Преподобный Симео́н (Желнин), Псково-Печерский, иеросхимонах
Дни памяти
Житие
Преподобный Симеон (в миру Василий Иванович Желнин) родился 1 марта 1869 года в деревне Яковлевской Островского уезда Псковской губернии в крестьянской семье от родителей Иоанна и Наталии. Вскоре он был крещен в погосте Вехново и во Святом Крещении назван Василием.
Родители его были глубоко верующими, богобоязненными и благочестивыми и воспитывали Василия в повиновении и послушании родительской воле.
В своей духовной биографии, написанной преподобным Симеоном уже в зрелые годы, он вспоминает, как в родительский дом не раз приезжал Корнилий, монах Крыпецкого монастыря (ныне причисленный к лику местночтимых святых Псковских). Иногда тот оставался ночевать в их доме и, всегда ложась спать с отроком Василием, часто говорил ему: «Будешь ты монахом, будешь старец великий». Иногда брал отрока с собою по сбору для монастыря и при этом говорил: «Вася, вот здесь не дадут, а вот здесь – подадут нам». Так всегда и бывало.
В десять лет Василий, помогая родителям, пас своих лошадей. В этот же год он услышал от людей рассказы о жизни старца Серафима, Саровского чудотворца, и, желая подражать великому подвижнику, нашел в поле большой камень и стал на нем молиться. В 12 лет вместе с родителями ходил в Псково-Печерский монастырь, чтобы поклониться древним святыням и помолиться перед чудотворными иконами обители. В обители отроку Василию так понравилось, что он задумал остаться здесь навсегда, и эта мысль не оставляла его, пока не исполнилось его желание.
В 20 лет Василий стал просить отца, чтобы тот отпустил его в монастырь, но отец и слушать об этом не хотел и заявил юноше: «Женить тебя надо, а не в монахи». Но юноша стоял на своем, твердо заявив отцу, что не будет жениться никогда. Так продолжалось несколько лет, пока отец не убедился в серьезности намерения сына стать монахом. Тогда он разрешил Василию выстроить в усадьбе домик, где будущий подвижник жил и молился в уединении до 25-летнего возраста.
Но через пять лет Бог чудесным образом изводит Василия из родительского дома. В то время в их селе жил некий старец Симеон, которого деревенские жители почитали за блаженного. Этот старец любил приходить в дом к родителям Василия, а иногда оставался ночевать. Василий как-то спросил у блаженного совета и благословения идти в монастырь, но ответа не получил. Но однажды блаженный явился в их дом и заявил отцу, что «пришел сюда умирать». И тогда Василий при всех стал просить блаженного: «Батюшка, благословите меня в монастырь». А тот неожиданно взял веревку, свернул ее жгутом и давай бить просителя и гнать из дома во двор, со двора на улицу,– и гнал вдоль улицы за деревню, а потом вернулся в дом, лег на лавку – и умер. Все, видевшие это, поняли, что блаженный выгонял Василия из дома в монастырь. Но даже и после этого случая отец не хотел отпускать сына, но потом смирился и с миром отпустил Василия в Печерскую обитель.
В 1896 году Василий поступил послушником в Псково-Печерский монастырь. Архимандрит Мефодий (Холмский, † 1906), бывший тогда наместником монастыря, взял его к себе келейником в настоятельские покои. Кроме этого, Василий ходил и на общие послушания с братией, особенно на постройку гостиницы для богомольцев. Часто приходилось работать с 5 часов утра и до позднего вечера. В редкие свободные часы, когда молодые послушники и иноки собирались отдыхать на свежем воздухе на Святой горке, в саду, он всегда отговаривался от такого праздного общения и под видом послушания, данного от наместника, шел в столярку и, будучи опытным столяром-краснодеревщиком, вытачивал там разные полезные вещи.
В 1900 году послушник Василий был пострижен в монахи с именем Вассиан, а в 1901 году рукоположен во иеродиакона и получил отдельную келлию для жительства.
В 1903 году отец Вассиан был посвящен в сан иеромонаха и вскоре назначен в Снетогорский монастырь во Псков экономом для восстановления монастырского хозяйства, а через 4 года вернулся в Печоры. Вскоре его вновь направляют из обители для укрепления монастырского хозяйства, на сей раз в имение Мустищево в 25 километрах от монастыря в сторону Латвии.
– Было очень много трудностей, – вспоминал потом старец,– из лаптей не вылезал. Надо было восстанавливать почти вновь все хозяйство, в первую очередь выстроить храм во имя Иоанна Крестителя Господня, церковный дом, хозяйственные постройки, сараи, скотный двор и прочее. Наладить землепашество, чтобы оно давало пользу монастырю.
На это ушло много лет, и, когда дело пошло на лад, он возвратился в родную обитель в возрасте 46 лет.
Началась революция, и настоятель обители епископ Иоанн (Булин, † 1941) хотел поставить опытного подвижника отца Вассиана наместником монастыря. Но тот по смирению своему, видя, что это послушание ему не под силу, стал отказываться и просил постричь его в схиму, так как чувствовал «внутренне внушение принять схиму». Так 3 февраля 1927 года он был пострижен с именем Симеон и назначен духовником братии и паломников Псково-Печерского монастыря. Настоятель обители привел его в убогую, сырую, темную келлию, по сути дела, пещеру, ископанную в горе рядом с Успенским храмом, и сказал: «Вот тебе келлия, здесь и умрешь». Так и вышло потом.
