Дни памяти

1 апреля

11 июля  (переходящая) – Собор Белорусских святых

Житие

Свя­тая пра­вед­ная Со­фия, княж­на, а за­тем кня­ги­ня Слуц­кая, про­ис­хо­ди­ла из древ­не­го ро­да Олель­ко­ви­чей, кня­жив­ших в го­ро­де Слуц­ке, од­ном из древ­ней­ших го­ро­дов Се­ве­ро-За­пад­ной Ру­си. Слуцк впер­вые упо­мя­нут в ле­то­пи­сях под 1116 го­дом – то­гда он при­над­ле­жал ве­ли­ко­му кня­зю Ки­ев­ско­му Вла­ди­ми­ру Мо­но­ма­ху. Око­ло 1270 го­да го­род ока­зал­ся во вла­сти ли­тов­ских кня­зей и в 1395 г. об­ра­зо­вал осо­бый удел со сво­и­ми кня­зья­ми, ро­до­на­чаль­ни­ком ко­то­рых стал внук ве­ли­ко­го кня­зя Оль­гер­да Алек­сандр (Олель­ко) Вла­ди­сла­во­вич. Под их управ­ле­ни­ем Слуцк стро­ил­ся, укреп­лял­ся и к XV ве­ку счи­тал­ся од­ним из глав­ных го­ро­дов Лит­вы. Мно­го раз оса­жда­ли его та­та­ры, но так и не смог­ли взять гроз­ной ци­та­де­ли. Род Олель­ко­ви­чей явил ми­ру нема­ло бла­го­че­сти­вых хри­сти­ан, хра­нив­ших вер­ность пра­во­слав­ной церк­ви. Дед свя­той Со­фии Юрий Юрье­вич – ве­ли­кий по­чи­та­тель пра­во­слав­ных свя­тынь, из­ве­стен соб­ствен­но­руч­но пе­ре­пи­сан­ным Еван­ге­ли­ем, пе­ре­дан­ным в дар Слуц­ко­му Свя­то-Тро­иц­ко­му мо­на­сты­рю. Кро­ме то­го, со­хра­ни­лись гра­мо­ты кня­зя Юрия и его су­пру­ги Ека­те­ри­ны о слуц­ких церк­вях и мо­на­сты­рях. В сво­ем ду­хов­ном за­ве­ща­нии князь уве­ще­вал сы­но­вей по­пе­чи­тель­ство­вать, по­доб­но ему, над Свя­то-Тро­иц­ким мо­на­сты­рем, не от­ни­мать у оби­те­ли дан­ных ей по­жерт­во­ва­ний и при­ви­ле­гий, твер­до дер­жать­ся пра­во­сла­вия.

Отец свя­той Со­фии, Юрий Юрье­вич II, был един­ствен­ным из трех сы­но­вей, ис­пол­нив­шим за­ве­ты сво­е­го ро­ди­те­ля. Млад­шие его бра­тья пе­ре­шли в ка­то­ли­че­ство, а по­доб­ные из­ме­ны в то вре­мя ста­ли ско­рее пра­ви­лом, чем ис­клю­че­ни­ем, вслед­ствие на­си­лия ка­то­ли­ков над пра­во­сла­ви­ем в Поль­ско-Ли­тов­ском го­су­дар­стве. Несмот­ря на при­тес­не­ния из-за вер­но­сти Пра­во­слав­ной Церк­ви, Юрий Юрье­вич твер­до дер­жал­ся ве­ры от­цов и обы­ча­ев пред­ков. Как и отец, был он щед­рым да­ри­те­лем церк­вям и мо­на­сты­рям: из­ве­стен по­жерт­во­ван­ный им Бла­го­ве­щен­ской церк­ви Свя­то-Тро­иц­ко­го мо­на­сты­ря ли­той се­реб­ря­ный на­сто­я­тель­ский по­сох.

Юрий Юрье­вич был же­нат на Ека­те­рине из ро­да Ки­шек; от это­го бра­ка, длив­ше­го­ся ме­нее од­но­го го­да, ро­ди­лась 1 мая 1585 го­да их един­ствен­ная дочь, по­след­няя из ро­да Олель­ко­ви­чей. Слов­но в озна­ме­но­ва­ние бу­ду­щей муд­ро­сти Слуц­кой кня­ги­ни и ее за­бо­тах о го­ни­мом пра­во­сла­вии, княж­ну на­зва­ли во Свя­том Кре­ще­нии Со­фи­ей – Пре­муд­ро­стию.

Вско­ре по­сле ро­дов ото­шла в жизнь веч­ную мать, а через год, 6 мая 1586 го­да, умер и отец. Дре­во слав­ных кня­зей Слуц­ких и Ко­пыль­ских за­кон­чи­лось на Со­фии, оси­ро­тев­шей еще в ко­лы­бе­ли.

Опе­ку над го­до­ва­лой де­воч­кой при­ня­ла се­мья Ход­ке­ви­чей, ее род­ствен­ни­ков: сна­ча­ла жмуд­ский ста­ро­ста Юрий Ход­ке­вич, взяв­ший ее в Виль­ну, а за­тем ви­лен­ский каш­те­лян, брест­ский ста­ро­ста Иеро­ним Ход­ке­вич.

За­бо­тясь о по­след­ней княжне Слуц­кой, Ход­ке­ви­чи, тем не ме­нее, пре­сле­до­ва­ли ко­рыст­ные це­ли. Оба опе­ку­на бы­ли долж­ны кня­зьям Рад­зи­вил­лам зна­чи­тель­ные сум­мы де­нег. Они хо­те­ли рас­пла­тить­ся с дол­га­ми за счет гро­мад­ных име­ний един­ствен­ной пря­мой на­след­ни­цы бо­га­то­го ро­да. Ход­ке­ви­чи и Рад­зи­вил­лы за­клю­чи­ли сдел­ку, под­твер­див ее пись­мен­но, что княж­на Со­фия по до­сти­же­нии ею со­вер­шен­но­ле­тия бу­дет вы­да­на за­муж за несвиж­ско­го кня­зя Яну­ша Рад­зи­вил­ла, сы­на ви­лен­ско­го во­е­во­ды Кришто­фа Рад­зи­вил­ла. В до­го­во­ре был ука­зан да­же срок сва­деб­но­го тор­же­ства – 6 фев­ра­ля, но все это при един­ствен­ном усло­вии, что неве­ста не из­ме­нит сво­е­го ре­ше­ния. Впро­чем, опе­ку­ны не слиш­ком опа­са­лись, ибо княж­на бы­ла по­слуш­на их во­ле. Князь Януш и юная Со­фия, в один­на­дцать лет став­шая его неве­стой, ви­де­лись в до­ме Ход­ке­ви­чей в Вильне.

Вско­ре сно­ва обост­ри­лись финан­со­вые спо­ры двух ро­дов. Рад­зи­вил­лы на­ло­жи­ли за­пре­ще­ние на Ко­пыль – име­ние Ход­ке­ви­чей – в счет опла­ты ста­ро­го дол­га. Раз­гне­ван­ные Ход­ке­ви­чи за­пре­ти­ли кня­зю Яну­шу ви­деть­ся с княж­ной Со­фи­ей. Рад­зи­вил­лы, не же­лая от­ка­зы­вать­ся от Слуц­ко­го кня­же­ства, воз­бу­ди­ли су­деб­ное де­ло, по ко­то­ро­му Ход­ке­вич был при­суж­ден к вы­пла­те огром­но­го штра­фа, ли­бо, в слу­чае от­ка­за, к ли­ше­нию прав и из­гна­нию.

По ме­ре при­бли­же­ния на­зна­чен­но­го сро­ка бра­ко­со­че­та­ния стра­сти на­ка­ля­лись. Не су­мев до­го­во­рить­ся, обе сто­ро­ны со­би­ра­ли вой­ска. Рад­зи­вил­лы со­бра­ли 6 000 рат­ни­ков, укре­пи­ли свой дво­рец. Ход­ке­ви­чи во­ору­жи­ли до 2 000 сво­ей че­ля­ди, вы­ста­ви­ли 24 ору­дия и пре­вра­ти­ли в непри­ступ­ную кре­пость свой ви­лен­ский дом, став­ший за­тво­ром для юной княж­ны-за­лож­ни­цы. Со­фия Юрьев­на неустан­но мо­ли­ла Бо­га оста­но­вить го­то­вя­ще­е­ся кро­во­про­ли­тие, неволь­ной при­чи­ной ко­то­ро­го она ста­ла.

Сам ко­роль от­пра­вил по­слов, скло­няя к ми­ру обе сто­ро­ны. Уни­ат­ский мит­ро­по­лит Ипа­тий По­тей на­пра­вил по­сла­ние на­мест­ни­ку Слуц­ко­го мо­на­сты­ря Исайе Со­болев­ско­му и все­му слуц­ко­му ду­хо­вен­ству, чтобы оно мо­ли­лось за бла­го­по­луч­ное для ка­то­ли­ков Рад­зи­вил­лов окон­ча­ние тяж­бы и на­ло­жи­ло трех­днев­ный пост, чтобы Бог «нам внял и от вся­ко­го про­тив­ле­ния, скор­би и бе­ды из­ба­вил...»

Несмот­ря на все уве­ще­ва­ния, к 6 фев­ра­ля все бы­ло при­го­тов­ле­но к бит­ве. Но Гос­подь не по­пустил бес­смыс­лен­но­го кро­во­про­ли­тия, и вско­ре недав­ние вра­ги за­клю­чи­ли но­вое со­гла­ше­ние о том, что Рад­зи­вил­лы в об­мен на ру­ку княж­ны пре­кра­тят лю­бые де­неж­ные пре­тен­зии, а так­же вы­да­дут сви­де­тель­ство о пра­виль­но­сти ве­де­ния дел по опе­ке над име­ни­я­ми неве­сты.

Но­вый день бра­ко­со­че­та­ния на­зна­чи­ли на вос­кре­се­нье 1 ок­тяб­ря 1600 го­да, на празд­ник По­кро­ва Пре­свя­той Бо­го­ро­ди­цы, ко­то­рой вру­ча­ла свою судь­бу юная Со­фия. Од­на­ко неза­дол­го до вен­ча­ния по­яви­лась еще од­на про­бле­ма: опе­ку­ны не спро­си­ли у неве­сты, со­глас­на ли она из­ме­нить сво­ей ве­ре для бра­ка с несвиж­ским кня­зем-ка­то­ли­ком.

