Вторник
Старый стиль
8 июля
Вторник Новый стиль
21 июля

Чтения Священного Писания и Богослужебные указания

Богослужебные указания

Утр. - Лк. I:39-49, 56 (зач. 4). Лит. - Богородицы: Флп. II:5-11 (зач. 240). Лк. X:38-42, XI, 27-28 (зач. 54).

Тропари, кондаки, молитвы и величания

Божией Матери пред иконой Ее Казанской

Тропарь Божией Матери пред иконой Ее Казанской, глас 4

Заступнице усердная,/ Мати Господа Вышняго,/ за всех молиши Сына Твоего, Христа Бога нашего,/ и всем твориши спастися,/ в державный Твой покров прибегающим./ Всех нас заступи, о, Госпоже, Царице и Владычице,/ иже в напастех, и скорбех, и в болезнех обремененных грехи многими,/ предстоящих и молящихся Тебе умиленною душею/ и сокрушенным сердцем/ пред пречистым Твоим образом со слезами/ и невозвратно надежду имущих на Тя,/ избавления всех зол,/ всем полезная даруй/ и вся спаси, Богородице Дево:// Ты бо еси Божественный покров рабом Твоим.

Кондак Божией Матери пред иконой Ее Казанской, глас 8

Притецем, людие, к тихому сему и доброму пристанищу,/ скорой Помощнице, готовому и теплому спасению, покрову Девы,/ ускорим на молитву и потщимся на покаяние:/ источает бо нам неоскудныя милости Пречистая Богородица,/ предваряет на помощь и избавляет от великих бед и зол// благонравныя и богобоящияся рабы Своя.

показать все

Величание Божией Матери пред иконой Ее Казанской

Величаем Тя,/ Пресвятая Дево,/ и чтим образ Твой святый,/ от негоже истекает благодатная помощь// всем, с верою притекающим к нему.

Молитва Божией Матери пред иконой Ее Казанской

О, Пресвятая Госпоже Владычице Богородице! Со страхом, верою и любовию пред честною иконою Твоею припадающе, молим Тя: не отврати лица Твоего от прибегающих к Тебе, умоли, Милосердая Мати, Сына Твоего и Бога нашего, Господа Иисуса Христа, да сохранит мирну страну нашу, Церковь же Свою святую непоколебиму да соблюдет и от неверия, ересей и раскола да избавит. Не имамы бо иныя помощи, не имамы иныя надежды, разве Тебе, Пречистая Дево: Ты еси всесильная христиан Помощница и Заступница. Избави же и всех с верою Тебе молящихся от падений греховных, от навета злых человек, от всяких искушений, скорбей, болезней, бед и от внезапныя смерти; даруй нам дух сокрушения, смирения сердца, чистоту помышлений, исправления греховныя жизни и оставление прегрешений, да вси, благодарне воспевающе величия и милости Твоя, являемыя над нами зде на земли, сподобимся и Небеснаго Царствия и тамо со всеми святыми прославим пречестное и великолепое имя Отца и Сына и Святаго Духа во веки веков. Аминь.

Великомученика Прокопия

Тропарь великомученика Прокопия, глас 4

Мученик Твой, Господи, Прокопий/ во страдании своем венец прият нетленный от Тебе, Бога нашего:/ имея бо крепость Твою,/ мучителей низложи,/ сокруши и демонов немощныя дерзости./ Того молитвами/ спаси души наша.

Кондак великомученика Прокопия, глас 2

Ревностию ко Христу Божественною распалаемь/ и Креста крепостию ограждаемь,/ врагов шатание и дерзость низложил еси, Прокопие,/ и честную Церковь возвысил еси,/ верою преуспевая и просвещая нас.

