Суббота
Старый стиль
1 октября
Суббота Новый стиль
14 октября

Поста нет. Глас 1-й

Покров Пресвятой Владычицы нашей Богородицы и Приснодевы Марии.

Ап. от 70-ти Ана́нии (I); прп. Романа Сладкопевца, диакона (ок. 556); прп. Са́ввы Вишерского, Новгородского (1461).

Мч. Домни́на Солунского (Фессалоникийского) (IV); прмч. Михаила, игумена Зовийского, и с ним 36-ти преподобномучеников (780–790); Празднование в честь Хитона Господня и Столпа Животворящего (Груз.); равноапп. Мириа́на, царя Иверского, и царицы На́ны (IV); Собор Молдавских святых.

Сщмч. Алекси́я Ставровского, пресвитера (1918); сщмч. Михаила Вологодского, пресвитера (1920); сщмчч. Алекса́ндра Агафоникова, Гео́ргия Архангельского, Николая Кулигина, пресвитеров, мч. Иоа́нна Артемова (1937).

Икон Божией Матери: Касперовская; Гербовецкая; Браиловская; Мятинская; Люблинская; Барская; Дудичская; «Кукузелисса»; Псково-Покровская (Явление Богоматери старцу Дорофею); Покров Пресвятой Богородицы.

Чтения Священного Писания и Богослужебные указания

Богослужебные указания

Утр. - Лк. I:39-49, 56 (зач. 4). Лит. - Богородицы: Евр. IX:1-7 (зач. 320). Лк. X:38-42, XI, 27-28 (зач. 54).

Состояние Русской Церкви от её первого митр.
Михаила до избрания митр. Илариона
Все лекции Православных просвет. курсов

Тропари, кондаки, молитвы и величания

Покрова Пресвятой Богородицы

Тропарь Покрова Пресвятой Богородицы, глас 4

Днесь благове́рнии лю́дие све́тло пра́зднуем/ осеня́еми Твои́м, Богома́ти, прише́ствием,/ и к Твоему́ взира́юще Пречи́стому о́бразу, уми́льно глаго́лем:/ покры́й нас честны́м Твои́м Покро́вом,/ и изба́ви нас от вся́каго зла,/ моля́щи Сы́на Твоего́, Христа́ Бо́га на́шего,// спасти́ ду́ши на́ша.

Перевод: В сей день мы, правоверные люди, торжественно празднуем, осеняемые Твоим, Богоматерь, пришествием; и, взирая на Твой пречистый образ, со умилением взываем: «Покрой нас священным Твоим Покровом и избавь нас от всякого зла, умоляя Сына Твоего, Христа Бога нашего, спасти души наши».

Кондак Покрова Пресвятой Богородицы, глас 3

Де́ва днесь предстои́т в це́ркви,/ и с ли́ки святы́х неви́димо за ны мо́лится Бо́гу,/ А́нгели со архиере́и покланя́ются,/ апо́столи же со проро́ки ликовству́ют:// нас бо ра́ди мо́лит Богоро́дица Преве́чнаго Бо́га.

Перевод: Сегодня Дева предстоит в храме и с сонмами святых невидимо за нас молится Богу. Ангелы со архиереями поклоняются, Апостолы же со пророками ликуют: ибо за нас молит Богородица Предвечного Бога.

показать все

Величание Покрова Пресвятой Богородицы

Велича́ем Тя,/ Пресвята́я Де́во,/ и чтим Покро́в Твой святы́й:/ Тя бо ви́де святы́й Андре́й на возду́се,// за ны Христу́ моля́щуюся.

