Чтения Священного Писания и Богослужебные указания

Богослужения

Видеотрансляция из храма

Служба священномученику Василию (Зеленцову), епископу Прилукскому

Служба священномученику Петру (Звереву), архиепископу Воронежскому

Служба священномученику Владимиру, митрополиту Киевскому и Галицкому

Служба преподобному Анатолию Оптинскому старшему

Минея. 25 января

Минея дополнительная. 25 января

Каноны

Канон Пресвятой Богородице пред иконой «Утоли моя печали»

Канон святителю Григорию Богослову, архиепископу Константинопольскому

Канон святителю Григорию Богослову, архиепископу Константинопольскому (2-й)

Акафисты

Акафист священномученику Петру, архиепископу Воронежскому, новомученику Соловецкому

Акафист святителю Моисею, архиепископу Новоградскому, чудотворцу

Акафист священномученнику Владимиру, Митрополиту Киевскому

Акафист Пресвятой Богородице пред иконой «Утоли моя печали»

Тропари, кондаки, молитвы и величания

В понедельник, Небесным чинам бесплотным

Тропарь в понедельник, Небесным чинам бесплотным, глас 4

Небе́сных во́инств Архистрати́зи,/ мо́лим вас при́сно мы недосто́йнии,/ да ва́шими моли́твами оградите́ нас/ кро́вом крил невеще́ственныя ва́шея сла́вы,/ сохраня́юще нас пpипа́дающия приле́жно и вопию́щия:/ от бед изба́вите нас,// я́ко чинонача́льницы вы́шних Сил.

Перевод: Небесных воинств Архистратиги, непрестанно молим вас мы, недостойные, чтобы вы оградили нас вашими молитвами под кровом крыл невещественной вашей славы сохраняя нас, припадающих усердно и взывающих: «От бед избавьте нас, как начальники Вышних Сил!»

Кондак в понедельник, Небесным чинам бесплотным, глас 2

Архистрати́зи Бо́жии,/ служи́телие Боже́ственныя сла́вы,/ А́нгелов нача́льницы, и челове́ков наста́вницы,/ поле́зное нам проси́те, и ве́лию ми́лость,// я́ко Безпло́тных Архистрати́зи.

Перевод: Архистратиги Божии, служители Божественной Славы, Ангелов начальники и людей наставники, полезное нам испросите и великую милость, как бесплотных Архистратиги.

показать все

Святителю Григорию Богослову

Тропарь святителю Григорию Богослову, глас 1

Па́стырская свире́ль богосло́вия твоего́/ ри́торов победи́ трубы́,/ я́коже бо глубины́ ду́ха изыска́вшу,/ и добро́ты веща́ния приложи́шася тебе́./ Но моли́ Христа́ Бо́га, о́тче Григо́рие,// спасти́ся душа́м на́шим.

Перевод: Пастырская свирель богословия твоего победила трубы риторов, ибо, как взыскавшему глубин Духа, и красота слова была дарована тебе. Но ходатайствуй пред Христом Богом, отче Григорий, о спасении душ наших.

Кондак святителю Григорию Богослову, глас 3

Богосло́вным язы́ком твои́м сплете́ния ри́торская разруши́вый, сла́вне,/ Правосла́вия оде́ждею, свы́ше истка́нною, Це́рковь украси́л еси́,/ ю́же и нося́щи, с на́ми зове́т твои́ми ча́ды:// ра́дуйся, о́тче, богосло́вия у́ме кра́йнейший.

Перевод: Богословским языком твоим сплетения риторов расторгнув, славный, Православия одеждой, свыше сотканной, ты Церковь облек, и, нося ее, Она взывает с нами, твоими чадами: «Радуйся, отче, богословия ум высочайший».

