Чтения Священного Писания и Богослужебные указания

Богослужебные указания

Утр. - Лк. XXI:12-19 (зач. 106). Лит. - Вмч.: 2 Тим. II:1-10 (зач. 292). Ин. XV:17 - XVI, 2 (зач. 52).

Лк.21:12-19

Тропари, кондаки, молитвы и величания

Святому великомученику и целителю Пантелеимону

Тропарь святому великомученику и целителю Пантелеимону, глас 3

Стpастоте́pпче святы́й и целе́бниче Пантелеи́моне,/ моли́ Ми́лостиваго Бо́га,/ да пpегpеше́ний оставле́ние// пода́ст душа́м на́шим.

Перевод: Страстотерпец святой и целитель Пантелеимон, умоли милостивого Бога, да согрешений прощение подаст Он душам нашим.

Кондак святому великомученику и целителю Пантелеимону, глас 5

Подража́тель сый Ми́лостиваго/, и исцеле́ний благода́ть от Него́ прие́м,/ страстоте́рпче и му́чениче Христа́ Бо́га,/ моли́твами твои́ми душе́вныя на́ша неду́ги исцели́,/ отгоня́ при́сно борца́ собла́зны от вопию́щих ве́рно:// спаси́ ны, Го́споди.

Перевод: Подражатель Милостивого и получивший от Него исцелений благодать, страстотерпец и мученик Христа Бога! Молитвами твоими душевные наши недуги исцели, отгоняя всегда вражии соблазны от взывающих непрестанно: «Спаси нас, Господи!»

показать все

Молитва святому великомученику и целителю Пантелеимону

О, вели́кий Христо́в уго́дниче и пресла́вный целе́бниче, великому́чениче Пантелеи́моне! Душе́ю на Небеси́ Престо́лу Бо́жию предстоя́й и Триипоста́сныя Его́ сла́вы наслажда́яйся, те́лом же и ли́ком святы́м на земли́ в Боже́ственных хра́мах почива́яй и да́нною ти свы́ше благода́тию разли́чные чудеса́ источа́яй. При́зри ми́лостивым твои́м о́ком на предстоя́щия лю́ди и честне́й ико́не уми́льно моля́щиеся и прося́щия от тебя́ целе́бныя по́мощи и заступле́ния. Простри́ ко Го́споду Бо́гу на́шему те́плые моли́твы свои́ и испроси́ душа́м на́шим оставле́ние согреше́ний на́ших. С ве́рою призыва́ем и́мя твое́, святы́й пра́ведный Пантелеи́моне. Я́ко ты прия́л еси́ благода́ть от Го́спода Бо́га – неду́ги отгоня́ти и стра́сти исцеля́ти. Тебя́ у́бо про́сим: не пре́зри нас, недосто́йных, моля́щихся тебе́ и твоея́ по́мощи тре́бующих. Бу́ди нам в печа́лех уте́шитель, в неду́зех лю́тых стра́ждущих врач. Напа́ствуемым – ско́рый покрови́тель. Оча́м неду́гующим – прозре́ния да́тель. В ско́рбях пребыва́ющим – гото́вейший предста́тель и исцели́тель. Исхода́тайствуй всем вся, я́же ко спасе́нию поле́зная. Я́ко да твои́ми ко Го́споду Бо́гу моли́твами получи́вше благода́ть и ми́лость, просла́вим всех благи́х Исто́чника и Даропода́теля, Бо́га Еди́ного, в Тро́ице Свято́й сла́вимого, Отца́ и Сы́на, и Свята́го Ду́ха, ны́не и при́сно, и во ве́ки веко́в. Ами́нь.

