Чтения Священного Писания и Богослужебные указания

Богослужебные указания

Утр.: Лк. 24:36–53 (зач. 114). Лит.: Евр. 1:10 – 2:3 (зач. 304). Мк. 2:1–12 (зач. 7). Свт.: Евр. 7:26 – 8:2 (зач. 318). Ин. 10:9–16 (зач. 36).

Евангелие и Апостол дня

Лк.24:36-53
Евр.1:10-2:3
Мк.2:1-12
Евр.7:26-8:2
Ин.10:9-16
Державная икона Божией Матери

Тропари, кондаки, молитвы и величания

Воскресный

Тропарь воскресный, глас 6

А́нгельския си́лы на гро́бе Твое́м,/ и стрегу́щии омертве́ша,/ и стоя́ше Мари́я во гро́бе,/ и́щущи Пречи́стаго Те́ла Твоего́./ Плени́л еси́ а́д, не искуси́вся от него́;/ сре́тил еси́ Де́ву, да́руяй живо́т.// Воскресы́й из ме́ртвых, Го́споди, сла́ва Тебе́.

Перевод: Ангельские Силы – при гробе Твоем, и охранявшие его омертвели, а Мария стояла в гробнице и искала пречистое тело Твое. Ты опустошил ад, не потерпев от него, Ты встретил Деву, дарующий жизнь. Воскресший из мертвых, Господи, слава Тебе!

Кондак воскресный, глас 6

Живонача́льною дла́нию/ уме́ршия от мра́чных удо́лий,/ Жизнода́вец, воскреси́в все́х Христо́с Бо́г,/ воскресе́ние подаде́ челове́ческому ро́ду:/ е́сть бо все́х Спаси́тель,// воскресе́ние и живо́т, и Бо́г все́х.

Перевод: Живоначальною Своею дланию из мрачных глубин всех умерших воскресив, Податель жизни Христос Бог, воскресение даровал человеческой природе, ибо Он – Спаситель всех, воскресение и жизнь и Бог всего!

показать все

Пресвятой Богородице пред иконой Ея «Державной»

Тропарь Пресвятой Богородице пред иконой Ея «Державной», глас 4

Гpа́да Сио́нска взыску́юще,/ под Твой покpо́в, Де́ва Чи́стая, днесь пpитека́ем,/ и никто́же возмо́жет на ны,/ я́ко несть гpад си́лен, а́ще не Су́щаго Бо́га,// и несть и́на кpе́пость, а́ще не ми́лость Влады́чицы Де́вы.

Перевод: Града Небесного [Царствия Небесного] ищуще, под Твое покровительство, Дева Чистая, сегодня прибегаем, и никто не сможет нас победить, потому что нет города сильнее, чем Божий (Сущего Бога), и нет другой силы, кроме милосердия Владычицы Девы.

Кондак Пресвятой Богородице пред иконой Ея «Державной», глас 8

Взбра́нной Воево́де победи́тельныя пе́сни прино́сим,/ я́ко дарова́ся нам Держа́ва Твоя́, и ничесо́же устраши́мся,/ не от ми́ра бо спасе́ние на́ше,/ но Превознесе́нныя Влады́чицы милосе́рдием огражда́емся/ и тому́ днесь ра́дуемся,// я́ко прии́де Засту́пница на стра́жу земли́ Своея́.

Перевод: Высшей Военачальнице победные песни воспеваем, потому что даровалась нам Сила Твоя, и ничего не побоимся, потому что не от мира спасение наше. И защищаемся милосердием Превознесенной [очень уважаемой] Владычицы и этому сегодня радуемся, потому что пришла Заступница на стражу земли Своей.

Ин тропарь Пресвятой Богородице пред иконой Ея «Державной», глас 4

А́нгелов ли́цы благогове́йно Тебе́ слу́жат,/ и вся Небе́сныя си́лы немо́лчными гла́сы Тя ублажа́ют,/ Богоpо́дице Де́во;/ усе́pдно мо́лим Тя, Влады́чице,/ да пpебу́дет Боже́ственная благода́ть/ на честне́й ико́не Твое́й Деpжа́вней,/ и светоза́pный луч сла́вы чуде́с Твои́х да нисхо́дит от нея́/ на всех с ве́pою Тебе́ моля́щихся// и вопию́щих Бо́гу: Аллилу́ия.

Перевод: Собрание ангелов благоговейно Тебе служит и все Небесные силы неумолкающими голосами Тебя прославляют, Богородица Дева, усердно молим Тебя, Владычица, да пребудет Божественная благодать на почитаемой иконе Твоей Державной, и светозарный луч славы чудес Твоих да нисходит от нее на всех, с верой Тебе молящихся и взывающих к Богу: «Аллилуйя».