Молитва святителю Григорию Богослову

О, вели́кий во иера́рсех вселе́нныя учи́телю богому́дрый, преблаже́нне о́тче Григо́рие! Ве́лия по́двиги и труды́ твоя́, я́же во сла́ву Святы́я Це́ркве соверши́л еси́: ты́ испове́дник тве́рдый и свети́льник ве́ры Христо́вы на земли́ бы́л еси́, све́том богове́дения ве́рныя озаря́яй, ло́жныя уче́ния попаля́яй, и всему́ ми́ру сло́во спаси́тельныя и́стины возвеща́яй. Ны́не же, ве́лие на небесе́х име́яй дерзнове́ние ко Святе́й Тро́ице, помози́ на́м, со смире́нием к тебе́ припа́дающим, тве́рдо и неизме́нно святу́ю Правосла́вную ве́ру до конца́ жития́ на́шего сохрани́ти, от малове́рия же, сомне́ний и колеба́ния в ве́ре соблюди́, да не прельще́ни бу́дем богопроти́вных и душепа́губных уче́ний словеса́ми.
Ду́х ре́вности святы́я, е́юже ты́ пламене́л еси́, о пресла́вный Це́ркве Христо́вы па́стырю, возгре́й предста́тельством твои́м и в на́с, и́хже Христо́с поста́ви бы́ти па́стырями, да всеусе́рдно просвеща́ем и утвержда́ем в пра́вей ве́ре слове́сное ста́до Христо́во.
Испроси́, о милосе́рдный святи́телю, от Отца́ све́тов и все́м, вся́кий да́р коему́ждо благопотре́бен: младе́нцем благо́е в стра́се Бо́жием возраста́ние, ю́ным целому́дрие, ста́рым и немощны́м укрепле́ние, скорбя́щим утеше́ние, неду́гующим исцеле́ние, заблу́ждшим вразумле́ние и исправле́ние, оби́димым заступле́ние, сирота́м и вдови́цам защище́ние, искуша́емым благода́тное поможе́ние, отше́дшим от сего́ вре́меннаго жития́, отце́м и бра́тиям на́шим, блаже́нное упокое́ние. Е́й, свя́тче Бо́жий, при́зри ми́лостивно от Оби́телей Го́рних на на́с смире́нных, мно́гими собла́знами и напа́стьми обурева́емых, и к земли́ приве́рженных возведи́ к высоте́ небе́сней.
Препода́ждь на́м, преблаги́й о́тче, твое́ архипа́стырское и свято́е благослове́ние, да о́ным осеня́емии, в сие́ но́вое ле́то и во все́ про́чее вре́мя живота́ на́шего в ми́ре, покая́нии и послуша́нии Святе́й Правосла́вной Це́ркви поживе́м, за́поведи Христо́вы усе́рдно творя́ще, по́двигом до́брым ве́ры подвиза́ющеся, и та́ко Ца́рствия Небе́снаго дости́гнем, иде́же с тобо́ю и все́ми святы́ми сподо́би Тро́ицу Святу́ю, Единосу́щную и Неразде́льную, пе́ти и сла́вити во ве́ки веко́в. Ами́нь.

Молитва вторая святителю Григорию Богослову

О, вели́кий святи́телю о́тче Григо́рие, пресла́вный Вселе́нския Це́ркве учи́телю, сла́вы Пресвяты́я Тро́ицы всеусе́рдный побо́рниче, Ма́тере Бо́жия и Ея́ Пренепоро́чнаго Де́вства предъизбра́нный испове́дниче, пресве́тлый чистоты́, смире́ния и терпе́ния о́бразе. Се́ а́з многогре́шный и недосто́йный на высоту́ небе́сную взира́ти, смире́нно молю́ тя́, прему́дрый Це́ркве Христо́вы учи́телю, научи́ мя́ та́ко богобоя́зненно житие́ свое́ проводи́ти, да никогда́же на пу́ть, Бо́жиим повеле́нием проти́вен, уклоню́ся или́ совраще́н бу́ду. Соблюди́ и изба́ви мя́ твои́м многомо́щным предста́тельством от собла́знов ми́ра и ко́зней диа́вольских, я́коже изба́вил еси́ от ни́х ю́ношу, от Сладча́йшаго Спаси́теля на́шего отступи́вша и во вла́сть сатаны́ впа́дша. Да́руй мне́ си́лу душе́вную усе́рдным бы́ти подража́телем доброде́телей твои́х высо́ких: соде́лай мя́ в ве́ре пра́вей тве́рда и непоколеби́ма, укрепи́ мя́ малоду́шнаго в терпе́нии и упова́нии на Го́спода, возгре́й в се́рдце мое́м и́стинную Христо́ву любо́вь, да небе́сных бла́г па́че все́х жела́ю и и́ми услажда́юся. Испроси́ мне́ у Го́спода и́скреннее о гресе́х сокруше́ние, да про́чее вре́мя живота́ моего́ в ми́ре, покая́нии и исполне́нии за́поведей Христо́вых провожда́ти бу́ду. Егда́же ча́с моего́ сконча́ния прибли́зится, ты́, о преблаги́й о́тче, с Преблагослове́нною Де́вою Мари́ею, тогда́ ускори́ на по́мощь, защити́ мя́ от зло́бных наве́тов вра́жиих, и сподо́би мя́ насле́дника бы́ти ра́йских селе́ний, да ку́пно с тобо́ю и со все́ми святы́ми непресту́пнаго Бо́жия Вели́чества Престо́лу предста́ну и Живонача́льную, Единосу́щную и Неразде́льную Тро́ицу прославля́ю и воспева́ю, при́сно и в безконе́чныя ве́ки. Ами́нь.

