Преподобная Александра Дивеевская (Мельгунова)

Дни памяти

23 июня - Собор Рязанских святых

26 июня

27 июня - Собор Дивеевских святых

14 сентября (переходящая) - Собор Нижегородских святых

Житие

Преподобная Александра в мире звалась Агафия Семеновна. Происходила она из старинного рязанского рода дворян Степановых, известного с середины XVI века. Родилась в благочестивой семье Симеона и Параскевы в конце 1720-х – начале 1730-х годов. Отец рано умер, и мать сама воспитывала ее в духе благочестия. Прасковья Андреевна в юных годах выдала Агафию за сына соседей-помещиков Мельгуновых. Яков Мельгунов служил прапорщиком в Муромском пехотном полку. Агафия Семеновна недолго была замужем. Ее супруг рано скончался (около 1755–56 г.), оставив ее с маленькой дочерью на руках. Имея обширные поместья и 700 душ крестьян, обладая большим капиталом и будучи в молодости приятной наружности и ясного ума, Агафия Семеновна выбрала путь служения Богу.

По примеру жены родного дяди её мужа, которая овдовев, приняла монашество в Рязанском Богоявленском монастыре, Агафия Семеновна со своей дочерью отправилась в Киев и по благословению старцев поступила в Киево-Флоровский монастырь.

Однажды матушка Александра сподобилась видеть Пресвятую Богородицу и слышать от Нее такие слова: "Это Я, Госпожа и Владычица твоя, Которой ты всегда молишься. Я пришла возвестить тебе волю Мою: так тебе ныне глаголю: иди в землю, которую Я покажу тебе. Иди на север России и обходи все великорусские места святых обителей Моих, и будет место, где Я укажу тебе окончить богоугодную жизнь, и прославлю Имя Мое там, ибо в месте жительства твоего Я осную обитель великую Мою, на которую низведу все благословения Божии и Мои, со всех трех жребиев Моих на земле: Иверии, Афона и Киева. Иди же в путь твой, и благодать Божия непрестанно да будут с тобою!" Очнувшись, мать Александра сообщила о видении своему духовному отцу, затем другим отцам Киево-Печерской Лавры. Мать Александра просила их разобрать, что за видения удостоилась она. Но святые старцы единогласно решили, что видение Царицы Небесной было истинное и что мать Александра удостоилась быть избранницей Божией Матери во вселенной. Старцы посоветовали матери Александре скрыть свое пострижение и под прежним именем вдовы-подпоручицы Агафии Семеновны Мельгуновой пуститься в путь, указанный ей Богоматерью. Сведения о том, где и сколько времени странствовала мать Александра, утратились с годами.

В 1760 г. шла она из г. Мурома в Саровскую пустынь. Не доходя 12 верст, мать Александра остановилась на отдых в селе Дивеево. Она выбрала себе местом отдыха лужайку у западной стены небольшой деревянной церкви. Усталая, она уснула сидя и в легкой дремоте удостоилась увидеть Божию Матерь и услышала от Нее следующее: «Вот то самое место, которое Я повелела тебе искать на севере России, и вот здесь живи и угождай Господу Богу до конца дней твоих, и Я всегда буду с тобою и всегда буду посещать место это. И, как звезды небесные и как песок морской, умножу Я тут служащих Господу Богу и величающих Меня, Матерь Света, и Сына Моего Иисуса Христа!» Когда видение окончилось, мать Александра проснулась и пошла до Саровской пустыни в великой радости.

Общежительная Саровская пустынь произвела сильное впечатление на мать Александру. Строгое благочиние, продолжительная церковная служба, простота, убогость и суровость монашествующих, старинное столповое пение по чину Афонской Горы, скудость пищи и вся обстановка восхитили душу матери Александры.

Познакомившись со старцами, Агафия Семеновна открыла им душу свою и попросила от них совета и вразумления.

Саровские старцы посоветовали ей всецело предаться воле Божией и исполнять все указанное Царицей Небесной. Матушка Александра, послушная воле и указанию Царицы Небесной, собиралась переехать на жительство в Дивеево. Но село Дивеево было тогда весьма неудобно для жизни монахини, ищущей молитвенного покоя. Постоянный шум от большого числа рабочих на открытых здесь заводах, добывавших железную руду, ссоры, драки, разбои – все это придавало местности особый характер, неприязненный для всего мирного, святого и божественного. Кроме того, с ней была малолетняя дочь, для которой были необходимы некоторые жизненные условия. Поэтому саровские старцы посоветовали матери Александре, чтобы исполнить волю Богоматери, поселиться в двух верстах от Дивеева, в деревне Осиновка.

Агафия Семеновна поселилась в деревне Осиновка. Здесь вскоре заболела и скончалась ее 9- или 10-летняя дочь. Это произошло около 1764 г. Мать Александра увидела в смерти своей единственной дочери еще одно указание Божие и подтверждение достоверности всего возвещенного ей Царицей Небесной. Порвалось последнее звено, связывающее ее с миром.

Тогда Агафия Семеновна решила отрешиться от всего своего имущества и окончательно распорядиться своими имениями. Для этого она отправилась в свои поместья.

Немало времени потребовалось ей для устройства дел. В 1766–1767 гг. она продала все свои рязанские имения. Она освободилась от всяких земных забот и значительно увеличила свой и без того большой капитал. Затем она часть капитала положила вкладами в монастыри и церкви для поминовения родителей, дочери и родных, а главное, поспешила на помощь туда, где надо было построить храмы Божии.

