Понедельник
Старый стиль
10 декабря
Понедельник Новый стиль
23 декабря

Рождественский пост

Постный календарь. Глас 1-й

Мчч. Ми́ны, Ермоге́на и Евгра́фа (ок. 313); свт. Иоаса́фа, епископа Белгородского (1754).

Мч. Геме́лла Пафлаго́нянина (ок. 361); прп. Фомы́ Дефуркина, игумена (X); блжж. Иоа́нна (1503) и родителей его Стефа́на (1446) и Ангели́ны, правителей Сербских.

Сщмчч. Иа́кова Шестакова, Алекса́ндра Шкляева, Евгра́фа Плетнева, пресвитеров, мч. Михаила Плетнева (1918); сщмчч. Анато́лия Правдолюбова, Алекса́ндра Туберовского, Евге́ния Харькова, Константина Бажанова, Николая Карасёва, пресвитеров и с ними мчч. Петра Гришина, Евсе́вия Тряхова, Михаила Якунькина, Дорофе́я Климашева, Лавре́нтия Когтева, Григо́рия Берденева, мцц. Александры Устюхиной и Татиа́ны Егоровой, сщмч. Михаила Кобозева, пресвитера, прмч. Се́ргия (Сорокина), иеромонаха (1937); сщмчч. Николая Розова и Алекси́я Введенского, пресвитеров (1938); испп. Анны Ивашкиной, Татиа́ны Бякиревой (1948) и Фе́клы Макушевой (1954); прп. Анны (Столяровой) исп., схимонахини (1958).

Чтения Священного Писания и Богослужебные указания

Богослужебные указания

Понедельник 27-й седмицы по Пятидесятнице
Книга Деяний Апостолов. Комментарий.
Часть 21

Утр. – Ин.10:9–16 (зач. 36). Лит. – 1Тим.5:1–10 (зач. 285 от полý). Мк.8:11–21 (зач. 33). Свт.: Евр.7:26–8:2 (зач. 318). Ин.10:9–16 (зач. 36). Мчч.: Еф.6:10–17 (зач. 233). Лк.21:12–19 (зач. 106).

Тропари, кондаки, молитвы и величания

Мученикам Мине, Ермогену и Евграфу

Тропарь мученикам Мине, Ермогену и Евграфу, глас 8

Воздержа́нием страсте́й огнепа́льныя/ умертви́вше зра́ки и движе́ния, Христо́вы му́ченицы,/ прия́ша благода́ть неду́ги отгоня́ти немощны́х,/ и жи́вше и по кончи́не чудоде́йствовати;/ вои́стину чу́до пресла́вно,/ я́ко ко́сти на́ги источа́ют исцеле́ния,// сла́ва Еди́ному и Созда́телю Бо́гу.

Кондак мученикам Мине, Ермогену и Евграфу, глас 1

Ми́ну чу́днаго, Ермоге́на боже́ственнаго, и Евгра́фа ку́пно,/ свяще́нными сладкопе́нии почти́м вси,/ я́ко почествова́вшия Го́спода, и страда́льчествовавшия за Него́,/ и ли́ка безпло́тных на Небесе́х дости́гшия,// и чудеса́ точа́щия.

показать все

Ин кондак мученикам Мине, Ермогену и Евграфу, глас 4

Добропе́сненный глас твои́х слове́с,/ Ермоге́на из глубины́ поги́бели возве́д,/ поста́ви на ка́мени жи́зни,/ отону́дуже и Евгра́ф, царя́ обличи́в,/ ра́дуяся, посека́ется в сла́вную главу́.// Но приле́жно моли́, Ми́но, спасти́ся всем, любо́вию чту́щим тя.