Молитва третья святителю Григорию Богослову

О, вели́кий и пресла́вный святи́телю Христо́в, всея́ Вселе́нския Це́ркве учи́телю богому́дрый, Правосла́вия тве́рдый испове́дниче и побо́рниче, преблаже́нне о́тче Григо́рие! При́зри от высо́т небе́сных на на́с, смире́нно к тебе́ припа́дающих, и умоли́ Го́спода Вседержи́теля, Его́же ве́рный на земли́ служи́тель бы́л еси́, да да́рует на́м ве́ры пра́выя тве́рдое и неизме́нное сохране́ние, Це́ркви Святе́й послуша́ние, жития́ на́шего исправле́ние, и во все́х ну́ждах, ско́рбех и искуше́ниих ско́рое поможе́ние, терпе́ние же и укрепле́ние. Пода́ждь на́м твое́ свято́е благослове́ние, да о́ным осеня́емии, сие́ но́вое ле́то, и во вся́ дни́ богоуго́дно, в ми́ре и покая́нии, поживе́м, и во Ца́рствии Небе́снем сподо́бимся ку́пно с тобо́ю и со все́ми святы́ми Живонача́льную Тро́ицу воспева́ти и сла́вити, Отца́ и Сы́на и Свята́го Ду́ха, во ве́ки веко́в. Ами́нь.

Священномученику Владимиру, митрополиту Киевскому

Тропарь священномученику Владимиру, митрополиту Киевскому, глас 2

Ве́ры Правосла́вныя непоро́чный блюсти́телю/ и за́поведей Христо́вых усе́рдный исполни́телю,/ священному́чениче Влади́мире,/ Христа́ всем се́рдцем возлюби́в,/ па́ству твою́ до́бре упа́сл еси́,/ незло́биво му́ченическую смерть прия́л еси́./ Сего́ ра́ди в ве́чной сла́ве пребыва́я,// моли́ спасти́ся душа́м на́шим.

Перевод: Веры Православной непорочный блюститель и заповедей Христовых ревностный исполнитель, священномученик Владимир, Христа всем сердцем возлюбив, паству твою хорошо упас, кротко принял мученическую смерть. Потому в вечной славе пребывая, моли о спасении наших душ.

Кондак священномученику Владимиру, митрополиту Киевскому, глас 2

О́браз Христо́ва милосе́рдия явля́я,/ покро́в и защище́ние па́стве твое́й был еси́,/ святи́телю о́тче Влади́мире,/ в кро́тости страда́ния прие́мля, безбо́жных мучи́телей,/ благословля́я, прости́л еcи́.// Те́мже и нам испроси́ у Христа́ Бо́га дух ми́рен и ве́лию ми́лость.

Перевод: Являя образ Христова милосердия, ты был покровителем и защитой для своей паствы, святитель отче Владимир, с кротостью принимая мучения, безбожных мучителей, благословляя, ты простил. Потому и для нас испроси у Христа Бога дух мирный и великую милость.