Молитва Пресвятой Богородице в праздник Покрова

О, Пресвята́я Де́во, Ма́ти Го́спода вы́шних сил, Небесе́ и земли́ Цари́це, гра́да и страны́ на́шея Всемо́щная Засту́пнице! Приими́ хвале́бно благода́рственное пе́ние сие́ от нас, недосто́йных раб Твои́х, и вознеси́ моли́твы на́ша ко Престо́лу Бо́га Сы́на Твоего́, да ми́лостив бу́дет непра́вдам на́шим, и проба́вит благода́ть Свою́ чту́щим всечестно́е и́мя Твое́ и с ве́рою и любо́вию покланя́ющимся чудотво́рному о́бразу Твоему́. Не́смы бо досто́йни от Него́ поми́ловани бы́ти, а́ще не Ты уми́лостивиши Его́ о нас, Влады́чице, я́ко вся Тебе́ от Него́ возмо́жна суть. Сего́ ра́ди к Тебе́ прибега́ем, я́ко к несомне́нней и ско́рой Засту́пнице на́шей: услы́ши нас, моля́щихся Тебе́, осени́ нас вседержа́вным покро́вом Твои́м, и испроси́ у Бо́га Сы́на Твоего́: па́стырем на́шим ре́вность и бде́ние о душа́х, градоправи́телем му́дрость и си́лу, судия́м пра́вду и нелицеприя́тие, наста́вником ра́зум и смиренному́дрие, супру́гом любо́вь и согла́сие, ча́дом послуша́ние, оби́димым терпе́ние, оби́дящим страх Бо́жий, скорбя́щим благоду́шие, ра́дующимся воздержа́ние, всем же нам дух ра́зума и благоче́стия, дух милосе́рдия и кро́тости, дух чистоты́ и пра́вды. Ей, Госпоже́ Пресвята́я, умилосе́рдися на немощны́я лю́ди Твоя́; разсе́янныя собери́, заблу́ждшия на путь пра́вый наста́ви, ста́рость поддержи́, ю́ныя уцелому́дри, младе́нцы воспита́й, и при́зри на всех нас призре́нием ми́лостиваго Твоего́ заступле́ния, воздви́гни нас из глубины́ грехо́вныя и просвети́ серде́чныя о́чи на́ша ко зре́нию спасе́ния, ми́лостива нам бу́ди зде и та́мо, в стране́ земна́го прише́льствия и на стра́шнем суде́ Сы́на Твоего́; преста́вльшияся же в ве́ре и покая́нии от жития́ сего́ отцы́ и бра́тию на́шу в ве́чней жи́зни со А́нгелы и со все́ми святы́ми жи́ти сотвори́. Ты бо еси́, Госпоже́, Сла́ва Небе́сных и Упова́ние земны́х, Ты по Бо́зе на́ша Наде́жда и Засту́пница всех, притека́ющих к Тебе́ с ве́рою. К Тебе́ у́бо мо́лимся, и Тебе́, я́ко Всемогу́щей Помо́щнице, са́ми себе́ и друг дру́га и весь живо́т наш предае́м, ны́не и при́сно и во ве́ки веко́в. Ами́нь.

Апостолу от 70-ти Анании Дамасскому

Тропарь апостолу от 70-ти Анании Дамасскому, глас 3

Апо́столе святы́й Ана́ние,/ моли́ Ми́лостиваго Бо́га/ да прегреше́ний оставле́ние// пода́ст душа́м на́шим.

Перевод: Апостол святой Анания, моли милостивого Бога да прегрешений прощение подаст душам нашим.

Кондак апостолу от 70-ти Анании Дамасскому, глас 2

В моли́твах тепле́йший засту́пниче/ и прося́щим скоре́йший послу́шателю,/ приими́ моле́ние, Ана́ние, на́ше/ и Христа́ моли́ поми́ловати ны,// Еди́наго во святы́х Почива́ющаго.

Перевод: В молитвах горячий защитник и просьб скорейший исполнитель, прими моление, Анания, наше и Христа моли помиловать нас, Единого во святых Почивающего.

Преподобному Роману Сладкопевцу

Тропарь преподобному Роману Сладкопевцу, глас 8

В тебе́, о́тче, изве́стно спасе́ся е́же по о́бразу:/ прии́м бо крест, после́довал еси́ Христу́/ и, де́йствуя, учи́л еси́ презира́ти у́бо плоть, прехо́дит бо,/ прилежа́ти же о души́ ве́щи безсме́ртней.// Те́мже и со А́нгелы сра́дуется, преподо́бне Рома́не, дух твой.

Перевод: В тебе, отче, точно сохранилось то, что в нас по Божию образу: ибо взяв свой крест, ты последовал за Христом, и делом учил пренебрегать плотью, как преходящей, заботиться же о душе, творении бессмертном. Потому и радуется с Ангелами, преподобный Роман, дух твой.

Ин тропарь преподобному Роману Сладкопевцу, глас 3

От ю́ности житию́ равноа́нгельному ревну́я,/ ве́ру, смиренному́дрие и терпе́ние стяжа́в,/ преподо́бне Рома́не Сладкопе́вче,/ оби́тель Свята́го Ду́ха был еси́,/ та́же избра́нник Бо́жия Ма́тере яви́лся еси́,/ и от Нея́ ми́лостивно сподо́бися да́ра сла́вити Бо́га./ Сего́ ра́ди моли́ся о нас, недосто́йных ученице́х твои́х,// да воспое́м с тобо́ю сладкогла́сно сла́ву нас ра́ди Воплоти́вшемуся Преве́чному Бо́гу.

