Отцов Поместного Собора Церкви Русской 1917–1918 годов

День памяти

Жития

4 мая 2017 года на заседании Священного Синода был установлен день памяти Отцов Поместного Собора Церкви Русской 1917–1918 гг. – 18 ноября, день избрания святителя Тихона (Белавина) на Московский Патриарший престол.

История созыва Поместного Собора 1917–1918 гг.

Двести лет Русская Православная Церковь была лишена канонического самоуправления. Все это время она подвергалась разнообразным ограничениям со стороны государственной власти. С началом ХХ века не только епископатом, но и всей русской церковной общественностью остро ощущалась необходимость восстановления канонического строя церковной жизни, основанного на соборных началах.

23 марта 1905 года (здесь и далее даты указываются по старому стилю) Государь император Николай II получил доклад членов Святейшего Синода с просьбой созвать в Москве Поместный Собор для избрания Патриарха и решения принципиальных вопросов церковной жизни^[5]. Ознакомившись с ним 31 марта, царь написал: «Признаю невозможным совершить... созвание Поместного Собора... Когда наступит благоприятное для сего время... дать сему великому делу движение и созвать Собор Всероссийской Церкви»^[4].

В день празднования Святой Пасхи в том же 1905 году Государь подписал указ «Об укреплении начал веротерпимости», который, по выражению епископа Сергия (Страгородского, будущего Патриарха, † 1944), бывшего тогда ректором Санкт-Петербургской Духовной академии, развязывал руки противникам Церкви, так как по этому указу все вероисповедания и конфессии получали свободу, кроме Православной Церкви^[5]. Обер-прокурор К. П. Победоносцев был вынужден пойти на уступку синодалам. По его инициативе Святейший Синод направил епархиальным архиереям для рассмотрения вопросы, которые предполагалось решать предстоящему Собору, и обязал их дать ответы не позднее 1 декабря 1905 года.

Царский манифест от 17 октября того же года, провозглашавший «неприкосновенность личности, свободу совести, слова, собраний и союзов», дал надежду на созыв давно чаемого Собора и тем самым оживил подготовку к нему. К весне 1906 года все отзывы епархиальных Преосвященных были получены Синодом. Почти все архиереи заявили о необходимости реформ в Церкви, так как, по их мнению, положение дел в ней было далеко не идеально.

14 января 1906 года решением Святейшего Синода было создано Предсоборное Присутствие для предварительного рассмотрения вопросов, намеченных к обсуждению на Соборе. Работа Предсоборного Присутствия продолжалась с 8 марта по 15 декабря 1906 года. Уже 25 января 1907 года с итогом его работы ознакомился царь. Но решения о сроках созыва Собора им принято не было. Стало очевидным, что Собор откладывается на неопределенное время, так как Государь не проявил в этом важном церковном вопросе заинтересованности^[5].

Подготовка к Собору возобновилась спустя пять лет. 28 февраля 1912 года Святейший Синод учредил Предсоборное Совещание, председателем которого был назначен архиепископ Финляндский Сергий (Страгородский). Задача нового органа состояла в том, чтобы ускорить созыв Собора, «дорассмотрев и доработав» те материалы, которые ранее изучало Предсоборное Присутствие. Совещание с перерывами работало до 1917 года и подготовило множество материалов для предстоящего Собора, сроки созыва которого даже тогда были неизвестны.

После вынужденного отречения императора Николая II от престола в результате февральского переворота к власти пришло Временное правительство, которое незаконным решением обер-прокурора утвердило новый состав Святейшего Синода. В силу возникших нестроений в государственной и церковной жизни остро встал вопрос скорейшего созыва Поместного Собора. 12 июня 1917 года начал работу Предсоборный Совет в зале заседаний Синода под председательством архиепископа Сергия (Страгородского). Решением Предсоборного Совета открытие Поместного Собора было назначено на 15 августа в Москве. Было также разработано «Положение о созыве Поместного Собора Православной Всероссийской Церкви», утвержденное Святейшим Синодом 5 июля. В конце июля Синод перенес свои заседания из Петрограда в Москву.

Открытие Поместного Собора состоялось в праздник Успения Пресвятой Богородицы в Успенском соборе Московского Кремля, под колокольный звон сотен московских церквей. Собор, продолжавшийся более года, осуществлял свои деяния в три сессии. Работа первой сессии началась 17 августа в Московском Епархиальном доме. Всего в состав Собора были избраны и назначены по должности 564 члена. Среди них было 80 архиереев, 129 пресвитеров, 10 диаконов, 26 псаломщиков, 20 монашествующих (все в сане) и 299 мирян. Братские Православные Церкви представляли епископ Никодим (Румынская Церковь) и архимандрит Михаил (Сербская Церковь)^[2].

Первые заседания Собора были посвящены проверке мандатов, утверждению устава (регламента) Собора и выборам руководящих органов. Все решения Собора утверждались, согласно регламенту, совещанием епископов, проводившимся на Троицком подворье. Председателем Собора был избран архиепископ Московский и Коломенский Тихон (Белавин), который вместе с архиепископом Петроградским и Гдовским Вениамином (Казанским, † 1922) накануне открытия Собора был возведен в сан митрополита. Почетным председателем утвердили митрополита Киевского Владимира (Богоявленского, † 1918). В дальнейшем был утвержден состав Соборного Совета и образовано 22 отдела, большинство из которых возглавили архиереи^[3].

Одним из важнейших вопросов церковной жизни было восстановление в Русской Церкви Патриаршества. Этот вопрос обсуждал отдел Высшего церковного управления во главе с епископом Астраханским Митрофаном (Краснопольским, впоследствии архиепископ, священномученик, † 1919). По мере ослабления власти Временного правительства идея восстановления Патриаршества находила все большую поддержку среди соборян. В защиту синодального управления выступили профессор Б. В. Титлинов, князь А. Г. Чагодаев, протоиерей Н. В. Цветков, В. Г. Рубцов и другие.

Они утверждали, что «единовластие несовместимо с соборностью»^[2]. Но это утверждение противоречит бесспорному историческому факту: после упразднения Патриаршества не состоялось ни одного церковного Собора, которые постоянно собирались ранее при Московских митрополитах и Патриархах^[3]. За восстановление Патриаршества высказались многие делегаты. Епископ Митрофан в своем докладе ставил Патриаршество в центр высшей церковной власти. Он назвал упразднение Патриаршества Петром I антиканоническим деянием – «Русская Церковь стала обезглавлена, акефальна»^[1].

Архимандрит Иларион (Троицкий, впоследствии архиепископ, священномученик, † 1929) в своей яркой речи доказывал, что Патриаршество является основным законом высшего управления Поместной Церкви и что его восстановления требует православное церковное сознание. При этом он резко критиковал петровскую синодальную реформу и самого преобразователя, «святотатственная рука» которого «свела Первосвятителя Российского с его векового места в Успенском соборе»^[2].

28 октября в результате голосования Собор вынес историческое постановление:

1. В Православной Российской Церкви высшая власть – законодательная, административная, судебная и контролирующая – принадлежит Поместному Собору, периодически в определенные сроки созываемому, в составе епископов, клириков и мирян.

2. Восстанавливается Патриаршество, и управление церковное возглавляется Патриархом.

3. Патриарх является первым между равными ему епископами.

4. Патриарх вместе с органами церковного управления подотчетен Собору^[1].

30 октября Соборный Совет предложил следующую процедуру избрания Патриарха. Вначале путем голосования выбираются три кандидата, из которых жребием будет указано имя избранника. В результате трех туров голосования кандидатами были избраны архиепископ Харьковский Антоний (Храповицкий, 159 голосов), архиепископ Новгородский Арсений (Стадницкий, 199 голосов) и митрополит Московский Тихон (Белавин, 162 голоса). Избрание Патриарха по жребию состоялось 5 ноября в Храме Христа Спасителя по окончании Божественной литургии, которую совершали будущие священномученики митрополит Киевский Владимир и митрополит Петроградский Вениамин в сослужении архиереев и пресвитеров. Слепой старец-затворник Зосимовой пустыни иеросхимонах Алексий (Соловьев)^[*] вынул из ковчежца жребий и передал его митрополиту Владимиру, который огласил имя избранника: «Тихон, митрополит Московский. Аксиос!» Все молящиеся единодушно воскликнули: «Аксиос!», синодальный хор исполнил церковный гимн «Тебе Бога хвалим», а знаменитый протодиакон Константин Розов возгласил многолетие митрополиту Тихону, «избранному в Патриарха богоспасаемого града Москвы и всея России». Православный народ «единеми усты и единем сердцем» воспел своему и Божию избраннику «Многая лета!»^[3].

Интронизация новоизбранного Патриарха состоялась 21 ноября, в праздник Введения во храм Пресвятой Богородицы, в Успенском соборе Московского Кремля. После Литургии, получив от митрополита Владимира жезл святителя Московского Петра, Святейший Патриарх Тихон обратился к пастве с первосвятительским словом. Так совершилось историческое событие – Русская Церковь получила каноническое возглавление. Избрание Патриарха стало главным деянием Поместного Собора.

После избрания Патриарха Собор продолжил обсуждение вопроса о высшем церковном управлении. Было решено, что между Соборами церковной жизнью будут руководить два коллегиальных органа, возглавляемых Патриархом, – Священный Синод и Высший Церковный Совет. В Синод помимо постоянного члена, митрополита Киевского, было выбрано еще одиннадцать временных членов – архиереев. К ведению Синода относились вопросы вероучения, богослужения, церковного управления и дисциплины. К ведению Высшего Церковного Совета, состоявшего из трех архиереев, шести клириков и шести мирян, относились дела церковно-административные, школьно-просветительские, церковно-хозяйственные, а также ревизия и контроль. Особо важные дела подлежали совместному рассмотрению Священного Синода и ВЦС. Собором также были определены права и обязанности Патриарха.

Кроме вопросов церковного управления Собор на первой сессии разбирал и другие неотложные вопросы церковной жизни. В соборном определении о проповедничестве было сказано, что проповедь является «одной из главнейшей обязанностей пастырского служения». Участники Собора установили, что необходимо произносить проповедь за каждым воскресным и праздничным богослужением^[3]. Было также принято решение о более справедливом распределении между клириками прихода братских доходов.

13 ноября Собор приступил к обсуждению вопроса о правовом положении Церкви в государстве. Профессор С. Н. Булгаков зачитал составленную им декларацию «Об отношениях Церкви и государства». Там, в частности, указывалось: «И ныне, когда волею Провидения рушилось в России царское самодержавие, а на замену ему идут новые государственные формы, Православная Церковь не имеет суждения со стороны их политической целесообразности, но она неизменно стоит на таком понимании власти, по которому всякая власть должна быть христианским служением»^[1].

После прений 2 декабря было принято соборное определение, многие положения которого были нереальными, так как носили характер добрых пожеланий о независимом положении Церкви и благожелательном отношении к ней гражданской власти^[4]. На деле новая власть декретом СНК от 10 января 1918 года «Об отделении церкви от государства и школы от церкви» лишала Русскую Церковь всех имущественных и юридических прав и запрещала христианское воспитание даже в частных школах^[4]. После принятия этого декрета церковно-государственные отношения не могли развиваться конструктивно. Новая власть показала, что большевики не намерены считаться с традицией особого отношения государства к Православной Церкви. Первая сессия Поместного Собора завершилась 9 декабря 1917 года, после чего делегаты разъехались на рождественские праздники.

Вторая сессия Поместного Собора открылась 20 января и проходила в здании Московской Духовной семинарии до 7 апреля 1918 года. Из-за военных действий в ходе Гражданской войны только сто десять делегатов смогли прибыть в Москву. Чтобы не сорвать работу Собора, было принято решение о продолжении соборных деяний при любом количестве собравшихся. Смута и сопровождавшие ее разруха и беззаконие сильно подействовали на членов Собора. Среди них меньше стало пустых споров и групповых интересов, а больше единомыслия. На второй сессии всесторонне обсуждался вопрос о церковном управлении на епархиальном и приходском уровне. Соборное определение постановило, что епархиальный архиерей управляет епархией при соборном содействии клира и мирян. Епархиальное собрание является высшим органом, избирает членов Епархиального совета и суда и других должностных лиц. Был также установлен возрастной ценз для кандидатов в архиереи – 35 лет^[3].

