Дни памяти:

26 января

3 июня – Собор Карельских святых

7 июля  (переходящая) – Собор Новгородских святых

22 августа – Собор Соловецких святых

Житие

Краткое житие преподобного Елеазара Анзерского (Севрюкова)

Пре­по­доб­ный Еле­азар Ан­зер­ский ро­дил­ся в го­ро­де Ко­зель­ске в се­мье куп­цов Се­врю­ковых. По бла­го­сло­ве­нию ро­ди­те­лей он уда­лил­ся в Со­ло­вец­кий мо­на­стырь, где при­нял по­стриг от игу­ме­на пре­по­доб­но­го Ири­нар­ха († 1628; па­мять 17 июля). В мо­на­сты­ре от­кры­лось его уди­ви­тель­ное ху­до­же­ствен­ное да­ро­ва­ние: он обу­чил­ся резь­бе по де­ре­ву и участ­во­вал в укра­ше­нии Пре­об­ра­жен­ско­го со­бо­ра. В 1612 го­ду по бла­го­сло­ве­нию игу­ме­на он уда­лил­ся на Ан­зер­ский ост­ров, где стал от­шель­ни­ком и по­сто­ян­но пре­бы­вал в мо­лит­ве и бо­го­мыс­лии. Чтобы до­быть се­бе про­пи­та­ние на пу­стын­ном ост­ро­ве, пре­по­доб­ный Еле­азар вы­ре­зал де­ре­вян­ные чаш­ки, ко­то­рые остав­лял на при­ста­ни. Про­плы­вав­шие ми­мо ост­ро­ва за­би­ра­ли чаш­ки, а вза­мен остав­ля­ли при­па­сы.
В 1616 го­ду пре­по­доб­ный Еле­азар был по­стри­жен в схи­му. Ино­ки, со­брав­ши­е­ся во­круг пре­по­доб­но­го, об­ра­зо­ва­ли скит со стро­гим уста­вом ино­че­ско­го жи­тия по древ­не­му об­раз­цу. Мо­на­ше­ские кел­лии бы­ли по­стро­е­ны да­ле­ко од­на от дру­гой. От­шель­ни­ки со­би­ра­лись вме­сте толь­ко для суб­бот­них и вос­крес­ных бо­го­слу­же­ний. Ке­лей­ная мо­лит­ва со­че­та­лась с тя­же­лым те­лес­ным тру­дом. Сре­ди уче­ни­ков пре­по­доб­но­го Еле­аза­ра был свя­щен­но­и­нок Ни­ки­та, бу­ду­щий пат­ри­арх Ни­кон. Царь Ми­ха­ил Фе­о­до­ро­вич (1613–1645), зная о по­движ­ни­че­ской жиз­ни свя­то­го, вы­зы­вал его в Моск­ву. Там пре­по­доб­ный Ири­нарх пред­рек ему рож­де­ние сы­на, за что царь щед­ро ода­рил его и по­мог устро­ить на ост­ро­ве ка­мен­ный храм во Имя Пре­свя­той Тро­и­цы и оби­тель.
Пре­по­доб­ный Еле­азар за­ни­мал­ся кни­го­пи­са­ни­ем. Он со­ста­вил и пе­ре­пи­сал три кни­ги "Цвет­ни­ка", в ко­то­рые во­шли ста­рин­ные по­ве­сти. Ему при­над­ле­жит так­же тол­ко­ва­ние на чин ке­лей­но­го мо­на­ше­ско­го пра­ви­ла. Скон­чал­ся пре­по­доб­ный Еле­азар в глу­бо­кой ста­ро­сти.

