Чтения Священного Писания и Богослужебные указания

Богослужебные указания

1 Кор. XI:31 - XII, 6 (зач. 150). Мф. XVIII:1-11 (зач. 74). Блж. (под зачало): Гал. V:22 - VI, 2 (зач. 213). Мф. XI:27-30 * (зач. 43). Первомч.: Деян. VI:8 - VII, 5, 47-60 (зач. 17). Мф. XXI:33-42 (зач. 87). * Чтения блж. Василия читаются, если ему совершается служба.

Киево-Печерская Лавра

Тропари, кондаки, молитвы и величания

Первомученику и архидиакону Стефану

Тропарь первомученику и архидиакону Стефану, глас 4

Ца́рским венце́м венча́ся/ твой верх от страда́ний,/ я́же претерпе́л еси́ по Христе́ Боз́е,/ му́чеников первострада́льче Стефа́не,/ ты бо, иуде́йское обличи́вый неи́стовство,/ ви́дел еси́ твоего́ Спа́са одесну́ю Отца́:// Того́ у́бо моли́ о душа́х на́ших.

Тропарь первомученику и архидиакону Стефану, глас 4

По́двигом до́брым подвиза́лся еси́,/ первому́чениче Христо́в, и апо́столе, и архидиа́коне Стефа́не/ и мучи́телей обличи́л еси́ нече́стие./ Ка́мением бо побие́н от рук беззако́нных,/ вене́ц от я́же свы́ше десни́цы прия́л еси́,/ и к Бо́гу взыва́л еси́ вопия́:// Го́споди, не поста́ви им греха́ сего́.

показать все

Ин тропарь первомученику и архидиакону Стефану, глас 3

Апо́столом совсе́льник/ и страстоте́рпцем первострада́лец,/ Христо́в служи́тель, прехва́льне Стефа́не,/ пе́рвее бо соверши́в муче́ния тече́ние,/ безчи́сленныя ро́ды челове́к ра́вно Подвигополо́жнику Христу́ приведе́./ Те́мже я́ко апо́стола и страда́льца верхо́внаго/ чту́ще тя, мо́лим:/ моли́ Христа́ Бо́га// дарова́ти нам ве́лию ми́лость.

Кондак первомученику и архидиакону Стефану, глас 6

Пе́рвый се́ялся еси́ на земли́ Небе́сным де́лателем,/ всехва́льне Стефа́не,/ пе́рвый на земли́ за Христа́ кровь излия́л еси́, блаже́нне,/ пе́рвый от Него́ побе́ды венце́м увя́злся еси́ на Небесе́х,/ страда́льцев нача́ло,// вене́чниче, му́чеников первострада́льне.

Кондак первомученику и архидиакону Стефану, глас 3

Влады́ка вчера́ нам пло́тию прихожда́ше,/ и раб днесь от пло́ти исхожда́ше;/ вчера́ Ца́рствуяй пло́тию роди́ся,/ днесь раб ка́мением побива́ется.// Того́ ра́ди и скончава́ется первому́ченик и Боже́ственный Стефа́н.

Молитва первомученику и архидиакону Стефану

Пе́рвый во диа́конех, пе́рвый и в му́ченицех показа́лся еси́, святы́й Стефа́не, апо́столе, испо́лнь бо ве́ры и си́лы во уче́нии и в зна́мениих вели́к яви́лся еси́, и никто́же возмо́же противуста́ти прему́дрости и ду́ху, и́миже глаго́лал еси́, лице́ же твое́ на со́нмищи ви́дено бысть, я́ко лице́ а́нгела. Те́мже, испо́лнен Свята́го Ду́ха быв, ви́дел еси́ отве́рстое не́бо и сла́ву Бо́жию и Сы́на челове́ча, Го́спода на́шего Иису́са Христа́, одесну́ю стоя́ща Бо́га Отца́. Та́же и от жестоковы́йных и уби́йц иуде́ев ка́мением пред лице́м Преблагослове́нныя и моля́щияся о тебе́ Де́вы, Ма́тере Его́, побива́емь, прекло́нь коле́на, возопи́л еси́ гла́сом ве́лиим: Го́споди, не поста́ви им греха́ сего́! И та́ко дух твой Го́споду Иису́су ра́достно пре́дал еси́. Сего́ ра́ди моли́твенника и предста́теля тя стяжа́хом, коле́на души́ и се́рдца на́шего прекло́ньше, тя мо́лим: воздежи́ ру́це твои́ ко Го́споду, и сподви́жи всему́ ро́ду челове́ческому Предста́тельницу и Хода́таицу к Сы́ну Своему́, Пресвяту́ю Ма́терь Де́ву, и о нас, при́сно прогневля́ющих грехо́м и ле́ностию, моли́ Блага́го Спа́са на́шего, да пода́ст нам благода́ть во благовре́менную по́мощь к покая́нию и твои́м предста́тельством и заступле́нием Пресвяты́я Ма́тере Своея́ в день он, стра́шный и пра́ведный, да не поста́вит пред на́ми грехи́ на́ша, но по щедро́там Свои́м, тобо́ю умоле́н быв, да рече́т души́ на́шей: спасе́ние ва́ше есмь Аз во ве́ки веко́в. Ами́нь.

