Дни памяти

29 мая  (переходящая) – Собор новомучеников, в Бутове пострадавших

22 ноября

Житие

Развернуть

Молитвы

Тропарь священномученику Димитрию Русинову, глас 5

Священному́ченик Твой, Го́споди, Дими́трий,/ во́ин добропобе́дный показа́ся,/ той бо, любо́вию к Тебе́ распала́емь,/ гоне́ние и сме́рть му́жественне претерпе́.// Его́же моли́твами спаси́ ду́ши на́ша.

Кондак священномученику Димитрию Русинову, глас 2

До́бре во благоче́стии пожи́в/ и страда́ния за Христа́ до́блественно претерпе́в,/ Черто́га Небе́снаго дости́гл еси́,/ священному́чениче Дими́трие./ Те́мже моли́ Человеколю́бца Бо́га/ грехо́в оставле́ние нам дарова́ти,// чту́щим любо́вию святу́ю па́мять твою́.

показать все

Молитва священномученику Димитрию Русинову

О, святы́й Дими́трие, иере́ю Бо́жий и му́чениче, Оте́чества на́шего благо́е прозябе́ние, Це́ркве Ру́сския похвало́ и украше́ние!
Ты во вре́мя гоне́ния безбо́жнаго от сокро́вищницы души́ твоея́ спаси́тельное испове́дание Правосла́вныя ве́ры изне́сл еси́, и лю́дем ве́рным па́стырь до́брый яви́лся еси́, ду́шу твою́ за Христа́ и Его́ о́вцы полага́я и лю́тыя во́лки дале́че отгоня́я.
Ны́не убо при́зри на нас, недосто́йных чад твои́х, умиле́нною душе́ю и сокруше́нным се́рдцем тя призыва́ющих. Умоли́ Го́спода Бо́га, да прости́т согреше́ния на́ша и изба́вит от а́довых уз и ве́чнаго муче́ния. Утверди́ нас в ве́ре святе́й, научи́ нас всегда́ твори́ти во́лю Бо́жию и исполня́ти за́поведи Его́. Бу́ди па́стырем на́шим пра́вило ве́ры, во́ином — во́ждь духо́вный, боля́щим — врач изря́дный, печа́льным — уте́шитель, гони́мым — засту́пник, ю́ным — наста́вник, всем же — благосе́рдый оте́ц и те́плый моли́твенник, я́ко да моли́твами твои́ми храни́тся Правосла́вие во Оте́честве на́шем и непреста́нно сла́вится в нем и́мя Пресвяты́я Тро́ицы, Отца́ и Сы́на и Свята́го Ду́ха во ве́ки веко́в. Ами́нь.

Случайный тест