Дни памяти

21 июня  (переходящая) – Собор Афонских преподобных

27 июля

Житие

Пре­по­доб­ный Ни­ко­дим Свя­то­го­рец, в Кре­ще­нии Ни­ко­лай, ро­дил­ся в 1748 го­ду на гре­че­ском ост­ро­ве Нак­со­се. В воз­расте 26 лет он при­шел на Свя­тую Го­ру Афон и там в мо­на­сты­ре Ди­о­ни­си­ат при­нял по­стриг с име­нем Ни­ко­дим.

Вна­ча­ле инок Ни­ко­дим нес по­слу­ша­ние чте­ца и пись­мо­во­ди­те­ля. Через 2 го­да по­сле его по­ступ­ле­ния в мо­на­стырь на Афон при­был мит­ро­по­лит Ко­ринф­ский Ма­ка­рий, ко­то­рый по­ру­чил мо­ло­до­му ино­ку под­го­тов­ку к из­да­нию ру­ко­пи­си "Доб­ро­то­лю­бие", най­ден­ной им в 1777 го­ду в Ва­то­пед­ском мо­на­сты­ре. Ра­бо­та над этой кни­гой яви­лась на­ча­лом мно­го­лет­них ли­те­ра­тур­ных тру­дов Ни­ко­ди­ма Свя­то­гор­ца. Вско­ре мо­ло­дой инок пе­ре­шел в Пан­то­кра­тор­ский скит, в по­слу­ша­ние к стар­цу Ар­се­нию Пе­ло­по­нес­су, под ру­ко­вод­ством ко­то­ро­го рев­ност­но изу­чал Свя­щен­ное Пи­са­ние и тво­ре­ния свя­тых от­цов. В 1783 го­ду пре­по­доб­ный Ни­ко­дим при­нял схи­му и шесть лет пре­бы­вал в со­вер­шен­ном без­мол­вии. Ко­гда на Афон вновь при­был мит­ро­по­лит Ко­ринф­ский Ма­ка­рий, он воз­ло­жил на пре­по­доб­но­го Ни­ко­ди­ма но­вое по­слу­ша­ние – ре­дак­ти­ро­ва­ние тво­ре­ний пре­по­доб­но­го Си­мео­на Но­во­го Бо­го­сло­ва. Пре­по­доб­ный Ни­ко­дим оста­вил по­двиг мол­чаль­ни­че­ства и опять за­нял­ся ли­те­ра­тур­ной ра­бо­той. С то­го вре­ме­ни до са­мой сво­ей кон­чи­ны он про­дол­жал рев­ност­но тру­дить­ся на этом по­при­ще.

Неза­дол­го до сво­ей кон­чи­ны пре­по­доб­ный Ни­ко­дим, утом­лен­ный книж­ны­ми тру­да­ми и ас­ке­ти­че­ски­ми по­дви­га­ми, пе­ре­шел на жи­тель­ство к иеро­мо­на­хам ико­но­пис­цам Сте­фа­ну и Нео­фи­ту Скур­те­ям (Ку­цо­вла­хам). Он упро­сил их за­нять­ся из­да­ни­ем сво­их тру­дов, че­го не мог уже сде­лать сам из-за бо­лез­нен­но­го со­сто­я­ния. Здесь, у Скур­те­ев, 1 июля 1809 го­да пре­по­доб­ный Ни­ко­дим мир­но ото­шел ко Гос­по­ду.

По сви­де­тель­ству совре­мен­ни­ков, пре­по­доб­ный Ни­ко­дим был прост, незло­бив, нес­тя­жа­те­лен и от­ли­чал­ся глу­бо­кой со­сре­до­то­чен­но­стью. Он об­ла­дал за­ме­ча­тель­ной па­мя­тью: Свя­щен­ное Пи­са­ние знал на­изусть, пом­ня да­же гла­вы, сти­хи и стра­ни­цы, мог на па­мять ци­ти­ро­вать очень мно­гое из тво­ре­ний свя­тых от­цов.