Агафия Семеновна вернулась в Дивеево в конце 1767 г. Саровские старцы благословили ей поселиться у приходского дивеевского священника Василия Дертева, жившего вдвоем с женой. Ему было около 40 лет (1727 года рождения), но он был уже известен в округе своей духовной жизнью. На его дворе Агафия Семеновна выстроила себе келлию и прожила в ней 20 лет, совершенно забыв свое происхождение и нежное воспитание.

В духовных вопросах мать Александра во всем советовалась с Саровскими старцами. Она очень почитала старца Назария, игумена Валаамского. Его живописный портрет висел в келлии матушки Александры, и она каждодневно при всяком деле ему кланялась. Впоследствии она стала обращаться к саровским подвижникам иеромонахам Пахомию и Исаии.

В то время в Дивееве был приходской деревянный храм во имя святого первомученика и архидиакона Стефана. Он был холодный, предназначенный для служения только в теплое время года. Матушка Александра с благословения саровских старцев занялась благоустройством дивеевской церкви. Сначала она приступила к ремонту главной части Стефановской церкви, а затем пристроила придел во имя святителя и чудотворца Николая, который был освящен в 1772 г., а также теплый придел во имя Казанской иконы Божией Матери, освященный в 1775 г.

Во время неустанной молитвы Богородица открыла матушке Александре, что следует озаботиться о построении каменной приходской церкви в честь Казанской Ее иконы. Саровские старцы с отцом Пахомием, помолившись, благословили праведницу на построение церкви. Когда было получено разрешение, матушка Александра приступила к постройке храма на том самом месте, где явилась ей Царица Небесная.

Время построения храма было тревожным для России. В 1773 г. в Поволжье началось кровавое и жестокое пугачевское восстание. В августе 1774 г. был взят город Темников, и опасность вплотную приблизилась к Сарову и Дивееву. Когда Агафия Семеновна умоляла Господа и Царицу Небесную об избавлении их края от этого злодея, равно как и от последовавшего затем голода, ей было открыто, что гнев Божий минует их. Действительно, пугачевские отряды не дошли до Дивеева.

Мать Александра по сооружении храма ездила в город Казань, где получила вернейший список с чудотворной Казанской иконы Божией Матери, и в город Киев испросить для церкви частицы святых мощей. Мощи ей вложили в серебряный и позолоченный крест.

Сохранилось предание, что матушка Александра долго думала, кому посвятить придел с правой стороны, и всю ночь молилась, прося Господа, да вразумит Он ее. Господь услышал молитву.

Во время ночной молитвы слышит она стук в окно и голос: «Ты недоумеваешь, в чье имя устроить придел? Создай его во имя мое». – «Кто ты?» – в страхе вопросила матушка Александра. «Я – апостол первомученик архидиакон Стефан!» – отвечал голос и замолк, а утром, на рассвете, на том самом окне, в которое был стук ночью, матушка нашла образ святого апостола и первомученика архидиакона Стефана. Он был написан на длинном и узком бруске (обрубке), очень старинного письма. Сначала он хранился в церкви, а затем в келлии матушки Александры.

Казанский храм был освящен отцом Пахомием в начале 1780 г.

Большую часть своего капитала Агафия Семеновна пожертвовала в Саровскую пустынь. Ее вклад в строительство Успенского собора в Сарове, начатого в 1770 г. и отложенного в голодные годы, позволил завершить постройку. Преподобный Серафим свидетельствовал, что «собор сооружен усердием матушки Александры».

Милостыня матери Александры была всегда тайная; она служила всем, чем только умела и насколько могла.

Она помогала многим девицам-сиротам в миру: чтобы соблюсти их чистыми от греха, наделяла их приданым, и они могли выйти замуж. Бедным невестам Агафия Семеновна вышивала головные уборы – сороки и красивые полотенца.

В течение 12 лет со времени окончания благоустройства деревянной церкви в праздники и воскресные дни Агафия Семеновна никогда не уходила из церкви прямо домой, но по окончании литургии всегда останавливалась на церковной площади и поучала крестьян, говоря им о христианских обязанностях и о достойном почитании праздничных и воскресных дней.

Внешность матушки Александры известна со слов ее послушницы Евдокии: «Одежда Агафии Семеновны была не только простая и бедная, но и многошвейная, и притом зимою и летом одна и та же; на голове она носила холодную черную кругленькую шерстяную шапочку, опушенную заячьим мехом, потому что она часто страдала головною болью. На полевые работы ходила в лаптях, а под конец своей жизни хаживала уже в холодных сапожках. Матушка Агафия Семеновна была среднего роста, вида веселого; лицо у нее было круглое, белое, глаза серые, нос короткий, луковичкою, ротик небольшой, волосы в молодости были светло-русые, лицо и ручки – полные».

За шесть месяцев до кончины матушки Александры настало время устроить монашескую общину, чтобы исполнить все приказанное Божией Матерью. К этому представился особый случай. В 1788 г. одна из помещиц села Дивеева, госпожа Жданова, наслышавшись об Агафии Семеновне, желая поусердствовать осуществлению благого дела, пожертвовала ей 1300 квадратных сажен своей земли рядом с церковью. По совету Саровских старцев и с разрешения епархиального начальства мать Александра построила на этой земле три келлии с надворным строением и оградила пространство деревянной оградой; одну келлию заняла сама, другую предоставила для отдыха странникам, идущим через Дивеево в Саров, и третью предназначила для приглашенных жить трех послушниц.

Мать Александра до конца своих дней вела жизнь богоугодную, подвижническую, крайне суровую, в постоянном труде и молитве, управляя сестрами в духе кротости. Строго исполняя все трудности Саровского устава, она во всем руководствовалась советами отца Пахомия.

Саровский устав в основе своей имел правило, которое дал Ангел Господень преподобному Пахомию Великому, учредителю иноческого общежития, состоящее из предначинательных молитв, 50-го псалма, ста Иисусовых молитв и отпуста. Таких молений надлежало совершить по числу суточных часов: двенадцать днем и двенадцать ночью.

