Дни памяти:

Житие

Краткое житие преподобного Исаака Сирина

Из­вест­ный пи­са­тель-ас­кет, ро­дом си­ри­ец, жил в VII ве­ке. Вме­сте со сво­им бра­том по­сту­пил в мо­на­стырь. Уче­ность и вы­со­кий по­движ­ни­че­ский об­раз жиз­ни вы­де­ля­ли бра­тьев, и им пред­ла­га­ли на­чаль­ство­ва­ние над мо­на­сты­рем. Пре­по­доб­ный Иса­ак, не же­лая это­го и стре­мясь к без­мол­вию, ушел из мо­на­сты­ря в за­твор и вел стро­гую по­движ­ни­че­скую жизнь в пу­стыне. Од­на­ко ко­гда сла­ва о свя­той жиз­ни Иса­а­ка рас­про­стра­ни­лась по­всю­ду, жи­те­ли Ни­не­вии из­бра­ли его се­бе епи­ско­пом. Ви­дя гру­бые нра­вы жи­те­лей, пре­по­доб­ный Иса­ак чув­ство­вал, что не в си­лах ис­пра­вить их, и, кро­ме то­го, тос­ко­вал по ти­шине от­шель­ни­че­ской жиз­ни. Все это тя­го­ти­ло свя­то­го му­жа, и он оста­вил ка­фед­ру и уда­лил­ся в скит­скую пу­сты­ню, где жил до са­мой смер­ти, до­стиг­нув вы­со­ко­го со­вер­шен­ства. Скон­чал­ся в на­ча­ле VIII в. По сви­де­тель­ству од­но­го си­рий­ско­го пи­са­те­ля на­ча­ла XIV в., «свя­той Иса­ак Ни­не­вий­ский со­ста­вил семь то­мов о во­ди­тель­стве ду­ха, о Бо­же­ствен­ных тай­нах, о су­дах и о бла­го­чи­нии».

Полное житие преподобного Исаака Сирина

Пре­по­доб­ный Иса­ак Си­рин, епи­скоп Ни­не­вий­ский, жил в VII ве­ке. Вме­сте со сво­им бра­том по­сту­пил в мо­на­стырь Мар Мат­фея. Уче­ность и вы­со­кий по­движ­ни­че­ский об­раз жиз­ни вы­де­ля­ли бра­тьев, и им пред­ла­га­ли на­чаль­ство­ва­ние над мо­на­сты­рем. Пре­по­доб­ный Иса­ак, не же­лая это­го и стре­мясь к без­мол­вию, ушел из мо­на­сты­ря в за­твор. Брат его не раз убеж­дал его вер­нуть­ся в оби­тель, но пре­по­доб­ный не со­гла­шал­ся. Од­на­ко, ко­гда сла­ва о свя­той жиз­ни пре­по­доб­но­го Иса­а­ка рас­про­стра­ни­лась по­всю­ду, он был воз­ве­ден на епи­скоп­скую ка­фед­ру го­ро­да Ни­не­вии. Ви­дя гру­бые нра­вы жи­те­лей это­го го­ро­да, пре­по­доб­ный чув­ство­вал, что не в си­лах ис­пра­вить их, и, кро­ме то­го, тос­ко­вал по ти­шине от­шель­ни­че­ской жиз­ни. Всё это тя­го­ти­ло свя­то­го му­жа, и он, оста­вив епи­скоп­ство, уда­лил­ся в скит­скую пу­сты­ню. Здесь он жил до са­мой смер­ти, до­стиг­нув вы­со­ко­го ду­хов­но­го со­вер­шен­ства.