Ли­те­ра­тур­ные тру­ды стар­ца Ни­ко­ди­ма раз­но­об­раз­ны. Им на­пи­са­ны пре­ди­сло­вие к "Доб­ро­то­лю­бию" и крат­кие жи­тия по­движ­ни­ков. Из ас­ке­ти­че­ских на­став­ле­ний по­движ­ни­ка осо­бен­но из­вест­на кни­га "Неви­ди­мая брань", пе­ре­ве­ден­ная на рус­ский язык ве­ли­ким бо­го­сло­вом-ас­ке­том, епи­ско­пом Фе­о­фа­ном За­твор­ни­ком (М., 1886; изд. 5. М., 1912). За­ме­ча­те­лен труд по­движ­ни­ка "Уче­ние об ис­по­ве­ди" (Ве­не­ция, 1804, 1818), за­кан­чи­ва­ю­щий­ся про­ник­но­вен­ным "Сло­вом о по­ка­я­нии". Ин­те­рес­на кни­га пре­по­доб­но­го "Бла­го­нра­вие хри­сти­ан", из­дан­ная в Ве­не­ции в 1803 го­ду. Ве­ли­ки за­слу­ги свя­то­го и в об­ла­сти из­да­ния бо­го­слу­жеб­ных книг. В 1796 го­ду он опуб­ли­ко­вал из­вле­чен­ные из Афон­ских ру­ко­пис­ных со­бра­ний 62 ка­но­на Пре­свя­той Бо­го­ро­ди­це под на­зва­ни­ем "Ве­нец Прис­но­де­вы" (Ве­не­ция, 1796, 1846).

Пре­по­доб­ный Ни­ко­дим под­го­то­вил из­да­ние но­вой ре­дак­ции "Пи­да­ли­о­на" – гре­че­ской "Корм­чей кни­ги", со­дер­жа­щей пра­ви­ла свя­тых апо­сто­лов, свя­тых Все­лен­ских и По­мест­ных Со­бо­ров и свя­тых от­цов.

Боль­шое вни­ма­ние пре­по­доб­ный уде­лял агио­гра­фии, о чем сви­де­тель­ству­ют та­кие его тру­ды, как "Но­вый из­бор жи­тий свя­тых" (Ве­не­ция, 1803) и из­дан­ная уже по­сле его кон­чи­ны кни­га "Но­вый Си­нак­сарь" в 3-х то­мах (Ве­не­ция, 1819). Им осу­ществ­лен пе­ре­вод с древ­не­гре­че­ско­го на но­во­гре­че­ский язык "Тол­ко­ва­ния По­сла­ний свя­то­го апо­сто­ла Пав­ла" ар­хи­епи­ско­па Бол­гар­ско­го Фе­о­фи­лак­та. Сам свя­той Ни­ко­дим на­пи­сал тол­ко­ва­ние се­ми Со­бор­ных По­сла­ний (из­да­но так­же в Ве­не­ции в 1806 и 1819 гг.).

Пре­по­доб­ный Ни­ко­дим из­ве­стен и как тво­рец и тол­ко­ва­тель свя­щен­ных пес­но­пе­ний. Им со­став­ле­ны (при­ня­тые в Рус­ской Церк­ви) ка­нон в честь ико­ны Бо­жи­ей Ма­те­ри Ско­ро­по­слуш­ни­цы, а так­же "Служ­ба Пре­по­доб­ным и Бо­го­нос­ным от­цем, во Афоне пост­ни­че­ски про­си­яв­шим" ("Пра­во­слав­ный цер­ков­ный ка­лен­дарь на 1976 г.", с. 61), "Еор­то­дро­ми­он или изъ­яс­не­ние пе­сен­ных ка­но­нов, ко­то­рые по­ют­ся на­ка­нуне Гос­под­ских и Бо­го­ро­дич­ных празд­ни­ков" (Ве­не­ция, 1836), "Но­вая Ле­стви­ца, или тол­ко­ва­ние 75-ти сте­пен­ных пес­ней Ок­то­и­ха" (Кон­стан­ти­но­поль, 1844).