Святителю Иоасафу Белгородскому

Тропарь святителю Иоасафу Белгородскому, глас 3

Святи́телю Христу́ Бо́гу возлю́бленне,/ пра́вило ве́ры и о́браз милосе́рдия лю́дем был еси́,/ бде́нием же, посто́м и моли́твою,/ я́ко свети́льник пресве́тлый просия́л еси́,/ и просла́влен от Бо́га яви́лся еси́;/ те́лом у́бо в нетле́нии почива́я,/ ду́хом же престо́лу Бо́жию предстоя́,/ чудеса́ пресла́вно источа́еши./ Моли́ Христа́ Бо́га,// да утверди́т нас в Правосла́вии и благоче́стии/ и спасе́т ду́ши на́ша.

Ин тропарь святителю Иоасафу Белгородскому, глас 2

Моли́твенниче изде́тства преизря́дный,/ Богоизбра́нный святи́телю Христо́в Иоаса́фе,/ пра́вило ве́ры и о́браз милосе́рдия благоче́стным житие́м всем явля́еши/ и с ве́рою к тебе́ притека́ющим оби́льно исцеле́ния источа́еши.// Моли́ Христа́ Бо́га, да утверди́т в держа́ве Росси́йстей правове́рие, мир и благоче́стие и спасе́т ду́ши на́ша.

Кондак святителю Иоасафу Белгородскому, глас 8

Многоразли́чныя по́двиги жития́ твоего́ кто испове́сть?/ Многообра́зныя ми́лости Бо́жия тобо́ю явле́нныя кто исчислит?/ Дерзнове́ние же твое́ у Пречи́стыя Богоро́дицы и Всеще́драго Бо́га до́бре ве́дуще,/ во умиле́нии серде́чнем зове́м ти:/ не лиши́ и нас твоея́ по́мощи и заступле́ния,// святи́телю Христо́в и чудотво́рче Иоаса́фе.

Молитва святителю Иоасафу Белгородскому

О, святи́телю Христо́в Иоаса́фе, чудотво́рче Белогра́дский! Ве́руем гре́шнии и недосто́йнии, я́ко о́чи Госпо́дни на пра́ведных и у́ши Его́ на моли́тву их, и того́ ра́ди к моли́твам твои́м прибега́ем и хода́тайства твоего́ за нас про́сим, по глаго́лу апо́стольскому упова́юще, я́ко любы́ твоея́ николи́же отпадае́т. Во гресе́х и боле́знех на́ших льну куря́щемуся и тро́сти сокруше́нней уподо́бихомся, и, а́ще живе́м, ми́лостию Бо́га живе́м и за моли́твы пра́ведник Его́. Приклони́ у́бо и ты, о́тче пра́ведне, се́рдце твое́ к моле́нию на́шему, и предста́тельством твои́м даждь ро́ду христиа́нскому от Го́спода мир и благослове́ние. Правосла́вие укрепи́, нападе́ния же лука́внующих и беззако́нных на це́рковь Бо́жию отжени́. Умоли́ Отца́ Небе́снаго изба́витися нам от наше́ствия вра́жескаго, от междоусо́бий же и смяте́ний наро́дных, от губи́тельных пове́трий и смертоно́сныя я́звы, от гла́да, огня́, пото́па и ины́х бед и обстоя́ний. Испроси́ у Христа́ Бо́га душа́м на́шим кре́пость и телесе́м на́шим потре́бное здра́вие, боле́знем же исцеле́ние: хромы́м хожде́ние, слепы́м прозре́ние, разсла́бленным утвержде́ние, печа́льным утеше́ние и от всех скорбе́й избавле́ние. Отпа́дшыя же лозы́ Христо́вы ве́тви па́ки с то́ю соедини́, ея́же и сам прича́стник бы́ти сподо́бился еси́, да та́ко просла́вится тобо́ю пречестно́е и великоле́пое и́мя Бо́га на́шего, Отца́ и Сы́на и Свята́го Ду́ха, ны́не и при́сно и во ве́ки веко́в. Ами́нь.

