Дни памяти
11 февраля – Собор Екатеринбургских святых
29 августа (переходящая) – Собор Кемеровских святых
Житие
Краткое житие преподобного Василиска Сибирского
Преподобный Василиск Сибирский – святой старец, родился ок. 1740 г. Скончался он в городе Туринске 29 декабря 1824 года и был похоронен в Свято-Николаевском Туринском монастыре. Любовь к Богу и ближнему, непрестанная молитва и глубокий духовный опыт привели его к святости. Преподобного Василиска можно поставить в один ряд с величайшими угодниками Божиими: преподобным Сергием Радонежским, преподобным Серафимом Саровским, святителем Николаем Чудотворцем.
В ХХ веке многие почитали святого Василиска, но в годы советской власти было сделано все для того, чтобы этот подвижник был забыт. Часовню над могилой святого старца разрушили, а на ее месте возвели гаражи.
7 лет назад Спасским мужским и Ново-Тихвинским женским монастырями Екатеринбурга были организованы поиски места захоронения старца Василиска. Эти поиски увенчались успехом: в 2000 году братьями Спасского монастыря обретены мощи старца.
Сестры Ново-Тихвинской обители подготовили документы и направили их в комиссию по канонизации, и преподобный Василиск Сибирский был прославлен в лике святых в 2004 году.
Полное житие преподобного Василиска Сибирского
«Аще не обратитеся и не будете яко дети, не внидите в Царство Небесное», – сказано Господом, и многим на первый взгляд это кажется легким для исполнения. Но лишь редкие избранники Божии, и среди них Василиск Сибирский, достигли своим подвигом и непрестанной Иисусовой молитвой духовного младенчества – полного незлобия, совершенного отсутствия возношения, глубокого сознания своей немощи и нужды в ежеминутном заступлении Божием. Путь преподобного Василиска к этой вершине лежал через тяжкие скорби и искушения. Пустынник Василиск (в миру Василий) родился в середине XVIII века в семье крестьянина деревни Иваниш Калязинского уезда Тверской губернии. Его родители, Гавриил и Стефанида, детей своих, троих сыновей, воспитывали в страхе Божием. Отрок Василий с детства познал труд и нужду: просил милостыню, затем некоторое время был пастушком. С малых лет его отличали простота сердца, любовь к Богу и смиренный нрав. Не смея перечить отцу, Василий вступил в брак, но вскоре с согласия жены оставил семью и начал проводить монашеский образ жизни сначала в миру, а затем в различных монастырях. Некоторое время жил он отшельником в лесах Чувашии. Василий стремился постоянно пребывать в молитве, не давал послабления своей плоти: берегся от насыщения, излишнего питья и особенно сна, все ночи под праздники проводил в бдении. Если же его начинал одолевать сон, он клал поклоны, колол дрова или пел духовные песни. И так проводил он все праздники в великом труде до изнеможения, ибо тогда не знал еще о сердечном безмолвии и хранении ума. Когда к нему заходили странники, он всех любезно встречал, но если кто-нибудь просился к нему жить, – отказывал, говоря, что грешен, пребывает в нерадении и вообще дал обет проводить жизнь уединенную. Когда же проситель настаивал, Василий отвечал ему с кротостью: «Вместе жить нам никак нельзя, но, если хочешь, оставайся в моей келлии, а я пойду на другое место».
Как-то один из странствующих братий рассказал Василию, что в брянских лесах живет в пустыне с учениками иеромонах Адриан – старец великой жизни, многоопытный и простой. Василий, желая предать себя в повиновение искусному наставнику, сразу же отправился к нему. И действительно, жизнь при старце Адриане стала для него новой ступенью монашества. Предав себя ему в послушание, Василий преуспевал в постнических трудах и скоро, как лоза привитая и давшая ко времени плод, был пострижен старцем в мантию с именем Василиск. Через некоторое время отец Адриан был вызван Петербургским митрополитом Гавриилом для обновления Коневской обители, и все его ученики последовали за ним, а отец Василиск остался жить в столь желанном для него уединении. Однако теперь напали на него искушения и страхования, каких раньше он и не испытывал. Часто по ночам просыпался он от жутких голосов, угрожавших ему: «Ты здесь один, а нас много, мы тебя погубим». От нестерпимого ужаса случалось ему впадать в уныние. Ко всему прочему, тело его было немощно и болезненно. Пищу употреблял самую простую, даже суровую, а если и принимал какие-либо приношения от почитавших его, то сам почти ничего не ел, а все раздавал другим. Также вырезал старец из дерева грубоватые ложки (изящно делать он не умел) и дарил посетителям. Те очень радовались и щедро жертвовали за подарок, столь для них дорогой.
Такова была жизнь смиренного монаха Василиска, посвящавшего все время молитве и подвижничеству. Примерно в это время встретил он своего будущего сомолитвенника и духовного брата – отца Зосиму (Верховского), тогда еще носившего имя Захария и желавшего стать отшельником. Пустынническая жизнь брянских монахов привлекала душу юноши, но более всех прилепился он сердцем к отцу Василиску. Взаимна была и любовь к нему старца. «Всегда просил я Господа, чтобы послал мне друга духовного, искреннего, сердечного, единодушного, ибо и в безмолвии трудно жить одному. Сказано: «брат от брата помогаем, яко град тверд» и «горе единому». Итак, я просил Бога, а сам не решался никого принимать, ожидая, пока Сам Господь, «ими же весть судьбами», явит мне такового. И вот душа моя прилепилась к тебе столь сильною любовью, что как будто известился я, что в тебе дает мне Господь просимого мною», – говорил ему позже сам старец. Чтобы испытать силу произволения и твердость намерения юного Захарии, Василиск благословил его пожить сначала в Коневской общежительной обители и лишь через три года, с благословения отца Адриана, принял к себе. Однако хотя он и полюбил Зосиму, как свою душу, все же не считал его за сына и ученика, полагая, что по просвещению ума своего Зосима более него сведущ во всех писаниях святых отцов. Кроме того, именно Зосима открыл старцу тайное монашеское сокровище, объяснив учение о сердечной молитве. С возгоревшейся ревностью, усердно начал упражняться Василиск в молитве Иисусовой и так ее полюбил, так прилежно ей обучался, что плоды ее не замедлили явиться в этом простом и смиренном сердце, искренно любящем Господа. О чудных духовных действиях молитвы в старце Василиске отец Зосима составил особую рукопись – «Повествование о действиях сердечной молитвы старца-пустынножителя Василиска», куда прилежно записывал все откровения подвижника. Отец Василиск не только доверял ему тайны своего сердца, но и сам рассматривал и выправлял повествование. Чистота сердца и глубокое смирение перед Богом и ближними позволили преподобному достичь возвышеннейшего духовного преуспеяния. Неоднократно удостаивался он осияния лучезарным светом, сподоблялся лицезрения Спасителя и Пресвятой Богородицы, видений райских блаженств и адских мук, а однажды в упоении духовной любовью ко Господу был восхищен из тела на воздух и наслаждался несказанной сладостью и блаженством (истинность молитвенного подвига старца Василиска засвидетельствовал святитель Игнатий (Брянчанинов), который в III томе своих аскетических сочинений пишет, что, насколько ему известно, в его XIX столетие только два инока сподобились видеть свою душу исшедшею из тела, одним из каковых и был преподобный Василиск).