Молитвы

Тропарь преподобному Никодиму Святогорцу, глас 3

Му́дрости благода́тию, о́тче, укра́шенный,/ труба́ богогла́сная показа́лся еси́ Ду́ха/ и доброде́телей наста́вник, Никоди́ме Богоглаго́ливый,/ всем бо подае́ши спаси́тельная уче́ния,/ жития́ чи́стаго показу́я сия́ние/ бога́тством Бо­же́ственных твои́х слове́с,// и́миже, я́ко свет, ми́рови возсия́л еси́.

Перевод: Благодатью мудрости, отче, украшенный, ты стал Богогласной трубой Духа и наставником добродетелей, Никодим Богоглаголивый, ибо ты подаешь всем спасительные наставления, показывая сияние чистого жития богатством Боговдохновенных твоих поучений, ими же, как свет миру, ты воссиял.

Ин тропарь преподобному Никодиму Святогорцу, глас 1

Свети́ло Афо́нское, и На́ксии о́трасль,/ и Це́ркве всея́ богодухнове́ннаго учи́теля,/ Никоди́ма, ве́рнии, да почти́м,/ и́же, исполня́яся му́дрости Боже́ственныя,/ уче́ния бо небе́сная и оби́льная излива́ет вопию́щим:/ сла́ва просла́вльшему тя Христу́,/ сла́ва венча́вшему тя,// сла́ва подаю́щему тобо́ю нам по́мощь.

Перевод: Светило Афонское и росток Наксоса, и всей Церкви Богодухновенного учителя, Никодима, верующие, почтим, который наполнившись Божественной мудрости возглашает обильные небесные учения всем взывающим: «Слава прославившему тебя Христу, слава Венчавшему тебя, слава Подающему через тебя нам помощь».

показать все

Кондак преподобному Никодиму Святогорцу, глас 8

Я́ко таи́нника изря́днейшаго доброде́тельнаго жития́ и благоче́стия,/ богоно́снаго учи́теля Правосла́вия, пра́зднует тя Це́рковь,/ с Небе́с бо дарова́ния прие́мый,/ озаря́еши Боже́ственными твои́ми писа́нии вопию́щих ти:// ра́дуйся, о́тче Никоди́ме.

Перевод: Как особого хранителя тайн добродетельного жития и благочестия, Богоносного учителя Православия, празднует память твою Церковь, ибо ты получив дарования с Небес, озаряешь Богодухновенными твоими писаниями взывающих к тебе: «Радуйся, отче Никодим».

Каноны и Акафисты

Акафист преподобному Никодиму Святогорцу

Текст утвержден Священным Синодом
Русской Православной Церкви
25 декабря 2012 года (журнал № 131)

Творе́ние Гера́сима мона́ха Микрагианнани́та

Конда́к 1

Подо́бен: Взбра́нной Воево́де:

Я́ко боже́ственнаго жи́тельства таи́нника изря́днаго и благоче́стия богоно́снаго учи́теля Правосла́вная Це́рковь тя почита́ет: с небесе́ бо дарова́ние прие́м, озаря́еши боже́ственными твои́ми писа́нии вопию́щия ти:

Ра́дуйся, о́тче Никоди́ме, Горы́ Святы́я сла́вное украше́ние.

И́кос 1

Ангел нра́вы и мно́гий ра́зумом, Никоди́ме, на Афо́не яви́лся еси́; а́нгельское бо имы́й житие́, ангелоле́пным гла́сом изъясни́л еси́ оте́ческая писа́ния, и́миже просвеща́еши вопию́щия:

Ра́дуйся, Накси́йское благоукраше́ние;

ра́дуйся, Афонское озаре́ние.

Ра́дуйся, оте́ческих догма́тов изложе́ние;

ра́дуйся, святы́х глаго́л изъясне́ние.

Ра́дуйся, высото́ мудрова́ния и прему́дрости реко́;

ра́дуйся, глубино́ боже́ственнаго ве́дения и сокро́вище любве́.

