Воскресенье
Старый стиль
13 августа
Воскресенье Новый стиль
26 августа

Успенский пост

Постный календарь. Глас 4-й

Отдание праздника Преображения Господня. Преставление (662), перенесение мощей прп. Максима Исповедника; обре́тение мощей блж. Максима, Христа ради юродивого, Московского чудотворца (ок. 1547); преставление (1783), второе обре́тение мощей (1991) свт. Ти́хона, епископа Воронежского, Задонского чудотворца.

Мчч. Ипполи́та, Ирине́я, Аву́ндия и мц. Конко́рдии, в Риме (258); Собор Валаамских святых (переходящее празднование в 1-е воскресенье после 19 августа); Собор Кемеровских святых (переходящее празднование в воскресенье перед 31 августа).

Сщмчч. Иоа́нна Шишева, Иоаса́фа Панова и Константина Попова, пресвитеров (1918); сщмчч. Серафи́ма (Звездинского), епископа Дмитровского, Николая Орлова, Иа́кова Архипова, пресвитеров и Алекси́я Введенского, диакона (1937); мч. Васи́лия Александрина (1942).

Икон Божией Матери: «Умягчение злых сердец» (Семистрельная) (1830); «Страстна́я» (1641); Минская (1500).

Чтения Священного Писания и Богослужебные указания

Богослужебные указания

Утр. - Ев. 2-е, Мк. XVI:1-8 (зач. 70). Лит. - 1 Кор. XVI:13-24 (зач. 166). Мф. XXI:33-42 (зач. 87). Служба свт. Тихона Задонского может быть перенесена на 25 августа.

Преображение Господне

Тропари, кондаки, молитвы и величания

Преподобному Максиму Исповеднику

Тропарь преподобному Максиму Исповеднику, глас 8

Правосла́вия наста́вниче,/ благоче́стия учи́телю и чистоты́,/ вселе́нныя свети́льниче,/ мона́шествующих богодухнове́нное удобре́ние,/ Макси́ме прему́дре,/ уче́ньми твои́ми вся просвети́л еси́, цевни́це духо́вная.// Моли́ Христа́ Бо́га спасти́ся душа́м на́шим.

Перевод: Православия наставник, благочестия учитель и чистоты, светильник вселенной, архиереев Богодухновенное украшение, Максим премудрый, учениями твоими ты всех просветил, лира духовная; моли Христа Бога о спасении душ наших.

Кондак преподобному Максиму Исповеднику, глас 6

Свет трисия́нный, все́льшийся в ду́шу твою́,/ сосу́д избра́н показа́ тя, всеблаже́нне, явля́юща Боже́ственная конце́м,/ неудобопости́жных разуме́ний ты сказу́яй, блаже́нне,/ и Тро́ицу всем, Макси́ме, возпропове́дуяй я́сно,// Пресу́щную, Безнача́льну.

Перевод: Свет Трисиянный, вселившийся в душу твою, явил тебя, всеблаженный, избранным сосудом: ты открываешь Божественное концам земли, непостижимое для разума излагая, Максим блаженный, и Троицу всем провозглашая ясно, Сверхсущественную, Безначальную.

показать все

Ин кондак преподобному Максиму Исповеднику, глас 8

Тро́ицы рачи́теля и вели́каго Макси́ма,/ науча́юща я́сно ве́ре Боже́ственней,/ е́же сла́вити Христа́, во дву́ естества́х, во́лях же и де́йствах су́ща,/ в пе́снех досто́йных, ве́рнии, почти́м, взыва́юще:// ра́дуйся пропове́дниче ве́ры.

Перевод: Троицы ревнителя великого Максима, научающего ясно вере Божественной, которая состоит в прославлении Христа в двух природах, волях и действиях, достойными молитвенными песнопениями, верующие, почтим, взывая: «Радуйся проповедник веры».

Молитва преподобному Максиму Исповеднику

О, свяще́нная главо́, преподо́бне о́тче, преблаже́нне а́вво Макси́ме! Не забу́ди убо́гих твои́х до конца́, но помина́й нас всегда́ во святы́х и благоприя́тных моли́твах к Бо́гу: помяни́ ста́до твое́, е́же сам упа́сл еси́, и не забу́ди посеща́ти чад твои́х моли́ за ны, о́тче свяще́нный, за де́ти твоя́ духо́вныя, я́ко име́яй дерзнове́ние к Небе́сному Царю́: не премолчи́ за ны ко Го́споду, и не пре́зри нас, ве́рою и любо́вию чту́щих тя: помина́й нас недосто́йных у Престо́ла Вседержи́телева, и не преста́й моля́ся о нас ко Христу́ Бо́гу, и́бо дана́ тебе́ бысть благода́ть за ны моли́тися. Не мним бо тя су́ща ме́ртва: а́ще бо те́лом и преста́вился еси́ от нас, но и по сме́рти жив сый пребыва́еши, не отступа́й от нас ду́хом, сохраня́я нас от стрел вра́жиих и вся́кия пре́лести бесо́вския и ко́зней диа́вольских, па́стырю наш до́брый. А́ще бо и моще́й твои́х ра́ка пред очи́ма на́шима ви́дима есть всегда́, но свята́я твоя́ душа́ со а́нгельскими во́инствы, со безпло́тными ли́ки, с Небе́сными си́лами, у Престо́ла Вседержи́телева предстоя́щи, досто́йно весели́тся, ве́дуще у́бо тя вои́стину и по сме́рти жи́ва су́ща, тебе́ припа́даем и тебе́ мо́лимся: моли́ся о нас Всеси́льному Бо́гу, о по́льзе душ на́ших, и испроси́ нам вре́мя на покая́ние, да невозбра́нно пре́йдем от земли́ на Не́бо, от мыта́рств же го́рьких, бесо́в возду́шных князе́й и от ве́чныя му́ки да изба́вимся, и Небе́снаго Ца́рствия насле́дницы да бу́дем со все́ми пра́ведными, от ве́ка угоди́вшими Го́споду на́шему Иису́су Христу́: Ему́ же подоба́ет вся́кая сла́ва, честь и поклоне́ние, со Безнача́льным Его́ Отце́м, и с Пресвяты́м и Благи́м и Животворя́щим Его́ Ду́хом, ны́не и при́сно, и во ве́ки веко́в. Ами́нь.

