Чтения Священного Писания и Богослужебные указания

Богослужебные указания

Утр. - Ев. 10-е, Ин. XXI:1-14 (зач. 66). Лит. - 1 Кор. IV:9-16 (зач. 131). Мф. XVII:14-23 (зач. 72). Прав.: Гал. V:22 - VI, 2 (зач. 213). Мф. XI:27-30 * (зач. 43). * Если совершается служба сщмч. Вениамина, митр. Петроградского, то на литургии чтения дня и священномученика: Рим. VIII:28-39 (зач. 99). Лк. XXI:12-19 (зач. 106).

Как Господь вошёл в Вашу жизнь, батюшка

Тропари, кондаки, молитвы и величания

Праведному Евдокиму Каппадокиянину

Тропарь праведному Евдокиму Каппадокиянину, глас 4

От земли́ воззва́вый тя к Небе́сным селе́нием/ соблюда́ет и по сме́рти невреди́мо те́ло твое́, свя́те Евдоки́ме:/ ты бо в целому́дрии и чи́стом жи́тельстве, блаже́нне,/ жи́тельствовал еси́, не оскверни́в пло́ти.// Те́мже со дерзнове́нием моли́ Христа́ Бо́га спасти́ся нам.

Перевод: Призвавший тебя от земли в Небесные селения сохраняет и после смерти невредимым тело твое, святой Евдоким, ибо ты в целомудрии и чистоте жизни, блаженный, прожил жизнь, не осквернив тела. Потому с дерзновением моли Христа Бога о спасении нашем.

Кондак праведному Евдокиму Каппадокиянину, глас 2

Вы́шних жела́я, с вы́шними совокупля́яся,/ и колесни́цу о́гненную, Боже́ственными восхожде́ньми доброде́телей, соверши́л еси́ ду́шу,/ преблаже́нне Евдоки́ме,/ на земли́ пожи́в я́ко Безпло́тен,// Зижди́телю всех благоугоди́л еси́.

Перевод: Высочайшего желая и соединяясь с небесным, ты сделал свою душу подобной огненной колеснице, поднимающей на высоты Божественных добродетелей, преблаженный Евдоким, на земле прожив как Бесплотный, Создателю всех ты благоугодил.

показать все

Священномученику Вениамину, митрополиту Петроградскому и Гдовскому

Тропарь священномученику Вениамину, митрополиту Петроградскому и Гдовскому, глас 1

Свети́льник всесве́тлый во гpа́де свята́го Петpа́ яви́лся еси́,/ па́стырю до́брый, священному́чениче о́тче Вениами́не./ Любо́вь и милосе́pдие в сеpдца́х ве́pных насажда́я,/ благотвоpи́ти пpизыва́л еси́ теpпя́щим глад и нищету́./ Сего́ pа́ди и мы к тебе пpибега́ем и с ве́pою вопие́м ти:/ моли́ ми́лостиваго Бо́га,/ оте́чество на́ше в Пpавосла́вии и благоче́стии утвеpди́ти,/ миp Це́pкви даpова́ти// и душа́м на́шим ве́лию ми́лость.

Перевод: Светильником преярким в городе святого Петра ты стал, пастырь добрый, священномученик отче Вениамин. Любовь и милосердие в сердцах верующих насаждая, ты призывал делать добро терпящим голод и нищету. Потому и мы к тебе обращаемся и с верой взываем к тебе: «Моли милостивого Бога об укреплении Отечества нашего в Православии и благочестии, даровании мира Церкви и душам нашим великой милости».

Кондак священномученику Вениамину, митрополиту Петроградскому и Гдовскому, глас 6

От ю́ности и́го Христо́во на ра́мо взем,/ и́стинный страж Правосла́вныя Це́ркве яви́лся еси́,/ священному́чениче Вениами́не./ Клевету́, у́зы, страда́ния и суд непра́ведный/ от беззако́нных му́жественно претерпева́я,/ святы́ню церко́вную на поруга́ние не пре́дал еси́./ Те́мже и Христо́с да́ром терпе́ния и любве́ тя испо́лни,/ во е́же пред му́ченическою кончи́ною/ со благодаре́нием взыва́ти:// за вся, Го́споди, сла́ва Тебе́.