Ра́дуйся, я́ко показа́лся еси́ кни́жник богоно́сный;

ра́дуйся, я́ко толковни́к еси́ богоглаго́ливый.

Ра́дуйся, свети́льниче нра́вов че́стности;

ра́дуйся, пла́менниче го́рния све́тлости.

Ра́дуйся, и́мже ве́рнии утвержда́ются;

ра́дуйся, и́мже врази́ устраша́ются.

Ра́дуйся, о́тче Никоди́ме, Горы́ Святы́я сла́вное украше́ние.

Конда́к 2

Жития́ освяще́нна изде́тска иски́й, я́ко о́трасль боже́ственных роди́телей, мирски́й оста́вил еси́ мра́к, и ко Спа́су Христу́ устреми́лся еси́, Ему́же неукло́нне сле́дуя, Никоди́ме, вдохнове́н взыва́л еси́: Аллилу́ия.

И́кос 2

Ра́зумом богоприя́тным, я́ко уя́звлен боже́ственным жела́нием, прише́л еси́ в Го́ру Афо́нскую, и доброде́тельным жи́тельством к гора́м возвы́сился еси́ ве́чным, по Дави́ду, Никоди́ме, слы́ша от нас сицева́я:

Ра́дуйся, жития́ преподо́бнаго сокро́вище;

ра́дуйся, све́та невеще́ственнаго прия́телище.

Ра́дуйся, и́ноком Афо́нским о́бразе;

ра́дуйся, благоче́ствующих всех утвержде́ние.

Ра́дуйся, у́ме богонауче́нный, небе́сных мы́слей испо́лненный;

ра́дуйся, уста́ богодви́жная богодохнове́нных уче́ний.

Ра́дуйся, я́ко от ми́ра всеце́ло удали́лся еси́;

ра́дуйся, я́ко во Афо́не к го́рним напра́вился еси́.

Ра́дуйся, ли́ка преподо́бных прича́стниче;

ра́дуйся, ве́рным ве́лий учи́телю.

Ра́дуйся, враго́в поража́яй помышле́ния;

ра́дуйся, ду́ши утвержда́яй неради́выя.

Ра́дуйся, о́тче Никоди́ме, Горы́ Святы́я сла́вное украше́ние.

Конда́к 3

На сла́ву Госпо́дню у́мне взира́яй, очи́стив себе́ от веще́ственных, небе́сным наставля́яй показа́лся еси́, богоглаго́ливый Никоди́ме, де́лом и сло́вом вся́ к Бо́гу управля́я вопию́щия: Аллилу́ия.

И́кос 3

Име́яй се́рдце твое́ огне́м пали́мо стра́ха Бо́жия, неколеби́мо а́нгельское проше́л еси́ житие́, и я́же в нем благода́ти, я́ко Ду́хом просвеще́н, Никоди́ме, изъясня́еши зову́щим:

Ра́дуйся, сто́лпе воздержа́ния;

ра́дуйся, таи́нниче безстра́стия.

Ра́дуйся, воспери́вый ум к небе́сным;

ра́дуйся, стяжа́вый отту́ду неизглаго́ланная.

Ра́дуйся, благода́ти Духо́вныя до́ме светови́дный;

ра́дуйся, селе́ние многоце́нное жи́тельства доброде́тельнаго.

Ра́дуйся, я́ко ре́ки уче́ний источа́еши;

ра́дуйся, яко пото́ки страсте́й изсуша́еши.

Ра́дуйся, Христо́вым обогати́выйся осия́нием;

ра́дуйся, вра́жие умертви́вый возноше́ние.

Ра́дуйся, глаго́лов душепита́тельных гу́сли;

ра́дуйся, пе́сней богому́дрых цевни́це.

Ра́дуйся, о́тче Никоди́ме, Горы́ Святы́я сла́вное украше́ние.

