Материалы для истории раскола за первое время его существования. Том 2

Старец Григорий Неронов, бывший Казанские Богородицы протопоп Иван Неронов, во прошлом во 161 и во 160 годех, при бывшем Никоне патриархе, с единомысленники своими, с чернцом Феоктистом и с Феофаном и с протчими, о приложении в символе и о сложении перстов, и о кресте, имже знаменовати на просфорах, и о поклонех, и о хуле на святейших патриархов и о укорении на греческие и словенские книги писменно и устно любопрелся и за непокорение свое священническия чести и сана он Григорий лишен и под клятву положен.

Он же, Григорий, в покаяние прииде и писанми своими извести сия ко единомысленником своим, писал о суетном прежнем своем смышлении о церковных догматех, и о исповедании веры, и о сложении перстов в крестном знамении и о протчих, и яко то истинно есть изыскано от бывшаго от Никона патриарха и от освященнаго собора, он же своемудрствовати и прочих учил.

Последи же и потом своем покаянии он Григорий с единомысленники своими на прежния своя прелести возвратися.

И прошлого 174 года июля в 1 день пред преосвященным собором он Григорий о тех своих церковных расколех в покаяние и в повиновение паки прииде, и подал писание своего покаяния за рукою своею, и ныне послан выосифов монастырь.

Единомышленник ево григорьев, Аввакум, бывшей Юрьевца Поволскаго протопоп, в прошлых годех за церковные расколы послан был, в Сибирь в ссылку, и из Сибири свобожен, и после свободы писал он, Аввакум, о Символе, и о сложении перстов в крестном воображении, и о поклонех и о прочем, что в новоисправленных печатных книгах напечатано неправо. Да он же в своих писмах писал, что на Москве во многих церквах Божиих поют песни, а не божественное пение, полатини, и законы и уставы у них латинские, руками машут и главами кивают и ногами топчют, как-де обыкло у латинников по арганом. И на книжнаго печатнаго двора справщиков и на священников московских церквей написал, что они пожирают стадо христово злым учением и образы нелепо носят отступнические, а не природные наши словенскаго языка, и они же не церковные чада, диаволя, родилися ново, от никонова учения, понеже не веруют во Христа вочеловечшася, и еще же исповедают и не воскресша и царя несовершенна на небеси со Отцем быти, и Духа Святаго не истинна глаголют быти; их же отщепенцами и униатами называет, что они ходят в рогах вместо обыкновенных словенских скуфей, и причащаться святых таин православным христианам у тех священников, которые по новоисправленным служебникам Божественные литургии служат, не велит.²

И в патриаршей крестовой палате перед преосвященным собором в тех своих злокозненных писмах и в ложных учениях покаяния и повиновения он, Аввакум, не принес, а во всем упорствовал; еще же и освященный собор укорял и неправославными называл. И за то он,. Аввакум, в прошлом во 174 году мая в 13 день в соборной апостольской церкви священнаго сана извержен и проклят (Ныне под началом в Пафнутьеве монастыре).³

Их же, григориев и аввакумов, единомышленник, бывший игумен Златоустовскаго монастыря, что на Москве, Феоктист тоже мудрствовал, что и Григорий Неронов и Аввакум. Потом же в своем своемудренном писании и учении неправом принес ко освященному собору покаяние, написав своею рукою, и по покаянии, будучи в Покровском монастыре, что́ на убогих дому, умре.⁴

Блоговещенскаго собору, что́ у великого государя на сенях, предельной дьякон Феодор, ревнуя Григория Неронова и протопопа Аввакума и игумена Феоктиста совету их и прелести, писал и из уст народы учил, яко в новопечатных книгах о Символе православныя веры, и о сложении перстов крестного знамения, и о трегубой аллилуии, еже глаголати 3-жды, и о иных церковных догматех напечатано неправо, и вселенских патриархов неправославными написал и на освященный собор злохульне блядословил.

И в патриаршей крестовой палате перед преосвященным собором в тех своих злохульных писмах и прелестном учении покаяния и повиновения не принес и во всем упорствовал, и те ево злохульные писма от освященнаго собора изобличены. А он, дьякон Федор, прошлаго 174 года, мая в 13 день, в соборной апостольской церкви Успения Пресвяты Богородицы, во время Божественной литургии диаконские чести и сана извержен и проклят. И сослан был в монастырь Николая чудотворца на Угрешу. И будучи в Николском монастыре ко священному собору писанием своея руки повиновение приносил и просил прощения. И по повелению освященнаго собора взят из Никольского монастыря к Москве и пред всем собором о прелестях своих покаяние принес и прощения просил. И от освященнаго собора для исправления и совершеннаго покаяния послан в Покровской монастырь, что на убогих дому. И из Покровскаго монастыря, не дождав от священнаго собора совершеннаго разрешения и прощения, выкрадчи из дому своего, где он преж сего жил, жену свою и детей, бежал и ныне без вести.⁵

Суздаля града поп Никита писал на справные нотопечатные книги, которые справлены с греческих и древних руских рукописных и печатных книг, и которые вновь переведены с греческих книг, на книгу Скрыжаль, что будто в них печатаны многие ереси, а иные многие ереси в книгу Скрыжаль и в иные книги внес бывший Никон патриарх. И по свидетельству всего освященнаго собора то его злохульное и ложное писмо изобличено.

И прошлого 174 году, мая в 10 день, по суду всего освященнаго собора, тот поп Никита в соборной апостольской церкви Успения Пресвятыя Богородицы, во время Божественной литургии, священническия чести и сана обнажен и проклят. И послан был в Никольской Угрешской монастырь, и будучи в Угрешком монастыре тот проклятый Микита в том своем злохульном писме, что он сам писал и иных научал, покаяние приносил и ныне кается.⁶

Чернец Антоний, бывший прежде архимандрит из Мурома Спаского монастыря, писал о сложении перстов, как подобает всякому православному христианину на лица своя крестное знамение воображати и как архиереем люди блогословляти, и в том своем писании изобразил перстов сложения и суемудренное свое толкование написал, и многие хулы на новоисправные печатные книги, которые печатаны при бывшем Никоне патриархе и по отшествии ево с греческих и словенских старых рукописных и печатных книг, писал и о Символе православныя веры и о трегубой аллилуии, яко неправо суть печатано.

Познав он Антоний то своемудренное писмо, яко неправо, будучи под началом в Пафнутьеве монастыре, ко освященному собору принес покаяние, что писал в том писме от неведения и от ненаучения.

И освященной собор для исправления и совершеннаго покаяния повелели его послати на Белоозеро в Кирилов монастырь.⁷

Извет на старца Боголепа Лвова, что живет в Кожеозерском монастыре, что он многих житием своим соблазнил, отца у себя духовнаго более 10 лет не имеет, а пречистаго тела и крови Христовой не причащается лет с 20, и к церкви Божии не ходит, и о тригубой аллилуии любопритца.⁸

И по него старца Боголепа посыланы грамоты, и к Москве он Боголеп прислан (не прислан?).⁹

Из Кирилова монастыря, из ссылки, старец Саватей Башмак писал к великому государю челобитную печатного двора на справщиков, что они печатные книги неисправно ведают.

Села Лыскова, что́ в Нижегородском уезде, монастыря Пречистые Богородицы Казанские черной поп Аврамий по новосправным печатным книгам Божественныя литургии не служил и по иным новопечатным книгам Божественного словословия не исполнял. И он черной поп Аврамий перед преосвященным собором прощения просил, что он новоисправные печатные книги не держал скудости ради и впредь обещался святой соборной апостольской церкви и освященному собору во всем повиноватся. Послан под начал в Троицкий Сергиев монастырь для исправления. А ныне на убогих дому.¹⁰

Старец Сергий Салтыков о новоисправных печатных книгах много любопрение имел, и о Символе православные веры и о сложении перст в крестном знамении. И пред преосвященным собором во всем своем сомнении принес покаяние и отпущен на обещание в дорогобужской уезд, в Бизюков монастырь.¹¹

Старец Ефрем Потемкин, пострижник дорогобужскаго уезда Бизюкова монастыря, живя в пустыне в нижегородском и в ветлуском уездех, на Козлацких болотах, писал хулу на святую восточную церковь, на новоисправленные книги и чины, и на Символ православные веры, прежде напечатаный же неисправный Символ веры твердо держал и многих православных христиан утвержал и прелщал. И еще мудрствовал и в писании своем написал, яко во второе пришествие Господне Отцу судити язык, Сыну другой, Духу Святому третий; и о святой Троице, и о четвероконечном кресте, и о молитве Иисусовой неправо мудрствовал и разсуждал, и иных православных христиан соблажнял, наипаче же тое страны поселян. И пророчеством своим об антихристове пришествии и о гладе на 7 лет готовити хлеб многих прелстил; также блядословил, что реки все осквернены, только чисты болота. И о сих своих прелщениях и злословных учениях у преосвященнаго собора прощения просил и обещал, что тех прелщенных возвратити на истину, которых он прелстил, и вся своя злая ученния пред всеми изобличати и истинное предание явственно проповедати.

И он Ефрем по покаянии своем и по обете в тех городех и весех, в которых в прелести своей жил и иных прелщал, покаяние свое всем явно прочитал и прелщенных от него обратится учил.

А ныне он Ефрем послан в монастырь к Спасу на Новом.¹²

Старец Серапион, бывый смоленский протопоп, в писме своем преосвященному собору написал, что прежде сего в сомнении что имел, или что не верно своим неразумием вменял, или кого от православных христиан соблазнил, и в том во всем у преосвященнаго собора прощения просил и твердо обещался повиноватися святой соборной и апостольской церкви и освященному собору, и для совершеннаго исправления послан в нижегородский уезд, в Макарьевской монастырь, что на Желтых песках.¹³

(Допросить архимандрита, как ныне живет). Поп Лазарь в писаниях своих писа суетно и тщетно, зияя аки волк на всех пастырей церковных во архиерейстем сане, нарицая отступников и блогочестия яко заблудиша и отступиша, и яко можно быти без них: лучше есть без них собиратися во храм молитвенный, нежели с ними воврещися, якоже со Анною и Каиафою, в егену (sic) во огненую; ниже пастырми, ниже учительми, ниже верными их нарицая, но соблазнительми и прелестниками, и разбойнически престолы силою именя и злата и серебра, и человеческою помощию и ухищрением восприяша, и отступниками от православныя веры совершенне их нарицая и ко христопродавцу Иуде и к жидом умысливших всех благочестивых христиан, без вести отторгнувши, с собою в погибель вринути приобщая. И во властелинских жезлах, сделанных со змиями двоеглавыми, и у саков и у мантей архиерейских о звонцех, и о благословении архиерейском обеими руками от жидовства взятого порицая, и пятию персты архиерейское благословение странно некако вменяет, и прочие чины церковные от армен и от римлян взяты блядословит, и о Символе православныя веры, и о книге Скрыжали, и воображении треми персты креста Господня, и о трегубой аллилуии, и о иных новопечатных справленых книгах много блядословно укоряше.

И сих ради его лазаревых богомерзких, хульных, ложных, прелестных писаний и изустно злословных укоризн представлен он в патриаршей крестовой палате пред преосвященным собором.

Он же окаянный, не содрогнувся, не токмо в покаяние прииде, или прощения требова, но весь священный собор укори и неправославными нарече.

Освященный же собор оставиша его до времени, да обратится в покаяние.¹⁴

Да аввакумов и лазарев единомысленник, патриарш бывшей подьяк Федка писал на новопечатные справленыя книги, и о Символе православныя веры и о трегубой аллилуии, и о крестном воображении и о чинех церковных многа злохуления, подобна аввакумовым и лазаревым злохулениям.

И ныне он Федка в ссылке в Пустозерском остроге.¹⁵

Соловецкого монастыря старец Герасим Фирсов писал о сложении перстов в крестном воображении и на новоисправные печатные книги многия хулы.

И 174 года, июля в 12 день, в патриаршей крестовой палате пред преосвященным собором покаяние приносил и прощения просил.

И по приказу преосвященнаго собора послан в Иосифов монастырь под начал, и будучи в Иосифове монастыре под началом умер.¹⁶

Соловецкого монастыря келарь и казначей, и бывший Савина монастыря архимандрит Никонор, и черные попы и дьяконы, и слушки и служебники преосвященному собору не повинуются, и новоисправных печатных книг не приемлют и по служебникам новопечатным божественныя литургии не служат и впредь служить не хотят, и по иным новопечатным исправленным книгам в церкви Божией Божественнаго славословия и келейнаго правила в кельях исправлять не хотят.

И в прошлом в 174 году, августа в день, по указу великого государя и по благословению всего освященнаго собора посылан в Соловецкий монастырь из Ярославля Спаского монастыря архимандрит Сергий с товарищи для исправления, чтобы того монастыря келарь и казначей и священницы и иноки освященному собору повиновались и по новоисправным священным книгам Божественныя литургии служили и вся церковныя пения и келейныя правила исправляли, и те новосправныя печатныя книги приняли.

И Соловецкого монастыря келарь и казначей, и бывший архимандрит Никонор, и черные попы и дьяконы и все старцы, и слушки и служебники указу великого государя, и освященному собору не повиновались и учинились непослушны, и дали архимандриту Сергию с товарищи скаску за руками, и в скаске своей написали, что они новоисправных печатных книг не пртемлют, и божественныя литургии служить и вся священныя пения и келейныя правила исправлять не хотят.

И в прошлом в 174 году, марта в 26 день, великаго государя из приказу тайных дел прислан в патриарший разряд Корсунския черты, Аргаши города, пустыни Пресвятыя Богородицы Смоленские, что на Инзе реке, старец Герман.

И апреля во 2 день тот старец распрашиван, и в роспросе сказался: Постригся в арзамаском уезде, в Троицком монастыре, что на Пьяне реке, и из того монастыря пришел в алатырский уезд в село Березники, и от того села отшел в лес на реку на Суру, верст с 8, и поселился один, и иных де пришли два старца, Лазарь да Никон. И жили де они в той пустыне трое два года, а к церкви Божией приходили они в село Березники во все дни недельные. А в третьем году пришли к нам неведомые люди, и их мучили и огнем жгли, и товарищи де ево Лазарь да Никон умерли, и он оздоровел, перешел жить за черту, в аргашской уезд, на реку на Инзу, в лес, от житья верст семь. И в той де пустынй жил он пять лет с старцем Саватьем слепым, из той де пустыни в мир никуда не ходил, и к церкви Божией не приходил, и отца духовного у себя не имел, а питался де трудами своими, делал деревянное дело, а иное боголюбцы присылали, и меж дел своих келейное свое правило исправлял, пел часовник и псалтырь, которые у него в келье были, прежней печати, а новосправных де книг он не видал, и по них не говаривал, толко-де про них слышал от приходящих людей, а никакова-де противления про новосправные книги от него не бывало. И иных де пустынников близ того места, где он жил, никого не знает. И в нынешнем де году, в среду святыя недели, приехал в тое пустыню старец Антоней Ефанов, взял их обоих, и отвез в Синбирск, и отдал воеводе князю Ивану Дашкову. И князь Иван Дашков прислал ево старца Германа к Москве, а другого слепово старца отпустил в мпр.

И тот старец Герман послан под начал в Николской Угрешской монастырь, а велено ево старца в том Угрешском монастыре беречь накрепко.¹⁷

Нижегородского уезду, Московские волости, Богородского монастыря строитель, черной поп Аврамий¹⁸ укарял и поносил новопечатные справные книги.

И 174 года, маия в 30 день, в патриаршей крестовой палате перед преосвященным собором он Аврамий прощения просил у освященнаго собора и обещался во всем последовать соборной апостольской церкви и по новопечатным книгами божественную литургию служить, и в церкви и в келье божественное славословие исполнять.

175 года августа в 5 день по указу великого государя царя и великого князя Алексея Михайловича, всеа Великая и Малыя и Белыя Росии самодержца, и по блогословению святейших вселенских патриархов, великого господина Паисиа папы и патриарха великого града Александрии судии селенныя, и великаго господина Макариа патриарха великого Божиа града Антиохии и всего востока, и великого господина святейшаго Иоасафа патриарха московскаго и всеа Русии, и всего преосвященного собора, посыланы из Володимира Рожественного монастыря архимандрит Филарет, из Нова-города Футыня монастыря архимандрит Иосиф и Ярославля Спасова монастыря архимандрит Сергий для допросу церковных расколников, бывшего протопопа Аввакума, да бывшаго попа Лазаря и бывшаго чернца Епифанца: Святая и Апостольская восточная церковь истинная ли есть, и в ней совершаемые божественные тайны тайны ли суть, и чины ея истинны ли суть, и великий государь царь и великий князь Алексей Михайлович всеа Великия и Малыя и Белыя Росии самодержец православен ли и благочестив ли, и святейшиа вселенскиа патриархи: константинопольский, александрийский, антиохийский и ерусалимский и великй господин святейший Иоасаф патриарх московский и всеа Русии, и преосвященныя митрополиты и архиепископы и епископы и весь преосвященный собор православны ли и блогочестивы ли, и пастырие ли и учителие ли суть всем православным христианом, и новоизданныя и исправленныя книги с старых греческих и харатейных книг словенскаго языка святы ли и честны и правы ли мнят быти, и о Символе святыя нашея православныя веры, и о трегубой аллилуии и о сложении первых трех перст во ображении честнаго креста Господня, и о четвероконечном кресте и о всем, еж еисправлено и напечатано в новоисправленных печатных книгах, право ли мнят быти?

А по допросу Аввакум подал писмо своей руки. Протопоп Аввакум сказал: Церковь православна, а догматы церковныя от Никона еретика, бывшаго патриарха, искажены новоизданными книгами, первым книгам бывшим при пяти, бывших патриархах во всем противны, в вечерни и в заутрени и в литоргии и во всей божественной службе не согласуют. А государь наш царь и великий князь Алексей Михайлович всеа Великия и Малыя и Белыя Росии самодержец православен, но токмо простою своею душею принял от Никона, мнимого пастыря, внутренняго волка, книги, чая их православны, не разсмотря плевел еретических в книгах, внешних ради браней, понял тому веры, и впредь чаю по писанному: праведник аще падет, не разбиется, яко Господь подкрепляет руку его. А про патриархов слышал я от братий духовных, что у них в три погружения не крестятся, но обливаются поримски, и крестов на себя(е) не носят, и в сложении перст знаменующеся, слагая три персты, Христово вочеловечения(е) отмещут, и сие есть все неправославно, но противно святой соборной и апостольской церкви. А я держу православие бывшее и преже Никона патриарха и книги держу писменныя и печатные, изданныя от пяти патриархов: Иева и Ермогена, Филарета, Иоасафа и Иосифа московских и всеа Русии, и выше их от митрополитов и архиепископов и епископов московских и всеа Русии, и хощу собором бывшим при цар Иване Васильевиче прав быти, на нем же был и Гурий наш Казанский чудотворец, с сими книгами живу и умираю.

А Лазарь в допросе сказал: Святая соборная апостольская церковь истинная есть, а в ней совершаемыя тайны смутны суть, а почему смутны, и тому прежде сего поданы великому государю писма, за моею рукою и моей руки, и великий государь, царь и великий князь Алексей Михаилович всеа Великия и Малыя и Белыя Росии самодержец православен и блогочестив есть, и святейшия вселенския патриархи: константинопольский, и александрийский, и антиохийский и еросалимский, и святейший Иоасаф патриарх московский и всеа Русии, и преосвященныя митрополиты и архиепископы и епискупы и весь преосвященный собор смущенны, потому что многия чины и уставы внесли в соборную церковь сопротивны апостольскому и отеческому преданию, а кои уставы и чины смущенны и неправославны и неправоверны, и то написано в писмах моих прежних, про которых сказал в сей скаске выше сего. А новоизданныя печатныя книги раздорны суть, несвяты, и нечестны, и неправы, потому что с прежними святыми печатными книгами несходны во многих статьях. А Символа святыя православныя веры новоизданного, и трегубой аллилуи, а в четвертые слава тебе Боже, и о сложении трех перст первых во ображении креста, и четвероконечного креста, иже напечатано в новоизданных печатных книгах, не приемлю, а о том де писано ешо (sic) в писмах, и впредь, де я того приимать не хощу.

А бывшей чернец Епифанец в допросе сказал: Соборная апостольская церковь была истинна, а ныне смутилась Никоном, врагом Божиим и еретиком, и жидовином старцом Арсением греком, что был на печатанном дворе; а божественные тайны и чины ея были истинны, а ныне смущенны. И великий государь царь и великий князь Алексей Михаилович всеа Великая и Малыя и Белыя Росии самодержец православен и благочестив, толко простою душею он великий государь приняли от еретиков, от Никона и от грека Арсения, никоновские книги новопечатные с плевелами еретическими проклятыми. А вселенские патриархи: констянтинопольский, александрейский, антиохийский и еросалимский были православны, а ныне де у них вера пала и в перстном сложении Христа во плоти пришедша отмещутся. А святейшаго Иоасафа патриарха московского и всеа Русии, как он мудрствует, не ведает, что. он внове патриарх. А преосвященныя митрополиты и архиепископы и епископы и весь освященный собор были православны, а ныне от никоновых книг смутились, а смущение их писано в книге моей, какову подал великому государю. А новоизданные книги худы; Никон проклят, да и книги прокляты. И Символа святыя православныя веры, и трегубой аллилуия и в четвертой слава тебе Боже, и четвероконечного креста, и о сложении трех первых перст во ображении креста не приемлю и впредь приимать не хощу. А что де он говорил сего же числа им архимандритом, что великий государь верует веру не отца своего блаженныя памяти великого государя царя и великого князя Михаила Феодоровича всеа Русии самодержца, и о том написано в моей книге, какова подана великому государю.

Аввакум, бывший Юрьевца Поволскаго протопоп, в прошлых годех за церковный раскол послан был в Сибирь в ссылку, и писал он Аввакум о Символе, и о сложении перстов в крестном воображении и о поклонех и о прочих церковных чинех, что в новоисправных печатных книгах напечатано неправо; да онъже в своих писмах писал, что на Москве во многих церквах Божиих поют песни, а небожественное пение, полатины, и законы и уставы у них латинские, руками машут и главами кивают и ногами топчут, как обыкло у латинников по арганом, и книжнаго печатнаго двора на справщиков и на священников церквей московских, что де они пожирают стадо христово злым учением, и образы нелепыя носят отступническия, а не природные наши словенского языка; они же де не церковныя чада, диавола, родилися ново от никонова учения понеже не веруют во Христа вочеловечьшася, и еще же исповедают и невоскресша, и царя несовершенна на небеси со Отцем быти, и Духа Святаго неистинна глаголют быти; ихъже отщепенцами и униатами называет что они ходят в рогах вместо обычных словенских скуфей, и причащатися святых таин православным христианом у тех священников, которые по новоисправным Служебником божественныя литургии служат, не велит.

И в патриаршей крестовой палате перед преосвященным собором в тех своих злокозненных писмах и в ложных учениях покаяния и повиновения он Аввакум не принес, во всем упорствовал, еще и освященный собор неправославным называет, и за то он Аввакум в прошлом во 174 году маия в 13 день в соборной апостольской церкви священнаго сана извержен и проклят.

Поп Лазарь в писаниях своих писа суетно, зияя аки волк на всех пастырей церковных во архиерейстем сане, нарицая их отступников блогочестия, яко заблудиша и отступиша, и яко мощно быти без них и лутчше есть без них собиратися во храм молитвенный, неже с ними воврещися, якоже со Анною и Каиафою в егену во огненную, ниже пастырьми, ниже учительми, ниже верными их нарицая, но блазнительми и прелестниками, и разбойнически престолы силою имения злата и сребра и человеческою помощию и ухищрением восприаша, и отступниками от православные веры совершенне их нарицая, и ко христопрадавцу Иуде и к жидом умысливших всех блогочестивых христиан без вести отторгнути с собою в погибель вринути приобщая, и о властелинских жезлах, зделанных со змиами двоеглавыми, и у саков и у мантей архиепископских о звонцех, и облогословении архиереев обеими руками от жидовства взятого порицая, и пятию персты архиерейское блогословение странно некако вменяет, и прочия чины церковныя от армен и от римлян взятые блядословит, и о Символе православные веры, и о книге Скрыжали и о воображении треми персты креста, и о трегубом аллилуии и о иных новопечатных справленых книгах много блядословно укоряше. И сих ради ево лазоревых богомерзких, хульных, ложных прелестных писаний и изустно злословных укоризн представлен он в крестовой патриарше полате перед преосвященный собор. Он же окаянный, не содрогнувся, нетокмо в покаяние прииде, или прощения требова, но во всем противно упорствовал, но и вес освященный собор неправославными нарече.

Освященный же собор оставиша его до времени да обратится в покаяние.

И нынешняго 175-го году, ноября в день, по пришествии святейших патриарх: папы и патриарха кир Паисия Божия града Александрии и судии селенныя, кир Макариа патриарха Божия града Антиохии и всего востока, в царствующий град Москву по совету всего, освященного собора российских архиереов, сей Лазарь представлен пред святейшими патриархи и злохуления его предложена Быша: он же злонравный никакоже обратися от прелести своея, и в покаяние не прииде, и во всем упорствова, к семуже святейших патриархов и вес освященный собор неправославных нарече.

И июля в 17 день паки он Лазарь и единомысленник ево проклятый Аввакум представлены Быша перед святейшими патриархи, перед Паисием папою и патриархом александрийским и судиею вселенским, и перед Макарием патриархом антиохийским и всего востока, и перед великим господином святейшим Иоасафом патриархом московским и всеа Руси и перед преосвященным собором московской патриархии в крестовой полате.

И тот Лазарь и единомысленники ево Аввакум проклятый никакоже от злохулений своих и от прелести обратилися, и в покаяние приити не восхотеша, и еще святейших патриарх и вес освященный собор похулиша и неправославными нарекоша.

И святейшия патриархи и вес освященный собор паки Аввакума и Лазаря проклятию предаша.

Тогож числа пред святейшими патриархи и пред освященным собором представлен бысть чернец Епифаний и вопрошен: святейших вселенских патриарх православными ли познавает, и Символ православныя веры, и о трегубой аллилуи, и о сложенни трех первых перстов в крестном воображении и о молитве Иисусове таколи верует и приемлет, како исправися и святая соборная апостольская восточная церковь прият и держит?

И той чернец Епифаний святей соборней апостольстей восточней церкви и святейшим патриархом и всему освященному собору во всем противник явися.

И святейшия патриархи и вес освященный собор того хулника и расколника проклятию предаша, и иночества обнажиша, и острищи повелеша и осудиша отослати к грацкому суду.

Федор, которой был Блоговещенского собору, что у великого государя на сенях, в пределе, диякон, писал и из уст народ уча, яко в новопечатных книгах о Символе православные веры, и о сложении перстов крестного знамения, и о трегубой аллилуии, еже глаголати трижды, и о иных церковных догматех напечатано не право, и вселенских патриархов неправославными нарицал и на весь освященный собор злохулно блядословил.

И в патриарше крестовой палате, перед преосвященным собором, он Федор в тех своих злохульных писмах и прилестном учении покаяния и повиновения не принес, и во всем упорствовал, и те ево злохульные письма от освященнаго собора изобличены, и прошлою 174 г. маия в 13 день в соборной апостольской церкви Успения Пречистыя Богородицы во время божественныя литургии он Федор диаконские чести лишен, и сана извержен, и проклят, и послан был в монастырь Николы Чудотворца на Угрешу, и будучи в Николском монастыре ко освященному собору писанием своею рукою повиновение приносил и просил прощения.

И по повелению освященного собора взят из Никольского монастыря к Москве и в патриарше крестовой перед преосвященным собором о прелестях своих покаяния принес и прощения просил, и от освященного собора для исправления и совершенного покаяния послан в Покровской монастырь, что на убогих домах, и из Покровского монастыря, не дождав совершенного от освященного собора розрешения и прощения, выкрадчи из дому своево, где он преж сего жил, жену свою и детей, бежал и после того сыскан и послан под начало до указу.

И августа в 4 день, в патриарше крестовой полате, перед великим господином святейшим Иоасафом патриархом московским и всеа Русии и перед преосвященным собором той Федор святейших патриархов, и всех архиереов и вес освященный собор неправославными нарече, и вся исправления церковная похули, якоже и прежде, и вселенския де патриархи неправославны, потому что обливаютца во крещении, а не погружаются.

Патриарш бывшёй подьяк Федька, аввакумов и лазарев единомысленник, писал на новопечатныя справленыя книги, и о Символе православныя веры, и о трегубой аллилуии, и о крестном воображении и о чинех церковных многа злохуления, подобна аввакумовым и лазаревым злохулениям, и святейших патриархов и вес освященныи собор неправославными нарек.

И июля в день перед великим господином святейшим Иоасафом патриархом московским и всеа Русии, и перед освященным собором тот Федка святейших патриархов и вес освященный собор неправославными нарече и в своем злохулном и злонравном писании упорствова, и блядословя також яко и в писании своем писа, и ни в чем не повинился и прощения не просил.

И августа в 5 де(нь), по указу великого государя царя и великого князя Алексея Михайловича всеа Великия и Малыя и Белыя России самодержца, и по повелению святейших патриархов и всего освященнаго собора, посыланы из Володимера Рождественого монастыря, из Нова-города Футыня монастыря, из Ярославля Спаского монастыря архимандриты, а велено им Аввакума и Лазаря и Епифана растриженого допросити о святей апостольской восточной церкви; и о божественных тайнах и о чинех, и о святейших патриархех, и о священном соборе, и о новосправных печатных книгах, и о Символе святыя православныя веры, и о трегубой аллилуи, и о сложении первых трех перстов и о четвероконечном кресте.

И протопоп Аввакум сказал: церковь православна, а догматы церковные искажены, во всем прежним книгам противны; а про святейших вселенских патриархов слышал де он, что у них в три погружения не крестятся, но обливаются поримски, и крестов на себе не носят, и в сложении перст, знаменающеся, слагая три персты, Христово вочеловечение отмещут, и то де все неправославно, и во всем упорствовал.

А Лазарь сказал: святая соборная апостольская церковь истинная есть, а в ней де свершаемыя тайны смутны суть, а почому смутны, и тому де всему поданы у него письма прежде сего, а святейшия патриархи с преосвященными митрополиты и архиепископы и епископы, и вес освященный собор смущены, потому что многия чины и уставы внесли в соборную церковь сопротивны апостольскому и отеческому преданию, и новоизданныя печатныя книги раздорны суть, несвяты и нечестны и неправы, с старыми печатными книги не сходны во многих статьях, а Символа православные веры, и трегубой аллилуии, и о сложении триех первых перстов во ображении креста, и четвероконечного креста не приемлет и впред приимать не хочет.

А Епифаней бывшей чернец сказал: соборная де апостольская церковь была истинная, а ныне смутилась, и божественныя тайны и чины ея были истинны, а ныне смущены, а вселенские де патриархи были православны, а ныне у них вера пала и в перстном сложении Христа во плоти пришедша отмещутся, а преосвяшенныя де митрополиты и архиепископы и епископы были православны, а ныне смутились, а почему смутились, и то де писано в книге ево, какову подал великому государю, а новоизданныя книги худы и прокляты, и Символа православные веры и трегубой аллилуии, и четвероконечного креста, и в сложении триех перст во ображении креста, как напечатано в новоисправных книгах, не приемлет и впред приимать не хочет.

Во имя Отца и Сына и Св. Духа. Настоящаго лета сего от создания мира 7174, от по плоти же рождества Господа Бога и Спаса нашего Иисуса Христа 1666, в месяце февруарии, сшедшимся нам архиереом российскаго государства в богоспасаемый преименитый царствующий град Москву, случившагося (ради) во время сие, Божиим попущениим грех ради наших, от зломысленных неких человек мятежа и раздора, долженствует совопроситися всем нам любовно между собою

первое: како нам долженствует исповедати святейших греческих патриархов – Константинопольскаго, александрийскаго, антиохийского и иерусалимского, аще они православни суть?

второе: книги греческия печатныя и древния рукописныя, ихже святейшие греческие патриархи употребляют и по них все славословие Божие исполняют, и чины церковные, како исповедати долженствуем?

третие: собор, бывый в богоспасаемом преименитом царствующем великом граде Москве при благочестивейшем и богохранимом государе нашем царе и великом князе Алексее Михайловиче, всея Великая и Малыя и Белыя России самодержц, и при святейшем Никоне патриархе и царскаго пресветлаго величества при всем его сигклите, подписанный священных руками, как исповедати ныне нам долженствует, иже содеяся в царских палатах в лето создания мира 7162, от по плоти же рождества Господа Бога и Спаса нашего Иисуса Христа в лето 1654-е?

Во имя Отца и Сына и Св. Духа. Аз смиренный Питирим, Божиею милостию митрополит Великаго Новаграда и Великих Лук, исповедую святейших греческих патрхархов доднесь быти православных. Книги греческия печатныя и древния рукописныя, ихже святейшии греческии патриархи употребляют и по них все славословие Божие и чины церковные исполняют – исповедую быти православны и во всем приемлю. Собор, бывый в богоспасаемом преименитом царствующем граде Москве при благочестивейшем и богохранимом государе нашем, царе и великом князе Алексии Михаиловиче, всея Великия и Малыя и Белыя Росии самодержце, и при святейшем Никоне патриарсе и царского пресветлаго величества при всем его сигклите, в лето от создания мира 7162, от по плоти же рождества Господа Бога и Спаса нашего Иисуса Христа 1654, по согласному нашему братскому архиерейскому любовному совопрошению, исповедую и держу православен во всем. Известнаго же ради утвержения аз смиренный Питирим, Божиею милостию митрополит Великаго Новаграда и Великих Лук, сие мое исповедание писал моею рукою.

Во имя Отца и Сына и Св. Духа. Аз смиренный Лаврентий, Божиею милостию митрополит казанский и свияжский, исповедую святейших греческих патриархов доднесь быти, и проч...²² Собор, бывый... для свидетельства новопреложенных книг с греческаго диалекта на славянский, сошедшихся преосвященных архиереов, на нем же и аз бых и рукою моею с прочими священными подписах, бывшу мне тогда архиеписком богоспасаемаго града Твери,²³ по согласному нашему архиерейскому между собою любовному совопрошению, исповедую и держу во всем православен.²⁴

Во имя Отца и Сына и Св. Духа. Аз смиренный Иона, митрополит ростовский и ярославский, исповедую святейших греческих патриархов, и проч...²⁵ Собор, бывый... а на том соборе бывшу и мне с прочими архиереи и рукою моею подписавшумися у того собора, уразумех яко истинный есть и православен, наипаче же уверихся от божественнаго писания, яко греческаго закона чин и устав правоверен есть и великими благочестиями украшен, и аз того бывшаго собора со всяким усердием восприях и впредь тому всему хощу согласен быти, яко православен есть.²⁶

Во имя Отца и Сына и Св. Духа. Аз смиренный Павел, митрополит сарский и подонский, исповедую святейших греческих патриархов, и проч...²⁷ Собор, на нем же и аз бых и рукою моею с прочими священными подписах, сущу ми тогда протопопу церкви Сретения Господа Бога и Спаса нашего Иисуса Христа, яже зовется царского пресветлого величества на сенех,²⁸ по согласному нашему братскому любовному архиерейскому совопрошению, исповедую и держу православен во всем.

Во имя Отца и Сына и Св. Духа. Се аз смерений Феодосий митрополит исповедую святейших греческих патриархов, и проч... Аз смерений Феодосий Божиею милостию митрополит от Сербския земли, бывши вершацки и шебински, сие мое исповйдание подписал моею рукою.

Во имя Отца и Сына и Св. Духа. Аз смиренный Симон, Божиею милостию архиепископ вологодский и белоозерский, по совопрошению нашему сему архиепископскому, иже согласихомся любовно настоящаго лета сего 7174, февруария месяца, исповедую святейших патриархов, и проч.

Во имя Отца и Сына и Св, Духа. Аз смиренный Филарет, митрополит смоленский и дорогобужский, исповедую, и проч.

Во имя Отца и Сына и Св. Духа, аминь. Се аз смиренный Иларион, архиепископ Божиею милостию рязанский и муромский, по совопрошению нашему архиерейскому исповедую, и проч.

Во имя Отца и Сына и Св. Духа. Аз смиренный Иоасаф, архиепископ тверский и кашинский, исповедую, и проч.

Во имя Отца и Сына и Св. Духа. Аз смиренный Арсений, архиепископ Божиею милостию псковский и изборский, исповедую, и проч... Мы же тогда на том соборе (1654 г.) не быхом, а по братскому нашему архиерейскому любовному совопрошению исповедую и держу без сомнения во всем православен.

Во имя Отца и Сына и Св. Духа. Аз смиренный Александр, Божиею милостию епископ вятский и великопермский, исповедую, и проч... И книги новоисправленные, паче же Символ веры , его же достовернаго ради уверения подписах моею рукою, вдаю днесь преосвященному собору, тако приемлю и лобызаю; подобно же и о сложении перстов и прочее, якоже на том соборе (1654) исправися, без всякого сомнения приемлю: а еже пред сим временем яко человек мятохся о вышеписанных, пачеже о прилагательном имени во святом Символе, еже истиннаго, якоже возмнеся немощи моей, егоже коварства сам себе не сведех, мнех, яко право мысля: та вся моя сомнения весьма повергаю и отвергаю, понеже о всех оных ныне истинно уверихся истинным уверением, пачеже о прилагательном имени во святом Символе, от древних рукописных книг и от греческих, яко святая, соборная, апостольская, восточная церковь, мати наша, в Символе веры прилагательного имене никогдаже име и не имать. Сего ради отныне и аз без всякого сомнения тако держу и от сердца моего исповедую. Достовернаго же ради свидетельства и сие исповедание мое моею рукою подписую.²⁹

Во имя Отца и Сына и Св. Духа. Аз Иоасаф, живоначальныя Троицы Сергиева монастыря архимандрита, исповедую, и проч.

Аз Иосиф, Всемилостиваго Спаса Новаго монастыря архимандрит, исповедую, и проч.

Великого Новаграда Юриева монастыря архимандрита Феодосий исповедую, и проч.

Мисайла, из Казани Преображенскаго монастыря архимандрит, исповедую...

Аз Иосиф, Всемилостиваго Спаса Хутыня монастыря архимандрит, исповедую...

Аз Арсений, Пресвятыя Богородицы Знаменскаго монастыря, что на государеве старом дворе, игумен исповедую...

Аз Варфоломей, святых великих чудотворцев Зосимы и Савватия Соловецкаго монастыря архимандрит, исповедую, и проч... И той собор (1654 г.) и книгу нарицаемую Скрыжаль, написанную о исполнении церковном, приемлю и исповедую, яко истинно есть православно бывый собор и книга написана. К сим же иповедую якоже прият соборная апостольская церковь пети Символ православныя веры.³⁰

Аз Викентий, великаго чудотворца Николая Угрешскаго монастыря игумен, исповедую...

Во имя Отца и Сына и Св. Духа. Аз иеромонах Арсений³¹ Салтыков исповедую, и проч... Исповедую святый православный Символ, изложенный святыми отцы седмию вселенскими соборы, утвержденный и нынешним святым собором, недоумительное исправившим, глаголати: Верую во единаго Бога Отца, и проч.³² И книги исправленныя приемлю, и в чем прежде сего сомневался, в крестном знамении и сложении перст, и ныне приемлю, как содержит святая церковь и святый собор³³.

174 года маия в 17 день, по вопросу святаго собора, святых Божиих архиереов, преосвящен ных митрополитов и архиепископов и епископов и архимандритов и игуменов и всего священнаго собора, Симонова монастыря постриженник старец Серепион, бывший прежде смоленский протопоп, сказал: святейших вселенских четырех патриархов приемлю блогочестивых, православных, и веру их греческую похваляю и книги их греческия старыя, печатныя и писанныя, и церковную службу, и Символ православныыя христианския веры, и слог перстов в крестном знамении, еже во образ Св. Троицы, и святый собор московского государства властей, преосвященных митрополитов, архидепископов и епископов и всего освященного собора, слушаю и покаряюся и ни в чем их соборному изложению не прекословлю. А что прежде сего под сомнением имел, или что неверно вменял своим неразумием, или кого от православных христиан в чем нибудь соблазнил; и о том своем согрешении вам, святому собору, великим Божиим архиереом каюся, прошу во всем прощения и молитв. А что в нынешних новоисправленных книгах при чтении прилучится мне под сомнением которое слово, и о том должен есмь вопрошати святаго собора, вас великих Божиих архиереов, а о себе мудрствовать не буду.³⁴

Соборные акты, к печатанию которых мы теперь приступаем, довольно давно уже известны в печати и Святейшим Синодом приготовляются к новому, во всех отношениях исправнейшему изданию (см. статью: Об актах собора 1666–1667 г. в 1 кн. Брат. Слова 1876 г. отд. 11, стр. 15–27). Если прежние печатные издания актов собора 1666–1667 г., как доказано в упомянутой статье, не устраняют нужды нового их издания, то приготовляемое Святейшим Синодом, по- видимому, уже делает его излишним. Тем не менее однакоже мы решились напечатать соборные акты в нашем издании материалов для первоначальной истории раскола, будучи убеждены к тому следующими соображениями:

а) Мы допустили бы весьма ощутительный пробел в ряду этих материалов, если бы оставили ненапечатанными важнейшие из них, – акты Большого Московского Собора, с которыми все прочее напечатанные выше документы имеют более или менее тесную связь.

б) При самой значительной (как можно надеяться) распространенности предпринятого Святейшим Синодом издания соборных актов не может быть излишним другое, по возможности столь же исправное их издание, так как оно будет способствовать еще большему распространению между православными и старообрядческими читателями верного и полного текста столь важных актов, многими превратно понимаемых главным образом вследствие недостаточного знакомства с ними во всей их полноте и точности.

в) Наконец (и это особенно важно в настоящем случае) предлагаемое нами издание должно иметь значительные отличия от предпринятого Св. Синодом. В синодальном издании, согласно его происхождению и цели. подлинный текст соборных актов будет снабжен примечаниями, направленными преимущественно к объяснению самого смысла соборных постановлений и чрез то к устранению превратных его толкований; и в нашем издании тот же самый текст сопровождается примечаниями, по преимуществу библиографического и исторического содержания, особенно важными в научном отношении. Так именно при издании соборных Деяний 1666 года мы сличаем беловой их список с черновым подлинником собственной руки Симеона Полоцкого и отмечаем все сделанные в этом последнем поправки и дополнения, большею частию не лишенные значения в историческом отношении; при издании же соборных постановлений 1667 г. по подлинной Книге соборных деяний сличаем текст их с другими существующими подлинниками и списками; кроме того, и там и здесь, берем во внимание печатные издания актов, в особенности наиболее распространенное издание Археографической Коммиссии (Допол. к Актам Историческим т. V, стр. 439–510).

Первая половина первой стр. чернового списка Деяний Собора 1666 г.

Сказание о святом соборе повелением блогочестивейшаго, тишайшаго, самодержавнейшаго, великаго государя, царя и великаго князя Алексея Михайловича, всеа Великия и Малыя и Белыя Росии самодержца, в царствующем преименитом и богоспасаемом граде Москве на новоявльшияся раскольники и мятежники святыя православнокафолическия церкве совокупленном, в лето 7174.³⁶

Царя во пророцех, пророка же в царех богоумудренное рождение, всеа негли³⁷ твари естеств преискусный изследитель, Соломон³⁸ на триех вещех притупи остроту ума своего, четвертая же весма не постиже, якоже сам повествует³⁹: трие мне суть невозможни разумнети и четвертаго же не сведе, таже суть: следа орла паряща по воздуху, и пути змия ползуща по камени, и стези корабля пловуща по морю, а четвертое есть и пути мужа в юности его, или яко в еврейском чтется языце:⁴⁰ пути мужа в юноше, еже сказателми толкуемо есть⁴¹ о пути Христа Господа в преблогословенней Деве Марии, иже муж бяше совершенный разумом и в самом несекомом времене зачатия⁴² си во утробе матерней. Якоже и о прочих путех⁴³ богословия искуством обогащении сказателие сицевое творят толкование: след орла паряща по воздуху есть путь Христа Господа, аки орла борзыма крылома воздуха страны превозшедша⁴⁴ и в небесныя высоты силою Божества своего вознесшася в день преславнаго его вознесения; путь змия ползуща по камени есть тогож Христа Господа, змием медяным от Моисея прообразованнаго, путь из камене гробнаго, или из гроба каменного, весма непостижимый, ибо изыде не разрешив печати; путь корабля пловуща по морю есть путь церкве на мори мира сего пловущия, чрез посредие волн гонения, скорбей, бед, напастей, искушений, яже от юныя версты своея, еще от пелен детских, много пострада от противоратника диявола, внегда едва еще Христу рождьшуся многим быти тысящам младенец ссущих от Ирода, фараоним духом на еврейския дети исполненнаго, убиенным. Еже описуя высокопарящий он орел, Иоанн святый, в Апокалипсии глаголет⁴⁵: и знамение велие явися на небеси, жена облечена в солнце, и луна под ногами ея, и на главе ея венец от звезд двоюнадесять, и во чреве имущи вопиет болящи и страждущи родити; и явися ино знамение на небеси, и се змий велик чермен, иже стояше пред женою хотящею родити, да егда родит, снесть чадо ея; и роди сына мужска, иже имать упасти вся языки жезлом железным, и восхищенно бысть чадо ея к Богу и престолу его. Кто же сия есть жена, толикими светили украшенная, точию церковь, светом истинныя веры и различных добродетелей сиянием улепотствованная,⁴⁶ Христа Господа духовне в духовных удесех его выну⁴⁷ раждающая, иже егда плотьски от пресвятая и пренепорочныя Девы Матере без истления и кроме болезни родися, восхищен бысть (не абие от рождения, но в день вознесения своего) к Богу и престолу его, и многую корысть, змиеви отъем проклятому, совнесе с собою. Чесо ради разгневася змий на жену, церковь⁴⁸, не могий терпети, якоже и Авимелех древле, яко победися женою, испусти за женою из уст своих воду гонения⁴⁹ яко реку, да ю в руце кровавой⁵⁰ потопит, и поможе земля жене, и отверзе земля уста своя и пожре реку: помогоша земстии царие благочестивыя церкви, егда отверзше уста своя возбраниша водам гонения наводнятися и кровавой реце, мучительми точимей, повелеша утоленней быти⁵¹, он же иде сотворити брань со оставльшим семенем ея. И от того часа не престает ветхий змий на церковь православную ратовати проклятыми еретики и гонительми, яко прискрыними вои своими. Их же первое богомерзкое полчище бысть богоубийцы, князи иудейстии, книжницы и фарисеи, иже божественныя ученики Господня озлобивши⁵² и умертвивши различными мучений роды. Второе пособствоваша треклятому змееви, еже на церковь ратовати, нечестивии⁵³ царии земстии, безчеловечный мучитель Нерон, злолютый томитель Декий, нестерпимый гонитель Максимиан, зверонравный Севир и кровонесытный убиватель Диоклитиан, и им подобию злобоподражателие богоненавистныи, иже аки во морстей пучине корабль церкве Христовы тщахуся в крови святых мученик утопити. Но благодатию Божиею, яко корабль ноев, елико воды умножахуся, толико выше возношашеся, тако и корабль церкве, елико воды и волны гонения прибываху, толико их превозхождаше, и тако в потопления место сицевым наводнением путь пространный во всю вселенную сотвориша церкви, и о нейже торжественики себе быти непщеваша, сами побеждени и оторжествовени⁵⁴ Быша. Сице убо змий ветхий ничесоже успев на церкви, новая на ню изведе полчища еретиков богоотступных, иже богомерзкими хуленьми своими, аки острыми стрелами, в корабли церкве плавающая тщахуся состреляти люди, их же стрел множество, на церковь испущенных, прилежно неции потщавшеся собрати, велия тулы книжныя наполниша ими: святый бо Епифаний, епископ кипрскй, в шестерицу книг своих едва поместил есть осмь десятиц стрел различных еретичеств; подобне Кельсий⁵⁵ некто различныя различных любомудрец мира сего собирая ложнонепщевашния, шесть книг написа глаголемых, имиже всеми великия церковь пострадавши язвы, едва небеснаго врача промыслом получи исцеление. Но между всеми лютейшее бяше уязвление стрелы богохульника Ариа, ядом бо ея едва не все тело церкве повреждено бяше, даже возстена весь мир и арианствовати себе удивися, Иероним святый глаголет. О коль велия тогда нужда бяше врачевства же и врача искусна на исцеление язвы! Но не меншая бе потреба вожда и воинства на поражение противно ратовавших, яже вся даде Христос Господь, удлобно⁵⁶ обещание сотворивый церкви: се аз с вами есмь по вся дни до скончания века, аминь. Ибо дарова в то время премудрыя врачи церкви, Василия Великого, Афонасия, Григория Богослова, Амвросия, Августина и иныя,⁵⁷ иже премудрыми своими писанми, яко здравотворными врачевствы, исцелиша тую язву и яд душепагубный искорениша; даде и прехрабра вожда с воинством: ибо возбуди еже ревновати по церкви блогочестивейшаго, тишайшаго, православнаго царя Константина, иже уподобився Аврааму патриарху, собравшу древле триста и осмьнадесять домочадец си и победившу сопостаты, собра на собор иже в Никеи первый⁵⁸ триста и осмьнадесять Отец святых, имиже посече и победи арианское богомерзское полчище со учением его лестным⁵⁹. Его ревности подражая благочестивый царь Феодосий добре брася о церкви и о чести Бога Духа Святаго: собра бо в Константин-град сто и пятьдятьдесят отец святых на духоборца Македония, и раздруши его безумнаго соборища нечестивое лщение. По нем благий наследник тако имене и царствия, якоже добродетелей и ревности яже по Бозе⁶⁰, тожде сотвори во, Асийском Ефесе собрав святых отец двесте на Нестория патриарха царяградцкаго, егоже посекоша мечем духовным слова Божия отцы⁶¹ святии, купно со душепагубным его мудрствованием, паче же рещи достоит, буйствованием. Еще же ни тако душехищному змиеви престававшу на церковь рать подвизати, вооружившу же скорпиекожными бронми и жалом смертоносным два исполины геенския, Диоскора патриарха александрийскаго и Евтихия архимандрита константинопольскаго, ста сопротив благочестивый царь Маркиаян, иже собрав во град Халкидон святых отец шестьсот и тридесять, и преславно победи та два исполина со всеми ею единомысленники: ибо попраша их безбожное хулительство отцы святии и яко куколь вредный⁶² исторгше от чистыя пшеницы, во огнь проклятия⁶³ на сожжение вовергоша. Но не у кончина борбы: ибо змий он седмоглавый и до седми крат борцы свои посылати дерзает. В пятое убо тщахуся храбрствовати на позорищи мира сего с церковными ратники седмочисленнии ересеначалницы, аки седьм глав змиевыхъ⁶⁴: Ориген, Евагрий, Дидин, Феодор Мапсуенский, Анфим, Петр и Зоора⁶⁵, со своими единомысленники: но тщанием благочестивого царя Иустиниана, собранными в Константин-град сто и шестиюдесять отцы святыми весьма суть побеждена и нечестивое их учение⁶⁶ попрана. И тако ветхий змий в проклятых своих изнеможе начинаниих, обаче не измени лукавого помышления своего, ибо еще яко десяторог сый воздвиже роги своя на церковь, десять оныя еретики проклятия. Феодора иже в Фараи епископа, Онория римскаго, Кира александрийскаго, Сергия, Пирра, Петра и Павла константинопольских, Макария антиохийскаго и Стефана ученика его и Полихрония безумнаго старца, на них же вооружися теплый поборник православныя церкви⁶⁷ благоверный царь Константин, Погонат реченный, собра полк святых отец сто семдесят и единаго⁶⁸ в Царь-град третее, в полату Трулл нареченную, ихже богоумудренными разумы и преподобными словесы тии змиеви рози сотрошася и их острота душеубийственная весма притупися. Напоследок, не могий уже змий проклятый телу церкве в членах, или в составех веры благочестивыя вреда смертоноснаго сотворити,⁶⁹ нача яко пес гневливый, кервер проклятый, одеяние тела церкве, украшение ея боголепное терзати, еже есть иконы святыя изметати и сокрушати, хулити и губити. Но одеявый Бог нагаго Адама и пресветлыми небо украсивый⁷⁰ астры, землю же прекрасными улепотствовавый цветы, не попусти ему еще возлюбленную свою невесту лепоты ея обнажити: сотвори ревностно ревновати по святых иконех благочестиваго царя Константина и матерь его Ирину, яже собраста в Никейском граде второе отец святых триста шестьдесят седмь,⁷¹ иже жезлы своими пастырскими сокрушиша зубы пса геенского, поразиша главы кервера преисподнейшаго,⁷² украсиша же невесту Христову церковь пресветлою лепотою ея, святыми и божественными иконы, имиже выну светлее, неже небо звездами, сияет. Оттоле убо змий седмоглавый, седмию святыми вселенскими соборы весма побежденный, стенет и горце рыдает, яко не может церкви Божией одолети⁷³ обаче ратники своя посылати дерзает: ибо Лютры, Калвины и им подобныя отступники, сатанинскими си вооружив бронями, ратовати поучает.⁷⁴ Выет кервер преисподни, яко зубы своими ненасытными неточию снести церкве, но ниже уязвити может; обаче лаяния⁷⁵ престати не хощет. Се бо в наша последняя времена, внутрь ограды стада Христова обрет себе сосуды угодныя, сыны погибельные, научи я яко псы лаяти на пресветлую невесту, в солнце правды облеченную, на церковь Христову, иже ничесоже в ней мрачного видяще, точию мнящеся видети,⁷⁶ яко пси всуе лают, да угодии будут господину своему змию, емуже подчинишася. Лают же и клевещут не словесы точно лживыми, но и писании много хулением исполненными, толико гласно и дерзостно, якоже сим даже рукам, оным же ушесам коснутися самого пресветлоаго, Богом венчанного, православнаго. великаго государя царя и великаго князя Алексея Михайловича, всеа Великия и Малыя и Белыя Росии самодержца, иже отнележе хулы услыша и прочте богомерзшкия свитки, абие ревностию возревнова, якоже и иже рекий: ревность дому твоего снеде мя, и возопи велегласно, якоже иногда⁷⁷ Илиа пророк: ревнуя поревновах по Господе Вседержителе, яко оставиша тя сынове Израилевы, олтари твоя обругаша и священники твоя уничижиша, святая твоя похулиша, книги облаяша⁷⁸. И тако огнем ревности святыя раждежен сый, излия от очию си источники водныя, умы лице свое струями слезными и сотвори якоже благоверный царь Константин и прочии вышепомяненнии благочестивии царие: повеле собору быти всех архиереов своея благочестивыя державы в царствующем преименитом и богоспасаемом граде Москве, заповеда абие царьскими си посланьми во странах и градех великороссийскаго православнаго си обладания архиереом жительствующим увещенным о соборе быти и времени его назнаменоватися.