Ин тропарь священномученику Владимиру, митрополиту Киевскому, глас 2

Ве́ру Правосла́вную непоро́чно соблю́д,/ по́двигом до́брым во святи́тельстве подвиза́лся еси́,/ священному́чениче о́тче Влади́мире,/ и убива́ющим тя рекл еси́:/ Госпо́дь да прости́т вас./ Сего́ ра́ди угото́вася ти вене́ц пра́вды от Христа́, Бо́га на́шего,/ Его́же, я́ко име́яй дерзнове́ние, моли́,/ оправда́ние дарова́ти нам в День Су́дный.

Перевод: Веру Православную непорочно сохранил, подвигом добрым ты подвизался как святитель, священномученик отче Владимир, и убивающим тебя сказал: «Господь, да простит вас». Потому приготовился тебе венец праведности (2Тим.4:8) от Христа Бога нашего, Его же, как имеющий дерзновение, моли даровать нам оправдание в Судный День.

Молитва священномученику Владимиру, митрополиту Киевскому

О, священному́чениче и испове́дниче Христо́в Влади́мире! Услы́ши сле́зныя моли́твы ча́д твои́х и воздыха́ния, се́рдцем сокруше́нным и смире́нным приноси́мая. Се́ бо беззако́нии омрачи́хомся и того́ ра́ди беда́ми, я́ко ту́чами, обложи́хомся. Но ты́, свя́те Влади́мире, понеси, я́ко си́льный, не́мощи на́ша, не отлуча́йся от на́с ду́хом, да не разлучи́мся в коне́ц от любве́ Бо́жия. При́зри ми́лостивно на предстоя́щия и моля́щияся пред свято́ю ико́ною твое́ю и вся́ проше́ния и́х во благо́е испо́лни. Ве́руем бо, я́ко твои́х страда́ний ра́ди за оте́чество и лю́ди росси́йския ве́лие дерзнове́ние ко Го́споду и́маши. Его́же умоли́, да укрепи́т ны́ в Правосла́вии и единомы́слии, и непоколеби́мом да́же до сме́рти испове́дании ве́ры Христо́вы, страну́ на́шу да спасе́т от междоусо́бныя бра́ни, па́стырем на́шим да пода́ст духо́вное трезве́ние и ре́вность о спасе́нии пасо́мых, прави́телем же су́д и пра́вду, оби́димым заступле́ние, неду́гующим ду́ш и теле́с исцеле́ние. Мы́ же, гре́шнии, твои́м предста́тельством укрепля́еми, восхва́лим Го́спода Иису́са Христа́, Ему́же сла́ва подоба́ет, че́сть и поклоне́ние, со Безнача́льным Его́ Отце́м и Пресвяты́м Ду́хом, ны́не и при́сно и во ве́ки веко́в. Ами́нь.

Святителю Моисею, архиепископу Новгородскому

Тропарь святителю Моисею, архиепископу Новгородскому, глас 8

Чистоты́ ра́ди жития́ твоего́,/ поще́ния же и моли́тв и трудо́в,/ сосу́д благопотре́бен был еси́ Влады́це Христу́,/ И́же дарова́ тя ста́ду твоему́,/ я́ко сокро́вище неотъе́млемо, чудесы́ всех обогаща́юща./ Тем и мы, соше́дшеся к ра́це моще́й твои́х,/ ве́рою и любо́вию вопие́м:// моли́ о нас, пречестны́й архиере́ю, Моисе́е о́тче наш.

Перевод: Чистотой жизни твоей, пощением, молитвами и трудами, ты стал сосудом почтенным у Владыки Христа (Рим.9:21), Даровавшего тебя стаду своему, как неотъемлемое сокровище, обогащающее всех чудесами. Потому и мы, собравшись у раки с мощами твоими, с верой и любовью взываем: моли о нас, почитаемый архиерей, Моисей отче наш.