Конда́к 4

Ревни́тель богодохнове́нный яви́лся еси́ отце́в преподо́бных, умертви́в себе́ су́щим в ми́ре, и учи́телей свяще́нных отпечатле́ние и уста́ богодви́жная: бога́тая бо ти даде́ся благода́ть, Никоди́ме, вопию́щу: Аллилу́ия.

И́кос 4

Сконча́л еси́ богому́дре преподо́бную жи́знь твою́, разли́чным искуше́нием противоста́в, и я́коже зла́то во огни́, искуше́н скорбьми́, Никоди́ме, учи́тель богому́дрый в дея́нии яви́лся еси́ взыва́ющим:

Ра́дуйся, но́вый в преподо́бных;

ра́дуйся, богодохнове́нный во учи́телех.

Ра́дуйся, наставля́яй на́ше помышле́ние;

ра́дуйся, разруша́яй Велиа́рово безу́мие.

Ра́дуйся, сло́вом благода́тным управля́яй ду́ши;

ра́дуйся, мечу́, при́сно посеца́яй страсте́й вины́.

Ра́дуйся, я́ко очища́еши серде́чныя скве́рны;

ра́дуйся, я́ко явля́еши боже́ственная дая́ния.

Ра́дуйся, пла́менниче Прему́дрости лу́чшия;

ра́дуйся, мо́лние на беснова́ние ху́ждшее.

Ра́дуйся, свети́льниче к живо́тным преспе́янием;

ра́дуйся, свети́ло к боже́ственным возвыше́нием. Ра́дуйся, о́тче Никоди́ме, Горы́ Святы́я сла́вное украше́ние.

Конда́к 5

Богоглаго́ливый язы́к прие́м, богогла́сне, свы́шним дохнове́нием дви́жим, глаго́лы жи́зни ве́чныя и я́же в боже́ственных отце́х неудобопости́жная всему́дре изъясни́л еси́, вся сподвиза́я Бо́гови пе́ти: Аллилу́ия.

И́кос 5

Да воспери́ши к Бо́гу, богоно́сне, ума́ твоего́ движе́ния вся, хране́ние чу́вств тве́рдо проше́л еси́, ему́же науча́еши хотя́щия улучи́ти боже́ственнаго едине́ния, во е́же пе́ти ти, о́тче, си́це:

Ра́дуйся, боже́ственных возвести́телю;

ра́дуйся, от ху́ждшаго неве́дения изба́вителю.

Ра́дуйся, боже́ственному науча́яй по́двигу;

ра́дуйся, небе́снаго яви́телю мудрова́ния.

Ра́дуйся, широто́ боже́ственнаго ра́зума и прему́дрый наста́вниче;

ра́дуйся, скрижа́ле богопечатле́нная Духо́внаго веща́ния.

Ра́дуйся, Уте́шителя пречестны́й сосу́де;

ра́дуйся, правосла́вных богода́нная кре́посте.

Ра́дуйся, ча́ше душепита́тельнаго не́ктара;

ра́дуйся, све́та трисо́лнечнаго испо́лненный.

Ра́дуйся, пра́вило отше́льником в де́лех;

ра́дуйся, о́бразе учи́телем в словесе́х.

Ра́дуйся, о́тче Никоди́ме, Горы́ Святы́я сла́вное украше́ние.

Конда́к 6

Вертогра́д боже́ственных благода́тей се́рдце соверши́в, Никоди́ме, жи́тельством твои́м, "Вертогра́д благода́тей", яко вои́стину испо́лнь благоуха́ния благода́тнаго, твою́ кни́гу наре́кл еси́, е́юже наслажда́ющеся, вопие́м: Аллилу́ия.

И́кос 6

Возсия́в на Горе́ Афо́нстей, я́ко новоявле́нная звезда́, просвеща́еши Христо́ву Це́рковь доброде́телей твои́х заря́ми, неботаи́нниче Никоди́ме преподо́бне; отню́дуже возжиза́еми све́том твои́м зове́м:

Ра́дуйся, звездо́ церко́вная;

ра́дуйся, све́точу благоче́стия.