В конце февраля решался вопрос о единоверии. Единоверцы провозглашались членами Святой Церкви. Им дозволялось вести образ церковной жизни, «строго сохраняя древнерусский бытовой уклад»^[5]. Также было решено ввести в некоторых епархиях должность единоверческих викарных епископов^[2].

В связи с конфискацией в Петрограде помещений и имущества Святейшего Синода Собор 14 февраля решил передать его полномочия вновь избранным органам церковного управления – Священному Синоду и ВЦС. Таким образом, завершился синодальный период церковной истории.

С 6 февраля до 25 марта обсуждался вопрос о православном приходе и был принят «Приходской устав». Главной задачей в создавшейся сложной обстановке, по мнению членов Собора, было оживление приходской деятельности и сплочение прихожан вокруг Церкви. Собор указал, что священной обязанностью прихода является забота о благоустроении его святыни – храма^[1]. По новому уставу жизнью церковной общины должно было руководить возглавляемое настоятелем Приходское собрание и избранный из его членов Приходской совет.

Разбирая вопрос о церковном браке, все единодушно высказались против новых законов о гражданском браке и его расторжении. Соборное постановление гласило: «Брак, освященный Церковью, не может быть расторгнут гражданской властью»^[4]. В конце второй сессии Собором были канонизированы святители Софроний Иркутский и Иосиф Астраханский.

После октябрьского переворота началось тяжелое для архиереев, пастырей и мирян Русской Церкви время: многие из них засвидетельствовали свою веру мученическим и исповедническим подвигом. 25 января 1918 года в Киеве был убит почетный председатель Собора митрополит Владимир (Богоявленский). Летом того же года были замучены епископ Тобольский Гермоген и архиепископ Пермский Андроник и еще целый ряд русских святителей и пастырей. За весь 1918 год было расстреляно 3000 священнослужителей и множество православных мирян^[5].

В ответ на начавшееся гонение на веру Всероссийский Собор постановил:

1. Установить возношение в храмах за богослужением особых прошений о гонимых ныне за православную веру и Церковь и скончавших жизнь свою исповедниках и мучениках...

3. Установить по всей России ежегодное молитвенное поминовение в день 25 января или в следующий за сим воскресный день всех усопших в нынешнюю лютую годину гонений исповедников и мучеников^[3]^[**].

В такой тревожной обстановке в связи с угрозой жизни Патриарха Собор предложил ему избрать несколько местоблюстителей Патриаршего престола, которые в порядке старшинства будут блюсти власть Патриарха и преемствовать ему. Святейший Тихон исполнил поручение Собора, о чем и доложил на закрытом заседании. После кончины Патриарха в 1925 году митрополит Крутицкий Петр (Полянский, священномученик, † 1937) вступил в должность Местоблюстителя на каноническом основании – в соответствии с решением Собора.

В тяжелые годы наступившего лихолетья церковное руководство не было безучастным наблюдателем творящегося зла. Собор, Священный Синод и Святейший Патриарх неоднократно обращались с посланиями к всероссийской пастве, войскам, Временному правительству и к безбожной власти с призывом остановить братоубийственную смуту, беззакония, разорение святых обителей и храмов. В послании от 19 января 1918 года Патриарх Тихон предал анафеме «творящих беззакония и гонителей веры и Церкви Православной»^[5].

19 июня 1918 года, после двухмесячного перерыва, в Москве открылась третья сессия Поместного Собора. На этот раз собралось сто сорок делегатов. Собор выработал и принял «Определение о порядке избрания Святейшего Патриарха», которое было в основном аналогично состоявшемуся избранию Патриарха Тихона. Затем было принято «Определение о Местоблюстителе Патриаршего престола».

2 августа Собор принял решение о признании недействительным лишение священнослужителей сана по политическим мотивам. Вследствие этого решения были реабилитированы страдалец за Церковь митрополит Ростовский Арсений (Мацеевич, † 1772)^[***] и крайне левый политик начала ХХ века священник Григорий Петров. Этим же определением Церковь признала себя аполитичной организацией и постановила, что члены ее не имеют права свою личную политическую позицию выдавать за общецерковную. Осуждалась всякая деятельность, направленная на причинение вреда Церкви^[3].

Важным решением Собора является принятое им «Определение о монастырях и монашествующих». Данным определением восстанавливался древний обычай избрания братией и сестричеством настоятелей и настоятельниц монастырей. Для постригаемых вводился возрастной ценз в 25 лет. Собор рекомендовал всем монастырям вводить общежительный устав. Для духовного руководства насельников предполагалось в каждой обители иметь опытного старца или старицу. Всем насельникам предписывалось нести трудовое послушание. Духовно-просветительное служение миру, по решению Собора, должно было выражаться в строго уставном богослужении, духовничестве, старчестве и проповедничестве^[1].

Основываясь на Священном Писании и церковных канонах, а также желая оградить высокое достоинство священного сана, Собор вынес определение, запрещавшее второй брак для вдовых и разведенных клириков, и другие определения о невозможности восстановления в сане лиц, лишенных его по приговору духовных судов, правильных по существу и форме^[2]. Соблюдение этих определений духовенством Патриаршей Церкви в последующую четверть века уберегло его от дискредитации, которой подвергли себя обновленцы, поправшие святые каноны. 13 августа Собор постановил праздновать на второй Неделе по Пятидесятнице память Всех святых, в Земле Российской просиявших. 30 августа вышло «Определение об охране церковных святынь от кощунственного захвата и поругания».

В последние дни сессии было принято соборное «Определение о привлечении женщин к деятельному участию на разных поприщах церковного служения». Кроме активного участия в приходской жизни у женщин-христианок появилась возможность участия в благочиннических и епархиальных собраниях. В виде исключения они могли исполнять псаломщическую должность, без включения в клир^[1]. Это соборное решение оказалось весьма актуальным, ибо в ХХ веке православные прихожанки составили большую часть верующего народа и поистине стали оплотом Церкви.

В связи с отделением Польши от России Собор вынес особое «Определение об устройстве Варшавской епархии», которая считалась неотъемлемой частью Российской Церкви. Было принято также определение об автономном статусе Церкви на Украине, которая, оставаясь в юрисдикции Матери-Церкви, могла самостоятельно решать внутренние дела: административные, просветительские, хозяйственные, благотворительные и т. п.^[1].

Работа Поместного Собора была прервана не по воле его участников, а в связи с конфискацией помещений, где проходили соборные заседания. На заключительном собрании 7 сентября было решено собрать очередной Поместный Собор весной 1921 года. Таким образом, была заложена норма регулярного проведения Поместных Соборов: не менее одного раза в три года^[5].

Поместный Всероссийский Собор завершил свою деятельность вынужденно, не исчерпав своей программы, так как не все отделы трудились с одинаковым успехом. Не было выработано соборных решений об автокефалии Грузинской Церкви, о православных приходах в ставшей независимой Финляндии, о церковных издательствах, суде, календаре и некоторые другие вопросы. Все подготовленные в отделах доклады Собор передал на усмотрение ВЦУ, а также передал ему и право ввода утвержденных решений в церковную практику^[5].

На Соборе, ставшем актом самоопределения Церкви в новых исторических условиях, она сумела очиститься от всего наносного, исправить деформации синодальной эпохи и тем самым обнаружила свою неотмирную природу^[2].

Государственные структуры Российской Империи рухнули, Временное правительство оказалось действительно временным. В конце 1917 года Русская Церковь вступила в новую полосу своего бытия и была вынуждена думать не о реформах, а о выживании в условиях насилия, творимого под лозунгом «свободы совести». Декретом 1918 года было положено начало разрушению многовекового уклада внешней жизни церковных общин, а по существу, и всего строя жизни русского общества.

Положения декрета 1918 года прямо или косвенно наносили удары по семье и школе, по отношению к общественным обязанностям и основным ценностям жизни человека^[4]. В таких тяжелейших условиях деяния Собора явились для верующих нравственным ориентиром, своеобразным «церковным маяком», указывающим верный путь в бурном море воинствующего атеизма. Благодаря возрождению церковной соборности и восстановлению Патриаршества канонический строй Православной Церкви оказался неуязвим для подрывных действий раскольников и безбожников^[1].

И ныне наш православный народ с благодарностью хранит память об участниках ставшего историческим Поместного Собора 1917–1918 годов, многие из которых во главе со святым исповедником Патриархом Тихоном своими страданиями запечатлели верность Христу Спасителю и основанной Им Святой Церкви.

Протоиерей Анатолий Лазарев, кандидат богословия

Литература

^[1] История Русской Церкви. Кн. 9. М., 1997.

^[2] Цыпин Владислав, протоиерей. История Русской Православной Церкви. М., 1994.

^[3] Цыпин Владислав, протоиерей. Русская Церковь (1917–1925). М., 1996.

^[4] Николин Алексий, священник. Церковь и государство. М., 1997.

^[5] Фирсов С. Русская Церковь накануне перемен. М., 2002.

Примечания

^[*] Преподобный Алексий был прославлен в лике святых на Юбилейном Архиерейском Соборе в 2000 году.

^[**] На основании данного соборного постановления Священный Синод Русской Православной Церкви своим решением от 30 января 1991 года установил 25 января ежегодное поминовение усопших, пострадавших в годину гонений за веру Христову.

^[***] Святитель Арсений был канонизирован как священномученик на Юбилейном Архиерейском Соборе в 2000 году.

Развернуть

Список Святых

Богослужения

Служба Отцам Поместного Собора Церкви Русской 1917–1918 гг.

Текст утвержден Священным Синодом
Русской Православной Церкви
15 октября 2018 г. (журнал № 85)

Ме́сяца ноября́ в 5-й день
Святы́х оте́ц Поме́стнаго Собо́ра Це́ркве Ру́сския

На ма́лей вече́рни

На Го́споди, воззва́х: стихи́ры на 4, глас 4.

Подо́бен: Зва́нный свы́ше:

Прииди́те, ве́рнии,/ похвала́ми и пе́сньми увенча́им/ му́ченики и испове́дники,/ святи́тели и преподо́бныя,/ отцы́ единому́дренныя,/ пе́рвее на Собо́ре Це́ркве Ру́сския потруди́вшияся,/ по́слежде гоне́ния за ве́ру Христо́ву претерпе́вшия/ и Це́рковь Ру́сскую по́двиги свои́ми украси́вшия./ Прииди́те, воспои́м побо́рники ре́вностныя/ и заве́т их услы́шим:/ о ча́да, храни́те ве́ру правосла́вную,// в не́йже земли́ на́шея утвержде́ние.

Зва́ннии свы́ше/ возвести́ти во Оте́честве на́шем/ собо́рнаго ра́зума глас,/ наро́да Бо́жия избра́нницы,/ единоду́шнии страда́льцы ве́рнии,/ со́весть до́бру иму́щии/ и мир Христо́в в себе́ нося́щии,/ испове́дницы и му́ченицы,/ венцы́ нетле́нными увенча́ннии/ и Тро́ицу Единосу́щную просла́вившии./ Ю́же приле́жно моли́те// на по́двиг ве́ры укрепи́ти ду́ши на́ша.

Це́ркве Ру́сския печа́льницы/ и ве́ры Христо́вы ревни́телие показа́стеся,/ святи́и отцы́ на́ши,/ вы бо, Про́мыслу Бо́жию после́дующе,/ избра́нию Патриа́рха/ на престо́л Ру́сский поревнова́сте/ и Го́спода, я́ко Всеви́дца,/ та́йны серде́ц ве́дуща,/ еди́на от трие́х досто́йнейша/ жре́бием Бо́жиим указа́ти умоли́сте,/ те́мже и в Це́ркви благочи́ние возста́висте// благослове́нием собо́рным.