Блаженного Василия, Христа ради юродивого

Тропарь блаженного Василия, Христа ради юродивого, глас 8

Житие твое, Василие, неложное, и чистота нескверна,/ Христа ради тело твое изнурил еси постом и бдением,/ и мразом и теплотою солнечною,/ и слотою и дождевным облаком,/ и просветися лице твое, яко солнце,/ и ныне приходят к тебе Российстии народи и вси людие,/ прославляюще святое твое успение./ Тем Христа Бога моли,/ да избавит ны от варварскаго пленения и междоусобныя брани/ и мир мирови подаст и душам нашим велию милость.

Ина служба блаженного Василия. Тропарь, глас 1

Плоть удручившу ти злостраданием,/ душу же просветившу чистотою сердца,/ обогатился еси благодатию Пресвятаго Духа, Василие,/ даровати требующим полезная./ Сего ради недужнии, притекающе к цельбоподательному твоему гробу, премудроюроде,/ независтно приемлют болезней отложение/ и благодарственно воспевают прославльшаго тя,/ Единаго Человеколюбца.

Ин тропарь блаженного Василия, Христа ради юродивого, глас 8

Якоже бо солнце и луна наготою своею не срамляются,/ тако и ты, угодниче Христов Василие, наг сый, не срамляшеся,/ восприят бо ризу Адама первозданнаго,/ юже он ношаше прежде в рай,/ ты же сию на земли поносил еси;/ и был еси добрый купец:/ елико имеяше, вся остави/ и купи мздою терпения своего село,/ на немже сокровен безценный Бисер, Христос./ Сего ради явися всем грешным образ покаяния/ и вселися в райскую широту,/ и, предстоя Христови,/ не забуди град, в немже обита, и люди, преблаженне,/ и моли спасти души наша.

Кондак блаженного Василия, Христа ради юродивого, глас 4

Духом Божиим водим, преблаженне Василие,/ оттрясл еси мирский мятеж,/ и жития треволнения возгнушался еси,/ и, совлекся одеяний тленных и облекся в ризу безстрастия,/ убежал еси ловления льстиваго миродержца,/ и был еси странен во твоем языце,/ и, паче земнаго богатства избрав богатство Небесное,/ увязлся еси венцем терпения./ И ныне, преблаженне Василие, моли Христа Бога/ о творящих святую память твою, да зовем ти:/ радуйся, преблаженне Василие.

Ина служба блаженного Василия. Кондак, глас 4

Явил тя есть Господь нынешнему роду/ исцелителя болезнем и прогонителя недугом/ любовию, Василие, притекающим к тебе/ и призывающим верою молитвы твоя.

Молитва блаженному Василию

О великий угодниче Христов, истинный друже и верный рабе Всетворца Господа Бога, преблаженне Василие! Услыши ны, много­грешныя, ныне воспевающия к тебе и призывающия имя твое святое, помилуй ны, припадающия днесь к пречистому образу твоему, приими малое наше и недостойное сие моление, умилосердися над убожеством нашим, и молитвами твоими исцели всяк недуг и болезнь души и тела нашего грешнаго, и сподоби ны течение жизни сея невредимо от видимых и невиди­мых врагов безгрешно прейти, и христианскую кончину, непостыдну, мирну, безмятежну, и Небеснаго Царствия наследие получити со всеми святыми во веки веков. Аминь.