Также в Сарове полагалась общая вечерняя молитва: вечерня с каноном Божией Матери из Октоиха и каноном дня недели. После повечерия братия слушала вечернее правило с тремя канонами: Иисусу Сладчайшему, Пресвятой Богородице с акафистом и Ангелу Хранителю. Через час после общей трапезы братия собиралась для совместного исполнения пятисотенного келейного правила со многими земными поклонами и безмолвными молитвами, затем читалось поучение из книги преподобного Ефрема Сирина, помянник и молитвы на сон грядущий. В конце – взаимное прощение братии. Молитвы с поклонами полагалось произносить неспешно и чинно, прежде произнося молитву, а потом делая поклон.

Великая старица, мать Александра с особенным уважением обращалась к еще юному в то время послушнику, монаху и затем иеродиакону Серафиму, провидя в нем исполнителя начатого ею Божия дела.

В июне 1789 г., предчувствуя приближение своей кончины, мать Александра пожелала восприять на себя великий Ангельский образ. Отец Исаия, прибыв в Дивеево, постриг ее в схиму и нарек ей имя Александры.

Через несколько дней после пострига отец Пахомий с казначеем отцом Исаией и иеродиаконом Серафимом отправились по приглашению в село Леметь, находящееся в шести верстах от нынешнего города Ардатова Нижегородской области, на похороны благодетеля помещика Александра Соловцева и заехали по дороге в Дивеево навестить матушку Александру.

Она была больна и, получив от Господа извещение о скорой кончине своей, просила отцов-подвижников особоровать ее. Великие старцы с любовью совершили над нею Таинство Елеосвящения. Затем, прощаясь с ними, мать Александра отдала отцу Пахомию последнее, что имела, и умоляла поминать ее в Сарове за упокой, не оставлять и не покидать неопытных послушниц ее, а также попечись в свое время об обители, обетованной ей Царицей Небесной.

Старцы простились, уехали, а дивная старица, схимонахиня Александра, скончалась 13 июня, в день святой мученицы Акилины, в возрасте не более 60 лет.

Отец Серафим в духовно-назидательных беседах своих с приходящими часто говорил: «Матушка Агафия Семеновна великая жена и всем нам благотворительница была и столь изобиловала благодатию Божиею, скажу вам, что удостоилась дара духовного, имея слез источник непрестанный такой, что в бытность ее здесь, в Сарове, во время служб церковных, когда она становилась в теплом соборе, против чудотворной иконы Живоносного Источника, из глаз ее текли не слезы, а источники слез, точно она сама соделывалась тогда благодатным источником этих слез! Великая и святая жена была она, матушка Агафия Симеоновна, вельми великая и святая!»

Отец Серафим предрекал, что со временем, по Божиему изволению, должны в обители почивать открытыми святые мощи матери Александры, и приказывал всем каждый день утром и вечером ходить и кланяться ее могиле, произнося при этом: «Госпожа наша и мать, прости меня и благослови! Помолись, чтобы и мне было прощено, как ты прощена, и помяни меня у Престола Божия!»

После закрытия Дивеевского монастыря в 1927 г. келлия матушки Александры, как и могила ее, были уничтожены, и на их месте устроена площадь, залитая асфальтом.

Жители села Дивеева хранили благодарную память о первоначальнице обители и в течение почти 200 лет отмечали ее дни памяти поминальными обедами.

В 1991 г. после произведенных археологических раскопок могила матушки Александры была восстановлена по уцелевшему под асфальтом фундаменту часовни, а также могилы похороненных рядом с ней схимонахини Марфы и монахини Елены. На могилах были установлены деревянные кресты.

Честные мощи первоначальницы матушки Александры были обретены в праздник Воздвижения Креста Господня 26–27 сентября 2000 г., перенесены в церковь Рождества Богородицы, где и почивают, как предсказал великий старец преподобный Серафим.

В 2000 г. преподобная Александра Дивеевская была прославлена в лике местночтимых святых Нижегородской епархии, а определением Архиерейского Собора 2004 г. она была причислена к лику общецерковных святых.

Развернуть

Богослужения

Служба преподобной Александре Дивеевской

Текст службы утвержден
решением Священного Синода
от 9 июля 2019 года (журнал № 82)

Месяца иуния в 13-й день

Преподобныя Александры Дивеевския

На малей вечерни

На Господи, воззвах: стихиры, глас 2:

Кая духовная пения/ принесем ти, преподобная Александро?/ Явлением бо тебе Царицы Небесныя/ Дивеево дивно освятися/ и четвертый жребий Ея наречеся./ Сего ради молим тя/ подати нам мир и велию милость.

Киими похвальными венцы/ венчаим тя, преподобная Александро?/ Ты бо, в многотруднем житии/ волю Божию усмотревши,/ в благодарении Господу николиже оскудевала еси./ Темже моли Христа Бога/ подати нам мир и велию милость.

Киими благоговейными усты/ восхвалим преславную матерь нашу Александру?/ Милостивую покровительницу и скорую помощницу,/ любовию своею нас согревающую,/ кротостию и смирением вся удивляющую/ и просящую нам у Христа Бога/ мир и велию милость.

Киими священными похвалами/ прославим Александру богомудрую?/ Обители Дивеевския украшение,/ монашествующих истинную наставницу/ и молитвенницу теплую о душах наших,/ просящую нам у Христа Бога/ мир и велию милость.

Слава, глас 4:

Днесь благодарственная воспоим/ дивному во святых Христу Богу нашему,/ даровавшему нам матерь преподобную,/ мудрую и чадолюбивую наставницу,/ церковных уставов твердую хранительницу,/ непорочное житие совершившую,/ ныне же в лице жен святых сияющую.