Кондак святителю Моисею, архиепископу Новгородскому, глас 3

Я́ко венце́м пресве́тлым украси́вся днесь, вели́кий Но́вград/ лику́ет в па́мять па́стыря своего́ и учи́теля,/ и, я́ко диади́му ца́рскую возложи́вши,/ честна́я о́на оби́тель све́тло ра́дуется,/ просла́ви бо тя Бог, уго́дника Своего́,/ и прояви́ после́днему ро́ду на́шему цельбоно́сныя мо́щи твоя́,/ святи́телю Моисе́е,/ Це́рковь же Бо́жия весели́тся,/ созыва́ющи и́нок сосло́вие велегла́сно вопи́ти:/ ра́дуйся, гра́ду твоему́ и оби́тели похвало́// и всея́ Росси́йския страны́ пресве́тлый свети́льниче.

Перевод: Как венцом преярким украсился сегодня Великий Новгород и торжествует в день памяти пастыря своего и учителя, и, как царский венец возложив, почтенная его обитель светло радуется, ибо прославил тебя Бог, угодника Своего, явил нынешнему поколению исцеляющие мощи твои, святитель Моисей, Церковь же Божия ликует, созывая монашеское собрание громогласно взывать: «Радуйся, города твоего и обители слава и всей Российской страны преяркий светильник».

Молитва святителю Моисею, архиепископу Новгородскому

О, свяще́ннейший о́тче, святи́телю Христо́в Моисе́е, па́стырю и учи́телю наш, не отри́ни нас, с ве́рою притека́ющих к моще́м твои́м и тво­ему́ заступле́нию и те́плою моли́твою тя призыва́ющих, но ско́ро потщи́ся помоли́тися Царю́ ца́рствующих и Го́споду госпо́дствующих, да изба́вит ста́до Свое́ от волко́в, гу́бящих е́, и вся́кую страну́ христиа́нскую огради́ и сохрани́ святы́ми твои́ми моли́твами от мирска́го мяте́жа и тру́са, наше́ствия иноплеме́нник и междоусо́бныя бра́ни, от гла́да же и губи́тельства, пото́па, и меча́, и огня́, и напра́сныя сме́рти, и, я́коже поми́ловал еси́ гряду́щаго ку́плю де́яти от потопле́­ния и от разбо́йников, спасл еси́ святу́ю оби́тель твою́, та́ко поми́луй и нас, умо́м, сло́вом и де́лом во тьме грехо́вней су́щих, и изба́ви нас гне́ва Бо́жия и ве́чныя ка́зни, я́ко да твои́м хода́тайством и по́мощию, Свои́м же милосе́рдием и благода́тию, Христо́с Бог ти́хое и безгре́шное житие́ даст нам пожи́ти в ве́це сем и изба́вит нас шу́ияго стоя́ния, сподо́бит же десна́го со все́ми святы́ми. Ами́нь.

Священномученику Петру (Звереву), архиепископу Воронежскому

Тропарь священномученику Петру (Звереву), архиепископу Воронежскому, глас 4

Ве́рою пла́менною апо́столу Петру́ подо́бяся,/ та́же и трикра́тным слы́шанием воззва́ния Христо́ва,/ ду́шу твою́ за Того́ положи́л еси́, святи́телю о́тче Пе́тре,/ ка́меню тве́рдый Це́ркве Правосла́вныя:/ свети́льниче во мра́це беззако́ний доброде́тельми сия́яй,/ ра́достию страда́ния за Христа́ претерпе́ти изво́лил еси́,/ со испове́дники и страстоте́рпцы Росси́йскими./ Моли́ся с ни́ми о нас, архиере́ю Бо́жий,// священному́чениче Солове́цкий.

Перевод: Верой пламенной апостолу Петру уподобившись, также и трехкратным слышанием призыва Христова, душу свою за Него положил ты, святитель отче Петр, твердый камень Церкви Православной (Мф.16:18), светильник, сияющий добродетелями во мраке беззаконий, с радостью пожелавший претерпеть мученичество за Христа, с исповедниками и страстотерпцами Российскими. Молись с ними о нас, архиерей Божий, священномученик Соловецкий.

