ради⁷⁷⁵, подобает нам внимати, яко мнози лживии пророцы в мир изыдоша. О сем Богослов глаголет: разумейте Дух Божий и дух лстечь. Всяк, иже исповедует, рече, Иcyca Христа в плоть пришедша, от Бога есть, и всяк дух, иже не исповедует Иcyca Христа в плоть пришедша, Божий несть, и сей есть антихристов, егоже слышасте, яко грядет и ныне в мире есть уже по числу, еже о нем, 666. И сего ради право научившу Иоанну, зане мнози лестьцы внидоша в мир. Иже не исповедует Иcyca Христа в плоть пришедша, сей есть льстец и антихрист. Того ради подобает нам блюстися, да не погубим, яже делахом, добрая. И паки глаголет: всяк⁷⁷⁶ преступаяй и не пребываяй во учении Христове Бога не имать. Сего ради за преступление словеси Бога не имети им, а за хуление на святый Дух не имети прощения.

И аще кто не исповедует святыя Троица, Отца, и Сына, и Святаго Духа, да будет проклят. Иже не глаголет безначалия Отца и Сына, такоже собезначална и Святаго Духа, да будет проклят. Иже глаголет не приимша плоть Господа нашего Иcyca Христа от святыя Девы Богородицы Марии, да будет проклят. Проповедающий Господа нашего Иcyca Христа страстна божеством да будет проклят. Не исповедающий Господа нашего Иcyca Христа безстрастна божеством и безсмертна, страстна же и мертвена человечеством, да будет проклят. Иже глаголет не имети Христу две существе и две воли, а едино существо в Господе нашем⁷⁷⁷ Исусе Христе со Отцем, да будет проклят. Иже не глаголет имети Христу две естестве, един же состав, да будет проклят. Непоклоняющийся кресту Господню и не чтущий его да будет проклят. Не кланяющиися, и не чтущии иконы⁷⁷⁸ Господа нашего Иcyca Христа и пречистыя Богородицы и всех святых, да будет проклят. Не исповедующеи Mapию пречистую Матерь Господа нашего Исуса Христа воистинну истинную Богородицу и Приснодеву, – таковии да будут прокляти⁷⁷⁹. Иже прилагают к трисвятому: святый Боже, святый крепкий, святый безсмертный, распныйся за нас, – да будет проклят⁷⁸⁰.

Всякому⁷⁸¹ же буди ведомо, яко несть нынешних книг разум исправления, но от веры отступление, по числу зверя 666, и ко антихристу присвоение. Прочитай, государь, часто в Книге о вере главу 30-ю, да познаеши прежняя тамо отступления и нынешнее по тому числу уразумееши. И внемли, государь, чтение и учение, да сам спасешися и послушающии тебе. Бодрствуй и вразумляйся о Христе Иcyce, Господе нашем. И собери всех купно изгнанных правды ради, и дай суд праведен с еретиком Никоном и оболгателем святых отец. И ныне его, Никоновы, ученицы всякую лепоту церковную выметают⁷⁸² из церкви и все противно творят уставом и преданием святых и богоносных отец, и больши всего проклятое крещение римское⁷⁸³ приемлют, и вас, государь, сопротивляющихся им отступником, проклинают безумно. Но та их клятва и хула на их главу обратится. Господь наш Исус Христос ко освященным своим учеником рече: приимите Дух Святый; имже отпустите грехи, отпустятся им; а имже держите, держатся им. И паки рече: егоже аще свяжете на земли, будет связан на небеси; а егоже разрешите на земли, будет разрешен и на небеси. Зриши ли, государь, яко Духом Святым вязати⁷⁸⁴, и решити, и оставляти грехи; кроме же Духа Святаго, не мощно никому ничтоже сотворити от священных. Еретицы же в себе нечистый дух имут сатанин: како могут вязати и решити на небеси и на земли? Великий Иоанн Богослов глаголет: аще кто не исповедует Иcyca Христа в плоть пришедша, сей есть льстец и антихрист. Богослов антихриста нарекл есть еретика: то како имать последовати божественный суд антихристову суду? Иоанна Златоустаго⁷⁸⁵: аще повеление имать развращенно святитель, аще и ангел будет житием, не покоряйся тому. Той же святый глаголет в беседе: аще имать что подвигнути, анафема да будет⁷⁸⁶. И от священных правил приложу зде⁷⁸⁷: иже в небрежении полагающих священная и божественная правила святых отец наших, да будет проклят. Виждь, государь, яко еретицы хуляще святых отец преданы, и тии прокляти суть: и како имать Бог послушати еретиков? Яве бо есть: егда нас проклинают еретицы, тогда есмы от Бога благословени. Яко Господь рече⁷⁸⁸ своим учеником и апостолом: всяк убиваяй вы мнится службу приносити Богу. Якоже бо тогда июдеи, и еллини, убивающе святых апостол, мняху службу приносити Богу, и сея ради службы осуждени быша со дияволом во огнь вечный, святии же апостоли сподобишася небесному царствию от Христа Бога⁷⁸⁹: тако же, государь, и еретицы, проклинающе християн, осуждени будут со дияволом во огнь вечный, християне же их ради клятвы и мучения⁷⁹⁰ сподобятся небесному царствию Исусом Христом Богом⁷⁹¹. А о отступницех, государь, сказует святое писание, яко отступницы злейши суть не токмо еретиков, но и еллин, и жидов. Помысли, государь, о римлянех и униятах, како отступиша благовестия, колики беды и муки налагаша на не покоряющихся их нечестию и прелести. Сие же, государь, веждь: отступницы именуются, иже в православной вере родишася и возрастоша, и прельстишася или неведения ради, или нужды ради. А инии, государь, и самоволне отступиша правыя веры, якоже и нынешнии власти, ученицы отступника Никона⁷⁹², самоволне отринушася от Христа истиннаго Бога нашего, измениша славу Божию в подобие образа тленна человека, окаяннаго Никона. Таковии, государь, аще и обратятся, при смерти, сподобляются по правилом святых отец божественных таин⁷⁹³. А еретицы, государь, и отступницы того не спрашивают: кого от православных християн прелстят, или мучением к своей прелести обратят, таковаго причастия скоро сподобляют, и без епетемей и без покаяния прощают грехи⁷⁹⁴. Не хотящым же покоритися⁷⁹⁵ и Никоновой прелести прияти, и они поносят, и здословят, и кленут. Господь же наш⁷⁹⁶ Исус Христос ублажает таковых: блажени есте, рече, егда⁷⁹⁷ поносят вам и рекут всяк зол глагол на вас лжуще Мене ради. И паки рече: не приидох вложити мир, но рать и нож, приидох бо человека разлучити на отца своего, и дщерь на матерь свою, и врази человеку домашнии его. Толк:⁷⁹⁸ Се суть рать и нож, егда отец, или мати, или сын, или дщерь совратится от правыя веры, подобает ненавидети их, яко да не с ними погибнет. Сего ради и мы, государь, от своих пастырей⁷⁹⁹ отлучаемся, яко от отступников, и отбегаем, яко от волков, ненавидим и отвращаемся от них, яко оставльше правый путь блядут. И мы последуем своим⁸⁰⁰ пастырем и нелестным учителем, иже со Христом душа своя положиша о овцах и за церковь Христову сами страдаша, а никого не мучиша. И таковым нам, государь, подобает последовати, иже добрым подвигом на земли подвизашася, и течение скончаша, и веру соблюдоша, и венца от руки Господня прияша. Удаляем же ся от врагов креста Христова, имже бог чрево, иже земная мудрствуют, благими же словесы и благословением прелщают сердца простых, по Апостолу; Бога же молити о них не престанем, да подаст им Бог востати⁸⁰¹ от дияволския сети, иже жывы уловлени от него во свою ему волю.

Слышим ныне, государь, и благодарим Господа о сем, ако от единыя прелести Никоновы, паче же рещи римския, свободилися. На Богоявление Господа нашего Исуса Христа в день ходили на воду, по старому церковному преданию, а не по римскому еретическому замышлению: тии бо отступницы начаша ходити нощию на воду. Сея ради вины лестно умыслиша себе: Была у них девка папою, и у тое девство испрокудилося блудом и зачат во чреве. И егда поидоша в день праздника на воду, по обычаю, и тогда Господь, хотя всенародно обличити их проклятое блужение и прелесть, и идучи на пути папа родил дитя, и тогда всему царству срам бысть. И оттоле умыслиша нощию ходити на водосвящение, боящеся такова же искушения; и покрываючи свой срам, ко Христу приложили свою лесть, глаголюще, врази Христови, яко и Христос де нощию крестился. Аще же по сему им, государь, творити, то по 30-ти лет⁸⁰² подобает им крестится, яко и Христос 30-ти лет крестился. Ох, увы, прелести еретическия! Да наши беднии епископи и к сему руки своя приложиша Никонову окаянному мудрованию, мню, яко не хотяще лишитися чести маловременныя и за церковь Христову пострадати, любо, плотстии, или яко пси немии, не могуще лаяти на еретика Никона и отступника. Аможе он, яко слепых, водяше, туды в путь и идяху, и ни в чем не сопротивляхуся, яко скоти безсловеснии. Не хотящих же ся с ними отторгнутся от церковных догмат православия, таковых на муки предают различныя, и вместо учителства мучителства сан на себя восприимше. И воистинну, государь, збысться писание, яко пастырие века сего волцы быша. И кто нам руку помощи подаст? Кто ны утешит? И кто заградит уста Никону еретику со ученики его, облыгающими⁸⁰³ церковь Христову, якобы та поблудила в церковных догматех, а Христу глаголющу: церкви моея врата адова не одолеют во веки. Поистинне зде нам восплакати достоит, яко отлетеша от нас щурове добропеснивии и яко славии грамогласнии, яко ластовицы сладкоглаголивии, божественнии святителие и велицыи чудотворцы: Петр, и Алексей, и Иона, и Филипп, и инии православнии святителие, и нечестия прогонители латинскаго, Герман (Гермоген) и Филарет, святейшия патриархи и новии исповедницы, иже посреди сада церковнаго оглашающе уши слышащих православия учении, отлетеша, яко орли крилатии, иже ногты своими истерзающе очеса незрящих право Христово смотрение, отлетеша ко Христу, иже крылы своими покрывающе верных множество, и оставиша нас сирых. И кто паки по сих сладкое нам утешение и надежда, и прибежище? Но токмо глаголавый пречистыми своими усты Христос, истинный Бог наш: не бойся малое мое стадо; не бойтеся от убивающих тело, души же коснутися не могущих, не бойтеся: се Аз с вами есмь во вся дни до скончания века. Аминь. И аще кто слово мое соблюдет, смерти не имать видети во веки. И аще в словеси моем пребудете и разумеете истину, и истина свободит вы⁸⁰⁴.

Да они же государь, Никоновы ученицы, ввели⁸⁰⁵ новое освящение церкви, велми изблужено. В старых указано на престольной дске миром кресты творити, и трижды церковь обходити, и крестом ограждати, и кадити, и святою водою кропити, и в церкви певцов оставляти на отвещание: и то в новых вельми испревращено, а иное и не указано. А егда речет святитель⁸⁰⁶: возмите врата князи ваша, яко же во освящении церкви Печерския бысть, тогда обшедше богом собрании⁸⁰⁷ святителие и, по смотрению Божию, забыша певцов оставити в церкви на отвещание⁸⁰⁸: кто есть царь славы, и тогда святии аггели отвещаша⁸⁰⁹ по церковному преданию, якоже и в наших старых Потребниках непорочно стоит, а в новых, развращенных, ничево тово нет, выкрадено. И сим учинили людям разврат, а церквам раздор, и несогласие, и прелесть. О, не блудите пастырие и убойтеся судии праведнаго Бога! Той бо судия судити имать вселенней⁸¹⁰ в правду и воздаст комуждо по делом его.