Около 10 лет провели отец Василиск и отец Зосима по благословению отца Адриана близ Коневской обители, упражняясь в монашеских подвигах и особенно в молитве Иисусовой. Многим помогали они мудрыми советами: десятки богомольцев посещали подвижников, и все находили у них доброе утешение и духовную поддержку. Нередко отец Василиск предузнавал и перемены, грядущие в жизни его или других людей, которые со временем и исполнялись.
Затем в течение 20 лет подвизались они в отшельничестве в сибирском лесу в районе г. Кузнецка. Здесь с ними произошел такой случай. Отправляясь на зимовку, договорились они с одним благочестивым крестьянином, что он в определенное время будет подвозить им продукты, а весной, до разлива рек, поможет выбраться из тайги. Наступила весна, а крестьянин по неведомым причинам к ним не приехал, и, видя, что дальнейшее ожидание бесполезно, отшельники решились идти сами. Расстояние в сорок верст полагали они пройти дня в два-три, но на деле путь этот занял не одну неделю. После первых же дней путешествия увидели они, что совсем заблудились и в какую сторону идти, не знают: небо затянуло облаками, ветер воет, солнце вовсе не появляется. Предав себя на волю Божию, двигались они, ориентируясь по солнцу, а в пасмурные дни – по коре деревьев. Одежда и обувь на них поизносились, запас пищи подходил к концу, все меньше оставалось сил. Как-то раз, проведя ночь почти без отдыха, пришли они к берегу реки, через которую надо было переправляться. Старец Василиск, встав на лыжи, перешел по льду без препятствий. Следом за ним двинулся и отец Зосима, но так как он был тяжелей, то лед не выдержал его, и он стал тонуть, погрузившись по грудь в воду. На ногах лыжи, а нагнуться и отвязать их мешает лед. Сил старца Василиска, конечно, не хватило бы, чтоб вытащить утопающего. «Тогда, – вспоминал отец Зосима, – я отчаялся остаться в живых. Ибо ноги мои из-за креплений держались на лыжах, а сами лыжи в реке, увязли во льду и снегу. И никак невозможно было мне подняться и вылезти на берег, нагнуться же и рукою достать лыжи вода и лед не давали. Старец мой, видя, что я так увяз, не знал, как помочь. Тогда воззвали мы к Божией Матери: «Пресвятая Богородице, помоги!» Я просил старца подать мне свою руку, говоря ему: «Авось как-нибудь, придерживаясь за тебя, выйду». Он подал, – и я так легко и скоро вышел к нему на берег, что мне кажется – легче, нежели бы я был свободным и не погрязшим! И как мои ноги вышли из лыж, привязанных к ним ременными креплениями, – это весьма удивительно. Только Господь Бог, ради Владычицы нашей Пресвятой Богородицы, восхотел даровать мне еще жизнь и явить, сколь облагодатствован мой старец».
Прошло еще несколько дней: вновь и вновь поднимались измученные путники и брели вперед, уповая на милость Божию, ни еды, ни сил у них уже не было. Наконец, к великой своей радости, увидели они отпечаток собачьей лапы, потом след человека, и вот вдали показалась деревня! Вместе с благодарственной молитвой к Богу неудержимым потоком полились слезы. Долго сидели они, отдыхая и размышляя о том, как Господь Бог отечески их наказал, но смерти не предал, что, несомненно, по Его Промыслу случилось им искушение, для научения и познания самих себя. А более всего благодарили они Бога за то, что во всех прискорбностях удержал Он их от ропота и не позволил отчаяться в Его всещедрой милости. Более двух месяцев был старец Василиск как расслабленный, не мог сам ни пить, ни есть, но постепенно пришел в силы. Более молодой отец Зосима оправился быстрее и во всем ему помогал. Видя вокруг внимание и участие, решили они остаться в Кузнецком округе до конца жизни. В пятидесяти верстах от Кузнецка пустынники нашли себе удобное место, с помощью благодетелей построили две келлии и стали вновь жить отшельнически. Ходить друг к другу воздерживались они до субботы, особенно в среду и пяток хранили уединение. А воскресенья и праздники проводили вместе в чтении и духовных дружеских беседах, прогуливаясь по пустынным окрестностям. Весною же, когда травы еще не велики, недели по две не возвращаясь, ходили по разным лесным местам, по горам и долинам, взяв с собою огниво, котелок и сухарей. Добрые христолюбцы изредка посещали пустынных старцев, делая им приношения. Однако денег они решительно ни от кого не брали, а только лишь самые простые и скудные пожертвования, необходимые для их пропитания и одеяния. Причем старались воздавать и за них своим рукоделием: отец Василиск делал посуду глиняную, а отец Зосима – деревянную. Таково было их житие внешнее. Но невозможно описать то, что совершалось в глубине их душ, ибо никакие слова не могут в точности изобразить внутреннюю жизнь истинных пустынников. 24 года прожили старцы Зосима и Василиск в пустыне почти неисходно, думая, вероятно, и окончить там свои дни. Однако, «зажегши свечу, не ставят её под сосудом, но на подсвечнике, и светит всем в доме» (Мф.5:15). Господу было угодно, чтобы, стяжав высокие добродетели, они послужили теперь делу спасения ближних. Некая мещанка города Кузнецка, Анисья Котохова, пожелала начать иноческую жизнь. Поблизости монастырей не было, а в Россию ехать было далеко, и она решила прибегнуть к духовному руководству пустынников. Получив их согласие и доверив им свою волю, она поселилась в деревеньке на берегу реки Томи, к ней стали проситься в сомолитвенницы и другие девицы. Старец Василиск часто посещал их, окормляя и наставляя в иноческой жизни, иногда посылал к ним и отца Зосиму. Очень скоро стало очевидным неудобство монашеского жития среди мирян – надо было хлопотать о переводе инокинь в какой-нибудь упраздненный монастырь. Тобольский архиерей согласился отдать под их нужды опустевший мужской монастырь в городе Туринске, а отец Зосима исхлопотал в Священном Синоде перевод этой обители в разряд женских. Так был возрожден Свято-Николаевский монастырь, близ которого и провел в уединении последние свои годы преподобный Василиск. По старости лет нередко подолгу проживал он и в самой обители. Именно здесь, во время смуты и неправого гонения на старца Зосиму, он явился во сне двум членам Следственной комиссии, увещевая их оправдать и защитить его духовного друга и сотаинника по причине его полной невиновности. Блаженная кончина старца Василиска последовала 29 декабря 1824 года. Время своего отхода он указал с точностью, накануне исповедался и приобщился Святых Христовых Таин. Крестьянин, который служил ему до кончины, приложив свою руку к груди отходящего пустынника, ощутил, что сердце в умирающем сильно бьется и мечется во все стороны. До самого последнего вздоха был он в устной и сердечной молитве и со словами «Господи, Иисусе Христе, Сыне Божий» испустил дух, будто уснул. Причем и по исшествии духа сердце еще долго в нем трепетало. За четыре дня, прошедших до приезда старца Зосимы, вид почившего не только не сделался хуже, но стал еще благовиднее. Тело его было мягким, как у спящего. Отец Зосима приказал написать с него портрет, ибо по глубокому смирению своему при жизни старец на это никак не соглашался. Перед погребением на седьмые сутки, когда стали вынимать тело старца из гроба, чтобы спеленать в мантию, оно оказалось гибким, как у живого. Святой подвижник был погребен близ алтаря монастырского собора. В 1913 г. над могилой старца была построена, а в 1914 г. освящена каменная часовня во имя святого мученика Василиска. Ее посещало множество богомольцев, которые часто служили панихиды, молясь о упокоении всеми любимого и почитаемого подвижника. В советское время и храм, и часовня были уничтожены, на их месте же построены гаражи. Святые мощи преподобного были обретены в 2000 году. Известны случаи исцелений и духовной помощи после молитвенного к нему обращения.