Блаженному Максиму Московскому, Христа ради юродивому

Тропарь блаженному Максиму Московскому, Христа ради юродивому, глас 4

Терпе́нием свои́м ве́лию мзду на Небесе́х стяжа́л еси́,/ в бу́йство во́лею Христа́ ра́ди преложи́ся/ и на Не́бо мы́сленное, я́ко на колесни́це о́гненней,/ возше́л еси́, прему́дре Макси́ме./ Днесь мы ны́не чтим честны́х моще́й твои́х обре́тение/ вку́пе с благочести́выми и ве́рными людьми́ ца́рствующаго гра́да Москвы́,/ да вси вопие́м ти:/ моли́ Христа́ Бо́га// спасти́ся душа́м на́шим.

Перевод: Терпением своим великую награду на Небесах заслужил ты, по своей воле впал в безумие ради Христа и на Небо духовное, как на огненной колеснице, поднялся ты, премудрый Максим. Сегодня мы почитаем святых мощей твоих обретение вместе с благочестивыми и верующими людьми царствующего города Москвы, да все взываем к тебе: «Моли Христа Бога о спасении душ наших».

Ин тропарь блаженному Максиму Московскому, Христа ради юродивому, глас 5

Нагото́ю теле́сною и теpпе́нием/ обнажи́л еси́ вpа́жия кова́pствия,/ облича́я неподо́бное его́ дея́ние,/ зе́льне стpажда́ со́лнечный ваp/ и ну́ждныя вели́кия сту́дени,/ мpа́за и огня́ не чул еси́,/ Бо́жиею по́мощию покpыва́емь,/ Макси́ме пpему́дpе,/ о ве́pою твоpя́щих па́мять твою́ че́стно,/ и усе́pдно пpитека́ющих к моще́м твои́м,// моли́ изба́витися от бед\ и паде́ния избежа́ти.

Перевод: Наготой телесной и терпением ты обнажил коварство врага, обличая нечестивые его дела, очень сильно страдая от солнечного зноя и вынужденно перенося великие холода, мороза и огня не чувствовал ты, покрываем Божией помощью, Максим премудрый, моли обо всех с верой и почтением празднующих память твою и с усердием притекающих к раке с мощами твоими, чтобы им избавиться от бед и избежать падения.

Кондак блаженному Максиму Московскому, Христа ради юродивому, глас 8

Ве́рою и любо́вию твое́ честно́е обре́тение пра́зднующих, блаже́нне,/ сохрани́ и соблюди́ от вся́кой зло́бы и собла́зна змии́на,/ и́маши бо дерзнове́ние ко Влады́це всех Христу́,/ Его́же моли́ спасти́ лю́ди, моля́щиятися,/ да вси вопие́м ти:// ра́дуйся, о́тче Макси́ме, ца́рствующему гра́ду Москве́ похвало́.

Перевод: С верой и любовью твое почитаемое обретение празднующих, блаженный, сохрани и убереги от всякого зла и соблазна диавольского, ибо ты имеешь дерзновение ко Владыке всех Христу, Его же моли о спасении людей, молящихся тебе, да все взываем к тебе: «Радуйся, отче Максим, слава царствующего города Москвы».

Ин кондак блаженному Максиму Московскому, Христа ради юродивому, глас 2

Вы́шния красоты́ жела́я,/ ни́жния сла́дости и теле́сная одея́ния в ничто́же вмени́л еси́,/ и нестяжа́ние па́че су́етнаго ми́ра возлюби́л еси́./ А́нгельское житие́ проходя́,/ сконча́лся еси́, блаже́нне Макси́ме:// с ни́миже Христа́ моли́ непреста́нно о всех нас.

Перевод: Небесной красоты желая, ты пренебрег земными наслаждениями и одеждой для тела и возлюбил нестяжание больше, чем суетный мир. Ангельское житие проходя, ты скончался, блаженный Максим. Моли с Ангелами Христа непрестанно обо всех нас.