Праведного Прокопия, Христа ради юродивого, Устюжского чудотворца

Ин тропарь праведного Прокопия, Христа ради юродивого, Устюжского чудотворца, глас 4

В терпении твоем от Бога мзду дарований пророчества/ приял еси, блаженне,/ молитвами, бдением и пощением/ тело свое изнурив,/ душу же возвысив на Небесная,/ Царя всех Христа Бога славы зрети сподобися/ и неувядаемым венцем увязеся./ Емуже с лики святых предстоя,/ за люди своя моление предлагая,/ тепле пролия слез источник,/ избавил еси град Великий Устюг и люди своя/ от труса страшнаго, и огня, и напрасныя смерти./ Темже и мы, к честней раце твоей припадающе, вопием ти:/ о Прокопие чудоносне,/ ходатай нам буди ко Господу/ во дни нашедших печалей, рабом твоим,/ и молися, да спасет души наша.

Ин тропарь праведного Прокопия, Христа ради юродивого, Устюжского чудотворца, глас 4

От земли Воззвавый тя к вечным обителем/ соблюдает и по смерти неврежденно тело твое, святе,/ ты бо, в целомудрии и чистоте житие пожив, блаженне,/ не осквернил еси плоти тлением смертным./ Темже тя любовию чтим, Прокопие.

Ин тропарь праведного Прокопия, Христа ради юродивого, Устюжского чудотворца, глас 2

В терпении твоем, святче Божий,/ от Господа мзду восприял еси/ и пожал еси ниву пищи райския,/ безсонным бдением и юродством тело твое изнурил еси/ и мудростию душу твою спасл еси,/ живота земнаго небрегл еси,/ но Небеснаго Царствия зрети возжелел еси,/ и Небеснаго Царя видети сподобился еси,/ и Тому поклонился еси./ Мы же, недостойные раби твои, ко гробу твоему умильно припадающе/ и сокрушенным сердцем взирающе на образ иконы твоей, сице вопием:/ о Прокопие чудный,/ ходатай буди и молитвенник ко Господу о рабех твоих/ и заступник граду нашему/ во дни нашедших печалей/ и молися ко Господу о спасении душ наших.

Тропарь праведного Прокопия, Христа ради юродивого, Устюжского чудотворца, глас 4

Просветився Божественною благодатию, Богомудре,/ и весь разум и сердце от суетнаго мира сего к Зиждителю неуклонно возложив/ целомудрием и многим терпением,/ во временней жизни течение добре скончал еси/ и веру соблюл еси непорочну./ Темже и по смерти явися светлость жития твоего:/ источаеши бо чудесем источник неисчерпаемый/ верою притекающим ко святому твоему гробу,/ Прокопие всеблаженне,/ моли Христа Бога,/ да спасет души наша.

Ин кондак праведного Прокопия, Христа ради юродивого, Устюжского чудотворца, глас 4

Верою память твою, блаженне, совершающих/ и любовию празднующих святое торжество твое/ соблюдай от всякия злобы и соблазна змиина,/ имаши бо дерзновение ко всех Владыце,/ Егоже моли избавится от бед рабом твоим, Богомудре Прокопие.

Кондак праведного Прокопия, Христа ради юродивого, Устюжского чудотворца, глас 4

Христа ради юродством/ воздушная мытарства на руках ангельских неприкосновенно прешед,/ царскаго достигл еси престола/ и от Царя всех Христа Бога дар прием благодать исцелений,/ многими бо чудесы твоими и знамением страшным/ удивил еси град твой Великий Устюг:/ людем твоим милость испросив,/ миро от честнаго образа Пресвятыя Богородицы молитвою извел еси/ и недужным подал еси цельбы./ Тем же молим тя, чудоносче Прокопие:/ моли Христа Бога непрестанно подати грехов наших прощение.

