Молитвы русских поэтов. XI-XIX. Антология

Молитвы русских поэтов. XI-XIX. Антология - Алексей Онуфриев

(34 голоса: 3.8 из 5)
СодержаниеПолный текст Пред. главаСлед. глава 

Алексей Онуфриев

Онуфриев Алексей Захарьевич (середина XVII века) – сын дьяка Казенного приказа, в 1650-е годы служил подьячим в Приказе Большого дворца. Сохранился его акростих: «Слози приказу болшаго дворцы подиачего Алексия Захариева сина Анофриева первое написася в славу кресту». Как предполагают исследователи, его стихотворение «в славу кресту» связано с основанием в 1652 году патриархом Никоном Крестного монастыря на Белом море.

Стихи Кресту Господню похвальни двоестрочни

Крест – упование благое благочестивым,

Крест – победа велия злочестивым.

Крест – царю нашему на враги его победа велия,

Крест – святому его семени исполнения веселия.

Крест – православному их царствию утвержение,

Крест – благочестивей палате и воем их отражение.

Крест – на ляхов и мусульман победитель,

Крест – всем еретикам прогонитель.

Креста силою и действом дело сие начася,

Креста божественным дарованием скончася.

Аминь.

Стихи двоестрочни о книзе сей, образу Спасову благодарни и Богородице молебни, от черленых слов имущи разум некаков

Иисус руце имеет возвышени,

Сим бо врази мои низложени.

Христос имеет руце распростерта,

Сего бо ради злыя ми мысли стерти.

Спас мой Матери Своея прошения внят

И Крестителя Своего моление прият.

Владыко мой милость Свою на мне излия,

Благодать бо в мя Пресвятаго Духа влия.

Господь мой человеколюбием си мя возвесели.

Мысли бо благи в сердце мое всели.

Бог мой благих Своих мя преисполни,

Смысл бо мой буй добрых наполни.

Вседержитель рукама си благословляет,

Начатии ми дело сие повелевает.

Рождьшая Его и Креститель руце молебне простирают

И тако мя сим к делу сему вооружают.

Владычица премудрости, вразуми мя,

И Ты, Единородный Сыне, просвети мя.

Богородице, подаждь ми разум начати,

И Ты, Христос Боже, смысл скончати.

Присно Богомати, к Тебе прибегаю

И помощь Твою призываю.

Дево Пресвятая, способствуй ми, грешному,

И сотвори мя коснутися делу внешному.

Марие, Христа Бога Мати,

О Тебе хочу начатии

И сие повеление царево написати,

Вразуми мя, Госпожа Царица, скончати.

Аминь.

Ини стихи всечестному и животворящему Кресту Господню изъяснителни, благодарим, молебни, двоестрочни же по акрастихи, еже есть по краегранеси

Словословлю тя, кресте пресвятый,

Лобызаю тя, кресте пречестный.

О Тебе бо православнии царие царствуют,

Земнии владетели властвуют,

И архиереи слово истинный исправляют,

Патриарси и епископи престоли украшают.

Радуется чин монашеский,

Иерейский и церковный всяческий.

Князей лицы сликовствуют,

А множество народа торжествуют.

Земленороднии вси радуются,

Ужасно же в преисподних плачются,

Божественною ти силою попрани,

Одержими в тартаре связани.

Ликуют ти безплотных множество,

Шестокрылныи приносят торжество.

Апостолы с праотцы играют,

Господеви своему сице взывают:

«О Царю Боже, Иисусе Христе!

Дивно соделал еси на твоем кресте,

Велия раба гордаго сим связав,

О всех праведницех того истязав».

Радуют же ся и пророчестии лики,

Цари со ерархи и мученики велики.

Адам и Евва ото уз разрешат та ся,

Первыя бо клятвы свободил та ся.

О твоем таинстве, кресте пречестный,

Давыд во царех дивный и честный

Иногда убо в гусли бия взываше,

А гласом си пророчески вопияше.

Чюдну же песню научи пети тебе,

Егда провидев велие таинство о тебе.

Господа Бога нашего, рече, возносите,

О великой его таинстве хвалу принесите,

А подножию ногу его поклоняйтеся,

Любовию и страхом прикасайтеся.

Есть бо сие таинство свято и велико,

К сему бо притекающий приемлют толико.

Иногда Константин пред полки ношаше,

Яковы победы вой его показаше.

Зде убо вторицею сотворися,

Алексий царь того ж сподобися,

Херугови бо его сим изображени,

А и враги его такожде низложени.

Ревность Михайлович яви благочестиву

И сим одоле господарю злочестиву,

Еже не срамляяся носити распятаго на кресте,

В хоруговех же изобразити его везде.

Аще бо в ветсем врагов сим победили,

С Моисеом Аарон людия Божия свободили,

Из Египта бо сих извели,

Но и Чермное море превели.

Аще образом сим Аммалика победи,

Аще горкия воды в сладость претвори.

Но се все бысть действо креста,

О сем вемы чюдодействова бо той всегда.

Фараонову и Амаликову силу той победи,

Росийское царствие от поганов той свободи

И всеа Русии царя возвесели силою Твоею,

Еже покори враги его мощию Своею.

Верному правителю благочестия,

Алексию, искоренителю злочестия.

Православия скипетры содержати устрой,

Елико Константин обдержа в руце его – присвой.

Радость превелику сотвориши Константинуполю

Внегда, честный кресте, совершиши Твою волю,

О сем православнии вси тамо рыдают,

Еже от Тебе великой милости ожидают,

Но свободиши сих от мусулманских рук,

Агарянских насилующих ими внук.

Престол христианский в первую лепоту возведи

И сих, не познавших пропятого, на Тебе низведи,

Седмихолмаго скипетры повели удержати,

Алексия царя семени Алексию ж содержати.

Сила бо Твоя божественная явится,

Яко Византия в руце его утвердится.

Возвыси рог христиан православных,

Силою Твоею низложи злославных.

Людие, седяще во тме, узрят свет велий,

Аще свободятся таковы радости и веселии.

Восхвалят тя выну во вся дни своя,

Удивят бо ся, зряще благодеяния Твоя.

Кресте, Божественная сило недоведомая,

Разреши моих грехов пленица несведомая,

Елико бо хощеши, вся сотвориши,

Силою Твоею царское сие веление совершиши.

Ты еси похвала моя и утвержение,

Устнама моима даждь Твое поучение.

Аминь.

Пред. страница К оглавлениюСлед. страница

Жанры и темы

Сборники духовной поэзии, Русская классика, Молитва

Рекомендуем

Комментировать

 

1 Комментарий

  • Любовь, 17.05.2024
    Создавший текст данной темы владеет мастерством издателя библейского Слова в христианской традиции с присущим канатаходцу талантом изящно, на твердом балансе, удерживать внимание разных людей: и скучающих горожан, и отдыхающих с великих трудов на земле селян, и обычных уличных зевак, и мимоходящих посторонних прохожих, и постоянно куда-то спешащих по важному делу, и сопровождающих в пути.
    Спасибо за работу.
    Ответить »