Ра́дуйся, богосло́вов дре́вних изъясне́ние;

ра́дуйся, чужды́х уче́ний низверже́ние.

Ра́дуйся, боже́ственных преда́ний храни́телю и тайноводи́телю;

ра́дуйся, доброде́тельных дея́ний светоно́сче свяще́нный.

Ра́дуйся, я́ко облича́еши уче́ния нововво́дная;

ра́дуйся, я́ко явля́еши доброде́тели богода́нныя.

Ра́дуйся, Бо́жий служи́телю тепле́йший;

ра́дуйся, ве́рных защи́тниче неколеби́мый.

Ра́дуйся, раю́ многоразли́чныя прему́дрости;

ра́дуйся, свети́ло е́же во Христе́ науче́ния.

Ра́дуйся, о́тче Никоди́ме, Горы́ Святы́я сла́вное украше́ние.

Конда́к 7

Пребыва́яй в Горе́ Афо́нстей, я́коже в го́рнице, усе́рдною моли́твою и посто́м Духо́вную благода́ть, прему́дре, прия́л еси́, та́инственно в тя все́льшуюся, я́коже апо́столи, и́хже подража́тель яви́лся еси́, взыва́я: Аллилу́ия.

И́кос 7

Побе́ду благочести́вым уче́ние твое́ подае́т, ве́рно поуча́ющимся, Никоди́ме, о́тче свяще́нный, проти́ву страсте́й и вся́кия е́реси: во Святе́м бо Ду́се де́йствует при́сно вопию́щим:

Ра́дуйся, побе́до правосла́вных;

ра́дуйся, паде́ние злосла́вных.

Ра́дуйся, Це́ркве ве́лий учи́телю;

ра́дуйся, святы́м дре́вним ра́вне.

Ра́дуйся, я́ко бога́тство оста́вил еси́ нам кни́г свяще́нных;

ра́дуйся, я́ко прекраща́еши вся́кое убо́жество страсте́й.

Ра́дуйся, до небесе́ досяза́яй сто́лпе богопросвеще́нный;

ра́дуйся, Уте́шителя свети́льниче невече́рний.

Ра́дуйся, о́блаче, осеня́яй ве́рныя;

ра́дуйся, свеще́, возсиява́ющая лу́чшая.

Ра́дуйся, боже́ственных догма́тов пропове́дниче;

ра́дуйся, струй невеще́ственных исто́чниче.

Ра́дуйся, о́тче Никоди́ме, Горы́ Святы́я сла́вное украше́ние.

Конда́к 8

Диви́т помышле́ния ве́рных, богоглаго́ливе, мно́жество прему́дрых писа́ний твои́х: ты́ бо прему́дростию боже́ственною и си́лою небе́сною, Никоди́ме, пи́шеши и веща́еши, преподо́бне, и вся побужда́еши пе́ти: Аллилу́ия.

И́кос 8

Всю Це́рковь, я́коже богоде́тельнии све́ти, твоя́ богопре́данная словеса́ просвеща́ют, о́тче, та́инственне, и к соверше́ннейших разуме́нию веду́т я́же в сия́ приница́ющия и вопию́щия ти единогла́сне:

Ра́дуйся, трубо́ неизрече́нных;

ра́дуйся, таи́нниче небе́сных.

Ра́дуйся, Ду́ха кни́жниче богоглаго́ливый;

ра́дуйся, от свы́шняго вдохнове́ния науче́нный.

Ра́дуйся, я́ко боже́ственная вла́га ти даде́ся с небесе́;

ра́дуйся, я́ко облагодати́лся еси́ от руки́ Бо́жия.

Ра́дуйся, богосло́вия та́инственнаго гу́сли;

ра́дуйся, богоглаго́лания небе́снаго цевни́це.

Ра́дуйся, страсте́й отсеца́яй те́рние; ра́дуйся, душ очища́яй ни́ву.

Ра́дуйся, Бо́жия благоутро́бия язы́че; ра́дуйся, ве́рных правосла́вных сла́во.