Полное житие преподобного Елеазара Анзерского (Севрюкова)

Уро­же­нец гор. Ко­зель­ска, сын куп­ца Се­врю­ко­ва, Еле­азар еще в мо­ло­дых ле­тах при­шел в Со­ло­вец­кую оби­тель и, ис­пы­тан­ный по­слу­ша­ни­я­ми, по­стри­жен был в мо­на­ше­ство; стро­гим по­стом, кре­по­стью в мо­лит­ве, глу­бо­ким вни­ма­ни­ем к се­бе са­мо­му он при­об­рел се­бе ува­же­ние бра­тии и лю­бовь игу­ме­на Ири­нар­ха. Рев­нуя слу­жить Гос­по­ду с са­мо­от­ре­че­ни­ем бо­лее тяж­ким, по бла­го­сло­ве­нию пре­по­доб­но­го Ири­нар­ха уда­лил­ся он на Ан­зер­ский ост­ров, за 20 верст от оби­те­ли, и здесь стал под­ви­зать­ся от­шель­ни­ком, не раз­вле­ка­е­мый ни­кем. Спер­ва жил он на го­ре у озе­ра. Для про­пи­та­ния сво­е­го на пу­стын­ном ост­ро­ве де­лал он сво­и­ми ру­ка­ми де­ре­вян­ные чаш­ки, ста­вил их у мор­ской при­ста­ни, и вре­мен­ные го­сти – мо­ря­ки остав­ля­ли от­шель­ни­ку хлеб и дру­гие съест­ные при­па­сы.
Спу­стя 4 го­да, в 1616 г., по­стри­жен­ный в схи­му, пе­ре­шел он к вет­хой церк­ви св. Ни­ко­лая, по­став­лен­ной для вре­мен­ных тру­же­ни­ков на соле­вар­нях. Здесь по­ста­вил он се­бе ма­лую ке­ллий­ку и жил с Гос­по­дом. Ма­ло-по­ма­лу со­бра­лось к нему несколь­ко рев­ни­те­лей скит­ско­го жи­тия. Пре­по­доб­ный Еле­азар ввел для спо­движ­ни­ков древ­ний чин скит­ско­го жи­тия. Ке­ллии без­молв­ных пу­стын­ни­ков по­став­ле­ны бы­ли в вер­сте од­на от дру­гой. В суб­бо­ту ве­че­ром со­би­ра­лись они для об­щей мо­лит­вы и в сле­ду­ю­щий день, со­вер­шив вос­крес­ное пе­ние, рас­хо­ди­лись по ке­лли­ям для бо­го­мыс­лия. Мо­лит­ва, псал­мо­пе­ние, ру­ко­де­лие по си­ле со­став­ля­ли обык­но­вен­ное за­ня­тие их. О ду­шев­ных сму­ще­ньях от­кры­ва­ли они преподобному стар­цу. Пре­по­доб­ный был не толь­ко ве­ли­ким по­движ­ни­ком, но и лю­би­те­лем ду­хов­но­го про­све­ще­ния. «От мно­го­го Бо­же­ствен­но­го пи­са­ния, – ска­за­но о нем во вклад­ной кни­ге ски­та, – раз­лич­ные по­ве­сти собра и три кни­ги Цвет­ни­ка сво­ею ру­кою на­пи­са уста­вом; та­кож­де и чин мо­на­ше­ско­го ке­лей­но­го пра­ви­ла в пи­са­нии – от ис­ку­су, доб­ре ис­тол­ко­ва». В дру­гое вре­мя пре­по­доб­ный то ко­ле­но­пре­клон­но мо­лил­ся, то ру­бил дро­ва и но­сил их на спине сво­ей. Нема­ло при­шлось ему пре­тер­петь ис­ку­ше­ний то от ду­ха зло­бы, то от лю­дей немощ­ных. Раз явил­ся ему ис­ку­си­тель в ви­де бра­та оби­те­ли с при­гла­ше­ни­ем в оби­тель. По­движ­ник не хо­тел ид­ти в путь