Ин кондак Пресвятой Богородице пред иконой Ея «Державной», глас 8

Взбра́нней Воево́де, Засту́пнице на́шей Держа́вней,/ пе́сни благода́рственныя прино́сим о дарова́нии нам ико́ны Ея́ святы́я,/ е́юже огражда́еми, ничесо́же устраши́мся,/ не от челове́к бо спасе́ние на́ше,/ но Преблагослове́нныя Влады́чицы милосе́рдием./ Те́мже днесь ра́дуемся и пра́зднуем све́тло,// я́ко прии́де Держа́вная на стра́жу земли́ Своея́.

Перевод: Обороняющей Военачальнице, Защитнице нашей Державной, песнопения благодарственные приносим о даровании нам иконы Ее святой, ею же защищаемы, ничего не устрашимся, ибо наше спасение не от людей, но по милосердию Преблагословенной Владычицы. Потому сегодня радуемся и празднуем светло, так как пришла Державная на стражу земли Своей.

Ин кондак Пресвятой Богородице пред иконой Ея «Державной», глас 8

Избра́нней от всех родо́в Засту́пнице ро́да христиа́нского,/ покро́вом Своея́ бла́гости покрыва́ющей страну́ на́шу правосла́вную,/ благода́рственная пе́ния прино́сим Ти, Влады́чице,/ о явле́нии нам чу́дныя ико́ны Твоея́ Держа́вныя./ Ты же, я́ко Всеми́лостивая Засту́пница всех, с ве́рою к Тебе́ притека́ющих,/ от вся́ких нас бед свободи́, да зове́м Ти:/ ра́дуйся, Ма́терь Бо́жия Держа́вная,// Засту́пнице Усе́рдная ро́да христиа́нского.

Перевод: Избранной из всего человечества Защитнице рода христианского, покровом Своих благодеяний укрывающей страну нашу православную, благодарственные песнопения приносим Тебе, Владычица, в честь явления нам чудесной иконы Твоей Державной. Ты же, как Всемилостивая Защитница всех, с верой к Тебе приходящих, от всяких нас бедствий освободи, да взываем к Тебе: «Радуйся, Матерь Божия Державная, Защитница Усердная рода христианского».

Величание Пресвятой Богородице пред иконой Ея «Державной»

Велича́ем Тя,/ Пресвята́я Де́во,/ Богоизбра́нная Отрокови́це,/ и чтим Держа́вный о́браз святы́ни Твоея́,/ и́мже подае́ши ве́лию ми́лость// всем, с ве́рою к нему́ притека́ющим.

Молитва Пресвятой Богородице пред иконой Ея «Державной»

О, Держа́вная Влады́чице Пресвята́я Богоро́дице, на объя́тиях Свои́х держа́щая Содержа́щаго дла́нию всю вселе́нную Царя́ Небе́снаго! Благодари́м Тя за неизрече́нное милосе́рдие Твое́, я́ко благоволи́ла еси́ яви́ти нам, гре́шным, сию́ святу́ю и чудотво́рную ико́ну Твою́ во дни сии́. Благодари́м Тя, Засту́пнице, я́ко призре́ла еси́ с высоты́ святы́я Своея́ на чад правосла́вных, и, я́ко со́лнце све́тлое, увеселя́еши изнемо́гшия от печа́ли очеса́ на́ша пресла́достным зре́нием держа́вного о́браза Твоего́. О, Преблагослове́нная Ма́терь Бо́жия, Держа́вная Помо́щнице, Кре́пкая Засту́пнице, благодаря́ще Тя, со стра́хом и тре́петом, я́ко раби́ непотре́бнии, мы припа́даем, со умиле́нием, с сокруше́нием серде́чным, со слеза́ми мо́лим Тя: вкорени́ в сердца́ всех нас пра́вду, мир и ра́дость о Ду́се Свя́те: водвори́ в стране́ на́шей тишину́, благоде́нствие, безмяте́жие, любо́вь друг ко дру́гу нелицеме́рную! Держа́вою Твое́ю всеси́льною поддержи́ нас, сла́бых, малоду́шных, немощны́х, уны́лых, подкрепи́, возста́ви! Я́ко да под держа́вою Твое́ю всегда́ храни́ми, пое́м, велича́ем и сла́вим Тя, Держа́вную Засту́пницу ро́да христиа́нского во ве́ки веко́в. Ами́нь.