По­сле смер­ти пре­по­доб­но­го Иса­а­ка Си­ри­на с на­ча­ла VIII до на­ча­ла XVIII ве­ка в Ев­ро­пе ни­че­го не бы­ло из­вест­но о нем, кро­ме его име­ни и со­чи­не­ний. Толь­ко в 1719 го­ду в Ри­ме бы­ло опуб­ли­ко­ва­но жиз­не­опи­са­ние пре­по­доб­но­го, со­став­лен­ное ано­ним­ным ав­то­ром ара­бом. В 1896 го­ду све­де­ния о пре­по­доб­ном Иса­а­ке еще рас­ши­ри­лись. Фран­цуз­ский уче­ный-со­те­рио­лог аб­бат Chabot опуб­ли­ко­вал тво­ре­ние си­рий­ско­го ис­то­ри­ка VIII ве­ка Иез­уде­ны, епи­ско­па Ба­с­ры, где на­хо­дят­ся све­де­ния о пре­по­доб­ном Иса­а­ке Си­рине.

Богослужения

Служба преподобному Исааку Сирину

Стихиры, глас 4.
Подобен: Дал еси знамение:
Дал еси знамение / Церкви Твоей, Господи, / Исаака святителя богомудраго, / иже деяние и созерцание прошед сугубо, / на высоту крестную добродетелей возшед, / отонудуже покаяния стези возвестив / еже приближают Твоему Божеству, // Иисусе Всесильне Спасе душ наших.
Дал еси знамение, / якоже древле неневитяном, / Исаака богоглаголиваго, / иже во глубину безмолвия вшед, / кита заклав мысленнаго, / бисер боговедения обрет / и нощь неведения потребив, / сокровище Твоея Славы открыв, // Иисусе Всесильне Спасе душ наших.
Дал еси знамение / твою книгу, священне, богодухновенную, / в нейже стези добродетелей изъяснил еси / и тайны разгнув Духа / и светозарный монашествующим показал еси рай / еже внутрь сердца есть, / в няже молитвами твоими нам исходатайствуй вход // у Иисуса Всесильнаго Спаса душ наших.
Слава, глас 5:
Пустыннаго гражданина и отцев славу, / неневитяном пророка новаго, / браздодержца страстей, рачителя безмолвия, / Божественной славы ревнителя / преподобнаго Исаака возхвалим вернии, / иже мирскую суету преобидев, / безплотным в подвизе соревновав неослабно, / разумно на высоту возшед высочайшаго зрения, / неизреченнаго Божества светолития насладився / и возблистав огнесловными поучении, / всю вселенную просветив, / монашествующих красоту показав незримую, / сей и нас причасниками соделай, Христе Боже, // молитвами Твоего Божественнаго Исаака.
Тропарь, глас 1.
Подобен: Камени запечатану:
Добре священствуя во градех, / и в пустынях вселивыйся процвел еси, Исааче, / начальник монашествующим показался еси / и учитель подвижников, / сего ради память твою достодолжно празднующе, сице взываем: / слава прославльшему тя Христу, / слава тя освятившему, // слава давшему нам тя, предстателя искусного.
Канон, глас 8, егоже краестрочие: Пустынному иерарху немолчно песнь несу.
Песнь 1
Ирмос: Преславный в мори устроивый людем путь / Небесное нам шествие проходимо сотвори / да новую песнь поим Тебе, Господи.
Пустыни сирския процветение, пастыря мудрейша ниневитских граждан и рачителя священного безмолвия, в песнех псаломски богоноснаго Исаака похвалим, вернии, молитвенника о душах наших теплейшаго.
Уморил еси, отче, тлетворнаго льва гордыни, смирением на бесовския полчища ратуя яко копием, и несветящую тьму прелести развеял еси, твоих уст смиренных святолучными учении.
Суету преобидев мира, постническими борении страстей мглу одолел еси, и к высочайшему, отче, достигл еси безстрастию, и добротами украсился еси божественными.
Богородичен: Троицы явила еси Невидимыя едину Ипостась зриму, воплощением от Твоих Девических ложесн Превечнаго Слова, темже Тя Богородицу воистину проповедуют мирския концы и собори утверждают отеческия.
Песнь 3
Ирмос: Утверждей на камени веры / на сем созижду Мою Церковь, рекий, Господи, / спаси мя вопиюща: / Ты еси, Христе, Сын Бога Живаго / и в Тебе утверждается дух мой.
Искапаша твоя сладость уста, тебе проповедающа снисшедшаго с небес Слова Божия и пророческая на языце твоем почивающая благодать, в вере утверждает монашествующих святоотечестей.
Ниневитский град древний, тобою украшен отче быв, председательствующу тебе милостивым якоже архиерею подобает и чистым сердцем, но не внят твоим, Исааче, священным глаголам, темже и отпад от благочестия.
Несторианстей ереси отче противустал, в учении познав прелесть ядоскрытую, и православную иерарше мудрость избрав, любомудрейша в безмолвие уклонился еси от смут церковных.
Богородичен: Отступите лживии, не клевещите на святаго вси вы западныя и риторы новыя; се бо истинную Богородицу проповедует яве во книзе своей Исаак, епископ Ниневийский и правоправящий.
Седален, глас 4:
Церкви светлую звезду, сирския пустыни Божественное украшение, гору безмолвия досязающу небеси и монашествующих изрядное утешение, Исаака мудраго иерарха в песнех немолчно ублажим, иже в памяти своей точит почитающим неотъемлемую во искушениях помощь и постническия чины утверждает на избранном пути, и молит Человеколюбца спастися душам нашим.
Слава и ныне: Богородичен Минеи.
Песнь 4
Ирмос: Услышах, Господи, слух Твой и убояхся, / разумех неизреченное Твое смотрение / и прославих, Слове, снисхождение Твое.
Монашествующим искусный наставник, Исааче, и постнических правил законоположник изряден был еси, свыше от Духа Святаго просвещаем, пустыни сирийския яко второе явился еси солнце, освященне.
Утреневав на всяку нощь непреложно, зарею твоих молитв просвещая мир, и страстей исторгая зловредныя корения, ралом твоих преподобне бденнонощных подвигов.
Изъяснив тайны духовныя, во мрак Божественный якоже Моисей вшел еси и естества надмирных чинов проразумел еси, Богоблаженне, херувимским твоим Исааче умом, трепетно вся испытуя.
Богородичен: Елика хощеши Всемогущаго умолити можеши Бога отвратити гнев от нерадивых, но Твоих, Дево, певцов, и щедроты Твоя умножи православным людем, Тя хвалящим, Богоневесто.
Песнь 5
Ирмос: От нощи неведения / Боговедением просветивый концы / просвети мя утром человеколюбия Твоего, Господи.
Разумный Церкви светильник, пустынных отцев священная звезда, ныне святый Исаак Боговедения просвещает зарями яже к постническому приступают ристалищу.
Ангелов согражданине Исааче, градский мирский мятеж избегл еси, в пустыню вселивыйся и на высоцей добродетелей горе твое жительство поставив, яко град богомудре Божий.
Рачением распалився Божественным, страстей вся терновная попалил еси и ревности твоея огнесветлой силою, в горняя яко искра востекл еси, истончивши плоть твою богоносе постом.
Богородичен: Ходатайству Твоему Богомати притек, весь приземлен имею ум, и нощь мя снедает отчаяния, но простри светозарный Твой покров, и посрамятся борющии мя беси.
Песнь 6
Ирмос: Во Исааце страсть прописавый / и во Ионе погребение прообразовавый / и Воскресение всем подаяй, / Тебе вопием с пророком: / от тли нас возведи, Благоутробне Господи.
Упразднився, отче, дел житейских, в море священных Писаний пусился еси, и глубину Божиих Таин испытав, бисер Богопознания обрел еси, имже и просветився, Исааче, и показался еси евангельский воисину и пребогатый купец.
Ниневитяном Евангельски Бога проповедав, любовию примиряя во вражде сущих и ходатай заблудших быв, и кающимся путевождь и пустыножителем законоположник богомудрейший, темже яко пастыря тя воспеваем искуснейша и предстателя о душах наших и молитвенника теплейша.
Егоже в пустыню вселивый яко во чрево китово, егоже и проповедника показавый воскресения мысленнаго, сего Исаака приводим Тебе в молитву яко дерзновенника сущи чистейшаго, с нимже субботствовать от страстей сподоби вопиющим: от тли нас возведи Благоутробне Господи.
Богородичен: Марии Богоотроковице песненно радование принесем вернии, Гавриилу подражающе сице рцем: радуйся, легкий облаче носящий Солнце будущаго века; радуйся, светозарнейшая твердь Духа Святаго; радуйся, престоле огненный и серафимов песнь светлейшая; радуйся утешение христиан, Богоневесто.
Кондак, глас 8.
Подобен: Взбранной:
Яко иерарха Богоноснаго и преподобнаго, / учредителя пустыни тя восхваляем, / Исааче священноявленне, предстателю наш. / Но яко имеяй дерзновение ко Господу, / о всех моли чтущих тя и взывающих ти: // радуйся, отче богомудре.
Икос:
Архиерейскою одеждею одеявся, постную пучину преплыв воздержания ветром, в тишине водворився безмолвия преподобне отче, и премирныя тайны постигл еси Херувимским твоим умом. Яко иерарх учредив твою кафедру в горе пустынней и чины иноческия просветив твоим житием, мирския же концы огласив тайноводственными твоими речении и вышней митрополии сослужитель явился еси, темже почудившися зело твоим исправлениям, благодарно тебе вопием:
Радуйся, пустыню орошающая Божественная манна;
радуйся, постнических чинов вжиляющая сила.
Радуйся, созерцатель Херувимских тайн;
радуйся, постом низложивший бесовскую рать.
Радуйся, Домовладыки Христа преукрашеный доме;
радуйся, Божественнаго страха богатство и честь.
Радуйся, великая смиренномудрия славо;
радуйся, любви излиянное миро.
Радуйся, благовонное молитвы кадило;
радуйся, тайновещатель будущаго века.
Радуйся, Исааче, отче богомудре.
Песнь 7
Ирмос: Божия снисхождения / огнь устыдеся в Вавилоне иногда, / сего ради отроцы в пещи радованною ногою / яко во цветнице, ликующе, пояху: / благословен еси, Боже отец наших.
Огненный твой язык, преподобне, все попаляет страстей терновныя дебри и горнее мудрствовать восхищает иночестии умы, красоты показуя созерцания, и яко орган сладкогласный уста твоя благословят выну Бога отцев наших.
Лицы просветив монашествующих, отче богоносе, восшедшу тебе якоже солнцу в пустыне, и блистанием твоих учений, языкоболие философов посрамив, пути познания истинно пронаписующа.
Чистота сердца твоего, славу тебе и богатство яви видения Божия, темже и умилився отче яко дитя, и позабыв мимотекущая мира сего вся и скорбная, и недро Иисусово облобызав, и небоходец быв, Исааче, таинственными созерцаньми твоими.
Богородичен: Нестория еретика биется лице, не восхотевшаго мудрствовати Тебе Богородицу Чистую, и Исаака Сириянина ныне прославляется житие: Деву Тя исповедавшаго и по Рождестве Богородицу истинную.
Песнь 8
Ирмос: Нечестия органы иную песнь / благочестия же благовещаннии пояху гусли: / благословите, дела Господня, Христа во веки.
Огненныя твои Исааче и крестолучные простираеши молитвы лучи, и разиши амалика, преподобне, мысленнаго, и бесовскую прелестную всю прогоняеши тьму и полцы монашествующих изводиши в долину спасения.
Полны ланиты твоя аромата духовнаго, и уста твоя сладость учения провещают, и движимый твой язык яко скорописная трость, красоту начертавает православнаго подвига.
Смиренномудрия венцем тебе увязает Святая Троица и преестественным вселяется в тя светом, и сердце твое светозарен дом показует, и огнедохновенными твои являет уста, имиже трегубно поеши Ю во вся веки.
Богородичен: Неискусобрачная Дево, Едину убо Ипостась во двою естеству, Всенепорочная, родила еси Воплощеннаго Бога, Егоже яко человека совершенна и Бога совершенна поем во веки вся.
Песнь 9
Ирмос: Да умолчат еретиков собрания, / не истинно Богородицу исповедающих Тя, / ибо свыше Тя пророцы проповедаша, / Матерь быти Божию / и Ходатаицу рода нашего, / тем Тя, Дево, величаем.
Небомудренная твоя душа, в райский вселися и пренебесный чертог, идеже лепотами наслаждаешися Божественных видений, ихже зрел еси тайновидче, еще на земли сый, и в книге начертав, юже и оставль нам яко лествицу небовосходную.
Евангельскою облеклся еси простотою, постническою раздрав пращею ризы греховныя, и в виссон святых одеявся, Исааче, и уже не молитвою молишися, но водворяешися лицем к лицу к Свету Высочайшему, идеже помяни нас, тя величающих.
Совершенство на земли совершив, обителей прошедшу тебе всех добродетелей и к Горнейшему Свету преселился еси, со ангельскими чинми в совершенство лучшее простираяся, но не забуди, богоблаженне Исааче, чада твоя, любовию тя величающия.
Богородичен: Утроба Твоя Свет неприступный приимши неизреченно Богородице Дево и просветила еси сущия во тьме жития, славити благочестно Христа во дву существу прошедшего из Тебе несказанно, единаго же Ипостасию.
Светилен:
Мудрование плоти умертвив в постных борениях, / от страстей субботствовав преподобне, / зарею Духа оживил еси ум, / и прежде смерти мысленное воскресение проповедал еси, досточудне Исааче, / темже тя любовию ублажаем.
Стихиры на хвалитех преподобным, глас 2.
Подобен: Киими похвальными венцы:
Киими похвальными венцы / увязем Ефрема и Исаака, / единовсельников пустыни сирския, / единомудренных нравом и душею, / Богопроповедников пустыннолюбцев, / оваго убо яко облако благодати слезоросящее, / оваго же яко небесных созерцаний столпа огненнаго, / сих бо ради монашествующие сланое море страстей прешли / и венцы от Христа прияша нетленные, // имеющаго велию милость.
Киими песенными добротами / воспоем Ефрема и Исаака, / Боговедения воды напояющия пустыни концы, / монашествующих сладкопитатели, / реки приснотекущия учений, / сердца умиляющия, / чистых слез великия моря, / в нихже Христос мысленных фараонит полки потопив, // имеяй велию милость.
Киими духовными пеньми / похвалим Ефрема и Исаака, / Богоразумия криле постников окриляющия, / органы духовнаго вдохновения, / славии добропесненнии, / иже прописаша восхождения к Богу в книгах своих, / сирины поистине Божественнии, / имиже сонное сонмище демонов Христос поразив, // имеяй велию милость.
Киими сладкозвучными гусльми / прославим Ефрема и Исаака, / богословия трубы духодвижныя, / громи духовнии нечестивых ужасающия / и вселенную оглашающия, / молнии прогоняющие тьму греха / и благочестием озаряющия, / фиалы исполнь духовнаго утешения, / сладказвучныя кифары молитв, / имиже Христос умолен бывает // и подает велию милость.
Слава, глас 6:
Иже на горах боговедения вогнездишася / и пустынолюбных собрание обучиша небесному жительству, / удаляющии от стремнин греха и показующии добродетелей восход, / стези светлейшии и прямыя, / молитвы светила и покаяния образи, / небопарнии орли Церкве крыла огненная, / Ефрема радостопечальнаго и Исаака небомудреннаго / в песнех возвеличим и призовем: / приникните к нам, отцы, с высоты вашего смирения / и нашу нищету ущедрите, / восполняя молитвами вашими скудость наших дел, // яко пребогатии.

Случайный тест

(5 голосов: 5 из 5)