Свети́льницы церко́внии яви́стеся,/ избра́нницы Руси́ Святы́я,/ Свяще́ннаго Собо́ра ре́вностнии де́лателие,/ новому́ченицы и испове́дницы,/ во страда́ниих и гоне́ниих ве́ру Христо́ву до конца́ соблю́дшии,/ вы бо, Влади́миру священному́ченику подо́бящеся,/ в бу́рю мяте́жную убие́ни бы́сте,/ Вениами́ну крепча́йшему подража́юще,/ от власте́й безбо́жных осужде́ние прия́сте/ и, я́коже Петр местоблюсти́тель, темни́чная заключе́ния претерпе́сте,/ до́блим Кири́ллу и Агафа́нгелу после́дующе,/ во изгна́ниих томи́ми бы́сте/ и, я́коже све́тлый Иларио́н,/ во ста́не страда́ний пожи́сте/ и Бо́га тве́рдо испове́дасте.// Его́же моли́те о ве́рою соверша́ющих святу́ю па́мять ва́шу.

Сла́ва, глас 2:

Сою́зом любве́ Христо́вы соедине́ни/ и Ду́хом Святы́м во еди́но со́брани, святи́и,/ и́менем Патриа́рха Ти́хона украси́лися есте́./ В годи́ну же гоне́ний,/ заве́т его́ испо́лнивше,/ досто́йно пострада́ли есте́/ и, гони́ми бы́вше, я́ко ученицы́ Христо́вы,/ заключе́ние и убие́ние претерпе́ли есте́.// Тех моли́твами, Го́споди, спаси́ ду́ши на́ша.

И ны́не, Богоро́дичен.

На стихо́вне стихи́ры, глас 8:

О, кре́пости ва́шея,/ новому́ченицы и испове́дницы!/ Вы бо, в темни́цах и заточе́ниих томя́щеся/ и на смерть мучи́тельми ведо́мии,/ моли́твами святы́х земли́ Ру́сския/ сердца́ своя́ на ка́мени ве́ры утверди́сте/ и словесы́ Афана́сия гимнотво́рца ра́достне воспева́сте:// Русь Свята́я, храни́ ве́ру правосла́вную!

Стих: Восхва́лятся преподо́бнии во сла́ве// и возра́дуются на ло́жах свои́х.

О, тве́рдости ва́шея,/ новому́ченицы и испове́дницы!/ Вы бо, смире́нием и ре́вностию ра́ны раско́ла врачу́юще/ и му́дростию боле́знь разделе́ния исцеля́юще,/ страда́ньми единомы́слие в Це́ркви гони́мей яви́сте./ Те́мже мо́лим вас, христолю́бцы добропобе́днии:// помози́те нам глас и́стины при́сно разуме́ти.

Стих: Возноше́ния Бо́жия в горта́ни их,// и мечи́ обою́ду остры́ в рука́х их.

О, братолю́бия ва́шего,/ новому́ченицы и испове́дницы!/ Вы бо устрое́ния жития́ церко́внаго ра́ди/ Собо́р соста́вили есте́,/ по́слежде страда́ния и смерть вку́пе восприя́ли есте́,/ науча́юще нас житие́ благоче́стне провожда́ти,/ упова́ние на Го́спода возлага́ти// и сме́рти от безбо́жных не страши́тися.

Сла́ва, глас то́йже:

Па́стве Це́ркве Ру́сския святы́й Собо́р завеща́,/ никогда́же отрека́тися гони́мых за пра́вду Бо́жию,/ но имена́ их, я́ко би́сер многоце́нный,/ усе́рдне храни́ти поминове́ния ра́ди./ Мы же, очи́ма на ли́ки новому́чеников благогове́йне взира́юще,/ житию́ их да потщи́мся ре́вностне подража́ти,// во спасе́ние душ на́ших.

И ны́не, Богоро́дичен: Влады́чице, приими́:

Тропари́ пи́саны на вели́цей вече́рни.

На вели́цей вече́рни

На Го́споди, воззва́х: стихи́ры на 8, глас 1:

Да восхва́лим днесь свята́го Патриа́рха Ти́хона,/ на путь испове́дничества избра́ннаго,/ и́же с па́ствою Ру́сскою/ ча́шу страда́ния испи́ за ве́ру правосла́вную,/ и си́це воззове́м ему́:/ первосвяти́телю о́тче наш,/ прииди́ и осени́ ве́рныя лю́ди// благослове́нием Небе́сным.

Брань братоуби́йственная, глад и кро́вная сму́та/ жре́бий твой тя́жкий яви́ся,/ святи́телю Патриа́рше Ти́хоне!/ Ты же, в покая́нии путь спасе́ния всем указу́я,/ лю́дем, во озлобле́нии су́щим, взыва́л еси́:/ возлюби́те бли́жняго своего́,// обрати́теся ко Го́споду, и спасе́теся.

К па́стве твое́й взыва́л еси́,/ свя́те Ти́хоне Патриа́рше:/ сы́нове мои́ и дще́ри во Христе́,/ потщи́теся с про́поведию покая́ния,/ противуста́ните враго́м Це́ркве си́лою ве́ры на́шея,/ не убо́йтеся тя́жких страда́ний,/ па́мятующе словеса́ свята́го апо́стола:// кто ны разлучи́т от любве́ Бо́жия?

Страда́ния мно́гая претерпе́л еси́, о́тче Ти́хоне:/ оклевета́ния, суды́ и заточе́ния,/ преда́тельства лжебра́тии и угро́зы сме́ртныя,/ наси́льства и нападе́ния враго́в Це́ркве Христо́вы,/ но пребы́л еси́ му́жествен и кро́ток, веща́я:/ не ожесточа́йте серде́ц ва́ших,// но возмога́йте о Го́споде!

И́ны стихи́ры, глас 5:

Днесь, ве́рнии, восхва́лим святи́теля Влади́мира,/ и́же у стен ла́вры Ки́евския от рук беззако́нник смерть прия́т,/ о не́мже глас пла́ча отцы́ Собо́ра/ в первопресто́льнем гра́де вознесо́ша/ и всем, за ве́ру Христо́ву во дни гоне́ний пострада́вшим,/ па́мять церко́вную уста́виша,/ я́ко новому́чеником и испове́дником Це́ркве Ру́сския,// в и́хже чи́не и са́ми по́слежде просла́вишася.

Святе́йший Ти́хон во у́зах наме́стники себе́ поставля́ет,/ святи́тели изря́дныя Вениами́на и Агафа́нгела,/ пома́ле же пе́рвый на беззако́ннем суди́щи к сме́рти осужда́ется,/ други́й же, па́ству призва́вый,/ е́же глас волко́в, губя́щих ста́до, отве́ргнути,/ в преде́лы се́верныя а́бие изгоня́ется./ О́ба сия́ адама́нта тверде́йша,/ путь страда́ния за ве́ру Христо́ву в гоне́ниих нам показу́юща,// днесь све́тло в пе́снех прославля́ются.

Це́ркве Ру́сския ве́рнии послу́шницы да́же до сме́рти,/ Петр и Кири́лл священному́ченицы,/ святи́телем Ти́хоном блюсти́ престо́л Патриа́рший благословля́ются,/ оба́че еди́н изгна́ние и в темни́це пребыва́ние неисхо́дное прия́т,/ вторы́й же препровожде́н бысть от гони́телей в пусты́ню Туруха́нскую./ О́ба сия́, Ду́хом Святы́м укрепля́ема,/ еди́нства ра́ди Це́ркве Ру́сския// му́ченическаго венца́ сподо́бишася.

О святи́и отцы́, первому́ченицы Собо́ра Поме́стнаго Це́ркве Ру́сския,/ по́двига Андрони́ка и Гермоге́на подража́телие!/ О ры́барие богосло́вцы солове́цтии, Иларио́на сла́внаго сподви́жницы!/ О страда́льцы безчи́сленнии земли́ Зыря́нския, Нары́мския и Туруха́нския!/ О же́ртвы чи́стыя,/ в ро́вех Бу́товских и по всей земли́ Ру́сстей со архипа́стыри упоко́ившияся!/ Имена́ ва́ша на Небесе́х напи́сана суть// и в ли́це новому́ченик и испове́дник Це́ркве на́шея ны́не прославля́ются.

Сла́ва, глас 8:

Царь Небе́сный,/ Боже́ственное Сло́во и Прему́дрость си́це рече́:/ а́ще кто Мне слу́жит, Мне да после́дствует./ Те́мже и вы, святи́и отцы́ Свяще́ннаго Собо́ра,/ избра́ннии от люде́й церко́вных,/ я́ко в доброде́телех преизя́щнии,/ на земли́ во одея́ние нищеты́ Христо́вы обле́кшеся,/ темни́цы, у́зы и поноше́ния за Христа́ претерпе́ли есте́./ Ны́не же, на Небеси́ веселя́щеся,// моли́теся о чту́щих любо́вию па́мять ва́шу.

И ны́не, Богоро́дичен, глас то́йже: Царь Небе́сный:

Вход. Проки́мен дне. И чте́ния новому́ченическая.

Дея́ний святы́х апо́стол чте́ние (глава́ 4):

В ты́я дни собра́шася во Иерусали́м кня́зи, ста́рцы, кни́жницы/ и ели́цы бе́ша от ро́да архиере́йска./ И, поста́вльше Петра́ и Иоа́нна посреде́, вопроша́ху:/ ко́ею си́лою, или́ ко́им и́менем исцели́ста хрома́го?/ Петр, испо́лнився Ду́ха Свя́та, рече́:/ кня́зи лю́дстии и ста́рцы Изра́илевы,/ а́ще мы днесь истязу́еми есмы́ о благодея́нии челове́ка не́мощна,/ о чесо́м сей спасе́ся,/ разу́мно бу́ди всем вам и всем лю́дем Изра́илевым,/ я́ко во и́мя Иису́са Христа́ Назоре́я,/ Его́же вы распя́сте,/ Его́же Бог воскреси́ от ме́ртвых,/ о Сем сей стои́т пред ва́ми здрав./ Сей есть ка́мень, укоре́нный от вас, зи́ждущих,/ бы́вый во главу́ у́гла,/ и несть ни о еди́ном же ино́м спасе́ния./ Несть бо ино́го и́мене под небесе́м, да́ннаго в челове́цех,/ о не́мже подоба́ет спасти́ся нам./ Ви́дяще же Петро́во дерзнове́ние и Иоа́нново, и разуме́вше,/ я́ко челове́ка некни́жна еста́ и про́ста, дивля́хуся,/ зна́ху же их, я́ко со Иису́сом бе́ста./ Ви́дяще же исцеле́вшаго челове́ка с ни́ма стоя́ща,/ ничто́же имя́ху проти́ву рещи́./ Повеле́вше же и́ма вон из со́нмища изы́ти,/ стяза́хуся друг со дру́гом, глаго́люще:/ что сотвори́м челове́кома си́ма?/ Я́ко у́бо наро́читое зна́мение бысть и́ма,/ всем живу́щим во Иерусали́ме я́ве,/ и не мо́жем отврещи́ся;/ но да не бо́лее простре́тся в лю́дех,/ преще́нием да запрети́м и́ма, ктому́ не глаго́лати о и́мени сем ни еди́ному от челове́к./ И призва́вше их,/ запове́даша и́ма отню́дь не провещава́ти, ниже́ учи́ти о и́мени Иису́сове./ Петр же и Иоа́нн, отвеща́вше к ним, ре́ста:/ а́ще пра́ведно есть пред Бо́гом/ вас послу́шати па́че, не́жели Бо́га, суди́те? Не мо́жем бо мы, я́же ви́дехом и слы́шахом, не глаго́лати./ Они́ же, призапре́щше и́ма, пусти́ша я,/ ничто́же обре́тше, ка́ко му́чити их, люде́й ра́ди,/ я́ко вси прославля́ху Бо́га о бы́вшем./ Лет бо бя́ше мно́жае четы́редесяти челове́к той,/ на не́мже бысть чу́до сие́ исцеле́ния./ Отпуще́на же бы́вша, приидо́ста к свои́м и возвести́ста,/ ели́ка к ни́ма архиере́и и ста́рцы ре́ша./ Они́ же, слы́шавше, единоду́шно воздвиго́ша глас к Бо́гу и реко́ша:/ Влады́ко, Ты, Бо́же, сотвори́вый не́бо и зе́млю и мо́ре, и вся, я́же в них,/ И́же Ду́хом Святы́м усты́ отца́ на́шего Дави́да, о́трока Твоего́, рекл еси́:/ вску́ю шата́шася язы́цы и лю́дие поучи́шася тще́тным?/ Предста́ша ца́рие зе́мстии,/ и кня́зи собра́шася вку́пе на Го́спода и на Христа́ Его́./ Собра́шася бо вои́стину во гра́де сем на свята́го О́трока Твоего́ Иису́са,/ Его́же пома́зал еси́,/ И́род же и Понти́йский Пила́т, с язы́ки и людьми́ изра́илевыми,/ сотвори́ти, ели́ка рука́ Твоя́ и сове́т Твой преднарече́ бы́ти./ И ны́не, Го́споди, при́зри на преще́ния их/ и даждь рабо́м Твои́м со вся́ким дерзнове́нием глаго́лати сло́во Твое́,/ внегда́ ру́ку Твою́ простре́ти Ти во исцеле́ния,/ и зна́мением и чудесе́м быва́ти и́менем святы́м О́трока Твоего́ Иису́са./ И помоли́вшимся им, подви́жеся ме́сто, иде́же бя́ху со́брани,/ и испо́лнишася вси Ду́ха Свя́та,/ и глаго́лаху сло́во Бо́жие со дерзнове́нием.