Священномученику Феодоту, епископу Киринейскому

Кондак священномученику Феодоту, епископу Киринейскому, глас 3

Мо́ря злове́рие обличи́л еси́,/ и и́дольскаго безбо́жия лесть ве́рою правове́рия уязви́л еси́/ и, всесожже́ние Боже́ственное быв,/ чудоде́йствием ороша́еши концы́,/ о́тче святи́телю Феодо́те, Христа́ Бо́га моли́// дарова́ти нам ве́лию ми́лость.

Перевод: Языческую ересь ты обличил, и идольского безбожия коварство ты поразил правым исповеданием веры и, будучи жертвой всесожжения Богу, чудотворениями ты орошаешь мира концы, отче святитель Феодот, Христа Бога моли даровать нам великую милость.

Святителю Григорию Паламе, архиепископу Солунскому

Тропарь святителю Григорию Паламе, архиепископу Солунскому , глас 8

Правосла́вия свети́льниче,/ Це́ркве утвержде́ние и учи́телю,/ мона́хов добро́то, богосло́вов побо́рниче непребори́мый,/ Григо́рие чудотво́рче, Фессалони́тская похвало́,/ пропове́дниче благода́ти,// моли́ся вы́ну спасти́ся душа́м на́шим.

Перевод: Православия светило, Церкви утверждение и учитель, монахов красота, богословов защитник непреоборимый, Григорий чудотворец, Фессалоникийская хвала, провозвестник благодати, моли непрестанно о спасении душ наших.

Тропарь святителю Григорию Паламе, архиепископу Солунскому , глас 8

Правосла́вию наста́вниче, святи́телем украше́ние,/ богосло́вцем побо́рниче непобеди́мый, Григо́рие чудотво́рче,/ Солу́ню вели́кая похвало́, пропове́дниче благода́ти,// моли́ Христа́ Бо́га спасти́ся душа́м на́шим.

Перевод: Православия учитель, святителей украшение, богословов защитник непобедимый, Григорий чудотворец, Салоник великая хвала, провозвестник благодати , моли Христа Бога о спасении душ наших.

Кондак святителю Григорию Паламе, архиепископу Солунскому, глас 8

Прему́дрости свяще́нный и Боже́ственный орга́н,/ Богосло́вия све́тлую согла́сно трубу́,/ воспева́ем тя Григо́рие Богоглаго́льниче:/ но я́ко ум Уму́ Пе́рвому предстоя́й,/ к Нему́ ум наш о́тче наста́ви, да зове́м:// ра́дуйся пропове́дниче благода́ти.

Перевод: Мудрости священный и Божественный орга́н, Богословия громкую трубу мы стройно воспеваем тебя, Григорий Богословесный. Но, как ум, стоящий близко к Верховному Уму, к Нему ум наш, отче направь, дабы нам восклицать: «Радуйся, провозвестник благодати!»

Кондак святителю Григорию Паламе, архиепископу Солунскому, глас 4

Ны́не вре́мя де́лательное яви́ся,/ при две́рех суд, воста́нем у́бо постя́щеся,/ принесе́м сле́зы умиле́ния,/ ми́лостынями, зову́ще:/ согреши́хом па́че песка́ морска́го,/ но осла́би, Соде́телю всех,// я́ко да прии́мем нетле́нныя венцы́.

Перевод: Ныне время добродетелей явилось, и при дверях Судия; не будем же унывать, но давайте, постясь, принесем слезы, сокрушение и милостыню, взывая: «Грехов наших больше, чем песка морского, но отпусти всем, всех Освободитель», дабы получить нам нетленный венец.

Молитва святителю Григорию Паламе, архиепископу Солунскому

О, треблаже́нная и честна́я вои́стину и превожделе́нная главо́, безмо́лвия держа́во, мона́шествующих сла́во, о́бщее богосло́вов и отце́в и учи́телей украше́ние, апо́столов сподви́жниче, испове́дников и му́чеников безкро́вный ревни́телю и венча́телю словесы́ и дея́ньми и благоче́стия побо́рниче и воево́до взбра́нный, боже́ственных догма́тов высо́кий изъясни́телю и учи́телю, пре́лести многоразли́чных ересе́й потреби́телю, всея́ Це́ркве Христо́вы предста́телю, и стра́же, и изба́вителю! Ты́ и преста́влься ко Христу́ назира́еши у́бо и ны́не ста́до твое́ и всю́ Це́рковь свы́ше, боле́зни разли́чныя исцеля́я и словесы́ твои́ми вся́ управля́я, и е́реси изгоня́я, и многообра́зных страсте́й избавля́я. Приими́ же и на́ше сие́ моле́ние и изба́ви на́с от страсте́й и искуше́ний, и треволне́ний, и бе́д, и осла́бу и ми́р и благоде́нствие на́м пода́ждь, о Христе́ Иису́се Го́споде на́шем, Ему́же сла́ва и держа́ва подоба́ет со безнача́льным Его́ Отце́м и Животворя́щим Ду́хом, ны́не и при́сно и во ве́ки веко́в. Ами́нь.