Молитва ко Господу

О Владыко Христе, Сыне Божий, Источниче жизни и просвещения, Долготерпеливый и Многомилостивый, подаждь нам славити пресвятое и преславное Твое имя бодренно во исповедании сердечном во вся дни живота нашего, до последняго часа. Елико хощеши, можеши, велика бо есть слава премногаго Твоего милосердия и непостижима всему рожденному естеству. Како претерпит язык наш, таковыя во радости и веселия исполни нас, телеснаго и духовнаго? Или како воспоем благодать Твою неизреченную, истин­ным желанием усердно величаем и славословим милосердие Твое, яко дарова нам Своего угодника, блаженнаго Василия? Толико духом к Тебе зовем: о, Господи, Живый, Неприступный, Страшный, Мило­стивый и Щедрый, Видимый и Невидимый, помилуй нас, всегда Тебе со слезами зовущие, и просве­щай нас, Своего ради угодника, пресветло милостивыми чудесы. О, благий Царю всея твари! Помилуй Божественным твоим пресвет­ломилостивым изволением хотения Своего и похвалу славы благодати Своея приими по премногому милосердию Своему, величествия ради прехвальнаго Твоего имене, и Пречистыя Твоея Матере, Преславныя, Преблагословенныя и Пренепорочныя Приснодевы Марии, и святых славных и всехвальных апостол, и пророк, и мученик, преподобных и праведных ради, и святаго богомудраго юрода Твоего, преблаженнаго Василия, и всех святых ради Своих угодник, возвеличи, Господи, Русь Православную пред латины и басурманы и прочими языки, враги ея и супостаты покори, Господи, вои же ея храбры сотвори и огради я Ангелы святыми Своими, и всем православным христианом в целомудрии, и в мире, и в благоденствии пребывати соблаговоли, и облаком небесным повели дождя благодарственно земли во благопотребно время, яже бо во препитание людем Твоим и траву скотом, исполни я всякия благодати в род и род во веки веков, яко Ты еси Бог миру и Спаситель душам нашим, Твое бо есть, еже миловати и спасати, Свят еси Ты, Господи Боже наш, и Тебе славу возсылаем, со Отцем и Святым Духом, всегда, ныне и присно и во веки веков. Аминь.

Мысли свт. Феофана Затворника

(1Кор.11:31–12; Мф.18:1–11)

«Если не обратитесь и не будете как дети, не войдете в Царство Небесное» (Мф.18:3). Детское строение сердца – образцовое. Дети, пока не раскрылись в них эгоистические стремления, – пример подражания. У детей что видим? Веру полную, нерассуждающую, послушание беспрекословное, любовь искреннюю, беспопечение и покой под кровом родителей, живость и свежесть жизни, с подвижностью и желанием научаться и совершенствоваться. Но Спаситель особенно означает одно их свойство – смирение: «кто умалится, как это дитя, тот и больше в Царстве Небесном» (Мф.18:4). Ибо коль скоро есть смирение настоящее, то и все добродетели есть. Оно тогда и является в совершенстве, когда другие добродетели уже расцвели в сердце и приходят в зрелость; оно венец их и покров. 

Это тайна жизни духовной о Христе Иисусе Господе нашем. Чем кто выше, тем смиреннее, ибо он яснее и осязательнее видит, что не он трудится в преуспеянии, а «благодать..., которая в нем» (1Кор.15:10); и это есть «мера возраста исполнения Христова» (Еф.4:13). Ибо главное во Христе Иисусе – то, что Он «смирил Себя, послушлив быв даже до смерти» (Флп.2:8).

Притча дня

Однажды пожилому священнику задали вопрос:
— Почему бедные люди отзывчивые на чужую беду, а богатые нет?
— Посмотри в окно, — ответил тот, — что ты видишь?
— Вижу деревья, автомобиль, дети гуляют...
— А теперь посмотри в зеркало, — продолжал священник, — что там?
— Что я могу там видеть? Только себя самого.
— Так вот, — серьезно сказал священник, — и там и тут простое стекло, но второе стекло немного припудрено серебром.



Проповедь дня

Перейти в раздел «Проповеди»

Случайный тест

(0 голосов: 0 из 5)