Бысть же слово делом, и дело словом: ибо дошедшим в руце преосвященных архиереов православнаго скипетродержца посланиям, всякаго извета и умедления кроме, яко добрыи вои Христовы, потщахуся на борбу с противники церкве Христовы и яко добрии⁷⁹ пастырие текоша коеже⁸⁰ хищныя волки поразити. Приидоша же на время уреченное во пресловутый царствующий христоименитый град Москву, на день месяца февруария.⁸¹

Деяния святаго собора, в царствующем и богоспасаемом граде Москве бывшего.

Деяние 1.⁸²

О имени великого Бога, Царя царствующих и Господа господьствующих, единого естеством, Троицы же ипостасми, Отца и Сына и Святаго Духа, скипетр правления великоросскаго царствия держащу Богом венчанному, православному, великому государю царю и великому князю Алексею Михайловичю, всеа Великия и Малыя и Белыя Росии самодержцу,⁸³ в лето 7174, месяца февруария.

Пришедшии повелением благочестиваго царя в царствующий и богоспасаемый град Москву, на святый собор, преосвященнии архиереи блогочестивыя великороссийския державы и иностраннии, в то время прилучившиися в царствующем граде Москве⁸⁴ преосвященнии митрополиты:

преосвященный⁸⁵ Питирим митрополит Великого Новграда и Великих Лук,

пре: Лаврентий митрополит казанский и свияжский,

пре: Иона митрополит ростовский и ярославский,

пре: Павел митрополит сарский и подонский,

пре: Феодосий митрополит сербския земли, преосвященнии архиепископи:

пре: Симон архиепископ вологоцкий и белоезерский,

пре: Филарет архиепископ смоленский и дорогобужcкий,

пре: Иларион архиепископ рязанский и муромский,

пре: Иоасаф архиепископ тверский и кашинский,

пре: Арсений архиепископ псковский и изборский,⁸⁶

сошедшеся во Крестовую палату патриаршую, советоваша между собою не прежде начати иныя о мятеже, расколе и непостоянстве тако в православныя догматех веры, якоже и во преданиих святых отец взыскивати же и судити, нежели между собою о той же вине⁸⁷ соиспытатися и совзыскати, дабы не услышати кому⁸⁸ оного: врачю, исцелися сам, или оного: что видиши сучец, иже во оце брата твоего, бервна же, еже есть в оце твоем, не чюеши? лицемире⁸⁹, изми первее бервно из очесе твоего, и тогда узриши изъяти сучец из очесе брата твоего. Первое убо прочтоша всяк особ Символ святый никийский, яко неподвижное основание православия, в немже единомысльни и согласни обретшеся, предложиша себе совопрос⁹⁰: как должно есть непщевати о святейших патриарсех греческих: константинопольском, александрийском, антиохийском и ерусалимском⁹¹, – суть ли они православни, живуще под властию великаго гонителя имене христианского?

Второе бысть предложение, что о книгах Греческих печатных и древних рукописных, ихже святейшии гречестии партиарси и вси священницы⁹² во всяком священнослужении употребляют, держати годствует, – суть ли праведныя и достоверныя?

Третее бысть взыскание о соборе, бывшем в богоспасаемом преименитом и царствующем великом граде Москве, в царьских полатах,⁹³ в лето 7162, при благочестивейшем и Богом хранимом⁹⁴ великом государе нашем царе и великом князе Алексии Михайловиче, всеа Великия и Малыя и Белыя Росии самодержце, великаго⁹⁵ патриарша престола кормило державшу бывшему патриарху Никону⁹⁶, укрепленном же сущем⁹⁷ подписанием священных руками, что о нем исповедати и держати подобает, есть ли за праведный собор вменителен?⁹⁸

О сих статьях бысть един глас всего освященнаго собора, и утвердися единаго коегождо архиерея рукописанием.

Первый убо преосвященный Питирим, митрополит Великого Новаграда и Великих Лук, даде писание в сицев образ:

Во имя Отца и Сына и Святого Духа, аз смиренный Питирим, Божиею милостию митрополит Великого Новаграда и Великих Лук, исповедую святейших Греческих патриархов доднесь быти православных. Книги греческия печатныя и древния рукописныя, ихже святейшии гречестии патриарси употребляют и по них все славословие Божие и чины церковныя исполняют, исповедую быти православны и во всем приемлю. Собор бывший в богоспасаемом преименитом царствующем великом граде Москве, при благочестивейшем и богохранимом великом государе нашем, царе и великом князе Алексии Михайловиче, всеа Великия и Малыя и Белыя Росии самодержце, и при святейшем⁹⁹ Никоне патриарсе, и царскаго пресветлаго величества при всем его синклите, в лето от создания мира 7162, от рожества же по плоти Господа Бога и Спаса нашего Иисуса Христа 1654, по согласному нашему братскому любовному архиерейскому совопрошению, исповедую и держу православен во всем быти. Известного же ради утвержения аз смиренный Питирим, Божиею милостью митрополит Великого Новаграда и Великих Лук, сие мое исповедание писах моею рукою¹⁰⁰.

Прочии архиереи подобная сему писания¹⁰¹ си даша и рук своих подписанми чинно утвердиша.¹⁰² В конце же свитка, от всих¹⁰³ архиерейских си рукописаний состроеннаго,¹⁰⁴ положиша Символ святый сице¹⁰⁵:

Верую во единаго Бога Отца Вседержителя, Творца небу и земли, видимым же всем и невидимыми И во единаго Господа Иисуса Христа, Сына Божия единороднаго, иже от Отца рожденнаго прежде всех век, света от света, Бога истинна от Бога истинна, рожденна, не сотворенна, единосущна Отцу, имже вся Быша. Нас ради человек и нашего ради спасения сшедшаго с небес, и воплотившагося от Духа Свята и Марии Девы, и вочеловечшася. Распятаго же за ны при Понтийстем Пилате, и страдавша, и погребенна, и воскресшаго в третий день по писанием. И возшедшаго на небеса, и седяща одесную Отца. И паки грядущаго со славою судити живым и мертвым, егоже царствию не будет конца. И в Духа, святаго, Господа, животворящаго, иже от Отца исходящаго, иже со Отцем и Сыном спокланяема и сславима, глаголавшаго пророки. Во едину святую соборную и апостольскую церковь. Исповедую едино крещение во оставление грехов. Чаю воскресения мертвых и жизни будущаго века, аминь.

С окончанием Символа святаго бысть и перваго сего деяния, всех во всем согласнаго, окончание.

Деяние 2

О имени великого Бога, Царя царствующих и Господа господьствующих, единаго естеством, Троицы же ипостасми, Отца и Сына и Святаго Духа,¹⁰⁶ скипетр правления великоросийскаго царства держащу Богом венчанному, православному, великому государю царю и великому князю Алексею Михайловичю, всеа Великия и Малыя и Белыя Росии самодержцу, в лето 7174,¹⁰⁷ месяца апреля в 29 день, в неделю святых Жен Мироносиц, сошедшуся во столовую царскую палату всему освященному собору, преосвященным митрополитом:

пре:¹⁰⁸ Питириму новгородцкому и великолуцкому,

пре: Лаврентию казанскому и свияжскому,

пре: Ионе ростовскому и ярославскому,

пре: Павлу сарскому и подонскому, архиепископом:

пре: Симону вологодскому и белоезерскому,

пре: Филарету смоленскому и дорогобужскому,

пре: Илариону резанскому и муромскому,

пре: Иоасафу тверскому и кашинскому,

пре: Арсению псковскому и изборскому¹⁰⁹;

собравшужеся пресветлаго царскаго престола пресветлому синклиту, князем, боляром, околничим и думным людем, изволи благочестивый царь, врата отверзая святому собору и божественным беседам¹¹⁰, сицевое начало положили беседования.

Слово великого государя царя ко освященному собору

Зде написати речь великаго государя, или, доложив его великаго государя, сию последующую.¹¹¹

Радость сотвори нам Господь пришествием вашим, преосвященныи митрополиты и архиепископи (боголюбивии епископи, преподобныя архимандриты)¹¹² и весь освященный соборе, но праздна есть радости вина, еюже понуждени есмы святость и благоговеинство ваше на собор сей совокупите. Насея бо Домовит небесный благогобзовитую ниву православныя державы нашея чистаго благочестия пшеницею; но враг завистный, спящим нам, имже Богом вручися страж ея¹¹³, всея куколь душевредный, его же аще ревность ваша умедлит исторгнути и искоренити, бедство будет о пшеницы, да не озизанится. Чистая есть пшеница истинное слово Божие, первее святым первозванным апостолом, таже святу¹¹⁴ Кирилла и Мефодия проповеданием¹¹⁵ в странах насеенное наших, потом великия княгини Олги рачительством утепленное и согреянное, напоследок великаго князя Владимера уверением спасителными крещения святаго водами покропленное и доволне одожденное, Богом же самым возращенное толико, якоже и плод ему нескудный в житницу небесную отдати.¹¹⁶ Куколь же есть душепагубныи секрат дияволом насеянныи расколы, их же тлетворное прозябение тщится чистую слова Божиа истинныя кафолическия¹¹⁷ веры отец святых предания искоренити пшеницу. Уже богохулное их плодоношение неточию по различных царствия Богом нам врученнаго странах, градех же и весех, обносится, но и в самый сей град престола нашего вомчеся, даже и нашима в свитцех рукама, в словесех же ушесома¹¹⁸ прикоснутися. Яже услышавше мы и прочетше, абие богонаставлением познахом диаволе быти семя, сицевыя хулы содержащее: яко нынешняя церковь несть церковь, тайны божественныя не тайны, крещение не крещение, архиереи не архиереи, писания лестна, учение не праведное и вся скверна и не благочестна. Имже душеубиственным злоплодием мнози скудноумнии повреждьшеся, аки вне ума бывше, заблудиша от церкве в новопрозябшая сонмища, крещение отложиша, грехов своих иереом Божиим не исповедаша, тайнам животворящим не причащахуся, вкратце рекше, весма от церкве и от Бога отчюждишася. О злаго плода недобраго семени! еже абие внегда ощутити нам, яко змию смертножалящую из руку нашу вергохом и попрахом. Но дабы в конец ему истреблену быти, ваше повелением обладаниа нашего собрахом благоговеинство, известни суще вашего се звания дело быти, еже ниву Божию из плевел очищати. Молим убо вы и увещаем, яко да со всяким тщанием прилежите о сем деле Божии, воеже бы нам о непопечении, вам же о нерадении и небрежении, в страшный¹¹⁹ день отмщения Судии нелицемерному слова не воздати. Се мы засведетельствуем безначално живущаго и безконечно царствующаго¹²⁰ яко готови есмы вся наша и самых нас¹²¹ положити на поборение по церкве Божии; вы точию, о делателие нивы Христовы, небрежением отягчени не будите. Нашей готовости и охоте сама десница Вышняго начат¹²² уже поспешествовати: ибо много мыслящим нам и прилежно пекущимся о утолении мятежа церковнаго, паче неже о самом (егоже ничесоже приятнее в мире быти не может) здравии нашем, даде нам обрести Господь в сокровище нашем царском драгий и безценный бисер, преизрядное¹²³ и преугодное орудие на искоренение расколов,¹²⁴ богодухновенную книгу, Хризовул именованную, премногими различноцветными пречестными догмат веры каменьми украшенную, ктому же всякую цену превосходящими претвердыми четырьми адаманты закрепленную, сиречь рукоприложением святейших четырех патриархов святыя восточныя православно-кафолическия церкве:

святейшаго Иеремии, Божиею милостию архиепископа константинопольскаго и Нового Рима и вселенскаго патриарха,

святейшаго Мелетия, Божиею милостию папы и патриарха великаго града Александрии и судьи вселенскаго¹²⁵,

святейшаго Софрония, Божиею милостию святаго града Божия Иерусалима патриарха,

утверженную и печатьми укрепленную,

еще же и прочиих под ними бывших архиереов, митрополитов и архиепископов, руками подписанную.

Юже богодухновенную книгу, всех бисерей дражайшую и Символ православный в себе содержащую, яко светила великая на свещницех высоты престолов си поставленная, лучи си в росийскую страну изливающе, прислаша святейшии патриарси ко блаженныя памяти деду нашему, великому государю царю и великому князю Феодору Иоанновичю, всеа Великия Росии самодержцу, и к его царскому богомолцу первопрестолному великому господину святейшему Иову¹²⁶ всеа Росии и северных стран патриарху. Мы же яко Богом данное орудие же и оружие хотяще вашему благоговеинству, воином сущим Христовым и делателем нивы его божественным, вручити, сами во услышание всем прежде прочести¹²⁷ желаем и от вашего святительства на се благословения просим.

По совершении сея речи и по приятии благословения¹²⁸ изволи благоверный. царь на своем царском месте сести, такожде архиереом и боляром велев сотворити, чте убо благоверный царь помяненную книгу седя. Внегда же доити до святаго Символа, воста из места своего и прочте и стоя, и сотвори вопрос к архиереом и боляром: тако ли Символ святый и прочия догматы по написанному в Хрызовуле держат? Тогда, прием¹²⁹ словопреосвященный Питирим, митрополит новгородский и великолуцкий, сотвори всех архиереов согласием отвещаше сице:

Ответ.

Здесь речь преосвященнаго митрополиты написати, или вместо ея сей ответ.¹³⁰

Благий Домовит, доброе на ниве великоросийскаго царствия засеявый семя¹³¹, преблага тя устрой¹³² стража .ея, благоверный, Богом венчанный, Богом хранимый, великий¹³³ государю царю и великий княже Алексие Михайловичу всеа Великия и Малыя и Белыя Росии самодержче! Се бо, неусыпныма брегий очима, удобно¹³⁴ наблюл еси врага, ниву озизанивша, и усмотрел еси бодрее стоочита Арга дивыя звери, пшеницу ненасытными зубами пожати и пожрети хотевшия, изочил еси хитрыя лисовы¹³⁵, главни¹³⁶ тартарския в пшеницу чистую ошибами си влекущия, воеже бы сожещи ю; темже абие пригласил ны еси, делатели тоя нивы сущия, дабы нами врага попрати¹³⁷, куколь исторгнути, звери изгнати и хищныя поимати лисовы¹³⁸. Мы убо, абие на глас извещения твоего на дело звания нашего се готови представше, первее блогадарение всеблагодаровитому во Троице¹³⁹ единому Богу от усердия душ наших приносим, яко добра, ревностна и благорачительствующа тя стража и поборника церкви своей благоволи даровати, таже и твоего пресветлаго царского престола высокочестному величию со вседушным благодарением главы наша приклоняем, благодарственне приветствующе: многа лета тебе благоверному царю нашему и великому князю Алексею Михайловичю, всеа Великия и Малыя и Белыя Росии самодержцу, второму Константину¹⁴⁰, истинному православия разширителю, верному слузе Христову, теплому веры кафолическия рачителю. Посем¹⁴¹ любезно и радостно приемлем от твоея царския десницы сие, Божиим уготованное промышлением, твоим же прилежным царским взысканием обретенное¹⁴², мысленное орудие же и оружие, и им яко острейшим истиннаго слова Божия мечем потщимся, Богу поспешествующу¹⁴³, враги победити, изуверы изгнати, им же, яко благоугодным орудием, попечемся, еже ниву иззизанити. Приемлем убо сей неудобоценимый бисер, богодухновенную книгу, яко истинну броню веры. Тако верим, тако держим, якоже в ней святейшии четыри восточнии патриарси, написавше руками си и печатьми утвердивше, прислаша, и якоже твое пресветлое царское величество благоволи нам во услышание всем прочести. К сим во веки ничесоже имамы приложити, отъяти, или изменити. Инако же держащия, прилагающия, отъемлющия, или изменяющия за враги имамы и супостаты церкве Божия, ихже властию, от Бога нам данною, потщимся в покорение любезно преводити, на небрегущыя же о сем и жезла нашего духовныя силы не усумнимся употребите, способием прекрепкия твоея царския десницы, о еже всесмиренно молим.

По скончании ответа благочестивый скипетродержец целовав¹⁴⁴ Символ святый в Хризовуле, и вручи и преосвященному собору, егоже, вси по чину целовавше архиереи, предаша и благородным¹⁴⁵ боляром, околничим и думным людем, ко еже целовати. Сему же бывшу, отдаша¹⁴⁶ книгу Хризовул пречестному Иоакиму архимандриту великия лавры святого Архистратига Михаила, Чюдовския именуемый, и повелеша ему нести¹⁴⁷ из дому царя земного в дом царя небеснаго, яко достойное Божия газофилакии сокровище, в соборную церковь Успения Пресвятыя Богородицы, идеже положьше, окончиша второго¹⁴⁸ седения деяние.

Деяние 3.¹⁴⁹

О имени великого Бога, Царя царствующих и Господа господьствующих, единаго естеством, Троицы ипостасми, Отца и Сына и Святаго Духа, скипетр правления великоросийскаго царства держащу Богом венчанному, православному, великому государю, царю и великому князю Алексею Михайловичю, всеа Великия и Малыя и Белыя Росии самодержцу, в лето 7174, месяца¹⁵⁰

сошедшимся в Крестовую патриаршую полату преосвященным митрополитом:

Питириму новгородцкому и великолуцкому,

Лаврентию казанскому и свияжскому,

Ионе ростовскому и ярославскому,

Павлу сарскому и подонскому,

архиепископом:

Симону вологоцкому и белозерскому,

Филарету Смоленскому и Дорогобужскому,

Илариону резанскому и муромскому,

Иоасафу тверскому и кашинскому,

Арсению псковскому и изборскому,¹⁵¹

Приглашен бысть и предела вяцкий епископ Александр и вопрошен о писании си, еже он писа обхуждая святого Символа благоисправление, такожде и новопечатных книг праведное напечатание и иных чинов церковных благоустроение. И он не отречеся писания своего, точию моляше удостоверитися о непогрешении новоисправленных книг и святаго Символа. Тогда ему правдивии учителие и пастырие¹⁵² словесного стада Христова многими книгами древними харатейными и лепыми доводы истину изъясниша. Он же, благодатию Божиею просвещен быв, абие написа покаянный свиток и вручив всему освященному собору, абие прощения сподобися. И ктому не по мятежницех, но по истина побораше.

Деяние 4.¹⁵³

О имени великого Бога, Царя царствующих и Господа господьствующих, единаго естеством, Троицы же ипостасми, Отца и Сына и Святаго. Духа, скипетр правления великоросийскаго царствия держащу Богом венчанному, православному, великому государю, царю и великому князю Алексею Михайловичю, всеа Великия и Малыя и Белый Росии самодержцу, в лето 7174, месяца¹⁵⁴, в день¹⁵⁵

сошедшимся в Крестовую патриаршую палату преосвященным митрополитом:

Питириму новгородцкому и великолуцкому,

Лаврентию казанскому и свияжскому,

Ионе ростовскому и ярославскому,

Павлу сарскому и подонскому,

архиепископом:

Симону вологоцкому и белоезерскому,

Филарету смоленскому и дорогобужскому,

Илариону резанскому и муромскому,

Иоасафу тверскому и кашинскому,

Арсению псковскому и изборскому,

боголюбивым епископом:

Александру вяцкому и великопермскому¹⁵⁶,

преподобнейшим архимандритом¹⁵⁷,

всечестным игуменом¹⁵⁸,

предста блядословный Аввакум, бывший Юрьевца Повольскаго протопоп , иже в прешедших летах послан на заточение бяше в Сибирь за расколы, мятежи и лжеучения, и паки оттуду милосердием скипетродержца свободися, но не преста своего зломыслия и лжеучения¹⁵⁹ словом и писанием разсевати и простыя чади прельщати, от единства святыя восточныя православно-кафолическия церкве оттерзая. Писа бо хулы на святого Символа исправление, на триех первых перстов в креста воображении сложение, на исправление книжное и на исправители¹⁶⁰, на согласие пения церковнаго; оклевета же и священники московския, аки не верующия во Христа вочеловечьшася, и не исповедующия его воскресения, еще же аки именующих несовершенна быти Царя со Отцем на небеси Христа Господа, и Духа Святаго не истиннаго исповедающих, и иныя многия сим подобным лжи и клеветы не убояся Бога написати, к нимже приложи, яко епилог, мятежословие, возбраняя православным христианом от священников, новоисправленных книг во священнодействии употребляющих,. божественных Таин комкания сподоблятися. О сих всех от освященного собора стязан бяше и не покорися, клеветник и мятежник, паче же, злобу злобе прилагая, укори в лице весь освященный собор, вся неправославными нарицая. Тем же правилно осудися иерейства лишен быти и анафеме предатися, еже и делом совершися в великом соборном храме Успения Пресвятыя Владычицы нашея Богородицы и Приснодевы Марии, сего же лета, месяца маия в 13 день. Потом и паки увещен бе ко обращению; но . тщетен труд и ждания бяше: темже грацким судом на заточение послася в острог Пустоезерский.

Деяние 5.¹⁶¹

О имени великого Бога, Царя царствующих и Господа господьствующих, единаго естеством, Троицы же ипостасми, Отца и Сына и Святаго Духа, скипетр правления великоросийскаго царства держащу Богом венчанному, православному, великому государю, царю и великому князю Алексею Михайловичю, всеа Великия и Малыя и Белыя Росии самодержцу, в лето 7174, месяца¹⁶² в день

сошедшимся в Крестовую патриаршую полату преосвященным митрополитом:

Питириму новгороцкому и великолуцкому,

Лаврентию казанскому и свияжскому,

Ионе ростовскому и ярославскому,

Павлу сарскому и подонскому,

архиепископом:

Симону вологоцкому и белоезерскому,

Филарету смоленскому и дорогобужскому,

Илариону рязанскому и муромскому,

Иоасафу тверскому и кашинскому,

Арсению псковскому и изборскому,

боголюбивым епископом:

Александру вяцкому и великопермскому,

преподобнейшим архимандритом¹⁶³,

всечестным игуменом¹⁶⁴,

чтено бысть лжесложное писание расколника и лжеклеветника, из Суздаля града соборныя церкве Рождества Пресвятыя Богородицы попа Никиты, еже он написа на святую кафолическую и апостольскую церковь, и на святыя и богоносныя отцы, вселенския¹⁶⁵ учители, и на православная и священная их писания, на бывшаго¹⁶⁶ патриарха Никона и на весь собор освященный, и наипаче же на книгу, именуемую Скрыжаль¹⁶⁷, и вручи е благочестивейшему великому государю нашему, царю и великому князю Алексею Михайловичю, всеа Великия и Малыя и Белыя Росии самодержцу, яко челобитную известную.¹⁶⁸ В нейже, вопервых, хулит слово священномученика Дионисия Ареопагита, еже есть: ибо лучши имать именовати Бога тму и невидение, нежели свет. Сие убо слово глаголет Никита от еретическаго писания в Скрыжали быти написано, и тако, сия глаголя, богословца великаго Дионисия святаго еретиком быти клевещет. Паки слово святаго Василия сие: составление воплощения Господня бысть не по общему естеству нашему, ибо абие явися совершенное с плотию отроча, еже обретеся во чреве, написа Никита напечатано быти в Скрыжале от ереси аполинарьевы, несториевы и маркеловы. Такожде и слово иже во святых отца нашего Кирилла архиепископа александрийскаго, сие: тако убо плоть прияти Господу по святым Отцем слышим не безорганную и не безобразную, но совершенную, совершенно от подобочастных и не подобочастных телесе созданную и воображенную без временного течения, рече напечатана¹⁶⁹ быти от различных ересей, от ариевы, нестороевы и аполинариевы. Еще и слово святого Григория Богослова писанного¹⁷⁰ в первом послании ко Клидонию, сие: начинаемое бо, или преуспевающее, или совершаемое несть Бог, написа Никита ересь быти Нестория злочестиваго. Ктому книгу Иоанна Нафанаила еретическу быти именует Никита вины ради тоя, яко поучает во время великаго входа на литургии святаго Василия и святаго Иоанна Златоустаго даром преносимым не творити богодостойныя чести, яко не пресуществовавшимся в тело и кровь Христову. Сам же¹⁷¹ Никита непщева быти в проскомидии, в самом заклании агньца, пресуществение хлеба в тело Христово и вина в кровь пребожественную, темже и даром преносимым во время великого входа учит покланятися, аки истинному сущу телу и крови Христа Бога нашего¹⁷², и тако сам еретичествует и хлебопоклонник бывает со всеми подражатели своими. Паки на бывшаго патриарха Никона¹⁷³ отрыгает хулы и клеветания, глаголя, яко¹⁷⁴ Никон в вере есть непостоянен и остави совершенно веру христианскую, прият же зловерие жидовское и ересь ариеву, несториеву,. Македониеву, диоскорову, аполинариеву, маркионицкую, маркелову, и совершенно возлюби ересь, богоотметную римскую, и равен есть патриарх с папою Петром Гугнивым еретиком, яко христоименитую веру во всем с латыною соедини, и явный есть христианский гонитель и папеский ревнитель; и паки вымысл быти бывшаго патриарха Никона¹⁷⁵ глаголет, еже повеле напечатати священником церквей не освящати, точию же единым архиереом.

От того бывшаго патриарха Никона¹⁷⁶ обрати свою трость¹⁷⁷ еже хулити и прочия святейшия четыри¹⁷⁸ патриархи гречестии, и иныя от их поставляемыя¹⁷⁹ архиереи же и иереи, паче же и весь, греческий народ, глаголя их неимущия быти святого крещения, и увещает российский народ с ними ни в чесом соединятся, писание же их и вся священная книги поведает полны быти различных ересей и развращений; вину же полагает, яко печатаются ^:в типографии венетийской, паризской и в прочих латинских градех. Еще же приложи гаждати книги славенския, в царствующем граде Москве при бывшем¹⁸⁰ патриархе Никоне печатанныя. Напоследок и многая иная гаждения и хулы написа в своем богомерзком свитце, егоже прочетше во услышание всем, вопросиша архиереи попа Никиту: его ли есть свиток сей?¹⁸¹ и отвеща быти свой. Вопросиша паки: тако ли он держите и веруете, якоже написа в свитце? и отвеща: не инако. Тогда начата ему архиереи отверзати умная очеса и являти его невежества¹⁸², толковати же божественных Писаний трудности; он же окаянный уподобися аспиду, затыкающему ушеса своя на глас обавающаго, не хоте и слушати архиерейских увещаний, но гордостию диявольскою напыщен быв, глагола единого себе искуснейша быти божественных писаний, неже вси архиереи. Обаче они, яко добры врачеве, презирающе и забывающе вся укоризны и ругания его нестерпимая, не престаша его молити же и увещати ко обращению; но и тако Ефиопа мыша. Напоследок убо, увидевше ожесточавша быти в злобе человека, судиша его, яко язвою проказы доврежденнаго, из полка церкве Христовы изгнати и анафеме тако его самого, якоже и писания его злохулныя, предати. И бысть тако¹⁸³. Послася же в монастырь святого чюдотворца Николая, иже на Угреше. Потом же, малу числу месяцей претекшу, прииде Божиею благодатию в чювство¹⁸⁴ сей Никита, раскаяся о своем непокорстве, расколе и развращении¹⁸⁵, припаде слезен чрез писания¹⁸⁶ к ногама всего¹⁸⁷ освященнаго собора, прося прощения и разрешения от союза клятвеннаго. В рукописании же его сицев содержася разум и сочинение¹⁸⁸:

Во имя Отца и Сына и святого Духа, аминь. Аз, связанный от вас, всего богоизбраннаго освященнаго собора, бывший иерей Никита, за мое первое безумное упорство, ныне же пришел есмь до сокрушения сердечнаго, и в том моем согрешении Господу моему Богу и вам всему освященному собору покаяние истинное приношу и от прелестнаго своего, сводящаго во ад, пути обращаюся. Исповедаю же себе ныне, забывая прежняя своя вся начинания злая, и истинно глаголю безо всякого сомнения:

Святейшия патриархи гречестии: константинопольский, александрийский, антиохийский, иерусалимский, православни суть.

Книги печатныя и рукописная, по которым славословие Божие они святейши патриарси исправляют, православии суть. Архиереи Росийстии православни суть.

Книги новоисправленныя приемлю, о святом Символе вере(ы), как ныне глаголется во святей соборней и апольстольстей церкви, не сумняюся, крестное знамение в сложении трех первых перстов приемлю. О руке архиерейской благословящей не блазнюся. Книгу Скрижаль и вся писанная божественная писания приемлю.

Вся моя писма, яже есмь писал не от божественнаго писания, но от умышления в сердцы моем от самого диявола, проклинаю, Сын святыя восточныя кафолическия. церкви обещаваюся быти, и с нею единомудрствовати, и в единомыслии хощу быти. Святейшаго Никона бывшаго патриарха, егоже суесловием моим еретиком нарицал есмь, православна имею. Книги же, яже при нем святейшем патриархе со греческих правленыя, ихже аз безумием, всеянным в меня от диявола, еретическими называл и никонианскую ересь к ним прилагал есмь, ныне же православны имею и спастися, славя в них в триех ипостасех единаго Бога, чаю. Прочее же, по сем моем исповедании истинно желаю, дабы милостив мне был Великий Архиерей, прошедый небеса, ваших ради отеческих о мне согрешившем святых молитв, иже готов приимати кающихся, и скор уготовляти богатыя трапезы обращающимся, и заклати тельцы упитанныя по приятии блуднаго сына. Хощу же быти сея безсмертныя пищи и небесныя трапезы истинно правый ревнитель. Вашего же архиерейскаго всего освященнаго собора прошу себе прощения, и от клятвы разрешения, ныне и впредь будущий век, аминь.

Сему покаянному свитку прочтенну бывшу, велиею радостию возвеселишася добрии пастырие, подобящеся Ангелом, радующимся и о едином грешнице кающемся, и воздаша славу умягчившему каменожестокое сердце Богу, моляще купно, да и прочия мятежники обратит на стезю покаяния. Обаче не абие его разрешиша и общению верных сочеташа, но искус о нем через некое время восприяти судиша, дабы познати, не притворное ли деяше покаяние, лести и лжи отца духом напыщен сый, ведущаго в ангела светлости претворятися, аще есть тма и мрак непросветимый.

Напоследок, доволну ко испытанию времени минувшу, Никите же непрестанными слезами о прощении стужание и самым святейшим патриархом греческим, в то время в царствующий град Москву уже пришедшим¹⁸⁹, творившу, сожалися весь собор освященный, прият и, яко отец кающагося блуднаго сына, и сочета верных овчат стаду в ограде церковной. И бысть на нем силою десницы вышняго изменение из смраднаго козлища в тихое овча и незлобное.

Деяние 6.¹⁹⁰

О имени великаго Бога, Царя царствующих и Господа господьствующих, единаго естеством, Троицы же ипостасьми, Отца и Сына и святаго Духа, скипетр правления великороссийскаго царства держащу Богом венчанному, православному, великому государю, царю и великому князю Алексею Михайловичю, всеа Великия и Малыя и Белыя Росии самодержцу¹⁹¹, в лето 7174, месяца¹⁹² в день, сошедшимся в Крестовую патриаршую палату

преосвященным митрополитом:

Питириму новгородскому и великолуцкому,

Лаврентию казанскому и свияжскому.

Ионе ростовскому и ярославскому,

Павлу сарскому и подонскому,

архиепископом:

Симону вологоцкому и белоезерскому,

Филарету смоленскому и дорогобужскому,

Илариону резанскому и муромскому,

Иоасафу тверскому и кашинскому,

Арсению псковскому и изборскому,

боголюбивым епископом:

Александру вятскому и великопермскому¹⁹³, преподобнейшим архимандритом¹⁹⁴, всечестным игуменом¹⁹⁵, предста Благовещенскаго собора царствующаго града Москвы диякон Феодор, иже диавольским навождением в толикое прииде¹⁹⁶ безумие и неистовство, якоже дерзнути ему, аки ехиднину рождению, чрево матере своея терзати: ибо изблева яд змиин из уст своих и отрыгнул слово злоклеветное и ложное на началнейшия правители святыя восточныя кафолическия церкве, на святейшия патриархи греческия, ими же вся тягота церковная аки столпы непозыблемыми утвержается, и их правительством, от святых Апостол наследственным, великий корабль церковный, на океане мира сего волнами обуреваемый, богоугодно правится, тыя он безбожно и злохулно нарече неправославныя быти, забыв окаянный, яко их благословением и учением вся селенная, яко четырма реками райскими, окропляется, оживляется и угобжается. Даде же сего ложнаго своего клеветания ложную вину сию: занеже, рече, во святом крещении обливаются, а не погружаются, еже ложь есть и неправда, разве аще где случится по нужде по нейже и закона бывает изменение безвинно¹⁹⁷. Ктому вопрошен бысть Феодор от освященного собора о архиереех великоросийския церкве: имеет ли их за православныя пастыри? И он даде ответ со усумнением, рек сице: Бог их весть. Вопрошен же бысть о вине сего усумнения, и даде злохулную вину и клеветную сию: яко нудят и учат противно догматом церковным. Вопрошен паки о святом Символе благоисправленном: аще его держит? и он обхуди и похули Символ святый новоисправленный¹⁹⁸. Еще вопрошен о святом аллилуиа, по три краты чтомом с приложением: слава тебе Боже, аще лобзает? И то он хулными укори словесы своими. Напоследок вопросиша его архиереи о триех перстов первых согбении в крестном знаменовании, како он мудрствует? Он же отрыгнул ответ сицев, яко вся сия прелестию сатаниною чрез Никона суть развращена. Тогда начаша его архиереи увещати со любовию, да приидет в чувство, и показаша ему, яко вся по предавнию святых отец благочестно исправишась, благодатию Пресвятаго и Животворящаго Духа; он же, от князя тмы помрачен сый во уме своем, ничесому же внимаше, но во своем упорстве укрепляшеся. Освященный же собор, видя его непокорение, суди вдухновением Пресвятаго и Животворящаго Духа, яко прокаженнаго, да не прочия люди повредит проказою своею, из полка новаго Иизраиля¹⁹⁹ изгнати же и изъобщити, и яко змию, ядом смертоносным неповинныя люди убивающую, из недр изврещи церковных, и яко уд гаггреною растленный отсещи, да не прочия здравыя повредит уды. И тако сана диаконскаго отчюждиша, из церкве изгнаша и от всех верных отлучиша²⁰⁰, и богомерзкая его хуления прокляша, глаголюще ему: анафема, анафема, анафема²⁰¹. Послаша же его в монастырь святаго Николы, иже на Угреше, отнюдуже он присла покаянное писание ко освященному собору и получи милосердие: возвратиша бо его оттуду и повелеша ему пребыти некое время, совершеннаго ради покаяния и исправления, в монастыре Покровском, иже на дому убогих. Но несть удобь жестокому истинно умякчитися сердцу, ибо тай избежа оттуду, взем жену си из дому и чада²⁰². Обретен же был и вопрошен паки о покаянии, возвратися яко пес на блеватины своя и начат прежния хулы отрыгати. Темже, по многом наказании духовном и ожидании исправления, яко не восхоте в разум приити истинный²⁰³, градскому отдан есть судищу, имже осудися хулнаго и клеветнаго языка лишитися отсечением и в далнее заточитися изгнание. Еже и событием исполнися в лето 7175, месяца²⁰⁴ в день²⁰⁵.

Деяние 7.²⁰⁶

О имени великаго Бога, Царя царствующих и Господа господьствующих, единаго естеством Троицы же ипостасьми, Отца и Сына и Святаго Духа, скипетр правления великороссийскаго царства держащу Богом венчанному, православному, великому государю, царю и великому князю Алексею Михайловичю, всеа Великия и Малыя и Белыя Росии самодержцу, в лето 7174,²⁰⁷ месяца²⁰⁸ в день

сошедшимся в Крестовую патриаршую палату преосвященным митрополитом:

Питириму новгородцкому и великолуцкому,

Лаврентию казанскому и свияжскому,

Ионе ростовскому и ярославскому,

Павлу сарскому и подонскому,

архиепископом:

Симону вологоцкому и белоезерскому,

Филарету смоленскому и дорогобужскому,

Илариону резанскому и муромскому,

Иоасафу тверскому и кашинскому,

Арсению псковскому и изборскому,

боголюбивым епископом:

Александру вяцкому и великопермскому,

преподобнейшим архимандритом,²⁰⁹

всечестным игуменом²¹⁰

призван бысть и предста освященному собору прежде бывший мятежник и раскольник святыя восточныя кафолическия церкве, монах Ефрем Потемкин, постриженец монастыря Бизюковскаго²¹¹, иже не точию сам прелестию диявольскою уловлен бысть, еже хулити Символ святый благоисправленный, гаждати книги из греческих и древних славенских правленыя, архиереи и их священнодействие воничтожествовати, но и многия христианы, живя в пустыни в нижегородском и ветлуцком уездах, на Козлецких блатах²¹², прелстил бяше и от церкви отлучаше, еяже ради вины аще и не бысть именно предан анафеме обаче самым делом ей подлежаще и, яко друг иным расколником и единомысленник, во время их проклятия сопроклят бысть²¹³. Вопросиша убо его сице: слышим о тебе, Ефреме, нечто странно и нелепо, яко ты многия люди прелщаеши, еже отступати от святыя православно-кафолическия церкве, и дерзавши хулити святый Символ и вся книги добре исправленныя, и проповедуеши антихриста аки пришедша; еще же и лжепророчествуеши на седмь лет быти гладу; ктому смел еси словеса Спасителева, евангельская, апостольская и пророческая толковати неправо; сложение же триех первых перстов в знамени крестном зловерие быти именуеши и благословение архиерейское уничижаеши²¹⁴. Он же сей вопрос услышав, абие благодатио Святаго Духа аки, от сна глубокого возбнув²¹⁵ прииде в чувство, позна заблуждение свое от пути спасения, ужасом одержим бысть, вострепета и содрогнуся, и начат всякого прекословия кроме свое преждебывшее безумие и злохуление обличати²¹⁶, и, яве исповедая грех, многия слез горьких излия токи. В показание же истинаго своего обращения сотвори покаянное писание и даде е освященному собору, еже бе сице²¹⁷.

Великим господием, преосвященным митрополитом, архиеписком и епископом, и всему святому собору ни в чемже противен есмь, но во всем покаряюся. Верую во святую и соборную и апостольскую церковь, приемля по соборному указанию Символ веры ²¹⁸. В сих же, яже неведением книжнаго разума, по научению яже от юности моея в земли полской, не зная чину московских обычаев, смел есмь некоторая словеса евангельская, апостольская и пророческая²¹⁹ толковати безумно, хуля в знамени крестном сложение триех перстов, зловерием быти нарицая, такожде и в руце²²⁰ благословящей в дву перстех изображения хера, и на кругах клобучных, отступлением быти от Бога глаголал и писал, неведый совершеннаго разума книжнаго: в сем согреших, святаго собора прошу прощения. Такожде и Символ веры, прежде сих лет в росийской земли глаголанный, разумех быти истинный, настоящий же, иже в соборной апостольской церкви, зловерным же имянуя писах и глаголах к вопрошающим: и в сем согреших и²²¹ святаго собора прошу прощения: в Символе веры православно исповедую: и в Духа Святаго Господа животворящаго, истиннаго же не прилагаю. К сим же во дни области антихристовы безумно глаголах приити седми летом безхлебным, не умея счести числа во 12-й главе Даниила пророка назнаменаного, еже есть: от времене же премененну учащению день 1290, блажен терпяй и постигий во дни тысяща 335; и в том прельстихся, яко неведый согреших, святаго собора прошу прощения. Хулника бо Павла бывша и гонителя²²² Господь и Бог мой Иисус²²³ Христос прият и помилова. Тако и аз вас, великих святых отец, молю: помилуйте мя, простите и будите о мне предстателе милостивии к великому государю, царю православному. Такожде и о прочиих глаголех и учениих, яже глаголах к вопрошающим приходящим, и когда, по случаю, нужды ради хлеба и соли, исходил и учил о знамении крестном и о Символе веры, и в том прошу прощения. Такожде еже когда бех строителем в Болдине монастырь тогда среде церкве едину молитву в день пятьдесятный прочтох²²⁴: и в том согреших неведением, прошу прощения. Такожде еже гнуснаго ради нерадения, неколико лет живый в лесу и исходя, Пречистых Таин не причащался²²⁵ и отца духовнаго не взысках: и то сотворих безумно, согреших, и в том святаго собора прошу прощения. А сия вся выше помянутая моя злохуления, яже на богодухновенныя, благоисправленныя книги, и богомерзкия прелести, имиже прельщен бых и многих прельщах, проклинаю и попираю, и мерзки и гнусны их ныне имею, и предъидущая²²⁶ лета, до кончины живота моего, прельщеннаго от диявола злохулнаго суемудрия в себе не имети, но желаю сын святыя восточныя церкве быти и под паствою пастырей ея быти, архиереов²²⁷ Божиих, на пажити православной греческаго закона пастися. Аще ли покаяние мое сие и обещание ложно явится, да наследую иудино удавление и ариево разседание, гиезиево прокажение, за утаение имения ананиину и сапфирину клятву и смерть горкую.

Сицевое писание прием от Ефрема, собор освященный суди прощения его не лишити, точию прежде повеле ему во оныя страны²²⁸, грады и веси ехати, идеже сеяние зизанию расколов, и тамо народне прелщенныя от себе увещати, да обратятся к святой соборной и апостольстей церкви; и да исповест пред всяким людей множеством прежнее свое учение быти диавольское льщение и лжу богомерзкую; и да чтет яве сие свое покаяное писание везде, в Болахне, в Нижнем Новеграде и в Макарьевском монастыре, иже на желтых песках²²⁹. И бысть готов Ефрем вся сия сотворити.

Повеле убо освященный собор с ним путь восприяти честному старцу²³⁰ монастыря Знаменского Филарету и диакону Василию, известнаго ради свидетельства Ефремова покаяния. Сему бывшу и Ефрему в путь готовящуся, даде челобитную освященному собору старица Марина Новодевичья монастыря, яже мати по плоти ефремова, с нею же и другая старица, имярек²³¹, сестра ефремова, моляща, воеже бы²³² Ефрема не посылати в помяненный путь с таковым прелестей его обличением, последовательно же и самого себе посрамлением и укорением²³³. Сию прочет собор освященный, усумнися и зазре²³⁴ о истинном ефремомовом покаянии, и повеле его призвати. Ему же представшу, сотвориша вопрос: он ли моли и совеща матери и сестре своей челобитную написати же и подати? Тогда Ефрем весма отрече, неточию словесне, но и писанием с приложением руки своея²³⁵.

Посем убо положиша в путь стопы своя помяненный старец Филарет и диакон Василий с монахом Ефремом, и везде, аможе он прежде прелщаше²³⁶, бывши, повеленное же чинно сотворите, паки возвратишася в царствующий град Москву и, представше освященному собору, деяние на свитце пути своего предложиша. Еже освященный собор прочет, возрадовася о нелестном покаянии Ефрема, судив же его достойна быти сподоблению прощения, назнаменова ему²³⁷ день²³⁸ месяца на приятие сея благодати. Тому же пришедшу и божественной литоргии в соборном храме Успения Пресвятыя Богородицы²³⁹ совершившейся, чте Ефрем народне покаянное свое писание, со многими слезами, и сподобися от освященнаго собора сицевое слышати прощение:

Мы, весь освященый архиерейский собор, слыша²⁴⁰ твое народное посреде святыя Восточныя кафолическия церкви многоплачевное покаяние, приемлем тя, яко блудного сына, любезна и облекаем в первую благолепоту церковную, еяже ты своим суемудрием, наипаче же неведением, совлечеся, и по благодати Пресвятаго и Животворящаго Духа, данной нам, разрешаем и прощение подаем данною нам благодатию от перваго Архиерея, Спасителя нашего, глаголющаго сице: егоже аще свяжете на земли, будет связан на небеси, и егоже аще разрешите на земли, будет разрешен на небеси. Сего ради, надеющеся сим словесем, соборне даем прощения, глаголюще ти: Бог простит, Бог простит, Бог простит!

И тако, Божиим милосердием, иже погибл бе, обретеся и, во ограду стада Христова воведен сый, возопи велегласно с царствующим пророком: благословен Господь Бог, иже не даде мя в ловитву зубом вражиим! душа моя яко птица избавися от сети ловящих, сеть сокрушися, и аз избавлен бых: помощь наша во имя Господа, сотворшаго небо и землю. Послася же на житие в монастырь Всемилостиваго Спаса, иже на Новом²⁴¹.

Деяние 8.

О имени великого Бога, Царя царствующих и Господа господьствующих, единаго естеством, Троицы же ипостасми, Отца и Сына и Святаго Духа, скипетр правления великоросийскаго царства держащу Богом венчанному, православному, великому государю, царю и великому князю Алексею Михайловичу, всеа Великия и Малыя и Белыя Росии самодержцу, в лето 7174²⁴² месяца в день, сошедшимся в Крестовую патриаршую палату преосвященным митрополитом:

Питириму новгороцкому и великолуцкому,

Лаврентию казанскому и свияжскому,

Ионе ростовскому и ярославскому,

Павлу сарскому и подонскому,

архиепископом:

Симону вологодскому и белоезерскому,

Филарету смоленскому и дорогобужскому,

Илариону резанскому и муромскому,

Иоасафу тверскому и кашинскому,

Арсению псковскому и изборскому,

боголюбимым епископом:

Александру вяцкому и великопермскому,

преподобнейшим архимандритом²⁴³

всечестным игуменом²⁴⁴

предста волею си освященному собору прежде бывший расколник и мятежник православно-кафолическия церкви, иеромонах Сергий и, горце возрыдав о своем прегрешении, принесе покаянное писание, сицев образ содержащее²⁴⁵:

Глаголи ты прежде согрешения своя, да оправдишися, глаголет Святый Дух в Пророце.

Аз недостойный Сергий пред сими деньми бых в зелном смущении о святом праславныя нашея веры Символе, подобне и о сложении перстов и прочиим всем, еже в прошедшее лето, при благочестивейшем, тишайшем, великом государе нашем, царе и великом князе Алексии Михайловиче всеа Великия и Малыя и Белыя Росии самодержце, и при святейшем²⁴⁶ Никоне патриарсе московском и всеа Росии, и сущих о нем²⁴⁷ сошедшихся архиереов и всего онаго освященнаго собора отцех, Святым Духом исправися, тако Символ веры, яко и святыя книги, и некая в них прегрешения исправивших, яко человек мятохся о всем, паче же о прилагателном имяни во святом Символе, еже: истиннаго. Но ныне уверихся добрым уверением от древних рукописных славенских святых книг, паче же греческих, яко святая соборная апостольская восточная церковь, мати наша, сего прилагателнаго имяни во святом Символе никогда же име и не имать. И отныне аз многогрешный иеромонах Сергий тако держу и словесы моими и писмены от сердца исповедую: Верую во единого Бога Отца Вседержителя²⁴⁸... И прежде бывший оный священный собор, егоже прежде помянух, приемлю и вся исправленная на нем во святом Символе веры и во сложении перстов, и прочее во святых книгах исправление, еже ими Божиими архиереями Святым Духом исправися, всесладце и радостне приемлю и объемля лобызаю, яко суть права, истинна, отныне и во грядущия лета ничтоже коварно мысля, или глаголя, якоже прежде возмнеся немощи моей, егоже коварства сам в себе не сведах, мнех, яко право мыслях. Ныне же и в будущая лета сице, по сему моему исповеданию, якоже оный святый собор исправи и извести, твердо держу и держати имам даже до кончины жизни моея. Аще же призовет время, готов есмь за сие и пострадати даже до смерти.

Не покаряющих же ся оному святому собору и всем на нем исправленным готов есмь словесно и делно обличати и возражати, первая же моя самомнения весма повергаю и оплеваю.

Сие покаянное рукописание иеромонаха Сергия прочет освященный собор и видя его непритворное, но истинное покаяние, дарова ему благодать прощения и разрешения²⁴⁹ от клятвы, еже самым делом и яко сообщник быв иным, жезлом проклятия ударенным, подлежаше²⁵⁰. Он же, прием милостивное вины си дарование, не ктому смрадное лестнаго учения отрыгание издаваше, но, аки избранный сосуд, драгоценным миром благовония духовнаго учения исполненный, сладку воню верными от уст си изливаше.

Подобным сему образом старец Серапион, бывший смоленский протопоп, покаяние сотворив о своих хулных глаголех и писаниих, сподобися соборнаго прощения²⁵¹ и послася исправления ради в нижегороцкий уезд, в Макарьевский монастырь, иже на желтых песках²⁵².

Деяние 9.

О имени великаго Бога, Царя царствующих и Господа господьствующих, единого естеством, Троицы же ипостасми, Отца и Сына и Святаго Духа, скипетр правления великоросийскаго царства держащу Богом венчанному, православному, великому государю, царю и великому князю Алексею Михайловичю, всеа Великия и Малыя и Белыя Росии самодержцу, в лето 7174,²⁵³ месяца²⁵⁴ в день, сошедшимся в Крестовую патриаршую полату преосвященным митрополитом:

Питириму новгороцкому и великолуцкому,

Лаврентию казанскому и свияжскому,

Ионе ростовскому и ярославскому,

Павлу сарскому и подонскому,

архиепископом:

Симону вологоцкому и белоезерскому

Филарету смоленскому и дорогобужскому,

Илариону резанскому и муромскому,

Иоасафу тверскому и кашинскому,

Арсению псковскому и изборскому,

боголюбивым епископом:

Александру вяцкому и великопермскому²⁵⁵, преподобнейшим архимандритом²⁵⁶ всечестным игуменом²⁵⁷

предложися богомерзкий свиток попа Лазаря и чтен бысть во услышание всем о Христе²⁵⁸ собранным, в немже обретеся тогоже сатаны действо и учение, прежде наставльшаго²⁵⁹ на всякое злословие и лжеклеветание попа Никиту, в Деянии пятом²⁶⁰ помяненного. Единого лжеучителя сатаны ученицы бывше²⁶¹, едины клеветы суемудрствоваху, точию сей беззаконный Лазарь многшая собра от различных божественных писаний, не искусному си умови неудобьпостижная места, ихже не зная разсудити и не умея постигнути, гаждает и клевещет развращенна быти. На сей его свиток богомерзкий²⁶² и на его прежде бывша единомысленника попа Никиты²⁶³ лживая обличения сооружи²⁶⁴ освященный собор новую книгу²⁶⁵, Жезл Правления именованную²⁶⁶, в нейже вся подробну их клеветы и обличения возобличаются: в первой части никитино буйствование²⁶⁷ отражается, во второй сего окаянного Лазаря безумие объявляется и хулы его Жезлом, из чистого сребра²⁶⁸ Божия слова (словеса бо Господня словеса чиста, сребро раздеженно, искушенно земли, очищенно седмерицею) и от священных писаний и праведных винословий²⁶⁹ сооруженным, посекаются. В том Жезле, аще кто хощет видети же и ведети сих людей²⁷⁰ суемудрие, обрящет подробну расположенное и возобличенное. Зде же, яко ненуждное коеже паки возобличатися, разумно оставляется²⁷¹.

Сего треокаянного Лазаря, онем же сие течет Деяние²⁷², многими поучении бодрии пастырие на путь истинный наставляху и вред его душевный врачеваху, давние ему многих месяцей поприще ко устраблению, терпяще его даже до пришествия святейших патриарх: Паисия александрийскаго и Макария антиохийскаго²⁷³. Но ни мало успеша. Неисцеленою бо душевныя гаггрены язвою прием повреждение, и здравыя церкве уды повреждаше и весь освященный. собор в лице укаряше²⁷⁴. Темже судися отсечения быти достоин от тела церкве Христовы, якоже напоследок²⁷⁵ мечем анафемы отсечеся трема святейшими патриархи²⁷⁶ и всем освященным собором, в лито 7175, месяца июля в 17 день²⁷⁷ Но и сею духовною казнию не хотев уцеломудрен явитися, непрестанно нестерпимая хулы скверными си усты отрыгаше, никоемуже увещанию дая в себе места. Темже царскому суду, яко простый людин, предадеся, ниже осужден бысть хулного и сквернаго²⁷⁸ языка отсечения пострадати и в далечайшия страны от общения верных заточитися. Еже и событием исполнись, в лето 7175, месяца²⁷⁹.

Сему буепротивному окаянному Лазарю способник и единомысленник бяше бывших подьяк патриарший Феодор²⁸⁰: темже подобне анафеме предадеся и заточися во острог Пустоозерский, но послежде, покаявся, прият разрешение²⁸¹.

Деяние 10.²⁸²

О имени великаго Бога, Царя царствующих и Господа господьствующих, единаго естеством, Троицы же ипостасми, Отца и Сына и Святаго Духа, скипетр правления великоросийскаго царства держащу Богом венчанному, православному, великому государю, царю и великому князю Алексею Михайловичию, всеа Великия и Малыя и Белыя Росии самодержцу, в лето 7170²⁸³, сошедшимся в Крестовую патриаршую палату

преосвященным митрополитом:

Питириму новгороцкому и великолуцкому,

Лаврентию казанскому и свияжскому,

Ионе ростовскому и ярославскому,

Павлу сарскому и подонскому,

архиепископом:

Симону вологоцкому и белоезерскому,

Филарету смоленскому и дорогобужскому.