Перевод: С юности житию равноангельному ревнуя, веру, смиренномудрие и терпение стяжав, преподобный Роман Сладкопевец, ты стал обителью Святого Духа и избранником Божией Матери, и от Нее удостоился милостивого дара прославлять Бога. Потому молись о нас, недостойных учениках твоих, да воспоем с тобой сладкогласно славу нас ради воплотившемуся Превечному Богу.

Кондак преподобному Роману Сладкопевцу, глас 8

Боже́ственными доброде́тельми ду́ха/ измла́да украси́вся, Рома́не прему́дре,/ Це́ркви Христо́ве пречестно́е украше́ние был еси́:/ пе́нием бо прекра́сным украси́в ю́, блаже́нне./ Тем мо́лим тя: пода́ждь жела́ющим Боже́ственнаго дарова́ния твоего́,/ я́ко да вопие́м ти:// ра́дуйся, о́тче преблаже́нне, красото́ церко́вная.

Перевод: Божественными добродетелями духа с молодости украсившись, Роман премудрый, ты стал почитаемым украшением Церкви Христовой, ибо прекрасным пением украсил Ее, блаженный. Потому молим тебя: подай желающим Божественное дарование твое, да взываем к тебе: «Радуйся, отче преблаженный, красота церковная».

Молитва преподобному Роману Сладкопевцу

Преподобне отче Романе! Воззри на нас милостивно и к земли приверженных возведи к высоте небесней. Ты горе на небеси, мы на земли низу, удалены от тебе, не толико местом, елико грехми своими и беззаконии, но к тебе прибегаем и взываем: настави нас ходити путем твоим, вразуми и руководствуй. Вся твоя святая жизнь бысть зерцалом всякия добродетели. Не престани, угодниче Божий, о нас вопия ко Господу. Испроси предстательством своим у Всемилостиваго Бога нашего мир Церкви Его, под знамением креста воинствующей, согласие в вере и единомудрие, суемудрия же и расколов истребление, утверждение во благих делех, больным исцеление, печальным утешение, обиженным заступление, бедствующим помощь. Не посрами нас, к тебе с верою притекающих. Вси православнии христиане, твоими чудесы исполненнии и милостями облагодетельствованнии, исповедуют тя быти своего покровителя и заступника. Яви древния милости твоя, и ихже отцем всепомоществовал еси, не отрини и нас, чад их, стопами их к тебе шествующих. Предстояще всечестней иконе твоей, яко тебе живу сущу, припадаем и молимся: приими моления наша и вознеси их на жертвенник благоутробия Божия, да приимем тобою благодать и благовременную в нуждех наших помощь. Укрепи наше малодушие и утверди нас в вере, да несомненно уповаем получити вся благая от благосердия Владыки молитвами твоими. О, превеликий угодниче Божий! Всем нам, с верою притекающим к тебе, помози предстательством твоим ко Господу, и всех нас управи в мире и покаянии скончати живот наш и преселитися со упованием в блаженныя недра Авраамова, идеже ты радостно во трудех и подвизех ныне почиваеши, прославляя со всеми святыми Бога, в Троице славимаго, Отца и Сына и Святаго Духа, ныне и присно и во веки веков. Аминь.

Молитва вторая преподобному Роману Сладкопевцу

О, преблаже́нне о́тче наш, Рома́не Сладкопе́вче! При́зри от го́рния сла́вы на нас, смире́нных и немощны́х, твоея́ по́мощи и утеше́ния прося́щих. Прини́кни к нам благосе́рдием твои́м и помози́ за́поведи Госпо́дни непоро́чно сохраня́ти, ве́ру правосла́вную кре́пко содержа́ти, покая́ние во гресе́х на́ших усе́рдно Бо́гу приноси́ти. Научи́ нас, уневе́стившихся Христу́, рабо́тати Ему́ со стра́хом и ра́доватися с тре́петом. Изба́ви нас от печа́ли и уны́ния, отжени́ от нас го́рдость и славолю́бие, да воспое́м сла́ву Бо́жию, да восхо́щем то́кмо сла́вы Небе́сныя. О, святы́й о́тче, всели́ в нас любо́вь нелицеме́рную к бли́жним, послуша́ние безро́потное нача́льником и страх Бо́жий в сердца́ на́ша. Да́руй позна́ти сла́дость отрече́ния во́ли своея́, ве́рой кре́пкой во благо́е Промышле́ние Бо́жие о спасе́нии челове́ка освяти́ ду́ши на́ша. Низпосли́ нам благослове́ние от Го́спода, да понесе́м благо́е и́го Христо́во в долготерпе́нии до конца́ дней на́ших, да сподо́бимся с му́дрыми де́вами вни́ти во бра́чный черто́г Жениха́ своего́ Небе́снаго и ку́пно со А́нгелами воспева́ти сла́ву вели́чия Его́, Отца́, и Сы́на, и Свята́го Ду́ха во ве́ки веко́в. Ами́нь.