Молитва блаженному Максиму Московскому, Христа ради юродивому

Уго́дниче Бо́жий, моли́твенниче наш те́плый и ско́рый помо́щниче, блаже́нне Макси́ме! Припа́дающе к ра́це моще́й твои́х прославля́ем многотру́дныя по́двиги юро́дства твоего́ Христа́ ра́ди, возлюби́в бо Еди́наго Бо́га от всея́ души́ твоея́, ты мирски́ми красо́тами не восхоте́л еси́ наслажда́тися; родна́го жили́ща, любве́ сро́дник, бога́тства и сла́вы вре́менныя отре́клся еси́ и безприю́тное житие́ возлюби́л еси́. Прилежа́в о спасе́нии души́, плоть твою́ нагото́ю теле́сною, мра́зом и зно́ем, посто́м и бде́нием, долговре́менным на земли́ лежа́нием изнури́л еси́ и вся стра́сти ея́ ду́хови покори́л еси́, на земли́ пожи́в небе́сно, во пло́ти духо́вно, умо́м весь к преми́рным взе́мся, плотску́ю му́дрость отри́нул еси́ и, быв мудр о Христе́, юро́д ми́рови показа́лся еси́, от неразу́мных мно́гия оби́ды и бие́нии благоду́шно притерпева́я и мно́гих нечести́вых на путь спасе́ния наставля́я. Те́мже, по сконча́нии твои́х подвиго́в, всепра́ведный Судия́ нетле́нием честны́х твои́х моще́й и мно́гими чудесы́ тя просла́ви, ду́шу же твою́ святу́ю в Небе́сныя оби́тели всели́, иде́же, предстоя́ Престо́лу Непристу́пнаго Боже́ственнаго Све́та, в Нем, я́ко в зерца́ле, ви́диши на́ша ну́жды, слы́шиши на́ша к тебе́ проше́ния и я́ко друг Христо́в и́маше ве́лие к Нему́ дерзнове́ние моли́тися о нас. Сего́ ра́ди усе́рдно про́сим тя: помоли́ся Го́споду Бо́гу о нас, к земли́ приве́рженных, да и мы, в подража́ние твоему́ ангелоподо́бному на земли́ житию́, не погря́знем в су́етных жите́йских попече́ниих и в земны́х наслажде́ниих, не прельща́емся и не прилепля́емся все́ю душе́ю к тле́нным ми́ра сего́ бла́гом, но да обрати́т Госпо́дь Свое́ю благода́тию на́ша мы́сли и жела́ния к Небе́сным и укрепи́т жела́ти восприя́тия бу́дущих нетле́нных сокро́вищ, да пода́ст нам, сла́бым, си́лу к побежде́нию страсте́й, мы́слей и жела́ний грехо́вных, да плени́т наш кичли́вый ум в послуша́ние ве́ры, изба́вит от высокоу́мия, суему́дрия, ло́жных па́губных уче́ний и да́рует нам му́дрость духо́вную, да раствори́т окамене́нная сердца́ на́ша слеза́ми умиле́ния и сокруше́ния о на́ших согреше́ниих, согре́ет их любо́вию к Нему́, на́шему Созда́телю, и к бли́жним на́шим. Испроси́ всем, во вся́кой нужде су́щим и к твоему́ заступле́нию прибега́ющим, вся́кий дар, коему́ждо благопотре́бен: больны́м — исцеле́ние, печа́льным — утеше́ние, бе́дствующим — по́мощь, оби́женным — защи́ту. Принеси́ ко Го́споду святу́ю моли́тву о всех нас, многогре́шных, я́ко да не по грехо́м на́шим возда́ст нам, ниже́ по беззако́ниим на́шим нака́жет нас, но отврати́т вся́кий гнев, пра́ведно дви́жимый на ны, и проба́вит ми́лость Свою́, вся́ких нужд, бед, напа́стей, скорбей и боле́зней нас избавля́я, и́миже весть судьба́ми да наста́вит нас на путь спасе́ния, пода́ст про́чее вре́мя живота́ на́шего в покая́нии и благоче́стии прейти́ и христиа́нскую кончи́ну, неболе́зненну, непосты́дну, ми́рну, и Небе́снаго Ца́рствия насле́дие получи́ти со все́ми святы́ми во ве́ки веко́в. Ами́нь.

Молитва вторая блаженному Максиму Московскому, Христа ради юродивому

О, уго́дниче Бо́жий, блаже́нне Макси́ме! Помоли́ся Го́споду Бо́гу о нас, рабе́х Бо́жиих (имена), к земли́ приве́рженных, да обрати́т Госпо́дь на́ша мы́сли и жела́ния к Небе́сным и да укрепи́т бу́дущих нетле́нных сокро́вищ жела́ти, да пода́ст нам си́лу к побежде́нию страсте́й, мы́слей и жела́ний грехо́вных, да плени́т наш ум в послуша́ние ве́ры, да изба́вит от высокоу́мия, суему́дрия и му́дрость духо́вную нам да́рует: та́же окамене́нная сердца́ на́ша слеза́ми умиле́ния о гресе́х сокруше́ния да раствори́т и да согре́ет я́ к на́шему Созда́телю любо́вию и братолю́бием ко бли́жним на́шим. Блаже́нне Макси́ме, принеси́ ко Го́споду моли́тву о нас, я́ко да не по грехо́м на́шим возда́ст нам, ниже́ по беззако́нием на́шим нака́жет нас, но да проба́вит ми́лость Свою́ на нас, от вся́ких нужд, бед, напа́стей, скорбе́й и боле́зней избавля́я, и и́миже весть судьба́ми да наста́вит нас на путь спасе́ния, и да сподо́бит нас христиа́нскую кончи́ну неболе́знену, непосты́дну и ми́рну прия́ти и Небе́снаго Ца́рствия насле́дие получи́ти со все́ми святы́ми во ве́ки веко́в. Ами́нь.

Святителю Тихону, епископу Воронежскому, Задонскому чудотворцу

Тропарь святителю Тихону, епископу Воронежскому, Задонскому чудотворцу, глас 8

От ю́ности возлюби́л еси́ Христа́ блаже́нне,/ о́браз всем был еси́ сло́вом, житие́м, любо́вию,/ ду́хом, ве́рою, чистото́ю и смире́нием,/ те́мже и всели́лся еси́ в Небе́сныя оби́тели,/ иде́же предстоя́ Престо́лу Пресвяты́я Тро́ицы,/ моли́, святи́телю Ти́хоне,// спасти́ся душа́м на́шим.

Перевод: С юности возлюбил Христа, блаженный, примером был для всех словом, жизнью, любовью, духом, верой, чистотой и смирением, потому и поселился ты в Небесных обителях, где, предстоя Престолу Пресвятой Троицы, моли, святитель Тихон, о спасении душ наших.