Перевод: С юности иго Христово на плечи подняв, ты стал истинным стражем Православной Церкви, священномученик Вениамин. Клевету, заключение, страдания и несправедливый суд от беззаконных мужественно претерпев, святыню церковную ты не предал на поругание. Потому и Христос наполнил тебя дарами терпения и любви, так что ты перед мученической кончиной с благодарением взывал: «За все, Господи, слава Тебе».

Молитва священномученику Вениамину, митрополиту Петроградскому и Гдовскому

О, преди́вный святи́телю, богому́дрый и всесвяты́й о́тче на́ш священному́чениче Вениами́не! К тебе́ ны́не прибега́ем ве́рою и любо́вию чту́щии тя́, похвалы́ сия́ принося́ще от всего́ се́рдца и помышле́ния. Мо́лим тя́ приле́жно, страстоте́рпче святы́й, не забу́ди ны́ к тебе́ усе́рдно притека́ющих: утверди́ на́с в ве́ре святе́й правосла́вней, научи́ на́с всегда́ твори́ти за́поведи Бо́жия, исцели́ боле́зни душе́вныя и теле́сныя, бу́ди на́м покрови́телем и прибе́жищем в ско́рбех и напа́стех, заступи́ ны́ от вра́г ви́димых и неви́димых, да и мы́ богоуго́дне преше́дше по́прище сея́ жи́зни, твои́м предста́тельством и богоприя́тными моли́твами бу́дем насле́дницы Ца́рствия Бо́жия и сподо́бимся с тобо́ю предстоя́ти Престо́лу Царя́ Сла́вы, поклоня́яся Ему́ и воспева́я во ве́ки веко́в. Ами́нь.

Мученику Юрию Новицкому

Молитва мученику Юрию Новицкому

К тебе́, о, пресла́вный новому́чениче Ю́рие, богому́дрому наста́внику ю́ных, просвети́телю и и́стины взыска́телю и возвести́телю, испове́днику, богосло́вия ревни́телю, за Христа́ страда́ния и сме́рть прия́вшему, вседу́шно прибега́ем и мо́лим: простри́ ру́ку по́мощи все́м в не́мощи и злострада́нии су́щим, научи́ во единоду́шии и любве́ пребыва́ти и спаса́тися вку́пе, не оста́ви хра́м, и́мени твоему́ посвяще́нный, твои́м попече́нием и все́х с ве́рою и любо́вию чту́щих святу́ю па́мять твою́. У́м и се́рдце на го́рняя напра́ви; не слове́сно бо то́кмо, но де́йственно жи́ти по Бо́зе ревну́ем; бли́жняя па́че себе́ возлю́бим, гне́в, за́висть, коры́сть на кро́тость и милосе́рдие прело́жим, да над страстьми́ победи́тели яви́мся. Испове́дания ве́ры спаси́тельныя держа́тися помози́, прельще́ния льсти́ваго сете́й изба́ви; и та́ко прилепи́вшеся тебе́, свято́му засту́пнику на́шему, сподо́бимся Ца́рствие Небе́сное унасле́довати, иде́же ты́ в со́нме новому́ченик и испове́дник Росси́йских непреста́нно сла́виши Пресвяту́ю Тро́ицу, Отца́ и Сы́на и Свята́го Ду́ха во ве́ки веко́в. Ами́нь.