Преподобному Савве Вишерскому, Новгородскому

Тропарь преподобному Савве Вишерскому, Новгородскому, глас 4

От ю́ности твоея́ весь Бо́гу порабо́тился еси́, блаже́нне,/ и Того́ ра́ди любве́ оте́чество и род оста́вил еси́,/ в пусты́ню всели́вся,/ и в ней жесто́кое житие́ показа́в,/ чуде́с дарова́ния от Го́спода прия́л еси́,/ Са́вво преподо́бне:// моли́ Христа́ Бо́га, спасти́ся душа́м на́шим.

Перевод: С юности твоей весь Богу предал себя, блаженный, и ради любви к Нему отечество и родных оставил, в пустыни поселился, и в ней явив суровое житие, дарование чудотворений от Господа получил, Савва преподобный, моли Христа Бога о спасении душ наших.

Кондак преподобному Савве Вишерскому, Новгородскому, глас 8

Отече́ства преподо́бне удали́вся,/ и всели́вся в пусты́ню,/ и та́мо на столп вше́д, иде́же жесто́кое житие́ показа́л еси́,/ и мно́гих житие́м удиви́в,/ отню́дуже дарова́ние чуде́с от Христа́ прия́л еси́,/ помина́й нас, честву́ющих па́мять твою́, да зове́м ти:// ра́дуйся, Са́вво, о́тче наш.

Перевод: Отечества, преподобный, удалился и вселился в пустынь, и там на столп взошел, где суровое житие явил ты, и многих этим удивил, потому дарование чудотворений от Христа ты принял, вспоминай нас, почитающих память твою, да взываем к тебе: «Радуйся, Савва, отче наш».

Молитва первая преподобному Савве Вишерскому, чудотворцу

О, вели́кий уго́дниче, пресла́вный чудотво́рче и оби́тели сея́ богодухнове́нный наста́вниче, Са́вво всеблаже́нне, душе́ю на Небеси́ Престо́лу всех Царя́ предстоя́щий, те́лом же во святе́й оби́тели сей почива́ющий, и разли́чная чудеса́ повсю́ду моли́твами твои́ми соверша́яй, при́зри ми́лостивно на предстоя́щия и твоего́ ко Го́споду Бо́гу хода́тайства во обдержа́щих ну́ждах лю́ди прося́щия: вси бо мы, по мно́жеству грехо́в на́ших, не то́чию сме́ем принести́ когда́ моле́бный глас, но ниже́ возвести́ оче́с свои́х на Не́бо; ты же, я́ко стяжа́вый дерзнове́ние, принеси́ за всех, к честне́й ра́це твое́й притека́ющих, те́плыя моли́твы к Го́споду, е́же изба́витися нам от гла́да, пото́па, тру́са, огня́, меча́ и бра́ни, от люде́й и от диа́вола быва́ющия, и от вся́кия душе́вныя и теле́сныя боле́зни; да изба́вившеся сих и рабо́тая Го́споду, Ему́ же предстои́ши, вни́дем в неконча́емый поко́й и просла́вим та́мо с тобо́ю всех благи́х пода́теля Бо́га, всегда́, ны́не и при́сно, и во ве́ки веко́в, ами́нь.