Ин тропарь святителю Тихону, епископу Воронежскому, Задонскому чудотворцу, глас 4

Правосла́вия наста́вниче, благоче́стия учи́телю,/ покая́ния пропове́дниче, Златоу́стаго ревни́телю,/ па́стырю предо́брый,/ но́вый Росси́и свети́льниче и чудотво́рче,/ па́ству твою́ до́бре упасл еси́/ и писа́ньми твои́ми вся ны наста́вил еси́,/ те́мже венце́м нетле́ния/ укра́шен от Пастыренача́льника,// моли́ Его́ спасти́ся душа́м на́шим.

Перевод: Православия наставник, благочестия учитель, покаяния проповедник, подражатель Иоанну Златоусту, пастырь прекрасный, новый светильник России и чудотворец, паству твою отлично упас и писаниями твоими всех нас научил ты, потому венцом нетления украшен Пастыреначальником, моли Его о спасении душ наших.

Кондак святителю Тихону, епископу Воронежскому, Задонскому чудотворцу, глас 8

Апо́столов прее́мниче,/ святи́телей украше́ние,/ Правосла́вныя Це́ркве учи́телю,/ Влады́це всех моли́ся,/ мир вселе́нной дарова́ти// и душа́м на́шим ве́лию ми́лость.

Перевод: Апостолов преемник, святителей украшение, Православной Церкви учитель, Владыке всех молись мир вселенной даровать и душам нашим великую милость.

Молитва святителю Тихону, епископу Воронежскому, Задонскому чудотворцу

О, вели́кий святи́телю Христо́в и чудотво́рче Ти́хоне! Услы́ши нас, многогре́шных, прибега́ющих к тебе́ с те́плою ве́рою и умиле́нною мольбо́ю. Зане́ ве́мы ангелоподо́бное благо́е житие́ твое́ на земли́, прославля́ем во всем твою́ ми́лость, благогове́ем пред высото́ю твои́х христиа́нских доброде́телей, и́миже во благовре́мении преуспева́л еси́ к сла́ве ди́вно просла́вившаго тя Го́спода. Ты вои́стинну был еси́ до́брый па́стырь слове́снаго ста́да Христо́ва, та́ин Бо́жиих до́бльственный строи́тель, сто́лпе и украше́ние Це́ркве Правосла́вныя, Рос­си́йский Златоу́сте, язы́ческих обы́чаев кре́пкий искорени́телю, пре­иску́сный истолкова́телю Ева́нгельскаго уче́ния, ре́вностный блюсти́­телю свяще́нных оте́ческих преда́ний, люби́телю мона́шескаго без­мо́лвия, богодухнове́нный собира́телю сокро́вища духо́вныя му́дрости от ви́димаго ми́ра сего́, прему́дро Бо́гом сотворе́ннаго. Ты, я́ко избра́нный сосу́д благода́ти, неле́ностно поуча́л еси́ всех жа́ждавших спасе́ния сло́вом, житие́м, любо́вию, ду́хом, ве́рою, чистото́ю и смире́нием. Ты был еси́ ми́лостивый защи́тник си́рых, призре́ние вдови́ц, убо́гих и всем су́щим в беда́х и напа́стех ско́рый уте́шитель, и ны́не ве́мы, я́ко предстои́ши пред лице́м Го́спода сла́вы и име́еши ве́лие к Нему́ дерзнове́ние; сего́ ра́ди к тебе́, о́тче, прибега́ем и усе́рдно мо́лим тя: бу́ди о всех нас хода́тай у Престо́ла Всевы́шняго. Да прости́т Он беззако́ния и непра́вды на́ша; да просвети́т омраче́нный суето́ю ум наш и напра́вит к и́стинному све́ту богопозна́ния; да сохрани́т сла́быя сердца́ на́ша от любостра́стных грехо́вных увлече́­ний и тлетво́рнаго мудрова́ния ве́ка сего́; да пода́ст земли́ благовре́менное ороше́ние дожде́й и плодоноше́ние и вся нам поле́зная, я́же к животу́ вре́менному и ве́чному, да вси притека́ющие к ра́це нетле́нных моще́й твои́х обрету́т мир, любо́вь и безмяте́жие. Це́ркви на́шей испроси́ у Небе́снаго Царя́ ми́лость, благоде́нствие, спасе́ние, на враги́ же побе́ду и одоле́ние. Оте́чество на́ше огради́ споко́йствием и тишино́ю. Сохрани́ оби́тель твою́ святу́ю от вся́ких собла́знов и научи́ всех нас благогове́йно и богобоя́зненно ше́ствовати по стезя́м за́поведей Бо́жиих, да сподо́бимся и мы ку́пно с тобо́ю и со все́ми святы́ми ста́ти одесну́ю Го́спода сил в день стра́шнаго всеми́рнаго суда́ Его́. Помяни́, уго́дниче Христо́в, святи́телю о́тче Ти́хоне, во святы́х свои́х моли́твах и ду́ши отше́дших оте́ц и бра́тий на́ших, да упоко́ит их Госпо́дь в Небе́сных селе́ниих; не пре́зри и на́ше воздыха́ние, да вы́ну прославля́ем Отца́, и Сы́на, и Свята́го Ду́ха, ны́не и при́сно и во ве́ки веко́в. Ами́нь.