Молитва вторая святителю Григорию Паламе, архиепископу Солунскому

О, всехва́льный святи́телю Христо́в и чудотво́рче Григо́рие! Приими́ сие́ ма́лое моле́ние от на́с гре́шных к тебе́ прибега́ющих и те́плым твои́м предста́тельством умоли́ Го́спода Бо́га на́шего Иису́са Христа́, я́ко да, призре́в на ны́ ми́лостивно, да́рует на́м согреше́ний на́ших во́льных и нево́льных проще́ние, и по вели́цей Свое́й ми́лости изба́вит на́с от бе́д, печа́лей, ско́рби и боле́зней душе́вных и теле́сных, обдержа́щих на́с; да пода́ст земли́ плодоно́сие, и вся́, я́же на по́льзу настоя́щаго жития́ на́шего потре́бная; да да́рует на́м сконча́ти житие́ сие́ привре́менное в покая́нии, и да сподо́бит на́с гре́шных и недосто́йных Небе́снаго Ца́рствия Своего́, со все́ми святы́ми сла́вити Его́ безконе́чное милосе́рдие, со Безнача́льным Его́ Отце́м и Святы́м и Животворя́щим Его́ Ду́хом, во ве́ки веко́в. Ами́нь.

Молитва третья святителю Григорию Паламе, архиепископу Солунскому

Все́х правосла́вных наста́вниче и Це́ркви сия́ние, о́тче Григо́рие, вся́каго обстоя́ния на́с изба́ви, боже́ственной ико́не твое́й припа́дающе ве́рою, свобожда́я от навожде́ния на на́с вра́жия, ты́ бо помо́щник на́ш явля́ешися и исполня́ешися и исполня́еши при́сно проше́ния све́тло ублажа́ющих тя́, на вся́ко вре́мя моля́ся Трисия́нной Тро́ице, Е́йже подоба́ет ве́лия сла́ва, че́сть и поклоне́ние Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

Святителю Арсению, епископу Тверскому

Тропарь святителю Арсению, епископу Тверскому, глас 8

Благоче́стно пожи́в во святи́тельстве,/ лю́ди пpосвети́л еси́ уче́нием твои́м,/ и о хpа́ме Пpечи́стыя вельми́ подвиза́вся,/ и люби́тель мона́хов быв,/ сего́ pа́ди от Хpиста́ па́ствы твоея́ вене́ц пpия́л еси́./ Те́мже, я́ко апо́стольскаго пpесто́ла наме́стника,/ и святи́теля вели́каго чту́ще тя, мо́лим ча́да твоя́, блаже́нне:/ от всех бед изба́ви нас я́же ко Хpисту́ моли́твами твои́ми,// святи́телю Хpисто́в Аpсе́ние, о́тче наш.

Перевод: Благочестиво пребывая в чине святителя, просветил людей своим учением и для храма Пречистой [Богородицы] много потрудился, и заботился о монашеской братии, из-за этого от Христа принял венец твоей паствы. Поэтому, как наместника апостольского престола и великого святителя почитая тебя, молим тебя, блаженный, чада твои: от всех бед избавь нас ко Христу твоими молитвами, святитель Христов Арсений, отец наш.

Кондак святителю Арсению, епископу Тверскому, глас 8

Восприе́мши ра́достно честны́я твоя́ мо́щи, пречи́стая це́рковь,/ в ню́же че́стно вноси́ми мно́жеством священномона́хов, и кня́зи благове́рными,/ и я́же прие́мши я́ко сокро́вище многоце́нное./ Те́мже и мы ны́не твоея́ огра́ды слове́сныя о́вцы,/ о́крест ра́ки твоея́ предстоя́ще,/ любе́зно вопие́м ти́:/ не забу́ди чад твои́х, о́тче,/ и́хже му́дре собра́л и возлюби́л еси́,/ я́ко да зове́м ти́:// ра́дуйся, святи́телю Арсе́ние, па́стырю и учи́телю наш.