Вся жизнь старца Василиска являет нам собой пример полного самоотречения и ревностного следования за Господом, подлинного исполнения евангельских заповедей о любви к Богу и ближним. Не обладая никакой мирской мудростью, он был удостоен от Господа премудрости свыше. Сознавая и почитая себя малейшим в мире сем, он сподобился стать великим о Господе и засвидетельствовал своим примером истинность евангельских слов: «Блажени чистии сердцем, яко тии Бога узрят!»
Мощи святого Василиска находятся в екатеринбургском поселке Елизавет, в храме в честь Всемилостивого Спаса.
См. также: Житие монаха и пустынножителя Василиска, писанное учеником его Зосимою Верховским
Богослужения
Служба преподобному Василиску Сибирскому
Текст службы утвержден решением Священного Синода от 14 июля 2018 года (журнал № 61).
Месяца декабря в 29-й день
На велицей вечерни
На Господи, воззвах: стихиры на 8, глас 1:
Яко заря пресветлая,/ землю Сибирскую житием твоим озарил еси,/ единаго безмолвия взыскуя,/ сердечныя молитвы делатель преизрядный явился еси,/ отче Василисче преблаженне,/ моли спастися душам нашим.
Издетска к Богу мыслию восперяяся,/ Тому Единому прилепился еси,/ в трудех пустынных смиренно подвизаяся,/ любовь совершенную стяжал еси,/ боголюбиве отче Василисче,/ темже и дух твой возрадовася о Господе,/ Егоже моли о чтущих память твою.
Смирением себе украсивый/ и воздержанию навыкнувый,/ страстей возстание, блаженне, погребл еси,/ молитвою же сердечною душу твою очистив,/ храм Духа Святаго явился еси./ Темже и радость неизреченную от Господа достойно приял еси,/ Егоже моли и нам благая улучити.
Слава, глас 6:
Приидите, вернии людие,/ хвалебными песньми память почтим/ богоноснаго старца Василиска,/ земли Сибирския украшение,/ иже, в ней усердне подвизався/ и на лествицу духовную возшед,/ яко светильник светозарный просия,/ ныне предстоит Престолу Святыя Троицы/ и молится о душах наших.
И ныне, праздника.
Вход. Прокимен дне. И чтения три преподобническая.
На литии стихира, глас 2:
Светильник пустыни Господом возженный,/ монашествующим правило/ и людем верным наставник явился еси./ Темже, угодниче Христов Василисче,/ и нас в добродетелех укрепи,/ святую память твою празднующих.
В пустыни, яко во гробе затворився,/ плотская двизания духовными стремленьми угасил еси,/ во еже со Христом в живот вечный воскреснути./ Егоже усердно моли о нас, преподобне,/ душ наших греховную мертвость оживотворити,/ любовию тя почитающих.
Тайныя твоя подвиги кто изочтет, святе Василисче,/ яже Единому Богу ведомыя?/ Ты бо сна очима твоима не дал еси,/ во дни и нощи духом к Богу пламенея,/ плотския страсти постом далече от себе отгнал еси./ Темже и нам, в лености греховней сущим,/ буди усердный помощник.
Слава, глас 6:
Остров Коневский осветися пришествием твоим, преподобне,/ и братия, Бога благодаряще, зело возрадовашася./ Сотаинник же твой Зосима,/ умнаго твоего делания благодати свидетель быв,/ деяния праведнаго жития твоего списа./ Мы же прославляем Святую Троицу,/ даровавшую таковаго подвижника земли Русстей/ и молитвенника о душах наших.
И ныне, праздника.
На стиховне стихиры, глас 5:
Приидите, монашествующих чини,/ Василиска преподобнаго житию поревнуим/ и песньми духовными того почтим,/ со умилением к нему взывающе:/ радуйся, в подвизех иноческих вспоможение/ и в душегубительнем унынии ободрение,/ радуйся, послушания высото богосветлая/ и смирения глубино благоотишная/ всем, с верою к тебе притекающим.
Стих: Честна пред Господем/ смерть преподобных Его.
Приидите, мирских сословия,/ Василиска блаженнаго честныя мощи облобызаим/ и словесы достойными того ублажим,/ в молитве теплей к нему воздыхающе:/ радуйся, в скорбех и напастех заступниче/ и в трудех праведных помощниче,/ радуйся, братолюбия дивный образе/ и любве Христовы зерцало/ всем, с надеждою к тебе прибегающим.
Стих: Блажен муж, бояйся Господа,/ в заповедех Его восхощет зело.
Приидите, всех верных собори,/ Василиска преподобнаго днесь память прославим/ и духовному доброделанию того научимся,/ пение хвалебное тому приносяще:/ радуйся, страны Сибирския велие украшение/ и земли пустынныя благовонное процветение,/ радуйся, деяний молитвенных сокровище пребогатое/ и божественныя благодати источниче/ всем, любовию тя почитающим.
Слава, глас 8:
Суетная и ложная мира сего оставив,/ в пустыню безлюдную притекл еси, преподобне,/ идеже во плоти, яко безплотный, пожил еси/ и, Духа Святаго светлостьми просвещаемь,/ плоды духовныя сторицею преумножил еси./ Мы же, таковому житию твоему дивящеся,/ прославляем Отца и Сына и Святаго Духа,/ Троицу Единосущную и Нераздельную.
И ныне, праздника.
Тропарь, глас 4:
Христа издетска возлюбив, преподобне,/ Тому Единому поработати вожделел еси/ и, в пустыню Сибирскую вселився,/ дар непрестанныя молитвы стяжал еси./ Мы же, чтуще славныя подвиги твоя,/ с любовию вопием ти:/ моли спастися душам нашим.
Ин тропарь, глас 8:
Земли Сибирския процветение,/ сердечныя молитвы искусный делателю,/ иноком известнейшее правило,/ всем притекающим добрый наставниче,/ преподобне отче Василисче,/ моли Христа Бога спастися душам нашим.
На утрени
По 1-м стихословии седален, глас 4:
Послушание Авраамово познав и терпению Иовлеву поревновав, отче Василисче,/ велий подвижник безмолвия явился еси,/ верою и благочестием сияя./ Темже вси наставника умнаго делания тя почитаем/ и молитвенника о спасении душ наших.
Слава, и ныне, праздника.
По 2-м стихословии седален, глас 1:
К пустынножительству Богом предъизбран быв/ и ангельский чин достойно восприем,/ безмолвия путь до конца прешел еси, блаженне,/ и в подвизе веры молитву чистую стяжал еси./ Ныне же, в Царствии Небеснем радости неизреченныя наслаждаяся,/ моли спасти и просветити души наша.
Слава, и ныне, праздника.
Величание:
Ублажаем тя,/ преподобне отче Василисче,/ и чтим святую память твою,/ наставниче монахов/ и собеседниче ангелов.