Молитва вторая святому великомученику и целителю Пантелеимону

О, пресла́вный му́чениче и до́блий во́ине Небе́снаго Царя́, Пантелеи́моне всеблаже́нне, ми́лостиваго Бо́га преизря́дный подража́телю, и́же Христа́ на земли́ дерзнове́нно испове́дав, и многообра́зныя за Него́ му́ки претерпе́в, неувяда́емый прия́л еси́ вене́ц на Небеси́, иде́же ве́чнаго наслажда́ешися блаже́нства, и со дерзнове́нием Престо́лу трисо́лнечнаго Божества́ предстои́ши! К твоему́ христоподража́тельному сострада́нию по Бо́зе прибега́ем вси мы гре́шнии, и всеусе́рдно мо́лим тя, те́плаго засту́пника и предста́теля на́шего: не преста́й призира́ти на нас, су́щих в ну́ждах и ско́рбных обстоя́ниях, и твое́ю моли́твенною по́мощию и цельбопода́тельною си́лою избавля́й нас при́сно от лю́тых зол, всегуби́тельства и вся́кия ины́е беды́ и боле́зни. Ты бо прия́л еси́, свя́те, неоску́дную благода́ть исцеле́ний от Спа́са на́шего Иису́са Христа́ за тве́рдую твою́ к Нему́ ве́ру, при чи́стом и непоро́чном житии́, запечатле́нную му́ченичеством и многопобе́дною твое́ю кончи́ною, в не́йже по да́нней ти благода́ти и наименова́н от Христа́ Пантелеи́моном, ми́лости тезоимени́тым, ми́лующим всех притека́ющих к тебе́ в ско́рбех и боле́знех. Сего́ ра́ди ве́дуще тя ми́лостиваго во всем помо́щника и цели́теля, с ве́рою взыва́ем к тебе́: услы́ши нас и богоприя́тным хода́тайством твои́м подава́й нам вся благопотре́бная в житии́ сем и ну́жная к ве́чному спасе́нию. Му́ченическим же дерзнове́нием твои́м умоли́ ми́лостиваго Бо́га, да поми́лует нас гре́шных и недосто́йных по вели́цей ми́лости Свое́й, да изба́вит от тру́са, пото́па, огня́, меча́ и вся́каго пра́веднаго гне́ва и преще́ния, благовре́менне подвиза́я нас к очисти́тельному и умилостиви́тельному во гресе́х на́ших покая́нию, ра́ди мно́жества щедро́т Свои́х, да пода́ст всем нам безбе́дное, ти́хое и богоуго́дное житие́, правосла́вным же на вся враги́ побе́ду и одоле́ние, и всех нас от враг ви́димых и неви́димых да сохрани́т благода́тию Свое́ю и непобеди́мым ополче́нием А́нгел Свои́х, и́миже огражда́еми и наставля́еми да поживе́м в ве́це сем в покая́нии, чистоте́ и в творе́нии богоуго́дных дел; да сподо́бимся твои́м те́плым предста́тельством христиа́нскую кончи́ну улучи́ти безболе́зненну, ми́рну, непосты́дну, изба́витися от ко́зней возду́шных князе́й тьмы и от ве́чныя му́ки, и бы́ти насле́дниками безконе́чнаго, всеблаже́ннаго Ца́рствия. Ей, уго́дниче Бо́жий! Не преста́й моли́тися за ны гре́шныя, да твои́м хода́тайством вре́менных и ве́чных бед изба́влени, велича́ем тебе́, засту́пника на́шего и моли́твенника, и ве́чно прославля́ем о́бщаго Влады́ку и Го́спода на́шего Иису́са Христа́, Ему́же подоба́ет вся́кая сла́ва, честь и поклоне́ние со Безнача́льным Его́ Отце́м и Пресвяты́м Ду́хом, ны́не и при́сно и во ве́ки веко́в. Ами́нь.

Молитва третья святому великомученику и целителю Пантелеимону

О, вели́кий уго́дниче Христо́в, страстоте́рпче и врачу́ многоми́лостивый, Пантелеи́моне! Умилосе́рдися надо́ мно́ю, гре́шным рабо́м, услы́ши стена́ние и вопль мой, уми́лостиви Небе́снаго, верхо́внаго Врача́ душ и теле́с на́ших, Христа́ Бо́га на́шего, да да́рует ми исцеле́ние от гнету́щаго мя неду́га. Приими́ недосто́йное моле́ние грешне́йшаго па́че всех челове́к. Посети́ мя благода́тным посеще́нием. Не возгнуша́йся грехо́вных язв мои́х, пома́жи еле́ем ми́лости твоея́ и исцели́ мя: да, здрав сый душе́ю и те́лом, оста́ток дний мои́х, благода́тию Бо́жиею, возмогу́ провести́ в покая́нии и угожде́нии Бо́гу и сподо́блюся восприя́ти благи́й коне́ц живота́ моего́. Ей, уго́дниче Бо́жий! Умоли́ Христа́ Бо́га, да предста́тельством твои́м да́рует ми здра́вие те́лу и спасе́ние души́ мое́й. Ами́нь.