Что есть посох образует со змиями.

Да он же, еретик Никон, доспел посохи со змиями. Тем он знамениe показует, яко потребитель православныя веры християнския. А сий змей погубил прадеда нашего Адама и весь мир, егоже Господь Бог проклял. А ныне он ту проклятую змию и ученицы его освящают и почитают, вносят во святилище Божие, во олтарь и в царския двери, аки некое освящение, и всю божественную службу с теми жезлами, иже с проклятыми змиями соделанными, действуют, и везде, аки некое драгоценное сокровище, пред лицем своим на показание всему миpy тех змей носити повелел. И тем он путь показал, яко сын погибели, и пришествие его не просто, но по действу сатанину. Потом же ученицы его и в книгу⁸¹¹ вписали и показали глаголюща в прелести. Оле нечестия! оле прелести и сатанинскаго умышления! Жезлом звериным уловляти и прельщати хощете, паче же мучити. О, кто виде или слыша когда Жезл книгу, противящуюся святому Евангелию и апостольской проповеди и святых отец преданию, паче же рещи воистинну – не жезл, но секира или нож нечестия, разсекающь⁸¹² законы христианския, жезл диявольский, поражающ люди Божия! Якоже пишет во Отечнице: рече некий старец, яко диявол убо есть жезл, и яково семя, таков и овощ. Ин паки рече, яко диявол есть бич. Се звание! Сим, ли пасетеся? Се ли пастырский жезл? О пастырие, прельщеннии от сосуда сатанина Никона! И яко хобот сатанин отторже третью часть звезд небесных, тако и вас сатана отторже хоботом Никоном от тверди церковныя и поверже на земное мудрование. Под ноги их сатана себе покорил и по них ходит, и волю свою в них творит, что хощет. Но на предлежащее возвратимся.

Сий Жезл от бездны, от разумнаго уркана, злато диявола, всяку бурю нечестия, и претыкания, и соблазны на церковь и на непостижимую веру Христову наведе, иже творяше рать со святыми, и глаголаше славу хулную на вышняго, отрыгая смрадныя беседы, подпора лжеучителем и сатанину первенцу. От сего дияволскаго Жезла возшаташася людие, и напои люди Господня развращения мутна. Тако беззаконующе в Жезле своем, да отведут на поползновение и смысленных людей, иже разумеют многа, да и тии приложатся к прелести их и возглаголют прегордая. Се убо соборная и апостольская церковь, от восток солнца даже до запад, и от конец до конец вселенныя, учит божественными и священными правилы, каково должни суть имети хранение от еретических книг и латынских наук. И всяк обретыйся чтый еретическия книги, иже сопротивляются истинне, священницы да извергнутся, мирстии же да отлучатся. Тако же и сей Жезл сатанин аще кто чтет и верует в него, несть християнин. Христос повеле наступати на змий и на скорпию, и ничто же вас вредит. А они, государь, ученицы богоотступнаго Никона, не токмо не наступают, но и освящают, и учение, из уст змиевых изходящее, приемлют. А идеже змий, тамо есть и диявол, и бесом жилище, – не в том самом месте, идеже жезл сатанин, но и в самых душах еретических. А идеже бес живет, трудно тому в познание правды приити. Тако их отступник Никон прельстил и себе последовати сотворил, паче же сатане безстудному и лукавому, хотящему возмутити всю поднебесную: ведает бо, яко по суде не имать ему быти покоя. Якоже древле скрывся во змию, и Адама прелсти и изгна из рая, и Вавилонское царство погибе от змия; той же змий при кончине глаголется ожити, действуяй знаменьми и чюдесы прелестными чрез антихриста, ныне же живопишуще образ отступника зверя. Сий умный зверь, диявол и сатана, и покажут его, глаголюща в прелести, якоже пишет Иоанн Богослов во Откровении своем: прорци, глаголя⁸¹³, живущим на земли сотворити образ зверю, и дано бысть ему дати духа образу звереву, да проглаголет икона зверева, и да сотворит, да елицы аще не поклонятся образу звереву, убиени будут чрез антихриста, дияволу поклонятся омраченнии. О, прелщенный ни епискупе, ни патриарше московский, Никоне! Не ты ли, пагубниче, хобот сатанин, отторже третию часть звезд небесных и скрыл в землю, сиречь на земное мудрование? О, пагубниче! Како возшел еси на патриархию безместно и дерзнул еси написати икону свою подобозрачнаго зверя, исходящаго из бездны, тело злобы, тело мертваго пса, тело мерзости запустения, тело сосуда сатанина, оболченнаго одеждою святительскою и поставлено на месте святе! О, дерзости! о, падения! о, презорства! Или ты еси грядый возмутити всю вселенную? Или ты еси предходя и предуготовляя путь последнему⁸¹⁴. О, пагубниче! На удачю, не о тебе ли пишет святый Кирил: ни от царей, ни от царска рода, но прелестию восхитит власть? Не ты ли тать и прелестник антихрист явися во свое время настоящее, якоже святый Ефрем пишет: образ приимет истиннаго пастыря, да прельстит овец стада; знающии же глас святый истиннаго пастыря, абие познают тебе, кто еси ты. Яко же глаголет блаженный Ипполит: исперва убо льстивне, прием ложь, беззаконный отречется славы своея, и во Иерусалиме устанится, и церковь смущенную жидовскую воздвигнет. Такоже и в Книге о правой вере пишет: и все действо дияволе восприимет, и абие изникнет и востанет. Такоже пишет и во Откровении Иоанна Богослова: и видех едину от глав его, аки заколену в смерть, и язва смерти его исцеле, и чюдися вся земля; и паки зверь бе, и несть, и хощет взыти от бездны; число его 666. Сий зверь сатана есть, иже убиен бысть крестом Христовым и паки при кончине ожити глаголется, действуя знаменьми и дивесами прелестными чрез антихриста.

Нецыи же сие приемлют⁸¹⁵ о антихристе, яко от престола своего изгнан будет, и власть, и богатство его возмут⁸¹⁶. Бог бо дал есть в сердца их сотворити волю едину, и вспять обратятся к нему, дóндеже скончаются словеса Божия, земная уничижит⁸¹⁷, в пустыню скрывается, по образу древняго кинопса.

И видех инаго зверя восходяща из земля, и имяше два рога подобна агньчима и глаголаше яко змий. Толк. Зверя сего ови убо антихриста глаголют, другим же возмнеся, яко сатана есть и яко два его рога антихриста и лжепророка свидетельствует, исповедуему же лжепророку во своем лице приити. Не безместно непщуем змия убо сатану, зверя же из моря исходяща во антихриста, настоящаго же зверя во лжепророка истолковахом. Из земля убо исходящаго, яве из земнаго и низу плежущаго жительства. Имущаго же рога подобна агнчю, за еже открывати во овчей кожи сокровеннаго волка убийствевное изображение в началех его благочестия.

Выше, ст. 21. Готови суще озлобити искренних, от диявола пленени будут и сатанинским мечем душевную смерть приимут, емуже делы повинушася, сему порабощаеми.