И ныне, Богородичен, глас тойже: Иже Тебе ради:

На стиховне стихиры, глас 1:

Велия твоя подвиги и труды,/ преподобная Александро блаженная,/ како прославим, недостойнии?/ Ты бо, обитель Дивеевскую основавши,/ иноческое житие в ней устроила еси.

Стих: Дивен Бог во святых Своих,/ Бог Израилев.

Великий ангельский образ восприемши/ и послушание Царицы Небесныя исполнивши,/ душу в руце Божии вверила еси./ И ныне с лики жен преподобных/ чисте зриши Святую Троицу.

Стих: Честна пред Господем/ смерть преподобных Его.

Велию благодать и дар исцелений,/ еще живей ти сущи, стяжавши,/ Александро преподобная,/ ныне наша прошения исполняеши/ к раце святых мощей твоих/ с любовию притекающих.

Слава, глас 8:

О, преславнаго чудесе!/ Днесь радуется обитель Дивеевская,/ исполнению проречения преподобнаго Серафима дивящися:/ се бо мощи преподобныя Александры,/ яко многоценное сокровище,/ в храме Рождества Богородицы почивают/ и, яко крин присноцветущий,/ благоуханием чудес всех притекающих исполняют.

И ныне, Богородичен, глас тойже: Безневестная Дево:

Тропарь зри на велицей вечерни. Слава и ныне, Богородичен: Радуйся, двере Господня:

На велицей вечерни

На Господи, воззвах: стихиры, глас 6:

Приидите, вернии людие,/ во святую обитель Дивеевскую,/ яже четвертый жребий Божия Матере нарицается,/ ублажим верную рабу Пресвятыя Богородицы/ Александру богомудрую,/ первоначальницу святаго места сего,/ и, припадающе к ея честным и многоцелебным мощем,/ усердно помолимся:/ помяни нас, преподобная мати наша,/ во Царствии Небеснем.

Приидите, вернии людие,/ во святую обитель Дивеевскую/ прославим чудную собеседницу ангелов/ и нуждающимся помощницу скорую,/ всечестную матерь Александру,/ первоначальницу святаго места сего:/ та бо, Христа всем сердцем возлюбивши,/ многотрудное житие избра,/ ныне во славе невечерней Ему предстоит/ и молится о спасении душ наших.

О, преподобная мати наша Александро,/ Божественною просветившися благодатию/ и мятеж мира отвергши,/ евангельски Христу последовала еси/ и молитвами Пречистей Богородице неустанно послужила еси./ Темже, и обители Ея первоначальница сущи,/ богомудрая наставница явилася еси./ Помяни нас во Царствии Небеснем.

Александро всеблаженная,/ ангельский образ восприемши,/ на земли добродетельне пожила еси/ и, храмы многия воздвигши,/ сирыя, нищия и в бедах сущия николиже оставляла еси,/ ныне же, на Небесех водворившися,/ чисте зриши Святую Троицу./ Испроси нам, преподобная мати, велию милость,/ да и мы всегда с Господем будем.

Многия подвиги, труды и болезни,/ блаженная Александро, явила еси,/ егда в тесней келии пред распятием Христовым,/ на камень главу полагающи,/ со слезами нощию усердно молилася еси./ Помози и нам в покаянии истиннем житие скончати/ и Царствия Небеснаго сподобитися.

Глас 7:

Надеющиися на Господа разумеют истину/ и вернии в любви пребудут Ему./ Тако и ты, богомудрая Александро,/ светом Евангелия тьму неразумия просветивши,/ истины веры Православныя людем уясняла еси/ и живоносныя воды любве верным источила еси./ Укрепи и нас во благочестии и чистоте пребывати/ и моли Христа Бога/ да спасет души наша.

Глас 8:

Ублажаем тя, Александро досточудная,/ ты бо, о ближних попечение творящи,/ алчущих милостивая питательница,/ невест неимущих благоукрасительница/ и скорбных теплая утешительница явилася еси./ Темже, припадающе к раце мощей твоих,/ со умилением просим тя:/ приими молитвы наша/ и предвари на помощь/ верою память твою почитающим.

Слава, глас 6:

О, Александро блаженная,/ преподобный Серафим свидетельствова о тебе,/ яко ты еси велия раба Божия,/ смирения высото и любве сокровище,/ и о всех теплая молитвенница./ Ныне зрим тя, яко щит крепок обители нашея/ противу стрел вражиих,/ заступлением бо твоим искушения побеждаются/ и души наша очищаются.

И ныне, Богородичен, глас 6: Кто Тебе не ублажит:

Вход. Прокимен дне. И чтения преподобническая.

На литии стихира собору Дивеевских святых, глас 1:

Блаженна еси, чудная обитель Дивеевская,/ славни вси пределы твои,/ стопы Пресвятыя Богородицы освященнии/ и подвиги святых прославленнии,/ ихже всехвальную память совершающе,/ славословим Христа Бога нашего, дивнаго во святых Своих,/ Емуже молимся спастися душам нашим.

Слава, и ныне, глас 4:

Воспоим неусыпающую в молитвах Богородицу/ и, притекающе к Ней с верою сердечною,/ потщимся стяжати милосердие и кротость,/ да обрящем Ея заступлением/ у Христа Бога велию милость.

На стиховне стихиры, глас 2.

Подобен: Егда от Древа:

Егда Божественный глас/ достиже тя, преподобная мати Александро,/ тогда, богатство и славу,/ и род твой оставивши,/ во обитель Флоровскую вселилася еси,/ идеже, житие жестоко поживши,/ в молитвах и трудех Господеви угодила еси./ Темже молися Христу Богу/ спасти и просветити души наша.