Молитва четвертая святому великомученику и целителю Пантелеимону

Святы́й великому́чениче и цели́телю Пантелеи́моне, Бо́га ми́лостиваго подража́телю! При́зри благосе́рдием и услы́ши нас, гре́шных, пред свято́ю твое́й ико́ною усе́рдне моля́щихся. Испроси́ нам у Го́спода Бо́га, Ему́ же со А́нгелы предстои́ши на Небеси́, оставле́ние грехо́в и прегреше́ний на́ших. Исцели́ боле́зни душе́вныя же и теле́сныя рабо́в Бо́жиих, ны́не помина́емых, зде предстоя́щих и всех христиа́н правосла́вных, к твоему́ заступле́нию притека́ющих. Се бо мы, по грехо́м на́шим лю́те одержи́мы есмы́ мно́гими неду́ги и не и́мамы по́мощи и утеше́ния, к тебе́ же прибега́ем, я́ко даде́ся ти благода́ть моли́тися за ны и цели́ти всяк неду́г и вся́ку боле́знь. Да́руй у́бо всем нам святы́ми моли́твами твои́ми здра́вие и благомо́щие души́ и те́ла, преспе́яние ве́ры и благоче́стия и вся к житию́ вре́менному и ко спасе́нию потре́бная. Я́ко да, сподо́бившися тобо́ю вели́ких и бога́тых ми́лостей, просла́вим тя и пода́теля всех благ, ди́внаго во святы́х, Бо́га на́шего, Отца́, и Сы́на, и Свята́го Ду́ха. Ами́нь.

Преподобному Герману Аляскинскому

Тропарь преподобному Герману Аляскинскому, глас 7

Звездо́ пресве́тлая Це́ркве Христо́вы,/ на се́вере просия́вшая,/ вся к Ца́рствию Небе́сному путеводя́щая,/ учи́телю и апо́столе и́стинныя ве́ры,/ предста́телю и засту́пниче гони́мых,/ украше́ние изя́щное Святы́я Це́ркве во Аме́рице,/ преподо́бне о́тче Ге́рмане Аля́скинский,/ моли́ся ко Го́споду Спа́су на́шему,// спасти́ся душа́м на́шим.

Перевод: Звезда преяркая Церкви Христовой, на севере просиявшая, всех к Царству Небесному путеводящая, учитель и апостол истинной веры, ходатай и защитник гонимых, украшение превосходное Святой Церкви в Америке, преподобный отче Герман Аляскинский, молись ко Господу Спасителю нашему о спасении душ наших.

Ин тропарь преподобному Герману Аляскинскому, глас 1

Ло́зу Правосла́вия прине́сл еси́ в Аме́рику из Росси́и благочести́выя/ и, удобри́в ко́рень по́стническими труда́ми/ и напои́в оби́льне моли́твенными слеза́ми,/ плоды́ прине́сл еси́ - виногра́д возлю́бленный,/ Ге́рмане преблаже́нне о́тче наш./ Те́мже и Бог тя просла́ви, я́ко апо́стола преподо́бнаго,/ нетле́нием моще́й и благода́тию чуде́с,/ от них же почерпа́юще благодея́ния, восхваля́ем тя:/ сла́ва Да́вшему ти кре́пость,/ сла́ва Венча́вшему тя,// сла́ва Дарова́вшему тя Аме́рице свети́ло Правосла́вия.

Перевод: Лозу Православия ты принес в Америку из благочестивой России и, удобрив корень постническими трудами и обильно напоив молитвенными слезами, принес ты плоды - виноград возлюбленный, Герман преблаженный отче наш. Потому и Бог тебя прославил, как апостола преподобного, нетлением мощей и благодатью чудес, из них же черпая благодеяния, прославляем тебя: «Слава Давшему тебе силу, слава Венчавшему тебя, слава Даровавшему тебя Америке, светило Православия».

Ин тропарь преподобному Герману Аляскинскому, поемый во Америце, глас 3

Преподо́бне о́тче наш Ге́рмане,/ пе́рвый свети́льниче, в земли́ на́шей просия́вый,/ прино́сим вси тебе́ похвалы́ сия́,/ ты же, я́ко име́я дерзнове́ние ко Го́споду,/ бу́ди засту́пник нам, и уте́шитель,/ и Це́ркви на́шея покрови́тель ди́вный,/ да вси со умиле́нием зове́м ти:// ра́дуйся, о́тче наш Ге́рмане, Аля́ски и всея́ Аме́рики пресла́вный чудотво́рче.

Перевод: Преподобный отче наш Герман, первый светильник в земле нашей просиявший, приносим все тебе похвалы эти, ты же, как имеющий дерзновение ко Господу, будь защитником нашим и утешителем, и Церкви нашей покровителем знаменитым, да все со смирением взываем к тебе: «Радуйся, отче наш Герман, Аляски и всей Америки удивительный чудотворец».