Молитва вторая святителю Тихону, епископу Воронежскому, Задонскому чудотворцу

О, всехва́льный святи́телю и уго́дниче Христо́в, о́тче наш Ти́хоне! А́нгельски пожи́в на земли́, ты я́ко А́нгел благи́й яви́лся еси́ и в ди́внем твое́м прославле́нии. Ве́руем от всея́ души́ и помышле́ния, я́ко ты, благосе́рдый наш помо́щниче и моли́твенниче, твои́ми нело́жными хода́тайствы и благода́тию, оби́льно дарова́нною тебе́ от Го́спода, при́сно спосо́бствуещи на́шему спасе́нию. Приими́ у́бо, ублажа́емый уго́дниче Христо́в, и в час сей на́ша недосто́йная моле́ния: свободи́ ны твои́м заступле́нием от облега́ющаго нас суесло́вия и суему́дрия, неправове́рия и злове́рия челове́ческаго. Потщи́ся, ско́рый о нас предста́телю, благоприя́тным твои́м хода́тайством умоли́ти Го́спода, да приба́вит Своя́ вели́кия и бога́тыя ми́лости на нас гре́шных и недосто́йных рабе́х Свои́х, да уврачу́ет Свое́ю благода́тию неисце́льныя я́звы и стру́пы растле́нных душ и теле́с на́ших, да раствори́т окамене́лая сердца́ на́ша слеза́ми умиле́ния и сокруше́ния о премно́гих согреше́ниих на́ших и да изба́вит ны ве́чных мук и огня́ гее́нскаго; всем же ве́рным лю́дем Свои́м да да́рует в ны́нешнем ве́це мир и тишину́, здра́вие и спасе́ние и во всем благо́е поспеше́ние, да та́ко, ти́хое и безмо́лвное житие́ пожи́вше во вся́ком благоче́стии и чистоте́, сподо́бимся со А́нгелы и со все́ми Святы́ми сла́вити и воспева́ти всесвято́е и́мя Отца́ и Сы́на и Свята́го Ду́ха. Ами́нь.

Молитва третья святителю Тихону, епископу Воронежскому, Задонскому чудотворцу

О, вели́кий уго́дниче Бо́жий и пресла́вный чудотво́рче, святи́телю о́тче наш Ти́хоне! Со умиле́нием прекло́нше коле́на и припа́дая к ра́це честны́х и многоцеле́бных моще́й твои́х, хва́лим, сла́вим и велича́ем просла́вльшаго тя Бо́га, и нам недосто́йным показа́вшаго в тебе́ ве́лию ми́лость, и всеусе́рдно, ве́рою и любо́вию чту́щия святу́ю па́мять твою́, мо́лим тя: принеси́ моли́тву на́шу к вся содержа́щему и спаса́ющему человеколю́бцу Го́споду, Ему́же ты ны́не с ли́ки А́нгел и со все́ми Святы́ми предстои́ши, да утверди́т во святе́й Свое́й Правосла́вной Це́ркви живы́й дух пра́выя ве́ры и благоче́стия, да вси чле́ны ея́, чи́стии от суему́дрия и суеве́рия, ду́хом и и́стиною покланя́ются Ему́ и усе́рдно пеку́тся о соблюде́нии Его́ за́поведей, па́стырем ея́ да даст святу́ю ре́вность попече́ния о спасе́нии вве́ренных им люде́й — пра́во ве́рующия соблюда́ти, сла́быя и немощны́я в ве́ре укрепля́ти, неве́дущия наставля́ти, проти́вныя облича́ти. И па́ки припа́дающе, с упова́нием, я́коже ча́да отца́ нам су́ща, мо́лим тя, святи́телю Ти́хоне, ве́руем бо, я́ко ты, на Небесе́х живы́й, лю́биши ны то́ю же любо́вию, е́юже вся бли́жняя твоя́ возлюби́л еси́, внегда́ пребыва́ти тебе́ на земли́, испроси́ у всеми́лостиваго Го́спода и всем нам пода́ти дар коему́ждо благопотре́бен и вся, я́же к животу́ вре́менному и ве́чному поле́зная, ми́ра умире́ние, градо́в на́ших утвержде́ние, земли́ плодоно́сие, от гла́да и па́губы избавле́ние, от наше́ствия иноплеме́нных сохране́ние, скорбя́щим утеше́ние, неду́гующим исцеле́ние, па́дшим возстановле́ние, заблужда́ющим на путь и́стины возвраще́ние, подвиза́ющимся в де́лех благи́х укрепле́ние, благоде́лающим преспе́яние, роди́телем благослове́ние, ча́дом в стра́се Госпо́днем воспита́ние и науче́ние, наста́вником ве́дение и благоче́стие, неве́дущим вразумле́ние, си́рым, неиму́щим и убо́гим по́мощь и заступле́ние, отходя́щим от сего́ вре́меннаго жития́ к ве́чному благо́е уготовле́ние и напу́тствование, отше́дшим блаже́нное упокое́ние. Сих всех, наипа́че, проси́ нам, свя́тче Ти́хоне, у Щедрода́вца Бо́га, я́ко имы́й ве́лие к Нему́ дерзнове́ние: тебе́ бо стяжа́хом при́снаго засту́пника и те́плаго моли́твенника о нас пред Го́сподем, Ему́же подоба́ет вся́кая сла́ва, честь и поклоне́ние. Отцу́ и Сы́ну и Свято́му Ду́ху, ны́не и при́сно и во ве́ки веко́в. Ами́нь.