Стих: Дивен Бог во святых Своих,/ Бог Израилев.

Егда благодать Божественная/ исполни сердце твое, преподобная мати,/ тогда явися ти Пресвятая Дева,/ Царица Небесе и земли,/ повелевающи град Киев оставити/ и обитель новую/ во инем месте устроити,/ да славится в ней имя Христа Бога,/ Егоже моли спасти и просветити души наша.

Стих: Честна пред Господем/ смерть преподобных Его.

Егда Матерь Божия явися ти, преподобная Александро,/ на пути в пустынь Саровскую/ и повеле устроити в Дивееве обитель чудную,/ тогда, преславныя глаголы Ея/ в сердце своем слагающи/ и повеление исполняющи,/ многими труды и подвиги/ обители доброе начало положила еси./ Темже молися тепле ко Господу/ спасти и просветити души наша.

Слава, глас 4:

В честнем прославлении твоем,/ преподобная мати Александро,/ верныя благодатно озаряеши/ и недуги безмездно врачуеши./ Темже, с любовию припадающе к раце мощей твоих,/ умильно глаголем:/ настави ны ходити путем подвигов твоих/ и помози нам благоугождати Христу Богу,/ да причастницы Небеснаго Царствия сподобимся быти.

И ныне, Богородичен, глас тойже: Призри на моления Твоих раб, Всенепорочная:

Тропарь, глас 5:

Преподобная мати Александро,/ благословение Царицы Небесныя исполнивши,/ обитель Дивеевскую основала еси,/ в нейже, многотрудное житие совершивши,/ образ Христова смирения явила еси./ Темже помяни нас во Царствии Небеснем.

На утрени

По 1-м стихословии седален, глас 4:

Всем сердцем твоим, всею душею и мыслию Бога возлюбивши,/ дар благодатных слез, мати Александро, стяжала еси/ и пред Крестом Христовым усердно молилася еси,/ непрестанно в созерцании Господа пребывающи./ Темже, искусная делательница молитвы умныя сущи,/ научи и нас присно глаголати:/ Господи, Иисусе Христе, Сыне Божий, помилуй нас, грешных.

Слава, и ныне, Богородичен:

Удивишася, Чистая, лицы ангельстии,/ како, Богородица сущи,/ во юдоль скорбей человеческих нисходиши,/ и всякий вопль молитвенный слышиши,/ и утешение милостивно подаеши,/ больных исцеляеши и немощных заступаеши,/ Дево Мати Господня,/ Сокровище неисчерпаемое благодати Божественныя.

По 2-м стихословии седален, глас 8:

Страстотерпец царь Николай благоговейно почиташе память твою,/ мати Александро./ Сего ради вопием ти, мати преподобная:/ моли с Царственными страстотерпцы Христа Бога, о еже спастися нам.

Слава, и ныне, Богородичен:

О Тебе радуется и Тя прославляет всякая тварь, Дево Пречистая,/ яко Невместимаго вместила еси,/ Егоже присно моли о спасении нашем.

Величание:

Ублажаем тя,/ преподобная мати наша Александро,/ и чтим святую память твою,/ ты бо молиши о нас/ Христа Бога нашего.

По полиелеи седален, глас 1:

Егда приближися время преставления твоего, Александро преподобная,/ тогда духом отшествие твое ко Господу уразумела еси/ и, молитву сугубую со слезами о обители твоей и сестрах ея вознесши,/ попечение о них на преподобнаго Серафима возложила еси.

Слава, и ныне, Богородичен:

Притецем вси, вернии,/ к Небесней Царице и Матери всех,/ прославляюще Ея снисхождение к роду человеческому,/ и источим слезы умиления,/ любовию зовуще:/ радуйся, Обрадованная,/ верных Твоих рабов не оставляющая.

Прокимен, глас 4: Дивен Бог во святых Своих,/ Бог Израилев. Стих: В церквах благословите Бога, Господа от источник Израилевых. Всякое дыхание: Евангелие от Матфеа, зачало 104.

По 50-м псалме стихира, глас 6:

Пред отшестием от жития сего временнаго/ в схиму великую, преподобная Александро, облеклася еси/ и, Святых Таин Христовых приобщившися,/ Казанскую икону Пресвятыя Богородицы на перси возложила еси,/ молитву же непрестанную во устех имущи,/ душу святую в руце Христа Бога предала еси./ Тому молися не лишенным и нам быти/ кончины благия и наследия Небеснаго.

Канон, глас 8.

Песнь 1

Ирмос: Поим Господеви,/ проведшему люди Своя сквозе Чермное море,/ яко Един славно прославися.

Преподобную угодницу и матерь нашу Александру,/ первоначальницу обители Дивеевския,/ Божия Матере рабу избранную,/ ныне за ны на Небесех молящуюся,/ Господи, сподоби воспети разумно.

Обители Дивеевския первоначальница явилася еси, Александро славная,/ и, достойно послушание Пресвятыя Богородицы исполнивши,/ Небесное Царствие унаследовала еси./ Помози и нам добродетель послушания стяжати.

Воздержанием дивным и покаянием слезным душу твою очистивши/ и ангельскому житию поревновавши,/ храм Святаго Духа явилася еси, преподобная Александро.

Богородичен: Пречистая Богородице Дево,/ паче естества неизреченно рождшая Присносущное и Пребожественное Слово,/ достойно в песнех величаем Тя.

Песнь 3

Ирмос: Утверждей словом Небеса/ и землю основавый на водах многих,/ утверди мя к пению славословия Твоего, Господи.

Мирская и тленная возненавидевши,/ плоть свою изнурила еси, мати Александро,/ темже и, молитву к Богу присно возносящи,/ Того Единаго возлюбила еси.