Кондак священномученику Петру (Звереву), архиепископу Воронежскому, глас 8

Во святи́тельстве твое́м до́бре подвиза́лся еси́, богому́дре,/ и му́ченичества венце́м све́тло украси́лся еси́,/ преще́ния враго́в Христо́вых не устраши́вся,/ кровьми́ твои́ми зе́млю во ото́це А́нзерстем освяти́л еси́:/ сего́ ра́ди си́лы небе́сныя удиви́шася терпе́нию твоему́,/ мы же с ве́рою и любо́вию притека́ем ко святы́м моще́м твои́м, досточу́дне./ Ны́не со все́ми новому́ченики Росси́йскими моли́ о нас Христа́ Бо́га, всеблаже́нне Пе́тре, да зове́м ти:// Ра́дуйся, о́тче приснопа́мятне.

Перевод: В святительстве твоем ты хорошо подвизался, Богомудрый, и мученичества венцом светло украсился, угроз врагов Христовых не устрашился и кровью своей освятил землю на острове Анзерском, потому Силы Небесные удивились терпению твоему, мы же с верою и любовью приходим к святым мощам твоим, удивительный. Сейчас со всеми новомучениками Российскими моли о нас Христа Бога, всеблаженный Петр, да взываем к тебе: «Радуйся, отче всегда вспоминаемый».

Священномученику Василию (Зеленцову), епископу Прилукскому

Тропарь священномученику Василию (Зеленцову), епископу Прилукскому, глас 1

Свято́е житие́ твое́/ украси́в венце́м муче́ния,/ возше́л еси́, ра́дуяся,/ к небе́сным оби́телем./ И ны́не, предстоя́ Святе́й Тро́ице,/ священному́чениче Васи́лие,/ моли́ за гра́д Тво́й,/ и вся́ лю́ди, соверша́ющия па́мять Твою́.

Перевод: Святую жизнь твою украсив мученическим венцом, взошел ты, радуясь, в Небесные обители. И сейчас, предстоя Святой Троице, священномученик Василий, молись о городе твоем и всех людях, празднующих память твою.

Кондак священномученику Василию (Зеленцову), епископу Прилукскому, глас 4

Еле́ем ми́лости Христо́вой вся́ку ду́шу уврачева́в,/ и растерза́в я́ко паучи́ну ко́зни велиа́ровы,/ копие́м Сло́ва Бо́жия диа́вола умертви́л еси́, свя́те,/ и просла́вился еси́ в Ца́рствии Небе́снем,/ о́тче свяще́ннейший.

Перевод: Елеем милости Христовой всякую душу уврачевав, и разорвав, как паутину, козни велиара, оружием Слова Божия диавола умертвил ты, святой, и прославился в Царствии Небесном, отче священномученик.

Пресвятой Богородице пред иконой Ея «Утоли моя печали»

Тропарь Пресвятой Богородице пред иконой Ея «Утоли моя печали», глас 5

Утоли́ боле́зни/ многовоздыха́ющия души́ моея́,/ Утоли́вшая вся́ку слезу́ от лица́ земли́,/ Ты бо челове́ков боле́зни отго́ниши/ и гре́шных ско́рби разруша́еши,/ Тебе́ бо вси стяжа́хом наде́жду и утвержде́ние,// Пресвята́я Ма́ти Де́во.

Перевод: Облегчи болезни много воздыхающей души моей, удалившая всякую слезу с лица земли: ибо Ты от людей болезни отгоняешь и уныние грешных прекращаешь. Ибо в Тебе все мы обрели надежду и утверждение, Пресвятая Матерь Дева.

Кондак Пресвятой Богородице пред иконой Ея «Утоли моя печали», глас 6

Не вве́ри мя челове́ческому предста́тельству,/ Пресвята́я Влады́чице,/ но приими́ моле́ние раба́ Твоего́,/ скорбь бо обдержи́т мя,/ терпе́ти не могу́ де́монскаго стреля́ния,/ покро́ва не и́мам,/ ниже́ где прибе́гну окая́нный/ всегда́ побежда́емь,/ и утеше́ния не и́мам, ра́зве Тебе́, Влады́чице ми́ра,/ упова́ние и предста́тельство ве́рных,/ не пре́зри моле́ние мое́,// поле́зно сотвори́.

Перевод: Не вверяй меня человеческому заступлению, Пресвятая Владычица, но прими моление раба Твоего: ибо скорбь объяла меня, не могу выносить стрел, демонами пущенных; защиты нет у меня и некуда прибегнуть мне несчастному, со всех сторон боримому и не имеющего утешения, кроме Тебя. Владычица мира, надежда и Заступница верных, не презри моления моего, полезное мне сотвори!