преж­де, чем со­вер­шит пра­ви­ло ке­лей­ной мо­лит­вы, и стал на мо­лит­ву. Но ко­гда при­хо­ди­лось ему чи­тать мо­лит­ву Гос­под­ню – "От­че наш", мни­мый брат вы­хо­дил из ке­ллии; по­движ­ник изум­лял­ся и про­дол­жал мо­лить­ся. На­ко­нец, по­сле несколь­ких опы­тов по­вто­ре­ния той же ис­то­рии мни­мый брат ис­чез без сле­да, а по­движ­ник уви­дел, что ес­ли бы от­пра­вил­ся он в оби­тель, то бур­ное мо­ре по­гло­ти­ло бы его.
Царь Ми­ха­ил, скор­бев­ший о том, что не име­ет на­след­ни­ка пре­сто­ла, и узнав­ший о преподобном Еле­аза­ре от преж­не­го ке­ла­ря Лав­ры, а те­перь по­движ­ни­ка Со­ло­вец­ко­го, Алек­сандра Бу­лат­ни­ко­ва, вы­звал стар­ца в Моск­ву и про­сил мо­литв его. Ста­рец ска­зал ца­рю, что ро­дит­ся на­след­ник, и по­сле теп­лой моль­бы стар­ца в 1629 го­ду ро­дил­ся ца­ре­вич Алек­сий. При­зна­тель­ный царь Ми­ха­ил до гро­ба сво­е­го бла­го­тво­рил Ан­зер­ско­му ски­ту. Царь Алек­сий по вступ­ле­нии на пре­стол пред­пи­сал стро­ить ка­мен­ный храм в ски­ту, на­ча­тый по во­ле от­ца его, но по­строй­ка ко­то­ро­го бы­ла оста­нов­ле­на. Он же­лал ви­деть стар­ца лич­но, и ста­рец, уже дрях­лый, опять был в Москве. Ста­рец был об­лас­кан ца­рем. Но в Со­ло­вец­кой оби­те­ли него­до­ва­ли на то, что Ан­зер­ско­му ски­ту предо­став­ле­на бы­ла неза­ви­си­мость от оби­те­ли. Вслед­ствие то­го не толь­ко не окан­чи­ва­лось по­стро­е­ние хра­ма, невзи­рая на цар­ский указ, но сам ста­рец за­клю­ча­ем был в око­вы и тем­ни­цу. Пре­по­доб­ный об­ра­зо­вал из уче­ни­ков сво­их стро­гих по­движ­ни­ков. Та­ков был Ни­ко­дим, быв­ший пре­ем­ни­ком на­став­ни­ка сво­е­го в ски­ту; ве­ли­кий Ни­кон так­же был уче­ни­ком Еле­аза­ра. Ко­гда сей ан­зер­ский скит­ник стал вос­хо­дить со сте­пе­ни на сте­пень вла­сти и си­лы, он де­лал все, что мог, для по­коя преподобного Еле­аза­ра. Бу­дучи мит­ро­по­ли­том, пи­сал он к ар­хи­манд­ри­ту: «по­бе­ре­ги­те Ан­зер­ских стар­цев, стро­и­те­ля и бра­тию», и пред­пи­сы­вал ис­пол­нить прось­бу стар­ца Еле­аза­ра – от­пу­стить в его скит боль­нич­но­го стар­ца Ки­ри­ка; в 1655 г. пат­ри­арх Ни­кон вы­про­сил у ца­ря от­пус­кать в Ан­зер­ский скит бо­лее преж­не­го свеч, ла­да­ну, ви­на и му­ки для цер­ков­ной служ­бы; уста­но­вил быть 17 бра­тьям в ски­ту и по­слал от се­бя се­реб­ря­ные окла­ды на ико­ны и да­ры скит­ни­кам день­га­ми и ры­бою.
Св. ста­рец скон­чал­ся по­сле 40-лет­них по­дви­гов ян­ва­ря 13-го дня 1656 г.