Перевод: Приняла с радостью чтимые твои мощи Пречистая Церковь, в которую они с почтением вносятся множеством иеромонахов и благоверных князей, и которые были приняты как драгоценное сокровище. Также и мы сейчас твоей ограды словесной [пастырский труд святителя] овцы, вокруг раки твоей стоящие, с любовью воспеваем тебя: не забудь чад твоих, отец, которых ты с мудростью собрал и полюбил, чтобы мы взывали к тебе: радуйся, святитель Арсений, пастырь и учитель наш.

Молитва святителю Арсению, епископу Тверскому

При́зри от Го́рних высо́т, святи́телю о́тче Арсе́ние, на нас смире́нных и гре́шных, во умиле́нии душ и серде́ц к тебе́ прибега́ющих, ве́рою кре́пкою на тя упова́ющих, любо́вию нелицеме́рною прося́щих у тебе́ заступле́ния. Тебе́ бо моли́твенника благоприя́тнаго ве́мы ко Всеми́лостивому Бо́гу. Проле́й о нас твоя́ святы́я моли́твы и умоли́ Человеколю́бца Го́спода не погуби́ти нас со беззако́нии на́шими, но обрати́ти нас к покая́нию и исправле́нию, да про́чее вре́мя жития́ на́шего земна́го, не в рабо́те греху́ и страсте́м, но в де́лании за́поведей Его́ святы́х и в благоче́стии провожда́ем и со благо́ю наде́ждою дости́гнем кончи́ны на́шея. В час же сме́ртный наипа́че яви́ся нам, о́тче, засту́пник благи́й, ускори́ тогда́ на моли́тву о нас безпо́мощных и помози́ нам со прича́стием Та́инств Боже́ственных ми́рную и благу́ю кончи́ну улучи́ти, гро́зныя мыта́рства возду́шныя безбе́дно прейти́ и унасле́довати Го́рнее Ца́рство. Ей, святи́телю Бо́жий, не пре́зри нас и не посрами́ упова́ния на́шего, но бу́ди о нас предста́тель немо́лчный к Бо́гу. Па́стырю наш до́брый, упаси́ нас бо́дренными твои́ми моли́твами и сохрани́ ненаве́тны от вся́каго зла, да сла́вим неизрече́нное человеколю́бие Бо́га на́шего, Отца́ и Сы́на и Свята́го Ду́ха, и твое́ оте́ческое заступле́ние, во ве́ки веко́в. Ами́нь.

Ин тропарь святителю Арсению, епископу Тверскому, на обретение мощей, глас 1

Боже́ственною свы́ше просвети́вся благода́тию, святи́телю,/ и мно́гим терпе́нием во вре́менней жи́зни по́двиг соверши́л еси́./ Те́мже источа́еши чуде́с благода́ть/ и́же с ве́рою приходя́щим к честне́й ра́це моще́й твои́х, Арсе́ние преблаже́нне./ Мы же вопие́м ти:/ сла́ва Да́вшему ти кре́пость,/ сла́ва Венча́вшему тя,// сла́ва Де́йствующему тобо́ю всем исцеле́ния.

Перевод: Божественной свыше просветился благодатью, святитель, и со многим терпением во временной жизни совершил ты подвиг. Потому источаешь благодать чудес всем с верой приходящим к почитаемой раке с мощами твоими, Арсений преблаженный. Мы же взываем к тебе: «Слава Давшему тебе силу, слава Венчавшему тебя, слава Подающему через тебя всем исцеления».

Ин кондак святителю Арсению, епископу Тверскому, глас 8

Я́ко богоявле́нная росси́йская звезда́,/ днесь, сия́я чудесы́,/ яви́лся еси́, святи́телю Арсе́ние./ Тем непреста́нно моли́ся Христу́ Бо́гу о ста́де твое́м/ и сохраня́й оте́чество твое́, град же и лю́ди,/ и́же ве́рою почита́ющих честно́е пренесе́ние твое́/ и к честны́м моще́м твои́м припа́дающих со стра́хом и любо́вию целу́ющих я́./ Да вси велегла́сно зове́м ти:// ра́дуйся, Богому́дре святи́телю Арсе́ние, о́тче наш.

Перевод: Как явленная Богом российская звезда, сегодня, сияя чудесами, явился ты, святитель Арсений. Потому не переставая молись Христу Богу о стаде твоем и сохраняй Отечество твое, город же и людей, с верою прославляющих священное перенесение твое и почитаемым мощам твоим поклоняющихся, со страхом и любовью прикладывающихся к ним. Да все громогласно взываем к тебе: «Радуйся, Богомудрый святитель Арсений, отче наш».