Молитва четвертая святителю Тихону, епископу Воронежскому, Задонскому чудотворцу

О, святи́телю, о́тче наш Ти́хоне! Услы́ши нас и потщи́ся благоприя́тным твои́м хода́тайством умоли́ти Го́спода, да проба́вит Своя́ вели́кия и бога́тыя ми́лости на нас, гре́шных и недосто́йных рабе́х Свои́х (имена), да уврачу́ет Свое́ю благода́тию неисце́льныя я́звы и стру́пы растле́нных душ и теле́с на́ших, да раствори́т окамене́лая сердца́ на́ша слеза́ми умиле́ния и сокруше́ния о премно́гих согреше́ниях на́ших и да изба́вит ны от ве́чных мук и огня́ гее́нскаго, да да́рует в ны́нешнем ве́це мир и тишину́, здра́вие и спасе́ние, да та́ко сподо́бимся, со А́нгелы и со все́ми святы́ми, сла́вити и воспева́ти всесвято́е и́мя Отца́ и Сы́на и Свята́го Ду́ха, во ве́ки веко́в. Ами́нь.

Молитва святителям Митрофану и Тихону, епископам Воронежским

О, велицыи угодницы Божии, крепцыи наши заступницы и молитвенницы, всехвальнии святителие Христови и чудотворцы Митрофане и Тихоне! Услышите нас, к вам припадающих и с верою вас призывающих. Поминайте нас у Престола Вседержителя и молитеся о нас непрестанно ко Христу, Богу нашему, дадеся бо вам благодать молитися за ны. Умолите предстательством вашим Всемилостиваго Бога нашего, да подаст Он Церкви Святей мир, пастырем ея — силу и ревность подвизатися о спасении людей и всем нам — дар, коемуждо потребен: веру истинную, надежду твердую и любовь неоскудевающую, да сохранит нас от глада, губительства, труса, потопа, огня, меча, нашествия иноплеменных, междоусобныя брани, смертоносныя язвы, внезапныя смерти и от всякаго зла; юным и младенцем да дарует благое в вере возрастание, старым и немощным — утешение и подкрепление, болящим — исцеление, сиротам и вдовицам — милость и заступление, заблуждшим — исправление, бедствующим — благовременную помощь. Не посрамите нас во уповании нашем, споспешествуйте, яко отцы чадолюбивии, и нам понести иго Христово во благодушии и терпении, и всех управите в мире и покаянии непостыдно скончати живот свой и Царствия Небеснаго сподобитися, идеже вы ныне водворяетеся со Ангелы и всеми святыми, прославляюще Бога, в Троице славимаго, Отца и Сына и Святаго Духа. Аминь.

Священномученику Серафиму (Звездинскому), епископу Дмитровскому

Тропарь священномученику Серафиму (Звездинскому), епископу Дмитровскому, глас 4

Днесь вернии людие града Дмитрова/ и вся Церковь Русская духовно торжествуют,/ восхваляюще тя, священномучениче Серафиме,/ ты бо заточения и лютая страдания претерпев,/ смерть мученическую за Христа приял еси/ и Царство Небесное наследовал еси./ Темже, Престолу Пресвятыя Троицы предстоя,/ моли грехов оставление нам даровати,// благочестно совершающим святую память твою.

Перевод: Сегодня верующие люди города Дмитрова и вся Церковь Русская духовно торжествуют, прославляя тебя, священномученик Серафим, ибо ты, претерпев заключение и жестокие страдания, принял мученическую смерть за Христа и наследовал Царство Небесное. Потому, Престолу Пресвятой Троицы предстоя, моли даровать нам прощение грехов, благочестиво празднующим святую память твою.

Кондак священномученику Серафиму (Звездинскому), епископу Дмитровскому, глас 2

Воине Христов добропобедный,/ яко серафим пламенный,/ любовию к Богу возгорелся еси,/ в посте и молитве подвизаяся,/ Саровскому чудотворцу подражал еси,/ заповеди же Божия исполняя,/ истинней вере люди наставлял еси,/ страдания за Христа претерпевая,/ единство церковное хранити призывал еси./ Темже, сошедшеся в память твою,/ верою и любовию вопием ти:// радуйся, Серафиме, Церкве Русския похвало и украшение.

Перевод: Воин Христов в победах прославленный, как пламенный серафим ты воспламенился любовью к Богу, подвизаясь в посте и молитвах, ты подражал Саровскому чудотворцу, заповеди же Божии исполняя, ты научал людей истинной вере, страдания за Христа претерпевая, ты призывал хранить церковное единство. Потому, собравшись в день памяти твоей, с верой и любовью взываем к тебе: «Радуйся, Серафим, Церкви Русской слава и украшение».

Молитва священномученику Серафиму (Звездинскому), епископу Дмитровскому

О, преславный угодниче Божий, священномучениче Серафиме, скорый помощниче и молитвенниче о всех, с верою к тебе прибегающих! Ты, от юности Христа возлюбив, монашеское житие избрал еси и пастырь добрый явился еси. Во дни же гонений на Церковь Русскую подвиг святительский небоязненно подъял еси, таже изгнания и страдания претерпев, кровию твоею верность Христу запечатлел еси и мученический венец приял еси. Сего ради, преклоньше колена сердец наших, яко верная чада твоя, молим тя: укрепи нас в любви ко Господу и твердем стоянии за веру Православную, сохрани от расколов и лжеучений, водвори во отечестве нашем мир и благочестие.
Помози нам, святителю Христов, в мире сем житие провождати целомудренно, праведно и благочестиво, осени нас небесным твоим благословением и молися за ны ко Господу, да твоим ходатайством и заступлением сподобимся улучити Царствие Небесное, идеже вкупе с тобою прославим дивнаго во святых Своих Бога, в Троице славимаго Отца и Сына и Святаго Духа во веки веков. Аминь.