О, пагубниче! Не о тебе ли пишет блаженный Ипполит⁸¹⁹: показа Спас свою плоть, яко же церковь, и воскреси тридневно: и антихрист воставит во Иеросалиме каменен храм. И сия убо лестная его кознования ведома будут имущим ум. Тако же и святый Кирилл, пишет: со иным богомолием церковь Соломоню, прелести ради, создати покусится; и паки: тем их наипаче обольстит, яко честную церковь сотворит, да в большее сомнение вложит. Приидет же антихрист тогда, егда в жидовской церкви не станет камень на камени, по словеси Христову, егда или созстаревшися развалится, или закладания ради от основания раскопается, или инем каковым подобием все камение разметано будет; не мню ту покрыты верхи, но стены и все, еже внутрь церковное, идеже были херувимы. Тогда приидет всякими знамении и чудесы ложными. Такоже и в Зерцале душезрителном пишет: антихрист воздвигнет убо храм изряден. Тако же и в книге Златой Чепи пишет: антихрист созиждет ветхий Иерусалим. Такоже и во откровении Иоанна Богослова пишет: антихрист в церкви сядет, или в древней жидовской, или в соборной церкви⁸²⁰, на ся Божию честь привлача, совершая пророческое слово, глаголющее: воздвигну скинию Давыдову падшую и раскопаная ея созижду. Такоже паки и святый Кирил пишет: антихрист начнет созидати грады и храмы различными мраморы, славою и честию прельщая. Да он же Никон⁸²¹ безчинно отвергся престола с клятвою: и откуду имать власть вязати, или разрешати, и како имать несудимых правилне проклинати? Кого бо от архиерей святых отец единомудрствующих с собою имея Никон? Ей, никого. Но злобы ради самого себе убив, а ихже прокля без ума, сих в правду венча и от Бога благодати сподоби. Оружие бо извлече Никон, по пророку, состреляти убогих от злобы и нищих, и заклати хотя⁸²² правыя сердцем. Но оружие его внидет в сердце его, и лук его вправду сокрушися. Неопасивая уста имея и ясно показуя⁸²³ всем свою злобу, разоритель святых Божиих церквей, вправду он, Никон, святыя Божия церкви и монастыри до большаго убожества привел; строя свой новой Иерусалим и другия две обители, многим скорбь и безчисленную пакость содея. Нареченный же твой Иерусалим противен древнему, в немже⁸²⁴ древле пророцы проповедаша и Сын Слово Божие пресвятыми своими ногами освяти и от святых Апостол на вселенную проповедася. Свидетелствует бо⁸²⁵ ясно пророк Исаия: яко от Cиoнa, рече, изыде закон и слово Господне от Иерусалима. Воистинну благословен Господь от Сиона, живый во Иерусалиме. И святый пророк Захария⁸²⁶ рече: обращуся и вселюся посреди Иерусалима. И паки: радуйся Сионе святый, мати церквам, Божие жилище! Разумейте церковь, яко нарече ю Христос в жилище⁸²⁷ себе до века. Но сокращу о сем за умножение свидетельства. Чти, государь, о сем в Книге о правой вере⁸²⁸ главу 1-ю. О, Никоне! Всяк бо возненавиде и не верова в Сионе бывшим тайнам, постыдится от Господа, и яко трава от огня иссохнет⁸²⁹. По пророку бо Амосу: люте хулящим Сиона. И Давыд утвержает: да постыдятся, рече, и возвратятся во ад вси ненавидящии Сиона. Смеху же достойно, паче же плачю: Истру реку зваше Иорданом, и сию тако не хотящих звати Иорданом, такоже и град его Иерусалимом, многим скорбь сотвори за сие⁸³⁰. Строящии же его Иерусалим, сиречь горкой Сион, многи и несказании беды подъяша от приставник его. Вправду Паисея, митрополит Газский, писал и его Никонов Иерусалим Никополим именоваше, сиречь градовом смятение. Никтоже бо от отец, ни от благочестивых царей не смеяху никоторое жилище Иерусалимом нарещи, токмо окаянный един Манент еретик в Палестинах негде градец некий⁸³¹ во Афригийстей области, емуже имя Пепузан, Иерусалимом нарицая. Сему подобно сотвори Никон, сана изверженный, о немже свидетелствует той же Паисея митрополит в писании своем, глаголя сице: О, недостойства! о, прелесть сатанина! о, неизвыченная новость! Новый Иерусалимник! Не было пророчества о твоем непрямом Иеросалиме! Един есть Иерусалим на земли⁸³² в немже судити будет Христос всей вселенней в правду и воздаст комуждо по делом его. А вторый Иepocaлим на небеси. А третий Иерусалим никто не именовал⁸³³, токмо окаянный Манент еретик и наш Никон, в Русии⁸³⁴. Блаженный Максим Грек глаголет в книзе своей: аще бы который царь и всею вселенною владал, и ни единого места не смеет нарещи Иерусалимом: един бо есть Иерусалим⁸³⁵ на земли, и едина земля Июдейская, в нейже родися Христос, и во Иордани крестися, и на горе Фаворстей преобразися, и на Голгофе распят бысть, и по воскресении⁸³⁶ со ученики своими 40 дний поживе, и от горы Елеонския на небеса вознесеся. Но се веждь, о Никоне, яко по отречении престола с клятвою ты святитель нарещися не можешь, сице и клятва твоя и благословение⁸³⁷ действенно быти не может, всяк бо верный, имеяй ум, благословения твоего бежит. Клятва бо твоя яко огнь злато чистит⁸³⁸, благословение же твое, яко ржа железо губит. О, Никоне! Познайся и прииди сам в себе и самого себе познай⁸³⁹: кто еси ты и откуду, и что дело твое. Воистинну ум погубил еси и остави престол гордости ради и гнева, оставя власть, и многоборство взем, отъиде всуе⁸⁴⁰. Аще речеши, яко и Григорий Богослов остави престол; но Григорий Богослов остави смирения ради, в негоже место Нектарий поставлен бысть. И Афанасий Великий⁸⁴¹ от Ариан 6 лет, по Божию извещению, у девицы крыяшеся еретик ради; но не отвержеся престола с клятвою: остави точию престол, повинуяся воли Божии, и скрыся, да не буести ради еретик убиен будет. А ты же, Никоне, не тако, но и сам себя прокля, отрицаяся престола своего. Своя тебе хула на свою⁸⁴² главу да обратится, якоже и пророк рече: емуже клятвы уста его полна суть, и горести и льсти, под языком его труд и болезнь, обратится болезнь его на главу его и на верх его неправда его снидет. И паки: внегда судитися ему, да изыдет осужден, и епископство его приимет ин, и облечеся в клятву, яко в ризу, и вниде, яко вода, во утробу его и яко елей в кости его; да будет ему яко риза, в нюже облачится, и яко пояс, имже выну опоясуется. Се дело оболгающих святых отец предание, якоже писание глаголет: не прелагай предел вечных, яже положиша отцы твои. Опаситеся, Господа ради, спаситеся своего ради спасения, да не погибнете вечно, и приидите в чювство! Воистинну не коснит Господь пришествием своим, яко же нецыи коснение мнят⁸⁴³, но грядет скоро, по Апостолу. А сам сладкий наш свет Исус Христос глаголаше⁸⁴⁴: егда приидет судити живым и мертвым, не обрящет веры своей на земли, но токмо не во многих, крыющихся (в) пустынях и горах. Ей, ей, тако будет, царю! Уста бо Господня глаголаша сия. О сем не имате⁸⁴⁵ ми рещи пред Господем в день судный, яко не сказах вам истины, или неведением последуете пагубнику Никону. Образумтеся, молю вас⁸⁴⁶. А естьли еще гордостию взиматися будете, пребывая во своем мудровании, глаголюще, яко от Никона вам сущая истинная вера предана: аз уже не реку вам, яко отступники от истинны и в прелести пребываете, но вопрошаю вас: скажите мне, честнии отцы и братия по святому крещению, и научите мя воистинну и вправду, когда вы глаголете исправили веру и догматы церковныя правы нашли, а старые, яко непотребны, ис церкви⁸⁴⁷, вон изнесли, и смело глаголете, яко церковь Христова поблудила в догматех, а Христос глаголет: церкви моея врата адова не одолеют во веки. И се явна стала ваша ложь на церковь Христову. По словеси⁸⁴⁸ вашему буди так. То перво. Но скажите: аще вы мудрее мнитеся паче отец⁸⁴⁹ святых своих, иже они⁸⁵⁰ уставиша, а вы все превращаете, и называете исправлением свое отступление. Научите мя о сем⁸⁵¹ воистинну и вправду, что Дух Святый глаголет во Откровении Иоанна Богослова, во главе 20-й: прииде ангел с небесе, имеяй ключь бездны, и ят змий древняго⁸⁵², иже есть диявол и сатана, и связа его на тысящу лет. Что⁸⁵³ Христос в то время в церкви сотворил, покамест враг церкви лежал связан в бездне? И для чего развязан на мало время дабы лстил народы? И что виде Богослов змия отторгша хоботом своим третию часть звезд небесных и верже их⁸⁵⁴ на землю? Скажите: что змий и хобот его и звезды его⁸⁵⁵? Там же написано: имеяй ум, да почтет число зверя, число бо человеческо есть, и число его 666. Скажите: что зверь, и что число его, и что прелстителю⁸⁵⁶ написано на челе 666? И что число зверя, и число⁸⁵⁷ имени его? Понеже писано есть: имеяй уши слышати да слышит, что Дух глаголет церквам: побеждающему дам ясти от манны сокровенныя и дам ему камень бел, и на камени имя ново написано, егоже никтоже весть, токмо приемляй. И паки: кто имать ум да почтет число зверя. И паки: связан бе сатана на тысящу лет: и что бысть, егда развязася по тысящи лет? И кто есть пестрый зверь, емуже змий силу свою и престол свой и власть великую даст? И что посем 666? Аще бо рече: кто имать ум, да почтет число зверя, число бо человеческо есть и число его 666. И о сем помолчю и слезами покроплю. Известите ми, что человеческо число и что антихристово число? Или ложно и те тайны сокровенныя быти мните? Мы же утаенное от вас сие писание знаем благодатию Божиею, данною своим его рабом.

Се аз, послушал царя и пророка глаголющаго: и глаголах о свидениих Господних пред царем и apxиepeи⁸⁵⁸, не стыдяхся, сказах вам всю истинну апостольскую, отцы преданную. Аще вразумитеся, то благо. Аще ли ни, то аз без вины буду. И аще убо послушаете краткое сие воспоминаение мое и престанете прочее смущати люди Божия: то слава Богу, давшему мне грешному сицеву силу словесну; аще ли ни, то бойтеся реченнаго Господем: горе тому человеку, имже соблазн приходит и прочая.

Много бо хотех глаголати⁸⁵⁹ от божественнаго писания о антихристове прелести, но ныне поспешения ради о том престану. И при двою бо, или триех свидетелех станет всяк глагол. Рече бо Господь в пресвятом своем Евангелии: аще кто слово мое соблюдет, смерти не имать видети во веки. И аще, рече, пребудете в словеси моем, то воистинну ученицы мои будете и разумеете истину и истина свободит вы. Яко тому слава истинному Сыну Божию со истинным его Отцем и со Святым истинным Духом, ныне, и присно, и во веки веком. Аминь.

178⁸⁶¹ году Февраля в 6 день, на память преподобнаго отца нашего Викулы епископа Смирнскаго, старец Божий чернец Аврамий, заключенный от старцев, архиереов новаго Израиля⁸⁶², за имя Исус Христово, отцем и братиям, купно и сестрам о Христе, благоверно живущим, мир дав, и до лица земли кланяюся, и зря всех вас духовныма очима, молюся вашему благонравию, еже не помянути грубости моея к вам, но помолитеся о мне ко Господу, дабы ми помощь получити от Господа молитв ради ваших, еже претерпети до конца непреткновенно за имя его. И целую купно всех вас духовным целованием. Да и о сем вам ведомо буди, как взяли меня⁸⁶³ в нынешнем во 178 году на сырной неделе в нощи, против сыропуста. А приходил по нас соборной поп Петр со многими служивыми людьми, и со оружием⁸⁶⁴ и дрекольми, яко на разбойников сущих. Поемше мя проста, ведоша на мстиславской двор, ко дневалному полуголове Семену Остафеву. Прочих же видех многих ведомых, – pyце связаны опако, зело твердо. И полуголова на мстиславском дворе повелели стрелцам накрепко караулить, чтобы друг со другом не говорили⁸⁶⁵. И егда прииде нощь, в сыропуст, розвели нас по разным избам. Мене же⁸⁶⁶ отведоша к Троицким воротам. И на первой недели поста власти взяли мя⁸⁶⁷ во вселенския полаты. Тут же и думной дьяк Иларион Иванов был⁸⁶⁸. А властей было: Крутицкой митрополит Павел, Вологоцкой архиепископ Симон Чюдовской архимарит Иоаким⁸⁶⁹. И егда ми вшедшу в полату образу Пресвятыя Троицы трижды поклонихся и обычно в пояс властем, такоже и дьяку.

Первой вопрос от властей. Где обещание твое и кто наставник твой?

Ответ Аврамиев⁸⁷⁰. Обещание мое всегда со мною, и никогда выступаю⁸⁷¹ из ограды. А наставник ми небесный Отец, иже посла Сына своего единороднаго⁸⁷² в мир наставити люди своя, да во истине его ходят.

Вопрос Аврамиев. Аз же вас вопрошаю⁸⁷³, – скажите ми: что вина пришествия моего зде? понеже яко на разбойника со многими оружии пришедше, пояша мя, и держим за крепким караулом, ако злодей.

Они же мя нудиша о первом вопрошении⁸⁷⁴ сказати. Аз же рех им: донележе не увем о деле своем, престану вам глаголати. И они умолкоша, и повелеша мя думному вопрошати.

Вопрос думного дьяка Илариона⁸⁷⁵ Иванова. Коего града рождение твое и кто суть сродники твои по плоти?

Ответ Аврамиев. Града настоящего не имею, но грядущаго взыскую; а о мире⁸⁷⁶ глаголати не хощу: уже мертв мирови. И ничего не буду вам говорити, донележе не увем дела своего.

И больши того думной не истязал. И учал мя вопрошати⁸⁷⁷ о писмах моих, у кого что взял и кто писал те писма. И аз сказал о писмах: кто писал, не вем⁸⁷⁸; а досталися мне писма от покойнаго игумена Феоктиста, и от старца Антония и от Григория Неронова.

И потом думной премолчал. И начал говорити митрополит Павел к Вологоцкому архиепископу Симону: слышах и я от многих о Авраамии том, что имеет он разсужденейцо от писания, что нынечи пособлазнился. И Вологоцкой архиепископ Симон рек ему: слышал и я, что нарочит⁸⁷⁹.

И паки Павел начал говорить: что ты⁸⁸⁰, Аврамей бедной, худо делает, – пишешь ко Аввакуму протопопу грамотки, и в тех грамотках своих⁸⁸¹ зело его хвалишь и о великих таких делах вопрошаешь его; а он, Аввакум, за свое безумие и нечестие от всех архиереов Великия Росии проклят, и тебе ведомо сие. Есть зде в московском государьстве патриарх и прочие архиереи, и архимариты, игумены, и протопопы, и священноиноки: ино есть кого спрашиватися и кроме его.

Ответ Аврамиев. Слышах от Тебе, владыко, о отце священном протопопе Аввакуме⁸⁸² таковыя глаголы и, не прогневайся на мя, хощу ти правду рещи. Клятва бываема не по священным правилом не действенна. А кто кого знает и кому кто по совести бывает, тот того и вопрошает. А я отца Аввакума истинна Христова ученика исповедаю: сего ради и вопрошаю, хощу от него научитися всякому доброму делу,

И власти рекли мне: ныне познахом тя совершена отступника от святыя соборныя и апостольския церкви, и развратника и лестьца.