Молитва вторая мученику Юрию Новицкому

О, святы́й новому́чениче Ю́рие Петрогра́дский! К тебе́, предста́телю святы́й, прибега́ем, я́ко не и́мамы дерзнове́ния ко Го́споду за премно́гия грехи́ на́ша. Ты́ же, страстоте́рпче святы́й, в земно́м житии́ твое́м сто́лп ве́ры правосла́вныя бы́в и испове́дник до́блий, укрепи́ на́шу ве́ру, да возмо́жем противуста́ти все́м ко́знем лука́ваго, испроси́ на́м у Всеми́лостиваго Бо́га вся́ благопотре́бная душа́м и телесе́м на́шим, заблужда́ющих обрати́, неду́гующих исцели́, ю́ныя просвети́, да уве́дят благоче́стия добро́ту и греха́ безобра́зие, да́ждь на́м утеше́ние в печа́лех, пробуди́ в сердца́х на́ших покая́ние, возжги́ в сердца́х на́ших пла́мень Боже́ственныя любве́ и все́м вся́ да́руй, я́же ко спасе́нию потре́бное и поле́зная, да всеблагомо́щным предста́тельством твои́м изба́вимся от вся́кия беды́ и напа́сти, и да бу́дем благоуспе́шны в труде́х на́ших. Услы́ши моле́ния на́ша, благове́рне Ю́рие, ко ико́не твое́й с ве́рою и любо́вию припа́дающих, яви́ на́м многомо́щное твое́ заступле́ние, соблюди́ гра́д Петро́в, его́ же возлюби́л еси́, и вся́ гра́ды и ве́си ру́сския от напа́стей ненаве́тны, да сла́вим ди́внаго во святы́х Свои́х Бо́га, Отца́ и Сы́на и Свята́го Ду́ха, ны́не и при́сно и во ве́ки веко́в. Ами́нь.

Молитва третья мученику Юрию Новицкому

О, святы́й новому́чениче Ю́рие Петрогра́дский! К тебе́, ско́рому помо́щнику и те́плому моли́твеннику, недосто́йнии, прибега́ем, смире́нное моле́ние принося́ще: не пре́зри ны́, немощны́я, по вся́ дни́ и часы́ в беззако́ния впа́дающия. Е́й, свя́тче Бо́жий, не оста́ви ны́, твоея́ ми́лости принося́щия, ве́лие бо и́маши дерзнове́ние ко Христу́ Бо́гу на́шему, я́ко мно́ги му́ки и страда́ния за Него́ и сме́рть лю́тую прия́л еси́ и, ны́не со А́нгелы Престо́лу Бо́жию предстоя́, умоли́ Го́спода Бо́га изба́вити ны́ от вся́кия ско́рби и боле́зни и вся́каго зла́, наипа́че же от нахожде́ния врага́ те́мнаго, Це́ркве Правосла́вней благоде́нствие да́руй; гра́д Петро́в, в не́мже страда́ния прия́л еси́, и всю́ зе́млю Ру́сскую ми́ром огради́, от вся́каго зла́го обстоя́ния изба́ви и вся́, к животу́ вре́менному поле́зная и ко спасе́нию ве́чному приводя́щая, дарова́ти на́м у Го́спода Бо́га на́шего испроси́, да моли́твами твои́ми христиа́нскую кончи́ну получи́ти вси́ сподо́бимся и, ко́зней диа́вольских и му́ки ве́чныя изба́вльшеся, безконе́чнаго блаже́ннаго Ца́рствия прича́стницы бу́дем.
О, святы́й и добропобе́дный новому́чениче, сотвори́ моли́твы твоя́ за все́х стра́ждущих, за лише́нных кро́ва, рабо́ты, за су́щих во обстоя́ниях тя́жких, за пребыва́ющих в отча́янии и тревоге о днях гряду́щих.
Е́й, святы́й Ю́рие, ниспосли́ благослове́ние Бо́жие все́м в ра́дости су́щим, упроси́ Творца́ на́шего дарова́ти по́мощь благода́тную се́мьям на́шим, ча́дом, ста́рцем и ста́рицам, да сподо́бит все́х на́с Милосе́рдный на́ш Госпо́дь во вся́к де́нь и ча́с жития́ на́шего в ми́ре и славосло́вии Бо́жием пребыва́ти. К предста́тельству и засту́пничеству твоему́ прибега́я, уго́днице Христо́ва, усе́рдно про́сим тя́: приклони́ Милосе́рдие Бо́жие, к на́шей Святе́й Це́ркви, к архипа́стырем, пресви́тером, мона́шествующим и миря́ном, я́ко ты́ еси́, всеблаги́й засту́пниче на́ш, пред Престо́лом Всесвяты́я и Неразде́льныя Тро́ицы.
Вознеси́ моли́твы твоя́, о святы́й страстоте́рпче, за все́х уме́рших в наде́жде всео́бщаго воскресе́ния, да прости́т и́м Госпо́дь вся́ согреше́ния и́х, во́льная и нево́льная. О, святы́й Ю́рие, испроси́ у Иису́са Христа́, Го́спода и Спаси́теля на́шего, проще́ния все́х на́ших прегреше́ний, я́же от ю́ности до настоя́щаго дня́ и часа́ согреши́хом. Умоли́ Го́спода на́шего испо́лнити вся́ просьбы на́ша и моли́твами твои́ми сподо́би ны́ славосло́вити ку́пно с тобо́ю Всесвята́го Го́спода и Бо́га на́шего, Отца́ и Сы́на и Свята́го Ду́ха и ны́не и при́сно и во ве́ки веко́в. Ами́нь.