Молитва святителю Иоасафу Белгородскому благодарственная

О, вели́кий Святи́телю наш и чудотво́рче преди́вный Иоаса́фе, ско́рый помо́щниче к тебе́ припа́дающих! Ми́лостивно при́зри на нас недосто́йных, со слеза́ми умиле́ния зде моля́щихся и благодаре́ние тебе́ по си́ле принося́щих. Благодари́м тя, уго́дниче Христо́в, я́ко услы́шал еси́ моле́ния нас недосто́йных и проси́мая нам оби́льно дарова́л еси́. Ве́мы и усты́ испове́дуем, я́ко вои́стину Христу́ те́плый о нас еси́ моли́твенник и, по да́нной ти благода́ти и да́ру, во спасе́ние всем нам потре́бная да́руеши: боля́щыя исцеля́еши, стра́ждущыя утеша́еши, мир и отра́ду ско́рбным сердца́м излива́еши, пла́чущыя ра́доватися твори́ти, печа́льныя ликова́ти содева́еши: роди́телем ча́да воздравля́еши, супру́гом подру́жия от одра́ сме́ртнаго возставля́еши, вражду́ющия умиротворя́еши, зави́стливыя твори́ши ми́лостивы, и вся́кия непра́вды кара́еши, я́коже и в житии́ твое́м пра́вды и милосе́рдия му́жественный ревни́тель был еси́. Благодари́м тя, Святи́телю, за вели́кая твоя́ и нам явле́нная благодея́ния, и смире́нно мо́лимся тебе́ мы недосто́йнии: предста́тельствуй за нас у престо́ла Христо́ва, и помози́ нам па́мять при́сную твои́х благодея́ний и щедро́т на нас излия́нных храни́ти, да во смире́нии се́рдца про́чее соверши́м житие́, и Небе́сное да насле́дуем селе́ние Боже́ственное, моли́твами твои́ми, во ве́ки веко́в. Ами́нь.

Молитва святителю Иоасафу Белгородскому о недугующих и страждущих

О вели́кий уго́дниче Христо́в, святи́телю о́тче наш Иоаса́фе, ско́рый помо́щниче и ди́вный чудотво́рче! При́зри ми́лостивно на ны неду́гующыя. Ве́мы, уго́дниче Христо́в, ве́мы, и усты́ и се́рдцем испове́дуем, я́ко по дело́м на́шым беды́ постиго́ша нас. С разбо́йником благоразу́мным испове́дуем Го́сподеви, я́ко досто́йнная по дело́м на́шым восприе́млем и зла́я сия́ я́коже раби́ неключи́мии те́рпим. Си́ми бо вре́менными муче́ньми Госпо́дь милосе́рдый сокруша́ет горды́ню и жестоковы́йное се́рдце на́ше, да ве́чныя избежи́м ка́зни, гре́шником угото́ванная: сея́хом бо се́мена жития́ своево́льнаго, и жнем те́рния скорбе́й. Оба́че, не́мощнии су́ще, но в покая́ние те́плое прише́дше, о сем моли́тися дерза́ем, да гнев Госпо́день на ми́лость к нам преложи́тся, и тебе́, святи́телю Бо́жий и чудотво́рче, усе́рдно про́сим: проли́й те́плую моли́тву твою́ ко Христу́ Го́споду на́шему, ему́же днесь предстои́ши и мо́лишися о почита́ющих тя с любо́вию и смире́нным на твое́ предста́тельство упова́нием. Се бо в житии́ твое́м, святи́телю Христо́в, ни еди́наго же скорбя́ща и ми́лости твоея́ прося́ща, грехи́ же своя́ испове́дающа, николи́же презре́л еси́. Умоли́ пра́веднаго судию́, да преложи́т гнев пра́вды своея́ на ми́лование на́ше. Благода́тию Его́ тебе́ да́нною, святи́телю милосе́рдый, уврачу́й на́ша не́мощи, боле́зней лю́тых тече́ния уста́ви, сме́рти отити́ повели́, и на покая́ние си́лу нам да́руй. Ста́рость поддержи́, младе́нцы воспита́й, ю́ность уцелому́дри, супру́жества в чистоте́ и смире́нии утверди́, нам же всем послуша́ние трудолю́бное и ми́рное жи́тельство моли́твою твое́ю да́руй, да терпе́нием тече́м на предлежа́щий нам по́двиг жития́ сего́ вре́менного, взира́юще на нача́льника ве́ры и соверши́теля Го́спода Иису́са. Ему́же сла́ва во ве́ки веко́в. Ами́нь.