К Тимофе́ю посла́ния
свята́го апо́стола Па́вла чте́ние (глава́ 4):

Ча́до Тимофе́е,/ засвиде́тельствую у́бо аз пред Бо́гом и Го́сподем на́шим Иису́с Христо́м,/ хотя́щим суди́ти живы́м и ме́ртвым в явле́нии Его́ и ца́рствии Его́:/ пропове́дуй сло́во,/ насто́й благовре́менне и безвре́менне,/ обличи́, запрети́, умоли́ со вся́ким долготерпе́нием и уче́нием./ Бу́дет бо вре́мя, егда́ здра́ваго уче́ния не послу́шают,/ но по свои́х по́хотех изберу́т себе́ учи́тели, че́шеми слу́хом,/ и от и́стины слух отвратя́т, и к ба́снем уклоня́тся./ Ты же трезви́ся о всем, злопостражди́,/ де́ло сотвори́ благове́стника,/ служе́ние твое́ изве́стно сотвори́./ Аз бо уже́ жрен быва́ю,/ и вре́мя моего́ отше́ствия наста́./ По́двигом до́брым подвиза́хся,/ тече́ние сконча́х, ве́ру соблюдо́х./ Про́чее у́бо соблюда́ется мне вене́ц пра́вды,/ его́же возда́ст ми Госпо́дь в день он, пра́ведный Судия́,/ не то́кмо же мне, но и всем возлю́бльшим явле́ние Его́.

К Евре́ем посла́ния
свята́го апо́стола Па́вла чте́ние (глава́ 11):

Бра́тие,/ святи́и вси ве́рою победи́ша ца́рствия,/ соде́яша пра́вду, получи́ша обетова́ния,/ загради́ша уста́ льво́в,/ угаси́ша си́лу о́гненную,/ избего́ша о́стрея меча́,/ возмого́ша от не́мощи,/ бы́ша кре́пцы во бране́х,/ обрати́ша в бе́гство полки́ чужди́х./ Прия́ша жены́ от воскресе́ния ме́ртвых свои́х./ Ини́и же избие́ни бы́ша, не прие́мше избавле́ния,/ да лу́чшее воскресе́ние улуча́т./ Друзи́и же руга́нием и ра́нами искуше́ние прия́ша,/ еще́ же и у́з и темни́ц./ Ка́мением побие́ни бы́ша,/ претре́ни бы́ша, искуше́ни бы́ша,/ уби́йством меча́ умро́ша,/ проидо́ша в ми́лотех и в ко́зиях ко́жах,/ лише́ни, скорбя́ще, озло́блени./ И́хже не бе досто́ин весь мир,/ в пусты́нях скита́ющеся, и в гора́х, и в верте́пах, и в про́пастех земны́х./ И си́и вси, послу́шествовани бы́вше ве́рою, не прия́ша обетова́ния,/ Бо́гу лу́чшее что о нас предзре́вшу,/ да не без нас соверше́нство прии́мут.

На лити́и стихи́ра, глас 3:

Глас святы́я Це́ркве Правосла́вныя/ во дни разоре́ния Руси́ вопие́т, глаго́ля:/ прииди́те, ча́да ве́рная,/ приими́те да́ннаго вам от Бо́га предстоя́теля,/ прииди́те, послу́шайте отца́ ва́шего,/ прииди́те и ви́дите на всяк день умира́ющаго,/ прииди́те, словесе́м того́ после́дуйте/ и припади́те ко Христу́, из глубины́ души́ моля́щеся:/ сохрани́, Го́споди, на Руси́ ве́ру правосла́вную,/ моли́твами первосвяти́теля Ти́хона// и му́чеников и испове́дников Це́ркве на́шея.

Сла́ва, и ны́не, глас то́йже: Без се́мене от Боже́ственнаго Ду́ха:

На стихо́вне стихи́ры, глас 4:

Ве́ре в лю́дех оскуде́вшей,/ любви́ истощи́вшейся,/ наде́жди изся́кнувшей,/ попусти́ Госпо́дь/ мор же́сток, боле́знь и глад на лю́ди Оте́чества на́шего./ Ты же, святи́телю Ти́хоне,/ святы́ни Бо́жия от поруга́ния неве́рных защища́я,/ о стра́ждущих боле́зновал еси́/ и к милосе́рдию и же́ртве поси́льней/ от щедро́т свои́х для о́ных// па́ству Ру́сскую призыва́л еси́.

Стих: Го́споди, Госпо́дь наш,// я́ко чу́дно и́мя Твое́ по всей земли́.

Боже́ственное смотре́ние о тебе́ испо́лнися, святи́телю Влади́мире,/ егда́ к па́стырскому де́ланию призва́ тя Госпо́дь,/ та́же и святи́тельством увенча́/ и ду́ши слове́сных ове́ц твоему́ попече́нию предаде́,/ да соблюде́ши я́ во еди́нем ста́де// Еди́наго Па́стыря Христа́ Бо́га на́шего.

Стих: Святы́м, и́же суть на земли́ Его́,// удиви́ Госпо́дь вся хоте́ния Своя́ в них.

Измла́да неле́ностно поуча́яся в зако́не Госпо́днем,/ чи́стою любо́вию к Бо́гу возгоре́лся еси́/ и му́ченическаго по́двига жела́нием уязви́лся еси́,/ священному́чениче Вениами́не,/ святи́телю сла́вный Це́ркве Ру́сския./ Егда́ же приведе́ тя Христо́с ко жре́бию о́ному,/ ничесо́же убоя́вся, благода́рне рекл еси́:// сла́ва Тебе́, Бо́гу на́шему, во ве́ки.

Сла́ва, глас 8:

Дру́зи мои́ есте́, рече́ Госпо́дь ученико́м Свои́м,/ а́ще за́поведи Моя́ соблюде́те./ Вы же, отцы́ Собо́ра Церко́внаго,/ в темни́цах и изгна́ниих нищете́ ева́нгельстей навы́кше/ и чистоту́ серде́чную и любо́вь нелицеме́рную стяжа́вше,/ за́поведи Христо́вы усе́рдне соблюдо́сте./ Сего́ ра́ди житие́ ва́ше,/ братолю́бия испо́лненное,/ дру́жество и́стинное нам явля́ет,// ему́же научи́ти нас усе́рдно мо́лим вы.

И ны́не, Богоро́дичен, глас то́йже.

Подо́бен: О, пресла́внаго чудесе́:

О, пресла́внаго чудесе́!/ Небесе́ и земли́ Цари́ца,/ от святы́х сро́дников на́ших умоля́емая,/ до ны́не зе́млю Ру́сскую покрыва́ет/ и ли́ка Своего́ изображе́нии ми́лостивно обогаща́ет./ О Влады́чице Держа́вная!/ Не преста́ни и на бу́дущее вре́мя/ во утвержде́ние на Руси́ правосла́вия// ми́лости и чудеса́ излива́ти до ве́ка. Ами́нь.

Тропа́рь святы́м отце́м, глас 6:

Днесь благода́ть Свята́го Ду́ха нас собра́,/ просла́вити отцы́ Собо́ра Це́ркве Ру́сския/ с Первосвяти́телем Моско́вским Ти́хоном,/ и́же ве́рныя лю́ди земли́ на́шея/ на по́двиг испове́дания пра́выя ве́ры благослови́ша// и страда́нии свои́ми Це́рковь на́шу просла́виша.

Тропа́рь свято́му Патриа́рху Ти́хону, глас 1:

Апо́стольских преда́ний ревни́теля/ и Христо́вы Це́ркве па́стыря до́браго,/ ду́шу свою́ за о́вцы положи́вшаго,/ жре́бием Бо́жиим избра́ннаго/ Патриа́рха Ти́хона восхва́лим/ и к нему́ с ве́рою и упова́нием возопии́м:/ предста́тельством святи́тельским ко Го́споду/ Це́рковь Ру́сскую в тишине́ соблюди́,/ расточе́нная ча́да ея́ во еди́но ста́до собери́,/ отступи́вшия от пра́выя ве́ры к покая́нию обрати́,/ страну́ на́шу от междоусо́бныя бра́ни сохрани́// и мир Бо́жий лю́дем испроси́.

Ин тропа́рь свято́му Патриа́рху Ти́хону, глас 3:

В годи́ну тя́жкую Бо́гом избра́нный/ в соверше́нней свя́тости и любви́ Бо́га просла́вил еси́,/ во смире́нии вели́чие, в простоте́ и кро́тости си́лу Бо́жию явля́я,/ положи́л еси́ ду́шу за Це́рковь, за лю́ди своя́,/ испове́дниче свя́те Патриа́рше Ти́хоне,/ моли́ Христа́ Бо́га,/ Ему́же сораспя́лся еси́,// и ны́не спасти́ зе́млю Ру́сскую и па́ству твою́.

На у́трени

По 1-м стихосло́вии седа́лен, глас 3.

Подо́бен: Красоте́ де́вства:

Красоту́ Правосла́вия возлюби́вше, отцы́ святи́и,/ зако́нов ра́ди оте́ческих подвиза́тися вожделе́ли есте́/ и, от коне́ц земли́ Ру́сския сте́кшеся,/ я́ко наро́да церко́внаго избра́нницы лу́чшии,/ дея́ния церко́вная учини́ли есте́./ Те́мже похвалу́ ны́не смире́нно вам прино́сим,/ свети́льники ве́ры имену́юще,/ и, дивя́щеся терпе́нию ва́шему во страда́ниих, взыва́ем си́це:/ ра́дуйтеся, дре́вних му́чеников ревни́телие и подража́телие.