Таким образом начался молитвенный и старческий подвиг иеросхимонаха Симеона, продолжавшийся 33 года. Теперь главным содержанием жизни будущего старца стала молитва. Он положил себе за правило ежедневно молиться за ранней литургией в пещерном Успенском храме и там у жертвенника Господня усердно поминал всех своих духовных чад. По ночам исполнял келейное правило схимника, а днем принимал братию и многочисленных паломников в своей келлии. Не оставлял старец и телесные труды – большей частью в столярной мастерской. Немало искушений претерпел старец в своей келлии от бесов. В первую же ночь, как он поселился в ней, явились ему зримым образом злые духи и наполнили келлию. Страшные, каких ему раньше не приходилось и видеть. Испугался поначалу старец и не знал, что делать. А они начали на него кричать, дергать и гнать: "Зачем ты пришел? Уходи отсюда, все равно мы не дадим тебе здесь жить", – и многое другое. «Думал я, – рассказывал старец, – что не переживу этой страсти, от которой даже не мог перекреститься, а только говорил: «Господи, прими дух мой».
Такие страхи продолжались много раз, но потом не были уже так страшны, как впервые, и он научился с помощью Божией отражать их силою креста и молитвы.
За великую любовь старца Симеона к Богу и людям и за великое смирение его открылись в нем редкие дарования Божии: дар врачевания душ, прозорливости и исцеления душевных и телесных недугов. Об этом сохранились многие письменные свидетельства людей, получивших чудесные исцеления по молитвам старца.
По своему смирению старец Симеон всячески старался скрыть дар своей необыкновенной прозорливости. «Да совсем я не прозорливец, – с легким смущением и мягкой досадой в голосе говорил он одному из пытливых посетителей монастыря, – великий дар прозрения дает Господь избранным его, а тут просто долголетие мне помогает, – зашел в дом раньше других, вот и порядки его лучше знаю. Приходят ко мне люди с горестями и сомнениями, а взволнованный человек подобен ребенку, он весь на ладони... Случилось с человеком несчастье, вот он и точность душевных очей теряет, впадает либо в уныние, либо в дерзость и ожесточение. А я и мирской круг хорошо знаю, и жизнь прожил долгую, и сам Господней силой огражден от бед и соблазнов, и как же мне в меру малых сил моих не поддержать брата моего, спутника на земной дороге, когда он притомился раньше, чем я...»
«Труден путь монашеский, – записал старец Симеон в своей биографии, – но труднее подвиг схимнический, если идти так, как указал нам Подвигоположник наш Господь Иисус Христос. При посещении Его Всесвятаго Духа все возможно победить, перенести, перетерпеть и достигнуть вожделенного, обетованного нам Им неизглаголанного вечного наследия в Его Царствии Небесном».
Шестьдесят четыре года такого монашеского подвига соделали иеросхимонаха Симеона сосудом благодати Божией, которой лучились его глаза и весь облик старца.
«Всяческой малостью, суетой, неведением, слепотою люди омрачают чудо, – говорил старец одному посетителю. – Дивный дар Господень – человеческая жизнь! Не купишь ее, не заработаешь. На, человек, приими награду бесценную!.. Радость, радость, великая радость!..»
Последние дни перед своим преставлением старец очень ослабел, но людей продолжал принимать. На вопрос духовных чад своих, на кого он их покидает, ответил: «На Матерь Божию». И наставлял всех любить друг друга, прощать все обиды, так как ненависть хотя бы к одному человеку ведет к смертному греху, и надо так прощать, чтобы человек знал, что ты ему простил.
Преставление – 5/18 января
Последний урок смирения и послушания явил старец даже в своем преставлении ко Господу.
По откровению от Господа он ждал смерти 15/2 января 1960 года, в день памяти преподобного Серафима Саровского. Но наместник монастыря архимандрит Алипий (Воронов, † 1975), навестивший больного старца, забеспокоился, что тот может умереть и сделать переполох в самый день праздника Крещения Господня, и поэтому просил старца помолиться Богу об отсрочке кончины его. "Хорошо, – ответил ему смиренный старец, – ты наместник, а я послушник, пусть будет по-твоему". Так и вышло: почил старец в Крещенский сочельник, а хоронили его уже после праздника Крещения.
Ко дню его погребения в монастырь с разных мест прибыло много духовных его чад. Отпевали почившего наместник монастыря архимандрит Алипий (Воронов) и 40 священнослужителей. А после отпевания гроб с честными мощами старца был поставлен в пещерах монастыря на месте, указанным им ещё при жизни.
Память о старце иеросхимонахе Симеоне свято чтят в Псково-Печерской обители, где он 64 года подвигом добрым подвизался.
1 апреля 2003 года состоялось прославление иеросхимонаха Симеона в лике святых Псково-Печерских. Отныне его святые мощи покоятся в Сретенском храме монастыря.
Своим молитвенным предстательством пред Господом старец Симеон подаёт и ныне свою чудесную помощь притекающим к нему с верою, и многие, как и при жизни старца, обретают душевный покой и исцеление недугов.
См. также:
Богослужения
Служба преподобному Симеону Псково-Печерскому
Текст утвержден Священным Синодом
Русской Православной Церкви
16 июля 2013 года (журнал № 84)
Ме́сяца ианнуа́риа в 5-й день
Преподо́бнаго Симео́на Пско́во-Пече́рскаго
На вели́цей вече́рни
Блаже́н муж: 1-й антифо́н.
На Го́споди, воззва́х: пое́м стихи́ры, глас 1.
Подо́бен: Небе́сных чино́в:
Я́ко дре́во многопло́дное, во оби́тели Пече́рстей преподо́бием процве́л еси́, о́тче Симео́не преблаже́нне, еле́ем трудо́в житие́ твое́ ума́стив, ра́дуяся, в селе́ния ра́йская преста́вился еси́, и досто́йная по́тов твои́х прие́млеши воздая́ния.
Измла́да боже́ственную мысль прие́мь, стра́хом Бо́жиим огради́л еси́ себе́, о́тче Симео́не богодухнове́нне. Те́мже, и́ночества у́зкий путь избра́в, чи́стаго жития́ твоего́ добро́ту показа́л еси́ и послуша́ния яви́л еси́ о́браз.
Незло́бием и кро́тостию украша́емь, любо́вь Христо́ву стяжа́л еси́, о́тче Симео́не богоприя́тне, е́юже первозда́нный в челове́цех о́браз зря, ду́ши мно́гия ко спасе́нию приве́л еси́, от дре́вняго зми́я лука́вства тех огражда́яй.
Сла́ва, глас 6:
От до́льняго к го́рнему про́мыслом Боже́ственным свы́ше направля́емь, те́лом к пеще́рам богозда́нным прите́кл еси́, душе́ю же на го́ру небе́сную возне́слся еси́: и нас ускори́ к восхожде́нию на высоту́ духо́вную, Симео́не преподо́бне о́тче наш.
И ны́не, Богоро́дичен, глас то́йже.
Вход. Проки́мен дне. И чте́ния 3 преподо́бническая.
На лити́и стихи́ры самогла́сны, глас 4:
Тле́нныя ми́ра сего́ красоты́ убежа́л еси́, бу́дущих восприя́тия возжеле́в сокро́вищ, и в ти́хое приста́нище прите́кл еси́, Симео́не, иде́же, по́стническое тече́ние сконча́в, дарова́ний Боже́ственных сокро́вище яви́лся еси́, и нам благода́ть от моще́й твои́х источи́, честно́е успе́ние твое́ сла́вящим.
Саро́вскому чудотво́рцу от ю́ности подража́я, того́ ра́дость о Го́споде стяжа́л еси́ и к лю́дем ве́лию любо́вь яви́л еси́, Симео́не, све́том благоче́стия вся просвеща́я и подава́я ве́рным исцеле́ния, те́мже ра́дость духо́вную моли́твами твои́ми испроси́ всем, па́мять твою́ святу́ю соверша́ющим.
Ве́лию по́двига и́ноческаго ре́вность показу́я, в ке́ллию пеще́рную затвори́лся еси́ и та́мо, я́ко безпло́тен, пожи́л еси́, Симео́не, от духо́в нечи́стых стуже́ния прие́мый, ны́не же а́нгельскаго сподо́бився ликостоя́ния, к милосе́рдию Бо́жию с ни́ми воззови́ о всех, любо́вию тя почита́ющих.
Сла́ва, глас 8:
Земли́ Пече́рския процвете́ние, стори́цею плод умно́живый, дар моли́твы к Бо́гу стяжа́л еси́, и́мже оби́лие плодо́в земны́х от земли́ непло́дныя испроси́л еси́, напита́в зело́ оби́тель твою́, о, Симео́не пресла́вне, непло́дствие душ на́ших претвори́, да сподо́бимся принести́ Го́споду досто́йныя плоды́ покая́ния.
И ны́не, Богоро́дичен, глас то́йже.
На стихо́вне стихи́ры, глас 5.
Подо́бен: Ра́дуйся, живоно́сный Кре́сте:
Ра́дуйся, преподо́бне Симео́не, исто́чниче чуде́с неисчерпа́емый, всем, с ве́рою к тебе́ взыва́ющим, был еси́ безме́здный врач и ско́рый помо́щник, неду́ги душе́вныя разреша́я и боле́зни теле́сныя утоля́я, те́мже и ны́не честны́я мо́щи твоя́ струи́ исцеле́ний источа́ют неоску́дно: моли́ Христа́ ниспосла́ти нам ве́лию ми́лость.
Стих: Честна́ пред Го́сподем/ смерть преподо́бных Его́.
Ра́дуйся, преподо́бне Симео́не, воздержа́нием плотски́я стра́сти в себе́ умертви́в, власть на ду́хи нечи́стыя от Бо́га прия́л еси́ и человекогуби́теля посрами́л еси́, егда́ посто́м, моли́твою и смире́нием ко́зни вра́жия разоря́яй, ду́ши стра́ждущия свобожда́л еси́, те́мже моли́ Человеколю́бца дарова́ти душа́м на́шим ве́лию ми́лость.
Стих: Блаже́н муж, боя́йся Го́спода,/ в за́поведех Его́ восхо́щет зело́.
Ра́дуйся, преподо́бне Симео́не, ми́рен дух и се́рдце чи́сто стяжа́в, проро́ческаго сподо́бился еси́ да́ра и тайнови́дец преди́вный яви́лся еси́, прему́дростию Бо́жиею озаря́емь, мно́гия от бед изба́вил еси́ и неврежде́нны от па́губы сохрани́л еси́, и ны́не моли́ Христа́ Бо́га дарова́ти душа́м на́шим мир и ве́лию ми́лость. Сла́ва, глас 6:
Бре́нныя сла́вы бе́гая, венце́м нетле́нным увенча́лся еси́ и, смире́нием украси́вся, ве́лие дерзнове́ние пред Бо́гом стяжа́л еси́, Того́ непреста́нно моли́, Симео́не, дарова́ти нам прегреше́ний оставле́ние, во е́же спасти́ся нам.
И ны́не, Богоро́дичен, глас то́йже.
На благослове́нии хле́бов, тропа́рь свята́го два́жды, и Богоро́дице Де́во: еди́ножды.
Тропа́рь, глас 1:
Любо́вию Христо́вою се́рдце твое́ уязви́вый, ева́нгельски Тому́ после́довал еси́: я́ко дре́вний подви́жник преподо́бием украси́выйся, сла́вный насе́льник оби́тели Богома́тери у пеще́р Бо́гом зда́нных яви́лся еси́, и, благода́ть духо́вную свы́ше прие́мь, подае́ши ве́рным исцеле́ния, Симео́не богоблаже́нне, не преста́й моли́тися о чту́щих тя.
На у́трени
На Бог Госпо́дь: тропа́рь свята́го, два́жды. Сла́ва, и ны́не, Богоро́дичен гла́са.
По 1-м стихосло́вии седа́лен, глас 8.
Подо́бен: Повеле́нное та́йно:
Благода́тию свы́ше осия́нный, па́стырь до́брый яви́лся еси́, преподо́бне Симео́не, и, ве́лие попече́ние о ча́дех твои́х прилага́яй, огра́ду па́жити духо́вныя твоея́ неврежде́нну соблю́л еси́, те́мже и нас предста́тельством твои́м сохрани́ и овца́м избра́нным Христо́ва ста́да моли́твами твои́ми сопричти́.
Сла́ва, и ны́не, Богоро́дичен:
Пресвята́я и пренепоро́чная Де́во, у Креста́ возлю́бленнаго Сы́на Твоего́ яви́лася еси́ всем христиа́ном Ма́ти Преблага́я, те́мже к Тебе́, упова́ние на́ше, в ско́рби душе́вней припа́даем, вопию́ще: простри́ ма́терски ру́це Твои́ ко Престо́лу Влады́чню и моли́ся, Пречи́стая, о душа́х на́ших.
По 2-м стихосло́вии седа́лен, глас 3.
Подо́бен: Де́ва днесь:
Во оби́тели Пречи́стыя труды́ мона́шеския смире́нно поне́сл еси́, Богоро́дицу любо́вию немо́лчно песносло́вя, сего́ ра́ди, о́тче Симео́не, еще́ на земли́ сый, собесе́дник избра́нный Бо́жия Ма́тере яви́лся еси́, ны́не же, у Престо́ла Царя́ сла́вы предстоя́, со Влады́чицею Небе́сною не преста́й моли́тися о спасе́нии душ на́ших.
Сла́ва, и ны́не, Богоро́дичен:
Яви́лася еси́ в ско́рбех утеше́ние и в беда́х Предста́тельница, Засту́пница еси́ оби́димым и ненаде́янным наде́жда, те́мже Тя, я́ко упова́ние спасе́ния на́шего по Бо́зе стяжа́вше, в моле́нии серде́чнем к Тебе́ припа́даем и усе́рдно мо́лимся: всенепоро́чная Де́во, со уго́дником Твои́м Симео́ном помози́ спасти́ся душа́м на́шим.
Велича́ние:
Ублажа́ем тя, преподо́бне о́тче Симео́не, и чтим святу́ю па́мять твою́, наста́вниче мона́хов и собесе́дниче А́нгелов.
По полиеле́и седа́лен, глас 4.
Подо́бен: Удиви́ся Ио́сиф:
Прииди́те, ве́рнии, ублажи́м свята́го Симео́на, и́же, высото́ю дел в боже́ственную добро́ту оде́яся и сосу́д небе́сных дарова́ний яви́ся, от него́же бога́тныя ми́лости неоску́дно прие́млюще, ве́рою и любо́вию взыва́ем: ра́дуйся, Симео́не, преподо́бне о́тче наш.
Сла́ва, и ны́не, Богоро́дичен:
Ра́дуйся, Пречи́стая, арха́нгельский глас слы́шавшая, Сло́ва бо неизрече́ннаго вмести́лище и Рождества́ несказа́ннаго Ма́ти, безслове́сие душ на́ших разреши́, да устна́ма ра́дости по достоя́нию восхва́лим Тя: ра́дуйся, Цари́це небеси́ и земли́, Тобо́ю бо вся́каго зла избавля́емся.
Проки́мен, глас 4: Честна́ пред Го́сподем/ смерть преподо́бных Его́. Стих: Что возда́м Го́сподеви о всех,/ я́же воздаде́ ми? Вся́кое дыха́ние: Ева́нгелие от Матфе́я, зача́ло 43.
По 50-м псалме́ стихи́ра, глас 6:
Днесь све́тлаго торжества́ ра́дование и душа́м на́шим весе́лие быва́ет: но́ваго бо моли́твенника тя пред Бо́гом обрета́ем, преподо́бне о́тче Симео́не, пеще́ра у́бо отве́рзеся, и гроб не удержа́ чудото́чных моще́й твои́х сия́ние, и́мже озари́шася вси ве́рнии, в светоно́сный день прославле́ния твоего́ соше́дшиися, те́мже вку́пе небе́сная и земна́я весе́лия вся́каго исполня́ются, и Госпо́дь во святы́х Свои́х прославля́ется.
Кано́н преподо́бнаго, глас 8.
Песнь 1
Ирмо́с: Колесницегони́теля фарао́ня погрузи́ чудотворя́й иногда́ Моисе́йский жезл, крестообра́зно порази́в и раздели́в мо́ре, Изра́иля же беглеца́, пешехо́дца спасе́, песнь Бо́гови воспева́юща.
Днесь в до́ме Пречи́стыя соше́дшеся, ве́рнии, Ду́хом Боже́ственным веселя́щеся, преподо́бнаго Симео́на восхва́лим, той бо всем житие́м свои́м непреста́нно песнь Бо́гови воспева́л еси́.
Я́ко се́мя на ни́ве ве́ры и́стинныя, в вертогра́де Пренепоро́чныя Жизнода́вцем насажде́н быв, плод до́брый стори́цею прине́сл еси́ и мно́жества ве́рных напита́л еси́, песнь Бо́гови воспева́яй.
Благи́ми нра́вы измла́да укра́шен, за́поведей Бо́жиих иску́сный де́латель был еси́ и, о́ко серде́чное, взира́ющее к Бо́гу, име́я, о́тче Симео́не, Боже́ственных даро́в и чуде́с испо́лнился еси́, песнь Бо́гови воспева́яй.
Богоро́дичен: Богороди́тельнице всенепоро́чная, всем ве́рою испове́дающим Тя на вся́ком ме́сте и покланя́ющимся Твоему́ свято́му о́бразу, моли́ Сы́на Твоего́, Христа́ Бо́га на́шего, избавле́ние дарова́ти от страсте́й и бед, песнь Ему́ воспева́ющим.
Песнь 3
Ирмо́с: Утвержде́й в нача́ле небеса́ ра́зумом и зе́млю на вода́х основа́вый, на ка́мени мя, Христе́, за́поведей Твои́х утверди́, я́ко несть свят па́че Тебе́, еди́не Человеколю́бче.
Весь прилежа́ Вседержи́телю, преподо́бне о́тче Симео́не, Тому́ прилепи́лся еси́ от ю́ности, и нас, ве́рных чад твои́х, научи́ похваля́ти Святу́ю Тро́ицу: несть свят па́че Тебе́, еди́не Человеколю́бче.
Любо́вию Боже́ственною укрепля́емь, о́тче наш Симео́не, чудотво́рцу Саро́вскому после́довал еси́, и ны́не вку́пе с ним и все́ми святы́ми воспева́еши: несть свят па́че Тебе́, еди́не Человеколю́бче.
Стра́сти плотски́я умерщвля́я, о́тче Симео́не, ду́шу обогати́л еси́ Боже́ственными дарова́ньми, и си́ми мно́жество к тебе́ притека́ющих уврачева́л еси́, науча́я тех пе́ти: несть свят па́че Тебе́, еди́не Человеколю́бче.
Богоро́дичен: К Тебе́, Богоро́дице всепе́тая, приле́жно притеце́м, недосто́йная ча́да Твоя́, гре́шнии и смире́ннии, и припаде́м, в покая́нии зову́ще из глубины́ души́: Влады́чице, моли́твами уго́дника Твоего́ преподо́бнаго Симео́на сотвори́ спасти́ся нам, вопию́щим: несть свят па́че Тебе́, еди́не Человеколю́бче.
Седа́лен, глас 4:
Страсте́й умерщвля́я волчцы́, о́тче Симео́не пресла́вне, ду́шу твою́, я́ко зе́млю добропло́дную, возде́лал еси́ и, по́том мно́гих боле́зней и трудо́в оби́льно ю́ ороша́я, дави́дски процве́л еси́, я́ко крин ра́йский, сего́ ра́ди тя велича́ем.
Сла́ва, и ны́не, Богоро́дичен:
Молю́ Тя, Пречи́стая Ма́ти Бо́га вы́шняго, еди́но души́ моея́ утеше́ние, упова́ние, сла́досте, Боже́ственный покро́ве, све́те, заступле́ние и спасе́ние! Сподо́би мя Твои́ми моли́твами услы́шати глас, внутрь черто́га Влады́ки ве́рных призыва́ющий.
Песнь 4
Ирмо́с: Ты моя́ кре́пость, Го́споди, Ты моя́ и си́ла, Ты мой Бог, Ты мое́ ра́дование, не оста́вль не́дра О́тча и на́шу нищету́ посети́в. Тем с проро́ком Авваку́мом зову́ Ти: си́ле Твое́й сла́ва, Человеколю́бче.
Ду́шу твою́ очи́стив, преподо́бне о́тче Симео́не, храм Свята́го Ду́ха соде́лался еси́ и, в по́двизех до́бре подвиза́яся, го́рнее Ца́рство насле́довал еси́. Сего́ ра́ди Просла́вльшему тя вопие́м: си́ле Твое́й сла́ва, Человеколю́бче.
Бу́дущее твое́ прозре́в, о́тче Симео́не, блаже́нный Корни́лий Кры́пецкий ма́нной Боже́ственных слове́с тя напита́ и на па́жить духо́вную поста́ви. Ты же, позна́в сию́ сла́дость, ра́достно вопия́л еси́: си́ле Твое́й сла́ва, Человеколю́бче.
Многоболе́зненными страстьми́ одержи́мым, о́тче пречу́дне Симео́не, дарова́л еси́ исцеле́ния си́лою благода́ти Христо́выя, ю́же стяжа́л еси́ изря́дными дела́ми твои́ми. Те́мже с тобо́ю вопие́м: си́ле Твое́й сла́ва, Человеколю́бче.
Богоро́дичен: О, Пресвята́я Влады́чице, всех пра́ведных удобре́ние и дво́ре слове́сных ове́ц, во уде́ле Пече́рстем боголюби́ваго Симео́на под честны́м Твои́м омофо́ром взрасти́вшая и воспита́вшая, не оста́ви нас, рабо́в Твои́х, и моли́ Сы́на Твоего́ и Бо́га на́шего, да спасе́т ду́ши на́ша.
Песнь 5
Ирмо́с: Вску́ю мя отри́нул еси́ от лица́ Твоего́, Све́те Незаходи́мый, и покры́ла мя есть чужда́я тьма, окая́ннаго: но обрати́ мя и к све́ту за́поведей Твои́х пути́ моя́ напра́ви, молю́ся.
Све́том незаходи́мым осиява́емь, о́тче пресве́тле Симео́не, возсия́л еси́ на земли́, я́ко со́лнце, ча́да твоя́ к позна́нию и́стины провожда́я и к све́ту за́поведей Христо́вых пути́ тех направля́я.
В ста́до ове́ц духо́вных преподобному́ченика Корни́лия прише́л еси́, о́тче наш Симео́не, и вся земна́я отве́ргнув, возше́л еси́ на не́бо, взыва́я к Бо́гу: к све́ту за́поведей Твои́х пути́ моя́ напра́ви.
Ны́не в вы́шних селе́ниих обита́я, чад твои́х назира́еши, преподо́бне о́тче Симео́не. Те́мже научи́ и нас богоприя́тными твои́ми моли́твами взыва́ти Го́споду: к све́ту за́поведей Твои́х пути́ на́ша напра́ви.
Богоро́дичен: Ра́дуйся, Де́во Всечестна́я, мо́сте, к небесе́м преводя́й, и ле́ствице высо́кая, ко Христу́ нас возводя́щая. Те́мже, Всепе́тая, я́ко Ма́тернее дерзнове́ние к Нему́ иму́щи, исцели́ ума́ моего́ омраче́ние и пути́ моя́ испра́ви, молю́ся.
Песнь 6
Ирмо́с: Очи́сти мя, Спа́се, мно́га бо беззако́ния моя́, и из глубины́ зол возведи́, молю́ся, к Тебе́ бо возопи́х, и услы́ши мя, Бо́же спасе́ния моего́.
Умо́м очище́нным от помышле́ний лука́вых, блаже́нне о́тче Симео́не, в моли́тве непреста́нней пребыва́я и, я́ко свети́льник горя́, взыва́л еси́ ко Го́споду: из глубины́ зол возведи́ мя, Бо́же спасе́ния моего́.
Обнови́в послуша́нием Христу́ ду́шу твою́, о́тче свяще́нне Симео́не, в вели́кий о́браз обле́клся еси́ и, в пеще́ру Ла́заря прозорли́вца всели́вся, тому́ подража́л еси́, взыва́я: услы́ши мя, Бо́же спасе́ния моего́.
Кре́постию ду́ха, о́тче Симео́не, превозмога́я держа́ву вра́жию, подвиза́лся еси́ вни́ти сквозе́ те́сная врата́. Те́мже в оби́тели Отца́ Небе́снаго всели́лся еси́, со умиле́нием взыва́я: сла́ва Тебе́, Бо́же спасе́ния моего́.
Богоро́дичен: Не преста́й хода́тайствовати о нас, рабе́х Твои́х, Пречи́стая, я́коже Госпо́дь с Тобо́ю бы́ти изво́ли и от бед и скорбе́й изба́ви ны, моля́щихся Сы́ну Твоему́ и воспева́ющих Бо́га спасе́ния на́шего.
Конда́к, глас 6:
Я́ко Бо́жия любве́ зерца́ло, во оби́тели Пече́рстей благода́тно просвети́лся еси́, о́браз и́ноческаго жития́ показу́я, трудолю́бием и послуша́нием на высоту́ доброде́телей восте́кл еси́. Те́мже, да́ры Ду́ха Свята́го от Го́спода почте́нный, чудеса́ мно́га ще́дро источа́еши, преподо́бне о́тче наш Симео́не, моли́ спасти́ся душа́м на́шим.
И́кос:
Ду́ха Свята́го сия́нием просве́щся, вся, я́же в ми́ре, необину́яся оста́вил еси́, блаже́нне, мно́гими труды́ плоть покори́вый ду́ху, к высоте́ дости́гл еси́ безстра́стия, си́це, благопло́дие души́ твоея́ доброде́телей дея́нием явля́яй, и́стинную любо́вь к лю́дем стяжа́л еси́ и благода́ть целе́ний от Бо́га прия́л еси́. Те́мже, и по преставле́нии твое́м да́ры чуде́с обогаще́нный, по́мощию твое́ю нас не оставля́еши, преподо́бне о́тче наш Симео́не, моли́ спасти́ся душа́м на́шим.
Песнь 7
Ирмо́с: Бо́жия снисхожде́ния огнь устыде́ся в Вавило́не иногда́, сего́ ра́ди о́троцы в пещи́ ра́дованною ного́ю, я́ко во цве́тнице лику́юще, поя́ху: благослове́н еси́, Бо́же оте́ц на́ших.
Водо́ю живо́ю, ю́же почерпа́л еси́ у Жизнода́вца Христа́, жа́ждущих напая́л еси́, о́тче наш Симео́не, и, я́ко и́стинный па́стырь слове́сных ове́ц, благода́рне взыва́л еси́: благослове́н Бог оте́ц на́ших.
Красне́йшее прозябе́ние, преподо́бне о́тче Симео́не, в дому́ Бо́жием прозя́бл еси́, и, в моли́твах боле́знуя о ча́дех твои́х, и́хже Пречи́стая тебе́ вручи́, с ве́рою Бо́гу вопия́л еси́: благослове́н еси́, Бо́же оте́ц на́ших.
С небе́сными ли́ки предстои́ши, богоблаже́нне о́тче Симео́не, Престо́лу Пресвяты́я Тро́ицы, с ни́ми ку́пно и со все́ми святы́ми непреста́нно воспева́я: благослове́н еси́, Бо́же оте́ц на́ших.
Богоро́дичен: К кому́ возопию́, Влады́чице, а́ще не к Тебе́, Засту́пнице усе́рдней ро́да христиа́нскаго? Ты бо Отроча́ ро́ждши, пребезнача́льное Сло́во, обветша́вшия грехо́м обнови́ла еси́ и пе́ти научи́ла еси́: оте́ц на́ших Бо́же, благослове́н еси́.
Песнь 8
Ирмо́с: Седмери́цею пещь халде́йский мучи́тель богочести́вым неи́стовно разжже́, си́лою же лу́чшею спасе́ны сия́ ви́дев, Творцу́ и Изба́вителю вопия́ше: о́троцы, благослови́те, свяще́нницы, воспо́йте, лю́дие, превозноси́те во вся ве́ки.
Облецы́теся ны́не, лю́дие, чту́щии па́мять Симео́на достохва́льнаго, в милосе́рдие, бла́гость, смиренному́дрие, кро́тость, долготерпе́ние, снисхожде́ние, подража́юще Христу́, Его́же, о́троцы, благослови́те, свяще́нницы, воспо́йте, лю́дие, превозноси́те во вся ве́ки.
Нището́ю духо́вною обогати́лся еси́, преподо́бне о́тче Симео́не, и́ноком и всем, приходя́щим к тебе́, о́браз любве́ Христо́вы быв, Его́же, о́троцы, благослови́те, свяще́нницы, воспо́йте, лю́дие, превозноси́те во вся ве́ки.
Тро́ичен: Тро́ицу Единосу́щную, Неразде́льную, Неслия́нную и Пребезнача́льную днесь, ве́рнии, почти́м, Ю́же, о́троцы, благослови́те, свяще́нницы, воспо́йте, лю́дие, превозноси́те во вся ве́ки.
Богоро́дичен: Исто́чник неисчерпа́емый воды́ живо́тныя, от пото́па грехо́внаго мир спа́сшая, Де́во Пренепоро́чная, стра́сти души́ моея́ потопи́ и прохлади́ се́рдце мое́, острупле́нное грехми́, да воспою́ Сы́на Твоего́, Его́же о́троцы благословля́ют, свяще́нницы воспева́ют, лю́ди превозно́сят во вся ве́ки.
Песнь 9
Ирмо́с: Ужасе́ся о сем не́бо, и земли́ удиви́шася концы́, я́ко Бог яви́ся челове́ком пло́тски, и чре́во Твое́ бысть простра́ннейшее небе́с. Тем Тя Богоро́дицу, А́нгелов и челове́к чинонача́лия велича́ют.
Преподо́бне о́тче Симео́не, я́ко и́стинный па́стырь ове́ц Христо́вых, ны́не дерзнове́ние име́я ко Го́споду, назира́еши ста́до твое́ с го́рних высо́т, помози́ и нам вни́ти во огра́ду небе́сную.
Пресели́лся еси́, о́тче наш Симео́не, от привре́менныя жи́зни во оби́тели Небе́сныя, иде́же со отцы́ святы́ми песнь побе́дную воспева́еши, ра́дуяся, те́мже и нас, с ве́рою и любо́вию тебе́ пою́щих, от вели́ких бед и скорбе́й изба́вити Христа́ умоли́.
О, богоблаже́нне о́тче наш Симео́не, в жи́зни вре́менней на земли́ не покори́вся страсте́м пло́ти, безстра́стием, я́ко ри́зою, обле́клся еси́ и сослужи́тель А́нгелов яви́лся еси́, те́мже умоли́ Христа́ Бо́га изба́вити нас от искуше́ний.
Богоро́дичен: Христа́, Сы́на Твоего́, умоли́, Ма́ти Де́во, согреше́ний проще́ние дарова́ти рабо́м Твои́м, Тебе́ Богоро́дицу вои́стину пропове́дающим, и све́тлости святы́х и весе́лия сподо́би нас во Ца́рствии Небе́снем.
Свети́лен:
Днесь све́тло пра́зднует свята́я оби́тель твоя́, ю́же честны́м житие́м и по́двиги, я́ко звезда́ многосве́тлая, озари́л еси́, о́тче Симео́не, указу́я нам путь ко Христу́, И́же есть Свет ми́ра.
Сла́ва, и ны́не, Богоро́дичен:
Пе́ти Тебе́ сподо́би, Де́во Всесвята́я, Свет бо невече́рний от чре́ва Твоего́ возсия́, и прогони́ мглу страсте́й мои́х, еди́на Всепе́тая.
На хвали́тех стихи́ры на 4, глас 8.
Подо́бен: О, пресла́внаго чудесе́:
О, богому́дре Симео́не, от ю́ности святы́м отце́м подо́бяся, во бде́ниих, моли́твах и посте́х труды́ с боле́зньми подъя́л еси́, а́нгельским житие́м украси́выйся и де́монския полки́ устраши́вый, муж соверше́н вои́стину яви́лся еси́ и ко святы́м Пско́во-Пече́рским причте́н был еси́, с ни́миже за ны Христа́ Бо́га мо́лиши.
О, преди́вне Симео́не, ве́ры несумне́нныя стяжа́телю, исцеле́ний Боже́ственных сосу́д тя зна́ем неиждива́емый, чудесы́ от Бо́га прославля́емь и от ве́рных пе́сньми восхваля́емь, моли́твенник те́плый днесь возсия́л еси́, те́мже, Престо́лу Христо́ву предстоя́, моли́ дарова́ти нам бога́тыя ми́лости.
О, преблаже́нне Симео́не, виногра́да Христо́ва приле́жный де́лателю, я́ко оте́ц чадолюби́вый, тяготу́ дневну́ю поне́сл еси́, моли́твою чад твои́х огражда́я и любо́вию ду́ши тех возгрева́я, был еси́ всем ко Го́споду путево́ждь, те́мже мона́хов и мирски́х мно́жество наста́вника тя непрело́жна почита́ет.
Сла́ва, глас то́йже:
Чуде́с заре́ю облиста́емь, ны́не яви́лся еси́, преподо́бне, Це́ркве Ру́сския украше́ние, оби́тели Пско́во-Пече́рския торжество́, мона́хов ликовству́ющее пе́ние и ве́рных весе́лия глас. О, Симео́не, усе́рдный наш хода́таю пред Бо́гом, моле́ния на́ша ско́ро Ему́ принеси́.
И ны́не, Богоро́дичен, глас то́йже.
Славосло́вие вели́кое. И отпу́ст.
На Литурги́и
Блаже́нна от кано́на пра́здника, песнь 6-я на 4 и свята́го песнь 6-я на 4.
Проки́мен, глас 7: Честна́ пред Го́сподем смерть преподо́бных Его́. Стих: Что возда́м Го́сподеви о всех, я́же воздаде́ ми?
Апо́стол к Кори́нфяном, зача́ло 176. Аллилу́ия, глас 6: Блаже́н муж, боя́йся Го́спода, в за́поведех Его́ восхо́щет зело́. Стих: Си́льно на земли́ бу́дет се́мя его́.