Молитвы

Тропарь преподобному Елеазару Анзерскому

глас 3

Отве́рг пло́ти тле́нная,/ нетле́нных потща́лся еси́ дости́гнути,/ и, ми́ра удали́вся,/ всели́лся еси́ в морски́й о́стров,/ и на нем усе́рдно мно́га ле́та Го́сподеви порабо́тал еси́,/ сего́ ра́ди и да́ры прозре́ния и чуде́с обогати́лся еси́,/ о́тче преподо́бне Елеаза́ре.// Христа́ Бо́га моли́ дарова́ти нам мир и ве́лию ми́лость.

Кондак преподобному Елеазару Анзерскому

глас 1

Я́ко лучу́ тя со́лнечную, Христо́с показа́, преподо́бне,/ сия́ющу во стране́ примо́рстей чуде́с благода́тию,/ уставля́еши бо пла́вающим тишину́ морску́ю, ве́рою моля́щимся тебе́ и вопию́щим:/ ра́дуйся, Елеаза́ре, о́тче наш,// страны́ Беломо́рския похвало́ и утвержде́ние.

показать все

Молитва преподобному Елеазару Анзерскому

О, преподо́бне о́тче наш Елеаза́ре, Богоизбра́нный нача́льниче и основа́телю безмо́лвнаго и́ноческаго жития́ в пусты́ни А́нзерстей, дарова́нной ти ми́лостию царе́вою, су́щия ра́ди в тебе́ благода́ти проро́ческия. Мо́лим тя мы, смире́ннии и недосто́йнии, испроси́, уго́дниче Бо́жий, у Вседержи́теля Бо́га, в Тро́ице покланя́емаго, Ему́же в дерзнове́нии предстои́ши с ли́ки святы́х, да да́рует стране́ на́шей мир и утвержде́ние, на враги́ побе́ду и одоле́ние, церква́м благостоя́ние и всем лю́дем тишину́, и благоде́нствие, и изоби́лие плодо́в земны́х. Угаси́ моли́твами твои́ми разжже́нныя на ны стре́лы диа́вольския, да не прико́снется нам зло́ба грехо́вная, да, благоче́стно сконча́вше вре́менное житие́, сподо́бимся насле́довати Ца́рствие Небе́сное и ку́пно с тобо́ю сла́вити Отца́, и Сы́на, и Свята́го Ду́ха во ве́ки веко́в. Ами́нь.

Каноны и Акафисты

Акафист преподобному Елеазару Анзерскому, Соловецкому Чудотворцу

Кондак 1

Избранный угодниче Божий, светлостию жития твоего и чудес благодатию просиявый в пустыни севернаго Помория, преподобне отче наш Елеазаре! Хвалебныя песни приносим ти, подвиги твоя воспевающе. Ты же, яко благоприятный молитвенник ко Господу, от всяких нас бед свобождай, да зовем ти: Радуйся, преподобне отче наш Елеазаре.

Икос 1

Ангел житием и путеводитель многим ко спасению был еси, преподобне отче Елеазаре. Темже и мы ныне к твоему предстательству прибегающе, приносим ти хваления сицевая: Радуйся, единаго Господа измлада возлюбивый; радуйся, чистоту душевную от юности сохранивый. Радуйся, равноангельно поживый на земли; радуйся, яко со ангелы ликуеши на небеси. Радуйся, на демоны мужественно ополчивыйся; радуйся, небесных видений сподобивыйся. Радуйся, смирение сердца до конца сохранивый; радуйся, безмолвное житие тепле возлюбивый. Радуйся, преподобне отче наш Елеазаре.

Кондак 2

Видевше благочестивии родители твои усердие твое ко иноческому житию, на сей спасительный путь тя благословити не отрекошася. Ты же, преподобне, из дому отеческаго абие изшед, во обитель Соловецкую устремился еси, еяже достиже, радостно воспел еси Богу: Аллилуиа.

Икос 2

Разум богопросвещенный стяжав, мирскаго пристрастия избегл еси, пречудне Елеазаре, и подвиги плоть умертвив, образ добраго жития иноком преподал еси. Сего ради восхваляем тя сице: Радуйся, отечество и род твой оставивый; радуйся, богатство и славу возненавидевый. Радуйся, суровое житие возлюбивый; радуйся, Христу последовати возжелавый. Радуйся, яко пристанища тихаго достигл еси; радуйся, яко спасению многих послужил еси. Радуйся, грядущая прозираяй; радуйся, далече сущая провидяй. Радуйся, преподобне отче наш Елеазаре.