Молитва вторая преподобному Савве Вишерскому, чудотворцу

О, преизя́щный и вели́кий уго́дниче Госпо́день Са́вво, похваля́ем твоя́ сла́вная чудотворе́ния, прославля́ем житие́ твое́ свято́е; никто́же возмо́жет изчести́ терпе́ние и по́двиги твои́ святы́я; ты бо оте́чество и род оста́вил еси́, в пусты́ню дости́г и, ученики́ собра́в, соста́вил оби́тель, воздви́гнув столп, и на нем подвиза́лся еси́, сохраня́я ста́до твое́ слове́сное; и́же непра́ведно иногда́ наше́дших разбо́йнически на оби́тель твою́ уви́дел еси́ и то́кмо жезла́ ударе́нием устраши́л еси́, и ны́не устраши́, о́тче преподо́бный, всех враго́в, возстаю́щих на нас; умоли́ ми́лостиваго Бо́га, да отпу́стит нам прегреше́ния на́ша и сподо́бит нас ку́пно ра́дости ве́чныя наслажда́тися со все́ми святы́ми, ны́не и при́сно, и во ве́ки веко́в, ами́нь.

Животворящему Столпу и Хитону Господню

Тропарь Животворящему Столпу и Хитону Господню, глас 8

Днесь пра́зднует Свята́я Це́рковь,/ чту́щи Столп Животворя́щий и Хито́н Госпо́день,/ и́же Свет просия́ша во вся концы́ вселе́нныя/ и жи́зни свято́е ми́ро источи́ша./ Сего́ ра́ди Всесвяте́й Богома́тери и ро́ждшемуся от Нея́ Христу́// покланя́емся во спасе́ние душ на́ших.

Перевод: Сегодня празднует Святая Церковь, почитая Столп Животворящий и Хитон Господень, которые просияли Светом во все пределы вселенной и жизни святое миро источили. Потому Всесвятой Богоматери и родившемуся от Нее Христу поклоняемся для спасения душ наших.

Кондак Животворящему Столпу и Хитону Господню, глас 8

В Го́рней борьбе́ за мя непобеди́мый помо́щниче,/ Сто́лпе святы́й и Богоосия́нный, мир просвеща́яй,/ я́ко мо́лния освеща́яй Небесноподо́бную пелену́ — свы́ше истка́нный Хито́н Госпо́день,/ украша́яй же воспева́ющия и пра́зднующия торжество́ твое́,/ да́руй сугу́бое озаре́ние и ра́дость пою́щим ти:// ра́дуйся, Сто́лпе, Бо́гом осия́нный.

Перевод: В Небесной битве за меня непобедимый помощник, Столп святой, Богом осиянный, мир просвещающий, как молния освещающий подобную Небесам пелену - сотканный свыше Хитон Господень, украшающий воспевающих и празднующих торжество твое, даруй особое озарение и радость поющим тебе: «Радуйся, Столп, Богом осиянный».

Священномученику Алексию Ставровскому

Тропарь священномученику Алексию Ставровскому, глас 5

Ревнитель отеческих преданий явился еси,/ священномучениче Алексие,/ обличивший нечестие гонителей Церкве Христовы,/ пастырь честной града Петрова,/ проповедник безбоязненный Истины Божия,/ молися выну ко Господу,/ да избавит нас от бед и скорбей,// чтущих святую память твою.

Перевод: Ревнителем святоотеческих учений стал ты, священномученик Алексий, обличивший нечестие гонителей Церкви Христовой, пастырь почитаемый города Петра, проповедник бесстрашный Истины Божией, молись всегда ко Господу, да избавит нас от бед и скорбей, почитающих святую память твою.

Ин тропарь священномученику Алексию Ставровскому, глас 5

Морскаго воинства пастырь доблестный был еси,/ неустанное попечение о пастве своей имея,/ и жизнь свою мученичеством увенчал еси,/ обличивши нечестие гонителей Церкве Христовой,/ священномучениче Алексие,/ проповедник безбоязненный Истины Божией,/ молися выну ко Господу,// да избавит от бед и скорбей чтущих святую память твою.

Перевод: Морского воинства ты был пастырем доблестным, неустанную заботу о пастве своей имея, увенчал жизнь свою мученичеством, обличив нечестие гонителей Церкви Христовой, священномученик Алексий, проповедник бесстрашный Истины Божией, молись всегда ко Господу, да избавит от бед и скорбей почитающих святую память твою.

Кондак священномученику Алексию Ставровскому, глас 3

Во граде святаго Петра священнодействитель показался еси,/ Христово бо, Алексие, Евангелие исполнил,/ положил еси душу твою о людех твоих,/ и спасл еси иерея от смерти,/ сего ради и освятился еси,// яко великий таинник Божия благодати.

Перевод: В городе святого Петра ты совершал священное служение, ибо Христово Евангелие, Алексий, исполнил, отдал жизнь за людей своих и спас иерея от смерти, потому и освятился ты, как великий таинник Божией благодати.