Но пра­во­сла­вие, ве­ра пред­ков – глав­ное со­кро­ви­ще, остав­ше­е­ся у княж­ны Со­фии от от­цов­ско­го на­след­ства, и она ре­ши­тель­но от­ка­за­лась пе­ре­хо­дить в ка­то­ли­че­ство. Бо­лее то­го, Со­фия на­ста­и­ва­ла еще и на том, чтобы де­ти от ее бу­ду­ще­го бра­ка бы­ли кре­ще­ны в Пра­во­слав­ной Церк­ви и вос­пи­ты­ва­лись как пра­во­слав­ные. Толь­ко при вы­пол­не­нии этих усло­вий че­тыр­на­дца­ти­лет­няя княж­на со­гла­ша­лась всту­пить в брак.

Кня­зю Яну­шу при­шлось об­ра­тить­ся к рим­ско­му па­пе с со­от­вет­ству­ю­щим про­ше­ни­ем. Раз­ре­ше­ние бы­ло по­лу­че­но, и бра­ко­со­че­та­ние княж­ны Со­фии Юрьев­ны с кня­зем Яну­шем Рад­зи­вил­лом со­сто­я­лось в на­зна­чен­ный срок: 1 ок­тяб­ря 1600 го­да, по пра­во­слав­но­му об­ря­ду, в од­ном из со­бо­ров Бре­ста. Об­сто­я­тель­ства это­го меж­ро­до­во­го и меж­кон­фес­сио­наль­но­го со­ю­за ста­ли объ­ек­том крат­кой пе­ре­пис­ки меж­ду Кон­стан­ти­но­поль­ским пат­ри­ар­хом и рим­ским па­пой.

Труд­на бы­ла жизнь си­ро­ты у Ход­ке­ви­чей, не слад­кой ста­ла она и в за­му­же­стве. Во всех пе­ча­лях сво­их княж­на, а за­тем кня­ги­ня Со­фия на­хо­ди­ла уте­ше­ние толь­ко в мо­лит­ве, в Церк­ви. Но при­шло го­ре, за­тмив­шее со­бой все лич­ные скор­би: цер­ков­ная уния с Ри­мом, объ­яв­лен­ная в за­пад­но­рус­ских зем­лях в 1596 го­ду.

Вве­де­ние унии со­про­вож­да­лось ужа­са­ю­щи­ми на­си­ли­я­ми над пра­во­слав­ны­ми. У них от­ни­ма­лись хра­мы, мо­на­сты­ри, пра­во­слав­ные свя­щен­ни­ки из­го­ня­лись. Церк­ви от­да­ва­ли в арен­ду ино­вер­цам, ко­то­рые тре­бо­ва­ли пла­тить за каж­дое бо­го­слу­же­ние. Вслед за этим бы­ли за­пре­ще­ны все пуб­лич­ные со­бра­ния пра­во­слав­ных. «Ду­хо­вен­ство дис­си­ден­тов» – так на­зы­ва­ли в то вре­мя пра­во­слав­ных свя­щен­ни­ков – не долж­но бы­ло яв­но хо­дить по ули­цам со Свя­ты­ми Да­ра­ми. Кре­ще­ние, вен­ча­ние, по­гре­бе­ние раз­ре­ша­лось со­вер­шать толь­ко с со­гла­сия ка­то­ли­че­ско­го ксен­дза за уста­нов­лен­ную по­след­ним пла­ту. Хо­ро­ни­ли пра­во­слав­ных но­чью. Де­ти, рож­ден­ные от сме­шан­ных бра­ков, при­чис­ля­лись к ка­то­ли­че­ской церк­ви. Пра­во­слав­ным за­пре­ща­лось за­ни­мать об­ще­ствен­ные долж­но­сти, со­зы­вать со­бра­ния, ис­кать про­тек­ции под угро­зой при­ме­не­ния за­ко­нов про­тив бун­тов­щи­ков.

Бо­лея серд­цем за по­пи­ра­е­мую ве­ру сво­их пред­ков, юная кня­ги­ня ста­ла за­щит­ни­цей пра­во­слав­ных свя­тынь и пра­во­слав­но­го на­ро­да от уни­ат­ско­го на­си­лия. При­над­ле­жа­щий ей Слуцк она пре­вра­ти­ла в твер­ды­ню пра­во­сла­вия – од­ну из немно­го­чис­лен­ных, а вско­ре и един­ствен­ную во всем крае.

Жи­те­ли Слуц­ка спло­ти­лись в Пре­об­ра­жен­ском брат­стве, где са­мое де­я­тель­ное уча­стие при­ни­ма­ла кня­ги­ня Со­фия. Сво­е­го му­жа убе­ди­ла она ис­хо­да­тай­ство­вать у поль­ско­го ко­ро­ля гра­мо­ту о вос­пре­ще­нии в их вла­де­ни­ях на­силь­но при­нуж­дать пра­во­слав­ных к унии.

Гра­мо­та бы­ла по­лу­че­на. Кня­ги­ня за­щи­ти­ла ин­те­ре­сы пра­во­сла­вия юри­ди­че­ски.

Кро­ме юри­ди­че­ской за­щи­ты, Со­фия за­бо­ти­лась об обес­пе­че­нии мо­на­сты­рей, церк­вей и при­чтов, щед­ро жерт­во­ва­ла на стро­и­тель­ство хра­мов, сво­и­ми ру­ка­ми ши­ла и вы­ши­ва­ла зо­ло­том цер­ков­ные ри­зы и свя­щен­ни­че­ские об­ла­че­ния, со­вер­ша­ла па­лом­ни­че­ство в от­да­лен­ные хра­мы во дни пре­столь­ных празд­ни­ков.

Вли­я­ние пра­вед­ной кня­ги­ни бы­ло столь ве­ли­ко, что да­же ее муж впо­след­ствии, уже по­сле ее смер­ти, под­твер­ждал сво­и­ми гра­мо­та­ми, что пра­во­слав­ные хра­мы, обла­го­де­тель­ство­ван­ные в свое вре­мя княж­ной Со­фи­ей, долж­ны со­хра­нять сво­бо­ду сво­е­го бо­го­слу­же­ния и цер­ков­ные пра­ви­ла в ду­хе Во­сточ­ной Церк­ви... «Церк­ви и мо­на­сты­ри ре­ли­гии ста­ро­рус­ской в име­ни­ях мо­их по-преж­не­му долж­ны быть со­хра­ня­е­мы и по­том­ки мои долж­ны со­блю­дать, дабы не по­сле­до­ва­ло в том ни­ка­кой пе­ре­ме­ны». И по­том­ки со­блю­да­ли на­ка­зы. Княж­на Лю­дви­га Рад­зи­вилл под­пи­са­ла гра­мо­ту, текст ко­то­рой мы при­во­дим по­чти пол­но­стью: «изъ­яс­нить всем, ко­му знать долж­но, что церк­ви ре­ли­гии ста­рой Гре­ко-Рос­сий­ской, с неза­па­мят­ных вре­мен по­стро­ен­ные и арен­до­ван­ные в го­ро­де Слуц­ке и Ко­пы­ле и во всем кня­же­стве Слуц­ком и Ко­пыль­ском, а так­же в име­ни­ях мо­их Кай­да­нов­ском, Ко­пыль­ском, Се­беж­ском и дру­гих, все­гда сто­я­ли под бла­го­сло­ве­ни­ем во­сточ­но­го Кон­стан­ти­но­поль­ско­го пат­ри­ар­ха, и бла­жен­ной па­мя­ти князь и кня­ги­ня, пред­ки мои, все­гда этой ре­ли­гии и под­дан­ным пра­во­слав­ным по­кро­ви­тель­ство­ва­ли, и что они до­се­ле поль­зо­ва­лись и ныне поль­зу­ют­ся сво­бо­дою сво­е­го ста­ро­гре­че­ско­го бо­го­слу­же­ния и си­лою цер­ков­ных пра­вил в ду­хе Церк­ви Во­сточ­ной, а по­то­му на­сто­я­щею при­ви­ле­ги­ею сво­ею утвер­ждаю, чтобы церк­ви, ар­хи­манд­ри­ты, игу­ме­ны, мо­на­сты­ри и брат­ства в кня­же­стве Слуц­ком и дру­гих мо­их вла­де­ни­ях на веч­ные вре­ме­на непри­кос­но­вен­но, без вся­кой пе­ре­ме­ны бы­ли со­хра­ня­е­мы в со­вер­шен­ной сво­бо­де сво­е­го бо­го­слу­же­ния под вы­ше­озна­чен­ным Кон­стан­ти­но­поль­ским бла­го­сло­ве­ни­ем и во всех сво­их обы­ча­ях и об­ря­дах цер­ков­ных; на ме­сто уми­ра­ю­щих пре­сви­те­ров уни­а­ты не долж­ны быть по­став­ля­е­мы и уния на эти церк­ви не долж­на вво­дить­ся ни­ка­ким на­силь­ствен­ным или из­мыш­лен­ным спо­со­бом, но да бу­дет им поз­во­ле­но для по­свя­ще­ния пре­сви­те­ров, от­но­ся­щих­ся к вла­ды­кам их не уни­а­там, в ко­роне и Лит­ве на­хо­дя­щим­ся, а за недо­стат­ком их ез­дить за гра­ни­цу без вся­ко­го пре­пят­ство­ва­ния и ма­лей­ше­го за­труд­не­ния. Все это со­дер­жать, как са­ма обе­ща­ла ду­хо­вен­ству Слуц­ко­му; и пре­ем­ни­ков сво­их обя­зы­ваю эту при­ви­ле­гию точ­но и непри­кос­но­вен­но со­блю­дать».* [*Вест­ник Бе­ло­рус­ско­го эк­зар­ха­та N 3, 1990].

Умер­ла бла­жен­ная Со­фия в воз­расте 26 лет 19 мар­та 1612 го­да при рож­де­нии до­че­ри, ко­то­рая не пе­ре­жи­ла свою мать. В па­мять о пра­вед­ной жиз­ни и бла­го­тво­ре­ни­ях кня­ги­ни она бы­ла по­гре­бе­на в Слуц­ком Свя­то-Тро­иц­ком мо­на­сты­ре. Гос­подь про­сла­вил свя­тую кня­ги­ню Со­фию нетле­ни­ем мо­щей и чу­до­тво­ре­ни­я­ми у гро­ба.

По­сле ок­тябрь­ской ре­во­лю­ции мо­щи свя­той Со­фии изъ­яли из мо­на­сты­ря и от­пра­ви­ли в Мин­ский му­зей, где они и пре­бы­ва­ли до на­ступ­ле­ния но­вых вре­мен.

Нетлен­ные мо­щи свя­той пра­вед­ной Со­фии, кня­ги­ни Слуц­кой по­чи­ва­ют ныне от­кры­то в Свя­то-Ду­хо­вом ка­фед­раль­ном со­бо­ре го­ро­да Мин­ска у се­вер­но­го при­де­ла в честь чу­до­твор­ной Мин­ской ико­ны Бо­жи­ей Ма­те­ри.

Свя­тая Со­фия про­сла­ви­лась три­на­дца­той из свя­тых жен. В хри­сти­ан­ской сим­во­ли­ке три­на­дцать – чис­ло по­бе­ды. И про­слав­ле­ние три­на­дца­той из свя­тых жен Ру­си яв­ля­ет­ся зна­ком по­бе­ды.

Имя по­след­ней из свя­тых жен Ру­си – Со­фия, Пре­муд­рость, и толь­ко бла­го­да­ря это­му да­ру от Гос­по­да смог­ла де­воч­ка, остав­ша­я­ся в год от ро­ду си­ро­той, вос­си­ять в лоне пра­во­слав­ной церк­ви. Пре­муд­рость Бо­жия на­пи­та­ла свое ча­до и укре­пи­ла. До 26 лет пра­вед­ная Со­фия успе­ла прой­ти свой да­ро­ван­ный ей свы­ше путь и стать для Рус­ской Церк­ви неча­ян­ной ра­до­стью. Свя­тая Со­фия Слуц­кая ста­но­вит­ся сре­ди жен свя­той Ру­си хра­ни­тель­ни­цей неча­ян­ной ра­до­сти. Хра­ни­тель­ни­ца – зна­чит ис­пол­ни­тель­ни­ца Бо­жи­его За­ко­на.

Не имея сво­их де­тей, сколь­ко она со­хра­ни­ла для Гос­по­да вер­ных сер­дец! Сей­час, ко­гда мно­гие ча­да Рус­ской Пра­во­слав­ной Церк­ви ока­за­лись неволь­но от­де­лен­ны­ми от Ма­те­ри Церк­ви и ис­ку­ша­е­мы­ми дру­ги­ми ре­ли­ги­я­ми, мо­лит­вен­ная по­мощь и за­ступ­ле­ние свя­той кня­ги­ни Слуц­кой осо­бен­но важ­ны. Ра­дость ду­хов­ная – дар Вос­крес­ше­го Хри­ста, один из се­ми бла­го­дат­ных да­ров Свя­то­го Ду­ха че­ло­ве­ку. Неча­ян­ная ра­дость – это неожи­дан­ная ра­дость. В зем­ной жиз­ни это ра­дость неожи­дан­но­го вы­здо­ров­ле­ния смер­тель­но боль­но­го че­ло­ве­ка, ра­дость встре­чи лю­бя­щих, ко­гда-то по­те­ряв­ших друг дру­га. Неча­ян­ная ра­дость не за­ви­сит от уси­лий че­ло­ве­ка – это бла­го­дат­ный дар свы­ше. В ду­хов­ном со­зна­нии рус­ско­го на­ро­да неча­ян­ная ра­дость свя­за­лась с име­нем Бо­жи­ей Ма­те­ри. Это вы­ра­зи­лось в про­слав­ле­нии Ее чу­до­твор­ной ико­ны «Неча­ян­ная Ра­дость»: Бо­жия Ма­терь да­ру­ет неча­ян­ную ра­дость бла­го­дат­но­го рас­ка­я­ния и ду­хов­но­го воз­рож­де­ния пре­ступ­ни­ку, мо­лив­ше­му­ся у Ее ико­ны каж­дый день пе­ред со­вер­ше­ни­ем сво­их пре­ступ­ле­ний. Бла­го­дать кос­ну­лась его серд­ца, и он уви­дел кап­ли кро­ви на те­ле Бо­гом­ла­ден­ца, рас­пи­на­е­мо­го че­ло­ве­че­ски­ми гре­ха­ми. И эту бла­го­дат­ную по­мощь ис­про­си­ла для него Ма­терь Бо­жия у Сво­е­го Сы­на. Нет гре­ха, по­беж­да­ю­ще­го ми­ло­сер­дие Бо­жие. Неис­то­щим ис­точ­ник Неча­ян­ной Ра­до­сти.

Ис­тин­ная ра­дость не ми­мо­лет­на, она веч­на. Здесь, на зем­ле, она лишь на­чи­на­ет­ся, чтобы пе­рей­ти в веч­ную жизнь с каж­дым но­си­те­лем ра­до­сти. Свя­тые же­ны рус­ские ис­пол­ни­ли сво­ей жиз­нью за­по­ведь Вос­крес­ше­го Хри­ста: «Ра­дуй­тесь», они во­пло­ти­ли дар ду­хов­ной ра­до­сти, ис­хо­дя­щей от Са­мой Все­ра­дост­ной Ра­до­сти Ма­те­ри Бо­жи­ей, и это ста­ло за­ло­гом об­ру­че­ния веч­ной ра­до­сти.

Путь свя­тых рус­ских жен от свя­той рав­ноап­о­столь­ной Оль­ги, в Кре­ще­нии Еле­ны, до свя­той пра­вед­ной Со­фии вы­ра­жа­ют их име­на: от Еле­ны («фа­кел»), ог­ня Ду­хов­но­го, воз­го­рев­ше­го­ся в серд­цах рус­ских жен с при­ня­ти­ем Кре­ще­ния, – к Со­фии, Пре­муд­ро­сти Бо­жи­ей.

Богослужения

Служба святой праведной Софии, княгине Слуцкой

Текст утвержден Священным Синодом
Русской Православной Церкви
25 декабря 2013 года (журнал № 146)

Ме́сяца ма́рта в 19-день
Святы́я пра́ведныя Софи́и, княги́ни Слу́цкия

НА ВЕЛИ́ЦЕЙ ВЕЧЕ́РНИ

Блаже́н муж: 1-й антифо́н. На Го́споди, воззва́х: стихи́ры, глас 8:

Богоблаже́нная честна́я княги́не Софи́е,/ ми́лование ко и́скреннему/ и любо́вь я́же к Бо́гу стяжа́ла еси́,/ сего́ ра́ди благода́ть Бо́жия/ оби́льно на тебе́, ма́ти, пребы́сть.// Те́мже моли́твами твои́ми сохрани́ ве́рою блажа́щия тя.

Мо́щи твоя́ благода́тию Бо́жиею/ слепы́м прозре́ние источа́ют/ и подаю́т исцеле́ние всем, приходя́щим с ве́рою/ и прося́щим посеще́ния твоего́,/ ма́ти досточу́дная Софи́е,/ гра́да Слу́цка похвало́ и всея́ земли́ Белору́сския украше́ние./ Те́мже моли́твами твои́ми// испроси́ нам ве́лию ми́лость.

Блаже́нная Софи́е богому́драя,/ предстоя́щи с небожи́тели Престо́лу Влады́ки и Го́спода,/ непреста́нно мо́лишися о нас/ и хода́тайствуеши о всех, притека́ющих к тебе́ с ве́рою и любо́вию./ Те́мже, я́ко неусы́пну моли́твенницу и те́плую засту́пницу,// тя почита́ем вси, преди́вная.

Блаже́нная Софи́е,/ бога́тно доброде́тельми украси́лася еси́ в жи́зни вре́менней,/ смире́нием, кро́тостию, трудолю́бием и нестяжа́тельностию./ Те́мже, я́ко испо́лнену бы́вшу на земли́/ вели́ких дарова́ний Бо́жиих,// ублажа́ем тя вси, преди́вная.

О блаже́нная пра́ведная Софи́е!/ От ю́ных лет сосу́д избра́нный яви́ тя Госпо́дь,/ стоя́нием в ве́ре правосла́вней,/ терпе́нием, моли́твою, ми́лостынею,/ чистото́ю душе́вною и теле́сною./ Те́мже Небе́сному Царю́ и Влады́це всех угоди́ла еси́,/ Ему́же ны́не моли́ся// дарова́ти нам мир и ве́лию ми́лость.

Всяк язы́к да подви́жится/ к благохвале́нию пресла́вныя ма́тере на́шея Софи́и:/ ю́ноши же и де́вы, супру́ги и вдови́цы,/ Христо́ву уго́дницу и пра́ведницу похвала́ми велича́им,/ ре́вностно бо потруди́вшися/ и сла́бость же́нскую отве́ргши,/ ми́лостынею и храмозда́нием/ благоле́пие земли́ Слу́цкия умно́жила есть./ И, пресве́тлым Небе́сным венце́м украси́вшися,/ про́сит у Христа́ Бо́га/ Це́ркви единомы́слие и ми́рови мир,// и душа́м на́шим ве́лию ми́лость.

Сла́ва, глас то́йже:

Боле́зни терпя́щи,/ прия́ла еси́ благода́ть/ неду́ги душе́вныя и теле́сныя исцеля́ти,/ ма́ти честна́я Софи́е,/ и ду́хи нечи́стыя моли́твами прогоня́ти,/ всем же скорбя́щим пред Бо́гом предста́тельствовати.// Сего́ ра́ди испроси́ исцеле́ния нам и ве́лия ми́лости.

И ны́не, Богоро́дичен: Царь Небе́сный:

Вход. Проки́мен дне. И чте́ния три́.

Прему́дрости Соломо́новы чте́ние (глава́ 3):

Пра́ведных ду́ши в руце́ Бо́жией,/ и не прико́снется их му́ка./ Непщева́ни бы́ша во очесе́х безу́мных умре́ти,/ и вмени́ся озлобле́ние исхо́д их./ И е́же от нас ше́ствие – сокруше́ние,/ они́ же суть в ми́ре./ И́бо пред лице́м челове́ческим, а́ще и му́ку прии́мут,/ упова́ние их безсме́ртия испо́лнено./ И вма́ле нака́зани бы́вше, вели́кими благоде́тельствовани бу́дут,/ я́ко Бог искуси́ я́ и обре́те их досто́йны Себе́./ Я́ко зла́то в горни́ле, искуси́ их/ и, я́ко всепло́дие же́ртвенное, прия́т я́./ И во вре́мя посеще́ния их возсия́ют/ и, я́ко и́скры по сте́блию, потеку́т./ Су́дят язы́ком и облада́ют людьми́,/ и воцари́тся Госпо́дь в них во ве́ки./ Наде́ющиися Нань разуме́ют и́стину/ и ве́рнии в любви́ пребу́дут Ему́,/ я́ко благода́ть и ми́лость в преподо́бных Его́/ и посеще́ние во избра́нных Его́.