Сла́ва, и ны́не, Богоро́дичен:

Милосе́рдому заступле́нию и мно́жеству чуде́с Твои́х/ страда́льцы, во у́зах су́щии, удиви́шася, Де́во Богоро́дице,/ посреде́ бо го́рьких бед покро́вом Твои́м храни́ми/ и благода́тию Твое́ю све́тло утеша́еми,/ моли́твами, я́же к Тебе́, укрепля́хуся./ Те́мже и глас а́нгельский приноша́ху Ти:/ ра́дуйся, Благода́тная.

По 2-м стихосло́вии седа́лен, глас 2.

Подо́бен: Благоутро́бия су́щи:

Благоутро́бия Бо́жия не разуме́вше,/ лю́дие Ру́сскии от Го́спода отступи́ша,/ ты же, святы́й Патриа́рше, призыва́л еси́ зако́ны Христо́вы храни́ти,/ в ни́хже и сам день и нощь усе́рдне подвиза́лся еси́./ Те́мже днесь соше́дшеся, си́це вопие́м:/ ра́дуйся, святи́телю Ти́хоне, ли́ка но́вых му́чеников нача́льниче.

Сла́ва, и ны́не, Богоро́дичен:

Гони́мых су́щи прибе́жище, Богоро́дице,/ Це́рковь Ру́сскую от бед огради́,/ на ча́да ея́, Тебе́ моля́щаяся, при́зри/ и дела́ на́ша, во сла́ву Бо́жию начина́емая, благослови́./ На Тя бо упова́юще, с наста́вники на́шими, новому́ченики и испове́дники, вопие́м Ти:/ ра́дуйся, Пречи́стая Де́во.

Велича́ние:

Велича́ем вас,/ святи́телю о́тче Ти́хоне/ и святи́и отцы́ Собо́ра Це́ркве Ру́сския,/ и чтим святу́ю па́мять ва́шу,/ вы бо мо́лите за нас// Христа́ Бо́га на́шего.

Псало́м избра́нный:

Бог нам прибе́жище и си́ла.

Го́споди, воздви́гни си́лу Твою́ и прииди́, во е́же спасти́ нас.

Тебе́ ра́ди умерщвля́емся весь день, вмени́хомся я́ко о́вцы заколе́ния.

Кре́пость моя́ и пе́ние мое́ Госпо́дь, и бысть мне во спасе́ние.

По полиеле́и седа́лен, глас 8.

Подо́бен: Повеле́нное та́йно:

Повеле́нное в Ева́нгелии начерта́в в ра́зуме,/ в ри́зы свяще́нныя, я́ко любя́й Христа́, обле́клся еси́, святи́телю Ти́хоне;/ сказу́я па́стве сло́во утвержде́ния,/ учи́л еси́ Це́ркве ра́ди живота́ не щади́ти и да́же до сме́рти во и́стинней ве́ре стоя́ти,/ ю́же сло́вом моли́твенным и кре́стным по́двигом утверди́в,/ с новому́ченики на Небесе́х взыва́еши:/ Пресвята́я Тро́ице, Бо́же наш, сла́ва Тебе́.

Сла́ва и ны́не, Богоро́дичен:

Беззако́нное та́йно содева́юще истяза́ние,/ вину́ небы́вшую святы́м подпису́ют мучи́телие,/ но сокрове́нная вся я́ве зрит Госпо́дь,/ приклони́вый сни́тием к лю́дем Небеса́,/ и ве́чною сла́вою свиде́тели Своя́ одева́ет,/ Ма́тери Его́ Пречи́стей в ско́рбех вопию́щия:/ Засту́пнице на́ша и наде́ждо, ра́дуйся, Неве́сто Неневе́стная.

Степе́нна, 1-й антифо́н 4-го гла́са. Проки́мен, глас 4: Проидо́хом сквозе́ огнь и во́ду,// и изве́л еси́ ны в поко́й. Стих: Разже́гл ны еси́, я́коже разжиза́ется сребро́. Вся́кое дыха́ние: Ева́нгелие от Матфе́я, зача́ло 36.

По 50-м псалме́ стихи́ра, глас 6:

Многострада́льнии Руси́ Святы́я моли́твенницы,/ мно́гия ду́ши заблу́ждшия ко Христу́ обрати́вшии,/ новому́ченицы, испове́дницы и пра́ведницы,/ Патриа́рха Ти́хона самови́дцы и послу́шницы,/ заве́том того́ ве́рно после́довавшии,/ лише́ния и ско́рби претерпе́вшии,/ моли́теся ны́не о чту́щих ве́рою и любо́вию// собо́рную па́мять ва́шу.

Кано́н, глас 6.

Песнь 1

Ирмо́с: Жезло́м проро́ка разсече́ся/ дре́вле мо́ре Чермно́е,/ прехожде́ние волн разделя́я та́инственно/ в поги́бель во́инству мучи́телеву, ве́рным же во спасе́ние,/ песнь богокра́сную воспева́ющим:// сла́вно просла́вися Христо́с Бог наш.

Припе́в: Святи́и отцы́ на́ши, моли́те Бо́га о нас.

Мгло́ю безбо́жия помрачи́ся Русь Правосла́вная, отступи́ша бо мно́зи от ве́ры оте́ческия и отпадо́ша Небе́снаго Ца́рствия. Оба́че Госпо́дь украси́ Це́рковь на́шу, и́менем Патриа́рха Ти́хона нарица́емую, со́нмом му́чеников и испове́дников Свои́х.

Смотре́ние Бо́жие утаи́ся от люде́й, умо́м помраче́нных, ю́зником ца́рственным руга́ющихся; егда́ же слух убие́ния царе́ва ве́рных дости́же, Патриа́рх со отцы́ Свяще́ннаго Собо́ра моли́тву сотвори́ша, со дерзнове́нием злоде́йство облича́юще.

О святи́телю Влади́мире, пра́ведный и тве́рдый душе́ю, ве́рный сы́не Це́ркве Ру́сския! Убие́ние твое́ у стен оби́тели Киево-Пече́рския положи́ нача́ло поминове́ния собо́рнаго но́вых му́ченик. Ны́не же, Престо́лу Бо́жию предстоя́, моли́ся Го́сподеви спасти́ и просвети́ти ду́ши на́ша.

Святи́тель Пе́рмский Андрони́к да почти́тся, ве́ры Христо́вы свети́льник горя́й, самоде́ржцу отве́рженну сострада́лец ве́рный, па́ствы своея́ учи́тель усе́рдный, му́ченик, еще́ жив сый, в земли́ погребе́нный, и, я́ко зе́рно пшени́чное, плод стори́цею принесы́й.

Заключе́ние темни́чное Андрони́ково слы́шавше, мучениколю́бцы святи́тель Васи́лий Черни́говский, и Матфе́й, пе́рмских па́стырей воспита́тель, и Алекси́й, ве́ры Христо́вы побо́рник, повеле́ние собо́рное потща́шася испо́лнити об изъявле́нии убие́ния священному́ченика Пе́рмскаго. Последи́ же за ве́рность и любо́вь к собра́ту своему́ му́ченических венце́в сподо́бишася.

Святи́телю Христо́в Гермоге́не, гра́да Сара́това в ве́ре утвержде́ние, тобо́льския па́ствы му́дрый наста́вниче, безбо́жных преда́телей же и крамо́льников обличи́телю. Ты, ца́рственныя ю́зники кресто́м на страда́ния проро́чески благослови́в, сам смерть му́ченическую чрез утопле́ние прия́л еси́.

Варлаа́ме пречу́дне, и́ноков похвало́ и благочи́ния церко́внаго ревни́телю! Ты я́ко Афо́н други́й Бе́лую го́ру показа́л еси́, и преде́лы Ура́льския по́двиги твои́ми благода́тно освяти́л еси́. Му́ченический же вене́ц прие́м, ны́не моли́твами твои́ми оби́тель твою́ укрепля́еши.

Богоро́дичен: Я́ко апо́столов иногда́, успе́ние Твое́ чад Це́ркве Ру́сския собра́, Введе́ние же Твое́ богоизбра́ннаго Патриа́рха во храм Госпо́день введе́, от всех воспева́емая, Преблага́я Ма́ти Бо́га на́шего.

Песнь 3

Ирмо́с: На тве́рдем ве́ры Твоея́ ка́мени/ помышле́ние утверди́в души́ моея́, утверди́, Го́споди:/ Тя бо и́мам, Бла́же,// прибе́жище и утвержде́ние.

Благоче́стие на Руси́ погуби́ти возжеле́вше, сло́ву гро́зному Патриа́рха гони́телие не внима́ху и но́вых му́ченик кровь пролива́ху, оба́че сия́ яви́ся Це́ркве Ру́сския утвержде́ние.

Да почти́м, ве́рнии, святи́теля Ти́хона, печа́льника гони́мых и па́ствы ру́сския утвержде́ние, и́же, власти́тели злы́я облича́я и поги́бель тем предрека́я, за стра́ждущих и во у́зах су́щих небоя́зненно предста́тельствует.

Тща́ние и благонра́вие твое́ в де́лех церко́вных уве́дев, священному́чениче сла́вне Лавре́нтие, архиере́я тя святи́тель Ти́хон поставля́ет, оба́че же без ми́лости гони́ма тебе́ ви́дя, судия́м непра́ведным возопи́: за ку́ю вину́ чи́стаго на смерть осуди́сте?

Христо́ви свиде́телие и пропове́дницы святи́телие Ефре́м со Никола́ем, му́ки прие́мше, ра́дуются ны́не на Небеси́, с ни́миже и ты́сящи ве́рных сликовству́ют, я́ко не убоя́шася заступи́ти отцы́ своя́ пред гони́тели.

Му́жество и кре́пость почти́м, бра́тие, святи́телей Митрофа́на Астраха́нскаго и Плато́на Ре́вельскаго, и́же лю́тых страда́ний не уклони́шася, но муче́ние и убие́ние му́жественно претерпе́ша.

Прича́стницы Страсте́й Христо́вых яви́стеся, святи́и Ти́хоне Воро́нежский и Сильве́стре О́мский, я́ко даде́ся вам благода́ть, не то́чию во Христа́ ве́ровати, но и по Нем страда́ти.

О священному́чениче Си́моне, благоле́пия дре́вняго ревни́телю, единове́рия дру́же и еди́нства Це́ркве Ру́сския побо́рниче! Дерзнове́нною твое́ю моли́твою, я́ко друг Христо́в, ра́ны церко́вныя уврачу́й.

Богоро́дичен: Братоуби́йство крова́вое слы́шавше, не́цыи, я́ко безу́мнии, реко́ша: несть Бог. Оба́че попече́нием Христа́ Жизнода́вца и моли́твами Ма́тере Его́ Пресвяты́я врата́ а́дова Це́рковь Ру́сскую не одоле́ша.

Седа́лен, глас 2:

Но́вии страстоте́рпцы Це́ркве Ру́сския,/ му́ченически по́прище земно́е сконча́вшии и страда́ньми дерзнове́ние ко Го́споду приобре́тшии,/ моли́теся Ему́, вас укре́пльшему,/ да и мы, егда́ на́йдет на ны испыта́ния час,/ му́жества дар Бо́жий восприи́мем.

Сла́ва, и ны́не, Богоро́дичен, глас 4:

Не премолчи́м при́сно, Богоро́дице Де́во,/ благода́рственно воспева́ти от се́рдца Твоя́ ми́лости, Влады́чице, раби́ Твои́,/ вопию́ще и глаго́люще:/ Пресвята́я Де́во, предвари́, и изба́ви нас от враг ви́димых и неви́димых,/ и от ну́жды и вся́каго преще́ния,/ Ты бо еси́ на́ше заступле́ние.

Песнь 4

Ирмо́с: Удиви́ся Твой ра́зум от мене́,/ услы́шавшу пресла́вная вели́чия смотре́ния Твоего́,/ укрепи́ся же возлюбле́нием Твоего́ схожде́ния:// Ты бо моея́ нищеты́ не отве́рглся еси́.