Илариону резанскому и муромскому,

Иоасафу тверскому и кашинскому,

Арсению псковскому и изборскому,

боголюбивым епископом:

Александру вяцкому и великопермскому²⁸⁴ преподобнейшим архимандритом²⁸⁵

всечестным игуменом²⁸⁶

предста иеромонах Григорий, прежде именованный Иоан Неронов, протопоп бывший храма²⁸⁷ Пресвятыя Богородицы Казанския, иже в прешедших летех, в 161 и 164, патриаршествовавшу Никону, велий ратник и хулитель бяше на исправления святаго Символа и книг новопечатных, на сложение триех первых²⁸⁸ перстов в знамении крестом, на крест четвероконечный на просфорах воображаемый, на греческия книги²⁸⁹, на святейшия четыри патриархи и на иная благочиния церковная, яже вся гаждением гаждаше. И за то, по довольном духовном наказании, священническаго сана и чести лишися и клятве предадеся. Неколику же времени претекшу, покаяся и единомысленники своя увещаше писанми²⁹⁰ ко обращению, исповедуя церкви правду и премудрость, свое же невежество и согрешение обличая и попирая²⁹¹. Но пребысть во истине постоянен, якоже трость на водном роде: ибо паки и паки поколебася²⁹². Даже во 174 лето став пред всем освященным собором, паки отречеся лестнаго си учения, и даде во свидетельство истиннаго си ко истинне обращения свое рукописание²⁹³. И тако прият бысть и послася в монастырь Иосифов, воеже жити в мире и покаянии.

Имяше же сей иеромонах Григорий единомысленника си, паче же ученика, бывшаго игумена монастыря Златоустовского Феоктиста, иже равная учителю своему суемудрствование словом и писанием; но послежде принесе покаяние рукописанием си освященному собору,²⁹⁴ и пожив нечто времене в монастыре Покровском, иже на убогих дому, с миром ко Господу отъиде.

Точие случися Соловецкого монастыря старцу Герасиму Фирсову: сей бо о прежних своих хулах и мятежах возрыдав горце, предела преосвященному собору в лето 7174-е, месяца поля во 12 день, умоли слезами прощение и послася наставления ради в монастырь Иосифов, идеже в мире уснув и почи о Господе²⁹⁵.

Подобныя укоры писа и Антоний, прежде бывый архимандрит Спасского монастыря муромскаго. Но пришед в чювство, ятся котвы покаяния и свободися потопа анафемы. Обаче ради совершеннаго исправления послася в монастырь Кирилов на Белоезеро²⁹⁶.

Подобне и иеромонах некий Аврамий из монастыря Пресвятыя Богородицы Казанския, села Лыскова, еже в нижегородцком уезде, сам о книгах исправленных соблажняшеся и о иных прю держаше; но, призван быв на собор, покаяся: ради же исправления послан бысть во святую и великую лавру Троицкаго монастыря Сергиева, в лето 7174, месяца маия в 30 день²⁹⁷.

Равне игумен монастыря Бизюковскаго Сергий Салтыков²⁹⁸, по многом своем сомнении и любопрении словном²⁹⁹ о тех же вещех, прииде в покаяние, прият благословение и отпущен бысть на свое обещание в монастырь Бизюковский³⁰⁰.

В те же времена бе некто старец в Кожоезерском монастыре, именем Боголеп Лвов, иже многия люди житием си соблажняше и отцу духовному вящше десяти лет не исповедаше грехов своих, комканию же святому выше 20 лет³⁰¹ не общася, ниже в церковь хождаше, обаче расколы и мятежи с прочими творяше. По сего грамоты посылахуся; но не бе прислан к Москве.

Деяние 11.

О имени великого Бога, царя царствующих и Господа господьствующих, единаго естеством, Троицы же ипостасми, Отца и Сына и Святаго Духа. скипетр правления великоросийскаго царства держащу Богом венчанному, православному, великому государю, царю и великому князю Алексею Михайловичю, всеа Великия и Малыя и Белыя Росии самодержцу, в лето 7174³⁰² месяца³⁰³

сошедшимся в Крестовую патриаршую полату преосвященным митрополитом:

Питириму новгороцкому и великолуцкому,

Лаврентию казанскому и свияжскому,

Ионе ростовскому и ярославскому.

Павлу сарскому и подонскому,

архиепископом:

Симону вологоцкому и белоезерскому,

Филарету смоленскому и дорогобужскому,

Илариону резанскому и муромскому,

Иоасафу тверскому и кашинскому,

Арсению псковскому и изборскому,

боголюбивым епископом:

Александру вяцкому и великопермскому,³⁰⁴

преподобнейшим архимандритом³⁰⁵,

всечестным игуменом³⁰⁶,

бысть совет духовный о врачевстве душегубнаго вреда, пресмыкающася по многих удех православно-Росийския церкве, сиречь о утолении мятежа от помяненных расколников: Никиты попа, Лазаря попа, Феодора дьякона и от иных, им подобных, мятежников.

И даде Бог, в Троицы единый, едино всему освященному собору умышление, еже написати наставление благочиния церковнаго и дати е всем богобоязнивым иереом ко списанию и прилежному чтению. И бысть слово делом: ибо бодрии и неленивии пастырие, немедленно наставление³⁰⁷ написавше, всем иереом народствоваша.

Его же сочинение³⁰⁸ и разум бе сицев:

Во имя святыя единосущныя и животворящия и неразделныя Троицы, Отца и Сына и Святаго Духа.

Собрахомся ныне мы³⁰⁹, преосвященный собор всего Росийскаго государьства, вси архиереи, преосвященныя митрополиты, архиепископы и епископы, в царьствующий сей град Москву, повелением великаго государя нашего, нового Костянтина, вере християнстей православней ревнителя и поборника, врагом же церкве Христовы и непокорником мстителя, царя и великаго князя Алексея Михайловича, всеа Великая и Малыя и Белыя Росии самодержца, вины ради сицевы: Понеже, грех ради наших, Божиим попущением, супостата же нашего диявола ратованием, мнози невежди, не точию от простых, но и от священных, ови от многаго неведения божественных Писаний и жития растленна, ови же и во образе благоговения и жития мнимаго добродетелнаго, являющеся быти постни и добродетелни, полни же всякого несмысльства и самомненнаго мудрования, иже мнящеся быти мудры объюродеша, ови же мнящеся и от ревности (и такови имуще ревность, но не по разуму), возмутиша многих души неутверженых, ови убо устно, ови же писменно, глаголюще и пишуще, якоже возшепта им сатана. Нарицают бо книги печатныя при святейшем Никоне патриарсе быти еретическия и чины церковныя, яже исправишася с греческих книг и обычаев, с древних росийских книг; крайнего архиерея, святейшаго Никона, патриарха бывшаго Московскаго, злословят, имяны хулными нарицают ложно, и весь архиерейский чин уничижают: ибо возмущают народ буйством своим и глаголют церкви быти не церкви, архиереи не архиереи, священники не священники, и прочая многая их таковая блядения. И того ради их двияволоплевелного лжесловия, священницы вознерадеша о всяком церковном благочинии и попечении, о немже слово воздадут в день правосудия Божия, и книг новопечатных, яже печаташася при святейшем Никоне патриарсе и после его отшествия, начаша гнушатися и по ним божественнаго славословия не исполняют, и просфор, на нихже изображен животворящий Крест четвероконечный, по преданию восточныя святыя церкви, сим образом: в божественное священнослужение не приемлют, но от совершенного своего неведения приемлют просфоры, на нихже изобразися животворящий крест с подножием и со главою адамлею и с надписанием сицевым: се агнец Божий вземляй грехи всего мира, не ведуще, яко не креста образ агнец есть и никаяждо просфора, и по действии тая часть единыя первыя просфоры в воспоминание Господне и пресуществованная словесы Господними, глаголемыми от священника, и наитием и действом святаго Духа, она точию часть агнец есть Божий; прочия же части пресвятыя Богородицы, и святых всех, и приносимая о здравии живых сущих, такожде и о упокоении душ усопших христиан православных, никогдаже глаголются агнец Божий и не прелагаются в тело Владычне, или в телеса святых, но токмо дары суть, и приношения, и жертвы и умоление (имрек святаго), во оставление и прощение грехов душ или живых, или мертвых. И того ради ниже сами священницы причащаются от частиц, ниже приходящих причаститися причащают от частиц, но от плоти Владычни и сами причащаются и приходящих причащают. И таковаго ради священническаго многого невежества и нерадения о обрученном³¹⁰ им Христове стаде, и неприлежания деля и непопечения о церковном всяком благочинии (и растленнаго ради и безчиннаго и запойственнаго жития), мнози христиане отлучишася церковнаго входа и молитвы, и о гресех своих покаяния и исповедания, и приятия тела и крове Христовы лишишася. Могущии же по домом своим начаша держати вдовых священников без благословения и без свидетельства архиерейскаго, инии же из тех священников мнози не патриарши области, но иных епархий, и мнози под запрещении и изверженми, оставльше своего архиереа, служить по домом в царьствующем граде Москве, угождающе непокорником святыя восточныя церкве и не хотящим слушати в церквах пения, идеже совершается по новопечатным книгам, по обычаю святыя восточныя церкве: зане во многих от народа мнение вниде, яко ересьми многими и антихристовою скверною осквернены церкви, и чины, и таинства и последование церковное. Того ради соборне заповедаем архимандритом и игуменом, протопопом и старостам поповским, единому приказано дозирати почасту во всех церквах, да научают местни священницы, кийждо во своем приходе и киждо священник вся своя дети духовныя, мужи же и жены, покарятися во всем без всякого сомнения святой восточной церкви, и яже за повелением благочестиваго государя нашего, царя и великаго князя Алексея Михайловича, всеа Великия и Малыя и Белыя Росии самодержца, и за благословением святейшаго Никона патриарха и всего освященнаго собора, или после отшествия его за благословением же освященного собора, книги Служебники и Потребники и прочия печаташася, велеть приходцким священником и прочиим всем по ним исправляти церковное все славословие, чинно и не мятежно и единогласно, и гласовное пение пети на речь, час же девятый велеть пети купно с вечернею, а не по литургии, ниже прежде литургии, первое хранящим вам самим и всем священным чин священства беззазорным своим жительством. Зане святейший Никон патриарх сие сотвори не собою, но по совету святейших патриархов греческих, и всего росийскаго государства со архиереи и со всем освященным собором разсмотри и исправи со греческих и с древних славенских книг. К сему же и ныне мы, сошедшеся испытахом подробну, при благочестивейшем государе нашем, царе и великом князе Алексее Михайловиче, всеа Великия и Малыя и Белыя Росии самодержце, и при всем его царьском сигклите, чтуще славенския наши древния рукописныя книги, из нихже некия и вам всем священником соборне показахом в патриаршей Крестовой полате, и ничтоже стропотно, или развращенно, или вере нашей православной противно в новопечатных книгах и в чинех церковных обритохом. Ксему же досматривайте у всех просфорниц, где кому приказано, чтоб просфоры печатали печатаю креста четвероконечнаго, якоже выше изобразися и якову печать с собору издахом, по свидетельству великих церковных учителей Афонасия Великаго, Иоанна Дамаскина и иных, яко и от двою древу сложенный истинный есть крест; а прежния бы печати у просфорниц вам все поотобрать и отдать их все на Москве в тиунскую избу, а по градом отдавати десятилником с росписью за своею рукою, чтобы впредь у просфорниц тех печатей отнюдь не было. Такожде вам досматривать, чтоб были просфоры печены из пшеничные, чистые и белые муки, самые добрые, и выкислы, и без притисков, и укусныи, и печать бы креста на просфорах была явственно изоображена. Да вам же досматривать во всех церквах, где кому приказано, чтоб вино на божественную службу было чистое (без примесу), и неискислое, и незаплесневелое, и сосуды бы на вино и укропники были почасту измовены и с кровлями, и во олтарях было бы чисто, всегда, выметено и вымыто, чтобы не было сору на полу и на стенах пыли и паутин; такожде и в церкви всегда было бы чисто, и образы местные стояли бы чинны, и мелкие образы приходцких людей потому же стояли чинно. Да вам же досматривать, чтобы во всех церквах на престолех были одеяния целы и чисты, и столбцы престольные тверды и непоколебимы, и для крещение(я) младенцем были бы купели чистыи и всегда покровенныи, и лежали бы в честне месте, и воду после крещения лили бы в чистое ж место под церковь, чтоб те купели и вода освященная не была бы попираема от человек; а где будет тоя воды на пол в церкви, или где инде, ненарочно излиется, и то место велеть пономарям, собрав святую воду губою, или иным чем, мыти же простою водою начисто. Ксесему же было бы миро в чистых и честных сосудех покровенно, и стояло бы во олтаре в месте честном, в великом брежении, и пономари и нерукоположенныя тому бы не касалися, но самому собою, или чрез иного священника, или диякона, имати святое миро от своего си архиерея. А миро бы имети всегда благовонное, а обветшалаго и от своего благовония изменшагося не имети, а сокрывати его во олтаре в землю, чтоб никимже попираемо было; елей же³¹¹ такожде был бы в чистом же сосуде покровен, и единым бы елеом дващи и трищи и многащи не действовали, но елико потреба к действу крещения, толико бы в то время в малой сосудец и отлиты(и), и тою малою частию елея в крещении действовать, а прочее все, отделенный елей, в купель изливати, оставший же в великом сосуде было бы просто; и освященный елей над болящими отнюдь не употребляти в действо крещения, зане ничтоже дващи посвящается. К сему же брещи вам накреко, чтобы при крещении мужеска пола, или женскаго, приемник был един и преемница едина жена. Того ради велеть всем священниником держати во всех церквах записные четыри книги, и велеть записывати, кто с кем поемлется в брак, и кто у кого и чей приемник в крещении бывает, сим образом: Книга крещенных: в лето Божия воплощения, месяца...³¹² дня...³¹³ аз имярек священник приходцкий церкве святаго, сущия во граде имярек, или селе имярек, крестих младенца рожденнаго, или рожденную, дня... от родителей законно венчанных, отца имярек, матере имярек, прихожан сея церкви, имярек. отчества и роду сицеваго, ему же дано есть имя имярек, восприемник бысть имярек сын имярек. от прихода, или места имярек, восприемница имярек. супружница имярек, или дщерь имярек, прихода, или места, имярек. Аще младенец не будет от законнаго брака рожденный, имя поне единаго родителя, аще вестно будет, да вписано будет, и убо от всякия вины безчестия стрещися подобает: аще же и единаго родителя имя известно не будет, сице да напишется: крестих младенца, егоже, или еяже родителей не свем, рожденнаго, или рожденную дня... и прочая, якоже выше. Аще же повержено будет отроча, да написанный будет день, в оньже, и место, идеже и ким обретенно бысть, и коликих дни, в правду; и аще не вестно будет о крещении его, да будет крещен под неведением, сице глаголя: аще не есть крещен, крещается раб Божий имярек, во имя Отца, аминь, и Сына, аминь, и Святаго Духа, аминь, ныне и присно и вовеки аминь. Аще отроча в дому, нашедша(и)я ради смертныя беды, крещенно будет, тогда сице да написано будет: в лето... месяца... дня... рожденный имярек, сын или дщи имярек, отца и матере, законно венчанных и прочая, якоже и выше, – егоже нашедшия ради смертныя беды крестила есть истинно имярек во благоговении известная баба имярек, или имярек сын имярек, якоже извести ми онъсица³¹⁴ имярек. Аще же живо будет отроча и совершаются над ним в церкве святыя чины, кроме погружения и Троичнаго имене призывания, сие да приписано будет: того же месяца... дня... к церкви принесено бысть предреченное отроча, над нимже аз имярек приходцкий иерей святыя чины и молитвы соверших, имярек именовав его, или ю. Аще не сам того прихода приходцкий презвитер, но иный священник крестити будет, да напишется имя его; аще крещенный будет под неведением, сиесть аще не есть крещен, и сие такожде да напишется. Книга о супружестве, о венчанных, пишется в соборной церкви. И вам бы приказывать священником накрепко, чтоб отроков без соборных, а вдовцов и вдовиц с патриарша двора без памятей, отнюдь не венчати; а память взяв обыскивати накрепко против памятей, а не обыскав отнюдь не венчати же. Книга живых прихожан писати имена, мужеска полу, и женска, и детска всякого возраста, и рабов и пришелцов, имена их во святой божественней службе и в прочих молитвах прочитати; такожде и преставльшихся православных христиан, всякаго чина, богата и убога, писать и поминать по чину церковному.

Посем и о сем сказывати вам всем приходцким священником и самим досматривать, чтобы при погребении усопших ходили священницы (и) диякони пред гробом усопшаго за иконою, понеже священницы предводители, во след же гроба ходили бы сродницы и прочии ми(и)рстии людие: тако бо имать святая восточная церковь. Заказывати же вам накрепко, и самим сего слушати со всяким прилежанием и смотрети, чтобы священноиноцы, и священницы, и прочии иноцы и церковнии причетницы не упивались и в корчмы пити бы не ходили, и от сквернословия и срамословия и кощунства всякого удалялися; и ми(и)рских бы людей поучали, якоже священная правила повелевают, по вся воскресения по литургии раздав анафора³¹⁵, иже к церковному всякому пению приходити велели, и в церковь приношение, свещи, и ладон и вино приносити завещевали, и нищим милостыню за грехи своя подавати научали, комуждо по силе от праведнаго притяжания, а не от грабления, и обиды, и проклятаго мздоимания неправеднаго; и стояли в церквах тихо и немятежно, и пению бы и чтению внимали и Господу Богу о оставлении грехов своих молилися от всея души, со умилением, и воздыханием и со слезами, и в молитвах своих поклонения во время учиненное творили со знамением на себе честнаго креста. Во знамении же креста три первыя персты слагали правыя руки: палец глаголемый, иже вскрай его, глаголемый указательный, и средний; два же: глаголемый мизинец и, иже вскрай его, близосредний имети праздны, наклонены. Знаменающим же ся треми первыми персты в молитве своей глаголати: Господи Иисусе Христе, Боже наш, помилуй нас. Сия бо молитва древняя и общая церкве, и вящше употребляется прочиих, юже зде положихом предводителне, паче иных молитв, вины ради сицевы: Понеже мнози невежди, инии же мнящеся быти и от разума, жестосердия же своего ради и упорства, в нем же возрастше и состаревшеся, не прочитающе же в конец божественнаго писания, ни вопросити ведущих хотяще, гордости своея ради, сея молитвы, еже есть: Господи Иисусе Христе, Боже наш, помилуй нас, не токмо сами не употребляют, но и других, содержащих ю, укоряют, аки неправо содержащих; вместо же сея молитвы вящние утвержаются имети сию молитву, яже есть: Господи Иисусе Христе, Сыне Божий, помилуй нас. .Яже в подобное время, от обычая неких, глаголется и сия молитва, и не обхуждаем ю сим, зане предводительствует сей молитве предложенная от нас зде молитва, яже есть: Господи Иисусе Христе, Боже наш, помилуй нас, не (но) хотяще сию утвердите но и паче (наипаче), яко соборную и общую, и нужную всему исполнению церковному, и на еретики арианы мечь секущий, ктому же предстали бы глаголати и отрицающии ю и да заградилися уста хулящих на ню. Воставающу же кому от сна, или ложащуся спати, или какое дело хотящему творити, знаменатися теми же первыми треми персты и глаголати: во имя Отца и Сына и Святаго Духа, аминь: тако бо имут вси народи христианстии издревле и до ныне неизменно, подобно и отцы наши, и деды, и прадеды издревле, друг от друга приемлюще, тако знаменовахуся якоже и ныне видим мужей поселян неизменно, из древняго обычая, тако знаменающихся треми первыми персты. Ксему же научати прихожан, чтобы ко отцем духовным на исповедание, мужи и жены и их дети, приходили почасту, паче же в четыре святыя посты, и по разсуждению отцев духовных Пречистых Таин приятия, тела и крове Христовы, себе не лишали. Аще кто пребудет целой год без исповедания, кроме путешествий и нужных случаев, а случится ему смертный час, и такова у церкви не погребати и последования усопших христиан над таковым не пети: зане таковый, жив сый, удалил есть сам себе божественныя церкви. Вы же, духовнии отцы, добре и опасно кающихся совести и плоды покаяния разсмотряйте и не мозите здравым суще, недостойным же, неразсмотренно преподаяти тело и кровь Христову, страха ради человеческаго, или сана величества стыдяся, мзду некую получив, да не вечно себе и онем геенну вечную исходатайствуете, кроме онех, иже истинно сокрушением сердца каются и плоды покаяния добри творят. К болящим же, исповедания ради и елеосвящения и причащения, не мозите никогдаже обленитися, и дабы ни един христианин, мал и велик, не отшел света сего без покаяния и елеосвящения и причащения тела и крове Христовы, велие о сем попечение имейте. Болных же ради имети тела Христова часть³¹⁶ оставленную великого четвертка, хранити же сице: Первее имети сосуд злат, или серебрян внутрь позлащен, аще же великия ради нищеты немощно такова сосуда стяжати, поне касситеров, сиречь чистаго аглинскаго олова, сим образом: яко чаша высока сооружен, со кровлею, крест на верху имеющи, и твердо заключающийся, или нужды и скудости ради якоже ковчежец с кровлею твердою благолепно сооружен, крест на версе имеющий; всегдаже таковый сосуд на престоле, а не на ином месте, имети, и нерукоположенных и пономарей и людинов простых рука никакоже никогдаже сего да коснется, под великою епитимиею; праха же ради сверху честным покрывалом покрыт да будет; и Божественныя Тайны освященныи изсушени добре внутрь себе да имать. Изсушити же я сице: во утрошний убо день, чиста себе соблюд от всякия скверны плоти и духа, на утрени пред ексапсалмием, одеян во вся священныя одежды, покадив церковь обычно и вшед в олтарь, стани пред святою трапезою, и сотворь благоговейное Святым Тайнам поклонение, покадив обычно крестообразно обходя святую трапезу, отдав же кадилницу, умый руце и, развив антимис, положи на нем святый дискос; и взем святый кивот с Божественными Тайнами положи его на край антимиса, и открыв возми паки кадилницу, и кадя возгласи: Слава святей и единосущней и животворящей и неразделней Троицы, и прочая; и отдав кадилницу, изми от кивота святый агнец, со всяким вниманием и страхом, и положи его на святом дискосе, на антимисе сущем, и святым копием раздробляй его со всякими вниманием и благоговением на дробныя части; скончанным же ексапсалмом, аще несть дьякона, или иного священника, воеже ектенью пред царьскими враты глаголати, ты не отступи от места, на нем же пред святою трапезою стоиши, но точию предстани (престани) от раздробления, или сушенья, и тамо благоговейно стоя глаголи ектенью всю; по окончанииже сих предначатое действуй сице: по раздроблении всего агньца положи плитяный камень, или плинфу, при краи антимиса от десныя себе страны, и верху камене скудель новы со углем горящим, и поклонися благоговейно, возми святый дискос с Божественными Тайнами раздробленными, со всяким вниманием, и возложи его верху скуделника, опасно блюди, да помалу изсушатся Божественныя Тайны, превращая святым копием, да не како пригорят: егда же добре согреется святый дискос, снимай его и полагай на святом антимисе, да не велми разогревся испалит Божественныя Тайны; остудив же мало, паки возлагай его верху скуделника; сие же твори и многажды, дóндеже добре изсушатся Божественныя Тайны; сухия же со всяким вниманием вложи во святый кивот, и покрыв положи на своем месте; и сотворив достодолжное поклонение, свий паки антимис. Лучше убо ти и безбедно будет, о иерею, аще без огня, раздробив на дискосе, сущем на развитом антимисе, самыя Божественныя Тайны от ветра изсушатся; но убо опасно сам и неотходно блюди и призирай, дóндеже изсушатся, да не падет на ня плеснь, ниже муха, или ино что от животных прикоснется, под тяжким смертными грехом. Изсушенным же Божественным Тайнам, аще будет кивот златый, или сребряный во внутрь позлащен, без всякого подслания в нем положени да будут: аще же серебрян внутрь не позлащен, или касситеровый, чистая и новая бумага писчая, никогдаже на ино что употребленная, в киоте подслана да будет, и на ней Божественныя Тайны да вложатся. И ча-что я, со всякою подобающею честию, иерей, откровенною главою поклонение сотворив, руце же измовенныи имея, на всяк день да дозирает: аще же не можно на всяк день, поне во вторый, или в третий день конечно да дозирает, да не како недозирания ради исплеснеют, или растлеют, и того ради иерей, яко пренебрежитель, извержения вине подлежати будет. Аще же узрятся приотсырели, или влажны, яко к мокроте преклоньшася, тогда да развеется антимис на святом престоле и со всяким опасением изъяты из кивота Святыя Тайны да будут, и на святый дискос да вложатся, окнам отверзенным, да просушатся. Сам блюди, дóндеже изсушит, да не муха или ино что таковых коснется им: тяжко бо смертно согрешиши, аще от небрежения Божественныя Тайны, суша, припалиши, или каковым-либо образом от мокроты исплеснити и разтлитися оставиши, смертно тяжко согрешиши и извержения вине подлежати будеши. Аще убо сицевый случай, еже не буди, когда приключится, никакоже никогоже да не дерзнеши причастити сицевыми Тайнами, но иный агнец по уставу ниже написанному, ничтоже отлагая, к служению себе приуготовав, во утрий день по ощутении³¹⁷ сего литургию божественную начен, изми от святынь и изсушив сохрани и сим болных и требующих причащай; сплеснелыя же и растленныя Тайны, на тойжде литургии, на жертвенице, со останки Божественных Таин в чашу всыпав, потреби. Такоже вам заказати всем священником накрепко, чтобы во время божественного пения страж церковный, или кто ин, стоял при дверех церковных, чтобы нищие в церкви, во время пения, по церкви не бродили милостыни просити, а стояли бы такожде в церкви нищии тихо во время божественного пения, или бы стояли в паперти, а приходцкия бы люди давали милостину нищим в паперти же, идя в церковь, или исходя из церкви; а которые нищие во время пения учнут по церкви бродить, и тем милостини давати не велеть, а велети их смиряти священникам за безчинство. Такоже бы велети имати и власы растящих, и ризы черныя носящих, и босых ходящих, иже мнятся благоговейни быти, не суть же такови, якоже шестаго вселенскаго собора 42 правило глаголет сице: старец, власы растяй, мняся пустынник быти, аще не острижется и не внидет в монастырь, из града изженется; в толковании же того правила глаголет и толкует тако: иже гради обходяще, якоже мнящеся пустынницы, и власы главы своея обростивше и сключивше и надолзе пустивше, черныя ризы носяще, или вретище, или нази ходяще, таковыи в монастырь да внидут и власы своя остригут, образ монашеский на прочая восприимше; ащели того не хотят, от градов изженутся, да своему обещанию не ругаются и в пустынях да живут, от них же и имя себе стяжаше. И сих имати и приводити на патриаршей двор, а в прочиих епархиях по градом приводити на митрополии и архиепископлии и епископлии дворы.

Еще же вам брещи накрепко во всех приходех, которыя кому приказаны, чтобы в домех у боляр, или иных людей, священницы крестовые были с грамотами ставлеными, патриарши области, и свидетельствованныя, чтоб не были которые под отлучением, или в запрещении архиерейском, или под извержением, и чтоб иных епархий митрополичих, архиепископских и епископских, без отпускных грамот, никакого священнодействия, вечерняго и утренняго, и понахиды, и молебнов отнюдь не действовати, також и в протчиих епархиях чюжим ставлеником: зане аще не своего архиерея в области, без благословения отшед, что действуют, таковии, и приемлющи их и домы их да не будут благословени, но отвержени и запрещены по священным правилом святых Апостол и святых отец, на многих синодех реченным, из ихже едино, видения ради, воспомянем зде, святаго седмаго селенскаго синода правило десятое, глаголющее сице: причетник, оставив свою землю и на иную страну отшед, без повеления своего епископа и Константина града, да не будет прият ни в дом, ни в церковь; се же творя и пребывая, да извержется. А были бы в домех боярских, или иных людей, священницы патриарши области со ставлеными грамотами, а иных епархий со отпускными грамотами, и те грамоты всея власти (все являти) им велеть на патриарше дворе; а хто где в дом служити наймется, и они бы имали памяти; и кому нужда какая случится в церковь не приити, и они (бы) имели в домех своих священников со благословением архиерейским, и пение бы пели в домех, вечерни и утрени, чинно и единогласно, якоже в соборной церкви поется, а без священника в домех и в церквах пения не пети и не начинати. А черных бы попов и вдовых в домех отнюдь не было, и службы церковныя никоторыя по домом и по мирским церквам не служили отнюдь черныя попы и вдовыя. Без указу и без паметей бы отнюдь с сего числа в домех нихто нигде не служил; а будет кто отныне, наявся в домех у крестов, учнут служити, и тем священником быть в смирении и в пене и в домех бы крестовые попы младенцов не крестили, а крестили бы по приходцким церквам. Зане священное правило 6-го вселенского синода 59 глаголет сице: в церквах, сущих внутрь домов, да не сотворят крещения; аще же сего кто не хранит, аще есть причетник, да извержется, мирский же человек да отлучится. И о том вам взять, кому где приказано, у всех священников сказки за руками, кто священников имяны вдовых, или пришлых у кого в дому имянем служит; а будет который приходцкий священник утаит в своем приходе у кого ни буди крестоваго какова попа, а после ведомо учинится мимо его, и за то быть приходскому попу в жестоком наказани и в пене.

Да вам же, архимандритом, и игуменом и прочиим, заповедаем соборне под епитимиею, чтоб черные попы и дьяконы из монастырей в монастыри без ведения своего епископа не при(е)ходили, и без грамот архиерейских, и в монастыри их на житие не приимати, и священствовати им без отпускных грамот не велети. Аще ли черной поп, или дьякон из монастыря, в немже монастыри пострижется, или в немже монастыри повелен с грамотою священствовати, преидет во ин монастырь, аще и своего архиереа во области, а не будет у него своего архиереа отпускныя в той монастырь, в оньже приидет жити, и ему священствовати и в церкви пети и чести не велети, отсылати таковыя в монастырь на обещание. А мирских людей, мужей и жен, желающих прияти монашеский образ, в домех отнюдь не постригати, постригати же таковыя в монастыре со свидетелем, при искушении многим временем во всяких монастырских работах; а без искушения монастырския страдбы и в монастырех не постригати.

Еще вам хранити, еже детей духовных, священных и монахов и мирских, в духовность без отпускных паметей прежних отцов духовных на исповедь не приимати, кроме великия нужди, и от причащения мзды не имати. Да и того бы вам проведывать накрепко и извещать, чтобы священницы, и дияконы, и прочии причетницы неподобного ради приобретения двема церквами не владели, такоже и диаконскими и причетническими местами не владели же, зане священная правила о семь возбраняют: аще же недоволно ему на житейския потребы даемая от церкве, художество некое другое делати ему повелевают и от того потребу приимати. Еще же слушайте и проповедывайте везде накрепко, чтоб по церквам и по домом сами священницы глаголали в славословии Божии песнь ангельскую, и людей бы такожде научали глаголати аллилуиа трижды, в четвертое: слава тебе Боже, по древнему обычаю восточныя святыя церкве, якоже видим в греческих и наших славенских древних книгах, и сами вы видесте, тако писася и глаголася. А еже в Житии святого Евфросима Псковскаго писано глаголати дважды аллилуиа, в третье: слава тебе Боже, и о сем не мозите претися, зане тамо писано велия и несказанная хула на святую и живоначальную Троицу, еяже и писанию предати немощно: толкуя бо аллилуия глаголет воплотившагося Бога Отца, и паки глаголет воплотившагося Бога Святаго Духа: паки бо тойже списатель, глаголет во ином месте о трегубой аллилуйя яко вся церкви по всей земли законно глаголаша издревле трижды аллилуиа; и паки ниже, тамо же глаголет: издревле взяся троити святая аллилуия; и паки тойже списатель поведует, яко глаголющи трижды аллилуйя, в четвертое: слава тебе Боже, просияша мнози в чюдесех. И о сем убо малое сие показание доволное; прилежно же прочитаяй Житие Святаго Евфросима уразумеет вся сия и болшая сих. Паки же возвещаем вам самим и всем священником, како вам знаменовати обще народ и особно когождо правоверного христианина, пореченному: благословение Господне на вас. Благословение же Господне не иноко, но сице имать быти: сложившу иерею десныя руки два перста, глаголемый палец указателный простерт и великосредний мало наклонены, яже знаменует: Иисус, и паки два перста: глаголемый палец и близосредний наклонена, другодружно совокупленна, яже знаменует литеру³¹⁸ х (х),– и паки присовокуплены к близосреднему персту малый перст, глаголемый мизинец, простерт, мало наклонен, иже знаменует литеру: С, – и вся сия три персты знаменуют: Христос. И сим именем Господа Иисуса Христа поведываем вам знаменати народ. верных, по реченному ко Авраму о Христе: и в семени твоем возблагословятся вси язы́цы.

Аще же кто вас не послушает хотя во едином чесом повелеваемых от нас, или начнет прекословити, и вы на таковых возвещайте нам, и мы таковых накажем духовно; аще же и духовное наказание наше начнете презирати, и мы таковым приложим и телесная озлобления. Аще же вы сами повеление наше начнете презирати, и не учнете радети и по церквам дозирати, или на ослушников и безчинников не будете извещати, а кроме вашего извету где в церкви которой нибуди вашего сорока обрящется какое противу сего нашего соборнаго писания неисправление, или нестроение, хотя едино что, а нам учинится ведомо: и за то тебе старосте и десятским быти в церковной казни, без всякия пощады. А с сего писания велети бы вам всякия церкви священником списки списати и в церкви держати, и почасту велети прочитати, чтобы им соборное наше повеление было ведомо. А как спишет, и в том имати тебе у них росписи за их руками, а собрав те все росписки, отдать на патриарше дворе; за своею рукою. А сие подлинное наше соборное изглашение держати у себя до перемены, как иному кому приказано будет. Известнаго же ради утвержения, сие соборное наше изглашение подписахом мы архиереи своими руками, и положихом в дому Пресвятыя Богородицы патриархии царствующаго града Москвы, лета 7174, июлия 2 дня.

Деяние 12.³²⁰

или

Сказание о путном шествии святейших и блаженнейших патриарх, кир Паисия Божиею милостию папы и патриарха великого Божия града Александрии и судии вселенныя и кир Макария милостию Божиею патриарха Божияго града великия Антиохии и всего востока. в царствующий преименитый и Богом спасаемый град Москву.

Давый обещание учеником своим Христос Господь: идеже еста два или три собрани во имя мое, тамо есмь посреди их, у Мат. гл. 18, благоволи показати слово си событием и наследником святых Апостол, на сей собор св. о имени его совокупленным, егда, бравшимся им со суперники своими, раскольники же церковными, не остави их безпомощных. Ибо вложи во сердца сима святейшима и блаженнейшима патриархома, кир Паисию милостию Божиею папе и патриарху великаго Божия града Александрии судии вселенныя и кир Макарию милостию Божиею патриарху Божия града великия Антиохии еже двигнутися со своих престолов, и путное восприяти шествие во православно-кафолическую преславнейшаго рода российскаго монархию дабы в ней подвизающимся, по церкви Христовым архистратигом пособствие на противныя содеяти³²¹ и вся устроения требующия благочинным украсити достолепием. Положшима же има в путь стопы своя и приближшимася пределом православнаго российскаго царствия, прииде весть к благочестивейшему, тишайшему, самодержавнейшему великому государю царю и в. к. А. М. в. В. и М. и Б. Р. самодержцу. И к всему освященному собору яко воскоре имут великий град Астраханский своим пришествиием и благословением возвеселити. Тогда благочестивейший самодержец изволи послати царския своя епистолии к воеводам Астраханскаго града. И ко преосвященному Иосифу архиепископу астраханскому и терскому. Повелевая да всечестное има сотворять сретение и вселюбовное приятие. Такожде и от освященнаго собора послася писание к преосвященному архиепископу Иосифу о том же сретении и приятии.³²² И бысть якоже подобаше пречестно и преславно.

Оттуду шествующе Святейшии Патриарси имеша спутника себе преосвященнаго Иосифа архиепископа астраханскаго и терскаго. С ним же егда многия грады и веси везде достолепно почитаеми и приемлеми претекше приближистася к граду имярек, тогда собор освященный посла к святейшим патриархом всечестнаго мужа из Суждаля Спасова Евфимиева монастыря архимандрита Павла с епистолиями любезное целование содержащими в сицев образ.³²³

Епистолия к Святейшему Кир Паисию патриарху александрийскому и судии вселенскому от освященнаго собора.³²⁴

Всесвятейший господине отче патриарха александрийский отче наш премилостивый и пастирю преблагий.

Не тако светлыми звездами твердь благолепно упещренная. И проч.³²⁵

Епистолия к святейшему Кир Макарию патриарху антиохийскому и всего востока. От освященнаго собора.

Святейший господине отче патриарха антиохийский, отче наш милостивейший и пастирю блажайший.

Свет от света, превечный от превечнаго превечно рождением изшедый. И проч.

Сия епистолии Святейшии Патриарси отеческою любовию приемше в пути суще в лесу арзамаском за чети(ре)десят поприщ от Арзамаса и благохотно прочетше, благоволиша и свое писание тем же посланником к освященному собору греческими диалектом из града Мурома³²⁶ преслати. В нем же сицев разум содержим обретеся.

Епистолия от святейших патриарх к освященному собору.

Tu epistolę prsetlumaczenę polozyc.³²⁷

По сих Божиею благодатию из преславнаго града Мурома путное шествие благополучно восприемше святейшии патриарси. Егда беху за 40 поприщ от самого царствующаго и, тезоименитаго Христу града Москвы: в веси именуемой рогоже (sic)³²⁸: Прииде от цр. града Москвы во стретение има благоговейнейший муж преподобный отец Филарет из Володимера Рождественнаго монастыря архимандрит послан быв от благочестивейшаго самодержца и от освященнаго собора со извествованием всерадостнаго ожидания и любезнаго целования. Сей внегда сподобися видети всежеланное лице пастырем начальников и благословение их отчее получити, сотвори слово многопространне³²⁹ к их святительскому благословению соплетенное. Дая им целование от православнейшаго монархи и от всего освященнаго собора. Сице:

Tu polozyc Mowę archim. Filareta iesli podobasie.³³⁰

Они же святейшие архиереом верховницы прерадостно и вселюбезно, приемше извещенное целование духовно и телесне предреченнаго архимандрита учредивше с миром и благословением к великому государю царю и в. к. А. М. в. В. и М. и Б. Р. самодержцу и ко всему освященному собору отпустиша, радоватися им глаголюще.

Претекшим же днем месяца октовриа и окончевающуся путешествию великих Божиих архиереов. Послан бысть в и число ноемврия от Богом венчаннаго единообладателя и от освященнаго собора во сретение святейших патриарх преосвященный Иларион архиепископ резанский и муромский, с ним же два архимандрита, два игумена и мнози иеромонаси, диакони и монаси. Сей святитель срете преожиданныя гости во утрий день, си есть во 2 ноемврия в Иванску (sic). И получив от их пастырское благословение сотвори речь сию.

Слово к святейшим патриархом от преосвященнаго Илариона архиепископа резанскаго и муромскаго.

Днесь светлыя радости вся российская исполнися земля и прочее³³¹.

Сие слово святейшии первопрестольницы любезно приемше и Богу благодарствие о строимых воздавше мир и благословение послаша Боговенчанному монократору и Его пресветлой царстей полате и всему освященному собору чрез того же преосвященнаго архиепископа Илариона.

Деяние 13³³² или Сказание о входе святейших патриархов в царствующий и Богоспасаемый град Москву и о сретении им сотворенном

В лето 7175 месяца Ноемвриа в 2 день милосердием Всещедраго Бога здраво и безбедно приидоша святейшии патриарси к самому Богом-спасаемому царствующему граду Москве. Их же превысочайшее архипастырское достоинство сицевым от благочестивейшаго самодержца и от всего освященнаго собора почтеся сретением.

В четвертый час дне всем преосвященным архиереом в святую великую соборную церковь собранным бывшим изиде во сретение святейших патриарх со кресты святыми и всечестными иконы безценно златом и честным камением украшенными и со святым Евангелием предносимым преосвященныи Павел митрополит сарски и подонски, с двома иными митрополиты греческими, с преосвященным Григорием никийским и Космою амасийским. С ним же трие сретаху архиепископи преосвященный Симон вологодский и белоозерский. Иоасаф тверский и кашинский. Арсений псковский и изборский. И два епископи, боголюбивый Мефодий мстиславский и оршанский и Иоаким сербский. Им же спутешествоваху преподобнии архимандрити числом 22, всечестнии игумени 14. И пречестнии протопопи всех соборов царствующаго града Москвы. Честных же иереов бе число 217. И благоговейных диаконов 198 человеков. Все же бяху во священная облечени толь прекрасно, даже небу паче звездами украшенному град царствующий бяше подобен, неже коей-любо великой лепоте земной. Тако убо священный клир украшен сый шествова всеблагочинно из великия соборныя церкве Успения Пресвятыя Владычицы нашея Богородицы и Приснодевы Марии во сретение святейших патриарх поя молебная пения даже до врат землянаго града за Покровскими враты³³³. Ту ста весь клир освященный со пречестными иконы: святейшии же патриарси пред враты землянаго града изшедше из колесниц своих возложиша на ся амфоры и пеши врата проидоша и приступльше ко святым иконам целоваша их.

Тому совершившуся приступи близ святейших патриарх преосвященный Павел митрополит сарский и подонский и начат зря на божественную икону восклицати: Благословен еси Христе Боже наш, благоволивый обрадовати святую свою церковь и нас пришествием великих Иерарх Святейших Патриархов. И абие восприят во уста слово и глагола речь последствующую.³³⁴

Речь к святейшим патриархом преосвященнаго Павла митрополита сарскаго и подонскаго.

Радуитася обрадовавшая пришествием вашим великороссийскую церковь святейшая патриарха, господа, отца и пастыря наша, радуитася о Господе, Его же волю исполняюща дело пастырей благих прилежно совершаета. И проч.³³⁵

Wypisac z księgi moiey.

По скончании сея речи лик воспе святейшим патриархом многа лета 3. Они же святейшии патриарси ответ творяще мир и благословение глаголаху благочестивейшему самодержцу и всему его пресветлому царскому дому и сигклиту. Освященному собору и всему православному народу. И рукама си на сонм православных безчисленным множеством сошедшихся благословение подаваху. Потом же и кресты Господни восприемле на четыре страны осеняху всеми людем неизреченно веселящимся и благодарственная Богови возсылающим. Сему бывшу прият благословение от святейших патриарх преосвященный Павел митрополит сарский и подонский и по нем чинно преосвящении митрополиты и архиепископы и епископы и архимандрити и инии. И тако сретше возвратишася в соборную церковь. И с новоприятыми гостьми, иже пеши послежде святых икон идуще народ благословяху.

Егда же приидоша в Китае граде к лобному месту сретени бяху с честными иконы, с кресты святыми, и со Евангелием, на мосте, преосвященным Лаврентием митрополитом казанским. И преосвященным Феодосием митрополитом сербским. И преосвященным Филаретом, архиепископом смоленским. И боголюбивым Александром, епископом вятским. С ними же бяху 6 архимандрити, игумени 3, протоп 1, священницы 51 и диаконов 19, вси драгоценными одеянии украшени. Ту сретше и поклон давше взыдоша вси архиереи на лобное место зело украшенно бывшее пред святыя иконы, тамо поставленныя. И начат тамо преосвященный Лаврентий митрополит казанский к святейшим патриархам сицевое вещание глаголати.

Целование к святейшим патриархом бывшее от преосвященнаго Лаврентия митрополита казанскаго.

О велицыи господие святейшии патриарси кир Паисие, папо и патриарх великаго града Александрии судие вселенскии, кир Макарие патриарх Божия града Антиохии и всего востока. Не толико солнце присно светящееся веселит человека. И прочая.

Wypisac z ksiegi przykazney³³⁶.

По скончании сего целования, святейшии патриарси мир и благословение даяху Богом венчанному самодержцу и всему его пресветлому царскому дому и сигклиту. Такожде всему освященному собору и всем православным людем. Ту сретшии архиереи благословения архипастырского сподобльшеся, последоваху святым иконам и поидоша из лобнаго места в кремль град провождающе, с прочиими архиереи и со всем клиром, святейшия патриархи во святую великую соборную церковь. Вшедшим же во кремль град бысть клепание во вся камбаны (sic) и в самое оное осмое мира (sic) чудо в величайший глаголю камбан³³⁷ их же звуку нестерпимому и самого негли грома гласнейшу вся исполнившу, являшеся земля трястися и каменныя двизатися стены. В толицем торжественном гласе премногим певцам светло поющим шествующе доспеша святейшии патриарси место еже прямо есть велкия царская полаты именуемыя Грановитыя. Ту ставше благословиша обоеручно великаго государя нашего царя и в. к. А. М. в. В. и М. и Б. Р. самодержца лицы обращшеся к пререченной палате. И подважди поклонение купно сотвориша.

Оттуду поступлше приближишася ко всех церквей матери. Пред еяже южными враты заиде во сретение святейшим патриархом преосвященный Питирим митрополит новогородский и Великих Лук с пречестными кресты и со Божественными иконы. Ему же сосретателие бяху преосвященный Иона митрополит ростовский и ярославский. Преосвященный Паисий митрополит газский. Преосвященный Иларион архиепископ резанский. Боголюбивый Лазарь Баранович епископ черниговский новогородский³³⁸. К сим присовокупишася 6 архимандрити, 3 игумени. Протопоп святыя великия соборныя церкве. И иных избранных священно-иереев 27 человек, и диаконов 12. В толиком священных ополчении срет, прият благословение от святейших патриархов преосвященный Питирим и начать слово³³⁹ сице глаголати.

Слово к святейтим патриархом преосвященнаго Питирима митр. новгородскаго и Великих Лук.

Всесвященнейшии Архиереи.

Древле Давид Богоотец пророк же и царь, зря кивот Господень. И проч.

Wipisac z dieaniy prykazu patriarszego tam naydeiesie³⁴⁰.

На сие слово ответ сотворше святейшии патриарси и якоже в прежних сретениих благословивше внидоша во святую великую соборную церковь Успения Пресвятыя Богородицы в осмый час дне и ставше на местех предъуготованных посреде церкве благословение людем воздвизанием рук подаяху. Бывши же первым соборныя церкве диаконом эктении и отпусту тояжде великия церкве протопопом совершившуся, вшедше во святый олтар с прочими архиереи святейшии патриарси омофори низложиша. И поидоша из церкве архиереами проводими до колесницы, в нейже отвезошася на подворие себе уготованное именуемое Кирилское³⁴¹. И тако чин вшествия и сретения совершися.

В 4 день сего месяца. Святейшии патриарси Быша у Богом венчаннаго самодержца в полате именуемой Грановитой. И принесоша в дарех святыя иконы и различный иностранныя овощи. И прияти суть всечестно от благочестивейшаго единообладателя. И царскою вечерею в сей день почтени и учреждени Быша присутствовавшим всеми прочиим архиереом.

В 7 день сего же месяца пришествоваху святейшии патриарси в царскую полату именуемую столовую со всем освященным собором. В ней же Богом хранимый монарха воздав им честь достойную сретением, изволи седшим всем каждоединому на своем по чину месте речь сотворити о отшествии с престола бывшаго патриарха Никона и писание о том святейшим патриархом дати. Еже они приемше. время ко еже разсудити о деле восприяху, и отъидоша на свое подворие.

Деяние 14.³⁴² О низложении, с престола бывшаго патриарха Никона³⁴³.

В лето 7175 месяца ноемврия в 28 день бысть изволение благочестивейшаго тишайшаго Богом венчанного и Богом хранимаго великаго государя и царя и в. к. А. М. в. В. и М и Б. Р. самодержца, согласие же святейших патриарх и всего освященнаго собора, еже послати в монастырь Воскресенский к бывшему патриарху Никону да на суд в царствующий град Москву пред святейшия патриархи и пред весь собор освященный³⁴⁴ призовется. И абие послан бысть преосвященный Арсений архиепископ псковский и изборский с ним же всемилостиваго Спаса Ярославскаго монастыря архимандрит Сергий. Иже пришедше в монастырь Воскресенский вину пришествия своего абие бывшему патриарху Никону известиша. Он же даде ответ досадительный рек яко аще святейшии патриарси александрийский и антиохийский по согласию с константинопольским и иерусалимским патриархома приидоста в царствующий град Москву известия ради всяческих вещей духовных и аз рече готов есмь в царствующий град Москву путь восприяти. Сей ответ егда благочестивейшему самодержцу и святейшим патриархом и всему освященному собору принесеся. Благоволиша второе призывние сотворити чрез пречестнаго мужа из Володимера³⁴⁵ Рождественнаго монастыря архимандрита Филарета. Иже в день 30 ноемвриа прием повеление³⁴⁶ шед срете бывшаго патриарха Никона путь творяща в царствующий град Москву. И дав ему целование вручи хартию на ней же написано бе сице: Благочестивейший и христолюбивый великий государь царь и в. к. А. М. в. В. и М. и Б. Р. самодержец и всесвятейший кир Паисий папа и патриарх великаго града Александрии и вселеннеи судиа. И всесвятейший кир Макарий Божия града Антиохии и всего востока патриарх советом всего освященнаго собора посылали к тебе нынешняго 175 ноемвриа в 29 день преосвященнаго Арсения архиепископа псковского и изборскаго со архимандриты и указали тебе сказать: и прочая.

to wypisac z dieiania Patriarsza prykaza³⁴⁷.

По сих и третье призвание от освященнаго собора сотворися чрез пречестнаго мужа Иосифа Спасова иже на новом³⁴⁸ монастыря архимандрита с ним же бе и протопоп собору Спасова иже на дворце, Онисим. Сим бывшим прииде бывший патриарх Никон в царствующий град Москву в 1 день декамвриа. И абие собравшуся всему освященному собору самем святейшим патриархом, святейшему Кир Паисию милостию Божиею и проч. и святейшему Кир Макарию милостию Божиею, и проч. преосвященным митр. N преосвященным архиепископом N Боголюбивым епископом N преподобнейшим архимандритом N. всечестным игуменом N. благоговейным протопопом N и иным премногим священнаго чина людем, иноком и бельцем. Сим всем собравшимся³⁴⁹ в царскую полату нарицаемую столовую председавшу Богом венчанному самодержцу, и его пресветлому царскому сигклиту туже благочинно присутствовавшу³⁵⁰. Послани Быша призвания ради на собор бывшаго патриарха Никона боголюбивый Александр епископ вяцкий и великопермский и Мефодий епископ мстиславский и оршанский и из Нижняго Печерскаго монастыря архимандрит Иосиф. Он же Никон абие званию повинуся, иде предносиму кресту сущу и благословение народу дая, и вшед на место собора предста освященному собору. Прочте Достойно есть и отпуст сотвори. От благочестивейшаго самодержца почтеся словом да сядет отвеща яко не уготова себе места на немже бы имел сести. И тако ста пред святейшими патриархи. Воста же и богохранимый обладатель и начат болезнь свою паче же всея российския церкве пред святейшими патриархи и всем освященным собором извещати и девятолетнее вдовство церкве оплакивати. Юже сотвори овдовети безчинным си отшествием из престола Никон. Имже изветом мнози раскольници и мятежницы восташа единство церкве терзати начаша и многия души их нечестию приклонившихся во ад лестными си учением низвлекоша. Святейшии патриарси многими слезам царскими удивлшеся, сами от слез удержатися едва возмогоша. И сотвориша чрез толковника (сами бо языку словенску не иместа искуства) вопрошение чего ради остави престол патриарши. Даде ответ Никон, яко уклонихся от гнева царска. На се царь благочестивый засвидетельствова Богом яко никоегоже нань имяше гнева, паче же яко в благочестии рожденный и воспитанный, яко³⁵¹ отца его выну почиташе и впред неизменно пребыти хотяше. Зде вопрошен бе Никон чесо ради оставляя престол и священная архиерейская одеяния низвергая клятву сотвори еже никогдаже на престол возвратитися, ниже помыслити. Даде ответ отрицателне никогда рече о семи кляхся. Но велиим свидетелей облаком побежден быв во срамоту и студ облечеся.

Вопрошан бяше и о иных винах многих во извещении низложения его помянутися имущих³⁵².

Но везде бы не имый во устех своих обличения весма бысть безъответен, аще же что рече то не яко архиереови или честному подобаше мужу: но зело легко и правде несогласно.³⁵³ Наипаче же посрамлен бысть своим писанием еже тайно посылаше к святейшим греческим патриархом, многими лжами и клеветы на благочестивейшаго самодержца и на все православное государство исполнив³⁵⁴. Сего чтение и о прочих винах стязание³⁵⁵ пребысть от четвертаго часа дне даже до 2 часа нощи в оньже отъиде Никон на подворие архангельское. Царь же благочестивый, святейшии патриарси и весь собор освященный коиждо во своя си³⁵⁶.

Паки в день 5 декамвриа собрася весь освященный синод в тужде царскую полату столовую, идеже сам поборник благочестия царь православный со своим пресветлым сигклитом с князи и боляры и иными думными людми присутствоваше. Благоволи же Богом сохранимый самоповелитель, святейшии патриарси и весь освященный собор бывшему патриарху Никону призвану быти теми же боголюбивыми епископы Александром вятским и великопермским и Мефодием мстиславским и оршанским. И пречестным мужем из Нижняго Печерскаго монастыря архимандритом Иосифом. Он же зван быв шествова санми благословя люди, и кресту преднесому. И пришед предста святейшим патриархом пред всим (sic) собором. А занеже по оставлении престола патриарша прииде вторицею кресту предносиму аки патриаршествуяй а не смиренным образом, яко же судиму подобаше³⁵⁷. повелеша святейшии патриарси крест святый архидиакону своему от крестоносца взяти. И бысть тако.

Чтены же тогда Быша всем во услышание славенским языком из греческаго преведены свитци³⁵⁸ святейших патриарх восточных. Ту же и греческим с подписанием рук святейших патриарх и иных многих архиереов греческих предлежавшим. В них же содержахуся на преступления Никонова от святых седми соборов вселенских и от иных номестных и от различных канонописателей правила узаконенная, предложися же и книга Номоканона, именуемаго восточнаго юже Никон не ведый еже глаголати нарече еретическую быти³⁵⁹. Тогда святейшии патриарси вземше ту книгу начата целовати велиими возносяще похвалами. И вопросиша греческих архиереов тогда присутствовавших, приемлют ли ону яко праведную и нелестную. И вси реша приемлем и целуем. Тогда бысть Никон весьма безответен и яко муж не обретаяй вины о гресех. Прочее чтошася свитци помяненныи. По их же прочитании отъиде Никон³⁶⁰ на подворие архангельское не благословя народа. Ниже креста имея предносима. Царь же правоверный, святейшии патриарси и весь собор освященный кождо иде во своя си³⁶¹.