Просвещение Духа в сердце твоем приемши, преподобная мати,/ лучами добродетелей страстей мглу яве отгнала еси./ Помози и нам от омрачения страстей избавитися.

Твоя молитвы и труды,/ яко кадило благовонное, Владыце и Богоматери принесла еси, преподобная,/ таже и многи храмы Божия твоим рачением и подвиги воздвигла еси./ Ныне же вознеси моление о благостоянии Церкве Русския.

Богородичен: Утверждение, покров и прибежище/ буди с верою к Тебе прибегающим, Дево Богородительнице,/ и Божию Матерь Тя исповедающим.

Седален, глас 3.

Подобен: Красоте девства:

Богатство тленное и славу мимотекущую в младых летех оставивши,/ Небесное богатство и славу вечную восприяла еси, преподобная Александро./ Темже блажим святое твое преставление и умильно вопием:/ помяни нас у Престола Божия, мати честная.

Слава, и ныне, Богородичен:

Яже радости приемшая исполнение,/ приими от нас, рабов Твоих, целование Архангелово:/ радуйся, Радость миру рождшая,/ радуйся, Манно Небесная, Хлебом жизни нас напитавшая,/ радуйся, Царице, в женах Благословенная.

Песнь 4

Ирмос: Тайно пророк предзря от Девы Тя, Слове, Воплощаема,/ песенно вопияше:/ слава силе Твоей, Господи.

Огнем любве Божия терние страстей попаливши,/ глаголы дивныя Пресвятыя Богородицы о четвертом Ея жребии во вселенней услышати сподобилася еси./ Темже и обитель Дивеевскую воздвигла еси.

Насаждена в дому Божия Матере бывши,/ яко цветы красныя, многия добродетели израстила еси/ и, во основание обители камень веры положивши,/ многим инокинем путь во обители Небесныя указала еси.

Жезлом добродетельныя твоея жизни/ многия души в Царствие Небесное управила еси, мати Александро,/ помози и нам добродетели евангельския стяжати/ и жизни блаженныя вкупе со всеми святыми достигнути.

Богородичен: Ты еси, Благая, верным утверждение,/ от лютых избавление и просвещение душ наших,/ и обители Дивеевской стена и ограждение.

Песнь 5

Ирмос: Утренююще, вопием Ти:/ Господи, спаси ны,/ Ты бо еси Бог наш,/ разве Тебе, иного не вемы.

Тесный путь паче пространнаго предпочла еси/ и, радующися, многия труды и болезни претерпела еси, преподобная Александро./ Укрепи и ны во обстояниих житейских молитвами твоими.

В пениих и пощениих, молитвах же и бдениих поживши, преподобная,/ Христу уневестилася еси/ и образ иноческаго жития/ сестрам обители Дивеевския явила еси.

Житие твое праведно и преподобно бысть, Александро блаженная,/ темже, сугубаго подвига взыскующи,/ великую схиму пред кончиною прияти сподобилася еси.

Богородичен: От всякаго прилога противна и скорби,/ и от враг лютых рабы Твоя свободи, Всенепорочная,/ Тя бо державное Предстательство стяжахом.

Песнь 6

Ирмос: Ризу мне подаждь светлу,/ одеяйся светом, яко ризою,/ Многомилостиве Христе Боже наш.

Славу рода твоего презревши/ и заповеди евангельския ревностне исполнивши, преподобная,/ Христа ради обнищала еси/ и многими добродетельми обогатилася еси.

Великаго подвижника Саровскаго/ в юнем иеродиаконе Серафиме предузрела еси, Александро мудрая,/ и попечение о обители Дивеевской на него возложила еси./ Помозите и нам, святии угодницы, наследники Царствия Небеснаго быти.

По вся дни и нощи Богу благоугождающи,/ в час кончины твоея Святыя Тайны Христовы восприяла еси./ Вознеси, преподобная мати, теплыя молитвы и о нас ко Господу,/ да христианскую кончину улучити сподобимся.

Богородичен: Палата Царя Славы и Престол огнезрачный была еси, Дево,/ Херувим превышши и Серафим славнейши,/ темже всякое дыхание славит Тя,/ яко Матерь Христа, Бога нашего.

Кондак, глас 3:

Воспоим днесь, вернии,/ преподобную матерь нашу Александру,/ дивнаго удела Пресвятыя Богородицы первоначальницу,/ да ея молитвами и предстательством Пречистыя Девы/ Господь подаст нам грехов прощение и велию милость.

Икос:

Кто доволен достойно воспети труды и болезни,/ подвиги и пощения твоя, преподобная мати Александро?/ Обаче благоприятными твоими к Богу молитвами/ подаждь нам ныне благодать Святаго Духа,/ да прославим терпение и смирение твоя/ и любовь нелицемерную воспоим,/ имиже врага всезлобнаго посрамила еси./ Темже молися ко Господу/ даровати нам грехов прощение и велию милость.

Песнь 7

Ирмос: В начале землю основавый/ и Небеса Словом утвердивый,/ благословен еси во веки, Господи Боже отец наших.

Путем шествующи, вводящим в Божественный покой,/ уклонилася еси сетей демонских, блаженная./ Темже, Божественною благодатию покрываема, вопияла еси:/ благословен еси, Боже отец наших.

Повеление Царицы Небесныя исполняющи/ и чудную обитель Ея созидающи,/ выну в молитве пребывала еси, вопиющи:/ благословен еси, Боже отец наших.

Камень под главу твою полагающи и слез токи проливающи,/ жестокое житие провождала еси, преподобная,/ и в радости духовней воспевала еси:/ благословен еси, Господи Боже отец наших.