Псалом избранный: Терпя потерпех Господа:
По полиелеи седален, глас 8:
В безмолвии сердечнем пребывая,/ ум твой в памяти о Господе хранил еси, преподобне,/ нищету же духовную стяжав,/ благодать обильную Духа Святаго привлекл еси/ и жилище чистое Того соделался еси./ Молися о нас, святе Василисче, любовию творящих память твою.
Слава, и ныне, праздника.
Степенна, 1-й антифон 4-го гласа. Прокимен, глас 4: Честна пред Господем/ смерть преподобных Его. Стих: Что воздам Господеви о всех, яже воздаде ми? Всякое дыхание: Евангелие от Матфеа, зачало 43.
По 50-м псалме стихира, глас 6:
Приидите днесь, празднолюбцы,/ пении и песньми духовными/ память почтим святаго Василиска,/ той бо яко подвижник пустыннолюбный/ велия труды ко трудом прилагая,/ Духа Святаго благодать стяжа./ Темже, духовне торжествующе,/ купно тому возопиим:/ преподобне и богоносне отче,/ моли спастися душам нашим.
Канон преподобнаго, глас 8.
Песнь 1
Ирмос: Колесницегонителя фараоня погрузи,/ чудотворяй иногда/ Моисейский жезл, крестообразно поразив/ и разделив море,/ Израиля же беглеца, пешеходца спасе,/ песнь Богови воспевающа.
Припев: Преподобне отче Василисче, моли Бога о нас.
Василиска блаженнаго ныне память совершающе, радуемся, Бога благодаряще, споспешника во спасение нам явившаго и в молитве непрестанней наставника преизряднаго.
Даром смирения от Бога щедро обогатився и многия скорби благодушно терпя, преподобне, пустыннаго делания велий подвижник показался еси. Темже и нас, малодушных, молитвами твоими укрепи.
К Богу любовию паче огня распалаемь, отче, радости жития безмолвнаго достигл еси, Христу Единому сочетаваяся, Егоже воистинну узрел еси.
Богородичен: Упование мое Ты еси, Богородице, и на Тя всю надежду мою возлагаю, страстей море помози неврежденно прейти, любовию Тя воспевающему.
Песнь 3
Ирмос: Утверждей в начале Небеса разумом/ и землю на водах основавый,/ на камени мя, Христе, заповедей Твоих утверди,/ яко несть свят паче Тебе,/ Едине Человеколюбче.
Яко елень желает на источники водныя, тако душа твоя возжада безмолвия, отче, во еже Единому Господу служити. Темже убо и нас к высоте любве Божественныя подвизаеши.
Велию ревность к пустынножительству имеяй, о плоти своей небрегл еси, блаженне, вящшия же подвиги к подвигом прилагая, воздержания сладость познал еси.
Самочиннаго жительства устрашився, в леса Брянския пришел еси, идеже, воли своея отметаяся, в послушание старцу духовному себе вдал еси и в чине иночестем достойно Богу послужил еси.
Богородичен: Словом вся Сотворшаго неизреченно во чреве Твоем носила еси, Пречистая Дево, Егоже неустанно моли помиловати нас в День страшнаго испытания.
Седален, глас 4:
Пустыню неплодную во спасение избрал еси, Василисче,/ и, миру воистинну умертвився,/ труды постническими ангелов безплотных удивил еси,/ бесов же наветы смирением сокрушая, плод духовный терпением велиим возрастил еси.
Слава, и ныне, праздника.
Песнь 4
Ирмос: Ты моя крепость, Господи,/ Ты моя и сила,/ Ты мой Бог, Ты мое радование,/ не оставль недра Отча/ и нашу нищету посетив./ Тем с пророком Аввакумом зову Ти:/ силе Твоей слава, Человеколюбче.
В трудолюбии и богомыслии подвизаяся, блаженне, един со Единым в безмолвии присно пребывал еси и, славы земныя удаляяся, тишины божественныя исполнился еси.
Просто и смиренно житие твое бысть, богоблаженне, о себе бо ничесоже когда возомнил еси, но, яко звезда многосветлая, подвиги твоими пустыню озарил еси.
Послушания образ и кротости зерцало, любве сосуд и благодати источник обрете в тебе святый Зосима. Буди и нам наставник духовный и молитвенник усердный.
Богородичен: Ты моя Надежда, Богородице, Ты мое Заступление, Ты Матерь Господа моего и Творца, Ты мой Покров, не остави предстательством Твоим на Тя уповающаго и спаси, Пречистая, молитвами Твоими.
Песнь 5
Ирмос: Вскую мя отринул еси/ от лица Твоего, Свете Незаходимый,/ и покрыла мя есть чуждая тьма, окаяннаго,/ но обрати мя и к свету заповедей Твоих,/ пути моя направи, молюся.
Братскою любовию распалаемь, преподобный Зосима списатель богоугодных деяний твоих, блаженне Василисче, явися, да житие твое осветит степени лествицы духовныя, от дольняго к горнему нас возводящия.
Сердечныя молитвы делатель усердный был еси, отче Василисче, темже, светом божественнаго ведения просвещаемь, Царствия Божия тайновидец явился еси. Ныне же на Небеси Владыку тепле молиши о нас.
Радостию велиею исполняшеся душа твоя, блаженне, яко умом трезвяся на всякое время, со Христом Сладчайшим всегда пребывал еси.
Богородичен: Огнь Божества, яко Купина Неопалимая, во чреве Твоем носила еси, Пресвятая Дево. Темже моего окаянства тьму просвети и к свету заповедей Сына Твоего вся помышления направи.
Песнь 6
Ирмос: Очисти мя, Спасе,/ многа бо беззакония моя,/ и из глубины зол возведи, молюся,/ к Тебе бо возопих, и услыши мя,/ Боже спасения моего.
Вся привременная оставив, яко добрый купец бисер многоценный обрел еси, молитву сердечную, от любве велия радостно к Богу изливаемую.
Молитвы непрестанныя действо благодатное познал еси, богоблаженне, темже внутрь сердца твоего явися источник, изливаяй токи сладости несказанныя.
В молитве к Богу простираяся и Того зря в сердце своем, преподобне отче Василисче, слез благодатных потоки пролиял еси.
Богородичен: О, Мати Дево, неправда обдержит мя и в пропасть погибели влечет. Помози, Пречистая, и умоли Сына Твоего, да помилует мя, грешнаго.
Кондак, глас 4:
В пустыню безлюдную от славы мирския удалився,/ умнаго делания высоты смирением достигл еси,/ теплою любовию ко Христу простираяся,/ сладость непрестанныя молитвы сердцем познал еси./ Темже сосуд Духа Святаго явився,/ вся концы земли Сибирския освятил еси,/ богоносне отче Василисче,/ моли Всещедраго Бога,/ да спасет души наша.
Икос:
Безмолвия поприще неблазненно претек, воздержания труды и болезни телесныя понесл еси, отче, всенощная стояния и поста подвиг отай совершая, смирения истиннаго достигл еси, имже на высоту духовную возшед и молитвы сердечныя сладость небесную вкусив, богатством благости украсился еси. Темже вопием ти: богоносне отче Василисче, моли Всещедраго Бога, да спасет души наша.
