Азбука веры » Би́блия » Сiра́хъ » гл.32

Сiра́хъ, Глава 32

Толкования главы

Толковая Библия А.П. Лопухина

32:1

32:2

32:3

32:4

см.:Иов.12:12-13;

32:5

32:6

см.:Еккл.3:7; Сир.20:7;

32:7

32:8

32:9

32:10

32:11

32:12

32:13

32:14

32:15

см.:Втор.8:10;

32:16

см.:Иер.25:3;

32:17

см.:Сир.14:21; 2Пет.2:20;

32:18

32:19

32:20

32:21

см.:Притч.15:19;

см.:Мих.7:6;

см.:Пс.36:5;

см.:Пс.33:11;

Церковнославянский (рус)

Языки

Старѣ́йшину ли тя́ поста́виша, не возноси́ся, но бу́ди въ ни́хъ я́ко еди́нъ от ни́хъ:

попецы́ся и́ми, и та́ко ся́ди. И всю́ потре́бу твою́ сотвори́въ возля́зи,

да возвесели́шися и́хъ ра́ди и красоты́ ра́ди прiи́меши вѣне́цъ.

Глаго́ли, старѣ́йшино, подоба́етъ бо ти́,

испы́тною хи́тростiю и не возбрани́ мусикі́и:

идѣ́же слу́шанiе [бу́детъ], не излива́й бесѣ́ды и безъ вре́мене не мудри́ся.

Печа́ть Анѳра́кса на украше́нiи зла́тѣ, и сладкогла́сiе мусики́евъ въ пи́ршествѣ вина́.

Во украше́нiи златѣ́мъ печа́ть смара́гдова, сладкопѣ́нiе мусики́евъ по сла́дцѣмъ винѣ́.

Глаго́ли, ю́ноше, а́ще тебѣ́ е́сть потре́ба, едва́ два́щи, а́ще вопроше́нъ бу́деши:

сократи́ сло́во, ма́лыми мно́гая [изглаго́ли]: бу́ди я́ко вѣ́дый и вку́пѣ молчя́.

Посредѣ́ вельмо́жъ не ра́венъ твори́ся и ино́му глаго́лющу не многосло́ви.

Пре́жде гро́ма предваря́етъ мо́лнiя, и пре́жде стыдли́ваго предваря́етъ благода́ть.

Во вре́мя востава́й, а не послѣди́ [ины́хъ], въ до́мъ отиди́ и не лѣни́ся:

та́мо игра́й и твори́ помышле́нiя твоя́, и не согрѣша́й сло́вомъ го́рдымъ.

И о си́хъ благослови́ сотво́ршаго тя́ и упоева́ющаго тя́ от бла́гъ свои́хъ.

Боя́йся Го́спода прiи́метъ наказа́нiе, и у́тренюющiи обря́щутъ благоволе́нiе.

Ища́й зако́на насы́тится его́, и лицемѣ́рствуяй соблазни́тся о не́мъ.

Боя́щiися Го́спода обря́щутъ су́дъ и оправда́нiя я́ко свѣ́тъ возжгу́тъ.

Человѣ́къ грѣ́шникъ укланя́ется от обличе́нiя и по во́ли свое́й обрѣта́етъ извине́нiе.

Му́жъ совѣ́тный не пре́зритъ размышле́нiя, чужды́й же и го́рдый не убои́тся стра́ха и по сотворе́нiи свое́мъ безъ совѣ́та.

Безъ совѣ́та ничесо́же твори́, и егда́ сотвори́ши, не раскаява́йся.

На пути́ паде́нiя не ходи́ и не претыка́йся о ка́менiе:

не вѣ́руй пути́, въ не́мже не претыка́ешися, и от ча́дъ свои́хъ храни́ся.

Во вся́цѣмъ дѣ́лѣ бла́зѣ вѣ́руй душе́ю твое́ю, и́бо сiе́ е́сть соблюде́нiе за́повѣдiй.

Вѣ́руяй зако́ну внима́етъ за́повѣдемъ, и упова́яй на Го́спода не ума́лится.

Глава: