Азбука веры » Би́блия »Евангельские и Апостольские чтения

Евангельские и Апостольские чтения 31 декабря 2025

Евр.10:1–18 (зач. 323). Мк.10:11–16* (зач. 44).* Если совершается служба прав. Симеона Верхотурского, то на литургии – чтения дня и праведного: Гал.5:22-6:2 (зач. 213). Лк.6:17–23 (зач. 24). Если совершается полиелейная служба сщмч. Фаддея, архиеп. Тверского, то на утрене читается Мф.10:16-22 (зач. 36), а на литургии – чтения дня и священномученика: Рим.8:28-39 (зач. 99). Лк.21:12–19 (зач. 106).

Апостола Павла послание к евреям
Евр.10:1-18

см.:Кол.2:17;

см.:Лев.16:34;

10:3

см.:Мих.6:7;Евр.9:12;

10:5

см.:1Цар.15:22;

см.:Пс.39:7-9;Ин.5:46;

10:8

10:9

см.:Евр.9:28;

см.:Евр.9:9;

см.:Евр.1:3;

см.:Пс.109:1;Пс.2:8;1Кор.15:25;Евр.1:13;

10:14

10:15

см.:Рим.11:27;Евр.8:8;

см.:Иер.31:33-34;

10:18

Церковнослав. (рус. гражд.)

Языки

Сень бо имы́й зако́н гряду́щих благ, а не са́мый о́браз веще́й, на вся́кое ле́то те́миже же́ртвами, и́хже прино́сят вы́ну, никогда́же мо́жет приступа́ющих соверши́ти.

Поне́же преста́ли бы бы́ти приноси́мы, ни еди́ну ктому́ иму́щим со́весть о гресе́х служа́щим, еди́ною очище́нным.

Но в них воспомина́ние грехо́в на ко́еждо ле́то быва́ет.

Невозмо́жно бо кро́ви ю́нчей и ко́злей отпуща́ти грехи́.

Те́мже входя́ в міръ, глаго́лет: же́ртвы и приноше́ния не восхоте́л еси́, те́ло же соверши́л Ми еси́,

Всесожже́ний и {та́кожде}о гресе́ не благоволи́л еси́.

Тогда́ рех: се иду́, [в глави́зне кни́жней написа́ся о Мне,] е́же сотвори́ти во́лю Твою́, Бо́же.

Вы́ше глаго́ля: я́ко же́ртвы и приноше́ния и всесожже́ний и {та́кожде}о гресе́х не восхоте́л еси́, ниже́ благоволи́л еси́, [я́же по зако́ну прино́сятся].

Тогда́ рече́: се иду́ сотвори́ти во́лю Твою́, Бо́же. Отъе́млет пе́рвое, да второ́е поста́вит.

О не́йже во́ли освяще́ни есмы́ принесе́нием те́ла Иису́с Христо́ва еди́ною.

И всяк у́бо свяще́нник стои́т на всяк день служя́ и ты́я же мно́жицею принося́ же́ртвы, я́же никогда́же мо́гут отя́ти грехо́в.

Он же еди́ну о гресе́х прине́с же́ртву, всегда́ седи́т одесну́ю Бо́га.

Про́чее ожида́я, до́ндеже положа́тся врази́ Его́ подно́жие нога́ма Его́.

Еди́нем бо приноше́нием соверши́л есть во ве́ки освяща́емых.

Свиде́тельствует же нам и Дух Святы́й, по рече́нному пре́жде:

Сей заве́т, его́же завеща́ю к ним по днех о́нех, глаго́лет Госпо́дь, дая́ зако́ны Моя́ на сердца́ их, и в помышле́ниих их напишу́ их.

Та́же глаго́лет Госпо́дь: и грехо́в их и беззако́ний их не и́мам помяну́ти ктому́.

А иде́же отпуще́ние сих, ктому́ несть приноше́ния о гресе́х.

Евангелие от Марка
Мк.10:11-16

10:11

10:12

см.:Мф.19:13;Лк.18:15;

см.:Мф.18:4;1Пет.2:2;1Кор.14:20;

см.:Мф.11:25;

см.:Мф.19:15;

Церковнослав. (рус. гражд.)