Напоследок в 12 день тогожде месяца декамвриа собрашася вси преосвященнии митрополити и архиепископи и боголюбивии епископи, преподобнии архимандрити всечестнии Игумени и весь собор освященный и придоша к святейшими патриархом в крестовую их полату. Приидоша же таможде и от пресветлейшаго скиптродержца князе и боляре. Болярин князь Никита Иванович Адоевский. Болярин князь Иоанн Алексеевич Воротинский. Болярин Петр Михаилович Солтиков думный дворянин Прокофий Кузмич Елизаров³⁶² и столник князь Петр Семенович Прозоровский. И инии пресветлаго царского величества столници. И послаху святейшии патриарси и весь собор освященный боголюбиваго Мефодия епископа мстиславскаго и оршанскаго. С ним же из Нижняго Новогорода Печерскаго монастыря архимандрита Иосифа еже призвати Никона в крестовую полату патриаршу пред собор освященный. Иде званный не дая народу благословения. Приближшужеся ему к лицу всего собора освященнаго внидоша святейшии патриарси и вси прочии архиереи во храм Благовещения Пресвятыя Богородицы сущий на задних вратех святыя обители именуемыя Чудов и Быша оболчени в епитрахили и амфоры³⁶³ и митрами покровени. Вшедшу же тамо Никону повелеша ему святейшии патриарси извещениа³⁶⁴ суда слушати. Еже чте первее греческим диалектом иконом апостольскаго престола великия церкве ант. Иоанн иеревс.³⁶⁵ Потом же славенским чте³⁶⁶ велегласно преосвященный Иларион архиепископ резанский и муромский³⁶⁷ от слова до слова сице.

Во имя Отца и Сына и Святаго Духа. Аминь.

Извещение или обявление совершенное низложения Никонова и низвержения.

Понеже Никон бывший патриарх московский смути. И прочая.

Wypisac z moiey kzięgi czerney.³⁶⁸

По прочтении сего извещения абие сняша святейшии патриарси с Никоновы главы клобук³⁶⁹ на немже бяше херувим от чистых бисерей устроен. Возложиша же ин без херувима. Сняша же и панагию. Точию в мантии со источники отпустиша юже обаче повелеша из Нижнего-Новгорода Печерскаго монастыря архимандриту Иосифу в Ферапонтове монастыре от Никона взяти и прислати в дом Пресвятыя Богородицы в казну патриаршу³⁷⁰. Итако обнажен священноначалия бысть монах простый. И отпустися абие на подворие Архангельское идеже пренощевав отвезеся в помяненный монастырь Ферапонтов в онь же пришед отдаде мантию архиерейскую³⁷¹. Отдаде и жезл помяненному архимандриту Иосифу. Иже взем присла в дом Пресвятыя Богородицы в казну патриаршу тогоже месяца 27 числа³⁷².

По плачевном³⁷³ действии низложения Никонова изволи Господь Бог церкви вдовствующей лучи веселия возсиявати и³⁷⁴ жениха Промыслом Своим Божественным даяти³⁷⁵ Повелением³⁷⁶ Богом венчаннаго повелителя собрася весь освященный собор святейший кир Макарий патриарх в(еликаго) г(рада) Б(ожия) Антиохии, прео(священии) мит(рополити) ар(хиепископи) боголю(бивии) еп(кскопи) препод(обнии) архим(андрити), всечес(ные) угом(ени). Сии, собравшееся³⁷⁷ во святую соборную церковь Успения Пресвятыя Владычицы нашея Богородицы и Приснодевы Марии. И согласно Божиею благодатию избраша триех мужей вседостойных да един от них емуже благоволит благочестивейший самодержец на высоту престола патриархии матере градовом богоспасаемыя³⁷⁸ Москвы и всея России возведется. Быша же сии избранницы преподобнейший отец Иоасаф Троицкаго Сергиева монастыря архимандрит. Преподобнейшй отец Корнилий Пресвятыя Богородицы Тихвина монастыря архимандрит и пречестный инок Сава Чудова монастыря келарь. О нихже прием извещение Богом увязенный³⁷⁹ венценосец возблаговоли согласовав святейшим патриархом и всему освященному собору³⁸⁰ словесному стаду Христову пасому быти преподобнейшим отцем Иоасафом Троицкого Сергиева монастыря архимандритом и ему на высоте престола патриарша посаждену быти.

Во утрий убо день иже 31 месяца Иануариа бяше³⁸¹ сошедшуся всему освященному собору и пресветлому царскому сигклиту пред лице Богом венчаннаго багряноносца³⁸² в великую царскую полату наричему столовую (единому токмо святейшему Паисию папе и патриарху александрийскому и судии вселенных за немощь отсутствующую³⁸³. Бысть извещен и проповедан³⁸⁴ еже кормило велкия церкве прияти и на верховнейшее всея России³⁸⁵ духовное достоинство на престол патриарший возвестися преподобнейший отец Иоасаф Троицкаго Сергиева монастыря архимандрит. То в слух весь освященный собор прием велиим возрадовася веселием и абие избранный всечестно всеми яко отец отцев³⁸⁶ почитаем ведеся в великую престольную церковь. В нейже Богу Всемогущему сотворив благодарение и лобзав иконы святыя³⁸⁷ отведеся всечестно³⁸⁸ во свояси. Потом же по чину прием поставление бысть благий церкве правитель и новопрозябших расколов истребитель.

Деяние 15.³⁸⁹

О имени . . . . в лето 7175 месяца июля в 17 день сошедшуся в крестовую святейших³⁹⁰ патриарх всему освященному собору. Самим святейшим трием патриархом Паисию милостию Божиею папе и патриарху александрийскому и судии вселенскому. Макарию милостию Божиею патриарху антиохийскому и всего востока. Иоасафу милостию Божиею патриарху московскому и всея России. Преосвященным

М.

А.

Е.

А.

И.

Представлен бысть черноризец Епифаний раскольник и мятежетворец. И вопрошен бе святейшими патриархи согласует ли святей соборной и апостольстей церкви в святом Символе³⁹¹ и о трекратном аллилуиа. О сложении триех первых перстов, в воображении знамениа крестного и о молитве Иисусове якоже благоисправися и вся восточная держит церковь; и он безумник во всем противен явися. К тому приложи святейшии патриархи и весь освященный собор нелепых словес отрыганием укорити. Темже по премногом увещании осудися острижен и иночества обнажен быти и ко градскому суду отдатися, яко простец и един от людинов. Обаче паки августа в 5 день вопрошан бяше о обращении на путь истины: но не повинуся правде и хулы отригаше. Того ради осудися еже казнь скаредноглаголива языка отсечение терпети. Еже делом совершися. Ктому и в далечайшия страны заточися.

Деяние 16.³⁹²

О имени... в лето 7175 месяца... в день... сошедшуся в крестовую святейших патриарх полату, всему освященному собору самем святейшим патриархом³⁹³ Паисию милостию Божиею папе и патриарху александрийскому и судии вселенскому. Макарию милостию Божиею патриарху антиохийскому и всего востока. Иоасафу милостию Божиею патриарху московскому и всея России. Преосвященным митрополитом.

Ар.

Е.

А.

Игуменом и прочим.

Ста посреди Святаго собрания Иарославскаго Спаского монастыря архимандрит Сергий, и изветствова яко в прошедшее лето 7174 месяца августа в ... день по указу великаго государя и по благословению всего освященнаго собора послан он бяше в монастырь Соловецкий увещания и исправления ради всех духовных и мирских: воежебы они освященному собору во всем повиновалися и по новоисправленным книгам печатным вся освященная действовали и келейная правила совершали. Пришедшу же ему в Соловецкий монастырь и повеленная сотворити тщащуся абие того монастыря килар (sic) и казначей, бывший же архимандрит монастыря Савина Никанор, а с ним прочии иеромонаси, иеродиакони и монаси такожде слуги и вся чадь противни явишася повелению благочестивейшаго самодержца и всему освященному собору повиновения долг отрекоша и даша ему архимандриту Сергию сказку за рукама своима яко весма новоисправленных книг печатных ни в коемже священнодействии церковном же и в келейном употребляти хощут. Тогда призван бысть помяненный Никанор (ибо в то время пришел на Москву бяше³⁹⁴ и увещася святейшими патриархи к душеспасенному послушанию. Но жестокая выя не хоте главы преклонити до дни многих. Таже некогда намыслися и смирив себе прият благословение и камилав греческий взят³⁹⁵ на главу свою благословением святейших патриархов. В немже возвратися в монастырь Соловецкий. Но тамо пришед паки возбесися. Приложися несмысленным мятежником и во всем уподобися им. Поверже камилав приятый, покаяния отречеся и со расколники вчинися³⁹⁶.

Селици явишася в плачевное время последняго века явнии раскольницы церкве и злоковарнии мятежницы, терзающе единство ея, читателю благочестивый, имже тайнии подражателие безчислени Быша иже мнящеся по благочестии ревнители быти, невежеством си, паче же упорством душами погибаху. Толику злу в людех сверепевшу собор освященный тщися окаянным руку помощи подати, брася пресилно со всеми клеветники церкве, аки со скимны жестоко рыкающими. Брася словом, препирая их безумие учешем си благочтивым. Брася делом, посекая лестная их учения мечем проклятия и самих аки неплодную посекая отвержением от церкве смоковницу. Подвизася и писанием, ибо сооружи Жезл Правления, о немже рех прежде в деянии... вся их суесловия яко сосуды скуделныя сокрушающий. Над всеми же сими вели подвиг, ревность и трудолюбие показаша председателие освященнаго собора святейшии патриарси. Егда трудом труды приложше велиим тщанием всем благочестивым в ползу свитки последствующии написаша. И своих рук архипастырских подписанием скрепиша согласну бывшу всему освященному собору и подобне своих рук подписы утвердившу.

Свиток 1³⁹⁷.

1. Свиток и определение вещей за кия вины собрася освященный собор.

2. Правила святейшими патриархи на соборе сем узаконенная.

3. Толкования святейших патриарх о ангельской песни³⁹⁸ о аллилуиа, о сложении перстов, и заповедь о святом Символе и о молитве Исусове.

4. Вопросы святейшаго патриарха Иоасафа и ответы святейших патриарх Паисия ал. и Макария ант.

5. Иныя вопроси и разрешения.

6. Увещание о бывшем соборе в царство царя Иоанна Василевича.

7. Устав о умножении престолов архиерейских.

8. Устав о монастырях от бывшаго патриарха Никона созданних и о отчинах³⁹⁹ их и разделение отчин между теми монастырми.

9. Устав еже вдовым священником благочинно живущими⁴⁰⁰ литургисати.

10. Устав еже не покрещевати от латин приходящих.

о разных делах и о нужных церковных винах вопросы и ответы, яже Быша при державе благочестивейшаго великаго государя, царя и великаго князя Алексия Михайловича, всея Великия и Малыя и Белыя России самодержца, при его царском присутствии, святейших патриархов православных Паисия александрийскаго, папы и судии вселенского, и Макария антиохийскаго и всего востока, и Иоасафа московскаго и всея России, и многих архиереев греческих и всех российских митрополитов, архиепископов и епископов, и всего освященнаго собора за руками. Мироздания в лето 7175 и 7176⁴⁰¹

Изъявление вещей во книзе, сей⁴⁰².

Глава 1.

Чесо ради в царствующем граде Москве в лето 7175-е собор собрася

В ней же писано и о четвероконечном кресте на просфорах, и о символе, и о аллилуии, како невежи соблазнишася и како свидетельствовашася тая и ново исправныя книги

Тамо же и о знамении креста, соборное изречение с повелением

Молитву Иисусову како в собрани и наедине глаголати

Како печатати просфоры

Сложение перстов иереем на благословение найти како

Неслушающим и противящимся клятва

Решение на собор, что был при царе Иоанне Васильевиче всея России от Макария митрополита московскаго

Что в житии Евфросина Псковскаго писано о сугубой аллилуии, тому не верити

Телеса усопших, кая нетленна бывают, чесо ради и како свидетельствовати

Глава 2.

Не хиротонисати архиереем на единой литургии по три, и по пяти, и по десяти, и вящи диаконов и попов, зане правила тако творящих извергают сана.

Священником в литургии на горнем месте не сидети, ни архимандритом и игуменом и архиереем в чужих епархиях, ниже патриарх сидит в епархии митрополита, или епископа

Егда прилучится двум, или трем патриархам купно служити, како сидети в литургии, такожде и митрополитом и епископом многим без патриарха

Архиерей архиереа, кроме патриарха, не причащает, ниже священник священника, ни архимандрит архимандрита кроме архиереа, яко равночестни, токмо митрополит всех епископов, подобне и архимандрит священников во своей обители. И священному чину причащатися потрижды, мирских поединощи. И како болных причащати

На великий вход священником во взяти даров рук не пременяти

Диаконом святою водою не кропити

В воскресныя дни и господския праздники не торговати и в приказах судов и иных дел не творити

Чтобы священники сами в крещении человеков молитвы говорили, а не ин кто

В действии чина святаго крещения свещей не погружати, и колико им около купели быти

В действе освящения вод святых Богоявлений и августа в 1-й день прежде погружения креста свещей в воде не грузити

Что архимандриты свещами осеняют в литургии, в восточней церкви того чина несть; и чесо ради попустися то и шапки им среброкованныя носити, и како им, архимандритом при архиереах служити

При патриархе в храме стоящу(щем), архиерею литургию служити и благословити невозможно

В великую субботу с плащаницею и во освящении церкве всегда со святыми мощами, и в крещении и венчании в супружество, ходити направо к востоку

Амвоны в церквах сотворяти

Всем архиереем, архимандритом, игуменом, священномонахом и монахом благословение дадеся носити камилавки⁴⁰³ погречески, по преданно восточныя церкве, митрополитом же в России белыя носити попустися

Учити архиереем и священником народ, ежебы давленины не яли и прежде заклания скота всякаго не убивали

Не купатися нагим мужескому и женскому полу, яко само естество научи изначала стыдитися

Одеяние священному чину и монахом по греческому обычаю благословися, укоряющии же таковое священнии извергаются, мирстии же отлучаются

Зерцал в церкви и во олтаре имети и смотретися в них, чесати же главу и браду не подобает

Грядущим жениху и невесте венчатися во храм святый невежливии безстудницы и срамословцы ругающиися отлучаются и градским законом да будут казними

Пред браком священником в епитрахили со крестом на коне верхом не ездити, но просто

К Генадию новгородскому архиепископу Димитрия толмача писанию о белом клобуце и о иных делах не верити

Писание в книзе Псалтире со возследованием древле напечатася о сложении перстов по ереси армянской невежеством, и тому не верити и от книг таковое истребляти

Повеление и клятва Никона патриарха о действе священия воды святых Богоявлений разрешися, яко неразсудно бысть, и како творити

Книга Служебник, что печатася в лето 7176-е, свидетельствован и тако без прилога всякаго впредь быти

Книгу Скрижаль имети в чести и не всякому тую читати.

Епистолию святейшаго Паисиа патриарха вселенского о вещех церковных утвердиша

Книга Жезл Правления чего ради сложися и како и на ком клятва.

Всякий священник дети своя грамоте и всякому благочинью да учит, и от чесого бывают в церкви расколы

Церкви Христовы (служителем) нелепо есть продавати и корчемствовати

Повеление с запрещением, како всякому чину стояти во храме Господни во время святаго пения

Поклоны в церкви Божией творити всем чинно и согласно в кия-либо дни по преданию и уставу

В погребении несомаго умершаго человека священному чину предшествовати, прочим же последовати, яко обычай

По умерших како панихиды пети и прочую службу.

Во святей литургии когда свещи угашати

Иконы своя принося в церковь поставляти и свещи особно ставити и в господские праздники в домы взимати, обнажающе церковь, нелепо есть

Судиям духовным в патриарше дому подобает быти и духовная лица им судити, а во мирская судилища не повлачати тая

Во всех архиерейских домах ради суждения духовнаго чина лиц подобает духовным бытии судиям, и в брачных делах сродственных по правилом истязуют мирских людей и духовныя заветы при смерти всяких чинов свидетельствуют тии же

Духовная всякая дела, между мирскими мужи и женами бывающая, судити патриаршу болярину с товарищи. Преступающим же велие осуждение

Како диаконом, протодиаконом же и архидиаконом со священниками седети, и когда председати тыя

Всем архиереем российскаго царства собиратися в царствующий град Москву часто подобает

Всякия расколныя плевелы архиереем во своих епархиях искореняти

В иконописцах дозорщикам быти, и Господа Саваофа не писати, такожде и святых на иконах с сложенными перстами на моление не писати, но простертыми руками

Господа Саваофа (сиречь Отца) и Сына во чреве его и голубя между ими, изобразующа Духа Святаго, на иконах не писати; токмо на иконах Богоявления голубиный вид писати

Дыхание Господа Саваофа, идущее во чрево девы Богоматере, на иконах Благовещения не писати. Токмо во Апокалипсисе Святаго Иоанна по нужде Отец пишется в седине

Во святых церквах во дейсусе (sic) вместо Саваофа поставляти распятие Иисуса Христа

Святых Петра, Алексия и Иону митрополитов все российских пишут в белых клобуках иконники неправо

О чине монашеском.

Монахом и монахинями из монастыря, где обещася, во ин монастырь не преходити и не скитатися вне монастырей

Без искушения в монашеский образ, и малолетных не постригати мужеского и женска пола

В немощи младых людей женатых, ниже здравых без согласия жен и родителей, такожде и жен, и кого постригати

В монастырь инаго монастыря пострижника, монаха и монахини, не приимати

Аще монах или монахиня по призывании во свой монастырь не возвратится, начальником монастырей возвещати епископу

Вне монастырей монахи и монахини скитающися наказывати нетокмо церковными, но и гражданским законом

Вкладов в монастырь от монахов и монахинь не имати

Монах и монахиня, аще без воли настоятеля собою изыдут из монастыря и упиваются и пренощевают вне монастыря, како их наказывати

Монахом в женском монастыре и женам в мужских монастырех не спати и не пренощевати ни для каких дел

Всему священному и монашескому чину торговый промысл возбранися и в лавках им не седети. Монахом же и монахиням рукоделие продавати

Всякому причетнику, и иноку и, инокине в мирская попечения себе не вдавати, ниже поручатися, и в поручение не приимати, и приявшыяся не вменяются в тое.

Посреде градов и сел волосами обрастшим, и в монашеских свитках волочащимся, и в железах сковавшимся лицемером всякого чина неверити. А кто урод от рождения, того ни хвалити, ни хулити подобает

Глава 3.

Толкование доволное о аллилуии

О сложении перстов во знамении креста

О молитве Иисусове

И заповедание соборное о символе и о прочих делех

Аллилуиа каковый чин содержит в церкви

Глава 4.

Кто не повеле разбойников и татей причащати святых таин, и в последний час како оных исповедати

Причащати пречистых таин и исповедывати осужденных на смерть како повелеся

Причащати прежде казни дня за два, и како у таковых осужденных духовным отцом сидети и наказывати

Священнического и монашескаго чина, аще обрящутся в воровствах каких, как наказывати

Поповы дети, аще не посвящени, в воровствах будут, яко мирстии казнятся

Кто святотатец и тать имянуется, аще и в церкви крадет, и како казнятся таковии

Аще кто священнаго чина, монахи же или монахини, держат лавки и торги и дворы, и в те дворы пущают из найму всяких народов, что в том с ними творити

Глава 5.

Чин Божественныя литургии весь архиерейскаго служения, преданный и свидетельствованный

Когда патриарх изоблачает омофор и облачает, и митру снимает и возлагает на себе

Подобает ли, кроме архиереа, иному священнаго чина церкви новыя освящати, и како

Священником и диаконом скуфии носити надобно.

Глава 6.

От римския веры к православной вере святыя восточныя церкве приходящыя люди како приимати, правила, и суждение известное

Латинская ересь кая тягчайшая, и не подобает их крестити

И в древняя лета собор собора исправляше

О крещены латин, приходящих к восточной церкви, собор бывший на Москве при святейшем Филарете патриархе отставися

Свидетельство старою книгою и собором бывшим в Цареграде о латинском крещеннии

Глава 7.

Вопросы патриархом и их ответы

В день пятдесятный коленопреклонныя молитвы како чести

О водоосвящении богоявленском

По приходским церквам благовест в кое время – Егда архиерей служит литургию, проскомидию кому творити

Ектеньи и молитвы на васильеве и златоустовей службе в великий пост, что (с) среды четвертыя недели на преждеосвященней чтется, не глаголати

Как причащатися пречистыя крове Христовы всякому чину

Священником и диаконом без благословения архиерейскаго не преходити

Коих людей до извержения своего в Воскресенском монастыре Никон патриарх посвящал, како быти тем

Иеромонахом и монахом без архиерейскаго благословения из монастыря в монастырь не переходити и архимандритом и игуменом тех не приимати без отпускных

В домех мирских людей никого и болящих не постригати, но во обещанном монастыре в

В мирских домах монашескому чину не жити.

Како в монашество постригати

Аще не покоряются кому живущии в монастыре.

Которыя попы из епархии в епархию бегая венчают беззаконно

Иеромонахом и монахом имети отца духовнаго токмо в своем монастыре, а не во ином

Како начальником в монастырех смотрети подобает о пианстве, и чтобы рускаго вина в монастырех отнюдь не было

Детей духовных без отпустныя отца духовнаго иному в духовность не приимати, и в нужде како творити

Которыя люди от господей своих бегая святятся в попы и диаконы, и стригутся в монастыри, что с ними деяти

А кто без отпускных таковых святит, или постригает, чему подлежат

Всего освященнаго и духовнаго чина и их людей мирским людем ни в чем не судити

По челобитью вотченников кто поставлен будет в попы, с детьми их прежде поповства, и котории родятся в поповсте, что творити

Аще в селех вотчинник, или помещик, отпустит своего крестьянина в попы, или в дьяконы, и он посвятяся пойдет к иней церкви, и чесо ради, и детем его како быти

Како быти и в каком чину возможно второбрачным попом и диаконом

Еретиков и раскольников како наказывати

Глава 8.

Соборное постановление, в коих градех архиереем вновь быти и которыя епархии из нижних степеней в высшая учинишася, и впредь по разсмотрению где прилично устрояти в странах архиереев повеление

Калуга град и Торуса с прочими в патриарше области учинися

Где в епархиях обретающияся близ иных епархий церкви, по пристойности ближнему архиерею управляти тыя

Глава 9.

Еже в различная времена вдовым причетникам запрещено служити, добре повелеся

Неимущи же какова зазора вдовыя священники невозбранно да служат

Аще в чем обличится вдовый иерей, священнодействия да отлучится, или да извержется

Не приидет в причет мирский человек, егоже жена прелюбы сотвори

Причетник, ведый жену свою прелюбы сотворшу, аще не отпустит, извержется

В древняя времена неимущи жен иереи литургисаху

Глава 10.

О бывшем соборе в царствующем граде Москве в лето 7059 в царство царя Иоанна Васильевича

О седми диаконах како неправо разумеша, и последи исправиша

По вечерянии Христовым тайнам причащатися возбранися

Погрешенныя вины без зазора и добрей исправляются

Исправление церковных вещей, печатных же и писменных книг, како чествовати и колико о том тщание бысть

Каковый собор бываете приемлем

Коликая казнь преслушником о исправлении нынешняго собора

Глава 11.

Соборное изречение о вотчинах церковных и монастырских, которыя патриарх Никон взяв, иныя менял, и купил, и приписал в новопостроенныя свои монастыри

Церковных вещей епископу не продавати

Аще кто по своей воли продание сотворит, кая казнь

Аще кто и архиерей село своея церкве, или ино что продаст на какую-либо нужду, без ведения начальнейшаго, отчуждается чести

Епископ, или игумен, кия-либо вещи церковныя и монастырския продаст, изгоняются

На истощание епископии своея епископ особно себе монастыря да не созидает

Чесо ради в таковых делах осудися Никон патриарх

Грамоты на вотчины с клятвами ни во что вменены

Которым монастырем его строения и чесо ради быти впредь попустися

Патриарша дома вотчинам, аще и менены, быти попрежнему в дому

Купленым вотчинам, что менены на домовыя патриарши вотчины, быти за монастырями, а патриаршим паки в дому

Монастыри, которыя взяты и приписаны к Воскресенскому и другим монастырям Никонова строения, всем со отчинами быти попрежнему и под паствою своих стран архиереев

Которыми вотчинами и варницами солеными коему монастырю владети разделение.

Предел освященнаго собора, собравшагося в богохранимом царствующем велицем граде Москве:⁴⁰⁶ сиречь свиток и определение вещей за кия вины собрася освященный собор, и каково Рассуждение положиша, и како утвердиша.

Благоволением и благодатию святыя единосущныя и животворящия⁴⁰⁷ и неразделныя Троицы, Отца и Сына и Святаго Духа, единаго Божества и царства, иже в Троицы и во единице⁴⁰⁸ славимаго и покланяемаго Бога, повелением же благочестивейшаго, тишайшаго великаго государя⁴⁰⁹, царя и великаго князя Алексия Михайловича всея Великая и Малыя и Белыя России самодержца, новаго Константина, веры православныя христианския⁴¹⁰ ревнителя и поборника, врагом же церкви христове, расколником и непокорником мстителя,⁴¹¹ собрася освященный собор всего великороссийскаго государьства, межь патриаршества, преосвященнии митрополити, архиепископи и епископи, архимандрити и игумени⁴¹² [2] в богохранимом и преименитом великом царствующем граде⁴¹³ Москве вины ради сицевы.

Понеже грех ради наших, Божиим попущением, супостата же нашего христианского православнаго рода и ненавистника диавола ратованием, мнози невежди, неточию от простых, но и от священных и монахов, ови от многаго неведения божественных писаний и разума растленна, ови же и во образе благоговения и жития мнимаго добродетелнаго, являющеся быти постни и добродетелни, полни же всякого несмысльства и самомненнаго мудрования, иже, мнящеся быти мудри, объюродеша, ови же мнящеся и от ревности, и таковии имуще ревность, но не по разуму, возмутиша бо многих души неутвержденных: ови убо устно, ови же и писмено, глаголюще и пишуще, якоже возшепта им сатана.⁴¹⁴ Нарицаху бо книги печатныя, новоисправленныя⁴¹⁵ и новопреведенныя при Никоне бывшем патриархе, быти еретическия⁴¹⁶ и растленны, и чины церковныя,⁴¹⁷ яже исправишася со греческих и древних российских⁴¹⁸ [3] книг,⁴¹⁹ злословиша, имены хулными нарицаша ложно, и весь архиерейский чин и сан уничижиша, и возмутиша народ буйством своим, и глаголаша⁴²⁰ церкви быти не церкви, архиереи не архиереи, священники не священники, и прочая их таковая блядения.⁴²¹ И того ради их диаволоплевелнаго лжесловия⁴²² нецыи⁴²³ священницы вознерадеша о всяком церковном благочинии и попечении, о немже слово воздадут в день страшнаго правосудия Божия, и книгами новоисправленными, и новопреведенными⁴²⁴, печатными при Никоне бывшем патриархе и после его отшествия, начаша гнушатися, и по нихже божественнаго славословия не исполняху, и просфор, на нихже изображен животворящий крест четвероконечный. по преданию восточныя святыя церкве, сим образом, в Божественное священнослужение не приимаху, но от совершеннаго своего неведения приимаху точию просфоры, на нихже изображен бысть крест с подножием, и со главою адамлею,⁴²⁵ и с надписанием сицевым: се Агнец Божий вземляй грехи всего мира неведуще, яко не креста образ Агнец есть,⁴²⁶ и не каяждо просфора⁴²⁷ [4] пред действом и по действии наречется⁴²⁸ Агнец Божий, но изъятая часть единыя первыя просфоры, в воспоминание Господне, оная точию часть Агнец Божий наричется.

И таковаго ради священническаго многаго невежества и нерадения о врученном им Христове стаде, и неприлежания деля и непопечения о церковном всяком благочинии, и безчиннаго их ради жития, мнози христиане отлучишася церковного входа и молитвы,⁴²⁹ и о гресех своих покаяния, и исповедания, и приятия пречистаго Тела и Крове⁴³⁰ Христовы лишишася;⁴³¹ могущии же по домам своим начаша держати вдовых священников без благословения и без свидетельства архиерейскаго; инии же из тех священников мнози под запрещением и изверженьми от своего им архиерея служаху по домом и угождаху непокорником святыя восточныя церкве, не хотящим слушати в церквах пения, идеже совершается по исправленным печатным книгам, по обычаю святыя восточныя церкве: зане во многих от народа мнение вниде, яко ересьми многими и антихристовою⁴³² [5] скверною⁴³³ осквернены церкви, и чини, и таинства, и последования церковная; соблазнишася⁴³⁴ же и о исправлении святаго символа, и о трегубой аллилуии, о знамении честнаго и животворящаго креста, о сложении трех первых перстов, и о Иисусове молитве, и прочая. Сих ради вин сошедшеся мы великороссийскаго государства вси архиереи, митрополити, архиепископи и епископи, и от прочих духовных чинов нарочитии мужи,⁴³⁵ архимандрити, и игумени и протопопи, в патриаршей крестовой полате испытахом⁴³⁶ подробну чрез многое время новоисправленныя и новопреводныя⁴³⁷ печатныя книги и старыя харатейныя славено-российския⁴³⁸ рукописныя книги о вышереченных вещех⁴³⁹ и о прочем, и ничтоже стропотно, или развращено, или вере нашей православной противно в новоисправленных и в новопреведенных⁴⁴⁰ печатных книгах обретохом, но все согласно со старыми славенороссийскими харатейными книгами, в нихже видехом святый Символ без прилога (истинного)⁴⁴¹, яко и в новопечатных исправлено напечатася,⁴⁴² и аллилуиа написано вряд трижды: аллилуиа, аллилуиа, аллилуиа, таже: Слава тебе Боже,⁴⁴³ и о знамении честнаго креста (сиречь о сложениии трех первых перстов десныя руки), и о Иисусове молитве, и о чину⁴⁴⁴ святыя Литургии и прочая, – все согласно в старых славенороссийских⁴⁴⁵ [6] харатейных книгах обретохом, якоже и во исправленых печатных книгах. Зане Никон, бывший патриарх, повеле книги исправляти и преводити⁴⁴⁶ не собою, но советом благочестивейшаго государя нашего, царя и великаго князя Алексея Михаиловича, всея Великия, и Малыя, и Белыя России самодержца, благословением же и советом святейших⁴⁴⁷ вселенских патриархов, и согласием архиереев всего российскаго государства и всего освященнаго собора,⁴⁴⁸ из греческих⁴⁴⁹ и древних славенороссийских харатейных книг,⁴⁵⁰ которыя древния славенороссийския харатейныя книги и сами мы ныне испытахом и разсмотрихом⁴⁵¹ подробну, и при благочестивейшем, тишайшем, великом государе нашем, царе и великом князе Алексий Михайловиче, всея Великия и Малыя и Белыя России самодержце, и при всем сего царском пресветлом сигклите в царских⁴⁵² полатах предложихом и чтохом,⁴⁵³ из нихже некия и всем священником царствующаго града Москвы соборне показахом в патриаршей крестовой полате, в нихже написано святый Символ без прилога (истинного)⁴⁵⁴, аллилуиа вряду трижды, таже: Слава тебе Боже, и прочая вся, якоже и во исправленных печатных книгах.

⁴⁵⁵ [7] Егдаже благодатию всесильнаго и преблагаго Господа Бога⁴⁵⁶ приидоша в царствующий великий град Москву всесвятейшии и преблаженнейшии вселенстии патриарси, кир Паисий папа и патриарх великаго града Александрии и судиа вселенней, и кир Макарий, патриарх Божия града великия Антиохии и всего востока, призыванием, молением и тщанием благочестивейшаго великаго государя нашего, царя и великаго князя Алексиа Михайловича, всея Великия и Малыя и Белыя России самодержца,⁴⁵⁷ и мы, весь освященный собор великороссийский, благодаряще Господа Бога⁴⁵⁸ о их пришествии, зело возрадовахомся и возвеселихомся⁴⁵⁹ о таковом благополучении яко Господь Бог неизреченною⁴⁶⁰ милостию своею⁴⁶¹ такое благополучение нам даровал.⁴⁶² И мы им, преблаженнейшим и всесвятейшим вселенским патриархом, наши соборы и дела вся подробну известихом. И они, всесвятейшии патриарси, наши соборы и дела и разсуждения⁴⁶³ слышавше, глаголали: яко тако есть истинно и право разсудисте⁴⁶⁴ и с нами во всем согласно; якоже мы держим и мудрствуем свыше и изначала, тако и вы соборовали есте и мудрствовали; зане сие предание есть святых Апостолов, и святых отцев, и святыя⁴⁶⁵ [8] церкве чин древний, и книги исправленныя и новопреводныя⁴⁶⁶ печатныя суть правы и согласи с нашими греческими книгами. И своим великопастырским благословением наши соборы и дела и разсуждения⁴⁶⁷ благословиша и утвердиша. Иегда Господь Бог и пресвятая. пречистая Богородица по их присшествии без медления⁴⁶⁸ дароваша нам крайняго⁴⁶⁹ архиереа и архипастыря, святейшаго Иоасафа, патриарха московскаго и всея России: и к нему такожде приносихом тая наша соборная дела и писания и предложихом пред ним, еже разсмотрити, разсудити, благословити и утвердити своим великопастырским благословением. И он, архипастырь наш,⁴⁷⁰ великий господин святейший кир Иоасаф, патриарх московский и всея России, слушав и разсмотря тая наша соборная дела и писания, своим великопастырским благословением утвердил, якоже и преблаженнейшии и всесвятейшии вселенстии патриарси, кир Паисий александрийский и кир Макарий антиохийский, согласно во всем.

Изречение.⁴⁷¹

К сим убо ныне обще мы, милостию Божиею православнии вселенстии патриарси, кир Паисий, папа и патриарх великаго града Александрии и судия вселенней, и кир Макарий⁴⁷², [9] патриарх Божия града великия Антиохии и всего востока, вкупе со братом и сослужителем нашим святейшим кир Иоасафом, патриархом московским и всея России, и с преосвященными митрополиты, архиепископы и епископы российскими,⁴⁷³ и со прилучившимися зде греческими архиереями и со прочими, и со всем освященным собором великороссийскаго государства⁴⁷⁴ –

Во имени великаго Бога и Спаса нашего Иисуса Христа соборне заповедуем всем вам, архимандритом, и игуменом и всем⁴⁷⁵ монахом, протопопом и старостам поповским, и всем священником местным и не местным, клириком же⁴⁷⁶ и всякому чину православным христианом великим и малым, мужем и женам, и повелеваем покарятися вам⁴⁷⁷ во всем без всякого сумнения и прекословия⁴⁷⁸ святой восточней и апостольстей церкви Христове. Архимандриты же и игумены да научат⁴⁷⁹ братию всю в монастырех, протопопы и старосты поповские и попы местные и не местные, местнии же священницы кийждо в своем приходе⁴⁸⁰ и кийждо священник вся своя дети духовныя,⁴⁸¹ мужи, и жены и⁴⁸² [10] отроки да учат по часту во всех церквах и наедине, дабы покарялися вси во всем без всякаго сумнения святей восточней церкви. И книги, яже за повелением благочестивейшаго великаго государя, царя и великаго князя Алексия Михайловича, всея Великия и Малыя и Белыя России самодержца, и благословением и советом святейших вселенских патриархов⁴⁸³ исправишася и преведошася⁴⁸⁴ и напечатася при Никоне, бывшем патриархе и после его отшествия за благословением освященнаго собора, книги Служебники и Потребники и прочия (зане суть право исправлены) приимати, и по них да⁴⁸⁵ прикажут правити церковное все Божие славословие чинно, и не мятежно, и единогласно, и гласовное пение пети на речь,⁴⁸⁶ и святый Символ приимати и глаголати яко святии и богоноснии отцы в первом вселенском соборе, иже в Никеи, и во втором вселенском собора иже в Константинополи, написаша греческим языком, и прочии вселенстии собори и поместни приимаша, якоже ныне исправлено противо греческаго, и напечатася славенским языком без прилога истиннаго и без всякаго изменения.⁴⁸⁷ Тако убо всем держати повелеваем и глаголати в церкви и повсюду исповедание православныя веры, и аллилуиа в божественном пении⁴⁸⁸ [11] во учиненых местах⁴⁸⁹ глаголати трижды, сиречь: аллилуиа, аллилуиа, аллилуиа, слава тебе Боже, по древнему преданию, якоже писано есть и в древних харатейных славенских⁴⁹⁰ книгах. И знамение честнаго и животворящаго креста творити на себе треми первыми персты десныя руки: палец глаголемый и иже близь его, глаголемый указательный, и средний слагати вкупе во имя Отца и Сына и Святаго Духа; два же: глаголемый мизинец и иже близ его, близосредний, имети наклонены и праздны⁴⁹¹ по древнему преданию святых Апостолов и святых отцев. Тако бо имут вси народи христианстии, мнози язы́цы, иже суть во православии, от востока и до запада, предание издревле и доныне неизменно держат, якоже и ныне видится и в России,⁴⁹² (яко) мужие поселяне неизменно, из древняго обычая, знаменуются треми первыми персты. И молитву Иисусову глаголати сице: Господи Иисусе Христе Боже наш, помилуй нас, в церковном пении и во общем собрании, а наедине якоже кто хощет. К сему же приказати всем просфорницам,⁴⁹³ где кому приказано, чтобы просфоры печатали, и печатаю⁴⁹⁴ креста четвероконечнаго, якоже выше изобразися, по свидетельству⁴⁹⁵ [12] великих учителей, Афанасия Великаго, и Иоанна Дамаскина и иных, яко и от двою древу сложенный крест истинный есть крест. Посему же и чин церковный и монастырский и посты хранити по преданию святых Апостолов и святых отцев, якоже восточная, святая, соборная⁴⁹⁶ и апостольская церковь содержит ко спасению всем православным христианом. Еще же повелеваем всем вам освященному чину и показуем, како вам знаменовати, сиречь благословляти народ: сложившу десныя руки иерею⁴⁹⁷ два перста, глаголемый указательный простерт и великосредний мало наклонен, яже знаменуета: Иисус, и паки, два перста, глаголемый⁴⁹⁸ палец и близосредний, наклонена, другодружно совокуплена,⁴⁹⁹ яже знаменуета литеру Х, и паки присовокуплен к близосреднему персту малый перст, глаголемый мизинец, простерт и мало наклонен,⁵⁰⁰ иже знаменуете литеру С, и вся сия три персты знаменуют Хс҃.⁵⁰¹ И сим именем Господа нашего Иисуса Христа завещанием вам⁵⁰² знаменовати верных народы, по реченному ко Аврааму о Христе: и в семени твоем возблагословятся вси язы́цы.⁵⁰³

Сие наше соборное повеление и завещание ко всем выше реченным чином православным предаем и повелеваем всем⁵⁰⁴ [13] неизменно хранити и покарятися святей⁵⁰⁵ восточней церкви.⁵⁰⁶ Аще ли же кто не послушает повелеваемых от нас и не покорится святой восточной церкви и сему освященному собору⁵⁰⁷ или начнет прекословити и противитися нам, и мы таковаго противника⁵⁰⁸ данною нам властию⁵⁰⁹ от всесвятаго и животворящаго Духа, аще ли будет от освященнаго чина, извергаем и обнажаем его⁵¹⁰ всякаго священнодействия⁵¹¹ и проклятию⁵¹² предаем, аще же от мирскаго чина (будет), отлучаем и чужда сотворяем от Отца и Сына и Святаго Духа, и проклятию и анафеме⁵¹³ предаем. яко еретика и непокорника, и от православнаго всесочленения и стада, и от церкве Божия отсекаем,⁵¹⁴ дóндеже уразумится и возвратится в правду покаянием. А кто⁵¹⁵ не уразумится⁵¹⁶ и не возвратится в правду покаянием и пребудет во упрямстве, своем до скончания своего, да будет и по смерти отлучен⁵¹⁷, и часть его и душа со Иудою предателем и с распеншими Христа жидовы, и со Арием и со прочими проклятыми еретиками. Железо, камение и древеса да разрушатся и да растлятся,⁵¹⁸ а той да будет неразрешен и неразтлен⁵¹⁹, и яко тимпан во веки веков, аминь.⁵²⁰

Сие соборное наше узаконение подписахом и утвердихом нашими руками и положихом в дому Пресвятыя Богородицы, честнаго и славнаго ея Успения, в Патриархии⁵²¹ [14] богохранимаго царствующаго великаго града Москвы и всея России, в вечное утвержение и присное⁵²² в воспоминание, в лето от сотворения мира 7175, от воплощения же Бога Слова 1667, индикта пятаго, месяца маиа в 13-й день.⁵²³

А собор, иже бысть при благочестивом великом государе, царе и великом князе Иоанне Василиевиче, всея России самодержце, от Макариа, митрополита московскаго, и что писаша о знамении честнаго креста, сиречь о сложении двою перстов, и о сугубой аллилуии и о прочем, еже писано не разсудно, простотою и невежеством, в книзе Стоглаве, и клятву, юже без разсуждения и неправедно⁵²⁴ положиша, мы православии патриарси, кир Паисий, папа и патриарх александрийский и судиа вселенней, и кир Макарий, патриарх антиохийский и всего востока, и кир Иоасаф, патриарх московский и всея России, и весь освященный собор, тую неправедную и безразсудную клятву макариеву и того собора разрешаем и разрушаем, и той собор не в собор, и клятву не в клятву, но ни во что⁵²⁵ вменяем, якоже и не бысть: зане той Макарий митрополит, и иже с ним, мудрствоваша невежеством своим безразсудно, якоже восхотеша сами собою, не согласяся с греческими и древними харатейными словенскими⁵²⁶ [15] книгами, ниже со вселенскими святейшими патриархи о том советоваша и ниже свопросишася с ними.

К сим же заповедуем и о еже писано в житии преподобнаго Евфросима, от соннаго мечтания списателева, о сугубой аллилуии⁵²⁷, да никто тому верует, зане все тое писание блядливое⁵²⁸ есть, от лстиваго и лживаго списателя писано на прелесть благочестивым народом. Сие вам всем благочестивым народом великороссийскаго государства завещеваем и повелеваем и заповедуем во имени святыя, единосущныя и неразделныя Троицы, единаго всех Владыки же и Бога, яко да отныне и впредь таковых соний лжевидения не слушати и не внимати⁵²⁹ (Чти о семь во книге Никонове⁵³⁰. Такожде и нетленных телес обретающихся в нынешнен времени да не дерзаете, кроме достовернаго свидетельства и соборнаго повеления, во святых⁵³¹ почитати: зане обретаются многа телеса цела и нетленна не от святости, но яко отлученна и под клятвою архиерейскою и иерейскою суще умроша, или за преступление божественных и священных правил и закона цели и неразрешими бывают. А кого во святых⁵³² хощете почитати, о таковых обретающихся телесех достоит всячески испытати и свидетельствовати достоверными свидетельствы пред великим и совершенным⁵³³ [16] собором архиерейским.

Благодать Господа Бога и Спаса нашего Иисуса Христа и мир и благословение нашего умерения да будет на покаряющияся святей восточней и апостольстей церкви и на послушаюшия нас, ныне и присно и во веки веков, аминь.⁵³⁴

[17] Правил,⁵³⁷ яже предложиша на освященном соборе блаженнейший и всесвятейший кир Паисий, папа и патриарх великаго града Александрии и судиа вселенней, и блаженнейший и всесвятейший кир Макарий, патриарх Божия града великия Антиохии и всего востока, о исправлении некоторых церковных нуждных вещей.

1. Ведомо нам есть, яко неции от архиереов (малороссийских) во едину литургию хиротонисают по три, и по пяти, и по десяти диаконов и попов, и вящши. И то есть пребеззаконно и неправильно: зане таковаго устава несть и не обретается, и во святой восточной церкви таковый чин и обычай не бывает. И сие предание не есть от святых отцев, якоже пишет блаженный кир Симеон, Новый Богослов, митрополит селунский в книзе толкования церковных чинов, в главе 40-й сице: единаго диакона прияхом, и единаго пресвитера, и единаго епископа внутрь хиротонисати при святей трапезе, возвращаяй же, новосечет,⁵³⁸ новосечяй же, не последует церкви. А не последуяй святей восточней церкви, сей последует еретиком яковитом и прочим, сице творящим. Обаче соборне ныне заповедуем, да никтоже от архиерей дерзнет отныне сие творити. Аще ли кто дерзнет сие безчиние и беззаконие творити, по нынешней⁵³⁹ [18] нашей Патриаршей соборной заповеди да будет чужд священства и сана.

2. Еще же слух наш есть и о сем, яко зде, в России, в Божественной литургии в чтении Апостола⁵⁴⁰ всякий священник седит на священносопрестолии, сиречь на горнем месте. И то пребеззаконно и прелюбодеяние есть:⁵⁴¹ зане то архиереов место и седалище есть, и сущий престол и невеста его; и не токмо священником или архимандритом подобает седети на горнем месте, но ниже архиереом в чуждих епархиях ни в какой церкви возможно седети на горнем месте, ниже самому патриарху: аще прилучится ему путешествовати во епархии митрополита или епископа своего, не может седети на том месте, Кольми паче не подобает священникам седети И кто сие творит, прелюбодействует и велми согрешает. Повелеваем убо, и сие безчиние да престанет. Аще ли кто дерзнет отныне сие вышеписанное безчиние творити и беззаконие, да будет чужд священства.

3. Ведомо творим и сие, яко во святой великой церкви Константинопольской и в прочих патриархиях восточных, егда прилучится вкупе служити двум⁵⁴² [19] или трием патриархом, поместный патриарх, сиречь настоящий, не седит на священносопрестолии, токмо и той седит вкупе с прочими на креслах по степени его, ради братская любве и равночестия. Такожде бывает, егда служат и два митрополити, или три, или и инии архиереи Сице чин держится во святой восточной церкви.

4. В божественной литургии не причащает архиерей архиереа, кроме патриарха, ниже священник священника причащает, кроме архиереа, ниже архимандрит архимандрита, зане суть равночестни. Токмо митрополит причащает своих епископов, подобне и архимандрит священников во своей обители. А причащатися архиереом и иереом и диаконом от святаго потира потрижды, якоже есть древний обычай и в Чиновнике писано⁵⁴³ и устав;⁵⁴⁴ а мирских людей да причащают пречистаго тела и крови Христовы лжицею и поединожды, якоже имать обычай восточная церковь, кроме болных. Болным же подается от вина со лжицы, дважды и трижды, дабы возмогли потребити маргариту⁵⁴⁵ сущу суху.

5. Еще слышахом, яко зде в России священницы святыя дары в великий вход подъемлют не по чину, пременяют руце⁵⁴⁶ [20] и емлют святый потир левою рукою. И то творят не по уставу: зане таковый чин нигде не обретается писан, ниже святая восточная церковь таковый обычай имать, ниже таинства якова являет сие пременение рук, токмо суемудрие и раскол

6. Еще же: чесо ради диакони кропят святою водою народ и в домех, а не священницы? И то безчинно есть. Священник бо святит воду: ему же достоит и кропити, а не диакону;⁵⁴⁷ диакон же токмо да держит сосуд со святою водою, зане слуга есть.

7. Чтобы вси архиереи приказали кийждо во своей епархии всему народу, яко в воскресный дни и в Господския праздники и Богородицы «никто бы не работал никакия работы, по Божией заповеди и по правилам святых Апостолов и святых отцев, и не торговали кроме пищи, сиречь всякаго брашна и пития. Подобие и в приказех судов не творили и иных дел, кроме царьских нуждных дел.

8. Еще же приказати архиереем коемуждо во своей епархии всем священникам накрепко, еже бы действо святаго крещения, молитвы и всю службу, сам точию священник да глаголал, а не ин кто, диакон или от прочих причетников, якоже⁵⁴⁸ [21] неции священницы безумно творят, иже инем повелевают⁵⁴⁹ глаголати молитвы (и прочая).⁵⁵⁰ Аще же отныне обрящется священник сице творяй, да извержется.⁵⁵¹

9. Такожде повелевати, чтобы не погружати в купели свещи в начале действа святаго крещения: зане сие предание и чин не есть во святой восточной церкви, и таинства никакова являет, токмо суемудрие и безчиние. Но да творят по чину святыя восточныя церкве: быти окрест купели трием свещам, на свещницех возженным, до совершения действа: зане сие являет и таинство. А погружати свещи и действовати без вожжения свещ (окрест купели) не есть таинство, токмо безчиние и безумствование.

10. Еще же повелеваем и заповедуем, яко в праздник святых Богоявлений в действо освящения вод никтоже да погружает свещ в воде прежде погружения честного креста: зане и сие есть безчинно, а не по уставу и преданию святыя восточныя церкве. А аще кто хощет свещи, или ино что от вещей погружати во святой воде освящения ради, да погружает по погружении честнаго креста (яко же обычай есть и в некоторых восточных странах); а егда погружати будут, ничего же да глаголют: зане погружаются свещи, или ино что, еже освятитися от святых вод, а не святити воды.⁵⁵² [22] Подобий быти и августа в 1-й день в освящении святых вод, якоже выше писася, а не инако.

11. Ведомо нам есть и сие, яко изволением благочестивых царей и великих князей нецыи от архимандритов во святую литургию действуют и осеняют со свещами, яко же и архиереи. А того чина во святой восточной церкви несть, и не прилично архимандритам архиерейская действовати. Обаче ради царских и великих князей изволения того не возбраняем, яко же и сребряныя злащеныя шапки, подобны митрам, ради прошения благочестивейшаго и самодержавнейшаго⁵⁵³ государя нашего, царя и великаго князя Алексиа Михайловича, всея Великия и Малыя и Белыя России самодержца, не возбранихом. Но подобает и сие с Рассуждением и с намерением архимандритом действовати тако: егда прилучится в монастыре пришествие архиереово, или настоящаго архиереа, или иныя епархии, не служащу бо архиерею, но стоящу токмо во слушании святыя литургии, аще архимандрит служит, да не благословляет со свещами, и ниже без свещ, и да не действует архиерейская пред архиереом, или весьма да не служит.

Такоже⁵⁵⁴ и патриарху стоящу в⁵⁵⁵ [23] церкви во слушании святыя литургии не возможно иному Архиерею служити и благословляти пред ним, зане, по святаго Апостола Павла, менший от большаго благославляется без всякаго прекословия, а не болший от меншаго.

12. Проуведехом и сие, яко в великую субботу на утрени, егда вход бывает со святою плащаницею окрест церкви, подобне и во освящении церкве вход со святыми мощами около же церкве, не ходят по обычаю святыя восточныя церкве направо, к востоку, но ходят налево, к западу, яко по солнцу подобает ходити. И то не смысленно мудрствуют: зане не согласно есть с прочими чины церковными. Ибо егда хиротонисается диакон, или священник, или архиерей, во хиротонии обхождения святыя трапезы со хиротонисаемым бывает не налево, по солнцу, но надесно противо солнца. Такожде и со святым Евангелием малый вход и великий вход со святыми дарми направо, противо солнца, а не по солнцу, и чин каждения во святом олтаре окрест святыя трапезы и в церкви подобне бывает. Чего убо ради творят разнство, вход со святою плащаницею в великую субботу и вход со святыми мощми на освящении церкве⁵⁵⁶ [24] и во святом крещении и венчании, каковое особое таинство в сих показуют? Ей, ни какова; токмо суемудрие, и мятеж, и раскол. Лепо бо есть во святой церкви согласию быти, нежели расколу. Подобает убо, яко же есть чин входу со святым Евангелием и со святыми дарми и во хиротонии диаконства, иерейства и архиерейства: такожде и входу со святою плащаницею, и во освящении церкве со святыми мощами, и во святом крещении и венчании быти, да престанет суемудреных и раскольников безчинное предание, и да будет согласие со святою восточною церковию и со самыми прочими церковными чины вышеписанными.

О амвоне

13. Потребно и прилично есть быти в церкви амвону: зане то и таинство имеет и древнее предание есть. Обаче не понуждаем всем о том; но идеже в которой церкви устроены суть амвоны, и им быти невозбранно. И паки, аще кто и впредь произволит строити амвон в церкви, и тому не возбраняем, но и соизволяем устрояти невозбранно.

14. Достойно есть и сие в забвение не оставите, но приложити⁵⁵⁷ [25] написание, ради вечнаго утверждения и памяти, яко повелехом и благословихом всех великороссийскаго государства архиереов и архимандритов и прочих властей, священномонахов и монахов носити камилавки⁵⁵⁸ во образ, якоже носим вселенския патриархи и вси православнии архиереи и архимандриты, и игумены и прочии монахи святыя восточный церкве, яко бы во святой православной церкви, было единомыслие и согласие во всем, якоже во священнодействии, и во священных ризах и во прочих церковных чинех, такоже быти согласию и во всяких одеяниях, иже носим. Обаче архиепископи, и епископи, и архимандрити и прочии власти, священномонахи и монахи да носят черныя клобуки, а митрополитом снизхождением изволихом носити им и белыя клобуки, ради некоторого древняго обычая великороссийскаго государства (аще и те изветы, иже глаголют о белом клобуке, и не суть правы). Обаче же повелехом им белыя клобуки носити во образ греческаго чина, якоже носят вси гречестии и прочии православнии архиереи, да будет мир и тишина и единомыслие во святой православной церкви яко да прославится Бог в человецех во святой церкви на земли, якоже и во святых безплотных ангелех на небеси.

⁵⁵⁹15. Должно есть и о сей душеполезной вещи воспомянути,⁵⁶⁰ [26] яко дабы вси архиереи кийждо во своей епархии и всякий священник во своем приходе научали весь народ, чтобы давленины не яли, якоже повелевают святии Апостоли, и всякаго скота, употребляемаго в снедь, прежде заклания во главу обухом да не ударяти, но токмо ножем закалали: яко да не будут преступницы Божия заповеди, еже повелеваем, да не снесте мяса в крови души его.