Молитва Пресвятой Богородице пред иконой Ея «Утоли моя печали»

Наде́ждо всех конце́в земли́, Пречи́стая Де́во, Госпоже́ Богоро́дице, утеше́ние на́ше! Не гнуша́йся нac, гре́шных, на Твою́ бо ми́лость упова́ем. Угаси́ в нас пла́мень грехо́вный и покая́нием ороси́ изсо́хшая сердца́ на́ша, очи́сти ум наш от грехо́вных по́мыслов; приими́ воздыха́ние от души́ и се́рдца мольбу́ Ти принося́щих. Бу́ди о нас Хода́таица к Сы́ну Твоему́ и Бо́гу, и укроти́ я́рость Его́ пра́ведную Ма́терними Твои́ми моли́твами. Душе́вныя и теле́сныя я́звы исцели́, Госпоже́ Богоро́дице, утоли́ боле́зни душ и теле́с, ути́ши бу́рю злых нападе́ний вра́жеских; отъими́ бре́мя грехо́в на́ших и не оста́ви нас до конца́ поги́бнути. Ты бо еси́ возведе́ние челове́ческому ро́ду, в печа́ли ско́рая Помо́щница. Ма́ти и́стинная Христа́ Бо́га на́шего, помога́й нам, гре́шным раба́м Твои́м всегда́, и ны́не и при́сно и во ве́ки веко́в. Ами́нь.

Притча дня

Немного нечистого хлеба

Брат сказал авве Пимену:
– Когда я подаю своему брату немного хлеба или чего другого, то демоны унижают мою милостыню, будто бы она подается из человекоугодия.
Старец отвечал ему:
– Хотя бы твоя милостыня подавалась из человекоугодия, но мы все же должны подавать нужное, – и рассказал ему следующую притчу:
– Два земледельца жили в одном месте. Один из них посеял и собрал немного хлеба, хотя и нечистого, а другой, поленившись сеять, не собрал ничего. В случае голода, кто из них будет иметь пропитание?
Брат отвечал:
– Тот, кто собрал немного хлеба, хотя и нечистого.
Старец сказал:
– Так будем же и мы сеять немного, хотя бы даже и нечистого, чтобы не умереть от голода.

Скитский Патерик. Отечник проповедника

Основы православия

Тема 38.  Зачем Бог сотворил мир?

Бог, как Беспредельный, Всесовершенный, Всеблаженный, ни в чём и ни в ком не имел и никогда не имеет нужды. Не имел Он нужды и в творении мира, ни как в объекте проявления Своих творческих способностей, ни как в объекте Своей любви и заботы.  По словам св. Максима Исповедника: «Бог вседовольный произвел твари из небытия в бытие не потому, чтобы в чем-то имел нужду, но чтоб они, соответственно приемлемости своей, причащаясь Его блаженства, наслаждались, Сам же Он веселился о делах Своих, видя их веселящимися» (Главы о любви, сотница 3:46).

Будучи безмерно Благим, Он возжелал, чтобы благо Его «разливалось», чтобы причастниками Его благ стали множества всевозможных существ (творений). Каждое творение Божье причастно Его благости, каждому Он подаёт столько благ, сколько уместно, соразмерно их естеству и индивидуальному состоянию.

См. Творение из ничего.

Практические советы

Блаженный Иероним Стридонский говорил: «Незнание Священного Писания – это незнание Христа». Преподобный Серафим Саровский говорил, что нужно так обучить свой ум, чтобы он буквально плавал в словах евангельских. Поэтому он и носил его в котомке за плечами и в течение недели прочитывал весь Новый Завет. То есть в день по евангелисту, и оставшиеся дни — Деяния, Послания и Апокалипсис. Таким образом, ум его действительно плавал в словах Евангелия.

Читается Новый Завет ежедневно. Обычно одна глава из Евангелия, две из Апостола. На разных этапах духовной жизни, человек совершенно по-разному прочитывает Священное Писание, оно неисчерпаемо.

Тест