Молитва святителю Иоасафу Белгородскому в день прославления

Вели́кий и пра́зднственный де́нь се́й, де́нь твоего́ на земли́ прославле́ния, святи́телю о́тче на́ш Иоаса́фе, земли́ на́шея сла́во и ра́дование вели́кое, приими́ сия́ смире́нная и те́плая моле́ния на́ша. Дне́сь зри́м испо́лнившийся глаго́л Госпо́день: прославля́ющия Мя́ просла́влю. Се́ бо во дни́ земна́го жития́ твоего́ ничто́же иска́л еси́, то́чию же во́лю Бо́жию исполня́ти и ча́да па́ствы твоея́ упра́вити во спасе́ние, и того́ ра́ди мно́гия труды́, ско́рби, боле́зни, путеше́ствия подъя́л еси́. По сконча́нии же твое́м просла́ви тя́ милосе́рдый Госпо́дь, телеси́ твоему́ нетле́ние и си́лы целе́бныя дарова́вый; те́мже то́ки исцеле́ний моля́щимся источи́л еси́ и призыва́ющим тя́ неду́гующим и скорбя́щим мно́гажды явля́лся еси́, и утеше́ние и цельбу́ ско́рую те́м подава́я. Сего́ ра́ди, я́коже избра́нника Боже́ственныя благода́ти тя́ ве́дущи, Це́рковь Христо́ва просла́вите тя́ я́коже но́ваго чудотво́рца земли́ на́шея сподо́бися. Благослови́ у́бо и поми́луй, архиере́ю и́стиннаго Бо́га, лю́ди правосла́вныя. Да́руй и́м утеше́ние се́рдца, отра́ду и ми́р и ра́дость при́сную о Го́споде. Сохрани́ в ми́ре держа́ву Росси́йскую и лю́ди ея́ во и́стине утверди́, во́ином му́жество непоколеби́мое да́руй и вся́ лю́ди безпеча́льны сохрани́. Изжени́ вся́кую крамолу́ и крамо́льных челове́к лука́вая разруши́ сове́тования, па́че же те́х са́мых в покая́ние приведи́. Па́стырем и архиере́ом пода́ждь прему́дрость, чистоту́ и пра́ведное житие́, я́коже и са́м си́ми украша́лся еси́. Младе́нцем воспита́ние благо́е да́ждь, ю́ныя научи́, боля́щим и скорбя́щим здра́вие испроси́. Су́щим во труде́х терпе́ние и упова́ние посли́, бога́тым смиренному́дрие и ко бли́жним милосе́рдие да́руй. На́м же все́м ра́дость о Го́споде при́сную пода́ждь, да вси́ благода́рне тя́ ублажа́ем, глаго́люще та́ко: велича́ем тя́, святи́телю о́тче Иоаса́фе, и чти́м святу́ю па́мять твою́, ты́ бо мо́лиши за на́с Христа́ Бо́га на́шего.

Блаженной Ангелине Сербской

Тропарь блаженной Ангелине Сербской, глас 8

В тебе, мати, известно спасеся, еже по образу,/ приимши бо крест, последовала еси Христу/ и, деющи, учила еси презирати убо плоть, преходит бо,/ прилежати же о души, вещи безсмертней./ Темже и со Ангелы срадуется, преподобная Ангелино, дух твой.

Кондак блаженной Ангелине Сербской, глас 8

Вышняго живота желающи сподобитися,/ нижнюю пищу тщательно оставила еси,/ и богатство твое расточила еси нищим,/ и Небесное богатство прияла еси,/ и по смерти нас освящавши,/ и чудеса твоя, всехвальная Ангелино, источаеши./ Темже твое успение святое почитаем, взывающе:/ радуйся, мати прехвальная.