Прему́дрости Соломо́новы чте́ние (главы́ 5 и 6):

Пра́ведницы во ве́ки живу́т, и в Го́споде мзда их,/ и попече́ние их у Вы́шняго./ Сего́ ра́ди прии́мут Ца́рствие благоле́пия/ и вене́ц добро́ты от руки́ Госпо́дни,/ зане́ десни́цею покры́ет я́ и мы́шцею защити́т их./ Прии́мет всеору́жие рве́ние Свое́/ и вооружи́т тварь в месть враго́м./ Облече́тся в броня́ пра́вды/ и возложи́т шлем, суд нелицеме́рен./ Прии́мет щит непобеди́мый, преподо́бие./ Поостри́т же напра́сный гнев во ору́жие;/ спобо́рет же с ним мир на безу́мныя./ По́йдут праволу́чныя стре́лы мо́лниины/ и, я́ко от благокру́гла лу́ка облако́в, на наме́рение полетя́т./ И от каменоме́тныя я́рости испо́лнь паду́т гра́ды,/ вознегоду́ет на них вода́ морска́я,/ ре́ки же потопя́т я́ на́гло./ Сопроти́в ста́нет им дух cи́лы/ и, я́ко ви́хор, разве́ет их,/ и опустоши́т всю зе́млю беззако́ние,/ и злоде́йство преврати́т престо́лы си́льных./ Слы́шите у́бо, ца́рие, и разуме́йте,/ навы́кните, судии́ конце́в земли́./ Внуши́те, держа́щии мно́жества/ и гордя́щиися о наро́дех язы́ков,/ я́ко дана́ есть от Го́спода держа́ва вам/ и си́ла от Вы́шняго.

Прему́дрости Соломо́новы чте́ние (глава́ 4):

Пра́ведник, а́ще пости́гнет сконча́тися, в поко́и бу́дет./ Ста́рость бо честна́ не многоле́тна,/ ниже́ в числе́ лет исчита́ется./ Седи́на же есть му́дрость челове́ком,/ и во́зраст ста́рости житие́ нескве́рное./ Благоуго́ден Бо́гу быв, возлю́блен бысть,/ и живы́й посреде́ гре́шник преста́влен бысть./ Восхище́н бысть, да не зло́ба измени́т ра́зума его́,/ или́ лесть прельсти́т ду́шу его́./ Раче́ние бо зло́бы помрача́ет до́брая,/ и паре́ние по́хоти пременя́ет ум незло́бив./ Сконча́вся вма́ле, испо́лни ле́та до́лга./ Уго́дна бо бе Го́сподеви душа́ его́,/ сего́ ра́ди потща́ся от среды́ лука́вствия./ Лю́диe же ви́девше и не разуме́вше,/ ниже́ поло́жше в помышле́нии таково́е./ Я́ко благода́ть и ми́лость в преподо́бных Его́,/ и посеще́ние во избра́нных Его́.

На лити́и стихи́ра, глас 8:

Достохва́льная и блаже́нная Софи́е,/ честна́го ко́рене порожде́ние свя́то,/ прему́дрости соиме́нна еси́,/ благи́ми де́лы украси́лася еси́,/ ми́лостынями, чистото́ю и пра́вдою/ сосу́д Свята́го Ду́ха была́ еси́./ И́мже де́йствуеши пресла́вная чудеса́,/ ве́рою приходя́щим к ра́це моще́й твои́х,// и мо́лишися о душа́х на́ших.

Сла́ва, и ны́не, Богоро́дичен, глас 5: Храм и дверь еси́:

На стихо́вне стихи́ры, глас 1:

Сла́вы отце́в вои́стину возжела́вши,/ ве́ру правосла́вную возлюби́ла еси́,/ те́мже отсту́пльши нечести́вых,/ житие́м твои́м Бо́гу усе́рдно послужи́ла еси́,/ Софи́е богому́драя,/ и ны́не на Небесе́х прие́млеши мзду,// со Христо́м ца́рствующи.

Стих: Честна́ пред Го́сподем// смерть преподо́бных Его́.

В приста́нище Боже́ственное устреми́вшися,/ прешла́ еси́ во́лны мирски́х мяте́жей:/ и души́ своея́ кора́бль, всечестна́я,// невреди́мь от потопле́ния грехо́внаго сохрани́ла еси́.

Стих: Ди́вен Бог во святы́х Свои́х,// Бог Изра́илев.

Ра́ка моще́й твои́х, блаже́нная княги́не Софи́е,/ я́коже сокро́вище честно́е яви́ся,/ ю́же обстоя́ще,/ исцеле́ние неду́гом на́шим// моли́твами твои́ми прие́млем.

Сла́ва, глас 6:

Возсия́ днесь со́лнца светле́йше,/ свяще́нное твое́ торжество́, Софи́е пра́ведная,/ земли́ Слу́цкия похвало́,/ су́щим во тьме ду́ши озаря́ющее,/ мрак же бесо́вский всегда́ отгоня́ющее,// досточу́дная.

И ны́не, Богоро́дичен:

Богоро́дице, Ты еси́ лоза́ и́стинная,/ возрасти́вшая нам Плод живота́./ Тебе́ мо́лимся: моли́ся, Влады́чице,/ со святы́ми апо́столы,// поми́ловати ду́ши на́ша.

Тропа́рь, глас 5:

Свята́я пра́ведная ма́ти Софи́е,/ нетле́нием моще́й и чуде́с сия́нием почти́ тя Бог;/ и мы, помина́юще твое́ пра́ведное житие́,/ мо́лим тя испроси́ти/ телесе́м на́шим здра́вие// и душа́м спасе́ние.

Сла́ва, и ны́не, Богоро́дичен: Ра́дуйся, две́ре Госпо́дня непроходи́мая:

НА У́ТРЕНИ

На Бог Госпо́дь: тропа́рь то́йже.

По 1-м стихосло́вии седа́лен, глас 5:

Му́жески по́двиги воздержа́нием претерпе́вши,/ низложи́ла еси́ многоко́зненнаго/ и, в терпе́нии пожи́вши благоче́стно,/ пра́ведная Софи́е княги́не Слу́цкая,/ ны́не прешла́ еси́ к Бо́гу,/ моля́щися о соверша́ющих свяще́нное твое́ торжество́. Два́жды.

Сла́ва, и ны́не, Богоро́дичен:

Всенепоро́чная ма́ти, возсия́й ми покая́ния лучу́/ и, разори́вши мрак безме́рных мои́х зол,/ лука́выя отжени́, Де́во, по́мыслы се́рдца моего́.

По 2-м стихосло́вии седа́лен, глас 2:

Се ра́ка даро́в благода́тных, се исто́чник целе́бный,/ святы́я показа́шася мо́щи,/ те́мже прииди́те, ве́рнии, усе́рдно почерпне́м ны́не:/ боля́щии – исцеле́ния, и и́же во ско́рбех – ра́дости./ Моли́твами блаже́нныя Софи́и Слу́цкия,/ Го́споди, Це́рковь на́шу неруши́му сохрани́.

Сла́ва, и ны́не: Преблагослове́нна еси́:

Велича́ние:

Велича́ем тя,/ свята́я пра́ведная княги́не Софи́е,/ и чтим святу́ю па́мять твою́,/ ты бо мо́лиши за нас// Христа́ Бо́га на́шего.

Псало́м избра́нный:

Терпя́ потерпе́х Го́спода, и внят ми, и услы́ша моли́тву мою́.

Поста́ви на ка́мени но́зе мои́, и испра́ви стопы́ моя́.

По полиеле́и седа́лен, глас 8:

Предызбра́нная от Бо́га, пра́ведная Софи́е,/ ко приста́нищу жи́зни наставля́ема,/ жития́ бу́рю претекла́ еси́./ И ны́не со А́нгелы песносло́вящи Изба́вителя,/ моли́ непреста́нно о нас,/ я́ко да благода́ть и ми́лость обря́щем у Христа́, Бо́га на́шего. Два́жды.

Сла́ва, и ны́не, Богоро́дичен:

Ра́дуйся, А́нгелом ра́дость ми́ра прие́мшая./ Ра́дуйся, ро́ждшая Творца́ Твоего́ и Го́спода./ Ра́дуйся, сподо́бльшаяся бы́ти Ма́ти Бо́жия.

Степе́нна, 1-й антифо́н 4-го гла́са. Проки́мен, глас 4: Ди́вен Бог во святы́х свои́х,// Бог Изра́илев. Стих: В це́рквах благослови́те Бо́га, Го́спода от исто́чник Изра́илевых. Ева́нгелие от Матфе́я, зача́ло 104.

По 50-м псалме́ стихи́ра, глас 6:

Возсия́ днесь со́лнца светле́йше,/ свяще́нное твое́ торжество́, Софи́е пра́ведная,/ земли́ Слу́цкия похвало,/ су́щим во тьме ду́ши озаря́ющее,/ мрак же бесо́вский всегда́ отгоня́ющее,// досточу́дная.

Кано́н, глас 8.

Песнь 1

Ирмо́с: Колесницегони́теля фарао́ня погрузи́/ чудотворя́й иногда́/ Моисе́йский жезл, крестообра́зно порази́в/ и раздели́в мо́ре:/ Изра́иля же беглеца́, пешехо́дца спасе́,// песнь Бо́гови воспева́юща.

Стра́стными бу́рями всю́ду погружа́ему, и помышле́нии грехо́вными коле́блему,/ ко приста́нищу ти́хому Христо́вых за́поведей, моли́твами твои́ми, пра́ведная Софи́е, мя напра́ви,/ да досто́йно тя воспою́.

Боже́ственными добро́тами просвеще́на, богоблаже́нная Софи́е,/ Сло́ву Преве́чному уневе́стилася еси́, пожи́вши богоуго́дне,/ и Того́ живоно́сным стопа́м после́довала еси́, ве́ру правосла́вную житие́м твои́м утвержда́ющи.

Боже́ственных оте́ц наказа́нию после́довала еси́, сла́вная Софи́е,/ и сих нра́ву чи́сте поревнова́ла еси́, по зако́ну Бо́жию пра́ведно пожи́вши,/ до́брыми де́лы Бо́гу угоди́вши, богому́драя, и и́стинным смире́нием.

Богоро́дичен: Боже́ственную ста́мну и трапе́зу, Хлеб живо́тный поне́сшую,/ неде́ланную ни́ву, го́ру святу́ю, Богоро́дицу Де́ву пе́сньми просла́вим.

Песнь 3

Ирмо́с: Небе́снаго кру́га Верхотво́рче Го́споди,/ и Це́ркве Зижди́телю,/ Ты мене́ утверди́ в любви́ Твое́й,/ жела́ний кра́ю, ве́рных утвержде́ние,// Еди́не Человеколю́бче.

В Небе́сныя черто́ги светоза́рныя всели́вшися,/ исцеле́ния нам ре́ки источа́еши, прему́драя Софи́е, стра́стная тече́ния изсуша́ющи.