Песнь 7
Ирмос: Божия снизхождения/ огнь устыдеся в Вавилоне иногда./ Сего ради отроцы в пещи, радованною ногою,/ яко во цветнице, ликующе, пояху:/ благословен еси, Боже отец наших.
Заступницу Усердную на помощь призывая и путем узким неуклонно шествуя, благодать помогати зле страждущим стяжал еси, Василисче, богоприятными твоими молитвами.
Пустыня Сибирская освятися, таковаго подвижника приемлющи, иже, и мраз лютый и скудость телесную помощию Божиею претерпев, Господа неустанно славословил есть.
В молитве непрестанней пребывая, от силы в силу восходил еси, блаженне, и сице преспеяния духовнаго достигнув, путь истинный верным уяснил еси.
Богородичен: Обнажен есмь благих деяний и стыждуся, но Ты, Пречистая, миру обновление рождшая, просвети мя светом благодати Сына Твоего, Преблагословенная.
Песнь 8
Ирмос: Седмерицею пещь/ халдейский мучитель/ богочестивым неистовно разжже,/ силою же лучшею спасены, сия видев,/ Творцу и Избавителю вопияше:/ отроцы, благословите,/ священницы, воспойте,/ людие, превозносите во вся веки.
Яко птица небесная, святе Василисче, никакоже попечения о телеси своем имея, душу твою добротою украсил еси и нестяжания учитель явился еси. Темже и нас на гору добродетели возведи, да превозносим Господа во веки.
В любви совершенней пребывая, яко свеща пресветлая, в пустыни хладней возсиял еси, блаженне, и наставник искусный явился еси, вся призывавый воспевати Господа во веки.
Мирскую мудрость отвергнув, премудрость от Господа стяжал еси, святче, и себе нивочтоже вменяя, высок пред Богом явился еси. Помози и нам в смиренномудрии превозносити Господа во веки.
Богородичен: Множицею моих прегрешений пещь геенскую сам себе разжегох, окаянный, но множеством милости и щедрот Сына Твоего, Всепетая, осуждения огненнаго избави мя, да, спасаемь присно молитвами Твоими, превознесу Тя во веки.
Песнь 9
Ирмос: Ужасеся о сем Небо,/ и земли удивишася концы,/ яко Бог явися человеком плотски/ и чрево Твое бысть пространнейшее Небес./ Тем Тя, Богородицу,/ Ангелов и человек чиноначалия величают.
О, велия любве твоея, отче! Како по смерти сотаиннику твоему Зосиме молитвы непрестанныя действо благословил еси огласити и на полезная ко спасению мирови открыти.
О, чудо дивное! Храм молитвы непрестанныя сердце твое созижде Господь, благодати Духа Святаго пламенем объятое и по успении твоем о нас всегда молящееся.
О, дивная дела Господня! Мощей твоих десныя руки треперстное сложение зряще, Василисче блаженне, жития твоего деянии наставляемся и, благодать богатную от сих приемлюще, пение умиленное тебе приносим.
Богородичен: Страшно бысть сие таинство и недомыслимо, како Невместимый Бог во утробу Твою вместися и яко Человек нам явися. Тем Тя, Богородительнице, ангелов и человек чиноначалия величают.
Светилен, глас 2:
Богосветлыми лучами деяний молитвенных сияя,/ леность душ наших к деланию духовному подвигни,/ помышления же наша ко Христу направи/ и в молитвеннем трезвении соблюди,/ да тя, Василисче пресветле, любовию воспеваем.
Слава, и ныне, праздника.
На хвалитех стихиры, глас 8:
О, пустыннолюбче Василисче,/ обет безмолвия волею прием/ и лествицы восхождения верх достигнув,/ дар молитвы непрестанныя стяжал еси/ и, любовию ко Христу распалаемь,/ Духа Святаго жилище себе соделал еси,/ Егоже благодать стяжати и нам помози/ святыми твоими молитвами.
О, подвижниче безмолвия предивный,/ человеческия славы хотя утаитися,/ в пустыню Сибирскую удалился еси,/ идеже, ветры безгодными обуреваемь,/ труды тяжкия подъял еси/ и, во брани духовней победу над враги одержав,/ в радость Господа твоего вшел еси,/ Егоже моли спастися душам нашим.
О, честный боголюбче Василисче,/ отцем пустынным подобяся,/ благодатнаго безмолвия достигл еси/ и, любовь сыновнюю стяжав,/ верное чадо Отца Небеснаго явился еси/ и всем, от века Богу угодившим, сонаследник./ Мы же, мощей твоих благодать приемлюще,/ благодарственная Господу приносим,/ Егоже моли о спасении душ наших.
Слава, глас 5:
Радуйся, звездо пустынная,/ отче Василисче преблаженне,/ ты бо, от юности усердно Господу послужив,/ добродетельми душу твою обновил еси/ и молитвою непрестанною ум твой просветил еси,/ ныне же к тщанию духовному нас наставляеши/ и молишися о душах наших.
И ныне, праздника.
На Литургии
Служба вся преподобническая.
Молитва
О, преподобне и богоблаженне отче наш Василисче, безмолвия доблий рачителю и пустынножителю ревностный, умнаго делания смиренный наставниче и послушания предивный образе! Ты, мира сладости бегая, пустыни непроходныя достигл еси, в нейже многая лета, богомыслием озаряемь, в трудех пустынных подвизался еси, смиренномудрия глубину стяжав. Сего ради, яко сокровище пребогатое, сердечныя молитвы сладость утешительную Господь тебе дарова, еяже действием великих дарований исполнился еси. Темже молим тя, отче Василисче, призри на ны, унылыя и немощныя, и возгрей в сердцах наших истинную ревность о Христе Иисусе Господе нашем, Иже есть Единый Источник спасения нашего. Буди нам споспешник в духовнем восхождении: ум наш в трезвении бодреннем укрепи и дух сокрушен в сердца наша вкорени, наипаче вразуми, научи и усердие неослабное в молитве непрестанней подаждь нам, во еже освятити уста и сердца и вся помышления Христу Богу нашему, Егоже Именем отбежит от нас всякая неправда и уныние, иже от диавола нам пребывающия, и да просветятся души наша светом любве Божественныя ко исправлению жития нашего, да не погибнем во огни, аки плевелы, но, яко пшеницу чистую, да соберет ны Господь в житницу Свою Небесную, идеже вси любящии Его в радости неизреченней пребывают, славяще Отца и Сына и Святаго Духа, во веки веков. Аминь.
Молитвы
Тропарь преподобному Василиску Сибирскому, глас 4
Я́ко изде́тска Христа́ возлюби́в, преподо́бне, Тому́ любо́вию чрез все́ житие́ после́довал еси́. В пусты́ню Сиби́рскую всели́вся, непреста́нную моли́тву Христу́ возлю́бленному приноси́л еси́. Помина́й на́с, ча́д твои́х, преподо́бне Васили́сче, с любо́вию притека́ющих к тебе́ и чту́щих святу́ю па́мять твою́.
Перевод: С детства Христа возлюбив, преподобный, с любовью Ему всю жизнь следовал ты. В пустыни сибирской поселившись, непрестанную молитву Христу возлюбленному приносил ты. Вспоминай нас, чад твоих, преподобный Василиск, с любовью приходящих к тебе и почитающих святую память твою.