Кондак преподобному Герману Аляскинскому, глас 3

Свет ве́чный Христа́ Спа́са на́шего/ тя на путь ева́нгельский во Аме́рику наста́ви,/ возвести́ти весть о ми́ре ева́нгельскую./ Днесь Престо́лу Сла́вы предстоя́,/ моли́ся о стране́ твое́й и лю́дех ея́,/ о ми́ре всего́ ми́ра// и спасе́нии душ на́ших.

Перевод: Свет вечный Христа Спасителя нашего направил тебя на евангельский путь в Америку, проповедать евангельскую весть о мире. Сегодня, предстоя Престолу Славы, молись о стране твоей и людях ее, о мире всего мира и спасении душ наших.

Ин кондак преподобному Герману Аляскинскому, глас 8

Взбра́нному Воево́де сво́инствовався,/ в брань вступи́л еси́ на ду́ха зло́бы в по́ле преподо́бия и апо́стольства./ И, пожа́в побе́ды обою́дныя,/ воздвиза́еши нас вопи́ти тебе́:// ра́дуйся, свя́те Ге́рмане, апо́столе преподо́бный.

Перевод: Победоносного Военачальника ты стал воином, вступил в битву против духа злобы на поле преподобия и апостольства. И одержав победу с обеих сторон, поднимаешь нас, чтобы взывать к тебе: «Радуйся, святой Герман, апостол преподобный».

Ин кондак преподобному Герману Аляскинскому, глас 8

Валаа́ма постри́женик, честны́й,/ возлю́бленник Бо́жия Ма́тере бы́вый,/ ревни́тель по́двигов дре́вних подви́жник но́вый,/ моли́тву, я́ко копие́ и щит, прие́мый,/ стра́шен де́моном и тьме язы́честей ста́вый,// Ге́рмане преподо́бне, моли́ Христа́ Бо́га спасти́ ду́ши на́ша.

Перевод: Валаама постриженник, почитаемый, ты был любим Божией Матерью, новый ревнитель подвигов древних подвижников, молитву, как копье и щит взявший, устрашавший демонов и тьму языческую, Герман преподобный, моли Христа Бога о спасении душ наших.

Молитва преподобному Герману Аляскинскому

О, преди́вный уго́дниче Бо́жий, преподо́бне о́тче наш Ге́рмане, ты по́двигом до́брым подвиза́лся еси́ во стране́ сей, среди́ суро́выя приро́ды, яви́л еси́ себе́ в ма́лом ве́рно во служе́нии твое́м Бо́гу, по глаго́лу Его́: о ма́лем был еси́ ве́рен, над мно́гими поста́влю тя. И ны́не, егда́ испо́лнися сло́во сие́ Госпо́дне на тебе́, поста́ви тя Госпо́дь над все́ю Це́рковию Америка́нскою, я́ко Небе́снаго покрови́теля, все мы взыва́ем ти те́плою моли́твою: моли́ся за Це́рковь на́шу Святу́ю, да сохрани́т ю́ Госпо́дь в чистоте́ и Правосла́вии, да яви́т ю́ украше́ние страны́ на́шея, да огради́т ю́ от те́мных сил вра́жиих, да изжене́т супоста́ты и да да́рует всем чистоту́ ве́ры и благоче́стие. Всем же нам испроси́ ду́ха ми́ра и любве́, ду́ха кро́тости и смире́ния, горды́ни отгна́ние, от самопревозноше́ния огражде́ние, боля́щим по́мощь и исцеле́ние, скорбя́щим утеше́ние, а́лчущим пра́вды духо́вныя пи́щу Небе́сную. Да, улучи́вше жела́емая, обря́щем пра́ведное воздая́ние в день Стра́шнаго суда́ и со все́ми святы́ми воспое́м и просла́вим Живонача́льную Тро́ицу, Отца́ Непостижи́маго, И́стиннаго и Единаро́днаго Сы́на и Свята́го Уте́шителя Ду́ха, во ве́ки. Ами́нь.