16.⁵⁶¹ Подобна же поучати, яко дабы⁵⁶² люди не купалися наги без всякаго стыда пред народом, мужеским и женским полом: зане сие православным христианом неприлично творити и есть противно естественному закону, ибо и многия неверныя языки сего безстудства нетокмо⁵⁶³ творят; но и творящим сие посмееваются:⁵⁶⁴ В древних бо временех первосозданный человек Адам и жена его Ева видеша себе по преступлении наги, само естество научи их, стыдения ради, покрытися листвием смоковным. Ной обнажися в пианстве, а зане сын его Хам смотри обнажения отча, проклятие наследи; а другии⁵⁶⁵ два сына, Сим и Афет, не хотящее зрети обнажения отча, но на зади⁵⁶⁶ ходивше, покрыта обнажение отчее и за то благословение наследиша. Аще в древняя времена прежде закона и благодати⁵⁶⁷ [27] сице бысть, колми паче ныне православным христианом подобает со всяким опаством пребывати.

17.⁵⁶⁸ Благословихом убо, яко всякий освященнаго чина и монахи одеяние да носят, якоже носят вси освященнаго чина и монахи святыя восточныя церкве. Обаче не принуждаем, но подражателей ея благословляем. Аще же кто непокорен и нехощет такова одеяния носити, повелеваем, да не укоряет носящих. Ащели же кто станет укоряти носящих греческия одежды, таковый, аще от священнаго чина будет, да извержется, ащели от мирскаго, да будет отлучен.

18. Еще же и зерцалов⁵⁶⁹ в церкви во святом олтаре не подобает быти и смотритися в них священником, и диаконом и прочим причетником церковным, и ниже чесати главы и брады в церкви и во святом олтаре подобает: зело бо безчинно есть и пренебрежно. В келлиях бо подобает чесати и углаждати главу и браду, а не в церкви, ниже в олтаре, яко же сами мы видехом очима нашыма некоторых таковое безчиние творящих во святей церкви. А зерцало⁵⁷⁰ священником и монахом ниже в келии подобает имети, колми паче в церкви. Повелеваем убо отныне, сие безчиние да престанет.

19. Проуведехом же и сие, яко, егда бывает брак, сиречь тайна⁵⁷¹ [28] супружества, и грядущим жениху и невесте ко церкви, и хотящим венчатися, мнози безумии и безчиннии, пренебрегающии сию святую тайну, козлогласуют нелепыми и безстыдными словесы, невежеством своим. Сего ради повелеваем всем священником поучати сих безчинников, да престанут от безумия и безчиния сего, и аще кто отныне не престанет от сего безчинства гнуснаго, да будет отлучен, и да накажется и градским законом, яко безчинник.

20. Еще же и священником нелепо есть ездити по улицам (верхом) на конех с епитрахилью и со крестом в таковое время и никогда. Егда бо носит иерей епитрахилий и крест, подобает ему ходити пешу, подобне и прочия, иже будут за ним (со крестом бо обычай есть предходити на погребании умерших, а не пред браком). Повелеваем убо ездити священнику по обычаю, но просто, без епитрахили и без креста, пред браком.

21. Повелеваем (еще) и писание, еже писано есть из Рима ко Генадию новгородскому архиепископу от Димитрия толмача (о белом клобуке) и о прочих, да никто сему писанию⁵⁷² веру иметь: зане лживо и неправо есть, яко же яснеши, возобличатся прочая его блядословия во ином писании. Обаче мы благословихом всех митрополитов великороссийскаго государства, да носят белыя клобуки по греческому образу ради древняго обычая, а не ради лживаго писания Димитрия толмача, еже писа от ветра главы своея.

⁵⁷³22. [29] Еще же и писание, еже есть сложено от некоторого раскольника и скрытаго еретика арменския ереси, и напечатася невежеством и неразсудно в книзе Псалтире со возследованием и во иных (сиречь о сложении перстов яко знаменатися повелевает по обычаю, еже⁵⁷⁴ еретики армени знаменаются крестом), да неприимете сие и да никто же отныне сему писанию верует, ниже да держит. но искоренити повелеваем от таковых печатных и писменных книг.

23. Повеление же и клятву, еже не разсудно ю положи⁵⁷⁵ Никон, бывший патриарх, о действе освященныя⁵⁷⁶ воды на святых Богоявлений, еже действовати единощи, точию в навечерии, разрешаем, и разрушаем и в ничтоже вменяем.⁵⁷⁷ Повелеваем же и благословляем творити по древнему обычаю святыя восточныя церкви и по преданию святых и богоносных отцев: в навечерии действовати освящение святых вод в церквах, и по утрени на реке, яко же повелевают и вси церковныя уставы те же молитвы глаголати и действо творити.

24. Книга Служебник, якоже прежде исправися и печатася, и ныне при нас прилежно свидетельствовася от всего освященнаго собора и печатася в лето 7176-е⁵⁷⁸, [30] тако же и впредь да печатают и никто же да дерзнет отныне во священнодейстие⁵⁷⁹ прибавити⁵⁸⁰ что или отъяти⁵⁸¹, или изменити. Аще и ангел (по нас) будет глаголати что ино, да не имате ему веры.⁵⁸²

Книга Скрижаль, еже вновь преведеся⁵⁸³ с греческих книг при Никоне, бывшем патриархе, и печатася, да имате ю в велицей чести ради многих богословских разумов и таин церковных, яже имать и содержит в себе. Обаче не всякому человеку прилично есть таковую⁵⁸⁴ богословскую книгу прочитати. токмо искусным таинственником, и ученым и разумнейшим подобает таковую⁵⁸⁵ книгу имети и прочитати; невежди же, аще будут прочитати, то неискуством их и неучением разум свой токмо будут потопляти и погибнут⁵⁸⁶ яко же пострада и Никита поп, Лазарь, Аввакум и прочии невежди.

26. Епистолия, еже⁵⁸⁷ писана от нашего брата, святейшаго кир Паисия, архиепископа константинопольскаго, новаго Рима, и селенскаго патриарха, о некоторых церковных вещех по вопросам, и ответы,⁵⁸⁸ якоже от нашего брата, святейшаго Паисия патриарха и от того священнаго собора написано есть, тако и мы⁵⁸⁹ [31] согласно повелеваем и утверждаем.

27. Потребно есть всем ведати и о сем, яко книга Жезл правления,⁵⁹⁰ яже ныне сложися и напечатася в возобличения на Никиту попа и Лазаря писание, иже⁵⁹¹ на книгу Скрижаль и на прочая с своими суемудренники написаша во обличения⁵⁹², и за то их ложное писание, и неправедное обличение и смущение предахом их проклятию и анафеме, яко же в книзе Жезле видится. Обаче потом Никита поп образумися⁵⁹³ и покаяся и принесе чистое покаяние пред нами и пред всем освященном собором, и тем получи (он Никита поп) прощение и разрешение от того отлучения и клятвы и проклятия, и сочетася во общение паки ко благочестивым и православным христианом; а та клятва и проклятие, еже писано есть в книзе Жезле, возводится ныне точно на Аввакума бывшаго протопопа, и на Лазаря попа и Никифора, и Епифанца старца соловецкаго, и Феодора диакона⁵⁹⁴ и на прочих их единомысленников и единомудреников и советников их, дóндеже пребудут в непокорении.⁵⁹⁵

28. О святом Символе, о трегубой аллилуиа, о сложении перстов, сиречь о знамении честнаго креста, и о Иисусове молитве повеление писано в нашем соборном свитце, а пространнейшее толкование о сих⁵⁹⁶ [32] есть в другом нашем свитце, еже есть в толковании⁵⁹⁷ и в книге Жезл правления напечатано в главе 21, 26, 28, 29, 30.

29. Повелеваем еще к сему, яко да всякий священник детей своих научает грамоте, и страху Божию и всякому церковному благочинию со всяким прилежанием, яко да будут достойни в восприятие священства и наследницы по них церкви и церковному месту; а не оставляти им детей своих наследников мамоне, а церковь Христову кормчемствовати и во священство поставлятися селким невеждам, иже инии ниже скоты пасти умеют, колми паче людей. Тем убо бывают в церкви божии мятежи и расколы.

30. Святыя церкви священником кормчествовати и продавати нелепо есть: зане Христос Спаситель наш искупи святую церковь пречистою своею кровию и свободи ю. Советуем убо ныне вам всем прихожаном коеяждо церкве,⁵⁹⁸ православным христианом, живущим зде в царствующим велицем граде Москве и прочим, и благословляем вас, да искупите святыя церкви продаваемый и церковныя места, разве домовнаго их строения и храмин,⁵⁹⁹ да будут свободны и под единою главою и властию, еже есть Христос и крайний пастырь ваш, наш брат, святейший московский патриарх и всея России.⁶⁰⁰ [33] А продавати церкви Христовы и церковныя места, яко отчины, зело неправильно есть.

31. Впоследне повелеваем с великими запрещением всем православным, иже во священном и в монашеском чину, такожде и всем сановитыми и прочими мирскими людем, большим и малым, мужем и женам: яко во святей церкве во время службы Божии, в вечерне и на утрене, а наипаче же во святую литургию стояти с молчанием и со страхом божиим, и с умилением и сокрушенным сердцем о своем спасении Бога молити в тайне, а не беседовати о суетноми попечении. Зане в святую литургию Спаситель наш Господь Иисус Христос тайно закаляется о нашем спасении; а нам⁶⁰¹ беседовати о суетных и привременных попечениях зело пребеззаконно есть, и вместо оставления грехов и спасения осуждение примем.⁶⁰²

32. Еще же и поклоны в церкви подобает творити чином, в начале вхождения, якоже обычай; таже благоговейно стояти и безмятежно: егда бо удобное время есть и устав, еже поклоны творити, тогда да поклонятися всем вкупе. Согласию бо быти во святой церкви лепо есть, нежели разгласие и мятеж⁶⁰³: тако бо повелевают⁶⁰⁴ [34] богоноснии отцы и церковныя уставы. Подобне и во всю Пятдесятницу и во всякую неделю и Господския праздники коленопреклонение не подобает творити, яко же повелевают правила святых Апостол и святых отец.

О погребении умершаго человека

33. Егда провождают умершаго из дому к церкви погребсти его, архиерею и священником пред умершим ходити благочинно подобает, яко же во святой восточной церкви обычай издревле содержится; а прочии людие и жены за умершим такожде благочинно да ходят, а не вси вкупе за умершим смешани. То бо безчиние есть: зане не умерший водит священников к церкви, но священницы водят умершаго. Еще же и крест великий носити⁶⁰⁵ пред умершим лепо есть, яко же во всех христианских странах обычай содержит⁶⁰⁶. Обаче священницы по два два да предходят чином, таже игумени и архимандрити, потом архиереи (аще есть) близ умершаго; окрест же умершаго диаконы с кадильницы; таже и мирския люди и жены.

⁶⁰⁷ [35] О панихиде

34. Егда совершается поминовение о усопших: третины, девятины, сорочины, годины, или во ино время восхощет кто поминати родители своя, по вечерни бывает панихида, служба вся, яко же и на погребении, кроме стихир, блаженны, Апостала и Евангелия, и целования. В конце же службы, или по отпусте ходят на гроб, поюще: Со духи праведных, и прочая, диакон ектению: Помилуй нас Боже, и прочая, священник молитву: Боже духов, возглас: Яко ты еси воскресение, и отпуск по обычаю за упокой.

На утрии совершается святая Литургия о усопших, и во святой литургии чтется Апостол и Евангелие дню и усопшаго, святому же на Литургии не чтется ни Апостол, ни Евангелие. Того ради от панихиды в вечер оставляется Апостол, и Евангелие, яко да чтется во святой литургии. По заамвонней же молитве абие поют: Со духи праведных, и прочая. Таже диакон, ходя, над кутьею глаголет ектению: Помилуй нас Боже и прочая; священник молитву: Боже духов, и по возглас: Яко ты еси воскресение, абие: Буди имя Господне, яко же и в Служнбнице напечатано есть на листе 440. По отпусте же святыя литургии⁶⁰⁸ [36] ходят и на гроб паки, аще тамо близ есть, и таяжде поют и глаголют, яко и по заамвонней молитве, и отпуст за упокой; аще же гроб есть в церкви, якоже царей и великих князей, и абие позаамвонней молитве идут с кутиею на гроб, поюще: Со духи праведных, и прочая, и глаголют ектению и молитву: Боже духов, и прочая, яко предречеся.

35. Проуведехом и сие, яко в монастирех и в приходских церквах во святую литургию по некоторому неправому преданию, или самочинному обычаю погашают убо свещи по преношении святых даров, сиречь по херувимской песни, инии же по достойне. И то предание несмысленно есть: зане по херувимской песни идут святыя дары ко совершению, тогда бо, по пренесении святых даров, вящше честь подобает показати и свещ не погашати, но еще и больние возжигати; по достойне убо святыя дары совершенны суть, и сего ради по достойне нелепо есть свещ погашати; погашаются же свещи в конце святыя литургии, по заамвонней молитве.⁶⁰⁹

36. Прииде и то во слух наг, отчасти же и самем видети приключися, яко вообычаися зде неблаголепо, еже прихожанам иконы своя домашния во церкви приносити⁶¹⁰ [37] и, всякого чина кроме, идеже кто хощет поставляти, не согласився и со священником, чесо ради свары и прения, (паче же и вражды обыкоша бывати. К тому, яко свещи всяк пред своею иконою поставляет небрегомым сущим местным иконам олтарным, и всяк своей иконе моляся на различныя страны покланяются, и тако велие во церкви смятение и неблагочиние бывает. Сим же изветом неискусны людие своя си иконы боги своя именуют, чесо ради явствуются не знати единства Божия, паче же многобожие непшевати. Еще же, овогда тыя святыя иконы в церковь приносят, овогда же износят, наипаче во светлыя дни Воскресения Христова, обнажающе храм Божия красоты его, еже все есть нелепо. Темже судихом отселе сицеву безчинию не быти. Аще бо кто хощет икону поставити во церкви, да отдаст ю вовсе церкви, не именуя ея своею, ниже износя отнюдь никуда, священник же благочинно да поставит ю. Свещи первое местным олтарным иконам да представляются, потом же прочим. Поклон чинно да творится, ко олтарю обращшимися.⁶¹¹

⁶¹²[38] О Духовном судии

37. Советовахом убо с братом и сослужителем нашим, святейшим кир Иоасафом, патриархом московским и всея России, и со всем освященным собором, быти духовному человеку, сиречь архимандриту со другими искусными мужи, во патриаршем дому в духовных делех судити и разсуждати духовныя лица, сиречь священническаго и монашескаго чина, яко да не повлачают отныне священников и монахов в мирския судилища, ниже да судят мирские люди освященнаго и монашескаго чина и всякаго церковнаго причта, якоже запрещают святая правила святых Апостол и святых отец: четвертаго святаго вселенскаго собора, иже в Халкидоне, правило и святаго поместнаго собора, иже в Карфагене, правило 15, и законы благочестивых царей; подобне в книзе законней Иустиниана царя, глава 58, 74, 87, и Мануила царя Комнина глава 62, и прочих.

38. Такожде повелеваем и во всех архиерейских домех быти духовным искуснейшим мужем судити духовныя лица и духовныя дела, якоже и в патриаршем дому духовный судиа, сиречь архимандрит со клевреты, да судят архимандритов, игуменов, монахов, прото(по)пов,⁶¹³ попов, [39] и всех церковных причетников и инокин о всяких делех. И от мирских, аще кто во кровосмешение брака впадет, сиречь во беззаконныя браки, иже от родства, и подобная сим, да истяжут по священным правилом; и заветы, сиречь духовныя, яже при смерти бывают, да свидетельствуют.

39. Прочая же духовная дела, яже бывают между мирскими людми, мужескаго и женскаго пола, да судят патриаршии боярин с диаками, товарищы его. Преступаяй же сие наше правильное повеление осужден будет от Бога в сем веце и в будущем, якоже Дафан, и Авирон и Коррей.

40. Во всем, яже от святых отец наших повелено есть, и мы держати хотяще, возобновляем и седмое правило святаго вселенскаго собора, иже в Трулле, глаголя сице: занеже уведехом в некоторых церквах, диакони суще, сан церковный имеюще, от сего нецыи от них безстудство и самозаконие употребляюще, прежде пресвитеров саждаются, повелеваем: яко аще диакон и в достоинстве будет, сиречь в сане какове церковнем обрящется, таковый прежде пресвитера да не сядет, кроме аще лице имеет своего патриарха, или митрополита, во ин град прибывшу о каковых⁶¹⁴ [40] любо делех, тогда бо, яко оного место исполняяй, да почтится. Аще ли же кто отныне таково безчиние дерзнет сотворити, да запретится, якоже сие святое правило повелевает. Сие глаголем, яко по сему святому правилу нелепо и неправилно есть протодиакону соборныя великия церкве предсаждатися от сановитых священников, сиречь от ключарев и от прочих священников⁶¹⁵ тоя же соборныя церкве. Еще же, по священным правилом, ниже пред единаго священника может протодиакон предсаждатися. Обаче снизхождением глаголем, яко аще и пред иными несановитыми и сельскими священники предсядет, не возбраняем, чести ради великия и соборныя церкве. Подобне и архдиакон от сановитых священномонахов да не предсаждается, кроме аще идеже послан будет от святейшаго патриарха: тамо бо да почтится всячески.

41. Подобает же, яко же повелевают правила святых Апостолов и вси вселенскии и поместнии собори, яко да в коейждо стране и епархии творити архиереом соборы дважды в лето, или, нужды ради, поединожды, церковных ради вещей исправления. Обаче заеже во здешных странах великороссийскаго государства не обыкоша архиереи собиратися часто, и соборы творити, и исправляти священническая распри и прочая, учинишася толики⁶¹⁶ [41] раскольники и мятежники, и возмутиша все государство, и многая душы погибоша, и вмале было не весь народ прельстили и от православныя веры возвратили ко безместным делом и еретическим мудрованием. Сего убо ради весма подобает по времени начасте собиратися архиереем всего российскаго государства в царствующий град Москву ради всяких добрых советов и нуждныя церковныя вещи исправляти.

42. Блюстижеся комуждо во своей епархии подобает со великим вниманием и всяким опасением, яко да впредь такия диавольския плевелы не возрастут, но да искоренят я всеконечно, яко да приимут неувядаемыя венцы и жизнь вечную, еяже буди всем нам получити благодатию и человеколюбием Господа нашего Иисуса Христа.

О иконописцех и о Саваофе

43. Повелеваем убо над иконописцами искусну художнику и доброму человеку (от духовнаго чина) в старостах, сиречь начальником и дозорщиком, быти, да не поругаются невежди святым иконам Христа и Его Богоматере, и угодником Его, худым и нелепым письмом пишуще, и да престанет всякое⁶¹⁷ [42] суемудрие неправедное, иже обыкоша всяк собою писати без свидетельства, сиречь, егда Господа Саваофа образ в различных видех и некотории сложения перстов, и иная подобная таковая безместная. Повелеваем убо отныне Господа Саваофа образ впредь не писати в нелепых и неприличных видениих: зане Саваофа (сиречь Отца) никтоже виде когда во плоти. Токмо якоже Христос виден бысть во плоти, тако и живописуется, сиречь воображается во плоти, а не по божеству. Подобие и Пресвятая Богородица, и прочии святи Божии. Еще же и ложное сложение перстов, яко обыкоша писати у Спаса Христа образа, и Пресвятыя Богородицы, и Предтечи и у прочих святых, да престанут писати ко прелести невежд. Но повелеваем, да писати на образе Спаса Христа и святителей Божиих благословящею рукою, яко же свидетельствовася и написася ныне в нашем соборном свитце: зане сие есть истина и древнее предание святых Апостолов и святых отцев. А мученников Христовых и прочих святых, егда пишут их стоящих и молящихся ко Христу Богу, или ко Пресвятей Богородице, повелеваем их писати точию простертыми руками: зане то истинное моление из образуется, а сложение⁶¹⁸ [43] перстов не изобразуется моление, но токмо исповедание веры являет, якоже яснейше писано есть в нашем свитце, еже есть толкование о знамении честнаго креста. сиречь о сложении перстов.

44. Господа Саваофа (сиречь Отца) брадою седа и Единороднаго Сына во чреве Его писати на иконах и голубь между ими, зело нелепо и неприлично есть: зане кто вид Отца по божеству? Отец бо не имать плоти, и Сын не во плоти родися от Отца прежде веков. Аще Давид пророк и глаголет: из чрева прежде денницы родих тя; обаче то рождение не плотьское, но неизреченно и не постижимо бысть. Глаголет бо и сам Христос во святом Евангелии: никто же весть Отца, токмо Сын. И Исаиа пророк во главе 40-й глаголет: кому уподобисте Господа и коему подобно уподобисте его. Еда бо образ сотвори древоделя, или златарь слиав злато позлати и или подобием сотвори его. Подобне и святый Павел Апостол в Деянии глаголет, в главе 17, зачало 40: род убо суще божий, не должни есмы непщевати подобну бытии Божеству злату, или сребру, или камению и начертанию художну и смышлению человека. Глаголет бо и Иоанн Дамаскинский:⁶¹⁹ к сим же новидимаго и безтелеснаго⁶²⁰ [44] и неописаннаго и необразнаго Бога кто может сотворити подражание? пребезумия убо крайняго и нечестия образовати Божество. Подобне же возбраняет о сем и святый Григорий Двоеслов. Сего ради Саваофа, иже есть Божество, и тое преждевечное рождение Единороднаго Сына, от Отца умом точию подобает нам разумети, а писати во образех отнюдь не подобает и невозможно. И Святый Дух не есть существом голубь, но существом Бог есть: а Бога никтоже виде, якоже Иоанн Богослов и Евангелист свидетельствует. Обаче, аще во Иордане при святом крещении Христове явися Святый Дух в виде голубине, и того ради на том месте точию подобает и писати Святаго Духа в виде голубином; а на ином месте имущии разум не изобразуют Святаго Духа в голубином виде. Зане на Фаворстей горе яко облаком явися, и иногда инако. Еще же: Саваоф не именуется точию отец, но святая Троица. По Дионисию Ареопагиту Саваоф толкуется от жидовска языка: Господь сил: се Господь сил святая Троица есть, Отец и Сын и Святый Дух. Обаче аще и Даниил Пророк глаголет, яко видех ветхаго денми седяща на судищи, и то не о Отце разумеется, но о Сыне, еже⁶²¹ [45] будет во второе Его пришествие судити всякаго языка страшным судом.

45. Еще же пишут во иконах святому Благовещению тоже Саваофа, иже от уст дышет, и то дыхание идет во чрево Пресвятыя Богородицы: и кто то виде, или кое святое писание о семь свидетельствует, и откуду сие взято? Явственно есть, яко таков обычай и ина подобна от некоторых суемудрых, или, паче рещи, буемудрых и безумных приятся и обыче. Сего ради повелеваем отныне то суемудрое и безместное писание да престанет. Точию во Апокалипсе Святаго Иоанна по нужде пишется и Отец в седине ради тамошних видений.

46. Лепо бо и прилично есть во святых церквах на дейсусе вместо Саваофа поставити крест, сиречь распятие Господа и Спаса нашего Иисуса Христа, якоже чин держится издревле во всех святых церквах в восточных странах, и в Киеве и повсюду, опричь московскаго государства, и то велие таинство содержится во святой церкви. Якоже Моисей в пустыни воздвиже медного змия, изобразуя распятие Спасителя Христа, и якоже тогда от угрызения змиева исцеляхуся Исраилтяне, зряще на того змия: такожде и мы ныне, новый Исраиль, [46] зряще во святой церкве на распятие и страсти Спасителя нашего Иисуса Христа, исцеляемся от угрызения невидимаго змия, сиречь от грехопадений наших.

47. Чесо ради иконописцы пишут Святаго Петра, Алексиа и Иону, московских чудотворцев, в белых клобуках неправедно: зане они клобуки белыя не носиша и ниже бысть еще в российских странах при них сей обычай, и ниже Киприан и Фотий митрополиты и прочии, котории поставлени Быша во Царе-граде во архиерейство, носиша белыя клобуки. Зане яко писано есть в писании, еже от Димитрия толмача ко Генадию новгородскому епископу о белом клобуке, яко послан бысть той белый клобук ко Василию, епископу новгородскому, от Филофеа патриарха константинопольскаго; а Петр митрополит был прежде, при Афанасии патриарсе, от негоже и хиротонисан в лето 6816-е; Алексий чудотворец был при Филофеи патриарсе, после Петра митрополита преставления вящше пятидесяти лет; и (по писанию димириеву толмача) той Филофей патриарх, иже хиротониса Алексиа митрополита, посла белый клобук ко Василию архиепископу новгородскому, и от того времени нача новгородский архиепископ точию един носити белый клобук до Генадия архиепископа, а после Генадия прияша и начаша и московстии митрополити и прочии носити белыя клобуки, якоже видится в томже димитриеве писании, яко еще пред Генадием архиепископом новгородским никто ин aрхиерей нигде носи белый клобук, точию един Генадий новгородский архиепископ, иже бе при великом князе Иоанне Василиевиче. Убо посему явственно есть, яко ложно пишут иконописцы святаго чюдотворца Петра, Алексия и Иону в белом клобуке (яко же и прочая). Мы же убо не белаго клобука порицаем, но точию, зане чюдотворцы Петр, Алексий, и Иона, и Киприан, и Фотий и прочии до Генадия архиепископа новгородскаго не носиша белых клобуков. а иконописцы ложно сие пишут, якоже и ина многа ко прелести невеждам, сие глаголем в возобличение иконописцем, яко да престанут от ложных и суетных писаний, и не писали бы ничтоже собою отныне без свидетельства.⁶²²

⁶²³[48] О Монашеском чине

1. Хощем убо отныне, да не преходят отнюдь монахи из монастыря, идеже кто обещася и постригся, во ин монастырь: такожде черницы да не скитаются семо и овамо: зане яко не токмо соблажняют народы и смущают, но последуют и ина многочисленная безместная, яже⁶²⁴ срамно есть и глаголати. Подобает же нам всячески возбраняти всякия виновныя и смертоносныя изветы, иже влачат нас в различныя грехи: зане весь человеческий род ничет⁶²⁵ на лукавое от юности, по праведному Иову: зане есми плотни и персть, ко всякому хреху нисходни.⁶²⁶

2. Но и еже пострищися абие⁶²⁷ и без испытно принимати монашеский чин отнюдь не повелеваем, но подобает перве искуситися, может ли терпети иго монашеское⁶²⁸ пребывания, якоже повелевает 5 правило перваго и второго глаголемаго собора: в триех летех да будет во искусе хотящий пострищися. Сего убо ради не подобает отнюдь и прежде возраста лет и без искуса пострищи монахом ради непостоянства разума и слабости юношеской.⁶²⁹ Зане мнози ангельски образ обругаша и извлекшеся одеяния монашескаго без всякого стыдения, сего ради подобает быти опасению многу⁶³⁰ [49] о сей вещи и великое разсмотрение прежде начинания, и не постригати никакова человека без правильнаго искуса ни в монастыри, паче же в пустынях весма да не постригают ни единаго человека, ради вражия смущения бегающих от господей своих и непостоянства их. Хотящии бо в пустынях пребывати и труждатися Богу, подобает им прежде в монастырех искушатися многое время; таже с советом игумена, или архимандрита, и с благословением его да идут в пустыню жительствовати, а не тако просто и яко приключися. Преслушающии же сию нашу заповедь, и правило наказани да будут запрещением и отлучением. Обаче правилно искуса есть, яко же рекохом в трех летех, а по нужды соизволяем быти в пол, сиречь в полтора года. Сие снизхождением глаголем, а не правилно.

3. Еще повелеваем: в немощи отнюдь не постригати младых людей женатых, ниже здравых, кия бегут⁶³¹ от жен своих, без согласия жен и родителей; такожде и женскаго пола. А кто от священномонахов, или в монастырех, или в пустынях, или инде, от нынешняго времени будут постригати таковых людей, да извергутся священства и наказани да будут крепко.⁶³² [50] А в немощи да постригают, токмо старых людей, и прочих, кия суть без жен и без детей, и которыя с согласием жен своих и родителей.

4. Повелеваем убо отныне и сие: да не приимут в монастырех от инаго монастыря постриженика, ниже да блудят⁶³³ старцы семо и овамо, яко же и 1-е правило 7-го собора повелевает и возбраняет монаха и инокиню, да не оставит свое обещание, сиречь обитель, идеже пострижеся, и во ин монастырь не входити. Подобно и третие правило 1-го и 2-го глаголемаго собора отлучает игумена, иже не взыщет бежащаго монаха от своего стада и не возвращает его на свое обещание.

5. Елицы же монаси по призывании не восхотят возвратитися на свое обещание, подобает убо игумену известити о сем поместному епископу, идеже той монах пребывает, да накажет его, якоже достоит ему. И последнее весма. Аще преслушен будет, да отлучится: зане подобает иноку терпети до последняго своего издыхания во обители, идеже обещася и пострижеся, со всяким терпением, и да не отлучится от любезныя обители своей, яко и жених от искренней невесты своей.⁶³⁴ [51] Елицы убо творят инако, повинни суть епитемии святых отец. Чти и правила Корфагенскаго собора 25, 75 и 81.

6. Подобает же, да наказуются и елицы монаси и инокини скитаются вне монастырей, яко овцы погибшии без пастыря, не токмо церковным, но и градским законом: зане прелщают и соблажняют оба чина, иноческий и мирский. Чти 42-е правило 6-го вселенскаго собора. Обаче же и в монастырех вклады имать от монахов и инокинь не подобает. Чти о сем правило 19-е седмаго вселенскаго собора.

7. Ксим же конечное: монах или инокиня из монастыря да не изыдут без воли настоятеля. Аще же изыдут собою и упиватися начнут или начюют⁶³⁵ вне монастыря, тяжкими епитемиами да накажутся, яко же повелевают святии богоноснии отцы: да не преступят обещаний своих, иже сотвориша пред Богом и человеки в церкви. Аще же ни, наказани да будут от Бога, яко Анания и Сапфира, иже лгаша Богу, якоже читаем в Деянии святых Апостол. Чти и 4-е правило иже в Трулле собора.

8. Еще же: древле ниже монастыри мужестии Быша близ женских монастырей соблазна ради. Такожде и Василий Великий повеле,⁶³⁶ [52] да не обращаются ниже сообедают монахи и мужи всякого чина и возраста со инокинями, и ниже да собеседуют им, зане вредно есть и не лепо, яко же 20 и 22 правило седмаго вселенскаго собора повелевает: аще и сродники будут, и сие же с некиими богоносными и благоговейными мужи и женами быти, и скоро отлучатися. Такожде и 38 правило Карфагенскаго собора повелевает. Но и 47 правило 5-го и 6-го вселенскаго собора, иже в Трулле, повелевает: ниже в мужеском монастыре жена да пренощевает, ниже в женском монастыри мужие да спят, всякого бо предкновения и соблазна кроме подобает верными быти. Сему бо священному правилу последующе, повелеваем с великим запрещением, яко да отнюд в женских монастырех никто от мужеска пола никаким намерением перенощевает, такожде ниже от женска пола в мужеском монастыре. Аще же кто отныне сие творя обрящется, аще клирик, аще монах, аще людин, да отлучится.

9. Возбраняем убо и всячески торговый промысл, толико, яко иже кто во священном чину, такожде и в монашеском⁶³⁷, [53] да не имать воли торговати по заповеди святых отец, ниже на торжище в лавках седети и продавати. Токмо еже у себя рукоделие имеет, и сие, с повелением игумена или игумении, да будут два избрании монаси или инокини престареющиися носити и продавати, и цену взяти в потребу пищи, и одеяния и иных ради телесных нужд.

10. Повелехом убо по правилами святых Апостол и святых отец, яко да всякому причетнику, и иноку, и инокине в мирская попечения себе не влагати. Подобне же и по 20 правилу святых Апостолов ниже поручатися за кого повелеваем. И аще кто неведением от причетников, или от монахов, поручение дает, то поручение не в поручение да вменится, ибо, по святых правил, причетника или монаха никому подобает в поручение прияти, ниже просити от таких лиц поручение. Обаче и давшия поручение и приявшыя ни во чтоже да вменится.

11. Суть некотории лицемерии и прелестники иже живут посреди градов и сел во образе отшельника и затворника, волисати и в монашеской свитце⁶³⁸ [54] инии же и в железах⁶³⁹ сковани, такожде и наги и боси ходят по градом и селом в мире, тщеславия ради, да восприимут славу от народа и да почитают их во святых ко прелести простым и невеждам.⁶⁴⁰ Повелеваем убо: отныне да не имете отнюдь таковым веру, зане познавается, яко не по Бозе, и не в правду, и ниже здравым умом сие творят: ибо прежнии преподобнии отцы, иже сим образом труждахуся по Бозе и здравым умом, не сице пребываху; но, яко во святых книгах прочитаем, кто отшелник быв, по градам и селам отнюд не ходиша, токмо в пустынях пребываху, и кто от монахов, или отшелник, скован в железах труждахуся по Бозе, никому отнюдь сие показаша и никтоже то виде до их смерти; такожде и кто от них весма мира отрекшиися и хотяху поругатися мирови, сиречь в юродственном образа жительствовати, яко святый Андрей, и Симеон и прочии о Христе юроди, не сице (яко нынешнии) твориша и жительствоваша: не искаша бо они славы от мира и ниже ходиша по дворам и полатам вельможных и знакомых; но идеже отнюдь не знаша [55] их, ниже почиташа, ту и пребываху, якоже видится писано Святаго Андрея и Симеона святыя жития и прочих, а егда в коем месте откры Бог их святое житие какими чудесы и начаша народи почитати их, они же от того места отлучахуся⁶⁴¹ и неведомы бываху во инех местех. Тем убо познавается, яко нынешнии отшелники и железоноснии претворнии и юроды не по Бозе суть, и ниже здравым умом жительствуют: зане не подрожают, прежних святых, иже таким житием угодивших Богу. А кто юрод от рождения есть, за молоумие его ниже хвалити, ниже хулити достоит (их), токмо помиловати подобает человеколюбия ради: зане есмы вси едина тварь Божия и плоть всяцей нужде подлежашася.⁶⁴²

Блаженнейшаго и всесвятейшаго Кир Паисиа, папы и патриарха великого града Александрии и судии вселенней, и блаженнейшаго и всесвятейшаго кир Макариа, патриарха Божия града великия Антиохии и всего востока⁶⁴⁵: толкование о аллилуии и о знамении честнаго и животворящаго Креста, сиречь о сложении перстов, и заповедь о святом Символе, и о Иисусове молитве и о прочих.⁶⁴⁶

Святая Христова восточная и апостольская церковь, от святых Апостолов и святых богоносных⁶⁴⁷ отцев, и вселенских учителей, прият⁶⁴⁸сию ангельскую песнь, сиречь: аллилуиа, в божественном пении во учиненых местех⁶⁴⁹ глаголати⁶⁵⁰: аллилуиа, аллилуиа, аллилуиа, слава Тебе Боже. Сице 3-жды. якоже видится и писано во многих греческих и славенороссийских древних рукописных харатейных книгах. И то сие являет и сие разумеет православно святая восточная и апостольская церковь: аллилуия Отцу, аллилуиа Сыну, аллилуиа Святому Духу; таже: Слава Тебе Боже, или: хвала Отцу, хвала Сыну, хвала Святому Духу. Глаголюще сице аллилуиа 3-жды, таже: Слава Тебе Боже, являем и исповедуем, яко в Троице и во единице Бог, сиречь: трижды аллилуиа ради триипостасия (исповедания)⁶⁵¹, и еже приречем: Слава Тебе Боже, являем и⁶⁵² [57] исповедуем, яко Троица един Бог есть, а не три бози, якоже поет святая церковь и святый Боже, святый крепкий, святый безсмертный помилуй нас: и в сей ангельской песни такожде разумеем, якоже и во аллилуии, в божестве Троицу и единицу: святый Боже – Отец, святый крепкий – Сын, святый безсмертный – Дух Святый, таже: помилуй нас, а не помилуйте нас. Се, еже со трисвятым, исповедуем с трех ипостасех бытии Бога, и еже: помилуй нас, едино божество: един бо Бог Троица, а не три. И херувимская песнь: свят, свят, свят Господь Саваоф, подобне являет, якоже аллилуиа и Святый Боже: 3-жды свят ради триипостаснаго Божества, и: Господь Саваоф – ради единаго существа. Свят Отец, свят Сын, свят Дух святый; таже: Господь Саваоф, сиречь: Господь сил, по Дионисию Ареопагиту. Се убо един Господь сил, Святая Троица, а не три Господы. Сице и во аллилуии: 3-жды ради Троицы, и: Слава тебе Боже – ради единицы: зане Бог в Троице и во единице славословится, и веруется, и исповедуется. Сице держит и мудрствует святая восточная и япостольская церковь, якоже прият свыше и изначала, писаное и неписаное предание от святых Апостолов, и от богоносных отцев, и вселенских соборов, прочих. А еже глаголют⁶⁵³ [58] неции аллилуиа 2-жды, таже: Слава Тебе Боже, никакова основания в том имеют. Толкуют убо, яко знаменует аллилуиа: Слава Тебе Боже; 2-жды аллилуиа, таже: Слава Тебе Боже, являет по их 3-жды Слава Тебе Боже. Се трижды Слава Тебе Боже являет такмо Троицу: а едининицу ни. Се убо погрешают зело: зане неведением исповедует токмо Троицу просто, а единицу ни.⁶⁵⁴ Но святая восточная и апостольская церковь православно мудрствует и исповедует в Божестве Троицу и единицу. Сего ради и православно поете, во учиненных местех, аллилуиа 3-жды ради Троицы, и Слава Тебе Боже ради единицы. И: святый Боже, святый крепкий, святый безсмертный, помилуй нас, и: свят, свят, свят Господь Бог Саваоф – тожде трисвятое ради Троицы; помилуй нас и: Господь Саваоф – ради единицы, якоже выше рекохом. Се есть православное мудрование. А яже писана⁶⁵⁵ в Евфросинове Житии, онався суть, суемудрие, и аще кто будет прочитати то Житие по Бозе со вниманием, разумети будет. И еже глаголют, яко о сей аллилуии иде во Царь-град и слыша от патриарха и в соборной велицей церкви глаголющия аллилуиа дважды, о том мним яко не иде в Царьградъ: зане времена⁶⁵⁶ [59] тогда не такова Быша, владеша бо тогда турки, Болгариею, и Сербы, и всем западом до Дуная и до Чернаго моря, и ратоваша тогда на христианы великими и лютыми ратми. Аще бо и иде во Царьград, якоже глаголют летописцы, обретается⁶⁵⁷, яко не в то время бе Иосиф патриарх и Евфросин пребодобный, но в различных временех. И аще и приходил при Иосифе патриархе, и тот бе латиномудрый, иже бе на осмом соборе во Флорентии. И паки, единаго человека свидетельство не приемлется, по божественному писанию, аще и ангел с небес будет. И паки, вяще разумеется истина в списателеве видении, иже глаголет, яко виде Богородицу и Архангела, и беседова с ним о аллилуии, и негли яко рече ему Богородица таковая словеса и толкования о аллилуии, яже ниже слышати кому подобает таковая хула, и тамо будет ужасатися читатель безумия списателева Евфросинова Жития. И сие смущение, еже глаголати аллилуиа 2-жды, таже: Слава Тебе Боже, не от Евфросина стало⁶⁵⁸, но от списателя Евфросинова Жития диавольским наветом. А Евфросин в последнем поучении своем при смерти, якоже слышахом и разумехом, о аллилуйи ничесоже завеща братии⁶⁵⁹ [60] монастыря своего, ниже писа что о том в тестаменте⁶⁶⁰ своем, токмо солгано на преподобнаго Евфросина от списателя жития его. А еже глаголют на преподобного Максима Грека, яко и он мудрствоваше 2-жды глаголати аллилуиа, и приводят во свидетельство Святаго Игнатиа Богоносца, яко от ангелов слыша пети дважды аллилуиа, и в том лгут на Святаго Игнатиа, и на Максима Грека: зане святому Игнатию явишася ангели о божественном псалмопении, сиречь о антифонех, а не о аллилуии. И в сем не согласуется самое писание, еже называют максимово, и в том⁶⁶¹ разумеется подлинно, яко то сложение слова не Максимово есть, токмо лгаша суемудрии на его имя: ибо Максим премудр бяше и не могл бы сице противных писати⁶⁶².

О знамении честнаго креста, сиречь о сложениии перстов⁶⁶³

Такожде и знамение честнаго и животворящаго Креста от святых славных и всехвальных Апостолов и от Святаго священномученика Игнатия Богоносца, третиаго патриарха антиохийскаго и наследника святых Апостолов, и от вселенских учителей свыше изначала прияхом православно знаменати себе знамением честнаго креста⁶⁶⁴ [61] треми первыми персты десныя руки, совокупивше я во имя Отца, и Сына и Святаго Духа, неписаным преданием, яко же свидетельствует и святый Василий Великий в слове 27-м, иже ко святому Амфилохию епископу иконийскому. Обаче егда согбаем и совокупляем три первыя персты десныя руки, знаменуем, яко веруем и исповедуем в Божестве Троицу и единицу: сиречь, яко святая Троица един Бог есть триипостасный и единосущный.⁶⁶⁵ Сего ради сими треми первыми⁶⁶⁶ персты предаша нам святии Апостоли и богоноснии отци творити на себе знамение⁶⁶⁷ животворящаго креста, совокупивше я во имя святыя, единосущныя и нераздельныя Троицы. А в сих триех перстах не яко хощем показати Божество, якоже блядословиша нецыи, – не буди; но токмо число покажем Троицы и единицы: три перста за Троицу, совокуплена же перстов ради единицы, сиречь, яко Бог в Троице и во единице. Сице веруем и исповедуем, а не инако, – не яко нецыи суемудрии писаша, и научиша и сказаша⁶⁶⁸ все таинство Божества и человечества в перстах быти; и являтися пребеззаконно и хулно троичному таинству в неравных перстах⁶⁶⁹. Глаголаша⁶⁷⁰ [62] те суемудрии, яко два перста: второй, указательный, и третий, средний, божество и человечество знаменуют⁶⁷¹ и три перста: первый, четвертый и последний, менший, наклонити и совокупити под двема персты, и именоваша Святую Троицу и глаголаша, яко те три неравныя и разныя персты есть таинство святыя Троицы⁶⁷². Всем убо явленно есть, яко исповедаша во святей Троице неравенство, яко ариане, и несториане и духоборцы, и аполинаряне и прочии проклятии еретицы: зане онии сице исповедаша несравнение и разделение во святей Троице: Отца болша назваша,⁶⁷³ а Сына менша, и Духа Святаго еще менша и яко раба; такожде и те три разныя и неравный персты являют, якоже мудрствоваша вышереченнии проклятии еретицы.

А мы православно три первыя персты, якоже стоят наряду, – первый, вторый и третий, – совокупляема во имя Отца и Сына и Святаго Духа, и знаменаемся знамением честнаго и животворящаго Креста Христова, якоже прияхом⁶⁷⁴ от святых Апостолов, и богоносных отцев, сице и исповедуем, и сице держит крепко и непоколебимо святая восточная и апостольская церковь, и будет держати вечно [63] и неподвижно. И тако подобает всякому православному христианину, последующему святей восточней и апостольстей церкви, держати и мудрствовати, якоже предаша святии Апостоли и богоноснии отцы, а не инако. А еже глаголют на святаго Мелетиа и на Феодорита, яко писаша и повелеша они якоже знаменатися, тако и благословити иерею, и в том на Святаго Мелетиа и на Феодорита солгано: зане святый Мелетий три первыя персты показа ради трех ипостасей святыя Троицы, и паки тыя три персты совокупи ради единаго Божества, и бысть знамение; а не инако бысть показание перстов от Святаго Мелетиа. А Феодорит о том ничтоже писа: зане велико истязание о том было во святой горе Афонстей в лето 7156-е, подобне, якоже и в царствующем великом граде Москве бысть крепкое истязание от преосвященных великороссийских митрополитов, и архиепископов и епископов, во Святом Дусе собравшихся в лето 7174-е, и не обретеся в феодоритове книзе таковое писание; но солгано на него, Феодорита⁶⁷⁵, от неких суемудрых и сокровенных еретиков. Такожде и о святом Символе бе [64] бысть взыскание⁶⁷⁶, и обретоша в древних славенских харатейных книгах писано, якоже и в греческих, и како напечатано есть в новосправленных книгах. Сего убо ради повелеваем мы, православнии⁶⁷⁷ патриарси, со всем⁶⁷⁸ освященным собором с великою клятвою, еже святый Символ приимати⁶⁷⁹ и глаголати без прилога, якоже святии и богоноснии отцы в первом и во втором вселенских соборех написаша гречески⁶⁸⁰, якоже ныне исправлено и печатается славенски. И в божественном церковном пении троити аллилуиа, сиречь глаголати в подобное время сице: аллилуиа, аллилуиа, аллилуиа, Слава Тебе Боже⁶⁸¹. И знаменатися знамением честнаго и животворящаго креста тремя первыми персты десныя руки, совокупивше я во имя Отца, и Сына и Святаго Духа, по древнему преданию святых Апостолов и святых отцев, якоже выше писано. А Иисусову молитву обще в церквах и в домех глаголати: Господи Иисусе Христе, Боже наш, помилуй нас, аминь, по древнему преданию святых и богоносных отцев, якоже видится и писано во многих древних греческих и славенороссийских харатейных книгах.

А кто хощет глаголати, упрямства ради, токмо едино: Господи Иисусе Христе, Сыне Божий, а: Господи [65] Иисусе Христе, Боже наш, глаголати отвращается, мнится⁶⁸², яко мудрствует и исповедует Христа, яко и Арий, точию Сына Божия быти по благодати, а не Бога истинна, единосущнаго Отцу. И в том внимайте, и разсудите и уразумеете, кая молитва есть вящше прилична и больши честь приносит Христу⁶⁸³. Явственно есть, яко сия молитва: Господи Иисусе Христе, Боже наш, помилуй нас, есть вящше прилична и больши Христу⁶⁸⁴ приносится честь: зане сею молитвою исповедуем Христа Сына Божия быти и Бога истинна. Глаголюще: Господи, Иисусе Христе, то Сына Божья исповедуем: зане един Иисус Христос есть Сын Божий, а не ин. А глаголюще: Боже наш, помилуй нас, тем исповедуем, яко Христос есть истинный Бог наш, яко и Отец и Дух Святый.

Сего ради достоит вам глаголати сию молитву: Господи Иисусе Христе, Боже наш, помилуй нас. Но и сия молитва: Господи Иисусе Христе, Сыне Божий, помилуй нас, непрекословящим свободна есть ко читанию. Противящиися паки сея молитвы: Господи Иисусе Христе, Боже наш, узаконению, да увещаются, еже научитися чести ю благоговейно, яко отцы святыми преданную.

Сие есть наше⁶⁸⁵ толкование и заповедь о святом [66] Символе, о аллилуии, и о знамении честнаго и животворящаго креста, о сложении перстов, и о Иисусове молитве.

Аще же кто будет противлятися нам и всему освященному собору, Богу противляется и уподобляет себе прежним проклятым еретиком, и сего ради наследити имать, якоже и тии еретицы, анафему и проклятие святых богоносных отцев седми святых вселенских соборов, и в страшный суд о сем осужден будет от Господа Бога и Спаса нашего Иисуса Христа во втором Его и страшном пришествии, Ему же слава, честь и поклонение со безначальным Его Отцем и с пресвятым и благим и животворящим Его Духом, ныне и присно и во веки веков, аминь.

Обретаются в древних греческих рукописных и печатных книгах и сия толкования о аллилуии: Святаго Германа, патриарха константинопольскаго, толкование: алл – Отец, ил – Сын, уиа – Дух Святый, сиречь: слава Отцу, слава Сыну, слава Духу Святому. И по Григорию нисскому: алл – слава, ил – Богу, уиа – живому. И по Кириллу алекдрийскому: алл – державный; ил – Бог, уиа – той един; или: хвалите истинна Господа и похвалите Его достойно. И по Симмаху и по иных толковницех: [67] алл прииде, ил – явися, уиа – Бог, или: песнь Божия, и: хвалите Бога жива, и: хвалите Господа, яко благ псалом.

Сия толкования обретаются в древних книгах о аллилуии, а никто от святых и мудрых толкова сию на един разум. Обаче три чины обретаются во святей церкви по преданно святых Отцев о аллилуии; первое убо – во учиненых местех глаголати аллилуиа 3-жды, таже: Слава Тебе Боже; второе – во иных учиненых местех и временех аллилуиа токмо трижды, кроме Слава Тебе Боже; Третие же – в иных учиненых стихах единожды аллилуиа глаголати, или пети. И разум есть в том сицев: егда глаголем трижды аллилуиа, кроме Слава Тебе Боже, или единожды, тогда являет: Слава тебе, или токмо: хвала, или: слава. Аще же есть стих к лицу Божию, тогда разумеется и за Слава Тебе Боже; а егда будет стих к лицу Богородицы, или святаго коего, тогда знаменует: Слава Тебе Богородице, или Слава тебе святый Божий, или: хвала. Якоже и в литийных стихирах Святаго великомученика Георгиа писано есть: аллилуиа, аллилуиа, аллилуиа Христу воскресшему; [68] тамо разумеется сице: слава, слава, слава, или: хвала, хвала_; хвала, Христу воскресшему. Такожде и инде сице православно разумеет святая восточная церковь в аллилуии разным разумом, по сличию стиха и времене: зане сия аллилуиа ангельская песнь есть, и сего ради разное и многое в себе толкование имеете якоже и прежде рекохом яснейше.⁶⁸⁶

В Евфросинове Житии писана от соннаго мечтания⁶⁸⁷ велия и несказанная хула на святую и живоначальную Троицу, еяже и писанию предати не подобает. Толкуя бо аллилуиа, глаголет воплотившася Бога Отца, и паки глаголет воплотившася Святаго Духа, и паки и воскресша Бога Отца и Святаго Духа⁶⁸⁸ Паки бо тойже списатель глаголет о трегубой аллилуи, яко вся церкви по всей земли законно глаголаша издревле трижды аллилуиа; и паки ниже таможе глаголет: издревле взяся троити святая аллилуиа; и паки тойже списатель поведует, яко глаголющии трижды аллилуиа, в четвертое: Слава Тебе Боже, просияша мнози в чудесех: сице не согласуется сам себе той списатель. Прилежно же прочитаяй Житие Святаго Евфросина уразумеет вся сия и больша сих.⁶⁸⁹

Вопросы, яже разрешили всесвятейшии два патриархи: кир Паисий, папа и патриарх великаго града Александрии и судиа вселенней, и кир Макарий, патриарх великаго Божия града Антиохии и всего востока.⁶⁹¹

1-й вопрос.

Никон монах, егда бе на патриаршеском престоле, пришед он к великому государю, царю и великому князю Алексию Михайловичу, всея Великая и Малыя и Белыя России самодержцу, и рече пред великим государем и пред всем сигклитом, заповедуя в слух всем и научая сице: отнюдь да не попустится отныне впредь священником не токмо причащати разбойников и татей Пречистых Таин, но ниже исповедывати их и в последний час казни их, прилагая сие, яко кто мимо сей заповеди что сотворит, и той противляющийся будет ответ давати Богу в день страшнаго суда. Сия Никон и последующия ему повелеваху явственне неписаное же и писано, и сего ради уможися разбойников и татей и седят в темницах многое время.

Патриаршеский ответ и сочинение.

К сим же и мы глаголем, яко сия вся суть еретическая, и пребеззаконна, и вне церкви Христовы. Елико убо во исповеди, является⁶⁹² Никон и [71] последующи ему новатиане и евстафиане, иже не приимаху кающихся отнюдь, мудрствующе и глаголюще противно богопроповедником Апостолом и богоносным отцем. Глаголет убо 52 правило святых Апостол: аще кто епископ или пресвитер не примет человека, иже возвращается от грех своих к покаянию, но ненавидит и отмещет его, якоже скверный он Нават, да извержется, зане печалит⁶⁹³ Христа, иже рече: радость бывает на небеси о едином грешнице кающемся. Сего ради и Господь наш Иисус Христос грешников ради спасения преклони небеса, и сниде на землю, и воплотися от пречистыя крове Пресвятыя Девы, сице рече явственнейше: не приидох призвати праведныя, но грешныя на покаяние. Сего ради человеколюбию Его ни един грех наш одолеет, якоже и чрез пророка возгласи: глаголи ты прежде грехи твоя, яко да оправдишися, и паки: рек, да исповем на мя беззакония моя, Господи, и ты оставил еси нечестие сердца моего, и паки: да не упомню вся его согрешения. Но иже в Лаодикии собор, правило 2-е, глаголет: елицы в разныя времена сотвориша разныя греси, чрез покаяние и исповедание, ради щедрот Божиих и [72] благости, Пречистых Тайн да сподобятся. Чти⁶⁹⁴ и правило 46-е карфагенскаго собора, еще же и 55 правило Великаго Василия. Яко разбойников и татей подобает причащати страшных и пречистых Таин Христовых в последний день казни их, аще вседушно покаются и исповедаются, видится явно в 13-м правиле перваго вселенскаго собора, иже в Никеи. Толкуем же мы, два патриархи, сие правило 318 богоносных отец, иже в Никеи, яко подобает причастити хотящих умрети благочестивыя и отходящия от жития сего ради всякаго извета и вины, якоже и в 7-м правиле карфагенскаго собора сущих в бедах примирити священных Таин повелевает. Толкуем и мы сие правило и глаголем, якоже толкова и Алексий иеродиакон в кормчем правиле, глаголя: яко беда несть ино, точию смертная казнь. Тако и мы разумеем что то есть нужная и безвременная беда смертная казнь, в которой страшной беде хотят святии отцы и мы, последующи им, яко да причастятся пречистых Таин, по исповеди, повиннии смертной казни: зане Избавитель наш даде честную свою кровь и излия ради всех грешников. Сие изречение прия и агкирский собор, правило 76:⁶⁹⁵ [73] слышите же вси сие и знаменуйте, иже в чаяши смерти, яко является нужная смерть, якоже изъявляюсь и прочии случаи, от недуг, или инако случится некая казнь смертная, главосечение, или повешение, или иное смертное осуждение. Таяжде и 5-е правило Григория нисскаго глаголет: аще кто не соверша епитемии лет, иже заповеда ему отец духовный, яко да не причастится, аще же в немощь впадет и приидет к смерти, человеколюбием святии отцы повелевают да причастится, яко да не исходит без исповеди и без причастия в долгое оно и последнее отхождение. К сим собирается святых отец человеколюбное разсмотрение, да никто от благочестивых умрет непричастен Пречистых Таин телу и крове Господа Бога и Спаса нашего Иисуса Христа. Толкует убо изрядне и Матфей Властарь в стихии 40-й, глава 11.