Священномученику Николаю Кулигину, пресвитеру Петербургскому

Тропарь священномученику Николаю Кулигину, пресвитеру Петербургскому, глас 5

Ублажим, людие, пресвитера слободы Рыбацкия,/ священномученика Николае,/ доблестно за веру подвизавшагося,/ и венцем мученическим от Господа увенчавшагося,/ и в сонме святых Церкве Российския водворившагося,/ новаго молитвенника// и предстателя о душах наших.

Перевод: Прославим, люди, пресвитера слободы Рыбацкой, священномученика Николая, доблестно за веру подвизавшегося, и венцом мученическим от Господа увенчавшегося, и в сонме святых Церкви Российской водворившегося, нового молитвенника и ходатая о душах наших.

Пресвятой Богородице пред иконой Ея «Барской»

Молитва Пресвятой Богородице пред иконой Ея «Барской»

Богопрославленная, всемирно воспеваемая Госпоже Мати Вседержителева Богородице Марие!
Приими нашу сию от полноты сердец любящих Тя, приносимую Тебе пред святою Твоею иконою молитву. Якоже до сего дне и часа милостиво покрывала еси вся люди, притекающия в храм сей, тако и в предняя благоспопеши нам во всех делех и начинаниих наших, яже не возбраняют нашему вечному спасению. Ты веси немощь нашу, зришы скорби, нужды и смущения отовсюду находящия, но вся сия можеши единым токмо воззрением Твоим умирити, аще токмо восхощеши помощи нам. Вемы, яко грех ради наших несмы достойни милосердия Твоего, но Ты, Рождшая пришедшаго в мир грешники спасти, спаси и нас на всяк день и час согрешющих. Укрепи слабую волю и немощное произволение наше и оживотвори нас духом истиннаго покаяния.
Да тако очишении зде Твоего покрова достойни будем и с горящим светильники добродетелей в Страну Небесную прейдем невозбранно, идеже сподобимся поклонитися Тебе, Пречистая Госпоже, славяще избравшую и возвеличившую Тя Пресвятую Троицу, Отца и Сына, и Святаго Духа во веки веков. Аминь.

Пресвятой Богородице пред иконой Ея «Псково-Покровской»

Тропарь Пресвятой Богородице пред иконой Ея «Псково-Покровской», глас 4

Днесь све́тло красу́ется Богоспаса́емый град Псков/ и вся страна́ Росси́йская/ прише́ствием Ма́тери Бо́га Вы́шняго/ на избавле́ние гра́да сего́ от ва́рварскаго плене́ния./ Услы́ша плач и сле́зы раб Свои́х,/ ско́ро приклони́ся на мольбу́ к Сы́ну Своему́ и Бо́гу на́шему,/ и моле́нием Свои́м гнев Бо́жий укроти́ и весь мир просвети́,/ и град сей от ско́рби на ра́дость премени́./ О, ди́вному зна́мению,/ ка́ко Пресвята́я Влады́чице прии́де на возду́се и в це́рковь Свою́/ и на забра́ло гра́да Пско́ва/ и призва́ уго́дников свои́х, благове́рных князе́й,/ и поноси́ в лю́дех беззако́ние./ И Свое́ю пречи́стою руко́ю ука́зоваше на пога́наго зла́го ва́рвара/ и его́ сове́т на разруше́ние./ Возвесели́ся, Богоспаса́емый гра́де Пско́ве/ и все Правосла́вие, име́юще такову́ Засту́пницу непобори́му./ Днесь притеце́м, ве́рнии,/ в дом спаси́тельный Влады́чицы Богоро́дицы,/ све́тло пра́зднуя,/ и ко свято́му Ея́ о́бразу со слеза́ми припаде́м, вопию́ще и глаго́люще:/ О, Всеми́лостивая Госпоже́ Влады́чице Богоро́дцие,/ моли́ся Сы́ну Своему́ Христу́ Бо́гу на́шему/ спасти́ правосла́вныя лю́ди и град сей изба́вити от о́гненнаго запале́ния/ и от нахожде́ния пога́ных и междоусо́бныя бра́ни,// и спасти́ ду́ши на́ша я́ко Милосе́рдая.