Молитва блаженному Прокопию Устюжскому

О великий угодниче Божий и чудотворче, святый блаженный Прокопие! Тебе молимся и тебе просим: молися о нас ко Всемилости­вому Богу и Спасу нашему Иисусу Христу, да пробавит милость Свою к нам, недостойным, и дарует нам вся, яже к животу и благочес­тию потребная: веры убо и любве преспеяние, благочестия умножение, мира утверждение, земли плодоносие, воздухов благорастворение и во всем благое поспешение. Град твой Устюг и вся грады и веси Российския предстательством твоим соблюди невредимы от всякаго зла. Всем православным христианом, тя молитвенно призывающим, коемуждо по нуждам их, потребная даруй: болящим — исцеление, скорбящим — утешение, бедствующим — поможение, унывающим — ободрение, нищим — снабдение, сирым — призрение, всем же нам дух покаяния и страха Божия испроси, да благочестно скончавше временное сие житие, сподобимся благую христианскую кончину и Царствие Небесное со избранными Божиими наследовати. Ей, праведниче Божий! Не посрами упования нашего, еже на тя смиренно возлагаем, но буди нам помощник и заступник в жизни, в смерти и по смерти нашей, да, твоим предстательством спасение улучивше, купно с тобою прославим Отца, и Сына, и Святаго Духа, и твое крепкое заступление о нас во веки веков. Аминь.

Праведного Прокопия Устьянского

Тропарь праведного Прокопия Устьянского, глас 1

Божественною благодатию просветився,/ и по смерти даруеши исцеления/ притекающим к тебе, премудре Прокопие,/ темже и мы ныне чтим честных мощей твоих явление,/ веселящее вкупе души и телеса./ Тем вси вопием:/ слава Давшему ти крепость,/ слава Венчавшему тя,/ слава Действующему тобою всем исцеления.

Кондак праведного Прокопия Устьянского, глас 8

Верою и любовию/ твое честное явление празднующих, блаженне,/ сохрани и соблюди от веяния злобы и соблазна змиина,/ имаши бо дерзновение ко Владыце всех, Христу Богу./ Егоже моли спасти православныя люди,/ молящия тя, да вси вопием ти:/ радуйся, отче Прокопие,/ всея Российския земли удобрение.

Божией Матери пред Ее иконой Устюжская («Благовещение»)

Тропарь Божией Матери пред Ее иконой Устюжская («Благовещение»)

Вспетая и Всеславная Царице Богородице, / Мати всея твари Содетеля, / христианская Надеждо и Заступнице, / печальным утешение, ненадеющимся и отчаявшимся скорое надеяние, молим Тя: / милостива буди нам, грешным, / не остави раб Твоих / и не отрини моления недостойных./ Молимтися, взирающе ко образу Твоему честному / святыя и чудотворныя иконы Твоея / и вопиюще с плавающими и путь шествующими, / да пребудет милость Твоя. / О Владычице, ризою честною защити, / и во всяцех местех злых соблюди, / и молися к рождшемуся из Тебе Христу Богу нашему, / да спасет от грех души наша.

Пресвятой Богородице в честь иконы Ее «Песчанская»

Тропарь Пресвятой Богородице в честь иконы Ее «Песчанская», глас 4

О Пречудная, Преблагословенная Мати Христа Бога нашего, светом небесным от иконы Твоея люди страны Российския присно озаряющая, Ты бо еси преизобильная река Благодати Божественныя. Сего ради к Сыну Твоему молитвами Твоими от всяких бед нас защити, покровом милости Твоея огради и в Горний Иерусалим, Царствие Небесное, возведи.

Кондак Пресвятой Богородице в честь иконы Ее «Песчанская», глас 8

Взбранной Воеводе и покровительнице страны Российския, многая чудеса от иконы Твоея предивныя приемше, похвальная воспеваем Ти, Царице Богородице; Ты же, яко имущи благодать от всяких нас бед свобождати, спаси души наша, да зовем Ти: радуйся, Владычице мира, иконою Твоею Песчанскою сердца наша утешающая.