Вопрос.

Когда и коликих дней имети будет осужденный разбойник, или тать, прежде последняго осуждения казни, да уготовится к достойному покаянно и еже причаститися Пречистых Таин?

Ответ.

Патриаршеское наше Рассуждение и изображение изъявляет (имеюще и выше всякой архиерейской власти, растаяще и умаляющей⁶⁹⁶ [74] епитемии с благословною виною согрешающих человеков): Хощем убо мы и повелеваем, яко отныне осужденных разбойников и татей да исповедывают и да . причащают их божественных и пречистых Таин, которые будут исповедатися, и покаятися, и плакатися довольно сокрушением сердец и душ их, прежде казни един или два дни. Повелеваем. убо, да идет священник ко осужденному и повинну сущу смерти, да исповедает его прилежно со всяким испытанием, потом да причастит Пречистых Таин. Но еще хощем и весь день оный да пребудут с ними един, или два от искусных, яко да научат их и да возвестят им оныя страшныя и безконечныя муки, и судилища, и яко да имут упование и надежду на крайнее Божие человеколюбие и безмерную милость, и аще сего света привременнаго жития лишаются, ради беззакония своего, да не лишени будут от вечнаго жития, якоже и благоразумный разбойник, иже при Христе распеншися; да воспоминают им и о блудном сыну и о иных многочисленных грешницех, о них же является, яко преодоле благоутробие Бога нашего и крайнее человеколюбие Его. В сей статие, по вышеписанному вопросу, обретаем зело⁶⁹⁷ [75] виновна Никона и последующих ему в покаянии и в причащении Пречистых Таин.

Вопрос 2-й.

Мнози обретаются на разбоях и в татбах, но и в денежных делех, от священнического и монашеского чина: како имут таи наказатися по законом?

Ответ.

Два судилища обретаются во вселенней: едино церковное (еже внутреннее имянуется), иже судят о душах; другое мирское (еже и внешнее глаголется) и сие назирает токмо телесное; и две смерти. привременная и вечная, являются быти в мире. И сего ради не имать судия душевно и телесно наказати: зане не дадеся, яко един той да имать две власти вкупе мирское и церковное; но подобает, кийждо да хранить чин свой и суд судилища своего. Обаче священник, или диакон, или монах, или инии от священнаго чина, иже вреваются в неподобныя дела и противно царствию имут, да накажутся перве церковно, по священным правилом. от местнаго архиереа, и потом, аще тойже согрешит и второе, да накажется и градскими судом. И аще кто от священнаго чина вревается в мирския попечения, по шестому правилу святых Апостол, аще не престанет, да извер(же)тся: колми [76] паче имут извержени⁶⁹⁸ быти, которые бывают в разбоях, в татбах и денежного дела в воровствах. Подобает убо, да наказуются и градским судом таковии, аще паки впадут в такое прегрешение, или во ино вышеписанное. Пишет бо Матфей Властарь, глава 15: аще кто кроме повеления царьскаго делает денги, или золотыя, или пенязи, хотя от сребра и злата чиста, или нечиста, да отсекутся обе руце его; и аще кто ведает о том, что делает такия денги, а ведомо не учинит, да отсечется едина рука. И кийждо имать наказатися по разсуждению вины его: зане аще будет убийца, или начальник разбойников, или татбы сотворил многи, да отсекутся обе руце его, или да извергутся обе зеницы его, яко да узрят прочии и да престанут зло творити. Сего ради да разсудятся с разделением различным тати, яко же глаголет той же Властарь, глава 16-я о татех: елицы единожды крали, аще будут свободни, а не раби, подобает убо сугубо возвратити противу вещи краденыя; аще же будут убози и нищи татие, да предадут их зелному биению и заточению; аще же не единожды твориша крадение, но многажды, да отсекутся⁶⁹⁹ [77] руце их; такожде и приемлющии крадомое священницы и диакони, или от священнаго чина клирики да наказуются первое церковне, по священным правилам, якоже и татие; и аще убо покаются, добро; аще же и второе поимаются, по градским законом да накажутся. Подобно и винопродавцов, – имут наказатися тяжко: аще будут от священнаго чина, по священным правилом да накажутся, аще же не престанут, да извергутся. Подобно же сим священницы и всякого священнаго чина, которые в ведовствах пойманы будут, первое да накажутся церковно, извержением, и аще не престанут, да накажутся и градским законом. А о поповых детех глаголем: аще убо не имут осенения архиерейска и священнословия на себе, яко мирстии да накажутся в мирских судилищах по винам сотворенным от них; аще же суть хиротонисана, имут наказатися первое церковне, якоже и клирики, отлучением, или извержением, по разсмотрению вин их.

3.

Мнози обретаются ныне в темницах заключени многие лета, не токмо разбойницы, но и церковнии татие, котории крали многия церкви и церковныя⁷⁰⁰ [78] вещи и мирское имение, которое поставлено на сохранение.

Ответ.

К сим отвещаем по 10-му правилу перваго и втораго соборов, иже глаголет: аще кто возмет от святаго олтаря сосуд некий освящен святому олтарю, или иныя вещи, в потребу неосвященну употребити, или отдаст иным в простую потребу, апостольски правила 72-е и 73-е отлучают их, и мы таковых соотлучаем же, и зело праведно: зане аще кто от церкви возмет свещи, или елей и ино мало нечто, отлучается, аще ли будет и сам служай церкви; колми паче святотатец, аще мирстии суть, или от священнаго чина, имут наказатися таковии тяжко казнию. Глаголет же и Григорий нисский во осмом своем правиле, яко святотатба в ветхом писании бе осуждена якоже и убийство, зане таковых убийцов и святотатцов равно камением побиваху, якоже и Ахар укаменовался со всем родом своим, аще и господьствено краденое не бе им освящено Богу. К сим же повелевает градский закон о святотатцех: кто пойдет нощию во святилище, и приступит ко святому престолу, и крадет от священныя вещи, да отсечется глава его, аще же кто и в день от церкви крадет нечто⁷⁰¹ [79] ради убожества своего, да биют его первее до ста ударов по разсуждению крадомых вещей; аще же есть многокрадомое, да будет заточением⁷⁰². Такожде повелевают закони градстии: кто украдет нечто, еже не Богу освящено, но поставленное в церкви сохранения ради, не святотатец таковый имянуется, но токмо тать.

4.

О лавках, и о торгах, и всяких промыслах, которыми, промышляют священнаго чина, и чернцы и черницы, да и дворы за собою держат многия, и пущают изънаймов не токмо руской породы людей, но и странных иноверцев, и от того чинятся многая безчиния и всякое нестроение.

Ответ.

О клириках убо явственно изъявляет правило 9-е, иже в Трулле, святаго собора, не повелевает клирику имети лавки корчемныя, – и по истине. И 54-й канон святых Апостол не попущает клирика внити в корчемницу ясти: колми паче да не имеют монаси корчемницы, и лавки, и дворы держати, и в наем давати и вреватися в неподобныя дела. Аще убо кто от священнаго чина вревается в теже вышеписанныя вещи, в мирская попечения, или да престанет, или да извержется; а монах, занеже⁷⁰³ [80] от того времени, егда обет сотвори, и прия монашеский образ, бывает без стяжания и от всего чужд, отнележе пострижется, не может вящше имети лавок, ниже дворов попущати в наем, токмо подобает вся отдати монастырю, идеже обещание сотвори; или, аще хощет, да продаст: зане по монашескому обету не подобает вящше вреватися в мирская попечения. Богу работати и мамоне никтоже может. Елицы же монаси преступят чин и обычай монашескаго обета, патриаршеская власть и царская держава имать таковая монашеская стяжания взяти и раздати нищим, по изображению 5-го правила перваго и втораго собора⁷⁰⁴.

Чин божественных литургий иже во святых [81] отец наших Иоанна Златоустаго и Василия Великаго извещенный писанием от всесвятейшаго вселенскаго константинопольскаго бывшаго патриарха, кир Афанасия Пателария, егоже сказа и предаде, егда бе в царствующем граде Москве, в лето 7161, от воплощения же Бога Слова 1653, свидетельствованный же в томже царствующем великом граде Москве от всесвятейших вселенских патриархов кир Паисия папы и патриарха великаго града Александрии и судии вселенныя, и кир Макария великаго Божия града Антиохии и всего востока, в лето 7175, от воплощения же Бога Слова 1667.⁷⁰⁷

Егда приспеет время, призывают патриарха приити к церкви. Сице же призывают его⁷⁰⁸: бывшу ему в дому своем со архиереи и архимандриты, священники, диаконы, клирики и боляры⁷⁰⁹, приходит примикирий с лампадою возженною, и сотворив поклон патриарху, возстанет патриарх от места своего,⁷¹⁰ и предходят пред ним боляре, таже диакони и священницы, таже [82] клирики. И примикирий⁷¹¹ нося лампаду великую возжену пред патриархом, мало по страна десной, архидиакон же близ архиереа позади со страны, таже архиереа, архимандриты, игумены, священномонаси по два два последуют патриарху. Егда же приближится архиерей и хощет внити в красная врата, начинают певчие пети косно и со сладкопением⁷¹²: Достойно есть яко воистину блажити Тя Богородицу, до конца. Аще же есть владычний праздник, поют ирмос 9-я песни. И архиерей, входя, глаголет низким гласом⁷¹³: Вниду в дом Твой, поклонюся ко храму святому Твоему во страсе Твоем. Господи, настави мя правдою Твоею, враг моих ради, исправи пред Тобою путь мой. Приходя же станет пред олтарными святыми дверьми. Клирики же и иереи станут⁷¹⁴ позади. И патриарх, сотворив три поклоны, глаголет: Благословен Бог наш, всегда, ныне, и присно и вовеки веков. И архидиакон, стоя близ, глаголет: Аминь. Таже: Царю небесный,⁷¹⁵ Трисвятое, по Отче наш архиерей: Яко твое есть царство. И умилительныя тропари глаголет: помилуй нас, Господи, помилуй нас. Архидиакон: [83] слава; Господи, помилуй нас. И ныне⁷¹⁶ архиерей Милосердия двери, (и аще хощет, и 50 псалом,⁷¹⁷ до конца). Таже, приблизився ко владычней святей иконе Господа нашего Иисуса Христа, к десней стране, и сотворив, поклон,⁷¹⁸ глаголет тропарь: Пречистому твоему образу покланяемся, благий, до конца. И⁷¹⁹ целует святую икону. Таже идет в левую страну, пред икону Богоматере, и, сотворив поклон, глаголет⁷²⁰ тропарь: милосердия сущий источник, до конца. И целует святую икону. Таже идет ко иконе храма и праздника, глаголя тропарь, и целует икону, творя поклоны по чину и по обычаю.⁷²¹ Певчии же поют беспрестанно: Достоино. Приходит же патриарх посреди пред олтарныя святыя двери, зря на восток и преклонив главу, молится, глаголя: Господи ниспосли руку твою, и прочая. И возстав, обращается к народом, держай пастырский жезл. И тогда певчие поют со сладкопением: тон доспотин ке архиереа имон кирие филате, исполла эти деспота. Внегда же поют: исполла эти деспота, благословляет патриарх народ, по обычаю, и паки исполла эти деспота поют певчие, благословляющему патриарху обема рукама.⁷²² Таже восходит на уготовленное место, последующе ему и хотящии сослужити по два⁷²³ два, архиереи и прочия, [84] сотворяюще поклон к патриарху, седящу ему на месте, и целуют святую его десницу, он же благословляет их. И возвращающеся, паки сотворяют поклон патриарху, и входят во святый олтарь и облачаются во священные одежды. Уготовляют-же диаконы архиерейскиа одежды на едином столе, или на налои, мало дале от архиереа, к десной стране. Хотящии же облачати патриарха⁷²⁴ восходят на место со диаконы, и архидиакон с ними стоя, ин же диакон держит кадильницу, вторый диакон стоит низу пред местом противо патриарха, держаще оба кадильницы. Патриарх же возстанет от места, и начинают певчие пети: Свыше пророки, и прочая, или: Царь небесный, догматик 8-го гласа. И приходят хотящии облачати архиереа: ов убо от десных, ов же от левых. Прочии же клирики емлют от уготовленнаго места кийждо от освященных одежд, со благочинием приносят, и приемлют архидиакон и прочии, и облачают патриарха. Тогда отдает пастырский жезл единому чтецу и держит его обеими руками, мало подъемля, висит на нем плат златый (приемлют же и камилавку архиерееву⁷²⁵ [85] и положат на рамо держащаго жезл) и стоит за архиереем в левой стране мало от архиереа на стране. Тогда облачают патриарха. Приемлюще стихарь, глаголет вторый диакон, кадя: Господу помолимся, архидиакон глаголет вторым лицем: Да возрадуется душа твоя о Господе: облече бо тя в ризу спасения и одеждою веселея одея тя, яко жениху возложи ти венец и яко невесту украси тя красотою. И архиерей благословляя стихарь и целовав, клирики же облачают его. Косно же глаголет архидиакон речения, якобы имети время облачати благочинно. Приносят же и епитрахилий, и клирики пряемлют, и вторый диакон глаголет, кадя: Господу помолимся. И архидиакон глаголет: Благословен Бог, изливая благодать, свою на архиереи своя, и яко миро на главе, сходящее на браду браду Аароню, сходящее на ометы одежды его. И благословив и целовав епитрахилий, – возложат на выю. И в пояс же подобий творят. И архиерей благословляет и целует его, крестообразно держащим же клириком, и опоясуют его, глаголющу архидиакону: Благословен Бог, опоясуя тя силою и положи непорочен путь твой, совершая нозе твои,⁷²⁶ [86] яко елени и на высоких поставляя, тя. Подобне творят и в прочих одеждах. Вторый диакон глаголет: Господу помолимся. Архидиакон же речение по обычаю, и потриарх благословляет и целует кийждо. К десной поручи глаголет: Десница Твоя, Господи, прославися в крепости; десная Твоя рука, Господи, сокруши враги и множеством. славы Твоея стерл еси супостаты. К левой: Руце Твои⁷²⁷ сотвористе мя⁷²⁸ и создаете мя⁷²⁹, вразуми мя и научишися заповедем Твоим⁷³⁰ В сакосе глаголет: Архиереи Твои, Господи, обликутся в правду и предобнии Твои радостно возрадуются, всегда, ныне и во веки веков аминь. В набедренник:⁷³¹ Препоясуйся оружием твоим по бедре твоей, силне, красотою твоею и добротою твоею, и наляцы и успевай и царствуй истины ради и кротости и правды и наставит тя дивно десница твоя, всегда, ныне и присно и во веки веков аминь. Во омофоре глаголет: На рамех, Христе, заблуждьшее взяв естество, вознеслся еси, Богу и Отцу привел еси, всегда, ныне и присно и во веки веков аминь. В панагие глаголет: Сердце чисто созиждет в тебе Бог и дух прав обновит во утробе твоей, всегда, ныне и присно и во веки веков, аминь.⁷³² [87] Во вторую панагию глаголет: Да отрыгнет сердце твое слово благо, глаголеши дела твоя цареви, всегда, ныне и присно и во веки веков, аминь. На крест глаголет: Аще кто хощет по мне последовати, да отвержется себе, рече Господь, и возмет крест и последует мне, всегда, ныне и присно и во веки веков, аминь. В митру глаголет: Положи Господь на главу твою венец от камений драгих, живота просил еси и даст ти долготу дний, ныне и присно и проч. Трисвещие⁷³³ и двоесвещие⁷³⁴ подают вкупе оба, и приемлет патриарх трикир в десную руку со крестом, дикир же в левую руку. Аще же несть дикир, благословляет и левою рукою тако. Глаголет же архидиакон сице, егда подают: Тако да просветится свет твой пред человеки, яко да видят дела твоя и прославят Отца вашего, иже есть на небесех, всегда, ныне и присно и во веки веков, аминь. Таже певчие поют: Тон деспотин ке архиереа имон кирие филате, исполлаэти деспота. И архиерей благословляет крестообразно, к востоку, к западу, к полудню и к северу. Певчие поют косно: исполла эти деспота, 3-жды. И отдав трикир, и дикир и крест диаконом, и сядет патриарх на высоком месте. Тогда⁷³⁵ [88] держаяй пастырский жезл (и архиерейский камилавкий) отъидет и стоит пред святою иконою Владыки нашего – Господем Иисус Христом. Примикирий же с лампадою стоит по левой стране близ великих лампад. И в малом и в великом входе предъидут держаяй жезл и примикирий с лампадою, ничто глаголя. Тогда предъидут архидиакон и прочии диакони служащии пред патриархом⁷³⁶ и, преклонше главы, глаголют: Время сотворити Господеви, владыко всесвятейший благослови. Архиерей же, возстав от места, благословляет обоима рукама, глаголя: Благословен Бог наш, и проч. по чину. И поклонився и целовав святую десницу архиерееву. Архиереи убо и иереи стоят на десной и на левой стране по чину, токмо проскомисаяй стоит во святом алтари, или протопоп, или первый архимандрит, поклон сотворив пред архиереем, идет во святый алтарь, южными дверми, начинати святую литургию, рекше: Благословенно царство Отца и Сына и Святаго Духа, и архидиакон пред святыми дверми мало ко стране, да не будет пред лицем архиереовым задняя его. Стояй же архиерей поклонится со всеми вкупе 3-жды и священник в алтари тоже поклонится⁷³⁷, [89] глаголя: Царю небесный, Слава в вышних Богу, и на земли мир, в человецех благоволение, 3-жды, Господи устне мои отверзеши и уста моя возвестят хвалу Твою, по чину, 1-жды. Таже взяв священное Евангелие обеими руками иерей и мало воздвиг. Архидиакон же вне глаголет: Благослови. владыко; и священник: Благословенно царство, и, сотворив крест со святым Евангелием, яко творится и в малом входе, и целовав, полагает его на святой трапезе. Сотворит, же и патриарх⁷³⁸ поклон, егда глаголет священник: Благословенно царство (и тогда сядет), и взяв книгу литургийную, внегда глаголет архидиакон мирная, прочитает, архиерей молитвы предложения седя: Боже, Боже наш. Подобне прочитает, и прочии три молитвы антифоновы. В возгласы же токмо возстанет патриарх.⁷³⁹ (В наших странах тако действуется; на Москве же, идеже присутствует, благочестивый царь, да творит, яко изволит.). Архидиакон же начинаете мирная⁷⁴⁰ благоговейно и косно мерным гласом, держаяй треми персты орарий, глаголет: Миром Господу помолимся и проч. Священник возглас. Лики поют изобразительная на оба лика. Таже иный диакон, став на обычное место, глаголет вторую ектению. Священник молитву⁷⁴¹ и возглас. Певцы же [90] поют вторый антифон паки на оба лика. Паки иный диакон глаголет третью ектению, священник молитву и возглас. Певцы же поют блаженну по чину на оба лика. Егда же поют: Блажени есте, егда поносят вас и изженут, приходят священницы и диакони предстоящии к патриарху, един от десныя, вторый от левыя страны, и творят метание патриарху и входят во святый олтарь, един десною, вторый левою (никто бо может внити посреди в царския двери, присутствующу патриарху, разве егда вси входят в малом и великом входе и по заомвонней молитве). Архиереи же не входят во святый олтарь, но стоят на местех своих, дóндеже внидут вкупе с великим архиереем. Егда же поет первый лик: Слава Отцу и Сыну и Святому Духу, возстанет архиерей, и изыдут от святаго олтаря диакони с кадильницами, предходят с трикирии и дикирии⁷⁴² и крест. Архидиакон же носит священное Евангелие благоговейно обоими руками, и священницы идут за ним и стоят почину о десную и о левую страну и преклонше главы вси, подобне и архиереи преклонит, сходя на край степеней рундука. Глаголет⁷⁴³ [91] архидиакон: Господу помолимся, тихим гласом, елико слышати точию архиерею, и архиерей глаголет молитву входа тихим же гласом; таже возстанет.⁷⁴⁴ И архидиакон, держа орарь десною рукою со Евангелием, показует на восток, глаголя тихим гласом: Благослови, владыко всесвятейший, святый вход. И патриарх благословляет единою рукою на восток, глаголя: Благословен вход святых твоих, Господи, всегда, ныне и присно и вовеки веков. Таже целует архиерей священное Евангелие. Архидиакон же целует святую десницу его, придержащуюся священному Евангелию, и, возвращся посреди, зря на восток, воздвигнет святое Евангелие, мало крествуя, глаголя: Премудрость, прости! Прочии же Диакони кадят; приносят же к патриарху трикир со крестом и приемлет патриарх десною рукою, юже и целует диакон, дикир же приемлет левою рукою и целует ю диакон. И поет патриарх⁷⁴⁵ со служащими архиереи и иереи и диаконы, косно и со сладкопением: Придите поклонимся. Егда же глаголет: и припадем Христу, преклонят архиереи и прочии главы благоговейно, поюще же: Спаси ны, Сыне Божий, благословляет архиерей обоими руками, держа трикирий⁷⁴⁶ [92] и дикирий со крестом, на восток и ко царю, таже к западу, и полудню и северу, предъидущии же диакони кадяще. Архиерей же, входя во святый олтарь косно и тихо, благословляет народ о десную и о левую страну, поюще убо сослужащии многажды: Спаси ны, Сыне Божий. И егда внидет архиерей во святыя двери святаго олтаря, целует их надесно и налево, и глаголет входя: Вниду в дом твой, поклонюся ко храму святому твоему в страсе твоем; и певцы многажды поют: Спаси ны, Сыне Божий. Таже поют певцы в олтари: исполла эти деспота. Архиерей же, прием кадило, кадит святую трапезу окрест, и весь олтарь, и местныя иконы, и царя и народ, стоя во святых дверех, и сущих во алтари кадит, стоя пред святою трапезою, и сослужители стоят окрест и поют отпустительные тропари дне. Таже вне певчие поют отпустительные тропари и кондаки по чину, елико доведется по дне, оставляют же последний кандакий и не поют. И стоит патриарх пред святою трапезою, зря к народу. И архидиакон подобне ко святым дверем, ко стране, зря к народом; держа же и арарий треми персты, мало воздвигнет, глаголя: Господи спаси благочестивыя. И поют певцы⁷⁴⁷ [93] тожде. И паки тожде. И архидиакон глаголет: И услыши ны. И паки лик поет тожде (Тогда полагается престол уготовлен пред святою трапезою и сядет патриарх, зря к народом). И архидиакону же стоящу на месте, якоже и первее держащу арарь треми персты показуя к народу, глаголет похвалу патриарху сице: Иоасафу⁷⁴⁸ всесвятейшему отцу нашему и патриарху московскому и всея России, многа лета. И поют тожде сослужащии архиереи и иереи. И внегда поют: Многа лета, благословляет патриарх обоима рукама, зря к ним. Таже поют и вне, правая страна, таже и левая. И благословляет их, седя, обоима рукама. Аще есть действуяй един митрополит, по патриарше титле глаголют и о нем, по обычаю, и он, седя, благословляет. Таже возстав архиерей, глаголет архидиакон цареву титлу, по обычаю, и поют оба лика тожде. Архиерей благословляет. По сих отъемлют престол и архиерей, обратився к востоку, стоя пред святою трапезою, поет вкупе с предстоящими сослужители последний кандак, кий ни есть почину. И по сем глаголет архидиакон: Благослови владыко время трисвятаго, и стоя пред дверми глаголет: Господу помолимся. И архиерей: Яко свят еси, Боже наш. И диакон близ дверей⁷⁴⁹, [94] держа арарий треми персты, и показуя народом, глаголет: И во веки веков. И поют, первый лик вне: Святый Боже, со сладкопением. И архиерей прочитает молитву трисвятаго втай, преклонив мало главу, стоящу близ его архидиакону и иным диаконом. Совершившу же молитву, прием архиерей дикирий, или погасит едину свечу от трикирий, аще нет дикирия, поет архиерей вкупе со служащими со сладкопением: Святый Боже. И держа архиерей дикирий в десной руце, сотворит крест над святым Евангелием. что на святой трапезе лежит. Таже и метание творит. И паки певцы поют: Святый Боже 2-жды. Внегда же певцы сие поют. архиерей, воздвиг очи на небо, и дикирий держа, зря к народу, глаголет: Призри с небесе, Боже, и виждь, и посети виноград сей и утверди и, егоже насади десница твоя, мерным гласом. якобы слышати предстоящим. По петии же лика второе: Святый Боже, стоит архиерей на праге святых дверей, держа в деснице дикир, в левой крест. зря к народу. Поют служащии в олтаре с сладкопением: Святый Боже. И архиерей благословляет обоима рукама десную страну.⁷⁵⁰ [95] Егда поют: Святый крепкий, благословляет посреди к западу. Егда поют: Святый безсмертный помилуй нас, благословляет левую страну. И входит в олтарь архиереи. Певцы же поют в третий: Святый Боже. И архидиакон глаголет: Благословен грядый во имя Господне. Архидиакон, держа арарий десною рукою и показуя горнее место за святою трапезою, глаголет: Благослови, всесвятейший владыко, горнее место. И архиерей глаголет: Благословен еси, иже на престоле славы царствия твоего и седяй на херувимех, препетый и превозносимый во веки. И восходит архиерей на горнее место и стоит, зря на запад, и отдает дикирий диакону. Возжигает трикирий архидиакон и отдает архиерею, глаголя тропарь: Троицы явление во иордани бысть, и проч. И приим архиерей трикирий, поют паки во святом олтари: Святый Боже, и архиерей благословляет трикирием 3-жды, по чину. Таже, отдав трикирий, изоблачают его архидиакон, или ин диакон, омофорий и отдает единому диакону держати его обоими руками. И восходит архиерей и седит на горнем месте, и вси сослужители стоят по обою страну, и поют вне: Слава Отцу и Сыну и Святому Духу, святый безмертный, таже⁷⁵¹ [96] (динамис): Святый Боже. И по сем приидет учиненный чтец посреди церкви, пред святыя алтарныя двери, и творит поклон, держа и Апостол затворен. Архидиакон же, по стране дверей, зря к четцу и держа орарий и к нему показуя, глаголет: Вонмем. Архиерей: Мир всем. Архидиакон: Премудрость. Чтец: Прокимен, псалом Давидов, глас. И поют прокимен Апостола прилучившагося, аще же есть и славословимый святый, глаголет и Апостола онаго Прокимен, подобне и Апостол. Таже архидиакон: премудрость, и чтец надписание: Апостола Павла чтение. Архидиакон: Вонмен. Чтец прочитает Апостол гласом высоким и косно; и по исполнении глаголет архиерей: Мир ти. Архидиакон: Премудрость; и чтец: Аллилуиа, псалом Давидов; и поет вторый лик: Аллилуиа, со сладкопением. И чтец, сотворив поклон, отъидет. Тогда архидиакон, прием кадильницу и фимиам, приходит ко архиерею и, прием благословение от него, кадит святую трапезу окрест, и святилище все, и архиерей, по чину, 3-жды по три, и архиерей благословляет его; таже кадит и предстоящих служителей, архиереи, иереи вся; таже изыдет и стоит на праге дверей, кадит владыки Христа святый образ и Пресвятыя Богородицы,⁷⁵² [97] благочестиваго царя и весь народ. Внегда же кадит, низходит архиерей от священносопрестолии, сиречь от горняго места, и приходит пред святую трапезу, и прочитаете молитву пред Евангелием,. втай, глаголя един диакон: Господу помолимся. Архиерей молитву. Таже архидиакон, отдав кадило, приходит ко архиерею, и, прием святое Евангелие, глаголет: Благослови, всесвятейший владыко, благовестнаго⁷⁵³ святаго славнаго Апостола и Евангелиста, имя рек. Архиереи же полагает десницу свою на главу архидиакону и, знаменав его, благословляя, глаголет: Бог молитвами Святаго славнаго Апостола и Евангелиста, имя рек, даст ти глагол, и проч. И архидиакон, сотворив метание и целовав руку архиерея, отъидет, предходящу ему единому диакону, имея омофор архиерейский на обою руку простерта, и два чтеца предъидут. держаще един трикирий и другий дикирий. последует им архидиакон, держа святое Евангелие и орарь крайними персты (вне же, пред святыми дверми, стоят два четца со мануалии⁷⁵⁴ и лампады возженными) и предходят до амвона, или на учиненое место; и восходит архидиакон, другий же диакон со омофории, обшедше налой, и чтецы возвратятся от амвона во святый олтарь и стоят со омофором и с трикирием и дикирием⁷⁵⁵ [98] пред царскими дверми, и друзии чтецы с мануалием останутся на амвоне, стояще по обою страну налоя. Тогда архиерей приходит за святую трапезу пред священнопрестолие и стоит. И диакон. держаяй омофорий, стоя пред, святыми дверми, зря к народу. глаголет: Премудрость, прости, услышим Святаго Евангелия. Архиерей глаголет: мир всем. Лик: И духови твоему. Архидиакон: От имя рек Святаго Евангелия чтение. Лик: Слава тебе. Господи, слава тебе. Диакон от святаго олтаря: Вонмем. Вси же сослужащии опустят фелони. Тогда архидиакон прочитает святое Евангелие косно и чисто, крепчайшими гласом, якобы слышати всем предстоящим. Аще же есть и празднуемый святый, прочитает и оному Евангелие И по исполнении Евангелия поют певчие: Слава тебе, Господи, слава тебе. И архиерей изыдет пред святыя двери, держа и трикирий, благословляет народи 3-жды, по обычаю, во всем храме. Певчие поют косно: Исполлаэти деспота, дóндеже архидиакон приближится ко архиерею со святым Евангелием. Пришедши глаголет ему архиерей: мир ти, благовествующему, и приемлет священное Евангелие от рук его. Он же целует десницу его. И вшед архиерей, целовав святое Евангелие, полагает на учиненное место святыя трапезы. Вшед же архидиакон во святый олтарь, и изшед от северных дверей вторый диакон, или ин диакон, станет на обычном⁷⁵⁶ [99] месте и начинает ектению, глаголя сице: Рцем вси и проч. В кийждо ответ лик: Господи помилуй, 3-жды. И архиерей глаголет молитву и возглас: Яко милостив. Таже ин диакон: Помолитеся оглашении Господеви, и проч. И глаголет архиерей молитву о оглашенных, и возглас глаголет ин архиерей: Да и тии с нами. Внегда глаголется сей возглас, простирают илитон, сиречь антимисий, сослужащии; касается же и архиерей десною рукою и приемлет мусу, сиречь губу, и творит ею крест на антиминсии и, целовав, полагает в край антиминсия на десной горе. Таже архидиакон, внутрь святаго олтаря сый, глаголет: Елицы оглашении изыдите. Ин диакон, вне сый, отвещает, глаголя: Оглашении изыдите. Внутрь паки глаголет ин диакон: Елицы оглашении изыдите. Вне же паки: Да не кто от оглашенных и проч. Архиерей ясе глаголет молитву верных. И возглас глаголет ин архиерей, кому повелит: Яко подобает. Диакон: Паки и паки, и проч. Архиерей молитву и возглас, якоже глаголет сам архиерей: Яко да под державою. И поет первый лик херувимскую песнь⁷⁵⁷ косно и со сладкопением. И архиерей, мало преклонив главу, глаголет молитву втай. И совершившу молитву, приносит архидиакон омофор и полагает на рамы архиерейския (кистям быти в левой стране) и поклонится архиерей⁷⁵⁸ [100] пред святою трапезою 3-жды, глаголя и херувимскую песнь до конца 3-жды; подобне и прочии сослужащии творят. Таже архидиакон, взем кадильницу и фимиам, приходит к архиерею и, взем благословение по обычаю, кадит святую трапезу окрест и святое предложение, архиереа и всех, и святыя иконы местныя, по обычаю. И приходит архиерей ко святому предложению, и первое священник откроет святый дискос и имеет едину просфору готову и святое копие; поклонився архиерей 3-жды глаголет: Боже, очисти мя грешнаго; таже отлагает митру, и взяв просфору левою рукою и святое копие десною, и взимает частицы, глаголя первое: Помилуй нас, Боже, по велицей милости твоей, молимтися, услыши и помилуй. И поминает патриархов и царя, и царицу, и царевичев, и царевен и прочих православных христиан, ихже хощет, живых и мертвых. Таже и прочии хотящии сослужители приходят близ архиереа и сотворяет метание, глаголюще: За молитв, святаго владыки нашего, Господи Иисусе Христе, Боже наш, помилуй нас. И поминают токмо имена; архиерей же сечет частицы в дискос, глаголя непрестанно: Помяни Господи, дóндеже совершит имена. В последний же глаголяй имена: Помяни Господи и мене грешнаго и недостойнаго раба твоего, имярек; и архиерей, взяв частицу, глаголет: Помяни Господи раба твоего⁷⁵⁹, [101] имярек, архиереа, или иереа. И паки сотворит метание, целует рамо архиереево и отъидет, и кийждо творит такожде. Совершивше же частицы, отдав амофорий единому от диаконов, архидиакон приближится архиерею и, сотворив метани глаголет: Возми, всесвятейший владыко. И архиерей, взяв обоима рукама воздух, полагает на рамо, или на плещу его (Знаменуй: яко нецыи полагают аер на левом раме, инии же на главе, и приходит созади: ничтоже сие разнствует). Глаголет же архиерей, вземляй аер: В мире возмите руки ваша во святая и благословите Господа. Таже святый дискос прием целует, архидиакон подобне целует, полагает архиерей на главу архидиакону со всяким вниманием и благоговением. И отшед мало архидиакон, приходит иконом, или ин предстоятель от священников ко архиерею, и поклон сотворив. прием от архиереа святый потир, и целовав его и руку архиереа; прочии же носят крест, лавиду⁷⁶⁰, копие, губу и ино нечто от священных сосудов. И исходит архдиакон северными дверми; последуют ему два диакона, или иподияконы, нося кийждо рипиды над святым дискосом выше, трясуще ими, Таже последует иконом со святым потиром. подобне имеюще диаконы, две рипиды над ним трясуще. Прочие же диаконы предходят⁷⁶¹ [102] с кадильницами, со омофории и с митрою, внеже пред северными дверми уготовлени суть два мануалиа⁷⁶² с лампадами, яже и предходят. Подобне предходят и носяй пастырский жезл (со архиерейскою камилавкою) и примикирий со возженною лампадою пред всеми. Идущу архидиакону, глаголет велегласно исходя из дверей: Всех вас да помянете Господь Бог во царствии своем. Подобне и иконом со святым потиром, и прочии иереи глаголют вси идуще по церкви, яко обычай. Аще же присутствует царь, приближится ему архидиакон, глаголя: Благочестивейшему и боговенчанному царству твоему, самодержавнейший царю наш, имярек, да помянет Господь Бог во царствии своем. Аще же есть и царица, глаголет: Благочестивейшую царицу августу, имярек⁷⁶³, да помянет Господь Бог во царствии своем. Ходящу же архидиакону противо архиереа, глаголет: Архиерейство твое да помянет Господь Бог во царствии своем. И архиерей изыдет пред царския двери, нося амофорий, и кадит святый дискос и, сотворив метание, глаголя втай: Благословен грядый во имя Господне. Таже прием дискос от главы архидиакона, целует его, и показуя ко царю, мало воздвиг, глаголет: Благочестивейшему и боговенчанному и проч., якоже выше писано. И вшед во святый олтарь, полагает дискос на святой трапезе, глаголя:⁷⁶⁴ [103] Благообразный Иосиф, и проч. Таже паки изыдет архиерей, а иерей глаголет такожде, якоже и архидиакон: Архиерейство твое да помянет Господь Бог. И взем архиерей кадильницу, кадит и, сотворив метание и прием святый потир, целует его и, показуя ко царю, глаголет, якоже и первее. Входит паки во олтарь и полагает святый потир на святой трапезе, по обычаю глаголя: Во гробе плотски, Яко живоносец, Мироносицы жены и проч. Прочии же иереи входят во святый олтарь, глаголюще: Архиерейство твое да помянет Господь Бог во царствии своем. И архиерей от места, идеже стоит, благословляет их коегождо, входяща во святый олтарь, и емлет покровы от святаго дискоса и от святаго потира, полагает их на место, по обычаю, и взем аер от рама архидиаконова и от иного диакона, покадив, покрывает святая. Внегда же взем покровы и покрывает аером святая, глаголет архиерей: Благообразный Иосиф, до: положив. И взем архиерей кадилницу, кадит святое и поклонився 3-жды глаголет: Ублажи, Господи, благоволением Твоим Сиона, и проч. 3-жды. И отдав кадилницу, возвращается архиерей к десной стране, глаголет: Братие и сослужители, архиереи и иереи, помолитеся о мне: и опустивше фелони отвещают вси, глаголюще: Дух⁷⁶⁵ [104]. Святый найдет на тя и проч. Архиерей глаголет: Тойже Дух Святый сослужит⁷⁶⁶ нам и вам вся дни живота нашего. Таже архидиакон глаголет и прочии: Помолися о нас, владыко святый. Архиерей: Да управит Господь стопы ваша. Паки глаголет: Помяни нас, владыко святый. И архиерей: Да помянет вас Господь Бог во царствии своем всегда, ныне и присно.

Аще же есть хиротония иереова, еже бывает по херувимской песни, приносят престол украшен с ковром и поставляют его пред святою трапезою, мало ко стране, на левой, якоже не быти святая позади, и сядет архиерей на нем. И вземше два диакона хотящаго хиротонисатися, изыдут от Святаго олтаря северными дверми, имеюще его посреди, держаще за руки и входят близ до красных дверей, и возвращшеся ко архиерею и полагающе оба диакона кийждо едину руку на выю его и другою рукою держат, приклоняют его ничуща елико мощно, и глаголет един диакон, или архидиакон. аще есть: Повели. Таже приходят посреди церкви, приклоняюще его, якоже и первое, глаголет другий диакон: Повелите. Таже идут близ святых олтарных дверей пред архиереа и, преклонше его, паки глаголют: Повели, святейший владыко. И оставльше диакони хотящаго хиротонисатися, приемлют его иконом и сакеларий, или иныя два иереа, от руки, един⁷⁶⁷ [105] за десную, другий же за левую, и обыдут святую трапезу, поюще водящии иереи и прочии: Святии мученицы, и целует хиротонисанный четыре угла святыя трапезы и епигонатий⁷⁶⁸ архиереов и руку. Тоже поют и вне единощи. Таже обходят паки, поюще: Слава тебе Христе Боже, и целует святую трапезу паки, подобне, якоже и первее, и архиереов наколенник⁷⁶⁹ и руку, и вне лик тоже поет единощи. Таже паки обходят, поюще: Исаие ликуй, и творят чин, якоже и первое рекохом. И поют и вне тоже. Таже востав архиерей (иземше престол), идет хиротонисанный к десной стране архиерею и приклонит оба колена (егда же хиротонисается диакон, преклонит токмо едино десное колено), полагает же длани крестовидно на святую трапезу, приложит же и чело меж рук ко святей трапезе. И архиерей полагает край омофория на главу хиротонисаннаго и благословляет его по главе 3-жды. Иконом велегласно глаголет: Вонмем. И архиерей, воззрев на небо, глаголет велегласно же: Божественная благодать и проч. И поют внутри иереи: Кирие елейсон, 3-жды, от десныя страны. таже паки 3-жды от левыя страны. Таже подобне певцы и вне. [106] Архиерей паки благословляет его 3-жды, имея и руку на главе хиротонисанного. Глаголет архидиакон: Господу помолимся, тихим гласом. Архиерей же глаголет молитву втай:⁷⁷⁰ Боже безначальный, и проч. И иконом прочитает мирная тонким гласом: Миром Господу помолимся, и проч. И архиерей, имея руку на главе хиротонисанного, глаголет и вторую молитву. И поют непрестанно во алтари и вне: Господи помилуй, дóндеже прочтет архиерей молитвы. И тогда воздвигнут его и приносят епитрахилей и, вземше орарь, дает архиерей епитрахилий, благословив его, и целует и хиротонисанный и архиереову руку. Таже положит на выю его глаголя велегласно: Аксиос. И поют во олтаре 3-жды: Аксиос. И вне певцы тоже. Подобне дает и пояс, и целует его и архиереову руку, опоясуется, и глаголет архиерей: Аксиос. И поют во олтари и вне подобне. Такожде творят и на фелонь и на Служебник, глаголя архиерей на кийждо: Аксиос. И поют по обычаю. И совершив его, обращается архиерей и став пред царскими дверми, держай трикирий и дикирий, благословляет народ. И поют вне певцы: Исполлаэти деспота. И целовав архиереову руку, иерей хиротонисанный отходит и стоит со иереи. Архидиакон, или ин диакон, изшед от алтаря, став на обычном месте, глаголет: Исполним молитвы наша Господеви, и проч. И архиерей возглас: Щедротами единороднаго Сына Твоего, и проч. Таже: Мир всем. И благословляет единою рукою точию,⁷⁷¹ [107] стоя на месте своем, токмо лицем обращается к народу. Диакон: Возлюбим друг друга. Тогда архиерей и все сослужащии поклоняются 3-жды, и в кийждо поклон глаголют: Возлюблю тя, Господи, крепосте моя, и прочая. Таже архиерей отлагает митру и целует святый дискос и святой потир, покрыти суще, и святую трапезу, глаголя втай:⁷⁷² Святый Боже, святый крепкий, святый безмертный, помилуй нас. Таже патриарх, приим митру, присутствующии же архиереи приходят чином, отложивши митры, целуют и тии святая, якоже и патриарх. Такожде целуются и с первым архиереем, по обычаю, глаголюще: Христос посреди нас, и отвещает: И есть и будет, и стоят близ его по чину, Таже приидет хиротонисанный, зане имат первенство всех иереев, и по нем прочии иереи, и целоваше святая и архиереа, по обычаю, глаголюще же: Христос посреде нас. И стоят по чину, целующеся. друг с другом. глаголюще: Христос посреде нас, и отвещают: И есть и будет. Таже пришедше архиереи и иереи, взимают аер с десную и левую, преклонив главу архиерей, и покрывают ю свыше аером, якобы не касатися ему. Вне стояй диакон, зря яко готовы суть внутрь, преклонив мало главу и воздвиг мало десную руку, держащу треми персты⁷⁷³ [108] орарь, глаголет: Двери, двери, премудростию вонмем. И глаголет вне предстоятель благоговейно и мерным гласом: Верую во единаго Бога. Подобне же глаголет и архиерей вкупе со служители внутрь, во святом олтари. Совершивше же, вземлют аер созади архиереа и, согнувше и целовавше, полагают на святой трапезе, идеже суть и прочии покровцы. Един же диакон, взем рипиду (или един покровец, аще несть рипиды), веет святая благоговейно. Таже диакон вне глаголет: Станем добре, станем со страхом, и прочая, и, поклонився, внидет во святый олтарь. И архиерей возгласит, глаголя: Благодать Господа нашего Иисуса Христа, и прочая, и, возвратився к народу, благословляет, якоже обычай, с трикириами и дикириами. Таже глаголет: Горе имеим сердца. Лик: Имамы ко Господу. Архиерей: Благодарим Господа. Лик: Достойно и праведно. И архиерей глаголет молитву. Таже архидиакон приим звездицу треми персты на, святом дискосе, глаголет архиерей возглашение: Победную песнь. Внегда глаголет: Поюще, вопиюще, взывающе и глаголюще, творит креста образ на дискосе звездицею и, целовав ю, полагает, идеже и покровцы. И певцы глаголют косно: Свят, свят, свят Господь Саваоф, и проч. И архиерей, показуя десною рукою к дискосу, подобне и архидиакон, показуя и держа орарь треми персты десныя⁷⁷⁴ [109] руки, глаголет архиерей: Примите, ядите, и проч. Лик: Аминь. Архиерей, паки показуя ко святому потиру со архидиаконом, глаголет: Пийте от нея вси, сия есть кровь моя, и проч. Лик: Аминь. И архиерей молитву глаголет. Таже, пришед архидиакон и прилож руце крестовидно и подъем святый дискос, и святый потир, возглашает архиерей: Твоя от Твоих, и проч. Лик: Тебе поем, Тебе благословим. и проч. и архиерей молитву. Таже, приим омофоры и отложив митру со главы, поклонится архиерей и вси сослужащии, и диакон отлагает рипиду, поклонится благоговейно, глаголюще вси: Господи, иже Пресвятаго Духа Твоего, и проч., 3-жды, сотворяющи и поклоны три, архидиакону глаголющу стихи: Сердце чисто, и: Неотвержи мене от лица Твоего. Таже, приклонится ко архиерею: Благослови, владыко, святый хлеб. Архиерей же, воздвиг зрение на небо, благоговейно молится сице: И сотвори убо хлеб сей честное тело Христа Твоего, и благословляет святый хлеб. Архидиакон глаголет: Аминь, И паки тойже: Благослови, владыко, святую чашу. И архиерей: А еже в чаши сей честную кровь Христа Твоего, и благословляет святый потир. Архидиакон:⁷⁷⁵ [110] Аминь. И паки архидиакон, показуя и обоя святая, глаголет: Благослови, владыко святый, и обоя. Архиерей же, благословляя обоя святая крестообразно, глаголет: Преложив я Духом Твоим Святым. Архидиакон: Аминь 3-жды. Таже отлагает архиерей омофорий и приемлет митру. И главу преклонив, архидиакон глаголет архиерею: Помяни мя, святый владыко, и отъидет. И веет паки святая, якоже и первее. Архиерей же глаголет молитву: Яко же быти причащающимся, и проч. Егда хощет сию молитву глаголати, архиерей призывает хиротонисанного и, взем святый хлеб (и ломив от Святаго хлеба малую частицу) и дает ему, глаголя сице: Прими залог сий, и проч. Он же, взем, целует руку архиерееву и, отшед, стоит назади святыя трапезы, руки убо положив на святую трапезу, моляся, глаголет: Помилуй мя Боже, весь до конца, и иныя молитвы и умилительныя тропари, что умеет (Егда хощет рещи: Святая святым. тогда хиротонисанный отдает святый хлеб, и положит и архиерей на святый дискос; причащается же первое от прочих; глаголет и заамвонную молитву). Таже молитву архиерей: Якоже быти причащающимся. Посем: Блажим Тя вси роди, Богородице Дево, и проч. И, прими кадильницу с фимиамом, кадит святую трапезу, (глаголя и ины Богородичны)⁷⁷⁶. [111] Таже велегласно глаголет, кадя: Изрядно о пресвятей, пречистей, и проч. И поет лик: Достойно есть. Аще же есть владычний праздник, поют ирмос 9-й песни. И архиерей молитву: Святаго Иоанна Пророка и Предтечи; зде же поминает, ихже хощет, царей, патриархов, архиереи, родители и иных умерших. Таже глаголет и другую молитву: Помяни Господи град сей, до конца. И поминает, ихже хощет, живых (Таже воздвигнет панагию, аще хощет, на помощь души и телу, за кого творит, Воздвижение же бывает сице: Взем архиерей укруг от просфиры крайними персты обоими руками, сотворить крест им над пречистыми тайны святаго дискоса и Святаго потира, глаголя: Велико имя Святыя Троицы, Пресвятая Богородице помози рабу Твоему, имя рек, избави его от всякия нужды и печали. Сице творит и за иныя имена, елико хощет. И сохраняют в полезное во всякую нужду и немощь). Преставше же певцы поюще, и абие архидиакон, став во дверех мало ко стране, держа орарь треми персты десныя руки, зря к народу, глаголет сице: И им же⁷⁷⁷ кийждо в помысле имеет: и всех и вся. И поет лик: И всех и вся. Таже возглашает архиерей, аще есть патриарх, сице: Помяни Господи⁷⁷⁸ всякое епископство православных, право правящих слово Твоея истины. Аще же есть митрополит, или ин архиерей, глаголет: В первых помяни Господи отца и патриарха [112] нашего, имя рек, и проч. Сице глаголют и прочии сослужители архиерею, коликим велит. Архидиакон же глаголет велегласно великую похвалу, зря к народу: Парфения святейшаго и вселенскаго патриарха, Паисиа александрийскаго, Макариа антиохийскаго, Нектариа иерусалимскаго, благочестивых и православных патриархов, Иоасафа московскаго и всея России⁷⁷⁹, приносящаго святыя дары сия Господеви Богу нашему о спасении благочестивейшаго тишайшаго и боговенчаннаго царя нашего и великаго князя Алексиа Михаиловича, всея Великия и Малыя и Белыя России самодержца, и прочая, по обычаю. И в конец поют вне: И всех и вся. И архиерей возглас: И даждь нам едиными усты, и: Да будет милость великаго Бога и Спаса нашего Иисуса Христа со всеми вами, и обращается лицем к народу и благословляет яко же обычай. И диакон, сотворив метание архиерею, исходит и, став на учиненом месте, глаголет: Вся святыя помянувше, и проч. Архиерей же глаголет молитву. Таже возглас: И сподоби нас, Владыко. И предстоятель: Отче наш. Подобне глаголет⁷⁸⁰ [113] и архиерей втай. Таже возглас: Яко Твое есть царство. Мир всем. И благословляет единою рукою к народом. Диакон: Главы наша Господеви приклоним. Архиерей молитву, таже возглас: Благодатию и щедротами. Паки молитву: Вонми Господи Иисусе Христе.