Ин тропарь преподобному Василиску Сибирскому, глас 8
Земли́ Сиби́рския процвете́ние,/ ю́же безмо́лвия по́двигом озари́л еси́,/ житие́ пусты́нное до конца́ возлюби́в, блаже́нне,/ и, я́ко би́сер многоце́нный,/ серде́чныя моли́твы да́р от Го́спода стяжа́л еси́,/ и на́м в насле́дие сие́ сокро́вище яви́л еси́,/ да во спасе́ние его́ прие́млюще, вопие́м ти́:// преподо́бне Васили́сче о́тче на́ш.
Перевод: Земли Сибирской процветение, которую озарил ты подвигом безмолвия, житие пустынное до конца возлюбив, блаженный, и, как драгоценный жемчуг, дар сердечной молитвы получил от Господа, и нам в наследство это сокровище оставил ты, принимая же его во спасение, взываем к тебе, преподобный Василиск, отче наш.
Ин кондак преподобному Василиску Сибирскому, глас 4
Пусты́нею ди́кою от сла́вы мирски́я утае́нный,/ у́мнаго де́лания высоты́ смире́нием дости́гл еси́:/ те́плою любо́вию ко Христу́ простира́яся,/ моли́твенную сла́дость я́ко ми́ро се́рдцем источа́л еси́,/ те́мже боже́ственная благода́ть в тебе́ явля́емая/ облиста́ всея́ Сиби́ри концы́,/ пустынножи́телю Васили́сче,/ моли́ всеще́драго Бо́га// души́ спасе́ние на́м дарова́ти.
Перевод: Пустынью дикой от славы мирской утаенный, смирением ты достиг высоты умного делания, горячей любовью ко Христу простираясь, молитвенную сладость, как миро, сердцем источал ты, потому Божественная благодать в тебе являемая осияла все концы Сибири, пустынножитель Василиск, моли всещедрого Бога души спасение нам даровать.
Кондак преподобному Василиску Сибирскому, глас 2
Возложи́х себе́ от ра́нней ю́ности, да́же из де́тства твоего́, преподо́бне о́тче Васили́сче, после́довал еси́ Христу́, любо́вию возгрева́яся и моли́тву непреста́нную чрез все́ житие́ Тому́ приноси́л еси́. Те́м же Госпо́дь упоко́й и се́рдце твое́, моли́твенника вели́ка яви́, гре́шным непостижи́маго.
Перевод: Предав себя Христу с ранней юности, даже с детства твоего, преподобный отче Василиск, последовал ты Ему, любовью воспламеняясь, и молитву непрестанную всю свою жизнь Ему приносил ты. Потому Господь успокоил и сердце твое, явив великого молитвенника, грешным недостижимого.
Молитва преподобному Василиску Сибирскому
О, преподо́бне и богоблаже́нне о́тче на́ш Васили́сче, безмо́лвия до́блий рачи́телю и пустынножи́телю ре́вностный, у́мнаго де́лания смире́нный наста́вниче и послуша́ния преди́вный о́бразе! Ты́ ми́ра сла́дости бе́гая, пусты́ни непрохо́дныя дости́гл еси́, в не́йже мно́гая ле́та, богомы́слием озаря́ем, в труде́х пусты́нных подвиза́лся еси́, смиренному́дрия глубину́ ископа́в; сего́ ра́ди, я́ко сокро́вище пребога́тое, серде́чныя моли́твы сла́дость уте́шительную Госпо́дь тебе́ дарова́, ея́же де́йствием вели́ких дарова́ний испо́лнился еси́. Те́мже мо́лим тя́, о́тче Васили́сче, воззри́ на ны́, уны́лыя и немощны́я, и возгре́й в сердца́х на́ших и́стинную ре́вность о Христе́ Иису́се Го́споде на́шем, И́же е́сть еди́н исто́чник спасе́ния на́шего. Бу́ди на́м поспе́шник к высоты́ духо́вныя восхожде́нию: у́м на́ш в трезве́нии бо́дреннем укрепи́ и ду́х сокруше́н в сердца́ на́ша вкорени́; наипа́че вразуми́, научи́ и усе́рдие неосла́бное в моли́тве непреста́нней пода́ждь на́м, во е́же освяти́ти уста́, умы́ и сердца́ Христу́ Бо́гу на́шему, Его́же и́менем отбежи́т от на́с вся́кая непра́вда и уны́ние, диа́вольским де́йством составля́емыя, и да просветя́тся ду́ши на́ша све́том любве́ Боже́ственныя ко исправле́нию жития́ на́шего, да не поги́бнем в огне́ а́ки пле́велы, но, я́ко пшени́цу чи́стую, собере́т ны́ Госпо́дь в жи́тницу Свою́ небе́сную, иде́же вси́ лю́бящии Его́ в ра́дости несконча́емей пребыва́ют, сла́вяще Отца́, и Сы́на, и Свята́го Ду́ха, во ве́ки веко́в. Ами́нь.
Каноны и Акафисты
Акафист преподобному Василиску Сибирскому
Для келейного чтения
Кондак 1
Избрал еси, Господи, угодника Твоего Василиска, из млада сердце чисто созиждя в нем, и, дары духовными изрядно его украсив, явил еси земли Сибирстей подвижника дивнаго, иже, пустыни тяжкая волею претерпевая, молитвы чистыя благодать воистинну стяжа, темже подвигни и нас, Христе Боже, горняя помышляти, предстательством блаженнаго отца нашего, да поем тому: Радуйся, преподобне отче Василисче, умнаго безмолвия велий рачителю.
Икос 1
Ангелов крилами к Богу воспаряющих, образы святыя издетска с любовию зрел еси, отче Василисче, темже, возрастом еще младенствуя, к Вышнему вознестися помыслил еси, во еже телесныма очима славу Божию видети, отонудуже крилы духовныя Господь тебе дарова, имиже в Небесныя обители воистинну вознеслся еси. Мы же, сим поучаеми, приносим ти таковая:
Радуйся, издетска в служение Богу избранный;
радуйся, светом божественнаго разума осиянный.
Радуйся, от млада познавый нищету телесную;
радуйся, воистинну стяжавый нищету духовную.
Радуйся, кротостию и незлобием ангелом подобниче;
радуйся, истиннаго смирения верным наставниче.
Радуйся, монахом и мирским красоту восхождения явивый;
радуйся, богоугодными делы страну Сибирскую просветивый.
Радуйся, преподобне отче Василисче, умнаго безмолвия велий рачителю.
Кондак 2
Видя желание твое, токмо единому Богови работати, и нрав послушливый, Господь Всеведец умягчи жены твоея сердце, юже родитель твой избра тебе, и тако три леты воздержанием себе испытующа, супружества соуз согласно расторгли еста; ты же, отче, душу твою Христу уневестив, радостне воспел еси Богу: Аллилуия.
Икос 2
Разумея волю Божию и закону Христову кротко повинуяся, блаженне, тяготы брата твоего, подвижника тайнаго, с любовию понесл еси, в немощах его служа ему усердно; наипаче же вкупе в молитвах прилежаща, вашим изрядным в Боге радением многия нерадивыя к исправлению призвали еста. Мы же, братолюбие христианское твое зряще, сице тебе взываем:
Радуйся, Бога паче всего земнаго возлюбивый;
радуйся, Того Единаго в животе твоем взыскавый.
Радуйся, яко любовь божественную мирстей любви предпочел еси;
радуйся, яко житейскую радость на тяготы пустынныя пременил еси.