Ответ Аврамиев. Несмь аз отступник от церкви святыя соборныя и апостольския, но держу истинную православную веру, преданную нам от святых Апостол и на седми вселенских соборех утверженную и кровию святых мученик запечатленную.

И Павел митрополит рек: прельстилися есте, – не ведаете древняго писания.

Ответ Аврамиев. Не прелщен есмь и не прелстил ни единаго от человек, но во истинне пребываю.

И хотя поиспытати смирение властей, рек Павлу митрополиту: Страшно⁸⁸³ сие слышати, владыко, еже християном в Велицей Росии снова учитися новой вере, о нейже мы не слыхали. Да и ты, владыко, с нами во единой вере крестился и во единой купели омылся, и единым миром помазан Христа Бога нашего; а ныне глаголеши: зла вера, в нейже породился еси святым крещением. А Василей Великий, вселенский учитель, пишет: креститися подобает, яко прияхом, а веровати, яко крестихомся. И посему вселенскаго учителя разсуждению зле крестивыйся добре веровати не может. Да и выных писаниях святых много о сем свидетелства, яко неправое крещение, сиречь неправой веры, в крещение не вменяется, но паче во осквернение. Тако⁸⁸⁴ и ныне последующим новой вере снова тою верою и креститися подобает. А есть ли и будет не креститися снова, то простым людем зело блазненно будет, и говорят вам о семь: учат-де нас власти новой вере, еяже мы не слыхали, а о старой⁸⁸⁵ глаголют, яко неправа суть, а сами они тою верою неправою крещени суть. И срамно будет исправлятися великоросияном, аще снова всем будет креститися.

И сие мое разсуждение Павлу митрополиту зело полюбилося: не усидел на месте своем, и востав⁸⁸⁶ прииде ко мне, и любезно мя (ми) от своего смирения почал подавать благословение, – взем мя левою своею рукою за бороду и нача браду мою крепко держати, паче же и терзати. И сие творя святитель, болезнуя о мне, исповедал брады моея, крепка ли есть, чтобы было за что держати⁸⁸⁷, егда станет десницею своею благословлять; ведая⁸⁸⁸ свое крепкое благословение, сего ради держа мя, чтобы не пошатился от его благословения, и о помост полатный не ушибся. Егда⁸⁸⁹ исповедал браду мою, начал десницею⁸⁹⁰ своею по ланитом моим доволно мя благословляти⁸⁹¹, да и по носу доволно мя благословил. А приговаривал, благословляя, сице: за крещение свое я стану, – я крестился крещением, что Никон патриарх на соборе со apxиepeи исправил. И зело распалялся на меня яростию, и збил со главы моея⁸⁹² клобук и камилавку на пол, простовласа водя мя по палате за бороду, говорил сице: скажи, что разньство в старом и в новом крещении? Аз же рех ему: не бранитися аз с вами зде приидох: доволно ми есть твоего благословения, и сие ми любезно есть. И радуяся сердцем⁸⁹³ и лицем улыскаяся, рех ему: припамятуй, владыко, что писано сие⁸⁹⁴ во святых правилех: иерей, бия верна и неверна, извержется. Кольми паче apxиepeю должно смирение имети, не яко обладающе причтом, но яко образ стаду бывающе. Он же глагола ми: Несть ми в сем порока, – я хощу тебя, врага, довольно бити, яко Николай Ария еретика. Прочия же власти, Вологоцкой и Чюдовской, якобы устыдилися⁸⁹⁵ и говорили с тихостию Павлу митрополиту, чтобы престал от дерзости. Думной⁸⁹⁶ молчаше. И егда исполни свое желание Павел, доволно мя бияше и вопрошая превращения в крещениих; аз же молчаше, помышляя в себе, яко и Господь наш Исус Христос виде от Июдей неправеден суд премолчал. Во время гнева и ярости разсужения не бывает. И егда преста мя бити, повеле написати думному сие, что о превращении говорил, и в крещениях превращения не сказал. Думной же, по многом молчании, тако написа. Аз же пред ним стоях простовлас, мантия же моя и клобук⁸⁹⁷ и камилавка яко же исперва повержена пред ногама лежит на полу. И рече Чюдовской архимарит Павлу митрополиту о мне: давать ли ему платье? Он же рече: не просит он сам платья. Аз же рех: не просих от Господа моего, и елико ми Он, Содетель, помощи подаст, Ему работать в семь платье обещахся, и благодарне приемлю; и естьли вы не изволите ми дати платья сего⁸⁹⁸, но Бог вся весть, яко чернец есмь, и той будет нас о всем судити право. И даша ми едину камилавку. Аз же, благодарив прием, надел на главу. И изведоша мя ис полаты в сени. И ту много человек. Аз же пред ними с тихостию рек сице: благоцарю Господа моего, яко сподоби мя за имя свое пресвятое в сей час брады терзания и по ланитом биения прияти от Сарскаго и Подонскаго митрополита Павла! И ис полаты власти и думной запретиша ми глаголати, и караульщикам повелеша мя отвести на мстиславский двор в избу ко дневному⁸⁹⁹ голове, и голова, по приказу думнова, посадил мя в чюлан, и в книгу привод мой записал, что бы никому не приходити ко мне, и десятнику с стрелцами непрестанно быть у меня на карауле и ничего со мною не говорить. И бывшу ми двои сутки, принесе ко мне подъячей мантию и клобук. Аз же прием. И еще дня з два минувше, прииде подъячей и повеле голове у меня в чюлане окно заколотить гвоздми накрепко, чтобы не открывалось, и свеще салной бысть непрестанно. И тако ми бывщу за крепким караулом недели з две, и прииде ко мне нощию подъячей, и приведе мя ко предиреченным властем и к думному. Тут и Рязанской⁹⁰⁰ архиепископ Иларион. Аз же придох в полаты⁹⁰¹, по предиречевному сотворих, и стах пред властми. И нача ми говорити Рязанской архиепископ Иларион⁹⁰²: Как, бедной Аврамей, дело Божие творите без страха! Уже у вас соборная апостолская церковь не церковь, таинство не таинство, архиереи не apxиepeи, вера православная християнская не вера! Прииди, братец Аврамей, в разум! И паки рече⁹⁰³ еще: Тебя брата исповедаю себе, аще приидешь (в разум и истинну познаешь). Прииди, брате Авраамей, в разум и помилуй сам себя; престани прекословити apxиepeом, хотящим тебя видети во истинне и о спасении твоем пекущимся. Да и сие, брате Аврамей, помысли: мы сами себе хотим ли погибели? Ты же, прекословя истинне, архиерея прогневал. Да и о сем зазираешь архиереом, что за твое прекословие дерзнул рукою. А Господь⁹⁰⁴ наш непокоривых бил, нам образ показал, егда бич сотворил от вервии, изгнал купующих⁹⁰⁵ из церкви. А вы, брате Аврамей, конечно за неведениe погибаете. Не учася риторства, ни философства, ниже граматическаго здраваго разума стяжали есте, а начнете⁹⁰⁶ говорить выше ума своего, якоже и преже сего ты рекл еси Павлу apxиepeю о превращении крещения, (а превращения) не сказал еси. И посему познавается, яко плутаете, бедные, заблудивше от истинны.

Ответ Аврамиев. Правду ты, владыко⁹⁰⁷, рекл ми, яко риторики и философства не учихся и граматическаго учения глубокаго⁹⁰⁸ не знаю, кроме малаго наречия в справе, и прочитаю книги благодатнаго закона, такоже отчасти мало пророческих книг читал, и от святаго писания хощу тебе противу твоих глаголов, аще изволите с долготерпением послушати, о истинне рещи. А если вы попрежнему будете гнватися на мя, что аз буду вам говорить: и аз престану, да не прогневаю вас. И Бог судия праведный разсудит нас с вами.

И власти велели мне говорить. И аз им о сем рек⁹⁰⁹, яко несмь аз хулник святыя соборныя и апостольския церкви, и таинство от нее пречистаго тела Христова и пречистыя крови со страхом и говением причащаюся, и непрестанно⁹¹⁰ держу православную веру, преданную нам от святых Апостол и святых отец, на седми вселенских соборех утверженную, и отцы нашими, великими архиереи, зде в Велицей Росии просиявшими, свидетельствованную. А вы нам оставити повелеваете отеческую веру, и веровати нынешним греческим архиереом. А о нынешних греках святый Селивестр папа Римский, егда послан был от Бога и сказал Филофею патриарху Царя-града, что у них, в греках, насилием агарянским без остатку погибнути православной вере, нашу же рускую землю, светлую Росию, нарек третий Рим благочестия ради. И сие сказание святаго Селивестра неложно збылося. Писано о сем во Истории белого клобука. Наша же росийская⁹¹¹ земля воистину светло (во) благочестии сияла до Никона патриарха; и с истинных греческих книг древних переведены наши православныя книги, а (не с) нынешних латинских, иже ныне греки держат, имже справливает папа Римский, и в Риме печатают и в прочих римских градех, и к ним греком идут, а оне их держат по нужде, что правых книг взять негде им⁹¹². А егда преподобный Максим сюды приехал к Москве, приведен бысть у великаго князя Василия Ивановича в книгохранилницу, и виде в ней многое множество древних греческих книг, и клятвою⁹¹³ изрек великому князю, что в греках у себя не видал толико множества древних книг, и сказал о том ясно великому князю, и как у них в греках, по взятии Царя-града от турскаго, папа Римский истинныя греческия книги все сами сожже⁹¹⁴. И о сем в книзе его писано. Да он же, преподобный, с клятвою писал митрополиту нашему и всему собору, чтобы сюды к Москве от греческаго патриарха ни попа, ни дьякона не приимали в приобщение. И сие писал преподобный Максим, рускую нашу землю оберегая, ведая подлинно, что у них, в греках, по взвещению святаго Селивестра папы Римскаго, вера християнская погибла без остатку. Да и Арсеней Суханов посылан был отселе, с Москвы⁹¹⁵, в греки разсмотрения ради греческих книг и чинов и веры их⁹¹⁶, и описал все подробну. И по его описанию у них, в греках, и следу нет⁹¹⁷ благочестия. Да и иных свидетельств много предложу вам, аще право будете судити; а ныне престану. И при двою бо, или триех свидетелех станет всяк глагол. А еже (глаголете), что мы риторства и философства не учася с вами говорим, и того ради нами зазираете: и о том вам за нас великий Апостол Павел глаголет⁹¹⁸ от лица Божия: погублю премудрость премудрых, и разума разумных отвергуся. Понеже буйством проповеди благоизволи Бог верующих спасти, а не философством, ни риторством. И Ефрем Сирин глаголет: верну о Христе возможно препрети и риторов и философов, истинно противляющихся, кроме риторства и философства и граматического учения. И преподобный Иоанн⁹¹⁹, Лествицу списавый, глаголет в своей книге⁹²⁰, яко философское кичение чюжо смирению. А преподобный Иоанн Дамаскин пишет во своей книге, глаголемой Небеса, какову подобает быти философу смирену и кротку. А в нынешних учителех несть таковаго обычая, но и сами, их же называете вселенскими, патриархи своими руками дерзают, якоже и Павел-владыка возложи руку на худость нашу. Да вы же глаголете, яко и Христос бил человеки бичем. И о том Иоанн Богослов во своем благовестии ясно написал: егда сотворил бич от вервии Господь, изгнал⁹²¹ из церкви волы и скоты, а словесных не бил, но речию говорил⁹²² изыти из церкви, исполнил писание законное, еже писано: жалость дому твоего снесть мя. Да и во пророцех Дух Святый провеща о кротости свидетельства за многа лета⁹²³. Да и самого Господа глаголы сказывают нам явно, еже рече: возмите иго мое на себе, и научитеся от мене, яко кроток есмь и смирен сердцем. И потом вси богословцы сказуют, яко не токмо не бил Господь человеки, но ниже впреки глаголал. Вы же⁹²⁴ глаголете, что сами себе погибели не хощете, и сего ради вас послушати и Никонову веру прияти, оставя святых отец наших предание, и мните его мудра паче отец наших, сего ради и предание его держите. И мы вас немудрыми не называем, но и зело премудрыми; только судите сами себе: добрее вам будет, аще не будете превозноситися над отцы своими, да не удалится от вас спасение. И колико премудр был Ориген, и уповая на свою мудрость, паче отец нача мудрствовати, и во смирение не прииде, но оправдася⁹²⁵ в неправде, вечную себе погибель приобрел. Да много в писании обрящем таковых обрасцов. А о крещении реку вам: первое, символ православныя веры от лица крещаемого трижды глаголется превращенно: во имени Иcycoве литера прибавлена, и Духа Святаго крещаемый истиннаго⁹²⁶ не проповедует, емуже и по крещении во Истиннаго Бога веровати невозможно. Да и вся главизны о крещении испревращено, и положено в десть только листов 16, а в старых Потребниках 25 листов.