О свя́те Патриа́рше наш Ти́хоне! Ка́ко досто́йно ублажи́м ве́рность тебе́ сохра́ньших, егда́ лжепа́стырие, гони́тельми науща́емии, я́ко власти́телие зако́ннии в Це́ркви, твоего́ отрече́ния иска́ху?

Гла́ду бы́вшу во Оте́честве на́шем, от братоуби́йства погиба́ющем, па́стыри увещава́л еси́, святи́телю Ти́хоне, Го́спода умоля́ти, да омы́ется земля́ Ру́сская слеза́ми покая́ния и Святы́ми Та́йнами да обнови́тся.

У́зы и суди́ще, заплева́ние и клеветы́, преда́тельство и суде́й лука́вых сме́ртное изрече́ние претерпе́в, о Це́ркви и па́стве боле́зновал еси́, святи́телю Петрогра́дский Вениами́не, му́ченики возлюби́вый изде́тска. С ни́миже ны́не Бо́га прославля́еши.

Мона́шество и свяще́нство в час испыта́ния Це́ркве Ру́сския прия́ти не убоя́вся, о́тче богому́дре Се́ргие, священному́ченика Вениами́на сподви́жник ве́рный яви́лся еси́. С ни́мже и осужде́ние непра́ведное и смерть му́ченическую претерпе́л еси́.

Похвало́ Солове́цкая, священному́чениче Иларио́не, Це́ркве Ру́сския свети́льниче, Патриа́рха Ти́хона ве́рный спобо́рниче, крамолы́ лжеобнови́телей ре́вностный обличи́телю, исцели́ и ны́не ра́ны церко́вныя.

Преподо́бне о́тче Алекси́е, наста́вников духо́вных насле́дниче, уче́ний святооте́ческих сокро́вищнице и мно́гих му́ченик воспита́телю! Не преста́й Зоси́мову пу́стынь храни́ти и мона́шество правосла́вное в по́двизех духо́вных утвержда́ти.

Не солга́ся проро́чество преподо́бнаго Амвро́сия, ста́рца оби́тели О́птинския: прее́мник бо его́ Исаа́кий разоре́ния тоя́ самови́дец быва́ет и, крест свой му́жественне прие́м, в годи́ну лю́тую сме́рти за Христа́ сподобля́ется.

Богоро́дичен: Кня́зю ми́ра, порабо́тити Це́рковь тща́щуся, да́же до уз и сме́рти противоста́ша отцы́ святи́и и все упова́ние свое́ по Бо́зе на Де́ву Пречи́стую возложи́ша.

Песнь 5

Ирмо́с: Свет и мир Твой, Христе́,/ рабо́м Твои́м пода́ждь, Бла́же:/ Ты бо еси́ всех мир,/ и сою́з любве́, Человеколю́бче,/ Тя позна́вшим у́тро све́тлое,// и Влады́ку вои́стину, и Го́спода.

Собо́рное веле́ние исполня́я, святы́й Патриа́рх прее́мники себе́ указу́ет, в та́йне завеща́ние храня́ да́же до вре́мене преставле́ния своего́, и сим показу́ет лжесобо́ров бе́гати, созыва́емых веле́нием вла́сти безбо́жныя.

Умира́ние тя́жкое за Це́рковь Ру́сскую на всяк день претерпева́л еси́, Патриа́рше Ти́хоне, мно́гажды от безбо́жных искуша́емь, но чист от греха́ яви́лся еси́, па́ству от волко́в соблюды́й непоро́чно.

Пра́ведно и благоче́стно жити́е твое́ бысть, святи́телю Кири́лле. А́ще и во изгна́нии мно́гая ле́та пребы́л еси́, оба́че собра́тий твои́х утверди́л еси́ на ка́мени ве́ры Христо́вы, смерть же твоя́ в земли́ пусты́нней му́ченичество за ве́ру правосла́вную яви́ся.

Ле́стию и нече́стием тща́щимся премени́ти ве́ру святу́ю оте́ческую противуста́л еси́ небоя́зненно, свя́те Агафа́нгеле, сего́ ра́ди изгна́н был еси́, да уве́дят ве́рнии, я́ко вре́мя приспе́ за пра́вду Христо́ву страда́ти.

О кре́посте несокруши́мая, святи́телю о́тче Пе́тре! Страда́нием бо лю́тым Це́рковь Ру́сскую от раско́ла храни́л еси́, я́ко ве́рный до сме́рти Патриа́рха Ти́хона послу́шник, не вне́мля глаго́лом мучи́телевым зову́щим, е́же сни́ти со креста́.

О вели́кая оби́теле Солове́цкая, коли́ко новому́ченик в стена́х твои́х по́двиг понесо́ша и страда́ния прия́ша! От ни́хже святы́х отце́в Собо́ра ны́не восхва́лим: после́дняго настоя́теля Вениами́на, в пустынножи́тельстве от злоде́ев убие́ннаго, архиере́и Евге́ния и Васи́лия, еще́ же Михаи́ла пресви́тера и ины́я, и в богосло́вцех изря́дна, сим спострада́вша, му́ченика Иоа́нна.

Колькра́ты беззако́ннии иска́ху уби́ти тя, святи́телю Иоа́нне, чистоты́ Правосла́вия ревни́теля, раско́ла ху́льнаго пе́нзенскаго обличи́теля, земли́ Латви́йския те́плаго моли́твенника, в не́йже му́ченичества венце́м украси́лся еси́.

Богоро́дичен: Слу́жбу Бо́жию в ме́стех потае́нных и́же за ве́ру страда́льцы соверша́юще, о́браз Твой, на дщи́цах и ка́менех ма́лых пи́санный и на холсте́х истка́нный, о Богома́ти, я́ко зе́ницу о́ка храня́ху и благогове́йне Тя почита́ху.

Песнь 6

Ирмо́с: Зве́рю бе́здны предае́тся/ проро́к Ио́на, глубине́ морско́й,/ прообразу́я Твое́, Сло́ве, тридне́вное воста́ние,/ тем и взыва́ше:/ из глубины́ преиспо́дния// возведи́ живот мой, Благоутро́бне.

В ле́то три́десять седьмо́е ве́ка го́рькаго ве́лие губи́тельство на Руси́ бысть, и о́ви лю́дие наси́льством умро́ша, о́ви же в го́рьких рабо́тах погибо́ша. Те́мже, ве́рнии, моли́твенно просла́вим та́ко уму́ченныя сподви́жники святи́теля Ти́хона Патриа́рха.

Дре́вле в ко́емждо гра́де Руси́ едва́ еди́н мучи́тель обрета́шеся. Ка́ко же в ле́та гоне́ния безбо́жнаго толи́ка тьма душегу́бцев во́льных воста́? Ка́ко сы́нове а́довы сме́рти преда́ти святы́я во́ины Христо́вы не устраши́шася?

В земли́ Зыря́нстей, во гра́де скорбе́й зе́льных, го́рьких рабо́т, гла́да и уничиже́ния, мно́гия му́ки претерпе́л еси́, священному́чениче Анато́лие, архиере́ю Оде́сский, о ни́хже по́слежде самови́дцы с пла́чем пове́даша, ве́рность твою́ Ева́нгелию свиде́тельствующе.

Сама́рския преде́лы, в ни́хже до́бльственно потруди́лся еси́, ны́не с на́ми сла́вят мно́гая страда́ния твоя́, архипа́стырю Алекса́ндре, засту́пниче и прибе́жище гони́мых, я́ко Христа́ ра́ди и смерть прия́л еси́ за дру́ги своя́.

Житие́м и словесы́ Христа́ пропове́дал еси́, Серафи́ме священному́чениче преди́вный, в преде́лех Хо́лмских, Орло́вских и Смоле́нских му́дростию и любо́вию па́ству уча́ и от собла́зн огражда́я. Те́мже вене́ц тебе́ терно́вен исплете́ся.

Градо́в Росси́и Вели́кия и Ма́лыя пропове́дницы, Патриа́рха же Ти́хона сы́нове ве́рнии, святи́телие Никоди́м и Проко́пий досто́йно да почту́тся, и́же по́двиг служе́ния архиере́йскаго, сугу́бейший по́двига, всем ве́рным о́бщаго, му́ченичеством увенча́ша, я́ко богому́дрии.

Священноиспове́дника пресви́тера Василия почти́м, во изгна́нии в преде́лех Арха́нгельских живо́т сконча́вша, свяще́нники же Госпо́дни просла́вим, Илию́, сострада́льца Фадде́ю, Тверско́му архипа́стырю, Константи́на же, Во́логды моли́твенника, убие́нныя в годи́ну, крове́й испо́лнену.

Богоро́дичен: Законопресту́пен и сме́рти пови́нен, реко́ша на Сы́на Твоего́ челове́цы нечести́вии, Ему́же сострада́ла еси́, Богороди́тельнице Пречи́стая, та́кожде и оклевета́нныя служи́тели Его́, я́ко Ма́ти Благоутро́бная, утеша́ла еси́.

Конда́к, глас 3:

Гоне́ния и страда́ния да́же до сме́рти претерпева́юще/ и правосла́внаго ца́рства Ру́сскаго разоре́ние облича́юще,/ отцы́ Собо́ра Це́ркве на́шея/ к покая́нию ча́да ве́рная призыва́ют// и стоя́ти тве́рдо за ве́ру Христо́ву благословля́ют.

Ин конда́к, свято́му Патриа́рху Ти́хону, глас 5:

Служе́ние твое́ испо́лнено сто́на и го́ря,/ священному́чениче Ти́хоне, Патриа́рше наш,/ но был еси́ пра́вило ве́ры и о́браз кро́тости,/ побежда́я ра́спри и разделе́ния;/ си́лою смире́ния и любве́ Христо́вы противоста́л еси́ зло́бе сатани́нстей,/ возгла́вил еси́ до́брое во́инство но́вых му́чеников,// Це́рковь Ру́сскую утверди́вших во ве́ки.

И́кос:

Хотя́й Госпо́дь ве́рныя подви́гнути к прославле́нию по́двига святы́х новому́чеников и испове́дников Це́ркве Ру́сския, дом Бо́жий, святи́телем Влади́миром созда́нный и от безбо́жных в годи́ну лю́тых гоне́ний пору́ганный, благоле́пно па́ки возставля́ет, подвиза́я в нем ико́ну святы́х отце́в Свяще́ннаго Собо́ра изобрази́ти, я́ко да ли́ки их ви́дяще, поуча́ются в по́вестех дея́ний сла́вных и страда́ний безме́рных всех, свято́му Патриа́рху Ти́хону после́дующих и и́менем того́ в годи́ну гоне́ний нарица́емых. И́хже по́двигом мир в Це́ркви на́шей утверди́ся.

Песнь 7

Ирмо́с: О́троцы в Вавило́не дре́вле/ во огни́ не опали́шася,/ на му́ки бо дерзну́вше за ве́ру оте́ческую,/ в о́ней непоколе́блеми пребы́ша,/ и зре́ти Го́спода и пе́ти Тому́ сподо́бишася:// Изба́вителю Бо́же, благослове́н еси́.

На ме́сте, иде́же ны́не храм новому́чеников Бу́товских устро́ися, три́десять ты́сящ ю́зник в ле́та зла́я убие́ни бы́ша, и́же, на смерть за Христа́ ведо́ми, ве́рою взыва́ху: Бо́же, благослове́н еси́.

Списа́теля жития́ Саро́вскаго чудотво́рца священному́ченика Серафи́ма днесь восхва́лим, и́же, в боле́зни сый и ста́рости масти́тей, вскрай ро́ва Бу́товскаго мучи́тели приво́дится и убие́ние неви́нно прие́млет, воспева́я: Изба́вителю Бо́же, благослове́н еси́.

Ве́рность храня́ святи́телю Петру́, в скита́нии нево́льнем су́щему, страда́ния мно́гая претерпе́л еси́, архипа́стырю гра́да Влади́мира, свя́те Нико́лае, те́мже и виде́ние ли́ка твоего́ ве́рным бысть утвержде́ние. Ты же, смерть за Христа́ до́блественне прия́ти угото́вився, взыва́л еси́: Бо́же, благослове́н еси́.