Кондак 3

Сила Божия укрепляше тя на подвиги, блаженне Елеазаре, егда из обители преподобных Зосимы и Савватия изшед, в пустыню Анзерскаго острова вселился еси, идеже в безмолвии воспевал еси Богу: Аллилуиа.

Икос 3

Имея молитву и крестное знамение яко щит непобедимый, досточудне Елеазаре, мужественно прогонял еси вражия ополчения, страховании многообразными на тя воюющая. Мы же яко воина Христова ублажаем тя сице: Радуйся, темных духов прогонителю; радуйся, злокозненных их сетей разрушителю. Радуйся, именем Иисусовым враги невидимыя отражавый; радуйся, мудрость духовную стяжавый. Радуйся, на невидимую брань верою и молитвою вооруживыйся; радуйся, воин Христов непобедимь явивыйся. Радуйся, полунощныя страны светильниче; радуйся, неусыпный о людех молитвенниче. Радуйся, преподобне отче наш Елеазаре.

Кондак 4

Бурю искушений и бед враг рода человеческаго воздвизая на тя, доброподвижниче Елеазаре, аки от игумена посланный льстивно тебе является. Ты же молитвою Господнею того обличил еси и в бегство обратил еси, воспевая Богу: Аллилуиа.

Икос 4

Слышав христолюбивый царь Михаил слух богоугоднаго твоего жития, преподобне Елеазаре, лице твое видети возжела: ты же, повелению цареву повинуяся, во стольный град притекл еси и о рождении первенца ему прорекл еси. Сего ради глаголем тебе сице: Радуйся, дерзновение ко Господу стяжавый; радуйся, пророческаго дара исполненный. Радуйся, христолюбиваго царя веру умноживый; радуйся, на хвалу Господню того подвигнувый. Радуйся, честию царевою не превозносивыйся; радуйся, о славе единаго Бога возвеселивыйся. Радуйся, яко твоею молитвою неплодие царицы прекратися; радуйся, яко плод благословен земли Российстей молитвою твоею даровася. Радуйся, преподобне отче наш Елеазаре.

Кондак 5

Боготечная звезда иноком Соловецким являешися, отче Елеазаре, к небесному отечеству тех путеводящая, такожде и всех притекающих к раце мощей твоих умилением и верою просвещающая, вопиющих к Богу: Аллилуиа.

Икос 5

Видеша ученицы твои, преподобне Елеазаре, царево к тебе благоволение, и повеление его к построению храма во обители твоей приемше, радовахуся. Мы же, Господне на то благословение уведевше и видения чудесная тебе явленная воспоминающе, глаголем: Радуйся, Христовы словесныя овцы ко спасению подвизаяй; радуйся, нерадивыя от сна греховнаго возбуждаяй. Радуйся, ученики твоя неленостно в житии назидавый; радуйся, и по преставлении писаньми твоими тех сердца умиляяй. Радуйся, словеса и учения святоотеческая в сердце твоем запечатлевый; радуйся, теми души ко спасению наставляяй. Радуйся, верный подражатель богоносным учителем бывый; радуйся, искусный иноков наставник явивыйся. Радуйся, преподобне отче наш Елеазаре.

Кондак 6

Провидец и провозвестник будущих и далече отстоящих яко близ сущих был еси, преподобне Елеазаре: темже и преставление духовнаго друга твоего за тридесять поприщ прозрел еси. Сего ради Богу, дивно прославляющему святыя Своя, поим: Аллилуиа.