Молитва блаженной Ангелине Сербской

О, преподобная Ангелино, мати наша добрая и милостивая, помози нам, чадом твоим непослушливым. Ты еси матерь наша благая, скорбное житие на земли пожила еси, обаче с помощию Божией, победы в битвах храбро стяжала еси и душа твоя в свет Царствия Небеснаго радостно вселися. Твоя домашния Церковь Христову украсиша и позолотиша твоими святым супругом Стефаном и сынами Иоанном и Максимом. Имела еси сердце неизмеримо большое и сострадательное ко всем, находящимся в беде. Посему благочестивый сербстий народ звал тебя лучшим из слов дарованных Богом – матушка. Яко ты еси мати всех нас, сербов, твоих, которые, аще и согрешиша много, обаче любим тя и почитаем и к тебе за помощью притекаем.
Кая бо матерь детей своих возненавиде, аще и согрешат зело? Ни, но мудро наказует их, любити же не престает. Поэтому и ты, мати наша добрая, накажи нас с небес, бичом Божиим, но не оставляй нас без твоея любви. Десницей правды Божией покарай нас, а десницей любви укрепи и верни с путей неправедных на путь истины и добра.
Молимся тебе, мати добрая, молитвами твоими испроси нам благословение небесное: болящим здравие, немощным силу, отчаявшимся надежду, голодным хлеба насущнаго, безплодным чад, гонимым кров и утешение, и всем молящимся тебе подай по великой милости твоей просимое. Но и еще больше даруй нам, мати наша добрая, благ небесных души очищающих, укрепляющих нас в исполнении заповедей Божиих, ведущих нас к добру и уводящих от всякаго зла. Ибо аще не бежим от зла в мире сем, како убежим от него в ином мире, аще не очистимся здесь от грязи, како сможем там, где смотрят на то что отсюда несем.
Помози нам умрети миру сему, якоже и ты миру мертва бысть, возжелавши блага непреходящаго и вечнаго. Пусть и наше благо на небесех будет, дабы и сердца наши на небесех были, а не здесь, идеже все гниет и исчезает, идеже вор крадет, и моль и ржа тлит. Аще бо все силы своим положим на блага мира сего, за горсть праха земнаго, юже ниже с собой возьмем, тем и ты нам помощи не возможеши, мати наша благая. Аще же немного потрудимся, хотя мало возопиим ко Господу чрез тебя, невесту Его небесную, таже помощь твоя изольет неисчислимые блага небесные, иже укрепят нас на узком пути спасения, аще и сотни смертей нам предстанут.
Воистину душа наша вся грехами разодрана и бедна добродетелью, милосердный же Господь уготова лекарство – покаяние. Да родится в нас, хотя малая часть того истиннаго покаяния, еже Господу принесла еси, мати наша святая. Оживи божественное в душах наших твоими теплыми слезами, яже изливаеши на всяк день о роде сербстем, да уразумеем бездну долгов наших пред Богом, Он же прощает долги наши, аще искренно и слезно попросим Его о прощении.
Темже смилуйся, матушка наша Ангелино, крушедольская святая игумения, и помози нам спастися ото всякаго зла, дабы однажды твоими молитвами ко Господу, вошли в покой Царства небеснаго, идеже вси благодарно прославляют Святую Единосущную и Нераздельную Троицу, Отца и Сына и Святаго Духа, ныне и присно и во веки веков. Аминь.

Молитва вторая блаженной Ангелине Сербской

О, великая угодница Христова и преславная мати наша Ангелино! Ты на небеси душею своею у Престола Божия предстоиши и славословие Ему непрестанно возносиши, обрати взор свой на нас сирых и скорбящих и помолися за нас ко Господу, да наставит нас на путь истины и благочестия, коим возможем и мы по скончании жития нашего в Отечество наше небесное взойти и с тобою Богу поклонитися. Ей, преподобная наша мати, зриши с небеси, яко время тяжкое безбожное наста и души наша скорбию исполнишася. Несть спасающаго, несть помогающаго, токмо Бог Единый, на Него же уповаем и Ему же славу возсылаем со Отцем и Сыном и Святым Духом ныне и присно и во веки веков. Аминь.