Мученику Иоанну Петроградскому (Ковшарову)

Тропарь мученику Иоанну Петроградскому (Ковшарову)

Любо́вию к Бо́гу распаля́емь,/ жи́знь свою́ му́ченически за Христа́ и бли́жних положи́л еси́,/ сего́ ра́ди вене́ц пра́вды от Него́ прия́л еси́./ Моли́ Всеблага́го Бо́га, священному́чениче Иоа́нне, Це́рковь Святу́ю сохрани́ти в ми́ре// и спасти́ души́ на́ша.

Перевод: Любовью к Богу воспламеняем, жизнь свою мученически за Христа и ближних отдал ты, потому получил от Него венец праведности. Моли Всеблагого Бога, священномученик Иоанн, Церковь Святую сохранить в мире и спасти души наши.

Мысли свт. Феофана Затворника

(1Кор.4:9–16; Мф.17:14–23)

«Сей род изгоняется только молитвою и постом» (Мф.17:21). Если сей род изгоняется молитвою и постом другого лица, то тем более войти не может в того, у кого есть собственный пост и молитва. Вот ограда! Хоть бесов бездна и весь воздух набит ими, но ничего не смогут сделать тому, кто огражден молитвою и постом. Пост – всестороннее воздержание, молитва – всестороннее богообщение; тот совне защищает, а эта извнутрь устремляет на врагов всеоружие огненное. 

Постника и молитвенника издали чуют бесы и бегут от него далеко, чтобы не получить болезненного удара. Можно ли думать, что где нет поста и молитвы, там уже и бес? Можно. Бесы, вселяясь в человека, не всегда обнаруживают свое вселение, а притаиваются, исподтишка научая своего хозяина всякому злу и отклоняя от всякого добра; так что тот уверен, что все сам делает, а между тем только исполняет волю врага своего. Возьмись только за молитву и пост – и враг тотчас уйдет и на стороне будет выжидать случая, как бы опять вернуться, и действительно возвращается, как только оставлены бывают молитва и пост.

Притча дня

У одного старца спросили:
– Как у тебя хватает терпения пребывать в одиночестве в этом заброшенном уголке земли?
Он ответил:
– Я никогда не нахожусь в одиночестве. У меня всегда есть собеседник – Господь. Когда я хочу, чтобы Он говорил со мной, – я читаю Святое Писание. А когда хочу сам поговорить с Ним – молюсь.

Проповедь дня

Перейти в раздел «Проповеди»

Книги, статьи, стихи



Случайный тест

(13 голосов: 5 из 5)