И власти мне говорили: Мы с Никоном не вново завели символ православныя веры, но с старописанных книг и с древних греческих исправили, и подлинно разсмотрели, что от святых отец на вселенском соборе и в Духа Святаго Господа истиннаго не положено, но точию Господа животворящаго. А имя Иисусово справили против грамматического разума.

И аз им рек: Несть сицевая справа разума граматическаго, еже рещи Иисус; но тако будет соуз по граматическому разуму. А еже Иоанн екзарх пишет в Шестодневе своем, еже рещи Иисус, то стало⁹²⁷ два имени. Да и во Острожских печатных Апокалипсисах толковых, в предисловиях, изъявлено о сем, яко Керинфа еретика сие умышление. А о истинном Дусе глаголете, яко святии отцы на соборе не положили истиннаго. Святии отцы не прекословцы были Христовым словесем, еже сам Господь, уча нас во святом Евангелии глаголет: егда приидет Утешитель, егоже Аз вам послю от Отца, Дух истинный. Да и в иных местех наричет Господь истинным. А о себе глагола Господь: Аз есм путь и истинна и живот⁹²⁸. И посему явно, яко и Дух Святый право исповедуется истинный и животворящий. Тако и вси святии богословцы исповедуют, последующе истинному учителю своему Христу, якоже научил нас, глаголя: аще во словеси моем, рече, пребудете⁹²⁹, то воистину ученицы мои будете. Такоже и в послании своем Иоанн⁹³⁰ Богослов написал: всяк преступая и не пребываяй во учении Христове, Бога не имать. И отцы наши не преступали Христова учения, и ему Спасителю угодили правою верою. И мы им последуем, и за молитв их хощем спастися. А еже глаголете: святии отцы на вселенском соборе не положили истиннаго, и се ложь есть. Не преступники были святии отцы богословии Господа нашего Иcyca Христа. И облак свидетельства о сем в божественном писании от святых отец, яко право так во Святый Дух веровати, как у нас до Никона патриарха во отеческих книгах напечатано. Так же и Фотий патриарх в послании своем писал символ православныя веры против наших отеческих книг. Да и во Острожских следованных Псалтырях. А святый Иоанн⁹³¹ Дамаскин в Соборнике, в слове в неделю православия зело ясно пишет и повелевает веровати и в Духа пресвятаго Господа истиннаго и животворящаго. Так же и правой Веры книги⁹³² описатель приводит всех седми вселенских соборов и девяти поместных святых отец, яко вси тако повелевают веровати, как в наших отеческих книгах. А о греках нынешних говорил я вам: лутче было им не веровати и на отеческих догматех необлазиво стояти⁹³³, якоже и при святейшем Филарете патpиapxe было. Егда презжал из Литвы корецкой протопоп Лаврентий сюды, к Москве, а привези с собою книгу Беседословие, своего слогу: и святейший Филарет патриарх тое книгу справил, понеже много было в ней ересей, и приказал о тех ересех с ним Лаврентем говорить Богоявленскаго монастыря Илье архимариту, да печатнаго двора справщику Григорию, да тут же сидел князь Хилков, – имя ему не памятую⁹³⁴. И многое прение было с ним Лаврентием о Божестве и о церковном божественном писании. И в прении к приличным речам говорил он протопоп архимариту: а то вы на Москве греческих книг не прочитаете и не имеете у себя, сего ради сего и не знаете. И архимарит говорил: Мы на Москве нынешним книгам греческим не верим; есть у нас у государя и у святейшаго патриарха древних греческих книг многое множество; а нынешним их книгам не верим, того ради, что оне превращены. И во всем ево Лаврентия препрели от божественных писаний, и он во всем покорился, и прием, целовав книгу свою, а за исправление святейшаго патриарха Филарета зело ублажил, глаголя, яко воистинну премудр святейший Филарет патриарх Московский, и воистинну яко солнце сияет своим благочестием. И судите посему: отцы наши ведали в греках блужение в вере и не верили им, и без мятежа в православней вере жили и Богу угодили; а Никон, хотя погубити своим коварством всех и отвести от Бога, и будто от грек исправляет. А вы ему и грекам поверили, и велик мятеж в Велицей Росии учинили, и православную веру потеряли, а не исправили. А те книги, о нихже Максим великому князю с клятвою рек и Илья архимарит поминал, от Никона потаены. И святых уста не лгут. Сказано от блаженнаго Максима, что в греках по взятии Царя-града великая скудость книжная, и сам он, блаженный Максим, учитися ходил в западныя страны скудости ради книжной. Да и по описанию Арсения Суханова, древния великия обители у них все разорены, и живут в них бусорманы: и откуду у них древним книгам быть? И аще кто правое разсуждение имеет, той ему не верит, понеже он во всем лжет⁹³⁵.

И власти рекли: Плутаешь, бедной Аврамей, не ведая истинны, и приводиши свидетельства о греках и о греческих книгах неправо. Писание⁹³⁶ писали, на негоже ты ссылаешися, такие же плуты, как и вы ныне плутаете, и в своих писаниях Никона антихристом называете. А антихристу быти во Иерусалиме, а не здесь⁹³⁷. И тем людей Божиих зело возмутили есте.

И аз рек им: О Никоне писал аз, вопрошая отца Аввакума и возвещая ему о сем, яко слично на нем Никоне быти сему таинству, и ни единаго слова не умыслих, но от многих святых отец писания собирая писах. Да и се писано в моем писании, яко не испытаны судбы Божия. Только глаголю вам и ныне: по писанию святых отец прилично на нем быти сему таинству. Есть ли он, Никон, Божиим попущением⁹³⁸ будет паки во времени⁹³⁹: не отрекуся его тако нарещи. Естьли вы его предание покинете: и Бог умирит церковь свою. И аз о том радуюся, аще не збудется.

И думной рек: Аврамей, правду ты так писал, что в северной стране быти антихристу. Да ведь не одне мы в северной стране; но есть и немцы, и иныя в северной стране живут. И посему не испытанно, где будет.

И аз рек ему: Да писание многое сказует нам о сем, яко быти ему в северной стране, в третием Риме, идеже Скифополь. И отступу не быти от веры, а он открыется. Тако нам Апостол сказует, и Златоуст толкует: он открыется, и отступ учинит, и отречется своея славы, и после себя приуготовит иных, да делают лютая, и потом и сам возвеличится паки. И смотрите в моем писании, иже у вас ныне, собрав от многих святых. Да и число того зверя, иже во Апокалипсисе в 13-й главе, истолковано от святых отец, и сошлося на нынешные лета. И вы судите себе сами: от нас какое возмущение людем Божиим? понеже мы собою ни единой черты не пременили, но како отцы наши веровали и Господу Богу угодили, и мы тако веруем.

И Павел митрополит рек прочим властем: Враг непримиримый, чернчишко! С таковым врагом при людях нелзе и говорить. Я такова врага своими руками удавить не отрицаюся, да и в грех мне не вменится сие, яко хулника Божия удавил⁹⁴⁰.

И власти многия⁹⁴¹ рекли: Аврамей! много мы тебя увещевали и не могли в разум привести, и чисты будем мы от крови твоея. А Павел apxиepeй правду говорит: за таковыя хульныя глаголы твоя аще кто тебя и убиет, не истязан будет от Бога, но еще и мзду приимет, яко хулника Божия убил. И Николай Apия заушил в ланиту, не терпя хулы на Бога от него слышати; такожде и Илия студныя вааловы пророки заклал, но во оправданиe ему вменилося.

И аз рек им: Несть право сицевое разсуждение ваше. Илия сотворил в законе сие, и аще в законе хощет кто оправдатися, таковый благодати отпал, по Апостолу: уже бо законная сень прейде. И в законе око за око, зуб за зуб: во благодати же Господь научил нас нетокмо еже не убивати, но ниже впреки глаголати. Чюдотворец же Никола на соборе совершеннаго еретика, не мог хулы слышати от него (на Бога), и по человечеству сотворил, заушил в ланиту. И святии отцы зело воспретили ему о сем, хотели и сана лишити. И он не оправдался пред отцы в том, что добро сотворил, еже рукою дерзнул: И таковых правил не писали, еже духовным дерзати рукою, или мучением к вере приводити. Но пред отцы смирение показал. И виде Господь смирение его, наипаче прослави его, даде ему Евангелие, а Пресвятая Богородица амфор. И одне правила написали святии отцы: иерей, бия верна или не верна, извержется. Аще бы⁹⁴² добро дерзати руками духовным, не возбранил бы Господь и Петрова дерзновения ножем. Тако же егда со ученики Господа камением изгнали из града, и Апостоли тогда по человечеству совещевали Господу погубити грады: и Господь им о сем запретил, и глагола им: яко не веста, коего духа еста; и: Сын Человеческий не приидох погубити человека, рече, но спасти. И сего ради мнози от человек помышляли, яко на зло не имать Господь власти. И Господь показа над древом сие: понеже паче всех древес сыро древо смоква, а от единого слова усушил Господь.

И власти, просвиру соловецкую вынятую передвигая по столу, ругаяся, говорили мне: Такие вы враги, еретичишка худыя, что и соловецкия⁹⁴³ старцы: ничего не зная, а прекословием своим весь мир возмутили, и многих от церкви отлучили и погубили, и разсылают в мир просвиры свои⁹⁴⁴ еретической службы.

И аз рек им: Приидите в разум! како не бояся Бога, сия (глаголете) глаголы хулныя на преподобных отец! Слухом не слыхано о том, что в Соловецком монастыре бывало возмущение о вере; но изначала у них так чин и устав преподобных отец; истинно⁹⁴⁵ християном подобает сицевыя службы просвиры искати и держати, и з говением великим и со страхом потребляти: понеже на ней и крест Христов истинный воображен, а не крыж двоечасный, како в вашей Никоновой⁹⁴⁶ вере воображен.

И власти рекли: Бедной Аврамей⁹⁴⁷! конечно плутаешь, – какая Никонова вера! у нас вера Христова⁹⁴⁸, а не Никонова, – толко мы с Никоном исправили. А просвиры печатати со адамлею главою хулно зело. Истинно так право, еже четвероконечным крестом⁹⁴⁹ печатати.