Ра́дуйся, о́тче Никоди́ме, Горы́ Святы́я сла́вное украше́ние.

Конда́к 9

К по́двигом наставля́я проти́ву враго́в мы́сленных, Никоди́ме, преподо́бных исполне́ние, "Неви́димую брань" нарица́еши ю́же прему́дре списа́л еси́ кни́гу, свя́те: от сея́ бо науча́емся к Бо́гу возводи́тися, пою́ще: Аллилу́ия.

И́кос 9

Спа́совых пра́здников рече́ния богодохнове́нная и пе́сни всему́дрыя в широту́ распространя́я и глубину́, ю́же в них благода́ть всем по́дал еси́, е́юже ду́ши веселя́тся, Никоди́ме, тебе́ вопию́щих:

Ра́дуйся, пе́сней толкова́телю боже́ственных;

ра́дуйся, дщи́це слове́с святы́х.

Ра́дуйся, ве́яния боже́ственнаго сокро́вищнице;

ра́дуйся, Це́ркве Христо́вы украше́ние.

Ра́дуйся, Ду́ха сокро́вище и храни́лище доброде́телей;

ра́дуйся, орга́не богодохнове́нный пе́сней духо́вных.

Ра́дуйся, я́ко очища́еши ве́рных сердца́;

ра́дуйся, я́ко произлива́еши живоно́сная ороше́ния.

Ра́дуйся, ду́ш наста́вниче богому́дрый;

ра́дуйся, честны́м отце́м равноче́стный.

Ра́дуйся, ума́ хране́нию науча́яй;

ра́дуйся, ра́дость та́инственную возсиява́яй.

Ра́дуйся, о́тче Никоди́ме, Горы́ Святы́я сла́вное украше́ние.

Конда́к 10

Усты́ боговеща́нными и руко́ю, двиза́емою Ду́ха благода́тию, о́тче, духо́вных степе́ней изъясня́я в широте́ смы́слы, ле́ствицу и́ну поста́вил еси́ жела́ющим Го́сподеви пе́ти: Аллилу́ия.

И́кос 10

Прему́дрости боже́ственныя вла́га, я́коже Соломо́ну, даде́ся ти, Никоди́ме, отню́дуже Це́ркве учи́тель прему́дрый яви́лся еси́ и пресла́вный, на вся лу́чшая наставля́я, о́тче, зову́щия:

Ра́дуйся, у́ме богосло́вия;

ра́дуйся, струе́ боговеща́ния.

Ра́дуйся, пото́че наслажде́ния духо́внаго;

ра́дуйся, во словесе́х и де́лех пресве́тлый.

Ра́дуйся, вети́е многому́дрый глаго́л живо́тных;

ра́дуйся, уста́ блаже́нная гла́са Духо́внаго.

Ра́дуйся, насади́телю доброде́телей небе́сных;

ра́дуйся, искорени́телю нра́вов зле́йших.

Ра́дуйся, те́плыя моли́твы водворе́ние;

ра́дуйся, ве́рных богода́нное хвале́ние.

Ра́дуйся, Бо́жий песнопе́вче богоглаго́ливый;

ра́дуйся, вождю́ наш богоно́сный.

Ра́дуйся, о́тче Никоди́ме, Горы́ Святы́я сла́вное украше́ние.

Конда́к 11

Возвы́сив ума́ твоего́ к Бо́гу стремле́ния, умертви́л еси́ плотска́я движе́ния, и, боже́ственным све́том озаре́н, явле́нне во Афо́не просия́л еси́, сло́вом и де́лом, преподо́бне, к Бо́гу направля́я вопию́щия: Аллилу́ия.

И́кос 11

Све́том Уте́шителевым прему́дрых писа́ний твои́х благода́ть, Никоди́ме, везде́ сия́ет и вдыха́ет в ду́ши та́инственное благоуха́ние, и́мже страсте́й избавля́емся злово́ния, взыва́юще:

Ра́дуйся, цве́те ра́йский;

ра́дуйся, тро́сте Уте́шителева.