Украси́лася еси́ жела́нием кра́йним, жела́ющи Христа́,/ премно́жеством благосе́рдия пло́тию обнища́вшаго,/ и после́довала еси́ живо́тным Его́ словесе́м, жите́йская вся кра́сная возненави́девши.

Позлаще́нне криле́ доброде́тели стяжа́вши,/ на высоту́ Небе́сную возлете́ла еси́, блаже́нная Софи́е, я́ко голуби́ца непоро́чная.

Богоро́дичен: Род челове́ческий спасе́ся, Всенепоро́чная, всесла́вным Рождество́м Твои́м:/ те́мже чтим Тя, и благоче́стно ублажа́ем, Пречи́стая Де́во Богора́дованная.

Седа́лен, глас 4:

Добро́тами боже́ственными преукра́шена/ и нетле́нием святы́х моще́й твои́х от Бо́га просла́влена, пра́ведная Софи́е,/ к Нему́ в нетле́нный черто́г вошла́ еси́,/ иде́же мо́лишися непреста́нно спасти́ся от вся́кия беды́ любо́вию тя почита́ющим.

Сла́ва, и ны́не, Богоро́дичен:

Чи́стая, Всенепоро́чная и Неискусобра́чная Де́во,/ еди́на Безле́тное Сло́во Бо́жие в ле́то ро́ждшая:/ Того́ со святы́ми и честны́ми апо́столы, му́ченики и проро́ки, и преподо́бными/ моли́ дарова́ти нам очище́ние и ве́лию ми́лость.

Песнь 4

Ирмо́с: Услы́шах Го́споди,/ смотре́ния Твоего́ та́инство:/ разуме́х дела́ Твоя́,// и просла́вих Твое́ Божество́.

Све́тлое твое́ торжество́, све́том Ду́ха Бо́жия сия́ющее,/ озаря́ет ду́ши на́ша, ве́рою пою́щих тя, Софи́е пра́ведная.

Чудесы́ боже́ственными уве́рила еси́ неве́дущих Влады́ку Христа́,/ и к позна́нию Того́ обрати́ла еси́ пре́лести тьму оста́вльших.

Да́ры Христу́ принесла́ еси́, моли́твы и труды́ воздержа́ния:/ сего́ ра́ди прия́ла еси́ Небе́сное Ца́рство, Софи́е, и ве́чнующее наслажде́ние.

Богоро́дичен: Смири́вши спаси́ мя, высокому́дрием живу́щаго,/ ро́ждшая Возне́сшаго смири́вшееся естество́ на́ше, Пречи́стая.

Песнь 5

Ирмо́с: У́тренююще вопие́м Ти,/ Го́споди, спаси́ ны:/ Ты бо еси́ Бог наш,// ра́зве Тебе́ ино́го не ве́мы.

Рука́ма твои́ма преподо́бно воздвиза́емыма к Зижди́телю,/ ма́ти Софи́е, вра́жия шата́ния низложи́ла еси́.

Удержа́в ру́ку твою́ десну́ю Вы́шний,/ наста́вил тя есть, ма́ти, к Небе́сному наслажде́нию.

Стезю́ те́сную проше́дши в житии́ твое́м,/ к широте́ приспе́ла еси́ ра́йстей, Софи́е всечестна́я.

Богоро́дичен: И́же Богоро́дицу Тя неве́дущии, Богома́ти,/ Све́та не и́мут ви́дети Ро́ждшагося из Тебе́, Пречи́стая.

Песнь 6

Ирмо́с: Ри́зу мне пода́ждь све́тлу,/ одея́йся све́том я́ко ри́зою,// многоми́лостиве Христе́ Бо́же наш.

Умертви́вши двиза́ния плотска́я, над страстьми́ вельми́ воцари́лася еси́,/ и ны́не, всечи́стая Софи́е, в безстра́стных живе́ши све́тлостех.

О́бразу Спа́сову навы́кла еси́ покланя́тися, сла́вная,/ де́лы и словесы́ твои́ми спаси́тельная Его́ соблюда́ющи уче́ния.

О́блак тя Христо́с показа́, ма́ти Софи́е,/ дождь источа́ющий живо́тный ве́рою притека́ющим к тебе́, пресла́вная.

Богоро́дичен: Красе́н па́че всех челове́к Сын Твой, Пречи́стая, добро́тою Божества́,/ а́ще и плоть бысть нас ра́ди.

Конда́к, глас 4:

Прииди́те, вся ру́сския жены́,/ святу́ю Софи́ю восхва́лим,/ уподо́бившуюся му́дрым де́вам,/ еле́й благода́ти Ду́ха Свята́го стяжа́вшим;/ те́мже умудри́ ю́ Госпо́дь/ подвиза́тися во утвержде́ние святы́я правосла́вныя ве́ры/ и соблюда́ти Це́рковь Его́/ незы́блему от ересе́й и раско́лов,/ сего́ ра́ди благода́рне воспои́м ей:/ ра́дуйся, гра́да Слу́цка и всея́ земли́ на́шея// ра́досте и утвержде́ние.

И́кос:

Струи́ мне сло́ва даждь, Бо́же мой, и исто́чник благочи́ния сотвори́ мой ум,/ и благослови́ язы́к мой, да воспою́ уго́дницу Твою́ Софи́ю богому́друю,/ ю́же венча́л еси́ бла́гостию Твое́ю:/ а́ще бо Сам не да́си ми сло́ва досто́йнаго,/ ка́ко принесу́ дар, ни́щий сый,/ те́мже пода́ждь ми си́лу, испове́дати ея по́двиги,/ кре́пко бо зве́ри мы́сленныя победи́ла есть./ Моли́твами ея́, Спа́се, утверди́ и моя́ помышле́ния.

Песнь 7

Ирмо́с: О́троцы евре́йстии в пещи́/ попра́ша пла́мень дерзнове́нно,/ и на ро́су огнь преложи́ша, вопию́ще:// благослове́н еси́, Го́споди Бо́же, во ве́ки.

О добро́те тле́ющей, Софи́е блаже́нная, зде небрегла́ еси́,/ сматря́ющи та́мо су́щая воздая́ния и свет,/ и сла́ву Бо́жию нестаре́ющуюся и красоту́, и Боже́ственное селе́ние.

Ра́зум боголюби́в стяжа́ла еси́, Софи́е,/ и, во пло́ти су́щи, А́нгелом уподо́билася еси́, бдя́щи бо́дренне и любо́вию пою́щи:/ благослове́н еси́, Го́споди Бо́же, во ве́ки.

Богоро́дичен: Виждь скорбь мою́, Де́во, ю́же ми наведе́ мно́жество зол мои́х,/ и родства́ о́гненнаго исхити́ мя, вопию́щаго:/ благослове́н еси́, Го́споди Бо́же, во ве́ки.

Песнь 8

Ирмо́с: Богоглаго́ливии о́троцы в пещи́/ со огне́м пла́мень попира́юще, поя́ху:// благослови́те, дела́ Госпо́дня, Го́спода.

Укра́шена сия́нием чистоты́, и чи́стым житие́м просвеще́на,/ Софи́е Богому́драя, предстои́ши Христу́ Бо́гу на́шему.

Боле́зни разли́чныя врачу́ет челове́ков, и отгоня́ет бесо́вския напа́сти/ те́ло твое́ свято́е, в ра́це пресла́вно храни́мое.

Свяще́нная же́ртва принесла́ся еси́, и приноше́ние све́тлое, пра́ведная княги́не Софи́е,/ я́ко кади́ло благоуха́нное, всех Влады́це Христу́ Бо́гу на́шему.

Богоро́дичен: Без истле́ния Сло́во па́че словесе́ родила́ еси́,/ тле́ния вся́каго нас избавля́ющее:/ сего́ ра́ди Тя, Де́во, ве́рою велича́ем.

Песнь 9

Ирмо́с: Устраши́ся всяк слух/ неизрече́нна Бо́жия снизхожде́ния,/ я́ко Вы́шний во́лею сни́де да́же и до пло́ти,/ от деви́ческаго чре́ва быв челове́к.// Те́мже Пречи́стую Богоро́дицу ве́рнии велича́ем.

Возжеле́ла еси́ добро́ту мы́сленную Христо́ву, и чи́сто возлюби́ла еси́ Его́./ Где почива́еши? где ли пасе́ши? –/ те́пле вопия́ла еси́, – да почи́ю у Тебе́, и в Твои́х све́тлостех наслажду́ся,/ велича́ющи Твою́ бла́гость.

Ра́зум име́ла еси́ в твое́й души́, и смире́ние, и боже́ственную кро́тость,/ ве́ру несумне́нну, и наде́жду и любо́вь, я́же к Бо́гу,/ всено́щными моли́твами предстоя́вши Ему́,/ и Небе́сными све́тлостьми, блаже́нная Софи́е, озаря́ема и просвеща́ема.

Днесь собра́шася лю́дие/ хвала́ми возвели́чити Го́спода, возвели́чившаго твое́ свято́е торжество́:/ в не́мже помина́й нас, помина́ющих тя,/ предстоя́щи Христу́, пра́ведная Софи́е и всечестна́я.

Богоро́дичен: Пощади́ мя, Бо́же, рожде́йся от Де́вы, егда́ ся́деши суди́ти дела́ моя́,/ и Тоя́ моли́твами пре́зри беззако́ния и грехи́ моя́, я́ко Благ и Многоми́лостив.

Свети́лен:

Кня́зя утаи́вшися студа́, и сего́ в прему́дростнем о́бразе показа́ безу́мна,/ жена́ су́щи душе́ю и те́лом, возсия́ла еси́ я́ко муж ра́зумом и ве́рою,/ ма́ти Софи́е, жен пра́ведных украше́ние.

Сла́ва, и ны́не, Богоро́дичен:

День мне возсия́й разу́мнаго весе́лия,/ Ты бо еси́, Чи́стая, свет и живо́т, су́щих во тьме:/ вся бо, а́ще хо́щеши, твори́ти мо́жеши, я́ко су́щи всех Влады́чица.

На хвали́тех стихи́ры, глас 4:

Свяще́нное жили́ще Бо́гу/ воздви́гла еси́, бы́вши храм Свята́го Ду́ха,/ всему́драя, чистото́ю душе́вною,/ и путеводи́ла еси́ ду́ши к Ца́рствию Небе́сному,/ и принесла́ еси́ сия́, я́коже дар Христу́,// о Софи́е пресла́вная.

Отрокови́цы возлюби́ша Неве́стника и Го́спода,/ уче́нию твое́му покаря́ющияся,/ и плотску́ю презре́вше сла́бость,/ усе́рдием благоче́стно стра́сти победи́ша,/ и введо́шася с тобо́ю, о Софи́е,/ в черто́г Небе́сный и Боже́ственный,// всегда́ веселя́щеся.