Ева́нгелие от Луки́, зача́ло 24. Прича́стен: В па́мять ве́чную бу́дет пра́ведник:
Тропари, кондаки, молитвы и величания
Тропарь преподобному Симеону Псково-Печерскому, глас 1
Любо́вию Христо́вою се́рдце твое́ уязви́вый,/ ева́нгельски Тому́ после́довал еси́:/ я́ко дре́вний подви́жник преподо́бием украси́выйся,/ сла́вный насе́льник оби́тели Богома́тери у пеще́р Бо́гом зда́нных яви́лся еси́,/ и, благода́ть духо́вную свы́ше прие́мь,/ подае́ши ве́рным исцеле́ния,/ Симео́не богоблаже́нне,// не преста́й моли́тися о чту́щих тя.
Перевод: Пленивший свое сердце любовью Христовой, последовал Ему евангельским путем: как древний подвижник украсившись преподобием, ты стал славным монахом в обители Богоматери у пещер, созданных Богом, и получив свыше духовную благодать, подаешь верующим исцеления, Симеон блаженствующий в Боге, не переставай молиться о почитающих тебя.
Кондак преподобному Симеону Псково-Печерскому, глас 4
Я́ко Бо́жия любве́ зерца́ло,/ во оби́тели Пече́рстей благода́тно просвети́лся еси́,/ о́браз и́ноческаго жития́ показу́я,/ трудолю́бием и послуша́нием на высоту́ доброде́телей восте́кл еси́./ Те́мже, да́ры Ду́ха Свята́го от Го́спода почте́нный,/ чудеса́ мно́га ще́дро источа́еши,/ преподо́бне о́тче наш Симео́не,// моли́ спасти́ся душа́м на́шим.
Перевод: Как отражение Божией любви, в обители Печерской ты благодатно просиял, показывая образ монашеской жизни, трудолюбием и послушанием взойдя на высоту добродетелей. Потому, почтенный дарами Святого Духа от Господа, ты щедро изливаешь многие чудеса, преподобный отец наш Симеон, моли о спасении душ наших.
Молитва преподобному Симеону Псково-Печерскому
О, вели́кий уго́дниче Бо́жий, преподо́бне о́тче Симео́не! При́зри на нас гре́шных, ко святе́й ико́не твое́й припа́дающих и прося́щих твоего́ заступле́ния и по́мощи. Скорбь бо обдержи́т нас от обстоя́щих нас ны́не бед и зол, и утеше́ния не и́мамы многоболе́зненным душа́м на́шим. Иска́хом бо по́мощи от челове́к, и не обре́теся. Вопия́хом ко Го́споду, и не услы́ша нас, зане́ прогне́вах пречи́стую бла́гость Его́ беззако́ньми на́шими, и мно́жеством мно́гих грехо́в на́ших преогорчи́хом человеколю́бную утро́бу Его́. И кто нам ны́не по́мощь яви́т, кто нам скорбь утоли́т, кто даст отра́ду и успокое́ние многомяте́жным душа́м на́шим? К тебе́, вели́кий уго́дниче Бо́жий, прибега́ем мы, гре́шнии и недосто́йнии, ве́дуще бо, я́ко ве́лие дерзнове́ние и́маши ко Христу́ Бо́гу, и многомо́щен предста́тель еси́ о всех, с ве́рою к тебе́ прибега́ющих и твоего́ заступле́ния и по́мощи тре́бующих. Моли́ у́бо Человеколю́бца Го́спода, я́ко да прости́в нам безчи́сленная на́ша прегреше́ния, не отврати́т ми́лость Свою́ от нас, но я́ко благ и сострада́телен, яви́т и нам безконе́чное Свое́ милосе́рдие, и в лю́тем напа́стей и бед на́ших озлобле́нии пода́ст нам всеси́льную по́мощь Свою́, и преогорче́нным душа́м на́шим осла́бу, мир, укрепле́ние, утеше́ние и успокое́ние да́рует. Ей, вели́кий уго́дниче Бо́жий! Вознеси́ преподо́бнии ру́це твои́ ко Христу́ Бо́гу на́шему и моли́ бла́гость Его́, да не отри́нет моле́ния серде́ц на́ших, недосто́инства ра́ди на́шего, но да яви́т нам благовре́менне ми́лость Свою́, да та́ко в ми́ре вре́менное сие́ житие́ преше́дше, в ве́чный дости́гнем поко́й, и с тобо́ю удосто́имся сла́вити Отца́ и Сы́на и Свята́го Уте́шителя Ду́ха во ве́ки веко́в. Ами́нь.
Каноны и Акафисты
Случайный тест
- Пояснения к календарю
- Что такое время
- Что такое жизнь
- Лики святости
- История календаря
- Календарные циклы
- О постах
- Календарь постов и трапез
- Великий пост 2022
- Многодневные посты
- Однодневные посты
- Тест: Православные посты
- Тест: Великий Пост
- Церковные Праздники
- Церковные праздники 2022
- Пасха Христова 2022
- Знаки праздников
- Именины
- Жития святых
- Иконы Спасителя
- Иконы Богородицы
- Иконы святых
- Тест: Церковные Праздники
Если мы хотим посмотреть на человека и увидеть его таким, каков он есть, надо подойти к нему с открытым сердцем, с открытым умом, с готовностью его принять, какой он есть, без страха за себя, без искания своей выгоды, а просто смотреть на него, как мы могли бы смотреть на потрясающее, изумительное произведение искусства; или как мы могли бы слушать музыку, воспринимая ее всем своим существом, не для того только, чтобы услышать какие-то ласкающие ухо звуки, а для того, чтобы за этими звуками уловить опыт того, кто писал эту музыку, уловить, может быть, душу композитора и понять нечто, чего мы раньше никак не могли понять.
В 2007 году в Москве патриарх Московский и всея Руси Алексий II и первоиерарх РПЦЗ митрополит Восточно-Американский и Нью-Йоркский Лавр подписали "Акт о каноническом общении", знаменующий воссоединение Русской Православной Церкви За рубежом с Московским Патриархатом.
Чем человек смиреннее, тем более он получает от Бога благодатных даров