Днесь почти́тся и пресви́тер Се́ргий, слу́жбы Бо́жия усе́рдный рачи́тель, на путь свяще́нства Патриа́рхом Ти́хоном благословле́нный, и́же, красото́ю слове́с церко́вных окриля́емь, посреде́ гоне́ния лю́таго до́бре ше́ствова и, му́ченичества дости́гнув, благода́рственно Христу́ воззва́: Изба́вителю Бо́же, благослове́н еси́.

В прему́дрости кни́жней ум изостри́в, некни́жному ученику́ Петру́, верхо́вному апо́столу, подража́ти потща́лся еси́, Иоа́нне, служи́телю престо́ла Бо́жия, глас же ева́нгельский, е́же отве́ргнутися себе́ и взя́ти крест свой, услы́шав, со дерзнове́нием на по́двиг му́ченический устреми́лся еси́, зовы́й: Христе́, Спа́се ми́ра, благослове́н еси́.

Се́ргия преподо́бнаго от ю́ности послу́шник изря́ден был еси́, а́вво Крони́де богому́дре! Ты бо, попече́ние усе́рдное о оби́тели Тро́ицтей, я́ко игу́мен, явля́я, о и́ноцех ея́ во благоде́нствии и злоде́нствии ру́це моли́твенно воздвиза́л еси́, с ни́миже ны́не во Ца́рствии Бо́жии взыва́еши: О́тче, Сы́не и Святы́й Ду́ше, благослове́н еси́.

Во Аме́рице да́льней и в первопресто́льнем гра́де Москве́ святи́телю Ти́хону помо́щника ве́рнаго, Алекса́ндра пресви́тера почти́м, близ гро́ба патриа́ршаго к му́ченичестей кончи́не при́званнаго, свинце́м устреле́ннаго и огне́м сожже́ннаго, ны́не же пою́щаго: Бо́же, благослове́н еси́.

Богородичен: О Ма́ти Бо́жия, Преми́лостивая! Кто бы возмо́гл есть из люде́й ве́рных у́зы, бие́ния, уничиже́ния и лю́тую смерть претерпе́ти, а́ще бы не Ты предстоя́ла еси́ стра́ждущим, ско́рби и страда́ния му́ченическая утоля́ющи и науча́ющи пе́ти: Спаси́телю, Христе́ Бо́же, благослове́н еси́.

Песнь 8

Ирмо́с: Преподо́бнии Твои́ о́троцы/ в пещи́ Херуви́мы подража́ху,/ Трисвяту́ю песнь воспева́юще:/ благослови́те, по́йте// и превозноси́те во вся ве́ки.

Ве́лия страда́ния претерпе́ли есте́, Оте́чества на́шего церко́внии избра́нницы, вы бо вои́стину яви́лися есте́ я́ко соль земли́ Ру́сския и утвержде́ние ве́ры правосла́вныя в ней во ве́ки.

Се́рдце твое́, о Русь Свята́я, про́йде ору́жие во́ев герма́нских, твоя́ преде́лы плени́ти восхоте́вших, оба́че сы́нове твои́, жизнь за тебе́ положи́вшии, вку́пе со страда́льцы, во у́зах уму́ченными, Христу́ песнь но́ву воспева́ют во ве́ки.

Исчи́слил еси́ дни страда́ний и сострада́льцев имена́, суды́ Бо́жия благослови́в, святи́телю Афана́сие, зане́, во у́зах сый, святы́х ру́сских иску́сный песносло́вец яви́лся еси́, о новому́ченицех же почи́вших моли́твенник усе́рдный, с ни́ми Бо́га сла́виши во вся ве́ки.

Юне́йший от отце́в Собо́ра Це́ркве Ру́сския в пещи́ гоне́ний искуша́емь быва́ет и я́ко исто́чник богому́дрых уче́ний в земли́ Влади́мирстей явля́ется, священноиспове́дник Великодво́рский Петр, любве́ Христо́вы испо́лненный, я́же не изся́кнет во ве́ки.

Вся по и́мени помяну́вше отцы́ святы́я, в ли́це новому́ченик просла́вленныя, и о про́чих моли́твы вознесе́м ко Го́споду, и́хже жития́ и по́двизи безве́стни суть, да ми́лость улуча́т от Бо́га, созда́вшаго ве́ки.

Мо́щи твоя́ огне́м откры́шася, святи́телю о́тче Ти́хоне, Патриа́рше святы́й, оба́че обря́щем ли мо́щи мно́гих сподви́жник твои́х, в ме́стех безве́стных и непрохо́дных погребе́нных, и́хже па́мять нетле́нна во ве́ки?

Богоро́дичен: И́мже пе́ние надгро́бное никто́же принесе́, Сама́ предста́ла еси́, Чи́стая, с ли́ки а́нгельскими; и́мже беззако́нное мучи́тельство безве́стну кончи́ну угото́ва, Сама́ отве́рзла еси́, Препе́тая, ра́йския вхо́ды, да ца́рствуют со Христо́м во ве́ки.

Песнь 9

Ирмо́с: Сло́вом Сло́во Еди́на Ро́ждшая,/ ерети́ческая уста́ загради́ злоре́чивая./ И́но но́во не́бо, некра́домый рай, Пречи́стая,// Тя велича́ем.

В па́мять святи́теля Ти́хона Патриа́рха соше́дшеся, ве́рнии, и вся сподви́жники его́, и́же от Собо́ра святы́х отце́в, помяну́вше, на ме́сте, иде́же ти́и бя́ху со́брани, Христа́ велича́ем.

Ерети́ческая злоре́чивая уста́ загради́вшии, святи́и отцы́ новому́ченицы, Собо́ров вселе́нских догма́ты в сердца́х ва́ших сохрани́ли есте́, те́мже вас велича́ем.

Святы́я Руси́ собо́ри преста́ша иногда́, с патриа́ршеством упраздни́вшеся вку́пе, но глас собо́рный, я́ко крин, посреде́ ка́мене прозя́бший, в годи́ну бе́дствия возвести́ся.

Уста́ми проро́к, Го́споди, Изра́иля наставля́я, лю́дем, проро́ки изби́вшим, царя́ поставля́еши; лю́дем же, правосла́внаго царя́ отве́ргшим, гоне́ния посыла́еши, да во́ли Твоея́ позна́ние покая́нием обря́щут.

Це́ркве уста́вы собо́рне определи́вше, по́слежде же сию́ гони́му ви́девше, судьба́м Бо́жиим непостижи́мым удиви́стеся, о святи́и отцы́ новому́ченицы, по́двиги свои́ми Христа́ возвели́чившии.

Нарекли́ есте́ прозорли́во, святи́и отцы́, страда́льцы за ве́ру Христо́ву новому́ченики и испове́дники Це́ркве Ру́сския и па́мять ежеле́тную сим уста́вили есте́. Ны́не же с ни́ми вку́пе велича́етеся.

О́тче, Сы́не и Ду́ше Всесвяты́й, при́зри с Небесе́ на Це́рковь Ру́сскую, в пра́вой ве́ре сию́ соблюди́, да и мы, ча́да ея́, вои́стину Тя велича́ем.

Богоро́дичен: Догма́ты храни́ти и за́поведи Христо́вы с любо́вию твори́ти наста́ви нас, Богоневе́сто Влады́чице, да и мы, ве́ру непоро́чно соблю́дше, в Ца́рствие Бо́жие вход улучи́ти возмо́жем.

Свети́лен:

Свет Отца́, и Сы́на, и Ду́ха Свята́го/ всели́ся в ду́шы ва́ша, о святи́и отцы́ Свяще́ннаго собо́ра, новому́ченицы и испове́дницы,/ сего́ ра́ди па́мять ва́шу со святи́телем Патриа́рхом Ти́хоном вку́пе прославля́ем.

Сла́ва, и ны́не, Богоро́дичен:

Свет Христо́в яви́ся всем Тобо́ю, Ма́ти Де́во,/ всели́ся бо во утро́бу Твою́ Сло́во па́че сло́ва,/ сего́ ра́ди род наш пе́сньми немо́лчными Тя велича́ет.

На хвали́тех стихи́ры, глас 5.

Подо́бен: Ра́дуйся:

Ра́дуйся, святи́телю о́тче наш Ти́хоне,/ па́че жи́зни па́ству твою́ возлюби́вый/ и ду́шу твою́ за ча́да церко́вная положи́вый,/ к нимже со ско́рбию тя́жкою взыва́л еси́:/ се́рдце мое́ гори́т жа́лостию до сме́рти:/ очи́ститеся, бра́тие, от грехо́в свои́х,/ и бу́дем вку́пе моли́ти Го́спода:// О́тче наш, оста́ви нам до́лги на́ша.

Ра́дуйся, святы́й Патриа́рше наш Ти́хоне,/ ты бо, Це́рковь Ру́сскую на по́двиг Христо́в укрепля́я/ и но́вое во́инство Христо́во собира́я,/ ве́рою, любо́вию и кро́тостию/ зло́бу вра́жию побежда́ти науча́л еси́/ и во смире́нии си́лу Бо́жию стяжа́ти наставля́л еси́./ Бу́ди и нам ны́не воево́да взбра́нный,/ мо́лим тя, па́стырю наш до́брый,// и не оста́ви чад Твои́х во ве́ки.

Глас и подо́бен то́йже.
[Творе́ние святи́теля Афана́сия Ковро́вскаго:]

Прииди́те, Небе́снии предста́телие на́ши, к нам,/ ва́шего тре́бующим ми́лостивнаго посеще́ния,/ и изба́вите ны, озло́бленныя мучи́тельскими преще́нии,/ лю́таго неи́стовства безбо́жных,/ от ни́хже я́ко пле́нницы и на́зи гони́ми есмы́,/ от ме́ста на ме́сто ча́сто преходя́ще,/ и заблужда́юще в верте́пех и гора́х./ Уще́дрите у́бо, прехва́льнии,/ и да́руйте нам осла́бу,/ утоли́те бу́рю,/ и угаси́те е́же на ны негодова́ние,/ Бо́га моля́ще,// подаю́щаго ва́ми земли́ на́шей ве́лию ми́лость.

И́ны стихи́ры, глас 4.

Подо́бен: Дал еси́ зна́мение:

В па́мять святы́х отце́в соше́дшеся,/ на ме́сте, иде́же ти́и бя́ху со́брани/ в годи́ну испыта́ний земли́ Ру́сския,/ воспои́м Христо́вых во́инов полк,/ бра́тство же свято́е,/ строи́телей де́ла церко́внаго,/ страда́льцев за ве́ру лик Небе́сный,/ и сим наста́вником на́шим да подража́ем,// ду́хом и и́стиною их почита́юще.

О, неизрече́ннаго Твоего́ смотре́ния, Христе́!/ Ка́ко жи́зни церко́вныя устрои́телие/ плач Иереми́ин восприе́млют,/ хра́мы зря́ще разруша́емы?/ Ка́ко святи́телие и иере́и/ от престо́лов Бо́жиих во узи́лища отсыла́ются/ и та́мо, я́коже на река́х Вавило́нских,/ о служе́нии сле́зы пролива́ют?/ О, неизсле́димых суде́б Твои́х, Христе́,// и́миже спасе́ние душ на́ших содева́еши!

Взыгра́йте, лю́дие,/ в день па́мяти Христо́вых страда́льцев,/ и́хже ра́ди ве́ра не поги́бе,/ но па́ки процвете́ в земли́ на́шей./ Те́мже и мы, в дом Бо́жий соше́дшеся,/ с любо́вию возопии́м:/ моли́теся о нас,/ отцы́ святи́и,// да проба́вит Госпо́дь нам ми́лость Свою́.