Языки

И глаго́ла им: и́же а́ще пу́стит жену́ свою́ и оже́нится ино́ю, прелюбы́ твори́т на ню.

И а́ще жена́ пу́стит му́жа {своего́}и пося́гнет за ино́го, прелюбы́ твори́т.

И приноша́ху к Нему́ де́ти, да ко́снется их, ученицы́ же преща́ху принося́щим.

Ви́дев же Иису́с негодова́ и рече́ им: оста́вите дете́й приходи́ти ко Мне и не брани́те им, таце́х бо есть Ца́рствие Бо́жие.

Ами́нь глаго́лю вам, и́же а́ще не прии́мет Ца́рствия Бо́жия я́ко отроча́, не и́мать вни́ти в не.

И обе́м их, возло́жь ру́це на них, благословля́ше их.

Апостола Павла послание к галатам
Гал.5:22-6:2

см.:Кол.3:12;

5:23

см.:Гал.2:20;

5:25

см.:Флп.2:3;

Глава 6

см.:1Кор.10:12;

см.:Ин.13:34;1Фес.5:14;

Церковнослав. (рус. гражд.)

Языки

Плод же духо́вный есть любы́, ра́дость, мир, долготерпе́ние, бла́гость, милосе́рдие, ве́ра,

Кро́тость, воздержа́ние: на таковы́х несть зако́на.

А и́же Христо́вы суть, плоть распя́ша со страстьми́ и похотьми́.

А́ще живе́м ду́хом, ду́хом и да хо́дим.

Не быва́им тщесла́вни, друг дру́га раздража́юще, друг дру́гу зави́дяще.

Бра́тие, а́ще и впаде́т челове́к в не́кое прегреше́ние, вы духо́внии исправля́йте такова́го ду́хом кро́тости: блюды́й себе́, да не и ты искуше́н бу́деши.

Друг дру́га тяготы́ носи́те, и та́ко испо́лните зако́н Христо́в.

Евангелие от Луки
Лк.6:17-23

см.:Мф.4:25;

6:18

см.:Мк.5:30;

см.:Мф.5:3;

см.:Ис.55:1;Ис.61:2;Ис.65:13;

см.:Мф.5:11;

см.:2Пар.36:16;Неем.9:26;Ис.35:10;

Церковнослав. (рус. гражд.)

Языки

Изше́д с ни́ми, ста на ме́сте ра́вне, и наро́д учени́к Его́, и мно́жество мно́го люде́й от всея́ Иуде́и и Иерусали́ма, и помо́рия Ти́рска и Сидо́нска,

И́же приидо́ша послу́шати Его́ и исцели́тися от неду́г свои́х, и стра́ждущии от дух нечи́стых, и исцеля́хуся.

И весь наро́д иска́ше прикаса́тися Ему́, я́ко си́ла от Него́ исхожда́ше и исцеля́ше вся.

И той возве́д о́чи свои́ на ученики́ своя́, глаго́лаше: блаже́ни ни́щии ду́хом, я́ко ва́ше есть Ца́рствие Бо́жие.

Блаже́ни, а́лчущии ны́не, я́ко насы́титеся. Блаже́ни, пла́чущии ны́не, я́ко возсмее́теся.

Блаже́ни бу́дете, егда́ возненави́дят вас челове́цы, и егда́ разлуча́т вы и поно́сят, и пронесу́т и́мя ва́ше я́ко зло, Сы́на Челове́ческаго ра́ди.

Возра́дуйтеся в той день и взыгра́йте, се бо мзда ва́ша мно́га на небеси́. По сим бо творя́ху проро́ком отцы́ их.

Евангелие от Матфея
Мф.10:16-22

см.:Лк.10:3;Рим.16:19;2Кор.1:12;

10:17

10:18

см.:Мк.13:11;Лк.12:11;

10:20

10:21

10:22

Церковнослав. (рус. гражд.)

Языки

Се Аз посыла́ю вас я́ко о́вцы посреде́ волко́в, бу́дите у́бо му́дри я́ко змия́, и це́ли я́ко го́лубие.

Внемли́те же от челове́к, предадя́т бо вы на со́нмы, и на собо́рищах их бию́т вас.

И пред влады́ки же и цари́ веде́ни бу́дете Мене́ ра́ди, во свиде́тельство им и язы́ком.