Таже приемлет архиерей омофор и отлагает митру, покланяется архиереи и прочии, глаголюще втай: Боже очисти мя грешнаго. Подобне и диакон вне, идеже стоит. Архиерей простер руце на святый дискос, еже воздвигнути святый хлеб, глаголет диакон преклонив главу: Вонмем. И архиерей, взем святый хлеб и воздвизает и мало над святым дискосом, глаголя: Святая святым. И внидет диакон во святый олтар и, ставь близ архиереа, глаголет: Раздроби владыко святый хлеб. И архиерей раздробляет его со многим вниманием на четыре части, глаголя: Раздробляется и разделяется, и проч. Лик: Един свят, и проч. Таже поют каноник дне. Архиерей же полагает четыре части крестовидно, по обычаю: Иисус – горе, Христос – ниже, ни – десное, ка – левое. И взем архиерей крайними персты горе лежащую часть, творить ею крест над святым потиром. Архидиакон, показуя со орарем, глаголет: Исполни, владыко, сие святый потир⁷⁸¹. [114] Архиерей глаголет: исполнение Духа Святаго, и пущает⁷⁸² ю во святый потир. И архидиакон глаголет: Аминь; и, прием теплоту, показует ко архиерею, глаголя: Благослови, владыко, святую теплоту. И архиерей, благословив, глаголет: Благословенна теплота святых Твоих, Господи. И архидиакон вливает теплоту крестовидно внутрь святаго потира (с Рассуждением, елико еже не преудолети вина, сиречь, да не будет вода больше вина), глаголя: Теплота веры, аминь. Таже, взем архиерей часть, еже знаменано: Христос, раздробляет на многия частицы, якоже быти доволно причаститися всем сослужащим. Аще же не доволно будет части оной, раздробит и другую от дву, глаголя: Раздробляется и разделяется Агнец Божий, и проч. Таже взем архиерей едину частицу раздробленнаго Святаго хлеба в десную руку и преклонив главу, молится по обычаю: Верую. Господи, и исповедую, Вечери Твоея тайныя, и проч. Таже, востав и пришед близ святаго дискоса и разгнув руку, причащается святаго тела Господня со умилением и благоговением, глаголя: Честное и всесвятое и пречистое тело Господа Бога и Спаса нашего Иисуса Христа преподается мне недостойному, имя рек, архиерею, во оставление моих грехов и в жизнь вечную (во имя Отца и Сына⁷⁸³ [115] и Святаго Духа, аминь). Таже, взем губу, отирает руку, глаголя: Слава Тебе Боже, 3-жды. И целовав губу, положит на место. Таже, взем священный покровец и потир обема рукама с покровцем, причащается из него 3-жды, по обычаю глаголя: Честная и святая и животочная кровь Господа Бога и Спаса нашего Иисуса Христа преподается мне недостойному, имя рек, архиерею во оставление моих грехов и в жизнь вечную, во имя Отца и Сына и Святаго Духа; на коеждо причастие по единому имени глаголет. И тако устне свои и святый потир отирает покровцем, еже в руках, глаголя: Се прикоснуся, устнам моим, и проч. Таже целовав, полагает его на святую трапезу. (Знаменуй, яко егда причащается архиерей честного тела Господня, глаголет архидиакон и вси сослужащии: Тон деспотин ке архиереа имон, кирие филате автон, исполлаэти, и сотворят метание ему. И егда причащается от Святаго потира и глаголет: Во имя Отца, архидиакон: Аминь, и причащается единощи; таже: И Сына, архидиакон: Аминь, и причащается второе; таже: И Святаго Духа, архидиакон: Аминь, и причащается третие. И глаголют вси паки, сотворяюще и метание: тон деспотин ке архиереа, и проч.). Таже архиерей налагает митру на главу свою. И⁷⁸⁴ [116] архидиакон призывает единого коегождо: Архиереи приступите. И приступив един архиереи левыя страны к великаго архаереа, преклонив главу и положив длани крестовидно, десница сущи горе, глаголет: Се прихожду безсмертному царю и Богу нашему, и: Преподаждь ми владыко всесвятейший и проч. И архиерей, взем десною рукою треми персты маргарит⁷⁸⁵ честнаго тела Христова, полагает в руки приходящаго архиереа, или иереа, глаголя: Преподается ти, имя рек, архиерею, или иерею, честное и пречистое и безсмертное тело Господа Бога и Спаса нашего Иисуса Христа, во оставление грехов твоих и в жизнь вечную. И, целовав руку архиереа, отъидет на едину страну и, приклонив главу над руце, молится, якоже сотвори и великий архиерей. Таже паки архидиакон призывает, якоже и прежде; ко иереем глаголет сице: Иереи приступите, ко диаконом: иеродиакони приступите. И творят вси подобне, якоже предречеся. Диаконов причащати и преподавати честного тела повелевает иному архиерею, или архимандриту; великий же архиерей идет ко святому потиру причащати прочих. Таже приходят по чину к десной стране архиереа и прочии. Патриарх на учиненном месте стоя. Глаголют приходящии: Се прихожду, и: Преподаждь ми, владыко, и проч. Держа же архиерей⁷⁸⁶ [117] святый потир с покровцем, приближится устами хотящий причащатися, архиерей глаголет: Преподается ти, имя рек, архиерею, или иерею, честная и пречистая и животворящая кровь Господа Бога и Спаса нашего Иисуса Христа, во оставление грехов твоих и в жизнь вечную, и: Во имя Отца, и Сына и Святаго Духа, аминь; и причащает его 3-жды. Причащаяйся, взем священный покровец, отирает устне свои и святый потир, и целовав Святаго потира, отходит. Сице творят вси до конца. Диаконов же причащает и от святаго потира ин архиерей, или архимандрит. Тогда убо архиерей, мало отступив ко стране, глаголет молитву благодарную. Архидиакон вземлет святый дискос и носит верху святаго потира, отирает святою губою с великим вниманием, влагая честное тело и вси частицы внутрь Святаго потира, и целовав святый дискос полагает близ святаго потира. Таже, взем покровец, покрывает святый потир на святый же дискос полагает звездицу, и покровцы и аер, глаголя: Воскресение видевше, и проч. И поклонився 3-жды. И взем архиерей святый потир (целовав его), отдает архидиакону; и приим обоима рукама, целует руку архиереа и приходит во святыя двери и, вознося⁷⁸⁷ [118] святый потир, глаголет: Со страхом Божиим. Лик: Аминь. Благословен грядый и проч. Архиерей благословляет народ со трикирием и дикирием, глаголя: Спаси Боже люди твоя, и певчие: исполлаэти деспота, косно и со сладкопением. И обращаются паки во святую трапезу. И прием архиерей святый потир от руку архидиакона, полагает на святую трапезу. Таже прием кадило, кадит святая 3-жды, глаголя тихими гласом: Вознесися на небеса Боже, и проч. И поют все певчие: Видехом свет истинный. Таже прием архиерей святый дискос, возлагает на главу архидиакона, и приемлет обоима рукама и отходит в предложение, ничтоже глаголя, и полагает и тамо. Святый же потир прием и целовав, архиерей отдает иконому глаголя: Благословен Бог наш, тихо. И приемлет обоима рукама и целует его, и архиерееву руку, и обращается ко святым дверем, зря к народу, глаголя: Всегда, ныне и присно и вовеки веков, и отходит ко святому предложению и поставляет тамо. И лик: Да исполнятся уста наша. Таже диакон исходит и, став на обычном месте, глаголет: Прости, приемше, и проч. Архиерей возглашает: Яко Ты еси освящение наше. Священник, хотяй глаголати заамвонную молитву, глаголет: С миром изыдем. Лик: Во имени Господни. Диакон: Господу помолимся.⁷⁸⁸ [119] Иерей исходит и, став на обычном месте, глаголет заамвонную молитву: Благословляяй благословящия тя, Господи. Архиерей глаголет конечную молитву: Исполнение закона и пророков. Таже изшед архиерей, восходит на высокое место, или на место свое, поучает народ Слову Божию, толкуя дневное Евангелие (аще умнеет. Аще же ни) глаголют: Буди имя Господне, и псалом: Благословлю Господа. Архиерей: раздает антидор всему народу на благословение и очищение души, освящен бо есть и подобает его, неядша(е), приимати; а щеже кто и мало ял или пил, да не приемлет антидора. По раздаянии антидора, глаголет диакон: Господу помолимся. Архиерей благословляет рукою, глаголя: Благословение Господне на вас, и проч. И лик: Слава и ныне, Господи помилуй 3-жды, владыко благослови. И архиерей творит отпуст пред святыми дверми по обычаю, и стоит на том месте, и приносят ему трикирий и дикирий, и приемлет. И певчие поют многолетие царево, по обычаю. Таже глаголют певцы: Тон деспотин ке архиереа имон, и в конец: исполлаэти деспота, 3-жды. И тогда благословляет архиерей царя (аще присутствует) и весь народ. И входит во святый олтарь, и разоблачают его от архиерейскиа одежды, глаголюще: Ныне отпущаеши раба⁷⁸⁹ [120] твоего, Владыко, Трисвятое, по Отче наш: Яко твое есть царство, и отпустительные тропари и кандаки, по обычаю, Господи помилуй 12, Честнейшую херувим, и проч.; таже: Слава и ныне; Господи помилуй, 3-жды, владыко святый, благослови. И бывает менший отпуст. Изшед же святыми дверми, возобращается к святым иконам, держа и пастырский жезл левою рукою, и покланяется 3-жды; таже возобращается к народу и, благословляя, глаголет: Да сохранит Христос Бог Всех вас своею Божественною благодатию и человеколюбием, всегда, ныне и присно и во веки веков. И певцы глаголют тихим гласом: Исполлаэти деспота. Предстоит же примикирий с лампадою возженою и предходит архиерею: прочти же предходят и последуют, яко же и первее. Входяще же во архиерейский дом, стоит архиерей на некоем высоком, учиненном месте, яко да видим будет от всех, и. обращаяся архиерей к народу, благословляет, примикирию глаголющу: Всесвятейшаго и богоизбраннаго нашего государя и владыки отца и патриарха нашего, имя рек, Господи сохрани его на многия лета. И сотворив земной поклон, подобне и весь народ, тогда архиерей входит в дом свой, народ же ходит, идеже хощет, в мирный путь⁷⁹⁰.

[121] ⁷⁹¹Знаменуй: яко омофорий изоблачает архиерей пред Апостолом, егда поют прокимен, и облачается паки на херувимской песни, егда взимает частицы, и паки снимают ко входу, по Херувимской же песни, аще есть хиротония пресвитерская, паки налагают, и соверша хиротонию снимают, и аще есть хиротония диаконская, тогда паки налагают и соверша хиротонию, снимают и после молитвы: Вонми Господи Иисусе Христе, егда хощет диакон глаголати: Вонмем, возлагают паки на архиереа омофорий и отлагают митру и поклонився глаголет: Святая святых. И причащается сам со омофорием и прочих, и носит его до отпуста. Аще же несть хиротонии, не возлагают на архиереа омофориа по Херувимской писни никогда, токмо егда хощет благословити святая и ко святому причащению. А митру снимают, егда чтут святое Евангелие, и егда частицы изимает в Херувимскую песнь, и егда целует святая по Херувимской песни, когда хотят символ глаголати, и егда совершает Святая и глаголет: Господи, Иже Пресвятаго твоего Духа в трети час; и: Сотвори убо хлеб сей, и егда причащается. И по причастии своего возлагают митру на главу его. И причащает прочих, носящу ему митру. Конец и Богу слава, во веки, аминь.

[122]⁷⁹² Вопрос.

Подобает ли архимандриту и игумену, или протопопу, или иному от священников, освящати новыя церкви, или ни?

Ответ.

По священных правил и по чину и уставу не подобает никому иному освятити церковь, кроме архиереа: зане сие архиерейское действо есть, а не священническое, якоже и хиротония и освящение святаго мира. Обаче же, егда приключится нужда великая и невозможно архиерею тамо ити на освящение, далняго ради пути разстояния, или страха ради нашествия варваров, или иных вин, подобных сим, тогда бывает сице: архиерей служит священную литургию в своей церкви, идеже пребывает, и освящает един антимис во имя святаго, егоже храм хощет освятити, и положит и мученическия святыя мощи, три частицы, со святым великим миром, и прочая творя, якоже чин и устав есть. И то освящение антимиса бывает во святой литургии сице: по возгласе: Да и тии с нами, простирает и новый антиминс над старым и совершает на нем, яко чин и устав написан есть в Потребнике, и совершается над ним святая литургия. Потом сего освященнаго антимиса препосылает архиерей к новой церкви со архимандритом, или игуменом, или с протопопом, или с нарочитым священномонахом⁷⁹³ [123] или священником. И совершают тамо [123] прочая воследования, сиречь. всенощное бдение, сице: достигше тамо, поставит священный антимис на святом дискосе, над ним же звездицу и покроет святою пеленою и сице покровен поставит на налои к десной стране пред Спасовым образом, и начинают малую вечерню. Таже во время свое великую вечерню и прочая воследования, по чину и по уставу. Во утрии, в подобно время, облачается во священническая одежды посланный от архиереа, яко начальник, таже и прочии священницы и диакони облачаются, и действует вся посланный от лица архиереева, яко устав повелевает: украшает святую трапезу по чину, прежде помазав ю освященными и великим миром, и прочая вся соверша, яко во Уставе написано. Таже изыдет от Святаго алтаря начальный и емлет святый дискос со священным антимисом, яко есть покровен, и положит на главу свою и творит вход окрест церкви, предходящу ему народу со свещами возжеными, и диакони с кадилами; прочии же священницы последующе ему; певцы же поют, яко обычай и устав повелевает. И обходив церковь единощи, входит в церковь, творя и глаголя якоже устав повелевает (нецыи же обходят церковь 3-джы). И по входней⁷⁹⁴ [124] молитве, внидет со священным антимисом во святый олтарь и поставляет его на святую трапезу, ничесоже глаголя, и творя на святом антимисе, понеже совершен и священ есть от архиереа, токмо певцы поют тропарь и кондак обновления и храма. Священник поставит священное Евангелие на святом антимисе, и преклонив колена своя пред святою трапезою, глаголет молитву, народу же в церкви и они колени преклонше стоят. Таже, совершившу вся воследования обновлению, начинают священную литургию, и сице есть церковь оная освящена и совершена чрез антимиса, что от архиереа освящен и послан к ней. Освящаются же антимисы многия вкупе, егда освящаются церкви от архиереа (и во ино время) без святых мощей, яже не суть престоли, и таковым подаются и препосылаются в церкви, которыя были освящены от архиереа и святыя мощи суть положены под святую трапезу во влагалище. А освященных антимисов со святыми мощами особно, якоже выше речеся, именуется престоли, и таковые препосылаются в церкви, идеже архиерею невозможно самому ити совершати освящения. Еще же таковыя антимисы отдаются служити над ними и на всякое место владычества Христа Бога нашего.

Бывает и ин чин, вкратце, сице: освятившу архиерею антимис, якоже⁷⁹⁵ [125] выше писано со святыми мощми, отдает священнику. Священник же, вшед, в той церкви совершает всенощное бдение, яко обычай. Положившу антимис на дискосе и на налои, якоже выше писано. По всенощном пении, во утрии священник сотворит в церкви освящение воды при всем народе и кропит святою водою олтарь и всю церковь и окропит святую трапезу со святою водою, и украсит ю, якоже обычай и чин: прежде кропит индитиа и прочая вся святою водою. Таже украсит и предложения, сиречь жертвенник, проскомидию. Потом начинают часы и проскомидию, и по часам священную литургию, якоже обычай. В малом входе, по входной молитве, глаголет диакон: Премудрость, прости. Священник емлет на главу святый дискос со антимисом, иже есть освящен от архиереа со святыми мощми, со благоговением, и приносит его во святый олтарь и положит на святую трапезу. Певцы же поют тропари и кандаки, якоже выше писано, таже Трисвятое. И совершают святую литургию, а ино от действа архиерейскаго ничесоже действует, ниже иныя молитвы глаголет, зане от архиереа совершишася вся на святом антимисе; токмо по положении Святаго антимиса на святую трапезу, и по тропари и кондаки, едина молитва последняя глаголется, на коленех лежащим всем. Таже по молитве: Трисвятое, и проч. Сей чин бывает в пределех и⁷⁹⁶ [126] и в церкви, идеже архиерею невозможно самому ити ради благословных вин и идеже окрест церкви не возможно ходить со святыми мощми, и тем святым антимисом суть церкви совершена и освящени. Сице творится во святой горе Афонстей, в пределных церквах и в скитах.

Вопрос.

Подобает ли священником и диаконом, по нашему древнему обычаю, носити скуфии, или ни?

Ответ.

Ей подобает: зане священническая и диаконская главы есть освящена от святыя трапезы и чрез архиерейскиа руки во хиротонии. И сего ради подобает всегда покровенней главе быти чести ради священства, кроме церковнаго священнослужения. Понеже в наших странах священники и диаконы носят различныя священническия шапки и никогда ея с главы не снимают, кроме егда служат сами священную литургию. И аще здешния поповския и диаконския скуфии не согласуются с шапками священников и диаконов нашея страны, обаче же есть некоторое знамение священническое, и того ради подобает священником и диаконом носити тую же скуфию по древнему обычаю здешния страны, да имут на главе некоторое священническое знамение и различие от прочих людей. Еще же,⁷⁹⁷ [127] егда согрешает священник нечто пред своим архиереем и архиерей запрещает ему на время, тогда возмет от него скуфию. И аще кто его увидит без скуфии, познает, яко под запрещением есть. И егда разрешит и простит его архиерей, тогда дает ему паки скуфию: и то есть ему паки во знамение, что разрешен и прощен есть. Сих ради вин подобает им носит те скуфии. по древнему преданию. Обаче же сии скуфии подаются от архиерея священником и диаконом по хиротонии и по совершении божественныя литургии в церкви, благословившу прежде архиерею; и целовав руку архиерееву, священник или диакон приемлет и положит на главе своей, и носит, якоже выше писано. Аще же кто от священников и диаконов восхощет носити шапки, якоже носят нашея страны священники и диакони, не возбраняем, но и соизволяем и благословляем.⁷⁹⁸

Во имя Отца и Сына и Святаго Духа, аминь.

Нынешняго настоящаго лета 7145 от сотворения света, от воплощения же Бога Слова 1667, марта в 15 день, по богодохновенному тщанию великаго государя царя и великаго князя Алексия Михаиловича всея Великия и Малыя и Белыя России самодержца, всесвятейшии патриарси: александрийский Паисий Божиею милостью папа и судия и патриарх вселенский, Макарий Божиею милостию патриарх Божияго града Антиохии и всего востока. Иоасаф Божиею милостию патриарх московский и всея России, снидошася купно с преосвященными митрополиты, со архиепископы и епископы, и со всем освященным собором. К ним же возгласи великий государь царь и великий князь Алексий Михайлович, всея Великия и Малыя и Белыя России самодержац, о преждебывшем собори; в 129 году, при святейшем великом государе Филарете Никитиче. патриархе московском и всея России, о крещении от римския веры приходящих к православной вере святыя восточныя церкви: правилно ли повелеся тех крестити? Всесвятейшии же патриарси, преосвященнии митрополиты, архиепископы, и епископы, и весь освященный собор, услышавше о сем богоприятное желание великаго государя царя и⁸⁰¹ [129] великаго князя Алексея Михаиловича, всея Великия и Малыя и Белая России самодержца, повелеша из соборного изложения оного, еже бысть при бытии святейшаго патриарха Филарета Никитича московскаго и всея России, и из правил святых Апостол и святых отец и прочих Божественных писаний выписати для свидетельства, аще согласно с правилы и с Божественными писании оного бывшаго собора списатели выписки предложиша о том латинском крещении, или что несогласно.

Выписано из правил и из соборнаго оного изложения.

В соборном изложении на листу 219 напечатано: говорил Иона митрополит крутицкий, яко писано в 6-м соборе, что латин не крестити, токмо миром помазывати.

И ему Ионе ответ:

В том правиле 95 не то написано. Мы убо то правило, обретше, чтохом, и в том правиле в девятьдесят пятом написано, яко павликияны, иже от Павла Сомосатского суть, и евномианы, и монтанисты, иже суть и монтане, и савелианы, и манихеи, и иуалентианы, тииже и валентини, и маркионити, тии же и маркиане, и сущии от подобных им ересей⁸⁰², [130] приходящии к правоверней вере, яко еллины приемлем сих. А еллин подобает совершенно крестити.

⁸⁰³И то напечатано из толкования того правила, которых ересей в сущем правиле не писано, но писано от инех правил, о тех, которых и крестити подобает; а писано в том сущем правиле 6-го вселенскаго собора 95 сице: Обращающихся от еретик сице приимаем: арианы, македонианы и новацианы же, иже и чистии именуются, несторианы и четыренадесятники, иже суть средницы, и аполинарианы и евтихианы, и северианы, и иже от подобных им ересей, прокливающия вся ереси, и с ними и свою, помазуем святым миром темена, очи, ноздри, уста, уши, и знаменующе я, глаголем: Печать дара Духа Святаго.⁸⁰⁴ И с сим правилом в соборном изложении написан ответ вышереченный несогласен.

В том же изложении на листу 220-м напечатано свидетельства, св. Апостол правила 46 и 50. И в правиле святых Апостол 46-м писано: крещение и жертву еретическую прием святитель, не священ. И 50-м: Аще который епископ или пресвитер не крещает в три погружения единем глашением, но во едино погружение, в смерть Господню даемо, да извержется таковый⁸⁰⁵. [131] Не рече бо Господь: в смерть мою крестите, но: шедше научите вси языки, крестяще их во имя Отца и Сына и Святаго Духа⁸⁰⁶.

По сим апостольским правилом 46-му и 50-му поразумети подобает.⁸⁰⁷ Глаголют бо оныя правила крещение и жертву еретическу и крещение воедино погружение: явно есть о тех еретиках глаголют, иже Божия веры отнюд отчуждишася, ихже и последующия правила повелевают крестити, а не о тех, иже крещаются во имя Отца и Сына и Святаго Духа, противятжеся иными некими расколы, или ересми. И та апостольская правила списатель неприлично выписал на латинское крещение, глаголют бо оная правила: аще кто некрещает в три погружения, но во едино, в смерть Господню даемое, да извержется; латини же крестят не во едино погружение и ниже в смерть Господню, но, трижды обливающе, крестят во имя Отца и Сына и Святаго Духа, якоже предложенный чин римскаго крещения святому собору свидетельствует. Удобнейши убо было бы оному списателю предложити о обливании:⁸⁰⁸ приимется ли обливание за погружение? И [132] оный списатель не написа свидетельства, винующа обливание.

В том же изложении на листу 220-м перваго вселенскаго собора правило 19, на указе, о павликиянех: и то правило вселенскаго собора 19 латинскому крещению неприлично же, понеже павликиане о Христе Бозе нашем неправо мудрствуют, проста человека глаголют.

На том же листу 220-м на обороте напечатано:⁸⁰⁹ Мелхиседекиане и жидове и армене в субботу постятся. И то списатель выписал неправо же: о жидовском посте обличается законы жидовскими, яко у них субботу празднуют, а не постятся; о арменех же обличается от 6-го вселенскаго собора правила 56-го, яко и в великий пост армени по вся субботы сыр и яйца едят. То правило и сам списатель писал на листу 221-м, нарек то 6-го собора 56-е правило апостольским правилом. Апостольское же правило 56-е не о том глаголет. Той же списатель писал на листу 221-м: Иудеи в субботу празднуют⁸¹⁰; а выше на листу⁸¹¹ [133] 220-м: Жидове в субботу постятся.⁸¹² А на листу же выше 221-м писал: Римляне с жиды и с мелхеседекианы и армены равно в субботу постятся. И то списатель не право же написал. На томже листу на обороте написал у римлян монтанову ересь, и аще у римлян обретается нова ересь и подобная той, иже еретиков покрещевати правила повелевают: подобает крестити и римлян. А по досмотру чина крещения латинскаго на соборе, у римлян монтановой ереси несть, понеже крещают⁸¹³ во имя Отца и Сына и Святаго Духа, токмо обливают трижды, а не погружают.

И о обливании списать бывшему собору при святейшем Филарете патриарсе свидетельства никакова не предложил.

Того же соборнаго изложения на листех: 223-м, 224-м, 225-м, 226-м, 227-м, 228-м, списатель подобающих покрещевати уподобляешь латином, монтанистов, глаголемых фриг, и савеллиан, неправе и о святей Троице мудрствующих, ихже не подобает сравняти, понеже в чину римскаго крещения написано: во имя Отца и Сына и Святаго⁸¹⁴ [134] Духа крещаются.

На листу 228-м на обороте написано: Арияны крестятся во едино погружение, не глаголют: во имя Отца и Сына и Святаго Духа, но грядущаго по предотечи Иоанне, сиречь во Христа Иисуса и то списатель написал неправо, не разсмотрев правил. Аще бы тако крещение арианское в та времена было, а не во имя Отца и Сына и Святаго Духа, не бы божественная правила повелевали их приимати и не покрещевати, но токмо миром помазывати и ересь свою проклинати, якоже свидетельствует 6-го вселенскаго собора правило 95-е, писано выше сего на 3-м листу⁸¹⁵.

⁸¹⁶На листу 230 на обороте вселенскаго собора 1-го правило 19-е на указе павликиан уподобляет латином. Списатель и сие выписал неправо же. Писано о сем выше сего на 4-м листу на обороте.⁸¹⁷

Ересь главнейшая у латин отступление восточныя церкве о исхождении Святаго Духа, яко от Отца и от Сына исходит Дух Святый мудрствуют. И от тоя ереси латинския, яже, есть о исхождении Святаго Духа, тягчайшая есть арианская и македонианская ересь: ариане бо Сына Божия не единосущна Отцу и Святому Духу исповедуют, но здание и тварь глаголют, македониане же Святаго Духа от Отца и Сына отчуждают,⁸¹⁸ [135] раба исповедуют быти. Обаче правило 7-е второго вселенскаго собора и 6-го вселенскаго собора 95-е не повелевают их крестити, но токмо миром помазывати по чину: кольми паче латин, меньшее преступление имущих, не подобает крестити. Правило 7-е втораго собора сице глаголет: Четыредесятницы, иже и средницы глаголются, и ариане, и македониане, и новатиане, и саватиане и аполинарити писание вдавше приятни, помазующе токмо вся чувства. 6-го же вселенскаго собора правило 95-е выше сего писано на 3-м листу. И сих ради правил и латин не подобает крестити⁸¹⁹, понеже крещаются во имя Отца и Сына и Святаго Духа, а не яко монтанисти, и пепузиане, и фригии и прочии подобны им, суще совершенны еретицы.

Василия Великаго правило 1-е: Еретик есть иже верою чужд, а иже по некоему незнаему вопрошению, той есть расколник. Собирающии же сих, или о инех непокоривы, сии суть подцерковницы, иже отлучившеся сами от соборныя церкве, и иную создавше, особно собираются. А еже от еретика крещение не приятно, от раскольника же и от подцерковника приятно.

Правило Великаго Василиа 1-е:⁸²⁰ [136] от еретика убо крещение не приятно; от раскольника же и от подцерковника приятно.

Правило Тимофеа пресвитера, на листу в Кормчей 634-м, ариан не повелевает крестити, но точию миром помазывати.

Преподобного отца нашего Иосифа Волоцкаго в книге на новгородския еретики, во главе 15, писано: Иже от еретик приходящих и кающихся, а верующих и крестившихся во имя Отца и Сына и Святаго Духа, не повелено паки крестити, но абие таин сподобляти, по отвержении своея ереси.⁸²¹

Кир Тимофеа, святейшаго архиепископа александрийскаго, ответ правилный на вопрос, сице глаголющий:

Вопрос.

Почто⁸²² обращающыяся еретики к соборней церкви не покрещаем?

Ответ.⁸²³

Аще бы сие было (еже покрещевати) не бы человек скоро обращался от ереси, стыдяся покрещения; обаче и возложением руку пресвитерскую и молитвою весть приходити Дух Святый, якоже свидетельствуют Деяния святых Апостол, зач. 18-е: тогда, рече, возложиша руце на ня, и прияша Дух Свят.

Еще к сим предложится на Рассуждение⁸²⁴ [137] о отвергшихся Христа волею и пожерших идолом, не токмо самих погибших, но иныя понудивших погибнути с собою, яко аще агкирскаго собора в правиле девятом глаголет, на листе 44-м в Кормчей:

Иже не токмо сам своею волею пожер, но и иныя нато понудив, десять лет да припадает.

Толкование.

Аще кто своею волею пожер идолом и сам себе погубив и другия понудив и вринув в погибель, аще обратится, три лета да пребудет с послушающими и других шесть лет да сотворит с припадающими, лето же едино да стоит с верными, приобщаяся с ними молитв, даже и до конца Божественныя службы. И тако времени десять лет прешедшу, да приимет совершение и Божественных святынь да сподобится. Аще убо и инако житие его испытаемо, не упразднити его Божественнаго причащения.⁸²⁵

Аще же кто негодовати начнет за соборное изложение оно, еже бысть при святейшем патриарси Филарете Никитиче; московском и всея России, ревность имея, ежебы не разрушите его: о сем таковый да не негодует и да не сумнится, но да весть, яко и во древняя времена собор⁸²⁶ [138] собора исправляше, не негодующе о первом, но на лучшее церкве смотряюще исправиша последи. Якоже видети есть в Новой Кесарии бывший собор святых отец, в немже правило 15-е по 7 диаконов повелевает имети. аще и великий град есть; святии же отцы 6-го вселенскаго собора зазреша о сем неокесарийскому собору, яко не добре разумеша, еже в книгах Деянии Апостольских оседми диакон лежащаго словесе: не о служащих бо тогда Божественным тайнам мужех бяше попечение святым Апостолом, но о служащих в трапезах, имже бе поручено строение общия потребы тогда собравшихся, и имети коейждо церкви узакониша противо имению, сходящемуся к ней. Тожде рещи и о других многих правилех, ихже паки селенстии собори праздности предаша. Якоже при Киприане бывшем соборе видети есть, егоже начальник великий той Киприан бе, иже всякого еретика и расколника покрещевати повелеваше, и крестити на три чины расположив. Но убо и в великий четверток карфагенский собор узаконоположи, по внегда вечеряти святым тайнам Христовым причащатися, по подобию Господни оныя вечери: селенский же 6-й собор разреши оно правило,⁸²⁷ [139] неядшим повеле святителем в той день безскверную службу совершати и людем такожде неядшим тоя причащатися. И что много глаголати? И апостольская узаконения и правила святии отцы последи исправляху на лучшая, якоже видети в 6-м же селенском соборе во 12-м правиле, сице глаголющем: Аще и реченно есть (во апостольских правилех) не пустити жен епископом, но, на лучшее поспешение промышляюще, поставляемому епископу уже ктому не жити с женою заповедает. И многа ина таковая обрести имать кто от прежних убо святых соборов изложенная, от последних без зазора исправленная, а не зазираху и не поношаху прежним в неисправлении.⁸²⁸ И ныне убо о исправлении прежде бывшаго собора при святейшем Филарете и патриархе никтоже да сумнится, или зазрит: лепо бо по прежде реченных образех. Аще же кто упорством восхощет покрещевати латины, памятствовати подобает правило святых Апостол 47-е, глаголюще сице: Второе крещаяй крещенного истинным крещением и не покрещеваяй оскверненнаго от зловерных, таковый святитель не освящен. И правило 55-е⁸²⁹ писано выше на обороте 3-го листа.⁸³⁰ [140] То бо правило повелевает покрещевати во едино погружение крестящихся. Того же собора святых Апостол 49-е: Аще который епископ, или пресвитер, по Господню завещанию, не крестит во имя Отца, и Сына и Святаго Духа, но в три безначалны, или в три Сыны, или в три Утешители крещает, да будет извержен. Таковых, иже апостольская сия правила и последующая тем вышеписанная отеческая правила повелевают крестити, тех и крестити подобает. А иже крестившихся во имя Отца и Сына и Святаго Духа, таковых в Божественных правилех святых Апостол и святых отец не обретеся, ежебы их паки крестити⁸³¹.

О латинском убо крещении, еже действуется во имя Отца и Сына и Святаго Духа три кратным обливанием, всесвятейшии патриарси, кир Паисий, папа и патриарх александрийский и судия вселенский, и кир Макарий, патриарх Божияго града великия Антиохии и всего востока, и кир Иоасаф, патриарх московский и всея России, и преосвященнии митрополити, и архиепископи, и епископи и весь освященный собор, слушавше выписки сея, дело разсудиша, яко не подобает приходящих от латин к святой апостольстей восточней⁸³² [141] церкви покрещевати. А во утвержение сего узаконения предложиша святейший вселенстии патриарси, кир Паисий, папа и патриарх виликаго града Александрии и судия вселенныя, и кир Макарий, патриарх Божия града великия Антиохии и всего востока, на соборе книгу древнюю греческую, в нейже писано, яко в лето 6992-е бысть собор в Константинополи в пречестнем храме Пресвятыя Богородицы, зовемыя Паммакарист, от четырех вселенских святейших и блаженнейших патриархов, кир Симеона константинопольскаго, и кир Григория папы и патриарха⁸³³ александрийскаго, и кир Дорофеа антиохийскаго и кир Иоакима иерусалимскаго, на превращение и упражнение иже во Флорентии зле бывшаго собора. Сей святый собор повела, яко аще кто от латин возвратится к православной кафоличестей восточней церкви, помазывати их святым миром, а не прекрещевати. Изобрази же и последование сей святый собор, како приимати их и вопрошати, и како проклинати им латинския ереси, и по сем помазовати святым миром и молитвовати над ними, взимати же и рукописание от них во святую великую церковь. Подобне повелевает премудрейший⁸³⁴ [142] и святейший кир Марко Ефесский митрополит во окружней своей епистолии, еяже начало сице: Иже по всей земли и островех обретающиеся христиане. В ней же по мнозех речех и сия глаголет, яко от латинников приходящих к православию, яко арианов, и македониан, и савватиан и наватиан, приемлем подающих писание и проклинающих всякую ересь, не мудрствующую, якоже мудрствует святая восточная церковь, и по седмому правилу втораго собора печатаем, сиречь помазуем их святым миром, чело, очеса и прочая, по уставу, глаголюще: Печать дара Святаго Духа аминь.⁸³⁵ Се тако пишет и повелевает святейший кир Марко Ефесский. Ему же согласующе и святейшии патриарси, со всем освященным собором, сицевое сотвориша законоположение: Паисий, Божиею милостию папа и патриарх александрийский и судия вселенский, Макарий, Божиею милостию патриарх антиохийский и всего востока, Иоасаф, Божиею милостию патриарх московский и всея России весь освященный собор, днесь прочитавше оног исобора деяния выписку, бывшаго при святейшем Филарети Никитиче, патриарсе московском и всея России, обретохом, яко неправедно⁸³⁶ [143] списателе предложиша собору оному указания правилная и не суть прилична на покрещение латин. Еще же в оном Соборном Деяние обретохом и правила правилом не сличны. Указания же их, сиречь приводы, ни мало к правилам согласны, якоже то самое Соборное являет Деяние, из негоже разнство правил и указаний писася выние сего. И согласно судихом вси, яко неподобно латин покрещевати, но точию, по проклинании своих им ересей, и по исповедании согрешений, и подаянии рукописания, помазовати их святым и великим миром, и сподобляти святых и пречистых таин⁸³⁷ и тако приобщати святой соборней и апостольстей восточней церкви, по священным правилам, оних же впереди сего пространнее речеся, не покрещевающе от латин приходящих. О негодующих же о исправлении собора, бывшаго при святейшем Филарете Никитиче, патриарсе московском и всея России, выше сего написася. Тако мы соборне священными правилы достоверно свидетельствовахом и согласно судихом⁸³⁸ вси: отднесь приходящих от Латин к нашей православней христианстей вере святыя восточныя церкви не покрещевати, но по чину и свидетельству выше писанному приимати. Тако единомудренно утвердихом, и своими руками подписахом. Лета 7175-го от создания мира, от воплощения же Бога Слова 1667-го месяца иуниа в...день⁸³⁹.

Вопросы святейшаго Иоасафа, патриарха московскаго и всея России, и преосвященных митрополитов, и архиепископов, и епископов российских ко святейшим вселенским патриархом, папе и патриарху Паисию александрийскому и Макарию патриарху антиохийскому, и ответы святейших вселенских патриархов.

Вопрос 1.

В день пятидесятный на сшествие Святаго Духа, егда чтут молитвы коленопреклонныя, к западу ли обратяся, к народу, или на восток, чести?

Ответ.

Святейшыя вселенския патриархи повелели: в день пятидесятный на сшествие Святаго Духа, егда чтут молитвы коленопреклонныя, и тогда чести молитвы, обратяся к западу, к народу. А иныя чтут обратяся и на восток.

О водоосвящении Богоявленском: быти тако, како в нынешнем в 175-м году действовали вселенские патриархи: в навечерии в церкви, а на праздник Богоявления Господня на иордани; а воду святили в навечерии и на самый праздник Богоявленским освящением.

Вопрос.

О благовесту во все лето по приходским церквам к литургиам, како быти и в кое время?

Ответ.

По приходским церквам к литургиам⁸⁴² [146] благовесту быти во втором часе дни, а в великий пост и в прочие посты быти благовесту по соборному благовесту.

Вопрос.

Егда служити Божественная литургиа святейшему патриарху, или и инем архиереом, проскомидию единому ли священнику творити, или и прочим, которые в служении будут, в проскомидии приглашати действо?

Ответ.

Егда будет Божественную литургию служити патриарх, или ин кто архиерей, и в служении проскомидии действовати единому иереио, а патриарху, или иному архиерею и прочим, которые в служении будут, проскомидии действа не приглашати и не действовати.

Вопрос.

Ектениа сугубая и молитвы в великий пост четвертыя недели с среды на златоустовых и василиевых службах говорити ли в субботу и в неделю?

Ответ.

Ектениа сугубая и молитвы четвертый недели великаго поста с среды говорити на преждеосвященной литургии, а Иоанна Златоустаго и Василия Великаго на литургиах ектении сугубой и молитвы не говорити, потому что у них в греческих Служебниках не написано.

[147]⁸⁴³О причащении⁸⁴⁴

Причащатися пресвятыя крове от потира по трижды попрежнему, како причащаются вселенские патриархи, папа и патриарх Паисий александрийский, Макарий антиохийский и како напечатано в Служебниках. А мирских людей причащати пресвятаго тела и крови от потира лжицею по единожды, по обычаю греческия церкве.

О прехождении священников и мирских от церкве к церкви:

Священником же и диаконом мирским от церкве к церкви без благословения архиерейскаго не преходити. Аще ли прейдет без благословения, и тому быти чужду священства.

Вопрос.

Никон монах, будучи в Воскресенском монастыре патриархом, которых посвящал в архимандриты, и во игумены, и в попы и во диаконы в Воскресенский монастырь и во иныя монастыри своего строения, како им впредь быти?

Ответ.

Никон монах, будучи в Воскресенском монастыре патриархом, которых посвящал во архимандриты, и во игумены, и в попы и во диаконы в Воскресенский монастырь и во иныя монастыри своего строения, и тем архимандритом, и игуменом, и попом, и⁸⁴⁵ [148] диаконом и всему церковному причету, кто во что посвящен, быти в том чину попрежднему, для того, что те церковницы посвящены прежде извержения из патриаршества.

А впредь от него, Никона монаха, по извержении, ни в какой священный чин посвященным не быти.

⁸⁴⁶Черным попом, и диаконом и монахом без благословения архиерейскаго из монастыря в монастырь, по правилом святым, не преходити. А архимандритом и игуменом черных попов и диаконов, без благословения архиерейскаго, а монахов того⁸⁴⁷ монастыря игуменом и архимандритом, без отпустных, в монастыри не принимати. А в домех мирских людей во иноки и во инокини и болящих не постригати, а приводити к постриганию в монастыри, где у кого обещание в котором монастыре. А священником черным без архимандричия, или без игуменскаго благословения никакова чина людей не постригати; а постригати самим архимандритом и игуменом. А будет который священник без архимандричия, или без игуменскаго благословения кого пострижет, и тому быти чужду священства. И в мирских домех инокам и инокиням не жити.

[149]⁸⁴⁸А во иночество мужеска пола и женска постригати, искуся, по правилом; а знатных и ведущих людей постригати по разсмотрению настоятеля.

О непокоряющихся священницех и диаконех своим их архиереом, а о иеромонасех своим их наставником, архимандритом и игуменом:

Непокаряющимся священником и диаконом своим их архиереом, а иеромонахом своим наставником, архимандритом и игуменом, творити по правилом. Аще иеромонах подлежати будет извержению⁸⁴⁹ и того послати из монастыря ко архиерею.

Из епархии во епархию попы, которыя, бегая, венчают беззаконно и четвертыми браки, а черные попы постригают, и таковых лишати священства.

Иеромонахом и монахом имети отца духовнаго, своего монастыря архимандрита, или игумена, исповедатися у него, или кого искусна священника того монастыря архимандрит, или игумен соборне изберет и повелит быти духовником, у того исповедатися. А во ином монастыри отца духовнаго не имети.

[150]⁸⁵⁰Пиянства бы в монашеском чине не было, о том смотрити накрепко коегождо монастыря архимандриту, или игумену, а не воздержных братию учити, чтобы не упивалися. Аще же кто непослушлив будет, чинить ему наказание по правилом святым без всякия пощады. А русскаго вина в монастырех не было бы отнюдь.

О детех духовных, отходящих от отцев своих духовных без отпуста:

От отцев духовных без отпустных и без воли их детем духовным не отходити; а священником без отпустных прежних отцев духовных в духовность к себе не приимати⁸⁵¹, разве великия нужды, и далняго разстояния, и путнаго шествия, и часа ради смертного. А возвратяся с путнаго шествия, или от болезни исцелев, паки да возвратится к старому отцу духовному. А егда пря прилучится о том. решити архиерею, или кому укажет архиерей.

Вопрос.

Которыя люди боярския, или отчинныя и поместныя христианы⁸⁵², бежав, посвящени будут в попы и в диаконы, или постригутся, а учнут бити челом на них челобитчики в рабстве или во христианстве⁸⁵³, а по правилом святым и по сыску доведутся отдати во христианство^{854 855} [151] или в рабство, и их отдавати священнаго чина обнажа ли священства, и иноческаго чина иночества?

Ответ.

Которыя люди боярския, или христиане⁸⁵⁶ и беглыя посвящени в попы или во диаконы в патриаршу и во иныя епархии, или во иноки пострижены нынешняго 175 года Иуниа до 17 числа, а будет кому их по сыску доведется отдати в рабы, или в христианы⁸⁵⁷, и таковых в работу и во христианство о отдавании указ чинити по святым правилом.

А с сего числа таких беглых боярских и всяких чинов рабов, которыя бежав от господей своих⁸⁵⁸, оболгав, посвящены будут в попы, или во диаконы, или во иноки пострижены, и таковых отдавати, обнажа священства и иночества. Понеже умножися беглых из рабства и из христианства⁸⁵⁹ ставятся в попы и в диаконы, не священства ради, и постригаются, не душевнаго ради спасения, но не хотя в рабех и христиане во христианстве⁸⁶⁰ быти: и того ради от сего времене [152] без отпустных и без свидетельства рабов и христиан⁸⁶¹ отнюдь в попы и во диаконы не поставляти, и в чернцы не постригати. Аще же кто архиерей поставит таковых в попы и во диаконы, или повелит постригати без отпустных и без свидетельства⁸⁶², от болшаго архиереа соборне да запрещается. А который архимандрит, или игумен. или поп такова пострижет, да извержется, или поне да запретится.

Вопрос.

Архиереов, архимандритов и игуменов, священников, и диаконов, и монахов, и инокинь и весь церковный и духовный чин и их людей мирским людем довлеет ли судити?

Ответ.

Архиереов, архимандритов и игуменов, священников и диаконов, и монахов и инокинь и весь⁸⁶³ церковный чин и их людей мирским людем ни в чем не судити, а судити их во всяких делех архиереом, комуждо во своих епархиях, или кому повелят от духовнаго чина, а не от мирских⁸⁶⁴.

⁸⁶⁵Вопрос 1.⁸⁶⁶

[154] Аще который вотчинник, или помещик бьет челом о своем христианине, чтобы ево в ево же селе к церкви поставити во диаконы, или в попы, и того христианина по челобитию того вотчинника, или помещика во диаконы, или в попы поставить, а детей того христианина тот вотчинник, или помещик оставит в его место на крестьанском жеребью, и тот диакон, или поп, покиня тот престол, перейдет к иной церкви, и тех детей, которые родилися прежде священства, возмет с собою, и тех детей возвращати паки в крестьянство, или ни?

⁸⁶⁷Ответ.

Без всякого прекословия таковых детей, иже прежде поповства, или диаконства родишася и на крестьянском жеребью оставлени Быша, возвращати подобает и быти им во крестьянстве попрежнему, якоже и Быша. Точию дети, иже родишася сущу ему во священства, или в диаконстве, суть свободни вечно. Обаче же, аще будут ины дети, иже родишася прежде священства, мали зело, подобает им и тех свободити по разсмотрению.

Вопрос 2.

[155] Аще которых крестьян своих вотчинники, или помещики⁸⁶⁸, у ново в селех их церкви построены издавна, и к тем церквам отпускают по обетам своим крестьян во диаконы и в попы, и те попы и диаконы от тех церквей, к которым поставлены, обещание свое презрев, преходят ко иным церквам, а те церкви стоят и по днесь нерушимо, и тем беглецам диаконом и попом, по правилам святых отец, как указ: возвращати ли их к прежним церквам, к которым они поставлены, или ни?

Ответ.

Аще кто собою преходит ко иной церкви, и первая церковь, идеже поставлен бысть, имеет доход, чем прожити и питатися священнику, или диакону со женою и с детьми их, без всякаго прекословия; да возвратятся к первой церкви, идеже по обещанию освящени Быша, и быти им и служити тамо до скончания века их, якоже священная правила повелевают: перваго вселенскаго собора правила 15 и 16, и 6-го вселенскаго собора правила 17 и 18, и 4-го вселенскаго собора правило 20. Точию дети их, иже по поставлении родишася, да будут свободни и, идеже восхотят, да идут.

Вопрос 3.

[156] О вдовствующих священницех⁸⁶⁹ и диаконех, иже во вдовстве женятся вторым браком, како им жити и в каком чину?

Ответ.

Унше было бы им и честнейше в целомудрии житие свое препроводити, и священство непорочно соблюдати и святую литургию совершати, якоже и прежде, нежели женитися. Ибо о сих различная разсуждения суть; обаче повеление благочестивейшаго царя Льва Премудраго, во главе 79 новаго свитка, в книзе Матфеа Властаря литеры Г, второбрачных клириков ниже одеяния отчуждати (их), повелевает, ниже, иже вне; олтаря, слугования. Глаголети, бо: не приемлем произволения ветхого законоположника, иже хощет, пресвитера, диакона и поддиакона, иже по рукоположены оженившеся, весьма таковых отчуждати и образования священническаго и к мирскому житию возвращатися, но отказуем повеление; повелеваем же точию отлучению чина, еже прежде брака имеша доволно им казнь сия. Клирическаго же образа и иного в церквах услугования прикасатися невозбранно. По сей заповеди разсуждаем, а не повелеваем. Аще же кто от клириков, сиречь пресвитер, диакон и поддиакон вдовствуют во младости, и малодушия⁸⁷⁰ [157] ради случится кому оженитися: возможно ему в церкви на клиросе пети, и псалмы глаголати, и ино что подобно деяти и питатися от святыя церкве, зане уди церковнии Быша, а не гнушатися ими и не безчествовати во всем в простолюдинском чину. И аще кто явится от таковых искусен и потребен в каких царских, или гражданских делех, не возбранно есть быти им, кроме воинского чина.

Вопрос 4.

Аще еретики и раскольники, подобает ли наказатися градским законом, или токмо церковным наказанием?

Ответ.

Ей подобает их наказати и градским казнением: зане во вторый святый селенский собор, иже в Константинополи собрашася, во времена благочестиваго царя Феодосиа Великаго, на духоборца Македониа, и Быша тогда злочестивии епископи, 36, последователи ереси начальнику Македонию: и богоноснии отцы, по извержении и проклятии тех злочестивых епископов, повелеша их наказати и градским законом. И сице царским повелением благочестиваго царя Феодосиа биени Быша зело говяжиими жилами и позориша их, всадивше на верблуды, и возиша по торгу⁸⁷¹, [157] и потом сослаша во Емекин град сирский, и тамо зле скончашася.

В четвертый селенский собор, иже в Халкидоне, собрашася святии и богоноснии отцы, 630, при благочестивейшем царе Маркиане и царице Пулхерии, на Диоскора и Евтихия единовольников: и сии богоноснии отцы со благочестивым царем повелеша, яко да изгубятся злочестивыя их книги огнем, самых же наказати многим биением говяжих жил и древием суковатым и темницами. Еще же повелеша взяти на царя от них и от единомудренников их по десяти гривн злата. Святый селенский собор, иже бысть при благочестивом царе Иустиниане Великом, паки в Константинополи, на Оригена и на его единомудренники: и святый вселенский собор, по извержении и по проклятии, повелеша со благочестивым царем наказать злочестивых и градским законом, и казнити их разным томлением и различныя муки, и сице овым языки отрезаша, овым руце отсекоша, овым уши и носы, и позориша их по торгу, и потом сослани Быша в заточение до кончины их.

Еще же в седмый селенский собор, иже бе при благочестивом царе Михаиле и матере его Феодоре, читаем, яко муж ея, царь Феофил, [158] иконоборец, изгна святейшаго патриарха Мефодиа с престола его ради православия святых икон, и постави в его место патриарха Иоанна, единомудренника его, иже именовася Ианний, который много содела зла святым иконам, угождая царю. Обаче по смерти феофиловой возвращен бысть паки святейший Мефодий патриарх на искренний престол его, а тому патриарху Иоанну иконоборцу повеле благочестивая царица Феодора сотворити лепое отмщение, бити его говяжиими жилами до двести ударений, и всех последующих ему подобне, и ослепити его и сослати и с последующими ему в лютейшая места. Сия и ина подобне обретаются писана в церковных историях и книзе во Арменопуле. Сокращения же ради оставихом прочая. Се убо познаваем от сих, яко еретики и расколники не токмо церковным наказанием имут наказатися, но и царьским, сиречь градским законом и казнением.⁸⁷²

Благодатию и человеколюбием святыя, и единосущным, и животворящия, и неразделныя Троицы, Отца, и Сына и Святаго Духа, мы православнии патриарси: Паисий, Божиею милостию папа и патриарх александрийский и судия вселенский, Макарий, Божиею милостию патриарх антиохийский и всего востока, Иоасаф, Божиею милостию патриарх московский и всея России, и по прилежному желанно великаго государя, царя и великаго князя Алексия Михаиловича, всея Великия и Малыя и Белыя России самодержца, многократно собирахомся с богомолцами его, российскими архиереи, с митрополиты, с архиепископы и епископы, и со всем российским собором, к сим же и с греческими прилучившимися архиереи в царствующем преименитом граде Москве, и слышахом по Бозе усердное желание его, великаго государя, о исправлении церковных нужднейших потреб и о непокорниках святейшей восточней церкве, еже, Богу помогающу, исправихом, и правильно деяние сотворихом и подписахом нашими руками и с прочими архиереи греческими и российскими. Подобне, сегоже настоящаго 175 лета от создания мира, от воплощения же Бога Слова 1667-го, иуниа в ... день снидохомся паки мы, православнии патриарси и преосвящении⁸⁷⁴ [160] митрополити, архиепископи и епископи, и весь освященный собор. К сему же возгласи великий государь, царь и великий князь Алексий Михаилович, всея Великия и Малыя и Белыя России самодержец, да ради церковнаго исполнения будут в неимущих градех архиереов архиереи: митрополити, архиепископи и епископи, и повеле; грамоту предложите деда своего, великого государя, царя и великаго князя Феодора Иоанновича всея России, яже о устроении архиерейских престолев, со благословением и с советом всесвятейшаго архиепископа кир Иеремии константинопольскаго и вселенскаго патриарха и святейшаго кир Иова, первого патриарха московскаго и всея России, и прочих архиереов российских и греческих. Сию мы православнии патриарси с митрополиты, со архиепископы и епископы соборне чести повелехом, и обретохом в ней повеление царское и благословение святейших патриархов и прочих архиереов согласие, еже быти в великом государстве новгородском митрополиту и в царствующих градех, в Казани и в Астрахани, митрополиту, в великом княжении града Ростова митрополиту, близ царствующаго града Москвы на Крутицах митрополиту же; и шесть архиепископов: в великом княжении на Волгде, и ⁸⁷⁵ [161] в великом княжении в Суждале, в великом княжении низовския земли в Нижном Нове-граде, в великом княжении в Смоленске, в великом княжении на Рязани, в великом княжении во Твери; еще же осмь епископов: в государстве града Пскова, в великом княжении в Ржеве Володимерове, на Великом Устюге, в великом княжении на Беле озере, в великом княжении ...⁸⁷⁶во княжении уделном на Коломне, в севере же во Брянске и в Чернигове, и в княжении уделном в Димитрове. Слышавше же сие и видевше мы, православнии патриарси с преосвященными архиереи, радостию возрадовахомся и, благодаряще Бога, похвалихом по Бозе и усердное тщание великаго государя царя, и присудихом, еже тако быти, утвердивше, да по местом архиепископов и епископов неимущих(м) поставлени будут архиереи, сиречь: великаго княжения низовския земли в Нижнем Нове-граде архиепископ, в великом княжении во Ржеве и Володимирови епископ, на великом Устюге вместо епископа да будет архиепископ, в великом княжении на Беле Озере епископ, в великом княжении....⁸⁷⁷в княжении уделном в Димитрове епископ, в черниговской епархии вместо епископа благоволихом архиепископу быти, подобне и в коломенской епархии вместо епископа архиепископу быти, да тии градове кийждо их имеют⁸⁷⁸ [162] архиереа яко да исполнится великаго государя, царя и великаго князя Феодора Иоанновича всея России повеление и великаго государя нашего, царя и великаго князя Алексия Михаиловича, всея Великия и Малыя и Белыя России самодержца, по Бозе ревностное желание и святейших патриархов всесвятейшаго кир Иеремии, архиепископа константинопольскаго и вселенскаго патриарха, и святейшаго кир Иова, патриарха московская и всея России, с прочими архиереи благословение. Еще же молихом благочестивейшаго царя, яко да почтен будет царствующий град Астрахань престолом митрополиим, понеже аще и нехотящим нам тамо быти, но по воли⁸⁷⁹Божией быхом и видехом мы, православны патриарси, той царствующий град, яко многолюден и красен зело: царю же благочестивому о сем соблаговолившу, благословихом с советом святейшаго Иоасафа, патриарха московскаго и всея России, и всего освященнаго собора прежде бывшему града Астрахани архиепископу Иосифу митрополитом быти астраханским и терским и впредь митрополии быти. Великаго же града Пскова епископство на архиепископство преложение сотворенное утвердихом, да и впредь архиепископство тамо будет. А в Вятке прежде благословенного епископа укрепихом и впредь епископу⁸⁸⁰ [163] быти. В великой же Перми, в прежде бывшей епископии, паки благословихом отныне епископу быти, далняго ради разстояния; во граде и Архангельском и на Колмогорах быти архиепископу. К тому, по богоревностному благочестивейшаго самодержца желанию, благословихом и утвердихом в царстве Сибирском: в Тобольске и со окрестными грады вместо архиепископии и митрополии быти, в Томске граде епископу и на Лене благословихом епископу же быти. По сих слышахом о новоустроенных градех во стране украинной, о Беле-граде со окрестными его многими грады, яко многонародны и ратными людми пренаполнены суть, и яко посылаются⁸⁸¹ тамо воеводы великаго государя, бояре и инии честнии людие от его царьскаго сингклита со многим воинством: и того убо ради и далняго разстояния желаше православный самодержец да будет тамо архиерей, и мы в тех градех благословихом и утвердихом митрополии быти, да многая жатва без делателей не будет⁸⁸². Еще же, по богорачительному желанию великаго государя, благословляем вновь в великих градех и в далних разстояниях, идеже подобает по разсмотрению его царскому с советом и благословением святейшаго⁸⁸³ [164] патриарха и согласием преосвященных архиереев российскаго государства, избирати и поставляти архиереа: митрополиты, и архиепископы и епископы, во еже бы стаду Христову не без доволных пастырей быти, да управляется и разширяется православием в род и род богохранимое российское царство со прочими государствы богопорученными великому государю, скиптродержцу, новому Константину, царю, государю и великому князю Алексию Михаиловичу, всея Великия и Малыя и Белыя России самодержцу. Повелеваем же коемуждо митрополиту имети под собою епископы, по святом правилом ради конечнаго исполнения церковнаго и пасения душ человеческих: новгородскаго митрополита во епархии в Каргополе быти епископу,⁸⁸⁴ в Городецке, или во Устюжне епископу же быти, казанскаго митрополита во епархии на Уфе епископу быти; ростовскаго митрополита во епархии на Угличе быти епископу; крутицкаго⁸⁸⁵ митрополита во епархии на Ливнах епископу быти; рязанское архиепископство преложихом на митрополию и впредь утвердихом митрополии быти, в той же епархии повелехом на Воронеже быти епископу, в Танбове епископу же. А жити тем епископом, коемуждо под своим архиереом, во своих епархиях, во определенных им градех, в монастырех и владети того монастыря отчинами, и творити все по благословению и по повелению своих им митрополитов, а без воли их ничегоже творити, кроме священнодействия, и хиротонии и прочих, яже повелевают им⁸⁸⁶ [165] святая правила. Ктому же благословляем и утверждаем: суждальскому архиепископу суждальский уезд весь, да Юрьев Полской в его епархию, а Торуса и Калуга с прочими в патриаршу область. Подобне и в прочих епархиях обретающияся иных епархий церкви управляти тех епархий архиереем, где в которой епархии будет пристойно. Повелеваем убо, да сия вся неподвижную в предьбудущия лета имеют твердость и непозыблема пребывают. Утвердихом сие соборное деяние рук наших патриарших с прочими архиереи подписанием. Писася в царствующем преименитом граде Москве в лето 7175-е от создания мира, а от воплощения Бога Слова 1667. Иуниа в... день.⁸⁸⁷

Святаго собора, иже бысть во дни благочестивейшаго, тишайшаго, самодержавнейшаго великаго государя, царя и великаго князя Алексия Михаиловича, всея Великия и Малыя, и Белыя России сомодержца, в лето от Рождества Христова 1667, индикта 5-го.

По прочих нужднейших исправлениях не утаися от святаго собора и сие, еже вдовствующим попом и диаконом служити запрещено бысть российскими соборы, иже Быша в различная времена.