Радуйся, образе смиренномудрия и послушания;
радуйся, правило постническаго воздержания.
Радуйся, помысла чистотою просиявый;
радуйся, яко Мария, благую часть избравый.
Радуйся, преподобне отче Василисче, умнаго безмолвия велий рачителю.
Кондак 3
Силою любве ко Господу мира красная отвергл еси, отче Василисче, отшельническое житие избрав, идеже ревностно подвизаяся, к вящшему постничеству приступил еси, и тако тело твое поклоны и бдении зело утруждая, страсти плотския воздержанием крайним уставил еси, вопия в смирении Богу: Аллилуия.
Икос 3
Имущу велие стремление богоугодно жити, Подвигоположник Господь показа тебе ума самочиннаго пагубу, и в леса брянския стопы твоя направи, идеже старцу пустынному Адриану в послушание себе вдал еси, отче, и, яко лоза благораслена, в трудех пустынных зело преспев, иноческим одеянием достойно украсился еси. Мы же взываем ти тако:
Радуйся, в пустыню, яко в цветник, с радостию вшедый;
радуйся, подвиги твоими, яко крин сельный, процветый.
Радуйся, нестяжанием зело обогативыйся;
радуйся, воздержанием крепким украсивыйся.
Радуйся, обет пустынничества при постриге твоем давый;
радуйся, егоже в подвизе добром до конца исполнивый.
Радуйся, псалмы и молитвы Господу присно возлиявый;
радуйся, поклоны земными от сна себе воставлявый.
Радуйся, преподобне отче Василисче, умнаго безмолвия велий рачителю.
Кондак 4
Буря искушений и бесов наветы обступиша тя, хотяще унынием душу твою поборити, ты же, отче Василисче, болезньми воздержания силу вражию посрамил еси, на камени смирения терпением велием веру твою утвердив, и тако немощь естества о Господе укреплял еси, денно и нощно возывая к Тому: Аллилуия.
Икос 4
Слышавше людие о твоем, отче Василисче, благочестном житии пустынном, стекахуся к тебе, желающе с тобою купно жительствовати и во спасении тобою наставлятися, ты же, святе, смирения истиннаго исполненный, невежду себе пред всеми почел еси, во еже в безмолвии един с Единым всегда пребывати. Мы же, богомудре, глаголем тебе тако:
Радуйся, сердце твое мирови затворивый;
радуйся, воле Божией всего себе покоривый.
Радуйся, благоуветия и благочестия смиренный учителю;
радуйся, словесным и безсловесным кроткий благодетелю.
Радуйся, с усердием на врага спасения противоставый;
радуйся, постом и молитвою демоны отгнавый.
Радуйся, духа нищету паче славы человеческия возлюбивый;
радуйся, не в многословии твоем глубину мудрости показавый.
Радуйся, преподобне отче Василисче, умнаго безмолвия велий рачителю.
Кондак 5
Боготочный источник духовныя благодати зря в тебе юный Зосима, тепле моляше тя, да ученик тебе прилежен будет, ты же, отче, духовными очами промысл Божий в сем прозрев, яко друга искренняго любовию того приял еси; темже словесы и делы на путь иночества тобою наставляемый Зосима радостне воспе Богу: Аллилуия.
Икос 5
Видя помышление духовника твоего, хотяща во обитель Коневскую тебе, отче, преселити, тепле моля просил еси того, да в отшельстве своем недвижимо пребудеши; обаче послушания ради, яко воли Божией повинуяся, с Зосимою вкупе, егоже возлюби душа твоя, за старцем своим последовал еси. Мы же, кротость твою ублажающе, взываем ти сице:
Радуйся, Авраамле послушание познавый;
радуйся, Иовлю терпению поревновавый.
Радуйся, иноче, в смирении и кротости совершенный;
радуйся, в безстрастия ризу оболченный.
Радуйся, скудною пищею тело твое изнуривый;
радуйся, хлебом Живота вечнаго душу твою насытивый.
Радуйся, простоты жития монашескаго наставниче;
радуйся, чистоты души христианския хранителю.
Радуйся, преподобне отче Василисче, умнаго безмолвия велий рачителю.
Кондак 6
Проповедуемым словесем Христовым, яко кроток есмь и смирен сердцем, воистинну поучился еси, труженниче пустынный, темже и Господь тя зело утеши, благоволив чрез Зосиму открыти ти сокровище молитвы сердечныя учения; ты же, преподобне Василисче, благодарен сый воспел еси Богу о сем: Аллилуия.
Икос 6
Возсиял еси на острови Коневстем высотою жития твоего, отче досточудне, идеже в молитвы делании вельми возрастая, ум твой священным безмолвием просветил еси, и сладость молитвенную о имени Иисусове, рекою из сердца обильно изливаему, вкусил еси, богоблаженне. Мы же, толикое дарование в тебе зряще, смиренно взываем ти:
Радуйся, словес евангельских послушателю благодатный;
радуйся, ига Христова благаго носителю благодарный.
Радуйся, добродетель благую, трезвение, стяжавый;
радуйся, ума хранением сердце твое очистивый.
Радуйся, благодати Божией хранилище преисполненное;
радуйся, Духа Святаго жилище достойное.
Радуйся, высоты Христова разумения достигнувый;
радуйся, ум твой с сердцем в молитве срастворивый.
Радуйся, преподобне отче Василисче, умнаго безмолвия велий рачителю.
Кондак 7
Хотя, преподобне, в Бозе Единем всегда пребывати, ум твой памятованием Христовым от всякия страсти очистил еси, и Духа Святаго благодатию молитву самодвижиму в сердце твоем стяжал еси, темже непрестанно Господеви в любви предстоя, в умилении чистом вопиял еси Ему: Аллилуия.
Икос 7
Новую лествицу восхождения чтим тя, богомудре, ты бо любве ради благоволил еси, молитвенных твоих деяний рукописание, егоже сподвижник твой и сотаинник Зосима прилежный списатель бысть, по преставлении твоем на полезное мирови явити. Мы же, отче Василисче, молитвенно светильник сей приемлюще, в спасительной ревности взываем ти:
Радуйся, Христа Бога в сердце твоем вместивый;
радуйся, имя Его спасительное в уме всегда носивый.
Радуйся, молитвенную сладость сердцем твоим познавый;
радуйся, слез благодатных поток умилительный источивый.
Радуйся, к Богу пламеневый любовию великою;
радуйся, яко действом ея сердце твое взыграся.
Радуйся, молитвы чистыя священнодейства стяжателю;
радуйся, сокровенных Божиих предивный тайнозрителю.
Радуйся, преподобне отче Василисче, умнаго безмолвия велий рачителю.
Кондак 8
Странен быв всякия славы человеческия, единыя славы Божия иский, блаженне, в пустыню внутреннюю с Зосимою верным удалитися возжелал еси, Василисче, темже, старцем твоим благословенный, предел Сибирских достигл еси, идеже лишения многа претерпевая, Богу в надежде воспевал еси: Аллилуия.
Икос 8
Все упование возложив на промысл Божий и к Пречистей в молитвах всегда прибегая, пустынниче святый, яко птица небесная попечением малым о телесе твоем тщался еси, паче же воздержанием многим дух твой укрепив, красоту исправлений твоих верным уяснил еси, темже приими от нас сицевая:
Радуйся, узок путь во Царствие небесное избравый;
радуйся, пустынничества крест волею подъявый.