Молитва вторая преподобному Герману Аляскинскому

О, преподо́бне о́тче Ге́рмане, новоя́вленный уго́дниче, Аля́ски просвети́телю! Мо́лим тя: хода́тайствуй о нас, гре́шных рабе́х Бо́жиих (имена), пред Престо́лом Вседержи́теля Бо́га, да да́рует нам вся потре́бная животу́ и благоче́стию, душа́м и телесе́м на́шим здра́вие, во всех благи́х преспе́яние и Свою́ всеси́льную по́мощь во вся́ких искуше́ниях, беда́х же и напа́стех, воздвиза́емых на ны от врага́ спасе́ния на́шего. Наипа́че же испроси́, уго́дниче Христо́в, всем нам грехо́в отпуще́ние, христиа́нскую кончи́ну жития́ и насле́дие Ца́рствия Небе́снаго у Христа́ Бо́га на́шего, Ему́же честь и сла́ва, со Отце́м и Святы́м Ду́хом, ны́не и при́сно и во ве́ки веко́в. Ами́нь.

Блаженному Николаю Качанову, Христа ради юродивому, Новгородскому

Тропарь блаженному Николаю Качанову, Христа ради юродивому, Новгородскому, глас 8

Терпе́нием свои́м и му́жеством/ Христа́ ра́ди во юро́дство претвори́вся, блаже́нне Нико́лае,/ ху́дость ри́зную име́я,/ тя́гость ва́ра дневна́го поне́сл еси́/ и мра́зы зи́мныя терпе́л еси́./ И ны́не, в Вы́шних Тро́ице предстоя́,/ нам, приходя́щим с ве́рою к ра́це моще́й твои́х,/ исцеле́ние подае́ши, твое́ успе́ние че́стно сла́вящим,// и мо́лиши Христа́ Бо́га спасти́ся душа́м на́шим.

Перевод: Терпением своим и мужеством Христа ради стал юродивым, блаженный Николай, имея ветхую одежду, тягость зноя дневного ты переносил и морозы зимние терпел. И сейчас, предстоя на Небесах Троице, нам, приходящим с верой к раке с мощами твоими, подаешь исцеление, твое успение с почтением прославляющим, и молишь Христа Бога о спасении душ наших.

Ин тропарь блаженному Николаю Качанову, Христа ради юродивому, Новгородскому, глас 8

Го́рняя му́дрствуя,/ свя́то жи́тельствуя и сла́вы ми́ра отбега́я,/ юро́дство Христа́ ра́ди избра́л еси́, блаже́нне Нико́лае,/ и ны́не, в Вы́шних Тро́ице предстоя́,/ нам, честну́ю па́мять твою́ сла́вящим/ и с ве́рою к ра́це моще́й твои́х приходя́щим,/ исцеле́ние подае́ши// и мо́лиши Христа́ Бо́га спасти́ся душа́м на́шим.

Перевод: О небесном помышляя (Кол.3:2), проводя святую жизнь и славы мирской избегая, ты избрал юродство Христа ради, блаженный Николай, и сейчас, предстоя на Небесах Троице, нам, почтенную память твою прославляющим и с верой к раке с мощам твоими приходящим, подаешь исцеление и молишь Христа Бога о спасении душ наших.

Кондак блаженному Николаю Качанову, Христа ради юродивому, Новгородскому, глас 4

Я́ко Андре́я блаже́ннаго учени́к и насле́дник был еси́,/ того́ же стопа́м после́дуя, юро́диве Нико́лае Коча́нов,/ и па́ки от мирски́я ча́ди уничиже́ние и пха́ние прие́мля,/ о и́хже согреше́ниих Христу́ Бо́гу моля́ся./ По честне́м же твое́м успе́нии Вели́кий Но́вград и́мать мо́щи твоя́ в себе́,/ я́ко неистощи́мое сокро́вище,/ подае́ши бо исцеле́ние/ ве́рою к ра́це моще́й твои́х приходя́щим// и успе́ние твое́ че́стно сла́вящим.

Перевод: Как ученик блаженного Андрея, ты был его наследником, его же стопам последуя, юродивый Николай Кочанов, и от простого народа уничижение и толчки принимая, об их же согрешениях Христу Богу молился. После почитаемого твоего успения Великий Новгород хранит мощи твои у себя, как неистощимое сокровище, ибо ты подаешь исцеление с верой приходящим к раке с мощами твоими и успение твое с почтением прославляющим.

Равноапостольному Клименту, архиепископу Охридскому

Тропарь равноапостольному Клименту, архиепископу Охридскому , глас 4

Словесы́ наста́вил еси́ язы́ки в ве́ру Христо́ву,/ де́лы же возвы́сил еси́ себе́ к Боже́ственней жи́зни,/ святи́телю Кли́менте равноапо́стольне,/ чудесы́ сия́я приступа́ющим к тебе́ ве́рно/ и зна́меньми озаря́я Це́рковь пресла́вно,// сего́ ра́ди честну́ю твою́ па́мять сла́вим.