Молитва вторая святителю Арсению, епископу Тверскому

О, вели́кий уго́дниче Бо́жий, святи́телю о́тче Арсе́ние! Се прино́сим тебе́ хвале́бное пе́ние мы, гре́шнии и недосто́йнии ча́да твоя́, и велича́ем по́двиги и доброде́тели твоя́, и мно́гую ми́лость твою́ ко всем с ве́рою притека́ющим к оте́ческому твоему́ покро́ву. Приими́ с любо́вию приноше́ние ве́ры и любве́ на́шея, и принеси́ е́ Вседержи́телю Бо́гу, от Него́же нисхо́дит вся́кое дая́ние бла́го и вся́кий дар соверше́нный, и я́коже благоде́тельствовал еси́ в земне́м житии́ твое́м всем иска́вшим твоея́ по́мощи, та́ко и ны́не не лиши́ нас, о́тче благосе́рдый, твоего́ пред Бо́гом многомо́щнаго заступле́ния. Се бо нетле́нныя и многоцеле́бныя мо́щи твоя́ дарова́ нам Госпо́дь во увере́ние, я́ко ве́лие дерзнове́ние и́маши к Нему́ и я́ко мно́го мо́жет предста́тельство твое́ пред Престо́лом бл́агости Его́. Те́мже не оста́ви нас си́рых и безпо́мощных, но при́сно помина́й нас во святы́х небе́сных твои́х моли́твах. Укрепи́ на́ша стопы́ тве́рдо и непоколеби́мо ходи́ти путе́м за́поведей Госпо́дних, утверди́ ру́це на́ша к воздея́нию моли́твенному и к соверше́нию до́брых дел, согре́й сердца́ на́ша любо́вию ко Го́споду и к жи́зни ве́чней. Испроси́ у Царя́ Небе́снаго гра́ду Твери и святе́й оби́тели твое́й благостоя́ние и всей стране́ Росси́йстей ми́лость Бо́жию и сохране́ние от вся́каго зла. Испроси́, святи́телю Бо́жий, и всем, с ве́рою прибега́ющим к ра́це святы́х моще́й твои́х и и́мя твое́ благогове́йно призыва́ющим, коему́ждо дар благопотре́бен: неду́гующим исцеле́ние, бе́дствующим избавле́ние, печа́льным утеше́ние, заблу́ждшим и́стины позна́ние, гре́шным исправле́ние, подвиза́ющимся преспе́яние, и всем вся к жи́зни вре́менней и ве́чней потре́бная, во сла́ву ди́внаго во святы́х Свои́х Бо́га, в Тро́ице сла́вимаго и покланя́емаго, Отца́ и Сы́на и Свята́го Ду́ха. Ами́нь.

Молитва третья святителю Арсению, епископу Тверскому

О, всехва́льный святи́телю Христо́в и чудотво́рче, о́тче Арсе́ние! Не забу́ди нас, чад святы́я оби́тели твоея́ и всех с ве́рою и любо́вию прибега́ющих к ра́це честны́х и многоцеле́бных моще́й твои́х, но помина́й нас во святы́х твои́х и благоприя́тных моли́твах к Бо́гу. Моли́ за вся христиа́ны, о́тче святи́телю Арсе́ние, и за святу́ю сию́ оби́тель, ю́же вручи́ тебе́ Пречи́стая Влады́чица Богоро́дица, мним бо тя вы́ну предстоя́ща Христу́ Бо́гу на́шему и Пречи́стей Его́ Ма́тери и иму́ща ве́лие к Ним дерзнове́ние. А́ще бо те́лом и преста́вился еси́ от нас, но душе́ю жив сый, неотсту́пен пребыва́еши с на́ми ду́хом. Сохраня́ нас твои́м предста́тельством пред Престо́лом Небе́снаго Царя́ от ко́зней вра́жиих, от собла́знов ми́ра, во зле лежа́щаго, и от вся́кия ско́рби и ну́жды. О преблаги́й па́стырю и учи́телю нaш, о́тче Арсе́ние! К тебе́ припа́даем и тебе́ мо́лимся, моли́ся всеси́льному Бо́гу о по́льзе душ на́ших, и испроси́ нам вре́мя на покая́ние, да очи́стившеся от вся́кия скве́рны грехо́вныя, Небе́сному Ца́рствию насле́дники сподо́бимся бы́ти со все́ми пра́ведными, от ве́ка угоди́вшими Го́споду на́шему Иису́су Христу́, Ему́же подоба́ет вся́кая сла́ва, честь и поклоне́ние со Безнача́льным Его́ Отце́м и с Пресвяты́м Ду́хом, ны́не и при́сно и во ве́ки веко́в. Ами́нь.