Икос 6

Возсияваше лице твое небесною радостию и духовным веселием, ангелоподобне Елеазаре, егда сподоблялся еси Божественных откровений и видений. Сего ради сице тебе зовем: Радуйся, глас Божественный многажды слышавый; радуйся апостолу Павлу собеседник в видении бывый. Радуйся, Христов лик присно во уме твоем предносивый; радуйся, многострадальнаго о Христе жития благий образ явивый. Радуйся, на демоны воинствующим присный споборник бывый; радуйся, братию твою козни демонския прозирати научивый. Радуйся, правыя веры добрый учителю; радуйся, сомнящихся вере мудрый наказателю. Радуйся, преподобне отче наш Елеазаре.

Кондак 7

Хотяще злии человецы досаду тебе сотворити, и того ради глубокое море преплывше, дерзостно к келлии твоей с прещением приближишася; но Божественною силою во изступление ума впадше, окрест жилища твоего в недоумении блуждаху. Ты же, незлобив сый, молитвою тати оныя от таковаго помрачения исцелил еси и научил еси пети Богу: Аллилуиа.

Икос 7

Дивно от Царицы Небесныя на подвиги наставляемь, преподобне отче, непоколебимь во твоем изволении блазе пребыл еси, и небесную славу улучити сподобился еси. Темже ублажающе тя, глаголем: Радуйся, небесных видений достойный зритель бывый; радуйся, сосуде, Божия благодати преисполненный. Радуйся, путь спасения ясно познавый; радуйся, житием твоим путь сей нам указавый. Радуйся, безмолвия и молитвы учителю; радуйся, заповедей Господних верный блюстителю. Радуйся, ангелоподобный человече; радуйся, монашескаго жития наставниче. Радуйся, преподобне отче наш Елеазаре.

Кондак 8

Странствие досточудно совершил еси, чудотворче Христов Елеазаре, егда море преплывал еси с братиею, ладию твою молитвою от крушения посреде плавающаго леда избавил еси и спасл еси сущия в ней люди, воспевающия Богу песнь: Аллилуиа.

Икос 8

Весь пламенем Божественныя любве объят был еси, преподобне Елеазаре, егда во острове пусте богомыслием непрестанным и плоти умерщвлением подвизался еси, душу убо молитвою питая, тело же веригами удручая. О сем хваляще тя, зовем таковая: Радуйся, ветхаго человека в себе не пощадивый; радуйся, силою креста в подвизех себе утвердивый. Радуйся, пустынное лишение доблественне претерпевый; радуйся, память смертную присно имевый. Радуйся, власяницею и веригами плоть свою смиривый; радуйся, все плотское мудрование духу покоривый. Радуйся, богодухновенных книг списатель бывый; радуйся, мудрость духовную возлюбивый. Радуйся, преподобне отче наш Елеазаре.

Кондак 9

Вси жительствующии в богоспасаемой обители сей к раце честных мощей твоих сошедшеся днесь, приснопамятне Елеазаре, и памятию добродетелей твоих сердца умиляюще, приносим ти хвалебную песнь, ангельски поюще Богу: Аллилуиа.

Икос 9

Витийственных словес плетение не довлеет восхвалити достойно чудотворения твоя, преподобне Елеазаре. Обаче любовию движими, восписуем ти сицевая: Радуйся, вождю духовных воинов; радуйся, беснуемых свободителю. Радуйся, приемый от Господа власть на духи нечистыя; радуйся, и по смерти твоей низлагаяй вражия на нас ополчения. Радуйся, яко мощей твоих духи злобы устрашаются; радуйся, яко предстательством твоим всякия болезни исцеляются. Радуйся, в пучине морстей плавающим помощниче; радуйся, обидимых защитниче. Радуйся, преподобне отче наш Елеазаре.

Кондак 10

Спасения подвигом добре подвизался еси, приснопамятне Елеазаре. Темже от Господа венец нетления тебе сплетеся, егда святую душу твою предал еси в руце Вседержителя, воспевая ангельскую песнь: Аллилуиа.