И аз рек им: Начало новой вере⁹⁵⁰ Никон сотворил, и по нем вы ему побораете. Сего ради и Никонову наричю. Якоже и псалмы не един Давыд написал, да вси Давыдовы наричются, того ради, понеже он начало сотворил псалмом. А о кресте Господни пророк Исаия за многа лета⁹⁵¹ сказал, яко слава ливанова с певгом и кедром и кипарисом приитти имать. Да вси⁹⁵² богословцы исповедуют трисоставный крест: понеже Троицы трисоставныя образ носит. Такоже и в седалнах во Октае пишет: на кипарисе и кедре и певге вознеслся еси, агньче Божий.

И власти говорили: Да вы⁹⁵³ не знаете, что кипарис, и что певг, и что кедр. И вы бы, когда не знаете, спрашивалися, и нечево вам и сказывать, когда не приемлете истинны.

И аз глаголах им, яко обычай есть неверию польза погублять, по писанию. И преподобный Петр Дамаскин пишет, яко вельми безумно есть, еже оставити глаголы готовыя и глаголати моя. Тако и мы зело безумимся, аще оставим писание святых отец о честнем кресте выше реченное. Да и Григорий святый Амирицкий пишет во своей книге яко о кресте Господни, кое древо дольное, кое прекое, на немже руце владычни пригвождени, и кое подножие⁹⁵⁴. Да и у вас в книгах о том писано, иже глаголется книга Мечь духовный, иже вы ныне своим собором свидетельствовали, и в ней о кресте Господни такоже⁹⁵⁵ древа расписаны, как и Григория Амирицкаго в прении з Герваном жидовином. Да еще сказуете и дщицу, юже Пилат прибил от маслины древа, кроме тех трех древ, певга и кедра и кипариса. И мы не жидовствуем, но истинно последуем, а не сени прешедшей.

И архимарит говорил: Хотя бы ты, Аврамей, и вину принес архиереом, а за такое твое плутовство без наказанья не минул бы еси: понеже вы враги всю землю возмутили есте ложными своими писаньми⁹⁵⁶, как в котел сажены, да не згорели, и как языки резали им и чюдеса были. И сего ради будет ти⁹⁵⁷ жарко. Иногда и повиновение твое неприятно будет, и в безумии стражда⁹⁵⁸ погибнешь.

И Павел митрополит архимариту говорил: Как не в безумии! Мне он враг говорил: не тако крещен, как ныне верую. А в крещении, егда младенец погружается в купели трижды, у нас положено такоже непременно, глаголет иepeй, погружая младенца, сице: крещается раб Божий младенец имя-рек во имя Отца, аминь, и Сына, аминь, и Святаго Духа, ныне и присно и вовеки веком, аминь. Да еще, враг, говорит, виновно творя и сие, что мы во всей главизне в крещении половину отъяли, кое⁹⁵⁹ не прилично было тут.

И аз им говорил: Не тужите о мне: якоже Бог хощет, тако и сотворит. А еже правое⁹⁶⁰ главизны о крещении, нечево было править⁹⁶¹ правая, разве уже кривить⁹⁶². Но и зело испревратили есте, якоже исперва сказах вам о том превращении.

И Павел говорил мне: Да, враг ты Божий, что упрямился о крещении? и все не нужно⁹⁶³; толко то нужно, еже во имя Отца и Сына и Святаго Духа крестити в купели, якоже прежде сказах ти.

Да тут же и поп пришел, кой нас имал, и последния речи у нас застал, и говорил: Владыка право тебе⁹⁶⁴ разсудил, – принеси покорение.

И аз ему крутыя слова изрек, сице: Кто тя спрашивает? и некому кроме тебя говорить⁹⁶⁵! Высоко уста своя положил еси⁹⁶⁶, да язык твой по земли преходит. А что говоришь, того и сам не ведаешь. Чему мне повиноваться? аз верую преданному святыми отцы; развращеннаго⁹⁶⁷ ничего не приемлю. Понеже во святом писании заповедано зело страшными клятвами от святых отец, аще кто от сих предания хотя едино слово подвигнет. И того ради нам нужно⁹⁶⁸, что предано от святых отец.

И поп умолчал, и потом ничего не говорил. Только Павел рек мне паки: Враг Божий! да то и в ваших любимых Потребниках филаретовских напечатано: как младенец худ бывает, и тогда по нужде одна молитва указана проговорить, да и крестити.

И аз рек ему: Да нужное к свободному не прилагается. И аз то приемлю. Но почто полную главизну о крещенш вредити?

Стали⁹⁶⁹ из мест своих, говорили⁹⁷⁰ между собою пред походом ис полаты: нечево болше того говорить с таковым⁹⁷¹ прекословцем и врагом Божиим!

И аз рек им: несть⁹⁷² аз враг Божий; аще и грешен, но правою верою. И верую в Троицы (непостигнимаго Бога, и единаго от Троицы) Господа нашего Иcyca Христа, рождьшагося от Пресвятыя Богородицы Марии⁹⁷³, сугуба, во двою естеству, проповедую. Ему⁹⁷⁴ всесилному Богу по силе моей молюся о здравии государьском, и о спасении и утвержении царства его, и вам воистинну не прекословец, но правду глаголю⁹⁷⁵.

И Чюдовской архимарит рек: Кабы и приятна ваша скверная молитва Богу!

И Павел рек: За такое твое⁹⁷⁶ ты действо достоин удавлен быти, аще и оправдаяся говоришь: не достойно давити. Недостойно добрых давити; а вас достойно. Помнишь, и в церкви иного удавили, да и не вменилося им во грех.

И аз его о сем не вопросил, понеже гневатися на мя сталь зело⁹⁷⁷, и не вем, кого в церкви удавили, рек Павел, – разве ариане в службе амфором святаго Павла патриарха Царя-града? Мню, яко того оправдание⁹⁷⁸ им глаголет.

И потом повелел мя думной караулщиком отвести на Мстиславской двор, и в предиреченной чюлан посадить, и держать попрежнему накрепко. И в чюлане сидел я недель с шесть, мало свету видал, только по одному человеку караулщиком, переменялся, со мною велел сидеть с молчанием. И потом, недель с десять⁹⁷⁹ минув, или болше⁹⁸⁰, и перевели в другую избу, от началников подале, и с караулщиками попризнался. А все из дела нашего цвет пообленял; правителем тем не до того стало.

Да и сие вам поведаю, как распрашивал меня думной о писмах, по выпискам⁹⁸¹ своим, в тонкость о всяком деле. (И я не скоро думному сказывал), и о чем мочно отвод дать, скажу, а иных будто не помню по выписке сказать. И думной доколе приискивает моих писем, и я в те поры понадумаюся.

И власти говорили: Уже своих писем не памятует!

И я им сказал, что я человеченко скудоумной и безпамятной, и волачивался по многим городам и в крыласе (?) иных⁹⁸² писем и не помню, где взял.

И власти и думной говорили так: Безпамятной! да и памятным сидя разбирать, колько ты наплел!

А после меня старец Иоасаф новгородец был пред властьми, и оне ему рекли: не ученик ли ты чернчишка того Аврамия? И я грешник и следу не коснухся таковаго отца разума. Да он от них смирением отходил. И они не знают его, а меня при нем зело бранили. А после другой моей очной ставки власти говорили о мне братии нашей, кои перед ними после меня были: ведь у вас из еретишков тех толко Аввакум да черничишко то Аврамей, да и те бедные, не позная истины, заблудили от праваго пути!

Да и сказывал мне⁹⁸³ человек, думной говорил⁹⁸⁴ о мне: чернец умеет грамоте, да упрямился не в деле. А подъячей, кой у дела был в те поры, как говорил я со властьми, человеку доброму говорил: чернец Аврамей горазд грамоте, посрамил apxиеpeoв.

И сие пишу вам, не себе похваляя, и вем грубость свою, и недостоин с человеки вменитися, и ниже следу коснулся разума отцов страдалцов, и во истину стропот⁹⁸⁵ есмь и нетерпелив. И ревнуя их отеческому пути святому, изрек все властем, не скрываяся, при думном и при подъячем. И властем стало зело зазрително. Как бы возможно⁹⁸⁶ и они⁹⁸⁷ меня жива зглотили. Да вем, яко без суда Божия и влас з главы не уленяет. А они слышати⁹⁸⁸ истинны не хотят, в крайнее безстудие пришли. И перестать про них говорить, только разве их победить терпением, аще кого укрепит Господь Бог.

Да о сем⁹⁸⁹ скажу любви вашей. В пост перед Успеньевым днем, в четверток вечер, за три дни до Успеньева дни, и провожали меня два стрелца з бердышами до полаты в Чюдов монастырь, иже ныне прозваны вселенския. Вшед в полаты⁹⁹⁰, обычное начало сотворих. В полатах⁹⁹¹ Рязанской архиепископ Иларион, да думной Иларион Иванов. Аз же обычно поклонихся обоим. И нача мя увещавати архиепископ сице: Уж ли, Аврамей, от запада на восток обращаешися? И престал ли прекословити соборной апостольской церкви, и четырем вселенским патриархом, и нашему пятому святейшему Иоасафу, и всем архиереом Великия Росии? И неужели яко пес на своя блевотины возвращаешися? Неданное Богом, брате Аврамей, на себя дело взимаешь, и не церковь тебя оставила; ты церковь вставил.

Аз же рех ему: Не оставих аз церкви; но аще и зело грешен, только правою, верою, сын святыя соборныя и апостольская восточныя церкви, и никогда со святою церковию не прекослових. И отцы наши не псы были и не песию блевотину лизали; но истиннаго пречистаго тела и крови Христовы причащалися. И мы, от них приемше истинную православную веру, непременно держим, и с тою верою хощем и на страшном суде Христове стати. Разсуди, владыко, – какия мы прекословцы истинне? Но во истинне всегда пребываем, а яже ползовати друг друга на благое, по правилом святых Апостол велено, аще кто и божественнаго писания неучен, да толко будет искусен в слове.

И архиепископ рек паки мне: Когда не повинуешися истине, и за то apxиepeи приказали с тебя сан снять, и остричь, и отдать градскому суду.

И повелел старцу снимать с меня сан. Он же снял мантию, и клобук, и камилавку, и остриг.

Аз же глаголах ему: Творите, еже хощете. Самовластны мы зде: а егда пред Господем будем на суде, тогда познаемся, кто будет прав, и кто виноват. А что теснее, то и прибыльнее: гроб и теснее того будет, да лежать же в нем будет. А что глаголете про греков: и о греках аз бы, последней, облак от писания свидетельства предложил, что и следу у них благочестия не обретается. Святии отцы, кои от грек в Росии⁹⁹² просияли, от нынешних греков попа и дьякона поставленова от греческаго патриарха, зде в Росии приимать не велели в приобщение, в московское государьство, и о сем с клятвою писали.

Они же ни мало сему не внимают, и остригше повели мя ис полаты. Аз же глаголах, по палате идучи: подаждь утешение своим рабом, Всенепорочная, утоляющи лютая на ны востания, и прочая. И егда в сенях остановили мя, и вышел старец ис полаты, которой мя остриг, и поклонился мне до земли предо всеми, и глагола ми: прости мя, отче, яко не волею сия сотворих. И аз ему поклонихся; видех его, – егда и стриг весь дрожал, непрестанно молитву Исусову творя, и Сына Божия исповедал в молитве. И сказал мне о платье, яко у Чюдовскаго архимарита будет платье.

И потом привели мя в Стрелецкой Приказ. Хотели в черную полату посадить. И доволно постоял в Приказе. И паки повелел мя думной в старую избу отвести, иже и до ныне пребываю, донележе Бог соблаговолит.

и страдальца за веру Христову к некоему боголюбцу сице⁹⁹³.