Ми́лость име́ла еси́ ве́лию к бе́дствующим,/ любо́вь же и́стинную к Бо́гу,/ сего́ ра́ди благода́ть Христо́ва/ в тебе́, ма́ти, почи́ла есть,/ те́мже твои́ми моли́твами// сохрани́ ве́рою блажа́щия тя.

Ра́ка твоя́ честна́я,/ в не́йже почива́еши моща́ми ны́не,/ источа́ет всем исцеле́ние,/ ве́рою притека́ющым к тебе́,/ ма́ти честна́я и досточу́дная. /Те́мже твои́ми моли́твами// спаса́й нас, пою́щих тя.

Сла́ва, глас 8:

О, пресла́внаго чудесе́!/ Усе́рдно себе́ Бо́гу предала́ еси́,/ ни́ву се́рдца твоего́ очи́стивши/ от те́рния душевре́дных страсте́й,/ за́поведи Бо́жия испо́лнила еси́,/ и Творца́ ми́лостынею уми́лостивила еси́,/ сего́ ра́ди сугу́бое воздая́ние/ от Бо́га получи́ла еси́,/ Софи́е, княги́не богоблаже́нная,/ моли́ Христа́ Бо́га// дарова́ти нам ве́лию ми́лость.

И ны́не, Богоро́дичен:

Арха́нгела Гаврии́ла глас восприи́мше, рцем:/ ра́дуйся, ма́ти Бо́жия,// я́же Жизнода́вца Христа́ ми́ру ро́ждши.

НА ЛИТУРГИ́И

Блаже́нны от кано́на, пе́сни 3-я и 6-я. Проки́мен, глас 4: Ди́вен Бог во святы́х Свои́х,// Бог Изра́илев. Стих: В це́рквах благослови́те Бо́га, Го́спода от исто́чник Изра́илевых. Апо́стол к Гала́том, зача́ло 208. Аллилу́ия, глас 1: Спасе́ние пра́ведных от Го́спода, и Защи́титель их есть во вре́мя ско́рби. Ева́нгелие от Ма́рка, зача́ло 21. Прича́стен: Ра́дуйтеся, пра́веднии, о Го́споде:

Моли́тва

О, свята́я пра́ведная ма́ти на́ша, блаже́нная княги́не Софи́е, приими́ ми́лостивно приноше́ние ве́ры, наде́жды и любве́ на́шея и вознеси́ е́ ко Го́споду, и я́коже в земне́м животе́ твое́м была́ еси́ помо́щница и засту́пница всем правосла́вным христиа́ном земли́ твоея́, та́ко и ны́не укрепи́ нас тве́рдо и непоколеби́мо до сме́рти стоя́ти за ве́ру правосла́вную, согре́й сердца́ на́ша любо́вию ко Го́споду и Пречи́стей Его́ Ма́тери. Умоли́ Христа́ Бо́га на́шего, да сохрани́т Це́рковь Свою́ Святу́ю от раско́лов и ересе́й, да утверди́т в ней дух пра́выя ве́ры и благоче́стия, дух ве́дения и любве́, дух ми́ра и ра́дости ве́чныя, да вся ча́да ея́ ду́хом и и́стиною покланя́ются Ему́, да укрепи́т ве́рных в благоче́стии и свя́тости жи́зни, да обрати́т отпа́дших от Правосла́вныя Це́ркве во свята́я не́дра ея́. О свята́я ма́ти, гра́да Слу́цка похвало́ и ра́досте, умоли́ Го́спода, да изба́вит град твой и всю страну́ на́шу от гла́да, тру́са, пото́па, огня́, меча́, наше́ствия иноплеме́нных и междоусо́бныя бра́ни, от смертоно́сныя я́звы, да низпо́слет прави́телем на́шим усе́рдие, му́дрость и ве́рность, да управля́ют и су́дят по во́ле Его́, да храня́т установле́ния Святы́я Це́ркве. Испроси́ всем с ве́рою притека́ющим к ра́це святы́х моще́й твои́х ми́рное житие́, тишину́, просвеще́ние умо́в и серде́ц, соблюди́ их от ко́зней вра́жиих, от собла́знов ми́ра, во зле лежа́щаго, и от вся́кия ско́рби и ну́жды, обрати́ нас к покая́нию и исправле́нию, да́руй заблу́ждшим и́стины позна́ние, неду́гующим исцеле́ние. Сохрани́ нас благода́тными твои́ми моли́твами от всех враго́в ви́димых и неви́димых и изба́ви от вся́каго зла, да просла́вим во вся дни жи́зни на́шея Отца́, и Сы́на, и Свята́го Ду́ха, и твое́ заступле́ние во ве́ки веко́в. Ами́нь.

Молитвы

Тропарь праведной Софии, княжне Слуцкой, глас 5

Блаже́нная ма́ти Софи́е,/ нетле́нием моще́й и чуде́с сия́нием почти́ тя Бог;/ помина́юще твое́ пра́ведное житие́,/ тя мо́лим испроси́ти// телесе́м на́шим здра́вие и душа́м спасе́ние.

Перевод: Блаженная мать София, Бог почтил тебя нетлением мощей и сиянием чудес, вспоминая твою праведную жизнь, молим тебя испросить у Бога здоровья для наших тел и спасения нашим душам.

Каноны и Акафисты

Акафист святой праведной Софии, княгине Слуцкой

Праведная София Слуцкая, княжна

Текст акафиста утвержден решением
Священного Синода от 26 декабря 2019 года (журнал № 163).

Кондак 1

Избра́нная о́трасле благочести́ваго и дре́вняго кня́жескаго ро́да, свята́я пра́ведная ма́ти на́ша Софи́е, похва́льная пе́ния со умиле́нием воспева́ем ти, ты же, я́ко иму́щая ве́лие дерзнове́ние ко Го́споду, потщи́ся, да изба́вит от бед и скорбе́й ны, зову́щия: Ра́дуйся, пра́ведная Софи́е, свята́я моли́твеннице о душа́х на́ших.

Икос 1

А́нгельскою любо́вию горя́щи ко Го́споду от младе́нчества твоего́, Софи́е пра́ведная, а́ще и роди́тельскаго воспита́ния не име́вшая, в ве́ре и благоче́стии возраста́ла еси́ под покро́вом Ма́тере Бо́жия. Мы же таково́е о тебе́ Бо́жие смотре́ние прославля́юще, взыва́ем ти:

Ра́дуйся, роди́телей благоро́дных ча́до боголюбе́зное;

ра́дуйся, не челове́ческим, но Боже́ственным смотре́нием опека́емая.

Ра́дуйся, в младе́нстве осироте́вшая, Го́сподом же не оста́вленная;

ра́дуйся, под покро́вом Пресвяты́я Богоро́дицы всегда́ храни́мая.

Ра́дуйся, пра́ведная жено́, Прему́дрости соиме́нная;

ра́дуйся, я́ко по и́мени твое́м и житие́ твое́ просла́вися.

Ра́дуйся, Христо́вой му́дрости нас науча́ющая;

ра́дуйся, о́браз и́стинныя му́дрости нам показу́ющая.

Ра́дуйся, в за́поведех Госпо́дних усе́рдно ходи́вшая;

ра́дуйся, в ско́рбех вре́менных утеше́ние благо́е получа́вшая.

Ра́дуйся, Христа́ Бо́га ча́до возлю́бленное;

ра́дуйся, пла́мень любве́ ко Го́споду в се́рдце свое́м возже́гшая.

Ра́дуйся, пра́ведная Софи́е, свята́я моли́твеннице о душа́х на́ших.

Кондак 2

Ви́дящи, свята́я Софи́е, по кончи́не роди́телей себе́ оста́вленну, ко оби́тели Супра́льской устреми́лася еси́ и та́мо ти́хое приста́нище обре́тши, не то́кмо усты́, но и се́рдцем вопия́ла еси́ Бо́гу: Аллилу́иа.

Икос 2

Ра́зум Богопросвеще́нный дарова́ся тебе́, свята́я пра́ведная Софи́е, и́мже проразуме́ла еси́ душепа́губную тще́тность и тле́нность земна́го бога́тства. И сия́ ве́дящи, Христа́ взыска́ти вседу́шно потща́лася еси́, те́мже велича́ем тя и взыва́ем тебе́ та́ко:

Ра́дуйся, с кня́жескою диади́мою вене́ц Христо́в соедини́вшая;

ра́дуйся, всем се́рдцем к жи́зни ве́чней устремле́нная.

Ра́дуйся, земны́я сла́сти в житии́ свое́м презре́вшая;

ра́дуйся, жи́тельство безконе́чное на небесе́х предызбра́вшая.

Ра́дуйся, в Ца́рствие Небе́сное путе́м у́зким и терни́стым ше́дшая;

ра́дуйся, чи́стая и непоро́чная голуби́це, к Го́рнему Ми́ру возлете́вшая.

Ра́дуйся, все упова́ние свое́ на Бо́га возложи́вшая;

ра́дуйся, любо́вию ко Го́споду при́сно пламене́ющая.

Ра́дуйся, вся кра́сная ми́ра ни во что же вмени́вшая;

ра́дуйся, и́стинную жизнь во Христе́ обре́тшая.

Ра́дуйся, ум свой горе́ устреми́вшая;

ра́дуйся, се́рдце твое́ жили́ще Ду́ха Свята́го соде́лавшая.

Ра́дуйся, пра́ведная Софи́е, свята́я моли́твеннице о душа́х на́ших.

Кондак 3

Си́лою Боже́ственныя благода́ти и до́брым произволе́нием хотя́щи отврати́ти сму́ту и братоуби́йство от земли́ своея́, свята́я Софи́е, по́двиг служе́ния и́стине в бра́це с иносла́вным му́жем прия́ла еси́, сего ра́ди благода́рно о тебе́ пое́м Го́сподеви: Аллилу́иа.

Икос 3

Иму́щи в се́рдце смире́ние ве́лие, в свя́тости и че́сти венча́лася еси́ с му́жем свои́м в правосла́внем хра́ме гра́да Бре́ста, пра́ведная Софие́. Сего́ ра́ди с любо́вию вопие́м ти:

Ра́дуйся, ра́ди ми́ра крестоноше́ние во бра́чном житии́ прие́мшая;

ра́дуйся, блаже́нная миротво́рице, ча́до Бо́жие наре́кшаяся.

Ра́дуйся, в супру́жестве благоче́стно пожи́вшая;

ра́дуйся, дома́шнюю це́рковь свою́ со стра́хом Бо́жиим созида́вшая.