Пресвятой Богородице пред иконой Ея «Умягчение злых сердец» («Семистрельной»)

Тропарь Пресвятой Богородице пред иконой Ея «Умягчение злых сердец» («Семистрельной»), глас 5

Умягчи́ на́ша зла́я сеpдца́, Богоpо́дице,/ и на́пасти ненави́дящих нас угаси́/ и вся́кую тесноту́ души́ на́шея pазpеши́,/ на Твой бо святы́й о́бpаз взиpа́юще,/ Твои́м состpада́нием и милосе́pдованием о нас умиля́емся/ и pа́ны Твоя́ лобыза́ем,/ стpел же на́ших, Тя теpза́ющих, ужаса́емся./ Не даждь нам, Ма́ти Благосе́pдная,/ в жестосе́pдии на́шем и от жестосе́pдия бли́жних поги́бнути,// Ты бо еси́ вои́стину злых сеpде́ц умягче́ние.

Перевод: Умягчи наши злые сердца, Богородица, и нападения ненавидящих нас отрази, и всякие душевные огорчения наши разреши, ибо, взирая на Твой святой образ, Твоим состраданием и милосердием к нам мы сердечно сокрушаемся и раны твои целуем, о стрелах же наших, терзающих Тебя, ужасаемся. Не дай нам, Милосердная Мать, погибнуть в жестокосердии нашем или от жестокосердия ближних, ибо Ты воистину умягчение злых сердец.

Кондак Пресвятой Богородице пред иконой Ея «Умягчение злых сердец» («Семистрельной»), глас 2

Благода́тию Твое́ю, Влады́чице,/ умягчи́ сердца́ злоде́ев,/ низпосли́ благоде́телей,/ соблюда́ющи их от вся́каго зла,/ благомоля́щимся Ти усе́рдно// пред честны́ми ико́нами Твои́ми.

Перевод: Благодатью Твоей, Владычица, умягчи сердца злодеев, ниспошли благодетелей, сохраняющих их от всякого зла, с благодарностью и усердием молящимся Тебе перед почитаемыми иконами Твоими.

Молитва Пресвятой Богородице пред иконой Ея «Умягчение злых сердец» («Семистрельной»)

О, Многоско́рбная Ма́ти Бо́жия, превы́шшая всех дще́рей земли́ по чистоте́ Свое́й и по мно́жеству страда́ний, Тобо́ю на земли́ пренесе́нных! Приими́ многоболе́зненная воздыха́ния на́ша и сохрани́ нас под кро́вом Твоея́ ми́лости, ина́го бо прибе́жища и те́плаго предста́тельства, ра́зве Тебе́, не ве́мы, но, я́ко дерзнове́ние иму́щи к И́же от Тебе́ Рожде́нному, помози́ и спаси́ ны моли́твами Свои́ми, да непреткнове́нно дости́гнем Ца́рствия Небе́снаго, иде́же со все́ми святы́ми бу́дем воспева́ти хвалу́ в Тро́ице Еди́ному Бо́гу, всегда́, ны́не, и при́сно, и во ве́ки веко́в. Ами́нь.

Пресвятой Богородице пред иконой Ея «Страстной»

Тропарь Пресвятой Богородице пред иконой Ея «Страстной», глас 4

Днесь возсия неизреченно царствующему граду нашему Москве/ икона Богоматере,/ и, яко светозарным солнцем, пришествием тоя озарися весь мир,/ Небесныя силы и души праведных мысленно торжествуют, радующеся,/ мы же, на ню взирающе, к Богородице со слезами вопием:/ о Всемилостивая Госпоже, Владычице Богородице,/ молися из Тебе воплощенному Христу, Богу нашему,/ да подаст мир и здравие всем Христианом// по велицей и неизреченней Своей милости.

Перевод: Сегодня воссияла неизреченно царствующему городу нашему Москве икона Богоматери, и, как светозарным солнцем, пришествием ее озарился весь мир. Небесные силы (ангелы) и души праведных духовно торжествуют, радуясь, мы же, на нее взирая, к Богородице со слезами взываем: «О Всемилостивая Госпожа, Владычица Богородица, молись из Тебя воплощенному Христу, Богу нашему, да подаст мир и здоровье всем христианам по великой и неизреченной Своей милости».

Ин тропарь Пресвятой Богородице пред иконой Ея «Страстной», глас 4

Животворящей Премудрости источник чудес/ честный образ Твой, Богородице Дево,/ молящеся, к нему любовию усердно притекающе, светло празднуем/ и из глубины души вопием Ти:/ спаси, Владычице, верою покланяющихся цельбоносному Твоему святому образу,/ тем, благодаряще, Тя величаем, яко Матерь Божию,/ спаси архиереи православныи,/ и сохрани землю Русскую,/ и вся люди, иже Тебе чтущия, соблюди,/ да хвалебныя Ти дары, грешнии, приносим, Благодатная:// радуйся, Дево, христиан похвало.

Перевод: Животворящей Премудрости источник чудес, почитаемый образ твой, Богородица Дева, с молитвами к нему усердно обращающиеся, светло празднуем и из глубины души взываем к Тебе: «Спаси, Владычица, с верой поклоняющихся подающему исцеления Твоему святому образу, за то, благодаря, прославляем Тебя, как Матерь Божию, спаси архиереев православных и сохрани землю Русскую, и всех людей, которые Тебя почитают, убереги, да приносим Тебе, грешные, хвалебные дары, Благодатная: радуйся, Дева, честь христиан».

Кондак Пресвятой Богородице пред иконой Ея «Страстной», глас 3

Благодать прияхом нетления,/ еже даровала еси нам, спасительнаго Твоего целения/ чудотворным Твоим образом честным, Богородице Дево,/ темже вопием Ти и с радостию зовем, Госпоже Царице,/ молимтися умильно, грешнии, со слезами глаголюще:/ о Пресвятая Владычице,/ скорое нам яви заступление и помощь,/ спаси ны от супостат наших/ и от всякия скорби соблюди,/ землю нашу миром огради,/ и вся люди Твоя покрый,/ и соблюди на Тя уповающия,/ потщися избавити,/ да не погибнем зле, раби Твои,/ но да зовем Ти:// радуйся, Невесто Неневестная.