Взыскася же ныне и предложися всесвятейшим патриархом: александрийскому Паисию, Божиею милостию папе и патриарху и судии вселенскому, Макарию, Божиею милостию патриарху Божия града Антиохии и всего востока, Иоасафу, Божиею милостию патриарху московскому и всея России, и преосвященным митрополитом, и архиепископом, и епископом и всему освященному собору. Судися же, яко аще и кроме правил положися, еже вдовствующим причетником не служити Божественныя литургии, обаче заумножение безчиния неискусных причетников⁸⁹⁰, [168] опаства ради, добре повелеся: неции бо тогда, за неискуство учения, презирающе священная правила и попирающе свою совесть, недостойны дерзаху служити. Сие злое российстии пастырие пресецающе, повелеша вдовствующим попом и диаконом не касатися божественней службе; презреша же разлучити чистых от оных невоздержников, ихже всегда подобает отлучати.

Известно же сотворися святому собору, яко ныне, Божиею благодатию, в российстем народе обретаются священницы и диаконы, имущии разум Божественных писаний, ещеже ведущии и правилные вины и житие имущи чистое.

Всесвятейшии убо патриарси: александрийский Паисий, Божиею милостию папа и патриарх и судия вселенский, Макарий, Божиею милостию патриарх Божия града Антиохии и всего востока, Иоасаф, Божиею милостию патриарх московский и всея России, и преосвященныя митрополиты, архиепископы и епископы, и весь освященный собор судиша: отныне, аще ключится⁸⁹¹ [169] овдовети которому от священнаго чина иерею, или диакону, таковым повелеваем, аще не зазирает им совесть их о житии в нечесом возбраняющем священства, невозбранно да служат; аще же по смерти жен своих кто от священных обличен будет в каковых делех, яже возбраняют священнодействия, по сыску, сиречь по архиерейскому крепкому истязанию и по достоверных людей свидетельству, аще, обрящется повинен, тогда да отлучится священнодействия, или да извержется по делех его: понеже бо не жены ради поп, или диакон, и не жены ради умертвия запрещаются священнодействия, но за порок невоздержания, или иных безместных дел, яже запрещают священствовати. Ибо издревле священными правили неимущии жен причетницы не запрещахуся, якоже святая правила свидетельствуют святых отец:

Вселенскаго перваго собора правило 3-е.

Отрече великий собор отнюдь ни епископу, ни презвитеру, ни диакону, ни всякому сущему причетнику, не достойно есть иныя жены в дому своем держати, но⁸⁹² [170] токмо матерь, или сестру, или тетку: сия бо три лица всякаго зазора кроме суть.

По сему правилу явно есть. яко не имущии жен пресвитери и диакони бяху и служаху.

Являет о сем и поместнаго собора в Новей Кесарии правило 1-е, изъясняющее оно вселенскаго 3-е правило, глаголет:

Оженився пресвитер да престанет от службы; аще же блуд сотворит, или прелюбодеяние, да извержется отнюдь в место кающихся.

Толкование.

Аще кто не женився станет, пресвитером и по поставлении оженится, от священничества да отлучится, сиречь от сана да извержется; честь же и седание с пресвитеры да имать.

Неокесарийскаго собора правило 8-е.

Мирский человек, его же жена прелюбы сотворит от него, и в причет не приидет; аще же причетник, сведый свою таковое сотворшу, не отпустит, да извержется.

Толкование.

Аще же котораго причетника жена прелюбы сотворит от него, и сведый, яко согреши, и не отпустит ю, да извержется. Аще же мирскаго человека жена согрешит от него, таковый⁸⁹³ [171] в причет неприятен.

Кирилла Александрийскаго правило 4-е.

Аще кто хощет поставлен быти причетник, да истяжется житию его, и аще имать жену, или ни, и како, или кою поят ю; или аще обещается не имети жены и обрящется, яко несть от причта епископом изгнан, или из монастыря, и без клеветы явится, да поставлен будет.

От свитка новых заповедей Иустиниана царя. Глава 42, заповедь 46.

Аще же по поставлении пресвитер, или диакон, или поддиакон оженится, да извержется от причта.

По сим священным правилом разумно есть, яко неимущим жен священником, целомудренно живущим, служити Божественную литургию подобает.

Явленне еже и от послания Великаго Василия к некоему Григорию пресвитеру правило 87-е⁸⁹⁴:

Еже не женитися сего ради честно есть, еже отлучитися с женами пребывания и бесед: подобает бо не полагати претыкания брату, или соблазна. Темже⁸⁹⁵ [172] иже в Никеи отцем последующе, иже не повелевают чужа жены у себе в дому имети, отлучитися тебе от живущия у тебе жены повелехом. Аще же не отступиши⁸⁹⁶ ея, ни исправив себе дерзнеши служити, да будеши проклят, и приемлющи тя отвержени.

По сим священным правилом мы, православнии патриарси, александрийский Паисий, Божиею милостию папа и патриарх и судиа вселенский, Макарий, Божиею милостию патриарх Божия града Антиохии и всего востока, Иоасаф, Божиею милостию патриарх⁸⁹⁷ московский и всея России, соборне повелехом: вдовым священником и диаконом, опасное житие имущим и без зазора сущим, служити Божественную литургию, а житие имети со всяким и впредь опасением и воздержанием, и лиц зазорных в домех своих отнюдь не имети, якоже повелевают священная правила.

Писася в царствующем преименитем граде Москве, в дому Пресвятыя Богородицы, честнаго и славнаго ея Успения. Лета 7175-го июня, в...день⁸⁹⁸.

Увещание о бывшем соборе в лето 7059, в царство царя Иоанна Васильевича всеа России.

Благодать Господа Бога и Спаса нашего Иисуса Христа, посетивши святую свою великороссийскую церковь, в совокупление же собирающи соединением и согласием Пресвятаго и животворящаго Духа, сошедшийся ныне святый собор в царствующем велицем стольнем граде Москве, повелением великаго государя, царя и великаго князя Алексиа Михайловича, всеа Великия и Малыя и Белыя России самодержца, с присутствующими святыя православныя восточныя церкве святейшими патриархи: великим господином, папою и патриархом и судиею вселенским великаго града Александрии и всего полудне, кир Паисием, и великим господином, патриархом великаго Божия града Антиохии и всего востока, кир Макарием, призванными⁹⁰¹ по изволению и тщанию его, великаго государя, на сей святый собор, вящшаго ради уверения ко исправлению чина церковнаго, вкупе по благословению великаго господина святейшаго Иоасафа, патриарха московскаго и всеа России, со всеми архиереи великороссийския церкве,⁹⁰² [176] с митрополиты, и архиепископы, и епископы и со всем освещенным собором, утверждающий и соединяющий⁹⁰³ во единство и согласие веры и чина великороссийскую церковь со святою восточною церковию в неких древних преданиах святых Апостол и святых отец, в них же и яже на бывшем соборе в царство царя Иоанна Васильевича всеа России на некия вины погрешенныя: о аллилуии, и еже киими персты изображати на лице своем всякому православному крестное изображение, подобне и о священническом, киими персты изображати и осеняти православных, и о четверочастнем⁹⁰⁴ кресте, и о молитве соборней, иже есть: Господи Иисусе Христе, Боже наш, помилуй нас (и о прочих несогласиях, бывших в преждепечатных книгах, в речениах и чинех, яже вся ныне на сем соборе, по данней благодати Святаго Духа исправлена Быша со всяким извещением святейшими святыя восточныя церкве патриархи, со всем освященным собором великороссийския церкве).

На похваляющыя же и утверждающыя прежде бывшая на⁹⁰⁵ [177] соборе оном бывшем о аллилуии и о сложении перстов во кресте, и в преждепечатных книгах в чиних, или в речениях, якоже в символе и прочих, несогласных сущих с древними рукописными славенскими и со греческими книгами приемлющия, и той бывший собор при царе Иоанне Васильевиче и при митрополите Макарии во свидетельство себе о аллилуии и о сложении перстов приводящия

Ответ соборный сицев:

Многия образы и указания имать святая церковь от ветхаго и новаго завета на лучшее преспевати ей, аще соборне и обще, аще от части. Сие же бывает от еже не растерзаватися нам друг от друга, но повиноватися и ко общей пользе совет благий друг от друга любоприятно восприимати. якоже премудрый Соломон глаголет:⁹⁰⁶ им же несть совета, падут, яко листвие, спасение же во мнозе совете есть. И Петр Апостол⁹⁰⁷ вси убо друг другу повинующеся, стяжите смиренномудрие. И в первом убо завете образом сему Моисей бе⁹⁰⁸, иже тестя своего⁹⁰⁹ [178] Иофора послушавый совета, нечто полезному от него навыче, еже той не сведяше. В новом же и многая некто обрел бы свидетельства: от самех Апостол не точию от меньших, но и от верховнейших, друг другу повиновахуся, яко внегда Павел уступи и повинуся Петру и Иякову во Иеросолиме, да еще посмотрению (не бо вещь нуждна), множае бы паче за истину повинуся; но и Петр во Антиохии Павлу повинуся, внегда зазре ему со языки ядущему⁹¹⁰. Подобне сему и последи святых Апостол святии⁹¹¹, иже на соборех вселенских и на поместных бывшии, узаконоположенная от прежде бывших соборов прочии последи их обличаху и исправляху несовершенне изложенная от них правила. И яже в чесом от прежде бывших неисправленная, последи же бывшими исправлена, на среду в уверение вкратце зде да предложатся. Первое свидетельствует сему в Новой Кесарии собор святых отец, в немже правило 15 по 7 диаконов имети завеща, аще и великий град есть; святии же отцы шестого вселенскаго⁹¹² [179] собора зазреша о сем неокесарийскому собору, яко недобри разумеша, еже в книгах, Деяний Апостольских о 7-ми диакон лежащаго словесе: не о служащих бо тогда Божественным тайнам мужех бяше попечение Апостолом, но о служащих в трапезах, имже бе поручено строение общия потребы тогда собравшихся, и имети коейждо церкви узакониша противу имению сходящемуся к ней. Подобне сему шестый вселенский собор карфагенскаго собора узаконоположение (еже тамо заповедует по вечерянии святым⁹¹³ тайнам Христовым причащатися, по подобию Господни оноя вечери) разреши и исправи: неядшим повеле святителем в той день безскверную службу совершати и людем такоже неядшим тоя причащатися. Не точию же сие, но и апостольская узаконения и правила святи отцы последи на соборех исправляху на лучшее, якоже видети есть. В 6-м же вселенском, собори во 12-м правиле, сице глаголано: аще и речено есть во апостольских правилех не пустити жен епископом, но мы, на лучшее поспешение промышляюще, поставляемому епископу⁹¹⁴ [180] уже ктому не жити с женою заповедуем. И многа ина такова обрести имать кто в правилех святых отец, от прежних святых убо соборов не добре некая забвения ради, или инаго делма случая изложенная от последних соборов без всякого зазора обличена и добре исправлена Быша. И святая церковь не стужает о сем, паче же похваляет. Темже убо по сему да никтоже и ныне стужает о сем настоящем соборе, видя некия вины на оном бывшем соборе при царе Иоанне Васильевиче погрешенныя: о кресте⁹¹⁵, и о трегубой аллилуии, и о согбении перст, и о символе и о прочих вещах, писанных на оном соборе, или в прочих книгах печатных или писменных написанныя, исправляемы, ныне же, повелением великаго государя, царя и великаго князя Алексиа Михайловича, всеа Великия и Малыя и Белыя России самодержца, от великаго сего собора святейшими вселенскими патриархи со многим свидетельством и с великим тщанием исправленныя совершено, но с зельным же паче прилежанием да приимет я и чествует, и да любит (ныне)⁹¹⁶ [181] исправленное сие соборное и обдержное от всех сущих православных, по всей вселенной обретающихся, и да повинуется, по писанному от Апостола Павла, глаголюща: дуси пророчестии пророком да повинуются, купно зря и на предреченныя зде вины, от нас вышеписанныя, како собор собора исправляше и церковь святая не токмо сие приимаше, но и в будущее время образ сему подаваше, свидетельствовати и исправляти нам друг друга, лучшаго ради прибретения, еже к пользе. Бывший же зде собор оный во свидетельство да не приемлет: понеже⁹¹⁷ не свидетельствован есть, ниже бо писанием ко вселенскому патриарху и ко прочим святыя восточныя церкве о церковных винах возвещенный, якоже обычай имать святая церковь, по преданию святых Апостол и святых отец, о всяких церковных вещех совопрошатися, ниже местоблюстителей от оных бысть кто, якоже в правилах о сем писаное видети есть.

Но речет кто любопрительне, яко собор, иже бе зде в России, совершен и равен вселенским, понеже и царь бе на нем, яко и на прежних вселенских соборех.

[182]⁹¹⁸ Ответствуем.

Ни, не бо всяко приятен; поне аще бы и поместный был, и ни тако бы просте пртятен без свидетельства. Чесо же ради? Понеже тогда, у онех на соборех, многое собрание бяше святых, и ови от них содеянная на соборех соглашения ради и свидетельства писаху и посылаху в высшия себе во иныя многия области, овыя же имели и местоблюстители верховных архиереов, а без верховных вселенских архиереов совета поместнии же и сами верховнии ничтоже смеяху творити о себе, якоже свидетельствует второе правило⁹¹⁹ карфагенскаго собора (сице глаголя⁹²⁰): понеже обретошася в Никеи содеянная написана, достоит римскому, Константиня-града и ко александрийскому писати, оттуду сия прияти и нам показати). Аще ли кто отныне начнет прекословити о изложенных винах на соборе сем великом от святейших вселенских патриарх, яже исправиша и узаконоположиша о аллилуии, и о кресте и о прочих винах, яже писаны суть в соборном изложении настоящаго сего собора, в лето от Божия по плоти рождения 1667, и в книзе Правления Жезла, да будет, [183] по Апостолу Павлу, в правду самоосужден и наследник клятве сего собора, писанней в Соборном Деянии его, яко преслушник Божий и святых отец правилом противник⁹²¹.

В лето от создания мира 7175, а от воплощения единороднаго Слова Божия 1667-е Апреллиа в...

Во имени святыя, единосущная, и животворящия и неразделныя Троицы, Отца и Сына и Святаго Духа, святейшиа вселенския патриархи, Паисий папа и патриарх александрийский и судия вселенский, Макарий патриарх Божьяго града Антиохии и всего востока, Иоасаф Божиею милостию патриарх московский и всеа России, преосвященные митрополиты, и архиепископы и епископы, собрашася вины ради сицевы.

Били челом великому государю, царю и великому князю Алексию Михайловичу, всея Великия, и Малыя и Белыя России самодержцу, в прошлых годех, в разных числех, разных монастырей архимандриты, игумены, строители, келари, и казначеи и братия о старинных своих монастырских вотчинах, и о соляных варницах, и о рыбных ловлях и о всяких угодиях, что взял монах Никон, будучи на патриаршеском престоле и по отшествии с престола, на мену и без мены, и из разных епархий монастыри с вотчины приписал⁹²⁴ [186] строения своего к монастырем, ко Иверскому, и к Крестному и к Воскресенскому, чтоб великий государь их пожаловал, велел им те их монастырския старинныя вотчины, и соляныя варницы, и рыбныя ловли и всякая угодия отдати по прежнему в монастыри; а монастырем, которые приписаны были монаха Никона строения ко Иверскому, и к Крестному и к Воскресенскому монастырем, быти по прежнему, которой монастырь в который епархии был.

И великий государь, царь и великий князь Алексий Михайлович, всея Великия и Малыя и Белыя России самодержец, указал всесвятейшим патриархом: Паисию, папе и патриарху александрийскому и судии вселенскому, Макарию, патриарху Божияго града Антиохии и всего востока, Иоасафу, Божиею милостию патриарху московскому и всеа России, преосвященным митрополитом, архиепископом, и епископом и всему освященному собору разсудити о том о всем по святым правилом и указ учинити.

И святейшия вселенския патриархи, Паисий, папа и патриарх александрийский и судия вселенский,⁹²⁵ [187] Макарий, патриарх Божия града Антиохии и всего востока, Иоасаф, Божиею милостию патриарх московский и всея России, преосвященные, митрополиты, и архиепископы и епископы четше святыя правила: святых Апостол правило 34 сице глаголющее:

Без своего старейшаго ничтоже да творят епископи, но токмо в своем пределе кождо. И старейший же без онех ничтоже творит, полезнаго ради всем соединения.

Толкование.

Не подобает епископом свене⁹²⁶ воли своего старейшаго, рекше без воли своего митрополита, или архиепископа, творити излише ничтоже: ни епископа поставляти, ни о повелениих, ни о правилех новых стязатися, ни продати, ни отдати церковных неких вещей, но токмо достойная комуждо в своих пределах правити и в сущих под ними странех и в селех. Но ни старейшии же, рекше митрополит или архиепископ, без воли всех епископов не может ничтоже таковаго творити. Сице бо творяще вси, соединения и любве заповедь соблюдут.

Поместнаго собора в Карфагене⁹²⁷ [188] правило 26:

Непродаемы суть церковныя вещи, аще ни откуду же несть прихода в церковь, епископ по совету всех епископов да продаст нечто; аще же нужда не даст пождати совещания, хотяй продати соседы да созовет. Аще ли не тако, Богови и собору повинен есть.

Толкование.

Несть достойно епископом церковных вещей и стяжаний продаяти: Божия бо суть таковая стяжания и того ради не продаема суть. Аще ли некий епископ село имый или ино что от таковых, в нем же несть прибытка или церковь будет отягчена долгом, или инеми некими напастьми стужаема, и восхощет таковое продати, яко да цену его взем отдает долг, или ины некия нашедшия нужди тем управит, да не продаст того без совета митрополита и сущих в области той епископ. Аще же не имать времене належащия ради нужды, совещати о том еже хощет продати, поне близ его сущие епископы да созовет на свидетельства, да приключшася ему церковныя напасти⁹²⁸ [189] уведят, их же ради и таковое стяжание продаст, и тии потом собору да возвестят. Аще же сих не сохранит, но сам по своей воли сотворит, продание и Богови и собору повинен будет и своей чести чуждь.

Тогоже собора правило 33.

Пресвитеры церковных вещей без епископа да не продадят, ни епископ села без ведения всего собора.

Толкование.

Епископом церковнаго имения и села продати, или отдати несть достойно. Не сущи убо нужды, епископу не подобает расточати вещи некия, надписанныя от церковного устава: понеже Божия убо суть таковая, стяжания и того ради не продаема суть. Аще же некий епископ, село имый, или ино что от таковых, в немже несть прибытка, или церковь отягчена будет долгом, или ина некая напасть будет, и восхощет епископ таковое что продати, или село, яко да цену его взем отдаст долг, или иную некую напасть управит, но без митрополича⁹²⁹ [190] ведения и сущих всех областей епископов собора да не продаст. Аще ли сам о себе то сотворит, Богови и собору повинна себе поставит, и своея чести да будет чужд, по 26-му правилу сего собора. Такоже и презвитер, некое строение от епископа прием, без ведения своего епископа церковныя вещи, ни малы, ни велики, да не продает.

7-го вселенскою собора правило 12.

По повелению святых Апостол преданое епископом, или игуменом, от имения церковнаго нечто, или от монастырскаго, не твердо проданое есть, и се творя епископ, или игумен, да извержется.

Толкование.

Церковного имения, или сосуда, или завеса, или от иных вещей что, или от животин, или от иного что, не подобает продати, ни отдати епископу, или игумену. Елика же суть недвижимая, рекше села, или нивы, или винограды, или сено жатвы, или лес, или борти, или воды, или езера, или реки, в них же несть прибытка, но пакость церкви наводит,⁹³⁰ [191] ни того не продати властелем места того, ни причетникам, или землю делающим, рекше селяном, иже орют землю. Преступая же повеленная, аще есть епископ, да изженется из епископии, аще же игумен из монастыря, яко зле расточающа, ихже не собраста.

1 и 2 собора в церкви святых Апостол правило 7.

Никому же от епископ подобает особно себе монастыря здати, на разорение и на истощание епископии своея. Аще же кто дерзнет то сотворити, запрещение да приимет, и созданный монастырь, яко простое и людское жилище, под епископию да предан будет.

Кирилла архиепископа александрийскаго правило 2-е.

Сокровища и стяжания церковная неподвижна, и неотъемлема и непродаема церкви подобает хранити.

Новых заповедей Иустиниана царя грани 2-я.

Честных домов, еже глаголются⁹³¹ [192] епископы и монастыри, не продана будут недвижимая, рекше села, или винограды: таковая бо глаголются недвижимая.

И по сим правилом Никона, монаха осуждаем, яко неправильно сотворил, аще и бил челом великому государю и грамоты жалованныя на ти; отчины взяв, но утая вышереченная правила: яко без собора прочих архиереов такового дела творит и было не возможно, что патриарши домовыя отчины менять, и коломенской епископии, и патриарши и иных епархей от монастырей отчины потому же менять и монастыри и с отчины приписывати своего строения к Иверскому и к Крестному и к Воскресному монастырем. А он монах Никон то сотворил не по правилом святым и великому государю тех правил не предложил. И того ради те грамоты не в грамоты вменяем; аще в тех грамотах писаны многия слова и с клятвою; но неправильно. И в тех грамотах и в клятви их великих государей прощаем и разрешаем.

А монастыри, яже монах Никон во время патриаршества своего основал и построил вновь кроме совета всего освященнаго собора, неправильно, сиречь Иверский, Крестный и Воскресенский, те, прошения ради великаго государя, отныне за монастыри вменяем и утверждаем, в чин правильно созданных монастырей приемлюще.

А которыми отчинами великий государь пожаловал его Никона монаха [193] строения в монастыри, во Иверской и в Крестный и в Воскресенский, и на те отчины великому государю пожаловать велеть дать свои великаго государя грамоты вновь, как ему, великому государю, Бог известит.

А о меновных и купленых монаха Никона отчинах быти сице:

Отчины старинныя дому Пречистыя Богородицы и патриарши, которые Никон монах взял из дому Пречистыя Богородицы, и из коломенской епископии и из монастырей на мену и без мены, и отдал те отчины своего строения во Воскресенский монастырь и во иныя монастыри, и домовым Пречистыя Богородицы патриаршим отчинам быти по прежнему в патриаршем дому, а коломенской епископии отчинам быти в коломенской епископии, а монастырским отчинам, из которых монастырей взяты, за теми монастыри быти по прежнему.

А которыя отчины великаго государя жалованья даны Никону монаху и приписаны его строения к монастырем, и тем отчинам великаго государя жалованья быти не изменно. Никона же монаха за монастыри его строения, к которому монастырю которая отчина доведется, по разсмотрению.

[194]⁹³²А купленным отчинам Никона монаха, которые меняли в дом Пречистые Богородицы против домовых отчин, и тем отчинам быти за монастыри Никона монаха строения, которая к которому отчина пристойна, а домовыми возвращенным быти в дом патриарш.

Монастырем, которые Никон монах изволил взять из иных епархий и приписали те монастыри, и с отчинами к Воскресенскому монастырю и ко иным монастырем своего строения, и тем монастырем и со отчинами впредь быть в прежних епархиях под паствою прежних своих архиереов; а отчинами тех монастырей архиереом не владеть, а владеть коемуждо своему монастырю своими отчинами.

А которые монастыри строения Никона монаха, построены в разных епархиях, и тем монастырем быти в тех епархиах, которой в которой епархии построен, под паствою тех епархии архиереов.

А которые домовые патриарши отчины, по приказу Никона монаха, бывшаго патриарха, приказные его люди и строения его Никонова⁹³³ [195] монастырей, Иверскаго и Крестнаго и Воскресенскаго, архимандриты, игумены, строители и келари, и казначеи и братия меняли разных монастырей со архимандриты, игумены, со строители и келари, и казначеи и с братиею, на монастырские старинные отчины, а им променивали его Никонона строения Иверскаго и Крестнаго и Воскресенскаго монастырей отчины, и те меновныя крепости в крепости не вменяем же.

Разделение же и описание сих монастырей и отчин, идеже коему монастырю, или отчине быти, сицево есть:

Великаго государя царя и великаго князя Алексия Михайловича, всея Великия и Малыя и Белыя России самодержца жалования, купленных отчин и соляных варниц ко Иверскому монастырю, по его государеву указу, владеть: в новгородском уезде, в деревской пятине село Валдай, а к тому селу погост Еглинской, погост Колоцкой, погост Нерехоцкой, да дватцать деревень. Да к тому же селу, и к погостам и к деревням сто тридесять и едина пустошь, да деревня пустая и рыбнае ловли, реки и озера и всякия угодья против писцовых книг.

Село Чавницы со крестьяны.

[196]⁹³⁴Рядок Яжелбицкой, а к тому рядку слободка да четыре пустоши.

Рядок Едров со христианы, с пустошми и с починки, да к тому же Едровскому рядку рыбных ловель седмь от озер, да две речки.

Погост Великопорожской и Печник со христианы.

Рядок Березовской со христианы.

Рядок на Вышнем-Волочку со христианы и с бобыли, да к тому же рядку седмь пожен.

Погост Петровской и Борисоглебской со христианы и с бобыли, да церковных седмь пустошей со отхожими пожнями.

Погост Спасской Боровицкой, да в тех же погостах рядок Потерпелец со христианы.

Сельцо Низино на Сясе; к нему 4 деревни, да две деревни пустых.

Село Выдропуск на реке па Тверце, что прежде сего бывал ям; да к тому же селу по писцовым книгам осмнатцать пустошей; да к же тому селу девятнатцать пустошей, что бывали па оброке; да из порозжих земель девятнадцать пустошей с полупустошию и с пустовою ямскою землею.

В старорусском уезде погост⁹³⁵ [197] Коломенской, да шестьнадесять деревень, да пятьдесят две пустоши.

Погост Черенчицы с селом Шотовым, да четыре деревни.

Погост Рамышевской с селом Парфиным, да девятьнадесять деревень с полудеревнею, да двадесять две пустоши.

В староруском уезде погост Петровской, да тридесять седмь деревень с полудеревнею, да сто девять пустошей с полупустошию, да новоприписных две деревни, да полдеревни пуста, да три пустоши.

Погост Воскресенской с новоприписною деревнею, да осмьнадесять деревень, да девяносто пустошей.

Погост Ефремовской, да седмьнадесять деревень, да двесте пятьдесят шесть пустошей.

В староруском же уезде погост Чертицкий, да выставка, да осмь деревень, да седмь на десять пустошей.

Погост Славитинской, да село, да двадесят седмь деревень, да сто тридесят едина пустошь да два селца.

Погост Должинской, да двадесять едина деревня, да пятьдесят седмь пустошей.

[198]⁹³⁶Погост Дретенской, да две выставки, да двадесять седмь деревень, да выставка пуста, да двесте двадесять едина пустошь.

Погост Онежской, да сельцо, да шесть деревень, да сто две пустоши.

Во ржевском уезде село Шуче, да 11 деревень, да 13 пустошей, да 4 езера.

Да на Москве, в Китае городе, двор с каменными полаты.

Да на Москве же полдвора загороднаго.

Да в Великом-Новегороде два двора с садами.

Да в Торжку, да во Твери два двора осадных.

В новогородском уезде, в деревской пятине селцо, что была деревня Рахин Мост, да усадбище селцо Плоское с деревнями, да к тем же селцам с деревнями две пустоши, да три езера, да рыбныя ловли в реке в Холове, да отхожая пожня.

В новоторжском уезде, в зашегринском стану, что была слобода Шумковская, со христианы, и с пашнею, и с рыбными ловлями и с иными угодии.

В клинском уезде селцо Щапово, да к тому же селцу три деревни.

В клинском же уезде деревня Максимково, да деревня Ясенево, деревня Дмитровка.

[199]⁹³⁷ В московскому уезде приселок Богородской.

В Старой Русе шесть соляных варниц вкладных, со всякими варничными заводы, да двор в Старой Русе, которой поставлен для того соляного варничного промыслу.

Да в Старой же Русе пять соляных оброчных варниц со всяким варничным заводом.

К Крестному монастырю, в каргопольском и в турчасовском уездех:

Волость Нокола, волость Чекуевская, волость Чухлин бор, на реке Кодине, волость Поля, на реке же Кодине, волость Мудьюга, волость Заостровская, что на великой стороне, волость Пирзополда, волость что на реке на Кожи, с верхьнего конца, волостъка Корелская, что выше порогу, волостъка Волгуда по реке Волгуде, волостка у Петра святаго над порогом, волость Подпорожья на реке на Онеге, волость усть реки Онеги. На корельской стороне, на морском берегу: волость Ворзогоры, волостка Нименга, волостка Кушрека, волостка по реке Тамице, волость Биричевская.

В Коротецкой волости девять деревень. Волость Тала и с Ковколою, да волость Вазеница.

К Воскресенскому монастырю в московском уезде: [200]

В Горенове стану деревня Андреевская. В московском же уезде село Чернево.

В Радунежском стану пустошь, что была деревня Мутовки.

В Сурожском стану село Ивановское. Село Воскресенское, да две деревни: Котелниково да Рычкове. Сельцо Асаурово, да две деревни. Сельцо Микулино, да деревня Реткино. Деревня Тихонкова. Деревня Селец. Село Ивановское, Кашино тоже. Да селцо Бунково, да треть пустоши Фофонковы. Сельцо Петровское, Рожественое тоже.

Деревня Дорна. Деревня Котюрева. Деревня Талицы.⁹³⁸Селцо Княжее. Селцо Новое. Деревня Хонзуева.

В волоцком уезде пустошь Середа Стратилацкая с пустошми.

В рязанском уезде половину села Ряденок.

В дмитровском уезде, в мушковском стану сельцо Селисо с пустошми.

В новгородском уезде в Деревской пятине, в Вельевском погосте, на езере Велье, деревня Гурылева, деревня Переволока, деревня Подбережье, озеро Велье, езеро Уклейное.

В дмитровском уезде, в брендеевском стану, половина деревни Колтышева, да половина деревни Погорелые.

В звенигородском уезде селцо Юркино, да деревня [201] Козлобородово.

В переславском уезде селцо Лаврово, да деревня Родионцово.

В володимирском уезде жеребей в селе Красном.

В рузском уезде село Казаново с деревнями.

В белозерском уезде погост Богословской, да жеребей в селе Богоявленском с деревнями, да в череповской волости, что было селцо Колтовское с пустошми.

В курмышском уезде село Антоново, да деревня Юрьевка, да селцо Быковка.

В рузском уезде селцо Еднево.

Да с камских с дву варниц великаго государя жалования по две тысячи рублев на год⁹³⁹.

Рассуждение о еже подобает ли от латинския веры приходящих к православно-кафолической вере крестити совершенным крещением, или ни⁹⁴¹

Вестно есть, яко едино есть крещение, по символу глаголющу: исповедую едино крещение во оставление грехов. Сие же есть не иоанново, им же он крести люди во имя грядущаго, но крещение самым Господем нашим Иисусом Христом завещанное у Матфея в главе 28: шедше убо научите вся языки, крестяще их во имя Отца и Сына и Святаго Духа. Яже словеса суть образ, совершают таинство крещения святаго. Вещество паки, им же имать сия тайна деема быти, есть вода стихийная по оному словеси Христа Господа у Иоанна в главе 3: аще кто не родится водою и Духом не может внити во царствие Божие. Сия убо два, сиречь вода и словеса предреченная, с намерением того действа, еже Христос заповеда и церковь употребляет, на крещаемом употребленная, крещение совершаета, и по свидетельству блаженнаго Августина, глаголющаго: егда к воде слово чинно приложится, крещения тайна тогда совершится. О служители паки несть нам нужда усумневатися, ибо обычно служитель прежде бяше епископ, ныне же всяк священник по чину, внечинно паки, или по нужде, всякий человек крещенный (о некрещенном да не пря будет, перст на устех полагаю) аще же свят или грешен есть, благословен или проклят, отлучен ли или сообщник, тайне вреда нетворит ибо тайна не по делу дающего, но по делу деянном (у) совершается, яко и бисер не по чести продавца, но по своей ценится. Едина цена бисеру в руках еллина и христианина: тако равночестно крещение от еретика содеянное, яко и от православного иереа. Якоже и креста Господня образ несть того ради нечестен, яко от еллина или еретика сооружится, но весма почитаем, и покланяем: тако и крещение святое несть того деля безчестно и неприятно яко еретиком содевается, но весма есть приятно, аще водою и предреченными словесы будет совершенно в три погружения, или поне облияния.

Утверждается сия правда премногими сведетельствы блаженнаго Августина, иже седмь книг написа, увещая не крестити от донатиан приходящих к православию.

Утверждается и втораго селенскаго собора правилом седмым, еже четыренадесятников, ариан, новатиан, македониан, соватиан, и аполинаритов крестити не повелевает, но точию миром помазати и придти; кольми паче латин, иже не весма еретицы суть именуеми, но отступницы, вторицею крестити не подобает.

Зде знаменовати и памятию содержати годствует, яко сугубы суть еретицы. Едини приемлемии, яко: ариане, четыренадесятницы, новатиане, македониане, саватиане и аполинарити, ибо крещение их приемлется; друзии же неприемлемии, яко: евномиане, савелианове, фруги, по правилу осмом втораго селенскаго собора. Еще же с ними неприемлема суть пепузини, манихеи, валентиане, маркионити, якоже глаголет толкование перваго правила святаго Василия Великаго; а шестый собор селенский, в правиле 95-м, прилагает павликианы, монтаниты, фригианы, ихже всех крещение несть крещение, пачеже осквернение, занеже не крестят якоже требе есть, и того ради хотящии от них приити во православную веру, совершенно да крестятся, якоже и еллини.

Паки знаменательно есть, яко еретицы приемлемии сугуби суть. Едини, иже должны ересь свою проклинати, ктому миром помазани быти: такови суть ариане, македониане, наватиане, или чистии, левии, четыренадесятницы или сродницы, и аполлинариане. Друзии суть, имже довлеет ересь свою проклинати, и тако кроме миропомазания и крещения приятелни суть: сицеви несториане, евтихиане, и севириане, и тем подобнии. Чтется о сем разделении ересей в толковании правила 95 шестаго вселенскаго собора.

Егда убо глаголется, яко крещение еретическое несть крещение, паче же осквернение, разумеется о крещении еретик неприелемых.

Сия назнаменавше разсудити нужда есть, в котором чину ересей латины полагати подобает.

Изложеине Соборное святейшаго патриарха Филарета глаголет на лист 561, яко всех еретических вере сквернейшии и лютейшии суть латиняне, папежницы, понеже всех древних еллинских и жидовских и агарянских и еретических вере ереси промятый в закон свой прияша и со всеми с погаными языки и с проклятыми обще все действуют и мудрствуют⁹⁴².

Тем же судит латин во втором чине еретиков полагати, сиречь с неприемлемыми, и повелевает их совершенно крестити.

Доводить же общение их сице скверное быти подробну, начен от листа 565, от главы первыя, в нейже глаголет ересь римскую общую быти с мелхиседекианы, с жиды и армены, яко постятся в субботу.

Рассуждение.

Жиды в субботу не постятся, но светло празднуют. Армене в субботу не постятся, паче же и в святую четыредесятницу яйца и сыр едят по вся субботы, якоже глаголет шестый собор селенский в правиле 56-м. Убо с ними латини в сем не обществуют. Аще же бы и обществовали постом, за то их крестити не подобает. Ибо средницы в субботы постятся, а приемлеми суть, по правилу 7 втораго селенскаго собора. .

Мелхиседекиане аще и постятся, егоже не вемы, то нетого ради не приемлеми, но иныя ради вины большия.

Во второй главе глаголет ересь монтанову у латин быти: ибо яко монтане брак честный разрушают, тако и латины творят, не веляще своим попом женитися.

Рассуждение.

Велие есть разнствие между монтаны и латины. Они бо всякий брак сквернен повествуют, латины же никако: ибо у латин брак людей мирских есть честен, ложе нескверно, и в тайне почитается. Духовнии же обещанием чистоты воздержутся, яко у нас иноцы. Но и у нас священницы белыи неискуснии браку невозбранни суть: Апостол бо глаголет: хощу да вси человецы будут якоже и аз.

А яко попы латински держат блудницы, то грех лица, а не ересь веры: ибо у них блуд возбранен, якоже и у нас православных.

Пасху празднуют латины иногда со жидами, иногда же и пред ними, и того ради проклятию подпадают; обаче за то их крестити несть нужда: ибо четыредесятницы Пасху в 14 день луны, сиречь с жидами празднуют, единаче же их крестити седмое правило втораго собора вселенского не повелевает.

Еще на листе 569 сообщает Изложение латин манихеаном, яко манихеане солнце и луну боготворят, латины же звездочетием упражняются.

Рассуждение.

Велие есть разнствие между ними: ибо ови, солнце и луну боготворяще, еллинствуют, и того ради их крестити нужда есть; латины же, аще астрологиею упраздняются, но им божества не приписуют, ниже им нуждную силу на волю человеческую причитают, но Богу их устроение присвояют; темже ничесоже обще имеют с манихеаны: убо за сие не имеют крещени быти.

В главе 3 на лист 572 евномианом латини уподобляются, того ради, яко обливаются в крещении и службы служат на всяком месте.

Рассуждение.

Евномиане обливаются на главу единощи⁹⁴³ и имени Пребожественныя Троицы не воспоминают, тем же крещения не имеют. Латини паки, истинно то есть, яко не погружают, но обливают крещаемых, обаче трищи и⁹⁴⁴ с воспоминанием Пребожественныя Троицы, во имя Отца и Сына и Святаго Духа: темже крещение совершают. Обливание бо, вместо погружения употребляемое, не отъемлет силы крещения тайне: многи бо чтем обливанием крещенныя бывшия, иния излиянием воды от облака, иния от коноба водою облиянием крестишася, обаче крещении вменяются. И блаженныя памяти митрополит киевский в своем Требнике на листе 8 глаголет: крещение святое якоже погружением всего в воде, сице и облиянием водою от верху главы чрез все тело совершенно бывает, но убо каяждо церковь или первый, или вторый крещения образ, якоже от древних времен сдержати обыче, да держит; точию сия опасно да хранит, еже трижды погружати, или трижды облияти крещаемаго, купно с изречением словес свершения.

А якоже службу на всяком месте служат по нужде или по потребе, несть се ересь: ибо нецыи от святых отец тожде твориша: един литургиса во вертебе, инии на острове, еще же некто в темницы на своих персех.

В главе 4 арианом сообщным латин быти повествует во миогих ересех.⁹⁴⁵

Рассуждение.

Аще бы латином общество и было со арианы, единаче того ради крестити их не должно: ибо и самых ариан втораго вселенскаго собора правило 50, на листе 88, и правило Тимофея Презвитера, на листе 634, крестити не повелевает, но точию миром помазывати.

За умершия, паки, Бога молят и жертву приносят.

О скверноядении невемы; точию то вемы, яко в различных странах различнии суть обычаи. А святый Апостол написа в первом послании ко Коринфом, в главе 10: все на торжищи продаваемое ядите, ничтоже сумнящеся за совесть. И паки: все предлагаемое вам ядите.

В главе 5-й, на листе 574, римляне месалианом и василианом равняются, аки разрешающии кающихся кроме всякаго страха, или епитемии.

Рассуждение.

Латини в тайне покаяния нуждную часть, быти глаголют епитемию, или довлесотворение, и не прощают кающихся без епитемии, но по разсмотрению своему налагают: убо и в сем не общаются еретиком предреченным. Но и месалиане с василианы не за сию вину суть неприемлеми.

На листе 575 воспоминается, яко латини приложиша в символ святый о исхождении Святаго Духа и от Сына.

Рассуждение.

Сия есть величайшая вина, еяже ради их отреваем от общества нашего; обаче того ради крещения их не приимати не можем.

На листе 576 сообщницы глаголются быти иным еретиком латини, яко в крещении обливают, а не погружают. О сем разсудихом в главе 3-й. А яко в крещении Божия имени не именуют⁹⁴⁶.

Рассуждение.

Мы православнии глаголем страдательным глаголом: крещается раб Божий, имя рек, во имя Отца и Сына и Святаго Духа, аминь. Латини же мало изменно, действительным глаголом вместо страдательного, образ сея тайны совершают, сице глаголюще: крещаю тя аз во имя Отца и Сына и Святаго Духа, аминь. Се именуют имя Божие: убо крещение их приятно.

В главе 6 на листе 577 обличаются латини о опресноцех.

Рассуждение.

Истинна есть, яко се не по узаконению творят Христову обаче сего ради неточию крещение не отметно, но и самая тайна евхаристии, бываемая у них, не есть не приятна по свидетельству из Арменополя.⁹⁴⁷

На лист 579 обвиняются о огни чистительном, в немже конец мукам грешных творяще, Оригену уподобляются.

Рассуждение.

Мы православнии един огнь вемы быти, уготованныи; диаволу и аггелом его, в немже конца мучению не будет, римляне же два исповедуют: един вечный, яко же и мы ж в том конца мукам не знают; другой чистительный, в немже за простимыя грехи и за неисполнения епитемии временную муку быти поведуют. И тако с Оригеном разнствуют, а со Григорием Двоесловом согласуют, иже во многих повестех огнь чистителный исповедую(е)т, яко же видети годствует в книзе его и⁹⁴⁸ пролозе Генваря 29 о мнисе, сокрывшем златницы; но аще бы и весма с Оригеном о сем согласовали, еще бы крещение не было отметно, ибо оригенистов крещения не чтем неприятна бывша.

На том же листе о развращении календаря во правду обличени бывают; но и то крещению силы не отъемлет.

На листе 580 общницы быти аполинариевой ереси поведаются опресноками своими, и тако есть, но аполинариане приемлеми суть и не крещаем их паки, якоже выше глаголахом: убо ниже латин за опресноки аполинарииския крестити есть должно.

На листе 581 воспоминается Петр Гугнивый папа, аки повелевый седьм жен комуждо попу держати, а наложниц елико кто хощет.

Сие дело непщуем разминувшееся с правдою: ибо выше речеся, яко попы латинскии гнушаются браком; здеже противно глаголется. То известнее есть, яко они попом ни жен, ниже блудниц попущают.

О органех истинно, о псах не брегут паче, неже повелевают с ними в церковь входити. О постригании брад правда. О лоне баснь. Но и сими крещение вреда не приемлет.

О скверных ядех, яко волка ядят, нечаем, но чудимся, яко зде рече ядят волка, а на листе 598 пишется, яко пса и волка отвращаются.⁹⁴⁹

В главе 7, на листе 581, многим еретикам неприемлемым латини общницы быти глаголются, но не доводится.

В главе 8 от листа 581 считаются статей 27, имиже порокуютея латини:

1-я статья, о приложении в символ святый: и от Сына. За сие добре обличаются; обаче крещение неотметно.

2-я статья о опресноцех. В сем винни суть; но речеся о семь выше.⁹⁵⁰

3. О епископех, на рати биющихся, недостоверна.

4. Яко постятся в субботу, то правда; обаче на праздник Рождества Христова разрешают.

5 статья⁹⁵¹ неправедно написася.

6.⁹⁵² Також.

7.⁹⁵³ Невезде праведна.

8.⁹⁵⁴ Далече от правды. Ибо вся и всякия образы целуют.

9.⁹⁵⁵ Праведна есть, яко припадают до земли, шепчут же молитвы тайно, и крест временем знаменуют и целуют; но востают, не оставляюще креста на попрание.⁹⁵⁶

10.⁹⁵⁷ Излиха погреши в правде. Ибо они именуют Богородицу, равне, яко и мы, почитающе.

11. статья⁹⁵⁸ от небытия составися. Ибо у латин жертвеник при стене, или при столпе делается кроме всякаго затворнаго входа. А на епископских местех никако кто-либо дерзает сести.

12.⁹⁵⁹ Не вовсе истинна. Ибо звероядины, мертвечины, медведины и выдры ошаяваются.

13.⁹⁶⁰ О перстени праведно. О написании на рукавицах не вемы.⁹⁶¹

14.⁹⁶² Отчасти праведна, сиречь яко водою крещают, но купноже и духом. О соли истинна. И о слине неложно, точию из уст си емлет, а не размешивает рукою десною. О маслопомазании вместо второго крещеная неизвестно, негли елеосвящение поминается зде: но сие не вменяется ими за крещение второе: ибо и они едино исповедуют крещение во оставление грехов.

15.⁹⁶³ Праведна о кроплении: кропятъбося водою священною; но сие безвинно. Ибо и мы кропимся священною водою в пользу свою.⁹⁶⁴

16.⁹⁶⁵ Имать у них обычай.

17.⁹⁶⁶ Стоит в правде. Но сие творят, вменяюще Аллилуиа песнь быти точию торжественную, и того ради во время поста, еже есть время сетования, не поют.

18.⁹⁶⁷ Развратися в правде. Ибо у них женатии не поставляются в чин священный, но или неискусившии брака, или вдовии. А еже о приятии вторых и третьих жен от поставляемых глаголется, зело есть противно предреченным: выше бо речеся, яко гнушаются браком попы их, здеже противно полагается, а не праведно.

19.⁹⁶⁸ О епископех умерших не вемы истинно ли. О мирских паки весма кроме есть истинны.

20⁹⁶⁹ О служении праведная. Но чистая места усмотрают, внегда им литургисати.⁹⁷⁰

21.⁹⁷¹ Прилучается.

22.⁹⁷² Праведна. Но у них мниси не вси от мяс постятся.

23.⁹⁷³ Невемы, аще праведна. Чудно есть, чесо ради в главе 5 речеся, яко начинают пост от среды первыя седмицы, зде же ино глаголется.

24. О непочитании креста Господня в пост великий, не обретаем истинны.

25.⁹⁷⁴ Полма праведна. Ибо во время святаго Евангелия вси стоят, прочее на коленах стоят, или седят за немощь.

26.⁹⁷⁵ Весма правде противна.

27.⁹⁷⁶ Истинна есть, яко во уреченная времена ставят. Но се чин есть, а не ересь, ни ворожок зде усмотряют.

Доселе Соборное Изложение о латинских ересех беседует. Но видехом, яко не всем предреченным повинни: а имже общницы суть, те крещения силе не преодолевают: темже судим латинское крещение быти приятно, по священным правилом вышереченным.

По сих ересех в чине отречения и проклятия⁹⁷⁷ воспоминаются сия вся паки, и иныя некия прилагаются; но в них правды не обретохом.

Остает убо ныне разсуждати, в коем чине еретиков приемлемых подобает латин полагати: еда в помазуемых миром, или точию отрицание творящих?

Рассуждение.

Святейший патриарх антиохийский Макарий в своем свитце миром их помазывати повелевает.

Собор же киевски разсуди сице: Тем убо приходяших изряднее же от латин, к православней вере, известно испытати подобает, аще суть миром помазани, или ни: аще же суть помазани, нетребе есть помазати их; аще же не суть, всяко подобает их миром святым помазати. Чтется сие в Евхологии киевском; в первой части, на листе 192.

Грамота об учреждении митрополии в Белград⁹⁷⁹.

Паисий милостию Божиею папа и патриарх великаго града Александрии и судиа селенныя, Макарий милостью Божиею патриарх Божия града великия Антиохии и всего востока, Иоасаф милостью Божиею патриарх московский и всеа Росии.

Иерей сый вовеки по чину мелхиседокову, паче же архиереов верх, глава и начало. Христос Господь, егда в мертвенной спасения ради нашего по своих си странствуя плоти прохождаше грады и веси, и учаше на сонмищих иудеи, проповедая Евангелие царствия, виде народы и милосердова о них, яко бяху смятени и отвержени яко овца не имуща пастиря. И глагола учеником своим: жатва убо многа, делателей же мало: молите убо господина жатвы, яко да изведет делателя на жатву свою. Тому яко в образ нам данному и образ нам давшему, мы, Божиею милостию патриарси, поскольку лепо, уподобляющеся, многия проидохом грады и веси провославнаго российскаго царствия, призвани и умолени бывше от благочестивейшаго, тишайшаго, самодержавнейшаго великаго государя, царя и великаго князя Алексиа Михайловича, всея Великия и Малыя и Белыя России самодержца, истиннаго провославныя веры поборника, новаго благочестием Константина, второго правоверием Феодосия, праведнаго кротостию Давида, коеже церковных потреб исправлению, благочиния утвержению и расколов новопрозябших искоренению. Пришедше же во царствующий, преславутой и преименитый Богоспасаемый град Москву, видехом своих нам очес зеницома некия плевелосеятели, и благодатию Божиею сеяние их исторгохом и попрахом: чувством же ушес наших увестихомся о мнозех смятение творящих и суемудрием лестным храм церкве Божия, на камени, имже есть Христос, утверженный, поколебати устремляющихся, и познахом вину сего злаго быти, яко в мнозе жатве делателей есть мало. Милосердовахом убо о народе смятенном, яко о овцах неимущих пастыря, рехом во Святем Дусе брату нашему и сослужителю, святейшему кир Иоасафу патриарху московскому и всеа России, и прочим архиереом православно-российскаго царства, яко жатва многа, делателей же мало, молите убо господина жатвы, яко да изведет делателя на жатву свою. Они же, яко блазии пастырие словеснаго стада Христова, прилежную сотворше с нами купно молитву к небесному жатвы господину, немедленно потщахуся молити и земнаго жатвы господина, яко да изведет делателей на жатву, еже есть, да умножит в державе, своей архиереи, наипаче же в тех поне градех, в нихже совеща и завеща архиерейским устроенным быти престолом блаженныя памяти святейший патриарх константинаполский Иеремиа, внегда основа престол в царствующем граде Москве патриарший. Сего прошения неточию не презре царь благочестивый, но неизреченою возвеселився о благом устроении радостью, соизволи делу абие в событие приводится. И благоволил есть между иными грады преславутый град, нарицаемый Белград, архиерейскаго престола достоинством почести и украсити, емуже граду от многих прежде времен сицевая почесть обещася, но безмерным царских дел умножением и времен непостоянства препятием, наипаче же частаго ради варварскаго нашествия, нечестивых татаров нападания деля, умышление события лишашеся своего. Ныне же Божиим благоволением и благоутробным его милосердием, благопотребну времени явльшуся, обет совершается делом. Ибо благоволением и повелением благочестивейшаго, Богом венчаннаго государя нашего, царя и великаго князя Алексиа Михайловича, всея Великия и Малыя и Белыя Россия самодержца, советом же и изволением во Святом Дусе брата нашего и сослужителя, святейшаго кир Иоасафа, патриарха московскаго и всея России, и согласием всего освященнаго собора, отделися вышереченный Белград, с прочими окрестными грады и весми, ихже имена суть: Белгород, Куреск, Оскол Старой, Обоянь, Болховой, Карпов, Хотмышской, Волней, Алешина, Короча, Яблоновой, Новой Оскол, Верхососенской, Усерд, Аншанской, Коротаяк, Недрогой-лов, Валуйки, Чугуев, Каменной. Сии вси отделишася от патриархиа московския, прилучишася же к предреченному Белграду. А новоназдаемыи за чертою грады, койждо по имени его: Харков, Колонтаев, Городна, Краснокута, Валки, Неженской, Двоюречной, Салтонов, Неченев, Змеева, Мояцкой, Торбулысклей, Царев, Борисов, Октырской, Боронной, Острожской, Урыва, прилучишася к томужде Белуграду, иже почтеся престолом митрополиим, во утвержение и разширение благочестия, во исторгнение плевел, диаволом и его аггелы всеянных, и на просвещение светом благоразумия и учения людей, невеждствующих словом, богоспасеннаго ради множества словеснаго стада Христова овец упасения: занеже бо неточию жителми та страна многонародна обретается, но и многочисленных людей ратных от великаго государя, царя и великаго князя Алексия Михайловича, всея Великия и Малыя и Белыя России самодержце, с боляры и с прочими с честными пресветлаго царскаго сигклита сановники, посылаемых множеством полнолюдна бывает. Тако убо пребогатолюдная страна сущи, да не лишена будет духовных благодатей душевныя пищи за далнее растояние. дати пастыря благословне судихом, и утвердихом отселе в будущия веки митрополии тамо быти Возведеся же на высоту того достоинства, или паче, изведеся на дело тоя жатвы, Богом данный, по сказательству имене его, преосвященный митрополит Федосий, иже прежде в сербской земли, добронравнаго ради жития своего и всяких деля архиерейскому санови ключимых добродетелей, почтен бысть митрополиею варшетскою, еще же и в самом царствующем граде Москве за добре расточенную данную себе от благочестиваго царя милостыню, ибо отдаде ю за долг епархии варшетцкия, и за иная его добродетели зело возлюблен бысть правоверному самодержцу, темже и вручися ему председательство священнейшаго храма святаго великаго Архистратига Михаила, в немже великих государей, царей и великих князей российских обыкоша телеса полагатися; а занеже и ту не престаяше добродетелей к добродетелем прилагати, не преста и Бог его возвеличати: вложи бо в сердце благочестивому самодержцу и нашему смирению и всему освященному собору, еже поставити его на высоте престола новоутверженнаго белоградцкаго с прочими окрестными грады и весми, яко на свещнице высоце да светит всем (в) храмине тоя церкве сущим, яко да видяще добрая дела его, похвалят Отца Небеснаго, иже есть на небеси. Поставихом убо и вручихом ему ниву тоя церкве, да яко добрый делатель неленостно потрудится в сеянии Божия слова и в собрании нескудныя жатвы в житницу небесную. Присоединихом же его церкви российской таково, ежебы единым ему с нею телом быти и не ктому именоватися области земли Сербския, но весма подчинену быти святейшему патриарху московскому, якоже суть и прочии российстии архиереи. Должен же будет митрополит Феодосий и наследницы его из церквей градов, от патриархии московския отлученных, окладная дани собравше присылати в дом патриарший; прочия же тех церквей доходы да имать во свое, препитание; новоназдаемыя паки за чертою грады, тако с окладными данми церковными, якоже со всякими иными доходы, да будут митрополиту Белоградцкому в его потребу.

Тако убо почетше его и возведше на митрополию белоградцкую и окрест прилежащих предреченных градов, дахом ему в неподвижное утвержение и в вечную память сию нашу патриаршую грамоту, укрепленную подписанием рук наших и печатей наших патриарших приложением. Дадеся в царствующем велицем граде Москве, в лето от сотворениия мира 7175-го, от воплощения же Бога Слова 1667 индикта 5 месяца июня.