Ра́дуйся, зако́на Христо́ва ре́вностная исполни́тельнице;

ра́дуйся, ни́ву се́рдца своего́ от те́рний душевре́дных очи́стившая.

Ра́дуйся, ду́шу слеза́ми покая́ния при́сно ороша́вшая;

ра́дуйся, моли́твенным по́двигом Бо́гу угоди́вшая.

Ра́дуйся, земли́ на́шея духо́вное сокро́вище;

ра́дуйся, Це́ркве Правосла́вныя многоце́нное украше́ние.

Ра́дуйся, десни́цею Бо́жиею превознесе́нная;

ра́дуйся, я́ко во смире́нии и кро́тости помяну́ тя Госпо́дь.

Ра́дуйся, пра́ведная Софи́е, свята́я моли́твеннице о душа́х на́ших.

Кондак 4

Бу́рю ви́дящи, воздвиза́емую на ве́ру Правосла́вную, со дерзнове́нием запове́дала еси́ сохрани́ти ю́ неврежде́нну во владе́ниих кня́жества Слу́цкаго, да ча́да твоя́ и весь наро́д, пра́ведная ма́ти на́ша Софи́е, правосла́вно возглаго́лют Христу́: Аллилу́иа.

Икос 4

Слы́шавше лю́дие правосла́внии о вели́цем благоче́стии твое́м, пресла́вная Софи́е, я́ко Бо́жиим хра́мом и оби́телем ще́дро благотвори́ла еси́, и та́ко те́плое благодаре́ние Го́сподеви возноша́ху, тебе́ же ра́достное хвале́ние приноша́ху, вопию́ще си́це:

Ра́дуйся, хра́мов правосла́вных ще́драя покрови́тельнице;

ра́дуйся, ри́зы свяще́нническия истка́вшая и зла́том пребога́то украси́вшая.

Ра́дуйся, за́поведи Христо́вы пра́ведно испо́лнившая;

ра́дуйся, благоле́пие церко́вное преи́скренне возлюби́вшая.

Ра́дуйся, земно́е бога́тство ни во что же вмени́вшая;

ра́дуйся, всемогу́щую си́лу благода́ти Бо́жия позна́вшая.

Ра́дуйся, градо́в Слу́цка и Ми́нска изря́дное украше́ние;

ра́дуйся, земли́ на́шея цве́те благоуха́нный.

Ра́дуйся, я́ко тобо́ю и́мя Бо́жие просла́вися;

ра́дуйся, благода́ти Христо́вы пресла́вное вмести́лище.

Ра́дуйся, ве́ры и́стинныя побо́рнице;

ра́дуйся, я́ко тобо́ю благ ве́чных сподобля́емся.

Ра́дуйся, пра́ведная Софи́е, свята́я моли́твеннице о душа́х на́ших.

Кондак 5

Боготе́чная звезда́ яви́лася еси́, свята́я княги́не Софи́е, во дни пра́зднеств престо́льных а́ки пало́мница богомо́льная посеща́ющи хра́мы Бо́жия земли́ Слу́цкия и та́мо в моли́тве взыва́ющи ко Го́споду: Аллилу́иа.

Икос 5

Ви́дящи, свята́я Софи́е, я́ко чистота́ ве́ры Правосла́вныя от разли́чных ко́зней и напа́стей попира́ется, устро́ила еси́ во гра́де Слу́цке бра́тство в честь Преображе́ния Госпо́дня, да вси тесни́мии и гони́мии тве́рдаго ра́ди стоя́ния в ве́ре Правосла́вней по́мощь и защище́ние та́мо обрета́ют. Те́мже вопие́м ти:

Ра́дуйся, ра́ди утвержде́ния ве́ры Правосла́вныя по́двиги духо́вныя подъе́мшая;

ра́дуйся, в зе́млях свои́х Правосла́вие на ве́ки сохрани́вшая.

Ра́дуйся, да́же до забве́ния себе́ Христо́ви ве́рная;

ра́дуйся, ве́ры на́шея испове́днице дерзнове́нная.

Ра́дуйся, о́браз тве́рдаго стоя́ния за ве́ру Христо́ву нам показа́вшая;

ра́дуйся, я́ко за сие́ угото́вася ти сокро́вище благ ве́чных.

Ра́дуйся, мно́гия ско́рби за ве́ру Правосла́вную прии́мшая;

ра́дуйся, венце́м испове́дничества от Го́спода украше́нная.

Ра́дуйся, пе́рвая от земли́ Слу́цкия к ли́ку святы́х причте́нная;

ра́дуйся, ско́рая помо́щнице всем, с моли́твой притека́ющим к тебе́.

Ра́дуйся, му́дрыми твои́ми глаго́лы ве́ру Правосла́вную утвержда́ющая;

ра́дуйся, во и́стиннем благоче́стии всех наставля́ющая.

Ра́дуйся, пра́ведная Софи́е, свята́я моли́твеннице о душа́х на́ших.

Кондак 6

Пропове́дница ве́лия показа́лася еси́, сла́вная Софи́е, труда́ми и боле́зньми твои́ми ве́ру Правосла́вную во граде Слуцке утверждающи, зе́мли же и ве́си, близ лежа́щия, сле́зными моли́твами ороша́ющи и облагоуха́ющи. Мы же, па́мять твою́ почита́юще, благода́рне взыва́ем ко Го́споду: Аллилу́иа.

Икос 6

Возсия́ па́че со́лнца доброде́тель твоя́ во гра́де Слу́цке, ма́ти на́ша Софи́е, я́ко всем в ну́ждах и печа́лех прибега́ющим к тебе́ засту́пница яви́лася еси́. Приими́ и нас, недосто́йных, с любо́вию вопию́щих ти си́це:

Ра́дуйся, всем правосла́вным кре́пкое прибе́жище;

ра́дуйся, си́льных ми́ра сего́ превозмо́гшая.

Ра́дуйся, от всех враг ви́димых и неви́димых изря́дная засту́пнице;

ра́дуйся, в разреше́нии мирски́х нестрое́ний ско́рая помо́щнице.

Ра́дуйся, дре́вняго гра́да Слу́цка похвало́;

ра́дуйся, сла́внаго гра́да Ми́нска утвержде́ние.

Ра́дуйся, Правосла́вия му́жественная ревни́тельнице;

ра́дуйся, гони́телей ве́ры на́шея неустраши́мая обличи́тельнице.

Ра́дуйся, о́браз любве́ и кро́тости яви́вшая;

ра́дуйся, друг дру́га тяготы́ носи́ти нас науча́ющая.

Ра́дуйся, на пути́ спасе́ния на́ше утвержде́ние;

ра́дуйся, в Ца́рствие Бо́жие благонаде́жное приведе́ние.

Ра́дуйся, пра́ведная Софи́е, свята́я моли́твеннице о душа́х на́ших.

Кондак 7

Хотя́й Госпо́дь во смире́нии и терпе́нии укрепи́ти тя, пра́ведная Софи́е, мно́гия ско́рби и смерть во младе́нстве чад твои́х попусти́, да просвети́шися, я́ко зла́то в горни́ле, и пое́ши Бо́гу: Аллилу́иа.

Икос 7

Но́вую показа́ла еси́ доброде́тель, свята́я Софи́е, воздви́гши храм в честь Пресвяты́я Богоро́дицы, Ея́же Ма́тернему попече́нию и уме́ршая ча́да своя́ вве́рила еси́, те́мже тя ублажа́ем та́ко:

Ра́дуйся, не от челове́к, но от Бо́га утеше́ние в ско́рбех получи́вшая;

ра́дуйся, Человеколю́бцу Бо́гу всю себе́ преда́вшая.

Ра́дуйся, лише́ния земна́я благоче́стно поне́сшая;

ра́дуйся, кончи́ну чад свои́х я́ко во́лю Бо́жию прие́мшая.

Ра́дуйся, до́брыми твои́ми де́лы просла́вленная;

ра́дуйся, пра́вым изволе́нием се́рдца и ума в жили́ще Боже́ственныя благода́ти предугото́вленная.

Ра́дуйся, терпе́ние кре́пкое и неуста́нное нам подаю́щая;

ра́дуйся, в ско́рбех су́щих луча́ми наде́жды осиява́ющая.

Ра́дуйся, на Го́спода упова́ние неизме́нно возложи́вшая;

ра́дуйся, вене́ц блага́го воздая́ния от Христа́ прии́мшая.

Ра́дуйся, кре́посте и утеше́ние в беда́х и ну́ждах на́ших;

ра́дуйся, ди́вная ма́ти, благи́я па́мяти досто́йная.

Ра́дуйся, пра́ведная Софи́е, свята́я моли́твеннице о душа́х на́ших.

Кондак 8

Стра́нствие земно́е соверши́вши, свята́я пра́ведная Софи́е, пло́тию преста́вилася еси́ от нас, ду́хом же с на́ми всегда́ пребыва́еши, да и мы с тобо́ю еди́неми усты́ и еди́нем се́рдцем уми́льно воспое́м Го́сподеви: Аллилу́иа.

Икос 8

Вси лю́дие правосла́внии воспева́ют тя по достоя́нию, достохва́льная Софи́е, Це́рковь же Христо́ва све́тло пра́зднует па́мять твою́ и песнь хвале́бную прино́сит ти си́це:

Ра́дуйся, ве́рность Христу́ до конца́ соблю́дшая;

ра́дуйся, Го́сподем не́ба и земли́ по преставле́нии ми́лостивно прия́тая.

Ра́дуйся, милосе́рдие Христо́во на небеси́ обре́тшая;

ра́дуйся, блаже́нства ве́чнаго дости́гшая.

Ра́дуйся, от злых волко́в ко Христу́, до́брому па́стырю. прибе́гшая;

ра́дуйся, во двор слове́сных ове́ц Его́ вше́дшая.

Ра́дуйся, в небе́сных оби́телех водворе́нная;

ра́дуйся, венце́м сла́вы от Бо́га увенча́нная.

Ра́дуйся, у Престо́ла Царя́ царе́й предстоя́щая;

ра́дуйся, со А́нгелы и все́ми святы́ми за ны моля́щаяся.

Ра́дуйся, у Престо́ла Святы́я Тро́ицы на́ша предста́тельнице;

ра́дуйся, земны́х и небе́сных благ пред Го́сподем нам усе́рдная хода́таице.

Ра́дуйся, пра́ведная Софи́е, свята́я моли́твеннице о душа́х на́ших.

Кондак 9

Во всех конце́х земли́ на́шея сла́вится и́мя твое́, богому́драя Софи́е, я́ко спаса́еши вся ны моли́твами твои́ми от смертоно́сныя я́звы, тлетво́рных ветр и о́гненнаго запале́ния, предстоя́щи ны́не Престо́лу Всевы́шняго Бо́га с ли́ки А́нгелов и святы́х, воспева́ющих Ему́: Аллилу́иа.