Богородичен: Вся светоносна еси, Дево, Свет незаходимый приемши,/ и просвещаеши, Чистая, верою Тебе вопиющих:/ благословен, Пречистая, Плод чрева Твоего.

Песнь 8

Ирмос: Безначальнаго Царя славы,/ Егоже трепещут Небесныя силы,/ пойте, священницы,/ людие, превозносите во вся веки.

Мученице царице Александре поревновала еси, богомудрая,/ и жизнь твою в руце Божии предала еси,/ точию Единаго Христа ведущи и Сего распята,/ поющи Его во вся веки.

Дар молитвы чистыя, смирение и любовь совершенную имела еси, богоблаженная./ Молися и нам в добродетели сия облещися/ и Господа воспевати во вся веки.

Заповедем Христовым поревновавши,/ нищия, сирыя и младенцы николиже в беде оставляла еси, досточудная,/ темже вселилася еси во обители Небесныя,/ идеже с лики жен честных Господа прославляеши во вся веки.

Богородичен: Все упование мое на Тя возложих, Владычице,/ не имам бо иныя помощи разве Тебе./ Темже подаждь ми богатую Твою милость.

Песнь 9

Ирмос: Невидимаго зраком Божественным приемшая,/ Неискусобрачная Дево и Мати,/ песньми Рождество Твое величаем.

Яко велию в женах и избранницу Матере Божия,/ откры тя Бог преподобному Серафиму,/ иже и яви сугубое попечение о обители Дивеевской./ Темже купно с ним молися о чадех твоих, блаженная.

Пред кончиною твоею, мати преподобная,/ образ Казанския иконы Пресвятыя Богородицы на перси твоя возложила еси/ и тако с миром душу твою Богу предала еси.

Моли милостиваго Бога, преподобная мати наша Александро,/ яко дерзновение к Нему имущая,/ да и мы с тобою сподобимся славити Его во Царствии Небеснем.

Богородичен: Спаси, Пречистая Владычице, к Тебе прибегающия от беды и напастей,/ от греха и бури страстей плотских,/ от волнений и обстояний житейских,/ и будущаго осуждения.

Светилен:

Егда убо честныя мощи твоя, преподобная мати Александро, обретошася,/ тогда благоухание из гроба твоего изыде и благодать велия явися,/ недуги исцеляющи и духи лукавыя отгоняющи.

Слава, и ныне, Богородичен:

Славо вселенныя, Преславная Дево,/ Бога Преславнаго славно рождшая,/ славы сподоби Божественныя,/ яко Богородицу присно Тя славящия.

На хвалитех стихиры, глас 5.

Подобен: Радуйся, Живоносный Кресте:

Радуйся, мати Александро,/ звездо пресветлая от Дивеева возсиявшая/ и Российскую страну благодатно озарившая!/ Радуйся, славная подвижнице,/ древним богоносным отцем уподобившаяся,/ душу твою дом Духа Святаго соделавшая,/ храмы Божия и обитель инокинем воздвигшая!/ Молися мир мирови даровати/ и душам нашим велию милость.

Радуйся, предстательнице наша,/ преподобная мати Александро!/ Ускори на помощь нам, немощным и сирым,/ и вознеси святыя молитвы твоя ко Господу,/ данною же ти от Него благодатию/ недуги наша душевныя и телесныя исцели,/ мирови мир даровати испроси/ и душам нашим велию милость.

Радуйся, преподобная мати Александро!/ Первоначальнице обители Дивеевския,/ сосуде благодати Божия/ и избраннице Царицы Небесныя./ Радуйся, болящих исцеление,/ малодушных укрепление,/ заблуждших путеводительнице,/ монашествующих богомудрая наставнице!/ Помяни и нас в молитвах твоих ко Господу,/ просящи душам нашим велию милость.

Радуйся, богомудрая мати Александро,/ велия в женах и преподобных красото!/ Восхваляем смирение твое/ и любовь ко всем нелицемерную,/ имиже благодать Святаго Духа стяжала еси./ Темже честную память твою совершающим/ подаждь дары целебныя/ и моли Христа Бога/ мир мирови даровати/ и душам нашим велию милость.

Слава, глас 3:

Преподобная мати Александро,/ кто исповесть подвиги многотруднаго жития твоего/ и милости Божия, чрез тя явленныя, кто исчислит?/ Мы же, избранницу тя Пречистыя Богородицы ведуще/ и на дерзновение твое пред Богом уповающе,/ во умилении сердечнем зовем ти:/ о, преподобная мати наша!/ Помолися за ны/ и помяни нас во Царствии Небеснем.

И ныне, Богородичен, глас тойже:

Без семене зачала еси от Духа Святаго/ и родила еси Сына Божия,/ сего ради, славословяще, воспеваем Ти:/ радуйся, Пресвятая Дево.

Славословие великое и отпуст.

На Литургии

Блаженны от канона песни 3-я и 6-я. Прокимен, глас 4: Дивен Бог во святых Своих,/ Бог Израилев. Стих: В церквах благословите Бога, Господа от источник Израилевых. Апостол к Галатом, зачало 208. Аллилуиа, глас 1: Терпя потерпех Господа, и внят ми, и услыша молитву мою. Евангелие Матфеа, зачало 104. Причастен: В память вечную будет праведник, от слуха зла не убоится.

Молитва

О, святая угоднице Божия, преподобная мати Александро! Приими недостойныя молитвы наша, с верою и любовию к тебе возносимыя, и помози нам христианския добродетели стяжати, веру крепкую и любовь к Богу и ближним имети, крест скорбей и болезней с терпением носити. О, блаженная мати наша! Многими труды и подвиги благодать у Бога обретши, помяни нас во Царствии Небеснем, помолися за нас, да твоими молитвами спасаеми в нынешнем веце, и в будущем удостоимся хвалити и воспевати всесвятое Имя Отца и Сына и Святаго Духа во веки веков. Аминь.