Преподобномученику Сергию (Сорокину)

Тропарь преподобномученику Сергию (Сорокину), глас 5

Ве́рный сы́н духо́вный/ священному́ченика Филаре́та/ его́же я́ко отца́ своего́ возлюби́л еси́,/ ви́дя в не́м со́ль земли́ кре́пкую,/ дре́во Боже́ственнаго зна́ния/ сосу́д му́дрости небе́сныя./ И́мже науче́нный/ претвори́л еси́ бде́ние в ра́дование,/ всено́щное стоя́ние в прия́тное наслажде́ние,/ воздержа́ние в весе́лие./ Моли́тву, кро́тость и незло́бие стяжа́л еси́/ си́ми доброде́тельми укра́шенный/ свяще́нную оде́жду омочи́в в крови́,/ сла́ву ны́не на небесе́х насле́довал еси́/ священному́чениче Се́ргие,/ ку́пно со священному́чеником Филаре́том/ моли́теся приле́жно о все́х на́с,// соверша́ющих всечестну́ю па́мять ва́шу.

Преподобноисповеднице Анне (Столяровой)

Тропарь преподобноисповеднице Анне (Столяровой), глас 4

О́браз кро́тости и благоче́стия яви́лася еси́ в земле́ Рязанской свята́я А́нна./ От ю́ности Го́спода возлюби́в,/ пе́нием, бде́нием и моле́нием И́мя свято́е Его́ восхваляла еси́./ Со смире́нием тя́жкия страда́ния в темни́це претерпе́ла еси́,/ вознося́ за все́ благодаре́ние ко Го́споду./ Мы́ же ны́не прославля́ем тя́, свята́я преподобноисповедница,/ я́ко храни́тельницу свята́го о́браза Пресвяты́я Богоро́дицы «Спору́чница гре́шных»// и ди́вную моли́твенницу о душа́х на́ших.

Мысли свт. Феофана Затворника

(Еф.2:11–13; Лк.13:18–29)

«Подвизайтесь войти сквозь тесныя врата» (Лк.13:24). Тесныя врата – жизнь не по своей воле, не по своим желаниям, не в угоду себе; широкие врата – жизнь по всем движениям и стремлениям страстного сердца, без малейшего себе отказа в чем-либо. Таким образом, врата в царствие – самостеснение. Стесняй себя во всем – и это будет то же, что напряжение или упор в дверь, чтоб отворить ее и протесниться сквозь нее. 

Как и чем себя стеснять? Заповедями Божиими, противоположными страстным движениям сердца. Когда начинаешь сердиться на кого, вспомни заповедь Господа: «не гневайтеся... всуе» (Мф.5:22), и стесни тем сердце свое. Когда придут блудные движения, приведи на мысль запрещение даже и смотреть на жену с вожделением, и стесни тем свое похотение. Когда захочется осудить кого, вспомни слово Господа, что этим ты делаешь Судию небесного неумолимым в отношении к себе, и стесни тем свою заносчивость. 

Так в отношении и ко всякому порочному движению. Собери против каждого из них изречения Божественного Писания и держи их в памяти. Как только выйдет из сердца какое-либо дурное желание, ты тотчас вяжи его направленным против него изречением; или наперед обвяжи все свои желания и помышления Божественными словами и ходи в них: будешь, будто в узах. Но в этих узах – свобода, или свободный путь в Царствие Божие.

Притча дня

Если не хочешь ничего терять – ничем не владей,
Если не хочешь блуждать, не выходи из дома,
Если не любишь шума, не броди по базарам,
Если ищешь покой, не имей никаких забот.
«Плод же правды в мире сеется у тех, которые хранят мир» (Иак. 3:18).

Монах Симеон Афонский. «Таинственные беседы или сокровенные истины»

Проповедь дня

Перейти в раздел «Проповеди»

Случайный тест

(0 голосов: 0 из 5)