Молитва Пресвятой Богородице в честь иконы Ее «Песчанская»

О премилостивая и премилосердная Мати Божия, Покровительнице державы нашея, купно же и о всем мире Молитвеннице, приими сердца нашего воздыхания, и услыши коленопреклоненныя молитвы, во умилении душ наших Тебе возсылаемыя, якоже издревле приимала еси молитвы любящих душ зде, пред иконою Твоею возносимыя. Помози нам в побеждении прелестей и соблазнов мира сего, не попусти нам отверженным быти вечнаго Небеснаго блаженства. Ты Едина наша радость и утешение в жизни сей временней, Ты наша надежда и в Жизни Вечней. Веруем, яко Ты Своею Матернею любовию и снисхождением удостоиши нас вожделеннаго Царствия Сына Твоего. Тебе убо просим: не отступай от нас, Всеблагая, защищай от всех козней вражиих, не попусти нам чрез грехи наша лишитися милосердия Божия, изжени из нас леность в молитве и посещении храма Божия. Избави нас от малодушия, уныния, вражды, гнева, подозрения, зависти, клеветы, ненависти и гордости бесовския. Вразуми поправших заповеди Церкве Христовы. Сродником нашим даруй мир и любовь, да согласно поживут родители и дети. Да будет в стране нашей правда Божия, да сохранятся в народе нашем благочестивии обычаи. Вознеси, о Всеблагая, усердныя молитвы пред Богом о всего мира умирении, да не погибнет род людский в пламени опустошения всемирнаго, да познают вси народи Отца Своего Небеснаго и Тя, Матерь Божию, Заступницу рода христианскаго. Приведи вся народы к истинному покаянию и жизни греховныя исправлению, да не осудимся в день Страшнаго Суда Божия, но да сподобит нас Господь вечныя радости в Небесных селениих, Емуже подобает всякая слава, честь и поклонение, Отцу и Сыну и Святому Духу, ныне и присно и во веки веков. Аминь.

Мысли свт. Феофана Затворника

(1Кор.10:5–12; Мф.16:6–12)

«Берегитесь закваски фарисейской и саддукейской» (Мф.16:6), – сказал Господь. Саддукеи – образец беспечности; фарисеи – представители людей, носящих лицо ревнителей. Те ничего не делают, а эти будто и хлопочут, но на деле у них ничего не выходит. У нас на них походят увлекающиеся идеями гуманности. Послушать, так только и речей, что о благе народа, а народу никакого блага от этого не прибывает, ибо только говорят, а не делают. У них гуманность напускная, показывают только вид, что имеют ее, а в сущности это эгоисты. Речи не требуют жертв – ну, они и расточают их, а коснись дело до жертв, они и назад. 

Нынче почти все лицедеи; одни пред другими рисуются, как ревнители блага и особенно просвещения, и все остаются очень довольны, когда успеют засвидетельствовать словом, что они действительно таковы. Оттого у нас, коль скоро появится какое-либо благотворительное начинание – толки подымутся повсюду, а дело все-таки не спеется. Жертв от них не жди; им нужды нет до других, лишь бы их дела шли хорошо. 

Но бывает и так, что, не ломая головы над планами облагодетельствования ближних, они жертвуют, лишь бы отделаться. То и другое осудил Господь, а велел нам преисполняться искреннею любовью друг к другу, которая не любит рисоваться.

Притча дня

По преданию, когда Августин прогуливался по берегу моря, размышляя о тайне Святой Троицы, он увидел мальчика, который вырыл ямку в песке и переливал туда воду, которую зачерпывал ракушкой из моря. Блаженный Августин спросил, зачем он это делает. Мальчик ему ответил:
— Я хочу вычерпать всё море в эту ямку!
Августин усмехнулся и сказал, что это невозможно. На что мальчик ему сказал:
— А как же ты своим умом пытаешься исчерпать неисчерпаемую тайну Господню?
И тут же мальчик исчез.

Проповедь дня

Перейти в раздел «Проповеди»

Случайный тест

(0 голосов: 0 из 5)