Радуйся, страны мразныя не убоявыйся;
радуйся, ветра хладнаго не устрашивыйся.
Радуйся, скорби и болезни мужественно понесый;
радуйся, Заступницею усердною всегда хранимый.
Радуйся, молитвы храм в сердце твоем воздвигнувый;
радуйся, труд, терпение и усердие в основание того положивый.
Радуйся, преподобне отче Василисче, умнаго безмолвия велий рачителю.
Кондак 9
Всего себе Господу освятив, отче Василисче, в болезнях жестоких Христу сраспялся еси воистинну, и в пустыни, яко во гробе, Тому спогреблся еси, блаженне, и Того ради многая злострадания претерпел еси, но любве Божия никако же отпал еси, присно поя Ему: Аллилуия.
Икос 9
Витии многоречивии умолкают, зряще твоего, отче Василисче, жития безмолвнаго подвиг, ибо яко пламя прилежит свещи, тако ты, блаженне, умом и сердцем твоим воистинну Христу в молитве срастворился еси. Мы же, таковое действо в тебе зряще, любовию взываем ти:
Радуйся, Богу в любви непрестанно предстоявый;
радуйся, благодать Богообщения стяжавый.
Радуйся, великих дарований небесных приятелю;
радуйся, духов поднебесных велий устрашителю.
Радуйся, на высоту добродетелей восшедый;
радуйся, Царствие Божие внутрь себе имый.
Радуйся, Владыки вышняго верный служителю;
радуйся, истинныя радости о Боге благий стяжателю.
Радуйся, преподобне отче Василисче, умнаго безмолвия велий рачителю.
Кондак 10
Спасения ради души твоея, отче Василисче, многая лета в пустыне неисходно подвизался еси, и тамо старости честныя достигнув, высоту добродетели стяжал еси, темже Господь на ину стезю направи тя, во еже ближних спасению послужити, отонудуже малую братию собрав, воспел еси Богу: Аллилуия.
Икос 10
Стена крепкая в молитве братии пустынней был еси, святый Василисче, духом сокрушенным, яко мечем, научал еси тех коварства вражии посекати, и нас ныне от сна лености житием твоим богозарным пробуждая, явился еси утешения духовнаго податель. Мы же, подвиги твоя ублажающе, воспеваем тя сице:
Радуйся, в горении духа ангелом уподобивыйся;
радуйся, в доброделании душею обновивыйся.
Радуйся, чистою молитвою изрядно благоукрашенный;
радуйся, во брани невидемей воине совершенный.
Радуйся, правды Божией всегда алкавый;
радуйся, рая сладости еще на земли вкусивый.
Радуйся, блаженнаго смирения доброту стяжавый;
радуйся, Иерусалим небесный воистинну наследивый.
Радуйся, преподобне отче Василисче, умнаго безмолвия велий рачителю.
Кондак 11
Пение умиленное тебе приносим, блаженне отче, и успению твоему с трепетом внимаем, ибо всельшагося в тя Святаго Духа действо благодатию обильно сердце твое напита, якоже и по изшествии души твоея ко Господу молитвы чистыя двизанием сердце твое исполненно бе. Мы же, сему дивящеся, вопием Богу о тебе: Аллилуия.
Икос 11
Светом божественным просвещенный, отче Василисче, внутренняго делания высоты молитвы непрестанныя достигл еси, отонудуже умными очами сердечными Свет присносущный воистинну сподобился еси зрети, имже вельми озаренный сам световиден верным показался еси, темже приими от нас таковая:
Радуйся, главо, о Господе присно любомудрствующая;
радуйся, заре, от нощи к Богу утреннюющая.
Радуйся, яко руце твоя в молитве многажды простирал еси;
радуйся, яко нозе твоя во бдениих зело претрудил еси.
Радуйся, заповеди Евангельския до конца совершивый;
радуйся, обетования Евангельския вправду восприемый.
Радуйся, яко житием твоим ко благочестию нас пробуждаеши;
радуйся, яко деянии твоими на путь спасения нас наставляеши.
Радуйся, преподобне отче Василисче, умнаго безмолвия велий рачителю.
Кондак 12
Блажен воистинну еси, отче Василисче, ибо в клеть сердца твоего вшед, собеседник любезен Господеви был еси, и яко Серафими любовию к Нему горел еси, и якоже Херувими всегда умно Его зрел еси; ныне же в нескончаемой радости пребывая, и нас научаеши славословити Бога: Аллилуия.
Икос 12
Поюще честную память твою, отче Василисче, благодарная приносим ти, и молитв благоухание от мощей твоих приемлюще, веселия духовнаго исполняемся, и твоя, пустыннолюбче, труды и болезни, Христа ради подъятыя, ублажающе, достойно величаем тя словесы таковыми:
Радуйся, звездо, спасения путь ко вратом небесным нам указующая;
радуйся, сокровищнице, пребезценный камень, Христа, в себе имущая.
Радуйся, кладезю, духовною влагою обильно нас напаяяй;
радуйся, столпе, несокрушимую силу молитвы во брани являяй.
Радуйся, стамно, чудесы доныне богатно преизливаемая;
радуйся, реко, деянии твоими души верных орошающая.
Радуйся, в скорбех пребывающим скорый и благий поспешниче;
радуйся, тебе чтущих теплый и верный к Богу молитвенниче.
Радуйся, преподобне отче Василисче, умнаго безмолвия велий рачителю.
Кондак 13
О, пустынниче дивный, преподобне отче Василисче, к тебе в смирении припадаем, яко стяжавшему велию Духа Святаго благодать: призри с высоты райския на нас, дольними обуреваемых, и подаждь душам нашим молитвами твоими возрастание духовное, во еже чистым умом и сердцем достойно пети Христу Богу нашему: Аллилуия, аллилуия, аллилуия.
Сей кондак чтется трижды, затем икос 1 и кондак 1.
Молитва
О, преподобне и богоблаженне отче наш Василисче, безмолвия доблий рачителю и пустынножителю ревностный, умнаго делания смиренный наставниче и послушания предивный образе! Ты мира сладости бегая, пустыни непроходныя достигл еси, в нейже многая лета, богомыслием озаряем, в трудех пустынных подвизался еси, смиренномудрия глубину ископав; сего ради, яко сокровище пребогатое, сердечныя молитвы сладость утешительную Господь тебе дарова, еяже действием великих дарований исполнился еси. Темже молим тя, отче Василисче, воззри на ны, унылыя и немощныя, и возгрей в сердцах наших истинную ревность о Христе Иисусе Господе нашем, Иже есть един источник спасения нашего. Буди нам поспешник к высоты духовныя восхождению: ум наш в трезвении бодренном укрепи и дух сокрушен в сердца наша вкорени; наипаче вразуми, научи и усердие неослабное в молитве непрестанней подаждь нам, во еже освятити уста, умы и сердца Христу Богу нашему, Егоже именем отбежит от нас всякая неправда и уныние, диавольским действом составляемыя, и да просветятся души наша светом любве Божественныя ко исправлению жития нашего, да не погибнем в огне аки плевелы, но, яко пшеницу чистую, соберет ны Господь в житницу Свою небесную, идеже вси любящии Его в радости нескончаемей пребывают, славяще Отца, и Сына, и Святаго Духа, во веки веков. Аминь.