Собору преподобных отцев Киево-Печерских

Тропарь Собору преподобных отцев Киево-Печерских, глас 2

Егда́ снидо́сте во гро́бы/ и саме́х себе́ заключи́сте,/ тогда́, стра́сти умертви́вше плотски́я,/ спогребо́стеся Христу́, Богоно́снии,/ и диа́вольския в подзе́мных разруши́сте огра́ды.// Сего́ ра́ди А́нгели венцы́ с Небе́с вам подаю́т.

Перевод: Когда собрались вы в пещерах и самих себя затворили, тогда, умертвив страсти телесные, погребли себя со Христом, Богоносные, и разрушили там, в пещерах, диавольские сети. Потому ангелы венцы с Небес вам подают.

Кондак Собору преподобных отцев Киево-Печерских, глас 2

Лик по́стнический собра́ся у́мне,/ мы́сленныма зря́ще очи́ма,/ прииди́те, лю́дие, хвала́ми почти́м,/ и, покланя́ющеся моще́м их,/ любо́вныя принесе́м да́ры,/ ти́и бо суть к Бо́гу хода́таи// и моли́твенницы о душа́х на́ших.

Перевод: Собрание постников явившееся нам духовно, созерцая мысленным зрением, придите, люди, хвалами почтим и, поклоняясь мощам их, с любовью принесем дары, ибо они ходатаи к Богу и молитвенники о душах наших.

Ин кондак Собору преподобных отцев Киево-Печерских, глас 8

Отцы́ всечестни́и, ли́че Богокра́сный,/ чуде́с мно́гих исто́чницы, ми́ро источа́ющии,/ сокро́вища краснобога́тная Госпо́дня, в земли́ сокрове́нная,/ не преста́йте, мо́лим вы, о нас моли́тися ко Го́споду, да зове́м вам:// ра́дуйтеся, всему́ ми́ру свети́льницы.

Перевод: Отцы всеми почитаемые, собрание Богом украшенное, чудес многих источники, миро источающие, сокровища богатые Господни, в земле сокрытые, не переставайте, молим вас, о нас молиться ко Господу, да взываем к вам: «Радуйтесь, всему миру светильники».

Молитва всем преподобным отцам Киево-Печерским

О, уго́дницы Христо́вы, преподо́бнии отцы́ на́ши Анто́ние и Феодо́сие и вси́ святи́и Ки́ево-Пече́рстии, свети́льницы пресве́тлые, свя́тостию и́ноческаго жития́ пе́рвые просия́вшии на земле́ Росси́йстей, покрови́тели гра́да Ки́ева и всего́ оте́чества на́шего! К ва́м, моли́твенникам те́плым и предста́телям непосты́дным, усе́рдно притека́ем, в ну́ждах и ско́рбях на́ших утеше́ния и по́мощи прося́ще. Помози́те на́м, раба́м Бо́жиим (имена́), засту́пницы на́ши! Утверди́те на́с в ве́ре святе́й, сохрани́те Це́рковь Бо́жию от па́губных ересе́й и раско́лов, научи́те на́с всегда́ твори́ти за́поведи Бо́жия и вся́ преда́ния церко́вная, от оте́ц на́м запове́данная, бу́дите на́м благосе́рдые отцы́ и те́плые моли́твенницы, я́ко да просла́вим и́мя Живонача́льныя Тро́ицы, Отца́ и Сы́на и Свята́го Ду́ха во ве́ки. Ами́нь.

Тропарь Собору преподобных отцев Киево-Печерских, в Ближних пещерах, глас 4

Столп огнезра́чный и светоно́сное со́лнце,/ возсия́вшее на горе́ Пече́рстей,/ вели́каго Анто́ния со всем собо́ром Богоно́сных оте́ц/ приво́дим Тебе́, Христе́, в моли́тву,/ и́хже ра́ди мо́лим,/ пода́ждь оби́тели на́шей благода́ть// и душа́м на́шим ве́лию ми́лость.

Перевод: Столп огненный и светоносное солнце, воссиявшее на горе Печерской, великого Антония со всем собранием Богоносных отцов представляем Тебе, Христос, на молитву, их же ради молим, подай обители нашей благодать и душам нашим великую милость.