Перевод: Сегодня светло торжествует Богоспасаемый город Псков и вся страна Российская пришествие Матери Бога Всевышнего на избавление города этого от языческого пленения. Услышав плач и слезы рабов Своих, поспеши обратиться с молитвой к Сыну Своему и Богу нашему, и молением Своим гнев Божий укроти и весь мир просвети, и город этот от скорби к радости обрати. О, удивительное знамение - Пресвятая Владычица по воздуху вошла в церковь Свою, в крепость города Пскова, и призвала угодников своих, благоверных князей, и осудила человеческие беззакония, и Своей пречистой рукой указала на поганого злого язычника и замысел его разрушила. Возрадуйся, Богоспасаемый город Псков и все Православие, имея такую непобедимую Защитницу. Сегодня соберемся, верующие, в доме спасительном Владычицы Богородицы, светло празднуя, и ко святому Ее образу со слезами припадем, взывая и говоря: «О, Всемилостивая Госпожа Владычица Богородица, молись Сыну Своему, Христу Богу нашему, спасти православных людей и город этот избавить от пожара и нашествия язычников, и междоусобной войны, и спасти души наши, как Милосердная».

Кондак Пресвятой Богородице пред иконой Ея «Псково-Покровской», глас 8

Засту́пнице христиа́н, Предста́тельнице гра́ду на́шему Пско́ву,/ услы́ши моли́тву раб Свои́х, Влады́чице Богоро́дице,/ и ско́рым Свои́м прише́ствием светолу́чными заря́ми раб Свои́х возвесели́/ и торжествова́ти устро́и, в беде́ и в се́товании возвесели́,/ и завеща́ во гра́де моли́ти Святу́ю Тро́ицу,/ и Сама́ обеща́ся моли́ти Ю́./ О, пресла́вному чудесе́,/ ка́ко Небе́сная Цари́це к земны́м прии́де изба́вити рабы́ Своя́ погиба́ющия./ О, ди́вному зна́мению,/ ка́ко вразумля́юще рабы́ Своя́, ка́ко бы умоли́ти Святу́ю Тро́ицу./ О, Всеми́лостивая Влады́чице Богоро́дице,/ а́ще не бы Ты предстоя́ла, моля́щи за ны,/ кто бы нас изба́вил от толи́кия беды́,/ я́ко не и́мамы ины́я по́мощи и наде́жды, ра́зве Тебе́, Влады́чице,/ Твои́ бо раби́, да не поги́бнем,/ и потщи́ся на умоле́ние раб свои́х при́сно,// Богоро́дице, чту́щих Тя.

Перевод: Защитница христиан, Покровительница города нашего Пскова, услышь молитву рабов Своих, Владычица Богородица, и быстрым Своим пришествием лучезарным светом рабов Своих обрадуй, и повели в городе молить Святую Троицу, и Сама пообещай молить Ее. О, удивительное чудо - Небесная Царица к земным пришла, чтобы освободить рабов Своих погибающих. О, дивное знамение, как Она вразумляет рабов Своих, чтобы мы молили Святую Троицу. О Всемилостивая Владычица Богородица, если бы не Ты нас защищала, молясь о нас, кто бы нас избавил от таких бед, так как не имеем другой помощи и надежды кроме Тебя, Владычица. Ибо мы твои рабы, да не погибнем, и поспеши на молитвы рабов Своих всегда, Богородица, почитающих Тебя.

Пресвятой Богородице пред иконой Ея «Покров Пресвятой Богородицы»

Молитва Пресвятой Богородице пред иконой Ея «Покров Пресвятой Богородицы»