Развернуть

Богослужение сегодня

Тропари, кондаки, молитвы и величания

Тропарь, глас 4

Яви́лися есте́ земли́ Росси́йския украше́ние, нача́льницы оби́тели Диве́евския преподо́бныя ма́тери на́ша Алекса́ндро, Ма́рфо и Еле́но, благослове́ние Цари́цы Небе́сныя исполнившия и дерзнове́ние ко Го́споду стяжавшия, моли́те у престо́ла Пресвяты́я Тро́ицы о спасе́нии ду́ш на́ших.

Перевод: Вы стали украшением Российской земли, начальницы обители Дивеевской преподобные матери наши Александра, Марфа и Елена, благословение Царицы Небесной исполнившие и дерзновение ко Господу заслужившие, молите у престола Пресвятой Троицы о спасении душ наших.

Тропарь, глас 3

Раба́ Христо́ва и избра́ннице Пречи́стыя Его́ Ма́тери, Ки́евского уде́ла Ея́ жи́тельнице и моли́твеннице, земли́ Ея́ обетова́нныя иска́тельнице, Диве́евския оби́тели первонача́льнице и зижди́тельнице, моли́ся за ны, Алекса́ндро преподо́бная, да спасе́т нас Пресвята́я Богоро́дица и поми́лует Свята́я Тро́ица, да изба́вимся мы му́ки а́дския и насле́дуем блаже́нство ра́йское.

Перевод: Раба Христова и избранница Пречистой Его Матери, Киевского удела Ее жительница и молитвенница, земли Ее обетованной искательница, Дивеевского монастыря первая руководительница и создательница, молись о нас, Александра преподобная, да спасет нас Пресвятая Богородица и помилует Святая Троица, да избавимся мы от адских мук и наследуем райское блаженство.

Кондак, глас 8

Диве́евския свети́льницы всесве́тлыя, преподо́бныя ма́тери на́ша Алекса́ндро, Ма́рфо и Еле́но, в поще́нии, бде́нии, моли́тве и труде́х до́бре подвиза́лися есте́ и по сме́рти на́с освещаете чуде́с источеньми и исцеля́ете неду́гующих души́; моли́те Христа́ Бо́га грехо́в оставле́ние дарова́ти любо́вию чту́щим святу́ю па́мять ва́шу.

Перевод: Дивеевские светильники преяркие, преподобные матери наши Александра, Марфа и Елена, в пощении, бдении, молитве и трудах хорошо подвизались и после смерти освещаете нас потоками чудес и исцеляете больные души. Молите Христа Бога даровать прощение грехов всем с любовью почитающим святую память вашу.

Кондак, глас 3

Преподо́бная ма́ти Алекса́ндро, любо́вь двуеди́ную к Бо́гу и бли́жним твои́м стяжа́ла еси́ и избра́нницею Бо́жией Ма́тери яви́лася. Ея́же после́дний уде́л в земли́ Росси́стей обрела́ еси́, и Диве́евскою первонача́льницею ста́ти сподо́бившися, вели́кому Серафи́му печа́ловатися о нем завеща́ла еси́. Зде́ же и поко́ишися с ним. Ны́не моле́ния на́ша приими́ и ко Го́споду вознеси́, да поми́лует ны.

Перевод: Преподобная мать Александра, любовь к Богу и одновременно к ближним твоим стяжала ты и явилась избранницей Божией Матери. Ее же последний удел в Российской земле ты обрела и, удостоившись стать Дивеевской первой руководительницей, великому Серафиму завещала заботиться о нем. Здесь же и покоишься с ним. Сейчас моления наши прими и ко Господу вознеси, да помилует нас.

Молитва

О, преподо́бная и богоно́сная ма́ти Алекса́ндро, Диве́евская первона́чальнице и похвало́, ве́ру несумне́нную дела́ми богоуго́дными яви́вшая, во исполне́ние обетова́ния Богоро́дицы в труде́х и по́двизех непреста́нных неле́стно потруди́вшаяся, и в благоустрое́нии земли́ святы́я Ея́ все име́ние и житие́ твое́ ижди́вшая, проро́чество Цари́цы Небе́сныя в насле́дие избра́ннику Ея́ саро́вскому пред кончи́ною твое́ю пра́ведною вве́рившая, и ду́шу твою́, сами́м Го́сподом предочи́щенную, в ру́це Бо́жии преда́вшая, моли́ся за ны, малове́рныя и неради́выя, да и мы присту́пим к до́брому де́ланию с пра́вою ве́рою, в терпе́нии содева́я свое́ спасе́ние, за Златоу́стом взыва́юще в печа́ли и ра́дости, ско́рби и утеше́нии: сла́ва Бо́гу за вся́. Ами́нь.

Величание

Ублажа́ем ва́с, преподо́бныя ма́тери на́ша Алекса́ндро, Ма́рфо и Еле́но, и чти́м святу́ю па́мять ва́шу, вы́ бо моли́те о на́с Христа́ Бо́га на́шего.

Развернуть

Каноны и Акафисты

Акафист преподобной Александре Дивеевской

Случайный тест

Иногда на исповеди женщины жалуются: «Батюшка, у меня такая тяжелая жизнь, я одна». А я говорю им: «Как же так, одна? С тобой Господь, с тобой Матерь Божия. Мы никогда не бываем одни, потому что нас окружает духовный невидимый мир, о котором люди неверующие не знают. Нам же Господь через веру открыл это богатство».

архим. Мелхиседек (Артюхин)