Азбука веры » Би́блия » Есѳи́рь » гл.9

Есѳи́рь, Глава 9

Толкования

Толкования главы

Толковая Библия А.П. Лопухина

9:1

см.:Есф.3:13;

9:2

9:3

9:4

см.:Есф.8:17;

9:5

9:6

см.:Притч.11:8;

9:7

9:8

9:9

9:10

см.:Исх.17:14;

9:11

9:12

9:13

9:14

9:15

9:16

9:17

9:18

9:19

9:20

9:21

9:22

9:23

9:24

см.:Есф.3:7;

9:25

см.:Есф.9:14;

9:26

9:27

9:28

9:29

см.:Есф.2:15;

9:30

9:31

Церковнослав. (рус. дореф.)

Языки

Во вторыйна́десять ме́сяцъ, иже е́сть Ада́ръ, въ третiйна́десять де́нь ме́сяца прiидо́ша писа́нiя от царя́.

Въ то́й же день погибо́ша супоста́ты Иуде́евъ: ни еди́нъ бо сопроти́вися и́мъ боя́ся и́хъ.

Нача́лствующiи бо стра́намъ и власти́телiе и ца́рстiи книго́чiя почита́ху иуде́й:

стра́хъ бо Мардохе́евъ належа́ше на ни́хъ.

Приложи́ся бо повелѣ́нiе царе́во именова́тися ему́ по всему́ ца́рствiю.

И въ Су́сѣхъ гра́дѣ изби́ша Иуде́е пя́ть со́тъ муже́й:

Фарса́на, неста́нна и делфо́на, и фасга́на

и Фардаѳа́на, и Варе́а и Сарвака́на,

и Мармаси́ма и Руфе́а, и Арсе́а и Завуѳеѳа́ма,

де́сять сыно́въ Ама́на Амадаѳу́ева вуге́анина врага́ Иудеомъ, и́же от Ѳармаѳе́а, и разгра́биша въ то́й де́нь [имѣ́нiя и́хъ]:

и сказа́ша число́ избiе́нныхъ царю́ въ Су́сѣхъ гра́дѣ.

И рече́ ца́рь ко есѳи́ри: изби́ша Иуде́е въ су́сѣъ гра́дѣ пя́ть со́тъ муже́й, по окре́стнымъ же страна́мъ коли́ко, мни́ши, погуби́ша? и чесого́ еще́ проси́ши, и бу́детъ ти́?

И рече́ есѳи́рь ко царю́: да да́стся та́кожде Иуде́омъ твори́ти зау́тра, я́ко да повѣ́сятъ де́сять сыно́въ Ама́новыхъ.

И повелѣ́ ца́рь та́ко бы́ти, и попусти́ Иуде́омъ внѣ́ гра́да повѣ́сити тѣлеса́ сыно́въ Ама́новыхъ.

И собра́шася Иуде́е, и́же въ Су́сѣхъ, въ четвертыйна́десять дее́нь Ада́ра, и изби́ша муже́й три́ста, и ничто́же разгра́биша.

Про́чiи же Иуде́е, и́же во ца́рствiи, собра́шася и себѣ́ помога́ху и почи́ша от бра́ней: изби́ша бо от ни́хъ пятьна́десять ты́сящъ въ третiйна́десять Ада́ра, и ничто́же расхи́тиша.

И почи́ша въ четвертыйна́десять де́нь того́жде ме́сяца и провожда́ху то́й де́нь упокое́нiя съ ра́достiю и весе́лiемъ.

Иуде́е же въ Су́сѣхъ гра́дѣ собра́шася и въ четвертыйна́десять почи́ша: проводи́ша же и пятыйна́десять съ ра́достiю и весе́лiемъ.

Сего́ ра́ди Иуде́е разсѣ́яннiи во вся́цѣй странѣ́ внѣ́шней провожда́ютъ четвертыйна́десять де́нь Ада́ра бла́гъ съ весе́лiемъ, посыла́юще ча́сти кі́йждо бли́жнему: живу́щiй же въ митропо́лiяхъ и въ пятыйна́десять де́нь Ада́ра весе́лiя благі́й провожда́ютъ, посыла́юще ча́сти бли́жним.

Написа́ же Мардохе́й словеса́ сiя́ въ кни́гу и посла́ Иуде́омъ, ели́цы бѣ́ша въ ца́рствiи Артаксе́рксовѣ, бли́зъ и дале́че су́щымъ,

уста́вити дни́ сiя́ бла́ги, е́же провожда́ти четвертыйна́десять и пятыйна́десять де́нь Ада́ра:

въ си́хъ бо дне́хъ почи́ша Иуде́е от вра́гъ свои́хъ: и ме́сяцъ Ада́ръ, и́же обрати́ся и́мъ от пла́ча въ ра́дость и от болѣ́зни во благі́й де́нь, провожда́ти ве́сь во благи́хъ дне́хъ ра́дости и весе́лiя, посыла́юще ча́сти ко друго́мъ и ни́щымъ.

И прiя́ша Иуде́е, я́коже написа́ и́мъ Мардохе́й:

ка́ко Ама́нъ Амадаѳу́евъ македо́нянинъ ра́товаше Иудеевъ, и ка́ко изнесе́ су́дъ и жре́бiй, е́же погуби́ти и́хъ,

и я́ко вни́де ко царю́, глаго́ля, да повѣ́ситъ Мардохе́а: ели́ка нача́ наводи́ти на иуде́и зла́я, на него́ бы́ша, и повѣ́шенъ бы́сть са́мъ и ча́да его́.

Сего́ ра́ди нареко́шася дні́е сі́и фури́мъ ра́ди жре́бiй, зане́ дiале́ктомъ и́хъ жре́бiи нарица́ются фури́мъ, ра́ди слове́съ еписто́лiи сея́, и ели́ка пострада́ша си́хъ ра́ди, и ели́ка и́мъ приключи́шася.

Уста́ви у́бо, и та́ко прiя́ша Иуде́е на себе́ и на сѣ́мя свое́ и на приложи́вшихся къ ни́мъ, ниже́ ина́че да употребля́ютъ: дні́е же сі́и па́мяти соверша́еми по ро́ду и ро́ду, и гра́ду и оте́честву и странѣ́.

Дні́е же сі́и фури́мъ да провожда́ютъ во вся́кое лѣ́то, и па́мять да не оскудѣ́етъ от родо́въ.

И написа́ есѳи́рь царица дщи́ Аминада́вля и Мардохе́й Иуде́анинъ, ели́ка сотвори́ша во утвержде́нiе еписто́лiи о дне́хъ фури́мъ.

И Мардохе́й и есѳи́рь цари́ца уста́виста себѣ́ са́ми, и тогда́ уста́виста въ постѣ́ свое́мъ совѣ́тъ сво́й.

И есѳи́рь сло́во поста́ви во вѣ́ки, и напи́сано бы́сть въ па́мять.