Перевод: Словами ты научил язычников вере Христовой, делами же возвысил себя к Божественной жизни, святитель Климент равноапостольный, чудесами сияя приходящим к тебе с верой и знамениями озаряя Церковь удивительно, потому почтенную память твою славим.

Ин тропарь равноапостольному Клименту, архиепископу Охридскому , глас 4

Я́ко труба́ Арха́нгела Бо́жия/ оглаша́еши ро́ди слове́нстии на вся ве́ки/ и к чудеси́ пресла́вному утвержде́ния люде́й твои́х в Правосла́вии/ прилага́еши неиждива́емо чудеса́ ве́лия да́же доны́не./ Те́мже с любо́вию почита́ем присночестну́ю па́мять твою́,/ святи́телю Кли́менте равноапо́стольне, и мо́лим:// моли́ся о душа́х на́ших.

Перевод: Как труба Архангела Божия ты наставляешь народы славянские во все века и к чуду удивительного укрепления людей твоих в Православии прилагаешь свои неоскудеваемые великие чудеса даже до нынешнего времени. Потому с любовью почитаем священную память твою, святитель Климент равноапостольный, и молим тебя: «Молись о душах наших».

Кондак равноапостольному Клименту, архиепископу Охридскому , глас 3

Храм твой, свя́те, врачевство́ духо́вное/ пресла́вно показу́ется ве́рно приступа́ющим,/ всех бо разли́чных боле́зней избавля́ет,/ стра́сти же душ вся́ческия усыпа́ет./ Сего́ ра́ди тя, всеблаже́нне,// те́пла предста́теля имену́ем.

Перевод: В храме твоем, святой, излечение духовное преславно является с верой приходящим, ибо всех избавляет от различных болезней, страсти же душ всяческие искореняет. Поэтому мы именуем тебя, всеблаженный, горячим защитником.

Мысли свт. Феофана Затворника

(Евр.4:1–13; Лк.21:12–19)

«И будете ненавидимы всеми за имя Мое» (Лк.21:17). Кто вдохнет в себя хоть мало духа мира, тот становится холодным к христианству и его требованиям. Равнодушие это переходит в неприязнь, когда долго в нем остаются не опамятываясь, и особенно когда при этом захватят откуда-либо частицу превратных учений. Дух мира с превратными учениями – дух, неприязненный Христу: он антихристов; расширение его – расширение враждебных отношений к христианскому исповеданию и христианским порядкам жизни. 

Кажется, вокруг нас деется что-то подобное. Пока ходит повсюду только худое рыкание; но не дивно, что скоро начнется и прореченное Господом: «возложат на вас руки... и будут гнать вас ... преданы будете ... и умертвят вас» (Лк.21:12, 16). Дух антихристовский всегда один; что было вначале, то будет и теперь, в другой, может быть, форме, но в том же значении. Как же быть? «В терпении вашем стяжите души ваши» (Лк.21:19). Терпи с твердым словом исповедания истины в устах и в сердце.

Притча дня

Жила-была одна баба злющая-презлющая, и померла. И не осталось после нее ни одной добродетели. Схватили ее черти и кинули в огненное озеро. А Ангел-Хранитель ее стоит да и думает: «Какую бы мне такую добродетель ее припомнить, чтобы Богу сказать». Вспомнил и говорит Богу: «Она в огороде луковку выдернула и нищенке подала». И отвечает ему Бог: «Возьми ж ты, говорит, эту самую луковку, протяни ей в озеро, пусть ухватится и тянется, и коли вытянешь ее вон из озера, то пусть в рай идет, а оборвется луковка, то там и оставаться бабе, где теперь».
Побежал Ангел к бабе, протянул ей луковку: «На, говорит, баба, схватись и тянись». И стал он ее осторожно тянуть, и уж всю было вытянул, да грешники прочие в озере, как увидали, что ее тянут вон, и стали все за нее хвататься, чтоб и их вместе с нею вытянули. А баба-то была злющая-презлющая, и начала она их ногами брыкать: «Меня тянут, а не вас, моя луковка, а не ваша». Только она это выговорила, луковка-то и порвалась. И упала баба в озеро и горит по сей день. А Ангел заплакал и отошел.

(Достоевский Ф. М. Братья Карамазовы).

Проповедь дня

Перейти в раздел «Проповеди»

Книги, статьи, стихи




Случайный тест

(0 голосов: 0 из 5)