Инок Авраамий, заключенный в духовном Содоме и Египте за слово Божие и за свидетельство Исус Христово, рабу Божию радоватися. Удивихся смирению твоему, яко ты, и⁹⁹⁴ сам исполнен благоразумия и⁹⁹⁵ полезных словес, и⁹⁹⁶ хощеши слышати и о великих тайнах вопрошение твое грешника⁹⁹⁷, лежащего во глубочайшем рву неведения. Подобает ти, рабе⁹⁹⁸ Христов, о сем добрее⁹⁹⁹ ведущих вопрошати. Но¹⁰⁰⁰ обаче принужден есмь от Тебе. Положих упование на Сына Божия, могущаго умудрити и немудрых¹⁰⁰¹. Прежде всего советую ти в преданней вере от святых Апостол¹⁰⁰² стояти неуклонно, и на седми вселенских соборех утверженной, и кровию святых мученик запечатленной, и отцы нашими святыми засвидетельствованной¹⁰⁰³. Се есть церковь святая соборная и апостольская, еже есть вера правая, без неяже Богу угодити невозможно, о нейже Давыд Богоотец глаголет: свята церкви твоя, и¹⁰⁰⁴ дивна в правду. И паки глаголет¹⁰⁰⁵: поклонюся к церкви святей твоей. О никоновой же лукавой и развращенной церкви Дух Святый во пророцех глаголет: возненавидех церкви лукавнующих. И паки глаголет: уклоняющеися в развращение отведет Господь¹⁰⁰⁶ с творящими беззакония. И прокляти, рече, уклоняющеися от заповедей твоих. И святый Иоанн Златоустый в беседах разсуждает о сем: веру превратиша, иже аще худо есть ново творят, прокляти да будут. Никон же со ученики не худое нечто превратил в церковных догматех, но и всю истинную веру изгубил¹⁰⁰⁷. Глаголет Апостол: едина вера, едино крещение, един Бог и Отец всех. У Никона же со ученики многие веры, а не едина. Напечатано у них Служебников до осми выходов, а вси между собою¹⁰⁰⁸ несогласны. И посему явно, яко развращенная их¹⁰⁰⁹ церковь, и последующеи учению их не имут видети живота вечнаго. Они же сами, елика дале будут править, толико глубже во дно адово снидут¹⁰¹⁰. В тонкость же описати их зде блужение в вере – не вместится. Сего ради престану, и реку тебе¹⁰¹¹ о времени нынешнем, елико от отец навыкох разсудити писания¹⁰¹², да познаеши время сие совершенно.

Мнози глаголют от неведения божественнаго писания, яко быти антихристу во Иepocaлиме; инии же глаголют скоро зело быти преставление света сего; а инии глаголют на земли чювственно пророком Илии и Еноху не быти. Ты же уверися о сем писанием божественным. Глаголет пророк, яко от севера лукавство изыдет. Кое же лукавство сказует нам пророк? Яве, яко антихриста возвестил, быти ему в северной стране. И Афанасий Великий возвестил Антиоху, еже быти ему в Скифополи. Скифополь же северная¹⁰¹³ страна, наша руская земля. А святый Иоанн Златоуст в беседах разсуждает на послание Павла Апостола и сказует, яко в Риме быти¹⁰¹⁴. Кирил же во многих местах во своей книзе во знамениях¹⁰¹⁵ воспоминает, яко в Риме царствовати будет¹⁰¹⁶. И сие согласно¹⁰¹⁷, еже зде быти ему. Селивестр папа Римский, егда с небеси от Бога послан к Филофею патриарху Царя-града, и нашу рускую землю благочестия ради исповедал светлую Pyсию и третий Рим¹⁰¹⁸. Да и в Кормчей книзе пишет третиим же Римом рускую нашу землю, а греческое царство вторым Римом. В писании глаголет святый Кирил¹⁰¹⁹ о антихристе: яко не от царей¹⁰²⁰, ни от царска рода будет. Преподобный Петр Дамаскин пишет о нем, яко чернец имать возстати в северной стране и древних еретиков всех ереси подымет. И сие согласно зело к нынешнему времени. Избранный же сосуд, Павел Апостол, в послании своем пишет о нем: яко аще не приидет отступ¹⁰²¹ прежде, и открыется человек греха, сын пагубный, противник¹⁰²². Святый Иван Златоустый толкует¹⁰²³, что есть отступление, и глаголет, яко Апостол самаго того антихриста наричет¹⁰²⁴ отступлением, яко отступ не приидет от веры, он сам антихрист¹⁰²⁵ открыется во благочестии, и благочестно он сам учинит отступление. Сего ради и погибельный сын наречется, яко нечестием своим многих душа¹⁰²⁶ погубити имать, аще не трезвятся. Потом сказует¹⁰²⁷, яко от власти на безначалство нападет, и после себе приготовит иных, да делают лютая. И по сем согласно зело: яко лютая воистину делают ученики его. И святый Ипполит глаголет о нем, яко исперва льстивно приим ложь беззаконный, отречется славы своея. В Синоксаре же святии отцы написали: и во Иеросалиме станом уставится. Паки¹⁰²⁸ Ипполит святый глаголет: и храм каменен сотворит, иже во Иеросалиме. И Кирил святый пишет, яко церковь древнюю Соломонову со иным богомолием, прелести ради, покусится создати, совершенно же построить не возможет, – глаголет: не мню¹⁰²⁹ ту верхи покрыты будут. Да и во Апокалипсисах толковых острожския печати пишет, яко антихрист себе Христом образовать¹⁰³⁰ имать, глаголя себе: воздвигну скинию падшую Давыдову и низриновения ее¹⁰³¹ паки воздвигну. И таковым действом во всем себе известит быти Христа. И писано о нем, яко льстец во всем хощет подобен быти Христу.

И зело подобится Никон пагубник, яко построил Иеросалим в северной стране, и реку Истру Иорданом проименовал, и церковь такову, какову во Иеросалиме, построил, и в том своем льстивом Иеросалиме станом уставися, и около своего льстиваго Иеросалима селам и деревням новыя имена подавал, противу сущаго Иеросалима: Назарет и Вифлием, и прочая; а иная у него есть Галилейская пустыня; а горам такоже новыя имена подавал, – иная у него гора Голгофа, и прочее преименовал. А чернцам молодым имена дает Серафимами¹⁰³². И посему имеяй ум да разумеет прелесть его, кому будет в его новоименованной реке Иордане¹⁰³³ креститися. Да и о семь пишут святии отцы: аще бы которой царь и всею вселенною обладал, и не единого же места да не наречет Иеросалимом, яко един Иеросалим во всем свете, яко в нем Господь наш Исус Христос пострада плотию¹⁰³⁴ нашего ради спасения, таможе и судити всех будет; а вторый¹⁰³⁵ Иеросалим Сион небесный. И уже ли посему явственно льстец¹⁰³⁶? аще ли и не то, скажю тебе¹⁰³⁷ еще свидетельство о нем, да на том постави ум свой, яко на камени крепком. Пишет святый Иоанн Богослов во Апокалипсисе, во главе 13, о числе противника, яко зде мудрость¹⁰³⁸, иже имать ум да сочтет число зверино, число бо человеческо¹⁰³⁹, и число его 666. И святый Ириней известно нам сказует о числе сем, яко сие число являет вся лета от Адама и до погибели зверя, и глаголет, яко всегда Господь наш Исус Христос времена судеб своих закрывает числом неудобе разумным, а иже искусныя¹⁰⁴⁰, и они изочтут, и время противника и прелесть обрящут¹⁰⁴¹. И сие число явно исполнишася¹⁰⁴² на 1666 год, понеже в той год Никон пагубник свои еретическия Служебники выдал, а святыя прежния Служебники, по которым отцы наши служили¹⁰⁴³ и Богу угодили, повелел извести из церкви вон¹⁰⁴⁴. И се есть человеческо число, яко человек той пагубник, зверь лютый¹⁰⁴⁵, объявился, якоже Апостол глаголет: явитися ему во свое ему время. Время же его на исполнении¹⁰⁴⁶ числа сего. О сем явственно пишет списатель книги Правыя Веры, и глаголет: яко по 1000 лет от воплощения Божия Слова Рим отпал со всеми западными странами от восточныя церкви. В пятсотное же лето девять десять пятое по тысящи жители в Малой Русии отступили¹⁰⁴⁷ от веры и во всем заручную грамоту римскому папе дали. И сие второе оторвание христиан от восточныя церкви. И тогда Литва отпала от веры. Оберегая же и наше государство московское, писал: егда исполнится от воплощения Божия Слова 1666 лет, тогда подобает и нам oпаceниe имети, чтобы такожде непострадати, якоже римляне и Литва. И ведая, не опаслися. Сатана своим сосудом Никоном на тот год веру здесь¹⁰⁴⁸ изгубил, а ныне и досталь истребили ученики его. Да тут же воспомянул описатель Веры книги¹⁰⁴⁹, яко время уже прииде и от скончания века¹⁰⁵⁰. И мнози о сем не доумеваются и глаголют, яко уже прошло время то, еже писано в книзе Правой Вере¹⁰⁵¹. А списатель воспомянул выше, в том же слове: и сего, рече, воспомянути не отрекуся, еже святый Иоанн Богослов во Апокалипсисе, во главе 20, пишет, яко сатана бысть связан на 1000 лет. И потом прекратил о сем; но зде кратко¹⁰⁵² на самое совершенство указал. Толкует сия святый Ипполит папа римский, яко связан сатана на 1000 лет от вшествия¹⁰⁵³ во ад Господа нашего Иcyca Христа, и глаголет: егда приидет¹⁰⁵⁴ 1000 лет от вшествия¹⁰⁵⁵ Господня во ад, и после той тысящи лет егда исполнится число лет 666, и потом, рече, кончина будет. Исполнение же числу сему всего лет 20, или менши мало и еще года. За 7-же лет до исполнения¹⁰⁵⁶ числа сего, приидут пророки на землю. Не пророчествуя же аз пишу сие, но от пророка Даниила глаголю, иже свидтельствует: по седмице единой, яко полседмицы пророки будут на земли¹⁰⁵⁷ и возвестят со дерзновением благоверствие роду человеческому, и мнози от человек приидут послушати, и никто же от человек не возможет озлобити их. И егда скончают на земли пророчество свое полчетверта лета, и по попущении Божию зверь оный предиреченный¹⁰⁵⁸ убиет их и телеса их не погребена оставит на стогнах града великаго, иже духовне нарицается Содом и Египет, и лежат¹⁰⁵⁹ телеса их на, земли полчетверта дни, во образ пророчества их, и дух животен внидет в них, и возмутся¹⁰⁶⁰ на небо. Потом же последи убиет Иоанна Богослова, и велики беды будут еще и до того времени, и кто пренемогая обрящется, удобе пленен будет дияволом.