Егда́ же предаю́т вы, не пецы́теся, ка́ко или́ что возглаго́лете: даст бо ся вам в той час, что возглаго́лете.

Не вы бо бу́дете глаго́лющии, но Дух Отца́ ва́шего глаго́ляй в вас.

Преда́ст же брат бра́та на смерть и оте́ц ча́до, и воста́нут ча́да на роди́тели и убию́т их.

И бу́дете ненави́дими все́ми и́мени Моего́ ра́ди. Претерпе́вый же до конца́, той спасе́н бу́дет.

Апостола Павла послание к римлянам
Рим.8:28-39

см.:Еф.1:4;

см.:2Кор.3:18;Кол.1:18;

см.:Рим.5:9;Рим.9:24;

см.:Пс.55:12;

см.:Ин.3:16;

см.:Ис.50:9;Откр.12:10;

см.:1Ин.2:1;

см.:1Ин.2:28;2Кор.12:10;

см.:Пс.43:23;

см.:1Ин.5:5;1Кор.15:57;Откр.12:11;

см.:Еф.6:12;

8:39

Церковнослав. (рус. гражд.)

Языки

Ве́мы же, я́ко лю́бящим Бо́га вся поспешеству́ют во благо́е, су́щим по предуве́дению зва́нным.

И́хже бо предуве́де, [тех] и предуста́ви сообра́зным бы́ти о́бразу Сы́на Своего́, я́ко бы́ти Ему́ перворо́дну во мно́гих бра́тиях.

А и́хже предуста́ви, тех и призва́, а и́хже призва́, сих и оправда́, а и́хже оправда́, сих и просла́ви.

Что у́бо рече́м к сим, а́ще Бог по нас, кто на ны?

И́же у́бо Своего́ Сы́на не пощаде́, но за ны вся пре́дал есть Его́, ка́ко у́бо не и с Ним вся нам да́рствует?

Кто пое́млет на избра́нныя Бо́жия? Бог оправда́яй.

Кто осужда́яй? Христо́с Иису́с уме́рый, па́че же и воскресы́й, И́же и есть одесну́ю Бо́га, И́же и хода́тайствует о нас.

Кто ны разлучи́т от любве́ Бо́жия? Скорбь ли, или́ теснота́, или́ гоне́ние, или́ глад, или́ нагота́, или́ беда́, или́ мечь? Я́коже есть пи́сано:

Я́ко Тебе́ ра́ди умерщвля́еми есмы́ весь день, вмени́хомся я́коже о́вцы заколе́ния.

Но о сих всех препобежда́ем за Возлю́бльшаго ны.

Извести́хся бо, я́ко ни смерть, ни живо́т, ни А́нгели, ни Нача́ла, ниже́ Си́лы, ни настоя́щая, ни гряду́щая,

Ни высота́, ни глубина́, ни и́на тварь ка́я возмо́жет нас разлучи́ти от любве́ Бо́жия, я́же о Христе́ Иису́се Го́споде на́шем.

Евангелие от Луки
Лк.21:12-19

см.:Мф.10:17;Мф.24:9;Мк.13:9;Ин.15:20;

21:13

см.:Лк.12:11;

см.:Исх.4:12;Деян.6:10;

см.:Мих.7:6;

21:17

21:18

см.:Мф.10:22;

Церковнослав. (рус. гражд.)

Языки

Пре́жде же сих всех, возложа́т на вы ру́ки своя́ и иждену́т, предаю́ще на со́нмища и темни́цы, ведо́мы к царе́м и влады́кам, и́мене Моего́ ра́ди,

Прилучи́тся же вам во свиде́тельство.

Положи́те у́бо на сердца́х ва́ших, не пре́жде поуча́тися отвещава́ти.

Аз бо дам вам уста́ и прему́дрость, е́йже не возмо́гут проти́витися или́ отвеща́ти вси противля́ющиися вам.

Пре́дани же бу́дете и роди́тели и бра́тиею и ро́дом и дру́ги, и умертвя́т от вас.

И бу́дете ненави́дими от всех и́мене Моего́ ра́ди.

И влас главы́ ва́шея не поги́бнет.

В терпе́нии ва́шем стяжи́те ду́ши ва́ша.