Тропарь Собору преподобных отцев Киево-Печерских, в Дальних пещерах

Мы́сленное со́лнце и све́тлую луну́,/ первонача́льных Пече́рских,/ со всем собо́ром преподо́бных днесь почти́м,/ ти́и бо, церко́вную твердь озаря́юще,/ просвеща́ют во тьме страсте́й бе́дствующих,/ и подаю́т от Христа́ Бо́га моли́твами свои́ми по́мощь во всех ско́рбех,// и душа́м на́шим про́сят избавле́ния.

Перевод: Духовное солнце и славную луну, первоначальников Печерских, со всем собранием преподобных сегодня почтим, ибо они, озаряя небо церковное, просвещают бедствующих во тьме страстей и подают от Христа Бога молитвами своими помощь во всех скорбях и душам нашим просят искупления.

Мысли свт. Феофана Затворника

(Евр.1:10–2:3; Мк.2:1–12)

«Я есмь дверь: кто войдет Мною, тот спасется» (Ин.10:9). Это то же, что в другом месте говорит Господь: «никто не приходит к Отцу, как только чрез Меня» (Ин.14:6).

И еще ближе подтвердил Он то же, когда сказал: «без Меня не можете делать ничего» (Ин.15:5).

Тот и христианин, кто весь во Христе, и кто, что ни имеет в себе ценного, все то от Христа имеет. Оправдание у него Христово, и тело его тоже Христово. Спасающийся потому спасается, что облечен во Христа. В этом только положении он имеет доступ к Отцу. Мы – отпадшие от Бога и за то подгневны. Только тогда правда Божия отступает и милость Его простирается к нам и нас приближающихся принимает, когда мы приближаемся во Христе и о Христе.

Печать Христова отпечатлевается на всем естестве христианина, и носящий ее пойдет посреди сени смертной и не убоится зла. Для того, чтобы быть такими, мы имеем Таинства – Крещение и Причащение, посредствуемое у грешащих по Крещении покаянием. Но это от лица Господа; с нашей же стороны, для принятия их, должны образоваться в духе приимательные расположения – вера, которая исповедует: я погибший и спасаюсь только Господом Иисусом Христом; любовь, которая ревнует все посвящать Господу Спасителю, ничего не щадя; упование, которое, ничего от себя не чая, уверено, что не будет оставлено Господом, но всякую будет иметь от Него помощь – и внутреннюю, и внешнюю – во всю жизнь, пока взято будет туда, где Он Сам.

Притча дня

Неизменность внутреннего мира

Как-то два инока пришли к авве Иосифу с просьбой объяснить, лучше ли им с радостью принимать посещающих их братьев или не выражать этой радости. Они не успели ещё открыть рта, чтобы изложить ему своё затруднение, как он предупредил их вопрос и вошёл в свою келью. Там покрылся старым рубищем и прошёлся между ними в таком одеянии, не говоря ни слова.

Затем он снял с себя рубище, надел хорошую одежду, которую употреблял в праздничные дни, и снова прошёлся между ними. Наконец, он оделся, как одевался постоянно, и сел с ними.

Монахи смотрели на него с удивлением, не понимая ничего из того, что он представил.

Тогда он им сказал:

– Хорошо ли заметили вы, что я сделал?

– Да, – ответили они.

– Но, – прибавил Иосиф, – заметили ли вы, чтобы перемена в платье изменила что-нибудь и во мне? Стал ли я хуже, надев рубище? Стал ли я лучше, надев лучшую одежду?

– Конечно, нет!

Помните же по сравнению с этим, что всё созданное, даже и люди, не должно ничего изменять своим появлением в нашем внутреннем мире. Принимайте с радостью и невинностью, и с христианской любовью братьев, которые посетят вас. А если никто не придёт к вам, храните себя в сосредоточении духа.

… вы, прилагая к сему все старание, покажите в вере вашей добродетель, в добродетели рассудительность, в рассудительности воздержание, в воздержании терпение, в терпении благочестие (2Пет.1:5-6)

Проповедь дня


Перейти в раздел «Проповеди»

Книги, статьи, стихи, кроссворды, тесты


Аудиокниги и фильмы


Практические советы

Надо нудить себя и против воли делать усердные поклоны; это нужно против гордости нашей, гнездящейся в глубине сердца. Гордость не любит кланяться.
праведный Иоанн Кронштадтский

Помню отец Тихон, когда стал старым и не мог подниматься на ноги, когда делал земные поклоны, привязывал к потолку толстую верёвку и поднимался, хватаясь за неё. Так он продолжал делать земные поклоны и поклоняться Богу со благочестием практически до самых последних дней своей жизни.
преподобный Паисий Святогорец, «О молитве»

Случайный тест