Ты же, рабе Христов, мужайся и утвержайся во истинне. Яже¹⁰⁶¹ вопрошал еси мене своим писанием, душю¹⁰⁶² свою предал еси мне грешному, ища спасения душа своея, и аз советую ти: предай душю свою Творцу своему, Господу нашему Иcycy Христу, и пречистой Богородице, заступнице нашей: силна бо есть заступница наша, мати Творца нашего, и всех нас спасти от прелести пестрообразнаго зверя. И молю тя, рабе Христов, послушай совета моего, немози не единого дня минути без славословия Божья, но востав с ложа своего со обычным началом да поеши псалом 50: Помилуй мя Боже, и: Живый в помощи, и молитву кресту: Да воскреснет Бог, и паки: О тебе радуется, потом же светилен кресту:¹⁰⁶³ Крест хранитель всей вселенней, и потом обычной отпуст сотвориши. Такоже да сотворяеши¹⁰⁶⁴ и на вечери, егда хощеши почити на ложи своем. Да и поклонцев по силе на всякия сутки да полагаеши, паче же нощию по три поклона хотя полагай¹⁰⁶⁵ Господу Богу. Да и нас поминай в молитвах своих, паче же началных страдалцов¹⁰⁶⁶: отца Аввакума и Лазаря¹⁰⁶⁷, такоже и иноков боголюбивых:¹⁰⁶⁸ отца Епифания и Трифилия, да и всех¹⁰⁶⁹ верных, да их молитвы о тебе приятны будут к Богу и благословение их будет на тебе. Блюдися, Господа ради блюдися; не всякому духу веруй¹⁰⁷⁰, Неведомо тебе о том¹⁰⁷¹, яко о сем времени писали святии, воспоминали со слезами, яко быти великому возмущению во всех человецех, паче же в три части разделятся людие в самех христианех, якоже ныне видим и сие. О сем не дивися; сам Господь глаголет сие: горе миpy от соблазн; да и нужда им быти, рече. И ты о всем разсуждай, и чистое от сквернаго отделяй, и на отеческом предании умолчевай, и страдалцов разсуждению во всем повинуйся, ихже выше сего помянух. И верую, аще тако начнеши творити, не удалится от Тебе спасение твое и благодать Господа нашего Иcyca Христа с тобою да будет¹⁰⁷². Аминь.

выписано от божественнаго писания о антихристовой пестообразной прелести, какова в та времена прелести настанут¹⁰⁷³.

Пишет в книге Правой Вере: пременят времена и закон, и беззаконнующии завет наведут с прелестию и осквернят священная. Иван Златоустый пишет, что раздора ради церковнаго велик гнев Божий бывает и всем православным христианом душевная пагуба от настоящаго ныне злочестия и от насилия отступническаго. Того ради молили страдалцы и южники о Христе, столпи православия: священный и от Бога помазанный протопоп Аввакум и Лазарь священник, обличитель Никона еретика, ему же язык до вилок отрезали, Христовою же благодатию паки ясно говорит и еретиков обличает. Паки ему же язык отрезаша и руку десную отсекли, чтобы на еретиков не писал обличителных словес. Такожде и Епифанию иноку страдалцу язык отрезаста же за слово Божие и за свидетелство Исус Христово, и руку десную отсекли; но Пресвятая Богородица дарствовала своему рабу язык доброглаголивый, якоже и Лазарю, молением святаго пророка Илии. Такоже и священно-диякону Феодору язык двократы отрезали и персты у десныя руки отсекли; Стефану же, по прозвищу, черному, некогда бывый дьяком в Нижне-Нове-граде, емуже двократы язык отрезан за церковь Христову, церковь же eгo исцелила и светлоглаголива устроила. Иван Златоустый в беседах разсуждает, яко по отречении своем приготовит инех, да делают лютая. И воистину ныне оне власти паче того богоотступнаго Никона правоверных християн люто озлобляют и православную веру до конца истребляют, или рещи якоже и вся искоренили, якоже рече ангел ко Ездре о знамениих последних: приидет время живущим на земли, обременени будут данми великими, и скрыется путь правды, неправда же и невоздержание умножится на земли. Глаголю же ныне о начаншемся времени и о пестрообразной антихристовой прелести, по числу зверя 666, и о новых Служебниках: при Никоне богоотступнике и после его отречения и изриновения по се время выходов до осми было, а все меж собою не согласны. Прежде напечатали Служебники зело стройны и исправны, а егда взял к себе из Соловецкаго монастыря ссылнаго черньца Арсения, известнаго еретика, по свидетельству отца его духовнаго, яко 3-жды Христа отрекшася учения ради философвскаго, и посадил его на печатном дворе Никон, сана изверженный, и стакався с ним, напечатали Служебники таковым переводом, что и слухом не слышано, а те похвальные свои Служебники похулили. Тем они сами собою ложь показали, и сего ради преданию нечево верить, ни учеников его нельзя слушать, понеже святых оболгали и законы их разрушили. Пишет Василий Великий: подобает креститися, яко прияхом, а веровати яко крестихомся. Да и многа есть о сем в писаниях святых, яко неправое крещение не вменяется, но паче осквернение, и посему зле крестивыйся добре веровати не может, яко зло есть крещение умышленное (н) Богоотступником. Первое превращение в нем: в символе православная веры пресвятое имя Господа нашего Иcyca Христа, нареченное от Господа святым ангелом, пременил (н) сана изверженный со Арсением еретиком, напечатали сице: и во единаго Господа Иисуса Христа. И о сем их мудровании лукавом писано в предисловиях во Апокалипсисах толковых острожской печати, яко сия прелесть Керинфа еретика: сей злочестивый Керинф тако мудрствовал, последуя Несторию проклятому. Той Несторий не убояшеся Господа нашего Иcyca Христа на два состава разделити, улишая окаянный Сына Божия божества, тако и рождьшую Его Матерь богородичнаго звания. Сему ж Несторию подобно отступник (н) со ученики своими умысли, и сим приложением союза единаго весь символ православныя веры исказили, последуя Hecтopию окаянному еретику, приложили ко Иcyсову имени литеру иже. И сие их мудрование зело хулно и нечестиво: сею прибавочною литерою иже отделяют человечество Сына Божия во ин состав от божества везде в новых своих книгах. А прилагаючи иже ко Иcycy, толкуют богохулно: литера де образует божество во Христе, а иже де человечество, а слово и ерь и рцы и твердо у них не растолковано, что теми словами во Христе исповедуют пьянии философи окаяннии. И Наввина Иcyca и Сирахова Иcyca, и Оседекова Иcyca равны Сыну Божию Иcycy Христу сотворили, по их лукавому мудрованию. И что есть злее мудрости сея? И люто воистинну сие мудрование их и скрыто коварно зело, толко от разсудителных не утаилось, но и зело ясно от божественных писаний обличилося. Еже рещи Иисус, то стало два состава и два Сына, четыре лица в Тройце, а не три. Тройца бо имянуется трисоставная: три лица, три составы, существо едино, царство едино господьство. Во Христе бо два естества исповедуются, две воли, два хотения, два существа: единосущен Отцу по божеству и единосущен Матери по человечеству; два рождества: едино превечное от Отца прежде век, другое от Матери по человечеству; состав же един. И мы правовернии не во двою лицу разделяем, но во двою естеству неслитно познаваем. И что отступник (н) со Арсением еретиком напечатали и приложили литеру ко Исусову имяни, хульно еже рещи Иисус: то стало два состава. Сие по граматическому разуму соуз, а по осмочастному Иванна екзарха слову, то различие именуется: то стало два имени, а не едино. Посему явная сия ересь проклятаго Нестория, яже выше сего рех: два сына исповедуют, разлучая Сына Божия от человечества. Пишет о семь и во Алфавите зело страшно, сице: по граматике анафема, егда убо есть прикладное имя обоих числ всякаго рода, и тогда тоже, еже есть: проклят, осужден и отлучен. Сице во алфавите, лист 126. Святый Иван Златоустый в беседах разсуждает сие апостольское слово разумно зело и глаголет: яко аще видишь кого не вещающа имени Исусова, или проклинающа его, разумей по сему, яко волхв есть. И зело разумно ныне верным, яко (н) богоотступник прилагателною литерою разделяет человечество Сына Божия во ин состав.

Да еще в символе православныя веры выняли литеру азъ; помогаючи Арию еретику глаголют: рождена, не сотворенна; а подобает глаголати: рожденна, а не сотворенна. Они же согласившеся со Арием, идеже бо речено бысть на посрамление Apиeво, тако лукавии Apиa друга своего оправдити хотяще, многосильную литеру азъ отъемше, з жидами глаголют: рожденна, не сотворенна, яко бо рещи: не сотворил Бог сего, еже рождену быти Христу, в негоже христиане веруют. Ты же смотри, како по действу сатанину едина литера весь мир убивает, и сим отъятием ископа ров прелести народом християнским. А те речи еще во всех книгах неизменны, что есть на свете, еже есть: рожденна, а не сотворенна; и: во единаго Господа Иcyca Христа; и: егоже царствию несть конца. А что отступник (н) со Арсением еретиком напечатали: не будет конца, и сего отнюдь нет ни в которых земель книгах. А несть конца и не будет конца, ей, не един разум в том, но велиe различение: не будет конца глаголющии велик приступ дают жидом, ждущим антихриста, на того бо той положен, яко меч обоюдуостр. И та страшная едина литера хульнику Сына Божия чрево разтерза и проседеся на землю, а нынешним темным властем века сего Бог им воздаст по делом их. Мнящеся мудри быти воистинну объюродеша. Несть ныне время переправливати веру, но время есть, еже ждати Сына Божия с небес скоро хотящаго судити вселенную в правду. А сам сладкий наш свет Исус глаголет: егда приидет судити, не обрящет веру свою на земли, разве не во многих крыющихся в пустынях и в горах. Ей, ей, тако будет: уста бо Господня глаголаша сия. А то не християнское дело, что мучити и озлобляти. Гонимый христианин Христа в себе носит, а гоняший сатане работает. Воспомяни последняя, како скончатися будет век сей, и како прелести настанут антихристовы. Малии познают, а живущии на земли вси тому поклонятся. А что святии предали глаголати: егоже царствию несть конца, а глаголют вместо несть, не будет конца, тии присвояются жидом, ждущим антихриста, распятаго Господа нашего отвергошася. Послушай и внимай себе, что глаголет святое писание: воцарившуся Христу, глаголет церковь: егоже царствию несть конца. А они отступницы, ученицы (н), начало царствия Христова отвращающеся, глаголют, якоже прежде рожества Христова глаголал архангел: царствию Его не будет конца. То в правду глаголют, но сия глаголал архангел прежде рожества Христа Бога нашего, яко предгрядущему царствию Христову. Егда родися, егда воцарися Христос, тогда царствию его несть конца; егда царствует Христос и не преста царствовати, то несть конца. Кто во Христа верует, той весть, еже не блазнити кого и блазнитися не подобает. Рече бо Господь во святом Евангелии: горе тому человеку, имже соблазн приходит, лутче бы ему не родитися.

Да в том же символе напечатали: И в Духа Святаго Господа животворящаго, а истиннаго отъято. И сим они нарушением не токмо всею церковию возмутиша, но и всею тварью, небом и землею, потрясоша извержением истиннаго из символа. И о том свидетелствует сам Владыка Христос в пресвятом своем Евангелии трижды. Первое: Аще любите мя, и заповеди моя соблюдете, и Аз умолю Отца моего, иного Утешителя даст вам, да будет с вами во веки Дух истинный. Второе: Егда приидет Утешитель, егоже Аз послю вам от Отца, Дух истинный, иже от Отца исходит, той свидетельствует о мне. Третие: Много имам глаголати вам, но не можете носити ныне, егда же приидет Дух истинный, наставит вы на всяку истинну. Мне те свидетельства Христовы страшны и преступник тем Христовым свидетельствам боюся быти, да и вас молю не преступати богословия Господа нашего Иcyca Христа. Учитель словеном, верховный Христов Апостол Андрей в Патрех Ахайских Христа ради распят бысть стремглав, и повешен, и мучен учаше предстоящих народов верных сонм, глаголя тако: веруйте в Бога Отца истиннаго, веруйте в Сына Божия, Господа нашего Иcyca Христа, Бога истиннаго, веруйте в Духа Святаго, Господа истиннаго. Златоустый же Иван в слове о оглашении пишет сице: Верую во Святый Дух истинный, иже...