Ра́дуйся, мирополо́жнице боже́ственныя бла́гости;

ра́дуйся, благоуха́ние жития́ чи́стаго.

Ра́дуйся, ми́ро всеблагово́нное подви́жническия жи́зни;

ра́дуйся, арома́те небе́сный жи́тельства духо́внаго.

Ра́дуйся, тайнописа́телю святы́х догма́тов;

ра́дуйся, краснопи́сче свяще́нных смы́слов.

Ра́дуйся, свире́ле пе́сней благода́тных;

ра́дуйся, ли́ку святы́х сопричте́нный.

Ра́дуйся, душ утвержде́ние коле́блющихся;

ра́дуйся, прему́дрый мона́хов наста́вниче.

Ра́дуйся, о́тче Никоди́ме, Горы́ Святы́я сла́вное украше́ние.

Конда́к 12

Благода́ть и води́тельство к путе́м спаси́тельным и вся́цей по́льзе боже́ственней во Святе́м Ду́се при́сно книг твои́х мно́жество, о Никодиме, подае́т и веде́т к боже́ственней сла́ве вопию́щия: Аллилу́ия.

И́кос 12

Пою́ще тебе́ пе́снь, я́ко учи́теля вели́каго и боже́ственнаго и прему́драго наста́вника Це́ркве Христо́вы, о боговеща́нне, тя почита́ем, Никоди́ме: но не преста́й, свя́те, вся просвеща́ти зову́щия:

Ра́дуйся, Афо́на ве́лия сла́во;

ра́дуйся, На́ксоса боже́ственная похвало́.

Ра́дуйся, мона́шествующих свети́ло присносве́тлое;

ра́дуйся, правосла́вных пла́менниче неусыпа́емый.

Ра́дуйся, о́бразе и пра́вило и́ноков богоприя́тных;

ра́дуйся, да́ре и ве́нче безмо́лвников благогове́йных.

Ра́дуйся, Це́ркве стено́ неколеби́мейшая;

ра́дуйся, благоче́стия свети́льниче светоза́рнейший.

Ра́дуйся, и́мже восприе́млем лу́чшая;

ра́дуйся, и́мже отвраща́ем ху́ждшая.

Ра́дуйся, Богоро́дицы таи́нниче;

ра́дуйся, соиме́нных тебе́ предста́телю.

Ра́дуйся, о́тче Никоди́ме, Горы́ Святы́я сла́вное украше́ние.

Конда́к 13

О Никоди́ме о́тче, Горы́ Афо́нския чу́до и всея́ Це́ркве сла́во, настоя́щее на́ше приноше́ние ми́лостивно приими́ и подава́й всем свет боже́ственный моли́твами твои́ми, яко да при́сно Бо́гови вопие́м: Аллилуия.

Сей конда́к глаго́лется три́жды. И па́ки чте́тся 1-й и́кос и 1-й конда́к.

Моли́тва

О богодохнове́нный и вселе́нский и́стины учи́телю, изря́дная Святоимени́тыя Горы́ похвало́, светле́йшая звездо́ Правосла́вныя Це́ркве Собо́рныя, всепреподо́бный и святы́й о́тче Никоди́ме! Да́ждь нам просвеще́ние моли́твами твои́ми во исполне́ние боже́ственныя во́ли, напра́ви стопы́ на́ша ко стезя́м доброде́тельнаго жития́, осени́ нас да́нною тебе́ благода́тию и вразуми́ ум наш, во е́же разуме́ти богому́драя поуче́ния твоя́, да обря́щем в них покая́ние, исцеле́ние, ра́дость, мир, кро́тость, поко́й, любо́вь, и а́ще что добро́ и бла́го и спаси́тельно, и в конце́ живо́т ве́чный, и моли́ся всегда́ ко Го́споду о всех нас, и́скренне лю́бящих тя и на всяк день и час призыва́ющих оте́ческую твою́ бла́гость и по́мощь. Аминь.

Аудиокниги и фильмы


Случайный тест