Сла́ва, глас 1:

О святи́и отцы́, мно́гих церко́вных дел устрои́телие,/ вы, главу́ правосла́вных явля́юще,/ патриа́ршество возста́висте,/ пра́здник Ру́сских святы́х ра́достне возобнови́сте,/ но́вых му́чеников па́мять учини́сте,/ па́стве Це́ркве Ру́сския путь по́двига испове́днаго указа́сте/ и на защище́ние святы́нь церко́вных и па́стырей гони́мых вся призва́сте,/ по́слежде же и са́ми крест му́ченичества прия́сте./ Те́мже к вам усе́рдно взыва́ем:// сподо́бите нас любве́ и ве́ры ва́шея насле́дники бы́ти.

И ны́не, глас то́йже:

Це́ркве Христо́вы Храни́тельнице,/ Ма́ти Бо́жия Пречи́стая,/ сохрани́ в чистоте́ ве́ру на́шу,/ моли́твы бо святы́х отце́в на́ших Тебе́ предлага́ем,/ зане́ ве́рная ча́да Твоя́ суть,// я́ко за́поведи Сы́на Твоего́ непоро́чне соблюдо́ша.

На Литурги́и

Блаже́нна от кано́на святы́х оте́ц, песнь 3-я и 6-я. Проки́мен, глас 7: Бог нам прибе́жище// и си́ла. Стих: Помо́щник в ско́рбех, обре́тших ны зело́. Апо́стол к Ри́мляном, зача́ло 99 (гл. 8, ст. 31–39). Аллилу́ия, глас 4: Воззва́ша пра́веднии, и Госпо́дь услы́ша их, и от всех скорбе́й их изба́ви их. Стих: Мно́ги ско́рби пра́ведным, и от всех их изба́вит я́ Госпо́дь. Ева́нгелие от Луки́ зача́ло 105-106 (гл. 21, ст. 8–19). Коне́ц: В терпе́нии ва́шем стяжи́те душа́ ва́ша. Прича́стен: Ра́дуйтеся, пра́веднии, о Го́споде, пра́вым подоба́ет похвала́.

Моли́тва святи́телю Ти́хону,
Патриа́рху Всеросси́йскому, испове́днику

О па́стырю до́брый, святи́телю о́тче наш Ти́хоне, Патриа́рше Це́ркве Ру́сския! Ты мно́гия труды́ в жи́зни вре́менней подъя́л еси́. Простота́ и любы́ твоя́, дух ми́рен и кро́ток, та́же и сло́во, благода́ти испо́лненное, по се́рдцу бы́ша лю́дем земли́ на́шея, и́же и предложи́ша тя Бо́гу на по́двиг вели́кий и многотру́дный. Егда́ же богобо́рцы и хули́телие воздвиго́ша на Це́рковь Христо́ву гоне́ние, ему́же не бе ра́внаго от ве́ка, Сам Госпо́дь Вседержи́тель избра́ и соде́ла тя Патриа́рха. Ты же, святи́телю, сраспина́яся Христу́ и Це́ркви Его́, со ско́рбию лю́ди к покая́нию призыва́л еси́. И кто изочте́т страда́ния твоя́? Заточе́ние бо темни́чное, клеветы́ и суды́ гони́телей со смире́нием претерпева́я, враго́м Христо́вым моли́твою сле́зною и кро́ткою противуста́л еси́ и архиере́и, пресви́теры, мона́хи и мирски́я на по́двиг му́ченический благослови́л еси́. Те́мже мо́лим тя, святи́телю Христо́в, бу́ди нам дерзнове́нный засту́пник и не оста́ви ны, немощна́я ча́да твоя́. Испроси́ у Го́спода нам грехо́в проще́ние, ве́ры утвержде́ние, скорбе́й осла́бу, по́мыслов чистоту́, да, в покая́нии и моли́тве пребыва́юще, украси́м себе́ целому́дрием, любо́вию и смире́нием, и та́ко Ца́рствия Небе́снаго дости́гнем, иде́же с тобо́ю сподо́бимся прославля́ти Святу́ю Тро́ицу, Отца́, и Сы́на, и Свята́го Ду́ха. Ами́нь.

И́на моли́тва,
святы́м отце́м, на Собо́ре Це́ркве Ру́сския потруди́вшимся

О святи́и уго́дницы Бо́жии, со́нма но́вых му́чеников и испове́дников Це́ркве Ру́сския прича́стницы, на Собо́ре Це́ркве Ру́сския в годи́ну ско́рби до́бре потруди́вшиися и му́жески за ве́ру Христо́ву в ле́та гоне́ния лю́таго пострада́вшии! Помина́юще труды́ на ни́ве Бо́жией, ва́ми подъя́тыя, и по́двиги во страда́нии за ве́ру сверше́нныя, славосло́вим доброде́тели ва́ша, воспева́ем братолю́бие, прославля́ем любо́вь ко Спаси́телю Христу́ и Це́ркви Его́ Святе́й, и, я́ко ча́да ва́ша по ду́ху, мо́лим: научи́те нас ра́зум ева́нгельский приле́жне стяжа́ти, на вся́кое де́ло благо́е потре́бен, помози́те во испыта́ниих кре́пость ве́ры име́ти, сподо́бите нас насле́дники по́двига ва́шего бы́ти, да неосужде́нно Ца́рствия Бо́жия дости́гнем, иде́же ку́пно с ва́ми просла́вим Тро́ицу Единосу́щную во ве́ки веко́в. Ами́нь.

Стихи́ры, пое́мыя по обы́чаю в 5-й день ноября́
в домо́вом хра́ме святы́х отце́в Поме́стнаго Собо́ра
в Моско́встем епархиа́льнем до́ме

На Го́споди, воззва́х: стихи́ры, глас 1:

Избра́нный на путь кре́стный и испове́дный,/ святы́й Патриа́рх да восхва́лится днесь,/ и́же с па́ствою свое́ю ча́шу му́ченичества испи́ за ве́ру правосла́вную,/ воззове́м ему́: святи́телю о́тче наш Ти́хоне,/ прииди́ и осени́ благослове́нием Небе́сным// Бо́гом со́бранныя лю́ди твоя́.

Во́йны и глад и крова́вая сму́та/ жре́бий твой тя́жкий, святи́телю наш!/ Ты же, в покая́нии путь спасе́ния нам указу́я, звал еси́ озло́бленныя:/ возлюби́те бли́жняго своего́,// обрати́теся ко Го́споду и спасе́теся.

Взыва́ю к вам, архипа́стырие и па́стырие,/ веща́л еси́, свя́те Ти́хоне, Патриа́рше наш:/ сы́нове мои́ и дще́ри во Христе́, спеши́те с про́поведию покая́ния,/ противоста́ните враго́м Це́ркве си́лою ве́ры на́шея./ Зове́м вы на страда́ния вме́сте с собо́ю/ свята́го апо́стола словесы́:// кто ны разлучи́т от любве́ Бо́жия?

Страда́ния мно́гая претерпе́л еси́, о́тче Ти́хоне:/ клеветы́, суды́, заточе́ния,/ преда́тельства лжебра́тий и угро́зы сме́ртныя,/ наси́льства и нападе́ния враго́в Це́ркве Христо́вы;/ но ты пребы́л еси́ му́жествен и кро́ток, веща́я:/ не ожесточа́йте серде́ц ва́ших,// но возмога́йте о Го́споде!

На стихо́вне стихи́ры, глас 1.

Подо́бен: Небе́сных чино́в:

Во́ли Бо́жия пра́ведный иска́телю и побо́рниче,/ о́тче Ти́хоне, моли́твенниче пла́менный за Це́рковь и зе́млю Ру́сскую,/ любве́ Христо́вы святы́й и кро́ткий подви́жниче,/ засту́пниче безстра́шный неви́нно стра́ждущих!/ Проро́честв твои́х ви́дехом стра́шное сбытие́.// Моли́ спасти́ся душа́м на́шим.

Стих: Го́споди, Госпо́дь наш,// я́ко чу́дно и́мя Твое́ по всей земли́.

Простоту́, мир и кро́тость с любо́вию/ возгрева́л еси́ в се́рдце твое́м, о́тче Ти́хоне,/ моли́твою ти́хою огражда́л еси́ ста́до Христо́во// от волко́в, губя́щих е́.

Стих: Возноше́ния Бо́жия в горта́ни их,// и мечи́ обою́ду остры́ в рука́х их.

Све́тлым о́блаком страда́льцев Христо́вых,/ и́хже на по́двиг укрепи́л есть Собо́р Це́ркве Ру́сския,/ Небеса́ небе́с освяща́ют нас,/ соше́дшихся в па́мять святы́х собо́рян во храм,/ иде́же ти́и с Патриа́рхом Ти́хоном воспева́ху:// днесь благода́ть Свята́го Ду́ха нас собра́.

На хвали́тех стихи́ры, глас 5.

Подо́бен: Ра́дуйся:

Ра́дуйся, святе́йший о́тче наш Ти́хоне,/ возлюби́вый бо́льше жи́зни па́ству твою́/ и положи́вый ду́шу свою́ за Це́рковь Бо́жию, за Бо́жий наро́д,/ к нему́же со ско́рбию тя́жкою взыва́л еси́:/ се́рдце мое́ гори́т жа́лостию до сме́рти./ Очи́ститеся, бра́тие, от грехо́в свои́х/ и бу́дем вме́сте моли́ти Го́спода:/ О́тче наш,// оста́ви нам до́лги на́ша.

Ра́дуйся, святы́й Патриа́рше наш Ти́хоне,/ укрепля́я Це́рковь Ру́сскую на по́двиг Христо́в,/ собира́я но́вое Христо́во во́инство,/ науча́я ве́рою и любо́вию/ в кро́тости побежда́ти зло́бу вра́жию,/ во смире́нии стяжа́ти си́лу Бо́жию./ Воево́да взбра́нный ны́не сно́ва бу́ди нам!/ Мо́лим, па́стырю люби́мый наш:// не оста́ви чад твои́х во ве́ки.

Развернуть

Богослужение сегодня

Тропари, кондаки, молитвы и величания

Тропарь, глас 6

Днесь благода́ть Свята́го Ду́ха нас собра́,/ просла́вити отцы́ Собо́ра Це́ркве Ру́сския/ с Первосвяти́телем Моско́вским Ти́хоном,/ и́же ве́рныя лю́ди земли́ на́шея/ на по́двиг испове́дания пра́выя ве́ры благослови́ша// страда́нии свои́ми Це́рковь на́шу просла́виша.

Перевод: Сегодня благодать Святого Духа нас собрала к прославлению отцов Собора Церкви Русской с Первосвятителем Московским Тихоном, благословивших верующих людей земли нашей на подвиг исповедания Православной веры и мученичеством своим Церковь нашу прославивших.

Кондак, глас 3

Гоне́ния и страда́ния да́же до сме́рти претерпева́юще/ и правосла́внаго Ца́рства Ру́сскаго разоре́ние облича́юще,/ отцы́ Собо́ра Це́ркве на́шея/ к покая́нию ча́да ве́рныя призыва́ют// и стоя́ти тве́рдо за ве́ру Христо́ву благословля́ют.

Перевод: Гонения, страдания и даже смерть претерпевая и православного Царства Русского разрушение обличая, отцы Собора Церкви нашей к покаянию чад верных призывают и твердо стоять за веру Христову благословляют.

Величание

Велича́ем вас,/ святи́и отцы́ Собо́ра Це́ркве Ру́сския,/ чтим и честна́я страда́ния ва́ша,/ я́же за Христа́// претерпе́ли есте́.

Величание

Велича́ем вас,/ святи́телю, о́тче Ти́хоне,/ и святи́и отцы́ Собо́ра Це́ркве Ру́сския,/ и чтим па́мять святу́ю ва́шу,/ вы бо мо́лите за нас// Христа́ Бо́га на́шего.

Развернуть