О, Пресвята́я Де́во, Ма́ти Го́спода вы́шних сил, Небесе́ и земли́ Цари́це, гра́да и страны́ на́шея Всемо́щная Засту́пнице! Приими́ хвале́бно благода́рственное пе́ние сие́ от нас, недосто́йных раб Твои́х, и вознеси́ моли́твы на́ша ко Престо́лу Бо́га Сы́на Твоего́, да ми́лостив бу́дет непра́вдам на́шим, и проба́вит благода́ть Свою́ чту́щим всечестно́е и́мя Твое́ и с ве́рою и любо́вию покланя́ющимся чудотво́рному о́бразу Твоему́. Не́смы бо досто́йни от Него́ поми́ловани бы́ти, а́ще не Ты уми́лостивиши Его́ о нас, Влады́чице, я́ко вся Тебе́ от Него́ возмо́жна суть. Сего́ ра́ди к Тебе́ прибега́ем, я́ко к несомне́нней и ско́рой Засту́пнице на́шей: услы́ши нас, моля́щихся Тебе́, осени́ нас вседержа́вным покро́вом Твои́м, и испроси́ у Бо́га Сы́на Твоего́: па́стырем на́шим ре́вность и бде́ние о душа́х, градоправи́телем му́дрость и си́лу, судия́м пра́вду и нелицеприя́тие, наста́вником ра́зум и смиренному́дрие, супру́гом любо́вь и согла́сие, ча́дом послуша́ние, оби́димым терпе́ние, оби́дящим страх Бо́жий, скорбя́щим благоду́шие, ра́дующимся воздержа́ние, всем же нам дух ра́зума и благоче́стия, дух милосе́рдия и кро́тости, дух чистоты́ и пра́вды. Ей, Госпоже́ Пресвята́я, умилосе́рдися на немощны́я лю́ди Твоя́; разсе́янныя собери́, заблу́ждшия на путь пра́вый наста́ви, ста́рость поддержи́, ю́ныя уцелому́дри, младе́нцы воспита́й, и при́зри на всех нас призре́нием ми́лостиваго Твоего́ заступле́ния, воздви́гни нас из глубины́ грехо́вныя и просвети́ серде́чныя о́чи на́ша ко зре́нию спасе́ния, ми́лостива нам бу́ди зде и та́мо, в стране́ земна́го прише́льствия и на стра́шнем суде́ Сы́на Твоего́; преста́вльшияся же в ве́ре и покая́нии от жития́ сего́ отцы́ и бра́тию на́шу в ве́чней жи́зни со А́нгелы и со все́ми святы́ми жи́ти сотвори́. Ты бо еси́, Госпоже́, Сла́ва Небе́сных и Упова́ние земны́х, Ты по Бо́зе на́ша Наде́жда и Засту́пница всех, притека́ющих к Тебе́ с ве́рою. К Тебе́ у́бо мо́лимся, и Тебе́, я́ко Всемогу́щей Помо́щнице, са́ми себе́ и друг дру́га и весь живо́т наш предае́м, ны́не и при́сно и во ве́ки веко́в. Ами́нь.

Молитва вторая Пресвятой Богородице пред иконой Ея «Покров Пресвятой Богородицы»

Цари́це моя́ Преблага́я, Наде́ждо моя́ Пресвята́я, прия́телище си́рым и стра́нным Засту́пнице, бе́дствующих по́моще и озлобля́емых покро́ве, зри́ши мою напа́сть, зри́ши мою́ скорбь: отвсю́ду искуше́нием одержи́м есмь, а заступа́ющаго несть. Ты у́бо сама́ помози́ ми я́ко не́мощну, окорми́ мя я́ко стра́нна, наста́ви я́ко заблу́ждша, уврачу́й и спаси́ я́ко безнаде́жна. Не и́мам бо ины́я по́мощи, ни ина́го предста́тельства, ни утеше́ния, то́кмо Тебе́, о Ма́ти всех скорбя́щих и обремене́нных! При́зри у́бо на мя, гре́шнаго и во озлобле́нии су́щаго, и покры́й мя пресвяты́м омофо́ром Твои́м, да изба́влен бу́ду от зол, мя обыше́дших, и восхвалю́ вы́ну препе́тое и́мя Твое́. Ами́нь.

Притча дня

Человек шел по берегу и вдруг увидел мальчика, который поднимал что-то с песка и бросал в море. Человек подошел ближе и увидел, что мальчик поднимает с песка морские звезды. Они окружали его со всех сторон. Казалось, на песке — миллионы морских звезд,  берег был буквально усеян ими на много километров.

— Зачем ты бросаешь этих морских звезд в воду? — спросил человек, подходя ближе.

— Если они останутся на берегу до завтрашнего утра, когда начнется отлив, то погибнут, — ответил мальчик, не прекращая своего занятия.

— Но это просто глупо! — закричал человек. — Оглянись! Здесь миллионы морских звезд, берег просто усеян ими. Твои попытки ничего не изменят!

Мальчик поднял следующую морскую звезду, на мгновение задумался, бросил ее в море и сказал:

— Нет, мои попытки изменят очень много... для этой звезды.

Проповедь дня

Перейти в раздел «Проповеди»

Книги, статьи, стихи



Кроссворды. Кроссворды. Кроссворд «Праздник Покров Пресвятой Богородицы»

Кроссворд «Праздник Покров Пресвятой Богородицы»►


Кроссворды. Кроссворды. Кроссворд «Прп. Роман Сладкопевец»

Кроссворд «Прп. Роман Сладкопевец»►


Случайный тест

(19 голосов: 4.84 из 5)