Дни памяти

23 сентября

21 мая  (переходящая) – Собор новомучеников, в Бутове пострадавших

Житие

Развернуть

Молитвы

Тропарь священномученику Василию Максимову, глас 4

Па́стырю до́брый и кро́ткий,/ Це́ркве Христо́вы ве́рный служи́телю,/ па́ству твою́ сло́вом жи́зни пита́я,/ лю́тых муче́ний не убоя́лся еси́, сме́рть за Христа́ претерпе́вый,/ венца́ нетле́ннаго сподо́бился еси́,/ священному́чениче Васи́лие,/ моли́ Христа́ Бо́га// спасти́ся душа́м на́шим.

Перевод: Пастырь прекрасный и кроткий, Церкви Христовой верный служитель, паству твою словом жизни питая, жестоких мучений не побоялся ты, смерть за Христа претерпев, ты удостоился мученического венца, священномученик Василий, моли Христа Бога о спасении душ наших.

Ин тропарь священномученику Василию Максимову, глас 3

Це́ркве Ру́сския сто́лпе непоколеби́мый,/ благоче́стия пра́вило,/ жития́ ева́нгельскаго о́бразе,/ священному́чениче Васи́лие,/ Христа́ ра́ди пострада́вый да́же до кро́ве,/ Его́же моли́ усе́рдно,/ я́ко Нача́льника и Соверши́теля спасе́ния,/ Русь Святу́ю утверди́ти в Правосла́вии// до сконча́ния ве́ка.

Перевод: Церкви Русской столп непоколебимый, благочестия пример, жизни по Евангелию образец, священномученик Василий, Христа ради пострадавший даже до смерти, Его же моли усердно, как Начальника и Совершителя спасения, Русь Святую укрепить в Православии до скончания века.

показать все

Кондак священномученику Василию Максимову, глас 3

Ре́вность по Бо́гу измла́да стяжа́вый,/ па́стырства кре́ст восприя́л еси́,/ мно́гия ско́рби и боле́зни в житии́ твое́м претерпе́л еси́,/ утеше́ние в моли́тве обрета́я,/ лю́ди твоя́ в смутную годи́ну до́бре упа́сл еси́,/ сло́во и́стины усе́рдно веща́я./ Сего́ ра́ди от безбо́жных мучи́телей лю́те гони́мый,/ сме́рти вре́менныя не устраши́лся еси́./ Священному́чениче Васи́лие,/ дерзнове́ние к Бо́гу име́я,// моли́ спасти́ся душа́м на́шим.

Перевод: Ревность по Богу с молодости стяжавший, ты взял крест пастырства, многие скорби и болезни в жизни своей претерпел, обретая утешение в молитве, людей твоих в смутные времена прекрасно упас, усердно распространяя учение истины. Потому, безбожными мучителями жестоко гонимый, ты не побоялся временной смерти. Священномученик Василий, дерзновение к Богу имея, моли о спасении душ наших.

Ин кондак священномученику Василию Максимову, глас 2

Восхва́лим, ве́рнии,/ изря́днаго в свяще́нницех и сла́внаго в му́ченицех Васи́лия,/ Правосла́вия побо́рника и благоче́стия ревни́теля,/ земли́ Ру́сския кра́сное прозябе́ние,/ и́же страда́нием Небесе́ дости́же/ и та́мо те́пле мо́лит Христа́ Бо́га// спасти́ся душа́м на́шим.

Перевод: Прославим, верующие, избранного священника и славного мученика Василия, Православия защитника и благочестия ревнителя, земли Русской прекрасное произрастание, который мученичеством достиг Небес и там горячо молит Христа Бога о спасении душ наших.

Молитва священномученику Василию Максимову

О, избра́нниче и уго́дниче Христо́в, священному́чениче Васи́лие, Це́ркве Ру́сския сто́лпе непоколеби́мый, земли́ на́шея благо́е прозябе́ние и кра́сный плод, сро́дников твои́х предста́телю и наста́вниче! Ты во вре́мя гоне́ния безбо́жнаго от сокро́вищницы души́ твоея́ спаси́тельное испове́дание Правосла́вныя ве́ры изне́сл еси́, и лю́дем ве́рным па́стырь до́брый яви́лся еси́, ду́шу твою́ за Христа́ и Его́ о́вцы полага́я и лю́тыя во́лки дале́че отгоня́я. Ны́не у́бо при́зри на нас, недосто́йных чад твои́х, умиле́нною душе́ю и сокруше́нным се́рдцем тя призыва́ющих. Умоли́ Го́спода Бо́га, да прости́т согреше́ния на́ша и изба́вит от а́довых уз и ве́чнаго муче́ния. Утверди́ нас в ве́ре святе́й, научи́ нас всегда́ твори́ти во́лю Бо́жию и храни́ти за́поведи церко́вныя. Бу́ди па́стырем на́шым — пра́вило ве́ры, во́ином — вождь духо́вный, боля́щим — врач изря́дный, печа́льным — уте́шитель, гони́мым — засту́пник, ю́ным — наста́вник, всем же благосе́рдый оте́ц и те́плый моли́твенник. Я́ко да моли́твами твои́ми соблюде́ся в Правосла́вии Свята́я Русь и непреста́нно сла́вится в ней и́мя Пресвяты́я Тро́ицы, Отца́, и Сы́на, и Свята́го Ду́ха, во ве́ки веко́в. Ами́нь.

Каноны и Акафисты

Развернуть

Случайный тест