Икос 9

Вети́йствующий язы́к не мо́жет изрещи́ вели́чие благодея́ний твои́х, свята́я Софи́е, мно́жицею явле́нных благочести́вым супру́гом, непра́здным жена́м и новорожде́нным младе́нцем. Те́мже вси со благодаре́нием благоче́стно пою́т ти:

Ра́дуйся, всех скорбя́щих нело́жное утеше́ние;

ра́дуйся, непреста́нное на́ше ра́дование.

Ра́дуйся, му́дрых жен добро́то и похвале́ние;

ра́дуйся, целому́дренных дев красото́ и удобре́ние.

Ра́дуйся, те́плая о нас пред Го́сподем моли́твеннице;

ра́дуйся, изря́дная земли́ на́шея покрови́тельнице.

Ра́дуйся, сете́й вра́жиих сокруше́ние;

ра́дуйся, правосла́вным лю́дем ве́рное поможе́ние.

Ра́дуйся, душа́м и телесе́м на́шим вся, я́же к по́льзе подава́ющая;

ра́дуйся, на вся́кое де́ло благо́е прему́дро нас наставля́ющая.

Ра́дуйся, во вся́ких злоключе́ниих и беда́х нам ско́ро помога́ющая;

ра́дуйся, моли́твенно тя призыва́ющих от внеза́пныя сме́рти избавля́ющая.

Ра́дуйся, пра́ведная Софи́е, свята́я моли́твеннице о душа́х на́ших.

Кондак 10

Спасени́я душе́внаго и теле́снаго жела́ющим и о сих усе́рдно подвиза́ющимся помо́щница блага́я, пра́ведная Софи́е, яви́лася еси́. Ты бо еси́ засту́пница тружда́ющихся, обремене́нных, в неду́зех и обстоя́ниих су́щих, да вси благода́рственно взыва́ют просла́вльшему тя Царю́ сла́вы Христу́: Аллилу́иа.

Икос 10

Стена́ несокруши́мая и огражде́ние кре́пкое явля́ются нам моли́твы твоя́, уго́днице Бо́жия, пра́ведная Софи́е, нетле́нныя же и многоцеле́бныя мо́щи твоя́ исцеле́ния и утеше́ния нам неоску́дно источа́ют. Мы же благода́рно велича́ем тя:

Ра́дуйся, жизнь земну́ю благоче́стно сконча́вшая;

ра́дуйся, вене́ц Ца́рствия Небе́снаго получи́вшая.

Ра́дуйся, в ра́дости небе́сней ны́не пребыва́ющая;

ра́дуйся, сне́ди ра́йския при́сно наслажда́ющаяся.

Ра́дуйся, со свеще́ю све́тлою дел благи́х в черто́г Христо́в возше́дшая;

ра́дуйся, нетле́нием и чудесы́ по кончи́не просла́вленная.

Ра́дуйся, явле́нием чудото́чных моще́й твои́х Це́рковь Христо́ву возвесели́вшая;

ра́дуйся, я́ко тем с ве́рою и любо́вию поклоня́емся.

Ра́дуйся, притека́ющим к ра́це святы́х моще́й твои́х цельбы́ подаю́щая;

ра́дуйся, почита́ющим тя благослове́ние и ми́лости Бо́жия неоску́дно источа́ющая.

Ра́дуйся, лико́в А́нгельских ве́рная соприча́стнице;

ра́дуйся, оби́телей небе́сных сла́вная жи́тельнице.

Ра́дуйся, пра́ведная Софи́е, свята́я моли́твеннице о душа́х на́ших.

Кондак 11

Пе́ние на́ше хвале́бное, а́ще и от усе́рдия приноси́мое, не дово́льно есть ко изъявле́нию серде́чнаго благодаре́ния за вся блага́я, я́же твори́ши нам да́же до дне и часа́ сего́, всечестна́я Софи́е. Мы же в напа́стех и ско́рбех к тебе́ прибега́ем, и на твое́ предста́тельство упова́юще, немо́лчно ко Го́споду взыва́ем: Аллилу́иа.

Икос 11

Свеща́ многосве́тлая яви́лася еси́, преблаже́нная Софи́е, всем пребыва́ющим во мра́це ве́ка сего́, те́мже и нас, омраче́нных и уны́лых, просвети, во е́же из глубины́ серде́чныя зва́ти ти:

Ра́дуйся, ве́лие дерзнове́ние ко Го́споду обре́тшая;

ра́дуйся, Спа́са на́шего умилостиви́тельнице пресла́вная.

Ра́дуйся, мрак душ на́ших благода́тно я́ко свети́льник озаря́ющая;

ра́дуйся, любо́вь и ве́ру к тебе́ иму́щих от вся́ких бед спаса́ющая.

Ра́дуйся, в житии́ свое́м пра́вый путь земна́го тече́ния нам показу́ющая;

ра́дуйся, всех ко Христу́ Бо́гу путеводя́щая.

Ра́дуйся, житие́м свои́м Го́сподеви угоди́вшая;

ра́дуйся, све́том Христо́вым на небеси́ осия́нная.

Ра́дуйся, я́ко изы́де по всей земли́ на́шей веща́ние о чудесе́х твои́х;

ра́дуйся, я́ко с ве́рою и благогове́нием почита́ется па́мять твоя́.

Ра́дуйся, Бо́жия снисхожде́ния к не́мощем на́шим всеизря́дная хода́таице;

ра́дуйся, за ны пред Го́сподем неусы́пная моли́твеннице.

Ра́дуйся, пра́ведная Софи́е, свята́я моли́твеннице о душа́х на́ших.

Кондак 12

Благода́ть Бо́жию, проще́ние грехо́в и исправле́ние жития́ испроси́ нам у Го́спода Вседержи́теля, ма́ти Софи́е, да ми́лостив бу́дет к нам, немощны́м, смире́нно пою́щим Ему́, Спа́су на́шему: Аллилу́иа.

Икос 12

Пою́ще многомо́щное предста́тельство твое́ к Бо́гу, ма́ти на́ша Софи́е, усе́рдно мо́лим тя: помина́й нас непреста́нно у Престо́ла Сла́вы Царя́ Небе́снаго, ублажа́ющих тя си́це:

Ра́дуйся, в со́нме святы́х просия́вшая;

ра́дуйся, и́стинная уго́днице Бо́жия.

Ра́дуйся, по́чести досто́йныя восприи́мшая;

ра́дуйся, проше́нием на́шим вне́млющая.

Ра́дуйся, блаже́нство ра́йское со все́ми святы́ми унасле́дившая;

ра́дуйся, на тве́рди небе́сней звездо́ присногоря́щая.

Ра́дуйся, украше́ние Це́ркве, на небеси́ торжеству́ющия;

ра́дуйся, заступле́ние Це́ркве, на земли́ во́инствующия.

Ра́дуйся, ве́ры на́шея преди́вная побо́рнице;

ра́дуйся, чуде́с Христо́вых сокро́вище.

Ра́дуйся, от на́рода на́шего правосла́внаго велича́емая;

ра́дуйся, пе́сньми хвале́бными прославля́емая.

Ра́дуйся, пра́ведная Софи́е, свята́я моли́твеннице о душа́х на́ших.

Кондак 13

О, свята́я пра́ведная ма́ти на́ша Софи́е! Услы́ши ны́нешнее усе́рдное моле́ние на́ше и испроси́ нам у Го́спода и Спаси́теля на́шего избавле́ние от бед и скорбе́й, от враг ви́димых и невиди́мых, от поги́бели ве́чныя, гре́шником угото́ванныя, да милосе́рдием Христа́ Бо́га на́шего спаса́еми и твои́м предста́тельством поспешеству́еми, благоче́стно на земли́ поживе́м, и сподо́бимся вни́ти во Ца́рствие Его́ Небе́сное, иде́же благода́рственно со все́ми святы́ми воспое́м Бо́гу: Аллилу́иа.

Этот кондак читается трижды, затем 1-й икос и 1-й кондак.

Молитва

О, свята́я пра́ведная ма́ти на́ша, блаже́нная княги́не Софи́е, приими́ ми́лостивно приноше́ние ве́ры, наде́жды и любве́ на́шея и вознеси́ е́ ко Го́споду, и я́коже в земне́м житии́ твое́м была́ еси́ помо́щница и засту́пница всем Правосла́вным христиа́ном земли́ твоея́, та́ко и ны́не укрепи́ нас тве́рдо и непоколеби́мо до сме́рти стоя́ти за ве́ру Правосла́вную, согре́й сердца́ на́ша любо́вию ко Го́споду и Пречи́стей Его́ Ма́тери. Умоли́ Христа́ Бо́га на́шего, да сохрани́т Це́рковь Свою́ Святу́ю от раско́лов и ересе́й, да утверди́т в ней дух пра́выя ве́ры и благоче́стия, дух ве́дения и любве́, дух ми́ра и ра́дости ве́чныя, да вся ча́да ея́ ду́хом и и́стиною покланя́ются Ему́, да укрепи́т ве́рных в благоче́стии и свя́тости жи́зни, да обрати́т отпа́дших от Правосла́вныя Це́ркве во святы́я не́дра Ея́. О, свята́я ма́ти, гра́да Слу́цка похвало́ и ра́досте, умоли́ Го́спода, да изба́вит град твой и всю страну́ на́шу от гла́да, тру́са, пото́па, огня́, меча́, наше́ствия иноплеме́нных, междоусо́бныя бра́ни и от смертоно́сныя я́звы, да низпо́слет прави́телем на́шим усе́рдие, му́дрость и ве́рность, да управля́ют и су́дят по во́ли Его́, да храня́т установле́ния Святы́я Це́ркве. Испроси́ всем с ве́рою моля́щимся тебе́ [или́: притека́ющим к ра́це святы́х моще́й твои́х] ми́рное житие́, тишину́, просвеще́ние умо́в и серде́ц, соблюди́ их от ко́зней вра́жиих, от собла́знов ми́ра, во зле лежа́щаго, и от вся́кия ско́рби и ну́жды, обрати́ нас к покая́нию и исправле́нию, да́руй заблу́дшим и́стины позна́ние, неду́гующим исцеле́ние. Сохрани́ нас благода́тными твои́ми моли́твами от всех враго́в ви́димых и неви́димых и изба́ви от вся́каго зла, да просла́вим во вся дни жи́зни на́шея Отца́ и Сы́на и Свята́го Ду́ха и твое́ заступле́ние во ве́ки веко́в. Ами́нь.

Случайный тест