Икос 10

Царю превечному в Небеснем Царствии предстал еси, святе Елеазаре, отшед от временныя жизни. Мы же, молитвенника тя тепла пред Престолом Господним имуще, зовем сице: Радуйся, от трудов временных к покою вечному славно прешедый; радуйся, и нас труды богоугодныя возлюбити научаяй. Радуйся, на земли Пресвятую Троицу присно славити обыкнувый; радуйся, Святей Троице ныне со ангелы предстояй радостно. Радуйся, дерзновение молитвенное ко Господу стяжавый; радуйся, дар чудотворения свыше восприемый. Радуйся, здравие болящим подаваяй; радуйся, во всякой нужде и беде сущим скоро помогаяй. Радуйся, преподобне отче наш Елеазаре.

Кондак 11

Пения хвалебная угоднику Божию приносяще, о празднолюбцы, всечестную память его духовно торжествуим; подвиги же его и чудесная деяния прославляюще, воспоим Богу песнь: Аллилуиа.

Икос 11

Светозарная звезда явился еси, отче Елеазаре, во мраце страстей нас сущих озаряющая и ко свету спасения приводящая всех вопиющих тебе таковая: Радуйся, обитель твою и по смерти не оставляяй; радуйся, живущия в ней невидимо назираяй. Радуйся, пищею духовною нас удовляяй; радуйся, на потребу телесную вся от Господа нам подаваяй. Радуйся, в житии твоем молитве деннонощней братию научивый; радуйся, и по преставлении твоем в молитве нас укрепляяй. Радуйся, скорбящих тайный утешителю; радуйся, страдальцев незримый посетителю. Радуйся, преподобне отче наш Елеазаре.

Кондак 12

Благодать приял еси от Христа Бога, угодниче Христов Елеазаре, еже за ны, во обители твоей жительствующия, молитися. Темже ныне память твою любезно почитающия благослови и удовли нас ко славословию Бога с песнию: Аллилуиа.

Икос 12

Поюще твоя чудеса и пророческий дар твой благоговейно почитающе, все же богоугодное твое житие и многая исцеления, от раки твоея святыя болящим подаваемая, любовию воспоминающе, молим тя, угодниче Христов Елеазаре, твоего предстательства и нас грешных не отщетити, но прияти от нас хваления сицевая: Радуйся, благодатию Пресвятыя Троицы освященный; радуйся, благодатию Пресвятыя Богородицы осененный. Радуйся, в лице преподобных ублажаемый; радуйся, к великим чудотворцем Соловецким сопричтенный. Радуйся, со всеми святыми прославляемый; радуйся, со ангелы Пресвятей Троице предстояй. Радуйся, еще на земли Господа зрети сподобивыйся; радуйся, ныне Того лицем к лицу созерцаяй. Радуйся, преподобне отче наш Елеазаре.

Кондак 13

О преподобне и богоносне отче наш Елеазаре! Приими ныне приносимая тебе хваления наша и святыми твоими молитвами в жизни сей нас от всякаго злаго обстояния сохрани, в будущей же вечнаго осуждения избави, да сподобимся купно с тобою и со всеми святыми воспевати в Троице славимому Богу: Аллилуиа.

(Этот кондак читается трижды, затем икос 1 и кондак 1)

Молитва

О преподобне отче наш Елеазаре, безмолвнаго иноческаго жития в пустыни Анзерстей богоизбранный начальниче и основателю! Молим тя мы, смиреннии и недостойнии, обстояще священный гроб твой во храме Пресвятыя Троицы, имже место сие освятися и, сущия ради в тебе благодати пророческия, прославися; испроси, угодниче Божий, у Вседержителя Бога, в Троице покланяемаго, Емуже в дерзновении с лики святых предстоиши, да дарует православному народу нашему на враги победу и одоление, державе Российстей мир и утверждение, церквам благостояние и всем людем тишину, и благоденствие, и изобилие плодов земных. Угаси молитвами твоими разжженныя на ны стрелы диавольския, да не прикоснется нам злоба вражия, да благочестно скончавше временное житие, сподобимся наследовати Царствие Небесное и купно с тобою славити Отца и Сына и Святаго Духа во веки веков. Аминь.

Случайный тест

(3 голоса: 5 из 5)