Перевод: Мы приняли нетленную благодать, которую Ты даровала нам спасительным Твоим исцелением через чудотворный образ Твой почитаемый, Богородица Дева, потому взываем к Тебе и с радостью обращаемся: «Госпожа Царица, молимся Тебе смиренно, грешные, со слезами говоря: о Пресвятая Владычица, яви нам Свою быструю защиту и помощь, спаси нас от врагов наших и от всякой скорби убереги, землю нашу огради миром и всех людей Твоих укрой и сохрани на Тебя надеющихся, поспеши освободить нас, да не погибнем жестоко, но взываем к Тебе: радуйся Невеста, брака не познавшая».

Молитва Пресвятой Богородице пред иконой Ея «Страстной»

О, Пресвятая Госпоже, Владычице Богородице, вышши еси всех Ангел и Архангел и всея твари честнейши, Помощница еси обидимых, ненадеющихся надеяние, убогих Заступница, печальных утешение, алчущих Кормительница, нагих одеяние, больных исцеление, грешных спасение, христиан всех поможение и заступление. О Всемилостивая Госпоже, Дево Богородице, Владычице, милостию Твоею спаси и помилуй раб Твоих, Великаго Господина и отца нашего Святейшаго Патриарха (имя рек), и преосвященныя митрополиты, архиепископы и епископы, и весь священнический и иноческий чин, Богохранимую страну нашу, военачальники, градоначальники и христолюбивое воинство и доброхоты, и вся православныя христианы ризою Твоею честною защити, и умоли, Госпоже, из Тебе без семене воплотившагося Христа Бога нашего, да препояшет нас силою Своею свыше на невидимыя и видимыя враги наша. О Всемилостивая Госпоже, Владычице Богородице, воздвигни нас из глубины греховныя и избави нас от глада, губительства, от труса и потопа, от огня и меча, от нахождения иноплеменных и междоусобныя брани, и от напрасныя смерти, и от нападения вражия, и от тлетворных ветр, и от смертоносныя язвы, и от всякаго зла. Подаждь, Госпоже, мир и здравие рабом Твоим, всем православным христианом, и просвети им ум и очи сердечныя, еже ко спасению, и сподоби ны, грешныя рабы Твоя, Царствия Сына Твоего, Христа Бога нашего, яко держава Его благословена и препрославлена, со Безначальным Его Отцем, и с Пресвятым и Благим и Животворящим Его Духом, ныне, и присно, и во веки веков. Аминь.

Пресвятой Богородице пред иконой Ея «Минской»

Тропарь Пресвятой Богородице пред иконой Ея «Минской», глас 5

На водах Свислочи/ явилась еси, Пренепорочная Отроковице,/ от Царьграда и Киева/ Богоспасаемому граду Минску милость показа,/ просвети нас грешных сиянием Своим,/ яви, яко присно, силу Твою,/ спаси нас предстательством Своим/ и избави от навет вражиих,/ Тя бо необориму стену// и едину надежду имамы.

Перевод: На водах Свислочи явилась Ты, Пренепорочная Отроковица, из Константинополя и Киева, показав свою милость Богоспасаемому городу Минску, просвети нас грешных сиянием Своим, яви, как всегда, силу Твою, спаси нас защитой Своей и избавь от козней вражеских, ибо Ты наша непобедимая крепость и единственная надежда.

Мысли свт. Феофана Затворника

(1Кор.15:1–11; Мф.19:16–26)

«Трудно богатому войти в Царство Небесное» (Мф.19:23). Тут разумеется богатый, который в самом себе видит много способов и много сил к своему благоденствию. Но коль скоро многоимеющий отсечет всякое пристрастие к имению, погасит в себе всякую на него надежду и перестанет видеть в нем существенную свою опору, тогда он в сердце бывает то же, что ничего не имеющий; такому открыта дорога в Царствие. 

Богатство тогда не только не мешает, но помогает, ибо дает способ благотворить. Не богатство беда, а упование на него и пристрастие к нему. Эту мысль можно обобщить так: кто на что уповает и к чему пристращается, тот тем и богат бывает. Кто на Бога единого уповает и к Нему всем сердцем прилепляется, тот Богом и богат; кто на другое что уповает, к тому и сердце свое обращает, кроме Бога, тот другим этим и богат, а не Богом. Отсюда выходит: кто не Богом богат, тому нет входа в Царствие Божие. Тут разумеются род, связи, ум, чины, круг действий и проч.

Притча дня

Однажды ученики пришли к старцу и спросили его: почему дурные наклонности легко овладевают человеком, а добрые – трудно и остаются непрочны в нем.
– Что будет, если здоровое семя оставить на солнце, а больное зарыть в землю? – спросил старец.
– Доброе семя, что оставлено без почвы, погибнет, а плохое семя прорастет, даст больной росток и худой плод, – ответили ученики.
– Так поступают люди: вместо того, чтобы втайне творить добрые дела и глубоко в душе растить добрые начатки, они выставляют их напоказ и тем губят. А свои недостатки и грехи, чтобы их не увидели другие, люди прячут глубоко в душе. Там они растут и губят человека в самом его сердце. Вы же будьте мудры.
Ученики возблагодарили авву за поучение и удалились в размышлении.

Проповедь дня

Перейти в раздел «Проповеди»

Случайный тест

(16 голосов: 4.88 из 5)